ᠮᠣᠩᠭᠣᠯ ᠡᠮᠡᠭᠲᠡᠢ ᠶᠢᠨ ᠤᠷᠠᠨ ᠦᠢᠯᠡ-ᠴ ᠰᠣᠩᠭᠢᠨᠠ-ᠳᠥᠷᠪᠡᠳᠦᠭᠡᠷ ᠪᠦᠯᠦᠭ ᠠᠷᠠᠰᠤ ᠰᠢᠷᠢ ᠶ᠋ᠢᠨ ᠡᠳ᠋ᠯᠡᠯ ᠬᠢᠬᠦ ᠤᠷᠠᠯᠠᠯ04ᠨᠡᠬᠡᠮᠡᠯ᠂ ᠰᠦᠯᠵᠢᠮᠡᠯ᠂ ᠲᠠᠮᠤᠯᠠᠯ
312ᠨᠡᠬᠡᠮᠡᠯ᠂ ᠰᠦᠯᠵᠢᠮᠡᠯ᠂ ᠲᠠᠮᠤᠯᠠᠯ
ᠨᠡᠬᠡᠮᠡᠯ ᠰᠦᠯᠵᠢᠮᠡᠯ ᠭᠠᠷᠤᠯ ᠡᠭᠦᠰᠦᠯ ᠦ᠋ᠨ ᠬᠤᠪᠢ ᠳ᠋ᠤ᠌ ᠡᠷᠲᠡᠨ ᠦ᠌ ᠪᠥᠭᠡᠳ ᠬᠥᠮᠦᠨ ᠬᠤᠪᠴᠠᠰᠤ ᠤᠷᠠᠯᠠᠨ ᠡᠮᠦᠰᠬᠦ ᠡᠴᠡ ᠡᠮᠦᠨᠡ ᠰᠦᠯᠵᠢᠮᠡᠯ ᠢ᠋ ᠤᠷᠭᠤᠮᠠᠯ ᠤ᠋ᠨ ᠵᠦᠢᠯ ᠢ᠋ᠶ᠋ᠡᠷ ᠰᠦᠯᠵᠢᠨ ᠬᠡᠷᠡᠭᠯᠡᠵᠦ ᠪᠠᠢᠵᠠᠢ᠃ ᠬᠠᠭᠤᠴᠢᠨ ᠴᠢᠯᠠᠭᠤᠨ ᠵᠡᠪᠰᠡᠭ ᠦ᠋ᠨ ᠦᠶᠡ ᠳ᠋ᠦ᠍ ᠳᠠᠩ ᠵᠢᠮᠢᠰ ᠨᠣᠭᠣᠭᠠ ᠪᠠᠷ ᠬᠣᠭᠣᠯᠠᠯᠠᠵᠤ ᠪᠠᠢᠬᠤ ᠳ᠋ᠠᠭᠠᠨ ᠬᠦᠨᠡᠰᠦᠨ ᠦ᠌ ᠵᠦᠢᠯ ᠢ᠋ᠶ᠋ᠡᠨ ᠬᠠᠳᠠᠭᠠᠯᠠᠬᠤ ᠶ᠋ᠢᠨ ᠲᠤᠯᠠᠳᠠ ᠤᠷᠭᠤᠮᠠᠯ ᠤ᠋ᠨ ᠡᠰᠢ ᠦᠨᠳᠦᠰᠦ ᠮᠥᠴᠢᠷ ᠦ᠋ᠨ ᠵᠥᠭᠡᠯᠡᠨ ᠬᠡᠰᠡᠭ ᠢ᠋ᠶ᠋ᠡᠷ ᠰᠠᠪᠠ ᠰᠠᠭᠤᠯᠠᠭᠠ ᠬᠢᠵᠦ ᠪᠠᠢᠭᠰᠠᠨ ᠤ᠋ ᠭᠠᠳᠠᠨᠠ ᠰᠢᠨᠡ ᠴᠢᠯᠠᠭᠤᠨ ᠤ᠋ ᠦᠶᠡ ᠳ᠋ᠦ᠍ ᠸᠠᠭᠠᠷ ᠰᠠᠪᠠ ᠬᠢᠬᠦ ᠶ᠋ᠢᠨ ᠲᠤᠯᠠᠳᠠ ᠡᠪᠡᠰᠦ ᠤᠷᠭᠤᠮᠠᠯ ᠢ᠋ᠶ᠋ᠠᠷ ᠰᠠᠪᠠ ᠰᠦᠯᠵᠢᠨ ᠰᠢᠪᠠᠷᠳᠠᠵᠤ ᠭᠠᠯ ᠳ᠋ᠤ᠌ ᠰᠢᠲᠠᠭᠠᠳᠠᠭ ᠪᠠᠢᠭᠰᠠᠨ ᠢ᠋ ᠦᠵᠡᠬᠦ ᠳ᠋ᠦ᠍ ᠰᠦᠯᠵᠢᠮᠡᠯ ᠡᠷᠲᠡᠨ ᠦ᠌ ᠭᠠᠷᠤᠯ ᠲᠠᠢ ᠨᠢ ᠲᠣᠳᠣᠷᠬᠠᠢ ᠪᠠᠢᠨᠠ᠃
ᠢᠩᠭᠢᠵᠦ ᠰᠦᠯᠵᠢᠮᠡᠯ᠂ ᠨᠡᠬᠡᠮᠡᠯ ᠬᠥᠮᠦᠨ ᠦ᠌ ᠨᠡᠢᠭᠡᠮ ᠦ᠋ᠨ ᠡᠬᠢᠯᠡᠯ ᠲᠡᠢ ᠡᠭᠦᠰᠴᠦ᠂ ᠨᠡᠢᠭᠡᠮ ᠦ᠋ᠨ ᠬᠥᠭᠵᠢᠯ ᠦ᠋ᠨ ᠳᠠᠭᠠᠤ ᠪᠣᠯᠪᠠᠰᠤᠷᠠᠩᠭᠤᠢ ᠬᠥᠭᠵᠢᠵᠦ ᠢᠷᠡᠵᠡᠢ᠃ ᠨᠡᠬᠡᠮᠡᠯ ᠰᠦᠯᠵᠢᠮᠡᠯ ᠦ᠋ᠨ ᠲᠠᠯᠠ ᠪᠠᠷ ᠮᠣᠩᠭᠣᠯ ᠣᠷᠣᠨ ᠤᠤᠭᠠᠨ ᠣᠷᠣᠨ ᠤ᠋ ᠨᠢᠭᠡ ᠪᠥᠭᠡᠳ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ ᠪᠢᠯᠡ᠃
ᠾᠦᠩᠨᠦ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠦ᠍ ᠮᠣᠩᠭᠣᠯ ᠤ᠋ᠨ ᠣᠯᠠᠨ ᠣᠪᠣᠭ ᠠᠢᠮᠠᠭ ᠤ᠋ᠳ ᠤ᠋ᠨ ᠭᠠᠷ ᠤᠷᠠᠯᠠᠯ ᠳ᠋ᠤ᠌ ᠰᠦᠯᠵᠢᠮᠡᠯ᠂ ᠨᠡᠬᠡᠮᠡᠯ ᠶᠡᠬᠡ ᠬᠥᠭᠵᠢᠵᠦ ᠮᠠᠯ ᠤ᠋ᠨ ᠲᠣᠨᠣᠭ ᠬᠡᠷᠡᠭᠰᠡᠯ᠂ ᠬᠥᠮᠦᠨ ᠦ᠌ ᠡᠮᠦᠰᠴᠦ ᠵᠡᠭᠦᠬᠦ ᠳ᠋ᠦ᠍ ᠶᠡᠬᠡ ᠬᠡᠷᠡᠭᠯᠡᠭᠳᠡᠬᠦ ᠪᠣᠯᠵᠠᠢ᠃ ᠰᠦᠯᠵᠢᠮᠡᠯ᠂ ᠨᠡᠬᠡᠮᠡᠯ ᠦ᠋ᠨ ᠤᠷᠠᠯᠠᠯ ᠮᠠᠯ ᠢ᠋ ᠭᠡᠷ ᠦ᠋ᠨ ᠪᠣᠯᠭᠠᠭᠰᠠᠨ ᠴᠠᠭ ᠠ᠋ᠴᠠ ᠤᠯᠠᠮ ᠪᠣᠯᠪᠠᠰᠤᠷᠠᠩᠭᠤᠢ ᠬᠥᠭᠵᠢᠵᠦ ᠮᠡᠳᠡᠭᠳᠡᠬᠦᠢᠴᠡ ᠡᠭᠦᠷᠭᠡ ᠶ᠋ᠢ ᠭᠦᠢᠴᠡᠳᠬᠡᠵᠦ ᠡᠬᠢᠯᠡᠵᠡᠢ᠃ ᠨᠡᠬᠡᠮᠡᠯ ᠰᠦᠯᠵᠢᠮᠡᠯ ᠮᠠᠨ ᠤ᠋ ᠣᠷᠣᠨ ᠤ᠋ ᠡᠷᠲᠡ ᠦᠶᠡ ᠶ᠋ᠢᠨ ᠣᠪᠣᠭ ᠠᠢᠮᠠᠭ ᠤ᠋ᠳ᠂ ᠣᠳᠣ ᠶ᠋ᠢᠨ ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠤ᠋ ᠳᠤᠮᠳᠠ ᠲᠦᠭᠡᠮᠡᠯ ᠳᠡᠯᠭᠡᠷᠡᠭᠰᠡᠨ ᠤᠷᠠᠯᠠᠯ ᠪᠥᠭᠡᠳ ᠮᠠᠨ ᠤ᠋ ᠣᠷᠣᠨ ᠤ᠋ ᠨᠡᠭᠦᠳᠡᠯ ᠦ᠋ᠨ ᠮᠠᠯ ᠠᠵᠤ ᠠᠬᠤᠢ ᠶ᠋ᠢᠨ ᠣᠨᠴᠠᠯᠢᠭ ᠲᠤ ᠲᠣᠬᠢᠷᠠᠭᠰᠠᠨ ᠥᠪᠡᠷᠮᠢᠴᠡ ᠬᠡᠯᠪᠡᠷᠢ ᠪᠡᠷ ᠬᠥᠭᠵᠢᠵᠦ ᠢᠷᠡᠵᠡᠢ᠃
ᠲᠤᠬᠠᠢᠯᠠᠪᠠᠯ᠂ ᠨᠡᠬᠡᠮᠡᠯ ᠢ᠋ ᠭᠠᠷ ᠢ᠋ᠶ᠋ᠠᠷ ᠬᠢᠬᠦ ᠳ᠋ᠡᠭᠡᠨ ᠲᠡᠭᠦᠨ ᠦ᠌ ᠪᠠᠭᠠᠵᠢ ᠪᠣᠯᠬᠤ ᠨᠡᠬᠡᠮᠡᠯ ᠦ᠋ᠨ ᠵᠡᠭᠦᠦ ᠶ᠋ᠢ ᠮᠠᠯ ᠤ᠋ᠨ ᠶᠠᠰᠤ᠂ ᠮᠣᠳᠣ᠂ ᠡᠪᠡᠷ ᠢ᠋ᠶ᠋ᠡᠷ ᠬᠢᠵᠦ ᠪᠠᠢᠭᠰᠠᠨ ᠤ᠋ ᠳᠡᠭᠡᠷᠡ ᠰᠦᠯᠵᠢᠮᠡᠯ ᠨᠡᠬᠡᠮᠡᠯ ᠦ᠋ᠨ ᠮᠠᠲ᠋ᠧᠷᠢᠶᠠᠯ ᠤᠷᠭᠤᠮᠠᠯ ᠤ᠋ᠨ ᠵᠦᠢᠯ᠂ ᠮᠠᠯ ᠤ᠋ᠨ ᠨᠣᠣᠰᠣ᠂ ᠠᠷᠠᠰᠤ ᠨᠡᠬᠡᠢ᠂ ᠰᠢᠷᠢ᠂ ᠲᠣᠷᠭᠠ᠂ ᠮᠢᠨᠳᠠᠰᠤ ᠪᠢᠯᠡ᠃
ᠲᠦᠷᠺ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠦ᠍ ᠨᠡᠬᠡᠮᠡᠯ ᠦᠰᠦᠷᠦᠩᠭᠦᠢ ᠬᠥᠭᠵᠢᠵᠦ ᠪᠠᠢᠭᠰᠠᠨ ᠪᠠᠢᠨᠠ᠃ ᠮᠣᠩᠭᠣᠯᠴᠤᠳ ᠨᠡᠬᠡᠮᠡᠯ ᠬᠢᠬᠦ ᠶ᠋ᠢᠨ ᠲᠤᠯᠠᠳᠠ ᠮᠠᠯ ᠤ᠋ᠨ ᠨᠣᠣᠰᠣ ᠶ᠋ᠢ ᠬᠢᠬᠦ ᠵᠦᠢᠯ ᠦ᠋ᠨ ᠢ᠋ᠶ᠋ᠡᠨ ᠣᠨᠴᠠᠯᠢᠭ ᠲᠠᠢ ᠤᠶᠠᠯᠳᠤᠭᠤᠯᠤᠨ ᠪᠣᠯᠪᠠᠰᠤᠷᠠᠩᠭᠤᠢ ᠪᠠᠷ ᠲᠣᠷᠳᠠᠵᠤ᠂ ᠤᠲᠠᠰᠤ ᠶ᠋ᠢ ᠪᠦᠳᠦᠭᠦᠨ᠂ ᠨᠠᠷᠢᠨ ᠬᠡᠯᠪᠡᠷᠢ ᠪᠡᠷ ᠡᠭᠡᠷᠡᠵᠦ᠂ ᠨᠡᠬᠡᠮᠡᠯ᠂ ᠰᠦᠯᠵᠢᠮᠡᠯ ᠬᠢᠵᠦ ᠪᠠᠢᠭᠰᠠᠨ ᠤ᠋ ᠳᠡᠭᠡᠷᠡ ᠪᠤᠲᠠ ᠮᠠᠯ ᠤ᠋ᠨ ᠰᠢᠷᠢ ᠶ᠋ᠢ ᠪᠣᠯᠪᠠᠰᠤᠷᠠᠭᠤᠯᠤᠨ ᠰᠤᠷ ᠬᠢᠵᠦ ᠲᠡᠭᠦᠨ ᠢ᠋ ᠪᠡᠨ ᠨᠠᠷᠢᠨ ᠵᠦᠰᠦᠵᠦ ᠰᠦᠯᠵᠢᠮᠡᠯ ᠬᠢᠵᠦ ᠮᠠᠯ ᠤ᠋ᠨ ᠲᠣᠨᠣᠭ ᠬᠡᠷᠡᠭᠰᠡᠯ᠂ ᠡᠮᠡᠭᠡᠯ ᠬᠠᠵᠠᠭᠠᠷ ᠤ᠋ᠨ ᠭᠣᠶᠣᠯ ᠴᠢᠮᠡᠭᠯᠡᠯ᠂ ᠪᠡᠬᠢᠯᠡᠭᠡ ᠣᠯᠣᠩ ᠵᠢᠷᠢᠮ ᠳ᠋ᠦ᠍ ᠬᠡᠷᠡᠭᠯᠡᠵᠦ ᠪᠠᠢᠵᠠᠢ᠃
ᠮᠠᠯ ᠤ᠋ᠨ ᠨᠣᠣᠰᠣ᠂ ᠦᠬᠡᠷ ᠦ᠋ᠨ ᠰᠡᠪᠡᠭ ᠢ᠋ ᠲᠠᠮᠤᠵᠤ ᠳᠡᠭᠡᠰᠦᠨ ᠰᠦᠯᠵᠢᠮᠡᠯ ᠬᠢᠳᠡᠭ ᠪᠠᠢᠭᠰᠠᠨ ᠨᠢ ᠣᠳᠣ ᠴᠤ ᠬᠡᠷᠡᠭᠯᠡᠭᠳᠡᠵᠦ ᠪᠠᠢᠨᠠ᠃ ᠰᠦᠯᠵᠢᠮᠡᠯ ᠢ᠋ᠶ᠋ᠡᠷ ᠳᠡᠪᠡᠯ ᠦ᠋ᠨ ᠰᠢᠯᠪᠢ᠂ ᠬᠡᠲᠡ ᠬᠢᠲᠤᠭᠠ᠂ ᠪᠡᠭᠡᠯᠡᠢ ᠶ᠋ᠢᠨ ᠴᠢᠮᠡᠭᠯᠡᠯ᠂ ᠳᠠᠪᠤᠤ ᠶ᠋ᠢᠨ ᠰᠦᠯᠵᠢᠮᠡᠯ ᠢ᠋ᠶ᠋ᠡᠷ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠦᠨᠳᠦᠰᠦᠲᠡᠨ ᠦ᠌ ᠬᠡ ᠥᠯᠵᠡᠢ ᠤᠲᠠᠰᠤ ᠰᠦᠯᠵᠢᠬᠦ ᠪᠤᠶᠤ ᠵᠡᠭᠡᠭᠲᠦ ᠨᠠᠭᠠᠮᠠᠯ ᠳ᠋ᠤ᠌ ᠶᠡᠬᠡ ᠬᠡᠷᠡᠭᠯᠡᠵᠦ ᠪᠠᠢᠨᠠ᠃ ᠰᠦᠯᠵᠢᠮᠡᠯ ᠳᠠᠩ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠥᠭᠡᠷᠡᠩᠬᠡᠢ᠂ ᠬᠠᠪᠲᠠᠭᠠᠢ᠂ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠬᠡᠯᠪᠡᠷᠢ ᠲᠡᠢ ᠪᠥᠭᠡᠷᠡᠩᠬᠡᠢ ᠰᠦᠯᠵᠢᠶᠡ ᠶ᠋ᠢ ᠡᠮᠡᠭᠡᠯ ᠦ᠋ᠨ ᠲᠣᠨᠣᠭ᠂ ᠲᠠᠰᠢᠭᠤᠷ᠂ ᠭᠡᠷ ᠦ᠋ᠨ ᠴᠢᠭᠲᠠᠭᠠ ᠳ᠋ᠤ᠌ ᠬᠡᠷᠡᠭᠯᠡᠬᠦ ᠪᠥᠭᠡᠳ ᠬᠠᠪᠲᠠᠭᠠᠢ ᠰᠦᠯᠵᠢᠶᠡ ᠪᠡᠷ ᠭᠠᠷᠠᠬᠠ᠂ ᠪᠦᠰᠡ᠂ ᠬᠦᠵᠦᠭᠦᠦ ᠶ᠋ᠢᠨ ᠣᠷᠢᠶᠠᠯᠲᠠ ᠰᠦᠯᠵᠢᠨᠡ᠃ ᠰᠦᠯᠵᠢᠮᠡᠯ ᠢ᠋ ᠰᠦᠯᠵᠢᠬᠦ ᠨᠠᠷᠢᠨ ᠣᠷᠣᠭᠰᠠᠨ ᠡᠳ᠋ᠯᠡᠯ ᠦ᠋ᠨ ᠲᠣᠭᠠ ᠪᠠᠷ ᠭᠤᠷᠪᠠ᠂ ᠳᠥᠷᠪᠡ᠂ ᠲᠠᠪᠤ ᠪᠠᠷ ᠰᠦᠯᠵᠢᠭᠰᠡᠨ ᠭᠡᠬᠦ ᠮᠡᠲᠦ ᠢᠯᠭᠠᠨᠠ᠃ ᠬᠠᠪᠲᠠᠭᠠᠢ ᠰᠦᠯᠵᠢᠶᠡᠰᠦ ᠡᠴᠡ ᠲᠡᠭᠦᠯᠭᠡ ᠪᠤᠶᠤ ᠭᠠᠷᠠᠬᠠ᠂ ᠳᠠᠩ᠂ ᠳᠠᠪᠬᠤᠷ ᠰᠦᠯᠵᠢᠶᠡ ᠭᠡᠵᠦ ᠢᠯᠭᠠᠨᠠ᠃ ᠡᠳᠡᠭᠡᠷ ᠰᠦᠯᠵᠢᠶᠡ ᠬᠢᠬᠦ ᠵᠦᠢᠯ ᠦ᠋ᠨ ᠣᠨᠴᠠᠯᠢᠭ ᠠ᠋ᠴᠠ ᠶᠠᠩᠵᠤ ᠪᠦᠷᠢ ᠬᠢᠳᠡᠭ᠃
ᠲᠡᠭᠦᠯᠭᠡ ᠪᠤᠶᠤ ᠭᠠᠷᠠᠬᠠ ᠰᠦᠯᠵᠢᠶᠡᠰᠦ ᠬᠢᠬᠦ ᠳ᠋ᠡᠭᠡᠨ ᠬᠢᠬᠦ ᠵᠦᠢᠯ ᠦ᠋ᠨ ᠢ᠋ᠶ᠋ᠡᠨ ᠶᠡᠬᠡ ᠪᠠᠭᠠ ᠠ᠋ᠴᠠ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠥᠷᠭᠡᠨ ᠨᠠᠷᠢᠨ ᠷᠠᠮ ᠵᠠᠩᠭᠢᠳᠤᠨᠠ᠃ ᠲᠡᠷᠡ ᠷᠠᠮ ᠳ᠋ᠠᠭᠠᠨ ᠵᠠᠩᠭᠢᠳᠬᠤ ᠤᠲᠠᠰᠤ ᠪᠠᠨ ᠥᠩᠭᠡ ᠠᠯᠠᠭᠯᠠᠬᠤ ᠪᠤᠶᠤ ᠡᠰᠡᠪᠡᠯ ᠨᠢᠭᠡ ᠥᠩᠭᠡ ᠪᠡᠷ ᠪᠠᠢᠷᠢᠯᠠᠭᠤᠯᠵᠤ ᠰᠦᠯᠵᠢᠶᠡ ᠲᠤᠰ ᠪᠦᠷᠢ ᠶ᠋ᠢ ᠵᠠᠭᠠᠭᠯᠠᠬᠤ ᠨᠢᠭᠡ ᠤᠷᠲᠤ ᠤᠲᠠᠰᠤ ᠶ᠋ᠢ ᠰᠦᠯᠵᠢᠶᠡ ᠶ᠋ᠢᠨ ᠡᠬᠢᠨ ᠦ᠌ ᠭᠣᠭᠴᠣᠭᠠᠨ ᠠ᠋ᠴᠠ ᠪᠡᠬᠢᠯᠡᠨᠡ᠃ ᠷᠠᠮ ᠳ᠋ᠠᠭᠠᠨ ᠪᠠᠢᠷᠢᠯᠠᠭᠤᠯᠤᠭᠰᠠᠨ ᠤᠲᠠᠰᠤ ᠶ᠋ᠢᠨ ᠢ᠋ᠶ᠋ᠡᠨ ᠳᠣᠣᠷᠠᠲᠤ ᠲᠠᠯᠠ ᠶ᠋ᠢ ᠳᠡᠭᠡᠷᠡ᠂ ᠳᠡᠭᠡᠳᠦ ᠲᠠᠯᠠ ᠶ᠋ᠢᠨ ᠤᠲᠠᠰᠤ ᠶ᠋ᠢ ᠳᠣᠣᠷᠠ ᠨᠢ ᠣᠷᠣᠭᠤᠯᠬᠤ ᠵᠠᠮ ᠢ᠋ᠶ᠋ᠠᠷ ᠤᠲᠠᠰᠤ ᠨᠢᠭᠡ ᠪᠦᠷᠢ ᠶ᠋ᠢ ᠰᠣᠯᠪᠢᠨ ᠡᠬᠢᠨ ᠦ᠌ ᠭᠣᠭᠴᠣᠭᠠᠨ ᠳ᠋ᠠᠬᠢ ᠤᠷᠲᠤ ᠤᠲᠠᠰᠤ ᠪᠠᠷ ᠢ᠋ᠶ᠋ᠠᠨ ᠵᠠᠭᠠᠭᠯᠠᠨᠠ᠃ ᠬᠣᠶᠠᠳᠠᠬᠢ ᠰᠦᠯᠵᠢᠶᠡ ᠶ᠋ᠢ ᠶᠠᠭ ᠬᠡ ᠮᠠᠶᠢᠭ ᠢ᠋ᠶ᠋ᠠᠷ ᠳᠠᠪᠲᠠᠨ ᠰᠦᠯᠵᠢᠨᠡ᠃ ᠬᠠᠪᠲᠠᠭᠠᠢ ᠰᠦᠯᠵᠢᠶᠡ ᠭᠡᠳᠡᠭ3 ，5， 10，12 ᠢ᠋ᠶ᠋ᠠᠷ ᠬᠣᠶᠠᠷ ᠲᠠᠯᠠ ᠠ᠋ᠴᠠ ᠨᠢ ᠳᠠᠷᠤᠵᠤ ᠰᠦᠯᠵᠢᠨᠡ᠃ ᠡᠭᠦᠨ ᠢ᠋ᠶ᠋ᠡᠷ ᠣᠯᠣᠩ᠂ ᠵᠢᠷᠢᠮ ᠪᠤᠰᠤᠳ ᠵᠦᠢᠯ ᠢ᠋ ᠰᠦᠯᠵᠢᠬᠦ ᠪᠠ ᠪᠥᠭᠡᠷᠡᠩᠬᠡᠢ ᠰᠦᠯᠵᠢᠶᠡ ᠭᠡᠳᠡᠭ ᠨᠢ ᠳᠣᠲᠣᠷᠠ ᠪᠠᠨ ᠬᠡᠳᠦ ᠬᠡᠳᠦᠨ ᠶᠠᠩᠵᠤ ᠪᠠᠢᠳᠠᠭ᠃ ᠡᠭᠦᠨ ᠢ᠋3 ，4 ᠪᠤᠶᠤ6᠂ ᠲᠡᠭᠦᠨ ᠡᠴᠡ ᠣᠯᠠᠨ ᠢ᠋ᠶ᠋ᠠᠷ ᠪᠥᠭᠡᠷᠡᠩᠬᠡᠢᠯᠡᠨ ᠰᠦᠯᠵᠢᠵᠦ ᠪᠣᠯᠤᠨᠠ᠃
ᠭᠤᠷᠪᠠ ᠪᠠᠷ ᠪᠥᠭᠡᠷᠡᠩᠬᠡᠢ ᠰᠦᠯᠵᠢᠬᠦ ᠳ᠋ᠦ᠍ ᠰᠦᠯᠵᠢᠶᠡ ᠶ᠋ᠢ ᠪᠣᠰᠤᠭᠠ ᠬᠡᠯᠪᠡᠷᠢ ᠪᠡᠷ ᠪᠠᠢᠷᠢᠯᠠᠭᠤᠯᠵᠤ ᠰᠦᠯᠵᠢᠵᠦ ᠰᠢᠬᠠᠵᠤ ᠴᠢᠩᠭᠠᠯᠠᠨᠠ᠃ ᠡᠨᠡ ᠰᠦᠯᠵᠢᠮᠡᠯ ᠢ᠋ᠶ᠋ᠡᠷ ᠲᠠᠮᠠᠬᠢᠨ ᠤ᠋ ᠬᠠᠪᠲᠠᠭᠠ᠂ ᠳᠡᠪᠡᠯ ᠦ᠋ᠨ ᠰᠢᠯᠪᠢ᠂ ᠮᠠᠯᠠᠭᠠᠢ ᠶ᠋ᠢᠨ ᠪᠦᠴᠡ ᠬᠢᠬᠦ ᠳ᠋ᠦ᠍ ᠬᠡᠷᠡᠭᠯᠡᠨᠡ᠃ ᠳᠥᠷᠪᠡ ᠪᠡᠷ ᠪᠥᠭᠡᠷᠡᠩᠬᠡᠢ ᠰᠦᠯᠵᠢᠬᠦ ᠳ᠋ᠦ᠍ ᠰᠦᠯᠵᠢᠬᠦ ᠤᠲᠠᠰᠤ ᠪᠤᠶᠤ ᠡᠮᠬᠡᠷᠢᠳᠦᠭᠰᠡᠨ ᠳᠠᠪᠤᠤ᠂ ᠨᠠᠷᠢᠨ ᠰᠤᠷ᠂ ᠢᠯᠭᠢ ᠵᠡᠷᠭᠡ ᠪᠡᠷ ᠳᠥᠷᠪᠡ ᠪᠡᠷ ᠪᠠᠢᠷᠢᠯᠠᠭᠤᠯᠤᠨ ᠲᠡᠭᠦᠨ ᠢ᠋ ᠪᠡᠨ ᠬᠣᠶᠠᠷ ᠬᠣᠶᠠᠷ ᠢ᠋ᠶ᠋ᠠᠷ ᠨᠢ ᠰᠠᠯᠠᠭᠠᠪᠴᠢᠯᠠᠨ2，4 ᠳ᠋ᠦ᠍ᠭᠡᠷ ᠢ᠋ ᠬᠣᠢᠰᠢ ᠣᠷᠣᠭᠰᠢ1，3 ᠳ᠋ᠤᠭᠠᠷ ᠨᠠᠷᠢᠨ ᠢ᠋ ᠪᠠᠷᠠᠭᠤᠨ᠂ ᠵᠡᠭᠦᠨ ᠳᠠᠰᠢ ᠨᠢ ᠳᠠᠷᠤᠵᠤ ᠰᠦᠯᠵᠢᠨᠡ᠃ ᠪᠥᠭᠡᠷᠡᠩᠬᠡᠢ ᠰᠦᠯᠵᠢᠶᠡ ᠪᠡᠷ ᠲᠠᠰᠢᠭᠤᠷ᠂ ᠭᠡᠷ ᠦ᠋ᠨ ᠴᠢᠭᠲᠠᠭᠠ᠂ ᠡᠷᠦᠬᠡ ᠶ᠋ᠢᠨ ᠣᠭᠣᠰᠣᠷ ᠬᠢᠬᠦ ᠳ᠋ᠦ᠍ ᠲᠣᠬᠢᠷᠠᠮᠵᠢᠲᠠᠢ᠃ ᠣᠯᠠᠨ ᠥᠩᠭᠡ ᠶ᠋ᠢᠨ ᠲᠣᠷᠭᠠᠨ ᠤᠲᠠᠰᠤ ᠶ᠋ᠢ ᠰᠦᠯᠵᠢᠨ ᠤᠭᠤᠲᠠ ᠰᠠᠪᠠᠨ ᠤ᠋ ᠠᠮᠠ ᠶ᠋ᠢᠨ ᠪᠡᠬᠢᠯᠡᠭᠡ ᠣᠭᠣᠰᠣᠷ᠂ ᠡᠷᠡᠭᠲᠡᠢ᠂ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠡᠭᠡᠯᠡᠢ᠂ ᠳᠡᠪᠡᠯ ᠦ᠋ᠨ ᠭᠣᠶᠣᠯ ᠴᠢᠮᠡᠭ ᠬᠢᠬᠦ ᠡᠴᠡ ᠭᠠᠳᠠᠨᠠ ᠦᠵᠦᠭᠦᠷ ᠲᠤᠨᠢ ᠴᠠᠴᠤᠭ ᠭᠠᠷᠭᠠᠵᠤ ᠭᠣᠶᠣᠯ ᠴᠢᠮᠡᠭᠯᠡᠯ ᠳ᠋ᠦ᠍ ᠬᠡᠷᠡᠭᠯᠡᠬᠦ ᠪᠤᠶᠤ ᠣᠷᠴᠢᠨ ᠦᠶᠡ ᠶ᠋ᠢᠨ ᠳᠠᠩ ᠳᠡᠪᠡᠯ ᠦ᠋ᠨ ᠪᠦᠰᠡ᠂ ᠮᠠᠯᠠᠭᠠᠢ ᠶ᠋ᠢᠨ ᠲᠣᠨᠣᠭ ᠲᠤ ᠬᠡᠷᠡᠭᠯᠡᠬᠦ ᠳ᠋ᠦ᠍ ᠵᠣᠬᠢᠮᠵᠢᠲᠠᠢ᠃
ᠭᠣᠣᠯ ᠲᠠᠢ ᠰᠦᠯᠵᠢᠶᠡ ᠡᠨᠡ ᠨᠢ10，12，14 ᠭᠡᠬᠦ ᠮᠡᠲᠦ ᠪᠡᠷ ᠠᠪᠴᠤ ᠲᠡᠩᠴᠡᠭᠦᠯᠦᠨ ᠬᠤᠪᠢᠶᠠᠵᠤ ᠨᠢᠭᠡ ᠬᠡᠰᠡᠭ ᠢ᠋ ᠪᠠᠷᠠᠭᠤᠨ᠂ ᠨᠥᠭᠦᠭᠡ ᠶ᠋ᠢ ᠨᠢ ᠵᠡᠭᠦᠨ ᠳᠠᠰᠢ ᠲᠣᠭᠣᠷᠢᠭᠤᠯᠤᠨ ᠨᠢᠭᠡ ᠨᠢᠭᠡ ᠪᠡᠷ ᠨᠢ ᠳᠡᠭᠡᠭᠦᠷ ᠳᠣᠭᠤᠤᠷ ᠨᠢ ᠣᠷᠣᠭᠤᠯᠤᠨ ᠰᠦᠯᠵᠢᠬᠦ ᠳ᠋ᠦ᠍ ᠭᠣᠣᠯ ᠢ᠋ᠶ᠋ᠠᠨ ᠲᠣᠭᠣᠷᠢᠨ ᠰᠦᠯᠵᠢᠶᠡ ᠭᠠᠷᠭᠠᠨᠠ᠃
ᠠᠴᠠ ᠲᠠᠢ ᠪᠥᠭᠡᠷᠡᠩᠬᠡᠢ ᠰᠦᠯᠵᠢᠶᠡ ᠡᠨᠡ ᠰᠦᠯᠵᠢᠶᠡ ᠶ᠋ᠢ ᠬᠢᠬᠦ ᠶ᠋ᠢᠨ ᠲᠤᠯᠠᠳᠠ ᠮᠣᠳᠣ ᠵᠣᠷᠭᠣᠵᠤ ᠠᠴᠠ ᠭᠠᠷᠭᠠᠨ ᠵᠠᠩᠭᠢᠯᠠᠬᠤ ᠤᠲᠠᠰᠤ᠂ ᠰᠤᠷ ᠵᠡᠷᠭᠡ ᠪᠡᠷ ᠳᠡᠪᠡᠯ ᠦ᠋ᠨ ᠰᠠᠮᠫᠠᠨ ᠵᠠᠩᠭᠢᠳᠬᠤ ᠡᠬᠢᠨ ᠦ᠌ ᠭᠣᠭᠴᠣᠭᠠ ᠭᠠᠷᠭᠠᠬᠤ ᠲᠠᠢ ᠠᠳᠠᠯᠢ ᠭᠣᠭᠴᠣᠭᠠ ᠭᠠᠷᠭᠠᠵᠤ ᠨᠢᠭᠡ ᠠᠴᠠᠨ ᠳ᠋ᠤ᠌ ᠡᠯᠭᠦᠨᠡ᠃ ᠳᠠᠷᠠᠭᠠ ᠶ᠋ᠢᠨ ᠵᠠᠩᠭᠢᠯᠠᠭᠠ ᠳᠠᠬᠢᠨ ᠭᠣᠭᠴᠣᠭᠠ ᠭᠠᠷᠭᠠᠵᠤ ᠨᠥᠭᠦᠭᠡ ᠠᠴᠠᠨ ᠳ᠋ᠤᠨᠢ ᠡᠯᠭᠦᠭᠡᠳ ᠵᠠᠩᠭᠢᠳᠬᠤ᠂ ᠨᠠᠷᠢᠨ ᠤ᠋ ᠪᠠᠨ ᠤᠷᠲᠤ ᠦᠵᠦᠭᠦᠷ ᠢ᠋ ᠨᠠᠷᠠ ᠪᠤᠷᠤᠭᠤ ᠡᠷᠭᠢᠭᠦᠯᠦᠨ ᠥᠩᠭᠡᠨ ᠲᠠᠯᠠ ᠳ᠋ᠠᠭᠠᠨ ᠭᠠᠷᠭᠠᠵᠤ᠂ ᠰᠤᠯᠠ ᠠᠴᠠᠨ ᠤ᠋ ᠳᠡᠭᠡᠳᠦ ᠲᠠᠯᠠ ᠠ᠋ᠴᠠ ᠨᠢ ᠭᠣᠭᠴᠣᠭᠠ ᠶ᠋ᠢᠨ ᠳᠤᠮᠳᠠᠭᠤᠷ ᠭᠠᠷᠭᠠᠵᠤ ᠬᠠᠭᠤᠴᠢᠨ ᠭᠣᠭᠴᠣᠭᠠ ᠶ᠋ᠢ ᠮᠤᠯᠲᠤᠯᠤᠨ ᠰᠢᠨᠡ ᠪᠡᠷ ᠭᠣᠭᠴᠣᠭᠠᠯᠠᠳᠠᠵᠤ ᠵᠡᠭᠦᠨ ᠲᠠᠯᠠ ᠶ᠋ᠢᠨ ᠬᠢ ᠶ᠋ᠢ ᠮᠥᠨ ᠠᠳᠠᠯᠢ ᠳᠡᠭᠡᠭᠦᠷ ᠨᠢ ᠣᠷᠣᠭᠤᠯᠤᠨ ᠭᠣᠭᠴᠣᠭᠠ ᠪᠠᠨ ᠮᠤᠯᠲᠤᠯᠤᠨ ᠰᠢᠨᠡ ᠭᠣᠭᠴᠣᠭᠠ ᠡᠭᠦᠰᠬᠡᠬᠦ ᠵᠠᠮ ᠢ᠋ᠶ᠋ᠠᠷ ᠡᠭᠡᠯᠵᠢᠯᠡᠨ ᠭᠣᠭᠴᠣᠭᠠᠳᠠᠵᠤ ᠰᠦᠯᠵᠢᠬᠦ ᠳ᠋ᠦ᠍ ᠳᠥᠷᠪᠡᠨ ᠲᠠᠯᠠ ᠲᠠᠢ ᠵᠠᠩᠭᠢᠯᠠᠭᠠ ᠭᠠᠷᠤᠨᠠ᠃
ᠲᠡᠭᠦᠨ ᠢ᠋ ᠴᠠᠰᠢ 6， 8 ， 10 ᠭᠡᠬᠦ ᠮᠡᠲᠦ ᠬᠡᠳᠦᠨ ᠲᠠᠯᠠ ᠲᠠᠢ ᠵᠠᠩᠭᠢᠳᠴᠤ ᠪᠣᠯᠬᠤ ᠪᠠ ᠲᠡᠭᠦᠨ ᠢ᠋ ᠭᠣᠶᠣᠯ ᠴᠢᠮᠡᠭᠯᠡᠯ ᠳ᠋ᠦ᠍ ᠬᠡᠷᠡᠭᠯᠡᠨᠡ᠃
ᠵᠢᠷᠤᠭ 56
ᠠᠴᠠ ᠲᠠᠢ ᠰᠦᠯᠵᠢᠶᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠦᠯᠵᠡᠢᠪᠠᠭᠠᠲᠤᠷ᠂ ᠲᠣᠭᠳᠠᠭᠤᠨᠪᠠᠶᠠᠷ᠂ ᠱᠠᠭᠰᠠᠯ᠂ ᠡᠷᠳᠡᠨᠢᠭᠣᠤᠠ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ