ᠮᠣᠩᠭᠣᠯ ᠡᠮᠡᠭᠲᠡᠢ ᠶᠢᠨ ᠤᠷᠠᠨ ᠦᠢᠯᠡ-ᠴ ᠰᠣᠩᠭᠢᠨᠠ-ᠵᠢᠷᠭᠤᠳᠤᠭᠠᠷ ᠪᠦᠯᠦᠭ 01ᠰᠠᠭᠤᠳᠠᠯ ᠲᠣᠬᠢᠷᠠᠭᠤᠯᠬᠤ
282ᠵᠢᠷᠭᠤᠳᠤᠭᠠᠷ ᠪᠦᠯᠦᠭ 01ᠰᠠᠭᠤᠳᠠᠯ ᠲᠣᠬᠢᠷᠠᠭᠤᠯᠬᠤ
ᠹᠢᠽᠢᠣᠯᠣᠭᠢ ᠶ᠋ᠢᠨ ᠱᠠᠭᠠᠷᠳᠠᠯᠭᠠ ᠬᠠᠩᠭᠠᠭᠰᠠᠨ ᠪᠡᠶᠡ ᠶ᠋ᠢᠨ ᠪᠠᠢᠷᠢᠰᠢᠯ ᠢ᠋ ᠪᠣᠢ ᠪᠣᠯᠭᠠᠬᠤ ᠳ᠋ᠤ᠌ ᠰᠠᠭᠤᠳᠠᠯ ᠬᠡᠯᠪᠡᠷᠢ ᠴᠢᠬᠤᠯᠠ ᠪᠠᠢᠳᠠᠭ ᠲᠤᠰ ᠣᠷᠣᠨ ᠤ᠋ ᠦᠢᠯᠡᠳᠪᠦᠷᠢᠯᠡᠯ ᠳ᠋ᠦ᠍ ᠶᠡᠬᠡᠪᠡᠷ ᠬᠡᠷᠡᠭᠯᠡᠳᠡᠭ ᠠᠷᠤᠪᠴᠢ ᠲᠠᠢ ᠮᠤᠬᠤᠷ ᠰᠠᠨᠳᠠᠯᠢ ᠨᠤᠭᠤᠳ ᠬᠡᠷᠡᠭᠴᠡᠭᠡ ᠶ᠋ᠢ ᠲᠡᠳᠦᠢᠯᠡ ᠬᠠᠩᠭᠠᠵᠤ ᠴᠢᠳᠠᠬᠤ ᠦᠭᠡᠢ᠃ ᠡᠷᠡᠭᠦᠯ ᠠᠬᠤᠢᠴᠢ ᠰᠧᠸᠳᠧᠨ ᠦ ᠳ᠋ᠣᠺᠲ᠋ᠣᠷ ᠪ· ᠡᠩᠺᠢᠶᠠᠷᠪᠯᠣᠮ ᠰᠠᠭᠤᠭᠠ ᠪᠠᠢᠷᠢᠰᠢᠯ ᠳ᠋ᠤ᠌ ᠣᠯᠠᠨ ᠵᠢᠯ ᠠᠵᠢᠯᠯᠠᠵᠤ ᠪᠠᠢᠭᠠ ᠬᠥᠮᠦᠨ ᠦ᠌ ᠦᠶᠡ ᠮᠥᠴᠢ᠂ ᠪᠤᠯᠴᠢᠩ ᠤ᠋ᠨ ᠪᠠᠢᠳᠠᠯ ᠢ᠋ ᠰᠤᠳᠤᠯᠤᠨ ᠮᠢᠩᠭᠠ ᠭᠠᠷᠤᠢ ᠲᠤᠷᠰᠢᠯᠲᠠ ᠬᠢᠭᠰᠡᠨ ᠦ᠌ ᠦᠷᠡ ᠳ᠋ᠦᠩ ᠳ᠋ᠦ᠍ ᠰᠠᠨᠳᠠᠯᠢ ᠶ᠋ᠢᠨ ᠤᠷᠲᠤ ᠶ᠋ᠢᠨ ᠬᠢᠴᠡ ᠬᠥᠮᠦᠨ ᠦ᠌ ᠪᠡᠶᠡ ᠳ᠋ᠦ᠍ ᠲᠣᠬᠢᠷᠠᠮᠵᠢ ᠦᠭᠡᠢ ᠪᠠᠢᠭᠠ ᠶ᠋ᠢ ᠨᠤᠲᠠᠯᠠᠵᠠᠢ᠃ ᠣᠳᠣ ᠶ᠋ᠢᠨ ᠰᠠᠨᠳᠠᠯᠢ ᠶ᠋ᠢᠨ ᠥᠨᠳᠥᠷ ᠰᠠᠭᠤᠬᠤ ᠳ᠋ᠤ᠌ ᠬᠥᠯ᠂ ᠦᠶᠡ ᠶ᠋ᠢᠨ ᠣᠷᠴᠢᠮ ᠳ᠋ᠠᠭᠠᠨ ᠨᠤᠭᠤᠷᠠᠵᠤ ᠴᠢᠰᠤᠨ ᠤ᠋ ᠡᠷᠭᠢᠯᠲᠡ ᠶ᠋ᠢ ᠤᠳᠠᠭᠠᠰᠢᠷᠠᠭᠤᠯᠳᠠᠭ᠃ ᠰᠠᠨᠳᠠᠯᠢ ᠶ᠋ᠢ ᠰᠠᠭᠤᠳᠠᠯ ᠤ᠋ᠨ ᠬᠡᠰᠡᠭ ᠡᠪᠦᠳᠦᠭ ᠡᠴᠡ ᠠᠭᠠᠷᠴᠠᠭ ᠲᠠᠰᠢᠶᠠᠨ ᠤ᠋ ᠦᠶᠡ ᠬᠦᠷᠲᠡᠯᠡ᠂ ᠪᠦᠳᠦᠭᠦᠷᠡᠭᠰᠡᠨ ᠪᠥᠭᠰᠡ ᠶ᠋ᠢᠨ ᠬᠡᠯᠪᠡᠷᠢ ᠳ᠋ᠦ᠍ ᠲᠣᠬᠢᠷᠠᠬᠤ ᠦᠭᠡᠢ ᠤᠴᠢᠷ ᠠᠭᠠᠷᠴᠠᠭ ᠣᠷᠴᠢᠮ ᠬᠡᠰᠡᠭ ᠢᠯᠡᠭᠦᠦ ᠳᠠᠷᠤᠯᠲᠠ ᠳ᠋ᠤ᠌ ᠣᠷᠣᠰᠢᠬᠤ ᠶ᠋ᠢᠨ ᠬᠠᠮᠲᠤ ᠲᠦᠰᠢᠯᠭᠡ ᠨᠢ ᠡᠪᠲᠡᠢ ᠪᠤᠰᠤ ᠪᠠᠢᠨᠠ ᠭᠡᠵᠦ ᠦᠵᠡᠵᠡᠢ( ᠬ᠌ · ᠪᠠᠶᠠᠷᠲᠤ᠃ ᠦᠢᠯᠡᠳᠪᠦᠷᠢᠯᠡᠯ ᠦ᠋ᠨ ᠭᠤᠸᠠ ᠵᠦᠢ1974· ᠤᠯᠠᠭᠠᠨᠪᠠᠭᠠᠲᠤᠷ᠂38 ᠳ᠋ᠠᠬᠢ ᠲᠠᠯᠠ)᠃
ᠬᠡᠷᠪᠡ ᠰᠠᠨᠳᠠᠯᠢ ᠶ᠋ᠢᠨ ᠥᠨᠳᠥᠷ ᠨᠢ700mm ᠪᠠᠢᠬᠤ ᠳ᠋ᠤ᠌ ᠱᠠᠯᠠ ᠠ᠋ᠴᠠ ᠳᠡᠭᠡᠭᠰᠢ250mm ᠥᠨᠳᠥᠷ ᠲᠦ᠍ ᠬᠥᠯ ᠲᠠᠯᠪᠢᠬᠤ ᠲᠤᠯᠭᠠᠭᠤᠷ ᠪᠠᠢᠨᠠ᠃ ᠡᠢᠮᠦ ᠲᠤᠯᠭᠠᠭᠤᠷ ᠦᠭᠡᠢ ᠪᠣᠯ ᠲᠠᠰᠢᠶᠠᠨ ᠤ᠋ ᠳᠡᠭᠡᠳᠦ ᠬᠡᠰᠡᠭ ᠲᠦ᠍ ᠪᠤᠯᠴᠢᠩ ᠰᠤᠳᠠᠰᠤᠨ ᠤ᠋ ᠠᠭᠰᠢᠯᠲᠠ ᠪᠣᠯᠳᠠᠭ᠃ ᠬᠡᠷᠪᠡ ᠵᠣᠭᠰᠣᠭᠠ ᠠᠵᠢᠯᠯᠠᠬᠤ ᠱᠠᠭᠠᠷᠳᠠᠯᠭᠠ ᠭᠠᠷᠪᠠᠯ ᠡᠮᠡᠭᠡᠯ ᠬᠡᠯᠪᠡᠷᠢ ᠲᠡᠢ ᠰᠠᠭᠤᠳᠠᠯ ᠬᠡᠷᠡᠭᠯᠡᠬᠦ ᠨᠢ ᠠᠰᠢᠭᠲᠠᠢ ᠪᠠᠢᠳᠠᠭ᠃ ᠰᠠᠭᠤᠳᠠᠯ ᠤ᠋ᠨ ᠲᠣᠬᠢᠷᠠᠭᠤᠯᠭᠠ ᠪᠠᠰᠠ ᠭᠠᠭᠴᠠᠬᠠᠨ ᠦᠢᠯᠡᠳᠪᠦᠷᠢ ᠶ᠋ᠢᠨ ᠭᠠᠵᠠᠷ ᠬᠡᠷᠡᠭᠯᠡᠬᠦ ᠳ᠋ᠦ᠍ ᠲᠡᠳᠦᠢ ᠦᠭᠡᠢ ᠭᠡᠷ ᠣᠷᠣᠨ ᠳ᠋ᠠᠭᠠᠨ ᠴᠤ ᠬᠡᠷᠡᠭᠯᠡᠬᠦ ᠨᠢ ᠴᠢᠬᠤᠯᠠ ᠪᠥᠭᠡᠳ ᠰᠢᠷᠢᠮᠡᠯ ᠰᠢᠷᠢᠬᠦ᠂ ᠳᠡᠪᠡᠯ ᠬᠠᠪᠠᠬᠤ ᠵᠡᠷᠭᠡ ᠵᠠᠢᠯᠠᠰᠢ ᠦᠭᠡᠢ ᠭᠠᠷ ᠢ᠋ᠶ᠋ᠠᠷ ᠬᠢᠬᠦ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠲᠠᠢ ᠣᠶᠣᠳᠠᠯ ᠳ᠋ᠤ᠌ ᠲᠡᠢᠮᠦ ᠲᠣᠬᠢᠷᠠᠭᠰᠠᠨ ᠰᠠᠨᠳᠠᠯᠢ ᠦᠭᠡᠢ ᠪᠣᠯ ᠳᠣᠣᠷᠠ ᠪᠠᠨ ᠵᠤᠵᠠᠭᠠᠨ ᠵᠥᠭᠡᠯᠡᠨ ᠶᠠᠭᠤᠮᠠ ᠳᠠᠪᠬᠤᠷᠯᠠᠨ ᠳᠡᠪᠢᠰᠴᠦ ᠭᠠᠵᠠᠷ ᠲᠤ ᠴᠢᠯᠥᠭᠡ ᠲᠡᠢ ᠰᠠᠭᠤᠵᠤ ᠪᠣᠯᠤᠨᠠ᠃ ᠰᠠᠭᠤᠳᠠᠯ ᠢ᠋ ᠲᠣᠬᠢᠷᠠᠭᠤᠯᠬᠤ ᠶ᠋ᠢᠨ ᠲᠤᠯᠠᠳᠠ ᠬᠥᠮᠦᠨ ᠦ᠌ ᠪᠡᠶᠡ ᠳ᠋ᠦ᠍ ᠬᠡᠮᠵᠢᠯᠲᠡ ᠶ᠋ᠢ ᠬᠢᠳᠡᠭ᠃ ᠨᠠᠰᠤᠨ ᠳ᠋ᠤ᠌ ᠬᠦᠷᠦᠭᠰᠡᠨ ᠬᠥᠮᠦᠨ ᠦ᠌ ᠪᠡᠶᠡ ᠪᠢᠯᠳᠠᠷ ᠢ᠋ ᠬᠡᠮᠵᠢᠬᠦ ᠴᠢᠭ ᠦ᠋ᠳ᠄
1. ᠵᠤᠯᠠᠢ 2. ᠮᠥᠷᠥ 3. ᠲᠣᠬᠣᠢ 4. ᠪᠠᠭᠤᠤ 5. ᠬᠤᠷᠤᠭᠤᠨ ᠦᠵᠦᠭᠦᠷ 6. ᠡᠪᠦᠳᠦᠭ
ᠦᠢᠯᠡᠳᠪᠦᠷᠢᠯᠡᠯ ᠦ᠋ᠨ ᠲᠠᠪᠠᠲᠠᠢ ᠨᠥᠬᠥᠴᠡᠯ ᠬᠠᠩᠭᠠᠬᠤ ᠳ᠋ᠤ᠌ ᠡᠨᠡ ᠬᠡᠮᠵᠢᠶᠡ ᠲᠡᠢ ᠰᠠᠭᠤᠳᠠᠯ ᠪᠠᠢᠷᠢᠰᠢᠯ ᠪᠠᠭᠠᠵᠢ ᠶ᠋ᠢ ᠲᠣᠬᠢᠷᠠᠭᠤᠯᠤᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ᠭᠦᠨᠳᠦᠰᠠᠩᠪᠤᠤ᠂ ᠲᠣᠭᠳᠠᠭᠤᠨᠪᠠᠶᠠᠷ᠂ ᠡᠷᠳᠡᠨᠢᠭᠣᠤᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ᠂ ᠰᠡᠬᠡᠭᠡᠷᠡᠯ