ᠪᠣᠷᠵᠢᠭᠢᠨ ᠤ ᠪᠣᠷᠣ ᠲᠠᠯᠠ-ᠪ ᡀᠠᠭᠪᠠᠰᠦ᠋ᠷᠦᠩборжгины бор тал-Б.Лхагвасүрэн-borjignii bor tal- B.Lhagvasuren
1477ᠪᠣᠷᠵᠢᠭᠢᠨ ᠤ ᠪᠣᠷᠣ ᠲᠠᠯᠠ
ᠪ᠂
ᡀᠠᠭᠪᠠᠰᠦ᠋ᠷᠦᠩ
ᠰᠠᠨᠠᠭᠠ ᠠᠯᠳᠠᠬᠤ ᠳᠦ ᠡᠬᠡ ᠶᠢᠨ ᠰᠦ
ᠲᠠᠩᠨᠠᠢ ᠳᠦ ᠠᠮᠲᠠᠭᠳᠠᠵᠤ
ᠰᠠᠯᠬᠢᠨ ᠤ ᠦᠵᠦᠭᠦᠷ ᠢ ᠨᠢ ᠵᠠᠯᠭᠢᠬᠤ ᠳᠦ ᠠᠭᠢ ᠬᠣᠭᠤᠯᠠᠢ ᠳᠦ
ᠠᠷᠭᠤᠭᠰᠠᠨ
ᠪᠣᠷᠵᠢᠭᠢᠨ ᠤ ᠪᠣᠷᠤ ᠲᠠᠯᠠ ᠮᠢᠨᠢ
ᠲᠡᠷᠭᠡᠯ ᠰᠠᠷᠠᠨ ᠲᠤᠭᠤᠯᠵᠤ ᠪᠠᠷᠠᠯ ᠦᠭᠡᠢ ᠬᠡᠭᠡᠷᠡ ᠬᠣᠨᠤᠳᠠᠭ
ᠲᠡᠭᠷᠢ ᠶᠢᠨ ᠬᠡᠪᠲᠡᠷᠢ ᠪᠤᠭᠤᠷᠤᠯ ᠲᠠᠯᠠ ᠮᠢᠨᠢ
ᠲᠠᠭᠠᠨᠠ ᠶᠢᠨ ᠴᠠᠭᠠᠨ ᠲᠣᠯᠤᠭᠠᠢ ᠡᠴᠡ ᠥᠭᠡᠷᠡ
ᠲᠠᠢᠳᠭᠤᠷᠠᠭᠤᠯᠬᠤ ᠴᠡᠴᠡᠭ ᠦᠭᠡᠢ ᠨᠢᠴᠦᠭᠦᠨ ᠲᠠᠯᠠ ᠮᠢᠨᠢ
ᠨᠠᠨᠳᠢᠨ ᠡᠷᠬᠢᠮᠰᠦᠭ ᠡᠭᠡᠯ ᠪᠣᠷᠤᠭᠵᠢᠭᠤᠨ ᠤ ᠲᠤᠢᠯ
ᠨᠠᠷᠠ ᠬᠤᠷᠠ ᠴᠢᠷᠠᠢᠴᠢᠯᠠᠭᠰᠠᠨ ᠭᠠᠵᠠᠷ ᠤᠨ ᠰᠠᠭᠠᠯᠢ ᠲᠠᠢ
ᠬᠣᠷᠮᠤᠢ ᠮᠢᠨᠢ
ᠲᠡᠭᠷᠢ ᠲᠡᠢᠴᠢᠵᠦ ᠴᠢᠯᠠᠭᠤ ᠬᠠᠨᠠᠷᠭᠠᠵᠤ ᠲᠦᠷᠦᠬᠦ ᠳᠦ ᠲᠠᠯᠠ
ᠮᠢᠨᠢ ᠴᠢ
ᠲᠣᠷᠭᠠ ᠰᠢᠭ᠋ ᠵᠥᠭᠡᠯᠡᠨ ᠪᠠᠢᠭᠰᠠᠨ
ᠵᠢᠷᠭᠠᠯ ᠵᠣᠪᠠᠯᠠᠩ ᠬᠣᠶᠠᠷ ᠢ ᠠᠮᠰᠠᠵᠤ ᠡᠳ᠋ᠯᠡᠵᠦ
ᠴᠢᠯᠠᠭᠤᠨ ᠳᠡᠭᠡᠷᠡ ᠴᠢᠨᠢ ᠪᠠᠶᠠᠷ ᠭᠤᠨᠢᠭ ᠤᠨ ᠨᠢᠯᠪᠤᠰᠤ ᠪᠠᠨ
ᠤᠨᠠᠭᠠᠬᠤ ᠳᠦ
ᠡᠷᠡ ᠬᠥᠮᠦᠨ ᠰᠢᠭ ᠨᠢᠷᠤᠭᠤ ᠲᠠᠢ ᠪᠠᠢ ᠭᠡᠰᠡᠨ ᠰᠢᠭ
ᠡᠷᠭᠢᠭᠦᠯᠵᠦ ᠨᠠᠳᠠ ᠤᠷᠤᠭᠤ ᠰᠠᠴᠤᠨ
ᠬᠠᠲᠠᠭᠤ ᠡᠴᠡ ᠬᠠᠲᠠᠭᠤ ᠪᠠᠢᠭᠰᠠᠨ ᠴᠢ
ᠰᠠᠭᠠᠷᠢᠨ ᠳᠡᠭᠡᠷᠡ ᠴᠢᠨᠢ ᠥᠲᠡᠯᠦᠭᠰᠡᠨ ᠵᠢᠭᠦᠷᠲᠡᠨ ᠲᠡᠭᠷᠢ ᠳᠡᠬᠡᠨ
ᠨᠥᠭᠴᠢᠬᠦ ᠳᠦ
ᠰᠠᠯᠬᠢ ᠬᠥᠯᠭᠡᠯᠡᠭᠰᠡᠨ ᠥᠳᠦ ᠨᠢ ᠴᠢᠮᠠ ᠳᠡᠭᠡᠷᠡ ᠪᠡᠨ
ᠡᠷᠭᠢᠵᠦ ᠪᠠᠭᠤᠳᠠᠭ
ᠪᠤᠲᠤᠭᠤ ᠨᠢ ᠦᠬᠦᠭᠰᠡᠨ ᠢᠩᠭᠡᠨ ᠤ
ᠪᠣᠷᠪᠢ ᠪᠠᠨ ᠬᠠᠭᠠᠷᠠᠲᠠᠯᠠ ᠰᠠᠪᠢᠷᠠᠭᠰᠠᠨ ᠴᠢᠰᠤᠨ ᠤ ᠲᠤᠶᠠᠭᠠ
ᠲᠠᠢ ᠰᠦ ᠶᠢ
ᠴᠢ ᠯᠡ ᠵᠠᠯᠭᠢᠯᠠᠵᠤ ᠵᠣᠪᠠᠯᠠᠩ ᠢ ᠨᠢ ᠬᠣᠭᠤᠰᠤᠯᠠᠵᠤ
ᠴᠢᠨᠦᠭᠰᠡᠨ ᠬᠥᠬᠦ ᠶᠢ ᠨᠢ ᠠᠮᠠᠷᠠᠯᠠᠭᠤᠯᠤᠭᠰᠠᠨ
ᠳᠡᠭᠡᠳᠦᠰ ᠤᠨ ᠱᠠᠷᠢᠯ ᠬᠠᠷᠪᠤᠵᠤ ᠤᠨᠠᠭᠰᠠᠨ ᠲᠡᠭᠷᠢ ᠶᠢᠨ ᠰᠣᠯᠢᠷ ᠢ
ᠴᠤ᠌
ᠳᠡᠯᠡᠬᠡᠢ ᠶᠢᠨ ᠲᠥᠪ ᠲᠠᠢ ᠴᠢ ᠯᠡ ᠨᠡᠢᠯᠡᠭᠦᠯᠦᠭᠰᠡᠨ
ᠴᠢᠨᠦ ᠰᠢᠷᠬᠠ ᠵᠢᠷᠦᠬᠡᠨ ᠤ ᠰᠢᠷᠬᠠ ᠡᠴᠡ ᠬᠣᠵᠢᠳᠠᠵᠤ ᠠᠨᠠᠳᠠᠭ
ᠶᠤᠮ ᠡ ᠲᠠᠯᠠ ᠮᠢᠨᠢ
ᠲᠤᠭᠤᠯ ᠤᠨ ᠪᠡᠯᠴᠢᠭᠡᠷ ᠡᠴᠡ ᠡᠬᠢᠯᠡᠨ ᠲᠣᠭᠯᠠᠭᠠᠮ ᠳᠡᠯᠭᠡᠭᠰᠡᠨ ᠳᠡᠬᠡᠨ
ᠴᠢ
ᠨᠠᠮᠠ ᠶᠢ ᠡᠷᠬᠡ ᠪᠣᠯᠭᠠᠭᠰᠠᠨ
ᠲᠤᠭᠤᠯᠤᠭᠰᠠᠨ ᠵᠠᠭᠤᠨ ᠨᠤᠭᠤᠳ ᠤᠨ ᠭᠠᠰᠢᠭᠤᠨ ᠰᠤᠷᠭᠠᠮᠵᠢ ᠶᠢ
ᠬᠡᠯᠡᠵᠦ ᠵᠢᠷᠦᠬᠡᠯᠡᠭᠡ ᠦᠭᠡᠢ ᠳᠡᠬᠡᠨ ᠴᠢ
ᠨᠠᠮᠠ ᠶᠢ ᠭᠡᠨᠡᠨ ᠪᠣᠯᠭᠠᠭᠰᠠᠨ
ᠭᠠᠵᠠᠷ ᠤᠨ ᠨᠢᠳᠦᠨ ᠪᠤᠯᠠᠭ ᠤᠨ ᠴᠢᠨᠢ ᠬᠠᠳᠠ ᠴᠤᠭᠤᠯᠠᠭᠰᠠᠨ ᠳᠣᠭᠰᠢᠨ
ᠴᠠᠮᠨᠠᠭᠠ
ᠨᠠᠮᠠ ᠶᠢ ᠡᠷᠡᠮᠡᠬᠡᠢ ᠪᠣᠯᠭᠠᠭᠰᠠᠨ
ᠬᠢᠷᠦᠭᠡᠨ ᠤ ᠢᠷ ᠰᠢᠭ ᠠᠯᠤᠰ ᠤᠨ ᠨᠠᠮᠬᠠᠨ ᠠᠭᠤᠯᠠᠰ ᠤᠨ ᠴᠢᠨᠢ
ᠣᠷᠤᠢ
ᠬᠥᠬᠡ ᠭᠠᠯ ᠤᠨ ᠴᠢᠨᠢ ᠢᠷᠲᠦ ᠤᠯᠠᠭᠠᠨ ᠳᠥᠯᠦ
ᠨᠠᠮᠠ ᠶᠢ ᠪᠠᠳᠠᠷᠠᠩᠭᠤᠢ ᠪᠣᠯᠭᠠᠭᠰᠠᠨ
ᠰᠠᠢᠬᠠᠨ ᠴᠢᠨᠦ ᠭᠠᠩᠳᠠᠵᠤ ᠡᠯᠡᠭᠳᠡᠬᠦ ᠬᠣᠶᠠᠷ
ᠰᠠᠷᠠ ᠲᠠᠢ ᠰᠥᠨᠢ ᠶᠢᠨ ᠴᠢᠨᠢ ᠴᠢᠮᠡᠭᠡᠨ ᠳᠦ ᠵᠠᠩᠭᠢᠷᠠᠬᠤ
ᠴᠠᠭᠠᠨ ᠠᠶᠠᠯᠭᠤ ᠨᠠᠮᠠ ᠶᠢ ᠤᠶᠠᠬᠠᠨ ᠪᠣᠯᠭᠠᠭᠰᠠᠨ
ᠨᠤᠲᠤᠭ
ᠤᠰᠤᠨ ᠤ ᠮᠢᠨᠢ ᠬᠠᠶᠠᠭᠠ ᠦᠯᠵᠡᠢ ᠲᠠᠢ ᠲᠦᠮᠡᠨ
ᠨᠠᠭᠤᠷ
ᠲᠣᠭᠣᠷᠢᠮ ᠤᠨ ᠴᠢᠨᠢ ᠰᠢᠷᠬᠡᠭ ᠴᠢᠯᠠᠭᠤ ᠬᠦᠷᠲᠡᠯᠡ
ᠨᠠᠮᠠ
ᠶᠢ ᠬᠥᠮᠥᠨ ᠪᠣᠯᠭᠠᠭᠰᠠᠨ
ᠪᠠᠢᠳᠠᠭᠤ ᠮᠢᠩᠭᠠᠨ ᠤ ᠠᠭᠤᠯᠠᠰ ᠢᠶᠠᠨ ᠳᠠᠭᠤᠷᠢᠶᠠᠵᠤ ᠲᠣᠯᠤᠭᠠᠢ ᠳᠦ
ᠮᠢᠨᠢ ᠪᠤᠭᠤᠷᠤᠯ ᠰᠠᠭᠤᠵᠤ
ᠪᠠᠭᠠ ᠳᠠᠭᠠᠨ ᠬᠥᠬᠦᠭᠰᠡᠨ ᠡᠬᠡ ᠶᠢᠨ ᠰᠦ ᠭᠠᠳᠠᠭᠰᠢᠯᠠᠬᠤ ᠶᠢᠨ ᠴᠠᠭ ᠲᠤ
ᠰᠢᠯᠦᠭ ᠢᠶᠡᠨ ᠪᠢ ᠴᠢᠮᠠ ᠳᠡᠭᠡᠷᠡ ᠬᠥᠮᠦᠨ ᠴᠢᠯᠠᠭᠤ ᠰᠢᠭ᠋
ᠣᠷᠬᠢᠭᠠᠳ
ᠰᠡᠭᠦᠳᠡᠷ ᠢᠶᠡᠨ ᠳᠠᠷᠤᠵᠤ ᠤᠨᠠᠬᠤ ᠳᠠᠭᠠᠨ
ᠡᠯᠢᠭᠡ ᠶᠢ ᠴᠢᠨᠢ ᠴᠦᠮᠦᠯᠡᠨ ᠰᠢᠩᠭᠡᠨᠡ
ᠪᠣᠷᠵᠢᠭᠢᠨ ᠤ ᠪᠣᠷᠤ ᠲᠠᠯᠠ ᠮᠢᠨᠢ
Боржигины бор тал
Эхийн сүү тагнайд амтагдаж
Салхины үзүүр залгихад
Агь хоолойд аргасан
Боржигины бор тал минь
Тэнгэрийн хэвтэр буурал тал минь
Таанын цагаан толгойноос өөр
Тайтгаруулах цэцэггүй нүцгэн тал минь
Нандин эрхэмсэг эгэл боргилын туйл
Нар хур царайчилсан газрын саальтай хормой минь
Тэнгэр тийчиж намайг төрөхөд тал минь
Торго шиг зөөлөн байсан чи
Жаргал зовлон хоёрыг амсаж эдэлж
Чулуун дээр чинь баяр гунигийн нулимс унагахад
Эр хүн шиг нуруутай бай гэсэн шиг
Эргүүлж над руу цацан хатуугаас хатуу байсан чи
Сайран дээр чинь өдөлсөн жигүүртэн тэнгэртээ нөгчихөд
Салхи хөлөглөсөн өд нь чам дээр эргэж буудаг
Ботго нь үхсэн ингэний
Борвио хагартал савирсан цусны туяатай сүүг
Чи л залгиж зовлонг нь хугасалж
Чинэсэн хөхийг нь амирлуулсан
Дээдсийн шарил харваж унасан тэнгэрийн солирыг
Дэлхийн төвтэй чи л нийлүүлсэн
Чиний шарх
Зүрхний шархнаас хождож анина тал минь
Тугалын бэлчээрээс эхлэн
Тоглоом дэлгэсэндээ чи
Намайг эрх болгосон
Туулсан зуунуудын гашуун сургамжийг
Хэлж зүрхлээгүйдээ чи
Намайг гэнэн болгосон
Газрын нүдэн булгийн чинь
Хад цоолсон догшин цамнаа
Намайг эрэмгий болгосон
Хөрөөний ир шиг алсын намхан уулсын чинь орой
Хөх галын чинь урт улаан дөл
Намайг бадрангуй болгосон
Сайхан чинийг гандах элэгдэх хоёр
Сартай шөнийн чинь чимээнд зангирах цагаан аялгуу
Намайг уяхан болгосон
Нутаг усны минь хаяа өлзийтэй түмэн
Нуур тойрмын ширхэг чулуу хүртэл
Намайг хүн болгосон
Байдуу мянганы уулсаа дууриан
Толгойд буурад сууж
Багадаа хөхсөн эхийн сүү
Гадагшлахын цагт
Шүлгээ би чам дээрээ
Хүн улуу шиг орхиод
Сүүдрээ дарж унахдаа
Элгий чинь цөмлөн шингэнэ
Боржигины бор тал минь