ᠮᠣᠩᠭᠣᠯ ᠡᠮᠡᠭᠲᠡᠢ ᠶᠢᠨ ᠤᠷᠠᠨ ᠦᠢᠯᠡ-ᠴ ᠰᠣᠩᠭᠢᠨᠠ-ᠬᠣᠶᠠᠳᠤᠭᠠᠷ ᠪᠦᠯᠦᠭ20-ᠨᠠᠷᠠᠨ ᠰᠠᠷᠠᠪᠴᠢ ᠲᠠᠢ ᠮᠠᠯᠠᠭᠠᠢ ᠬᠢᠬᠦ
452 ᠰᠠᠷᠠᠪᠴᠢ ᠲᠠᠢ ᠮᠠᠯᠠᠭᠠᠢ ᠶ᠋ᠢ4—6 ᠲᠠᠯᠠ ᠲᠠᠢ ᠪᠤᠶᠤ ᠡᠰᠡᠪᠡᠯ ᠲᠠᠯᠠ ᠦᠭᠡᠢ ᠳᠤᠭᠤᠢ ᠣᠷᠣᠢ ᠲᠠᠢ ᠬᠢᠵᠦ ᠪᠣᠯᠤᠨᠠ᠃ ᠬᠥᠮᠦᠨ ᠳ᠋ᠦ᠍ ᠵᠣᠬᠢᠮᠵᠢ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠠᠯᠢ ᠠᠯᠢ ᠨᠢ ᠲᠣᠬᠢᠷᠠᠬᠤ ᠪᠥᠭᠡᠳ ᠲᠠᠯᠠ ᠲᠠᠢ ᠮᠠᠯᠠᠭᠠᠢ ᠶ᠋ᠢ ᠡᠰᠬᠡᠬᠦ ᠳ᠋ᠡᠭᠡᠨ ᠲᠣᠯᠣᠭᠠᠢ ᠶ᠋ᠢᠨ ᠬᠡᠮᠵᠢᠶᠡ ᠶ᠋ᠢ ᠳᠤᠬᠤ᠂ ᠭᠠᠪᠠᠯᠠ ᠶ᠋ᠢ ᠠᠷᠤ ᠲᠠᠯᠠ ᠤᠷᠤᠭᠤ ᠨᠢ ᠵᠢᠰᠢᠭᠦᠦ ᠣᠷᠢᠶᠠᠬᠤ ᠮᠠᠶᠢᠭ ᠢ᠋ᠶ᠋ᠠᠷ ᠬᠡᠮᠵᠢᠵᠦ ᠭᠠᠷᠭᠠᠨ ᠲᠣᠭᠠ ᠪᠠᠨ ᠳᠥᠷᠪᠡ ᠪᠤᠶᠤ ᠵᠢᠷᠭᠤᠭᠠᠨ ᠲᠠᠯᠠ ᠳ᠋ᠠᠭᠠᠨ ᠬᠤᠪᠢᠶᠠᠵᠤ ᠲᠡᠭᠦᠨ ᠦ᠌ ᠳᠡᠭᠡᠷᠡ ᠣᠶᠣᠳᠠᠯ ᠨᠡᠮᠡᠵᠦ ᠲᠠᠯᠪᠢᠵᠤ ᠨᠢᠭᠡ ᠲᠠᠯᠠ ᠡᠰᠬᠡᠭᠡᠳ ᠲᠡᠭᠦᠨ ᠢ᠋ᠶ᠋ᠡᠨ ᠡᠬᠢᠯᠡᠨ ᠴᠠᠭᠠᠰᠤᠨ ᠮᠠᠯᠠᠭᠠᠢ ᠬᠢᠵᠦ ᠡᠮᠦᠰᠬᠦ ᠬᠥᠮᠦᠨ ᠦ᠌ ᠪᠡᠨ ᠲᠣᠯᠣᠭᠠᠢ ᠳ᠋ᠤ᠌ ᠡᠮᠦᠰᠬᠡᠵᠦ ᠦᠵᠡᠨᠡ᠃ ᠨᠢᠭᠡ ᠲᠠᠯᠠ ᠶ᠋ᠢ ᠡᠰᠬᠡᠬᠦ ᠳ᠋ᠡᠭᠡᠨ ᠳᠤᠮᠳᠠᠭᠤᠷ ᠢ᠋ᠶ᠋ᠠᠨ ᠥᠷᠭᠡᠨ᠂ ᠳᠡᠭᠡᠭᠰᠢ ᠪᠡᠨ ᠨᠠᠷᠢᠪᠲᠤᠷᠬᠠᠨ ᠡᠰᠬᠡᠬᠦ ᠪᠠ ᠳᠡᠭᠡᠭᠰᠢ ᠪᠡᠨ ᠬᠡᠳᠦ ᠨᠠᠷᠢᠨ ᠪᠣᠯᠪᠠᠯ ᠣᠷᠣᠢ ᠥᠭᠡᠳᠡ ᠪᠡᠨ ᠱᠣᠪᠣᠭᠣᠷ ᠪᠣᠯᠵᠤ ᠮᠠᠯᠠᠭᠠᠢ ᠦᠵᠡᠮᠵᠢ ᠦᠭᠡᠢ ᠪᠣᠯᠬᠤ ᠤᠴᠢᠷ ᠣᠭᠴᠣᠮᠬᠠᠨ ᠪᠥᠭᠡᠳ ᠳᠣᠣᠷᠠᠲᠤ ᠲᠠᠯᠠ ᠲᠠᠢ ᠬᠠᠷᠢᠴᠠᠭᠤᠯᠵᠤ ᠲᠤᠩ ᠪᠠᠭᠠ ᠨᠠᠷᠢᠰᠬᠠᠨᠠ᠃ ᠲᠣᠯᠣᠭᠠᠢ ᠳ᠋ᠤ᠌ ᠤᠭᠯᠠᠬᠤ ᠬᠡᠰᠡᠭ ᠦ᠋ᠨ ᠨᠣᠮᠧᠷ ᠲᠤ ᠲᠣᠬᠢᠷᠠᠭᠰᠠᠨ ᠪᠠᠢᠬᠤ ᠶ᠋ᠢᠨ ᠳᠡᠭᠡᠷᠡ ᠳᠤᠮᠳᠠ ᠲᠠᠯᠠ ᠨᠢ ᠠᠷᠠᠢ ᠶᠡᠬᠡ ᠳ᠋ᠢᠶᠠᠮᠧᠲ᠋ᠷ ᠲᠡᠢ ᠪᠠᠢᠪᠠᠯ ᠲᠣᠬᠢᠷᠠᠮᠵᠢᠲᠠᠢ ᠪᠥᠭᠡᠳ ᠰᠠᠷᠠᠪᠴᠢ ᠳ᠋ᠢᠶᠠᠮᠧᠲ᠋ᠷ ᠢ᠋ᠶ᠋ᠡᠨ ᠪᠣᠯᠤᠨ ᠣᠷᠣᠭᠰᠢ ᠪᠠᠨ ᠲᠣᠮᠣ ᠪᠠᠢᠪᠠᠯ ᠵᠣᠬᠢᠮᠵᠢᠲᠠᠢ᠃
ᠬᠡᠷᠪᠡ ᠲᠠᠯᠠ ᠦᠭᠡᠢ ᠰᠢᠭᠤᠳ ᠬᠠᠪᠲᠠᠭᠠᠢ ᠳᠤᠭᠤᠢ ᠣᠷᠣᠢ ᠲᠠᠢ ᠡᠰᠬᠡᠪᠡᠯ ᠣᠷᠣᠢ ᠬᠡᠰᠡᠭ ᠢ᠋ ᠳᠤᠭᠤᠢ᠂ ᠠᠷᠤ ᠲᠠᠯᠠ ᠶ᠋ᠢᠨ ᠬᠣᠶᠠᠷ ᠲᠠᠯᠠ ᠶ᠋ᠢ ᠬᠣᠩᠬᠣᠢᠯᠭᠠᠨ ᠤᠬᠤᠵᠤ ᠲᠡᠭᠦᠨ ᠳ᠋ᠡᠭᠡᠨ ᠬᠣᠶᠠᠷ ᠲᠠᠯᠠ ᠶ᠋ᠢᠨ ᠰᠢᠨᠠ ᠶ᠋ᠢ ᠵᠠᠯᠭᠠᠵᠤ᠂ ᠠᠷᠤ ᠲᠠᠯᠠ ᠶ᠋ᠢ ᠲᠡᠨᠦᠵᠦ ᠬᠦᠷᠢᠶᠡ ᠬᠡᠯᠪᠡᠷᠢ ᠲᠡᠢ ᠪᠣᠯᠭᠠᠨ ᠰᠠᠷᠠᠪᠴᠢ ᠵᠠᠯᠭᠠᠵᠤ ᠬᠢᠳᠡᠭ᠃
ᠱᠣᠪᠣᠭᠣᠷ ᠳᠤᠭᠤᠢ ᠣᠷᠣᠢ ᠲᠠᠢ ᠰᠠᠷᠠᠪᠴᠢ ᠲᠠᠢ ᠮᠠᠯᠠᠭᠠᠢ ᠲᠡᠭᠦᠨᠴᠢᠯᠡᠨ ᠣᠷᠣᠢ ᠳᠤᠭᠤᠢ ᠡᠭᠴᠡ ᠬᠦᠷᠢᠶᠡ ᠲᠡᠢ ᠰᠠᠷᠠᠪᠴᠢ ᠲᠠᠢ ᠮᠠᠯᠠᠭᠠᠢ ᠬᠢᠵᠦ ᠪᠣᠯᠤᠨᠠ᠃ ᠡᠭᠦᠨ ᠦ᠌ ᠲᠤᠯᠠᠳᠠ ᠳᠤᠭᠤᠢ ᠣᠷᠣᠢ ᠶ᠋ᠢ ᠮᠠᠯᠠᠭᠠᠢ ᠶ᠋ᠢᠨ ᠨᠣᠮᠧᠷ ᠦ᠋ᠨ ᠬᠡᠮᠵᠢᠶᠡᠨ ᠡᠴᠡ ᠨᠢᠭᠡ ᠲᠠᠯᠠ ᠢᠯᠡᠭᠦᠦ ᠪᠠᠢᠬᠤ ᠪᠠᠷ ᠪᠣᠳᠣᠵᠤ ᠡᠰᠬᠡᠭᠡᠳ ᠢᠯᠡᠭᠦᠦ ᠲᠠᠯᠪᠢᠭᠰᠠᠨ ᠱᠣᠪᠣᠭᠣᠷ ᠢ᠋ᠶ᠋ᠠᠨ ᠤᠬᠤᠨ ᠠᠪᠴᠤ ᠬᠣᠶᠠᠷ ᠲᠠᠯᠠ ᠶ᠋ᠢ ᠨᠡᠢᠯᠡᠭᠦᠯᠦᠨ ᠣᠶᠣᠵᠤ ᠳᠣᠭᠤᠤᠷ ᠨᠢ ᠲᠠᠰᠢᠭᠤ ᠪᠤᠶᠤ ᠡᠭᠴᠡ ᠬᠦᠷᠢᠶᠡ ᠵᠠᠯᠭᠠᠵᠤ ᠰᠠᠷᠠᠪᠴᠢ ᠬᠢᠨᠡ᠃
ᠨᠠᠷᠠᠨ ᠪᠦᠷᠭᠦ ᠮᠠᠯᠠᠭᠠᠢ ᠬᠢᠬᠦ ᠪᠦᠷᠭᠦ ᠮᠠᠯᠠᠭᠠᠢ ᠶ᠋ᠢ ᠬᠢᠬᠦ ᠳ᠋ᠡᠭᠡᠨ ᠳᠥᠷᠪᠡᠨ ᠲᠠᠯᠠᠲᠤ ᠲᠣᠭᠣᠷᠢᠭ ᠣᠷᠣᠢ ᠬᠢᠵᠦ ᠵᠠᠯᠭᠠᠬᠤ ᠬᠦᠷᠢᠶᠡ ᠶ᠋ᠢ ᠬᠣᠶᠠᠷ ᠶᠠᠩᠵᠤ ᠪᠠᠷ ᠬᠢᠨᠡ᠃ ᠡᠭᠦᠨ ᠦ᠌ ᠲᠤᠯᠠᠳᠠ ᠬᠦᠷᠢᠶᠡ ᠶ᠋ᠢ ᠪᠠᠢᠬᠤ ᠬᠡᠮᠵᠢᠶᠡ ᠪᠡᠷ ᠨᠢ ᠳᠤᠭᠤᠢᠯᠠᠵᠤ ᠡᠰᠬᠡᠨ ᠥᠩᠭᠡ ᠳᠣᠲᠣᠷ ᠬᠣᠶᠠᠷ ᠤ᠋ᠨ ᠵᠠᠪᠰᠠᠷ ᠬᠡᠳᠦ ᠬᠡᠳᠦᠨ ᠳᠠᠪᠬᠤᠷ ᠳᠠᠪᠤᠤ ᠶ᠋ᠢᠨ ᠥᠭᠡᠳᠡᠰᠦ ᠨᠦ᠍ᠭᠦᠳ ᠵᠦᠢᠵᠦ ᠬᠠᠪᠴᠢᠭᠤᠯᠤᠨ ᠨᠢᠭᠡ ᠵᠢᠭᠳᠡ ᠳᠤᠭᠤᠢᠯᠠᠵᠤ ᠮᠠᠰᠢᠨ ᠢ᠋ᠶ᠋ᠠᠷ ᠰᠢᠷᠢᠭᠡᠳ ᠣᠷᠣᠢ ᠳ᠋ᠤ᠌ ᠲᠠᠭᠠᠷᠠᠭᠤᠯᠵᠤ ᠭᠣᠣᠯ ᠬᠡᠰᠡᠭ ᠢ᠋ ᠣᠬᠣᠨ ᠠᠪᠴᠤ ᠣᠷᠣᠢ ᠲᠠᠢ ᠵᠠᠯᠭᠠᠨ ᠣᠶᠣᠵᠤ ᠬᠢᠨᠡ᠃ ᠮᠥᠨ ᠲᠠᠰᠢᠭᠤ ᠳᠤᠭᠤᠢ ᠵᠠᠳᠠᠭᠠᠢ ᠬᠦᠷᠢᠶᠡ ᠬᠢᠵᠦ ᠬᠦᠷᠢᠶᠡ ᠶ᠋ᠢ ᠰᠢᠷᠢᠵᠦ ᠵᠠᠯᠭᠠᠵᠤ ᠪᠣᠯᠤᠨᠠ᠃ ᠪᠦᠷᠬᠦ ᠮᠠᠯᠠᠭᠠᠢ ᠶ᠋ᠢᠨ ᠬᠦᠷᠢᠶᠡ ᠶ᠋ᠢ ᠭᠣᠶᠣᠮᠰᠣᠭ ᠪᠣᠯᠭᠠᠶᠠ ᠭᠡᠪᠡᠯ ᠲᠥᠮᠥᠰᠥ ᠶ᠋ᠢᠨ ᠭᠤᠯᠢᠷ ᠢ᠋ᠶ᠋ᠠᠷ ᠨᠢᠭᠡ ᠵᠢᠭᠳᠡ ᠴᠠᠷᠳᠠᠨ ᠨᠣᠢᠲᠠᠨ ᠳᠡᠭᠡᠷᠡ ᠨᠢ ᠬᠡᠪ ᠲᠦ᠍ ᠬᠢᠵᠦ ᠬᠦᠷᠢᠶᠡ ᠶ᠋ᠢ ᠳᠡᠭᠡᠭᠰᠢ ᠨᠢ ᠡᠷᠭᠢᠭᠦᠯᠵᠦ ᠬᠠᠲᠠᠭᠠᠪᠠᠯ ᠭᠣᠶᠣᠮᠰᠣᠭ ᠪᠣᠯᠤᠨᠠ᠃ ᠨᠠᠷᠠᠨ ᠤ᠋ ᠰᠠᠷᠠᠪᠴᠢ ᠲᠠᠢ ᠮᠠᠯᠠᠭᠠᠢ ᠶ᠋ᠢᠨ ᠰᠠᠷᠠᠪᠴᠢ ᠶ᠋ᠢ ᠦᠵᠡᠮᠵᠢ ᠲᠡᠢ ᠪᠣᠯᠭᠠᠬᠤ ᠶ᠋ᠢᠨ ᠲᠤᠯᠠᠳᠠ ᠰᠠᠷᠠᠪᠴᠢᠨ ᠳ᠋ᠤ᠌ ᠳᠠᠪᠤᠤ ᠬᠠᠪᠴᠢᠭᠤᠯᠵᠤ ᠰᠢᠷᠢᠬᠦ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠫᠢᠶᠠᠨᠰᠠ ᠶ᠋ᠢᠨ ᠲᠠᠯᠠ ᠪᠤᠶᠤ ᠨᠢᠮᠭᠡᠨ ᠬᠤᠪᠠᠨᠴᠢᠷ ᠮᠠᠲ᠋ᠧᠷᠢᠶᠠᠯ ᠬᠢᠵᠦ ᠲᠡᠭᠦᠨ ᠢ᠋ᠶ᠋ᠡᠨ ᠤᠬᠢᠶᠠᠬᠤ ᠳ᠋ᠠᠭᠠᠨ ᠨᠤᠭᠤᠯᠬᠤ ᠦᠭᠡᠢ ᠠᠯᠠᠭᠠᠨ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠵᠤ ᠰᠠᠪᠤᠩᠳᠠᠨ ᠬᠠᠲᠠᠭᠤ ᠦᠰᠦ ᠲᠡᠢ ᠱᠤᠸᠠᠵᠠ ᠪᠤᠶᠤ ᠴᠡᠪᠡᠷ ᠨᠡᠢᠯᠡᠭ ᠡᠳ᠋ ᠦ᠋ᠨ ᠲᠠᠰᠤᠷᠬᠠᠢ ᠪᠠᠷ ᠠᠷᠴᠢᠨ ᠵᠦᠯᠭᠦᠵᠦ ᠴᠡᠪᠡᠷ ᠤᠰᠤ ᠪᠠᠷ ᠳᠠᠬᠢᠨ ᠣᠯᠠᠨ ᠤᠬᠢᠶᠠᠵᠤ ᠴᠡᠪᠡᠷᠯᠡᠨᠡ᠃
ᠵᠢᠷᠤᠭ32
(1) ᠲᠣᠯᠣᠭᠠᠢ ᠶ᠋ᠢᠨ ᠬᠡᠮᠵᠢᠯᠲᠡ
(2) ᠳᠥᠷᠪᠡ ᠪᠤᠶᠤ ᠵᠢᠷᠭᠤᠭᠠᠨ ᠲᠠᠯᠠᠲᠤ ᠰᠠᠷᠠᠪᠴᠢ ᠲᠠᠢ ᠮᠠᠯᠠᠭᠠᠢ
ᠨᠠᠷᠠᠨ ᠮᠠᠯᠠᠭᠠᠢ ᠶ᠋ᠢ ᠲᠣᠣᠷ ᠢ᠋ᠶ᠋ᠠᠷ ᠬᠢᠵᠦ ᠪᠣᠯᠤᠨᠠ᠃ ᠡᠭᠦᠨ ᠦ᠌ ᠲᠤᠯᠠᠳᠠ ᠲᠣᠣᠷ ᠢ᠋ᠶ᠋ᠠᠷ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠠᠷᠭᠠ ᠪᠠᠷ ᠮᠠᠯᠠᠭᠠᠢ ᠶ᠋ᠢ ᠬᠢᠵᠦ ᠲᠥᠮᠦᠰᠦᠨ ᠦ᠌ ᠭᠤᠯᠢᠷ ᠢ᠋ᠶ᠋ᠠᠷ ᠴᠡᠷᠳᠡᠵᠦ ᠬᠡᠪ ᠲᠦ᠍ ᠬᠢᠵᠦ ᠨᠣᠢᠲᠠᠨ ᠳ᠋ᠤᠨᠢ ᠬᠠᠲᠠᠭᠠᠬᠤ ᠪᠠ ᠲᠥᠮᠦᠰᠦᠨ ᠦ᠌ ᠭᠤᠯᠢᠷ ᠢ᠋ᠶ᠋ᠠᠷ ᠮᠠᠰᠢ ᠵᠢᠭᠳᠡ ᠲᠦᠷᠬᠢᠭᠰᠡᠨ ᠪᠠᠢᠨᠠ ᠲᠡᠭᠦᠨ ᠡᠴᠡ ᠭᠠᠳᠠᠨᠠ ᠣᠷᠴᠢᠨ ᠦᠶᠡ ᠳ᠋ᠦ᠍ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠨᠡᠬᠡᠮᠡᠯ ᠮᠠᠯᠠᠭᠠᠢ ᠶ᠋ᠢ ᠡᠮᠦᠰᠬᠦ ᠪᠣᠯᠤᠯᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ