ᠲᠤᠩᠭᠠᠯᠠᠭ ᠲᠠᠮᠢᠷ3-07-ᠴ·ᠯᠤᠳᠤᠢ᠌ᠳᠠᠮᠪᠠТунгалаг тамир- ᠦᠵᠡᠵᠦ ᠰᠣᠨᠣᠰᠴᠤ ᠤᠩᠰᠢᠬᠤ ᠴᠠᠬᠢᠮ
1212《ᠮᠠᠨ ᠤ᠋ ᠣᠷᠣᠨ ᠡᠷᠬᠡ ᠴᠢᠯᠥᠭᠡ ᠲᠡᠢ᠂ ᠲᠤᠰᠠᠭᠠᠷ ᠤᠯᠤᠰ᠂ ᠮᠣᠩᠭᠣᠯ ᠨᠤᠲᠤᠭ ᠮᠢᠨᠢ ᠪᠢᠳᠡᠨ ᠦ᠌ ᠶᠠᠭᠤᠮᠠ ᠪᠣᠯᠤᠭᠰᠠᠨ》 - ᠭᠤᠷᠪᠠᠳᠤᠭᠠᠷ ᠪᠦᠯᠦᠭ ᠳᠣᠯᠣᠭᠠ
ᠬᠠᠳᠠᠨ ᠪᠠᠭᠠᠲᠤᠷ ᠮᠠᠭᠰᠤᠷᠵᠠᠪ ᠬᠦᠷᠢᠶᠡᠨ ᠳ᠋ᠦ᠍ ᠢᠷᠡᠬᠦ ᠭᠡᠨᠡ ᠭᠡᠳᠡᠭ ᠶᠠᠷᠢᠶᠠ ᠨᠢᠭᠡ ᠡᠴᠡ ᠨᠥᠭᠥᠭᠡ ᠳ᠋ᠦ᠍ ᠳᠠᠮᠵᠢᠨ ᠬᠦᠷᠢᠶᠡᠨ ᠦ᠌ ᠬᠢᠨ ᠴᠣᠢᠵᠣᠩ ᠯᠠᠮᠠ ᠶ᠋ᠢᠨ ᠰᠦᠮᠡ ᠶ᠋ᠢᠨ ᠠᠷᠤ ᠲᠠᠯᠠᠪᠠᠢ ᠳ᠋ᠤ᠌ ᠠᠯᠢ ᠥᠷᠯᠥᠭᠡ ᠴᠤᠭᠯᠠᠷᠠᠵᠠᠢ᠃
ᠣᠶᠤᠲᠠᠨ ᠤ᠋ ᠰᠤᠷᠭᠠᠭᠤᠯᠢ ᠶ᠋ᠢᠨ ᠰᠤᠷᠤᠭᠴᠢᠳ ᠡᠨᠡ ᠮᠡᠳᠡᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠶᠡᠬᠡ ᠯᠡ ᠬᠥᠯ ᠦᠢᠮᠡᠭᠡᠨ ᠪᠣᠯᠵᠤ ᠪᠢᠯᠡ᠃ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠤ᠋ᠨ ᠲᠡᠮᠡᠴᠡᠯ ᠳ᠋ᠦ᠍ ᠢᠷᠠᠭᠤ ᠠᠯᠳᠠᠷ ᠢ᠋ᠶ᠋ᠠᠨ ᠪᠠᠳᠠᠷᠠᠭᠤᠯᠤᠭᠰᠠᠨ ᠪᠠᠭᠠᠲᠤᠷ ᠢ᠋ ᠬᠠᠷᠠᠬᠤ ᠬᠦᠰᠡᠯ ᠡᠨᠡᠬᠡᠨ ᠥᠷᠯᠥᠭᠡ ᠬᠡᠳᠦᠨ ᠮᠢᠩᠭᠠᠨ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠢ᠋ ᠡᠵᠡᠯᠡᠵᠡᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠪᠦᠭᠡᠨ ᠮᠢᠨᠢ᠂ ᠪᠠᠭᠠᠲᠤᠷ ᠢ᠋ ᠤᠭᠲᠤᠶᠠ ᠭᠡᠵᠦ ᠵᠢᠷᠭᠠᠯ ᠣᠷᠣᠨ ᠳᠡᠭᠡᠷᠡ ᠪᠡᠨ ᠪᠤᠷᠤᠭᠤ ᠬᠠᠷᠠᠨ ᠬᠡᠪᠲᠡᠵᠦ ᠪᠠᠢᠭᠠ ᠪᠠᠲᠤ ᠶ᠋ᠢᠨ ᠮᠥᠷᠦᠨ ᠡᠴᠡ ᠤᠭᠵᠠᠷᠠᠪᠠ᠃
ᠪᠠᠲᠤ ᠵᠥᠪᠬᠡᠨ ᠲᠣᠯᠣᠭᠠᠢ ᠪᠠᠨ ᠠᠯᠭᠤᠷ ᠡᠷᠭᠢᠭᠦᠯᠪᠡ᠃ ᠨᠢᠯᠪᠤᠰᠤᠨ ᠳ᠋ᠠᠭᠠᠨ ᠲᠦᠯᠡᠭᠳᠡᠵᠦ ᠬᠠᠪᠤᠳᠤᠭᠠᠳ ᠤᠬᠢᠯᠠᠭᠰᠠᠨ ᠬᠣᠶᠠᠷ ᠤᠯᠪᠤᠭᠠᠷ ᠨᠢᠳᠦ ᠵᠢᠷᠭᠠᠯ ᠤᠷᠤᠭᠤ ᠰᠢᠷᠳᠡᠪᠡ᠃
ᠡᠬᠡ ᠶ᠋ᠢ ᠪᠡᠨ ᠦᠬᠦᠭᠰᠡᠨ ᠢ᠋ ᠮᠡᠳᠡᠭᠰᠡᠨ ᠡᠴᠡ ᠬᠣᠢᠰᠢ ᠪᠠᠲᠤ ᠥᠭᠡᠷᠡ ᠬᠥᠮᠦᠨ ᠮᠡᠲᠦ ᠪᠣᠯᠵᠠᠢ᠃ ᠤᠤᠯ ᠡᠴᠡ ᠦᠭᠡ ᠴᠥᠭᠡᠬᠡᠨ ᠲᠡᠢ ᠪᠠᠲᠤ ᠪᠠᠷᠤᠭ ᠯᠠ ᠪᠢᠲᠡᠭᠦᠦ ᠠᠮᠠ ᠲᠠᠢ ᠬᠥᠮᠦᠨ ᠪᠣᠯᠪᠠ᠃ ᠨᠢᠳᠦᠨ ᠳ᠋ᠦ᠍ᠨᠢ ᠨᠢᠯᠪᠤᠰᠤ ᠮᠡᠯᠲᠡᠭᠡᠨᠡᠨ ᠬᠡᠳᠦᠨ ᠴᠠᠭ ᠢ᠋ᠶ᠋ᠠᠷ ᠬᠥᠳᠡᠯᠬᠦ ᠦᠭᠡᠢ ᠭᠡᠷ ᠦ᠋ᠨ ᠣᠨᠢ ᠰᠢᠷᠳᠡᠨ ᠬᠡᠪᠲᠡᠨᠡ᠃ ᠭᠠᠷ ᠲᠠᠭᠠᠨ ᠲᠠᠭᠠᠷᠠᠯᠳᠤᠭᠰᠠᠨ ᠨᠣᠮ ᠪᠦᠬᠦᠨ ᠢ᠋ ᠤᠩᠰᠢᠳᠠᠭ ᠨᠢ ᠴᠦ᠍ ᠦᠭᠡᠢ ᠪᠣᠯᠵᠠᠢ᠃ ᠰᠡᠳᠬᠢᠯ ᠳ᠋ᠦ᠍ᠨᠢ ᠬᠥᠮᠦᠨ ᠦ᠌ ᠭᠠᠵᠠᠷ᠂ ᠬᠠᠷᠠ ᠡᠯᠢᠭᠡᠳᠡᠨ ᠦ᠌ ᠳᠤᠮᠳᠠ ᠣᠷᠬᠢᠵᠤ᠂ ᠨᠠᠰᠤ ᠪᠠᠷᠠᠭᠰᠠᠨ ᠬᠠᠢᠷᠠᠲᠤ ᠡᠬᠡ ᠨᠢ᠂ ᠲᠡᠭᠦᠨ ᠦ᠌ ᠬᠠᠢᠷᠠ ᠶ᠋ᠢᠨ ᠰᠡᠳᠬᠢᠯ᠂ ᠳᠥᠯᠭᠡᠬᠡᠨ ᠨᠢᠭᠤᠷ ᠴᠢᠷᠠᠢ ᠨᠢ ᠰᠠᠯᠬᠤ ᠦᠭᠡᠢ ᠡᠷᠭᠢᠯᠳᠦᠨᠡ᠃ ᠪᠢ ᠬᠦᠷᠢᠶᠡ ᠤᠷᠤᠭᠤ ᠶᠠᠪᠤᠭᠠ ᠦᠭᠡᠢ ᠪᠣᠯ ᠳᠠ? ᠡᠵᠢ ᠮᠢᠨᠢ ᠶᠠᠭᠠᠬᠢᠵᠤ ᠪᠠᠢᠵᠤ ᠨᠠᠰᠤ ᠪᠠᠷᠠᠭᠰᠠᠨ ᠪᠣᠯ? ᠠᠪᠤ ᠪᠢᠳᠡ ᠬᠣᠶᠠᠷ ᠲᠤ᠌ ᠶᠡᠬᠡ ᠭᠣᠮᠣᠳᠠᠭᠰᠠᠨ ᠰᠢᠦ ᠳᠡ? ᠭᠡᠬᠦ ᠵᠡᠷᠭᠡ ᠲᠦᠮᠡᠨ ᠠᠰᠠᠭᠤᠳᠠᠯ ᠣᠪᠣᠯᠵᠠᠨ ᠭᠠᠷᠬᠤ ᠳ᠋ᠤ᠌ ᠭᠠᠰᠢᠭᠤᠨ ᠨᠢᠯᠪᠤᠰᠤ ᠡᠴᠡ ᠥᠭᠡᠷᠡ ᠬᠠᠷᠢᠭᠤ ᠪᠠᠢᠳᠠᠭ ᠦᠭᠡᠢ ᠪᠠᠢᠪᠠ᠃ ᠬᠠᠭᠠᠴᠠᠯ ᠤ᠋ᠨ ᠭᠠᠰᠢᠭᠤᠳᠠᠯ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠢ᠋ ᠡᠪᠳᠡᠵᠦ ᠴᠢᠳᠠᠳᠠᠭ ᠪᠠᠢᠬᠤ ᠳ᠋ᠤ᠌ ᠭᠠᠮᠰᠢᠭ ᠲᠠᠢ ᠨᠡᠢᠯᠡᠬᠦ ᠳ᠋ᠡᠭᠡᠨ ᠪᠦᠷ ᠴᠦ᠍ ᠬᠦᠴᠦᠲᠡᠢ ᠪᠣᠯᠳᠠᠭ ᠠᠵᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠶᠠᠪᠤᠬᠤ ᠦᠭᠡᠢ ᠭᠡᠵᠦ ᠪᠠᠲᠤ ᠨᠠᠮ ᠳᠠᠭᠤ ᠪᠠᠷ ᠬᠡᠯᠡᠪᠡ᠃ ᠵᠢᠷᠭᠠᠯ ᠨᠥᠬᠥᠷ ᠢ᠋ᠶ᠋ᠡᠨ ᠦᠷᠦ ᠡᠪᠡᠳᠴᠦ ᠬᠠᠢᠷᠠᠯᠠᠭᠰᠠᠨ ᠨᠢᠳᠦ ᠪᠡᠷ ᠰᠢᠷᠳᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ 《ᠰᠡᠳᠬᠢᠯ ᠢ᠋ᠶ᠋ᠡᠨ ᠪᠡᠷᠢ᠂ ᠡᠪᠦᠭᠡᠨ ᠮᠢᠨᠢ》 ᠭᠡᠵᠦ ᠳᠣᠭᠳᠣᠯᠤᠨ ᠬᠠᠢᠷᠠᠯᠠᠭᠰᠠᠨ ᠳᠠᠭᠤ ᠪᠠᠷ ᠬᠡᠯᠡᠪᠡ᠃
ᠪᠠᠲᠤ ᠬᠠᠷᠢᠭᠤ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ ᠳ᠋ᠦ᠍ ᠵᠢᠷᠭᠠᠯ ᠣᠷᠣᠨ ᠳᠡᠭᠡᠷᠡ ᠨᠢ ᠰᠠᠨᠳᠠᠢᠯᠠᠨ ᠰᠠᠭᠤᠵᠤ ᠭᠦᠨ ᠪᠣᠳᠣᠯ ᠳ᠋ᠤ᠌ ᠳᠠᠷᠤᠭᠳᠠᠨ ᠬᠠᠨᠴᠤᠢ ᠪᠠᠷ ᠢ᠋ᠶ᠋ᠠᠨ ᠣᠷᠣᠯᠳᠣᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠠᠲᠤ ᠠ᠋᠂ ᠬᠣᠶᠠᠭᠤᠯᠠ ᠪᠠᠨ ᠭᠠᠷᠤᠶᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠥᠭᠡᠷᠦᠬᠦᠢ ᠡᠵᠢ ᠮᠢᠨᠢ ᠁ ᠭᠡᠰᠡᠨ ᠢ᠋ᠶ᠋ᠡᠨ ᠨᠢᠳᠦᠨ ᠡᠴᠡ ᠨᠢ ᠨᠢᠯᠪᠤᠰᠤ ᠳᠤᠰᠤᠯᠠᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠡᠳᠬᠢᠯ ᠢ᠋ᠶ᠋ᠡᠨ ᠪᠡᠷᠢ᠃ ᠤᠬᠢᠯᠠᠭᠠᠳ ᠳᠠᠬᠢᠨ ᠪᠣᠰᠬᠠᠵᠤ ᠴᠢᠳᠠᠬᠤ ᠪᠢᠰᠢ ᠳᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠡᠷᠡ ᠴᠦ᠍ ᠲᠡᠢᠮᠦ ᠳᠡ᠃ ᠭᠡᠪᠡᠴᠦ ᠁
ᠵᠢᠷᠭᠠᠯ ᠪᠣᠰᠴᠤ ᠰᠢᠢᠳᠮᠡᠭᠡᠢ ᠪᠡᠷ ᠪᠠᠲᠤ ᠶ᠋ᠢᠨ ᠮᠥᠷᠦᠨ ᠳᠡᠭᠡᠷᠡ ᠡᠴᠡ ᠲᠠᠲᠠᠵᠤ ᠬᠠᠮᠲᠤ ᠭᠠᠷᠬᠤ ᠶ᠋ᠢ ᠱᠠᠭᠠᠷᠳᠠᠪᠠ᠃ ᠤᠳᠠᠭᠰᠠᠨ ᠴᠤ᠌ ᠦᠭᠡᠢ ᠲᠡᠷᠡ ᠬᠣᠶᠠᠷ ᠲᠠᠯᠠᠪᠠᠢ ᠳᠡᠭᠡᠷᠡ ᠴᠤᠭᠯᠠᠷᠠᠭᠰᠠᠨ ᠣᠯᠠᠨ ᠤ᠋ ᠦᠢᠮᠡᠭᠡᠨ ᠳ᠋ᠦ᠍ ᠣᠷᠣᠯᠠ᠃
ᠪᠠᠭᠠ ᠦᠳᠡ ᠪᠣᠯᠵᠤ ᠲᠣᠭᠲᠠᠭᠤᠨ ᠵᠥᠭᠡᠯᠡᠨ ᠰᠠᠯᠬᠢ ᠳᠠᠰᠠᠭᠠᠨ ᠣᠪᠣᠭᠠᠨ ᠤ᠋ ᠵᠦᠭ ᠡᠴᠡ ᠦᠯᠢᠶᠡᠬᠦᠶᠡ ᠬᠦᠷᠢᠶᠡ ᠶ᠋ᠢ ᠲᠠᠭᠯᠠᠭᠰᠠᠨ ᠭᠠᠰᠢᠭᠤᠨ ᠬᠠᠷᠠ ᠤᠲᠤᠭᠠ ᠰᠢᠩᠭᠡᠷᠡᠨ ᠵᠠᠢᠯᠠᠵᠤ ᠬᠥᠩᠭᠡᠨ ᠪᠥᠭᠡᠳ ᠲᠠᠭᠠᠯᠠᠮᠵᠢᠲᠠᠢ ᠪᠣᠯᠪᠠ᠃ ᠬᠠᠨ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠴᠡᠩᠬᠡᠷ ᠲᠡᠭᠷᠢ ᠳ᠋ᠦ᠍ ᠳᠡᠪᠢᠰᠬᠡᠷᠯᠡᠨ ᠰᠦᠷᠲᠡᠢ ᠪᠥᠭᠡᠳ ᠦᠵᠡᠰᠬᠦᠯᠡᠩᠲᠡᠢ ᠬᠠᠷᠠᠭᠳᠠᠨᠠ᠃
ᠶᠡᠬᠡ ᠲᠠᠯᠠᠪᠠᠢ ᠶ᠋ᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠵᠠᠬᠠ ᠡᠴᠡ ᠪᠠᠷᠤᠭ ᠭᠣᠣᠯ ᠳᠤᠮᠳᠠ ᠨᠢ ᠴᠣᠭᠴᠠᠯᠠᠭᠰᠠᠨ ᠱᠣᠪᠣᠭᠣᠷ ᠮᠣᠳᠣᠨ ᠶᠡᠨᠳᠡᠷ ᠬᠦᠷᠲᠡᠯᠡ ᠴᠠᠭᠠᠨ ᠢᠰᠡᠭᠡᠢ ᠳᠡᠪᠢᠰᠴᠡᠢ᠃ ᠶᠡᠨᠳᠡᠷ ᠦ᠋ᠨ ᠵᠡᠭᠦᠨ ᠡᠮᠦᠨᠡ ᠬᠡᠳᠦᠨ ᠦᠬᠡᠷ ᠫᠤᠤ ᠡᠮᠦᠨᠡ ᠵᠦᠭ ᠢ᠋ ᠬᠠᠷᠠᠭᠤᠯᠤᠨ ᠵᠡᠷᠭᠡᠴᠡᠭᠦᠯᠵᠦ ᠵᠣᠭᠣᠭᠣᠭᠠᠳ ᠪᠠᠶᠠᠷ ᠤ᠋ᠨ ᠫᠤᠤᠳᠠᠯᠭᠠ ᠬᠢᠬᠦ ᠳ᠋ᠦ᠍ ᠪᠡᠯᠡᠬᠡᠨ ᠪᠣᠯᠭᠠᠵᠠᠢ᠃
ᠵᠢᠩ ᠦᠳᠡ ᠶ᠋ᠢᠨ ᠬᠢᠷᠢ ᠳ᠋ᠦ᠍ ᠲᠠᠯᠠᠪᠠᠢ ᠶ᠋ᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠡᠴᠡ ᠰᠣᠶᠣᠩᠪᠣ ᠦᠰᠦᠭ ᠲᠡᠢ ᠬᠠᠭᠤᠴᠢᠨ ᠤᠯᠠᠭᠠᠨ ᠲᠤᠭ ᠨᠠᠮᠢᠷᠠᠨ ᠭᠠᠷᠴᠤ ᠢᠷᠡᠬᠦ ᠳ᠋ᠦ᠍ ᠲᠡᠷᠡ ᠵᠦᠭ ᠬᠠᠷᠠᠵᠠᠭᠠᠪᠠ᠃
ᠲᠡᠢᠨ ᠦ᠌ ᠤᠲᠤᠭᠠ ᠰᠢᠩᠭᠡᠵᠦ ᠬᠡᠳᠦ ᠴᠣᠭᠣᠷᠣᠭᠰᠠᠨ ᠡᠨᠡᠬᠦ ᠲᠤᠭ ᠢ᠋ ᠥᠨᠳᠥᠷ᠂ ᠲᠠᠷᠭᠤᠨ ᠴᠠᠭᠠᠨ ᠮᠣᠷᠢᠲᠠᠢ ᠬᠥᠮᠦᠨ ᠳᠥᠷᠥᠭᠡᠪᠴᠢᠯᠡᠨ ᠪᠠᠷᠢᠵᠠᠢ᠃ ᠳᠠᠷᠠᠭᠠ ᠨᠢ ᠮᠥᠨ ᠯᠡ ᠬᠠᠭᠤᠴᠢᠨ ᠰᠢᠷᠠ ᠲᠤᠭ ᠢ᠋ ᠭᠠᠯ ᠵᠡᠭᠡᠷᠳᠡ ᠮᠣᠷᠢᠲᠠᠢ ᠬᠥᠮᠦᠨ ᠪᠠᠷᠢᠨ ᠭᠠᠷᠴᠤ ᠢᠷᠡᠪᠡ᠃ ᠲᠤᠭ ᠤ᠋ᠳ ᠤ᠋ᠨ ᠪᠠᠷᠠᠭᠤᠨ ᠵᠡᠭᠦᠨ ᠲᠠᠯᠠ ᠳ᠋ᠤᠨᠢ ᠭᠤᠷᠪᠠ ᠭᠤᠷᠪᠠᠨ ᠮᠣᠷᠢᠲᠠᠢ ᠬᠥᠮᠦᠨ ᠰᠡᠯᠡᠮᠡ ᠣᠭᠰᠢᠨ ᠶᠠᠪᠤᠬᠤ ᠨᠢ ᠨᠠᠷᠠᠨ ᠳ᠋ᠤ᠌ ᠭᠢᠯᠠᠯᠵᠠᠨ ᠰᠦᠷ ᠲᠡᠢ ᠠᠵᠢ᠃ ᠲᠤᠭᠴᠢᠳ ᠤ᠋ᠨ ᠮᠣᠷᠢᠳ ᠴᠠᠭᠠᠨ ᠢᠰᠡᠭᠡᠢ ᠵᠠᠮ ᠳᠡᠭᠡᠷᠡ ᠭᠠᠷᠴᠤ ᠶᠡᠨᠳᠡᠷ ᠦ᠋ᠨ ᠵᠦᠭ ᠠᠭᠠᠵᠢᠮ ᠪᠥᠭᠡᠳ ᠦᠷᠭᠦᠵᠦ ᠬᠤᠯᠭᠠᠬᠤ ᠦᠭᠡᠢ ᠶᠠᠪᠤᠬᠤ ᠨᠢ ᠡᠢᠮᠦ ᠶᠣᠰᠣᠯᠠᠯ ᠢ᠋ ᠣᠯᠠᠨᠲᠠ ᠦᠵᠡᠭᠰᠡᠨ ᠦ᠌ ᠰᠢᠨᠵᠢ ᠪᠢᠯᠡ᠃ ᠲᠤᠭ ᠤ᠋ᠨ ᠳᠠᠷᠠᠭᠠ ᠬᠣᠶᠠᠷ ᠲᠠᠯᠠ ᠳ᠋ᠠᠭᠠᠨ ᠨᠢᠵᠡᠭᠡᠳ ᠬᠥᠮᠦᠨ ᠵᠢᠭᠦᠷᠯᠡᠨ ᠳᠠᠭᠠᠭᠤᠯᠤᠭᠰᠠᠨ ᠬᠠᠳᠠᠨ ᠪᠠᠭᠠᠲᠤᠷ ᠲᠣᠮᠣ ᠰᠠᠷᠠ ᠲᠠᠢ ᠪᠥᠮᠪᠥᠨ ᠰᠠᠢᠪᠤᠷ ᠬᠡᠭᠡᠷ ᠮᠣᠷᠢ ᠤᠨᠤᠭᠠᠳ ᠭᠠᠷᠴᠤ ᠢᠷᠡᠬᠦ ᠳ᠋ᠦ᠍ ᠴᠤᠭᠯᠠᠷᠠᠭᠰᠠᠨ ᠣᠯᠠᠨ ᠤ᠋ ᠳᠤᠮᠳᠠ ᠦᠷᠭᠦᠯᠵᠢᠯᠡᠭᠰᠡᠨ ᠱᠤᠤᠭᠢᠶᠠᠨ ᠬᠤᠷᠠᠨ ᠨᠦᠷᠵᠢᠭᠢᠨᠡᠪᠡ᠃
ᠸᠠᠩ ᠤ᠋ᠨ ᠬᠦᠷᠡᠩ ᠵᠢᠩᠰᠡ ᠲᠡᠢ᠂ ᠪᠤᠯᠠᠭᠠ ᠲᠠᠲᠠᠭᠰᠠᠨ ᠲᠣᠭᠣᠷᠴᠣᠭ ᠦᠯᠦ ᠮᠡᠳᠡᠭ ᠬᠠᠵᠠᠭᠠᠢ ᠲᠠᠯᠪᠢᠵᠤ᠂ ᠡᠯᠢᠭᠡᠨ ᠬᠦᠷᠡᠩ ᠬᠦᠷᠮᠡ ᠲᠡᠢ ᠬᠠᠭᠤᠴᠢᠪᠲᠤᠷ ᠬᠠᠷᠠ ᠬᠥᠬᠡ ᠳᠡᠪᠡᠯ ᠡᠮᠦᠰᠴᠦ᠂ ᠮᠥᠯᠢᠬᠡᠷ ᠬᠣᠩᠰᠢᠶᠠᠷ ᠲᠠᠢ ᠨᠠᠭᠠᠮᠠᠯ ᠤᠯᠠ ᠲᠠᠢ ᠭᠤᠲᠤᠯ ᠵᠢᠭᠢᠵᠡᠢ᠃ ᠵᠥᠷᠢᠭᠦᠯᠡᠨ ᠲᠠᠲᠠᠭᠰᠠᠨ ᠮᠥᠷᠥᠪᠴᠢ ᠶ᠋ᠢᠨ ᠪᠠᠷᠠᠭᠤᠨ ᠦᠵᠦᠭᠦᠷ ᠲᠦ᠍ ᠮᠣᠳᠣᠨ ᠬᠤᠢ ᠲᠠᠢ ᠰᠸᠯᠠᠢ᠌ᠳᠠᠢ᠂ ᠵᠡᠭᠦᠨ ᠦᠵᠦᠭᠦᠷ ᠲᠤᠨᠢ ᠤᠷᠲᠤ ᠰᠡᠯᠡᠮᠡ ᠣᠠᠵᠢ᠌ᠭᠰᠠᠨ ᠨᠢ ᠮᠣᠷᠢᠨ ᠤ᠋ ᠶᠠᠪᠤᠳᠠᠯ ᠳ᠋ᠤ᠌ ᠤᠷᠤᠭᠰᠢ ᠬᠣᠢᠰᠢ ᠬᠠᠶᠠᠯᠠᠨᠠ᠃
ᠬᠠᠳᠠᠨ ᠪᠠᠭᠠᠲᠤᠷ ᠤ᠋ᠨ ᠮᠣᠷᠢ ᠢᠰᠡᠭᠡᠢ ᠳᠡᠭᠡᠷᠡ ᠭᠠᠷᠴᠤ ᠢᠷᠡᠬᠦ ᠳ᠋ᠦ᠍ ᠳᠠᠭᠠᠭᠰᠠᠳ ᠨᠢ ᠢᠷᠠᠭᠳᠠᠨ ᠢᠰᠡᠭᠡᠢ ᠶ᠋ᠢᠨ ᠬᠣᠶᠠᠷ ᠲᠠᠯᠠ ᠪᠠᠷ ᠶᠠᠪᠤᠯᠠ᠃ ᠪᠠᠭᠠᠲᠤᠷ ᠸᠠᠩ ᠤ᠋ᠨ ᠪᠠᠷᠠᠭᠤᠨ ᠭᠠᠷ ᠲᠤ᠌ ᠶᠠᠪᠤᠭᠠ ᠤᠷᠲᠤ ᠯᠢᠶᠠᠠᠵᠤ ᠫᠤᠤ ᠡᠭᠦᠷᠦᠭᠰᠡᠨ ᠬᠥᠮᠦᠨ ᠪᠣᠯ ᠥᠯᠵᠡᠢ ᠡᠪᠦᠭᠡᠨ ᠦ᠌ ᠬᠦᠦ ᠬᠤᠶᠠᠭ ᠠᠵᠢ᠃
ᠡᠨᠡ ᠦᠶᠡ ᠳ᠋ᠦ᠍ ᠶᠡᠨᠳᠡᠷ ᠦ᠋ᠨ ᠳᠡᠷᠭᠡᠳᠡ ᠬᠦᠷᠡᠩ ᠳᠡᠪᠡᠯ ᠳᠡᠭᠡᠷᠡ ᠥᠷᠭᠡᠨ ᠬᠥᠬᠡ ᠪᠦᠰᠡ ᠣᠷᠢᠶᠠᠭᠰᠠᠨ ᠬᠦᠳᠡᠷ ᠪᠣᠷᠣ ᠡᠷᠡ ᠢᠨᠢᠶᠡᠮᠰᠦᠭᠯᠡᠨ ᠵᠣᠭᠰᠣᠨᠠ᠃ ᠡᠨᠡ ᠪᠣᠯ ᠰᠢᠨᠡ ᠲᠣᠭᠲᠠᠭᠰᠠᠨ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠪᠦᠬᠦ ᠴᠡᠷᠢᠭ ᠦ᠋ᠨ ᠵᠠᠩᠵᠤᠨ ᠰᠦᠬᠡᠪᠠᠭᠠᠲᠤᠷ ᠪᠠᠢᠯᠠ᠃ ᠦᠬᠡᠷ ᠫᠤᠤ ᠨᠤᠭᠤᠳ ᠭᠤᠷᠪᠠᠨᠲᠠ ᠪᠠᠶᠠᠷ ᠤ᠋ᠨ ᠫᠤᠤᠳᠠᠯᠭᠠ ᠬᠢᠬᠦ ᠳ᠋ᠦ᠍ ᠳᠡᠯᠡᠬᠡᠢ ᠶᠢᠷᠲᠢᠨᠴᠦ ᠬᠥᠳᠡᠯᠦᠨ ᠨᠢᠵᠢᠭᠢᠨᠡᠪᠡ᠃
ᠬᠠᠳᠠᠨ ᠪᠠᠭᠠᠲᠤᠷ ᠭᠤᠳᠤᠮᠵᠢᠯᠠᠨ ᠵᠣᠭᠰᠣᠭᠰᠠᠨ ᠣᠯᠠᠨ ᠢ᠋ ᠬᠠᠷᠠᠨ ᠲᠠᠨᠢᠬᠤ ᠬᠥᠮᠦᠰ ᠲᠦ᠍ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ ᠢᠨᠢᠶᠡᠮᠰᠦᠭᠯᠡᠨ ᠮᠡᠨᠳᠦ ᠬᠦᠷᠭᠡᠨᠡ᠃ ᠪᠠᠭᠠᠲᠤᠷ ᠸᠠᠩ ᠮᠣᠷᠢᠨ ᠡᠴᠡ ᠪᠠᠭᠤᠬᠤ ᠳ᠋ᠤ᠌ ᠬᠤᠶᠠᠭ ᠴᠤᠯᠪᠤᠭᠤᠷ ᠢ᠋ ᠨᠢ ᠠᠪᠴᠤ ᠭᠡᠳᠡᠷᠭᠦ ᠪᠣᠯᠪᠠ᠃ ᠰᠦᠬᠡᠪᠠᠭᠠᠲᠤᠷ ᠣᠴᠢᠵᠤ ᠪᠠᠭᠠᠲᠤᠷ ᠸᠠᠩ ᠲᠠᠢ ᠡᠯᠢᠭᠡᠰᠡᠭ ᠳᠣᠲᠣᠨᠣ ᠪᠠᠷ ᠵᠣᠯᠭᠠᠪᠠ᠃ ᠳᠠᠷᠠᠭᠠ ᠨᠢ ᠬᠠᠳᠠᠨ ᠪᠠᠭᠠᠲᠤᠷ ᠢ᠋ ᠳᠠᠭᠠᠭᠤᠯᠤᠨ ᠶᠡᠨᠳᠡᠷ ᠳᠡᠭᠡᠷᠡ ᠭᠠᠷᠬᠤ ᠳ᠋ᠤ᠌ ᠪᠠᠭᠠᠲᠤᠷ ᠸᠠᠩ ᠭᠠᠷ ᠢ᠋ᠶ᠋ᠠᠨ ᠡᠯᠢᠭᠡᠨ ᠳᠡᠭᠡᠷᠡ ᠪᠡᠨ ᠬᠠᠪᠰᠤᠷᠤᠨ ᠣᠯᠠᠨ ᠤ᠋ ᠵᠦᠭ ᠭᠤᠷᠪᠠᠨ ᠤᠳᠠᠭᠠ ᠮᠡᠬᠦᠰᠬᠢᠨ ᠶᠣᠰᠣᠯᠠᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠯᠠᠨ ᠠᠪᠤ ᠶ᠋ᠢᠨ ᠬᠦᠦ ᠬᠠᠯᠠᠭᠤᠨ ᠠᠮᠢ ᠪᠦᠯᠢᠶᠡᠨ ᠴᠢᠰᠤ ᠪᠠᠨ ᠬᠠᠢᠷᠠᠯᠠᠯ ᠦᠭᠡᠢ ᠥᠭᠭᠦᠭᠰᠡᠨ ᠶᠡᠬᠡ ᠬᠡᠷᠡᠭ ᠠᠷᠠᠳ ᠤ᠋ᠨ ᠨᠠᠮ ᠤ᠋ᠨ ᠮᠡᠷᠭᠡᠨ ᠪᠣᠳᠣᠯ᠂ ᠰᠢᠨᠡ ᠣᠷᠣᠰ ᠤᠯᠤᠰ ᠤ᠋ᠨ ᠬᠠᠯᠠᠭᠤᠨ ᠳᠡᠮᠵᠢᠯᠭᠡ ᠶ᠋ᠢᠨ ᠦᠷᠡ ᠪᠡᠷ ᠢᠯᠠᠵᠤ ᠮᠣᠷᠢ ᠪᠡᠶᠡ ᠠᠮᠠᠷᠠᠬᠤ ᠴᠠᠭ ᠤ᠋ᠨ ᠠᠯᠲᠠᠨ ᠪᠣᠱᠣᠭᠠᠨ ᠳᠡᠭᠡᠷᠡ ᠭᠠᠷᠤᠯᠠ᠃ ᠮᠠᠨ ᠤ᠋ ᠣᠷᠣᠨ ᠡᠷᠬᠡ ᠴᠢᠯᠥᠭᠡ ᠲᠡᠢ᠂ ᠲᠤᠰᠠᠭᠠᠷ ᠤᠯᠤᠰ᠂ ᠮᠣᠩᠭᠣᠯ ᠨᠤᠲᠤᠭ ᠮᠢᠨᠢ ᠪᠢᠳᠡᠨ ᠦ᠌ ᠶᠠᠭᠤᠮᠠ ᠪᠣᠯᠤᠭᠰᠠᠨ ᠢ᠋ ᠪᠣᠳᠣᠬᠤ ᠳ᠋ᠤ᠌ ᠶᠠᠭᠤᠲᠠᠢ ᠰᠠᠢᠬᠠᠨ ᠬᠡᠷᠡᠭ ᠪᠣᠢ᠃ ᠲᠤᠰᠠᠭᠠᠷ ᠲᠣᠭᠲᠠᠨᠢᠭᠰᠠᠨ ᠮᠣᠩᠭᠣᠯ ᠤᠯᠤᠰ ᠲᠦᠮᠡᠨ ᠦᠶᠡ ᠳ᠋ᠦ᠍ ᠳᠡᠭᠵᠢᠨ ᠳᠠᠪᠰᠢᠵᠤ ᠪᠠᠲᠤ ᠣᠷᠣᠰᠢᠬᠤ ᠪᠣᠯᠲᠤᠭᠠᠢ! ᠭᠡᠳ ᠥᠷᠭᠡᠨ ᠮᠠᠩᠨᠠᠢ ᠬᠤᠷᠴᠠ ᠨᠢᠳᠦᠨ ᠳ᠋ᠦ᠍ᠨᠢ ᠴᠠᠭᠯᠠᠰᠢ ᠦᠭᠡᠢ ᠪᠠᠶᠠᠷ ᠪᠠᠬᠠᠳᠤᠯ ᠲᠣᠳᠣᠷᠠᠭᠰᠠᠨ ᠬᠠᠳᠠᠨ ᠪᠠᠭᠠᠲᠤᠷ ᠣᠯᠠᠨ ᠤ᠋ ᠨᠢᠳᠦᠨ ᠳ᠋ᠦ᠍ ᠳᠠᠬᠢᠨ ᠮᠡᠬᠦᠢᠨ ᠶᠣᠰᠣᠯᠠᠬᠤ ᠳ᠋ᠤ᠌ 《ᠪᠠᠭᠠᠲᠤᠷ ᠸᠠᠩ ᠪᠠᠲᠤ ᠣᠷᠣᠰᠢᠬᠤ ᠪᠣᠯᠲᠤᠭᠠᠢ!》 ᠭᠡᠰᠡᠨ ᠨᠢᠭᠡ ᠬᠥᠮᠦᠨ ᠦ᠌ ᠳᠠᠭᠤ ᠣᠯᠠᠨ ᠤ᠋ ᠳᠠᠭᠤ ᠪᠠᠷ ᠳᠠᠮᠵᠢᠭᠳᠠᠨ ᠦᠷᠭᠦᠯᠵᠢᠯᠡᠭᠰᠡᠨ ᠬᠦᠴᠦᠷᠬᠡᠭ ᠳᠠᠭᠤ ᠪᠣᠯᠤᠨ ᠨᠦᠷᠵᠢᠭᠢᠨᠡᠨ ᠶᠡᠬᠡ ᠲᠠᠯᠠᠪᠠᠢ ᠶ᠋ᠢ ᠣᠪᠣᠯᠵᠠᠭᠤᠯᠬᠤ ᠮᠡᠲᠦ ᠴᠤᠤᠷᠢᠶᠠᠲᠤᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠬᠠ ᠲᠠ ᠠᠯᠤᠰ ᠤ᠋ᠨ ᠵᠠᠮ ᠳ᠋ᠤ᠌ ᠠᠯᠵᠢᠶᠠᠭᠰᠠᠨ ᠪᠣᠯᠬᠣᠷ ᠥᠨᠥᠳᠥᠷ ᠠᠮᠠᠷᠠᠵᠤ᠂ ᠮᠠᠷᠭᠠᠰᠢ ᠡᠴᠡ ᠪᠢᠳᠡᠨ ᠲᠡᠢ ᠠᠭᠤᠯᠵᠠᠬᠤ ᠪᠢᠵᠡ ᠠ᠋᠃ ᠠᠷᠠᠳ ᠤ᠋ᠨ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠡᠴᠡ ᠡᠷᠬᠢᠮ ᠠᠬᠠ ᠲᠠᠨ ᠤ᠋ ᠤᠯᠤᠰ ᠭᠡᠷ ᠦ᠋ᠨ ᠲᠥᠯᠥᠭᠡ ᠵᠢᠳᠬᠦᠭᠰᠡᠨ ᠶᠡᠬᠡ ᠭᠠᠪᠢᠶᠠ ᠶ᠋ᠢ ᠦᠨᠡᠯᠡᠨ ᠴᠢᠨ ᠸᠠᠩ ᠤ᠋ᠨ ᠬᠡᠷᠬᠡᠮ᠂ ᠰᠢᠷᠠ ᠬᠦᠷᠮᠡ ᠱᠠᠩᠨᠠᠭᠰᠠᠨ ᠢ᠋ ᠪᠠᠶᠠᠷᠲᠠᠢ ᠮᠡᠳᠡᠭᠳᠡᠶᠡ ᠭᠡᠵᠦ ᠰᠦᠬᠡᠪᠠᠭᠠᠲᠤᠷ ᠴᠣᠭ ᠲᠠᠢ ᠬᠡᠯᠡᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠡᠰᠢᠭ ᠲᠦ᠍ ᠮᠥᠷᠭᠥᠶᠡ ᠭᠡᠳ ᠬᠠᠳᠠᠨ ᠪᠠᠭᠠᠲᠤᠷ ᠲᠣᠯᠣᠭᠠᠢ ᠳᠣᠬᠢᠨ ᠶᠣᠰᠣᠯᠠᠪᠠ᠃ ᠶᠡᠨᠳᠡᠷ ᠡᠴᠡ ᠪᠠᠭᠤᠵᠤ ᠢᠷᠡᠬᠦ ᠳ᠋ᠦ᠍ ᠶᠡᠨᠳᠡᠷ ᠦ᠋ᠨ ᠬᠠᠵᠠᠭᠤ ᠳ᠋ᠤ᠌ ᠴᠢᠯᠠᠭᠤᠨ ᠠᠷᠰᠯᠠᠨ ᠰᠢᠭ᠋ ᠬᠥᠳᠡᠯᠦᠯ ᠦᠭᠡᠢ ᠶᠡᠬᠡᠮᠰᠦᠭ ᠵᠣᠭᠰᠣᠵᠤ ᠪᠠᠢᠭᠰᠠᠨ ᠵᠣᠨᠤᠩ ᠸᠠᠩ ᠰᠢᠷᠨᠠᠨᠳᠣᠷᠵᠢ ᠨᠠᠮᠪᠠᠭᠠ ᠲᠠᠢ ᠪᠥᠭᠡᠳ ᠶᠡᠬᠡᠮᠰᠦᠭ ᠢ᠋ᠶ᠋ᠡᠷ ᠨᠢᠳᠤᠷᠭᠠ ᠲᠠᠢ ᠤᠷᠲᠤ ᠬᠠᠨᠴᠤᠢ ᠪᠠᠨ ᠳᠠᠶᠠᠯᠵᠠᠭᠤᠯᠤᠨ ᠬᠠᠶᠠᠭᠰᠠᠭᠠᠷ ᠠᠯᠬᠤᠵᠤ ᠢᠷᠡᠭᠡᠳ ᠲᠣᠯᠣᠭᠠᠢ ᠪᠠᠨ ᠦᠯᠦ ᠮᠡᠳᠡᠭ ᠲᠣᠩᠭᠣᠢᠨ ᠮᠡᠨᠳᠦᠯᠡᠵᠦ 《ᠸᠴᠢᠷ ᠳ᠋ᠠᠷᠠ ᠶ᠋ᠢᠨ ᠬᠤᠪᠢᠯᠭᠠᠨ ᠪᠣᠭᠳᠠ ᠵᠢᠪᠵᠤᠮᠳᠠᠮᠪᠠ ᠬᠤᠲᠤᠭᠲᠤ᠂ ᠪᠠᠭᠠᠲᠤᠷ ᠸᠠᠩ ᠲᠠᠨ ᠢ᠋ ᠪᠠᠷᠠᠭᠠᠯᠬᠠ ᠭᠡᠵᠦ ᠵᠠᠷᠯᠢᠭ ᠪᠠᠭᠤᠯᠭᠠᠭᠰᠠᠨ ᠪᠢᠯᠡ》 ᠭᠡᠯᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠪᠣᠯ ᠴᠡᠷᠢᠭ ᠦ᠋ᠨ ᠬᠥᠮᠦᠨ ᠪᠣᠯᠬᠣᠷ᠂ ᠠᠮᠠᠷᠠ ᠭᠡᠰᠡᠨ ᠵᠠᠩᠵᠤᠨ ᠤ᠋ ᠲᠤᠰᠢᠶᠠᠯ ᠢ᠋ ᠶᠠᠮᠠᠷ ᠠᠶᠤᠮᠰᠢᠭ ᠦᠭᠡᠢ ᠵᠥᠷᠢᠬᠦ ᠪᠢᠯᠡ ᠭᠡᠳ ᠮᠠᠭᠰᠤᠷᠵᠠᠪ ᠨᠠᠮᠪᠠᠭᠠ ᠲᠠᠢ ᠪᠥᠭᠡᠳ ᠶᠣᠵᠣᠲᠠᠢ ᠮᠡᠬᠦᠢᠨ ᠶᠣᠰᠣᠯᠠᠪᠠ᠃
ᠰᠢᠷᠨᠠᠨᠳᠣᠷᠵᠢ ᠶ᠋ᠢᠨ ᠰᠡᠷᠪᠡᠭᠡᠷ ᠬᠠᠷᠠ ᠰᠠᠬᠠᠯ ᠤ᠋ᠨ ᠦᠵᠦᠭᠦᠷ ᠲᠠᠲᠠᠭᠠᠨᠠᠨ ᠰᠦᠬᠡᠪᠠᠭᠠᠲᠤᠷ ᠥᠭᠡᠳᠡ ᠭᠢᠯᠤᠢᠨ ᠬᠠᠷᠠᠭᠰᠠᠨ ᠪᠣᠯᠪᠠᠴᠤ ᠲᠡᠭᠦᠨ ᠦ᠌ ᠬᠤᠷᠴᠠ ᠨᠢᠳᠦ ᠲᠡᠢ ᠤᠴᠠᠷᠠᠭᠠᠳ ᠵᠢᠷᠪᠢ ᠲᠡᠳᠡᠨ ᠵᠠᠢᠯᠠᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠠᠭᠠᠲᠤᠷ ᠸᠠᠩ ᠣᠯᠠᠨ ᠬᠣᠨᠣᠭ ᠤ᠋ᠨ ᠤᠷᠲᠤ ᠠᠶᠠᠨ ᠳ᠋ᠤ᠌ ᠠᠯᠵᠢᠶᠠᠭᠰᠠᠨ ᠪᠣᠯᠬᠣᠷ ᠠᠮᠠᠷᠠᠵᠤ ᠬᠦᠴᠦ ᠵᠠᠯᠭᠠᠬᠤ ᠨᠢ ᠤᠯᠤᠰ ᠭᠡᠷ ᠦ᠋ᠨ ᠬᠡᠷᠡᠭ ᠪᠣᠯᠵᠠᠢ ᠭᠡᠵᠦ ᠰᠦᠬᠡᠪᠠᠭᠠᠲᠤᠷ ᠤ᠋ᠨ ᠬᠡᠯᠡᠬᠦ ᠳ᠋ᠦ᠍ ᠡᠨᠡ ᠲᠤᠬᠠᠢ ᠳᠠᠬᠢᠨ ᠶᠠᠷᠢᠭᠠᠳ ᠬᠡᠷᠡᠭ ᠦᠭᠡᠢ ᠭᠡᠰᠡᠨ ᠲᠣᠳᠣ ᠥᠩᠭᠡ ᠪᠠᠢᠭᠰᠠᠨ ᠢ᠋ ᠰᠣᠨᠣᠰᠤᠭᠰᠠᠨ ᠵᠣᠨᠤᠩ ᠸᠠᠩ ᠵᠢᠪᠡᠭᠦᠨ ᠢ᠋ᠶ᠋ᠡᠷ ᠳᠠᠯᠤ ᠪᠠᠨ ᠬᠥᠳᠡᠯᠭᠡᠭᠰᠡᠨ ᠢ᠋ᠶ᠋ᠡᠨ ᠡᠷᠭᠢᠵᠦ ᠶᠠᠪᠤᠯᠠ᠃
ᠬᠠᠳᠠᠨ ᠪᠠᠭᠠᠲᠤᠷ ᠴᠤᠯᠪᠤᠭᠤᠷ ᠢ᠋ᠶ᠋ᠠᠨ ᠬᠤᠶᠠᠭ ᠡᠴᠡ ᠠᠪᠴᠤ ᠮᠣᠷᠳᠠᠯᠠ᠃ ᠲᠡᠭᠦᠨ ᠢ᠋ ᠲᠦᠮᠡᠨ ᠬᠥᠮᠦᠨ ᠦ᠌ ᠨᠢᠳᠦ ᠦᠳᠡᠪᠡ᠃ ᠡᠨᠳᠡ ᠬᠠᠳᠠᠨ ᠪᠠᠭᠠᠲᠤᠷ ᠢ᠋ ᠶᠣᠰᠣᠯᠠᠨ ᠬᠦᠯᠢᠶᠡᠵᠦ ᠠᠪᠴᠤ ᠪᠠᠢᠬᠤ ᠳ᠋ᠤ᠌ ᠲᠡᠭᠦᠨ ᠦ᠌ ᠴᠡᠷᠢᠭ ᠦ᠋ᠨ ᠵᠡᠪᠰᠡᠭ ᠬᠡᠷᠡᠭᠯᠡᠯ ᠠᠴᠢᠭᠰᠠᠨ ᠠᠷᠪᠠᠭᠠᠳ ᠮᠣᠷᠢᠨ ᠲᠡᠷᠭᠡ ᠬᠦᠷᠢᠶᠡᠨ ᠦ᠌ ᠪᠠᠷᠠᠭᠤᠨ ᠲᠠᠯᠠ ᠡᠴᠡ ᠣᠷᠣᠵᠤ ᠢᠷᠡᠯᠡ᠃ ᠡᠨᠡ ᠴᠤᠪᠤᠭᠠ ᠶ᠋ᠢ ᠬᠥᠲᠥᠯᠦᠭᠰᠡᠨ ᠬᠣᠩᠭᠣᠷ ᠮᠣᠷᠢ ᠲᠠᠢ ᠬᠥᠮᠦᠨ ᠪᠣᠯ ᠴᠠᠬᠢᠭᠤᠷ ᠲᠡᠮᠦᠷ ᠪᠠᠢᠯᠠ᠃ ᠲᠡᠭᠦᠨ ᠦ᠌ ᠬᠠᠵᠠᠭᠤ ᠳ᠋ᠤ᠌ ᠬᠠᠭᠤᠴᠢᠨ ᠨᠣᠭᠣᠭᠠᠨ ᠳᠡᠪᠡᠯ ᠳᠡᠭᠡᠷᠡ ᠬᠥᠬᠡ ᠪᠦᠰᠡ ᠪᠦᠰᠡᠯᠡᠭᠡᠳ ᠵᠢᠵᠢᠭᠬᠡᠨ ᠪᠣᠯᠪᠠᠴᠤ ᠰᠢᠪᠬᠠᠷᠠᠭᠰᠠᠨ ᠵᠢᠭᠵᠢᠭᠡᠷ ᠪᠡᠶᠡ ᠲᠡᠢ ᠰᠠᠭᠠᠷᠠᠯ ᠮᠣᠷᠢ ᠤᠨᠤᠭᠰᠠᠨ ᠳᠤᠯᠮᠠ ᠬᠡᠦᠬᠡᠨ ᠶᠠᠪᠤᠨᠠ᠃
ᠠᠩᠬᠠ ᠤᠳᠠᠭᠠ ᠬᠠᠷᠠᠵᠤ ᠪᠠᠢᠭᠠ ᠳᠤᠯᠮᠠ ᠶ᠋ᠢᠨ ᠨᠢᠳᠦᠨ ᠳ᠋ᠦ᠍ ᠬᠦᠷᠢᠶᠡᠨ ᠦ᠌ ᠶᠠᠭᠤᠮᠠ ᠪᠦᠬᠦᠨ ᠰᠣᠨᠢᠨ ᠪᠥᠭᠡᠳ ᠨᠢᠭᠡ ᠶᠠᠭᠤᠮᠠᠨ ᠡᠴᠡ ᠨᠥᠭᠥᠭᠡ ᠶᠠᠭᠤᠮᠠᠨ ᠳ᠋ᠤ᠌ ᠨᠢᠳᠦ ᠪᠡᠨ ᠰᠢᠯᠵᠢᠭᠦᠯᠬᠦ ᠪᠦᠷᠢ ᠳ᠋ᠡᠭᠡᠨ ᠲᠡᠮᠦᠷ ᠢ᠋ ᠶᠡᠬᠡ ᠬᠠᠢᠷᠠ᠂ ᠦᠯᠡᠮᠵᠢ ᠪᠠᠶᠠᠷ ᠬᠣᠣᠰᠯᠠᠭᠰᠠᠨ ᠨᠢᠳᠦ ᠪᠡᠷ ᠬᠠᠷᠠᠵᠤ ᠢᠨᠢᠶᠡᠮᠰᠦᠭᠯᠡᠨᠡ᠃
ᠡᠨᠡ ᠴᠤᠪᠤᠭᠠ ᠠᠭᠠᠵᠢᠮ ᠢ᠋ᠶ᠋ᠠᠷ ᠶᠠᠪᠤᠭᠰᠠᠭᠠᠷ ᠴᠣᠢᠵᠣᠩ ᠯᠠᠮᠠ ᠶ᠋ᠢᠨ ᠰᠦᠮᠡ ᠶ᠋ᠢᠨ ᠠᠷᠤ ᠪᠠᠷ ᠭᠠᠷᠴᠤ ᠢᠷᠡᠬᠦ ᠳ᠋ᠦ᠍ ᠪᠠᠲᠤ᠂ ᠵᠢᠷᠭᠠᠯ ᠬᠣᠶᠠᠷ ᠴᠢᠬᠢᠯᠳᠦᠨ ᠵᠢᠳᠬᠦᠵᠦ ᠶᠠᠪᠤᠭᠰᠠᠭᠠᠷ ᠣᠯᠠᠨ ᠤ᠋ ᠡᠮᠦᠨᠡ ᠭᠠᠷᠴᠤ ᠵᠣᠭᠰᠣᠪᠠ᠃ ᠲᠡᠮᠦᠷ ᠢ᠋ ᠣᠯᠵᠤ ᠬᠠᠷᠠᠭᠰᠠᠨ ᠪᠠᠲᠤ ᠶ᠋ᠢᠨ ᠨᠢᠳᠦ ᠲᠣᠪ ᠲᠣᠭᠣᠷᠢᠭ ᠪᠣᠯᠤᠭᠰᠠᠨ ᠢ᠋ᠶ᠋ᠠᠨ 《ᠲᠡᠮᠦᠷ ᠠᠬᠠ ᠠ᠋᠂ ᠠᠬᠠ ᠠ᠋!》 ᠭᠡᠵᠦ ᠪᠠᠢᠳᠠᠭ ᠴᠢᠳᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠢᠬᠤᠲᠤᠨᠠᠭᠤᠯᠤᠨ ᠬᠠᠰᠬᠢᠷᠤᠭᠰᠠᠨ ᠨᠢ ᠣᠯᠠᠨ ᠤ᠋ ᠠᠩᠬᠠᠷᠤᠯ ᠢ᠋ ᠲᠠᠲᠠᠯᠠ᠃
ᠲᠦᠷᠭᠡᠨ ᠣᠴᠢᠬᠤ ᠦᠭᠡᠢ ᠪᠣᠯ ᠨᠢᠳᠦᠨ ᠳ᠋ᠦ᠍ᠨᠢ ᠲᠤᠰᠤᠭᠰᠠᠨ ᠲᠡᠮᠦᠷ ᠠᠯᠠᠭᠠ ᠪᠣᠯᠴᠢᠬᠠᠬᠤ ᠶᠤᠮ ᠰᠢᠭ᠋ ᠪᠣᠳᠣᠭᠰᠠᠨ ᠪᠠᠲᠤ ᠭᠦᠶᠦᠨ ᠣᠴᠢᠵᠤ ᠲᠡᠭᠦᠨ ᠦ᠌ ᠴᠤᠯᠪᠤᠭᠤᠷ ᠡᠴᠡ ᠪᠠᠷᠢᠵᠤ ᠠᠪᠬᠤ ᠳ᠋ᠤ᠌ ᠮᠣᠷᠢ ᠨᠢ ᠦᠷᠭᠦᠪᠡ᠃
ᠰᠠᠯᠤᠭᠰᠠᠨ ᠰᠠᠷᠨᠢᠭᠰᠠᠨ ᠤᠯᠤᠰ ᠤ᠋ᠨ ᠠᠭᠤᠯᠵᠠᠯᠲᠠ ᠰᠢᠭ᠋ ᠰᠠᠢᠬᠠᠨ ᠶᠠᠭᠤᠮᠠ ᠡᠨᠡ ᠣᠷᠴᠢᠯᠠᠩ ᠳ᠋ᠤ᠌ ᠶᠠᠭᠤ ᠪᠠᠢᠬᠤ ᠪᠢᠯᠡ᠃ ᠡᠨᠡ ᠤᠴᠠᠷᠠᠯ ᠨᠢ ᠬᠠᠭᠠᠴᠠᠯ ᠭᠠᠰᠢᠭᠤᠳᠠᠯ ᠢ᠋ᠶ᠋ᠠᠷ ᠳᠦᠭᠦᠷᠦᠭᠰᠡᠨ ᠪᠠᠲᠤ ᠶ᠋ᠢᠨ ᠰᠡᠳᠬᠢᠯ ᠳ᠋ᠦ᠍ ᠪᠠᠶᠠᠷ ᠤ᠋ᠨ ᠬᠤᠷᠠ᠂ ᠵᠢᠷᠭᠠᠯ ᠤ᠋ᠨ ᠴᠡᠴᠡᠭ ᠪᠣᠢ ᠪᠣᠯᠭᠠᠪᠠ᠃ ᠪᠠᠶᠠᠷᠯᠠᠭᠰᠠᠨ ᠰᠡᠳᠬᠢᠯ ᠨᠢ ᠪᠠᠷᠢᠴᠠ ᠦᠭᠡᠢ ᠭᠤᠲᠤ ᠲᠠᠲᠠᠭᠤᠯᠤᠭᠰᠠᠨ ᠪᠥᠬᠡ ᠶ᠋ᠢᠨ ᠭᠠᠷ ᠰᠢᠭ᠋ ᠵᠦᠭ ᠪᠦᠬᠦᠨ ᠡᠴᠡ ᠲᠡᠮᠲᠡᠷᠢᠵᠦ ᠤᠬᠢᠯᠠᠬᠤ᠂ ᠢᠨᠢᠶᠡᠬᠦ ᠵᠡᠷᠭᠡᠴᠡᠨ ᠰᠡᠷᠪᠡᠯᠵᠡᠨᠡ᠃
ᠲᠡᠮᠦᠷ ᠳᠤᠯᠮᠠ ᠬᠣᠶᠠᠷ ᠬᠤᠶᠠᠭ ᠲᠠᠢ ᠨᠡᠢᠯᠡᠨ ᠮᠥᠨ ᠯᠡ ᠨᠢᠭᠡᠨ ᠬᠠᠩᠭᠠᠢ ᠭᠡᠷ ᠲᠦ᠍ ᠪᠠᠭᠤᠵᠤ ᠪᠢᠯᠡ᠃ ᠭᠡᠪᠡᠴᠦ ᠡᠮᠡᠭᠲᠡᠢ ᠬᠥᠮᠦᠨ ᠲᠡᠢ ᠭᠡᠷ ᠬᠡᠳᠦᠨ ᠴᠠᠭ ᠤ᠋ᠨ ᠳᠠᠷᠠᠭᠠ ᠪᠦᠯᠢᠶᠡᠨ ᠪᠤᠲᠠᠷᠠᠭᠰᠠᠨ ᠣᠷᠣᠨ ᠪᠣᠯᠵᠠᠢ᠃
ᠳᠤᠯᠮᠠ ᠨᠢ ᠲᠡᠮᠦᠷ ᠠᠬᠠ ᠶ᠋ᠢᠨ ᠬᠢᠨᠢ ᠡᠬᠡᠨᠡᠷ ᠪᠣᠯᠵᠠᠢ ᠭᠡᠳᠡᠭ ᠢ᠋ ᠪᠠᠲᠤ ᠳᠣᠣᠷᠠ ᠨᠢ ᠣᠢᠯᠠᠭᠠᠭᠰᠠᠨ ᠪᠣᠯᠪᠠᠴᠤ ᠡᠨᠡ ᠬᠣᠶᠠᠷ ᠶᠠᠭᠠᠬᠢᠵᠤ ᠶᠠᠪᠤᠭᠠᠳ ᠬᠡᠷᠬᠢᠨ ᠰᠠᠭᠤᠭᠰᠠᠨ ᠢ᠋ ᠶᠠᠭᠠᠬᠢᠵᠤ ᠮᠡᠳᠡᠬᠦ ᠪᠢᠯᠡ᠃ ᠮᠡᠳᠡᠬᠦ ᠶ᠋ᠢ ᠴᠦ᠍ ᠲᠡᠳᠦᠢ ᠯᠡ ᠬᠦᠰᠡᠭᠰᠡᠨ ᠦᠭᠡᠢ᠃
ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠲᠤᠬᠠᠢ ᠨᠢᠮᠠ ᠡᠴᠡ ᠰᠣᠨᠣᠰᠤᠭᠰᠠᠨ ᠲᠠᠰᠤᠷᠬᠠᠢ ᠪᠣᠯᠪᠠᠴᠤ ᠬᠠᠲᠠᠭᠤ ᠦᠭᠡ ᠶ᠋ᠢ ᠪᠠᠲᠤ ᠨᠢᠯᠪᠤᠰᠤ ᠪᠠᠨ ᠳᠤᠰᠤᠯᠠᠭᠤᠯᠤᠨ ᠶᠠᠷᠢᠬᠤ ᠳ᠋ᠤ᠌ 《ᠳᠡᠭᠦᠦ ᠮᠢᠨᠢ ᠬᠣᠷᠸᠠ ᠭᠡᠳᠡᠭ ᠬᠡᠴᠡᠭᠦᠦ ᠶᠤᠮ ᠳᠡ᠃ ᠨᠢᠭᠡᠨᠲᠡ ᠥᠩᠭᠡᠷᠡᠭᠰᠡᠨ ᠬᠣᠢᠨᠠ ᠤᠬᠢᠯᠠᠭᠠᠳ ᠪᠣᠰᠬᠤ ᠪᠢᠰᠢ》 ᠭᠡᠵᠦ ᠳᠤᠯᠮᠠ ᠥᠪᠡᠷ ᠢ᠋ᠶ᠋ᠡᠨ ᠤᠬᠢᠯᠠᠪᠠ᠃
ᠰᠠᠨᠳᠤᠷᠬᠤ ᠳ᠋ᠠᠭᠠᠨ ᠰᠠᠷᠠ ᠥᠭᠡᠳᠡ ᠰᠠᠮᠤᠷᠳᠠᠬᠤ ᠭᠡᠭᠴᠢ ᠪᠡᠷ ᠬᠠᠢᠷᠠᠲᠤ ᠬᠥᠮᠦᠨ ᠢ᠋ᠶ᠋ᠡᠨ ᠦᠬᠦᠭᠰᠡᠨ ᠭᠡᠳᠡᠭ ᠶᠣᠣᠵᠠ ᠦᠭᠡᠢ ᠮᠡᠳᠡᠭᠡ ᠰᠣᠨᠣᠰᠤᠭᠰᠠᠨ ᠬᠡᠨ ᠪᠦᠬᠦᠨ ᠦ᠌ ᠰᠡᠳᠬᠢᠯ ᠳ᠋ᠦ᠍ ᠥᠪᠡᠷ ᠢ᠋ᠶ᠋ᠡᠨ ᠮᠡᠳᠡᠬᠦ ᠦᠭᠡᠢ ᠠᠪᠠᠴᠤ ᠭᠣᠷᠢᠳᠠᠯᠭᠠ ᠬᠡᠵᠢᠶᠡ ᠢᠮᠠᠭᠲᠠ ᠪᠠᠢᠳᠠᠭ ᠪᠢᠯᠡ᠃ ᠡᠨᠡ ᠴᠦ᠍ ᠤᠴᠢᠷ ᠡᠴᠡ ᠰᠠᠢᠬᠠᠨ ᠨᠠᠢᠳᠠᠯᠭᠠ ᠳᠦᠭᠦᠷᠦᠭᠦᠯᠦᠭᠰᠡᠨ ᠶᠠᠮᠠᠷ ᠨᠢᠭᠡᠨ ᠦᠭᠡ ᠰᠣᠨᠣᠰᠬᠤ ᠳᠤᠷᠠ ᠲᠠᠢ ᠪᠠᠢᠳᠠᠭ ᠪᠥᠭᠡᠳ ᠲᠡᠭᠦᠨ ᠳ᠋ᠦ᠍ ᠢᠲᠡᠭᠡᠬᠦ᠂ ᠡᠷᠡᠭᠡᠯᠵᠡᠬᠦ ᠨᠢ ᠠᠮᠠᠷᠬᠠᠨ ᠪᠠᠢᠳᠠᠭ ᠰᠢᠦ ᠳᠡ᠃
《ᠰᠣᠭᠲᠣᠭᠤ ᠨᠢᠮᠠ ᠭᠤᠸᠠᠢ ᠶ᠋ᠢᠨ ᠦᠭᠡᠨ ᠳ᠋ᠦ᠍ ᠢᠲᠡᠭᠡᠬᠦ ᠬᠡᠷᠡᠭ ᠦᠭᠡᠢ᠃ ᠬᠠᠮᠢᠭᠠ ᠡᠴᠡ ᠯᠡ ᠲᠡᠢᠮᠦ ᠠᠮᠠᠷᠬᠠᠨ ᠦᠬᠦᠳᠡᠭ ᠶᠤᠮ ᠪᠣᠢ》 ᠭᠡᠵᠦ ᠪᠠᠲᠤ ᠳ᠋ᠤ᠌ ᠬᠡᠨ ᠨᠢᠭᠡᠨ ᠬᠥᠮᠦᠨ ᠬᠡᠯᠡᠭᠰᠡᠨ ᠪᠣᠯ ᠪᠠᠲᠤ ᠶ᠋ᠢᠨ ᠰᠡᠳᠬᠢᠯ ᠦ᠋ᠨ ᠭᠠᠰᠠᠯᠤᠯ ᠠᠯᠠᠭᠠ ᠪᠣᠯᠬᠤ ᠦᠭᠡᠢ ᠴᠦ᠍ ᠭᠡᠰᠡᠨ ᠰᠠᠷᠨᠢᠬᠤ ᠪᠠᠢᠵᠤ ᠪᠢᠯᠡ᠃ ᠭᠡᠲᠡᠯᠡ ᠡᠢᠮᠦ ᠦᠭᠡ ᠶ᠋ᠢ ᠳᠤᠯᠮᠠ ᠲᠡᠮᠦᠷ ᠬᠣᠶᠠᠷ ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠠᠢᠯᠠ᠃
ᠲᠡᠷᠡ ᠬᠣᠶᠠᠷ ᠯᠤᠤ ᠬᠦᠩ ᠦ᠋ᠨ ᠬᠤᠰᠢᠭᠤᠨ ᠤ᠋ ᠨᠢᠭᠡ ᠬᠥᠮᠦᠨ ᠡᠴᠡ ᠢᠲᠡᠭᠡᠯᠲᠦ ᠶ᠋ᠢᠨ ᠵᠠᠷᠤᠴᠠ ᠡᠷᠳᠡᠨᠢ ᠭᠡᠭᠴᠢ ᠬᠥᠮᠦᠨ ᠦ᠌ ᠬᠠᠶᠠᠭᠰᠠᠨ ᠡᠬᠡᠨᠡᠷ ᠨᠢ ᠵᠠᠶᠠ ᠶ᠋ᠢᠨ ᠬᠦᠷᠢᠶᠡ ᠤᠷᠤᠭᠤ ᠶᠠᠪᠤᠭᠠᠳ ᠠᠯᠠᠭᠠ ᠪᠣᠯᠤᠭᠰᠠᠨ ᠪᠥᠭᠡᠳ ᠤᠷᠲᠤ ᠲᠠᠮᠢᠷ ᠲᠤ᠌ ᠣᠷᠣᠵᠤ ᠦᠬᠦᠭᠰᠡᠨ ᠭᠡᠳᠡᠭ ᠬᠡᠳᠦᠨ ᠭᠠᠷ ᠳᠠᠮᠵᠢᠭᠰᠠᠨ ᠶᠠᠷᠢᠶᠠ ᠶ᠋ᠢ ᠰᠣᠨᠣᠰᠤᠭᠰᠠᠨ ᠪᠣᠯᠬᠣᠷ ᠡᠬᠡ ᠡᠴᠡ ᠪᠡᠨ ᠰᠠᠯᠤᠭᠰᠠᠨ ᠬᠦᠦ ᠶ᠋ᠢᠨ ᠰᠡᠳᠬᠢᠯ ᠢ᠋ ᠬᠣᠭᠣᠰᠣᠨ ᠭᠣᠷᠢᠳᠠᠯᠭᠠ ᠪᠠᠷ ᠴᠠᠳᠬᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠠᠢᠯᠠ᠃
ᠬᠠᠷᠢᠨ ᠲᠤᠯᠭᠠᠷ ᠤ᠋ᠨ ᠦᠬᠦᠯ ᠳ᠋ᠦ᠍ ᠳᠤᠯᠮᠠ᠂ ᠢᠲᠡᠭᠡᠯᠲᠦ ᠶ᠋ᠢ ᠵᠢᠮᠡᠯᠡᠵᠦ 《ᠲᠡᠷᠡ ᠪᠠᠷᠮᠠ ᠡᠴᠡ ᠯᠡ ᠪᠣᠯᠤᠭᠰᠠᠨ ᠬᠡᠷᠡᠭ》 ᠭᠡᠳᠡᠭ ᠪᠣᠯ ᠲᠡᠮᠦᠷ 《ᠠᠬᠠ ᠲᠠ ᠬᠣᠶᠠᠷ ᠡᠴᠡ ᠯᠡ ᠪᠣᠯᠤᠭᠰᠠᠨ ᠬᠡᠷᠡᠭ》 ᠭᠡᠵᠦ ᠡᠴᠢᠭᠡ ᠬᠦᠦ ᠬᠣᠶᠠᠷ ᠢ᠋ ᠰᠢᠭᠤᠳ ᠵᠢᠮᠡᠯᠡᠨᠡ᠃
ᠬᠡᠨ ᠴᠦ᠍ ᠬᠠᠵᠠᠭᠠᠢ ᠭᠢᠰᠬᠢᠵᠦ ᠪᠣᠯᠤᠨᠠ᠃ ᠭᠡᠪᠡᠴᠦ ᠶᠠᠭᠤᠨ ᠤ᠋ ᠡᠮᠦᠨᠡ ᠲᠡᠭᠦᠨ ᠢ᠋ ᠲᠠᠲᠠᠵᠤ ᠠᠪᠬᠤ ᠶ᠋ᠢ ᠬᠢᠴᠢᠶᠡᠳᠡᠭ ᠶᠤᠮ᠃ ᠡᠨᠡ ᠪᠣᠯ ᠬᠥᠮᠦᠨ ᠦ᠌ ᠶᠣᠰᠣ᠂ ᠭᠡᠲᠡᠯᠡ ᠠᠬᠠ ᠨᠢ ᠬᠠᠵᠠᠭᠠᠢ ᠭᠢᠰᠬᠢᠭᠰᠡᠨ ᠡᠬᠡᠨᠡᠷ ᠢ᠋ᠶ᠋ᠡᠨ ᠲᠠᠲᠠᠵᠤ ᠠᠪᠬᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠲᠦᠯᠬᠢᠵᠦ ᠣᠷᠬᠢᠭᠰᠠᠨ ᠪᠠᠢᠪᠠ᠃ ᠲᠠᠯᠠ ᠳ᠋ᠤ᠌ ᠦᠯᠡᠳᠡᠭᠰᠡᠨ ᠥᠨᠥᠴᠢᠨ ᠢᠰᠢᠭᠡ ᠰᠢᠭ ᠬᠣᠴᠣᠷᠤᠭᠰᠠᠨ ᠲᠤᠯᠭᠠᠷ ᠤ᠋ᠨ ᠭᠠᠭᠴᠠ ᠨᠠᠢᠳᠠᠯᠭᠠ ᠪᠣᠯᠤᠭᠰᠠᠨ ᠬᠦᠦ ᠨᠢ ᠪᠠᠰᠠ ᠲᠡᠭᠦᠨ ᠢ᠋ ᠣᠷᠬᠢᠨ ᠠᠯᠠᠭᠠ ᠪᠣᠯᠵᠠᠢ᠃ ᠡᠨᠡ ᠤᠴᠢᠷ ᠡᠴᠡ ᠲᠤᠯᠭᠠᠷ ᠤ᠋ᠨ ᠪᠦᠬᠦ ᠵᠣᠪᠠᠯᠠᠩ ᠤ᠋ᠨ ᠡᠵᠡᠨ ᠪᠣᠯ ᠡᠴᠢᠭᠡ ᠬᠦᠦ ᠬᠣᠶᠠᠷ ᠭᠡᠵᠦ ᠲᠡᠮᠦᠷ ᠪᠣᠳᠣᠵᠤ ᠪᠠᠢᠯᠠ᠃ ᠲᠡᠮᠦᠷ ᠴᠦ᠍ ᠢᠩᠭᠢᠵᠦ ᠴᠦ᠍ ᠪᠣᠳᠣᠬᠤ ᠡᠷᠬᠡ ᠲᠡᠢ ᠬᠥᠮᠦᠨ᠃ ᠬᠡᠷᠪᠡ ᠬᠥᠮᠦᠨ ᠦ᠌ ᠡᠬᠡᠨᠡᠷ ᠪᠣᠯᠤᠭᠠᠳ ᠪᠠᠢᠭᠰᠠᠨ ᠳᠤᠯᠮᠠ ᠶ᠋ᠢ ᠲᠦᠯᠬᠢᠵᠦ ᠣᠷᠬᠢᠭᠰᠠᠨ ᠪᠣᠯ ᠳᠤᠯᠮᠠ ᠴᠤ᠌ ᠵᠢᠷᠭᠠᠬᠤ ᠦᠭᠡᠢ᠃ ᠲᠡᠮᠦᠷ ᠴᠦ᠍ ᠵᠢᠷᠭᠠᠬᠤ ᠦᠭᠡᠢ ᠪᠠᠢᠭᠰᠠᠨ᠃ ᠬᠠᠷᠢᠨ ᠳᠤᠯᠮᠠ ᠶ᠋ᠢᠨ ᠠᠷᠭᠠ ᠦᠭᠡᠢ ᠶ᠋ᠢᠨ ᠡᠷᠬᠡᠨ ᠳ᠋ᠦ᠍ ᠬᠢᠭᠰᠡᠨ ᠭᠡᠮ ᠢ᠋ ᠠᠭᠤᠵᠢᠮ ᠰᠡᠳᠬᠢᠯ ᠢ᠋ᠶ᠋ᠡᠷ ᠠᠭᠤᠴᠢᠯᠠᠵᠤ ᠴᠢᠳᠠᠭᠰᠠᠨ ᠢ᠋ᠶ᠋ᠠᠷ ᠣᠳᠣ ᠲᠡᠷᠡ ᠬᠣᠶᠠᠷ ᠪᠡᠶᠡ ᠪᠡᠶᠡ ᠶ᠋ᠢᠨ ᠰᠡᠳᠬᠢᠯ ᠳ᠋ᠦ᠍ ᠭᠠᠩᠳᠠᠰᠢ ᠦᠭᠡᠢ ᠴᠡᠴᠡᠭ ᠪᠣᠯᠤᠨ ᠬᠠᠮᠲᠤ ᠶᠠᠪᠤᠭᠠ ᠠᠵᠢ᠃ ᠭᠡᠬᠦ ᠳ᠋ᠡᠭᠡᠨ ᠤᠰᠤᠨ ᠪᠢᠯᠴᠠᠷᠠᠤ ᠪᠣᠯᠤᠭᠰᠠᠨ ᠨᠢᠳᠦᠨ ᠳ᠋ᠦ᠍ᠨᠢ ᠭᠡᠮᠰᠢᠯ ᠦ᠋ᠨ ᠲᠦᠮᠡᠨ ᠲᠤᠶᠠᠭᠠ ᠵᠠᠩᠭᠢᠷᠠᠭᠰᠠᠨ ᠪᠠᠲᠤ ᠶ᠋ᠢ ᠬᠠᠷᠠᠭᠠᠳ ᠬᠠᠲᠠᠭᠤ ᠵᠢᠮᠡᠯᠡᠬᠦ ᠰᠡᠳᠬᠢᠯ ᠲᠡᠮᠦᠷ ᠲᠦ᠍ ᠲᠥᠷᠥᠭᠰᠡᠨ ᠦᠭᠡᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠡᠭᠦᠦ ᠮᠢᠨᠢ ᠬᠠᠲᠠᠭᠤᠵᠢ᠃ ᠡᠷᠡ ᠬᠥᠮᠦᠨ ᠦ᠌ ᠬᠠᠮᠤᠭ ᠤ᠋ᠨ ᠰᠠᠢᠨ ᠴᠢᠨᠠᠷ ᠪᠣᠯ ᠰᠡᠳᠬᠢᠯ ᠢ᠋ᠶ᠋ᠡᠨ ᠪᠠᠷᠢᠬᠤ ᠶᠤᠮ ᠰᠢᠦ ᠭᠡᠵᠦ ᠲᠡᠮᠦᠷ ᠳᠡᠭᠦᠦ ᠪᠡᠨ ᠠᠷᠭᠠᠳᠠᠨᠠ᠃
ᠳᠤᠯᠮᠠ ᠵᠠᠷᠢᠮ ᠳ᠋ᠠᠭᠠᠨ ᠪᠠᠲᠤ ᠲᠠᠢ ᠬᠠᠮᠲᠤ ᠤᠬᠢᠯᠠᠨᠠ᠃ ᠭᠡᠪᠡᠴᠦ ᠪᠠᠲᠤ ᠶ᠋ᠢᠨ ᠰᠡᠳᠬᠢᠯ ᠳ᠋ᠦ᠍ ᠭᠠᠭᠴᠠᠬᠦ ᠡᠬᠡ ᠪᠡᠨ ᠬᠠᠷᠠᠮᠰᠠᠬᠤ᠂ ᠥᠪᠡᠷ ᠢ᠋ ᠪᠡᠨ ᠵᠢᠮᠡᠯᠡᠬᠦ᠂ ᠭᠦᠨ ᠭᠠᠰᠢᠭᠤᠳᠠᠯ ᠨᠢᠯᠪᠤᠰᠤ ᠶ᠋ᠢᠨ ᠰᠤᠷᠪᠤᠯᠵᠢ ᠪᠣᠯᠳᠠᠭ ᠪᠣᠯ ᠳᠤᠯᠮᠠ ᠶ᠋ᠢᠨ ᠰᠡᠳᠬᠢᠯ ᠳ᠋ᠦ᠍ ᠲᠤᠯᠭᠠᠷ ᠢ᠋ ᠬᠠᠢᠷᠠᠯᠠᠬᠤ ᠰᠡᠳᠬᠢᠯ ᠦ᠋ᠨ ᠬᠠᠮᠲᠤ 《ᠲᠡᠮᠦᠷ ᠲᠡᠢ ᠤᠴᠠᠷᠠᠭᠰᠠᠨ ᠡᠴᠡ ᠲᠤᠯᠭᠠᠷ ᠲᠤ᠌ ᠲᠣᠬᠢᠶᠠᠯᠳᠤᠭᠰᠠᠨ ᠵᠣᠪᠠᠯᠠᠩ ᠡᠴᠡ ᠵᠠᠢᠯᠠᠵᠤ ᠴᠢᠳᠠᠭᠰᠠᠨ》 ᠭᠡᠳᠡᠭ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠪᠠᠶᠠᠷ ᠪᠠᠢᠳᠠᠭ ᠪᠠᠢᠯᠠ᠃
ᠲᠤᠯᠭᠠᠷ ᠦᠬᠦᠵᠦ ᠭᠡᠳᠡᠭ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠳᠤᠯᠮᠠ ᠢᠲᠡᠭᠡᠯᠲᠦ ᠶ᠋ᠢ ᠬᠠᠷᠢᠶᠠᠨ ᠵᠥᠭᠡᠵᠦ ᠪᠢᠯᠡ᠃ ᠭᠡᠪᠡᠴᠦ ᠶᠠᠪᠤᠭᠠᠨ ᠳ᠋ᠠᠭᠠᠨ ᠲᠡᠮᠦᠷ ᠦ᠋ᠨ ᠰᠡᠳᠬᠢᠯ ᠢ᠋ ᠬᠤᠪᠢᠶᠠᠯᠴᠠᠳᠠᠭ ᠪᠣᠯᠤᠭᠰᠠᠨ᠃
ᠨᠢᠭᠡ ᠡᠳᠦᠷ ᠣᠶᠤᠲᠠᠨ ᠤ᠋ ᠰᠤᠷᠭᠠᠭᠤᠯᠢ ᠳᠡᠭᠡᠷᠡ ᠬᠤᠷᠠᠯ ᠪᠣᠯᠵᠤ ᠪᠠᠲᠤ᠂ ᠠᠬᠠ ᠡᠭᠡᠴᠢ ᠬᠣᠶᠠᠷ ᠢ᠋ᠶ᠋ᠠᠨ ᠤᠷᠢᠬᠤ ᠳ᠋ᠤ᠌ ᠲᠡᠷᠡ ᠬᠣᠶᠠᠷ ᠳᠤᠷᠠᠲᠠᠢ ᠣᠴᠢᠯᠠ᠃ ᠵᠢᠭᠠᠭᠰᠠᠨ ᠪᠦᠬᠦᠨ ᠢ᠋ ᠣᠯᠠᠨ ᠱᠠᠪᠢ ᠨᠠᠷ ᠤ᠋ᠨ ᠳᠣᠲᠣᠷᠠ ᠡᠴᠡ ᠣᠨᠴᠣᠭᠣᠢ ᠰᠤᠷᠳᠠᠭ ᠬᠢᠴᠢᠶᠡᠩᠭᠦᠢ ᠱᠠᠪᠢ ᠪᠠᠲᠤ ᠶ᠋ᠢ ᠪᠠᠭᠰᠢ ᠨᠢ ᠳᠡᠭᠡᠳᠦ ᠦᠭᠡ ᠪᠡᠷ ᠬᠥᠬᠢᠭᠦᠯᠦᠨ ᠮᠠᠭᠲᠠᠵᠤ ᠳᠡᠪᠡᠯ ᠦ᠋ᠨ ᠳᠠᠯᠢᠩᠪᠤ᠂ ᠨᠣᠮ ᠳᠡᠪᠲᠡᠷ ᠢ᠋ᠶ᠋ᠡᠷ ᠱᠠᠩᠨᠠᠬᠤ ᠳ᠋ᠤ᠌ 《ᠪᠢᠴᠢᠭ ᠨᠣᠮ ᠰᠤᠷᠬᠤ ᠳ᠋ᠠᠭᠠᠨ᠂ ᠠᠬᠠ ᠶ᠋ᠢᠨ ᠤᠬᠠᠭᠠᠨ ᠢ᠋ ᠳᠠᠭᠤᠷᠢᠶᠠᠵᠤ ᠰᠢᠦ》 ᠭᠡᠵᠦ ᠲᠡᠮᠦᠷ ᠠᠴᠢ ᠪᠠᠨ ᠮᠠᠭᠲᠠᠪᠠ᠃
ᠬᠠᠷᠢᠵᠤ ᠶᠠᠪᠤᠬᠤ ᠳ᠋ᠠᠭᠠᠨ ᠪᠠᠲᠤ ᠱᠠᠩᠨᠠᠯ ᠳ᠋ᠤ᠌ ᠠᠪᠤᠭᠰᠠᠨ ᠳᠠᠯᠢᠩᠪᠤ ᠪᠠᠨ ᠳᠤᠯᠮᠠ ᠳ᠋ᠤ᠌ ᠥᠭᠴᠦ 《ᠲᠠ ᠠᠪ ᠳᠠ᠃ ᠨᠠᠳᠠ ᠥᠭᠬᠦ ᠥᠭᠡᠷᠡ ᠬᠥᠮᠦᠨ ᠪᠠᠢᠬᠤ ᠪᠢᠰᠢ》 ᠭᠡᠬᠦ ᠳ᠋ᠦ᠍ ᠨᠢᠳᠦᠨ ᠳ᠋ᠦ᠍ᠨᠢ ᠨᠢᠯᠪᠤᠰᠤ ᠲᠤᠨᠵᠤ ᠪᠠᠢᠯᠠ᠃
ᠲᠡᠷᠡ ᠣᠷᠣᠢ ᠬᠤᠶᠠᠭ ᠤ᠋ᠨ ᠳ᠋ᠤ᠌ ᠤᠷᠲᠤ ᠰᠢᠨᠧᠯ ᠡᠮᠦᠰᠴᠦ᠂ ᠨᠢᠭᠡ ᠲᠠᠯᠠ ᠳ᠋ᠠᠭᠠᠨ ᠥᠪᠡᠷ ᠢ᠋ᠶ᠋ᠡᠨ ᠬᠤᠢ ᠳᠡᠭᠡᠷᠡ ᠨᠢ ᠭᠠᠤᠯᠢ ᠪᠠᠷ ᠡᠯᠳᠡᠪ ᠬᠡ ᠬᠠᠢᠴᠢᠯᠠᠵᠤ ᠴᠢᠮᠡᠭᠰᠡᠨ ᠤᠷᠲᠤ ᠰᠡᠯᠡᠮᠡ᠂ ᠨᠥᠭᠥᠭᠡ ᠲᠠᠯᠠ ᠳ᠋ᠠᠭᠠᠨ ᠤᠷᠲᠤ ᠣᠭᠣᠰᠣᠷ ᠲᠠᠢ ᠰᠸᠯᠠᠢ᠌ᠳᠠᠢ ᠫᠤᠤ ᠤᠨᠵᠢᠭᠤᠯᠤᠨ ᠵᠡᠭᠦᠭᠰᠡᠨ ᠰᠦᠷᠡᠬᠡᠢ ᠰᠣᠭᠲᠣᠭᠤ ᠳᠣᠷᠵᠢ ᠣᠷᠣᠵᠤ ᠢᠷᠡᠯᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠷᠠᠳ ᠤ᠋ᠨ ᠤᠯᠠᠭᠠᠨ ᠴᠡᠷᠢᠭ ᠦ᠋ᠨ ᠲᠠᠰᠤᠭ ᠤ᠋ᠨ ᠳᠠᠷᠤᠭᠠ ᠳᠣᠷᠵᠢ ᠭᠡᠳᠡᠭ ᠴᠢᠨᠢ ᠪᠢ ᠳᠡ ᠭᠡᠳ ᠲᠡᠮᠦᠷ ᠲᠡᠢ ᠭᠠᠷ ᠪᠠᠷᠢᠵᠤ ᠲᠠᠨᠢᠯᠴᠠᠭᠠᠳ ᠡᠪᠦᠷ ᠡᠴᠡ ᠪᠡᠨ ᠬᠣᠶᠠᠷ ᠰᠢᠯ ᠬᠢᠲᠠᠳ ᠠᠷᠢᠬᠢ ᠭᠠᠷᠭᠠᠵᠤ ᠱᠠᠯᠠ ᠶ᠋ᠢᠨ ᠥᠷᠥᠨ ᠳᠡᠭᠡᠷᠡ ᠲᠠᠯᠪᠢᠬᠤ ᠵᠠᠭᠤᠷᠠ ᠪᠠᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠢᠰᠤᠷᠴᠢ ᠵᠣᠯᠢᠭ ᠤ᠋ᠳ ᠣᠷᠣᠬᠤ ᠳᠡᠭᠡᠷᠡ ᠯᠡ ᠬᠥᠯ ᠠᠯᠳᠠᠭᠠᠳ ᠠᠷᠢᠬᠢ ᠥᠭᠬᠦ ᠶᠤᠮ ᠭᠡᠯᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠴᠢᠨᠢ ᠬᠡᠵᠢᠶᠡ ᠴᠢᠩᠭᠢᠵᠦ ᠣᠯᠠᠨ ᠵᠢᠰᠤᠷᠴᠤᠳ ᠢ᠋ ᠲᠠᠨᠢᠳᠠᠭ ᠪᠣᠯᠤᠭᠰᠠᠨ ᠪᠢᠯᠡ? ᠭᠡᠵᠦ ᠬᠤᠶᠠᠭ ᠠᠰᠠᠭᠤᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠᠨᠢᠬᠤ᠂ ᠲᠠᠨᠢᠬᠤ ᠦᠭᠡᠢ ᠶᠠᠮᠠᠷ ᠬᠠᠮᠢᠶᠠ ᠪᠠᠢᠨᠠ᠃ ᠣᠷᠣᠭᠠᠳ ᠯᠠ ᠰᠸᠯᠠᠢ᠌ᠳᠠᠢ ᠪᠠᠨ ᠡᠪᠦᠷ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠭᠠᠳ ᠰᠠᠭᠤᠬᠤ ᠳ᠋ᠤ᠌ ᠬᠥᠯ ᠨᠢ ᠭᠠᠵᠠᠷ ᠡᠴᠡ ᠰᠠᠯᠤᠭᠠᠳ᠂ ᠰᠦᠨᠡᠰᠦ ᠨᠢ ᠵᠠᠢᠯᠠᠵᠤ ᠴᠡᠴᠡᠷᠡᠳᠡᠭ ᠶᠤᠮ ᠭᠡᠳ ᠬᠣᠶᠠᠷ ᠳᠠᠯᠤ ᠪᠠᠨ ᠵᠠᠢ᠌ᠴᠢᠨ ᠬᠠᠩᠬᠠᠯᠵᠠᠪᠠ᠃
ᠳᠣᠷᠵᠢ ᠬᠣᠲᠠ ᠶ᠋ᠢᠨ ᠬᠢᠲᠠᠳ ᠬᠤᠳᠠᠯᠳᠤᠭᠠᠴᠢᠨ ᠨᠠᠷ ᠢ᠋ ᠰᠦᠷᠳᠡᠭᠦᠯᠵᠦ ᠠᠷᠢᠬᠢ ᠠᠪᠴᠤ ᠤᠤᠭᠤᠳᠠᠭ ᠢ᠋ ᠮᠡᠳᠡᠭᠰᠡᠨ ᠬᠤᠶᠠᠭ 《ᠡᠩ ᠦ᠋ᠨ ᠬᠤᠳᠠᠯᠳᠤᠭᠠᠴᠢᠨ ᠢ᠋ ᠢᠩᠭᠢᠵᠦ ᠰᠦᠷᠳᠡᠭᠦᠯᠬᠦ ᠨᠢ ᠠᠷᠠᠳ ᠤ᠋ᠨ ᠵᠠᠰᠠᠭ ᠤ᠋ᠨ ᠪᠣᠳᠣᠯᠭᠠ ᠳ᠋ᠤ᠌ ᠬᠠᠷᠰᠢ》 ᠭᠡᠵᠦ ᠵᠢᠮᠡᠯᠡᠬᠦ ᠳ᠋ᠦ᠍ 《ᠲᠡᠷᠡ ᠳᠡᠮᠡᠢ᠂ ᠪᠢ ᠠᠷᠠᠳ ᠤ᠋ᠨ ᠵᠠᠰᠠᠭ ᠤ᠋ᠨ ᠪᠣᠳᠣᠯᠭᠠ ᠶ᠋ᠢ ᠮᠡᠳᠡᠨᠡ᠃ ᠭᠡᠪᠡᠴᠦ ᠬᠢᠲᠠᠳ ᠪᠣᠯ ᠬᠢᠲᠠᠳ ᠰᠢᠦ ᠳᠡ᠃ ᠲᠡᠷᠡ ᠴᠢᠨᠦ ᠬᠡᠯᠡᠳᠡᠭ ᠡᠩ ᠦ᠋ᠨ ᠨᠣᠮᠣᠬᠠᠨ ᠬᠤᠳᠠᠯᠳᠤᠭᠠᠴᠢᠨ ᠴᠢᠨᠢ ᠪᠢᠳᠡᠨ ᠳ᠋ᠦ᠍ ᠤᠯᠠᠭᠠᠨ ᠰᠠᠷᠠ ᠪᠡᠯᠡᠳᠬᠡᠵᠦ ᠪᠠᠢᠬᠤ ᠶ᠋ᠢ ᠪᠢ ᠮᠡᠳᠡᠨᠡ᠃ ᠤᠭ ᠨᠢ ᠴᠥᠮ ᠢ᠋ ᠨᠢ ᠳᠡᠭᠦᠵᠢᠯᠡᠵᠦ ᠣᠷᠬᠢᠬᠤ ᠪᠠᠢᠭᠰᠠᠨ ᠶᠤᠮ᠃ ᠮᠠᠨ ᠤ᠋ ᠵᠠᠰᠠᠭ ᠳᠡᠩᠳᠡᠭᠦᠦ ᠥᠷᠥᠰᠢᠶᠡᠯ ᠲᠡᠢ ᠪᠠᠢᠨᠠ》 ᠭᠡᠳ ᠨᠢᠭᠡ ᠰᠢᠯ ᠠᠷᠢᠬᠢ ᠪᠠᠨ ᠵᠠᠳᠠᠯᠵᠤ ᠲᠣᠮᠣ ᠱᠠᠭᠠᠵᠠᠩ ᠳ᠋ᠤ᠌ ᠬᠢᠵᠦ ᠴᠦᠯ ᠴᠦᠯ ᠵᠠᠯᠭᠢᠭᠠᠳ 《ᠳᠠᠷᠤᠯᠠᠭᠳᠠᠭᠰᠠᠨ ᠦᠭᠡᠢᠭᠦᠦ ᠶᠠᠳᠠᠭᠤ ᠠᠷᠠᠳ ᠤ᠋ᠳ ᠳᠡᠯᠡᠬᠡᠢ ᠳ᠋ᠠᠬᠢᠨ ᠳ᠋ᠤ᠌ ᠤᠯᠠᠭᠠᠨ ᠬᠤᠪᠢᠰᠬᠠᠯ ᠢ᠋ ᠮᠠᠨᠳᠤᠭᠤᠯᠵᠤ ᠪᠠᠶᠠᠳ ᠨᠣᠶᠠᠳ ᠬᠤᠳᠠᠯᠳᠤᠭᠠᠴᠢᠨ ᠢ᠋ ᠫᠤᠤᠳᠠᠵᠤ ᠠᠯᠠᠨᠠ》 ᠭᠡᠰᠡᠨ ᠢ᠋ᠶ᠋ᠡᠨ ᠳᠠᠬᠢᠨ ᠨᠢᠭᠡ ᠭᠦᠡᠳᠡᠷᠴᠤ 《ᠤᠯᠠᠭᠠᠨ ᠲᠤᠭ ᠢ᠋ ᠮᠠᠨᠳᠤᠭᠤᠯᠤᠭᠠᠳ᠂ ᠤᠯᠤᠰ ᠤ᠋ᠨ ᠰᠦᠷ ᠢ᠋ ᠪᠠᠳᠠᠷᠠᠭᠤᠯᠤᠶᠠ》 ᠭᠡᠵᠦ ᠭᠠᠩᠬᠤᠨ ᠥᠭᠦᠯᠡᠭᠰᠡᠭᠡᠷ ᠤᠨᠲᠠᠬᠤ ᠳ᠋ᠤᠨᠢ ᠲᠡᠮᠦᠷ ᠪᠦᠰᠡ ᠶ᠋ᠢ ᠨᠢ ᠲᠠᠢᠯᠵᠤ ᠣᠷᠣᠨ ᠳᠡᠭᠡᠷᠡ ᠭᠡᠪᠳᠡᠭᠦᠯᠦᠮᠡᠭᠴᠡ ᠡᠭᠡᠵᠡᠭᠡᠢ ᠪᠤᠴᠠᠯᠭᠠᠵᠤ ᠡᠬᠢᠯᠡᠪᠡ᠃
ᠰᠣᠭᠲᠣᠭᠤ ᠳᠣᠷᠵᠢ ᠶ᠋ᠢᠨ ᠠᠪᠤᠷᠢ ᠶ᠋ᠢ ᠬᠠᠷᠠᠭᠰᠠᠨ ᠪᠠᠲᠤ ᠪᠦᠬᠦᠨ ᠢ᠋ ᠮᠠᠷᠲᠠᠨ ᠬᠥᠭᠵᠢᠨ ᠢᠨᠢᠶᠡᠵᠦ ᠪᠠᠢᠯᠠ᠃