ᠮᠣᠩᠭᠣᠯ ᠡᠮᠡᠭᠲᠡᠢ ᠶᠢᠨ ᠤᠷᠠᠨ ᠦᠢᠯᠡ-ᠴ ᠰᠣᠩᠭᠢᠨᠠ-ᠬᠣᠶᠠᠳᠤᠭᠠᠷ ᠪᠦᠯᠦᠭ21-ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠬᠠᠨᠲᠠᠭᠠᠵᠠ
278ᠬᠣᠶᠠᠳᠤᠭᠠᠷ ᠪᠦᠯᠦᠭ21-ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠬᠠᠨᠲᠠᠭᠠᠵᠠ
ᠮᠣᠩᠭᠣᠯᠴᠤᠳ ᠬᠠᠨᠲᠠᠭᠠᠵᠠ ᠶ᠋ᠢ ᠳᠡᠭᠡᠷᠡ ᠦᠶᠡ ᠡᠴᠡ ᠬᠡᠷᠡᠭᠯᠡᠵᠦ ᠢᠷᠡᠭᠰᠡᠨ ᠪᠣᠯᠪᠠᠴᠤ ᠲᠡᠭᠦᠨ ᠦ᠌ ᠬᠡᠯᠪᠡᠷᠢ ᠵᠠᠭᠪᠤᠷ ᠲᠡᠳᠦᠢᠯᠡ ᠥᠭᠡᠷᠡᠴᠢᠯᠡᠭᠳᠡᠭᠰᠡᠨ ᠦᠭᠡᠢ᠃ ᠬᠠᠨᠲᠠᠭᠠᠵᠠ ᠶ᠋ᠢ ᠮᠣᠩᠭᠣᠯᠴᠤᠳ ᠡᠷᠡᠭᠲᠡᠢ᠂ ᠡᠮᠡᠭᠲᠡᠢ ᠢᠵᠠᠭᠤᠷ ᠤᠭᠰᠠᠭᠠ᠂ ᠴᠣᠯᠠ ᠬᠡᠷᠬᠡᠮ ᠢᠯᠭᠠᠯ ᠦᠭᠡᠢ ᠡᠮᠦᠰᠳᠡᠭ ᠪᠠᠢᠭᠰᠠᠨ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠭᠣᠶᠣᠯ᠂ ᠬᠦᠨᠳᠦᠳᠬᠡᠯ ᠦ᠋ᠨ ᠬᠤᠪᠴᠠᠰᠤ ᠪᠠᠢᠵᠠᠢ᠃ ᠬᠠᠨᠲᠠᠭᠠᠵᠠ ᠶ᠋ᠢ ᠬᠣᠷᠭᠣᠢ᠂ ᠮᠠᠩᠨᠤᠭ᠂ ᠦᠨᠡᠲᠦ ᠲᠣᠷᠭᠠ᠂ ᠦᠢᠲᠠᠩ ᠬᠤᠸᠠᠷ᠂ ᠬᠢᠯᠢᠩ ᠬᠤᠸᠠᠷ ᠢ᠋ᠶ᠋ᠠᠷ ᠬᠢᠬᠦ ᠡᠴᠡ ᠭᠠᠳᠠᠨᠠ᠂ ᠶᠡᠷᠦᠳᠡᠭᠡᠨ ᠡᠮᠦᠰᠳᠡᠭ ᠬᠠᠨᠲᠠᠭᠠᠵᠠ ᠶ᠋ᠢ ᠶᠠᠮᠠᠭᠠᠨ᠂ ᠲᠡᠭᠰᠡᠢ᠂ ᠰᠢᠪᠬᠠᠨ ᠬᠢᠯᠢᠩ᠂ ᠴᠡᠮᠪᠡ ᠪᠡᠷ ᠬᠢᠳᠡᠭ ᠪᠠᠢᠯᠠ᠃
ᠬᠠᠨᠲᠠᠭᠠᠵᠠ ᠶ᠋ᠢ ᠵᠠᠪᠠᠯ ᠭᠤᠶᠤᠵᠤ ᠬᠡ ᠬᠣᠰᠢᠮᠠᠭ ᠲᠠᠯᠪᠢᠵᠤ ᠬᠢᠬᠦ ᠡᠴᠡ ᠭᠠᠳᠠᠨᠠ ᠡᠯᠳᠡᠪ ᠬᠠᠳᠬᠤᠮᠠᠯ ᠬᠠᠳᠬᠤᠬᠤ᠂ ᠱ᠌ᠢᠷᠦ ᠰᠤᠪᠤᠳ ᠢ᠋ᠶ᠋ᠠᠷ ᠲᠣᠨᠣᠭ ᠲᠠᠯᠪᠢᠵᠤ ᠬᠢᠳᠡᠭ᠃ ᠬᠠᠨᠲᠠᠭᠠᠵᠠ ᠶ᠋ᠢ ᠣᠷᠴᠢᠨ ᠦᠶᠡ ᠳ᠋ᠦ᠍ ᠨᠡᠯᠢᠶᠡᠳ ᠬᠡᠷᠡᠭᠯᠡᠵᠦ ᠪᠠᠢᠨᠠ᠃ ᠬᠠᠨᠲᠠᠭᠠᠵᠠ ᠶ᠋ᠢᠨ ᠡᠩᠭᠡᠷ ᠵᠠᠬᠠ ᠣᠷᠴᠢᠨ ᠦᠶᠡ ᠶ᠋ᠢᠨ ᠳᠡᠪᠡᠯ ᠲᠡᠢ ᠠᠳᠠᠯᠢ ᠪᠣᠯᠪᠠᠴᠤ ᠬᠥᠮᠦᠨ ᠡᠩᠭᠡᠷ ᠨᠢ ᠤᠷᠲᠤ ᠡᠩᠭᠡᠷ ᠦ᠋ᠨ ᠤᠷᠲᠤ ᠠ᠋ᠴᠠ ᠠᠷᠠᠢ ᠪᠣᠭᠣᠨᠢ ᠲᠤᠭᠤᠯ ᠲᠠᠢ᠃ ᠡᠮᠡᠭᠲᠡᠢᠴᠦᠳ ᠦ᠋ᠨ ᠬᠠᠨᠲᠠᠭᠠᠵᠠ ᠪᠦᠰᠡᠯᠡᠬᠡᠢ ᠪᠡᠷ ᠢ᠋ᠶ᠋ᠡᠨ ᠨᠠᠷᠢᠨ ᠠᠷᠠᠢ ᠢᠯᠡᠭᠦᠦ ᠭᠣᠶᠣᠮᠰᠣᠭ ᠬᠢᠴᠡ ᠲᠡᠢ ᠪᠠᠢᠳᠠᠭ᠂ ᠬᠠᠨᠲᠠᠭᠠᠵᠠ ᠶ᠋ᠢᠨ ᠤᠷᠲᠤ ᠡᠩᠭᠡᠷ ᠢ᠋ ᠬᠣᠶᠠᠷ ᠶᠠᠩᠵᠤ ᠪᠠᠷ ᠬᠢᠳᠡᠭ᠃ ᠵᠠᠷᠢᠮ ᠬᠠᠨᠲᠠᠭᠠᠵᠠ ᠶ᠋ᠢᠨ ᠤᠷᠲᠤ ᠡᠩᠭᠡᠷ ᠦ᠋ᠨ ᠬᠣᠶᠠᠷ ᠲᠠᠯᠠ ᠳ᠋ᠤ᠌ ᠬᠥᠮᠦᠨ ᠡᠩᠭᠡᠷ ᠭᠠᠷᠭᠠᠬᠤ ᠪᠤᠶᠤ ᠬᠡ ᠤᠭᠠᠯᠵᠠ ᠥᠯᠵᠡᠢ ᠲᠠᠯᠪᠢᠭᠰᠠᠨ ᠬᠣᠶᠠᠷ ᠲᠠᠯᠠ ᠨᠢ ᠠᠳᠠᠯᠢᠬᠠᠨ ᠳᠥᠷᠪᠡᠯᠵᠢᠨ ᠡᠩᠭᠡᠷ ᠲᠡᠢ ᠬᠢᠳᠡᠭ᠃
ᠣᠷᠴᠢᠨ ᠦᠶᠡ ᠳ᠋ᠦ᠍ ᠬᠠᠨᠲᠠᠭᠠᠵᠠ ᠶ᠋ᠢᠨ ᠥᠩᠭᠡᠨ ᠳ᠋ᠦ᠍ ᠬᠡᠷᠡᠭᠯᠡᠭᠳᠡᠬᠦ ᠮᠠᠲ᠋ᠧᠷᠢᠶᠠᠯ ᠥᠭᠡᠷᠡᠴᠢᠯᠡᠯᠲᠡ ᠥᠬᠡᠢ᠂ ᠣᠷᠴᠢᠨ ᠦᠶᠡ ᠶ᠋ᠢᠨ ᠬᠥᠮᠦᠨ ᠦ᠌ ᠰᠣᠶᠣᠯ ᠳ᠋ᠤ᠌ ᠲᠣᠬᠢᠷᠠᠭᠤᠯᠤᠨ ᠡᠮᠡᠭᠲᠡᠢᠴᠦᠳ ᠦ᠋ᠨ ᠬᠠᠨᠲᠠᠭᠠᠵᠠ ᠶ᠋ᠢᠨ ᠪᠦᠰᠡᠯᠡᠬᠡᠢ ᠬᠥᠬᠥᠨ ᠳ᠋ᠦ᠍ ᠲᠠᠨᠤᠭᠠᠰᠤ ᠭᠠᠷᠭᠠᠨ ᠬᠢᠳᠡᠭ ᠪᠣᠯᠤᠭᠰᠠᠨ ᠨᠢ ᠲᠡᠭᠦᠨ ᠦ᠌ ᠦᠵᠡᠮᠵᠢ ᠰᠠᠢᠵᠢᠷᠠᠯᠠ᠃ ᠬᠠᠨᠲᠠᠭᠠᠵᠠ ᠬᠥᠮᠦᠨ ᠦ᠌ ᠡᠷᠡᠭᠦᠯ ᠮᠡᠨᠳᠦ ᠳ᠋ᠦ᠍ ᠴᠢᠬᠤᠯᠠ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ ᠶᠤᠮ᠃ ᠬᠠᠨᠲᠠᠭᠠᠵᠠ ᠶ᠋ᠢᠨ ᠵᠠᠬᠠ ᠥᠨᠳᠥᠷ᠂ ᠡᠩᠭᠡᠷ ᠬᠠᠭᠠᠯᠲᠠ ᠲᠠᠢ ᠤᠴᠢᠷ ᠵᠤᠨ᠂ ᠨᠠᠷᠠᠨ ᠤ᠋ ᠬᠠᠷᠰᠢᠯ ᠲᠤᠰᠬᠤ ᠦᠭᠡᠢ᠂ ᠡᠪᠦᠯ ᠬᠣᠭᠣᠯᠠᠢ ᠶ᠋ᠢᠨ ᠠᠩᠭᠢᠨᠠ ᠬᠠᠳᠬᠤᠭᠠ ᠲᠤᠰᠬᠤ ᠠ᠋ᠴᠠ ᠬᠠᠮᠠᠭᠠᠯᠠᠨᠠ᠃
ᠳᠡᠭᠡᠷᠡ ᠦᠶᠡ ᠶ᠋ᠢᠨ ᠬᠠᠨᠲᠠᠭᠠᠵᠠ ᠶ᠋ᠢᠨ ᠮᠥᠷᠥ ᠨᠠᠷᠢᠨ ᠳᠠᠷᠤᠭᠤᠯᠭᠠ ᠦᠭᠡᠢ᠂ ᠪᠦᠰᠡᠯᠡᠬᠡᠢ ᠠᠭᠤᠵᠢᠮ ᠲᠠᠨᠤᠭᠠᠰᠤ ᠦᠭᠡᠢ ᠪᠠᠢᠳᠠᠭ ᠠ᠋ᠴᠠ ᠵᠠᠷᠢᠮ ᠬᠥᠮᠦᠨ ᠳ᠋ᠦ᠍ ᠵᠣᠬᠢᠮᠵᠢ ᠦᠭᠡᠢ ᠪᠠᠢᠭᠰᠠᠨ᠃ ᠣᠷᠴᠢᠨ ᠦᠶᠡ ᠳ᠋ᠦ᠍ ᠲᠡᠭᠦᠨ ᠦ᠌ ᠤᠷᠠ ᠬᠢᠴᠡ ᠶ᠋ᠢ ᠰᠠᠢᠵᠢᠷᠠᠭᠤᠯᠬᠤ ᠳ᠋ᠤ᠌ ᠪᠡᠶᠡ ᠶ᠋ᠢᠨ ᠬᠡᠮᠵᠢᠶᠡ ᠳ᠋ᠦ᠍ ᠲᠣᠬᠢᠷᠠᠭᠤᠯᠤᠨ ᠬᠥᠬᠥ᠂ ᠪᠦᠰᠡᠯᠡᠬᠡᠢ ᠶ᠋ᠢᠨ ᠲᠠᠨᠤᠭᠠᠰᠤ ᠭᠠᠷᠭᠠᠵᠤ ᠰᠤᠭᠤ ᠶ᠋ᠢᠨ ᠤᠬᠤᠯᠠᠳᠠᠰᠤ ᠶ᠋ᠢᠨ ᠠᠷᠤ ᠲᠠᠯᠠ ᠶ᠋ᠢ1—2 ᠬᠤᠷᠤᠭᠤ ᠳᠦᠭᠦᠷᠡᠩ᠂ ᠤᠷᠲᠤ ᠲᠠᠯᠠ ᠶ᠋ᠢ ᠠᠷᠠᠢ ᠳᠤᠮᠳᠠᠭᠤᠷ ᠤᠬᠤᠵᠤ᠂ ᠣᠨᠣᠭᠣ ᠭᠠᠷᠭᠠᠨ ᠲᠣᠨᠣᠭᠯᠠᠵᠤ ᠬᠢᠪᠡᠯ ᠵᠣᠬᠢᠮᠵᠢᠲᠠᠢ᠃
ᠬᠠᠷᠢᠨ ᠡᠷᠡᠭᠲᠡᠢᠴᠦᠳ ᠦ᠋ᠨ ᠬᠠᠨᠲᠠᠭᠠᠵᠠ ᠶ᠋ᠢ ᠡᠰᠬᠡᠬᠦ ᠳ᠋ᠡᠭᠡᠨ ᠵᠥᠪᠬᠡᠨ ᠠᠷᠤ ᠭᠣᠣᠯ ᠣᠶᠣᠭᠠᠰᠤ ᠶ᠋ᠢ ᠪᠦᠰᠡᠯᠡᠬᠡᠢ ᠶ᠋ᠢᠨ ᠣᠷᠴᠢᠮ ᠪᠠᠭᠠ ᠵᠡᠷᠭᠡ ᠬᠤᠨᠢᠵᠤ᠂ ᠮᠥᠨ ᠬᠣᠶᠠᠷ ᠰᠤᠭᠤ ᠶ᠋ᠢᠨ ᠪᠦᠰᠡᠯᠡᠬᠡᠢ ᠶ᠋ᠢᠨ ᠣᠷᠴᠢᠮ ᠤ᠋ᠨ ᠣᠶᠣᠳᠠᠯ ᠢ᠋ᠶ᠋ᠠᠷ ᠨᠡᠯᠢᠶᠡᠳ ᠤᠬᠤᠵᠤ ᠣᠶᠣᠨᠠ᠃ ᠬᠠᠨᠲᠠᠭᠠᠵᠠ ᠳ᠋ᠤ᠌ ᠳᠤᠭᠤᠢ ᠬᠡ ᠲᠡᠢ ᠲᠣᠷᠭᠠ᠂ ᠦᠢᠲᠠᠩ ᠬᠤᠸᠠᠷ ᠵᠣᠬᠢᠮᠵᠢᠲᠠᠢ ᠪᠣᠯᠪᠠᠴᠤ ᠲᠠᠨᠤᠭᠠᠰᠤ ᠭᠠᠷᠭᠠᠬᠤ ᠳ᠋ᠤ᠌ ᠬᠡ ᠡᠪᠳᠡᠷᠡᠳᠡᠭ ᠤᠴᠢᠷ ᠲᠦᠪᠡᠭᠲᠡᠢ ᠪᠠᠢᠳᠠᠭ᠃ ᠡᠷᠡᠭᠲᠡᠢᠴᠦᠳ ᠦ᠋ᠨ ᠬᠠᠨᠲᠠᠭᠠᠵᠠ ᠶ᠋ᠢ ᠬᠡ ᠥᠬᠡᠢ ᠴᠤᠯᠭᠤᠢ ᠫᠦᠦᠰᠦᠦ ᠪᠡᠷ ᠲᠣᠨᠣᠭᠯᠠᠬᠤ ᠨᠢ ᠵᠣᠬᠢᠮᠵᠢᠲᠠᠢ ᠪᠥᠭᠡᠳ ᠬᠠᠨᠲᠠᠭᠠᠵᠠ ᠶ᠋ᠢᠨ ᠥᠩᠭᠡ ᠲᠣᠨᠣᠭ ᠬᠡᠳᠦ ᠲᠣᠳᠣ ᠪᠠᠢᠬᠤ ᠨᠢ ᠵᠣᠬᠢᠮᠵᠢ ᠦᠭᠡᠢ᠃ ᠡᠮᠡᠭᠲᠡᠢᠴᠦᠳ ᠦ᠋ᠨ ᠣᠷᠴᠢᠨ ᠦᠶᠡ ᠳ᠋ᠦ᠍ ᠡᠮᠦᠰᠬᠦ ᠬᠠᠨᠲᠠᠭᠠᠵᠠ ᠶ᠋ᠢᠨ ᠥᠩᠭᠡ ᠲᠣᠨᠣᠭ ᠲᠤ᠌ ᠲᠣᠳᠣ ᠥᠩᠭᠡ ᠬᠡᠷᠡᠭᠯᠡᠵᠦ᠂ ᠰᠠ ᠲᠠᠢ ᠲᠣᠷᠭᠠ᠂ ᠬᠣᠷᠭᠣᠢ ᠪᠠᠷ ᠡᠮᠵᠢᠨ ᠲᠣᠨᠣᠭᠯᠠᠬᠤ ᠳ᠋ᠤ᠌ ᠭᠣᠶᠣᠮᠰᠣᠭ ᠪᠣᠯᠤᠨᠠ᠃ ᠡᠪᠦᠯ ᠦ᠋ᠨ ᠬᠠᠨᠲᠠᠭᠠᠵᠠ ᠶ᠋ᠢ ᠬᠤᠷᠠᠭᠠ᠂ ᠢᠰᠢᠭᠡᠨ ᠦ᠌ ᠠᠷᠠᠰᠤ ᠪᠠᠷ ᠳᠣᠲᠣᠷᠯᠠᠬᠤ ᠪᠤᠶᠤ ᠡᠰᠡᠪᠡᠯ ᠥᠩᠭᠡ ᠳᠣᠲᠣᠷᠠ ᠬᠣᠶᠠᠷ ᠤ᠋ᠨ ᠵᠠᠪᠰᠠᠷ ᠬᠡᠦᠬᠡᠳ ᠦ᠋ᠨ ᠳᠣᠯᠭᠢᠶᠠᠨ ᠬᠥᠨᠵᠢᠯᠡ ᠶ᠋ᠢᠨ ᠦᠰᠦ ᠲᠡᠢ ᠳᠠᠪᠤᠤ ᠬᠠᠪᠴᠢᠭᠤᠯᠵᠤ ᠬᠢᠭᠡᠳ ᠦᠰᠦ ᠪᠡᠷ ᠡᠮᠵᠢᠪᠡᠯ ᠭᠣᠶᠣ ᠪᠣᠯᠤᠨᠠ᠃ ᠬᠡᠷᠪᠡ ᠠᠷᠠᠰᠤ ᠪᠠᠷ ᠳᠣᠲᠣᠷᠯᠠᠪᠠᠯ ᠠᠪᠴᠤ ᠴᠡᠪᠡᠷᠯᠡᠬᠦ ᠳ᠋ᠦ᠍ ᠬᠢᠯᠪᠠᠷ ᠪᠣᠯᠭᠠᠨ ᠰᠠᠯᠳᠠᠭ ᠳᠣᠲᠣᠷ ᠲᠠᠢ ᠬᠢᠪᠡᠯ ᠲᠣᠬᠢᠷᠠᠮᠵᠢᠲᠠᠢ᠃ ᠬᠡᠷᠪᠡ ᠦᠰᠦ ᠪᠡᠷ ᠡᠮᠵᠢᠭᠰᠡᠨ ᠪᠣᠯ ᠴᠡᠪᠡᠷᠯᠡᠬᠦ ᠳ᠋ᠡᠭᠡᠨ ᠬᠠᠭᠵᠠᠯᠵᠤ ᠠᠪᠤᠭᠠᠳ ᠦᠰᠦ ᠶ᠋ᠢ ᠬᠠᠭᠤᠷᠠᠢ ᠠᠷᠭᠠ ᠪᠠᠷ ᠴᠡᠪᠡᠷᠯᠡᠨ ᠡᠷᠭᠢᠭᠦᠯᠵᠦ ᠡᠮᠵᠢᠨᠡ᠃ ᠡᠮᠵᠢᠬᠦ ᠦᠰᠦ ᠪᠤᠯᠠᠭᠠ᠂ ᠬᠤᠷᠠᠭᠠ᠂ ᠢᠰᠢᠭᠡ᠂ ᠴᠢᠨᠳᠠᠭᠠ᠂ ᠬᠡᠷᠡᠮᠦ ᠵᠣᠬᠢᠮᠵᠢᠲᠠᠢ᠃
ᠬᠦᠷᠮᠡ ᠬᠢᠬᠦ ᠬᠦᠷᠮᠡ ᠶ᠋ᠢ ᠮᠣᠩᠭᠣᠯᠴᠤᠳ ᠡᠷᠲᠡ ᠦᠶᠡ ᠡᠴᠡ ᠬᠡᠷᠡᠭᠯᠡᠵᠦ ᠢᠷᠡᠭᠰᠡᠨ ᠪᠣᠯᠪᠠᠴᠤ ᠭᠣᠣᠯᠳᠠᠭᠤ ᠡᠷᠡᠭᠲᠡᠢᠴᠦᠳ ᠬᠡᠷᠡᠭᠯᠡᠵᠦ ᠪᠠᠢᠨᠠ᠃ ᠬᠦᠷᠮᠡ ᠬᠥᠮᠦᠨ ᠦ᠌ ᠡᠷᠡᠭᠦᠯ ᠮᠡᠨᠳᠦ᠂ ᠬᠠᠳᠬᠤᠭᠠ ᠠᠪᠬᠤ ᠠ᠋ᠴᠠ ᠬᠠᠮᠠᠭᠠᠯᠠᠳᠠᠭ ᠴᠢᠬᠤᠯᠠ ᠬᠤᠪᠴᠠᠰᠤ ᠪᠥᠭᠡᠳ ᠲᠡᠭᠦᠨ ᠢ᠋ ᠮᠣᠩᠭᠣᠯ ᠤ᠋ᠨ ᠡᠷᠡᠭᠲᠡᠢᠴᠦᠳ ᠴᠠᠮᠴᠠᠨ ᠳᠡᠭᠡᠷᠡ ᠡᠮᠦᠰᠬᠦ ᠡᠴᠡ ᠭᠠᠳᠠᠨᠠ ᠠᠭᠤᠵᠢᠮ ᠬᠢᠵᠦ ᠳᠡᠪᠡᠯ ᠦ᠋ᠨ ᠭᠠᠳᠠᠭᠤᠷ ᠡᠮᠦᠰᠳᠡᠭ ᠪᠠᠢᠯᠠ᠃ ᠬᠦᠷᠮᠡ ᠶ᠋ᠢ ᠰᠡᠭᠦᠯ ᠦ᠋ᠨ ᠦᠶᠡ ᠳ᠋ᠦ᠍ ᠳᠠᠩ ᠢ᠋ᠶ᠋ᠠᠷ ᠪᠤᠶᠤ ᠪᠣᠯᠪᠠᠰᠤᠨ ᠬᠤᠪᠴᠠᠰᠤ ᠲᠠᠢ ᠬᠣᠣᠰᠯᠠᠭᠤᠯᠤᠨ ᠬᠡᠷᠡᠭᠯᠡᠵᠦ ᠪᠠᠢᠨᠠ᠃ ᠡᠭᠦᠨ ᠲᠡᠢ ᠤᠶᠠᠯᠳᠤᠭᠤᠯᠵᠤ ᠬᠦᠷᠮᠡ ᠶ᠋ᠢᠨ ᠤᠷᠠ ᠬᠢᠴᠡ ᠶ᠋ᠢ ᠰᠠᠢᠵᠢᠷᠠᠭᠤᠯᠵᠤ ᠪᠡᠶᠡ ᠳ᠋ᠦ᠍ ᠲᠣᠬᠢᠷᠠᠭᠤᠯᠤᠨ ᠬᠢᠬᠦ ᠲᠠᠯᠠ ᠪᠠᠷ ᠳᠤᠷᠠᠳᠪᠠᠯ᠄ ᠬᠦᠷᠮᠡ ᠶ᠋ᠢᠨ ᠡᠰᠬᠡᠭᠦᠷ ᠬᠠᠨᠲᠠᠭᠠᠵᠠ ᠶ᠋ᠢᠨ ᠡᠰᠬᠡᠭᠦᠷ ᠲᠡᠢ ᠠᠳᠠᠯᠢ ᠪᠥᠭᠡᠳ ᠲᠡᠭᠦᠨ ᠢ᠋ ᠬᠢᠬᠦ ᠮᠠᠲ᠋ᠧᠷᠢᠶᠠᠯ ᠢ᠋ ᠰᠣᠩᠭᠣᠬᠤ ᠳ᠋ᠠᠭᠠᠨ ᠡᠷᠡᠭᠲᠡᠢᠴᠦᠳ ᠦ᠋ᠨ ᠬᠦᠷᠮᠡ ᠶ᠋ᠢ ᠺᠣᠰᠲ᠋ᠢᠶᠥ᠋ᠮ ᠫᠢᠳ᠋ᠵᠠᠺ ᠤ᠋ᠨ ᠥᠩᠭᠡᠨ ᠳ᠋ᠦ᠍ ᠲᠣᠬᠢᠷᠠᠭᠤᠯᠵᠤ ᠢᠵᠢᠯ ᠥᠩᠭᠡ ᠰᠣᠩᠭᠣᠨᠠ᠃
ᠬᠠᠷᠢᠨ ᠮᠣᠩᠭᠣᠯ ᠳᠡᠪᠡᠯ ᠦ᠋ᠨ ᠳᠣᠲᠣᠷ ᠡᠮᠦᠰᠬᠦ ᠪᠣᠯ ᠨᠢᠮᠭᠡᠨ ᠴᠤᠯᠭᠤᠢ ᠫᠦᠦᠰᠦᠦ(ᠬᠠᠷᠠ᠂ ᠪᠣᠷᠣ᠂ ᠬᠥᠬᠡ ᠭᠡᠬᠦ ᠮᠡᠲᠦ) ᠪᠡᠷ ᠬᠢᠵᠦ ᠰᠤᠭᠤ᠂ ᠭᠣᠣᠯ ᠤ᠋ᠨ ᠣᠶᠣᠳᠠᠯ ᠢ᠋ᠶ᠋ᠠᠷ ᠨᠠᠷᠢᠰᠬᠠᠨ ᠲᠡᠨᠦᠵᠦ ᠪᠡᠶᠡ ᠳ᠋ᠦ᠍ ᠲᠣᠬᠢᠷᠠᠭᠤᠯᠤᠨ ᠬᠢᠨᠡ᠃ ᠡᠷᠡᠭᠲᠡᠢ ᠬᠥᠮᠦᠨ ᠦ᠌ ᠬᠦᠷᠮᠡ ᠶ᠋ᠢ ᠵᠠᠪᠠᠯ ᠡᠮᠵᠢᠬᠦ ᠬᠡᠷᠡᠭ ᠦᠭᠡᠢ ᠪᠥᠭᠡᠳ ᠬᠢᠭᠰᠡᠨ ᠮᠠᠲ᠋ᠧᠷᠢᠶᠠᠯ ᠤ᠋ᠨ ᠬᠢᠨᠢ ᠥᠩᠭᠡ ᠲᠡᠢ ᠲᠣᠪᠴᠢ ᠬᠠᠳᠠᠨᠠ᠃ ᠲᠣᠪᠴᠢ ᠶ᠋ᠢᠨ ᠨᠦᠬᠡ ᠶ᠋ᠢ ᠴᠣᠭᠣᠯᠵᠤ ᠭᠠᠷᠭᠠᠬᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠥᠩᠭᠡ ᠶ᠋ᠢᠨ ᠬᠢᠨᠢ ᠮᠠᠲ᠋ᠧᠷᠢᠶᠠᠯ ᠠ᠋ᠴᠠ ᠨᠠᠷᠢᠬᠠᠨ ᠰᠢᠯᠪᠢ ᠡᠮᠬᠡᠷᠢᠳᠴᠦ ᠤᠷᠲᠤ ᠲᠠᠯᠠ ᠶ᠋ᠢᠨ ᠣᠶᠣᠳᠠᠯ ᠤ᠋ᠨ ᠥᠩᠭᠡ ᠳᠣᠲᠣᠷ ᠢ᠋ ᠬᠠᠪᠰᠤᠷᠭᠠᠬᠤ ᠳ᠋ᠠᠭᠠᠨ ᠵᠠᠪᠰᠠᠷ ᠨᠢ ᠬᠠᠪᠴᠢᠭᠤᠯᠵᠤ ᠣᠶᠣᠪᠠᠯ ᠵᠣᠬᠢᠮᠵᠢᠲᠠᠢ᠃
ᠬᠠᠷᠢᠨ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠬᠦᠷᠮᠡ ᠶ᠋ᠢ ᠪᠡᠶᠡ ᠶ᠋ᠢᠨ ᠬᠡᠯᠪᠡᠷᠢ ᠳ᠋ᠦ᠍ ᠲᠠᠭᠠᠷᠠᠭᠤᠯᠤᠨ ᠪᠦᠰᠡᠯᠡᠬᠡᠢ᠂ ᠬᠥᠬᠥ ᠶ᠋ᠢᠨ ᠲᠠᠨᠤᠭᠠᠰᠤ ᠭᠠᠷᠭᠠᠵᠤ ᠡᠰᠬᠡᠬᠦ ᠪᠠ ᠮᠥᠷᠥ ᠶ᠋ᠢ ᠠᠯᠤᠰ ᠠ᠋ᠴᠠ ᠳᠠᠷᠤᠵᠤ ᠥᠭᠭᠦᠨᠡ᠃ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠬᠦᠷᠮᠡ ᠶ᠋ᠢ ᠬᠡᠷᠪᠡ ᠪᠠᠩᠵᠠᠯ ᠳᠡᠭᠡᠷᠡ ᠡᠮᠦᠰᠬᠦ ᠪᠣᠯ ᠪᠠᠩᠵᠠᠯ ᠤ᠋ᠨ ᠥᠩᠭᠡ ᠲᠡᠢ ᠢᠵᠢᠯ ᠮᠠᠲ᠋ᠧᠷᠢᠶᠠᠯ ᠪᠠᠢᠬᠤ ᠨᠢ ᠵᠣᠬᠢᠮᠵᠢᠲᠠᠢ ᠪᠥᠭᠡᠳ ᠡᠪᠦᠯ ᠦ᠋ᠨ ᠬᠦᠷᠮᠡ ᠪᠣᠯ ᠡᠪᠦᠯ ᠦ᠋ᠨ ᠬᠠᠨᠲᠠᠭᠠᠵᠠ ᠲᠠᠢ ᠠᠳᠠᠯᠢ ᠬᠢᠨᠡ᠃ ᠬᠠᠨᠲᠠᠭᠠᠵᠠ ᠠ᠋ᠴᠠ ᠢᠯᠭᠠᠭᠳᠠᠬᠤ ᠶᠠᠭᠤᠮᠠ ᠭᠡᠪᠡᠯ ᠵᠠᠷᠢᠮ ᠬᠦᠷᠮᠡ ᠬᠠᠨᠴᠤᠢ ᠲᠠᠢ ᠪᠠᠢᠨᠠ᠃
ᠵᠢᠷᠤᠭ33
ᠡᠷᠡᠭᠲᠡᠢ᠂ ᠡᠮᠡᠭᠲᠡᠢ ᠬᠦᠷᠮᠡ
ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠴᠠᠮᠴᠠ ᠡᠷᠡᠭᠲᠡᠢᠴᠦᠳ ᠦ᠋ᠨ ᠬᠢ ᠲᠡᠢ ᠠᠳᠠᠯᠢ ᠬᠥᠭᠵᠢᠵᠦ ᠢᠷᠡᠭᠰᠡᠨ ᠪᠥᠭᠡᠳ ᠬᠡᠯᠪᠡᠷᠢ ᠮᠠᠶᠢᠭ ᠤ᠋ᠨ ᠬᠤᠪᠢ ᠳ᠋ᠤ᠌ ᠲᠡᠳᠦᠢᠯᠡ ᠥᠭᠡᠷᠡᠴᠢᠯᠡᠭᠳᠡᠭᠰᠡᠨ ᠦᠭᠡᠢ᠃ ᠭᠡᠪᠡᠴᠦ ᠭᠣᠶᠣᠯ ᠴᠢᠮᠡᠭᠯᠡᠯ ᠪᠦᠬᠦᠢ ᠣᠷᠴᠢᠨ ᠦᠶᠡ ᠶ᠋ᠢᠨ ᠴᠠᠮᠴᠠ ᠬᠢᠬᠦ ᠲᠠᠯᠠ ᠪᠠᠷ ᠥᠭᠦᠯᠡᠬᠦ ᠳ᠋ᠦ᠍ ᠭᠣᠶᠣᠮᠰᠣᠭ ᠬᠢᠭᠰᠡᠨ ᠮᠣᠩᠭᠣᠯ ᠴᠠᠮᠴᠠ ᠣᠷᠴᠢᠨ ᠦᠶᠡ ᠳ᠋ᠦ᠍ ᠬᠡᠷᠡᠭᠯᠡᠵᠦ ᠪᠣᠯᠬᠤ ᠰᠠᠢᠬᠠᠨ ᠬᠤᠪᠴᠠᠰᠤᠨ ᠤ᠋ ᠨᠢᠭᠡ ᠪᠥᠭᠡᠳ ᠨᠠᠰᠤᠲᠠᠢ᠂ ᠵᠠᠯᠠᠭᠤ ᠶᠠᠮᠠᠷ ᠴᠤ᠌ ᠬᠥᠮᠦᠨ ᠳ᠋ᠦ᠍ ᠵᠣᠬᠢᠮᠵᠢᠲᠠᠢ᠃ ᠴᠠᠮᠴᠠ ᠶ᠋ᠢ ᠬᠢᠬᠦ ᠳ᠋ᠡᠭᠡᠨ ᠤᠷᠢᠳᠤ ᠳ᠋ᠠᠭᠠᠨ ᠬᠢᠵᠦ ᠪᠠᠢᠭᠰᠠᠨ ᠮᠥᠷᠥ ᠦᠭᠡᠢ ᠰᠢᠯᠤᠭᠤᠨ᠂ ᠣᠷᠴᠢᠨ ᠦᠶᠡ ᠶ᠋ᠢᠨ ᠥᠨᠳᠥᠷ ᠮᠥᠷᠥ ᠲᠡᠢ ᠠᠯᠢ ᠠᠯᠢᠨ ᠢ᠋ ᠨᠢ ᠬᠡᠷᠡᠭᠯᠡᠵᠦ ᠪᠣᠯᠤᠨᠠ᠃ ᠬᠥᠮᠦᠨ ᠳ᠋ᠦ᠍ ᠵᠣᠬᠢᠮᠵᠢ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠣᠷᠴᠢᠨ ᠦᠶᠡ ᠶ᠋ᠢᠨ ᠮᠥᠷᠥ ᠲᠡᠢ᠂ ᠬᠠᠨᠴᠤᠢ ᠶ᠋ᠢᠨ ᠤᠷᠳᠤᠭᠤᠷ ᠡᠮᠵᠢᠶᠡᠷᠢ ᠲᠡᠢ᠂ ᠬᠥᠬᠥ᠂ ᠰᠤᠭᠤᠨ ᠤ᠋ ᠲᠠᠨᠤᠭᠠᠰᠤ ᠲᠠᠢ ᠴᠠᠮᠴᠠ ᠪᠦᠷ ᠴᠦ᠍ ᠭᠣᠶᠣᠮᠰᠣᠭ ᠪᠠᠢᠳᠠᠭ᠃ ᠬᠠᠨᠴᠤᠢ ᠶ᠋ᠢᠨ ᠤᠷᠲᠤ ᠲᠠᠯᠠ ᠶ᠋ᠢ ᠡᠮᠵᠢᠶᠡᠷᠢ ᠦᠭᠡᠢ ᠪᠡᠷ ᠰᠢᠯᠤᠭᠤᠨ ᠨᠠᠷᠢᠨ ᠬᠢᠵᠦ ᠪᠣᠯᠤᠨᠠ᠃ ᠡᠩᠭᠡᠷ ᠵᠠᠬᠠ ᠶ᠋ᠢ ᠮᠣᠩᠭᠣᠯ ᠳᠠᠩ ᠳᠡᠪᠡᠯ ᠦ᠋ᠨ ᠡᠩᠭᠡᠷ ᠰᠢᠭ ᠬᠢᠵᠦ ᠭᠣᠶᠣᠯ ᠴᠢᠮᠡᠭᠯᠡᠯ ᠢ᠋ ᠴᠢᠮᠡᠭᠯᠡᠬᠦ ᠤᠷᠠᠯᠢᠭ ᠭᠡᠰᠡᠨ ᠪᠦᠯᠦᠭ ᠲᠦ᠍ ᠵᠢᠭᠠᠭᠰᠠᠨ ᠢ᠋ᠶ᠋ᠠᠷ ᠴᠢᠮᠡᠭᠯᠡᠨᠡ᠃ ᠮᠥᠨ ᠪᠦᠰᠡᠯᠡᠬᠡᠢ᠂ ᠬᠥᠬᠥ ᠶ᠋ᠢᠨ ᠬᠤᠨᠢᠶᠠᠰᠤ ᠶ᠋ᠢ ᠬᠢᠵᠦ ᠬᠣᠷᠮᠣᠢ ᠶ᠋ᠢᠨ ᠬᠡᠰᠡᠭ ᠲᠦ᠍ ᠣᠨᠣᠭᠣ ᠭᠠᠷᠭᠠᠨ ᠲᠡᠭᠦᠨ ᠢ᠋ᠶ᠋ᠡᠨ ᠵᠠᠬᠠ ᠡᠩᠭᠡᠷ ᠲᠡᠢ ᠠᠳᠠᠯᠢ ᠲᠣᠨᠣᠭᠯᠠᠨᠠ᠃ ᠡᠷᠡᠭᠲᠡᠢᠴᠦᠳ ᠭᠣᠣᠯᠳᠠᠭᠤ ᠳᠣᠲᠣᠭᠤᠷ ᠴᠠᠮᠴᠠ ᠡᠮᠦᠰᠬᠦ ᠪᠥᠭᠡᠳ ᠬᠡᠷᠪᠡ ᠮᠣᠩᠭᠣᠯ ᠳᠡᠪᠡᠯ ᠦ᠋ᠨ ᠳᠣᠲᠣᠷ ᠡᠮᠦᠰᠬᠦ ᠴᠠᠮᠴᠠ ᠶ᠋ᠢ ᠭᠣᠶᠣᠮᠰᠣᠭ ᠢ᠋ᠶ᠋ᠠᠷ ᠬᠢᠶᠡ ᠭᠡᠪᠡᠯ ᠵᠠᠬᠠ ᠶ᠋ᠢ ᠪᠣᠰᠤᠭᠠ᠂ ᠤᠷᠲᠤ ᠲᠠᠯᠠ ᠤᠷᠤᠭᠤ ᠪᠠᠨ ᠬᠠᠭᠠᠰ ᠵᠠᠳᠠᠭᠠᠢ ᠦᠺᠷᠠᠢᠨ ᠮᠠᠶᠢᠭ ᠤ᠋ᠨ ᠴᠠᠮᠴᠠ ᠬᠢᠪᠡᠯ ᠲᠣᠬᠢᠷᠠᠮᠵᠢᠲᠠᠢ ᠪᠥᠭᠡᠳ ᠡᠭᠦᠨ ᠢ᠋ ᠬᠡ ᠥᠬᠡᠢ᠂ ᠰᠠ ᠲᠠᠢ ᠳᠠᠯᠢᠩᠪᠤ ᠵᠡᠷᠭᠡ ᠬᠢᠮᠳᠠ ᠦᠨᠡ ᠲᠡᠢ ᠮᠠᠲ᠋ᠧᠷᠢᠶᠠᠯ ᠢ᠋ᠶ᠋ᠠᠷ ᠬᠢᠪᠡᠯ ᠮᠣᠩᠭᠣᠯ ᠳᠡᠪᠡᠯ ᠦ᠋ᠨ ᠳᠣᠲᠣᠷ ᠡᠮᠦᠰᠬᠦ ᠳ᠋ᠦ᠍᠂ ᠢᠯᠠᠩᠭᠤᠶᠠ ᠠᠵᠢᠯᠴᠢᠨ᠂ ᠮᠠᠯᠴᠢᠨ ᠬᠥᠮᠦᠨ ᠦ᠌ ᠡᠷᠡᠭᠦᠯ ᠠᠬᠤᠢ ᠳ᠋ᠤ᠌ ᠲᠣᠬᠢᠷᠠᠮᠵᠢᠲᠠᠢ᠃
ᠵᠢᠷᠤᠭ34
(1) ᠬᠠᠭᠠᠰ ᠬᠠᠭᠠᠷᠬᠠᠢ ᠵᠥᠷᠢᠭᠦᠯᠵᠦ ᠲᠣᠪᠴᠢᠯᠠᠳᠠᠭ ᠪᠣᠰᠤᠭᠠ ᠵᠠᠬᠠ ᠲᠠᠢ ᠡᠷᠡᠭᠲᠡᠢ ᠴᠠᠮᠴᠠ
(2) ᠮᠣᠩᠭᠣᠯ ᠵᠠᠬᠠ ᠲᠠᠢ ᠡᠮᠡᠭᠲᠡᠢ ᠴᠠᠮᠴᠠ
ᠵᠢᠷᠤᠭ35
(1) ᠲᠣᠨᠣᠭ ᠴᠢᠮᠡᠭ ᠲᠡᠢ ᠡᠮᠡᠭᠲᠡᠢ ᠬᠠᠨᠲᠠᠭᠠᠵᠠ
(2) ᠲᠣᠨᠣᠭ ᠲᠠᠢ ᠡᠷᠡᠭᠲᠡᠢ ᠬᠠᠨᠲᠠᠭᠠᠵᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ ᠦᠯᠵᠡᠢᠪᠠᠭᠠᠲᠤᠷ ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ ᠣᠳᠬᠠᠨᠰᠣᠠ