ᠮᠣᠩᠭᠣᠯ ᠡᠮᠡᠭᠲᠡᠢ ᠶᠢᠨ ᠤᠷᠠᠨ ᠦᠢᠯᠡ-ᠴ ᠰᠣᠩᠭᠢᠨᠠ-ᠬᠣᠶᠠᠳᠤᠭᠠᠷ ᠪᠦᠯᠦᠭ23-ᠬᠤᠪᠴᠠᠰᠤ ᠡᠳ᠋ᠯᠡᠯ ᠢ᠋ ᠴᠢᠮᠡᠭᠯᠡᠨ ᠲᠣᠨᠣᠭᠯᠠᠬᠤ
412ᠬᠣᠶᠠᠳᠤᠭᠠᠷ ᠪᠦᠯᠦᠭ23-ᠬᠤᠪᠴᠠᠰᠤ ᠡᠳ᠋ᠯᠡᠯ ᠢ᠋ ᠴᠢᠮᠡᠭᠯᠡᠨ ᠲᠣᠨᠣᠭᠯᠠᠬᠤ
ᠠᠯᠢᠪᠠ ᠬᠤᠪᠴᠠᠰᠤ᠂ ᠭᠡᠷ ᠠᠬᠤᠢ ᠶ᠋ᠢᠨ ᠡᠳ᠋ᠯᠡᠯ ᠢ᠋ ᠬᠢᠬᠦ ᠳ᠋ᠡᠭᠡᠨ ᠭᠤᠶᠤᠵᠤ ᠴᠢᠮᠡᠭᠯᠡᠬᠦ ᠠᠵᠢᠯᠯᠠᠭᠠ ᠵᠠᠢᠯᠠᠰᠢ ᠦᠭᠡᠢ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠥᠭᠡᠳ ᠡᠨᠡ ᠨᠢ ᠬᠥᠮᠦᠨ ᠦ᠌ ᠭᠤᠸᠠ ᠵᠦᠢ ᠲᠡᠢ ᠬᠣᠯᠪᠣᠭᠠ ᠲᠠᠢ ᠶᠤᠮ᠃ ᠴᠢᠮᠡᠭᠯᠡᠯ ᠬᠢᠬᠦ ᠳ᠋ᠡᠭᠡᠨ ᠲᠡᠭᠦᠨ ᠦ᠌ ᠥᠩᠭᠡ ᠵᠣᠬᠢᠴᠠᠯ ᠢ᠋ ᠲᠣᠬᠢᠷᠠᠭᠤᠯᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠠᠢᠳᠠᠭ᠃ ᠵᠣᠬᠢᠭᠠ ᠦᠭᠡᠢ ᠴᠢᠮᠡᠭ ᠡᠳ᠋ᠯᠡᠯ ᠢ᠋ ᠦᠵᠡᠮᠵᠢ ᠲᠡᠢ ᠰᠠᠢᠬᠠᠨ ᠪᠣᠯᠭᠠᠬᠤ ᠪᠠᠢᠲᠤᠭᠠᠢ ᠡᠪ ᠦᠭᠡᠢ ᠪᠣᠯᠭᠠᠬᠤ ᠶᠠᠪᠤᠳᠠᠯ ᠪᠠᠢᠳᠠᠭ᠃
ᠴᠢᠮᠡᠭᠯᠡᠯ ᠪᠣᠯ ᠡᠭᠦᠰᠦᠯ ᠦ᠋ᠨ ᠬᠤᠪᠢ ᠳ᠋ᠤ᠌ ᠡᠷᠲᠡᠨ ᠦ᠌ ᠭᠠᠷᠤᠯ ᠲᠠᠢ ᠪᠥᠭᠡᠳ ᠨᠡᠢᠭᠡᠮ ᠦ᠋ᠨ ᠬᠥᠭᠵᠢᠯ ᠦ᠋ᠨ ᠳᠠᠭᠠᠤ ᠢᠮᠠᠭᠲᠠ ᠥᠭᠡᠷᠡᠴᠢᠯᠡᠭᠳᠡᠵᠦ ᠭᠦᠨ ᠭᠦᠨᠵᠡᠭᠡᠢ ᠤᠳᠬᠠ ᠠᠭᠤᠯᠭᠠ ᠪᠠᠷ ᠪᠠᠶᠠᠯᠢᠭᠵᠢᠵᠤ ᠢᠷᠡᠵᠡᠢ᠃ ᠭᠣᠶᠣᠯ ᠴᠢᠮᠡᠭᠯᠡᠯ ᠢ᠋ ᠬᠤᠪᠴᠠᠰᠤᠨ ᠤ᠋᠂ ᠭᠡᠷ ᠣᠷᠣᠨ ᠤ᠋ ᠭᠡᠵᠦ ᠢᠯᠭᠠᠬᠤ ᠪᠠ ᠤᠳᠬᠠ ᠠᠭᠤᠯᠭᠠ ᠪᠠᠷ ᠶᠠᠩᠵᠤ ᠪᠦᠷᠢ ᠪᠠᠢᠳᠠᠭ᠃
ᠬᠡᠷᠪᠡ ᠤᠯᠤᠰ ᠤ᠋ᠨ ᠰᠦᠯᠳᠡ ᠰᠣᠶᠣᠩᠪᠣ ᠶ᠋ᠢ ᠤᠷᠠᠯᠠᠨ ᠪᠦᠲᠦᠭᠡᠪᠡᠯ ᠲᠡᠭᠦᠨ ᠦ᠌ ᠤᠳᠬᠠ ᠠᠭᠤᠯᠭᠠ ᠲᠠᠢ ᠭᠦᠨᠵᠡᠭᠡᠢ ᠲᠠᠨᠢᠯᠴᠠᠵᠤ ᠥᠩᠭᠡ ᠶ᠋ᠢ ᠵᠣᠬᠢᠴᠠᠭᠤᠯᠬᠤ ᠳ᠋ᠠᠭᠠᠨ ᠤᠯᠤᠰ ᠠ᠋ᠴᠠ ᠪᠠᠲᠤᠯᠠᠭᠰᠠᠨ ᠤᠳᠬᠠ ᠠᠭᠤᠯᠭᠠ᠂ ᠬᠡᠯᠪᠡᠷᠢ ᠶ᠋ᠢ ᠠᠯᠳᠠᠭᠤᠯᠵᠤ ᠪᠣᠯᠬᠤ ᠦᠭᠡᠢ᠃ ᠵᠢᠱ᠌ᠢᠶᠡ ᠨᠢ᠄ ᠤᠯᠤᠰ ᠤ᠋ᠨ ᠰᠣᠶᠣᠩᠪᠣ ᠶ᠋ᠢ ᠬᠠᠷᠠ ᠪᠤᠶᠤ ᠬᠠᠷᠠ ᠬᠥᠬᠡ ᠥᠩᠭᠡ ᠪᠡᠷ ᠬᠥᠪᠥᠭᠡᠯᠡᠬᠦ᠂ ᠰᠦᠯᠳᠡ ᠳ᠋ᠦ᠍ ᠬᠠᠮᠢᠶᠠ ᠦᠭᠡᠢ ᠴᠢᠮᠡᠭᠯᠡᠯ ᠬᠢᠵᠦ ᠪᠣᠯᠬᠤ ᠦᠭᠡᠢ᠃ ᠬᠤᠪᠴᠠᠰᠤᠨ ᠤ᠋ ᠴᠢᠮᠡᠭᠯᠡᠯ ᠢ᠋ ᠬᠢᠬᠦ ᠳ᠋ᠡᠭᠡᠨ ᠶᠠᠭᠤᠨ ᠤ᠋ ᠡᠮᠦᠨᠡ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠬᠤᠪᠴᠠᠰᠤᠨ ᠤ᠋ ᠣᠨᠴᠠᠯᠢᠭ ᠢᠯᠭᠠᠭᠠ ᠶ᠋ᠢ ᠮᠡᠳᠡᠨᠡ᠃ ᠬᠥᠮᠦᠨ ᠦ᠌ ᠳᠡᠪᠡᠯ ᠬᠠᠨᠲᠠᠭᠠᠵᠠ ᠶ᠋ᠢ ᠲᠣᠨᠣᠭᠯᠠᠬᠤ ᠳ᠋ᠠᠭᠠᠨ ᠤᠷᠠᠯᠢᠭ ᠤ᠋ᠨ᠂ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠡᠮᠦᠰᠳᠡᠭ ᠢ᠋ᠶ᠋ᠡᠷ ᠢᠯᠭᠠᠪᠤᠷᠢᠯᠠᠨᠠ᠃ ᠤᠷᠠᠯᠢᠭ ᠲᠤ᠌ ᠬᠤᠪᠴᠠᠰᠤᠨ ᠤ᠋ ᠭᠡᠷᠡᠯ ᠰᠠᠢᠨ ᠢᠯᠭᠠᠷᠠᠭᠤᠯᠬᠤ ᠲᠣᠳᠣ ᠥᠩᠭᠡ ᠶ᠋ᠢᠨ ᠮᠠᠲ᠋ᠧᠷᠢᠶᠠᠯ ᠢ᠋ᠶ᠋ᠠᠷ ᠬᠢᠬᠦ ᠡᠴᠡ ᠭᠠᠳᠠᠨᠠ ᠲᠡᠭᠦᠨ ᠦ᠌ ᠲᠣᠨᠣᠭ ᠤ᠋ᠨ ᠰᠠ ᠪᠤᠶᠤ ᠬᠣᠷᠭᠣᠢ᠂ ᠲᠣᠳᠣ ᠥᠩᠭᠡ ᠲᠡᠢ᠂ ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠤ᠋ ᠣᠨᠴᠠᠯᠢᠭ ᠢ᠋ ᠬᠠᠷᠠᠭᠠᠯᠵᠠᠨ ᠲᠣᠨᠣᠭᠯᠠᠨᠠ᠃
ᠬᠠᠷᠢᠨ ᠡᠩ ᠦ᠋ᠨ ᠬᠤᠪᠴᠠᠰᠤ ᠶ᠋ᠢ ᠪᠣᠯ ᠡᠷᠡᠭᠲᠡᠢ ᠳᠡᠪᠡᠯ ᠬᠠᠨᠲᠠᠭᠠᠵᠠ ᠶ᠋ᠢ ᠳᠡᠪᠡᠯ ᠦ᠋ᠨ ᠥᠩᠭᠡ ᠲᠡᠢ ᠣᠢᠷᠠᠯᠴᠠᠭᠠ ᠪᠦᠳᠡᠭᠢ ᠴᠤᠯᠭᠤᠢ ᠫᠦᠦᠰᠦᠦ ᠪᠡᠷ2—3 ᠬᠣᠣᠰ ᠡᠮᠵᠢᠪᠡᠯ ᠵᠣᠬᠢᠮᠵᠢᠲᠠᠢ᠃ ᠡᠮᠡᠭᠲᠡᠢᠴᠦᠳ ᠦ᠋ᠨ ᠭᠠᠳᠠᠭᠤᠷ ᠬᠤᠪᠴᠠᠰᠤᠨ ᠳ᠋ᠤ᠌ ᠲᠣᠨᠣᠭ ᠴᠢᠮᠡᠭ ᠬᠢᠬᠦ ᠳ᠋ᠡᠭᠡᠨ ᠡᠬᠢᠯᠡᠭᠡᠳ ᠬᠤᠪᠴᠠᠰᠤᠨ ᠤ᠋ ᠥᠩᠭᠡᠨ ᠳ᠋ᠦ᠍ ᠲᠣᠨᠣᠭ ᠢ᠋ᠶ᠋ᠠᠨ ᠲᠣᠬᠢᠷᠠᠭᠤᠯᠤᠨ ᠠᠪᠤᠨᠠ᠃ ᠬᠡᠷᠪᠡ ᠥᠯᠵᠡᠢ᠂ ᠴᠦᠳᠡᠨᠵᠡ ᠶ᠋ᠢᠨ ᠪᠤᠯᠤᠩ ᠭᠠᠷᠭᠠᠬᠤ ᠪᠣᠯ ᠬᠤᠪᠴᠠᠰᠤᠨ ᠤ᠋ ᠬᠠᠮᠢᠭᠠ ᠲᠠᠭᠠᠷᠠᠭᠤᠯᠬᠤ ᠪᠠᠨ ᠰᠡᠨᠲ᠋ᠢᠮᠧᠲ᠋ᠷ ᠦ᠋ᠨ ᠨᠠᠷᠢᠨ ᠬᠡᠮᠵᠢᠭᠦᠷ ᠢ᠋ᠶ᠋ᠡᠷ ᠬᠡᠮᠵᠢᠵᠦ ᠲᠡᠷᠡ ᠵᠠᠢ ᠳ᠋ᠠᠭᠠᠨ ᠪᠣᠯᠤᠨ ᠨᠢᠭᠡ ᠥᠯᠵᠡᠢ ᠡᠴᠡ ᠨᠥᠭᠦᠭᠡ ᠥᠯᠵᠡᠢ ᠬᠦᠷᠲᠡᠯᠡᠬᠢ ᠵᠠᠢ ᠶ᠋ᠢ ᠬᠡᠮᠵᠢᠵᠦ ᠥᠯᠵᠡᠢ ᠪᠣᠯᠤᠨ ᠴᠦᠳᠡᠨᠵᠡ ᠶ᠋ᠢᠨ ᠪᠤᠯᠤᠩ ᠢ᠋ᠶ᠋ᠠᠨ ᠵᠠᠩᠭᠢᠳᠴᠤ ᠰᠦᠯᠵᠢᠵᠦ ᠢᠩᠳᠡᠦᠳᠡᠨ ᠬᠤᠪᠴᠠᠰᠤᠨ ᠳ᠋ᠤ᠌ ᠲᠠᠯᠪᠢᠬᠤ ᠳ᠋ᠤ᠌ ᠪᠡᠯᠡᠨ ᠪᠣᠯᠭᠠᠨᠠ᠃
ᠳᠠᠷᠠᠭᠠ ᠨᠢ ᠪᠡᠯᠡᠨ ᠪᠣᠯᠭᠠᠭᠰᠠᠨ ᠥᠯᠵᠡᠢ ᠪᠡᠨ ᠬᠡᠯᠡᠬᠦ ᠬᠤᠪᠴᠠᠰᠤᠨ ᠳ᠋ᠠᠭᠠᠨ ᠲᠠᠯᠪᠢᠵᠤ ᠬᠣᠯᠠ ᠬᠣᠯᠠ ᠰᠢᠲᠠᠵᠤ ᠲᠣᠭᠲᠠᠭᠠᠭᠠᠳ ᠮᠠᠰᠢᠨᠳᠠᠬᠤ ᠪᠤᠶᠤ ᠬᠠᠲᠠᠭᠤ ᠰᠢᠷᠢ ᠶ᠋ᠢᠨ ᠡᠳ᠋ᠯᠡᠯ ᠪᠣᠯ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠨᠢᠭᠡ ᠨᠦᠬᠡ ᠪᠡᠷ ᠬᠥᠭᠡᠭᠡᠵᠦ ᠰᠢᠭᠯᠠᠨᠠ᠂ ᠬᠠᠷᠢᠨ ᠥᠯᠵᠡᠢ ᠪᠣᠯᠤᠨ ᠪᠤᠰᠤᠳ ᠬᠡ ᠦᠭᠡᠢ ᠥᠪᠡᠷ ᠦ᠋ᠨ ᠳᠤᠷᠠᠲᠠᠢ ᠡᠮᠵᠢᠶᠡᠷᠢ ᠪᠡᠷ ᠲᠣᠨᠣᠭᠯᠠᠨᠠ᠃ ᠬᠠᠨᠲᠠᠭᠠᠵᠠ ᠬᠦᠷᠮᠡ ᠶ᠋ᠢ ᠦᠰᠦ ᠪᠡᠷ ᠲᠣᠨᠣᠭᠯᠠᠬᠤ ᠪᠣᠯ ᠤᠭ ᠬᠤᠪᠴᠠᠰᠤ ᠶ᠋ᠢ ᠣᠶᠣᠵᠤ ᠪᠡᠯᠡᠨ ᠪᠣᠯᠭᠠᠭᠰᠠᠨ ᠤ᠋ ᠳᠠᠷᠠᠭᠠ ᠦᠰᠦᠨ ᠲᠣᠨᠣᠭᠯᠠᠯ ᠢ᠋ᠶ᠋ᠠᠷ ᠰᠢᠭᠤᠳ ᠡᠮᠵᠢᠨᠡ᠃ ᠦᠰᠦ ᠪᠡᠷ ᠡᠮᠵᠢᠬᠦ ᠶ᠋ᠢᠨ ᠡᠮᠦᠨᠡ ᠦᠰᠦ ᠪᠡᠨ ᠵᠦᠰᠦᠵᠦ ᠵᠦᠢᠵᠦ ᠣᠶᠣᠬᠤ ᠳ᠋ᠠᠭᠠᠨ ᠦᠰᠦᠨ ᠦ᠌ ᠦ ᠲᠡᠢ ᠬᠡᠰᠡᠭ ᠢ᠋ ᠳᠣᠲᠣᠭᠰᠢ ᠬᠠᠷᠠᠭᠤᠯᠤᠨᠠ᠃ ᠳᠡᠪᠡᠯ᠂ ᠬᠠᠨᠲᠠᠭᠠᠵᠠ᠂ ᠤᠤᠵᠢ ᠶ᠋ᠢ ᠦᠰᠦ ᠪᠡᠷ ᠡᠮᠵᠢᠬᠦ ᠳ᠋ᠡᠭᠡᠨ ᠡᠬᠡ ᠪᠡᠶᠡ ᠳ᠋ᠡᠭᠡᠨ ᠪᠠᠷᠢᠵᠤ ᠯᠠᠪ ᠬᠦᠪᠦᠷᠢᠳᠦᠭᠡᠳ ᠳᠣᠲᠣᠷ ᠲᠠᠯᠠ ᠤᠷᠤᠭᠤ ᠪᠠᠨ ᠳᠠᠷᠤᠵᠤ ᠨᠥᠬᠥᠪᠡᠯ ᠡᠮᠵᠢᠶᠡᠷᠢ ᠵᠢᠭᠳᠡ ᠭᠣᠶᠣ ᠪᠣᠯᠤᠨᠠ᠃ ᠡᠮᠵᠢᠶᠡᠷᠢ ᠶ᠋ᠢᠨ ᠦᠰᠦ ᠶ᠋ᠢ ᠵᠦᠢᠬᠦ ᠳ᠋ᠡᠭᠡᠨ ᠰᠢᠷᠬᠡᠭ ᠢ᠋ ᠨᠢ ᠨᠢᠭᠡ ᠳᠠᠰᠢ ᠨᠢ ᠬᠠᠷᠠᠭᠤᠯᠵᠤ ᠵᠦᠰᠦᠨᠡ᠃ ᠲᠣᠨᠣᠭ ᠡᠮᠵᠢᠶᠡᠷᠢ ᠶ᠋ᠢᠨ ᠦᠰᠦᠨ ᠳ᠋ᠦ᠍ ᠠᠯᠢ ᠪᠣᠯᠬᠤ ᠲᠠᠴᠢᠷ ᠦᠰᠦ ᠲᠣᠬᠢᠷᠠᠮᠵᠢᠲᠠᠢ ᠪᠠᠢᠳᠠᠭ᠃ ᠦᠰᠦᠨ ᠡᠮᠵᠢᠶᠡᠷᠢ ᠡᠷᠡᠭᠲᠡᠢ᠂ ᠡᠮᠡᠭᠲᠡᠢ ᠶᠠᠮᠠᠷ ᠴᠤ᠌ ᠬᠥᠮᠦᠨ ᠦ᠌ ᠬᠠᠨᠲᠠᠭᠠᠵᠠ ᠂ᠬᠦᠷᠮᠡ᠂ ᠤᠤᠵᠢᠨ ᠳ᠋ᠤ᠌ ᠲᠣᠬᠢᠷᠠᠨᠠ᠃
ᠭᠡᠬᠦ ᠳ᠋ᠡᠭᠡᠨ ᠨᠠᠮᠬᠠᠨ ᠨᠢᠷᠤᠭᠤ ᠲᠠᠢ ᠲᠠᠷᠭᠤᠨ ᠬᠥᠮᠦᠨ ᠳ᠋ᠦ᠍ ᠤᠷᠲᠤ ᠦᠰᠦ ᠪᠡᠷ ᠡᠮᠵᠢᠭᠰᠡᠨ ᠬᠤᠪᠴᠠᠰᠤ ᠵᠣᠬᠢᠮᠵᠢ ᠦᠭᠡᠢ᠃ ᠡᠮᠵᠢᠶᠡᠷᠢ ᠳ᠋ᠦ᠍ ᠬᠠᠮᠤᠭ ᠤ᠋ᠨ ᠲᠣᠬᠢᠷᠠᠮᠵᠢᠲᠠᠢ ᠨᠢ ᠪᠤᠯᠠᠭᠠᠨ ᠤ᠋ ᠦᠰᠦ ᠪᠥᠭᠡᠳ ᠮᠥᠨ ᠺᠠᠷᠠᠺᠤᠯ ᠬᠤᠷᠠᠭᠠ᠂ ᠮᠣᠩᠭᠣᠯ ᠤᠯᠠᠭᠠᠨ᠂ ᠬᠠᠷᠠ᠂ ᠴᠠᠭᠠᠨ ᠬᠤᠷᠠᠭᠠ᠂ ᠢᠰᠢᠭᠡᠨ ᠦ᠌ ᠠᠷᠠᠰᠤ᠂ ᠲᠠᠷᠪᠠᠭᠠ᠂ ᠴᠢᠨᠳᠠᠭᠠ ᠶ᠋ᠢᠨ ᠦᠰᠦ ᠠᠯᠢ ᠨᠢ ᠴᠦ᠍ ᠲᠣᠬᠢᠷᠠᠨᠠ᠃
ᠬᠠᠷᠢᠨ ᠨᠠᠰᠤᠲᠠᠢ ᠬᠥᠮᠦᠨ ᠳ᠋ᠦ᠍ ᠴᠠᠭᠠᠨ ᠦᠰᠦ ᠠᠷᠠᠰᠤᠨ ᠡᠮᠵᠢᠶᠡᠷᠢ ᠵᠣᠬᠢᠮᠵᠢ ᠦᠭᠡᠢ᠃ ᠬᠡᠷᠪᠡ ᠴᠠᠭᠠᠨ ᠴᠢᠨᠳᠠᠭᠠ ᠪᠠᠢᠬᠤ ᠦᠭᠡᠢ ᠪᠣᠯ ᠬᠡᠦᠬᠡᠳ ᠦ᠋ᠨ ᠴᠢᠨᠳᠠᠭᠠᠨ ᠮᠠᠯᠠᠭᠠᠢ ᠪᠠᠷ ᠡᠮᠵᠢᠨᠡ᠃ ᠬᠤᠪᠴᠠᠰᠤᠨ ᠤ᠋ ᠡᠮᠵᠢᠶᠡᠷᠢ ᠳ᠋ᠦ᠍ ᠬᠠᠭᠤᠴᠢᠨ ᠴᠤᠪᠠ ᠶ᠋ᠢᠨ ᠴᠠᠭᠠᠨ ᠴᠢᠨᠳᠠᠭᠠ ᠪᠤᠶᠤ ᠡᠷᠢᠶᠡᠨ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠬᠢᠮᠡᠯ ᠦᠰᠦ ᠬᠡᠷᠡᠭᠯᠡᠵᠦ ᠲᠣᠨᠣᠭᠯᠠᠵᠤ ᠪᠣᠯᠤᠨᠠ᠃ ᠮᠥᠨ ᠭᠣᠶᠣᠯ ᠤ᠋ᠨ ᠬᠠᠨᠲᠠᠭᠠᠵᠠ ᠬᠦᠷᠮᠡ ᠶ᠋ᠢ ᠥᠨᠳᠥᠷ ᠭᠤᠸᠠᠯᠢᠭ ᠬᠥᠮᠦᠨ ᠰᠠ ᠲᠠᠢ ᠲᠣᠷᠭᠠ ᠪᠤᠶᠤ ᠬᠣᠷᠭᠣᠢ ᠪᠠᠷ ᠥᠷᠭᠡᠨ ᠡᠮᠵᠢᠭᠡᠳ ᠲᠡᠭᠦᠨ ᠦ᠌ ᠪᠡᠨ ᠳᠡᠭᠡᠭᠦᠷ ᠦᠰᠦ ᠪᠡᠷ ᠡᠮᠵᠢᠪᠡᠯ ᠭᠣᠶᠣᠮᠰᠣᠭ᠂ ᠶᠠᠮᠠᠷ ᠴᠤ᠌ ᠮᠠᠲ᠋ᠧᠷᠢᠶᠠᠯ ᠳ᠋ᠤ᠌ ᠵᠣᠬᠢᠮᠵᠢᠲᠠᠢ᠃
ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠬᠠᠨᠲᠠᠭᠠᠵᠠ ᠶ᠋ᠢ ᠪᠣᠯ ᠪᠣᠷᠣ ᠰᠢᠷᠠ ᠪᠤᠶᠤ ᠬᠦᠷᠡᠩ᠂ ᠬᠠᠷᠠ ᠲᠣᠷᠭᠠ᠂ ᠫᠦᠦᠰᠦᠦ ᠪᠡᠷ ᠬᠢᠵᠦ ᠬᠠᠷᠠ᠂ ᠪᠣᠷᠣ ᠡᠮᠵᠢᠶᠡᠷᠢ ᠪᠡᠷ ᠡᠮᠵᠢᠪᠡᠯ ᠵᠣᠬᠢᠮᠵᠢᠲᠠᠢ ᠪᠥᠭᠡᠳ ᠥᠯᠵᠡᠢ᠂ ᠴᠦᠳᠡᠨᠵᠡ ᠶ᠋ᠢᠨ ᠪᠤᠯᠤᠩ ᠭᠠᠷᠭᠠᠵᠤ ᠲᠣᠨᠣᠭᠯᠠᠬᠤ ᠨᠢ ᠵᠣᠬᠢᠮᠵᠢᠲᠠᠢ᠃
ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠪᠣᠯᠤᠨ ᠪᠣᠯᠪᠠᠰᠤᠨ ᠬᠤᠪᠴᠠᠰᠤ ᠶ᠋ᠢ ᠬᠠᠳᠬᠤᠮᠠᠯ ᠬᠡ ᠪᠡᠷ ᠲᠣᠨᠣᠭᠯᠠᠬᠤ ᠳ᠋ᠤ᠌ ᠮᠠᠰᠢ ᠵᠣᠬᠢᠮᠵᠢᠲᠠᠢ ᠪᠥᠭᠡᠳ ᠡᠭᠦᠨ ᠳ᠋ᠦ᠍ ᠥᠩᠭᠡ ᠲᠣᠬᠢᠷᠠᠭᠤᠯᠬᠤ ᠨᠢ ᠴᠢᠬᠤᠯᠠ ᠶᠤᠮ᠃ ᠮᠣᠩᠭᠣᠯ ᠳᠠᠩ ᠳᠡᠪᠡᠯ ᠬᠠᠨᠲᠠᠭᠠᠵᠠ᠂ ᠤᠤᠵᠢ ᠶ᠋ᠢᠨ ᠬᠠᠨᠴᠤᠢ᠂ ᠵᠠᠬᠠ᠂ ᠡᠩᠭᠡᠷ ᠵᠡᠷᠭᠡ ᠶ᠋ᠢ ᠬᠠᠳᠬᠤᠮᠠᠯ ᠢ᠋ᠶ᠋ᠠᠷ ᠲᠣᠨᠣᠭᠯᠠᠬᠤ ᠳ᠋ᠠᠭᠠᠨ ᠡᠬᠡ ᠮᠠᠲ᠋ᠧᠷᠢᠶᠠᠯ ᠲᠠᠢ ᠪᠠᠨ ᠠᠯᠢ ᠪᠣᠯᠬᠤ ᠥᠩᠭᠡ ᠣᠢᠷᠠᠯᠴᠠᠭᠠ ᠪᠠᠢᠬᠤ ᠨᠢ ᠵᠣᠬᠢᠮᠵᠢᠲᠠᠢ᠃ ᠥᠩᠭᠡ ᠲᠣᠬᠢᠷᠠᠭᠤᠯᠭᠠ ᠦᠭᠡᠢ ᠣᠯᠠᠨ ᠥᠩᠭᠡ ᠶ᠋ᠢᠨ ᠤᠲᠠᠰᠤ ᠪᠠᠷ ᠡᠷᠢᠶᠡᠯᠡᠬᠦ ᠨᠢ ᠵᠣᠬᠢᠮᠵᠢ ᠦᠭᠡᠢ᠃ ᠲᠣᠳᠣ ᠴᠡᠩᠬᠡᠷ ᠲᠣᠷᠭᠠᠨ ᠳᠠᠩ ᠳᠡᠪᠡᠯ ᠢ᠋ ᠡᠮᠵᠢᠬᠦ ᠳ᠋ᠦ᠍ ᠬᠠᠷᠠ ᠬᠥᠬᠡ ᠥᠩᠭᠡ ᠪᠡᠷ᠂ ᠲᠣᠳᠣ ᠨᠣᠭᠣᠭᠠᠨ ᠢ᠋ ᠬᠠᠷᠠ ᠨᠣᠭᠣᠭᠠᠨ ᠢ᠋ᠶ᠋ᠠᠷ ᠲᠣᠨᠣᠭᠯᠠᠬᠤ ᠪᠠ ᠬᠠᠷᠢᠨ ᠭᠣᠶᠣᠯ ᠤ᠋ᠨ ᠳᠠᠩ ᠳᠡᠪᠡᠯ ᠢ᠋ ᠵᠠᠯᠠᠭᠤᠴᠤᠳ ᠴᠠᠭᠠᠨ ᠬᠠᠳᠬᠤᠮᠠᠯ ᠢ᠋ᠶ᠋ᠠᠷ ᠲᠣᠨᠣᠭᠯᠠᠬᠤ ᠨᠢ ᠵᠣᠬᠢᠮᠵᠢᠲᠠᠢ(ᠥᠩᠭᠡ ᠲᠣᠬᠢᠷᠠᠭᠤᠯᠬᠤ ᠲᠤᠬᠠᠢ ᠳᠡᠭᠡᠷᠡ ᠪᠢᠴᠢᠭᠰᠡᠨ ᠢ᠋ ᠳᠠᠬᠢᠨ ᠦᠵᠡ)᠃
ᠮᠥᠨ ᠭᠣᠶᠣᠯ ᠤ᠋ᠨ ᠳᠠᠩ ᠳᠡᠪᠡᠯ ᠬᠠᠨᠲᠠᠭᠠᠵᠠ᠂ ᠤᠤᠵᠢ ᠶ᠋ᠢᠨ ᠡᠩᠭᠡᠷ ᠵᠠᠬᠠ ᠶ᠋ᠢ ᠵᠡᠭᠦᠦ ᠣᠷᠢᠶᠠᠬᠤ ᠪᠤᠶᠤ ᠪᠤᠰᠤᠳ ᠬᠣᠨᠢᠨ ᠬᠣᠯᠪᠣᠭᠠᠨ ᠤ᠋ ᠠᠯᠢ ᠨᠢᠭᠡ ᠪᠡᠷ ᠬᠤᠷᠰᠢᠨ ᠠᠯᠠᠭᠯᠠᠭᠤᠯᠤᠨ ᠲᠣᠨᠣᠭᠯᠠᠬᠤ ᠪᠣᠯ ᠥᠩᠭᠡ ᠨᠢ ᠬᠠᠷᠠ ᠪᠣᠯ ᠨᠣᠭᠣᠭᠠᠨ ᠶᠠᠭᠠᠨ ᠢ᠋ᠶ᠋ᠠᠷ ᠬᠣᠷᠰᠢᠨ ᠣᠶᠣᠬᠤ ᠨᠢ ᠵᠣᠬᠢᠮᠵᠢᠲᠠᠢ ᠪᠥᠭᠡᠳ ᠡᠬᠢᠯᠡᠭᠡᠳ ᠨᠢᠭᠡ ᠳᠠᠩ ᠨᠠᠷᠢᠨ ᠴᠠᠭᠠᠨ᠂ ᠳᠠᠷᠠᠭᠠ ᠨᠢ ᠪᠦᠳᠡᠭᠢ ᠨᠣᠭᠣᠭᠠᠨ᠂ ᠲᠡᠭᠦᠨ ᠦ᠌ ᠳᠣᠲᠣᠭᠤᠷ ᠲᠣᠳᠣ ᠨᠣᠭᠣᠭᠠᠨ᠂ ᠰᠡᠭᠦᠯ ᠳ᠋ᠦ᠍ᠨᠢ ᠬᠠᠮᠤᠭ ᠤ᠋ᠨ ᠬᠦᠨᠳᠦ ᠬᠠᠷᠠ ᠨᠣᠭᠣᠭᠠᠨ ᠢ᠋ᠶ᠋ᠠᠷ ᠣᠶᠣᠬᠤ ᠪᠠ ᠶᠠᠭᠠᠨ ᠥᠩᠭᠡ ᠪᠡᠷ ᠭᠣᠣᠯᠴᠢᠯᠠᠬᠤ ᠪᠣᠯ ᠡᠬᠢᠯᠡᠭᠡᠳ ᠴᠠᠭᠠᠨ ᠶᠠᠭᠠᠨ᠂ ᠳᠠᠷᠠᠭᠠ ᠨᠢ ᠪᠦᠳᠡᠭᠢ ᠶᠠᠭᠠᠨ ᠲᠡᠭᠡᠭᠡᠳ ᠲᠣᠳᠣ ᠶᠠᠭᠠᠨ ᠢ᠋ᠶ᠋ᠠᠷ ᠲᠣᠳᠣᠷᠠᠭᠤᠯᠬᠤ ᠪᠠ ᠰᠡᠭᠦᠳᠡᠷ ᠢ᠋ ᠤᠯᠠᠭᠠᠨ ᠪᠤᠶᠤ ᠬᠦᠷᠡᠩ ᠤᠯᠠᠭᠠᠨ ᠢ᠋ᠶ᠋ᠠᠷ ᠬᠢᠬᠦ ᠵᠢᠱ᠌ᠢᠶᠡ ᠲᠡᠢ᠃
ᠬᠠᠷᠢᠨ ᠴᠡᠴᠡᠭ ᠦ᠋ᠨ ᠬᠡ ᠪᠡᠷ ᠲᠣᠨᠣᠭᠯᠠᠬᠤ ᠪᠣᠯ ᠶᠠᠮᠠᠷ ᠴᠤ᠌ ᠴᠡᠴᠡᠭ ᠨᠣᠭᠣᠭᠠᠨ ᠡᠰᠢ ᠮᠥᠴᠢᠷ ᠡᠴᠡ ᠳᠡᠯᠭᠡᠷᠡᠳᠡᠭ ᠤᠴᠢᠷ ᠭᠣᠣᠯᠯᠠᠬᠤ ᠥᠩᠭᠡ ᠶ᠋ᠢ ᠨᠣᠭᠣᠭᠠᠨ ᠨᠠᠪᠴᠢ ᠪᠠᠷ ᠬᠢᠵᠦ ᠲᠡᠭᠦᠨ ᠦ᠌ ᠳᠤᠮᠳᠠ ᠠ᠋ᠴᠠ ᠳᠡᠯᠭᠡᠷᠡᠵᠦ ᠪᠠᠢᠭᠠ ᠴᠡᠴᠡᠭ ᠢ᠋ ᠤᠯᠠᠭᠠᠨ᠂᠂ ᠴᠠᠭᠠᠨ᠂ ᠴᠡᠩᠬᠡᠷ᠂ ᠶᠠᠭᠠᠨ ᠠᠯᠢ ᠴᠤ᠌ ᠥᠩᠭᠡ ᠪᠡᠷ ᠬᠢᠵᠦ ᠪᠣᠯᠤᠨᠠ᠃ ᠭᠡᠬᠦ ᠳ᠋ᠡᠭᠡᠨ ᠶᠠᠭᠠᠨ ᠴᠡᠴᠡᠭ ᠣᠶᠣᠬᠤ ᠪᠣᠯ ᠲᠡᠭᠦᠨ ᠦ᠌ ᠳᠡᠯᠪᠢ ᠶ᠋ᠢᠨ ᠰᠡᠭᠦᠳᠡᠷ ᠳᠣᠬᠢᠭᠤᠷ ᠢ᠋ ᠤᠯᠠᠭᠠᠨ ᠪᠤᠶᠤ ᠬᠦᠷᠡᠩ ᠥᠩᠭᠡ ᠪᠡᠷ ᠬᠦᠨᠳᠦᠷᠡᠭᠦᠯᠵᠦ ᠰᠡᠭᠦᠳᠡᠷᠯᠡᠵᠦ ᠥᠭᠭᠦᠨᠡ᠃
ᠬᠤᠪᠴᠠᠰᠤ᠂ ᠬᠡᠷᠡᠭᠯᠡᠯ ᠢ᠋ ᠨᠢᠭᠡ ᠥᠩᠭᠡ ᠶ᠋ᠢᠨ ᠤᠲᠠᠰᠤ ᠪᠠᠷ ᠲᠣᠨᠣᠭᠯᠠᠬᠤ ᠪᠣᠯ ᠬᠤᠪᠴᠠᠰᠤ ᠬᠡᠷᠡᠭᠰᠡᠯ ᠦ᠋ᠨ ᠥᠩᠭᠡᠨ ᠡᠴᠡ ᠭᠣᠴᠣ ᠢᠯᠭᠠᠷᠠᠬᠤ ᠲᠣᠳᠣ ᠥᠩᠭᠡᠨ ᠦ᠌ ᠬᠡᠷᠡᠭ ᠦᠭᠡᠢ᠃ ᠳᠡᠪᠢᠰᠬᠡᠷ ᠥᠩᠭᠡ ᠲᠡᠢ ᠠᠯᠢ ᠪᠣᠯᠬᠤ ᠣᠢᠷᠠᠯᠴᠠᠭᠠ ᠥᠩᠭᠡ ᠰᠣᠩᠭᠣᠵᠤ ᠠᠪᠤᠨᠠ᠃ ᠵᠢᠱ᠌ᠢᠶᠡ ᠨᠢ᠄ ᠬᠠᠷᠠ ᠳᠡᠪᠢᠰᠬᠡᠷ ᠲᠦ᠍ ᠲᠣᠰᠣᠨ ᠪᠣᠷᠣ᠂ ᠪᠣᠷᠣ ᠥᠩᠭᠡᠨ ᠳ᠋ᠦ᠍ ᠬᠠᠷᠠ᠂ ᠴᠠᠭᠠᠨ ᠥᠩᠭᠡᠨ ᠳ᠋ᠦ᠍ ᠰᠠᠷᠠᠯ ᠭᠡᠬᠦ ᠮᠡᠲᠦ᠃ ᠬᠠᠨᠲᠠᠭᠠᠵᠠ᠂ ᠬᠦᠷᠮᠡ᠂ ᠤᠤᠵᠢ᠂ ᠳᠠᠩ ᠳᠡᠪᠡᠯ ᠦ᠋ᠨ ᠠᠯᠢᠨ ᠳ᠋ᠤ᠌ ᠴᠤ᠌ ᠵᠣᠬᠢᠮᠵᠢᠲᠠᠢ᠃
ᠵᠢᠷᠤᠭ38
ᠴᠡᠴᠡᠭ ᠢ᠋ᠶ᠋ᠡᠷ ᠲᠣᠨᠣᠭᠯᠠᠭᠰᠠᠨ ᠳᠠᠩ ᠳᠡᠪᠡᠯ
ᠬᠤᠪᠴᠠᠰᠤ ᠬᠡᠷᠡᠭᠯᠡᠯ ᠢ᠋ ᠲᠤᠤᠵᠠ ᠪᠠᠷ ᠲᠣᠨᠣᠭᠯᠠᠬᠤ ᠣᠷᠴᠢᠨ ᠦᠶᠡ ᠳ᠋ᠦ᠍ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠤᠲᠠᠰᠤᠨ ᠲᠤᠤᠵᠠ ᠢᠷᠡᠵᠦ ᠪᠠᠢᠭᠠ ᠨᠢ ᠬᠤᠪᠴᠠᠰᠤ ᠲᠣᠨᠣᠭᠯᠠᠬᠤ ᠳ᠋ᠤ᠌ ᠪᠡᠯᠡᠨ ᠮᠠᠲ᠋ᠧᠷᠢᠶᠠᠯ ᠶᠤᠮ᠃ ᠲᠤᠤᠵᠠ ᠳᠣᠲᠣᠷᠠ ᠪᠠᠨ ᠣᠯᠠᠨ ᠶᠠᠩᠵᠤ ᠶ᠋ᠢᠨ ᠬᠡ᠂ ᠰᠠ ᠲᠠᠢ ᠪᠠᠢᠳᠠᠭ᠃ ᠮᠣᠩᠭᠣᠯᠴᠤᠳ ᠳᠡᠭᠡᠷᠡ ᠦᠶᠡ ᠳ᠋ᠦ᠍ ᠬᠤᠪᠴᠠᠰᠤᠨ ᠳ᠋ᠤ᠌ ᠰᠠ ᠳᠠᠷᠤᠭᠤᠯᠳᠠᠭ ᠪᠠᠢᠭᠰᠠᠨ ᠢ᠋ᠶ᠋ᠠᠷ ᠦᠯᠦ ᠪᠠᠷᠠᠮ ᠠᠷᠮᠢ ᠶ᠋ᠢᠨ ᠬᠤᠪᠴᠠᠰᠤᠨ ᠳ᠋ᠤ᠌ ᠲᠣᠨᠣᠭ ᠴᠢᠮᠡᠭ ᠬᠢᠳᠡᠭ ᠨᠢ ᠣᠳᠣ ᠴᠤ᠌ ᠬᠡᠷᠡᠭᠯᠡᠭᠳᠡᠭᠰᠡᠭᠡᠷ ᠪᠠᠢᠨᠠ᠃ ᠲᠤᠤᠵᠠ ᠪᠠᠷ ᠬᠤᠪᠴᠠᠰᠤ ᠲᠣᠨᠣᠭᠯᠠᠬᠤ ᠳ᠋ᠠᠭᠠᠨ ᠪᠤᠰᠤᠳ ᠲᠣᠨᠣᠭ ᠤ᠋ᠨ ᠠᠳᠠᠯᠢ ᠥᠩᠭᠡ ᠶ᠋ᠢ ᠵᠣᠬᠢᠴᠠᠭᠤᠯᠤᠨᠠ᠃
ᠮᠠᠨ ᠤ᠋ ᠡᠮᠡᠭᠲᠡᠢᠴᠦᠳ ᠪᠡᠯᠡᠨ ᠲᠤᠤᠵᠠ ᠬᠡᠷᠡᠭᠯᠡᠬᠦ ᠡᠴᠡ ᠭᠠᠳᠠᠨᠠ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠭᠠᠷ ᠬᠣᠰᠢ(ᠲᠤᠤᠵᠠ) ᠬᠢᠵᠦ ᠬᠡᠷᠡᠭᠯᠡᠵᠦ ᠢᠷᠡᠵᠡᠢ᠃ ᠭᠠᠷ ᠬᠤᠰᠢ ᠶ᠋ᠢ ᠰᠡᠭᠦᠯ ᠦ᠋ᠨ ᠦᠶᠡ ᠳ᠋ᠦ᠍ ᠬᠢᠬᠦ ᠶ᠋ᠢ ᠪᠣᠯᠢᠭᠰᠠᠨ ᠨᠢ ᠡᠮᠡᠭᠲᠡᠢᠴᠦᠳ ᠦ᠋ᠨ ᠦᠢᠯᠡ ᠳ᠋ᠦ᠍ ᠦᠭᠡᠢᠯᠡᠭᠳᠡᠬᠦ ᠪᠣᠯᠤᠭᠰᠠᠨ ᠲᠤᠯᠠ ᠳᠠᠬᠢᠨ ᠰᠡᠷᠭᠦᠭᠡᠨ ᠬᠢᠵᠦ ᠬᠡᠷᠡᠭᠯᠡᠬᠦ ᠨᠢ ᠴᠢᠬᠤᠯᠠ ᠪᠠᠢᠨᠠ᠃ ᠭᠠᠷ ᠬᠣᠰᠢ ᠶ᠋ᠢᠨ ᠤᠲᠠᠰᠤ ᠨᠢᠭᠡ ᠪᠤᠶᠤ ᠬᠡᠳᠦ ᠬᠡᠳᠦᠨ ᠬᠣᠣᠰᠯᠠᠮᠠᠯ ᠥᠩᠭᠡ ᠶ᠋ᠢᠨ ᠤᠲᠠᠰᠤ ᠪᠠᠷ ᠪᠦᠷᠢᠳᠬᠦ ᠤᠴᠢᠷ ᠳᠠᠪ ᠤ᠋ᠨ ᠵᠠᠭᠤᠷᠠ ᠤᠲᠠᠰᠤ ᠪᠠᠨ ᠪᠡᠯᠡᠳᠬᠡᠨᠡ᠃ ᠭᠠᠷ ᠬᠤᠰᠢ ᠶ᠋ᠢ ᠲᠣᠷᠭᠠ ᠶ᠋ᠢᠨ ᠪᠤᠶᠤ ᠳᠠᠪᠤᠤ ᠶ᠋ᠢᠨ ᠤᠲᠠᠰᠤ ᠪᠠᠷ ᠬᠢᠵᠦ ᠪᠣᠯᠤᠨᠠ᠃ ᠬᠡᠷᠪᠡ ᠪᠡᠯᠡᠨ ᠤᠲᠠᠰᠤ ᠪᠠᠢᠬᠤ ᠦᠭᠡᠢ ᠪᠣᠯ ᠲᠣᠷᠭᠠ᠂ ᠳᠠᠯᠢᠩᠪᠤᠤ ᠪᠣᠯᠤᠨ ᠪᠤᠰᠤᠳ ᠪᠠᠷᠠᠭᠠᠨ ᠤ᠋ ᠤᠲᠠᠰᠤ ᠶ᠋ᠢ ᠰᠤᠪᠤᠵᠤ ᠠᠪᠤᠭᠠᠳ ᠬᠢᠬᠦ ᠵᠦᠢᠯ ᠳ᠋ᠡᠭᠡᠨ ᠲᠣᠬᠢᠷᠠᠭᠤᠯᠤᠨ ᠲᠤᠤᠵᠠ ᠪᠠᠨ ᠥᠷᠭᠡᠨ ᠨᠠᠷᠢᠨ ᠶᠠᠩᠵᠤ ᠪᠦᠷᠢ ᠬᠣᠶᠠᠮᠤᠰᠤᠨ ᠪᠤᠶᠤ ᠭᠤᠷᠮᠤᠰᠤᠨ ᠢ᠋ᠶ᠋ᠠᠷ ᠲᠠᠮᠤᠵᠤ ᠪᠡᠯᠡᠳᠬᠡᠭᠡᠳ ᠲᠣᠨᠣᠭᠯᠠᠬᠤ ᠵᠦᠢᠯ ᠳ᠋ᠡᠭᠡᠨ ᠲᠣᠬᠢᠷᠠᠭᠤᠯᠤᠨ ᠲᠤᠤᠵᠠ ᠪᠠᠨ ᠥᠷᠭᠡᠨ ᠨᠠᠷᠢᠨ ᠶᠠᠩᠵᠤ ᠪᠦᠷᠢ ᠪᠡᠷ ᠲᠣᠬᠢᠷᠠᠭᠤᠯᠤᠨ ᠬᠣᠭᠣᠷᠣᠨᠳᠣ ᠨᠢ ᠭᠡᠷ ᠦ᠋ᠨ ᠬᠣᠰᠢᠯᠠᠩ ᠰᠢᠷᠢᠬᠦ ᠠᠳᠠᠯᠢ ᠪᠠᠷ ᠨᠡᠢᠯᠡᠭᠦᠯᠦᠨ ᠣᠶᠣᠨᠠ᠃ ᠬᠡᠷᠪᠡ ᠠᠯᠠᠭ ᠬᠤᠰᠢ ᠬᠢᠬᠦ ᠪᠣᠯ ᠤᠲᠠᠰᠤᠨ ᠤ᠋ ᠪᠠᠨ ᠥᠩᠭᠡ ᠶ᠋ᠢ ᠰᠣᠯᠣᠩᠭᠠᠨ ᠥᠩᠭᠡ ᠪᠡᠷ ᠲᠣᠬᠢᠷᠠᠭᠤᠯᠪᠠᠯ ᠶᠠᠮᠠᠷ ᠴᠤ᠌ ᠮᠠᠲ᠋ᠧᠷᠢᠶᠠᠯ ᠳ᠋ᠤ᠌ ᠴᠢᠮᠡᠭ ᠬᠢᠬᠦ ᠳ᠋ᠦ᠍ ᠲᠣᠬᠢᠷᠠᠨᠠ᠃ ᠨᠢᠭᠡ ᠥᠩᠭᠡ ᠪᠡᠷ ᠬᠢᠪᠡᠯ ᠨᠢᠭᠡ ᠥᠩᠭᠡ ᠶ᠋ᠢᠨ ᠤᠲᠠᠰᠤ ᠪᠡᠯᠡᠳᠬᠡᠨᠡ᠃ ᠭᠠᠷ ᠬᠣᠰᠢ ᠨᠢ ᠣᠢᠮᠣᠰᠤᠨ ᠤ᠋ ᠬᠠᠷᠠᠭᠠ ᠶ᠋ᠢᠨ ᠳᠣᠣᠷᠠᠲᠤ ᠵᠠᠬᠠ ᠪᠠᠷ ᠬᠡ ᠲᠠᠯᠪᠢᠬᠤ ᠳ᠋ᠤ᠌ ᠲᠣᠬᠢᠷᠠᠮᠵᠢᠲᠠᠢ ᠪᠠᠢᠳᠠᠭ᠃
ᠱ᠌ᠢᠷᠦ ᠰᠤᠪᠤᠳ ᠢ᠋ᠶ᠋ᠠᠷ ᠪᠤᠶᠤ ᠦᠯᠪᠦᠩ ᠢ᠋ᠶ᠋ᠡᠷ ᠬᠤᠪᠴᠠᠰᠤ ᠲᠣᠨᠣᠭᠯᠠᠬᠤ ᠱ᠌ᠢᠷᠦ ᠰᠤᠪᠤᠳ᠂ ᠦᠯᠪᠦᠩ ᠢ᠋ᠶ᠋ᠡᠷ ᠬᠤᠪᠴᠠᠰᠤ ᠲᠣᠨᠣᠭᠯᠠᠬᠤ ᠤᠷᠠᠯᠠᠯ ᠡᠷᠲᠡ ᠦᠶᠡ ᠡᠴᠡ ᠡᠳᠦᠭᠡ ᠬᠦᠷᠲᠡᠯᠡ ᠬᠡᠷᠡᠭᠯᠡᠭᠳᠡᠵᠦ ᠢᠷᠡᠭᠰᠡᠨ ᠥᠪᠡᠷᠮᠢᠴᠡ ᠤᠷᠠᠯᠠᠯ ᠶᠤᠮ᠃ ᠰᠤᠪᠤᠳ ᠢ᠋ᠶ᠋ᠠᠷ ᠲᠣᠨᠣᠭᠯᠠᠵᠤ ᠬᠡ ᠲᠠᠯᠪᠢᠭᠰᠠᠨ ᠬᠠᠨᠲᠠᠭᠠᠵᠠ ᠪᠡᠯᠡᠭᠯᠡᠵᠦ ᠪᠠᠢᠭᠰᠠᠨ ᠲᠤᠬᠠᠢ ᠮᠡᠳᠡᠭᠡ ᠪᠠᠢᠳᠠᠭ᠃ ᠱ᠌ᠢᠷᠦ ᠰᠤᠪᠤᠳ᠂ ᠥᠩᠭᠡᠲᠦ ᠰᠢᠯ᠂ ᠦᠯᠪᠦᠩ ᠢ᠋ᠶ᠋ᠡᠷ ᠬᠤᠪᠴᠠᠰᠤ ᠶ᠋ᠢ ᠲᠣᠨᠣᠭᠯᠠᠬᠤ ᠳ᠋ᠠᠭᠠᠨ ᠡᠩ ᠦ᠋ᠨ ᠡᠮᠦᠰᠳᠡᠭ ᠬᠤᠪᠴᠠᠰᠤᠨ ᠳ᠋ᠤ᠌ ᠲᠣᠬᠢᠷᠠᠮᠵᠢ ᠦᠭᠡᠢ ᠪᠥᠭᠡᠳ ᠭᠣᠶᠣᠯ ᠤ᠋ᠨ ᠬᠠᠨᠲᠠᠭᠠᠵᠠ᠂ ᠬᠦᠷᠮᠡ ᠨᠣᠣᠰᠣᠨ ᠴᠠᠮᠴᠠ᠂ ᠳᠣᠲᠣᠷ ᠴᠠᠮᠴᠠ᠂ ᠳᠠᠩ ᠳᠡᠪᠡᠯ ᠦ᠋ᠨ ᠡᠩᠭᠡᠷ ᠵᠠᠬᠠ ᠬᠠᠨᠴᠤᠢ ᠪᠤᠶᠤ ᠨᠣᠣᠰᠣᠨ ᠴᠠᠮᠴᠠ ᠶ᠋ᠢᠨ ᠡᠩᠭᠡᠷ ᠲᠦ᠍ ᠬᠡ ᠲᠠᠯᠪᠢᠬᠤ ᠳ᠋ᠤ᠌ ᠢᠯᠠᠩᠭᠤᠶᠠ ᠰᠥᠨᠢ ᠶ᠋ᠢᠨ ᠬᠤᠪᠴᠠᠰᠤᠨ ᠳ᠋ᠤ᠌ ᠵᠣᠬᠢᠮᠵᠢᠲᠠᠢ ᠪᠠᠢᠳᠠᠭ᠃
ᠵᠢᠷᠤᠭ39
(1)
ᠰᠤᠪᠤᠳ ᠢ᠋ᠶ᠋ᠠᠷ ᠪᠦᠲᠦᠭᠡᠭᠰᠡᠨ ᠲᠣᠨᠣᠯᠵᠢᠨ ᠬᠡ
(2) ᠬᠤᠪᠴᠠᠰᠤᠨ ᠤ᠋ ᠵᠠᠬᠠ ᠡᠩᠭᠡᠷ ᠢ᠋ ᠱ᠌ᠢᠷᠦ ᠰᠤᠪᠤᠳ ᠢ᠋ᠶ᠋ᠠᠷ ᠲᠣᠨᠣᠭᠯᠠᠭᠰᠠᠨ ᠪᠠᠢᠳᠠᠯ
ᠱ᠌ᠢᠷᠦ ᠰᠤᠪᠤᠳ ᠢ᠋ᠶ᠋ᠠᠷ ᠪᠤᠶᠤ ᠦᠯᠪᠦᠩ ᠢ᠋ᠶ᠋ᠡᠷ ᠬᠡ ᠶ᠋ᠢ ᠶᠠᠩᠵᠤ ᠪᠦᠷᠢ ᠪᠡᠷ ᠲᠠᠯᠪᠢᠵᠤ ᠪᠣᠯᠤᠨᠠ᠃ ᠶᠠᠭᠤᠨ ᠤ᠋ ᠡᠮᠦᠨᠡ ᠲᠠᠯᠪᠢᠬᠤ ᠭᠠᠵᠠᠷ ᠢ᠋ᠶ᠋ᠠᠨ ᠲᠤᠬᠠᠢᠯᠠᠪᠠᠯ᠂ ᠮᠣᠩᠭᠣᠯ ᠬᠠᠨᠲᠠᠭᠠᠵᠠ ᠬᠦᠷᠮᠡ᠂ ᠨᠣᠣᠰᠣᠨ ᠪᠠ ᠳᠣᠲᠣᠷ ᠴᠠᠮᠴᠠ ᠶ᠋ᠢᠨ ᠵᠠᠬᠠ ᠡᠩᠭᠡᠷ ᠲᠦ᠍ ᠡᠬᠢᠯᠡᠨ ᠵᠢᠷᠤᠭ ᠢ᠋ᠶ᠋ᠠᠨ ᠵᠢᠷᠤᠨᠠ᠃ ᠳᠠᠷᠠᠭᠠ ᠨᠢ ᠴᠢᠮᠡᠭᠯᠡᠬᠦ ᠱ᠌ᠢᠷᠦ ᠰᠤᠪᠤᠳ ᠢ᠋ᠶ᠋ᠠᠨ ᠪᠥᠬᠡ ᠨᠡᠢᠯᠡᠭ ᠪᠤᠶᠤ ᠮᠢᠨᠳᠠᠰᠤ᠂ ᠰᠢᠷᠪᠦᠰᠦᠨ ᠤᠲᠠᠰᠤᠨ ᠳ᠋ᠤ᠌ ᠬᠡᠯᠬᠢᠨ ᠬᠡ ᠳ᠋ᠡᠭᠡᠨ ᠲᠣᠬᠢᠷᠠᠭᠤᠯᠤᠨ ᠥᠭᠡᠷᠡ ᠤᠲᠠᠰᠤ ᠪᠠᠷ ᠳᠠᠷᠤᠭᠤᠯᠵᠤ ᠣᠶᠣᠬᠤ ᠪᠤᠶᠤ ᠨᠠᠷᠢᠨ ᠲᠣᠨᠣᠭ ᠳᠡᠭᠡᠷᠡ ᠬᠡᠯᠬᠢᠬᠦ ᠤᠲᠠᠰᠤ ᠪᠠᠨ ᠵᠡᠭᠦᠨ ᠳ᠋ᠦ᠍ ᠰᠦᠪᠡᠯᠡᠨ ᠣᠶᠣᠬᠤ ᠮᠠᠶᠢᠭ ᠢ᠋ᠶ᠋ᠠᠷ ᠬᠡᠯᠡᠨᠡ᠃
ᠡᠭᠦᠨ ᠦ᠌ ᠲᠤᠯᠠᠳᠠ ᠱ᠌ᠢᠷᠦ ᠰᠤᠪᠤᠳ ᠢ᠋ᠶ᠋ᠠᠨ ᠳᠡᠷᠭᠡᠳᠡ ᠪᠡᠨ ᠲᠠᠯᠪᠢᠵᠤ ᠨᠢᠭᠡ ᠨᠢᠭᠡ ᠪᠡᠷ ᠬᠡᠯᠬᠢᠨ ᠬᠡ ᠳ᠋ᠦ᠍ ᠣᠶᠣᠬᠤ ᠵᠠᠮ ᠢ᠋ᠶ᠋ᠠᠷ ᠲᠣᠨᠣᠭᠯᠠᠬᠤ ᠪᠠ ᠤᠭ ᠬᠤᠪᠴᠠᠰᠤᠨ ᠳ᠋ᠤ᠌ ᠥᠩᠭᠡ ᠲᠣᠬᠢᠷᠠᠭᠤᠯᠤᠨᠠ᠃ ᠡᠭᠦᠨ ᠳ᠋ᠦ᠍ ᠴᠠᠭᠠᠨ ᠳᠡᠭᠡᠷᠡ ᠴᠠᠭᠠᠨ᠂ ᠬᠠᠷᠠ ᠳᠡᠭᠡᠷᠡ ᠬᠠᠷᠠ ᠭᠡᠬᠦ ᠮᠡᠲᠦ ᠬᠤᠪᠴᠠᠰᠤᠨ ᠤ᠋ ᠥᠩᠭᠡ ᠲᠡᠢ ᠪᠡᠨ ᠢᠵᠠᠯ ᠬᠡ ᠲᠠᠯᠪᠢᠬᠤ ᠨᠢ ᠵᠣᠬᠢᠮᠵᠢᠲᠠᠢ ᠪᠠᠢᠳᠠᠭ᠃
ᠬᠡᠷᠪᠡ ᠦᠯᠪᠦᠩ ᠢ᠋ᠶ᠋ᠡᠷ ᠴᠡᠴᠡᠭ ᠦ᠋ᠨ ᠬᠡ ᠲᠠᠯᠪᠢᠬᠤ ᠪᠣᠯ ᠴᠡᠴᠡᠭ ᠦ᠋ᠨ ᠴᠣᠮᠣᠷᠯᠢᠭ᠂ ᠳᠣᠬᠢᠭᠤᠷ ᠰᠡᠭᠦᠳᠡᠷ ᠢ᠋ ᠭᠠᠷᠭᠠᠬᠤ ᠳ᠋ᠠᠭᠠᠨ ᠬᠠᠳᠬᠤᠮᠠᠯ ᠤ᠋ᠨ ᠥᠩᠭᠡ ᠲᠣᠬᠢᠷᠠᠭᠤᠯᠬᠤ ᠲᠠᠢ ᠠᠳᠠᠯᠢ᠃ ᠮᠥᠨ ᠵᠢᠵᠢᠭ ᠦᠯᠪᠦᠩ ᠵᠠᠬᠠ ᠪᠠᠷ ᠨᠢ ᠣᠶᠣᠵᠤ ᠬᠡᠯᠡᠭᠡᠳ ᠭᠣᠣᠯ ᠳ᠋ᠤᠨᠢ ᠵᠠᠬᠠ ᠶ᠋ᠢᠨ ᠦᠯᠪᠦᠩ ᠡᠴᠡ ᠠᠷᠠᠢ ᠲᠣᠮᠣ ᠥᠩᠭᠡᠲᠦ ᠰᠢᠯ ᠲᠠᠯᠪᠢᠵᠤ ᠪᠦᠲᠡᠩ ᠬᠡᠯᠪᠡᠷᠢ ᠲᠡᠢ ᠬᠡ ᠭᠠᠷᠭᠠᠪᠠᠯ ᠵᠣᠬᠢᠮᠵᠢᠲᠠᠢ ᠰᠣᠨᠢᠨ ᠬᠡ ᠭᠠᠷᠤᠨᠠ᠃ ᠬᠠᠷᠢᠨ ᠱ᠌ᠢᠷᠦ᠂ ᠰᠤᠪᠤᠳ ᠮᠡᠲᠦ ᠴᠢᠨᠠᠷᠲᠠᠢ ᠡᠷᠳᠡᠨᠢᠰ ᠦ᠋ᠨ ᠵᠦᠢᠯ ᠢ᠋ ᠦᠯᠪᠦᠩ ᠮᠡᠲᠦ ᠥᠭᠡᠷᠡ ᠶᠠᠭᠤᠮᠠ ᠲᠠᠢ ᠬᠣᠯᠢᠬᠤ ᠬᠡᠷᠡᠭ ᠦᠭᠡᠢ᠃ ᠬᠤᠪᠴᠠᠰᠤ ᠬᠡᠯᠡᠬᠦ ᠱ᠌ᠢᠷᠦ᠂ ᠰᠤᠪᠤᠳ ᠠᠯᠢ ᠪᠣᠯᠬᠤ ᠵᠢᠵᠢᠭ ᠪᠠᠢᠪᠠᠯ ᠲᠡᠳᠦᠢᠴᠢᠨᠡᠭᠡᠨ ᠰᠠᠢᠨ ᠪᠠᠢᠳᠠᠭ᠃
ᠴᠢᠮᠡᠭᠯᠡᠬᠦ ᠤᠷᠠᠯᠢᠭ ᠤ᠋ᠨ ᠨᠢᠭᠡ ᠲᠣᠮᠣᠬᠠᠨ ᠲᠥᠷᠥᠯ ᠨᠢ ᠤᠲᠠᠰᠤᠨ ᠴᠢᠮᠡᠭ ᠶᠦᠮ᠃ ᠤᠲᠠᠰᠤ ᠪᠠᠷ ᠶᠠᠮᠠᠷ ᠴᠤ᠌ ᠬᠡ ᠶ᠋ᠢ ᠪᠦᠲᠦᠭᠡᠨ ᠴᠢᠮᠡᠭᠯᠡᠵᠦ ᠪᠣᠯᠳᠠᠭ᠃ ᠤᠲᠠᠰᠤ ᠪᠠᠷ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠪᠡᠯᠭᠡᠳᠡᠯ᠂ ᠭᠣᠶᠣᠯ ᠴᠢᠮᠡᠭᠯᠡᠯ ᠦ᠋ᠨ ᠬᠡ ᠲᠠᠯᠪᠢᠬᠤ ᠠ᠋ᠴᠠ ᠭᠠᠳᠠᠨᠠ ᠠᠮᠢᠲᠠᠨ᠂ ᠤᠷᠭᠤᠮᠠᠯ ᠵᠡᠷᠭᠡ ᠳᠤᠷᠠᠲᠠᠢ ᠬᠡ᠂ ᠳᠦᠷᠰᠦ ᠭᠠᠷᠭᠠᠵᠤ ᠪᠣᠯᠤᠨᠠ᠃ ᠬᠤᠪᠴᠠᠰᠤ ᠡᠳ᠋ᠯᠡᠯ ᠴᠢᠮᠡᠭᠯᠡᠬᠦ ᠤᠲᠠᠰᠤᠨ ᠬᠡ ᠶ᠋ᠢ ᠳᠠᠩ ᠪᠠ ᠣᠯᠠᠨ ᠥᠩᠭᠡ ᠪᠡᠷ ᠬᠤᠷᠰᠢᠬᠤ ᠪᠤᠶᠤ ᠬᠣᠰᠢᠮᠠᠭ ᠪᠠᠢᠳᠠᠯ ᠢ᠋ᠶ᠋ᠠᠷ ᠭᠠᠷᠭᠠᠵᠤ ᠬᠡᠯᠡᠨᠡ᠃ ᠬᠣᠷᠰᠢᠬᠤ ᠪᠠᠢᠳᠠᠯ ᠭᠡᠳᠡᠭ ᠪᠣᠯ ᠬᠡᠳᠦᠨ ᠥᠩᠭᠡ ᠶ᠋ᠢᠨ ᠤᠲᠠᠰᠤ ᠶ᠋ᠢ ᠬᠣᠯᠢᠬᠤ ᠪᠤᠶᠤ ᠰᠡᠭᠦᠳᠡᠷ ᠭᠠᠷᠭᠠᠬᠤ ᠪᠠᠢᠳᠠᠯ ᠢ᠋ᠶ᠋ᠠᠷ ᠤᠷᠠᠯᠠᠬᠤ ᠶ᠋ᠢ ᠬᠡᠯᠡᠨᠡ᠃ ᠬᠣᠰᠢᠮᠠᠭ ᠭᠡᠳᠡᠭ ᠨᠢ ᠤᠲᠠᠰᠤ ᠶ᠋ᠢ ᠬᠣᠯᠢᠬᠤ ᠪᠢᠰᠢ ᠬᠡᠳᠦ ᠬᠡᠳᠦᠨ ᠥᠩᠭᠡ ᠶ᠋ᠢᠨ ᠤᠲᠠᠰᠤ ᠶ᠋ᠢ ᠰᠣᠯᠣᠩᠭᠠᠷᠠᠭᠤᠯᠤᠨ ᠵᠡᠷᠭᠡᠴᠡᠭᠦᠯᠦᠨ ᠠᠯᠠᠭᠯᠠᠭᠤᠯᠵᠤ ᠴᠢᠮᠡᠭᠯᠡᠬᠦ ᠠᠷᠭᠠ ᠶᠤᠮ᠃ ᠬᠡ ᠴᠢᠮᠡᠭ ᠬᠢᠬᠦ ᠳ᠋ᠦ᠍ ᠨᠣᠣᠰᠣᠨ ᠪᠤᠶᠤ ᠲᠣᠷᠭᠠ᠂ ᠳᠠᠪᠤᠤ ᠵᠡᠷᠭᠡ ᠶᠠᠮᠠᠷ ᠴᠤ᠌ ᠤᠲᠠᠰᠤ ᠪᠠᠷ ᠴᠢᠮᠡᠭ ᠬᠢᠵᠦ ᠪᠣᠯᠬᠤ ᠪᠣᠯᠪᠠᠴᠤ ᠨᠢᠮᠭᠡᠨ ᠲᠣᠷᠭᠠᠨ ᠳᠡᠭᠡᠷᠡ ᠳᠠᠪᠤᠤ ᠪᠤᠶᠤ ᠨᠣᠣᠰᠣᠨ ᠤᠲᠠᠰᠤ ᠵᠣᠬᠢᠮᠵᠢ ᠦᠭᠡᠢ ᠪᠠᠢᠳᠠᠭ᠃ ᠤᠲᠠᠰᠤ ᠪᠠᠷ ᠵᠠᠩᠭᠢᠳᠤᠮᠠᠯ᠂ ᠰᠦᠯᠵᠢᠮᠡᠯ ᠬᠡ ᠬᠢᠬᠦ ᠡᠴᠡ ᠭᠠᠳᠠᠨᠠ ᠰᠢᠪᠡᠭᠦᠷ ᠵᠡᠭᠦᠦ ᠪᠡᠷ ᠳᠤᠭᠤᠢ ᠲᠣᠨᠣᠯᠵᠢᠨ ᠬᠡ᠂ ᠯᠠᠨᠵᠠ ᠪᠣᠯᠤᠨ ᠪᠤᠰᠤᠳ ᠵᠠᠬᠠᠯᠠᠬᠤ ᠴᠢᠮᠡᠭᠯᠡᠬᠦ ᠬᠡ ᠶ᠋ᠢ ᠬᠢᠵᠦ ᠪᠣᠯᠤᠨᠠ᠃ ᠬᠡᠷᠪᠡ ᠰᠢᠪᠡᠭᠦᠷ ᠢ᠋ᠶ᠋ᠡᠷ ᠬᠡ ᠲᠠᠯᠪᠢᠭᠰᠠᠨ ᠪᠣᠯ ᠳᠡᠪᠢᠰᠬᠡᠷ ᠮᠠᠲ᠋ᠧᠷᠢᠶᠠᠯ ᠤ᠋ᠨ ᠢ᠋ᠶ᠋ᠠᠨ ᠨᠢᠮᠭᠡᠨ ᠵᠤᠵᠠᠭᠠᠨ ᠳ᠋ᠤ᠌ ᠲᠣᠬᠢᠷᠠᠭᠤᠯᠤᠨ ᠤᠲᠠᠰᠤᠨ ᠤ᠋ ᠪᠠᠨ ᠭᠣᠭᠴᠣᠭᠠ ᠶ᠋ᠢ ᠵᠢᠭᠳᠡ ᠬᠠᠢᠴᠢᠯᠠᠨ ᠬᠡᠪᠢᠰ ᠬᠡᠯᠪᠡᠷᠢ ᠲᠡᠢ ᠪᠣᠯᠭᠠᠪᠠᠯ ᠦᠵᠡᠮᠵᠢ ᠲᠡᠢ ᠪᠣᠯᠳᠠᠭ᠃ ᠰᠢᠪᠡᠭᠦᠷ ᠣᠶᠣᠳᠠᠯ ᠢ᠋ᠶ᠋ᠠᠷ ᠬᠡ ᠭᠠᠷᠭᠠᠬᠤ ᠳ᠋ᠠᠭᠠᠨ ᠳᠡᠪᠢᠰᠬᠡᠷ᠂ ᠤᠲᠠᠰᠤᠨ ᠤ᠋ ᠥᠩᠭᠡ ᠬᠣᠶᠠᠷ ᠢ᠋ ᠨᠠᠷᠢᠨ ᠵᠣᠬᠢᠴᠠᠭᠤᠯᠬᠤ ᠶᠣᠰᠣᠲᠠᠢ᠃ ᠰᠢᠪᠡᠭᠦᠷ ᠪᠤᠶᠤ ᠥᠭᠡᠷᠡ ᠠᠷᠭᠠ ᠪᠠᠷ ᠴᠢᠮᠡᠭ ᠬᠢᠬᠦ ᠳ᠋ᠦ᠍ ᠤᠷᠢᠳᠴᠢᠯᠠᠵᠤ ᠵᠢᠷᠤᠭ ᠢ᠋ᠶ᠋ᠠᠨ ᠵᠢᠷᠤᠵᠤ ᠥᠨᠴᠥᠭ ᠪᠤᠯᠤᠩ ᠤ᠋ᠨ ᠬᠡ ᠶ᠋ᠢᠨ ᠵᠠᠢ ᠶ᠋ᠢ ᠲᠣᠬᠢᠷᠠᠭᠤᠯᠵᠤ ᠴᠣᠬᠣᠢ ᠪᠠᠷ ᠪᠦᠳᠡᠭᠢᠬᠡᠨ ᠵᠢᠷᠤᠭᠠᠳ ᠡᠭᠦᠨ ᠦ᠌ ᠪᠡᠨ ᠳᠠᠭᠠᠤ ᠬᠡ ᠪᠡᠨ ᠲᠠᠯᠪᠢᠨᠠ᠃ ᠣᠶᠣᠬᠤ ᠳ᠋ᠠᠭᠠᠨ ᠬᠡ ᠶ᠋ᠢ ᠬᠥᠭᠡᠭᠡᠵᠦ ᠰᠢᠭᠤᠳ ᠬᠠᠳᠬᠤᠮᠠᠯ ᠢ᠋ᠶ᠋ᠠᠨ ᠡᠬᠢᠯᠡᠬᠦ ᠶᠦᠮ ᠤᠤ ᠡᠰᠡᠬᠦᠯᠡ ᠤᠲᠠᠰᠤ ᠪᠠᠨ(ᠬᠡ ᠲᠠᠯᠪᠢᠬᠤ) ᠵᠢᠷᠤᠭᠰᠠᠨ ᠬᠡ ᠳ᠋ᠡᠭᠡᠨ ᠲᠣᠬᠢᠷᠠᠭᠤᠯᠤᠨ ᠲᠦᠷ ᠲᠣᠭᠲᠠᠭᠠᠭᠠᠳ ᠬᠡ ᠲᠠᠯᠪᠢᠭᠰᠠᠨ ᠤᠲᠠᠰᠤᠨ ᠤ᠋ ᠪᠠᠨ ᠥᠩᠭᠡ ᠲᠡᠢ ᠤᠲᠠᠰᠤ ᠪᠠᠷ ᠳᠠᠷᠤᠭᠤᠯᠤᠨ ᠣᠶᠣᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠠᠷᠮᠠ ᠥᠯᠵᠡᠢᠪᠠᠭᠠᠲᠤᠷ ᠲᠣᠭᠳᠠᠭᠤᠨᠪᠠᠶᠠᠷ ᠰᠠᠢᠨᠪᠢᠯᠢᠭ᠌ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ