ᠮᠠᠷᠢᠶᠠᠯᠠᠬᠤ ᠭᠡᠮ -ᠬᠡᠦᠬᠡᠳ ᠦᠨ ᠵᠠᠩ ᠰᠡᠳᠭᠢᠴᠡ ᠳᠦ ᠢᠯᠡᠷᠡᠵᠦ ᠪᠠᠢᠭᠠ ᠠᠰᠠᠭᠤᠳᠠᠯ-ᠮᠣᠩᠭᠣᠯᠴᠤᠳ ᠤ᠋ᠨ ᠭᠡᠷ ᠪᠦᠯᠢ ᠶ᠋ᠢᠨ ᠬᠥᠮᠦᠵᠢᠯ2-03-ᠪᠣᠯᠣᠴᠢᠯᠠᠭᠤ
704ᠮᠠᠷᠢᠶᠠᠯᠠᠬᠤ ᠭᠡᠮ
ᠣᠳᠣ ᠶᠢᠨ ᠬᠡᠦᠬᠡᠳ ᠪᠠᠭᠠᠴᠤᠤᠯ ᠤᠨ ᠳᠤᠮᠳᠠ ᠬᠡᠳᠦ ᠮᠠᠷᠢᠶᠠ ᠲᠠᠢ ᠬᠡᠦᠬᠡᠳ ᠨᠡᠮᠡᠭᠳᠡᠬᠦ ᠬᠠᠨᠳᠤᠰᠢ ᠲᠠᠢ ᠪᠣᠯᠵᠤ ᠪᠠᠢᠨᠠ᠃ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠬᠡᠦᠬᠡᠳ ᠦᠨ ᠳᠤᠮᠳᠠ ᠪᠡᠶᠡ ᠶᠢᠨ ᠬᠦᠨᠳᠦ ᠨᠢ ᠬᠣᠶᠠᠷ ᠵᠠᠭᠤᠨ ᠵᠢᠩ ᠢ ᠳᠠᠪᠠᠭᠰᠠᠨ ᠬᠡᠦᠬᠡᠳ ᠬᠠᠷᠠᠭᠳᠠᠵᠤ ᠪᠠᠢᠨᠠ᠂ ᠡᠨᠡᠬᠦ ᠪᠠᠢᠳᠠᠯ ᠬᠡᠦᠬᠡᠳ ᠦᠨ ᠰᠤᠯᠠ ᠢᠳᠡᠭᠡᠨ ᠬᠡᠲᠦᠷᠬᠡᠢ ᠢᠳᠡᠬᠦ ᠪᠤᠶᠤ ᠬᠥᠳᠡᠯᠭᠡᠭᠡᠨ ᠪᠠᠭᠠᠳᠠᠭᠰᠠᠨ ᠮᠡᠲᠦ ᠰᠢᠯᠲᠠᠭᠠᠨ ᠪᠠᠢᠬᠤ ᠠᠴᠠ ᠭᠠᠳᠠᠨᠠ ᠰᠡᠳᠬᠢᠴᠡ ᠲᠠᠢ ᠲᠤᠩ ᠬᠣᠯᠪᠣᠭᠠ ᠲᠠᠢ ᠪᠠᠢᠳᠠᠭ᠃ ᠣᠳᠣ ᠨᠢᠯᠬᠠ ᠪᠠᠭᠠ ᠠᠴᠠ ᠪᠠᠨ ᠲᠧᠯᠸᠢᠰ ᠺᠣᠮᠫᠢᠦ᠋ᠲ᠋ᠧᠷ ᠠᠴᠠ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ ᠳᠠᠳᠬᠠᠯ ᠲᠠᠢ ᠬᠡᠦᠬᠡᠳ ᠣᠯᠠᠰᠢᠷᠠᠵᠤ ᠪᠠᠢᠨᠠ᠂ ᠵᠠᠷᠢᠮ ᠬᠡᠦᠬᠡᠳ ᠡᠮᠦᠨᠡ ᠪᠠᠨ ᠰᠤᠯᠠ ᠢᠳᠡᠭᠡᠨ ᠣᠪᠣᠭᠠᠯᠠᠭᠠᠳ ᠱᠠᠹᠠ ᠳᠡᠭᠡᠷᠡ ᠪᠠᠨ ᠲᠠᠩᠭᠠᠢᠵᠤ ᠬᠡᠪᠲᠡᠭᠡᠳ ᠠᠩᠭᠠᠢᠵᠤ ᠢᠨᠢᠶᠡᠭᠡᠳ ᠲᠧᠯᠸᠢᠰ ᠦᠵᠡᠬᠦ ᠶᠢᠨ ᠳᠠᠭᠠᠤ ᠶᠠᠭᠤᠮᠠ ᠢᠳᠡᠵᠦ ᠯᠠ ᠪᠠᠢᠳᠠᠭ᠃ ᠪᠢᠳᠡ ᠪᠦᠬᠦᠨ ᠦ ᠮᠡᠳᠡᠭᠡᠵᠢ ᠪᠡᠷ ᠲᠥᠷᠥᠯᠬᠢ ᠣᠶᠤᠨ ᠤ ᠬᠣᠮᠰᠠᠳᠠᠯ ᠲᠠᠢ ᠬᠡᠦᠬᠡᠳ ᠪᠠᠷᠤᠭ ᠪᠦᠷ ᠮᠠᠷᠢᠶᠠ ᠶᠡᠬᠡ ᠲᠠᠢ ᠪᠠᠢᠳᠠᠭ᠂ᠶᠠᠭᠠᠬᠢᠭᠠᠳ ᠪᠤᠢ ᠭᠡᠪᠡᠯ᠂ ᠣᠶᠤᠨ ᠲᠠᠷᠢᠬᠢ ᠨᠢ ᠵᠡᠮᠳᠡᠭ ᠪᠣᠯᠬᠣᠷ ᠶᠠᠮᠠᠷ ᠴᠤ᠌ ᠰᠠᠨᠠᠭᠠ ᠵᠣᠪᠠᠬᠤ ᠤᠴᠢᠷ ᠦᠭᠡᠢ᠂ ᠰᠡᠳᠬᠢᠵᠦ ᠪᠣᠳᠣᠯᠬᠢᠯᠠᠬᠤ ᠠᠵᠢᠯ ᠴᠤ᠌ ᠦᠭᠡᠢ᠂ ᠣᠶᠤᠨ ᠤᠬᠠᠭᠠᠨ ᠨᠢ ᠳᠡᠮᠡᠢ ᠠᠵᠢᠯᠯᠠᠬᠤ ᠦᠭᠡᠢ ᠪᠣᠯᠬᠣᠷ ᠲᠠᠷᠢᠬᠢᠨ ᠳᠤ ᠰᠢᠮᠡ ᠲᠡᠵᠢᠭᠡᠯ ᠨᠥᠬᠥᠬᠦ ᠶᠢ ᠶᠡᠬᠡ ᠱᠠᠭᠠᠷᠳᠠᠬᠤ ᠦᠭᠡᠢ ᠪᠠᠢᠵᠤ᠂ ᠢᠳᠡᠭᠰᠡᠨ ᠨᠢ ᠰᠢᠭᠤᠳ ᠥᠭᠡᠬᠦ ᠪᠣᠯᠵᠤ ᠰᠢᠩᠭᠡᠳᠡᠭ ᠡᠴᠡ ᠬᠥᠮᠦᠨ ᠮᠠᠷᠢᠶᠠ ᠶᠡᠬᠡ ᠲᠠᠢ ᠪᠣᠯᠳᠠᠭ᠂ ᠬᠡᠲᠦᠷᠬᠡᠢ ᠲᠧᠯᠸᠢᠰ ᠦᠵᠡᠬᠦ ᠡᠭᠦᠨ ᠲᠠᠢ ᠶᠡᠬᠡ ᠣᠢᠷᠠᠯᠴᠠᠭᠠ ᠪᠣᠯᠳᠠᠭ᠃ ᠬᠥᠮᠦᠨ ᠦ ᠪᠡᠶᠡ ᠳᠦ ᠣᠶᠤᠨ ᠲᠠᠷᠢᠬᠢ ᠬᠠᠮᠤᠭ ᠤᠨ ᠶᠡᠬᠡ ᠰᠢᠮᠡ ᠲᠡᠵᠢᠭᠡᠯ ᠬᠡᠷᠡᠭᠰᠡᠳᠡᠭ᠃ ᠨᠣᠮ ᠤᠩᠰᠢᠨᠠ ᠭᠡᠳᠡᠭ ᠴᠢᠨᠢ ᠴᠠᠭᠠᠨ ᠴᠠᠭᠠᠰᠤᠨ ᠳᠡᠭᠡᠷᠡᠬᠢ ᠬᠠᠶᠠ ᠦᠰᠦᠭ ᠢ ᠡᠮᠦᠰᠬᠡᠯ ᠵᠠᠰᠠᠯ ᠲᠠᠢ ᠢᠨᠢᠶᠡᠳᠦ ᠬᠠᠨᠢᠶᠠᠳᠤ ᠲᠠᠢ ᠠᠮᠢᠳᠤ ᠬᠥᠮᠦᠨ ᠪᠣᠯᠭᠠᠨ ᠣᠯᠵᠤ ᠬᠠᠷᠠᠨᠠ ᠭᠡᠰᠡᠨ ᠦᠭᠡ᠂ ᠨᠣᠮ ᠤᠩᠰᠢᠬᠤ ᠳᠤ ᠨᠣᠮ ᠳᠤ ᠳᠦᠷᠰᠦᠯᠡᠭᠰᠡᠨ ᠳᠦᠷᠢ ᠳᠦᠷᠬᠥ᠂ ᠦᠵᠡᠮᠵᠢ ᠪᠠᠢᠳᠠᠯ᠂ ᠦᠭᠦᠯᠡᠭᠰᠡᠨ ᠰᠠᠨᠠᠭᠠ ᠶᠢ ᠳᠦᠷᠰᠦᠯᠡᠨ ᠪᠣᠳᠣᠬᠤ᠂ ᠬᠣᠯᠪᠣᠨ ᠪᠣᠳᠣᠬᠤ᠂ ᠤᠷᠭᠤᠭᠤᠯᠵᠤ ᠪᠣᠳᠣᠬᠤ ᠣᠶᠤᠨ ᠤ ᠠᠵᠢᠯᠯᠠᠭᠠ ᠵᠡᠷᠭᠡ ᠶᠠᠪᠤᠭᠳᠠᠵᠤ ᠬᠥᠮᠦᠨ ᠦ ᠣᠶᠤᠨ ᠲᠠᠷᠢᠬᠢ ᠶᠡᠬᠡ ᠬᠥᠭᠵᠢᠶᠡᠨᠲᠡᠢ ᠠᠵᠢᠯᠯᠠᠵᠤ ᠯᠠ ᠪᠠᠢᠳᠠᠭ᠂ ᠲᠧᠯᠸᠢᠰ ᠦᠵᠡᠬᠦ ᠪᠣᠯ ᠵᠢᠷᠤᠭ ᠳᠦᠷᠰᠦ᠂ ᠦᠢᠯᠡ ᠬᠥᠳᠡᠯᠦᠯ᠂ ᠦᠭᠡ ᠶᠠᠷᠢᠶᠠ ᠨᠢ ᠪᠦᠷ ᠢᠯᠡᠷᠡᠴᠢᠬᠡᠬᠦ ᠪᠣᠯᠬᠣᠷ ᠬᠥᠮᠦᠨ ᠦ ᠣᠶᠤᠨ ᠲᠠᠷᠢᠬᠢ ᠠᠯᠵᠠᠭᠤ ᠬᠣᠢᠷᠭᠣ ᠪᠣᠯᠵᠤ᠂ ᠢᠯᠡᠭᠦᠴᠡ ᠢᠳᠡᠵᠦ ᠤᠤᠭᠤᠭᠰᠠᠨ ᠨᠢ ᠥᠭᠡᠬᠦ ᠪᠣᠯᠵᠤ᠂ ᠮᠠᠷᠢᠶᠠᠯᠠᠬᠤ ᠭᠡᠮ ᠲᠠᠢ ᠪᠣᠯᠬᠤ ᠪᠣᠯᠣᠮᠵᠢ ᠶᠡᠬᠡ ᠪᠠᠢᠳᠠᠭ᠃ ᠲᠡᠢᠮᠦ ᠡᠴᠡ ᠭᠡᠷ ᠦᠨ ᠠᠬᠠᠮᠠᠳ ᠬᠡᠦᠬᠡᠳ ᠲᠦ ᠪᠠᠨ ᠡᠷᠡᠭᠦᠯ ᠰᠠᠢᠬᠠᠨ ᠳᠠᠳᠬᠠᠯ ᠢ ᠬᠥᠮᠦᠵᠢᠭᠦᠯᠬᠦ ᠳᠦ ᠪᠠᠨ ᠡᠳᠡᠭᠡᠷ ᠢ ᠠᠩᠬᠠᠷᠬᠤ ᠶᠣᠰᠣᠲᠠᠢ᠃ ᠬᠡᠦᠬᠡᠳ ᠲᠦ ᠪᠠᠨ ᠪᠠᠭᠠ ᠠᠴᠠ ᠨᠢ ᠦᠯᠢᠭᠡᠷ ᠶᠠᠷᠢᠵᠤ ᠥᠭᠬᠦ᠂ ᠣᠨᠢᠰᠤᠭᠠ ᠲᠠᠭᠠᠯᠴᠠᠬᠤ᠂ ᠦᠰᠦᠭ ᠲᠠᠨᠢᠮᠠᠭᠴᠠ ᠬᠠᠮᠲᠤ ᠵᠢᠷᠤᠭᠲᠤ ᠦᠯᠢᠭᠡᠷ ᠤᠩᠰᠢᠬᠤ ᠵᠢᠴᠢ ᠥᠪᠡᠷᠰᠡᠳ ᠢᠶᠡᠨ ᠲᠧᠯᠸᠢᠰ᠂ ᠰᠦᠯᠵᠢᠶᠡ ᠶᠢ ᠬᠡᠮᠵᠢᠶᠡ ᠲᠠᠢ ᠦᠵᠡᠵᠦ ᠬᠡᠷᠡᠭᠯᠡᠬᠦ ᠵᠠᠩᠰᠢᠯ ᠲᠠᠢ ᠪᠠᠢᠪᠠᠯ ᠰᠠᠶᠢ ᠬᠡᠦᠬᠡᠳ ᠲᠤ ᠰᠠᠢᠬᠠᠨ ᠳᠦᠷᠢᠮ ᠪᠣᠯᠵᠤ ᠴᠢᠳᠠᠨᠠ᠃ ᠣᠨᠴᠠᠭᠠᠢᠯᠠᠨ ᠴᠠᠢ ᠬᠣᠭᠣᠯᠠ᠂ ᠠᠮᠠᠷᠠᠵᠤ ᠤᠨᠲᠠᠬᠤ ᠴᠠᠭ ᠲᠤ ᠪᠦᠷ ᠬᠡᠮᠵᠢᠶᠡ ᠲᠠᠢ ᠪᠠᠢᠬᠤ ᠨᠢ ᠰᠠᠢᠨ᠃ ᠪᠡᠯᠡᠨ ᠺᠢᠨᠣ᠋ ᠦᠵᠡᠭᠰᠡᠭᠡᠷ ᠪᠠᠢᠵᠤ ᠶᠠᠷᠢᠬᠤ ᠴᠢᠳᠠᠪᠤᠷᠢ ᠪᠠᠨ ᠪᠠᠷᠤᠭ ᠠᠯᠳᠠᠬᠤ ᠬᠡᠮᠵᠢᠶᠡᠨ ᠳᠦ ᠬᠦᠷᠦᠭᠰᠡᠨ ᠣᠳᠣ ᠶᠢᠨ ᠬᠡᠦᠬᠡᠳ ᠶᠡᠬᠡ ᠪᠣᠯᠬᠤ ᠳᠣᠳᠣᠮ ᠬᠡᠯᠡ ᠠᠮᠠ ᠨᠢ ᠪᠢᠳᠠᠭᠤᠷᠠᠵᠤ᠂ ᠪᠤᠰᠤᠳ ᠲᠠᠢ ᠶᠠᠷᠢᠬᠤ ᠳᠤᠷᠠ ᠦᠭᠡᠢ ᠪᠣᠯᠵᠤ ᠪᠠᠢᠨᠠ᠃ ᠡᠨᠡ ᠨᠢ ᠬᠥᠮᠦᠨ ᠲᠠᠢ ᠶᠠᠷᠢᠵᠤ ᠵᠣᠭᠣᠭᠳᠠᠬᠤ ᠨᠢ ᠪᠠᠭᠠ ᠡᠳᠦᠷᠵᠢᠨ ᠲᠧᠯᠸᠢᠰ᠂ ᠰᠦᠯᠵᠢᠶᠡ ᠡᠴᠡ ᠰᠠᠯᠬᠤ ᠦᠭᠡᠢ ᠪᠣᠯᠤᠭᠰᠠᠨ ᠲᠠᠢ ᠰᠢᠭᠤᠳ ᠬᠣᠯᠪᠣᠭᠠ ᠲᠠᠢ᠂ ᠶᠠᠷᠢᠬᠤ ᠦᠭᠡᠢ ᠪᠠᠢᠨᠠ ᠭᠡᠰᠡᠨ ᠴᠢᠨᠢ ᠴᠠᠭᠠᠨᠠ ᠪᠠᠨ ᠰᠡᠳᠬᠢᠬᠦ ᠦᠭᠡᠢ ᠪᠠᠢᠨᠠ ᠭᠡᠰᠡᠨ ᠦᠭᠡ᠂ ᠶᠠᠭᠤ ᠴᠤ᠌ ᠰᠡᠳᠬᠢᠬᠦ ᠦᠭᠡᠢ ᠶᠠᠭᠤ ᠴᠤ᠌ ᠪᠣᠳᠣᠬᠤ ᠴᠢᠬᠤᠯᠠ ᠦᠭᠡᠢ ᠪᠡᠯᠡᠨ ᠢ᠋ ᠢᠳᠡᠭᠡᠳ ᠰᠠᠭᠤᠪᠠᠯ ᠮᠠᠷᠢᠶᠠᠯᠠᠬᠤ ᠦᠭᠡᠢ ᠶᠠᠭᠠᠬᠢᠨᠠ ᠪᠣᠢ!
ᠲᠡᠢᠮᠦ ᠡᠴᠡ ᠬᠡᠦᠬᠡᠳ ᠢ᠋ᠶ᠋ᠡᠨ ᠬᠡᠯᠡ ᠳ᠋ᠦ᠍ ᠣᠷᠣᠮᠠᠭᠴᠠ ᠰᠣᠨᠢᠭᠤᠴᠢ ᠰᠡᠳᠬᠢᠴᠡ ᠶ᠋ᠢ ᠨᠢ ᠠᠰᠢᠭᠯᠠᠵᠤ ᠢᠯᠡᠭᠦᠬᠡᠨ ᠳᠠᠭᠤᠤ ᠰᠢᠯᠦᠭ ᠴᠡᠭᠡᠵᠢᠯᠡᠭᠦᠯ᠂ ᠣᠨᠢᠰᠣᠭᠠ ᠦᠯᠢᠭᠡᠷ ᠶᠠᠷᠢᠭᠤᠯᠵᠤ ᠰᠤᠷᠭᠠ! ᠡᠳᠡᠭᠡᠷ ᠨᠢ ᠭᠠᠭᠴᠠᠬᠦ ᠦᠭᠡᠰ ᠦ᠋ᠨ ᠰᠠᠩ ᠢ᠋ ᠪᠠᠶᠠᠵᠢᠭᠤᠯᠵᠤ᠂ ᠬᠡᠯᠡᠨ ᠦ᠌ ᠮᠡᠳᠡᠷᠡᠮᠵᠢ ᠶ᠋ᠢ ᠬᠤᠷᠴᠠ ᠪᠣᠯᠭᠠᠬᠤ ᠲᠡᠳᠦᠢ ᠪᠢᠰᠢ᠂ ᠴᠡᠭᠡᠵᠢᠯᠡᠬᠦ ᠴᠢᠳᠠᠪᠤᠷᠢ ᠶ᠋ᠢ ᠴᠤ᠌ ᠰᠠᠢᠵᠢᠷᠠᠭᠤᠯᠵᠤ᠂ ᠴᠣᠪᠣᠭᠣ ᠳᠡᠭᠵᠢᠨ ᠵᠠᠩ ᠲᠠᠢ᠂ ᠳᠤᠷᠠ ᠰᠣᠨᠢᠷᠬᠠᠯ ᠥᠷᠭᠡᠨ᠂ ᠬᠡᠦᠬᠡᠳ ᠦ᠋ᠨ ᠰᠡᠳᠬᠢᠴᠡ ᠡᠷᠡᠭᠦᠯ ᠢ᠋ᠶ᠋ᠡᠷ ᠦᠰᠦᠨ ᠪᠣᠢᠵᠢᠬᠤ ᠳ᠋ᠤ᠌ ᠰᠠᠢᠨ ᠢ᠋ᠶ᠋ᠠᠷ ᠨᠥᠯᠥᠭᠡᠯᠡᠨᠡ ᠭᠡᠳᠡᠭ ᠢ᠋ ᠮᠡᠳᠡᠭᠡᠷᠡᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠰᠬᠠ
ᠦᠰᠦᠭ ᠬᠢᠨᠠᠭᠴᠢ᠄ ᠵ᠂ᠪᠤᠶᠠᠨᠲᠤᠭᠲᠠᠬᠤ ᠂ ᠣᠳᠬᠠᠨᠰᠣᠠ