ᠮᠥᠩᠬᠡ ᠲᠤᠩᠬᠤ 1-09Мөнх ТунхMunkh Tunkh
794ᠮᠥᠩᠬᠡ ᠲᠤᠩᠬᠤ ᠨᠢᠭᠡᠳᠦᠭᠡᠷ ᠤᠯᠠᠷᠢᠯ ᠶᠢᠰᠦᠳᠦᠭᠡᠷ ᠠᠩᠭᠢ
ᠮᠠᠢ ᠮᠠᠢ( ᠬᠣᠨᠢ ᠢᠮᠠᠭᠠᠨ ᠤ᠋ ᠮᠠᠢᠯᠠᠬᠤ ᠳᠠᠭᠤ)
ᠮᠥᠩᠬᠡ᠄ ᠵᠠ᠂ ᠥᠨᠥᠳᠥᠷ ᠶᠠᠮᠠᠷ ᠦᠯᠢᠭᠡᠷ ᠢ᠋ᠶ᠋ᠡᠷ ᠠᠶᠠᠯᠠᠬᠤ ᠪᠣᠢ?
ᠲᠤᠩᠬᠤ᠄ ᠭᠣᠶᠣ ᠦᠯᠢᠭᠡᠷ ᠪᠠᠢᠭᠠ ᠪᠠᠢᠬᠤ ᠳᠠ᠂ ᠲᠡᠢᠮᠦ ᠤᠤ ᠠᠷᠸᠡ ᠠᠬᠠ ᠠ᠋᠃
ᠠᠷᠸᠡ᠄ ᠥᠨᠥᠳᠥᠷ ᠬᠡᠳᠦᠭᠦᠯᠡ ᠪᠡᠨ ᠠᠶᠠᠯᠠᠬᠤ ᠦᠭᠡᠢ ᠰᠠᠢᠬᠠᠨ ᠠᠮᠠᠷᠠᠵᠠᠭᠠᠬᠤ ᠤᠤ?
ᠮᠥᠩᠬᠡ᠄ ᠵᠠ ᠵᠠ᠂ ᠲᠡᠭᠡᠶᠡ ᠲᠡᠭᠡᠶᠡ᠃
ᠲᠤᠩᠬᠤ᠄ ᠲᠡᠭᠡᠶᠡ ᠲᠡᠭᠡᠶᠡ᠃
ᠪᠠᠰᠠᠷ᠄ ᠬᠡ ᠬᠡ᠁ ᠶᠣᠣ ᠶᠣᠣ᠁ ᠢᠩᠭᠢᠭᠡᠳ ᠳᠠᠭᠤᠰᠴᠢᠬᠠᠳᠠᠭ ᠪᠣᠯ ᠶᠠᠭᠠᠬᠢᠬᠤ ᠪᠣᠢ ? ᠥᠩ ᠠ᠂ ᠬᠡ ᠬᠡ᠁
ᠵᠠ᠂ sorry (ᠤᠰᠤᠯᠲᠠᠯᠠ)᠂ ᠲᠠ ᠬᠡᠳᠦ ᠮᠢᠨᠢ ᠬᠡᠦᠬᠡᠯᠳᠡᠢ ᠪᠡᠨ ᠦᠵᠡ᠂ ᠦᠵᠡ᠃ ᠰᠠᠶᠢ ᠶ᠋ᠢᠨ ᠡᠨᠡ ᠵᠣᠬᠢᠶᠠᠯ ᠢ᠋ ᠪᠠᠰᠠ ᠪᠢ ᠪᠢᠴᠢᠭᠰᠡᠨ ᠶᠦᠮ ᠰᠢᠦ᠂ ᠠ᠂ enjoy(ᠢᠨᠽᠤᠢ)
ᠠᠷᠸᠡ᠄ ᠵᠠ᠂ ᠶᠠᠮᠠᠷ ᠦᠯᠢᠭᠡᠷ ᠢ᠋ᠶ᠋ᠡᠷ ᠠᠶᠠᠯᠠᠮᠠᠷ ᠪᠠᠢᠨᠠ᠃
ᠮᠥᠩᠬᠡ᠄ ᠶᠠᠩᠵᠤ ᠶᠠᠩᠵᠤ ᠶ᠋ᠢᠨ ᠦᠯᠢᠭᠡᠷ ᠢ᠋ᠶ᠋ᠡᠷ᠂ ᠥᠶᠢ᠂ ᠬᠢ ᠬᠢ ᠬᠢ᠃
ᠠᠷᠸᠡ᠄ ᠲᠠ ᠬᠣᠶᠠᠷ ᠠᠷᠪᠠᠨ ᠬᠣᠶᠠᠷ ᠵᠢᠯ ᠦ᠋ᠨ ᠲᠠᠯᠠ ᠪᠠᠷ ᠮᠡᠳᠡᠬᠦ ᠤᠤ?
ᠲᠤᠩᠬᠤ᠄ ᠮᠠᠲᠠᠯ ᠦᠭᠡᠢ ᠶᠠᠭᠠᠬᠢᠬᠤᠪ᠂ ᠬᠤᠯᠤᠭᠠᠨᠠ᠂ ᠦᠬᠡᠷ᠂ ᠪᠠᠷᠰ᠂ ᠲᠠᠤᠯᠠᠢ᠂ ᠯᠤᠤ᠂ ᠮᠣᠭᠠᠢ ᠮᠣᠷᠢ᠂᠁
ᠮᠥᠩᠬᠡ᠄ ᠨᠥᠭᠦᠭᠡ ᠬᠣᠨᠢ᠂ ᠪᠡᠴᠢ᠂ ᠲᠠᠬᠢᠶᠠ᠂ ᠨᠣᠬᠠᠢ᠂ ᠪᠠᠰᠠ ᠭᠠᠬᠠᠢ ᠭᠡᠵᠦ ᠪᠠᠢᠳᠠᠭ᠂ ᠲᠡᠢᠮᠦ?
ᠠᠷᠸᠡ᠄ ᠮᠤᠨᠳᠠᠭ ᠰᠢᠦ᠂ ᠵᠠ ᠲᠡᠭᠡᠪᠡᠯ ᠬᠡᠳᠦᠭᠦᠯᠡ ᠪᠡᠨ ᠨᠢᠭᠡ ᠭᠣᠶᠣ ᠦᠯᠢᠭᠡᠷ ᠢ᠋ᠶ᠋ᠡᠷ ᠠᠶᠠᠯᠠᠶᠠ᠃ ᠪᠡᠯᠡᠨ ᠤᠤ?
ᠮᠥᠩᠬᠡ ᠲᠤᠩᠬᠤ᠄ ᠪᠡᠯᠡᠨ᠃
ᠲᠡᠮᠡᠭᠡ ᠦᠨᠡᠰᠦᠨ ᠳ᠋ᠦ᠍ ᠬᠥᠷᠪᠡᠭᠡᠬᠦ ᠪᠣᠯᠤᠭᠰᠠᠨ ᠤᠴᠢᠷ
ᠤᠷᠢᠳᠤ ᠯᠤᠤᠰ ᠤ᠋ᠨ ᠬᠠᠭᠠᠨ ᠮᠣᠩᠭᠣᠯ ᠲᠣᠭᠠᠯᠠᠯ ᠤ᠋ᠨ ᠠᠷᠪᠠᠨ ᠬᠣᠶᠠᠷ ᠵᠢᠯ ᠳ᠋ᠦ᠍ ᠠᠳᠤᠭᠤᠰᠤᠨ ᠠᠮᠢᠲᠠᠨ ᠤ᠋ ᠨᠡᠷᠡ ᠥᠭᠴᠦ ᠪᠠᠢᠬᠤ ᠳ᠋ᠤ᠌ ᠪᠠᠨ ᠠᠷᠪᠠᠨ ᠨᠢᠭᠡᠨ ᠠᠮᠢᠲᠠᠨ ᠤ᠋ ᠨᠡᠷᠡ ᠶ᠋ᠢ ᠰᠢᠯᠤᠭᠤᠬᠠᠨ ᠲᠣᠬᠢᠶᠠᠭᠠᠳ᠂ ᠠᠷᠪᠠᠨ ᠬᠣᠶᠠᠷ ᠵᠢᠯ ᠦ᠋ᠨ ᠣᠨ ᠲᠣᠭᠠᠯᠠᠯ ᠡᠬᠢᠯᠡᠭᠦᠯᠦᠨ ᠣᠷᠣᠬᠤ ᠬᠠᠮᠤᠭ ᠤ᠋ᠨ ᠡᠬᠢᠨ ᠦ᠌ ᠵᠢᠯ ᠳ᠋ᠦ᠍ ᠶᠠᠮᠠᠷ ᠠᠮᠢᠲᠠᠨ ᠤ᠋ ᠨᠡᠷᠡ ᠥᠭᠬᠦ ᠪᠣᠢ ᠭᠡᠲᠡᠯᠡ᠂ ᠲᠡᠮᠡᠭᠡ ᠬᠤᠯᠤᠭᠠᠨᠠ ᠬᠣᠶᠠᠷ ᠨᠢᠭᠡᠨ ᠢ᠋ᠶ᠋ᠡᠨ ᠣᠷᠣᠭᠤᠯᠵᠤ ᠪᠤᠯᠢᠶᠠᠯᠴᠠᠯᠳᠤᠵᠠᠢ᠃ ᠯᠤᠤᠰ ᠤ᠋ᠨ ᠬᠠᠭᠠᠨ ᠠᠯᠢ ᠠᠯᠢᠨ ᠢ᠋ ᠨᠢ ᠭᠣᠮᠣᠳᠠᠭᠠᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠰᠢᠢᠳ ᠭᠡᠮᠡᠨ ᠠᠢᠯᠠᠳᠪᠠ᠃
ᠲᠡᠷᠡ ᠬᠣᠶᠠᠷ ᠮᠠᠷᠭᠠᠰᠢ ᠠ᠋ᠴᠠ ᠥᠷᠯᠥᠭᠡᠨ ᠦ᠌ ᠮᠠᠨᠳᠤᠬᠤ ᠨᠠᠷᠠᠨ ᠤ᠋ ᠲᠤᠶᠠᠭᠠ ᠶ᠋ᠢ ᠬᠡᠨ ᠲᠦᠷᠦᠭᠦᠯᠡᠵᠦ ᠦᠵᠡᠭᠰᠡᠨ ᠨᠢ ᠠᠷᠪᠠᠨ ᠬᠣᠶᠠᠷ ᠵᠢᠯ ᠦ᠋ᠨ ᠲᠦᠷᠦᠭᠦᠴᠢ ᠳ᠋ᠦ᠍ ᠲᠣᠭᠲᠠᠭᠠᠭᠳᠠᠬᠤ ᠪᠠᠷ ᠪᠣᠯᠵᠤ᠂ ᠮᠡᠯᠵᠢᠶᠡ ᠲᠣᠭᠲᠠᠭᠠᠭᠰᠠᠨ ᠠᠵᠠᠢ᠃ ᠲᠡᠮᠡᠭᠡ ᠨᠠᠷᠠ ᠭᠠᠷᠬᠤ ᠳᠣᠷᠣᠨᠠ ᠵᠦᠭ ᠬᠠᠷᠠᠵᠤ ᠨᠠᠷᠠ ᠭᠠᠷᠬᠤ ᠶ᠋ᠢ ᠬᠦᠯᠢᠶᠡᠵᠦ ᠵᠣᠭᠰᠣᠪᠠ᠃ ᠬᠤᠯᠤᠭᠠᠨᠠ ᠲᠡᠮᠡᠭᠡᠨ ᠦ᠌ ᠪᠦᠬᠦ ᠳᠡᠭᠡᠷᠡ ᠭᠠᠷᠴᠤ ᠶᠠᠪᠤᠭᠠᠳ᠂ ᠪᠠᠷᠠᠭᠤᠨ ᠵᠦᠭ ᠬᠠᠷᠠᠨ᠂ ᠴᠠᠭ ᠢᠮᠠᠭᠲᠠ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠶ᠋ᠢ ᠰᠢᠷᠲᠡᠵᠦ ᠪᠠᠢᠪᠠ᠃ ᠲᠡᠭᠡᠵᠦ ᠪᠠᠢᠲᠠᠯᠠ ᠨᠠᠷᠠ ᠭᠠᠷᠬᠤ ᠴᠠᠭ ᠪᠣᠯᠵᠤ᠂ ᠤᠷᠭᠤᠬᠤ ᠨᠠᠷᠠᠨ ᠤ᠋ ᠠᠩᠬᠠᠨ ᠤ᠋ ᠲᠤᠶᠠᠭᠠ ᠪᠠᠷᠠᠭᠤᠨ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳ᠋ᠤ᠌ ᠲᠤᠰᠤᠭᠰᠠᠨ ᠢ᠋ ᠬᠤᠯᠤᠭᠠᠨᠠ ᠨᠠᠷᠠᠨ ᠤ᠋ ᠭᠡᠷᠡᠯ ᠢ᠋ ᠲᠦᠷᠦᠭᠦᠯᠡᠵᠦ ᠦᠵᠡᠯᠡ ᠭᠡᠮᠡᠨ ᠱᠠᠭᠰᠢᠷᠠᠵᠠᠢ᠃ ᠲᠡᠮᠡᠭᠡ ᠮᠠᠯᠵᠢᠶᠠ ᠪᠠᠨ ᠠᠯᠳᠠᠭᠰᠠᠨ ᠳ᠋ᠤ᠌ ᠠᠭᠤᠷᠯᠠᠨ᠂ ᠬᠤᠯᠤᠭᠠᠨᠠ ᠶ᠋ᠢ ᠳᠡᠪᠰᠡᠯᠡᠬᠦ ᠭᠡᠵᠦ ᠤᠬᠤᠰᠬᠢᠲᠡᠯᠡ᠂ ᠬᠤᠯᠤᠭᠠᠨᠠ ᠣᠪᠣᠭᠠᠯᠠᠭᠠ ᠲᠠᠢ ᠦᠨᠡᠰᠦᠨ ᠳᠣᠣᠭᠤᠷ ᠭᠦᠶᠦᠨ ᠣᠷᠣᠵᠤ ᠠᠮᠢ ᠬᠣᠷᠭᠣᠳᠠᠵᠠᠢ ᠭᠡᠨᠡ᠃
ᠲᠤᠩᠬᠤ᠄ ᠬᠥᠶᠢ᠂ ᠨᠥᠭᠦᠭᠡ ᠬᠥᠭᠡᠷᠦᠬᠦᠢ ᠬᠤᠯᠤᠭᠠᠨᠠ ᠶ᠋ᠢ ᠭᠡᠮᠲᠦᠭᠡᠴᠢᠬᠡᠬᠦ ᠪᠣᠢ ᠳᠠ᠃
ᠮᠥᠩᠬᠡ᠄ ᠶᠠᠭᠤ᠂ ᠬᠡᠳᠦᠭᠦᠯᠡ ᠪᠡᠨ ᠣᠴᠢᠵᠠᠭᠠᠶᠠ᠃
ᠲᠤᠩᠬᠤ᠄ ᠲᠡᠮᠡᠭᠡ ᠠᠬᠠ ᠠ᠋᠂ ᠲᠠ ᠲᠠᠢᠪᠤᠰᠢᠷᠠᠭᠠᠷᠠᠢ᠃
ᠮᠥᠩᠬᠡ᠄ ᠬᠥᠶᠢ᠂ ᠬᠥᠶᠢ᠂ ᠲᠡᠮᠡᠭᠡ ᠠᠬᠠ ᠠ᠋᠂ ᠲᠠ ᠲᠠᠢᠪᠤᠰᠢᠷᠠ ᠯᠠ ᠳᠠ᠃
ᠴᠠᠰᠣᠬᠠᠨ᠄ ᠲᠡᠮᠡᠭᠡ ᠠᠬᠠ ᠠ᠋᠂ ᠲᠠ ᠲᠠᠢᠪᠤᠰᠢᠷᠠᠭᠠᠷᠠᠢ!
ᠪᠠᠰᠠᠷ᠄ ᠡᠨᠡ ᠣᠳᠣ ᠶᠠᠭᠠᠬᠢᠬᠤ ᠭᠡᠳ ᠪᠠᠢᠭᠠ ᠁ ᠵᠠ ᠳᠡᠮᠡᠢ ᠶᠦᠮ ᠪᠠᠢᠨᠠ᠃
ᠮᠥᠩᠬᠡ᠄ ᠵᠠ ᠪᠠᠢᠵᠠ᠂ ᠶᠠᠭᠠᠬᠢᠬᠤ ᠤᠤ᠂ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ᠂ ᠨᠥᠭᠦᠭᠡ ᠢᠩᠭᠡ ᠬᠥᠭᠡᠭᠡᠭᠰᠡᠨ ᠭᠡᠵᠦ ᠪᠠᠢᠳᠠᠭ ᠪᠢᠯᠡ ᠤᠤ᠂ ᠶᠠᠭᠤ ᠪᠢᠯᠡ᠂ ᠨᠥᠭᠦᠭᠡ ᠲᠠᠢᠪᠤᠰᠢᠷᠠᠭᠤᠯᠤᠭᠠᠳ ᠪᠠᠢᠳᠠᠭ ᠴᠢᠨᠢ᠃
ᠴᠠᠰᠣᠬᠠᠨ᠄ᠲᠡᠷᠡ ᠨᠢ ᠢᠩᠭᠡ ᠬᠥᠭᠡᠭᠡᠭᠰᠡᠨ ᠭᠡᠵᠦ ᠢᠩᠭᠡ ᠲᠡᠮᠡᠭᠡᠨ ᠳ᠋ᠦ᠍ ᠪᠣᠲᠣᠭᠣ ᠠᠪᠬᠠᠭᠤᠯᠬᠤ ᠪᠣᠯᠬᠤ ᠪᠠᠷ ᠬᠤᠭᠤᠷ ᠢ᠋ᠶ᠋ᠠᠷ ᠬᠥᠭᠵᠢᠮᠳᠡᠨ ᠤᠶᠠᠷᠠᠭᠤᠯᠵᠤ ᠬᠢᠳᠡᠭ ᠦᠢᠯᠡ ᠪᠠᠢᠬᠤ ᠦᠭᠡᠢ ᠤᠤ᠃ ᠡᠨᠡ ᠲᠡᠮᠡᠭᠡ ᠠᠬᠠ ᠴᠢᠨᠢ ᠪᠤᠤᠷᠠ ᠪᠠᠢᠬᠤ ᠦᠭᠡᠢ ᠤᠤ ᠳᠠ᠂ ᠡᠷᠡ ᠲᠡᠮᠡᠭᠡ᠃
ᠲᠤᠩᠬᠤ᠄ ᠶᠠᠭᠠᠬᠢᠨᠠ ᠣᠳᠣ ᠶᠠᠭᠠᠬᠢᠬᠤ ᠪᠣᠢ᠂ ᠬᠥᠭᠡᠷᠦᠬᠦᠢ᠂ ᠬᠤᠯᠤᠭᠠᠨᠠ ᠵᠦᠭᠡᠷ ᠪᠠᠢᠭᠠ᠂
ᠮᠥᠩᠬᠡ᠄ ᠬᠥᠶᠢ᠂ ᠶᠠᠭᠠᠬᠢᠨᠠ ᠶᠠᠭᠠᠬᠢᠨᠠ᠂ ᠡᠨᠡ ᠲᠡᠮᠡᠭᠡ ᠪᠦᠷ ᠢᠰᠬᠦᠯᠴᠢᠬᠡᠪᠡ ᠤᠤ᠂ ᠶᠠᠭᠠᠬᠢᠪᠠ？
ᠪᠠᠰᠠᠷ᠄ ᠦ᠁ ᠶᠧ
ᠲᠤᠩᠬᠤ᠄ ᠶᠠᠭᠠᠬᠢᠨᠠ ᠶᠠᠭᠠᠬᠢᠨᠠ᠂ ᠶᠠᠭᠠᠬᠢᠨᠠ᠃
ᠬᠤᠯᠤᠭᠠᠨᠠ᠄ ᠬᠥᠥᠭ᠂ ᠲᠡᠨᠳᠡ ᠪᠠᠰᠠ ᠥᠭᠡᠷᠡ ᠬᠤᠯᠤᠭᠠᠨᠠ ᠪᠠᠢᠭᠰᠠᠨ ᠶᠤᠮ ᠤᠤ?
ᠮᠥᠩᠬᠡ᠄ ᠬᠠᠷᠢᠨ ᠲᠡᠢᠮᠦ᠂ ᠶᠠᠭᠠᠬᠢᠨᠠ ᠶᠠᠭᠠᠬᠢᠨᠠ᠂ ᠶᠠᠭᠠᠬᠢᠨᠠ᠂ ᠶᠠ
ᠪᠠᠰᠠᠷ᠄ ᠵᠠ ᠶᠠᠭ᠂ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠴᠢᠮᠡᠭᠡ ᠦᠭᠡᠢ᠂ ᠵᠢᠭᠠᠬᠠᠨ ᠪᠠᠯᠠᠭᠳᠠᠯ ᠲᠠᠢ᠂ ᠵᠢᠭᠠᠬᠠᠨ ᠲᠠᠢᠪᠤᠰᠢᠷᠠᠶᠠ᠂ ᠠᠢ ᠳᠠ᠂ ᠵᠠ ᠶᠠᠭᠠᠬᠢᠬᠤ ᠪᠣᠢ᠂ ᠶᠠᠭᠠᠬᠢᠬᠤ ᠪᠣᠢ᠂ ᠠᠨᠳᠠᠭᠤᠷᠠᠭᠠᠳ ᠯᠠ ᠪᠠᠢᠨᠠ᠂ ᠬᠡ ᠬᠡ
ᠴᠠᠰᠤᠬᠠᠨ᠄ ᠵᠠ᠂ ᠲᠠ ᠲᠠᠢᠪᠤᠰᠢᠷᠠᠭᠰᠠᠨ ᠤᠤ?
ᠲᠡᠮᠡᠭᠡ᠄ ᠠᠢ᠂ ᠲᠡᠭᠡᠯᠡ᠃ ᠨᠠᠷᠠ ᠪᠠᠷᠠᠭᠤᠨ ᠲᠠᠯᠠ ᠠ᠋ᠴᠠ ᠭᠠᠷᠴᠢᠬᠠᠪᠠ ᠤᠤ? ᠶᠠᠭᠠᠬᠢᠵᠤ ᠨᠠᠷᠠᠨ ᠤ᠋ ᠲᠤᠶᠠᠭᠠ ᠶ᠋ᠢ ᠲᠦᠷᠦᠭᠦᠯᠡᠵᠦ ᠬᠠᠷᠠᠪᠠ᠃
ᠮᠥᠩᠬᠡ᠄ ᠪᠤᠤᠷᠠ ᠠᠬᠠ ᠠ᠋᠂ ᠲᠠ ᠤᠭ ᠨᠢ ᠵᠥᠪ ᠲᠠᠯᠠ ᠤᠷᠤᠭᠤ ᠬᠠᠷᠠᠭᠰᠠᠨ ᠯᠠ ᠳᠠ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠳᠡᠯᠡᠬᠡᠢ ᠮᠠᠨᠢ ᠪᠠᠷᠠᠭᠤᠨ ᠠ᠋ᠴᠠ ᠵᠡᠭᠦᠨ ᠲᠠᠢᠰᠢ ᠬᠣᠷᠢᠨ ᠳᠥᠷᠪᠡᠨ ᠴᠠᠭ ᠤ᠋ᠨ ᠲᠤᠷᠰᠢ ᠡᠷᠭᠢᠵᠦ ᠪᠠᠢᠭᠠᠳ ᠨᠢᠭᠡ ᠬᠣᠨᠣᠭ ᠪᠣᠯᠳᠠᠭ ᠰᠢᠦ ᠳᠡ᠃
ᠲᠤᠩᠬᠤ᠄ ᠲᠡᠭᠡᠭᠡᠳ ᠲᠠ ᠵᠡᠭᠦᠨ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳᠡᠭᠡᠷᠡ ᠡᠴᠡ ᠨᠠᠷᠠ ᠬᠠᠷᠠᠬᠤ ᠭᠡᠵᠦ ᠪᠠᠢᠬᠤ ᠳ᠋ᠤ᠌᠂ ᠬᠤᠯᠤᠭᠠᠨᠠ ᠮᠠᠨᠢ ᠮᠠᠨᠳᠤᠵᠤ ᠪᠣᠢ ᠨᠠᠷᠠᠨ ᠤ᠋ ᠠᠩᠬᠠᠨ ᠤ᠋ ᠲᠤᠰᠬᠠᠯ ᠢ᠋ ᠪᠠᠷᠠᠭᠤᠨ ᠠᠭᠤᠯᠠᠨ ᠤ᠋ ᠣᠷᠣᠢ ᠳᠡᠭᠡᠷᠡ ᠡᠴᠡ ᠬᠠᠷᠠᠭᠰᠠᠨ ᠶᠤᠮ ᠪᠠᠢᠬᠤ ᠦᠭᠡᠢ ᠤᠤ᠃
ᠴᠠᠰᠣᠬᠠᠨ᠄ ᠲᠡᠭᠦᠨ ᠡᠴᠡ ᠨᠠᠷᠠ ᠪᠠᠷᠠᠭᠤᠨ ᠠ᠋ᠴᠠ ᠭᠠᠷᠤᠭᠰᠠᠨ ᠪᠢᠰᠢ᠂ ᠲᠤᠶᠠᠭᠠ ᠨᠢ ᠥᠨᠳᠥᠷ ᠠᠭᠤᠯᠠᠨ ᠤ᠋ ᠣᠷᠣᠢ ᠳ᠋ᠤ᠌ ᠲᠦᠷᠦᠭᠦᠯᠡᠵᠦ ᠲᠤᠰᠤᠭᠰᠠᠨ ᠤ᠋ ᠬᠢ ᠶᠦᠮ ᠰᠢᠦ ᠳᠡ᠃
ᠪᠠᠰᠠᠷ᠄ ᠪᠠ ᠭᠠ
ᠲᠡᠮᠡᠭᠡ᠄ ᠬᠡᠩ᠂ ᠲᠡᠢᠮᠦ ᠪᠠᠢᠳᠠᠭ ᠪᠠᠢᠵᠠᠢ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠪᠢ ᠴᠢᠨᠢ ᠠᠷᠪᠠᠨ ᠬᠣᠶᠠᠷ ᠵᠢᠯ ᠳ᠋ᠦ᠍ ᠣᠷᠣᠬᠤ ᠳ᠋ᠤ᠌ ᠬᠠᠮᠤᠭ ᠤ᠋ᠨ ᠲᠣᠬᠢᠷᠠᠭᠰᠠᠨ ᠠᠮᠢᠲᠠᠨ ᠰᠢᠦ ᠳᠡ᠂ ᠬᠤᠯᠤᠭᠠᠨᠠ ᠴᠢᠬᠢ ᠲᠡᠢ᠂ ᠦᠬᠡᠷ ᠭᠡᠳᠡᠰᠦ ᠲᠡᠢ᠂ ᠪᠠᠷᠰ ᠲᠠᠪᠠᠭ ᠲᠠᠢ᠂ ᠲᠠᠤᠯᠠᠢ ᠬᠠᠮᠠᠷ ᠲᠠᠢ᠂ ᠯᠤᠤ ᠪᠡᠶᠡ ᠲᠡᠢ᠂ ᠮᠣᠭᠠᠢ ᠨᠢᠳᠦ ᠲᠡᠢ᠂ ᠮᠣᠷᠢᠨ ᠳᠡᠯ ᠲᠡᠢ᠂ ᠬᠣᠨᠢᠨ ᠨᠣᠣᠰᠣ ᠲᠠᠢ᠂ ᠪᠠᠴᠢ ᠪᠦᠬᠦ ᠲᠡᠢ᠂ ᠲᠠᠬᠢᠶᠠ ᠥᠷᠪᠡᠯᠭᠡ ᠲᠡᠢ᠂ ᠨᠣᠬᠠᠢ ᠭᠤᠶᠠ ᠲᠠᠢ᠂ ᠭᠠᠬᠠᠢ ᠰᠡᠭᠦᠯ ᠲᠡᠢ ᠭᠡᠳ ᠯᠡ ᠪᠦᠬᠦ ᠠᠮᠢᠲᠠᠨ ᠤ᠋ ᠰᠢᠨᠵᠢ ᠶ᠋ᠢ ᠠᠭᠤᠯᠤᠭᠰᠠᠨ ᠪᠠᠢᠨᠠ᠃
ᠬᠤᠯᠤᠭᠠᠨᠠ᠄ ᠠᠬᠠ ᠮᠢᠨᠢ ᠳᠡ᠂ ᠪᠦᠬᠦ ᠠᠮᠢᠲᠠᠳ ᠲᠠᠢ ᠲᠥᠰᠦᠭᠡᠲᠡᠢ ᠳ᠋ᠦ᠍ ᠪᠡᠨ ᠪᠢᠰᠢ ᠰᠢᠦ ᠳᠡ ᠦᠬᠡᠷ ᠭᠡᠬᠦ ᠳ᠋ᠦ᠍ ᠲᠠᠢᠪᠤᠩ ᠪᠠᠢᠳᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠶᠠᠭ ᠯᠠ ᠦᠬᠡᠷ ᠪᠣᠯᠵᠤ ᠪᠠᠢᠭᠠ᠂ ᠪᠠᠷᠰ ᠨᠢ ᠵᠣᠷᠢᠭᠲᠠᠢ ᠪᠠᠷ ᠢ᠋ᠶ᠋ᠠᠨ ᠪᠠᠷᠰ ᠪᠣᠯᠵᠤ᠂ ᠲᠠᠤᠯᠠᠢ ᠬᠤᠷᠳᠤ ᠪᠣᠯᠤᠨ ᠴᠣᠭ ᠵᠣᠯᠪᠣᠭᠠ ᠪᠠᠷ ᠢ᠋ᠶ᠋ᠠᠨ ᠶᠠᠭ ᠯᠠ ᠲᠠᠤᠯᠠᠢ ᠪᠤᠯᠵᠠᠭᠠᠵᠤ ᠪᠠᠢᠭᠠ ᠶᠤᠮ ᠰᠢᠦ ᠳᠡ᠂ ᠲᠠ ᠴᠤ᠌ ᠭᠡᠰᠡᠨ ᠲᠡᠮᠡᠭᠡ ᠭᠡᠬᠦ ᠪᠡᠷ ᠢ᠋ᠶ᠋ᠡᠨ ᠵᠥᠪᠬᠡᠨ ᠥᠪᠡᠷ ᠲᠡᠭᠡᠨ ᠪᠠᠢᠳᠠᠭ ᠬᠡᠨ ᠴᠦ᠍ ᠶᠠᠭᠤᠨ ᠳ᠋ᠤ᠌ ᠪᠠᠢᠬᠤ ᠦᠭᠡᠢ ᠰᠢᠨᠵᠢ ᠴᠢᠨᠠᠷ ᠴᠢᠮᠠ ᠳ᠋ᠤ᠌ ᠯᠠ ᠪᠠᠢᠭᠠ ᠰᠢᠦ ᠳᠡ᠂ ᠲᠡᠢᠮᠦ ᠤᠤ᠃
ᠲᠤᠩᠬᠤ᠄ ᠶᠠᠭ ᠦᠨᠡᠨ᠂ ᠲᠠ ᠪᠤᠰᠤᠳ ᠲᠠᠢ ᠢᠵᠢᠯᠬᠡᠨ ᠳ᠋ᠦ᠍ ᠪᠡᠨ ᠪᠢᠰᠢ᠂ ᠥᠪᠡᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠵᠤ ᠪᠠᠢᠵᠤ ᠯᠠ᠂ ᠥᠪᠡᠷ ᠲᠦ᠍ ᠪᠡᠨ ᠢᠲᠡᠭᠡᠯ ᠲᠡᠢ ᠂ ᠥᠪᠡᠷ ᠢ᠋ ᠪᠡᠨ ᠢᠯᠡᠭᠦᠦ ᠣᠯᠵᠤ ᠮᠡᠳᠡᠨᠡ ᠰᠢᠦ ᠳᠡ᠃
ᠲᠡᠮᠡᠭᠡ᠄ ᠥᠩ᠂ ᠬᠡᠳᠦᠢ ᠨᠠᠳᠠ ᠠ᠋ᠴᠠ ᠳᠡᠭᠦᠦ ᠴᠦ᠍ ᠭᠡᠰᠡᠨ ᠲᠠ ᠨᠠᠷ ᠮᠢᠨᠢ ᠶᠠᠭᠤᠮᠠ ᠶ᠋ᠢ ᠶᠠᠮᠠᠷ ᠵᠥᠪ ᠲᠠᠯᠠ ᠠ᠋ᠴᠠ ᠨᠢ ᠬᠠᠷᠠᠳᠠᠭ ᠶᠤᠮ ᠳᠠ᠂ ᠠᠬᠠ ᠨᠢ ᠪᠠᠬᠠᠷᠬᠠᠵᠤ ᠪᠠᠢᠨᠠ ᠰᠢᠦ᠂ ᠬᠤᠯᠤᠭᠠᠨᠠ ᠳᠡᠭᠦᠦ ᠪᠡᠨ ᠠᠷᠪᠠᠨ ᠬᠣᠶᠠᠷ ᠵᠢᠯ ᠳ᠋ᠦ᠍ ᠪᠠᠭᠲᠠᠬᠤ ᠳ᠋ᠤ᠌ ᠨᠢ ᠬᠦᠷᠭᠡᠵᠦ ᠥᠭᠭᠦᠶᠡ ᠳᠡ᠂ ᠠᠬᠠ ᠶ᠋ᠢᠨ ᠢ᠋ᠶ᠋ᠡᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠰᠠᠭᠤ᠃
ᠬᠤᠯᠤᠭᠠᠨᠠ᠄ ᠪᠠᠶᠠᠷᠲᠠᠢ᠃
ᠴᠠᠰᠣᠬᠠᠨ᠄ ᠪᠠᠶᠠᠷᠲᠠᠢ᠃
ᠮᠥᠩᠬᠡ᠄ ᠠᠮᠵᠢᠯᠲᠠ ᠬᠦᠰᠡᠶᠡ᠃
ᠲᠤᠩᠬᠤ᠄ ᠬᠥᠭᠡᠷᠦᠬᠦᠨ ᠬᠤᠯᠤᠭᠠᠨᠠ ᠮᠢᠨᠢ ᠠ᠋᠂ ᠮᠤᠨᠳᠠᠭ ᠰᠢᠦ᠃
ᠪᠠᠰᠠᠷ᠄ ᠠᠬᠠ ᠨᠢ ᠬᠡᠯᠡᠭᠰᠡᠨ ᠳ᠋ᠦ᠍ ᠪᠡᠨ ᠬᠦᠷᠴᠦ ᠳᠡᠭᠦᠦ ᠪᠡᠨ ᠠᠮᠵᠢᠯᠲᠠᠨ ᠳ᠋ᠤ᠌ ᠬᠦᠷᠭᠡᠬᠦ ᠭᠡᠳ ᠨᠢᠷᠤᠭᠤᠨ ᠳᠡᠭᠡᠷᠡ ᠪᠡᠨ ᠠᠪᠴᠤ ᠶᠠᠪᠤᠵᠤ ᠪᠠᠢᠨᠠ ᠰᠢᠲᠠ᠂ ᠬᠠᠷᠠ ᠳᠠ᠂ ᠭᠠᠢᠬᠠᠯᠲᠠᠢ᠃
ᠠᠷᠸᠡ᠄ ᠭᠣᠶᠣ ᠠᠶᠠᠯᠠᠭᠠᠳ ᠢᠷᠡᠪᠡ ᠤᠤ?
ᠮᠥᠩᠬᠡ᠄ ᠶᠣᠣ ᠶᠣᠣ᠂ ᠶᠠᠩᠵᠤ ᠶ᠋ᠢᠨ ᠪᠠᠢᠯᠠ᠂ ᠠᠷᠸᠡ ᠠᠬᠠ ᠠ᠋᠂
ᠲᠤᠩᠬᠤ᠄ ᠶᠣᠰᠣᠲᠠᠢ ᠭᠣᠶᠣ ᠪᠠᠢᠯᠠ᠃
ᠮᠥᠩᠬᠡ᠄ ᠲᠠ ᠡᠨᠡ ᠦᠯᠢᠭᠡᠷ ᠢ᠋ ᠡᠮᠦᠨᠡ ᠨᠢ ᠮᠡᠳᠡᠳᠡᠭ ᠪᠠᠢᠭᠰᠠᠨ ᠶᠤᠮ ᠤᠤ?
ᠠᠷᠸᠡ᠄ ᠮᠠᠲᠠᠯ ᠦᠭᠡᠢ ᠶᠠᠭᠠᠬᠢᠬᠤᠪ᠂ ᠠᠬᠠ ᠶ᠋ᠢ ᠨᠢ ᠪᠠᠭᠠ ᠪᠠᠢᠬᠤ ᠳ᠋ᠤ᠌ ᠪᠣᠷᠣᠯᠳᠠᠢ ᠶ᠋ᠢᠨ ᠴᠠᠭ ᠭᠡᠵᠦ ᠶᠡᠬᠡ ᠰᠠᠢᠬᠠᠨ ᠦᠯᠢᠭᠡᠷ ᠦ᠋ᠳ ᠭᠠᠷᠳᠠᠭ ᠪᠠᠢᠯᠠ᠂ ᠲᠡᠷᠡ ᠦᠶᠡ ᠳ᠋ᠦ᠍ ᠠᠬᠠ ᠨᠢ ᠦᠯᠢᠭᠡᠷ ᠦ᠋ᠨ ᠶᠢᠷᠲᠢᠨᠴᠦ ᠭᠡᠳᠡᠭ ᠬᠡᠴᠢᠨᠡᠭᠡᠨ ᠥᠷᠭᠡᠨ ᠠᠭᠤᠳᠠᠮ᠂ ᠰᠤᠷᠬᠤ ᠵᠦᠢᠯ ᠶᠡᠬᠡᠲᠡᠢ᠂ ᠰᠠᠢᠬᠠᠨ ᠶᠢᠷᠲᠢᠨᠴᠦ ᠪᠠᠢᠳᠠᠭ ᠢ᠋ ᠣᠢᠯᠠᠭᠠᠵᠤ ᠪᠠᠢᠭᠰᠠᠨ ᠶᠤᠮ ᠳᠠ᠃
ᠲᠤᠩᠬᠤ᠄ ᠫᠥᠬᠥ᠂ ᠲᠡᠢᠮᠦ ᠤᠤ᠂ ᠪᠢᠳᠡ ᠨᠠᠷ ᠦᠵᠡᠵᠦ ᠪᠣᠯᠬᠤ ᠪᠣᠯᠪᠠ ᠤᠤ?
ᠠᠷᠸᠡ᠄ ᠬᠥᠶᠢ᠂ ᠪᠣᠯᠤᠯ ᠦᠭᠡᠢ ᠶᠠᠭᠠᠬᠢᠬᠤᠪ᠂ ᠲᠠ ᠨᠠᠷ ᠮᠠᠨᠢ ᠬᠠᠭᠤᠴᠢᠨ ᠤ᠋ ᠰᠠᠢᠬᠠᠨ ᠪᠦᠲᠦᠭᠡᠯ ᠦ᠋ᠳ ᠢ᠋ ᠪᠡᠨ ᠮᠡᠳᠡᠵᠦ ᠪᠠᠢᠬᠤ ᠨᠢ ᠶᠡᠬᠡ ᠴᠢᠬᠤᠯᠠ ᠶᠤᠮ ᠰᠢᠦ ᠳᠡ᠃
ᠮᠥᠩᠬᠡ᠄ ᠪᠠᠶᠠᠷᠯᠠᠯᠠ ᠠᠷᠸᠡ ᠠᠬᠠ ᠠ᠋᠃
ᠲᠤᠩᠬᠤ᠄ ᠶᠠᠮᠠᠷ ᠭᠣᠶᠣ ᠶᠤᠮ ᠪᠣᠢ? ᠪᠠᠶᠠᠷᠯᠠᠯᠠ᠃
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠰᠦᠨ ᠳᠠᠯᠠᠢ ᠶ᠋ᠢ ᠱᠠᠯᠪᠠᠭ ᠪᠠᠢᠬᠤ ᠳ᠋ᠤ᠌᠂ ᠰᠦᠮᠪᠦᠷ ᠠᠭᠤᠯᠠ ᠶ᠋ᠢ ᠳᠣᠪᠣ ᠪᠠᠢᠬᠤ ᠳ᠋ᠤ᠌᠂ ᠴᠠᠭ ᠳᠥᠩᠭᠡᠵᠦ ᠡᠬᠢᠯᠡᠵᠦ ᠪᠠᠢᠬᠤ ᠳ᠋ᠤ᠌᠂ ᠴᠠᠬᠢᠯᠳᠠᠭ ᠳᠥᠩᠭᠡᠵᠦ ᠬᠥᠬᠡᠷᠡᠵᠦ ᠪᠠᠢᠬᠤ ᠳ᠋ᠤ᠌
ᠡᠷᠳᠡᠨᠢ ᠶ᠋ᠢᠨ ᠵᠦᠢᠯ ᠢ᠋ᠶ᠋ᠡᠷ ᠪᠥᠭᠡᠯᠵᠢᠭᠡᠳ ᠪᠠᠢᠳᠠᠭ
ᠡᠷᠡᠦ ᠴᠠᠭᠠᠨ ᠬᠤᠯᠤᠭᠠᠨᠠ ᠨᠢᠭᠡᠨ ᠵᠢᠯ
ᠡᠪᠡᠷ ᠰᠡᠭᠦᠯ ᠨᠢ ᠲᠡᠩᠴᠡᠭᠦᠬᠡᠨ ᠪᠠᠢᠳᠠᠭ
ᠡᠵᠡᠨ ᠳ᠋ᠦ᠍ ᠪᠡᠨ ᠡᠭᠡᠯᠢᠲᠡᠢ ᠦᠬᠡᠷ ᠬᠣᠶᠠᠷ ᠵᠢᠯ
ᠠᠷᠤ ᠶ᠋ᠢᠨ ᠮᠣᠳᠣᠨ ᠳ᠋ᠤ᠌ ᠠᠯᠠᠭᠯᠠᠭᠠᠳ ᠪᠠᠢᠳᠠᠭ
ᠠᠯᠠᠭ ᠡᠷᠢᠶᠡᠨ ᠪᠠᠷᠰ ᠭᠤᠷᠪᠠᠨ ᠵᠢᠯ
ᠳᠡᠯᠡᠬᠡᠢ ᠳᠡᠭᠡᠭᠦᠷ ᠳᠡᠭᠳᠡᠭᠡᠳ ᠪᠠᠢᠳᠠᠭ
ᠳᠡᠯᠳᠡᠩ ᠴᠢᠬᠢ ᠲᠡᠢ ᠲᠠᠤᠯᠠᠢ ᠳᠥᠷᠪᠡᠨ ᠵᠢᠯ
ᠬᠥᠬᠡ ᠲᠩᠷᠢ ᠳ᠋ᠦ᠍ ᠬᠦᠷᠵᠢᠭᠢᠨᠡᠭᠡᠳ ᠪᠠᠢᠳᠠᠭ
ᠬᠦᠴᠦ ᠶᠡᠬᠡ ᠲᠡᠢ ᠯᠤᠤ ᠲᠠᠪᠤᠨ ᠵᠢᠯ
ᠴᠠᠭ ᠦᠷᠭᠦᠯᠵᠢ ᠴᠠᠭᠠᠷᠢᠭᠯᠠᠭᠠᠳ ᠪᠠᠢᠳᠠᠭ
ᠴᠠᠭᠠᠨ ᠡᠷᠢᠶᠡᠨ ᠮᠣᠭᠠᠢ ᠵᠢᠷᠭᠤᠭᠠᠨ ᠵᠢᠯ
ᠴᠠᠭ ᠤ᠋ᠨ ᠭᠠᠵᠠᠷ ᠢ᠋ ᠲᠣᠪᠴᠢᠯᠠᠭᠠᠳ ᠪᠠᠢᠳᠠᠭ
ᠴᠣᠮᠪᠣᠩ ᠲᠤᠭᠤᠷᠠᠢ ᠲᠠᠢ ᠮᠣᠷᠢ ᠳᠣᠯᠣᠭᠠᠨ ᠵᠢᠯ
ᠬᠣᠲᠣᠭᠣᠷ ᠭᠠᠵᠠᠷ ᠢ᠋ ᠬᠣᠷᠭᠣᠯ ᠢ᠋ᠶ᠋ᠠᠷ ᠳᠦᠭᠦᠷᠭᠡᠳᠡᠭ
ᠬᠣᠲᠠᠨ ᠳ᠋ᠤ᠌ ᠪᠠᠨ ᠡᠭᠡᠯᠢᠲᠡᠢ ᠬᠣᠨᠢ ᠨᠠᠢ᠍ᠮᠠᠨ ᠵᠢᠯ
ᠦᠵᠡᠭᠰᠡᠨ ᠪᠦᠬᠦᠨ ᠢ᠋ ᠡᠯᠡᠭᠯᠡᠭᠡᠳ ᠪᠠᠢᠳᠠᠭ
ᠶᠢᠯᠸᠢᠴᠢᠨ ᠡᠷᠳᠡᠮ ᠲᠡᠢ ᠪᠡᠴᠢ ᠶᠢᠰᠦᠨ ᠵᠢᠯ
ᠲᠠᠪᠤᠨ ᠵᠢᠩ ᠢ᠋ᠶ᠋ᠡᠷ ᠳᠣᠩᠭᠣᠳᠤᠭᠠᠳ ᠪᠠᠢᠳᠠᠭ
ᠲᠠᠷᠢᠬᠢᠨ ᠳ᠋ᠤ᠌ ᠪᠠᠨ ᠤᠯᠠᠭᠠ ᠲᠠᠢ ᠲᠠᠬᠢᠶᠠ ᠠᠷᠪᠠᠨ ᠵᠢᠯ
ᠬᠣᠲᠠ ᠭᠠᠵᠠᠷ ᠢ᠋ ᠮᠠᠨᠠᠭᠠᠳ ᠪᠠᠢᠳᠠᠭ
ᠬᠣᠩ ᠬᠣᠩ ᠳᠠᠭᠤ ᠲᠠᠢ ᠨᠣᠬᠠᠢ ᠠᠷᠪᠠᠨ ᠨᠢᠭᠡᠨ ᠵᠢᠯ
ᠠᠷᠤ ᠶ᠋ᠢᠨ ᠭᠠᠵᠠᠷ ᠢ᠋ ᠬᠠᠳᠤᠷᠤᠭᠠᠳ ᠪᠠᠢᠳᠠᠭ
ᠠᠯᠲᠠᠨ ᠰᠣᠶᠣᠭᠠ ᠲᠠᠢ ᠭᠠᠬᠠᠢ ᠠᠷᠪᠠᠨ ᠬᠣᠶᠠᠷ ᠵᠢᠯ
ᠦᠰᠦᠭ ᠠᠮᠢᠯᠠᠭᠤᠯᠵᠤ ᠬᠠᠲᠠᠭᠰᠠᠨ ᠨᠢ᠄ ᠾᠦᠩ ᠸᠧᠢ
ᠬᠢᠨᠠᠯᠲᠠ ᠬᠢᠭᠴᠢ᠄ ᠱᠤᠳᠤᠷᠭᠤ᠂ ᠮᠥᠴᠢᠷ᠃