ᠮᠣᠩᠭᠣᠯ ᠡᠮᠡᠭᠲᠡᠢ ᠶᠢᠨ ᠤᠷᠠᠨ ᠦᠢᠯᠡ-ᠴ ᠰᠣᠩᠭᠢᠨᠠ-ᠬᠣᠶᠠᠳᠤᠭᠠᠷ ᠪᠦᠯᠦᠭ07- ᠬᠠᠳᠬᠤᠮᠠᠯ ᠤ᠋ᠨ ᠵᠢᠷᠤᠭ ᠢ᠋ ᠪᠡᠯᠡᠳᠬᠡᠬᠦ
352ᠬᠠᠳᠬᠤᠮᠠᠯ ᠤ᠋ᠨ ᠵᠢᠷᠤᠭ ᠢ᠋ ᠪᠡᠯᠡᠳᠬᠡᠬᠦ
ᠬᠠᠳᠬᠤᠮᠠᠯ ᠢ ᠬᠢᠬᠦ ᠳᠦ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠳᠠᠪᠤᠤ᠂ ᠲᠣᠷᠭᠠ᠂ ᠲᠠᠭᠠᠷ ᠵᠡᠷᠭᠡ ᠨᠢᠮᠭᠡᠨ ᠵᠤᠵᠠᠭᠠᠨ ᠮᠠᠲ᠋ᠧᠷᠢᠶᠠᠯ ᠳᠡᠭᠡᠷᠡ ᠠᠮᠢᠲᠠᠨ ᠤᠷᠭᠤᠮᠠᠯ᠂ ᠰᠡᠳᠦᠪᠲᠦ ᠤᠷᠠᠯᠠᠯ᠂ ᠬᠥᠮᠦᠨ ᠦ᠌ ᠬᠥᠷᠥᠭ ᠵᠡᠷᠭᠡ ᠶ᠋ᠢ ᠤᠷᠠᠯᠠᠨ ᠪᠦᠲᠦᠭᠡᠳᠡᠭ ᠪᠥᠭᠡᠳ ᠬᠠᠳᠬᠤᠮᠠᠯ ᠤ᠋ᠨ ᠲᠥᠷᠥᠯ ᠦ᠋ᠳ ᠶᠠᠩᠵᠤ ᠪᠦᠷᠢ ᠪᠠᠢᠳᠠᠭ ᠲᠤᠬᠠᠢ ᠥᠭᠦᠯᠡᠭᠰᠡᠨ ᠪᠢᠯᠡ᠃ ᠬᠠᠳᠬᠤᠮᠠᠯ ᠬᠠᠳᠬᠤᠬᠤ ᠳ᠋ᠤ᠌ ᠶᠠᠭᠤᠨ ᠤ᠋ ᠡᠮᠦᠨᠡ ᠪᠡᠯᠡᠳᠬᠡᠯ ᠢ᠋ ᠬᠠᠩᠭᠠᠵᠤ ᠳᠡᠪᠢᠰᠬᠡᠷ᠂ ᠣᠶᠣᠬᠤ ᠤᠲᠠᠰᠤ᠂ ᠲᠡᠭᠦᠨ ᠳ᠋ᠦ᠍ ᠪᠠᠭᠤᠯᠭᠠᠬᠤ ᠳᠦᠷᠰᠦ ᠶ᠋ᠢ ᠭᠢᠷᠠᠬᠠᠢ ᠠᠰᠢᠭᠯᠠᠨᠠ᠃ ᠬᠠᠳᠬᠤᠮᠠᠯᠴᠢᠨ ᠬᠥᠮᠦᠨ ᠳᠦᠷᠰᠦᠯᠡᠬᠦ ᠤᠷᠠᠯᠢᠭ ᠤ᠋ᠨ ᠥᠩᠭᠡ ᠵᠣᠬᠢᠴᠠᠯ ᠬᠠᠳᠬᠤᠬᠤ ᠣᠶᠣᠬᠤ ᠮᠡᠷᠭᠡᠵᠢᠯ ᠲᠧᠭᠨᠢᠭ ᠢ᠋ ᠨᠠᠷᠢᠨ ᠡᠵᠡᠮᠰᠢᠵᠦ ᠲᠡᠭᠦᠨ ᠦ᠌ ᠠᠮᠢᠨ ᠰᠦᠨᠡᠰᠦ ᠪᠣᠯᠤᠭᠰᠠᠨ ᠥᠩᠭᠡ ᠵᠣᠬᠢᠴᠠᠯ᠂ ᠭᠤᠸᠠ ᠵᠦᠢ᠂ ᠤᠴᠢᠷ ᠤᠳᠬᠠ ᠶ᠋ᠢ ᠰᠠᠢᠨ ᠣᠢᠯᠠᠭᠠᠵᠤ᠂ ᠡᠨᠡ ᠲᠠᠯᠠ ᠪᠠᠷ ᠥᠪᠡᠷ ᠦ᠋ᠨ ᠮᠡᠳᠡᠯᠭᠡ ᠶ᠋ᠢ ᠴᠤᠴᠠᠯᠲᠠ ᠦᠭᠡᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠶᠣᠰᠣᠲᠠᠢ᠃ ᠤᠷᠠᠨ ᠦᠢᠯᠡ ᠶ᠋ᠢᠨ ᠬᠡ᠂ ᠳᠦᠷᠰᠦ᠂ ᠥᠩᠭᠡ ᠵᠣᠬᠢᠴᠠᠯ ᠦᠨᠳᠦᠰᠦᠨ ᠪᠦᠷᠢ ᠳ᠋ᠦ᠍ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠥᠪᠡᠷᠮᠢᠴᠡ ᠪᠠᠢᠳᠠᠭ ᠴᠤ ᠥᠩᠭᠡ ᠪᠣᠳᠣᠭ ᠤ᠋ᠨ ᠬᠤᠪᠢ ᠳ᠋ᠤ᠌ ᠵᠣᠬᠢᠴᠠᠭᠤᠯᠤᠯᠲᠠ ᠪᠣᠳᠠᠲᠤ ᠵᠦᠢᠯ ᠤᠴᠢᠷ ᠠ᠋ᠴᠠ ᠵᠠᠢᠯᠠᠰᠢ ᠦᠭᠡᠢ ᠮᠡᠳᠡᠪᠡᠯ ᠵᠣᠬᠢᠨᠠ᠃
ᠬᠠᠳᠬᠤᠮᠠᠯ ᠤᠨ ᠵᠢᠷᠤᠭ ᠢ ᠣᠶᠣᠬᠤ ᠳᠠᠪᠤᠤ ᠶ᠋ᠢᠨ ᠢ᠋ᠶ᠋ᠡᠨ ᠬᠡᠮᠵᠢᠶᠡ᠂ ᠬᠡᠯᠪᠡᠷᠢ ᠳ᠋ᠦ᠍ ᠲᠣᠬᠢᠷᠠᠭᠤᠯᠤᠨ ᠭᠤᠷᠪᠠᠯᠵᠢᠨ᠂ ᠳᠥᠷᠪᠡᠯᠵᠢᠨ᠂ ᠳᠤᠭᠤᠢ᠂ ᠥᠨᠴᠥᠭ ᠦ᠋ᠨ ᠬᠡ᠂ ᠬᠥᠮᠦᠨ ᠦ᠌ ᠬᠥᠷᠥᠭ ᠵᠡᠷᠭᠡ ᠶ᠋ᠢᠨ ᠳᠡᠪᠢᠰᠬᠡᠷ ᠲᠦ ᠪᠠᠭᠤᠬᠤ ᠬᠠᠷᠢᠴᠠᠭᠠ ᠶ᠋ᠢ ᠲᠣᠬᠢᠷᠠᠭᠤᠯᠤᠨ ᠪᠠᠢᠷᠢᠯᠠᠭᠤᠯᠵᠤ ᠭᠠᠷᠭᠠᠬᠤ ᠬᠡ ᠪᠡᠨ ᠵᠢᠷᠤᠵᠤ ᠰᠢᠪᠡᠭᠡᠳ ᠬᠡ ᠭᠠᠷᠭᠠᠬᠤ ᠳᠡᠪᠢᠰᠬᠡᠷ ᠳᠠᠪᠤᠤ ᠠ᠋ᠴᠠ ᠢᠯᠭᠠᠭᠳᠠᠬᠤ ᠥᠩᠭᠡ ᠶ᠋ᠢᠨ ᠣ᠂ ᠴᠢᠩᠺ ᠵᠡᠷᠭᠡ ᠶ᠋ᠢᠨ ᠬᠠᠭᠤᠷᠠᠢ ᠪᠣᠳᠣᠭ ᠢ᠋2-3 ᠳᠠᠪᠬᠤᠷ ᠮᠠᠷᠠᠯ ᠳ᠋ᠤ᠌ ᠪᠣᠭᠣᠵᠤ ᠵᠢᠭᠳᠡ ᠬᠥᠩᠭᠡᠨ ᠴᠣᠬᠢᠵᠤ ᠪᠠᠭᠤᠯᠭᠠᠨᠠ᠃ ᠪᠠᠭᠤᠯᠭᠠᠭᠰᠠᠨ ᠳᠦᠷᠰᠦ ᠪᠡᠨ ᠲᠣᠬᠢᠷᠠᠭᠤᠯᠤᠨ ᠥᠩᠭᠡ ᠢᠯᠭᠠᠵᠤ ᠪᠦᠳᠡᠭᠢᠬᠡᠨ ᠵᠢᠷᠤᠭᠠᠳ ᠲᠡᠭᠦᠨ ᠢ᠋ᠶ᠋ᠡᠨ ᠥᠩᠭᠡ ᠲᠣᠬᠢᠷᠠᠭᠰᠠᠨ ᠤᠲᠠᠰᠤ ᠪᠠᠷ ᠢᠯᠭᠠᠪᠤᠷᠢᠯᠠᠨ ᠬᠠᠳᠬᠤᠨᠠ᠃ ᠬᠠᠳᠬᠤᠮᠠᠯ ᠤ᠋ᠨ ᠵᠢᠷᠤᠭ ᠪᠠᠭᠤᠯᠭᠠᠬᠤ ᠳᠡᠪᠢᠰᠬᠡᠷ ᠳᠠᠪᠤᠤ ᠶ᠋ᠢᠨ ᠥᠩᠭᠡ ᠶ᠋ᠢ ᠵᠥᠪ ᠰᠣᠩᠭᠣᠵᠤ ᠴᠤᠯᠭᠤᠢ ᠫᠦᠦᠰᠦᠦ ᠳᠠᠪᠤᠤ᠂ ᠲᠠᠭᠠᠷ᠂ ᠳᠠᠯᠢᠩᠪᠤᠤ ᠵᠡᠷᠭᠡ ᠨᠢᠭᠡ ᠥᠩᠭᠡ ᠶ᠋ᠢᠨ ᠬᠡ ᠥᠬᠡᠢ ᠮᠠᠲ᠋ᠧᠷᠢᠶᠠᠯ ᠰᠣᠩᠭᠣᠵᠤ ᠪᠡᠯᠡᠳᠬᠡᠨᠡ᠃
ᠣᠶᠣᠬᠤ ᠵᠢᠷᠤᠭ ᠢ᠋ ᠨᠡᠪᠲᠡ ᠭᠡᠷᠡᠯᠲᠦᠨ ᠬᠠᠷᠠᠭᠳᠠᠳᠠᠭ ᠴᠠᠭᠠᠰᠤ ᠲᠠᠯᠪᠢᠵᠤ ᠵᠢᠷᠤᠭᠠᠳ ᠲᠡᠭᠦᠨ ᠢ᠋ ᠪᠡᠨ ᠳᠡᠪᠢᠰᠬᠡᠷ ᠲᠦ ᠲᠠᠯᠪᠢᠵᠤ ᠰᠢᠪᠡᠭᠡᠳ ᠳᠡᠭᠡᠷᠡᠬᠢ ᠮᠠᠶᠢᠭ ᠢ᠋ᠶ᠋ᠠᠷ ᠬᠠᠭᠤᠷᠠᠢ ᠪᠣᠳᠣᠭ ᠢ᠋ᠶ᠋ᠠᠷ ᠪᠠᠭᠤᠯᠭᠠᠨ ᠣᠶᠣᠨᠠ᠃ ᠵᠢᠷᠤᠭ ᠢ᠋ ᠰᠢᠭᠤᠳ ᠣᠶᠣᠬᠤ ᠳᠡᠪᠢᠰᠬᠡᠷ ᠢ᠋ᠶ᠋ᠡᠨ ᠬᠡᠮᠵᠢᠶᠡ ᠵᠠᠢ ᠶ᠋ᠢ ᠲᠣᠬᠢᠷᠠᠭᠤᠯᠤᠨ ᠪᠦᠳᠡᠭᠢᠬᠡᠨ ᠵᠢᠷᠤᠵᠤ ᠣᠶᠣᠬᠤ ᠪᠣᠯᠤᠨᠠ᠃ ᠬᠠᠳᠬᠤᠮᠠᠯ᠂ ᠨᠡᠬᠡᠮᠡᠯ᠂ ᠴᠤᠭᠤᠯᠪᠤᠷᠢ᠂ ᠰᠢᠪᠡᠭᠦᠷ ᠵᠠᠬᠠᠯᠠᠬᠤ ᠣᠶᠣᠳᠠᠯ ᠠᠯᠢ ᠨᠢ ᠪᠣᠯᠪᠠᠴᠤ ᠳᠡᠪᠢᠰᠬᠡᠷ᠂ ᠤᠲᠠᠰᠤ᠂ ᠲᠣᠨᠣᠭᠯᠠᠬᠤ ᠪᠤᠰᠤᠳ ᠵᠦᠢᠯ ᠦ᠋ᠨ ᠥᠩᠭᠡ ᠵᠣᠬᠢᠴᠠᠯ ᠠ᠋ᠴᠠ ᠶᠡᠬᠡ ᠰᠢᠯᠲᠠᠭᠠᠯᠠᠬᠤ ᠤᠴᠢᠷ ᠥᠩᠭᠡ ᠵᠣᠬᠢᠴᠠᠯ ᠤ᠋ᠨ ᠲᠠᠯᠠ ᠪᠠᠷ ᠵᠠᠢᠯᠠᠰᠢ ᠦᠭᠡᠢ ᠮᠡᠳᠡᠬᠦ ᠵᠠᠷᠢᠮ ᠵᠦᠢᠯ ᠢ᠋ ᠳᠤᠷᠠᠳᠤᠶᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠡᠭᠡᠷᠡᠯ᠂ ᠲᠣᠭᠳᠠᠭᠤᠨᠪᠠᠶᠠᠷ ᠂ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠣᠳᠬᠠᠨᠰᠣᠠ