ᠮᠣᠩᠭᠣᠯ ᠡᠮᠡᠭᠲᠡᠢ ᠶᠢᠨ ᠤᠷᠠᠨ ᠦᠢᠯᠡ-ᠴ ᠰᠣᠩᠭᠢᠨᠠ-ᠳᠥᠷᠪᠡᠳᠦᠭᠡᠷ ᠪᠦᠯᠦᠭ ᠠᠷᠠᠰᠤ ᠰᠢᠷᠢ ᠶ᠋ᠢᠨ ᠡᠳ᠋ᠯᠡᠯ ᠬᠢᠬᠦ ᠤᠷᠠᠯᠠᠯ02ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠭᠤᠲᠤᠯ
339ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠭᠤᠲᠤᠯ
ᠭᠤᠲᠤᠯ ᠵᠥᠪᠯᠡᠯᠲᠦ ᠬᠣᠯᠪᠣᠭᠠᠲᠤ ᠤᠯᠤᠰ ᠤ᠋ᠨ ᠨᠡᠷᠡᠲᠦ ᠰᠡᠳᠬᠦᠯᠴᠢ ᠵᠣᠬᠢᠶᠠᠯᠴᠢ ᠮ· ᠦ᠋ᠨ· ᠸᠠᠰᠢᠯᠧᠧᠨ《ᠬᠥᠮᠦᠨ ᠪᠠ ᠠᠳᠤᠭᠤᠰᠤ》 ᠭᠡᠳᠡᠭ ᠠᠯᠳᠠᠷᠲᠤ ᠵᠣᠬᠢᠶᠠᠯ ᠳ᠋ᠠᠭᠠᠨ ᠬᠥᠮᠦᠨ ᠬᠤᠪᠴᠠᠰᠤ ᠡᠮᠦᠰᠬᠦ ᠪᠣᠯᠤᠭᠰᠠᠨ ᠴᠠᠭ ᠠ᠋ᠴᠠ ᠪᠠᠨ ᠪᠠᠰᠠ ᠭᠤᠲᠤᠯ ᠠᠩᠬᠠ ᠡᠮᠦᠰᠳᠡᠭ ᠪᠣᠯᠵᠠᠢ᠃ ᠲᠡᠷᠡ ᠦᠶᠡ ᠶ᠋ᠢᠨ ᠭᠤᠲᠤᠯ ᠠᠩᠬᠠ ᠰᠫᠡᠯᠴᠣᠳ ᠲᠠᠢ ᠲᠠᠭᠠᠷᠠᠯᠳᠤᠭᠰᠠᠨ ᠵᠠᠷᠢᠮ ᠣᠪᠣᠭ ᠤ᠋ᠨ ᠬᠢᠨ ᠬᠥᠯ ᠳ᠋ᠡᠭᠡᠨ ᠰᠢᠷᠢ ᠴᠢᠭ ᠢ᠋ᠶ᠋ᠡᠷ ᠨᠢ ᠬᠣᠷᠴᠡᠢᠯᠭᠠᠨ ᠬᠠᠲᠠᠭᠠᠭᠰᠠᠨ ᠲᠠᠢ ᠯᠠ ᠲᠥᠰᠲᠡᠢ ᠪᠠᠢᠭᠰᠠᠨ ᠪᠠᠢᠵᠤ ᠲᠠᠭᠠᠷᠠᠨᠠ ᠪᠠᠢᠬᠠ᠃ ᠡᠮᠦᠨᠡᠲᠦ ᠠᠮᠧᠷᠢᠺᠠ ᠶ᠋ᠢᠨ ᠬᠢᠨ ᠠᠮᠢᠲᠠᠨ ᠤ᠋ ᠠᠷᠠᠰᠤ ᠶ᠋ᠢ ᠨᠣᠢᠲᠠᠨ ᠢ᠋ᠶ᠋ᠠᠷ ᠨᠢ ᠦᠰᠦ ᠶ᠋ᠢ ᠬᠤᠰᠤᠵᠤ ᠳᠣᠲᠣᠭᠰᠢ ᠬᠠᠷᠠᠭᠤᠯᠤᠨ ᠬᠥᠯ ᠳ᠋ᠡᠭᠡᠨ ᠬᠡᠪᠯᠡᠵᠦ ᠬᠥᠷᠥᠰᠥ ᠶ᠋ᠢ ᠨᠢ ᠭᠠᠯ ᠳ᠋ᠤ᠌ ᠡᠭᠡᠭᠡᠵᠦ ᠬᠠᠲᠠᠭᠠᠳᠠᠭ ᠪᠠᠢᠭᠰᠠᠨ ᠲᠤᠬᠠᠢ ᠳᠤᠷᠠᠳᠴᠠᠢ᠃ ᠳᠡᠭᠡᠷᠡ ᠦᠶᠡ ᠡᠴᠡ ᠬᠡᠷᠡᠭᠯᠡᠵᠦ ᠢᠷᠡᠭᠰᠡᠨ ᠥᠭᠡᠷᠡ ᠨᠢᠭᠡ ᠭᠤᠲᠤᠯ ᠪᠣᠯ ᠢᠰᠡᠭᠡᠢ ᠭᠤᠲᠤᠯ ᠪᠥᠭᠡᠳ ᠡᠭᠦᠨ ᠢ᠋ ᠬᠢᠬᠦ ᠳ᠋ᠡᠭᠡᠨ ᠮᠠᠯ ᠤ᠋ᠨ ᠨᠣᠣᠰᠣ ᠶ᠋ᠢ ᠵᠡᠭᠡᠭᠡᠭᠰᠡᠨ ᠰᠠᠢᠨ ᠰᠢᠷᠢᠯᠳᠦᠭᠦᠯᠵᠦ ᠬᠢᠳᠡᠭ᠃ ᠬᠥᠯ ᠳ᠋ᠦ᠍ ᠳᠤᠯᠠᠭᠠᠨ᠂ ᠲᠣᠬᠢᠷᠠᠮᠵᠢᠲᠠᠢ ᠲᠤᠯᠠ ᠣᠳᠣ ᠴᠤ ᠭᠡᠰᠡᠨ ᠬᠡᠷᠡᠭᠯᠡᠵᠦ ᠪᠠᠢᠨᠠ᠃ ᠭᠤᠲᠤᠯ ᠢ᠋ ᠵᠥᠪᠬᠡᠨ ᠮᠠᠯ ᠤ᠋ᠨ ᠠᠷᠠᠰᠤ ᠦᠰᠦ᠂ ᠤᠷᠭᠤᠮᠠᠯ ᠤ᠋ᠨ ᠭᠠᠷᠤᠯ ᠲᠠᠢ ᠵᠦᠢᠯ ᠢ᠋ᠶ᠋ᠡᠷ ᠬᠢᠬᠦ ᠡᠴᠡ ᠭᠠᠳᠠᠨᠠ ᠵᠠᠷᠢᠮ ᠣᠷᠣᠨ ᠳ᠋ᠤ᠌ ᠭᠡᠷ ᠦ᠋ᠨ ᠱᠠᠬᠠᠢ ᠶ᠋ᠢ ᠭᠦᠵᠡᠭᠡ᠂ ᠰᠠᠷᠬᠢᠨᠠᠭ ᠢ᠋ᠶ᠋ᠠᠷ ᠬᠦᠷᠲᠡᠯᠡ ᠬᠢᠳᠡᠭ᠃ ᠢᠰᠫᠠᠨᠢ ᠶ᠋ᠢᠨ ᠲᠠᠷᠢᠶᠠᠴᠢᠳ ᠣᠳᠣ ᠭᠡᠰᠡᠨ ᠳᠠᠷᠠᠰᠤ ᠪᠠᠷ ᠰᠦᠯᠵᠢᠭᠰᠡᠨ ᠠᠯᠢᠫᠠᠷᠭᠠᠨᠠᠰ ᠭᠡᠳᠡᠭ ᠭᠤᠲᠤᠯ ᠡᠮᠦᠰᠳᠡᠭ᠃ ᠡᠷᠲᠡᠨ ᠦ᠌ ᠭᠷᠧᠭ ᠦ᠋ᠳ ᠮᠣᠳᠣ ᠢᠯᠴᠦᠦ ᠪᠡᠷ ᠭᠤᠲᠤᠯ ᠬᠢᠵᠦ ᠬᠠᠴᠢᠨ ᠴᠠᠮᠢᠨ ᠤᠶᠠᠵᠤ ᠲᠣᠭᠲᠠᠭᠠᠳᠠᠭ ᠪᠠᠢᠵᠠᠢ᠃
ᠳᠡᠯᠡᠬᠡᠢ ᠶ᠋ᠢᠨ ᠬᠥᠮᠦᠨ ᠦ᠌ ᠬᠤᠪᠴᠠᠰᠤ ᠬᠡᠷᠡᠭᠯᠡᠯ ᠥᠭᠡᠷᠡ ᠥᠭᠡᠷᠡ ᠣᠯᠠᠨ ᠶᠠᠩᠵᠤ ᠶ᠋ᠢᠨ ᠬᠡᠯᠪᠡᠷᠢ ᠲᠡᠢ ᠪᠠᠢᠳᠠᠭ ᠰᠢᠭ᠋ ᠭᠤᠲᠤᠯ ᠮᠥᠨ ᠣᠯᠠᠨ ᠶᠠᠩᠵᠤ ᠶ᠋ᠢᠨ ᠬᠡᠯᠪᠡᠷᠢ ᠲᠡᠢ ᠠᠵᠢ᠃ ᠰᠡᠭᠦᠯ ᠦ᠋ᠨ100 ᠵᠢᠯ ᠳ᠋ᠦ᠍ ᠠᠰᠤᠷᠤ ᠶᠡᠬᠡ ᠥᠭᠡᠷᠡᠴᠢᠯᠡᠭᠳᠡᠵᠡᠢ᠃ ᠶᠠᠫᠣᠨ ᠳ᠋ᠤ᠌ ᠣᠯᠠᠨ ᠳ᠋ᠠᠭᠠᠨ ᠬᠣᠶᠠᠷ ᠵᠢᠵᠢᠭ ᠬᠥᠯ ᠲᠡᠢ ᠰᠢᠷᠡᠭᠡ ᠰᠢᠭ ᠬᠡᠯᠪᠡᠷᠢ ᠲᠡᠢ ᠭᠤᠲᠤᠯ ᠡᠮᠦᠰᠳᠡᠭ ᠪᠠᠢᠭᠰᠠᠨ ᠤ᠋ ᠭᠠᠳᠠᠨᠠ ᠭᠤᠲᠤᠯ ᠤ᠋ᠨ ᠬᠣᠩᠰᠢᠶᠠᠷ ᠨᠢᠭᠡ ᠦᠶᠡ ᠤᠷᠲᠤ ᠨᠠᠷᠢᠨ ᠪᠣᠯᠵᠤ᠂ ᠲᠤᠰᠬᠠᠢ ᠣᠭᠣᠰᠣᠷ ᠢ᠋ᠶ᠋ᠠᠷ ᠪᠥᠰᠡᠨ ᠳ᠋ᠦ᠍ ᠤᠶᠠᠵᠤ ᠲᠣᠭᠲᠠᠭᠠᠳᠠᠭ᠂ ᠵᠠᠷᠢᠮ ᠦᠶᠡ ᠳ᠋ᠦ᠍ ᠴᠠᠪᠴᠢᠵᠤ ᠬᠠᠶᠠᠭᠰᠠᠨ ᠶᠤᠮ ᠰᠢᠭ᠋ ᠳᠥᠷᠪᠡᠯᠵᠢᠨ ᠬᠣᠩᠰᠢᠶᠠᠷ ᠲᠠᠢ᠂ ᠮᠥᠨ ᠰᠤᠪᠤᠳ ᠢ᠋ᠶ᠋ᠠᠷ ᠬᠡ ᠲᠠᠯᠪᠢᠵᠤ ᠭᠤᠶᠤᠳᠠᠭ ᠪᠠᠢᠭᠰᠠᠨ ᠦᠶᠡ ᠴᠤ ᠪᠠᠢᠵᠠᠢ᠃ ᠠᠯᠢ ᠨᠢ ᠪᠣᠯᠪᠠᠴᠤ ᠦᠭᠡᠢᠰᠬᠡᠵᠦ ᠠᠯᠠᠭᠠ ᠪᠣᠯᠤᠭᠠ ᠦᠭᠡᠢ ᠥᠨᠥ ᠬᠢᠷᠢ ᠨᠢ ᠣᠯᠠᠨ ᠶᠠᠩᠵᠤ ᠶ᠋ᠢᠨ ᠬᠡᠯᠪᠡᠷᠢ ᠵᠠᠭᠪᠤᠷ ᠲᠠᠢ ᠬᠡᠪ ᠢ᠋ᠶ᠋ᠡᠷ ᠪᠠᠢᠨᠠ᠃
ᠬᠠᠷᠢᠨ ᠢᠷᠡᠭᠡᠳᠦᠢ ᠳ᠋ᠦ᠍ ᠶᠠᠮᠠᠷ ᠭᠤᠲᠤᠯ ᠲᠠᠢ ᠪᠣᠯᠬᠤ ᠶ᠋ᠢ ᠣᠳᠣ ᠪᠦᠷ ᠮᠡᠳᠡᠬᠦ ᠳ᠋ᠦ᠍ ᠪᠡᠷᠬᠡ᠃ ᠶᠠᠭᠤ ᠴᠤ ᠭᠡᠰᠡᠨ ᠡᠨᠡ ᠵᠠᠭᠤᠨ ᠳ᠋ᠤ᠌ ᠮᠢᠨᠦ᠋ᠲ ᠲᠦ᠍ ᠬᠣᠣᠰ ᠭᠤᠲᠤᠯ ᠦᠢᠯᠡᠳᠪᠦᠷᠢᠯᠡᠵᠦ ᠡᠬᠢᠯᠡᠯᠡ᠃ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠡᠷᠲᠡ ᠦᠶᠡ ᠶ᠋ᠢᠨ ᠭᠤᠲᠤᠯ ᠠᠳᠠᠯᠢ ᠪᠣᠯᠪᠠᠰᠤᠷᠠᠩᠭᠤᠢ ᠨᠣᠢᠲᠠᠨ ᠰᠢᠷᠢ ᠬᠡᠷᠡᠭᠯᠡᠵᠦ ᠪᠠᠢᠭᠰᠠᠨ ᠭᠡᠷᠡᠴᠢ ᠮᠣᠩᠭᠣᠯ ᠣᠪᠣᠭᠲᠠᠨ ᠤ᠋ ᠳᠣᠲᠣᠷᠠ ᠬᠣᠵᠢᠭᠤ ᠦᠶᠡ ᠳ᠋ᠦ᠍ ᠴᠤ ᠪᠠᠢᠵᠠᠢ᠃ ᠡᠨᠡ ᠭᠤᠲᠤᠯ ᠢ᠋ ᠮᠣᠩᠭᠣᠯᠴᠤᠳ ᠫᠠᠭᠠᠷᠲ᠋ᠢᠭ ᠭᠡᠵᠦ ᠨᠡᠷᠡᠯᠡᠳᠡᠭ ᠪᠠᠢᠭᠰᠠᠨ ᠤ᠋ ᠭᠠᠳᠠᠨᠠ ᠬᠢᠴᠡ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠨᠠᠭᠠᠬᠤ ᠪᠢᠰᠢ ᠬᠥᠯ ᠢ᠋ᠶ᠋ᠡᠨ ᠲᠠᠭᠠᠷᠠᠭᠤᠯᠤᠨ ᠨᠦᠬᠡᠯᠡᠨ ᠦᠳᠡᠭᠡᠷᠢ ᠪᠡᠷ ᠦᠳᠡᠳᠡᠭ ᠪᠠᠢᠭᠰᠠᠨ ᠨᠢ ᠲᠣᠷᠭᠤᠳ ᠦᠨᠳᠦᠰᠦᠲᠡᠨ ᠦ᠌ ᠲᠣᠣᠬᠦᠦ ᠭᠤᠲᠤᠯ ᠳ᠋ᠤ᠌ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠢᠨᠠ᠃
ᠳᠡᠯᠡᠬᠡᠢ ᠶ᠋ᠢᠨ ᠪᠣᠯᠤᠨ ᠮᠠᠨ ᠤ᠋ ᠣᠷᠣᠨ ᠤ᠋ ᠬᠥᠮᠦᠨ ᠦ᠌ ᠭᠤᠲᠤᠯ ᠣᠯᠠᠨ ᠶᠠᠩᠵᠤ ᠶ᠋ᠢᠨ ᠬᠡᠯᠪᠡᠷᠢ ᠳᠦᠷᠰᠦ ᠲᠡᠢ ᠶ᠋ᠢᠨ ᠳᠡᠭᠡᠷᠡ ᠲᠤᠰ ᠲᠤᠰ ᠤ᠋ᠨ ᠣᠨᠴᠠᠯᠢᠭ ᠲᠤ ᠲᠣᠬᠢᠷᠠᠭᠰᠠᠨ ᠪᠠᠢᠳᠠᠭ᠃ ᠮᠠᠨ ᠤ᠋ ᠣᠷᠣᠨ ᠳ᠋ᠤ᠌ ᠬᠡᠷᠡᠭᠯᠡᠵᠦ ᠢᠷᠡᠭᠰᠡᠨ ᠭᠤᠲᠤᠯ ᠲᠤᠰ ᠣᠷᠣᠨ ᠤ᠋ ᠪᠠᠢᠭᠠᠯᠢ ᠶ᠋ᠢᠨ ᠴᠠᠭ ᠠᠭᠤᠷ ᠤ᠋ᠨ ᠪᠣᠯᠤᠨ ᠨᠡᠭᠦᠳᠡᠯ ᠦ᠋ᠨ ᠮᠠᠯ ᠠᠵᠤ ᠠᠬᠤᠢ ᠶ᠋ᠢᠨ ᠣᠨᠴᠠᠯᠢᠭ ᠲᠤ ᠲᠣᠬᠢᠷᠠᠭᠰᠠᠨ ᠵᠤᠵᠠᠭᠠᠨ᠂ ᠳᠤᠯᠠᠭᠠᠨ ᠭᠤᠲᠤᠯ ᠪᠥᠭᠡᠳ ᠲᠤᠰ ᠣᠷᠣᠨ ᠳ᠋ᠤ᠌ ᠣᠷᠣᠰᠢᠨ ᠰᠠᠭᠤᠭᠠ ᠦᠨᠳᠦᠰᠦᠲᠡᠨ ᠦ᠌ ᠭᠤᠲᠤᠯ ᠬᠢᠬᠦ ᠵᠠᠭᠪᠤᠷ ᠬᠢᠭᠰᠡᠨ ᠡᠳ᠋ ᠢ᠋ᠶ᠋ᠡᠷ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠪᠠᠢᠳᠠᠭ᠃ ᠵᠢᠱ᠌ᠢᠶᠡ ᠨᠢ᠄ ᠬᠠᠯᠬᠠ ᠶ᠋ᠢᠨ ᠭᠤᠲᠤᠯ ᠡᠭᠡᠳᠡᠩ ᠬᠣᠰᠢᠭᠤ ᠲᠠᠢ ᠠᠭᠤᠵᠢᠮ ᠲᠦᠷᠡᠢ ᠲᠡᠢ ᠶ᠋ᠢᠨ ᠳᠡᠭᠡᠷᠡ ᠭᠣᠶᠣᠯ ᠤ᠋ᠨ ᠲᠠᠯᠠ ᠪᠠᠷ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠭᠤᠲᠤᠯ ᠥᠭᠡᠷᠡ ᠪᠢᠯᠡ᠃ ᠬᠠᠯᠬᠠ ᠶ᠋ᠢᠨ ᠡᠭᠡᠳᠡᠩ ᠭᠤᠲᠤᠯ ᠢ᠋ ᠣᠳᠣ ᠪᠠᠷ ᠨᠡᠢᠲᠡᠯᠢᠭ ᠡᠮᠦᠰᠳᠡᠭ ᠦᠭᠡᠢ ᠪᠣᠯᠪᠠᠴᠤ ᠮᠠᠨ ᠤ᠋ ᠠᠷᠠᠳ ᠤ᠋ᠨ ᠭᠠᠷ ᠤ᠋ᠨ ᠤᠷᠠ ᠰᠢᠩᠭᠡᠭᠰᠡᠨ ᠥᠪᠡᠷᠮᠢᠴᠡ ᠤᠷᠠᠯᠢᠭ ᠪᠥᠭᠡᠳ ᠣᠷᠴᠢᠨ ᠦᠶᠡ ᠳ᠋ᠦ᠍ ᠡᠷᠡ ᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤ᠋ᠨ ᠨᠢᠭᠡ ᠪᠣᠯᠬᠤ ᠦᠨᠳᠦᠰᠦᠲᠡᠨ ᠦ᠌ ᠪᠥᠬᠡ ᠶ᠋ᠢᠨ ᠪᠠᠷᠢᠯᠳᠤᠭᠠᠨ ᠳ᠋ᠤ᠌ ᠴᠢᠬᠤᠯᠠᠴᠢᠯᠠᠵᠤ ᠦᠵᠡᠳᠡᠭ ᠬᠤᠪᠴᠠᠰᠤ ᠶᠤᠮ᠃ ᠡᠭᠡᠳᠡᠩ ᠭᠤᠲᠤᠯ ᠪᠠᠷᠢᠯᠳᠤᠬᠤ ᠳ᠋ᠤ᠌ ᠲᠣᠬᠢᠷᠠᠮᠵᠢᠲᠠᠢ ᠶ᠋ᠢᠨ ᠳᠡᠭᠡᠷᠡ ᠬᠥᠯ ᠭᠡᠮᠲᠦᠬᠦ ᠬᠤᠭᠤᠯᠬᠤ ᠶ᠋ᠢ ᠬᠠᠮᠠᠭᠠᠯᠠᠵᠤ ᠬᠤᠯᠤᠰᠤ ᠰᠢᠷᠭᠤᠭᠤᠯᠤᠨ ᠪᠣᠭᠣᠳᠠᠭ ᠪᠠᠢᠵᠠᠢ᠃
ᠮᠣᠩᠭᠣᠯ ᠤ᠋ᠨ ᠡᠭᠡᠳᠡᠩ ᠭᠤᠲᠤᠯ ᠪᠥᠬᠡ ᠪᠠᠲᠤ᠂ ᠬᠠᠳᠠ ᠠᠭᠤᠯᠠᠨ ᠳ᠋ᠤ᠌ ᠶᠠᠪᠠᠭᠠᠨ ᠢ᠋ᠶ᠋ᠠᠷ ᠶᠠᠪᠤᠬᠤ ᠳ᠋ᠤ᠌ ᠬᠢᠯᠪᠠᠷ ᠤᠷᠠᠭᠳᠠᠳᠠᠭ ᠦᠭᠡᠢ ᠳᠤᠯᠠᠭᠠᠨ ᠤᠴᠢᠷ ᠮᠠᠨ ᠤ᠋ ᠮᠠᠯᠴᠢᠳ ᠥᠷᠭᠡᠨ ᠬᠡᠷᠡᠭᠯᠡᠵᠦ ᠪᠠᠢᠨᠠ᠃ ᠮᠣᠩᠭᠣᠯ ᠭᠤᠲᠤᠯ ᠢ᠋ ᠬᠠᠲᠠᠭᠤ ᠪᠤᠯᠢᠭᠠᠷᠢ ᠪᠠᠷ ᠬᠢᠬᠦ ᠪᠥᠭᠡᠳ ᠦᠢᠯᠡᠳᠪᠦᠷᠢ ᠳ᠋ᠦ᠍ ᠬᠢᠭᠳᠡᠵᠦ ᠪᠠᠢᠭᠠ ᠭᠤᠲᠤᠯ ᠬᠡᠪ ᠮᠠᠶᠢᠭ ᠤ᠋ᠨ ᠬᠤᠪᠢ ᠳ᠋ᠤ᠌ ᠰᠠᠢᠵᠢᠷᠠᠵᠤ ᠠᠷᠠᠳ ᠲᠦᠮᠡᠨ ᠦ᠌ ᠥᠷᠭᠡᠨ ᠪᠠᠷᠠᠭᠠᠨ ᠤ᠋ ᠨᠢᠭᠡ ᠪᠣᠯᠵᠤ ᠪᠠᠢᠨᠠ᠃ ᠮᠣᠩᠭᠣᠯᠴᠤᠳ ᠭᠤᠲᠤᠯ ᠢ᠋ ᠨᠠᠭᠠᠮᠠᠯ ᠰᠢᠷᠢᠮᠡᠯ ᠪᠤᠶᠤ ᠢᠰᠡᠭᠡᠢ ᠤᠯᠠ ᠲᠠᠢ ᠬᠢᠵᠦ ᠰᠢᠷᠢᠮᠡᠯ ᠤᠯᠠ ᠲᠠᠢ ᠭᠤᠲᠤᠯ ᠢ᠋ ᠵᠤᠨ᠂ ᠢᠰᠡᠭᠡᠢ ᠤᠯᠠ ᠲᠠᠢ ᠭᠤᠲᠤᠯ ᠢ᠋ ᠡᠪᠦᠯ ᠡᠮᠦᠰᠳᠡᠭ᠃
ᠮᠣᠩᠭᠣᠯ ᠭᠤᠲᠤᠯ ᠢ᠋ ᠡᠰᠬᠡᠬᠦ ᠳ᠋ᠡᠭᠡᠨ ᠡᠬᠢᠯᠡᠭᠡᠳ ᠲᠦᠷᠡᠢ ᠶ᠋ᠢ ᠡᠰᠬᠡᠨᠡ᠃ ᠳᠠᠷᠠᠭᠠ ᠨᠢ ᠲᠡᠭᠦᠨ ᠳ᠋ᠡᠭᠡᠨ ᠲᠣᠬᠢᠷᠠᠭᠤᠯᠵᠤ ᠵᠤᠯᠤᠭ ᠢ᠋ ᠡᠰᠬᠡᠬᠦ ᠪᠠ ᠬᠡ ᠤᠭᠠᠯᠵᠠ ᠲᠠᠯᠪᠢᠬᠤ ᠳ᠋ᠠᠭᠠᠨ ᠱᠠᠭᠠᠢ( ᠱᠠᠭᠠ)᠂ ᠵᠤᠯᠤᠭ᠂ ᠥᠰᠥᠭᠡᠢ᠂ ᠥᠯᠮᠡᠢ ᠶ᠋ᠢᠨ ᠬᠡ ᠶ᠋ᠢ ᠲᠤᠰ ᠲᠤᠰ ᠲᠠᠯᠪᠢᠵᠤ ᠲᠦᠷᠡᠢ ᠶ᠋ᠢ ᠡᠮᠵᠢᠵᠦ 1—3 ᠰᠡᠷᠢᠰᠦ ᠬᠠᠪᠴᠢᠨ ᠪᠢᠲᠡᠭᠦᠯᠡᠵᠦ ᠣᠶᠣᠨᠠ᠃ ᠰᠡᠷᠢᠰᠦ ᠶ᠋ᠢ ᠬᠣᠶᠠᠷ᠂ ᠭᠤᠷᠪᠠ ᠪᠠᠷ ᠬᠠᠪᠴᠢᠬᠤ ᠳ᠋ᠠᠭᠠᠨ ᠮᠠᠰᠢ ᠲᠡᠭᠰᠢᠬᠡᠨ ᠵᠦᠰᠦᠭᠰᠡᠨ ᠭᠤᠷᠪᠠᠨ ᠰᠡᠷᠢᠰᠦ ᠶ᠋ᠢ ᠴᠠᠭᠠᠨᠠ᠂ ᠨᠠᠭᠠᠨᠠ ᠬᠠᠵᠠᠭᠠᠢ ᠮᠤᠷᠤᠢ ᠦᠭᠡᠢ ᠵᠢᠭᠳᠡ ᠴᠤᠬᠤᠢᠯᠭᠠᠨ ᠬᠠᠪᠴᠢᠵᠤ ᠵᠡᠭᠦᠦ ᠶ᠋ᠢᠨ ᠰᠢᠪᠦᠭᠡ ᠪᠡᠷ ᠴᠣᠭᠣᠯᠵᠤ ᠲᠡᠷᠡ ᠨᠦᠬᠡ ᠪᠡᠷ ᠢ᠋ᠶ᠋ᠡᠨ ᠰᠢᠷᠪᠥᠰᠥ ᠪᠡᠷ ᠣᠶᠣᠨᠠ᠃ ᠢᠩᠭᠢᠵᠦ ᠪᠡᠶᠡ ᠶ᠋ᠢ ᠣᠶᠣᠭᠰᠠᠨ ᠤ᠋ ᠳᠠᠷᠠᠭᠠ ᠥᠰᠥᠭᠡᠢ ᠳ᠋ᠦ᠍ᠨᠢ ᠬᠠᠲᠠᠭᠤᠯᠢᠭ ᠵᠠᠤᠵᠠᠢ ᠶ᠋ᠢ ᠬᠠᠳᠠᠨᠠ᠃ ᠵᠠᠤᠵᠠᠢ ᠶ᠋ᠢ ᠬᠢᠬᠦ ᠳ᠋ᠡᠭᠡᠨ ᠳᠡᠭᠡᠳᠦ ᠲᠠᠯᠠ ᠨᠢ ᠳᠤᠭᠤᠢ᠂ ᠳᠣᠭᠣᠭᠰᠢ ᠪᠠᠨ ᠥᠷᠭᠡᠨ ᠡᠰᠬᠡᠵᠦ ᠬᠡᠳᠦ ᠬᠡᠳᠦᠨ ᠳᠠᠪᠤᠤ ᠳᠠᠪᠬᠤᠷᠯᠠᠨ ᠨᠠᠭᠠᠭᠠᠳ ᠲᠡᠭᠦᠨ ᠢ᠋ᠶ᠋ᠡᠨ ᠰᠢᠷᠢᠵᠦ ᠬᠠᠲᠠᠭᠤᠷᠠᠭᠤᠯᠤᠨ ᠵᠠᠬᠠ ᠶ᠋ᠢ ᠨᠠᠷᠢᠨ ᠣᠯᠣᠰᠣ ᠪᠠᠷ ᠬᠦᠪᠦᠷᠢᠳᠴᠦ ᠥᠰᠥᠭᠡᠢ ᠳ᠋ᠦ᠍ ᠬᠠᠳᠠᠨᠠ᠃
ᠤᠯᠠ ᠬᠢᠬᠦ ᠭᠤᠲᠤᠯ ᠤ᠋ᠨ ᠤᠯᠠ ᠶ᠋ᠢ ᠬᠢᠬᠦ ᠳ᠋ᠡᠭᠡᠨ ᠶᠡᠬᠡ ᠪᠡᠶᠡ ᠪᠤᠶᠤ ᠵᠤᠯᠤᠭ ᠤ᠋ᠨ ᠬᠡᠮᠵᠢᠶᠡ ᠶ᠋ᠢ ᠠᠪᠴᠤ ᠲᠡᠭᠦᠨ ᠳ᠋ᠡᠭᠡᠨ ᠲᠣᠬᠢᠷᠠᠭᠤᠯᠤᠨ ᠤᠯᠠ ᠶ᠋ᠢ ᠡᠰᠬᠡᠨᠡ᠃ ᠬᠡᠷᠪᠡ ᠢᠰᠡᠭᠡᠢ ᠪᠡᠷ ᠤᠯᠠ ᠬᠢᠬᠦ ᠪᠣᠯ1—2 ᠰᠢᠷᠬᠡᠭ ᠤᠯᠠ ᠶ᠋ᠢᠨ ᠵᠠᠭᠪᠤᠷ ᠢ᠋ᠶ᠋ᠠᠨ ᠬᠠᠢᠴᠢᠯᠠᠵᠤ ᠵᠠᠪᠰᠠᠷ ᠨᠢ ᠵᠢᠵᠢᠭ ᠢᠰᠡᠭᠡᠢ ᠬᠠᠪᠴᠢᠭᠤᠯᠤᠨ ᠬᠡᠳᠦ ᠬᠡᠳᠦ ᠳᠠᠪᠬᠤᠷᠯᠠᠨ ᠰᠢᠷᠢᠬᠦ ᠮᠠᠶᠢᠭ ᠢ᠋ᠶ᠋ᠠᠷ ᠣᠶᠣᠨᠠ᠃ ᠡᠭᠦᠨ ᠢ᠋ ᠬᠠᠯᠬᠠᠴᠤᠳ ᠤᠯᠠ ᠭᠦᠶᠦᠯᠭᠡᠬᠦ ᠭᠡᠵᠦ ᠶᠠᠷᠢᠳᠠᠭ᠃ ᠤᠯᠠ ᠪᠠᠨ ᠭᠦᠶᠦᠯᠭᠡᠬᠦ ᠶᠠᠪᠤᠴᠠ ᠳ᠋ᠠᠭᠠᠨ ᠳᠣᠲᠣᠭᠰᠢ ᠨᠢ ᠲᠠᠲᠠᠵᠤ ᠣᠶᠣᠳᠠᠯ ᠢ᠋ᠶ᠋ᠠᠷ ᠴᠢᠩᠭᠠᠯᠠᠵᠤ ᠡᠭᠡᠳᠡᠩ ᠤᠯᠠ ᠪᠣᠯᠭᠠᠨᠠ᠃ ᠳᠠᠷᠠᠭᠠ ᠨᠢ ᠤᠯᠠ ᠶ᠋ᠢᠨ ᠵᠠᠬᠠ ᠶ᠋ᠢᠨ ᠦ ᠶ᠋ᠢ ᠬᠠᠯᠠᠭᠤᠨ ᠲᠡᠮᠦᠷ ᠢ᠋ᠶ᠋ᠡᠷ ᠬᠠᠭᠠᠷᠢᠵᠤ ᠨᠢᠭᠡ ᠵᠢᠭᠳᠡ ᠪᠣᠯᠭᠠᠭᠠᠳ ᠲᠡᠭᠦᠨ ᠳ᠋ᠡᠭᠡᠨ ᠴᠠᠭᠠᠨ ᠳᠠᠪᠤᠤ ᠨᠠᠭᠠᠨᠠ᠃ ᠢᠩᠭᠢᠵᠦ ᠨᠠᠭᠠᠭᠰᠠᠨ ᠴᠠᠭᠠᠨ ᠳᠠᠪᠤᠤ ᠶ᠋ᠢᠨ ᠢ᠋ᠶ᠋ᠡᠨ ᠳᠡᠭᠡᠳᠦ ᠵᠠᠬᠠ ᠪᠠᠷ ᠰᠠᠪᠢᠬᠢ᠂ ᠰᠡᠷᠢᠰᠦ᠂ ᠢᠯᠭᠢ ᠪᠡᠷ ᠬᠡᠦᠬᠡᠨ ᠤᠯᠠ ᠳᠠᠷᠤᠭᠤᠯᠵᠤ ᠣᠶᠣᠨᠠ᠃ ᠡᠭᠦᠨ ᠦ᠌ ᠳᠠᠷᠠᠭᠠ ᠡᠮᠵᠢᠭᠰᠡᠨ ᠴᠠᠭᠠᠨ ᠳᠠᠪᠤᠤ ᠶ᠋ᠢᠨ ᠳᠡᠭᠡᠭᠦᠷ ᠢ᠋ᠶ᠋ᠡᠨ ᠬᠡᠯᠡᠬᠦ ᠮᠠᠶᠢᠭ ᠢ᠋ᠶ᠋ᠠᠷ3—4 ᠤᠳᠠᠭᠠ ᠬᠣᠣᠰ ᠢ᠋ᠶ᠋ᠠᠷ ᠰᠢᠷᠢᠵᠦ ᠣᠶᠣᠨᠠ᠃ ᠡᠭᠦᠨ ᠢ᠋ ᠡᠮᠵᠢᠶᠡᠷᠢ ᠲᠠᠭᠤᠴᠠᠬᠤ ᠭᠡᠵᠦ ᠶᠠᠷᠢᠳᠠᠭ᠃
ᠢᠩᠭᠢᠵᠦ ᠪᠡᠯᠡᠨ ᠪᠣᠯᠤᠭᠰᠠᠨ ᠤᠯᠠ ᠳᠡᠭᠡᠷᠡ ᠦᠬᠡᠷ᠂ ᠠᠳᠤᠭᠤᠨ ᠤ᠋ ᠨᠣᠢᠲᠠᠨ ᠰᠢᠷᠢ ᠬᠠᠳᠠᠨᠠ᠃ ᠰᠢᠷᠢ ᠶ᠋ᠢ ᠤᠰᠤᠨ ᠳ᠋ᠤ᠌ ᠬᠢᠵᠦ ᠳᠡᠪᠲᠦᠭᠡᠭᠡᠳ ᠤᠯᠠ ᠳ᠋ᠤ᠌1—2 ᠬᠤᠷᠤᠭᠤ ᠢᠯᠡᠭᠦᠦ ᠵᠦᠰᠦᠵᠦ ᠤᠯᠠ ᠶ᠋ᠢᠨ ᠢ᠋ᠶ᠋ᠡᠨ ᠬᠣᠰᠢᠭᠤ ᠠ᠋ᠴᠠ ᠡᠬᠢᠯᠡᠨ ᠣᠶᠣᠨᠠ᠃ ᠰᠢᠷᠢ ᠬᠠᠲᠠᠬᠤ ᠶ᠋ᠢᠨ ᠲᠤᠯᠠᠳᠠ ᠰᠢᠪᠦᠭᠡ ᠪᠡᠨ ᠳᠣᠣᠷᠠ ᠨᠢ ᠲᠠᠯᠪᠢᠭᠠᠳ ᠳᠡᠭᠡᠷᠡ ᠡᠴᠡ ᠨᠢ ᠥᠩᠭᠡᠴᠡᠬᠡᠨ ᠵᠢᠵᠢᠭ ᠵᠦᠰᠦᠭᠡᠳ ᠤᠯᠠ ᠲᠠᠢ ᠪᠠᠨ ᠬᠠᠮᠲᠤ ᠴᠣᠭᠣᠯᠵᠤ ᠰᠢᠪᠦᠭᠡᠳᠡᠭᠡᠳ ᠬᠣᠯᠠᠬᠠᠨ ᠵᠠᠢ ᠲᠠᠢ ᠲᠣᠭᠣᠷᠢᠭᠤᠯᠤᠨ ᠣᠯᠣᠰᠣ᠂ ᠦᠬᠡᠷ ᠦ᠋ᠨ ᠬᠢᠯᠭᠠᠰᠤ ᠬᠣᠯᠢᠵᠤ ᠲᠠᠮᠤᠭᠰᠠᠨ ᠤᠯᠠᠯᠠᠭᠠᠨ ᠤᠲᠠᠰᠤ ᠪᠠᠷ ᠣᠶᠣᠵᠤ ᠬᠠᠳᠠᠨᠠ᠃ ᠰᠢᠷᠢ ᠶ᠋ᠢ ᠬᠠᠲᠠᠭᠰᠠᠨ ᠤ᠋ ᠳᠠᠷᠠᠭᠠ ᠢᠯᠡᠭᠦᠦ ᠰᠢᠷᠢ ᠶ᠋ᠢ ᠭᠤᠲᠤᠯ ᠤ᠋ᠨ ᠤᠯᠠ ᠠ᠋ᠴᠠ ᠴᠦᠳᠡᠨᠵᠡ ᠶ᠋ᠢᠨ ᠮᠣᠳᠣᠨ ᠤ᠋ ᠬᠢᠷᠢ ᠲᠡᠢ ᠢᠯᠡᠭᠦᠦ ᠦᠯᠡᠳᠡᠭᠡᠵᠦ ᠦᠭᠡᠯᠡᠨᠡ᠃ ᠢᠩᠭᠢᠵᠦ ᠤᠯᠠ ᠪᠡᠯᠡᠨ ᠪᠣᠯᠣᠮᠠᠭᠴᠠ ᠭᠤᠲᠤᠯ ᠤ᠋ᠨ ᠶᠡᠬᠡ ᠪᠡᠶᠡ ᠶ᠋ᠢ ᠵᠠᠯᠭᠠᠨ ᠣᠶᠣᠨᠠ᠃
1. ᠰᠢᠷᠢᠮᠡᠯ ᠤᠯᠠ ᠬᠢᠬᠦ ᠬᠠᠯᠬᠠ ᠶ᠋ᠢᠨ ᠰᠢᠷᠢᠮᠡᠯ ᠤᠯᠠ ᠶ᠋ᠢ ᠬᠠᠶᠠᠭᠳᠠᠯ ᠠᠰᠢᠭᠯᠠᠵᠤ ᠬᠢᠳᠡᠭ ᠤᠴᠢᠷ ᠭᠠᠳᠠᠨᠠ ᠠ᠋ᠴᠠ ᠮᠠᠲ᠋ᠧᠷᠢᠶᠠᠯ ᠬᠠᠢᠬᠤ ᠦᠭᠡᠢ ᠪᠥᠬᠡ ᠪᠠᠲᠤ ᠬᠠᠮᠤᠭ ᠤ᠋ᠨ ᠰᠠᠢᠨ ᠤᠯᠠ ᠪᠥᠭᠡᠳ ᠦᠨᠳᠦᠰᠦᠲᠡᠨ ᠦ᠌ ᠪᠥᠬᠡ ᠶ᠋ᠢᠨ ᠭᠤᠲᠤᠯ ᠳ᠋ᠤ᠌ ᠨᠡᠩ ᠶᠡᠬᠡ ᠲᠣᠬᠢᠷᠠᠮᠵᠢᠲᠠᠢ ᠪᠢᠯᠡ᠃ ᠰᠢᠷᠢᠮᠡᠯ ᠤᠯᠠ ᠶ᠋ᠢ ᠬᠢᠬᠦ ᠳ᠋ᠡᠭᠡᠨ ᠡᠬᠢᠯᠡᠭᠡᠳ ᠭᠤᠲᠤᠯ ᠤ᠋ᠨ ᠶᠡᠬᠡ ᠪᠡᠶᠡ ᠳ᠋ᠦ᠍ ᠲᠠᠭᠠᠷᠠᠭᠤᠯᠤᠨ ᠨᠢᠭᠡ ᠳᠠᠩ ᠤᠯᠠ ᠬᠠᠢᠴᠢᠯᠠᠵᠤ1—2 ᠳᠠᠪᠬᠤᠷᠯᠠᠨ ᠳᠠᠪᠤᠤ ᠶ᠋ᠢᠨ ᠳᠡᠭᠡᠷᠡ ᠨᠠᠭᠠᠨᠠ᠃
ᠵᠢᠷᠤᠭ52
ᠭᠤᠲᠤᠯ ᠤᠯᠠᠯᠠᠬᠤ ᠠᠵᠢᠯᠯᠠᠭᠠ
ᠵᠢᠷᠤᠭ53
(1) ᠬᠡᠦᠬᠡᠨ ᠤᠯᠠ ᠰᠠᠭᠤᠯᠭᠠᠵᠤ ᠪᠠᠢᠭᠠ ᠪᠠᠢᠳᠠᠯ
(2) ᠡᠭᠦᠳᠡᠯᠡᠨ ᠰᠢᠷᠢᠵᠦ ᠪᠠᠢᠭᠠ ᠪᠠᠢᠳᠠᠯ
ᠵᠢᠷᠤᠭ54
(1) ᠬᠠᠯᠬᠠ ᠡᠭᠡᠳᠡᠩ ᠭᠤᠲᠤᠯ(12 ᠬᠣᠰᠢᠶᠠᠨ ᠲᠠᠢ)
(2) ᠳᠣᠷᠭᠣᠨ ᠭᠤᠲᠤᠯ
(3) ᠳᠠᠷᠬᠠᠳ᠂ ᠴᠠ ᠲᠠᠨ ᠤ᠋ ᠭᠤᠲᠤᠯ
(4) ᠪᠤᠷᠢᠶᠠᠳ ᠭᠤᠲᠤᠯ
2. ᠤᠭ ᠨᠠᠭᠠᠭᠰᠠᠨ ᠳᠠᠪᠤᠤ ᠪᠠᠨ ᠶᠠᠭ ᠤᠯᠠ ᠶ᠋ᠢᠨ ᠢ᠋ᠶ᠋ᠡᠨ ᠡᠰᠬᠡᠭᠦᠷ ᠲᠦ᠍ ᠲᠠᠭᠠᠷᠠᠭᠤᠯᠤᠨ ᠢᠯᠡᠭᠦᠦ ᠳᠠᠪᠤᠤ ᠶ᠋ᠢ ᠬᠠᠢᠴᠢᠯᠠᠵᠤ ᠴᠠᠭᠠᠨ ᠳᠠᠪᠤᠤ ᠪᠠᠷ ᠵᠠᠬᠠ ᠶ᠋ᠢ ᠡᠮᠵᠢᠵᠦ ᠨᠠᠭᠠᠨᠠ᠃
3.ᠤᠯᠠ ᠡᠮᠵᠢᠬᠦ ᠳᠠᠪᠤᠤ ᠶ᠋ᠢ ᠲᠡᠭᠰᠢ ᠨᠠᠷᠢᠬᠠᠨ ᠬᠠᠢᠴᠢᠯᠠᠵᠤ ᠲᠡᠭᠦᠨ ᠦ᠌ ᠪᠡᠨ ᠳᠣᠲᠣᠷᠠ ᠨᠢᠭᠡ ᠳᠠᠩ ᠴᠠᠪᠤᠭ ᠪᠠᠷᠢᠬᠤ ᠪᠤᠶᠤ ᠣᠭᠲᠣ ᠪᠠᠷᠢᠯ ᠦᠭᠡᠢ ᠤᠷᠲᠤ ᠡᠮᠵᠢᠶᠡᠷᠢ ᠪᠡᠨ ᠳᠠᠪᠬᠤᠷᠯᠠᠨ ᠨᠠᠭᠠᠨᠠ᠃ ᠡᠭᠦᠨ ᠢ᠋ ᠪᠡᠨ ᠤᠯᠠ ᠶ᠋ᠢᠨ ᠢ᠋ᠶ᠋ᠡᠨ ᠠᠩᠬᠠᠨ ᠤ᠋ ᠡᠮᠵᠢᠶᠡᠷᠢ ᠳ᠋ᠦ᠍ ᠵᠠᠭᠪᠤᠷ ᠳᠡᠭᠡᠷᠡ ᠲᠡᠭᠰᠢᠬᠡᠨ ᠳᠠᠪᠬᠤᠷᠯᠠᠵᠤ ᠨᠠᠭᠠᠭᠠᠳ ᠳᠣᠲᠣᠷ ᠲᠠᠯᠠ ᠪᠣᠯᠤᠨ ᠡᠮᠵᠢᠶᠡᠷᠢ ᠶ᠋ᠢ ᠳᠡᠷᠡᠯᠡᠭᠦᠯᠦᠨ ᠭᠠᠳᠠᠭᠰᠢ ᠨᠢ ᠢᠯᠡᠭᠦᠳᠡᠭᠦᠯᠬᠦ ᠦᠭᠡᠢ ᠪᠡᠷ ᠥᠭᠡᠷᠡ ᠬᠠᠭᠤᠴᠢᠨ ᠳᠠᠪᠤᠤ ᠬᠠᠢᠴᠢᠯᠠᠵᠤ ᠨᠠᠭᠠᠨᠠ᠃ ᠢᠩᠭᠢᠵᠦ ᠤᠯᠠ ᠪᠠᠨ ᠨᠠᠭᠠᠵᠤ ᠳᠠᠭᠤᠰᠤᠭᠰᠠᠨ ᠤ᠋ ᠳᠠᠷᠠᠭᠠ ᠬᠠᠪᠲᠠᠭᠠᠢ1—2 ᠳᠠᠪᠬᠤᠷ ᠳᠠᠪᠤᠤ ᠨᠠᠭᠠᠵᠤ ᠮᠣᠳᠣᠨ ᠳᠡᠭᠡᠷᠡ ᠡᠴᠡ ᠪᠡᠨ ᠬᠣᠰᠢᠭᠤ ᠲᠠᠯᠠ ᠶ᠋ᠢ ᠬᠠᠭᠤᠯᠵᠤ ᠥᠨᠳᠥᠷᠯᠡᠨ ᠡᠭᠡᠳᠡᠩ ᠤᠯᠠ ᠶ᠋ᠢᠨ ᠬᠡᠯᠪᠡᠷᠢ ᠳ᠋ᠦ᠍ ᠣᠷᠣᠭᠤᠯᠵᠤ ᠬᠤᠰᠢᠭᠤᠨ ᠤ᠋ ᠠᠷᠤ ᠳ᠋ᠤ᠌ ᠳᠠᠪᠤᠤ ᠬᠤᠢᠯᠠᠨ ᠢᠪᠡᠵᠦ ᠥᠭᠭᠦᠨᠡ᠃ ᠤᠯᠠ ᠶ᠋ᠢ ᠭᠦᠢᠴᠡᠳ ᠬᠠᠳᠠᠮᠠᠭᠴᠠ ᠠᠷᠤ ᠲᠠᠯᠠ ᠳ᠋ᠤᠨᠢ ᠦᠷᠭᠦᠯᠵᠢ ᠴᠠᠭᠠᠨ ᠳᠠᠪᠤᠤ ᠲᠠᠯᠪᠢᠵᠤ ᠨᠠᠭᠠᠭᠠᠳ ᠰᠢᠷᠢᠨᠡ᠃ ᠤᠯᠠ ᠰᠢᠷᠢᠬᠦ ᠳ᠋ᠦ᠍ ᠵᠠᠳᠠᠭᠠᠢ ᠣᠯᠣᠰᠣ ᠶ᠋ᠢ ᠨᠠᠷᠢᠬᠠᠨ ᠲᠠᠮᠤᠬᠤ ᠪᠤᠶᠤ ᠦᠢᠯᠡᠳᠪᠦᠷᠢ ᠡᠴᠡ ᠭᠠᠷᠤᠭᠰᠠᠨ ᠪᠡᠯᠡᠨ ᠪᠥᠭᠡᠷᠡᠩᠬᠡᠢ ᠣᠯᠣᠰᠣ ᠪᠠᠷ ᠰᠢᠷᠢᠨᠡ᠃ ᠤᠯᠠ ᠶ᠋ᠢ ᠰᠢᠷᠢᠬᠦ ᠶ᠋ᠢᠨ ᠢ᠋ᠶ᠋ᠡᠨ ᠡᠮᠦᠨᠡ ᠬᠡᠦᠬᠡᠨ ᠤᠯᠠ ᠶ᠋ᠢ ᠰᠠᠭᠤᠯᠭᠠᠬᠤ ᠪᠠ ᠡᠭᠦᠨ ᠢ᠋ ᠬᠢᠬᠦ ᠳ᠋ᠡᠭᠡᠨ ᠬᠡᠳᠦ ᠬᠡᠳᠦ ᠳᠠᠪᠬᠤᠷᠯᠠᠨ ᠨᠠᠭᠠᠭᠰᠠᠨ ᠤᠯᠠ ᠳᠠᠪᠤᠤ ᠶ᠋ᠢᠨ ᠵᠠᠬᠠ ᠶ᠋ᠢ ᠰᠡᠷᠢᠰᠦ᠂ ᠰᠠᠪᠢᠬᠢ ᠪᠠᠷ ᠡᠮᠵᠢᠨ ᠪᠡᠬᠢᠯᠡᠵᠦ ᠰᠢᠷᠢᠨᠡ᠃ ᠤᠯᠠ ᠶ᠋ᠢ ᠰᠢᠷᠢᠬᠦ ᠳ᠋ᠡᠭᠡᠨ ᠵᠡᠭᠦᠦ ᠶ᠋ᠢᠨ ᠰᠢᠪᠦᠭᠡ ᠪᠡᠷ ᠰᠢᠪᠦᠭᠡᠳᠡᠵᠦ ᠴᠤᠭᠤᠯᠤᠭᠠᠳ ᠪᠦᠳᠦᠭᠦᠨ ᠤᠷᠲᠤ ᠵᠡᠭᠦᠦ ᠳ᠋ᠦ᠍ ᠣᠯᠣᠰᠣ ᠰᠦᠪᠡᠯᠡᠨ ᠰᠢᠷᠢᠨᠡ᠃ ᠤᠯᠠ ᠰᠢᠷᠢᠬᠦ ᠳ᠋ᠦ᠍ ᠰᠢᠷᠢᠭᠡᠰᠦ ᠶ᠋ᠢ ᠵᠡᠷᠭᠡᠴᠡᠭᠦᠯᠦᠨ ᠰᠢᠷᠢᠬᠦ ᠦᠭᠡᠢ ᠡᠭᠦᠳᠡᠯᠡᠨ ᠰᠢᠷᠢᠨᠡ᠃ ᠢᠩᠭᠢᠵᠦ ᠰᠢᠷᠢᠵᠦ ᠪᠡᠯᠡᠨ ᠪᠣᠯᠤᠭᠰᠠᠨ ᠤᠯᠠ ᠶ᠋ᠢ ᠰᠢᠷᠢ ᠬᠠᠲᠠᠬᠤ ᠦᠭᠡᠢ ᠰᠢᠭᠤᠳ ᠶᠡᠬᠡ ᠪᠡᠶᠡ ᠳ᠋ᠡᠭᠡᠨ ᠵᠠᠯᠭᠠᠨ ᠤᠯᠠᠯᠠᠨᠠ᠃ ᠮᠥᠨ ᠰᠢᠷᠢᠮᠡᠯ ᠤᠯᠠ ᠶ᠋ᠢ ᠨᠢᠮᠭᠡᠨ ᠨᠠᠭᠠᠭᠠᠳ ᠬᠣᠰᠢᠭᠤ ᠶ᠋ᠢ ᠡᠭᠡᠳᠡᠩ ᠪᠣᠯᠭᠠᠯ ᠦᠭᠡᠢ ᠡᠨᠳᠡ ᠲᠡᠨᠳᠡ ᠲᠣᠪᠰᠢᠨ ᠰᠢᠷᠢᠵᠦ ᠭᠡᠷ ᠦ᠋ᠨ ᠱᠠᠬᠠᠢ ᠳ᠋ᠤ᠌ ᠤᠯᠠ ᠬᠢᠬᠦ ᠳ᠋ᠦ᠍ ᠲᠣᠬᠢᠷᠠᠮᠵᠢᠲᠠᠢ ᠪᠥᠭᠡᠳ ᠬᠠᠶᠠᠭᠳᠠᠯ ᠬᠠᠭᠤᠴᠢᠨ ᠳᠠᠪᠤᠤ ᠶ᠋ᠢᠨ ᠥᠭᠡᠳᠡᠰᠦ ᠪᠡᠷ ᠬᠢᠳᠡᠭ ᠤᠴᠢᠷ ᠥᠪᠡᠷ ᠦ᠋ᠨ ᠥᠷᠲᠡᠭ ᠬᠢᠮᠳᠠ ᠪᠥᠬᠡ ᠪᠠᠲᠤ ᠤᠯᠠ ᠪᠣᠯᠤᠨᠠ᠃
ᠬᠠᠯᠬᠠ ᠶ᠋ᠢᠨ ᠭᠣᠶᠣᠯ ᠤ᠋ᠨ ᠪᠤᠶᠤ ᠪᠥᠬᠡ ᠶ᠋ᠢᠨ ᠭᠤᠲᠤᠯ ᠢ᠋ ᠪᠤᠯᠢᠭᠠᠷᠢ ᠪᠠᠷ ᠬᠢᠬᠦ ᠪᠠ ᠠᠵᠢᠯ ᠤ᠋ᠨ ᠭᠤᠲᠤᠯ ᠢ᠋ ᠭᠤᠷᠠ᠂ ᠴᠠ ᠪᠤᠭᠤ ᠶ᠋ᠢᠨ ᠠᠷᠠᠰᠤ᠂ ᠦᠬᠡᠷ᠂ ᠠᠳᠤᠭᠤᠨ ᠤ᠋ ᠰᠢᠷᠢ ᠪᠡᠷ ᠭᠦᠮ ᠦ᠋ᠨ ᠭᠤᠲᠤᠯ ᠬᠢᠵᠦ ᠪᠣᠯᠳᠠᠭ᠃ ᠲᠤᠰ ᠣᠷᠣᠨ ᠳ᠋ᠤ᠌ ᠬᠠᠯᠬᠠ ᠶ᠋ᠢᠨ ᠡᠭᠡᠳᠡᠩ ᠭᠤᠲᠤᠯ ᠠ᠋ᠴᠠ ᠭᠠᠳᠠᠨᠠ ᠪᠤᠷᠢᠶᠠᠳ᠂ ᠬᠠᠰᠠᠭ᠂ ᠳᠠᠷᠬᠠᠳ᠂ ᠴᠠ ᠲᠠᠨ᠂ ᠲᠣᠷᠭᠤᠳ ᠨᠠᠷ ᠲᠤᠰ ᠲᠤᠰ ᠲᠠᠭᠠᠨ ᠥᠪᠡᠷᠮᠢᠴᠡ ᠤᠷᠠ ᠬᠢᠴᠡ ᠲᠡᠢ ᠣᠷᠴᠢᠨ ᠳ᠋ᠠᠭᠠᠨ ᠵᠣᠬᠢᠴᠠᠭᠰᠠᠨ ᠭᠤᠲᠤᠯ ᠬᠢᠳᠡᠭ᠃
ᠰᠢᠷᠢ ᠪᠡᠷ ᠵᠥᠪᠬᠡᠨ ᠭᠤᠲᠤᠯ ᠰᠤᠷ ᠵᠡᠷᠭᠡ ᠶ᠋ᠢ ᠬᠢᠭᠡᠳ ᠵᠣᠭᠰᠣᠬᠤ ᠦᠭᠡᠢ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠰᠠᠪᠠ᠂ ᠠᠪᠳᠠᠷᠠ ᠪᠤᠰᠤᠳ ᠭᠣᠶᠣᠯ ᠤ᠋ᠨ ᠵᠦᠢᠯ ᠬᠢᠳᠡᠭ᠃ ᠡᠨᠡ ᠲᠠᠯᠠ ᠪᠠᠷ ᠲᠤᠰ ᠣᠷᠣᠨ ᠤ᠋ ᠦᠨᠳᠦᠰᠦᠲᠡᠨ ᠪᠦᠷ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ ᠬᠢᠳᠡᠭ᠃
ᠤᠭᠰᠠᠭᠠᠲᠠᠨ ᠤ᠋ ᠵᠦᠢ ᠰᠤᠳᠤᠯᠤᠭᠴᠢ ᠴ· ᠭᠣᠴᠣᠣ᠂ ᠰ· ᠪᠠᠳᠮᠠᠬᠠᠳᠠᠨ ᠨᠠᠷ ᠤ᠋ᠨ ᠰᠤᠳᠤᠯᠭᠠᠨ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠳᠠᠷᠬᠠᠳ ᠶᠠᠰᠤᠲᠠᠨ ᠨᠤᠭᠤᠳ ᠮᠠᠯ ᠤ᠋ᠨ ᠠᠷᠠᠰᠤ ᠰᠢᠷᠢ ᠪᠡᠷ ᠡᠯᠳᠡᠪ ᠡᠳ᠋ᠯᠡᠯ ᠬᠢᠬᠦ ᠳ᠋ᠡᠭᠡᠨ ᠭᠠᠷᠮᠠᠭᠠᠢ ᠪᠥᠭᠡᠳ ᠡᠨᠡ ᠨᠢ ᠨᠥᠭᠡᠴᠡ ᠪᠣᠯᠤᠯᠴᠠᠭᠠ ᠶ᠋ᠢ ᠠᠰᠢᠭᠯᠠᠨ ᠶᠠᠭᠤᠮᠠᠬᠠᠨ ᠢ᠋ᠶ᠋ᠠᠷ ᠶᠠᠭᠤᠮᠠ ᠬᠢᠬᠦ ᠳ᠋ᠦ᠍ ᠠᠪᠴᠤ ᠬᠡᠷᠡᠭᠯᠡᠭᠦᠰᠢᠲᠡᠢ ᠲᠤᠷᠰᠢᠯᠭᠠ ᠶᠤᠮ᠃ ᠲᠡᠳᠡ ᠠᠴᠢᠮᠠᠭ᠂ ᠳᠠᠯᠢᠩ᠂ ᠲᠤᠯᠤᠮ᠂ ᠴᠠᠢ᠂ ᠲᠣᠭᠣᠭᠠᠨ ᠤ᠋ ᠭᠡᠷ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠰᠠᠪᠠ ᠬᠢᠬᠦ ᠡᠴᠡ ᠭᠠᠳᠠᠨᠠ ᠪᠤᠰᠤᠳ ᠶᠠᠰᠤᠲᠠᠨ ᠤ᠋ ᠠᠳᠠᠯᠢ ᠳᠡᠪᠡᠯ ᠭᠤᠲᠤᠯ᠂ ᠮᠠᠯᠠᠭᠠᠢ᠂ ᠮᠠᠯ ᠤ᠋ᠨ ᠲᠣᠨᠣᠭ ᠬᠡᠷᠡᠭᠰᠡᠯ ᠬᠢᠳᠡᠭ᠃
ᠰᠠᠪᠠ ᠬᠢᠬᠦ ᠳ᠋ᠡᠭᠡᠨ ᠬᠤᠤᠬᠠᠨᠠᠭ ᠤ᠋ᠨ ᠠᠷᠠᠰᠤ ᠶ᠋ᠢ ᠪᠢᠲᠡᠭᠦᠦ ᠠᠪᠴᠤ ᠨᠣᠢᠲᠠᠨ ᠳ᠋ᠤᠨᠢ ᠠᠮᠠ ᠶ᠋ᠢ ᠨᠢ ᠡᠯᠳᠡᠭᠰᠡᠨ ᠰᠢᠷᠢ ᠪᠡᠷ ᠡᠮᠵᠢᠵᠦ ᠡᠯᠡᠰᠦ ᠴᠢᠬᠢᠵᠦ ᠬᠠᠳᠠᠭᠠᠯᠠᠨᠠ᠃ ᠴᠠᠢ ᠶ᠋ᠢᠨ ᠤᠭᠤᠲᠠ ᠲᠣᠭᠣᠭᠠᠨ ᠤ᠋ ᠭᠡᠷ ᠠᠪᠳᠠᠷᠠ ᠵᠡᠷᠭᠡ ᠶ᠋ᠢ ᠬᠢᠬᠦ ᠳ᠋ᠡᠭᠡᠨ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠢ᠋ᠶ᠋ᠠᠷ ᠠᠷᠠᠰᠤ ᠪᠠᠨ ᠪᠣᠯᠪᠠᠰᠤᠷᠠᠭᠤᠯᠵᠤ ᠬᠢᠳᠡᠭ᠃ ᠲᠡᠭᠦᠨᠴᠢᠯᠡᠨ ᠤᠨᠠᠭᠠᠨ ᠤ᠋ ᠠᠷᠠᠰᠤ ᠶ᠋ᠢ ᠳᠥᠷᠪᠡᠯᠵᠢᠨ ᠸᠠᠳᠠᠩ ᠬᠢᠳᠡᠭ᠃ ᠠᠷᠠᠰᠤ ᠰᠢᠷᠢ ᠪᠡᠷ ᠬᠢᠭᠰᠡᠨ ᠡᠯᠳᠡᠪ ᠰᠠᠪᠠ᠂ ᠡᠳ᠋ᠯᠡᠯ ᠪᠥᠬᠡ ᠪᠠᠲᠤ᠂ ᠣᠯᠠᠨ ᠵᠢᠯ ᠦ᠋ᠨ ᠡᠳ᠋ᠯᠡᠭᠡ ᠲᠡᠢ ᠪᠠᠢᠳᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠣᠨᠴᠠᠯᠢᠭ ᠲᠠᠢ᠃ ᠰᠤᠳᠤᠯᠭᠠᠨ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠠᠷᠠᠰᠤ ᠰᠢᠷᠢᠨ ᠰᠠᠪᠠ ᠶ᠋ᠢᠨ ᠡᠳ᠋ᠯᠡᠭᠳᠡᠬᠦ ᠬᠤᠭᠤᠴᠠᠭᠠ᠂ ᠪᠠᠭᠲᠠᠭᠠᠮᠵᠢ ᠨᠢ ᠪᠤᠰᠤᠳ ᠡᠳ᠋ᠯᠡᠯ ᠢ᠋ᠶ᠋ᠡᠷ ᠬᠢᠭᠰᠡᠨ ᠵᠦᠢᠯᠡᠰ ᠡᠴᠡ ᠬᠣᠯᠠ ᠳᠠᠪᠠᠭᠤ ᠲᠠᠢ ᠶ᠋ᠢ ᠳᠣᠣᠷᠠᠬᠢ ᠵᠢᠭᠰᠠᠭᠠᠯᠲᠠ ᠠ᠋ᠴᠠ ᠦᠵᠡᠵᠦ ᠪᠣᠯᠤᠨᠠ᠃
ᠡᠳᠡᠭᠡᠷ ᠡᠴᠡ ᠦᠵᠡᠬᠦ ᠳ᠋ᠦ᠍ ᠠᠷᠠᠰᠤ ᠰᠢᠷᠢ ᠶ᠋ᠢᠨ ᠡᠳ᠋ ᠦ᠋ᠨ ᠴᠢᠨᠠᠷ ᠲᠠᠢ ᠪᠣᠯᠬᠤ ᠨᠢ ᠲᠣᠳᠣᠷᠬᠠᠢ᠃ ᠠᠷᠠᠰᠤ ᠰᠢᠷᠢᠨ ᠲᠤᠯᠤᠮ ᠤᠭᠤᠲᠠ ᠶ᠋ᠢ ᠬᠢᠬᠦ ᠳ᠋ᠡᠭᠡᠨ ᠮᠠᠯ ᠢ᠋ ᠪᠥᠭᠰᠡᠨ ᠡᠴᠡ ᠴᠡᠭᠡᠵᠢ ᠤᠷᠤᠭᠤ ᠨᠢ ᠪᠢᠲᠡᠭᠦᠦ ᠥᠪᠴᠢᠵᠦ ᠬᠦᠵᠦᠭᠦᠦ ᠪᠡᠷ ᠰᠠᠯᠭᠠᠭᠠᠳ ᠬᠦᠵᠦᠭᠦᠨ ᠦ᠌ ᠳᠠᠭᠠᠷᠢᠭᠰᠠᠨ ᠳᠤᠭᠤᠢ ᠳ᠋ᠤ᠌ ᠠᠷᠠᠰᠤ ᠪᠤᠶᠤ ᠰᠢᠷᠢ ᠲᠠᠯᠪᠢᠵᠤ ᠰᠢᠷᠪᠥᠰᠥ ᠪᠡᠷ ᠣᠶᠣᠨᠠ᠃
| ᠡᠳ᠋ᠯᠡᠯ ᠦ᠋ᠨ ᠨᠡᠷᠡ | ᠡᠳ᠋ᠯᠡᠭᠳᠡᠬᠦ ᠬᠤᠭᠤᠴᠠᠭᠠ( ᠵᠢᠯ ᠢ᠋ᠶ᠋ᠡᠷ) | ᠪᠠᠭᠲᠠᠭᠠᠮᠵᠢ ᠪᠠᠷ(l . kg) |
| 1. ᠬᠦᠳᠡᠷᠢ ᠶ᠋ᠢᠨ ᠲᠤᠯᠤᠮ | 15—20 | 6—8l |
| 2. ᠲᠠᠷᠪᠠᠭᠠ ᠶ᠋ᠢᠨ ᠰᠠᠪᠠ | 20 | 4—5l |
| 3. ᠭᠤᠷᠠ᠂ ᠵᠦᠷ ᠲᠤᠯᠤᠮ | 10—12 | 20—30l |
| 4. ᠰᠡᠷᠭᠡᠨ ᠲᠤᠯᠤᠮ | 15—20 | 20.30l |
| 5. ᠬᠤᠷᠠᠭᠠᠨ ᠵᠤᠯᠪᠤᠷᠠᠩ | 5—10 | 4—5l |
| 6. ᠢᠰᠢᠭᠡᠨ ᠵᠤᠯᠪᠤᠷᠠᠩ | 7—10 | 3—4l |
| 7. ᠪᠤᠬᠠ ᠶ᠋ᠢᠨ ᠬᠤᠤᠬᠠᠨᠠᠭ ᠬᠥᠨᠥᠭ | 10—30 | |
| 8. ᠬᠤᠴᠠ ᠶ᠋ᠢᠨ ᠬᠤᠤᠬᠠᠨᠠᠭ ᠬᠥᠨᠥᠭ | 10—30 | 1kg |
| 9. ᠲᠤᠭᠤᠯ ᠲᠤᠯᠤᠮ | 25—30 | 18l |
| 10. ᠤᠨᠠᠭᠠᠨ ᠸᠠᠳᠠᠩ | 20—30 | |
| 11. ᠰᠢᠷᠢ ᠲᠤᠯᠤᠮ | 70—80 | 150kg |
| 12. ᠲᠡᠮᠡᠭᠡᠨ ᠲᠤᠯᠤᠮ | 70—80 | 200kg |
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠣᠭᠳᠠᠭᠤᠨᠪᠠᠶᠠᠷ᠂ ᠣᠶᠤᠨᠪᠠᠲᠤ᠂ ᠪᠠᠶᠠᠨᠰᠡᠷᠡᠩ᠂ ᠡᠷᠳᠡᠨᠢᠭᠣᠤᠠ
ᠦᠰᠦᠭ ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ