ᠦᠷ ᠦᠨ ᠲᠤᠶᠠᠭᠠ II – ᠪ᠂ ᠷᠢᠨᠴᠢᠨ - ᠬᠣᠶᠠᠳᠤᠭᠠᠷ ᠲᠡᠪᠲᠡᠷ <ᠭᠠᠯ ᠤᠰᠤᠨ ᠤ ᠭᠠᠰᠢᠭᠤᠨ ᠵᠣᠪᠠᠯᠠᠩ>- ᠠᠷᠪᠠ Үүрийн туяа II – Б ᠂ Ренчин Хоёрдугаар дэвтэр "Гал усны гашуун зовлон"-10
304ᠠᠷᠪᠠ᠂ ᠰᠦᠷᠦᠭ ᠦ᠋ᠨ ᠮᠠᠩᠯᠠᠢ᠂ᠮᠥᠩᠭᠥᠨ ᠪᠦᠢᠯᠡᠲᠦ ᠪᠤᠤᠷᠠ
ᠪᠦᠳᠦᠭᠦᠨ ᠨᠢᠷᠪᠠ᠂ ᠡᠪᠦᠭᠡᠨ ᠳᠠᠷᠬᠠᠨ ᠳᠠᠭᠠᠭᠤᠯᠵᠤ᠂ ᠬᠡᠪᠢᠰ ᠪᠣᠯᠤᠭᠰᠠᠨ ᠭᠣᠶᠣ ᠭᠡᠷ ᠲᠡᠭᠡᠨ ᠣᠷᠣᠬᠤ ᠳ᠋ᠠᠭᠠᠨ᠂ ᠤᠭᠲᠤᠨ ᠭᠦᠶᠦᠵᠦ ᠢᠷᠡᠭᠰᠡᠨ ᠪᠠᠨᠳᠢ ᠳ᠋ᠤ᠌ ᠴᠠᠢ! ᠭᠡᠵᠦ ᠣᠭᠵᠣᠮ ᠪᠣᠭᠣᠨᠢ ᠳᠠᠭᠤᠨ ᠢ᠋ᠶ᠋ᠠᠷ ᠲᠤᠰᠢᠶᠠᠭᠠᠳ᠂ ᠬᠠᠷᠠ ᠥᠷᠯᠥᠭᠡ ᠡᠴᠡ ᠶᠠᠪᠤ ᠶᠠᠪᠤᠭᠰᠠᠭᠠᠷ ᠶᠠᠳᠠᠷᠠᠵᠤ ᠣᠷᠬᠢᠯᠠ᠃ ᠵᠠ᠂ ᠪᠤᠢᠯᠠ ᠪᠠᠨ ᠦᠵᠡᠭᠦᠯ ᠶᠠᠮᠠᠷ ᠰᠢᠦ ᠶᠠᠭᠤᠮᠠ ᠪᠣᠯᠪᠠ᠃ ᠲᠡᠷᠡ ᠴᠢᠨᠢ? ᠭᠡᠵᠡᠢ᠃
ᠡᠪᠦᠭᠡᠨ ᠳᠠᠷᠬᠠᠨ᠂ ᠡᠪᠦᠷ ᠡᠴᠡ ᠪᠡᠨ ᠰᠢᠪ ᠰᠢᠨᠡᠬᠡᠨ ᠮᠥᠩᠭᠥᠨ ᠪᠤᠢᠯᠠ ᠭᠠᠷᠭᠠᠵᠤ᠂ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠡᠷᠭᠦᠨ ᠳᠡᠪᠰᠢᠭᠦᠯᠪᠡ᠃
ᠳᠠᠷᠬᠠᠨ ᠤ᠋ ᠬᠦ ᠲᠣᠷᠲᠣᠭ ᠤᠬᠢᠶᠠᠬᠤ ᠳ᠋ᠤ᠌ ᠰᠠᠯᠬᠤ ᠪᠠᠨ ᠪᠠᠢᠵᠤ ᠲᠠᠰᠤ ᠰᠢᠩᠭᠡᠭᠰᠡᠨ᠂ ᠬᠬᠢᠷ ᠪᠣᠯᠤᠭᠰᠠᠨ ᠪᠠᠬᠢᠷ ᠬᠠᠷᠠ ᠭᠠᠷ ᠠ᠋ᠴᠠ ᠨᠢᠷᠪᠠ ᠯᠠᠮᠠ ᠭᠤᠸᠠᠢ ᠪᠤᠯᠴᠢᠭᠠᠷ ᠵᠥᠭᠡᠯᠡᠨ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠡᠷᠡ ᠪᠤᠢᠯᠠ ᠶ᠋ᠢ ᠬᠠᠰᠢ ᠬᠡᠷᠡᠭ ᠠᠪᠤᠭᠠᠳ ᠦᠵᠡᠲᠡᠯᠡ᠂ ᠥᠷᠥᠭᠡᠰᠦᠨ ᠲᠠᠯᠠ ᠶ᠋ᠢᠨ ᠳᠠᠪ ᠪᠣᠯᠭᠠᠵᠤ᠂ ᠪᠠᠲᠤ ᠬᠦᠴᠦᠨ ᠣᠷᠣᠰᠢᠬᠤ ᠶ᠋ᠢᠨ ᠪᠡᠯᠡᠭ ᠵᠣᠬᠢᠶᠠᠵᠤ ᠬᠥᠨᠳᠡᠯᠡᠨ ᠸᠴᠢᠷ ᠬᠢᠭᠰᠡᠨ ᠨᠢ ᠮᠠᠰᠢ ᠭᠠᠢᠬᠠᠮᠰᠢᠭᠲᠠᠢ ᠨᠠᠷᠢᠨ ᠬᠢᠵᠡᠢ᠃
ᠸᠴᠢᠷ ᠲᠦ᠍ ᠮᠠᠲᠠᠷ ᠤ᠋ᠨ ᠲᠣᠯᠣᠭᠠᠢ᠂ ᠪᠠᠳᠮᠠ ᠯᠢᠩᠬᠤᠸᠠ ᠴᠡᠴᠡᠭ ᠦ᠋ᠨ ᠳᠡᠯᠪᠢ ᠶ᠋ᠢ ᠭᠠᠢᠬᠠᠮ ᠨᠠᠷᠢᠨ ᠢ᠋ᠶ᠋ᠠᠷ ᠴᠤᠭᠤᠯᠪᠤᠷᠢᠯᠠᠨ ᠦᠢᠯᠡᠳᠴᠡᠢ᠃
— ᠡᠢᠮᠦ ᠪᠦᠳᠦᠭᠦᠨ᠂ ᠪᠠᠬᠢᠷ ᠬᠠᠷᠠ ᠬᠤᠷᠤᠭᠤ ᠪᠠᠷ ᠡᠢᠮᠦ ᠨᠠᠷᠢᠨ ᠶᠠᠭᠤᠮᠠ ᠬᠢᠳᠡᠭ ᠶᠦᠮ ᠪᠠᠢᠵᠠᠢ ᠭᠡᠵᠦ ᠨᠢᠷᠪᠠ ᠯᠠᠮᠠ ᠭᠠᠢᠬᠠᠭᠠᠳ᠂ ᠴᠢ ᠦᠨᠡᠬᠡᠷ ᠳᠡᠭᠡᠳᠦ ᠭᠠᠷ ᠢ᠋ᠶ᠋ᠠᠨ ᠭᠠᠷᠭᠠᠵᠤ ᠳᠠ᠃ ᠱᠠᠩᠨᠠᠬᠤ ᠨᠢ ᠵᠦᠢ ᠪᠠᠢᠨᠠ᠃ ᠵᠠ᠂ ᠪᠢ ᠴᠢᠮᠠᠶ᠋ᠢ ᠪᠠᠭᠠᠲᠤᠷ ᠴᠠᠭᠠᠨ ᠬᠠᠭᠠᠨ ᠤ᠋ ᠠᠯᠲᠠᠨ ᠵᠣᠭᠣᠰ ᠢ᠋ᠶ᠋ᠠᠷ ᠱᠠᠩᠨᠠᠶᠠ ᠭᠡᠵᠦ ᠲᠠᠪᠤᠨ ᠲᠥᠭᠥᠷᠢᠭ ᠦ᠋ᠨ ᠨᠢᠭᠡᠨ ᠠᠯᠲᠠᠨ ᠵᠣᠭᠣᠰ ᠥᠭᠬᠦ ᠳ᠋ᠦ᠍᠂ ᠡᠪᠦᠭᠡᠨ ᠳᠠᠷᠬᠠᠨ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠷ ᠲᠣᠰᠣᠨ ᠠᠪᠴᠤ᠂ ᠲᠡᠷᠡ ᠠᠯᠲᠠᠨ ᠵᠣᠭᠣᠰ ᠠ᠋ᠴᠠ ᠠᠳᠢᠰ ᠠᠪᠤᠭᠠᠳ ᠬᠥᠬᠡᠷᠡᠭ ᠦ᠋ᠨ ᠰᠠᠪᠠᠨ ᠳ᠋ᠤ᠌ ᠶᠡᠬᠡᠯᠡ (ᠶᠡᠬᠡ ᠯᠡ)ᠬᠢᠴᠢᠶᠡᠩᠭᠦᠢᠯᠡᠨ ᠬᠢᠵᠦ ᠥᠭᠦᠯᠡᠷᠦᠨ᠂
— ᠲᠦᠮᠡᠨ ᠲᠡᠮᠡᠭᠡᠨ ᠦ᠌ ᠰᠦᠷᠦᠭ ᠦ᠋ᠨ ᠮᠠᠩᠯᠠᠢ ᠪᠣᠯᠤᠭᠰᠠᠨ ᠪᠤᠤᠷᠠ ᠶ᠋ᠢᠨ ᠮᠥᠩᠭᠥᠨ ᠪᠤᠢᠯᠠ ᠶ᠋ᠢ ᠳᠠᠷᠬᠠᠨ ᠪᠦᠷᠢ ᠬᠢᠳᠡᠭ ᠦᠭᠡᠢ᠂ ᠮᠢᠨᠦ ᠡᠯᠦᠨᠴᠡ ᠡᠴᠢᠭᠡ ᠯᠡ ᠨᠢᠭᠡ ᠤᠳᠠᠭᠠ ᠬᠢᠵᠦ ᠦᠵᠡᠭᠰᠡᠨ ᠶᠦᠮ ᠭᠡᠵᠦ ᠪᠢ ᠪᠠᠭᠠ ᠳ᠋ᠠᠭᠠᠨ ᠲᠤᠭᠤᠯᠤᠭᠰᠠᠨ᠃ ᠣᠳᠣ ᠨᠠᠰᠤᠨ ᠵᠦᠭ ᠪᠣᠯᠵᠤ ᠰᠠᠢ᠍ᠢ ᠭᠡᠭᠡᠬᠡᠨ ᠦ᠌ ᠶᠡᠬᠡ ᠰᠠᠩ ᠳ᠋ᠤ᠌ ᠨᠢᠭᠡᠨ ᠮᠥᠩᠭᠥᠨ ᠪᠤᠢᠯᠠ ᠬᠢᠬᠦ ᠬᠤᠪᠢ ᠲᠠᠢ ᠪᠠᠢᠵᠠᠢ ᠪᠢ᠃ ᠲᠡᠭᠡᠬᠦ ᠳ᠋ᠡᠭᠡᠨ᠂ ᠬᠢᠴᠢᠶᠡᠯ ᠦᠭᠡᠢ ᠶᠠᠭᠠᠬᠢᠬᠤ ᠪᠣᠢ ᠭᠡᠵᠡᠢ᠃ ᠪᠢᠴᠢᠬᠠᠨ ᠪᠠᠨᠳᠢ ᠴᠢᠮᠡᠭᠡ ᠦᠭᠡᠢ ᠠᠯᠬᠤᠨ ᠣᠷᠣᠵᠤ ᠢᠷᠡᠭᠡᠳ᠂ ᠰᠠᠷᠯᠤᠭ ᠤ᠋ᠨ ᠥᠳᠬᠡᠨ ᠰᠦ ᠪᠡᠷ ᠰᠦᠯᠡᠭᠰᠡᠨ ᠴᠠᠢ᠂ ᠨᠢᠷᠪᠠ ᠯᠠᠮᠠ ᠶ᠋ᠢᠨ ᠮᠥᠩᠭᠥᠨ ᠲᠠᠯᠪᠢᠭᠤᠷ ᠲᠠᠢ ᠱᠠᠵᠠᠩ(ᠱᠠᠭᠠᠵᠠᠩ) ᠠᠶᠠᠭᠠᠨ ᠳ᠋ᠤ᠌ ᠬᠢᠭᠡᠳ᠂ ᠱ᠌ᠢᠷᠦᠨ ᠪᠠᠷᠢᠭᠤᠯ ᠲᠠᠢ ᠲᠣᠪᠣᠢᠮᠠᠯ ᠮᠥᠩᠭᠥᠨ ᠨᠡᠭᠡᠯᠡᠬᠡᠢ ᠪᠡᠷ ᠪᠥᠭᠯᠡᠭᠡᠳ᠂ ᠳᠠᠷᠬᠠᠨ ᠤ᠋ ᠡᠮᠦᠨᠡ ᠲᠠᠨᠠ ᠰᠢᠭᠡᠳᠭᠡᠭᠰᠡᠨ ᠬᠠᠷᠠ ᠥᠩᠭᠡᠲᠦ ᠮᠣᠳᠣ ᠪᠠᠷ ᠬᠢᠭᠰᠡᠨ ᠪᠢᠴᠢᠬᠠᠨ ᠰᠢᠷᠡᠭᠡ ᠲᠠᠯᠪᠢᠵᠤ᠂ ᠴᠠᠢ ᠠᠶᠠᠭᠠᠯᠠᠵᠤ ᠥᠭᠭᠦᠭᠡᠳ᠂ ᠡᠭᠦᠳᠡᠨ ᠦ᠌ ᠵᠡᠭᠦᠨ ᠲᠡᠢ ᠪᠠᠢᠭᠰᠠᠨ ᠡᠷᠭᠢᠨᠡᠭ ᠳᠣᠲᠣᠷᠠ ᠠ᠋ᠴᠠ ᠪᠣᠣᠪᠣ ᠵᠢᠮᠢᠰ ᠲᠡᠢ ᠲᠠᠪᠠᠭ ᠭᠠᠷᠭᠠᠵᠤ ᠲᠠᠯᠪᠢᠪᠠ᠃ ᠲᠡᠭᠡᠭᠡᠳ ᠰᠢᠷᠡᠮᠦᠨ ᠵᠤᠤᠬᠠᠨ ᠳ᠋ᠤ᠌ ᠠᠷᠭᠠᠯ ᠬᠢᠭᠡᠳ ᠴᠢᠮᠡᠭᠡ ᠢᠮᠡᠭᠡ ᠦᠭᠡᠢ ᠭᠠᠷᠴᠠᠢ᠃
— ᠨᠥᠭᠥᠭᠡᠳᠦᠷ ᠲᠦᠮᠡᠨ ᠲᠡᠮᠡᠭᠡᠨ ᠦ᠌ ᠰᠦᠷᠦᠭ ᠦ᠋ᠨ ᠮᠠᠩᠯᠠᠢ ᠪᠣᠯᠤᠭᠰᠠᠨ ᠰᠠᠬᠤᠯᠠᠭ ᠬᠠᠷᠠ ᠵᠣᠭᠳᠣᠷᠳᠤ ᠪᠤᠤᠷᠠ ᠳ᠋ᠠᠭᠠᠨ ᠮᠥᠩᠭᠥᠨ ᠪᠤᠢᠯᠠ ᠵᠡᠭᠦᠵᠦ ᠶᠡᠬᠡ ᠨᠠᠢᠷ ᠬᠢᠨᠡ ᠳᠡ ᠭᠡᠵᠦ ᠬᠡᠯᠡᠭᠡᠳ ᠨᠢᠷᠪᠠ ᠯᠠᠮᠠ ᠭᠤᠸᠠᠢ ᠠᠶᠠᠭᠠ ᠲᠠᠢ ᠴᠠᠢ ᠪᠠᠨ ᠪᠠᠷᠢᠭᠠᠳ᠂ ᠨᠢᠳᠦ ᠪᠡᠨ ᠠᠨᠢᠰᠬᠢᠨ᠂ ᠤᠷᠤᠭᠤᠯ ᠢ᠋ᠶ᠋ᠠᠨ ᠬᠥᠳᠡᠯᠭᠡᠵᠦ᠂ ᠴᠠᠢ ᠬᠣᠭᠣᠯᠠᠨ ᠤ᠋ ᠡᠮᠦᠨᠡ ᠤᠩᠰᠢᠳᠠᠭ ᠵᠠᠯᠪᠠᠷᠢᠯ ᠢ᠋ ᠠᠮᠠᠨ ᠳᠣᠲᠣᠷᠠ ᠪᠠᠨ ᠰᠢᠪᠡᠭᠡᠨᠡᠪᠡ᠃
ᠡᠪᠦᠭᠡᠨ ᠳᠠᠷᠬᠠᠨ ᠨᠢᠭᠡ ᠠᠶᠠᠭᠠ ᠴᠠᠢ ᠤᠤᠭᠤᠭᠠᠳ᠂ ᠲᠠᠪᠠᠭ ᠲᠠᠢ ᠢᠳᠡᠭᠡᠨ ᠳ᠋ᠦ᠍ ᠠᠶᠠᠷᠬᠠᠨ ᠭᠠᠷ ᠢ᠋ᠶ᠋ᠠᠨ ᠬᠦᠷᠭᠡᠵᠦ᠂ ᠨᠢᠭᠡ ᠰᠢᠷᠬᠡᠭ ᠦᠵᠦᠮ ᠠᠪᠤᠭᠠᠳ᠂ ᠶᠡᠬᠡᠯᠡ(ᠶᠡᠬᠡ ᠯᠡ) ᠵᠠᠵᠢᠯᠵᠤ ᠪᠠᠢᠭᠠ ᠳᠦᠷᠢᠮ ᠦᠵᠡᠭᠦᠯᠦᠭᠡᠳ ᠰᠢᠷᠡᠭᠡ ᠶ᠋ᠢ ᠠᠶᠠᠷᠬᠠᠨ ᠴᠢᠨᠠᠭᠰᠢ ᠪᠣᠯᠭᠠᠨ᠂ ᠨᠢᠷᠪᠠ ᠯᠠᠮᠠ ᠠᠮᠠᠨ ᠳᠣᠲᠣᠷᠠ ᠪᠠᠨ ᠤᠩᠰᠢᠯᠭᠠ ᠪᠠᠨ ᠰᠢᠪᠡᠭᠡᠨᠡᠭᠰᠡᠭᠡᠷ ᠲᠤᠯᠠ᠂ ᠶᠠᠷᠢᠬᠤ ᠵᠦᠢᠯ ᠳᠠᠭᠤᠰᠤᠭᠰᠠᠨ ᠤ᠋ ᠰᠢᠨᠵᠢ ᠭᠡᠵᠦ ᠮᠡᠳᠡᠭᠡᠳ᠂ ᠡᠪᠦᠭᠡᠨ ᠳᠠᠷᠬᠠᠨ ᠴᠢᠮᠡᠭᠡ ᠦᠭᠡᠢ ᠪᠣᠰᠤᠭᠠᠳ᠂ ᠭᠡᠷ ᠦ᠋ᠨ ᠡᠵᠡᠨ ᠢ᠋ ᠬᠦᠨᠳᠦᠳᠬᠡᠨ ᠡᠭᠦᠳᠡᠨ ᠲᠡᠰᠢ(ᠲᠡᠢᠰᠢ) ᠤᠬᠤᠷᠢᠭᠰᠠᠭᠠᠷ ᠭᠠᠷᠪᠠ᠃
ᠲᠡᠮᠦᠷ ᠵᠤᠤᠬᠠᠨ ᠳ᠋ᠤ᠌ ᠭᠠᠯ ᠨᠠᠷᠢᠬᠠᠨ ᠢ᠋ᠶ᠋ᠠᠷ ᠳᠤᠤᠭᠠᠷᠬᠤ ᠴᠢᠮᠡᠭᠡ ᠰᠣᠨᠣᠰᠳᠠᠭᠰᠠᠨ ᠳ᠋ᠤ᠌᠂ ᠨᠢᠷᠪᠠ ᠰᠢᠷᠡᠭᠡᠨ ᠳᠡᠭᠡᠷᠡ ᠡᠴᠡ ᠪᠠᠷᠢᠭᠤᠯ ᠲᠠᠢ ᠪᠢᠴᠢᠬᠠᠨ ᠬᠡᠩᠭᠡᠷᠭᠡ ᠶ᠋ᠢᠨ ᠬᠡᠯᠪᠡᠷᠢ ᠲᠡᠢ ᠳᠣᠬᠢᠶᠠ ᠶ᠋ᠢᠨ ᠳᠠᠮᠠᠷᠤ ᠠᠪᠴᠤ᠂ ᠨᠠᠰᠢ (ᠨᠠᠭᠠᠰᠢ) ᠴᠠᠰᠢ(ᠴᠠᠭᠠᠰᠢ)ᠬᠡᠳᠦ ᠡᠷᠭᠢᠭᠦᠯᠵᠦ ᠳᠤᠤᠭᠠᠷᠭᠠᠪᠠᠯ᠂ ᠲᠡᠷᠡ ᠳᠣᠬᠢᠶᠠ ᠶ᠋ᠢᠨ ᠴᠢᠮᠡᠭᠡ ᠪᠡᠷ ᠪᠢᠴᠢᠬᠠᠨ ᠪᠠᠨᠳᠢ ᠭᠦᠶᠦᠵᠦ ᠢᠷᠡᠭᠡᠳ ᠠᠯᠠᠭᠠ ᠬᠠᠪᠰᠤᠷᠤᠨ ᠵᠣᠭᠰᠣᠪᠠ᠃
— ᠭᠠᠯ ᠳᠤᠤᠭᠠᠷᠴᠤ ᠪᠠᠢᠨᠠ᠃ ᠲᠣᠰᠣ ᠡᠷᠭᠦᠭᠡᠳ ᠣᠷᠭᠢ ᠨᠠᠳᠠᠳᠤ(ᠨᠠᠳᠠ ᠳ᠋ᠤ᠌) ᠪᠠᠰᠠ ᠨᠢᠭᠡ ᠠᠶᠠᠭᠠ ᠴᠠᠢ ᠬᠢ ᠭᠡᠬᠦ ᠳ᠋ᠦ᠍ᠨᠢ ᠲᠡᠷᠡ ᠪᠠᠨᠳᠢ᠂ ᠯᠠᠮᠠ ᠶ᠋ᠢᠨ ᠦᠭᠡ ᠵᠠᠬᠢᠶᠠ ᠶ᠋ᠢ ᠭᠦᠢᠴᠡᠳᠬᠡᠭᠡᠳ ᠴᠢᠮᠡᠭᠡ ᠦᠭᠡᠢᠬᠡᠨ ᠠᠯᠬᠤᠨ ᠭᠠᠷᠪᠠ᠃ ᠨᠢᠷᠪᠠ ᠯᠠᠮᠪᠠ ᠭᠤᠸᠠᠢ ᠰᠠᠢᠬᠠᠨ ᠦᠨᠦᠷ ᠬᠠᠩᠬᠤᠯᠤᠭᠰᠠᠨ ᠴᠠᠢ ᠪᠠᠨ ᠤᠤᠭᠤᠵᠤ᠂ ᠲᠣᠬᠢᠯᠢᠭ ᠰᠠᠢᠬᠠᠨ ᠵᠠᠰᠠᠭᠰᠠᠨ ᠭᠡᠷ ᠢ᠋ᠶ᠋ᠡᠨ ᠬᠠᠷᠠᠵᠤ᠂ ᠰᠡᠳᠬᠢᠯ ᠳ᠋ᠦ᠍ ᠲᠠᠭᠠᠲᠠᠢ ᠪᠣᠳᠣᠯ ᠪᠣᠳᠣᠪᠠ᠃
ᠠᠯᠠᠱᠠᠨ ᠬᠡᠪᠢᠰ ᠲᠣᠭᠣᠷᠢᠭᠤᠯᠭᠠ ᠳᠡᠪᠢᠰᠦᠭᠰᠡᠨ ᠵᠢᠷᠭᠤᠭᠠᠨ ᠬᠠᠨᠠ ᠲᠠᠢ ᠲᠣᠮᠣ ᠭᠡᠷ ᠲᠦ᠋ᠨᠢ(ᠳ᠋ᠦ᠍ ᠨᠢ) ᠬᠠᠭᠤᠷᠠᠢ᠂ ᠳᠤᠯᠠᠭᠠᠨ᠂ ᠶᠡᠬᠡᠯᠡ(ᠶᠡᠬᠡ ᠯᠡ) ᠰᠠᠢᠬᠠᠨ ᠪᠠᠢᠪᠠ᠃ ᠰᠤᠷᠴᠤ ᠳᠠᠳᠤᠭᠰᠠᠨ᠂ ᠠᠷᠭᠠᠯ ᠤ᠋ᠨ ᠠᠶᠠᠲᠠᠢᠬᠠᠨ ᠤᠲᠤᠭᠠᠨ ᠤ᠋ ᠦᠯᠦ ᠮᠡᠳᠡᠭ ᠦᠨᠦᠷ ᠬᠠᠩᠬᠤᠯᠤᠭᠰᠠᠨ᠂ ᠪᠠᠰᠠ ᠪᠤᠷᠬᠠᠨ ᠤ᠋ ᠡᠮᠦᠨᠡ ᠮᠥᠩᠭᠥᠨ ᠣᠩᠭᠣᠴᠠᠨ ᠳ᠋ᠤ᠌ ᠪᠠᠭᠠᠭᠢᠵᠤ ᠪᠠᠢᠭᠰᠠᠨ ᠲᠥᠪᠡᠳ ᠬᠦᠷᠡᠩ ᠬᠦᠵᠢᠨ ᠦ᠌ ᠰᠠᠢᠬᠠᠨ ᠦᠨᠦᠷ ᠭᠡᠷ ᠳᠦᠭᠦᠷᠴᠦ᠂ ᠭᠦᠩᠭᠠᠷᠠᠪᠠ ᠶ᠋ᠢᠨ ᠬᠣᠶᠠᠷ ᠲᠠᠯᠠ ᠳ᠋ᠤ᠌ ᠪᠠᠢᠭᠠ ᠪᠢᠴᠢᠬᠠᠨ ᠽᠠᠨᠳᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠴᠠᠭ᠂ ᠴᠢᠭ ᠴᠢᠭ (ᠲᠢᠭ ᠲᠠᠭ ᠲᠢᠭ ᠲᠠᠭ)ᠭᠡᠵᠦ ᠳᠤᠤᠭᠠᠷᠴᠤ᠂ ᠭᠡᠷ ᠦ᠋ᠨ ᠲᠥᠪ ᠳᠤᠮᠳᠠ ᠳ᠋ᠤ᠌ ᠭᠢᠯᠠᠯᠵᠠᠭᠰᠠᠨ ᠵᠡᠰ ᠥᠷᠥᠩ ᠳᠡᠭᠡᠷᠡ ᠰᠢᠷᠡᠮᠦᠨ ᠵᠤᠤᠬᠠ ᠪᠠᠢᠭᠠ ᠨᠢ ᠪᠦᠬᠦ ᠠᠢᠮᠠᠭ ᠲᠤ᠌ ᠲᠡᠢᠮᠦ ᠵᠤᠤᠬᠠ ᠭᠤᠷᠪᠠ ᠶ᠋ᠢᠨ ᠲᠡᠳᠦᠢ ᠪᠣᠢ᠃ ᠴᠥᠮ ᠡᠷᠳᠡᠨᠢ ᠪᠠᠨᠳᠢᠳ(ᠪᠠᠨᠳᠢᠳᠠ) ᠬᠤᠲᠤᠭᠲᠤ ᠯᠠᠮᠠ ᠶ᠋ᠢᠨ ᠭᠡᠭᠡᠬᠡᠨ(ᠭᠡᠭᠡᠨ) ᠦ᠌ ᠰᠠᠩ ᠵᠢᠰᠠ ᠳ᠋ᠤ᠌ ᠪᠠᠢᠳᠠᠭ ᠭᠡᠵᠦ ᠪᠣᠳᠣᠪᠠ᠃ ᠲᠡᠷᠡ ᠬᠣᠪᠣᠷ ᠰᠣᠨᠢᠨ ᠣᠷᠣᠰ ᠰᠢᠷᠡᠮᠦᠨ ᠵᠤᠤᠬᠠᠨ ᠤ᠋ ᠳᠡᠷᠭᠡᠳᠡ ᠪᠢᠴᠢᠬᠠᠨ ᠬᠣᠪᠣᠩ᠂ ᠭᠠᠯ ᠤ᠋ᠨ ᠰᠠᠢᠬᠠᠨ ᠭᠠᠩ ᠬᠠᠢᠴᠢ᠂ ᠵᠡᠰ ᠥᠷᠥᠩ ᠬᠣᠶᠠᠷ᠂ ᠬᠠᠵᠠᠭᠤ ᠬᠣᠢᠮᠣᠷ ᠢ᠋ᠶ᠋ᠠᠷ ᠲᠤᠰᠬᠠᠢ ᠵᠠᠬᠢᠶᠠ ᠪᠠᠷ ᠬᠢᠯᠭᠡᠭᠰᠡᠨ ᠬᠡᠪᠢᠰ ᠣᠯᠪᠣᠭ ᠵᠡᠷᠭᠡ ᠶ᠋ᠢ ᠳᠡᠪᠢᠰᠴᠦ ᠵᠠᠰᠠᠭᠰᠠᠨ ᠪᠠᠢᠳᠠᠯ᠂ ᠰᠡᠢᠯᠦᠮᠡᠯ ᠬᠡ ᠲᠡᠢ ᠥᠷᠭᠡᠨ ᠣᠷᠣᠨ(ᠣᠷᠣ) ᠳᠡᠭᠡᠷᠡ ᠲᠠᠪᠤᠨ ᠥᠩᠭᠡ ᠶ᠋ᠢᠨ ᠲᠣᠷᠭᠠ ᠪᠠᠷ ᠬᠢᠭᠰᠡᠨ ᠯᠠᠪᠢᠷᠢ ᠪᠠᠢᠬᠤ ᠦᠭᠡᠢ ᠡᠴᠡ ᠪᠢᠰᠢ᠂ ᠪᠤᠰᠤᠳ ᠲᠠᠯᠠ ᠪᠠᠷ ᠶᠡᠷᠦ ᠭᠡᠭᠡᠬᠡᠨ (ᠭᠡᠭᠡᠨ) ᠦ᠌ ᠦᠷᠭᠦᠭᠡᠨ ᠡᠴᠡ ᠳᠤᠲᠠᠭᠤ ᠦᠭᠡᠢ ᠬᠡᠷᠡᠭᠯᠡᠯ ᠲᠡᠢ ᠭᠡᠷ ᠠᠵᠢ᠃ ᠭᠡᠭᠡᠬᠡᠨ(ᠭᠡᠭᠡᠨ) ᠦ᠌ ᠦᠷᠭᠦᠭᠡᠨ ᠳ᠋ᠦ᠍ ᠣᠷᠣᠨ ᠳᠡᠭᠡᠷᠡ ᠨᠢ ᠯᠠᠪᠢᠷᠢ ᠪᠠᠢᠳᠠᠭ ᠪᠣᠯᠪᠠᠴᠤ ᠡᠷᠬᠡ ᠮᠠᠲᠠᠯ ᠤ᠋ᠨ ᠲᠠᠯᠠ ᠪᠠᠷ ᠭᠡᠭᠡᠬᠡᠨ(ᠭᠡᠭᠡᠨ) ᠦ᠌ ᠱᠠᠪᠢ ᠨᠠᠷ ᠤ᠋ᠨ ᠳᠤᠮᠳᠠ᠂ ᠭᠡᠭᠡᠬᠡᠨ (ᠭᠡᠭᠡᠨ)ᠱᠠᠩᠵᠠᠪ ᠬᠣᠶᠠᠷ ᠠ᠋ᠴᠠ ᠪᠢ ᠢᠯᠡᠭᠦᠦ ᠪᠠᠢᠬᠤ᠃ ᠬᠡᠳᠦᠨ ᠵᠠᠭᠤᠨ ᠬᠣᠨᠢᠴᠢᠨ᠂ ᠠᠳᠤᠭᠤᠴᠢᠨ᠂ ᠦᠬᠡᠷᠴᠢᠨ᠂ ᠲᠡᠮᠡᠭᠡᠴᠢᠨ᠂ ᠵᠢᠩᠴᠢᠨ ᠴᠥᠮ ᠶᠠᠭᠤᠮᠠ ᠪᠦᠭᠦᠳᠡ ᠡᠴᠡ ᠠᠰᠢᠭ ᠣᠯᠵᠤ ᠴᠢᠳᠠᠳᠠᠭ ᠨᠢᠮᠪᠠᠢ ᠴᠢᠩᠭᠠ ᠨᠢᠷᠪᠠ ᠠ᠋ᠴᠠ ᠪᠠᠨ ᠠᠶᠤᠬᠤ ᠠ᠋ᠴᠠ ᠪᠢᠰᠢ᠂ ᠭᠡᠭᠡᠬᠡᠨ (ᠭᠡᠭᠡᠨ)ᠱᠠᠩᠵᠠᠪ ᠬᠣᠶᠠᠷ ᠠ᠋ᠴᠠ ᠲᠡᠭᠡᠲᠡᠯᠡ ᠪᠡᠨ ᠠᠶᠤᠳᠠᠭ ᠦᠭᠡᠢ ᠰᠢᠦ ᠳᠡ᠃ ᠡᠷᠳᠡᠨᠢ ᠪᠠᠨᠳᠢᠳ(ᠪᠠᠨᠳᠢᠳᠠ) ᠬᠤᠲᠤᠭᠲᠤ ᠶ᠋ᠢᠨ ᠱᠠᠪᠢ ᠨᠠᠷ ᠤ᠋ᠨ ᠪᠦᠬᠦ ᠨᠤᠲᠤᠭ ᠲᠤ᠌ ᠵᠠᠷᠤᠭᠳᠠᠵᠤ ᠰᠠᠩ ᠵᠢᠰᠠ ᠳ᠋ᠤ᠌ ᠥᠴᠢᠨᠡᠨ ᠲᠥᠴᠢᠨᠡᠨ ᠠᠰᠢᠭ ᠣᠷᠣᠭᠤᠯᠳᠠᠭ ᠮᠥᠩᠭᠥᠨ ᠦ᠌ ᠲᠡᠮᠳᠡᠭᠲᠦ ᠲᠢᠽᠢ ᠴᠦ᠍ ᠪᠠᠰᠠᠯᠠ(ᠪᠠᠰᠠ ᠯᠠ) ᠨᠢᠷᠪᠠ ᠶ᠋ᠢᠨ ᠭᠠᠪᠢᠶᠠ ᠪᠢᠰᠢᠦ? ᠯᠠᠮᠠ ᠶ᠋ᠢᠨ ᠭᠡᠭᠡᠭᠡᠨᠲᠡᠨ(ᠭᠡᠭᠡᠨᠲᠡᠨ) ᠤᠷᠢᠳᠤ ᠤᠷᠢᠳᠤ ᠲᠥᠷᠥᠯ ᠳ᠋ᠡᠭᠡᠨ ᠬᠤᠷᠢᠶᠠᠭᠰᠠᠨ ᠴᠠᠭᠯᠠᠰᠢ ᠦᠭᠡᠢ ᠪᠤᠶᠠᠨ ᠤ᠋ ᠬᠦᠴᠦ ᠪᠡᠷ᠂ ᠰᠠᠩ ᠵᠢᠰᠠ ᠶ᠋ᠢᠨ ᠬᠥᠷᠥᠩᠭᠡ ᠠᠷᠪᠢᠵᠢᠭᠤᠯᠤᠭᠴᠢ ᠡᠢᠮᠦ ᠴᠢᠳᠠᠯᠲᠠᠢ (ᠴᠢᠳᠠᠯ ᠲᠠᠢ) ᠨᠢᠷᠪᠠ ᠲᠠᠢ ᠪᠣᠯᠵᠤ ᠭᠡᠬᠦ ᠳ᠋ᠦ᠍ ᠪᠣᠯᠬᠤ ᠪᠢᠵᠡ ᠳᠡ᠃ ᠮᠢᠨᠦ ᠵᠢᠳᠬᠦᠯ ᠦ᠋ᠨ ᠭᠠᠭᠴᠠ ᠨᠢᠭᠡ ᠵᠢᠱ᠌ᠢᠶᠡ ᠭᠡᠬᠦ ᠳ᠋ᠦ᠍ ᠮᠣᠩᠭᠣᠯ ᠢ᠋ ᠬᠢᠲᠠᠳ ᠠ᠋ᠴᠠ ᠰᠠᠯᠬᠤ ᠦᠶᠡᠰ ᠲᠦ᠍ ᠬᠡᠴᠢᠨᠡᠨ(ᠬᠡᠴᠢᠨᠡᠭᠡᠨ) ᠣᠷᠣᠯᠭᠠ ᠭᠡᠭᠡᠬᠡᠨ(ᠭᠡᠭᠡᠨ) ᠰᠠᠩ ᠳ᠋ᠤ᠌ ᠣᠷᠣᠪᠠ᠃
ᠬᠦᠷᠢᠶᠡᠨ ᠳ᠋ᠦ᠍ ᠪᠣᠭᠳᠠ ᠭᠡᠭᠡᠬᠡᠨ(ᠭᠡᠭᠡᠨ) ᠢ᠋ ᠬᠠᠭᠠᠨ ᠰᠢᠷᠡᠭᠡᠨ ᠳ᠋ᠦ᠍ ᠵᠠᠯᠠᠬᠤ ᠳ᠋ᠤ᠌ ᠪᠠᠰᠠ ᠭᠡᠭᠡᠬᠡᠨ(ᠭᠡᠭᠡᠨ)ᠰᠠᠩ ᠳ᠋ᠤ᠌ ᠪᠢ ᠡᠳᠦᠢ ᠲᠡᠳᠦᠢ ᠣᠷᠣᠯᠭᠠ ᠲᠡᠭᠦᠨ ᠦ᠌ ᠳᠡᠯᠢᠮ ᠢ᠋ᠶ᠋ᠡᠷ ᠣᠷᠣᠭᠤᠯᠤᠭᠰᠠᠨ ᠰᠢᠦ ᠳᠡ ᠭᠡᠵᠦ ᠪᠣᠳᠣᠪᠠ᠃
ᠦᠨᠡᠬᠡᠷ᠂ ᠬᠦᠷᠢᠶᠡᠨ ᠦ᠌ ᠬᠤᠲᠤᠭᠲᠤ ᠶ᠋ᠢ ᠬᠠᠭᠠᠨ ᠰᠢᠷᠡᠭᠡᠨᠡ ᠰᠠᠭᠤᠬᠤ ᠳ᠋ᠤ᠌᠂ ᠡᠷᠳᠡᠨᠢ ᠪᠠᠨᠳᠢᠳ (ᠪᠠᠨᠳᠢᠳᠠ) ᠬᠤᠲᠤᠭᠲᠤ ᠶ᠋ᠢᠨ ᠰᠠᠩ ᠵᠢᠰᠠ᠂ ᠵᠢᠰᠠ ᠶ᠋ᠢᠨ ᠨᠢᠷᠪᠠ ᠬᠣᠶᠠᠷ ᠶᠡᠬᠡᠯᠡ (ᠶᠡᠬᠡ ᠯᠡ) ᠠᠰᠢᠭ ᠣᠯᠵᠠᠢ᠃ ᠯᠠᠮᠠ ᠶ᠋ᠢᠨ ᠭᠡᠭᠡᠬᠡᠨ (ᠭᠡᠭᠡᠨ) ᠦ᠌ ᠬᠡᠢᠳ ᠣᠷᠴᠢᠮ ᠤ᠋ᠨ ᠬᠢᠲᠠᠳ ᠮᠠᠢᠮᠠᠢ ᠨᠠᠷ ᠴᠥᠮ ᠴᠠᠭ ᠤ᠋ᠨ ᠰᠠᠮᠠᠭᠤᠨ ᠳ᠋ᠤ᠌ ᠡᠳ᠋ ᠬᠥᠷᠥᠩᠭᠡ ᠬᠣᠬᠢᠷᠠᠬᠤ ᠠ᠋ᠴᠠ ᠪᠣᠯᠭᠣᠮᠵᠢᠯᠠᠨ ᠦᠨᠡ ᠲᠡᠢ(ᠦᠨᠡᠲᠡᠢ)ᠨᠠᠷᠢᠨ ᠪᠠᠷᠠᠭᠠ᠂ ᠪᠡᠶᠡ ᠮᠥᠩᠭᠥ ᠶ᠋ᠢ ᠬᠠᠳᠠᠭᠠᠯᠠᠵᠤ ᠥᠭᠭᠦᠨᠡᠦ(ᠥᠭᠭᠦᠨᠡ ᠤᠤ) ᠭᠡᠵᠦ ᠵᠢᠰᠠ ᠳ᠋ᠤ᠌ ᠠᠪᠴᠢᠷᠠᠵᠤ ᠬᠥᠯᠥᠰᠥ ᠪᠡᠷ ᠬᠠᠳᠠᠭᠠᠯᠠᠭᠤᠯᠤᠨ᠂ ᠨᠢᠷᠪᠠ ᠳ᠋ᠤ᠌ ᠪᠡᠯᠡᠭ ᠪᠠᠷᠢᠴᠠ ᠬᠦᠷᠭᠡᠵᠦ ᠢᠷᠡᠭᠰᠡᠨ ᠪᠢᠯᠡ᠃
ᠵᠠᠷᠢᠮ ᠳ᠋ᠠᠩᠵᠢᠶᠠᠳᠠ(ᠳᠠᠩᠵᠢᠶᠠᠳ) ᠮᠥᠩᠭᠥ ᠪᠡᠨ ᠪᠠᠰᠠ ᠨᠢᠷᠪᠠ ᠳ᠋ᠤ᠌ ᠲᠤᠰᠢᠶᠠᠵᠤ ᠬᠠᠳᠠᠭᠠᠯᠠᠭᠤᠯᠤᠭᠰᠠᠨ ᠡᠭᠦᠨ ᠳ᠋ᠦ᠍᠂ ᠲᠡᠭᠡᠵᠦ ᠮᠥᠩᠭᠥ ᠡᠷᠳᠡᠨᠢ ᠬᠠᠳᠠᠭᠠᠯᠠᠭᠤᠯᠤᠭᠰᠠᠨ ᠳ᠋ᠠᠩᠵᠢᠶᠠᠳ (ᠳᠠᠩᠵᠢᠶᠠᠳ) ᠨᠠᠷ ᠡᠨᠡ ᠴᠥᠪ ᠦ᠋ᠨ ᠴᠠᠭ ᠤ᠋ᠨ ᠰᠠᠮᠠᠭᠤᠨ ᠢ᠋ᠶ᠋ᠠᠷ᠂ ᠠᠷᠤ ᠭᠠᠵᠠᠷ ᠤ᠋ᠨ ᠨᠢᠭᠡᠨ ᠬᠡᠰᠡᠭ ᠢ᠋ ᠮᠠᠨᠵᠤ ᠬᠠᠭᠠᠨ ᠤ᠋ ᠬᠠᠷᠢᠶᠠᠲᠤ᠂ ᠨᠢᠭᠡᠨ ᠬᠡᠰᠡᠭ ᠢ᠋ ᠮᠣᠩᠭᠣᠯ ᠬᠠᠭᠠᠨ ᠤ᠋ ᠬᠠᠷᠢᠶᠠᠲᠤ ᠪᠠᠢᠭᠠ ᠦᠶᠡ ᠳ᠋ᠦ᠍᠂ ᠴᠠᠭ ᠪᠤᠰᠤ ᠶ᠋ᠢᠨ ᠶᠠᠮᠠᠷ ᠴᠤ᠌ ᠠᠶᠤᠯ ᠳᠠᠭᠠᠷᠢᠵᠤ ᠠᠮᠢ ᠨᠠᠰᠤ《ᠦᠷᠡᠭᠳᠡᠵᠦ》 ᠪᠣᠯᠤᠨᠠ ᠰᠢᠦ ᠳᠡ᠃ ᠲᠡᠭᠡᠪᠡᠯ ᠲᠡᠷᠡ ᠶᠡᠬᠡ ᠮᠥᠩᠭᠥ ᠶ᠋ᠢ ᠵᠢᠰᠠ ᠨᠢᠷᠪᠠ ᠬᠣᠶᠠᠷ ᠲᠤ᠌ ᠬᠠᠳᠠᠭᠠᠯᠠᠭᠤᠯᠤᠭᠰᠠᠨ ᠢ᠋ ᠬᠡᠨ ᠲᠡᠷᠡ ᠪᠦᠷ(ᠪᠦᠷᠢ) ᠮᠡᠳᠡᠬᠦ ᠪᠣᠢ? ᠰᠠᠬᠢᠯᠭᠠ ᠦᠭᠡᠢ ᠴᠡᠷᠢᠭ᠂ ᠲᠡᠷᠡ ᠳ᠋ᠠᠩᠵᠢᠶᠠᠳᠠ(ᠳᠠᠩᠵᠢᠶᠠᠳ) ᠤ᠋ᠨ ᠵᠠᠷᠢᠮ ᠢ᠋ ᠰᠥᠨᠢ ᠶ᠋ᠢᠨ ᠴᠠᠭ ᠲᠤ᠌ ᠭᠦᠶᠦᠳᠡᠯᠲᠡᠢ ᠬᠡᠭᠡᠷᠡ ᠶ᠋ᠢᠨ ᠴᠢᠳᠬᠥᠷ ᠪᠣᠯᠭᠠᠵᠤ ᠪᠣᠯᠵᠣᠰᠢ ᠦᠭᠡᠢ ᠬᠡᠷᠡᠭ᠃
ᠲᠡᠭᠡᠵᠦ ᠪᠣᠳᠣᠵᠤ ᠪᠠᠢᠭᠠᠳ᠂ ᠭᠡᠯᠦᠩ ᠠᠪᠤᠭᠠᠢ ᠤᠯᠢᠶᠠᠰᠤᠲᠠᠢ ᠶ᠋ᠢᠨ ᠮᠠᠨᠵᠤ ᠲᠦᠰᠢᠮᠡᠯ ᠴᠡᠷᠢᠭ ᠢ᠋ ᠪᠠᠭᠤᠵᠤ ᠥᠭᠬᠦ ᠶ᠋ᠢᠨ ᠡᠮᠦᠨᠡ᠂ ᠤᠯᠢᠶᠠᠰᠤᠲᠠᠢ ᠶ᠋ᠢᠨ ᠬᠡᠳᠦᠨ ᠪᠠᠶᠠᠨ ᠫᠦᠰᠡᠨ ᠦ᠌ ᠳ᠋ᠠᠩᠵᠢᠶᠠᠳᠠ(ᠳᠠᠩᠵᠢᠶᠠᠳ)ᠨᠠᠷ ᠤ᠋ᠨ ᠵᠢᠷᠦᠬᠡ ᠶ᠋ᠢ ᠠᠮᠠ ᠪᠠᠷ ᠢ᠋ᠶ᠋ᠠᠨ ᠦᠬᠦᠭᠦᠯᠵᠦ᠂ ᠬᠦᠷᠢᠶᠡ ᠵᠦᠭ ᠡᠴᠡ ᠤᠯᠢᠶᠠᠰᠤᠲᠠᠢ ᠶ᠋ᠢᠨ ᠵᠠᠩᠵᠤᠨ ᠢ᠋ ᠪᠠᠢᠯᠳᠤᠷᠠ ᠢᠷᠡᠵᠦ ᠶᠠᠪᠤᠭᠠ ᠳᠣᠭᠰᠢᠨ ᠴᠠᠬᠠᠷ ᠴᠡᠷᠢᠭ᠂ ᠬᠢᠲᠠᠳ ᠢ᠋ ᠬᠦᠢᠰᠦ ᠲᠡᠮᠲᠡᠷᠢᠨ ᠠᠢᠰᠤᠢ ᠭᠡᠵᠦ ᠰᠦᠷᠳᠡᠭᠦᠯᠦᠨ ᠠᠶᠤᠯᠭᠠᠵᠤ ᠠᠰᠢᠭ ᠣᠯᠤᠭᠰᠠᠨ ᠢ᠋ᠶ᠋ᠠᠨ ᠰᠠᠨᠠᠵᠠᠢ᠃ ᠡᠳ᠋ ᠬᠥᠷᠥᠩᠭᠡ᠂ ᠠᠮᠢ ᠪᠡᠶᠡ ᠬᠣᠬᠢᠷᠠᠬᠤ ᠠ᠋ᠴᠠ ᠡᠮᠢᠶᠡᠵᠦ ᠪᠠᠢᠭᠰᠠᠨ ᠤᠯᠢᠶᠠᠰᠤᠲᠠᠢ ᠶ᠋ᠢᠨ ᠫᠦᠰᠡᠨ ᠦ᠌ ᠳ᠋ᠠᠩᠵᠢᠶᠠᠳᠠ ᠨᠠᠷ᠂ ᠨᠢᠷᠪᠠ ᠶ᠋ᠢᠨ ᠰᠤᠮᠤ ᠪᠠᠨ ᠬᠠᠷᠪᠤᠭᠠᠳ᠂ ᠨᠤᠮᠤ ᠪᠠᠨ ᠨᠢᠭᠤᠭᠰᠠᠨ ᠢ᠋ ᠶᠠᠭᠠᠬᠢᠨ ᠮᠡᠳᠡᠬᠦ ᠠᠵᠢ᠃ ᠨᠢᠷᠪᠠ ᠶ᠋ᠢ ᠬᠠᠳᠬᠠᠨ(ᠬᠠᠳᠬᠤᠨ) ᠥᠳᠥᠭᠡᠭᠰᠡᠨ ᠢ᠋ᠶ᠋ᠡᠷ ᠬᠣᠶᠠᠷ ᠭᠤᠷᠪᠠᠨ ᠤᠳᠠᠭᠠ《ᠦᠯᠦ ᠲᠠᠨᠢᠬᠤ ᠮᠣᠩᠭᠣᠯᠴᠤᠳ》 ᠵᠠᠷᠢᠮ ᠨᠢᠭᠡᠨ ᠫᠦᠰᠡᠨ ᠦ᠌ ᠬᠢᠨ ᠢ᠋ ᠲᠦᠢᠪᠡᠭᠡᠨ ᠰᠠᠨᠳᠤᠷᠭᠠᠭᠰᠠᠨ ᠠ᠋ᠴᠠ ᠬᠣᠢᠰᠢ᠂ ᠳ᠋ᠠᠩᠵᠢᠶᠠᠳᠠ ᠨᠠᠷ ᠤ᠋ᠨ ᠴᠢᠬᠢ ᠨᠡᠯᠢᠶᠡᠳ ᠵᠥᠭᠡᠯᠡᠨ ᠪᠣᠯᠵᠤ᠂ ᠬᠡᠯᠡᠭᠰᠡᠨ ᠦᠭᠡ ᠶ᠋ᠢ ᠬᠦᠯᠢᠶᠡᠨ ᠳᠠᠭᠠᠵᠤ᠂ ᠨᠢᠷᠪᠠ ᠶ᠋ᠢ ᠪᠢᠰᠢᠷᠡᠬᠦ ᠨᠢ ᠢᠯᠠᠩᠭᠤᠶᠠ ᠨᠢᠭᠡᠨ ᠰᠥᠨᠢ᠂ ᠨᠢᠷᠪᠠ ᠶ᠋ᠢᠨ ᠪᠠᠭᠤᠭᠰᠠᠨ ᠫᠦᠰᠡᠨ ᠳ᠋ᠦ᠍ ᠲᠠᠨᠢᠬᠤ ᠦᠭᠡᠢ ᠬᠡᠳᠦᠨ ᠰᠠᠮᠠᠭᠤᠨ ᠬᠥᠮᠦᠨ《ᠳᠠᠭᠠᠷᠢᠨ ᠳᠦᠢᠪᠡᠭᠡᠭᠰᠡᠨ》 ᠢ᠋ ᠨᠢᠷᠪᠠ ᠱᠤᠤᠭᠢᠶᠠᠨ ᠳᠡᠭᠳᠡᠭᠰᠡᠨ ᠴᠢᠮᠡᠭᠡ ᠪᠡᠷ ᠳᠣᠲᠣᠭᠠᠳᠤ ᠪᠠᠢᠰᠢᠩ ᠠ᠋ᠴᠠ ᠭᠠᠷᠴᠤ ᠢᠷᠡᠭᠡᠳ᠂ ᠲᠡᠳᠡᠨ ᠳ᠋ᠦ᠍ ᠦᠵᠡᠭᠳᠡᠭᠰᠡᠨ ᠲᠡᠳᠦᠢᠬᠡᠨ ᠢ᠋ᠶ᠋ᠡᠷ ᠲᠡᠷᠡ ᠲᠠᠨᠢᠬᠤ ᠦᠭᠡᠢ ᠬᠡᠳᠦᠨ ᠬᠥᠮᠦᠨ ᠢ᠋《ᠨᠣᠮᠣᠭᠣᠳᠬᠠᠨ( ᠨᠣᠮᠣᠬᠠᠳᠬᠠᠨ)》 ᠵᠠᠢᠯᠠᠭᠤᠯᠵᠤ᠂ ᠣᠳᠣ ᠠᠯᠢ ᠮᠠᠭᠤ ᠪᠠᠨ ᠦᠵᠡᠵᠦ ᠠᠮᠢ ᠠᠯᠳᠠᠯᠠ ᠭᠡᠵᠦ ᠰᠠᠨᠳᠤᠷᠤᠨ ᠠᠶᠤᠭᠰᠠᠨ ᠳ᠋ᠠᠩᠵᠢᠶᠠᠳᠠ ᠶ᠋ᠢ《ᠲᠡᠩᠬᠡᠷᠡᠭᠦᠯᠦᠭᠰᠡᠨ》 ᠡᠴᠡ ᠬᠣᠢᠰᠢ ᠫᠦᠰᠡᠨ ᠦ᠌ ᠬᠢᠨ ᠳ᠋ᠦ᠍ ᠪᠦᠷ ᠴᠦ᠍ ᠠᠮᠢᠳᠤ ᠪᠤᠷᠬᠠᠨ ᠰᠢᠭ᠋ ᠪᠣᠯᠵᠤ ᠪᠢᠯᠡ᠃ ᠲᠡᠷᠡ ᠴᠥᠪ ᠦ᠋ᠨ ᠴᠠᠭ ᠲᠤ᠌ ᠠᠯᠠᠭᠤᠯᠬᠤ ᠲᠠᠯᠠᠭᠤᠯᠬᠤ ᠪᠠᠨ ᠬᠦᠯᠢᠶᠡᠨ ᠰᠠᠨᠳᠤᠷᠴᠤ ᠰᠠᠭᠤᠭᠰᠠᠨ ᠠ᠋ᠴᠠ ᠠᠢᠮᠠᠭ ᠳᠣᠲᠣᠷᠠ ᠪᠠᠨ ᠲᠡᠷᠢᠭᠦᠨ ᠵᠡᠷᠭᠡ ᠶ᠋ᠢᠨ ᠪᠠᠶᠠᠨ ᠶᠡᠬᠡ ᠬᠡᠢᠳ ᠦ᠋ᠨ ᠨᠢᠷᠪᠠ ᠯᠠᠮᠪᠠ ᠭᠤᠸᠠᠢ ᠲᠠᠢ ᠰᠠᠢᠨ ᠪᠠᠢᠵᠤ᠂ ᠠᠰᠢᠭ ᠪᠠᠬᠠᠨ ᠬᠣᠬᠢᠷᠠᠪᠠᠴᠤ᠂ ᠡᠳ᠋ ᠠᠭᠤᠷᠠᠰᠤᠨ ᠤ᠋ ᠨᠢᠭᠡᠨ ᠬᠡᠰᠡᠭ ᠢ᠋ ᠠᠯᠳᠠᠯ ᠦᠭᠡᠢ ᠠᠮᠢ ᠬᠥᠷᠥᠩᠭᠡ ᠪᠦᠲᠦᠨ ᠭᠠᠷᠪᠠᠯ ᠳᠡᠭᠡᠳᠦ ᠵᠠᠶᠠᠭᠠ ᠭᠡᠵᠦ ᠴᠠᠭ ᠲᠥᠷᠥ ᠶ᠋ᠢᠨ ᠲᠦᠭᠰᠢᠭᠦᠷᠢᠲᠡᠢ ᠪᠠᠢᠳᠠᠯ ᠳ᠋ᠤ᠌ ᠰᠠᠨᠳᠤᠷᠤᠭᠰᠠᠨ ᠫᠦᠰᠡᠨ ᠦ᠌ ᠳ᠋ᠠᠩᠵᠢᠶᠠᠳᠠ ᠨᠠᠷ ᠠ᠋ᠴᠠ ᠨᠢᠷᠪᠠ ᠯᠠᠮᠠ ᠲᠡᠷᠡ ᠰᠠᠮᠪᠠᠭᠠ ᠪᠠᠷ ᠴᠢᠯᠠᠭᠤ᠂ ᠵᠠᠭᠠᠨ ᠤ᠋ ᠰᠣᠶᠣᠭᠠ ᠵᠡᠷᠭᠡ ᠪᠡᠷ ᠬᠢᠭᠰᠡᠨ ᠦᠨᠡ ᠶᠡᠬᠡᠲᠡᠢ᠂ ᠴᠠᠮ ᠤ᠋ᠨ ᠭᠣᠶᠣ ᠠᠷᠰᠠᠷ ᠡᠳᠦᠢ ᠲᠡᠳᠦᠢ ᠴᠢᠮᠡᠭᠯᠡᠯ ᠦ᠋ᠨ ᠵᠦᠢᠯ᠂ ᠠᠯᠠᠱᠠᠨ ᠨᠢᠩᠰᠢᠶᠠ ᠬᠡᠪᠢᠰ ᠪᠠᠭᠯᠠᠭᠠ ᠪᠠᠭᠯᠠᠭᠠ ᠪᠠᠷ᠂ ᠪᠤᠯᠠᠭᠠ ᠮᠢᠨᠵᠢ ᠲᠣᠷᠭᠠ ᠬᠣᠷᠭᠣᠢ ᠰᠤᠯᠠ ᠬᠢᠮᠳᠠ ᠦᠨᠡ ᠪᠡᠷ ᠠᠪᠴᠤ᠂ ᠡᠳᠦᠢ ᠲᠡᠳᠦᠢ ᠲᠡᠮᠡᠭᠡ ᠪᠡᠷ ᠤᠯᠢᠶᠠᠰᠤᠲᠠᠢ ᠠ᠋ᠴᠠ ᠬᠡᠢᠳ ᠲᠡᠭᠡᠨ ᠶᠠᠪᠤᠭᠤᠯᠵᠤ ᠪᠠᠢᠭᠰᠠᠨ ᠪᠢᠯᠡ᠃ ᠤᠯᠢᠶᠠᠰᠤᠲᠠᠢ ᠶ᠋ᠢᠨ ᠮᠠᠨᠵᠤ ᠵᠠᠩᠵᠤᠨ ᠴᠤ᠌ ᠱᠠᠯᠴᠠᠢᠬᠰᠠᠨ ᠬᠣᠢᠨᠠ ᠪᠠᠨ ᠵᠠᠮ ᠤ᠋ᠨ ᠵᠠᠷᠤᠳᠠᠯ ᠳ᠋ᠤ᠌ ᠬᠡᠷᠡᠭᠯᠡᠬᠦ ᠮᠥᠩᠭᠥ ᠲᠡᠢ ᠪᠣᠯᠬᠤ ᠭᠡᠵᠦ᠂ ᠤᠷᠢᠳᠤ ᠰᠣᠶᠤᠳ ᠤᠷᠢᠶᠠᠩᠬᠠᠢ ᠭᠥᠷᠥᠭᠡᠴᠢᠨ ᠡᠴᠡ ᠠᠯᠪᠠᠨ ᠳ᠋ᠤ᠌ ᠠᠪᠤᠭᠰᠠᠨ ᠡᠳᠦᠢ ᠲᠡᠳᠦᠢ ᠪᠤᠯᠠᠭᠠ ᠪᠠᠨ ᠰᠤᠯᠠ ᠬᠢᠮᠳᠠ ᠪᠠᠷ ᠨᠢᠷᠪᠠ ᠳ᠋ᠤ᠌ ᠥᠭᠬᠦ ᠳ᠋ᠦ᠍ ᠬᠦᠷᠴᠦ ᠪᠢᠯᠡ᠃ ᠲᠡᠭᠦᠨ ᠦ᠌ ᠳᠠᠷᠠᠭᠠ ᠪᠠᠷ ᠵᠠᠷᠢᠮ ᠫᠦᠰᠡᠨ ᠦ᠌ ᠳ᠋ᠠᠩᠵᠢᠶᠠᠳᠠ(ᠳᠠᠩᠵᠢᠶᠠᠳ) ᠨᠠᠷ ᠬᠥᠷᠥᠩᠭᠡ ᠪᠡᠶᠡ ᠬᠠᠮᠠᠭᠠᠯᠠᠬᠤ ᠪᠢᠴᠢᠭ ᠬᠡᠢᠳ ᠦ᠋ᠨ ᠵᠢᠰᠠ ᠶ᠋ᠢᠨ ᠡᠮᠦᠨᠡ ᠡᠴᠡ ᠰᠢᠢᠳᠬᠡᠨ ᠣᠯᠭᠣᠵᠤ ᠥᠭᠭᠦᠨᠡᠦ(ᠥᠭᠭᠦᠨᠡ ᠤᠤ) ᠭᠡᠵᠦ ᠨᠢᠷᠪᠠ ᠠ᠋ᠴᠠ ᠭᠤᠶᠤᠵᠤ ᠣᠯᠵᠤ ᠠᠪᠤᠭᠰᠠᠨ ᠪᠢᠯᠡ᠃ ᠵᠠᠷᠢᠮ ᠫᠦᠰᠡᠨ ᠦ᠌ ᠪᠠᠷᠠᠭᠠ ᠠᠭᠤᠯᠬᠤ ᠭᠠᠵᠠᠷ᠂ ᠣᠢᠷᠠ ᠬᠠᠪᠢ ᠶ᠋ᠢᠨ ᠨᠣᠶᠠᠳ ᠬᠦᠷᠲᠡᠯᠡ ᠥᠷᠢ ᠲᠡᠢ ᠪᠠᠢᠭᠠ ᠪᠠᠶᠠᠨ ᠨᠢᠷᠪᠠ ᠶ᠋ᠢᠨ ᠲᠢᠽᠢ(ᠭᠠᠷ ᠲᠠᠮᠠᠭᠠ— ᠪᠠᠭᠤᠯᠭᠠᠭᠴᠢ ᠠ᠋ᠴᠠ) ᠲᠠᠢ ᠶᠠᠭᠤᠮᠠᠨ ᠳ᠋ᠤ᠌ ᠶᠠᠮᠠᠷ ᠮᠣᠩᠭᠣᠯ ᠬᠥᠮᠦᠨ ᠠᠶᠤᠮᠰᠢᠭ ᠦᠭᠡᠢ ᠭᠠᠷ ᠬᠦᠷᠬᠦ ᠪᠢᠯᠡ ᠭᠡᠵᠦ᠂ ᠨᠢᠷᠪᠠ ᠪᠠᠷ ᠡᠳ᠋ ᠪᠠᠷᠠᠭᠠ ᠪᠠᠨ ᠪᠣᠭᠣᠳᠠᠯ ᠪᠣᠭᠣᠳᠠᠯ ᠢ᠋ᠶ᠋ᠠᠷ ᠲᠢᠽᠢᠳᠦᠭᠦᠯᠦᠭᠰᠡᠨ ᠪᠢᠯᠡ᠃ ᠢᠩᠭᠢᠵᠦ ᠠᠮᠢ ᠪᠡᠶᠡ᠂ ᠡᠳ᠋ ᠬᠥᠷᠥᠩᠭᠡ ᠬᠠᠮᠠᠭᠠᠯᠠᠬᠤ ᠪᠢᠴᠢᠭ ᠣᠯᠭᠣᠬᠤ᠂ ᠡᠳ᠋ ᠠᠭᠤᠷᠠᠰᠤ ᠶ᠋ᠢ ᠣᠯᠠᠨ ᠤ᠋ ᠬᠠᠯᠳᠠᠨ ᠲᠠᠯᠠᠬᠤ ᠠ᠋ᠴᠠ ᠬᠠᠮᠠᠭᠠᠯᠠᠬᠤ ᠲᠢᠽᠢ ᠳᠠᠷᠤᠬᠤ ᠨᠢ ᠨᠢᠷᠪᠠ ᠯᠠᠮᠠ ᠳ᠋ᠤ᠌ ᠪᠤᠵᠠᠭᠠᠢ ᠠᠰᠢᠭ ᠲᠠᠢ ᠪᠠᠢᠵᠠᠢ᠃
ᠠᠶᠤᠨ ᠰᠠᠨᠳᠤᠷᠤᠭᠰᠠᠨ ᠤᠯᠢᠶᠠᠰᠤᠲᠠᠢ ᠶ᠋ᠢᠨ ᠫᠦᠰᠡᠨ ᠦ᠌ ᠳ᠋ᠠᠩᠵᠢᠶᠠᠳᠠ (ᠳᠠᠩᠵᠢᠶᠠᠳ )ᠨᠠᠷ ᠤ᠋ᠨ ᠵᠠᠰᠠᠭ ᠨᠣᠶᠠᠳ ᠬᠣᠰᠢᠭᠤ ᠲᠠᠮᠠᠭᠠ ᠶ᠋ᠢᠨ ᠥᠷᠢ ᠰᠢᠷᠢᠨ ᠳ᠋ᠦ᠍ ᠬᠤᠷᠢᠶᠠᠵᠤ ᠠᠪᠤᠭᠠᠳ᠂ ᠠᠢᠯ ᠳ᠋ᠤ᠌ ᠲᠠᠷᠬᠠᠭᠠᠨ ᠥᠭᠴᠦ ᠬᠠᠷᠠᠭᠠᠯᠵᠠᠭᠤᠯᠤᠨ ᠬᠠᠷᠢᠭᠤᠯᠵᠤ ᠪᠠᠢᠭᠰᠠᠨ ᠣᠯᠠᠨ ᠮᠢᠩᠭᠠᠨ ᠬᠣᠨᠢ᠂ ᠲᠡᠮᠡᠭᠡ᠂ ᠠᠳᠤᠭᠤ ᠶ᠋ᠢ ᠪᠠᠷᠤᠭ ᠵᠦᠭᠡᠷ ᠰᠢᠬᠠᠭᠤ ᠣᠯᠵᠤ ᠠᠪᠤᠭᠰᠠᠨ ᠢ᠋ᠶ᠋ᠠᠷ ᠬᠡᠢᠳ ᠦ᠋ᠨ ᠲᠡᠮᠡᠭᠡᠨ ᠰᠦᠷᠦᠭ ᠦ᠋ᠨ ᠲᠣᠭᠠ ᠲᠦᠮᠡ ᠬᠦᠷᠦᠭᠰᠡᠨ ᠪᠢᠯᠡ᠃ ᠨᠥᠭᠥᠭᠡᠳᠦᠷ ᠲᠡᠮᠡᠭᠡᠨ ᠰᠦᠷᠦᠭ ᠲᠦᠮᠡ ᠬᠦᠷᠦᠭᠰᠡᠨ ᠦ᠌ ᠶᠡᠬᠡ ᠨᠠᠢᠷ ᠬᠢᠵᠦ ᠪᠤᠤᠷᠠ ᠳ᠋ᠠᠭᠠᠨ ᠮᠥᠩᠭᠥᠨ ᠪᠤᠢᠯᠠ ᠵᠡᠭᠦᠬᠦ ᠭᠡᠵᠦ ᠪᠠᠢᠭᠠ ᠨᠢ ᠨᠢᠷᠪᠠ ᠯᠠᠮᠠ ᠶ᠋ᠢᠨ ᠠᠵᠢᠯ ᠪᠦᠷᠢ ᠳ᠋ᠦ᠍ ᠨᠢᠮᠪᠠᠢ ᠴᠢᠳᠠᠮᠠᠭᠠᠢ ᠶ᠋ᠢᠨ ᠦᠷᠡ ᠪᠣᠯᠪᠠᠰᠤᠷᠠᠯ ᠪᠠᠶᠠᠷ ᠪᠠᠬᠠᠳᠤᠯ ᠰᠢᠦ ᠳᠡ᠃ ᠭᠡᠭᠡᠬᠡᠨ(ᠭᠡᠭᠡᠨ) ᠰᠠᠩ ᠤ᠋ᠨ ᠮᠠᠯ ᠵᠢᠯ ᠢᠷᠡᠬᠦ ᠳᠣᠳᠣᠮ ᠥᠰᠴᠦ᠂ ᠶᠠᠮᠠᠷ ᠴᠤ᠌ ᠵᠤᠳ ᠲᠤ᠌ ᠲᠣᠭᠲᠠᠭᠰᠠᠨ ᠲᠣᠭᠠᠨ ᠠ᠋ᠴᠠ ᠬᠣᠷᠣᠭᠳᠠᠬᠤ ᠦᠭᠡᠢ ᠪᠠᠢᠬᠤ《ᠮᠥᠩᠬᠡ ᠰᠦᠷᠦᠭ》 ᠰᠦᠷᠡᠬᠡᠢ ᠦᠷᠡᠵᠢᠨ ᠥᠰᠴᠦ ᠪᠠᠢᠭᠠ ᠨᠢ ᠴᠥᠮ ᠨᠢᠷᠪᠠ ᠯᠠᠮᠠ ᠶ᠋ᠢᠨ ᠮᠡᠷᠡᠢᠨ ᠵᠢᠳᠬᠦᠭᠰᠡᠨ ᠦ᠌ ᠦᠷᠡ ᠪᠦᠲᠦᠭᠡᠯ ᠠᠵᠢ᠃
ᠣᠳᠣ᠂ ᠲᠦᠮᠡᠨ ᠲᠡᠮᠡᠭᠡ ᠲᠡᠢ ᠪᠣᠯᠤᠭᠰᠠᠨ ᠤ᠋ ᠨᠠᠢᠷ ᠬᠢᠬᠦ ᠭᠡᠵᠦ ᠵᠣᠴᠢᠳ ᠲᠤ᠌ ᠵᠣᠷᠢᠭᠤᠯᠤᠨ᠂ ᠴᠠᠰᠤᠨ ᠠ᠋ᠴᠠ ᠴᠠᠭᠠᠨ᠂ ᠮᠥᠰᠥ ᠡᠴᠡ ᠮᠥᠯᠢᠬᠡᠷ ᠰᠢᠨᠡ ᠢᠰᠡᠭᠡᠢ ᠳᠡᠭᠡᠪᠦᠷ ᠲᠤᠭᠤᠷᠭᠠ ᠲᠠᠢ ᠣᠭᠣᠰᠣᠷ ᠪᠦᠴᠡ ᠦᠭᠡᠢ ᠴᠠᠭᠠᠨ ᠭᠡᠷ ᠬᠡᠳᠦᠨ ᠠᠷᠪᠠ ᠶ᠋ᠢ ᠵᠢᠭᠳᠡᠷᠡᠭᠦᠯᠦᠨ ᠪᠠᠷᠢᠵᠤ᠂ ᠬᠡᠳᠦᠨ ᠠᠷᠪᠠᠨ ᠬᠥᠬᠦᠦᠷ ᠠᠢᠷᠠᠭ᠂ ᠣᠯᠠᠨ ᠵᠣᠴᠢᠨ ᠳ᠋ᠤ᠌ ᠵᠣᠷᠢᠭᠤᠯᠤᠨ ᠵᠡᠬᠡᠭᠡᠰᠦᠲᠡᠢ ᠪᠣᠯᠵᠠᠢ᠃ ᠬᠡᠢᠳ ᠦ᠋ᠨ ᠵᠢᠭᠠᠩ ᠳ᠋ᠤ᠌ * ᠲᠣᠭᠣᠭᠠᠴᠢ ᠨᠠᠷ ᠶᠡᠬᠡ ᠨᠠᠷᠢᠨ ᠢᠳᠡᠭᠡ ᠵᠣᠭᠣᠭ ᠪᠡᠯᠡᠳᠬᠡᠭᠰᠡᠭᠡᠷ ᠳᠣᠯᠣᠭᠠ ᠬᠣᠨᠣᠪᠠ᠃ ᠶᠡᠬᠡ ᠱᠠᠪᠢ ᠶ᠋ᠢᠨ ᠡᠷᠳᠡᠨᠢ ᠱᠠᠩᠵᠠᠪ ᠢ᠋ ᠴᠦ᠍᠂ ᠪᠣᠭᠳᠠ ᠭᠡᠭᠡᠨ ᠢ᠋ᠶ᠋ᠡᠨ ᠡᠷᠳᠡᠨᠢ ᠶ᠋ᠢᠨ ᠰᠢᠷᠡᠭᠡᠨ ᠳ᠋ᠦ᠍ ᠵᠠᠯᠠᠭᠠᠳ ᠬᠢᠵᠦ ᠦᠵᠡᠭᠡ ᠦᠭᠡᠢ ᠳᠠᠯᠠᠢ ᠶᠡᠬᠡ ᠨᠠᠢᠷ ᠬᠤᠷᠢᠮ ᠢ᠋ ᠪᠢ ᠭᠡᠭᠡᠨ ᠰᠠᠩ ᠤ᠋ᠨ ᠲᠦᠮᠡᠨ ᠲᠡᠮᠡᠭᠡᠨ ᠦ᠌ ᠪᠠᠶᠠᠷ ᠢ᠋ᠶ᠋ᠠᠷ ᠬᠢᠨᠡ ᠳᠡ᠃ ᠨᠥᠭᠥᠭᠡᠳᠦᠷ᠂ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠵᠢᠷᠠᠨ ᠤ᠋ ᠬᠠᠷᠠ ᠬᠤᠯᠤᠭᠠᠨᠠ ᠵᠢᠯ ᠦ᠋ᠨ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠥᠯᠵᠡᠢ ᠬᠤᠲᠤᠭ ᠪᠦᠷᠢᠳᠦᠭᠰᠡᠨ ᠠᠷᠪᠠᠨ ᠲᠠᠪᠤᠨ ᠤ᠋ ᠡᠳᠦᠷ᠂ ᠭᠡᠭᠡᠨ ᠰᠠᠩ ᠤ᠋ᠨ ᠲᠦᠮᠡᠨ ᠲᠡᠮᠡᠭᠡᠨ ᠦ᠌ ᠲᠡᠷᠢᠭᠦᠨ ᠪᠣᠯᠤᠭᠰᠠᠨ᠂ ᠬᠠᠢᠷᠰᠤᠲᠤ ᠭᠥᠷᠦᠭᠡᠰᠦᠨ ᠦ᠌ ᠬᠡᠯᠪᠡᠷᠢᠲᠡᠢ ᠬᠠᠯᠬᠠ ᠳᠠᠶᠠᠭᠠᠷ ᠲᠤ᠌ ᠵᠠᠭᠠᠨ ᠭᠡᠭᠳᠡᠬᠦ᠂ ᠠᠯᠲᠠᠨ ᠪᠤᠷᠠᠨᠲᠠᠭ ᠢ᠋ᠶ᠋ᠠᠷ ᠠᠮᠠᠭᠠᠢᠴᠢᠯᠠᠭᠰᠠᠨ᠂ ᠠᠷᠰᠯᠠᠨ ᠪᠠᠷᠰ ᠤ᠋ᠨ ᠬᠦᠴᠦᠨ ᠪᠦᠷᠢᠳᠦᠭᠰᠡᠨ ᠯᠤᠤ ᠶ᠋ᠢᠨ ᠵᠣᠭᠳᠣᠷᠲᠦ ᠯᠤᠲᠤ ᠶᠡᠬᠡ ᠪᠤᠤᠷᠠ ᠳ᠋ᠠᠭᠠᠨ ᠮᠥᠩᠭᠥᠨ ᠪᠤᠢᠯᠠ ᠵᠡᠭᠦᠬᠦ ᠶᠡᠬᠡ ᠶᠣᠰᠣᠯᠠᠯ ᠢ᠋ᠶ᠋ᠠᠷ ᠬᠤᠷᠠᠨ ᠴᠤᠭᠯᠠᠭᠰᠠᠨ (ᠴᠤᠭᠯᠠᠷᠠᠭᠰᠠᠨ)᠂ ᠰᠢᠷᠠ ᠬᠠᠷᠠ ᠣᠯᠠᠨ ᠳᠠᠶᠠᠭᠠᠷ᠂ ᠨᠢᠷᠪᠠ ᠶ᠋ᠢᠨ ᠡᠷᠳᠡᠨᠢ ᠪᠡᠷ ᠪᠥᠭᠡᠯᠵᠢᠭᠴᠢ ᠠᠮᠠ ᠴᠠᠭᠠᠨ ᠬᠤᠯᠤᠭᠠᠨᠠ ᠰᠢᠭ᠋ ᠡᠴᠡᠬᠦ ᠴᠤᠴᠠᠬᠤ ᠶ᠋ᠢ ᠮᠡᠳᠡᠬᠦ ᠦᠭᠡᠢ ᠮᠡᠷᠡᠢᠵᠦ᠂ ᠭᠡᠭᠡᠨ ᠦ᠌ ᠰᠠᠩ ᠢ᠋ ᠨᠠᠢ᠍ᠮᠠᠨ ᠨᠠᠮᠰᠠᠷᠠᠢ ᠰᠢᠭ᠋ ᠪᠠᠶᠠᠨ᠂ ᠣᠯᠠᠨ ᠱᠠᠪᠢ ᠨᠠᠷ ᠢ᠋ ᠨᠠᠢᠳᠠᠩ ᠵᠦᠳᠡᠭ ᠰᠢᠭ ᠥᠨᠢᠷ ᠪᠣᠯᠭᠠᠭᠰᠠᠨ ᠢ᠋ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ ᠦᠵᠡᠨᠡ ᠳᠡ᠃
ᠵᠠ᠂ ᠲᠡᠷᠡ ᠣᠯᠠᠨ ᠬᠣᠨᠢᠴᠢᠨ᠂ ᠠᠳᠤᠭᠤᠴᠢᠨ᠂ ᠲᠡᠮᠡᠭᠡᠴᠢᠨ᠂ ᠦᠬᠡᠷᠴᠢᠨ ᠳ᠋ᠦ᠍ ᠨᠠᠢᠷ ᠢ᠋ ᠤᠭᠲᠤᠭᠤᠯᠤᠨ᠂ ᠨᠢᠭᠡ ᠨᠢᠭᠡ ᠬᠣᠨᠢ ᠥᠭᠭᠦᠰᠢᠲᠡᠢ(ᠦᠭᠭᠦᠰᠢᠲᠡᠢ) ᠪᠠᠢᠨᠠ᠃ ᠥᠴᠦᠬᠡᠨ ᠳᠣᠣᠷᠠᠳᠤᠰ ᠮᠣᠩᠭᠣᠯ ᠤ᠋ᠨ ᠬᠠᠭᠠᠨ᠂ ᠡᠷᠳᠡᠨᠢ ᠶ᠋ᠢᠨ ᠰᠢᠷᠡᠭᠡᠨ ᠳ᠋ᠦ᠍ ᠰᠠᠭᠤᠭᠠᠳ᠂ ᠲᠡᠳᠡᠨ ᠢ᠋ ᠵᠢᠷᠭᠠᠭᠤᠯᠤᠨᠠ ᠭᠡᠵᠦ ᠬᠦᠰᠡᠨ ᠡᠷᠢᠵᠦ ᠪᠠᠢᠭᠠ ᠤᠷᠮᠠ ᠳ᠋ᠤᠨᠢ ᠪᠠᠭᠠ ᠵᠡᠷᠭᠡ ᠶᠠᠭᠤᠮᠠ ᠥᠭᠪᠡᠯ᠂ ᠨᠠᠳᠠ ᠬᠡᠷᠡᠭ ᠪᠣᠯᠤᠨᠠ ᠭᠡᠵᠦ ᠰᠢᠷᠡᠭᠡᠨ ᠳᠡᠭᠡᠷᠡ ᠡᠴᠡ ᠥᠪᠡᠷ ᠦ᠋ᠨ ᠵᠢᠵᠢᠭ ᠬᠥᠭᠡᠷᠦᠬᠦᠨ ᠰᠤᠸᠠᠮᠫᠠᠨ ᠠᠪᠤᠭᠠᠳ ᠬᠡᠳᠦ ᠨᠢᠰᠠᠯᠵᠤ᠂ ᠲᠣᠯᠣᠭᠠᠢ ᠪᠠᠨ ᠰᠡᠭᠰᠦᠷᠦᠨ᠂ ᠲᠡᠷᠡ ᠬᠣᠭᠣᠰᠣᠨ ᠨᠣᠢᠲᠠᠨ ᠭᠤᠢᠯᠢᠨᠴᠢᠨ ᠳ᠋ᠤ᠌ ᠨᠢᠭᠡ ᠨᠢᠭᠡ ᠬᠣᠨᠢ ᠭᠡᠬᠦ ᠳ᠋ᠦ᠍ᠨᠢ ᠬᠡᠳᠦᠨ ᠵᠠᠭᠤᠨ ᠬᠣᠨᠢ ᠥᠭᠬᠦ ᠬᠡᠷᠡᠭᠲᠡᠢ ᠪᠣᠯᠬᠤ ᠨᠢ᠄ ᠵᠠ ᠶᠠᠭᠠᠬᠢᠬᠤ ᠪᠣᠢ᠃ ᠨᠢᠳᠤᠨᠤᠨ ᠬᠠᠪᠤᠷ ᠤ᠋ᠨ ᠪᠠᠷᠤᠭ ᠪᠦᠬᠦ ᠲᠥᠯ ᠪᠣᠢᠵᠢᠭᠤᠯᠵᠤ ᠠᠪᠤᠭᠰᠠᠨ ᠪᠢᠯᠡ᠃ ᠪᠠᠰᠠ ᠣᠨ ᠤ᠋ ᠰᠢᠪᠲᠤᠷᠠᠭᠠ ᠪᠠᠷ ᠬᠢᠲᠠᠳ ᠠ᠋ᠴᠠ ᠰᠤᠯᠠ ᠬᠢᠮᠳᠠ ᠦᠨᠡ ᠪᠡᠷ ᠠᠪᠤᠭᠰᠠᠨ ᠬᠣᠰᠢᠭᠠᠳ ᠮᠢᠩᠭᠠᠨ ᠬᠣᠨᠢ ᠨᠡᠮᠡᠭᠳᠡᠵᠦ ᠶᠡᠷᠦ ᠡᠨᠡ ᠬᠠᠪᠤᠷ ᠤ᠋ᠨ ᠲᠠᠷᠴᠢᠭ ᠴᠠᠭ ᠢ᠋ᠶ᠋ᠠᠷ ᠴᠠᠭᠠᠨ ᠰᠠᠷᠠ ᠲᠣᠬᠢᠶᠠᠯᠳᠤᠵᠤ ᠨᠢᠭᠡ ᠨᠢᠭᠡ ᠬᠣᠨᠢ ᠥᠭᠬᠦ ᠳ᠋ᠦ᠍ ᠭᠡᠮ ᠴᠦ᠍ ᠦᠭᠡᠢ ᠪᠠᠢᠬᠠ᠃ ᠠᠶᠠᠭᠠᠨ ᠤ᠋ ᠬᠠᠷᠢᠭᠤ ᠡᠳᠦᠷ ᠲᠡᠭᠡᠨ(ᠳ᠋ᠦ᠍ ᠪᠡᠨ) ᠭᠡᠵᠦ᠂ ᠬᠣᠨᠢ ᠬᠤᠷᠠᠭᠠᠯᠠᠬᠤ ᠴᠠᠭ ᠢ᠋ᠶ᠋ᠠᠷ ᠬᠢᠴᠢᠶᠡᠬᠦ ᠨᠢ ᠤᠯᠠᠮ ᠰᠠᠢᠨ ᠪᠣᠯᠬᠤ ᠪᠣᠢ ᠭᠡᠵᠦ ᠪᠣᠳᠣᠪᠠ᠃
* * *
ᠯᠠᠮᠠ ᠶ᠋ᠢᠨ ᠭᠡᠭᠡᠬᠡᠨ(ᠭᠡᠭᠡᠨ) ᠦ᠌ ᠰᠠᠩ᠂ ᠲᠦᠮᠡᠨ ᠲᠡᠮᠡᠭᠡᠨ ᠦ᠌ ᠨᠠᠢᠷ ᠬᠢᠬᠦ ᠨᠢ ᠭᠡᠵᠦ ᠣᠢᠷᠠ ᠬᠠᠪᠢ ᠪᠠᠷ ᠲᠠᠷᠬᠠᠵᠤ᠂ ᠬᠦᠨᠳᠦᠲᠦ ᠵᠣᠴᠢᠳ ᠲᠤ᠌ ᠤᠷᠢᠯ ᠵᠠᠯᠠᠯᠠᠯ(ᠵᠠᠯᠠᠯ) ᠠᠢᠯᠠᠳᠬᠠᠵᠤ᠂ ᠤᠷᠢᠯᠭᠠ ᠦᠭᠡᠢ ᠨᠢᠭᠡ ᠨᠢ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠭᠣᠷᠢᠳᠠᠵᠤ᠂ ᠴᠠᠭᠠᠨ ᠰᠠᠷᠠ ᠶ᠋ᠢᠨ ᠠᠷᠪᠠᠨ ᠲᠠᠪᠤᠨ ᠤ᠋ ᠬᠤᠷᠠᠯ ᠢ᠋ᠶ᠋ᠠᠷ ᠬᠡᠢᠳ ᠢ᠋ᠶ᠋ᠡᠷ ᠳᠦᠭᠦᠷᠡᠩ ᠮᠥᠷᠭᠥᠯᠴᠢᠨ ᠵᠣᠴᠢᠨ ᠪᠣᠯᠵᠤ᠂ ᠭᠡᠭᠡᠬᠡᠨ(ᠭᠡᠭᠡᠨ) ᠰᠠᠩ ᠤ᠋ᠨ ᠬᠠᠪᠢ ᠳ᠋ᠤ᠌ ᠭᠣᠶᠣᠯ ᠤ᠋ᠨ ᠬᠤᠪᠴᠠᠰᠤ ᠲᠠᠢ ᠰᠢᠷᠠ᠂ ᠬᠠᠷᠠ ᠣᠯᠠᠨ ᠴᠤᠭᠯᠠᠵᠤ᠂ ᠬᠥᠯ ᠲᠡᠢ ᠨᠢ ᠬᠥᠯᠬᠢᠨ᠂ ᠬᠥᠯ ᠦᠭᠡᠢ ᠨᠢ ᠮᠥᠯᠬᠥᠵᠦ ᠪᠠᠢᠪᠠ᠃
ᠰᠥᠭᠦᠳᠦᠭᠦᠯᠦᠨ ᠬᠡᠪᠲᠡᠭᠦᠯᠦᠭᠰᠡᠨ᠂ ᠪᠦᠳᠦᠭᠦᠨ ᠪᠡᠶᠡ ᠲᠡᠢ᠂ ᠬᠤᠷᠴᠠ ᠨᠢᠳᠦ ᠲᠡᠢ᠂ ᠮᠣᠩᠬᠣᠷ ᠬᠣᠩᠰᠢᠶᠠᠷ ᠲᠠᠢ᠂ ᠪᠣᠰᠤᠭᠠ ᠪᠦᠬᠦ ᠲᠡᠢ᠂ ᠵᠣᠭᠳᠣᠷ ᠶᠡᠬᠡᠲᠡᠢ(ᠶᠡᠬᠡ ᠲᠡᠢ)ᠪᠤᠤᠷᠠ ᠳ᠋ᠤ᠌ ᠮᠥᠩᠭᠥᠨ ᠪᠤᠢᠯᠠ ᠶᠣᠰᠣᠯᠠᠨ ᠵᠡᠭᠦᠭᠰᠡᠨ ᠬᠣᠢᠨᠠ᠂ ᠬᠡᠢᠳ ᠦ᠋ᠨ ᠣᠯᠠᠨ ᠱᠠᠪᠢ ᠨᠠᠷ᠂ ᠴᠤᠭᠯᠠᠨ ᠢᠷᠡᠭᠰᠡᠨ ᠣᠯᠠᠨ ᠵᠣᠴᠢᠨ᠂ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠬᠥᠮᠦᠨ ᠴᠤᠪᠤᠯᠳᠤᠨ᠂ ᠪᠤᠤᠷᠠ ᠳ᠋ᠤ᠌ ᠬᠠᠳᠠᠭ ᠴᠢᠮᠡᠭ ᠵᠡᠭᠦᠵᠦ ᠡᠬᠢᠯᠡᠪᠡ᠃
ᠭᠡᠭᠡᠬᠡᠨ(ᠭᠡᠭᠡᠨ) ᠳ᠋ᠦ᠍ ᠪᠠᠶᠠᠷ ᠢ᠋ ᠢᠯᠡᠷᠬᠡᠢᠯᠡᠬᠦ ᠭᠡᠵᠦ ᠢᠷᠡᠭᠰᠡᠨ ᠨᠣᠶᠠᠳ ᠲᠦᠰᠢᠮᠡᠳ ᠮᠢᠨᠳᠠᠭᠲᠠᠨ ᠲᠤᠰᠢᠶᠠᠯᠲᠠᠨ ᠯᠠᠮᠠ ᠨᠠᠷ᠂ ᠬᠥᠳᠡᠭᠡ ᠶ᠋ᠢᠨ ᠪᠠᠶᠠᠴᠤᠳ᠂ ᠫᠦᠰᠡᠨ ᠦ᠌ ᠳ᠋ᠠᠩᠵᠢᠶᠠᠳᠠ(ᠳᠠᠩᠵᠢᠶᠠᠳ) ᠨᠠᠷ ᠤᠷᠲᠤ ᠤᠷᠲᠤ ᠭᠡᠭᠴᠢ ᠶ᠋ᠢᠨ ᠨᠠᠩᠵᠢᠳ ᠬᠠᠳᠠᠭ ᠵᠡᠭᠦᠵᠦ᠂ ᠶᠠᠳᠠᠭᠤ ᠬᠣᠨᠢᠴᠢᠨ᠂ ᠭᠥᠷᠥᠭᠡᠴᠢᠨ᠂ ᠭᠤᠢᠯᠢᠨᠴᠢᠨ ᠭᠤᠯᠢᠷ ᠲᠦᠷᠬᠢᠭᠰᠡᠨ ᠰᠡᠢᠮᠡᠬᠡᠢ ᠴᠠᠭᠠᠨ ᠰᠠᠮᠪᠠᠢ ᠬᠠᠳᠠᠭ ᠵᠡᠭᠦᠵᠦ᠂ ᠰᠢᠷᠠ᠂ ᠤᠯᠠᠭᠠᠨ᠂ ᠨᠣᠭᠣᠭᠠᠨ᠂ ᠴᠠᠭᠠᠨ ᠥᠩᠭᠡ ᠶ᠋ᠢᠨ ᠬᠠᠳᠠᠭ ᠢ᠋ᠶ᠋ᠠᠷ ᠠᠯᠠᠭᠯᠠᠭᠤᠯᠤᠭᠰᠠᠨ ᠴᠡᠩᠬᠡᠷ ᠣᠪᠣᠭᠠ ᠪᠤᠰᠬᠠᠭᠰᠠᠨ ᠶᠠᠭᠤᠮᠠ(ᠶᠤᠮ) ᠰᠢᠭ᠋ ᠪᠤᠤᠷᠠ ᠶ᠋ᠢ ᠪᠦᠷᠬᠦᠲᠡᠯᠡ ᠣᠪᠣᠭᠠᠯᠠᠭᠰᠠᠨ ᠳᠤᠮᠳᠠ ᠠ᠋ᠴᠠ ᠭᠠᠭᠴᠠ ᠬᠦ᠌ ᠬᠡᠢᠳ ᠦ᠋ᠨ ᠰᠦᠮᠡ ᠳᠤᠭᠠᠩ ᠤ᠋ᠨ ᠣᠷᠣᠢ ᠳᠡᠭᠡᠷᠡᠬᠢ ᠪᠠᠷᠢᠮᠠᠯ ᠯᠤᠤ ᠶ᠋ᠢᠨ ᠲᠣᠯᠣᠭᠠᠢ ᠰᠢᠭ᠋ ᠰᠦᠷᠲᠡᠢ ᠪᠠᠷᠠᠭᠠᠨ ᠵᠣᠭᠳᠣᠷᠲᠤ ᠲᠣᠯᠣᠭᠠᠢ ᠨᠢ ᠴᠤᠬᠤᠢᠵᠤ ᠪᠠᠢᠪᠠ᠃
ᠭᠣᠶᠣ ᠭᠣᠶᠣ ᠬᠤᠪᠴᠠᠰᠤ ᠲᠠᠢ ᠵᠣᠩᠬᠢᠯᠠᠭᠴᠢ ᠯᠠᠮᠠ ᠨᠠᠷ᠂ ᠬᠦᠨᠳᠦᠲᠦ ᠵᠣᠴᠢᠳ ᠢ᠋ ᠮᠡᠬᠦᠢᠨ ᠶᠣᠰᠣᠯᠠᠵᠤ ᠲᠤᠩ ᠴᠠᠭᠠᠨ ᠭᠡᠷ ᠲᠦ᠍ ᠣᠷᠣᠭᠤᠯᠪᠠ᠃ ᠣᠨᠴᠠ ᠬᠦᠨᠳᠦᠲᠡᠢ ᠵᠣᠴᠢᠳ ᠢ᠋ ᠨᠢᠷᠪᠠ ᠯᠠᠮᠠ ᠭᠤᠸᠠᠢ ᠥᠪᠡᠷ ᠦ᠋ᠨ ᠪᠡᠶᠡ ᠪᠡᠷ ᠲᠣᠰᠴᠤ᠂ ᠮᠠᠰᠢ ᠡᠶᠡᠯᠳᠡᠭ ᠢ᠋ᠶ᠋ᠡᠷ ᠢᠨᠢᠶᠡᠮᠰᠦᠭᠯᠡᠨ᠂ ᠭᠡᠭᠡᠬᠡᠨ(ᠭᠡᠭᠡᠨ) ᠦ᠌ ᠭᠣᠶᠣᠯ ᠤ᠋ᠨ ᠰᠠᠢᠬᠠᠨ ᠦᠷᠭᠦᠭᠡᠨ ᠳ᠋ᠦ᠍ ᠵᠠᠯᠠᠪᠠ᠃ ᠵᠢᠷ ᠦ᠋ᠨ ᠵᠣᠴᠢᠨ᠂ ᠡᠭᠡᠯ ᠮᠠᠯᠴᠢᠨ ᠠᠷᠠᠳ᠂ ᠬᠡᠢᠳ ᠦ᠋ᠨ ᠰᠦᠷᠦᠭᠴᠢᠨ᠂ ᠬᠣᠨᠢᠴᠢᠨ᠂ ᠦᠬᠡᠷᠴᠢᠨ᠂ ᠠᠳᠤᠭᠤᠴᠢᠨ᠂ ᠲᠡᠮᠡᠭᠡᠴᠢᠨ ᠢ᠋ ᠵᠢᠷ ᠦ᠋ᠨ ᠵᠣᠴᠢᠳ ᠲᠤ᠌ ᠵᠣᠷᠢᠭᠤᠯᠤᠭᠰᠠᠨ ᠭᠡᠷ ᠵᠢᠭᠠᠵᠤ᠂ ᠣᠯᠠᠨ ᠭᠡᠷ ᠦ᠋ᠨ ᠡᠭᠦᠳᠡᠨ ᠳ᠋ᠦ᠍ ᠵᠣᠴᠢᠳ ᠤᠭᠲᠤᠬᠤ ᠯᠠᠮᠠ ᠨᠠᠷ ᠡᠷᠢᠮᠪᠡ(ᠡᠷᠡᠮᠪᠡ) ᠵᠡᠷᠭᠡ ᠪᠡᠷ ᠨᠢ ᠢᠯᠭᠠᠨ ᠰᠠᠯᠭᠠᠵᠤ᠂ ᠲᠦᠮᠡᠨ ᠨᠥᠬᠥᠭᠡᠰᠦ ᠪᠣᠯᠤᠭᠰᠠᠨ ᠳᠡᠪᠡᠯ ᠲᠡᠢ ᠶᠠᠳᠠᠭᠤ ᠭᠤᠢᠯᠢᠨᠴᠢᠨ ᠵᠣᠴᠢᠳ ᠢ᠋ ᠲᠤᠰᠬᠠᠢ ᠶᠠᠳᠠᠭᠤᠰ ᠤ᠋ᠨ ᠭᠡᠷ ᠲᠦ᠍ ᠢᠯᠭᠠᠨ ᠣᠷᠣᠭᠤᠯᠵᠤ ᠪᠠᠢᠪᠠ᠃ ᠡᠪᠦᠭᠡᠨ ᠯᠣᠣᠵᠠᠩ ᠲᠡᠭᠦᠨ ᠢ᠋ ᠦᠵᠡᠭᠡᠳ᠂ ᠵᠢᠷ ᠦ᠋ᠨ ᠮᠠᠯᠴᠢᠨ᠂ ᠭᠡᠭᠡᠬᠡᠨ(ᠭᠡᠭᠡᠨ) ᠰᠠᠩ ᠤ᠋ᠨ ᠬᠣᠨᠢᠴᠢᠨ ᠤ᠋ ᠭᠡᠷ ᠲᠦ᠍ ᠣᠷᠣ ᠭᠡᠵᠦ ᠵᠢᠭᠠᠯᠭᠠᠨ ᠣᠷᠣᠬᠤ ᠳ᠋ᠠᠭᠠᠨ(ᠳ᠋ᠤ᠌ ᠪᠠᠨ)ᠵᠣᠩᠬᠢᠯᠠᠭᠴᠢ ᠯᠠᠮᠠ ᠶ᠋ᠢ ᠦᠭᠡ ᠪᠡᠷ ᠴᠣᠬᠢᠵᠤ᠄
— ᠡᠷᠬᠢᠮ ᠯᠠᠮᠪᠠ ᠭᠤᠸᠠᠢ ᠮᠢᠨᠢ᠂ ᠬᠥᠮᠦᠨ ᠢ᠋ ᠡᠷᠡᠮᠪᠡ ᠵᠡᠷᠭᠡ ᠪᠡᠷ ᠢᠯᠭᠠᠬᠤ ᠳ᠋ᠠᠭᠠᠨ(ᠳ᠋ᠤ᠌ ᠪᠠᠨ) ᠮᠥᠨ ᠴᠦ᠍ ᠰᠤᠷᠤᠮᠠᠭᠠᠢ(ᠰᠤᠷᠮᠠᠭᠠᠢ)᠂ ᠰᠦᠷᠡᠬᠡᠢ ᠴᠢᠳᠠᠯ ᠲᠠᠢ ᠪᠠᠢᠬᠤ ᠰᠢᠪ ᠳᠡ ᠲᠠ ᠮᠢᠨᠢ᠃ ᠡᠷᠯᠢᠭ ᠨᠣᠮᠣᠨ ᠬᠠᠭᠠᠨ᠂ ᠰᠢᠨᠵᠠ ᠴᠤ᠌ ᠭᠡᠰᠡᠨ ᠬᠠᠷᠠ ᠴᠠᠭᠠᠨ ᠢ᠋ ᠢᠯᠭᠠᠬᠤ ᠳ᠋ᠠᠭᠠᠨ(ᠳ᠋ᠤ᠌ ᠪᠠᠨ)᠂ ᠲᠠᠨ ᠰᠢᠭ᠋ ᠢᠩᠭᠢᠵᠦ ᠢᠯᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠢᠬᠤ ᠭᠡᠵᠦ ᠬᠡᠯᠡᠭᠡᠳ᠂ ᠡᠭᠡᠯ ᠵᠣᠴᠢᠳ ᠤ᠋ᠨ ᠭᠡᠷ ᠲᠦ᠍ ᠨᠠᠰᠤᠨ ᠠᠬᠠᠮᠠᠳ ᠢ᠋ᠶ᠋ᠠᠷ ᠬᠣᠢᠮᠣᠷ ᠰᠠᠭᠤᠵᠤ᠂ ᠬᠣᠭᠣᠯᠠᠢ ᠪᠠᠨ ᠵᠠᠰᠠᠭᠠᠳ᠂ ᠬᠢᠲᠤᠭᠠ ᠪᠠᠨ ᠭᠠᠷᠭᠠᠵᠤ᠂
— ᠵᠠ᠂ ᠪᠣᠷᠣ ᠴᠤ᠌ ᠪᠣᠯ ᠪᠣᠭᠳᠠ ᠶ᠋ᠢᠨ ᠵᠣᠭᠣᠭ᠂ ᠬᠠᠷᠠ ᠴᠤ᠌ ᠪᠣᠯ ᠬᠠᠭᠠᠨ ᠤ᠋ ᠵᠣᠭᠣᠭ ᠭᠡᠵᠦ ᠥᠭᠡᠬᠦ ᠪᠠᠭᠠ ᠲᠠᠢ ᠬᠠᠷᠠ ᠮᠢᠬᠠ᠂ ᠲᠡᠷᠡ ᠭᠡᠷ ᠦ᠋ᠨ ᠵᠣᠴᠢᠳ ᠲᠤ᠌ ᠲᠠᠯᠪᠢᠭᠰᠠᠨ ᠢ᠋ ᠪᠢᠲᠡᠭᠦᠦ ᠶᠣᠭᠲᠠᠯᠠᠪᠠᠯ᠂ ᠡᠭᠦᠳᠡᠨ ᠳᠡᠭᠡᠷᠡ ᠪᠠᠢᠭᠰᠠᠨ ᠵᠣᠩᠬᠢᠯᠠᠭᠴᠢ ᠯᠠᠮᠠ ᠰᠣᠨᠣᠰᠴᠤ ᠡᠪᠦᠭᠡᠨ ᠦ᠌ ᠦᠭᠡ ᠳᠠᠯᠳᠠᠭᠤᠷ ᠳᠠᠭᠠᠷᠢᠭᠰᠠᠨ ᠤᠳᠬᠠ ᠲᠠᠢ ᠶ᠋ᠢ ᠮᠡᠳᠡᠭᠡᠳ᠂ ᠭᠡᠭᠡᠬᠡᠨ(ᠭᠡᠭᠡᠨ) ᠰᠠᠩ ᠤ᠋ᠨ ᠨᠡᠷᠡ ᠶ᠋ᠢ ᠪᠣᠳᠣᠵᠤ᠂ ᠨᠢᠭᠡ ᠪᠠᠨᠳᠢ ᠶ᠋ᠢ ᠬᠦᠨᠳᠦᠲᠦ ᠵᠣᠴᠢᠳ ᠤ᠋ᠨ ᠭᠡᠷ ᠲᠦ᠍ ᠣᠷᠣᠭᠤᠯᠬᠤ ᠭᠡᠵᠦ ᠲᠣᠮᠣ ᠮᠥᠩᠭᠥᠨ ᠴᠠᠷᠠ ᠳᠡᠭᠡᠷᠡ ᠠᠭᠤᠷ ᠪᠠᠭᠠᠭᠢᠭᠰᠠᠨ ᠲᠠᠷᠭᠤᠨ ᠬᠣᠨᠢᠨ ᠤ᠋ ᠤᠭᠤᠴᠠ ᠲᠠᠯᠪᠢᠭᠠᠳ ᠠᠪᠴᠤ ᠶᠠᠪᠤᠭᠰᠠᠨ ᠢ᠋ ᠳᠠᠭᠤᠳᠠᠨ ᠢᠷᠡᠭᠦᠯᠵᠦ᠄
— ᠵᠠ᠂ ᠪᠤᠭᠤᠷᠤᠯ ᠡᠪᠦᠭᠡᠨ ᠠᠬᠠ ᠮᠢᠨᠢ! ᠠᠷᠪᠢᠨ ᠪᠤᠶᠠᠨᠲᠤ ᠭᠡᠭᠡᠬᠡᠨ(ᠭᠡᠭᠡᠨ) ᠰᠠᠩ ᠤ᠋ᠨ ᠡᠨᠡ ᠬᠡᠰᠢᠭ ᠡᠴᠡ ᠠᠮᠠ ᠬᠦᠷᠦᠭᠡᠳ ᠦᠵᠡ ᠳᠡ! ᠭᠡᠵᠦ ᠶᠣᠵᠣᠯᠠᠬᠤ ᠳ᠋ᠤᠨᠢ᠂
— ᠡᠨᠡ ᠪᠣᠯ ᠳᠡᠯᠡᠬᠡᠢ ᠶ᠋ᠢᠨ ᠰᠢᠮᠡ᠂ ᠳᠡᠯᠭᠡᠷ ᠣᠯᠠᠨ ᠤ᠋ ᠬᠥᠯᠥᠰᠥ᠂ ᠡᠳᠦᠷ ᠳᠣᠳᠣᠮ ᠬᠡᠮᠵᠢᠶᠡ ᠦᠭᠡᠢ ᠢᠳᠡᠪᠡᠯ᠂ ᠥᠭᠡᠳᠡᠯᠡᠳᠡᠭ ᠦᠭᠡᠢ ᠭᠣᠷᠲᠣᠳᠠᠭ ᠶᠤᠮ ᠭᠡᠨᠡ ᠪᠢᠯᠡ ᠭᠡᠵᠦ ᠬᠠᠷᠢᠭᠤᠯᠤᠭᠠᠳ ᠳᠡᠷᠭᠡᠳᠡᠬᠢ ᠣᠯᠠᠨ ᠠ᠋ᠴᠠ᠂ ᠲᠡᠢᠮᠦ ᠪᠢᠵᠡ ᠠ᠋ ᠬᠡᠦᠬᠡᠳ ᠮᠢᠨᠢ? ᠭᠡᠬᠦ ᠳ᠋ᠦ᠍ᠨᠢ᠂ ᠭᠡᠭᠡᠬᠡᠨ(ᠭᠡᠭᠡᠨ) ᠰᠠᠩ ᠤ᠋ᠨ ᠶᠡᠬᠡ ᠵᠠᠩ ᠲᠠᠢ ᠯᠠᠮᠠ ᠨᠠᠷ ᠤ᠋ᠨ ᠥᠭᠡᠳᠡ ᠡᠴᠡ ᠰᠢᠷᠦᠭᠦᠨ ᠦᠭᠡ ᠬᠡᠯᠡᠬᠦ ᠡᠷᠬᠡ ᠦᠭᠡᠢ᠂ ᠪᠦᠲᠦᠨ ᠴᠠᠭᠠᠭᠴᠢᠨ ᠭᠠᠬᠠᠢ ᠵᠢᠯ ᠦ᠋ᠨ ᠲᠤᠷᠰᠢ ᠬᠠᠷᠢᠶᠠᠬᠤ ᠬᠤᠴᠠᠯᠠᠬᠤ ᠶ᠋ᠢ ᠬᠦᠯᠢᠴᠡᠵᠦ ᠪᠠᠢᠭᠰᠠᠨ ᠪᠢᠳᠡᠨ ᠦ᠌ ᠬᠣᠷᠣᠰᠤᠯ ᠤ᠋ᠨ ᠬᠠᠷᠢᠭᠤ ᠶ᠋ᠢ ᠡᠨᠡ ᠬᠠᠲᠠᠭᠤ ᠠᠮᠠ ᠲᠠᠢ᠂ ᠶᠡᠬᠡ ᠵᠢᠷᠦᠬᠡᠲᠡᠢ ᠡᠪᠦᠭᠡᠨ ᠭᠠᠭᠴᠠᠬᠠᠨ ᠰᠠᠢᠨ ᠠᠪᠤᠪᠠ ᠭᠡᠵᠦ ᠬᠠᠪᠠᠷᠬᠠᠵᠤ᠂
— ᠴᠣᠬᠣᠮ ᠠ᠋ ᠭᠡᠵᠦ ᠲᠡᠷᠡ ᠭᠡᠷ ᠲᠦ᠍ ᠰᠠᠭᠤᠭᠰᠠᠨ ᠬᠣᠨᠢᠴᠢᠨ ᠳᠤᠷᠠᠲᠠᠢ ᠭᠡᠭᠴᠢ ᠪᠡᠷ ᠬᠠᠷᠢᠭᠤᠯᠪᠠ᠃
— — — —
* ᠰᠦᠮᠡ ᠳᠤᠭᠠᠩ᠂ ᠪᠤᠷᠬᠠᠨ ᠰᠢᠲᠦᠭᠡᠨ᠂ ᠲᠠᠬᠢᠯ ᠬᠥᠬᠥᠯ ᠰᠠᠩ ᠤ᠋ᠨ ᠤᠲᠤᠭᠠ᠂ ᠠᠬᠠ ᠳᠡᠭᠦᠦ ᠶ᠋ᠢᠨ ᠴᠢᠰᠤ ᠤᠷᠤᠰᠬᠠᠶᠠ ᠭᠡᠵᠦ᠂ ᠬᠤᠯᠠᠭᠠᠢ ᠬᠤᠳᠠᠯ᠂ ᠲᠡᠢᠨ ᠳᠠᠵᠢᠨ ᠬᠢᠶᠡ ᠭᠡᠵᠦ᠂ ᠬᠥᠷᠥᠭ ᠳᠦᠷᠢ ᠶ᠋ᠢᠨ ᠴᠢᠨᠢ ᠡᠮᠦᠨᠡ ᠴᠤᠴᠠᠯ ᠦᠭᠡᠢ ᠮᠥᠷᠭᠥᠨ ᠵᠠᠯᠪᠠᠷᠢᠬᠤ ᠠᠵᠢ᠃ ᠲᠡᠭᠡᠭᠡᠳ ᠳᠠᠯᠠᠨ ᠲᠣᠨᠣᠭᠰᠠᠨ ᠭᠤᠸᠠ ᠴᠢᠮᠡᠭ᠂ ᠴᠢᠮᠠ ᠳ᠋ᠠᠭᠠᠨ ᠡᠷᠭᠦᠯ ᠪᠠᠷᠢᠴᠠ ᠪᠣᠯᠭᠠᠳᠠᠭ ᠪᠠᠢᠨᠠ ᠯᠠ ᠠ᠋‼᠁
ᠲ· ᠱᠧᠪᠴᠧᠨᠺᠦ
* ᠰᠦᠮᠡ ᠭᠡᠢᠳ ᠦᠨ ᠭᠠᠯ ᠲᠣᠭᠣᠭᠠᠨ ᠤ ᠭᠠᠵᠠᠷ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠠᠷᠠᠨᠲᠤᠶᠠᠭᠠ᠂ ᠣᠶᠤᠨᠪᠢᠯᠢᠭ᠌᠂ ᠲᠠᠪᠤᠨ ᠤᠰᠤ᠂ ᠤᠢᠭᠤᠷᠵᠢᠨ·ᠣᠳᠬᠣᠨᠪᠠᠪᠠ᠂ ᠪᠠᠯ
ᠬᠢᠨᠠᠭᠴᠢ᠄ ᠤᠢᠭᠤᠷᠵᠢᠨ·ᠣᠳᠬᠣᠨᠪᠠᠪᠠ᠂ ᠣᠳᠬᠣᠨᠴᠡᠴᠡᠭ᠂ ᠪᠠᠯ
ᠤᠩᠰᠢᠭᠴᠢ᠄ ᠨᠠᠰᠤᠨ᠌ᠦ᠌ᠯᠵᠡᠢ