ᠲᠤᠩᠭᠠᠯᠠᠭ ᠲᠠᠮᠢᠷ3-06-ᠴ·ᠯᠤᠳᠤᠢ᠌ᠳᠠᠮᠪᠠТунгалаг тамир- ᠦᠵᠡᠵᠦ ᠰᠣᠨᠣᠰᠴᠤ ᠤᠩᠰᠢᠬᠤ ᠴᠠᠬᠢᠮ
1181《ᠢᠰᠡᠭᠡᠢ ᠬᠢᠬᠦ ᠳ᠋ᠦ᠍ ᠨᠣᠬᠠᠢ ᠬᠡᠷᠡᠭ ᠦᠭᠡᠢ》 - ᠭᠤᠷᠪᠠᠳᠤᠭᠠᠷ ᠪᠦᠯᠦᠭ ᠵᠢᠷᠭᠤᠭᠠ
ᠰᠢᠷᠣᠢ ᠰᠢᠭᠤᠷᠤᠭᠰᠠᠨ ᠬᠠᠪᠤᠷ ᠤ᠋ᠨ ᠨᠢᠭᠡᠨ ᠵᠢᠪᠡᠭᠦᠨ ᠡᠳᠦᠷ ᠢᠲᠡᠭᠡᠯᠲᠦ ᠶ᠋ᠢᠨ ᠤᠷᠲᠤ ᠵᠢᠩ ᠦ᠋ᠨ ᠴᠤᠪᠤᠭᠠ ᠬᠦᠷᠢᠶᠡᠨ ᠳ᠋ᠦ᠍ ᠣᠷᠣᠵᠤ ᠢᠷᠡᠯᠡ᠃ ᠭᠠᠮᠢᠩ᠂ ᠪᠠᠷᠤᠨ ᠤ᠋ ᠦᠢᠮᠡᠭᠡᠨ ᠦ᠌ ᠵᠢᠯ ᠵᠢᠩ ᠲᠡᠢ ᠪᠢᠲᠡᠭᠡᠢ ᠬᠡᠯᠡ᠂ ᠳᠠᠩ ᠮᠣᠷᠢ ᠲᠠᠢ ᠬᠦᠷᠢᠶᠡ ᠣᠷᠣᠵᠤ ᠢᠷᠡᠭᠡ ᠦᠭᠡᠢ ᠢᠲᠡᠭᠡᠯᠲᠦ ᠡᠨᠡ ᠵᠢᠯ ᠡᠢᠮᠦ ᠣᠷᠣᠢ ᠲᠠᠮᠢᠷ ᠤ᠋ᠨ ᠬᠥᠨᠳᠡᠢ ᠶ᠋ᠢᠨ ᠰᠢᠷᠠ ᠲᠣᠰᠣ᠂ ᠴᠠᠭᠠᠨ ᠢᠳᠡᠭᠡ᠂ ᠠᠷᠠᠰᠤ ᠰᠢᠷᠢ ᠶ᠋ᠢ ᠬᠠᠮᠤᠵᠤ ᠠᠴᠢᠭᠰᠠᠨ ᠤᠷᠲᠤ ᠵᠢᠩ ᠲᠡᠢ ᠢᠷᠡᠳᠡᠭ ᠦ᠋ᠨ ᠤᠴᠢᠷ ᠶᠠᠭᠤ ᠪᠣᠢ? ᠬᠦᠷᠢᠶᠡᠨ ᠳ᠋ᠦ᠍ ᠲᠣᠭᠲᠠᠭᠰᠠᠨ ᠠᠷᠠᠳ ᠤ᠋ᠨ ᠵᠠᠰᠠᠭ ᠤ᠋ᠨ ᠠᠭᠠᠰᠢ ᠵᠠᠩ ᠢ᠋ ᠲᠣᠪ ᠲᠠᠢ ᠮᠡᠳᠡᠭᠡ ᠦᠭᠡᠢ ᠪᠠᠢᠵᠤ ᠶᠡᠬᠡ ᠬᠥᠷᠥᠩᠭᠡ ᠬᠥᠳᠡᠯᠭᠡᠬᠦ ᠲᠡᠢᠮᠦ ᠭᠡᠨᠡᠨ ᠪᠣᠳᠣᠯ ᠢᠲᠡᠭᠡᠯᠲᠦ ᠡᠴᠡ ᠶᠠᠭᠠᠬᠢᠵᠤ ᠭᠠᠷᠬᠤ ᠪᠢᠯᠡ᠃ ᠠᠷᠠᠳ ᠤ᠋ᠨ ᠵᠠᠰᠠᠭ ᠬᠥᠮᠦᠨ ᠦ᠌ ᠶᠠᠭᠤᠮᠠ ᠶ᠋ᠢ ᠭᠠᠮᠢᠩ᠂ ᠪᠠᠷᠤᠨ ᠰᠢᠭ᠋ ᠳᠡᠭᠡᠷᠡᠮᠳᠡᠨ ᠴᠥᠯᠪᠡᠳᠡᠭ ᠦᠭᠡᠢ᠂ ᠮᠠᠢᠮᠠᠢ ᠠᠷᠠᠯᠵᠢᠶᠠ ᠬᠢᠬᠦ ᠳ᠋ᠦ᠍ ᠰᠠᠭᠠᠳ ᠲᠣᠳᠬᠠᠷ ᠠᠯᠠᠭᠠ ᠭᠡᠳᠡᠭ ᠢ᠋ ᠬᠦᠷᠢᠶᠡ ᠣᠷᠣᠭᠰᠠᠨ ᠬᠡᠳᠦ ᠬᠡᠳᠦᠨ ᠬᠥᠮᠦᠨ ᠡᠴᠡ ᠪᠠᠲᠤᠲᠠᠢ ᠮᠡᠳᠡᠭᠰᠡᠨ ᠦ᠌ ᠡᠴᠦᠰ ᠲᠦ᠍ ᠢᠲᠡᠭᠡᠯᠲᠦ ᠶ᠋ᠢᠨ ᠭᠠᠳᠠᠨᠠ ᠡᠴᠡ ᠤᠷᠲᠤ ᠵᠢᠩ ᠦ᠋ᠨ ᠴᠤᠪᠤᠭᠠ ᠣᠯᠠᠨ ᠬᠥᠭ ᠲᠡᠢ ᠬᠣᠩᠬᠣ ᠪᠠᠨ ᠳᠦᠩᠭᠢᠨᠡᠭᠦᠯᠦᠨ ᠬᠥᠳᠡᠯᠵᠡᠢ᠃
ᠵᠢᠩ᠂ ᠬᠦᠷᠢᠶᠡᠨ ᠳ᠋ᠦ᠍ ᠪᠠᠭᠤᠭᠰᠠᠨ ᠡᠴᠡ ᠬᠣᠢᠰᠢ ᠬᠣᠶᠠᠷ ᠪᠦᠲᠦᠨ ᠬᠣᠨᠣᠭᠰᠠᠨ ᠠᠪᠠᠴᠤ ᠪᠣᠭᠳᠠ ᠳ᠋ᠤ᠌ ᠮᠥᠷᠭᠥᠬᠦ ᠭᠠᠭᠴᠠ ᠬᠦᠰᠡᠯ ᠲᠡᠢ ᠢᠷᠡᠭᠰᠡᠨ ᠨᠢᠮᠠ ᠡᠪᠦᠭᠡᠨ ᠬᠦᠷᠢᠶᠡ ᠶ᠋ᠢ ᠦᠵᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃
ᠵᠢᠩ ᠪᠠᠭᠤᠮᠠᠭᠴᠠ ᠨᠢᠭᠡ ᠬᠥᠮᠦᠨ ᠦ᠌ ᠬᠠᠮᠲᠤ ᠮᠠᠢᠬᠠᠨ ᠠᠪᠴᠤ ᠲᠣᠯᠣᠭᠠᠢᠲᠤ ᠶ᠋ᠢᠨ ᠠᠮᠠᠨ ᠳ᠋ᠤ᠌ ᠱᠠᠷ ᠬᠠᠷᠢᠭᠤᠯᠬᠤ ᠪᠠᠷ ᠭᠠᠷᠴᠠᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠡᠪᠡᠷᠡᠭᠦᠨ ᠪᠠᠢᠨᠠ᠂ ᠬᠣᠳᠣᠭᠣᠳᠣ ᠪᠠᠨ ᠳᠤᠯᠠᠭᠠᠴᠠᠭᠤᠯ ᠭᠡᠵᠦ ᠢᠲᠡᠭᠡᠯᠲᠦ ᠶᠠᠪᠤᠬᠤ ᠳ᠋ᠤᠨᠢ ᠶᠡᠬᠡ ᠭᠠᠷ ᠤ᠋ᠨ ᠴᠠᠭᠠᠨ ᠪᠥᠭᠰᠡᠲᠦ ᠬᠠᠷᠠ ᠠᠷᠢᠬᠢ ᠥᠭᠭᠦᠭᠰᠡᠨ ᠨᠢ ᠡᠪᠦᠭᠡᠨ ᠦ᠌ ᠪᠣᠭᠳᠠ ᠳ᠋ᠤ᠌ ᠮᠥᠷᠭᠥᠬᠦ ᠬᠦᠰᠡᠯ ᠢ᠋ ᠮᠠᠷᠲᠠᠭᠤᠯᠤᠭᠰᠠᠨ ᠢ᠋ᠶ᠋ᠠᠷ ᠪᠠᠷᠠᠬᠤ ᠦᠭᠡᠢ 《ᠡᠨᠡ ᠱᠠᠷ ᠤ᠋ᠳ ᠢ᠋ ᠨᠠᠳᠠ ᠡᠴᠡ ᠥᠭᠡᠷᠡ ᠬᠡᠨ ᠲᠠᠨᠢᠬᠤ ᠪᠣᠢ ᠳᠠ》 ᠭᠡᠵᠦ ᠬᠡᠯᠡᠭᠦᠯᠵᠡᠢ᠃ ᠣᠴᠢᠭᠰᠠᠨ ᠣᠷᠣᠢ ᠨᠢ ᠲᠣᠮᠣ ᠲᠥᠭᠥᠷᠢᠭ ᠮᠥᠩᠭᠥᠨ ᠰᠠᠷᠠ ᠭᠡᠢᠭᠦᠯᠦᠨ ᠭᠠᠷᠬᠤ ᠳ᠋ᠤ᠌ ᠬᠠᠮᠲᠤ ᠦᠬᠡᠷ ᠬᠠᠷᠢᠭᠤᠯᠤᠭᠴᠢ ᠨᠢ ᠲᠡᠭᠦᠨ ᠢ᠋ ᠬᠠᠷᠠᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ 《ᠫᠧ᠂ ᠶᠠᠭᠠᠬᠢᠭᠰᠠᠨ ᠰᠠᠢᠬᠠᠨ ᠰᠠᠷᠠ ᠪᠣᠢ᠃ ᠮᠠᠨ ᠤ᠋ ᠲᠠᠮᠢᠷ ᠲᠤ᠌ ᠭᠠᠷᠴᠤ ᠪᠠᠢᠭᠠ ᠪᠣᠯᠪᠠ ᠤᠤ?》 ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌ ᠨᠢᠮᠠ ᠭᠤᠸᠠᠢ ᠶᠡᠬᠡ ᠯᠡ ᠮᠡᠳᠡᠮᠡᠬᠡᠢ ᠳᠠᠭᠤ ᠪᠠᠷ 《ᠬᠠᠮᠢᠭᠠ ᠡᠴᠡ ᠭᠠᠷᠬᠤ ᠪᠣᠢ᠂ ᠡᠨᠡ ᠴᠢᠨᠢ ᠪᠤᠷᠬᠠᠨ ᠤ᠋ ᠣᠷᠣᠨ ᠪᠣᠭᠳᠠ ᠶ᠋ᠢᠨ ᠬᠦᠷᠢᠶᠡᠨ ᠦ᠌ ᠰᠠᠷᠠ᠃ ᠴᠢᠩᠭᠢᠭᠡᠳ ᠡᠢᠮᠦ ᠲᠣᠮᠣ ᠲᠤᠩᠭᠠᠯᠠᠭ ᠪᠠᠢᠭᠠ ᠶᠤᠮ᠃ ᠮᠠᠨ ᠤ᠋ ᠲᠠᠮᠢᠷ ᠲᠤ᠌ ᠵᠢᠵᠢᠭ ᠪᠠᠢᠳᠠᠭ ᠶᠤᠮ ᠰᠢᠦ ᠳᠡ》 ᠭᠡᠵᠦ ᠬᠡᠯᠡᠵᠡᠢ᠃
ᠴᠠᠭ ᠤᠯᠠᠷᠢᠯ ᠵᠢᠪᠡᠭᠦᠨ᠂ ᠰᠠᠯᠬᠢ ᠶᠡᠬᠡᠲᠡᠢ ᠪᠣᠯᠪᠠᠴᠤ ᠨᠢᠭᠡᠨᠲᠡ ᠬᠠᠪᠤᠷ ᠡᠬᠢᠯᠡᠭᠰᠡᠨ ᠪᠣᠯᠬᠣᠷ ᠤᠷᠢᠨ ᠦᠶᠡ ᠭᠡᠳᠡᠭ ᠨᠢ ᠶᠠᠭᠤᠮᠠ ᠪᠦᠬᠦᠨ ᠡᠴᠡ ᠲᠣᠳᠣᠷᠬᠠᠢ ᠪᠠᠢᠯᠠ᠃
ᠣᠯᠠᠨ ᠬᠣᠨᠣᠭ ᠤ᠋ᠨ ᠠᠶᠠᠨ ᠳ᠋ᠤ᠌ ᠶᠠᠳᠠᠷᠠᠭᠰᠠᠨ ᠱᠠᠷ ᠨᠢ ᠨᠤᠲᠤᠭ ᠭᠣᠯᠣᠬᠤ ᠦᠭᠡᠢ ᠲᠣᠭᠲᠠᠨ ᠢᠳᠡᠨᠡ᠃ ᠡᠢᠮᠦ ᠦᠶᠡ ᠳ᠋ᠦ᠍ ᠴᠠᠭᠠᠨ ᠪᠥᠭᠰᠡᠲᠦ ᠪᠡᠨ ᠲᠡᠪᠡᠷᠢᠨ ᠭᠠᠯ ᠲᠠᠢ ᠮᠠᠢᠬᠠᠨ ᠳ᠋ᠤ᠌ ᠰᠠᠭᠤᠵᠤ ᠪᠠᠢᠬᠤ ᠳ᠋ᠤ᠌ ᠪᠣᠭᠳᠠ ᠳ᠋ᠤ᠌ ᠮᠥᠷᠭᠥᠬᠦ ᠲᠤᠬᠠᠢ ᠪᠣᠳᠣᠬᠤ ᠵᠠᠢ ᠨᠢᠮᠠ ᠡᠪᠦᠭᠡᠨ ᠳ᠋ᠦ᠍ ᠳᠠᠩᠴᠢ ᠪᠠᠢᠭᠰᠠᠨ ᠦᠭᠡᠢ᠃ ᠬᠠᠷᠢᠨ ᠬᠣᠶᠠᠳᠠᠬᠢ ᠡᠳᠦᠷ ᠦ᠋ᠨ ᠥᠷᠯᠥᠭᠡ ᠪᠣᠰᠤᠭᠠᠳ ᠬᠣᠭᠣᠰᠣᠨ ᠯᠣᠩᠬᠣ ᠪᠠᠨ ᠰᠢᠩᠰᠢᠯᠡᠵᠦ᠂ ᠭᠣᠮᠣᠳᠠᠯ ᠲᠠᠢ ᠰᠠᠨᠠᠭᠠ ᠠᠯᠳᠠᠭᠠᠳ 《ᠢᠲᠡᠭᠡᠯᠲᠦ ᠭᠠᠢᠬᠠᠯ ᠮᠠᠭᠤ ᠡᠪᠦᠭᠡᠨ ᠢ᠋ ᠬᠡᠳᠦᠨ ᠱᠠᠷ ᠲᠠᠢ ᠡᠨᠡ ᠲᠠᠭ ᠲᠤ᠌ ᠨᠠᠰᠤᠨ ᠲᠤᠷᠰᠢ ᠠᠷᠭᠠᠮᠵᠢᠶᠠ ᠭᠡᠵᠦ ᠪᠣᠳᠣᠭᠠ ᠦᠭᠡᠢ ᠪᠣᠯᠤᠯᠲᠠᠢ》 ᠭᠡᠳ ᠪᠣᠰᠴᠤ ᠮᠠᠢᠬᠠᠨ ᠤ᠋ ᠵᠥᠷᠢᠭᠦᠯᠡᠭᠰᠡᠨ ᠸᠠᠳᠠᠩ ᠢ᠋ᠶ᠋ᠠᠷ ᠲᠣᠯᠣᠭᠠᠢ ᠪᠠᠨ ᠴᠤᠭᠣᠢ᠌ᠯᠭᠠᠨ ᠬᠦᠷᠢᠶᠡᠨ ᠦ᠌ ᠵᠦᠭ ᠬᠠᠷᠠᠵᠤ ᠪᠢᠯᠡ᠃
ᠠᠱ᠌ᠢᠭᠦᠢ ᠲᠡᠷᠡ ᠣᠷᠣᠢ ᠢᠲᠡᠭᠡᠯᠲᠦ ᠶ᠋ᠢᠨ ᠶᠠᠪᠤᠭᠤᠯᠤᠭᠰᠠᠨ ᠬᠣᠶᠠᠷ ᠬᠥᠮᠦᠨ ᠣᠴᠢᠵᠤ ᠨᠢᠮᠠ ᠨᠥᠬᠥᠷ ᠦ᠋ᠨ ᠬᠠᠮᠲᠤ ᠬᠠᠯᠠᠭᠠ ᠪᠠᠨ ᠥᠭᠭᠦᠭᠡᠳ ᠬᠦᠷᠢᠶᠡ ᠤᠷᠤᠭᠤ ᠶᠠᠪᠤᠬᠤ ᠪᠣᠯᠵᠠᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠡᠦᠬᠡᠳ ᠦ᠋ᠳ ᠮᠢᠨᠢ᠃ ᠰᠤᠪᠤᠷᠭᠠᠨ ᠬᠠᠷᠠ ᠪᠠᠷ ᠲᠣᠯᠣᠭᠠᠢᠯᠠᠭᠤᠯᠤᠭᠰᠠᠨ ᠬᠡᠳᠦᠨ ᠬᠠᠢᠨᠤᠭ ᠵᠠᠭᠠᠲᠤᠨᠠᠭᠠᠳ ᠪᠠᠢᠳᠠᠭ ᠰᠢᠦ᠃ ᠰᠥᠨᠢ ᠤᠶᠠᠵᠤ ᠣᠷᠬᠢᠭᠠᠷᠠᠢ ᠭᠡᠳ ᠨᠢᠮᠠ ᠶᠠᠪᠤᠵᠠᠢ᠃
ᠨᠢᠮᠠ ᠶ᠋ᠢ ᠣᠴᠢᠬᠤ ᠳ᠋ᠤ᠌ ᠬᠢᠭᠰᠡᠨ ᠮᠠᠢᠮᠠᠢ ᠡᠴᠡ ᠦᠯᠡᠮᠵᠢ ᠠᠰᠢᠭ ᠣᠯᠵᠤ ᠪᠠᠶᠠᠷᠯᠠᠨ ᠨᠡᠯᠢᠶᠡᠳ ᠰᠣᠭᠲᠣᠭᠤ ᠪᠠᠢᠭᠰᠠᠨ ᠢᠲᠡᠭᠡᠯᠲᠦ ᠶᠡᠬᠡ ᠯᠡ ᠳᠣᠲᠣᠨᠣ ᠠᠭᠤᠯᠵᠠᠵᠤ ᠬᠠᠯᠠᠭᠠᠭᠰᠠᠨ ᠭᠠᠠᠵᠠ ᠰᠠᠢᠬᠠᠨ ᠬᠣᠭᠣᠯᠠ ᠪᠠᠷ ᠳᠠᠢᠯᠠᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠮᠠ ᠭᠤᠸᠠᠢ ᠥᠷᠯᠥᠭᠡ ᠭᠡᠭᠡᠨ ᠳ᠋ᠦ᠍ ᠮᠥᠷᠭᠥᠵᠦ ᠨᠢᠭᠦᠯ ᠲᠡᠢ ᠪᠤᠭᠤᠷᠤᠯ ᠲᠣᠯᠣᠭᠠᠢ ᠪᠠᠨ ᠠᠷᠢᠭᠤᠳᠬᠠ ᠭᠡᠳ ᠭᠤᠷᠪᠠᠨ ᠮᠥᠩᠭᠥᠨ ᠶᠠᠩᠴᠢᠶᠠᠨ ᠥᠭᠴᠡᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠡᠭᠡᠨ ᠳ᠋ᠦ᠍ ᠮᠥᠷᠭᠥᠭᠡᠳ ᠭᠡᠯᠦᠩ ᠪᠣᠯᠬᠤ ᠨᠢ ᠴᠦ᠍ ᠶᠠᠭᠤ ᠶᠤᠮ ᠪᠣᠢ᠃ ᠭᠡᠮ ᠨᠢᠭᠦᠯ ᠬᠢᠭᠰᠡᠨ ᠪᠣᠯ ᠠᠷᠢᠯᠬᠤ ᠪᠠᠢᠬᠠ ᠭᠡᠵᠦ ᠪᠣᠳᠣᠬᠤ ᠶᠤᠮ ᠭᠡᠵᠦ ᠬᠡᠯᠡᠭᠡᠳ ᠨᠢᠮᠠ ᠬᠠᠯᠠᠭᠤᠨ ᠭᠠᠠᠵᠠ ᠰᠢᠮᠡᠵᠦ ᠪᠠᠢᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠮᠠ ᠭᠤᠸᠠᠢ ᠬᠦᠷᠢᠶᠡ ᠶᠡᠬᠡ ᠬᠣᠯᠠ ᠭᠡᠯᠡ ᠤᠤ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠷᠢᠭᠠᠳ ᠶᠠᠭᠠᠬᠢᠬᠤ ᠪᠣᠢ᠃ ᠬᠦᠷᠢᠶᠡ ᠭᠡᠳᠡᠭ ᠬᠣᠯᠠ᠃ ᠬᠥᠮᠦᠨ ᠦ᠌ ᠠᠮᠢ ᠭᠡᠳᠡᠭ ᠪᠥᠬᠡ ᠡᠳ᠋ ᠠ᠋ ᠭᠡᠬᠦ ᠳ᠋ᠦ᠍ ᠪᠦᠭᠦᠳᠡ ᠬᠥᠭᠵᠢᠯᠲᠡᠢ ᠢᠨᠢᠶᠡᠯᠳᠦᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠮᠠ ᠭᠤᠸᠠᠢ ᠲᠠ ᠶᠡᠬᠡ ᠶᠠᠭᠤᠮᠠ ᠦᠵᠡᠵᠦ ᠪᠠᠢᠨᠠ ᠭᠡᠯᠢᠦ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠡᠯᠡᠭᠡᠳ ᠶᠠᠭᠠᠬᠢᠬᠤᠪ᠂ ᠲᠠᠮᠢᠷ ᠤ᠋ᠨ ᠭᠣᠣᠯ ᠤ᠋ᠨ ᠬᠥᠨᠳᠡᠢ ᠡᠴᠡ ᠭᠠᠷᠪᠠᠯ ᠭᠡᠮᠰᠦᠭ᠌ ᠬᠣᠷᠸᠠ ᠳ᠋ᠠᠱ᠌ᠢ ᠱᠣᠭ᠂ ᠨᠤᠤᠷᠠᠭᠰᠠᠨ ᠮᠠᠭᠤ ᠬᠡᠰᠢᠭᠲᠦ ᠮᠢᠨᠢ ᠳᠡᠯᠢᠪᠡᠯ ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠮᠦᠨ ᠳ᠋ᠠᠱ᠌ᠢ ᠱᠣᠭ ᠭᠡᠵᠦ ᠪᠣᠳᠣᠵᠤ ᠶᠠᠪᠤᠭᠰᠠᠨ ᠪᠢ ᠶᠡᠬᠡ ᠯᠡ ᠶᠠᠭᠤᠮᠠ ᠦᠵᠡᠯᠡ ᠭᠡᠵᠦ ᠡᠪᠦᠭᠡᠨ ᠦ᠌ ᠬᠡᠯᠡᠬᠦ ᠳ᠋ᠦ᠍ ᠬᠠᠯᠠᠮᠠᠭ ᠬᠥᠮᠦᠰ ᠤᠯᠠᠮ ᠬᠥᠭᠵᠢᠯᠲᠡᠢ ᠱᠤᠤᠭᠢᠯᠳᠤᠨ ᠢᠨᠢᠶᠡᠯᠳᠦᠵᠦ ᠪᠢᠯᠡ᠃
ᠨᠢᠮᠠ ᠡᠷᠲᠡ ᠪᠣᠰᠴᠤ ᠪᠣᠭᠳᠠ ᠶ᠋ᠢᠨ ᠣᠷᠳᠣᠨ ᠢ᠋ ᠵᠢᠭᠠᠯᠭᠠᠨ ᠶᠠᠪᠤᠵᠤ ᠪᠢᠯᠡ᠃ ᠪᠠᠢᠨ ᠪᠠᠢᠨ ᠡᠪᠦᠷ ᠢ᠋ᠶ᠋ᠡᠨ ᠳᠠᠷᠤᠯᠠᠨ ᠠᠯᠴᠢᠭᠤᠷ ᠲᠠᠭᠠᠨ ᠶᠠᠩᠭᠢᠨᠠᠲᠠᠯᠠ ᠪᠣᠭᠣᠵᠤ ᠰᠤᠭᠤᠨ ᠳ᠋ᠠᠭᠠᠨ ᠬᠢᠭᠰᠡᠨ ᠮᠥᠩᠭᠥᠨ ᠶᠠᠩᠴᠢᠶᠠᠨ ᠢ᠋ ᠪᠡᠷᠢᠯᠡᠵᠦ ᠦᠵᠡᠨᠡ᠃
ᠨᠡᠭᠡᠭᠡᠯᠲᠡ ᠲᠡᠢ ᠬᠡᠳᠦᠨ ᠳᠡᠯᠭᠡᠭᠦᠷ ᠲᠠᠭᠠᠷᠠᠯᠳᠤᠬᠤ ᠳ᠋ᠤ᠌ ᠨᠠᠮᠪᠠᠭᠠ ᠲᠠᠢ ᠭᠡᠭᠴᠢ ᠨᠢ ᠠᠯᠬᠤᠨ ᠣᠷᠣᠯᠠ᠃ ᠯᠠᠩᠭᠦᠢ ᠳᠡᠭᠡᠭᠦᠷ ᠨᠢ ᠥᠩᠭᠡᠢᠨ ᠡᠰᠢ ᠳᠠᠰᠢ ᠪᠠᠬᠠᠨ ᠬᠠᠷᠠᠯᠠ᠃ ᠪᠠᠷᠢᠵᠤ ᠦᠵᠡᠬᠦ ᠨᠢ ᠪᠢᠲᠡᠭᠡᠢ ᠬᠡᠯᠡ᠂ ᠣᠯᠵᠤ ᠬᠠᠷᠠᠭᠠ ᠦᠭᠡᠢ ᠲᠣᠷᠭᠠ ᠳᠤᠷᠳᠤᠩ ᠵᠡᠷᠭᠡ ᠲᠦᠮᠡᠨ ᠵᠦᠢᠯ ᠦ᠋ᠨ ᠶᠠᠭᠤᠮᠠ ᠨᠢᠳᠦᠨ ᠳ᠋ᠦ᠍ᠨᠢ ᠲᠤᠰᠤᠨᠠ᠃ ᠶᠠᠮᠠᠷ ᠨᠢᠭᠡᠨ ᠲᠠᠨᠢᠯ ᠪᠥᠭᠡᠳ ᠠᠶᠠᠲᠠᠢᠬᠠᠨ ᠦᠨᠦᠷ ᠬᠠᠮᠠᠷ ᠤᠷᠤᠭᠤ ᠴᠣᠬᠢᠯᠠ᠃ ᠡᠪᠦᠭᠡᠨ ᠡᠷᠭᠢᠨ ᠲᠣᠭᠣᠷᠢᠨ ᠢ᠋ ᠬᠠᠷᠠᠪᠠᠯ ᠲᠡᠷᠲᠡᠭᠡ ᠪᠤᠯᠤᠩ ᠳ᠋ᠤ᠌ ᠬᠠᠯᠪᠠᠭᠠ ᠲᠥᠷᠥᠭᠰᠡᠨ ᠯᠦᠦ ᠲᠡᠢ ᠠᠷᠢᠬᠢ ᠬᠠᠷᠠᠭᠳᠠᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠤᠷᠴᠠ ᠦᠨᠦᠷᠲᠡᠢ ᠳᠠᠮᠰᠢᠭ ᠪᠣᠯ ᠳᠠ ᠭᠡᠳ ᠲᠦᠷᠭᠡᠨ ᠡᠷᠭᠢᠵᠦ ᠨᠥᠭᠦᠭᠡ ᠲᠠᠰᠢ ᠪᠠᠨ ᠪᠤᠷᠤᠭᠤᠯᠠᠨ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ᠂ 《ᠵᠠ ᠮᠠᠢᠮᠠᠢ ᠶᠠᠭᠤ ᠪᠠᠢᠨᠠ》 ᠭᠡᠯᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠢ ᠬᠥᠮᠦᠨ ᠦ᠌ ᠬᠠᠷᠠ ᠨᠢᠳᠦᠨ ᠡᠴᠡ ᠪᠤᠰᠤᠳ ᠶᠠᠭᠤᠮᠠ ᠴᠥᠮ ᠪᠠᠢᠨᠠ᠃ ᠴᠢᠮᠠ ᠳ᠋ᠤ᠌ ᠶᠠᠭᠤ ᠬᠡᠷᠡᠭ ᠲᠡᠢ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠥᠮᠦᠨ ᠦ᠌ ᠴᠠᠭᠠᠨ ᠨᠢᠳᠦ ᠬᠡᠷᠡᠭᠲᠡᠢ᠂ ᠪᠠᠢᠨᠠ ᠤᠤ?
ᠬᠤᠳᠠᠯᠳᠤᠭᠴᠢ ᠠᠷᠵᠠᠭᠠᠢ ᠬᠠᠷᠠ ᠰᠢᠳᠦ ᠪᠡᠨ ᠭᠠᠷᠭᠠᠨ ᠵᠠᠯᠢᠳᠠᠶᠠ ᠨᠢᠳᠦ ᠪᠡᠨ ᠵᠢᠷᠲᠠᠢᠯᠭᠠᠨ ᠬᠤᠳᠠᠯ ᠢᠨᠢᠶᠡᠭᠰᠡᠨ ᠢ᠋ᠶ᠋ᠡᠨ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠪᠦᠭᠡᠨ ᠴᠢᠮᠠ ᠳ᠋ᠤ᠌ ᠶᠠᠭᠤ ᠬᠡᠷᠡᠭ ᠲᠡᠢ᠂ ᠰᠢᠯᠤᠭᠤᠬᠠᠨ ᠬᠡᠯᠡ ᠭᠡᠯᠡ᠃
《ᠰᠢᠳᠦ ᠨᠢ᠂ ᠬᠡᠰᠢᠭᠲᠦ ᠶ᠋ᠢᠨ ᠰᠠᠪᠠᠷ ᠤ᠋ᠨ ᠰᠢᠳᠦ ᠰᠢᠭ᠃ ᠥᠮᠥᠳᠥ ᠦᠭᠡᠢ ᠪᠠᠢᠵᠤ ᠡᠪᠦᠳᠦᠭ ᠴᠤᠭᠤᠷᠬᠠᠢ ᠶ᠋ᠢ ᠱᠣᠣᠯᠠᠭᠠᠳ ᠴᠤ᠌ ᠶᠠᠭᠠᠬᠢᠬᠤᠪ》 ᠭᠡᠵᠦ ᠪᠣᠳᠣᠭᠠᠳ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ ᠬᠦ᠂ ᠲᠡᠷᠡ ᠴᠢᠰᠴᠡᠦ ᠶ᠋ᠢ ᠦᠵᠡᠳᠡᠭ ᠬᠡᠷᠡᠭ ᠠ᠋ ᠭᠡᠪᠡ᠃
ᠬᠤᠳᠠᠯᠳᠤᠭᠴᠢ ᠭᠤᠸᠠᠢ ᠬᠥᠬᠡ ᠴᠢᠰᠴᠡᠦ ᠶ᠋ᠢ ᠠᠪᠴᠤ ᠥᠲᠥᠨ ᠳᠡᠪᠢᠭᠦᠷ ᠢ᠋ᠶ᠋ᠡᠷ ᠬᠡᠳᠦᠨ ᠤᠳᠠᠭᠠ ᠰᠠᠪᠠᠭᠰᠠᠨ ᠢ᠋ᠶ᠋ᠠᠨ ᠨᠢᠮᠠ ᠶ᠋ᠢᠨ ᠡᠮᠦᠨᠡ ᠲᠠᠯᠪᠢᠯᠠ᠃ ᠴᠢᠰᠴᠡᠦ ᠶ᠋ᠢ ᠦᠵᠡᠵᠦ ᠪᠠᠢᠬᠤ ᠳ᠋ᠤ᠌ ᠨᠢᠮᠠ ᠶ᠋ᠢᠨ ᠨᠢᠳᠦᠨ ᠦ᠌ ᠪᠤᠯᠤᠩ ᠠᠷᠢᠬᠢᠨ ᠤ᠋ ᠵᠦᠭ ᠬᠡᠳᠦᠨ ᠤᠳᠠᠭᠠ ᠴᠢᠭᠯᠡᠵᠦ᠂ ᠬᠠᠷᠠᠬᠤ ᠪᠦᠷᠢ ᠢᠷᠪᠠᠢᠨᠠ᠃ ᠨᠢᠮᠠ ᠬᠤᠳᠠᠯᠳᠤᠭᠴᠢ ᠬᠣᠶᠠᠷ ᠵᠢᠷᠭᠤᠭᠠᠨ ᠠᠮᠠ ᠴᠢᠰᠴᠡᠦ ᠶ᠋ᠢᠨ ᠦᠨᠡ ᠶ᠋ᠢ ᠬᠠᠶᠠᠯᠴᠠᠵᠤ ᠭᠠᠷᠤᠯᠠ᠃
ᠬᠦᠷᠢᠶᠡ ᠣᠷᠣᠭᠰᠠᠨ ᠬᠥᠮᠦᠨ ᠪᠠᠢᠨᠠ᠂ ᠭᠠᠭᠴᠠ ᠥᠬᠢᠨ ᠳ᠋ᠡᠭᠡᠨ ᠳᠡᠪᠡᠯ ᠦ᠋ᠨ ᠶᠠᠭᠤᠮᠠ ᠠᠪᠠᠴᠢᠵᠤ ᠥᠭᠭᠦᠶᠡ ᠭᠡᠵᠦ ᠪᠣᠳᠣᠭᠰᠠᠨ ᠨᠢᠮᠠ ᠪᠠᠷᠤᠭ ᠬᠠᠭᠠᠰ ᠡᠳᠦᠷ ᠦᠨᠡ ᠬᠡᠯᠡᠯᠴᠡᠵᠦ ᠪᠠᠢᠭᠠᠳ ᠴᠢᠰᠴᠡᠦ ᠶ᠋ᠢ ᠠᠪᠴᠤ ᠪᠥᠰᠡᠨ ᠳ᠋ᠡᠭᠡᠨ ᠬᠠᠪᠴᠢᠭᠤᠯᠪᠠ᠃
ᠴᠢᠩᠭᠢᠭᠡᠳ ᠭᠠᠷᠬᠤ ᠭᠡᠰᠡᠨ ᠢ᠋ᠶ᠋ᠡᠨ ᠡᠪᠦᠷ ᠢ᠋ᠶ᠋ᠡᠨ ᠳᠠᠷᠤᠨ ᠠᠮᠢᠰᠬᠤᠭᠠᠯᠠᠨ ᠬᠡᠰᠡᠭ ᠵᠣᠭᠰᠣᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠩᠵᠢᠶᠠᠳ ᠠ᠋᠂ ᠵᠢᠩ ᠠᠷᠢᠬᠢ ᠶᠠᠭᠠᠬᠢᠬᠤ ᠪᠣᠢ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠠᠨ ᠤ᠋ ᠠᠷᠢᠬᠢ ᠰᠠᠢᠨ᠃ ᠪᠠᠰᠠ ᠲᠡᠭᠡᠭᠡᠳ ᠬᠢᠮᠳᠠ᠃ ᠲᠠᠪᠢᠨ ᠮᠥᠩᠭᠥ᠃
ᠨᠢᠮᠠ ᠪᠦᠳᠦᠭᠦᠨ ᠳᠠᠭᠤ ᠪᠠᠷ ᠬᠠ ᠬᠠ ᠭᠡᠵᠦ ᠬᠥᠭᠵᠢᠯᠲᠡᠢ ᠢᠨᠢᠶᠡᠭᠰᠡᠨ ᠢ᠋ᠶ᠋ᠡᠨ
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠢᠩ ᠠᠷᠢᠬᠢ ᠲᠠᠪᠢᠨ ᠮᠥᠩᠭᠥ ᠪᠡᠷ ᠬᠡᠵᠢᠶᠡ ᠠᠪᠴᠤ ᠪᠠᠢᠭᠰᠠᠨ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠪᠴᠤ ᠯᠠ ᠪᠠᠢᠭᠰᠠᠨ ᠳᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ ᠰᠢᠯᠤᠭᠤᠬᠠᠨ ᠳᠥᠴᠢᠨ ᠮᠥᠩᠭᠥ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠷᠪᠠᠨ ᠰᠥᠨᠢ（Шөнө）᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ ᠶᠠᠭᠠᠬᠢᠬᠤᠪ ᠲᠠᠨᠢᠭᠰᠠᠨ ᠬᠥᠮᠦᠨ ᠭᠤᠴᠢᠨ ᠲᠠᠪᠤᠨ ᠮᠥᠩᠭᠥ᠃ ᠴᠢ ᠡᠢᠮᠦ ᠠᠷᠢᠬᠢ ᠣᠯᠬᠤ ᠦᠭᠡᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠢᠮᠦ ᠮᠠᠭᠤ ᠠᠷᠢᠬᠢ ᠣᠯᠬᠤ ᠦᠭᠡᠢ ᠨᠢ ᠦᠨᠡᠨ ᠪᠠᠢᠬᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠦᠵᠡ ᠭᠡᠳ ᠬᠤᠳᠠᠯᠳᠤᠭᠴᠢ ᠬᠠᠯᠪᠠᠭᠠ ᠪᠠᠷ ᠬᠡᠳᠦᠨ ᠳᠤᠰᠤᠯ ᠬᠤᠳᠬᠤᠭᠠᠳ ᠨᠢᠮᠠ ᠳ᠋ᠤ᠌ ᠥᠭᠭᠦᠯᠡ᠃
ᠨᠢᠮᠠ ᠨᠢᠭᠡᠨᠲᠡ ᠠᠮᠲᠠᠯᠠᠭᠰᠠᠨ ᠬᠣᠢᠨᠠ ᠶᠠᠭᠠᠬᠢᠵᠤ ᠲᠡᠰᠬᠦ ᠪᠢᠯᠡ ᠳᠠ᠃ ᠬᠣᠷᠢᠨ ᠮᠥᠩᠭᠥ ᠭᠡᠵᠦ ᠬᠡᠯᠡᠶᠡ ᠭᠡᠳ ᠭᠠᠢ ᠪᠣᠯᠤᠭᠰᠠᠨ ᠬᠡᠯᠡ ᠨᠢ ᠬᠠᠯᠲᠤᠷᠢᠭᠠᠳ ᠭᠤᠴᠢᠨ ᠮᠥᠩᠭᠥ ᠭᠡᠰᠡᠨ ᠴᠢᠨᠢ 《ᠵᠠ ᠶᠠᠭᠠᠬᠢᠬᠤᠪ ᠲᠠᠨᠢᠭᠰᠠᠨ ᠬᠥᠮᠦᠨ ᠪᠠᠢᠨᠠ ᠥᠭᠭᠦᠶᠡ!》 ᠭᠡᠳ ᠰᠤᠷᠮᠠᠭ ᠬᠥᠳᠡᠯᠭᠡᠭᠡᠨ ᠢ᠋ᠶ᠋ᠡᠷ ᠬᠠᠯᠪᠠᠭᠠᠳᠠᠨ ᠬᠤᠳᠬᠤᠭᠠᠳ ᠠᠪᠴᠢᠷᠠᠵᠤ 《ᠴᠢ ᠰᠠᠪᠠ ᠪᠠᠨ ᠠᠯᠢ》 ᠭᠡᠵᠡᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠠᠩᠵᠢᠶᠠᠳ ᠠ᠋ ᠮᠢᠨᠦ ᠬᠡᠯᠡ ᠬᠠᠯᠲᠤᠷᠢᠭᠠᠳ ᠪᠢ ᠪᠤᠷᠤᠭᠤ ᠬᠡᠯᠡᠵᠦ ᠣᠷᠬᠢᠭᠰᠠᠨ ᠪᠠᠢᠨᠠ᠃ ᠰᠢᠯᠤᠭᠤᠬᠠᠨ ᠬᠣᠷᠢᠨ ᠮᠥᠩᠭᠥ ᠪᠡᠷ ᠠᠪᠤᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠢᠮᠦ ᠨᠠᠰᠤᠲᠠᠢ ᠬᠥᠮᠦᠨ ᠪᠠᠢᠵᠤ ᠮᠠᠢᠮᠠᠢ ᠪᠤᠴᠠᠵᠤ ᠪᠣᠯᠬᠤ ᠦᠭᠡᠢ ᠭᠡᠵᠦ ᠬᠤᠳᠠᠯᠳᠤᠭᠴᠢ ᠠᠭᠤᠷ ᠲᠠᠢ ᠬᠡᠯᠡᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ ᠵᠠ᠃ ᠠᠪᠤᠶᠠ᠃ ᠠᠶᠠᠭᠠ ᠠᠪᠤᠭᠠᠳ ᠢᠷᠡ ᠭᠡᠳ ᠨᠢᠮᠠ ᠴᠠᠭᠠᠨ ᠰᠡᠳᠬᠢᠯ ᠢ᠋ᠶ᠋ᠡᠷ ᠨᠢᠳᠦ ᠪᠡᠨ ᠠᠨᠢᠪᠴᠢᠨ ᠢᠨᠢᠶᠡᠪᠡ᠃
ᠵᠢᠵᠢᠭ ᠱᠠᠭᠠᠵᠠᠩ ᠢ᠋ᠶ᠋ᠠᠷ ᠨᠢᠭᠡ ᠳᠤᠭᠲᠤᠷᠤᠭᠰᠠᠨ ᠴᠢᠨᠢ ᠪᠦᠬᠦ ᠪᠡᠶᠡ ᠶ᠋ᠢᠨ ᠬᠢᠨᠢ ᠬᠥᠯᠥᠰᠥ ᠴᠢᠬᠠᠷᠠᠨ ᠭᠠᠷᠴᠤ ᠬᠠᠯᠠᠭᠠᠭᠰᠠᠨ ᠭᠠᠠᠵᠠ ᠡᠴᠡ ᠫᠣᠯᠤᠭᠳᠠᠭᠰᠠᠨ ᠰᠢᠷᠠ ᠨᠢ ᠲᠠᠢᠯᠤᠭᠳᠠᠪᠠ᠃ ᠨᠢᠮᠠ ᠱᠠᠭᠠᠵᠠᠩ ᠳ᠋ᠠᠭᠠᠨ ᠳᠠᠭᠢᠵᠤ ᠬᠢᠵᠦ 《ᠵᠠ ᠳᠠᠩᠵᠢᠶᠠᠳ ᠨᠢᠭᠡ ᠲᠣᠭᠲᠠᠭᠠᠵᠤ ᠣᠷᠭᠢ》 ᠭᠡᠳ ᠬᠤᠳᠠᠯᠳᠤᠭᠴᠢ ᠳ᠋ᠤ᠌ ᠥᠭᠪᠡ᠃
ᠬᠤᠳᠠᠯᠳᠤᠭᠴᠢ ᠡᠷᠭᠢᠵᠦ ᠭᠢᠯᠤᠢᠨ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠠᠶᠠᠭᠠ ᠲᠠᠢ ᠠᠷᠢᠬᠢ ᠶ᠋ᠢ ᠪᠤᠰᠢᠭᠤᠬᠠᠨ ᠠᠪᠴᠤ ᠰᠢᠮᠡᠨ ᠤᠤᠭᠤᠭᠠᠳ ᠳᠠᠬᠢᠨ ᠡᠷᠭᠢᠵᠦ ᠬᠠᠷᠠᠯᠠ᠃ ᠨᠢᠮᠠ ᠳᠠᠬᠢᠨ ᠨᠢᠭᠡ ᠬᠢᠵᠦ ᠲᠠᠪᠠᠲᠠᠢ ᠭᠡᠭᠴᠢ ᠰᠢᠮᠡᠨ ᠤᠤᠭᠤᠵᠤ ᠪᠠᠢᠲᠠᠯᠠ ᠬᠦᠷᠢᠶᠡᠨ ᠦ᠌ ᠭᠤᠳᠤᠮᠵᠢᠨ ᠤ᠋ ᠠᠷᠢᠬᠢᠴᠢᠨ ᠨᠢᠭᠡ ᠡᠪᠦᠭᠡᠨ ᠣᠷᠣᠵᠤ ᠢᠷᠡᠭᠡᠳ ᠬᠣᠶᠠᠷ ᠡᠪᠦᠭᠡᠨ ᠯᠠᠩᠭᠦᠢ ᠲᠦᠰᠢᠨ ᠱᠠᠯᠠᠨ ᠳᠡᠭᠡᠷᠡ ᠲᠠᠪᠠᠲᠠᠢ ᠵᠠᠪᠢᠯᠠᠨ ᠰᠠᠭᠤᠨ ᠤᠤᠭᠤᠭᠰᠠᠨ ᠢ᠋ᠶ᠋ᠠᠷ ᠪᠠᠷᠠᠬᠤ ᠦᠭᠡᠢ ᠨᠢᠮᠠ ᠮᠥᠩᠭᠥ ᠭᠠᠷᠭᠠᠵᠤ ᠳᠠᠬᠢᠨ ᠠᠪᠴᠤ ᠬᠣᠭᠣᠰᠣᠯᠠᠪᠠ᠃
ᠨᠢᠭᠡ ᠮᠡᠳᠡᠬᠦ ᠳ᠋ᠦ᠍ ᠭᠤᠷᠪᠠᠨ ᠮᠥᠩᠭᠥᠨ ᠶᠠᠩᠴᠢᠶᠠᠨ ᠰᠤᠷᠠᠭ ᠦᠭᠡᠢ ᠠᠯᠠᠭᠠ ᠪᠣᠯᠤᠭᠠᠳ ᠠᠷᠢᠬᠢᠨ ᠡᠪᠦᠭᠡᠨ ᠴᠦ᠍ ᠦᠭᠡᠢ ᠪᠣᠯᠤᠭᠰᠠᠨ ᠳ᠋ᠤ᠌ ᠨᠢᠮᠠ ᠭᠤᠳᠤᠮᠵᠢᠨ ᠳ᠋ᠤ᠌ ᠭᠠᠷᠴᠤ 《ᠬᠣᠶᠠᠷ ᠬᠠᠩᠭᠠᠢ ᠶ᠋ᠢᠨ ᠨᠤᠲᠤᠭ ᠁》 ᠭᠡᠵᠦ ᠪᠦᠪᠦᠳᠦᠨᠡᠨ ᠭᠢᠩᠰᠢᠵᠦ ᠰᠠᠯᠳᠤᠷᠭᠢᠯᠠᠨ ᠠᠯᠬᠤᠪᠠ᠃
《ᠬᠣᠶᠠᠷ ᠬᠠᠩᠭᠠᠢ ᠶ᠋ᠢᠨ ᠨᠤᠲᠤᠭ ᠁》 ᠢ᠋ᠶ᠋ᠠᠨ ᠳᠠᠪᠲᠠᠨ ᠭᠤᠳᠤᠮᠵᠢᠨ ᠤ᠋ ᠬᠣᠶᠠᠷ ᠲᠠᠯᠠ ᠶ᠋ᠢ ᠮᠥᠷᠥ ᠪᠡᠷ ᠢ᠋ᠶ᠋ᠡᠨ ᠡᠭᠡᠯᠵᠢᠯᠡᠨ ᠴᠣᠬᠢᠵᠤ ᠶᠠᠪᠤᠲᠠᠯᠠ ᠡᠮᠦᠨᠡ ᠡᠴᠡ ᠨᠢ ᠢᠵᠢᠯᠬᠡᠨ ᠨᠣᠭᠣᠭᠠᠨ ᠳᠡᠪᠡᠯ ᠲᠡᠢ ᠬᠣᠶᠠᠷ ᠵᠠᠯᠠᠭᠤ ᠶᠠᠷᠢᠯᠴᠠᠨ ᠭᠠᠷᠴᠤ ᠢᠷᠡᠯᠡ᠃
ᠡᠨᠡ ᠪᠣᠯ ᠣᠶᠤᠲᠠᠨ ᠤ᠋ ᠰᠤᠷᠭᠠᠭᠤᠯᠢ ᠶ᠋ᠢᠨ ᠰᠤᠷᠤᠭᠴᠢ ᠪᠠᠲᠤ᠂ ᠵᠢᠷᠭᠠᠯ ᠬᠣᠶᠠᠷ ᠪᠠᠢᠵᠠᠢ᠃ ᠬᠠᠲᠠᠭᠤ ᠰᠢᠷᠦᠭᠦᠨ ᠵᠠᠨᠴᠢᠭᠤᠯᠤᠭᠰᠠᠨ ᠡᠴᠡ ᠤᠳᠠᠭᠠᠨ ᠡᠪᠡᠳᠴᠢᠨ ᠲᠡᠢ ᠬᠡᠪᠲᠡᠭᠡᠳ ᠠᠷᠠᠢ ᠭᠡᠵᠦ ᠬᠥᠯ ᠳᠡᠭᠡᠷᠡ ᠪᠡᠨ ᠪᠣᠰᠤᠭᠰᠠᠨ ᠪᠠᠲᠤ ᠠᠨᠳᠠ ᠨᠥᠬᠥᠷ ᠢ᠋ᠶ᠋ᠡᠨ ᠳᠠᠭᠠᠭᠤᠯᠤᠨ ᠲᠠᠨᠢᠳᠠᠭ ᠠᠢᠯ ᠢ᠋ᠶ᠋ᠠᠷ ᠣᠷᠣᠭᠠᠳ ᠶᠠᠪᠤᠭᠠ ᠨᠢ ᠡᠨᠡ ᠪᠢᠯᠡ᠃ ᠪᠠᠲᠤ ᠡᠮᠦᠨᠡ ᠡᠴᠡ ᠨᠢ ᠭᠤᠢᠪᠢᠨ ᠢᠷᠡᠵᠦ ᠶᠠᠪᠤᠭᠠ ᠰᠣᠭᠲᠣᠭᠤ ᠡᠪᠦᠭᠡᠨ ᠢ᠋ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ 《ᠨᠢᠮᠠ ᠭᠤᠸᠠᠢ》 ᠭᠡᠳ ᠭᠦᠶᠦᠨ ᠣᠴᠢᠵᠤ ᠭᠠᠷ ᠡᠴᠡ ᠨᠢ ᠪᠠᠷᠢᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠴᠢᠨᠢ ᠬᠦᠷᠢᠶᠡᠨ ᠦ᠌ ᠳᠡᠭᠡᠷᠡᠮᠴᠢᠨ ᠤᠤ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠮᠠ ᠭᠤᠸᠠᠢ᠃ ᠪᠢ ᠪᠠᠲᠤ ᠪᠠᠢᠨᠠ᠃ ᠡᠵᠢ ᠮᠢᠨᠢ ᠰᠠᠢᠨ ᠪᠠᠢᠨᠠ ᠤᠤ?
ᠨᠢᠮᠠ ᠡᠪᠦᠯ ᠦ᠋ᠨ ᠴᠠᠰᠤᠨ ᠤ᠋ ᠢᠲᠠᠭᠤ ᠰᠢᠭ᠋ ᠨᠢᠳᠦ ᠪᠡᠷ ᠪᠠᠲᠤ ᠶ᠋ᠢ ᠠᠵᠢᠭᠯᠠᠨ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ 《ᠵᠠᠢᠯᠠ᠂ ᠲᠠ ᠬᠣᠶᠠᠷ ᠴᠢᠨᠢ ᠲᠡᠷᠡ ᠨᠢᠭᠡ ᠶᠠᠳᠠᠭᠤ ᠪᠦᠰᠡᠭᠦᠢ ᠶ᠋ᠢ ᠠᠯᠠᠬᠤ ᠭᠡᠵᠦ ᠲᠥᠷᠥᠭᠰᠡᠨ ᠠᠮᠢᠲᠠᠨ ᠤᠤ?》 ᠭᠡᠵᠦ ᠬᠠᠰᠬᠢᠷᠤᠭᠠᠳ ᠪᠠᠲᠤ ᠶ᠋ᠢ ᠲᠦᠯᠬᠢᠬᠦ ᠭᠡᠰᠡᠨ ᠢ᠋ᠶ᠋ᠡᠨ ᠭᠡᠳᠡᠷᠭᠦ ᠪᠡᠨ ᠤᠨᠠᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠮᠠ ᠭᠤᠸᠠᠢ᠃ ᠡᠵᠢ ᠮᠢᠨᠢ ᠰᠠᠢᠨ ᠪᠠᠢᠨᠠ ᠤᠤ? ᠭᠡᠵᠦ ᠪᠠᠲᠤ ᠬᠣᠭᠣᠯᠠᠢ ᠪᠠᠨ ᠴᠡᠴᠡᠷᠡᠭᠦᠯᠦᠨ ᠬᠠᠰᠬᠢᠷᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠮ ᠮᠠᠨᠢ ᠪᠠᠳ ᠮᠢ ᠬᠣᠮ᠃ ᠬᠠᠷᠠ ᠲᠡᠮᠦᠷ ᠳᠣᠲᠣᠷ ᠲᠠᠢ ᠵᠤᠯᠪᠤᠰᠠᠭᠠ ᠮᠢᠨᠢ᠃ ᠡᠳᠦᠷ ᠪᠦᠬᠦᠨ ᠮᠢᠩᠭᠠᠨ ᠮᠠᠨᠢ ᠤᠩᠰᠢᠵᠤ ᠪᠠᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠵᠢ ᠮᠢᠨᠢ ᠁ ᠭᠡᠵᠦ ᠬᠠᠰᠬᠢᠷᠤᠭᠠᠳ ᠪᠠᠲᠤ ᠭᠡᠳᠡᠷᠭᠦ ᠪᠡᠨ ᠪᠣᠯᠬᠤ ᠳ᠋ᠤ᠌ ᠨᠢᠳᠦ ᠨᠢ ᠨᠢᠯᠪᠤᠰᠤ ᠪᠠᠷ ᠳᠦᠭᠦᠷᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠭᠦᠯ ᠲᠡᠢ ᠵᠣᠯᠢᠭ᠃ ᠣᠮ ᠮᠠᠨᠢ ᠪᠠᠳ ᠮᠢ ᠬᠣᠮ᠃ ᠡᠷᠯᠢᠭ ᠨᠣᠮᠣᠨ ᠬᠠᠭᠠᠨ ᠤ᠋ ᠳ᠋ᠤ᠌ ᠣᠴᠢᠭᠠᠳ ᠲᠡᠷᠡ ᠡᠬᠡ ᠳ᠋ᠡᠭᠡᠨ ᠶᠠᠭᠤ ᠭᠡᠵᠦ ᠬᠡᠯᠡᠬᠦ ᠠᠮᠢᠲᠠᠨ ᠪᠣᠢ? ᠭᠡᠳ ᠪᠣᠰᠴᠤ ᠪᠠᠲᠤ ᠤᠷᠤᠭᠤ ᠭᠢᠯᠦᠢᠨ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠨᠠᠢᠭᠤᠨ ᠶᠠᠪᠤᠵᠠᠢ᠃
ᠪᠠᠲᠤ ᠬᠠᠰᠢᠶᠠ ᠲᠦᠰᠢᠨ ᠠᠪᠴᠤ ᠡᠬᠡᠷ ᠲᠡᠳᠡᠨ ᠤᠬᠢᠯᠠᠪᠠ᠃ ᠵᠢᠷᠭᠠᠯ ᠶᠠᠭᠤ ᠴᠤ᠌ ᠳᠤᠤᠭᠠᠷᠴᠤ ᠴᠢᠳᠠᠬᠤ ᠦᠭᠡᠢ ᠲᠡᠭᠦᠨ ᠦ᠌ ᠳᠡᠷᠭᠡᠳᠡ ᠵᠣᠭᠰᠣᠵᠤ ᠪᠠᠢᠪᠠ᠃
ᠡᠪᠦᠭᠡᠨ 《ᠬᠣᠶᠠᠷ ᠬᠠᠩᠭᠠᠢ ᠶ᠋ᠢᠨ ᠨᠤᠲᠤᠭ ᠁》 ᠭᠡᠵᠦ ᠭᠢᠩᠰᠢᠨ ᠠᠶᠠᠯᠤᠭᠰᠠᠭᠠᠷ ᠳᠠᠯᠳᠠ ᠣᠷᠣᠬᠤ ᠳ᠋ᠤ᠌ ᠬᠣᠶᠠᠷ ᠵᠠᠯᠠᠭᠤ ᠬᠠᠷᠠᠭᠰᠠᠨ ᠦᠭᠡᠢ ᠠᠯᠳᠠᠵᠠᠢ᠃
ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠨᠠᠷᠠ ᠮᠠᠨᠳᠤᠬᠤ ᠶ᠋ᠢᠨ ᠦᠶᠡ ᠳ᠋ᠦ᠍ ᠢᠲᠡᠭᠡᠯᠲᠦ ᠶ᠋ᠢᠨ ᠤᠷᠲᠤ ᠵᠢᠩ ᠬᠠᠮᠪᠤ ᠶ᠋ᠢᠨ ᠣᠪᠣᠭᠠ ᠥᠩᠭᠡᠷᠡᠨ ᠨᠤᠲᠤᠭ ᠤ᠋ᠨ ᠵᠦᠭ ᠵᠠᠮ ᠬᠥᠭᠡᠭᠡᠵᠦ ᠪᠠᠢᠪᠠ᠃ ᠨᠢᠮᠠ ᠡᠪᠦᠭᠡᠨ ᠲᠦᠭᠦᠴᠡᠭᠡ ᠲᠡᠷᠭᠡᠨ ᠳᠡᠭᠡᠷᠡ ᠬᠥᠳᠡᠯᠦᠯ ᠦᠭᠡᠢ ᠬᠡᠪᠲᠡᠨᠡ᠃ ᠲᠡᠷᠡ ᠬᠣᠶᠠᠷ ᠵᠠᠯᠠᠭᠤ ᠲᠠᠢ ᠲᠠᠭᠠᠷᠠᠯᠳᠤᠭᠰᠠᠨ ᠢ᠋ᠶ᠋ᠠᠨ ᠮᠡᠳᠡᠬᠦ ᠦᠭᠡᠢ ᠵᠥᠪᠬᠡᠨ ᠵᠡᠭᠦᠳᠦᠯᠡᠭᠰᠡᠨ ᠮᠡᠲᠦ ᠪᠣᠳᠣᠨᠠ᠃
ᠬᠣᠶᠠᠷᠳᠠᠬᠢ ᠡᠳᠦᠷ ᠦ᠋ᠨ ᠪᠠᠭᠤᠳᠠᠯ ᠳᠡᠭᠡᠷᠡ ᠳᠠᠩ ᠮᠣᠷᠢᠲᠠᠢ ᠬᠣᠴᠣᠷᠤᠭᠰᠠᠨ ᠢᠲᠡᠭᠡᠯᠲᠦ ᠭᠦᠢᠴᠡᠵᠦ ᠢᠷᠡᠭᠡᠳ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠢᠮᠠ ᠭᠤᠸᠠᠢ ᠱᠠᠮᠪᠠᠯ ᠳ᠋ᠤ᠌ ᠣᠴᠢᠵᠤ ᠴᠢᠳᠠᠭᠠ ᠦᠭᠡᠢ ᠤᠤ? ᠭᠡᠯᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠢᠰᠡᠭᠡᠢ ᠬᠢᠬᠦ ᠳ᠋ᠦ᠍ ᠨᠣᠬᠠᠢ ᠬᠡᠷᠡᠭ ᠦᠭᠡᠢ ᠭᠡᠭᠴᠢ ᠪᠡᠷ ᠨᠠᠳᠠ ᠰᠢᠭ᠋ ᠬᠡᠷᠡᠭ ᠦᠭᠡᠢ ᠠᠮᠢᠲᠠᠨ ᠲᠡᠨᠳᠡ ᠦᠭᠡᠢ ᠪᠠᠢᠬᠠ ᠭᠡᠳ ᠨᠢᠮᠠ ᠬᠤᠯᠴᠢᠭᠠᠷ ᠢᠨᠢᠶᠡᠪᠡ᠃
ᠪᠣᠭᠳᠠ ᠳ᠋ᠤ᠌ ᠮᠥᠷᠭᠥᠬᠦ ᠭᠡᠵᠦ ᠶᠠᠪᠤᠭᠠᠳ ᠱᠠᠯ ᠰᠣᠭᠲᠣᠭᠤ ᠢᠷᠡᠭᠰᠡᠨ ᠳ᠋ᠡᠭᠡᠨ ᠭᠡᠮᠰᠢᠵᠦ᠂ ᠢᠲᠡᠭᠡᠯᠲᠦ ᠵᠢᠮᠡᠯᠡᠵᠦ ᠮᠠᠭᠠᠳ ᠭᠡᠵᠦ ᠬᠤᠯᠴᠢ᠌ᠵᠤ ᠪᠠᠢᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠣᠭᠳᠠ ᠳ᠋ᠤ᠌ ᠮᠥᠷᠭᠥᠭᠰᠡᠨ ᠪᠢᠯᠢᠤ᠂ᠦᠭᠡᠢ ᠪᠢᠯᠢᠤ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠥᠷᠭᠥᠭᠰᠡᠨ ᠭᠡᠵᠦ ᠬᠡᠯᠡᠭᠡᠳ ᠨᠢᠮᠠ ᠨᠢᠳᠦ ᠪᠡᠨ ᠪᠤᠷᠤᠭᠤᠯᠠᠨ ᠮᠣᠳᠣ ᠲᠣᠯᠣᠭᠠᠢ ᠪᠠᠨ ᠭᠠᠷᠭᠠᠵᠤ ᠲᠠᠮᠠᠬᠢ ᠲᠠᠲᠠᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠠᠬᠢᠵᠤ ᠮᠥᠷᠭᠥᠪᠡ ᠳᠡ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠷᠭᠦᠭᠡᠨ ᠳ᠋ᠦ᠍ᠨᠢ ᠣᠷᠣᠭᠠᠳ ᠯᠠ ᠮᠥᠷᠭᠥᠵᠦ ᠣᠷᠬᠢᠭᠰᠠᠨ᠃
ᠨᠢᠮᠠ ᠶ᠋ᠢᠨ ᠪᠠᠢᠳᠠᠯ᠂ ᠶᠠᠷᠢᠶᠠᠨ ᠤ᠋ ᠰᠡᠵᠢᠭᠦᠷ ᠡᠴᠡ ᠨᠢ ᠪᠣᠭᠳᠠ ᠳ᠋ᠤ᠌ ᠮᠥᠷᠭᠥᠭᠡ ᠦᠭᠡᠢ ᠭᠡᠳᠡᠭ ᠢ᠋ ᠨᠡᠪᠲᠡ ᠬᠠᠷᠠᠭᠰᠠᠨ ᠢᠲᠡᠭᠡᠯᠲᠦ ᠴᠢᠨᠠᠭᠰᠢᠯᠠᠭᠤᠯᠵᠤ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠮᠠᠷ ᠰᠢᠦ ᠪᠠᠢᠭᠠ ᠶᠤᠮ ᠪᠣᠢ ᠳᠠ ᠭᠡᠵᠦ ᠨᠢᠮᠠ ᠶ᠋ᠢᠨ ᠶᠠᠷᠢᠶᠠᠨ ᠳ᠋ᠤ᠌ ᠦᠨᠡᠬᠡᠷ ᠢᠲᠡᠭᠡᠭᠰᠡᠨ ᠳᠦᠷᠢ ᠦᠵᠡᠭᠦᠯᠦᠨ ᠠᠰᠠᠭᠤᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠣᠮᠣ ᠭᠡᠭᠴᠢ ᠶ᠋ᠢᠨ ᠤᠯᠠᠭᠠᠨ ᠬᠠᠯᠵᠠᠨ ᠦᠷᠭᠦᠭᠡᠨ ᠦ᠌ ᠪᠠᠷᠠᠭᠤᠨ ᠲᠠᠯᠠ ᠳ᠋ᠤ᠌ ᠪᠠᠷᠰ ᠤ᠋ᠨ ᠠᠷᠠᠰᠤᠨ ᠳᠡᠭᠡᠷᠡ ᠰᠢᠷᠠ ᠲᠣᠰᠣ ᠰᠠᠮᠤᠷᠤᠭᠰᠠᠨ ᠮᠠᠩᠵᠠ ᠵᠣᠭᠣᠭᠯᠠᠭᠠᠳ ᠮᠣᠷᠢᠯᠠᠵᠤ ᠪᠠᠢᠬᠤ ᠶᠤᠮ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠤᠷᠬᠠᠨ ᠬᠥᠮᠦᠨ ᠪᠣᠯᠬᠣᠷ ᠲᠠᠨ ᠢ᠋ ᠯᠠᠪ ᠲᠠᠨᠢᠵᠤ ᠪᠠᠢᠭᠠ ᠪᠠᠢᠬᠠ ᠳᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠡᠯᠡᠭᠡᠳ ᠶᠠᠭᠤ ᠪᠠᠢᠬᠤᠪ᠃ ᠴᠢ ᠴᠢᠨᠢ ᠯᠤᠤ ᠬᠦᠩ ᠦ᠋ᠨ ᠨᠢᠮᠠ ᠪᠢᠵᠡ ᠳᠡ ᠭᠡᠰᠡᠨ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠ ᠴᠦ᠍ ᠲᠡᠢᠮᠦ ᠯᠡ ᠭᠡᠰᠡᠨ ᠪᠢᠵᠡ ᠳᠡ ᠁ ᠵᠠ ᠴᠢᠩᠭᠢᠭᠡᠳ ᠬᠣᠭᠣᠯᠠ ᠰᠠᠷᠬᠤᠳ ᠭᠡᠳ ᠯᠡ ᠰᠦᠢᠳ ᠪᠣᠯᠤᠭᠠ ᠪᠢᠵᠡ ᠳᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤᠪ᠃ ᠶᠡᠬᠡ ᠳᠠᠭᠢᠨᠢ ᠪᠠᠨ ᠳᠠᠭᠤᠳᠠᠭᠠᠳ ᠨᠢᠮᠠ ᠳ᠋ᠤ᠌ ᠭᠠᠠᠵᠠ ᠬᠠᠯᠠᠭᠠᠵᠤ ᠥᠭ ᠭᠡᠰᠡᠨ᠃ ᠪᠢ ᠭᠡᠳᠡᠭ ᠬᠥᠮᠦᠨ ᠪᠣᠭᠳᠠ ᠶ᠋ᠢᠨ ᠬᠡᠰᠢᠭ ᠬᠦᠷᠲᠡᠵᠦ ᠣᠷᠬᠢᠭᠠᠳ ᠲᠡᠢᠮᠦ ᠤᠬᠠᠭᠠᠨ ᠦᠭᠡᠢ ᠰᠣᠭᠲᠣᠭᠤ ᠢᠷᠡᠵᠦ ᠪᠠᠢᠬᠤ ᠦᠭᠡᠢ ᠤᠤ᠃
ᠢᠲᠡᠭᠡᠯᠲᠦ ᠬᠥᠭᠵᠢᠯᠲᠡᠢ ᠢᠨᠢᠶᠡᠪᠡ᠃ ᠨᠢᠮᠠ ᠶ᠋ᠢ ᠰᠢᠬᠠᠵᠤ ᠳᠡᠩᠰᠡᠯᠦᠭᠦᠯᠦᠨ ᠫᠤᠤᠳᠠᠭᠤᠯᠵᠤ ᠪᠠᠢᠭᠠ ᠨᠢ ᠵᠤᠭᠠ ᠲᠠᠢ ᠬᠡᠷᠡᠭ ᠪᠠᠢᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠮᠠᠷ ᠬᠣᠭᠣᠯᠠ ᠥᠭᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠬᠡ ᠳᠠᠭᠢᠨᠢ ᠭᠤᠸᠠᠢ ᠬᠥᠯᠳᠡᠭᠦᠦ ᠲᠠᠷᠭᠤᠨ ᠮᠢᠬᠠ ᠣᠷᠣᠭᠤᠯᠵᠤ ᠢᠷᠡᠭᠡᠳ ᠰᠠᠢᠬᠠᠨ ᠪᠤᠤᠵᠠ ᠬᠢᠵᠦ ᠥᠭᠭᠦᠭᠰᠡᠨ ᠭᠡᠵᠦ ᠨᠢᠮᠠ ᠶ᠋ᠢᠨ ᠬᠡᠯᠡᠬᠦ ᠳ᠋ᠦ᠍᠂ 《ᠲᠠᠨ ᠤ᠋ ᠠᠵᠠ ᠭᠡᠳᠡᠭ ᠴᠦ᠍ ᠲᠦᠮᠡᠨ ᠦ᠌ ᠡᠬᠢ ᠤᠨᠠᠭᠰᠠᠨ ᠬᠡᠦᠬᠡᠳ ᠰᠢᠭ ᠶᠠᠪᠤᠭᠠ ᠶᠤᠮ ᠪᠠᠢᠨᠠ》 ᠭᠡᠳ ᠢᠲᠡᠭᠡᠯᠲᠦ ᠲᠣᠯᠣᠭᠠᠢ ᠪᠠᠨ ᠬᠠᠶᠠᠯᠠᠨ ᠵᠢᠩᠭᠢᠨᠡᠭᠦᠯᠦᠨ ᠢᠨᠢᠶᠡᠵᠦ ᠨᠢᠳᠦᠨ ᠦ᠌ ᠪᠡᠨ ᠨᠢᠯᠪᠤᠰᠤ ᠶ᠋ᠢ ᠠᠷᠴᠢᠪᠠ᠃
ᠭᠠᠳᠠᠭᠠ ᠬᠦᠢᠲᠡᠨ ᠰᠠᠯᠬᠢ ᠦᠯᠢᠶᠡᠨ᠂ ᠴᠠᠪᠳᠠᠭ ᠵᠢᠪᠡᠷᠡᠭᠦᠨ ᠪᠠᠢᠭᠰᠠᠨ ᠠᠪᠠᠴᠤ ᠭᠠᠯ ᠲᠦᠯᠡᠭᠰᠡᠨ ᠳᠠᠪᠬᠤᠷ ᠮᠠᠢᠬᠠᠨ ᠳ᠋ᠤ᠌ ᠰᠠᠭᠤᠭᠠᠳ ᠬᠠᠯᠠᠭᠤᠨ ᠴᠠᠢ ᠲᠠᠢ ᠴᠠᠭᠠᠨ ᠲᠣᠰᠣ ᠢᠳᠡᠵᠦ ᠪᠠᠢᠭᠠ ᠵᠤᠵᠠᠭᠠᠨ ᠬᠤᠪᠴᠠᠰᠤ ᠲᠠᠢ ᠬᠥᠮᠦᠰ ᠲᠡᠭᠦᠨ ᠢ᠋ ᠡᠰᠡ ᠮᠡᠳᠡᠷᠡᠨ ᠨᠢᠮᠠ ᠶ᠋ᠢᠨ ᠶᠠᠷᠢᠶᠠᠨ ᠳ᠋ᠤ᠌ ᠬᠥᠭᠵᠢᠯᠲᠡᠢ ᠢᠨᠢᠶᠡᠯᠳᠦᠵᠦ ᠱᠤᠤᠭᠢᠯᠳᠤᠨᠠ᠃