ᠲᠤᠩᠭᠠᠯᠠᠭ ᠲᠠᠮᠢᠷ1-21-ᠴ·ᠯᠤᠳᠤᠢ᠌ᠳᠠᠮᠪᠠТунгалаг тамир- ᠦᠵᠡᠵᠦ ᠰᠣᠨᠣᠰᠴᠤ ᠤᠩᠰᠢᠬᠤ ᠴᠠᠬᠢᠮ
1585《ᠴᠢᠨᠣᠠ᠂ ᠬᠣᠨᠢ ᠪᠠᠷᠢᠵᠤ ᠪᠠᠢᠬᠤ ᠳ᠋ᠤ᠌ ᠰᠠᠯᠭᠠᠳᠠᠭ ᠪᠠᠢᠬᠤ ᠳ᠋ᠤ᠌ ᠬᠥᠮᠦᠨ ᠪᠠᠷᠢᠬᠤ ᠭᠡᠵᠦ ᠪᠠᠢᠬᠤ ᠳ᠋ᠤ᠌ ᠰᠠᠯᠭᠠᠬᠤ ᠦᠭᠡᠢ ᠶᠠᠭᠠᠬᠢᠬᠤᠪ》 - ᠨᠢᠭᠡᠳᠦᠭᠡᠷ ᠪᠦᠯᠦᠭ ᠬᠣᠷᠢᠨ ᠨᠢᠭᠡ
ᠢᠲᠡᠭᠡᠯᠲᠦ᠂ ᠸᠠᠩ ᠤ᠋ᠨ ᠬᠦᠷᠢᠶᠡ ᠣᠷᠣᠵᠤ ᠮᠠᠢᠮᠠᠢ ᠬᠢᠬᠦ ᠳ᠋ᠡᠭᠡᠨ ᠡᠷᠳᠡᠨᠢ ᠶ᠋ᠢ ᠳᠠᠭᠠᠭᠤᠯᠵᠠᠢ᠃ ᠬᠠᠨ ᠥᠨᠳᠥᠷ ᠦ᠋ᠨ ᠬᠦᠷᠢᠶᠡᠨ ᠳᠡᠭᠡᠷᠡ ᠫᠦᠷᠪᠦ ᠲᠠᠢᠵᠢ ᠲᠠᠢ ᠲᠠᠭᠠᠷᠠᠯᠳᠤᠵᠤ ᠲᠡᠳᠡᠨ ᠦ᠌ ᠳ᠋ᠦ᠍ ᠣᠴᠢᠪᠠ᠃ ᠫᠦᠷᠪᠦ ᠲᠠᠢᠵᠢ ᠶ᠋ᠢᠨ ᠬᠠᠰᠢᠶᠠ ᠬᠠᠨ ᠥᠨᠳᠥᠷ ᠦ᠋ᠨ ᠬᠦᠷᠢᠶᠡᠨ ᠦ᠌ ᠪᠠᠷᠤᠭ ᠨᠢᠭᠡ ᠪᠦᠬᠦᠯᠢ ᠭᠤᠳᠤᠮᠵᠢ ᠶ᠋ᠢ ᠡᠵᠡᠯᠡᠳᠡᠭ ᠪᠥᠭᠡᠳ ᠲᠠᠢᠵᠢ ᠶ᠋ᠢᠨ ᠭᠡᠷ ᠬᠥᠳᠡᠭᠡ ᠪᠠᠢᠳᠠᠭ ᠪᠣᠯᠪᠠᠴᠤ ᠬᠤᠷᠢᠶᠠᠭᠰᠠᠨ ᠬᠥᠷᠥᠩᠭᠡ ᠨᠢ ᠡᠨᠡ ᠬᠠᠰᠢᠶᠠᠨ ᠳ᠋ᠤ᠌ ᠪᠠᠢᠳᠠᠭ ᠪᠢᠯᠡ᠃
ᠦᠬᠡᠷ ᠦ᠋ᠨ ᠮᠠᠢᠮᠠᠢ ᠣᠯᠠᠨ ᠤᠳᠠᠭᠠ ᠬᠢᠭᠰᠡᠨ ᠬᠣᠶᠠᠷ ᠪᠠᠶᠠᠨ ᠶᠡᠬᠡ ᠯᠡ ᠳᠣᠲᠣᠨᠣ ᠠᠭᠤᠯᠵᠠᠵᠤ ᠲᠠᠢᠵᠢ ᠰᠠᠢᠨ ᠠᠷᠢᠬᠢ᠂ ᠲᠠᠷᠭᠤᠨ ᠮᠢᠬᠠ ᠪᠠᠷ ᠢᠲᠡᠭᠡᠯᠲᠦ ᠡᠷᠳᠡᠨᠢ ᠬᠣᠶᠠᠷ ᠢ᠋ ᠳᠠᠢᠯᠠᠪᠠ᠃ ᠫᠦᠷᠪᠦ ᠲᠠᠢᠵᠢ ᠰᠦᠷᠡᠬᠡᠢ ᠰᠣᠭᠲᠣᠵᠤ ᠯᠤᠤ ᠬᠦᠩ ᠦ᠋ᠨ ᠰᠢᠨᠡ ᠪᠠᠶᠠᠨ ᠳ᠋ᠤ᠌ ᠶᠠᠭᠤᠮᠠ ᠪᠠᠨ ᠭᠠᠢᠬᠠᠭᠤᠯᠬᠤ ᠰᠡᠳᠬᠢᠯ ᠲᠥᠷᠥᠭᠡᠳ ᠪᠠᠢᠰᠢᠩ ᠤ᠋ᠳ ᠢ᠋ᠶ᠋ᠠᠨ ᠦᠵᠡᠭᠦᠯᠪᠡ᠃
ᠨᠢᠭᠡ ᠪᠠᠢᠰᠢᠩ ᠨᠡᠭᠡᠭᠡᠬᠦ ᠳ᠋ᠦ᠍ ᠲᠣᠯᠣᠭᠠᠢ ᠲᠣᠯᠣᠭᠠᠢ ᠲᠣᠷᠭᠠ ᠴᠢᠰᠴᠡᠦ᠂ ᠬᠤᠩᠰᠠ ᠪᠠᠷ ᠴᠠᠢ᠂ ᠠᠪᠳᠠᠷᠠ ᠪᠠᠷ ᠲᠠᠮᠠᠬᠢ ᠬᠤᠷᠢᠶᠠᠯᠲᠠ ᠲᠠᠢ ᠪᠠᠢᠪᠠ᠃ ᠳᠠᠷᠠᠭᠠ ᠶ᠋ᠢᠨ ᠪᠠᠢᠰᠢᠩ ᠳ᠋ᠤ᠌ ᠲᠣᠮᠣ ᠠᠪᠳᠠᠷᠠ ᠨᠤᠭᠤᠳ ᠢ᠋ᠶ᠋ᠠᠷ ᠳᠦᠭᠦᠷᠡᠩ ᠭᠤᠯᠢᠷ᠂ ᠴᠠᠭᠠᠨ ᠰᠢᠷᠠ ᠪᠤᠳᠠᠭᠠ᠂ ᠬᠠᠢᠷᠴᠠᠭ ᠬᠠᠢᠷᠴᠠᠭ ᠢ᠋ᠶ᠋ᠠᠷ ᠴᠢᠪᠠᠭᠠ᠂ ᠨᠠᠷᠢᠨ ᠬᠠᠮᠪᠤ᠂ ᠬᠢᠲᠠᠳ ᠪᠣᠣᠪᠣ ᠪᠠᠢᠯᠠ᠃ ᠳᠠᠬᠢᠭᠠᠳ ᠨᠢᠭᠡ ᠪᠠᠢᠰᠢᠩ ᠳ᠋ᠤ᠌ ᠣᠷᠣᠬᠤ ᠳ᠋ᠤ᠌ ᠪᠣᠭᠣᠳᠠᠯ ᠢ᠋ᠶ᠋ᠠᠷ ᠬᠤᠷᠢᠶᠠᠭᠰᠠᠨ ᠰᠤᠷ᠂ ᠣᠯᠣᠰᠣ᠂ ᠬᠡᠯᠬᠢᠶᠡ ᠲᠡᠢ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠰᠦᠬᠡ᠂ ᠲᠣᠭᠣᠭᠠ᠂ ᠳᠠᠪᠬᠤᠷᠯᠠᠨ ᠬᠤᠷᠢᠶᠠᠭᠰᠠᠨ ᠰᠢᠨᠡ ᠢᠰᠡᠭᠡᠢ᠂ ᠶᠡᠬᠡ ᠪᠠᠭᠠ ᠬᠡᠪᠢᠰ᠂ ᠣᠯᠪᠣᠭ ᠳᠣᠮᠪᠣ᠂ ᠰᠠᠪᠬᠠᠨ ᠬᠤᠪᠢᠩ᠂ ᠴᠠᠷᠠ ᠵᠡᠷᠭᠡ ᠡᠳᠦᠢ ᠲᠡᠳᠦᠢ ᠵᠦᠢᠯ ᠪᠠᠢᠵᠠᠢ᠃
ᠲᠦᠮᠡᠨ ᠵᠦᠢᠯ ᠦ᠋ᠨ ᠶᠠᠭᠤᠮᠠ ᠳᠦᠭᠦᠷᠦᠭᠰᠡᠨ ᠡᠢᠮᠦᠷᠬᠦᠦ ᠵᠢᠷᠭᠤᠭᠠᠨ ᠪᠠᠢᠰᠢᠩ ᠢ᠋ ᠦᠵᠡᠵᠦ ᠶᠠᠪᠤᠬᠤ ᠳ᠋ᠤ᠌ ᠯᠤᠤᠰ ᠤ᠋ᠨ ᠬᠠᠭᠠᠨ ᠤ᠋ ᠰᠠᠩ ᠯᠠ ᠡᠢᠮᠦ ᠪᠠᠢᠳᠠᠭ ᠪᠠᠢᠬᠠ ᠭᠡᠵᠦ ᠡᠷᠳᠡᠨᠢ ᠳ᠋ᠦ᠍ ᠰᠠᠨᠠᠭᠳᠠᠵᠤ ᠪᠠᠢᠯᠠ᠃
ᠢᠲᠡᠭᠡᠯᠲᠦ ᠬᠤᠷᠢᠶᠠᠯᠲᠠ ᠲᠠᠢ ᠲᠣᠷᠭᠠᠨ ᠤ᠋ ᠳᠣᠣᠷᠠᠲᠤ ᠲᠠᠯᠠ ᠡᠴᠡ ᠪᠠᠷᠢᠵᠤ ᠦᠵᠡᠭᠡᠳ ᠢᠯᠵᠢᠷᠡᠵᠦ ᠡᠬᠢᠯᠡᠭᠰᠡᠨ ᠢ᠋ ᠮᠡᠳᠡᠵᠦ ᠶᠣᠵᠣᠲᠠᠢ ᠢᠨᠢᠶᠡᠮᠰᠦᠭᠯᠡᠭᠡᠳ ᠬᠠᠮᠠᠷ ᠢ᠋ᠶ᠋ᠠᠨ ᠰᠢᠨᠲᠠᠢᠯᠭᠠᠨ ᠰᠢᠩᠰᠢᠯᠡᠪᠡ᠃ ᠤᠳᠠᠭᠠᠨ ᠵᠢᠯ ᠳᠠᠷᠤᠭᠳᠠᠭᠰᠠᠨ ᠶᠠᠭᠤᠮᠠᠨ ᠤ᠋ ᠴᠢᠭᠢᠭ ᠳᠠᠭᠠᠭᠠᠭᠰᠠᠨ ᠬᠥᠭᠡᠴᠦ ᠶ᠋ᠢᠨ ᠦᠨᠦᠷ ᠬᠠᠮᠠᠷ ᠢ᠋ ᠨᠢ ᠬᠣᠷᠣᠰᠬᠠᠪᠠ᠃
ᠭᠡᠪᠡᠴᠦ ᠪᠠᠶᠠᠷᠬᠠᠵᠤ ᠪᠠᠢᠭᠠ ᠲᠠᠢᠵᠢ᠂ ᠪᠠᠶᠠᠨ ᠲᠠᠢᠵᠢ ᠶ᠋ᠢᠨ ᠬᠥᠷᠥᠩᠭᠡ ᠳ᠋ᠦ᠍ ᠬᠠᠴᠢᠷᠬᠠᠭᠰᠠᠨ ᠡᠷᠳᠡᠨᠢ ᠬᠣᠶᠠᠷ᠂ ᠢᠲᠡᠭᠡᠯᠲᠦ ᠶ᠋ᠢᠨ ᠡᠨᠡ ᠪᠠᠢᠳᠠᠯ ᠢ᠋ ᠠᠵᠢᠭᠯᠠᠭᠰᠠᠨ ᠦᠭᠡᠢ᠃
《ᠡᠨᠡ ᠪᠣᠯ ᠡᠴᠢᠭᠡ ᠶ᠋ᠢᠨ ᠮᠢᠨᠢ ᠦᠶᠡ ᠳ᠋ᠦ᠍ ᠬᠤᠷᠢᠶᠠᠭᠰᠠᠨ ᠲᠣᠷᠭᠠ᠂ ᠡᠨᠡ ᠪᠣᠯ ᠪᠢ ᠪᠡᠭᠡᠵᠢᠩ ᠡᠴᠡ ᠠᠪᠴᠢᠷᠠᠭᠰᠠᠨ ᠴᠢᠰᠴᠡᠦ᠂ ᠶᠠᠭ ᠯᠠ ᠰᠢᠷᠢ ᠰᠢᠭ᠂ ᠡᠨᠡ ᠪᠣᠯ ᠬᠡᠪᠢᠰ》 ᠭᠡᠬᠦ ᠵᠡᠷᠭᠡ ᠪᠡᠷ ᠶᠠᠷᠢᠵᠤ ᠪᠠᠢᠭᠠ ᠲᠠᠢᠵᠢ ᠶ᠋ᠢ ᠱᠣᠣᠯᠠᠵᠤ ᠶᠠᠪᠤᠭᠠ ᠢᠲᠡᠭᠡᠯᠲᠦ ᠶ᠋ᠢᠨ ᠵᠠᠯᠬᠠᠭᠤ ᠨᠢ ᠬᠦᠷᠴᠦ ᠬᠠᠶᠠ ᠬᠠᠶᠠ ᠡᠪᠰᠢᠶᠡᠨ ᠪᠠᠢᠬᠤ ᠶ᠋ᠢ ᠨᠢ ᠬᠠᠷᠠᠭᠠᠳ 《ᠮᠠᠨᠠᠢ ᠢᠲᠡᠭᠡᠯᠲᠦ ᠴᠦ᠍ ᠠᠷᠭᠠ ᠦᠭᠡᠢ ᠯᠡ ᠶᠠᠭᠤᠮᠠ ᠦᠵᠡᠭᠰᠡᠨ ᠬᠥᠮᠦᠨ ᠶᠤᠮ ᠳᠡ》 ᠭᠡᠵᠦ ᠡᠷᠳᠡᠨᠢ ᠪᠣᠳᠣᠪᠠ᠃ ᠢᠲᠡᠭᠡᠯᠲᠦ ᠲᠠᠢᠵᠢ ᠲᠠᠢ ᠨᠠᠮᠤᠷ ᠠᠪᠬᠤ ᠪᠠᠷ ᠲᠠᠪᠢᠨ ᠦᠬᠡᠷ ᠦ᠋ᠨ ᠮᠠᠢᠮᠠᠢ ᠬᠢᠵᠦ ᠳ᠋ᠢᠩᠴᠢᠶᠠᠨ ᠥᠭᠴᠡᠢ᠃ ᠢᠲᠡᠭᠡᠯᠲᠦ ᠶ᠋ᠢ ᠳ᠋ᠢᠩᠴᠢᠶᠠᠨ ᠳ᠋ᠤ᠌ ᠣᠷᠣᠰ ᠴᠠᠭᠠᠨ ᠥᠭᠬᠦ ᠳ᠋ᠦ᠍ 《ᠣᠷᠣᠰ ᠤ᠋ᠨ ᠲᠡᠢᠨ ᠤᠳᠠᠭᠠᠰᠢᠷᠠᠵᠤ ᠪᠠᠢᠭᠠ ᠪᠣᠯᠬᠣᠷ ᠴᠠᠭᠠᠰᠤ ᠨᠢ ᠮᠠᠭᠤᠳᠠᠬᠤ ᠦᠭᠡᠢ ᠪᠠᠢᠭᠠ ᠳᠠ》 ᠭᠡᠵᠦ ᠫᠦᠷᠪᠦ ᠲᠠᠢᠵᠢ ᠠᠰᠠᠭᠤᠬᠤ ᠳ᠋ᠤ᠌᠄
ᠪᠠᠭᠠᠲᠤᠷ ᠴᠠᠭᠠᠨ ᠬᠠᠭᠠᠨ ᠤ᠋ ᠮᠥᠩᠭᠥ ᠰᠢᠦ ᠳᠡ ᠭᠡᠵᠦ ᠢᠲᠡᠭᠡᠯᠲᠦ ᠶᠡᠬᠡᠮᠰᠦᠭ ᠬᠡᠯᠡᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠢᠲᠡᠭᠡᠯᠲᠦ ᠴᠢ ᠦᠯᠡᠳᠡᠭᠰᠡᠨ ᠢ᠋ ᠨᠢ ᠮᠥᠩᠭᠥ ᠪᠡᠷ ᠥᠭᠴᠦ ᠦᠵᠡᠭᠡᠷᠡᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠡᠷᠡ ᠦᠶᠡ ᠳ᠋ᠦ᠍ ᠯᠡ ᠪᠣᠯᠤᠨᠠ ᠳᠠ ᠭᠡᠳ ᠢᠲᠡᠭᠡᠯᠲᠦ ᠢᠨᠢᠶᠡᠵᠡᠢ᠃
ᠢᠲᠡᠭᠡᠯᠲᠦ ᠣᠷᠣᠰ᠂ ᠭᠧᠷᠮᠠᠨ ᠤ᠋ ᠲᠡᠢᠨ ᠤᠳᠠᠭᠠᠰᠢᠷᠠᠵᠤ ᠪᠠᠢᠭᠠ ᠶ᠋ᠢ ᠰᠣᠨᠣᠰᠤᠮᠠᠭᠴᠠ ᠬᠠᠳᠠᠭᠠᠯᠠᠵᠤ ᠪᠠᠢᠭᠰᠠᠨ ᠣᠷᠣᠰ ᠴᠠᠭᠠᠰᠤ ᠪᠠᠨ ᠵᠠᠷᠤᠵᠤ ᠳᠠᠭᠤᠰᠬᠠᠬᠤ ᠪᠠᠷ ᠮᠠᠢᠮᠠᠢ ᠬᠢᠵᠦ ᠡᠬᠢᠯᠡᠭᠰᠡᠨ ᠶᠤᠮ᠃ ᠲᠠᠢᠵᠢ ᠶ᠋ᠢᠨ ᠬᠢ ᠡᠴᠡ ᠮᠣᠷᠳᠠᠭᠠᠳ ᠵᠡᠷᠭᠡᠴᠡᠨ ᠶᠠᠪᠤᠵᠤ ᠪᠠᠢᠬᠤ ᠳ᠋ᠠᠭᠠᠨ 《ᠡᠨᠡ ᠬᠣᠷᠸᠠ ᠳᠡᠭᠡᠷᠡ ᠡᠢᠮᠦ ᠪᠠᠶᠠᠨ ᠬᠥᠮᠦᠨ ᠥᠭᠡᠷᠡ ᠪᠠᠢᠳᠠᠭ ᠪᠣᠯᠪᠠ ᠤᠤ? 》 ᠭᠡᠵᠦ ᠡᠷᠳᠡᠨᠢ ᠶ᠋ᠢᠨ ᠬᠡᠯᠡᠬᠦ ᠳ᠋ᠦ᠍ ᠢᠲᠡᠭᠡᠯᠲᠦ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠷᠳᠡᠨᠢ ᠮᠢᠨᠢ ᠶᠣᠰᠣᠲᠠᠢ ᠲᠡᠨᠡᠭ ᠬᠡᠷᠡᠭ᠃ ᠲᠡᠷᠡ ᠬᠤᠷᠢᠶᠠᠯᠲᠠ ᠲᠠᠢ ᠲᠣᠷᠭᠠᠨ ᠤ᠋ ᠳᠣᠣᠷᠠᠲᠤ ᠲᠠᠯᠠ ᠨᠢ ᠢᠯᠵᠢᠷᠡᠵᠦ ᠪᠠᠢᠨᠠ᠃ ᠭᠤᠯᠢᠷ ᠪᠤᠳᠠᠭᠠ ᠶ᠋ᠢ ᠣᠭᠣᠲᠣᠨᠠ ᠬᠤᠯᠤᠭᠠᠨᠠ ᠴᠣᠬᠢᠵᠤ ᠪᠠᠢᠭᠠ ᠳᠠ᠃ ᠬᠥᠷᠥᠩᠭᠡ ᠶ᠋ᠢ ᠦᠷᠭᠦᠯᠵᠢ ᠬᠥᠳᠡᠯᠭᠡᠵᠦ ᠪᠠᠢᠬᠤ ᠦᠭᠡᠢ ᠪᠣᠯ ᠥᠮᠥᠬᠢᠷᠡᠵᠦ ᠢᠯᠵᠢᠷᠡᠳᠡᠭ᠃ ᠰᠣᠬᠣᠷ ᠵᠣᠭᠣᠰ ᠢ᠋ ᠴᠦ᠍ ᠰᠡᠭᠰᠦᠷᠴᠦ ᠪᠠᠢᠪᠠᠯ ᠲᠥᠯ ᠥᠭᠳᠡᠭ ᠶᠤᠮ ᠰᠢᠦ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠡᠭᠡᠷᠡᠨ ᠴᠦ᠍ ᠲᠡᠢᠮᠦ ᠪᠠᠢᠬᠠ ᠳᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠡᠢᠮᠦ ᠪᠡᠷ ᠪᠠᠷᠠᠬᠤ ᠤᠤ ᠳᠠ᠃ ᠡᠬᠡᠨᠡᠷ ᠢ᠋ᠶ᠋ᠡᠨ ᠴᠦ᠍ ᠪᠣᠯᠤᠭᠰᠠᠨ ᠬᠠᠢᠷᠠᠯᠠᠯ ᠦᠭᠡᠢ ᠬᠤᠳᠠᠯᠳᠤᠵᠤ ᠪᠠᠢᠮᠠᠨᠵᠢᠨ ᠶᠠᠭᠤᠮᠠ ᠣᠯᠳᠠᠭ ᠶᠤᠮ ᠰᠢᠦ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠡᠷᠡ ᠴᠦ᠍ ᠠᠷᠠᠢ ᠬᠡᠲᠦᠷᠡᠭᠦᠯᠵᠦ ᠪᠠᠢᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠠᠭᠠᠳ ᠦᠭᠡᠢ᠁ ᠶᠡᠷᠦᠨᠢ ᠯᠡ ᠮᠠᠢᠮᠠᠢ ᠶ᠋ᠢᠨ ᠲᠥᠷᠥ ᠲᠡᠢᠮᠦᠷᠬᠦᠦ ᠪᠠᠢᠳᠠᠭ ᠶᠤᠮ᠃
ᠫᠦᠷᠪᠦ ᠲᠠᠢᠵᠢ ᠮᠡᠲᠦ ᠶ᠋ᠢᠨ ᠶᠠᠭᠤᠮᠠ ᠴᠤᠭᠯᠠᠭᠤᠯᠵᠤ ᠬᠠᠪ ᠳᠠᠷᠤᠭᠰᠠᠨ ᠪᠠᠶᠠᠴᠤᠳ ᠢ᠋ ᠢᠲᠡᠭᠡᠯᠲᠦ ᠱᠣᠣᠯᠠᠨ 《ᠰᠣᠬᠣᠷ ᠨᠣᠮᠣᠨ》᠂ 《ᠲᠡᠩᠬᠡᠯ ᠦᠭᠡᠢ ᠬᠥᠭᠰᠢᠨ ᠤᠬᠤᠨᠠ》 ᠭᠡᠬᠦ ᠵᠡᠷᠭᠡ ᠨᠡᠷᠡ ᠬᠣᠴᠢ ᠥᠭᠳᠡᠭ ᠶᠤᠮ᠃
ᠥᠪᠡᠷ ᠦ᠋ᠨ ᠬᠤᠪᠢ ᠳ᠋ᠤᠨᠢ ᠪᠣᠯ ᠠᠰᠢᠭ ᠣᠯᠪᠠᠯ ᠬᠠᠢᠷᠠᠯᠠᠬᠤ ᠶᠠᠭᠤᠮᠠ ᠪᠠᠢᠳᠠᠭ ᠦᠭᠡᠢ᠃ ᠡᠴᠢᠭᠡ ᠨᠢ ᠦᠬᠦᠬᠦ ᠳ᠋ᠡᠭᠡᠨ 《ᠭᠤᠷᠪᠠᠨ ᠦᠶᠡ ᠵᠡᠭᠦᠭᠰᠡᠨ ᠶᠠᠭᠤᠮᠠ ᠰᠢᠦ᠃ ᠴᠢ ᠳᠥᠷᠪᠡᠳᠡᠬᠢ ᠨᠢ᠂ ᠬᠠᠢᠷᠠᠯᠠᠵᠤ ᠶᠠᠪᠤᠭᠠᠷᠠᠢ ᠬᠦᠦ ᠮᠢᠨᠢ》 ᠭᠡᠵᠦ ᠦᠭᠭᠦᠭᠰᠡᠨ ᠬᠢᠲᠤᠭᠠ ᠶ᠋ᠢ ᠯᠠᠮᠠ ᠶ᠋ᠢᠨ ᠭᠡᠭᠡᠨ ᠦ᠌ ᠳᠣᠭᠰᠢᠨ ᠳᠦᠷᠢ ᠶ᠋ᠢᠨ ᠷᠢᠳᠢ ᠰᠢᠳᠢ ᠲᠡᠢ ᠵᠡᠪᠰᠡᠭ ᠭᠡᠵᠦ ᠶᠡᠬᠡ ᠦᠨᠡ ᠬᠦᠷᠭᠡᠭᠡᠳ ᠥᠭᠬᠦ ᠳ᠋ᠡᠭᠡᠨ 《ᠬᠠᠢᠷᠠᠨ ᠶᠠᠭᠤᠮᠠ》 ᠭᠡᠵᠦ ᠪᠣᠳᠣᠭᠠ ᠦᠭᠡᠢ ᠪᠥᠭᠡᠳ ᠬᠠᠷᠢᠨ ᠣᠳᠣ ᠬᠦᠷᠲᠡᠯᠡ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠬᠢᠭᠰᠡᠨ ᠬᠠᠮᠤᠭ ᠤ᠋ᠨ ᠵᠥᠪ ᠶᠠᠭᠤᠮᠠ ᠭᠡᠵᠦ ᠪᠣᠳᠣᠨ ᠴᠢᠳᠠᠯ ᠤᠬᠠᠭᠠᠨ ᠳ᠋ᠠᠭᠠᠨ ᠪᠠᠬᠠᠷᠬᠠᠵᠤ ᠶᠠᠪᠤᠳᠠᠭ ᠶᠤᠮ᠃
ᠫᠦᠷᠪᠦ ᠲᠠᠢᠵᠢ ᠶ᠋ᠢ ᠬᠥᠳᠡᠭᠡ ᠭᠡᠷ ᠲᠡᠭᠡᠨ ᠢᠷᠡᠬᠦ ᠳ᠋ᠦ᠍ ᠰᠢᠨᠡ ᠠᠪᠤᠭᠰᠠᠨ ᠵᠠᠯᠠᠭᠤ ᠡᠬᠡᠨᠡᠷ ᠨᠢ ᠡᠵᠡᠭᠦᠢ ᠪᠠᠢᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠠᠲᠤᠨ ᠬᠠᠮᠢᠭᠠ ᠣᠴᠢᠪᠠ ᠭᠡᠵᠦ ᠲᠠᠢᠵᠢ ᠵᠠᠷᠤᠴᠠ ᠨᠠᠷ ᠡᠴᠡ ᠪᠡᠨ ᠠᠰᠠᠭᠤᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠥᠷᠯᠥᠭᠡ ᠮᠣᠷᠢ ᠪᠠᠷᠢᠭᠤᠯᠵᠤ ᠤᠨᠤᠭᠠᠳ ᠶᠠᠪᠤᠭᠰᠠᠨ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠠᠮᠢᠭᠠᠰᠢ ᠪᠠᠨ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠣᠣᠯ ᠥᠭᠰᠥᠭᠡᠳ ᠶᠠᠪᠤᠭᠰᠠᠨ᠃
ᠪᠣᠭᠳᠠ ᠶ᠋ᠢᠨ ᠵᠠᠷᠯᠢᠭ ᠢ᠋ᠶ᠋ᠠᠷ ᠫᠦᠷᠪᠦ ᠲᠠᠢᠵᠢ ᠶ᠋ᠢᠨ ᠡᠬᠡᠨᠡᠷ ᠪᠣᠯᠬᠤ ᠳ᠋ᠠᠭᠠᠨ ᠲᠤᠶᠠᠭᠠ ᠬᠡᠦᠬᠡᠨ ᠦ᠌ ᠵᠢᠷᠦᠬᠡ ᠨᠢ ᠬᠥᠭᠰᠢᠨ ᠲᠠᠢᠵᠢ ᠳ᠋ᠤ᠌ ᠳᠤᠷᠠ ᠦᠭᠡᠢ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠲᠡᠷᠡ ᠨᠢᠭᠦᠯᠲᠦ ᠵᠢᠷᠦᠬᠡ ᠶ᠋ᠢ ᠪᠢᠰᠢᠷᠡᠯ ᠢ᠋ᠶ᠋ᠡᠷ ᠢᠯᠠᠬᠤ ᠭᠡᠵᠦ ᠶᠡᠬᠡ ᠬᠦᠴᠦ ᠭᠠᠷᠭᠠᠯᠠ᠃ ᠭᠡᠪᠡᠴᠦ ᠬᠣᠷᠸᠠ ᠶ᠋ᠢᠨ ᠬᠠᠷᠠ ᠨᠢᠭᠦᠯ ᠪᠤᠴᠠᠯᠤᠭᠰᠠᠨ ᠵᠢᠷᠦᠬᠡ ᠪᠣᠯ ᠨᠣᠭᠲᠣᠯᠠᠵᠤ ᠠᠪᠤᠭᠠᠳ ᠤᠶᠠᠵᠤ ᠣᠷᠬᠢᠳᠠᠭ ᠨᠣᠮᠣᠬᠠᠨ ᠮᠣᠷᠢ ᠪᠢᠰᠢ ᠪᠣᠯᠬᠣᠷ ᠶᠠᠭᠤᠨ ᠳ᠋ᠤ᠌ ᠲᠡᠢᠮᠦ ᠠᠮᠠᠷᠬᠠᠨ ᠢᠯᠠᠭᠳᠠᠬᠤ ᠪᠢᠯᠡ᠃ ᠰᠡᠳᠬᠢᠯ ᠪᠢᠰᠢᠷᠡᠯ ᠬᠣᠶᠠᠷ ᠤ᠋ᠨ ᠳᠤᠮᠳᠠ ᠨᠢᠭᠦᠯ ᠪᠤᠶᠠᠨ ᠤ᠋ ᠲᠡᠢᠨ ᠵᠣᠭᠰᠣᠭᠠ ᠵᠢᠯᠣᠭᠣ ᠦᠭᠡᠢ ᠪᠣᠯᠵᠤ ᠲᠤᠶᠠᠭᠠ ᠬᠡᠦᠬᠡᠨ ᠦ᠌ ᠡᠮᠦᠨᠡᠬᠢ ᠠᠮᠢᠳᠤᠷᠠᠯ ᠤ᠋ᠨ ᠵᠠᠮ ᠪᠥᠭᠡᠮ ᠪᠥᠭᠡᠮ ᠢ᠋ᠶ᠋ᠡᠷ ᠢᠯᠵᠢᠷᠡᠨ ᠲᠠᠰᠤᠷᠠᠵᠤ ᠪᠠᠢᠪᠠ᠃ ᠭᠡᠲᠡᠯᠡ ᠪᠠᠰᠠ ᠯᠠ ᠰᠢᠨᠡ ᠭᠠᠮᠰᠢᠭ ᠳᠠᠭᠠᠷᠢᠪᠠ᠃ ᠪᠣᠭᠳᠠ ᠶ᠋ᠢᠨ ᠣᠷᠳᠣᠨ ᠳ᠋ᠤ᠌ ᠬᠡᠳᠦ ᠳᠠᠬᠢᠨ ᠣᠴᠢᠬᠤ ᠳ᠋ᠠᠭᠠᠨ ᠳᠡᠭᠡᠳᠦᠰ ᠡᠴᠡ ᠠᠪᠤᠭᠰᠠᠨ ᠮᠠᠭᠤ ᠡᠪᠡᠳᠴᠢᠨ ᠨᠢ ᠢᠯᠡᠷᠡᠪᠡ᠃ ᠡᠨᠡ ᠡᠪᠡᠳᠴᠢᠨ ᠦ᠌ ᠡᠭᠦᠷ ᠪᠣᠯᠤᠭᠰᠠᠨ ᠢ᠋ᠶ᠋ᠠᠨ ᠲᠠᠢᠵᠢ ᠳ᠋ᠤ᠌ ᠮᠡᠳᠡᠭᠳᠡᠬᠦ ᠦᠭᠡᠢ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠬᠡᠦᠬᠡᠨ ᠦ᠌ ᠪᠡᠶᠡ ᠡᠳᠦᠷ ᠥᠩᠭᠡᠷᠡᠬᠦ ᠳᠣᠳᠣᠮ ᠢᠯᠠᠭᠳᠠᠵᠤ ᠰᠡᠭᠦᠯ ᠳ᠋ᠡᠭᠡᠨ ᠠᠯᠬᠤᠬᠤ ᠭᠢᠰᠬᠢᠬᠦ ᠳ᠋ᠦ᠍ᠨᠢ ᠮᠡᠳᠡᠭᠳᠡᠨ ᠰᠢᠨᠠᠯᠬᠤ ᠪᠣᠯᠪᠠ᠃ ᠭᠡᠬᠦ ᠳ᠋ᠡᠭᠡᠨ ᠲᠤᠶᠠᠭᠠ ᠬᠡᠦᠬᠡᠨ ᠡᠨᠡ ᠵᠣᠪᠠᠯᠠᠩ ᠢ᠋ ᠪᠣᠭᠳᠠ ᠡᠴᠡ ᠠᠪᠤᠭᠰᠠᠨ ᠭᠡᠵᠦ ᠶᠠᠭᠠᠬᠢᠵᠤ ᠪᠣᠳᠣᠬᠤ ᠪᠢᠯᠡ᠃ ᠬᠠᠷᠢᠨ ᠪᠤᠵᠠᠷ ᠵᠢᠷᠦᠬᠡ ᠶ᠋ᠢᠨ ᠨᠢᠭᠦᠯ ᠨᠡᠪᠲᠡᠷᠡᠵᠦ ᠪᠠᠢᠨᠠ ᠭᠡᠵᠦ ᠭᠡᠮᠰᠢᠨ ᠪᠤᠷᠬᠠᠨ ᠰᠠᠬᠢᠭᠤᠯᠰᠤᠨ ᠳ᠋ᠤ᠌ ᠮᠥᠷᠭᠥᠪᠡᠴᠦ ᠲᠤᠰᠠ ᠪᠣᠯᠤᠭᠰᠠᠨ ᠦᠭᠡᠢ᠃ ᠢᠩᠭᠢᠭᠡᠳ ᠨᠡᠮᠡᠭᠳᠡᠨ ᠢᠷᠡᠬᠦ ᠨᠢᠭᠦᠯ ᠡᠴᠡ ᠠᠶᠤᠭᠰᠠᠨ ᠲᠡᠷᠡ ᠬᠡᠦᠬᠡᠨ ᠬᠢᠯᠢᠨᠴᠡᠲᠦ ᠶᠢᠷᠲᠢᠨᠴᠦ ᠡᠴᠡ ᠰᠠᠯᠬᠤ ᠪᠠᠷ ᠲᠠᠮᠢᠷ ᠤ᠋ᠨ ᠭᠣᠣᠯ ᠢ᠋ ᠥᠭᠰᠥᠨ ᠶᠠᠪᠤᠵᠠᠢ᠃
ᠲᠠᠢᠵᠢ ᠬᠣᠭᠣᠯᠠ ᠢᠳᠡᠵᠦ᠂ ᠠᠷᠢᠬᠢ ᠤᠤᠭᠤᠵᠤ ᠠᠪᠤᠭᠠᠳ ᠭᠡᠷ ᠡᠴᠡ ᠪᠡᠨ ᠭᠠᠷᠤᠯᠠ᠃
ᠬᠣᠲᠠᠨ ᠤ᠋ ᠪᠦᠰᠡᠭᠦᠢᠴᠦᠳ ᠦᠨᠢᠶᠡ ᠰᠠᠭᠠᠬᠤ ᠠᠵᠢᠯ ᠳ᠋ᠠᠭᠠᠨ ᠢᠳᠡ ᠣᠷᠣᠭᠠᠳ᠂ ᠡᠨᠳᠡ ᠲᠡᠨᠳᠡ ᠦᠭᠡᠢ ᠮᠠᠢ ᠲᠠᠯᠪᠢᠭᠰᠠᠨ ᠪᠠᠢᠯᠠ᠃ ᠭᠠᠯᠠᠭᠤ ᠶ᠋ᠢᠨ ᠴᠤᠪᠤᠭᠠ ᠰᠢᠭ᠋ ᠵᠡᠯᠡᠯᠡᠭᠦᠯᠦᠨ ᠤᠶᠠᠭᠰᠠᠨ ᠵᠠᠭᠤ ᠰᠢᠬᠠᠮ ᠲᠤᠭᠤᠯ ᠨᠢᠳᠦᠨ ᠳ᠋ᠦ᠍ᠨᠢ ᠲᠣᠰᠴᠤ ᠲᠠᠢᠵᠢ ᠶ᠋ᠢᠨ ᠰᠡᠳᠬᠢᠯ ᠢ᠋ ᠪᠠᠶᠠᠷᠯᠠᠭᠤᠯᠪᠠ᠃ ᠢᠩᠭᠢᠵᠦ ᠪᠠᠢᠲᠠᠯᠠ ᠠᠮᠠ ᠤᠷᠤᠭᠤᠳᠠᠨ ᠬᠡᠭᠡᠷ ᠮᠣᠷᠢ ᠲᠠᠢ ᠬᠥᠮᠦᠨ ᠬᠤᠷᠳᠤᠯᠠᠨ ᠳᠠᠪᠬᠢᠵᠤ ᠢᠷᠡᠭᠡᠳ ᠲᠠᠢᠵᠢ ᠶ᠋ᠢ ᠬᠠᠷᠠᠮᠠᠭᠴᠠ ᠳᠡᠷᠭᠡᠳᠡ ᠨᠢ ᠢᠷᠡᠵᠦ ᠮᠣᠷᠢᠨ ᠡᠴᠡ ᠦᠰᠦᠷᠦᠨ ᠪᠠᠭᠤᠵᠤ 《ᠲᠠᠢᠵᠢ ᠭᠤᠸᠠᠢ ᠮᠢᠨᠢ᠂ ᠮᠠᠭᠤᠬᠠᠢ ᠶᠠᠭᠤᠮᠠ ᠪᠣᠯᠤᠯᠠ᠂ ᠶᠠᠭᠠᠬᠢᠳᠠᠭ ᠪᠢᠯᠡ》 ᠭᠡᠵᠦ ᠠᠮᠢᠰᠬᠤᠭᠠᠳᠠᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠤ ᠪᠣᠯᠪᠠ? ᠭᠡᠵᠦ ᠲᠠᠢᠵᠢ ᠵᠠᠩᠳᠤᠷᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠠᠲᠤᠭᠲᠠᠢ ᠪᠤᠷᠬᠠᠨ ᠪᠣᠯᠴᠢᠬᠠᠭᠰᠠᠨ ᠪᠠᠢᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠤ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠠᠲᠤᠭᠲᠠᠢ ᠪᠤᠷᠬᠠᠨ ᠪᠣᠯᠴᠢᠬᠠᠭᠰᠠᠨ ᠪᠠᠢᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠤᠶᠠᠭᠠ ᠤᠤ ᠳᠠ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ ᠲᠡᠢᠮᠦ᠃ ᠶᠡᠬᠡ ᠡᠷᠭᠢᠨ ᠦ᠌ ᠴᠦᠩᠬᠦᠯ ᠳ᠋ᠦ᠍ ᠤᠨᠠᠭᠰᠠᠨ ᠪᠠᠢᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠦᠭᠡᠢ᠂ ᠲᠡᠷᠡ ᠴᠢᠨᠢ ᠶᠠᠭᠠᠬᠢᠳᠠᠭ ᠬᠥᠮᠦᠨ ᠪᠣᠢ? ᠵᠣᠯᠢᠭ ᠶᠠᠭᠤᠮᠠ ᠪᠣᠯᠪᠠ ᠠ᠋ ᠁
ᠲᠠᠢᠵᠢ ᠬᠣᠲᠠ ᠪᠠᠷ ᠪᠥᠭᠡᠮ ᠱᠤᠤᠭᠢᠶᠠᠨ ᠳᠡᠭᠳᠡᠵᠦ᠂ ᠲᠤᠶᠠᠭᠠ ᠶ᠋ᠢᠨ ᠬᠡᠭᠦᠷ ᠢ᠋ ᠮᠣᠷᠢᠨ ᠲᠡᠷᠭᠡ ᠪᠡᠷ ᠠᠪᠴᠢᠷᠠᠭᠤᠯᠪᠠ᠃ ᠰᠣᠬᠣᠷ ᠢᠲᠡᠭᠡᠯ ᠳ᠋ᠦ᠍ ᠪᠠᠵᠠᠭᠳᠠᠭᠰᠠᠨ ᠬᠥᠭᠡᠷᠦᠬᠦᠢ ᠡᠮᠡᠭᠲᠡᠢ ᠲᠤᠩᠭᠠᠯᠠᠭ ᠲᠠᠮᠢᠷ ᠤ᠋ᠨ ᠤᠰᠤᠨ ᠳ᠋ᠤ᠌ ᠤᠨᠠᠵᠤ ᠶᠢᠷᠲᠢᠨᠴᠦ ᠶ᠋ᠢᠨ ᠬᠠᠷᠠ ᠵᠣᠪᠠᠯᠠᠩ ᠡᠴᠡ ᠠᠩᠭᠢᠵᠢᠷᠠᠵᠠᠢ᠃
ᠨᠢᠭᠡ ᠲᠤᠶᠠᠭᠠ ᠶ᠋ᠢ ᠪᠠᠢᠲᠤᠭᠠᠢ ᠮᠢᠩᠭᠠᠨ ᠲᠤᠶᠠᠭᠠ ᠶ᠋ᠢ ᠰᠢᠩᠭᠡᠭᠡᠵᠦ ᠴᠢᠳᠠᠬᠤ ᠲᠠᠮᠢᠷ ᠤ᠋ᠨ ᠭᠣᠣᠯ ᠶᠠᠭᠤ ᠴᠤ᠌ ᠪᠣᠯᠤᠭᠠ ᠦᠭᠡᠢ ᠶᠤᠮ ᠰᠢᠭ ᠢᠷᠠᠯᠵᠠᠨ ᠤᠷᠤᠰᠴᠤ ᠤᠰᠤᠨ ᠳ᠋ᠤᠨᠢ ᠴᠤ᠌ ᠭᠡᠰᠡᠨ᠂ ᠡᠷᠭᠢ ᠳᠡᠭᠡᠷᠡ ᠡᠴᠡ ᠨᠢ ᠴᠦ᠍ ᠭᠡᠰᠡᠨ ᠬᠦᠴᠦ ᠦᠭᠡᠢ ᠨᠢ ᠬᠦᠴᠦ ᠲᠡᠢ ᠶ᠋ᠢᠨ ᠢ᠋ᠶ᠋ᠡᠨ ᠬᠣᠭᠣᠯᠠ ᠪᠣᠯᠤᠭᠰᠠᠨ ᠠᠮᠢᠳᠤᠷᠠᠯ ᠤᠷᠤᠰᠤᠨ ᠳᠣᠯᠭᠢᠯᠠᠵᠤ ᠪᠠᠢᠯᠠ᠃
ᠲᠤᠶᠠᠭᠠ ᠶ᠋ᠢᠨ ᠬᠡᠭᠦᠷ ᠢ᠋ ᠲᠠᠢᠵᠢ ᠭᠡᠷ ᠲᠡᠭᠡᠨ ᠣᠷᠣᠭᠤᠯᠤᠭᠰᠠᠨ ᠦᠭᠡᠢ᠃ ᠬᠠᠷᠢᠨ ᠢᠯᠡᠭᠦᠦ ᠭᠡᠷ ᠲᠡᠭᠡᠨ ᠬᠣᠨᠣᠭᠤᠯᠤᠭᠠᠳ ᠥᠷᠯᠥᠭᠡ ᠡᠷᠲᠡ ᠵᠠᠷᠤᠴᠠ ᠨᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠨᠤᠲᠤᠭᠯᠠᠭᠤᠯᠪᠠ᠃ ᠵᠠᠭᠤᠷᠠᠳᠤ ᠪᠠᠷ ᠦᠬᠦᠭᠰᠡᠨ ᠬᠥᠮᠦᠨ ᠦ᠌ ᠰᠦᠨᠡᠰᠦ ᠴᠢᠳᠬᠥᠷ ᠪᠣᠯᠤᠭᠠᠳ ᠡᠷᠭᠢᠵᠦ ᠢᠷᠡᠳᠡᠭ ᠭᠡᠵᠦ ᠶᠠᠷᠢᠳᠠᠭ ᠡᠴᠡ ᠠᠶᠤᠵᠤ ᠬᠠᠨ ᠥᠨᠳᠥᠷ ᠦ᠋ᠨ ᠬᠦᠷᠢᠶᠡᠨ ᠡᠴᠡ ᠯᠠᠮᠠ ᠵᠠᠯᠠᠵᠤ ᠭᠦᠷᠢᠮ ᠬᠢᠯᠭᠡᠵᠦ᠂ ᠲᠤᠶᠠᠭᠠ ᠬᠡᠦᠬᠡᠨ ᠦ᠌ ᠪᠣᠳᠢ ᠶ᠋ᠢ ᠨᠡᠷᠡᠲᠡᠢ ᠯᠠᠮᠠ ᠪᠠᠷ ᠬᠥᠲᠥᠯᠦᠭᠦᠯᠪᠡ᠃
ᠡᠷᠡ ᠬᠥᠮᠦᠨ ᠡᠷᠦᠬᠡ ᠪᠡᠨ ᠪᠦᠲᠡᠭᠡᠵᠦ ᠶᠠᠪᠤᠬᠤ ᠳ᠋ᠠᠭᠠᠨ ᠬᠡᠨ ᠢ᠋ ᠠᠪᠬᠤ ᠪᠠᠨ ᠪᠣᠳᠣᠳᠠᠭ ᠭᠡᠵᠦ ᠶᠠᠷᠢᠳᠠᠭ ᠨᠢ ᠫᠦᠷᠪᠦ ᠲᠠᠢᠵᠢ ᠮᠡᠲᠦ ᠶ᠋ᠢᠨ ᠬᠥᠮᠦᠰ ᠦ᠋ᠨ ᠲᠤᠬᠠᠢ ᠬᠡᠯᠡᠭᠰᠡᠨ ᠪᠣᠯᠤᠯᠲᠠᠢ᠃ ᠪᠠᠷᠤᠭ ᠯᠠ 《ᠬᠠᠲᠤᠭᠲᠠᠢ ᠪᠤᠷᠬᠠᠨ ᠪᠣᠯᠴᠢᠬᠠᠭᠰᠠᠨ ᠪᠠᠢᠨᠠ》 ᠭᠡᠰᠡᠨ ᠦᠭᠡ ᠶ᠋ᠢ ᠰᠣᠨᠣᠰᠤᠮᠠᠭᠴᠠ 《ᠡᠢᠮᠦ ᠵᠣᠯᠢᠭ ᠰᠢᠭ᠋ ᠶᠠᠭᠤᠮᠠ ᠪᠣᠯᠬᠤ ᠭᠡᠵᠦ ᠁ ᠶᠠᠮᠠᠷ ᠡᠬᠡᠨᠡᠷ ᠣᠯᠵᠤ ᠠᠪᠳᠠᠭ ᠪᠢᠯᠡ》 ᠭᠡᠵᠦ ᠪᠣᠳᠣᠭᠰᠠᠨ ᠲᠠᠢᠵᠢ ᠬᠡᠨ ᠢ᠋ ᠠᠪᠬᠤ ᠪᠠᠨ ᠪᠣᠳᠣᠭᠰᠠᠭᠠᠷ ᠲᠤᠶᠠᠭᠠ ᠬᠡᠦᠬᠡᠨ ᠢ᠋ ᠠᠮᠠᠷᠬᠠᠨ ᠮᠠᠷᠲᠠᠵᠠᠢ᠃
ᠬᠠᠩᠭᠠᠢ ᠭᠡᠷ ᠲᠦ᠍ ᠫᠦᠷᠪᠦ ᠲᠠᠢᠵᠢ ᠪᠠᠢᠲᠤᠭᠠᠢ ᠬᠦᠴᠦ ᠵᠣᠷᠢᠭ ᠲᠡᠭᠦᠯᠳᠡᠷ ᠡᠷᠡ ᠤᠨᠲᠠᠬᠤ ᠳ᠋ᠤ᠌ ᠠᠶᠤᠮᠰᠢᠭ ᠲᠠᠢ ᠪᠠᠢᠳᠠᠭ ᠪᠣᠯᠬᠣᠷ ᠲᠠᠢᠵᠢ ᠰᠥᠨᠢ ᠪᠦᠬᠦᠨ ᠵᠠᠷᠤᠴᠠ ᠨᠠᠷ ᠡᠴᠡ ᠪᠡᠨ ᠪᠦᠯᠡᠬᠡ ᠴᠢᠳᠠᠯ ᠲᠠᠢ ᠵᠠᠯᠠᠭᠤ ᠡᠷᠡ ᠶ᠋ᠢ ᠤᠨᠲᠠᠭᠤᠯᠳᠠᠭ ᠪᠣᠯᠵᠠᠢ᠃
ᠨᠢᠭᠡ ᠰᠥᠨᠢ ᠲᠠᠢᠵᠢ ᠶ᠋ᠢᠨ ᠨᠣᠢᠷ ᠬᠤᠯᠵᠢᠭᠠᠳ᠂ ᠣᠢᠷᠠ ᠬᠠᠪᠢ ᠶ᠋ᠢᠨ ᠣᠯᠢᠭ ᠲᠠᠢ ᠴᠢᠷᠠᠢ ᠵᠢᠰᠦ ᠲᠡᠢ ᠪᠦᠰᠡᠭᠦᠢᠴᠦᠳ ᠢ᠋ ᠪᠦᠷᠢᠳᠬᠡᠨ ᠬᠡᠪᠲᠡᠵᠦ ᠪᠠᠢᠲᠠᠯᠠ ᠨᠣᠬᠠᠢ ᠨᠢ ᠬᠤᠴᠠᠵᠤ ᠤᠳᠠᠯ ᠦᠭᠡᠢ ᠮᠣᠷᠢᠨ ᠲᠦᠪᠡᠷᠭᠡᠨ ᠰᠣᠨᠣᠰᠤᠭᠳᠠᠵᠤ ᠭᠡᠷ ᠦ᠋ᠨ ᠪᠠᠷᠠᠭᠤᠨ ᠲᠠᠯᠠ ᠳ᠋ᠤ᠌ ᠮᠣᠷᠢ ᠲᠠᠢ ᠬᠥᠮᠦᠨ ᠢᠷᠡᠭᠡᠳ ᠪᠠᠭᠤᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠥᠮᠦᠨ ᠢᠷᠡᠯᠡ᠂ ᠰᠡᠷᠢᠭᠡᠴᠢ!
ᠲᠠᠢᠵᠢ ᠶ᠋ᠢ ᠮᠠᠨᠠᠵᠤ ᠬᠣᠨᠣᠭᠰᠠᠨ ᠵᠠᠯᠠᠭᠤ ᠡᠷᠡ ᠰᠣᠴᠢᠨ ᠥᠨᠳᠡᠢᠪᠡ᠃ ᠢᠰᠡᠭᠡᠢ ᠡᠭᠦᠳᠡ ᠰᠡᠬᠦᠭᠳᠡᠵᠦ᠂ ᠲᠣᠮᠣ ᠮᠥᠩᠭᠥᠨ ᠴᠥᠭᠥᠴᠡ ᠲᠡᠢ ᠮᠥᠩᠬᠡ ᠵᠤᠯᠠ ᠶ᠋ᠢᠨ ᠭᠡᠷᠡᠯ ᠳ᠋ᠦ᠍ ᠪᠠᠷᠠᠭᠠᠨ ᠳᠡᠪᠡᠯ ᠲᠡᠢ ᠬᠠᠩᠬᠠᠷ ᠬᠥᠮᠦᠨ ᠣᠷᠣᠵᠤ ᠢᠷᠡᠭᠡᠳ ᠡᠰᠢ ᠳᠠᠰᠢ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠲᠠᠢᠵᠢ ᠤᠷᠤᠭᠤ ᠰᠢᠭᠤᠳ ᠢᠷᠡᠯᠡ᠃
ᠲᠠᠢᠵᠢ 《ᠠ᠋ ᠪᠤᠷᠬᠠᠨ ᠮᠢᠨᠢ!》 ᠭᠡᠵᠦ ᠬᠠᠰᠬᠢᠷᠤᠭᠠᠳ ᠨᠢᠴᠦᠭᠦᠨ ᠪᠣᠰᠴᠤ ᠪᠤᠷᠬᠠᠨ ᠤᠷᠤᠭᠤ ᠪᠠᠨ ᠭᠦᠶᠦᠬᠦ ᠵᠠᠭᠤᠷᠠ ᠪᠠᠨ ᠮᠠᠨᠠᠵᠤ ᠬᠣᠨᠣᠭᠰᠠᠨ ᠵᠠᠯᠠᠭᠤ ᠳ᠋ᠠᠭᠠᠨ 《ᠪᠠᠷᠢᠭᠠᠴᠢ᠂ ᠪᠤᠰᠢᠭᠤ!》 ᠭᠡᠵᠦ ᠬᠠᠰᠬᠢᠷᠪᠠ᠃
ᠵᠠᠯᠠᠭᠤ ᠤᠬᠤᠰᠬᠢᠨ ᠣᠴᠢᠲᠠᠯᠠ ᠮᠤᠨᠳᠠᠭ ᠡᠷᠡ ᠬᠦᠴᠦ ᠲᠡᠢ ᠲᠦᠯᠬᠢᠵᠦ ᠲᠤᠯᠭᠠ ᠳᠠᠪᠠᠭᠤᠯᠤᠨ ᠤᠨᠠᠭᠠᠭᠠᠳ ᠲᠠᠢᠵᠢ ᠶ᠋ᠢᠨ ᠰᠢᠯᠢᠨ ᠳᠡᠭᠡᠷᠡ ᠡᠴᠡ ᠪᠠᠷᠢᠵᠤ ᠠᠪᠤᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠥᠴᠦᠬᠡᠨ ᠬᠥᠮᠦᠨ ᠦ᠌ ᠠᠮᠢ ᠥᠷᠥᠰᠢᠶᠡ ᠭᠡᠵᠦ ᠶᠠᠮᠠᠷ ᠴᠤ᠌ ᠬᠥᠭ ᠦᠭᠡᠢ ᠵᠢᠪᠡᠬᠡᠢ ᠬᠦᠢᠲᠡᠨ ᠳᠠᠭᠤ ᠪᠠᠷ ᠲᠠᠢᠵᠢ ᠪᠦᠪᠦᠲᠦᠨᠡᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠥᠯᠵᠡᠢ ᠶ᠋ᠢ ᠳᠠᠷᠤᠯᠠᠪᠠᠯ ᠶᠠᠭᠠᠬᠢᠨᠠ ᠭᠡᠰᠡᠨ ᠪᠢᠯᠡ ᠭᠡᠵᠦ ᠲᠡᠮᠦᠷ ᠪᠦᠳᠦᠭᠦᠨ ᠠᠷᠭᠢᠯ ᠳᠠᠭᠤ ᠪᠠᠷ ᠬᠡᠯᠡᠪᠡ᠃ ᠲᠠᠢᠵᠢ ᠠᠯᠠᠭᠠ ᠪᠠᠨ ᠬᠠᠪᠰᠤᠷᠤᠨ ᠨᠢᠳᠦ ᠪᠡᠨ ᠴᠠᠭᠠᠷᠢᠠᠠᠯᠠᠭᠤᠯᠤᠨ ᠭᠥᠯᠢᠯᠵᠡᠵᠦ᠂ ᠰᠢᠯᠦᠰᠦ ᠪᠡᠨ ᠰᠤᠯᠠ ᠪᠣᠯᠤᠭᠰᠠᠨ ᠡᠷᠡᠦ ᠤᠷᠤᠭᠤ ᠪᠠᠨ ᠰᠠᠪᠢᠷᠠᠭᠤᠯᠤᠨ᠄ 《ᠠᠮᠢ ᠥᠷᠥᠰᠢᠶᠡ!》 ᠭᠡᠬᠦ ᠡᠴᠡ ᠥᠭᠡᠷᠡ ᠦᠭᠡ ᠳᠤᠤᠭᠠᠷᠴᠤ ᠡᠰᠡ ᠴᠢᠳᠠᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢᠮᠢ᠋ᠢ ᠬᠦᠯᠢᠵᠦ ᠠᠪᠠᠴᠢᠭᠠᠳ ᠬᠥᠮᠦᠨ ᠠᠮᠢᠲᠠᠨ ᠦᠭᠡᠢ ᠬᠠᠷᠠᠩᠭᠤᠢ ᠣᠢ ᠳ᠋ᠤ᠌ ᠬᠠᠶᠠᠵᠤ ᠴᠢᠨᠣᠠ ᠶ᠋ᠢᠨ ᠬᠣᠭᠣᠯᠠ ᠪᠣᠯᠭᠠᠨᠠ ᠳᠠ ᠭᠡᠵᠦ ᠲᠡᠮᠦᠷ ᠰᠢᠲᠦ ᠪᠡᠨ ᠵᠠᠭᠤᠨ ᠬᠡᠯᠡᠪᠡ᠃ ᠲᠠᠢᠵᠢ ᠶ᠋ᠢᠨ ᠬᠣᠭᠣᠯᠠᠢ ᠳ᠋ᠤᠨᠢ ᠭᠠᠨᠳᠠᠩ ᠤ᠋ᠨ ᠳᠠᠭᠤ ᠶᠠᠩᠭᠢᠨᠠᠨ ᠮᠥᠯᠬᠥᠵᠦ ᠲᠡᠮᠦᠷ ᠦ᠋ᠨ ᠭᠤᠲᠤᠯ ᠤ᠋ᠨ ᠦᠵᠦᠭᠦᠷ ᠢ᠋ ᠦᠨᠦᠰᠦᠭᠡᠳ᠂ 《ᠥᠴᠦᠬᠡᠨ ᠪᠣᠷᠣ ᠠᠮᠢ ᠶ᠋ᠢ ᠮᠢᠨᠢ ᠥᠷᠥᠰᠢᠶᠡᠨ ᠰᠣᠶᠣᠷᠬᠠᠨᠠ ᠤᠤ》 ᠭᠡᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠥᠯᠵᠡᠢ ᠶ᠋ᠢᠨ ᠬᠢ ᠡᠴᠡ ᠳᠡᠭᠡᠷᠡᠮᠳᠡᠭᠰᠡᠨ ᠶᠠᠭᠤᠮᠠ ᠪᠠᠨ ᠮᠠᠷᠭᠠᠰᠢ ᠶ᠋ᠢᠨ ᠳᠣᠲᠣᠷᠠ ᠪᠤᠴᠠᠭᠠᠵᠤ ᠥᠭᠬᠦ ᠦᠭᠡᠢ ᠪᠣᠯ ᠭᠡᠳ ᠲᠡᠮᠦᠷ ᠲᠠᠢᠵᠢ ᠶ᠋ᠢᠨ ᠮᠥᠷᠦᠨ ᠳᠡᠭᠡᠷᠡ ᠡᠴᠡ ᠰᠢᠭᠦᠷᠦᠨ ᠠᠪᠴᠤ ᠨᠢᠳᠤᠷᠤᠭᠰᠠᠨ ᠴᠢᠨᠢ ᠲᠠᠢᠵᠢ ᠣᠷᠣᠨ ᠤ᠋ ᠲᠣᠯᠣᠭᠠᠢ ᠶ᠋ᠢᠨ ᠠᠪᠳᠠᠷᠠ ᠮᠥᠷᠭᠥᠵᠦ ᠤᠨᠠᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠮᠠᠯᠠᠭᠰᠠᠨ ᠢ᠋ᠶ᠋ᠠᠨ ᠪᠡᠶᠡᠯᠡᠭᠦᠯᠬᠦ ᠦᠭᠡᠢ ᠪᠣᠯ ᠳᠠ ᠭᠡᠳ ᠲᠡᠮᠦᠷ ᠤᠬᠤᠰᠬᠢᠲᠡᠯᠡ ᠲᠠᠢᠵᠢ ᠶ᠋ᠢᠨ ᠬᠣᠭᠣᠯᠠᠢ ᠬᠡᠷᠴᠢᠭᠢᠨᠡᠨ 《ᠵᠠ》 ᠭᠡᠵᠦ ᠮᠠᠭᠤᠬᠠᠢ ᠳᠤᠤᠭᠠᠷᠴᠤ᠂ ᠨᠢᠳᠦ ᠨᠢ ᠭᠢᠯᠠᠯᠵᠠᠨ ᠳᠠᠭᠵᠢᠷᠠᠪᠠ᠃ ᠲᠡᠮᠦᠷ ᠡᠷᠭᠢᠵᠦ ᠭᠠᠷᠤᠭᠠᠳ᠂ ᠮᠣᠷᠢᠨ ᠳ᠋ᠠᠭᠠᠨ ᠮᠣᠷᠳᠠᠵᠤ ᠳᠠᠪᠬᠢᠨ ᠣᠳᠤᠯᠠ᠃ ᠵᠠᠯᠠᠭᠤ ᠶᠠᠮᠠᠷ ᠴᠤ᠌ ᠰᠦᠷ ᠰᠦᠯᠳᠡ ᠦᠭᠡᠢ᠂ ᠭᠥᠯᠢᠢᠨ ᠪᠠᠢᠭᠠ ᠲᠠᠢᠵᠢ ᠶ᠋ᠢ ᠬᠠᠷᠠᠨ ᠭᠦᠳ ᠭᠦᠳ ᠢᠨᠢᠶᠡᠪᠡᠴᠦ ᠨᠥᠭᠦᠭᠡ ᠲᠣᠮᠣ ᠬᠥᠮᠦᠨ ᠡᠷᠭᠢᠵᠦ ᠢᠷᠡᠬᠦ ᠪᠣᠢ ᠭᠡᠵᠦ ᠠᠶᠤᠨ ᠪᠠᠢᠨ ᠪᠠᠢᠨ ᠡᠭᠦᠳᠡ ᠤᠷᠤᠭᠤ ᠭᠢᠯᠦᠯᠵᠡᠨ ᠬᠥᠳᠡᠯᠦᠯ ᠦᠭᠡᠢ ᠵᠣᠭᠰᠣᠪᠠ᠃
ᠤᠳᠠᠭᠰᠠᠨ ᠴᠤ᠌ ᠦᠭᠡᠢ ᠲᠠᠢᠵᠢ ᠤᠬᠠᠭᠠᠨ ᠣᠷᠣᠵᠤ ᠥᠪᠡᠷ ᠢ᠋ ᠪᠡᠨ ᠥᠮᠥᠭᠯᠡᠵᠦ ᠴᠢᠳᠠᠭᠠ ᠦᠭᠡᠢ ᠵᠠᠯᠠᠭᠤ ᠶ᠋ᠢ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠶᠡᠬᠡ ᠯᠡ ᠰᠦᠷᠵᠢᠨ ᠪᠣᠯᠵᠤ 《ᠬᠠᠨ ᠥᠨᠳᠥᠷ ᠦ᠋ᠨ ᠰᠠᠪᠳᠠᠭ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠵᠠᠯᠠᠷᠠᠵᠤ ᠢᠷᠡᠭᠡᠳ ᠮᠣᠷᠢᠯᠠᠬᠤ ᠶ᠋ᠢ ᠬᠠᠷᠠᠪᠠ ᠤᠤ᠃ ᠴᠢᠨᠦ ᠪᠠᠷᠴᠢᠳ ᠠᠷᠢᠯᠤᠭᠰᠠᠨ᠃ ᠬᠥᠮᠦᠨ ᠳ᠋ᠦ᠍ ᠪᠢᠲᠡᠭᠡᠢ ᠬᠡᠯᠡᠭᠡᠷᠡᠢ》 ᠭᠡᠵᠦ ᠬᠠᠲᠠᠭᠤ ᠴᠠᠭᠠᠵᠠᠯᠠᠪᠠ᠃
ᠮᠠᠷᠭᠠᠰᠢ ᠨᠢ ᠬᠣᠶᠠᠷ ᠵᠠᠷᠤᠴᠠ ᠳ᠋ᠠᠭᠠᠨ ᠥᠯᠵᠡᠢ ᠶ᠋ᠢᠨ ᠬᠢ ᠡᠴᠡ ᠠᠪᠤᠭᠰᠠᠨ ᠪᠦᠬᠦ ᠶᠠᠭᠤᠮᠠ ᠪᠠᠨ ᠥᠭᠭᠦᠭᠡᠳ ᠶᠠᠪᠤᠭᠤᠯᠵᠠᠢ᠃ ᠳᠡᠭᠡᠷᠡᠮᠳᠡᠵᠦ ᠠᠪᠤᠭᠰᠠᠨ ᠶᠠᠭᠤᠮᠠ ᠪᠠᠨ ᠡᠷᠭᠢᠭᠦᠯᠵᠦ ᠥᠭᠭᠦᠭᠰᠡᠨ ᠲᠠᠢᠵᠢ ᠶ᠋ᠢᠨ ᠰᠣᠨᠢᠨ ᠠᠪᠤᠷᠢ ᠶ᠋ᠢᠨ ᠲᠤᠬᠠᠢ ᠬᠡᠳᠦᠨ ᠡᠳᠦᠷ ᠦ᠋ᠨ ᠲᠤᠷᠰᠢ ᠰᠠᠢᠳ ᠸᠠᠩ ᠤ᠋ᠨ ᠬᠣᠰᠢᠭᠤ ᠳᠠᠶᠠᠭᠠᠷ ᠡᠯᠳᠡᠪ ᠳᠠᠭᠠᠪᠤᠷᠢ ᠵᠣᠬᠢᠶᠠᠨ ᠶᠠᠷᠢᠯᠴᠠᠵᠠᠢ᠃
ᠲᠡᠨᠳᠡ ᠡᠴᠡ ᠲᠡᠮᠦᠷ ᠰᠢᠭᠤᠳ ᠶᠠᠪᠤᠭᠰᠠᠭᠠᠷ ᠦᠷ ᠦ᠋ᠨ ᠭᠡᠭᠡ ᠭᠠᠷᠬᠤ ᠶ᠋ᠢᠨ ᠡᠮᠦᠨᠡ ᠲᠠᠮᠢᠷ ᠢ᠋ ᠭᠠᠲᠤᠯᠤᠨ ᠬᠣᠢᠲᠤ ᠲᠠᠯᠠ ᠶ᠋ᠢᠨ ᠮᠣᠳᠣ ᠲᠠᠢ ᠠᠭᠤᠯᠠᠨ ᠳ᠋ᠤ᠌ ᠪᠦᠭᠭᠦᠪᠡ᠃ ᠰᠥᠨᠢ ᠨᠢ ᠡᠷᠳᠡᠨᠢ ᠲᠡᠢ ᠠᠭᠤᠯᠵᠠᠬᠤ ᠪᠣᠳᠣᠯ ᠲᠠᠢ ᠪᠠᠢᠪᠠ᠃ ᠭᠡᠪᠡᠴᠦ ᠭᠡᠷ ᠢ᠋ ᠨᠢ ᠶᠠᠭ ᠮᠡᠳᠡᠬᠦ ᠦᠭᠡᠢ ᠪᠣᠯᠬᠣᠷ ᠶᠠᠮᠠᠷ ᠨᠢᠭᠡᠨ ᠠᠷᠭᠠ ᠪᠠᠷ ᠵᠢᠭᠠᠯᠭᠠᠵᠤ ᠠᠪᠬᠤ ᠬᠡᠷᠡᠭ ᠲᠡᠢ ᠪᠠᠢᠵᠠᠢ᠃ ᠮᠣᠳᠣᠨ ᠳᠣᠲᠣᠷᠠ ᠮᠣᠷᠢ ᠪᠠᠨ ᠤᠶᠠᠭᠠᠳ ᠲᠠᠮᠠᠬᠢ ᠲᠡᠳᠡᠨ ᠰᠠᠭᠤᠵᠤ ᠪᠠᠢᠲᠠᠯᠠ ᠬᠡᠰᠡᠭ ᠬᠣᠨᠢ ᠬᠠᠷᠢᠭᠤᠯᠤᠭᠰᠠᠨ ᠳᠤᠯᠮᠠ ᠮᠣᠳᠣᠨ ᠤ᠋ ᠵᠠᠬᠠ ᠳ᠋ᠤ᠌ ᠢᠷᠡᠯᠡ᠃ ᠬᠣᠨᠢᠴᠢᠨ ᠬᠡᠦᠬᠡᠨ ᠲᠡᠢ ᠠᠭᠤᠯᠵᠠᠵᠤ ᠡᠷᠳᠡᠨᠢ ᠶ᠋ᠢᠨ ᠬᠢ ᠶ᠋ᠢ ᠵᠢᠭᠠᠯᠭᠠᠬᠤ ᠶᠤᠮ ᠪᠢᠯᠢᠤ ᠭᠡᠵᠦ ᠪᠣᠳᠣᠵᠤ ᠪᠠᠢᠲᠠᠯᠠ ᠬᠡᠦᠬᠡᠨ ᠳᠡᠭᠡᠷᠡ ᠰᠠᠢᠬᠠᠨ ᠬᠡᠭᠡᠷ ᠮᠣᠷᠢ ᠲᠠᠢ ᠬᠥᠮᠦᠨ ᠢᠷᠡᠪᠡ᠃ ᠲᠡᠮᠦᠷ ᠦ᠋ᠨ ᠨᠢᠳᠦ ᠬᠡᠭᠡᠷ ᠮᠣᠷᠢᠨ ᠳᠡᠭᠡᠷᠡ ᠲᠤᠰᠪᠠ᠃ ᠲᠦᠭᠵᠢᠯ ᠲᠡᠢ ᠶᠠᠪᠤᠵᠤ ᠬᠥᠭᠡᠭᠡᠭᠰᠡᠨ ᠠᠳᠤᠭᠤᠨ ᠳ᠋ᠤ᠌ ᠪᠠᠢᠭᠰᠠᠨ ᠬᠡᠭᠡᠷ ᠮᠣᠷᠢ ᠮᠥᠨ ᠠᠵᠢ᠃ ᠪᠠᠰᠠ ᠮᠣᠷᠢᠨ ᠤ᠋ ᠡᠵᠡᠨ ᠨᠢ ᠪᠠᠳᠠᠷᠴᠢ ᠭᠡᠳᠡᠭ ᠢ᠋ ᠲᠠᠨᠢᠪᠠ᠃
ᠪᠠᠳᠠᠷᠴᠢ ᠳᠤᠯᠮᠠ ᠶ᠋ᠢ ᠣᠯᠠᠨ ᠤᠳᠠᠭᠠ ᠣᠷᠤᠯᠳᠠᠭᠰᠠᠨ ᠪᠣᠯᠪᠠᠴᠤ ᠦᠷᠭᠦᠯᠵᠢ ᠶᠠᠮᠠᠷ ᠨᠢᠭᠡᠨ ᠰᠠᠭᠠᠳ ᠲᠣᠬᠢᠶᠠᠯᠳᠤᠭᠠᠳ ᠬᠦᠰᠡᠯ ᠳ᠋ᠡᠭᠡᠨ ᠬᠦᠷᠴᠦ ᠴᠢᠳᠠᠭᠠ ᠦᠭᠡᠢ ᠪᠢᠯᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠠ ᠢᠲᠡᠭᠡᠯᠲᠦ ᠶ᠋ᠢᠨ ᠭᠡᠨᠡᠨ ᠬᠣᠩᠭᠣᠷ ᠰᠠᠢᠨ ᠪᠠᠢᠨᠠ ᠤᠤ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠠᠢᠨ᠂ ᠲᠠ ᠰᠠᠢᠨ ᠤᠤ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠣᠯᠠᠨ ᠠᠮᠠᠷᠠᠭ ᠲᠠᠢ ᠰᠠᠢᠬᠠᠨ ᠬᠡᠦᠬᠡᠨ ᠦ᠌ ᠠᠮᠲᠠ ᠶ᠋ᠢ ᠦᠵᠡᠶᠡ ᠭᠡᠵᠦ ᠢᠷᠡᠯᠡ᠃ ᠪᠣᠯᠬᠤ ᠶᠤᠮ ᠪᠠᠢᠭᠠ ᠪᠢᠵᠡ ᠳᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠤᠷᠠ ᠲᠠᠢ ᠬᠥᠮᠦᠨ ᠳ᠋ᠦ᠍ ᠡᠯᠳᠡᠭᠦᠯᠵᠦ ᠪᠠᠢᠳᠠᠭ ᠪᠡᠶᠡ ᠨᠠᠳᠠ ᠠᠯᠠᠭᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠢᠲᠡᠭᠡᠯᠲᠦ᠂ ᠴᠡᠮᠪᠡ ᠳ᠋ᠦ᠍ ᠬᠠᠢᠷᠠᠯᠠᠵᠤ ᠪᠣᠯᠤᠭᠰᠠᠨ ᠪᠡᠶᠡ ᠶ᠋ᠢ ᠨᠠᠳᠠ ᠳ᠋ᠤ᠌ ᠬᠠᠢᠷᠠᠯᠠᠵᠤ ᠪᠣᠯᠬᠤ ᠪᠠᠢᠯᠭᠦᠢ ᠳᠡ᠃ ᠪᠢ ᠬᠥᠮᠦᠨ ᠡᠴᠡ ᠥᠭᠡᠷᠡ ᠬᠥᠮᠦᠨ ᠪᠢᠰᠢ ᠭᠡᠳ ᠪᠠᠭᠤᠵᠤ ᠣᠴᠢᠬᠤ ᠳ᠋ᠤᠨᠢ ᠳᠤᠯᠮᠠ ᠡᠷᠭᠢᠨ ᠭᠦᠶᠦᠵᠦ ᠮᠣᠷᠢᠨ ᠳ᠋ᠠᠭᠠᠨ ᠮᠣᠷᠳᠠᠬᠤ ᠭᠡᠲᠡᠯᠡ ᠪᠠᠳᠠᠷᠴᠢ ᠪᠠᠷᠢᠵᠤ ᠠᠪᠤᠯᠠ᠃ ᠲᠡᠷᠡ ᠬᠣᠶᠠᠷ ᠨᠣᠴᠣᠯᠳᠤᠪᠠ᠃ ᠳᠤᠯᠮᠠ ᠬᠡᠳᠦᠢ ᠰᠠᠮᠪᠠᠭᠠ ᠲᠠᠢ ᠪᠣᠯᠪᠠᠴᠤ ᠪᠠᠳᠠᠷᠴᠢ ᠶ᠋ᠢ ᠶᠠᠭᠠᠬᠢᠵᠤ ᠳᠡᠢᠯᠬᠦ ᠪᠢᠯᠡ᠃ ᠤᠳᠠᠭᠰᠠᠨ ᠦᠭᠡᠢ ᠳᠤᠯᠮᠠ ᠶ᠋ᠢ ᠬᠤᠮᠬᠢᠨ ᠠᠪᠤᠭᠰᠠᠨ ᠪᠠᠳᠠᠷᠴᠢ ᠳᠠᠷᠤᠵᠤ ᠤᠨᠠᠪᠠ᠃
ᠭᠡᠲᠡᠯᠡ ᠪᠠᠳᠠᠷᠴᠢ ᠶ᠋ᠢᠨ ᠮᠥᠷᠦᠨ ᠳᠡᠭᠡᠷᠡ ᠡᠴᠡ ᠬᠦᠴᠦ ᠲᠡᠢ ᠭᠠᠷ ᠤᠭᠵᠠᠷᠠᠨ ᠲᠠᠲᠠᠬᠤ ᠳ᠋ᠤ᠌ ᠡᠷᠭᠢᠵᠦ ᠬᠠᠷᠠᠪᠠᠯ ᠲᠡᠮᠦᠷ ᠵᠣᠭᠰᠣᠵᠤ ᠪᠠᠢᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠤᠤᠬᠠᠢ᠂ ᠮᠠᠭᠤ ᠬᠤᠯᠠᠭᠠᠢᠴᠢ᠂ ᠠᠬᠠ ᠶ᠋ᠢᠨ ᠢ᠋ᠶ᠋ᠡᠨ ᠭᠠᠷ ᠲᠤ᠌ ᠥᠪᠡᠷ ᠢ᠋ᠶ᠋ᠡᠨ ᠬᠦᠷᠦᠭᠡᠳ ᠢᠷᠡᠪᠡ ᠤᠤ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠮᠡᠭᠲᠡᠢ ᠬᠥᠮᠦᠨ ᠢ᠋ ᠪᠢᠲᠡᠭᠡᠢ ᠳᠠᠷᠤᠯᠠ!
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠠᠭᠤ ᠬᠤᠯᠠᠭᠠᠢᠴᠢ ᠳ᠋ᠤ᠌ ᠶᠠᠮᠠᠷ ᠬᠠᠮᠢᠶᠠ ᠲᠠᠢ ᠶᠤᠮ ᠪᠣᠢ᠃ ᠵᠠᠢᠯᠠ!
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠪᠢᠲᠡᠭᠡᠢ ᠬᠠᠰᠬᠢᠷ᠃ ᠤᠬᠠᠭᠠᠨ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠮᠢᠨᠢ ᠪᠠᠷᠢᠵᠤ ᠬᠦᠯᠢᠭᠰᠡᠨ ᠢ᠋ᠶ᠋ᠡᠨ ᠮᠠᠷᠲᠠᠭᠠᠳ ᠣᠳᠣ ᠳᠡᠢᠯᠦᠨᠡ ᠭᠡᠵᠦ ᠠᠨᠳᠤᠭᠤᠷᠠᠵᠤ ᠪᠣᠯᠬᠤ ᠦᠭᠡᠢ᠁
ᠪᠠᠳᠠᠷᠴᠢ ᠳᠠᠪᠬᠢᠨ ᠳᠠᠭᠠᠷᠢᠪᠠ᠃ ᠲᠡᠮᠦᠷ ᠲᠡᠭᠦᠨ ᠢ᠋ ᠬᠤᠮᠬᠢᠨ ᠠᠪᠤᠭᠠᠳ ᠨᠣᠢᠲᠠᠨ ᠭᠠᠵᠠᠷ ᠲᠦᠰᠬᠢᠲᠡᠯᠡ ᠬᠠᠶᠠᠪᠠ᠃ ᠪᠠᠳᠠᠷᠴᠢ ᠬᠦᠴᠦ ᠬᠦᠷᠬᠦ ᠦᠭᠡᠢ ᠶ᠋ᠢ ᠣᠢᠯᠠᠭᠠᠭᠠᠳ ᠲᠦᠷᠭᠡᠨ ᠪᠣᠰᠴᠤ ᠮᠣᠷᠢᠨ ᠳ᠋ᠠᠭᠠᠨ ᠮᠣᠷᠳᠠᠭᠠᠳ 《ᠮᠠᠭᠤ ᠬᠤᠯᠠᠭᠠᠢᠴᠢ ᠴᠢ ᠰᠠᠢᠬᠠᠨ ᠮᠡᠳᠡᠭᠡᠷᠡᠢ!》 ᠭᠡᠵᠦ ᠬᠠᠰᠬᠢᠷᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠠᠭᠤ ᠬᠤᠯᠠᠭᠠᠢᠴᠢ ᠭᠡᠨᠡ᠃ ᠤᠨᠤᠵᠤ ᠶᠠᠪᠤᠭᠠ ᠮᠣᠷᠢ ᠴᠢᠨᠢ ᠬᠤᠯᠠᠭᠠᠢ ᠶ᠋ᠢᠨ ᠵᠠᠮ ᠢ᠋ᠶ᠋ᠠᠷ ᠢᠷᠡᠭᠰᠡᠨ ᠮᠣᠷᠢ᠃ ᠣᠷᠣᠯᠳᠣᠪᠠᠯ ᠬᠠᠮᠲᠤ ᠣᠢᠴᠢᠨᠠ ᠰᠢᠦ ᠭᠡᠯᠡ᠃
ᠪᠠᠳᠠᠷᠴᠢ ᠣᠮ ᠬᠣᠮ ᠦᠭᠡᠢ ᠳᠠᠪᠬᠢᠨ ᠠᠯᠠᠭᠠ ᠪᠣᠯᠪᠠ᠃ ᠳᠤᠯᠮᠠ ᠵᠠᠮᠪᠠᠷᠠᠭᠠ ᠦᠭᠡᠢ ᠪᠣᠯᠤᠭᠰᠠᠨ ᠦᠰᠦ ᠭᠡᠵᠢᠭᠡ ᠳᠡᠪᠡᠯ ᠬᠤᠪᠴᠠᠰᠤ ᠪᠠᠨ ᠵᠠᠰᠠᠭᠠᠳ ᠢᠳᠡᠵᠦ ᠪᠠᠢᠭᠠ ᠮᠣᠷᠢ ᠪᠠᠨ ᠴᠤᠯᠪᠤᠭᠤᠷ ᠡᠴᠡ ᠨᠢ ᠪᠠᠷᠢᠵᠤ ᠠᠪᠤᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠ ᠶᠡᠬᠡ ᠠᠴᠢ ᠲᠠᠢ ᠬᠥᠮᠦᠨ ᠪᠠᠢᠨᠠ᠃ ᠲᠡᠮᠦᠷ ᠲᠣᠮᠣ ᠴᠠᠭᠠᠨ ᠰᠢᠳᠦ ᠪᠡᠨ ᠢᠷᠠᠯᠵᠠᠭᠤᠯᠤᠨ ᠢᠨᠢᠶᠡᠮᠰᠦᠭᠯᠡᠭᠡᠳ 《ᠴᠢᠨᠣᠠ᠂ ᠬᠣᠨᠢ ᠪᠠᠷᠢᠵᠤ ᠪᠠᠢᠬᠤ ᠳ᠋ᠤ᠌ ᠰᠠᠯᠭᠠᠳᠠᠭ ᠪᠠᠢᠬᠤ ᠳ᠋ᠤ᠌ ᠬᠥᠮᠦᠨ ᠪᠠᠷᠢᠬᠤ ᠭᠡᠵᠦ ᠪᠠᠢᠬᠤ ᠳ᠋ᠤ᠌ ᠰᠠᠯᠭᠠᠬᠤ ᠦᠭᠡᠢ ᠶᠠᠭᠠᠬᠢᠬᠤᠪ》 ᠭᠡᠳ ᠳᠤᠯᠮᠠ ᠤᠷᠤᠭᠤ ᠬᠠᠷᠠᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠ ᠶᠠᠭᠤᠨ ᠬᠥᠮᠦᠨ᠂ ᠬᠠᠮᠢᠭᠠ ᠡᠴᠡ ᠭᠠᠷᠤᠭᠠᠳ ᠢᠷᠡᠪᠡ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠠᠵᠠᠷ ᠳᠣᠣᠷᠠ ᠡᠴᠡ ᠣᠷᠭᠣᠭᠠᠳ ᠭᠠᠷᠴᠤ ᠢᠷᠡᠯᠡ᠃ ᠲᠠ ᠵᠠᠰᠠᠭᠲᠤ ᠬᠠᠨ ᠤ᠋ ᠡᠷᠳᠡᠨᠢ ᠭᠡᠳᠡᠭ ᠠᠢᠯ ᠢ᠋ ᠮᠡᠳᠡᠬᠦ ᠤᠤ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠡᠳᠡᠬᠦ ᠪᠡᠷ ᠪᠠᠷᠠᠬᠤ ᠤᠤ ᠳᠠ᠂ ᠪᠢᠳᠡ ᠨᠢᠭᠡ ᠠᠢᠯ ᠤ᠋ᠨ ᠵᠠᠷᠤᠴᠠ᠃ ᠡᠨᠡ ᠠᠮᠠ ᠶ᠋ᠢᠨ ᠠᠳᠠᠭ ᠤ᠋ᠨ ᠳᠥᠷᠪᠡᠨ ᠭᠡᠷ ᠦ᠋ᠨ ᠪᠠᠷᠠᠭᠤᠨ ᠬᠣᠢᠲᠤᠬᠢ ᠨᠢ ᠡᠷᠳᠡᠨᠢ ᠭᠤᠸᠠᠢ ᠶ᠋ᠢᠨ ᠭᠡᠷ ᠭᠡᠳ ᠳᠤᠯᠮᠠ ᠰᠢᠯᠪᠢᠭᠦᠷ ᠢ᠋ᠶ᠋ᠡᠨ ᠭᠠᠵᠠᠷ ᠬᠠᠶᠠᠵᠤ ᠤᠷᠲᠤ ᠤᠷᠭᠤᠭᠰᠠᠨ ᠨᠣᠭᠣᠭᠠᠨ ᠵᠦᠯᠭᠡᠨ ᠳᠡᠭᠡᠷᠡ ᠰᠠᠭᠤᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠷᠳᠡᠨᠢ ᠭᠡᠷ ᠲᠡᠭᠡᠨ ᠪᠣᠢ ᠪᠣᠯᠪᠠ ᠤᠤ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠡᠷ ᠲᠡᠭᠡᠨ᠃ ᠲᠠ ᠠᠬᠠ ᠳᠡᠭᠦᠦ ᠨᠢ ᠤᠤ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠶᠠᠭᠠᠬᠢᠵᠤ ᠪᠠᠢᠨᠠ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠥᠰᠦᠭᠡ ᠲᠡᠢ ᠪᠠᠢᠨᠠ ᠭᠡᠳ ᠳᠤᠯᠮᠠ ᠨᠢᠳᠦ ᠪᠡᠨ ᠰᠣᠯᠪᠢᠯᠵᠠᠭᠤᠯᠤᠨ ᠢᠨᠢᠶᠡᠮᠰᠦᠭᠯᠡᠬᠦ ᠳ᠋ᠦ᠍ ᠵᠢᠭᠳᠡ ᠴᠠᠭᠠᠨ ᠰᠢᠳᠦ ᠨᠢ ᠢᠷᠠᠯᠵᠠᠪᠠ᠃
ᠡᠨᠡ ᠡᠵᠡᠭᠦᠢ ᠠᠭᠤᠯᠠᠨ ᠳ᠋ᠤ᠌ ᠵᠡᠷᠯᠢᠭ ᠪᠠᠳᠠᠷᠴᠢ ᠶ᠋ᠢᠨ ᠭᠠᠷ ᠡᠴᠡ ᠰᠠᠯᠭᠠᠭᠰᠠᠨ ᠰᠠᠢᠬᠠᠨ ᠡᠷᠡ ᠳᠤᠯᠮᠠ ᠶ᠋ᠢᠨ ᠰᠡᠳᠬᠢᠯ ᠦ᠋ᠨ ᠨᠠᠷᠢᠨ ᠤᠲᠠᠰᠤ ᠶ᠋ᠢ ᠲᠤᠷᠭᠢᠭᠤᠯᠵᠤ ᠡᠬᠢᠯᠡᠭᠰᠡᠨ ᠪᠣᠯ ᠲᠣᠭᠯᠠᠵᠤ ᠲᠡᠮᠡᠦᠯᠦᠭᠰᠡᠨ ᠨᠢᠳᠦ ᠲᠡᠢ ᠵᠠᠯᠠᠭᠤ ᠪᠣᠷᠣ ᠪᠦᠰᠡᠭᠦᠢ ᠶ᠋ᠢᠨ ᠪᠠᠢᠳᠠᠯ ᠲᠡᠮᠦᠷ ᠦ᠋ᠨ ᠬᠥᠰᠢᠵᠦ ᠬᠥᠯᠳᠡᠭᠰᠡᠨ ᠰᠡᠳᠬᠢᠯ ᠦ᠋ᠨ ᠦᠵᠦᠭᠦᠷ ᠡᠴᠡ ᠦᠯᠦ ᠮᠡᠳᠡᠭ ᠤᠭᠵᠠᠷᠠᠵᠤ ᠪᠠᠢᠪᠠ᠃
ᠲᠡᠮᠦᠷ ᠥᠪᠡᠷ ᠦ᠋ᠨ ᠮᠠᠲᠠᠯ ᠦᠭᠡᠢ ᠳᠤᠯᠮᠠ ᠤᠷᠤᠭᠤ ᠰᠢᠷᠳᠡᠵᠦ ᠪᠠᠢᠬᠤ ᠳ᠋ᠤ᠌ ᠳᠤᠯᠮᠠ ᠤᠷᠲᠤ ᠤᠷᠭᠤᠭᠰᠠᠨ ᠭᠢᠯᠠᠭᠤ ᠲᠠᠰᠤᠯᠵᠤ ᠠᠪᠤᠭᠠᠳ ᠵᠠᠪᠠᠵᠢᠨ ᠳ᠋ᠠᠭᠠᠨ ᠵᠠᠭᠤᠵᠤ ᠨᠢᠭᠤᠴᠠ ᠢᠨᠢᠶᠡᠮᠰᠦᠭᠯᠡᠯ ᠲᠣᠳᠣᠷᠠᠭᠰᠠᠨ ᠨᠢᠳᠦ ᠪᠡᠷ ᠦᠯᠦ ᠲᠠᠨᠢᠬᠤ ᠬᠥᠮᠦᠨ ᠢ᠋ ᠪᠠᠢᠨ ᠪᠠᠢᠨ ᠬᠠᠷᠠᠵᠤ ᠪᠠᠢᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠ ᠶᠠᠭᠠᠬᠢᠭᠰᠠᠨ ᠠᠢᠬᠤᠪᠲᠤᠷ ᠰᠢᠷᠲᠡᠳᠡᠭ ᠬᠥᠮᠦᠨ ᠪᠣᠢ?
ᠲᠡᠮᠦᠷ ᠦ᠋ᠨ ᠨᠢᠭᠤᠷ ᠪᠠᠳᠠᠢᠷᠠᠵᠤ ᠰᠣᠴᠢᠨ ᠨᠢᠳᠦ ᠪᠡᠨ ᠪᠤᠷᠤᠭᠤᠯᠠᠬᠤ ᠳ᠋ᠤ᠌ ᠨᠠᠯᠠᠢᠨ ᠪᠡᠯᠴᠢᠵᠦ ᠪᠠᠢᠭᠠ ᠬᠣᠨᠢ ᠨᠢᠳᠦᠨ ᠳ᠋ᠦ᠍ᠨᠢ ᠲᠤᠰᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠣᠨᠢ ᠴᠢᠨᠢ ᠰᠠᠢᠬᠠᠨ ᠲᠣᠭᠲᠠᠵᠤ ᠪᠠᠢᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠ ᠠᠯᠢ ᠨᠤᠲᠤᠭ ᠤ᠋ᠨ ᠬᠥᠮᠦᠨ ᠪᠣᠢ?
ᠰᠠᠢᠳ ᠸᠠᠩ ᠤ᠋ᠨ ᠬᠢ ᠭᠡᠵᠦ ᠲᠡᠮᠦᠷ ᠬᠡᠰᠡᠭ ᠲᠦᠭᠳᠡᠷᠡᠭᠰᠡᠨ ᠦ᠌ ᠳᠠᠷᠠᠭᠠ ᠬᠠᠷᠢᠭᠤᠯᠪᠠ᠃ ᠬᠥᠮᠦᠨ ᠦ᠌ ᠨᠤᠲᠤᠭ᠂ ᠬᠠᠷᠢ ᠭᠠᠵᠠᠷ ᠡᠴᠡ ᠠᠳᠤᠭᠤ ᠬᠥᠭᠡᠭᠡᠭᠡᠳ ᠣᠯᠠᠨ ᠬᠥᠮᠦᠨ ᠳ᠋ᠦ᠍ ᠬᠥᠭᠡᠭᠡᠭᠳᠡᠵᠦ ᠶᠠᠪᠤᠬᠤ ᠳ᠋ᠠᠭᠠᠨ ᠨᠠᠮ ᠵᠢᠮ ᠪᠠᠢᠳᠠᠭ ᠵᠢᠷᠦᠬᠡ ᠨᠢ ᠶᠡᠷᠦ ᠪᠤᠰᠤ ᠪᠠᠷ ᠣᠪᠣᠯᠵᠠᠨ ᠴᠣᠬᠢᠯᠠᠵᠤ ᠪᠠᠢᠯᠠ᠃
ᠳᠤᠯᠮᠠ ᠶ᠋ᠢᠨ ᠰᠡᠳᠬᠢᠯ ᠴᠦ᠍ ᠭᠡᠰᠡᠨ ᠬᠡᠵᠢᠶᠡ ᠴᠦ᠍ ᠤᠴᠠᠷᠠᠵᠤ ᠪᠠᠢᠭᠠ ᠦᠭᠡᠢ ᠬᠥᠭᠵᠢᠮ ᠦ᠋ᠨ ᠡᠭᠡᠰᠢᠭ ᠢ᠋ᠶ᠋ᠡᠷ ᠳᠦᠭᠦᠷᠴᠦ᠂ ᠡᠨᠡ ᠰᠠᠭᠤᠵᠤ ᠪᠠᠢᠭᠠ ᠭᠠᠵᠠᠷ ᠢ᠋ᠶ᠋ᠠᠨ ᠬᠡᠴᠢᠨᠡᠨ ᠰᠠᠭᠤᠭᠰᠠᠨ ᠴᠤ᠌ ᠤᠢᠳᠬᠤ ᠦᠭᠡᠢ ᠮᠡᠲᠦ ᠰᠠᠨᠠᠭᠳᠠᠵᠤ ᠪᠠᠢᠪᠠ᠃
ᠴᠡᠯᠮᠡᠭ ᠡᠳᠦᠷ ᠦ᠋ᠨ ᠪᠠᠷᠠᠭᠤᠨᠠ ᠬᠡᠯᠪᠡᠢᠭᠰᠡᠨ ᠨᠠᠷᠠ ᠭᠡᠨᠡᠳᠲᠡ ᠣᠪᠣᠯᠵᠠᠭᠰᠠᠨ ᠶᠡᠬᠡ ᠳᠤᠷᠠᠯᠠᠯ ᠤ᠋ᠨ ᠡᠬᠢᠨ ᠦ᠌ ᠣᠴᠢ ᠪᠠᠷ ᠳᠦᠭᠦᠷᠦᠭᠰᠡᠨ ᠰᠡᠳᠬᠢᠯ ᠬᠣᠶᠠᠷ ᠲᠤ᠌ ᠴᠢᠮᠡᠭᠯᠡᠭᠳᠡᠭᠰᠡᠨ ᠶᠢᠷᠲᠢᠨᠴᠦ ᠶᠡᠷᠦ ᠪᠤᠰᠤ ᠭᠤᠸᠠ ᠦᠵᠡᠰᠬᠦᠯᠡᠩ ᠲᠡᠢ ᠠᠵᠠᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠ ᠮᠠᠷᠭᠠᠰᠢ ᠬᠡᠰᠢᠭ ᠲᠡᠢ ᠤᠤ?
ᠮᠠᠷᠭᠠᠰᠢ ᠳᠤᠯᠮᠠ ᠶ᠋ᠢᠨ ᠡᠭᠡᠯᠵᠢ ᠪᠢᠰᠢ᠃ ᠭᠡᠪᠡᠴᠦ ᠲᠡᠮᠦᠷ ᠦ᠋ᠨ 《ᠬᠡᠰᠢᠭ ᠲᠡᠢ ᠤᠤ》 ᠭᠡᠰᠡᠨ ᠠᠰᠠᠭᠤᠯᠲᠠ ᠳ᠋ᠤ᠌ 《ᠦᠭᠡᠢ》 ᠭᠡᠵᠦ ᠬᠠᠷᠢᠭᠤᠯᠬᠤ ᠰᠡᠳᠬᠢᠯ ᠳᠤᠯᠮᠠ ᠳ᠋ᠤ᠌ ᠪᠠᠢᠭᠰᠠᠨ ᠦᠭᠡᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠡᠢᠮᠦ᠂ ᠬᠡᠰᠢᠭ ᠲᠡᠢ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠭᠦᠨ ᠢ᠋ᠶ᠋ᠡᠷ ᠢᠷᠡᠬᠦ ᠤᠤ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠢᠷᠡᠵᠦ ᠴᠦ᠍ ᠮᠠᠭᠠᠳ ᠁ ᠲᠠ ᠡᠨᠳᠡ ᠪᠠᠢᠬᠤ ᠤᠤ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠠᠢᠵᠤ ᠴᠤ᠌ ᠪᠣᠯᠤᠨᠠ᠃
ᠬᠣᠨᠢᠨ ᠤ᠋ ᠲᠦᠷᠦᠭᠦᠴᠢ ᠪᠠᠷᠠᠭᠤᠨ ᠬᠤᠧᠨ ᠳᠠᠪᠠᠬᠤ ᠳ᠋ᠤ᠌ ᠲᠡᠭᠦᠨ ᠢ᠋ ᠪᠤᠴᠠᠭᠠᠬᠤ ᠪᠣᠯᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠪᠤᠴᠠᠭᠠᠭᠠᠳ ᠢᠷᠡᠶᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠮᠢᠨᠦ ᠮᠣᠷᠢ ᠪᠠᠷ ᠶᠠᠪᠤ ᠯᠠ ᠳᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠦᠭᠡᠷ᠃ ᠮᠣᠷᠢ ᠮᠢᠨᠢ ᠮᠣᠳᠣᠨ ᠳᠣᠲᠣᠷᠠ ᠪᠣᠢ ᠭᠡᠳ ᠲᠡᠮᠦᠷ ᠠᠯᠭᠤᠷ ᠪᠣᠰᠴᠤ ᠭᠢᠰᠬᠢᠭᠰᠡᠨ ᠬᠥᠯ ᠳᠡᠭᠡᠷᠡ ᠪᠡᠨ ᠪᠡᠶᠡ ᠪᠡᠨ ᠨᠠᠢᠭᠤᠭᠤᠯᠤᠨ ᠲᠠᠯᠪᠢᠵᠤ ᠶᠠᠪᠤᠬᠤ ᠳ᠋ᠤ᠌ ᠳᠤᠯᠮᠠ ᠪᠠᠶᠠᠷ ᠪᠠᠳᠠᠷᠠᠭᠰᠠᠨ ᠨᠢᠳᠦ ᠪᠡᠷ ᠦᠳᠡᠪᠡ᠃
ᠳᠤᠯᠮᠠ ᠶ᠋ᠢᠨ ᠰᠡᠳᠬᠢᠯ ᠳ᠋ᠦ᠍ ᠬᠤᠷᠠᠯᠳᠤᠭᠰᠠᠨ ᠤᠶᠠᠬᠠᠨ ᠠᠶᠠᠯᠭᠤ ᠰᠠᠴᠤᠷᠠᠨ ᠭᠠᠷᠴᠤ ᠨᠠᠮᠤᠬᠠᠨ ᠢ᠋ᠶ᠋ᠠᠷ ᠳᠠᠭᠤᠤ ᠠᠶᠠᠯᠤᠨ᠂ ᠬᠣᠨᠢᠨ ᠤ᠋ ᠵᠦᠭ ᠳᠠᠪᠬᠢᠵᠤ ᠶᠠᠪᠤᠭᠠ ᠲᠡᠮᠦᠷ ᠡᠴᠡ ᠨᠢᠳᠦ ᠰᠠᠯᠭᠠᠯ ᠦᠭᠡᠢ ᠰᠢᠷᠲᠡᠪᠡ᠃
ᠲᠡᠷᠡ ᠰᠥᠨᠢ ᠡᠷᠳᠡᠨᠢ ᠶ᠋ᠢᠨ ᠭᠡᠷ ᠦ᠋ᠨ ᠭᠠᠳᠠᠨᠠ ᠮᠣᠷᠢ ᠲᠠᠢ ᠬᠥᠮᠦᠨ ᠢᠷᠡᠭᠡᠳ ᠣᠷᠣᠭᠰᠠᠨ ᠨᠢ ᠲᠡᠮᠦᠷ ᠪᠠᠢᠪᠠ᠃ ᠲᠤᠯᠭᠠᠷ ᠳ᠋ᠧᠩ ᠪᠠᠷᠢᠵᠤ ᠴᠠᠢ ᠬᠣᠭᠣᠯᠠ ᠪᠣᠯᠪᠠ᠃ ᠠᠬᠠ ᠳᠡᠭᠦᠦ ᠬᠣᠶᠠᠷ ᠠᠮᠢᠳᠤ ᠮᠡᠨᠳᠦ ᠠᠭᠤᠯᠵᠠᠭᠰᠠᠨ ᠳ᠋ᠠᠭᠠᠨ ᠪᠠᠶᠠᠷᠯᠠᠨ ᠶᠠᠷᠢᠯᠴᠠᠬᠤ ᠳ᠋ᠤ᠌᠂ ᠠᠬᠠ ᠶ᠋ᠢᠨ ᠢ᠋ᠶ᠋ᠡᠨ ᠭᠠᠭᠴᠠ ᠮᠣᠷᠢ ᠪᠠᠷ ᠬᠥᠯ ᠵᠠᠯᠭᠠᠭᠰᠠᠨ ᠢ᠋ᠶ᠋ᠠᠨ ᠰᠣᠨᠣᠰᠴᠤ ᠲᠡᠮᠦᠷ ᠶᠡᠬᠡᠳᠡ ᠭᠡᠮᠰᠢᠵᠦ᠂ ᠥᠪᠡᠷ ᠦ᠋ᠨ ᠠᠷᠭᠠ ᠦᠭᠡᠢ ᠶᠠᠳᠠᠷᠠᠵᠤ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ ᠶᠠᠷᠢᠬᠤ ᠳ᠋ᠤᠨᠢ᠄
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠡᠮᠦᠷ ᠮᠢᠨᠢ ᠴᠢ᠂ ᠢᠩᠭᠢᠵᠦ ᠶᠠᠪᠤᠭᠰᠠᠭᠠᠷ ᠨᠢᠭᠡ ᠮᠡᠳᠡᠬᠦ ᠳ᠋ᠦ᠍ ᠠᠯᠠᠭᠤᠯᠴᠢᠬᠠᠭᠰᠠᠨ ᠪᠠᠢᠨᠠ ᠳᠠ ᠭᠡᠵᠦ ᠡᠷᠳᠡᠨᠢ ᠬᠡᠯᠡᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠬᠠ ᠮᠢᠨᠢ ᠪᠢ ᠥᠭᠡᠷᠡ ᠪᠡᠷ ᠠᠮᠢᠳᠤᠷᠠᠵᠤ ᠴᠢᠳᠠᠬᠤ ᠦᠭᠡᠢ᠃ ᠵᠢᠷᠦᠬᠡ ᠮᠢᠨᠢ ᠴᠣᠬᠢᠯᠠᠵᠤ ᠪᠠᠢᠭᠠ ᠴᠠᠭ ᠲᠤ᠌ ᠮᠣᠷᠢᠨ ᠳᠡᠯ ᠳᠡᠭᠡᠭᠦᠷ ᠳᠠᠪᠬᠢᠵᠤ ᠨᠣᠶᠠᠳ ᠤ᠋ᠨ ᠰᠦᠷᠦᠭ ᠡᠴᠡ ᠬᠥᠭᠡᠭᠡᠨᠡ᠃ ᠡᠭᠦᠨ ᠰᠢᠭ ᠵᠢᠷᠭᠠᠯ ᠪᠠᠢᠬᠤ ᠦᠭᠡᠢ ᠭᠡᠵᠦ ᠲᠡᠮᠦᠷ ᠬᠡᠯᠡᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠨᠣᠶᠠᠳ ᠤ᠋ᠨ ᠰᠦᠷᠦᠭ ᠡᠴᠡ ᠠᠪᠳᠠᠭ ᠭᠡᠵᠦ ᠪᠠᠢᠨᠠ᠃ ᠭᠡᠲᠡᠯᠡ ᠨᠠᠳᠠ ᠰᠢᠭ᠋ ᠶᠠᠳᠠᠷᠠᠭᠰᠠᠨ ᠬᠡᠴᠢᠨᠡᠨ ᠠᠮᠢᠲᠠᠨ ᠢ᠋ ᠶᠠᠪᠠᠭᠠᠯᠠᠭᠰᠠᠨ ᠪᠣᠯ ᠳᠠ ᠭᠡᠵᠦ ᠡᠷᠳᠡᠨᠢ ᠵᠢᠮᠡᠯᠡᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠠᠬᠠ ᠮᠢᠨᠢ ᠮᠢᠨᠦ ᠬᠥᠯᠵᠢᠭᠦᠯᠦᠭᠰᠡᠨ ᠶᠠᠳᠠᠭᠤᠴᠤᠳ᠂ ᠶᠠᠪᠠᠭᠠᠯᠠᠭᠰᠠᠨ ᠡᠴᠡ ᠪᠡᠨ ᠬᠠᠪᠢ ᠦᠭᠡᠢ ᠣᠯᠠᠨ᠃ ᠪᠢ ᠲᠠᠨ ᠳ᠋ᠤ᠌ ᠨᠢᠭᠡ ᠮᠣᠷᠢᠨ ᠤ᠋ ᠴᠢᠨᠢ ᠣᠷᠣᠨ ᠳ᠋ᠤ᠌ ᠠᠷᠪᠠ᠂ ᠬᠣᠷᠢᠨ ᠮᠣᠷᠢ ᠠᠪᠴᠢᠷᠠᠵᠤ ᠥᠭᠭᠦᠨᠡ᠃
ᠡᠷᠳᠡᠨᠢ ᠳᠡᠭᠦᠦ ᠪᠡᠨ ᠭᠣᠮᠣᠳᠠᠯ ᠲᠠᠢ ᠪᠥᠭᠡᠳ ᠠᠷᠭᠠ ᠨᠢ ᠪᠠᠷᠠᠭᠳᠠᠭᠰᠠᠨ ᠨᠢᠳᠦ ᠪᠡᠷ ᠰᠢᠷᠲᠡᠵᠦ᠂ ᠪᠢᠲᠡᠭᠦᠦ ᠰᠠᠨᠠᠭᠠ ᠠᠯᠳᠠᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠠᠳᠠ ᠮᠣᠷᠢ ᠬᠡᠷᠡᠭ ᠦᠭᠡᠢ᠃ ᠪᠢ ᠠᠷᠢᠭᠤᠨ ᠴᠠᠭᠠᠨ ᠬᠥᠳᠡᠯᠮᠦᠷᠢ ᠪᠡᠷ ᠠᠮᠢᠳᠤᠷᠠᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠ ᠮᠢᠨᠦ ᠭᠠᠷᠳᠠᠭ ᠥᠨᠳᠥᠷ ᠠᠭᠤᠯᠠ ᠶ᠋ᠢᠨ ᠣᠷᠭᠢᠯ ᠳᠡᠭᠡᠷᠡ ᠨᠢᠰᠴᠦ ᠭᠠᠷᠤᠭᠠᠳ ᠬᠣᠷᠸᠠ ᠶ᠋ᠢ ᠬᠠᠷᠠᠪᠠᠯ ᠶᠡᠬᠡ ᠶᠠᠭᠤᠮᠠ ᠪᠣᠳᠣᠬᠤ ᠰᠠᠨ ᠳᠠ ᠭᠡᠳ ᠶᠣᠵᠣᠲᠠᠢ ᠢᠨᠢᠶᠡᠮᠰᠦᠭᠯᠡᠨ᠂ ᠣᠭᠲᠣᠯᠵᠤ ᠡᠮᠬᠦᠭᠰᠡᠨ ᠬᠡᠰᠡᠭ ᠮᠢᠬᠠ ᠪᠠᠨ ᠰᠢᠷ ᠰᠢᠷ ᠵᠠᠵᠢᠯᠤᠨ ᠵᠠᠯᠭᠢᠭᠰᠠᠨ ᠢ᠋ᠶ᠋ᠠᠨ 《ᠲᠠ ᠴᠢᠨᠢ ᠲᠡᠭᠡᠭᠡᠳ ᠬᠡᠨ ᠦ᠌ ᠳ᠋ᠦ᠍ ᠵᠠᠷᠤᠭᠳᠠᠵᠤ ᠪᠠᠢᠨᠠ? 》 ᠭᠡᠵᠦ ᠠᠰᠠᠭᠤᠪᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠯᠤᠤ ᠬᠦᠩ ᠦ᠋ᠨ ᠪᠠᠶᠠᠨ ᠢᠲᠡᠭᠡᠯᠲᠦ ᠶ᠋ᠢᠨ ᠳ᠋ᠦ᠍᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠦᠦ ᠨᠢ ᠬᠣᠩᠭᠣᠷ ᠤᠤ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠡᠢᠮᠦ᠂ ᠴᠢ ᠲᠠᠨᠢᠬᠤ ᠤᠤ?
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠠᠨᠢᠬᠤ ᠪᠠᠷ ᠪᠠᠷᠠᠬᠤ ᠤᠤ ᠳᠠ᠃ ᠬᠣᠩᠭᠣᠷ ᠬᠦᠦ ᠶ᠋ᠢᠨ ᠠᠴᠢ ᠪᠠᠷ ᠪᠠᠳᠠᠷᠴᠢ ᠲᠠᠬᠠᠷ ᠤ᠋ᠨ ᠭᠠᠷ ᠡᠴᠡ ᠭᠠᠷᠤᠭᠰᠠᠨ ᠶᠤᠮᠰᠠᠨ᠃ ᠵᠠ ᠭᠠᠢᠭᠤᠢ᠂ ᠵᠠᠮ ᠤ᠋ᠨ ᠬᠦᠵᠦᠭᠦᠦ ᠤᠷᠲᠤ ᠬᠣᠢᠨᠠ ᠴᠠᠬᠢᠭᠤᠷ ᠲᠡᠮᠦᠷ ᠰᠠᠢᠨ ᠬᠥᠮᠦᠨ ᠦ᠌ ᠠᠴᠢ ᠶ᠋ᠢ ᠬᠠᠷᠢᠭᠤᠯᠵᠤ ᠴᠤ᠌ ᠳᠥᠩᠭᠡᠨᠡ ᠪᠠᠢᠬᠠ ᠭᠡᠯᠡ᠃
ᠦᠷ ᠴᠠᠢᠬᠤ ᠡᠴᠡ ᠡᠮᠦᠨᠡ ᠲᠡᠮᠦᠷ ᠮᠣᠷᠳᠠᠨ ᠶᠠᠪᠤᠵᠠᠢ᠃ ᠥᠷᠯᠥᠭᠡ ᠡᠷᠲᠡ ᠢᠲᠡᠭᠡᠯᠲᠦ ᠡᠷᠳᠡᠨᠢ ᠶ᠋ᠢᠨ ᠳ᠋ᠦ᠍ ᠣᠷᠣᠵᠤ ᠢᠷᠡᠭᠡᠳ 《ᠤᠷᠢᠳᠤ ᠰᠥᠨᠢ ᠲᠠᠨ ᠤ᠋ ᠳ᠋ᠤ᠌ ᠶᠠᠭᠤᠨ ᠬᠥᠮᠦᠨ ᠢᠷᠡᠪᠡ?》 ᠭᠡᠵᠦ ᠠᠰᠠᠭᠤᠬᠤ ᠳ᠋ᠤᠨᠢ ᠡᠷᠳᠡᠨᠢ 《ᠦᠯᠦ ᠲᠠᠨᠢᠬᠤ ᠬᠣᠨᠣᠴᠠ ᠢᠷᠡᠭᠡᠳ ᠶᠠᠪᠤᠭᠰᠠᠨ》 ᠭᠡᠵᠦ ᠠᠵᠢᠭ ᠦᠭᠡᠢ ᠬᠠᠷᠢᠭᠤᠯᠪᠠ᠃
ᠡᠷᠳᠡᠨᠢ ᠶ᠋ᠢᠨ ᠳ᠋ᠦ᠍ ᠬᠥᠮᠦᠨ ᠢᠷᠡᠭᠡᠳ᠂ ᠲᠣᠭᠣᠭᠠ ᠰᠢᠨᠠᠭᠠ ᠬᠠᠩᠭᠢᠨᠠᠵᠤ᠂ ᠳᠦᠩᠭᠡᠷ ᠳᠦᠩᠭᠡᠷ ᠶᠠᠷᠢᠵᠤ ᠪᠠᠢᠬᠤ ᠶ᠋ᠢ ᠰᠡᠷᠡᠭ ᠢᠲᠡᠭᠡᠯᠲᠦ ᠮᠡᠳᠡᠭᠰᠡᠨ ᠢ᠋ᠶ᠋ᠡᠷ ᠪᠠᠷᠠᠬᠤ ᠦᠭᠡᠢ ᠰᠠᠮ ᠣᠴᠢᠵᠤ ᠭᠡᠷ ᠦ᠋ᠨ ᠭᠠᠳᠠᠨᠠ ᠡᠴᠡ ᠨᠢ ᠴᠢᠩᠨᠠᠭᠠᠳ ᠴᠠᠬᠢᠭᠤᠷ ᠲᠡᠮᠦᠷ ᠪᠣᠯ ᠡᠷᠳᠡᠨᠢ ᠶ᠋ᠢᠨ ᠳᠡᠭᠦᠦ᠂ ᠬᠣᠩᠭᠣᠷ ᠨᠢ ᠲᠡᠮᠦᠷ ᠢ᠋ ᠤᠷᠭᠤᠵᠤ ᠭᠠᠷᠬᠤ ᠳ᠋ᠤ᠌ ᠲᠤᠰᠠᠯᠠᠭᠰᠠᠨ ᠪᠣᠯᠬᠣᠷ ᠲᠡᠮᠦᠷ ᠥᠪᠡᠷ ᠦ᠋ᠨ ᠬᠢ ᠳ᠋ᠦ᠍ᠨᠢ ᠭᠡᠮ ᠬᠢᠬᠦ ᠦᠭᠡᠢ᠂ ᠬᠠᠷᠢᠨ ᠨᠢᠭᠡᠨ ᠴᠠᠭ ᠲᠤ᠌ ᠬᠦᠦ ᠳ᠋ᠦ᠍ᠨᠢ ᠲᠤᠰᠠ ᠪᠣᠯᠬᠤ ᠶᠤᠮ ᠪᠠᠢᠨᠠ ᠭᠡᠵᠦ ᠮᠡᠳᠡᠭᠡᠳ ᠪᠠᠶᠠᠷᠯᠠᠵᠤ ᠪᠠᠢᠯᠠ᠃
ᠢᠲᠡᠭᠡᠯᠲᠦ ᠵᠠᠯᠢ ᠲᠠᠢ ᠨᠢᠳᠦ ᠪᠡᠷ ᠡᠷᠳᠡᠨᠢ ᠶ᠋ᠢ ᠰᠢᠷᠲᠡᠨ ᠪᠠᠢᠵᠤ ᠨᠢᠭᠡ ᠠᠶᠠᠭᠠ ᠴᠠᠢ ᠤᠤᠭᠤᠭᠠᠳ ᠠᠶᠠᠭᠠ ᠪᠠᠨ ᠲᠠᠯᠪᠢᠬᠤ ᠭᠡᠰᠡᠨ ᠢ᠋ᠶ᠋ᠡᠨ ᠪᠣᠯᠢᠵᠤ ᠦᠵᠡᠬᠦ ᠵᠠᠭᠤᠷᠠ᠂
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠡᠷᠳᠡᠨᠢ ᠮᠢᠨᠢ ᠨᠠᠳᠠ ᠡᠴᠡ ᠨᠢᠭᠤᠭᠠᠳ ᠶᠠᠭᠠᠬᠢᠬᠤᠪ᠃ ᠪᠢ ᠪᠦᠭᠦᠳᠡ ᠶ᠋ᠢ ᠮᠡᠳᠡᠭᠰᠡᠨ᠃ ᠬᠤᠪᠤᠨ ᠬᠥᠬᠡ ᠤᠤ ᠳᠠ᠃ ᠠᠢᠬᠤᠪᠲᠤᠷ ᠴᠢᠨᠣᠠ ᠶᠤᠮ ᠳᠠ᠃ ᠴᠤᠪᠠ ᠶ᠋ᠢ ᠮᠢᠨᠢ ᠳᠡᠭᠦᠦ ᠳ᠋ᠦ᠍ ᠴᠢᠨᠢ ᠥᠭᠭᠦᠭᠰᠡᠨ ᠪᠣᠯᠤᠯᠲᠠᠢ᠃ ᠪᠢ ᠴᠦ᠍ ᠲᠡᠷᠡ ᠣᠷᠣᠢ ᠨᠢ ᠦᠭᠡᠢᠯᠡᠭᠰᠡᠨ ᠶᠤᠮ᠃ ᠭᠡᠬᠦ ᠳ᠋ᠡᠭᠡᠨ ᠥᠭᠡᠷᠡ ᠬᠥᠮᠦᠨ ᠢ᠋ ᠬᠠᠷᠠᠳᠠᠵᠤ ᠨᠢᠭᠦᠯ ᠬᠤᠷᠢᠶᠠᠭᠰᠠᠨ ᠪᠠᠢᠨᠠ ᠭᠡᠳ ᠨᠠᠷᠢᠬᠠᠨ ᠳᠠᠭᠤ ᠪᠠᠷ ᠢᠨᠴᠠᠭᠠᠯᠠᠨ ᠢᠨᠢᠶᠡᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠨᠠᠳᠠ ᠰᠢᠭ᠋ ᠴᠠᠭᠠᠴᠢ ᠬᠥᠮᠦᠨ ᠳ᠋ᠦ᠍ ᠬᠡᠴᠡᠭᠦᠦ ᠶᠤᠮ ᠪᠠᠢᠨᠠ ᠰᠢᠦ᠂ ᠢᠲᠡᠭᠡᠯᠲᠦ ᠮᠢᠨᠢ ᠭᠡᠳ ᠡᠷᠳᠡᠨᠢ ᠭᠡᠮᠰᠢᠯ ᠲᠡᠢ ᠪᠡᠷ ᠢᠨᠢᠶᠡᠮᠰᠦᠭᠯᠡᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠮᠥᠨ ᠬᠢᠨᠠᠮᠠᠭᠠᠢ ᠬᠥᠮᠦᠨ ᠶᠤᠮ ᠳᠡ᠃ ᠮᠢᠨᠦ ᠪᠣᠳᠣᠯ ᠢ᠋ᠶ᠋ᠠᠷ ᠲᠡᠮᠦᠷ ᠮᠠᠭᠤ ᠬᠥᠮᠦᠨ ᠪᠢᠰᠢ ᠶᠤᠮ ᠰᠢᠦ᠃ ᠲᠠᠨᠢᠯᠴᠠᠬᠤ ᠶᠤᠮᠰᠠᠨ ᠭᠡᠳ ᠡᠷᠳᠡᠨᠢ ᠤᠷᠤᠭᠤ ᠬᠠᠷᠠᠯᠠ᠃ ᠢᠲᠡᠭᠡᠯᠲᠦ ᠶ᠋ᠢᠨ ᠨᠢᠭᠤᠷ ᠲᠤ᠌ ᠦᠨᠡᠨ ᠰᠡᠳᠬᠢᠯ ᠲᠣᠳᠣᠷᠬᠠᠢ ᠪᠠᠢᠬᠤ ᠶ᠋ᠢ ᠡᠷᠳᠡᠨᠢ ᠣᠯᠵᠤ ᠬᠠᠷᠠᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠡᠨᠦᠵᠦ ᠶᠠᠪᠤᠭᠠᠳ ᠢᠷᠡᠪᠡᠯ ᠲᠠᠨᠢᠯᠴᠠᠭᠤᠯᠵᠤ ᠪᠣᠯᠬᠤ ᠪᠠᠢᠯᠭᠦᠢ ᠳᠡ ᠭᠡᠳ ᠲᠦᠷᠡᠢ ᠡᠴᠡ ᠪᠡᠨ ᠮᠣᠳᠣ ᠲᠣᠯᠣᠭᠠᠢ ᠪᠠᠨ ᠠᠪᠴᠤ ᠲᠠᠮᠠᠬᠢ ᠨᠡᠷᠡᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠵᠡᠭᠦᠨ ᠠᠢᠮᠠᠭ ᠤ᠋ᠨ ᠬᠤᠷᠳᠤ ᠲᠠᠢ ᠭᠠᠵᠠᠷ ᠡᠴᠡ ᠬᠢᠵᠠᠯᠠᠩ ᠦᠷᠢᠶᠡ ᠠᠪᠴᠢᠷᠠᠵᠤ ᠠᠵᠢᠷᠭᠠ ᠲᠠᠯᠪᠢᠬᠤ ᠶᠤᠮᠰᠠᠨ᠃ ᠲᠡᠮᠦᠷ ᠲᠦ᠍ ᠵᠠᠬᠢᠪᠠᠯ ᠶᠠᠭᠤ ᠪᠠᠢᠬᠤᠪ ᠳᠠ᠂ ᠣᠯᠤᠭᠠᠳ ᠥᠭᠭᠦᠨᠡ ᠳᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠬᠤᠯᠠᠭᠠᠢ ᠶ᠋ᠢᠨ ᠶᠠᠭᠤᠮᠠ ᠠᠪᠴᠢᠷᠠᠵᠤ ᠥᠭᠭᠦᠨᠡ ᠰᠢᠦ ᠳᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠰᠠᠢᠨ ᠡᠷᠡ ᠬᠣᠯᠠ ᠡᠴᠡ ᠠᠪᠳᠠᠭ ᠪᠣᠯᠬᠣᠷ ᠬᠡᠯᠡ ᠤᠯᠠ ᠭᠠᠷᠬᠤ ᠦᠭᠡᠢ᠃ ᠪᠠᠰᠠ ᠲᠡᠭᠡᠭᠡᠳ ᠬᠤᠯᠠᠭᠠᠢ ᠶ᠋ᠢᠨ ᠶᠠᠭᠤᠮᠠ ᠶ᠋ᠢ ᠤᠴᠢᠷ ᠮᠡᠳᠡᠵᠦ ᠠᠪᠳᠠᠭ ᠦᠭᠡᠢ ᠪᠠᠶᠠᠨ ᠬᠥᠮᠦᠨ ᠵᠠᠶᠠᠭᠠ ᠨᠢ ᠣᠷᠬᠢᠭᠰᠠᠨ ᠨᠠᠳᠠ ᠡᠴᠡ ᠥᠭᠡᠷᠡ ᠪᠠᠢᠳᠠᠭ ᠦᠭᠡᠢ ᠪᠠᠢᠬᠠ ᠠ᠋ ᠭᠡᠳ ᠬᠥᠭᠵᠢᠯᠲᠡᠢ ᠢᠨᠢᠶᠡᠪᠡ᠃
ᠲᠤᠯᠭᠠᠷ ᠲᠠᠢ ᠬᠠᠮᠲᠤ ᠳᠤᠯᠮᠠ ᠣᠷᠣᠵᠤ ᠢᠷᠡᠭᠡᠳ ᠲᠤᠯᠭᠠᠷ ᠲᠤ᠌ ᠢᠲᠡᠭᠡᠯᠲᠦ ᠶ᠋ᠢᠨ ᠪᠡᠯᠡᠭᠯᠡᠭᠰᠡᠨ ᠠᠯᠴᠢᠭᠤᠷ ᠢ᠋ ᠭᠤᠶᠤᠨ ᠠᠪᠴᠤ ᠲᠣᠯᠣᠭᠠᠢ ᠪᠠᠨ ᠪᠣᠭᠣᠭᠠᠳ ᠲᠤᠯᠭᠠᠷ ᠤ᠋ᠨ ᠬᠠᠭᠠᠷᠬᠠᠢ ᠲᠣᠯᠢ ᠶ᠋ᠢ ᠠᠪᠴᠤ ᠬᠠᠷᠠᠬᠤ ᠳ᠋ᠤᠨᠢ 《ᠳᠤᠯᠮᠠ ᠨᠠᠭᠠᠳᠤᠮ ᠳ᠋ᠤ᠌ ᠶᠠᠪᠤᠬᠤ ᠨᠢ ᠤᠤ?》 ᠭᠡᠵᠦ ᠢᠲᠡᠭᠡᠯᠲᠦ ᠶᠣᠵᠣᠲᠠᠢ ᠬᠡᠯᠡᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠭᠤᠶᠤᠵᠤ ᠶᠠᠪᠤᠪᠠᠯ ᠠᠮᠢᠲᠠᠨ ᠬᠠᠷᠠᠵᠤ ᠪᠠᠢᠬᠤ ᠪᠣᠯᠪᠠ ᠤᠤ ᠭᠡᠵᠦ ᠭᠣᠷᠢᠳᠠᠬᠤ ᠶᠤᠮ ᠭᠡᠳ ᠳᠤᠯᠮᠠ ᠭᠠᠷᠴᠤ ᠣᠳᠤᠯᠠ᠃
ᠬᠦᠢᠲᠡᠨ ᠵᠢᠪᠡᠭᠦᠨ ᠰᠠᠯᠬᠢ ᠳᠤᠯᠮᠠ ᠲᠡᠮᠦᠷ ᠬᠣᠶᠠᠷ ᠤ᠋ᠨ ᠰᠡᠳᠬᠢᠯ ᠵᠢᠷᠦᠬᠡᠨ ᠦ᠌ ᠪᠡᠨ ᠨᠢᠭᠤᠴᠠ ᠶ᠋ᠢ ᠵᠠᠳᠠᠯᠤᠨ ᠶᠠᠷᠢᠯᠴᠠᠬᠤ ᠳ᠋ᠤ᠌ ᠰᠠᠭᠠᠳ ᠪᠣᠯᠤᠭᠰᠠᠨ ᠦᠭᠡᠢ᠃ ᠡᠷᠳᠡᠨᠢ ᠶ᠋ᠢᠨ ᠬᠢ ᠡᠴᠡ ᠶᠠᠪᠤᠭᠰᠠᠨ ᠤ᠋ ᠳᠠᠷᠠᠭᠠ ᠲᠡᠮᠦᠷ ᠡᠨᠡ ᠨᠤᠲᠤᠭ ᠡᠴᠡ ᠬᠣᠯᠠᠳᠴᠤ ᠴᠢᠳᠠᠭᠰᠠᠨ ᠦᠭᠡᠢ ᠬᠡᠳᠦ ᠬᠣᠨᠣᠪᠠ᠃ ᠰᠥᠨᠢ ᠨᠢ ᠮᠣᠳᠣᠨ ᠳ᠋ᠤ᠌ ᠬᠣᠨᠣᠵᠤ ᠡᠳᠦᠷ ᠨᠢ ᠳᠤᠯᠮᠠ ᠲᠠᠢ ᠠᠭᠤᠯᠵᠠᠵᠤ ᠪᠠᠢᠪᠠ᠃
ᠠᠮᠢᠳᠤᠷᠠᠯ ᠢ᠋ ᠵᠢᠭᠰᠢᠨ᠂ ᠪᠦᠬᠦᠨ ᠢ᠋ ᠵᠠᠨᠤᠭᠰᠠᠨ ᠳᠤᠯᠮᠠ ᠶ᠋ᠢᠨ ᠰᠡᠳᠬᠢᠯ ᠬᠤᠪᠢᠷᠠᠨ ᠳᠥᠩᠭᠡᠵᠢ ᠭᠠᠷᠤᠭᠰᠠᠨ ᠨᠠᠮᠤᠷ ᠤ᠋ᠨ ᠬᠡᠨᠵᠡ ᠬᠤᠷᠠᠭᠠᠨ ᠤ᠋ ᠦᠰᠦ ᠰᠢᠭ ᠵᠥᠭᠡᠯᠡᠨ ᠪᠤᠯᠪᠠᠷᠠᠢ ᠪᠣᠯᠤᠭᠰᠠᠨ ᠪᠣᠯ ᠪᠣᠷᠭᠢᠯᠵᠢᠵᠤ ᠴᠢᠯᠠᠭᠤᠵᠢᠭᠰᠠᠨ ᠲᠡᠮᠦᠷ ᠦ᠋ᠨ ᠵᠢᠷᠦᠬᠡ ᠪᠠᠶᠠᠷ ᠳᠣᠭᠳᠣᠯᠤᠯ ᠢ᠋ᠶ᠋ᠠᠷ ᠳᠦᠭᠦᠷᠴᠦ ᠰᠡᠳᠬᠢᠯ ᠨᠢ ᠳᠣᠷᠭᠢᠵᠤ ᠪᠠᠢᠭᠠ ᠴᠢᠩᠭᠠ ᠲᠠᠲᠠᠭᠰᠠᠨ ᠤᠲᠠᠰᠤ ᠰᠢᠭ᠋ ᠴᠡᠴᠡᠷᠡᠵᠦ ᠪᠠᠢᠪᠠ᠃
ᠳᠤᠯᠮᠠ ᠶ᠋ᠢᠨ ᠵᠣᠪᠠᠯᠠᠩᠲᠤ ᠠᠮᠢᠳᠤᠷᠠᠯ ᠤ᠋ᠨ ᠲᠤᠬᠠᠢ ᠰᠣᠨᠣᠰᠬᠤ ᠳᠣᠳᠣᠮ ᠲᠡᠮᠦᠷ ᠦ᠋ᠨ ᠰᠡᠳᠬᠢᠯ ᠤᠶᠠᠷᠠᠵᠤ ᠬᠠᠢᠷᠠᠯᠠᠬᠤ᠂ ᠦᠷᠦ ᠡᠪᠡᠳᠬᠦ ᠨᠢᠭᠡᠳᠦᠨ ᠣᠪᠣᠯᠵᠠᠵᠤ ᠪᠠᠢᠭᠰᠠᠨ ᠪᠣᠯ ᠳᠤᠯᠮᠠ ᠳᠣᠮᠣᠭ ᠰᠢᠭ᠋ ᠶᠠᠭᠤᠮᠠ ᠰᠣᠨᠣᠰᠴᠤ ᠭᠠᠢᠬᠠᠨ ᠪᠠᠢᠭᠰᠠᠨ ᠲᠡᠮᠦᠷ ᠲᠡᠢ ᠥᠪᠡᠷ ᠲᠡᠢ ᠨᠢ ᠣᠳᠣ ᠵᠡᠷᠭᠡᠴᠡᠨ ᠰᠠᠭᠤᠭᠠᠳ ᠢᠨᠠᠭ ᠤ᠋ᠨ ᠬᠠᠯᠠᠭᠤᠨ ᠰᠡᠳᠬᠢᠯ ᠢ᠋ᠶ᠋ᠡᠨ ᠨᠡᠭᠡᠭᠡᠨ ᠶᠠᠷᠢᠵᠤ ᠪᠠᠢᠬᠤ ᠳ᠋ᠤ᠌ ᠶᠢᠷᠲᠢᠨᠴᠦ ᠶ᠋ᠢᠨ ᠬᠠᠮᠤᠭ ᠰᠠᠢᠨ ᠰᠠᠢᠬᠠᠨ ᠪᠦᠬᠦᠨ ᠵᠢᠷᠭᠠᠯ ᠢ᠋ ᠨᠢ ᠪᠦᠲᠦᠭᠡᠬᠦ ᠭᠡᠵᠦ ᠬᠦᠴᠦ ᠭᠠᠷᠭᠠᠨ ᠵᠢᠳᠬᠦᠵᠦ ᠪᠠᠢᠬᠤ ᠰᠢᠭ᠋ ᠪᠣᠳᠣᠭᠳᠠᠵᠤ ᠪᠠᠢᠯᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠴᠢ ᠨᠠᠮᠢ᠋ᠢ ᠣᠳᠣ ᠠᠪᠤᠭᠠᠳ ᠶᠠᠪᠤᠭᠠᠴᠢ ᠳᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠣᠯᠬᠤ ᠦᠭᠡᠢ᠂ ᠶᠠᠭ ᠯᠠ ᠢᠷᠡᠬᠦ ᠵᠤᠨ ᠤ᠋ ᠳᠤᠮᠳᠠ ᠰᠠᠷᠠ ᠶ᠋ᠢᠨ ᠠᠷᠪᠠᠨ ᠨᠢᠮᠡᠨ ᠦ᠌ ᠰᠠᠷᠠ ᠭᠠᠷᠬᠤ ᠦᠶᠡ ᠳ᠋ᠦ᠍ ᠪᠢ ᠳᠥᠷᠪᠡᠨ ᠬᠣᠣᠰ ᠮᠣᠷᠢ ᠲᠠᠢ ᠵᠣᠭᠰᠣᠵᠤ ᠪᠠᠢᠨᠠ ᠭᠡᠵᠦ ᠲᠡᠮᠦᠷ ᠦ᠋ᠨ ᠬᠡᠯᠡᠬᠦ ᠳ᠋ᠦ᠍ ᠪᠦᠬᠦ ᠨᠠᠰᠤᠨ ᠳ᠋ᠠᠭᠠᠨ ᠦᠨᠡᠨ ᠦᠭᠡ ᠰᠣᠨᠣᠰᠤᠭᠠ ᠦᠭᠡᠢ ᠮᠡᠲᠦ ᠪᠣᠳᠣᠵᠤ ᠶᠠᠪᠤᠳᠠᠭ ᠳᠤᠯᠮᠠ ᠭᠣᠮᠣᠳᠠᠯ ᠲᠠᠢ ᠪᠠᠷ 《ᠨᠠᠮᠢ᠋ᠢ ᠬᠠᠭᠤᠷᠤᠭᠠᠳ ᠶᠠᠭᠠᠬᠢᠨᠠ ᠪᠣᠢ ᠳᠠ》 ᠭᠡᠯᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠳᠤᠯᠮᠠ ᠮᠢᠨᠢ ᠨᠠᠮᠢ᠋ᠢ ᠢᠳᠡᠭᠡ᠃ ᠪᠢ ᠬᠡᠯᠡᠭᠰᠡᠨ ᠳ᠋ᠡᠭᠡᠨ ᠵᠠᠪᠠᠯ ᠬᠦᠷᠦᠨᠡ᠃ ᠴᠢ ᠯᠡ ᠪᠠᠢᠵᠤ ᠪᠠᠢᠭᠠᠷᠠᠢ ᠭᠡᠳ ᠲᠡᠮᠦᠷ ᠳᠤᠯᠮᠠ ᠶ᠋ᠢᠨ ᠭᠠᠷ ᠢ᠋ ᠪᠠᠷᠢᠵᠤ ᠢᠯᠢᠪᠡ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠴᠢᠮᠠ ᠳ᠋ᠤ᠌ ᠢᠲᠡᠭᠡᠶᠡ ᠭᠡᠵᠦ ᠦᠨᠡᠨ ᠰᠡᠳᠬᠢᠯ ᠡᠴᠡ ᠪᠡᠨ ᠬᠢᠴᠢᠶᠡᠵᠦ ᠪᠠᠢᠨᠠ᠃
᠊᠊᠊᠊᠊᠊᠊᠊᠊᠊᠊᠊᠊᠊᠊ ᠪᠢ ᠬᠠᠭᠤᠷᠬᠤ ᠦᠭᠡᠢ᠂ ᠳᠤᠯᠮᠠ ᠮᠢᠨᠢ᠃
ᠬᠦᠢᠲᠡᠨ ᠰᠠᠯᠬᠢ ᠦᠯᠢᠶᠡᠨ ᠬᠠᠶᠠ ᠬᠠᠶᠠ ᠤᠷᠤᠰᠤᠨ ᠬᠠᠶᠠᠯᠠᠵᠤ ᠳᠣᠣᠷᠠ ᠪᠠᠨ ᠬᠠᠢᠯᠵᠤ ᠪᠠᠢᠭᠠ ᠮᠠᠯᠠᠭᠠᠢᠷᠠᠭᠰᠠᠨ ᠴᠠᠰᠤ᠂ ᠳᠦᠯᠡᠢᠷᠡᠭᠰᠡᠨ ᠪᠢᠲᠡᠭᠦᠦ ᠬᠠᠷᠠ ᠡᠭᠦᠯᠡ ᠬᠣᠶᠠᠷ ᠬᠠᠢᠷᠠ ᠶ᠋ᠢᠨ ᠭᠠᠯ ᠪᠠᠳᠠᠷᠠᠭᠰᠠᠨ ᠲᠡᠳᠡᠨ ᠦ᠌ ᠰᠡᠳᠬᠢᠯ ᠢ᠋ ᠶᠠᠭᠠᠬᠢᠨ ᠨᠡᠪᠲᠡᠯᠵᠦ ᠴᠢᠳᠠᠬᠤ ᠪᠢᠯᠡ᠃
ᠬᠦᠢᠲᠡᠨ ᠨᠠᠮᠤᠷ ᠥᠪᠡᠷᠮᠢᠴᠡ ᠭᠤᠸᠠ ᠦᠵᠡᠰᠬᠦᠯᠡᠩ ᠲᠡᠢ ᠪᠠᠢᠳᠠᠭ ᠪᠥᠭᠡᠳ ᠲᠡᠭᠦᠨ ᠢ᠋ ᠳᠤᠯᠮᠠ ᠲᠡᠮᠦᠷ ᠬᠣᠶᠠᠷ ᠦᠨᠡᠨ ᠰᠡᠳᠬᠢᠯ ᠡᠴᠡ ᠪᠡᠨ ᠣᠢᠯᠠᠭᠠᠵᠤ ᠭᠠᠩᠳᠠᠨ ᠰᠢᠷᠠᠯᠠᠭᠰᠠᠨ ᠮᠣᠳᠣ᠂ ᠬᠠᠲᠠᠭᠤᠷᠠᠨ ᠬᠠᠯᠢᠭᠤᠷᠠᠭᠰᠠᠨ ᠭᠢᠯᠭᠠᠨᠠ᠂ ᠴᠠᠰᠤᠨ ᠳ᠋ᠤ᠌ ᠬᠤᠴᠢᠭᠳᠠᠭᠰᠠᠨ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠴᠥᠮ ᠡᠨᠡ ᠬᠣᠶᠠᠷ ᠲᠠᠢ ᠬᠠᠮᠲᠤ ᠬᠥᠭᠵᠢᠯᠳᠦᠵᠦ ᠪᠠᠢᠯᠠ᠃