ᠮᠣᠩᠭᠣᠯ ᠡᠮᠡᠭᠲᠡᠢ ᠶᠢᠨ ᠤᠷᠠᠨ ᠦᠢᠯᠡ-ᠴ ᠰᠣᠩᠭᠢᠨᠠ-ᠵᠢᠷᠭᠤᠳᠤᠭᠠᠷ ᠪᠦᠯᠦᠭ01ᠣᠶᠣᠳᠠᠯᠴᠢᠨ ᠤ᠋ ᠪᠠᠢᠷᠢ ᠶ᠋ᠢᠨ ᠥᠩᠭᠡᠨ ᠦ᠌ ᠨᠥᠯᠥᠭᠡ
457ᠵᠢᠷᠭᠤᠳᠤᠭᠠᠷ ᠪᠦᠯᠦᠭ01ᠣᠶᠣᠳᠠᠯᠴᠢᠨ ᠤ᠋ ᠪᠠᠢᠷᠢ ᠶ᠋ᠢᠨ ᠥᠩᠭᠡᠨ ᠦ᠌ ᠨᠥᠯᠥᠭᠡ
ᠥᠩᠭᠡᠨ ᠦ᠌ ᠰᠡᠳᠬᠢᠬᠦᠢ ᠶ᠋ᠢᠨ ᠹᠢᠽᠢᠣᠯᠣᠭᠢ ᠦᠢᠯᠡᠴᠢᠯᠡᠭᠡ ᠥᠩᠭᠡ ᠶ᠋ᠢᠨ ᠵᠣᠬᠢᠴᠠᠯ ᠡᠷᠡᠮᠪᠡ ᠨᠢ ᠬᠥᠮᠦᠨ ᠦ᠌ ᠨᠠᠰᠤ᠂ ᠬᠦᠢᠰᠦ᠂ ᠪᠡᠶᠡ᠂ ᠰᠡᠳᠬᠢᠯ ᠰᠠᠨᠠᠭᠠᠨ ᠤ᠋ ᠪᠠᠢᠳᠠᠯ ᠠ᠋ᠴᠠ ᠰᠢᠯᠲᠠᠭᠠᠯᠠᠨ ᠬᠥᠮᠦᠰ ᠦ᠋ᠨ ᠰᠡᠳᠬᠢᠬᠦᠢ᠂ ᠹᠢᠽᠢᠣᠯᠣᠭᠢ ᠶ᠋ᠢᠨ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠦᠢᠯᠡᠴᠢᠯᠡᠯ ᠳ᠋ᠦ᠍ ᠨᠥᠯᠥᠭᠡ ᠦᠵᠡᠭᠦᠯᠦᠨᠡ᠃ ᠡᠨᠡ ᠲᠤᠬᠠᠢ ᠡᠷᠳᠡᠮᠲᠡᠳ ᠡᠷᠲᠡ ᠦᠶᠡ ᠡᠴᠡ ᠡᠬᠢᠯᠡᠵᠦ ᠰᠤᠳᠤᠯᠵᠤ ᠪᠠᠢᠵᠠᠢ᠃
ᠹᠷᠠᠨᠼᠢ ᠶ᠋ᠢᠨ ᠡᠷᠳᠡᠮᠲᠡᠨ ᠮ· ᠳ᠋ᠢᠶᠠᠷᠢᠪᠶᠠᠷᠢᠨ ᠣᠯᠠᠨ ᠵᠢᠯ ᠦ᠋ᠨ ᠰᠤᠳᠤᠯᠭᠠᠨ ᠬᠢᠭᠰᠡᠨ ᠦ᠌ ᠦᠷᠡ ᠳ᠋ᠦᠩ ᠳ᠋ᠦ᠍ ᠥᠩᠭᠡ ᠲᠤᠰ ᠪᠦᠷᠢ ᠶ᠋ᠢᠨ ᠬᠥᠮᠦᠨ ᠳ᠋ᠦ᠍ ᠨᠥᠯᠥᠭᠡᠯᠡᠬᠦ ᠦᠢᠯᠡᠴᠢᠯᠡᠭᠡ ᠶ᠋ᠢ ᠲᠣᠳᠣᠷᠬᠠᠢᠯᠠᠵᠠᠢ᠃ ᠲᠡᠷᠡ ᠪᠤᠰᠤᠳ ᠡᠷᠳᠡᠮᠲᠡᠨ ᠦ᠌ ᠲᠣᠳᠣᠷᠬᠠᠢᠯᠠᠯᠲᠠ ᠠ᠋ᠴᠠ ᠦᠨᠳᠦᠰᠦᠯᠡᠨ ᠭᠣᠣᠯ ᠭᠣᠣᠯ ᠥᠩᠭᠡ ᠶ᠋ᠢᠨ ᠰᠡᠳᠬᠢᠬᠦᠢ ᠹᠢᠽᠢᠣᠯᠣᠭᠢ ᠶ᠋ᠢᠨ ᠦᠢᠯᠡᠴᠢᠯᠡᠯᠭᠡ ᠶᠠᠮᠠᠷ ᠪᠠᠢᠬᠤ ᠶ᠋ᠢ ᠲᠣᠳᠣᠷᠬᠠᠢᠯᠠᠵᠠᠢ᠃ ᠡᠭᠦᠨ ᠳ᠋ᠦ᠍ ᠤᠯᠠᠪᠢᠷ ᠰᠢᠷᠠ ᠥᠩᠭᠡ ᠬᠥᠮᠦᠨ ᠳ᠋ᠦ᠍ ᠤᠯᠠᠢᠰᠤᠭᠰᠠᠨ᠂ ᠬᠠᠯᠠᠭᠤᠨ ᠶᠠᠭᠤᠮᠠᠰ ᠢ᠋ ᠰᠠᠨᠠᠭᠳᠠᠭᠤᠯᠳᠠᠭ ᠤᠴᠢᠷ ᠬᠥᠮᠦᠨ ᠦ᠌ ᠤᠷᠮᠠ ᠵᠣᠷᠢᠭ ᠢ᠋ ᠣᠷᠣᠭᠤᠯᠵᠤ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠢᠳᠡᠪᠬᠢᠵᠢᠭᠦᠯᠳᠡᠭ᠃
ᠬᠥᠬᠡ ᠥᠩᠭᠡ ᠳᠠᠯᠠᠢ ᠲᠠᠩᠭᠢᠰ᠂ ᠭᠣᠣᠯ ᠮᠥᠷᠡᠨ ᠦ᠌ ᠤᠰᠤ ᠶ᠋ᠢ ᠰᠠᠨᠠᠭᠳᠠᠭᠤᠯᠵᠤ᠂ ᠰᠡᠷᠢᠭᠦᠨ ᠲᠠᠲᠠᠭᠤᠯᠬᠤ ᠦᠢᠯᠡᠴᠢᠯᠡᠭᠡᠲᠠᠢ ᠪᠠᠢᠨᠠ᠃ ᠬᠥᠬᠡ ᠴᠡᠩᠬᠡᠷ ᠥᠩᠭᠡ ᠨᠢ ᠴᠡᠪᠡᠷ ᠲᠤᠩᠭᠠᠯᠠᠭ ᠠᠭᠠᠷ ᠮᠠᠨᠳᠠᠯ ᠢ᠋ ᠰᠠᠨᠠᠭᠳᠠᠭᠤᠯᠤᠨᠠ᠃ ᠲᠤᠩᠭᠠᠯᠠᠭ ᠰᠠᠢᠬᠠᠨ ᠡᠳᠦᠷ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠬᠥᠭᠵᠢᠯᠲᠡᠢ ᠰᠠᠢᠬᠠᠨ ᠪᠠᠢᠳᠠᠭ ᠠᠳᠠᠯᠢ ᠬᠥᠬᠡ ᠴᠡᠩᠬᠡᠷ ᠥᠩᠭᠡ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠰᠠᠨᠠᠭᠠ ᠶ᠋ᠢ ᠬᠥᠭᠵᠢᠯᠲᠡᠢ ᠲᠡᠨᠢᠭᠦᠨ ᠪᠣᠯᠭᠠᠳᠠᠭ᠃ ᠬᠥᠬᠡ ᠥᠩᠭᠡ ᠬᠥᠮᠦᠨ ᠦ᠌ ᠪᠤᠯᠴᠢᠩ ᠤ᠋ᠨ ᠴᠢᠩᠭᠠᠷᠠᠯ ᠢ᠋ ᠪᠠᠭᠠᠰᠬᠠᠵᠤ ᠠᠮᠢᠰᠬᠤᠯ ᠤ᠋ᠨ ᠬᠡᠮᠵᠢᠶᠡ ᠶ᠋ᠢ ᠲᠣᠬᠢᠷᠠᠭᠤᠯᠤᠨ ᠰᠤᠳᠠᠰᠤᠨ ᠤ᠋ ᠴᠣᠬᠢᠯᠲᠠ ᠶ᠋ᠢ ᠲᠠᠢᠪᠤᠰᠢᠷᠠᠭᠤᠯᠤᠨᠠ᠃ ᠤᠯᠠᠭᠠᠨ ᠥᠩᠭᠡ ᠬᠠᠯᠠᠭᠤᠨ ᠲᠡᠮᠦᠷ᠂ ᠭᠠᠯ ᠲᠦᠢᠮᠡᠷ᠂ ᠴᠢᠰᠤᠨ ᠤ᠋ ᠥᠩᠭᠡ ᠶᠦᠮ᠃ ᠡᠢᠮᠦ ᠳ᠋ᠦ᠍ ᠡᠨᠡ ᠥᠩᠭᠡ ᠬᠠᠯᠠᠭᠤᠨ ᠰᠠᠨᠠᠭᠳᠠᠭᠤᠯᠬᠤ᠂ ᠠᠢᠳᠠᠰ ᠬᠦᠷᠭᠡᠬᠦ᠂ ᠡᠷᠴᠢᠮ ᠣᠷᠣᠭᠤᠯᠬᠤ ᠦᠢᠯᠡᠴᠢᠯᠡᠭᠡ ᠲᠡᠢ᠃ ᠤᠯᠠᠭᠠᠨ ᠥᠩᠭᠡ ᠶ᠋ᠢᠨ ᠳᠣᠯᠭᠢᠶᠠᠨ ᠤᠷᠲᠤ ᠪᠤᠰᠤᠳ ᠥᠩᠭᠡᠨ ᠡᠴᠡ ᠶᠡᠬᠡ ᠪᠠᠢᠳᠠᠭ᠃ ᠬᠦᠷᠡᠩ ᠥᠩᠭᠡ ᠳᠤᠯᠠᠭᠠᠨ ᠠᠶᠠᠲᠠᠢ ᠲᠠᠢᠪᠤᠩ ᠰᠡᠳᠬᠢᠯ ᠲᠥᠷᠥᠭᠳᠡᠭᠦᠯᠵᠦ᠂ ᠶᠠᠭᠤᠮᠠᠰ ᠢ᠋ ᠪᠥᠬᠡ ᠪᠠᠲᠤ᠂ ᠲᠣᠭᠲᠠᠪᠤᠷᠢ ᠲᠠᠢ ᠶᠤᠮ ᠰᠢᠭ᠋ ᠪᠣᠯᠭᠠᠨᠠ᠃ ᠭᠡᠪᠡᠴᠦ ᠬᠥᠮᠦᠨ ᠢ᠋ ᠤᠷᠮᠠ ᠬᠤᠭᠤᠯᠵᠤ ᠲᠠᠪᠠ ᠦᠭᠡᠢ ᠪᠠᠢᠳᠠᠯ ᠳ᠋ᠤ᠌ ᠣᠷᠣᠭᠤᠯᠵᠤ ᠪᠣᠯᠳᠠᠭ᠃
ᠰᠠᠷᠠᠯᠳᠠᠭᠤ ᠬᠦᠷᠡᠩ ᠥᠩᠭᠡ— ᠰᠡᠳᠬᠢᠯ ᠰᠠᠨᠠᠭᠠ ᠶ᠋ᠢ ᠤᠢᠮᠤᠷᠠᠭᠤᠯᠵᠤ ᠲᠦᠭᠰᠢᠭᠦᠷᠢ ᠲᠥᠷᠥᠭᠦᠯᠬᠦ ᠡᠴᠡ ᠪᠣᠯᠭᠣᠮᠵᠢᠯᠠᠬᠤ ᠵᠡᠷᠭᠡ ᠠᠶᠠ ᠦᠭᠡᠢ ᠰᠡᠳᠬᠢᠯ ᠲᠥᠷᠥᠭᠦᠯᠦᠨᠡ᠃
ᠰᠢᠷᠠ ᠥᠩᠭᠡ— ᠨᠠᠷᠠᠨ ᠤ᠋ ᠥᠩᠭᠡ ᠤᠴᠢᠷ ᠠ᠋ᠴᠠ ᠬᠥᠮᠦᠨ ᠳ᠋ᠦ᠍ ᠳᠤᠯᠠᠭᠠᠨ ᠬᠥᠭᠵᠢᠯ ᠲᠡᠢ᠂ ᠤᠷᠮᠠ ᠵᠣᠷᠢᠭ ᠣᠷᠣᠭᠤᠯᠤᠨ ᠰᠡᠳᠬᠢᠯ ᠬᠥᠭᠵᠢᠭᠡᠨᠡ᠃
ᠨᠣᠭᠣᠭᠠᠨ ᠥᠩᠭᠡ— ᠬᠠᠪᠤᠷ ᠤ᠋ᠨ ᠨᠢᠯᠬᠠ ᠨᠣᠭᠣᠭᠠᠨ ᠤ᠋ ᠥᠩᠭᠡ ᠰᠡᠷᠢᠭᠦᠨ ᠲᠤᠩᠭᠠᠯᠠᠭ ᠨᠠᠮ ᠲᠠᠢᠪᠤᠩ᠂
ᠨᠠᠢᠳᠠᠪᠤᠷᠢ ᠵᠠᠯᠠᠭᠤ ᠨᠠᠰᠤᠨ ᠤ᠋ ᠪᠡᠯᠭᠡ ᠲᠡᠮᠳᠡᠭ ᠪᠣᠯᠤᠭᠰᠠᠨ ᠥᠩᠭᠡ ᠭᠡᠵᠦ ᠦᠵᠡᠳᠡᠭ᠃ ᠡᠨᠡ ᠥᠩᠭᠡ ᠳᠣᠯᠭᠢᠶᠠᠨ ᠤ᠋ ᠬᠤᠪᠢ ᠳ᠋ᠤ᠌ ᠳᠤᠮᠳᠠ ᠵᠡᠷᠭᠡ ᠤᠷᠲᠤ ᠲᠠᠢ᠂ ᠮᠡᠳᠡᠷᠡᠯ ᠦ᠋ᠨ ᠰᠢᠰᠲ᠋ᠧᠮ ᠢ᠋ ᠲᠠᠢᠪᠤᠰᠢᠷᠠᠭᠤᠯᠬᠤ ᠦᠢᠯᠡᠴᠢᠯᠡᠭᠡ ᠲᠡᠢ ᠨᠣᠭᠣᠭᠠᠨ ᠰᠢᠷᠠ ᠥᠩᠭᠡ ᠶ᠋ᠢ ᠨᠠᠢᠷᠠᠭᠤᠯᠬᠤ ᠳ᠋ᠤ᠌ ᠬᠥᠮᠦᠨ ᠦ᠌ ᠤᠷᠮᠠ ᠵᠣᠷᠢᠭ᠂ ᠰᠡᠳᠬᠢᠯ ᠰᠠᠨᠠᠭᠠ ᠶ᠋ᠢ ᠰᠡᠷᠭᠦᠭᠡᠬᠦ ᠠᠶᠠᠲᠠᠢ ᠳᠥᠯᠭᠡᠨ ᠥᠩᠭᠡ ᠡᠭᠦᠰᠳᠡᠭ᠃
ᠨᠢᠯ ᠥᠩᠭᠡ— ᠡᠨᠡ ᠥᠩᠭᠡ ᠵᠠᠯᠬᠠᠭᠤ ᠬᠦᠷᠭᠡᠵᠦ ᠶᠠᠳᠠᠷᠠᠭᠠᠬᠤ᠂ ᠰᠡᠳᠬᠢᠯ ᠦᠢᠮᠡᠭᠦᠯᠦᠭᠰᠡᠨ ᠡᠪ ᠦᠭᠡᠢ ᠦᠢᠯᠡᠴᠢᠯᠡᠭᠡ ᠲᠡᠢ᠃ ᠵᠠᠷᠢᠮ ᠭᠠᠵᠠᠷ ᠭᠠᠰᠢᠭᠤᠳᠠᠯ ᠤ᠋ᠨ ᠥᠩᠭᠡᠨ ᠳ᠋ᠦ᠍ ᠲᠣᠭᠠᠴᠢᠳᠠᠭ᠃
ᠴᠠᠭᠠᠨ ᠥᠩᠭᠡ— ᠰᠡᠷᠢᠭᠦᠨ᠂ ᠴᠡᠪᠡᠷ ᠲᠤᠩᠭᠠᠯᠠᠭ ᠶᠠᠭᠤᠮᠠᠨ ᠳ᠋ᠤ᠌ ᠠᠶᠠᠲᠠᠢ ᠰᠡᠳᠬᠢᠯ ᠲᠥᠷᠥᠭᠦᠯᠳᠡᠭ᠃
ᠰᠠᠷᠠᠯ ᠥᠩᠭᠡ— ᠳᠠᠷᠤᠤ ᠲᠥᠯᠥᠪ ᠥᠩᠭᠡ ᠪᠥᠭᠡᠳ ᠵᠠᠯᠬᠠᠭᠤ ᠬᠦᠷᠭᠡᠵᠦ ᠨᠣᠵᠣᠭᠣᠷᠠᠭᠤᠯᠬᠤ᠂ ᠤᠢᠳᠬᠠᠷ ᠬᠦᠷᠭᠡᠬᠦ ᠰᠡᠳᠬᠢᠯ ᠲᠥᠷᠥᠭᠦᠯᠳᠡᠭ᠃
ᠬᠠᠷᠠ ᠥᠩᠭᠡ— ᠤᠢᠳᠬᠠᠷ ᠲᠠᠢ ᠬᠦᠨᠳᠦ ᠥᠩᠭᠡ ᠪᠥᠭᠡᠳ ᠬᠥᠮᠦᠨ ᠦ᠌ ᠤᠷᠮᠠ ᠵᠣᠷᠢᠭ ᠢ᠋ ᠬᠤᠭᠤᠯᠵᠤ ᠰᠡᠳᠬᠢᠯ ᠦ᠋ᠨ ᠬᠥᠳᠡᠯᠭᠡᠭᠡᠨ ᠢ᠋ ᠳᠠᠷᠤᠨᠠ᠃
ᠡᠭᠦᠨ ᠡᠴᠡ ᠦᠵᠡᠬᠦ ᠳ᠋ᠦ᠍ ᠤᠷᠲᠤ ᠳᠣᠯᠭᠢᠶᠠᠨ ᠲᠠᠢ ᠪᠣᠯᠤᠨ ᠪᠣᠭᠣᠨᠢ ᠳᠣᠯᠭᠢᠶᠠᠨ ᠲᠠᠢ ᠤᠯᠠᠭᠠᠨ ᠤᠯᠠᠪᠢᠷ ᠰᠢᠷᠠ᠂ ᠨᠢᠯ᠂ ᠬᠤᠨᠳᠠᠨ ᠤᠯᠠᠭᠠᠨ ᠥᠩᠭᠡ ᠨᠦ᠍ᠭᠦᠳ ᠬᠥᠮᠦᠨ ᠦ᠌ ᠬᠠᠷᠠᠬᠤ ᠡᠷᠬᠡᠲᠡᠨ ᠤᠯᠠᠮ ᠢ᠋ᠶ᠋ᠠᠷ ᠮᠡᠳᠡᠷᠡᠯ ᠦ᠋ᠨ ᠰᠢᠰᠲ᠋ᠧᠮ ᠢ᠋ ᠴᠣᠴᠢᠷᠠᠭᠠᠬᠤ᠂ ᠵᠣᠪᠠᠭᠤᠷᠢ ᠲᠠᠢ ᠰᠡᠳᠬᠢᠯ ᠢ᠋ ᠲᠥᠷᠥᠭᠦᠯᠬᠦ ᠦᠢᠯᠡᠴᠢᠯᠡᠭᠡ ᠦᠵᠡᠭᠦᠯᠳᠡᠭ ᠪᠠᠢᠨᠠ᠃ ᠡᠢᠮᠦ ᠥᠩᠭᠡ ᠪᠡᠷ ᠪᠣᠳᠣᠭᠰᠠᠨ ᠲᠠᠰᠤᠯᠭᠠ ᠨᠤᠭᠤᠳ ᠲᠤ ᠠᠵᠢᠯᠯᠠᠵᠤ ᠪᠠᠢᠭᠠ ᠬᠥᠮᠦᠨ ᠦ᠌ ᠬᠠᠷᠠᠬᠤ ᠡᠷᠬᠡᠲᠡᠨ ᠲᠦᠷᠭᠡᠨ ᠶᠠᠳᠠᠷᠠᠵᠤ ᠬᠥᠳᠡᠯᠮᠦᠷᠢ ᠶ᠋ᠢᠨ ᠪᠦᠲᠦᠭᠡᠮᠵᠢ ᠠᠵᠢᠯ ᠤ᠋ᠨ ᠴᠢᠨᠠᠷ ᠲᠤ ᠲᠠᠯᠪᠢᠬᠤ ᠠᠩᠬᠠᠷᠤᠯ ᠰᠤᠯᠠᠷᠠᠨᠠ᠃
ᠳᠤᠮᠳᠠ ᠵᠡᠷᠭᠡ ᠶ᠋ᠢᠨ ᠳᠣᠯᠭᠢᠶᠠᠨ ᠲᠠᠢ ᠨᠣᠭᠣᠭᠠᠨ ᠨᠣᠭᠣᠭᠠᠪᠲᠤᠷ᠂ ᠴᠡᠩᠬᠡᠷ ᠰᠢᠷᠠ ᠬᠥᠮᠦᠨ ᠦ᠌ ᠬᠠᠷᠠᠬᠤ ᠡᠷᠬᠡᠲᠡᠨ᠂ ᠰᠡᠳᠬᠢᠬᠦᠢ ᠹᠢᠽᠢᠣᠯᠣᠭᠢ ᠶ᠋ᠢᠨ ᠠᠵᠢᠯᠯᠠᠭᠠᠨ ᠳ᠋ᠤ᠌ ᠰᠠᠢᠨ ᠢ᠋ᠶ᠋ᠠᠷ ᠨᠥᠯᠥᠭᠡᠯᠡᠵᠦ ᠠᠮᠢᠳᠤᠷᠠᠯ ᠢ᠋ ᠪᠠᠶᠠᠰᠬᠠᠨ ᠬᠥᠳᠡᠯᠮᠦᠷᠢ ᠶ᠋ᠢᠨ ᠪᠦᠲᠦᠭᠡᠮᠵᠢ ᠶ᠋ᠢ ᠳᠡᠭᠡᠭᠰᠢᠯᠡᠭᠦᠯᠦᠨᠡ᠃
ᠡᠢᠮᠦ ᠳ᠋ᠦ᠍ ᠦᠢᠯᠡᠳᠪᠦᠷᠢᠯᠡᠯ ᠦ᠋ᠨ ᠪᠣᠯᠤᠨ ᠭᠡᠷ ᠦ᠋ᠨ ᠨᠥᠬᠥᠴᠡᠯ ᠳ᠋ᠦ᠍ ᠪᠠᠢᠷᠢ ᠶ᠋ᠢᠨ ᠥᠩᠭᠡ ᠶ᠋ᠢ ᠰᠣᠩᠭᠣᠬᠤ ᠳ᠋ᠠᠭᠠᠨ᠄
1. ᠲᠧᠭᠨᠣᠯᠣᠭᠢ ᠶ᠋ᠢᠨ ᠶᠠᠪᠤᠴᠠ ᠶ᠋ᠢᠨ ᠣᠨᠴᠠᠯᠢᠭ ᠤ᠋ᠳ᠂ ᠠᠵᠢᠯ ᠤ᠋ᠨ ᠶᠡᠷᠦᠩᠬᠡᠢ ᠰᠢᠨᠵᠢ ᠪᠠᠢᠳᠠᠯ
2. ᠬᠠᠷᠠᠬᠤ ᠡᠷᠬᠡᠲᠡᠨ ᠦ᠌ ᠠᠵᠢᠯᠯᠠᠬᠤ ᠨᠥᠬᠥᠴᠡᠯ
3. ᠭᠡᠷᠡᠯᠲᠦᠭᠦᠯᠭᠡ ᠶ᠋ᠢᠨ ᠰᠢᠨᠵᠢ ᠴᠢᠨᠠᠷ᠂ ᠬᠡᠮᠵᠢᠶᠡ᠂ ᠮᠥᠨ ᠭᠡᠷᠡᠯ ᠦ᠋ᠨ ᠰᠣᠯᠣᠩᠭᠠᠨ ᠰᠠᠴᠤᠷᠠᠭᠲᠤ ᠪᠦᠷᠢᠯᠳᠦᠬᠦᠨ᠂ ᠴᠣᠩᠬᠣ ᠭᠡᠭᠡᠪᠴᠢ ᠶ᠋ᠢᠨ ᠭᠡᠷᠡᠯ ᠦ᠋ᠨ ᠠᠯᠢ ᠵᠦᠭ ᠲᠦ᠍ ᠬᠠᠷᠠᠭᠰᠠᠨ ᠪᠠᠢᠳᠠᠯ ᠪᠣᠯᠤᠨ ᠪᠤᠰᠤᠳ ᠣᠨᠴᠠᠯᠢᠭ ᠵᠦᠢᠯ ᠢ᠋ ᠬᠠᠷᠠᠭᠠᠯᠵᠠᠬᠤ ᠶᠣᠰᠣᠲᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠤᠳᠤᠯᠲᠤ᠂ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ