ᠮᠥᠩᠬᠡ ᠲᠤᠩᠬᠤ 5-03 Мөнх ТунхMunkh Tunkh
719ᠮᠥᠩᠬᠡ ᠲᠤᠩᠬᠤ ᠲᠠᠪᠤᠳᠤᠭᠠᠷ ᠤᠯᠠᠷᠢᠯ ᠭᠤᠷᠪᠠᠳᠤᠭᠠᠷ ᠠᠩᠭᠢ5-3
ᠮᠥᠩᠬᠡ᠄ ᠬᠥᠪᠴᠢ ᠨᠣᠭᠣᠭᠠᠨ ᠮᠣᠳᠣᠲᠤ ᠶ᠋ᠢᠨ ᠭᠦᠨ ᠳ᠋ᠦ᠍᠂ᠠᠷᠢᠶᠠᠲᠠᠨ ᠪᠠᠰᠠᠷ ᠤ᠋ᠨ ᠠᠶᠤᠮᠰᠢᠭᠲᠤ ᠠᠭᠤᠢ ᠳᠣᠲᠣᠷᠠ ᠠ᠋ᠴᠠ ᠨᠢᠭᠡᠨ ᠦᠯᠦ ᠮᠡᠳᠡᠭᠳᠡᠬᠦ ᠨᠦᠷᠭᠢᠶᠡᠨ ᠰᠣᠨᠣᠰᠳᠠᠬᠤ ᠠᠵᠠᠢ᠃ ᠠᠭᠤᠢ ᠶ᠋ᠢᠨ ᠭᠦᠨ ᠡᠴᠡ ᠣᠢᠷᠠᠲᠤᠨ ᠢᠷᠡᠬᠦ ᠠᠷᠠᠭᠠ ᠰᠢᠳᠦ ᠨᠢ ᠠᠷᠵᠠᠢᠭᠰᠠᠨ᠂ᠠᠪᠤᠷᠭᠤ ᠲᠣᠮᠣ ᠠᠷᠪᠠᠨ ᠲᠠᠪᠤᠨ ᠲᠣᠯᠣᠭᠠᠢ ᠲᠠᠢ᠂ ᠠᠲᠠᠭᠠᠯᠵᠢᠨ ᠬᠠᠷᠠ ᠮᠠᠩᠭᠤᠰ ᠤ᠋ᠨ ᠴᠢᠮᠡᠭᠡ ᠤᠯᠠᠮ ᠯᠠ ᠣᠢᠷᠠᠲᠤᠭᠰᠠᠭᠠᠷ ᠪᠠᠢᠯᠠ᠃
ᠡᠨᠡ ᠦᠶᠡ ᠳ᠋ᠦ᠍ ᠬᠣᠣᠰ ᠦᠭᠡᠢ ᠪᠢᠷᠠ ᠴᠢᠳᠠᠯ ᠲᠠᠢ᠂ ᠣᠯᠠᠨ ᠲᠦᠮᠡᠨᠡ ᠮᠥᠩᠭᠥᠲᠡᠢ ᠮᠡᠷᠭᠡᠨ ᠭᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠡᠷᠡᠯᠬᠡᠭ ᠪᠠᠭᠠᠲᠤᠷ᠂ ᠠᠯᠪᠠᠲᠤ ᠢᠷᠭᠡᠳ ᠢ᠋ᠶ᠋ᠡᠨ ᠬᠠᠮᠠᠭᠠᠯᠠᠨ ᠲᠡᠮᠡᠴᠡᠬᠦ ᠳ᠋ᠦ᠍ ᠪᠡᠯᠡᠨ ᠪᠣᠯᠤᠭᠰᠠᠨ ᠪᠠᠢᠯᠠ᠃ ᠠᠶᠤᠮᠰᠢᠭᠲᠤ ᠠᠷᠢᠶᠠᠲᠠᠨ ᠤ᠋ ᠴᠢᠮᠡᠭᠡ ᠡᠨᠡᠭᠦᠬᠡᠨ ᠳ᠋ᠦ᠍ ᠰᠣᠨᠣᠰᠳᠠᠵᠤ᠂ ᠶᠠᠭᠤ ᠶᠠᠭᠤ ᠦᠭᠡᠢ ᠭᠠᠷᠴᠤ ᠢᠷᠡᠬᠦ ᠲᠡᠢ ᠵᠡᠷᠭᠡᠴᠡᠨ᠂ ᠮᠥᠩᠭᠥᠲᠡᠢ ᠮᠡᠷᠭᠡᠨ ᠢᠯᠳᠦ ᠪᠠᠮᠪᠠᠢ ᠪᠠᠨ ᠠᠭᠰᠠᠨ᠂ᠤᠷᠲᠤ ᠪᠠᠷ ᠠᠮᠢᠰᠬᠤᠭᠠ ᠠᠪᠤᠨ ᠵᠣᠭᠰᠣᠵᠤ ᠪᠠᠢᠯᠠ᠃
ᠲᠤᠩᠬᠤ᠄ ᠲᠡᠭᠡᠭᠰᠡᠨ ᠴᠢᠨᠢ ᠠᠶᠤᠮᠰᠢᠭᠲᠤ ᠠᠷᠢᠶᠠᠲᠠᠨ ᠪᠢᠰᠢ᠂ ᠠᠶᠠᠭᠦᠢ ᠬᠥᠭᠡᠷᠦᠬᠦᠨ ᠪᠢᠴᠢᠬᠠᠨ ᠯᠤᠤ ᠭᠠᠷᠤᠭᠠᠳ ᠢᠷᠡᠵᠡᠢ ᠭᠡᠨᠡ᠃ ᠬᠢ ᠬᠢ᠂ᠲᠡᠭᠡᠭᠰᠡᠨ ᠢ᠋ᠶ᠋ᠡᠨ ᠬᠥᠭᠡᠷᠦᠬᠦᠨ ᠡᠪᠰᠢᠶᠡᠭᠡᠳ ᠠᠷ ᠠᠷ ᠭᠡᠳ ᠡᠭᠳᠡᠭᠦᠦ ᠲᠡᠢ ᠭᠡᠭᠴᠢ ᠨᠢ ᠭᠠᠯ ᠢ᠋ᠶ᠋ᠠᠷ ᠲᠤᠷᠭᠢᠵᠠᠢ᠃
ᠪᠢᠴᠢᠬᠠᠨ ᠯᠤᠤ᠄ᠠ ᠠ᠁ ᠫᠦ ᠦ ᠢᠩᠭᠢᠭᠡᠳ ᠶᠠᠭᠤ ᠪᠣᠯᠤᠭᠠᠳ ᠪᠠᠢᠨᠠ ᠡᠵᠢ ᠠ᠋
ᠮᠥᠩᠬᠡ᠄ ᠭᠡᠰᠡᠨ ᠴᠦ᠍ ᠪᠢᠴᠢᠬᠠᠨ ᠵᠤᠯᠵᠠᠭᠠ ᠪᠠᠨ ᠠᠪᠤᠷᠠᠬᠤ ᠪᠠᠷ ᠡᠵᠢ ᠯᠤᠤ ᠠᠷᠤ ᠠ᠋ᠴᠠ ᠨᠢ ᠠᠭᠤᠷ ᠰᠠᠪᠰᠠᠭᠤᠯᠤᠨ ᠠᠭᠤᠷᠯᠠᠭᠰᠠᠭᠠᠷ ᠭᠠᠷᠴᠤ ᠢᠷᠡᠨᠡ᠃ ᠡᠨᠡ ᠦᠶᠡ ᠳ᠋ᠦ᠍ ᠮᠥᠩᠭᠥᠲᠡᠢ ᠮᠡᠷᠭᠡᠨ ᠤᠯᠠᠮ ᠶᠡᠬᠡ ᠲᠥᠪᠯᠡᠷᠡᠭᠦᠯᠦᠭᠰᠡᠭᠡᠷ ᠳᠠᠭᠠᠷᠢᠯᠲᠠ ᠬᠢᠬᠦ ᠮᠥᠴᠡ ᠶ᠋ᠢ ᠬᠦᠯᠢᠶᠡᠵᠦ ᠪᠠᠢᠯᠠ᠃
ᠲᠤᠩᠬᠤ᠄ ᠲᠡᠭᠡᠭᠡᠳ ᠬᠥᠭᠡᠷᠦᠬᠦᠨ ᠵᠤᠯᠵᠠᠭᠠ ᠪᠠᠨ ᠬᠠᠮᠠᠭᠠᠯᠠᠬᠤ ᠪᠠᠷ ᠲᠡᠭᠦᠨ ᠦ᠌《ᠡᠵᠢ ᠯᠤᠤ》 ᠪᠠᠰᠠ ᠯᠠ ᠵᠢᠵᠢᠭᠬᠡᠨ ᠬᠥᠭᠡᠷᠦᠬᠦᠨ ᠡᠭᠳᠡᠭᠦᠦ ᠲᠡᠢ ᠯᠤᠤ ᠭᠠᠷᠤᠭᠠᠳ ᠢᠷᠡᠵᠡᠢ ᠭᠡᠨᠡ᠃ ᠬᠢ ᠬᠢ
ᠮᠥᠩᠬᠡ᠄ ᠦ᠂ ᠬᠢ ᠬᠢ ᠲᠤᠩᠬᠤ ᠠ᠋᠂ ᠳᠠᠬᠢᠭᠠᠳ ᠯᠠ ᠮᠢᠨᠦ Comment(ᠰᠡᠳᠬᠢᠭᠰᠡᠨ ᠪᠢᠴᠢᠯᠭᠡ ） ᠶ᠋ᠢ ᠢᠳᠡ ᠣᠷᠭᠢᠯ ᠦᠶᠡ ᠳᠡᠭᠡᠷᠡ ᠪᠡᠨ ᠶᠠᠪᠤᠵᠤ ᠪᠠᠢᠬᠤ ᠳ᠋ᠤ᠌ ᠣᠷᠣᠭᠠᠳ ᠢᠷᠡᠬᠦ ᠶᠦ᠍ᠮ ᠠ᠋᠃
ᠲᠤᠩᠬᠤ᠄ ᠠᠭᠤᠴᠢᠯᠠᠭᠠᠷᠠᠢ ᠮᠥᠩᠬᠡ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠪᠦᠬᠦ ᠵᠣᠬᠢᠶᠠᠯ ᠤ᠋ᠳ ᠡᠩᠬᠡ ᠲᠠᠢᠪᠤᠩ ᠪᠠᠢᠪᠠᠯ ᠭᠣᠶᠣ ᠪᠢᠰᠢ ᠭᠡᠵᠡᠢ ᠤᠤ? ᠲᠡᠭᠡᠬᠦ ᠳ᠋ᠦ᠍ ᠪᠡᠨ ᠮᠢᠨᠦ ᠵᠣᠬᠢᠶᠠᠭᠰᠠᠨ ᠵᠢᠵᠢᠭᠬᠡᠨ ᠯᠤᠤ ᠡᠭᠳᠡᠭᠦᠦ ᠲᠠᠢ ᠯᠠ ᠪᠠᠢᠭᠠ ᠪᠢᠵᠡ ᠳᠡ᠂ ᠬᠢ ᠬᠢ᠃
ᠮᠥᠩᠬᠡ᠄ ᠬᠢ ᠬᠢ᠂ ᠲᠡᠢᠮᠦ ᠨᠢ ᠴᠦ᠍ ᠲᠡᠢᠮᠦ ᠯᠡ ᠪᠠᠢᠨᠠ ᠳᠠ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠠᠰᠠᠷᠤ ᠶᠡᠬᠡ ᠰᠦᠷ ᠬᠦᠴᠦ ᠲᠡᠢ ᠪᠠᠭᠠᠲᠤᠷ ᠴᠡᠷᠢᠭ᠂ ᠠᠪᠤᠷᠭᠤ ᠲᠣᠮᠣ ᠮᠠᠩᠭᠤᠰ ᠲᠠᠢ ᠲᠤᠯᠤᠯᠳᠤᠭᠠᠳ᠂ ᠨᠢᠰᠴᠦ ᠪᠠᠭᠤᠵᠤ ᠰᠡᠯᠡᠮᠡ ᠪᠡᠷ ᠨᠢ ᠪᠠᠢᠯᠳᠤᠪᠠᠯ ᠢᠯᠡᠭᠦᠦ ᠰᠦᠷ ᠲᠡᠢ ᠪᠠᠰᠠ ᠭᠣᠶᠣ ᠰᠢᠳᠡ᠃
ᠲᠤᠩᠬᠤ᠄ ᠬᠢ ᠬᠢ᠂ ᠵᠠ ᠵᠠ᠂ ᠣᠢᠯᠠᠭᠠᠯᠠ᠃ ᠮᠥᠩᠬᠡ ᠲᠡᠭᠡᠪᠡᠯ ᠳᠠᠷᠠᠭᠠ ᠪᠠᠷ ᠬᠣᠶᠠᠭᠤᠯᠠ ᠪᠠᠨ ᠳᠠᠢᠰᠤᠨ ᠤ᠋ ᠡᠰᠡᠷᠭᠦ ᠬᠠᠮᠲᠤ ᠲᠤᠯᠤᠯᠳᠤᠵᠤ ᠪᠠᠢᠭᠠ ᠪᠠᠷ ᠵᠣᠬᠢᠶᠠᠪᠠᠯ ᠶᠠᠮᠠᠷ ᠪᠣᠢ? ᠴᠢ ᠲᠤᠯᠤᠯᠳᠤᠭᠠᠳ ᠯᠠ᠂ ᠪᠢ ᠡᠮᠴᠢᠯᠡᠭᠡᠳ ᠯᠡ᠁ ᠠ᠂ ᠬᠢ ᠬᠢ
ᠮᠥᠩᠬᠡ᠄ ᠵᠠ ᠲᠡᠭᠡᠶᠡ ᠲᠤᠩᠬᠤ ᠠ᠋᠂ ᠲᠡᠭᠡᠪᠡᠯ ᠴᠦ᠍ ᠰᠣᠨᠢᠷᠬᠠᠯᠲᠠᠢ ᠶᠠᠭᠤᠮᠠ ᠪᠣᠯᠬᠤ ᠶᠤᠮ ᠪᠠᠢᠨᠠ ᠳᠠ᠃
ᠠᠷᠸᠠ᠄ ᠵᠠ᠂ ᠰᠡᠭᠦᠯᠴᠢ ᠶ᠋ᠢᠨ ᠡᠰᠡᠷᠭᠦᠴᠡᠭᠴᠢᠳ ᠮᠠᠨᠢ ᠢᠯᠠᠵᠤ ᠪᠠᠢᠨᠠ ᠤᠤ? ᠬᠢ ᠬᠢ
ᠲᠤᠩᠬᠤ᠄ ᠬᠢ ᠬᠢ᠂ ᠰᠡᠭᠦᠯᠴᠢ ᠶ᠋ᠢᠨ ᠡᠰᠡᠷᠭᠦᠴᠡᠭᠴᠢᠳ ᠮᠠᠨᠢ ᠳᠣᠯᠣᠭᠠᠨ ᠳ᠋ᠤ᠌ ᠪᠠᠨ ᠴᠤ᠌ ᠣᠷᠣᠵᠤ ᠠᠮᠵᠢᠭᠠ ᠦᠭᠡᠢ ᠪᠠᠢᠨᠠ᠃ ᠬᠢ ᠬᠢ
ᠮᠥᠩᠬᠡ᠄ ᠠᠷᠪᠠᠨ ᠲᠠᠪᠤᠨ ᠲᠣᠯᠣᠭᠠᠢ ᠲᠠᠢ᠂ ᠠᠲᠠᠭᠠᠯᠵᠢᠨ ᠬᠠᠷᠠ ᠮᠠᠩᠭᠤᠰ ᠤ᠋ᠨ ᠡᠰᠡᠷᠭᠦ᠂ ᠰᠦᠷ ᠬᠦᠴᠦᠲᠦ ᠮᠥᠩᠭᠥᠲᠡᠢ ᠮᠡᠷᠭᠡᠨ ᠭᠡᠳ ᠯᠡ ᠶᠠᠭ ᠲᠤᠯᠤᠭᠠᠳ ᠡᠬᠢᠯᠡᠬᠦ ᠭᠡᠵᠦ ᠪᠠᠢᠬᠤ ᠳ᠋ᠤ᠌ ᠲᠤᠩᠬᠤ ᠣᠷᠣᠭᠠᠳ ᠢᠷᠡᠭᠰᠡᠨ ᠠ᠋!
ᠠᠷᠸᠠ᠄ ᠬᠢ ᠬᠢ᠂ ᠮᠠᠨ ᠤ᠋ ᠮᠥᠩᠬᠡ ᠶ᠋ᠢᠨ ᠰᠡᠭᠦᠯᠴᠢ ᠶ᠋ᠢᠨ ᠡᠰᠡᠷᠭᠦᠴᠡᠭᠴᠢᠳComment(ᠰᠡᠳᠬᠢᠭᠰᠡᠨ ᠪᠢᠴᠢᠯᠭᠡ ） ᠶ᠋ᠢ ᠪᠦᠷ ᠯᠡ ᠰᠣᠨᠢᠷᠬᠠᠯᠲᠠᠢ ᠪᠣᠯᠤᠭᠠᠳ ᠪᠠᠢᠭᠠ ᠰᠢᠦ᠃
ᠮᠥᠩᠬᠡ᠄ ᠤᠭ ᠨᠢ ᠲᠡᠢᠮᠦ ᠠ᠋᠂ ᠨᠠᠢᠵᠠ ᠨᠤᠭᠤᠳ ᠲᠠᠢ ᠪᠠᠨ ᠬᠦᠰᠡᠭᠰᠡᠨ ᠳᠦᠷᠢ ᠳ᠋ᠦ᠍ ᠪᠡᠨ ᠣᠷᠣᠭᠠᠳ ᠠᠳᠠᠯ ᠶᠠᠪᠤᠳᠠᠯ ᠵᠣᠬᠢᠶᠠᠭᠠᠳ ᠯᠠ ᠤᠷᠮᠠ ᠲᠠᠢ ᠪᠠᠢᠨᠠ ᠳᠠ᠃
ᠲᠣᠷᠤᠨ᠄ ᠪᠤᠷᠠᠮ ᠲᠠᠢ ᠪᠠᠢᠨᠠ ᠳᠠ᠃
ᠮᠥᠩᠬᠡ᠄ ᠬᠢ ᠬᠠ᠁᠂᠂《ᠪᠤᠷᠠᠮ ᠲᠠᠢ ᠪᠠᠢᠨᠠ》 ᠭᠡᠳᠡᠭ ᠴᠢᠨᠢ《ᠰᠢᠬᠢᠷ ᠲᠡᠢ ᠪᠠᠢᠨᠠ》 ᠭᠡᠰᠡᠨ ᠦᠭᠡ ᠰᠢᠲᠠ᠃
ᠲᠤᠩᠬᠤ᠄ ᠬᠢ ᠬᠢ᠁
ᠲᠣᠷᠤᠨ᠄ ᠬᠢ ᠬᠢ᠂ ᠵᠠ ᠭᠡᠬᠦ ᠳ᠋ᠦ᠍ ᠪᠡᠨ ᠮᠥᠩᠬᠡ ᠰᠡᠮᠡ ᠨᠠᠢᠷᠠᠭᠤᠯᠤᠭᠴᠢ ᠠ᠋᠂ ᠨᠠᠮᠠ ᠶ᠋ᠢ ᠳᠠᠷᠠᠭᠠ ᠶ᠋ᠢᠨ Comment(ᠰᠡᠳᠬᠢᠭᠰᠡᠨ ᠪᠢᠴᠢᠯᠭᠡ ） ᠳ᠋ᠦ᠍ ᠪᠡᠨ ᠡᠰᠡᠷᠭᠦ ᠳᠦᠷᠢ ᠪᠣᠯᠭᠠᠭᠠᠷᠠᠢ᠃ ᠲᠡᠭᠡᠬᠦ ᠦᠭᠡᠢ ᠪᠣᠯ ᠷᠤᠪᠳᠤᠨ ᠲᠣᠷᠤᠨ ᠤ᠋ ᠪᠣᠰᠤᠯᠭᠠ ᠭᠡᠳ ᠪᠠᠢᠬᠤ ᠦᠭᠡᠢ ᠪᠣᠯᠬᠤ ᠭᠡᠳ ᠪᠠᠢᠨᠠ ᠰᠢᠦ ᠳᠡ᠃
ᠠᠷᠸᠠ᠄ ᠬᠢ ᠬᠢ᠁ ᠵᠠ᠂ ᠦᠯᠢᠭᠡᠷ ᠢ᠋ᠶ᠋ᠡᠷ ᠠᠶᠠᠯᠠᠬᠤ ᠴᠠᠭ ᠪᠣᠯᠴᠢᠬᠠᠭᠰᠠᠨ ᠪᠠᠢᠨᠠ ᠰᠢᠦ᠃
ᠮᠥᠩᠬᠡ᠄ ᠦ᠂ ᠬᠢ ᠬᠢ᠂ ᠨᠡᠭᠡᠷᠡᠨ ᠢ᠋ᠶ᠋ᠡᠨ ᠲᠡᠢᠮᠦ ᠪᠠᠢᠨᠠ᠃
ᠠᠷᠸᠠ᠄ ᠵᠠ ᠲᠡᠭᠡᠪᠡᠯ ᠠᠶᠠᠯᠠᠵᠠᠭᠠᠬᠤ ᠤᠤ?
ᠲᠤᠩᠬᠤ᠄ ᠲᠡᠭᠡᠶᠡ ᠲᠡᠭᠡᠶᠡ᠃
ᠮᠥᠩᠬᠡ᠄ok
ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠦᠯᠢᠭᠡᠷ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ᠌᠂《ᠪᠣᠭᠳᠠ ᠮᠡᠷᠭᠡᠨ》ᠭᠡᠭᠴᠢ ᠨᠢᠭᠡᠨ ᠶᠡᠬᠡ ᠠᠯᠳᠠᠷ ᠴᠤᠤ ᠲᠠᠢ ᠠᠩᠴᠢᠨ ᠪᠠᠢᠵᠠᠢ ᠭᠡᠨᠡ᠃ ᠪᠣᠭᠳᠠ ᠮᠡᠷᠭᠡᠨ ᠲᠡᠢ ᠲᠡᠩᠴᠡᠬᠦ ᠲᠡᠢᠮᠦ ᠬᠦᠴᠦᠲᠡᠢ ᠬᠥᠮᠦᠨ ᠬᠠᠮᠢᠭᠠ ᠴᠤ᠌ ᠪᠠᠢᠬᠤ ᠦᠭᠡᠢ ᠭᠡᠵᠦ ᠶᠠᠷᠢᠳᠠᠭ ᠶᠤᠮ ᠰᠠᠨᠵᠠᠢ᠃
ᠨᠢᠭᠡ ᠤᠳᠠᠭᠠ ᠪᠣᠭᠳᠠ ᠮᠡᠷᠭᠡᠨ ᠠᠩ ᠳ᠋ᠤ᠌ ᠶᠠᠪᠤᠭᠠᠳ ᠲᠤᠢᠯ ᠤ᠋ᠨ ᠶᠡᠬᠡ ᠶᠠᠳᠠᠷᠠᠵᠤ᠂ ᠥᠨᠳᠥᠷ ᠠᠭᠤᠯᠠ ᠶ᠋ᠢᠨ ᠲᠠᠭᠲᠤ ᠳ᠋ᠤ᠌ ᠤᠷᠭᠤᠭᠰᠠᠨ ᠨᠢᠭᠡᠨ ᠰᠠᠢᠬᠠᠨ ᠮᠣᠳᠣᠨ ᠤ᠋ ᠰᠡᠭᠦᠳᠡᠷ ᠲᠦ᠍ ᠠᠮᠠᠷᠠᠬᠤ ᠪᠠᠷ ᠬᠡᠪᠲᠡᠵᠦ ᠪᠠᠢᠲᠠᠯᠠ ᠳᠡᠷᠭᠡᠳᠡᠬᠢ ᠬᠠᠳᠠᠨ ᠬᠠᠪᠴᠢᠯ ᠤ᠋ᠨ ᠵᠠᠪᠰᠠᠷ ᠰᠡᠷᠴᠢᠭᠢᠨᠡᠨ ᠤᠷᠤᠰᠬᠤ ᠲᠤᠩᠭᠠᠯᠠᠭ ᠭᠣᠷᠣᠬᠠᠨ ᠤ᠋ ᠳᠡᠷᠭᠡᠳᠡ ᠨᠢᠳᠦ ᠭᠢᠯᠪᠠᠮᠠ ᠠᠯᠲᠠᠨ ᠡᠪᠡᠷ ᠲᠡᠢ᠂ ᠵᠡᠭᠡᠷᠡ ᠵᠡᠭᠡᠷᠡ ᠡᠴᠡ ᠣᠨᠴᠠᠭᠠᠢ ᠬᠠᠴᠢᠨ ᠵᠡᠭᠡᠷᠡ ᠬᠠᠷᠠᠭᠳᠠᠬᠤ ᠳ᠋ᠤ᠌ ᠪᠣᠭᠳᠠ ᠮᠡᠷᠭᠡᠨ ᠪᠦᠷ ᠭᠠᠢᠬᠠᠬᠤ ᠶ᠋ᠢᠨ ᠶᠡᠬᠡ ᠪᠡᠷ ᠭᠠᠢᠬᠠᠵᠠᠢ᠂ ᠪᠣᠭᠳᠠ ᠮᠡᠷᠭᠡᠨ ᠨᠤᠮᠤ ᠪᠠᠨ ᠪᠤᠰᠢᠭᠤᠬᠠᠨ ᠭᠡᠭᠴᠢ ᠨᠢ (ᠰᠢᠭᠦᠷᠴᠦ) ᠠᠪᠤᠭᠠᠳ ᠣᠨᠢᠯᠠᠲᠠᠯᠠ ᠭᠡᠨᠡᠳᠲᠡ ᠨᠥᠭᠦᠭᠡ ᠠᠮᠢᠲᠠᠨ ᠴᠢᠨᠢ 《ᠬᠦᠦ ᠮᠢᠨᠢ ᠴᠢ ᠨᠠᠮᠠ ᠶ᠋ᠢ ᠬᠠᠷᠪᠤᠬᠤ ᠭᠡᠳ ᠪᠤᠤ ᠶᠠᠭᠠᠷᠠ》 ᠭᠡᠵᠦ ᠬᠡᠯᠡᠬᠦ ᠶ᠋ᠢ ᠨᠢ ᠰᠣᠨᠣᠰᠤᠭᠠᠳ ᠭᠠᠢᠬᠠᠨ ᠵᠣᠭᠰᠣᠪᠠ᠃ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠨ ᠬᠥᠮᠦᠨ ᠦ᠌ ᠬᠡᠯᠡ ᠪᠡᠷ ᠶᠠᠷᠢᠳᠠᠭ ᠠᠮᠢᠲᠠᠨ ᠲᠠᠢ ᠲᠠᠭᠠᠷᠠᠯᠳᠤᠵᠤ ᠪᠠᠢᠭᠠ ᠦᠭᠡᠢ ᠪᠣᠯᠬᠣᠷ ᠪᠦᠷ ᠮᠠᠯ ᠭᠠᠢᠬᠠᠵᠤ᠂ ᠶᠠᠭᠠᠬᠢᠬᠤ ᠤᠴᠢᠷ ᠢ᠋ᠶ᠋ᠠᠨ ᠣᠯᠬᠤ ᠦᠭᠡᠢ ᠵᠣᠭᠰᠣᠯᠠ᠃ ᠲᠡᠭᠡᠭᠡᠳ ᠪᠣᠯᠭᠣᠮᠵᠢᠲᠠᠢ ᠪᠠᠷ ᠵᠡᠭᠡᠷᠡ ᠯᠦ᠍ᠭᠡ ᠣᠢᠷᠠᠲᠤᠨ ᠣᠴᠢᠭᠠᠳ ᠠᠯᠲᠠᠨ ᠡᠪᠡᠷ ᠲᠦ᠍ ᠨᠢ ᠠᠶᠠᠲᠠᠢᠬᠠᠨ ᠭᠠᠷ ᠢ᠋ᠶ᠋ᠠᠨ ᠬᠦᠷᠭᠡᠲᠡᠯᠡ ᠨᠢᠭᠡ ᠯᠡ ᠶᠡᠬᠡ ᠴᠡᠯ ᠪᠤᠭᠤᠷᠤᠯ ᠰᠠᠬᠠᠯ ᠲᠠᠢ ᠡᠪᠦᠭᠡᠨ ᠪᠣᠯᠤᠭᠠᠳ ᠬᠤᠪᠢᠷᠠᠵᠠᠢ ᠭᠡᠨᠡ᠃
ᠲᠡᠷᠡ ᠡᠪᠦᠭᠡᠨ ᠪᠣᠭᠳᠠ ᠮᠡᠷᠭᠡᠨ ᠡᠴᠡ ᠡᠢᠨ ᠠᠰᠠᠭᠤᠪᠠ᠄ 《ᠪᠢ ᠡᠨᠡ ᠠᠭᠤᠯᠠ ᠶ᠋ᠢᠨ ᠪᠠᠯ ᠳ᠋ᠤ᠌ ᠪᠠᠢᠳᠠᠭ ᠪᠣᠭᠳᠠ ᠮᠡᠷᠭᠡᠨ ᠢ᠋ ᠬᠠᠢᠵᠤ ᠶᠠᠪᠤᠭᠠ ᠶᠤᠮ ᠠ᠋! ᠰᠠᠢᠨ ᠰᠠᠨᠠᠭᠠᠲᠤ ᠬᠦᠦ ᠮᠢᠨᠢ ᠲᠠ ᠨᠠᠳᠠ ᠲᠤᠰᠠᠯᠠᠬᠤ ᠦᠭᠡᠢ ᠤᠤ?》 ᠭᠡᠬᠦ ᠳ᠋ᠦ᠍᠂ 《ᠠ ᠲᠡᠷᠡ ᠬᠥᠮᠦᠨ ᠤᠤ? ᠲᠡᠷᠡ ᠬᠥᠮᠦᠨ ᠴᠢᠨᠢ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠪᠠᠢᠨᠠ᠃ ᠲᠠ ᠶᠠᠭᠤ ᠭᠡᠰᠡᠨ ᠶᠦ᠍ᠮ ᠪᠣᠯ》᠃ ᠲᠡᠭᠡᠬᠦ ᠳ᠋ᠦ᠍ ᠡᠪᠦᠭᠡᠨ 《ᠲᠡᠷᠲᠡᠭᠡ ᠬᠣᠯᠠ ᠤᠯᠤᠰ ᠤ᠋ᠨ ᠡᠵᠡᠨ ᠨᠢ ᠪᠢ ᠪᠠᠢᠭᠠ ᠶᠤᠮ ᠠ᠋᠂ ᠮᠠᠨ ᠤ᠋ ᠤᠯᠤᠰ ᠢ᠋ ᠳᠠᠭᠠᠨ ᠨᠢᠭᠡᠨ ᠶᠡᠬᠡ ᠲᠣᠮᠣ ᠭᠣᠣᠯ ᠤᠷᠤᠰᠳᠠᠭ ᠪᠠᠢᠯᠠ᠃ ᠲᠡᠭᠦᠨ ᠦ᠌ ᠤᠰᠤ ᠶ᠋ᠢ ᠮᠠᠨ ᠤ᠋ ᠠᠷᠠᠳ ᠬᠠᠨᠲᠠᠯᠠ ᠪᠠᠨ ᠤᠤᠭᠤᠵᠤ᠂ ᠵᠢᠷᠭᠠᠯ ᠤ᠋ᠨ ᠳᠡᠭᠡᠳᠦ ᠶ᠋ᠢ ᠡᠳ᠋ᠯᠡᠳᠡᠭ ᠪᠠᠢᠯᠠ᠃ ᠭᠡᠲᠡᠯᠡ ᠬᠣᠷᠢᠨ ᠵᠢᠯ ᠦ᠋ᠨ ᠡᠮᠦᠨᠡ ᠲᠡᠨᠳᠡ ᠳᠣᠯᠣᠭᠠᠨ ᠲᠣᠯᠣᠭᠠᠢ ᠲᠠᠢ ᠯᠤᠤ ᠢᠷᠡᠵᠦ᠂ ᠠᠭᠤᠯᠠ ᠤᠰᠤ ᠶ᠋ᠢ ᠮᠠᠨᠢ ᠡᠵᠡᠯᠡᠬᠦ ᠪᠣᠯᠤᠭᠰᠠᠨ ᠠ᠋ᠴᠠ ᠬᠣᠢᠰᠢ᠂ ᠳᠤᠰᠤᠯ ᠤᠰᠤᠨ ᠤ᠋ ᠲᠥᠯᠥᠭᠡ ᠬᠣᠨᠢ ᠮᠠᠯ ᠡᠷᠭᠦᠯ ᠪᠠᠷᠢᠴᠠ ᠪᠠᠷᠢᠭᠰᠠᠭᠠᠷ ᠰᠣᠯᠢᠵᠤ ᠤᠰᠤ ᠪᠠᠨ ᠠᠪᠳᠠᠭ ᠪᠣᠯᠤᠯᠠ ᠭᠡᠵᠡᠢ᠃ ᠪᠣᠭᠳᠠ ᠮᠡᠷᠭᠡᠨ ᠡᠭᠦᠨ ᠢ᠋ ᠰᠣᠨᠣᠰᠤᠭᠠᠳ 《ᠵᠠ᠂ ᠶᠠᠭᠠᠬᠢᠬᠤᠪ᠂ ᠮᠢᠨᠦ ᠥᠴᠦᠬᠡᠨ ᠲᠤᠰᠠ ᠲᠠᠨ ᠳ᠋ᠤ᠌ ᠬᠡᠷᠡᠭ ᠪᠣᠯᠤᠭᠰᠠᠨ ᠪᠣᠯ ᠴᠢᠳᠠᠯ ᠤ᠋ᠨ ᠬᠢᠷᠢ ᠪᠡᠷ ᠪᠢ ᠲᠤᠰᠠᠯᠠᠶᠠ》 ᠭᠡᠵᠦ ᠬᠡᠯᠡᠵᠡᠢ᠃
ᠮᠥᠩᠬᠡ᠄ ᠠ᠂ᠠᠷᠸᠠ ᠠᠬᠠ ᠮᠢᠨᠦ ᠮᠠᠩᠭᠤᠰ ᠤ᠋ᠨ Comment(ᠰᠡᠳᠬᠢᠭᠰᠡᠨ ᠪᠢᠴᠢᠯᠭᠡ ) ᠶ᠋ᠢ ᠤᠩᠰᠢᠴᠢᠬᠠᠭᠰᠠᠨ ᠶᠤᠮ ᠪᠠᠢᠬᠤ ᠳᠠ᠂ ᠪᠦᠷ ᠵᠢᠩᠬᠢᠨᠢ ᠡᠴᠡ ᠪᠡᠨ ᠯᠤᠤ ᠲᠠᠢ ᠲᠤᠯᠤᠯᠳᠤᠬᠤ ᠨᠢ ᠪᠠᠢᠨᠠ ᠰᠢᠲᠠ᠃
ᠲᠤᠩᠬᠤ᠄ ᠲᠡᠭᠡᠭᠰᠡᠨ ᠴᠢᠨᠢ ᠮᠢᠨᠦ ᠵᠣᠬᠢᠶᠠᠯ ᠰᠢᠭ᠋ ᠵᠢᠵᠢᠭᠬᠡᠨ ᠯᠤᠤ ᠪᠠᠢᠪᠠᠯ ᠶᠠᠭᠠᠬᠢᠬᠤ ᠪᠣᠢ? ᠬᠢ ᠬᠢ
ᠮᠥᠩᠬᠡ᠄ ᠣ᠂ ᠦᠭᠡᠢ ᠲᠤᠩᠬᠤ ᠠᠶᠠᠭᠦᠢ ᠰᠦᠷ ᠲᠡᠢ᠂ ᠠᠪᠤᠷᠭᠤ ᠲᠣᠮᠣ᠂ ᠪᠦᠷ ᠳᠣᠯᠣᠭᠠ ᠠ᠋ᠴᠠ ᠴᠤ᠌ ᠢᠯᠡᠭᠦᠦ ᠲᠣᠯᠣᠭᠠᠢ ᠲᠠᠢ ᠠᠶᠤᠯ ᠲᠠᠢ ᠮᠠᠩᠭᠤᠰ ᠪᠠᠢᠭᠠ᠃
ᠠᠷ ᠭᠡᠳ ᠯᠡ᠁ ᠠᠷ᠂ ᠠᠷ᠂ ᠠᠷ᠁
ᠲᠤᠩᠬᠤ᠄ ᠸᠠ᠂ ᠮᠥᠩᠬᠡ ᠶᠠᠮᠠᠷ ᠠᠶᠤᠮᠠᠷ ᠶᠤᠮ ᠪᠣᠢ? ᠦᠭᠡᠢ᠁
ᠪᠦᠭᠦᠳᠡᠭᠡᠷ ᠢᠨᠢᠶᠡᠨᠡ᠃
ᠴᠠᠰᠤᠬᠠᠨ᠄ ᠵᠠ᠂ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠰᠡᠷᠡᠮᠵᠢ ᠲᠡᠢ ᠪᠠᠢᠬᠤ ᠦᠭᠡᠢ ᠪᠣᠯ ᠪᠣᠯᠬᠤ ᠦᠭᠡᠢ ᠰᠢᠦ᠂ ᠡᠨᠳᠡ ᠨᠢᠭᠡ ᠯᠡ ᠠᠶᠤᠯᠲᠠᠢ ᠠᠭᠤᠷ ᠠᠮᠢᠰᠬᠤᠯ ᠲᠠᠢ ᠪᠠᠢᠨᠠ ᠳᠠ
ᠪᠠᠰᠠᠷ᠄ ᠬᠠᠷᠢᠨ ᠲᠡᠢᠮᠦ᠂ ᠶᠠᠮᠠᠷ ᠠᠶᠤᠮᠠᠷ ᠠᠨᠢᠷ ᠴᠢᠮᠡᠭᠡ ᠦᠭᠡᠢ ᠪᠠᠢᠨᠠ᠂ ᠲᠡᠷᠡ ᠰᠣᠨᠣᠰ ᠳᠠ᠂ ᠴᠢᠮᠡᠭᠡ ᠶ᠋ᠢ ᠨᠢ᠃
ᠮᠥᠩᠬᠡ᠄ ᠨᠡᠭᠡᠷᠡᠨ ᠲᠡᠢᠮᠦ ᠪᠠᠢᠨᠠ ᠰᠢᠦ᠃
ᠲᠤᠩᠬᠤ᠄ ᠢᠩᠭᠢᠬᠦ ᠳ᠋ᠦ᠍᠂ ᠬᠡᠳᠦᠭᠦᠯᠡ ᠪᠡᠨ ᠯᠤᠤ ᠶ᠋ᠢᠨ ᠠᠭᠤᠢ ᠣᠢᠷᠠᠯᠴᠠᠭᠠ ᠪᠠᠢᠭᠠ ᠪᠢᠰᠢ ᠪᠢᠵᠡ ᠳᠡ᠃
ᠲᠣᠷᠤᠨ᠄ ᠠᠷᠠᠢ ᠭᠡᠨᠡᠳᠲᠡ ᠬᠠᠷᠠᠩᠭᠤᠢ ᠠ᠋ᠴᠠ ᠨᠥᠭᠦᠭᠡ ᠠᠶᠤᠮᠠᠷ ᠯᠤᠤ ᠨᠢ ᠭᠠᠷᠤᠭᠠᠳ ᠢᠷᠡᠪᠡᠯ ᠶᠠᠭᠠᠬᠢᠨᠠ?
ᠪᠠᠰᠠᠷ᠄ ᠶᠠᠭᠤ ᠪᠣᠢ?
ᠲᠤᠩᠬᠤ᠄ ᠠ⁉
ᠪᠠᠰᠠᠷ᠄ ᠶᠠᠭᠤ ᠪᠠᠢᠭᠰᠠᠨ ᠪᠣᠢ? ᠠᠯᠢᠪ ᠨᠠᠭᠠᠨᠠ ᠠ᠋ᠴᠠ ᠪᠠᠨ ᠭᠠᠷᠤᠭᠠᠳ ᠢᠷᠡ ᠬᠥᠶᠢ᠂ ᠪᠢ ᠠᠭᠤᠷᠯᠠᠬᠤ ᠪᠠᠷ ᠢ᠋ᠶ᠋ᠠᠨ ᠥᠪᠡᠷ ᠢ᠋ ᠴᠢᠨᠢ ᠵᠠᠨᠴᠢᠨᠠ ᠰᠢᠦ! ᠠᠷᠤ ᠶ᠋ᠢᠨ ᠠᠭᠤᠯᠠ ᠶ᠋ᠢᠨ ᠠᠷᠢᠶᠠᠲᠠᠨ ᠪᠠᠰᠠᠷ ᠭᠡᠵᠦ ᠰᠣᠨᠣᠰᠤᠭᠰᠠᠨ ᠤᠤ?
ᠴᠠᠰᠤᠬᠠᠨ᠄ ᠠ ! ᠶᠠᠭᠤ ᠪᠣᠢ? ᠪᠠᠰᠠᠷ ᠠ᠋ ᠪᠣᠯᠭᠣᠮᠵᠢᠲᠠᠢ ᠪᠠᠢᠭᠠᠷᠠᠢ᠂ ᠲᠡᠨᠳᠡ ᠶᠠᠭᠤ ᠴᠤ᠌ ᠪᠠᠢᠵᠤ ᠮᠠᠭᠠᠳ ᠦᠭᠡᠢ ᠰᠢᠦ᠂ ᠮᠠᠨ ᠤ᠋ ᠬᠢ ᠠᠷᠤᠭᠰᠢ ᠪᠠᠨ ᠤᠬᠤᠷᠢᠭᠠᠷᠠᠢ!
ᠵᠠᠯᠠᠭᠤ᠄ ᠵᠠ᠁ ᠠᠶᠤᠯ ᠲᠠᠢ ᠭᠠᠵᠠᠷ ᠶᠠᠭᠤ ᠬᠢᠵᠦ ᠶᠠᠪᠤᠭᠠ ᠬᠡᠦᠬᠡᠳ ᠦ᠋ᠳ ᠪᠣᠢ?
ᠪᠠᠰᠠᠷ᠄ ᠶᠠᠭᠤ ᠶᠤᠮ ᠪᠣᠢ᠂ ᠶᠠᠭᠠᠬᠢᠭᠠᠳ ᠪᠢᠳᠡ ᠨᠠᠷ ᠢ᠋ ᠳᠠᠭᠠᠭᠠᠳ ᠪᠠᠢᠨᠠ᠂ ᠠ ?
ᠵᠠᠯᠠᠭᠤ᠄ ᠠ᠂ ᠬᠠᠷᠢᠨ ᠪᠢ᠁ ᠠ ᠶᠠᠭᠤ ᠶᠠᠷᠢᠳᠠᠭ ᠨᠣᠬᠠᠢ ᠤᠤ ᠳᠠ?
ᠲᠣᠷᠤᠨ᠄ ᠲᠠ᠂ ᠲᠠᠢᠪᠤᠰᠢᠷᠠᠭᠠᠷᠠᠢ!
ᠵᠠᠯᠠᠭᠤ᠄ ᠠ᠂ ᠶᠠᠭᠤ ᠶᠤᠮ ? ᠨᠢᠰᠳᠡᠭ ᠪᠥᠮᠪᠥᠭᠡ ᠪᠣᠢ?
ᠴᠠᠰᠤᠬᠠᠨ᠄ ᠲᠠ᠂ ᠲᠠ ᠲᠠᠢᠪᠤᠩ ᠪᠠᠢᠭᠠᠷᠠᠢ᠂ ᠪᠢᠳᠡ᠂ ᠪᠢᠳᠡᠨ ᠦᠯᠢᠭᠡᠷ ᠢ᠋ᠶ᠋ᠡᠷ ᠠᠶᠠᠯᠠᠳᠠᠭ ᠬᠡᠦᠬᠡᠳ ᠦ᠋ᠳ ᠪᠠᠢᠭᠠ ᠶᠤᠮ᠃
ᠵᠠᠯᠠᠭᠤ᠄ ᠣ ᠂ ᠵᠠ ᠵᠠ ᠶᠠᠷᠢᠳᠠᠭ ᠮᠤᠤᠷ᠁
ᠪᠠᠰᠠᠷ᠄ ᠶᠠᠭᠠᠬᠢᠨᠠ? ᠵᠠ ᠪᠠᠷᠤᠭ ᠱᠤᠤᠺ ᠲᠤ᠌ ᠣᠷᠣᠴᠢᠬᠠᠬᠤ ᠰᠢᠭ᠋ ᠪᠣᠯᠤᠯᠠ᠃ ᠪᠠᠢᠨᠠ ᠤᠤ? ᠪᠠᠢᠨᠠ ᠤᠤ? ᠨᠢᠭᠡ ᠠ᠋᠂ ᠨᠢᠭᠡ ᠠ᠋! ᠰᠣᠨᠣᠰᠴᠤ ᠪᠠᠢᠨᠠ ᠤᠤ? ᠨᠢᠭᠡ ᠠ᠋! ᠰᠣᠨᠣᠰᠴᠤ ᠪᠠᠢᠨᠠ ᠤᠤ?
ᠴᠠᠰᠤᠬᠠᠨ᠄ ᠪᠠᠰᠠᠷ ᠠ᠋᠂ ᠲᠣᠭᠯᠠᠬᠤ ᠪᠠᠨ ᠪᠣᠯᠢᠯ ᠳᠠ᠂ ᠠᠩᠬᠠ ᠤᠳᠠᠭᠠ ᠶᠠᠷᠢᠳᠠᠭ ᠠᠮᠢᠲᠠᠨ ᠲᠠᠭᠠᠷᠠᠵᠤ ᠪᠠᠢᠭᠠ ᠪᠣᠯᠤᠯᠲᠠᠢ᠃
ᠮᠥᠩᠬᠡ᠄ ᠡᠨᠡ ᠬᠥᠮᠦᠨ ᠲᠡᠭᠡᠬᠦ ᠳ᠋ᠦ᠍ ᠪᠡᠨ ᠨᠥᠭᠦᠭᠡ ᠡᠷᠡᠯᠬᠡᠭ ᠵᠣᠷᠢᠭᠲᠠᠢ ᠪᠣᠭᠳᠠ ᠮᠡᠷᠭᠡᠨ ᠮᠥᠨ ᠶᠦᠮ ᠪᠣᠯᠪᠠ ᠤᠤ?᠃
ᠲᠤᠩᠬᠤ᠄ ᠮᠥᠩᠬᠡ ᠠ᠋᠂ ᠬᠥᠮᠦᠨ ᠢ᠋ ᠭᠠᠳᠠᠭᠠᠳᠤ ᠦᠵᠡᠮᠵᠢ ᠪᠠᠢᠳᠠᠯ ᠢ᠋ᠶ᠋ᠠᠷ ᠨᠢ ᠳ᠋ᠦᠩᠨᠡᠵᠦ ᠪᠣᠯᠬᠤ ᠦᠭᠡᠢ ᠰᠢᠳᠡ᠂ ᠬᠡᠳᠦᠭᠦᠯᠡ ᠪᠡᠨ ᠶᠠᠭᠤ ᠴᠤ᠌ ᠭᠡᠰᠡᠨ ᠬᠡᠷᠡᠭ ᠶᠠᠪᠤᠳᠠᠯ ᠢ᠋ ᠨᠢ ᠠᠰᠠᠭᠤᠭᠠᠳ ᠦᠵᠡᠶᠡ᠃
ᠴᠠᠰᠤᠬᠠᠨ᠄ ᠠᠭᠤᠴᠢᠯᠠᠭᠠᠷᠠᠢ! ᠲᠠ ᠬᠠᠵᠠᠭᠤ ᠬᠠᠨᠢᠳᠦ ᠤᠯᠤᠰ ᠲᠤ᠌ ᠠᠶᠤᠯ ᠤᠴᠠᠷᠠᠭᠤᠯᠤᠭᠠᠳ ᠪᠠᠢᠭᠠ ᠳᠣᠯᠣᠭᠠᠨ ᠲᠣᠯᠣᠭᠠᠢ ᠲᠠᠢ ᠯᠤᠤ ᠲᠠᠢ ᠣᠴᠢᠵᠤ ᠲᠤᠯᠤᠯᠳᠤᠬᠤ ᠪᠠᠷ ᠶᠠᠪᠤᠵᠤ ᠪᠠᠢᠭᠠ ᠪᠣᠭᠳᠠ ᠮᠡᠷᠭᠡᠨ ᠪᠠᠭᠠᠲᠤᠷ ᠮᠥᠨ ᠤᠤ?
ᠵᠠᠯᠠᠭᠤ᠄ ᠠ ᠶᠠᠭᠤ? ᠲᠡᠢᠮᠦ᠂ ᠲᠡᠢᠮᠦ ᠠ᠋᠂ ᠲᠡᠢᠮᠦ ᠶᠠᠷᠢᠳᠠᠭ ᠮᠤᠤᠷ ᠮᠢᠨᠢ᠂ ᠪᠠᠭᠠᠲᠤᠷ ᠡᠷᠡ ᠪᠢ ᠳᠣᠯᠣᠭᠠᠨ ᠲᠣᠯᠣᠭᠠᠢᠲᠤ ᠯᠤᠤ ᠶ᠋ᠢ ᠳᠠᠷᠤᠨ᠂ ᠠᠷᠠᠳ ᠲᠦᠮᠡᠨ ᠳ᠋ᠦ᠍ ᠪᠡᠨ ᠠᠴᠢᠯᠠᠯ ᠢ᠋ ᠠᠪᠴᠢᠷᠠᠬᠤ ᠪᠠᠷ ᠶᠠᠪᠤᠭᠠ ᠪᠢᠯᠡ᠃
ᠪᠢ᠁ ᠦ ᠡᠨᠡ ᠶᠠᠭᠠᠬᠢᠭᠠᠳ ᠰᠠᠯᠤᠭᠠᠳ ᠤᠨᠠᠴᠢᠬᠠᠪᠠ? ᠬᠢ ᠬᠢ᠂
ᠠ᠂ ᠵᠠ᠂ ᠴᠥᠬᠥ᠂ ᠣᠳᠣᠬᠠᠨ᠁
ᠮᠥᠩᠬᠡ᠄ᠠ᠂ᠬᠠ ᠬᠠ᠂ ᠪᠠᠭᠠᠲᠤᠷ ᠡᠷᠡ ᠶ᠋ᠢᠨ ᠮᠠᠨᠢ ᠢᠷᠲᠦ ᠰᠡᠯᠡᠮᠡ ᠶᠠᠭᠠᠬᠢᠭᠠᠳ ᠬᠤᠭᠤᠷᠤᠭᠠᠳ ᠤᠨᠠᠴᠢᠬᠠᠪᠠ?
ᠪᠠᠰᠠᠷ᠄ ᠲᠡᠢᠮᠦ᠂ ᠭᠠᠢᠭᠤᠢ ᠯᠠ ᠪᠠᠢᠳᠠᠭ ᠪᠠᠢᠭᠠ ᠳᠠ? ᠦ᠂ ᠬᠥᠭᠡᠷᠦᠬᠦᠢ᠂ ᠪᠤᠴᠠᠭᠠᠭᠠᠳ ᠨᠠᠭᠠᠴᠢᠬᠠᠬᠤ ᠰᠢᠭ᠋ ᠪᠣᠯᠤᠯᠠ᠃
ᠵᠠᠯᠠᠭᠤ᠄ ᠠᠳᠬᠠᠭ ᠰᠠᠨᠠᠭᠠᠲᠤ ᠲᠡᠷᠡ ᠯᠤᠤ ᠨᠢ ᠠᠷᠵᠠᠢᠭᠰᠠᠨ ᠣᠯᠠᠨ ᠰᠢᠳᠦ ᠲᠡᠢ ᠶᠦᠮ ᠭᠡᠨᠡ᠃ ᠠᠭᠤᠤ ᠬᠦᠴᠦᠲᠦ ᠪᠠᠭᠠᠲᠤᠷ ᠮᠢᠨᠦ ᠪᠡᠶᠡ ᠬᠠᠷᠠ ᠬᠦᠴᠦ ᠪᠡᠷ ᠳᠠᠷᠤᠴᠢᠬᠠᠬᠤ ᠶᠤᠮ ᠰᠠᠨ ᠳᠠ᠂ ᠦ᠂ ᠪᠢᠰᠢ ᠳᠠᠷᠤᠨᠠ᠃
ᠪᠠᠰᠠᠷ᠄ ᠬᠢ ᠬᠢ
ᠮᠥᠩᠬᠡ᠄ ᠵᠠ ᠲᠡᠭᠡᠪᠡᠯ᠂ ᠪᠠᠭᠠᠲᠤᠷ ᠡᠷᠡ ᠲᠠ ᠪᠢᠳᠡᠨ ᠢ᠋ ᠪᠠᠷᠠ ᠪᠣᠯᠭᠠᠨ ᠳᠠᠭᠠᠭᠤᠯᠵᠤ ᠶᠠᠪᠤᠨᠠ ᠤᠤ? ᠪᠢᠳᠡ ᠬᠦᠴᠦ ᠨᠡᠮᠡᠶᠡ᠃
ᠵᠠᠯᠠᠭᠤ᠄ ᠵᠠ ᠵᠠ᠂ ᠶᠡᠬᠡ ᠯᠡ ᠠᠶᠤᠯ ᠲᠠᠢ ᠳᠣᠯᠣᠭᠠᠨ ᠪᠣᠯᠬᠤ ᠪᠠᠢᠬᠤ ᠰᠢᠳᠡ᠃
ᠮᠥᠩᠬᠡ᠄ ᠵᠦᠭᠡᠷ ᠳᠡ
ᠵᠠᠯᠠᠭᠤ᠄ ᠭᠠᠯ ᠢ᠋ᠶ᠋ᠠᠷ ᠲᠤᠷᠭᠢᠭᠠᠳ ᠯᠠ ᠭᠠᠵᠠᠷ ᠰᠢᠷᠣᠢ ᠬᠦᠷᠲᠡᠯᠡ ᠬᠠᠢᠯᠵᠤ ᠤᠷᠤᠰᠤᠭᠠᠳ ᠯᠠ᠁
ᠪᠠᠰᠠᠷ᠄ ᠦ᠂ ᠦᠱ᠌ᠢᠶᠡ ᠠᠶᠤᠮᠠᠷ ᠵᠢᠱ᠌ᠢᠶᠡ ᠪᠠᠢᠨᠠ ᠤᠤ?
ᠵᠠᠯᠠᠭᠤ᠄ ᠦ᠂ ᠲᠡᠭᠡᠪᠡᠯ ᠪᠦᠷ ᠳᠣᠯᠣᠭᠠᠨ ᠲᠣᠯᠣᠭᠠᠢ ᠲᠠᠢ᠂ ᠲᠣᠯᠣᠭᠠᠢ ᠪᠣᠯᠭᠠᠨ ᠨᠢ ᠭᠠᠯ ᠢ᠋ᠶ᠋ᠠᠷ ᠳᠣᠷᠭᠢᠳᠠᠭ ᠪᠠᠢᠭᠠ ᠳᠠ᠃
ᠮᠥᠩᠬᠡ᠄ ᠵᠠ ᠲᠡᠭᠡᠪᠡᠯ ᠬᠠᠮᠲᠤ ᠶᠠᠪᠤᠳᠠᠭ ᠬᠡᠷᠡᠭ ᠠ᠋᠂ᠲᠠᠨ ᠲᠠᠢ᠃
ᠵᠠᠯᠠᠭᠤ᠄ ᠲᠠ ᠬᠡᠳᠦ ᠴᠢᠨᠢ ᠠᠶᠤᠬᠤ ᠦᠭᠡᠢ ᠪᠠᠢᠨᠠ ᠤᠤ?
ᠲᠤᠩᠬᠤ᠄ ᠠᠶᠤᠵᠤ ᠪᠠᠢᠨᠠ ᠯᠠ ᠳᠠ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠲᠠᠨ ᠳ᠋ᠤ᠌ ᠲᠤᠰᠠ ᠬᠡᠷᠡᠭ ᠲᠡᠢ ᠰᠢᠦ ᠳᠡ!
ᠵᠠᠯᠠᠭᠤ᠄ ᠶᠠᠭᠠᠬᠢᠭᠰᠠᠨ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠬᠡᠦᠬᠡᠳ ᠪᠣᠢ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠪᠢᠲᠡᠭᠡᠢ ᠶᠠᠪᠤ!
ᠮᠥᠩᠬᠡ᠄ ᠰᠡᠭᠦᠯᠴᠢ ᠶ᠋ᠢᠨ ᠡᠰᠡᠷᠭᠦᠴᠡᠭᠴᠢᠳ ᠠ᠋᠂ ᠪᠡᠯᠡᠨ ᠤᠤ?
ᠪᠠᠰᠠᠷ᠄ ᠪᠡᠯᠡᠨ
ᠵᠠᠯᠠᠭᠤ᠄ ᠬᠥᠶᠢ᠁ᠬᠥᠶᠢ
ᠲᠣᠷᠤᠨ᠄ oh yes( ᠥ ᠲᠡᠢᠮᠦ)᠂ᠠᠳᠠᠯ ᠶᠠᠪᠤᠳᠠᠯ ᠭᠡᠳᠡᠭ ᠴᠢᠨᠢ ᠪᠠᠷᠤᠭ ᠮᠢᠨᠦ ᠥᠷᠯᠥᠭᠡᠨ ᠦ᠌ ᠴᠡᠨᠡᠭ ᠳᠦᠭᠦᠷᠡᠩ ᠵᠠᠢ ᠬᠤᠷᠢᠶᠠᠭᠤᠷ ᠶᠤᠮ ᠤᠤ ᠳᠠ᠃
ᠪᠦᠭᠦᠳᠡᠭᠡᠷ ᠢᠨᠢᠶᠡᠨᠡ᠃
ᠴᠠᠰᠤᠬᠠᠨ᠄ ᠵᠠ᠂ ᠲᠡᠭᠡᠪᠡᠯ ᠪᠢᠳᠡ ᠨᠠᠷ ᠲᠠᠨ ᠲᠠᠢ ᠬᠠᠮᠲᠤ ᠶᠠᠪᠤᠵᠤ ᠪᠣᠯᠤᠨᠠ ᠪᠢᠵᠡ ᠳᠡ?
ᠵᠠᠯᠠᠭᠤ᠄ ᠥ᠁ᠠ᠂ ᠵᠠ ᠵᠠ᠂ ᠶᠠᠭᠠᠬᠢᠳᠠᠭ ᠴᠤ᠌ ᠲᠩᠷᠢ ᠳᠤᠤᠭᠠᠷᠴᠤ ᠪᠠᠢᠨᠠ᠂ ᠪᠣᠷᠣᠭᠠᠨ ᠣᠷᠣᠵᠤ ᠰᠢᠭᠤᠷᠭᠠ ᠳᠡᠭᠳᠡᠵᠦ ᠮᠡᠳᠡᠨᠡ᠃ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠣᠯᠵᠠᠭᠠᠶᠠ᠃
ᠴᠠᠰᠤᠬᠠᠨ᠄ ᠬᠠᠷᠢᠨ ᠲᠡᠢᠮᠦ ᠪᠠᠢᠨᠠ ᠰᠢᠦ᠂ ᠰᠢᠷᠦᠭᠦᠨ ᠰᠢᠭᠤᠷᠭᠠ ᠪᠣᠯᠵᠤ ᠮᠠᠭᠠᠳ ᠦᠭᠡᠢ ᠶᠦᠮ ᠰᠢᠭ ᠪᠠᠢᠨᠠ᠃ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠪᠣᠷᠣᠭᠠᠨ ᠰᠢᠷᠦᠭᠦᠰᠬᠦ ᠡᠴᠡ ᠡᠮᠦᠨᠡ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠬᠠᠢᠶᠠ᠃
ᠪᠣᠭᠳᠠ ᠮᠡᠷᠭᠡᠨ᠄ ᠥᠩ᠂ ᠶᠠᠷᠢᠳᠠᠭ ᠨᠣᠬᠠᠢ ᠪᠠᠰᠠ ᠮᠤᠤᠷ᠂ ᠬᠣᠶᠠᠷ ᠬᠡᠦᠬᠡᠳ ᠪᠠᠰᠠ ᠨᠢᠰᠳᠡᠭ ᠪᠥᠮᠪᠥᠭᠡ᠂ ᠶᠠᠭᠤ ᠯᠠ ᠪᠣᠯᠤᠭᠠᠳ ᠪᠠᠢᠨᠠ ᠳᠠ᠃
ᠴᠠᠰᠤᠬᠠᠨ᠄ ᠮᠠᠨ ᠤ᠋ ᠬᠢ ᠠ᠋᠂ ᠰᠠᠢᠨ ᠪᠠᠷᠢᠭᠠᠷᠠᠢ!
ᠮᠥᠩᠬᠡ᠄ ᠶᠠᠮᠠᠷ ᠠᠶᠤᠮᠠᠷ ᠬᠦᠴᠦᠲᠡᠢ ᠰᠢᠭᠤᠷᠭᠠ ᠪᠣᠢ?
ᠵᠠᠯᠠᠭᠤ᠄ ᠨᠢᠭᠤᠷ ᠨᠢᠳᠦ ᠦᠭᠡᠢ ᠰᠢᠭᠤᠷᠴᠤ ᠪᠠᠢᠨᠠ᠂ᠠᠢ ᠬᠠᠢᠷᠬᠠᠨ᠂ ᠶᠠᠭᠠᠬᠢᠭᠰᠠᠨ ᠴᠤ᠌ ᠰᠢᠷᠦᠭᠦᠨ ᠶᠦᠮ ᠳᠡ᠃
ᠲᠤᠩᠬᠤ᠄ ᠠ ᠲᠠ ᠬᠡᠳᠦ ᠵᠦᠭᠡᠷ ᠤᠤ? ᠡᠨᠡ ᠬᠡᠵᠢᠶᠡ ᠵᠣᠭᠰᠣᠬᠤ ᠶᠤᠮ ᠪᠣᠯ ᠠ᠋ ? ᠪᠦᠷ ᠶᠠᠭᠤ ᠴᠤ᠌ ᠬᠠᠷᠠᠭᠳᠠᠬᠤ ᠦᠭᠡᠢ ᠪᠠᠢᠨᠠ᠃
ᠪᠠᠰᠠᠷ᠄ ᠰᠢᠭᠤᠷᠭᠠ ᠰᠢᠷᠦᠭᠦᠰᠴᠦ ᠪᠠᠢᠨᠠ ᠰᠢᠦ᠂ ᠲᠡᠰᠦᠭᠡᠷᠡᠢ᠂ ᠮᠠᠨ ᠤ᠋ ᠬᠢ ᠠ᠋!
ᠲᠣᠷᠤᠨ᠄ ᠮᠠᠨ ᠤ᠋ ᠬᠢ ᠠ᠋᠂ ᠲᠡᠨᠳᠡ ᠨᠢᠭᠡ ᠠᠭᠤᠢ ᠪᠠᠢᠨᠠ᠂ ᠲᠠᠢᠰᠢ ᠪᠠᠨ ᠣᠷᠣᠵᠤ ᠰᠢᠭᠤᠷᠭᠠᠨ ᠠ᠋ᠴᠠ ᠬᠤᠷᠭᠤᠳᠠᠵᠠᠭᠠᠶᠠ
ᠪᠠᠰᠠᠷ᠄ ᠵᠠ ᠲᠡᠭᠡᠶᠡ᠂ ᠨᠠᠳᠠ ᠠ᠋ᠴᠠ ᠰᠠᠢᠨ ᠪᠠᠷᠢᠭᠠᠷᠠᠢ᠃
ᠲᠤᠩᠬᠤ᠄ ᠲᠡᠰᠦᠭᠡᠷᠡᠢ
ᠮᠥᠩᠬᠡ᠄ ᠶᠠᠭᠠᠬᠢᠨᠠ? ᠪᠢᠳᠡ ᠨᠠᠷ ᠢ᠋ ᠪᠦᠷ ᠠᠪᠴᠤ ᠰᠢᠳᠡᠬᠦ ᠨᠢ ᠠ᠋᠃
ᠲᠤᠩᠬᠤ᠄ ᠦᠭᠡᠢ᠁
ᠴᠠᠰᠤᠬᠠᠨ᠄ ᠶᠠᠭᠠᠬᠢᠨᠠ᠁
(ᠪᠦᠭᠦᠳᠡᠭᠡᠷ ᠠ᠁)
ᠦᠰᠦᠭ ᠢ᠋ ᠨᠢ ᠠᠮᠢᠯᠠᠭᠤᠯᠤᠭᠴᠢ᠄ ᠬᠤᠸᠠᠷ
ᠦᠰᠦᠭ ᠢ᠋ ᠨᠢ ᠬᠠᠳᠠᠭᠴᠢ᠄ ᠾᠦᠩ ᠸᠧᠢ
ᠬᠢᠨᠠᠯᠲᠠ ᠬᠢᠭᠴᠢ᠄ ᠱᠤᠳᠤᠷᠭᠤ᠂
ᠲᠠᠢᠯᠪᠤᠷᠢ᠄
ᠵᠠᠢ ᠬᠤᠷᠢᠶᠠᠭᠤᠷ — ᠴᠠᠬᠢᠯᠭᠠᠨ ᠬᠤᠷᠢᠶᠠᠭᠤᠷ
ᠱᠤᠤᠺ ᠲᠤ᠌ ᠣᠷᠣᠴᠢᠬᠠᠬᠤ ᠊᠊᠊᠊᠊᠊ ᠴᠤᠴᠠᠷᠠᠯ ᠲᠠᠢ ᠪᠠᠢᠳᠠᠯ ᠳ᠋ᠤ᠌ ᠣᠷᠣᠬᠤ ᠶ᠋ᠢ ᠬᠡᠯᠡᠵᠦ ᠪᠠᠢᠨᠠ
Comment ᠊᠊᠊᠊᠊᠊᠊ ᠥᠪᠡᠷᠲᠡᠭᠡᠨ ᠰᠡᠳᠬᠢᠵᠦ ᠪᠣᠳᠣᠵᠤ ᠵᠣᠬᠢᠶᠠᠨ ᠪᠦᠲᠦᠭᠡᠭᠰᠡᠨ ᠪᠦᠲᠦᠭᠡᠯ ᠢ᠋ ᠬᠡᠯᠡᠵᠦ ᠪᠠᠢᠭᠠ ᠬᠠᠷᠢ ᠦᠭᠡ᠃