ᠮᠣᠩᠭᠣᠯ ᠡᠮᠡᠭᠲᠡᠢ ᠶᠢᠨ ᠤᠷᠠᠨ ᠦᠢᠯᠡ-ᠴ ᠰᠣᠩᠭᠢᠨᠠ- ᠨᠢᠭᠡᠳᠦᠭᠡᠷ ᠪᠦᠯᠦᠭ-ᠮᠣᠩᠭᠣᠯ ᠡᠮᠡᠭᠲᠡᠢᠴᠦᠳ ᠦ᠋ᠨ ᠤᠷᠠᠨ ᠦᠢᠯᠡ ᠶ᠋ᠢᠨ ᠲᠡᠦᠬᠡᠨ ᠤᠯᠠᠮᠵᠢᠯᠠᠯ ᠠ᠋ᠴᠠМонгол эмэгтэйн уран үйл-Ц Сонгино
434ᠨᠢᠭᠡᠳᠦᠭᠡᠷ ᠪᠦᠯᠦᠭ-ᠮᠣᠩᠭᠣᠯ ᠡᠮᠡᠭᠲᠡᠢᠴᠦᠳ ᠦ᠋ᠨ ᠤᠷᠠᠨ ᠦᠢᠯᠡ ᠶ᠋ᠢᠨ ᠲᠡᠦᠬᠡᠨ ᠤᠯᠠᠮᠵᠢᠯᠠᠯ ᠠ᠋ᠴᠠ
ᠮᠣᠩᠭᠣᠯ ᠤ᠋ᠨ ᠡᠮᠡᠭᠲᠡᠢᠴᠦᠳ ᠦ᠋ᠨ ᠤᠷᠠᠨ ᠦᠢᠯᠡ ᠶ᠋ᠢᠨ ᠬᠥᠭᠵᠢᠵᠦ ᠢᠷᠡᠭᠰᠡᠨ ᠲᠡᠦᠬᠡ ᠲᠤᠰ ᠣᠷᠣᠨ ᠤ᠋ ᠡᠷᠲᠡ ᠪᠠ ᠡᠷᠢᠨ ᠦᠶᠡ ᠶ᠋ᠢᠨ ᠲᠡᠦᠬᠡᠨ ᠬᠥᠭᠵᠢᠯ ᠲᠡᠢ ᠬᠣᠯᠪᠣᠭᠠ ᠲᠠᠢ ᠪᠥᠭᠡᠳ ᠶᠠᠭᠤᠨ ᠤ᠋ ᠡᠮᠦᠨᠡ ᠡᠷᠲᠡᠨ ᠦ᠌ ᠮᠣᠩᠭᠣᠯᠴᠤᠳ ᠤ᠋ᠨ ᠨᠤᠲᠤᠭᠯᠠᠵᠤ ᠪᠠᠢᠭᠰᠠᠨ ᠭᠠᠵᠠᠷ ᠨᠤᠲᠤᠭ᠂ ᠣᠯᠠᠨ ᠣᠪᠣᠭ ᠠᠢᠮᠠᠭ᠂ ᠲᠡᠭᠦᠨ ᠦ᠌ ᠪᠦᠷᠢᠯᠳᠦᠬᠦᠨ ᠪᠣᠯᠤᠭᠰᠠᠨ ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠤ᠋ ᠤᠷᠠᠯᠠᠯ ᠤ᠋ᠨ ᠥᠪ ᠰᠠᠩ ᠢ᠋ ᠰᠤᠳᠤᠯᠬᠤ ᠪᠥᠭᠡᠳ ᠡᠭᠦᠨ ᠢ᠋ᠶ᠋ᠡᠷ ᠴᠦ᠍ ᠦᠯᠦ ᠪᠠᠷᠠᠮ ᠠᠽᠢᠶᠠ ᠶ᠋ᠢᠨ ᠲᠥᠪ ᠬᠡᠰᠡᠭ ᠲᠤ ᠪᠣᠯᠤᠨ ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠨᠤᠲᠤᠭᠯᠠᠨ ᠪᠠᠢᠭᠰᠠᠨ ᠤᠯᠤᠰ ᠦᠨᠳᠦᠰᠦᠲᠡᠨ ᠦ᠌ ᠤᠷᠠᠯᠢᠭ ᠢ᠋ ᠰᠤᠳᠤᠯᠬᠤ ᠶᠣᠰᠣᠲᠠᠢ ᠪᠣᠯᠬᠤ ᠶ᠋ᠢ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠪᠢᠯᠡ᠃
ᠠᠽᠢᠶᠠ ᠶ᠋ᠢᠨ ᠲᠥᠪ ᠬᠡᠰᠡᠭ ᠲᠤ ᠢᠷᠭᠡᠨᠰᠢᠵᠦ ᠢᠷᠡᠭᠰᠡᠨ ᠮᠠᠨ ᠤ᠋ ᠠᠷᠠᠳ ᠲᠦᠮᠡᠨ ᠦ᠌ ᠭᠠᠷ ᠤᠷᠠᠯᠠᠯ᠂ ᠤᠷᠠᠨ ᠦᠢᠯᠡ ᠲᠤᠰ ᠣᠷᠣᠨ ᠤ᠋ ᠠᠷᠠᠳ ᠲᠦᠮᠡᠨ ᠦ᠌ ᠤᠷᠠᠨ ᠭᠠᠷ᠂ ᠤᠬᠠᠭᠠᠨ ᠲᠠᠢ ᠲᠣᠯᠣᠭᠠᠢ ᠪᠠᠷ ᠬᠥᠭᠵᠢᠵᠦ ᠢᠷᠡᠭᠰᠡᠨ ᠤᠯᠠᠮᠵᠢᠯᠠᠯᠲᠤ ᠤᠷᠠᠯᠠᠯ ᠪᠥᠭᠡᠳ ᠠᠷᠠᠳ ᠲᠦᠮᠡᠨ ᠦ᠌ ᠣᠯᠠᠨ ᠵᠠᠭᠤᠨ ᠵᠢᠯ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠤᠷᠠᠨ ᠤ᠋ ᠰᠠᠩ ᠤ᠋ᠨ ᠨᠢᠭᠡᠨ ᠬᠡᠰᠡᠭ ᠪᠢᠯᠡ᠃ ᠠᠯᠢᠪᠠ ᠤᠯᠤᠰ᠂ ᠦᠨᠳᠦᠰᠦᠲᠡᠨ ᠦ᠌ ᠤᠷᠠᠯᠢᠭ ᠤ᠋ᠨ ᠲᠤᠬᠠᠢ ᠶ᠋ᠢᠨ ᠤᠯᠤᠰ ᠭᠦᠷᠦᠨ ᠦ᠌ ᠣᠷᠣᠰᠢᠨ ᠲᠣᠭᠲᠠᠨᠢᠵᠤ ᠢᠷᠡᠭᠰᠡᠨ ᠲᠡᠦᠬᠡᠨ ᠦᠢᠯᠡ ᠠᠮᠢᠳᠤᠷᠠᠯ ᠲᠠᠢ ᠬᠣᠯᠪᠣᠭᠠ ᠲᠠᠢ ᠪᠥᠭᠡᠳ ᠤᠯᠤᠰ ᠭᠦᠷᠦᠨ ᠦ᠌ ᠳᠠᠪᠰᠢᠯ ᠬᠥᠭᠵᠢᠯ ᠦ᠋ᠨ ᠶᠠᠪᠤᠴᠠ ᠳ᠋ᠤ᠌ ᠪᠣᠯᠪᠠᠰᠤᠷᠠᠩᠭᠤᠢ ᠪᠠᠷ ᠰᠢᠨᠡᠴᠢᠯᠡᠭᠳᠡᠨ ᠪᠠᠢᠳᠠᠭ ᠢ᠋ ᠬᠥᠮᠦᠨ ᠦ᠌ ᠨᠡᠢᠭᠡᠮ ᠪᠣᠯᠤᠨ ᠤᠯᠤᠰ ᠭᠦᠷᠦᠨ ᠦ᠌ ᠲᠡᠦᠬᠡ ᠡᠴᠡ ᠮᠡᠳᠡᠭᠰᠡᠨ ᠪᠢᠯᠡ᠃
ᠤᠷᠠᠯᠠᠯ ᠢᠩᠭᠢᠵᠦ ᠰᠢᠨᠡᠴᠢᠯᠡᠭᠳᠡᠬᠦ ᠳ᠋ᠡᠭᠡᠨ ᠳᠡᠪᠰᠢᠯᠲᠡ ᠲᠡᠢ ᠬᠡᠰᠡᠭ ᠨᠢ ᠥᠪᠯᠡᠨ ᠦᠯᠡᠳᠡᠵᠦ ᠵᠠᠷᠢᠮ ᠨᠢ ᠬᠡᠷᠡᠭᠯᠡᠭᠳᠡᠬᠦ ᠪᠡᠨ ᠪᠣᠯᠢᠳᠠᠭ ᠲᠤ ᠭᠡᠰᠡᠨ ᠲᠡᠦᠬᠡᠨ ᠬᠥᠭᠵᠢᠯ ᠦ᠋ᠨ ᠤᠯᠠ ᠮᠥᠷ᠂ ᠥᠩᠭᠡᠷᠡᠭᠰᠡᠨ ᠦᠶᠡ ᠶ᠋ᠢᠨ ᠲᠡᠦᠬᠡᠨ ᠪᠠᠷᠢᠮᠲᠠ ᠪᠣᠯᠳᠠᠭ᠃
ᠡᠭᠦᠨ ᠦ᠌ ᠨᠢᠭᠡ ᠠᠳᠠᠯᠢ ᠮᠣᠩᠭᠣᠯ ᠤ᠋ᠨ ᠠᠷᠠᠳ ᠲᠦᠮᠡᠨ ᠦ᠌ ᠭᠠᠷ ᠤᠷᠠᠯᠠᠯ᠂ ᠤᠷᠠᠨ ᠦᠢᠯᠡ ᠨᠡᠢᠭᠡᠮ ᠦ᠋ᠨ ᠬᠥᠭᠵᠢᠯ ᠦ᠋ᠨ ᠳᠠᠭᠠᠤ ᠠᠤᠭᠠ ᠶᠡᠬᠡ ᠰᠢᠨᠡ ᠳᠠᠪᠰᠢᠯ᠂ ᠬᠥᠭᠵᠢᠯ ᠦ᠋ᠨ ᠵᠠᠮ ᠢ᠋ᠶ᠋ᠠᠷ ᠶᠠᠪᠤᠵᠤ ᠠᠤᠭᠠ ᠶᠡᠬᠡ ᠤᠳᠬᠠ ᠠᠭᠤᠯᠭᠠ᠂ ᠤᠷᠠ ᠬᠢᠴᠡ ᠪᠡᠷ ᠪᠠᠶᠠᠯᠢᠭᠵᠢᠵᠤ ᠢᠷᠡᠭᠰᠡᠨ ᠶᠦᠮ᠃ ᠡᠷᠳᠡᠮᠲᠡᠳ ᠦ᠋ᠨ ᠰᠤᠳᠤᠯᠭᠠᠨ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠤᠷᠠᠨ ᠦᠢᠯᠡ ᠤᠤᠭᠠᠨ ᠤᠷᠠᠯᠠᠯ ᠤ᠋ᠨ ᠨᠢᠭᠡ ᠪᠥᠭᠡᠳ ᠬᠥᠮᠦᠨ ᠦ᠌ ᠨᠡᠢᠭᠡᠮ ᠦ᠋ᠨ ᠬᠥᠭᠵᠢᠯ ᠦ᠋ᠨ ᠡᠬᠢᠨ ᠦ᠌ ᠦᠶᠡ ᠪᠣᠯᠬᠤ ᠬᠠᠭᠤᠴᠢᠨ ᠴᠢᠯᠠᠭᠤᠨ ᠵᠡᠪᠰᠡᠭ ᠦ᠋ᠨ ᠦᠶᠡ ᠳ᠋ᠦ᠍ ᠡᠭᠦᠰᠴᠡᠢ᠃ ᠲᠡᠷᠡ ᠦᠶᠡ ᠳ᠋ᠦ᠍ ᠬᠥᠮᠦᠨ ᠰᠦᠷᠦᠭ ᠬᠠᠳᠠ ᠴᠢᠯᠠᠭᠤᠨ ᠳᠡᠭᠡᠷᠡ ᠡᠯᠳᠡᠪ ᠶᠠᠩᠵᠤ ᠶ᠋ᠢᠨ ᠳᠦᠷᠰᠦ᠂ ᠰᠦᠭ ᠵᠢᠷᠤᠭ ᠤᠷᠠᠯᠠᠨ ᠪᠦᠲᠦᠭᠡᠵᠦ ᠡᠬᠢᠯᠡᠭᠰᠡᠨ ᠢ᠋ᠶ᠋ᠡᠷ ᠳᠦᠷᠰᠦᠯᠡᠬᠦ ᠤᠷᠠᠯᠢᠭ ᠤᠤᠭᠠᠨ ᠤᠷᠠᠯᠢᠭ ᠭᠡᠭᠳᠡᠳᠡᠭ ᠪᠣᠯ ᠭᠠᠷ ᠢ᠋ᠶ᠋ᠠᠷ ᠦᠳᠡᠬᠦ᠂ ᠵᠠᠩᠭᠢᠳᠬᠤ᠂ ᠤᠶᠠᠬᠤ ᠠᠵᠢᠯ ᠬᠥᠮᠦᠨ ᠦ᠌ ᠡᠷᠲᠡ ᠦᠶᠡ ᠲᠡᠢ ᠬᠣᠯᠪᠣᠭᠠ ᠲᠠᠢ ᠪᠢᠯᠡ᠃ ᠲᠤᠰ ᠣᠷᠣᠨ ᠳ᠋ᠤ᠌ ᠬᠠᠭᠤᠴᠢᠨ ᠴᠢᠯᠠᠭᠤᠨ ᠵᠡᠪᠰᠡᠭ ᠦ᠋ᠨ ᠦᠶᠡ ᠲᠡᠢ ᠬᠣᠯᠪᠣᠭᠠ ᠲᠠᠢ ᠬᠠᠳᠠ᠂ ᠴᠢᠯᠠᠭᠤᠨ ᠤ᠋ ᠰᠦᠭ ᠵᠢᠷᠤᠭ᠂ ᠵᠤᠰᠤ ᠪᠣᠳᠣᠭ ᠤ᠋ᠨ ᠵᠢᠷᠤᠭ ᠡᠯᠪᠡᠭ ᠪᠠᠢᠳᠠᠭ ᠪᠥᠭᠡᠳ ᠡᠨᠡ ᠨᠢ ᠥᠩᠭᠡᠷᠡᠭᠰᠡᠨ ᠦᠶᠡ ᠶ᠋ᠢᠨ ᠲᠡᠦᠬᠡ ᠶ᠋ᠢ ᠭᠡᠷᠡᠴᠢᠯᠡᠬᠦ ᠣᠯᠠᠨ ᠲᠣᠳᠣᠷᠬᠠᠢ ᠪᠠᠷᠢᠮᠲᠠ ᠨᠤᠭᠤᠳ ᠶᠤᠮ᠃
ᠲᠡᠭᠦᠨᠴᠢᠯᠡᠨ ᠬᠦᠢ ᠨᠢᠭᠡᠳᠦᠯ ᠦ᠋ᠨ ᠡᠬᠢᠨ ᠦ᠌ ᠦᠶᠡ ᠱᠠᠲᠤᠨ ᠳ᠋ᠤ᠌ ᠡᠬᠡ ᠶ᠋ᠢᠨ ᠡᠷᠬᠡᠲᠦ ᠶᠣᠰᠣ ᠨᠣᠶᠠᠷᠬᠠᠵᠤ ᠪᠠᠢᠬᠤ ᠳ᠋ᠤ᠌ ᠡᠮᠡᠭᠲᠡᠢᠴᠦᠳ ᠠᠷᠠᠰᠤ ᠨᠡᠬᠡᠢ ᠡᠯᠳᠡᠵᠦ ᠪᠠᠢᠭᠰᠠᠨ ᠪᠣᠯᠬᠣᠷ ᠤᠷᠠᠯᠠᠨ ᠣᠶᠣᠬᠤ ᠠᠵᠢᠯ ᠡᠨᠡ ᠦᠶᠡ ᠲᠡᠢ ᠬᠣᠯᠪᠣᠭᠠ ᠲᠠᠢ ᠪᠣᠯᠬᠤ ᠨᠢ ᠯᠠᠪᠲᠠᠢ᠃ ᠲᠤᠰ ᠣᠷᠣᠨ ᠳ᠋ᠤ᠌ ᠴᠢᠯᠠᠭᠤᠨ᠂ ᠬᠦᠷᠡᠯ᠂ ᠲᠡᠮᠦᠷ ᠵᠡᠪᠰᠡᠭ ᠦ᠋ᠨ ᠦᠶᠡ ᠶ᠋ᠢᠨ ᠬᠥᠮᠦᠨ ᠦ᠌ ᠤᠯᠠ ᠮᠥᠷ ᠪᠣᠯᠬᠤ ᠲᠡᠦᠬᠡ ᠳᠤᠷᠠᠰᠬᠠᠯ ᠤ᠋ᠨ ᠪᠠᠷᠢᠮᠲᠠ᠂ ᠣᠯᠳᠠᠪᠤᠷᠢ ᠡᠯᠪᠡᠭ ᠪᠠᠢᠳᠠᠭ ᠤᠴᠢᠷ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠬᠥᠮᠦᠨ ᠦ᠌ ᠨᠡᠢᠭᠡᠮ ᠦ᠋ᠨ ᠬᠥᠭᠵᠢᠯ ᠦ᠋ᠨ ᠲᠡᠷᠡ ᠵᠠᠮ ᠢ᠋ᠶ᠋ᠠᠷ ᠶᠠᠪᠤᠵᠤ ᠢᠷᠡᠭᠰᠡᠨ ᠪᠣᠯᠬᠤ ᠶ᠋ᠢ ᠨᠤᠲᠠᠯᠠᠵᠤ ᠪᠠᠢᠨᠠ᠃
ᠲᠤᠰ ᠤᠯᠤᠰ ᠲᠤ ᠲᠡᠷᠡ ᠦᠶᠡ ᠳ᠋ᠦ᠍ ᠣᠷᠣᠰᠢᠨ ᠲᠣᠭᠲᠠᠨᠢᠵᠤ ᠪᠠᠢᠭᠰᠠᠨ ᠣᠯᠠᠨ ᠣᠪᠣᠭ ᠠᠢᠮᠠᠭ ᠤ᠋ᠨ ᠭᠠᠷ ᠤᠷᠠᠯᠠᠯ᠂ ᠤᠷᠠᠨ ᠦᠢᠯᠡ ᠶ᠋ᠢᠨ ᠬᠥᠭᠵᠢᠯ ᠪᠢᠳᠡᠨ ᠦ᠌ ᠡᠷᠢᠨ ᠦᠶᠡ ᠶ᠋ᠢᠨ ᠬᠥᠭᠵᠢᠯ ᠳ᠋ᠦ᠍ ᠬᠦᠷᠬᠦ ᠳ᠋ᠦ᠍ ᠴᠢᠬᠤᠯᠠ ᠤᠯᠠᠮᠵᠢᠯᠠᠯ ᠪᠣᠯᠵᠤ ᠢᠷᠡᠭᠰᠡᠨ ᠤᠴᠢᠷ ᠠ᠋ᠴᠠ ᠤᠭ ᠣᠪᠣᠭ ᠠᠢᠮᠠᠭ ᠤ᠋ᠳ ᠤ᠋ᠨ ᠭᠠᠷ ᠤᠷᠠᠯᠠᠯ ᠤᠷᠠᠨ ᠦᠢᠯᠡ ᠶ᠋ᠢᠨ ᠬᠥᠭᠵᠢᠯᠲᠡ ᠡᠴᠡ ᠴᠤᠬᠤᠰ ᠳᠤᠷᠠᠳᠤᠶᠠ᠃
ᠮᠣᠩᠭᠣᠯ ᠤᠨ ᠠᠭᠤᠳᠠᠮ ᠨᠤᠲᠤᠭ ᠲᠤ ᠮᠠᠨ ᠤ᠋ ᠲᠡᠦᠬᠡ᠂ ᠰᠣᠶᠣᠯ ᠢᠷᠭᠡᠨᠰᠢᠯ ᠲᠡᠢ ᠬᠣᠯᠪᠣᠭᠠ ᠲᠠᠢ ᠣᠪᠣᠭ ᠠᠢᠮᠠᠭ ᠤ᠋ᠳ ᠨᠢᠭᠡ ᠦᠶᠡ ᠪᠦᠷᠢᠯᠳᠦᠨ ᠲᠣᠭᠲᠠᠵᠤ᠂ ᠨᠢᠭᠡ ᠦᠶᠡ ᠵᠠᠳᠠᠷᠠᠨ ᠪᠤᠲᠠᠷᠠᠵᠤ᠂ ᠲᠡᠢᠨ ᠪᠠᠢᠯᠳᠤᠭᠠᠨ ᠣᠯᠠᠨᠲᠠ ᠭᠠᠷᠴᠤ᠂ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠠᠰᠤᠷᠤ ᠶᠡᠬᠡ ᠪᠠᠶᠠᠯᠢᠭ ᠢ᠋ ᠰᠦᠢᠳᠬᠡᠬᠦ᠂ ᠵᠠᠷᠢᠮ ᠦᠶᠡ ᠳ᠋ᠦ᠍ ᠡᠮᠬᠢᠯᠡᠨ ᠰᠡᠷᠭᠦᠭᠡᠬᠦ ᠵᠡᠷᠭᠡ ᠣᠯᠠᠨ ᠶᠠᠪᠤᠳᠠᠯ ᠪᠣᠯᠵᠤ ᠥᠩᠭᠡᠷᠡᠵᠡᠢ᠃ ᠭᠡᠪᠡᠴᠦ ᠠᠷᠠᠳ ᠲᠦᠮᠡᠨ ᠦ᠌ ᠤᠷᠠᠨ ᠤ᠋ ᠰᠠᠩ ᠰᠢᠪᠬᠠᠭᠳᠠᠰᠢ ᠦᠭᠡᠢ ᠣᠨᠳᠣᠷᠴᠤ ᠪᠠᠢᠳᠠᠭ ᠪᠣᠯᠬᠣᠷ ᠳᠠᠷᠠᠭᠠᠬᠢ ᠦᠶᠡ ᠳ᠋ᠦ᠍ ᠤᠯᠠᠮᠵᠢᠯᠠᠭᠳᠠᠨ ᠦᠯᠡᠳᠡᠵᠡᠢ᠃
ᠾᠦᠩᠨᠦ ᠤᠯᠤᠰ ᠤ᠋ᠨ ᠭᠠᠷ ᠤᠷᠠᠯᠠᠯ ᠮᠣᠩᠭᠣᠯ ᠣᠷᠣᠨ ᠤ᠋ ᠨᠤᠲᠤᠭ ᠲᠤ ᠡᠷᠲᠡ ᠦᠶᠡ ᠡᠴᠡ ᠣᠯᠠᠨ ᠣᠪᠣᠭ ᠠᠢᠮᠠᠭ ᠤ᠋ᠳ ᠣᠷᠣᠰᠢᠨ ᠰᠠᠭᠤᠵᠤ ᠪᠠᠢᠭᠰᠠᠨ ᠲᠤᠬᠠᠢ ᠬᠠᠭᠤᠴᠢᠰ ᠤ᠋ᠨ ᠰᠤᠳᠤᠯᠤᠯ ᠪᠣᠯᠤᠨ ᠪᠢᠴᠢᠭ ᠦ᠋ᠨ ᠣᠯᠠᠨ ᠲᠣᠭᠠᠨ ᠤ᠋ ᠪᠠᠷᠢᠮᠲᠠ ᠪᠠᠢᠳᠠᠭ᠃ ᠮᠠᠨ ᠤ᠋ ᠡᠷᠢᠨ ᠦ᠌ ᠡᠮᠦᠨᠡᠬᠢ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠳ᠋ᠦ᠍ ᠲᠥᠪ ᠠᠽᠢᠶᠠ ᠳ᠋ᠤ᠌ ᠳ᠋ᠦᠩᠬᠤ ᠭᠡᠳᠡᠭ ᠬᠣᠶᠠᠷ ᠲᠣᠮᠣ ᠠᠢᠮᠠᠭ ᠪᠦᠷᠢᠯᠳᠦᠨ ᠲᠣᠭᠲᠠᠭᠰᠠᠨ ᠪᠥᠭᠡᠳ ᠡᠨᠡ ᠨᠢ ᠮᠣᠩᠭᠣᠯ ᠤ᠋ᠨ ᠠᠩᠬᠠᠨ ᠤ᠋ ᠲᠣᠮᠣ ᠭᠦᠷᠦᠨ ᠪᠠᠢᠵᠠᠢ᠃ ᠰᠡᠭᠦᠯ ᠳ᠋ᠡᠭᠡᠨ ᠤᠯᠠᠮ ᠬᠦᠴᠦᠷᠬᠡᠭ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠾᠦᠩᠨᠦ ᠭᠦᠷᠦᠨ ᠪᠣᠯᠵᠤ300 ᠵᠢᠯ ᠬᠥᠭᠵᠢᠵᠦ ᠪᠠᠢᠵᠠᠢ᠃ ᠲᠤᠰ ᠣᠷᠣᠨ ᠳ᠋ᠤ᠌ ᠾᠦᠩᠨᠦ ᠶ᠋ᠢᠨ ᠦᠶᠡ ᠡᠴᠡ ᠡᠬᠢᠯᠡᠨ ᠠᠩᠭᠢᠲᠤ ᠨᠡᠢᠭᠡᠮ᠂ ᠲᠥᠷᠥ ᠤᠯᠤᠰ ᠡᠭᠦᠰᠴᠦ᠂ ᠹᠧᠣᠳᠠᠯ ᠤ᠋ᠨ ᠨᠡᠢᠭᠡᠮ ᠦ᠋ᠨ ᠬᠠᠷᠢᠴᠠᠭᠠ ᠲᠣᠭᠲᠠᠭᠰᠠᠨ ᠪᠥᠭᠡᠳ ᠾᠦᠩᠨᠦ᠂ ᠳ᠋ᠥ᠋ᠩᠬᠤ ᠨᠠᠷ ᠢ᠋ ᠭᠠᠷᠤᠯ ᠡᠭᠦᠰᠦᠯ ᠦ᠋ᠨ ᠬᠤᠪᠢ ᠳ᠋ᠤ᠌ ᠮᠣᠩᠭᠣᠯ ᠭᠠᠷᠤᠯ ᠲᠠᠢ ᠭᠡᠵᠦ ᠳᠣᠷᠣᠨᠠᠳᠠᠬᠢᠨ ᠤ᠋ ᠰᠤᠳᠤᠯᠤᠭᠴᠢ ᠣᠷᠣᠰ ᠤᠨ ᠡᠷᠳᠡᠮᠲᠡᠨ ᠨ· ᠶᠠ᠊· ᠪᠢᠴᠥ᠋ᠷᠢᠨ ᠰᠠᠨᠠᠯ ᠳᠡᠪᠰᠢᠭᠦᠯᠦᠭᠰᠡᠨ ᠨᠢ ᠣᠷᠴᠢᠨ ᠦᠶᠡ ᠳ᠋ᠦ᠍ ᠪᠠᠷᠤᠭ ᠨᠤᠲᠠᠯᠠᠭᠳᠠᠭᠠᠳ ᠪᠠᠢᠨᠠ᠃
ᠾᠦᠩᠨᠦ ᠨᠠᠷ ᠤ᠋ᠨ ᠠᠮᠢᠳᠤᠷᠠᠯ ᠮᠠᠯ ᠠᠵᠤ ᠠᠬᠤᠢ᠂ ᠭᠠᠵᠠᠷ ᠲᠠᠷᠢᠶᠠᠯᠠᠩ᠂ ᠦᠰᠦᠯᠢᠭ ᠠᠩ ᠡᠷᠬᠢᠯᠡᠵᠦ ᠪᠠᠢᠵᠠᠢ᠃ ᠭᠠᠵᠠᠷ ᠨᠤᠲᠤᠭ ᠤ᠋ᠨ ᠬᠤᠪᠢ ᠳ᠋ᠤ᠌ ᠠᠭᠤᠳᠠᠮ ᠨᠤᠲᠤᠭ ᠲᠠᠢ᠂ ᠪᠠᠷᠠᠭᠤᠨ ᠲᠠᠯᠠ ᠨᠢ ᠳᠣᠷᠣᠨᠠᠲᠤ ᠲᠦᠷᠺᠢᠰᠲ᠋ᠠᠨ ᠤ᠋ ᠬᠣᠢᠲᠤ ᠤᠯᠤᠰ ᠤ᠋ᠳ᠂ ᠵᠡᠭᠦᠨ ᠲᠠᠯᠠ ᠨᠢ ᠳᠣᠷᠣᠨᠠᠲᠤ《ᠬᠤ᠌》 ᠠᠢᠮᠠᠭ ᠤ᠋ᠨ ᠨᠤᠲᠤᠭᠯᠠᠵᠤ ᠪᠠᠢᠭᠰᠠᠨ ᠯᠢᠶᠣᠣ ᠭᠣᠣᠯ ᠤ᠋ᠨ ᠡᠬᠢ᠂ ᠡᠮᠦᠨᠡᠲᠦ ᠬᠡᠰᠡᠭ ᠨᠢ ᠨᠠᠩᠭᠢᠶᠠᠳ᠂ ᠬᠣᠢᠲᠤ ᠬᠡᠰᠡᠭ ᠨᠢ ᠪᠠᠢᠭᠠᠯ ᠨᠠᠭᠤᠷ ᠬᠦᠷᠴᠦ ᠪᠠᠢᠵᠠᠢ᠃
ᠡᠢᠮᠦ ᠳ᠋ᠦ᠍ ᠾᠦᠩᠨᠦ ᠤᠯᠤᠰ ᠤ᠋ᠨ ᠤᠷᠠᠯᠢᠭ ᠢ᠋ ᠰᠤᠳᠤᠯᠬᠤ ᠳ᠋ᠤ᠌ ᠡᠳᠡᠭᠡᠷ ᠨᠤᠲᠤᠭ ᠤ᠋ᠨ ᠡᠷᠲᠡ ᠪᠠ ᠡᠳᠦᠭᠡ ᠤᠯᠤᠰ ᠭᠦᠷᠦᠨ ᠦ᠌ ᠣᠷᠣᠰᠢᠨ ᠰᠠᠭᠤᠭᠠ ᠰᠣᠶᠣᠯ ᠢᠷᠭᠡᠨᠰᠢᠯ ᠦ᠋ᠨ ᠡᠷᠲᠡᠨ ᠦ᠌ ᠤᠯᠠᠮᠵᠢᠯᠠᠯ ᠢ᠋ ᠰᠤᠳᠤᠯᠤᠨᠠ᠃ ᠢᠯᠠᠩᠭᠤᠶᠠ ᠨᠠᠩᠭᠢᠶᠠᠳ ᠤ᠋ᠨ ᠤᠷᠠᠯᠠᠯ ᠢ᠋ ᠨᠠᠷᠢᠨ ᠰᠤᠳᠤᠯᠬᠤ ᠶᠣᠰᠣᠲᠠᠢ ᠪᠢᠯᠡ᠃ ᠾᠦᠩᠨᠦ ᠨᠠᠷ ᠨᠡᠭᠦᠳᠡᠯᠴᠢᠨ ᠠᠢᠮᠠᠭ ᠤᠴᠢᠷ ᠠ᠋ᠴᠠ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠭᠠᠨ ᠲᠣᠬᠢᠷᠠᠭᠤᠯᠤᠨ ᠨᠡᠭᠦᠳᠡᠯᠯᠡᠨ ᠶᠠᠪᠤᠬᠤ ᠳ᠋ᠤ᠌ ᠲᠣᠬᠢᠷᠠᠭᠰᠠᠨ ᠬᠥᠩᠭᠡᠨ ᠮᠠᠶᠢᠭ ᠤ᠋ᠨ ᠢᠰᠡᠭᠡᠢ ᠪᠤᠶᠤ ᠠᠷᠠᠰᠤᠨ ᠭᠡᠷ᠂ ᠮᠠᠯ ᠤ᠋ᠨ ᠠᠷᠠᠰᠤ ᠰᠢᠷᠢ ᠪᠡᠷ ᠬᠢᠭᠰᠡᠨ ᠭᠤᠲᠤᠯ᠂ ᠬᠤᠪᠴᠠᠰᠤ ᠡᠮᠦᠰᠬᠦ᠂ ᠮᠠᠯ ᠤ᠋ᠨ ᠨᠣᠣᠰᠣ ᠪᠠᠷ ᠢᠰᠡᠭᠡᠢ ᠬᠢᠬᠦ᠂ ᠳᠡᠭᠡᠰᠦ ᠲᠠᠮᠤᠬᠤ ᠵᠡᠷᠭᠡ ᠠᠵᠢᠯ ᠢ᠋ ᠬᠢᠬᠦ ᠶ᠋ᠢᠨ ᠵᠡᠷᠭᠡᠴᠡᠭᠡ ᠪᠡᠷ ᠭᠠᠷ ᠤᠷᠠᠯᠠᠯ ᠤ᠋ᠨ ᠥᠩᠭᠡ ᠪᠣᠳᠣᠭ ᠢ᠋ ᠭᠣᠶᠣᠮᠰᠣᠭ ᠵᠣᠬᠢᠴᠠᠭᠤᠯᠵᠤ ᠤᠷᠠᠯᠢᠭ ᠤ᠋ᠨ ᠰᠡᠳᠦᠪ ᠨᠢ ᠭᠣᠣᠯ ᠲᠥᠯᠥᠪ ᠠᠮᠢᠲᠠᠨ ᠤ᠋ ᠳᠦᠷᠰᠦ ᠶ᠋ᠢ ᠶᠠᠩᠵᠤ ᠪᠦᠷᠢ ᠪᠡᠷ ᠤᠷᠠᠯᠠᠨ ᠪᠦᠲᠦᠭᠡᠬᠦ ᠪᠠ ᠵᠠᠷᠢᠮ ᠠᠮᠢᠲᠠᠨ ᠢ᠋ ᠬᠡᠢ ᠪᠣᠳᠣᠯ ᠮᠠᠶᠢᠭ ᠢ᠋ᠶ᠋ᠠᠷ ᠵᠢᠷᠤᠳᠠᠭ ᠪᠠᠢᠵᠠᠢ᠃
ᠭᠠᠷ ᠤᠷᠠᠯᠠᠯ ᠤ᠋ᠨ ᠥᠩᠭᠡ ᠪᠣᠳᠣᠭ ᠲᠤ ᠬᠠᠮᠤᠭ ᠤ᠋ᠨ ᠲᠣᠳᠣ ᠤᠯᠠᠭᠠᠨ᠂ ᠨᠣᠭᠣᠭᠠᠨ᠂ ᠰᠢᠷᠠ᠂ ᠴᠡᠩᠬᠡᠷ᠂ ᠬᠥᠬᠡ ᠥᠩᠭᠡ ᠶ᠋ᠢ ᠭᠣᠣᠯᠯᠠᠨ ᠬᠡᠷᠡᠭᠯᠡᠵᠦ ᠪᠠᠢᠭᠰᠠᠨ ᠤ᠋ ᠳᠡᠭᠡᠷᠡ ᠪᠣᠳᠣᠭ ᠤ᠋ᠨ ᠥᠩᠭᠡ ᠵᠣᠬᠢᠴᠠᠯ ᠶᠡᠬᠡᠬᠡᠨ ᠰᠠᠢᠵᠢᠷᠠᠵᠠᠢ᠃ ᠡᠭᠦᠨ ᠲᠡᠢ ᠤᠶᠠᠯᠳᠤᠨ ᠤᠷᠠᠨ ᠬᠠᠳᠬᠤᠮᠠᠯ ᠤ᠋ᠨ ᠥᠩᠭᠡ ᠵᠣᠬᠢᠴᠠᠯ ᠶᠡᠬᠡᠬᠡᠨ ᠰᠠᠢᠵᠢᠷᠠᠵᠤ ᠢᠰᠡᠭᠡᠢ ᠤᠷᠠᠯᠠᠯ᠂ ᠢᠰᠡᠭᠡᠢ ᠰᠢᠷᠢᠮᠡᠯ ᠬᠥᠭᠵᠢᠵᠦ᠂ ᠭᠡᠷ ᠣᠷᠣᠨ᠂ ᠣᠷᠣ ᠳᠡᠷᠡ᠂ ᠡᠮᠦᠰᠬᠦ ᠬᠤᠪᠴᠠᠰᠤᠨ ᠳ᠋ᠤ᠌ ᠢᠰᠡᠭᠡᠢ ᠶ᠋ᠢ ᠶᠡᠬᠡᠬᠡᠨ ᠬᠡᠷᠡᠭᠯᠡᠵᠦ ᠲᠡᠭᠦᠨ ᠢ᠋ ᠰᠢᠷᠢᠬᠦ᠂ ᠬᠡᠯᠡᠬᠦ ᠤᠷᠠᠯᠢᠭ ᠶᠡᠬᠡ ᠬᠥᠭᠵᠢᠵᠡᠢ᠃ ᠡᠭᠦᠨ ᠦ᠌ ᠵᠡᠷᠭᠡᠴᠡᠭᠡ ᠪᠡᠷ ᠨᠡᠬᠡᠮᠡᠯ᠂ ᠬᠠᠳᠬᠤᠮᠠᠯ᠂ ᠵᠡᠭᠡᠭᠲᠦ ᠨᠠᠭᠠᠮᠠᠯ ᠶᠡᠬᠡ ᠬᠥᠭᠵᠢᠵᠦ᠂ ᠤᠷᠠᠨ ᠦᠢᠯᠡ ᠶ᠋ᠢᠨ ᠣᠶᠣᠳᠠᠯ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠵᠤ ᠢᠯᠠᠩᠭᠤᠶᠠ ᠬᠡᠯᠡᠬᠦ᠂ ᠴᠢᠮᠡᠭᠯᠡᠬᠦ ᠤᠷᠠᠯᠠᠯ ᠨᠡᠯᠢᠶᠡᠳ ᠬᠥᠭᠵᠢᠵᠡᠢ᠃ ᠢᠩᠭᠢᠵᠦ ᠤᠷᠠᠨ ᠦᠢᠯᠡ ᠶ᠋ᠢᠨ ᠲᠥᠷᠥᠯ᠂ ᠥᠩᠭᠡ ᠦᠵᠡᠮᠵᠢ ᠰᠠᠢᠵᠢᠷᠠᠭᠰᠠᠨ ᠨᠢ ᠲᠡᠭᠦᠨ ᠦ᠌ ᠪᠠᠭᠠᠵᠢ ᠶ᠋ᠢᠨ ᠬᠥᠭᠵᠢᠯ ᠲᠡᠢ ᠬᠣᠯᠪᠣᠭᠠ ᠲᠠᠢ ᠶᠤᠮ᠃
ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠪᠤᠶᠤ ᠲᠤᠬᠠᠢᠯᠠᠪᠠᠯ ᠾᠦᠩᠨᠦ ᠶ᠋ᠢᠨ ᠦᠶᠡ ᠳ᠋ᠦ᠍ ᠬᠠᠮᠤᠷᠤᠭᠳᠠᠬᠤ ᠨᠣᠶᠠᠨ ᠠᠭᠤᠯᠠ ᠶ᠋ᠢᠨ ᠪᠤᠯᠠᠰᠢᠨ ᠠ᠋ᠴᠠ ᠣᠯᠳᠠᠭᠰᠠᠨ ᠰᠢᠷᠢᠮᠡᠯ ᠰᠢᠷᠳᠡᠭ ᠳᠡᠭᠡᠷᠡ ᠶᠠᠮᠠᠷ ᠨᠢᠭᠡ ᠦᠯᠦ ᠮᠡᠳᠡᠬᠦ ᠳᠠᠯᠠᠪᠴᠢ ᠲᠠᠢ ᠠᠮᠢᠲᠠᠨ ᠠ᠋ᠴᠠ ᠠᠶᠤᠨ ᠵᠢᠭᠤᠲᠠᠵᠤ ᠶᠠᠪᠤᠭᠠ ᠪᠤᠭᠤ ᠶ᠋ᠢᠨ ᠳᠦᠷᠰᠦ ᠶ᠋ᠢ ᠴᠢᠳᠠᠪᠤᠷᠢᠯᠢᠭ ᠢ᠋ᠶ᠋ᠠᠷ ᠭᠠᠷᠭᠠᠨ ᠵᠡᠭᠡᠭᠲᠦ ᠨᠠᠭᠠᠮᠠᠯ ᠢ᠋ᠶ᠋ᠠᠷ ᠪᠦᠲᠦᠭᠡᠵᠡᠢ᠃ ᠤᠭ ᠳᠦᠷᠰᠦ ᠶ᠋ᠢᠨ ᠳᠣᠲᠣᠭᠠᠳᠤ ᠤᠳᠬᠠ ᠠᠭᠤᠯᠭᠠ ᠶ᠋ᠢ ᠲᠣᠳᠣᠷᠬᠠᠢ ᠲᠤᠰᠬᠠᠭᠰᠠᠨ ᠨᠢ ᠠᠮᠢᠳᠤᠷᠠᠯ ᠤ᠋ᠨ ᠶᠡᠬᠡ ᠲᠤᠷᠰᠢᠯᠭᠠ ᠲᠠᠢ ᠤᠷᠠᠨ ᠬᠥᠮᠦᠨ ᠪᠦᠲᠦᠭᠡᠭᠰᠡᠨ ᠪᠣᠯᠬᠤ ᠨᠢ ᠲᠣᠳᠣᠷᠬᠠᠢ᠃ ᠤᠭ ᠰᠢᠷᠲᠡᠭ ᠲᠦ ᠲᠠᠯᠪᠢᠭᠰᠠᠨ ᠤᠲᠠᠰᠤᠨ ᠤᠭᠠᠯᠵᠠ᠂ ᠣᠶᠣᠳᠠᠯ ᠤ᠋ᠨ ᠬᠡᠯᠪᠡᠷᠢ ᠨᠢ ᠣᠳᠣ ᠶ᠋ᠢᠨ ᠬᠠᠰᠠᠭ ᠰᠢᠷᠢᠮᠡᠯ ᠲᠡᠢ ᠲᠤᠢᠯ ᠤ᠋ᠨ ᠣᠢᠷᠠᠯᠴᠠᠭᠠ ᠪᠥᠭᠡᠳ ᠲᠤᠬᠠᠢᠯᠠᠵᠤ ᠲᠠᠯᠪᠢᠭᠰᠠᠨ ᠬᠡ ᠶ᠋ᠢᠨ ᠢ᠋ᠶ᠋ᠡᠨ ᠬᠣᠭᠣᠷᠣᠨᠳᠣᠬᠢ ᠵᠠᠢ ᠶ᠋ᠢ ᠳᠥᠷᠪᠡᠯᠵᠢᠨ ᠨᠢᠳᠦ ᠭᠠᠷᠭᠠᠵᠤ ᠨᠡᠪᠲᠡᠭᠡᠯᠵᠡᠬᠦ ᠣᠶᠣᠳᠠᠯ ᠢ᠋ᠶ᠋ᠠᠷ ᠰᠢᠷᠢᠭᠰᠡᠨ ᠨᠢ ᠲᠤᠬᠠᠢ ᠶ᠋ᠢᠨ ᠦᠶᠡ ᠶ᠋ᠢᠨ ᠣᠶᠣᠳᠠᠯ ᠤ᠋ᠨ ᠲᠥᠷᠥᠯ ᠶᠠᠮᠠᠷ ᠪᠠᠢᠭᠰᠠᠨ ᠢ᠋ ᠭᠡᠷᠡᠴᠢᠯᠡᠵᠦ ᠪᠠᠢᠨᠠ᠃ ᠮᠥᠨ ᠡᠨᠡ ᠪᠤᠯᠠᠰᠢᠨ ᠠ᠋ᠴᠠ ᠣᠯᠳᠠᠭᠰᠠᠨ ᠨᠢᠭᠡ ᠬᠣᠪᠣᠷ ᠨᠠᠨᠳᠢᠨ ᠮᠠᠲ᠋ᠧᠷᠢᠶᠠᠯ ᠨᠢ ᠣᠳᠠᠨᠪᠣᠷ ᠭᠡᠳᠡᠭ ᠨᠢᠮᠭᠡᠨ ᠲᠣᠷᠭᠠᠨ ᠳᠡᠭᠡᠷᠡ ᠲᠠᠮᠤᠵᠤ ᠡᠷᠴᠢᠮᠯᠡᠭᠰᠡᠨ ᠪᠦᠳᠦᠭᠦᠨ ᠤᠲᠠᠰᠤ ᠪᠠᠷ ᠡᠪᠡᠷ ᠤᠭᠠᠯᠵᠠ ᠬᠡ ᠣᠶᠣᠭᠰᠠᠨ ᠨᠢ ᠲᠤᠬᠠᠢ ᠶ᠋ᠢᠨ ᠦᠶᠡ ᠶ᠋ᠢᠨ ᠤᠷᠠᠨ ᠬᠠᠳᠬᠤᠮᠠᠯ ᠤ᠋ᠨ ᠨᠢᠭᠡᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠢ᠋ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃
ᠰᠢᠶᠡᠨᠪᠢ ᠲᠣᠪᠠ ᠷᠦᠷᠡᠨ ᠠᠪᠠᠷ ᠠᠢᠮᠠᠭ ᠤ᠋ᠳ ᠤ᠋ᠨ ᠭᠠᠷ ᠤᠷᠠᠯᠠᠯ ᠾᠦᠩᠨᠦ ᠭᠦᠷᠦᠨ ᠢ᠋ ᠮᠥᠬᠥᠭᠰᠡᠨ ᠦ᠌ ᠳᠠᠷᠠᠭᠠ ᠣᠷᠣᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠲᠡᠭᠦᠨ ᠦ᠌ ᠵᠠᠬᠢᠷᠭᠠᠨ ᠳ᠋ᠤ᠌ ᠪᠠᠢᠭᠰᠠᠨ ᠰᠢᠶᠡᠨᠪᠢ ᠨᠣᠶᠠᠷᠬᠠᠬᠤ ᠪᠣᠯᠵᠠᠢ᠃ ᠡᠨᠡ ᠨᠢ ᠮᠠᠨ ᠤ᠋ ᠡᠷᠢᠨ ᠦ᠌ ᠡᠮᠦᠨᠡᠬᠢ ᠨᠢᠭᠡᠳᠦᠭᠡᠷ ᠵᠠᠭᠤᠨ ᠠ᠋ᠴᠠ ᠲᠥᠪ ᠠᠽᠢᠶᠠ ᠶ᠋ᠢᠨ ᠲᠡᠦᠬᠡᠨ ᠳ᠋ᠦ᠍ ᠮᠡᠳᠡᠭᠳᠡᠬᠦᠢᠴᠡ ᠬᠦᠴᠦᠷᠬᠡᠭ ᠪᠣᠯᠵᠠᠢ᠃ ᠭᠠᠷ ᠤᠷᠠᠯᠠᠯ ᠤ᠋ᠨ ᠬᠤᠪᠢ ᠳ᠋ᠤ᠌ ᠾᠦᠩᠨᠦ ᠤᠯᠤᠰ ᠤ᠋ᠨ ᠤᠷᠠᠯᠢᠭ ᠢ᠋ ᠥᠪᠯᠡᠨ ᠬᠥᠭᠵᠢᠭᠦᠯᠵᠦ ᠡᠬᠢᠯᠡᠵᠡᠢ᠃ ᠨᠤᠲᠤᠭ ᠳᠡᠪᠢᠰᠬᠡᠷ ᠦ᠋ᠨ ᠲᠠᠯᠠ ᠪᠠᠷ ᠥᠷᠭᠡᠨ ᠠᠭᠤᠳᠠᠮ ᠨᠤᠲᠤᠭ ᠢ᠋ ᠡᠵᠡᠩᠨᠡᠨ ᠥᠪᠡᠷ ᠦ᠋ᠨ ᠭᠠᠷ ᠤᠷᠠᠯᠠᠯ ᠢ᠋ ᠵᠡᠷᠭᠡᠯᠡᠳᠡᠭᠡ ᠤᠯᠤᠰ ᠭᠦᠷᠦᠨ ᠳ᠋ᠦ᠍ ᠳᠡᠯᠭᠡᠷᠡᠭᠦᠯᠵᠡᠢ᠃ ᠰᠢᠶᠠᠨᠪᠧᠢ ᠶ᠋ᠢᠨ ᠦᠶᠡ ᠳ᠋ᠦ᠍ ᠤᠷᠠᠨ ᠦᠢᠯᠡ ᠡᠴᠡ ᠨᠠᠭᠠᠮᠠᠯ ᠬᠠᠳᠬᠤᠮᠠᠯ ᠨᠡᠯᠢᠶᠡᠳ ᠬᠥᠭᠵᠢᠵᠦ᠂ ᠬᠤᠪᠴᠠᠰᠤᠨ ᠳ᠋ᠤ᠌ ᠭᠣᠶᠣᠯ ᠴᠢᠮᠡᠭᠯᠡᠯ ᠬᠢᠬᠦ ᠤᠷᠠᠯᠠᠯ ᠶᠡᠬᠡ ᠳᠡᠯᠭᠡᠷᠡᠵᠡᠢ᠃
ᠡᠨᠡ ᠲᠤᠬᠠᠢ ᠨᠢᠭᠡ ᠪᠠᠷᠢᠮᠲᠠ ᠳᠤᠷᠠᠳᠬᠤ ᠳ᠋ᠤ᠌ ᠰᠢᠶᠠᠨᠪᠧᠢ ᠶ᠋ᠢᠨ ᠦᠶᠡ ᠳ᠋ᠦ᠍ ᠣᠷᠣᠰᠢᠨ ᠪᠠᠢᠭᠰᠠᠨ ᠬᠠᠭᠠᠨ ᠳ᠋ᠤ᠌ ᠰᠤᠪᠤᠳ ᠬᠡᠯᠬᠢᠨ ᠪᠦᠲᠦᠭᠡᠭᠰᠡᠨ ᠪᠤᠷᠬᠠᠨ ᠤ᠋ ᠬᠥᠷᠥᠭ ᠪᠡᠯᠡᠭᠯᠡᠭᠰᠡᠨ ᠲᠤᠬᠠᠢ ᠰᠤᠳᠤᠷ ᠲᠤ ᠪᠢᠴᠢᠭᠳᠡᠭᠰᠡᠨ ᠪᠠᠢᠳᠠᠭ᠃
ᠲᠡᠭᠦᠨᠴᠢᠯᠡᠨ ᠲᠣᠪᠠ ᠤᠯᠤᠰ ᠦᠶᠡ ᠳ᠋ᠦ᠍ ᠰᠤᠪᠤᠳ ᠬᠡᠯᠬᠢᠶᠡᠰᠦᠲᠦ ᠵᠡᠭᠡᠭᠲᠦ ᠨᠠᠭᠠᠮᠠᠯ ᠤᠷᠠᠯᠠᠯ ᠶᠡᠬᠡ ᠳᠡᠯᠭᠡᠷᠡᠵᠦ ᠪᠠᠢᠭᠰᠠᠨ ᠲᠤᠬᠠᠢ ᠡᠷᠳᠡᠮᠲᠡᠳ ᠪᠢᠴᠢᠭᠰᠡᠨ ᠪᠠᠢᠳᠠᠭ᠃ ᠰᠤᠳᠤᠯᠭᠠᠨ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠲᠡᠦᠬᠡᠨ ᠳ᠋ᠦ᠍ ᠠᠩᠭᠢᠲᠤ ᠨᠡᠢᠭᠡᠮ ᠡᠭᠦᠰᠴᠦ ᠠᠯᠢᠪᠠ ᠪᠠᠶᠠᠯᠢᠭ ᠪᠠᠶᠠᠯᠢᠭ ᠲᠤ ᠴᠢᠨᠦ ᠮᠢᠨᠦ ᠢᠯᠭᠠᠭᠠ ᠡᠭᠦᠰᠴᠦ᠂ ᠠᠷᠠᠳ ᠲᠦᠮᠡᠨ ᠦ᠌ ᠭᠠᠷ ᠤᠷᠠᠯᠠᠯ ᠤ᠋ᠨ ᠰᠠᠢᠨ ᠰᠠᠢᠬᠠᠨ ᠪᠦᠬᠦᠨ ᠨᠣᠶᠠᠯᠠᠭᠴᠢ ᠠᠩᠭᠢ ᠶ᠋ᠢᠨ ᠭᠠᠷ ᠲᠤ ᠠᠯᠬᠤᠮ ᠠᠯᠬᠤᠮ ᠢ᠋ᠶ᠋ᠠᠷ ᠰᠢᠯᠵᠢᠨ ᠡᠴᠦᠰ ᠲᠡᠭᠡᠨ ᠲᠡᠢᠨ ᠳᠠᠵᠢᠨ ᠳ᠋ᠤ᠌ ᠬᠦᠷᠴᠦ ᠠᠰᠤᠷᠤ ᠶᠡᠬᠡ ᠪᠠᠶᠠᠯᠢᠭ ᠢ᠋ ᠰᠦᠢᠳᠬᠡᠵᠦ ᠪᠠᠢᠭᠰᠠᠨ ᠤ᠋ ᠳᠡᠭᠡᠷᠡ ᠪᠤᠳ᠋ᠳ᠋ᠾᠠ ᠶ᠋ᠢᠨ ᠱᠠᠰᠢᠨ ᠤ᠋ ᠪᠤᠷᠤᠩᠬᠤᠢ ᠭᠠᠮᠰᠢᠭ ᠢ᠋ᠶ᠋ᠠᠷ ᠠᠷᠠᠳ ᠲᠦᠮᠡᠨ ᠦ᠌ ᠪᠣᠳᠠᠲᠤ ᠤᠷᠠᠯᠢᠭ ᠤ᠋ᠨ ᠶᠡᠬᠡᠬᠡᠨ ᠬᠡᠰᠡᠭ ᠬᠡᠢ ᠬᠣᠭᠣᠰᠣᠨ ᠪᠤᠷᠬᠠᠨ ᠰᠢᠲᠦᠭᠡᠨ ᠦ᠌ ᠬᠥᠷᠥᠭ ᠪᠦᠲᠦᠭᠡᠬᠦ ᠳ᠋ᠦ᠍ ᠵᠣᠷᠢᠭᠤᠯᠤᠭᠳᠠᠵᠤ ᠪᠠᠢᠵᠠᠢ᠃ ᠡᠭᠦᠨ ᠦ᠌ ᠨᠢᠭᠡ ᠭᠡᠷᠡᠴᠢ ᠨᠢ ᠲᠣᠪᠠ᠂ ᠠᠪᠠᠷ ᠠᠢᠮᠠᠭ ᠤ᠋ᠳ ᠦᠨᠡᠲᠦ ᠡᠷᠳᠡᠨᠢᠰ ᠢ᠋ᠶ᠋ᠡᠷ ᠪᠤᠷᠬᠠᠨ ᠪᠦᠲᠦᠭᠡᠬᠦ ᠠᠵᠢᠯ ᠶᠡᠬᠡ ᠪᠠᠢᠵᠠᠢ᠃ ᠠᠯᠲᠠ ᠮᠥᠩᠭᠥ᠂ ᠭᠣᠶᠣᠯ ᠴᠢᠮᠡᠭᠯᠡᠯ ᠦ᠋ᠨ ᠤᠷᠠᠯᠢᠭ ᠶᠡᠬᠡ ᠬᠥᠭᠵᠢᠵᠦ᠂ ᠢᠯᠠᠩᠭᠤᠶᠠ ᠠᠪᠠᠷ ᠠᠢᠮᠠᠭ ᠲᠤ ᠤᠷᠠᠨ ᠦᠢᠯᠡ ᠳ᠋ᠦ᠍ ᠲᠣᠨᠣᠭ ᠴᠢᠮᠡᠭ ᠬᠡᠯᠡᠬᠦ ᠤᠷᠠᠯᠢᠭ ᠢ᠋ ᠡᠷᠬᠢᠮᠯᠡᠳᠡᠭ ᠪᠠᠢᠵᠠᠢ᠃
ᠲᠦᠷᠺ ᠤᠯᠤᠰ ᠤ᠋ᠨ ᠤᠷᠠᠯᠢᠭ ᠷᠦᠷᠡᠨ ᠤ᠋ ᠬᠠᠷᠢᠶᠠ ᠪᠠᠢᠭᠰᠠᠨ ᠣᠯᠠᠨ ᠠᠢᠮᠠᠭ ᠤ᠋ᠨ ᠳᠣᠲᠣᠷᠠ ᠠ᠋ᠴᠠ ᠬᠦᠴᠦᠷᠬᠡᠭᠵᠢᠨ ᠰᠣᠶᠣᠯ ᠤᠷᠠᠯᠢᠭ ᠢ᠋ᠶ᠋ᠠᠷ ᠨᠡᠯᠢᠶᠡᠳ ᠳᠣᠪᠣᠢᠵᠤ ᠭᠠᠷᠤᠭᠰᠠᠨ ᠨᠢ ᠲᠦᠷᠺ ᠠᠢᠮᠠᠭ ᠪᠠᠢᠭᠰᠠᠨ ᠪᠣᠯᠬᠣᠷ ᠪᠤᠰᠤᠳ ᠠᠢᠮᠠᠭ ᠤ᠋ᠳ ᠢ᠋ ᠨᠢᠭᠡᠳᠬᠡᠨ ᠵᠠᠬᠢᠷᠴᠤ ᠲᠦᠷᠺ ᠦ᠋ᠨ ᠬᠠᠭᠠᠨᠲᠤ ᠤᠯᠤᠰ ᠢ᠋ ᠪᠠᠢᠭᠤᠯᠵᠠᠢ᠃ ᠲᠦᠷᠺᠴᠦᠳ ᠮᠣᠩᠭᠣᠯ ᠠᠢᠮᠠᠭ ᠤ᠋ᠳ ᠤ᠋ᠨ ᠨᠤᠲᠤᠭ ᠢ᠋ᠶ᠋ᠠᠷ ᠳᠠᠷᠬᠠᠨ ᠮᠠᠯ ᠠᠵᠤ ᠠᠬᠤᠢ᠂ ᠭᠠᠵᠠᠷ ᠲᠠᠷᠢᠶᠠᠯᠠᠩ ᠡᠷᠬᠢᠯᠡᠵᠦ ᠪᠠᠢᠵᠠᠢ᠃
ᠳᠦᠷᠺ ᠦᠨ ᠦᠶᠡ ᠳᠦ ᠠᠷᠠᠰᠤ ᠰᠢᠷᠢ ᠪᠡᠷ ᠬᠤᠪᠴᠠᠰᠤ ᠡᠳ᠋ᠯᠡᠯ ᠬᠢᠬᠦ᠂ ᠭᠡᠷ ᠣᠷᠣᠨ ᠢ᠋ᠶ᠋ᠠᠨ ᠪᠦᠷᠢᠬᠦ ᠶ᠋ᠢᠨ ᠬᠠᠮᠲᠤ ᠬᠤᠪᠴᠠᠰᠤᠨ ᠳ᠋ᠤ᠌ ᠬᠠᠷᠠ ᠪᠤᠯᠠᠭᠠ᠂ ᠬᠡᠷᠡᠮᠦ ᠶ᠋ᠢᠨ ᠠᠷᠠᠰᠤ ᠬᠡᠷᠡᠭᠯᠡᠳᠡᠭ ᠪᠠᠢᠵᠠᠢ᠃ ᠡᠭᠦᠨ ᠡᠴᠡ ᠦᠵᠡᠬᠦ ᠳ᠋ᠦ᠍ ᠡᠮᠡᠭᠲᠡᠢᠴᠦᠳ ᠦ᠋ᠨ ᠭᠠᠷ ᠤᠷᠠᠯᠠᠯ ᠠᠷᠠᠰᠤ᠂ ᠰᠢᠷᠢ᠂ ᠦᠰᠦᠯᠢᠭ ᠠᠩ ᠤ᠋ᠨ ᠠᠷᠠᠰᠤ ᠡᠰᠬᠡᠨ ᠤᠷᠠᠯᠠᠬᠤ ᠳ᠋ᠤ᠌ ᠵᠣᠷᠢᠭᠤᠯᠤᠭᠳᠠᠵᠤ ᠪᠠᠢᠵᠠᠢ᠃ ᠲᠦᠷᠺ ᠦ᠋ᠨ ᠬᠠᠭᠠᠨᠲᠤ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠦ᠍ ᠪᠥᠬᠡ ᠶ᠋ᠢᠨ ᠪᠣᠯᠤᠨ ᠪᠤᠳ᠋ᠳ᠋ᠾᠠ ᠶ᠋ᠢᠨ ᠱᠠᠰᠢᠨ᠂ ᠵᠠᠭᠠᠯᠮᠠᠢ ᠶ᠋ᠢᠨ ᠱᠠᠰᠢᠨ ᠭᠡᠬᠦ ᠮᠡᠲᠦ ᠱᠠᠰᠢᠨ ᠤ᠋ ᠣᠯᠠᠨ ᠬᠡᠯᠪᠡᠷᠢ ᠨᠦ᠍ᠭᠦᠳ ᠳᠡᠯᠭᠡᠷᠡᠵᠦ᠂ ᠡᠮᠡᠭᠲᠡᠢᠴᠦᠳ ᠭᠡᠷ᠂ ᠣᠷᠣᠨ᠂ ᠬᠤᠪᠴᠠᠰᠤ ᠬᠤᠨᠠᠷ ᠤᠷᠠᠯᠠᠬᠤ ᠶ᠋ᠢᠨ ᠬᠠᠮᠲᠤ ᠱᠠᠰᠢᠨ ᠤ᠋ ᠡᠮᠦᠰᠬᠡᠯ᠂ ᠪᠤᠷᠬᠠᠨ ᠰᠢᠲᠦᠭᠡᠨ ᠦ᠌ ᠳᠦᠷᠢ ᠤᠷᠠᠯᠠᠬᠤ ᠪᠣᠯᠵᠠᠢ᠃ ᠲᠦᠷᠺ ᠦ᠋ᠨ ᠤᠷᠠᠯᠢᠭ ᠤ᠋ᠨ ᠪᠠᠰᠠ ᠨᠢᠭᠡ ᠣᠨᠴᠠᠯᠢᠭ ᠨᠢ ᠬᠥᠰᠢᠶᠡ᠂ ᠬᠡᠷᠡᠮ᠂ ᠬᠥᠮᠦᠨ ᠦ᠌ ᠳᠦᠷᠰᠦ ᠶ᠋ᠢ ᠴᠢᠯᠠᠭᠤ ᠪᠠᠷ ᠬᠢᠬᠦ ᠶᠠᠪᠤᠳᠠᠯ ᠶᠡᠬᠡ ᠪᠠᠢᠵᠠᠢ᠃
ᠬᠥᠰᠢᠶᠡ ᠴᠢᠯᠠᠭᠤᠨ ᠳ᠋ᠤ᠌ ᠪᠣᠳᠢ ᠭᠥᠷᠥᠭᠡᠰᠦ᠂ ᠠᠳᠤᠭᠤ᠂ ᠬᠣᠨᠢᠨ ᠤ᠋ ᠳᠦᠷᠰᠦ ᠶᠡᠬᠡ ᠭᠠᠷᠭᠠᠳᠠᠭ ᠪᠠᠢᠭᠰᠠᠨ ᠨᠢ ᠡᠷᠢᠨ ᠦᠶᠡ ᠳ᠋ᠦ᠍ ᠲᠦᠷᠺ ᠦ᠋ᠨ ᠲᠡᠦᠬᠡ ᠰᠤᠳᠤᠯᠬᠤ ᠳ᠋ᠤ᠌ ᠴᠢᠬᠤᠯᠠ ᠳᠤᠷᠠᠰᠬᠠᠯ ᠤ᠋ᠨ ᠤᠯᠠ ᠮᠥᠷ ᠪᠣᠯᠵᠤ ᠳᠦᠷᠰᠦᠯᠡᠬᠦ ᠤᠷᠠᠯᠢᠭ᠂ ᠭᠠᠷ ᠤᠷᠠᠯᠠᠯ ᠤ᠋ᠨ ᠤᠷᠠᠨ ᠬᠠᠳᠬᠤᠮᠠᠯ ᠳ᠋ᠤ᠌ ᠲᠤᠰᠬᠠᠭᠳᠠᠵᠤ ᠪᠠᠢᠭᠰᠠᠨ ᠨᠢ ᠡᠷᠡᠭᠡᠯᠵᠡᠭᠡ ᠦᠭᠡᠢ ᠪᠢᠯᠡ᠃ ᠡᠨᠡ ᠦᠶᠡ ᠶ᠋ᠢᠨ ᠨᠡᠭᠦᠳᠡᠯᠴᠢᠨ ᠨᠦ᠍ᠭᠦᠳ ᠤᠷᠢᠳᠤ ᠣᠪᠣᠭ ᠠᠢᠮᠠᠭ ᠤ᠋ᠨ ᠨᠢᠭᠡ ᠠᠳᠠᠯᠢ ᠢᠰᠡᠭᠡᠢ ᠭᠡᠷ ᠲᠦ ᠰᠠᠭᠤᠳᠠᠭ ᠪᠠᠢᠭᠰᠠᠨ ᠤᠴᠢᠷ ᠤᠷᠢᠳᠤ ᠠ᠋ᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠢᠰᠡᠭᠡᠢ ᠶ᠋ᠢᠨ ᠤᠷᠠᠯᠢᠭ ᠬᠥᠭᠵᠢᠵᠦ ᠢᠰᠡᠭᠡᠢ ᠶ᠋ᠢ ᠥᠩᠭᠡ ᠪᠦᠷᠢ ᠪᠡᠷ ᠬᠡᠯᠡᠬᠦ᠂ ᠠᠯᠠᠭᠯᠠᠬᠤ ᠵᠡᠷᠭᠡ ᠪᠡᠷ ᠭᠣᠶᠣᠮᠰᠣᠭ ᠤᠷᠠᠯᠠᠵᠤ ᠪᠠᠢᠭᠰᠠᠨ ᠤ᠋ ᠳᠡᠭᠡᠷᠡ ᠵᠤᠨ ᠤ᠋ ᠴᠠᠭ ᠲᠤ ᠬᠠᠭᠠᠳ ᠨᠣᠶᠠᠳ ᠤ᠋ᠨ ᠭᠡᠷ ᠢ᠋ ᠲᠣᠣᠷ ᠢ᠋ᠶ᠋ᠠᠷ ᠪᠦᠷᠬᠦᠳᠡᠭ ᠪᠠᠢᠵᠠᠢ᠃ ᠭᠠᠷ ᠤᠷᠠᠯᠠᠯ᠂ ᠤᠷᠠᠨ ᠦᠢᠯᠡ ᠳ᠋ᠦ᠍ ᠾᠦᠩᠨᠦ ᠪᠠ ᠨᠠᠩᠭᠢᠶᠠᠳ ᠤ᠋ᠨ ᠭᠠᠷ ᠤᠷᠠᠯᠠᠯ ᠢ᠋ ᠤᠯᠠᠮᠵᠢᠯᠠᠨ ᠬᠥᠭᠵᠢᠭᠦᠯᠵᠦ ᠵᠢᠷᠤᠭ᠂ ᠬᠠᠳᠬᠤᠮᠠᠯ ᠳ᠋ᠤ᠌ ᠪᠠᠢᠭᠠᠯᠢ ᠶ᠋ᠢ ᠶᠡᠬᠡ ᠳᠦᠷᠰᠦᠯᠡᠳᠡᠭ ᠪᠠᠢᠵᠠᠢ᠃
ᠳᠦᠷᠺ ᠦᠳ ᠭᠠᠷ ᠤᠷᠠᠯᠠᠯ ᠤ᠋ᠨ ᠨᠢᠭᠡ ᠳᠡᠪᠢᠰᠬᠡᠷ ᠲᠦ ᠣᠯᠠᠨ ᠶᠠᠭᠤᠮᠠ ᠶ᠋ᠢ ᠪᠠᠭᠲᠠᠭᠠᠳᠠᠭ ᠪᠠᠢᠭᠰᠠᠨ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠤᠷᠠᠨ ᠬᠠᠳᠬᠤᠮᠠᠯ ᠳ᠋ᠤ᠌ ᠴᠤ ᠲᠡᠢᠮᠦ ᠪᠠᠢᠭᠰᠠᠨ ᠪᠠᠢᠵᠤ ᠪᠣᠯᠬᠤ ᠶᠤᠮ᠃ ᠲᠦᠷᠺᠴᠦᠳ ᠪᠠᠢᠰᠢᠩ ᠪᠠᠷᠢᠯᠭᠠ ᠶ᠋ᠢᠨ ᠬᠠᠨᠠ᠂ ᠪᠠᠭᠠᠨᠠ ᠳ᠋ᠤ᠌ ᠯᠤᠤ ᠣᠷᠢᠶᠠᠬᠤ᠂ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠬᠡ ᠤᠭᠠᠯᠵᠠ ᠲᠠᠯᠪᠢᠬᠤ᠂ ᠭᠠᠷ ᠲᠠᠭᠠᠨ ᠠᠯᠴᠢᠭᠤᠷ ᠪᠠᠷᠢᠭᠰᠠᠨ ᠡᠮᠡᠭᠲᠡᠢ᠂ ᠰᠡᠯᠡᠮᠡ ᠪᠠᠷᠢᠭᠰᠠᠨ ᠡᠷᠡᠴᠦᠳ ᠦ᠋ᠨ ᠳᠦᠷᠰᠦ ᠵᠡᠷᠭᠡ ᠪᠡᠷ ᠴᠢᠮᠡᠳᠡᠭ ᠪᠠᠢᠭᠰᠠᠨ ᠨᠢ᠂ ᠡᠮᠡᠭᠲᠡᠢᠴᠦᠳ ᠦ᠋ᠨ ᠤᠷᠠᠨ ᠦᠢᠯᠡ ᠳ᠋ᠦ᠍ ᠲᠤᠰᠬᠠᠯ ᠢ᠋ᠶ᠋ᠠᠨ ᠣᠯᠵᠠᠢ᠃ ᠲᠦᠷᠺ ᠦ᠋ᠨ ᠦᠶᠡ ᠶ᠋ᠢᠨ ᠭᠠᠷ ᠵᠢᠷᠤᠭ᠂ ᠤᠷᠠᠯᠠᠯ ᠤ᠋ᠨ ᠭᠣᠣᠯ ᠨᠢ ᠪᠠᠢᠭᠠ ᠵᠦᠢᠯ ᠢ᠋ ᠪᠣᠳᠠᠲᠤ ᠪᠠᠢᠳᠠᠯ ᠢ᠋ᠶ᠋ᠠᠷ ᠳᠦᠷᠰᠦᠯᠡᠬᠦ ᠶ᠋ᠢ ᠭᠣᠣᠯ ᠪᠣᠯᠭᠠᠳᠠᠭ ᠦᠭᠡᠢ ᠬᠡᠲᠦᠷᠡᠭᠦᠯᠦᠯ ᠢ᠋ ᠶᠡᠬᠡ ᠭᠡᠵᠦ ᠴᠢᠮᠡᠭᠯᠡᠬᠦ ᠶ᠋ᠢ ᠣᠷᠣᠯᠳᠣᠳᠠᠭ ᠪᠠᠢᠭᠰᠠᠨ ᠭᠡᠵᠦ ᠴ· ᠰᠣᠨᠤᠮᠴᠡᠷᠡᠨ ᠨᠣᠮ ᠳ᠋ᠠᠭᠠᠨ ᠪᠢᠴᠢᠵᠡᠢ᠃
ᠤᠢᠭᠤᠷ ᠤᠨ ᠦᠶᠡ ᠶᠢᠨ ᠤᠷᠠᠯᠢᠭ ᠲᠦᠷᠺ ᠦ᠋ᠨ ᠬᠠᠭᠠᠨᠲᠤ ᠤᠯᠤᠰ ᠮᠥᠬᠥᠭᠰᠡᠨ ᠦ᠌ ᠳᠠᠷᠠᠭᠠ ᠲᠡᠭᠦᠨ ᠦ᠌ ᠪᠠᠢᠷᠢ ᠰᠠᠭᠤᠷᠢᠨ ᠳᠡᠭᠡᠷᠡ ᠤᠢᠭᠤᠷ ᠤ᠋ᠨ ᠬᠠᠭᠠᠨᠲᠤ ᠤᠯᠤᠰ ᠲᠣᠭᠲᠠᠵᠠᠢ᠃ ᠡᠨᠡ ᠨᠢ ᠨᠠᠢ᠍ᠮᠠᠳᠤᠭᠠᠷ ᠵᠠᠭᠤᠨ ᠠ᠋ᠴᠠ ᠶᠢᠰᠦᠳᠦᠭᠡᠷ ᠵᠠᠭᠤᠨ ᠤ᠋ ᠦᠶᠡ ᠶᠤᠮ᠃ ᠤᠢᠭᠤᠷ ᠤ᠋ᠨ ᠤᠷᠢᠳᠤ ᠨᠣᠶᠠᠷᠬᠠᠨ ᠪᠠᠢᠭᠰᠠᠨ ᠮᠣᠩᠭᠣᠯ ᠤ᠋ᠨ ᠨᠡᠭᠦᠳᠡᠯᠴᠢᠨ ᠠᠢᠮᠠᠭ ᠤ᠋ᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠲᠦ ᠣᠷᠣᠰᠢᠨ ᠰᠠᠭᠤᠵᠤ ᠪᠠᠢᠭᠰᠠᠨ ᠪᠥᠭᠡᠳ ᠲᠡᠳᠡᠨ ᠦ᠌ ᠠᠩᠬᠠ ᠣᠷᠣᠰᠢᠨ ᠪᠠᠢᠭᠰᠠᠨ ᠭᠠᠵᠠᠷ ᠨᠢ ᠬᠠᠭᠤᠴᠢᠨ ᠾᠦᠩᠨᠦ᠂ ᠲᠦᠷᠺ ᠨᠠᠷ ᠤ᠋ᠨ ᠰᠠᠭᠤᠵᠤ ᠪᠠᠢᠭᠰᠠᠨ ᠭᠠᠵᠠᠷ ᠭᠡᠵᠦ ᠲᠡᠦᠬᠡᠴᠢᠨ ᠨᠤᠲᠠᠯᠠᠭᠰᠠᠨ ᠲᠤᠬᠠᠢ《ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠮᠣᠩᠭᠣᠯ ᠠᠷᠠᠳ ᠤᠯᠤᠰ ᠤ᠋ᠨ ᠲᠡᠦᠬᠡ》 ᠶ᠋ᠢᠨ ᠲᠡᠷᠢᠭᠦᠨ ᠳᠡᠪᠲᠡᠷ ᠲᠦ ᠪᠢᠴᠢᠵᠡᠢ᠃
ᠡᠭᠦᠨ ᠡᠴᠡ ᠦᠵᠡᠬᠦ ᠳ᠋ᠦ᠍ ᠤᠢᠭᠤᠷ ᠤ᠋ᠨ ᠤᠷᠠᠯᠢᠭ ᠳᠡᠭᠡᠷᠡ ᠦᠶᠡ ᠶ᠋ᠢᠨ ᠮᠣᠩᠭᠣᠯ ᠠᠢᠮᠠᠭ ᠤ᠋ᠳ ᠤ᠋ᠨ ᠤᠷᠠᠨ ᠰᠠᠩ ᠲᠠᠢ ᠬᠣᠯᠪᠣᠭᠠ ᠲᠠᠢ ᠲᠡᠭᠦᠨ ᠢ᠋ ᠥᠪᠯᠡᠨ ᠬᠥᠭᠵᠢᠭᠦᠯᠵᠦ ᠢᠷᠡᠵᠡᠢ᠃ ᠤᠢᠭᠤᠷ ᠤ᠋ᠳ ᠮᠠᠯ ᠠᠵᠤ ᠠᠬᠤᠢ ᠡᠷᠬᠢᠯᠡᠵᠦ᠂ ᠲᠡᠭᠦᠨ ᠦ᠌ ᠠᠷᠠᠰᠤ ᠰᠢᠷᠢ ᠶ᠋ᠢ ᠪᠣᠯᠪᠠᠰᠤᠷᠠᠭᠤᠯᠤᠨ ᠬᠤᠪᠴᠠᠰᠤ ᠬᠤᠨᠠᠷ ᠬᠢᠳᠡᠭ ᠪᠠᠢᠭᠰᠠᠨ ᠨᠢ ᠮᠠᠨ ᠤ᠋ ᠠᠷᠠᠳ ᠲᠦᠮᠡᠨ ᠦ᠌ ᠡᠷᠲᠡ ᠦᠶᠡ ᠶ᠋ᠢᠨ ᠰᠣᠶᠣᠯ ᠠᠮᠢᠳᠤᠷᠠᠯ ᠤ᠋ᠨ ᠲᠣᠳᠣ ᠵᠢᠱ᠌ᠢᠶᠡ ᠪᠣᠯᠳᠠᠭ᠃ ᠡᠨᠡ ᠦᠶᠡ ᠶ᠋ᠢᠨ ᠡᠮᠡᠭᠲᠡᠢᠴᠦᠳ ᠦ᠋ᠨ ᠭᠠᠷ ᠤ᠋ᠨ ᠤᠷᠠ ᠠᠷᠠᠰᠤ ᠨᠡᠬᠡᠢ ᠶ᠋ᠢ ᠡᠰᠬᠡᠵᠦ ᠣᠶᠣᠬᠤ᠂ ᠬᠠᠳᠬᠤᠬᠤ᠂ ᠨᠠᠭᠠᠬᠤ᠂
ᠨᠡᠬᠡᠬᠦ᠂ ᠰᠦᠯᠵᠢᠬᠦ ᠤᠷᠠᠯᠢᠭ ᠪᠠᠢᠵᠠᠢ᠃ ᠤᠢᠭᠤᠷ ᠤ᠋ᠨ ᠦᠶᠡ ᠳ᠋ᠦ᠍ ᠬᠥᠮᠦᠨ ᠠᠷᠠᠳ ᠳᠠᠩ ᠭᠠᠭᠴᠠ ᠨᠡᠭᠦᠳᠡᠯᠴᠢᠨ ᠬᠡᠪ ᠢ᠋ᠶ᠋ᠡᠷ ᠪᠠᠢᠭᠰᠠᠨ ᠦᠭᠡᠢ᠂ ᠵᠠᠷᠢᠮ ᠭᠠᠵᠠᠷ ᠬᠣᠲᠠ ᠰᠠᠭᠤᠷᠢᠨ ᠪᠠᠷᠢᠵᠤ ᠨᠡᠢᠰᠯᠡᠯ ᠲᠡᠢ ᠪᠣᠯᠵᠤ ᠡᠬᠢᠯᠡᠭᠰᠡᠨ ᠪᠠ ᠬᠤᠳᠠᠯᠳᠤᠭᠠ᠂ ᠭᠠᠷ ᠦᠢᠯᠡᠳᠪᠦᠷᠢ᠂ ᠤᠷᠠᠨ ᠪᠠᠷᠢᠯᠭᠠ ᠶᠡᠬᠡ ᠬᠥᠭᠵᠢᠵᠡᠢ᠃ ᠡᠭᠦᠨ ᠢ᠋ ᠳᠠᠭᠠᠵᠤ ᠭᠠᠷ ᠤᠷᠠᠯᠠᠯ᠂ ᠰᠣᠶᠣᠯ ᠢᠷᠭᠡᠨᠰᠢᠯ ᠦ᠋ᠨ ᠡᠬᠢ ᠡᠭᠦᠰᠪᠦᠷᠢ ᠲᠠᠯᠪᠢᠭᠳᠠᠵᠠᠢ ᠭᠡᠵᠦ ᠤᠯᠤᠰ ᠤ᠋ᠨ ᠲᠡᠦᠬᠡ ᠶ᠋ᠢᠨ ᠲᠡᠷᠢᠭᠦᠨ ᠳᠡᠪᠲᠡᠷ ᠲᠦ ᠪᠢᠴᠢᠭᠰᠡᠨ ᠪᠠᠢᠳᠠᠭ᠃
ᠭᠠᠷ ᠤᠷᠠᠯᠠᠯ ᠳ᠋ᠤ᠌ ᠪᠣᠳᠠᠲᠤ ᠪᠠᠢᠳᠠᠯ ᠢ᠋ ᠶᠡᠬᠡᠬᠡᠨ ᠲᠤᠰᠬᠠᠵᠤ᠂ ᠢᠯᠠᠩᠭᠤᠶᠠ ᠬᠥᠮᠦᠨ ᠦ᠌ ᠬᠥᠷᠥᠭ ᠲᠦ ᠨᠠᠮᠪᠠ ᠲᠥᠷᠬᠦ᠂ ᠡᠳ᠋ᠯᠡᠯ ᠬᠡᠷᠡᠭᠯᠡᠯ᠂ ᠬᠡᠷᠬᠡᠮ᠂ ᠲᠤᠰᠢᠶᠠᠯ ᠢ᠋ ᠬᠦᠷᠲᠡᠯᠡ ᠢᠯᠭᠠᠬᠤ ᠲᠡᠮᠳᠡᠭ ᠢ᠋ᠶ᠋ᠡᠷ ᠨᠢ ᠲᠣᠳᠣᠷᠬᠠᠢ ᠲᠤᠰᠬᠠᠳᠠᠭ ᠪᠠᠢᠯᠠ᠃ ᠡᠨᠡ ᠦᠶᠡ ᠳ᠋ᠦ᠍ ᠭᠠᠷ ᠤᠷᠠᠯᠠᠯ ᠤ᠋ᠨ ᠰᠡᠳᠦᠪ ᠬᠥᠮᠦᠨ ᠦ᠌ ᠶᠡᠷᠦᠳᠡ ᠶ᠋ᠢᠨ ᠠᠮᠢᠳᠤᠷᠠᠯ᠂ ᠱᠠᠰᠢᠨ ᠰᠢᠲᠦᠯᠭᠡ᠂ ᠪᠠᠢᠭᠠᠯᠢ ᠶ᠋ᠢᠨ ᠰᠡᠳᠦᠪ ᠦ᠋ᠳ ᠪᠠᠢᠭᠰᠠᠨ ᠪᠠ ᠴᠢᠮᠡᠭᠯᠡᠬᠦ ᠥᠩᠭᠡ ᠳ᠋ᠦ᠍ ᠤᠯᠠᠭᠠᠨ ᠥᠩᠭᠡ ᠶ᠋ᠢ ᠶᠡᠬᠡ ᠬᠡᠷᠡᠭᠯᠡᠵᠦ᠂ ᠪᠠᠢᠭᠠᠯᠢ ᠶ᠋ᠢ ᠬᠡ ᠤᠭᠠᠯᠵᠠ ᠪᠠᠷ ᠵᠢᠷᠤᠳᠠᠭ ᠪᠠᠢᠵᠠᠢ᠃
ᠭᠠᠷ ᠤᠷᠠᠯᠠᠯ ᠳ᠋ᠤ᠌ ᠭᠤᠸᠠ ᠰᠠᠢᠬᠠᠨ᠂ ᠤᠷᠠᠨ ᠴᠢᠮᠡᠭᠯᠡᠯ ᠬᠥᠭᠵᠢᠵᠦ ᠪᠠᠢᠭᠰᠠᠨ ᠤ᠋ ᠭᠠᠳᠠᠨᠠ ᠴᠢᠮᠡᠭᠯᠡᠯ ᠳ᠋ᠦ᠍ ᠴᠡᠴᠡᠭ ᠦ᠋ᠨ ᠪᠠ ᠡᠪᠡᠷ ᠤᠭᠠᠯᠵᠠ᠂ ᠬᠧᠣ᠌ᠮᠧᠲ᠋ᠷ ᠦ᠋ᠨ ᠬᠡ ᠶ᠋ᠢ ᠥᠷᠭᠡᠨ ᠬᠡᠷᠡᠭᠯᠡᠳᠡᠭ ᠪᠠᠢᠵᠠᠢ᠃ ᠤᠢᠭᠤᠷ ᠤ᠋ᠨ ᠦᠶᠡ ᠳ᠋ᠦ᠍ ᠡᠮᠡᠭᠲᠡᠢᠴᠦᠳ ᠦ᠋ᠨ ᠤᠷᠠᠨ ᠦᠢᠯᠡ᠂ ᠬᠠᠳᠬᠤᠮᠠᠯ ᠭᠣᠶᠣᠮᠰᠣᠭ ᠬᠡᠯᠪᠡᠷᠢ ᠣᠯᠵᠤ᠂ ᠤᠭᠠᠯᠵᠠ ᠬᠡ ᠶ᠋ᠢ ᠳᠣᠪᠣᠢᠯᠭᠠᠬᠤ᠂ ᠬᠣᠲᠣᠢᠯᠭᠠᠬᠤ᠂ ᠲᠠᠬᠢᠷ ᠰᠢᠯᠤᠭᠤᠨ᠂ ᠳᠣᠯᠭᠢᠶᠠᠨ ᠲᠠᠢ᠂ ᠬᠠᠭᠠᠰ ᠳᠤᠭᠤᠢᠯᠠᠭᠰᠠᠨ ᠪᠠᠢᠳᠠᠯ ᠢ᠋ᠶ᠋ᠠᠷ ᠬᠡᠯᠡᠳᠡᠭ ᠪᠠᠢᠵᠠᠢ᠃
ᠤᠢᠭᠤᠷ ᠤᠨ ᠦᠶᠡ ᠳᠦ ᠨᠡᠬᠡᠮᠡᠯᠴᠢᠨ ᠬᠥᠮᠦᠰ ᠶᠡᠬᠡ ᠣᠯᠠᠰᠢᠷᠠᠵᠤ᠂ ᠨᠡᠬᠡᠮᠡᠯ ᠦ᠋ᠨ ᠤᠷᠠᠯᠢᠭ ᠶᠡᠬᠡ ᠬᠥᠭᠵᠢᠵᠦ ᠢᠷᠡᠵᠡᠢ᠃ ᠤᠢᠭᠤᠷ ᠤ᠋ᠳ ᠬᠠᠷᠢ ᠣᠷᠣᠨ ᠳ᠋ᠤ᠌ ᠮᠠᠯ ᠠᠵᠤ ᠠᠬᠤᠢ ᠶ᠋ᠢᠨ ᠪᠦᠲᠦᠭᠡᠭᠳᠡᠬᠦᠨ ᠭᠠᠷᠭᠠᠵᠤ ᠣᠷᠣᠨ ᠳ᠋ᠤ᠌ ᠨᠢ ᠲᠣᠷᠭᠠ᠂ ᠳᠠᠪᠤᠤ ᠠᠪᠳᠠᠭ ᠪᠠᠢᠭᠰᠠᠨ ᠲᠤᠬᠠᠢ ᠪᠢᠴᠢᠭᠳᠡᠭᠰᠡᠨ ᠪᠠᠢᠳᠠᠭ᠃ ᠲᠤᠬᠠᠢᠯᠠᠪᠠᠯ᠂ ᠬᠢᠲᠠᠳ ᠲᠤ 6000 ᠲᠣᠯᠣᠭᠠᠢ ᠠᠳᠤᠭᠤ ᠭᠠᠷᠭᠠᠵᠤ240000 ᠲᠣᠯᠣᠭᠠᠢ ᠳᠠᠪᠤᠤ ᠠᠪᠴᠤ ᠪᠠᠢᠭᠰᠠᠨ ᠲᠤᠬᠠᠢ ᠤᠯᠤᠰ ᠤ᠋ᠨ ᠲᠡᠦᠬᠡ ᠶ᠋ᠢᠨ (1984 ᠣᠨ ᠤ᠋)131 ᠳ᠋ᠦ᠍ᠭᠡᠷ ᠲᠠᠯᠠ ᠳ᠋ᠤ᠌ ᠪᠢᠴᠢᠭᠳᠡᠭᠰᠡᠨ ᠪᠠᠢᠳᠠᠭ᠃
ᠬᠢᠳᠠᠨ ᠭᠦᠷᠦᠨ ᠦ᠌ ᠤᠷᠠᠯᠢᠭ ᠬᠢᠳᠠᠨ ᠭᠦᠷᠦᠨ ᠮᠠᠨ ᠤ᠋ ᠲᠣᠭᠠᠯᠠᠯ ᠤ᠋ᠨ ᠬᠣᠶᠠᠳᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠳ᠋ᠦ᠍ ᠪᠣᠢ ᠪᠣᠯᠵᠤ ᠨᠠᠢ᠍ᠮᠠᠳᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠡᠴᠡ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠠᠢᠮᠠᠭ ᠪᠣᠯᠵᠤ ᠨᠣᠶᠠᠷᠬᠠᠨ12 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠳ᠋ᠦ᠍ ᠪᠤᠰᠤᠳ ᠠᠢᠮᠠᠭ ᠤ᠋ᠳ ᠠ᠋ᠴᠠ ᠳᠣᠪᠣᠢᠵᠤ ᠥᠷᠭᠡᠨ ᠠᠭᠤᠳᠠᠮ ᠨᠤᠲᠤᠭ ᠢ᠋ ᠡᠵᠡᠩᠨᠡᠬᠦ ᠪᠣᠯᠤᠯᠠ᠃ ᠭᠢᠲᠠᠨᠴᠤᠳ ᠵᠡᠭᠦᠨ ᠳᠠᠯᠠᠢ ᠠ᠋ᠴᠠ ᠠᠯᠲᠠᠢ ᠶ᠋ᠢᠨ ᠨᠢᠷᠤᠭᠤ᠂ ᠬᠡᠷᠦᠯᠦᠨ ᠭᠣᠣᠯ ᠠ᠋ᠴᠠ ᠨᠠᠩᠭᠢᠶᠠᠳ ᠤ᠋ᠨ ᠴᠠᠭᠠᠨ ᠬᠡᠷᠡᠮ ᠬᠦᠷᠲᠡᠯᠡ ᠨᠤᠲᠤᠭ ᠢ᠋ ᠡᠵᠡᠯᠡᠵᠦ ᠪᠠᠢᠵᠠᠢ᠃
ᠡᠢᠮᠦ ᠳᠦ ᠬᠢᠳᠠᠨ ᠭᠦᠷᠦᠨ ᠦ ᠦᠶᠡ ᠶ᠋ᠢᠨ ᠤᠷᠠᠯᠢᠭ ᠢ᠋ ᠰᠤᠳᠤᠯᠬᠤ ᠳ᠋ᠤ᠌ ᠡᠳᠡᠭᠡᠷ ᠭᠠᠵᠠᠷ ᠨᠤᠲᠤᠭ ᠪᠣᠯᠤᠨ ᠲᠡᠭᠦᠨ ᠲᠡᠢ ᠬᠢᠯᠢᠯᠡᠵᠦ ᠪᠠᠢᠭᠰᠠᠨ ᠤᠯᠤᠰ ᠭᠦᠷᠦᠨ ᠦ᠌ ᠤᠷᠠᠯᠢᠭ ᠢ᠋ ᠬᠠᠮᠲᠤ ᠰᠤᠳᠤᠯᠤᠨᠠ ᠭᠡᠰᠡᠨ ᠦᠭᠡ ᠶᠦᠮ᠃ ᠬᠢᠳᠠᠨ ᠨᠠᠷ ᠮᠣᠩᠭᠣᠯ ᠤ᠋ᠨ ᠲᠡᠷᠢᠭᠦᠨ ᠰᠣᠶᠣᠯ ᠲᠠᠢ ᠠᠢᠮᠠᠭ ᠤ᠋ᠨ ᠨᠢᠭᠡ ᠪᠠᠢᠭᠰᠠᠨ ᠤᠴᠢᠷ ᠠ᠋ᠴᠠ ᠲᠡᠷᠡ ᠦᠶᠡ ᠳ᠋ᠦ᠍ ᠨᠣᠮ ᠤ᠋ᠨ ᠰᠠᠩ᠂ ᠪᠥᠵᠢᠭ᠂ ᠵᠦᠴᠦᠭᠡ ᠬᠥᠭᠵᠢᠬᠦ ᠶ᠋ᠢᠨ ᠬᠠᠵᠠᠭᠤ ᠪᠠᠷ ᠪᠥᠬᠡ ᠶ᠋ᠢᠨ ᠣᠩᠭᠣᠨ ᠲᠩᠷᠢ ᠳᠡᠭᠡᠳᠦᠰ ᠲᠠᠬᠢᠬᠤ᠂ ᠪᠤᠷᠬᠠᠨ ᠱᠠᠰᠢᠨ ᠶᠡᠬᠡ ᠳᠡᠯᠭᠡᠷᠡᠵᠦ᠂ ᠡᠭᠦᠨ ᠲᠡᠢ ᠤᠶᠠᠯᠳᠤᠨ ᠵᠦᠴᠦᠭᠡ᠂ ᠪᠥᠵᠢᠭ᠂ ᠱᠠᠰᠢᠨ ᠤ᠋ ᠡᠮᠦᠰᠬᠡᠯ᠂ ᠪᠤᠷᠬᠠᠨ ᠤ᠋ ᠬᠥᠷᠥᠭ ᠤᠷᠠᠯᠠᠬᠤ ᠪᠣᠯᠵᠠᠢ᠃ ᠬᠢᠳᠠᠨ ᠨᠠᠷ ᠨᠡᠭᠦᠳᠡᠯᠴᠢᠨ ᠠᠢᠮᠠᠭ ᠪᠠᠢᠭᠰᠠᠨ ᠤᠴᠢᠷ ᠠ᠋ᠴᠠ5 ᠨᠡᠢᠰᠯᠡᠯ ᠬᠣᠲᠠ ᠲᠠᠢ ᠪᠠᠢᠵᠠᠢ᠃ ᠬᠢᠳᠠᠨ ᠨᠠᠷ ᠤᠷᠠᠨ ᠪᠠᠷᠢᠯᠭᠠ ᠶ᠋ᠢᠨ ᠬᠡ ᠶ᠋ᠢ ᠬᠥᠮᠦᠨ ᠪᠤᠶᠤ ᠤᠭᠠᠯᠵᠠ ᠬᠡ ᠪᠡᠷ ᠴᠢᠮᠡᠬᠦ ᠶ᠋ᠢᠨ ᠬᠠᠮᠲᠤ ᠪᠠᠲᠤ ᠪᠡᠬᠢ ᠶ᠋ᠢ ᠪᠡᠯᠭᠡᠰᠢᠶᠡᠵᠦ ᠬᠠᠰ ᠬᠡ ᠪᠡᠷ ᠴᠢᠮᠡᠳᠡᠭ ᠪᠠᠢᠵᠠᠢ᠃ ᠬᠥᠮᠦᠨ ᠦ᠌ ᠬᠥᠷᠥᠭ ᠢ᠋ ᠪᠦᠲᠦᠭᠡᠬᠦ ᠳ᠋ᠡᠭᠡᠨ ᠬᠥᠮᠦᠨ ᠦ᠌ ᠣᠨᠴᠠᠯᠢᠭ ᠰᠢᠨᠵᠢ ᠶ᠋ᠢ ᠭᠣᠣᠯ ᠪᠣᠯᠭᠠᠵᠤ ᠳᠦᠷᠰᠦᠯᠡᠬᠦ ᠡᠴᠡ ᠭᠠᠳᠠᠨᠠ ᠬᠥᠮᠦᠨ ᠢ᠋ ᠠᠵᠢᠯ ᠬᠥᠳᠡᠯᠮᠦᠷᠢ ᠲᠡᠢ ᠨᠢᠭᠲᠠ ᠬᠣᠯᠪᠣᠵᠤ ᠳᠦᠷᠰᠦᠯᠡᠬᠦ ᠶᠠᠪᠤᠳᠠᠯ ᠨᠡᠯᠢᠶᠡᠳ ᠶᠡᠬᠡ ᠪᠠᠢᠵᠠᠢ᠃
ᠪᠠᠢᠭᠠᠯᠢ ᠶᠢ ᠤᠷᠠᠯᠠᠨ ᠪᠦᠲᠦᠭᠡᠬᠦ ᠳ᠋ᠡᠭᠡᠨ ᠥᠩᠭᠡ ᠵᠣᠬᠢᠴᠠᠯ ᠢ᠋ ᠢᠷᠠᠭᠤ ᠰᠠᠢᠬᠠᠨ ᠢ᠋ᠶ᠋ᠠᠷ ᠳᠦᠷᠰᠦᠯᠡᠳᠡᠭ ᠪᠠᠢᠵᠠᠢ᠃ ᠬᠢᠳᠠᠨ ᠤ᠋ ᠦᠶᠡ ᠳ᠋ᠦ᠍ ᠢᠯᠡᠭᠦᠦ ᠴᠢᠮᠡᠭᠯᠡᠯ ᠪᠠᠢᠳᠠᠭ ᠦᠭᠡᠢ᠂ ᠪᠣᠳᠠᠲᠤ ᠪᠠᠢᠳᠠᠯ ᠢ᠋ᠶ᠋ᠠᠷ ᠳᠦᠷᠰᠦᠯᠡᠳᠡᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠣᠨᠴᠠᠯᠢᠭ ᠲᠠᠢ ᠪᠠᠢᠵᠠᠢ᠃ ᠬᠢᠳᠠᠨ ᠤ᠋ ᠦᠶᠡ ᠶ᠋ᠢᠨ ᠬᠤᠪᠴᠠᠰᠤ ᠲᠠᠢ ᠬᠣᠯᠪᠣᠭᠳᠠᠬᠤ ᠴᠢᠬᠤᠯᠠ ᠣᠯᠳᠠᠪᠤᠷᠢ ᠮᠠᠯᠲᠠᠮᠠᠯ ᠢ᠋ᠶ᠋ᠠᠷ ᠣᠯᠳᠠᠵᠠᠢ᠃ ᠮᠠᠯᠲᠠᠮᠠᠯ ᠢ᠋ᠶ᠋ᠠᠷ ᠣᠯᠳᠠᠭᠰᠠᠨ ᠰᠢᠪᠠᠷ ᠪᠠᠷᠢᠮᠠᠯ ᠤ᠋ᠨ ᠥᠭᠡᠳᠡᠰᠦᠨ ᠡᠴᠡ ᠡᠷᠳᠡᠮᠲᠡᠳ ᠰᠤᠳᠤᠯᠭᠠ ᠳ᠋ᠦᠩᠨᠡᠯᠲᠡ ᠭᠡᠬᠦ ᠳ᠋ᠦ᠍ ᠤᠭ ᠪᠠᠷᠢᠮᠠᠯ ᠤ᠋ᠨ ᠳᠡᠪᠡᠯ ᠦ᠋ᠨ ᠵᠠᠬᠠ ᠲᠥᠪ ᠠᠽᠢᠶᠠ ᠶ᠋ᠢᠨ ᠪᠠ ᠢᠯᠠᠩᠭᠤᠶᠠ ᠮᠣᠩᠭᠣᠯ ᠤ᠋ᠨ ᠡᠷᠲᠡᠨ ᠦ᠌ ᠳᠡᠪᠡᠯ ᠲᠡᠢ ᠠᠳᠠᠯᠢ ᠲᠥᠰᠲᠡᠢ ᠪᠠᠢᠭᠰᠠᠨ ᠤ᠋ ᠳᠡᠭᠡᠷᠡ ᠵᠠᠬᠠ ᠶ᠋ᠢ ᠵᠥᠪ ᠳᠠᠰᠢ ᠨᠢ ᠵᠥᠷᠢᠭᠦᠯᠡᠳᠡᠭ ᠵᠥᠷᠢᠭᠦᠦ ᠡᠩᠭᠡᠷ ᠲᠡᠢ᠂ ᠯᠠᠮᠠ ᠵᠠᠬᠠ ᠲᠠᠢ᠂ ᠤᠯᠠᠭᠠᠨ ᠬᠠᠵᠢ ᠲᠠᠢ᠂ ᠮᠥᠨ ᠥᠷᠭᠡᠨ ᠤᠯᠠᠭᠠᠨ ᠡᠮᠵᠢᠶᠡᠷᠢ ᠭᠠᠷᠭᠠᠭᠰᠠᠨ ᠪᠠᠢᠵᠠᠢ᠃ ᠭᠤᠲᠤᠯ ᠤ᠋ᠨ ᠳᠣᠣᠷᠠᠲᠤ ᠬᠡᠰᠡᠭ ᠡᠷᠲᠡᠨ ᠦ᠌ ᠮᠣᠩᠭᠣᠯ ᠤ᠋ᠨ ᠬᠠᠭᠤᠴᠢᠨ ᠴᠠᠭ ᠤ᠋ᠨ ᠭᠤᠲᠤᠯ ᠲᠠᠢ ᠠᠳᠠᠯᠢᠬᠠᠨ ᠪᠠᠢᠭᠰᠠᠨ ᠤ᠋ ᠳᠡᠭᠡᠷᠡ ᠰᠠᠷᠢᠰᠤ ᠦᠭᠡᠢ᠂ ᠵᠤᠯᠤᠭ ᠵᠠᠯᠭᠠᠭᠠ ᠦᠭᠡᠢ᠂ ᠤᠯᠠ ᠵᠤᠵᠠᠭᠠᠨ ᠪᠠᠮᠪᠠᠭᠠᠷ᠂ ᠤᠷᠲᠤ ᠲᠠᠯᠠ ᠶ᠋ᠢᠨ ᠬᠣᠰᠢᠭᠤ ᠨᠢ ᠳᠡᠭᠡᠭᠰᠢ ᠪᠡᠨ ᠡᠷᠭᠢᠭᠰᠡᠨ᠂ ᠬᠣᠩᠰᠢᠶᠠᠷ ᠨᠢ ᠡᠭᠡᠳᠡᠨ᠂ ᠮᠥᠯᠢᠬᠡᠷ᠂ ᠥᠩᠭᠡ ᠨᠢ ᠤᠯᠠᠭᠠᠨ ᠪᠠᠢᠵᠠᠢ (ᠯ· ᠰᠣᠨᠤᠮᠴᠡᠷᠡᠨ·《ᠮᠣᠩᠭᠣᠯ ᠤ᠋ᠨ ᠡᠷᠲᠡᠨ ᠦ᠌ ᠳᠦᠷᠰᠦᠯᠡᠬᠦ ᠤᠷᠠᠯᠢᠭ》·1971· ᠤᠯᠠᠭᠠᠨᠪᠠᠭᠠᠲᠤᠷ ·69—70 ᠳ᠋ᠠᠬᠢ ᠲᠠᠯᠠ)᠃
ᠬᠢᠳᠠᠨ ᠤ ᠦᠶᠡ ᠳᠦ ᠡᠭᠡᠷᠡᠬᠦ᠂ ᠨᠡᠬᠡᠬᠦ᠂ ᠰᠤᠷ ᠢᠶᠠᠷ ᠰᠦᠯᠵᠢᠬᠦ ᠡᠳ᠋ᠯᠡᠯ ᠶᠡᠬᠡ ᠬᠥᠭᠵᠢᠵᠦ ᠭᠠᠷ ᠦᠢᠯᠡᠳᠪᠦᠷᠢ ᠶ᠋ᠢᠨ ᠲᠥᠷᠥᠯᠵᠢᠭᠰᠡᠨ ᠭᠠᠵᠠᠷ᠂ ᠮᠠᠰᠲ᠋ᠧᠷ᠂ ᠲᠡᠮᠦᠷᠴᠢᠨ ᠵᠡᠷᠭᠡ ᠣᠯᠠᠰᠢᠷᠠᠵᠤ ᠪᠠᠢᠭᠰᠠᠨ ᠠ᠋ᠴᠠ ᠭᠠᠳᠠᠨᠠ ᠰᠢᠪᠡᠭᠡ ᠵᠡᠷᠭᠡ ᠵᠠᠷᠢᠮ ᠠᠢᠮᠠᠭ ᠭᠡᠷ ᠲᠡᠷᠭᠡ ᠬᠢᠬᠦ ᠳ᠋ᠦ᠍ ᠳᠠᠳᠤᠭᠰᠠᠨ ᠪᠠᠢᠵᠠᠢ᠃ ᠣᠨᠢᠰᠣᠨ ᠰᠠᠭᠤᠷᠢ ᠪᠠᠷ ᠨᠡᠬᠡᠮᠡᠯ ᠨᠡᠬᠡᠬᠦ ᠦᠢᠯᠡᠳᠪᠦᠷᠢ ᠬᠥᠭᠵᠢᠭᠦᠯᠵᠦ ᠪᠠᠢᠭᠰᠠᠨ ᠤ᠋ ᠳᠡᠭᠡᠷᠡ940 ᠣᠨ ᠳ᠋ᠤ᠌ ᠬᠠᠷᠢ ᠶ᠋ᠢᠨ ᠵᠠᠷᠯᠢᠭ ᠢ᠋ᠶ᠋ᠠᠷ ᠲᠤᠰᠬᠠᠢ ᠲᠦᠰᠢᠮᠡᠯ ᠭᠠᠷᠭᠠᠨ ᠠᠷᠠᠳ ᠤ᠋ᠳ ᠲᠤ ᠡᠭᠡᠷᠡᠬᠦ᠂ ᠨᠡᠬᠡᠬᠦ ᠠᠵᠢᠯ ᠢ᠋ ᠰᠤᠷᠭᠠᠵᠤ ᠪᠠᠢᠵᠠᠢ(ᠬᠡ· ᠫᠡᠷᠡᠩᠯᠡᠢ·《ᠬᠢᠳᠠᠨ ᠨᠠᠷ ᠤ᠋ᠨ ᠮᠣᠩᠭᠣᠯᠴᠤᠳ ᠲᠠᠢ ᠬᠣᠯᠪᠣᠭᠳᠠᠭᠰᠠᠨ ᠨᠢ》·50 ᠳ᠋ᠠᠬᠢ ᠲᠠᠯᠠ)᠃ ᠡᠭᠦᠨ ᠡᠴᠡ ᠦᠵᠡᠬᠦ ᠳ᠋ᠦ᠍ ᠬᠢᠳᠠᠨ ᠤ᠋ ᠦᠶᠡ ᠳ᠋ᠦ᠍ ᠤᠷᠠᠨ ᠦᠢᠯᠡ ᠶ᠋ᠢᠨ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠰᠠᠯᠪᠤᠷᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠤᠳᠤᠷᠢᠳᠤᠨ ᠴᠢᠭᠯᠡᠭᠦᠯᠬᠦ ᠤᠳᠤᠷᠢᠳᠤᠯᠭᠠ ᠲᠠᠢ ᠬᠥᠭᠵᠢᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠷ ᠤᠷᠢᠳᠤᠬᠢ ᠠᠢᠮᠠᠭ ᠤ᠋ᠳ ᠠ᠋ᠴᠠ ᠳᠠᠪᠰᠢᠯᠲᠠ ᠲᠠᠢ ᠬᠥᠭᠵᠢᠵᠦ ᠪᠠᠢᠭᠰᠠᠨ ᠨᠢ ᠲᠣᠪᠣᠯᠣᠢ ᠳ᠋ᠤᠷᠬᠠᠨᠠ᠃
13—18 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠶ᠋ᠢᠨ ᠮᠣᠩᠭᠣᠯ ᠤ᠋ᠨ ᠭᠠᠷ ᠤᠷᠠᠯᠠᠯ 13 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠪᠡᠷ ᠹᠧᠣᠳᠠᠯ ᠤ᠋ᠨ ᠬᠠᠷᠢᠯᠴᠠᠭᠠ ᠭᠦᠨᠵᠡᠭᠡᠢᠷᠡᠵᠦ ᠪᠠᠢᠭᠰᠠᠨ ᠴᠤ ᠰᠣᠶᠣᠯ ᠤ᠋ᠨ ᠬᠥᠭᠵᠢᠯᠲᠡ ᠠᠰᠤᠷᠤ ᠶᠡᠬᠡ ᠥᠭᠡᠷᠡᠴᠢᠯᠡᠯᠲᠡ ᠭᠠᠷᠴᠠᠢ᠃ ᠮᠣᠩᠭᠣᠯᠴᠤᠳ ᠤ᠋ᠨ ᠠᠵᠤ ᠠᠮᠢᠳᠤᠷᠠᠯ ᠨᠡᠭᠦᠳᠡᠯ ᠦ᠋ᠨ ᠮᠠᠯ ᠠᠵᠤ ᠠᠬᠤᠢ ᠬᠡᠪ ᠢ᠋ᠶ᠋ᠡᠷ᠃ ᠲᠡᠳᠡ ᠮᠠᠯ ᠠᠵᠤ ᠠᠬᠤᠢ ᠶ᠋ᠢᠨ ᠠᠰᠢᠭ ᠰᠢᠮᠡ ᠪᠡᠷ ᠠᠮᠢᠳᠤᠷᠠᠯ ᠤ᠋ᠨ ᠬᠡᠷᠡᠭᠴᠡᠭᠡ ᠪᠡᠨ ᠬᠠᠩᠭᠠᠵᠤ ᠴᠣᠬᠣᠮ ᠳ᠋ᠠᠭᠠᠨ ᠮᠢᠬᠠ᠂ ᠰᠦ᠂ ᠴᠠᠭᠠᠨ ᠢᠳᠡᠭᠡ ᠶ᠋ᠢ ᠣᠳᠣᠬᠢ ᠰᠢᠭ᠋ ᠪᠣᠯᠪᠠᠰᠤᠷᠠᠭᠤᠯᠤᠨ ᠬᠡᠷᠡᠭᠯᠡᠵᠦ ᠪᠠᠢᠵᠠᠢ᠃ ᠲᠡᠳᠡᠨ ᠦ᠌ ᠣᠷᠣᠨ ᠰᠠᠭᠤᠴᠠ ᠢᠰᠡᠭᠡᠢ ᠭᠡᠷ ᠬᠡᠪ ᠢ᠋ᠶ᠋ᠡᠷ ᠪᠠᠢᠭᠰᠠᠨ ᠤᠴᠢᠷ ᠡᠮᠡᠭᠲᠡᠢᠴᠦᠳ ᠦ᠋ᠨ ᠣᠶᠣᠳᠠᠯ ᠳ᠋ᠤ᠌ ᠢᠰᠡᠭᠡᠢ ᠡᠰᠬᠡᠵᠦ ᠣᠶᠣᠬᠤ᠂ ᠰᠢᠷᠢᠬᠦ ᠠᠵᠢᠯ ᠶᠡᠬᠡ ᠪᠠᠢᠵᠠᠢ᠃ ᠡᠭᠦᠨ ᠦ᠌ ᠵᠡᠷᠭᠡᠴᠡᠭᠡ ᠪᠡᠷ ᠳᠠᠪᠤᠤ᠂ ᠲᠣᠷᠭᠠᠨ ᠡᠳ᠋ᠯᠡᠯ ᠢ᠋ ᠤᠷᠠᠯᠠᠬᠤ᠂ ᠣᠶᠣᠬᠤ ᠠᠵᠢᠯ ᠦᠰᠦᠷᠦᠩᠭᠦᠢ ᠬᠥᠭᠵᠢᠵᠡᠢ᠃
13 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠦᠶᠡᠰ ᠢᠰᠡᠭᠡᠢ ᠶ᠋ᠢᠨ ᠴᠢᠨᠠᠷ᠂ ᠥᠩᠭᠡ ᠦᠵᠡᠮᠵᠢ ᠰᠠᠢᠵᠢᠷᠠᠵᠤ᠂ ᠢᠰᠡᠭᠡᠢ ᠶ᠋ᠢᠨ ᠥᠩᠭᠡ ᠶ᠋ᠢ ᠭᠢᠯᠠᠯᠵᠠᠭᠰᠠᠨ ᠭᠣᠶᠣ ᠴᠠᠭᠠᠨ ᠥᠩᠭᠡ ᠲᠡᠢ ᠪᠣᠯᠭᠠᠬᠤ ᠶ᠋ᠢᠨ ᠲᠤᠯᠠᠳᠠ ᠴᠣᠬᠣᠢ᠂ ᠴᠠᠭᠠᠨ ᠰᠢᠷᠣᠢ᠂ ᠶᠠᠰᠤᠨ ᠤ᠋ ᠨᠤᠨᠲᠠᠭᠯᠠᠭᠰᠠᠨ ᠭᠤᠯᠢᠷ ᠵᠡᠷᠭᠡ ᠶ᠋ᠢ ᠬᠡᠷᠡᠭᠯᠡᠵᠦ ᠪᠠᠢᠵᠠᠢ᠃ ᠲᠡᠭᠦᠨᠴᠢᠯᠡᠨ ᠬᠦ᠂ ᠬᠣᠨᠢᠨ ᠤ᠋ ᠰᠢᠷᠠ ᠰᠦ ᠬᠡᠷᠡᠭᠯᠡᠵᠦ ᠤᠰᠤ ᠴᠢᠭᠢᠭ ᠦᠯᠦ ᠨᠡᠪᠲᠡᠷᠡᠬᠦ ᠰᠠᠢᠨ ᠴᠢᠨᠠᠷ ᠤ᠋ᠨ ᠬᠠᠷᠠ ᠢᠰᠡᠭᠡᠢ ᠬᠢᠳᠡᠭ ᠪᠠᠢᠭᠰᠠᠨ ᠨᠢ ᠣᠷᠴᠢᠨ ᠦᠶᠡ ᠳ᠋ᠦ᠍ ᠬᠠᠰᠠᠭ ᠤ᠋ᠳ ᠤᠷᠭᠤᠮᠠᠯ ᠤ᠋ᠨ ᠬᠠᠨᠳᠠ ᠪᠠᠷ ᠢᠰᠡᠭᠡᠢ ᠶ᠋ᠢ ᠰᠢᠷᠠ ᠥᠩᠭᠡ ᠲᠡᠢ ᠪᠣᠯᠭᠠᠳᠠᠭ ᠠᠷᠭᠠ ᠪᠣᠯᠤᠨ ᠬᠠᠳᠠᠭᠠᠯᠠᠭᠳᠠᠭᠰᠠᠨ ᠪᠠᠢᠵᠤ ᠪᠣᠯᠬᠤ ᠶᠤᠮ᠃
ᠬᠣᠨᠢᠨ ᠤ᠋ ᠨᠡᠬᠡᠢ ᠶ᠋ᠢ ᠭᠠᠩᠳᠠᠬᠤ ᠳᠠᠪᠤᠰᠤᠯᠠᠬᠤ ᠵᠡᠷᠭᠡ ᠪᠡᠷ ᠠᠩᠬᠠᠨ ᠤ᠋ ᠪᠣᠯᠪᠠᠰᠤᠷᠠᠭᠤᠯᠤᠯᠲᠠ ᠬᠢᠵᠦ ᠪᠠᠢᠵᠠᠢ᠃ ᠡᠨᠡ ᠦᠶᠡ ᠳ᠋ᠦ᠍ ᠬᠥᠳᠡᠯᠮᠦᠷᠢ ᠶ᠋ᠢᠨ ᠪᠠᠭᠠᠵᠢ᠂ ᠢᠯᠠᠩᠭᠤᠶᠠ ᠤᠷᠠᠨ ᠦᠢᠯᠡ ᠶ᠋ᠢᠨ ᠪᠠᠭᠠᠵᠢ ᠲᠧᠭᠨᠢᠭ ᠪᠣᠯᠪᠠᠰᠤᠷᠠᠩᠭᠤᠢ ᠬᠥᠭᠵᠢᠵᠦ ᠪᠠᠢᠵᠠᠢ᠃
13 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠳ᠋ᠦ᠍ ᠪᠠᠶᠠᠨ ᠶᠠᠳᠠᠭᠤᠴᠤᠳ ᠤ᠋ᠨ ᠬᠤᠪᠴᠠᠰᠤ᠂ ᠡᠳ᠋ ᠲᠠᠸᠠᠷ᠂ ᠬᠢᠴᠡ ᠮᠠᠶᠢᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠶᠡᠬᠡᠬᠡᠨ ᠢᠯᠭᠠᠭᠠ ᠲᠠᠢ ᠪᠠᠢᠵᠠᠢ᠃ ᠪᠠᠶᠠᠴᠤᠳ ᠭᠠᠳᠠᠭᠠᠳᠤ ᠣᠷᠣᠨ ᠤ᠋ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠲᠣᠷᠭᠠ ᠮᠢᠨᠳᠠᠰᠤᠨ ᠪᠠ ᠨᠣᠣᠰᠣᠨ ᠡᠳ᠋᠂ ᠠᠩ ᠤ᠋ᠨ ᠦᠨᠡᠲᠦ ᠦᠰᠦ ᠪᠡᠷ ᠬᠢᠭᠰᠡᠨ ᠬᠤᠪᠴᠠᠰᠤ ᠬᠤᠨᠠᠷ ᠬᠡᠷᠡᠭᠯᠡᠵᠦ᠂ ᠶᠠᠳᠠᠭᠤᠴᠤᠳ ᠬᠣᠨᠢ᠂ ᠢᠮᠠᠭᠠ᠂ ᠨᠣᠬᠠᠢ ᠶ᠋ᠢᠨ ᠠᠷᠠᠰᠤ᠂ ᠪᠦᠳᠦᠭᠦᠨ ᠶᠣᠷᠣᠭ᠂ ᠬᠥᠪᠥᠩ ᠡᠳ᠋᠂ ᠰᠢᠷᠦᠭᠦᠨ ᠨᠣᠣᠰᠣ᠂ ᠢᠰᠡᠭᠡᠢ ᠵᠡᠷᠭᠡ ᠪᠡᠷ ᠬᠢᠭᠰᠡᠨ ᠬᠤᠪᠴᠠᠰᠤ ᠡᠮᠦᠰᠳᠡᠭ ᠪᠠᠢᠵᠠᠢ᠃
ᠡᠢᠮᠦ ᠳ᠋ᠦ᠍ ᠡᠮᠡᠭᠲᠡᠢᠴᠦᠳ ᠦ᠋ᠨ ᠭᠠᠷ ᠤᠷᠠᠯᠠᠯ ᠤ᠋ᠨ ᠮᠠᠲ᠋ᠧᠷᠢᠶᠠᠯ ᠡᠳᠡᠭᠡᠷ ᠪᠠᠷᠠᠭᠠ ᠪᠠᠢᠵᠠᠢ᠃8 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠶ᠋ᠢᠨ ᠪᠤᠯᠠᠰᠢᠨ ᠠ᠋ᠴᠠ ᠣᠯᠳᠠᠭᠰᠠᠨ ᠳᠠᠪᠤᠤ ᠶ᠋ᠢᠨ ᠡᠳ᠋ᠯᠡᠯ ᠢ᠋ᠶ᠋ᠡᠷ ᠬᠢᠭᠰᠡᠨ ᠭᠠᠳᠠᠭᠤᠷ᠂ ᠳᠣᠲᠣᠭᠤᠷ ᠬᠤᠪᠴᠠᠰᠤᠨ ᠤ᠋ ᠣᠶᠣᠳᠠᠯ ᠢ᠋ ᠠᠵᠢᠭᠯᠠᠬᠤ ᠳ᠋ᠤ᠌ ᠵᠢᠭᠳᠡ ᠰᠠᠢᠬᠠᠨ ᠰᠢᠭᠯᠠᠨ ᠳᠣᠲᠣᠷ ᠬᠠᠵᠢᠯᠭᠠ ᠶ᠋ᠢ ᠲᠣᠪᠰᠢᠨ ᠣᠶᠣᠵᠤ ᠳᠠᠷᠤᠭᠤᠯᠵᠠᠢ᠃ ᠡᠨᠡ ᠨᠢ ᠣᠷᠴᠢᠨ ᠦᠶᠡ ᠶ᠋ᠢᠨ ᠭᠠᠷ ᠣᠶᠣᠳᠠᠯ ᠤ᠋ᠨ ᠰᠢᠭᠯᠠᠭᠠᠰᠤ ᠲᠣᠪᠰᠢᠬᠤ ᠣᠶᠣᠳᠠᠯ ᠲᠠᠢ ᠠᠳᠠᠯᠢᠬᠠᠨ ᠪᠠᠢᠭᠠ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠰᠢᠭᠯᠠᠬᠤ ᠲᠣᠪᠰᠢᠬᠤ ᠣᠶᠣᠳᠠᠯ ᠮᠣᠩᠭᠣᠯ ᠳᠡᠪᠡᠯ ᠦ᠋ᠨ ᠭᠣᠣᠯ ᠣᠶᠣᠳᠠᠯ ᠬᠡᠪ ᠢ᠋ᠶ᠋ᠡᠷ ᠪᠠᠢᠭᠰᠠᠭᠠᠷ ᠣᠷᠴᠢᠨ ᠦᠶᠡ ᠳ᠋ᠦ᠍ ᠬᠦᠷᠴᠡᠢ᠃13 ᠳ᠋ᠤᠭᠠᠷ ᠵᠠᠭᠤᠨ ᠠ᠋ᠴᠠ ᠬᠣᠵᠢᠭᠤ ᠦᠶᠡ ᠬᠦᠷᠲᠡᠯᠡ ᠮᠣᠩᠭᠣᠯ ᠳᠡᠪᠡᠯ ᠣᠳᠣᠬᠢ ᠶ᠋ᠢᠨ ᠡᠴᠡ ᠶᠡᠬᠡᠬᠡᠨ ᠥᠭᠡᠷᠡ ᠵᠠᠬᠠ ᠦᠭᠡᠢ ᠰᠢᠯᠤᠭᠤᠨ ᠵᠦᠷᠢᠭᠦᠯᠢᠭ ᠡᠩᠭᠡᠷ ᠲᠡᠢ᠂ ᠰᠣᠯᠣᠭᠠᠢ ᠲᠠᠯᠠ ᠳ᠋ᠠᠭᠠᠨ ᠰᠤᠭᠤ ᠪᠠᠨ ᠬᠦᠷᠲᠡᠯᠡ ᠣᠨᠣᠭᠣ ᠲᠠᠢ᠂ ᠪᠠᠷᠠᠭᠤᠨ ᠲᠠᠯᠠ ᠳ᠋ᠠᠭᠠᠨ ᠭᠤᠷᠪᠠ᠂ ᠵᠡᠭᠦᠨ ᠲᠠᠯᠠ ᠳ᠋ᠠᠭᠠᠨ ᠨᠢᠭᠡ ᠲᠣᠪᠴᠢ ᠰᠢᠯᠪᠢ ᠲᠡᠢ ᠪᠠᠢᠵᠠᠢ᠃ ᠡᠬᠡᠨᠡᠷ ᠬᠥᠮᠦᠨ ᠤᠷᠢᠳᠤᠭᠤᠷ ᠢ᠋ᠶ᠋ᠠᠨ ᠵᠠᠳᠠᠭᠠᠢ ᠥᠷᠭᠡᠨ ᠨᠥᠮᠥᠷᠭᠡ ᠨᠥᠮᠥᠷᠴᠦ《ᠪᠣᠭᠳᠣᠭ》 ᠭᠡᠳᠡᠭ ᠥᠨᠳᠥᠷ ᠮᠠᠯᠠᠭᠠᠢ ᠡᠮᠦᠰᠴᠦ ᠪᠠᠢᠵᠠᠢ᠃
13—14 ᠳ᠋ᠦ᠍ᠭᠡᠷ ᠵᠠᠭᠤᠨ ᠤ᠋ ᠦᠶᠡ ᠳ᠋ᠦ᠍ ᠮᠣᠩᠭᠣᠯ ᠳ᠋ᠤ᠌ ᠤᠷᠠᠨ ᠪᠠᠷᠢᠯᠭᠠ᠂ ᠠᠯᠲᠠ ᠮᠥᠩᠭᠥᠨ ᠦ᠌ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠳᠠᠷᠬᠠᠨ ᠲᠠᠢ ᠪᠠᠢᠵᠠᠢ᠃ ᠴᠢᠩᠭᠢᠰ ᠦ᠋ᠨ ᠦᠶᠡ ᠶ᠋ᠢᠨ ᠨᠡᠢᠰᠯᠡᠯ ᠬᠠᠷᠠ ᠬᠣᠷᠣᠮ ᠬᠣᠲᠠᠨ ᠤ᠋ ᠪᠠᠷᠢᠯᠭᠠ ᠲᠡᠭᠦᠨ ᠦ᠌ ᠨᠢᠭᠡᠨ ᠳ᠋ᠦ᠍ ᠲᠣᠭᠠᠴᠢᠭᠳᠠᠳᠠᠭ᠃14—18 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠶ᠋ᠢᠨ ᠮᠣᠩᠭᠣᠯ ᠣᠷᠣᠨ᠂ ᠹᠧᠣᠳᠠᠯ ᠤ᠋ᠨ ᠦᠢᠯᠡᠳᠪᠦᠷᠢᠯᠡᠯ ᠦ᠋ᠨ ᠠᠷᠭᠠ ᠶ᠋ᠢᠨ ᠲᠣᠳᠣᠷᠬᠠᠢ ᠱᠠᠲᠤᠨ ᠳ᠋ᠤ᠌ ᠬᠦᠷᠴᠦ ᠪᠡᠶᠡ ᠪᠡᠨ ᠳᠠᠭᠠᠭᠠᠬᠤ ᠶ᠋ᠢ ᠡᠷᠡᠮᠡᠯᠵᠡᠯᠡᠨ ᠹᠧᠣᠳᠠᠯ ᠤ᠋ᠨ ᠣᠯᠠᠨ ᠲᠣᠭᠠᠨ ᠤ᠋ ᠡᠵᠡᠮᠰᠢᠯ ᠪᠣᠯᠤᠨ ᠪᠤᠲᠠᠷᠠᠵᠠᠢ᠃ ᠡᠨᠡ ᠪᠤᠲᠠᠷᠠᠯ1 ᠳ᠋ᠦ᠍ᠭᠡᠷ ᠵᠠᠭᠤᠨ ᠠ᠋ᠴᠠ ᠡᠬᠢᠯᠡᠨ300 ᠣᠷᠴᠢᠮ ᠵᠢᠯ ᠦᠷᠭᠦᠯᠵᠢᠯᠡᠭᠰᠡᠨ ᠪᠥᠭᠡᠳ ᠮᠠᠨᠵᠤ ᠶ᠋ᠢᠨ ᠳᠠᠷᠤᠯᠠᠯ ᠳ᠋ᠤ᠌ ᠣᠷᠣᠬᠤ ᠰᠢᠯᠲᠠᠭᠠᠨ ᠪᠣᠯᠵᠠᠢ᠃ ᠡᠨᠡ ᠦᠶᠡ ᠳ᠋ᠦ᠍ ᠳᠣᠷᠣᠨᠠ ᠵᠦᠭ ᠲᠤ ᠬᠢᠩᠭᠠᠨ ᠠᠭᠤᠯᠠᠰ᠂ ᠥᠷᠥᠨᠡ ᠵᠦᠭ ᠲᠦ᠍ ᠲᠩᠷᠢ ᠠᠭᠤᠯᠠ᠂ ᠤᠮᠠᠷᠠ ᠵᠦᠭ ᠲᠤ ᠡᠷᠴᠢᠰ᠂ ᠶᠧᠨᠢᠰᠧᠢ ᠶ᠋ᠢᠨ ᠡᠬᠢ᠂ ᠡᠮᠦᠨᠡ ᠵᠦᠭ ᠲᠤ ᠬᠢᠲᠠᠳ ᠤ᠋ᠨ ᠴᠠᠭᠠᠨ ᠬᠡᠷᠡᠮ ᠬᠦᠷᠲᠡᠯᠡ ᠠᠭᠤᠳᠠᠮ ᠨᠤᠲᠤᠭ ᠲᠠᠢ ᠨᠡᠭᠦᠳᠡᠯ ᠦ᠋ᠨ ᠮᠠᠯ ᠠᠵᠤ ᠠᠬᠤᠢ ᠡᠷᠬᠢᠯᠡᠭᠰᠡᠨ ᠬᠡᠪ ᠢ᠋ᠶ᠋ᠡᠷ ᠪᠠᠢᠵᠠᠢ᠃ ᠰᠣᠶᠣᠯ ᠤ᠋ᠨ ᠲᠠᠯᠠ ᠪᠠᠷ ᠶᠡᠬᠡᠬᠡᠨ ᠬᠥᠭᠵᠢᠵᠦ᠂ ᠮᠠᠯ ᠮᠠᠯᠯᠠᠬᠤ ᠶ᠋ᠢᠨ ᠬᠠᠵᠠᠭᠤ ᠪᠠᠷ ᠠᠩ ᠬᠢᠬᠦ ᠠᠵᠢᠯ ᠳ᠋ᠤ᠌ ᠲᠤᠢᠯ ᠤ᠋ᠨ ᠲᠠᠲᠣᠭᠠᠯᠵᠢᠬᠰᠠᠨ ᠤᠯᠤᠰ ᠪᠠᠢᠵᠠᠢ᠃
16 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠶ᠋ᠢᠨ ᠨᠢᠭᠡᠨ ᠰᠤᠷᠪᠤᠯᠵᠢᠲᠤ ᠪᠢᠴᠢᠭ ᠲᠤ ᠮᠣᠩᠭᠣᠯᠴᠤᠳ ᠥᠷᠯᠥᠭᠡ ᠭᠠᠷᠤᠭᠠᠳ ᠣᠷᠣᠢ ᠢᠷᠡᠵᠦ ᠠᠩ ᠤ᠋ᠨ ᠢ᠋ᠶ᠋ᠠᠨ ᠮᠢᠬᠠ ᠶ᠋ᠢ ᠬᠦᠨᠡᠰᠦᠨ ᠳ᠋ᠦ᠍ ᠬᠡᠷᠡᠭᠯᠡᠵᠦ᠂ ᠠᠷᠠᠰᠤ ᠪᠠᠷ ᠨᠢ ᠬᠥᠨᠵᠢᠯᠡ ᠬᠤᠴᠢᠯᠭᠠ ᠬᠢᠳᠡᠭ ᠭᠡᠵᠦ ᠪᠢᠴᠢᠭᠰᠡᠨ ᠪᠠᠢᠳᠠᠭ ᠲᠤᠬᠠᠢ《ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠮᠣᠩᠭᠣᠯ ᠠᠷᠠᠳ ᠤᠯᠤᠰ ᠤ᠋ᠨ ᠲᠡᠦᠬᠡ》 ᠶ᠋ᠢᠨ1984 ᠣᠨ ᠤ᠋ ᠬᠡᠪᠯᠡᠯ ᠦ᠋ᠨ19 ᠳ᠋ᠦ᠍ᠭᠡᠷ ᠲᠠᠯᠠ ᠳ᠋ᠤ᠌ ᠳᠤᠷᠠᠳᠤᠭᠰᠠᠨ ᠪᠠᠢᠨᠠ᠃ ᠡᠭᠦᠨ ᠡᠴᠡ ᠦᠵᠡᠬᠦ ᠳ᠋ᠦ᠍ ᠮᠣᠩᠭᠣᠯ ᠤ᠋ᠨ ᠡᠮᠡᠭᠲᠡᠢᠴᠦᠳ ᠦ᠋ᠨ ᠣᠶᠣᠳᠠᠯ ᠦᠢᠯᠡ ᠭᠡᠷ ᠦ᠋ᠨ ᠮᠠᠯ ᠤ᠋ᠨ ᠠᠷᠠᠰᠤ ᠰᠢᠷᠢ᠂ ᠨᠣᠣᠰᠣ ᠦᠰᠦᠨ ᠡᠴᠡ ᠭᠠᠳᠠᠨᠠ ᠠᠩ ᠤ᠋ᠨ ᠠᠷᠠᠰᠤ᠂ ᠦᠨᠡᠲᠦ ᠦᠰᠦᠯᠢᠭ ᠠᠩ ᠤ᠋ᠨ ᠠᠷᠠᠰᠤ ᠣᠶᠣᠬᠤ ᠳ᠋ᠤ᠌ ᠵᠣᠷᠢᠭᠤᠯᠤᠭᠳᠠᠵᠤ ᠪᠠᠢᠵᠠᠢ᠃
ᠮᠣᠩᠭᠣᠯ ᠤ᠋ᠨ ᠭᠠᠷ ᠤᠷᠠᠯᠠᠯ᠂ ᠲᠡᠭᠦᠨᠴᠢᠯᠡᠨ ᠡᠮᠡᠭᠲᠡᠢᠴᠦᠳ ᠦ᠋ᠨ ᠤᠷᠠᠨ ᠦᠢᠯᠡᠰ ᠦ᠋ᠨ ᠤᠭ ᠰᠤᠷᠪᠤᠯᠵᠢ ᠶ᠋ᠢ ᠰᠤᠳᠤᠯᠬᠤ ᠳ᠋ᠤ᠌ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠦ᠋ᠨ ᠡᠷᠲᠡᠨ ᠦ᠌ ᠤᠯᠠᠮᠵᠢᠯᠠᠯ ᠤᠭᠰᠠᠭᠠᠲᠠᠨ ᠤ᠋ ᠵᠦᠢ ᠶ᠋ᠢ ᠰᠤᠳᠤᠯᠬᠤ ᠶᠣᠰᠣᠲᠠᠢ᠃15—16 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ᠌ ᠬᠤᠪᠴᠠᠰᠤᠨ ᠳ᠋ᠤ᠌ ᠣᠨᠴᠠ ᠥᠭᠡᠷᠡᠴᠢᠯᠡᠯᠲᠡ ᠭᠠᠷᠤᠭᠰᠠᠨ ᠦᠭᠡᠢ᠃
ᠵᠥᠪᠬᠡᠨ ᠴᠢᠩᠭᠢᠰ ᠦ᠋ᠨ ᠦᠶᠡ ᠡᠴᠡ ᠡᠬᠢᠯᠡᠨ ᠴᠡᠷᠢᠭ ᠲᠡᠢᠨ ᠦ᠌ ᠬᠤᠪᠴᠠᠰᠤ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠵᠤ ᠴᠡᠷᠢᠭ ᠦ᠋ᠨ ᠳᠠᠷᠤᠭᠠ ᠨᠠᠷ ᠤ᠋ᠨ ᠬᠤᠪᠴᠠᠰᠤ ᠦᠨᠡᠲᠦ ᠬᠣᠷᠭᠣᠢ ᠲᠣᠷᠭᠠ ᠪᠠᠷ ᠬᠢᠵᠦ ᠡᠷᠭᠢᠨ ᠲᠣᠭᠣᠷᠢᠨ ᠭᠠᠤᠯᠢᠨ ᠬᠠᠳᠠᠭᠠᠰᠤ ᠰᠢᠭᠢᠳᠬᠡᠵᠦ ᠴᠢᠮᠡᠬᠦ ᠪᠠ ᠱᠣᠪᠣᠭᠣᠷ ᠣᠷᠣᠢ ᠲᠠᠢ ᠲᠡᠮᠦᠷ ᠴᠢᠮᠡᠭ ᠲᠡᠢ ᠳᠤᠭᠤᠯᠠᠭᠠ ᠡᠮᠦᠰᠬᠦ᠂ ᠡᠩ ᠦ᠋ᠨ ᠴᠡᠷᠢᠭ ᠤᠷᠢᠳᠤᠭᠤᠷ ᠢ᠋ᠶ᠋ᠠᠨ ᠬᠠᠭᠠᠷᠬᠠᠢ᠂ ᠳᠠᠪᠤᠤ ᠪᠠᠷ ᠬᠣᠣᠰᠯᠠᠨ ᠡᠮᠵᠢᠭᠰᠡᠨ ᠪᠣᠭᠣᠨᠢ ᠳᠡᠪᠡᠯ᠂ ᠴᠡᠭᠡᠵᠢ ᠪᠡᠷ ᠢ᠋ᠶ᠋ᠡᠨ ᠭᠣᠶᠣᠮᠰᠣᠭ ᠳᠠᠪᠤᠤ ᠶ᠋ᠢᠨ ᠬᠤᠪᠴᠠᠰᠤ᠂ ᠣᠷᠣᠢ ᠳᠡᠭᠡᠷᠡ ᠪᠡᠨ ᠦᠰᠦᠨ ᠴᠠᠴᠤᠭ᠂ ᠲᠡᠮᠦᠷ ᠰᠠᠮᠪᠠᠨ ᠲᠠᠢ ᠳᠤᠭᠤᠯᠠᠭᠠ ᠡᠮᠦᠰᠬᠦ᠂ ᠪᠦᠬᠦ ᠴᠡᠷᠢᠭ ᠳᠠᠷᠤᠭᠠ ᠨᠠᠷ ᠪᠡᠶᠡ ᠬᠠᠮᠠᠭᠠᠯᠠᠬᠤ ᠲᠣᠣᠷ ᠤ᠋ᠨ ᠬᠤᠶᠠᠭ ᠡᠮᠦᠰᠦᠨᠡ᠃ ᠭᠤᠲᠤᠯ ᠤ᠋ᠨ ᠬᠡᠯᠪᠡᠷᠢ ᠬᠡᠳᠦ ᠡᠭᠡᠳᠡᠨ ᠪᠢᠰᠢ ᠱᠣᠪᠣᠭᠣᠷᠳᠠᠭᠤ ᠬᠣᠰᠢᠭᠤ ᠲᠠᠢ᠂ ᠰᠢᠷᠢ ᠳᠣᠲᠣᠷ ᠬᠣᠶᠠᠷ ᠤ᠋ᠨ ᠬᠣᠭᠣᠷᠣᠨᠳᠣ ᠲᠡᠮᠦᠷ ᠢᠯᠲᠠᠰᠤ ᠵᠠᠢ ᠦᠭᠡᠢ ᠴᠢᠭᠵᠢᠭᠰᠡᠨ ᠭᠤᠲᠤᠯ ᠡᠮᠦᠰᠳᠡᠭ ᠪᠠᠢᠵᠠᠢ᠃
16 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠬᠣᠶᠠᠳᠤᠭᠠᠷ ᠬᠠᠭᠠᠰ ᠠ᠋ᠴᠠ ᠮᠣᠩᠭᠣᠯ ᠤ᠋ᠨ ᠰᠣᠶᠣᠯ ᠤ᠋ᠨ ᠢᠳᠡᠪᠬᠢᠵᠢᠯ ᠦ᠋ᠨ ᠦᠶᠡ ᠡᠬᠢᠯᠡᠵᠡᠢ᠃ ᠭᠡᠪᠡᠴᠦ ᠤᠷᠠᠯᠢᠭ᠂ ᠤᠳᠬᠠ ᠵᠣᠬᠢᠶᠠᠯ᠂ ᠤᠷᠠᠨ ᠪᠠᠷᠢᠯᠭᠠ ᠨᠡᠯᠢᠶᠡᠳ ᠬᠥᠭᠵᠢᠵᠦ ᠠᠷᠠᠳ ᠤ᠋ᠨ ᠭᠠᠷ ᠤᠷᠠᠯᠠᠯ ᠤ᠋ᠨ ᠲᠠᠯᠠ ᠪᠠᠷ ᠬᠣᠮᠰᠠ ᠪᠣᠯᠪᠠᠴᠤ ᠭᠠᠷ ᠤᠷᠠᠯᠠᠯ᠂ ᠤᠷᠠᠨ ᠦᠢᠯᠡ ᠲᠠᠰᠤᠷᠠᠯᠲᠠ ᠦᠭᠡᠢ ᠦᠶᠡ ᠱᠠᠲᠤ ᠲᠠᠢ ᠬᠥᠭᠵᠢᠵᠦ ᠢᠷᠡᠭᠰᠡᠨ ᠢ᠋ ᠨᠤᠲᠠᠯᠠᠬᠤ ᠪᠠᠷᠢᠮᠲᠠ ᠣᠯᠠᠨ ᠪᠠᠢᠨᠠ᠃16 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠡᠴᠦᠰ ᠡᠴᠡ ᠮᠣᠩᠭᠣᠯ ᠤ᠋ᠨ ᠤᠷᠠᠯᠢᠭ ᠱᠠᠰᠢᠨ ᠤ᠋ ᠨᠥᠯᠦᠭᠡᠨ ᠳ᠋ᠦ᠍ ᠠᠪᠲᠠᠭᠳᠠᠵᠤ ᠭᠡᠷ ᠦ᠋ᠨ ᠭᠠᠷ ᠤᠷᠠᠯᠠᠯ ᠢ᠋ ᠬᠡᠷᠡᠭᠯᠡᠬᠦ ᠣᠯᠠᠨ ᠮᠠᠯᠴᠢᠳ ᠤ᠋ᠨ ᠵᠡᠷᠭᠡᠴᠡᠭᠡ ᠪᠡᠷ ᠰᠦᠮᠡ ᠬᠡᠢᠳ ᠱᠠᠰᠢᠨ ᠤ᠋ ᠠᠫᠫᠠᠷᠠᠲ ᠤ᠋ᠨ ᠵᠠᠬᠢᠶᠠᠯᠠᠭᠠ ᠶᠡᠬᠡ ᠬᠡᠮᠵᠢᠶᠡ ᠪᠡᠷ ᠨᠡᠮᠡᠭᠳᠡᠵᠦ᠂ ᠡᠮᠡᠭᠲᠡᠢᠴᠦᠳ ᠦ᠋ᠨ ᠭᠠᠷ ᠤᠷᠠᠯᠠᠯ ᠤ᠋ᠨ ᠰᠢᠯᠢᠳᠡᠭ ᠪᠦᠲᠦᠭᠡᠯ ᠦ᠋ᠳ ᠨᠣᠶᠠᠯᠠᠭᠴᠢ ᠠᠩᠭᠢ ᠶ᠋ᠢᠨ ᠭᠠᠷ ᠲᠤ᠌ ᠰᠢᠯᠵᠢᠵᠦ ᠪᠠᠢᠵᠠᠢ᠃
ᠲᠤᠬᠠᠢ ᠶ᠋ᠢᠨ ᠦᠶᠡ ᠳ᠋ᠦ᠍ ᠭᠠᠳᠠᠨᠠ ᠠ᠋ᠴᠠ ᠨᠡᠪᠲᠡᠷᠡᠭᠰᠡᠨ ᠱᠠᠰᠢᠨ ᠤ᠋ ᠨᠥᠯᠥᠭᠡ ᠪᠡᠷ ᠡᠨᠡᠳᠬᠡᠭ᠂ ᠲᠥᠪᠡᠳ ᠮᠠᠶᠢᠭ ᠤ᠋ᠨ ᠤᠷᠠᠯᠢᠭ ᠨᠡᠪᠲᠡᠷᠡᠵᠦ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠦᠨᠳᠦᠰᠦᠲᠡᠨ ᠦ᠌ ᠳᠠᠪᠲᠠᠭᠳᠠᠰᠢ ᠦᠭᠡᠢ ᠥᠪᠡᠷᠮᠢᠴᠡ ᠰᠢᠨᠵᠢ ᠴᠢᠨᠠᠷ ᠢ᠋ ᠬᠠᠳᠠᠭᠠᠯᠠᠭᠰᠠᠨ ᠨᠡᠭᠦᠳᠡᠯ ᠦ᠋ᠨ ᠠᠵᠤ ᠠᠮᠢᠳᠤᠷᠠᠯ ᠤ᠋ᠨ ᠨᠥᠬᠥᠴᠡᠯ ᠳ᠋ᠦ᠍ ᠳᠡᠭᠡᠳᠦ ᠵᠡᠷᠭᠡ ᠪᠡᠷ ᠲᠣᠬᠢᠷᠠᠭᠰᠠᠨ ᠭᠤᠸᠠ ᠵᠦᠢ᠂ ᠥᠩᠭᠡ ᠦᠵᠡᠮᠵᠢ᠂ ᠬᠡ᠂ ᠭᠡᠷᠡᠯ᠂ ᠭᠡᠭᠡ᠂ ᠬᠥᠳᠡᠯᠭᠡᠭᠡᠨ ᠢ᠋ ᠳᠤᠰᠬᠠᠨ ᠬᠠᠷᠠᠭᠤᠯᠤᠭᠰᠠᠨ ᠡᠩ ᠦ᠋ᠨ ᠮᠥᠷᠲᠡᠭᠡᠨ ᠤᠷᠠ ᠴᠢᠮᠡᠭ ᠰᠠᠢᠲᠠᠢ ᠤᠷᠠᠯᠢᠭ ᠬᠥᠭᠵᠢᠵᠦ ᠪᠠᠢᠵᠠᠢ᠃
ᠭᠡᠪᠡᠴᠦ ᠠᠷᠠᠳ ᠤ᠋ᠨ ᠭᠠᠷ ᠤᠷᠠᠯᠠᠯ ᠤ᠋ᠨ ᠦᠨᠳᠦᠰᠦᠲᠡᠨ ᠦ᠌ ᠥᠪᠡᠷᠮᠢᠴᠡ ᠰᠢᠨᠵᠢ ᠴᠢᠨᠠᠷ ᠢ᠋ ᠪᠤᠳ᠋ᠳ᠋ᠾᠠ ᠶ᠋ᠢᠨ ᠱᠠᠰᠢᠨ ᠤ᠋ ᠤᠷᠠᠯᠢᠭ ᠲᠤ᠌ ᠨᠡᠢᠲᠡᠯᠢᠭ ᠪᠠᠢᠳᠠᠭ ᠲᠡᠷᠡ ᠰᠢᠨᠵᠢ ᠴᠢᠨᠠᠷ ᠤᠷᠤᠭᠤ ᠶᠡᠬᠡᠬᠡᠨ ᠬᠠᠨᠳᠤᠭᠤᠯᠵᠤ ᠤᠳᠬᠠ ᠴᠢᠨᠠᠷ ᠢ᠋ ᠠᠯᠳᠠᠭᠳᠠᠭᠤᠯᠵᠤ ᠪᠠᠢᠭᠰᠠᠨ ᠤᠳᠠᠭᠠ ᠪᠣᠢ᠃
16—19 ᠳ᠋ᠦ᠍ᠭᠡᠷ ᠵᠠᠭᠤᠨ ᠤ᠋ ᠦᠶᠡ ᠳ᠋ᠦ᠍ ᠪᠦᠲᠦᠭᠡᠭᠰᠡᠨ ᠵᠡᠭᠡᠭᠲᠦ ᠨᠠᠭᠠᠮᠠᠯ᠂ ᠬᠠᠳᠬᠤᠮᠠᠯ᠂ ᠦᠨᠡᠲᠦ ᠡᠷᠳᠡᠨᠢᠰ ᠦ᠋ᠨ ᠵᠦᠢᠯ ᠢ᠋ ᠰᠢᠭᠢᠳᠬᠡᠵᠦ ᠴᠢᠮᠡᠭᠰᠡᠨ ᠲᠣᠷᠭᠠ ᠪᠠ ᠬᠢᠯᠭᠠᠰᠤᠨ ᠡᠳ᠋᠂ ᠡᠯᠳᠡᠪ ᠦᠨᠡᠲᠦ ᠬᠣᠷᠭᠣᠢ ᠰᠠ ᠪᠠᠷ ᠪᠦᠲᠦᠭᠡᠭᠰᠡᠨ ᠣᠯᠠᠨ ᠶᠠᠩᠵᠤ ᠶ᠋ᠢᠨ ᠬᠢᠴᠡ ᠶ᠋ᠢᠨ ᠪᠤᠷᠬᠠᠨ ᠤ᠋ ᠬᠥᠷᠥᠭ ᠦ᠋ᠳ ᠦ᠋ᠨ ᠰᠢᠷᠬᠡᠭ ᠤᠲᠠᠰᠤ ᠪᠦᠷᠢ ᠶ᠋ᠢ ᠤᠷᠠ ᠤᠬᠠᠭᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠣᠳᠣᠷᠠᠭᠤᠯᠤᠨ ᠪᠦᠲᠦᠭᠡᠭᠰᠡᠨ ᠮᠣᠩᠭᠣᠯ ᠤ᠋ᠨ ᠡᠮᠡᠭᠲᠡᠢᠴᠦᠳ ᠦ᠋ᠨ ᠭᠠᠷ ᠤᠷᠠᠯᠠᠯ ᠲᠡᠢᠨ ᠰᠠᠮᠠᠭᠤᠨ ᠤ᠋ ᠦᠶᠡ ᠳ᠋ᠦ᠍ ᠤᠰᠠᠳᠬᠠᠭᠳᠠᠵᠤ ᠬᠠᠷᠢ ᠶ᠋ᠢᠨ ᠬᠥᠮᠦᠨ ᠦ᠌ ᠭᠠᠷ ᠲᠤ᠌ ᠣᠷᠣᠵᠤ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠤᠭ ᠠ᠋ᠴᠠ ᠠᠷᠠᠳ ᠤ᠋ᠨ ᠭᠠᠷ ᠤᠷᠠᠯᠠᠯ ᠤ᠋ᠨ ᠰᠠᠩ ᠰᠢᠪᠬᠠᠭᠳᠠᠰᠢ ᠦᠭᠡᠢ ᠣᠨᠳᠣᠷᠴᠤ ᠪᠠᠢᠳᠠᠭ ᠪᠣᠯᠬᠣᠷ ᠮᠠᠨ ᠤ᠋ ᠲᠡᠦᠬᠡ ᠦᠵᠡᠮᠦᠷᠢ ᠳ᠋ᠦ᠍ ᠵᠣᠬᠢᠬᠤ ᠬᠡᠮᠵᠢᠶᠡ ᠪᠡᠷ ᠬᠠᠳᠠᠭᠠᠯᠠᠭᠳᠠᠨ ᠦᠯᠡᠳᠡᠵᠡᠢ᠃
18—19 ᠳ᠋ᠦ᠍ᠭᠡᠷ ᠵᠠᠭᠤᠨ ᠤ᠋ ᠦᠶᠡ ᠶ᠋ᠢᠨ ᠭᠠᠷ ᠤᠷᠠᠯᠠᠯ ᠡᠨᠡ ᠦᠶᠡ ᠶ᠋ᠢᠨ ᠮᠣᠩᠭᠣᠯ ᠣᠷᠣᠨ ᠳ᠋ᠤ᠌ ᠱᠠᠰᠢᠨ ᠤ᠋ ᠨᠣᠮᠯᠠᠯ ᠭᠦᠨᠵᠡᠭᠡᠢ ᠨᠡᠪᠲᠡᠷᠡᠵᠦ ᠠᠷᠠᠳ ᠲᠦᠮᠡᠨ ᠦ᠌ ᠣᠶᠤᠨ ᠤ᠋ ᠰᠣᠶᠣᠯ ᠢ᠋ ᠪᠦᠬᠦᠯᠢ ᠳ᠋ᠦ᠍ᠨᠢ ᠬᠥᠨᠥᠭᠡᠵᠦ ᠪᠠᠢᠵᠠᠢ᠃ ᠨᠥᠭᠦᠭᠡ ᠲᠠᠯᠠ ᠪᠠᠷ ᠮᠠᠨᠵᠤ ᠶ᠋ᠢᠨ ᠲᠦᠷᠢᠮᠡᠬᠡᠢᠯᠡᠯ ᠦ᠋ᠨ ᠭᠠᠮᠰᠢᠭ ᠲᠤ᠌ ᠨᠡᠷᠪᠡᠭᠳᠡᠨ ᠰᠣᠶᠣᠯᠲᠤ ᠶᠢᠷᠲᠢᠨᠴᠦ ᠡᠴᠡ ᠲᠤᠰᠠᠭᠠᠷᠯᠠᠭᠳᠠᠭᠰᠠᠨ ᠣᠷᠣᠨ ᠪᠠᠢᠵᠠᠢ᠃ ᠡᠨᠡ ᠲᠤᠬᠠᠢ ᠹ· ᠡᠩᠭᠧᠯᠰ ᠬᠡᠯᠡᠬᠦ ᠳ᠋ᠡᠭᠡᠨ᠄《ᠣᠶᠤᠨ ᠤᠬᠠᠭᠠᠨ ᠤ᠋ ᠦᠢᠯᠡ ᠠᠵᠢᠯᠯᠠᠭᠠᠨ ᠤ᠋ ᠪᠦᠬᠦ ᠰᠠᠯᠪᠤᠷᠢ ᠳ᠋ᠤ᠌ ᠪᠤᠷᠬᠠᠨ ᠤ᠋ ᠨᠣᠮᠯᠠᠯ ᠤ᠋ᠨ ᠳᠡᠭᠡᠳᠦ ᠬᠡᠮᠵᠢᠶᠡᠨ ᠦ᠌ ᠨᠣᠶᠠᠷᠬᠠᠯ ᠲᠣᠭᠲᠠᠨᠢᠵᠤ ᠪᠠᠢᠭᠰᠠᠨ ᠪᠥᠭᠡᠳ ᠪᠣᠯᠪᠠᠰᠤᠷᠠᠯ ᠨᠢ ᠶᠡᠬᠡᠪᠴᠢᠯᠡᠨ ᠪᠤᠷᠬᠠᠨ ᠤ᠋ ᠨᠣᠮᠯᠠᠯ ᠤ᠋ᠨ ᠰᠢᠨᠵᠢ ᠲᠥᠯᠥᠪᠲᠡᠢ ᠪᠣᠯᠤᠭᠰᠠᠨ》 ᠭᠡᠵᠦ ᠪᠢᠴᠢᠵᠡᠢ(《ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠮᠣᠩᠭᠣᠯ ᠠᠷᠠᠳ ᠤᠯᠤᠰ ᠤ᠋ᠨ ᠲᠡᠦᠬᠡ》᠂1984᠂281ᠳᠠᠬᠢ ᠲᠠᠯᠠ)᠃
ᠲᠤᠰ ᠤᠯᠤᠰ ᠤ᠋ᠨ ᠡᠳ᠋ ᠦ᠋ᠨ ᠵᠠᠰᠠᠭ ᠨᠡᠭᠦᠳᠡᠯ ᠦ᠋ᠨ ᠮᠠᠯ ᠠᠵᠤ ᠠᠬᠤᠢ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠭᠰᠠᠨ ᠠ᠋ᠴᠠ ᠬᠥᠮᠦᠰ ᠦ᠋ᠨ ᠡᠮᠦᠰᠴᠦ ᠵᠡᠭᠦᠬᠦ᠂ ᠭᠡᠷ ᠣᠷᠣᠨ ᠤ᠋ ᠬᠣᠭᠰᠢᠯ ᠤᠷᠢᠳᠤ ᠠ᠋ᠴᠠ ᠣᠨᠴᠣᠭᠣᠢ ᠥᠭᠡᠷᠡᠴᠢᠯᠡᠭᠳᠡᠭᠰᠡᠨ ᠵᠦᠢᠯ ᠦᠭᠡᠢ ᠪᠠᠢᠵᠠᠢ᠃ ᠬᠡᠳᠦᠢᠪᠡᠷ ᠱᠠᠰᠢᠨ ᠤ᠋ ᠨᠣᠮᠯᠠᠯ ᠨᠣᠶᠠᠷᠬᠠᠵᠤ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠤᠷᠠᠯᠢᠭ ᠤᠳᠬᠠ ᠵᠣᠬᠢᠶᠠᠯ ᠨᠡᠯᠢᠶᠡᠳ ᠬᠥᠭᠵᠢᠵᠦ17 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠡᠬᠢ ᠪᠡᠷ ᠭᠠᠨᠵᠤᠤᠷ ᠳ᠋ᠠᠨᠵᠤᠤᠷ ᠢ᠋ ᠡᠬᠡ ᠬᠡᠯᠡᠨᠡ ᠣᠷᠴᠢᠭᠤᠯᠵᠤ ᠳᠠᠭᠤᠰᠬᠠᠵᠠᠢ᠃ ᠠᠷᠠᠳ ᠤ᠋ᠨ ᠭᠠᠷ ᠤᠷᠠᠯᠠᠯ ᠳ᠋ᠤ᠌ ᠭᠤᠶᠤᠵᠤ ᠴᠢᠮᠡᠬᠦ ᠤᠷᠠᠯᠢᠭ ᠶᠡᠬᠡᠳᠡ ᠬᠥᠭᠵᠢᠵᠦ ᠢᠯᠠᠩᠭᠤᠶᠠ ᠮᠣᠷᠢᠨ ᠤ᠋ ᠲᠣᠨᠣᠭ ᠬᠡᠷᠡᠭᠰᠡᠯ ᠢ᠋ ᠶᠡᠬᠡᠬᠡᠨ ᠭᠣᠶᠣᠳᠠᠭ ᠪᠠᠢᠵᠠᠢ᠃ ᠲᠡᠷᠡ ᠦᠶᠡ ᠳ᠋ᠦ᠍ ᠮᠠᠨ ᠤ᠋ ᠣᠷᠣᠨ ᠢ᠋ᠶ᠋ᠠᠷ ᠶᠠᠪᠤᠵᠤ ᠪᠠᠢᠭᠰᠠᠨ ᠣᠷᠣᠰ ᠤ᠋ᠨ ᠵᠢᠭᠤᠯᠴᠢᠨ ᠫ᠂᠂ ᠺ ᠺᠤᠽᠯᠤᠧ ᠮᠣᠷᠢᠨ ᠤ᠋ ᠲᠣᠨᠣᠭ ᠬᠡᠷᠡᠭᠰᠡᠯ ᠦ᠋ᠨ ᠭᠣᠶᠣᠯᠠᠯ ᠢ᠋ ᠶᠡᠬᠡᠳᠡ ᠭᠠᠢᠬᠠᠨ ᠥᠭᠦᠯᠡᠬᠦ ᠳ᠋ᠡᠭᠡᠨ᠄ ᠮᠣᠩᠭᠣᠯᠴᠤᠳ ᠣᠮᠣᠭᠯᠠᠩ ᠵᠢᠷᠣᠭᠠ ᠮᠣᠷᠢ᠂ ᠡᠮᠡᠭᠡᠯ ᠦ᠋ᠨ ᠭᠣᠶᠣᠯ ᠴᠢᠮᠡᠭᠯᠡᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠡᠶᠡ ᠪᠡᠶᠡ ᠳ᠋ᠡᠭᠡᠨ ᠭᠠᠢᠬᠠᠭᠤᠯᠤᠨ ᠳᠡᠭᠵᠢᠷᠡᠬᠦ ᠶ᠋ᠢ ᠬᠢᠴᠢᠶᠡᠨᠡ᠃ ᠠᠯᠲᠠ᠂ ᠮᠥᠩᠭᠥ᠂ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ᠂ ᠨᠣᠣᠰᠣᠨ ᠪᠠ ᠲᠣᠷᠭᠠᠨ ᠡᠳ᠋ᠯᠡᠯ ᠨᠡᠭᠦᠳᠡᠯᠴᠢᠳ ᠦ᠋ᠨ ᠭᠣᠶᠣᠯ ᠳ᠋ᠤ᠌ ᠶᠡᠬᠡ ᠡᠭᠦᠷᠭᠡ ᠶ᠋ᠢ ᠭᠦᠢᠴᠡᠳᠬᠡᠨᠡ ᠭᠡᠵᠦ ᠪᠢᠴᠢᠵᠡᠢ᠃ ᠲᠡᠭᠦᠨᠴᠢᠯᠡᠨ ᠮᠣᠩᠭᠣᠯᠴᠤᠳ ᠤ᠋ᠨ ᠳᠤᠮᠳᠠ ᠤᠷᠠᠨ ᠭᠠᠷᠳᠠᠨ ᠣᠯᠠᠨ ᠪᠠᠢᠳᠠᠭ ᠢ᠋ ᠪᠠᠬᠠᠷᠬᠠᠨ ᠳᠤᠷᠠᠳᠤᠭᠰᠠᠨ ᠪᠠᠢᠳᠠᠭ᠃ ᠮᠣᠩᠭᠣᠯ ᠤ᠋ᠨ ᠠᠷᠠᠳ ᠤ᠋ᠨ ᠤᠷᠠᠯᠢᠭ ᠭᠡᠷ ᠠᠬᠤᠢ ᠶ᠋ᠢᠨ ᠡᠳ᠋ ᠬᠣᠭᠰᠢᠯ ᠳ᠋ᠤ᠌ ᠲᠣᠳᠣ ᠢᠯᠡᠷᠡᠳᠡᠭ ᠪᠥᠭᠡᠳ ᠤᠷᠠᠯᠢᠭ ᠤ᠋ᠨ ᠭᠤᠸᠠ ᠵᠦᠢ ᠶ᠋ᠢ ᠲᠡᠳᠡ ᠥᠪᠡᠷᠰᠡᠳ ᠦ᠋ᠨ ᠰᠡᠳᠬᠢᠯ ᠣᠶᠤᠨ ᠤ᠋ ᠭᠤᠸᠠ ᠵᠦᠢ ᠶ᠋ᠢᠨ ᠡᠭᠦᠳᠡᠨ ᠡᠴᠡ ᠬᠦᠰᠡᠭᠰᠡᠨ ᠪᠦᠬᠦᠨ ᠢ᠋ᠶ᠋ᠡᠨ ᠴᠢᠯᠥᠭᠡᠲᠡᠢ ᠢᠷᠠᠭᠤ ᠲᠣᠳᠣ ᠪᠠᠷ ᠲᠤᠰᠬᠠᠨ ᠬᠠᠷᠠᠭᠤᠯᠬᠤ ᠪᠥᠭᠡᠳ ᠮᠠᠯ ᠤ᠋ᠨ ᠠᠷᠠᠰᠤ ᠨᠡᠬᠡᠢ᠂ ᠢᠰᠡᠭᠡᠢ ᠪᠡᠷ ᠠᠮᠢᠳᠤᠷᠠᠯ ᠤ᠋ᠨ ᠢ᠋ᠶ᠋ᠠᠨ ᠬᠡᠷᠡᠭᠴᠡᠭᠡᠲᠦ ᠵᠦᠢᠯ ᠢ᠋ ᠭᠣᠣᠯᠴᠢᠯᠠᠨ ᠬᠢᠳᠡᠭ ᠪᠠᠢᠭᠰᠠᠨ ᠤᠴᠢᠷ ᠠ᠋ᠴᠠ ᠡᠮᠡᠭᠲᠡᠢᠴᠦᠳ ᠦ᠋ᠨ ᠭᠠᠷ ᠤᠷᠠᠯᠠᠯ ᠣᠶᠣᠳᠠᠯ ᠦᠢᠯᠡ ᠲᠡᠷᠡ ᠴᠢᠭ ᠲᠦ᠍ ᠬᠠᠨᠳᠤᠵᠤ ᠪᠠᠢᠵᠠᠢ᠃ ᠤᠷᠠᠨ ᠦᠢᠯᠡ ᠳ᠋ᠦ᠍ ᠲᠤᠰᠤᠭᠰᠠᠨ ᠨᠢᠭᠡ ᠣᠨᠴᠠᠯᠢᠭ ᠨᠢ ᠦᠢᠯᠡ ᠶ᠋ᠢᠨ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠶᠡᠬᠡᠳᠡ ᠬᠥᠭᠵᠢᠭᠰᠡᠨ ᠨᠢ ᠤᠷᠠᠨ ᠦᠢᠯᠡ ᠶ᠋ᠢᠨ ᠲᠣᠭᠠ ᠴᠢᠨᠠᠷ ᠭᠤᠸᠠ ᠦᠵᠡᠮᠵᠢ ᠰᠠᠢᠵᠢᠷᠠᠬᠤ ᠳ᠋ᠤ᠌ ᠴᠢᠬᠤᠯᠠ ᠨᠥᠯᠥᠭᠡᠯᠡᠵᠡᠢ᠃
18—19 ᠳ᠋ᠦ᠍ᠭᠡᠷ ᠵᠠᠭᠤᠨ ᠤ᠋ ᠦᠶᠡ ᠳ᠋ᠦ᠍ ᠮᠣᠩᠭᠣᠯ ᠤ᠋ᠨ ᠡᠮᠡᠭᠲᠡᠢᠴᠦᠳ ᠦ᠋ᠨ ᠳᠤᠮᠳᠠ ᠬᠠᠳᠬᠤᠮᠠᠯ᠂ ᠨᠠᠭᠠᠮᠠᠯ᠂ ᠵᠡᠭᠦᠦ ᠣᠷᠢᠶᠠᠬᠤ ᠠᠷᠠᠰᠤ ᠪᠠᠷ ᠬᠥᠭᠡᠭᠡᠮᠡᠯ ᠬᠢᠬᠦ ᠪᠣᠯᠤᠨ ᠬᠤᠪᠴᠠᠰᠤ ᠬᠤᠨᠠᠷ᠂ ᠭᠡᠷ ᠣᠷᠣᠨ ᠤ᠋ ᠬᠡᠷᠡᠭᠰᠡᠯ ᠢ᠋ ᠭᠤᠶᠤᠵᠤ ᠴᠢᠮᠡᠬᠦ ᠤᠷᠠᠯᠢᠭ ᠮᠡᠳᠡᠭᠳᠡᠬᠦᠢᠴᠡ ᠬᠥᠭᠵᠢᠵᠦ ᠪᠠᠢᠵᠠᠢ᠃ ᠡᠨᠡ ᠤᠷᠠᠯᠢᠭ ᠣᠳᠣ ᠬᠦᠷᠲᠡᠯᠡ ᠬᠠᠳᠠᠭᠠᠯᠠᠭᠳᠠᠵᠤ ᠢᠷᠡᠭᠰᠡᠨ ᠢ᠋ᠶ᠋ᠡᠷ ᠦᠯᠦ ᠪᠠᠷᠠᠮ ᠤᠯᠠᠮ ᠪᠣᠯᠪᠠᠰᠤᠷᠠᠩᠭᠤᠢ ᠬᠥᠭᠵᠢᠵᠦ20 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠪᠤᠶᠤ ᠣᠷᠴᠢᠨ ᠦᠶᠡ ᠶ᠋ᠢᠨ ᠤᠷᠠ ᠶ᠋ᠢᠨ ᠴᠡᠴᠡᠭ ᠰᠣᠶᠣᠭᠠᠯᠠᠬᠤ ᠬᠥᠷᠥᠰᠥ ᠨᠢ ᠪᠣᠯᠵᠠᠢ᠃
ᠣᠷᠴᠢᠨ ᠦᠶᠡ ᠶ᠋ᠢᠨ ᠤᠷᠠᠯᠢᠭ ᠬᠥᠮᠦᠨ ᠦ᠌ ᠨᠡᠢᠭᠡᠮ ᠡᠭᠦᠰᠦᠨ ᠬᠥᠭᠵᠢᠭᠰᠡᠨ ᠲᠡᠷᠡ ᠴᠠᠭ ᠠ᠋ᠴᠠ ᠥᠨᠥ ᠦᠶᠡ ᠶ᠋ᠢ ᠬᠦᠷᠲᠡᠯᠡ ᠤᠷᠲᠤ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠥᠩᠭᠡᠷᠡᠭᠰᠡᠨ ᠪᠣᠯᠪᠠᠴᠤ ᠬᠥᠮᠦᠨ ᠠᠵᠤ ᠲᠥᠷᠥᠬᠦ ᠶ᠋ᠢᠨ ᠦᠨᠳᠦᠰᠦ ᠪᠣᠯᠤᠭᠰᠠᠨ ᠣᠷᠴᠢᠨ ᠠᠬᠤᠢ ᠪᠠᠨ ᠲᠠᠨᠢᠨ ᠮᠡᠳᠡᠵᠦ ᠠᠮᠢᠳᠤᠷᠠᠯ ᠤ᠋ᠨ ᠢ᠋ᠶ᠋ᠠᠨ ᠨᠥᠬᠥᠴᠡᠯ ᠢ᠋ ᠰᠠᠢᠵᠢᠷᠠᠭᠤᠯᠬᠤ ᠲᠠᠯᠠ ᠪᠠᠷ ᠠᠰᠤᠷᠤ ᠶᠡᠬᠡ ᠦᠢᠯᠡ ᠶ᠋ᠢ ᠪᠦᠲᠦᠭᠡᠵᠦ᠂ ᠪᠠᠭᠠ ᠦᠭᠡᠢ ᠪᠠᠶᠠᠯᠢᠭ ᠢ᠋ ᠬᠤᠷᠠᠮᠳᠤᠭᠤᠯᠵᠤ ᠢᠷᠡᠭᠰᠡᠨ ᠨᠢ ᠲᠣᠳᠣᠷᠬᠠᠢ ᠪᠢᠯᠡ᠃ ᠡᠭᠦᠨ ᠦ᠌ ᠭᠡᠷᠡᠴᠢ ᠨᠢ ᠶᠠᠮᠠᠷ ᠴᠤ᠌ ᠬᠠᠷᠭᠢᠰ ᠨᠡᠢᠭᠡᠮ ᠨᠣᠶᠠᠷᠬᠠᠵᠤ ᠪᠠᠢᠯᠠ ᠴᠤ᠌ ᠭᠡᠰᠡᠨ ᠠᠷᠠᠳ ᠲᠦᠮᠡᠨ ᠦ᠌ ᠤᠷᠠᠯᠠᠨ ᠪᠦᠲᠦᠭᠡᠬᠦ ᠠᠵᠢᠯ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠥᠭᠵᠢᠵᠦ ᠪᠠᠢᠭᠰᠠᠨ ᠲᠡᠦᠬᠡ ᠲᠡᠢ᠃
ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠲᠡᠦᠬᠡᠨ ᠳ᠋ᠦ᠍ ᠠᠩᠭᠢᠲᠤ ᠨᠡᠢᠭᠡᠮ ᠡᠭᠦᠰᠴᠦ ᠳᠡᠯᠡᠬᠡᠢ ᠶ᠋ᠢᠨ ᠪᠠᠶᠠᠯᠢᠭ᠂ ᠨᠡᠢᠭᠡᠮ ᠦ᠋ᠨ ᠠᠮᠢᠳᠤᠷᠠᠯ ᠳ᠋ᠤ᠌ ᠮᠢᠨᠦ ᠴᠢᠨᠦ ᠢᠯᠭᠠᠭᠠ ᠡᠭᠦᠰᠦᠮᠡᠭᠴᠡ ᠬᠦᠴᠦᠲᠡᠢ ᠨᠢ ᠬᠦᠴᠦ ᠦᠭᠡᠢ ᠪᠡᠨ ᠲᠣᠨᠣᠨ ᠳᠡᠭᠡᠷᠡᠮᠳᠡᠬᠦ ᠪᠣᠯᠤᠭᠰᠠᠨ ᠲᠡᠷᠡ ᠴᠠᠭ ᠠ᠋ᠴᠠ ᠬᠥᠮᠦᠨ ᠠᠷᠠᠳ ᠤ᠋ᠨ ᠭᠠᠷ ᠤᠷᠠᠯᠠᠯ ᠭᠣᠶᠣᠯ ᠨᠢᠭᠡ ᠲᠠᠯᠠ ᠪᠠᠷ ᠴᠡᠴᠡᠭᠯᠡᠨ ᠬᠥᠭᠵᠢᠵᠦ ᠪᠠᠢᠪᠠᠴᠤ ᠨᠥᠭᠦᠭᠡ ᠲᠠᠯᠠ ᠪᠠᠷ ᠨᠣᠶᠠᠯᠠᠭᠴᠢ ᠠᠩᠭᠢ ᠶ᠋ᠢᠨ ᠮᠠᠲᠠᠯ ᠳ᠋ᠤ᠌ ᠰᠢᠯᠵᠢᠨ ᠬᠥᠮᠦᠨ ᠦ᠌ ᠴᠢᠯᠥᠭᠡᠲᠦ ᠠᠮᠢᠳᠤᠷᠠᠯ ᠬᠢᠵᠠᠭᠠᠷᠯᠠᠭᠳᠠᠮᠠᠯ ᠪᠣᠯᠵᠤ ᠪᠠᠢᠭᠰᠠᠨ ᠴᠤ᠌ ᠬᠥᠮᠦᠨ ᠠᠷᠠᠳ ᠤᠷᠠᠯᠢᠭ ᠢ᠋ᠶ᠋ᠠᠨ ᠣᠷᠬᠢᠭᠠ ᠦᠭᠡᠢ ᠪᠢᠯᠡ᠃ ᠨᠣᠶᠠᠯᠠᠭᠴᠢ ᠠᠩᠭᠢ ᠶ᠋ᠢᠨ ᠳᠠᠷᠤᠯᠠᠯ ᠠᠯᠬᠤᠮ ᠠᠯᠬᠤᠮ ᠢ᠋ᠶ᠋ᠠᠷ ᠳᠡᠪᠡᠷᠡᠵᠦ ᠪᠦᠬᠦ ᠳᠡᠯᠡᠬᠡᠢ ᠳ᠋ᠦ᠍ ᠬᠥᠷᠥᠩᠭᠡᠲᠦ ᠨᠡᠢᠭᠡᠮ ᠨᠣᠶᠠᠷᠬᠠᠬᠤ ᠪᠣᠯᠤᠭᠰᠠᠨ ᠨᠢ ᠬᠥᠮᠦᠨ ᠦ᠌ ᠪᠦᠲᠦᠭᠡᠭᠰᠡᠨ ᠡᠳ᠋ ᠮᠠᠲ᠋ᠧᠷᠢᠶᠠᠯ ᠤ᠋ᠨ ᠪᠣᠯᠤᠨ ᠣᠶᠤᠨ ᠰᠠᠨᠠᠭᠠᠨ ᠤ᠋ ᠠᠰᠤᠷᠤ ᠶᠡᠬᠡ ᠪᠠᠶᠠᠯᠢᠭ ᠰᠦᠢᠷᠡᠯ ᠳ᠋ᠦ᠍ ᠬᠦᠷᠴᠦ ᠲᠡᠢᠨ ᠳᠠᠵᠢᠨ ᠤ᠋ ᠬᠥᠯ ᠳ᠋ᠦ᠍ ᠤᠳᠠᠭᠠ ᠳᠠᠷᠠᠭᠠ ᠪᠠᠷ ᠨᠡᠷᠪᠡᠭᠳᠡᠨ ᠪᠠᠢᠵᠠᠢ᠃
ᠳᠡᠯᠡᠬᠡᠢ ᠶ᠋ᠢᠨ ᠬᠥᠮᠦᠨ ᠠᠷᠠᠳ ᠤ᠋ᠨ ᠵᠢᠷᠦᠬᠡᠨ ᠳ᠋ᠦ᠍ ᠮᠡᠰᠡ ᠪᠣᠯᠤᠨ ᠦᠯᠡᠳᠡᠭᠰᠡᠨ ᠳᠡᠯᠡᠬᠡᠢ ᠶ᠋ᠢᠨ ᠬᠣᠶᠠᠷ ᠲᠡᠢᠨ ᠧᠦ᠋ᠷᠣᠫᠠ ᠶ᠋ᠢᠨ ᠵᠠᠷᠢᠮ ᠣᠷᠣᠨ ᠢ᠋ᠶ᠋ᠠᠷ ᠪᠠᠷᠠᠬᠤ ᠦᠭᠡᠢ ᠳᠡᠯᠡᠬᠡᠢ ᠶ᠋ᠢᠨ ᠰᠣᠶᠣᠯ ᠤ᠋ᠨ ᠥᠪ ᠢ᠋ ᠶᠡᠬᠡᠬᠡᠨ ᠰᠦᠢᠳᠬᠡᠭᠰᠡᠨ ᠢ᠋ ᠲᠡᠦᠬᠡ ᠪᠢᠳᠡᠨ ᠳ᠋ᠦ᠍ ᠰᠤᠷᠭᠠᠳᠠᠭ᠃ ᠡᠭᠦᠨ ᠦ᠌ ᠨᠢᠭᠡ ᠠᠳᠠᠯᠢ ᠮᠣᠩᠭᠣᠯ ᠣᠷᠣᠨ ᠳ᠋ᠤ᠌ ᠡᠷᠲᠡ ᠦᠶᠡ ᠡᠴᠡ ᠣᠷᠣᠰᠢᠨ ᠲᠣᠭᠲᠠᠨᠢᠵᠤ ᠪᠠᠢᠭᠰᠠᠨ ᠣᠯᠠᠨ ᠣᠪᠣᠭ ᠠᠢᠮᠠᠭ ᠤ᠋ᠳ ᠥᠪᠡᠷ ᠬᠣᠭᠣᠷᠣᠨᠳᠣ ᠪᠠᠨ ᠪᠠᠢᠯᠳᠤᠨ ᠳᠠᠭᠠᠭᠤᠯᠤᠯ ᠬᠢᠬᠦ᠂ ᠭᠠᠳᠠᠭᠠᠳᠤ ᠶ᠋ᠢᠨ ᠰᠢᠨᠤᠬᠠᠢᠴᠤᠳ ᠲᠣᠨᠣᠨ ᠳᠡᠭᠡᠷᠡᠮᠳᠡᠵᠦ ᠲᠡᠢᠨ ᠰᠠᠮᠠᠭᠤᠨ ᠳᠡᠭᠳᠡᠭᠡᠬᠦ ᠵᠡᠷᠭᠡ ᠪᠡᠷ ᠲᠤᠰ ᠤᠯᠤᠰ ᠤ᠋ᠨ ᠬᠥᠮᠦᠨ ᠠᠷᠠᠳ ᠤ᠋ᠨ ᠤᠷᠠ ᠶ᠋ᠢᠨ ᠰᠠᠩ ᠢ᠋ ᠨᠢᠭᠡ ᠪᠢᠰᠢ ᠤᠳᠠᠭᠠ ᠰᠦᠢᠳᠬᠡᠵᠡᠢ᠃ ᠮᠠᠨᠵᠤ ᠶ᠋ᠢᠨ ᠲᠦᠷᠢᠮᠡᠬᠡᠢᠯᠡᠭᠴᠢᠳ ᠦ᠋ᠨ ᠲᠠᠯᠬᠢᠨ ᠳ᠋ᠤ᠌200 ᠭᠠᠷᠤᠢ ᠵᠢᠯ ᠨᠤᠬᠤᠯᠠᠭᠳᠠᠵᠤ ᠥᠭᠡᠳᠡ ᠲᠡᠢ ᠥᠩᠭᠡ ᠲᠡᠢ ᠪᠦᠬᠦᠨ ᠢ᠋ᠶ᠋ᠡᠨ ᠲᠣᠨᠣᠭᠤᠯᠵᠤ ᠰᠦᠢᠳᠦᠭᠦᠯᠵᠦ ᠪᠠᠢᠯᠠ ᠴᠤ᠌ ᠲᠤᠰ ᠤᠯᠤᠰ ᠤ᠋ᠨ ᠠᠷᠠᠳ ᠲᠦᠮᠡᠨ ᠦ᠌ ᠭᠠᠷ ᠤᠷᠠᠯᠠᠯ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠥᠭᠵᠢᠵᠦ ᠪᠠᠢᠵᠠᠢ᠃20 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠡᠬᠢ ᠪᠡᠷ ᠳᠡᠯᠡᠬᠡᠢ ᠶ᠋ᠢ ᠨᠣᠶᠠᠯᠠᠵᠤ ᠪᠠᠢᠭᠰᠠᠨ ᠬᠥᠷᠥᠩᠭᠡᠲᠦ ᠨᠡᠢᠭᠡᠮ ᠦ᠋ᠨ ᠮᠥᠬᠥᠯ ᠦ᠋ᠨ ᠦᠶᠡ ᠡᠬᠢᠯᠡᠵᠦ ᠣᠷᠣᠰ ᠣᠷᠣᠨ ᠳ᠋ᠤ᠌ ᠡᠭᠦᠰᠦᠭᠰᠡᠨ ᠠᠷᠪᠠᠨ ᠰᠠᠷᠠ ᠶ᠋ᠢᠨ ᠬᠤᠪᠢᠰᠬᠠᠯ ᠤ᠋ᠨ ᠭᠡᠭᠡᠨ ᠲᠤᠶᠠᠭᠠ ᠪᠦᠬᠦᠯᠢ ᠪᠦᠲᠦᠨ ᠬᠥᠷᠥᠩᠭᠡᠲᠦ ᠨᠡᠢᠭᠡᠮ ᠦ᠋ᠨ ᠺᠣᠯᠣᠨᠢᠴᠢᠯᠠᠯ ᠤ᠋ᠨ ᠭᠢᠨᠵᠢ ᠶ᠋ᠢ ᠲᠠᠰᠤᠯᠤᠨ ᠨᠡᠢᠭᠡᠮ ᠵᠢᠷᠤᠮᠲᠤ ᠨᠡᠢᠭᠡᠮ ᠢ᠋ ᠪᠠᠢᠭᠤᠯᠤᠭᠰᠠᠨ ᠢ᠋ᠶ᠋ᠠᠷ ᠮᠠᠨ ᠤ᠋ ᠭᠠᠷᠠᠭ ᠤ᠋ᠨ ᠰᠠᠶᠠ ᠰᠠᠶᠠ ᠬᠥᠮᠦᠨ ᠠᠷᠠᠳ ᠳᠠᠪᠰᠢᠯ ᠬᠥᠭᠵᠢᠯ ᠦ᠋ᠨ ᠢ᠋ᠶ᠋ᠡᠨ ᠴᠢᠭ ᠢ᠋ ᠣᠯᠵᠤ ᠡᠬᠢᠯᠡᠯᠡ᠃
ᠡᠨᠡ ᠦᠶᠡ ᠳ᠋ᠦ᠍ ᠠᠽᠢᠶᠠ ᠶ᠋ᠢᠨ ᠮᠣᠩᠭᠣᠯ ᠣᠷᠣᠨ ᠹᠧᠣᠳᠠᠯ ᠤ᠋ᠨ ᠨᠡᠢᠭᠡᠮ ᠦ᠋ᠨ ᠬᠣᠴᠣᠷᠤᠭᠳᠠᠭᠰᠠᠨ ᠣᠷᠣᠨ ᠠ᠋ᠴᠠ ᠬᠥᠭᠵᠢᠯ ᠦ᠋ᠨ ᠲᠤᠰᠬᠠᠢ ᠱᠠᠲᠤ ᠶ᠋ᠢ ᠠᠯᠭᠠᠰᠠᠵᠤ ᠰᠢᠨᠡ ᠨᠡᠢᠭᠡᠮ ᠥᠭᠡᠳᠡ ᠦᠰᠦᠷᠦᠨ ᠳᠠᠪᠰᠢᠨ ᠲᠡᠦᠬᠡ ᠶ᠋ᠢᠨ ᠣᠬᠣᠷ ᠪᠣᠭᠣᠨᠢ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠬᠥᠮᠦᠨ ᠦ᠌ ᠰᠠᠨᠠᠭᠠᠨ ᠳ᠋ᠤ᠌ ᠪᠠᠭᠲᠠᠰᠢ ᠦᠭᠡᠢ ᠶᠡᠬᠡ ᠶ᠋ᠢ ᠪᠦᠲᠦᠭᠡᠵᠡᠢ᠃ ᠬᠤᠪᠢᠰᠬᠠᠯ ᠠ᠋ᠴᠠ ᠡᠮᠦᠨᠡ ᠲᠤᠰ ᠣᠷᠣᠨ ᠨᠡᠢᠭᠡᠮ ᠦ᠋ᠨ ᠬᠥᠭᠵᠢᠯ ᠡᠴᠡ ᠨᠡᠯᠢᠶᠡᠳ ᠬᠣᠴᠣᠷᠤᠩᠭᠤᠢ ᠵᠢᠯᠠᠭᠠ ᠶ᠋ᠢᠨ ᠨᠢᠭᠡ ᠲᠠᠷᠠᠬᠠᠢ ᠪᠤᠲᠠᠷᠬᠠᠢ ᠨᠡᠭᠦᠳᠡᠯ ᠦ᠋ᠨ ᠮᠠᠯ ᠠᠵᠤ ᠠᠬᠤᠢ ᠡᠷᠬᠢᠯᠡᠭᠰᠡᠨ ᠣᠷᠣᠨ ᠪᠠᠢᠭᠰᠠᠨ ᠴᠤ᠌ ᠨᠡᠭᠦᠳᠡᠯ ᠦ᠋ᠨ ᠢ᠋ᠶ᠋ᠡᠨ ᠣᠨᠴᠠᠯᠢᠭ ᠲᠤ᠌ ᠲᠣᠬᠢᠷᠠᠭᠰᠠᠨ ᠰᠣᠶᠣᠯ ᠤᠷᠠᠯᠢᠭ ᠢ᠋ᠶ᠋ᠠᠨ ᠬᠥᠭᠵᠢᠭᠦᠯᠵᠦ ᠪᠠᠢᠵᠠᠢ᠃ ᠲᠤᠰ ᠣᠷᠣᠨ ᠤ᠋ ᠬᠥᠮᠦᠨ ᠠᠷᠠᠳ ᠬᠡᠵᠢᠶᠡᠨᠡᠢ ᠠᠵᠢᠯᠰᠠᠭ᠂ ᠮᠠᠯ ᠠ᠋ᠴᠠ ᠭᠠᠷᠤᠯ ᠲᠠᠢ ᠪᠦᠲᠦᠭᠡᠭᠳᠡᠬᠦᠨ ᠢ᠋ᠶ᠋ᠡᠷ ᠠᠵᠤ ᠠᠮᠢᠳᠤᠷᠠᠯ ᠤ᠋ᠨ ᠢ᠋ᠶ᠋ᠠᠨ ᠬᠡᠷᠡᠭᠴᠡᠭᠡ ᠶ᠋ᠢ ᠬᠠᠩᠭᠠᠵᠤ᠂ ᠠᠷᠠᠰᠤ ᠨᠡᠬᠡᠢ ᠶ᠋ᠢ ᠡᠯᠳᠡᠬᠦ᠂ ᠢᠰᠡᠭᠡᠢ ᠬᠢᠬᠦ᠂ ᠰᠦ ᠰᠠᠭᠠᠯᠢ ᠴᠠᠭᠠᠨ ᠢᠳᠡᠭᠡ ᠪᠣᠯᠪᠠᠰᠤᠷᠠᠭᠤᠯᠬᠤ ᠵᠡᠷᠭᠡ ᠳ᠋ᠦ᠍ ᠳᠠᠳᠤᠭᠰᠠᠨ ᠤᠯᠤᠰ ᠪᠠᠢᠵᠠᠢ᠃ ᠮᠣᠩᠭᠣᠯᠴᠤᠳ ᠠᠯᠢ ᠴᠤ᠌ ᠨᠡᠢᠭᠡᠮ ᠦ᠋ᠨ ᠦᠶᠡ ᠳ᠋ᠦ᠍ ᠡᠮᠡᠭᠲᠡᠢᠴᠦᠳ ᠢ᠋ ᠤᠷᠠᠨ ᠦᠢᠯᠡ ᠳ᠋ᠦ᠍ ᠰᠤᠷᠭᠠᠨ ᠶᠠᠭᠤᠮᠠᠬᠠᠨ ᠢ᠋ᠶ᠋ᠠᠷ ᠶᠠᠭᠤᠮᠠ ᠬᠢᠬᠦ ᠠᠵᠢᠯ ᠳ᠋ᠤ᠌ ᠪᠠᠭᠠ ᠪᠠᠯᠴᠢᠷ ᠠ᠋ᠴᠠ ᠨᠢ ᠳᠠᠳᠤᠯᠭᠠᠵᠢᠭᠤᠯᠵᠤ ᠪᠠᠢᠭᠰᠠᠨ ᠲᠡᠦᠬᠡ ᠲᠡᠢ ᠪᠢᠯᠡ᠃
ᠭᠡᠪᠡᠴᠦ ᠬᠥᠮᠦᠨ ᠠᠷᠠᠳ ᠤ᠋ᠨ ᠭᠠᠷ ᠤᠷᠠᠯᠠᠯ ᠠᠮᠢ ᠪᠠᠨ ᠠᠷᠭᠠᠴᠠᠬᠤ ᠲᠡᠳᠦᠢ ᠢᠪᠴᠤᠤ ᠬᠦᠷᠢᠶᠡᠨ ᠳ᠋ᠦ᠍ ᠪᠠᠢᠭᠰᠠᠨ ᠤ᠋ ᠳᠡᠭᠡᠷᠡ ᠬᠦᠴᠦ ᠲᠡᠢ ᠨᠢ ᠬᠦᠴᠦ ᠦᠭᠡᠢ ᠪᠡᠨ ᠴᠥᠯᠮᠥᠵᠦ ᠪᠠᠢᠳᠠᠭ ᠠᠩᠭᠢᠲᠤ ᠨᠡᠢᠭᠡᠮ ᠦ᠋ᠨ ᠲᠦᠭᠡᠮᠡᠯ ᠬᠠᠤᠯᠢ ᠶᠣᠰᠣᠭᠠᠷ ᠠᠷᠠᠳ ᠲᠦᠮᠡᠨ ᠦ᠌ ᠭᠠᠷ ᠤᠷᠠᠯᠠᠯ ᠤ᠋ᠨ ᠰᠠᠢᠨ ᠰᠠᠢᠬᠠᠨ ᠪᠦᠬᠦᠨ ᠭᠠᠳᠠᠭᠠᠳᠤ ᠶ᠋ᠢᠨ ᠰᠢᠨᠤᠬᠠᠢ ᠬᠤᠳᠠᠯᠳᠤᠭᠠᠴᠢᠨ ᠹᠧᠣᠳᠠᠯ ᠤ᠋ᠨ ᠨᠣᠶᠠᠯᠠᠭᠴᠢ ᠮᠡᠳᠡᠵᠦ ᠠᠮᠢᠳᠤᠷᠠᠯ ᠤ᠋ᠨ ᠢ᠋ᠶ᠋ᠠᠨ ᠨᠥᠬᠥᠴᠡᠯ ᠢ᠋ ᠰᠠᠢᠵᠢᠷᠠᠭᠤᠯᠬᠤ ᠲᠠᠯᠠ ᠪᠠᠷ ᠠᠰᠤᠷᠤ ᠶᠡᠬᠡ ᠦᠢᠯᠡ ᠶ᠋ᠢ ᠪᠦᠲᠦᠭᠡᠵᠦ᠂ ᠪᠠᠭᠠ ᠦᠭᠡᠢ ᠪᠠᠶᠠᠯᠢᠭ ᠢ᠋ ᠬᠤᠷᠠᠮᠳᠤᠭᠤᠯᠵᠤ ᠢᠷᠡᠭᠰᠡᠨ ᠨᠢ ᠲᠣᠳᠣᠷᠬᠠᠢ ᠪᠢᠯᠡ᠃ ᠡᠭᠦᠨ ᠦ᠌ ᠭᠡᠷᠡᠴᠢ ᠨᠢ ᠶᠠᠮᠠᠷ ᠴᠤ᠌ ᠬᠠᠷᠭᠢᠰ ᠨᠡᠢᠭᠡᠮ ᠨᠣᠶᠠᠷᠬᠠᠵᠤ ᠪᠠᠢᠯᠠ ᠴᠤ᠌ ᠭᠡᠰᠡᠨ ᠠᠷᠠᠳ ᠲᠦᠮᠡᠨ ᠦ᠌ ᠤᠷᠠᠯᠠᠨ ᠪᠦᠲᠦᠭᠡᠬᠦ ᠠᠵᠢᠯ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠥᠭᠵᠢᠵᠦ ᠪᠠᠢᠭᠰᠠᠨ ᠲᠡᠦᠬᠡ ᠲᠡᠢ᠃
ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠲᠡᠦᠬᠡᠨ ᠳ᠋ᠦ᠍ ᠠᠩᠭᠢᠲᠤ ᠨᠡᠢᠭᠡᠮ ᠡᠭᠦᠰᠴᠦ ᠳᠡᠯᠡᠬᠡᠢ ᠶ᠋ᠢᠨ ᠪᠠᠶᠠᠯᠢᠭ᠂ ᠨᠡᠢᠭᠡᠮ ᠦ᠋ᠨ ᠠᠮᠢᠳᠤᠷᠠᠯ ᠳ᠋ᠤ᠌ ᠮᠢᠨᠦ ᠴᠢᠨᠦ ᠢᠯᠭᠠᠭᠠ ᠡᠭᠦᠰᠦᠮᠡᠭᠴᠡ ᠬᠦᠴᠦᠲᠡᠢ ᠨᠢ ᠬᠦᠴᠦ ᠦᠭᠡᠢ ᠪᠡᠨ ᠲᠣᠨᠣᠨ ᠳᠡᠭᠡᠷᠡᠮᠳᠡᠬᠦ ᠪᠣᠯᠤᠭᠰᠠᠨ ᠲᠡᠷᠡ ᠴᠠᠭ ᠠ᠋ᠴᠠ ᠬᠥᠮᠦᠨ ᠠᠷᠠᠳ ᠤ᠋ᠨ ᠭᠠᠷ ᠤᠷᠠᠯᠠᠯ ᠭᠣᠶᠣᠯ ᠨᠢᠭᠡ ᠲᠠᠯᠠ ᠪᠠᠷ ᠴᠡᠴᠡᠭᠯᠡᠨ ᠬᠥᠭᠵᠢᠵᠦ ᠪᠠᠢᠪᠠᠴᠤ ᠨᠥᠭᠦᠭᠡ ᠲᠠᠯᠠ ᠪᠠᠷ ᠨᠣᠶᠠᠯᠠᠭᠴᠢ ᠠᠩᠭᠢ ᠶ᠋ᠢᠨ ᠮᠠᠲᠠᠯ ᠳ᠋ᠤ᠌ ᠰᠢᠯᠵᠢᠨ ᠬᠥᠮᠦᠨ ᠦ᠌ ᠴᠢᠯᠥᠭᠡᠲᠦ ᠠᠮᠢᠳᠤᠷᠠᠯ ᠬᠢᠵᠠᠭᠠᠷᠯᠠᠭᠳᠠᠮᠠᠯ ᠪᠣᠯᠵᠤ ᠪᠠᠢᠭᠰᠠᠨ ᠴᠤ᠌ ᠬᠥᠮᠦᠨ ᠠᠷᠠᠳ ᠤᠷᠠᠯᠢᠭ ᠢ᠋ᠶ᠋ᠠᠨ ᠣᠷᠬᠢᠭᠠ ᠦᠭᠡᠢ ᠪᠢᠯᠡ᠃ ᠨᠣᠶᠠᠯᠠᠭᠴᠢ ᠠᠩᠭᠢ ᠶ᠋ᠢᠨ ᠳᠠᠷᠤᠯᠠᠯ ᠠᠯᠬᠤᠮ ᠠᠯᠬᠤᠮ ᠢ᠋ᠶ᠋ᠠᠷ ᠳᠡᠪᠡᠷᠡᠵᠦ ᠪᠦᠬᠦ ᠳᠡᠯᠡᠬᠡᠢ ᠳ᠋ᠦ᠍ ᠬᠥᠷᠥᠩᠭᠡᠲᠦ ᠨᠡᠢᠭᠡᠮ ᠨᠣᠶᠠᠷᠬᠠᠬᠤ ᠪᠣᠯᠤᠭᠰᠠᠨ ᠨᠢ ᠬᠥᠮᠦᠨ ᠦ᠌ ᠪᠦᠲᠦᠭᠡᠭᠰᠡᠨ ᠡᠳ᠋ ᠮᠠᠲ᠋ᠧᠷᠢᠶᠠᠯ ᠤ᠋ᠨ ᠪᠣᠯᠤᠨ ᠣᠶᠤᠨ ᠰᠠᠨᠠᠭᠠᠨ ᠤ᠋ ᠠᠰᠤᠷᠤ ᠶᠡᠬᠡ ᠪᠠᠶᠠᠯᠢᠭ ᠰᠦᠢᠷᠡᠯ ᠳ᠋ᠦ᠍ ᠬᠦᠷᠴᠦ ᠲᠡᠢᠨ ᠳᠠᠵᠢᠨ ᠤ᠋ ᠬᠥᠯ ᠳ᠋ᠦ᠍ ᠤᠳᠠᠭᠠ ᠳᠠᠷᠠᠭᠠ ᠪᠠᠷ ᠨᠡᠷᠪᠡᠭᠳᠡᠨ ᠪᠠᠢᠵᠠᠢ᠃
ᠳᠡᠯᠡᠬᠡᠢ ᠶ᠋ᠢᠨ ᠬᠥᠮᠦᠨ ᠠᠷᠠᠳ ᠤ᠋ᠨ ᠵᠢᠷᠦᠬᠡᠨ ᠳ᠋ᠦ᠍ ᠮᠡᠰᠡ ᠪᠣᠯᠤᠨ ᠦᠯᠡᠳᠡᠭᠰᠡᠨ ᠳᠡᠯᠡᠬᠡᠢ ᠶ᠋ᠢᠨ ᠬᠣᠶᠠᠷ ᠲᠡᠢᠨ ᠧᠦ᠋ᠷᠣᠫᠠ ᠶ᠋ᠢᠨ ᠵᠠᠷᠢᠮ ᠣᠷᠣᠨ ᠢ᠋ᠶ᠋ᠠᠷ ᠪᠠᠷᠠᠬᠤ ᠦᠭᠡᠢ ᠳᠡᠯᠡᠬᠡᠢ ᠶ᠋ᠢᠨ ᠰᠣᠶᠣᠯ ᠤ᠋ᠨ ᠥᠪ ᠢ᠋ ᠶᠡᠬᠡᠬᠡᠨ ᠰᠦᠢᠳᠬᠡᠭᠰᠡᠨ ᠢ᠋ ᠲᠡᠦᠬᠡ ᠪᠢᠳᠡᠨ ᠳ᠋ᠦ᠍ ᠰᠤᠷᠭᠠᠳᠠᠭ᠃ ᠡᠭᠦᠨ ᠦ᠌ ᠨᠢᠭᠡ ᠠᠳᠠᠯᠢ ᠮᠣᠩᠭᠣᠯ ᠣᠷᠣᠨ ᠳ᠋ᠤ᠌ ᠡᠷᠲᠡ ᠦᠶᠡ ᠡᠴᠡ ᠣᠷᠣᠰᠢᠨ ᠲᠣᠭᠲᠠᠨᠢᠵᠤ ᠪᠠᠢᠭᠰᠠᠨ ᠣᠯᠠᠨ ᠣᠪᠣᠭ ᠠᠢᠮᠠᠭ ᠤ᠋ᠳ ᠥᠪᠡᠷ ᠬᠣᠭᠣᠷᠣᠨᠳᠣ ᠪᠠᠨ ᠪᠠᠢᠯᠳᠤᠨ ᠳᠠᠭᠠᠭᠤᠯᠤᠯ ᠬᠢᠬᠦ᠂ ᠭᠠᠳᠠᠭᠠᠳᠤ ᠶ᠋ᠢᠨ ᠰᠢᠨᠤᠬᠠᠢᠴᠤᠳ ᠲᠣᠨᠣᠨ ᠳᠡᠭᠡᠷᠡᠮᠳᠡᠵᠦ ᠲᠡᠢᠨ ᠰᠠᠮᠠᠭᠤᠨ ᠳᠡᠭᠳᠡᠭᠡᠬᠦ ᠵᠡᠷᠭᠡ ᠪᠡᠷ ᠲᠤᠰ ᠤᠯᠤᠰ ᠤ᠋ᠨ ᠬᠥᠮᠦᠨ ᠠᠷᠠᠳ ᠤ᠋ᠨ ᠤᠷᠠ ᠶ᠋ᠢᠨ ᠰᠠᠩ ᠢ᠋ ᠨᠢᠭᠡ ᠪᠢᠰᠢ ᠤᠳᠠᠭᠠ ᠰᠦᠢᠳᠬᠡᠵᠡᠢ᠃ ᠮᠠᠨᠵᠤ ᠶ᠋ᠢᠨ ᠲᠦᠷᠢᠮᠡᠬᠡᠢᠯᠡᠭᠴᠢᠳ ᠦ᠋ᠨ ᠲᠠᠯᠬᠢᠨ ᠳ᠋ᠤ᠌200 ᠭᠠᠷᠤᠢ ᠵᠢᠯ ᠨᠤᠬᠤᠯᠠᠭᠳᠠᠵᠤ ᠥᠭᠡᠳᠡ ᠲᠡᠢ ᠥᠩᠭᠡ ᠲᠡᠢ ᠪᠦᠬᠦᠨ ᠢ᠋ᠶ᠋ᠡᠨ ᠲᠣᠨᠣᠭᠤᠯᠵᠤ ᠰᠦᠢᠳᠦᠭᠦᠯᠵᠦ ᠪᠠᠢᠯᠠ ᠴᠤ᠌ ᠲᠤᠰ ᠤᠯᠤᠰ ᠤ᠋ᠨ ᠠᠷᠠᠳ ᠲᠦᠮᠡᠨ ᠦ᠌ ᠭᠠᠷ ᠤᠷᠠᠯᠠᠯ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠥᠭᠵᠢᠵᠦ ᠪᠠᠢᠵᠠᠢ᠃20 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠡᠬᠢ ᠪᠡᠷ ᠳᠡᠯᠡᠬᠡᠢ ᠶ᠋ᠢ ᠨᠣᠶᠠᠯᠠᠵᠤ ᠪᠠᠢᠭᠰᠠᠨ ᠬᠥᠷᠥᠩᠭᠡᠲᠦ ᠨᠡᠢᠭᠡᠮ ᠦ᠋ᠨ ᠮᠥᠬᠥᠯ ᠦ᠋ᠨ ᠦᠶᠡ ᠡᠬᠢᠯᠡᠵᠦ ᠣᠷᠣᠰ ᠣᠷᠣᠨ ᠳ᠋ᠤ᠌ ᠡᠭᠦᠰᠦᠭᠰᠡᠨ ᠠᠷᠪᠠᠨ ᠰᠠᠷᠠ ᠶ᠋ᠢᠨ ᠬᠤᠪᠢᠰᠬᠠᠯ ᠤ᠋ᠨ ᠭᠡᠭᠡᠨ ᠲᠤᠶᠠᠭᠠ ᠪᠦᠬᠦᠯᠢ ᠪᠦᠲᠦᠨ ᠬᠥᠷᠥᠩᠭᠡᠲᠦ ᠨᠡᠢᠭᠡᠮ ᠦ᠋ᠨ ᠺᠣᠯᠣᠨᠢᠴᠢᠯᠠᠯ ᠤ᠋ᠨ ᠭᠢᠨᠵᠢ ᠶ᠋ᠢ ᠲᠠᠰᠤᠯᠤᠨ ᠨᠡᠢᠭᠡᠮ ᠵᠢᠷᠤᠮᠲᠤ ᠨᠡᠢᠭᠡᠮ ᠢ᠋ ᠪᠠᠢᠭᠤᠯᠤᠭᠰᠠᠨ ᠢ᠋ᠶ᠋ᠠᠷ ᠮᠠᠨ ᠤ᠋ ᠭᠠᠷᠠᠭ ᠤ᠋ᠨ ᠰᠠᠶᠠ ᠰᠠᠶᠠ ᠬᠥᠮᠦᠨ ᠠᠷᠠᠳ ᠳᠠᠪᠰᠢᠯ ᠬᠥᠭᠵᠢᠯ ᠦ᠋ᠨ ᠢ᠋ᠶ᠋ᠡᠨ ᠴᠢᠭ ᠢ᠋ ᠣᠯᠵᠤ ᠡᠬᠢᠯᠡᠯᠡ᠃
ᠡᠨᠡ ᠦᠶᠡ ᠳ᠋ᠦ᠍ ᠠᠽᠢᠶᠠ ᠶ᠋ᠢᠨ ᠮᠣᠩᠭᠣᠯ ᠣᠷᠣᠨ ᠹᠧᠣᠳᠠᠯ ᠤ᠋ᠨ ᠨᠡᠢᠭᠡᠮ ᠦ᠋ᠨ ᠬᠣᠴᠣᠷᠤᠭᠳᠠᠭᠰᠠᠨ ᠣᠷᠣᠨ ᠠ᠋ᠴᠠ ᠬᠥᠭᠵᠢᠯ ᠦ᠋ᠨ ᠲᠤᠰᠬᠠᠢ ᠱᠠᠲᠤ ᠶ᠋ᠢ ᠠᠯᠭᠠᠰᠠᠵᠤ ᠰᠢᠨᠡ ᠨᠡᠢᠭᠡᠮ ᠥᠭᠡᠳᠡ ᠦᠰᠦᠷᠦᠨ ᠳᠠᠪᠰᠢᠨ ᠲᠡᠦᠬᠡ ᠶ᠋ᠢᠨ ᠣᠬᠣᠷ ᠪᠣᠭᠣᠨᠢ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠬᠥᠮᠦᠨ ᠦ᠌ ᠰᠠᠨᠠᠭᠠᠨ ᠳ᠋ᠤ᠌ ᠪᠠᠭᠲᠠᠰᠢ ᠦᠭᠡᠢ ᠶᠡᠬᠡ ᠶ᠋ᠢ ᠪᠦᠲᠦᠭᠡᠵᠡᠢ᠃ ᠬᠤᠪᠢᠰᠬᠠᠯ ᠠ᠋ᠴᠠ ᠡᠮᠦᠨᠡ ᠲᠤᠰ ᠣᠷᠣᠨ ᠨᠡᠢᠭᠡᠮ ᠦ᠋ᠨ ᠬᠥᠭᠵᠢᠯ ᠡᠴᠡ ᠨᠡᠯᠢᠶᠡᠳ ᠬᠣᠴᠣᠷᠤᠩᠭᠤᠢ ᠵᠢᠯᠠᠭᠠ ᠶ᠋ᠢᠨ ᠨᠢᠭᠡ ᠲᠠᠷᠠᠬᠠᠢ ᠪᠤᠲᠠᠷᠬᠠᠢ ᠨᠡᠭᠦᠳᠡᠯ ᠦ᠋ᠨ ᠮᠠᠯ ᠠᠵᠤ ᠠᠬᠤᠢ ᠡᠷᠬᠢᠯᠡᠭᠰᠡᠨ ᠣᠷᠣᠨ ᠪᠠᠢᠭᠰᠠᠨ ᠴᠤ᠌ ᠨᠡᠭᠦᠳᠡᠯ ᠦ᠋ᠨ ᠢ᠋ᠶ᠋ᠡᠨ ᠣᠨᠴᠠᠯᠢᠭ ᠲᠤ ᠲᠣᠬᠢᠷᠠᠭᠰᠠᠨ ᠰᠣᠶᠣᠯ ᠤᠷᠠᠯᠢᠭ ᠢ᠋ᠶ᠋ᠠᠨ ᠬᠥᠭᠵᠢᠭᠦᠯᠵᠦ ᠪᠠᠢᠵᠠᠢ᠃ ᠲᠤᠰ ᠣᠷᠣᠨ ᠤ᠋ ᠬᠥᠮᠦᠨ ᠠᠷᠠᠳ ᠬᠡᠵᠢᠶᠡᠨᠡᠢ ᠠᠵᠢᠯᠰᠠᠭ᠂ ᠮᠠᠯ ᠠ᠋ᠴᠠ ᠭᠠᠷᠤᠯ ᠲᠠᠢ ᠪᠦᠲᠦᠭᠡᠭᠳᠡᠬᠦᠨ ᠢ᠋ᠶ᠋ᠡᠷ ᠠᠵᠤ ᠠᠮᠢᠳᠤᠷᠠᠯ ᠤ᠋ᠨ ᠢ᠋ᠶ᠋ᠠᠨ ᠬᠡᠷᠡᠭᠴᠡᠭᠡ ᠶ᠋ᠢ ᠬᠠᠩᠭᠠᠵᠤ᠂ ᠠᠷᠠᠰᠤ ᠨᠡᠬᠡᠢ ᠶ᠋ᠢ ᠡᠯᠳᠡᠬᠦ᠂ ᠢᠰᠡᠭᠡᠢ ᠬᠢᠬᠦ᠂ ᠰᠦ ᠰᠠᠭᠠᠯᠢ ᠴᠠᠭᠠᠨ ᠢᠳᠡᠭᠡ ᠪᠣᠯᠪᠠᠰᠤᠷᠠᠭᠤᠯᠬᠤ ᠵᠡᠷᠭᠡ ᠳ᠋ᠦ᠍ ᠳᠠᠳᠤᠭᠰᠠᠨ ᠤᠯᠤᠰ ᠪᠠᠢᠵᠠᠢ᠃ ᠮᠣᠩᠭᠣᠯᠴᠤᠳ ᠠᠯᠢ ᠴᠤ᠌ ᠨᠡᠢᠭᠡᠮ ᠦ᠋ᠨ ᠦᠶᠡ ᠳ᠋ᠦ᠍ ᠡᠮᠡᠭᠲᠡᠢᠴᠦᠳ ᠢ᠋ ᠤᠷᠠᠨ ᠦᠢᠯᠡ ᠳ᠋ᠦ᠍ ᠰᠤᠷᠭᠠᠨ ᠶᠠᠭᠤᠮᠠᠬᠠᠨ ᠢ᠋ᠶ᠋ᠠᠷ ᠶᠠᠭᠤᠮᠠ ᠬᠢᠬᠦ ᠠᠵᠢᠯ ᠳ᠋ᠤ᠌ ᠪᠠᠭᠠ ᠪᠠᠯᠴᠢᠷ ᠠ᠋ᠴᠠ ᠨᠢ ᠳᠠᠳᠤᠯᠭᠠᠵᠢᠭᠤᠯᠵᠤ ᠪᠠᠢᠭᠰᠠᠨ ᠲᠡᠦᠬᠡ ᠲᠡᠢ ᠪᠢᠯᠡ᠃
ᠭᠡᠪᠡᠴᠦ ᠬᠥᠮᠦᠨ ᠠᠷᠠᠳ ᠤ᠋ᠨ ᠭᠠᠷ ᠤᠷᠠᠯᠠᠯ ᠠᠮᠢ ᠪᠠᠨ ᠠᠷᠭᠠᠴᠠᠬᠤ ᠲᠡᠳᠦᠢ ᠢᠪᠴᠤᠤ ᠬᠦᠷᠢᠶᠡᠨ ᠳ᠋ᠦ᠍ ᠪᠠᠢᠭᠰᠠᠨ ᠤ᠋ ᠳᠡᠭᠡᠷᠡ ᠬᠦᠴᠦ ᠲᠡᠢ ᠨᠢ ᠬᠦᠴᠦ ᠦᠭᠡᠢ ᠪᠡᠨ ᠴᠥᠯᠮᠥᠵᠦ ᠪᠠᠢᠳᠠᠭ ᠠᠩᠭᠢᠲᠤ ᠨᠡᠢᠭᠡᠮ ᠦ᠋ᠨ ᠲᠦᠭᠡᠮᠡᠯ ᠬᠠᠤᠯᠢ ᠶᠣᠰᠣᠭᠠᠷ ᠠᠷᠠᠳ ᠲᠦᠮᠡᠨ ᠦ᠌ ᠭᠠᠷ ᠤᠷᠠᠯᠠᠯ ᠤ᠋ᠨ ᠰᠠᠢᠨ ᠰᠠᠢᠬᠠᠨ ᠪᠦᠬᠦᠨ ᠭᠠᠳᠠᠭᠠᠳᠤ ᠶ᠋ᠢᠨ ᠰᠢᠨᠤᠬᠠᠢ ᠬᠤᠳᠠᠯᠳᠤᠭᠠᠴᠢᠨ ᠹᠧᠣᠳᠠᠯ ᠤ᠋ᠨ ᠨᠣᠶᠠᠯᠠᠭᠴᠢ ᠠᠩᠭᠢ ᠶ᠋ᠢᠨ ᠭᠠᠷ ᠲᠤ ᠰᠢᠯᠵᠢᠵᠦ ᠪᠠᠢᠯᠠ᠃ ᠡᠭᠦᠨ ᠦ᠌ ᠨᠢᠭᠡ ᠭᠡᠷᠡᠴᠢ ᠪᠣᠯ ᠨᠡᠢᠰᠯᠡᠯ ᠬᠦᠷᠢᠶᠡᠨ ᠳ᠋ᠦ᠍ ᠪᠠᠢᠭᠰᠠᠨ360 ᠭᠠᠷᠤᠢ ᠬᠤᠪᠢ ᠶ᠋ᠢᠨ ᠵᠢᠵᠢᠭ ᠦᠢᠯᠡᠳᠪᠦᠷᠢᠯᠡᠯ ᠭᠠᠳᠠᠭᠠᠳᠤ ᠶ᠋ᠢᠨ ᠬᠤᠳᠠᠯᠳᠤᠭᠠᠴᠢᠳ ᠤ᠋ᠨ ᠮᠠᠲᠠᠯ ᠳ᠋ᠤ᠌ ᠪᠠᠢᠵᠠᠢ᠃
1921 ᠣᠨ ᠳ᠋ᠤ᠌ ᠲᠤᠰ ᠣᠷᠣᠨ ᠳ᠋ᠤ᠌ ᠢᠯᠠᠭᠰᠠᠨ ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯ ᠤ᠋ᠨ ᠵᠢᠯ ᠦ᠋ᠳ ᠲᠤ ᠭᠠᠳᠠᠭᠠᠳᠤ ᠶ᠋ᠢᠨ ᠬᠤᠳᠠᠯᠳᠤᠭᠠᠴᠢᠨ ᠤ᠋ ᠮᠠᠲᠠᠯ ᠳ᠋ᠤ᠌ ᠪᠠᠢᠭᠰᠠᠨ ᠵᠠᠷᠢᠮ ᠵᠢᠵᠢᠭ ᠦᠢᠯᠡᠳᠪᠦᠷᠢ ᠶ᠋ᠢ ᠤᠯᠤᠰ ᠤ᠋ᠨ ᠮᠠᠲᠠᠯ ᠳ᠋ᠤ᠌ ᠠᠪᠴᠤ ᠲᠡᠭᠦᠨ ᠢ᠋ ᠥᠷᠭᠡᠳᠬᠡᠬᠦ᠂ ᠨᠡᠮᠡᠬᠦ ᠵᠡᠷᠭᠡ ᠠᠵᠢᠯ ᠬᠢᠵᠦ ᠡᠬᠢᠯᠡᠵᠡᠢ᠃1924 ᠣᠨ ᠳ᠋ᠤ᠌ ᠬᠤᠷᠠᠯᠳᠤᠭᠰᠠᠨ ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯᠲᠤ ᠨᠠᠮ ᠤ᠋ᠨ ᠭᠤᠷᠪᠠᠳᠤᠭᠠᠷ ᠶᠡᠬᠡ ᠬᠤᠷᠠᠯ ᠲᠤᠰ ᠣᠷᠣᠨ ᠢ᠋ ᠬᠥᠷᠥᠩᠭᠡᠲᠦ ᠪᠤᠰᠤ ᠵᠠᠮ ᠢ᠋ᠶ᠋ᠠᠷ ᠬᠥᠭᠵᠢᠭᠦᠯᠬᠦ ᠵᠠᠩᠵᠤᠨ ᠱᠤᠭᠤᠮ ᠢ᠋ ᠪᠠᠲᠤᠯᠠᠵᠤ᠂ ᠤᠯᠤᠰ ᠣᠷᠣᠨ ᠤ᠋ ᠪᠠᠨ ᠡᠳ᠋ ᠦ᠋ᠨ ᠵᠠᠰᠠᠭ᠂ ᠰᠣᠶᠣᠯ ᠢ᠋ ᠬᠥᠭᠵᠢᠭᠦᠯᠬᠦ ᠲᠠᠯᠠ ᠪᠠᠷ ᠲᠣᠳᠣᠷᠬᠠᠢ ᠵᠣᠷᠢᠯᠲᠠ ᠲᠠᠯᠪᠢᠵᠤ᠂ ᠲᠤᠰ ᠣᠷᠣᠨ ᠳ᠋ᠤ᠌ ᠬᠡᠳᠦ ᠬᠡᠳᠦᠨ ᠵᠢᠵᠢᠭ ᠦᠢᠯᠡᠳᠪᠦᠷᠢ ᠶ᠋ᠢ ᠥᠷᠭᠡᠳᠬᠡᠭᠰᠡᠨ ᠦ᠌ ᠳᠣᠲᠣᠷᠠ ᠣᠶᠣᠳᠠᠯ ᠤ᠋ᠨ ᠦᠢᠯᠡᠳᠪᠦᠷᠢ ᠣᠷᠣᠵᠠᠢ᠃
1931 ᠣᠨ ᠳ᠋ᠤ᠌ ᠠᠵᠤ ᠦᠢᠯᠡᠳᠪᠦᠷᠢ ᠶ᠋ᠢᠨ ᠺᠣᠮᠪᠢᠨᠠᠲ ᠤ᠋ᠨ ᠠᠩᠬᠠᠨ ᠤ᠋ ᠰᠠᠭᠤᠷᠢ ᠲᠠᠯᠪᠢᠭᠳᠠᠵᠤ ᠮᠣᠩᠭᠣᠯ ᠭᠤᠲᠤᠯ᠂ ᠨᠡᠬᠡᠢ ᠳᠡᠪᠡᠯ ᠬᠢᠵᠦ ᠪᠠᠢᠭᠰᠠᠨ ᠤ᠋ ᠳᠡᠭᠡᠷᠡ ᠨᠣᠣᠰᠣ ᠤᠬᠢᠶᠠᠬᠤ᠂ ᠴᠡᠮᠪᠡ ᠨᠡᠬᠡᠬᠦ᠂ ᠢᠰᠡᠭᠡᠢ ᠭᠤᠲᠤᠯ ᠬᠢᠵᠦ ᠡᠬᠢᠯᠡᠭᠰᠡᠨ ᠪᠠ ᠡᠬᠡ ᠣᠷᠣᠨ ᠤ᠋ ᠲᠡᠢᠨ ᠦ᠌ ᠦᠶᠡ ᠳ᠋ᠦ᠍ ᠴᠡᠷᠢᠭ ᠰᠢᠨᠧᠯᠢ᠂ ᠰᠡᠪᠬᠢᠨ ᠭᠤᠲᠤᠯ᠂ ᠴᠡᠷᠢᠭ ᠦ᠋ᠨ ᠪᠡᠭᠡᠯᠡᠢ᠂ ᠮᠠᠯᠠᠭᠠᠢ᠂ ᠰᠤᠷ ᠪᠦᠰᠡ ᠬᠢᠵᠦ ᠪᠠᠢᠵᠠᠢ᠃ ᠴᠢᠨᠠᠭᠰᠢᠳᠠ ᠪᠠᠨ ᠲᠤᠰ ᠣᠷᠣᠨ ᠤ᠋ ᠠᠷᠠᠳ ᠲᠦᠮᠡᠨ ᠰᠣᠶᠣᠯᠵᠢᠵᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠰᠠᠯᠪᠤᠷᠢ ᠬᠥᠭᠵᠢᠬᠦ ᠳᠣᠳᠣᠮ ᠬᠢᠬᠦ ᠵᠦᠢᠯ ᠦ᠋ᠨ ᠨᠡᠷᠡ ᠲᠥᠷᠥᠯ ᠣᠯᠠᠰᠢᠷᠠᠵᠤ᠂ ᠲᠥᠪ ᠬᠥᠳᠡᠭᠡ ᠳ᠋ᠦ᠍ ᠣᠯᠠᠨ ᠰᠠᠯᠪᠤᠷᠢ ᠨᠡᠮᠡᠭᠳᠡᠨ ᠬᠤᠪᠴᠠᠰᠤᠨ ᠤ᠋ ᠲᠥᠷᠥᠯᠵᠢᠭᠰᠡᠨ ᠦᠢᠯᠡᠳᠪᠦᠷᠢ ᠨᠦ᠍ᠭᠦᠳ ᠪᠣᠢ ᠪᠣᠯᠵᠠᠢ᠃ ᠢᠩᠭᠢᠭᠰᠡᠨ ᠢ᠋ᠶ᠋ᠡᠷ ᠮᠠᠨ ᠤ᠋ ᠣᠷᠣᠨ ᠤ᠋ ᠬᠥᠮᠦᠨ ᠠᠷᠠᠳ ᠤ᠋ᠨ ᠠᠵᠤ ᠠᠮᠢᠳᠤᠷᠠᠯ᠂ ᠰᠣᠶᠣᠯᠴᠢ ᠪᠣᠯᠪᠠᠰᠤᠨ ᠠᠵᠤ ᠪᠠᠢᠳᠠᠯ ᠳ᠋ᠤ᠌ ᠡᠳᠦᠷ ᠪᠦᠷᠢ ᠰᠢᠨᠡ ᠵᠦᠢᠯ ᠨᠡᠪᠲᠡᠷᠡᠵᠦ ᠳᠠᠩ ᠭᠠᠭᠴᠠ ᠦᠨᠳᠦᠰᠦᠲᠡᠨ ᠦ᠌ ᠬᠤᠪᠴᠠᠰᠤᠨ ᠠ᠋ᠴᠠ ᠭᠠᠳᠠᠨᠠ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠪᠣᠯᠪᠠᠰᠤᠨ ᠬᠤᠪᠴᠠᠰᠤ ᠬᠢᠵᠦ ᠬᠡᠷᠡᠭᠯᠡᠬᠦ ᠪᠣᠯᠵᠠᠢ᠃
ᠣᠷᠴᠢᠨ ᠦᠶᠡ ᠳ᠋ᠦ᠍ ᠮᠠᠨ ᠤ᠋ ᠣᠷᠣᠨ ᠤ᠋ ᠬᠥᠮᠦᠨ ᠠᠷᠠᠳ ᠳᠡᠯᠡᠬᠡᠢ ᠶ᠋ᠢᠨ ᠰᠣᠶᠣᠯᠲᠤ ᠤᠯᠤᠰ ᠤ᠋ᠨ ᠰᠣᠶᠣᠯ ᠤ᠋ᠨ ᠲᠦᠪᠰᠢᠨ ᠳ᠋ᠦ᠍ ᠬᠦᠷᠲᠡᠯᠡ ᠪᠡᠨ ᠰᠢᠨᠡ ᠦᠢᠯᠡ ᠪᠦᠲᠦᠭᠡᠵᠡᠢ᠃ ᠮᠠᠨ ᠤ᠋ ᠠᠵᠤ ᠦᠢᠯᠡᠳᠪᠦᠷᠢ ᠶ᠋ᠢᠨ ᠺᠣᠮᠪᠢᠨᠠᠲ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠬᠤᠪᠴᠠᠰᠤ ᠬᠡᠷᠡᠭᠯᠡᠯ ᠢ᠋ ᠳᠠᠩ ᠢ᠋ᠶ᠋ᠠᠷ ᠬᠢᠵᠦ ᠪᠠᠢᠭᠰᠠᠨ ᠪᠣᠯ ᠣᠳᠣ ᠨᠡᠬᠡᠮᠡᠯ᠂ ᠡᠭᠡᠷᠡᠮᠡᠯ᠂ ᠰᠠᠪᠢᠬᠢᠨ ᠡᠳ᠋ᠯᠡᠯ᠂ ᠬᠡᠦᠬᠡᠳ ᠦ᠋ᠨ ᠪᠣᠯᠤᠨ ᠠᠷᠮᠢ ᠶ᠋ᠢᠨ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠬᠤᠪᠴᠠᠰᠤᠨ ᠤ᠋ ᠲᠥᠷᠥᠯᠵᠢᠭᠰᠡᠨ ᠦᠢᠯᠡᠳᠪᠦᠷᠢ ᠨᠦ᠍ᠭᠦᠳ ᠪᠣᠢ ᠪᠣᠯᠤᠯᠠ᠃
ᠡᠳᠡᠭᠡᠷ ᠦᠢᠯᠡᠳᠪᠦᠷᠢ ᠨᠦ᠍ᠭᠦᠳ ᠦ᠋ᠨ ᠤᠷᠠᠯᠠᠨ ᠪᠦᠲᠦᠭᠡᠬᠦ ᠠᠵᠢᠯ ᠢ᠋ ᠳᠠᠩ ᠭᠠᠭᠴᠠ ᠡᠮᠡᠭᠲᠡᠢᠴᠦᠳ ᠬᠢᠵᠦ ᠪᠠᠢᠭᠠ ᠪᠥᠭᠡᠳ ᠲᠤᠰ ᠦᠢᠯᠡᠳᠪᠦᠷᠢ ᠶ᠋ᠢᠨ ᠤᠷᠠᠨ ᠭᠠᠷᠳᠠᠨ ᠤ᠋ ᠳᠣᠲᠣᠷᠠ ᠠ᠋ᠴᠠ ᠠᠵᠢᠯ ᠦᠢᠯᠡᠰ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠰᠢᠯᠭᠠᠷᠠᠭᠰᠠᠨ ᠲᠡᠷᠢᠭᠦᠨ ᠦ᠌ ᠰᠠᠢᠴᠤᠳ ᠠᠯᠳᠠᠷ ᠴᠣᠯᠠᠲᠠᠨ ᠨᠤᠭᠤᠳ ᠣᠯᠠᠨ ᠢ᠋ᠶ᠋ᠠᠷ ᠲᠣᠳᠣᠷᠠᠭᠰᠠᠨ ᠪᠢᠯᠡ᠃ ᠠᠵᠤ ᠦᠢᠯᠡᠳᠪᠦᠷᠢ ᠶ᠋ᠢᠨ ᠺᠣᠮᠪᠢᠨᠠᠲ ᠤ᠋ᠨ ᠠᠬᠠᠮᠠᠳ ᠠᠵᠢᠯᠴᠢᠨ ᠡᠰᠬᠡᠭᠦᠷᠴᠢᠨ ᠴ᠂ ᠴᠠᠮᠪᠠᠯ ᠨᠡᠬᠡᠮᠡᠯᠴᠢᠨ ᠳ· ᠬᠦᠨᠵᠢᠯᠡᠮ᠂ ᠬᠥᠳᠡᠯᠮᠦᠷᠢᠴᠢᠨ ᠦ᠌ ᠪᠠᠭᠠᠲᠤᠷ ᠴ· ᠠᠮᠤᠭᠤᠯᠠᠩ᠂ ᠳ· ᠴᠠᠨᠳᠠ— ᠠᠶᠤᠰᠢ ᠨᠠᠷ ᠤ᠋ᠨ ᠵᠡᠷᠭᠡ ᠤᠯᠤᠰ ᠡᠬᠡ ᠣᠷᠣᠨ ᠤ᠋ ᠪᠠᠨ ᠡᠮᠦᠨᠡ ᠢᠷᠭᠡᠨ ᠦ᠌ ᠪᠡᠨ ᠡᠭᠦᠷᠭᠡ ᠶ᠋ᠢ ᠨᠡᠷᠡ ᠲᠥᠷᠥ ᠲᠡᠢ ᠪᠡᠶᠡᠯᠡᠭᠦᠯᠵᠦ᠂ ᠵᠠᠯᠠᠭᠤ ᠦᠶᠡ ᠳ᠋ᠦ᠍ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠪᠣᠯᠵᠤ ᠶᠠᠪᠤᠭᠠ ᠲᠡᠷᠢᠭᠦᠨ ᠦ᠌ ᠰᠠᠢᠴᠤᠳ ᠣᠯᠠᠨ ᠢ᠋ᠶ᠋ᠠᠷ ᠲᠥᠷᠥᠵᠡᠢ᠃ ᠡᠭᠦᠨ ᠦ᠌ ᠵᠡᠷᠭᠡᠴᠡᠭᠡ ᠪᠡᠷ ᠠᠷᠠᠳ ᠲᠦᠮᠡᠨ ᠦ᠌ ᠭᠠᠷ ᠤᠷᠠᠯᠠᠯ ᠪᠣᠯᠪᠠᠰᠤᠷᠠᠩᠭᠤᠢ ᠬᠥᠭᠵᠢᠵᠦ ᠰᠢᠨᠡ ᠨᠡᠢᠭᠡᠮ ᠢ᠋ ᠪᠠᠢᠭᠤᠯᠬᠤ ᠳ᠋ᠤ᠌ ᠬᠤᠪᠢ ᠨᠡᠮᠡᠷᠢ ᠪᠣᠯᠵᠤ ᠪᠠᠢᠨᠠ᠃
ᠬᠡᠵᠢᠶᠡᠨᠡᠢ ᠡᠴᠡ ᠤᠷᠠᠨ ᠤᠳᠤᠮ ᠲᠠᠢ ᠮᠣᠩᠭᠣᠯ ᠤ᠋ᠨ ᠡᠮᠡᠭᠲᠡᠢᠴᠦᠳ ᠣᠯᠠᠨ ᠵᠠᠭᠤᠨ ᠤ᠋ ᠦᠶᠡ ᠳ᠋ᠦ᠍ ᠭᠡᠷ ᠣᠷᠣᠨ᠂ ᠠᠬᠤᠢ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠰᠠᠢᠵᠢᠷᠠᠭᠤᠯᠬᠤ ᠳ᠋ᠠᠭᠠᠨ ᠭᠠᠩ ᠵᠡᠭᠦᠦ ᠪᠡᠨ ᠬᠤᠷᠴᠠᠯᠠᠨ᠂ ᠣᠶᠤᠨ ᠤᠬᠠᠭᠠᠨ ᠢ᠋ᠶ᠋ᠠᠨ ᠬᠥᠭᠵᠢᠭᠦᠯᠵᠦ ᠠᠢᠯ ᠭᠡᠷ ᠬᠥᠮᠦᠨ ᠠᠷᠠᠳ ᠢ᠋ᠶ᠋ᠠᠨ ᠤᠷᠠᠨ ᠦᠢᠯᠡ ᠪᠡᠷ ᠢ᠋ᠶ᠋ᠡᠨ ᠴᠢᠮᠡᠵᠦ ᠢᠷᠡᠭᠰᠡᠨ ᠲᠡᠦᠬᠡ ᠲᠡᠢ᠃ ᠠᠯᠢᠪᠠ ᠤᠯᠤᠰ ᠭᠦᠷᠦᠨ ᠦ᠌ ᠬᠥᠮᠦᠨ ᠠᠷᠠᠳ ᠤ᠋ᠨ ᠤᠷᠠᠨ ᠦᠢᠯᠡ ᠬᠥᠮᠦᠨ ᠦ᠌ ᠨᠡᠢᠭᠡᠮ ᠲᠡᠢ ᠬᠠᠮᠲᠤ ᠡᠭᠦᠰᠦᠨ ᠬᠥᠭᠵᠢᠵᠦ ᠲᠤᠬᠠᠢ ᠶ᠋ᠢᠨ ᠤᠯᠤᠰ ᠭᠦᠷᠦᠨ ᠦ᠌ ᠠᠵᠤ ᠠᠮᠢᠳᠤᠷᠠᠯ ᠪᠣᠯᠤᠨ ᠰᠠᠨᠠᠭᠠ ᠥᠩᠭᠡ ᠦᠵᠡᠮᠵᠢ ᠶ᠋ᠢ ᠳᠤᠰᠬᠠᠨ ᠬᠥᠭᠵᠢᠭᠦᠯᠵᠦ ᠡᠴᠦᠰ ᠲᠡᠭᠡᠨ ᠲᠡᠦᠬᠡ ᠳᠤᠷᠠᠰᠬᠠᠯ ᠤ᠋ᠨ ᠪᠣᠳᠠᠲᠤ ᠪᠠᠷᠢᠮᠲᠠ ᠪᠣᠯᠤᠨ ᠦᠯᠡᠳᠡᠳᠡᠭ ᠦ᠋ᠨ ᠨᠢᠭᠡ ᠠᠳᠠᠯᠢ ᠮᠣᠩᠭᠣᠯ ᠡᠮᠡᠭᠲᠡᠢᠴᠦᠳ ᠦ᠋ᠨ ᠤᠷᠠᠨ ᠦᠢᠯᠡ ᠲᠡᠷᠡ ᠵᠠᠮ ᠢ᠋ ᠲᠤᠭᠤᠯᠤᠨ ᠢᠷᠡᠯᠡ᠃
ᠮᠣᠩᠭᠣᠯ ᠤᠨ ᠡᠮᠡᠭᠲᠡᠢᠴᠦᠳ ᠦ᠋ᠨ ᠤᠷᠠᠨ ᠦᠢᠯᠡ ᠲᠤᠰ ᠣᠷᠣᠨ ᠤ᠋ ᠶᠣᠰᠣ ᠵᠠᠩᠰᠢᠯ ᠰᠣᠶᠣᠯ ᠢᠷᠭᠡᠨᠰᠢᠯ ᠦ᠋ᠨ ᠲᠣᠳᠣᠷᠬᠠᠢ ᠤᠯᠠ ᠮᠥᠷ ᠪᠥᠭᠡᠳ ᠣᠯᠠᠨ ᠵᠠᠭᠤᠨ ᠤ᠋ ᠦᠶᠡ ᠳ᠋ᠦ᠍ ᠰᠢᠨᠡ ᠤᠳᠬᠠ ᠠᠭᠤᠯᠭᠠ ᠪᠠᠷ ᠪᠠᠶᠠᠯᠢᠭᠵᠢᠵᠤ ᠢᠷᠡᠭᠰᠡᠨ ᠦ᠌ ᠳᠣᠲᠣᠷᠠ ᠠ᠋ᠴᠠ ᠨᠡᠢᠭᠡᠮ ᠵᠢᠷᠤᠮᠲᠤ ᠨᠡᠢᠭᠡᠮ ᠦ᠋ᠨ ᠦᠶᠡ ᠳ᠋ᠦ᠍ ᠤᠯᠠᠮ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠵᠤ᠂ ᠨᠡᠢᠭᠡᠮ ᠵᠢᠷᠤᠮᠲᠤ ᠠᠬᠤᠢᠴᠢ ᠤᠷᠠᠯᠢᠭ ᠤ᠋ᠨ ᠭᠦᠨ ᠭᠦᠨᠵᠡᠭᠡᠢ ᠤᠳᠬᠠ ᠠᠭᠤᠯᠭᠠ᠂ ᠭᠤᠸᠠ ᠰᠠᠢᠬᠠᠨ ᠤ᠋ ᠥᠩᠭᠡ ᠦᠵᠡᠮᠵᠢ ᠪᠡᠷ ᠪᠠᠶᠠᠯᠢᠭᠵᠢᠯᠠ᠃ ᠡᠭᠦᠨ ᠦ᠌ ᠭᠡᠷᠡᠴᠢ ᠪᠣᠯ ᠤᠯᠤᠰ ᠡᠬᠡ ᠣᠷᠣᠨ ᠤ᠋ ᠪᠠᠨ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠤ᠋ᠨ ᠲᠥᠯᠥᠭᠡ ᠬᠠᠷᠢ ᠶ᠋ᠢᠨ ᠪᠤᠯᠢᠶᠠᠨ ᠡᠵᠡᠯᠡᠭᠴᠢᠳ ᠦ᠋ᠨ ᠡᠰᠡᠷᠭᠦ ᠭᠠᠷᠮᠠᠭᠠᠢ ᠲᠡᠮᠡᠴᠡᠭᠴᠢ ᠳᠠᠢᠴᠢᠨ ᠪᠠᠭᠠᠲᠤᠷ ᠡᠷᠡᠰ ᠢ᠋ᠶ᠋ᠡᠨ ᠮᠠᠭᠲᠠᠨ ᠲᠡᠭᠦᠨ ᠦ᠌ ᠳᠦᠷᠢ ᠶ᠋ᠢ ᠤᠷᠠᠨ ᠦᠢᠯᠡ ᠳ᠋ᠡᠭᠡᠨ ᠲᠣᠳᠣᠷᠠᠭᠤᠯᠵᠤ ᠴᠢᠷᠠᠢᠯᠢᠭ ᠲᠥᠷᠥᠭᠰᠡᠨ ᠴᠠᠰᠤ ᠴᠠᠬᠢᠷ ᠪᠠᠭᠠᠲᠤᠷ ᠢ᠋ᠶ᠋ᠠᠨ ᠴᠠᠰᠢ ᠨᠠᠰᠢ ᠨᠢ ᠬᠠᠷᠠᠭᠤᠯᠤᠨ ᠤᠷᠠᠯᠠᠵᠤ ᠪᠠᠢᠭᠰᠠᠨ ᠪᠣᠯ ᠲᠤᠰ ᠤᠯᠤᠰ ᠤ᠋ᠨ ᠬᠥᠮᠦᠨ ᠠᠷᠠᠳ ᠤ᠋ᠨ ᠣᠯᠠᠨ ᠵᠢᠯ ᠬᠦᠰᠡᠨ ᠬᠦᠯᠢᠶᠡᠵᠦ ᠪᠠᠢᠭᠰᠠᠨ ᠬᠠᠭᠤᠴᠢᠨ ᠨᠡᠢᠭᠡᠮ ᠢ᠋ ᠬᠤᠪᠢᠰᠬᠠᠯ ᠢ᠋ᠶ᠋ᠠᠷ ᠥᠭᠡᠷᠡᠴᠢᠯᠡᠬᠦ ᠳ᠋ᠦ᠍ ᠲᠡᠭᠦᠨ ᠳ᠋ᠦ᠍ ᠰᠡᠳᠬᠢᠯ ᠰᠠᠨᠠᠭᠠ᠂ ᠭᠠᠷ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠣᠷᠣᠯᠴᠠᠨ ᠠᠷᠠᠳ ᠤ᠋ᠨ ᠨᠠᠮ ᠤ᠋ᠨ ᠮᠠᠩᠨᠤᠭ ᠦᠰᠦᠭ ᠲᠡᠢ ᠲᠤᠭ ᠢ᠋ ᠤᠷᠠᠯᠠᠨ ᠪᠦᠲᠦᠭᠡᠵᠦ ᠤᠬᠠᠭᠠ ᠬᠣᠩᠭᠣᠷ ᠤ᠋ᠨ ᠡᠵᠡᠨ ᠤᠬᠠᠭᠠᠨᠲᠤ ᠵᠠᠩᠵᠤᠨ ᠳ· ᠰᠦᠬᠡᠪᠠᠭᠠᠲᠤᠷ ᠤ᠋ᠨ ᠭᠠᠷ ᠲᠤ ᠠᠳᠬᠤᠭᠤᠯᠵᠤ ᠲᠥᠷᠥᠯᠬᠢ ᠨᠤᠲᠤᠭ ᠤ᠋ᠨ ᠢ᠋ᠶ᠋ᠠᠨ ᠲᠦᠮᠡᠨ ᠡᠬᠡᠴᠦᠳ ᠦ᠋ᠨ ᠰᠡᠳᠬᠢᠯ ᠰᠠᠨᠠᠭᠠ ᠶ᠋ᠢ ᠢᠯᠡᠴᠢᠯᠡᠵᠦ ᠪᠠᠢᠭᠰᠠᠨ ᠶᠤᠮ᠃
ᠲᠡᠭᠦᠨᠴᠢᠯᠡᠨ ᠡᠬᠡ ᠣᠷᠣᠨ ᠤ᠋ ᠲᠡᠢᠨ ᠦ᠌ ᠦᠶᠡ ᠳ᠋ᠦ᠍ ᠴᠡᠩᠬᠡᠷ ᠳᠤᠷᠳᠤᠩ ᠠᠯᠴᠢᠭᠤᠷ ᠢ᠋ᠶ᠋ᠠᠨ ᠴᠡᠴᠡᠭ ᠨᠠᠪᠴᠢ ᠪᠠᠷ ᠴᠢᠮᠡᠵᠦ ᠴᠡᠷᠢᠭ ᠡᠷᠡ ᠶ᠋ᠢᠨ ᠰᠡᠳᠬᠢᠯ ᠳ᠋ᠦ᠍ ᠡᠷᠡ ᠵᠣᠷᠢᠭ ᠲᠥᠷᠥᠭᠦᠯᠵᠦ ᠰᠢᠷᠦᠭᠦᠨ ᠰᠤᠮᠤ ᠰᠥᠷᠬᠦ ᠳ᠋ᠦ᠍ ᠬᠦᠴᠦ ᠰᠠᠮᠪᠠᠭᠠ ᠨᠡᠮᠡᠵᠦ ᠪᠠᠢᠭᠰᠠᠨ ᠪᠣᠯ ᠲᠠᠢᠪᠤᠩ ᠴᠠᠭ ᠤ᠋ᠨ ᠪᠦᠲᠦᠭᠡᠨ ᠪᠣᠰᠬᠠᠯᠲᠠ ᠳ᠋ᠤ᠌ ᠠᠯᠲᠠᠨ ᠰᠢᠷᠭᠠᠯ ᠲᠠᠷᠢᠶᠠᠨ ᠤ᠋ ᠲᠠᠩᠭᠢᠰ ᠳᠤᠮᠳᠠ ᠠᠪᠤᠷᠭᠤ ᠲᠷᠠᠺᠲ᠋ᠣᠷ ᠬᠥᠪᠴᠦ ᠶᠠᠪᠤᠭᠠ᠂ ᠦᠢᠯᠡᠳᠪᠦᠷᠢ ᠶ᠋ᠢᠨ ᠲᠠᠰᠤᠭ᠂ ᠼᠧᠾ᠂ ᠰᠦᠷᠦᠭ ᠦ᠋ᠨ ᠳᠡᠷᠭᠡᠳᠡ ᠶᠡᠬᠡ ᠪᠦᠲᠦᠭᠡᠯ ᠢ᠋ᠶ᠋ᠡᠨ ᠣᠷᠭᠢᠯᠤᠭᠤᠯᠵᠤ ᠶᠠᠪᠤᠭᠠ ᠠᠵᠢᠯᠴᠢᠨ᠂ ᠮᠠᠯᠴᠢᠨ᠂ ᠰᠣᠶᠣᠯ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠣᠯᠤᠯᠲᠠ ᠠᠮᠵᠢᠯᠲᠠ᠂ ᠰᠠᠨᠰᠠᠷ ᠤ᠋ᠨ ᠠᠭᠤᠳᠠᠮ ᠳ᠋ᠤ᠌ ᠬᠤᠷᠳᠤᠨ ᠬᠦᠯᠦᠭ ᠵᠢᠯᠣᠭᠣᠳᠤᠨ ᠶᠠᠪᠤᠭᠠ ᠮᠣᠩᠭᠣᠯ ᠬᠥᠮᠦᠨ ᠦ᠌ ᠳᠦᠷᠢ ᠶ᠋ᠢ ᠪᠦᠲᠦᠭᠡᠵᠦ ᠪᠠᠢᠭᠠ ᠪᠠᠷ ᠢ᠋ᠶ᠋ᠠᠨ ᠮᠣᠩᠭᠣᠯ ᠤ᠋ᠨ ᠡᠮᠡᠭᠲᠡᠢᠴᠦᠳ ᠦ᠋ᠨ ᠤᠷᠠᠨ ᠦᠢᠯᠡ ᠨᠡᠢᠲᠡ ᠶ᠋ᠢᠨ ᠬᠦᠷᠲᠡᠭᠡᠯ ᠪᠣᠯᠵᠤ ᠪᠠᠢᠨᠠ᠃
ᠠᠷᠠᠳ ᠤ᠋ᠨ ᠭᠠᠷ ᠤᠷᠠᠯᠠᠯ ᠢ᠋ ᠴᠢᠨᠠᠭᠰᠢᠳᠠ ᠬᠥᠭᠵᠢᠭᠦᠯᠵᠦ ᠬᠣᠢᠴᠢ ᠦᠶᠡ ᠳ᠋ᠦ᠍ ᠰᠤᠷᠭᠠᠨ ᠡᠵᠡᠮᠰᠢᠭᠦᠯᠬᠦ ᠠᠵᠢᠯ ᠳ᠋ᠤ᠌ ᠬᠤᠪᠢ ᠨᠡᠮᠡᠷᠢ ᠣᠷᠣᠭᠤᠯᠵᠤ ᠪᠠᠢᠭᠠ ᠤᠷᠠᠨ ᠭᠠᠷᠳᠠᠨ ᠨᠤᠭᠤᠳ ᠮᠠᠨ ᠤ᠋ ᠡᠮᠡᠭᠲᠡᠢᠴᠦᠳ ᠦ᠋ᠨ ᠳᠤᠮᠳᠠ ᠣᠯᠠᠨ ᠪᠠᠢᠳᠠᠭ᠃ ᠠᠷᠠᠳ ᠤ᠋ᠨ ᠨᠠᠮ ᠤ᠋ᠨ ᠲᠤᠭ ᠢ᠋ ᠤᠷᠠᠯᠠᠨ ᠪᠦᠲᠦᠭᠡᠭᠰᠡᠨ ᠳᠠᠸᠠᠵᠠᠪ᠂ ᠤᠷᠠᠨ ᠬᠠᠳᠬᠤᠮᠠᠯᠴᠢᠨ ᠴᠠᠷᠮᠠ ᠴᠠᠷᠠᠨᠬᠦᠦ᠂ ᠤᠷᠤᠯᠬᠤᠠ᠂ ᠰᠤᠮᠢᠶᠠ ᠨᠠᠷ ᠪᠣᠯᠤᠨ ᠪᠤᠰᠤᠳ ᠣᠯᠠᠨ ᠰᠠᠢᠴᠤᠳ ᠲᠥᠷᠥᠭᠰᠡᠨ ᠪᠢᠯᠡ᠃ ᠬᠤᠪᠢᠰᠬᠠᠯ ᠤ᠋ᠨ ᠵᠢᠯ ᠳ᠋ᠦ᠍ ᠮᠠᠨ ᠤ᠋ ᠣᠯᠠᠨ ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠤ᠋ ᠭᠠᠷ ᠤᠷᠠᠯᠠᠯ ᠭᠦᠨᠵᠡᠭᠡᠢ ᠤᠳᠬᠠ ᠠᠭᠤᠯᠭᠠ ᠪᠠᠷ ᠪᠠᠶᠠᠯᠢᠭᠵᠢᠨ ᠭᠡᠷ ᠣᠷᠣᠨ᠂ ᠡᠮᠦᠰᠬᠦ ᠬᠤᠪᠴᠠᠰᠤᠨ ᠳ᠋ᠤ᠌ ᠰᠣᠶᠣᠯ ᠨᠡᠪᠲᠡᠷᠡᠵᠦ ᠤᠷᠠ ᠬᠢᠴᠡ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠵᠤ ᠢᠷᠡᠵᠡᠢ᠃ ᠮᠣᠩᠭᠣᠯ ᠤ᠋ᠨ ᠣᠯᠠᠨ ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠤ᠋ ᠭᠡᠷ ᠣᠷᠣᠨ ᠡᠮᠦᠰᠬᠦ ᠬᠤᠪᠴᠠᠰᠤ ᠲᠤᠰ ᠪᠦᠷᠢ ᠳ᠋ᠡᠭᠡᠨ ᠲᠤᠬᠠᠢ ᠶ᠋ᠢᠨ ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠤ᠋ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠤᠷᠠᠨ ᠰᠠᠩ ᠢ᠋ ᠬᠠᠳᠠᠭᠠᠯᠠᠬᠤ ᠶ᠋ᠢᠨ ᠳᠡᠭᠡᠷᠡ ᠣᠷᠴᠢᠨ ᠤ᠋ ᠪᠠᠨ ᠨᠥᠬᠥᠴᠡᠯ ᠳ᠋ᠦ᠍ ᠵᠣᠬᠢᠴᠠᠭᠰᠠᠨ ᠪᠠᠢᠳᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠣᠨᠴᠠᠯᠢᠭ ᠲᠠᠢ ᠶᠤᠮ᠃ ᠡᠭᠦᠨ ᠦ᠌ ᠵᠡᠷᠭᠡᠴᠡᠭᠡ ᠪᠡᠷ ᠬᠥᠮᠦᠨ ᠠᠷᠠᠳ ᠤ᠋ᠨ ᠮᠠᠨᠢ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠵᠦ ᠪᠠᠢᠭᠠ ᠬᠤᠪᠴᠠᠰᠤ ᠬᠤᠨᠠᠷ᠂ ᠭᠡᠷ ᠣᠷᠣᠨ ᠴᠥᠮ ᠤᠯᠤᠰ ᠡᠬᠡ ᠣᠷᠣᠨ ᠤ᠋ ᠪᠠᠨ ᠠᠯᠢᠪᠠ ᠵᠦᠢᠯ ᠢ᠋ ᠪᠡᠯᠭᠡᠰᠢᠶᠡᠬᠦ᠂ ᠤᠯᠤᠰ ᠭᠦᠷᠦᠨ ᠦ᠌ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠳᠣᠲᠣᠭᠠᠳᠤ ᠦᠵᠡᠯ ᠰᠠᠨᠠᠭᠠ ᠶᠣᠰᠣ ᠵᠠᠩᠰᠢᠯ ᠤᠷᠠᠨ ᠦᠢᠯᠡ ᠶ᠋ᠢᠨ ᠥᠩᠭᠡ ᠵᠢᠰᠦ᠂ ᠬᠡ ᠤᠭᠠᠯᠵᠠ ᠶ᠋ᠢᠨ ᠣᠨᠴᠠᠯᠢᠭ ᠢ᠋ᠶ᠋ᠠᠷ ᠢᠯᠡᠷᠬᠡᠢᠯᠡᠬᠦ ᠤᠴᠢᠷ ᠤᠷᠠᠨ ᠦᠢᠯᠡ ᠶ᠋ᠢ ᠵᠥᠪᠬᠡᠨ ᠤᠷᠠᠯᠠᠨ ᠪᠦᠲᠦᠭᠡᠬᠦ ᠳ᠋ᠦ᠍ ᠵᠣᠭᠰᠣᠬᠤ ᠦᠭᠡᠢ᠂ ᠲᠡᠭᠦᠨ ᠦ᠌ ᠥᠩᠭᠡ᠂ ᠬᠡ ᠤᠭᠠᠯᠵᠠ ᠶ᠋ᠢᠨ ᠤᠴᠢᠷ ᠤᠳᠬᠠ ᠶ᠋ᠢ ᠭᠦᠨ ᠭᠦᠨᠵᠡᠭᠡᠢ ᠰᠤᠳᠤᠯᠤᠭᠰᠠᠨ ᠪᠠᠢᠬᠤ ᠶ᠋ᠢ ᠵᠦᠢ ᠶᠣᠰᠣᠭᠠᠷ ᠱᠠᠭᠠᠷᠳᠠᠳᠠᠭ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠤᠯᠤᠰ ᠤ᠋ᠨ ᠢ᠋ᠶ᠋ᠠᠨ ᠰᠦᠯᠳᠡ ᠰᠣᠶᠣᠩᠪᠣ ᠶ᠋ᠢ ᠤᠷᠠᠯᠠᠬᠤ ᠳ᠋ᠤ᠌ ᠨᠢᠭᠡ ᠳᠡᠪᠢᠰᠬᠡᠷ ᠲᠦ ᠣᠯᠠᠨ ᠲᠥᠷᠥᠯ ᠦ᠋ᠨ ᠶᠠᠭᠤᠮᠠ ᠪᠠᠭᠲᠠᠭᠠᠬᠤ ᠶ᠋ᠢᠨ ᠳᠡᠭᠡᠷᠡ ᠰᠦᠯᠳᠡ ᠪᠡᠨ ᠪᠠᠢᠪᠠᠯ ᠵᠣᠬᠢᠬᠤ ᠭᠠᠵᠠᠷ ᠤᠰᠤ᠂ ᠲᠠᠷᠢᠶᠠᠨ ᠦᠷᠡ᠂ ᠮᠣᠷᠢᠨ ᠤ᠋ ᠳᠡᠯ᠂ ᠰᠡᠭᠦᠯ᠂ ᠬᠥᠬᠥᠯ ᠬᠦᠷᠲᠡᠯᠡ ᠲᠣᠭᠠ ᠲᠠᠢ ᠪᠠᠢᠳᠠᠭ ᠢ᠋ ᠮᠡᠳᠡᠭᠰᠡᠨ ᠪᠠᠢᠬᠤ ᠠ᠋ᠴᠠ ᠭᠠᠳᠠᠨᠠ ᠪᠠᠲᠤᠯᠠᠭᠳᠠᠭᠰᠠᠨ ᠥᠩᠭᠡᠨ ᠡᠴᠡ ᠥᠭᠡᠷᠡ ᠥᠩᠭᠡ ᠪᠡᠷ ᠣᠷᠣᠯᠠᠵᠤ ᠪᠣᠯᠳᠠᠭ ᠦᠭᠡᠢ ᠤᠴᠢᠷ ᠰᠦᠯᠳᠡ ᠶ᠋ᠢᠨ ᠤᠴᠢᠷ ᠤᠳᠬᠠ ᠶ᠋ᠢ ᠲᠤᠩ ᠰᠠᠢᠨ ᠮᠡᠳᠡᠵᠦ ᠤᠷᠠᠯᠠᠬᠤ ᠶᠣᠰᠣᠲᠠᠢ ᠪᠣᠯᠳᠠᠭ᠃
ᠲᠡᠭᠦᠨᠴᠢᠯᠡᠨ ᠬᠥᠮᠦᠨ ᠦ᠌ ᠬᠥᠷᠥᠭ ᠢ᠋ ᠣᠶᠣᠬᠤ ᠳ᠋ᠤ᠌ ᠢᠯᠠᠩᠭᠤᠶᠠ ᠤᠳᠤᠷᠢᠳᠤᠭᠴᠢᠳ ᠤ᠋ᠨ ᠬᠥᠷᠥᠭ ᠢ᠋ ᠨᠠᠷᠢᠨ ᠬᠠᠷᠢᠴᠠᠯ ᠤ᠋ᠨ ᠳᠠᠭᠠᠤ ᠣᠶᠣᠨᠠ᠃ ᠳᠡᠯᠡᠬᠡᠢ ᠶ᠋ᠢᠨ ᠬᠤᠪᠢᠰᠬᠠᠯ ᠤ᠋ᠨ ᠶᠡᠬᠡ ᠤᠳᠤᠷᠢᠳᠤᠭᠴᠢ ᠸ· ᠢ· ᠯᠧᠨᠢᠨ ᠦ᠌ ᠬᠥᠷᠥᠭ ᠢ᠋ ᠵᠢᠷᠤᠭᠠᠴᠢ ᠶ᠋ᠢᠨ᠂ ᠰᠢᠷᠠᠪ ᠠᠩᠬᠠ ᠪᠦᠲᠦᠭᠡᠵᠦ ᠲᠡᠭᠦᠨ ᠡᠴᠡ ᠤᠷᠠᠨ ᠦᠢᠯᠡᠴᠢᠨ ᠯᠧᠨᠢᠨ ᠦ᠌ ᠬᠥᠷᠥᠭ ᠢ᠋ ᠤᠷᠠᠯᠠᠬᠤ ᠪᠣᠯᠤᠭᠰᠠᠨ ᠶᠤᠮ᠃
ᠠᠯᠢᠪᠠ ᠤᠯᠤᠰ ᠭᠦᠷᠦᠨ ᠳ᠋ᠦ᠍ ᠤᠷᠠᠨ ᠦᠢᠯᠡ ᠶ᠋ᠢ ᠡᠮᠡᠭᠲᠡᠢᠴᠦᠳ ᠡᠷᠬᠢᠯᠡᠨ ᠬᠢᠵᠦ ᠢᠷᠡᠭᠰᠡᠨ ᠪᠣᠯᠪᠠᠴᠤ ᠤᠷᠠᠨ ᠦᠢᠯᠡ ᠬᠢᠳᠡᠭ ᠡᠷᠡᠭᠲᠡᠢᠴᠦᠳ ᠴᠥᠭᠡᠨ ᠦᠭᠡᠢ ᠪᠠᠢᠳᠠᠭ ᠢ᠋ ᠳᠤᠷᠠᠳᠬᠤ ᠶᠣᠰᠣᠲᠠᠢ᠃ ᠤᠷᠠᠨ ᠦᠢᠯᠡ ᠶ᠋ᠢ ᠬᠢᠬᠦ ᠳ᠋ᠦ᠍ ᠲᠡᠭᠦᠨ ᠳ᠋ᠦ᠍ ᠰᠢᠢᠳᠪᠦᠷᠢᠯᠡᠬᠦ ᠡᠭᠦᠷᠭᠡ ᠶ᠋ᠢ ᠭᠦᠢᠴᠡᠳᠬᠡᠵᠦ ᠢᠷᠡᠭᠰᠡᠨ ᠪᠠᠭᠠᠵᠢ᠂ ᠬᠡᠮᠵᠢᠭᠦᠷ ᠦ᠋ᠨ ᠬᠡᠷᠡᠭᠰᠡᠯ ᠤᠷᠠᠨ ᠦᠢᠯᠡ ᠶ᠋ᠢᠨ ᠴᠢᠨᠠᠷ᠂ ᠳᠠᠪᠰᠢᠯ᠂ ᠬᠥᠭᠵᠢᠯ ᠳ᠋ᠦ᠍ ᠠᠯᠬᠤᠮ ᠪᠦᠷᠢ ᠰᠢᠨᠡ ᠵᠦᠢᠯ ᠨᠡᠮᠡᠵᠡᠢ᠃ ᠤᠷᠠᠨ ᠦᠢᠯᠡ ᠶ᠋ᠢᠨ ᠬᠥᠭᠵᠢᠯ ᠢ᠋ ᠳ᠋ᠦᠩᠨᠡᠬᠦ ᠳ᠋ᠡᠭᠡᠨ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠤᠷᠠᠯᠠᠨ ᠪᠦᠲᠦᠭᠡᠭᠰᠡᠨ ᠪᠠᠶᠠᠯᠢᠭ ᠢ᠋ᠶ᠋ᠠᠷ ᠪᠢᠰᠢ ᠲᠡᠭᠦᠨ ᠦ᠌ ᠪᠠᠭᠠᠵᠢ ᠵᠡᠪᠰᠡᠭ ᠦ᠋ᠨ ᠬᠥᠭᠵᠢᠯᠲᠡ ᠪᠡᠷ ᠦᠨᠡᠯᠡᠳᠡᠭ ᠤᠴᠢᠷ᠂ ᠤᠷᠠᠨ ᠦᠢᠯᠡ ᠶ᠋ᠢᠨ ᠪᠠᠭᠠᠵᠢ ᠶ᠋ᠢᠨ ᠲᠠᠯᠠ ᠪᠠᠷ ᠵᠠᠷᠢᠮ ᠵᠦᠢᠯ ᠢ᠋ ᠲᠣᠳᠣᠷᠠᠭᠤᠯᠤᠶᠠ᠃
ᠤᠷᠠᠨ ᠦᠢᠯᠡ ᠶ᠋ᠢᠨ ᠪᠠᠭᠠᠵᠢ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠡᠭᠦᠰᠦᠨ ᠬᠥᠭᠵᠢᠵᠦ ᠨᠡᠢᠭᠡᠮ ᠦ᠋ᠨ ᠣᠯᠠᠨ ᠬᠡᠯᠪᠡᠷᠢ ᠶ᠋ᠢ ᠳᠠᠮᠵᠢᠬᠤ ᠳ᠋ᠠᠭᠠᠨ ᠦᠢᠯᠡᠳᠪᠦᠷᠢᠯᠡᠯ ᠦ᠋ᠨ ᠪᠠᠭᠠᠵᠢ ᠵᠡᠪᠰᠡᠭ ᠢ᠋ ᠰᠢᠨᠡᠴᠢᠯᠡᠵᠦ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠭᠠᠵᠤ ᠢᠷᠡᠭᠰᠡᠨ ᠦ᠌ ᠭᠡᠷᠡᠴᠢ ᠪᠣᠯ ᠬᠠᠭᠤᠴᠢᠨ ᠴᠢᠯᠠᠭᠤᠨ ᠵᠡᠪᠰᠡᠭ ᠦ᠋ᠨ ᠦᠶᠡ ᠶ᠋ᠢᠨ ᠠᠮᠢ ᠪᠠᠨ ᠠᠷᠭᠠᠴᠠᠬᠤ ᠲᠡᠳᠦᠢ ᠥᠴᠦᠬᠡᠨ ᠭᠠᠷ ᠠᠵᠢᠯᠯᠠᠭᠠᠨ ᠠ᠋ᠴᠠ ᠥᠨᠥ ᠶ᠋ᠢᠨ ᠥᠭᠡᠷᠡ ᠭᠠᠷᠠᠭ ᠶᠢᠷᠲᠢᠨᠴᠦ ᠶ᠋ᠢᠨ ᠨᠢᠭᠤᠴᠠ ᠶ᠋ᠢ ᠲᠠᠢᠯᠬᠤ᠂ ᠰᠠᠨᠰᠠᠷ ᠤ᠋ᠨ ᠠᠭᠤᠳᠠᠮ ᠢ᠋ ᠡᠵᠡᠮᠰᠢᠬᠦ ᠬᠦᠷᠲᠡᠯᠡ ᠥᠨᠳᠥᠷ ᠬᠥᠭᠵᠢᠯ ᠳ᠋ᠦ᠍ ᠬᠦᠷᠦᠭᠰᠡᠨ ᠶᠠᠪᠤᠳᠠᠯ ᠮᠥᠨ᠃ ᠢᠯᠠᠩᠭᠤᠶᠠ ᠡᠨᠡ ᠵᠠᠭᠤᠨ ᠭᠡᠳᠡᠭ ᠶᠠᠮᠠᠷ ᠭᠠᠢᠬᠠᠮᠰᠢᠭᠲᠠᠢ ᠪᠢᠯᠡ᠃
ᠮᠠᠨ ᠤ᠋20 ᠳ᠋ᠤᠭᠠᠷ ᠵᠠᠭᠤᠨ ᠳ᠋ᠤ᠌ ᠶᠡᠷᠦ ᠪᠤᠰᠤ ᠶ᠋ᠢᠨ ᠶᠡᠬᠡ ᠥᠭᠡᠷᠡᠴᠢᠯᠡᠯᠲᠡ ᠭᠠᠷᠴᠤ ᠵᠢᠯ ᠦ᠋ᠨ ᠠᠵᠢᠯ ᠢ᠋ ᠮᠢᠨᠦ᠋ᠲ ᠢ᠋ᠶ᠋ᠡᠷ ᠲᠣᠪᠴᠢᠯᠠᠬᠤ ᠪᠣᠯᠲᠠᠯᠠ ᠬᠥᠮᠦᠨ ᠦ᠌ ᠨᠡᠢᠭᠡᠮ ᠬᠥᠭᠵᠢᠯᠡ᠃ ᠡᠭᠦᠨ ᠦ᠌ ᠨᠢᠭᠡ ᠠᠳᠠᠯᠢ ᠦᠢᠯᠡ ᠶ᠋ᠢᠨ ᠪᠠᠭᠠᠵᠢ ᠴᠤ᠌ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠬᠤᠪᠴᠠᠰᠤ ᠡᠮᠦᠰᠬᠦ ᠪᠣᠯᠤᠭᠰᠠᠨ ᠦᠶᠡ ᠲᠡᠢ ᠬᠣᠯᠪᠣᠭᠠ ᠲᠠᠢ ᠡᠭᠦᠰᠦᠭᠰᠡᠨ ᠨᠢ ᠮᠡᠳᠡᠭᠡᠵᠢ ᠶᠦᠮ᠃ ᠡᠷᠲᠡᠨ ᠦ᠌ ᠬᠥᠮᠦᠨ ᠦ᠌ ᠤᠷᠠᠨ ᠦᠢᠯᠡ ᠶ᠋ᠢᠨ ᠪᠠᠭᠠᠵᠢ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠴᠣᠬᠣᠮ ᠶᠠᠭᠤ ᠪᠠᠷ ᠪᠠᠭᠠᠵᠢ ᠬᠢᠵᠦ ᠪᠠᠢᠭᠰᠠᠨ ᠲᠠᠢ ᠬᠣᠯᠪᠣᠭᠠ ᠲᠠᠢ ᠪᠣᠯᠪᠠᠴᠤ ᠲᠡᠮᠦᠷ ᠵᠡᠪᠰᠡᠭ ᠡᠴᠡ ᠡᠮᠦᠨᠡᠬᠢ ᠦᠶᠡ ᠳ᠋ᠦ᠍ ᠬᠡᠷᠡᠭᠯᠡᠵᠦ ᠪᠠᠢᠭᠰᠠᠨ ᠵᠡᠭᠦᠦ᠂ ᠬᠠᠢᠴᠢ ᠮᠡᠲᠦ ᠪᠠᠭᠠᠵᠢ ᠶ᠋ᠢ ᠶᠠᠭᠤ ᠪᠠᠷ ᠣᠷᠣᠯᠠᠭᠤᠯᠵᠤ ᠪᠠᠢᠭᠰᠠᠨ ᠲᠤᠬᠠᠢ ᠮᠠᠨ ᠤ᠋ ᠣᠷᠣᠨ ᠤ᠋ ᠨᠤᠲᠤᠭ ᠳᠡᠪᠢᠰᠬᠡᠷ ᠲᠤ ᠤᠯᠠ ᠮᠥᠷ ᠪᠣᠯᠬᠤ ᠶᠠᠭᠤᠮᠠ ᠣᠳᠣ ᠪᠠᠷ ᠢ᠋ᠶ᠋ᠠᠨ ᠮᠡᠳᠡᠭᠳᠡᠬᠦ ᠦᠭᠡᠢ ᠪᠠᠢᠨᠠ᠃
ᠬᠠᠷᠢᠨ ᠠᠩᠬᠠᠨ ᠤ᠋ ᠬᠥᠮᠦᠨ ᠵᠡᠭᠦᠦ ᠶ᠋ᠢ ᠴᠢᠯᠠᠭᠤ᠂ ᠶᠠᠰᠤ᠂ ᠮᠣᠳᠣ᠂ ᠬᠤᠯᠤᠰᠤ ᠪᠠᠷ ᠬᠢᠵᠦ ᠪᠠᠢᠭᠰᠠᠨ ᠲᠤᠬᠠᠢ ᠮᠡᠳᠡᠭᠡ ᠪᠠᠢᠳᠠᠭ᠃ ᠲᠤᠰ ᠤᠯᠤᠰ ᠤ᠋ᠨ ᠬᠠᠭᠤᠴᠢᠰ ᠤ᠋ᠨ ᠰᠤᠳᠤᠯᠭᠠᠲᠠᠨ ᠤ᠋ ᠪᠤᠯᠠᠰᠢ ᠣᠬᠣᠭᠰᠠᠨ ᠰᠤᠳᠤᠯᠭᠠᠨ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍ ᠶᠠᠰᠤᠨ ᠵᠡᠭᠦᠦ᠂ ᠵᠡᠭᠦᠦ ᠶ᠋ᠢᠨ ᠶᠠᠰᠤᠨ ᠰᠠᠪᠠ ᠭᠠᠷᠴᠤ ᠪᠠᠢᠭᠰᠠᠨ ᠪᠠᠢᠨᠠ᠃ ᠬᠦᠷᠡᠯ ᠵᠡᠪᠰᠡᠭ ᠡᠴᠡ ᠡᠮᠦᠨᠡ ᠬᠥᠮᠦᠨ ᠪᠠᠢᠭᠠᠯᠢ ᠶ᠋ᠢᠨ ᠵᠡᠰ ᠦ᠋ᠨ ᠬᠦᠳᠡᠷ ᠢ᠋ ᠠᠰᠢᠭᠯᠠᠵᠤ ᠵᠡᠰ ᠢ᠋ᠶ᠋ᠡᠷ ᠰᠢᠪᠦᠭᠡ ᠬᠢᠵᠦ ᠪᠠᠢᠭᠰᠠᠨ ᠲᠤᠬᠠᠢ《ᠡᠷᠲᠡᠨ ᠦ᠌ ᠳᠡᠯᠡᠬᠡᠢ ᠶ᠋ᠢᠨ ᠲᠡᠦᠬᠡ ᠶ᠋ᠢᠨ ᠳᠡᠭᠡᠵᠢ ᠪᠢᠴᠢᠭ》 ᠲᠦ ᠥᠭᠦᠯᠡᠭᠰᠡᠨ ᠡᠴᠡ ᠦᠵᠡᠬᠦ ᠳ᠋ᠦ᠍ ᠵᠡᠭᠦᠦ ᠵᠡᠰ ᠢ᠋ᠶ᠋ᠡᠷ ᠬᠢᠭᠳᠡᠵᠦ ᠪᠠᠢᠭᠰᠠᠨ ᠪᠠᠢᠵᠤ ᠪᠣᠯᠬᠤ ᠶᠤᠮ᠃
ᠬᠥᠮᠦᠨ ᠵᠡᠰ ᠢ᠋ ᠳᠠᠩ ᠢ᠋ᠶ᠋ᠠᠷ ᠠᠰᠢᠭᠯᠠᠵᠤ ᠪᠠᠢᠭᠰᠠᠨ ᠳᠡᠭᠡᠷᠡ ᠦᠶᠡ ᠡᠴᠡ ᠬᠣᠶᠠᠳᠠᠭᠴᠢ ᠲᠡᠮᠦᠷᠯᠢᠭ ᠪᠣᠯᠬᠤ ᠬᠥᠩᠭᠡᠨ ᠴᠠᠭᠠᠨ ᠢ᠋ ᠠᠰᠢᠭᠯᠠᠨ ᠵᠡᠰ ᠲᠡᠢ ᠬᠣᠯᠢᠵᠤ ᠬᠠᠲᠠᠭᠤᠷᠠᠭᠤᠯᠵᠤ ᠬᠦᠷᠡᠯ ᠵᠡᠪᠰᠡᠭ ᠢ᠋ ᠦᠢᠯᠡᠳᠪᠦᠷᠢᠯᠡᠬᠦ ᠪᠣᠯᠤᠭᠰᠠᠨ ᠦᠶᠡ ᠡᠴᠡ ᠬᠥᠮᠦᠨ ᠦ᠌ ᠪᠠᠭᠠᠵᠢ ᠵᠡᠪᠰᠡᠭ ᠲᠦ ᠠᠰᠤᠷᠤ ᠶᠡᠬᠡ ᠥᠭᠡᠷᠡᠴᠢᠯᠡᠯᠲᠡ ᠭᠠᠷᠤᠭᠰᠠᠨ ᠭᠡᠵᠦ ᠡᠷᠳᠡᠮᠲᠡᠳ ᠳ᠋ᠦᠩᠨᠡᠭᠰᠡᠨ ᠪᠠᠢᠨᠠ᠃ ᠬᠦᠷᠡᠯ ᠦ᠋ᠨ ᠦᠶᠡ ᠶ᠋ᠢᠨ ᠵᠡᠭᠦᠦ᠂ ᠬᠠᠢᠴᠢ ᠮᠠᠨ ᠤ᠋ ᠣᠷᠣᠨ ᠠ᠋ᠴᠠ ᠣᠳᠣᠬᠠᠨ ᠳ᠋ᠠᠭᠠᠨ ᠣᠯᠳᠠᠭᠠ ᠦᠭᠡᠢ ᠪᠣᠯᠪᠠᠴᠤ ᠬᠢᠯᠢ ᠵᠠᠯᠭᠠᠭᠠ ᠲᠣᠪᠠ ᠠ᠋ᠴᠠ ᠬᠦᠷᠡᠯ ᠵᠡᠭᠦᠦ ᠣᠯᠳᠠᠭᠰᠠᠨ ᠰᠤᠷᠠᠭ ᠪᠠᠢᠳᠠᠭ᠃
ᠠᠽᠢᠶᠠ ᠶᠢᠨ ᠲᠥᠪ ᠬᠡᠰᠡᠭ ᠪᠣᠯᠤᠭᠰᠠᠨ ᠮᠣᠩᠭᠣᠯ ᠣᠷᠣᠨ ᠤ᠋ ᠨᠤᠲᠤᠭ ᠲᠤ ᠬᠠᠭᠤᠴᠢᠰ ᠤ᠋ᠨ ᠰᠤᠳᠤᠯᠭᠠᠲᠠᠨ ᠤ᠋ ᠰᠢᠨᠵᠢᠯᠡᠭᠡᠨ ᠢ᠋ᠶ᠋ᠡᠷ ᠣᠯᠳᠠᠭᠰᠠᠨ ᠴᠢᠯᠠᠭᠤ᠂ ᠬᠦᠷᠡᠯ᠂ ᠲᠡᠮᠦᠷ ᠵᠡᠪᠰᠡᠭ ᠦ᠋ᠨ ᠣᠯᠳᠠᠪᠤᠷᠢ ᠪᠠᠶᠠᠨ ᠪᠥᠭᠡᠳ ᠡᠨᠡ20 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠶ᠋ᠢᠨ ᠵᠠᠷᠢᠮ ᠲᠡᠦᠬᠡᠴᠢᠳ ᠦ᠋ᠨ ᠬᠡᠯᠡᠭᠰᠡᠨᠴᠢᠯᠡᠨ ᠡᠷᠲᠡᠨ ᠦ᠌ ᠬᠥᠮᠦᠨ ᠲᠥᠪ ᠠᠽᠢᠶᠠ ᠠ᠋ᠴᠠ ᠭᠠᠷᠤᠯ ᠲᠠᠢ ᠭᠡᠰᠡᠨ ᠨᠤᠲᠠᠯᠠᠭᠠ ᠲᠣᠬᠢᠷᠠᠵᠤ ᠪᠠᠢᠭᠠ ᠶᠤᠮ᠃
ᠵᠥᠪᠯᠡᠯᠲᠦ ᠬᠣᠯᠪᠣᠭᠠᠲᠤ ᠤᠯᠤᠰ ᠤ᠋ᠨ ᠬᠠᠭᠤᠴᠢᠰ ᠤ᠋ᠨ ᠰᠤᠳᠤᠯᠭᠠᠲᠠᠨ ᠤ᠋ ᠪᠤᠯᠠᠰᠢᠨ ᠠ᠋ᠴᠠ ᠣᠯᠤᠭᠰᠠᠨ ᠴᠢᠯᠠᠭᠤᠨ ᠵᠡᠪᠰᠡᠭ ᠦ᠋ᠨ ᠦᠯᠡᠳᠡᠴᠡ ᠶ᠋ᠢᠨ ᠳᠣᠲᠣᠷᠠ ᠵᠡᠭᠦᠦ ᠬᠡᠯᠪᠡᠷᠢ ᠲᠡᠢ ᠨᠢᠭᠡ ᠲᠠᠯᠠ ᠨᠢ ᠮᠣᠬᠢᠷᠳᠠᠭᠤ ᠴᠢᠯᠠᠭᠤ ᠪᠠᠢᠭᠰᠠᠨ ᠢ᠋ ᠲᠡᠳᠡ ᠵᠡᠭᠦᠦ ᠭᠡᠵᠦ ᠨᠡᠷᠡᠯᠡᠵᠡᠢ᠃ ᠬᠠᠭᠤᠴᠢᠰ ᠤ᠋ᠨ ᠰᠤᠳᠤᠯᠭᠠᠲᠠᠨ ᠤ᠋ ᠰᠢᠨᠵᠢᠯᠡᠭᠡᠨ ᠦ᠌ ᠮᠡᠳᠡᠭᠡᠨ ᠳ᠋ᠦ᠍ ᠰᠦᠪᠡᠭᠴᠢ ᠦᠭᠡᠢ ᠬᠦᠷᠡᠯ ᠵᠡᠭᠦᠦ ᠮᠡᠲᠦ ᠨᠠᠷᠢᠨ ᠴᠢᠳᠬᠤᠮᠠᠯ ᠣᠯᠳᠠᠭᠰᠠᠨ ᠪᠠᠢᠨᠠ᠃ ᠬᠦᠷᠡᠯ ᠦ᠋ᠨ ᠦᠶᠡ ᠶ᠋ᠢᠨ ᠣᠯᠳᠠᠪᠤᠷᠢ ᠠ᠋ᠴᠠ ᠤᠷᠠᠨ ᠦᠢᠯᠡ ᠶ᠋ᠢᠨ ᠬᠦᠷᠡᠯ ᠬᠠᠢᠴᠢ ᠣᠯᠳᠠᠭᠰᠠᠨ ᠲᠤᠬᠠᠢ ᠮᠡᠳᠡᠭᠡ ᠣᠳᠣ ᠪᠠᠷ ᠢ᠋ᠶ᠋ᠠᠨ ᠠᠯᠠᠭᠠ ᠪᠠᠢᠨᠠ᠃
ᠮᠠᠨ ᠤ ᠣᠷᠣᠨ ᠳᠤ13 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠶ᠋ᠢᠨ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠤᠯᠠᠰᠢ ᠪᠦᠷᠢ ᠳ᠋ᠦ᠍ ᠰᠢᠬᠠᠮ ᠬᠠᠢᠴᠢ᠂ ᠰᠢᠪᠡᠷ ᠪᠤᠶᠤ ᠸᠠᠭᠠᠷ ᠢ᠋ᠶ᠋ᠠᠷ ᠬᠢᠭᠰᠡᠨ ᠡᠭᠡᠷᠡᠦᠯ ᠦ᠋ᠨ ᠳᠤᠭᠤᠢ ᠭᠠᠷᠤᠭᠰᠠᠨ ᠨᠢ ᠣᠳᠣ ᠶ᠋ᠢᠨ ᠲᠡᠮᠦᠷ ᠬᠠᠢᠴᠢ ᠠ᠋ᠴᠠ ᠠᠷᠠᠢ ᠪᠣᠯᠬᠢᠳᠠᠭᠤ ᠪᠠᠷᠢᠭᠤᠯ ᠭᠤᠶᠠ ᠨᠢ ᠪᠥᠭᠡᠷᠡᠩᠬᠡᠢᠪᠲᠦᠷ ᠪᠠᠢᠨᠠ᠃
ᠤᠷᠠᠨ ᠦᠢᠯᠡ ᠶ᠋ᠢᠨ ᠪᠠᠭᠠᠵᠢ ᠶ᠋ᠢ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠬᠡᠷᠡᠭᠯᠡᠬᠦ ᠦᠢᠯᠡ ᠶ᠋ᠢᠨ ᠢ᠋ᠶ᠋ᠡᠨ ᠣᠨᠴᠠᠯᠢᠭ ᠲᠤ ᠲᠣᠬᠢᠷᠠᠭᠤᠯᠤᠨ ᠣᠭᠲᠣᠯᠬᠤ᠂ ᠴᠣᠭᠣᠯᠬᠤ᠂ ᠬᠡᠮᠵᠢᠬᠦ᠂ ᠦᠭᠡᠯᠡᠬᠦ᠂ ᠨᠠᠭᠠᠬᠤ᠂ ᠪᠡᠬᠢᠯᠡᠬᠦ᠂ ᠴᠣᠬᠢᠬᠤ᠂ ᠲᠠᠲᠠᠬᠤ ᠵᠡᠷᠭᠡ ᠶ᠋ᠢᠨ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠬᠡᠯᠪᠡᠷᠢ ᠪᠡᠷ ᠬᠢᠵᠦ ᠬᠡᠷᠡᠭᠯᠡᠵᠦ ᠢᠷᠡᠵᠡᠢ᠃ ᠡᠨᠡ ᠨᠢ ᠬᠡᠯᠪᠡᠷᠢ ᠮᠠᠶᠢᠭ ᠤ᠋ᠨ ᠬᠤᠪᠢ ᠳ᠋ᠤ᠌ ᠥᠭᠡᠷᠡᠴᠢᠯᠡᠭᠳᠡᠨ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠵᠤ ᠢᠷᠡᠭᠰᠡᠨ ᠪᠥᠭᠡᠳ ᠰᠡᠭᠦᠯ ᠦ᠋ᠨ ᠦᠶᠡ ᠳ᠋ᠦ᠍ ᠪᠣᠯᠪᠠᠰᠤᠷᠠᠩᠭᠤᠢ ᠮᠧᠬᠠᠨᠢᠰᠮ ᠢ᠋ᠶ᠋ᠠᠷ ᠰᠣᠯᠢᠭᠳᠠᠵᠤ ᠭᠠᠷ ᠠᠵᠢᠯᠯᠠᠭᠠ ᠶ᠋ᠢ ᠠᠯᠭᠤᠷ ᠴᠢᠯᠥᠭᠡᠯᠡᠭᠰᠡᠭᠡᠷ ᠪᠠᠢᠨᠠ᠃ ᠤᠷᠠᠨ ᠦᠢᠯᠡ ᠶ᠋ᠢᠨ ᠪᠠᠭᠠᠵᠢ ᠬᠡᠷᠡᠭᠯᠡᠬᠦ ᠠᠷᠭᠠ᠂ ᠬᠢᠬᠦ ᠵᠦᠢᠯ ᠲᠡᠢ ᠬᠣᠯᠪᠣᠭᠳᠠᠨ ᠳᠡᠰ ᠳᠠᠷᠠᠭᠠ ᠲᠠᠢ ᠪᠠᠢᠳᠠᠭ᠃ ᠬᠥᠮᠦᠨ ᠤᠷᠠᠨ ᠦᠢᠯᠡ ᠪᠣᠯᠤᠨ ᠪᠤᠰᠤᠳ ᠶᠠᠭᠤᠮᠠ ᠶ᠋ᠢ ᠬᠢᠬᠦ ᠳ᠋ᠡᠭᠡᠨ ᠡᠬᠢᠯᠡᠭᠡᠳ ᠬᠡᠮᠵᠢᠵᠦ᠂ ᠳᠠᠷᠠᠭᠠ ᠨᠢ ᠣᠭᠲᠣᠯᠳᠠᠭ᠂ ᠡᠭᠦᠨ ᠦ᠌ ᠳᠠᠷᠠᠭᠠ ᠡᠪᠯᠡᠭᠦᠯᠵᠦ ᠣᠶᠣᠳᠠᠭ᠃ ᠡᠰᠬᠡᠬᠦ᠂ ᠣᠶᠣᠬᠤ ᠶᠠᠪᠤᠴᠠ ᠳ᠋ᠠᠭᠠᠨ ᠵᠠᠰᠠᠵᠤ ᠦᠭᠡᠯᠡᠵᠦ ᠪᠠᠢᠳᠠᠭ ᠪᠣᠯᠬᠣᠷ ᠬᠠᠮᠤᠭ ᠤ᠋ᠨ ᠲᠦᠷᠦᠭᠦᠨ ᠳ᠋ᠦ᠍ ᠬᠡᠮᠵᠢᠭᠦᠷ ᠦ᠋ᠨ ᠬᠡᠷᠡᠭᠰᠡᠯ ᠣᠷᠣᠳᠠᠭ᠃ ᠦᠢᠯᠡ ᠶ᠋ᠢᠨ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠦ᠋ᠨ ᠬᠥᠭᠵᠢᠯ ᠦ᠋ᠨ ᠲᠣᠢᠮᠣ ᠠ᠋ᠴᠠ ᠳᠤᠷᠠᠳᠤᠶᠠ᠃
ᠬᠡᠮᠵᠢᠭᠦᠷ ᠦ᠋ᠨ ᠬᠡᠷᠡᠭᠰᠡᠯ ᠬᠡᠮᠵᠢᠭᠦᠷ ᠢ᠋ ᠬᠥᠮᠦᠨ ᠡᠷᠲᠡ ᠦᠶᠡ ᠡᠴᠡ ᠬᠡᠷᠡᠭᠯᠡᠭᠰᠡᠨ ᠪᠥᠭᠡᠳ ᠬᠤᠪᠴᠠᠰᠤ ᠡᠮᠦᠰᠬᠦ᠂ ᠣᠷᠣᠨ ᠰᠠᠭᠤᠴᠠ ᠳ᠋ᠤ᠌ ᠰᠠᠭᠤᠬᠤ ᠪᠣᠯᠤᠭᠰᠠᠨ ᠲᠠᠢ ᠬᠣᠯᠪᠣᠭᠠ ᠲᠠᠢ ᠪᠣᠯᠬᠤ ᠨᠢ ᠮᠡᠳᠡᠭᠡᠵᠢ᠃ ᠬᠡᠮᠵᠢᠭᠦᠷ ᠦ᠋ᠨ ᠬᠡᠷᠡᠭᠰᠡᠯ ᠦ᠋ᠨ ᠲᠠᠯᠠ ᠪᠠᠷ ᠵᠥᠪᠬᠡᠨ ᠥᠪᠡᠷ ᠦ᠋ᠨ ᠣᠷᠣᠨ ᠤ᠋ ᠲᠤᠬᠠᠢ ᠥᠭᠦᠯᠡᠬᠦ ᠳ᠋ᠦ᠍ ᠮᠣᠩᠭᠣᠯ ᠤ᠋ᠨ ᠬᠥᠮᠦᠨ ᠠᠷᠠᠳ ᠡᠷᠲᠡ ᠦᠶᠡ ᠡᠴᠡ ᠬᠡᠮᠵᠢᠭᠦᠷ ᠲᠡᠢ ᠪᠠᠢᠭᠰᠠᠨ ᠤ᠋ ᠠᠴᠢ ᠪᠠᠷ ᠮᠠᠨ ᠤ᠋ ᠤᠷᠠ ᠶ᠋ᠢᠨ ᠰᠠᠩ ᠬᠥᠭᠵᠢᠵᠦ ᠪᠠᠢᠵᠠᠢ᠃ ᠮᠣᠩᠭᠣᠯᠴᠤᠳ ᠤᠷᠠᠨ ᠦᠢᠯᠡ᠂ ᠤᠷᠠᠨ ᠳᠠᠷᠬᠠᠨ ᠢ᠋ ᠬᠢᠬᠦ ᠳ᠋ᠡᠭᠡᠨ ᠪᠠᠷᠤᠭᠴᠠᠭᠠ ᠬᠡᠮᠵᠢᠭᠦᠷ ᠢ᠋ ᠣᠯᠠᠨ ᠵᠠᠭᠤᠨ ᠵᠢᠯ ᠬᠡᠷᠡᠭᠯᠡᠵᠦ ᠢᠷᠡᠭᠰᠡᠨ ᠨᠢ ᠨᠡᠭᠦᠳᠡᠯᠴᠢᠨ ᠠᠮᠢᠳᠤᠷᠠᠯ ᠳ᠋ᠤ᠌ ᠲᠣᠬᠢᠷᠠᠭᠰᠠᠨ ᠥᠪᠡᠷᠮᠢᠴᠡ ᠬᠡᠮᠵᠢᠭᠦᠷ ᠪᠠᠢᠵᠠᠢ᠃ ᠮᠣᠩᠭᠣᠯ ᠬᠥᠮᠦᠨ ᠠᠯᠢᠪᠠ ᠬᠡᠮᠵᠢᠭᠦᠷ ᠢ᠋ ᠥᠪᠡᠷ ᠦ᠋ᠨ ᠪᠡᠶᠡ ᠮᠠᠬᠠᠪᠣᠳ᠂ ᠭᠠᠷ ᠬᠤᠷᠤᠭᠤ᠂ ᠦᠶᠡ ᠮᠥᠴᠢ ᠪᠡᠷ ᠢ᠋ᠶ᠋ᠡᠨ ᠬᠡᠮᠵᠢᠬᠦ ᠪᠤᠶᠤ ᠡᠳᠦᠷ ᠳᠣᠳᠣᠮ ᠬᠡᠷᠡᠭᠯᠡᠭᠳᠡᠵᠦ ᠪᠠᠢᠳᠠᠭ ᠬᠡᠨ ᠪᠦᠬᠦᠨ ᠦ᠌ ᠮᠡᠳᠡᠭᠡᠵᠢ ᠶᠠᠭᠤᠮᠠ ᠲᠠᠢ ᠬᠠᠷᠢᠴᠠᠭᠤᠯᠵᠤ ᠬᠡᠮᠵᠢᠳᠡᠭ ᠪᠠᠢᠭᠰᠠᠨ ᠨᠢ ᠮᠣᠩᠭᠣᠯ ᠳ᠋ᠤ᠌ ᠨᠢᠭᠡᠳᠦᠭᠰᠡᠨ ᠨᠢᠭᠡ ᠪᠠᠷᠢᠮᠵᠢᠶᠠ ᠬᠡᠮᠵᠢᠭᠦᠷ ᠠᠢᠯ ᠡᠷᠦᠬᠡ ᠪᠦᠷᠢ ᠳ᠋ᠦ᠍ ᠨᠡᠪᠲᠡᠷᠡᠭᠡ ᠦᠭᠡᠢ ᠪᠠᠢᠭᠰᠠᠨ ᠲᠤᠬᠠᠢ ᠶ᠋ᠢᠨ ᠦᠶᠡ ᠳ᠋ᠦ᠍ ᠠᠮᠢᠳᠤᠷᠠᠯ ᠤ᠋ᠨ ᠬᠡᠷᠡᠭᠴᠡᠭᠡ ᠪᠡᠨ ᠬᠠᠩᠭᠠᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠷ ᠦᠯᠦ ᠪᠠᠷᠠᠮ ᠨᠢᠭᠡᠳᠦᠭᠰᠡᠨ ᠪᠠᠷᠢᠮᠵᠢᠶᠠ ᠬᠡᠮᠵᠢᠭᠦᠷ ᠡᠴᠡ ᠬᠣᠯᠠ ᠵᠥᠷᠢᠶᠡ ᠦᠭᠡᠢ ᠪᠠᠢᠭᠰᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠣᠳᠣ ᠬᠦᠷᠲᠡᠯᠡ ᠬᠡᠷᠡᠭᠯᠡᠭᠳᠡᠵᠦ ᠪᠠᠢᠨᠠ᠃
ᠮᠣᠩᠭᠣᠯ ᠤ᠋ᠨ ᠡᠮᠡᠭᠲᠡᠢᠴᠦᠳ ᠬᠤᠪᠴᠠᠰᠤᠨ ᠤ᠋ ᠡᠰᠬᠡᠭᠦᠷ ᠬᠢᠬᠦ ᠳ᠋ᠡᠭᠡᠨ ᠭᠠᠷ ᠤ᠋ᠨ ᠢ᠋ᠶ᠋ᠠᠨ ᠲᠥᠭᠡ᠂ ᠠᠯᠲᠠ᠂ ᠳᠡᠯᠢᠮ᠂ ᠬᠤᠷᠤᠭᠤ ᠪᠠᠷ ᠬᠡᠮᠵᠢᠳᠡᠭ᠃ ᠡᠭᠦᠨ ᠡᠴᠡ ᠦᠨᠳᠦᠰᠦᠯᠡᠨ ᠳᠣᠯᠣᠭᠠᠨ ᠲᠥᠭᠡ ᠳᠡᠪᠡᠯ ᠡᠮᠦᠰᠬᠦ ᠡᠵᠡᠨ ᠳ᠋ᠡᠭᠡᠨ ᠤᠷᠲᠤ ᠶ᠋ᠢᠨ ᠬᠡᠮᠵᠢᠭᠦᠷ ᠪᠣᠯᠳᠠᠭ ᠪᠠ ᠳᠠᠪᠬᠤᠷ ᠢ᠋ᠶ᠋ᠠᠷ ᠨᠢᠭᠡ ᠲᠥᠭᠡ ᠬᠣᠶᠠᠷ ᠬᠤᠷᠤᠭᠤ ᠵᠠᠬᠠ ᠮᠥᠨ ᠡᠵᠡᠨ ᠳ᠋ᠡᠭᠡᠨ ᠵᠠᠬᠠ ᠪᠣᠯᠤᠨᠠ᠃ ᠬᠠᠷᠢᠨ ᠨᠢᠭᠡ ᠬᠥᠮᠦᠨ ᠦ᠌ ᠭᠠᠷ ᠤ᠋ᠨ ᠲᠥᠭᠡ ᠨᠥᠭᠦᠭᠡ ᠬᠥᠮᠦᠨ ᠳ᠋ᠦ᠍ ᠬᠡᠮᠵᠢᠭᠦᠷ ᠪᠣᠯᠵᠤ ᠴᠢᠳᠠᠳᠠᠭ ᠦᠭᠡᠢ ᠪᠣᠯᠪᠠᠴᠤ ᠮᠣᠩᠭᠣᠯ ᠤ᠋ᠨ ᠡᠮᠡᠭᠲᠡᠢᠴᠦᠳ ᠥᠪᠡᠷ ᠦ᠋ᠨ ᠭᠡᠷ ᠲᠦ ᠬᠠᠮᠲᠤ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠪᠦᠬᠦ ᠬᠥᠮᠦᠨ ᠦ᠌ ᠡᠮᠦᠰᠬᠦ ᠬᠤᠪᠴᠠᠰᠤᠨ ᠤ᠋ ᠤᠷᠲᠤ ᠥᠷᠭᠡᠨ ᠦ᠌ ᠬᠡᠮᠵᠢᠶᠡ ᠶ᠋ᠢ ᠨᠠᠷᠢᠨ ᠮᠡᠳᠡᠳᠡᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠣᠨᠴᠠᠯᠢᠭ ᠶᠤᠮ᠃ ᠤᠷᠠᠨ ᠦᠢᠯᠡ ᠳ᠋ᠦ᠍ ᠤᠷᠲᠤ᠂ ᠥᠨᠳᠥᠷ᠂ ᠨᠠᠮ ᠭᠡᠬᠦ ᠮᠡᠲᠦ ᠪᠦᠬᠦᠢᠯᠡ ᠬᠡᠮᠵᠢᠭᠦᠷ ᠬᠠᠮᠤᠷᠤᠭᠳᠠᠬᠤ ᠪᠥᠭᠡᠳ ᠲᠡᠭᠦᠨ ᠢ᠋ ᠬᠡᠷᠬᠢᠨ ᠬᠡᠷᠡᠭᠯᠡᠵᠦ ᠪᠠᠢᠭᠰᠠᠨ ᠲᠤᠬᠠᠢ ᠲᠣᠪᠴᠢ ᠳᠤᠷᠠᠳᠤᠶᠠ᠃
ᠤᠷᠲᠤ ᠶᠢᠨ ᠬᠡᠮᠵᠢᠭᠦᠷ ᠮᠣᠩᠭᠣᠯᠴᠤᠳ ᠡᠷᠲᠡ ᠦᠶᠡ ᠡᠴᠡ ᠮᠠᠯ ᠠᠵᠤ ᠠᠬᠤᠢ ᠡᠷᠬᠢᠯᠡᠵᠦ ᠲᠡᠭᠦᠨ ᠦ᠌ ᠠᠰᠢᠭ ᠰᠢᠮᠡ ᠪᠡᠷ ᠠᠮᠢᠳᠤᠷᠠᠯ ᠤ᠋ᠨ ᠢ᠋ᠶ᠋ᠠᠨ ᠬᠡᠷᠡᠭᠴᠡᠭᠡ ᠶ᠋ᠢ ᠬᠠᠩᠭᠠᠵᠤ ᠢᠷᠡᠭᠰᠡᠨ ᠤᠴᠢᠷ ᠠ᠋ᠴᠠ ᠮᠠᠯ ᠠᠵᠤ ᠠᠬᠤᠢ ᠶ᠋ᠢᠨ ᠠᠵᠢᠯᠯᠠᠭᠠᠨ ᠳ᠋ᠤ᠌ ᠲᠣᠬᠢᠷᠠᠭᠤᠯᠤᠨ ᠤᠰᠤ ᠪᠡᠯᠴᠢᠭᠡᠷ ᠰᠣᠩᠭᠣᠨ ᠠᠭᠤᠳᠠᠮ ᠨᠤᠲᠤᠭ ᠤ᠋ᠨ ᠢ᠋ᠶ᠋ᠠᠨ ᠥᠨᠴᠥᠭ ᠪᠦᠷᠢ ᠨᠡᠭᠦᠳᠡᠯᠯᠡᠨ ᠶᠠᠪᠤᠬᠤ ᠳ᠋ᠠᠭᠠᠨ ᠥᠪᠡᠷᠰᠡᠳ ᠦ᠋ᠨ ᠬᠤᠪᠴᠠᠰᠤ ᠬᠤᠨᠠᠷ᠂ ᠮᠠᠯ ᠤ᠋ᠨ ᠲᠣᠨᠣᠭ ᠬᠡᠷᠡᠭᠰᠡᠯ ᠢ᠋ ᠬᠢᠬᠦ ᠲᠤᠰᠬᠠᠢ ᠲᠥᠪᠯᠡᠷᠡᠭᠰᠡᠨ ᠦᠢᠯᠡᠳᠪᠦᠷᠢ ᠦᠭᠡᠢ ᠪᠠᠢᠭᠰᠠᠨ ᠠ᠋ᠴᠠ ᠠᠢᠯ ᠡᠷᠦᠬᠡ ᠨᠦ᠍ᠭᠦᠳ ᠥᠪᠡᠷ ᠢ᠋ᠶ᠋ᠡᠨ ᠦᠢᠯᠡᠳᠪᠦᠷᠢᠯᠡᠯ ᠢ᠋ᠶ᠋ᠡᠨ ᠡᠷᠬᠢᠯᠡᠳᠡᠭ ᠪᠠᠢᠵᠠᠢ᠃ ᠡᠨᠡ ᠨᠢ ᠬᠥᠮᠦᠨ ᠠᠷᠠᠳ ᠢ᠋ ᠦᠶᠡ ᠳᠠᠮᠵᠢᠨ ᠲᠣᠯᠣᠭᠠᠢ ᠳᠠᠭᠠᠭᠠᠬᠤ ᠠᠵᠤ ᠠᠬᠤᠢ ᠪᠠᠨ ᠬᠥᠲᠥᠯᠦᠨ ᠶᠠᠪᠤᠭᠤᠯᠬᠤ᠂ ᠢᠯᠠᠩᠭᠤᠶᠠ ᠵᠠᠯᠠᠭᠤ ᠦᠶᠡ ᠳ᠋ᠦ᠍ ᠠᠵᠢᠯ ᠰᠤᠷᠭᠠᠬᠤ ᠳ᠋ᠤ᠌ ᠴᠢᠬᠤᠯᠠ ᠨᠥᠯᠥᠭᠡ ᠪᠣᠯᠵᠤ ᠪᠠᠢᠭᠰᠠᠨ ᠶᠤᠮ᠃
ᠡᠨᠡ ᠠᠵᠢᠯ ᠢ᠋ ᠬᠢᠬᠦ ᠳ᠋ᠦ᠍ ᠬᠡᠮᠵᠢᠭᠦᠷ ᠵᠠᠢᠯᠠᠰᠢ ᠦᠭᠡᠢ ᠬᠡᠷᠡᠭ ᠲᠡᠢ ᠪᠣᠯᠬᠤ ᠨᠢ ᠠᠮᠢᠳᠤᠷᠠᠯ ᠠ᠋ᠴᠠ ᠠᠶᠠᠨᠳᠠᠭᠠᠨ ᠤᠷᠭᠤᠨ ᠭᠠᠷᠴᠤ ᠥᠪᠡᠷᠰᠡᠳ ᠦ᠋ᠨ ᠭᠠᠷ ᠬᠤᠷᠤᠭᠤ᠂ ᠦᠶᠡ ᠮᠥᠴᠢ ᠪᠡᠷ ᠬᠡᠮᠵᠢᠭᠦᠷ ᠬᠢᠳᠡᠭ ᠪᠣᠯᠤᠭᠰᠠᠨ ᠢ᠋ᠶ᠋ᠠᠷ ᠮᠣᠩᠭᠣᠯ ᠬᠥᠮᠦᠨ ᠦ᠌ ᠬᠡᠮᠵᠢᠭᠦᠷ ᠪᠡᠶᠡ ᠳ᠋ᠡᠭᠡᠨ ᠶᠠᠪᠤᠳᠠᠭ ᠭᠡᠵᠦ ᠶᠠᠷᠢᠭᠳᠠᠬᠤ ᠪᠣᠯᠤᠭᠰᠠᠨ ᠨᠢ ᠰᠠᠨᠠᠮᠰᠠᠷ ᠦᠭᠡᠢ ᠬᠡᠷᠡᠭ ᠪᠢᠰᠢ ᠶᠦᠮ᠃ ᠮᠣᠩᠭᠣᠯᠴᠤᠳ ᠶᠡᠬᠡ ᠪᠠᠭᠠ ᠶ᠋ᠢ ᠵᠡᠭᠦᠦ ᠶ᠋ᠢᠨ ᠰᠦᠪᠡᠭᠴᠢ ᠶ᠋ᠢᠨ ᠴᠢᠨᠡᠭᠡ᠂ ᠪᠤᠳᠠᠭᠠᠨ ᠴᠢᠨᠡᠭᠡ᠂ ᠲᠠᠷᠢᠶᠠᠨ ᠴᠢᠨᠡᠭᠡ᠂ ᠬᠢᠮᠤᠰᠤᠨ ᠲᠣᠯᠢ ᠶ᠋ᠢᠨ ᠴᠢᠨᠡᠭᠡ᠂ ᠬᠤᠷᠤᠭᠤᠨ ᠴᠢᠨᠡᠭᠡ᠂ ᠬᠣᠶᠠᠷ ᠬᠤᠷᠤᠭᠤᠨ ᠴᠢᠨᠡᠭᠡ ᠭᠡᠬᠦ ᠮᠡᠲᠦ ᠬᠡᠮᠵᠢᠳᠡᠭ᠃
ᠭᠠᠷ ᠬᠤᠷᠤᠭᠤ ᠶ᠋ᠢᠨ ᠬᠡᠮᠵᠢᠭᠦᠷ ᠦ᠋ᠨ ᠬᠠᠮᠤᠭ ᠤ᠋ᠨ ᠪᠠᠭᠠ ᠨᠢ ᠬᠢᠮᠤᠰᠤᠨ ᠲᠣᠯᠢ ᠪᠥᠭᠡᠳ ᠡᠨᠡ ᠨᠢ10-15 ᠬᠥᠮᠦᠨ ᠦ᠌ ᠳᠤᠮᠳᠠᠴᠢ ᠪᠡᠷ ᠦᠵᠡᠬᠦ ᠳ᠋ᠦ᠍ 1.5cm ᠶᠤᠮ᠃ ᠬᠤᠷᠤᠭᠤᠨ ᠤ᠋ ᠬᠡᠮᠵᠢᠭᠦᠷ ᠦ᠋ᠨ ᠬᠠᠮᠤᠭ ᠤ᠋ᠨ ᠪᠠᠭᠠ ᠨᠢ ᠨᠢᠭᠡ ᠬᠤᠷᠤᠭᠤ ᠪᠥᠭᠡᠳ10-15 ᠬᠥᠮᠦᠨ ᠦ᠌ ᠳᠤᠮᠳᠠᠴᠢ ᠪᠠᠷ1.2-2cm᠂ ᠮᠥᠨ ᠬᠤᠷᠤᠭᠤᠨ ᠤ᠋ ᠦᠶᠡ ᠪᠡᠷ ᠬᠡᠮᠵᠢᠬᠦ ᠬᠡᠮᠵᠢᠭᠦᠷ ᠪᠠᠢᠳᠠᠭ ᠪᠥᠭᠡᠳ ᠡᠭᠦᠨ ᠦ᠌ ᠬᠠᠮᠤᠭ ᠤ᠋ᠨ ᠪᠠᠭᠠ ᠨᠢ ᠨᠢᠭᠡ ᠢᠮᠠᠬᠤ ᠶᠤᠮ᠃
ᠡᠨᠡ ᠨᠢ ᠳᠣᠯᠣᠪᠣᠷ ᠬᠤᠷᠤᠭᠤᠨ ᠤ᠋ ᠨᠢᠭᠡᠳᠦᠭᠡᠷ ᠦᠶᠡ ᠡᠴᠡ ᠬᠤᠷᠤᠭᠤᠨ ᠤ᠋ ᠦᠵᠦᠭᠦᠷ ᠬᠦᠷᠲᠡᠯᠡᠬᠢ ᠬᠡᠮᠵᠢᠶᠡ ᠪᠥᠭᠡᠳ ᠳᠤᠮᠳᠠᠴᠢ ᠪᠠᠷ3cm᠂ ᠡᠭᠦᠨ ᠡᠴᠡ ᠭᠠᠳᠠᠨᠠ ᠭᠠᠷ ᠤ᠋ᠨ ᠪᠠᠷᠢᠮᠠ ᠪᠠᠷ ᠬᠡᠮᠵᠢᠭᠳᠡᠬᠦ ᠬᠡᠮᠵᠢᠭᠦᠷ ᠪᠠᠢᠳᠠᠭ᠃ ᠡᠨᠡ ᠨᠢ ᠠᠳᠬᠤᠭᠰᠠᠨ ᠭᠠᠷ ᠤ᠋ᠨ ᠠᠳᠬᠤᠨ ᠤ᠋ ᠤᠷᠲᠤ ᠪᠥᠭᠡᠳ ᠳᠤᠮᠳᠠᠴᠢ ᠪᠠᠷ10cm᠂ ᠬᠤᠷᠤᠭᠤᠨ ᠤ᠋ ᠬᠡᠮᠵᠢᠭᠦᠷ ᠴᠢᠨᠠᠭᠰᠢᠳᠠ ᠪᠠᠨ ᠨᠢᠭᠡ ᠬᠤᠷᠤᠭᠤᠨ ᠠ᠋ᠴᠠ ᠬᠣᠶᠠᠷ᠂ ᠭᠤᠷᠪᠠ᠂ ᠳᠥᠷᠪᠡ ᠭᠡᠬᠦ ᠮᠡᠲᠦ ᠬᠡᠮᠵᠢᠬᠦ ᠪᠠ ᠲᠤᠰ ᠪᠦᠷᠢ ᠬᠡᠮᠵᠢᠶᠡ ᠲᠡᠢ᠃ ᠬᠤᠷᠤᠭᠤᠨ ᠤ᠋ ᠦᠶᠡ ᠠᠯᠠᠭᠠᠨ ᠤ᠋ ᠬᠡᠮᠵᠢᠭᠦᠷ ᠦ᠋ᠨ ᠳᠠᠷᠠᠭᠠ ᠬᠤᠷᠤᠭᠤᠨ ᠤ᠋ ᠬᠣᠭᠣᠷᠣᠨᠳᠣᠬᠢ ᠵᠠᠢ ᠪᠠᠷ ᠰᠥᠭᠥᠮ᠂ ᠲᠥᠭᠡ ᠶ᠋ᠢᠨ ᠬᠡᠮᠵᠢᠭᠦᠷ ᠡᠬᠢᠯᠡᠨᠡ᠃ ᠮᠤᠬᠤᠷ ᠰᠥᠭᠥᠮ ᠭᠡᠳᠡᠭ ᠡᠷᠡᠬᠡᠢ ᠬᠤᠷᠤᠭᠤ ᠳᠣᠯᠣᠪᠣᠷ ᠬᠤᠷᠤᠭᠤᠨ ᠤ᠋ ᠳᠤᠮᠳᠠ ᠦᠶᠡ ᠬᠣᠶᠠᠷ ᠤ᠋ᠨ ᠬᠣᠭᠣᠷᠣᠨᠳᠣᠬᠢ ᠰᠤᠩᠭᠠᠭᠰᠠᠨ ᠵᠠᠢ14cm᠂ ᠦᠵᠦᠭᠦᠷ ᠰᠥᠭᠥᠮ ᠭᠡᠳᠡᠭ ᠡᠷᠡᠬᠡᠢ ᠬᠤᠷᠤᠭᠤ ᠳᠣᠯᠣᠪᠣᠷ ᠬᠤᠷᠤᠭᠤ ᠬᠣᠶᠠᠷ ᠤ᠋ᠨ ᠰᠤᠩᠭᠠᠭᠰᠠᠨ ᠵᠠᠢ ᠪᠥᠭᠡᠳ ᠳᠤᠮᠳᠠᠴᠢ ᠪᠠᠷ18cm᠂ ᠦᠵᠦᠭᠦᠷ ᠰᠥᠭᠥᠮ ᠡᠴᠡ ᠲᠥᠭᠡ ᠪᠡᠷ ᠬᠡᠮᠵᠢᠬᠦ ᠪᠠ ᠡᠨᠡ ᠨᠢ ᠳᠤᠮᠳᠠ ᠬᠤᠷᠤᠭᠤᠨ ᠤ᠋ ᠦᠵᠦᠭᠦᠷ ᠡᠷᠡᠬᠡᠢ ᠬᠤᠷᠤᠭᠤ ᠬᠣᠶᠠᠷ ᠤ᠋ᠨ ᠬᠣᠭᠣᠷᠣᠨᠳᠣ ᠶ᠋ᠢᠨ ᠰᠤᠩᠭᠠᠭᠰᠠᠨ ᠵᠠᠢ ᠶ᠋ᠢ ᠬᠡᠯᠡᠬᠦ ᠪᠠ ᠳᠤᠮᠳᠠᠴᠢ ᠪᠠᠷ20cm ᠪᠠᠢᠳᠠᠭ᠃ ᠭᠠᠷ ᠤ᠋ᠨ ᠴᠠᠷᠪᠠᠭᠤ ᠶ᠋ᠢᠨ ᠬᠡᠮᠵᠢᠭᠦᠷ ᠡᠴᠡ ᠦᠶᠡ ᠮᠥᠴᠢ ᠶ᠋ᠢᠨ ᠬᠡᠮᠵᠢᠭᠦᠷ ᠲᠦ ᠰᠢᠯᠵᠢᠬᠦ ᠪᠠ ᠡᠨᠡ ᠨᠢ ᠮᠤᠬᠤᠷ ᠲᠣᠬᠣᠢ ᠠ᠋ᠴᠠ ᠡᠬᠢᠯᠡᠨᠡ᠃ ᠮᠤᠬᠤᠷ ᠲᠣᠬᠣᠢ ᠭᠡᠳᠡᠭ ᠲᠣᠬᠣᠢ ᠶ᠋ᠢᠨ ᠦᠶᠡ ᠡᠴᠡ ᠠᠳᠬᠤᠭᠰᠠᠨ ᠭᠠᠷ ᠤ᠋ᠨ ᠳᠤᠮᠳᠠ ᠬᠤᠷᠤᠭᠤᠨ ᠤ᠋ ᠦᠶᠡ ᠬᠦᠷᠲᠡᠯᠡᠬᠢ ᠵᠠᠢ ᠶ᠋ᠢ ᠬᠡᠯᠡᠬᠦ ᠪᠠ ᠳᠤᠮᠳᠠᠴᠢ ᠪᠠᠷ40cm᠂ ᠦᠵᠦᠭᠦᠷ ᠲᠣᠬᠣᠢ ᠭᠡᠳᠡᠭ ᠲᠣᠬᠣᠢ ᠶ᠋ᠢᠨ ᠦᠶᠡ ᠡᠴᠡ ᠬᠤᠷᠤᠭᠤᠨ ᠤ᠋ ᠴᠠᠷᠪᠠᠭᠤ ᠶ᠋ᠢ ᠲᠡᠨᠢᠢᠯᠭᠡᠭᠰᠡᠨ ᠤᠷᠲᠤ ᠬᠡᠮᠵᠢᠶᠡ ᠪᠥᠭᠡᠳ45cm ᠣᠷᠴᠢᠮ᠂ ᠳᠡᠯᠢᠮ ᠭᠡᠳᠡᠭ ᠠᠯᠲᠠ ᠶ᠋ᠢ ᠬᠣᠶᠠᠷ ᠬᠤᠪᠢᠶᠠᠭᠰᠠᠨ ᠤ᠋ ᠨᠢᠭᠡ ᠪᠤᠶᠤ ᠡᠪᠴᠢᠭᠦᠨ ᠭᠣᠣᠯ ᠠ᠋ᠴᠠ ᠨᠢᠭᠡ ᠲᠠᠯᠠ ᠶ᠋ᠢ ᠲᠡᠨᠢᠢᠯᠭᠡᠭᠰᠡᠨ ᠤᠷᠲᠤ ᠶᠤᠮ᠃ ᠡᠨᠡ ᠨᠢ ᠳᠤᠮᠳᠠᠴᠢ ᠪᠠᠷ 100—105cm᠃ ᠠᠯᠲᠠ ᠭᠡᠳᠡᠭ ᠬᠣᠶᠠᠷ ᠭᠠᠷ ᠢ᠋ ᠲᠡᠨᠢᠢᠯᠭᠡᠭᠰᠡᠨ ᠤᠷᠲᠤ ᠪᠥᠭᠡᠳ ᠳᠤᠮᠳᠠᠴᠢ ᠪᠠᠷ172cm ᠶᠤᠮ᠃
ᠲᠤᠰ ᠤᠯᠤᠰ1921 ᠣᠨ ᠠ᠋ᠴᠠ ᠡᠬᠢᠯᠡᠨ ᠮᠧᠲ᠋ᠷ ᠦ᠋ᠨ ᠬᠡᠮᠵᠢᠭᠦᠷ ᠦ᠋ᠨ ᠨᠢᠭᠡᠳᠦᠭᠰᠡᠨ ᠰᠢᠰᠲ᠋ᠧᠮ ᠬᠡᠷᠡᠭᠯᠡᠬᠦ ᠰᠢᠢᠳᠪᠦᠷᠢ ᠭᠠᠷᠴᠤ᠂1933 ᠣᠨ ᠤ᠋ ᠨᠢᠭᠡᠳᠦᠭᠡᠷ ᠰᠠᠷᠠ ᠶ᠋ᠢᠨ ᠨᠢᠭᠡᠨ ᠡᠴᠡ ᠮᠧᠲ᠋ᠷ ᠦ᠋ᠨ ᠰᠢᠨᠡ ᠰᠢᠰᠲ᠋ᠧᠮ ᠳ᠋ᠦ᠍ ᠰᠢᠯᠵᠢᠭᠰᠡᠨ ᠨᠢ ᠨᠢᠭᠡᠳᠦᠭᠰᠡᠨ ᠨᠢᠭᠡ ᠪᠠᠷᠢᠮᠵᠢᠶᠠ ᠬᠡᠮᠵᠢᠭᠦᠷ ᠳᠡᠯᠭᠡᠷᠡᠵᠦ ᠡᠮᠡᠭᠲᠡᠢᠴᠦᠳ ᠦ᠋ᠨ ᠡᠰᠬᠡᠨ ᠣᠶᠣᠬᠤ ᠠᠵᠢᠯ ᠳ᠋ᠤ᠌ ᠰᠢᠨᠡ ᠵᠦᠢᠯ ᠨᠠᠪᠲᠠᠷᠠᠵᠠᠢ᠃1981 ᠣᠨ ᠤ᠋ ᠨᠢᠭᠡ ᠰᠠᠷᠠ ᠶ᠋ᠢᠨ ᠨᠢᠭᠡᠨ ᠡᠴᠡ ᠣᠯᠠᠨ ᠤᠯᠤᠰ ᠤ᠋ᠨ ᠬᠡᠮᠵᠢᠯ ᠦ᠋ᠨ ᠨᠢᠭᠡᠴᠢ ᠶ᠋ᠢᠨ ᠳᠡᠯᠡᠬᠡᠢ ᠳ᠋ᠠᠬᠢᠨ ᠢ᠋ᠶ᠋ᠠᠷ ᠬᠡᠷᠡᠭᠯᠡᠬᠦ ᠪᠡᠷ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠰᠢᠰᠲ᠋ᠧᠮ ᠳ᠋ᠦ᠍ ᠰᠢᠯᠵᠢᠵᠡᠢ᠃
ᠤᠷᠠᠨ ᠦᠢᠯᠡ ᠳ᠋ᠦ᠍ ᠬᠡᠷᠡᠭᠯᠡᠭᠳᠡᠳᠡᠭ ᠵᠠᠷᠢᠮ ᠬᠡᠷᠡᠭᠯᠡᠭᠦᠷ ᠡᠴᠡ ᠳᠤᠷᠠᠳᠪᠠᠯ᠂ ᠮᠣᠩᠭᠣᠯᠴᠤᠳ ᠥᠨᠳᠥᠷ᠂ ᠥᠷᠭᠡᠨ ᠬᠡᠮᠵᠢᠭᠦᠷ ᠲᠦ ᠪᠠᠷᠤᠭᠴᠠᠭᠠ ᠬᠡᠮᠵᠢᠭᠦᠷ ᠢ᠋ ᠬᠡᠷᠡᠭᠯᠡᠳᠡᠭ ᠪᠠᠢᠯᠠ᠃ ᠵᠢᠱ᠌ᠢᠶᠡ ᠨᠢ ᠥᠷᠭᠡᠨ ᠦ᠌ ᠬᠡᠮᠵᠢᠶᠡ ᠶ᠋ᠢ ᠬᠢᠮᠤᠰᠤᠨ ᠤ᠋ ᠲᠣᠯᠢ ᠶ᠋ᠢᠨ ᠴᠢᠨᠡᠭᠡ᠂ ᠠᠯᠠᠭᠠ ᠶ᠋ᠢᠨ ᠴᠢᠨᠡᠭᠡ᠂ ᠭᠡᠷ ᠦ᠋ᠨ ᠪᠠᠭᠤᠷᠢ ᠶ᠋ᠢᠨ ᠵᠠᠢ ᠲᠠᠢ᠂ ᠬᠣᠲᠠ ᠶ᠋ᠢᠨ ᠪᠠᠭᠤᠷᠢ ᠶ᠋ᠢᠨ ᠵᠠᠢ ᠲᠠᠢ ᠭᠡᠬᠦ ᠮᠡᠲᠦ ᠪᠡᠷ ᠬᠡᠮᠵᠢᠳᠡᠭ ᠨᠢ ᠠᠮᠢᠳᠤᠷᠠᠯ ᠳ᠋ᠤ᠌ ᠣᠢᠷᠠᠲᠤᠭᠰᠠᠨ ᠬᠡᠮᠵᠢᠭᠦᠷ ᠤᠴᠢᠷ ᠶᠠᠮᠠᠷ ᠨᠢᠭᠡ ᠤᠷᠠᠨ ᠦᠢᠯᠡ᠂ ᠤᠷᠠᠨ ᠳᠠᠷᠬᠠ ᠪᠤᠰᠤᠳ ᠵᠦᠢᠯ ᠢ᠋ ᠬᠢᠬᠦ ᠳ᠋ᠦ᠍ ᠪᠠᠷᠢᠮᠵᠢᠶᠠ ᠬᠡᠮᠵᠢᠭᠦᠷ ᠡᠴᠡ ᠣᠨᠴᠠ ᠶ᠋ᠢᠨ ᠵᠥᠷᠢᠶᠡ ᠦᠭᠡᠢ ᠤᠴᠢᠷ ᠬᠡᠷᠡᠭᠯᠡᠭᠳᠡᠬᠦ ᠪᠣᠯᠤᠮᠵᠢ ᠲᠠᠢ ᠶᠤᠮ᠃ ᠣᠷᠴᠢᠨ ᠦᠶᠡ ᠳ᠋ᠦ᠍ ᠨᠢᠭᠡᠳᠦᠭᠰᠡᠨ ᠪᠠᠷᠢᠮᠵᠢᠶᠠ ᠬᠡᠮᠵᠢᠭᠦᠷ ᠭᠠᠷᠤᠭᠰᠠᠨ ᠨᠢ ᠡᠰᠬᠡᠭᠦᠷ ᠲᠤ ᠲᠣᠬᠢᠷᠠᠭᠰᠠᠨ ᠨᠠᠷᠢᠨ ᠬᠡᠮᠵᠢᠭᠦᠷ ᠬᠡᠷᠡᠭᠯᠡᠭᠳᠡᠬᠦ ᠪᠣᠯᠤᠮᠵᠢ ᠲᠠᠢ ᠪᠣᠯᠵᠤ ᠬᠤᠪᠴᠠᠰᠤᠨ ᠤ᠋ ᠬᠡᠯᠪᠡᠷᠢ ᠵᠠᠭᠪᠤᠷ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠤᠯᠠ᠃ ᠡᠢᠮᠦ ᠳ᠋ᠦ᠍ ᠦᠢᠯᠡᠴᠢᠨ ᠬᠥᠮᠦᠨ ᠨᠢᠭᠡᠳᠦᠭᠰᠡᠨ ᠪᠠᠷᠢᠮᠵᠢᠶᠠ ᠬᠡᠮᠵᠢᠭᠦᠷ᠂ ᠴᠠᠪᠬᠠ ᠶ᠋ᠢ ᠴᠢᠬᠤᠯᠠᠴᠢᠯᠠᠨ ᠦᠵᠡᠵᠦ ᠲᠡᠭᠦᠨ ᠢ᠋ᠶ᠋ᠡᠷ ᠬᠡᠮᠵᠢᠬᠦ ᠠᠷᠭᠠ ᠲᠧᠭᠨᠢᠭ ᠢ᠋ ᠡᠵᠡᠮᠰᠢᠬᠦ ᠶᠣᠰᠣᠲᠠᠢ᠃ ᠬᠤᠪᠴᠠᠰᠤᠨ ᠤ᠋ ᠬᠡᠮᠵᠢᠭᠦᠷ ᠢ᠋ ᠬᠢᠬᠦ ᠳᠡᠭᠡᠨ ᠰᠡᠨᠲ᠋ᠢᠮᠧᠲ᠋ᠷ ᠢ᠋ ᠬᠡᠳᠦ ᠴᠢᠩᠭᠠ ᠲᠠᠲᠠᠬᠤ ᠪᠤᠶᠤ ᠰᠤᠯᠠ ᠭᠣᠭᠴᠣᠭᠠᠷᠠᠭᠤᠯᠤᠨ ᠬᠡᠮᠵᠢᠬᠦ ᠨᠢ ᠠᠯᠳᠠᠭᠠ ᠪᠣᠯᠬᠤ ᠪᠥᠭᠡᠳ ᠶᠠᠮᠠᠷ ᠴᠤ ᠡᠰᠬᠡᠭᠦᠷ ᠬᠢᠭᠰᠡᠨ ᠴᠦ᠍ ᠵᠠᠪᠠᠯ ᠣᠶᠣᠳᠠᠯ ᠲᠠᠯᠪᠢᠵᠤ ᠬᠡᠮᠵᠢᠨᠡ᠃ ᠵᠢᠱ᠌ᠢᠶᠡ ᠨᠢ᠂ ᠵᠢᠷᠭᠤᠭᠠᠨ ᠲᠠᠯᠠᠲᠤ ᠮᠠᠯᠠᠭᠠᠢ ᠡᠰᠬᠡᠬᠦ ᠳ᠋ᠡᠭᠡᠨ ᠣᠶᠣᠳᠠᠯ ᠭᠠᠷᠭᠠᠯ ᠦᠭᠡᠢ ᠰᠢᠭᠤᠳ ᠬᠡᠮᠵᠢᠪᠡᠯ ᠲᠠᠯᠠ ᠪᠦᠷᠢ ᠡᠴᠡ1—2cm ᠬᠠᠰᠤᠭᠳᠠᠭᠰᠠᠭᠠᠷ ᠡᠴᠦᠰ ᠲᠡᠭᠡᠨ ᠮᠠᠯᠠᠭᠠᠢ ᠶ᠋ᠢᠨ ᠬᠡᠮᠵᠢᠶᠡᠨ ᠳ᠋ᠦ᠍ ᠨᠥᠯᠥᠭᠡᠯᠡᠵᠦ57 ᠨᠣᠮᠧᠷ ᠦ᠋ᠨ ᠮᠠᠯᠠᠭᠠᠢ ᠬᠢᠬᠦ ᠭᠡᠰᠡᠨ ᠪᠣᠯ53·55 ᠪᠣᠯᠬᠤ ᠵᠢᠱ᠌ᠢᠶᠡ ᠲᠡᠢ ᠪᠢᠯᠡ᠃
ᠵᠢᠷᠤᠭ1
1. ᠬᠤᠷᠤᠭᠤ ᠬᠡᠮᠵᠢᠭᠦᠷ
(1) ᠨᠢᠭᠡ ᠬᠤᠷᠤᠭᠤ
(2) ᠬᠣᠶᠠᠷ ᠬᠤᠷᠤᠭᠤ
(3) ᠢᠮᠠᠬᠤ
(4) ᠰᠥᠭᠥᠮ
(5) ᠮᠤᠬᠤᠷ ᠰᠥᠭᠥᠮ
(6) ᠲᠥᠭᠡ
2. ᠦᠶᠡ ᠮᠥᠴᠢ ᠶ᠋ᠢᠨ ᠬᠡᠮᠵᠢᠭᠦᠷ
(1) ᠦᠵᠦᠭᠦᠷ ᠲᠣᠬᠣᠢ
(2) ᠳᠡᠯᠢᠮ
(3) ᠮᠤᠬᠤᠷ ᠲᠣᠬᠣᠢ
(4) ᠠᠯᠲᠠ
ᠭᠠᠷ ᠬᠤᠷᠤᠭᠤ᠂ ᠦᠶᠡ ᠮᠥᠴᠢ ᠶ᠋ᠢᠨ ᠬᠡᠮᠵᠢᠭᠦᠷ ᠲᠦ ᠮᠤᠬᠤᠷ ᠰᠥᠭᠥᠮ᠂ ᠮᠤᠬᠤᠷ ᠲᠣᠬᠣᠢ᠂ ᠦᠵᠦᠭᠦᠷ ᠲᠣᠬᠣᠢ᠂ ᠳᠡᠯᠢᠮ᠂ ᠬᠤᠷᠤᠭᠤ᠂ ᠠᠯᠲᠠ᠂ ᠢᠮᠠᠬᠤ ᠵᠡᠷᠭᠡ ᠬᠡᠮᠵᠢᠭᠦᠷ ᠦ᠋ᠳ ᠪᠣᠢ᠃
ᠣᠭᠲᠣᠯᠬᠤ ᠥᠭᠡᠯᠡᠬᠦ ᠬᠡᠷᠡᠭᠰᠡᠯ ᠤᠷᠠᠨ ᠦᠢᠯᠡ ᠶ᠋ᠢᠨ ᠣᠭᠲᠣᠯᠬᠤ ᠬᠡᠷᠡᠭᠰᠡᠯ ᠬᠥᠮᠦᠨ ᠦ᠌ ᠡᠭᠦᠰᠦᠯ ᠲᠡᠢ ᠬᠣᠯᠪᠣᠭᠠ ᠲᠠᠢ ᠪᠥᠭᠡᠳ ᠴᠢᠯᠠᠭᠤᠨ ᠵᠡᠪᠰᠡᠭ ᠦ᠋ᠨ ᠦᠶᠡ ᠳ᠋ᠦ᠍ ᠡᠭᠦᠰᠦᠭᠰᠡᠨ ᠭᠡᠵᠦ ᠦᠵᠡᠬᠦ ᠦᠨᠳᠦᠰᠦ ᠲᠡᠢ᠃ ᠲᠡᠷᠡ ᠦᠶᠡ ᠳ᠋ᠦ᠍ ᠬᠠᠮᠤᠷᠤᠭᠳᠠᠬᠤ ᠴᠢᠯᠠᠭᠤᠨ ᠬᠢᠲᠤᠭᠠ᠂ ᠶᠠᠰᠤᠨ ᠢᠯᠲᠠᠰᠤ ᠬᠢᠲᠤᠭᠠ ᠨᠤᠭᠤᠳ ᠪᠤᠯᠠᠰᠢᠨ ᠠ᠋ᠴᠠ ᠡᠯᠪᠡᠭ ᠣᠯᠳᠠᠳᠠᠭ᠃ ᠶᠠᠰᠤᠨ ᠬᠢᠲᠤᠭᠠ ᠶ᠋ᠢ ᠵᠥᠪᠬᠡᠨ ᠣᠯᠤᠭᠠᠳ ᠵᠣᠭᠰᠣᠬᠤ ᠦᠭᠡᠢ ᠶᠠᠮᠠᠷ ᠠᠮᠢᠲᠠᠨ ᠤ᠋ ᠶᠠᠰᠤ ᠪᠣᠯᠬᠤ ᠶ᠋ᠢ ᠬᠦᠷᠲᠡᠯᠡ ᠲᠣᠭᠲᠠᠭᠠᠵᠤ ᠪᠣᠯᠳᠠᠭ ᠢ᠋ ᠪᠢᠳᠡ ᠮᠡᠳᠡᠨᠡ᠃
ᠬᠣᠵᠢᠮ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠠᠩᠬᠠ ᠬᠡᠷᠡᠭᠯᠡᠭᠰᠡᠨ ᠲᠡᠮᠦᠷᠯᠢᠭ ᠪᠣᠯᠬᠤ ᠵᠡᠰ ᠦ᠋ᠨ ᠬᠦᠳᠡᠷ ᠢ᠋ ᠠᠰᠢᠭᠯᠠᠭᠰᠠᠨ ᠲᠠᠢ ᠬᠣᠯᠪᠣᠭᠳᠠᠭᠤᠯᠵᠤ ᠵᠡᠰ ᠬᠢᠲᠤᠭᠠ᠂ ᠳᠠᠷᠠᠭᠠ ᠨᠢ ᠵᠡᠰ ᠬᠥᠩᠭᠡᠨ ᠴᠠᠭᠠᠨ ᠢ᠋ ᠬᠣᠯᠢᠵᠤ ᠬᠦᠷᠡᠯ ᠬᠢᠬᠦ ᠪᠣᠯᠤᠭᠰᠠᠨ ᠲᠠᠢ ᠤᠶᠠᠯᠳᠤᠨ ᠬᠦᠷᠡᠯ ᠬᠢᠲᠤᠭᠠ᠂ ᠲᠡᠮᠦᠷ ᠦ᠋ᠨ ᠬᠦᠳᠡᠷ ᠢ᠋ ᠠᠰᠢᠭᠯᠠᠭᠰᠠᠨ ᠲᠠᠢ ᠬᠣᠯᠪᠣᠭᠳᠠᠨ ᠲᠡᠮᠦᠷ ᠬᠢᠲᠤᠭᠠ ᠶ᠋ᠢ ᠣᠭᠲᠣᠯᠤᠯᠲᠠ ᠥᠭᠡᠯᠡᠯᠲᠡ ᠳ᠋ᠦ᠍ ᠬᠡᠷᠡᠭᠯᠡᠵᠦ ᠪᠠᠢᠵᠠᠢ᠃ ᠤᠷᠠᠨ ᠦᠢᠯᠡ ᠳ᠋ᠦ᠍ ᠬᠡᠷᠡᠭᠯᠡᠭᠳᠡᠵᠦ ᠪᠠᠢᠭᠠ ᠬᠠᠢᠴᠢ ᠴᠣᠬᠣᠮ ᠬᠡᠳᠦᠢ ᠳ᠋ᠦ᠍ ᠡᠭᠦᠰᠦᠭᠰᠡᠨ ᠪᠣᠯᠬᠤ ᠶ᠋ᠢ ᠬᠡᠯᠡᠬᠦ ᠳ᠋ᠦ᠍ ᠬᠡᠴᠡᠭᠦᠦ ᠪᠥᠭᠡᠳ ᠬᠠᠭᠤᠴᠢᠰ ᠤ᠋ᠨ ᠰᠤᠳᠤᠯᠭᠠᠲᠠᠨ ᠤ᠋ ᠰᠤᠳᠤᠯᠭᠠ᠂ ᠥᠪᠡᠷ ᠦ᠋ᠨ ᠣᠷᠣᠨ ᠤ᠋ ᠲᠡᠦᠬᠡ ᠳᠤᠷᠠᠰᠬᠠᠯ᠂ ᠮᠦᠽᠧᠢ ᠶ᠋ᠢᠨ ᠦᠵᠡᠮᠦᠷᠢ ᠡᠴᠡ ᠦᠵᠡᠬᠦ ᠳ᠋ᠦ᠍ ᠲᠡᠮᠦᠷ ᠬᠠᠢᠴᠢ ᠲᠡᠮᠦᠷ ᠦ᠋ᠨ ᠦᠶᠡ ᠳ᠋ᠦ᠍ ᠡᠭᠦᠰᠦᠭᠰᠡᠨ ᠪᠣᠯᠤᠯᠲᠠᠢ᠃ ᠬᠠᠢᠴᠢ ᠡᠭᠦᠰᠬᠦ ᠳ᠋ᠡᠭᠡᠨ ᠬᠢᠲᠤᠭᠠᠨ ᠠ᠋ᠴᠠ ᠡᠭᠦᠰᠦᠭᠰᠡᠨ ᠪᠣᠯᠪᠠ ᠤᠤ ᠭᠡᠵᠦ ᠪᠤᠳᠤᠮᠠᠷ᠃ ᠬᠥᠮᠦᠨ ᠡᠬᠢᠯᠡᠭᠡᠳ ᠬᠢᠲᠤᠭᠠ ᠪᠠᠷ ᠵᠦᠰᠦᠨ ᠣᠭᠲᠣᠯᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠠᠵᠢᠯ ᠤ᠋ᠨ ᠢ᠋ᠶ᠋ᠠᠨ ᠠᠷᠭᠠ ᠶ᠋ᠢ ᠥᠭᠡᠷᠡᠴᠢᠯᠡᠵᠦ ᠬᠣᠶᠠᠷ ᠬᠢᠲᠤᠭᠠ ᠰᠣᠯᠪᠢᠭᠤᠯᠤᠨ ᠣᠭᠲᠣᠯᠬᠤ ᠮᠠᠶᠢᠭ ᠢ᠋ᠶ᠋ᠠᠷ ᠡᠭᠦᠰᠦᠭᠰᠡᠨ ᠪᠠᠢᠵᠤ ᠪᠣᠯᠬᠤ ᠶᠤᠮ᠃
ᠮᠣᠩᠭᠣᠯᠴᠤᠳ ᠬᠠᠢᠴᠢ ᠶ᠋ᠢ ᠡᠷᠲᠡ ᠦᠶᠡ ᠡᠴᠡ ᠬᠡᠷᠡᠭᠯᠡᠵᠦ ᠢᠷᠡᠭᠰᠡᠨ ᠪᠥᠭᠡᠳ ᠮᠣᠩᠭᠣᠯ ᠤ᠋ᠨ ᠬᠠᠢᠴᠢ ᠭᠠᠷ ᠤ᠋ᠨ ᠲᠠᠪᠤᠨ ᠬᠤᠷᠤᠭᠤᠨ ᠤ᠋ ᠬᠦᠴᠦ ᠪᠡᠷ ᠳᠠᠷᠤᠵᠤ ᠬᠠᠢᠴᠢᠯᠠᠬᠤ ᠠ᠋ᠴᠠ ᠭᠠᠳᠠᠨᠠ ᠬᠠᠢᠴᠢ ᠶ᠋ᠢᠨ ᠠᠩᠭᠠᠢᠬᠤ ᠠᠮᠠ ᠶ᠋ᠢᠨ ᠵᠠᠢ ᠶᠡᠬᠡ ᠤᠴᠢᠷ ᠵᠤᠵᠠᠭᠠᠨ ᠪᠤᠶᠤ ᠬᠠᠲᠠᠭᠤ᠂ ᠵᠥᠭᠡᠯᠡᠨ ᠶᠠᠮᠠᠷ ᠴᠤ ᠵᠦᠢᠯ ᠢ᠋ ᠬᠠᠢᠴᠢᠯᠠᠬᠤ ᠳ᠋ᠤ᠌ ᠲᠣᠬᠢᠷᠠᠮᠵᠢᠲᠠᠢ ᠬᠠᠮᠤᠭ ᠤ᠋ᠨ ᠰᠠᠢᠨ ᠬᠠᠢᠴᠢ ᠶᠤᠮ᠃ ᠬᠠᠭᠤᠴᠢᠰ ᠤ᠋ᠨ ᠰᠤᠳᠤᠯᠭᠠᠲᠠᠨ ᠤ᠋ ᠣᠯᠳᠠᠪᠤᠷᠢ ᠠ᠋ᠴᠠ ᠦᠵᠡᠬᠦ ᠳ᠋ᠦ᠍13 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠶ᠋ᠢᠨ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠪᠤᠯᠠᠰᠢᠨ ᠠ᠋ᠴᠠ ᠤᠷᠠᠨ ᠦᠢᠯᠡ ᠶ᠋ᠢᠨ ᠪᠠᠭᠠᠵᠢ ᠠ᠋ᠴᠠ ᠬᠠᠢᠴᠢ ᠡᠯᠪᠡᠭ ᠣᠯᠳᠠᠳᠠᠭ ᠪᠥᠭᠡᠳ ᠬᠠᠢᠴᠢ ᠶ᠋ᠢᠨ ᠬᠡᠯᠪᠡᠷᠢ ᠣᠳᠣ ᠶ᠋ᠢᠨ ᠬᠠᠢᠴᠢ ᠲᠠᠢ ᠠᠳᠠᠯᠢ ᠲᠠᠪᠤᠨ ᠬᠤᠷᠤᠭᠤᠨ ᠤ᠋ ᠬᠠᠢᠴᠢ ᠪᠥᠭᠡᠳ ᠣᠨᠴᠠᠯᠢᠭ ᠨᠢ ᠪᠠᠷᠢᠭᠤᠯ ᠨᠢ ᠣᠳᠣ ᠶ᠋ᠢᠨ ᠬᠠᠢᠴᠢ ᠶ᠋ᠢ ᠪᠣᠳᠣᠪᠠᠯ ᠠᠷᠠᠢ ᠪᠥᠭᠡᠷᠡᠩᠬᠡᠢᠪᠲᠦᠷ᠂ ᠦᠵᠦᠭᠦᠷ ᠨᠢ ᠮᠣᠬᠣᠭᠣ ᠪᠠᠢᠵᠠᠢ᠃
ᠰᠡᠭᠦᠯ ᠦᠨ ᠦᠶᠡ ᠳᠦ ᠬᠡᠷᠡᠭᠯᠡᠭᠳᠡᠵᠦ ᠪᠠᠢᠭᠠ ᠬᠣᠶᠠᠷ ᠬᠤᠷᠤᠭᠤᠨ ᠤ᠋ ᠬᠠᠢᠴᠢ ᠲᠣᠮᠣ ᠵᠢᠵᠢᠭ ᠶᠠᠩᠵᠤ ᠪᠦᠷᠢ ᠪᠠᠢᠬᠤ ᠪᠥᠭᠡᠳ ᠲᠡᠭᠦᠨ ᠢ᠋ ᠡᠰᠬᠡᠬᠦ ᠵᠦᠢᠯ ᠳ᠋ᠡᠭᠡᠨ ᠲᠣᠬᠢᠷᠠᠭᠤᠯᠤᠨ ᠰᠣᠩᠭᠣᠨᠠ᠃ ᠬᠣᠶᠠᠷ ᠬᠤᠷᠤᠭᠤᠨ ᠤ᠋ ᠲᠣᠮᠣ ᠬᠠᠢᠴᠢ ᠪᠠᠷ ᠵᠤᠵᠠᠭᠠᠪᠲᠤᠷ ᠮᠠᠲ᠋ᠧᠷᠢᠶᠠᠯ ᠪᠤᠶᠤ ᠪᠥᠰ ᠪᠠᠷᠠᠭᠠ ᠬᠡᠳᠦ ᠬᠡᠳᠦᠨ ᠳᠠᠪᠬᠤᠷ ᠢ᠋ᠶ᠋ᠠᠷ ᠬᠠᠢᠴᠢᠯᠠᠬᠤ ᠦᠶᠡ ᠳ᠋ᠦ᠍ ᠬᠡᠷᠡᠭᠯᠡᠬᠦ ᠪᠠ ᠦᠨᠡᠲᠦ ᠠᠩ ᠤ᠋ᠨ ᠦᠰᠦ᠂ ᠬᠤᠷᠠᠭᠠ᠂ ᠢᠰᠢᠭᠡ ᠶ᠋ᠢᠨ ᠠᠷᠠᠰᠤ ᠶ᠋ᠢ ᠬᠠᠢᠴᠢᠯᠠᠬᠤ ᠳ᠋ᠤ᠌ ᠲᠣᠬᠢᠷᠠᠮᠵᠢ ᠦᠭᠡᠢ ᠪᠠᠢᠳᠠᠭ᠃ ᠦᠨᠡᠲᠦ ᠦᠰᠦ᠂ ᠲᠥᠯ ᠦ᠋ᠨ ᠠᠷᠠᠰᠤ ᠶ᠋ᠢ ᠨᠠᠷᠢᠨ ᠱᠥᠪᠥᠭᠡᠷ ᠦᠵᠦᠭᠦᠷ ᠲᠡᠢ ᠵᠢᠵᠢᠭ ᠬᠣᠶᠠᠷ ᠬᠤᠷᠤᠭᠤᠨ ᠤ᠋ ᠬᠠᠢᠴᠢ ᠪᠠᠷ ᠬᠠᠢᠴᠢᠯᠠᠬᠤ ᠪᠠ ᠵᠢᠵᠢᠭ ᠬᠠᠢᠴᠢ ᠪᠠᠷ ᠨᠢᠮᠭᠡᠨ ᠲᠣᠷᠭᠠ ᠳᠤᠷᠳᠤᠩ ᠬᠠᠢᠴᠢᠯᠠᠬᠤ ᠳ᠋ᠤ᠌ ᠲᠣᠬᠢᠷᠠᠮᠵᠢᠲᠠᠢ ᠪᠠᠢᠳᠠᠭ᠃
ᠣᠭᠲᠣᠯᠬᠤ᠂ ᠥᠭᠡᠯᠡᠬᠦ ᠬᠡᠷᠡᠭᠰᠡᠯ ᠳ᠋ᠦ᠍ ᠬᠠᠢᠴᠢ ᠬᠢᠲᠤᠭᠠ ᠬᠡᠵᠢᠶᠡᠨᠡᠢ ᠴᠢᠬᠤᠯᠠ ᠪᠠᠭᠠᠵᠢ ᠪᠥᠭᠡᠳ ᠲᠣᠮᠣ ᠵᠢᠵᠢᠭ ᠶᠠᠩᠵᠤ ᠪᠦᠷᠢ ᠪᠠᠢᠳᠠᠭ ᠨᠢ ᠲᠡᠭᠦᠨ ᠦ᠌ ᠬᠡᠷᠡᠭᠯᠡᠭᠳᠡᠬᠦ ᠬᠡᠯᠪᠡᠷᠢ ᠡᠴᠡ ᠰᠢᠯᠲᠠᠭᠠᠯᠠᠭᠳᠠᠳᠠᠭ᠃ ᠮᠣᠩᠭᠣᠯ ᠬᠠᠢᠴᠢ ᠲᠣᠮᠣ᠂ ᠵᠢᠵᠢᠭ᠂ ᠳᠤᠮᠳᠠ ᠵᠡᠷᠭᠡ ᠶ᠋ᠢᠨ ᠭᠡᠰᠡᠨ ᠭᠤᠷᠪᠠᠨ ᠣᠨᠴᠠᠯᠢᠭ ᠢᠯᠭᠠᠭᠠ ᠲᠠᠢ ᠪᠥᠭᠡᠳ ᠵᠢᠵᠢᠭ ᠬᠠᠢᠴᠢ ᠶ᠋ᠢ ᠣᠭᠲᠣᠯᠬᠤ᠂ ᠥᠭᠡᠯᠡᠬᠦ ᠨᠠᠷᠢᠨ ᠠᠵᠢᠯ ᠳ᠋ᠤ᠌ ᠬᠡᠷᠡᠭᠯᠡᠵᠦ ᠪᠠᠢᠵᠠᠢ᠃
ᠵᠢᠷᠤᠭ2
ᠴᠣᠭᠣᠯᠬᠤ ᠬᠡᠷᠡᠭᠰᠡᠯ
ᠴᠣᠭᠣᠯᠬᠤ ᠬᠡᠷᠡᠭᠰᠡᠯ ᠤᠷᠠᠨ ᠦᠢᠯᠡ ᠶ᠋ᠢᠨ ᠬᠠᠮᠤᠭ ᠤ᠋ᠨ ᠴᠢᠬᠤᠯᠠ ᠬᠡᠷᠡᠭᠰᠡᠯ ᠪᠥᠭᠡᠳ ᠡᠨᠡ ᠬᠡᠷᠡᠭᠰᠡᠯ ᠳ᠋ᠦ᠍ ᠵᠡᠭᠦᠦ᠂ ᠰᠢᠪᠦᠭᠡ᠂ ᠵᠡᠭᠦᠦ ᠶ᠋ᠢᠨ ᠰᠢᠪᠦᠭᠡ᠂ ᠲᠡᠪᠡᠨᠡ᠂ ᠨᠡᠬᠡᠮᠡᠯ ᠬᠠᠳᠬᠤᠮᠠᠯ ᠤ᠋ᠨ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠵᠡᠭᠦᠦ᠂ ᠬᠡ ᠤᠭᠠᠯᠵᠠ ᠶ᠋ᠢᠨ ᠰᠢᠪᠡᠭᠦᠷ ᠦ᠋ᠳ ᠪᠠᠭᠲᠠᠨᠠ᠃ ᠵᠡᠭᠦᠦ ᠶ᠋ᠢ ᠡᠷᠲᠡ ᠦᠶᠡ ᠳ᠋ᠦ᠍ ᠶᠠᠰᠤ᠂ ᠬᠤᠯᠤᠰᠤ᠂ ᠮᠣᠳᠣ ᠪᠠᠷ ᠬᠢᠵᠦ ᠪᠠᠢᠭᠰᠠᠨ ᠲᠤᠬᠠᠢ ᠳᠡᠭᠡᠷᠡ ᠥᠭᠦᠯᠡᠭᠰᠡᠨ ᠪᠢᠯᠡ᠃ ᠵᠡᠭᠦᠦ ᠲᠡᠮᠦᠷ ᠵᠡᠪᠰᠡᠭ ᠦ᠋ᠨ ᠦᠶᠡ ᠳ᠋ᠦ᠍ ᠤᠯᠠᠮ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠵᠤ ᠬᠠᠲᠠᠭᠤ ᠭᠠᠩ ᠢ᠋ᠶ᠋ᠠᠷ ᠬᠢᠭᠡᠳ ᠵᠣᠭᠰᠣᠬᠤ ᠦᠭᠡᠢ ᠰᠡᠭᠦᠯ ᠦ᠋ᠨ ᠦᠶᠡ ᠳ᠋ᠦ᠍ ᠲᠡᠭᠦᠨ ᠦ᠌ ᠦᠵᠦᠭᠦᠷ ᠲᠦ ᠵᠦᠰᠦᠬᠦ ᠲᠠᠯᠠᠰᠲᠤ ᠭᠠᠷᠭᠠᠨ ᠬᠢᠳᠡᠭ ᠪᠣᠯᠤᠭᠰᠠᠨ ᠨᠢ ᠤᠷᠠᠨ ᠦᠢᠯᠡ ᠶ᠋ᠢᠨ ᠪᠠᠭᠠᠵᠢ ᠳ᠋ᠤ᠌ ᠨᠡᠪᠲᠡᠷᠡᠵᠦ ᠪᠠᠢᠭᠠ ᠰᠢᠨᠡ ᠵᠦᠢᠯ ᠪᠣᠯᠤᠨᠠ᠃
ᠵᠡᠭᠦᠦ ᠶᠢ ᠬᠡᠯᠪᠡᠷᠢ ᠪᠡᠷ ᠨᠢ ᠪᠦᠳᠦᠭᠦᠨ᠂ ᠨᠠᠷᠢᠨ᠂ ᠤᠷᠲᠤ᠂ ᠪᠣᠭᠣᠨᠢ ᠵᠡᠭᠦᠦ᠂ ᠲᠡᠪᠡᠨᠡ ᠭᠡᠵᠦ ᠢᠯᠭᠠᠭᠠᠳ ᠵᠣᠭᠰᠣᠬᠤ ᠦᠭᠡᠢ ᠲᠡᠭᠦᠨ ᠢ᠋ ᠳ᠋ᠢᠶᠠᠮᠧᠲ᠋ᠷ ᠦ᠋ᠨ ᠤᠷᠲᠤ᠂ ᠪᠣᠭᠣᠨᠢ ᠪᠠᠷ ᠨᠢ ᠢᠯᠭᠠᠪᠤᠷᠢᠯᠠᠨ ᠨᠡᠷᠡᠯᠡᠳᠡᠭ ᠪᠣᠯᠤᠭᠰᠠᠨ ᠨᠢ ᠤᠷᠠᠨ ᠦᠢᠯᠡ ᠶ᠋ᠢᠨ ᠪᠠᠭᠠᠵᠢ ᠶ᠋ᠢᠨ ᠬᠥᠭᠵᠢᠯ ᠤᠯᠠᠮ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠤᠭᠰᠠᠨ ᠢ᠋ ᠭᠡᠷᠡᠴᠢᠯᠡᠵᠦ ᠪᠠᠢᠨᠠ᠃ ᠣᠶᠣᠳᠠᠯ ᠤ᠋ᠨ ᠵᠡᠭᠦᠦ1—12 ᠬᠦᠷᠲᠡᠯᠡ ᠨᠣᠮᠧᠷ ᠲᠡᠢ᠂35—70mmᠤᠷᠲᠤ᠂0.6—1.8mm ᠳ᠋ᠢᠶᠠᠮᠧᠲ᠋ᠷ ᠲᠡᠢ ᠪᠠᠢᠳᠠᠭ᠃ ᠮᠣᠩᠭᠣᠯᠴᠤᠳ ᠵᠡᠭᠦᠦ ᠪᠡᠨ ᠤᠷᠲᠤ ᠪᠣᠭᠣᠨᠢ᠂ ᠪᠦᠳᠦᠭᠦᠨ ᠨᠠᠷᠢᠨ ᠢ᠋ᠶ᠋ᠠᠷ ᠲᠤᠰ ᠪᠦᠷᠢ ᠲᠣᠳᠣᠷᠬᠠᠢ ᠨᠡᠷᠡ ᠪᠡᠷ ᠢᠯᠭᠠᠪᠤᠷᠢᠯᠠᠳᠠᠭ᠃ ᠬᠠᠮᠤᠭ ᠤ᠋ᠨ ᠨᠠᠷᠢᠨ ᠵᠡᠭᠦᠦ ᠶ᠋ᠢ ᠵᠠᠮᠠᠭᠤᠤᠯ ᠪᠤᠶᠤ ᠬᠢᠯᠭᠠᠰᠤᠨ ᠵᠡᠭᠦᠦ᠂ ᠲᠡᠭᠦᠨ ᠡᠴᠡ ᠠᠷᠠᠢ ᠪᠦᠳᠦᠭᠦᠨ ᠢ᠋ ᠬᠠᠪᠠᠭᠠᠰᠤᠨ ᠵᠡᠭᠦᠦ᠂ ᠬᠠᠮᠤᠭ ᠤ᠋ᠨ ᠵᠢᠵᠢᠭ ᠵᠡᠭᠦᠦ ᠶ᠋ᠢ ᠬᠢᠯᠭᠠᠨᠠᠨ ᠵᠡᠭᠦᠦ᠂ ᠠᠷᠠᠢ ᠪᠦᠳᠦᠭᠦᠨ ᠤᠷᠲᠤᠬᠠᠨ ᠵᠡᠭᠦᠦ ᠶ᠋ᠢ ᠮᠣᠭᠵᠣᠭᠣᠷ ᠵᠡᠭᠦᠦ᠂ ᠤᠷᠲᠤ ᠪᠦᠳᠦᠭᠦᠨ ᠵᠡᠭᠦᠦ ᠶ᠋ᠢ ᠪᠦᠳᠦᠭᠦᠨ ᠵᠡᠭᠦᠦ ᠭᠡᠬᠦ ᠪᠥᠭᠡᠳ ᠮᠥᠨ ᠲᠡᠪᠡᠨᠡ ᠶ᠋ᠢ ᠨᠠᠷᠢᠨ ᠪᠤᠶᠤ ᠰᠢᠪᠡᠭᠡᠰᠦᠨ ᠦ᠌ ᠲᠡᠪᠡᠨᠡ ᠳᠤᠮᠳᠠ ᠵᠡᠷᠭᠡ ᠶ᠋ᠢᠨ ᠪᠤᠶᠤ ᠭᠣᠯᠢᠶᠠ ᠲᠡᠪᠡᠨᠡ᠂ ᠬᠠᠮᠤᠭ ᠤ᠋ᠨ ᠲᠣᠮᠣ ᠲᠡᠪᠡᠨᠡ ᠶ᠋ᠢ ᠪᠠᠮᠪᠠᠢ ᠶ᠋ᠢᠨ ᠲᠡᠪᠡᠨᠡ ᠭᠡᠵᠦ ᠢᠯᠭᠠᠳᠠᠭ᠃
ᠡᠳᠡᠭᠡᠷ ᠨᠢ ᠲᠤᠰ ᠪᠦᠷᠢ ᠳ᠋ᠡᠭᠡᠨ ᠡᠭᠦᠷᠭᠡ ᠲᠡᠢ᠃ ᠵᠢᠱ᠌ᠢᠶᠡ ᠨᠢ ᠵᠠᠮᠠᠭᠤᠤᠯ ᠪᠤᠶᠤ ᠬᠢᠯᠭᠠᠰᠤᠨ ᠵᠡᠭᠦᠦ ᠪᠡᠷ ᠬᠠᠮᠤᠭ ᠤ᠋ᠨ ᠨᠠᠷᠢᠨ ᠲᠣᠷᠭᠠᠨ ᠬᠠᠳᠬᠤᠮᠠᠯ᠂ ᠬᠥᠮᠦᠨ ᠦ᠌ ᠬᠥᠷᠥᠭ ᠦ᠋ᠨ ᠰᠡᠭᠦᠳᠡᠷ ᠲᠣᠬᠢᠷᠠᠭᠤᠯᠬᠤ ᠵᠡᠷᠭᠡ ᠳ᠋ᠦ᠍ ᠬᠡᠷᠡᠭᠯᠡᠬᠦ ᠪᠠ ᠲᠡᠭᠦᠨ ᠡᠴᠡ ᠠᠷᠠᠢ ᠪᠦᠳᠦᠭᠦᠨ ᠤᠷᠲᠤ ᠨᠠᠷᠢᠨ ᠵᠡᠭᠦᠦ ᠪᠡᠷ ᠳᠡᠪᠡᠯ ᠬᠠᠪᠠᠬᠤ ᠵᠠᠷᠢᠮ ᠬᠠᠳᠬᠤᠮᠠᠯ ᠬᠣᠨᠢᠨ ᠬᠣᠯᠪᠣᠭᠠ᠂ ᠲᠠᠤᠯᠠᠢ ᠬᠠᠷᠠᠢᠯᠭᠠᠬᠤ᠂ ᠵᠠᠬᠠᠯᠠᠬᠤ᠂ ᠬᠡᠯᠡᠬᠦ ᠣᠶᠣᠳᠠᠯ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃ ᠬᠢᠯᠭᠠᠨᠡᠨ ᠵᠡᠭᠦᠦ ᠪᠡᠷ ᠨᠠᠷᠢᠨ ᠬᠤᠷᠠᠭᠠᠨ ᠳᠣᠲᠣᠷ᠂ ᠦᠨᠡᠲᠦ ᠠᠩ ᠤ᠋ᠨ ᠦᠰᠦ ᠣᠶᠣᠨᠠ᠃ ᠪᠦᠳᠦᠭᠦᠨ ᠵᠡᠭᠦᠦ ᠪᠡᠷ ᠬᠠᠲᠠᠭᠤᠪᠲᠤᠷ ᠰᠢᠷᠢᠭᠡᠰᠦ ᠭᠤᠲᠤᠯ ᠤ᠋ᠨ ᠤᠯᠠ᠂ ᠵᠠᠤᠵᠠᠢ ᠪᠣᠯᠤᠨ ᠵᠠᠷᠢᠮ ᠰᠢᠷᠢ ᠶ᠋ᠢᠨ ᠡᠳ᠋ᠯᠡᠯ ᠣᠶᠣᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃ ᠲᠡᠪᠡᠨᠡ ᠶ᠋ᠢ ᠬᠠᠲᠠᠭᠤ ᠵᠤᠵᠠᠭᠠᠨ ᠣᠶᠣᠳᠠᠯ᠂ ᠰᠢᠷᠢᠭᠡᠰᠦ᠂ ᠢᠰᠡᠭᠡᠢ᠂ ᠰᠢᠷᠢ ᠣᠶᠣᠬᠤ ᠳ᠋ᠤ᠌ ᠬᠡᠷᠡᠭᠯᠡᠬᠦ ᠪᠠ ᠵᠡᠭᠦᠦ ᠶ᠋ᠢᠨ ᠰᠢᠪᠦᠭᠡ ᠳ᠋ᠦ᠍ ᠰᠠᠭᠤᠯᠭᠠᠵᠤ ᠰᠢᠷᠢ ᠶ᠋ᠢᠨ ᠡᠳ᠋ᠯᠡᠯ ᠦ᠋ᠨ ᠵᠡᠭᠦᠦ ᠳᠠᠭᠠᠭᠠᠬᠤ ᠦᠭᠡᠢ᠂ ᠬᠠᠲᠠᠭᠤ ᠬᠡᠰᠡᠭ ᠢ᠋ ᠰᠢᠪᠦᠭᠡᠳᠡᠨ ᠨᠦᠬᠡᠯᠡᠬᠦ᠂ ᠤᠯᠠ ᠰᠢᠷᠢᠬᠦ ᠳ᠋ᠦ᠍ ᠬᠡᠷᠡᠭᠯᠡᠨᠡ᠃ ᠬᠠᠮᠤᠭ ᠤ᠋ᠨ ᠪᠦᠳᠦᠭᠦᠨ ᠲᠡᠪᠡᠨᠡ ᠪᠡᠷ ᠣᠯᠠᠨ ᠳᠠᠪᠬᠤᠷ ᠵᠤᠵᠠᠭᠠᠨ ᠢᠰᠡᠭᠡᠢ᠂ ᠲᠡᠮᠡᠭᠡᠨ ᠱᠠᠲᠤ ᠶ᠋ᠢᠨ ᠪᠠᠮᠪᠠᠢ ᠣᠶᠣᠬᠤ ᠳ᠋ᠤ᠌ ᠬᠡᠷᠡᠭᠯᠡᠳᠡᠭ᠃ ᠤᠴᠢᠷ ᠪᠠᠮᠪᠠᠢ ᠶ᠋ᠢᠨ ᠲᠡᠪᠡᠨᠡ ᠭᠡᠵᠦ ᠨᠡᠷᠡᠯᠡᠳᠡᠭ᠃ ᠴᠣᠭᠣᠯᠬᠤ ᠬᠡᠷᠡᠭᠰᠡᠯ ᠳ᠋ᠦ᠍ ᠵᠡᠭᠦᠦ ᠶ᠋ᠢᠨ ᠰᠢᠪᠦᠭᠡ ᠶ᠋ᠢ ᠬᠡᠷᠡᠭᠯᠡᠳᠡᠭ ᠪᠥᠭᠡᠳ ᠡᠨᠡ ᠨᠢ ᠠᠷᠤ ᠳ᠋ᠠᠭᠠᠨ ᠭᠠᠷ ᠲᠤ ᠪᠠᠷᠢᠬᠤ ᠳ᠋ᠤ᠌ ᠵᠣᠬᠢᠷᠠᠭᠣᠯᠣᠭᠳᠠᠭᠰᠠᠨ ᠪᠠᠷᠢᠭᠤᠯ ᠪᠦᠬᠦᠢ ᠲᠡᠮᠦᠷ ᠬᠠᠪᠴᠢᠶᠠᠷᠢ ᠪᠥᠭᠡᠳ ᠭᠣᠣᠯᠳᠠᠭᠤ ᠲᠡᠪᠡᠨᠡ ᠰᠠᠭᠤᠯᠭᠠᠬᠤ ᠬᠣᠪᠢᠯ ᠲᠠᠢ ᠲᠡᠭᠦᠨ ᠳ᠋ᠦ᠍ᠨᠢ ᠲᠡᠪᠡᠨᠡ ᠶ᠋ᠢᠨ ᠰᠦᠪᠡᠭᠴᠢ ᠶ᠋ᠢ ᠪᠠᠭᠠ ᠵᠡᠷᠭᠡ ᠣᠯᠣᠰᠣ᠂ ᠨᠣᠣᠰᠣ ᠪᠠᠷ ᠣᠷᠢᠶᠠᠵᠤ ᠰᠠᠭᠤᠯᠭᠠᠭᠠᠳ ᠬᠠᠪᠴᠢᠶᠠᠷᠢ ᠶ᠋ᠢᠨ ᠬᠣᠶᠠᠷ ᠦᠵᠦᠭᠦᠷ ᠢ᠋ ᠨᠡᠢᠯᠡᠭᠦᠯᠵᠦ ᠠᠮᠠ ᠦᠭᠡᠢ ᠲᠡᠮᠦᠷ ᠰᠢᠬᠠᠭᠤᠷᠭᠠ ᠰᠢᠷᠭᠤᠭᠤᠯᠵᠤ ᠤᠭ ᠤᠷᠤᠭᠤ ᠨᠢ ᠴᠣᠬᠢᠵᠤ ᠴᠢᠩᠭᠠᠯᠠᠨᠠ᠃
ᠰᠢᠪᠦᠭᠡ ᠰᠢᠪᠦᠭᠡ ᠶ᠋ᠢ ᠪᠣᠯ ᠭᠠᠭᠴᠠᠬᠠᠨ ᠤᠷᠠᠨ ᠦᠢᠯᠡ ᠳ᠋ᠦ᠍ ᠬᠡᠷᠡᠭᠯᠡᠭᠳᠡᠬᠦ ᠲᠡᠳᠦᠢ ᠦᠭᠡᠢ ᠭᠠᠷ ᠡᠳ᠋ᠯᠡᠯ ᠬᠢᠬᠦ ᠪᠦᠷᠢ ᠳ᠋ᠦ᠍ ᠬᠡᠷᠡᠭᠯᠡᠭᠳᠡᠬᠦ ᠴᠢᠬᠤᠯᠠ ᠪᠠᠭᠠᠵᠢ ᠪᠥᠭᠡᠳ ᠬᠥᠮᠦᠨ ᠦ᠌ ᠭᠠᠷ ᠤᠷᠠᠯᠠᠯ ᠡᠭᠦᠰᠦᠭᠰᠡᠨ ᠲᠡᠢ ᠬᠣᠯᠪᠣᠭᠠ ᠲᠠᠢ ᠨᠡᠢᠭᠡᠮ ᠦ᠋ᠨ ᠪᠦᠬᠦ ᠦᠶᠡ ᠨᠦ᠍ᠭᠦᠳ ᠲᠤ ᠬᠡᠷᠡᠭᠯᠡᠭᠳᠡᠵᠦ ᠢᠷᠡᠵᠡᠢ᠃ ᠰᠢᠪᠦᠭᠡ ᠶ᠋ᠢ ᠲᠣᠮᠣ ᠵᠢᠵᠢᠭ ᠣᠯᠠᠨ ᠶᠠᠩᠵᠤ ᠪᠠᠷ ᠬᠢᠵᠦ ᠬᠡᠷᠡᠭᠯᠡᠬᠦ ᠡᠴᠡ ᠭᠠᠳᠠᠨᠠ ᠦᠵᠦᠭᠦᠷ ᠲᠡᠭᠡᠨ ᠡᠷᠭᠢ ᠲᠡᠢ᠂ ᠵᠦᠰᠦᠬᠦ ᠲᠠᠯᠠ ᠲᠠᠢ ᠶᠠᠩᠵᠤ ᠪᠦᠷᠢ ᠪᠠᠢᠳᠠᠭ᠃ ᠰᠢᠪᠦᠭᠡ ᠨᠢ ᠭᠠᠷ ᠳᠤ ᠡᠪᠲᠡᠢ ᠡᠪᠡᠷ᠂ ᠮᠣᠳᠣᠨ ᠡᠰᠢᠨ ᠳ᠋ᠦ᠍ ᠰᠠᠭᠤᠯᠭᠠᠭᠰᠠᠨ ᠨᠠᠷᠢᠨ ᠲᠡᠮᠦᠷ ᠪᠥᠭᠡᠳ ᠡᠬᠢᠨ ᠦ᠌ ᠦᠶᠡ ᠳ᠋ᠦ᠍ ᠡᠰᠢ ᠦᠭᠡᠢ ᠵᠠᠳᠠᠭᠠᠢ ᠵᠡᠰ᠂ ᠲᠡᠮᠦᠷ ᠢ᠋ ᠨᠠᠷᠢᠬᠠᠨ ᠴᠣᠬᠢᠵᠤ ᠦᠵᠦᠭᠦᠷ ᠭᠠᠷᠭᠠᠨ ᠬᠡᠷᠡᠭᠯᠡᠵᠦ ᠪᠠᠢᠭᠰᠠᠨ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠵᠡᠭᠦᠦ᠂ ᠰᠢᠪᠦᠭᠡ᠂ ᠵᠡᠭᠦᠦ ᠶ᠋ᠢᠨ ᠰᠢᠪᠦᠭᠡ᠂ ᠬᠤᠷᠤᠭᠤᠪᠴᠢ ᠪᠠ ᠬᠣᠵᠢᠮ ᠬᠣᠢᠨᠠ ᠡᠰᠢ ᠲᠡᠢ ᠪᠣᠯᠵᠠᠢ᠃ ᠰᠢᠪᠦᠭᠡ ᠪᠡᠷ ᠤᠷᠠᠨ ᠦᠢᠯᠡ ᠶ᠋ᠢᠨ ᠭᠣᠣᠯᠳᠠᠭᠤ ᠰᠢᠷᠢ ᠶ᠋ᠢᠨ ᠡᠳ᠋ᠯᠡᠯ ᠳ᠋ᠦ᠍ ᠪᠤᠶᠤ ᠮᠣᠩᠭᠣᠯ ᠭᠤᠲᠤᠯ ᠤ᠋ᠨ ᠰᠢᠷᠢ ᠬᠠᠲᠠᠬᠤ᠂ ᠤᠯᠠᠯᠠᠭᠠᠨ ᠳ᠋ᠤ᠌ ᠬᠡᠷᠡᠭᠯᠡᠵᠦ ᠪᠠᠢᠨᠠ᠃
ᠵᠢᠷᠤᠭ3
ᠰᠢᠪᠡᠭᠦᠷ ᠰᠢᠪᠡᠭᠦᠷ ᠪᠤᠰᠤᠳ ᠴᠣᠭᠣᠯᠬᠤ ᠬᠡᠷᠡᠭᠰᠡᠯ ᠡᠴᠡ ᠨᠡᠯᠢᠶᠡᠳ ᠬᠣᠵᠢᠭᠤ ᠡᠭᠦᠰᠦᠭᠰᠡᠨ ᠪᠠ ᠰᠢᠷᠢ ᠶ᠋ᠢᠨ ᠡᠳ᠋ᠯᠡᠯ ᠳ᠋ᠦ᠍ ᠬᠡ ᠲᠠᠯᠪᠢᠬᠤ ᠦᠶᠡ ᠲᠡᠢ ᠬᠣᠯᠪᠣᠭᠳᠠᠨ ᠭᠠᠷᠴᠤ ᠢᠷᠡᠵᠡᠢ᠃ ᠰᠢᠪᠡᠭᠦᠷ ᠪᠠᠭᠠᠵᠢ ᠶ᠋ᠢ ᠬᠢᠬᠦ ᠳ᠋ᠡᠭᠡᠨ ᠰᠢᠪᠡᠬᠦ2-3 ᠬᠣᠣᠰ ᠦᠵᠦᠭᠦᠷ ᠭᠠᠷᠭᠠᠨ ᠡᠰᠢ ᠶ᠋ᠢ ᠤᠷᠲᠤ ᠨᠠᠷᠢᠨ ᠪᠣᠯᠭᠠᠵᠤ ᠳᠠᠪᠲᠠᠭᠠᠳ ᠮᠣᠳᠣ ᠪᠤᠶᠤ ᠡᠪᠡᠷ ᠲᠦ ᠰᠠᠭᠤᠯᠭᠠᠨᠠ᠃ ᠡᠭᠦᠨ ᠢ᠋ᠶ᠋ᠡᠷ ᠡᠮᠡᠭᠡᠯ ᠦ᠋ᠨ ᠲᠣᠨᠣᠭ᠂ ᠭᠤᠲᠤᠯ ᠤ᠋ᠨ ᠤᠭᠠᠯᠵᠠ ᠣᠶᠣᠬᠤ᠂ ᠪᠤᠯᠢᠭᠠᠷᠢ ᠰᠠᠪᠢᠬᠢᠨ ᠳ᠋ᠤ᠌ ᠰᠠᠷᠢᠰᠤ ᠪᠠᠷ ᠬᠡ ᠲᠠᠯᠪᠢᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃ ᠰᠢᠪᠡᠭᠦᠷ ᠰᠢᠪᠦᠭᠡ᠂ ᠵᠡᠭᠦᠦ ᠶ᠋ᠢᠨ ᠰᠢᠪᠦᠭᠡ ᠲᠡᠢ ᠠᠳᠠᠯᠢᠬᠠᠨ ᠬᠠᠲᠠᠭᠤ ᠶᠠᠭᠤᠮᠠ ᠶ᠋ᠢ ᠳᠠᠭᠠᠭᠠᠬᠤ ᠦᠭᠡᠢ ᠪᠣᠯᠪᠠᠴᠤ ᠨᠢᠭᠡ ᠤᠳᠠᠭᠠ ᠬᠠᠳᠬᠤᠬᠤ ᠳ᠋ᠠᠭᠠᠨ2-3 ᠨᠦᠬᠡ ᠭᠠᠷᠬᠤ ᠪᠥᠭᠡᠳ ᠣᠶᠣᠬᠤ ᠣᠶᠣᠳᠠᠯ ᠤ᠋ᠨ ᠬᠡᠮᠵᠢᠶᠡ ᠵᠢᠭᠳᠡ ᠪᠣᠯᠳᠠᠭ ᠤᠴᠢᠷ ᠨᠢᠮᠭᠡᠨ ᠰᠢᠷᠢ ᠶ᠋ᠢᠨ ᠬᠠᠳᠬᠤᠮᠠᠯ ᠳ᠋ᠤ᠌ ᠲᠣᠬᠢᠷᠠᠮᠵᠢᠲᠠᠢ᠃
ᠴᠣᠭᠣᠯᠬᠤ ᠪᠠᠭᠠᠵᠢ ᠶ᠋ᠢᠨ ᠨᠢᠭᠡ ᠲᠥᠷᠥᠯ ᠳ᠋ᠦ᠍ ᠨᠡᠬᠡᠮᠡᠯ᠂ ᠰᠢᠪᠡᠭᠦᠷ ᠣᠶᠣᠳᠠᠯ ᠤ᠋ᠨ ᠵᠡᠭᠦᠦ ᠣᠷᠣᠬᠤ ᠪᠣᠯᠪᠠᠴᠤ ᠲᠤᠰ ᠲᠤᠰ ᠤ᠋ᠨ ᠬᠠᠳᠬᠤᠮᠠᠯ ᠳ᠋ᠤ᠌ ᠳᠤᠷᠠᠳᠬᠤ ᠪᠣᠯᠤᠨᠠ᠃
ᠬᠤᠷᠤᠭᠤᠪᠴᠢ ᠠᠯᠢᠪᠠ ᠣᠶᠣᠳᠠᠯ ᠳ᠋ᠤ᠌ ᠭᠠᠷ ᠬᠤᠷᠤᠭᠤᠨ ᠳ᠋ᠠᠭᠠᠨ ᠰᠢᠷᠬᠠ᠂ ᠰᠢᠯᠪᠤᠷᠬᠠᠢ ᠭᠠᠷᠭᠠᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ ᠬᠤᠷᠤᠭᠤᠪᠴᠢ ᠶ᠋ᠢ ᠬᠢᠳᠡᠭ᠃ ᠬᠤᠷᠤᠭᠤᠪᠴᠢ ᠶ᠋ᠢ ᠤᠯᠤᠰ ᠭᠦᠷᠦᠨ ᠳ᠋ᠦ᠍ ᠶᠠᠩᠵᠤ ᠶᠠᠩᠵᠤ ᠶ᠋ᠢᠨ ᠰᠢᠷᠢ ᠪᠤᠯᠢᠭᠠᠷᠢ᠂ ᠲᠡᠮᠦᠷ᠂ ᠬᠤᠪᠠᠨᠴᠢᠷ ᠢ᠋ᠶ᠋ᠠᠷ ᠬᠢᠳᠡᠭ᠃ ᠮᠠᠨ ᠤ᠋ ᠬᠢᠨ ᠳ᠋ᠦ᠍ ᠭᠣᠣᠯᠳᠠᠭᠤ ᠪᠤᠯᠢᠭᠠᠷᠢ ᠪᠠᠷ ᠬᠢᠬᠦ ᠡᠴᠡ ᠭᠠᠳᠠᠨᠠ ᠦᠨᠳᠦᠰᠦᠲᠡᠨ ᠦ᠌ ᠳᠥᠷᠦᠭᠡᠪᠴᠢᠨ ᠲᠡᠮᠦᠷ ᠬᠤᠷᠤᠭᠤᠪᠴᠢ ᠬᠡᠷᠡᠭᠯᠡᠳᠡᠭ ᠪᠠᠢᠵᠠᠢ᠃ ᠡᠨᠡ ᠬᠤᠷᠤᠭᠤᠪᠴᠢ ᠢᠯᠠᠩᠭᠤᠶᠠ ᠬᠠᠲᠠᠭᠤ ᠶᠠᠭᠤᠮᠠ ᠣᠶᠣᠬᠤ ᠳ᠋ᠤ᠌ ᠬᠠᠮᠤᠭ ᠤ᠋ᠨ ᠲᠣᠬᠢᠷᠠᠮᠵᠢᠲᠠᠢ ᠪᠠᠢᠳᠠᠭ᠃ ᠳᠥᠷᠦᠭᠡᠪᠴᠢᠨ ᠬᠤᠷᠤᠭᠤᠪᠴᠢ ᠶ᠋ᠢ ᠮᠣᠩᠭᠣᠯ ᠤ᠋ᠨ ᠡᠮᠡᠭᠲᠡᠢᠴᠦᠳ ᠭᠣᠶᠣᠯ ᠤ᠋ᠨ ᠪᠣᠯᠤᠨ ᠬᠡᠷᠡᠭᠴᠡᠭᠡᠨ ᠦ᠌ ᠬᠣᠶᠠᠷ ᠬᠡᠯᠪᠡᠷᠢ ᠪᠡᠷ ᠬᠡᠷᠡᠭᠯᠡᠵᠦ ᠪᠠᠢᠭᠰᠠᠨ ᠶᠤᠮ᠃ ᠭᠣᠶᠣᠯ ᠤ᠋ᠨ ᠳᠥᠷᠦᠭᠡᠪᠴᠢᠨ ᠬᠤᠷᠤᠭᠤᠪᠴᠢ ᠶ᠋ᠢ ᠮᠥᠩᠭᠥ ᠪᠡᠷ ᠬᠢᠬᠦ ᠪᠤᠶᠤ ᠡᠰᠡᠪᠡᠯ ᠵᠡᠰ ᠭᠠᠤᠯᠢ ᠪᠠᠷ ᠬᠢᠵᠦ ᠠᠪᠠᠬᠠᠢ ᠳᠡᠪᠡᠯ ᠦ᠋ᠨ ᠪᠠᠯ᠂ ᠪᠥᠰᠡᠨ ᠳ᠋ᠦ᠍ ᠵᠡᠭᠦᠬᠦ ᠡᠴᠡ ᠭᠠᠳᠠᠨᠠ ᠵᠡᠭᠦᠪᠴᠢᠨ ᠳ᠋ᠦ᠍ ᠴᠢᠮᠡᠭ ᠪᠣᠯᠭᠠᠨ ᠬᠡᠷᠡᠭᠯᠡᠳᠡᠭ ᠪᠠᠢᠯᠠ᠃ ᠳᠥᠷᠦᠭᠡᠪᠴᠢᠨ ᠬᠤᠷᠤᠭᠤᠪᠴᠢ ᠬᠡᠯᠪᠡᠷᠢ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠳᠥᠷᠥᠭᠡ ᠬᠡᠯᠪᠡᠷᠢᠲᠡᠢ᠂ ᠠᠷᠤ ᠳ᠋ᠠᠭᠠᠨ ᠰᠠᠨᠵᠢ ᠲᠠᠢ᠂ ᠤᠷᠲᠤ ᠲᠠᠯᠠ ᠳ᠋ᠠᠭᠠᠨ ᠪᠤᠯᠢᠭᠠᠷᠢ ᠰᠠᠭᠤᠯᠭᠠᠬᠤ ᠨᠤᠤᠬᠠ ᠲᠠᠢ᠂ ᠲᠡᠷᠡ ᠨᠤᠤᠬᠠᠨ ᠳ᠋ᠤᠨᠢ ᠪᠤᠯᠢᠭᠠᠷᠢ ᠨᠠᠭᠠᠵᠤ ᠪᠡᠬᠢᠯᠡᠨ ᠣᠶᠣᠳᠠᠯ ᠳ᠋ᠤ᠌ ᠬᠡᠷᠡᠭᠯᠡᠬᠦ ᠳ᠋ᠦ᠍ ᠵᠢᠷ ᠦ᠋ᠨ ᠲᠡᠮᠦᠷ ᠬᠤᠷᠤᠭᠤᠪᠴᠢ ᠲᠠᠢ ᠠᠳᠠᠯᠢ ᠵᠡᠭᠦᠦ ᠶ᠋ᠢᠨ ᠰᠦᠪᠡᠭᠴᠢᠨ ᠳ᠋ᠡᠬᠢ ᠤᠲᠠᠰᠤ ᠡᠯᠡᠵᠦ ᠲᠠᠰᠤᠷᠠᠳᠠᠭ ᠦᠭᠡᠢ ᠬᠠᠮᠤᠭ ᠤ᠋ᠨ ᠲᠣᠬᠢᠷᠠᠮᠵᠢᠲᠠᠢ ᠬᠤᠷᠤᠭᠤᠪᠴᠢ ᠶᠤᠮ᠃
ᠪᠤᠯᠢᠭᠠᠷᠢ ᠬᠤᠷᠤᠭᠤᠪᠴᠢ ᠭᠠᠷ ᠲᠤ ᠡᠪᠲᠡᠢ᠂ ᠤᠲᠠᠰᠤ ᠲᠠᠰᠤᠯᠳᠠᠭ ᠦᠭᠡᠢ ᠪᠡᠷ ᠢ᠋ᠶ᠋ᠡᠨ ᠣᠨᠴᠠᠯᠢᠭ ᠪᠣᠯᠪᠠᠴᠤ ᠴᠣᠭᠣᠷᠠᠬᠤ ᠨᠢ ᠠᠮᠠᠷᠬᠠᠨ ᠪᠠᠢᠳᠠᠭ᠃ ᠡᠮᠡᠭᠲᠡᠢᠴᠦᠳ ᠪᠤᠯᠢᠭᠠᠷᠢ ᠰᠠᠪᠢᠬᠢᠨ ᠬᠤᠷᠤᠭᠤᠪᠴᠢ ᠶ᠋ᠢ ᠴᠣᠭᠣᠷᠠᠬᠤ ᠳ᠋ᠤ᠌ ᠳᠣᠲᠣᠷ ᠲᠠᠯᠠ ᠳ᠋ᠤᠨᠢ ᠵᠢᠵᠢᠭ ᠪᠤᠯᠢᠭᠠᠷᠢ ᠶ᠋ᠢᠨ ᠥᠭᠡᠳᠡᠰᠦ ᠰᠢᠷᠭᠤᠭᠤᠯᠳᠠᠭ ᠪᠥᠭᠡᠳ ᠡᠭᠦᠨ ᠢ᠋ ᠬᠤᠷᠤᠭᠤᠪᠴᠢ ᠶ᠋ᠢᠨ ᠴᠠᠮᠴᠠ ᠭᠡᠵᠦ ᠨᠡᠷᠡᠯᠡᠳᠡᠭ᠃
ᠲᠡᠮᠦᠷ ᠬᠤᠷᠤᠭᠤᠪᠴᠢ ᠠᠮᠠᠷᠬᠠᠨ ᠴᠣᠭᠣᠷᠠᠳᠠᠭ ᠦᠭᠡᠢ ᠪᠣᠯᠪᠠᠴᠤ ᠵᠡᠭᠦᠦ ᠬᠠᠪᠢᠷᠬᠤ᠂ ᠬᠠᠯᠲᠤᠷᠢᠬᠤ᠂ ᠵᠡᠭᠦᠦ ᠶ᠋ᠢᠨ ᠰᠦᠪᠡᠭᠴᠢᠨ ᠦ᠌ ᠤᠲᠠᠰᠤ ᠶ᠋ᠢ ᠡᠯᠡᠭᠡᠵᠦ ᠲᠠᠰᠤᠯᠬᠤ ᠨᠢ ᠶᠡᠬᠡ ᠤᠴᠢᠷ ᠠ᠋ᠴᠠ ᠢᠯᠠᠩᠭᠤᠶᠠ ᠨᠠᠷᠢᠨ ᠲᠣᠷᠭᠠᠨ ᠤᠲᠠᠰᠤ ᠪᠠᠷ ᠬᠠᠳᠬᠤᠮᠠᠯ ᠬᠠᠳᠬᠤᠬᠤ ᠳ᠋ᠤ᠌ ᠪᠤᠯᠢᠭᠠᠷᠢ ᠬᠤᠷᠤᠭᠤᠪᠴᠢ ᠬᠢᠬᠦ ᠨᠢ ᠲᠣᠬᠢᠷᠠᠮᠵᠢᠲᠠᠢ ᠪᠠᠢᠳᠠᠭ᠃ ᠲᠡᠮᠦᠷ ᠬᠤᠷᠤᠭᠤᠪᠴᠢ ᠬᠡᠮᠵᠢᠶᠡ ᠲᠡᠢ ᠪᠠᠢᠳᠠᠭ ᠤᠴᠢᠷ ᠭᠠᠷ ᠲᠤ ᠲᠣᠬᠢᠷᠠᠭᠤᠯᠬᠤ ᠶ᠋ᠢᠨ ᠲᠤᠯᠠᠳᠠ ᠪᠠᠷᠠᠭᠤᠨ ᠭᠠᠷ ᠤ᠋ᠨ ᠳᠣᠯᠣᠪᠣᠷ ᠬᠤᠷᠤᠭᠤᠨ ᠤ᠋ ᠬᠡᠮᠵᠢᠶᠡ ᠶ᠋ᠢ ᠦᠢᠯᠡᠴᠢᠨ ᠬᠥᠮᠦᠨ ᠵᠠᠪᠠᠯ ᠮᠡᠳᠡᠭᠰᠡᠨ ᠪᠠᠢᠬᠤ ᠶ᠋ᠢᠨ ᠳᠡᠭᠡᠷᠡ ᠣᠷᠴᠢᠨ ᠦᠶᠡ ᠳ᠋ᠦ᠍ ᠳᠤᠮᠳᠠ ᠬᠤᠷᠤᠭᠤ᠂ ᠡᠷᠡᠬᠡᠢ ᠬᠤᠷᠤᠭᠤ ᠪᠠᠷ ᠵᠡᠭᠦᠦ ᠶ᠋ᠢ ᠴᠢᠮᠬᠢᠨ ᠪᠠᠷᠢᠵᠤ᠂ ᠵᠡᠭᠦᠦ ᠶ᠋ᠢ ᠳᠡᠭᠡᠭᠰᠢ ᠬᠠᠳᠬᠤᠵᠤ ᠣᠶᠣᠳᠠᠭ ᠪᠣᠯᠤᠭᠰᠠᠨ ᠲᠠᠢ ᠬᠣᠯᠪᠣᠭᠳᠠᠭᠤᠯᠵᠤ ᠪᠠᠷᠠᠭᠤᠨ ᠭᠠᠷ ᠤ᠋ᠨ ᠳᠤᠮᠳᠠ ᠬᠤᠷᠤᠭᠤᠨ ᠤ᠋ ᠬᠡᠮᠵᠢᠶᠡᠨ ᠳ᠋ᠦ᠍ ᠲᠣᠬᠢᠷᠠᠭᠤᠯᠤᠨ ᠰᠣᠩᠭᠣᠬᠤ ᠶᠣᠰᠣᠲᠠᠢ ᠪᠣᠯᠵᠤ ᠪᠠᠢᠨᠠ᠃ ᠰᠡᠭᠦᠯ ᠦ᠋ᠨ ᠦᠶᠡ ᠳ᠋ᠦ᠍ ᠬᠤᠪᠠᠨᠴᠠᠷ ᠬᠤᠷᠤᠭᠤᠪᠴᠢ ᠡᠯᠪᠡᠭᠵᠢᠵᠦ ᠪᠠᠢᠭᠠ ᠪᠣᠯᠪᠠᠴᠤ ᠢᠯᠠᠩᠭᠤᠶᠠ ᠰᠢᠨᠡ ᠪᠡᠷ ᠦᠢᠯᠡ ᠰᠤᠷᠴᠤ ᠪᠠᠢᠭᠠ ᠥᠬᠢᠳ ᠬᠡᠷᠡᠭᠯᠡᠬᠦ ᠳ᠋ᠦ᠍ ᠭᠠᠷ ᠲᠤ ᠡᠪ ᠦᠭᠡᠢ᠂ ᠵᠡᠭᠦᠦ ᠶᠡᠬᠡ ᠬᠠᠯᠲᠤᠷᠢᠳᠠᠭ ᠤᠴᠢᠷ ᠬᠡᠷᠡᠭᠯᠡᠬᠦ ᠳ᠋ᠦ᠍ ᠵᠣᠬᠢᠷᠠᠮᠵᠢ ᠦᠭᠡᠢ ᠪᠥᠭᠡᠳ ᠦᠷᠭᠦᠯᠵᠢ ᠭᠠᠷ ᠢ᠋ᠶ᠋ᠠᠷ ᠶᠠᠭᠤᠮᠠ ᠣᠶᠣᠳᠠᠭ ᠬᠥᠮᠦᠨ ᠬᠡᠷᠡᠭᠯᠡᠬᠦ ᠳ᠋ᠦ᠍ ᠲᠣᠬᠢᠷᠠᠮᠵᠢᠲᠠᠢ᠃
ᠡᠷᠴᠢᠯᠡᠬᠦ ᠬᠡᠷᠡᠭᠰᠡᠯ ᠡᠨᠡ ᠬᠡᠷᠡᠭᠰᠡᠯ ᠳ᠋ᠦ᠍ ᠤᠲᠠᠰᠤ ᠡᠭᠡᠷᠡᠳᠡᠭ ᠡᠭᠡᠷᠡᠦᠯ᠂ ᠳᠡᠭᠡᠰᠦ ᠡᠷᠴᠢᠯᠡᠬᠦ ᠰᠠᠪᠠᠭᠠ᠂ ᠡᠷᠭᠢᠭᠦᠯᠭᠡ ᠣᠷᠣᠬᠤ ᠪᠥᠭᠡᠳ ᠡᠭᠦᠨ ᠢ᠋ ᠮᠠᠯ ᠤ᠋ᠨ ᠨᠣᠣᠰᠣ ᠶ᠋ᠢ ᠨᠡᠬᠡᠮᠡᠯ᠂ ᠬᠠᠳᠬᠤᠮᠠᠯ ᠳ᠋ᠤ᠌ ᠬᠡᠷᠡᠭᠯᠡᠬᠦ ᠪᠣᠯᠤᠭᠰᠠᠨ ᠲᠠᠢ ᠬᠣᠯᠪᠣᠭᠳᠠᠨ ᠭᠠᠷᠴᠠᠢ᠃ ᠳᠡᠭᠡᠰᠦ ᠡᠷᠴᠢᠯᠡᠬᠦ ᠰᠠᠪᠠᠭᠠ ᠡᠷᠭᠢᠭᠦᠯᠭᠡ ᠶ᠋ᠢᠨ ᠲᠠᠯᠠ ᠪᠠᠷ ᠲᠠᠮᠤᠯᠠᠯ ᠡᠳ᠋ᠯᠡᠯ ᠳ᠋ᠦ᠍ ᠳᠤᠷᠠᠳᠬᠤ ᠪᠣᠯᠤᠨᠠ᠃
ᠡᠭᠡᠷᠡᠦᠯ ᠢ᠋ ᠡᠷᠲᠡ ᠦᠶᠡ ᠡᠴᠡ ᠬᠡᠷᠡᠭᠯᠡᠭᠰᠡᠨ ᠪᠥᠭᠡᠳ ᠬᠡᠯᠪᠡᠷᠢ ᠪᠡᠷ ᠳᠤᠭᠤᠢ᠂ ᠪᠥᠭᠡᠷᠡᠩᠬᠡᠢ ᠬᠡᠯᠪᠡᠷᠢᠲᠡᠢ ᠪᠠᠢᠬᠤ ᠪᠠ ᠤᠲᠠᠰᠤ ᠶ᠋ᠢ ᠪᠦᠳᠦᠭᠦᠨ ᠨᠠᠷᠢᠨ ᠡᠭᠡᠷᠡᠵᠦ ᠬᠡᠷᠡᠭᠯᠡᠬᠦ ᠲᠡᠢ ᠬᠣᠯᠪᠣᠭᠳᠠᠭᠤᠯᠵᠤ ᠲᠡᠭᠦᠨ ᠢ᠋ ᠳᠤᠭᠤᠢ ᠪᠠᠷ ᠨᠢ ᠭᠤᠷᠪᠠᠨ ᠬᠡᠰᠡᠭ ᠲᠦ ᠬᠤᠪᠢᠶᠠᠳᠠᠭ᠃ ᠡᠭᠡᠷᠡᠦᠯ ᠦ᠋ᠨ ᠳᠤᠭᠤᠢ ᠶ᠋ᠢ ᠶᠡᠬᠡᠪᠴᠢᠯᠡᠨ ᠮᠣᠳᠣ ᠪᠠᠷ ᠬᠢᠬᠦ ᠪᠣᠯᠪᠠᠴᠤ ᠰᠢᠪᠡᠷ ᠸᠠᠭᠠᠷ ᠢ᠋ᠶ᠋ᠠᠷ ᠬᠢᠵᠦ ᠪᠠᠢᠭᠰᠠᠨ ᠪᠠᠷᠢᠮᠲᠠ ᠪᠠᠢᠨᠠ᠃13 ᠳ᠋ᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠶ᠋ᠢᠨ ᠪᠤᠯᠠᠰᠢᠨ ᠠ᠋ᠴᠠ ᠣᠯᠳᠠᠭᠰᠠᠨ ᠰᠢᠪᠠᠷ ᠸᠠᠭᠠᠷ ᠢ᠋ᠶ᠋ᠠᠷ ᠬᠢᠭᠰᠡᠨ ᠡᠭᠡᠷᠡᠦᠯ ᠦ᠋ᠨ ᠳᠤᠭᠤᠢ ᠣᠳᠣ ᠤᠯᠤᠰ ᠤ᠋ᠨ ᠲᠥᠪ ᠮᠦᠽᠧᠢ ᠳ᠋ᠦ᠍ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠢᠭᠠ ᠪᠥᠭᠡᠳ ᠡᠮᠡᠭᠲᠡᠢ ᠬᠥᠮᠦᠨ ᠦ᠌ ᠦᠶᠡ ᠳᠠᠮᠵᠢᠨ ᠬᠡᠷᠡᠭᠯᠡᠵᠦ ᠢᠷᠡᠭᠰᠡᠨ ᠤᠷᠠᠨ ᠦᠢᠯᠡ ᠶ᠋ᠢᠨ ᠡᠷᠬᠢᠮ ᠪᠠᠭᠠᠵᠢ ᠪᠣᠯᠬᠤ ᠨᠢ ᠲᠣᠳᠣᠷᠬᠠᠢ ᠪᠠᠢᠨᠠ(ᠡᠭᠡᠷᠡᠦᠯ ᠦ᠋ᠨ ᠲᠤᠬᠠᠢ ᠢᠰᠡᠭᠡᠢ ᠡᠳ᠋ᠯᠡᠯ ᠳᠡᠭᠡᠷᠡ ᠦᠵᠡ)᠃
ᠨᠠᠭᠠᠬᠤ ᠪᠡᠬᠢᠯᠡᠬᠦ ᠪᠤᠶᠤ ᠵᠠᠰᠠᠯ ᠤ᠋ᠨ ᠪᠠᠭᠠᠵᠢ ᠨᠤᠭᠤᠳ ᠣᠶᠣᠳᠠᠯ ᠤ᠋ᠨ ᠨᠠᠭᠠᠬᠤ ᠪᠤᠶᠤ ᠵᠠᠰᠠᠨ ᠲᠣᠷᠳᠠᠬᠤ ᠪᠠᠭᠠᠵᠢ ᠶ᠋ᠢᠨ ᠪᠦᠷᠢᠯᠳᠦᠬᠦᠨ ᠳ᠋ᠦ᠍ ᠢᠯᠡᠦᠷ᠂ ᠢᠩᠳᠡᠦ᠂ ᠤᠷᠠᠨ ᠦᠢᠯᠡ ᠶ᠋ᠢᠨ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠬᠡᠯᠪᠡᠷᠢ ᠪᠦᠬᠦᠢ ᠬᠠᠪᠲᠠᠭᠠᠢ ᠮᠣᠳᠣ᠂ ᠨᠠᠭᠠᠬᠤ ᠵᠣᠩᠬᠤᠤ᠂ ᠴᠠᠪᠠᠤ ᠣᠷᠣᠳᠠᠭ᠃ ᠮᠠᠨ ᠤ᠋ ᠣᠷᠣᠨ ᠳ᠋ᠤ᠌ ᠡᠷᠲᠡ ᠦᠶᠡ ᠡᠴᠡ ᠤᠷᠠᠨ ᠦᠢᠯᠡ ᠳ᠋ᠦ᠍ ᠵᠢᠵᠢᠭ ᠲᠡᠮᠦᠷ ᠢᠯᠡᠦᠷ ᠢ᠋ ᠬᠡᠷᠡᠭᠯᠡᠵᠦ ᠢᠷᠡᠭᠰᠡᠨ ᠲᠡᠦᠬᠡ ᠲᠡᠢ᠃ ᠢᠯᠡᠦᠷ ᠪᠣᠯ ᠲᠤᠬᠠᠢ ᠶ᠋ᠢᠨ ᠦᠶᠡ ᠳ᠋ᠡᠭᠡᠨ ᠣᠶᠣᠳᠠᠯᠴᠢᠨ ᠬᠥᠮᠦᠨ ᠦ᠌ ᠬᠡᠷᠡᠭᠴᠡᠭᠡ ᠶ᠋ᠢ ᠬᠠᠩᠭᠠᠵᠤ ᠪᠠᠢᠭᠰᠠᠨ ᠴᠢᠬᠤᠯᠠ ᠪᠠᠭᠠᠵᠢ ᠪᠢᠯᠡ᠃ ᠢᠯᠡᠦᠷ ᠭᠡᠳᠡᠭ ᠦᠵᠦᠭᠦᠷ ᠨᠢ ᠱᠥᠪᠥᠭᠡᠷ᠂ ᠥᠷᠭᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ2-3 ᠬᠤᠷᠤᠭᠤ᠂ ᠤᠷᠲᠤ ᠡᠰᠢ ᠲᠡᠢ ᠨᠠᠷᠢᠬᠠᠨ ᠲᠡᠮᠦᠷ ᠪᠥᠭᠡᠳ ᠳᠣᠲᠣᠷᠠ ᠪᠠᠨ ᠬᠦᠨᠳᠦ᠂ ᠬᠥᠩᠭᠡᠨ᠂ ᠥᠷᠭᠡᠨ᠂ ᠨᠠᠷᠢᠨ ᠶᠠᠩᠵᠤ ᠪᠦᠷᠢ ᠪᠠᠢᠳᠠᠭ᠃ ᠲᠡᠭᠦᠨᠴᠢᠯᠡᠨ ᠢᠯᠡᠦᠷ ᠢ᠋ ᠵᠠᠷᠢᠮ ᠨᠤᠲᠤᠭ ᠬᠠᠭᠠᠷᠢᠵᠤ ᠨᠢᠭᠡ ᠵᠦᠭ ᠲᠦ᠍ ᠪᠣᠯᠭᠠᠬᠤ ᠪᠤᠶᠤ ᠢᠰᠡᠭᠡᠢ ᠮᠡᠲᠦ ᠵᠦᠢᠯ ᠢ᠋ ᠨᠠᠷᠢᠨ ᠥᠭᠦᠯᠡᠬᠦ ᠳ᠋ᠦ᠍ ᠬᠡᠷᠡᠭᠯᠡᠳᠡᠭ ᠪᠠᠢᠯᠠ᠃ ᠢᠯᠡᠦᠷ ᠬᠠᠭᠠᠷᠢᠭᠤᠯ ᠤ᠋ᠨ ᠲᠡᠮᠦᠷ ᠢ᠋ ᠴᠣᠭ ᠤᠷᠤᠭᠤ ᠲᠥᠷᠥᠵᠦ ᠤᠯᠠᠢᠰᠬᠠᠨ ᠬᠡᠷᠡᠭᠯᠡᠳᠡᠭ᠃ ᠲᠤᠰ ᠣᠷᠣᠨ ᠳ᠋ᠤ᠌ ᠦᠢᠯᠡᠳᠪᠦᠷᠢ ᠭᠣᠶᠣᠯ ᠤ᠋ᠨ ᠣᠯᠠᠨ ᠲᠥᠪ ᠦ᠋ᠳ ᠨᠡᠮᠡᠭᠳᠡᠵᠦ ᠦᠢᠯᠡᠳᠪᠦᠷᠢ ᠶ᠋ᠢᠨ ᠭᠠᠷ ᠠᠵᠢᠯᠯᠠᠭᠠ ᠮᠧᠬᠠᠨᠢᠭᠴᠢᠳ ᠴᠠᠬᠢᠯᠭᠠᠨᠵᠢᠵᠤ ᠡᠬᠢᠯᠡᠬᠦ ᠳ᠋ᠦ᠍ ᠴᠠᠬᠢᠯᠭᠠᠨ ᠢ᠋ᠶ᠋ᠠᠷ ᠬᠠᠯᠠᠭᠠᠳᠠᠭ ᠲᠥᠷᠥᠯ ᠪᠦᠷᠢ ᠶ᠋ᠢᠨ ᠴᠠᠬᠢᠯᠭᠠᠨ ᠢᠩᠳᠡᠦ ᠳᠡᠯᠭᠡᠷᠡᠭᠰᠡᠨ ᠨᠢ ᠡᠮᠡᠭᠲᠡᠢᠴᠦᠳ ᠦ᠋ᠨ ᠤᠷᠠᠨ ᠦᠢᠯᠡ ᠶ᠋ᠢᠨ ᠰᠣᠶᠣᠯᠴᠢ ᠪᠣᠯᠪᠠᠰᠤᠨ ᠠᠵᠢᠯᠯᠠᠭᠠᠨ ᠳ᠋ᠤ᠌ ᠴᠢᠬᠤᠯᠠ ᠨᠥᠯᠥᠭᠡ ᠦᠵᠡᠭᠦᠯᠦᠯᠡ᠃
ᠵᠢᠷᠤᠭ4
ᠴᠠᠬᠢᠯᠭᠠᠨ ᠢᠩᠳᠡᠦ ᠴᠠᠬᠢᠯᠭᠠᠨ ᠢᠩᠳᠡᠦ ᠬᠢᠴᠡ᠂ ᠬᠡᠯᠪᠡᠷᠢ᠂ ᠭᠠᠳᠠᠭᠠᠳᠤ ᠪᠠᠢᠳᠠᠯ᠂ ᠬᠠᠯᠠᠭᠠᠬᠤ ᠲᠧᠮᠫᠧᠷᠡᠲ᠋ᠥ᠋ᠷ ᠦ᠋ᠨ ᠲᠣᠬᠢᠷᠠᠭᠤᠯᠭᠠ᠂ ᠵᠢᠩ ᠡᠴᠡ ᠪᠡᠨ ᠬᠠᠮᠢᠶᠠᠷᠴᠤ ᠣᠯᠠᠨ ᠶᠠᠩᠵᠤ ᠪᠠᠢᠳᠠᠭ᠃ ᠬᠦᠨᠳᠦ ᠶ᠋ᠢᠨ ᠵᠢᠩ ᠢ᠋ᠶ᠋ᠡᠷ0.8—3.5kg ᠤ᠋ᠨ ᠵᠢᠩ ᠲᠡᠢ ᠪᠠᠢᠳᠠᠭ ᠪᠥᠭᠡᠳ ᠲᠧᠮᠫᠧᠷᠡᠲ᠋ᠥ᠋ᠷ ᠦ᠋ᠨ ᠲᠣᠬᠢᠷᠠᠭᠤᠯᠭᠠ ᠪᠠᠷ ᠶᠡᠷᠦᠳᠡ ᠶ᠋ᠢᠨ ᠲᠧᠮᠫᠧᠷᠡᠲ᠋ᠥ᠋ᠷ ᠪᠠ ᠴᠢᠭᠢᠭ ᠲᠣᠬᠢᠷᠠᠭᠤᠯᠬᠤ ᠪᠠᠢᠭᠤᠯᠤᠮᠵᠢ ᠦᠭᠡᠢ᠂ ᠶᠡᠷᠦᠳᠡ ᠶ᠋ᠢᠨ ᠬᠢᠴᠡ ᠲᠡᠢ ᠲᠧᠮᠫᠧᠷᠡᠲ᠋ᠥ᠋ᠷ ᠦ᠋ᠨ ᠲᠣᠬᠢᠷᠠᠭᠤᠯᠭᠠ ᠲᠠᠢ᠂ ᠲᠤᠰᠬᠠᠢ ᠬᠢᠴᠡ ᠲᠡᠢ ᠳᠤᠯᠠᠭᠠᠨ ᠤ᠋ ᠪᠠ ᠴᠢᠭᠢᠭ ᠦ᠋ᠨ ᠲᠣᠬᠢᠷᠠᠭᠤᠯᠭᠠ ᠲᠠᠢ ᠭᠡᠵᠦ ᠠᠩᠭᠢᠯᠠᠭᠳᠠᠨᠠ᠃ ᠤᠯᠠᠢᠰᠬᠠᠭᠴᠢ ᠤᠲᠠᠰᠤᠨ ᠤ᠋ ᠪᠠᠢᠭᠤᠯᠤᠯᠲᠠ ᠪᠠᠷ ᠨᠢ ᠤᠯᠠᠢᠰᠬᠠᠭᠴᠢ ᠤᠲᠠᠰᠤ ᠨᠢ ᠠᠪᠲᠠᠳᠠᠭ᠂ ᠦᠯᠦ ᠠᠪᠲᠠᠳᠠᠭ ᠭᠡᠵᠦ ᠠᠩᠭᠢᠯᠠᠨᠠ᠃ ᠳᠤᠯᠠᠭᠠᠨ ᠤ᠋ ᠲᠣᠬᠢᠷᠠᠭᠤᠯᠭᠠ ᠲᠠᠢ ᠴᠠᠬᠢᠯᠭᠠᠨ ᠢᠩᠳᠡᠦ ᠶ᠋ᠢᠨ ᠠᠰᠢᠭᠯᠠᠮᠵᠢ70%᠂ ᠲᠣᠬᠢᠷᠠᠭᠤᠯᠭᠠ ᠦᠭᠡᠢ ᠨᠢ60%᠂ ᠪᠠᠭᠠ ᠬᠡᠮᠵᠢᠶᠡᠨ ᠦ᠌ ᠲᠣᠬᠢᠷᠠᠭᠤᠯᠭᠠ ᠲᠠᠢ ᠨᠢ50% ᠠ᠋ᠴᠠ ᠪᠠᠭᠠ ᠦᠭᠡᠢ ᠪᠠᠢᠬᠤ ᠶᠣᠰᠣᠲᠠᠢ᠃ ᠢᠩᠳᠡᠦ ᠶ᠋ᠢᠨ ᠤᠯᠠ ᠶ᠋ᠢᠨ ᠲᠧᠭᠨᠢᠭ ᠱᠠᠭᠠᠷᠳᠠᠯᠭᠠ ᠨᠢ ᠰᠦᠯᠵᠢᠶᠡ ᠶ᠋ᠢᠨ ᠬᠡᠪ ᠦ᠋ᠨ ᠬᠦᠴᠦᠳᠡᠯ ᠳ᠋ᠦ᠍ ᠬᠣᠯᠪᠣᠭᠰᠠᠨ ᠠ᠋ᠴᠠ ᠬᠣᠢᠰᠢ15 ᠮᠢᠨᠦ᠋ᠲ ᠦ᠋ᠨ ᠳᠠᠷᠠᠭᠠ200℃ ᠬᠦᠷᠲᠡᠯᠡ ᠬᠠᠯᠠᠭᠰᠠᠨ ᠪᠠᠢᠬᠤ ᠶᠣᠰᠣᠲᠠᠢ ᠪᠥᠭᠡᠳ ᠳᠤᠯᠠᠭᠠᠨ ᠤ᠋ ᠲᠣᠬᠢᠷᠠᠭᠤᠯᠭᠠ ᠲᠠᠢ ᠢᠩᠳᠡᠦ ᠡᠴᠡ ᠪᠤᠰᠤᠳ ᠨᠢ12 ᠮᠢᠨᠦ᠋ᠲ ᠦ᠋ᠨ ᠳᠠᠷᠠᠭᠠ ᠬᠠᠮᠤᠭ ᠤ᠋ᠨ ᠶᠡᠬᠡ ᠬᠠᠯᠠᠭᠠᠯᠲᠠ ᠳ᠋ᠠᠭᠠᠨ ᠬᠦᠷᠦᠭᠰᠡᠨ ᠪᠠᠢᠬᠤ ᠶᠣᠰᠣᠲᠠᠢ᠃ ᠴᠢᠭᠢᠭᠯᠡᠯ ᠲᠡᠢ ᠢᠩᠳᠡᠦ ᠡᠬᠢᠯᠡᠭᠡᠳ ᠤᠰᠤᠨ ᠠᠭᠤᠷ ᠪᠣᠯᠭᠠᠭᠠᠳ ᠳᠠᠷᠠᠭᠠ ᠨᠢ ᠤᠯᠠ ᠪᠠᠨ200℃ ᠬᠦᠷᠲᠡᠯᠡ ᠬᠠᠯᠠᠭᠠᠬᠤ ᠳ᠋ᠠᠭᠠᠨ20 ᠮᠢᠨᠦ᠋ᠲ ᠡᠴᠡ ᠢᠯᠡᠭᠦᠦ ᠦᠭᠡᠢ ᠬᠤᠭᠤᠴᠠᠭᠠ ᠵᠠᠷᠤᠬᠤ ᠶᠣᠰᠣᠲᠠᠢ᠃ ᠳᠤᠯᠠᠭᠠᠨ ᠤ᠋ ᠲᠣᠬᠢᠷᠠᠭᠤᠯᠭᠠ ᠲᠠᠢ ᠢᠩᠳᠡᠦ ᠲᠧᠮᠫᠸᠷᠡᠲ᠋ᠥ᠋ᠷ ᠦ᠋ᠨ ᠭᠷᠠᠳᠦ᠋ᠰ ᠦ᠋ᠨ ᠬᠤᠪᠢᠶᠠᠷᠢ ᠪᠤᠶᠤ ᠨᠡᠬᠡᠮᠡᠯ ᠡᠳ᠋ᠯᠡᠯ ᠦ᠋ᠨ ᠬᠤᠪᠢᠶᠠᠷᠢ ᠲᠠᠢ ᠪᠠᠢᠳᠠᠭ ᠤᠴᠢᠷ ᠠᠯᠢᠪᠠ ᠮᠠᠲ᠋ᠧᠷᠢᠶᠠᠯ ᠢ᠋ ᠢᠩᠳᠡᠦᠳᠡᠬᠦ ᠳ᠋ᠡᠭᠡᠨ ᠡᠨᠡ ᠲᠣᠬᠢᠷᠠᠭᠤᠯᠭᠠ ᠶ᠋ᠢ ᠪᠠᠷᠢᠮᠲᠠᠯᠠᠨᠠ᠃ ᠢᠩᠳᠡᠦ ᠶ᠋ᠢᠨ ᠲᠧᠮᠫᠸᠷᠡᠲ᠋ᠥ᠋ᠷ ᠦ᠋ᠨ ᠳᠤᠯᠠᠭᠠᠨ ᠤ᠋ ᠲᠣᠬᠢᠷᠠᠭᠤᠯᠭᠠ ᠶ᠋ᠢᠨ ᠪᠠᠷᠢᠭᠤᠯ ᠢ᠋ ᠳᠣᠣᠷᠠᠲᠤ ᠰᠢᠳᠡᠯᠲᠡ ᠶ᠋ᠢᠨ ᠳᠤᠮᠳᠠ ᠨᠢ ᠲᠠᠭᠠᠷᠠᠭᠤᠯᠤᠨᠠ᠂75—135 ᠲᠧᠮᠫᠧᠷᠡᠲ᠋ᠥ᠋ᠷ ᠲᠡᠢ᠃ ᠳᠡᠭᠡᠳᠦ ᠰᠢᠳᠡᠯᠲᠡ ᠶ᠋ᠢᠨ ᠳᠤᠮᠳᠠ ᠲᠠᠭᠠᠷᠠᠭᠤᠯᠪᠠᠯ180—240℃ ᠲᠧᠮᠫᠧᠷᠡᠲ᠋ᠥ᠋ᠷ ᠲᠡᠢ ᠪᠣᠯᠤᠨᠠ᠃
ᠳᠤᠯᠠᠭᠠᠨ ᠤ᠋ ᠲᠣᠬᠢᠷᠠᠭᠤᠯᠭᠠ ᠶ᠋ᠢ ᠰᠡᠯᠭᠦᠨ ᠵᠠᠯᠭᠠᠬᠤ ᠪᠠᠷᠢᠭᠤᠯ ᠢ᠋ ᠡᠷᠭᠢᠭᠦᠯᠦᠨ ᠲᠣᠬᠢᠷᠠᠭᠤᠯᠬᠤ ᠳ᠋ᠠᠭᠠᠨ ᠠᠭᠤᠵᠢᠮ ᠢ᠋ᠶ᠋ᠠᠷ ᠴᠢᠭᠯᠡᠯ ᠳ᠋ᠦ᠍ ᠡᠷᠭᠢᠭᠦᠯᠵᠦ ᠲᠣᠬᠢᠷᠠᠭᠤᠯᠤᠨᠠ᠃
ᠳᠤᠯᠠᠭᠠᠨ ᠤ᠋ ᠲᠣᠬᠢᠷᠠᠭᠤᠯᠭᠠ ᠦᠭᠡᠢ ᠢᠩᠳᠡᠦ᠂ ᠡᠨᠡ ᠲᠥᠷᠥᠯ ᠦ᠋ᠨ ᠢᠩᠳᠡᠦ ᠳ᠋ᠦ᠍ уэ—2A ᠨᠢ ᠪᠦᠷᠬᠦᠭᠦᠯ᠂ ᠰᠢᠷᠡᠮᠦᠨ ᠠᠴᠢᠶᠠ᠂ ᠤᠯᠠ᠂ ᠤᠯᠠᠢᠰᠬᠠᠭᠴᠢ ᠤᠲᠠᠰᠤ᠂ ᠪᠠᠷᠢᠭᠤᠯ᠂ ᠵᠠᠯᠭᠠᠭᠴᠢ ᠤᠲᠠᠰᠤ ᠵᠡᠷᠭᠡ ᠡᠴᠡ ᠪᠦᠷᠢᠯᠳᠦᠨᠡ᠃ ᠡᠨᠡ ᠢᠩᠳᠡᠦ ᠶ᠋ᠢᠨ ᠣᠨᠴᠠᠯᠢᠭ ᠨᠢ ᠠᠦ᠋ᠲ᠋ᠣᠮᠠᠲ ᠲᠣᠬᠢᠷᠠᠭᠤᠯᠭᠠ ᠶ᠋ᠢᠨ ᠲᠤᠰᠠᠯᠠᠮᠵᠢ ᠪᠠᠷ ᠲᠸᠮᠫᠸᠷᠡᠲ᠋ᠥ᠋ᠷ ᠢ᠋90—220℃ ᠬᠣᠭᠣᠷᠣᠨᠳᠣ ᠪᠠᠷᠢᠳᠠᠭ ᠳᠤᠯᠠᠭᠠᠨ ᠤ᠋ ᠲᠣᠬᠢᠷᠠᠭᠤᠯᠭᠠ ᠲᠠᠢ уэ—8 ᠮᠠᠶᠢᠭ ᠤ᠋ᠨ ᠢᠩᠳᠡᠦ ᠶ᠋ᠢ ᠠᠪᠴᠤ ᠦᠵᠡᠪᠡᠯ ᠮᠧᠲ᠋ᠠᠯ ᠪᠦᠷᠬᠦᠭᠦᠯ᠂ ᠤᠯᠠ᠂ ᠫᠦᠷᠱ ᠬᠡᠯᠪᠡᠷᠢ ᠶ᠋ᠢᠨ ᠤᠯᠠᠢᠰᠬᠠᠭᠴᠢ ᠤᠲᠠᠰᠤ ᠰᠠᠭᠤᠯᠭᠠᠭᠴᠢ᠂ ᠳᠤᠯᠠᠭᠠᠨ ᠤ᠋ ᠲᠣᠬᠢᠷᠠᠭᠤᠯᠭᠠ᠂ ᠪᠠᠷᠢᠭᠤᠯ᠂ ᠠᠴᠢᠶᠠ ᠵᠡᠷᠭᠡ ᠡᠴᠡ ᠪᠦᠷᠢᠳᠬᠦ ᠪᠠT—5᠂y—606 ᠮᠡᠲᠦ ᠢᠩᠳᠡᠦ ᠳ᠋ᠦ᠍ ᠳᠣᠬᠢᠶᠠᠨ ᠤ᠋ ᠴᠢᠳᠧᠩ ᠪᠠᠢᠷᠢᠯᠠᠭᠤᠯᠤᠭᠰᠠᠨ ᠪᠠᠢᠳᠠᠭ᠃
ᠳᠤᠯᠠᠭᠠᠨ ᠤ᠋ ᠲᠣᠬᠢᠷᠠᠭᠤᠯᠭᠠ ᠲᠠᠢ ᠪᠠ ᠠᠭᠤᠷ ᠢ᠋ᠶ᠋ᠠᠷ ᠴᠢᠭᠢᠭᠯᠡᠭᠴᠢ ᠢᠩᠳᠡᠦ ᠡᠢᠮᠦ ᠲᠥᠷᠥᠯ ᠦ᠋ᠨ ᠢᠩᠳᠡᠦ ᠣᠯᠠᠨ ᠲᠠᠯᠠᠲᠤ ᠠᠵᠢᠯᠯᠠᠭᠠ ᠲᠠᠢ᠂ ᠶᠡᠷᠦᠳᠡ ᠶ᠋ᠢᠨ ᠬᠢ ᠡᠴᠡ2—3 ᠳᠠᠬᠢᠨ ᠬᠡᠮᠨᠡᠯᠲᠡ ᠲᠡᠢ᠂ ᠴᠢᠳᠠᠯ ᠶᠡᠬᠡ ᠲᠧᠮᠫᠧᠷᠡᠲ᠋ᠥ᠋ᠷ ᠦ᠋ᠨ ᠲᠣᠬᠢᠷᠠᠭᠤᠯᠭᠠ ᠲᠠᠢ᠂ ᠴᠠᠬᠢᠯᠭᠠᠨ ᠡᠨᠧᠷᠭᠢ ᠶᠡᠬᠡ ᠬᠡᠷᠡᠭᠯᠡᠬᠦ ᠦᠭᠡᠢ ᠲᠦᠷᠭᠡᠨ ᠬᠠᠯᠠᠳᠠᠭ᠃ ᠡᠨᠡ ᠢᠩᠳᠡᠦ ᠪᠡᠷ ᠬᠠᠲᠠᠭᠰᠠᠨ ᠴᠠᠭᠠᠨ ᠬᠡᠷᠡᠭᠯᠡᠯ ᠢ᠋ ᠢᠩᠳᠡᠦᠳᠡᠬᠦ ᠶ᠋ᠢᠨ ᠵᠡᠷᠭᠡᠴᠡᠭᠡ ᠨᠢᠭᠲᠠ ᠨᠡᠬᠡᠮᠡᠯ ᠡᠳ᠋ᠯᠡᠯ ᠢ᠋ ᠴᠢᠭᠢᠭᠯᠡᠵᠦ ᠪᠣᠯᠤᠨᠠ᠃ ᠡᠨᠡ ᠢᠩᠳᠡᠦ ᠶ᠋ᠢᠨ ᠲᠥᠷᠥᠯ ᠳ᠋ᠦ᠍ уэ—10 ᠂ у—61 ᠮᠠᠶᠢᠭ ᠤ᠋ᠨ ᠢᠩᠳᠡᠦ ᠬᠠᠮᠤᠷᠬᠤ ᠪᠥᠭᠡᠳ ᠤᠰᠤ ᠶ᠋ᠢᠨ ᠰᠠᠪᠠ ᠨᠢ130——150 cm³᠃ У——61 ᠲᠥᠷᠥᠯ ᠦ᠋ᠨ ᠢᠩᠳᠡᠦ ᠨᠢ ᠤᠯᠠ᠂ ᠪᠦᠷᠬᠦᠭᠦᠯ᠂ ᠪᠠᠷᠢᠭᠤᠯ᠂ ᠳᠤᠯᠠᠭᠠᠨ ᠲᠣᠬᠢᠷᠠᠭᠤᠯᠤᠭᠴᠢ᠂ ᠤᠯᠠᠢᠰᠬᠠᠭᠴᠢ ᠤᠲᠠᠰᠤ ᠵᠡᠷᠭᠡ ᠡᠴᠡ ᠪᠦᠷᠢᠯᠳᠦᠨᠡ᠃ ᠢᠩᠳᠡᠦ ᠶ᠋ᠢᠨ ᠪᠠᠷᠢᠭᠤᠯ ᠳ᠋ᠠᠬᠢ ᠤᠰᠤ ᠬᠢᠬᠦ ᠨᠦᠬᠡ ᠨᠢ ᠪᠤᠷᠭᠤᠢ ᠳ᠋ᠤ᠌ ᠪᠠᠢᠷᠢᠯᠠᠭᠤᠯᠤᠭᠳᠠᠭᠰᠠᠨ Г ᠬᠡᠯᠪᠡᠷᠢ ᠶ᠋ᠢᠨ ᠭᠣᠮ ᠬᠣᠭᠣᠯᠠᠢ ᠪᠠᠢᠬᠤ ᠪᠠ ᠡᠭᠦᠨ ᠢ᠋ᠶ᠋ᠡᠷ ᠤᠰᠤᠨ ᠤ᠋ ᠰᠠᠪᠠ ᠲᠠᠢ ᠬᠣᠯᠪᠣᠭᠳᠠᠨᠠ᠃ ᠤᠰᠤᠨ ᠰᠠᠪᠠᠨ ᠳ᠋ᠤ᠌ ᠵᠡᠭᠦᠦ ᠬᠡᠯᠪᠡᠷᠢ ᠶ᠋ᠢᠨ ᠬᠠᠪᠬᠠᠭᠯᠠᠭᠠ ᠪᠠᠢᠬᠤ ᠪᠠ ᠡᠨᠡ ᠨᠢ ᠬᠠᠭᠠᠵᠤ ᠨᠡᠭᠡᠭᠡᠬᠦ ᠳ᠋ᠦ᠍ ᠵᠣᠷᠢᠭᠤᠯᠤᠭᠰᠠᠨ ᠠᠭᠤᠷ—— ᠬᠠᠭᠤᠷᠠᠢ ᠭᠡᠰᠡᠨ ᠲᠦᠯᠬᠢᠭᠦᠷ ᠪᠣᠢ᠃ ᠲᠦᠯᠬᠢᠭᠦᠷ《ᠠᠭᠤᠷ》 ᠭᠡᠰᠡᠨ ᠪᠠᠢᠳᠠᠯ ᠳ᠋ᠤ᠌ ᠲᠠᠭᠠᠷᠠᠵᠤ ᠪᠠᠢᠪᠠᠯ ᠤᠰᠤᠨ ᠳᠤᠰᠤᠯ ᠠᠭᠤᠷ ᠪᠣᠯᠬᠤ ᠰᠠᠪᠠᠨ ᠳ᠋ᠤ᠌ ᠣᠷᠣᠵᠤ ᠠᠭᠤᠷᠰᠢᠭᠠᠳ ᠲᠡᠨᠳᠡ ᠡᠴᠡ ᠪᠡᠨ ᠢᠩᠳᠡᠦᠳᠡᠵᠦ ᠪᠠᠢᠭᠠ ᠳᠠᠪᠤᠤ ᠤᠷᠤᠭᠤ ᠤᠯᠠ ᠶ᠋ᠢᠨ ᠨᠦᠬᠡ ᠪᠡᠷ ᠭᠠᠷᠤᠨᠠ᠃
ᠬᠡᠷᠪᠡ ᠬᠠᠭᠤᠷᠠᠢ ᠭᠡᠰᠡᠨ ᠪᠠᠢᠳᠠᠯ ᠳ᠋ᠤ᠌ ᠲᠣᠬᠢᠷᠠᠭᠤᠯᠪᠠᠯ ᠤᠰᠤ᠂ ᠠᠭᠤᠷ ᠪᠣᠯᠬᠤ ᠰᠠᠪᠠ ᠤᠷᠤᠭᠤ ᠣᠷᠣᠬᠤ ᠨᠢ ᠵᠣᠭᠰᠣᠨᠠ᠃ ᠢᠩᠳᠡᠦ ᠶ᠋ᠢ ᠪᠠᠷᠢᠭᠤᠯ ᠤ᠋ᠨ ᠰᠠᠭᠤᠷᠢ ᠳᠡᠭᠡᠷᠡ ᠲᠠᠯᠪᠢᠭᠰᠠᠨ ᠨᠥᠬᠥᠴᠡᠯ ᠳ᠋ᠦ᠍ ᠤᠰᠤ ᠠᠭᠤᠷ ᠪᠣᠯᠬᠤ ᠦᠭᠡᠢ᠃ ᠢᠩᠳᠡᠦ ᠡᠴᠡ ᠬᠡᠪ ᠦ᠋ᠨ ᠠᠵᠢᠯᠯᠠᠭᠠ ᠲᠠᠢ ᠪᠣᠯᠭᠠᠬᠤ ᠶ᠋ᠢᠨ ᠲᠤᠯᠠᠳᠠ ᠢᠩᠳᠡᠦ ᠶ᠋ᠢᠨ ᠤᠷᠲᠤ ᠬᠠᠪᠬᠠᠭᠯᠠᠭᠠ ᠳ᠋ᠤ᠌ ᠪᠠᠢᠷᠢᠯᠠᠭᠤᠯᠤᠭᠰᠠᠨ ᠬᠤᠪᠠᠨᠴᠢᠷ ᠬᠣᠭᠣᠯᠠᠢ ᠶ᠋ᠢ ᠤᠰᠤᠨ ᠤ᠋ ᠰᠠᠪᠠ ᠲᠠᠢ ᠭᠣᠮ ᠬᠣᠭᠣᠯᠠᠢ ᠪᠠᠷ ᠬᠣᠯᠪᠣᠭᠰᠠᠨ ᠪᠠᠢᠳᠠᠭ ᠤᠴᠢᠷ ᠬᠠᠪᠬᠠᠭᠯᠠᠭᠠ ᠶ᠋ᠢ ᠠᠪᠬᠤ ᠦᠶᠡ ᠳ᠋ᠦ᠍ ᠮᠤᠯᠲᠤᠷᠠᠪᠠᠯ ᠳᠠᠬᠢᠨ ᠤᠭᠰᠠᠷᠠᠬᠤ ᠳ᠋ᠤ᠌ ᠬᠡᠴᠡᠭᠦᠦ ᠤᠴᠢᠷ ᠵᠠᠢᠯᠠᠰᠢ ᠦᠭᠡᠢ ᠬᠡᠷᠡᠭᠴᠡᠭᠡ ᠲᠡᠢ ᠦᠶᠡ ᠳ᠋ᠦ᠍ ᠬᠠᠪᠬᠠᠭᠯᠠᠭᠠ ᠶ᠋ᠢ ᠬᠣᠪᠬᠣᠯᠬᠤ ᠱᠠᠭᠠᠷᠳᠠᠯᠭᠠ ᠭᠠᠷᠪᠠᠯ ᠣᠭᠲᠣᠯᠬᠤ ᠠ᠋ᠴᠠ ᠥᠭᠡᠷᠡ ᠠᠷᠭᠠ ᠦᠭᠡᠢ ᠶᠦᠮ᠃ ᠤᠰᠤᠨ ᠰᠠᠪᠠᠨ ᠳ᠋ᠤ᠌ ᠥᠩᠭᠥᠷ ᠲᠣᠭᠲᠠᠭᠠᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ ᠪᠣᠷᠣᠭᠠᠨ ᠤ᠋ ᠪᠤᠶᠤ ᠨᠡᠷᠡᠮᠡᠯ ᠤᠰᠤ ᠴᠡᠪᠡᠷ ᠫᠠᠯᠠᠩ ᠲᠠᠢ ᠰᠠᠪᠠᠨ ᠳ᠋ᠤ᠌ ᠪᠤᠴᠠᠯᠭᠠᠭᠰᠠᠨ ᠴᠡᠪᠡᠷ ᠤᠰᠤ ᠬᠢᠨᠡ᠃ ᠶᠠᠭᠤᠮᠠ ᠢᠩᠳᠡᠦᠳᠡᠵᠦ ᠳᠠᠭᠤᠰᠤᠮᠠᠭᠴᠠ ᠦᠯᠡᠳᠡᠭᠡᠰᠡ ᠤᠰᠤ ᠶ᠋ᠢ ᠠᠰᠬᠠᠨᠠ᠃
ᠠᠶᠠᠨ ᠤ᠋ ᠢᠩᠳᠡᠦ ᠠᠶᠠᠨ ᠵᠠᠮ ᠳ᠋ᠤ᠌ ᠠᠪᠴᠤ ᠶᠠᠪᠤᠬᠤ ᠳ᠋ᠤ᠌ ᠲᠣᠬᠢᠷᠠᠭᠰᠠᠨ ТП——1᠂ УЭ——4 ᠮᠠᠶᠢᠭ ᠤ᠋ᠨ ᠢᠩᠳᠡᠦ ᠶ᠋ᠢ ᠬᠡᠷᠡᠭᠯᠡᠬᠦ ᠪᠥᠭᠡᠳ УЭ—4 ᠤᠯᠠ᠂ ᠤᠯᠠᠢᠰᠬᠠᠭᠴᠢ ᠤᠲᠠᠰᠤ᠂ ᠪᠦᠷᠬᠦᠭᠦᠯ ᠵᠠᠯᠭᠠᠭᠤᠷ ᠲᠠᠢ ᠱᠠᠵᠠᠩ ᠭᠡᠷ᠂ ᠪᠠᠷᠢᠭᠤᠯ᠂ ᠴᠠᠬᠢᠯᠭᠠᠨ ᠬᠣᠯᠪᠣᠭᠴᠢ ᠤᠲᠠᠰᠤ ᠵᠡᠷᠭᠡ ᠪᠡᠷ ᠪᠦᠷᠢᠯᠳᠦᠨᠡ᠃ ᠡᠭᠦᠨ ᠢ᠋ ᠵᠠᠯᠭᠠᠬᠤ ᠳ᠋ᠠᠭᠠᠨ127—220 V ᠬᠦᠴᠦᠳᠡᠯ ᠳ᠋ᠦ᠍ ᠬᠣᠯᠪᠣᠵᠤ ᠠᠵᠢᠯᠯᠠᠭᠤᠯᠤᠨᠠ᠃
ᠴᠠᠬᠢᠯᠭᠠᠨ ᠢᠩᠳᠡᠦ ᠳ᠋ᠦ᠍ ᠵᠠᠰᠠᠪᠤᠷᠢ ᠬᠢᠬᠦ ᠢᠩᠳᠡᠦ ᠳ᠋ᠦ᠍ ᠲᠣᠬᠢᠶᠠᠯᠳᠤᠬᠤ ᠬᠠᠮᠤᠭ ᠤ᠋ᠨ ᠢᠨᠠᠳᠤ ᠵᠠᠬᠠ ᠶ᠋ᠢᠨ ᠭᠡᠮᠲᠦᠯ ᠨᠢ ᠤᠯᠠᠢᠰᠬᠠᠭᠴᠢ ᠤᠲᠠᠰᠤ ᠪᠥᠭᠡᠳ ᠲᠡᠭᠦᠨ ᠢ᠋ ᠵᠠᠰᠠᠬᠤ ᠳ᠋ᠠᠭᠠᠨ ᠴᠠᠬᠢᠯᠭᠠᠨ ᠱᠤᠭᠤᠮ ᠢ᠋ ᠵᠠᠰᠠᠪᠤᠷᠢᠯᠠᠭᠰᠠᠨ ᠰᠢᠭ᠋ ᠵᠠᠰᠠᠬᠤ ᠪᠣᠯᠤᠨᠠ᠃ ᠬᠡᠷᠪᠡ ᠤᠲᠠᠰᠤ ᠵᠠᠰᠠᠪᠤᠷᠢ ᠠᠪᠬᠤ ᠦᠭᠡᠢ ᠪᠣᠯ ᠰᠣᠯᠢᠨᠠ᠃ ᠵᠠᠯᠭᠠᠭᠤᠷ ᠤ᠋ᠨ ᠤᠲᠠᠰᠤ ᠶ᠋ᠢ ᠴᠢᠳᠧᠩ ᠪᠤᠶᠤ ᠤᠮᠮᠸᠲ᠋ᠷ ᠢ᠋ᠶ᠋ᠠᠷ ᠰᠢᠯᠭᠠᠨᠠ᠃ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠮᠠᠶᠢᠭ ᠤ᠋ᠨ ᠢᠩᠳᠡᠦ ᠳ᠋ᠦ᠍ ᠲᠣᠬᠢᠶᠠᠯᠳᠤᠵᠤ ᠪᠣᠯᠬᠤ ᠭᠡᠮᠲᠦᠯ ᠲᠡᠭᠦᠨ ᠢ᠋ ᠵᠠᠰᠠᠬᠤ ᠠᠷᠭᠠ ᠨᠤᠭᠤᠳ ᠶᠠᠩᠵᠤ ᠪᠦᠷᠢ ᠪᠠᠢᠳᠠᠭ᠃
УЭЭ—2— A7 ᠤᠯᠠᠢᠰᠬᠠᠭᠴᠢ ᠤᠲᠠᠰᠤ ᠶ᠋ᠢ ᠰᠣᠯᠢᠬᠤ ᠶ᠋ᠢᠨ ᠲᠤᠯᠠᠳᠠ ᠵᠠᠯᠭᠠᠭᠤᠷ ᠤ᠋ᠨ ᠪᠠᠢᠭᠤᠯᠤᠮᠵᠢ ᠶ᠋ᠢᠨ ᠬᠠᠪᠬᠠᠭ ᠢ᠋ ᠠᠪᠴᠤ ᠳᠠᠷᠠᠭᠠ ᠨᠢ ᠡᠷᠭᠢ ᠶ᠋ᠢ ᠨᠢ ᠰᠤᠯᠠᠯᠠᠵᠤ ᠵᠠᠯᠭᠠᠭᠤᠷ ᠤ᠋ᠨ ᠤᠲᠠᠰᠤ ᠶ᠋ᠢ ᠲᠠᠢᠯᠤᠭᠠᠳ ᠢᠩᠳᠡᠦ ᠶ᠋ᠢᠨ ᠪᠠᠷᠢᠭᠤᠯ ᠢ᠋ ᠡᠷᠭᠢᠭᠦᠯᠵᠦ ᠠᠪᠤᠨᠠ᠃ ᠵᠠᠯᠭᠠᠭᠴᠢ ᠪᠠᠢᠭᠤᠯᠤᠮᠵᠢ ᠶ᠋ᠢᠨ ᠭᠡᠷ ᠢ᠋ ᠰᠢᠯᠭᠠᠭᠰᠠᠨ ᠤ᠋ ᠳᠠᠷᠠᠭᠠ ᠨᠢ ᠪᠥᠭᠡᠵᠢ ᠪᠡᠬᠢᠯᠡᠭᠰᠡᠨ ᠡᠷᠭᠢ ᠶ᠋ᠢ ᠲᠠᠢᠯᠵᠤ ᠵᠢᠭᠢᠷᠢᠭ᠂ ᠢᠩᠳᠡᠦ ᠶ᠋ᠢᠨ ᠪᠦᠷᠬᠦᠭᠦᠯ᠂ ᠠᠴᠢᠶᠠ᠂ ᠬᠥᠪᠥᠩ ᠴᠠᠭᠠᠰᠤ᠂ ᠵᠢᠭᠢᠷᠢᠪᠴᠢ ᠶ᠋ᠢ ᠠᠪᠴᠤ ᠳᠠᠷᠠᠭᠠ ᠨᠢ ᠰᠢᠲᠠᠭᠰᠠᠨ ᠤᠯᠠᠢᠰᠬᠠᠭᠴᠢ ᠤᠲᠠᠰᠤ ᠪᠠᠨ ᠰᠣᠯᠢᠨᠠ᠃ ᠰᠢᠨᠡ ᠤᠲᠠᠰᠤ ᠪᠠᠨ ᠢᠩᠳᠡᠦ ᠶ᠋ᠢᠨ ᠬᠣᠪᠢᠯ ᠳ᠋ᠤ᠌ ᠰᠠᠭᠤᠯᠭᠠᠬᠤ ᠳ᠋ᠠᠭᠠᠨ ᠨᠢᠴᠦᠭᠦᠨ ᠤᠲᠠᠰᠤ ᠢᠩᠳᠡᠦ ᠶ᠋ᠢᠨ ᠤᠯᠠ ᠳ᠋ᠤ᠌ ᠬᠦᠷᠬᠦ ᠡᠴᠡ ᠪᠣᠯᠭᠣᠮᠵᠢᠯᠠᠬᠤ ᠬᠡᠷᠡᠭᠲᠡᠢ᠃
УЭ—4 ᠢᠩᠳᠡᠦ ᠶ᠋ᠢ ᠵᠠᠰᠠᠬᠤ ᠳ᠋ᠠᠭᠠᠨ ᠤᠯᠠᠢᠰᠬᠠᠭᠴᠢ ᠤᠲᠠᠰᠤ ᠶ᠋ᠢ ᠰᠣᠯᠢᠬᠤ ᠶ᠋ᠢᠨ ᠲᠤᠯᠠᠳᠠ ᠢᠩᠳᠡᠦ ᠶ᠋ᠢᠨ ᠪᠦᠷᠬᠦᠭᠦᠯ ᠪᠡᠬᠢᠯᠡᠭᠰᠡᠨ ᠡᠷᠭᠢ ᠶ᠋ᠢ ᠲᠠᠢᠯᠵᠤ ᠪᠦᠷᠬᠦᠭᠦᠯ ᠢ᠋ ᠠᠪᠤᠭᠠᠳ ᠳᠠᠬᠢᠨ ᠬᠣᠶᠠᠷ ᠡᠷᠭᠢ ᠶ᠋ᠢ ᠲᠠᠢᠯᠬᠤ ᠳ᠋ᠤ᠌ ᠰᠢᠪᠡᠷ ᠰᠠᠭᠤᠷᠢ ᠶ᠋ᠢ ᠪᠡᠬᠢᠯᠡᠭᠰᠡᠨ ᠱᠠᠵᠠᠩ ᠭᠡᠷ ᠭᠠᠩ ᠪᠥᠭᠡᠵᠢ ᠡᠴᠡ ᠰᠠᠯᠵᠤ ᠱᠠᠵᠠᠩ ᠭᠡᠷ᠂ ᠰᠢᠪᠡᠷ ᠰᠠᠭᠤᠷᠢ ᠶ᠋ᠢ ᠰᠠᠯᠭᠠᠬᠤ ᠶ᠋ᠢᠨ ᠲᠤᠯᠠᠳᠠ ᠳᠠᠬᠢᠨ ᠨᠢᠭᠡ ᠡᠷᠭᠢ ᠶ᠋ᠢ ᠠᠪᠤᠨᠠ᠃ ᠢᠩᠭᠢᠭᠡᠳ ᠰᠢᠨᠡ ᠤᠲᠠᠰᠤ ᠪᠠᠨ ᠲᠠᠯᠪᠢᠭᠠᠳ ᠳᠠᠬᠢᠨ ᠤᠭᠰᠠᠷᠠᠨᠠ᠃у—51᠂ уэ—1᠂ ут—59᠂ уэ—уэт ᠲᠥᠷᠥᠯ ᠦ᠋ᠨ ᠢᠩᠳᠡᠦ ᠶ᠋ᠢ ᠡᠢᠮᠦ ᠮᠠᠶᠢᠭ ᠢ᠋ᠶ᠋ᠠᠷ ᠵᠠᠰᠠᠪᠤᠷᠢᠯᠠᠨᠠ᠃
уэ—8 ᠢᠩᠳᠡᠦ ᠶ᠋ᠢᠨ ᠤᠯᠠᠢᠰᠬᠠᠭᠴᠢ ᠤᠲᠠᠰᠤ ᠶ᠋ᠢ ᠰᠣᠯᠢᠬᠤ ᠳ᠋ᠠᠭᠠᠨ ᠪᠦᠷᠬᠦᠭᠦᠯ ᠢ᠋ ᠠᠴᠢᠶᠠ ᠲᠠᠢ ᠪᠡᠬᠢᠯᠡᠭᠰᠡᠨ ᠪᠣᠭᠣᠯᠲᠠ ᠶ᠋ᠢ ᠲᠠᠢᠯᠵᠤ᠂ ᠳᠤᠯᠠᠭᠠᠨ ᠲᠣᠬᠢᠷᠠᠭᠤᠯᠤᠭᠴᠢ ᠶ᠋ᠢᠨ ᠪᠠᠷᠢᠭᠤᠯ ᠪᠣᠯᠤᠨ ᠢᠯᠲᠠᠰᠤ ᠶ᠋ᠢ ᠠᠪᠤᠨᠠ᠃ ᠳᠠᠷᠠᠭᠠ ᠨᠢ ᠪᠦᠷᠬᠦᠭᠦᠯ ᠢ᠋ ᠤᠯᠠ ᠠ᠋ᠴᠠ ᠨᠢ ᠰᠠᠯᠭᠠᠨᠠ᠃ ᠳᠠᠬᠢᠨ ᠨᠢᠭᠡ ᠪᠣᠭᠣᠯᠲᠠ ᠶ᠋ᠢ ᠲᠠᠢᠯᠵᠤ᠂ ᠬᠤᠪᠠᠨᠴᠠᠷ ᠭᠡᠷ ᠡᠴᠡ ᠵᠠᠯᠭᠠᠭᠤᠷ ᠤ᠋ᠨ ᠤᠲᠠᠰᠤ ᠶ᠋ᠢ ᠰᠠᠯᠭᠠᠵᠤ ᠠᠪᠤᠨᠠ᠃ ᠪᠦᠷᠬᠦᠭᠦᠯ ᠢ᠋ ᠠᠪᠴᠤ ᠠᠴᠢᠶᠠ ᠪᠡᠬᠢᠯᠡᠭᠰᠡᠨ ᠪᠣᠭᠣᠯᠲᠠ ᠶ᠋ᠢ ᠲᠠᠢᠯᠵᠤ ᠠᠴᠢᠶᠠ ᠶ᠋ᠢ ᠠᠪᠴᠤ ᠰᠢᠲᠠᠭᠰᠠᠨ ᠤᠲᠠᠰᠤ ᠪᠠᠨ ᠲᠠᠢᠯᠬᠤ ᠪᠤᠶᠤ ᠰᠢᠨᠡ ᠪᠡᠷ ᠰᠣᠯᠢᠵᠤ ᠲᠠᠯᠪᠢᠨᠠ᠃ ᠢᠩᠳᠡᠦ ᠶ᠋ᠢᠨ ᠳᠣᠬᠢᠶᠠᠨ ᠴᠢᠳᠧᠩ ᠢ᠋ ᠰᠣᠯᠢᠬᠤ ᠶ᠋ᠢᠨ ᠲᠤᠯᠠᠳᠠ ᠪᠦᠷᠬᠦᠭᠦᠯ ᠦ᠋ᠨ ᠠᠷᠤ ᠶ᠋ᠢᠨ ᠪᠣᠭᠣᠯᠲᠠ ᠶ᠋ᠢ ᠰᠤᠯᠠᠯᠠᠨ ᠴᠢᠳᠧᠩ ᠪᠠᠷᠢᠭᠴᠢ ᠠ᠋ᠴᠠ ᠰᠢᠲᠠᠭᠰᠠᠨ ᠴᠢᠳᠧᠩ ᠢ᠋ ᠠᠪᠴᠤ ᠰᠢᠨᠡ ᠪᠡᠷ ᠴᠢᠳᠧᠩ ᠲᠠᠯᠪᠢᠨᠠ᠃ уэ—10᠂ у—61 ᠮᠠᠶᠢᠭ ᠤ᠋ᠨ ᠢᠩᠳᠡᠦ ᠶ᠋ᠢᠨ ᠳᠣᠬᠢᠶᠠᠨ ᠴᠢᠳᠧᠩ ᠢ᠋ ᠮᠥᠨ ᠡᠢᠮᠦ ᠮᠠᠶᠢᠭ ᠢ᠋ᠶ᠋ᠠᠷ ᠰᠣᠯᠢᠨᠠ᠃
ᠵᠣᠩᠬᠤ ᠪᠤᠴᠠᠯᠭᠠᠬᠤ ᠤᠷᠠᠨ ᠦᠢᠯᠡ ᠶ᠋ᠢᠨ ᠨᠠᠭᠠᠬᠤ᠂ ᠪᠡᠬᠢᠯᠡᠬᠦ᠂ ᠵᠠᠰᠠᠪᠤᠷᠢᠯᠠᠬᠤ ᠠᠵᠢᠯᠯᠠᠭᠠᠨ ᠳ᠋ᠤ᠌ ᠵᠣᠩᠬᠤ ᠴᠢᠬᠤᠯᠠ ᠱᠠᠭᠠᠷᠳᠠᠭᠳᠠᠳᠠᠭ ᠤᠴᠢᠷ ᠠ᠋ᠴᠠ ᠮᠣᠩᠭᠣᠯᠴᠤᠳ ᠦᠢᠯᠡᠴᠢᠨ ᠬᠥᠮᠦᠨ ᠦ᠌ ᠬᠢᠷᠢ ᠵᠡᠷᠭᠡ ᠤᠷᠠᠨ ᠪᠣᠯᠬᠤ ᠶ᠋ᠢ ᠪᠤᠴᠠᠯᠭᠠᠭᠰᠠᠨ ᠵᠣᠩᠬᠤ ᠪᠠᠷ ᠨᠢ ᠦᠨᠡᠯᠡᠳᠡᠭ ᠪᠠᠢᠵᠠᠢ᠃ ᠦᠢᠯᠡ ᠳ᠋ᠦ᠍ ᠬᠡᠷᠡᠭᠯᠡᠬᠦ ᠵᠣᠩᠬᠤ ᠪᠤᠴᠠᠯᠭᠠᠨᠠ ᠭᠡᠳᠡᠭ ᠨᠢ ᠵᠢᠷ ᠦ᠋ᠨ ᠪᠣᠯᠪᠠᠴᠤ ᠨᠠᠷᠢᠨ ᠠᠵᠢᠯᠯᠠᠭᠠ ᠱᠠᠭᠠᠷᠳᠠᠭᠳᠠᠨᠠ᠃ ᠵᠣᠩᠬᠤ ᠪᠡᠯᠡᠳᠬᠡᠬᠦ ᠳ᠋ᠡᠭᠡᠨ100 ᠭᠷᠠᠮ ᠤᠰᠤᠨ ᠳ᠋ᠤ᠌50 ᠭᠷᠠᠮ ᠭᠤᠯᠢᠷ ᠬᠢᠵᠦ ᠴᠠᠢ ᠶ᠋ᠢᠨ ᠬᠠᠯᠪᠠᠭᠠ ᠶ᠋ᠢᠨ ᠬᠠᠭᠠᠰ ᠡᠯᠡᠰᠦᠨ ᠰᠢᠬᠢᠷ ᠬᠢᠬᠦ ᠪᠠ ᠶᠡᠬᠡ ᠰᠤᠨᠳᠠᠭ ᠮᠠᠲ᠋ᠧᠷᠢᠶᠠᠯ ᠢ᠋ ᠵᠣᠩᠬᠣᠳᠠᠬᠣ ᠬᠡᠷᠡᠭᠲᠡᠢ ᠪᠣᠯ ᠴᠠᠢ ᠶ᠋ᠢᠨ ᠬᠠᠯᠪᠠᠭᠠ ᠶ᠋ᠢᠨ ᠲᠠᠯᠠ ᠳᠠᠪᠤᠰᠤ ᠬᠢᠨᠡ᠃ ᠵᠣᠩᠬᠤ ᠶ᠋ᠢ ᠪᠤᠴᠠᠯᠭᠠᠬᠤ ᠳᠤᠮᠳᠠ ᠨᠢ ᠪᠠᠢᠩᠭᠤ ᠬᠤᠳᠬᠤᠵᠤ ᠥᠴᠦᠬᠡᠨ ᠴᠦ᠍ ᠪᠥᠭᠡᠮ ᠦᠭᠡᠢ ᠨᠢᠭᠡ ᠵᠢᠭᠳᠡ ᠪᠣᠯᠭᠠᠵᠤ ᠬᠥᠷᠥᠭᠡᠵᠦ ᠬᠡᠷᠡᠭᠯᠡᠨᠡ᠃ ᠬᠠᠯᠠᠭᠤᠨ ᠵᠣᠩᠬᠤ ᠪᠠᠷ ᠢᠯᠠᠩᠭᠤᠶᠠ ᠲᠣᠷᠭᠠᠮᠰᠤᠭ ᠡᠳ᠋ ᠢ᠋ ᠨᠠᠭᠠᠵᠤ ᠪᠣᠯᠬᠤ ᠦᠭᠡᠢ᠃
ᠵᠣᠩᠬᠤ ᠪᠠᠷ ᠶᠠᠭᠤᠮᠠ ᠨᠠᠭᠠᠬᠤ ᠳ᠋ᠠᠭᠠᠨ ᠭᠠᠷ ᠢ᠋ᠶ᠋ᠠᠷ ᠨᠠᠭᠠᠬᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠦᠵᠦᠭᠦᠷ ᠨᠢ ᠨᠢᠮᠭᠡᠨ ᠳᠤᠭᠤᠢ ᠬᠠᠪᠲᠠᠭᠠᠢ ᠮᠣᠳᠣ ᠪᠤᠶᠤ ᠬᠤᠷᠴᠠ ᠱᠣᠪᠬᠣ ᠦᠵᠦᠭᠦᠷ ᠲᠡᠢ ᠨᠠᠷᠢᠬᠠᠨ ᠬᠣᠶᠠᠷ ᠶᠠᠩᠵᠤ ᠶ᠋ᠢᠨ ᠮᠣᠳᠣ ᠪᠡᠯᠡᠳᠬᠡᠬᠦ ᠪᠠ ᠨᠠᠷᠢᠨ ᠦᠵᠦᠭᠦᠷ ᠲᠡᠢ ᠮᠣᠳᠣ ᠶ᠋ᠢ ᠵᠡᠭᠡᠭᠲᠦ ᠨᠠᠭᠠᠮᠠᠯ ᠪᠤᠶᠤ ᠨᠠᠷᠢᠨ ᠡᠮᠵᠢᠶᠡᠷᠢ᠂ ᠲᠣᠨᠣᠭᠯᠠᠯ ᠨᠠᠭᠠᠬᠤ ᠵᠠᠰᠠᠬᠤ ᠳ᠋ᠤ᠌ ᠬᠡᠷᠡᠭᠯᠡᠨᠡ᠃
ᠶᠠᠮᠠᠷ ᠴᠤ᠌ ᠶᠠᠭᠤᠮᠠ ᠶ᠋ᠢ ᠨᠠᠭᠠᠭᠰᠠᠨ ᠤ᠋ ᠳᠠᠷᠠᠭᠠ ᠴᠢᠭᠢᠭ ᠲᠡᠢ ᠪᠠᠢᠬᠤ ᠳ᠋ᠤᠨᠢ ᠰᠠᠢᠨ ᠲᠠᠲᠠᠵᠤ ᠢᠩᠳᠡᠦᠳᠡᠨᠡ᠃ ᠨᠠᠷᠢᠨ ᠨᠠᠭᠠᠮᠠᠯ ᠳ᠋ᠤ᠌ ᠢᠯᠡᠦᠷ ᠶᠡᠬᠡ ᠲᠣᠬᠢᠷᠠᠮᠵᠢᠲᠠᠢ ᠪᠠᠢᠳᠠᠭ᠃ ᠨᠠᠭᠠᠵᠤ ᠢᠩᠳᠡᠦᠳᠡᠭᠰᠡᠨ ᠦᠢᠯᠡ ᠪᠡᠨ ᠬᠠᠪᠲᠠᠭᠠᠢ ᠮᠣᠳᠣᠨ ᠳᠡᠭᠡᠷᠡ ᠲᠠᠯᠪᠢᠵᠤ ᠳᠡᠭᠡᠷᠡ ᠡᠴᠡ ᠨᠢ ᠵᠢᠭᠳᠡ ᠭᠠᠳᠠᠷᠭᠤ ᠲᠠᠢ ᠬᠦᠨᠳᠦ(ᠬᠠᠢᠷᠴᠠᠭ ᠮᠡᠲᠦ) ᠶᠠᠭᠤᠮᠠ ᠲᠠᠯᠪᠢᠵᠤ ᠬᠡᠪᠰᠢᠭᠦᠯᠦᠨ ᠬᠠᠲᠠᠭᠠᠨᠠ᠃ ᠤᠷᠠᠨ ᠦᠢᠯᠡ ᠶ᠋ᠢᠨ ᠢᠯᠡᠦᠷ ᠢᠩᠳᠡᠦ ᠶ᠋ᠢᠨ ᠳᠣᠣᠷᠠ ᠲᠠᠯᠪᠢᠳᠠᠭ ᠰᠢᠷᠡᠭᠡ᠂ ᠮᠣᠳᠣ ᠮᠠᠰᠢ ᠴᠡᠪᠡᠷᠬᠡᠨ᠂ ᠲᠡᠭᠰᠢ ᠭᠠᠳᠠᠷᠭᠤ ᠲᠠᠢ ᠪᠠᠢᠬᠤ ᠨᠢ ᠶᠠᠭᠤᠮᠠ ᠢᠩᠳᠡᠦᠳᠡᠬᠦ ᠳ᠋ᠦ᠍ ᠶᠠᠳᠠᠷᠠᠭᠠ ᠦᠭᠡᠢ᠂ ᠢᠩᠳᠡᠦᠳᠡᠭᠰᠡᠨ ᠵᠦᠢᠯ ᠴᠡᠪᠡᠷ ᠦᠵᠡᠮᠵᠢᠲᠡᠢ ᠪᠣᠯᠳᠠᠭ᠃
ᠡᠰᠬᠡᠭᠦᠷ ᠦ᠋ᠨ ᠲᠤᠬᠠᠢ ᠲᠣᠪᠴᠢᠬᠠᠨ ᠤᠷᠠᠨ ᠦᠢᠯᠡ ᠶ᠋ᠢᠨ ᠡᠰᠬᠡᠭᠦᠷ ᠣᠶᠣᠳᠠᠯ ᠬᠣᠶᠠᠷ ᠤ᠋ᠨ ᠠᠯᠢ ᠨᠢ ᠲᠦᠷᠦᠭᠦᠯᠡᠵᠦ ᠪᠣᠢ ᠪᠣᠯᠤᠭᠰᠠᠨ ᠲᠠᠯᠠ ᠪᠠᠷ ᠬᠡᠯᠡᠬᠦ ᠳ᠋ᠦ᠍ ᠬᠡᠴᠡᠭᠦᠦ ᠶᠦᠮ᠃ ᠭᠡᠪᠡᠴᠦ ᠣᠶᠣᠳᠠᠯ ᠲᠦᠷᠦᠭᠦᠨ ᠳ᠋ᠦ᠍ᠨᠢ ᠡᠭᠦᠰᠦᠭᠰᠡᠨ ᠪᠠᠢᠵᠤ ᠪᠣᠯᠬᠤ ᠶᠤᠮ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠬᠥᠮᠦᠨ ᠠᠩᠬᠠ ᠬᠤᠪᠴᠠᠰᠤ ᠬᠡᠷᠡᠭᠯᠡᠬᠦ ᠳ᠋ᠡᠭᠡᠨ ᠪᠡᠶᠡ ᠳ᠋ᠡᠭᠡᠨ ᠲᠣᠬᠢᠷᠠᠭᠰᠠᠨ ᠬᠤᠪᠴᠠᠰᠤ ᠡᠮᠦᠰᠬᠦ ᠴᠢᠭᠯᠡᠯ ᠢ᠋ᠶ᠋ᠡᠷ ᠪᠢᠰᠢ ᠵᠥᠪᠬᠡᠨ ᠣᠷᠴᠢᠨ ᠤ᠋ ᠨᠥᠯᠦᠭᠡᠨ ᠡᠴᠡ ᠪᠡᠶᠡ ᠪᠡᠨ ᠬᠠᠯᠠᠭᠯᠠᠬᠤ ᠶ᠋ᠢᠨ ᠲᠤᠯᠠᠳᠠ ᠠᠩ ᠠᠮᠢᠲᠠᠨ ᠤ᠋ ᠠᠷᠠᠰᠤ᠂ ᠤᠷᠭᠤᠮᠠᠯ ᠤ᠋ᠨ ᠲᠣᠮᠣ ᠨᠠᠪᠴᠢ ᠶ᠋ᠢ ᠳᠣᠣᠷᠠ ᠪᠠᠨ ᠳᠡᠪᠢᠰᠴᠦ ᠠᠷᠤ ᠲᠠᠯᠠ ᠳ᠋ᠠᠭᠠᠨ ᠨᠥᠮᠥᠷᠴᠦ ᠡᠬᠢᠯᠡᠭᠰᠡᠨ ᠪᠠᠢᠵᠤ ᠲᠠᠭᠠᠷᠠᠨᠠ᠃ ᠲᠡᠢᠮᠦ ᠵᠢᠷᠤᠭ ᠴᠤ᠌ ᠭᠧᠷᠡᠺᠯ ᠪᠠᠭᠠᠲᠤᠷ ᠮᠡᠲᠦ ᠲᠡᠦᠬᠡᠨ ᠵᠣᠬᠢᠶᠠᠯ ᠳ᠋ᠤ᠌ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠪᠠᠢᠳᠠᠭ᠃ ᠭᠠᠭᠴᠠ ᠠᠷᠠᠰᠤ ᠬᠥᠮᠦᠨ ᠦ᠌ ᠪᠡᠶᠡ ᠳ᠋ᠦ᠍ ᠲᠣᠭᠲᠠᠬᠤ ᠦᠭᠡᠢ ᠤᠴᠢᠷ ᠲᠡᠭᠦᠨ ᠢ᠋ ᠪᠡᠶᠡ ᠳ᠋ᠦ᠍ ᠪᠡᠬᠢᠯᠡᠨ ᠪᠣᠭᠣᠵᠤ ᠡᠬᠢᠯᠡᠭᠰᠡᠨ ᠪᠠᠢᠵᠤ ᠲᠠᠭᠠᠷᠠᠨᠠ᠃ ᠢᠩᠭᠢᠵᠦ ᠨᠥᠮᠥᠷᠦᠭᠰᠡᠨ ᠭᠠᠭᠴᠠ ᠠᠷᠠᠰᠤ ᠵᠥᠪᠬᠡᠨ ᠠᠷᠤ ᠲᠠᠯᠠ ᠶ᠋ᠢ ᠬᠠᠯᠠᠭᠯᠠᠵᠤ᠂ ᠭᠡᠳᠡᠰᠦᠨ ᠲᠠᠯᠠ ᠠ᠋ᠴᠠ ᠳᠤᠯᠠᠭᠠᠴᠠᠭᠤᠯᠵᠤ ᠬᠣᠶᠠᠳᠠᠭᠴᠢ ᠠᠷᠠᠰᠤ ᠬᠡᠷᠡᠭ ᠲᠡᠢ ᠪᠣᠯᠤᠭᠰᠠᠨ ᠪᠠᠢᠬᠠ᠃ ᠡᠨᠡ ᠬᠣᠶᠠᠷ ᠠᠷᠠᠰᠤ ᠶ᠋ᠢ ᠬᠣᠭᠣᠷᠣᠨᠳᠣ ᠨᠢ ᠬᠣᠯᠪᠣᠵᠤ ᠤᠶᠠᠵᠤ᠂ ᠪᠣᠭᠣᠵᠤ ᠲᠣᠭᠲᠠᠭᠠᠭᠰᠠᠨ ᠪᠢᠵᠡ᠃ ᠡᠨᠡ ᠨᠢ ᠨᠢᠭᠡ ᠲᠠᠯᠠ ᠪᠠᠷ ᠤᠶᠠᠭᠠ ᠪᠡᠬᠢᠯᠡᠭᠡ᠂ ᠨᠥᠭᠦᠭᠡ ᠲᠠᠯᠠ ᠪᠠᠷ ᠣᠶᠣᠳᠠᠯ ᠤ᠋ᠨ ᠡᠬᠢ ᠡᠭᠦᠰᠪᠦᠷᠢ ᠪᠠᠢᠭᠰᠠᠨ ᠪᠠᠢᠵᠤ ᠪᠣᠯᠬᠤ ᠶᠤᠮ᠃
ᠬᠥᠮᠦᠨ ᠠᠩᠬᠠ ᠬᠤᠪᠴᠠᠰᠤ ᠬᠡᠷᠡᠭᠯᠡᠬᠦ ᠳ᠋ᠡᠭᠡᠨ ᠴᠠᠪᠢ ᠠ᠋ᠴᠠ ᠪᠠᠨ ᠳᠣᠭᠣᠭᠰᠢ ᠤᠷᠲᠤ ᠲᠠᠯᠠ ᠤᠷᠤᠭᠤ ᠪᠠᠨ ᠴᠢᠬᠢᠷᠰᠦ᠂ ᠤᠷᠭᠤᠮᠠᠯ ᠤ᠋ᠨ ᠨᠠᠪᠴᠢ᠂ ᠮᠠᠯ ᠤ᠋ᠨ ᠠᠷᠠᠰᠤ ᠤᠨᠵᠢᠭᠤᠯᠤᠨ ᠡᠷᠬᠡᠲᠡᠨ ᠢ᠋ᠶ᠋ᠡᠨ ᠬᠠᠭᠠᠵᠤ ᠨᠠᠷᠢᠨ ᠪᠦᠴᠡ ᠪᠡᠷ ᠲᠣᠭᠲᠠᠭᠠᠳᠠᠭ ᠪᠠᠢᠭᠰᠠᠨ ᠲᠡᠷᠡ ᠴᠠᠭ ᠠ᠋ᠴᠠ ᠪᠣᠭᠣᠨᠢ ᠥᠮᠥᠳᠥ᠂ ᠪᠠᠩᠵᠠᠯ ᠪᠦᠰᠡ᠂ ᠬᠠᠨᠴᠤᠢ ᠦᠭᠡᠢ ᠬᠤᠪᠴᠠᠰᠤᠨ ᠳ᠋ᠤ᠌ ᠰᠢᠯᠵᠢᠭᠰᠡᠨ ᠪᠣᠯᠬᠣᠷ ᠡᠨᠡ ᠦᠶᠡ ᠳ᠋ᠦ᠍ ᠡᠰᠬᠡᠭᠦᠷ ᠡᠭᠦᠰᠦᠭᠰᠡᠨ ᠪᠠᠢᠵᠤ ᠪᠣᠯᠬᠤ ᠶᠤᠮ᠃
ᠡᠰᠬᠡᠭᠦᠷ ᠬᠥᠮᠦᠨ ᠦ᠌ ᠨᠡᠢᠭᠡᠮ ᠬᠥᠭᠵᠢᠬᠦ ᠳᠣᠳᠣᠮ ᠰᠢᠨᠡᠴᠢᠯᠡᠭᠳᠡᠨ ᠥᠭᠡᠷᠡᠴᠢᠯᠡᠭᠳᠡᠵᠦ ᠤᠯᠠᠮ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠤᠭᠰᠠᠨ ᠢ᠋ᠶ᠋ᠠᠷ ᠥᠨᠥ ᠦᠶᠡ ᠶ᠋ᠢᠨ ᠬᠦᠴᠦᠷᠬᠡᠭ ᠮᠧᠬᠠᠨᠢᠰᠮ ᠳ᠋ᠤ᠌ ᠬᠦᠷᠴᠡᠢ᠃ ᠡᠰᠬᠡᠭᠦᠷ ᠢ᠋ ᠡᠷᠲᠡ ᠦᠶᠡ ᠡᠴᠡ ᠡᠳᠦᠭᠡ ᠬᠦᠷᠲᠡᠯᠡ ᠳᠡᠰ ᠳᠠᠷᠠᠭᠠ ᠲᠠᠢ᠂ ᠨᠠᠷᠢᠨ ᠤᠷᠠ ᠤᠬᠠᠭᠠᠨ ᠰᠡᠢᠯᠵᠦ ᠬᠢᠵᠦ ᠢᠷᠡᠭᠰᠡᠨ ᠪᠥᠭᠡᠳ ᠬᠥᠮᠦᠨ ᠠᠷᠠᠰᠤ᠂ ᠨᠡᠬᠡᠢ ᠨᠥᠮᠥᠷᠴᠦ ᠶᠠᠪᠤᠭᠰᠠᠨ ᠲᠡᠷᠡ ᠦᠶᠡ ᠡᠴᠡ ᠥᠨᠥ ᠶ᠋ᠢᠨ ᠪᠡᠶᠡ ᠳ᠋ᠦ᠍ ᠲᠣᠬᠢᠷᠠᠭᠰᠠᠨ ᠣᠯᠠᠨ ᠵᠠᠭᠪᠤᠷ ᠤ᠋ᠨ ᠬᠤᠪᠴᠠᠰᠤ ᠰᠣᠩᠭᠣᠨ ᠬᠡᠷᠡᠭᠯᠡᠬᠦ ᠬᠦᠷᠲᠡᠯᠡ ᠬᠥᠮᠦᠨ ᠦ᠌ ᠣᠢᠭᠠ ᠦᠭᠡᠢ ᠠᠵᠢᠯᠯᠠᠭᠠ ᠤᠷᠠ ᠤᠬᠠᠭᠠᠨ ᠢ᠋ ᠪᠠᠭᠠ ᠦᠭᠡᠢ ᠱᠠᠭᠠᠷᠳᠠᠵᠤ ᠲᠡᠭᠦᠨ ᠦ᠌ ᠪᠠᠭᠠᠵᠢ ᠵᠡᠪᠰᠡᠭ ᠬᠦᠷᠲᠡᠯᠡ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠵᠠᠢ᠃ ᠬᠤᠪᠴᠠᠰᠤ ᠡᠰᠬᠡᠬᠦ ᠳ᠋ᠡᠭᠡᠨ ᠬᠥᠮᠦᠨ ᠡᠬᠢᠯᠡᠭᠡᠳ ᠬᠡᠮᠵᠢᠳᠡᠭ᠂ ᠳᠠᠷᠠᠭᠠ ᠨᠢ ᠲᠡᠮᠳᠡᠭᠯᠡᠳᠡᠭ᠃ ᠡᠭᠦᠨ ᠦ᠌ ᠳᠠᠷᠠᠭᠠ ᠣᠭᠲᠣᠯᠤᠨ ᠡᠪ ᠲᠤᠨᠢ ᠣᠷᠣᠭᠤᠯᠵᠤ ᠣᠶᠣᠳᠠᠭ ᠤᠴᠢᠷ ᠡᠰᠬᠡᠭᠦᠷ ᠲᠤ ᠬᠡᠮᠵᠢᠭᠦᠷ᠂ ᠲᠡᠮᠳᠡᠭᠯᠡᠬᠦ ᠰᠢᠯᠡᠮᠡ᠂ ᠪᠣᠳᠣᠭ᠂ ᠴᠣᠬᠣᠢ᠂ ᠬᠤᠵᠢᠷ᠂ ᠭᠤᠯᠢᠷ᠂ ᠴᠢᠪᠬᠠ᠂ ᠣᠭᠲᠣᠯᠬᠤ ᠰᠢᠳᠡᠬᠦ ᠬᠡᠷᠡᠭᠰᠡᠯ ᠣᠷᠣᠳᠠᠭ᠃ ᠡᠭᠦᠨ ᠢ᠋ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠪᠢᠯᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠤᠶᠠᠭᠠ᠂ ᠣᠶᠣᠨᠪᠠᠲᠤ᠂ ᠪᠠᠶᠠᠨᠰᠡᠷᠡᠩ᠂ ᠪᠠᠳᠮᠠᠰᠡᠴᠡᠨ᠂ ᠤᠯᠠᠭᠠᠨ᠂ ᠲᠣᠭᠳᠠᠭᠤᠨᠪᠠᠶᠠᠷ᠂ ᠳ· ᠣᠶᠤᠨᠪᠢᠯᠢᠭ᠌᠂ ᠱᠠᠭᠰᠠᠯ᠂ ᠰᠠᠢᠨᠪᠢᠯᠢᠭ᠌᠂ ᠭᠡᠭᠡᠷᠡᠯ᠂ ᠴᠠᠬᠠᠷ ᠪᠠᠲᠤ Цахар бат
ᠬᠢᠨᠠᠭᠴᠢ᠄ ᠰᠡᠬᠡᠭᠡᠷᠡᠯ᠂ ᠪᠠᠶᠠᠷᠴᠡᠴᠡᠭ᠂ ᠪᠠᠶᠠᠨᠰᠡᠷᠡᠩ᠂ ᠣᠳᠬᠠᠨᠰᠣᠠ᠂ ᠥᠯᠵᠡᠢᠪᠠᠭᠠᠲᠤᠷ᠂ ᠭᠠᠷᠮᠠ