ᠪᠠᠲᠤ ᠬᠠᠭᠠᠨ 8-22ᠬᠣᠯᠠ ᠶ᠋ᠢᠨ ᠨᠤᠲᠤᠭ ᠲᠸ᠋-ᠰᠢᠭᠤᠷᠭᠠ ᠲᠠᠯᠪᠢᠪᠠBat khaan Бат хаан-ᠷᠣᠮᠠᠨ
8ᠬᠣᠷᠢᠨ ᠬᠣᠶᠠᠷ ᠂ ᠬᠣᠯᠠ ᠶ᠋ᠢᠨ ᠨᠤᠲᠤᠭ ᠲᠸ᠋
ᠨᠠᠰᠤᠲᠠᠢ ᠨᠠᠽᠠᠷ— ᠺᠢᠶᠠᠷᠢᠽᠸᠺ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠬᠤ ᠶ᠋ᠢ ᠬᠦᠰᠡᠭᠰᠡᠨ ᠰᠢᠷᠬᠠᠲᠠᠨ ᠺᠢᠫᠴᠠᠺ ᠪᠠ ᠤᠢᠭᠤᠷ ᠬᠥᠮᠦᠰ ᠦ᠋ᠨ ᠬᠠᠮᠲᠤ ᠪᠠᠲᠤ ᠬᠠᠭᠠᠨ ᠤ᠋ ᠰᠢᠪᠰᠢᠭᠲᠡᠢ ᠥᠷᠥᠭᠡᠨ ᠡᠴᠡ ᠶᠠᠪᠤᠵᠤ ᠣᠳᠪᠠ᠃
ᠲᠡᠳᠡ ᠪᠠᠲᠤ ᠬᠠᠭᠠᠨ ᠤ᠋ ᠶᠠᠪᠤᠵᠤ ᠥᠩᠭᠡᠷᠡᠭᠰᠡᠨ ᠮᠥᠨ ᠲᠡᠷᠡ ᠵᠠᠮ ᠢ᠋ᠶ᠋ᠠᠷ ᠪᠤᠴᠠᠵᠤ ᠳᠥᠷᠪᠡᠨ ᠰᠠᠷᠠ ᠪᠣᠯᠤᠭᠠᠳ ᠨᠠᠮᠤᠷ ᠤ᠋ᠨ ᠡᠬᠢᠨ ᠢ᠋ᠶ᠋ᠡᠷ ᠰᠢᠬ᠌ᠨᠠᠺ ᠲᠤ᠌ ᠬᠦᠷᠴᠦ ᠢᠷᠡᠵᠡᠢ᠃ ᠬᠣᠲᠠ ᠶ᠋ᠢᠨ ᠪᠠ ᠣᠢᠷᠠ ᠬᠠᠪᠢ ᠶ᠋ᠢᠨ ᠨᠤᠲᠤᠭ ᠤ᠋ᠨ ᠡᠮᠡᠭᠲᠡᠢᠴᠦᠳ ᠥᠪᠡᠷ ᠦ᠋ᠨ ᠣᠢᠷᠠ ᠳᠣᠲᠣᠨᠣ ᠶ᠋ᠢᠨ ᠬᠥᠮᠦᠰ ᠢ᠋ ᠬᠦᠯᠢᠶᠡᠵᠦ᠂ ᠪᠠᠷᠠᠭᠤᠨ ᠠ᠋ᠴᠠ ᠢᠷᠡᠬᠦ ᠵᠠᠮ ᠤ᠋ᠳ ᠳᠡᠭᠡᠷᠡ ᠠᠯᠢ ᠬᠡᠳᠦᠢᠨᠡᠢ ᠵᠣᠭᠰᠣᠵᠤ ᠪᠠᠢᠪᠠ᠃
ᠨᠠᠽᠠᠷ ᠤ᠋ᠨ ᠭᠡᠷᠭᠡᠢ ᠨᠠᠰᠤᠲᠠᠢ ᠺᠢᠽ一ᠲᠦᠭᠮᠡᠰ ᠪᠠᠭᠠ ᠬᠦᠦ ᠲᠤᠷᠭᠠᠩ ᠪᠠ ᠳᠥᠷᠪᠡᠨ ᠪᠡᠷᠢ ᠨᠦ᠍ᠭᠦᠳ ᠦ᠋ᠨ ᠬᠠᠮᠲᠤ ᠥᠪᠡᠷ ᠦ᠋ᠨ ᠭᠡᠷ ᠦ᠋ᠨ ᠭᠠᠳᠠᠨᠠ ᠵᠣᠭᠰᠣᠵᠤ ᠪᠠᠢᠵᠠᠢ᠃ ᠲᠡᠳᠡ ᠢᠷᠡᠵᠦ ᠶᠠᠪᠤᠭᠠ ᠮᠣᠷᠢᠲᠠᠢ ᠬᠥᠮᠦᠰ ᠦ᠋ᠨ ᠬᠠᠷᠠ ᠪᠣᠯᠲᠠᠯᠠ ᠭᠠᠩᠳᠠᠭᠰᠠᠨ ᠨᠢᠭᠤᠷ ᠤ᠋ᠳ ᠢ᠋ ᠰᠢᠷᠳᠡᠨ ᠬᠠᠷᠠᠵᠠᠭᠠᠵᠤ ᠪᠠᠢᠪᠠ᠃
ᠨᠢᠭᠡᠨ ᠥᠨᠳᠥᠷ ᠰᠢᠷᠠ ᠲᠡᠮᠡᠭᠡ ᠶᠡᠬᠡᠮᠰᠦᠭ ᠠᠯᠬᠤᠭᠠ ᠪᠠᠷ ᠭᠡᠷ ᠦ᠋ᠨ ᠵᠦᠭ ᠲᠦ᠍ ᠣᠢᠷᠠᠲᠤᠨ ᠢᠷᠡᠬᠦ ᠳ᠋ᠦ᠍ ᠲᠡᠭᠦᠨ ᠦ᠌ ᠬᠣᠢᠨᠠ ᠠ᠋ᠴᠠ ᠬᠡᠪᠢᠰ ᠢ᠋ᠶ᠋ᠡᠷ ᠬᠤᠴᠢᠭᠰᠠᠨ ᠡᠮᠡᠭᠡᠯ ᠲᠡᠢ ᠳᠥᠷᠪᠡᠨ ᠮᠣᠷᠢ ᠠᠢᠰᠤᠢ ᠶᠠᠪᠤᠨᠠ᠃ ᠲᠡᠮᠡᠭᠡᠨ ᠳᠡᠭᠡᠷᠡ ᠠᠷᠤᠭ ᠳᠣᠲᠣᠷᠠ ᠭᠣᠶᠣᠮᠰᠣᠭ ᠬᠣᠷᠭᠣᠢ ᠲᠡᠷᠯᠢᠭ ᠲᠡᠢ ᠲᠣᠭᠣᠷᠢᠭ ᠮᠢᠨᠵᠢ ᠶ᠋ᠢᠨ ᠮᠠᠯᠠᠭᠠᠢ ᠲᠠᠢ ᠨᠢᠭᠡᠨ ᠦᠯᠦ ᠲᠠᠨᠢᠭᠳᠠᠬᠤ ᠡᠪᠦᠭᠡᠨ ᠰᠠᠭᠤᠵᠤ ᠶᠠᠪᠤᠬᠤ ᠨᠢ ᠠᠯᠤᠰ ᠤ᠋ᠨ ᠭᠦᠷᠦᠨ ᠦ᠌ ᠡᠯᠴᠢᠨ ᠰᠠᠢᠳ ᠲᠠᠢ ᠠᠳᠠᠯᠢ ᠲᠥᠰᠦᠭᠡᠲᠡᠢ ᠪᠠᠢᠵᠠᠢ᠃ ᠲᠡᠷᠡ ᠬᠥᠮᠦᠨ᠂ ᠭᠠᠷ ᠲᠠᠭᠠᠨ ᠤᠷᠲᠤ ᠬᠥᠯ ᠲᠡᠢ ᠲᠠᠬᠢᠶᠠ ᠶ᠋ᠢ ᠪᠠᠷᠢᠵᠤ ᠶᠠᠪᠤᠵᠠᠢ᠃
ᠭᠡᠨᠡᠳᠲᠡ ᠲᠣᠷᠭᠠᠩ ᠬᠦᠦ ᠬᠠᠰᠬᠢᠷᠤᠭᠰᠠᠨ ᠨᠢ᠂
— ᠡᠨᠡ ᠨᠢ ᠲᠠᠲ᠋ᠦ᠋(ᠠᠪᠤ) ᠪᠠᠢᠨᠠ ! ᠬᠠᠷᠢᠨ ᠠᠬᠠ ᠨᠠᠷ ᠠᠯᠠᠭᠠ! ᠭᠡᠪᠡ᠃ ᠺᠢᠽ— ᠲᠦᠭᠮᠡᠰ ᠪᠠ ᠲᠡᠭᠦᠨ ᠦ᠌ ᠪᠡᠷᠢ ᠨᠤᠭᠦᠳ ᠠᠶᠤᠮᠰᠢᠭᠲᠠᠢ ᠴᠢᠩᠭᠠ ᠪᠠᠷ ᠪᠠᠷᠬᠢᠷᠠᠵᠤ ᠤᠬᠢᠯᠠᠯᠳᠤᠭᠰᠠᠨ ᠲᠤᠯᠠ ᠠᠢᠯ ᠤ᠋ᠳ ᠤ᠋ᠨ ᠪᠦᠬᠦ ᠬᠥᠮᠦᠰ ᠲᠠᠯᠠ ᠲᠠᠯᠠ ᠠ᠋ᠴᠠ ᠭᠦᠶᠦᠯᠳᠦᠵᠦ ᠢᠷᠡᠪᠡ᠃ ᠳᠥᠷᠪᠡᠨ ᠮᠣᠷᠢᠨ ᠳ᠋ᠤ᠌ ᠲᠣᠬᠣᠭᠰᠠᠨ ᠰᠤᠯᠠ ᠡᠮᠡᠭᠡᠯ ᠦ᠋ᠳ ᠪᠠ ᠲᠡᠭᠦᠨ ᠦ᠌ ᠳᠡᠭᠡᠷᠡ ᠤᠶᠠᠭᠰᠠᠨ ᠨᠠᠽᠠᠷ ᠤ᠋ᠨ ᠬᠥᠪᠡᠭᠦᠳ ᠦ᠋ᠨ ᠲᠠᠬᠢᠷ ᠰᠡᠯᠡᠮᠡ ᠨᠤᠭᠦᠳ᠂ ᠪᠦᠭᠦᠳᠡ ᠬᠥᠮᠦᠰ ᠢ᠋ ᠲᠦᠭᠰᠢᠭᠦᠯᠪᠡ᠃ ᠪᠡᠷᠢ ᠨᠤᠭᠦᠳ ᠮᠣᠷᠢᠳ ᠤ᠋ᠨ ᠵᠦᠭ ᠲᠸ᠋ ᠭᠦᠶᠦᠨ ᠣᠴᠢᠵᠠᠭᠠᠵᠤ ᠬᠠᠵᠠᠭᠠᠷ ᠠ᠋ᠴᠠ ᠨᠢ ᠪᠠᠷᠢᠵᠤ ᠠᠪᠴᠠᠭᠠᠭᠠᠳ᠂ ᠭᠠᠰᠢᠭᠤᠳᠠᠨ ᠤᠬᠢᠯᠠᠵᠠᠭᠠᠵᠤ ᠥᠪᠡᠷ ᠦ᠋ᠨ ᠭᠡᠷ ᠦ᠋ᠳ ᠦ᠋ᠨ ᠳᠡᠷᠭᠡᠳᠡ ᠠᠪᠠᠴᠢᠵᠠᠭᠠᠪᠠ᠃
ᠺᠢᠽ— ᠲᠦᠭᠮᠡᠰ᠂ ᠴᠢᠭᠢᠭᠲᠡᠢ ᠭᠠᠵᠠᠷ ᠲᠸ᠋ ᠤᠨᠠᠵᠤ ᠲᠡᠭᠦᠨ ᠢ᠋ ᠬᠤᠷᠤᠭᠤ ᠬᠢᠮᠤᠰᠤ ᠪᠠᠷ ᠢ᠋ᠶ᠋ᠠᠨ ᠮᠠᠯᠲᠠᠵᠤ ᠪᠤᠭᠤᠷᠤᠯ ᠦᠰᠦ ᠪᠡᠨ ᠵᠤᠯᠭᠠᠭᠠᠵᠤ ᠪᠠᠢᠪᠠ᠃
— ᠮᠢᠨᠦ ᠬᠥᠪᠡᠭᠦᠳ ! ᠮᠢᠨᠦ ᠬᠥᠪᠡᠭᠦᠳ ᠬᠠᠮᠢᠭᠠ ᠪᠣᠢ? ᠬᠡᠨ ᠲᠡᠳᠡᠨ ᠢ᠋ ᠨᠠᠳᠠᠳᠤ ᠡᠭᠡᠭᠦᠯᠵᠦ ᠥᠭᠬᠦ ᠪᠣᠢ? ᠭᠡᠨᠡ᠃
ᠭᠠᠵᠠᠷ ᠨᠤᠲᠤᠭ ᠲᠸ᠋ ᠪᠠᠭᠤᠵᠤ᠂ ᠭᠡᠷᠭᠡᠢ ᠳ᠋ᠡᠭᠡᠨ ᠶᠣᠰᠣᠯᠠᠨ ᠲᠡᠭᠦᠯᠳᠡᠷ ᠬᠡᠯᠡᠭᠰᠡᠨ ᠨᠢ᠂
— ᠥᠪᠡᠷ ᠦ᠋ᠨ ᠡᠷᠡᠯᠬᠡᠭ ᠰᠠᠢᠨ ᠳᠥᠷᠪᠡᠨ ᠬᠦᠦ ᠡᠴᠡ ᠬᠣᠢᠰᠢ ᠴᠤ᠌ ᠴᠢᠨᠦ ᠮᠥᠩᠭᠥᠨ ᠴᠠᠭᠠᠨ ᠪᠤᠭᠤᠷᠤᠯ ᠲᠣᠯᠣᠭᠠᠢ ᠠᠮᠢᠳᠤ ᠪᠠᠢᠨᠠ ! ᠭᠡᠳ ᠲᠡᠷᠡ ᠡᠪᠦᠭᠡᠨ ᠬᠣᠷᠭᠣᠢ ᠬᠠᠨᠴᠤᠢ ᠪᠠᠷ ᠨᠢᠳᠦ ᠪᠡᠨ ᠳᠠᠯᠳᠠᠯᠠᠪᠠ᠃
ᠺᠢᠽ— ᠲᠥᠭᠮᠡᠰ ᠭᠡᠨᠡᠳᠲᠡ ᠥᠨᠳᠡᠢᠵᠦ ᠪᠣᠰᠤᠭᠠᠳ᠂
— ᠮᠢᠨᠦ ᠬᠦᠦ ᠮᠦᠰᠤᠢ᠍ᠺ ᠬᠠᠮᠢᠭᠠ ᠪᠣᠢ? ᠴᠢ ᠲᠡᠭᠦᠨ ᠦ᠌ ᠲᠤᠬᠠᠢ ᠯᠠ ᠲᠤᠭᠤᠯᠤᠭᠰᠠᠨ ᠤᠤ? ᠭᠡᠵᠦ ᠠᠰᠠᠭᠤᠪᠠ᠃
ᠨᠠᠽᠠᠷ ᠬᠥᠮᠥᠰᠬᠡ ᠪᠡᠨ ᠵᠠᠩᠭᠢᠳᠴᠤ ᠨᠢᠭᠡ ᠶᠠᠭᠤᠮᠠ ᠰᠠᠨᠠᠭᠠᠨ ᠳ᠋ᠤᠨᠢ ᠣᠷᠣᠭᠰᠠᠨ ᠮᠡᠲᠦ ᠶᠡᠷᠦ ᠴᠢᠮᠡᠭᠡ ᠦᠭᠡᠢ ᠵᠣᠭᠰᠣᠵᠤ ᠪᠠᠢᠭᠠᠳ ᠳᠠᠷᠠᠭᠠ ᠨᠢ ᠬᠥᠬᠡ ᠪᠤᠭᠤᠷᠤᠯ ᠰᠠᠬᠠᠯ ᠢ᠋ᠶ᠋ᠠᠨ ᠭᠠᠷ ᠢ᠋ᠶ᠋ᠠᠷ ᠢᠯᠢᠵᠦ ᠶᠡᠬᠡᠮᠰᠦᠭ ᠬᠡᠯᠡᠭᠰᠡᠨ ᠨᠢ᠄
— ᠮᠥᠰᠦᠺ ᠨᠡᠷᠡ ᠶ᠋ᠢ ᠪᠢ ᠥᠭᠭᠦᠭᠰᠡᠨ ᠶᠤᠮ᠂ ᠬᠠᠷᠢᠨ ᠤᠷᠲᠤ ᠨᠠᠰᠤ ᠶ᠋ᠢ ᠨᠢ ᠠᠯᠠᠯᠾ ᠪᠤᠷᠬᠠᠨ ᠥᠭᠲᠦᠭᠡᠢ! ᠭᠡᠪᠡ᠃
ᠠᠢᠯ ᠤ᠋ᠨ ᠡᠮᠡᠭᠲᠡᠢᠴᠦᠳ ᠢᠷᠡᠵᠦ ᠺᠢᠽ— ᠲᠦᠭᠮᠡᠰ ᠢ᠋ ᠥᠨᠳᠡᠢᠯᠭᠡᠵᠦ᠂ ᠭᠡᠷ ᠲᠤᠨᠢ ᠣᠷᠣᠭᠤᠯᠪᠠ᠃ ᠲᠡᠳᠡ ᠪᠠᠷᠠᠭᠤᠨ ᠵᠦᠭ ᠲᠦ᠍ ᠶᠠᠪᠤᠭᠰᠠᠨ ᠶᠡᠬᠡ ᠠᠶᠠᠯᠠᠯ ᠳ᠋ᠤ᠌ ᠦᠬᠦᠭᠰᠡᠨ ᠺᠢᠫᠴᠠᠺ ᠤ᠋ᠨ ᠳᠥᠷᠪᠡᠨ ᠡᠷᠡᠯᠬᠡᠭ ᠪᠠᠭᠠᠲᠤᠷ ᠳ᠋ᠸᠮᠢᠷ᠂ ᠪᠦᠷᠢ— ᠪᠠᠢ᠂ ᠶᠠᠨᠲ᠋ᠠᠺ᠂ ᠺᠯᠢᠴᠢ— ᠨᠢᠶᠡᠽ ᠨᠠᠷ ᠤ᠋ᠨ ᠬᠣᠢᠨᠠ ᠠ᠋ᠴᠠ ᠭᠠᠰᠢᠭᠤᠳᠠᠵᠤ᠂ ᠤᠢᠳᠬᠠᠷᠲᠠᠢ ᠳᠠᠭᠤᠤ ᠨᠤᠭᠤᠳ ᠢ᠋ ᠠᠶᠠᠯᠤᠨ᠂ ᠡᠮᠦᠰᠴᠦ ᠶᠠᠪᠤᠭᠠ ᠬᠤᠪᠴᠠᠰᠤ ᠪᠠᠨ ᠤᠷᠠᠬᠤ᠂ ᠬᠠᠴᠠᠷ ᠢ᠋ᠶ᠋ᠠᠨ ᠮᠠᠭᠠᠵᠢᠬᠤ ᠵᠡᠷᠭᠡ ᠪᠡᠷ ᠥᠨᠥᠬᠢ ᠡᠮᠡᠭᠡᠨ ᠦ᠌ ᠰᠡᠳᠬᠢᠯ ᠢ᠋ ᠵᠠᠰᠠᠬᠤ ᠪᠠᠷ ᠴᠢᠳᠠᠬᠤ ᠴᠢᠨᠡᠭᠡ ᠪᠡᠷ ᠤᠷᠤᠯᠳᠤᠵᠤ ᠪᠠᠢᠪᠠ᠃
— ᠬᠠᠷᠢᠨ ᠠᠷᠢᠭᠤᠨ ᠣᠯᠵᠠ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ ᠪᠣᠢ? ᠭᠡᠵᠦ ᠠᠢᠯ ᠤ᠋ᠨ ᠬᠥᠮᠦᠰ ᠠᠰᠠᠭᠤᠵᠤ ᠪᠠᠢᠪᠠ᠃
— ᠮᠢᠨᠦ ᠣᠯᠵᠠ ᠤᠤ ? ᠵᠠ᠁ ᠬᠠᠮᠢᠭᠠ ᠪᠠᠢᠨᠠ ᠭᠡᠵᠦ ᠤᠤ? ᠬᠠᠷᠢᠨ ᠪᠠᠶᠠᠨᠳ᠋ᠸᠷ ᠬᠠᠭᠠᠨ ᠣᠳᠣ ᠣᠯᠠᠨ ᠪᠣᠭᠣᠯ ᠲᠠᠢ ᠪᠣᠯᠤᠭᠰᠠᠨ ᠪᠥᠭᠡᠳ ᠲᠡᠳᠡ ᠲᠡᠭᠦᠨ ᠦ᠌ ᠠᠷᠢᠭᠤᠨ ᠣᠯᠵᠠ ᠶ᠋ᠢ ᠠᠴᠢᠭᠰᠠᠨ ᠣᠯᠠᠨ ᠶᠡᠬᠡ ᠲᠡᠮᠡᠭᠡᠨ ᠵᠢᠩ ᠢ᠋ ᠬᠥᠲᠥᠯᠵᠦ ᠶᠠᠪᠤᠨᠠ᠃ᠬᠠᠷᠢᠨ ᠪᠢ᠁ ᠪᠢ ᠪᠣᠯ ᠬᠠᠭᠠᠨ ᠰᠢᠦ ᠳ᠋ᠠ! ᠭᠡᠪᠡ᠃
ᠦᠳᠡᠰᠢ ᠪᠡᠷ ᠤᠷᠲᠤ ᠬᠥᠯ ᠲᠡᠢ ᠰᠡᠷᠢᠭᠦᠯ ᠦ᠋ᠨ ᠲᠠᠬᠢᠶᠠ ᠪᠠᠷ ᠬᠢᠭᠰᠡᠨ ᠪᠤᠳᠠᠭᠠ ᠲᠠᠢ ᠬᠠᠭᠤᠷᠤᠭᠠ ᠶ᠋ᠢᠨ ᠳᠠᠷᠠᠭᠠ ᠨᠠᠽᠠᠷ᠂ ᠬᠠᠭᠤᠴᠢᠨ ᠭᠡᠷ ᠦ᠋ᠨ ᠡᠭᠦᠳᠡᠨ ᠦ᠌ ᠳᠡᠷᠭᠡᠳᠡ ᠮᠣᠷᠢᠨ ᠤ᠋ ᠲᠣᠬᠣᠮ ᠳᠡᠪᠢᠰᠴᠦ ᠰᠠᠭᠤᠪᠠ᠃ ᠡᠷᠭᠢᠨ ᠲᠣᠭᠣᠷᠢᠨ ᠺᠢᠫᠴᠠᠺ ᠤ᠋ᠳ ᠰᠢᠬᠠᠴᠠᠯᠳᠤᠵᠤ᠂ ᠶᠡᠬᠡ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠠᠴᠢ ᠬᠦᠦ ᠪᠥᠭᠡᠳ ᠵᠥᠴᠢ ᠶ᠋ᠢᠨ ᠬᠦᠦ ᠵᠣᠷᠢᠭᠲᠤ ᠵᠠᠯᠠᠭᠤ ᠵᠠᠩᠵᠤᠨ ᠪᠠᠲᠤ ᠬᠠᠭᠠᠨ ᠳ᠋ᠤ᠌ ᠳᠠᠭᠠᠭᠤᠯᠤᠭᠳᠠᠵᠤ ᠣᠷᠣᠭᠰᠠᠨ ᠪᠥᠭᠡᠳ ᠳᠡᠯᠭᠡᠷ ᠶᠡᠬᠡ ᠤᠰᠤᠲᠠᠢ ᠢᠵᠢᠯ ᠮᠥᠷᠡᠨ ᠦ᠌ ᠴᠠᠭᠠᠨᠠ ᠠᠵᠤ ᠲᠥᠷᠥᠵᠦ ᠠᠮᠢᠳᠤᠷᠠᠨ ᠰᠠᠭᠤᠬᠤ ᠬᠠᠴᠢᠨ ᠰᠣᠨᠢᠨ ᠦᠨᠳᠦᠰᠦᠲᠡᠨ ᠨᠠᠷ ᠤ᠋ᠨ ᠲᠤᠬᠠᠢ ᠨᠠᠽᠠᠷ ᠤ᠋ᠨ ᠶᠠᠷᠢᠬᠤ ᠶ᠋ᠢ ᠰᠢᠮᠳᠠᠨ ᠰᠣᠨᠣᠰᠴᠤ ᠪᠢᠯᠡ᠃
ᠬᠠᠳ᠋ᠵᠢ ᠷᠡᡁᠢᠮ ( ᠦ᠋ᠨ ) 《 ᠵᠠᠮ ᠤ᠋ᠨ ᠲᠡᠮᠳᠡᠭᠯᠡᠯ ᠦ᠋ᠳ 》 ᠡᠴᠡ ᠠᠪᠤᠭᠰᠠᠨ ᠬᠡᠰᠡᠭ ᠥᠭᠦᠯᠡᠪᠦᠷᠢ᠄ ᠣᠷᠣᠰ ᠤ᠋ᠳ ᠤ᠋ᠨ ᠲᠠᠷᠢᠶᠠᠯᠠᠩ ᠤ᠋ᠨ ᠭᠠᠵᠠᠷ ᠲᠤ᠌ ᠴᠤ᠌᠂ ᠲᠡᠳᠡᠨ ᠦ᠌ ᠭᠦᠨ ᠶᠡᠬᠡ ᠣᠢ ᠬᠥᠪᠴᠢ ᠶ᠋ᠢᠨ ᠳᠤᠮᠳᠠ ᠴᠤ᠌᠂ ᠺᠢᠫᠴᠠᠺ ᠤ᠋ᠨ ᠠᠭᠤᠳᠠᠮ ᠴᠡᠯᠭᠡᠷ ᠲᠠᠯᠠ ᠳ᠋ᠤ᠌ ᠴᠤ᠌ ᠮᠣᠩᠭᠣᠯ ᠤ᠋ᠨ ᠴᠢᠰᠤ ᠶᠡᠬᠡᠪᠡᠷ ᠠᠰᠬᠠᠷᠠᠵᠠᠢ᠃ ᠨᠡᠭᠦᠳᠡᠯᠴᠢᠨ ᠠᠢᠮᠠᠭ ᠤ᠋ᠳ ᠤ᠋ᠨ ᠡᠨᠡᠷᠢᠯ ᠦᠭᠡᠢ ᠴᠡᠷᠢᠭ ᠢ᠋ ᠡᠰᠡᠷᠭᠦᠴᠡᠭᠰᠡᠨ ᠡᠩ ᠦ᠋ᠨ ᠨᠣᠮᠣᠬᠠᠨ ᠤᠯᠤᠰ ᠲᠦᠮᠡᠨ ᠦ᠌ ᠴᠢᠰᠤ ᠢᠯᠡᠭᠦᠦ ᠶᠡᠬᠡᠪᠡᠷ ᠠᠰᠬᠠᠷᠠᠵᠠᠢ᠃ ᠡᠨᠡ ᠪᠣᠯ ᠮᠣᠩᠭᠣᠯ ᠤ᠋ᠨ ᠨᠡᠷᠡ ᠶ᠋ᠢ ᠶᠡᠬᠡᠮᠰᠦᠭ ᠪᠠ ᠠᠶᠤᠮᠰᠢᠭ ᠰᠦᠷᠲᠡᠢ ᠪᠣᠯᠭᠠᠬᠤ ᠶ᠋ᠢᠨ ᠲᠥᠯᠥᠭᠡ ᠬᠢᠭᠳᠡᠵᠦ ᠪᠠᠢᠵᠠᠢ᠃
ᠪᠣᠯᠭᠠᠷᠢ᠂ ᠣᠷᠣᠰ᠂ ᠪᠦᠷᠳ᠋ᠦᠢ᠍ᠰ ᠨᠠᠷ ᠤ᠋ᠨ ᠵᠡᠷᠭᠡ ᠪᠤᠰᠤᠳ ᠤᠮᠠᠷᠠᠲᠤ ᠭᠠᠵᠠᠷ ᠤ᠋ᠳ ᠤ᠋ᠨ ᠤᠯᠤᠰ ᠦᠨᠳᠦᠰᠦᠲᠡᠨ ᠨᠦ᠍ᠭᠦᠳ ᠦ᠋ᠨ ᠨᠤᠲᠤᠭ ᠢ᠋ ᠪᠠᠢᠯᠳᠤᠨ ᠡᠵᠡᠯᠡᠬᠦ ᠶ᠋ᠢᠨ ᠲᠤᠯᠠ ᠶᠠᠪᠤᠭᠰᠠᠨ ᠵᠠᠩᠵᠤᠨ ᠪᠠᠲᠤ ᠬᠠᠭᠠᠨ ᠤ᠋ ᠠᠩᠬᠠᠨ ᠤ᠋ ᠠᠶᠠᠨ ᠲᠡᠢᠨ ᠪᠣᠯ ᠺᠢᠫᠴᠠᠺ ᠤ᠋ᠨ ᠲᠠᠯᠠ ᠳ᠋ᠤ᠌ ᠪᠤᠴᠠᠵᠤ ᠣᠴᠢᠭᠰᠠᠨ ᠶᠠᠪᠤᠳᠠᠯ ᠢ᠋ᠶ᠋ᠠᠷ ᠲᠡᠭᠦᠰᠬᠡᠯ ᠪᠣᠯᠵᠠᠢ᠃
ᠭᠡᠪᠡᠴᠦ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠠᠴᠢ ᠬᠦᠦ ᠡᠨᠡ ᠵᠠᠯᠠᠭᠤ ᠵᠠᠩᠵᠤᠨ ᠤ᠋ ᠰᠡᠳᠦᠪᠯᠡᠭᠰᠡᠨ ᠠᠶᠤᠮᠰᠢᠭᠲᠤ ᠰᠠᠨᠠᠭᠠ ᠡᠭᠦᠨ ᠢ᠋ᠶ᠋ᠡᠷ ᠬᠢᠵᠠᠭᠠᠷᠯᠠᠭᠳᠠᠭᠰᠠᠨ ᠦᠭᠡᠢ᠃ ᠪᠠᠲᠤ ᠬᠠᠭᠠᠨ᠂ ᠺᠢᠫᠴᠠᠺ ᠤ᠋ᠨ ᠲᠠᠯᠠ ᠳ᠋ᠤ᠌ ᠬᠣᠶᠠᠷ ᠵᠢᠯ ᠪᠠᠢᠵᠠᠨᠠᠭᠠᠳ ᠠᠶᠠᠨ ᠲᠡᠢᠨ ᠳ᠋ᠦ᠍ ᠡᠴᠡᠵᠦ ᠲᠤᠷᠠᠭᠰᠠᠨ ᠮᠣᠩᠭᠣᠯ ᠮᠣᠷᠢᠳ ᠢ᠋ ᠲᠡᠩᠬᠡᠷᠡᠭᠦᠯᠦᠭᠡᠳ᠂ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠮᠠᠰᠢ ᠶᠡᠬᠡ ᠴᠡᠷᠢᠭ ᠢ᠋ᠶ᠋ᠡᠷ ᠤᠯᠠᠮ ᠶᠡᠬᠡ ᠳᠣᠩᠰᠣᠯᠭᠠᠭᠰᠠᠨ ᠰᠢᠨᠡ ᠳᠣᠪᠲᠣᠯᠭᠠᠨ ᠢ᠋ ᠳᠠᠬᠢᠨ ᠪᠠᠷᠠᠭᠤᠨ ᠵᠦᠭ ᠲᠦ᠍ ᠬᠢᠭᠰᠡᠨ ᠨᠢ ᠠᠩᠬᠠ ᠲᠡᠷᠢᠭᠦᠨ ᠳ᠋ᠦ᠍ ᠣᠷᠣᠰ ᠤ᠋ᠨ ᠠᠯᠲᠠᠨ ᠣᠷᠣᠢᠲᠤ ᠬᠣᠲᠠ ᠺᠢᠸᠸ᠂ ᠳᠠᠷᠠᠭᠠ ᠨᠢ ᠴᠠᠰᠢ ᠨᠠᠷᠠ ᠰᠢᠩᠭᠡᠬᠦ ᠵᠦᠭ ᠦ᠋ᠨ ᠣᠷᠣᠨ ᠨᠤᠭᠤᠳ ᠢ᠋ ᠳᠣᠪᠲᠣᠯᠵᠤ ᠲᠡᠳᠡᠭᠡᠷ ᠲᠦ᠍ ᠠᠶᠤᠯ ᠬᠥᠨᠥᠭᠡᠯ ᠪᠠ ᠦᠢᠮᠡᠭᠡᠨ ᠰᠠᠮᠠᠭᠤᠨ ᠢ᠋ ᠤᠴᠠᠷᠠᠭᠤᠯᠵᠠᠢ᠃
ᠭᠡᠪᠡᠴᠦ ᠡᠨᠡ ᠪᠦᠬᠦᠨ ᠦ᠌ ᠲᠤᠬᠠᠢ ᠪᠢ ᠥᠭᠡᠷᠡ ᠨᠢᠭᠡ ᠳᠡᠪᠲᠡᠷ ᠲᠦ᠍ ᠪᠢᠴᠢᠭᠰᠡᠨ ᠪᠥᠭᠡᠳ ᠰᠣᠨᠢᠷᠬᠠᠨ ᠪᠦᠬᠦᠢ ᠤᠩᠰᠢᠭᠴᠢᠳ ᠲᠡᠭᠦᠨ ᠢ᠋ ᠦᠵᠡᠬᠦ ᠪᠣᠯᠪᠠᠤ ᠭᠡᠳ ᠳᠦᠷᠡᠯᠵᠡᠨ ᠰᠢᠲᠠᠬᠤ ᠲᠡᠢᠨ ᠦ᠌ ᠭᠠᠯ ᠠ᠋ᠴᠠ ᠤᠯᠤᠰ ᠲᠦᠮᠡᠨ ᠳ᠋ᠦ᠍ ᠤᠴᠠᠷᠠᠬᠤ ᠲᠡᠷᠡ ᠵᠣᠪᠠᠯᠠᠩ ᠦᠭᠡᠢ ᠪᠡᠷ ᠡᠩᠬᠡ ᠲᠦᠪᠰᠢᠨ ᠪᠥᠭᠡᠳ ᠤᠷᠲᠤ ᠤᠳᠠᠭᠠᠨ ᠠᠮᠢᠳᠤᠷᠠᠬᠤ ᠶ᠋ᠢ ᠲᠡᠳᠡᠨ ᠳ᠋ᠦ᠍ ᠢᠷᠥᠭᠡᠶᠡ᠁》
( ᠮᠣᠩᠭᠣᠯ ᠰᠢᠨᠡ ᠦᠰᠦᠭ ᠡᠴᠡ ᠪᠠᠭᠤᠯᠭᠠᠭᠰᠠᠨ ᠨᠢ ᠮᠠᠰᠢ᠂ ᠬᠢᠨᠠᠭᠰᠠᠨ ᠨᠢ ᠭᠣᠨᠴᠣᠭᠰᠡᠷᠡᠩ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠡᠷᠡᠢᠳ ᠂ ᠮᠥᠩᠬᠡᠨᠠᠰᠤᠨ 2 ᠬᠠᠭᠤᠳᠠᠰᠤ᠂ ᠬᠦᠦᠳᠠᠭᠠᠭᠤᠯ 1 ᠬᠠᠭᠤᠳᠠᠰᠤ᠂ ᠮᠡᠷᠭᠡᠨᠭᠣᠸᠠ 1 ᠬᠠᠭᠤᠳᠠᠰᠤ᠂ ᠪᠠᠶᠡᠨᠴᠡᠴᠡᠭ 1 ᠬᠠᠭᠤᠳᠠᠰᠤ᠂ ᠭᠡᠷᠡᠯ 1 ᠬᠠᠭᠤᠳᠠᠰᠤ᠂ ᠡᠷᠳᠡᠨᠢᠭᠣᠸᠠ 1 ᠬᠠᠭᠤᠳᠠᠰᠤ ᠂ ᠤᠰᠬᠠᠯ 1 ᠬᠠᠭᠤᠳᠠᠰᠤ ᠂ ᠡᠵᠡᠨᠡ 1 ᠬᠠᠭᠤᠳᠠᠰᠤ
ᠬᠢᠨᠠᠭᠴᠢ᠄ ᠪᠠᠯ 2 ᠬᠠᠭᠤᠳᠠᠰᠤ᠂ ᠲ᠂ ᠬᠦᠮᠦᠵᠢᠯᠲᠦ 2 ᠬᠠᠭᠤᠳᠠᠰᠤ
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ 9 ᠬᠠᠭᠤᠳᠠᠰᠤ᠂ ᠠᠷᠢᠭᠤᠨ 9 ᠬᠠᠭᠤᠳᠠᠰᠤ
ᠬᠣᠢᠨᠠᠬᠢ ᠲᠡᠮᠳᠡᠭᠯᠡᠯ᠄
1. ᠵᠣᠬᠢᠶᠠᠯᠴᠢ ᠸ᠂ ᠶᠠᠨᠴᠸᠸᠢᠼᠺᠸ ᠤ᠋ᠨ ᠵᠣᠬᠢᠶᠠᠭᠰᠠᠨ 678 ᠬᠠᠭᠤᠳᠠᠰᠤ ᠲᠠᠢ《 ᠪᠠᠲᠤ ᠬᠠᠭᠠᠨ 》 ᠭᠡᠬᠦ ᠷᠣᠮᠠᠨ ᠢ᠋ 2025 ᠣᠨ ᠤ᠋ 7 ᠰᠠᠷᠠ ᠶ᠋ᠢᠨ 17 ᠠ᠋ᠴᠠ ᠡᠬᠢᠯᠡᠨ ᠣᠶᠤᠨ ᠪᠢᠴᠢᠭᠯᠡᠭᠦᠷ ᠢ᠋ᠶ᠋ᠡᠷ ᠭᠠᠷ ᠤᠲᠠᠰᠤᠨ ᠳ᠋ᠤ᠌ ᠬᠠᠭᠤᠯᠤᠨ ᠪᠢᠴᠢᠭᠡᠳ ᠪᠦᠬᠦᠯᠢ 5 ᠰᠠᠷᠠ ᠶ᠋ᠢᠨ ᠬᠤᠭᠤᠴᠠᠭᠠ ᠵᠠᠷᠤᠴᠠᠭᠤᠯᠤᠨ ᠳᠠᠭᠤᠰᠬᠠᠪᠠ᠃
2᠂ ᠬᠠᠭᠤᠯᠤᠨ ᠪᠢᠴᠢᠬᠦ ᠳ᠋ᠦ᠍ ᠪᠠᠷᠢᠮᠲᠠᠯᠠᠭᠰᠠᠨ ᠵᠠᠷᠴᠢᠮ᠄
一 ᠨᠣᠮ ᠬᠡᠪᠯᠡᠭᠳᠡᠬᠦ ᠦᠶᠡᠰ ᠦ᠋ᠨ ᠪᠢᠴᠢᠯᠭᠡ ᠶ᠋ᠢ ᠮᠥᠷᠳᠡᠵᠦ ᠬᠠᠭᠤᠯᠪᠠ᠃
一 ᠺᠣᠮᠫᠢᠦ᠋ᠲ᠋ᠧᠷ ᠢ᠋ᠶ᠋ᠡᠷ ᠨᠡᠢᠲᠡᠯᠡᠬᠦ ᠦᠶᠡᠰ ᠤᠯᠠᠭᠠᠨ ᠮᠥᠷ ᠨᠢ ᠡᠮᠦᠨᠡᠬᠢ ᠦᠰᠦᠭ ᠲᠡᠢ ᠪᠡᠨ ᠵᠠᠯᠭᠠᠯᠳᠤᠨ ᠢᠯᠡᠷᠡᠬᠦ ᠲᠤᠯᠠ 345 ᠳ᠋ᠤᠭᠠᠷ ᠬᠠᠭᠤᠳᠠᠰᠤᠨ ᠠ᠋ᠴᠠ ᠡᠬᠢᠯᠡᠵᠦ᠂ ᠨᠢᠭᠡ ᠮᠥᠷ ᠦ᠋ᠨ ᠬᠣᠭᠣᠰᠣᠨ ᠵᠠᠢ ᠦᠯᠡᠳᠡᠭᠡᠵᠦ᠂ ᠤᠯᠠᠭᠠᠨ ᠮᠥᠷ ᠪᠦᠬᠦᠢ ᠪᠠᠳᠠᠭ ᠢ᠋ ᠰᠢᠭᠤᠳ ᠳᠡᠭᠡᠷᠡ ᠲᠠᠯᠠ ᠠ᠋ᠴᠠ ᠨᠢ ᠪᠢᠴᠢᠪᠡ᠃
一 ᠲᠡᠰᠢᠶᠡ ᠦᠰᠦᠭ ᠢ᠋ ᠰᠢᠭᠤᠳ ᠵᠠᠯᠠᠷᠠᠭᠤᠯᠤᠨ ᠪᠢᠴᠢᠪᠡ᠃
一 ᠨᠠᠢᠷᠠᠭᠤᠯᠭᠠ ᠮᠠᠭᠤᠲᠠᠢ ᠥᠭᠦᠯᠡᠪᠦᠷᠢ ᠳ᠋ᠦ᠍ ᠴᠡᠭ ᠲᠡᠮᠳᠡᠭ᠂ ᠳᠠᠭᠠᠪᠤᠷᠢ᠂ ᠨᠢᠭᠡ ᠬᠣᠶᠠᠷ ᠦᠰᠦᠭ ᠨᠡᠮᠡᠵᠦ ᠪᠢᠴᠢᠭᠡᠳ ᠬᠠᠭᠠᠯᠲᠠᠨ ᠳ᠋ᠤ᠌ ᠬᠢᠪᠡ᠃
一 ᠠᠳᠠᠯᠢ ᠦᠰᠦᠭ ᠦ᠋ᠨ ᠨᠢᠭᠡᠳᠦᠯ ᠦᠭᠡᠢ ᠪᠢᠴᠢᠯᠭᠡ ᠶ᠋ᠢ ᠡᠮᠦᠨᠡᠬᠢ ᠪᠡᠷ ᠨᠢ ᠪᠠᠷᠢᠮᠵᠢᠶᠠᠯᠠᠨ ᠪᠢᠴᠢᠪᠡ᠃
一 ᠲᠡᠮᠳᠡᠭ ᠦᠭᠡ ᠶ᠋ᠢᠨ 《 ᠲᠡᠢ 》 ᠳᠠᠭᠠᠪᠤᠷᠢ᠂ ᠨᠡᠢᠯᠡᠭᠦᠯᠦᠭᠰᠡᠨ ᠪᠤᠶᠤ ᠰᠠᠯᠭᠠᠭᠰᠠᠨ ᠬᠡᠯᠪᠡᠷᠢ ᠪᠡᠷ ᠣᠯᠠᠨᠲᠠ ᠢᠯᠡᠷᠡᠭᠰᠡᠨ ᠢ᠋ ᠨᠢᠭᠡᠳᠦᠯᠵᠢᠭᠦᠯᠵᠦ ᠪᠢᠴᠢᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃
一 ᠵᠠᠷᠢᠮ ᠡᠭᠡᠳᠡᠷᠡᠭᠡᠨᠲᠠᠢ ᠦᠰᠦᠭ ᠢ᠋ ᠣᠢᠯᠠᠭᠠᠭᠰᠠᠨ ᠬᠢᠷᠢ ᠪᠡᠷ᠂ ᠤᠳᠬᠠ ᠪᠦᠬᠦᠢ ᠦᠰᠦᠭ ᠢ᠋ ᠬᠠᠭᠠᠯᠲᠠᠨ ᠳ᠋ᠤ᠌ ᠪᠢᠴᠢᠪᠡ᠃
一 ᠣᠢᠯᠠᠭᠠᠭᠰᠠᠨ ᠦᠭᠡᠢ ᠦᠰᠦᠭ ᠦ᠋ᠨ ᠠᠷᠤ ᠳ᠋ᠤ᠌ ᠬᠠᠭᠠᠯᠲᠠᠨ ᠳ᠋ᠤ᠌ ᠠᠰᠠᠭᠤᠯᠲᠠ ᠶ᠋ᠢᠨ ᠲᠡᠮᠳᠡᠭ ᠲᠠᠯᠪᠢᠪᠠ᠃
3᠂ ᠰᠥᠪᠡᠭᠡᠲᠡᠢ ᠪᠠᠭᠠᠲᠤᠷ ᠤ᠋ᠨ ᠬᠦᠦ ᠤᠷᠢᠶᠠᠩᠬᠠᠳᠠᠢ ᠶ᠋ᠢ《 ᠦᠷᠢᠶᠠᠩᠾ一 ᠭᠠᠳᠠᠩ 》 ᠭᠡᠵᠦ ᠣᠷᠣᠰᠴᠢᠯᠠᠨ ᠨᠡᠷᠡᠯᠡᠭᠰᠡᠨ ᠢ᠋ ᠲ᠂ ᠬᠦᠮᠦᠵᠢᠯᠲᠦ ᠪᠠᠭᠰᠢ ᠶ᠋ᠢᠨ ᠰᠠᠨᠠᠭᠤᠯᠭᠠ ᠪᠠᠷ 275 ᠳ᠋ᠤᠭᠠᠷ ᠬᠠᠭᠤᠳᠠᠰᠤᠨ ᠠ᠋ᠴᠠ ᠡᠬᠢᠯᠡᠨ ᠬᠠᠭᠠᠯᠲᠠᠨ ᠳ᠋ᠤ᠌ 《 ᠤᠷᠢᠶᠠᠩᠬᠠᠳᠠᠢ 》 ᠭᠡᠵᠦ ᠨᠡᠮᠡᠵᠦ ᠪᠢᠴᠢᠪᠡ᠃
一295 ᠳ᠋ᠤᠭᠠᠷ ᠬᠠᠭᠤᠳᠠᠰᠤᠨ ᠠ᠋ᠴᠠ ᠡᠬᠢᠯᠡᠨ ᠢᠯᠡᠷᠡᠭᠰᠡᠨ《 ᠭᠠᠷᠳᠢ ᠬ᠌ᠸᠯᠢ 》 ᠭᠡᠬᠦ ᠮᠣᠩᠭᠣᠯ ᠬᠥᠮᠦᠨ ᠦ᠌ ᠨᠡᠷᠡ ᠶ᠋ᠢ ᠲᠠᠭᠠᠮᠠᠭ ᠢ᠋ᠶ᠋ᠠᠷ ᠬᠠᠭᠠᠯᠲᠠᠨ ᠳ᠋ᠤ᠌《 ᠭᠠᠷᠤᠳᠢ 》 ᠭᠡᠵᠦ ᠪᠢᠴᠢᠪᠡ᠃ ᠵᠥᠪ ᠡᠰᠡᠬᠦ ᠶ᠋ᠢ ᠦᠵᠡᠬᠦ ᠮᠡᠷᠭᠡᠳ ᠰᠢᠭᠦᠭᠲᠦᠨ !
4. ᠠᠵᠢᠯ ᠠᠮᠢᠳᠤᠷᠠᠯ ᠤ᠋ᠨ ᠵᠠᠪ ᠴᠢᠯᠥᠭᠡ ᠪᠡᠨ ᠠᠰᠢᠭᠯᠠᠨ ᠬᠠᠭᠤᠯᠵᠤ ᠪᠢᠴᠢᠭᠰᠡᠨ᠂ ᠬᠢᠨᠠᠵᠤ ᠵᠠᠯᠠᠷᠠᠭᠤᠯᠤᠭᠰᠠᠨ᠂ ᠦᠰᠦᠭ ᠦ᠋ᠨ ᠵᠥᠪ ᠪᠤᠷᠤᠭᠤ ᠶ᠋ᠢ ᠰᠢᠰᠲᠸᠮ ᠳ᠋ᠦ᠍ ᠬᠢᠨᠠᠭᠰᠠᠨ ᠡᠷᠬᠢᠮ ᠣᠯᠠᠨ ᠨᠠᠢᠵᠠ ᠨᠠᠷ ᠲᠤ᠌ ᠪᠠᠨ ᠴᠢᠩ ᠰᠡᠳᠬᠢᠯ ᠦ᠋ᠨ ᠲᠠᠯᠠᠷᠬᠠᠯ ᠢ᠋ᠶ᠋ᠠᠨ ᠳᠡᠪᠰᠢᠭᠦᠯᠦᠶᠡ᠃ ᠰᠠᠢᠨ ᠤ᠋ ᠦᠢᠯᠡ ᠳᠡᠯᠭᠡᠷᠡᠵᠦ ᠴᠠᠢᠯᠭᠠᠨ ᠰᠡᠳᠬᠢᠯᠲᠦ ᠬᠥᠳᠡᠯᠮᠦᠷᠢᠴᠢ ᠢᠷᠭᠡᠨ ᠪᠦᠬᠦᠨ ᠲᠠᠢᠪᠤᠩ ᠰᠢᠨᠡ ᠡᠷᠢᠨ ᠦ᠌ ᠠᠮᠤᠭᠤᠯᠠᠩ ᠵᠢᠷᠭᠠᠯ ᠡᠳ᠋ᠯᠡᠬᠦ ᠪᠣᠯᠲᠤᠭᠠᠢ ! ᠨᠡᠩ ᠣᠯᠠᠨ ᠬᠥᠮᠦᠨ ᠲᠤᠰ ᠷᠣᠮᠠᠨ ᠢ᠋ ᠤᠩᠰᠢᠬᠤ ᠪᠣᠯᠤᠭᠠᠰᠠᠢ !
5. ᠠᠵᠢᠯ ᠤ᠋ᠨ ᠪᠦᠲᠦᠮᠵᠢ ᠶ᠋ᠢᠨ ᠪᠦᠷᠢᠳᠬᠡᠯ ( ᠬᠠᠭᠤᠳᠠᠰᠤ ᠪᠠᠷ ᠲᠣᠭᠠᠴᠠᠯᠠᠪᠠ )
一 ᠬᠠᠭᠤᠯᠵᠤ ᠪᠢᠴᠢᠭᠰᠡᠨ ᠪᠦᠷᠢᠳᠬᠡᠯ᠄ ᠠᠯᠲᠠᠨᠴᠢᠮᠡᠭ 147 ᠂ ᠠᠯᠲᠠᠨᠴᠡᠴᠡᠭ 8᠂ ᠠᠷᠢᠭᠤᠨ 39 ᠂ ᠡᠵᠡᠨᠡ 4᠂ ᠡᠷᠳᠡᠨᠢᠭᠣᠸᠠ 20᠂ ᠳ᠂ ᠣᠶᠤᠨᠪᠢᠯᠢᠭ᠌ 6᠂ ᠤᠰᠬᠠᠯ 5᠂ ᠪᠠᠯ 14᠂ ᠪᠠᠶᠠᠨᠰᠡᠷᠡᠩ 4᠂ ᠪᠠᠶᠠᠨᠴᠡᠴᠡᠭ 91᠂ ᠾᠧ ᠢᠦᠢ 2᠂ ᠬᠦᠦᠳᠠᠭᠠᠭᠤᠯ 41᠂ ᠮᠡᠷᠭᠡᠨᠭᠣᠸᠠ 66᠂ ᠬᠡᠷᠡᠢᠳ ᠂ ᠮᠥᠩᠬᠡᠨᠠᠰᠤᠨ 114᠂ ᠭᠡᠷᠡᠯ 77᠂ ᠰᠤᠳᠤᠯᠲᠦ 4
一 ᠭᠠᠷᠴᠠᠭ ᠢ᠋ ᠬᠠᠭᠠᠯᠤᠭᠰᠠᠨ ᠪᠦᠷᠢᠳᠬᠡᠯ᠄ ᠬᠡᠷᠡᠢᠳ ᠂ ᠮᠥᠩᠬᠡᠨᠠᠰᠤᠨ 3᠂ ᠠᠷᠢᠭᠤᠨ 4᠂ ᠠᠯᠲᠠᠨᠴᠢᠮᠡᠭ 2
一 ᠬᠠᠭᠤᠯᠤᠨ ᠪᠢᠴᠢᠬᠦ ᠶᠠᠪᠤᠴᠠ ᠶ᠋ᠢᠨ ᠳᠤᠮᠳᠠ ᠬᠢᠨᠠᠵᠤ ᠵᠠᠯᠠᠷᠠᠭᠤᠯᠤᠭᠰᠠᠨ ᠲᠡᠮᠳᠡᠭᠯᠡᠯ ᠪᠦᠷᠢᠨ ᠭᠦᠢᠴᠡᠳ ᠪᠤᠰᠤ ᠲᠤᠯᠠ ᠲᠣᠳᠣᠷᠬᠠᠢ ᠲᠣᠭᠠᠨ ᠤ᠋ ᠪᠦᠷᠢᠳᠬᠡᠯ ᠭᠠᠷᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠤᠯᠠ᠃ ᠠᠭᠤᠴᠢᠯᠠᠯ ᠬᠦᠰᠡᠶᠡ !
一 ᠦᠰᠦᠭ ᠦ᠋ᠨ ᠵᠥᠪ ᠪᠤᠷᠤᠭᠤ ᠶ᠋ᠢ ᠰᠢᠰᠲᠸᠮ ᠳ᠋ᠦ᠍ ᠬᠢᠨᠠᠭᠰᠠᠨ ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ 689
一 ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠠᠷᠢᠭᠤᠨ 689
6. ᠬᠡᠷᠡᠢᠳ ᠂ ᠮᠥᠩᠬᠡᠨᠠᠰᠤᠨ ᠤ᠋ ᠬᠠᠭᠤᠯᠵᠤ ᠪᠢᠴᠢᠭᠰᠡᠨ ᠢ᠋ ᠬᠠᠭᠤᠳᠠᠰᠤ ᠠᠯᠭᠠᠰᠠᠯ ᠦᠭᠡᠢ ᠬᠢᠨᠠᠭᠰᠠᠨ ᠲ᠂ ᠬᠦᠮᠦᠵᠢᠯᠲᠦ ᠪᠠᠭᠰᠢᠲᠠᠨ ᠳ᠋ᠤ᠌ ᠪᠠᠨ ᠬᠦᠨᠳᠦᠳᠬᠡᠯ ᠳᠡᠪᠰᠢᠭᠦᠯᠵᠦ ᠪᠠᠢᠨᠠ᠃
7. ᠪᠢᠴᠢᠬᠠᠨ ᠪᠢᠴᠢᠭᠡᠴᠢ ᠤᠰᠬᠠᠯ᠂ ᠡᠵᠡᠨᠡ ( ᠪᠠᠭᠠ ᠰᠤᠷᠭᠠᠭᠤᠯᠢ ᠶ᠋ᠢᠨ ᠬᠣᠶᠠᠳᠤᠭᠠᠷ ᠣᠨ ᠤ᠋ ᠰᠤᠷᠤᠭᠴᠢ ) ᠡᠭᠡᠴᠢ ᠳᠡᠭᠦᠦ ᠬᠣᠶᠠᠷ ᠲᠤ᠌ ᠪᠠᠨ ᠣᠨᠴᠠᠯᠠᠨ ᠲᠠᠯᠠᠷᠬᠠᠵᠤ ᠪᠠᠢᠨᠠ᠃
8. ᠨᠢᠭᠡ ᠭᠡᠷ ᠦ᠋ᠨ ᠭᠤᠷᠪᠠᠨ ᠦᠶᠡ ᠶ᠋ᠢᠨ ᠬᠥᠮᠦᠨ ᠬᠠᠭᠤᠯᠵᠤ ᠪᠢᠴᠢᠬᠦ ᠡᠨᠡᠬᠦ ᠠᠵᠢᠯ ᠳ᠋ᠤ᠌ ᠣᠷᠣᠯᠴᠠᠭᠰᠠᠨ ᠨᠢ ᠪᠢᠰᠢᠷᠡᠭᠦᠰᠢᠲᠡᠢ !
9. ᠠᠯᠳᠠᠭᠳᠠᠯ ᠡᠨᠳᠡᠭᠳᠡᠯ ᠢ᠋ ᠤᠩᠰᠢᠭᠴᠢ ᠣᠯᠠᠨ ᠮᠠᠨᠢ ᠰᠢᠭᠦᠵᠦ ᠵᠠᠰᠠᠨ ᠵᠠᠯᠠᠷᠠᠭᠤᠯᠬᠤ ᠶ᠋ᠢ ᠬᠦᠰᠡᠮᠦᠢ !
ᠶᠡᠷᠦᠩᠬᠡᠢ ᠬᠢᠨᠠᠭᠴᠢ ᠠᠷᠢᠭᠤᠨ ᠠ᠋ᠴᠠ ᠬᠢᠴᠢᠶᠡᠩᠭᠦᠢᠯᠡᠪᠡ᠃
2025 ᠣᠨ ᠤ᠋ ᠠᠷᠭᠠ ᠶ᠋ᠢᠨ 12 ᠰᠢᠷᠠ ᠶ᠋ᠢᠨ 21 ᠤ᠋ ᠡᠳᠦᠷ