ᠨᠢᠭᠡ᠂ ᠭᠤᠷᠪᠠᠯ ᠤ᠋ᠨ ᠣᠨᠣᠯ ᠪᠣᠯ ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ-ᠮᠣᠩᠭᠣᠯ ᠤ᠋ᠨ ᠭᠤᠷᠪᠠᠯ ᠣᠨᠣᠯ-ᠨᠠ᠊᠂ ᠨᠠᠭᠠᠨᠪᠤᠤМонголын гурвал онол-На,Хаанбуу
569ᠨᠢᠭᠡ᠂ ᠭᠤᠷᠪᠠᠯ ᠤ᠋ᠨ ᠣᠨᠣᠯ ᠪᠣᠯ ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ
ᠲᠡᠷᠢᠭᠦᠨ ᠶᠢᠰᠦᠯ ᠪᠦᠯᠦᠭ
《ᠦᠨᠳᠦᠰᠦ ᠢᠵᠠᠭᠤᠷ ᠢ᠋ᠶ᠋ᠠᠨ ᠪᠤᠤ ᠮᠠᠷᠲᠠᠰᠤᠭᠠᠢ!》 ᠭᠡᠮᠡᠨ ᠦᠷᠡ ᠬᠡᠦᠬᠡᠳ ᠢ᠋ᠶ᠋ᠡᠨ ᠰᠤᠷᠭᠠᠰᠤᠭᠠᠢ᠂ ᠲᠡᠳᠡ ᠨᠠᠷ ᠲᠤ᠌ ᠥᠩᠭᠡᠲᠦ ᠳᠡᠪᠡᠯ ᠢ᠋ ᠡᠮᠦᠰᠦᠨ᠂ ᠠᠮᠲᠠᠲᠤ ᠢᠳᠡᠭᠡ ᠶ᠋ᠢ ᠢᠳᠡᠨ᠂ ᠲᠠᠷᠭᠤᠨ ᠠᠭᠲᠠ ᠶ᠋ᠢ ᠤᠨᠤᠨ᠂ ᠲᠠᠭᠠᠯᠠᠮᠵᠢᠲᠠᠢ ᠭᠡᠷᠭᠡᠢ ᠶ᠋ᠢ ᠲᠡᠪᠡᠷᠢᠬᠦ ᠶ᠋ᠢ ᠮᠡᠳᠡᠭᠦᠯᠵᠦ ᠦᠯᠦ ᠪᠣᠯᠬᠤ ᠪᠥᠭᠡᠳ ᠮᠠᠨ ᠤ᠋ ᠦᠢᠯᠡᠰ ᠦ᠋ᠨ ᠰᠢᠷᠭᠠᠭᠤ ᠵᠠᠮ ᠢ᠋ ᠮᠠᠷᠲᠠᠭᠤᠯᠵᠤ ᠦᠯᠦ ᠪᠣᠯᠤᠮᠤᠢ᠃
( ᠴᠢᠩᠭᠢᠰ ᠬᠠᠭᠠᠨ)
ᠨᠢᠭᠡ᠂ ᠭᠤᠷᠪᠠᠯ ᠤ᠋ᠨ ᠣᠨᠣᠯ ᠪᠣᠯ ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ
ᠨᠡᠭᠦᠳᠡᠯ ᠦ᠋ᠨ ᠮᠠᠯ ᠠᠵᠤ ᠠᠬᠤᠢ ᠶ᠋ᠢᠨ ᠢᠷᠭᠡᠨᠰᠢᠯ᠂ ᠪᠠᠢᠭᠠᠯᠢ ᠶ᠋ᠢᠨ ᠡᠷᠡᠰ ᠲᠠᠰᠤ ᠨᠥᠬᠥᠴᠡᠯ ᠲᠡᠢ ᠤᠶᠠᠯᠳᠤᠭᠰᠠᠨ ᠮᠣᠩᠭᠣᠯᠴᠤᠳ ᠤ᠋ᠨ ᠰᠡᠳᠬᠢᠬᠦᠢ ᠶ᠋ᠢᠨ ᠥᠪᠡᠷᠮᠢᠴᠡ ᠬᠥᠭᠵᠢᠯ ᠨᠢ《ᠶᠢᠷᠲᠢᠨᠴᠦ ᠶ᠋ᠢᠨ ᠠᠮᠢᠨ ᠹᠢᠯᠣᠰᠣᠹᠢ》 ᠶ᠋ᠢ ᠨᠡᠭᠡᠭᠡᠵᠦ ᠭᠤᠷᠪᠠᠯ ᠣᠨᠣᠯ ᠤ᠋ᠨ ᠭᠠᠢᠬᠠᠮᠰᠢᠭ ᠢ᠋ ᠬᠣᠷᠸᠠ ᠳ᠋ᠤ᠌ ᠳᠠᠷᠬᠠᠯᠠᠵᠠᠢ᠃ ᠡᠨᠡ ᠣᠨᠣᠯ ᠪᠣᠯ ᠶᠢᠷᠲᠢᠨᠴᠦ ᠶ᠋ᠢᠨ ᠵᠢᠮᠡ ᠬᠠᠤᠯᠢ ᠶ᠋ᠢ ᠲᠠᠨᠢᠨ ᠮᠡᠳᠡᠬᠦ ᠭᠡᠰᠡᠨ ᠭᠦᠨ ᠤᠬᠠᠭᠠᠨ ᠤ᠋ ᠪᠠᠯᠠᠷ ᠡᠷᠲᠡᠨ ᠦ᠌ ᠨᠡᠭᠡᠭᠡᠯᠲᠡ ᠪᠥᠭᠡᠳ ᠦᠨᠳᠦᠰᠦᠲᠡᠨ ᠦ᠌ ᠰᠡᠳᠬᠢᠯᠭᠡᠨ ᠦ᠌ ᠶᠡᠷᠦᠩᠬᠡᠢ ᠬᠡᠪ ᠰᠢᠨᠵᠢ ᠪᠣᠯᠵᠤ ᠬᠥᠭᠵᠢᠭᠰᠡᠨ ᠨᠡᠭᠦᠳᠡᠯᠴᠢᠳ ᠦ᠋ᠨ ᠰᠣᠶᠣᠯ ᠤ᠋ᠨ ᠳᠡᠭᠡᠳᠦ ᠪᠠᠶᠠᠯᠢᠭ ᠶᠤᠮ᠃ ᠡᠨᠡ ᠰᠠᠨᠠᠭᠠᠨ ᠳ᠋ᠤ᠌ ᠡᠷᠡᠭᠡᠯᠵᠡᠬᠦ᠂ ᠡᠭᠳᠡᠭᠦᠴᠡᠨ ᠳᠤᠷᠠ ᠦᠭᠡᠢᠴᠡᠭᠴᠢᠳ ᠣᠯᠠᠨ ᠭᠠᠷᠴᠤ《ᠠᠷᠭᠠ ᠪᠢᠯᠢᠭ》 ᠢ᠋ ᠰᠥᠷᠭᠡᠦᠯᠡᠨ ᠲᠠᠯᠪᠢᠵᠤ ᠂ ᠡᠰᠡᠬᠦᠯᠡ ᠢᠳᠢᠶᠡᠯᠢᠽᠮ ᠪᠣᠯᠤᠭᠠᠳ ᠮᠠᠲ᠋ᠷᠢᠶᠠᠯᠢᠽᠮ ᠤ᠋ᠨ ᠠᠯᠢ ᠨᠢᠭᠡᠨ ᠲᠠᠢᠰᠢ ᠬᠠᠮᠢᠶᠠᠳᠠᠭᠤᠯᠬᠤ ᠣᠷᠣᠯᠳᠣᠯᠭᠠ ᠭᠠᠷᠴᠤ ᠪᠣᠯᠬᠤ ᠶᠤᠮ᠃ ᠶᠡᠷᠦ ᠨᠢ ᠳᠡᠯᠡᠬᠡᠢ ᠶ᠋ᠢᠨ ᠨᠡᠢᠲᠡᠯᠢᠭ ᠣᠨᠣᠯ ᠰᠡᠳᠬᠢᠯᠭᠡᠨ ᠡᠴᠡ ᠥᠭᠡᠷᠡ《ᠮᠣᠩᠭᠣᠯ ᠤᠬᠠᠭᠠᠨ》 ᠭᠡᠵᠦ ᠲᠤᠰᠬᠠᠢ ᠶᠠᠭᠤ ᠪᠠᠢᠬᠤ ᠶᠤᠮ ᠪᠣᠢ? ᠪᠠᠩᠯᠡᠳᠧᠱ᠂ ᠺᠤᠩᠭᠣ᠋᠂ ᠮᠧᠺᠰᠢᠺᠦ᠂ ᠢᠲ᠋ᠠᠯᠢ᠁ ᠭᠡᠳ200 ᠰᠢᠬᠠᠮ ᠤᠯᠤᠰ ᠦᠨᠳᠦᠰᠦᠲᠡᠨ ᠪᠦᠷ ᠥᠭᠡᠷᠡ ᠥᠭᠡᠷᠡ ᠶ᠋ᠢᠨ ᠤᠬᠠᠭᠠᠨ ᠣᠨᠣᠯ ᠲᠠᠢ ᠪᠠᠢᠬᠤ ᠶᠤᠮ ᠤᠤ ᠭᠡᠬᠦ ᠵᠡᠷᠭᠡ ᠪᠡᠷ ᠲᠠᠰᠤ ᠵᠥᠷᠢᠨ ᠡᠰᠡᠷᠭᠦᠴᠡᠵᠦ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠨᠡᠢᠲᠡᠯᠢᠭ ᠬᠠᠤᠯᠢ ᠵᠢᠮᠡ᠂ ᠰᠣᠶᠣᠯ᠂ ᠲᠡᠦᠬᠡ ᠶ᠋ᠢ ᠬᠠᠷᠢᠭᠤ ᠨᠣᠮᠯᠠᠬᠤ ᠬᠥᠮᠦᠰ ᠡᠯᠪᠡᠭ ᠭᠠᠷᠬᠤ ᠪᠣᠢ ᠶᠠ᠃
ᠡᠨᠡ ᠪᠠᠶᠠᠨ ᠥᠪ ᠬᠡᠳᠦᠢᠪᠡᠷ ᠡᠨᠡᠳᠬᠡᠭ᠂ ᠲᠥᠪᠡᠳ ᠡᠴᠡ ᠡᠬᠢ ᠲᠡᠢ ᠪᠤᠳ᠋ᠳ᠋ᠾᠠ ᠶ᠋ᠢᠨ ᠱᠠᠰᠢᠨ ᠤ᠋ ᠨᠣᠮ ᠪᠢᠰᠢᠯᠭᠠᠯ ᠪᠣᠯᠤᠨ ᠮᠠᠨᠵᠤ ᠬᠢᠲᠠᠳ ᠤ᠋ᠨ ᠲᠤᠯᠭᠠᠭᠰᠠᠨ ᠲᠥᠷᠥ ᠶ᠋ᠢᠨ ᠶᠣᠰᠣ᠂ ᠧᠦ᠋ᠷᠣᠫᠠ ᠶ᠋ᠢᠨ ᠺᠣᠮᠮᠤᠨᠢᠰᠲ ᠦᠵᠡᠯ ᠦ᠋ᠨ ᠰᠤᠷᠲᠠᠯ ᠨᠥᠯᠥᠭᠡ ᠵᠡᠷᠭᠡ ᠡᠷᠡᠨ ᠵᠠᠭᠤᠨ ᠳᠠᠮᠵᠢᠭᠰᠠᠨ ᠠᠯᠪᠠᠳᠠᠮᠠᠯ ᠬᠠᠷᠢ ᠰᠤᠷᠲᠠᠯ ᠰᠤᠷᠭᠠᠯᠲᠠ ᠶ᠋ᠢᠨ ᠪᠠᠯᠠᠭ ᠢ᠋ᠶ᠋ᠠᠷ ᠡᠮᠬᠢ ᠴᠡᠭᠴᠡ ᠪᠡᠨ ᠠᠯᠳᠠᠵᠤ ᠰᠠᠷᠨᠢᠭᠰᠠᠨ ᠴᠤ᠌ ᠠᠷᠠᠳ ᠲᠦᠮᠡᠨ ᠦ᠌ ᠶᠣᠰᠣ ᠵᠠᠩᠰᠢᠯ᠂ ᠮᠠᠯᠴᠢ ᠰᠡᠳᠬᠢᠬᠦᠢ ᠶ᠋ᠢᠨ ᠬᠡᠪᠰᠢᠯ ᠳ᠋ᠦ᠍ ᠦᠨᠳᠦᠰᠦᠨ ᠦ᠌ ᠤᠬᠠᠮᠰᠠᠷ ᠤ᠋ᠨ ᠨᠣᠶᠠᠨ ᠨᠢᠷᠤᠭᠤ ᠲᠥᠪ ᠨᠢ ᠪᠣᠯᠵᠤ ᠬᠠᠳᠠᠭᠠᠯᠠᠭᠳᠠᠭᠰᠠᠭᠠᠷ ᠪᠣᠢ ᠠᠯᠲᠠᠨ ᠰᠠᠩ ᠶᠤᠮ᠃
ᠬᠠᠭᠤᠴᠢᠨ ᠢ᠋ ᠰᠡᠷᠭᠦᠭᠡᠨᠡ ᠭᠡᠮᠡᠨ ᠡᠯᠳᠡᠪ ᠢ᠋ ᠤᠳᠬᠠ ᠤᠴᠢᠷ ᠦᠭᠡᠢ ᠣᠩᠭᠢᠴᠢᠬᠤ᠂ ᠰᠢᠨᠡ ᠶ᠋ᠢ ᠰᠤᠷᠤᠨᠠ ᠭᠡᠳ ᠬᠠᠷᠢ ᠶ᠋ᠢᠨ ᠰᠡᠳᠬᠢᠯᠭᠡ ᠶ᠋ᠢ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠢ ᠱᠣᠬᠣᠭᠣᠷᠬᠠᠨ ᠰᠢᠭᠦᠷᠡᠬᠦ《ᠴᠠᠭ ᠦᠶᠡ ᠶ᠋ᠢᠨ ᠵᠥᠪ》 ᠢ᠋ ᠭᠠᠭᠴᠠᠬᠦ ᠡᠨᠡ ᠰᠠᠩ ᠢ᠋ᠶ᠋ᠠᠷ ᠳᠠᠩᠰᠠᠯᠠᠨ ᠵᠢᠱ᠌ᠢᠬᠦ ᠶᠣᠰᠣᠲᠠᠢ᠃ ᠡᠭᠦᠨ ᠦ᠌ ᠦᠯᠢᠭᠡᠷ ᠨᠢ ᠠᠰᠠᠭᠤᠳᠠᠯ ᠲᠤᠯᠭᠠᠷᠠᠬᠤ ᠳ᠋ᠤ᠌ ᠭᠠᠩᠰᠠ ᠪᠠᠨ ᠰᠢᠪᠰᠢᠭᠡᠳ ᠰᠠᠭᠤᠴᠢᠬᠠᠳᠠᠭ ᠡᠪᠦᠭᠡᠳ ᠦ᠋ᠨ ᠪᠢᠰᠢᠯᠭᠠᠯ ᠶᠤᠮ᠃ ᠲᠡᠳᠡᠨ ᠦ᠌ ᠪᠣᠳᠣᠯ ᠶᠠᠮᠠᠷ ᠨᠢᠭᠡᠨ ᠰᠡᠳᠬᠢᠯ ᠦ᠋ᠨ ᠬᠥᠳᠡᠯᠦᠯ ᠦ᠋ᠨ ᠦᠷᠡ ᠪᠤᠰᠤ᠂ ᠭᠠᠭᠴᠠᠬᠦ ᠠᠮᠢᠨ ᠴᠢᠨᠠᠷ ᠢ᠋ ᠶ᠋ᠢ ᠡᠷᠢᠵᠦ ᠣᠯᠬᠤ ᠤᠬᠠᠭᠠᠨ ᠠᠵᠠᠢ᠃ ᠲᠡᠢᠮᠦ ᠦᠭᠡᠢ ᠯᠡ ᠠᠪᠠᠰᠤ ᠬᠥᠮᠦᠨ ᠦ᠌ ᠮᠥᠰᠥ ᠦᠭᠡᠢ ᠦᠢᠯᠡ᠂ ᠭᠥᠮᠢᠰ(гөмс)①᠂ ᠭᠣᠣᠮᠠᠢ②᠂ ᠬᠡᠪᠡᠷᠡᠭ ᠰᠠᠢᠳ ᠪᠣᠯᠬᠤ ᠦᠭᠡᠢ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠭᠤᠷᠪᠠᠯ ᠤᠬᠠᠭᠠᠨ ᠤ᠋ ᠣᠨᠣᠯ ᠤ᠋ᠨ ᠦᠨᠳᠦᠰᠦ ᠨᠢ ᠠᠮᠢ ᠶᠤᠮ᠃ ᠬᠣᠷᠸᠠ ᠶᠢᠷᠲᠢᠨᠴᠦ ᠶ᠋ᠢ ᠪᠤᠷᠬᠠᠨ ᠪᠣᠢ ᠪᠣᠯᠭᠠᠭᠠ ᠦᠭᠡᠢ᠃ ᠣᠶᠤᠨ ᠰᠠᠨᠠᠭᠠ ᠡᠰᠡᠬᠦᠯᠡ ᠮᠠᠲ᠋ᠧᠷᠢ ᠠᠩᠬᠠᠳᠠᠭᠴᠢ ᠪᠤᠰᠤ᠂ ᠡᠨᠡ ᠪᠣᠯ ᠮᠣᠩᠭᠣᠯ ᠤᠬᠠᠭᠠᠨ᠂ ᠡᠶᠡᠷᠭᠦ᠂ ᠢᠳᠢᠶᠡᠯ ᠮᠠᠲ᠋ᠧᠷᠢ᠂ ᠠᠷᠭᠠ ᠪᠢᠯᠢᠭ᠂ ᠶᠢᠨ ᠶᠠᠩ ᠵᠡᠷᠭᠡ ᠰᠦᠷᠭᠡᠦᠲᠦᠭᠰᠡᠨ ᠬᠣᠶᠠᠷ ᠣᠢᠯᠠᠭᠠᠯᠲᠠ ᠶ᠋ᠢ ᠮᠣᠩᠭᠣᠯᠴᠤᠳ《ᠠᠮᠢ》 ᠭᠡᠬᠦ ᠠᠢ( ᠺᠠᠲ᠋ᠧᠭᠣᠷᠢ) ᠪᠠᠷ ᠰᠢᠭᠦᠨ ᠠᠮᠢᠯᠠᠭᠤᠯᠤᠭᠰᠠᠨ ᠢ᠋ᠶ᠋ᠠᠷ ᠭᠤᠷᠪᠠᠯ ᠤᠬᠠᠭᠠᠨ ᠪᠦᠷᠢᠯᠳᠦᠬᠦ ᠨᠥᠬᠥᠴᠡᠯ ᠡᠭᠦᠳᠴᠡᠢ᠃ ᠠᠮᠢ ᠦᠭᠡᠢ ᠡᠳ᠋ ᠪᠣᠳᠠᠰ᠂ ᠠᠮᠢ ᠦᠭᠡᠢ ᠦᠢᠯᠡ ᠬᠡᠷᠡᠭ ᠣᠶᠤᠨ ᠪᠠᠢᠳᠠᠭ ᠦᠭᠡᠢ᠃ ᠬᠣᠷᠸᠠ ᠶᠢᠷᠲᠢᠨᠴᠦ ᠬᠣᠲᠠᠯᠠᠭᠠᠷ ᠢ᠋ᠶ᠋ᠠᠨ ᠠᠮᠢ ᠲᠠᠢ ᠪᠥᠭᠡᠳ ᠲᠠᠲᠠᠯᠴᠠᠵᠤ᠂ ᠲᠦᠯᠬᠢᠯᠴᠡᠬᠦ ᠪᠤᠰᠤ ᠰᠢᠲᠦᠯᠴᠡᠵᠦ ᠣᠷᠣᠰᠢᠨᠠ᠃ ᠡᠨᠡ ᠪᠣᠯ ᠭᠤᠷᠪᠠᠯ ᠣᠨᠣᠯ ᠤ᠋ᠨ ᠪᠥᠲᠥᠭᠡᠪᠴᠢ( ᠬᠠᠷᠠ ᠤᠬᠠᠭᠠᠨ) ᠪᠥᠭᠡᠳ ᠤᠭ ᠢᠵᠠᠭᠤᠷ ᠨᠢ ᠪᠥᠬᠡ ᠮᠥᠷᠭᠥᠯ᠂ ᠣᠩᠭᠣᠨ ᠰᠢᠲᠦᠭᠡᠨ᠂ ᠲᠡᠢᠨ ᠲᠠᠬᠢᠯᠭᠠ ᠶ᠋ᠢᠨ ᠭᠣᠣᠯ ᠤᠳᠬᠠ《ᠠᠮᠢ》 ᠠᠵᠠᠢ᠃ ᠪᠥᠬᠡ99 ᠲᠩᠷᠢ ᠶ᠋ᠢ ᠳᠠᠭᠤᠳᠠᠵᠤ ᠬᠠᠷᠢᠯᠴᠠᠨ᠂ ᠠᠮᠢᠨ ᠤ᠋ ᠠᠮᠢᠳᠤᠷᠠᠯ ᠢ᠋ ᠣᠩᠭᠣᠨ ᠰᠢᠲᠦᠭᠡᠨ ᠳ᠋ᠡᠭᠡᠨ ᠵᠠᠯᠠᠵᠤ ᠶᠢᠷᠲᠢᠨᠴᠦ ᠶ᠋ᠢᠨ ᠰᠡᠳᠬᠢᠯ ᠢ᠋ ᠳᠠᠢᠵᠤ ᠳᠠᠬᠢᠵᠤ ᠪᠠᠢᠳᠠᠭ᠃ ᠭᠤᠷᠪᠠᠯ ᠣᠨᠣᠯ ᠨᠢ ᠭᠦᠨ ᠤᠬᠠᠭᠠᠨ( ᠹᠢᠯᠣᠰᠣᠹᠢ) ᠮᠥᠨ ᠪᠥᠭᠡᠳ ᠨᠡᠭᠦᠳᠡᠯᠴᠢᠨ ᠠᠷᠠᠳ ᠲᠦᠮᠡᠨ ᠦ᠌ ᠬᠡᠳᠦᠨ ᠮᠢᠩᠭᠠᠨ ᠢ᠋ ᠲᠤᠭᠤᠯᠤᠭᠰᠠᠨ ᠡᠨᠡᠬᠦ ᠡᠷᠳᠡᠮ ᠢ᠋ ᠱᠠᠰᠢᠨ ᠤ᠋ ᠵᠠᠩ ᠦᠢᠯᠡ ᠡᠴᠡ ᠠᠩᠭᠢᠳᠠ ᠠᠪᠴᠤ ᠦᠵᠡᠬᠦ ᠨᠢ ᠴᠢᠬᠤᠯᠠ᠃ ᠪᠤᠳ᠋ᠳ᠋ᠾᠠ ᠶ᠋ᠢᠨ ᠱᠠᠰᠢᠨ ᠤ᠋ ᠵᠠᠩ ᠦᠢᠯᠡ ᠳ᠋ᠦ᠍ ᠮᠣᠩᠭᠣᠯ ᠤ᠋ᠨ ᠡᠨᠡ ᠣᠨᠣᠯ ᠬᠣᠯᠢᠯᠳᠤᠨ ᠰᠦᠯᠵᠢᠯᠳᠦᠭᠰᠡᠨ ᠨᠢ ᠶᠡᠬᠡ ᠭᠡᠳᠡᠭ ᠢ᠋ ᠪᠠᠢᠩᠭᠤ ᠰᠠᠨᠠᠬᠤ ᠨᠢ ᠮᠥᠨ ᠴᠢᠬᠤᠯᠠ᠃ ᠪᠠᠰᠠ ᠡᠳᠦᠭᠡ ᠶ᠋ᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠮᠡᠲᠦ ᠪᠠᠢᠭᠠᠯᠢ᠂ ᠣᠶᠤᠨ᠂ ᠠᠮᠢᠨ ᠠ᠋ᠴᠠ ᠬᠣᠯᠠ ᠬᠥᠨᠳᠡᠢ ᠬᠥᠨᠳᠡᠯᠡᠨ ᠦ᠌ ᠰᠤᠳᠤᠯᠤᠭᠠᠴᠢ ᠮᠡᠲᠦ ᠬᠠᠨᠳᠤᠯᠭᠠ ᠠ᠋ᠴᠠ ᠲᠠᠰᠤ ᠥᠭᠡᠷᠡ ᠨᠥᠬᠥᠴᠡᠯᠳᠦᠭᠰᠡᠨ ᠭᠤᠷᠪᠠᠯ ᠰᠢᠨᠵᠢ ᠲᠡᠢ ᠶ᠋ᠢ ᠮᠠᠷᠲᠠᠵᠤ ᠦᠯᠦ ᠪᠣᠯᠤᠨᠠ᠃ ᠡᠨᠡ ᠨᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠠᠮᠢ ᠶ᠋ᠢ ᠰᠤᠳᠤᠯᠤᠭᠠ ᠦᠭᠡᠢ᠂ ᠨᠡᠭᠡᠭᠡᠭᠡ ᠦᠭᠡᠢ ᠬᠣᠢᠮᠣᠰᠣᠨ ᠬᠥᠭᠵᠢᠯ ᠳ᠋ᠦ᠍ ᠨᠠᠷᠢᠪᠴᠢᠯᠠᠨ ᠢᠪᠴᠤᠷᠠᠵᠤ ᠶᠢᠷᠲᠢᠨᠴᠦ ᠶ᠋ᠢᠨ ᠠᠮᠢᠨ ᠳ᠋ᠤ᠌ ᠲᠡᠷᠰᠯᠡᠭᠰᠡᠨ ᠬᠥᠭᠵᠢᠯ ᠪᠣᠢ ᠪᠣᠯᠭᠠᠭᠰᠠᠨ ᠢ᠋ᠶ᠋ᠠᠷ ᠲᠠᠢᠯᠪᠤᠷᠢᠯᠠᠭᠳᠠᠨᠠ᠃
ᠲᠡᠭᠡᠬᠦ ᠪᠡᠷ ᠭᠤᠷᠪᠠᠯ ᠣᠨᠣᠯ ᠨᠢ ᠱᠠᠰᠢᠨ ᠬᠢᠭᠡᠳ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠳ᠋ᠤ᠌ ᠶᠠᠪ ᠴᠠᠪ ᠨᠡᠢᠴᠡᠬᠦ ᠦᠭᠡᠢ ᠥᠪᠡᠷᠮᠢᠴᠡ ᠨᠢ ᠢᠯᠡᠳᠲᠡ ᠪᠥᠭᠡᠳ ᠡᠨᠡ ᠴᠢᠨᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠠᠷᠠᠳ ᠤ᠋ᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠭᠡᠪᠡᠯ ᠢᠯᠡᠭᠦᠦ ᠵᠣᠬᠢᠮᠵᠢ ᠲᠠᠢ ᠪᠠᠢᠨᠠ᠃ ᠲᠤᠬᠠᠢᠯᠠᠵᠤ ᠲᠣᠳᠣᠷᠠᠭᠤᠯᠤᠨ ᠨᠡᠭᠦᠳᠡᠯᠴᠢᠳ ᠦ᠋ᠨ ᠲᠥᠪ ᠭᠣᠯᠣᠮᠲᠠ ᠮᠣᠩᠭᠣᠯ ᠲᠦᠮᠡᠨ ᠦ᠌ ᠰᠣᠩᠭᠣᠳᠠᠭ ᠭᠦᠨ ᠤᠬᠠᠭᠠᠨ ᠭᠡᠮᠡᠨ ᠡᠷᠭᠦᠮᠵᠢᠯᠡᠨ ᠤᠯᠠᠮᠵᠢᠯᠠᠬᠤ᠂ ᠰᠢᠨᠡᠴᠢᠯᠡᠨ ᠬᠥᠭᠵᠢᠭᠦᠯᠬᠦ ᠡᠭᠦᠷᠭᠡ ᠪᠢᠳᠡᠨ ᠳ᠋ᠦ᠍ ᠪᠠᠰᠠ ᠭᠤᠷᠪᠠᠳᠠᠬᠢ ᠮᠢᠩᠭᠠᠨ ᠤ᠋ ᠨᠡᠢᠲᠡ ᠶ᠋ᠢᠨ ᠣᠨ ᠲᠣᠭᠠᠯᠠᠯ ᠤ᠋ᠨ ᠬᠤᠪᠢ ᠵᠠᠶᠠᠭᠠᠨ ᠳ᠋ᠤ᠌ ᠲᠤᠯᠭᠠᠷᠠᠵᠤ ᠪᠠᠢᠨᠠ ᠭᠡᠰᠡᠨ ᠦᠭᠡ ᠠ᠋᠃
ᠬᠢᠯᠢ ᠶ᠋ᠢᠨ ᠴᠠᠭᠠᠨᠠ ᠳ᠋ᠠᠬᠢ ᠡᠯᠢᠭᠡ ᠬᠡᠯᠡ ᠨᠢᠭᠡᠲᠦ ᠥᠪᠥᠷ ᠮᠣᠩᠭᠣᠯᠴᠤᠳ《ᠮᠣᠩᠭᠣᠯ ᠤ᠋ᠨ ᠭᠤᠷᠪᠠ᠂ ᠮᠣᠳᠣᠨ ᠰᠢᠷᠡᠭᠡᠨ ᠦ᠌ ᠳᠥᠷᠪᠡ》 ᠭᠡᠬᠦ ᠵᠦᠢᠷ ᠦᠭᠡ ᠶ᠋ᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠲᠣᠮᠢᠶᠠ ᠮᠡᠲᠦ ᠮᠥᠷᠳᠡᠯᠭᠡ ᠨᠢ ᠰᠢᠷᠡᠭᠡᠨ ᠦ᠌ ᠳᠥᠷᠪᠡᠨ ᠥᠨᠴᠥᠭ᠂ ᠳᠥᠷᠪᠡᠨ ᠲᠠᠯᠠ᠂ ᠳᠥᠷᠪᠡᠨ ᠬᠥᠯ᠂ ᠬᠥᠯ ᠦ᠋ᠨ ᠳᠥᠷᠪᠡᠨ ᠪᠤᠯᠤᠩ ᠭᠡᠳᠡᠭ ᠲᠡᠢ ᠠᠳᠠᠯᠢ ᠮᠣᠩᠭᠣᠯ ᠵᠠᠩ ᠦᠢᠯᠡ ᠰᠡᠳᠬᠢᠯᠭᠡ ᠪᠡᠯᠭᠡᠳᠡᠯ ᠦ᠋ᠨ ᠪᠦᠬᠦ ᠬᠡᠪ ᠰᠢᠨᠵᠢ ᠭᠤᠷᠪᠠ ᠪᠣᠯᠬᠤ ᠶ᠋ᠢ ᠶᠠᠭᠰᠢᠲᠠᠯᠠ ᠨᠣᠮᠯᠠᠭᠰᠠᠨ ᠬᠡᠷᠡᠭ᠃ ᠭᠡᠲᠡᠯᠡ ᠣᠢᠷᠠᠳ ᠮᠣᠩᠭᠣᠯᠴᠤᠳ ᠬᠢᠭᠡᠳ ᠬᠠᠯᠢᠮᠠᠭ ᠲᠦᠮᠡᠨ《ᠨᠠᠢᠷ ᠤ᠋ᠨ ᠭᠤᠷᠪᠠᠨ ᠶᠣᠰᠣᠨ᠂ ᠨᠠᠭᠠᠳᠤᠮᠠᠷ ᠬᠣᠶᠠᠷ ᠲᠠᠯᠠ( ᠠᠩ)》 ᠭᠡᠵᠦ ᠰᠤᠷᠭᠠᠵᠠᠢ᠃
ᠠᠯᠢᠪᠠ ᠨᠠᠭᠠᠳᠤᠭᠠᠨ ᠲᠡᠮᠡᠴᠡᠭᠡᠨ ᠬᠣᠨᠵᠢᠬᠤ᠂ ᠬᠣᠨᠵᠢᠭᠳᠠᠬᠤ ᠬᠣᠶᠠᠷ ᠲᠤᠢᠯ ᠲᠠᠢ ᠠᠳᠠᠯᠢ ᠨᠠᠢᠷ ᠲᠤ᠌ ᠲᠥᠷᠥ ᠶ᠋ᠢᠨ ᠶᠣᠰᠤᠨᠠ ᠭᠤᠷᠪᠠᠯ ᠪᠡᠯᠭᠡ ᠬᠤᠪᠢᠷᠠᠰᠢ ᠦᠭᠡᠢ ᠪᠣᠯᠬᠤ ᠶ᠋ᠢ ᠨᠡᠩ ᠣᠨᠣᠪᠴᠢᠲᠠᠢ ᠴᠡᠴᠡᠯᠡᠭᠰᠡᠨ ᠵᠦᠢᠷ ᠪᠠᠢᠨᠠ᠃ ᠡᠭᠦᠨ ᠲᠡᠢ ᠠᠳᠠᠯᠢ ᠡᠨᠡᠬᠦ ᠭᠦᠨ ᠤᠬᠠᠭᠠᠨ ᠢ᠋ᠶ᠋ᠠᠨ ᠪᠤᠷᠢᠶᠠᠳ ᠲᠦᠮᠡᠨ ᠣᠳᠣᠨ ᠮᠡᠲᠦ ᠴᠡᠭᠡᠵᠢᠨ ᠳ᠋ᠡᠭᠡᠨ ᠮᠥᠩᠬᠡᠯᠡᠨ ᠳᠡᠭᠡᠳᠦᠯᠡᠭᠰᠡᠨ ᠨᠢ ᠳᠡᠪᠡᠯ ᠦ᠋ᠨ ᠡᠩᠭᠡᠷ ᠲᠦ᠍ ᠲᠥᠭᠡ ᠰᠢᠬᠠᠮ ᠡᠮᠵᠢᠶᠡᠷᠢ ᠪᠠᠢᠷᠢ ᠡᠵᠡᠯᠡᠬᠦ ᠭᠤᠷᠪᠠᠯ ᠪᠡᠯᠭᠡᠳᠡᠯ ᠪᠣᠯᠤᠨᠠ᠃ ᠭᠡᠬᠦ ᠳ᠋ᠡᠭᠡᠨ ᠡᠨᠡᠬᠦ ᠨᠣᠮ ᠳ᠋ᠤ᠌ ᠳᠤᠷᠠᠳᠤᠭᠰᠠᠨ ᠬᠡᠪ ᠶᠣᠰᠣ ᠵᠠᠩ ᠵᠠᠩᠰᠢᠯ᠂ ᠡᠰᠢᠯᠡᠭᠰᠡᠨ ᠵᠢᠱ᠌ᠢᠶᠡ᠂ ᠰᠤᠷᠭᠠᠯ ᠪᠦᠲᠦᠭᠡᠯ᠂ ᠣᠯᠳᠠᠪᠤᠷᠢ ᠵᠡᠷᠭᠡ ᠶ᠋ᠢ ᠥᠨᠥ ᠶ᠋ᠢᠨ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠳᠤᠮᠳᠠ ᠠ᠋ᠴᠠ ᠥᠭᠡᠷᠡᠴᠢᠯᠡᠨ ᠪᠡᠳᠡᠷᠢᠵᠦ ᠡᠷᠢᠭᠰᠡᠨ ᠭᠡᠮ ᠪᠣᠢ ᠲᠤᠯᠠ ᠬᠦᠯᠢᠴᠡᠯ ᠥᠭᠰᠦ! ᠡᠷᠢᠯ ᠦ᠋ᠨ ᠡᠬᠡ ᠨᠢ ᠰᠠᠪᠠ( ᠭᠠᠳᠠᠭᠠᠳᠤ)᠂ ᠰᠢᠮᠡ( ᠳᠣᠲᠣᠭᠠᠳᠤ)᠂ ᠣᠷᠴᠢᠯᠠᠩᠲᠤ( ᠬᠤᠪᠢᠰᠤᠭᠴᠢ) ᠭᠤᠷᠪᠠᠨ ᠶᠢᠷᠲᠢᠨᠴᠦ ᠶ᠋ᠢᠨ ᠭᠦᠨ ᠤᠬᠠᠭᠠᠨ ᠤ᠋ ᠡᠭᠦᠳᠡ ᠶ᠋ᠢ ᠨᠡᠭᠡᠭᠡᠵᠦ ᠨᠢᠭᠤᠴᠠ ᠳ᠋ᠤ᠌ ᠨᠢ ᠪᠡᠳᠡᠷᠢᠪᠡᠢ᠃ ᠬᠠᠷᠢᠨ《ᠮᠣᠩᠭᠣᠯᠴᠤᠳ ᠭᠤᠷᠪᠠ ᠶ᠋ᠢᠨ ᠲᠣᠭᠠ ᠶ᠋ᠢ ᠡᠷᠬᠢᠮᠯᠡᠳᠡᠭ》 ᠭᠡᠰᠡᠨ ᠦᠭᠡ ᠦᠯᠡᠳᠡᠭᠰᠡᠨ ᠴᠦ᠍《ᠶᠠᠭᠠᠬᠢᠭᠠᠳ? ᠶᠠᠮᠠᠷ ᠤᠴᠢᠷ ᠠ᠋ᠴᠠ?》 ᠠᠰᠠᠭᠤᠯᠲᠠ ᠳ᠋ᠤ᠌ ᠬᠠᠷᠢᠭᠤᠯᠬᠤ ᠭᠦᠨ ᠤᠬᠠᠭᠠᠨ ᠤ᠋ ᠤᠯᠪᠠᠭᠠ ᠡᠳᠦᠷ ᠢᠷᠡᠬᠦᠶᠡ ᠪᠦᠳᠡᠭᠢᠷᠡᠭᠰᠡᠭᠡᠷ ᠦᠨᠳᠦᠰᠦᠨ ᠦ᠌ ᠲᠡᠳᠦᠢ ᠦᠭᠡᠢ ᠨᠡᠭᠦᠳᠡᠯᠴᠢ ᠤᠭᠰᠠᠭᠠᠲᠤ ᠨᠤᠭᠤᠳ ᠤ᠋ᠨ ᠬᠤᠪᠢ ᠳ᠋ᠤ᠌ ᠰᠣᠶᠣᠯ ᠢᠷᠭᠡᠨᠰᠢᠯ ᠦ᠋ᠨ ᠤᠳᠬᠠ ᠤᠴᠢᠷ ᠠᠯᠳᠠᠭᠳᠠᠬᠤ ᠡᠮᠭᠡᠨᠢᠯ ᠦ᠋ᠨ ᠰᠢᠯᠲᠠᠭᠠᠨ ᠪᠣᠯᠬᠤ ᠴᠠᠭ ᠲᠤᠯᠤᠭᠰᠠᠨ ᠮᠡᠲᠦ᠁ ᠪᠢᠳᠡᠨ ᠦ᠌ ᠢᠷᠡᠭᠡᠳᠦᠢ ᠥᠴᠥᠭᠡᠳᠦᠷ ᠡᠴᠡ ᠡᠬᠢᠯᠡᠭᠰᠡᠨ ᠪᠥᠯᠥᠭᠡ᠃ ᠥᠴᠥᠭᠡᠳᠦᠷ ᠦ᠋ᠨ ᠤᠯᠠ ᠮᠥᠷ ᠤᠳᠤᠮᠰᠢᠵᠤ ᠡᠬᠢᠯᠡᠭᠰᠡᠨ ᠡᠷᠳᠡᠨᠢ ᠮᠠᠨᠢ ᠠᠷᠠᠳ ᠲᠦᠮᠡᠨ ᠦ᠌ ᠪᠣᠷᠣ ᠠᠪᠳᠠᠷᠠ ᠪᠣᠯᠬᠤ ᠡᠭᠡᠯ ᠠᠮᠢᠳᠤᠷᠠᠯ ᠳ᠋ᠤ᠌《ᠵᠠᠩᠰᠢᠯ》 ᠨᠡᠷᠡ ᠪᠡᠷ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠢᠨᠠ᠃ ᠲᠡᠷᠡ ᠨᠢ ᠠᠮᠢᠨ ᠪᠡᠯᠭᠡᠳᠡᠯ ᠰᠢᠲᠦᠯᠭᠡ ᠲᠡᠢ ᠬᠣᠯᠪᠣᠭᠠ ᠲᠠᠢ᠃ ᠠᠭᠤᠯᠠ ᠳᠠᠭᠢᠬᠤ᠂ ᠳᠡᠭᠡᠵᠢ ᠡᠷᠭᠦᠬᠦ ᠵᠡᠷᠭᠡ《ᠵᠠᠩ ᠵᠠᠩᠰᠢᠯ》᠂ ᠠᠮᠢᠳᠤᠷᠠᠯ ᠠᠬᠤᠢ ᠶ᠋ᠢᠨ ᠣᠨᠴᠠᠯᠢᠭ ᠲᠤ᠌ ᠤᠶᠠᠯᠳᠤᠭᠰᠠᠨ《ᠠᠬᠤᠢ ᠶ᠋ᠢᠨ ᠵᠠᠩᠰᠢᠯ》᠂ ᠲᠥᠷᠥ ᠬᠠᠤᠯᠢ
① ᠭᠥᠮᠢᠰ— ᠴᠠᠳᠬᠤᠯᠠᠩ ᠪᠤᠰᠤ᠂ ᠲᠡᠭᠦᠰ ᠳᠦᠭᠦᠷᠡᠩ ᠪᠤᠰᠤ
② ᠭᠣᠣᠮᠠᠢ— ᠬᠠᠭᠤᠮᠠᠭᠠᠢ᠂ ᠨᠠᠢᠳᠠᠪᠤᠷᠢ ᠦᠭᠡᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨᠰᠡᠷᠡᠩ᠂ ᠣᠶᠤᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ᠂ ᠰᠡᠬᠡᠭᠡᠷᠡᠯ