ᠬᠠᠨ ᠮᠤᠨᠠ ᠶᠢᠨ ᠰᠡᠭᠦᠷᠡᠰᠦ <ᠳᠡᠭᠡᠳᠦ> – ᠮᠥᠩᠬᠡ ᠵᠣᠬᠢᠶᠠᠪᠠ ᠂ ᠳᠡᠳ᠋ ᠪᠣᠲᠢ – ᠨᠢᠭᠡᠳᠦᠭᠡᠷ ᠪᠦᠯᠦᠭ <ᠭᠤᠷᠪᠠ> Хан мунын сүүрс < дээд > – Мөнх зохиоов ᠂ дэд бодь – нэгдүгээр бүлэг <3>
486ᠳᠡᠳ᠋ ᠪᠣᠲᠢ – ᠨᠢᠭᠡᠳᠦᠭᠡᠷ ᠪᠦᠯᠦᠭ <ᠭᠤᠷᠪᠠ>
ᠦᠣᠷ ᠮᠠᠩᠬᠠᠢᠲᠠᠯᠠ ᠴᠠᠢᠵᠦ᠂ ᠠᠭᠤᠯᠠᠰ ᠤ᠋ᠨ ᠲᠤᠯᠤᠭᠠᠳ ᠬᠠᠷᠠᠩᠭᠤᠢ ᠬᠥᠰᠢᠭᠡᠨ ᠡᠴᠡ ᠪᠠᠨ ᠦᠨᠳᠡᠢᠵᠤ ᠪᠣᠰᠤᠭᠰᠠᠨ ᠰᠢᠭ᠋ ᠪᠥᠷᠲᠥᠯᠵᠡᠨᠡ᠃ ᠰᠦᠮᠡᠯᠵᠡᠨ ᠰᠡᠭᠦᠳᠡᠭᠡᠨᠡᠵᠦ ᠪᠠᠢᠭ᠍ᠰᠠᠨ ᠢᠶᠠᠨ ᠠᠭᠠᠵᠢᠮ ᠢᠶᠡᠷ ᠮᠣᠳᠣ ᠴᠢᠯᠠᠭᠤᠳ ᠨᠢ ᠢᠯᠭᠠᠷᠠᠨ ᠲᠠᠨᠢᠭᠳᠠᠵᠤ ᠠᠯᠤᠰ ᠤ᠋ᠨ ᠪᠠᠷᠠ ᠲᠣᠳᠣᠷᠠᠨᠠ᠃ ᠪᠣᠳᠠᠨ ᠤ ᠪᠣᠯᠵᠣᠮᠣᠷ ᠬᠦᠷᠲᠡᠯᠡ ᠡᠭᠦᠷ ᠡᠴᠡ ᠪᠠᠨ ᠰᠤᠭᠤᠷᠠᠵᠤ ᠰᠢᠨᠡ ᠨᠢᠭᠡ ᠡᠳᠦᠷ ᠢᠶᠠᠨ ᠤᠭᠲᠤᠵᠤ ᠱᠤᠯᠤᠭᠠᠨᠠᠨᠠ᠃
ᠲᠡᠷᠡ ᠦᠷᠯᠦᠭᠡ ᠠᠩᠴᠢᠨᠵᠡᠪ ᠡᠷᠲᠠ ᠪᠣᠰᠴᠤ ᠰᠢᠭᠦᠳᠡᠷᠢ ᠶ᠋ᠢᠨ ᠨᠠᠪᠴᠢ ᠬᠠᠵᠠᠯᠠᠭᠰᠠᠨ ᠭᠤᠷᠠ ᠠᠩᠨᠠᠬᠤ ᠭᠡᠵᠦ ᠥᠯᠥᠩᠲᠦ ᠶ᠋ᠢᠨ ᠪᠠᠷᠠᠭᠤᠨ ᠬᠢᠷᠠ ᠳᠡᠭᠡᠷᠡ ᠭᠠᠷᠬᠤ ᠳ᠋ᠤ᠌ ᠥᠯᠦᠩᠲᠦ ᠶ᠋ᠢᠨ ᠡᠬᠢᠨ ᠳ᠋ᠤ᠌ ᠴᠢᠨᠣᠠ ᠤᠯᠢᠬᠤ ᠳᠤᠭᠤᠯᠳᠠᠪᠠ᠃ 《ᠡᠵᠡᠨ ᠢ᠋ᠶ᠋ᠡᠨ ᠠᠯᠳᠠᠭᠰᠠᠳ ᠴᠢᠨᠢ ᠶᠡᠷᠦ ᠨᠢ ᠬᠠᠶᠠᠭᠠᠨ ᠠ᠋ᠴᠠ ᠬᠠᠳᠤᠷᠬᠤ ᠭᠡᠵᠦ ᠪᠠᠢᠭᠠ ᠪᠢᠰᠢ ᠪᠢᠵᠡ?》 ᠭᠡᠵᠦ ᠰᠡᠳᠬᠢᠨ ᠨᠢᠭᠡ ᠭᠠᠩᠰᠠ ᠲᠠᠮᠠᠬᠢ ᠨᠡᠷᠡᠵᠦ ᠨᠢᠭᠡ ᠲᠠᠯᠠ ᠪᠡᠷ ᠡᠡᠷᠦ ᠡᠩᠭᠡᠷ ᠦ᠋ᠨ ᠰᠢᠷᠢᠩᠭᠢ ᠶ᠋ᠢᠨ ᠲᠣᠯᠣᠭᠠᠢ ᠬᠥᠳᠡᠯᠬᠦ ᠶ᠋ᠢ ᠠᠵᠢᠭ᠍ᠯᠠᠵᠤ ᠭᠤᠷᠠ ᠵᠦᠷ ᠦ᠋ᠨ ᠬᠥᠳᠡᠯᠦᠯ ᠢ᠋ ᠭᠡᠲᠡᠬᠦ ᠶ᠋ᠢᠨ ᠬᠠᠮᠲᠤ ᠨᠥᠭᠦᠭᠡ ᠲᠠᠯᠠ ᠪᠠᠷ ᠥᠯᠥᠩᠲᠦ ᠶ᠋ᠢᠨ ᠡᠬᠢᠨ ᠦ ᠣᠢᠷᠠᠬᠠᠨ ᠲᠤᠭᠤᠯᠳᠠᠬᠤ ᠴᠢᠨᠣᠠ ᠣᠯᠢᠬᠤ ᠶ᠋ᠢ ᠴᠢᠩᠨᠠᠵᠤ ᠬᠡᠰᠡᠭ ᠰᠠᠭᠤᠯᠠ᠃ ᠢᠩᠭᠢᠵᠤ ᠪᠠᠢᠲᠠᠯᠠ ᠠᠯᠤᠰ ᠠ᠋ᠴᠠ ᠮᠠᠰᠢ ᠥᠳᠬᠡᠨ ᠳᠠᠭᠤ ᠲᠠᠢ ᠴᠢᠨᠣᠠ ᠣᠯᠢᠬᠤ ᠰᠣᠨᠣᠰᠳᠠᠪᠠ᠃ ᠡᠨᠡ ᠪᠣᠯ ᠥᠭᠶᠦᠭᠡ ᠢᠲᠠᠰᠢ ᠡᠷᠢᠭᠰᠡᠨ ᠴᠢᠨᠣᠠ ᠨᠤᠭᠤᠳ ᠬᠠᠷᠢᠯᠴᠠᠨ ᠬᠣᠯᠪᠣᠭᠠ ᠠᠪᠤᠯᠴᠠᠵᠤ ᠪᠠᠢᠠᠨᠠ ᠭᠡᠳᠡᠭ ᠢ᠋ ᠮᠡᠳᠡᠬᠦ ᠳ᠋ᠡᠭᠡᠨ ᠲᠦᠷᠦᠭᠦᠦ ᠴᠢᠨᠣᠠ 《ᠡᠨᠳᠡ ᠢᠳᠡᠬᠦ ᠶᠠᠭᠤᠮᠠ ᠪᠠᠢᠨᠠ᠂ ᠪᠣᠰᠢᠭᠣ ᠨᠠᠭᠠᠰᠢᠯᠠ 》 ᠭᠡᠬᠦ ᠢᠵᠢᠯᠢ ᠪᠡᠨ ᠳᠠᠭᠤᠳᠠᠨ ᠣᠯᠢᠭᠰᠠᠨ ᠢ ᠨᠥᠭᠥᠭᠡ ᠨᠢ 《 ᠮᠡᠳᠡᠯᠡ᠂ ᠣᠳᠣ ᠪᠡᠷ ᠢᠶᠠᠨ ᠣᠴᠢᠯᠠ ᠁》 ᠭᠡᠵᠦ ᠥᠳᠬᠡᠨ ᠲᠠᠭᠤ ᠪᠠᠷ ᠬᠠᠷᠢᠭᠤ ᠣᠯᠢᠵᠤ ᠪᠠᠢᠭᠠ ᠠᠵᠢ᠃ 《ᠵᠠ᠂ ᠪᠠᠢᠵᠠ᠂ ᠥᠯᠦᠩᠲᠦ ᠶ᠋ᠢᠨ ᠡᠬᠢᠨ ᠳ᠋ᠦ᠍ ᠪᠠᠰᠠ ᠶᠠᠭᠤᠨ ᠤ᠋ ᠤᠯᠠᠢ ᠭᠠᠷᠤᠭᠰᠠᠨ ᠪᠣᠯ ᠡ 》 ᠭᠡᠵᠦ ᠪᠣᠳᠣᠵᠤ ᠰᠠᠭᠤᠲᠠᠯᠠ ᠴᠠᠭᠠᠨᠠ ᠢᠮᠠᠭᠠ ᠮᠠᠢᠯᠠᠬᠤ ᠴᠤ᠌ ᠶᠤᠮ ᠰᠢᠭ᠋ ᠬᠥᠮᠦᠨ ᠦ᠌ 《 ᠠᠮᠢ ᠠᠪᠤᠷᠠ ᠠ᠋ ᠁》 ᠭᠡᠵᠦ ᠬᠠᠰᠭᠢᠷᠬᠤ ᠰᠣᠨᠢᠬᠠᠨ ᠳᠠᠭᠤᠨ ᠰᠣᠨᠣᠰᠲᠡᠯᠡ ᠁
ᠲᠡᠷᠡ ᠥᠯᠦᠩᠲᠦ ᠶ᠋ᠢᠨ ᠪᠠᠷᠠᠭᠤᠨ ᠬᠠᠮᠠᠷ ᠢᠶᠠᠷ ᠬᠢᠷᠠᠯᠠᠵᠤ ᠲᠦᠳᠡᠯ ᠦᠭᠡᠢ ᠥᠯᠦᠩᠲᠦ ᠶ᠋ᠢᠨ ᠡᠬᠢ ᠳᠥᠭᠥᠪᠡ᠃ ᠬᠠᠶᠠ ᠬᠠᠶᠠ ᠬᠠᠷᠢᠶᠠᠯ ᠲᠠᠯᠪᠢᠨ ᠶᠣᠣᠯᠠᠨ ᠭᠠᠰᠠᠯᠬᠤ ᠰᠢᠩᠭᠡᠨ ᠳᠠᠭᠤ ᠲᠠᠢ ᠬᠥᠮᠦᠨ ᠪᠣᠯᠬᠤ ᠨᠢ ᠶᠠᠭᠠᠬᠢᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ ᠮᠡᠳᠡᠭᠳᠡᠪᠡ᠃
《 ᠶᠠᠭᠤᠨ ᠤ᠋ ᠬᠥᠮᠦᠨ ᠪᠣᠯᠴᠢᠬᠠᠪᠠ ? ᠪᠠᠰᠠ ᠲᠡᠭᠡᠭᠡᠳ ᠡᠮᠡᠭᠲᠡᠢ ᠬᠥᠮᠦᠨ ᠶᠦᠮ ᠤᠤ ? 》 ᠭᠡᠵᠦ ᠭᠠᠢᠬᠠᠭᠰᠠᠨ ᠠᠩᠴᠢᠨᠵᠠᠪ ᠲᠡᠷᠡ ᠳᠠᠭᠤ ᠭᠠᠷᠤᠭᠰᠠᠨ ᠵᠦᠭ ᠲᠤ ᠬᠥᠲᠥᠯᠦᠭᠳᠡᠭᠰᠡᠭᠡᠷ ᠣᠢᠷᠠᠬᠠᠨ ᠲᠤᠯᠵᠤ ᠣᠴᠢᠪᠠ᠃
ᠨᠢᠭᠡ ᠴᠢᠷᠠᠮᠠᠨ ᠱᠠᠯᠳᠠᠩ ᠬᠥᠮᠦᠨ ᠮᠤᠬᠤᠷ ᠬᠠᠢᠯᠠᠰᠤᠨ ᠠ᠋ᠴᠠ ᠳᠡᠭᠦᠵᠢᠯᠡᠭᠡᠰᠦᠲᠡᠢ ᠪᠠᠢᠭᠠ ᠨᠢᠳᠦ ᠬᠠᠯᠢᠷᠠᠮᠠ ᠥᠵᠡᠭᠳᠡᠯ ᠲᠡᠭᠦᠨ ᠢ᠋ ᠡᠷᠬᠡ ᠥᠭᠡᠢ ᠨᠢᠳᠦ ᠶ᠋ᠢ ᠨᠢ ᠠᠨᠢᠭᠤᠯᠪᠠ᠃
ᠲᠡᠷᠡ ᠳᠡᠭᠦᠵᠢᠯᠡᠭᠡᠰᠦᠲᠡᠢ ᠱᠠᠯᠳᠠᠩ ᠬᠥᠮᠦᠨ ᠦ᠌ ᠵᠡᠭᠦᠨ ᠳᠣᠣᠷᠠ᠂ ᠬᠣᠢᠳᠤ ᠳᠡᠭᠡᠷᠡ᠂ ᠪᠠᠷᠠᠭᠤᠨ ᠡᠮᠦᠨᠡ ᠬᠠᠮᠠᠷ ᠳᠡᠭᠡᠷᠡ ᠨᠢ ᠨᠢᠵᠡᠭᠡᠳ ᠴᠢᠨᠣᠠ ᠴᠣᠩᠨᠣᠢᠨ ᠰᠠᠭᠤᠭᠠᠳ ᠤᠯᠠᠩᠭᠠᠰᠤᠨ ᠳᠠᠭᠠᠷᠢᠵᠤ ᠭᠤᠶᠠ ᠬᠠᠰᠠ ᠠ᠋ᠴᠠ ᠨᠢ ᠤᠷᠠᠵᠤ ᠳᠠᠰᠤᠳᠠᠬᠤ ᠳ᠋ᠤ᠌ ᠪᠡᠯᠡᠬᠡᠨ ᠪᠠᠢᠯᠠ᠃
ᠡᠨᠡ ᠡᠬᠡᠨᠡᠷ ᠮᠤᠳᠤᠨ ᠳ᠋ᠤ᠌ ᠲᠡᠭᠦᠵᠢᠯᠡᠵᠦ ᠪᠣᠭᠣᠵᠤ ᠥᠭᠦᠬᠦ ᠪᠡᠷ ᠭᠡᠷ ᠤᠨ ᠬᠥᠮᠦᠨ ᠢ᠋ᠶ᠋ᠡᠨ ᠠᠶᠤᠯᠭᠠᠵᠤ ᠠᠮᠢ ᠪᠠᠷ ᠢᠶᠡᠨ ᠲᠣᠭᠯᠠᠭᠠᠮ ᠬᠢᠵᠢ ᠳ᠋ᠡ ! ᠲᠡᠭᠡᠬᠦ ᠳ᠋ᠡᠬᠡᠨ ᠡᠨᠡ ᠬᠠᠷᠠ ᠠᠭᠤᠯᠠᠨ ᠳ᠋ᠤ᠌ ᠁ ᠬᠤᠭᠤᠯᠠᠢ ᠪᠠᠨ ᠪᠣᠭᠣᠮᠢᠯᠠᠳᠠᠭ ᠦᠭᠡᠢ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠨ ᠪᠣᠭᠣᠴᠢᠬᠠᠭᠠᠳ᠂ ᠠᠮᠢ ᠠᠪᠤᠷᠠ ᠡ ! ᠭᠡᠵᠦ ᠴᠢᠨᠡᠭᠡ ᠮᠡᠳᠡᠨ ᠤᠷᠢᠯᠠᠳᠠᠭ ᠨᠢ ᠵᠢᠭᠲᠡᠢ᠃ ᠮᠡᠳᠡᠷᠡᠯ ᠤᠨ ᠰᠤᠭᠤᠭ ᠲᠠᠢ ᠭᠠᠯᠵᠠᠭᠤ ᠰᠣᠯᠢᠶᠠᠲᠠᠢ ᠬᠥᠮᠦᠨ ᠴᠦ᠍ ᠶᠦᠮ ᠦᠣ ? ᠭᠡᠵᠦ ᠡᠯᠳᠡᠪ ᠢ ᠪᠣᠳᠤᠨ ᠬᠠᠷᠠᠴᠠ ᠪᠤᠷᠤᠭᠤᠯᠠᠨ ᠨᠢᠭᠡ ᠡᠷᠡ ᠪᠦᠰᠡᠳᠡᠢ ᠬᠥᠮᠦᠨ ᠴᠢᠷᠠᠮᠠᠨ ᠱᠠᠯᠳᠠᠩ ᠳᠡᠭᠦᠵᠢᠯᠡᠭᠡᠰᠦᠲᠡᠢ ᠡᠬᠡᠨᠡᠷ ᠦ᠋ᠨ ᠡᠮᠦᠨᠡ ᠶᠠᠭᠠᠬᠢᠵᠤ ᠴᠤ᠌ ᠭᠠᠷ ᠬᠦᠷᠳᠡᠭ ᠪᠢᠯᠡ ? ᠭᠡᠳ ᠨᠥᠭᠦᠭᠡ ᠳᠡᠭᠦᠵᠢᠯᠡᠭᠡᠰᠦᠲᠡᠢ ᠡᠬᠡᠨᠡᠷ ᠦ᠋ᠨ ᠬᠠᠵᠠᠭᠤᠬᠠᠨ ᠳ᠋ᠤ᠌ ᠬᠠᠪᠢᠳᠠᠭᠰᠠᠨ ᠰᠠᠭᠠᠷᠠᠯ ᠴᠢᠨ᠋ᠸᠠ ᠤᠷᠤᠭᠤ ᠭᠠᠯ ᠫᠣᠣ ᠪᠠᠨ ᠣᠨᠢᠯᠠᠪᠠ᠃
ᠲᠡᠷᠡ ᠬᠦ᠌ ᠳᠡᠭᠦᠵᠢᠯᠡᠭᠡᠰᠦᠲᠡᠢ ᠬᠥᠮᠦᠨ ᠴᠢᠨ᠋ᠸᠠ ᠶ᠋ᠢᠨ ᠤᠯᠠᠩᠭᠠᠰᠬᠤ ᠠᠷᠭᠢᠯ ᠲᠠᠭᠤ ᠨᠠᠮᠵᠢᠬᠤ ᠵᠢᠨ ᠲᠠᠭᠠᠤ ᠬᠥᠮᠥᠨ ᠤ ᠬᠥᠯ ᠤᠨ ᠴᠢᠮᠡᠭᠡ ᠣᠢᠷᠠᠳᠬᠤ ᠳ᠋ᠤ᠌ ᠪᠠᠶᠠᠷᠯᠠᠵᠤ ᠬᠥᠮᠦᠨ ᠦ ᠠᠮᠢᠳᠤᠷᠠᠯ ᠤ᠋ᠨ ᠬᠥᠰᠠᠯ ᠤ᠋ᠨ ᠭᠡᠷᠡᠯ ᠣᠴᠢ ᠲᠡᠭᠦᠨ ᠦ᠌ ᠬᠥᠰᠢᠬᠦ ᠳ᠋ᠡᠭᠡᠨ ᠵᠠᠪᠲᠤᠭᠰᠠᠨ ᠤᠬᠠᠭᠠᠨ ᠳ᠋ᠤᠨᠢ ᠲᠠᠬᠢᠨ ᠠᠮᠢᠯᠠᠪᠠ᠃
- ᠪᠤᠷᠬᠠᠨ ᠲᠡᠭᠷᠢ ᠮᠢᠨᠢ ᠡ ! ᠲᠠ ᠮᠢᠨᠢ ᠨᠠᠮᠠᠶ᠋ᠢ ᠠᠪᠤᠷᠠᠭᠠᠴᠢ ᠭᠡᠵᠦ ᠣᠭᠢᠯᠠᠩᠨᠠᠨ ᠬᠠᠰᠭᠢᠷᠬᠤ ᠳ᠋ᠤ᠌ ᠠᠩᠴᠢᠨᠵᠠᠪ ᠲᠡᠷᠡ ᠮᠤᠬᠤᠷ ᠬᠠᠢᠯᠠᠰᠤᠨ ᠤ ᠠᠴᠠ ᠰᠠᠯᠠᠭᠠᠨ ᠠ᠋ᠴᠠ ᠳᠡᠭᠦᠵᠢᠯᠡᠭᠰᠡᠨ ᠡᠬᠡᠨᠡᠷ ᠤᠷᠤᠭᠤ ᠡᠷᠬᠡ ᠦᠭᠡᠢ ᠬᠠᠷᠠᠪᠠ᠃ ᠬᠡᠩᠬᠦᠳᠡᠭ ᠨᠢ ᠬᠡᠷᠵᠡᠢᠭᠰᠡᠨ᠂ ᠬᠠᠪᠢᠷᠭᠠ ᠨᠢ ᠨᠢᠭᠡ ᠨᠢᠭᠡ ᠪᠡᠷ ᠢᠶᠠᠨ ᠲᠣᠭᠠᠯᠠᠭᠳᠡᠮᠡ ᠲᠤᠷᠠᠩᠬᠠᠢ᠂ ᠢᠯᠠ ᠲᠦᠩᠬᠦᠢᠮᠡ ᠬᠦᠬᠦ ᠳᠡᠯᠡᠩ ᠦᠨ ᠣᠷᠣᠮ ᠴᠤ᠌ ᠦᠭᠡᠢ᠂ <ᠠᠳᠠᠭ ᠨᠢ ᠬᠤᠷᠴᠢᠢᠵᠤ ᠬᠠᠲᠠᠭᠰᠠᠨ ᠬᠥᠬᠥ ᠲᠠᠯᠠᠡᠭ ᠦ᠋ᠨ ᠬᠠᠯᠢᠰᠤᠨ ᠤᠭᠤᠲᠠ ᠴᠤ᠌ ᠤᠨᠵᠢᠢᠭᠠ ᠦᠭᠡᠢ> ᠡᠷᠡ ᠬᠥᠮᠥᠨ ᠤ ᠬᠢ ᠰᠢᠭ ᠬᠠᠷᠠ ᠪᠤᠷᠴᠠᠭ ᠤᠨ ᠴᠢᠨᠡᠭᠡ ᠬᠣᠶᠠᠷ ᠲᠣᠯᠪᠣ ᠥᠯᠥ᠍ ᠮᠡᠳᠡᠭᠳᠡᠮᠡ ᠬᠦᠷᠡᠩ ᠬᠤᠸᠠ ᠮᠡᠩᠭᠡ ᠵᠡᠷᠬᠡᠴᠡᠵᠦ ᠬᠠᠷᠠᠠᠨᠳᠠᠬᠤ ᠠ᠋ᠴᠠ ᠡᠷᠡ ᠬᠥᠮᠦᠨ ᠴᠦ᠍ ᠭᠡᠮᠡᠷ᠂ ᠭᠡᠬᠦ ᠳ᠋ᠡᠭᠡᠨ ᠨᠢᠭᠤᠴᠠᠭᠠᠢ ᠰᠠᠯᠲᠠᠭᠠ ᠳᠤᠮᠳᠠ ᠪᠠᠨ ᠬᠠᠪᠲᠠᠭᠠ ᠴᠤ᠌ ᠦᠭᠡᠢ ᠬᠣᠭᠣᠰᠣᠨ ᠶᠠᠭᠤᠮᠠ ᠬᠠᠯᠲᠤ ᠬᠠᠷᠠᠭᠳᠠᠬᠤ ᠡᠴᠡ ᠲᠡᠷᠡ ᠥᠨᠥᠬᠢ ᠴᠢᠨᠣᠠ ᠶ᠋ᠢ ᠣᠨᠢᠯᠠᠭᠰᠠᠨ ᠢᠶᠠᠨ ᠪᠣᠯᠢᠵᠤ ᠨᠥᠭᠦᠭᠡ ᠳᠡᠭᠦᠵᠢᠯᠡᠭᠡᠰᠦᠲᠡᠢ ᠬᠥᠮᠦᠨ ᠦ᠌ ᠲᠣᠯᠣᠭᠠᠢ ᠳᠡᠭᠡᠭᠦᠷ ᠮᠤᠬᠤᠷ ᠬᠠᠢᠯᠠᠰᠤᠨ ᠤ ᠠᠴᠠ ᠡᠴᠡ ᠤᠭᠣᠰᠤᠷᠯᠠᠭᠰᠠᠨ ᠰᠤᠷ ᠳᠡᠭᠡᠰᠦ ᠶ᠋ᠢ ᠬᠠᠷᠠᠭᠠᠯᠠᠪᠠ᠃
ᠫᠦᠩ! ᠭᠡᠬᠦ ᠳᠠᠭᠤᠨ ᠢᠶᠠᠷ ᠨᠢᠭᠡ ᠪᠥᠭᠡᠮ ᠬᠥᠬᠡ ᠤᠲᠤᠭᠠ ᠪᠠᠭᠠᠭᠢᠵᠤ᠂ ᠰᠤᠷ ᠳᠡᠭᠡᠰᠦ ᠲᠠᠰᠤ ᠣᠴᠢᠨ ᠲᠡᠷᠡ ᠬᠦ᠌ ᠲᠡᠭᠦᠵᠢᠯᠡᠭᠡᠰᠤᠳᠠᠢ ᠱᠠᠯᠲᠠᠠᠭ᠌ ᠡᠬᠡᠨᠡᠷ ᠬᠦᠱ ᠬᠢᠨ ᠬᠥᠰᠡᠷ ᠣᠢᠴᠢᠨ ᠬᠠᠵᠠᠭᠤ ᠡᠩᠭᠡᠷ ᠤᠷᠤᠭᠤ ᠪᠥᠮᠪᠥᠷᠢᠨᠡ᠃ ᠴᠢᠬᠢ ᠳᠦᠯᠡᠢᠷᠡᠮᠡ ᠱᠤᠤᠭᠢᠭᠰᠠᠨ ᠭᠠᠯ ᠫᠣᠣ ᠶ᠋ᠢᠨ ᠳᠠᠭᠤᠨ ᠢᠶᠡᠷ ᠦᠨᠦᠬᠢ ᠬᠡᠳᠦᠨ ᠴᠢᠨᠣᠠ ᠠᠷᠭᠠ ᠪᠤᠶᠤ ᠢᠳᠡᠬᠦ ᠶ᠋ᠢ ᠵᠠᠪᠲᠤᠭᠰᠠᠨ ᠪᠡᠯᠡᠨ ᠬᠣᠭᠣᠯᠠ ᠪᠠᠨ ᠬᠠᠶᠠᠵᠤ ᠳᠤᠷᠠᠲᠠᠢ ᠳᠤᠷᠠ ᠦᠭᠡᠢ ᠰᠡᠭᠦᠯ ᠢᠶᠠᠨ ᠬᠠᠪᠴᠢᠨ ᠴᠠᠭᠠᠰᠢ ᠬᠥᠲᠥᠯ ᠳᠠᠪᠠᠵᠤ ᠪᠠᠢᠯᠠ᠃
ᠨᠥᠭᠦᠭᠡ ᠪᠥᠮᠪᠥᠷᠢᠵᠦ ᠤᠳᠤᠭᠰᠠᠨ ᠡᠬᠡᠨᠡᠷ ᠵᠢᠵᠢᠭᠬᠡᠨ ᠭᠣᠷᠤᠬᠠ ᠣᠷᠣᠰᠣᠭᠰᠠᠨ ᠵᠦᠯᠭᠡᠨ ᠳᠡᠭᠡᠷᠡ ᠲᠣᠭᠲᠠᠵᠤ ᠳᠥᠷᠪᠡᠨ ᠮᠥᠴᠢᠯᠡᠨ ᠠᠲᠤᠷᠢᠨ ᠪᠥᠭᠴᠥᠢᠵᠦ ᠨᠢᠭᠤᠴᠠᠭᠠᠢ ᠪᠠᠨ ᠥᠯᠦ ᠲᠠᠨᠢᠬᠤ ᠬᠥᠮᠦᠨ ᠡᠴᠡ ᠴᠢᠳᠠᠨ ᠶᠠᠳᠠᠨ ᠳᠠᠯᠳᠠᠯᠠᠵᠤ ᠪᠠᠢᠪᠠ᠃ ᠪᠤᠭᠤᠷᠤᠯ ᠬᠣᠯᠢᠶᠠ ᠲᠠᠢ ᠤᠷᠤᠭ ᠰᠢᠷᠠ ᠭᠡᠵᠢᠭᠡ ᠨᠢ ᠵᠠᠳᠠᠷᠠᠨ ᠪᠤᠲᠠᠷᠠᠵᠤ ᠨᠢᠭᠤᠷ ᠵᠢᠰᠦ ᠶ᠋ᠢ ᠨᠢ ᠪᠦᠲᠡᠭᠡᠵᠦ ᠳᠠᠯᠤ ᠨᠢ ᠶᠣᠷᠲᠣᠢᠭ᠍ᠰᠠᠨ ᠲᠤᠷᠠᠩᠬᠠᠢ ᠪᠡᠶᠡ ᠨᠢ ᠬᠡᠷᠢᠶᠡ ᠴᠦ᠍ ᠲᠣᠩᠰᠢᠮᠡᠷ ᠦᠭᠡᠢ ᠠᠷᠠᠰᠤ ᠶᠠᠰᠤ ᠲᠡᠳᠦᠢ ᠬᠠᠷᠠᠭᠳᠠᠨᠠ᠃
- ᠡᠭᠡᠴᠢ ᠲᠠ ᠶᠠᠭᠠᠬᠢᠯᠠ ᠭᠡᠵᠦ ᠡᠨᠡ ᠬᠠᠷᠠ ᠠᠭᠤᠯᠠᠨ ᠳ᠋ᠤ᠌ ᠁ ᠭᠡᠵᠦ ᠡᠮᠦᠰᠦᠭᠰᠡᠨ ᠬᠥᠭᠡ ᠴᠢᠰᠴᠡᠦ ᠲᠡᠷᠯᠢᠭ ᠢᠶᠡᠨ ᠲᠠᠢᠯᠵᠤ ᠨᠥᠮᠥᠷᠦᠭᠦᠯᠪᠡ᠃
ᠴᠢᠷᠠᠢ ᠪᠠᠨ ᠪᠤᠷᠤᠭᠤᠯᠠᠨ ᠶᠠᠩᠭᠢᠨᠠᠨ ᠶᠣᠣᠯᠠᠭᠰᠠᠨ ᠲᠡᠷᠡ ᠬᠥᠮᠦᠨ ᠬᠠᠵᠠᠭᠤ ᠳ᠋ᠤ᠌ ᠢᠷᠡᠭᠰᠡᠨ ᠬᠥᠮᠦᠨ ᠦ᠌ 《ᠡᠭᠡᠴᠢ ᠠ᠋ 》 ᠭᠡᠵᠦ ᠳᠠᠭᠤᠳᠠᠭᠰᠠᠨ ᠢ᠋ ᠰᠣᠨᠣᠰᠤᠭᠠᠳ ᠳᠣᠲᠣᠷᠠ ᠪᠡᠨ ᠳᠣᠷᠡ ᠦᠭᠡᠢ ᠨᠢ ᠬᠥᠷᠥᠭᠰᠡᠨ ᠪᠣᠯᠪᠠᠴᠦ ᠠᠮᠢ ᠶ᠋ᠢ ᠨᠢ ᠠᠪᠤᠷᠠᠭᠰᠠᠨ ᠬᠥ᠋ᠮᠥᠨ ᠦ᠌ ᠥᠭᠡᠳᠡ ᠠ᠋ᠴᠠ ᠶᠠᠭᠤ ᠴᠤ᠌ ᠬᠡᠯᠡᠵᠦ ᠴᠢᠳᠠᠬᠤ ᠥᠭᠡᠢ ᠭᠡᠰᠡᠭ ᠱᠣᠣᠭᠢᠳᠤᠨᠠᠭᠰᠠᠨ ᠢᠶᠠᠨ᠄
- ᠡᠷᠭᠢᠨ ᠳᠡᠭᠦᠦ ᠶ᠋ᠢᠨ ᠠᠴᠢ ᠪᠡᠷ ᠴᠢᠨᠣᠠ ᠶ᠋ᠢᠨ ᠬᠣᠭᠣᠯᠠ ᠪᠣᠯᠬᠤ ᠠ᠋ᠴᠠ ᠠᠷᠠᠢ ᠬᠢᠵᠦ ᠬᠡᠯᠲᠦᠷᠢᠯᠡ᠂ ᠪᠤᠷᠬᠠᠨ ᠥᠷᠥᠰᠢᠶᠡᠭ ! ᠳᠡᠭᠦᠦ ᠶ᠋ᠢᠨ ᠡᠨᠡᠷᠢᠯ ᠳ᠋ᠤ᠌ ᠪᠢ ᠴᠢᠮᠠ ᠳ᠋ᠠᠭᠠᠯ ᠶᠠᠭᠠᠬᠢᠬᠤ ᠪᠡᠨ ᠣᠯᠬᠤ ᠥᠭᠡᠢ ᠪᠠᠢᠨᠠ ᠭᠡᠳ ᠥᠨᠳᠡᠢᠨ ᠪᠣᠰᠴᠤ ᠮᠣᠭᠳᠣᠢᠵᠤ ᠮᠤᠰᠢᠢᠭ᠍ᠰᠠᠨ ᠲᠠᠬᠢᠮ ᠳᠡᠭᠡᠷᠡ ᠪᠡᠨ ᠲᠤᠷᠠᠩᠬᠠᠢ ᠪᠡᠶᠡ ᠪᠡᠨ ᠲᠣᠭᠲᠠᠭᠠᠵᠤ ᠠᠩᠴᠢᠨᠵᠡᠪ ᠦ᠋ᠨ ᠴᠢᠷᠠᠢ ᠦᠭᠡᠲᠨ ᠦᠷᠦ ᠡᠪᠡᠳᠦᠯᠲᠡᠢ ᠳᠦᠷᠢ ᠪᠡᠷ ᠴᠢᠷᠠᠢᠳᠠᠬᠤ ᠳ᠋ᠤ᠌᠂ ᠠᠷᠠᠮᠠᠭ ᠲᠠᠷᠠᠮᠠᠭ ᠰᠢᠷᠠ ᠰᠠᠬᠠᠯ ᠨᠢ ᠰᠡᠷᠪᠡᠯᠵᠡᠵᠦ ᠪᠢ ᠡᠷᠡ ᠬᠥᠮᠦᠨ ᠪᠠᠢᠨᠠ ᠭᠡᠳᠡᠭ ᠢᠶᠠᠨ ᠲᠡᠭᠦᠨ ᠳ᠋ᠤ᠌ ᠳᠣᠷᠣᠢᠬᠠᠨ ᠮᠡᠳᠡᠭᠳᠡᠵᠦ ᠪᠠᠢᠯᠠ᠃
ᠡᠷᠡ ᠬᠥᠮᠦᠨ ᠪᠠᠢᠨᠠ᠃ ᠶᠠᠭᠠᠬᠢᠬᠤ ᠳ᠋ᠠᠭᠠᠨ ᠠᠬᠤᠷ ᠪᠣᠳᠣᠯ ᠢ᠋ᠶ᠋ᠠᠷ ᠡᠨᠡ ᠬᠠᠷᠠ ᠠᠭᠤᠯᠠᠨ ᠳ᠋ᠤ᠌ ᠪᠡᠶᠡ ᠪᠡᠨ ᠬᠣᠣᠷᠯᠠᠬᠤ ᠭᠡᠳ ᠵᠣᠷᠢᠭ ᠬᠦᠷᠬᠦ ᠦᠭᠡᠢ ᠪᠠᠢᠨᠠ ᠪᠣᠢ ? ᠡᠰᠠᠪᠠᠰᠦ ᠭᠠᠯᠵᠠᠭᠤ ᠰᠣᠯᠢᠶᠠᠲᠠᠢ ᠶᠤᠮ ᠤᠤ ? ᠭᠡᠵᠦ ᠪᠡᠶᠡ ᠭᠠᠳᠠᠷ ᠲᠠᠭᠤ ᠥᠩᠭᠡ ᠡᠴᠡ ᠨᠢ ᠪᠤᠷᠤᠭᠤ ᠲᠠᠭᠠᠮᠠᠭ ᠠᠪᠴᠤ᠂ ᠳᠠᠩᠴᠤ ᠨᠢᠭᠡ ᠲᠠᠨᠢᠬᠤ ᠦᠭᠡᠢ ᠢᠵᠢᠯᠢ ᠪᠤᠰᠤ ᠬᠦᠢᠰᠦᠲᠡᠨ ᠲᠠᠢ ᠶᠠᠭᠠᠬᠢᠵᠤ ᠨᠢᠭᠤᠷ ᠬᠠᠭᠠᠷᠠᠬᠤ ᠪᠢᠯᠡ ᠭᠡᠮᠡᠨ ᠡᠷᠡᠭᠡᠯᠵᠡᠵᠦ ᠪᠠᠢᠭ᠍ᠰᠠᠨ ᠠᠩᠴᠢᠨᠵᠠᠪ ᠤᠤᠯ ᠪᠣᠳᠣᠯ ᠢᠶᠠᠨ ᠳᠠᠷᠤᠢᠬᠠᠨ ᠭᠡᠮᠰᠢᠨ ᠬᠤᠷᠢᠶᠠᠵᠤ᠂ ᠥᠨᠥᠬᠢ ᠶᠠᠮᠰᠢᠭᠰᠠᠨ ᠲᠠᠷᠴᠢᠩᠬᠠᠢ ᠢᠮᠠᠭᠠᠨ ᠳᠠᠭᠤ ᠲᠠᠢ ᠡᠷᠡ ᠶ᠋ᠢ ᠥᠷᠦ ᠡᠪᠡᠳᠦᠭᠰᠡᠨ ᠪᠣᠯᠪᠠᠴᠤ ᠨᠡᠷᠡᠲᠦ ᠬᠣᠷᠸᠠ ᠳ᠋ᠤ᠌ ᠡᠷᠡ ᠬᠥᠮᠦᠨ ᠡᠷᠡ ᠬᠥᠮᠦᠨ ᠳ᠋ᠡᠭᠡᠨ ᠬᠠᠷᠠᠳᠠᠭᠤᠨ ᠮᠥᠷᠲᠡᠭᠡᠨ ᠰᠢᠷᠦᠭᠦᠨ ᠬᠠᠢᠷᠠ ᠲᠠᠢ ᠪᠠᠢᠳᠠᠭ ᠤ᠋ᠨ ᠤᠬᠠᠭᠠᠨ ᠳ᠋ᠤ᠌ ᠲᠡᠷᠡ ᠪᠡᠷ ᠴᠠᠷᠢᠭᠤᠨ ᠳᠠᠭᠤᠨ ᠢᠶᠠᠷ:
- ᠦᠭᠡᠢ᠂ ᠲᠡᠭᠡᠭᠡᠳ ᠲᠠ ᠴᠢᠨᠢ ᠶᠠᠭᠠᠬᠢᠯᠠ ᠭᠡᠵᠦ ᠪᠤᠬᠤᠷ ᠢ᠋ᠶ᠋ᠠᠨ ᠱᠠᠭᠠᠢᠭᠰᠠᠨ ᠪᠣᠭᠣᠨᠢ ᠵᠢᠯᠣᠭᠣ ᠲᠠᠢ ᠵᠠᠩᠨᠠᠳᠠᠭ ᠨᠢ ᠡᠨᠡ ᠪᠣᠢ ? ᠭᠡᠪᠡᠯ ᠨᠥᠭᠦᠭᠡ ᠬᠥᠮᠦᠨ ᠠᠩᠴᠢᠨᠵᠠᠪ ᠤᠨ ᠳᠠᠩ ᠲᠡᠷᠯᠢᠭ ᠢ᠋ ᠨᠥ᠋ᠮᠣᠷᠴᠦ᠂ ᠲᠤᠯᠭᠠᠮᠳᠠᠭᠰᠠᠨ ᠠᠰᠠᠭᠤᠯᠲᠠ ᠳ᠋ᠤ᠌ ᠳᠠᠷᠦᠢᠬᠠᠨ ᠬᠠᠷᠢᠭᠤᠯᠲᠠ ᠦᠭᠴᠦ ᠴᠢᠳᠠᠬᠤ ᠦᠭᠡᠢ ᠬᠣᠯᠮᠠᠯᠵᠠᠨ ᠲᠦᠭᠳᠡᠷᠡᠨᠡ᠃
- ᠁
- ᠁
ᠠᠰᠠᠭᠤᠭᠰᠠᠨ ᠨᠢᠭᠡ ᠨᠢ ᠪᠣᠯᠣᠮᠵᠢᠲᠠᠢ ᠬᠠᠷᠢᠭᠤᠯᠲᠠ ᠣᠯᠬᠤ ᠶᠤᠮᠰᠠᠨ ᠭᠡᠵᠦ ᠰᠠᠨᠠᠬᠤ ᠳ᠋ᠤ᠌ ᠠᠰᠠᠭᠤᠭᠳᠠᠭᠰᠠᠨ ᠨᠢᠭᠡ ᠨᠢ ᠦᠨᠡᠨ ᠮᠥᠨ ᠢᠶᠡᠨ ᠬᠡᠯᠡᠬᠦ ᠳᠤᠷᠠ ᠦᠭᠡᠢ ᠪᠤᠶᠤ < ᠬᠡᠯᠡᠵᠦ ᠲᠥᠪᠲᠡᠬᠦ ᠦᠭᠡᠢ>᠂ ᠡᠷᠡ ᠬᠥᠮᠥᠨ ᠤ ᠵᠠᠷᠢᠮ ᠳ᠋ᠠᠭᠠᠨ ᠬᠡᠳᠦ ᠬᠠᠭᠤᠷᠮᠠᠴᠢ ᠨᠡᠷᠡᠯᠭᠡᠦ ᠵᠠᠩ ᠳ᠋ᠠᠭᠠᠨ ᠪᠣᠭᠣᠭᠳᠠᠵᠤ ᠪᠠᠢᠪᠠ᠃
ᠨᠥᠭᠦᠭᠡ ᠲᠡᠷᠡ ᠬᠥᠮᠦᠨ ᠡᠨᠡ ᠠᠮᠢ ᠠᠪᠤᠷᠠᠭᠰᠠᠨ ᠠᠴᠢᠲᠠᠨ ᠢᠶᠠᠨ ᠢᠲᠡᠭᠡᠭᠦᠯᠬᠦ ᠰᠣᠨᠣᠰᠬᠤᠯᠠᠩᠲᠠᠢ ᠶᠠᠭᠤᠮᠠ ᠥᠴᠢᠵᠦ ᠬᠡᠯᠡᠯᠲᠡᠢ ᠶᠤᠮᠰᠠᠨ᠃ ᠢᠩᠬᠢᠵᠦ ᠲᠥᠭᠥᠰᠢ ᠵᠠᠭᠤᠷᠠᠭᠠᠳ ᠲᠦᠷᠦᠭᠦᠯᠡᠨ ᠬᠠᠲᠠᠷᠢᠬᠤ ᠦᠭᠡᠢ᠂ ᠡᠨᠡ ᠬᠠᠷᠠ ᠠᠭᠤᠯᠠᠨ ᠳ᠋ᠤ᠌ ᠪᠤᠭ ᠪᠤᠯᠤᠭᠰᠠᠨ ᠠᠩᠴᠢᠨ ᠬᠥᠮᠦᠨ ᠦ ᠡᠭᠳᠡᠭᠦᠦ ᠶ᠋ᠢ ᠬᠦᠷᠭᠡᠴᠢᠭᠡᠪᠡᠯ ᠪᠦᠬᠦᠢ ᠶᠠᠭᠤᠮᠠ ᠲᠠᠬᠢᠭᠠᠳ ᠪᠤᠷᠤᠭᠤ ᠪᠠᠷ ᠡᠷᠭᠢᠵᠤ ᠮᠠᠭᠠᠳ ᠦᠭᠡᠢ ᠡ᠃ ᠵᠠᠷᠯᠢᠭ᠌ ᠭᠥᠷᠥᠭᠡᠰᠦ ᠲᠡᠢ ᠬᠤᠪᠢ ᠵᠠᠶᠠᠭᠠ ᠪᠠᠨ ᠲᠣᠭᠠᠴᠢᠵᠤ ᠣᠨᠳᠣᠷᠣᠳᠠᠭ ᠬᠥᠮᠦᠨ ᠤ ᠵᠠᠩ ᠠᠷᠠᠨᠰᠢᠨ ᠴᠤ᠌ ᠲᠡᠷᠡ ᠵᠡᠷᠯᠢᠭ ᠭᠥᠷᠥᠭᠡᠰᠦ ᠲᠡᠢ ᠪᠡᠨ ᠢᠵᠢᠯᠬᠢᠨ ᠪᠠᠢᠵᠤ ᠶᠠᠳᠠᠬᠤ ᠦᠭᠡᠢ ᠡ᠂ ᠡᠨᠡ ᠬᠥᠮᠦᠨ ᠦ ᠡᠭᠳᠡᠭᠦᠦ ᠶ᠋ᠢ ᠬᠦᠷᠭᠡᠪᠡᠯ ᠡᠷᠯᠢᠭ ᠦᠨ ᠪᠣᠱᠣᠭᠠᠨ ᠳᠡᠭᠡᠷᠡ ᠡᠴᠡ ᠡᠷᠭᠢᠵᠦ ᠢᠷᠡᠭᠰᠡᠨ ᠤᠲᠠᠰᠤᠨ ᠠᠮᠢ ᠪᠠᠨ ᠡᠷᠭᠢᠭᠡᠳ ᠠᠯᠳᠠᠬᠤ ᠳ᠋ᠤ᠌ ᠡᠨᠡᠭᠦᠬᠡᠨ ᠳ᠋ᠤ᠌ ᠭᠡᠵᠦ ᠪᠣᠳᠣᠬᠤ ᠠ᠋ᠴᠠ ᠯᠠ ᠢᠩᠬᠢᠭᠡᠳ ᠥᠪᠡᠷ ᠦᠨ ᠠᠮᠢ ᠨᠠᠰᠤᠨ ᠤ ᠪᠠᠨ ᠣᠭᠣᠰᠣᠷ ᠢ ᠡᠨᠡ ᠬᠠᠷᠠ ᠬᠥᠮᠦᠨ ᠦ ᠬᠤᠷᠤᠭᠤᠨ ᠳ᠋ᠤ᠌ ᠡᠯᠭᠦᠭᠦᠯᠦᠭᠰᠡᠨ ᠶᠤᠮ ᠰᠢᠭ᠌ ᠰᠠᠨᠠᠭᠳᠠᠵᠤ᠂ ᠶᠣᠰᠣᠲᠠᠢ ᠯᠠ ᠳᠣᠯᠢᠶᠠᠪᠤᠷ ᠬᠣᠷᠤᠭᠤ ᠳᠣᠬᠢᠰᠬᠢᠬᠦ ᠳ᠋ᠤ᠌ ᠳᠣᠯᠣᠭᠠᠨ ᠰᠦᠨᠡᠰᠦ ᠳᠡᠯᠳᠡᠰᠬᠢᠨᠡ ᠳ᠋ᠠ! ᠬᠥᠮᠦᠨ ᠦ ᠠᠮᠢ ᠪᠥᠬᠡ ᠳ᠋ᠡᠬᠡᠨ ᠬᠦᠷᠪᠡᠯ ᠪᠤᠬᠠᠨ ᠤ ᠲᠦᠭᠦᠬᠡᠢ ᠰᠢᠷᠢ ᠡᠴᠡ ᠴᠠᠭᠠᠰᠢ ᠰᠤᠮᠦ ᠨᠡᠪᠲᠡᠷᠡᠬᠦ ᠦᠭᠡᠢ ᠪᠥᠬᠡ᠂ ᠭᠡᠪᠡᠷᠡᠭ ᠲᠡᠭᠡᠨ ᠬᠦᠷᠪᠡᠯ ᠨᠢᠮᠭᠡᠨ ᠴᠠᠭᠠᠰᠤᠨ ᠠ᠋ᠴᠠ ᠴᠠᠭᠠᠭᠤᠷ ᠳᠤᠰᠤᠯ ᠨᠢᠯᠪᠤᠰᠤᠨ ᠳ᠋ᠤ᠌ ᠴᠤᠭᠤᠷᠠᠵᠤ ᠠᠷᠢᠯᠬᠤ ᠪᠠᠷ ᠲᠡᠢᠮᠦ ᠬᠡᠪᠡᠷᠡᠭ ᠶᠦᠮ᠃ ᠮᠢᠨᠦ ᠣᠳᠠᠰᠤᠨ ᠠᠮᠢ ᠣᠳᠣ ᠶᠠᠭ ᠯᠠ ᠴᠠᠭᠠᠰᠤ ᠰᠢᠭ᠋ ᠬᠡᠪᠡᠷᠡᠭ ᠪᠠᠢᠭᠠ ᠴᠠᠭ᠃ ᠰᠠᠢᠨ ᠡᠷᠡ ᠶ᠋ᠢᠨ ᠣᠩᠭᠣᠬᠤ ᠶ᠋ᠢ ᠳᠠᠭᠠᠭᠠᠬᠤ ᠥᠭᠡᠢ ᠪᠣᠯᠵᠢ ᠡ ᠭᠡᠵᠦ ᠡᠨᠡᠭᠦᠨ ᠲᠠᠨᠡᠭᠦᠨ ᠢ᠋ ᠡᠪᠯᠡᠭᠦᠯᠦᠨ ᠪᠣᠳᠣᠵᠤ 《ᠠᠢ ᠳᠠ !》 ᠭᠡᠵᠦ ᠵᠣᠷᠢᠮᠠᠭ ᠰᠡᠭᠦᠷᠡᠰᠦ ᠠᠯᠳᠠᠪᠠ᠃
- ᠶᠠᠭᠠᠬᠢᠪᠠ ?
- ᠠᠢ᠂ ᠬᠡᠯᠡᠬᠦ ᠶᠠᠭᠤ ᠪᠠᠢᠬᠤ ᠪᠣᠢ! ᠸᠠᠩ ᠰᠣᠬᠣᠷ ᠤᠨ ᠵᠠᠨᠠᠭ ᠤᠳ ᠲᠠᠢ ᠬᠠᠳᠠᠭᠤ ᠮᠥᠷᠥᠢ ᠲᠠᠯᠪᠢᠵᠤ ᠱᠦᠭᠦᠭᠳᠡᠭᠡᠳ ᠬᠥᠷᠥᠩᠭᠡ ᠬᠤᠭ᠌ᠰᠢᠯ ᠢᠶᠠᠨ ᠴᠥᠯᠪᠡᠭᠦᠯᠦᠨ ᠬᠡᠦᠬᠡᠳ ᠪᠦᠰᠡᠭᠦᠢ ᠪᠡᠨ ᠪᠠᠷᠢᠴᠠᠭᠠᠯᠠᠵᠤ᠂ ᠬᠥᠭᠡᠷᠦᠬᠦᠢ ᠠᠮᠢ ᠪᠠᠨ ᠢᠩᠭᠢᠵᠦ ᠡᠯᠭᠦᠭᠦᠯᠦᠭᠰᠡᠨ ᠨᠢ ᠡᠨᠡ ᠳᠡ ᠁ ᠭᠡᠳ ᠡᠦᠬᠢᠯᠠᠩᠨᠠᠵᠦ᠂ ᠡᠮᠦᠨᠡᠬᠢ ᠠᠮᠢ ᠠᠪᠤᠷᠠᠭᠰᠠᠨ ᠬᠥ᠋ᠮᠥᠨ ᠢᠶᠠᠨ ᠣᠷᠣ ᠦᠭᠡᠢ ᠬᠤᠳᠠᠯ ᠬᠡᠯᠡᠪᠡ᠃ ᠡᠨᠡ ᠪᠣᠯ ᠲᠡᠭᠦᠨ ᠤ ᠲᠦᠷᠤᠯᠬᠢ ᠶ᠋ᠢᠨ ᠤ᠌ᠪ ᠪᠠᠰᠢᠷ᠃ ᠡᠭᠡ ᠶ᠋ᠢᠨ ᠢᠶᠠᠨ ᠬᠡᠪᠡᠯᠢ ᠡᠴᠡ ᠤᠨᠠᠬᠤ ᠲᠠᠢ ᠵᠡᠷᠭᠡ ᠵᠤᠯᠠᠢ ᠨᠢ ᠬᠠᠲᠠᠭᠠ ᠦᠭᠡᠢ ᠪᠡᠷ ᠵᠠᠯᠢ ᠤᠬᠠᠭᠠ ᠤᠷᠭᠤᠭᠰᠠᠨ ᠬᠥᠮᠦᠨ ᠦ ᠨᠢᠭᠡ᠃ ᠠᠩᠬᠠ ᠠᠭᠤᠯᠵᠠᠭᠰᠠᠨ ᠲᠠᠨᠢᠵᠤ ᠮᠡᠳᠡᠬᠦ ᠦᠭᠡᠢ ᠵᠢᠰᠦ ᠪᠤᠷᠤᠭᠤ ᠬᠥᠮᠦᠨ ᠦ ᠡᠮᠦᠨᠡ ᠶᠠᠭᠠᠬᠢᠯᠠ ᠭᠡᠵᠦ ᠥᠪᠡᠷ ᠢ ᠪᠡᠨ ᠮᠠᠨᠴᠤᠷᠭᠠ ᠴᠡᠴᠡᠭ ᠬᠠᠲᠤᠨ ᠤ ᠣᠴᠢᠷ ᠢ ᠶᠠᠭᠠᠬᠢᠵᠤ ᠶᠠᠭᠠᠬᠢᠵᠤ ᠯᠡᠪᠡᠷᠡᠭᠦᠯᠵᠦ ᠡᠷᠭᠢᠭᠡᠳ ᠮᠠᠨᠴᠤᠷᠭᠠ ᠪᠠᠷ ᠢᠩᠬᠢᠵᠦ ᠬᠢᠭᠳᠡᠬᠦ ᠳᠡᠭᠡᠷᠡ ᠬᠦᠷᠦᠭᠰᠡᠨ ᠰᠢᠪᠰᠢᠭ᠌ ᠢᠶᠡᠨ ᠳᠡᠯᠭᠡᠵᠦ ᠬᠡᠯᠡᠬᠦ ᠪᠢᠯᠡ? ᠬᠡᠯᠡᠵᠦ ᠲᠦᠪᠳᠡᠬᠦ ᠥᠬᠡᠢ᠃ ᠡᠨᠡ ᠬᠦ᠌ ᠠᠮᠢ ᠶ᠋ᠢ ᠨᠢ ᠠᠪᠤᠷᠠᠭᠰᠠᠨ ᠬᠥᠮᠦᠨ ᠲᠡᠭᠦᠨ ᠦ᠌ ᠡᠪᠦᠭᠡ ᠡᠴᠢᠭᠡ ᠨᠢ ᠪᠠᠢᠯᠠ ᠴᠤ᠌ ᠭᠡᠰᠡᠨ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠦᠨᠡᠨ ᠢ᠋ ᠬᠡᠯᠡᠵᠦ ᠪᠡᠶᠡ ᠪᠡᠨ ᠭᠤᠲᠤᠭᠠᠵᠤ ᠥᠯᠦ ᠪᠣᠯᠬᠤ ᠨᠢ ᠮᠡᠳᠡᠭᠡᠵᠢ ᠶ᠋ᠢ ᠪᠤᠤ ᠬᠡᠯᠡ᠂ ᠪᠤᠰᠤᠳ ᠤ᠋ᠨ ᠡᠮᠦᠨᠡ ᠪᠡᠶᠡ ᠪᠡᠨ ᠭᠤᠲᠤᠭᠠᠵᠤ ᠬᠡᠯᠡᠬᠦ ᠶ᠋ᠢ ᠪᠠᠢᠲᠤᠭᠠᠢ ᠬᠠᠷᠢᠨ ᠬᠡᠨ ᠬᠥ᠋ᠮᠥᠨ ᠡᠴᠡ ᠳᠡᠭᠡᠭᠦᠷ ᠶᠦᠮ ᠰᠢᠭ᠌ ᠪᠡᠶᠡ ᠪᠡᠨ ᠭᠠᠢᠬᠠᠭᠤᠯᠵᠤ ᠬᠡᠯᠡᠳᠡᠭ ᠨᠢ ᠳᠠᠩ ᠭᠠᠭᠴᠠ ᠡᠨᠡ ᠬᠥᠮᠦᠨ ᠦ᠌ ᠪᠤᠰᠤ᠂ ᠦᠨᠡᠨ ᠳ᠋ᠡᠬᠡᠨ ᠡᠷᠡ ᠲᠡᠭᠦᠵᠢᠯᠡᠭᠰᠡᠨ ᠬᠥᠮᠦᠨ ᠪᠦᠬᠦᠨ ᠦ᠌ ᠣᠢ ᠤᠬᠠᠭᠠ ᠳ᠋ᠤ᠌ ᠪᠠᠢᠳᠠᠭ ᠡᠮᠵᠡᠭ ᠪᠤᠶᠤ᠃
- ᠵᠣᠭᠣᠰᠣᠨ ᠤ ᠮᠦᠷᠦᠢ ᠲᠣᠭᠯᠠᠭᠠᠳ ᠤᠤ ?
- ᠡᠨ ! ᠲᠡᠢᠮᠦ᠂ ᠲᠡᠢᠮᠦ ᠡ ! ᠭᠡᠵᠦ ᠣᠬᠢᠯᠠᠩᠨᠠᠬᠤ ᠴᠢᠷᠠᠢ ᠦᠵᠡᠭᠦᠯᠦᠨᠡ᠃
ᠡᠨᠡ ᠬᠥᠮᠦᠨ ᠪᠣᠯ ᠥᠭᠡᠷᠡ ᠬᠥᠮᠦᠨ ᠪᠢᠰᠢ᠂ ᠪᠠᠷᠠᠭᠤᠨ ᠭᠥᠩ ᠦ᠋ᠨ ᠬᠤᠰᠢᠭᠤ ᠶᠠᠮᠤᠨ ᠤ᠋ ᠭᠤᠴᠢᠭᠠ ᠥᠯᠵᠡᠢᠰᠠᠩ ᠮᠥᠨ᠃ ᠭᠡᠬᠦ ᠳ᠋ᠦ᠍ ᠠᠩᠴᠢᠨᠵᠡᠪ ᠶᠠᠭᠠᠬᠢᠯᠠ ᠭᠡᠵᠦ ᠲᠡᠭᠦᠨ ᠢ᠋ ᠲᠠᠨᠢᠬᠤ ᠪᠣᠢ᠃ ᠪᠠᠲᠡᠷᠡᠭᠰᠡᠨ ᠦᠶᠡ ᠳ᠋ᠦ᠍ ᠬᠡᠨ ᠬᠥᠮᠦᠨ ᠢ᠋ ᠴᠦ᠍ ᠲᠦᠰᠢᠵᠦ ᠡᠷᠭᠦᠭᠡᠳ ᠠᠪᠳᠠᠭ ᠨᠢ ᠲᠡᠭᠦᠨ ᠤ ᠲᠦᠷᠣᠯᠭᠢ ᠳᠤᠰᠠᠷᠬᠠᠭ ᠵᠠᠩ ᠬᠣᠢᠨᠠ᠃ ᠭᠡᠲᠡᠯᠡ ᠥᠯᠵᠡᠢᠰᠠᠩ ᠲᠡᠭᠦᠨ ᠢ ᠬᠠᠮᠢᠭᠠ ᠨᠢᠭᠡ ᠥᠵᠡᠭᠰᠡᠨ ᠮᠡᠲᠦ ᠰᠠᠨᠠᠭᠳᠠᠪᠠᠴᠤ ᠲᠠᠷᠦᠢᠬᠠᠨ ᠪᠣᠳᠣᠵᠤ ᠤᠯᠬᠤ ᠥᠭᠡᠢ ᠳ᠋ᠡᠬᠡᠨ ᠪᠢᠰᠢᠭᠦᠢ ᠣᠯᠠᠨ ᠲᠠᠨᠢᠯ ᠳᠠᠰᠤᠯ ᠬᠥᠮᠦᠨ ᠦ᠌ ᠵᠢᠰᠤᠨ ᠠ᠋ᠴᠠ ᠰᠢᠭᠰᠢᠨ ᠬᠠᠢᠨᠡ᠃《ᠪᠠᠢᠵᠠ ᠡ᠂ ᠬᠠᠮᠢᠭᠠ ᠨᠢᠭᠡ ᠦᠵᠡᠭᠰᠡᠨ ᠪᠢᠯᠡ ᠣᠢᠷᠠᠬᠠᠨ ᠯᠠ ᠪᠠᠢᠨᠠ᠂ ᠲᠠᠨᠢᠮᠠᠷᠬᠠᠨ ᠶᠤᠮ ᠳ᠋ᠠ 》ᠭᠡᠵᠦ ᠬᠡᠰᠡᠭ ᠪᠣᠳᠣᠭᠰᠠᠨ ᠢ᠋ᠶ᠋ᠠᠨ ᠭᠡᠨᠡᠳᠲᠡ 《 ᠠᠱᠢ ᠪᠠᠢᠵᠠ ᠡ᠂ ᠴᠢ ᠴᠢᠨᠢ ᠁ 》 ᠭᠡᠳ ᠨᠡᠷᠡ ᠥᠭᠴᠦ ᠴᠢᠳᠠᠭᠰᠠᠨ ᠥᠭᠡᠢ ᠳᠤᠲᠠᠭᠤ ᠳᠠᠭᠤ ᠠᠯᠳᠠᠨ ᠬᠠᠰᠬᠢᠷᠪᠠ᠃
- ᠲᠠ ᠨᠠᠮᠠᠶ᠋ᠢ ᠲᠠᠨᠢᠨᠠ ᠤᠤ ?
- ᠲᠠᠨᠢ ᠁ ᠲᠠᠨᠢ ᠁ ᠲᠠᠨᠢᠬᠤ ᠦᠭᠡᠢ ᠡ !
- ᠲᠡᠭᠡᠭᠡᠳ ᠲᠠ ᠰᠠᠶᠢ ᠁
- ᠬᠥᠮᠦᠨ ᠠᠨᠳᠠᠭᠤᠷᠠᠴᠢᠬᠠᠵᠢ ᠠ᠋ ! ᠪᠢ ᠶᠡᠷᠦ ᠨᠢ ᠬᠥᠮᠦᠨ ᠦ᠌ ᠵᠢᠰᠦ ᠬᠤᠳᠬᠤᠭᠠᠳ ᠪᠠᠢᠳᠠᠭ ᠶᠤᠮ᠃ ᠵᠢᠰᠦ ᠲᠥᠰᠲᠡᠢ ᠬᠥᠮᠦᠨ ᠢ᠋ ᠳᠠᠩᠳᠠ ᠪᠤᠷᠤᠭᠤ ᠲᠠᠨᠢᠭᠠᠳ ᠲᠡᠰᠢᠶᠡ ᠨᠡᠷᠡ ᠥᠭᠴᠢᠬᠡᠳᠡᠭ ᠪᠤᠯᠠᠢᠲᠠᠢ ᠠᠮᠢᠲᠠᠨ ! ᠭᠡᠵᠦ ᠠᠩᠬᠠ ᠪᠣᠳᠣᠯ ᠳ᠋ᠠᠭᠠᠨ ᠬᠠᠢᠵᠤ ᠣᠯᠣᠭᠰᠠᠨ ᠲᠠᠨᠢᠯ ᠵᠢᠰᠦ ᠶ᠋ᠢᠨ ᠲᠣᠲᠣᠷᠠ ᠠ᠋ᠴᠠ ᠠᠨᠳᠠᠭᠤ ᠦᠭᠡᠢ ᠵᠥᠪ ᠲᠠᠨᠢᠭᠰᠠᠨ ᠢ᠋ᠶ᠋ᠠᠨ ᠨᠢᠭᠤᠪᠠ᠃ ᠤᠭ ᠨᠢ ᠦᠯᠵᠡᠢᠰᠠᠩ ᠪᠣᠯ ᠰᠢᠷᠠ ᠰᠢᠪᠠᠭᠤᠨ ᠤ᠋ ᠨᠢᠳᠦ ᠰᠢᠭ ᠬᠤᠷᠴᠠ ᠭᠢᠷᠠᠬᠠᠢ ᠨᠢᠳᠦ ᠲᠡᠢ ᠬᠥᠮᠦᠨ ᠪᠠᠢᠵᠠᠢ᠃ ᠭᠠᠭᠴᠠ ᠠᠭᠤᠯᠵᠠᠭᠰᠠᠨ ᠪᠤᠶᠤ ᠵᠠᠮ ᠳᠡᠭᠡᠷᠡ ᠵᠥᠷᠢᠭᠰᠡᠨ ᠬᠥᠮᠦᠨ ᠦ᠌ ᠵᠢᠰᠦ ᠶ᠋ᠢ ᠬᠡᠵᠢᠶᠡ ᠬᠣᠢᠨᠠ ᠠᠭᠤᠯᠵᠠᠬᠤ ᠪᠤᠶᠤ ᠬᠠᠷᠭᠤᠬᠤ ᠳ᠋ᠤ᠌ ᠬᠠᠷᠠᠩᠭᠤᠲᠠ ᠲᠠᠨᠢᠳᠠᠭ᠃ ᠲᠡᠷᠡ ᠵᠢᠯ ᠬᠦᠩ ᠨᠣᠶᠠᠨ ᠪᠠᠭᠠ ᠬᠠᠲᠤᠨ ᠪᠠᠭᠤᠯᠭᠠᠭᠰᠠᠨ ᠨᠢᠵᠢᠭᠢᠷ ᠬᠤᠷᠢᠮ ᠤ᠋ᠨ ᠰᠢᠪᠲᠤᠷᠠᠭᠠᠨ ᠳ᠋ᠤ᠌ ᠦᠦᠷ ᠬᠠᠷᠠᠩᠭᠤᠢ ᠪᠠᠷ ᠭᠡᠳᠡᠰᠦ ᠨᠢ ᠮᠤᠰᠬᠢᠯᠳᠤᠵᠤ ᠡᠪᠡᠳᠦᠭᠡᠳ ᠰᠡᠭᠦᠯᠴᠢ ᠶ᠋ᠢᠨ ᠤᠳᠠᠭᠠ ᠥᠳᠬᠡᠨ ᠮᠥᠷ ᠬᠠᠷᠠᠵᠤ ᠪᠠᠢᠬᠤ ᠳ᠋ᠤ᠌ ᠭᠡᠷ ᠦ᠋ᠨ ᠠᠷᠤᠬᠠᠨ ᠲᠠᠯᠠ ᠶ᠋ᠢᠨ ᠳᠡᠷᠡᠰᠦᠨ ᠬᠣᠲᠣᠭᠣᠷ ᠲᠤ᠌ ᠰᠠᠶᠢᠬᠠᠨ ᠪᠣᠭᠲᠣᠯᠠᠭᠰᠠᠨ ᠪᠠᠭᠠ ᠬᠠᠲᠤᠨ ᠢ᠋ ᠲᠡᠪᠡᠷᠢᠵᠦ ᠦᠨᠦᠰᠦᠨ᠂ ᠪᠡᠷᠬᠡᠳᠡᠨ ᠬᠠᠢᠷᠠᠯᠠᠵᠤ᠁ ᠬᠥᠲᠥᠯᠦᠭᠡ ᠮᠣᠷᠢᠨ ᠤ᠋ ᠪᠠᠨ ᠨᠢᠷᠤᠭᠤᠨ ᠳ᠋ᠤ᠌ ᠲᠡᠪᠡᠷᠢᠵᠦ ᠣᠨᠣᠭᠤᠯᠤᠭᠰᠠᠨ ᠲᠡᠷᠡ ᠡᠷᠡ ᠬᠥᠮᠦᠨ ᠦ᠌ ᠵᠢᠰᠦ ᠲᠥᠯᠥᠪ᠂ ᠬᠣᠭᠣᠯᠠᠢ ᠶ᠋ᠢᠨ ᠥᠩᠭᠡ ᠶᠠᠭᠠᠬᠢᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ ᠡᠨᠡ ᠬᠥᠮᠦᠨ ᠮᠥᠨ ᠪᠠᠢᠯᠠ᠃ ᠲᠡᠭᠦᠨ ᠦ᠌ ᠲᠠᠷᠢᠬᠢᠨ ᠳ᠋ᠤ᠌ ᠬᠡᠳᠦᠨ ᠵᠢᠯ ᠦ᠋ᠨ ᠡᠮᠦᠨᠡᠬᠢ ᠬᠦᠩ ᠨᠣᠶᠠᠨ ᠤ᠋ ᠪᠠᠭᠠ ᠬᠠᠲᠤᠨ ᠤᠷᠭᠤᠵᠤ ᠳᠤᠲᠠᠭᠠᠭᠰᠠᠨ ᠶᠠᠪᠤᠳᠠᠯ ᠵᠢᠷᠤᠭ ᠰᠢᠭ᠋ ᠲᠣᠳᠣᠷᠠᠵᠤ ᠡᠮᠦᠨᠡ ᠨᠢ ᠵᠣᠭᠰᠣᠭᠠ ᠡᠨᠡ ᠬᠥᠮᠦᠨ ᠦ᠌ ᠵᠢᠰᠦ ᠴᠢᠷᠠᠢ ᠳᠡᠭᠡᠷᠡ《ᠶᠠᠭ ᠮᠥᠨ》ᠭᠡᠰᠡᠨ ᠪᠢᠴᠢᠭ ᠪᠢᠴᠢᠭᠳᠡᠵᠦ ᠪᠠᠢᠭᠠ ᠶ᠋ᠢ ᠠᠷᠭᠠ ᠦᠭᠡᠢ ᠣᠯᠵᠤ ᠤᠩᠰᠢᠭᠠᠳ《 ᠠᠱᠢ᠂ ᠪᠠᠢᠵᠠ ᠠ᠋᠂ ᠴᠢ ᠴᠢᠨᠢ᠁》ᠭᠡᠵᠦ ᠰᠡᠳᠬᠢᠯ ᠨᠢ ᠳᠣᠭᠳᠣᠯᠤᠨ ᠨᠡᠷᠡ ᠥᠭᠴᠦ ᠴᠢᠳᠠᠭᠠ ᠦᠭᠡᠢ ᠳ᠋ᠡᠭᠡᠨ ᠳᠤᠲᠠᠭᠤ ᠬᠠᠰᠬᠢᠷᠴᠢ ᠪᠢᠯᠡ᠃
ᠦᠯᠵᠡᠢᠰᠠᠩ ᠡᠢᠨ ᠬᠦ᠌ ᠠᠵᠠ ᠶ᠋ᠢᠨ ᠲᠡᠭᠷᠢ ᠳ᠋ᠦ᠍ ᠢᠪᠡᠭᠡᠭᠳᠡᠵᠦ ᠴᠢᠨᠣᠠ ᠶ᠋ᠢᠨ ᠬᠣᠭᠣᠯᠠ ᠪᠣᠯᠬᠤ ᠠ᠋ᠴᠠ ᠪᠠᠨ ᠥᠩᠭᠡᠷᠡᠭᠡᠳ ᠴᠠᠭᠠᠰᠢ ᠶᠠᠭᠠᠬᠢᠵᠤ ᠡᠢᠬᠦ ᠪᠡᠨ ᠲᠠᠷᠢᠬᠢᠨ ᠳ᠋ᠠᠭᠠᠨ ᠪᠢᠰᠢᠯᠭᠠᠵᠤ ᠯᠠ ᠪᠠᠢᠪᠠ᠃ ᠲᠡᠷᠡ ᠳᠣᠲᠣᠷᠠ ᠪᠠᠨ《ᠡᠨᠡ ᠴᠦ᠍ ᠶᠠᠭ ᠮᠥᠨ᠃ ᠬᠦᠩ ᠨᠣᠶᠠᠨ ᠤ᠋ ᠪᠠᠭᠠ ᠬᠠᠲᠤᠨ ᠢ᠋〈ᠤᠤᠯᠭᠠᠯᠠᠵᠤ〉 ᠳᠤᠲᠠᠭᠠᠭᠰᠠᠨ ᠣᠷᠭᠣᠳᠠᠭᠤᠯ ᠪᠤᠲᠠ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠮᠥᠨ! ᠴᠢᠭᠢᠶᠡᠲᠦᠷᠦᠦ ᠬᠣᠬᠣᠢ᠂ ᠬᠣᠰᠢᠭᠤ ᠬᠦᠩ ᠦ᠋ᠨ ᠴᠡᠷᠢᠭ ᠦ᠋ᠨ ᠵᠣᠪᠬᠢᠨ ᠳᠣᠣᠷᠠ ᠠ᠋ᠴᠠ ᠠᠮᠢ ᠵᠢᠭᠤᠲᠠᠨ ᠳᠤᠲᠠᠭᠠᠴᠢᠬᠠᠳᠠᠭ ᠲᠠᠭᠠᠲᠠᠢ ᠨᠣᠬᠠᠢ ᠶ᠋ᠢᠨ ᠰᠠᠭᠠᠷᠢ ① ᠶᠤᠮ ᠠ᠋! ᠭᠠᠵᠠᠷ ᠤ᠋ᠨ ᠠᠩ ᠢ᠋ᠶ᠋ᠠᠷ ᠣᠷᠣᠴᠢᠬᠠᠭᠰᠠᠨ ᠰᠢᠭ᠋ ᠣᠭᠲᠣ ᠴᠢᠮᠡᠭᠡ ᠲᠠᠰᠤᠷᠠᠭᠠᠳ ᠪᠠᠢᠭᠰᠠᠨ ᠨᠢ ᠬᠠᠷᠢᠨ ᠶᠠᠪᠤᠵᠤ ᠶᠠᠪᠤᠵᠤ ᠡᠨᠡ ᠬᠠᠷᠠ ᠠᠭᠤᠯᠠᠨ ᠳ᠋ᠤ᠌ ᠣᠷᠣᠩᠨᠠᠳᠠᠭ ᠪᠠᠢᠵᠠᠢ! ᠥᠷᠢ ᠲᠡᠢ ᠬᠥᠮᠦᠨ ᠵᠡᠭᠡᠯᠢ ᠳᠡᠭᠡᠷᠡ᠂ ᠥᠰᠢᠶᠡ ᠲᠡᠢ ᠬᠥᠮᠦᠨ ᠳᠠᠪᠠᠭᠠᠨ ᠳᠡᠭᠡᠷᠡ ᠭᠡᠳᠡᠭ ᠢ᠋ᠶ᠋ᠡᠷ ᠴᠢ ᠪᠢᠳᠡ ᠬᠣᠶᠠᠷ ᠶᠠᠪᠤᠵᠤ ᠶᠠᠪᠤᠵᠤ ᠥᠯᠥᠩᠲᠦ ᠶ᠋ᠢᠨ ᠳᠠᠪᠠᠭᠠᠨ ᠳᠡᠭᠡᠷᠡ ᠢᠩᠭᠢᠵᠦ ᠠᠭᠤᠯᠵᠠᠳᠠᠭ ᠪᠠᠢᠵᠢ ᠳᠠ᠃ ᠥᠰᠢᠶᠡ ᠲᠡᠢ ᠴᠦ᠍ ᠭᠡᠵᠢ ᠳᠡ᠂ ᠦᠨᠡᠨ ᠢ᠋ ᠬᠡᠯᠡᠪᠡᠯ ᠴᠢ ᠪᠢᠳᠡ ᠬᠣᠶᠠᠷ ᠬᠢᠯᠭᠠᠰᠤᠨ ᠴᠢᠨᠡᠭᠡ ᠴᠦ᠍ ᠦᠰ ᠬᠣᠨᠵᠢᠩ ᠪᠠᠢᠬᠤ ᠦᠭᠡᠢ᠃ ᠭᠡᠬᠦ ᠳ᠋ᠡᠭᠡᠨ ᠪᠢ ᠪᠣᠯ ᠪᠠᠷᠠᠭᠤᠨ ᠬᠣᠰᠢᠭᠤ ᠬᠦᠩ ᠨᠣᠶᠠᠨ ᠤ᠋ ᠰᠢᠳᠠᠷ ᠭᠣᠴᠢᠭᠠ ᠶ᠋ᠢᠨ ᠠᠯᠪᠠ ᠲᠠᠢ ᠬᠥᠮᠦᠨ ᠦ᠌ ᠬᠤᠪᠢ ᠳ᠋ᠤ᠌ ᠲᠡᠵᠢᠭᠡᠭᠰᠡᠨ ᠡᠵᠡᠨ ᠦ᠌ ᠪᠡᠨ ᠡᠮᠦᠨᠡ ᠨᠣᠬᠠᠢ ᠮᠣᠷᠢᠨ ᠤ᠋ ᠬᠦᠴᠦᠨ ᠢ᠋ᠶ᠋ᠡᠨ ᠰᠢᠪᠬᠠᠵᠤ ᠶᠠᠪᠤᠬᠤ ᠨᠢ ᠲᠦᠮᠡᠨ ᠵᠥᠪ ᠪᠢᠵᠡ! ᠵᠠ᠂ ᠪᠠᠢᠵᠠ᠂ ᠣᠳᠣ ᠪᠢ ᠬᠦᠩ ᠨᠣᠶᠠᠨ ᠳ᠋ᠤ᠌ ᠪᠠᠨ ᠭᠠᠪᠢᠶᠠᠷᠬᠠᠬᠤ ᠶᠠᠭᠤᠮᠠ ᠲᠠᠢ ᠪᠣᠯᠤᠯᠠ》ᠭᠡᠵᠦ ᠪᠣᠳᠣᠬᠤ ᠳ᠋ᠠᠭᠠᠨ ᠰᠢᠷᠠᠮᠠᠩ ᠴᠢᠷᠠᠢ ᠳ᠋ᠤᠨᠢ ᠦᠯᠦ ᠮᠡᠳᠡᠭ ᠢᠨᠢᠶᠡᠮᠰᠦᠭ ᠲᠣᠳᠣᠷᠠᠭᠰᠠᠨ ᠢ᠋ ᠠᠩᠴᠢᠨᠵᠠᠪ ᠠᠩᠵᠠᠭᠠᠷᠠᠭᠰᠠᠨ ᠦᠭᠡᠢ᠃
ᠠᠩᠴᠢᠨᠵᠠᠪ ᠦᠯᠵᠡᠢᠰᠠᠩ ᠢ᠋ ᠲᠠᠨᠢᠬᠤ ᠦᠭᠡᠢ ᠶ᠋ᠢᠨ ᠭᠠᠢ ᠳ᠋ᠤ᠌᠂ ᠵᠣᠪᠠᠯᠠᠩ ᠳ᠋ᠤ᠌ ᠤᠴᠠᠷᠠᠭᠰᠠᠨ ᠭᠠᠭᠴᠠ ᠨᠢᠭᠡ ᠥᠷᠥᠭᠡᠰᠦᠨ ᠳᠣᠷᠣᠢ ᠬᠥᠮᠦᠨ ᠢ᠋ ᠡᠨᠡᠷᠢᠬᠦ ᠪᠣᠳᠣᠯ ᠳ᠋ᠠᠭᠠᠨ ᠠᠪᠲᠠᠵᠤ ᠲᠡᠭᠦᠨ ᠢ᠋ ᠳᠠᠭᠠᠭᠤᠯᠵᠤ ᠥᠪᠡᠷ ᠦ᠋ᠨ ᠮᠠᠭᠤ ᠪᠣᠷᠣ ᠭᠡᠷ ᠢ᠋ᠶ᠋ᠡᠨ ᠲᠠᠨᠢᠭᠤᠯᠤᠨ᠂ ᠪᠦᠯᠢᠶᠡᠨ ᠶᠠᠭᠤᠮᠠ ᠣᠭᠣᠴᠢᠭᠤᠯᠵᠤ ᠲᠡᠩᠬᠡᠷᠡᠭᠦᠯᠬᠦ ᠰᠠᠨ ᠭᠡᠵᠦ ᠲᠡᠨᠳᠡ ᠡᠴᠡ ᠬᠥᠳᠡᠯᠪᠡ᠃
ᠬᠢᠷᠠ ᠳᠠᠭᠠᠵᠤ ᠶᠠᠪᠤᠭᠠᠳ ᠨᠠᠮᠬᠠᠨ ᠬᠥᠲᠥᠯ ᠳᠠᠪᠠᠵᠤ ᠪᠤᠷᠭᠠᠰᠤ ᠭᠠᠯᠳᠠᠰᠤ ᠭᠣᠣᠯ ᠲᠠᠢ ᠤᠷᠭᠤᠭᠰᠠᠨ ᠨᠠᠮᠤᠭ ᠵᠦᠯᠭᠡ ᠲᠡᠢ ᠵᠢᠯᠠᠭᠠ ᠶ᠋ᠢ ᠥᠭᠡᠳᠡᠯᠡᠵᠦ ᠶᠠᠪᠤᠲᠠᠯᠠ ᠬᠥᠪ ᠬᠥᠪ ᠭᠡᠰᠡᠨ ᠥᠳᠬᠡᠨ ᠪᠦᠳᠦᠭᠦᠨ ᠳᠠᠭᠤ ᠲᠠᠢ ᠨᠣᠬᠠᠢ ᠶ᠋ᠢᠨ ᠬᠤᠴᠠᠬᠤ ᠳᠠᠭᠤ ᠰᠣᠨᠣᠰᠳᠠᠬᠤ ᠪᠠᠷ ᠠᠩᠴᠢᠨᠵᠠᠪ ᠤ᠋ᠨ ᠬᠢᠨ ᠳᠥᠭᠥᠵᠦ ᠠᠢᠰᠤᠢ ᠭᠡᠳᠡᠭ ᠢ᠋ ᠮᠡᠳᠡᠭᠡᠯᠡᠵᠦ ᠪᠠᠢᠪᠠ᠃
ᠤᠲᠤᠭᠠ ᠰᠢᠭᠡᠭ ᠦᠨᠦᠷᠲᠦᠵᠦ ᠨᠣᠬᠠᠢ ᠶ᠋ᠢᠨ ᠳᠠᠭᠤ ᠤᠯᠠᠮ ᠣᠢᠷᠠᠳᠪᠠ᠃
ᠶᠠᠯᠢ ᠦᠭᠡᠢ ᠵᠢᠵᠢᠭ ᠲᠠᠯᠠᠪᠠᠢ ᠪᠠᠷᠢᠵᠤ ᠰᠠᠭᠤᠭᠰᠠᠨ ᠮᠠᠭᠠᠵᠢᠯᠠᠩᠬᠠᠢ ᠮᠣᠳᠣᠨ ᠬᠠᠨᠠ ᠲᠠᠢ ᠰᠢᠪᠠᠷ ᠥᠪᠥᠩ ᠦ᠋ᠨ ᠡᠭᠦᠳᠡᠨ ᠳᠡᠭᠡᠷᠡ ᠭᠤᠴᠢ ᠡᠷᠭᠢᠮᠡ ᠨᠠᠰᠤᠨ ᠤ᠋ ᠡᠬᠡᠨᠡᠷ ᠠᠭᠠᠷᠤᠨ ᠣᠭᠣᠷ ᠳᠣᠲᠣᠷᠠ ᠴᠤᠯᠢᠭᠢᠷ ᠤ᠋ᠨ ᠦᠷᠡ ᠨᠦᠳᠦᠨ ᠴᠠᠢᠯᠭᠠᠵᠤ ᠪᠠᠢᠯᠠ᠃ ᠥᠪᠥᠩ ᠦ᠋ᠨ ᠴᠠᠭᠠᠳᠤ ᠲᠠᠯᠠ ᠳ᠋ᠤᠨᠢ ᠨᠠᠷᠠ ᠰᠠᠯᠬᠢᠨ ᠳ᠋ᠤ᠌ ᠢᠳᠡᠭᠳᠡᠭᠰᠡᠭᠡᠷ ᠪᠠᠢᠵᠤ ᠥᠩᠭᠡ ᠨᠢ ᠣᠩᠭᠣᠭᠰᠠᠨ ᠪᠣᠷᠣ ᠢᠰᠡᠭᠡᠢ ᠭᠡᠷ ᠡᠵᠡᠨ ᠦ᠌ ᠪᠡᠨ ᠲᠠᠷ ᠢ᠋ ᠲᠠᠨᠢᠭᠤᠯᠵᠤ ᠪᠠᠢᠭᠠ ᠰᠢᠭ᠋ ᠪᠥᠭᠴᠥᠢᠨᠡ᠃ ᠬᠠᠶᠠᠭᠠ ᠨᠠᠯᠠᠵᠤ ᠪᠣᠰᠬᠠᠭᠳᠠᠭᠰᠠᠨ ᠰᠢᠪᠡᠭᠡᠨ ᠬᠣᠷᠣᠭᠠᠨ ᠳ᠋ᠤ᠌ ᠬᠣᠶᠠᠷ ᠬᠤᠸᠠ ᠨᠢᠭᠡ ᠬᠠᠷᠠ ᠲᠤᠭᠤᠯ ᠰᠡᠭᠦᠯ ᠭᠣᠳᠣᠢᠯᠭᠠᠨ ᠶᠠᠭᠤᠮᠠᠨ ᠠ᠋ᠴᠠ ᠦᠷᠭᠦᠭᠰᠡᠨ ᠰᠢᠭ ᠰᠡᠷᠲᠡᠭᠡᠨᠡᠵᠦ ᠲᠤᠭᠤᠯ ᠬᠠᠷᠠ ᠬᠥᠭᠡᠷᠦᠬᠦᠨ ᠨᠢᠳᠦ ᠨᠢ ᠮᠡᠯᠲᠡᠯᠵᠡᠵᠦ ᠵᠣᠭᠰᠣᠨᠠ᠃
ᠡᠳᠡᠨ ᠦ᠌ ᠬᠢᠨ ᠮᠥᠨ ᠡᠢᠮᠦ ᠯᠡ ᠪᠠᠭᠤᠷᠠᠢᠬᠠᠨ ᠠᠢᠯ ᠪᠠᠢᠭᠠ ᠶᠤᠮ ᠴᠢᠷᠠᠢ᠃ ᠪᠠᠷᠠᠭᠤᠨ ᠭᠣᠣᠯ ᠤ᠋ᠨ ᠪᠤᠷᠭᠠᠰᠤ ᠮᠣᠳᠣᠨ ᠤ᠋ ᠰᠡᠭᠦᠳᠡᠷ ᠲᠦ᠍ ᠭᠣᠣᠯ ᠤ᠋ᠨ ᠤᠰᠤᠨ ᠳ᠋ᠤ᠌ ᠤᠰᠤ ᠴᠠᠴᠤᠵᠤ ᠨᠠᠭᠠᠳᠤᠭᠰᠠᠨ ᠶᠡᠬᠡ ᠪᠠᠭᠠ ᠬᠡᠳᠦᠨ ᠨᠢᠴᠦᠭᠦᠨ ᠬᠦᠦ ᠬᠥᠮᠦᠨ ᠦ᠌ ᠪᠠᠷᠠ ᠪᠠᠷ ᠳᠠᠯᠳᠠᠷᠠᠪᠠ᠃
ᠴᠤᠯᠢᠭᠢᠷ ᠨᠦᠳᠦᠭᠰᠡᠨ ᠪᠦᠰᠡᠭᠦᠢ ᠠᠩᠴᠢᠨᠵᠠᠪ ᠢ᠋ ᠦᠯᠦ ᠲᠠᠨᠢᠬᠤ ᠨᠢᠭᠡ ᠬᠥᠮᠦᠨ ᠲᠡᠢ ᠬᠠᠨᠢᠰᠠᠵᠤ ᠢᠷᠡᠬᠦ ᠪᠠᠷᠠ ᠪᠠᠷ ᠥᠪᠥᠩ ᠳ᠋ᠡᠭᠡᠨ ᠪᠤᠰᠢᠭᠤᠬᠠᠨ ᠰᠢᠷᠭᠤᠵᠤ ᠣᠷᠣᠨ ᠦᠰᠦ ᠭᠡᠵᠢᠭᠡ ᠪᠡᠨ ᠳᠥᠭᠥᠮ ᠶᠠᠩᠵᠤᠯᠠᠨ ᠬᠤᠪᠴᠠᠰᠤ ᠬᠤᠨᠠᠷ ᠤ᠋ᠨ ᠢ᠋ᠶ᠋ᠠᠨ ᠵᠠᠭᠠᠮᠠ ᠵᠠᠬᠠ᠂ ᠡᠩᠭᠡᠯᠵᠡᠭᠦᠷ ᠣᠨᠣᠭᠣ ᠪᠠᠨ ᠵᠠᠰᠠᠬᠤᠢᠴᠠ ᠪᠣᠯᠲᠠᠯᠠ ᠦᠯᠵᠡᠢᠰᠠᠩ ᠠᠩᠴᠢᠨᠵᠠᠪ ᠬᠣᠶᠠᠷ ᠡᠭᠦᠳᠡᠨ ᠳ᠋ᠦ᠍ ᠲᠤᠯᠵᠤ ᠢᠷᠡᠪᠡ᠃ ᠬᠡᠳᠦᠨ ᠵᠢᠯ ᠢ᠋ᠶ᠋ᠡᠷ ᠬᠥᠮᠦᠨ ᠦ᠌ ᠪᠠᠷᠠ ᠳᠡᠮᠡᠢ ᠯᠡ ᠬᠠᠷᠠᠭᠠ ᠦᠭᠡᠢ ᠪᠠᠯᠮᠤ ᠦᠯᠦ ᠲᠠᠨᠢᠬᠤ ᠬᠥᠮᠦᠨ ᠡᠴᠡ ᠪᠢᠰᠢᠭᠦᠷᠬᠡᠭᠰᠡᠨ ᠪᠠᠢᠳᠠᠯ ᠲᠠᠢ ᠴᠢᠷᠠᠢ ᠨᠢ ᠶᠠᠭᠠᠷᠠᠨ ᠤᠯᠠᠪᠠᠯᠵᠠᠵᠤ ᠮᠡᠨᠳᠦ ᠮᠡᠳᠡᠭᠡᠳ ᠱᠠᠯᠠᠪᠬᠠᠨ ᠲᠤᠯᠭᠠᠨ ᠳ᠋ᠤ᠌ ᠭᠠᠯ ᠥᠷᠳᠡᠵᠦ ᠴᠠᠢ ᠴᠢᠨᠠᠪᠠ᠃
ᠰᠢᠷᠠ ᠰᠢᠪᠠᠭᠤᠨ ᠤ᠋ ᠨᠢᠳᠦ ᠰᠢᠭ ᠭᠢᠷᠠᠬᠠᠢ ᠬᠠᠷᠠᠴᠠ ᠲᠠᠢ ᠦᠯᠵᠡᠢᠰᠠᠩ ᠤ᠋ᠨ ᠨᠢᠳᠦ ᠡᠨᠡ ᠡᠵᠡᠭᠦᠢ ᠭᠦᠨ ᠠᠭᠤᠯᠠᠨ ᠤ᠋ ᠠᠭᠯᠠᠭ ᠲᠤ᠌ ᠰᠠᠭᠤᠷᠢᠰᠢᠭᠰᠠᠨ ᠪᠣᠷᠣ ᠠᠢᠯ ᠤ᠋ᠨ ᠶᠠᠭᠤᠮᠠ ᠪᠦᠬᠦᠨ ᠢ᠋ ᠰᠢᠨᠵᠢᠵᠦ ᠪᠠᠢᠯᠠ᠃
ᠡᠭᠦᠳᠡᠨ ᠳᠡᠭᠡᠷᠡ ᠳᠥᠷᠪᠡᠨ ᠠᠴᠠ ᠮᠣᠳᠣ ᠪᠤᠰᠬᠠᠵᠤ ᠳᠡᠭᠡᠷᠡ ᠨᠢ ᠣᠨᠢ ᠲᠡᠨᠳᠡᠢᠯᠠᠨ ᠰᠡᠷᠪᠡᠢᠯᠭᠡᠭᠰᠡᠨ ᠪᠠᠭᠪᠠᠢ ② ᠳᠡᠭᠡᠷᠡ ᠬᠣᠪᠢᠯ ③ ᠢ᠋ᠶ᠋ᠠᠷ ᠬᠦᠷᠦᠭᠰᠡᠨ ᠪᠠᠭᠠᠵᠠ ᠳᠡᠭᠡᠷᠡ ᠰᠠᠶᠢᠬᠠᠨ ᠪᠠᠵᠠᠵᠤ ᠬᠠᠲᠠᠭᠠᠭᠰᠠᠨ ᠠᠭᠠᠷᠤᠤᠯ ᠳᠡᠯᠭᠡᠵᠦ ᠪᠠᠢᠯᠠ᠃ ᠥᠪᠥᠩ ᠭᠡᠷ ᠦ᠋ᠨ ᠬᠢᠨᠢ ᠵᠢᠰᠢᠭᠦᠦ ᠪᠣᠭᠣᠨᠢ ᠰᠠᠷᠠᠪᠴᠢᠨ ᠤ᠋ ᠳᠣᠣᠭᠤᠷ ᠦᠰᠦ ᠵᠤᠵᠠᠭᠠᠨ ᠡᠬᠡᠨᠡᠷ ᠬᠥᠮᠦᠨ ᠦ᠌ ᠭᠡᠵᠢᠭᠡ ᠰᠢᠭ ᠭᠤᠷᠪᠠᠯᠠᠨ ᠬᠦᠷᠦᠵᠦ ᠬᠠᠲᠠᠭᠠᠭᠰᠠᠨ ᠬᠠᠯᠢᠶᠠᠷ ④ ᠪᠠ ᠭᠥᠷᠦᠭᠡᠰᠦᠨ ᠦ᠌ ᠪᠣᠷᠴᠠ ᠶ᠋ᠢ ᠢᠷᠵᠡᠢᠳᠠᠯᠠ ᠡᠯᠭᠦᠭᠰᠡᠨ ᠪᠠᠢᠪᠠ᠃
ᠠᠭᠤᠯᠠᠨ ᠤ᠋ ᠬᠠᠲᠠᠭᠤ ᠬᠠᠢᠯᠠᠰᠤ᠂ ᠠᠭᠠᠷᠤ ᠮᠣᠳᠣᠨ ᠤ᠋ ᠮᠥᠴᠢᠷ ᠦ᠋ᠨ ᠭᠠᠯ ᠳ᠋ᠤ᠌ ᠴᠠᠢ ᠲᠦᠳᠡᠬᠡᠨ ᠪᠤᠴᠠᠯᠪᠠ᠃ ᠭᠢᠯᠲᠠᠭᠠᠨᠠᠲᠠᠯᠠ ᠵᠦᠯᠭᠦᠭᠰᠡᠨ ᠵᠡᠰ ᠳᠡᠪᠦᠷᠡ ᠡᠴᠡ ᠠᠢᠯ ᠤ᠋ᠨ ᠡᠬᠡᠨᠡᠷ ᠴᠠᠢ ᠠᠶᠠᠭᠠᠯᠠᠬᠤ ᠳ᠋ᠤ᠌ ᠦᠯᠵᠡᠢᠰᠠᠩ ᠲᠡᠷᠡ ᠡᠬᠡᠨᠡᠷ ᠦ᠋ᠨ ᠴᠢᠷᠠᠢ ᠶ᠋ᠢ ᠯᠠᠪᠯᠠᠭᠤᠯᠵᠤ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ 《 ᠪᠠᠢᠵᠠ ᠳᠠ! ᠡᠨᠡ ᠴᠢᠨᠢ ᠬᠡᠨ ᠦ᠌ ᠡᠬᠡᠨᠡᠷ ᠪᠢᠯᠡ? ᠲᠠᠨᠢᠮᠠᠷᠬᠠᠨ ᠬᠥᠮᠦᠨ ᠪᠠᠢᠨᠠ ᠁》 ᠭᠡᠵᠦ ᠪᠣᠳᠣᠲᠠᠯᠠ ᠥᠪᠥᠩ ᠤᠨ ᠡᠭᠦᠳᠡ ᠪᠡᠷ ᠬᠡᠳᠦᠨ ᠬᠡᠦᠬᠡᠳ ᠦ᠋ᠨ ᠮᠣᠯᠲᠣᠭ ᠲᠣᠯᠣᠭᠠᠢ ᠨᠢᠭᠡ ᠨᠢᠭᠡᠨ ᠢ᠋ᠶ᠋ᠡᠨ ᠲᠦᠯᠬᠢᠯᠴᠡᠵᠦ ᠪᠤᠯᠲᠠᠯᠵᠠᠪᠠ᠃ ᠲᠡᠷᠡ ᠲᠣᠮᠣᠬᠠᠨ ᠬᠣᠶᠠᠷ ᠬᠦᠦ ᠶ᠋ᠢᠨ ᠵᠢᠰᠦ ᠴᠢᠷᠠᠢ ᠡᠴᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠨᠡᠷᠡ ᠶ᠋ᠢ ᠡᠨᠡ ᠦᠯᠦ ᠲᠠᠨᠢᠬᠤ ᠬᠥᠮᠦᠨ ᠳ᠋ᠦ᠍ ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠢ ᠬᠡᠯᠡᠵᠦ ᠥᠭᠴᠦ ᠪᠠᠢᠯᠠ ᠁
ᠦᠯᠵᠡᠢᠰᠠᠩ ᠪᠦᠬᠦ ᠶᠠᠭᠤᠮᠠ ᠶ᠋ᠢ ᠬᠡᠨ ᠬᠥᠮᠦᠨ ᠡᠴᠡ ᠠᠰᠠᠭᠤᠬᠤ ᠶᠠᠭᠤᠮᠠ ᠦᠭᠡᠢ ᠥᠪᠡᠷ ᠦ᠋ᠨ ᠠᠨᠢᠷᠴᠢ ᠰᠢᠨᠵᠢᠭᠡᠴᠢ ᠪᠡᠷ ᠢ᠋ᠶ᠋ᠡᠨ ᠭᠠᠳᠠᠷᠯᠠᠵᠤ ᠮᠡᠳᠡᠪᠡ᠃
《ᠦ ᠳᠡ ! ᠡᠨᠡ ᠵᠣᠯᠢᠭ ᠴᠢᠨᠢ ᠬᠥᠷᠥᠭ ᠦ᠋ᠨ ᠭᠣᠣᠯ ᠤ᠋ᠨ ᠴᠡᠴᠡᠨ ᠬᠠᠷᠪᠤᠭᠠᠴᠢ ᠵᠠᠩᠴᠤᠪ ᠤ᠋ᠨ ᠡᠬᠡᠨᠡᠷ ᠢ᠋ ᠮᠤᠯᠭᠤᠳᠠᠵᠤ ᠶᠠᠪᠤᠭᠠ ᠶᠤᠮ ᠪᠠᠢᠨᠠ᠃ ᠲᠡᠷᠡ ᠬᠣᠶᠠᠷ ᠲᠣᠮᠣᠬᠠᠨ ᠬᠦᠦ ᠶ᠋ᠢᠨ ᠵᠢᠰᠦ ᠴᠢᠷᠠᠢ ᠭᠡᠭᠴᠢ ᠵᠠᠩᠴᠤᠪ ᠲᠠᠢ ᠬᠠᠷᠠ ᠪᠤᠷᠴᠠᠭ ᠢ᠋ ᠬᠠᠭᠠᠯᠵᠤ ᠲᠥᠷᠥᠭᠰᠡᠨ ᠰᠢᠭ ᠠᠳᠠᠯᠢᠬᠠᠨ ᠪᠠᠢᠭᠠ ᠳ᠋ᠤ᠌᠁ ᠥᠨᠥᠬᠢ ᠪᠠᠭᠠ ᠰᠢᠭ᠋ ᠭᠡᠯᠲᠡᠢ ᠨᠢ ᠰᠠᠶᠢ ᠡᠭᠦᠨ ᠦ᠌ ᠲᠥᠷᠥᠭᠰᠡᠨ ᠬᠦᠦ ᠨᠢ ᠮᠥᠨ ᠪᠠᠢᠭᠠ ᠳᠠ! ᠡᠨᠡ ᠬᠤᠯᠠᠭᠠᠢ ᠶᠠᠭᠠᠬᠢᠭᠰᠠᠨ ᠬᠡᠴᠡᠭᠦᠦ ᠬᠤᠯᠠᠭᠠᠢ ᠶᠤᠮ ᠪᠣᠢ !ᠠᠢᠯ ᠤ᠋ᠨ ᠡᠷᠡᠰ ᠦ᠋ᠨ ᠭᠠᠨᠵᠤᠭᠠ ᠪᠠᠭᠤᠯᠭᠠᠵᠤ᠂ ᠡᠮᠡᠰ ᠢ᠋ ᠨᠢ ᠬᠤᠳᠠᠷᠭᠠᠯᠠᠳᠠᠭ ᠬᠡᠴᠡᠭᠦᠦ ᠡᠷᠡ ᠠ᠋ ! ᠪᠠᠷᠠᠭᠤᠨ ᠬᠦᠩ ᠦ᠋ᠨ ᠬᠦᠩ ᠨᠣᠶᠠᠨ ᠤ᠋ ᠪᠠᠭᠠ ᠬᠠᠲᠤᠨ ᠢ᠋ ᠬᠠᠭᠤᠷᠠᠢᠯᠠᠬᠤ ᠭᠡᠳ ᠪᠣᠯᠤᠭᠰᠠᠨ ᠦᠭᠡᠢ ᠳᠤᠲᠠᠭᠠᠬᠤ ᠵᠠᠮ ᠳ᠋ᠠᠭᠠᠨ ᠪᠠᠷᠠᠭᠤᠨ ᠬᠣᠰᠢᠭᠤ ᠪᠠᠷᠤᠭᠯᠠᠳᠠᠭ᠂ ᠳᠤᠮᠳᠠᠳᠤ ᠬᠣᠰᠢᠭᠤ ᠳᠤᠨᠳᠠᠭᠤᠷᠯᠠᠳᠠᠭ ᠴᠡᠴᠡᠨ ᠫᠤᠤᠴᠢ ᠵᠠᠩᠴᠤᠪ ᠤᠨ ᠡᠬᠡᠨᠡᠷ ᠬᠡᠦᠬᠡᠳ ᠢ᠋ ᠮᠡᠢᠯᠭᠠᠳᠠᠵᠤ ⑤ ᠶᠠᠪᠤᠵᠤ ᠪᠠᠢᠭᠠ ᠶᠤᠮ ᠪᠠᠢᠨᠠ ᠠ᠋᠂ ᠠ᠂ ᠢᠯᠡᠢ᠂ ᠲᠡᠷᠡ ᠵᠠᠩᠴᠤᠪ ᠡᠴᠢᠭᠡ ᠴᠢᠨᠢ ᠠᠮᠢᠳᠤ ᠰᠡᠷᠡᠭᠦᠨ ᠪᠠᠢᠭᠰᠠᠨ ᠪᠣᠯ ᠤᠤ ᠭᠠᠪᠠᠯᠠ ᠶ᠋ᠢ ᠴᠢᠨᠢ ᠯᠣᠩᠬᠣᠨ ᠤ᠋ ᠲᠠᠬᠠᠯᠠᠭᠠ ᠠᠪᠴᠤ ᠪᠠᠢᠬᠤ ᠰᠢᠭ᠋ ᠵᠠᠭᠠᠳᠠᠰᠤ ᠪᠠᠷ ᠨᠢ ᠳᠠᠪ ᠬᠢᠲᠡᠯᠡ ᠰᠡᠬᠦᠵᠦ ᠬᠠᠶᠠᠨᠠ ᠳᠠ!》 ᠭᠡᠵᠦ ᠡᠯᠳᠡᠪ ᠢ᠋ ᠡᠷᠭᠢᠴᠡᠭᠦᠯᠦᠨ ᠪᠣᠳᠣᠵᠤ ᠰᠠᠭᠤᠪᠠ᠃
ᠲᠡᠷᠡ ᠵᠢᠯ ᠵᠠᠩᠴᠤᠪ ᠢ᠋ ᠬᠣᠰᠢᠭᠤ ᠴᠡᠷᠢᠭ ᠲᠦ᠍ ᠪᠠᠢᠬᠤ ᠳ᠋ᠤᠨᠢ ᠦᠯᠵᠡᠢᠰᠠᠩ ᠲᠠᠨᠢᠭᠰᠠᠨ ᠶᠤᠮ᠃ ᠡᠬᠡᠨᠡᠷ ᠢ᠋ ᠴᠦ᠍ ᠦᠵᠡᠵᠦ ᠪᠠᠢᠭᠰᠠᠨ᠃ ᠰᠡᠭᠦᠯ ᠳ᠋ᠦ᠍ᠨᠢ ᠵᠠᠩᠴᠤᠪ ᠢ᠋ ᠵᠠᠩᠵᠤᠨ ᠶᠠᠮᠤᠨ ᠨᠣᠶᠠᠨ ᠤ᠋ ᠰᠢᠳᠠᠷ ᠬᠠᠮᠠᠭᠠᠯᠠᠭᠴᠢ ᠪᠠᠷ ᠰᠢᠯᠢᠵᠦ ᠠᠪᠠᠴᠢᠭᠠᠳ ᠳᠠᠬᠢᠵᠤ ᠰᠤᠷᠠᠭ ᠴᠢᠮᠡᠭᠡ ᠠᠯᠳᠠᠷᠠᠭᠰᠠᠨ ᠳ᠋ᠤ᠌ ᠵᠠᠷᠢᠮ ᠨᠢ ᠳᠠᠢᠰᠤᠨ ᠳ᠋ᠤ᠌ ᠠᠯᠠᠭᠳᠠᠴᠢᠬᠠᠯᠠ ᠭᠡᠬᠦ᠂ ᠵᠠᠷᠢᠮ ᠨᠢ ᠬᠠᠮᠢᠭᠠ ᠬᠠᠮᠢᠭᠠ ᠠᠮᠢᠳᠤ ᠪᠠᠢᠭᠠ ᠭᠡᠬᠦ ᠶᠦ᠍ᠮ! ᠭᠡᠷ ᠦ᠋ᠨ ᠪᠠᠷᠠ ᠬᠠᠷᠠᠳᠠᠭ ᠦᠭᠡᠢ ᠣᠪᠣᠭᠠ ᠬᠡᠳᠦᠨ ᠵᠢᠯ ᠪᠣᠯᠤᠭᠰᠠᠨ ᠢ᠋ᠶ᠋ᠠᠷ ᠦᠵᠡᠬᠦ ᠳ᠋ᠦ᠍ ᠪᠠᠷᠤᠭ ᠯᠠ ᠲᠡᠭᠡᠭᠡᠳ ᠫᠤᠤ ᠵᠡᠪᠰᠡᠭ ᠤᠷᠤᠯᠳᠤᠵᠤ᠂ ᠲᠡᠢᠨ ᠳᠠᠵᠢᠨ ᠬᠠᠪᠢᠳᠠᠭᠰᠠᠨ ᠳ᠋ᠠᠭᠠᠨ ᠵᠤᠨᠵᠡᠢᠴᠢᠬᠠᠭᠰᠠᠨ ᠪᠠᠢᠯᠭᠦᠢ᠃
《ᠵᠠ ᠡᠨᠡ ᠴᠦ᠍ ᠪᠣᠯ ᠶᠠᠭ ᠬᠦᠩ ᠨᠣᠶᠠᠨ ᠤ᠋ ᠪᠠᠭᠠ ᠬᠠᠲᠤᠨ ᠢ᠋ ᠠᠪᠴᠤ ᠳᠤᠲᠠᠭᠠᠭᠰᠠᠨ ᠤᠷᠤᠭᠤᠳᠠᠯ ᠮᠥᠨ ᠪᠠᠢᠨᠠ᠃ ᠥᠨᠥᠳᠥᠷ ᠪᠢ ᠡᠭᠦᠨ ᠢ᠋ ᠤᠬᠠᠭᠠᠯᠠᠵᠤ ᠳᠡᠢᠯᠬᠦ ᠶᠠᠭᠤᠮᠠ ᠪᠢᠰᠢ᠃ ᠪᠡᠶᠡ ᠪᠢᠯᠳᠠᠷ᠂ ᠲᠠᠷ ᠲᠡᠩᠬᠡᠭᠡ ᠠᠯᠢ ᠴᠤ᠌ ᠲᠠᠯᠠ ᠪᠠᠷ ᠲᠡᠭᠦᠨ ᠦ᠌ ᠬᠠᠵᠠᠭᠤ ᠳ᠋ᠤ᠌ ᠬᠠᠪᠢᠳᠠᠬᠤ ᠶᠠᠭᠤᠮᠠ ᠪᠢᠰᠢ ᠭᠠᠵᠠᠷ ᠲᠤ ᠰᠡᠪ ᠮᠡᠳᠡᠭᠳᠡᠬᠦ ᠦᠭᠡᠢ ᠠᠮᠢ ᠮᠡᠨᠳᠦ ᠭᠠᠷᠤᠭᠠᠳ ᠰᠡᠭᠦᠯ ᠳ᠋ᠦ᠍ ᠴᠢᠮᠠᠶ᠋ᠢ ᠮᠡᠳᠡᠶᠡ!》ᠭᠡᠵᠦ ᠳᠣᠲᠣᠷᠠ ᠪᠠᠨ ᠭᠠᠯ ᠮᠠᠨᠠᠵᠤ ᠭᠠᠳᠠᠨᠠ ᠪᠠᠨ ᠢᠨᠢᠶᠡᠳᠦ ᠪᠠᠭᠯᠠᠵᠤ ᠰᠠᠭᠤᠯᠠ᠃
ᠨᠢᠭᠡ ᠮᠡᠳᠡᠬᠦ ᠳ᠋ᠦ᠍ ᠲᠡᠭᠦᠨ ᠦ᠌ ᠡᠮᠦᠨᠡ ᠬᠠᠯᠢᠶᠠᠷ ᠨᠣᠭᠣᠭᠠ ᠲᠠᠢ ᠭᠤᠷᠠ ᠶ᠋ᠢᠨ ᠪᠣᠷᠣ ᠱᠥᠯᠥ ᠠᠭᠤᠷ ᠰᠠᠪᠰᠠᠯᠠᠨ ᠬᠠᠩᠬᠤᠯᠪᠠ᠃
ᠴᠢᠬᠢ ᠶ᠋ᠢ ᠨᠢ ᠣᠭᠲᠣᠯᠪᠠᠴᠤ ᠮᠡᠳᠡᠬᠦ ᠦᠭᠡᠢ᠂ ᠠᠮᠲᠠ ᠬᠠᠨᠳᠠᠷᠠᠭᠰᠠᠨ ᠪᠣᠷᠣ ᠱᠥᠯᠦᠨ ᠡᠴᠡ ᠬᠥᠯᠥᠷᠡᠲᠡᠯᠡ ᠣᠭᠣᠴᠢᠯᠠᠵᠤ ᠰᠠᠭᠤᠬᠤ ᠨᠢ ᠪᠠᠰᠠ ᠨᠢᠭᠡ ᠴᠠᠭ ᠤ᠋ᠨ ᠵᠢᠷᠭᠠᠯ ᠴᠤ᠌ ᠶᠤᠮ ᠤᠤ ᠭᠡᠵᠦ ᠠᠮᠢᠳᠤᠷᠠᠯ ᠤ᠋ᠨ ᠰᠣᠳᠣ ᠠᠮᠲᠠᠨ ᠳ᠋ᠤ᠌ ᠰᠣᠭᠲᠣᠭᠤᠷᠠᠨ ᠪᠠᠢᠯᠠ᠃
ᠠᠩᠴᠢᠨᠵᠠᠪ ᠦᠯᠵᠡᠢᠰᠠᠩ ᠢ᠋ ᠮᠣᠷᠢ ᠪᠠᠷ ᠵᠠᠮ ᠳ᠋ᠤ᠌ ᠣᠷᠣᠲᠠᠯᠠ ᠦᠳᠡᠵᠦ ᠶᠠᠪᠤᠭᠤᠯᠤᠯᠠ᠃
- - - -
① ᠨᠤᠲᠤᠭ ᠤ᠋ᠨ ᠬᠡᠯᠡᠯᠭᠡ᠃ ᠵᠢᠭᠰᠢᠵᠦ ᠤᠨᠲᠤᠭᠤᠴᠠᠭᠰᠠᠨ ᠦᠶᠡ ᠳ᠋ᠦ᠍ ᠪᠦᠲᠦᠯ ᠨᠢ ᠬᠠᠷᠠᠯᠠᠭᠰᠠᠨ ᠠᠮᠢᠲᠠᠨ ᠭᠡᠰᠡᠨ ᠤᠳᠬᠠ ᠲᠠᠢ ᠬᠡᠷᠡᠭᠯᠡᠳᠡᠭ᠃
② ᠨᠤᠲᠤᠭ ᠤ᠋ᠨ ᠬᠡᠯᠡᠯᠭᠡ᠃ ᠳᠥᠷᠪᠡᠨ ᠮᠣᠳᠣ ᠪᠠᠷ ᠣᠨᠢ ᠲᠡᠨᠳᠡᠢᠯᠠᠨ ᠪᠤᠰᠬᠠᠵᠤ ᠳᠡᠭᠡᠷᠡ ᠨᠢ ᠶᠠᠭᠤᠮᠠ ᠬᠠᠲᠠᠭᠠᠳᠠᠭ ᠲᠠᠯᠪᠢᠭᠤᠷ᠃
③ ᠨᠢᠭᠡ ᠵᠤᠢᠯ ᠤ᠋ᠨ ᠣᠷᠢᠶᠠᠩᠭᠤ ᠰᠢᠭ᠋ ᠵᠥᠭᠡᠯᠡᠪᠲᠦᠷ ᠴᠠᠭᠠᠨ ᠬᠠᠯᠢᠰᠤᠲᠤ ᠮᠣᠳᠣ᠃
④ ᠮᠤᠨᠠ ᠠᠭᠤᠯᠠᠨ ᠳ᠋ᠤ᠌ ᠤᠷᠭᠤᠳᠠᠭ ᠨᠢᠭᠡ ᠵᠦᠢᠯ ᠦ᠋ᠨ ᠢᠳᠡᠳᠡᠭ ᠨᠣᠭᠣᠭᠠ᠃
⑤ ᠤᠷᠠᠳ ᠬᠡᠯᠡᠯᠭᠡ᠃ ᠬᠠᠭᠤᠷᠡᠢᠯᠠᠵᠤ᠂ ᠮᠡᠬᠡᠯᠡᠬᠦ ᠶ᠋ᠢᠨ ᠤᠳᠬᠠ ᠲᠠᠢ᠃