ᠮᠥᠩᠬᠡ ᠲᠤᠩᠬᠤ 2-09 ᠥᠩᠬᠦᠷᠢᠭᠦᠰᠢМөнх Тунх-Өнхрүүш
382ᠥᠩᠬᠦᠷᠢᠭᠦᠰᠢ
ᠣᠷᠣᠰ ᠠᠷᠠᠳ ᠤ᠋ᠨ ᠦᠯᠢᠭᠡᠷ᠄ ᠥᠩᠬᠦᠷᠢᠭᠦᠰᠢ
ᠠᠷᠸᠡ᠄ ᠬᠥᠶᠢ᠂ ᠪᠢᠲᠡᠭᠡᠢ ᠨᠠᠭᠠᠨᠠ ᠪᠠᠨ ᠬᠥᠷᠥᠭᠡᠷᠡᠢ᠂ ᠠᠶᠤᠯ ᠲᠠᠢ ᠰᠢᠦ!
ᠮᠥᠩᠬᠡ᠄ ᠶᠣ᠂ ᠰᠣᠴᠢᠯᠠ ᠰᠢᠲᠠ!
ᠠᠷᠸᠠ ᠄ ᠲᠠ ᠳᠥᠷᠪᠡ ᠮᠠᠨᠢ ᠲᠦᠷ ᠴᠠᠭᠠᠱᠢ ᠪᠠᠨ ᠪᠠᠢᠵᠠᠢ ᠵᠠ᠂ ᠠᠬᠠ ᠨᠢ ᠳᠠᠭᠤᠰᠬᠠᠴᠢᠬᠠᠭᠠᠳ ᠳᠠᠭᠤᠳᠠᠶᠠ᠃
ᠲᠤᠩᠬᠤ᠄ ᠵᠠ᠂ ᠠᠷᠸᠡ ᠠᠬᠠ ᠠ᠋᠃
ᠮᠥᠩᠬᠡ᠄ ᠬᠡᠩ᠂ ᠠᠷᠸᠡ ᠠᠬᠠ ᠲᠠᠩᠳᠠ ᠯᠠ ᠪᠢᠳᠡ ᠨᠠᠷ ᠊ᠢ ᠢᠩᠭᠢ ᠲᠡᠭᠡ ᠭᠡᠵᠦ ᠪᠠᠢᠬᠤ ᠶᠤᠮ᠂ ᠤᠨᠲᠠ ᠪᠣᠰ᠂ ᠢᠳᠡ ᠭᠡᠳ ᠪᠦᠭᠦᠳᠡ ᠶ᠋ᠢ ᠨᠢ ᠵᠢᠭᠠᠵᠤ ᠪᠠᠶ᠋ᠢᠬᠤ ᠶᠤᠮ᠂ ᠪᠢ ᠰᠠᠶᠢ ᠪᠦᠷ ᠶᠠᠮᠠᠷ ᠠᠶᠤᠮᠠᠷ ᠰᠣᠴᠢᠪᠠ᠃
ᠲᠤᠩᠬᠤ᠄ ᠬᠡ ᠬᠡ ᠬᠡ᠂ ᠮᠥᠩᠬᠡ ᠠ᠋! ᠲᠠᠶ᠋ᠢᠪᠤᠰᠢᠷᠠ ᠳᠠ! ᠪᠢᠳᠡ ᠨᠠᠷ ᠥᠪᠡᠷᠰᠡᠳ ᠡᠴᠡ ᠪᠡᠨ ᠠᠬᠠ ᠡᠭᠡᠴᠢ ᠬᠥᠮᠦᠰ ᠦ᠋ᠨ ᠦᠭᠡᠰ ᠊ᠢ ᠰᠣᠨᠣᠰᠴᠤ ᠪᠠᠶ᠋ᠢᠬᠤ ᠬᠡᠷᠡᠭᠲᠡᠢ ᠰᠢᠦ ᠳᠡ᠂ ᠲᠡᠷᠡ ᠬᠥᠮᠦᠰ ᠪᠢᠳᠡᠨ ᠦ᠌ ᠲᠥᠯᠥᠭᠡ ᠯᠡ ᠬᠡᠯᠡᠵᠦ ᠪᠠᠶ᠋ᠢᠬ᠋ᠠ᠂ ᠰᠠᠶᠢ ᠭᠡᠬᠦ ᠳ᠋ᠦ᠍ ᠠᠶᠤᠯ ᠲᠠᠢ ᠪᠠᠶ᠋ᠢᠬᠰᠠᠨ ᠪᠣᠯᠬᠣᠷ ᠲᠡᠭᠡᠵᠦ ᠰᠦᠷ ᠲᠡᠢ ᠬᠡᠯᠡᠭᠰᠡᠨ ᠪᠠ᠃
ᠮᠥᠩᠬᠡ᠄ ᠮᠡᠳᠡᠬᠦ ᠦᠭᠡᠢ᠂ ᠪᠢ ᠥᠪᠡᠷ ᠦ᠋ᠨ ᠬᠢ ᠪᠡᠷ ᠯᠠ ᠪᠠᠶ᠋ᠢᠮᠠᠷ ᠪᠠᠶ᠋ᠢᠨᠠ᠃
ᠲᠤᠩᠬᠤ᠄ ᠬᠢ ᠬᠢ᠂ ᠪᠢᠳᠡ ᠨᠠᠷ ᠴᠠᠭ ᠨᠢ ᠢᠷᠡᠬᠦ ᠪᠡᠷ ᠤᠭ ᠠ᠋ᠴᠠ ᠪᠠᠨ ᠯᠠ ᠲᠣᠮᠣ ᠪᠣᠯᠤᠨᠠ ᠰᠢᠦ ᠳᠡ!
ᠠᠷᠸᠡ᠄ ᠵᠠ᠂ ᠠᠬᠠ ᠨᠢ ᠲᠠ ᠨᠠᠷ ᠲᠤ᠌ ᠪᠠᠨ ᠠᠮᠠᠯᠠᠭᠰᠠᠨ ᠶᠣᠰᠣᠭᠠᠷ ᠢ᠋ᠶ᠋ᠠᠨ ᠭᠠᠳᠠᠭᠠᠳᠤ ᠦᠯᠢᠭᠡᠷ ᠢ᠋ᠶ᠋ᠡᠷ ᠠᠶᠠᠯᠠᠳᠠᠭ ᠲᠥᠬᠥᠭᠡᠷᠦᠮᠵᠢ ᠪᠡᠨ ᠪᠡᠯᠡᠳᠬᠡᠴᠢᠬᠡᠯᠡ᠂ ᠲᠠ ᠨᠠᠷ ᠊ᠢ ᠶᠠᠮᠠᠷ ᠦᠯᠢᠭᠡᠷ ᠢ᠋ᠶ᠋ᠡᠷ ᠠᠶᠠᠯᠠᠭᠤᠯᠬᠤ ᠪᠠᠨ ᠴᠤ᠌ ᠮᠡᠳᠡᠴᠢᠬᠡᠭᠰᠡᠨ᠂ ᠬᠡ ᠬᠡ᠃
ᠲᠤᠩᠬᠤ᠄ ᠶᠠᠮᠠᠷ ᠭᠣᠶᠣ ᠶᠤᠮ ᠪᠣᠢ᠂ ᠪᠢᠳᠡ ᠨᠠᠷ ᠲᠡᠭᠡᠬᠦ ᠪᠡᠷ ᠢ᠋ᠶ᠋ᠡᠨ ᠲᠡᠨᠳᠡ ᠭᠠᠳᠠᠭᠠᠳᠤ ᠬᠡᠯᠡ ᠪᠡᠷ ᠶᠠᠷᠢᠨᠠ ᠭᠡᠰᠡᠨ ᠦᠭᠡ ᠦᠦ?
ᠠᠷᠸᠡ᠄ ᠦᠭᠡᠢ ᠳᠡ᠂ ᠲᠠ ᠨᠠᠷ ᠮᠣᠩᠭᠣᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠶᠠᠷᠢᠬᠤ ᠳ᠋ᠤ᠌ ᠣᠶ᠋ᠢᠯᠠᠭᠠᠬᠤ ᠪᠣᠯᠤᠨᠠ᠃
ᠮᠥᠩᠬᠡ᠄ ᠭᠡᠨᠡᠳᠲᠡ ᠨᠢᠭᠡ ᠰᠣᠨᠢᠨ᠂ ᠦᠯᠢᠭᠡᠷ ᠢ᠋ᠶ᠋ᠡᠷ ᠠᠶᠠᠯᠠᠮᠠᠷ ᠦᠭᠡᠢ ᠴᠦ᠍ ᠶᠦ᠍ᠮ ᠰᠢᠬ ᠰᠠᠨᠠᠭᠳᠠᠭᠠᠳ ᠶᠠᠪᠤᠴᠢᠬᠠᠯᠠ᠃
ᠠᠷᠸᠡ ᠄ ᠬᠡ ᠬᠡ᠂ ᠶᠡᠬᠡ ᠭᠣᠶᠣ ᠦᠯᠢᠭᠡᠷ ᠪᠠᠶ᠋ᠢᠬ᠋ᠠ ᠶᠤᠮ ᠰᠠᠨ᠂ ᠤᠭ ᠨᠢ ᠡᠨᠡ ᠦᠯᠢᠭᠡᠷ ᠢ᠋ᠶ᠋ᠡᠷ ᠠᠶᠠᠯᠠᠪᠠᠯ ᠶᠡᠬᠡ ᠵᠦᠢᠯ ᠰᠤᠷᠤᠨᠠ ᠳᠠ᠃
ᠮᠥᠩᠬᠡ᠄ ᠵᠠ ᠵᠠ᠂ ᠠᠶᠠᠯᠠᠬᠤ ᠠ᠋ᠴᠠ ᠲᠠ᠃
ᠣᠷᠣᠰ ᠠᠷᠠᠳ ᠤ᠋ᠨ ᠦᠯᠢᠭᠡᠷ ᠥᠩᠬᠦᠷᠢᠭᠦᠰᠢ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠡᠮᠡᠭᠡᠨ ᠡᠪᠦᠭᠡᠨ ᠬᠣᠶᠠᠷ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠪᠠᠶ᠋ᠢᠵᠠᠢ᠃ ᠡᠪᠦᠭᠡᠨ ᠨᠢ ᠨᠢᠭᠡ ᠡᠳᠦᠷ᠄《ᠡᠮᠡᠭᠡᠨ ᠠ᠋᠂ ᠥᠩᠬᠥᠷᠢᠭᠦᠱᠢ ᠪᠣᠣᠪᠣ ᠬᠢᠭᠡᠴᠢ》 ᠭᠡᠬᠦ ᠳ᠋ᠦ᠍ ᠡᠮᠡᠭᠡᠨ ᠨᠢ᠄《ᠭᠤᠯᠢᠷ ᠪᠠᠶ᠋ᠢᠬᠤ ᠦᠭᠡᠢ ᠶᠠᠭᠤ ᠪᠠᠷ ᠬᠢᠬᠦ ᠪᠢᠯᠡ ᠳᠠ 》ᠭᠡᠵᠡᠢ᠃ ᠡᠪᠦᠭᠡᠨ ᠨᠢ᠄《 ᠠᠢ᠂ ᠡᠮᠡᠭᠡᠨ ᠮᠢᠨᠢ᠂
ᠠᠪᠳᠠᠷᠠ ᠶ᠋ᠢᠨ ᠢᠷᠣᠭᠠᠷ ᠊ᠢ ᠰᠢᠪᠬᠠᠪᠠᠯ ᠠᠳᠬᠤ ᠭᠤᠯᠢᠷ ᠭᠠᠷᠤᠨᠠ᠂
ᠰᠠᠪᠠᠨ ᠤ᠋ ᠢᠷᠣᠭᠠᠷ ᠊ᠢ ᠰᠢᠪᠬᠠᠪᠠᠯ ᠰᠢᠨᠠᠭᠠ ᠭᠤᠯᠢᠷ ᠭᠠᠷᠤᠨᠠ》ᠭᠡᠵᠡᠢ᠃
ᠡᠮᠡᠭᠡᠨ ᠨᠢ ᠠᠪᠳᠠᠷᠠ ᠶ᠋ᠢᠨ ᠢ᠋ᠶ᠋ᠡᠨ ᠢᠷᠣᠭᠠᠷ ᠠ᠋ᠴᠠ ᠠᠳᠬᠤ ᠭᠤᠯᠢᠷ᠂ ᠰᠠᠪᠠᠨ ᠤ᠋ ᠢᠷᠣᠭᠠᠷ ᠠ᠋ᠴᠠ ᠰᠢᠨᠠᠭᠠ ᠭᠤᠯᠢᠷ ᠣᠯᠤᠭᠠᠳ᠂ ᠥᠷᠥᠮᠡ ᠲᠡᠢ ᠰᠦ ᠪᠡᠷ ᠵᠢᠭᠤᠷᠠᠵᠤ᠂ ᠥᠩᠬᠥᠷᠢᠭᠦᠯᠵᠦ ᠡᠯᠳᠡᠵᠦ ᠬᠢᠭᠡᠳ᠂ ᠥᠳᠬᠡᠨ ᠲᠣᠰᠣᠨ ᠳ᠋ᠤ᠌ ᠬᠠᠭᠠᠷᠢᠵᠤ᠂ ᠥᠩᠬᠦᠷᠢᠭᠦᠰᠢ ᠪᠣᠣᠪᠣ ᠬᠢᠭᠡᠳ ᠬᠥᠷᠥᠭᠡᠬᠦ ᠭᠡᠵᠦ ᠴᠣᠩᠬᠣᠨ ᠳᠡᠭᠡᠷᠡ ᠲᠠᠯᠪᠢᠵᠠᠢ᠃ ᠭᠡᠲᠡᠯᠡ ᠥᠩᠬᠥᠷᠢᠭᠦᠱᠢ ᠪᠣᠣᠪᠣ ᠭᠡᠨᠡᠳᠲᠡᠬᠡᠨ ᠬᠥᠳᠡᠯᠦᠭᠡᠳ ᠴᠣᠩᠬᠣᠨ ᠤ᠋ ᠲᠠᠪᠴᠠᠩ ᠳᠡᠭᠡᠷᠡ ᠡᠴᠡ ᠦᠰᠦᠷᠦᠭᠡᠳ ᠵᠢᠭᠤᠲᠠᠵᠢ᠃
ᠲᠤᠩᠬᠤ᠄ ᠬᠢ ᠬᠢ ᠬᠢ᠂ ᠥᠩᠬᠥᠷᠢᠭᠦᠱᠢ ᠨᠢ ᠥᠩᠬᠥᠷᠢᠭᠡᠳ ᠪᠠᠶ᠋ᠢᠲᠠᠭ ᠪᠣᠯᠬᠣᠷ ᠥᠩᠬᠦᠷᠢᠭᠦᠰᠢ ᠭᠡᠳᠡᠭ ᠨᠡᠷᠡ ᠲᠡᠢ ᠪᠣᠯᠤᠭᠰᠠᠨ ᠶᠤᠮ ᠪᠠᠶ᠋ᠢᠬᠤ ᠳᠠ᠃
ᠪᠠᠰᠠᠷ᠄ ᠪᠠᠰᠠ ᠯᠠ ᠰᠠᠬᠢᠯᠭᠠ ᠦᠭᠡᠢ ᠳᠠᠮᠰᠢᠭ ᠪᠠᠶ᠋ᠢᠨᠠ ᠰᠢᠦ ᠠ᠂ ᠬᠢ ᠬᠢ᠂ ᠦ᠋᠂ ᠦᠨᠡᠷᠡᠨ ᠮᠥᠩᠬᠡ᠂ ᠰᠠᠶᠢ ᠠᠷᠸᠡ ᠠᠬᠠ ᠶ᠋ᠢᠨ ᠳ᠋ᠦ᠍ ᠪᠠᠶ᠋ᠢᠬᠤ ᠳ᠋ᠤ᠌ ᠴᠢᠨᠦ ᠶᠠᠷᠢᠭᠰᠠᠨ ᠵᠦᠢᠯ ᠲᠡᠢ ᠪᠣᠯ ᠪᠢ ᠰᠠᠨᠠᠯ ᠨᠡᠶ᠋ᠢᠯᠡᠭᠰᠡᠨ ᠰᠢᠦ᠂ ᠨᠡᠭᠡᠷᠡᠨ ᠪᠢᠳᠡ ᠨᠠᠷ ᠶᠠᠭᠠᠬᠢᠭᠠᠳ ᠪᠠᠶ᠋ᠢᠩᠭᠤ ᠭᠣᠶᠣ ᠶᠠᠭᠤᠮᠠ ᠢᠳᠡᠵᠦ᠂ ᠤᠨᠲᠠᠯ ᠦᠭᠡᠢ ᠰᠥᠨᠢᠵᠢᠨ ᠢ᠋ᠶ᠋ᠡᠨ ᠲᠣᠭᠯᠠᠵᠤ ᠪᠣᠯᠳᠠᠭ ᠦᠭᠡᠢ ᠪᠣᠢ ᠶᠤᠮ᠂ ᠲᠡᠢᠮᠦ?
ᠮᠥᠩᠬᠡ᠄ ᠬᠠᠷᠢᠨ ᠲᠡᠶ᠋ᠢᠮᠦ ᠠ᠋᠂ ᠪᠦᠷ ᠰᠣᠨᠢᠨ ᠰᠠᠨᠠᠭᠳᠠᠭᠠᠳ ᠪᠠᠶ᠋ᠢᠬᠤ ᠶᠤᠮ᠃ ᠶᠡᠷᠦ ᠨᠢ ᠪᠢ ᠴᠢᠨᠢ ᠲᠣᠮᠣ ᠪᠣᠯᠵᠤ ᠪᠠᠶ᠋ᠢᠬ᠋ᠠ ᠰᠢᠦ ᠳᠡ᠃
ᠴᠠᠰᠤᠬᠠᠨ ᠄ ᠲᠣᠮᠣ ᠬᠥᠮᠦᠰ ᠦ᠋ᠨ ᠡᠭᠦᠷᠭᠡ ᠨᠢ ᠲᠠ ᠨᠠᠷ ᠊ᠢ ᠠᠶᠤᠯ ᠦᠭᠡᠢ ᠣᠷᠴᠢᠨ ᠳ᠋ᠤ᠌ ᠠᠮᠢᠳᠤᠷᠠᠭᠤᠯᠵᠤ ᠬᠠᠮᠠᠭᠠᠯᠠᠬᠤ ᠪᠠᠶ᠋ᠢᠲᠠᠭ ᠪᠠᠶ᠋ᠢᠬᠤ ᠦᠭᠡᠢ ᠦᠦ?
ᠪᠠᠰᠠᠷ᠄ ᠫᠧᠢ ᠫᠧᠢ ᠫᠧᠢ᠂ ᠫᠧᠢ ᠫᠧᠢ ᠫᠧᠢ ᠁
ᠲᠤᠩᠬᠤ᠄ ᠪᠠᠶ᠋ᠢᠵᠠᠭᠠᠷᠠᠢ᠂ ᠨᠢᠭᠡ ᠴᠢᠮᠡᠭᠡ ᠰᠣᠨᠣᠰᠳᠠᠭᠠᠳ ᠪᠠᠶ᠋ᠢᠬᠤ ᠶᠤᠮ᠂
ᠠᠪᠳᠠᠷᠠ ᠶ᠋ᠢᠨ ᠢᠷᠣᠭᠠᠷ ᠠ᠋ᠴᠠ ᠠᠪᠤᠭᠰᠠᠨ᠂ ᠠᠳᠬᠤ ᠭᠤᠯᠢᠷ ᠢ᠋ᠶ᠋ᠠᠷ ᠬᠢᠭᠰᠡᠨ᠂ ᠰᠠᠪᠠᠨ ᠤ᠋ ᠢᠷᠣᠭᠠᠷ ᠠ᠋ᠴᠠ ᠠᠪᠤᠭᠰᠠᠨ᠂ ᠰᠢᠨᠠᠭᠠ ᠭᠤᠯᠢᠷ ᠢ᠋ᠶ᠋ᠠᠷ ᠬᠢᠭᠰᠡᠨ᠂ ᠥᠷᠥᠮᠡ ᠲᠡᠢ ᠰᠦ ᠪᠡᠷ ᠵᠢᠭᠤᠷᠠᠭᠰᠠᠨ᠂ ᠥᠳᠬᠡᠨ ᠲᠣᠰᠣᠨ ᠳ᠋ᠤ᠌ ᠴᠢᠨᠠᠭᠰᠠᠨ᠂ ᠡᠪᠦᠭᠡᠨ ᠡᠮᠡᠭᠡᠨ ᠬᠣᠶᠠᠷ ᠠ᠋ᠴᠠ ᠥᠪᠡᠷ ᠦ᠋ᠨ ᠴᠢᠳᠠᠯ ᠢ᠋ᠶ᠋ᠠᠷ ᠵᠢᠭᠤᠲᠠᠭᠰᠠᠨ᠂ᠳᠡᠯᠳᠡᠩ ᠲᠠᠤᠯᠠᠢ ᠴᠢᠮᠠ ᠠ᠋ᠴᠠ ᠳᠡᠭᠳᠡᠵᠦ ᠵᠠᠶ᠋ᠢᠯᠠᠵᠤ ᠵᠠᠪᠳᠤᠨᠠ ᠳᠠ᠃
ᠮᠥᠩᠬᠡ᠄ ᠰᠠᠶᠢ ᠴᠢ ᠳᠠᠭᠤᠯᠠᠭᠰᠠᠨ ᠤᠤ?
ᠲᠤᠩᠬᠤ᠄ ᠶᠠᠮᠠᠷ ᠬᠥᠭᠡᠷᠦᠬᠦᠨ ᠳᠠᠭᠤᠤ ᠪᠠᠶ᠋ᠢᠬᠰᠠᠨ ᠪᠣᠢ ᠰᠠᠶᠢ?
ᠲᠠᠤᠯᠠᠢ᠄ ᠪᠢ ᠪᠢᠰᠢ ᠠ᠋᠂ ᠰᠠᠶᠢ ᠬᠠᠷᠢᠨ ᠪᠥᠭᠡᠷᠡᠩᠬᠡᠢ ᠥᠩᠬᠥᠷᠢᠭᠦᠱᠢ ᠳᠠᠭᠤᠯᠠᠵᠤ ᠪᠠᠶ᠋ᠢᠭᠠᠳ ᠶᠠᠪᠤᠯᠠ᠃
ᠲᠤᠩᠬᠤ᠄ ᠰᠠᠶᠢ ᠶᠠᠭ ᠲᠡᠭᠡᠪᠡᠯ ᠦᠯᠢᠭᠡᠷ ᠦ᠋ᠨ ᠭᠣᠣᠯ ᠪᠠᠭᠠᠲᠤᠷ ᠪᠠᠶ᠋ᠢᠬᠰᠠᠨ ᠪᠠᠶ᠋ᠢᠨᠠ ᠰᠢᠦ ᠳᠡ᠂ ᠬᠡᠳᠦᠭᠦᠯᠡ ᠪᠡᠨ ᠬᠣᠴᠣᠷᠴᠢᠬᠠᠭᠰᠠᠨ ᠪᠠᠶ᠋ᠢᠨᠠ᠂ ᠬᠣᠶ᠋ᠢᠨᠠ ᠠ᠋ᠴᠠ ᠨᠢ ᠶᠠᠪᠤᠵᠠᠭᠠᠶᠠ᠃
ᠮᠥᠩᠬᠡ᠄ ᠶᠠᠭᠠᠬᠢᠨᠠ᠂ ᠬᠡᠳᠦᠭᠦᠯᠡ ᠪᠡᠨ ᠥᠩᠬᠥᠷᠢᠭᠦᠱᠢ ᠶ᠋ᠢ ᠭᠦᠢᠴᠡᠬᠦ ᠶᠦ᠍ᠮ ᠪᠣᠯ ᠦᠦ? ᠰᠠᠶᠢ ᠴᠢᠨᠣᠠ ᠪᠠᠭᠠᠪᠠᠭᠠᠢ ᠲᠠᠢ ᠲᠠᠭᠠᠷᠠᠭᠠᠳ ᠲᠦᠷᠦᠭᠦᠨ ᠦ᠌ ᠳᠠᠭᠤᠤ ᠪᠠᠨ ᠳᠠᠭᠤᠯᠠᠵᠤ ᠥᠭᠭᠦᠭᠡᠳ ᠶᠠᠪᠤᠭᠰᠠᠨ ᠪᠠᠶ᠋ᠢᠨᠠ᠃
ᠲᠤᠩᠬᠤ᠄ ᠬᠠᠷᠢᠨ ᠲᠡᠶ᠋ᠢᠮᠦ ᠪᠠᠶ᠋ᠢᠨᠠ᠃ ᠬᠡᠳᠦᠭᠦᠯᠡ ᠪᠡᠨ ᠵᠠᠮ ᠢ᠋ᠶ᠋ᠠᠨ ᠲᠣᠪᠴᠢᠯᠠᠴᠢᠬᠠᠪᠠᠯ ᠲᠠᠭᠠᠷᠠᠬᠤ ᠦᠭᠡᠢ ᠪᠣᠯ ᠪᠠᠰᠠ ᠬᠡᠴᠡᠭᠦᠦ ᠶᠦ᠍ᠮ ᠳᠡ᠃
ᠪᠠᠰᠠᠷ᠄ ᠬᠠᠷᠢᠨ ᠬᠤᠷᠳᠤᠬᠠᠨ ᠣᠴᠢᠭᠠᠳ ᠶᠠᠭᠠᠬᠢᠭᠠᠳ ᠰᠠᠬᠢᠯᠭᠠ ᠦᠭᠡᠶ᠋ᠢᠲᠡᠭᠡᠳ ᠶᠠᠪᠤᠭᠠᠳ ᠪᠠᠶ᠋ᠢᠬ᠋ᠠ ᠶ᠋ᠢ ᠨᠢ ᠠᠰᠠᠭᠤᠭᠠᠳ ᠶᠠᠭᠠᠬᠢᠭᠠᠳ ᠢᠩᠭᠢᠵᠦ ᠪᠣᠯᠬᠤ ᠦᠭᠡᠢ ᠶ᠋ᠢ ᠨᠢ ᠵᠢᠭᠠᠭᠠᠳ ᠥᠭᠬᠦ ᠶᠦ᠍ᠮ ᠰᠠᠨ᠃
ᠮᠥᠩᠬᠡ᠄ ᠪᠢᠳᠡ ᠨᠠᠷ ᠠᠷᠠᠢ ᠬᠤᠷᠳᠤᠨ ᠭᠦᠶᠦᠬᠦ ᠦᠭᠡᠢ ᠶᠦ᠍ᠮ ᠪᠣᠯ ᠭᠦᠢᠴᠡᠬᠦ ᠦᠭᠡᠢ ᠶᠦ᠍ᠮ ᠪᠠᠶ᠋ᠢᠨᠠ᠃ᠪᠠᠰᠠᠷ ᠠ᠋᠂ ᠬᠡᠳᠦᠭᠦᠯᠡ ᠪᠡᠨ ᠨᠢᠰᠦᠶᠡ᠃
ᠴᠠᠰᠤᠬᠠᠨ᠄ ᠲᠡᠷᠡ ᠮᠥᠨ ᠪᠠᠶ᠋ᠢᠬᠤ ᠰᠢᠬ ᠪᠠᠶ᠋ᠢᠨᠠ᠃
ᠲᠤᠩᠬᠤ᠄ ᠲᠡᠶ᠋ᠢᠮᠦ ᠪᠠᠶ᠋ᠢᠨᠠ᠃
ᠪᠠᠰᠠᠷ᠄ ᠵᠠ᠂ ᠰᠠᠬᠢᠯᠭᠠ ᠦᠭᠡᠢ ᠥᠩᠬᠦᠷᠢᠭᠦᠰᠢ ᠮᠢᠨᠢ ᠠ᠋᠂ ᠬᠠᠷᠢᠬᠤ ᠴᠠᠭ ᠪᠣᠯᠤᠭᠰᠠᠨ ᠪᠠᠶ᠋ᠢᠨᠠ ᠳᠠ᠂ ᠴᠢᠮᠠ ᠶ᠋ᠢ ᠠᠶᠤᠯ ᠦᠭᠡᠢ ᠭᠠᠵᠠᠷ ᠬᠦᠷᠭᠡᠵᠦ ᠥᠭᠬᠦᠶᠡ᠃
ᠥᠩᠬᠥᠷᠢᠭᠦᠱᠢ ᠄ ᠬᠠ ᠬᠠ ᠬᠠ᠂ ᠠᠶᠤᠯ ᠦᠭᠡᠢ ᠭᠠᠵᠠᠷ ᠊ᠢ ᠴᠢᠮᠠ ᠪᠡᠷ ᠴᠦ᠍ ᠬᠡᠯᠡᠭᠦᠯᠬᠦ ᠦᠭᠡᠢ᠂ ᠪᠢ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠴᠢᠳᠠᠯ ᠢ᠋ᠶ᠋ᠠᠷ ᠪᠦᠭᠦᠳᠡ ᠶ᠋ᠢ ᠭᠦᠶᠦᠵᠦ ᠴᠢᠳᠠᠨᠠ᠃
ᠪᠠᠰᠠᠷ᠄ ᠵᠠ᠂ ᠮᠢᠨᠦ ᠳᠡᠭᠦᠦ ᠪᠢ ᠴᠢᠨᠦ ᠰᠠᠢᠨ ᠰᠠᠢᠬᠠᠨ ᠤ᠋ ᠲᠥᠯᠥᠭᠡ ᠯᠡ ᠬᠡᠯᠡᠵᠦ ᠪᠠᠶ᠋ᠢᠨᠠ᠂ ᠬᠡᠲᠦᠶ᠋ᠢᠪᠡᠷ ᠴᠢ ᠥᠪᠡᠷ ᠊ᠢ ᠪᠡᠨ ᠠᠪᠤᠭᠠᠳ ᠶᠠᠪᠤᠵᠤ ᠴᠢᠳᠠᠬᠤ ᠪᠣᠯᠪᠠᠴᠤ ᠡᠨᠡ ᠣᠢ ᠭᠡᠳᠡᠭ ᠴᠢᠨᠢ ᠶᠡᠬᠡ ᠠᠶᠤᠯ ᠲᠠᠢ ᠰᠢᠦ ᠳᠡ᠃ ᠡᠩ᠂ ᠴᠢ ᠶᠡᠷᠦ ᠨᠢ ᠤᠯᠠᠭᠠᠨ ᠮᠠᠯᠠᠭᠠᠶ᠋ᠢᠲᠤ ᠭᠡᠳ ᠦᠯᠢᠭᠡᠷ ᠮᠡᠳᠡᠬᠦ ᠦᠦ? ᠠᠶᠤᠮᠠᠷ ᠶᠠᠭᠤᠮᠠ ᠪᠣᠯᠳᠠᠭ ᠠ᠋᠃
ᠥᠩᠬᠦᠷᠢᠭᠦᠰᠢ᠄ ᠴᠢ ᠶᠠᠭ ᠮᠠᠨ ᠤ᠋ ᠡᠪᠦᠭᠡ ᠰᠢᠭ ᠰᠣᠨᠣᠰᠤᠭᠳᠠᠵᠤ ᠪᠠᠶ᠋ᠢᠨᠠ᠂ ᠶᠠᠭᠠᠬᠢᠬᠤ ᠪᠠᠷ ᠢ᠋ᠶ᠋ᠠᠨ ᠪᠢ ᠲᠠ ᠨᠠᠷ ᠤ᠋ᠨ ᠦᠭᠡᠨ ᠳ᠋ᠦ᠍ ᠣᠷᠣᠬᠤ ᠶᠣᠰᠣᠲᠠᠢ ᠶᠤᠮ?
ᠮᠥᠩᠬᠡ᠄ ᠥᠩᠬᠥᠷᠢᠭᠦᠱᠢ ᠠ᠋᠂ ᠡᠨᠡ ᠪᠦᠭᠦᠳᠡ ᠶ᠋ᠢ ᠴᠢᠨᠦ ᠯᠡ ᠲᠥᠯᠥᠭᠡ ᠬᠡᠯᠡᠵᠦ ᠪᠠᠶ᠋ᠢᠬ᠋ᠠ ᠰᠢᠦ ᠳᠡ᠂ ᠴᠢ ᠰᠠᠢᠨ ᠪᠣᠳᠣᠭᠠᠳ ᠦᠵᠡ ᠳᠡ!
ᠥᠩᠬᠥᠷᠢᠭᠦᠱᠢ ᠄ ᠬᠢ ᠬᠢ ᠬᠢ᠂ ᠵᠠ ᠲᠡᠭᠡᠪᠡᠯ ᠲᠠᠨ ᠳ᠋ᠤ᠌ ᠪᠢ ᠥᠪᠡᠷ ᠦ᠋ᠨ ᠳᠠᠭᠤᠤ ᠶ᠋ᠢ ᠳᠠᠭᠤᠯᠠᠵᠤ ᠦᠭᠬᠦᠶᠡ᠃
ᠠᠪᠳᠠᠷᠠ ᠶ᠋ᠢᠨ ᠢᠷᠣᠭᠠᠷ ᠠ᠋ᠴᠠ ᠠᠪᠤᠭᠰᠠᠨ
ᠠᠳᠬᠤ ᠭᠤᠯᠢᠷ ᠢ᠋ᠶ᠋ᠠᠷ ᠬᠢᠭᠰᠡᠨ
ᠰᠠᠪᠠᠨ ᠤ᠋ ᠢᠷᠣᠭᠠᠷ ᠠ᠋ᠴᠠ ᠠᠪᠤᠭᠰᠠᠨ
ᠰᠢᠨᠠᠭᠠ ᠭᠤᠯᠢᠷ ᠢ᠋ᠶ᠋ᠠᠷ ᠬᠢᠭᠰᠡᠨ
ᠡᠩ᠂ ᠡᠳᠡ ᠨᠠᠷ ᠊ᠢ ᠴᠦ᠍ ᠡᠨᠡ ᠠᠷᠭᠠ ᠪᠠᠷ ᠰᠠᠭᠠᠲᠠᠭᠤᠯᠬᠤ ᠦᠭᠡᠢ ᠶᠦ᠍ᠮ ᠪᠠᠶ᠋ᠢᠨᠠ ᠳᠠ᠃
ᠵᠠ ᠲᠡᠭᠡᠪᠡᠯ᠄
ᠠᠪᠳᠠᠷᠠ ᠶ᠋ᠢᠨ ᠢᠷᠣᠭᠠᠷ ᠠ᠋ᠴᠠ ᠠᠪᠤᠭᠰᠠᠨ
ᠠᠳᠬᠤ ᠭᠤᠯᠢᠷ ᠢ᠋ᠶ᠋ᠠᠷ ᠬᠢᠭᠰᠡᠨ
ᠰᠠᠪᠠᠨ ᠤ᠋ ᠢᠷᠣᠭᠠᠷ ᠠ᠋ᠴᠠ ᠠᠪᠤᠭᠰᠠᠨ
ᠰᠢᠨᠠᠭᠠ ᠭᠤᠯᠢᠷ ᠢ᠋ᠶ᠋ᠠᠷ ᠬᠢᠭᠰᠡᠨ
ᠥᠷᠥᠮᠡ ᠲᠡᠢ ᠰᠦ ᠪᠡᠷ ᠵᠢᠭᠤᠷᠠᠭᠰᠠᠨ
ᠥᠳᠬᠡᠨ ᠲᠣᠰᠣᠨ ᠳ᠋ᠤ᠌ ᠴᠢᠨᠠᠭᠰᠠᠨ
ᠡᠪᠦᠭᠡᠨ ᠡᠮᠡᠭᠡᠨ ᠬᠣᠶᠠᠷ ᠠ᠋ᠴᠠ
ᠥᠪᠡᠷ ᠦ᠋ᠨ ᠴᠢᠳᠠᠯ ᠢ᠋ᠶ᠋ᠠᠷ ᠵᠢᠭᠤᠲᠠᠭᠰᠠᠨ
ᠮᠥᠩᠬᠡ᠄ ᠬᠥᠶᠢ᠂ ᠥᠩᠬᠦᠷᠢᠭᠦᠰᠢ ᠶᠠᠪᠤᠭᠰᠠᠨ ᠪᠠᠶ᠋ᠢᠨᠠ ᠰᠢᠳᠡ᠂ ᠦᠭᠡᠢ ᠶᠠᠮᠠᠷ ᠰᠣᠨᠢᠨ ᠬᠥᠮᠦᠨ ᠦ᠌ ᠦᠭᠡ ᠶ᠋ᠢ ᠣᠶ᠋ᠢᠯᠠᠭᠠᠲᠠᠭ ᠦᠭᠡᠢ ᠶᠦ᠍ᠮ ᠪᠣᠢ? ᠥᠪᠡᠷ ᠦ᠋ᠨ ᠬᠢᠨᠢ ᠲᠥᠯᠥᠭᠡ ᠬᠡᠯᠡᠭᠡᠳ ᠪᠠᠶ᠋ᠢᠬᠤ ᠳ᠋ᠤ᠌᠃
ᠪᠠᠰᠠᠷ᠄ ᠬᠠᠷᠢᠨ ᠲᠡᠶ᠋ᠢᠮᠦ᠂ ᠱᠠᠯ ᠰᠣᠨᠢᠨ ᠰᠠᠨᠠᠭᠳᠠᠴᠢᠬᠠᠯᠠ᠂ ᠪᠦᠷ ᠨᠢᠭᠡ ᠪᠣᠯᠪᠠᠰᠤᠷᠠᠭᠠ ᠦᠭᠡᠢ᠂ ᠶᠠᠭᠤᠮᠠ ᠣᠶ᠋ᠢᠯᠠᠭᠠᠬᠤ ᠦᠭᠡᠢ᠃
ᠦᠨᠡᠭᠡ᠄ ᠰᠠᠢᠨ ᠪᠠᠶ᠋ᠢᠨᠠ ᠤᠤ? ᠥᠩᠬᠥᠷᠢᠭᠦᠱᠢ ᠮᠢᠨᠢ ᠠ᠋! ᠴᠢ ᠶᠠᠮᠠᠷ ᠬᠥᠭᠡᠷᠦᠬᠦᠨ ᠰᠢᠷᠭᠠᠯ ᠶᠤᠮ ᠪᠣᠢ?
ᠥᠩᠬᠥᠷᠢᠭᠦᠱᠢ᠄ ᠦᠨᠡᠭᠡ ᠭᠤᠸᠠᠢ! ᠪᠢ ᠲᠠᠨ ᠳ᠋ᠤ᠌ ᠨᠢᠭᠡ ᠰᠠᠢᠬᠠᠨ ᠳᠠᠭᠤᠤ ᠳᠠᠭᠤᠯᠠᠵᠤ ᠥᠭᠬᠦ ᠦᠦ?
ᠦᠨᠡᠭᠡ᠄ ᠳᠡᠭᠡᠯ ᠳᠡ᠂ ᠪᠢ ᠳᠤᠷᠠᠲᠠᠶᠠ ᠰᠣᠨᠣᠰᠤᠶᠠ᠃
ᠪᠠᠰᠠᠷ᠄ ᠮᠢᠨᠦ ᠬᠡᠯᠡᠭᠰᠡᠨ ᠦᠭᠡ ᠶ᠋ᠢ ᠪᠦᠷ ᠦᠭᠡ ᠭᠡᠵᠦ ᠰᠣᠨᠣᠰᠬᠤ ᠦᠭᠡᠢ ᠪᠠᠶ᠋ᠢᠯᠠ ᠰᠢᠦ᠂
ᠮᠥᠩᠬᠡ᠄ ᠬᠣᠶᠠᠭᠤᠯᠠ ᠪᠠᠨ ᠪᠤᠷᠤᠭᠤ ᠲᠠᠶ᠋ᠢᠯᠪᠤᠷᠢᠯᠠᠭᠠᠳ ᠪᠠᠶ᠋ᠢᠬ᠋ᠠ ᠶᠤᠮ ᠪᠣᠯ ᠤᠤ? ᠶᠠᠭᠠᠬᠢᠵᠤ ᠶᠠᠷᠢᠯᠴᠠᠬᠤ ᠶᠣᠰᠣᠲᠠᠢ ᠶᠤᠮ ᠪᠣᠯ ᠠ᠋?
ᠥᠩᠬᠥᠷᠢᠭᠦᠱᠢ ᠄ ᠮᠠᠷᠭᠤᠭᠠᠨ ᠦᠭᠡᠢ ᠪᠤᠯᠲᠠᠵᠤ ᠠᠮᠵᠢᠭᠰᠠᠨ ᠵᠠᠯᠢᠲᠤ ᠦᠨᠡᠭᠡ ᠴᠢᠮᠠ ᠠ᠋ᠴᠠ ᠵᠢᠭᠤᠲᠠᠵᠤ ᠪᠠᠰᠠ ᠠᠮᠵᠢᠨᠠ ᠳᠠ᠃
ᠦᠨᠡᠭᠡ᠄ ᠠ ᠬᠠ ᠬᠠ ᠬᠠ᠂ ᠶᠠᠮᠠᠷ ᠰᠠᠢᠬᠠᠨ ᠳᠠᠭᠤᠯᠠᠳᠠᠭ ᠶᠤᠮ ᠪᠣᠢ᠂ ᠳᠠᠩᠴᠤ ᠡᠭᠡᠴᠢ ᠶ᠋ᠢᠨ ᠬᠢᠨᠢ ᠴᠢᠬᠢ ᠶᠡᠬᠡ ᠮᠠᠭᠤ ᠰᠣᠨᠣᠰᠳᠠᠭ ᠶᠤᠮ᠂ ᠥᠩᠬᠦᠷᠢᠭᠦᠰᠢ ᠮᠢᠨᠢ᠂ ᠴᠢ ᠬᠣᠩᠰᠢᠶᠠᠷ ᠳᠡᠭᠡᠷᠡ ᠮᠢᠨᠢ ᠭᠠᠷᠤᠭᠠᠳ ᠳᠠᠭᠤᠯᠠᠭᠠᠳ ᠥᠭᠭᠦᠭᠡᠴᠢ᠃
ᠥᠩᠬᠥᠷᠢᠱ᠄ ᠬᠡ ᠬᠡ᠂ ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤᠪ᠃
ᠪᠠᠰᠠᠷ᠄ ᠥᠩᠬᠦᠷᠢᠭᠦᠰᠢ ᠠ᠋!
ᠮᠥᠩᠬᠡ᠄ ᠲᠠ ᠶᠠᠭ ᠥᠩᠬᠦᠷᠢᠭᠦᠰᠢ ᠶ᠋ᠢ ᠮᠠᠨᠢ ᠰᠠᠶᠢ ᠢᠳᠡᠬᠦ ᠭᠡᠵᠦ ᠪᠠᠶ᠋ᠢᠨᠠ ᠰᠢᠲᠠ᠃
ᠦᠨᠡᠭᠡ᠄ ᠡᠳᠦᠷ ᠦ᠋ᠨ ᠬᠣᠭᠣᠯᠠᠨ ᠠ᠋ᠴᠠ ᠮᠢᠨᠢ ᠰᠠᠯᠭᠠᠨᠠ ᠭᠡᠨᠡ ᠠ᠋᠂ ᠬᠡᠩ᠃
ᠮᠥᠩᠬᠡ᠄ ᠶᠠᠭᠠᠬᠢᠨᠠ ᠴᠢ ᠰᠠᠶᠢ ᠪᠦᠷ ᠪᠠᠯᠠᠷᠠᠬᠤ ᠭᠡᠵᠦ ᠪᠠᠶ᠋ᠢᠨᠠ ᠰᠢᠲᠠ᠃
ᠪᠠᠰᠠᠷ᠄ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠣᠢ ᠮᠣᠳᠣᠨ ᠳᠣᠲᠣᠷᠠ ᠶᠠᠪᠤᠬᠤ ᠦᠨᠡᠬᠡᠷ ᠠᠶᠤᠯ ᠲᠠᠢ ᠭᠡᠵᠦ ᠪᠢ ᠴᠢᠮᠠ ᠳ᠋ᠤ᠌ ᠬᠡᠯᠡᠭᠰᠡᠨ ᠪᠢᠵᠡ ᠳᠡ᠃
ᠮᠥᠩᠬᠡ᠄ ᠬᠡᠷᠪᠡ ᠴᠢᠮᠠ ᠳ᠋ᠤ᠌ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠ ᠪᠣᠯᠤᠭᠰᠠᠨ ᠪᠣᠯ ᠡᠪᠦᠭᠡ ᠡᠮᠡᠭᠡ ᠬᠣᠶᠠᠷ ᠶᠠᠮᠠᠷ ᠪᠠᠶ᠋ᠢᠬᠤ ᠪᠠᠶ᠋ᠢᠬᠰᠠᠨ ᠪᠣᠯ?ᠡᠶ᠋ᠢᠮᠦ ᠬᠥᠭᠡᠷᠦᠬᠦᠨ ᠡᠭᠳᠡᠭᠦᠦ ᠲᠡᠢ ᠥᠩᠬᠦᠷᠢᠭᠦᠰᠢ ᠡᠴᠡ ᠪᠡᠨ ᠰᠠᠯᠤᠨᠠ ᠭᠡᠳᠡᠭ ᠴᠢᠨᠢ ᠬᠡᠴᠢᠨᠡᠭᠡᠨ ᠬᠡᠴᠡᠭᠦᠦ ᠭᠡᠵᠦ ᠪᠣᠳᠣᠨᠠ᠃
ᠬᠡᠦᠬᠡᠳ ᠦ᠋ᠳ ᠪᠢᠳᠡ᠂ ᠲᠣᠮᠣ ᠬᠥᠮᠦᠰ ᠪᠢᠳᠡᠨ ᠦ᠌ ᠲᠥᠯᠥᠭᠡ ᠬᠡᠯᠡᠵᠦ ᠪᠠᠶ᠋ᠢᠬ᠋ᠠ ᠦᠭᠡ ᠶ᠋ᠢ ᠦᠯᠦ ᠲᠣᠭᠣᠵᠤ ᠵᠥᠷᠢᠭᠦᠳᠯᠡᠬᠦ ᠡᠴᠡ ᠪᠡᠨ ᠡᠮᠦᠨᠡ ᠶᠠᠭᠠᠬᠢᠭᠠᠳ ᠡᠳᠡᠭᠡᠷ ᠵᠦᠢᠯᠡᠰ ᠊ᠢ ᠬᠡᠯᠡᠳᠡᠭ ᠪᠣᠢ ᠭᠡᠳᠡᠭ ᠊ᠢ ᠪᠣᠳᠣᠵᠤ ᠦᠵᠡᠬᠦ ᠬᠡᠷᠡᠭᠲᠡᠢ ᠰᠢᠦ ᠳᠡ᠃ ᠬᠡᠳᠦᠢ ᠪᠢᠳᠡ ᠥᠪᠡᠷᠰᠡᠳ ᠦ᠋ᠨ ᠭᠡᠰᠡᠨ ᠦᠵᠡᠯᠲᠡ ᠪᠣᠳᠣᠯ ᠢ᠋ᠶ᠋ᠠᠨ ᠪᠡᠬᠢᠵᠢᠭᠦᠯᠬᠦ ᠶᠣᠰᠣᠲᠠᠢ ᠪᠣᠯᠪᠠᠴᠤ ᠠᠬᠠᠮᠠᠳ ᠦ᠋ᠳ ᠢ᠋ᠶ᠋ᠡᠨ ᠬᠦᠨᠳᠦᠯᠡᠬᠦ᠂ ᠮᠥᠨ ᠡᠷᠭᠦᠨ ᠲᠡᠳᠬᠦᠬᠦ ᠶ᠋ᠢ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ᠃
ᠪᠠᠰᠠᠷ᠄ ᠶᠠᠭ ᠲᠡᠶ᠋ᠢᠮᠦ! ᠶᠣᠰᠣᠲᠠᠢ ᠰᠠᠢᠬᠠᠨ ᠬᠡᠯᠡᠯᠡ᠃
ᠥᠩᠬᠦᠷᠢᠭᠦᠰᠢ ᠄ ᠠᠭᠤᠴᠢᠯᠠᠭᠠᠷᠠᠢ! ᠪᠢ ᠳᠠᠬᠢᠵᠤ ᠵᠥᠷᠢᠭᠦᠳᠯᠡᠬᠦ ᠦᠭᠡᠢ᠂ ᠵᠥᠷᠢᠭᠦᠳᠯᠡᠬᠦ ᠡᠴᠡ ᠪᠡᠨ ᠡᠮᠦᠨᠡ ᠶᠠᠮᠠᠷ ᠵᠦᠢᠯ ᠬᠡᠯᠡᠵᠦ ᠪᠠᠶ᠋ᠢᠬ᠋ᠠ ᠶ᠋ᠢ ᠨᠢ ᠣᠶ᠋ᠢᠯᠠᠭᠠᠬᠤ ᠶ᠋ᠢ ᠬᠢᠴᠢᠶᠡᠵᠦ ᠶᠠᠪᠤᠬᠤ ᠪᠣᠯᠤᠨᠠ᠃
ᠠᠷᠸᠡ ᠄ ᠵᠠ᠂ ᠬᠡᠦᠬᠡᠳ ᠦ᠋ᠳ ᠠ᠋᠂ᠰᠠᠢᠬᠠᠨ ᠠᠶᠠᠯᠠᠵᠤ ᠶᠡᠬᠡ ᠵᠦᠢᠯ ᠰᠤᠷᠪᠠ ᠤᠤ?
ᠲᠤᠩᠬᠤ᠄ ᠦᠨᠡᠬᠡᠷ ᠭᠣᠶᠣ ᠦᠯᠢᠭᠡᠷ ᠪᠠᠶ᠋ᠢᠯᠠ᠃
ᠮᠥᠩᠬᠡ᠄ ᠠᠷᠸᠡ ᠠᠬᠠ ᠠ᠋᠂ ᠲᠠ ᠨᠠᠮᠠ ᠶ᠋ᠢ ᠠᠭᠤᠴᠢᠯᠠᠭᠠᠷᠠᠢ! ᠪᠢ ᠵᠥᠷᠢᠭᠦᠳᠯᠡᠵᠦ ᠮᠠᠭᠤᠬᠠᠢ ᠠᠭᠠᠰᠢ ᠭᠠᠷᠭᠠᠭᠰᠠᠨ ᠪᠠᠶ᠋ᠢᠨᠠ᠂ ᠪᠢ ᠡᠨᠡ ᠦᠯᠢᠭᠡᠷ ᠡᠴᠡ ᠶᠡᠬᠡ ᠵᠦᠢᠯ ᠊ᠢ ᠰᠤᠷᠤᠭᠰᠠᠨ᠃
ᠠᠷᠸᠡ ᠄ ᠬᠡ ᠬᠡ᠂ ᠮᠥᠩᠬᠡ ᠮᠠᠨᠢ ᠶᠡᠬᠡ ᠤᠬᠠᠭᠠᠯᠢᠭ᠂ ᠶᠠᠭᠤᠮᠠ ᠶ᠋ᠢ ᠬᠤᠷᠳᠤᠨ ᠣᠶ᠋ᠢᠯᠠᠭᠠᠲᠠᠭ ᠮᠤᠨᠳᠠᠭ ᠬᠡᠦᠬᠡᠳ ᠰᠢᠦ᠂ ᠠᠬᠠ ᠨᠢ ᠳᠡᠭᠦᠦ ᠳ᠋ᠦ᠍ ᠪᠡᠨ ᠭᠣᠮᠣᠳᠠᠭᠠ ᠦᠭᠡᠢ᠃ ᠦᠨᠡᠷᠡᠨ ᠰᠠᠨᠠᠭᠰᠠᠨ ᠠ᠋ᠴᠠ ᠳᠠᠷᠠᠭᠠ ᠶ᠋ᠢᠨ ᠦᠯᠢᠭᠡᠷ ᠪᠦᠷ ᠶᠠᠮᠠᠷ ᠦᠯᠢᠭᠡᠷ ᠪᠠᠶ᠋ᠢᠬ᠋ᠠ ᠭᠡᠵᠦ ᠪᠣᠳᠣᠵᠤ ᠪᠠᠶ᠋ᠢᠨᠠ᠃
ᠮᠥᠩᠬᠡ᠄ ᠶᠠᠮᠠᠷ ᠦᠯᠢᠭᠡᠷ ᠪᠣᠢ ᠠᠷᠸᠡ ᠠᠬᠠ ᠠ᠋?
ᠠᠷᠸᠡ ᠄ ᠨᠥᠭᠥᠭᠡ ᠰᠢᠬᠢᠷ ᠵᠢᠮᠢᠰ ᠲᠡᠢ ᠪᠠᠶ᠋ᠢᠰᠢᠩ ᠲᠠᠢ ᠭᠠᠳᠠᠭᠠᠳᠤ ᠦᠯᠢᠭᠡᠷ ᠴᠢᠨᠢ ᠪᠠᠶ᠋ᠢᠬ᠋ᠠ ᠭᠡᠵᠦ ᠪᠣᠳᠣ ᠳᠠ᠃
ᠮᠥᠩᠬᠡ᠄ ᠶᠸᠡᠶ᠋ᠢᠰ᠂ ᠶᠠᠮᠠᠷ ᠭᠣᠶᠣ ᠶᠤᠮ ᠪᠣᠢ᠃
ᠲᠤᠩᠬᠤ᠄ ᠬᠢ ᠬᠢ᠃
ᠡᠮᠡᠭᠡᠨ᠄ ᠮᠢᠨᠦ ᠡᠪᠦᠭᠡᠨ ᠠ᠋᠂ ᠰᠠᠶᠢ ᠶ᠋ᠢᠨ ᠪᠢᠳᠡᠨ ᠳ᠋ᠦ᠍ ᠲᠤᠰᠠᠯᠠᠭᠠᠳ ᠶᠠᠪᠤᠳᠠᠭ ᠬᠡᠦᠬᠡᠳ ᠦ᠋ᠳ ᠲᠦ᠍ ᠬᠥᠯ ᠡᠪᠡᠳᠳᠡᠭ ᠭᠡᠳ ᠬᠡᠯᠡᠭᠰᠡᠨ ᠴᠢᠨᠢ ᠡᠶ᠋ᠢᠮᠦ ᠪᠡᠶᠡ ᠳ᠋ᠦ᠍ ᠬᠡᠷᠡᠭᠲᠡᠢ ᠵᠦᠢᠯ ᠥᠭᠭᠦᠭᠰᠡᠨ᠃
ᠡᠪᠦᠭᠡᠨ᠄ ᠳ᠋ᠢᠺᠯᠣᠹᠡᠨᠠᠺ ᠨᠠᠲᠷᠢ ( Диклофенак ) ᠮᠢᠨᠦ ᠮᠠᠭᠤ ᠬᠥᠯ ᠡᠪᠡᠳᠦᠭᠡᠳ ᠶᠡᠬᠡ ᠤᠳᠠᠵᠤ ᠪᠠᠶ᠋ᠢᠬ᠋ᠠ᠂ ᠨᠠᠭᠠᠳᠤ ᠡᠮ ᠊ᠢ ᠴᠢᠨᠢ ᠤᠤᠭᠤᠭᠠᠳ ᠵᠦᠭᠡᠷ ᠪᠣᠯᠳᠠᠭ ᠪᠣᠯ ᠤᠤ?
ᠡᠮᠡᠭᠡᠨ᠄ ᠡᠮᠴᠢ ᠡᠴᠡ ᠠᠰᠠᠭᠤᠭᠠᠳ ᠠᠪᠤᠭᠰᠠᠨ᠂ ᠶᠡᠬᠡ ᠯᠡ ᠰᠠᠢᠨ ᠶᠤᠮ ᠭᠡᠨᠡ᠃
ᠡᠪᠦᠭᠡᠨ᠄ ᠦ᠂ ᠶᠠᠩᠵᠤ ᠶ᠋ᠢᠨ ᠪᠠᠶ᠋ᠢᠬᠤ ᠴᠢᠨᠢ ᠠ᠋᠂ ᠡᠮᠡᠭᠡᠨ ᠮᠢᠨᠢ᠂ ᠮᠢᠨᠦ ᠮᠠᠭᠤ ᠬᠥᠯ ᠳ᠋ᠦ᠍ ᠶᠠᠮᠠᠷ ᠴᠤ᠌ ᠵᠣᠪᠠᠭᠤᠷᠢ ᠠᠯᠠᠭᠠ ᠭᠡᠵᠦ᠃
ᠥᠩᠬᠥᠷᠢᠭᠦᠱᠢ ᠄ ᠵᠢᠩᠬᠢᠨᠢ ᠮᠢᠨᠦ ᠨᠠᠶ᠋ᠢᠵᠠ ᠨᠤᠭᠤᠳ᠂ ᠮᠢᠨᠦ ᠨᠠᠶ᠋ᠢᠵᠠ ᠨᠤᠭᠤᠳ ᠮᠠᠩᠨᠠᠢ ᠬᠠᠯᠵᠠᠨ ᠵᠤᠷᠪᠤᠰ ᠲᠠᠢ᠂ ᠮᠢᠩᠭᠠᠨ ᠨᠠᠶ᠋ᠢᠵᠠ ᠶ᠋ᠢᠨ ᠳᠤᠮᠳᠠ ᠠ᠋ᠴᠠ ᠬᠡ ᠬᠡ᠂ ᠠ᠋᠂ ᠨᠠᠳᠠ ᠳ᠋ᠤ᠌ ᠵᠢᠭᠠᠵᠤ ᠥᠭᠭᠦᠭᠰᠡᠨ 《 ᠮᠢᠨᠦ ᠬᠡᠨᠵᠡ ᠬᠤᠷᠠᠭᠠ》 ᠭᠡᠳᠡᠭ ᠰᠢᠯᠦᠭ ᠊ᠢ ᠠᠨᠳᠠᠭᠤᠷᠠᠭᠠᠳ ᠤᠩᠰᠢᠵᠤ ᠪᠠᠶ᠋ᠢᠨᠠ ᠰᠢᠲᠠ᠂ ᠬᠢ ᠬᠢ᠃
ᠡᠪᠦᠭᠡᠨ᠄ ᠦ ᠶᠧ᠂ ᠡᠨᠡ ᠷᠢᠳᠢ ᠰᠢᠳᠢ ᠲᠡᠢ ᠵᠦᠢᠯ ᠊ᠢ ᠤᠤᠭᠤᠴᠢᠬᠠᠭᠰᠠᠨ ᠪᠠᠶ᠋ᠢᠬᠰᠠᠨ ᠪᠣᠯ ᠥᠩᠬᠥᠷᠢᠭᠦᠱᠢ ᠶ᠋ᠢ ᠪᠡᠨ ᠥᠩᠬᠥᠷᠢᠬᠦ ᠳ᠋ᠦ᠍ ᠨᠢ ᠬᠠᠮᠲᠤ ᠭᠦᠶᠦᠭᠡᠳ ᠶᠠᠩᠵᠤ ᠶ᠋ᠢᠨ ᠪᠠᠶ᠋ᠢᠬᠤ ᠪᠠᠶ᠋ᠢᠵᠠᠢ᠃
ᠡᠮᠡᠭᠡᠨ᠄ ᠲᠡᠶ᠋ᠢᠮᠦ ᠪᠠᠶ᠋ᠢᠨᠠ ᠰᠢᠦ᠂ ᠮᠢᠨᠦ ᠡᠪᠦᠭᠡᠨ ᠪᠦᠷ ᠬᠥᠭᠡᠷᠦᠭᠡᠳ᠂ ᠬᠥᠭᠡᠷᠦᠬᠦᠨ ᠭᠡᠳᠡᠭ ᠨᠢ᠃
ᠵᠠᠷ᠄ ᠳ᠋ᠢᠺᠯᠣᠹᠡᠨᠠᠺ ᠨᠠᠲᠷᠢ ( Диклофенак ) ᠡᠷᠡᠭᠦᠯ ᠪᠡᠶᠡ ᠳ᠋ᠦ᠍ ᠰᠠᠷᠠᠭᠤᠯ ᠤᠬᠠᠭᠠᠨ ᠣᠷᠣᠰᠢᠨᠠ᠃ ᠮᠥᠩᠬᠡ ᠶ᠋ᠢᠨ ᠲᠤᠩᠬᠤ᠂ ᠡᠩᠬᠡ ᠶ᠋ᠢᠨ ᠲᠥᠯᠥᠭᠡ᠂ ᠮᠥᠩᠬᠡ ᠶ᠋ᠢᠨ ᠲᠤᠩᠬᠤ᠃
ᠮᠥᠩᠬᠡ᠄ ᠪᠢ ᠲᠠ ᠨᠠᠷ ᠲᠤ᠌ ᠲᠠᠲᠠᠭᠠᠯᠵᠠᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ ᠰᠠᠨᠠᠯ ᠲᠠᠯᠪᠢᠬᠤ ᠤᠤ?
ᠮᠠᠰᠺᠠ ᠪᠠᠨ ᠵᠡᠭᠦᠭᠡᠳ᠂ ᠭᠠᠷ ᠢ᠋ᠶ᠋ᠠᠨ ᠤᠬᠢᠶᠠᠭᠠᠳ᠂ ᠰᠠᠪᠰᠠᠭᠠ ᠶ᠋ᠢ ᠳᠠᠷᠤᠭᠠᠳ ᠪᠠᠶ᠋ᠢᠪᠠᠯ ᠰᠢᠨᠡ ᠠᠩᠭᠢ ᠦ᠋ᠳ ᠣᠷᠣᠭᠠᠳ ᠯᠠ ᠪᠠᠶ᠋ᠢᠨᠠ ᠰᠢᠦ ᠳᠡ᠂ ᠬᠢ ᠬᠢ ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠤᠸᠠᠷ
ᠦᠰᠦᠭ ᠬᠠᠲᠠᠭᠴᠢ᠄ ᠾᠦᠩ ᠸᠧᠢ
ᠬᠢᠨᠠᠯᠲᠠ᠄ ᠮᠥᠴᠢᠷ᠂ ᠾᠦᠩ ᠸᠧᠢ