ᠠᠭᠤᠯᠠᠨ ᠳ᠋ᠤ᠌ ᠶᠠᠪᠤᠭᠠᠳ ᠠᠷᠭᠠᠯ ᠴᠦ᠍ ᠦᠭᠡᠢУуланд яваад аргал ц угүй
25ᠠᠭᠤᠯᠠᠨ ᠳ᠋ᠤ᠌ ᠶᠠᠪᠤᠭᠠᠳ ᠠᠷᠭᠠᠯ ᠴᠦ᠍ ᠦᠭᠡᠢ
ᠠᠭᠤᠯᠠᠨ ᠳ᠋ᠤ᠌ ᠶᠠᠪᠤᠭᠠᠳ ᠠᠷᠭᠠᠯ ᠴᠦ᠍ ᠦᠭᠡᠢ
ᠤᠷᠪᠠᠵᠤ ᠢᠷᠡᠭᠡᠳ ᠠᠷᠤᠭ ᠴᠦ᠍ ᠦᠭᠡᠢ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠂ ᠨᠢᠭᠡᠨ ᠠᠯᠵᠠᠭᠤ ᠡᠷᠡ ᠪᠠᠢᠭᠰᠠᠨ ᠭᠡᠨᠡ ᠃ ᠣᠷᠣᠢ ᠶ᠋ᠢᠨ ᠬᠣᠭᠣᠯᠠ ᠬᠢᠬᠦ ᠠᠷᠭᠠᠯ ᠲᠦᠯᠡᠭᠡ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠂ ᠡᠨᠡ ᠡᠷᠡ ᠲᠠᠩᠭᠠᠢᠵᠤ ᠬᠡᠪᠲᠡᠭᠡᠳ ᠯᠡ ᠪᠠᠢᠪᠠ ᠃ ᠡᠭᠦᠨ ᠳ᠋ᠦ᠍ ᠡᠬᠡᠨᠡᠷ ᠨᠢ ᠰᠠᠨᠳᠤᠷᠴᠤ : 《 ᠠᠷᠭᠠᠯ ᠲᠦᠯᠡᠭᠡ ᠵᠢᠭᠠᠬᠠᠨ ᠲᠡᠭᠦᠭᠡᠳ ᠢᠷᠡ ᠂ ᠢᠩᠭᠢᠵᠦ ᠲᠠᠩᠭᠠᠢᠨ ᠬᠡᠪᠲᠡᠭᠡᠳ ᠂ ᠬᠡᠨ ᠪᠢᠳᠡᠨ ᠳ᠋ᠦ᠍ ᠬᠣᠭᠣᠯᠠ ᠠᠪᠴᠢᠷᠠᠵᠤ ᠥᠭᠬᠦ ᠪᠤᠢ?》 ᠭᠡᠵᠦ ᠬᠡᠯᠡ ᠠᠮᠠ ᠲᠠᠲᠠᠭᠠᠳ ᠠᠮᠤᠷ ᠪᠠᠢᠯᠭᠠᠬᠤ ᠦᠭᠡᠢ ᠳ᠋ᠦ᠍ ᠠᠯᠵᠠᠭᠤ ᠡᠷᠡ ᠡᠪᠰᠢᠶᠡᠵᠦ ᠰᠤᠨᠢᠶᠠᠭᠰᠠᠭᠠᠷ ᠪᠣᠰᠤᠭᠠᠳ ᠠᠷᠤᠭ ᠢ᠋ᠶ᠋ᠠᠨ ᠡᠭᠦᠷᠦᠭᠡᠳ ᠭᠠᠷᠪᠠ᠃
ᠠᠯᠵᠠᠭᠤ ᠡᠷᠡ ᠠᠭᠤᠯᠠᠨ ᠳ᠋ᠤ᠌ ᠭᠠᠷᠤᠭᠠᠳ ᠠᠷᠭᠠᠯ ᠲᠡᠭᠦᠭᠰᠡᠨ ᠦᠭᠡᠢ᠂ ᠬᠠᠲᠠᠨ ᠡᠩᠭᠡᠷ ᠦ᠋ᠨ ᠨᠡᠷᠡᠨ ᠡᠭᠡᠪᠦᠷ ᠲᠦ᠍ ᠯᠠᠪᠲᠠᠢᠵᠤ ᠰᠠᠭᠤᠭᠰᠠᠭᠠᠷ ᠬᠠᠯᠠᠭᠤᠨ ᠨᠣᠢᠷ ᠲᠠᠭᠠᠨ ᠣᠷᠣᠵᠠᠢ ᠃
ᠬᠠᠨᠲᠠᠯᠠ ᠤᠨᠲᠠᠭᠠᠳ ᠰᠡᠷᠢᠬᠦ ᠳ᠋ᠦ᠍ ᠡᠪᠦᠯ ᠦ᠋ᠨ ᠨᠡᠷᠡᠨ ᠠᠭᠤᠯᠠᠨ ᠲᠣᠯᠣᠭᠠᠢ ᠳ᠋ᠤ᠌ ᠰᠢᠩᠭᠡᠬᠦ ᠰᠢᠬᠠᠭᠰᠠᠨ ᠲᠤᠯᠠ ᠠᠯᠵᠠᠭᠤ ᠡᠷᠡ ᠠᠷᠭᠠᠯ ᠲᠡᠭᠦᠬᠦ ᠶᠠᠪᠤᠳᠠᠯ ᠢ᠋ᠶ᠋ᠠᠨ ᠰᠠᠨᠠᠵᠤ ᠨᠠᠰᠢ ᠴᠠᠰᠢ ᠡᠷᠭᠢᠴᠡᠭᠰᠡᠨ ᠪᠣᠯᠪᠠᠴᠤ ᠠᠷᠭᠠᠯ ᠲᠦᠯᠡᠭᠡ ᠴᠦ᠍ ᠣᠯᠤᠭᠰᠠᠨ ᠦᠭᠡᠢ᠂ ᠤᠳᠠᠭᠰᠠᠨ ᠦᠭᠡᠢ ᠪᠦᠷᠦᠢ ᠬᠠᠷᠠᠩᠭᠤᠢ ᠪᠣᠯᠪᠠ ᠃ ᠠᠯᠵᠠᠭᠤ ᠡᠷᠡ ᠬᠣᠭᠣᠰᠣᠨ ᠠᠷᠤᠭ ᠢ᠋ᠶ᠋ᠠᠨ ᠡᠭᠦᠷᠦᠨ ᠭᠡᠷ ᠲᠡᠬᠡᠨ ᠬᠠᠷᠢᠬᠤ ᠳ᠋ᠠᠭᠠᠨ ᠬᠠᠲᠠᠨ ᠳ᠋ᠤ᠌ ᠬᠠᠯᠲᠤᠷᠢᠵᠤ ᠣᠢᠴᠢᠭᠠᠳ ᠠᠷᠤᠭ ᠢ᠋ᠶ᠋ᠠᠨ ᠴᠦ᠍ ᠪᠠᠯᠪᠠᠯᠵᠠᠢ ᠃
ᠠᠷᠭᠠᠯ ᠣᠯᠵᠤ ᠲᠡᠭᠦᠭᠰᠡᠨ ᠦᠭᠡᠢ ᠮᠥᠷᠲᠡᠭᠡᠨ ᠠᠷᠤᠭ ᠢ᠋ᠶ᠋ᠠᠨ ᠴᠦ᠍ ᠰᠦᠢᠳᠬᠡᠭᠰᠡᠨ ᠡᠴᠡ ᠤᠷᠮᠠ ᠦᠭᠡᠢᠬᠡᠨ ᠭᠡᠷ ᠲᠡᠬᠡᠨ ᠬᠦᠷᠬᠦ ᠳ᠋ᠦ᠍᠂ ᠲᠡᠭᠦᠨ ᠦ᠌ ᠲᠡᠭᠦᠵᠦ ᠠᠪᠴᠢᠷᠠᠬᠤ ᠠᠷᠭᠠᠯ ᠢ᠋ ᠬᠦᠯᠢᠶᠡᠨ ᠰᠠᠭᠤᠵᠤ ᠪᠠᠢᠭᠰᠠᠨ ᠡᠬᠡᠨᠡᠷ ᠨᠢ ᠠᠭᠤᠷᠯᠠᠵᠤ:《 ᠠᠪᠠᠴᠢᠭᠰᠠᠨ ᠠᠷᠤᠭ ᠴᠢᠨᠢ ᠶᠠᠭᠠᠬᠢᠴᠢᠬᠠᠪᠠ? ᠠᠪᠴᠢᠷᠠᠭᠰᠠᠨ ᠠᠷᠭᠠᠯ ᠴᠢᠨᠢ ᠶᠠᠭᠠᠬᠢᠴᠢᠬᠠᠪᠠ?》 ᠭᠡᠵᠦ ᠵᠠᠩᠨᠠᠭᠰᠠᠨ ᠳ᠋ᠤ᠌ ᠂ ᠠᠯᠵᠠᠭᠤ ᠡᠷᠡ : 《 ᠠᠭᠤᠯᠠᠨ ᠳ᠋ᠤ᠌ ᠶᠠᠪᠤᠭᠠᠳ ᠠᠷᠭᠠᠯ ᠴᠦ᠍ ᠣᠯᠳᠠᠭᠰᠠᠨ ᠦᠭᠡᠢ᠂ ᠤᠷᠪᠠᠵᠤ ᠢᠷᠡᠬᠦ ᠳ᠋ᠡᠭᠡᠨ ᠠᠷᠤᠭ ᠢ᠋ᠶ᠋ᠠᠨ ᠴᠦ᠍ ᠡᠪᠳᠡᠯᠡᠴᠢᠬᠡᠵᠡᠢ》 ᠭᠡᠵᠦ ᠳᠦᠳᠦᠨᠡᠭᠰᠡᠨ ᠭᠡᠨᠡ᠃
《 ᠠᠭᠤᠯᠠᠨ ᠳ᠋ᠤ᠌ ᠶᠠᠪᠤᠭᠠᠳ ᠠᠷᠭᠠᠯ ᠴᠦ᠍ ᠦᠭᠡᠢ᠂ ᠤᠷᠪᠠᠵᠤ ᠢᠷᠡᠭᠡᠳ ᠠᠷᠤᠭ ᠴᠦ᠍ ᠦᠭᠡᠢ》 ᠭᠡᠳᠡᠭ ᠦᠯᠢᠭᠡᠷ ᠢ᠋ᠶ᠋ᠡᠷ ᠵᠣᠷᠢᠭᠰᠠᠨ ᠶᠠᠪᠤᠳᠠᠯ ᠨᠢ ᠪᠦᠲᠦᠭᠰᠡᠨ ᠦᠭᠡᠢ ᠪᠡᠷ ᠦᠯᠦ ᠪᠠᠷᠠᠮ ᠭᠡᠳᠡᠷᠭᠦ ᠬᠣᠬᠢᠷᠠᠯ ᠠᠮᠰᠠᠭᠰᠠᠨ ᠤᠴᠢᠷ ᠢ᠋ ᠲᠣᠳᠣᠷᠬᠠᠢᠯᠠᠪᠠ᠃