ᠮᠣᠩᠭᠣᠯ ᠡᠮᠡᠭᠲᠡᠢ ᠶᠢᠨ ᠤᠷᠠᠨ ᠦᠢᠯᠡ-ᠴ ᠰᠣᠩᠭᠢᠨᠠ-ᠬᠣᠶᠠᠳᠤᠭᠠᠷ ᠪᠦᠯᠦᠭ11-ᠬᠠᠳᠬᠤᠮᠠᠯ ᠤ᠋ᠨ ᠳᠡᠪᠢᠰᠬᠡᠷ ᠢ᠋ ᠪᠡᠯᠡᠳᠬᠡᠬᠦ
316ᠬᠣᠶᠠᠳᠤᠭᠠᠷ ᠪᠦᠯᠦᠭ11-ᠬᠠᠳᠬᠤᠮᠠᠯ ᠤ᠋ᠨ ᠳᠡᠪᠢᠰᠬᠡᠷ ᠢ᠋ ᠪᠡᠯᠡᠳᠬᠡᠬᠦ
ᠬᠠᠳᠬᠤᠮᠠᠯ ᠤ᠋ᠨ ᠳᠡᠪᠢᠰᠬᠡᠷ ᠢ᠋ ᠰᠣᠩᠭᠣᠬᠤ ᠳ᠋ᠠᠭᠠᠨ ᠴᠣᠬᠣᠮ ᠶᠠᠮᠠᠷ ᠬᠡ ᠳᠦᠷᠰᠦ᠂ ᠰᠡᠳᠦᠪᠲᠦ ᠬᠠᠳᠬᠤᠮᠠᠯ ᠤᠷᠠᠯᠠᠬᠤ ᠳ᠋ᠠᠭᠠᠨ ᠲᠣᠬᠢᠷᠠᠭᠤᠯᠤᠨ ᠰᠣᠩᠭᠣᠬᠤ ᠪᠥᠭᠡᠳ ᠶᠠᠭᠤᠨ ᠤ᠋ ᠡᠮᠦᠨᠡ ᠬᠡ ᠥᠬᠡᠢ ᠴᠤᠯᠭᠤᠢ ᠫᠦᠦᠰᠦᠦ᠂ ᠳᠠᠪᠤᠤ᠂ ᠴᠠᠭᠠᠨ ᠶᠠᠩᠪᠤᠤ᠂ ᠲᠠᠭᠠᠷ ᠵᠡᠷᠭᠡ ᠶ᠋ᠢ ᠰᠣᠩᠭᠣᠵᠤ ᠠᠪᠤᠨᠠ᠃ ᠤᠭ ᠮᠠᠲ᠋ᠧᠷᠢᠶᠠᠯ ᠢ᠋ ᠬᠠᠳᠬᠤᠮᠠᠯ ᠬᠠᠳᠬᠤᠬᠤ ᠶ᠋ᠢᠨ ᠡᠮᠦᠨᠡ ᠵᠠᠪᠠᠯ ᠳᠠᠪᠬᠤᠷᠯᠠᠨ ᠴᠠᠪᠤᠭ ᠨᠠᠭᠠᠨᠠ᠃ ᠴᠠᠪᠤᠭ ᠢ᠋ ᠨᠠᠭᠠᠬᠤ ᠳ᠋ᠠᠭᠠᠨ ᠳᠤᠮᠳᠠ ᠵᠡᠷᠭᠡ ᠶ᠋ᠢᠨ ᠥᠳᠬᠡᠨ ᠵᠣᠩᠬᠤ ᠪᠤᠴᠠᠯᠭᠠᠵᠤ ᠬᠥᠷᠥᠭᠡᠭᠡᠳ ᠳᠡᠪᠢᠰᠬᠡᠷ ᠲᠡᠭᠡᠨ ᠵᠢᠭᠳᠡ ᠪᠠᠭᠠ ᠲᠦᠷᠬᠢᠵᠦ ᠬᠢᠲᠤᠭᠠ ᠪᠠᠷ ᠬᠥᠨᠳᠡᠢᠬᠡᠨ ᠬᠤᠰᠤᠵᠤ ᠪᠥᠭᠡᠮ ᠪᠤᠶᠤ ᠨᠠᠭᠠᠯᠳᠤᠭᠰᠠᠨ ᠵᠦᠢᠯ ᠢ᠋ ᠠᠷᠢᠯᠭᠠᠵᠤ ᠨᠠᠭᠠᠬᠤ ᠴᠠᠪᠤᠭ ᠢ᠋ᠶ᠋ᠠᠨ ᠲᠠᠯᠪᠢᠵᠤ ᠪᠦᠯᠢᠶᠡᠨ ᠢᠩᠳᠡᠦ ᠪᠡᠷ ᠵᠢᠭᠳᠡ᠂ ᠵᠥᠭᠡᠯᠡᠨ ᠢᠩᠳᠡᠦᠳᠡᠵᠦ ᠨᠠᠭᠠᠭᠠᠳ ᠪᠠᠭᠠ ᠵᠡᠷᠭᠡ ᠬᠠᠲᠠᠭᠠᠵᠤ ᠳᠤᠮᠳᠠ ᠵᠡᠷᠭᠡ ᠲᠡᠢ ᠬᠠᠯᠠᠭᠤᠨ ᠢᠩᠳᠡᠦ ᠪᠡᠷ ᠳᠠᠬᠢᠨ ᠰᠠᠢᠨ ᠬᠠᠳᠠᠲᠠᠯᠠ ᠢᠩᠳᠡᠦᠳᠡᠵᠦ ᠲᠡᠭᠰᠢ ᠭᠠᠳᠠᠷᠭᠤ ᠲᠠᠢ ᠮᠣᠳᠣ ᠪᠤᠶᠤ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠯᠪᠢᠵᠤ ᠳᠡᠭᠡᠷᠡ ᠡᠴᠡ ᠨᠢ ᠲᠡᠭᠰᠢ ᠭᠠᠳᠠᠷᠭᠤ ᠲᠠᠢ ᠮᠣᠳᠣ ᠲᠠᠯᠪᠢᠵᠤ ᠬᠦᠨᠳᠦ ᠶᠠᠭᠤᠮᠠ ᠪᠠᠷ ᠳᠠᠷᠤᠵᠤ ᠴᠠᠭ ᠪᠣᠯᠤᠭᠰᠠᠨ ᠤ᠋ ᠳᠠᠷᠠᠭᠠ ᠠᠪᠴᠤ ᠲᠠᠯᠠᠪᠤᠷ ᠲᠤ᠌ ᠣᠷᠣᠭᠤᠯᠬᠤ ᠪᠤᠶᠤ ᠵᠢᠵᠢᠭ ᠡᠳ᠋ᠯᠡᠯ ᠢ᠋ ᠪᠣᠯ ᠰᠢᠭᠤᠳ ᠵᠢᠷᠤᠭ ᠢ᠋ᠶ᠋ᠠᠨ ᠪᠠᠭᠤᠯᠭᠠᠵᠤ ᠣᠶᠣᠨᠠ᠃ ᠬᠠᠳᠬᠤᠮᠠᠯ ᠤ᠋ᠨ ᠳᠡᠪᠢᠰᠬᠡᠷ ᠦ᠋ᠨ ᠥᠩᠭᠡ ᠶ᠋ᠢ ᠰᠣᠩᠭᠣᠬᠤ ᠳ᠋ᠠᠭᠠᠨ ᠣᠶᠣᠬᠤ ᠵᠦᠢᠯ ᠦ᠋ᠨ ᠢ᠋ᠶ᠋ᠡᠨ ᠤᠲᠠᠰᠤ ᠶ᠋ᠢ ᠪᠤᠳᠤᠯᠴᠠᠬᠤ ᠶᠣᠰᠣᠲᠠᠢ᠃
ᠬᠠᠳᠬᠤᠮᠠᠯ ᠤ᠋ᠨ ᠳᠡᠪᠢᠰᠬᠡᠷ᠂ ᠣᠶᠣᠬᠤ ᠳᠦᠷᠰᠦ ᠬᠣᠶᠠᠷ ᠬᠣᠭᠣᠷᠣᠨᠳᠣ ᠪᠠᠨ ᠥᠩᠭᠡ ᠵᠣᠬᠢᠴᠠᠵᠤ ᠪᠠᠢᠪᠠᠯ ᠬᠠᠳᠬᠤᠮᠠᠯ ᠢ᠋ ᠤᠯᠠᠮ ᠭᠣᠶᠣ ᠰᠠᠢᠬᠠᠨ ᠪᠣᠯᠭᠠᠵᠤ ᠬᠠᠷᠠᠭᠳᠠᠭᠤᠯᠤᠨᠠ᠃
ᠡᠭᠦᠨ ᠳ᠋ᠦ᠍ ᠨᠢᠭᠡ ᠥᠩᠭᠡ ᠶ᠋ᠢᠨ ᠴᠠᠢᠪᠤᠷ ᠨᠣᠭᠣᠭᠠᠨ ᠥᠩᠭᠡ ᠪᠠᠷᠠᠭᠠᠨ ᠲᠠᠢ ᠰᠠᠢᠨ ᠵᠣᠬᠢᠴᠠᠨᠠ᠃ ᠨᠣᠭᠣᠭᠠᠨ᠂ ᠴᠡᠩᠬᠡᠷ ᠬᠡ᠂ ᠳᠦᠷᠰᠦ ᠶ᠋ᠢᠨ ᠳᠡᠪᠢᠰᠬᠡᠷ ᠤᠯᠠᠭᠠᠨ ᠪᠤᠶᠤ ᠰᠢᠷᠠ᠂ ᠤᠯᠠᠭᠠᠨ ᠬᠤᠪᠢᠯᠪᠤᠷᠢ ᠪᠠᠷ ᠰᠣᠯᠣᠩᠭᠠᠷᠠᠭᠰᠠᠨ ᠬᠡ ᠶ᠋ᠢᠨ ᠳᠡᠪᠢᠰᠬᠡᠷ ᠬᠠᠷᠠ ᠬᠦᠷᠡᠩ ᠪᠤᠶᠤ ᠬᠠᠷᠠ ᠬᠥᠬᠡ ᠪᠠᠢᠪᠠᠯ ᠵᠣᠬᠢᠮᠵᠢᠲᠠᠢ᠃ ᠡᠨᠡ ᠨᠢ ᠵᠡᠭᠦᠦ ᠣᠷᠢᠶᠠᠬᠤ᠂ ᠬᠣᠨᠢᠨ ᠬᠣᠯᠪᠣᠭᠠ ᠠᠯᠢ ᠴᠤ᠌ ᠬᠠᠳᠬᠤᠮᠠᠯ ᠳ᠋ᠤ᠌ ᠲᠣᠬᠢᠷᠠᠨᠠ᠃ ᠬᠡ ᠤᠭᠠᠯᠵᠠ ᠣᠶᠣᠬᠤ ᠳ᠋ᠤ᠌ ᠬᠠᠮᠤᠭ ᠠ᠋ᠴᠠ ᠡᠷᠬᠢᠮᠯᠡᠬᠦ ᠵᠦᠢᠯ ᠨᠢ ᠲᠡᠭᠦᠨ ᠦ᠌ ᠨᠤᠭᠤᠯᠤᠭᠠ ᠳᠣᠯᠭᠢᠶᠠ ᠶ᠋ᠢ ᠭᠠᠷᠭᠠᠬᠤ ᠠᠵᠢᠯ ᠪᠥᠭᠡᠳ ᠬᠣᠶᠠᠷ ᠲᠠᠯᠠ ᠠ᠋ᠴᠠ ᠨᠢ ᠬᠦᠨᠳᠦᠷᠡᠭᠦᠯᠵᠦ ᠣᠶᠣᠬᠤ ᠳ᠋ᠤ᠌ ᠨᠠᠰᠢ ᠪᠠᠨ ᠪᠤᠯᠲᠠᠢᠵᠤ ᠳᠣᠪᠣᠢᠵᠤ ᠬᠠᠷᠠᠭᠳᠠᠬᠤ ᠪᠠ ᠭᠣᠣᠯ ᠠ᠋ᠴᠠ ᠨᠢ ᠵᠠᠬᠠ ᠤᠷᠤᠭᠤ ᠨᠢ ᠬᠦᠨᠳᠦᠷᠡᠭᠦᠯᠦᠭᠰᠡᠨ ᠥᠩᠭᠡ ᠪᠡᠷ ᠣᠶᠣᠬᠤ ᠳ᠋ᠤ᠌ ᠬᠡ ᠳᠦᠷᠰᠦ ᠴᠠᠰᠢ ᠪᠠᠨ ᠭᠦᠳᠦᠢᠵᠦ ᠬᠣᠩᠬᠣᠢᠵᠤ ᠬᠠᠷᠠᠭᠳᠠᠨᠠ᠃ ᠬᠡ ᠤᠭᠠᠯᠵᠠ ᠶ᠋ᠢᠨ ᠡᠨᠡ ᠪᠠᠢᠳᠠᠯ ᠢ᠋ ᠵᠣᠬᠢᠴᠠᠭᠤᠯᠬᠤ ᠳ᠋ᠤ᠌ ᠳᠡᠪᠢᠰᠬᠡᠷ ᠴᠢᠬᠤᠯᠠ ᠦᠢᠯᠡᠳᠦᠯ ᠲᠡᠢ ᠪᠥᠭᠡᠳ ᠲᠡᠭᠦᠨ ᠳ᠋ᠦ᠍ ᠲᠣᠬᠢᠷᠠᠭᠤᠯᠵᠤ ᠤᠲᠠᠰᠤ ᠪᠠᠨ ᠪᠡᠯᠡᠳᠬᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ ᠂ ᠪᠠᠶᠠᠨᠰᠡᠷᠡᠩ
ᠬᠢᠨᠠᠭᠴᠢ ᠪᠠᠭᠰᠢ᠄ ᠣᠳᠬᠠᠨᠰᠣᠠ