ᠮᠣᠩᠭᠣᠯ ᠡᠮᠡᠭᠲᠡᠢ ᠶᠢᠨ ᠤᠷᠠᠨ ᠦᠢᠯᠡ-ᠴ ᠰᠣᠩᠭᠢᠨᠠ-ᠬᠣᠶᠠᠳᠤᠭᠠᠷ ᠪᠦᠯᠦᠭ09- ᠬᠠᠳᠬᠤᠮᠠᠯ ᠤ᠋ᠨ ᠤᠲᠠᠰᠤᠨ ᠤ᠋ ᠥᠩᠭᠡ ᠲᠣᠬᠢᠷᠠᠭᠤᠯᠤᠨ ᠰᠣᠩᠭᠣᠬᠤ
298ᠬᠣᠶᠠᠳᠤᠭᠠᠷ ᠪᠦᠯᠦᠭ09- ᠬᠠᠳᠬᠤᠮᠠᠯ ᠤ᠋ᠨ ᠤᠲᠠᠰᠤᠨ ᠤ᠋ ᠥᠩᠭᠡ ᠲᠣᠬᠢᠷᠠᠭᠤᠯᠤᠨ ᠰᠣᠩᠭᠣᠬᠤ
ᠤᠲᠠᠰᠤᠨ ᠤ ᠥᠩᠭᠡ ᠶ᠋ᠢ ᠰᠣᠩᠭᠣᠬᠤ ᠳ᠋ᠠᠭᠠᠨ ᠨᠢᠭᠡ ᠪᠤᠶᠤ ᠬᠡᠳᠦ ᠬᠡᠳᠦᠨ ᠥᠩᠭᠡ ᠶ᠋ᠢ ᠬᠣᠯᠢᠬᠤ᠂ ᠬᠣᠣᠰᠯᠠᠭᠤᠯᠬᠤ ᠮᠠᠶᠢᠭ ᠢ᠋ᠶ᠋ᠠᠷ ᠶᠡᠷᠦᠩᠬᠡᠢ ᠥᠩᠭᠡ ᠶ᠋ᠢ ᠵᠣᠬᠢᠴᠠᠭᠤᠯᠤᠨᠠ᠃ ᠤᠲᠠᠰᠤᠨ ᠤ᠋ ᠥᠩᠭᠡ ᠶ᠋ᠢ ᠰᠣᠩᠭᠣᠬᠤ ᠶ᠋ᠢᠨ ᠡᠮᠦᠨᠡ ᠣᠶᠣᠬᠤ ᠵᠢᠷᠤᠭ ᠢ᠋ᠶ᠋ᠠᠨ ᠪᠣᠳᠣᠭ ᠢ᠋ᠶ᠋ᠠᠷ ᠢᠯᠭᠠᠨ ᠪᠣᠳᠣᠵᠤ ᠠᠵᠢᠭᠯᠠᠨ ᠲᠡᠭᠦᠨ ᠳ᠋ᠦ᠍ ᠵᠣᠬᠢᠴᠠᠭᠤᠯᠵᠤ ᠤᠲᠠᠰᠤ ᠪᠠᠨ ᠪᠡᠯᠡᠳᠬᠡᠬᠦ ᠪᠤᠶᠤ ᠲᠡᠷᠡ ᠥᠩᠭᠡ ᠳᠠᠭᠠᠤ ᠣᠶᠣᠨᠠ᠃ ᠬᠠᠳᠬᠤᠮᠠᠯ ᠤ᠋ᠨ ᠤᠲᠠᠰᠤ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠥᠩᠭᠡ ᠲᠡᠢ ᠪᠠᠢᠬᠤ ᠨᠢ ᠮᠡᠳᠡᠭᠡᠵᠢ ᠪᠥᠭᠡᠳ ᠵᠢᠷᠤᠭ ᠤᠷᠠᠯᠠᠨ ᠪᠣᠢ ᠪᠣᠯᠭᠠᠬᠤ ᠳ᠋ᠤ᠌ ᠤᠲᠠᠰᠤᠨ ᠤ᠋ ᠥᠩᠭᠡ ᠬᠦᠨᠳᠦ ᠡᠴᠡ ᠬᠥᠩᠭᠡᠨ ᠤᠷᠤᠭᠤ᠂ ᠬᠥᠩᠭᠡᠨ ᠡᠴᠡ ᠬᠦᠨᠳᠦ ᠤᠷᠤᠭᠤ ᠴᠢᠭᠯᠡᠭᠦᠯᠬᠦ ᠵᠠᠮ ᠢ᠋ᠶ᠋ᠠᠷ᠂ ᠠᠯᠤᠰ ᠠ᠋ᠴᠠ ᠵᠠᠮᠬᠠᠷᠠᠭᠤᠯᠤᠨ ᠲᠣᠳᠣᠷᠠᠭᠤᠯᠬᠤ ᠳᠡᠰ ᠳᠠᠷᠠᠭᠠ ᠶ᠋ᠢ ᠨᠠᠷᠢᠨ ᠪᠠᠷᠢᠮᠲᠠᠯᠠᠨᠠ᠃ ᠡᠭᠦᠨ ᠢ᠋ ᠥᠩᠭᠡᠨ ᠦ᠌ ᠳᠠᠩᠨᠠᠭᠠᠰᠤ ᠭᠡᠵᠦ ᠨᠡᠷᠡᠯᠡᠳᠡᠭ᠃ ᠵᠢᠱ᠌ᠢᠶᠡ ᠨᠢ᠄ ᠨᠣᠭᠣᠭᠠᠨ ᠤ᠋ ᠳᠠᠩᠨᠠᠭᠠᠰᠤ ᠨᠢ ᠴᠠᠭᠠᠨ᠂ ᠴᠠᠭᠠᠨ ᠨᠣᠭᠣᠭᠠᠨ᠂ ᠴᠠᠢᠪᠤᠷ ᠨᠣᠭᠣᠭᠠᠨ᠂ ᠲᠣᠳᠣ ᠨᠣᠭᠣᠭᠠᠨ᠂ ᠨᠣᠭᠣᠭᠠᠨ᠂ ᠬᠠᠷᠠ ᠨᠣᠭᠣᠭᠠᠨ ᠭᠡᠬᠦ ᠮᠡᠲᠦ᠃ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠬᠡ ᠣᠶᠣᠬᠤ ᠳ᠋ᠤ᠌ ᠵᠠᠷᠢᠮ ᠦᠶᠡ ᠳ᠋ᠦ᠍ ᠨᠢᠭᠡ ᠳᠡᠪᠢᠰᠬᠡᠷ ᠳᠡᠭᠡᠷᠡ ᠨᠢᠭᠡ ᠲᠣᠳᠣ ᠥᠩᠭᠡ ᠪᠤᠶᠤ ᠬᠡᠳᠦ ᠬᠡᠳᠦᠨ ᠥᠩᠭᠡ ᠪᠡᠷ ᠲᠠᠩᠨᠠᠬᠤ ᠳ᠋ᠤ᠌ ᠦᠵᠡᠮᠵᠢᠲᠡᠢ ᠪᠣᠯᠳᠠᠭ᠃ ᠬᠡᠷᠦᠭᠡᠰᠦ ᠣᠶᠣᠳᠠᠯ ᠢ᠋ᠶ᠋ᠠᠷ ᠬᠡ ᠤᠭᠠᠯᠵᠠ ᠣᠶᠣᠬᠤ ᠳ᠋ᠠᠭᠠᠨ ᠥᠩᠭᠡᠨ ᠦ᠌ ᠵᠣᠬᠢᠴᠠᠯ ᠢ᠋ ᠠᠩᠬᠠᠷᠴᠤ ᠤᠯᠠᠭᠠᠨ᠂ ᠬᠠᠷᠠ ᠬᠦᠷᠡᠩ᠂ ᠰᠢᠷᠠ᠂ ᠴᠠᠢᠪᠤᠷ ᠰᠢᠷᠠ ᠵᠡᠷᠭᠡ ᠥᠩᠭᠡ ᠶ᠋ᠢ ᠬᠣᠣᠰᠯᠠᠭᠤᠯᠬᠤ ᠳ᠋ᠤ᠌ ᠵᠣᠬᠢᠮᠵᠢᠲᠠᠢ᠃
ᠬᠠᠳᠬᠤᠮᠠᠯᠴᠢᠨ ᠬᠥᠮᠦᠨ ᠠᠯᠢᠪᠠ ᠥᠩᠭᠡᠨ ᠦ᠌ ᠳᠠᠩᠨᠠᠭᠠᠰᠤ᠂ ᠠᠯᠤᠰᠯᠠᠯᠲᠠ᠂ ᠦᠨᠳᠦᠰᠦᠨ ᠪᠠ ᠲᠤᠰᠠᠯᠠᠬᠤ ᠥᠩᠭᠡ ᠶ᠋ᠢᠨ ᠵᠣᠬᠢᠴᠠᠯ ᠢ᠋ ᠰᠠᠢᠨ ᠮᠡᠳᠡᠳᠡᠭ ᠪᠠᠢᠵᠤ ᠲᠡᠭᠦᠨ ᠢ᠋ ᠤᠷᠠᠯᠠᠨ ᠪᠦᠲᠦᠭᠡᠬᠦ ᠶᠣᠰᠣᠲᠠᠢ᠃ ᠦᠨᠳᠦᠰᠦᠨ ᠥᠩᠭᠡᠨ ᠳ᠋ᠦ᠍ ᠤᠯᠠᠭᠠᠨ᠂ ᠰᠢᠷᠠ᠂ ᠬᠥᠬᠡ ᠬᠠᠮᠤᠷᠬᠤ ᠪᠥᠭᠡᠳ ᠡᠳᠡᠭᠡᠷ ᠢ᠋ ᠬᠣᠭᠣᠷᠣᠨᠳᠣ ᠨᠢ ᠬᠣᠯᠢᠬᠤ ᠳ᠋ᠤ᠌ ᠨᠡᠢᠯᠡᠮᠡᠯ ᠥᠩᠭᠡ ᠪᠣᠯᠤᠨᠠ᠃
ᠵᠢᠱ᠌ᠢᠶᠡ ᠨᠢ᠄ ᠤᠯᠠᠭᠠᠨ+ ᠰᠢᠷᠠ= ᠤᠯᠠᠪᠢᠷ ᠰᠢᠷᠠ᠂ ᠰᠢᠷᠠ+ ᠬᠥᠬᠡ= ᠨᠣᠭᠣᠭᠠᠨ ᠪᠣᠯᠤᠨᠠ᠃ ᠣᠢᠷᠠᠯᠴᠠᠭᠠ ᠥᠩᠭᠡ ᠨᠦ᠍ᠭᠦᠳ ᠢ᠋ ᠬᠣᠭᠣᠷᠣᠨᠳᠣ ᠨᠢ ᠬᠣᠯᠢᠵᠤ ᠭᠠᠷᠭᠠᠵᠤ ᠪᠠᠢᠭᠠ ᠥᠩᠭᠡ ᠨᠦ᠍ᠭᠦᠳ ᠵᠠᠪᠰᠠᠷ ᠤ᠋ᠨ ᠥᠩᠭᠡ ᠶᠦᠮ᠃ ᠨᠣᠭᠣᠭᠠᠨ+ ᠰᠢᠷᠠ= ᠰᠢᠷᠠᠪᠲᠤᠷ ᠨᠣᠭᠣᠭᠠᠨ᠂ ᠨᠣᠭᠣᠭᠠᠨ+ ᠬᠥᠬᠡ= ᠬᠥᠬᠡᠪᠲᠦᠷ ᠭᠡᠬᠦ ᠵᠢᠱ᠌ᠢᠶᠡ ᠲᠡᠢ᠃ ᠨᠡᠢᠲᠡ ᠥᠩᠭᠡ ᠶ᠋ᠢ ᠳᠤᠯᠠᠭᠠᠨ᠂ ᠬᠦᠢᠲᠡᠨ ᠭᠡᠵᠦ ᠠᠩᠭᠢᠯᠠᠨᠠ᠃ ᠳᠤᠯᠠᠭᠠᠨ ᠥᠩᠭᠡᠨ ᠳ᠋ᠦ᠍ ᠪᠦᠬᠦ ᠲᠥᠷᠥᠯ ᠦ᠋ᠨ ᠤᠯᠠᠭᠠᠨ᠂ ᠤᠯᠠᠪᠢᠷ ᠰᠢᠷᠠ᠂ ᠰᠢᠷᠠ ᠨᠣᠭᠣᠭᠠᠨ ᠥᠩᠭᠡ ᠪᠠᠭᠲᠠᠬᠤ ᠪᠠ ᠬᠦᠢᠲᠡᠨ ᠥᠩᠭᠡᠨ ᠳ᠋ᠦ᠍ ᠨᠢᠯ ᠬᠥᠬᠡ᠂ ᠬᠥᠬᠡᠪᠲᠦᠷ᠂ ᠴᠡᠩᠬᠡᠷ᠂ ᠨᠣᠭᠣᠭᠠᠨ ᠥᠩᠭᠡ ᠨᠦ᠍ᠭᠦᠳ ᠪᠠᠭᠲᠠᠨᠠ᠃ ᠨᠢᠳᠦᠨ ᠳ᠋ᠦ᠍ ᠬᠠᠷᠠᠭᠳᠠᠵᠤ ᠪᠠᠢᠭᠠ ᠪᠦᠬᠦ ᠥᠩᠭᠡ ᠶ᠋ᠢ ᠬᠣᠶᠠᠷ ᠪᠦᠯᠦᠭ ᠲᠦ ᠬᠤᠪᠢᠶᠠᠨᠠ᠃
1. ᠪᠦᠷᠢᠳᠦᠮᠡᠯ ᠥᠩᠭᠡ ᠡᠨᠡ ᠥᠩᠭᠡᠨ ᠳ᠋ᠦ᠍ ᠤᠯᠠᠭᠠᠨ᠂ ᠰᠢᠷᠠ᠂ ᠨᠣᠭᠣᠭᠠᠨ ᠭᠡᠬᠦ ᠮᠡᠲᠦ ᠥᠩᠭᠡᠨ ᠦ᠌ ᠳᠠᠩᠨᠠᠭᠠᠰᠤ ᠨᠤᠭᠤᠳ ᠪᠠᠭᠲᠠᠨᠠ᠃
2. ᠵᠡᠪᠡᠬᠡᠢ ᠥᠩᠭᠡ ᠡᠨᠡ ᠥᠩᠭᠡᠨ ᠳ᠋ᠦ᠍ ᠴᠠᠭᠠᠨ ᠠ᠋ᠴᠠ ᠬᠠᠷᠠ ᠬᠦᠷᠲᠡᠯᠡ ᠪᠦᠬᠦ ᠲᠥᠷᠥᠯ ᠦ᠋ᠨ ᠳᠠᠩᠨᠠᠭᠠᠰᠤ ᠬᠠᠮᠤᠷᠤᠭᠳᠠᠨᠠ᠃
ᠲᠤᠬᠠᠢᠯᠠᠭᠰᠠᠨ ᠶᠠᠭᠤᠮᠠᠰ ᠤ᠋ᠨ ᠥᠩᠭᠡ ᠶ᠋ᠢ ᠵᠠᠩᠰᠢᠭᠰᠠᠨ ᠭᠡᠳᠡᠭ᠃ ᠵᠢᠱ᠌ᠢᠶᠡ ᠨᠢ᠄ ᠤᠯᠠᠭᠠᠨ ᠴᠡᠴᠡᠭ᠂ ᠨᠣᠭᠣᠭᠠᠨ ᠨᠠᠪᠴᠢ᠂ ᠬᠦᠷᠡᠩ ᠪᠠᠭᠠᠪᠠᠭᠠᠢ ᠭᠡᠬᠦ ᠮᠡᠲᠦ᠃ ᠬᠥᠮᠦᠨ ᠢ᠋ ᠬᠠᠳᠬᠤᠬᠤ ᠳ᠋ᠤ᠌ ᠲᠡᠳᠡᠭᠡᠷ ᠦ᠋ᠨ ᠬᠡᠯᠪᠡᠷᠢ᠂ ᠳᠦᠷᠰᠦ᠂ ᠭᠡᠷᠡᠯ ᠦ᠋ᠨ ᠪᠠᠢᠷᠢᠯᠠᠯ ᠠ᠋ᠴᠠ ᠬᠠᠮᠤᠷᠴᠤ ᠣᠶᠣᠨᠠ᠃ ᠭᠡᠷᠡᠯᠲᠦᠭᠦᠯᠭᠡ ᠡᠴᠡ ᠬᠦᠨᠳᠦ ᠥᠩᠭᠡ ᠤᠷᠤᠭᠤ ᠰᠢᠯᠵᠢᠭᠦᠯᠬᠦ ᠳ᠋ᠦ᠍ ᠵᠠᠪᠠᠯ ᠵᠠᠪᠰᠠᠷ ᠤ᠋ᠨ ᠥᠩᠭᠡ ᠬᠡᠷᠡᠭᠯᠡᠳᠡᠭ᠃ ᠤᠲᠠᠰᠤᠨ ᠤ᠋ ᠪᠤᠶᠤ ᠡᠳ᠋ ᠮᠠᠲ᠋ᠧᠷᠢᠶᠠᠯ ᠤ᠋ᠨ ᠨᠠᠷᠢᠨ ᠥᠩᠭᠡ ᠶ᠋ᠢ ᠰᠣᠩᠭᠣᠬᠤ ᠳ᠋ᠠᠭᠠᠨ ᠨᠠᠷᠠᠨ ᠤ᠋ ᠭᠡᠷᠡᠯ ᠢ᠋ ᠠᠰᠢᠭᠯᠠᠬᠤ ᠪᠠ ᠵᠣᠬᠢᠶᠠᠮᠠᠯ ᠭᠡᠷᠡᠯ᠂ ᠪᠦᠷᠬᠦᠭ ᠡᠳᠦᠷ ᠥᠩᠭᠡ ᠶ᠋ᠢ ᠪᠦᠳᠡᠭᠢ ᠪᠣᠯᠭᠠᠳᠠᠭ ᠪᠥᠭᠡᠳ ᠬᠥᠮᠦᠨ150 ᠥᠩᠭᠡ ᠶ᠋ᠢ ᠢᠯᠭᠠᠬᠤ ᠴᠢᠳᠠᠪᠤᠷᠢ ᠲᠠᠢ ᠪᠠᠢᠳᠠᠭ ᠭᠡᠵᠦ ᠰᠤᠳᠤᠯᠤᠭᠴᠢᠳ ᠦᠵᠡᠯᠡ᠃
ᠪᠥᠭᠡᠷᠡᠩᠬᠡᠢᠯᠡᠵᠦ ᠣᠷᠢᠶᠠᠭᠰᠠᠨ ᠬᠥᠪᠥᠩ ᠤᠲᠠᠰᠤ ᠡᠨᠡ ᠤᠲᠠᠰᠤ3—7 ᠬᠦᠷᠲᠡᠯᠡ ᠨᠣᠮᠧᠷ ᠲᠡᠢ᠂ ᠡᠷᠴᠢᠲᠡᠢ᠂ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠥᠩᠭᠡ ᠪᠡᠷ ᠪᠣᠳᠣᠭᠳᠠᠭᠰᠠᠨ ᠪᠠᠢᠨᠠ᠃ ᠡᠭᠦᠨ ᠢ᠋ᠶ᠋ᠡᠷ ᠬᠠᠰᠠᠭ ᠬᠡ ᠤᠭᠠᠯᠵᠠ᠂ ᠬᠡᠷᠦᠭᠡᠰᠦ᠂ ᠴᠢᠮᠡᠭᠯᠡᠯ ᠦ᠋ᠨ ᠣᠶᠣᠳᠠᠯ ᠢ᠋ ᠣᠶᠣᠨᠠ᠃
ᠬᠥᠪᠥᠩ ᠴᠠᠭᠠᠨ ᠤᠲᠠᠰᠤᠨ ᠳ᠋ᠤ᠌ ᠮᠣᠯᠢᠨᠧ ᠭᠡᠳᠡᠭ ᠭᠣᠭᠴᠣᠭᠠ ᠲᠠᠢ ᠨᠠᠷᠢᠨ ᠤᠲᠠᠰᠤ ᠪᠠᠭᠲᠠᠬᠤ ᠪᠥᠭᠡᠳ ᠡᠨᠡ ᠤᠲᠠᠰᠤ ᠪᠦᠳᠦᠭᠦᠨ᠂ ᠨᠠᠷᠢᠨ ᠥᠩᠭᠡ ᠪᠣᠳᠣᠭ ᠤ᠋ᠨ ᠬᠤᠪᠢ ᠳ᠋ᠤ᠌ ᠲᠣᠭᠲᠠᠪᠤᠷᠢ ᠲᠠᠢ ᠠᠮᠠᠷᠬᠠᠨ ᠭᠠᠩᠳᠠᠳᠠᠭ ᠦᠭᠡᠢ ᠪᠥᠭᠡᠳ ᠡᠷᠴᠢ ᠰᠠᠢᠲᠠᠢ ᠬᠠᠳᠬᠤᠮᠠᠯ ᠳ᠋ᠤ᠌ ᠬᠠᠮᠤᠭ ᠤ᠋ᠨ ᠥᠷᠭᠡᠨ ᠬᠡᠷᠡᠭᠯᠡᠭᠳᠡᠳᠡᠭ᠃
ᠲᠣᠷᠭᠠᠨ ᠤᠲᠠᠰᠤ ᠲᠣᠷᠭᠠᠨ ᠤᠲᠠᠰᠤ ᠴᠠᠭᠠᠰᠤᠨ ᠭᠣᠣᠯ ᠲᠠᠢ᠂ ᠭᠣᠭᠴᠣᠭᠠ ᠲᠠᠢ᠂ ᠡᠷᠴᠢᠲᠡᠢ᠂ ᠡᠷᠴᠢ ᠦᠭᠡᠢ᠂ ᠪᠦᠳᠦᠭᠦᠨ ᠨᠠᠷᠢᠨ ᠶᠠᠩᠵᠤ ᠪᠦᠷᠢ ᠪᠠᠢᠬᠤ ᠪᠥᠭᠡᠳ ᠳᠡᠭᠡᠷᠡ ᠦᠶᠡ ᠳ᠋ᠦ᠍ ᠬᠡᠷᠡᠭᠯᠡᠭᠳᠡᠵᠦ ᠪᠠᠢᠭᠰᠠᠨ ᠭᠣᠭᠴᠣᠭᠠ ᠤᠲᠠᠰᠤ ᠬᠠᠳᠬᠤᠮᠠᠯ ᠳ᠋ᠤ᠌ ᠬᠠᠮᠤᠭ ᠤ᠋ᠨ ᠲᠣᠬᠢᠷᠠᠮᠵᠢᠲᠠᠢ ᠤᠲᠠᠰᠤ ᠶᠤᠮ᠃
ᠡᠷᠴᠢᠲᠡᠢ ᠲᠣᠷᠭᠠᠨ ᠤᠲᠠᠰᠤ ᠵᠡᠭᠡᠭᠲᠦ ᠨᠠᠭᠠᠮᠠᠯ᠂ ᠬᠣᠨᠢᠨ ᠬᠣᠯᠪᠣᠭᠠ᠂ ᠵᠡᠭᠦᠦ ᠣᠷᠢᠶᠠᠬᠤ ᠳ᠋ᠤ᠌ ᠲᠣᠬᠢᠷᠠᠮᠵᠢᠲᠠᠢ ᠪᠠᠢᠳᠠᠭ᠃
ᠭᠣᠣᠯ ᠳᠤ ᠣᠷᠢᠶᠠᠭᠰᠠᠨ ᠳᠠᠪᠤᠤ ᠶ᠋ᠢᠨ ᠤᠲᠠᠰᠤ10—100 ᠬᠦᠷᠲᠡᠯᠡ ᠨᠣᠮᠧᠷ ᠲᠡᠢ ᠪᠠᠢᠬᠤ ᠪᠠ1—30 ᠬᠦᠷᠲᠡᠯᠡ ᠨᠣᠮᠧᠷ ᠢ᠋ᠶ᠋ᠡᠷ ᠵᠤᠵᠠᠭᠠᠨ ᠳᠠᠪᠤᠤ ᠶ᠋ᠢᠨ ᠳᠡᠭᠡᠷᠡ40—50 ᠨᠣᠮᠧᠷ ᠦ᠋ᠨ ᠤᠲᠠᠰᠤ ᠪᠠᠷ ᠰᠦᠯᠵᠢᠮᠡᠯ ᠣᠶᠣᠳᠠᠯ ᠤ᠋ᠳ ᠢ᠋ ᠬᠠᠭᠠᠰ ᠪᠠ ᠪᠦᠲᠦᠨ ᠣᠯᠣᠰᠣ ᠮᠠᠭᠠᠯᠢᠩᠭᠤ ᠶ᠋ᠢᠨ ᠳᠠᠪᠤᠤ ᠶ᠋ᠢᠨ ᠳᠡᠭᠡᠷᠡ ᠣᠶᠣᠨᠠ᠃ ᠨᠢᠮᠭᠡᠨ ᠳᠠᠪᠤᠤ ᠶ᠋ᠢᠨ ᠳᠡᠭᠡᠷᠡ60—80 ᠨᠣᠮᠧᠷ ᠦ᠋ᠨ ᠤᠲᠠᠰᠤ ᠪᠠᠷ ᠣᠶᠣᠬᠤ ᠪᠠ ᠡᠳᠡᠭᠡᠷ ᠤᠲᠠᠰᠤ ᠶ᠋ᠢ ᠮᠠᠰᠢᠨ ᠢ᠋ᠶ᠋ᠠᠷ ᠬᠡ ᠤᠭᠠᠯᠵᠠ ᠣᠶᠣᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠨᠣᠣᠰᠣᠨ ᠤᠲᠠᠰᠤ ᠡᠭᠦᠨ ᠢ᠋ ᠰᠢᠪᠡᠭᠦᠷ ᠬᠡᠷᠦᠭᠡᠰᠦ ᠣᠶᠣᠳᠠᠯ ᠳ᠋ᠤ᠌ ᠬᠡᠷᠡᠭᠯᠡᠬᠦ ᠪᠠ ᠪᠣᠳᠣᠭ ᠲᠠᠢ ᠨᠣᠣᠰᠣᠨ ᠤᠲᠠᠰᠤ ᠳᠡᠪᠢᠰᠬᠡᠷ ᠢ᠋ ᠡᠪ ᠦᠭᠡᠢ ᠥᠩᠭᠡ ᠲᠡᠢ ᠪᠣᠯᠭᠠᠳᠠᠭ ᠤᠴᠢᠷ ᠬᠠᠳᠬᠤᠮᠠᠯ ᠢ᠋ ᠬᠡᠷᠡᠭᠯᠡᠬᠦ ᠳ᠋ᠡᠭᠡᠨ ᠳᠠᠪᠤᠰᠤ ᠲᠠᠢ ᠪᠦᠯᠢᠶᠡᠨ ᠤᠰᠤᠨ ᠳ᠋ᠤ᠌ ᠪᠤᠯᠬᠠᠵᠤ ᠤᠬᠢᠶᠠᠵᠤ ᠮᠣᠰᠬᠢᠯ ᠦᠭᠡᠢ ᠳᠡᠯᠭᠡᠵᠦ ᠬᠠᠲᠠᠭᠠᠨᠠ᠃
ᠬᠡᠷᠪᠡ ᠲᠣᠷᠭᠠᠨ ᠪᠤᠶᠤ ᠳᠠᠪᠤᠤ ᠶ᠋ᠢᠨ ᠤᠲᠠᠰᠤᠨ ᠤ᠋ ᠵᠠᠷᠢᠮ ᠥᠩᠭᠡ ᠣᠯᠳᠠᠬᠤ ᠦᠭᠡᠢ ᠪᠤᠶᠤ ᠬᠠᠳᠬᠤᠬᠤ ᠮᠠᠲ᠋ᠧᠷᠢᠶᠠᠯ ᠳ᠋ᠤ᠌ ᠲᠣᠬᠢᠷᠠᠬᠤ ᠦᠭᠡᠢ ᠪᠣᠯ ᠲᠣᠷᠭᠠ ᠳᠠᠪᠤᠤ ᠪᠥᠰ ᠪᠠᠷᠠᠭᠠᠨ ᠤ᠋ ᠤᠲᠠᠰᠤ ᠶ᠋ᠢ ᠬᠦᠪᠦᠵᠦ ᠡᠷᠴᠢᠯᠡᠬᠦ ᠪᠤᠶᠤ ᠵᠠᠳᠠᠭᠠᠢ ᠪᠠᠷ ᠬᠠᠳᠬᠤᠵᠤ ᠪᠣᠯᠤᠨᠠ᠃ ᠡᠭᠦᠨ ᠦ᠌ ᠲᠤᠯᠠᠳᠠ ᠲᠤᠤᠵᠠ᠂ ᠲᠣᠷᠭᠠᠨ ᠤ᠋ ᠥᠭᠡᠳᠡᠰᠦ ᠶ᠋ᠢ ᠬᠦᠪᠦᠵᠦ ᠡᠷᠴᠢᠨ ᠦ᠌ ᠳᠠᠭᠠᠤ ᠢᠮᠡᠷᠴᠦ ᠡᠷᠴᠢᠯᠡᠭᠡᠳ ᠬᠣᠭᠣᠷᠣᠨᠳᠣ ᠨᠢ ᠲᠠᠮᠤᠵᠤ ᠬᠡᠷᠡᠭᠯᠡᠬᠦ ᠪᠤᠶᠤ ᠡᠰᠡᠪᠡᠯ ᠵᠡᠭᠡᠭᠲᠦ ᠨᠠᠭᠠᠮᠠᠯ ᠮᠡᠲᠦ ᠵᠠᠷᠢᠮ ᠪᠦᠳᠦᠭᠦᠪᠲᠦᠷ ᠤᠲᠠᠰᠤ ᠬᠡᠷᠡᠭᠯᠡᠬᠦ ᠱᠠᠭᠠᠷᠳᠠᠯᠭᠠ ᠪᠦᠬᠦᠢ ᠬᠠᠳᠬᠤᠮᠠᠯ ᠳ᠋ᠤ᠌ ᠭᠤᠷᠮᠤᠰᠤᠨ ᠡᠷᠴᠢᠲᠡᠢ ᠤᠲᠠᠰᠤ ᠶ᠋ᠢ ᠬᠡᠷᠡᠭᠯᠡᠨᠡ᠃ ᠡᠭᠦᠨ ᠦ᠌ ᠲᠤᠯᠠᠳᠠ ᠤᠲᠠᠰᠤ ᠪᠠᠨ ᠭᠣᠭᠴᠣᠭᠠᠯᠠᠳᠠᠨ ᠡᠷᠴᠢᠨ ᠳ᠋ᠦ᠍ᠨᠢ ᠲᠤᠯᠲᠠᠯᠠ ᠡᠷᠴᠢᠯᠡᠭᠡᠳ ᠭᠤᠷᠪᠠᠳᠠᠬᠢ ᠤᠲᠠᠰᠤ ᠶ᠋ᠢ ᠮᠥᠨ ᠠᠳᠠᠯᠢ ᠡᠷᠴᠢᠯᠡᠵᠦ ᠬᠣᠭᠣᠷᠣᠨᠳᠣ ᠨᠢ ᠨᠡᠢᠯᠡᠭᠦᠯᠦᠨ ᠭᠤᠷᠮᠤᠰᠤᠨ ᠳᠡᠭᠡᠰᠦ ᠡᠷᠴᠢᠯᠡᠬᠦ ᠠᠳᠠᠯᠢ ᠪᠡᠯᠡᠳᠬᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠱᠠᠭᠰᠠᠯ᠂ᠪᠠᠶᠠᠨᠰᠡᠷᠡᠩ᠂ ᠲᠣᠭᠲᠠᠭᠤᠨᠪᠠᠶᠠᠷ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ᠂ ᠰᠡᠬᠡᠭᠡᠷᠡᠯ