ᠲᠡᠮᠦᠵᠢᠨ04 - (ᠬᠡᠦᠬᠡᠯᠳᠡᠢ ᠶᠢᠨ ᠺᠢᠨᠣ᠋ ᠮᠣᠩᠭᠣᠯ ᠬᠡᠯᠡ ᠪᠡᠷ) ᠵᠠᠮᠤᠬᠠ ᠶᠢᠨ ᠳᠦᠷᠢ ᠳᠦ ᠲᠣᠭᠯᠠᠭᠰᠠᠨ ᠵᠣᠯᠪᠣᠭᠠТэмүүжин 4 - р анги (Хүүхэлдэйн Кино Монгол хэлээр) Жамухын дүрд тоглосон Золбоо
614ᠵᠠᠮᠤᠬᠠ ᠶᠢᠨ ᠳᠦᠷᠢ ᠳᠦ ᠲᠣᠭᠯᠠᠭᠰᠠᠨ ᠵᠣᠯᠪᠣᠭᠠ
ᠮᠡᠷᠭᠢᠳ ᠦ᠋ᠳ ᠢ᠋ ᠬᠦᠢᠰᠦ ᠲᠡᠮᠲᠡᠷᠢᠭᠰᠡᠨ ᠨᠢ
ᠭᠤᠷᠪᠠᠨ ᠮᠡᠷᠭᠢᠳ ᠪᠥᠷᠲᠡ ᠶ᠋ᠢ ᠲᠡᠷᠭᠡᠨ ᠡᠴᠡ ᠴᠢᠷᠴᠦ ᠪᠠᠭᠤᠯᠭᠠᠭᠠᠳ ᠬᠤᠸᠠᠭ᠍ᠴᠢᠨ ᠡᠮᠡᠭᠡᠨ ᠲᠡᠢ ᠬᠠᠮᠲᠤ ᠠᠪᠤᠭᠠᠳ ᠲᠡᠮᠦᠵᠢᠨ ᠦ᠌ ᠠᠷᠤ ᠠ᠋ᠴᠠ ᠪᠤᠷᠬᠠᠨ ᠬᠠᠯᠳᠤᠨ ᠠᠭᠤᠯᠠ ᠶ᠋ᠢᠨ ᠵᠦᠭ ᠶᠠᠪᠤᠪᠠ᠃ ᠲᠡᠭᠡᠭᠡᠳ ᠲᠡᠳᠡ ᠲᠡᠮᠦᠵᠢᠨ ᠢ᠋ ᠬᠠᠢᠨ ᠭᠤᠷᠪᠠ ᠬᠣᠨᠣᠭ ᠤ᠋ᠨ ᠲᠤᠷᠰᠢ ᠪᠤᠷᠬᠠᠨ ᠬᠠᠯᠳᠤᠨ ᠠᠭᠤᠯᠠ ᠶ᠋ᠢ ᠰᠠᠮᠨᠠᠭᠠᠳ ᠴᠤ᠌ ᠲᠡᠮᠦᠵᠢᠨ ᠢ᠋ ᠣᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠤᠴᠢᠷ ᠮᠡᠷᠭᠢᠳ ᠦ᠋ᠳ ᠠᠷᠭᠠ ᠦᠭᠡᠢ ᠶ᠋ᠢᠨ ᠡᠷᠬᠡᠨ ᠳ᠋ᠦ᠍ ᠲᠡᠨᠳᠡ ᠡᠴᠡ ᠪᠤᠴᠠᠭᠠᠳ ᠶᠠᠪᠤᠪᠠ᠃ ᠭᠤᠷᠪᠠᠨ ᠮᠡᠷᠭᠢᠳ ᠦ᠋ᠳ ᠦ᠋ᠨ ᠲᠡᠮᠦᠵᠢᠨ ᠤᠷᠤᠭᠤ ᠳᠣᠪᠲᠣᠯᠤᠭᠰᠠᠨ ᠰᠢᠯᠲᠠᠭᠠᠨ ᠨᠢ ᠡᠷᠲᠡ ᠳᠡᠭᠡᠷᠡ ᠦᠶᠡ ᠳ᠋ᠦ᠍ ᠶᠢᠰᠦᠭᠡᠢ ᠪᠠᠭᠠᠲᠤᠷ ᠭᠤᠷᠪᠠᠨ ᠮᠡᠷᠭᠢᠳ ᠦ᠋ᠨ ᠴᠢᠯᠡᠳᠦ ᠡᠴᠡ ᠥᠭᠡᠯᠦᠨ ᠢ᠋ ᠪᠤᠯᠢᠶᠠᠨ ᠠᠪᠤᠭᠰᠠᠨ ᠤ᠋ ᠥᠰᠢᠶᠡ ᠶ᠋ᠢ ᠠᠪᠬᠤ ᠪᠠᠷ ᠢᠷᠡᠭᠰᠡᠨ ᠪᠠᠢᠪᠠ᠃ ᠲᠡᠳᠡ ᠪᠥᠷᠲᠡ ᠦᠵᠢᠨ ᠢ᠋ ᠠᠪᠴᠤ ᠶᠠᠪᠤᠭᠠᠳ ᠴᠢᠯᠡᠳᠦ ᠶ᠋ᠢᠨ ᠳᠡᠭᠦᠦ ᠴᠢᠯᠡᠬᠡᠷ ᠪᠥᠬᠡ ᠳ᠋ᠦ᠍ ᠥᠭᠪᠡ᠃ ᠴᠢᠯᠡᠬᠡᠷ ᠪᠥᠬᠡ ᠦᠵᠡᠰᠬᠦᠯᠡᠩ ᠲᠡᠭᠦᠯᠳᠡᠷ ᠭᠤᠸᠠ ᠰᠠᠢᠬᠠᠨ ᠪᠥᠷᠲᠡ ᠦᠵᠢᠨ ᠢ᠋ ᠬᠠᠷᠠᠨ ᠰᠢᠭᠦᠷᠡᠰᠦ ᠠᠯᠳᠠᠲᠠᠯᠠ ᠬᠤᠸᠠᠭ᠍ᠴᠢᠨ ᠡᠮᠡᠭᠡᠨ ᠪᠥᠷᠲᠡ ᠦᠵᠢᠨ ᠦ᠌ ᠤᠷᠲᠤ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠠᠯᠬᠠᠯᠠᠨ ᠵᠣᠭᠰᠣᠭᠠᠳ᠄《ᠲᠠ ᠶᠠᠭᠤᠨ ᠳ᠋ᠤ᠌ ᠪᠥᠷᠲᠡ ᠬᠠᠲᠤᠨ ᠤᠷᠤᠭᠤ ᠮᠠᠨᠢ ᠰᠢᠨᠤᠬᠠᠢ ᠬᠠᠷᠠᠴᠠ ᠪᠠᠷ ᠰᠢᠷᠲᠡᠭᠡᠳ ᠪᠠᠢᠨᠠ? ᠲᠡᠮᠦᠵᠢᠨ ᠦ᠌ ᠭᠡᠷᠭᠡᠢ ᠭᠡᠳᠡᠭ ᠢ᠋ ᠨᠢ ᠮᠠᠷᠲᠠᠭᠠ ᠦᠭᠡᠢ ᠪᠢᠵᠡ! ᠭᠠᠷ ᠬᠦᠷᠬᠦ ᠨᠢ ᠪᠠᠢᠲᠤᠭᠠᠢ ᠬᠠᠷᠠᠴᠠ ᠤᠨᠠᠭᠠᠬᠤ ᠶ᠋ᠢᠨ ᠲᠡᠳᠦᠢ ᠳ᠋ᠦ᠍ ᠲᠣᠯᠣᠭᠠᠢ ᠦᠭᠡᠢ ᠪᠣᠯᠤᠨᠠ ᠭᠡᠳᠡᠭ ᠢ᠋ᠶ᠋ᠡᠨ ᠮᠠᠷᠲᠠᠭᠠ ᠦᠭᠡᠢ ᠪᠢᠵᠡ!》 ᠭᠡᠲᠡᠯᠡ ᠴᠢᠯᠡᠬᠡᠷ ᠪᠥᠬᠡ᠄《ᠮᠠᠭᠤ ᠵᠠᠷᠤᠴᠠ ᠡᠮᠡᠭᠡᠨ ᠴᠢ ᠣᠯᠠᠨ ᠳᠣᠯᠣᠭᠠᠨ ᠶᠠᠭᠤᠮᠠ ᠶᠠᠷᠢᠭᠠᠳ ᠪᠠᠢᠯ ᠦᠭᠡᠢ᠂ ᠡᠨᠳᠡ ᠡᠴᠡ ᠭᠠᠷ!》 ᠭᠡᠳ ᠴᠡᠷᠢᠭ ᠦ᠋ᠳ ᠲᠦ᠍ ᠪᠡᠨ᠄《ᠡᠨᠡ ᠡᠮᠡᠭᠡᠨ ᠢ᠋ ᠡᠨᠳᠡ ᠡᠴᠡ ᠵᠠᠢᠯᠠᠭᠤᠯ!》 ᠭᠡᠪᠡ᠃ ᠴᠡᠷᠢᠭ ᠦ᠋ᠳ ᠴᠦ᠍ ᠴᠢᠯᠡᠬᠡᠷ ᠪᠥᠬᠡ ᠵᠢᠨ ᠬᠡᠯᠡᠭᠰᠡᠨ ᠶᠣᠰᠣᠭᠠᠷ ᠬᠤᠸᠠᠭ᠍ᠴᠢᠨ ᠡᠮᠡᠭᠡᠨ ᠢ᠋ ᠴᠢᠷᠴᠦ ᠲᠡᠳᠡᠨ ᠲᠡᠨᠳᠡ ᠡᠴᠡ ᠭᠠᠷᠭᠠᠪᠠ᠃
ᠡᠨᠡ ᠬᠣᠭᠣᠷᠣᠨᠳᠣ ᠲᠡᠮᠦᠵᠢᠨ ᠬᠠᠰᠠᠷ᠂ ᠪᠡᠯᠭᠦᠳᠡᠢ ᠬᠣᠶᠠᠷ ᠢ᠋ ᠳᠠᠭᠠᠭᠤᠯᠤᠨ ᠪᠤᠷᠬᠠᠨ ᠬᠠᠯᠳᠤᠨ ᠠᠭᠤᠯᠠᠨ ᠠ᠋ᠴᠠ ᠪᠠᠭᠤᠵᠤ ᠲᠤᠤᠯᠠ ᠭᠣᠣᠯ ᠤ᠋ᠨ ᠬᠠᠷᠠ ᠰᠢᠭᠤᠢ ᠳ᠋ᠤ᠌ ᠨᠤᠲᠤᠭᠯᠠᠵᠤ ᠪᠠᠢᠭᠠ ᠸᠠᠩ ᠬᠠᠨ ᠲᠤᠭᠤᠷᠢᠯ ᠳᠡᠭᠡᠷᠡ ᠣᠴᠢᠭᠠᠳ ᠡᠢᠨ ᠬᠦ᠌ ᠬᠡᠯᠡᠪᠡ᠃《ᠰᠠᠢᠨ ᠪᠠᠢᠨᠠ ᠤᠤ? ᠸᠠᠩ ᠬᠠᠨ ᠮᠢᠨᠢ! ᠲᠠᠨ ᠤ᠋ ᠲᠤᠰᠠᠯᠠᠮᠵᠢ ᠨᠠᠳᠠ ᠳ᠋ᠤ᠌ ᠬᠡᠷᠡᠭᠲᠡᠢ ᠪᠠᠢᠨᠠ᠃ ᠬᠡᠳᠦ ᠬᠣᠨᠣᠭ ᠤ᠋ᠨ ᠡᠮᠦᠨᠡ ᠪᠢᠳᠡᠨ ᠢ᠋ ᠤᠨᠲᠠᠵᠤ ᠪᠠᠢᠬᠤ ᠳ᠋ᠤ᠌ ᠭᠤᠷᠪᠠᠨ ᠮᠡᠷᠭᠢᠳ ᠦ᠋ᠳ ᠳᠣᠪᠲᠣᠯᠤᠨ ᠢᠷᠡᠭᠡᠳ ᠠᠪᠠᠯᠢ ᠭᠡᠷᠭᠡᠢ ᠪᠥᠷᠲᠡ ᠥᠵᠢᠨ ᠢ᠋ ᠮᠢᠨᠢ ᠬᠤᠯᠠᠭᠠᠢᠯᠠᠭᠠᠳ ᠠᠪᠤᠭᠠᠳ ᠶᠠᠪᠤᠴᠢᠬᠠᠯᠠ 》 ᠭᠡᠪᠡ᠃ ᠸᠠᠩ ᠬᠠᠨ ᠲᠤᠭᠤᠷᠢᠯ᠄《ᠸᠠᠩ ᠠᠬᠠ ᠨᠢ ᠬᠡᠯᠡᠭᠰᠡᠨ ᠠᠮᠠᠨ ᠳ᠋ᠤ᠌ ᠪᠠᠨ ᠬᠦᠷᠳᠡᠭ ᠬᠥᠮᠦᠨ ᠰᠢᠦ᠃ ᠨᠢᠳᠤᠨᠤᠨ ᠴᠢᠮᠠ ᠶ᠋ᠢ ᠢᠷᠡᠵᠦ ᠪᠤᠯᠠᠭᠠᠨ ᠳᠠᠬᠤ ᠪᠡᠯᠡᠭᠯᠡᠬᠦ ᠳ᠋ᠦ᠍ ᠴᠢᠨᠢ ᠬᠡᠴᠡᠭᠦᠦ ᠦᠶᠡ ᠳ᠋ᠦ᠍ ᠴᠢᠨᠢ ᠲᠤᠰᠠᠯᠠᠨᠠ ᠭᠡᠵᠦ ᠠᠮᠠᠯᠠᠭᠰᠠᠨ ᠰᠢᠦ ᠳᠡ᠂ ᠴᠢ ᠵᠠᠮᠤᠬᠠ ᠳᠡᠭᠦᠦ ᠳ᠋ᠦ᠍ ᠡᠯᠴᠢ ᠢᠯᠡᠭᠡᠴᠢᠬᠡ᠂ ᠵᠠᠮᠤᠬᠠ ᠣᠳᠣ ᠬᠣᠷᠬᠣᠨᠠᠭ ᠵᠤᠪᠤᠷ ᠭᠡᠳᠡᠭ ᠭᠠᠵᠠᠷ ᠨᠤᠲᠤᠭᠯᠠᠵᠤ ᠪᠠᠢᠭᠠ᠂ ᠪᠢ ᠡᠨᠳᠡ ᠡᠴᠡ ᠬᠣᠶᠠᠷ ᠲᠦᠮᠡᠨ ᠴᠡᠷᠢᠭ ᠢ᠋ᠶ᠋ᠡᠨ ᠠᠪᠤᠭᠠᠳ ᠮᠡᠷᠭᠢᠳ ᠦ᠋ᠳ ᠦ᠋ᠨ ᠪᠠᠷᠠᠭᠤᠨ ᠭᠠᠷ ᠲᠠᠯᠠ ᠠ᠋ᠴᠠ ᠨᠢ ᠳᠣᠪᠲᠣᠯᠤᠶᠠ᠂ ᠠᠬᠠ ᠬᠠᠷᠢᠨ ᠵᠠᠮᠤᠬᠠ ᠵᠡᠭᠦᠨ ᠭᠠᠷ ᠲᠠᠯᠠ ᠠ᠋ᠴᠠ ᠨᠢ ᠳᠣᠪᠲᠣᠯᠤᠭ!》 ᠭᠡᠪᠡ᠃
ᠲᠡᠮᠦᠵᠢᠨ ᠪᠣᠳᠣᠪᠠ᠃《ᠲᠡᠢᠮᠦ ᠠ᠋᠂ ᠪᠢ ᠶᠠᠭᠠᠬᠢᠭᠠᠳ ᠰᠠᠨᠠᠭᠰᠠᠨ ᠦᠭᠡᠢ ᠪᠣᠢ ᠬᠣᠶᠠᠷᠲᠠ ᠠᠨᠳᠠ ᠪᠣᠯᠤᠯᠴᠠᠭᠰᠠᠨ ᠵᠠᠮᠤᠬᠠ ᠬᠠᠨ ᠮᠢᠨᠢ ᠪᠠᠢᠭᠠ ᠰᠢᠦ ᠳᠡ᠂ ᠪᠢᠳᠡ ᠴᠢᠨᠢ ᠠᠷᠪᠠᠨ ᠨᠢᠭᠡᠨ ᠨᠠᠰᠤᠨ ᠳ᠋ᠤ᠌ ᠪᠠᠨ ᠠᠩᠬᠠ ᠪᠡᠶᠡ ᠪᠡᠶᠡ ᠳ᠋ᠦ᠍ ᠪᠡᠨ ᠱᠠᠭᠠ ᠰᠣᠯᠢᠯᠴᠠᠨ ᠠᠨᠳᠠ ᠪᠣᠯᠤᠯᠴᠠᠵᠤ ᠬᠣᠶᠠᠳᠠᠬᠢ ᠤᠳᠠᠭᠠ ᠪᠠᠨ ᠵᠠᠮᠤᠬᠠ ᠠᠨᠳᠠ ᠦᠬᠡᠷ ᠦ᠋ᠨ ᠡᠪᠡᠷ ᠢ᠋ᠶ᠋ᠡᠷ ᠬᠢᠭᠰᠡᠨ ᠰᠤᠮᠤ ᠪᠠᠨ ᠪᠡᠯᠡᠭᠯᠡᠨ ᠠᠨᠳᠠ ᠪᠣᠯᠤᠯᠴᠠᠵᠤ ᠪᠠᠢᠭᠰᠠᠨ᠂ ᠵᠠᠮᠤᠬᠠ ᠠᠨᠳᠠ ᠮᠢᠨᠢ ᠮᠢᠨᠦ ᠠᠰᠠᠭᠤᠳᠠᠯ ᠢ᠋ ᠰᠣᠨᠣᠰᠪᠠᠯ ᠨᠠᠳᠠ ᠲᠠᠢ ᠬᠠᠮᠲᠤ ᠮᠡᠷᠭᠢᠳ ᠦ᠋ᠳ ᠢ᠋ ᠳᠠᠭᠠᠷᠢᠨ ᠳᠣᠪᠲᠣᠯᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠢ᠃》 ᠭᠡᠵᠦ ᠪᠣᠳᠣᠭᠠᠳ ᠰᠠᠨᠳᠤᠷᠴᠤ ᠲᠡᠪᠡᠳᠡᠨ᠂ ᠳᠡᠯᠪᠡᠷᠡᠬᠦ ᠳ᠋ᠦ᠍ ᠪᠡᠯᠡᠨ ᠪᠠᠢᠭᠰᠠᠨ ᠵᠢᠷᠦᠬᠡ ᠨᠢ ᠪᠠᠭᠠ ᠴᠤ᠌ ᠪᠣᠯᠪᠠ ᠲᠠᠢᠪᠤᠰᠢᠷᠠᠨ ᠦᠳᠲᠡᠷ ᠲᠦᠷᠭᠡᠨ ᠵᠠᠮᠤᠬᠠ ᠳ᠋ᠤ᠌ ᠬᠡᠯᠡ ᠬᠦᠷᠭᠡᠭᠦᠯᠬᠦ ᠪᠡᠷ ᠬᠠᠰᠠᠷ᠂ ᠪᠡᠯᠭᠦᠳᠡᠢ ᠬᠣᠶᠠᠷ ᠢ᠋ ᠢᠯᠡᠭᠡᠪᠡ᠃ ᠲᠡᠮᠦᠵᠢᠨ ᠵᠠᠮᠤᠬᠠ ᠳ᠋ᠤ᠌ ᠬᠠᠨᠳᠤᠨ᠄《 ᠦᠰ ᠬᠣᠨᠵᠢᠩᠲᠤ ᠮᠡᠷᠭᠢᠳ ᠢᠷᠡᠵᠦ᠂ ᠦᠷᠦ ᠶ᠋ᠢ ᠮᠢᠨᠢ ᠡᠪᠡᠳᠬᠡᠵᠦ᠂ ᠡᠪᠦᠷ ᠢ᠋ ᠮᠢᠨᠢ ᠬᠣᠭᠣᠰᠣᠯᠠᠵᠤ᠂ ᠥᠬᠥᠭᠡᠷᠳᠡᠮᠡ ᠪᠥᠷᠲᠡ ᠥᠵᠢᠨ ᠢ᠋ ᠮᠢᠨᠢ ᠨᠠᠳᠠ ᠠ᠋ᠴᠠ ᠪᠤᠯᠢᠶᠠᠨ ᠣᠯᠵᠠᠯᠠᠴᠢᠬᠠᠯᠠ᠃ ᠡᠯᠢᠭᠡ ᠵᠢᠷᠦᠬᠡ ᠮᠠᠨᠢ ᠡᠮᠲᠡᠷᠡᠵᠦ ᠡᠪᠳᠡᠷᠡᠵᠦ ᠪᠠᠢᠨᠠ᠃ ᠬᠣᠶᠠᠷᠲᠠ ᠠᠨᠳᠠ ᠪᠣᠯᠤᠯᠴᠠᠭᠰᠠᠨ ᠠᠨᠳᠠ ᠨᠥᠬᠥᠷ ᠮᠢᠨᠢ ᠨᠠᠳᠠ ᠳ᠋ᠤ᠌ ᠪᠥᠷᠲᠡ ᠦᠵᠢᠨ ᠢ᠋ᠶ᠋ᠡᠨ ᠪᠤᠴᠠᠭᠠᠵᠤ ᠠᠪᠬᠤ ᠳ᠋ᠤ᠌ ᠮᠢᠨᠢ ᠲᠤᠰᠠᠯᠠᠭᠠᠴᠢ! ᠭᠤᠷᠪᠠᠨ ᠮᠡᠷᠭᠢᠳ ᠦ᠋ᠳ ᠪᠥᠷᠲᠡ ᠦᠵᠢᠨ ᠳ᠋ᠦ᠍ ᠮᠠᠨᠢ ᠬᠤᠷᠤᠭᠤᠨ ᠤ᠋ ᠦᠵᠦᠭᠦᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠬᠦᠷᠭᠡᠭᠰᠡᠨ ᠲᠡᠳᠦᠢ ᠳ᠋ᠦ᠍ ᠪᠢ ᠲᠡᠳᠡᠨ ᠢ᠋ ᠡᠪᠦᠭᠡ ᠳᠡᠭᠡᠳᠦᠰ ᠡᠴᠡ ᠦᠷᠡ ᠤᠳᠤᠮ ᠬᠦᠷᠲᠡᠯᠡ ᠨᠢ ᠬᠦᠢᠰᠦ ᠲᠡᠮᠲᠡᠷᠢᠵᠦ ᠦᠨᠡᠰᠦᠨ ᠲᠣᠪᠷᠠᠭ ᠪᠣᠯᠭᠠᠬᠤ ᠪᠣᠯᠤᠨᠠ》 ᠭᠡᠪᠡ᠃ ᠬᠠᠷᠢᠭᠤ ᠳ᠋ᠤ᠌ ᠨᠢ ᠵᠠᠮᠤᠬᠠ᠄《ᠬᠣᠶᠠᠷᠲᠠ ᠠᠨᠳᠠ ᠪᠣᠯᠤᠯᠴᠠᠭᠰᠠᠨ ᠳᠣᠲᠣᠨᠣ ᠶ᠋ᠢᠨ ᠠᠨᠳᠠ ᠮᠢᠨᠢ ᠨᠥᠬᠥᠷ ᠮᠢᠨᠢ ᠴᠢᠨᠦ ᠲᠤᠬᠠᠢ ᠰᠣᠨᠣᠰᠤᠭᠠᠳ ᠴᠡᠭᠡᠵᠢ ᠪᠡᠷ ᠬᠥᠨᠳᠡᠭᠦᠷᠯᠡᠨ᠂ ᠠᠭᠤᠷ ᠣᠮᠣᠭ ᠮᠠᠨᠢ ᠪᠤᠴᠠᠯᠵᠤ ᠴᠡᠭᠡᠵᠢᠨ ᠡᠴᠡ ᠴᠢᠰᠤ ᠱᠦᠭᠦᠷᠡᠨ ᠠᠮᠠᠨ ᠳ᠋ᠤ᠌ ᠠᠮᠲᠠᠭᠳᠠᠵᠤ ᠪᠠᠢᠨᠠ᠃ ᠪᠢ ᠣᠳᠣ ᠡᠨᠳᠡ ᠡᠴᠡ ᠬᠣᠶᠠᠷ ᠲᠦᠮᠡᠨ ᠴᠡᠷᠢᠭ ᠢ᠋ᠶ᠋ᠡᠨ ᠠᠪᠤᠭᠠᠳ ᠭᠠᠷᠤᠯᠠ᠃ ᠭᠤᠷᠪᠠᠭᠤᠯᠠ ᠪᠠᠨ ᠤᠨᠤᠨ ᠮᠥᠷᠡᠨ ᠦ᠌ ᠡᠬᠢ ᠪᠣᠲᠤᠬᠠᠨ ᠪᠤᠭᠤᠷᠵᠢ ᠭᠡᠳᠡᠭ ᠭᠠᠵᠠᠷ ᠲᠤ᠌ ᠠᠭᠤᠯᠵᠠᠵᠠᠭᠠᠶᠠ!》
ᠲᠡᠮᠦᠵᠢᠨ ᠵᠠᠮᠤᠬᠠ ᠶ᠋ᠢᠨ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠶᠡᠬᠡᠳᠡ ᠪᠠᠶᠠᠷᠯᠠᠨ ᠲᠤᠭᠤᠷᠢᠯ ᠬᠠᠨ ᠳ᠋ᠤ᠌ ᠳᠠᠮᠵᠢᠭᠤᠯᠤᠨ ᠬᠡᠯᠡᠪᠡ᠃ ᠲᠡᠭᠡᠭᠡᠳ ᠲᠣᠭᠣᠷᠢᠯ ᠬᠠᠨ ᠵᠠᠮ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠡᠮᠦᠵᠢᠨ ᠢ᠋ ᠠᠪᠤᠭᠠᠳ ᠤᠨᠤᠨ ᠮᠥᠷᠡᠨ ᠦ᠌ ᠡᠬᠢ ᠪᠣᠲᠤᠬᠠᠨ ᠪᠤᠭᠤᠷᠵᠢ ᠭᠡᠳᠡᠭ ᠭᠠᠵᠠᠷ ᠢᠷᠡᠲᠡᠯᠡ ᠵᠠᠮᠤᠬᠠ ᠠᠯᠢ ᠬᠡᠳᠦᠢᠨ ᠦ᠌ ᠭᠤᠷᠪᠠ ᠬᠣᠨᠣᠭ ᠤ᠋ᠨ ᠡᠮᠦᠨᠡ ᠢᠷᠡᠴᠢᠬᠡᠭᠰᠡᠨ ᠬᠦᠯᠢᠶᠡᠵᠦ ᠪᠠᠢᠪᠠ᠃ ᠵᠠᠮᠤᠬᠠ ᠲᠣᠭᠣᠷᠢᠯ ᠬᠠᠨ ᠢ᠋ ᠬᠣᠴᠣᠷᠤᠨ ᠢᠷᠡᠭᠰᠡᠨ ᠳ᠋ᠦ᠍ ᠳᠤᠷᠠ ᠦᠭᠡᠢ ᠪᠠᠢᠭᠰᠠᠨ ᠴᠤ᠌ ᠠᠷᠰᠠᠷ ᠵᠦᠢᠯ ᠦ᠋ᠳ ᠢ᠋ ᠠᠷᠤ ᠳ᠋ᠤ᠌ ᠪᠠᠨ ᠦᠯᠡᠳᠡᠭᠡᠨ ᠭᠣᠣᠯ ᠵᠣᠷᠢᠯᠭᠠ ᠪᠣᠯᠬᠤ ᠠᠨᠳᠠ ᠨᠥᠬᠥᠷ ᠲᠡᠮᠦᠵᠢᠨ ᠦ᠌ ᠠᠪᠠᠯᠢ ᠭᠡᠷᠭᠡᠢ ᠪᠥᠷᠲᠡ ᠦᠵᠢᠨ ᠢ᠋ ᠪᠤᠴᠠᠭᠠᠨ ᠠᠪᠬᠤ ᠪᠠᠷ ᠲᠡᠳᠡ ᠭᠤᠷᠪᠠ ᠮᠡᠷᠭᠢᠳ ᠢ᠋ ᠳᠠᠭᠠᠷᠢᠨ ᠳᠣᠪᠲᠣᠯᠬᠤ ᠪᠠᠷ ᠵᠠᠮ ᠳ᠋ᠤ᠌ ᠪᠠᠨ ᠭᠠᠷᠪᠠ᠃ ᠲᠡᠮᠦᠵᠢᠨ ᠭᠤᠷᠪᠠᠨ ᠮᠡᠷᠭᠢᠳ ᠦ᠋ᠳ ᠤᠷᠤᠭᠤ ᠳᠠᠭᠠᠷᠢᠨ ᠢᠷᠡᠬᠦ ᠳ᠋ᠦ᠍ ᠭᠤᠷᠪᠠᠨ ᠮᠡᠷᠭᠢᠳ ᠦ᠋ᠨ ᠲᠣᠭ᠍ᠲᠤᠭᠠ ᠪᠡᠬᠢ ᠳ᠋ᠦ᠍ ᠲᠡᠨᠳᠡᠬᠢ ᠶ᠋ᠢᠨ ᠠᠩᠴᠢᠳ《ᠲᠡᠮᠦᠵᠢᠨ ᠢᠷᠡᠵᠦ ᠪᠠᠢᠨᠠ 》 ᠭᠡᠮᠡᠨ ᠬᠡᠯᠡᠵᠦ ᠳᠣᠭᠣᠯᠭᠠᠪᠠ᠃ ᠡᠭᠦᠨ ᠢ᠋ ᠰᠣᠨᠣᠰᠤᠭᠠᠳ ᠲᠣᠭ᠍ᠲᠤᠭᠠ ᠪᠡᠬᠢ᠂ ᠲᠡᠢᠷ ᠤᠰᠤᠨ᠂ ᠴᠢᠯᠡᠬᠡᠷ ᠪᠥᠬᠡ ᠰᠡᠯᠡᠩᠭᠡ ᠶ᠋ᠢ ᠤᠷᠤᠭᠤᠳᠠᠨ ᠪᠠᠷᠭᠤᠵᠢᠨ ᠣᠷᠣᠨ ᠤᠷᠤᠭᠤ ᠵᠢᠭᠤᠲᠠᠪᠠ᠃ ᠴᠢᠯᠡᠬᠡᠷ ᠪᠥᠬᠡ ᠵᠢᠭᠤᠲᠠᠵᠤ ᠶᠠᠪᠤᠬᠤ ᠳ᠋ᠤ᠌ ᠪᠠᠨ ᠡᠢᠨ ᠬᠦ᠌ ᠪᠣᠳᠣᠪᠠ᠃《 ᠴᠢᠯᠡᠬᠡᠷ ᠪᠥᠬᠡ ᠴᠢ ᠣᠳᠣ ᠪᠠᠢᠭᠠ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠭᠣᠯᠣᠨ ᠢᠯᠡᠭᠦᠦ ᠶᠠᠭᠤᠮᠠᠨ ᠳ᠋ᠤ᠌ ᠰᠢᠨᠤᠨ ᠳᠤᠷᠠᠯᠠᠵᠤ᠂ ᠡᠷᠲᠡ ᠳᠡᠭᠡᠷᠡ ᠦᠶᠡ ᠶ᠋ᠢᠨ ᠦᠰ ᠬᠣᠨᠵᠢᠩ ᠢ᠋ᠶ᠋ᠠᠷ ᠳᠡᠯᠢᠮ ᠬᠢᠵᠦ ᠡᠴᠦᠰ ᠲᠦ᠍ ᠨᠢ ᠥᠪᠡᠷᠲᠡᠭᠡᠨ ᠪᠠᠢᠭᠰᠠᠨ ᠪᠦᠬᠦ ᠵᠦᠢᠯ ᠢ᠋ᠶ᠋ᠡᠨ ᠠᠯᠳᠠᠵᠤ ᠣᠯᠠᠨ ᠠᠷᠠᠳ ᠤ᠋ᠨ ᠢ᠋ᠶ᠋ᠠᠨ ᠠᠮᠢ ᠨᠠᠰᠤ ᠶ᠋ᠢ ᠬᠣᠬᠢᠷᠠᠭᠠᠯᠠ ᠳᠠ!》 ᠭᠡᠵᠦ ᠬᠠᠷᠠ ᠲᠣᠯᠣᠭᠠᠢ ᠪᠠᠨ ᠬᠠᠷᠢᠶᠠᠨ ᠬᠠᠯᠠᠭᠯᠠᠨ ᠵᠢᠭᠤᠲᠠᠪᠠ ᠭᠡᠨᠡ᠃
ᠡᠨᠡ ᠦᠶᠡ ᠳ᠋ᠦ᠍ ᠲᠡᠮᠦᠵᠢᠨ ᠵᠢᠭᠤᠲᠠᠭᠰᠠᠨ ᠮᠡᠷᠭᠢᠳ ᠦ᠋ᠳ ᠢ᠋ ᠬᠠᠢᠵᠤ ᠣᠯᠤᠭᠠᠳ ᠲᠡᠳᠡᠨ ᠦ᠌ ᠳᠤᠮᠳᠠ ᠠ᠋ᠴᠠ ᠪᠥᠷᠲᠡ ᠶ᠋ᠢ ᠬᠠᠢᠵᠤ ᠡᠬᠢᠯᠡᠪᠡ᠃《 ᠪᠥᠷᠲᠡ᠂ ᠪᠥᠷᠲᠡ ᠠ᠋! ᠴᠢ ᠮᠢᠨᠢ ᠡᠨᠳᠡ ᠪᠠᠢᠨᠠ ᠤᠤ?ᠪᠥᠷᠲᠡ᠂ ᠪᠥᠷᠲᠡ ᠠ᠋! ᠡᠩᠬᠦᠷᠡᠢ ᠬᠣᠩᠭᠣᠷ ᠪᠥᠷᠲᠡ ᠮᠢᠨᠢ ᠡᠨᠳᠡ ᠪᠠᠢᠨᠠ ᠤᠤ?》 ᠭᠡᠳ ᠪᠥᠷᠲᠡ ᠶ᠋ᠢ ᠳᠠᠭᠤᠳᠠᠵᠤ ᠬᠠᠢᠵᠤ ᠪᠠᠢᠬᠤ ᠶ᠋ᠢ ᠪᠥᠷᠲᠡ ᠲᠡᠷᠭᠡᠨ ᠳᠣᠲᠣᠷᠠ ᠠ᠋ᠴᠠ ᠰᠣᠨᠣᠰᠤᠭᠠᠳ ᠰᠢᠭᠤᠳ ᠲᠡᠷᠭᠡᠨ ᠡᠴᠡ ᠦᠰᠦᠷᠴᠦ ᠭᠠᠷᠴᠤ ᠲᠡᠮᠦᠵᠢᠨ ᠦ᠌ ᠵᠦᠭ ᠭᠦᠶᠦᠵᠦ ᠡᠬᠢᠯᠡᠪᠡ᠃ ᠲᠡᠭᠡᠭᠡᠳ ᠲᠡᠮᠦᠵᠢᠨ ᠢ᠋ ᠣᠯᠵᠤ ᠬᠠᠷᠠᠭᠠᠳ ᠲᠡᠮᠦᠵᠢᠨ ᠦ᠌ ᠮᠣᠷᠢᠨ ᠤ᠋ ᠬᠠᠵᠠᠭᠠᠷ ᠠ᠋ᠴᠠ ᠨᠢ ᠲᠡᠳᠡᠨ ᠠᠪᠪᠠ᠃ ᠲᠡᠮᠦᠵᠢᠨ ᠲᠡᠭᠡᠵᠦ ᠨᠢᠭᠡ ᠬᠠᠢᠷᠠᠲᠤ ᠪᠥᠷᠲᠡ ᠥᠵᠢᠨ ᠲᠡᠢ ᠪᠡᠨ ᠠᠭᠤᠯᠵᠠᠪᠠ᠃ ᠲᠡᠮᠦᠵᠢᠨ ᠮᠣᠷᠢᠨ ᠠ᠋ᠴᠠ ᠪᠠᠭᠤᠨ ᠬᠠᠢᠷᠠᠲᠠᠢ ᠪᠥᠷᠲᠡ ᠥᠵᠢᠨ ᠢ᠋ ᠪᠡᠨ ᠲᠡᠪᠡᠷᠢᠬᠦ ᠭᠡᠲᠡᠯᠡ ᠪᠥᠷᠲᠡ ᠥᠵᠢᠨ ᠬᠡᠳᠦᠢᠨ ᠪᠡᠶᠡ ᠳᠠᠪᠬᠤᠷ ᠪᠣᠯᠴᠢᠬᠠᠭᠰᠠᠨ ᠲᠣᠭᠣᠭᠠᠨ ᠴᠢᠨᠡᠭᠡ ᠭᠡᠳᠡᠰᠦ ᠨᠢ ᠴᠦᠨᠳᠦᠢᠨ ᠬᠠᠷᠠᠭᠳᠠᠪᠠ᠃ ᠶᠠᠭ ᠡᠨᠡ ᠦᠶᠡ ᠳ᠋ᠦ᠍ ᠲᠡᠮᠦᠵᠢᠨ ᠦ᠌ ᠲᠣᠯᠣᠭᠠᠢ ᠳᠡᠭᠡᠷᠡ ᠠᠶᠤᠩᠭᠠ ᠪᠠᠭᠤᠵᠤ ᠠᠭᠠᠳᠠᠷ ᠪᠣᠷᠣᠭᠠ ᠠᠰᠬᠠᠷᠠᠨ ᠬᠥᠬᠡ ᠮᠥᠩᠬᠡ ᠲᠡᠭᠷᠢ ᠨᠤᠷᠠᠭᠠᠳ ᠢᠷᠡᠬᠦ ᠨᠢ ᠰᠠᠨᠠᠭᠳᠠᠪᠠ᠃《ᠪᠥᠷᠲᠡ᠂ ᠠ᠋ ᠁ ᠪᠥᠷᠲᠡ ᠴᠢᠨᠦ ᠭᠡᠳᠡᠰᠦ᠁ ᠴᠢᠯᠡᠬᠡᠷ ᠪᠥᠬᠡ ᠴᠢᠮᠠ ᠶ᠋ᠢ ᠮᠢᠨᠢ ᠠ᠋ ᠁ ᠪᠢ᠁ ᠶᠠᠭᠤ᠁》 ᠭᠡᠵᠦ ᠭᠠᠴᠢᠵᠤ ᠪᠠᠢᠭᠠᠳ ᠭᠡᠨᠡᠳᠲᠡ ᠮᠠᠰᠢ ᠶᠡᠬᠡ ᠪᠡᠷ ᠠᠭᠤᠷ ᠬᠢᠯᠢᠩ ᠪᠠᠳᠠᠷᠠᠵᠤ ᠭᠠᠵᠠᠷ ᠰᠥᠬᠥᠷᠡᠨ ᠤᠨᠠᠭᠠᠳ《ᠮᠠᠭᠤ ᠴᠢᠯᠡᠬᠡᠷ ᠪᠥᠬᠡ ᠴᠢᠮᠠ ᠶ᠋ᠢ ᠭᠠᠵᠠᠷ ᠤ᠋ᠨ ᠮᠤᠬᠤᠷ ᠠ᠋ᠴᠠ ᠬᠠᠢᠵᠤ ᠣᠯᠤᠭᠠᠳ ᠬᠥᠮᠦᠨ ᠦ᠌ ᠮᠠᠭᠤ ᠪᠠᠷ ᠲᠠᠷᠴᠢᠯᠭᠠᠨ ᠤᠰᠠᠳᠬᠠᠵᠤ᠂ ᠥᠭᠡᠳᠡ ᠦᠭᠡᠢ ᠮᠠᠭᠤ ᠮᠡᠷᠭᠢᠳ ᠦ᠋ᠳ ᠦ᠋ᠨ ᠡᠷᠬᠢᠮ ᠰᠢᠲᠦᠭᠡᠨ ᠢ᠋ ᠨᠢ ᠡᠪᠳᠡᠵᠦ᠂ ᠥᠰᠬᠦ ᠬᠥᠷᠥᠰᠥ ᠶ᠋ᠢ ᠨᠢ ᠲᠠᠰᠤᠳᠠᠨ ᠬᠢᠳᠤᠵᠤ᠂ ᠬᠤᠲᠤᠭᠲᠤ ᠰᠠᠬᠢᠭᠤᠰᠤ ᠶ᠋ᠢ ᠨᠢ ᠬᠤᠭᠤ ᠳᠠᠭᠠᠷᠢᠵᠤ᠂ ᠦᠷᠡ ᠶ᠋ᠢᠨ ᠦᠷᠡ ᠶ᠋ᠢ ᠬᠦᠷᠲᠡᠯᠡ ᠦᠨᠡᠰᠦ ᠶ᠋ᠢ ᠬᠢᠲᠡᠯᠡ ᠬᠢᠳᠤᠬᠤ ᠪᠣᠯᠤᠨᠠ᠃》 ᠭᠡᠵᠦ ᠬᠠᠰᠬᠢᠷᠤᠭᠠᠳ ᠵᠢᠭᠤᠲᠠᠵᠤ ᠶᠠᠪᠤᠭᠰᠠᠨ ᠮᠡᠷᠭᠢᠳ ᠦ᠋ᠨ ᠳᠤᠮᠳᠠ ᠠ᠋ᠴᠠ ᠲᠣᠭ᠍ᠲᠤᠭᠠ ᠪᠡᠬᠢ ᠶ᠋ᠢ ᠪᠠᠷᠢᠵᠤ ᠠᠪᠤᠭᠠᠳ ᠨᠢᠳᠦᠨ ᠳᠡᠭᠡᠷᠡ ᠨᠢ ᠮᠡᠷᠭᠢᠳ ᠣᠯᠠᠨ ᠲᠦᠮᠡᠨ ᠢ᠋ ᠬᠦᠢᠰᠦ ᠲᠡᠮᠲᠡᠷᠢᠪᠡ ᠭᠡᠨᠡ᠃
ᠠᠯᠲᠠ ᠪᠡᠶᠡ ᠮᠢᠨᠢ ᠠᠯᠵᠢᠶᠠᠪᠠᠰᠤ ᠠᠯᠵᠢᠶᠠᠲᠤᠭᠠᠢ᠂
ᠠᠬᠤᠢ ᠲᠥᠷᠥ ᠮᠢᠨᠢ ᠪᠦᠦ ᠠᠯᠳᠠᠷᠠᠲᠤᠭᠠᠢ!
ᠪᠦᠲᠦᠨ ᠪᠡᠶᠡ ᠮᠢᠨᠢ ᠵᠣᠪᠠᠪᠠᠰᠤ ᠵᠣᠪᠠᠲᠤᠭᠠᠢ᠂
ᠪᠦᠷᠢᠨ ᠤᠯᠤᠰ ᠮᠢᠨᠢ ᠪᠦᠦ ᠵᠣᠪᠠᠲᠤᠭᠠᠢ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ᠄ ᠮᠥᠩᠭᠦᠨᠴᠡᠴᠡᠭ
ᠦᠰᠦᠭ ᠬᠠᠲᠠᠭᠰᠠᠨ᠄ ᠮᠥᠩᠭᠦᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ᠄ ᠮᠥᠴᠢᠷ