ᠲᠤᠩᠭᠠᠯᠠᠭ ᠲᠠᠮᠢᠷ3-17-ᠴ·ᠯᠤᠳᠤᠢ᠌ᠳᠠᠮᠪᠠТунгалаг тамир- ᠦᠵᠡᠵᠦ ᠰᠣᠨᠣᠰᠴᠤ ᠤᠩᠰᠢᠬᠤ ᠴᠠᠬᠢᠮ
1708《ᠲᠠᠨ ᠤ᠋ ᠳ᠋ᠤ᠌ ᠣᠯᠠᠨ ᠳ᠋ᠤ᠌ ᠭᠠᠢᠬᠠᠭᠳᠠᠭᠰᠠᠨ᠂ ᠣᠷᠴᠢᠯᠠᠩ ᠳ᠋ᠤ᠌ ᠬᠣᠣᠰ ᠦᠭᠡᠢ ᠲᠠᠨᠠ ᠰᠤᠪᠤᠳ ᠪᠠᠢᠳᠠᠭ᠃ ᠮᠠᠨ ᠤ᠋ ᠳ᠋ᠤ᠌ ᠬᠣᠯᠢᠴᠠᠭᠠ ᠦᠭᠡᠢ ᠬᠣᠩᠭᠣᠷ ᠰᠢᠷᠠ ᠰᠢᠵᠢᠷ ᠠᠯᠲᠠ ᠪᠠᠢᠳᠠᠭ ᠪᠢᠯᠡ》 - ᠭᠤᠷᠪᠠᠳᠤᠭᠠᠷ ᠪᠦᠯᠦᠭ ᠠᠷᠪᠠᠨ ᠳᠣᠯᠣᠭᠠ
ᠵᠤᠨ ᠤ᠋ ᠰᠠᠢᠬᠠᠨ ᠴᠠᠭ ᠲᠤ᠌ ᠬᠠᠩᠭᠠᠢ ᠨᠤᠲᠤᠭ ᠲᠤ᠌ ᠢᠰᠡᠭᠡᠢ ᠬᠢᠬᠦ ᠨᠢ ᠨᠢᠭᠡ ᠶᠣᠰᠣᠨ ᠳ᠋ᠠᠭᠠᠨ ᠪᠠᠶᠠᠷ ᠨᠠᠭᠠᠳᠤᠮ ᠪᠠᠢᠳᠠᠭ ᠪᠥᠭᠡᠳ ᠲᠤᠩᠭᠠᠯᠠᠭ ᠲᠠᠮᠢᠷ ᠤ᠋ᠨ ᠬᠥᠨᠳᠡᠢ ᠳ᠋ᠦ᠍ ᠢᠲᠡᠭᠡᠯᠲᠦ ᠶ᠋ᠢᠨ ᠢᠰᠡᠭᠡᠢ ᠬᠢᠬᠦ ᠨᠢ ᠪᠦᠷ ᠴᠦ᠍ ᠥᠷᠭᠡᠨ ᠳᠡᠯᠭᠡᠷ ᠪᠣᠯᠳᠠᠭ ᠠᠵᠢ᠃
ᠬᠣᠢᠲᠤ ᠲᠠᠮᠢᠷ ᠤ᠋ᠨ ᠥᠷᠭᠡᠨ ᠵᠦᠯᠭᠡᠨ ᠳᠡᠭᠡᠷᠡ ᠭᠤᠷᠪᠠᠨ ᠲᠣᠮᠣ ᠮᠠᠢᠬᠠᠨ ᠵᠡᠷᠭᠡᠴᠡᠭᠦᠯᠦᠨ ᠰᠢᠭᠠᠵᠤ᠂ ᠡᠳᠦᠢ ᠲᠡᠳᠦᠢ ᠡᠷᠡ᠂ ᠡᠮᠡ ᠬᠥᠮᠦᠰ ᠬᠡᠦᠬᠡᠳ ᠪᠠᠭᠠᠴᠤᠤᠯ ᠴᠤᠭᠯᠠᠷᠠᠨ᠂ ᠳᠡᠯᠭᠡᠵᠦ ᠬᠠᠲᠠᠭᠠᠭᠰᠠᠨ ᠢᠰᠡᠭᠡᠢ ᠨᠦ᠍ᠭᠦᠳ ᠨᠣᠭᠣᠭᠠᠨ ᠬᠠᠩᠪᠤᠨ ᠳᠡᠭᠡᠷᠡ ᠳᠥᠷᠪᠡᠯᠵᠢᠨ ᠴᠠᠭᠠᠨ ᠬᠡ ᠮᠡᠲᠦ ᠵᠢᠭᠳᠡᠬᠡᠨ ᠢᠷᠠᠢᠨᠠ᠃
ᠮᠠᠢᠬᠠᠨ ᠪᠦᠬᠦᠨ ᠳ᠋ᠦ᠍ ᠢᠰᠡᠭᠡᠢ ᠳᠡᠪᠢᠰᠴᠦ᠂ ᠲᠣᠮᠣ ᠲᠣᠷᠬᠠ ᠲᠠᠢ ᠱᠤᠤᠭᠢᠵᠤ ᠪᠤᠴᠠᠯᠤᠭᠰᠠᠨ ᠠᠢᠷᠠᠭ ᠰᠥᠩᠨᠡᠵᠦ᠂ ᠤᠷᠲᠤ ᠰᠢᠷᠡᠭᠡ ᠲᠠᠯᠪᠢᠨ ᠳᠡᠭᠡᠷᠡ ᠨᠢ ᠶᠡᠬᠡ ᠭᠠᠷ ᠤ᠋ᠨ ᠴᠠᠷᠠ ᠨᠤᠭᠤᠳ ᠲᠤ᠌ ᠴᠢᠨᠠᠭᠰᠠᠨ ᠬᠦᠢᠲᠡᠨ ᠮᠢᠬᠠ᠂ ᠥᠷᠥᠮᠡ ᠪᠢᠰᠢᠯᠠᠭ ᠣᠪᠣᠭᠠᠯᠠᠨ ᠲᠠᠯᠪᠢᠵᠠᠢ᠃
ᠭᠠᠳᠠᠨᠠ ᠭᠠᠵᠠᠷ ᠤᠬᠤᠵᠤ᠂ ᠵᠤᠤᠬᠠ ᠲᠡᠳᠡᠨ ᠳᠥᠷᠪᠡᠨ ᠲᠠᠮᠠᠭᠠ ᠲᠠᠢ ᠲᠣᠭᠣᠭᠠ ᠨᠤᠭᠤᠳ ᠲᠠᠯᠪᠢᠨ ᠠᠪᠠᠭᠠᠢ ᠨᠠᠷ ᠲᠠᠲᠠᠰᠢ ᠴᠤ᠌ ᠬᠢᠵᠦ᠂ ᠰᠦ ᠠᠮᠲᠠᠭᠳᠠᠭᠰᠠᠨ ᠰᠢᠷᠭᠠᠯ ᠴᠠᠢ ᠴᠢᠨᠠᠨᠠ᠃ ᠡᠷᠡᠭᠲᠡᠢᠴᠦᠳ᠂ ᠵᠠᠯᠠᠭᠤ ᠡᠮᠡᠭᠲᠡᠢᠴᠦᠳ ᠦ᠋ᠨ ᠬᠠᠮᠲᠤ ᠤᠩᠭᠠᠰᠤ ᠵᠤᠯᠤᠨᠠ᠃ ᠵᠠᠷᠢᠮ ᠨᠢ ᠤᠰᠤᠯᠠᠵᠤ ᠴᠠᠬᠢᠯᠳᠠᠭ ᠰᠠᠴᠤᠨᠠ᠃ ᠵᠠᠷᠢᠮ ᠨᠢ ᠢᠰᠡᠭᠡᠢ ᠪᠣᠭᠣᠨᠠ᠃ ᠬᠠᠷᠢᠨ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠢᠲᠡᠭᠡᠯᠲᠦ ᠶ᠋ᠢᠨ ᠪᠠᠶᠠᠨ᠂ ᠪᠤᠶᠠᠨ ᠢ᠋ ᠦᠭᠡ ᠬᠠᠢᠷᠠᠯᠠᠯ ᠦᠭᠡᠢ ᠮᠠᠭᠲᠠᠨ ᠬᠦᠴᠦ ᠬᠠᠢᠷᠠᠯᠠᠯ ᠦᠭᠡᠢ ᠠᠵᠢᠯ ᠬᠢᠨᠡ᠃
ᠳᠥᠷᠪᠡ ᠳᠥᠷᠪᠡᠨ ᠮᠣᠷᠢ ᠪᠠᠷ ᠭᠤᠷᠪᠠᠨ ᠵᠡᠷᠭᠡ ᠢᠰᠡᠭᠡᠢ ᠲᠠᠲᠠᠬᠤ ᠪᠥᠭᠡᠳ ᠨᠢᠭᠡᠨ ᠳ᠋ᠦ᠍ᠨᠢ ᠬᠣᠩᠭᠣᠷ᠂ ᠭᠤᠷᠪᠠᠨ ᠵᠠᠯᠠᠭᠤ ᠶ᠋ᠢᠨ ᠬᠠᠮᠲᠤ ᠶᠠᠪᠤᠨᠠ᠃ ᠡᠳᠡᠨ ᠦ᠌ ᠢᠰᠡᠭᠡᠢ ᠪᠠᠭᠤᠬᠤ ᠪᠣᠯᠤᠭᠰᠠᠨ ᠪᠣᠯᠤᠯᠲᠠᠢ᠃
ᠲᠡᠳᠡ ᠳᠣᠷᠣᠭᠣ ᠬᠠᠯᠠᠵᠤ ᠬᠥᠯᠥᠷᠡᠭᠰᠡᠨ ᠮᠣᠷᠢᠳ ᠢ᠋ᠶ᠋ᠠᠨ ᠲᠠᠰᠢᠭᠤᠷᠳᠠᠨ ᠴᠣᠬᠢᠨᠠ᠃ ᠦᠨᠡᠬᠡᠷ ᠴᠦ᠍ ᠲᠠᠯᠠ ᠶ᠋ᠢᠨ ᠠᠷᠪᠠᠨ ᠬᠣᠶᠠᠷ ᠭᠡᠵᠦ ᠬᠣᠩᠭᠣᠷ ᠬᠡᠯᠡᠭᠡᠳ ᠮᠠᠢᠬᠠᠨ ᠤ᠋ ᠵᠦᠭ ᠵᠢᠯᠣᠭᠣ ᠪᠠᠨ ᠡᠷᠭᠢᠭᠦᠯᠪᠡ᠃
ᠪᠣᠭᠣᠭᠰᠠᠨ ᠢᠰᠡᠭᠡᠢ ᠶ᠋ᠢ ᠣᠯᠠᠨ ᠬᠥᠮᠦᠨ ᠲᠣᠭᠣᠷᠢᠨ ᠵᠠᠳᠠᠯᠵᠤ ᠡᠬᠢᠯᠡᠬᠦ ᠳ᠋ᠦ᠍ ᠬᠣᠩᠭᠣᠷ ᠨᠥᠬᠥᠳ ᠦ᠋ᠨ ᠬᠠᠮᠲᠤ ᠮᠣᠷᠢᠳ ᠢ᠋ᠶ᠋ᠠᠨ ᠤᠶᠠᠭᠠᠳ ᠮᠠᠢᠬᠠᠨ ᠤ᠋ ᠵᠦᠭ ᠬᠥᠭᠵᠢᠯᠳᠦᠨ ᠶᠠᠪᠤᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠣᠩᠭᠣᠷ ᠠ᠋! ᠭᠡᠵᠦ ᠨᠢᠭᠡ ᠵᠠᠯᠠᠭᠤ ᠤᠩᠭᠠᠰᠤ ᠵᠤᠯᠤᠵᠤ ᠪᠠᠢᠭᠠ ᠰᠦᠷᠦᠩ ᠦ᠋ᠨ ᠵᠦᠭ ᠨᠢᠳᠦ ᠢᠷᠮᠡᠨ ᠨᠢᠳᠤᠷᠪᠠ᠃
ᠬᠣᠩᠭᠣᠷ ᠤ᠋ᠨ ᠬᠥᠯᠥᠷᠡᠭᠰᠡᠨ ᠴᠢᠷᠠᠢ ᠦᠯᠦ ᠮᠡᠳᠡᠭ ᠤᠯᠠᠰᠬᠢᠵᠦ᠂ ᠨᠢᠳᠦ ᠨᠢ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠰᠦᠷᠦᠩ ᠦ᠋ᠨ ᠵᠦᠭ ᠬᠠᠷᠠᠯᠠ᠃ ᠰᠦᠷᠦᠩ ᠦ᠋ᠨ ᠨᠢᠭᠤᠷ ᠡᠴᠡ ᠪᠠᠶᠠᠷ ᠵᠣᠪᠠᠨᠢᠯ ᠬᠣᠣᠰᠯᠠᠭᠰᠠᠨ ᠳᠤᠯᠠᠭᠠᠨ ᠲᠤᠶᠠᠭᠠ ᠰᠠᠴᠤᠷᠠᠨᠠ᠃
ᠬᠣᠩᠭᠣᠷ᠂ ᠰᠦᠷᠦᠩ ᠬᠣᠶᠠᠷ ᠤ᠋ᠨ ᠬᠣᠯᠪᠣᠭᠠ᠂ ᠲᠠᠮᠢᠷ ᠤ᠋ᠨ ᠭᠣᠣᠯ ᠤ᠋ᠨ ᠣᠯᠠᠨ ᠳ᠋ᠤ᠌ ᠲᠣᠳᠣᠷᠬᠠᠢ ᠪᠣᠯᠵᠤ ᠵᠠᠷᠢᠮ ᠨᠢ 《ᠨᠢᠮᠠ ᠴᠦ᠍ ᠵᠠᠶᠠᠭᠠ ᠲᠠᠢ ᠡᠷᠡ ᠶᠤᠮ》 ᠭᠡᠨᠡ᠃ ᠵᠠᠷᠢᠮ ᠨᠢ 《ᠲᠡᠢᠮᠦ ᠰᠠᠢᠬᠠᠨ ᠠᠮᠢᠲᠠᠨ ᠢ᠋ ᠬᠥᠷᠥᠩᠭᠡ᠂ ᠦᠵᠡᠰᠬᠦᠯᠡᠩ ᠬᠣᠣᠰᠯᠠᠭᠰᠠᠨ ᠲᠡᠢᠮᠦ ᠴᠣᠭ ᠲᠠᠢ ᠡᠷᠡ ᠠᠪᠬᠤ ᠦᠭᠡᠢ ᠶᠠᠭᠠᠬᠢᠬᠤᠪ》 ᠭᠡᠯᠴᠡᠨᠡ᠃ ᠵᠠᠷᠢᠮ ᠨᠢ ᠨᠢᠮᠠ ᠡᠪᠦᠭᠡᠨ ᠦ᠌ ᠠᠵᠠ ᠳ᠋ᠤ᠌ ᠪᠢᠲᠡᠭᠦᠦ ᠠᠲᠠᠭᠠᠷᠬᠠᠨ 《ᠲᠡᠷᠡ ᠬᠥᠷᠥᠩᠭᠡ ᠶ᠋ᠢ ᠪᠠᠷᠤᠭᠲᠠᠢ ᠪᠤᠶᠠᠨ ᠳᠠᠭᠠᠭᠠᠬᠤ ᠦᠭᠡᠢ》 ᠭᠡᠬᠦ ᠪᠤᠶᠤ 《ᠢᠲᠡᠭᠡᠯᠲᠦ ᠭᠠᠭᠴᠠ ᠬᠦᠦ ᠪᠡᠨ ᠲᠡᠢᠮᠦ ᠵᠠᠶᠠᠭᠠ ᠦᠭᠡᠢ ᠭᠤᠢᠯᠢᠨᠴᠢᠨ ᠤ᠋ ᠥᠬᠢᠨ ᠲᠡᠢ ᠰᠠᠭᠤᠯᠭᠠᠬᠤ ᠦᠭᠡᠢ》᠂ 《ᠬᠥᠮᠦᠨ ᠦ᠌ ᠪᠤᠶᠠᠨ᠂ ᠬᠥᠮᠦᠨ ᠳ᠋ᠦ᠍ ᠰᠢᠩᠭᠡᠬᠦ ᠦᠭᠡᠢ》 ᠭᠡᠵᠦ ᠶᠠᠷᠢᠨᠠ᠃
ᠳᠤᠯᠵᠢᠨ ᠭᠠᠭᠴᠠ ᠬᠦᠦ ᠪᠡᠨ ᠶᠠᠳᠠᠭᠤ ᠬᠥᠮᠦᠨ ᠦ᠌ ᠥᠬᠢᠨ ᠳ᠋ᠦ᠍ ᠰᠡᠳᠬᠢᠯ ᠲᠡᠢ ᠪᠣᠯᠤᠭᠰᠠᠨ ᠳ᠋ᠤ᠌ ᠪᠤᠬᠢᠨᠢᠳᠤᠪᠠᠴᠤ ᠢᠲᠡᠭᠡᠯᠲᠦ ᠡᠴᠡ ᠠᠶᠤᠳᠠᠭ ᠪᠣᠯᠬᠣᠷ ᠲᠡᠭᠦᠨ ᠦ᠌ ᠠᠮᠠ ᠶ᠋ᠢ ᠰᠢᠷᠳᠡᠨ᠂ ᠦᠭᠡ ᠶ᠋ᠢ ᠬᠦᠯᠢᠶᠡᠨᠡ᠃ ᠭᠡᠲᠡᠯᠡ ᠢᠲᠡᠭᠡᠯᠲᠦ ᠡᠨᠡ ᠶᠠᠪᠤᠳᠠᠯ ᠳ᠋ᠤ᠌ ᠨᠢᠳᠦᠨ ᠪᠠᠯᠠᠢ᠂ ᠴᠢᠬᠢᠨ ᠳᠦᠯᠡᠢ ᠮᠡᠲᠦ ᠠᠵᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠠᠭᠴᠠ ᠬᠦᠦ ᠴᠢᠨᠢ ᠰᠦᠷᠦᠩ ᠡᠴᠡ ᠰᠠᠯᠬᠤ ᠪᠠᠨ ᠪᠣᠯᠢᠵᠤ ᠰᠢᠦ᠃ ᠪᠤᠷᠤᠭᠤ ᠵᠠᠮ ᠢ᠋ᠶ᠋ᠠᠷ ᠪᠤᠳᠠᠭᠠ ᠲᠡᠭᠡᠭᠡᠪᠡᠯ ᠪᠤᠴᠠᠬᠤ ᠳ᠋ᠠᠭᠠᠨ ᠰᠢᠷᠣᠢ ᠲᠡᠭᠡᠭᠡᠨᠡ ᠭᠡᠳᠡᠭ᠃ ᠵᠠᠶᠠᠭᠠ ᠪᠤᠶᠠᠨ ᠲᠣᠬᠢᠷᠠᠭᠰᠠᠨ ᠶᠠᠭᠤᠮᠠ ᠲᠠᠢ ᠨᠡᠢᠯᠡᠭᠦᠯᠬᠦ ᠶ᠋ᠢ ᠪᠣᠳᠣᠪᠠᠯ ᠳᠡᠭᠡᠷᠡ ᠪᠢᠰᠢ ᠤᠤ ᠭᠡᠵᠦ ᠳᠤᠯᠵᠢᠨ ᠨᠢᠭᠡ ᠤᠳᠠᠭᠠ ᠵᠣᠷᠢᠭ ᠭᠠᠷᠭᠠᠨ ᠬᠡᠯᠡᠬᠦ ᠳ᠋ᠦ᠍ ᠮᠢᠬᠠ ᠢᠳᠡᠵᠦ ᠪᠠᠢᠭᠰᠠᠨ ᠢᠲᠡᠭᠡᠯᠲᠦ ᠡᠬᠡᠨᠡᠷ ᠢ᠋ᠶ᠋ᠡᠨ ᠶᠣᠵᠣᠲᠠᠢ ᠨᠢᠳᠦ ᠪᠡᠷ ᠰᠢᠷᠲᠡᠨ ᠬᠠᠷᠠᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ 《ᠰᠦᠷᠦᠩ ᠵᠠᠶᠠᠭᠠ ᠦᠭᠡᠢ ᠬᠥᠮᠦᠨ ᠭᠡᠵᠦ ᠴᠢᠮᠠ ᠳ᠋ᠤ᠌ ᠶᠠᠮᠠᠷ ᠰᠢᠮᠨᠤᠰ ᠨᠢ ᠰᠢᠪᠡᠭᠡᠨᠡᠵᠦ ᠣᠷᠬᠢᠪᠠ》 ᠭᠡᠯᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠦᠷᠦᠩ ᠢ᠋ ᠭᠠᠷᠤᠭᠰᠠᠨ ᠡᠴᠡ ᠬᠣᠢᠰᠢ ᠨᠢᠮᠠ ᠶ᠋ᠢᠨ ᠬᠢ ᠥᠭᠡᠷᠡ ᠯᠡ ᠪᠣᠯᠤᠭᠰᠠᠨ ᠦᠭᠡᠢ ᠳᠠᠭ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠᠯᠠᠭᠤᠰ ᠤ᠋ᠨ ᠶᠠᠪᠤᠳᠠᠯ ᠪᠢᠳᠡᠨ ᠳ᠋ᠦ᠍ ᠫᠠᠳ ᠦᠭᠡᠢ ᠭᠡᠳ ᠢᠲᠡᠭᠡᠯᠲᠦ ᠬᠢᠲᠤᠭᠠ ᠪᠠᠨ ᠠᠷᠴᠢᠵᠤ ᠬᠤᠢᠯᠠᠭᠠᠳ ᠪᠣᠰᠪᠠ᠃ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ ᠵᠠᠩ ᠢ᠋ ᠨᠡᠪᠲᠡ ᠮᠡᠳᠡᠳᠡᠭ ᠳᠤᠯᠵᠢᠨ ᠴᠢᠨᠠᠭᠰᠢ ᠶᠠᠭᠤᠮᠠ ᠬᠡᠯᠡᠭᠰᠡᠨ ᠦᠭᠡᠢ᠃
ᠬᠡᠳᠦᠨ ᠡᠳᠦᠷ ᠦ᠋ᠨ ᠳᠠᠷᠠᠭᠠ ᠠᠳᠤᠭᠤᠨ ᠳ᠋ᠤ᠌ ᠶᠠᠪᠤᠵᠤ ᠢᠷᠡᠭᠡᠳ ᠠᠢᠷᠠᠭ ᠤᠤᠭᠤᠵᠤ ᠰᠠᠭᠤᠭᠰᠠᠨ ᠬᠣᠩᠭᠣᠷ ᠲᠤ᠌ 《ᠬᠦᠦ ᠮᠢᠨᠢ ᠰᠦᠷᠦᠩ ᠴᠢᠮᠠ ᠳ᠋ᠤ᠌ ᠬᠠᠨᠢ ᠪᠢᠰᠢ᠃ ᠵᠠᠶᠠᠭᠠ ᠪᠤᠶᠠᠨ ᠢ᠋ ᠬᠠᠷᠠᠬᠤ ᠦᠭᠡᠢ ᠪᠣᠯ ᠪᠣᠯᠳᠠᠭ ᠦᠭᠡᠢ ᠶᠤᠮ》 ᠭᠡᠵᠦ ᠳᠤᠯᠵᠢᠨ ᠬᠡᠯᠡᠵᠡᠢ᠃
ᠬᠣᠩᠭᠣᠷ ᠬᠠᠷᠢᠭᠤ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ᠃ ᠭᠡᠪᠡᠴᠦ ᠲᠡᠭᠦᠨ ᠦ᠌ ᠬᠥᠯᠥᠰᠥ ᠲᠠᠭᠠᠪᠤᠷᠢᠯᠠᠭᠰᠠᠨ ᠪᠣᠷᠣ ᠴᠢᠷᠠᠢ 《ᠡᠵᠢ ᠮᠢᠨᠢ ᠡᠢᠮᠦ ᠶᠠᠭᠤᠮᠠ ᠶ᠋ᠢ ᠳᠠᠬᠢᠨ ᠨᠠᠳᠠ ᠪᠢᠲᠡᠭᠡᠢ ᠬᠡᠯᠡᠭᠡᠷᠡᠢ》 ᠭᠡᠰᠡᠨ ᠲᠣᠳᠣ ᠦᠭᠡ ᠪᠡᠷ ᠬᠡᠷᠡᠯᠳᠦᠵᠦ ᠪᠠᠢᠯᠠ᠃
ᠢᠲᠡᠭᠡᠯᠲᠦ ᠶ᠋ᠢᠨ ᠳᠦᠯᠡᠢ ᠳᠦᠮᠪᠠᠢ ᠪᠠᠢᠳᠠᠯ ᠢ᠋ ᠬᠥᠮᠦᠰ ᠶᠠᠩᠵᠤ ᠪᠦᠷᠢ ᠪᠡᠷ ᠲᠠᠢᠯᠪᠤᠷᠢᠯᠠᠨᠠ᠃ ᠵᠠᠷᠢᠮ ᠨᠢ ᠢᠲᠡᠭᠡᠯᠲᠦ ᠪᠠᠶᠠᠨ ᠬᠥᠮᠦᠨ ᠪᠣᠯᠬᠣᠷ ᠭᠠᠭᠴᠠ ᠬᠦᠦ ᠳ᠋ᠡᠭᠡᠨ ᠬᠥᠷᠥᠩᠭᠡ ᠬᠠᠷᠠᠵᠤ ᠡᠬᠡᠨᠡᠷ ᠠᠪᠬᠤ ᠦᠭᠡᠢ ᠭᠡᠨᠡ᠃ ᠵᠠᠷᠢᠮ ᠨᠢ ᠨᠢᠮᠠ ᠶ᠋ᠢᠨ ᠥᠬᠢᠨ ᠢ᠋ ᠦᠷᠡᠵᠦ ᠬᠠᠶᠠᠭᠰᠠᠨ ᠤ᠋ ᠳᠠᠷᠠᠭᠠ ᠥᠭᠡᠷᠡ ᠶᠠᠭᠤᠮᠠ ᠠᠪᠴᠤ ᠥᠭᠬᠦ ᠭᠡᠵᠦ ᠪᠠᠢᠭᠠ ᠶᠤᠮ ᠭᠡᠨᠡ᠃ ᠵᠠᠷᠢᠮ ᠨᠢ ᠭᠠᠭᠴᠠ ᠬᠦᠦ ᠳ᠋ᠡᠭᠡᠨ ᠬᠠᠯᠳᠠᠵᠤ ᠴᠢᠳᠠᠬᠤ ᠦᠭᠡᠢ ᠳᠤᠷᠠ ᠪᠠᠷ ᠨᠢ ᠲᠠᠯᠪᠢᠵᠤ ᠪᠠᠢᠭᠠ ᠬᠡᠷᠡᠭ ᠭᠡᠨᠡ᠃
ᠡᠨᠡ ᠣᠯᠠᠨ ᠤ᠋ ᠳᠣᠲᠣᠷᠠ ᠭᠠᠭᠴᠠ ᠥᠬᠢᠨ ᠢ᠋ᠶ᠋ᠡᠨ ᠬᠣᠩᠭᠣᠷ ᠲᠠᠢ ᠰᠠᠭᠤᠯᠭᠠᠵᠤ ᠢᠲᠡᠭᠡᠯᠲᠦ ᠶ᠋ᠢᠨ ᠶᠡᠬᠡ ᠬᠥᠷᠥᠩᠭᠡ ᠳ᠋ᠦ᠍ ᠬᠤᠷᠤᠭᠤ ᠲᠥᠷᠥᠬᠦ ᠪᠣᠳᠣᠯ ᠲᠠᠢ ᠨᠢᠭᠡ ᠬᠥᠮᠦᠨ ᠪᠠᠢᠯᠠ᠃ ᠲᠡᠷᠡ ᠪᠣᠯ ᠪᠠᠳᠠᠷᠴᠢ ᠪᠣᠯᠤᠨᠠ᠃ ᠡᠭᠦᠨ ᠢ᠋ ᠪᠡᠨ ᠪᠡᠶᠡᠯᠡᠭᠦᠯᠬᠦ ᠭᠡᠵᠦ ᠰᠡᠭᠦᠯ ᠦ᠋ᠨ ᠬᠣᠶᠠᠷ ᠵᠢᠯ ᠢᠲᠡᠭᠡᠯᠲᠦ ᠶ᠋ᠢᠨ ᠲᠡᠢ ᠰᠠᠭᠠᠬᠠᠯᠲᠠ ᠶᠠᠪᠤᠳᠠᠭ ᠪᠣᠯᠪᠠ᠃ ᠬᠡᠳᠦ ᠬᠡᠳᠦᠨ ᠤᠳᠠᠭᠠ ᠡᠬᠡᠨᠡᠷ ᠢ᠋ᠶ᠋ᠡᠨ ᠵᠣᠷᠢᠭᠤᠳᠠ ᠶᠠᠪᠤᠭᠤᠯᠵᠤ ᠳᠤᠯᠵᠢᠨ ᠲᠠᠢ ᠶᠠᠷᠢᠭᠤᠯᠵᠠᠢ᠃ ᠳᠤᠯᠵᠢᠨ ᠡᠨᠡ ᠰᠠᠨᠠᠯ ᠢ᠋ ᠪᠠᠶᠠᠷᠲᠠᠢ ᠳᠡᠮᠵᠢᠵᠦ ᠢᠲᠡᠭᠡᠯᠲᠦ ᠳ᠋ᠦ᠍ ᠬᠡᠯᠡᠭᠰᠡᠨ᠃ ᠭᠡᠲᠡᠯᠡ ᠨᠥᠬᠥᠷ ᠨᠢ ᠬᠦᠢᠲᠡᠨ ᠢᠨᠢᠶᠡᠵᠦ 《ᠪᠠᠳᠠᠷᠴᠢ ᠮᠢᠨᠦ ᠬᠥᠷᠥᠩᠭᠡ ᠡᠴᠡ ᠳᠣᠯᠣᠭᠣᠬᠤ ᠠᠵᠠ ᠦᠭᠡᠢ ᠪᠠᠢᠬᠠ ᠠ᠋》 ᠭᠡᠵᠡᠢ᠃
ᠪᠠᠳᠠᠷᠴᠢ ᠶ᠋ᠢᠨ ᠡᠬᠡᠨᠡᠷ᠂ ᠳᠤᠯᠵᠢᠨ ᠬᠣᠶᠠᠷ ᠬᠤᠤᠪᠢᠯᠳᠤᠵᠤ ᠬᠣᠶᠠᠷ ᠵᠠᠯᠠᠭᠤ ᠶ᠋ᠢ ᠠᠷᠭᠠᠯᠠᠵᠤ ᠪᠠᠢᠭᠠᠳ ᠬᠣᠰᠢᠭᠤ ᠴᠠᠮ ᠳ᠋ᠤ᠌ ᠬᠠᠮᠲᠤ ᠶᠠᠪᠤᠭᠤᠯᠤᠭᠰᠠᠨ᠃ ᠭᠡᠲᠡᠯᠡ ᠣᠷᠣᠢ ᠨᠢ ᠴᠤᠪᠤᠷᠠᠨ ᠢᠷᠡᠵᠡᠢ᠃
ᠢᠲᠡᠭᠡᠯᠲᠦ ᠶ᠋ᠢᠨ ᠢᠰᠡᠭᠡᠢ ᠬᠢᠵᠦ ᠪᠠᠢᠬᠤ ᠳ᠋ᠤ᠌ ᠪᠠᠳᠠᠷᠴᠢ ᠶ᠋ᠢᠨ ᠡᠬᠡᠨᠡᠷ ᠥᠬᠢᠨ ᠢ᠋ᠶ᠋ᠡᠨ ᠨᠢᠳᠦ ᠶ᠋ᠢ ᠨᠢ ᠪᠦᠯᠲᠡᠷᠡᠲᠡᠯᠡ ᠭᠣᠶᠣᠯᠠᠭᠠᠳ ᠬᠣᠩᠭᠣᠷ ᠤ᠋ᠨ ᠨᠢᠳᠦ ᠶ᠋ᠢ ᠲᠠᠲᠠᠬᠤ ᠭᠡᠵᠦ ᠬᠡᠳᠦ ᠳᠠᠬᠢᠨ ᠢᠷᠡᠭᠰᠡᠨ ᠪᠥᠭᠡᠳ ᠢᠰᠡᠭᠡᠢ ᠬᠢᠬᠦ ᠦᠶᠡ ᠳ᠋ᠦ᠍ ᠣᠷᠣᠢ ᠪᠦᠬᠦᠨ ᠪᠣᠯᠳᠠᠭ ᠴᠠᠭᠠᠨ ᠮᠣᠳᠣᠨ ᠤ᠋ ᠲᠣᠭᠯᠠᠭᠠᠮ ᠳ᠋ᠤ᠌ ᠣᠷᠣᠭᠰᠠᠨ ᠪᠣᠯᠪᠠᠴᠤ ᠭᠠᠢᠬᠠᠯ ᠬᠣᠩᠭᠣᠷ ᠤ᠋ᠨ ᠠᠩᠬᠠᠷᠤᠯ ᠢ᠋ ᠲᠠᠲᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃
ᠨᠢᠮᠠ ᠡᠪᠦᠭᠡᠨ ᠢᠯᠠᠩᠭᠤᠶᠠ ᠠᠪᠠᠭᠠᠢ ᠨᠢ ᠢᠲᠡᠭᠡᠯᠲᠦ ᠨᠢᠭᠡ ᠶᠠᠭᠤᠮᠠ ᠬᠡᠯᠡᠬᠦ ᠪᠣᠯᠪᠠ ᠤᠤ ᠭᠡᠵᠦ ᠭᠣᠷᠢᠳᠠᠬᠤ ᠪᠥᠭᠡᠳ ᠲᠣᠬᠢᠶᠠᠯᠳᠤᠬᠤ ᠪᠦᠷᠢ ᠳ᠋ᠡᠭᠡᠨ ᠠᠮᠠ ᠤᠷᠤᠭᠤ ᠨᠢ ᠰᠢᠷᠲᠡᠨ ᠵᠣᠭᠰᠣᠨᠠ᠃ ᠭᠡᠲᠡᠯᠡ ᠢᠲᠡᠭᠡᠯᠲᠦ ᠡᠴᠡ ᠦᠭᠡ ᠰᠣᠨᠣᠰᠬᠤ ᠶ᠋ᠢ ᠪᠢᠲᠡᠭᠡᠢ ᠬᠡᠯᠡ᠂ ᠬᠣᠶᠠᠷ ᠵᠠᠯᠠᠭᠤ ᠶ᠋ᠢᠨ ᠬᠣᠯᠪᠣᠭᠠ ᠶ᠋ᠢ ᠢᠲᠡᠭᠡᠯᠲᠦ ᠵᠢᠮᠡᠯᠡᠵᠦ ᠪᠠᠢᠭᠠ ᠶ᠋ᠢ ᠴᠦ᠍᠂ ᠳᠡᠮᠵᠢᠵᠦ ᠪᠠᠢᠭᠠ ᠶ᠋ᠢ ᠴᠦ᠍ ᠮᠡᠳᠡᠵᠦ ᠡᠰᠡ ᠴᠢᠳᠠᠨᠠ᠃ ᠬᠡᠰᠢᠭᠲᠦ ᠠᠪᠠᠭᠠᠢ ᠥᠷᠯᠥᠭᠡ ᠪᠦᠷᠢ ᠲᠠᠬᠢᠯ ᠡᠷᠭᠦᠬᠦ ᠪᠤᠶᠤ ᠣᠷᠣᠢ ᠪᠤᠷᠬᠠᠨ ᠳ᠋ᠠᠭᠠᠨ ᠵᠤᠯᠠ ᠪᠠᠷᠢᠬᠤ ᠳ᠋ᠠᠭᠠᠨ 《ᠭᠠᠭᠴᠠ ᠥᠬᠢᠨ ᠳ᠋ᠦ᠍ ᠮᠢᠨᠢ ᠵᠠᠶᠠᠭᠠ ᠪᠤᠶᠠᠨ ᠬᠠᠢᠷᠠᠯᠠ》 ᠭᠡᠵᠦ ᠦᠷᠭᠦᠯᠵᠢ ᠵᠠᠯᠪᠠᠷᠢᠳᠠᠭ ᠪᠠᠢᠯᠠ᠃
ᠢᠰᠡᠭᠡᠢ ᠬᠢᠬᠦ ᠠᠵᠢᠯ ᠤ᠋ᠨ ᠰᠢᠪᠲᠤᠷᠠᠭᠠ ᠪᠣᠯᠵᠤ ᠪᠠᠢᠬᠤ ᠳ᠋ᠤ᠌ ᠨᠡᠯᠢᠶᠡᠳ ᠰᠣᠭᠲᠣᠭᠰᠠᠨ ᠪᠠᠳᠠᠷᠴᠢ᠂ ᠢᠲᠡᠭᠡᠯᠲᠦ ᠶ᠋ᠢᠨ ᠳ᠋ᠦ᠍ ᠢᠷᠡᠯᠡ᠃ ᠲᠡᠭᠦᠨ ᠢ᠋ ᠬᠣᠩᠭᠣᠷ ᠤ᠋ᠨ ᠰᠡᠳᠬᠢᠯ ᠢ᠋ ᠲᠠᠲᠠᠵᠤ ᠴᠢᠳᠠᠭᠠ ᠦᠭᠡᠢ ᠳ᠋ᠡᠭᠡᠨ ᠪᠤᠬᠢᠨᠢᠳᠤᠭᠰᠠᠨ ᠡᠬᠡᠨᠡᠷ ᠨᠢ 《ᠴᠢ ᠭᠠᠭᠴᠠ ᠥᠬᠢᠨ ᠢ᠋ᠶ᠋ᠡᠨ ᠪᠤᠶᠠᠨ ᠲᠠᠢ ᠠᠢᠯ ᠤ᠋ᠨ ᠬᠣᠭᠣᠯᠠ ᠢᠳᠡᠭᠦᠯᠦᠶᠡ ᠭᠡᠵᠦ ᠪᠣᠳᠣᠳᠠᠭ ᠶᠤᠮ ᠪᠣᠯ ᠣᠴᠢᠵᠤ ᠢᠲᠡᠭᠡᠯᠲᠦ ᠲᠡᠢ ᠶᠠᠷᠢ》 ᠭᠡᠵᠦ ᠤᠬᠢᠯᠠᠨ ᠪᠠᠢᠮᠠᠨᠵᠢᠨ ᠶᠠᠪᠤᠭᠤᠯᠵᠠᠢ᠃
ᠪᠠᠳᠠᠷᠴᠢ ᠶ᠋ᠢ ᠢᠷᠡᠭᠰᠡᠨ ᠳ᠋ᠦ᠍ ᠪᠠᠶᠠᠷᠯᠠᠭᠰᠠᠨ ᠳᠤᠯᠵᠢᠨ ᠠᠷᠠᠵᠠ ᠭᠠᠷᠭᠠᠵᠤ ᠮᠥᠩᠭᠥᠨ ᠠᠶᠠᠭᠠᠨ ᠳ᠋ᠤ᠌ ᠬᠢᠨ ᠪᠠᠷᠢᠯᠠ᠃ ᠨᠤᠲᠤᠭ ᠣᠷᠣᠨ᠂ ᠮᠠᠯ ᠠᠬᠤᠢ᠂ ᠬᠤᠷᠳᠤᠨ ᠮᠣᠷᠢ᠂ ᠬᠦᠴᠦᠲᠦ ᠪᠥᠬᠡ ᠶ᠋ᠢᠨ ᠲᠤᠬᠠᠢ ᠢᠲᠡᠭᠡᠯᠲᠦ ᠲᠡᠢ ᠤᠳᠠᠲᠠᠯᠠ ᠶᠠᠷᠢᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ 《ᠢᠲᠡᠭᠡᠯᠲᠦ ᠮᠢᠨᠢ ᠪᠢᠳᠡ ᠬᠣᠶᠠᠷ ᠡᠴᠢᠭᠡ ᠡᠪᠦᠭᠡᠳ ᠡᠴᠡ ᠪᠡᠨ ᠡᠨᠡ ᠨᠤᠲᠤᠭ ᠲᠤ᠌ ᠬᠠᠶᠠᠭᠠ ᠨᠡᠢᠯᠡᠭᠦᠯᠦᠨ ᠨᠤᠲᠤᠭᠯᠠᠵᠤ ᠭᠡᠮ ᠦᠭᠡᠢ ᠶᠠᠪᠤᠯᠠ᠃ ᠣᠳᠣ ᠴᠢᠨᠦ ᠬᠦᠦ ᠡᠷᠡ ᠪᠣᠯᠵᠤ᠂ ᠮᠢᠨᠦ ᠥᠬᠢᠨ ᠨᠠᠰᠤ ᠪᠡᠶᠡ ᠭᠦᠢᠴᠡᠯᠡ᠃ ᠡᠨᠡ ᠬᠣᠶᠠᠷ ᠢ᠋ᠶ᠋ᠠᠨ ᠬᠣᠯᠪᠣᠵᠤ᠂ ᠠᠢᠯ ᠭᠡᠷ ᠪᠣᠯᠭᠠᠪᠠᠯ ᠪᠣᠯᠬᠤ ᠦᠭᠡᠢ ᠭᠠᠵᠠᠷ ᠦᠭᠡᠢ ᠮᠡᠲᠦ᠃ ᠮᠢᠨᠦ ᠥᠴᠦᠬᠡᠨ ᠬᠥᠷᠥᠩᠭᠡ᠂ ᠴᠢᠨᠦᠬᠢ ᠲᠡᠢ ᠵᠦᠢᠷᠯᠡᠬᠦ ᠳ᠋ᠦ᠍ ᠶᠠᠭᠤ ᠪᠣᠯᠬᠤ ᠪᠣᠢ᠃ ᠭᠡᠬᠦ ᠳ᠋ᠡᠭᠡᠨ ᠪᠢ ᠭᠠᠭᠴᠠ ᠥᠬᠢᠨ ᠢ᠋ᠶ᠋ᠡᠨ ᠬᠡᠨ ᠴᠦ᠍ ᠴᠢᠮᠠᠯᠠᠬᠤ ᠦᠭᠡᠢ ᠢᠨᠵᠢ ᠲᠡᠢ ᠪᠠᠭᠤᠯᠭᠠᠨᠠ ᠭᠡᠵᠦ ᠪᠣᠳᠣᠳᠠᠭ ᠶᠤᠮ ᠰᠢᠦ》 ᠭᠡᠯᠡ᠃
ᠢᠲᠡᠭᠡᠯᠲᠦ ᠳᠦᠯᠡᠢ ᠲᠠᠮᠪᠠ ᠣᠷᠬᠢᠨ ᠬᠠᠷᠢᠭᠤ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ ᠳ᠋ᠦ᠍ ᠳᠤᠯᠵᠢᠨ 《ᠡᠪᠦᠭᠡᠨ ᠮᠢᠨᠢ᠂ ᠪᠠᠳᠠᠷᠴᠢ ᠴᠢᠮᠠᠲᠤ ᠰᠠᠢᠬᠠᠨ ᠦᠭᠡ ᠬᠡᠯᠡᠵᠦ ᠪᠠᠢᠨᠠ》 ᠭᠡᠯᠡ᠃
ᠢᠲᠡᠭᠡᠯᠲᠦ ᠳᠠᠯᠤ ᠪᠠᠨ ᠬᠥᠳᠡᠯᠭᠡᠨ ᠰᠤᠨᠢᠶᠠᠭᠰᠠᠨ ᠢ᠋ᠶ᠋ᠠᠨ ᠡᠮᠦᠨᠡ ᠪᠡᠨ ᠪᠠᠢᠭᠰᠠᠨ ᠮᠥᠩᠭᠥᠨ ᠠᠶᠠᠭᠠᠨ ᠳ᠋ᠤ᠌ ᠠᠷᠢᠬᠢ ᠬᠢᠵᠦ ᠤᠳᠠᠭᠠᠨ ᠭᠡᠭᠴᠢ ᠨᠢ ᠰᠢᠮᠡᠵᠦ ᠤᠤᠭᠤᠯᠠ᠃ ᠭᠡᠷ ᠦ᠋ᠨ ᠳᠣᠲᠣᠷᠠ ᠶᠠᠮᠠᠷᠴᠤ ᠴᠢᠮᠡᠭᠡ ᠦᠭᠡᠢ ᠪᠥᠭᠡᠳ ᠳᠤᠯᠵᠢᠨ ᠤ᠋ ᠬᠣᠶᠠᠷ ᠨᠢᠳᠦ ᠢᠲᠡᠭᠡᠯᠲᠦ ᠡᠴᠡ ᠦᠯᠦ ᠰᠠᠯᠤᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠢᠨᠦ ᠥᠬᠢᠨ ᠵᠠᠶᠠᠭᠠ ᠲᠠᠢ ᠬᠥᠮᠦᠨ ᠶᠤᠮ ᠰᠢᠦ᠃ ᠴᠢ ᠪᠢᠳᠡᠨ ᠦ᠌ ᠮᠡᠷᠭᠡᠨ ᠪᠠᠭᠰᠢ ᠪᠤᠶᠠᠨ ᠪᠠᠶᠠᠨ ᠬᠣᠣᠰᠯᠠᠭᠰᠠᠨ ᠣᠳᠣᠨ ᠳ᠋ᠤ᠌ ᠲᠥᠷᠥᠭᠰᠡᠨ ᠬᠥᠮᠦᠨ ᠭᠡᠵᠦ ᠠᠢᠯᠠᠳᠤᠭᠰᠠᠨ ᠶᠤᠮ ᠭᠡᠵᠦ ᠪᠠᠳᠠᠷᠴᠢ ᠶ᠋ᠢᠨ ᠬᠡᠯᠡᠬᠦ ᠳ᠋ᠦ᠍ ᠳᠤᠯᠵᠢᠨ ᠤᠭᠲᠤᠨ ᠠᠪᠴᠤ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠᠨ ᠤ᠋ ᠥᠬᠢᠨ ᠦ᠌ ᠴᠢᠬᠢᠨ ᠦ᠌ ᠬᠢᠨᠢ ᠭᠡᠳᠡᠰᠦ ᠴᠦ᠍ ᠣᠯᠠᠨ ᠬᠥᠮᠦᠨ ᠳ᠋ᠦ᠍ ᠪᠠᠢᠬᠤ ᠦᠭᠡᠢ ᠵᠠᠶᠠᠭᠠ ᠲᠠᠢ ᠬᠥᠮᠦᠨ ᠶᠤᠮ ᠰᠢᠦ᠃ ᠮᠡᠷᠭᠡᠨ ᠪᠠᠭᠰᠢ ᠡᠴᠡ ᠲᠠᠯᠠ ᠠᠰᠠᠭᠤᠬᠤ ᠳ᠋ᠤ᠌ ᠨᠠᠢ᠍ᠮᠠᠨ ᠨᠠᠮᠰᠠᠷᠠᠢ ᠰᠢᠭ᠋ ᠡᠯᠪᠡᠭ ᠳᠡᠯᠪᠡᠭ ᠠᠢᠯ ᠪᠣᠯᠤᠨᠠ ᠭᠡᠰᠡᠨ ᠭᠡᠯᠡ᠃
ᠢᠲᠡᠭᠡᠯᠲᠦ ᠡᠬᠡᠨᠡᠷ ᠤᠷᠤᠭᠤ ᠪᠠᠨ ᠬᠠᠷᠠᠵᠤ᠂ ᠵᠠᠪᠠᠵᠢᠨ ᠳ᠋ᠠᠭᠠᠨ ᠶᠣᠵᠣᠲᠠᠢ ᠪᠥᠭᠡᠳ ᠨᠢᠭᠤᠴᠠ ᠢᠨᠢᠶᠡᠮᠰᠦᠭᠯᠡᠭᠰᠡᠨ ᠢ᠋ᠶ᠋ᠡᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠨᠥᠭᠦᠭᠡ ᠬᠠᠳᠠᠭ ᠢ᠋ ᠠᠪᠤᠭᠠᠳ ᠥᠭᠭᠦᠭᠡᠴᠢ ᠭᠡᠯᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠮᠠᠷ ᠬᠠᠳᠠᠭ ᠪᠣᠢ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠥᠭᠦᠭᠡ ᠤᠷᠲᠤ ᠠᠶᠤᠰᠢ᠃
ᠪᠠᠶᠠᠷ ᠨᠢ ᠪᠠᠭᠲᠠᠵᠤ ᠶᠠᠳᠠᠭᠰᠠᠨ ᠳᠤᠯᠵᠢᠨ ᠭᠢᠯᠠᠯᠵᠠᠨ ᠡᠷᠭᠢᠵᠦ ᠠᠪᠳᠠᠷᠠ ᠡᠴᠡ ᠪᠡᠨ ᠥᠨᠳᠥᠷ ᠬᠥᠮᠦᠨ ᠪᠣᠯᠪᠠᠴᠤ ᠬᠣᠶᠠᠷ ᠦᠵᠦᠭᠦᠷ ᠢ᠋ ᠨᠢ ᠭᠠᠵᠠᠷ ᠡᠴᠡ ᠰᠠᠯᠭᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠴᠡᠩᠬᠡᠷ ᠲᠡᠭᠷᠢ ᠰᠢᠭ ᠠᠶᠤᠰᠢ ᠬᠠᠳᠠᠭ ᠠᠪᠴᠤ ᠢᠲᠡᠭᠡᠯᠲᠦ ᠳ᠋ᠦ᠍ ᠥᠭᠪᠡ᠃
ᠪᠠᠳᠠᠷᠴᠢ ᠬᠠᠨᠴᠤᠢ ᠪᠠᠨ ᠵᠠᠰᠠᠭᠠᠳ᠂ ᠣᠷᠣᠨ ᠳᠡᠭᠡᠷᠡ ᠲᠠᠯᠪᠢᠭᠰᠠᠨ ᠢᠯᠪᠠᠭᠠᠷ ᠬᠢᠯᠢᠩ ᠮᠠᠯᠠᠭᠠᠢ ᠪᠠᠨ ᠨᠢᠳᠦᠨ ᠦ᠌ ᠪᠤᠯᠤᠩ ᠢ᠋ᠶ᠋ᠠᠷ ᠬᠠᠷᠠᠯᠠ᠃
ᠢᠲᠡᠭᠡᠯᠲᠦ ᠬᠠᠳᠠᠭ ᠢ᠋ ᠬᠡᠰᠡᠭ ᠦᠵᠡᠭᠰᠡᠨ ᠢ᠋ᠶ᠋ᠡᠨ ᠬᠡᠳᠦ ᠨᠤᠭᠤᠯᠵᠤ ᠪᠠᠷᠢᠭᠠᠳ ᠵᠤᠨ ᠤ᠋ ᠴᠠᠭ ᠲᠤ᠌ ᠬᠠᠨᠠ ᠶ᠋ᠢᠨ ᠲᠣᠯᠣᠭᠠᠢ ᠡᠴᠡ ᠡᠯᠭᠦᠭᠡᠰᠦ ᠲᠡᠢ ᠪᠠᠢᠳᠠᠭ ᠬᠠᠭᠤᠴᠢᠨ ᠬᠢᠯᠢᠩ ᠮᠠᠯᠠᠭᠠᠢ ᠪᠠᠨ ᠡᠮᠦᠰᠦᠭᠡᠳ ᠡᠷᠭᠢᠬᠦ ᠳ᠋ᠦ᠍ᠨᠢ 《ᠶᠣᠰᠣ ᠲᠥᠷᠥ ᠲᠡᠢ ᠶᠤᠮ᠂ ᠭᠡᠷ ᠲᠦ᠋ᠨᠢ ᠣᠴᠢᠭᠠᠳ ᠪᠠᠷᠢᠪᠠᠯ ᠳᠡᠭᠡᠷᠡ ᠪᠢᠰᠢ ᠤᠤ?》 ᠭᠡᠵᠦ ᠳᠤᠯᠵᠢᠨ ᠰᠢᠪᠡᠭᠡᠨᠡᠪᠡ᠃
ᠭᠡᠲᠡᠯᠡ ᠰᠣᠨᠣᠰᠤᠭᠠ ᠦᠭᠡᠢ ᠳᠦᠷᠢ ᠦᠵᠡᠭᠦᠯᠦᠨ ᠬᠠᠳᠠᠭ ᠢ᠋ᠶ᠋ᠠᠨ ᠠᠯᠭᠤᠷ ᠡᠪᠬᠡᠵᠦ ᠡᠪᠦᠷᠲᠦᠯᠡᠭᠡᠳ ᠰᠢᠭᠤᠳ ᠭᠡᠷ ᠡᠴᠡ ᠭᠠᠷᠴᠤ ᠢᠰᠡᠭᠡᠢ ᠬᠢᠵᠦ ᠪᠠᠢᠭᠠ ᠭᠠᠵᠠᠷ ᠤᠷᠤᠭᠤ ᠳᠡᠪᠬᠡᠷᠦᠨ ᠠᠯᠬᠤᠪᠠ᠃
ᠠᠷᠭᠠ ᠪᠠᠷᠠᠭᠳᠠᠵᠤ᠂ ᠭᠣᠩᠰᠣᠢᠭᠰᠠᠨ ᠪᠠᠳᠠᠷᠴᠢ᠂ ᠳᠤᠯᠵᠢᠨ ᠬᠣᠶᠠᠷ ᠪᠡᠶᠡ ᠪᠡᠶᠡ ᠪᠡᠨ ᠰᠢᠷᠳᠡᠭᠰᠡᠨ ᠢ᠋ᠶ᠋ᠡᠨ ᠳᠤᠯᠵᠢᠨ ᠭᠠᠷᠴᠤ ᠢᠲᠡᠭᠡᠯᠲᠦ ᠶ᠋ᠢᠨ ᠬᠣᠢᠨᠠ ᠡᠴᠡ ᠶᠠᠪᠤᠪᠠ᠃
ᠢᠲᠡᠭᠡᠯᠲᠦ ᠵᠣᠭᠰᠣᠯᠲᠠ ᠦᠭᠡᠢ ᠶᠠᠪᠤᠭᠰᠠᠭᠠᠷ ᠢᠰᠡᠭᠡᠢ ᠬᠢᠵᠦ ᠪᠠᠢᠭᠰᠠᠨ ᠣᠯᠠᠨ ᠤ᠋ ᠳᠡᠷᠭᠡᠳᠡ ᠣᠴᠢᠭᠠᠳ 《ᠨᠠᠰᠤᠲᠠᠢᠴᠤᠳ ᠢ᠋ ᠳᠤᠮᠳᠠ ᠮᠠᠢᠬᠠᠨ ᠳ᠋ᠤ᠌ ᠮᠣᠷᠢᠯᠠᠨ ᠣᠷᠣᠬᠤ ᠶ᠋ᠢ ᠤᠷᠢᠶᠠ》 ᠭᠡᠵᠦ ᠴᠢᠩᠭᠠ ᠳᠠᠭᠤ ᠪᠠᠷ ᠬᠡᠯᠡᠭᠡᠳ ᠲᠦᠷᠭᠡᠨ ᠭᠡᠭᠴᠢ ᠨᠢ ᠬᠠᠭᠠᠰ ᠡᠷᠭᠢᠵᠦ ᠭᠣᠣᠯ ᠤ᠋ᠨ ᠲᠣᠮᠣ ᠡᠷᠢᠶᠡᠨ ᠮᠠᠢᠬᠠᠨ ᠤᠷᠤᠭᠤ ᠬᠡᠳᠦ ᠠᠯᠬᠤᠭᠰᠠᠨ ᠢ᠋ᠶ᠋ᠠᠨ ᠵᠣᠭᠰᠣᠵᠤ ᠣᠢᠷᠠᠬᠠᠨ ᠪᠠᠢᠭᠰᠠᠨ ᠭᠠᠯᠰᠠᠩ ᠢ᠋ ᠳᠠᠭᠤᠳᠠᠵᠤ ᠴᠢᠬᠢᠨ ᠳ᠋ᠦ᠍ᠨᠢ ᠦᠭᠡ ᠬᠡᠯᠡᠪᠡ᠃
ᠤᠳᠠᠯ ᠦᠭᠡᠢ ᠲᠣᠮᠣ ᠮᠠᠢᠬᠠᠨ ᠳ᠋ᠤ᠌ ᠣᠯᠠᠨ ᠬᠥᠮᠦᠨ ᠴᠤᠭᠯᠠᠷᠠᠪᠠ᠃ ᠬᠡᠳᠦᠨ ᠡᠳᠦᠷ ᠦ᠋ᠨ ᠢᠰᠡᠭᠡᠢ ᠬᠢᠬᠦ ᠠᠵᠢᠯ ᠳ᠋ᠤ᠌ ᠶᠠᠳᠠᠷᠠᠭᠰᠠᠨ ᠨᠢᠮᠠ ᠬᠠᠨᠴᠤᠢ ᠪᠠᠷ ᠢ᠋ᠶ᠋ᠠᠨ ᠬᠥᠯᠥᠰᠥ ᠪᠡᠨ ᠠᠷᠴᠢᠵᠤ᠂ ᠲᠣᠮᠣ ᠬᠤᠯᠤ ᠲᠠᠢ ᠠᠢᠷᠠᠭ ᠬᠢᠵᠦ ᠠᠪᠤᠭᠠᠳ ᠲᠠᠪᠠᠲᠠᠢ ᠵᠠᠪᠢᠯᠠᠨ ᠰᠢᠮᠡᠨᠡ᠃
ᠶᠠᠭᠤ ᠪᠣᠯᠬᠤ ᠭᠡᠵᠦ ᠪᠠᠢᠭᠠ ᠶ᠋ᠢ ᠲᠠᠭᠠᠪᠤᠷᠢᠯᠠᠵᠤ ᠭᠠᠢᠬᠠᠭᠰᠠᠨ ᠣᠯᠠᠨ ᠮᠠᠢᠬᠠᠨ ᠤ᠋ ᠤᠷᠲᠤ ᠪᠠᠭᠠᠨᠠ ᠶ᠋ᠢᠨ ᠡᠮᠦᠨᠡ ᠵᠣᠭᠰᠣᠵᠤ ᠪᠠᠢᠭᠠ ᠢᠲᠡᠭᠡᠯᠲᠦ ᠶ᠋ᠢ ᠰᠢᠷᠲᠡᠨᠡ᠃ ᠭᠠᠯᠰᠠᠩ ᠪᠣᠭᠣᠭᠰᠠᠨ ᠢᠰᠡᠭᠡᠢ ᠲᠠᠲᠠᠬᠤ ᠪᠠᠷ ᠮᠣᠷᠳᠠᠬᠤ ᠭᠡᠵᠦ ᠪᠠᠢᠭᠰᠠᠨ ᠬᠣᠩᠭᠣᠷ ᠤ᠋ᠨ ᠣᠷᠣᠨ ᠳ᠋ᠤ᠌ ᠬᠥᠮᠦᠨ ᠶᠠᠪᠤᠭᠤᠯᠤᠭᠠᠳ ᠲᠡᠭᠦᠨ ᠢ᠋ ᠳᠠᠭᠠᠭᠤᠯᠤᠨ ᠣᠷᠣᠵᠤ ᠢᠷᠡᠬᠦ ᠳ᠋ᠦ᠍᠂ 《ᠮᠢᠨᠦ ᠬᠦᠦ ᠨᠠᠰᠢ ᠢᠷᠡ》 ᠭᠡᠵᠦ ᠢᠲᠡᠭᠡᠯᠲᠦ ᠵᠠᠬᠢᠷᠤᠩᠭᠤᠢ ᠪᠥᠭᠡᠳ ᠶᠡᠬᠡᠮᠰᠦᠭ ᠳᠠᠭᠤ ᠪᠠᠷ ᠳᠠᠭᠤᠳᠠᠵᠤ ᠳᠡᠷᠭᠡᠳᠡ ᠪᠡᠨ ᠵᠣᠭᠰᠣᠭᠠᠭᠠᠳ ᠡᠪᠦᠷ ᠡᠴᠡ ᠪᠡᠨ ᠠᠶᠤᠰᠢ ᠬᠠᠳᠠᠭ ᠢ᠋ᠶ᠋ᠠᠨ ᠭᠠᠷᠭᠠᠵᠤ ᠳᠡᠯᠭᠡᠨ ᠪᠠᠷᠢᠭᠠᠳ ᠨᠢᠮᠠ ᠶ᠋ᠢᠨ ᠡᠮᠦᠨᠡ ᠣᠴᠢᠵᠤ 《ᠲᠠᠨ ᠤ᠋ ᠳ᠋ᠤ᠌ ᠣᠯᠠᠨ ᠳ᠋ᠤ᠌ ᠭᠠᠢᠬᠠᠭᠳᠠᠭᠰᠠᠨ᠂ ᠣᠷᠴᠢᠯᠠᠩ ᠳ᠋ᠤ᠌ ᠬᠣᠣᠰ ᠦᠭᠡᠢ ᠲᠠᠨᠠ ᠰᠤᠪᠤᠳ ᠪᠠᠢᠳᠠᠭ᠃ ᠮᠠᠨ ᠤ᠋ ᠳ᠋ᠤ᠌ ᠬᠣᠯᠢᠴᠠᠭᠠ ᠦᠭᠡᠢ ᠬᠣᠩᠭᠣᠷ ᠰᠢᠷᠠ ᠰᠢᠵᠢᠷ ᠠᠯᠲᠠ ᠪᠠᠢᠳᠠᠭ ᠪᠢᠯᠡ》 ᠭᠡᠵᠦ ᠬᠡᠯᠡᠵᠦ ᠡᠬᠢᠯᠡᠲᠡᠯᠡ ᠮᠠᠢᠬᠠᠨ ᠳ᠋ᠤ᠌ ᠣᠷᠣᠵᠤ ᠢᠷᠡᠭᠰᠡᠨ ᠳᠤᠯᠵᠢᠨ 《ᠬᠥᠶᠢ ᠢᠲᠡᠭᠡᠯᠲᠦ ᠠ᠋ ᠪᠣᠳᠣᠭᠠᠴᠢ᠂ ᠤᠬᠠᠭᠠᠷᠠᠭᠠᠴᠢ》 ᠭᠡᠵᠦ ᠬᠠᠰᠬᠢᠷᠪᠠ᠃ ᠢᠲᠡᠭᠡᠯᠲᠦ ᠶᠠᠭᠤ ᠴᠤ᠌ ᠰᠣᠨᠣᠰᠤᠭᠠ ᠦᠭᠡᠢ ᠶᠤᠮ ᠰᠢᠭ ᠬᠣᠭᠣᠯᠠᠢ ᠪᠠᠨ ᠵᠠᠰᠠᠭᠠᠳ ᠦᠷᠭᠦᠯᠵᠢᠯᠡᠭᠦᠯᠦᠨ᠄ 《᠁ ᠡᠨᠡ ᠬᠣᠶᠠᠷ ᠦᠨᠡᠲᠦ ᠡᠷᠳᠡᠨᠢ ᠶ᠋ᠢ ᠨᠡᠢᠯᠡᠭᠦᠯᠵᠦ ᠪᠥᠭᠡᠵᠢ ᠴᠣᠬᠢᠭᠤᠯᠪᠠᠯ ᠯᠤᠤᠰ ᠪᠠᠶᠠᠷᠯᠠᠵᠤ᠂ ᠤᠰᠤ ᠳᠣᠯᠭᠢᠯᠠᠬᠤ ᠭᠠᠢᠬᠠᠮᠰᠢᠭᠲᠤ ᠡᠳ᠋ ᠪᠣᠯᠬᠤ ᠶ᠋ᠢᠨ ᠤᠴᠢᠷ ᠠᠷᠢᠭᠤᠨ ᠬᠠᠳᠠᠭ ᠪᠠᠷᠢᠵᠤ ᠲᠠᠨ ᠤ᠋ ᠡᠷᠳᠡᠨᠢ ᠶ᠋ᠢ ᠲᠠᠯᠠ ᠵᠠᠰᠠᠨ ᠭᠤᠶᠤᠵᠤ ᠪᠠᠢᠭᠠ ᠶ᠋ᠢ ᠲᠣᠭᠲᠠᠭᠠᠨ ᠰᠣᠶᠣᠷᠬᠠᠨᠠ ᠤᠤ》 ᠭᠡᠯᠡ᠃
ᠣᠯᠠᠨ ᠤ᠋ ᠠᠷᠤ ᠳ᠋ᠤ᠌ ᠪᠠᠢᠭᠰᠠᠨ ᠬᠡᠰᠢᠭᠲᠦ ᠠᠪᠠᠭᠠᠢ ᠳᠠᠭᠤ ᠠᠯᠲᠠᠨ ᠤᠬᠤᠰᠬᠢᠵᠦ 《ᠨᠢᠮᠠ ᠮᠢᠨᠢ ᠴᠢ ᠲᠣᠯᠣᠭᠠᠢ ᠨᠢᠴᠦᠭᠦᠨ ᠪᠠᠢᠨᠠ》 ᠭᠡᠳ ᠣᠢᠷᠠᠯᠴᠠᠭᠠ ᠪᠠᠢᠭᠰᠠᠨ ᠨᠢᠭᠡ ᠡᠪᠦᠭᠡᠨ ᠦ᠌ ᠶᠡᠦᠳᠡᠨ ᠢ᠋ ᠮᠤᠯᠲᠤ ᠲᠡᠳᠡᠨ ᠠᠪᠴᠤ ᠡᠪᠦᠭᠡᠨ ᠦ᠌ ᠪᠡᠨ ᠲᠣᠯᠣᠭᠠᠢ ᠳᠡᠭᠡᠷᠡ ᠲᠠᠯᠪᠢᠵᠤ 《ᠠᠪᠤᠭᠠᠴᠢ》 ᠭᠡᠵᠦ ᠬᠢᠬᠤᠷᠠᠭᠰᠠᠨ ᠳᠠᠭᠤ ᠪᠠᠷ ᠬᠡᠯᠡᠭᠡᠳ ᠪᠦᠯᠢᠶᠡᠨ ᠨᠢᠯᠪᠤᠰᠤ ᠪᠠᠨ ᠶᠠᠮᠠᠷ ᠴᠤ᠌ ᠬᠠᠭᠠᠯᠲᠠ ᠦᠭᠡᠢ ᠠᠰᠬᠠᠷᠠᠭᠤᠯᠪᠠ᠃
ᠡᠨᠡ ᠪᠦᠬᠦᠨ ᠢ᠋ ᠬᠠᠷᠠᠭᠰᠠᠨ ᠪᠠᠳᠠᠷᠴᠢ ᠶ᠋ᠢᠨ ᠴᠢᠷᠠᠢ ᠬᠠᠷᠠ ᠬᠦᠷᠡᠩ ᠪᠣᠯᠤᠭᠰᠠᠨ ᠢ᠋ᠶ᠋ᠠᠨ ᠵᠠᠵᠢᠭᠤᠷ ᠢ᠋ᠶ᠋ᠠᠨ ᠵᠠᠭᠤᠭᠠᠳ ᠡᠷᠭᠢᠵᠦ ᠶᠠᠪᠤᠯᠠ᠃
ᠢᠲᠡᠭᠡᠯᠲᠦ ᠨᠢᠳᠦ ᠪᠡᠨ ᠣᠨᠢ᠌ᠯᠭᠠᠨ᠂ ᠡᠪ ᠬᠠᠪᠤ ᠦᠭᠡᠢ ᠢᠨᠢᠶᠡᠮᠰᠦᠭᠯᠡᠭᠰᠡᠨ ᠢ᠋ᠶ᠋ᠡᠨ 《ᠪᠢ ᠴᠦ᠍ ᠪᠡᠷᠢ ᠭᠤᠶᠤᠵᠤ ᠶᠠᠪᠤᠭᠠ ᠦᠭᠡᠢ᠂ ᠪᠠᠰᠠ ᠲᠡᠭᠡᠭᠡᠳ ᠤᠷᠠᠨ ᠰᠡᠴᠡᠨ ᠦᠭᠡ ᠦᠭᠡᠢ ᠪᠣᠯᠬᠣᠷ ᠣᠯᠢᠭᠲᠠᠢ ᠶᠠᠭᠤᠮᠠ ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠶᠤᠮ》 ᠭᠡᠯᠡ᠃
ᠬᠣᠩᠭᠣᠷ ᠤ᠋ᠨ ᠮᠢᠠᠴᠢ᠌ᠵᠤ ᠣᠯᠠᠢ᠌ᠭᠰᠠᠨ ᠴᠢᠷᠠᠢ ᠳ᠋ᠤᠨᠢ ᠪᠠᠭᠲᠠᠵᠤ ᠶᠠᠳᠠᠭᠰᠠᠨ ᠢᠯᠡᠷᠬᠡᠢ ᠪᠠᠶᠠᠷ ᠰᠢᠲᠠᠨ ᠣᠪᠣᠯᠵᠠᠵᠤ ᠠᠮᠢᠰᠬᠤᠭᠠ ᠪᠠᠴᠢᠮᠳᠠᠨ᠂ ᠵᠢᠷᠦᠬᠡ ᠴᠣᠬᠢᠯᠠᠨ᠂ ᠪᠡᠶᠡ ᠨᠢ ᠴᠡᠴᠡᠷᠡᠬᠦ ᠮᠡᠲᠦ ᠪᠣᠯᠪᠠ᠃
ᠨᠢᠮᠠ ᠳᠡᠪᠡᠯ ᠳ᠋ᠡᠭᠡᠨ ᠭᠠᠷ ᠢ᠋ᠶ᠋ᠠᠨ ᠠᠷᠴᠢᠵᠤ 《ᠬᠠᠰ ᠤ᠋ᠨ ᠥᠩᠭᠡ ᠲᠡᠢ ᠲᠠᠨᠠ ᠶ᠋ᠢ ᠮᠢᠨᠢ ᠬᠠᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ᠃ ᠬᠠᠷᠠᠬᠤ ᠨᠢᠳᠦᠨ ᠦ᠌ ᠴᠡᠴᠡᠭᠡᠢ ᠮᠡᠲᠦ ᠡᠩᠬᠦᠷᠡᠢᠯᠡᠵᠦ ᠶᠠᠪᠤᠭᠠᠷᠠᠢ᠂ ᠤᠷᠤᠭ ᠲᠥᠷᠥᠯ ᠦ᠋ᠨ ᠪᠠᠷᠢᠯᠳᠤᠯᠭᠠ ᠶ᠋ᠢ ᠮᠢᠨᠦ ᠲᠠᠨᠠ ᠭᠤᠲᠤᠭᠠᠬᠤ ᠦᠭᠡᠢ᠂ ᠦᠷᠭᠦᠯᠵᠢ ᠲᠠᠨ ᠤ᠋ ᠭᠡᠷ ᠲᠦ᠍ ᠪᠤᠶᠠᠨ ᠬᠡᠰᠢᠭ ᠳᠡᠯᠭᠡᠷᠡᠬᠦ ᠪᠣᠯᠲᠤᠭᠠᠢ》 ᠭᠡᠳ ᠬᠠᠳᠠᠭ ᠢ᠋ ᠬᠦᠨᠳᠦᠳᠬᠡᠨ ᠠᠪᠤᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ ᠣᠳᠣ ᠶᠠᠭᠤ ᠭᠡᠵᠦ ᠬᠡᠯᠡᠶᠡ ᠳᠡ ᠭᠡᠳ ᠢᠲᠡᠭᠡᠯᠲᠦ ᠣᠯᠠᠨ ᠢ᠋ ᠲᠣᠭᠣᠷᠢᠭᠤᠯᠤᠨ ᠬᠠᠷᠠᠵᠤ ᠮᠠᠷᠰᠠᠢᠨ ᠢᠨᠢᠶᠡᠮᠰᠦᠭᠯᠡᠭᠰᠡᠨ ᠢ᠋ᠶ᠋ᠡᠨ 《ᠯᠠᠪ ᠪᠣᠯᠤᠭᠰᠠᠨ ᠪᠠᠢᠬᠠ ᠠ᠋᠃ ᠦᠯᠡᠳᠡᠭᠰᠡᠨ ᠢᠰᠡᠭᠡᠢ ᠪᠡᠨ ᠲᠦᠷᠭᠡᠨ ᠬᠢᠭᠡᠳ ᠳᠠᠭᠤᠰᠬᠠᠶᠠ᠃ ᠥᠨᠥ ᠣᠷᠣᠢ ᠰᠣᠢ ᠲᠠᠯᠪᠢᠭᠰᠠᠨ ᠤ᠋ ᠨᠠᠢᠷ ᠬᠢᠨᠡ》 ᠭᠡᠳ ᠶᠠᠭᠤ ᠴᠤ᠌ ᠪᠣᠯᠤᠭᠠ ᠦᠭᠡᠢ ᠶᠤᠮ ᠰᠢᠭ ᠡᠷᠭᠢᠵᠦ ᠭᠡᠷ ᠦ᠋ᠨ ᠵᠦᠭ ᠶᠠᠪᠤᠯᠠ᠃
ᠭᠠᠭᠴᠠ ᠥᠬᠢᠨ ᠦ᠌ ᠬᠢᠨᠢ ᠵᠠᠶᠠᠭᠠ ᠪᠤᠶᠠᠨ ᠳᠡᠯᠭᠡᠷᠡᠭᠰᠡᠨ ᠳ᠋ᠦ᠍ ᠪᠠᠬᠠᠷᠳᠠᠨ ᠪᠠᠶᠠᠷᠯᠠᠭᠰᠠᠨ ᠬᠡᠰᠢᠭᠲᠦ ᠮᠠᠢᠬᠠᠨ ᠤ᠋ ᠸᠠᠳᠠᠩ ᠳ᠋ᠤ᠌ ᠨᠢᠭᠤᠷ ᠢ᠋ᠶ᠋ᠠᠨ ᠨᠠᠭᠠᠨ ᠤᠬᠢᠯᠠᠨᠠ᠃ ᠭᠡᠨᠡᠳᠲᠡ ᠪᠣᠯᠤᠭᠰᠠᠨ ᠡᠨᠡ ᠶᠠᠪᠤᠳᠠᠯ ᠤ᠋ᠨ ᠤᠴᠢᠷ ᠢ᠋ ᠣᠢᠯᠠᠭᠠᠵᠤ ᠶᠠᠳᠠᠭᠰᠠᠨ ᠣᠯᠠᠨ ᠳᠠᠭᠤ ᠦᠭᠡᠢ ᠬᠡᠳᠦᠨ ᠮᠥᠴᠡ ᠪᠣᠯᠤᠭᠰᠠᠨ ᠢ᠋ᠶ᠋ᠠᠨ ᠬᠣᠷᠸᠠ ᠶ᠋ᠢᠨ ᠨᠢᠭᠡ ᠲᠣᠮᠣ ᠶᠠᠪᠤᠳᠠᠯ ᠤ᠋ᠨ ᠭᠡᠷᠡᠴᠢ ᠪᠣᠯᠤᠭᠰᠠᠨ ᠢ᠋ᠶ᠋ᠠᠨ ᠮᠡᠳᠡᠮᠡᠭᠴᠡ ᠳᠤᠷᠠ ᠮᠡᠳᠡᠨ ᠱᠤᠤᠭᠢᠵᠤ ᠭᠠᠷᠤᠯᠠ᠃
《ᠮᠢᠨᠦ ᠬᠦᠦ ᠨᠠᠳᠠ ᠰᠢᠭ᠋ ᠬᠥᠷᠥᠩᠭᠡ ᠬᠠᠷᠠᠵᠤ ᠡᠬᠡᠨᠡᠷ ᠠᠪᠬᠤ ᠦᠭᠡᠢ᠃ ᠰᠦᠷᠦᠩ ᠰᠢᠭ ᠰᠠᠢᠬᠠᠨ ᠬᠡᠦᠬᠡᠨ ᠢ᠋ ᠮᠢᠨᠦ ᠬᠦᠦ ᠡᠰᠡ ᠠᠪᠪᠠᠯ ᠬᠡᠨ ᠠᠪᠬᠤ ᠪᠣᠢ》 ᠭᠡᠵᠦ ᠪᠣᠳᠣᠭᠠᠳ ᠢᠲᠡᠭᠡᠯᠲᠦ ᠠᠯᠬᠤᠵᠤ ᠶᠠᠪᠤᠬᠤ ᠳ᠋ᠠᠭᠠᠨ ᠬᠣᠪᠳᠣᠭ ᠪᠠᠳᠠᠷᠴᠢ ᠶ᠋ᠢᠨ ᠬᠣᠰᠢᠭᠤ ᠶ᠋ᠢ ᠲᠠᠰᠤ ᠴᠣᠬᠢᠭᠰᠠᠨ ᠪᠠᠬᠠᠳᠤᠯ᠂ ᠭᠠᠭᠴᠠ ᠬᠦᠦ ᠳ᠋ᠡᠭᠡᠨ ᠰᠡᠳᠬᠢᠯ ᠲᠡᠢ ᠬᠠᠨᠢ ᠶ᠋ᠢ ᠨᠢ ᠭᠤᠶᠤᠵᠤ ᠥᠭᠭᠦᠭᠰᠡᠨ ᠪᠠᠶᠠᠷ ᠲᠤ᠌ ᠳᠠᠷᠤᠭᠳᠠᠨ᠂ ᠥᠪᠡᠷ ᠦ᠋ᠨ ᠰᠢ᠌ᠤᠠᠪᠣᠷᠢ ᠶ᠋ᠢᠨ ᠮᠡᠷᠭᠡᠨ ᠢ᠋ ᠮᠠᠭᠲᠠᠨ ᠶᠠᠪᠤᠯᠠ᠃
ᠢᠰᠡᠭᠡᠢ ᠬᠢᠵᠦ ᠳᠠᠭᠤᠰᠤᠭᠰᠠᠨ ᠤ᠋ ᠨᠢᠭᠡ ᠪᠠᠶᠠᠷ᠂ ᠰᠣᠢ ᠲᠠᠯᠪᠢᠭᠰᠠᠨ ᠤ᠋ ᠬᠣᠣᠰ ᠪᠠᠶᠠᠷ ᠤ᠋ᠨ ᠶᠡᠬᠡ ᠨᠠᠢᠷ ᠡᠴᠡ ᠪᠤᠴᠠᠵᠤ ᠶᠠᠪᠤᠭᠠ ᠬᠥᠮᠦᠰ ᠤᠳᠠᠬᠤ ᠦᠭᠡᠢ ᠪᠣᠯᠬᠤ ᠶᠡᠬᠡ ᠬᠤᠷᠢᠮ ᠤ᠋ᠨ ᠲᠤᠬᠠᠢ ᠶᠠᠷᠢᠯᠴᠠᠨᠠ᠃
ᠪᠠᠶᠠᠨ ᠢᠲᠡᠭᠡᠯᠲᠦ ᠶ᠋ᠢᠨ ᠭᠠᠭᠴᠠ ᠬᠦᠦ ᠶ᠋ᠢᠨ ᠬᠤᠷᠢᠮ ᠪᠣᠯᠤᠨᠠ ᠭᠡᠵᠦ ᠪᠣᠳᠣᠬᠤ ᠳ᠋ᠤ᠌ ᠲᠠᠮᠢᠷ ᠤ᠋ᠨ ᠭᠣᠣᠯ ᠤ᠋ᠨ ᠰᠠᠷᠬᠤᠳ ᠲᠤ᠌ ᠲᠠᠭᠠᠯᠠᠮᠵᠢᠲᠠᠢ ᠡᠪᠦᠭᠡᠴᠦᠳ ᠲᠦ᠍ ᠡᠨᠡ ᠵᠢᠯ ᠦ᠋ᠨ ᠡᠳᠦᠷ ᠦᠯᠡᠮᠵᠢ ᠤᠷᠲᠤ ᠪᠣᠯᠤᠭᠠᠳ ᠬᠣᠨᠣᠭ ᠶᠠᠪᠤᠬᠤ ᠦᠭᠡᠢ ᠶᠤᠮ ᠰᠢᠭ ᠰᠠᠨᠠᠭᠳᠠᠵᠤ ᠪᠠᠢᠯᠠ᠃