ᠮᠣᠩᠭᠣᠯ ᠡᠮᠡᠭᠲᠡᠢ ᠶᠢᠨ ᠤᠷᠠᠨ ᠦᠢᠯᠡ-ᠴ ᠰᠣᠩᠭᠢᠨᠠ-ᠬᠣᠶᠠᠳᠤᠭᠠᠷ ᠪᠦᠯᠦᠭ22-ᠮᠣᠩᠭᠣᠯ ᠤ᠋ᠨ ᠡᠷᠡ ᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠪᠣᠯᠤᠨ ᠶᠣᠰᠣᠯᠠᠯ ᠤ᠋ᠨ ᠬᠤᠪᠴᠠᠰᠤ
371ᠬᠣᠶᠠᠳᠤᠭᠠᠷ ᠪᠦᠯᠦᠭ22-ᠮᠣᠩᠭᠣᠯ ᠤ᠋ᠨ ᠡᠷᠡ ᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠪᠣᠯᠤᠨ ᠶᠣᠰᠣᠯᠠᠯ ᠤ᠋ᠨ ᠬᠤᠪᠴᠠᠰᠤ
13 ᠳ᠋ᠤᠭᠠᠷ ᠦᠶᠡ ᠳ᠋ᠦ᠍ ᠮᠣᠩᠭᠣᠯ ᠳ᠋ᠤ᠌ ᠢᠷᠡᠵᠦ ᠪᠠᠢᠭᠰᠠᠨ ᠵᠢᠭᠤᠯᠴᠢᠨ ᠮᠠᠷᠺᠣ ᠫᠣᠯᠣ᠋ ᠪᠢᠴᠢᠬᠦ ᠳ᠋ᠡᠭᠡᠨ᠄ ᠮᠣᠩᠭᠣᠯ ᠤ᠋ᠨ ᠴᠠᠭᠠᠨ ᠰᠠᠷᠠ ᠬᠣᠶᠠᠷ ᠰᠠᠷᠠ ᠠ᠋ᠴᠠ ᠡᠬᠢᠯᠡᠳᠡᠭ ᠭᠡᠰᠡᠨ ᠨᠢ ᠣᠳᠣ ᠶ᠋ᠢᠨ ᠣᠨ ᠲᠣᠭᠠᠯᠠᠯ ᠤ᠋ᠨ ᠴᠠᠭᠠᠨ ᠰᠠᠷᠠ ᠪᠤᠶᠤ ᠮᠠᠯᠴᠢᠨ ᠤ᠋ ᠴᠠᠭᠠᠨ ᠰᠠᠷᠠ ᠲᠠᠢ ᠲᠣᠬᠢᠷᠠᠵᠤ ᠪᠠᠢᠭᠠ ᠪᠥᠭᠡᠳ ᠬᠤᠪᠴᠠᠰᠤᠨ ᠤ᠋ ᠲᠠᠯᠠ ᠪᠠᠷ ᠲᠡᠭᠦᠨ ᠦ᠌ ᠪᠢᠴᠢᠭᠰᠡᠨ ᠡᠴᠡ ᠦᠵᠡᠬᠦ ᠳ᠋ᠦ᠍ ᠲᠡᠳᠡ ᠡᠷᠡ ᠡᠮᠡ ᠦᠭᠡᠢ ᠴᠥᠮ ᠴᠢᠳᠠᠬᠤ ᠶᠠᠳᠠᠬᠤ ᠪᠠᠷ ᠢ᠋ᠶ᠋ᠠᠨ ᠴᠠᠭᠠᠨ ᠬᠤᠪᠴᠠᠰᠤ ᠡᠮᠦᠰᠦᠨᠡ᠃ ᠮᠣᠩᠭᠣᠯᠴᠤᠳ ᠴᠠᠭᠠᠨ ᠬᠤᠪᠴᠠᠰᠤ ᠶ᠋ᠢ ᠠᠵᠠ ᠵᠢᠷᠭᠠᠯ ᠲᠠᠢ ᠳ᠋ᠤ᠌ ᠲᠣᠭᠠᠴᠠᠨ ᠰᠢᠲᠦᠳᠡᠭ ᠤᠴᠢᠷ ᠲᠡᠭᠦᠨ ᠢ᠋ ᠪᠡᠯᠭᠡᠳᠡᠨ ᠡᠰᠡᠨ ᠮᠡᠨᠳᠦ᠂ ᠡᠩᠬᠡ ᠠᠮᠤᠭᠤᠯᠠᠩ ᠪᠠᠢᠬᠤ ᠶ᠋ᠢᠨ ᠲᠤᠯᠠᠳᠠ ᠴᠠᠭᠠᠨ ᠬᠤᠪᠴᠠᠰᠤ ᠡᠮᠦᠰᠬᠦ ᠪᠠ ᠡᠨᠡ ᠬᠤᠪᠴᠠᠰᠤ ᠶ᠋ᠢ ᠨᠣᠶᠠᠳ ᠲᠦᠰᠢᠮᠡᠳ ᠲᠡᠳᠦᠢ ᠦᠭᠡᠢ ᠪᠦᠬᠦ ᠬᠥᠮᠦᠨ ᠡᠮᠦᠰᠴᠦ᠂ ᠪᠡᠶᠡ ᠳ᠋ᠡᠭᠡᠨ ᠴᠠᠭᠠᠨ ᠵᠦᠢᠯ ᠢ᠋ ᠪᠡᠯᠭᠡᠳᠡᠨ ᠵᠣᠯᠭᠠᠵᠤ ᠬᠥᠭᠵᠢᠯᠳᠦᠨ ᠨᠠᠢᠷᠯᠠᠳᠠᠭ ᠨᠢ ᠪᠦᠬᠦ ᠵᠢᠯ ᠢ᠋ ᠠᠵᠠ ᠵᠢᠷᠭᠠᠯ ᠲᠠᠢ ᠥᠩᠭᠡᠷᠡᠭᠡᠬᠦ ᠶ᠋ᠢᠨ ᠲᠤᠯᠠᠳᠠ ᠢᠩᠭᠢᠳᠡᠭ ᠭᠡᠵᠦ ᠪᠢᠴᠢᠵᠡᠢ᠃
ᠡᠭᠦᠨ ᠡᠴᠡ ᠦᠨᠳᠦᠰᠦᠯᠡᠨ ᠴᠠᠭᠠᠨ ᠰᠠᠷᠠ ᠭᠡᠵᠦ ᠨᠡᠷᠡᠯᠡᠬᠦ ᠪᠣᠯᠤᠭᠰᠠᠨ ᠪᠣᠯᠤᠯᠲᠠᠢ᠃ ᠮᠣᠩᠭᠣᠯᠴᠤᠳ ᠤ᠋ᠨ ᠰᠢᠨᠡ ᠵᠢᠯ᠂ ᠨᠠᠢᠷ ᠨᠠᠭᠠᠳᠤᠮ᠂ ᠠᠭᠤᠯᠠ ᠤᠰᠤ ᠲᠠᠬᠢᠬᠤ ᠵᠡᠷᠭᠡ ᠳ᠋ᠦ᠍ ᠡᠷᠡ ᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠬᠢᠬᠦ ᠪᠥᠭᠡᠳ ᠪᠠᠭᠠ ᠵᠡᠷᠭᠡ ᠶ᠋ᠢᠨ ᠨᠠᠢᠷ ᠨᠠᠭᠠᠳᠤᠮ ᠳ᠋ᠤ᠌ ᠡᠷᠡ ᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠬᠢᠳᠡᠭ ᠦᠭᠡᠢ᠃ ᠡᠷᠡ ᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠤ᠋ᠨ ᠤᠤᠭᠠᠨ ᠪᠡᠶᠡ ᠲᠠᠮᠢᠷ ᠤ᠋ᠨ ᠨᠢᠭᠡ ᠪᠣᠯᠬᠤ ᠦᠨᠳᠦᠰᠦᠲᠡᠨ ᠦ᠌ ᠪᠥᠬᠡ ᠶ᠋ᠢᠨ ᠬᠤᠪᠴᠠᠰᠤ ᠶᠡᠷᠦᠳᠡ ᠶ᠋ᠢᠨ ᠡᠭᠡᠳᠡᠩ ᠭᠤᠲᠤᠯ ᠪᠥᠭᠡᠳ ᠡᠭᠦᠨ ᠢ᠋ ᠡᠷᠲᠡ ᠦᠶᠡ ᠡᠴᠡ ᠡᠬᠢᠯᠡᠨ ᠣᠳᠣ ᠬᠦᠷᠲᠡᠯᠡ ᠬᠡᠷᠡᠭᠯᠡᠵᠦ ᠪᠠᠢᠭᠠ ᠶᠤᠮ(ᠤᠷᠠ ᠬᠢᠴᠡ ᠶ᠋ᠢᠨ ᠲᠠᠯᠠ ᠪᠠᠷ ᠰᠢᠷᠢ ᠶ᠋ᠢᠨ ᠡᠳ᠋ᠯᠡᠯ ᠭᠡᠳᠡᠭ ᠪᠦᠯᠦᠭ ᠲᠦ᠍ ᠳᠤᠷᠠᠳᠤᠭᠰᠠᠨ ᠪᠢᠯᠡ)᠃
36 (1) ᠵᠣᠳᠣᠭ
(2) ᠱᠣᠳᠠᠭ
ᠵᠣᠳᠣᠭ ᠱᠤᠳᠠᠭ ᠦᠨᠳᠦᠰᠦᠲᠡᠨ ᠦ᠌ ᠪᠥᠬᠡ ᠶ᠋ᠢᠨ ᠵᠣᠳᠣᠭ ᠱᠣᠳᠠᠭ ᠢ᠋ ᠠᠯᠢ ᠪᠣᠯᠬᠤ ᠪᠠᠲᠤ ᠪᠥᠬᠡ ᠭᠣᠶᠣᠮᠰᠣᠭ ᠲᠣᠷᠭᠠᠨ ᠮᠠᠲ᠋ᠧᠷᠢᠶᠠᠯ ᠢ᠋ᠶ᠋ᠠᠷ ᠬᠢᠬᠦ ᠪᠥᠭᠡᠳ ᠪᠡᠶᠡ ᠪᠠᠷᠢᠭᠰᠠᠨ ᠪᠣᠭᠣᠨᠢ ᠠᠷᠤ᠂ ᠬᠣᠶᠠᠷ ᠬᠠᠨᠴᠤᠢ ᠠ᠋ᠴᠠ ᠪᠦᠷᠢᠳᠦᠭᠰᠡᠨ ᠵᠣᠳᠣᠭ᠂ ᠭᠤᠶᠠ᠂ ᠰᠠᠯᠲᠠᠭᠠ ᠪᠠᠷᠢᠭᠰᠠᠨ ᠱᠣᠳᠣᠭ ᠪᠠᠢᠳᠠᠭ᠃ ᠵᠣᠳᠣᠭ ᠤ᠋ᠨ ᠵᠠᠬᠠ᠂ ᠬᠠᠨᠴᠤᠢ᠂ ᠠᠷᠤ ᠲᠠᠯᠠ᠂ ᠠᠷᠤ ᠭᠣᠣᠯ ᠪᠤᠶᠤ ᠮᠥᠷᠥ ᠳ᠋ᠦ᠍ᠨᠢ ᠭᠣᠶᠣᠮᠰᠣᠭ ᠬᠡ ᠭᠠᠷᠭᠠᠨ ᠮᠢᠨᠳᠠᠰᠤᠨ ᠤᠲᠠᠰᠤ ᠪᠠᠷ ᠰᠢᠷᠢᠵᠦ ᠪᠡᠬᠢᠯᠡᠨᠡ᠃ ᠱᠤᠳᠠᠭ ᠢ᠋ ᠮᠥᠨ ᠵᠠᠬᠠ ᠰᠠᠯᠲᠠᠭᠠ᠂ ᠠᠷᠤ ᠥᠪᠥᠷ ᠲᠠᠯᠠ᠂ ᠭᠤᠶᠠ ᠶ᠋ᠢᠨ ᠬᠡᠰᠡᠭ᠂ ᠬᠠᠵᠠᠭᠤ ᠲᠠᠰᠢᠶᠠᠨ ᠤ᠋ ᠬᠡᠰᠡᠭ ᠢ᠋ᠶ᠋ᠡᠷ ᠪᠣᠰᠤᠭᠠ ᠬᠡᠯᠪᠡᠷᠢ ᠪᠡᠷ ᠮᠢᠨᠳᠠᠰᠤᠨ ᠤᠲᠠᠰᠤ ᠪᠠᠷ ᠬᠡ ᠲᠠᠯᠪᠢᠵᠤ ᠰᠢᠷᠢᠨᠡ᠃ ᠵᠣᠳᠣᠭ ᠤ᠋ᠨ ᠠᠷᠤ ᠲᠠᠯᠠ ᠶ᠋ᠢᠨ ᠬᠣᠶᠠᠷ ᠦᠵᠦᠭᠦᠷ ᠲᠦ᠍ ᠪᠥᠬᠡ ᠮᠢᠨᠳᠠᠰᠤᠨ ᠣᠭᠣᠰᠣᠷ ᠪᠠᠢᠬᠤ ᠪᠠ ᠡᠨᠡ ᠣᠭᠣᠰᠣᠷ ᠢ᠋ ᠤᠷᠲᠤ ᠲᠠᠯᠠ ᠳ᠋ᠤ᠌ ᠤᠶᠠᠨᠠ᠃
ᠪᠥᠬᠡ ᠶ᠋ᠢᠨ ᠮᠠᠯᠠᠭᠠᠢ ᠵᠠᠩᠵᠤᠨ ᠮᠠᠯᠠᠭᠠᠢ ᠪᠠᠢᠬᠤ ᠪᠠ ᠡᠭᠦᠨ ᠢ᠋ ᠵᠥᠪᠬᠡᠨ ᠳᠡᠪᠵᠢᠶᠡᠨ ᠳ᠋ᠦ᠍ ᠭᠠᠷᠴᠤ ᠢᠷᠡᠬᠦ ᠦᠶᠡ ᠳ᠋ᠦ᠍ ᠡᠮᠦᠰᠴᠦ᠂ ᠪᠠᠷᠢᠯᠳᠤᠬᠤ ᠦᠶᠡ ᠳ᠋ᠦ᠍ ᠵᠠᠰᠠᠭᠤᠯ ᠲᠡᠭᠦᠨ ᠢ᠋ ᠠᠪᠴᠤ ᠪᠠᠷᠢᠯᠳᠤᠵᠤ ᠳᠠᠭᠤᠰᠤᠭᠰᠠᠨ ᠤ᠋ ᠳᠠᠷᠠᠭᠠ ᠲᠣᠯᠣᠭᠠᠢ ᠳᠡᠭᠡᠷᠡ ᠨᠢ ᠡᠮᠦᠰᠬᠡᠨᠡ᠃ ᠵᠠᠩᠵᠤᠨ ᠮᠠᠯᠠᠭᠠᠢ ᠬᠢᠬᠦ ᠲᠤᠬᠠᠢ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠮᠠᠯᠠᠭᠠᠢ ᠶ᠋ᠢᠨ ᠪᠦᠯᠦᠭ ᠲᠦ᠍ ᠳᠤᠷᠠᠳᠤᠭᠰᠠᠨ ᠲᠤᠯᠠ ᠲᠡᠭᠦᠨ ᠡᠴᠡ ᠦᠵᠡ᠃ ᠪᠥᠬᠡ ᠶ᠋ᠢᠨ ᠵᠣᠳᠣᠭ ᠢ᠋ ᠡᠰᠬᠡᠬᠦ ᠳ᠋ᠦ᠍ ᠮᠣᠩᠭᠣᠯ ᠳᠡᠪᠡᠯ ᠦ᠋ᠨ ᠴᠡᠭᠡᠵᠢ ᠡᠰᠬᠡᠬᠦ ᠠᠳᠠᠯᠢ ᠬᠠᠨᠴᠤᠢ ᠲᠠᠯᠪᠢᠵᠤ ᠡᠰᠬᠡᠭᠡᠳ ᠲᠡᠭᠦᠨ ᠦ᠌ ᠤᠷᠲᠤ ᠲᠠᠯᠠ ᠶ᠋ᠢ ᠬᠠᠨᠴᠤᠢ ᠶ᠋ᠢᠨ ᠤᠭ ᠢ᠋ᠶ᠋ᠠᠷ ᠣᠬᠣᠨ ᠠᠪᠴᠤ ᠠᠷᠤ ᠲᠠᠯᠠ ᠶ᠋ᠢᠨ ᠵᠠᠬᠠ ᠶ᠋ᠢ ᠳᠤᠭᠤᠢᠯᠠᠨ ᠤᠬᠤᠵᠤ ᠵᠠᠰᠠᠵᠤ ᠲᠡᠭᠰᠢᠯᠡᠭᠡᠳ ᠠᠷᠤ ᠲᠠᠯᠠ ᠶ᠋ᠢᠨ ᠤᠷᠲᠤ ᠶ᠋ᠢ ᠪᠦᠰᠡᠯᠡᠭᠦᠷ ᠡᠴᠡ ᠬᠡᠲᠦᠷᠡᠭᠦᠯᠬᠦ ᠦᠭᠡᠢ ᠲᠠᠭᠠᠷᠠᠭᠤᠯᠵᠤ ᠬᠣᠶᠠᠷ ᠲᠠᠯᠠ ᠪᠠᠷ ᠨᠢ ᠳᠤᠭᠤᠢᠯᠠᠨ ᠪᠦᠰᠡᠯᠡᠭᠦᠷ ᠦ᠋ᠨ ᠨᠠᠷᠢᠨ ᠳ᠋ᠤ᠌ ᠲᠣᠬᠢᠷᠠᠭᠤᠯᠤᠨ ᠤᠬᠤᠵᠤ ᠥᠩᠭᠡ ᠳᠣᠲᠣᠷ ᠢ᠋ ᠵᠡᠷᠭᠡ ᠡᠰᠬᠡᠨ ᠬᠠᠪᠰᠤᠷᠭᠠᠨ ᠣᠶᠣᠵᠤ ᠰᠢᠷᠢᠭᠡᠰᠦ ᠬᠢᠨᠡ᠃ ᠠᠷᠤ ᠲᠠᠯᠠ ᠶ᠋ᠢᠨ ᠬᠡᠰᠡᠭ ᠦ᠋ᠨ ᠬᠣᠶᠠᠷ ᠦᠵᠦᠭᠦᠷ ᠲᠦ᠍ ᠤᠷᠲᠤ ᠲᠠᠯᠠ ᠳ᠋ᠤ᠌ ᠤᠶᠠᠬᠤ ᠮᠢᠨᠳᠠᠰᠤᠨ ᠣᠭᠣᠰᠣᠷ ᠬᠠᠳᠠᠨᠠ᠃
ᠪᠥᠬᠡ ᠶ᠋ᠢᠨ ᠱᠤᠳᠠᠭ ᠡᠰᠬᠡᠬᠦ ᠳ᠋ᠡᠭᠡᠨ ᠣᠷᠴᠢᠨ ᠦᠶᠡ ᠪᠠᠨᠳᠠᠵᠠ ᠮᠠᠶᠢᠭ ᠲᠠᠢ ᠡᠰᠬᠡᠨᠡ᠃ ᠭᠤᠶᠠ ᠶ᠋ᠢᠨ ᠤᠬᠤᠯᠠᠳᠠᠰᠤᠨ ᠤ᠋ ᠠᠷᠤ ᠲᠠᠯᠠ ᠶ᠋ᠢ ᠨᠢ ᠠᠷᠠᠢ ᠳᠦᠭᠦᠷᠡᠩ᠂ ᠤᠷᠲᠤ ᠲᠠᠯᠠ ᠶ᠋ᠢᠨ ᠬᠢ ᠨᠢ ᠵᠠᠬᠠ ᠪᠠᠷ ᠢ᠋ᠶ᠋ᠠᠨ ᠨᠢᠭᠡ ᠭᠣᠣᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ2—3cm ᠳᠤᠮᠳᠠᠭᠤᠷ ᠪᠠᠢᠬᠤ ᠪᠠᠷ ᠤᠬᠤᠵᠤ᠂ ᠥᠩᠭᠡ ᠳᠣᠲᠣᠷ ᠢ᠋ᠶ᠋ᠠᠨ ᠵᠡᠷᠭᠡ ᠡᠰᠬᠡᠵᠦ ᠨᠡᠢᠯᠡᠭᠦᠯᠦᠨ ᠣᠶᠣᠭᠠᠳ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠢ᠋ᠶ᠋ᠠᠷ ᠰᠢᠷᠢᠵᠦ᠂ ᠵᠠᠬᠠ᠂ ᠭᠤᠶᠠ ᠶ᠋ᠢᠨ ᠤᠬᠤᠯᠠᠳᠠᠰᠤᠨ ᠳ᠋ᠤ᠌ ᠮᠢᠨᠳᠠᠰᠤᠨ ᠤᠲᠠᠰᠤ ᠪᠠᠷ ᠰᠦᠯᠵᠢᠵᠦ ᠬᠢᠭᠰᠡᠨ ᠣᠭᠣᠰᠣᠷ ᠥᠩᠭᠡ ᠳᠣᠲᠣᠷ ᠤ᠋ᠨ ᠵᠠᠪᠰᠠᠷ ᠰᠢᠷᠭᠤᠭᠤᠯᠵᠤ ᠡᠮᠦᠰᠬᠡᠭᠰᠡᠨ ᠦ᠌ ᠳᠠᠷᠠᠭᠠ ᠴᠢᠩᠭᠠᠯᠠᠨ ᠲᠠᠲᠠᠵᠤ ᠤᠶᠠᠨᠠ᠂ ᠭᠣᠮ(ᠰᠤᠨᠤᠮᠠᠯ) ᠬᠢᠬᠦ ᠦᠭᠡᠢ᠃
ᠦᠨᠳᠦᠰᠦᠲᠡᠨ ᠦ᠌ ᠰᠤᠷ ᠬᠠᠷᠪᠤᠬᠤ ᠰᠤᠷ ᠤ᠋ᠨ ᠬᠤᠪᠴᠠᠰᠤ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠳᠡᠪᠡᠯ ᠵᠠᠩᠵᠤᠨ ᠪᠤᠶᠤ ᠱᠣᠪᠣᠭᠣᠷ ᠣᠷᠣᠢ ᠲᠠᠢ ᠮᠠᠯᠠᠭᠠᠢ᠂ ᠮᠣᠩᠭᠣᠯ ᠡᠭᠡᠳᠡᠩ ᠭᠤᠲᠤᠯ ᠪᠠᠢᠨᠠ᠃ ᠡᠳᠡᠭᠡᠷ ᠢ᠋ ᠡᠰᠬᠡᠬᠦ᠂ ᠣᠶᠣᠬᠤ ᠲᠠᠯᠠ ᠪᠠᠷ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠪᠢᠯᠡ᠃
ᠬᠤᠷᠳᠤᠨ ᠮᠣᠷᠢᠨ ᠤ᠋ ᠬᠡᠦᠬᠡᠳ ᠦ᠋ᠨ ᠡᠮᠦᠰᠬᠡᠯ ᠦ᠋ᠨ ᠬᠤᠪᠴᠠᠰᠤ ᠨᠡᠯᠢᠶᠡᠳ ᠣᠨᠴᠠᠯᠢᠭ ᠲᠠᠢ ᠪᠥᠭᠡᠳ ᠲᠡᠭᠦᠨ ᠦ᠌ ᠮᠠᠯᠠᠭᠠᠢ ᠭᠣᠣᠯᠳᠠᠭᠤ ᠴᠢᠨᠳᠠᠮᠤᠨᠢ ᠪᠤᠶᠤ ᠡᠬᠡ ᠣᠶᠣᠭᠰᠠᠨ ᠲᠢᠲᠢᠮ ᠪᠠᠢᠬᠤ ᠪᠠ ᠰᠡᠭᠦᠯ ᠦ᠋ᠨ ᠦᠶᠡ ᠳ᠋ᠦ᠍ ᠡᠷᠬᠡ ᠴᠢᠯᠥᠭᠡ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠤ᠋ᠨ ᠪᠡᠯᠭᠡ ᠲᠡᠮᠳᠡᠭ ᠪᠣᠯᠤᠭᠰᠠᠨ ᠰᠣᠶᠣᠩᠪᠣ ᠲᠠᠪᠤᠨ ᠬᠣᠰᠢᠭᠤ ᠣᠶᠣᠳᠠᠭ ᠪᠣᠯᠵᠠᠢ᠃ ᠲᠢᠲᠢᠮ ᠢ᠋ ᠬᠢᠬᠦ ᠳ᠋ᠦ᠍ ᠬᠢᠯᠪᠠᠷ ᠪᠥᠭᠡᠳ ᠤᠷᠲᠤ ᠲᠠᠯᠠ ᠥᠷᠭᠡᠨ ᠠᠷᠤ ᠲᠠᠯᠠ ᠪᠠᠨ ᠨᠠᠷᠢᠨ᠂ ᠦᠵᠦᠭᠦᠷ ᠲᠡᠭᠡᠨ ᠲᠣᠪᠴᠢ ᠪᠤᠶᠤ ᠠᠷᠤ ᠳ᠋ᠠᠭᠠᠨ ᠤᠶᠠᠬᠤ ᠪᠦᠴᠡ ᠲᠡᠢ ᠪᠠᠢᠳᠠᠭ᠃ ᠬᠤᠷᠳᠤᠨ ᠮᠣᠷᠢᠨ ᠤ᠋ ᠬᠡᠦᠬᠡᠳ ᠦ᠋ᠨ ᠴᠡᠭᠡᠵᠢ ᠪᠡᠷ ᠡᠮᠦᠰᠳᠡᠭ ᠦᠨᠳᠦᠰᠦᠲᠡᠨ ᠦ᠌ ᠮᠣᠩᠭᠣᠯ ᠬᠠᠨᠲᠠᠭᠠᠵᠠ ᠪᠤᠶᠤ ᠪᠠᠭᠠᠲᠤᠷ ᠤ᠋ᠨ ᠨᠥᠮᠥᠷᠭᠡ ᠪᠠᠢᠳᠠᠭ᠃ ᠡᠨᠡ ᠨᠢ ᠬᠡᠦᠬᠡᠳ ᠲᠦ᠍ ᠵᠣᠷᠢᠭ ᠬᠦᠴᠦ ᠨᠡᠮᠡᠵᠦ ᠪᠠᠶᠠᠰᠬᠠᠨᠠ᠃ ᠨᠥᠮᠥᠷᠭᠡ ᠶ᠋ᠢ ᠠᠯᠢ ᠪᠣᠯᠬᠤ ᠨᠢᠮᠭᠡᠨ ᠲᠣᠷᠭᠠ ᠫᠠᠩᠰᠠ ᠪᠠᠷ ᠬᠢᠬᠦ ᠪᠠ ᠮᠥᠨ ᠬᠡ ᠤᠭᠠᠯᠵᠠ ᠲᠠᠯᠪᠢᠵᠤ ᠭᠤᠶᠤᠳᠠᠭ᠃ ᠰᠤᠷᠤᠭᠴᠢ ᠶ᠋ᠢᠨ ᠳᠦᠷᠢᠮᠲᠦ ᠬᠤᠪᠴᠠᠰᠤ1—10 ᠳ᠋ᠤᠭᠠᠷ ᠠᠩᠭᠢ ᠶ᠋ᠢᠨ ᠬᠡᠦᠬᠡᠳ ᠦ᠋ᠨ ᠳᠦᠷᠢᠮᠲᠦ ᠬᠤᠪᠴᠠᠰᠤ ᠠᠩᠬᠠ ᠰᠤᠷᠭᠠᠭᠤᠯᠢ ᠪᠠᠢᠭᠤᠯᠬᠤ ᠳ᠋ᠤ᠌ ᠪᠣᠢ ᠪᠣᠯᠤᠭᠠ ᠦᠭᠡᠢ ᠪᠥᠭᠡᠳ ᠬᠣᠵᠢᠮ ᠨᠡᠢᠰᠯᠡᠯ ᠦ᠋ᠨ ᠬᠡᠦᠬᠡᠳ ᠦ᠋ᠳ ᠡᠴᠡ ᠡᠬᠢᠯᠡᠨ ᠳᠦᠷᠢᠮᠲᠦ ᠬᠤᠪᠴᠠᠰᠤ ᠡᠮᠦᠰᠬᠦ ᠪᠣᠯᠵᠠᠢ᠃
ᠵᠢᠷᠤᠭ37
ᠬᠤᠷᠳᠤᠨ ᠮᠣᠷᠢᠨ ᠤ᠋ ᠬᠡᠦᠬᠡᠳ ᠦ᠋ᠨ ᠡᠮᠦᠰᠬᠡᠯ
ᠲᠠᠪᠢᠭᠠᠳ ᠣᠨ ᠠ᠋ᠴᠠ ᠡᠬᠢᠯᠡᠨ ᠡᠮᠡᠭᠲᠡᠢᠴᠦᠳ ᠴᠡᠩᠬᠡᠷ ᠥᠩᠭᠡ ᠪᠡᠷ ᠡᠮᠵᠢᠭᠰᠡᠨ ᠨᠣᠭᠣᠭᠠᠨ ᠳᠡᠪᠡᠯ᠂ ᠡᠷᠡᠭᠲᠡᠢᠴᠦᠳ ᠬᠥᠬᠡ ᠳᠡᠪᠡᠯ ᠡᠮᠦᠰᠬᠦ ᠪᠣᠯᠪᠠ᠃ ᠳᠣᠲᠣᠷ ᠡᠮᠦᠰᠬᠦ ᠬᠤᠪᠴᠠᠰᠤ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠡᠮᠡᠭᠲᠡᠢᠴᠦᠳ ᠵᠠᠬᠠ ᠬᠠᠨᠴᠤᠢ ᠳ᠋ᠠᠭᠠᠨ ᠳᠠᠪᠤᠤ ᠬᠠᠲᠠᠭᠰᠠᠨ ᠪᠤᠶᠤ ᠫᠠᠯᠢᠲ᠋ᠣ᠂ ᠡᠷᠡᠭᠲᠡᠢ ᠬᠡᠦᠬᠡᠳ ᠮᠥᠨ ᠬᠠᠨᠴᠤᠢ᠂ ᠵᠠᠬᠠ ᠳ᠋ᠠᠭᠠᠨ ᠴᠠᠭᠠᠨ ᠳᠠᠪᠤᠤ ᠬᠠᠲᠠᠭᠰᠠᠨ ᠪᠣᠷᠣ ᠥᠩᠭᠡ ᠶ᠋ᠢᠨ ᠬᠢᠯᠢᠩ ᠴᠠᠮᠴᠠ ᠡᠮᠦᠰᠬᠦ ᠪᠣᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨᠰᠡᠷᠡᠩ ᠰᠠᠢᠨᠪᠢᠯᠢᠭ᠌ ᠭᠠᠷᠮ ᠠ᠋
ᠬᠢᠨᠠᠭᠴᠢ ᠪᠠᠭᠰᠢ᠄ ᠭᠠᠷᠮᠠ᠂ ᠣᠳᠬᠠᠨᠰᠣᠠ