ᠬᠥᠯᠥᠭ ᠪᠠᠭᠠᠲᠤᠷ ᠪᠤᠭᠤᠷᠴᠢ - ᠪ᠂ ᠦᠯᠵᠡᠢᠰᠦ᠋ᠷᠦᠩ <ᠳᠥᠲᠥᠭᠡᠷ ᠪᠦᠯᠦᠭ - 38> Хүлэг баатар буурч - Б. Өлзийсүрэн <Дөтгөр бүлэг-38>
32ᠲᠥᠷᠥ ᠶ᠋ᠢᠨ ᠲᠡᠮᠦᠷ ᠲᠥᠰᠢᠶᠡ ᠪᠣᠯᠵᠤ ᠳᠡᠭᠡᠳᠦᠰ ᠦ᠋ᠨ ᠵᠢᠩᠳᠠᠭᠠᠨ ᠳ᠋ᠤ᠌ ᠡᠩᠨᠡᠭᠰᠡᠨ ᠳᠥᠲᠥᠭᠡᠷ ᠪᠦᠯᠦᠭ
ᠭᠤᠴᠢᠨ ᠨᠠᠢ᠍ᠮᠠ
ᠭᠤᠴᠢᠨ ᠨᠠᠢ᠍ᠮᠠ
ᠠᠮᠲᠠᠯᠠᠵᠤ ᠲᠡᠪᠡᠷᠢᠭᠰᠡᠨ ᠠᠮᠠᠷᠠᠭ ᠮᠢᠨᠢ
ᠨᠠᠮᠠ ᠶ᠋ᠢ ᠪᠡᠨ ᠵᠡᠭᠦᠳᠦᠯᠡᠨ ᠵᠡᠭᠦᠷᠮᠡᠭᠯᠡᠨᠡ ᠤᠤ?
ᠠᠯᠳᠠᠷᠠᠢ ᠵᠢᠭᠠᠬᠠᠨ ᠦᠷᠡᠰ ᠮᠢᠨᠢ
ᠠᠪᠤ ᠶ᠋ᠢ ᠪᠡᠨ ᠰᠠᠨᠠᠨ ᠤᠬᠢᠯᠠᠳᠠᠭ ᠪᠣᠯᠪᠠᠤ?
ᠪᠣᠭᠣᠷᠴᠢ ᠶ᠋ᠢᠨ ᠬᠦᠦ ᠪᠣᠷᠬᠠᠢ ᠪᠠᠷᠠᠭᠤᠨ ᠵᠦᠭ ᠦ᠋ᠨ ᠠᠶᠠᠨ ᠲᠡᠢᠨ ᠳ᠋ᠦ᠍ ᠲᠣᠭᠣᠨᠴᠢᠷ ᠤ᠋ᠨ ᠤᠳᠤᠷᠢᠳᠤᠭᠰᠠᠨ ᠪᠦᠯᠦᠭ ᠲᠦ᠍ ᠪᠠᠭᠲᠠᠨ ᠭᠤᠷᠪᠠᠳᠤᠭᠠᠷ ᠴᠤᠪᠤᠭᠠᠨ ᠳ᠋ᠤ᠌ ᠵᠠᠭᠤᠲᠤ ᠵᠠᠬᠢᠷᠤᠨ ᠣᠷᠣᠵᠤ ᠲᠡᠢᠨ ᠡᠬᠢᠯᠡᠬᠦᠢ ᠳ᠋ᠦ᠍《ᠬᠠᠨ ᠮᠡᠯᠢᠭ ᠦ᠋ᠨ ᠨᠤᠲᠤᠭ ᠢ᠋ ᠳᠠᠭᠠᠷᠢᠵᠤ ᠥᠩᠭᠡᠷᠡᠬᠦ ᠳ᠋ᠡᠭᠡᠨ ᠠᠷᠠᠳ ᠢᠷᠭᠡᠳ᠂ ᠬᠢᠯᠢ ᠬᠢᠵᠠᠭᠠᠷ ᠢ᠋ ᠨᠢ ᠦᠢᠮᠡᠭᠦᠯᠵᠦ ᠪᠣᠯᠬᠤ ᠦᠭᠡᠢ᠃ ᠭᠡᠮ ᠦᠭᠡᠢ ᠨᠣᠮᠣᠬᠠᠨ ᠶᠠᠪᠤᠵᠤ ᠥᠩᠭᠡᠷᠡ》 ᠭᠡᠰᠡᠨ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠵᠠᠷᠯᠢᠭ ᠢ᠋ ᠵᠡᠪᠡ ᠰᠥᠪᠡᠭᠡᠳᠡᠢ ᠶ᠋ᠢᠨ ᠤᠳᠤᠷᠢᠳᠤᠭᠰᠠᠨ ᠡᠬᠢᠨ ᠦ᠌ ᠬᠣᠶᠠᠷ ᠴᠤᠪᠤᠭᠠ ᠳᠠᠭᠠᠵᠤ ᠪᠡᠶᠡᠯᠡᠭᠦᠯᠦᠭᠰᠡᠨ᠂ ᠭᠡᠲᠡᠯᠡ ᠲᠤᠭᠤᠨᠴᠢᠷ ᠵᠥᠷᠢᠴᠡᠵᠦ ᠡᠨᠳᠡ ᠡᠴᠡ ᠲᠡᠢᠨ ᠡᠬᠢᠯᠡᠭᠰᠡᠨ ᠪᠠᠢᠨᠠ᠃ ᠡᠨᠡ ᠡᠬᠢᠨ ᠦ᠌ ᠲᠤᠯᠤᠯᠳᠤᠭᠠᠨ ᠳ᠋ᠤ᠌ ᠪᠣᠷᠬᠠᠢ ᠵᠠᠭᠤᠲᠤ ᠪᠠᠨ ᠴᠢᠳᠠᠮᠠᠭ ᠤᠳᠤᠷᠢᠳᠴᠤ᠂ ᠡᠷᠡ ᠵᠣᠷᠢᠭ ᠲᠠᠢ ᠳᠠᠢᠳᠤᠭᠰᠠᠨ ᠠᠵᠢ᠃ ᠲᠡᠷᠡ ᠪᠡᠷ ᠠᠷᠪᠠ ᠭᠠᠷᠤᠢᠬᠠᠨ ᠨᠠᠰᠤᠨ ᠳ᠋ᠠᠭᠠᠨ ᠡᠴᠢᠭᠡ ᠪᠡᠨ ᠳᠠᠭᠠᠵᠤ ᠲᠡᠢᠨ ᠦ᠌ ᠤᠲᠤᠭᠠ ᠦᠨᠦᠷᠯᠡᠵᠦ ᠦᠵᠡᠭᠰᠡᠨ ᠴᠦ᠍ ᠡᠢᠨᠬᠦ ᠠᠮᠢ ᠥᠷᠢᠰᠦᠭᠰᠡᠨ ᠲᠤᠯᠤᠯᠳᠤᠭᠠᠨ ᠳ᠋ᠤ᠌ ᠣᠷᠣᠵᠤ ᠦᠵᠡᠭᠡ ᠦᠭᠡᠢ ᠪᠥᠯᠥᠭᠡ᠃
ᠲᠣᠭᠣᠨᠴᠢᠷ ᠵᠠᠷᠯᠢᠭ ᠵᠥᠷᠢᠴᠡᠵᠦ ᠪᠣᠳᠣᠯᠭᠠ ᠬᠥᠰᠡᠷᠳᠡᠭᠦᠯᠦᠭᠰᠡᠨ ᠦ᠌ ᠤᠴᠢᠷ ᠬᠦᠨᠳᠦ ᠶᠠᠯᠠ ᠳ᠋ᠤ᠌ ᠤᠨᠠᠵᠤ ᠴᠠᠭᠠᠵᠠᠯᠠᠭᠳᠠᠬᠤ ᠪᠣᠯᠤᠭᠠᠳ ᠪᠠᠢᠲᠠᠯᠠ ᠬᠠᠭᠠᠨ ᠢ᠋ᠶ᠋ᠠᠷ ᠰᠢᠢᠳᠪᠦᠷᠢ ᠪᠡᠨ ᠥᠭᠡᠷᠡᠴᠢᠯᠡᠵᠦ᠂ ᠲᠡᠭᠦᠨ ᠦ᠌ ᠴᠡᠷᠢᠭ ᠵᠠᠬᠢᠷᠬᠤ ᠡᠷᠬᠡ ᠶ᠋ᠢ ᠨᠢ ᠬᠠᠰᠤᠵᠤ᠂ ᠡᠩ ᠦ᠋ᠨ ᠴᠡᠷᠢᠭ ᠪᠣᠯᠭᠠᠨ᠂ ᠤᠳᠤᠷᠢᠳᠤᠭᠰᠠᠨ ᠴᠤᠪᠤᠭᠠ ᠶ᠋ᠢ ᠲᠠᠷᠬᠠᠭᠠᠵᠤ ᠠᠩᠭᠢ ᠠᠩᠭᠢ ᠳ᠋ᠤ᠌ ᠬᠤᠪᠢᠶᠠᠨ ᠥᠭᠬᠦ ᠪᠣᠯᠵᠠᠢ᠃ ᠡᠴᠢᠭᠡ ᠬᠠᠭᠠᠨ ᠤ᠋ ᠳᠡᠷᠭᠡᠳᠡ ᠶ᠋ᠢᠨ ᠠᠯᠪᠠ ᠭᠦᠢᠴᠡᠳᠬᠡᠬᠦ ᠲᠤᠯᠠ ᠲᠤᠰᠬᠠᠢᠯᠠᠨ ᠴᠡᠷᠢᠭ ᠵᠠᠬᠢᠷᠤᠭᠠ ᠦᠭᠡᠢ ᠬᠦᠦ ᠨᠢ ᠥᠪᠡᠷ ᠦ᠋ᠨ ᠮᠢᠩᠭᠠᠲᠤ ᠶ᠋ᠢᠨ ᠵᠠᠭᠤᠲᠤ ᠵᠠᠬᠢᠷᠤᠭᠴᠢ ᠶᠠᠪᠤᠭᠰᠠᠨ ᠠᠵᠤᠭᠤ᠃ ᠪᠣᠷᠬᠠᠢ ᠬᠠᠮᠢᠭᠠᠰᠢ ᠬᠡᠨ ᠦ᠌ ᠶᠠᠮᠠᠷ ᠵᠠᠬᠢᠷᠭᠠᠨ ᠳ᠋ᠤ᠌ ᠣᠴᠢᠬᠤ ᠪᠠᠨ ᠬᠦᠯᠢᠶᠡᠨ ᠪᠠᠢᠲᠠᠯᠠ ᠬᠣᠶᠠᠷ ᠴᠡᠷᠢᠭ ᠳᠠᠭᠠᠭᠤᠯᠵᠤ ᠨᠢᠭᠡ ᠶᠡᠬᠡ ᠳᠠᠪᠬᠢᠭᠰᠠᠨ ᠬᠥᠮᠦᠨ ᠢᠷᠡᠭᠡᠳ ᠮᠡᠨᠳᠦ ᠶᠣᠰᠣ ᠴᠣ ᠦᠭᠡᠢ᠄
— ᠪᠣᠭᠣᠷᠴᠢ ᠶ᠋ᠢᠨ ᠬᠦᠦ ᠪᠣᠷᠬᠠᠢ ᠭᠡᠵᠦ ᠬᠡᠨ ᠪᠣᠢ? ᠭᠡᠮᠡᠨ ᠴᠠᠩᠭᠢᠨᠠᠭᠰᠠᠨ ᠵᠢᠩᠭᠢᠨᠡᠭᠰᠡᠨ ᠳᠠᠭᠤ ᠪᠠᠷ ᠠᠰᠠᠭᠤᠪᠠ᠃
— ᠪᠢ ᠪᠠᠢᠨᠠ ᠳᠠ ᠬᠡᠮᠡᠪᠡᠰᠦ ᠲᠡᠷᠡ ᠪᠡᠷ ᠮᠣᠷᠢᠨ ᠠ᠋ᠴᠠ ᠪᠠᠨ ᠦᠰᠦᠷᠦᠨ ᠪᠠᠭᠤᠭᠠᠳ ᠴᠤᠯᠪᠤᠭᠤᠷ ᠢ᠋ᠶ᠋ᠠᠨ ᠳᠠᠭᠠᠭᠤᠯ ᠴᠡᠷᠢᠭ ᠲᠦ᠍ ᠰᠢᠲᠠᠵᠤ᠂ ᠨᠡᠰᠢ ᠶᠠᠪᠤᠬᠤ ᠨᠢ ᠮᠣᠳᠣᠨ ᠬᠥᠮᠦᠨ ᠭᠡᠯᠲᠡᠢ᠂ ᠨᠠᠷᠢᠨ ᠲᠤᠷᠠᠩᠬᠠᠢ᠂ ᠥᠷᠥᠭᠡᠰᠦᠨ ᠨᠢᠳᠦ ᠨᠢ ᠰᠢᠷᠭᠢᠵᠦ ᠬᠣᠩᠬᠣᠢᠭᠰᠠᠨ ᠪᠡᠶᠡ ᠨᠢᠷᠤᠭᠤᠨ ᠳ᠋ᠠᠭᠠᠨ ᠲᠣᠮᠣ ᠨᠢᠮᠭᠡᠨ ᠬᠢᠩᠭᠠᠨ ᠬᠠᠮᠠᠷ ᠲᠠᠢ᠂ ᠵᠢᠵᠢᠭᠬᠡᠨ ᠪᠡᠶᠡ ᠲᠡᠢ᠂ ᠬᠥᠬᠡ ᠴᠢᠷᠠᠢ ᠲᠠᠢ᠂ ᠢᠲᠠᠪ ᠲᠠᠲᠠᠪ ᠬᠢᠭᠰᠡᠨ ᠱᠠᠯᠠᠮᠠᠭᠠᠢ ᠬᠥᠳᠡᠯᠭᠡᠭᠡᠨ ᠲᠡᠢ ᠳᠤᠮᠳᠠ ᠵᠡᠷᠭᠡ ᠨᠠᠰᠤᠨ ᠤ᠋ ᠬᠥᠮᠦᠨ ᠠᠵᠤᠭᠤ᠃
ᠪᠣᠷᠬᠠᠢ ᠡᠨᠡ ᠬᠠᠴᠢᠨ ᠬᠥᠮᠦᠨ ᠡᠴᠡ ᠵᠢᠬᠡᠭᠦᠴᠡᠵᠦ《ᠠᠷᠠᠢ ᠨᠠᠮᠠ ᠶ᠋ᠢ ᠳᠤᠭᠤᠨᠴᠢᠷ ᠤ᠋ᠨ ᠬᠡᠷᠡᠭ ᠲᠦ᠍ ᠬᠣᠯᠪᠣᠭᠳᠠᠭᠤᠯᠬᠤ ᠪᠢᠰᠢ ᠪᠠᠢᠭᠠ᠂ ᠪᠢ ᠲᠤᠰᠢᠶᠠᠯ ᠪᠡᠶᠡᠯᠡᠭᠦᠯᠵᠦ ᠪᠠᠢᠯᠳᠤᠭᠰᠠᠨ ᠠ᠋ᠴᠠ ᠥᠭᠡᠷᠡ ᠭᠡᠮ ᠬᠢᠭᠡ ᠦᠭᠡᠢ᠃ ᠴᠡᠷᠢᠭ ᠳᠡᠭᠡᠷᠡᠮ᠂ ᠲᠣᠨᠣᠭᠤᠯ ᠬᠢᠭᠡ ᠦᠭᠡᠢ ᠪᠤᠯᠲᠠᠢ ᠪᠢᠯᠡ᠃ ᠶᠠᠭᠤᠮᠠ ᠴᠣ ᠮᠡᠳᠡᠭᠳᠡᠭᠡ ᠦᠭᠡᠢ᠃ ᠠᠪᠤ ᠬᠠᠮᠢᠭᠠ ᠶᠠᠪᠤᠭᠠ ᠪᠣᠢ? ᠦᠵᠡᠭᠳᠡᠬᠦ ᠴᠣ ᠦᠭᠡᠢ》 ᠭᠡᠮᠡᠨ ᠠᠭᠱᠠᠨ ᠵᠠᠭᠤᠷᠠ ᠪᠣᠳᠣᠭᠳᠠᠪᠠ᠃ ᠳᠡᠷᠭᠡᠳᠡ ᠢᠷᠡᠭᠡᠳ ᠪᠠᠷᠤᠭ ᠰᠥᠯᠢᠢᠬᠦ ᠰᠢᠬᠠᠮ ᠳᠤᠤᠭᠠᠷᠤᠭᠰᠠᠨ ᠨᠢ᠄
— ᠪᠢ ᠰᠦᠪᠡᠬᠡᠳᠢ ᠵᠠᠩᠵᠤᠨ ᠪᠠᠢᠨᠠ ᠠ᠋᠃ ᠲᠠᠨ ᠤ᠋ ᠵᠠᠭᠤᠲᠤ ᠨᠠᠳᠠ ᠣᠴᠢᠨᠠ᠃ ᠵᠠᠭᠤᠲᠤ ᠪᠠᠨ ᠵᠢᠭᠰᠠᠭᠠ ᠭᠡᠯᠡ᠃ ᠴᠡᠷᠢᠭ ᠦ᠋ᠳ ᠴᠦ᠍ ᠲᠡᠷᠡ ᠳᠣᠣᠷᠠ ᠪᠠᠨ ᠵᠢᠭᠰᠠᠴᠢᠬᠠᠯᠠ᠃ ᠥᠨᠥᠬᠢ ᠵᠢᠵᠢᠭᠬᠡᠨ ᠰᠦᠪᠡᠬᠡᠳᠢ ᠴᠡᠷᠢᠭ ᠵᠢᠭᠰᠠᠬᠤ ᠶ᠋ᠢ ᠰᠦᠷᠡᠬᠡᠢ ᠠᠵᠢᠭᠯᠠᠨ ᠬᠠᠷᠠᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠠᠳᠠᠭ ᠠ᠋ᠴᠠ ᠨᠢ ᠡᠬᠢ ᠬᠦᠷᠲᠡᠯᠡ ᠱᠠᠯᠠᠮᠠᠭ ᠭᠣᠯᠠᠮᠠᠭ ᠠᠯᠬᠤᠵᠤ ᠬᠠᠷᠠᠭᠠᠳ ᠪᠣᠷᠬᠠᠢ ᠤᠷᠤᠭᠤ᠄
— ᠵᠠᠭᠤᠨ ᠠᠷᠪᠠᠨ ᠬᠣᠶᠠᠷ ᠤᠤ? ᠭᠡᠵᠦ ᠠᠰᠠᠭᠤᠪᠠ᠃
— ᠲᠡᠢᠮᠦ ᠠ᠋᠃
— ᠲᠡᠢᠨ ᠳ᠋ᠦ᠍ ᠬᠣᠷᠣᠭᠳᠠᠭᠰᠠᠨ ᠨᠢ ᠬᠡᠳᠦ ᠪᠣᠢ?
— ᠬᠣᠶᠠᠷ᠁
— ᠰᠢᠷᠠᠭᠳᠤᠭᠰᠠᠨ ᠨᠢ?
— ᠨᠢᠭᠡ ᠬᠥᠩᠭᠡᠨ ᠰᠢᠷᠬᠠ ᠲᠠᠢ᠂ ᠵᠠᠰᠠᠭᠰᠠᠨ ᠪᠠᠢᠭᠠ ᠁
ᠰᠦᠪᠡᠭᠡᠳᠠᠢ ᠪᠠᠭᠠᠲᠤᠷ ᠳᠠᠭᠠᠵᠤ ᠢᠷᠡᠭᠰᠡᠨ ᠨᠢᠭᠡ ᠶ᠋ᠢ ᠪᠡᠨ ᠳᠠᠭᠤᠳᠠᠵᠤ᠄
— ᠡᠳᠡᠨ ᠦ᠌ ᠵᠠᠭᠤᠲᠤ ᠶ᠋ᠢ ᠴᠢ ᠠᠪ᠂ ᠲᠡᠭᠡᠭᠡᠳ ᠠᠷᠤ ᠠ᠋ᠴᠠ ᠠᠪᠤᠭᠠᠳ ᠣᠴᠢ᠃ ᠪᠣᠷᠬᠠᠢ ᠴᠢ ᠨᠠᠳᠠ ᠲᠠᠢ ᠶᠠᠪᠤ ᠭᠡᠳ ᠥᠨᠥᠬᠢ ᠴᠢᠨᠢ ᠦᠰᠦᠷᠦᠨ ᠮᠣᠷᠢᠨ ᠳ᠋ᠠᠭᠠᠨ ᠮᠣᠷᠳᠠᠬᠤ ᠨᠢ ᠪᠠᠷᠤᠭ ᠨᠢᠰᠬᠦ ᠰᠢᠬᠠᠮ᠃ ᠲᠡᠭᠡᠭᠡᠳ ᠡᠮᠡᠭᠡᠯ ᠳᠡᠭᠡᠷᠡ ᠪᠡᠨ ᠰᠠᠭᠤᠭᠰᠠᠨ ᠨᠢ ᠶᠡᠷᠦ ᠳ᠋ᠡᠭᠡᠨ ᠯᠡ ᠰᠢᠪᠠᠭᠤ ᠭᠡᠯᠲᠡᠢ ᠵᠣᠭᠪᠣᠢᠨ ᠬᠠᠷᠠᠭᠳᠠᠨᠠ᠃ ᠮᠣᠷᠳᠠᠭᠠᠳ ᠯᠠ ᠬᠠᠷᠠ ᠬᠤᠷᠳᠤ ᠪᠠᠷ ᠳᠠᠪᠬᠢᠯᠠ᠃ ᠨᠢᠭᠡ ᠶᠡᠬᠡ ᠯᠡ ᠶᠠᠭᠠᠷᠠᠤ ᠬᠥᠮᠦᠨ ᠶᠦᠮ᠃ ᠪᠣᠷᠬᠠᠢ《ᠰᠦᠪᠡᠭᠡᠳᠠᠢ ᠪᠠᠭᠠᠲᠤᠷ ᠢ᠋ ᠪᠠᠭᠠ ᠳ᠋ᠠᠭᠠᠨ ᠦᠵᠡᠵᠦ ᠪᠠᠢᠭᠰᠠᠨ᠃ ᠡᠢᠮᠦ ᠵᠢᠵᠢᠭᠬᠡᠨ ᠰᠢᠪᠠᠭᠤ ᠰᠢᠭ᠋ ᠠᠮᠢᠲᠠᠨ ᠰᠠᠨᠠᠭᠳᠠᠬᠤ ᠦᠭᠡᠢ ᠶᠦᠮ᠃ ᠰᠣᠨᠢᠨ ᠯᠠ ᠬᠥᠮᠦᠨ ᠪᠠᠢᠨᠠ᠃ ᠵᠠ ᠲᠡᠷᠡ ᠴᠦ᠍ ᠶᠠᠭᠠᠬᠢᠬᠤ ᠪᠣᠢ? ᠲᠣᠭᠣᠨᠴᠢᠷ ᠵᠠᠬᠢᠷᠤᠭᠴᠢ ᠲᠠᠢ ᠬᠣᠯᠪᠣᠭᠠ ᠲᠠᠢ ᠬᠡᠷᠡᠭ ᠭᠠᠷᠬᠤ ᠨᠢ᠃ ᠶᠠᠭᠠᠬᠢᠳᠠᠭ ᠪᠢᠯᠡ?》 ᠭᠡᠮᠡᠨ ᠤᠯᠠᠮ ᠴᠣ ᠠᠢᠳᠠᠰ ᠲᠥᠷᠥᠬᠦ ᠠᠪᠠᠢ᠃ ᠠᠷᠪᠠ ᠭᠠᠷᠤᠢ ᠮᠣᠳᠣ ᠭᠠᠵᠠᠷ ᠳᠠᠪᠬᠢᠭᠠᠳ ᠶᠡᠬᠡ ᠴᠡᠷᠢᠭ ᠦ᠋ᠨ ᠪᠠᠢᠷᠢᠯᠠᠯ ᠤᠷᠤᠭᠤ ᠣᠷᠣᠵᠤ ᠢᠷᠡᠪᠡ᠃ ᠡᠨᠡ ᠨᠢ ᠨᠠᠮᠬᠠᠨ ᠲᠠᠭᠵᠢᠭᠠᠷ᠂ ᠰᠢᠪᠡᠷ ᠪᠠᠢᠰᠢᠩ ᠤ᠋ᠳ᠂ ᠮᠣᠷᠢᠳ ᠤᠶᠠᠳᠠᠭ ᠤᠶᠠᠭᠠᠨ ᠠ᠋ᠴᠠ ᠡᠬᠢᠯᠡᠭᠡᠳ ᠵᠢᠭᠰᠠᠭᠠᠯ ᠤ᠋ᠨ ᠲᠠᠯᠠᠪᠠᠢ᠂ ᠰᠤᠷᠭᠠᠭᠤᠯᠢ ᠶ᠋ᠢᠨ ᠲᠠᠯᠠᠪᠠᠢ ᠭᠡᠳ ᠤᠷᠢᠳᠤ ᠨᠢ ᠴᠡᠷᠢᠭ ᠪᠠᠢᠷᠢᠯᠠᠵᠤ ᠪᠠᠢᠭᠰᠠᠨ ᠰᠠᠭᠤᠷᠢᠨ ᠭᠡᠳᠡᠭ ᠨᠢ ᠲᠣᠳᠣᠷᠬᠠᠢ᠃ ᠡᠨᠳᠡᠬᠢ ᠶ᠋ᠢᠨ ᠴᠡᠷᠢᠭ ᠦ᠋ᠳ ᠡᠢᠮᠦ ᠭᠠᠵᠠᠷ ᠪᠠᠢᠷᠢᠯᠠᠳᠠᠭ ᠶᠤᠮ ᠪᠢᠯᠡ᠃ ᠴᠡᠷᠢᠭ ᠢ᠋ ᠨᠢ ᠬᠥᠭᠡᠭᠡᠵᠦ ᠭᠠᠷᠭᠠᠭᠠᠳ ᠡᠵᠡᠯᠡᠨ ᠰᠠᠭᠤᠭᠠ ᠨᠢ ᠮᠠᠭᠠᠳ ᠭᠡᠮᠡᠨ ᠪᠣᠳᠣᠯᠠ᠃ ᠭᠣᠣᠯ ᠲᠥᠪ ᠤᠷᠤᠭᠤ ᠨᠢ ᠣᠷᠣᠵᠤ ᠨᠢᠭᠡᠨ ᠭᠣᠶᠣᠮᠰᠣᠭ ᠪᠠᠢᠰᠢᠩ ᠤ᠋ᠨ ᠳᠡᠷᠭᠡᠳᠡ ᠪᠠᠭᠤᠭᠠᠳ ᠣᠷᠣᠪᠠ᠃ ᠳᠣᠲᠣᠷᠠ ᠨᠢ ᠴᠡᠪᠡᠷᠬᠡᠨ ᠭᠣᠶᠣ᠂ ᠬᠡ ᠬᠤᠸᠠᠷ᠂ ᠴᠡᠴᠡᠭ ᠨᠠᠪᠴᠢ᠂ ᠰᠢᠯ ᠲᠣᠯᠢ᠂ ᠬᠡᠪᠢᠰ ᠲᠣᠨᠣᠭ ᠪᠣᠯᠤᠭᠰᠠᠨ ᠮᠠᠨ ᠤ᠋ ᠬᠠᠭᠠᠨ ᠯᠠ ᠵᠠᠯᠠᠷᠠᠮᠠᠷ᠃ ᠰᠢᠷᠡᠭᠡ᠂ ᠲᠦᠰᠢᠯᠭᠡ ᠲᠡᠢ ᠰᠠᠨᠳᠠᠯᠢ ᠥᠷᠭᠡᠰᠦᠲᠡᠢ᠃ ᠰᠠᠨᠳᠠᠯᠢ ᠳᠡᠭᠡᠷᠡ ᠨᠢ ᠰᠠᠭᠤᠯᠠ᠃ ᠵᠠᠩᠵᠤᠨ ᠥᠭᠡᠳᠡ ᠡᠴᠡ ᠨᠢ ᠬᠠᠷᠠᠵᠤ ᠰᠠᠭᠤᠨ᠄
— ᠵᠠ ᠬᠣᠶᠠᠭᠤᠯᠠ ᠪᠠᠨ ᠨᠢᠭᠡ ᠦᠵᠡᠴᠢᠬᠡᠬᠦ ᠤᠤ? ᠭᠡᠮᠡᠨ ᠭᠠᠷ ᠢ᠋ᠶ᠋ᠠᠨ ᠲᠣᠰᠪᠠᠰᠤ ᠪᠣᠷᠬᠠᠢ ᠭᠠᠢᠬᠠᠨ ᠶᠠᠭᠠᠬᠢᠬᠤ ᠪᠠᠨ ᠮᠡᠳᠡᠬᠦ ᠦᠭᠡᠢ ᠪᠠᠢᠲᠠᠯᠠ᠂ 《ᠠᠯᠢ ᠭᠠᠷ ᠢ᠋ᠶ᠋ᠠᠨ》 ᠭᠡᠪᠡ᠃ ᠪᠤᠯᠴᠢᠩ ᠤ᠋ᠨ ᠴᠢᠳᠠᠯ ᠦᠵᠡᠬᠦ ᠭᠡᠳ ᠪᠠᠢᠭᠠ ᠶᠤᠮ ᠠ᠋ ᠶᠠᠩᠵᠤ ᠨᠢ ᠭᠡᠵᠦ ᠤᠬᠠᠭᠠᠷᠠᠭᠠᠳ ᠭᠠᠷ ᠢ᠋ᠶ᠋ᠠᠨ ᠥᠭᠲᠡᠯᠡ ᠬᠠᠪᠴᠢᠭᠤᠷ ᠲᠡᠮᠦᠷ ᠰᠢᠭ᠋ ᠬᠠᠲᠠᠭᠤ ᠶᠠᠰᠤᠨ ᠭᠠᠷ ᠢ᠋ᠶ᠋ᠠᠨ ᠰᠦᠷᠡᠬᠡᠢ ᠴᠢᠩᠭᠠ ᠠᠳᠬᠤᠭᠠᠳ ᠠᠷᠤ ᠳᠠᠰᠢ ᠨᠢ ᠳᠠᠷᠤᠴᠢᠬᠠᠬᠤ ᠨᠢ ᠠ᠋᠃《ᠦᠭᠡᠢ ᠠ᠋᠂ᠶᠡᠷᠦ᠂ ᠡᠨᠡᠨ ᠳ᠋ᠦ᠍ ᠳᠠᠷᠤᠭᠤᠯᠬᠤ!》 ᠭᠡᠮᠡᠨ ᠲᠣᠯᠣᠭᠠᠢ ᠳ᠋ᠤ᠌ ᠬᠠᠷᠪᠤᠨ ᠣᠷᠣᠵᠤ᠂ ᠪᠡᠶᠡ ᠪᠤᠯᠴᠢᠩ ᠢ᠋ᠶ᠋ᠠᠨ ᠴᠢᠩᠭᠠᠯᠠᠵᠤ ᠰᠢᠳᠦ ᠪᠡᠨ ᠵᠠᠭᠤᠭᠠᠳ ᠬᠥᠰᠢᠲᠡᠯᠡ ᠭᠠᠷ ᠨᠢ ᠥᠨᠳᠡᠢᠵᠦ ᠰᠤᠯᠠᠷᠠᠭᠠᠳ ᠢᠷᠡᠮᠡᠭᠴᠡ ᠮᠥᠨ ᠯᠡ ᠬᠦᠴᠦ ᠭᠠᠷᠭᠠᠨ ᠳᠠᠷᠤᠪᠠᠰᠤ ᠠᠷᠤ ᠳᠠᠰᠢ ᠶᠠᠪᠤᠭᠠᠳ ᠥᠭᠭᠦᠯᠡ᠃ 《ᠰᠦᠷᠡᠬᠡᠢ ᠡᠷᠡ ᠶᠦᠮ ᠠ᠋》 ᠭᠡᠵᠦ ᠠᠮᠠᠨ ᠳ᠋ᠠᠭᠠᠨ ᠪᠤᠪᠠᠲᠤᠨᠠᠭᠠᠳ᠄
— ᠠᠯᠢ ᠲᠡᠭᠡᠪᠡᠯ ᠭᠡᠳ ᠥᠨᠥᠬᠢ ᠴᠢᠨᠢ ᠬᠣᠶᠠᠷ ᠰᠡᠯᠡᠮᠡ ᠠᠪᠤᠭᠠᠳ᠂ ᠨᠢᠭᠡ ᠶ᠋ᠢ ᠨᠢ ᠰᠢᠳᠡᠴᠢᠬᠥᠢ ᠳ᠋ᠦ᠍ ᠪᠣᠷᠬᠠᠢ ᠰᠢᠭᠦᠷᠡᠨ ᠠᠪᠤᠯᠠ᠃ ᠬᠠᠯᠲᠤ ᠬᠠᠷᠠᠪᠠᠯ ᠮᠤᠬᠤᠷ ᠦᠵᠦᠭᠦᠷ ᠲᠡᠢ᠂ ᠢᠷ ᠦᠭᠡᠢ ᠰᠤᠷᠭᠠᠭᠤᠯᠢ ᠶ᠋ᠢᠨ ᠰᠡᠯᠡᠮᠡ ᠶᠦᠮ᠃ ᠲᠠᠰᠤᠯᠭᠠ ᠲᠣᠮᠣ ᠠᠭᠤᠵᠢᠮ ᠤᠴᠢᠷ ᠲᠤᠯᠤᠯᠳᠤᠵᠤ ᠡᠬᠢᠯᠡᠯᠡ᠃ ᠴᠠᠪᠴᠢᠬᠤ᠂ ᠬᠠᠳᠬᠤᠬᠤ᠂ ᠬᠠᠮᠠᠭᠠᠯᠠᠬᠤ ᠰᠢᠷᠪᠢᠬᠦ ᠪᠦᠬᠦᠨ ᠢ᠋ ᠬᠢᠪᠡ᠃ ᠥᠷᠲᠥᠭᠰᠡᠨ ᠭᠠᠵᠠᠷ ᠨᠢ ᠡᠪᠡᠳᠵᠦ ᠪᠠᠢᠬᠤ᠂ ᠦᠵᠡᠯᠴᠡᠭᠡᠳ ᠯᠡ ᠪᠠᠢᠯᠠ᠃ ᠨᠢᠭᠡ ᠴᠠᠪᠴᠢᠬᠤ ᠳ᠋ᠤᠨᠢ ᠬᠥᠨᠳᠡᠯᠡᠨ ᠬᠠᠮᠠᠭᠠᠯᠠᠭᠠᠳ᠂ ᠰᠡᠯᠡᠮᠡ ᠪᠡᠨ ᠲᠠᠲᠠᠬᠤ ᠳ᠋ᠤᠨᠢ ᠬᠦᠴᠦᠲᠡᠢ ᠰᠢᠷᠪᠢᠭᠡᠳ ᠣᠷᠬᠢᠲᠠᠯᠠ ᠰᠡᠯᠡᠮᠡ ᠨᠢ ᠬᠠᠩᠭᠢᠨᠠᠭᠠᠳ ᠦᠰᠦᠷᠪᠡ᠃ ᠵᠠᠩᠵᠤᠨ ᠲᠣᠯᠣᠭᠠᠢ ᠰᠡᠭᠰᠦᠷᠴᠦ᠂《ᠲᠤᠩ ᠰᠦᠷᠡᠬᠡᠢ ᠡᠷᠡ ᠶᠦᠮ》 ᠭᠡᠪᠡ᠃ ᠰᠦᠷᠡᠬᠡᠢ ᠪᠠᠢᠬᠤ ᠳ᠋ᠠᠭᠠᠨ ᠶᠠᠭᠠᠬᠢᠬᠤᠪ ᠳᠠ᠃ ᠪᠦᠬᠦᠨ ᠢ᠋ ᠥᠪᠡᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠬᠡᠮᠵᠢᠳᠡᠭ᠂ ᠥᠪᠡᠷ ᠢ᠋ ᠪᠡᠨ ᠶᠠᠭᠤ ᠭᠡᠵᠦ ᠪᠣᠳᠣᠨᠠ ᠪᠣᠢ? ᠴᠤᠷᠴᠠᠢᠬᠰᠠᠠ ᠡᠪᠦᠭᠡᠨ ᠴᠢᠨᠢ ᠭᠡᠮᠡᠨ ᠢᠨᠢᠶᠡᠳᠦ ᠨᠢ ᠬᠦᠷᠪᠡ᠃
ᠵᠠᠩᠵᠤᠨ ᠰᠦᠷᠡᠬᠡᠢ ᠳᠤᠯᠠᠢᠵᠤ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ ᠢᠨᠢᠶᠡᠬᠦ ᠴᠦ᠍ ᠠᠶᠠᠳᠠᠭᠠᠳ《ᠱᠣᠭᠯᠠᠵᠤ ᠪᠠᠢᠨᠠ ᠠ᠋ ᠳᠠ ᠴᠢ》 ᠭᠡᠪᠡ᠃
ᠬᠣᠶᠠᠭᠤᠯᠠ ᠥᠭᠡᠳᠡ ᠥᠭᠡᠳᠡ ᠡᠴᠡ ᠪᠡᠨ ᠬᠠᠷᠠᠨ ᠰᠠᠭᠤᠯᠠ᠃ ᠭᠠᠳᠠᠨᠠ ᠠ᠋ᠴᠠ ᠥᠨᠳᠥᠷ ᠭᠤᠸᠠᠯᠢᠭ ᠨᠢᠷᠤᠭᠤ ᠲᠠᠢ᠂ ᠡᠷᠭᠢ ᠲᠣᠬᠣᠯᠠᠭᠰᠠᠨ ᠡᠷᠢᠶᠡᠨ ᠠᠯᠠᠭ ᠨᠢᠳᠦ ᠲᠡᠢ᠂ ᠭᠠᠵᠠᠷ ᠰᠢᠭᠦᠷᠡᠮᠡ ᠳᠠᠰᠢᠨᠵᠠ ᠲᠠᠢ ᠡᠮᠡᠭᠲᠡᠢ ᠴᠠᠢ ᠢᠳᠡᠭᠡ ᠲᠠᠯᠪᠢᠭᠤᠷ ᠳᠡᠭᠡᠷᠡ ᠪᠠᠷᠢᠵᠤ ᠣᠷᠣᠵᠤ ᠢᠷᠡᠭᠡᠳ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠯᠪᠢᠭᠠᠳ᠂ ᠮᠡᠳᠡᠬᠦ ᠦᠭᠡᠢ ᠨᠢᠭᠡ ᠬᠣᠶᠠᠷ ᠦᠭᠡ ᠬᠡᠯᠡᠭᠡᠳ ᠭᠠᠷᠴᠤ ᠣᠳᠪᠠ᠃ ᠪᠣᠷᠬᠠᠢ《ᠡᠬᠡᠨᠡᠷ ᠨᠢ ᠪᠢᠰᠢ ᠪᠠᠢᠯᠲᠠᠢ᠂ ᠬᠡᠷᠪᠡ ᠲᠡᠢᠮᠦ ᠪᠣᠯ ᠡᠨᠡ ᠡᠪᠦᠭᠡᠨ ᠡᠯᠬᠥᠬᠳᠡᠴᠢᠬᠡᠮᠡᠷ᠃ ᠡᠨᠡ ᠭᠠᠵᠠᠷ ᠤ᠋ᠨ ᠬᠥᠮᠦᠨ ᠯᠡ ᠵᠠᠷᠤᠴᠠᠯᠠᠭᠳᠠᠵᠤ ᠪᠠᠢᠭᠠ ᠶᠤᠮ ᠪᠣᠯᠪᠠᠤ》 ᠭᠡᠮᠡᠨ ᠴᠠᠢ ᠶ᠋ᠢ ᠨᠢ ᠠᠪᠴᠤ ᠣᠭᠣᠴᠢᠯᠠ᠃
— ᠴᠢ ᠪᠢᠴᠢᠭ᠂ ᠰᠤᠸᠠᠮᠫᠠᠨ᠂ ᠲᠣᠭᠠ ᠪᠣᠳᠣᠯᠭᠠᠨ ᠳ᠋ᠤ᠌ ᠲᠤᠩ ᠰᠠᠢᠨ ᠭᠡᠰᠡᠨ ᠪᠢᠵᠡ?
— ᠪᠠᠭᠠ ᠳ᠋ᠠᠭᠠᠨ ᠲᠠᠲᠠᠲᠤᠩᠭᠠ ᠪᠠᠭᠰᠢ ᠶ᠋ᠢᠨ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠰᠤᠷᠴᠤ ᠲᠡᠭᠦᠰᠦᠭᠰᠡᠨ᠃ ᠲᠡᠭᠡᠭᠡᠳ ᠡᠴᠢᠭᠡ ᠶ᠋ᠢᠨ ᠪᠠᠷᠠᠭᠤᠨ ᠭᠠᠷ ᠤ᠋ᠨ ᠵᠠᠬᠢᠷᠤᠭᠴᠢ ᠶ᠋ᠢᠨ ᠠᠯᠪᠠᠨ ᠬᠡᠷᠡᠭ᠂ ᠳᠠᠩᠰᠠ ᠪᠦᠷᠢᠳᠬᠡᠯ ᠬᠥᠲᠥᠯᠵᠦ᠂ ᠲᠦᠰᠢᠮᠡᠯ ᠬᠢᠵᠦ ᠶᠠᠪᠤᠭᠰᠠᠨ ᠳᠠ᠃ ᠶᠠᠭᠠᠬᠢᠬᠤᠪ᠂ ᠠᠯᠪᠠ ᠭᠦᠢᠴᠡᠳᠬᠡᠭᠡᠳ ᠪᠠᠢᠨᠠ ᠭᠡᠪᠡ᠃
— ᠶᠡᠬᠡ ᠰᠠᠢᠨ᠂ ᠲᠡᠭᠡᠭᠡᠳ ᠯᠡ ᠪᠢ ᠴᠢᠮᠠᠶ᠋ᠢ ᠠᠪᠤᠶᠠ ᠭᠡᠰᠡᠨ ᠶᠦᠮ᠃ ᠠᠪᠤ ᠲᠠᠢ ᠴᠢᠨᠢ ᠶᠠᠷᠢᠭᠰᠠᠨ᠂ ᠲᠡᠷᠡ ᠪᠡᠷ ᠬᠠᠨ ᠬᠥᠪᠡᠭᠦᠳ ᠦ᠋ᠨ ᠵᠥᠪᠯᠡᠭᠴᠢ ᠪᠣᠯᠵᠤ᠂ ᠬᠠᠮᠠᠭᠠᠯᠠᠯᠲᠠ ᠬᠠᠷᠢᠭᠤᠴᠠᠨ ᠪᠠᠢᠯᠳᠤᠵᠤ ᠶᠠᠪᠤᠭᠠ᠃ ᠱᠠᠭᠠ ᠮᠣᠬᠠᠮᠮᠥᠳ᠋᠂ ᠰᠦᠯᠲ᠋ᠡᠨ ᠵᠠᠯᠠᠯᠳᠢᠨ ᠬᠠᠨ ᠮᠡᠯᠢᠭ ᠭᠤᠷᠪᠠᠭᠤᠯᠠ ᠬᠦᠴᠦ ᠪᠡᠨ ᠨᠢᠭᠡᠳᠬᠡᠨ ᠲᠤᠩ ᠰᠢᠷᠦᠭᠦᠨ ᠲᠡᠢᠨ ᠡᠬᠢᠯᠡᠭᠰᠡᠨ᠃ ᠬᠣᠯᠠ ᠦᠭᠡᠢ ᠠ᠋᠂ ᠣᠢᠷᠠᠯᠴᠠᠭᠠ᠃ ᠴᠢ ᠮᠢᠨᠦ ᠳᠡᠷᠭᠡᠳᠡ ᠶ᠋ᠢᠨ ᠲᠡᠷᠢᠭᠦᠨ ᠵᠠᠭᠤᠲᠤ ᠵᠠᠬᠢᠷᠤᠭᠴᠢ᠂ ᠵᠠᠬᠢᠷᠤᠭᠴᠢ ᠶ᠋ᠢᠨ ᠠᠯᠪᠠᠨ ᠬᠡᠷᠡᠭ ᠬᠠᠷᠢᠭᠤᠴᠠᠨ᠂ ᠲᠤᠰᠠᠯᠠᠬᠤ ᠵᠠᠩᠵᠤᠨ ᠪᠣᠯᠤᠨᠠ᠃ ᠬᠡᠷᠪᠡ ᠪᠢ ᠦᠷᠡᠭᠳᠡᠪᠡᠯ ᠤᠳᠤᠷᠢᠳᠤᠯᠭᠠ ᠶ᠋ᠢ ᠴᠢ ᠭᠠᠷ ᠲᠠᠭᠠᠨ ᠠᠪᠴᠤ ᠶᠣᠰᠣ ᠲᠠᠢ᠃ ᠲᠡᠢᠨ ᠳ᠋ᠦ᠍ ᠦᠬᠦᠬᠦ ᠦᠭᠡᠢ ᠠᠮᠢ᠂ ᠤᠷᠤᠰᠬᠤ ᠦᠭᠡᠢ ᠴᠢᠰᠤ ᠪᠠᠢᠬᠤ ᠦᠭᠡᠢ᠃ ᠲᠡᠢᠮᠦ ᠡᠴᠡ ᠵᠠᠩᠵᠤᠨ ᠦᠷᠡᠭᠳᠡᠵᠦ ᠪᠣᠯᠤᠨᠠ᠂ ᠭᠡᠬᠦ ᠳ᠋ᠡᠭᠡᠨ ᠶᠡᠬᠡ ᠵᠠᠢ ᠪᠣᠢ᠃ ᠪᠢ ᠬᠠᠭᠠᠨ ᠳ᠋ᠤ᠌ ᠠᠢᠯᠠᠳᠬᠠᠵᠤ᠂ ᠰᠣᠶᠣᠷᠬᠠᠯ ᠠᠪᠤᠭᠰᠠᠨ ᠭᠡᠪᠡ᠃ ᠪᠣᠷᠬᠠᠢ ᠪᠣᠰᠴᠤ ᠮᠡᠬᠦᠢᠨ᠄
— ᠵᠠᠷᠯᠢᠭ ᠲᠤᠰᠢᠶᠠᠯ ᠢ᠋ ᠬᠦᠴᠦᠨ ᠵᠢᠳᠬᠦᠵᠦ ᠭᠦᠢᠴᠡᠳᠬᠡᠶᠡ ᠭᠡᠮᠡᠨ ᠶᠣᠰᠣᠯᠠᠯᠠ᠃ ᠵᠠᠩᠵᠤᠨ᠄《ᠵᠥᠪ》 ᠬᠡᠮᠡᠭᠡᠳ᠄
— ᠪᠢ ᠪᠠᠢᠯᠳᠤᠵᠤ ᠶᠠᠪᠤᠭᠠᠳ ᠬᠠᠭᠠᠨ ᠤ᠋ ᠲᠤᠰᠢᠶᠠᠯ ᠢ᠋ᠶ᠋ᠠᠷ ᠡᠨᠳᠡ ᠬᠦᠴᠦ ᠪᠡᠨ ᠰᠡᠯᠪᠢᠨ᠂ ᠴᠡᠷᠢᠭ ᠡᠯᠰᠡᠭᠦᠯᠵᠦ᠂ ᠰᠤᠷᠭᠠᠭᠤᠯᠢ ᠬᠢᠵᠦ ᠲᠦᠷ ᠬᠦᠯᠢᠶᠡᠵᠦ ᠪᠠᠢᠭᠠ ᠶᠤᠮ᠃ ᠲᠤᠰᠢᠶᠠᠯ ᠢᠷᠡᠪᠡᠯ ᠬᠥᠳᠡᠯᠦᠨᠡ᠂ ᠣᠳᠣᠬᠠᠨ ᠴᠣ ᠬᠥᠳᠡᠯᠵᠦ ᠪᠣᠯᠤᠨᠠ᠃ ᠲᠡᠢᠨ ᠳ᠋ᠦ᠍ ᠣᠷᠣ ᠭᠡᠪᠡᠯ ᠪᠦᠷᠢᠶᠡ ᠲᠠᠲᠠᠭᠠᠳ ᠯᠠ ᠬᠥᠳᠡᠯᠦᠨᠡ᠃
ᠵᠠᠩᠵᠤᠨ ᠴᠣᠩᠬᠣ ᠣᠩᠭᠣᠢᠯᠭᠠᠵᠤ ᠴᠡᠭᠡᠵᠢ ᠪᠡᠨ ᠭᠠᠷᠭᠠᠭᠠᠳ《ᠨᠡᠰᠢ ᠢᠷᠡ》 ᠭᠡᠵᠦ ᠬᠥᠮᠦᠨ ᠳᠠᠭᠤᠳᠠᠵᠤ᠄《ᠪᠦᠬᠦ ᠴᠡᠷᠢᠭ ᠵᠢᠭᠰᠠᠭᠠ》 ᠭᠡᠵᠦ ᠴᠢᠩᠭᠠ ᠳᠠᠭᠤ ᠪᠠᠷ ᠲᠤᠰᠢᠶᠠᠪᠠ᠃ ᠵᠢᠭᠰᠠᠭᠠᠯ ᠤ᠋ᠨ ᠪᠦᠷᠢᠶᠡ ᠬᠠᠩᠭᠢᠨᠠᠪᠠ᠃
— ᠮᠠᠨ ᠤ᠋ ᠬᠢ ᠲᠣᠯᠣᠭᠠᠢ ᠶ᠋ᠢᠨ ᠴᠤᠪᠤᠭᠠ ᠳᠥᠷᠪᠡᠨ ᠮᠢᠩᠭᠠᠲᠤ ᠲᠠᠢ᠃ ᠵᠢᠩᠬᠢᠨᠢ ᠪᠠᠢᠯᠳᠤᠭᠠᠨ ᠤ᠋ ᠭᠤᠷᠪᠠᠨ ᠮᠢᠩᠭᠠᠲᠤ ᠭᠤᠷᠪᠠᠨ ᠮᠢᠩᠭᠠ ᠲᠠᠪᠤᠨ 375 ᠵᠠᠭᠤᠨ ᠴᠡᠷᠢᠭ ᠲᠡᠢ ᠣᠯᠵᠠᠯᠠᠭᠳᠠᠭᠰᠠᠨ᠂ ᠳᠠᠭᠠᠭᠰᠠᠨ ᠴᠡᠷᠢᠭ ᠳᠡᠭᠡᠷᠡ ᠪᠢ ᠨᠤᠲᠤᠭ ᠤ᠋ᠨ ᠬᠡᠰᠡᠭ ᠴᠡᠷᠢᠭ ᠡᠯᠰᠡᠭᠦᠯᠵᠦ ᠭᠤᠷᠪᠠᠨ ᠵᠠᠭᠤ ᠭᠠᠷᠤᠢ ᠬᠥᠮᠦᠨ ᠨᠡᠮᠡᠭᠳᠡᠭᠡᠳ ᠪᠠᠢᠭᠠ᠃ ᠨᠢᠭᠡ ᠮᠢᠩᠭᠠᠲᠤ ᠨᠢ ᠬᠡᠳᠦᠨ ᠵᠠᠭᠤᠨ ᠬᠥᠮᠦᠨ ᠲᠡᠢ᠂ ᠠᠷᠤ ᠲᠠᠯᠠ ᠠᠴᠢᠶᠠ ᠬᠦᠰᠡᠭᠡ᠂ ᠠᠭᠲᠠ ᠮᠣᠷᠢᠳ᠂ ᠬᠣᠭᠣᠯᠠ ᠬᠦᠨᠡᠰᠦ᠂ ᠵᠡᠪᠰᠡᠭ ᠪᠠᠭᠠᠵᠢ ᠡᠯᠳᠡᠪ ᠵᠦᠢᠯ ᠬᠠᠷᠢᠭᠤᠴᠠᠳᠠᠭ ᠶᠤᠮ᠃ ᠲᠡᠳᠡ ᠡᠨᠳᠡ ᠵᠢᠭᠰᠠᠬᠤ ᠦᠭᠡᠢ᠂ ᠲᠡᠭᠦᠨ ᠢ᠋ᠶ᠋ᠡᠷ ᠠᠵᠢᠯ ᠢ᠋ᠶ᠋ᠠᠨ ᠠᠮᠵᠢᠭᠤᠯᠤᠨ ᠶᠠᠪᠤᠭᠠ᠃ ᠡᠨᠳᠡ ᠵᠥᠪᠬᠡᠨ ᠪᠠᠢᠯᠳᠤᠭᠠᠨ ᠤ᠋ ᠠᠩᠭᠢ ᠶ᠋ᠢᠨ ᠬᠢᠨ ᠴᠤᠭᠯᠠᠨᠠ᠃ ᠲᠡᠷᠢᠭᠦᠨ ᠳ᠋ᠦ᠍ᠨᠢ ᠴᠢᠨᠦ ᠵᠠᠭᠤᠲᠤ᠂ ᠵᠠᠭᠤ ᠭᠠᠷᠤᠢ ᠬᠥᠮᠦᠨ ᠲᠡᠢ᠃ ᠲᠡᠷᠡ ᠨᠢ ᠲᠤᠰ ᠬᠠᠷᠢᠭᠤᠴᠠᠬᠤ ᠵᠢᠷᠭᠤᠭᠠ᠂ ᠨᠠᠮᠠ ᠶ᠋ᠢ ᠬᠠᠮᠠᠭᠠᠯᠠᠵᠤ ᠠᠶᠠᠨ ᠤ᠋ ᠰᠠᠭᠤᠴᠠ ᠠᠪᠴᠤ ᠶᠠᠪᠤᠬᠤ ᠭᠡᠳ ᠠᠷᠪᠠᠭᠠᠳ᠂ ᠴᠢᠮᠠ ᠶ᠋ᠢ ᠪᠠᠰᠠ ᠳᠠᠭᠠᠬᠤ ᠪᠠᠷᠤᠭ ᠠᠷᠪᠠᠭᠠᠳ ᠬᠥᠮᠦᠨ ᠪᠣᠢ᠃ ᠵᠢᠱ᠌ᠢᠶᠡ ᠨᠢ ᠲᠡᠷᠡ ᠬᠣᠶᠠᠷ ᠰᠠᠪᠠ ᠲᠠᠢ᠂ ᠭᠠᠳᠠᠭᠤᠷ ᠢ᠋ᠶ᠋ᠠᠨ ᠰᠢᠷᠢᠨ ᠤᠭᠤᠲᠠ ᠲᠠᠢ ᠲᠡᠮᠦᠷ ᠬᠠᠢᠷᠴᠠᠭ᠂ ᠲᠡᠷᠡ ᠳᠣᠲᠣᠷᠠ ᠲᠠᠮᠠᠭᠠ ᠠᠯᠪᠠᠨ ᠬᠡᠷᠡᠭ ᠪᠣᠢ᠃ ᠵᠠ ᠭᠠᠷᠤᠶᠠ᠃ ᠵᠢᠭᠰᠠᠭᠠ ᠪᠢᠵᠡ ᠭᠡᠪᠡ᠃
ᠭᠤᠷᠪᠠᠨ ᠬᠡᠰᠡᠭ ᠵᠢᠭᠰᠠᠭᠰᠠᠨ ᠴᠡᠷᠢᠭ ᠦ᠋ᠳ ᠦ᠋ᠨ ᠡᠮᠦᠨᠡ ᠣᠴᠢᠭᠠᠳ ᠵᠠᠩᠵᠤᠨ ᠮᠡᠨᠳᠦᠯᠡᠯᠡ᠃ ᠲᠡᠭᠡᠭᠡᠳ ᠪᠣᠷᠬᠠᠢ ᠤᠷᠤᠭᠤ ᠵᠢᠭᠠᠵᠤ᠄
— ᠡᠨᠡ ᠮᠢᠨᠦ ᠲᠤᠰᠠᠯᠠᠬᠤ ᠵᠠᠩᠵᠤᠨ ᠵᠠᠬᠢᠷᠤᠭᠴᠢ ᠶ᠋ᠢᠨ ᠠᠯᠪᠠᠨ ᠤ᠋ ᠲᠦᠰᠢᠮᠡᠯ᠂ ᠲᠡᠷᠢᠭᠦᠨ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭᠠ ᠪᠣᠷᠬᠠᠢ᠃ ᠮᠡᠳᠡᠵᠦ ᠲᠠᠨᠢᠯᠴᠠ!
ᠡᠴᠢᠭᠡ ᠨᠢ ᠥᠷᠯᠥᠭ ᠵᠠᠩᠵᠤᠨ᠂ ᠬᠦᠯᠦᠭ ᠪᠠᠭᠠᠲᠤᠷ ᠪᠣᠭᠤᠷᠴᠢ ᠭᠡᠳ ᠴᠠᠰᠢ ᠣᠯᠠᠨ ᠦᠭᠡ ᠬᠡᠯᠡᠭᠰᠡᠨ ᠦᠭᠡᠢ ᠡᠬᠢᠨ ᠦ᠌ ᠵᠠᠭᠤᠲᠤ ᠶ᠋ᠢᠨ ᠡᠮᠦᠨᠡ ᠣᠴᠢᠭᠠᠳ᠄
— ᠡᠨᠡ ᠴᠢᠨᠦ ᠵᠠᠭᠤᠲᠤ᠂ ᠲᠤᠰᠠᠯᠠᠬᠤ ᠴᠢᠨᠢ ᠣᠷᠭᠢᠯ᠃ ᠡᠯᠰᠡᠵᠦ ᠢᠷᠡᠭᠰᠡᠨ ᠬᠣᠶᠠᠷ ᠬᠡᠯᠡᠮᠦᠷᠴᠢ ᠪᠣᠢ᠃ ᠣᠳᠣ ᠮᠣᠷᠢᠨ ᠰᠤᠷᠭᠠᠭᠤᠯᠢ ᠬᠢᠵᠦ ᠶᠠᠪᠤᠭᠠ᠃ ᠮᠣᠩᠭᠣᠯ ᠨᠤᠲᠤᠭ ᠢ᠋ᠶ᠋ᠠᠷ ᠬᠤᠳᠠᠯᠳᠤᠭᠠ ᠠᠷᠠᠯᠵᠢᠶᠠ ᠪᠠᠷ ᠶᠠᠪᠤᠭᠰᠠᠨ᠃ ᠬᠡᠯᠡᠮᠦᠷᠴᠢ ᠬᠡᠷᠡᠭ ᠲᠡᠢ᠃ ᠲᠡᠨᠳᠡ ᠥᠪᠡᠷᠰᠡᠳ ᠲᠡᠭᠡᠨ ᠮᠣᠩᠭᠣᠯ ᠬᠡᠯᠡ ᠵᠢᠭᠠᠳᠠᠭ ᠶᠤᠮ ᠭᠡᠯᠡ᠃ ᠡᠢᠨᠬᠦ ᠴᠡᠷᠢᠭ ᠦ᠋ᠳ ᠲᠠᠨᠢᠯᠴᠠᠭᠠᠳ ᠴᠢᠮᠠ ᠳ᠋ᠤ᠌ ᠨᠢᠭᠡ ᠲᠠᠰᠤᠯᠭᠠ ᠪᠡᠯᠡᠳᠬᠡᠭᠰᠡᠨ ᠪᠠᠢᠭᠠ᠃ ᠲᠡᠨᠳᠡ ᠪᠡᠨ ᠣᠷᠣ ᠳᠠ᠃ ᠡᠨᠡ ᠪᠢᠴᠢᠭ ᠢ᠋ᠶ᠋ᠡᠨ ᠠᠪᠠᠴᠢᠵᠤ ᠦᠵᠡᠵᠦ ᠬᠠᠷᠠᠪᠠᠯ ᠬᠠᠷᠠ ᠭᠡᠪᠡ᠃ 376
— ᠡᠭᠦᠨ ᠢ᠋ ᠨᠠᠳᠠ ᠠ᠋ᠴᠠ ᠡᠮᠦᠨᠡ ᠨᠢᠭᠡᠳᠦᠭᠡᠷ ᠵᠠᠭᠤᠲᠤ ᠶ᠋ᠢᠨ ᠳᠠᠷᠤᠭᠠ ᠬᠢᠵᠦ ᠪᠠᠢᠭᠰᠠᠨ ᠤᠤ? ᠲᠡᠷᠡ ᠬᠥᠮᠦᠨ ᠶᠠᠭᠠᠬᠢᠭᠰᠠᠨ ᠶᠤᠮ ᠪᠣᠢ?
— ᠲᠡᠢᠮᠦ ᠠ᠋᠂ ᠲᠡᠷᠡ ᠬᠥᠮᠦᠨ ᠰᠢᠷᠬᠠᠳᠤᠭᠰᠠᠨ᠃ ᠴᠡᠭᠡᠵᠢ ᠪᠡᠷ ᠢ᠋ᠶ᠋ᠡᠨ᠂ ᠪᠠᠷᠠᠭᠤᠨ ᠲᠠᠯᠠ ᠠᠭᠤᠰᠬᠢ᠂ ᠬᠠᠪᠢᠷᠭᠠ ᠶᠡᠬᠡ ᠭᠡᠮᠲᠦᠯ ᠲᠡᠢ᠃ ᠲᠡᠷᠡ ᠡᠳᠡᠭᠡᠷᠡᠵᠦ ᠪᠠᠢᠭᠠ᠃ ᠡᠨᠳᠡᠬᠢ ᠶ᠋ᠢᠨ ᠡᠮᠴᠢ ᠳᠣᠮᠴᠢ ᠨᠠᠷ ᠰᠦᠷᠡᠬᠡᠢ ᠰᠠᠢᠨ ᠶᠤᠮ᠃ ᠭᠠᠢᠭᠤᠢ ᠪᠣᠯᠤᠭᠠᠳ ᠨᠤᠲᠤᠭ ᠶᠠᠪᠤᠬᠤ ᠪᠢᠵᠡ᠃ ᠪᠢᠴᠢᠭ ᠡᠷᠳᠡᠮ ᠦ᠋ᠨ ᠬᠤᠪᠢ ᠳ᠋ᠤ᠌ ᠪᠠᠢᠬᠤ ᠦᠭᠡᠢ ᠠ᠋᠃ ᠨᠢᠭᠡ ᠴᠡᠷᠢᠭ ᠢ᠋ᠶ᠋ᠡᠷ ᠪᠢᠴᠢᠭ ᠦ᠋ᠨ ᠠᠵᠢᠯ ᠢ᠋ᠶ᠋ᠠᠨ ᠬᠢᠯᠭᠡᠳᠡᠭ᠃ ᠲᠡᠷᠡ ᠨᠢ ᠲᠡᠢᠮᠦ ᠰᠦᠷᠡᠬᠡᠢ ᠪᠢᠰᠢ ᠶᠦᠮ ᠭᠡᠨᠡ ᠪᠢᠯᠡ᠃ ᠨᠠᠳᠠ ᠠ᠋ᠴᠠ ᠳᠡᠭᠡᠷᠡ ᠦᠭᠡᠢ᠃ ᠲᠠᠨ ᠤ᠋ ᠠᠪᠤ᠂ ᠪᠢᠳᠡ ᠲᠤᠩᠭᠠ ᠪᠠᠭᠰᠢ ᠪᠠᠷ ᠵᠢᠭᠠᠯᠭᠠᠵᠤ ᠪᠠᠰᠠ ᠴᠣ ᠣᠷᠣ ᠮᠥᠷ ᠲᠡᠢ ᠭᠡᠵᠦ ᠬᠡᠯᠡᠪᠡ᠃
ᠪᠣᠷᠬᠠᠢ ᠪᠣᠰᠴᠤ ᠣᠴᠢᠭᠠᠳ ᠥᠨᠥᠬᠢ ᠮᠣᠷᠢᠨ ᠠᠴᠢᠶᠠ ᠶ᠋ᠢ ᠡᠷᠭᠦᠭᠡᠳ ᠠᠪᠬᠤ ᠭᠡᠲᠡᠯᠡ᠄
— ᠵᠠᠩᠵᠤᠨ ᠬᠥᠮᠦᠨ ᠲᠡᠭᠡᠳᠡᠭ ᠦᠭᠡᠢ ᠶᠦᠮ᠃ ᠴᠡᠷᠢᠭ ᠢ᠋ᠶ᠋ᠡᠷ ᠣᠷᠣᠭᠤᠯᠤᠨᠠ ᠭᠡᠰᠡᠨ ᠢ᠋ᠶ᠋ᠡᠨ ᠰᠦᠪᠡᠭᠡᠳᠡᠢ ᠴᠣᠩᠬᠣ ᠪᠠᠷ ᠴᠡᠭᠡᠵᠢ ᠪᠡᠨ ᠭᠠᠷᠭᠠᠨ᠄《ᠬᠥᠶᠢ᠂ ᠲᠠ ᠬᠣᠶᠠᠷ ᠨᠠᠰᠢ ᠪᠣᠷᠬᠠᠢ ᠲᠤᠰᠠᠯᠠᠬᠤ ᠶ᠋ᠢ ᠭᠡᠷ ᠲᠦ᠍ ᠨᠢ ᠣᠷᠣᠭᠤᠯᠤᠭᠠᠳ ᠥᠭ》 ᠭᠡᠪᠡ᠃
ᠪᠢᠴᠢᠭ ᠰᠡᠯᠲᠡ ᠶ᠋ᠢ ᠦᠵᠡᠪᠡᠰᠦ ᠦᠨᠡᠬᠡᠷ ᠮᠠᠭᠤᠬᠠᠢ ᠪᠢᠴᠢᠭ ᠲᠡᠢ ᠬᠥᠮᠦᠨ ᠦ᠌ ᠠᠵᠢᠯ ᠪᠣᠯᠪᠠᠴᠤ ᠣᠷᠣ ᠦᠭᠡᠢ ᠳ᠋ᠦ᠍ ᠣᠷᠣᠪᠠᠯ ᠦᠢᠯᠡ ᠲᠡᠢ ᠭᠡᠰᠡᠨ ᠦᠭᠡ ᠪᠣᠢ᠃ ᠴᠢᠩᠭᠢᠲᠡᠯᠡ ᠥᠪᠡᠷ ᠦ᠋ᠨ ᠵᠠᠭᠤᠲᠤ ᠶ᠋ᠢᠨ ᠥᠪᠡᠷ ᠦ᠋ᠨ ᠠᠷᠪᠠᠲᠤ ᠶ᠋ᠢᠨ ᠳᠠᠷᠤᠭᠠ ᠨᠢᠭᠡ ᠴᠡᠷᠢᠭ ᠲᠡᠢ ᠠᠴᠢᠶᠠ ᠲᠡᠭᠡᠭᠡᠰᠢ ᠶ᠋ᠢ ᠨᠢ ᠠᠪᠴᠢᠷᠠᠵᠤ ᠥᠭᠪᠡ᠃
— ᠲᠠ ᠨᠠᠷ ᠬᠠᠮᠢᠭᠠ ᠨᠢ ᠣᠷᠣᠪᠠ?
— ᠪᠢᠳᠡ ᠠᠳᠠᠭ ᠤ᠋ᠨ ᠠᠳᠠᠭ ᠳᠤ᠂ ᠭᠤᠷᠪᠠᠳᠤᠭᠠᠷ ᠮᠢᠩᠭᠠᠲᠤ ᠶ᠋ᠢᠨ ᠠᠳᠠᠭ ᠤ᠋ᠨ ᠵᠠᠭᠤᠲᠤ᠂ ᠠᠷᠪᠠᠲᠤ ᠪᠦᠷᠢ ᠳ᠋ᠦ᠍ ᠡᠨᠡ ᠨᠤᠲᠤᠭ ᠤ᠋ᠨ ᠨᠢᠭᠡ ᠴᠡᠷᠢᠭ ᠨᠡᠮᠡᠵᠦ ᠥᠭᠭᠦᠭᠰᠡᠨ᠃ ᠬᠡᠯᠡ ᠨᠡᠪᠲᠡᠷᠡᠯᠴᠡᠬᠦ ᠪᠡᠷ ᠮᠠᠭᠤᠬᠠᠨ᠃ ᠭᠡᠬᠦ ᠳ᠋ᠡᠭᠡᠨ ᠴᠥᠭᠡᠨ ᠬᠡᠳᠦᠨ ᠦᠭᠡ ᠲᠡᠢ ᠶᠦᠮ ᠠ᠋᠃
— ᠬᠡᠯᠡ ᠰᠤᠷᠬᠤ ᠪᠠᠢᠯᠭᠦᠢ᠂ ᠭᠠᠳᠠᠭᠤᠷᠬᠠᠵᠤ᠂ ᠢᠲᠡᠭᠡᠯ ᠢ᠋ ᠨᠢ ᠠᠯᠳᠠᠵᠤ ᠪᠣᠯᠬᠤ ᠦᠭᠡᠢ᠃ ᠭᠡᠬᠦ ᠳ᠋ᠡᠭᠡᠨ ᠠᠩᠬᠠᠷᠤᠯ ᠰᠡᠷᠡᠮᠵᠢ ᠲᠡᠢ ᠪᠠᠢᠭᠠᠷᠠᠢ ᠬᠡᠮᠡᠪᠡ᠃ 377
ᠡᠢᠨᠬᠦ ᠡᠨᠡ ᠡᠳᠦᠷ ᠥᠩᠭᠡᠷᠡᠨ ᠤᠨᠲᠠᠬᠤ ᠪᠣᠯᠵᠤ᠂ ᠰᠠᠢᠬᠠᠨ ᠣᠷᠣ ᠳᠡᠪᠢᠰᠬᠡᠷ ᠳᠡᠭᠡᠷᠡ ᠲᠣᠬᠢᠲᠠᠢᠬᠠᠨ ᠬᠡᠪᠲᠡᠯᠡ᠃
ᠲᠤᠭ ᠨᠣᠢᠷᠤᠨ ᠳᠤᠮᠳᠠ ᠴᠢᠬᠢᠨ ᠳ᠋ᠦ᠍ ᠬᠠᠲᠠᠭᠰᠠᠨ ᠳᠠᠭᠤᠨ ᠬᠠᠩᠭᠢᠨᠠᠪᠠ᠃ ᠲᠡᠢᠨ ᠦ᠌ ᠪᠦᠷᠢᠶᠡ᠂ ᠪᠣᠷᠬᠠᠢ ᠰᠣᠴᠢᠨ ᠪᠣᠰᠴᠤ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠦᠭᠡᠳ ᠵᠠᠷ ᠵᠡᠪᠰᠡᠭ ᠢ᠋ᠶ᠋ᠡᠨ ᠵᠡᠭᠦᠵᠦ ᠭᠠᠷᠪᠠᠰᠤ ᠬᠡᠳᠦᠨ ᠴᠡᠷᠢᠭ ᠥᠪᠡᠷ ᠦ᠋ᠨ ᠤᠨᠤᠭᠠ ᠮᠣᠷᠢ ᠠᠴᠢᠶᠠ ᠲᠡᠭᠡᠭᠡᠰᠢ ᠶ᠋ᠢᠨ ᠮᠣᠷᠢᠳ ᠢ᠋ᠶ᠋ᠠᠨ ᠠᠪᠴᠢᠷᠠᠭᠠᠳ᠄
— ᠲᠤᠰᠠᠯᠠᠬᠤ ᠵᠠᠩᠵᠤᠨ ᠲᠠ ᠬᠡᠳᠦᠨ ᠠᠴᠢᠶᠠ ᠲᠠᠢ ᠪᠣᠢ?
— ᠬᠣᠶᠠᠷ᠃
ᠴᠡᠷᠢᠭ ᠦ᠋ᠳ ᠭᠦᠶᠦᠵᠦ ᠣᠷᠣᠭᠠᠳ ᠠᠴᠢᠶᠠ ᠶ᠋ᠢ ᠠᠪᠴᠢᠷᠠᠵᠤ ᠮᠣᠷᠢᠨ ᠳ᠋ᠤ᠌ ᠲᠣᠬᠣᠭᠠᠳ ᠣᠯᠣᠮᠯᠠᠵᠤ ᠨᠢᠭᠡ ᠨᠢᠭᠡ ᠴᠡᠷᠢᠭ ᠬᠥᠲᠥᠯᠦᠨ ᠵᠢᠭᠰᠠᠭᠠᠯ ᠳ᠋ᠤ᠌ ᠣᠴᠢᠪᠠ᠃ ᠵᠠᠩᠵᠤᠨ ᠠᠯᠢ ᠬᠡᠳᠦᠢᠨᠡᠢ ᠢᠷᠡᠭᠡᠳ ᠮᠣᠷᠢᠨ ᠳᠡᠭᠡᠷᠡ ᠪᠡᠨ ᠬᠥᠨᠳᠡᠯᠢᠰᠦᠨ《ᠲᠤᠯᠤᠯᠳᠤᠭᠠᠨ ᠳ᠋ᠤ᠌ ᠣᠷᠣᠬᠤ ᠪᠣᠯᠤᠯᠠ》 ᠭᠡᠪᠡ᠃ ᠶᠡᠬᠡ ᠴᠤᠪᠤᠭᠠ ᠬᠥᠳᠡᠯᠦᠨ ᠡᠨᠡ ᠵᠠᠭᠤᠷᠠ ᠮᠢᠩᠭᠠᠲᠤ ᠶ᠋ᠢᠨ ᠳᠠᠷᠤᠭᠠ ᠨᠠᠷ ᠢ᠋ᠶ᠋ᠠᠨ ᠢᠷᠡᠭᠦᠯᠵᠦ ᠲᠤᠰᠢᠶᠠᠭᠰᠠᠨ ᠨᠢ᠄
— ᠬᠠᠭᠠᠨ ᠠ᠋ᠴᠠ ᠳᠠᠢᠰᠤᠨ ᠢ᠋ ᠭᠡᠨᠡᠳᠡᠭᠦᠯᠦᠨ ᠴᠣᠬᠢᠬᠤ ᠲᠤᠰᠢᠶᠠᠯ ᠢᠷᠡᠵᠡᠢ᠃ ᠣᠢᠷᠠᠯᠴᠠᠭᠠ ᠲᠣᠮᠣᠬᠠᠨ ᠪᠦᠯᠦᠭ ᠴᠡᠷᠢᠭ ᠣᠷᠣᠢ ᠪᠠᠭᠤᠵᠤ ᠪᠠᠢᠷᠢᠯᠠᠭᠰᠠᠨ ᠪᠠᠢᠨᠠ᠃ ᠡᠨᠳᠡ ᠡᠴᠡ ᠬᠣᠷᠢᠭᠠᠳ ᠮᠣᠳᠣ ᠭᠠᠵᠠᠷ᠂ ᠪᠢ ᠭᠣᠣᠯ ᠵᠠᠮ ᠪᠠᠷᠢᠵᠤ ᠶᠠᠪᠤᠨᠠ᠃ ᠬᠣᠶᠠᠳᠤᠭᠠᠷ ᠮᠢᠩᠭᠠᠲᠤ ᠪᠠᠷᠠᠭᠤᠨ ᠭᠠᠷ᠂ ᠭᠤᠷᠪᠠᠳᠤᠭᠠᠷ ᠮᠢᠩᠭᠠᠲᠤ ᠵᠡᠭᠦᠨ ᠭᠠᠷ ᠪᠣᠯᠵᠤ ᠲᠣᠭᠣᠷᠢᠵᠤ ᠪᠦᠰᠡᠯᠡᠬᠦ ᠪᠣᠯᠵᠤ ᠥᠭᠪᠡᠯ ᠮᠠᠨᠠᠭᠠ ᠬᠠᠷᠠᠭᠤᠯ ᠢ᠋ ᠨᠢ ᠤᠰᠠᠳᠬᠠᠬᠤ᠃ ᠨᠠᠮᠠ ᠶ᠋ᠢ ᠪᠠᠮᠪᠠᠷ ᠠᠰᠠᠭᠠᠵᠤ ᠳᠣᠬᠢᠶᠠ ᠥᠭᠭᠦᠮᠡᠭᠴᠡ ᠰᠢᠭᠤᠳ ᠲᠠᠭᠠᠷᠢ᠂ ᠪᠠᠮᠪᠠᠷᠴᠢᠳ ᠢ᠋ᠶ᠋ᠠᠷ ᠭᠠᠯ ᠠᠰᠠᠭᠠᠯᠭᠠᠵᠤ ᠭᠠᠯ ᠢ᠋ᠶ᠋ᠠᠷ ᠳᠠᠭᠠᠷᠢᠬᠤ᠃ ᠵᠠᠳᠠᠭᠠᠢ ᠪᠠᠢᠷᠢᠯᠠᠭᠰᠠᠨ ᠴᠡᠷᠢᠭ ᠢ᠋ ᠭᠡᠨᠡᠳᠡᠭᠦᠯᠦᠨ ᠤᠰᠠᠳᠬᠠᠵᠤ ᠪᠣᠯᠤᠨᠠ᠃ ᠪᠠᠢᠷᠢ ᠪᠠᠢᠷᠢ ᠪᠠᠨ ᠡᠵᠡᠯᠡᠵᠦ ᠲᠠᠪᠰᠢᠭᠠᠳ !
ᠰᠥᠨᠢ ᠶ᠋ᠢᠨ ᠳᠠᠭᠠᠷᠢᠯᠲᠠ᠂ ᠪᠥᠭᠡᠮ ᠭᠠᠯ᠃ ᠰᠦᠢᠷᠡᠯ᠂ ᠣᠷᠢᠯᠠᠭᠠᠨ ᠭᠠᠰᠠᠯᠠᠩ᠂ ᠬᠡᠯᠡᠮᠦᠷᠴᠢ ᠥᠨᠳᠥᠷ ᠳᠠᠭᠤ ᠪᠠᠷ ᠠᠮᠠᠨ ᠳ᠋ᠠᠭᠠᠨ ᠬᠣᠭᠣᠯᠠᠢ ᠪᠠᠷᠢᠵᠤ ᠦᠭᠡ ᠬᠠᠰᠬᠢᠴᠢᠨᠠ᠃ ᠲᠡᠷᠡ ᠨᠢ᠄《ᠪᠠᠭᠤᠵᠤ ᠥᠭ᠂ ᠵᠡᠪᠰᠡᠭ ᠢ᠋ᠶ᠋ᠡᠨ ᠣᠷᠬᠢᠭᠠᠳ ᠠᠰᠠᠭᠠᠭᠰᠠᠨ ᠪᠠᠮᠪᠠᠷ ᠤ᠋ᠨ ᠳᠡᠷᠭᠡᠳᠡ ᠵᠢᠭᠰᠠ᠃ ᠪᠠᠭᠤᠵᠤ ᠥᠭᠪᠡᠯ ᠠᠮᠢ ᠨᠠᠰᠤ ᠶ᠋ᠢ ᠴᠢᠨᠢ ᠪᠠᠲᠤᠯᠠᠨᠠ》 ᠭᠡᠰᠡᠨ ᠪᠠᠢᠵᠠᠢ᠃ ᠲᠦᠳᠡᠯ ᠦᠭᠡᠢ ᠦᠦᠷ ᠴᠠᠢᠵᠤ ᠥᠷᠯᠥᠭᠡ ᠪᠣᠯᠤᠯᠠ᠃ ᠪᠠᠭᠤᠵᠤ ᠥᠭᠭᠦᠭᠰᠡᠳ 378 ᠬᠡᠭᠦᠷ ᠣᠯᠵᠠᠯᠠᠭᠰᠠᠨ ᠡᠳ᠋ ᠵᠦᠢᠯ ᠦ᠋ᠨ ᠲᠣᠭᠠ ᠭᠠᠷᠤᠯᠠ᠃ ᠵᠠᠬᠢᠷᠤᠭᠴᠢ ᠨᠢ ᠦᠷᠡᠭᠳᠡᠭᠰᠡᠨ ᠪᠠᠢᠨᠠ᠃ ᠭᠤᠴᠢ ᠭᠠᠷᠤᠢ ᠬᠥᠮᠦᠨ ᠵᠢᠭᠤᠲᠠᠵᠤ ᠭᠠᠷᠤᠭᠰᠠᠨ ᠭᠡᠰᠡᠨ ᠳ᠋ᠦᠩ ᠲᠣᠢᠮᠣ ᠭᠠᠷᠴᠤ ᠡᠵᠡᠨ ᠬᠠᠭᠠᠨ ᠳ᠋ᠤ᠌ ᠠᠢᠯᠠᠳᠬᠠᠨ ᠢᠯᠡᠭᠡᠵᠦ᠂ ᠣᠳᠣ ᠪᠢᠳᠡ ᠶᠠᠭᠠᠬᠢᠬᠤ ᠪᠣᠢ? ᠭᠡᠮᠡᠨ ᠠᠰᠠᠭᠤᠵᠠᠢ᠃ ᠡᠨᠡ ᠵᠠᠪᠰᠠᠷ ᠴᠡᠷᠢᠭ ᠢ᠋ᠶ᠋ᠡᠨ ᠵᠢᠭᠰᠠᠭᠠᠵᠤ ᠪᠦᠷᠢᠳᠬᠡᠨ ᠦᠵᠡᠪᠡᠰᠦ ᠲᠣᠭᠠ ᠪᠦᠷᠢᠨ᠂ ᠬᠠᠷᠢᠨ ᠬᠣᠷᠢ ᠭᠠᠷᠤᠢ ᠬᠥᠮᠦᠨ ᠬᠦᠨᠳᠦ ᠬᠥᠩᠭᠡᠨ ᠰᠢᠷᠬᠠ ᠠᠪᠴᠠᠢ᠃ ᠵᠢᠭᠰᠠᠭᠠᠯ ᠤ᠋ᠨ ᠡᠮᠦᠨᠡ ᠰᠦᠪᠡᠭᠡᠳᠠᠢ ᠵᠠᠩᠵᠤᠨ ᠥᠭᠦᠯᠡᠭᠰᠡᠨ ᠨᠢ᠄
— ᠪᠢᠳᠡ ᠳᠠᠢᠰᠤᠨ ᠢ᠋ ᠭᠡᠨᠡᠳᠡᠭᠦᠯᠦᠨ ᠴᠣᠬᠢᠯᠠ᠂ ᠢᠯᠠᠯᠠ ᠃ ᠳᠠᠢᠰᠤᠨ ᠤ᠋ ᠵᠢᠷᠭᠤᠭᠠᠨ ᠬᠠᠷᠠᠭᠤᠯ ᠮᠠᠨᠠᠭᠠ ᠶ᠋ᠢ ᠤᠰᠠᠳᠬᠠᠭᠰᠠᠨ᠃ ᠡᠨᠡ ᠪᠣᠯ ᠮᠠᠨ ᠤ᠋ ᠢᠯᠠᠯᠲᠠ ᠶ᠋ᠢᠨ ᠭᠣᠣᠯ ᠦᠨᠳᠦᠰᠦ ᠃ ᠪᠠᠷᠤᠭ ᠴᠡᠷᠢᠭ ᠪᠦᠷᠢ ᠮᠠᠢᠬᠠᠨ ᠲᠠᠢ᠂ ᠳᠡᠩᠳᠡᠭᠦᠦ ᠳᠣᠬᠢ ᠲᠠᠪᠠ ᠪᠠᠨ ᠬᠠᠩᠭᠠᠵᠠᠢ᠃ ᠳᠠᠢᠰᠤᠨ ᠠ᠋ᠴᠠ ᠪᠢᠳᠡ ᠡᠢᠮᠦ ᠰᠤᠷᠭᠠᠮᠵᠢ ᠠᠪᠤᠯᠠ ᠃ ᠴᠡᠷᠢᠭ᠂ ᠵᠠᠬᠢᠷᠤᠭᠴᠢ ᠪᠦᠷᠢ᠂ ᠠᠷᠪᠠᠲᠤ᠂ ᠵᠠᠭᠤᠲᠤ᠂ ᠮᠢᠩᠭᠠᠲᠤ ᠪᠦᠷᠢ ᠡᠴᠡ ᠰᠤᠷᠭᠠᠮᠵᠢ ᠶ᠋ᠢ ᠰᠠᠨᠠᠵᠤ ᠪᠣᠳᠣᠵᠤ ᠶᠠᠪᠤ᠃ ᠮᠠᠷᠲᠠᠵᠤ ᠬᠡᠵᠢᠶᠡ ᠴᠦ᠍ ᠪᠣᠯᠬᠤ ᠦᠭᠡᠢ᠃
ᠪᠢᠳᠡᠨ ᠳ᠋ᠦ᠍ ᠪᠦᠰᠡ ᠪᠡᠨ ᠲᠠᠢᠯᠬᠤ ᠵᠠᠪ᠂ ᠪᠦᠲᠦᠨ ᠨᠣᠢᠷᠰᠤᠬᠤ ᠴᠢᠯᠥᠭᠡ ᠭᠠᠷᠬᠤ ᠦᠭᠡᠢ᠃ ᠡᠭᠦᠨ ᠢ᠋ ᠢᠮᠠᠭᠲᠠ ᠰᠠᠨᠠ᠂ ᠣᠳᠣ ᠲᠠ ᠨᠠᠷ ᠬᠣᠭᠣᠯᠠᠯᠠᠵᠤ ᠤᠮᠳᠠᠭᠠᠯᠠ᠃ ᠵᠠᠷᠯᠢᠭ ᠬᠠᠮᠢᠭᠠᠰᠢ ᠪᠠᠨ ᠪᠣᠯ ᠪᠢᠳᠡ ᠲᠠᠰᠢ ᠪᠠᠨ ᠭᠡᠪᠡ᠃ ᠲᠡᠳᠦᠢ ᠯᠡ ᠤᠳᠠᠯ ᠦᠭᠡᠢ ᠡᠵᠡᠨ ᠬᠠᠭᠠᠨ ᠠ᠋ᠴᠠ ᠵᠠᠷᠯᠢᠭ ᠢᠷᠡᠭᠰᠡᠨ ᠨᠢ᠄《ᠣᠯᠵᠠᠯᠠᠭᠳᠠᠭᠰᠠᠨ ᠬᠥᠮᠦᠨ᠂ ᠣᠯᠵᠠᠯᠠᠭᠰᠠᠨ ᠪᠦᠬᠦ ᠡᠳ᠋ ᠶᠠᠭᠤᠮᠠ ᠪᠠᠨ ᠠᠪᠤᠭᠠᠳ ᠢᠷᠡ》 ᠭᠡᠵᠡᠢ᠃ ᠲᠤᠰᠢᠶᠠᠯ ᠶᠣᠰᠣ ᠪᠠᠷ ᠬᠥᠳᠡᠯᠦᠯᠡ᠃ ᠣᠢᠷᠠᠳᠴᠤ ᠶᠠᠪᠤᠲᠠᠯᠠ ᠬᠠᠭᠠᠨ ᠥᠪᠡᠷ ᠢ᠋ᠶ᠋ᠡᠨ ᠨᠡᠯᠢᠶᠡᠳ ᠴᠡᠷᠢᠭ ᠲᠡᠢ ᠤᠭᠲᠤᠨ ᠠᠢᠰᠤᠢ᠃ ᠰᠦᠪᠡᠭᠡᠳᠠᠢ ᠵᠠᠩᠵᠤᠨ ᠬᠠᠭᠠᠨ ᠳ᠋ᠤ᠌ ᠰᠥᠭᠥᠳᠴᠦ ᠢᠯᠡᠳᠬᠡᠯ ᠮᠡᠳᠡᠭᠡ ᠪᠡᠨ ᠡᠷᠭᠦᠪᠡ᠃ ᠬᠠᠵᠠᠭᠤ ᠳ᠋ᠤᠨᠢ ᠮᠥᠨ ᠪᠣᠷᠬᠠᠢ ᠰᠥᠭᠥᠳᠦᠨ ᠠᠪᠠᠢ᠃ ᠬᠠᠭᠠᠨ ᠢ᠋ᠶ᠋ᠠᠷ᠄
— ᠡᠨᠡ ᠴᠢᠨᠢ ᠬᠡᠨ ᠪᠣᠢ!
— ᠪᠣᠭᠣᠷᠴᠢ ᠶ᠋ᠢᠨ ᠬᠦᠦ ᠪᠣᠷᠬᠠᠢ᠂ ᠪᠢ ᠳᠡᠷᠭᠡᠳᠡ ᠪᠡᠨ ᠠᠪᠤᠭᠰᠠᠨ᠃
— ᠠ ᠲᠡᠢᠮᠦ᠂ ᠪᠣᠷᠬᠠᠢ ᠪᠣᠰ᠂ ᠴᠢ ᠬᠡᠳᠦᠨ ᠨᠠᠰᠤ ᠲᠠᠢ ᠪᠣᠢ? 379
— ᠪᠢ ᠭᠤᠴᠢᠨ ᠨᠠᠰᠤ ᠲᠠᠢ᠂ ᠡᠵᠡᠨ ᠬᠠᠭᠠᠨᠲᠠᠨ ᠠ᠋᠃
— ᠠᠷᠭᠠ ᠦᠭᠡᠢ ᠲᠣᠮᠣ ᠰᠠᠢᠬᠠᠨ ᠡᠷᠡ ᠪᠣᠯᠵᠠᠢ᠃ ᠪᠠᠭᠠ ᠳ᠋ᠤᠨᠢ ᠦᠵᠡᠵᠦ ᠬᠠᠷᠠᠵᠤ ᠶᠠᠪᠤᠭᠰᠠᠨ ᠶᠤᠮ᠃ ᠲᠠᠨᠢᠭᠳᠠᠬᠤ ᠪᠠᠨ ᠪᠠᠢᠵᠠᠢ᠃ ᠠᠷᠭᠠ ᠦᠭᠡᠢ ᠠ᠋᠃ ᠵᠠ ᠪᠣᠷᠬᠠᠢ᠂ ᠴᠢ ᠮᠠᠨ ᠤ᠋ ᠭᠠᠷᠮᠠᠭᠠᠢ ᠵᠠᠩᠵᠤᠨ ᠠ᠋ᠴᠠ ᠰᠤᠷᠤᠯᠴᠠᠵᠤ᠂ ᠡᠴᠢᠭᠡ ᠰᠢᠭ ᠢ᠋ᠶ᠋ᠡᠨ ᠶᠡᠬᠡ ᠵᠠᠩᠵᠤᠨ ᠪᠣᠯ᠃
— ᠮᠥᠩᠬᠡ ᠲᠡᠭᠷᠢ ᠶ᠋ᠢᠨ ᠬᠦᠴᠦᠨ ᠳ᠋ᠦ᠍ᠷ ᠶᠡᠬᠡ ᠡᠵᠡᠨ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠡᠮᠦᠨᠡ ᠬᠦᠴᠦᠨ ᠵᠢᠳᠬᠦᠶᠡ᠃
— ᠵᠠ ᠶᠡᠬᠡ ᠰᠠᠢᠨ ᠁ ᠰᠦᠪᠡᠭᠡᠳᠠᠢ ᠠ᠋᠂ ᠴᠢ ᠰᠣᠨᠣᠰ᠂ ᠱᠠᠬᠠ᠂ ᠬᠦᠦ ᠵᠠᠯᠠᠯᠳᠢᠨ᠂ ᠮᠡᠯᠢᠭ ᠭᠤᠷᠪᠠ ᠬᠦᠴᠦ ᠪᠡᠨ ᠨᠢᠭᠡᠳᠬᠡᠭᠡᠳ ᠮᠠᠰᠢ ᠣᠯᠠᠨ ᠴᠡᠷᠢᠭ ᠢ᠋ᠶ᠋ᠡᠷ ᠳᠣᠪᠲᠣᠯᠤᠨ ᠪᠠᠢᠨᠠ᠃ ᠣᠳᠣ ᠮᠠᠨ ᠤ᠋ ᠬᠢᠨ ᠶᠠᠭ ᠲᠤᠯᠤᠯᠳᠤᠭᠠᠨ ᠳ᠋ᠤ᠌ ᠣᠷᠣᠭᠰᠠᠨ᠃ ᠮᠣᠷᠢᠨ ᠴᠠᠭ ᠳᠠᠭᠤᠰᠬᠤ ᠦᠶᠡ ᠪᠡᠷ ᠮᠠᠨ ᠤ᠋ ᠴᠡᠷᠢᠭ ᠤᠬᠤᠷᠢᠵᠤ ᠵᠢᠭᠤᠲᠠᠬᠤ ᠶᠣᠰᠣ ᠲᠠᠢ᠃ ᠲᠡᠢᠨ ᠦ᠌ ᠴᠥᠮᠥᠷᠡᠨ ᠢᠷᠡᠬᠦ ᠦᠶᠡ ᠳ᠋ᠦ᠍ ᠪᠢᠳᠡ ᠬᠦᠴᠦ ᠰᠡᠯᠪᠢᠨ ᠰᠥᠷᠴᠦ᠂ ᠮᠠᠨ ᠤ᠋ ᠬᠢᠨ ᠮᠣᠷᠢ ᠪᠠᠨ ᠰᠣᠯᠢᠵᠤ ᠤᠨᠤᠭᠠᠳ ᠡᠷᠭᠢᠵᠦ ᠳᠣᠪᠲᠣᠯᠤᠨᠠ᠃ ᠴᠢ ᠴᠠᠭ ᠢ᠋ᠶ᠋ᠠᠨ ᠣᠯᠵᠤ ᠢᠷᠡᠯᠡ᠂ ᠴᠢ ᠳᠠᠢᠰᠤᠨ ᠤ᠋ ᠪᠠᠷᠠᠭᠤᠨ ᠭᠠᠷ ᠢ᠋ᠶ᠋ᠠᠷ ᠣᠷᠢᠶᠠᠵᠤ ᠪᠦᠰᠡᠯᠡᠬᠦ ᠮᠠᠶᠢᠭ ᠢ᠋ᠶ᠋ᠠᠷ ᠶᠠᠪᠤᠵᠤ ᠮᠠᠨ ᠤ᠋ ᠬᠢᠨ ᠵᠢᠭᠤᠲᠠᠵᠤ᠂ ᠳᠠᠢᠰᠤᠨ ᠡᠷᠭᠢᠵᠦ ᠴᠤᠪᠤᠷᠠᠬᠤ ᠦᠶᠡ ᠪᠡᠷ ᠳᠠᠭᠠᠷᠢᠵᠤ ᠣᠷᠣ᠃ ᠲᠡᠳᠡᠨ ᠦ᠌ ᠬᠡᠨ ᠢ᠋ ᠴᠦ᠍ ᠬᠣᠲᠠ ᠤᠷᠤᠭᠤ ᠣᠷᠣᠭᠤᠯᠵᠤ ᠪᠣᠯᠬᠤ ᠦᠭᠡᠢ᠃ ᠣᠯᠵᠠᠯᠠᠭᠳᠠᠭᠰᠠᠳ ᠬᠢᠭᠡᠳ ᠣᠯᠵᠠᠯᠠᠭᠰᠠᠨ ᠡᠳ᠋ ᠵᠦᠢᠯ ᠢ᠋ᠶ᠋ᠡᠨ ᠦᠯᠡᠳᠡᠭᠡ᠃ ᠥᠪᠡᠷ ᠢ᠋ᠶ᠋ᠡᠨ ᠠᠪᠬᠤ ᠶᠠᠭᠤᠮᠠ ᠪᠠᠨ ᠠᠪᠴᠤ ᠪᠣᠯᠤᠨᠠ᠃ ᠪᠢᠳᠡ ᠣᠯᠵᠠᠯᠠᠭᠳᠠᠭᠰᠠᠨ ᠬᠥᠮᠦᠰ ᠢ᠋ᠶ᠋ᠡᠷ ᠮᠢᠩᠭᠠᠲᠤ ᠪᠠᠢᠭᠤᠯᠵᠤ ᠪᠠᠢᠭᠠ᠃ ᠵᠠᠬᠢᠷᠤᠭᠴᠢ ᠪᠠᠷ ᠲᠣᠭᠤᠨᠴᠢᠷ ᠢ᠋ ᠲᠠᠯᠪᠢᠭᠰᠠᠨ᠃ ᠤᠭ ᠨᠢ ᠴᠡᠷᠢᠭ ᠳᠠᠷᠤᠭᠠᠯᠠᠭᠤᠯᠬᠤ ᠦᠭᠡᠢ ᠭᠡᠰᠡᠨ ᠶᠦᠮ᠃ ᠭᠡᠪᠡᠴᠦ ᠶᠠᠭᠠᠬᠢᠵᠤ ᠲᠡᠢᠮᠦ ᠴᠢᠳᠠᠮᠠᠭ᠂ ᠵᠣᠷᠢᠭ ᠲᠠᠢ ᠳᠠᠷᠤᠭᠠ ᠶ᠋ᠢ ᠣᠷᠬᠢᠵᠤ ᠪᠣᠯᠬᠤ ᠪᠣᠢ? ᠲᠡᠷᠡ ᠲᠡᠨᠳᠡ ᠡᠴᠡ ᠨᠡᠷᠡ ᠪᠡᠨ ᠣᠯᠵᠤ ᠠᠪᠤᠭ ᠭᠡᠮᠡᠨ ᠵᠠᠷᠯᠢᠭ ᠪᠠᠭᠤᠯᠭᠠᠪᠠ᠃
ᠲᠡᠢᠨ ᠶᠠᠭ ᠯᠠ ᠬᠠᠭᠠᠨ ᠤ᠋ ᠠᠢᠯᠠᠳᠤᠭᠰᠠᠨ ᠢ᠋ᠶ᠋ᠠᠷ ᠪᠣᠯᠵᠤ ᠪᠠᠢᠪᠠ᠃ ᠠᠯᠤᠰ ᠠ᠋ᠴᠠ ᠳᠤᠷᠠᠨᠳᠠᠵᠤ ᠰᠢᠨᠵᠢᠨ ᠪᠠᠢᠭᠠᠳ ᠪᠣᠷᠬᠠᠢ ᠲᠡᠰᠴᠦ ᠶᠠᠳᠠᠨ᠄
— ᠵᠠᠩᠵᠤᠨ ᠠ᠋᠂ ᠪᠢ ᠵᠠᠭᠤᠲᠤ ᠪᠠᠨ ᠠᠪᠤᠭᠠᠳ ᠣᠷᠣᠶᠠ ᠭᠡᠪᠡᠰᠦ ᠰᠦᠪᠡᠭᠡᠳᠠᠢ ᠬᠥᠮᠥᠰᠬᠡ ᠵᠠᠩᠭᠢᠳᠤᠨ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ《ᠪᠣᠯᠬᠤ ᠦᠭᠡᠢ ᠠ᠋》 ᠭᠡᠪᠡ᠃ ᠪᠠᠢᠵᠠᠨᠠᠰᠬᠢᠭᠡᠳ ᠳᠠᠬᠢᠨ ᠬᠡᠯᠡᠯᠡ᠃ 380
— ᠭᠡᠮ᠂ ᠵᠠ᠂ ᠲᠡᠭᠡᠪᠡᠯ ᠲᠠᠪᠢᠨ ᠴᠡᠷᠢᠭ ᠠᠪᠤᠭᠠᠳ ᠣᠷᠣ᠃ ᠵᠠᠯᠠᠭᠤ ᠬᠥᠮᠦᠨ ᠴᠦ᠍ ᠠᠷᠭᠠ ᠦᠭᠡᠢ ᠠ᠋᠃ ᠵᠦᠭᠡᠷ ᠬᠠᠷᠠᠭᠠᠳ ᠪᠠᠢᠬᠤ ᠬᠡᠴᠡᠭᠦᠦ ᠯᠡ ᠳᠡ ᠭᠡᠪᠡ᠃
ᠪᠣᠷᠬᠠᠢ ᠲᠡᠢᠨ ᠳ᠋ᠦ᠍ ᠣᠷᠣᠯᠠ᠃ ᠡᠳᠦᠷᠵᠢᠨ ᠲᠤᠯᠤᠯᠳᠤᠵᠤ᠂ ᠳᠠᠢᠰᠤᠨ ᠤᠬᠤᠷᠢᠵᠤ ᠮᠠᠨ ᠤ᠋ ᠬᠢᠨ ᠡᠯᠳᠡᠵᠦ ᠡᠬᠢᠯᠡᠬᠦᠢ ᠬᠠᠷᠠᠩᠭᠤᠢ ᠪᠣᠯᠵᠤ᠂ ᠡᠵᠡᠨ ᠬᠠᠭᠠᠨ ᠠ᠋ᠴᠠ《ᠡᠵᠡᠯᠡᠭᠰᠡᠨ ᠪᠠᠢᠷᠢᠨ ᠳ᠋ᠠᠭᠠᠨ ᠪᠣᠢ᠂ ᠠᠯᠳᠠᠵᠤ ᠪᠣᠯᠬᠤ ᠦᠭᠡᠢ》 ᠭᠡᠰᠡᠨ ᠲᠤᠰᠢᠶᠠᠯ ᠢᠷᠡᠵᠡᠢ᠃ ᠦᠳᠡᠰᠢ ᠵᠠᠩᠵᠤᠨ ᠳᠡᠭᠡᠷᠡ ᠢᠷᠡᠪᠡᠰᠦ ᠲᠡᠷᠡ ᠪᠡᠷ᠄
— ᠰᠢᠷᠬᠠᠳᠤᠭᠠᠳ ᠠᠪᠤᠪᠠ ᠤᠤ? ᠮᠠᠢᠵᠢᠢᠭᠠᠳ ᠪᠠᠢᠬᠤ ᠴᠢᠨᠢ᠃
— ᠵᠢᠭᠠᠬᠠᠨ ᠬᠥᠨᠳᠡᠭᠦᠷ ᠯᠡ ᠪᠠᠢᠨᠠ᠂ ᠶᠠᠭᠤᠮᠠᠨ ᠳ᠋ᠤ᠌ ᠴᠣᠬᠢᠭᠳᠠᠭᠰᠠᠨ ᠪᠢᠵᠡ᠃
— ᠨᠠᠭᠠᠳᠤ ᠥᠮᠥᠳᠥ ᠪᠡᠨ ᠳᠣᠭᠣᠭᠰᠢ ᠪᠠᠨ ᠪᠣᠯᠭᠠ᠃
ᠦᠨᠡᠬᠡᠷ ᠴᠢᠰᠤ ᠭᠠᠷᠴᠤ᠂ ᠬᠡᠰᠡᠭ ᠨᠢ ᠬᠠᠳᠠᠵᠠᠢ᠃
— ᠰᠢᠷᠠᠭᠳᠤᠭᠰᠠᠨ ᠪᠠᠢᠨᠠ᠂ ᠪᠣᠭᠣᠯᠭᠠ ᠬᠢᠬᠦ ᠮᠥᠷᠲᠡᠭᠡᠨ ᠠᠷᠤ ᠶ᠋ᠢᠨ ᠠᠯᠪᠠᠨ ᠠ᠋ᠴᠠ《ᠲᠤᠰᠠᠯᠠᠬᠤ ᠰᠢᠷᠠᠭᠳᠤᠭᠰᠠᠨ ᠢᠷᠡᠵᠦ ᠪᠣᠭᠣᠵᠤ ᠥᠭ》ᠭᠡᠵᠦ ᠲᠤᠰᠢᠶᠠᠭᠰᠠᠨ ᠶᠣᠰᠣ ᠪᠠᠷ ᠬᠣᠶᠠᠷ ᠭᠤᠷᠪᠠᠨ ᠬᠥᠮᠦᠨ ᠢᠷᠡᠯᠡ᠃ ᠲᠡᠳᠡ ᠰᠢᠷᠬᠠ ᠶ᠋ᠢ ᠸᠠᠭᠠᠷ ᠲᠠᠢ ᠰᠢᠩᠭᠡᠨ ᠢ᠋ᠶ᠋ᠡᠷ ᠤᠬᠢᠶᠠᠵᠤ ᠴᠢᠰᠤ ᠶ᠋ᠢ ᠨᠢ ᠠᠮᠠ ᠪᠠᠷ ᠢ᠋ᠶ᠋ᠠᠨ ᠬᠡᠳᠦ ᠬᠡᠳᠦ ᠰᠣᠷᠣᠵᠤ ᠬᠠᠶᠠᠯᠠ᠃
— ᠳᠣᠲᠣᠷᠠ ᠴᠢᠨᠢ ᠮᠠᠭᠤᠬᠠᠢ ᠪᠠᠢᠨᠠ ᠤᠤ?
— ᠦᠭᠡᠢ ᠠ᠋᠂ ᠵᠦᠭᠡᠷ᠃
ᠲᠡᠳᠡ ᠬᠥᠪᠥᠩ ᠰᠢᠲᠠᠭᠠᠵᠤ ᠲᠦᠯᠡᠨ ᠡᠮ ᠬᠢᠵᠦ ᠪᠣᠭᠣᠭᠠᠳ ᠤᠤᠭᠤᠬᠤ ᠡᠮ ᠥᠭᠴᠦ ᠶᠠᠪᠤᠯᠠ᠃ ᠮᠠᠷᠭᠠᠰᠢ ᠨᠢ ᠪᠦᠷᠢ ᠶᠡᠬᠡ ᠬᠥᠨᠳᠡᠭᠦᠷ ᠪᠣᠯᠴᠢᠬᠠᠵᠤ᠂ ᠠᠷᠤ ᠶ᠋ᠢᠨ ᠠᠯᠪᠠᠨ ᠳ᠋ᠠᠭᠠᠨ ᠠᠪᠠᠴᠢᠵᠤ ᠬᠡᠪᠲᠡᠭᠦᠯᠵᠦ ᠬᠡᠳᠦᠨ ᠡᠳᠦᠷ ᠡᠮᠴᠢᠯᠡᠯᠡ᠃ ᠲᠡᠢᠨ ᠮᠠᠰᠢ ᠰᠢᠷᠦᠭᠦᠨ ᠡᠳᠦᠷ ᠰᠥᠨᠢ ᠦᠭᠡᠢ ᠯᠡ ᠪᠣᠯᠵᠤ ᠪᠠᠢᠭᠠ ᠭᠡᠬᠦ᠃ ᠠᠷᠤ ᠶ᠋ᠢᠨ ᠠᠯᠪᠠᠨ ᠤ᠋ ᠬᠢᠨ ᠲᠡᠢᠨ ᠦ᠌ ᠠᠷᠤ ᠶ᠋ᠢᠨ ᠲᠠᠯᠠᠪᠠᠢ ᠠ᠋ᠴᠠ ᠰᠢᠷᠬᠠᠲᠤᠭᠰᠠᠨ᠂ ᠦᠷᠡᠭᠳᠡᠭᠰᠡᠨ ᠴᠡᠷᠢᠭ ᠢ᠋ᠶ᠋ᠡᠨ ᠠᠪᠴᠢᠷᠠᠨ ᠡᠮᠴᠢᠯᠡᠬᠦ ᠣᠷᠣᠰᠢᠭᠤᠯᠬᠤ᠂ ᠶᠡᠷᠦ ᠨᠢ ᠮᠥᠨ ᠯᠡ ᠡᠳᠦᠷ ᠰᠥᠨᠢ ᠶ᠋ᠢᠨ ᠵᠠᠪ ᠴᠢᠯᠥᠭᠡ ᠦᠭᠡᠢ᠃
ᠬᠡᠳᠦ ᠬᠣᠨᠣᠭ ᠡᠮᠴᠢᠯᠡᠭᠦᠯᠦᠭᠡᠳ ᠪᠣᠷᠬᠠᠢ ᠭᠠᠷᠴᠤ ᠢᠷᠡᠯᠡ᠃ ᠭᠡᠬᠦ ᠳ᠋ᠡᠭᠡᠨ ᠮᠡᠵᠡᠯᠵᠡᠬᠦ ᠶ᠋ᠢ ᠰᠦᠪᠡᠭᠡᠲᠡᠢ ᠬᠠᠷᠠᠵᠤ ᠬᠠᠷᠠᠵᠤ᠄
—《ᠲᠡᠢᠨ ᠦ᠌ ᠴᠠᠭ ᠳᠤ ᠤᠳᠤᠷᠢᠳᠤᠯᠭᠠ ᠦᠭᠡᠢ ᠴᠡᠷᠢᠭ ᠡᠵᠡᠨ ᠦᠭᠡᠢ ᠬᠣᠨᠢ》 ᠭᠡᠰᠡᠨ ᠦᠭᠡ ᠪᠣᠢ᠃ ᠴᠢ ᠡᠭᠦᠨ ᠢ᠋ ᠰᠠᠨᠠᠵᠤ ᠶᠠᠪᠤ ᠭᠡᠯᠡ᠃ ᠡᠨᠳᠡ ᠰᠢᠷᠦᠭᠦᠨ ᠲᠤᠯᠤᠯᠳᠤᠭᠠᠨ ᠳᠣᠯᠣᠭᠠ ᠬᠣᠨᠣᠭ ᠦᠷᠭᠦᠯᠵᠢᠯᠡᠵᠦ᠂ ᠳᠠᠢᠰᠤᠨ ᠣᠮᠣᠭ ᠵᠣᠷᠢᠭ ᠰᠢᠨᠲᠠᠷᠠᠵᠤ ᠪᠠᠭᠤᠭᠰᠠᠨ ᠴᠣ ᠳᠠᠢᠳᠤᠭᠰᠠᠭᠠᠷ ᠪᠠᠢᠪᠠ᠃ ᠳᠠᠢᠰᠤᠨ ᠤᠬᠤᠷᠢᠵᠤ ᠪᠠᠭᠠ ᠪᠠᠭᠠ ᠭᠠᠵᠠᠷ ᠠᠪᠤᠭᠰᠠᠭᠠᠷ ᠳᠠᠬᠢᠨ ᠳᠣᠯᠣᠭᠠ ᠬᠣᠨᠣᠭ ᠪᠣᠯᠤᠯᠠ᠃ ᠬᠠᠭᠠᠨ ᠢ᠋ᠶ᠋ᠠᠷ ᠰᠦᠪᠡᠭᠡᠲᠡᠢ ᠳ᠋ᠦ᠍᠄《ᠵᠠᠯᠠᠯᠳᠢᠨ᠂ ᠮᠡᠯᠢᠭ ᠦ᠋ᠨ ᠴᠡᠷᠢᠭ ᠬᠠᠮᠲᠤ ᠪᠠᠷ ᠰᠠᠢᠨ ᠮᠥᠷ ᠤᠷᠤᠭᠤ ᠵᠢᠭᠤᠲᠠᠵᠤ᠂ ᠪᠢᠳᠡ ᠲᠡᠭᠦᠨ ᠦ᠌ ᠠᠷᠤ ᠠ᠋ᠴᠠ ᠨᠡᠬᠡᠨᠡ᠃ ᠮᠣᠬᠠᠮᠮᠣᠳ᠋ ᠲᠠᠰᠤᠯᠤᠭᠳᠠᠭᠰᠠᠨ᠃ ᠵᠡᠪᠡ ᠬᠠᠭᠠᠵᠤ ᠪᠠᠢᠭᠠ᠂ ᠲᠡᠭᠦᠨ ᠤᠷᠤᠭᠤ ᠣᠴᠢᠵᠤ ᠬᠦᠴᠦ ᠬᠠᠪᠰᠤᠷᠤᠨ ᠮᠣᠬᠠᠮᠮᠣᠳ᠋ ᠢ᠋ ᠰᠥᠨᠥᠭᠡ᠃ ᠲᠡᠭᠦᠨ ᠢ᠋ ᠶᠡᠬᠡ ᠴᠡᠷᠢᠭ ᠲᠡᠢ ᠨᠢ ᠡᠰᠡ ᠨᠡᠢᠯᠡᠭᠦᠯᠦᠨ ᠬᠣᠲᠠ ᠤᠷᠤᠭᠤ ᠪᠤᠤ ᠤᠷᠤᠭᠤᠯ》 ᠭᠡᠵᠦ ᠲᠤᠰᠢᠶᠠᠪᠠ᠃ ᠲᠡᠷᠡ ᠬᠣᠶᠠᠷ ᠮᠣᠬᠠᠮᠮᠣᠳ᠋ ᠲᠠᠢ ᠨᠠᠮᠤᠷᠵᠢᠨ ᠢ᠋ᠶ᠋ᠠᠨ ᠬᠥᠭᠡᠭᠡᠴᠡᠯᠳᠦᠨ ᠴᠡᠷᠢᠭ ᠢ᠋ ᠨᠢ ᠬᠣᠷᠣᠭᠠᠭᠰᠠᠭᠠᠷ ᠮᠠᠰᠢ ᠬᠣᠯᠠ ᠭᠠᠵᠠᠷ ᠲᠠᠰᠤᠷᠠᠨ ᠶᠠᠪᠤᠴᠢᠬᠠᠵᠠᠢ᠃ ᠮᠤᠬᠠᠮᠮᠣᠳ᠋ ᠤ᠋ᠨ ᠴᠡᠷᠢᠭ ᠲᠠᠷᠬᠠᠵᠤ ᠪᠤᠲᠠᠷᠠᠨ ᠡᠪᠦᠯ ᠦ᠋ᠨ ᠡᠬᠢᠨ ᠦ᠌ ᠰᠠᠷᠠ ᠳ᠋ᠤ᠌ ᠲᠡᠷᠡ ᠪᠡᠷ ᠺᠠᠰᠫᠢ ᠶ᠋ᠢᠨ ᠳᠠᠯᠠᠢ ᠤᠷᠤᠭᠤ ᠬᠣᠷᠢ ᠭᠤᠴᠢᠭᠠᠳ ᠴᠡᠷᠢᠭ ᠲᠡᠢ ᠣᠷᠣᠵᠤ᠂ ᠴᠠᠰᠢ ᠣᠩᠭᠣᠴᠠ ᠪᠠᠷ ᠨᠢᠭᠡᠨ ᠪᠢᠴᠢᠬᠠᠨ ᠠᠷᠠᠯ ᠳᠡᠭᠡᠷᠡ ᠣᠴᠢᠵᠤ ᠶᠠᠳᠠᠷᠠᠵᠤ ᠲᠤᠢᠯᠳᠠᠨ᠂ ᠡᠪᠡᠳᠴᠢᠨ ᠲᠣᠰᠴᠤ ᠰᠠᠨᠠᠭᠠ ᠰᠡᠳᠬᠢᠯ ᠢ᠋ᠶ᠋ᠡᠷ ᠤᠨᠠᠵᠤ ᠦᠬᠦᠵᠡᠢ᠃ ᠰᠦᠪᠡᠭᠡᠲᠡᠢ᠂ ᠵᠡᠪᠡ ᠬᠣᠶᠠᠷ ᠡᠨᠡ ᠮᠡᠳᠡᠭᠡ ᠶ᠋ᠢ ᠠᠪᠴᠤ ᠰᠠᠢᠲᠤᠷ ᠨᠢᠭᠲᠠᠯᠠᠨ ᠪᠠᠲᠤᠳᠬᠠᠵᠤ《ᠱᠠᠭᠠ ᠮᠣᠬᠠᠮᠮᠣᠳ᠋ ᠨᠢᠭᠡᠨᠲᠡ ᠰᠥᠨᠥᠯᠡ᠂ ᠬᠠᠩᠯᠢᠭ ᠠ᠋ᠴᠠ ᠺᠠᠰᠫᠢ ᠶ᠋ᠢᠨ ᠳᠠᠯᠠᠢ ᠬᠦᠷᠲᠡᠯᠡᠬᠢ ᠭᠠᠵᠠᠷ ᠢ᠋ ᠡᠵᠡᠯᠡᠵᠦ ᠡᠷᠬᠡᠨ ᠳ᠋ᠡᠭᠡᠨ ᠣᠷᠣᠭᠤᠯᠪᠠ᠃ ᠣᠳᠣ ᠪᠢᠳᠡ ᠪᠤᠴᠠᠵᠤ ᠣᠴᠢᠬᠤ ᠤᠤ?》 ᠭᠡᠮᠡᠨ ᠡᠵᠡᠨ ᠬᠠᠭᠠᠨ ᠳ᠋ᠤ᠌ ᠡᠯᠴᠢ ᠢᠯᠡᠭᠡᠪᠡᠰᠦ᠄《ᠪᠤᠴᠠᠵᠤ ᠢᠷᠡᠬᠦ ᠬᠡᠷᠡᠭ ᠦᠭᠡᠢ᠂ ᠴᠠᠰᠢ ᠺᠢᠫᠢᠴᠠᠺ ᠬᠢᠭᠡᠳ ᠣᠷᠣᠰ ᠤᠷᠤᠭᠤ ᠭᠠᠵᠠᠷ ᠨᠤᠲᠤᠭ ᠡᠵᠡᠯᠡ》 ᠭᠡᠮᠡᠨ ᠬᠠᠷᠢᠭᠤ ᠵᠠᠷᠯᠢᠭ ᠢᠷᠡᠵᠡᠢ᠃ ᠡᠵᠡᠨ ᠬᠠᠭᠠᠨ ᠤ᠋ ᠵᠠᠷᠯᠢᠭ ᠨᠢᠭᠡᠨᠲᠡ ᠡᠢᠮᠦ ᠡᠴᠡ ᠬᠣᠢᠰᠢ ᠴᠠᠰᠢ ᠳᠠᠪᠰᠢᠵᠤ ᠺᠢᠫᠢᠴᠠᠺ᠂ ᠠᠰᠤ᠂ ᠰᠡᠰᠦ᠂ ᠪᠠᠵᠢᠭᠢᠳ᠂ ᠴᠡᠺᠢᠰ᠂ ᠣᠷᠣᠰ ᠵᠡᠷᠭᠡ ᠣᠯᠠᠨ ᠣᠷᠣᠨ ᠢ᠋ ᠡᠵᠡᠯᠡᠨ ᠡᠵᠡᠯᠡᠭᠰᠡᠭᠡᠷ ᠺᠠᠰᠫᠢ᠂ ᠬᠠᠷᠠ ᠳᠠᠯᠠᠢ ᠶ᠋ᠢᠨ 382 ᠬᠣᠭᠣᠷᠣᠨᠳᠣᠬᠢ ᠺᠡᠣᠺᠡᠽ ᠣᠨ ᠠᠭᠤᠯᠠ ᠨᠢᠷᠤᠭᠤ ᠶ᠋ᠢ ᠳᠠᠪᠠᠵᠤ᠂ ᠣᠷᠠᠯ᠂ ᠢᠵᠢᠯ ᠮᠥᠷᠡᠨ ᠦ᠌ ᠰᠠᠪᠠ ᠭᠠᠵᠠᠷ ᠢ᠋ᠶ᠋ᠠᠷ ᠦᠶᠡ ᠦᠶᠡ ᠬᠠᠲᠠᠭᠤᠬᠠᠨ ᠡᠰᠡᠷᠭᠦᠴᠡᠯ ᠳ᠋ᠦ᠍ ᠲᠤᠯᠭᠠᠷᠠᠨ ᠢᠯᠠᠯᠲᠠ ᠬᠢᠵᠦ᠂ ᠢᠯᠠᠯᠲᠠ ᠳ᠋ᠠᠭᠠᠨ ᠤᠯᠠᠩᠭᠠᠰᠤᠭᠰᠠᠨ ᠬᠣᠶᠠᠷ ᠡᠬᠡ ᠨᠤᠲᠤᠭ᠂ ᠡᠬᠡᠨᠡᠷ ᠬᠡᠦᠬᠡᠳ᠂ ᠡᠴᠢᠭᠡ ᠡᠬᠡ᠂ ᠲᠡᠷᠡ ᠴᠦ᠍ ᠪᠠᠢᠲᠤᠭᠠᠢ ᠡᠵᠡᠨ ᠬᠠᠭᠠᠨ ᠢ᠋ᠶ᠋ᠠᠨ ᠴᠣ ᠡᠷᠭᠢᠵᠦ ᠰᠠᠨᠠᠬᠤ ᠪᠠᠨ ᠠᠯᠭᠠᠭᠤᠷᠯᠠᠬᠤ ᠪᠣᠯᠵᠠᠢ᠃ ᠡᠯᠡ ᠠᠯᠤᠰ ᠭᠠᠵᠠᠷ ᠨᠤᠲᠤᠭ ᠳᠤ ᠨᠢ ᠬᠠᠭᠠᠨ ᠤ᠋ ᠡᠯᠴᠢ ᠴᠦ᠍ ᠨᠡᠪᠲᠡᠷᠡᠵᠦ ᠢᠷᠡᠭᠰᠡᠨ ᠦᠭᠡᠢ ᠤᠳᠠᠭᠠ ᠲᠠᠢ᠃ ᠡᠯᠴᠢ ᠴᠦ᠍ ᠦᠭᠡᠢ᠂ ᠡᠷᠬᠢᠮ ᠬᠣᠶᠠᠷ ᠵᠠᠩᠵᠤᠨ ᠴᠣ ᠦᠭᠡᠢ᠂ ᠡᠵᠡᠨ ᠬᠠᠭᠠᠨ ᠭᠠᠢᠬᠠᠵᠤ ᠰᠡᠳᠬᠢᠯ ᠵᠣᠪᠠᠨᠢᠬᠤ ᠪᠣᠯᠵᠠᠢ᠃ ᠡᠵᠡᠨ ᠬᠠᠭᠠᠨ ᠤ᠋ ᠳᠡᠷᠭᠡᠳᠡ ᠡᠴᠡ ᠯᠤᠤ ᠵᠢᠯ ᠲᠠᠰᠤᠷᠠᠭᠰᠠᠨ ᠬᠣᠶᠠᠷ ᠮᠣᠭᠠᠢ ᠮᠣᠷᠢᠨ ᠵᠢᠯ ᠢ᠋ ᠭᠡᠲᠦᠯᠵᠦ ᠬᠣᠨᠢᠨ ᠵᠢᠯ ᠦ᠋ᠨ ᠨᠢᠭᠤᠷ ᠦᠵᠡᠯᠡ᠃ ᠡᠨᠡ ᠬᠣᠭᠣᠷᠣᠨᠳᠣ ᠬᠢᠭᠰᠡᠨ ᠶᠡᠬᠡ ᠪᠠᠭᠠ ᠲᠤᠯᠤᠯᠳᠤᠭᠠᠨ ᠬᠡᠳᠦᠨ ᠠᠷᠪᠠ ᠶ᠋ᠢᠨ ᠲᠣᠭᠠᠨ ᠳ᠋ᠤ᠌ ᠬᠦᠷᠴᠡᠢ᠃ ᠣᠯᠵᠠᠯᠠᠭᠳᠠᠭᠰᠠᠳ ᠢ᠋ᠶ᠋ᠠᠷ ᠴᠡᠷᠢᠭ ᠢ᠋ᠶ᠋ᠡᠨ ᠨᠥᠬᠥᠭᠰᠡᠨ ᠦᠭᠡᠢ᠃ ᠬᠠᠷᠢᠨ ᠣᠯᠠᠨ ᠴᠥᠭᠡᠨ ᠣᠯᠵᠠᠯᠠᠭᠳᠠᠭᠰᠠᠳ ᠢ᠋ ᠵᠡᠪᠰᠡᠭᠯᠡᠨ ᠬᠦᠴᠦᠲᠡᠢᠬᠡᠨ ᠬᠠᠷᠠ ᠳᠠᠢᠰᠤᠨ ᠤ᠋ ᠡᠰᠡᠷᠭᠦ ᠲᠤᠷᠬᠢᠷᠠᠵᠤ《ᠲᠠ ᠨᠠᠷ ᠤᠷᠢᠳᠤ ᠦᠶᠡ ᠶ᠋ᠢᠨ ᠦᠰ ᠬᠣᠨᠵᠢᠩ ᠢ᠋ᠶ᠋ᠠᠨ ᠠᠪ᠂ ᠲᠡᠭᠡᠭᠡᠳ ᠶᠠᠭᠤ ᠳᠤᠷᠠ ᠲᠠᠢ ᠪᠠᠨ ᠣᠯᠵᠠᠯᠠᠵᠤ ᠠᠪᠤᠭᠠᠳ ᠡᠷᠭᠢᠵᠦ ᠢᠷᠡᠬᠦ ᠬᠡᠷᠡᠭ ᠦᠭᠡᠢ᠃ ᠳᠤᠷᠠ ᠲᠠᠢ ᠵᠦᠭ ᠲᠡᠭᠡᠨ ᠶᠠᠪᠤ》 ᠭᠡᠵᠦ ᠵᠠᠯᠢ ᠮᠡᠬᠡ ᠬᠡᠷᠡᠭᠯᠡᠨ ᠳᠠᠢᠰᠤᠨ ᠤ᠋ ᠬᠦᠴᠦ ᠶ᠋ᠢ ᠰᠠᠮᠠᠭᠤᠷᠠᠭᠤᠯᠵᠤ ᠰᠠᠭᠠᠷᠠᠭᠤᠯᠤᠨ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠳᠠᠷᠠᠭᠠ ᠨᠢ ᠣᠷᠣᠵᠤ ᠲᠤᠯᠤᠯᠳᠤᠵᠤ ᠪᠠᠢᠭᠰᠠᠨ ᠴᠣ ᠤᠳᠠᠭᠠ ᠲᠠᠢ᠃ ᠡᠨᠡ ᠬᠣᠶᠠᠷ ᠬᠥᠮᠦᠨ ᠦ᠌ ᠦᠢᠯᠡ ᠪᠤᠶᠠᠨ ᠠ᠋ᠴᠠ ᠨᠢᠭᠦᠯ ᠨᠢ ᠳᠠᠪᠠᠵᠤ ᠮᠡᠳᠡᠨᠡ᠃ ᠦᠨᠡᠰᠦᠨ ᠲᠣᠪᠷᠠᠭ ᠪᠣᠯᠭᠠᠭᠰᠠᠨ ᠬᠣᠲᠠ ᠭᠠᠵᠠᠷ ᠨᠤᠲᠤᠭ ᠴᠣ ᠪᠣᠢ᠃ ᠡᠨᠡ ᠬᠠᠷᠢ ᠳ᠋ᠤ᠌ ᠡᠷᠬᠡ ᠳᠤᠷᠠ ᠪᠠᠨ ᠡᠳ᠋ᠯᠡᠵᠦ ᠠᠭᠰᠠᠨ ᠬᠣᠶᠠᠷ ᠳᠤ ᠡᠵᠡᠨ ᠬᠠᠭᠠᠨ ᠠ᠋ᠴᠠ ᠡᠯᠴᠢ ᠢᠷᠡᠵᠦ᠄《ᠲᠠ ᠬᠣᠶᠠᠷ ᠬᠡᠯᠡ ᠴᠢᠮᠡᠭᠡ ᠦᠭᠡᠢ ᠶᠠᠭᠤ ᠪᠣᠯᠵᠤ ᠶᠠᠪᠤᠨᠠ ᠪᠣᠢ? ᠡᠷᠭᠢᠵᠦ ᠢᠷᠡ》 ᠭᠡᠰᠡᠨ ᠵᠠᠷᠯᠢᠭ ᠢᠷᠡᠵᠡᠢ᠃
ᠲᠡᠷᠡ ᠬᠣᠶᠠᠷ ᠡᠵᠡᠯᠡᠵᠦ ᠠᠪᠤᠭᠰᠠᠨ ᠠᠷᠪᠠ ᠰᠢᠬᠠᠮ ᠤᠯᠤᠰ ᠪᠦᠷᠢ ᠲᠡᠢ ᠲᠤᠯᠭᠠᠨ ᠱᠠᠭᠠᠷᠳᠠᠬᠤ ᠭᠡᠷᠡ ᠬᠢᠵᠦ᠂《ᠴᠢᠩᠭᠢᠰ ᠬᠠᠭᠠᠨ ᠤ᠋ ᠠᠯᠪᠠᠲᠤ ᠵᠠᠷᠤᠴᠠ ᠮᠥᠨ》 ᠭᠡᠰᠡᠨ ᠬᠠᠲᠠᠭᠤᠬᠠᠨ ᠪᠠᠲᠤᠯᠠᠭᠠ ᠭᠠᠷᠭᠠᠭᠤᠯᠵᠤ ᠠᠪᠴᠤ ᠶᠠᠪᠤᠭᠰᠠᠨ ᠨᠢ ᠠᠷᠭᠠ ᠦᠭᠡᠢ ᠯᠡ ᠬᠠᠰᠢᠷ ᠴᠢᠨᠣᠠ᠂ ᠤᠯᠤᠰ ᠲᠥᠷᠥ ᠶ᠋ᠢᠨ ᠳᠠᠷᠤᠩᠭᠤᠢᠯᠠᠭᠴᠢ ᠪᠣᠳᠣᠯᠭᠠᠲᠠᠨ ᠪᠣᠯᠬᠤ ᠶ᠋ᠢ ᠲᠣᠳᠣᠷᠬᠠᠢᠯᠠᠨᠠ᠃ ᠲᠡᠷᠡ ᠭᠡᠷᠡ ᠪᠠᠲᠤᠯᠠᠮᠵᠢ ᠨᠢ᠄
— ᠣᠷᠣᠰ ᠤ᠋ᠨ ᠸᠠᠩ ᠪᠢ ᠮᠥᠩᠬᠡ ᠲᠩᠷᠢ ᠶ᠋ᠢᠨ ᠳᠣᠣᠷᠠ ᠶᠡᠬᠡ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠶᠡᠬᠡ ᠬᠠᠭᠠᠨ ᠴᠢᠩᠭᠢᠰ ᠲᠠᠨ ᠤ᠋ ᠥᠯᠮᠡᠢ ᠳ᠋ᠦ᠍ ᠰᠥᠭᠥᠳᠴᠦ 383 ᠲᠠᠩᠭᠠᠷᠢᠭᠯᠠᠬᠤ ᠨᠢ:
1 . ᠪᠢ ᠶᠡᠬᠡ ᠴᠢᠩᠭᠢᠰ ᠬᠠᠭᠠᠨ ᠲᠠᠨ ᠤ᠋ ᠬᠤᠪᠢᠷᠠᠰᠢ ᠦᠭᠡᠢ ᠦᠨᠡᠨᠴᠢ ᠵᠠᠷᠤᠴᠠ ᠪᠣᠭᠣᠯ ᠮᠥᠨ᠃
2. ᠲᠠᠨ ᠳ᠋ᠤ᠌ ᠪᠢ ᠵᠢᠯ ᠪᠦᠷᠢ ᠶ᠋ᠢᠨ ᠡᠬᠢᠨ ᠰᠠᠷᠠ ᠳ᠋ᠤ᠌(ᠥᠴᠢ ᠲᠥᠴᠢᠨᠡᠨ ᠭᠡᠮᠡᠨ ᠲᠣᠭᠠ ᠪᠠᠷ ᠢᠯᠡᠷᠬᠡᠢᠯᠡᠭᠰᠡᠨ ᠠᠯᠲᠠ ᠮᠥᠩᠭᠥ᠂ ᠦᠨᠡᠲᠦ ᠡᠳ᠋ᠯᠡᠯ ᠳᠤᠷᠳᠤᠩ) ᠠᠯᠪᠠ ᠨᠡᠢᠯᠡᠭᠦᠯᠵᠦ ᠪᠠᠢᠨᠠ᠃
3. ᠥᠪᠡᠷ ᠦ᠋ᠨ ᠪᠡᠶᠡ ᠶ᠋ᠢ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠦ᠋ᠨ ᠲᠣᠭᠠ ᠶ᠋ᠢ ᠵᠠᠭᠤ ᠠ᠋ᠴᠠ ᠢᠯᠡᠭᠦᠦ ᠭᠠᠷᠭᠠᠬᠤ ᠦᠭᠡᠢ᠃ ᠤᠯᠤᠰ ᠣᠷᠣᠨ ᠳ᠋ᠤ᠌ ᠮᠠᠨᠢ ᠬᠠᠷᠢ ᠶ᠋ᠢᠨ ᠳᠠᠢᠰᠤᠨ ᠬᠠᠯᠳᠠᠪᠠᠯ ᠲᠤᠬᠠᠢ ᠶ᠋ᠢᠨ ᠴᠠᠭ ᠲᠤ᠌ ᠨᠢ ᠴᠡᠷᠢᠭ ᠲᠠᠲᠠᠵᠤ ᠬᠠᠮᠠᠭᠠᠯᠠ᠂ ᠬᠡᠷᠪᠡ ᠬᠦᠴᠦ ᠮᠡᠬᠦᠰᠳᠡᠪᠡᠯ ᠲᠠᠨ ᠳ᠋ᠤ᠌ ᠲᠤᠰᠠᠯᠠᠮᠵᠢ ᠠᠢᠯᠠᠳᠬᠠᠨᠠ᠃
4. ᠲᠠᠨ ᠤ᠋ ᠡᠮᠦᠨᠡ ᠦᠨᠡᠨᠴᠢ ᠪᠡᠷ ᠵᠢᠳᠬᠦᠭᠰᠡᠨ ᠬᠦᠴᠦ ᠪᠡᠨ ᠦᠨᠡᠯᠡᠭᠦᠯᠵᠦ᠂ ᠬᠠᠷᠠ ᠱᠠᠩ᠂ ᠠᠯᠳᠠᠷ ᠭᠠᠪᠢᠶᠠᠨ ᠳ᠋ᠤ᠌ ᠭᠣᠷᠢᠯᠠᠨᠠ᠃
5. ᠡᠨᠡᠬᠦ ᠭᠡᠷᠡ ᠪᠠᠲᠤᠯᠠᠭᠠ ᠶ᠋ᠢ ᠮᠢᠨᠦ ᠪᠡᠶᠡ ᠵᠠᠯᠭᠠᠮᠵᠢ ᠬᠣᠢᠴᠢ ᠳᠠᠭᠠᠵᠤ ᠪᠡᠶᠡᠯᠡᠭᠦᠯᠵᠦ ᠪᠠᠢᠬᠤ ᠡᠭᠦᠷᠭᠡ ᠬᠦᠯᠢᠶᠡᠯᠭᠡᠨᠡ ᠭᠡᠰᠡᠨ ᠳᠣᠯᠣᠭᠠᠨ ᠤᠯᠤᠰ ᠤ᠋ᠨ ᠡᠵᠡᠨ ᠦ᠌ ᠡᠢᠮᠦ ᠨᠢᠭᠡᠨ ᠬᠡᠪ ᠦ᠋ᠨ ᠪᠠᠲᠤᠯᠠᠭᠠ ᠶ᠋ᠢ ᠮᠣᠩᠭᠣᠯ᠂ ᠲᠤᠬᠠᠢ ᠶ᠋ᠢᠨ ᠣᠷᠣᠨ ᠤ᠋ ᠬᠡᠯᠡ ᠪᠡᠷ ᠲᠤᠰ ᠪᠦᠷᠢ ᠳᠥᠷᠪᠡᠨ ᠬᠤᠪᠢ ᠬᠢᠵᠦ᠂ ᠬᠣᠲᠠ᠂ ᠣᠩᠨᠣᠭᠣ᠂ ᠪᠠᠲᠤᠯᠠᠭᠠ ᠭᠠᠷᠭᠠᠭᠰᠠᠨ ᠡᠲᠡᠭᠡᠳ᠂ ᠰᠦᠪᠡᠭᠡᠳᠠᠢ ᠵᠡᠪᠡ ᠭᠤᠷᠪᠠ ᠶ᠋ᠢᠨ ᠭᠠᠷ ᠤ᠋ᠨ ᠦᠰᠦᠭ ᠵᠢᠷᠤᠵᠤ᠂ ᠨᠢᠭᠡ ᠬᠤᠪᠢ ᠶ᠋ᠢ ᠡᠵᠡᠨ ᠳ᠋ᠦ᠍ ᠦᠯᠡᠳᠡᠭᠡᠬᠦ ᠬᠤᠪᠢ ᠶ᠋ᠢᠨ ᠨᠢᠭᠡ ᠨᠢᠭᠡ ᠶ᠋ᠢ ᠰᠦᠪᠡᠭᠡᠳᠠᠢ᠂ ᠵᠡᠪᠡ ᠠᠪᠴᠤ᠂ ᠨᠢᠭᠡ ᠬᠤᠪᠢ ᠶ᠋ᠢ ᠬᠠᠭᠠᠨ ᠳ᠋ᠤ᠌ ᠥᠭᠬᠦ ᠪᠡᠷ ᠬᠠᠳᠠᠭᠠᠯᠠᠵᠤ ᠶᠠᠪᠤᠭᠠ ᠪᠥᠯᠥᠭᠡ᠃ ᠡᠯᠴᠢ ᠶ᠋ᠢ ᠳᠣᠯᠣᠭᠠ ᠬᠣᠨᠣᠭ ᠠᠮᠠᠷᠠᠭᠠᠵᠤ᠂ ᠪᠠᠰᠠ ᠴᠣ ᠣᠢᠷᠠᠬᠠᠨ ᠣᠷᠣᠨ ᠢ᠋ ᠦᠵᠡᠭᠦᠯᠵᠦ᠂ 《ᠪᠢᠳᠡ ᠬᠠᠭᠠᠨ ᠤ᠋ ᠵᠠᠷᠯᠢᠭ ᠢ᠋ ᠠᠪᠴᠤ ᠨᠤᠲᠤᠭ ᠪᠤᠴᠠᠬᠤ ᠪᠣᠯᠤᠭᠰᠠᠨ ᠳ᠋ᠠᠭᠠᠨ ᠲᠤᠢᠯ ᠠ᠋ᠴᠠ ᠪᠠᠶᠠᠷᠯᠠᠨ ᠪᠢᠰᠢᠷᠡᠨᠡᠮ᠃ ᠡᠨᠳᠡ ᠡᠴᠡ ᠲᠠᠨ ᠢ᠋ ᠬᠦᠷᠲᠡᠯᠡ ᠲᠦᠮᠡ ᠬᠣᠯᠠ ᠭᠠᠷᠤᠢ ᠮᠣᠳᠣ ᠭᠠᠵᠠᠷ᠂ ᠠᠭᠤᠯᠠ ᠤᠰᠤ ᠣᠯᠠᠨ᠂ ᠠᠴᠢᠶᠠ ᠬᠥᠰᠬᠡ ᠨᠦᠰᠡᠷ ᠲᠤᠯᠠ ᠳᠣᠣᠷᠠ ᠬᠠᠶᠠᠵᠤ ᠭᠤᠷᠪᠠᠨ ᠰᠠᠷᠠ ᠠᠶᠠᠯᠠᠵᠤ ᠬᠦᠷᠦᠨᠡ᠃ ᠭᠡᠪᠡᠴᠦ ᠪᠢᠳᠡ ᠶᠠᠪᠤᠳᠠᠯ ᠢ᠋ᠶ᠋ᠠᠨ ᠠᠯᠢ ᠪᠣᠯᠬᠤ ᠲᠦᠷᠭᠡᠪᠴᠢᠯᠡᠬᠦ ᠶ᠋ᠢ ᠬᠢᠴᠢᠶᠡᠨᠡ᠃ ᠬᠤᠭᠤᠴᠠᠭᠠ ᠡᠢᠮᠦ ᠲᠤᠯᠠ ᠲᠠᠨ ᠳ᠋ᠤ᠌ ᠤᠷᠢᠳᠴᠢᠯᠠᠨ ᠣᠯᠵᠠᠨ ᠤ᠋ ᠳᠡᠭᠡᠵᠢ ᠭᠤᠷᠪᠠᠨ ᠮᠣᠷᠢᠨ ᠠᠴᠢᠶᠠ᠂ ᠦᠨᠡᠲᠦ ᠡᠷᠳᠡᠨᠢ ᠡᠴᠡ ᠢᠯᠡᠭᠡᠪᠡ 》ᠭᠡᠰᠡᠨ ᠤᠳᠬᠠ ᠲᠠᠢ ᠪᠢᠴᠢᠭ ᠂ ᠮᠥᠨ ᠡᠵᠡᠯᠡᠭᠳᠡᠭᠰᠡᠨ ᠤᠯᠤᠰ ᠤ᠋ᠨ ᠡᠵᠡᠨ ᠦ᠌ ᠪᠣᠳᠣᠯᠭᠠ ᠶ᠋ᠢ ᠬᠣᠶᠠᠷ ᠵᠠᠭᠤᠨ ᠴᠡᠷᠢᠭ ᠭᠠᠷᠭᠠᠵᠤ 384 ᠬᠠᠮᠠᠭᠠᠯᠠᠭᠤᠯᠤᠨ ᠢᠯᠡᠭᠡᠵᠡᠢ᠃
ᠰᠦᠪᠡᠭᠡᠳᠠᠢ ᠡᠯᠴᠢᠳ ᠦ᠋ᠨ ᠠᠮᠠ ᠪᠠᠷ《ᠵᠡᠪᠡ ᠶ᠋ᠢᠨ ᠮᠠᠨᠢ ᠪᠡᠶᠡ ᠲᠠᠭᠠᠷᠠᠤ᠂ ᠪᠥᠭᠡᠷᠡᠨ ᠦ᠌ ᠡᠪᠡᠳᠴᠢᠨ ᠲᠡᠢ ᠭᠡᠰᠡᠨ᠃ ᠡᠨᠡ ᠭᠠᠵᠠᠷ ᠤ᠋ᠨ ᠡᠮᠴᠢ ᠳᠣᠮᠴᠢ ᠪᠠᠷ ᠠᠷᠭᠠᠯᠠᠭᠤᠯᠬᠤ ᠣᠨᠴᠠ ᠵᠠᠰᠠᠯ ᠠᠪᠬᠤ ᠦᠭᠡᠢ ᠪᠠᠢᠭᠠ ᠶ᠋ᠢ ᠡᠵᠡᠨ ᠬᠠᠭᠠᠨ ᠳ᠋ᠤ᠌ ᠤᠯᠠᠮᠵᠢᠯᠠᠭᠠᠷᠠᠢ 》ᠭᠡᠮᠡᠨ ᠠᠮᠢᠨᠴᠢᠯᠠᠨ ᠬᠡᠯᠡᠪᠡ᠃
ᠡᠢᠨᠬᠦ ᠡᠯᠴᠢ ᠶ᠋ᠢ ᠪᠤᠴᠠᠭᠠᠵᠤ᠂ ᠠᠶᠠᠯᠠᠯ ᠤ᠋ᠨ ᠪᠡᠯᠡᠳᠬᠡᠯ ᠳ᠋ᠡᠭᠡᠨ ᠣᠷᠣᠭᠰᠠᠨ ᠪᠣᠯᠠᠢ᠃
ᠡᠯᠴᠢ ᠶ᠋ᠢ ᠶᠠᠪᠤᠭᠰᠠᠨ ᠣᠷᠣᠢ ᠰᠦᠪᠡᠭᠡᠳᠡᠢ ᠶ᠋ᠢᠨ ᠭᠡᠷ ᠲᠦ᠍ ᠵᠡᠪᠡ ᠣᠷᠣᠵᠤ ᠢᠷᠡᠪᠡ᠃ ᠲᠡᠳᠡ ᠬᠣᠶᠠᠷ ᠠᠶᠠᠨ ᠲᠡᠢᠨ ᠳᠠᠭᠤᠰᠴᠤ ᠪᠤᠴᠠᠬᠤ ᠪᠣᠯᠤᠭᠰᠠᠨ ᠳ᠋ᠠᠭᠠᠨ ᠰᠡᠳᠬᠢᠯ ᠬᠥᠳᠡᠯᠵᠦ ᠪᠣᠷᠬᠠᠢ ᠲᠠᠢ ᠭᠤᠷᠪᠠᠭᠤᠯᠠ ᠡᠨᠡ ᠭᠠᠵᠠᠷ ᠤ᠋ᠨ ᠳᠡᠭᠡᠳᠦ ᠵᠡᠷᠭᠡ ᠶ᠋ᠢᠨ ᠵᠣᠭᠣᠭ ᠤᠮᠳᠠ ᠠᠪᠴᠢᠷᠠᠭᠤᠯᠪᠠ᠃ ᠰᠦᠪᠡᠭᠡᠳᠡᠢ᠄
— ᠠᠯᠢᠪ ᠁ ᠡᠨᠡ ᠰᠠᠷᠬᠤᠳ ᠠ᠋ᠴᠠ ᠭᠤᠷᠪᠠᠭᠤᠯᠠ ᠳ᠋ᠠᠭᠠᠨ ᠬᠤᠨᠳᠠᠭᠠᠯᠠᠭᠴᠢ ᠭᠡᠵᠦ ᠪᠣᠷᠬᠠᠢ ᠳ᠋ᠤ᠌ ᠬᠡᠯᠡᠪᠡ᠃ ᠰᠦᠪᠡᠭᠡᠳᠡᠢ ᠶᠠᠮᠠᠷ ᠴᠣ ᠵᠣᠴᠢᠨ ᠲᠠᠢ ᠠᠭᠤᠯᠵᠠᠬᠤ ᠦᠶᠡ ᠳ᠋ᠡᠭᠡᠨ ᠬᠤᠨᠳᠠᠭᠠᠨ ᠳ᠋ᠤ᠌ ᠪᠣᠷᠬᠠᠢ ᠶ᠋ᠢ ᠲᠣᠭᠠᠴᠢᠳᠠᠭ ᠦᠭᠡᠢ᠃ ᠪᠣᠷᠬᠠᠢ ᠵᠥᠪᠬᠡᠨ ᠬᠠᠷᠠᠵᠤ ᠯᠠ ᠰᠠᠭᠤᠳᠠᠭ᠃ ᠬᠠᠷᠢᠨ ᠵᠣᠭᠣᠭ ᠤᠮᠳᠠ ᠶ᠋ᠢ ᠪᠣᠯ ᠥᠭᠡᠷᠡ᠂ ᠲᠦᠩᠬᠦᠢᠲᠡᠯᠡ ᠢᠳᠡᠵᠦ ᠤᠤᠭᠤᠨᠠ᠃ ᠡᠨᠡ ᠶᠠᠪᠤᠭᠰᠠᠨ ᠠᠶᠠᠨ ᠲᠡᠢᠨ ᠦ᠌ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠭᠤᠷᠪᠠ ᠤᠳᠠᠭᠠ ᠨᠠᠢᠷ ᠬᠢᠭᠰᠡᠨ᠃ ᠲᠡᠷᠡ ᠨᠢ ᠲᠣᠮᠣᠬᠠᠨ ᠢᠯᠠᠯᠲᠠ ᠬᠢᠭᠰᠡᠨ ᠦ᠌ ᠳᠠᠷᠠᠭᠠ ᠪᠣᠯᠳᠠᠭ᠃ ᠬᠠᠮᠤᠭ ᠤ᠋ᠨ ᠥᠷᠭᠡᠨ ᠨᠢ ᠺᠠᠯᠺᠡ ᠭᠣᠣᠯ ᠳ᠋ᠤ᠌ ᠣᠷᠣᠰ ᠤ᠋ᠳ ᠢ᠋ ᠴᠣᠬᠢᠭᠠᠳ ᠬᠢᠭᠰᠡᠨ ᠨᠠᠢᠷ᠃ ᠣᠷᠣᠰ ᠤ᠋ᠨ ᠸᠠᠩ ᠢᠵᠠᠭᠤᠷᠲᠠᠨ᠂ ᠳᠡᠭᠡᠳᠦᠰ ᠢ᠋ ᠡᠬᠡᠨᠡᠷ ᠬᠡᠦᠬᠡᠳ ᠦ᠋ᠨ ᠬᠢᠨᠢ ᠬᠠᠮᠲᠤ ᠳᠣᠣᠷᠠᠲᠤ ᠳᠠᠪᠬᠤᠷ ᠲᠤ᠌ ᠨᠢ ᠬᠣᠷᠢᠵᠤ ᠲᠦᠭᠵᠢᠭᠡᠳ ᠳᠡᠭᠡᠳᠦ ᠳᠠᠪᠬᠤᠷ ᠲᠤ᠌ ᠨᠢ ᠳᠠᠷᠤᠢ ᠭᠤᠷᠪᠠ ᠬᠣᠨᠣᠭ ᠡᠳᠦᠷ ᠰᠥᠨᠢ ᠦᠭᠡᠢ ᠨᠠᠢᠷᠯᠠᠭᠰᠠᠨ᠃ ᠲᠡᠢᠮᠦ ᠨᠠᠢᠷ ᠲᠤ᠌ ᠪᠣᠷᠬᠠᠢ ᠶ᠋ᠢ ᠬᠤᠨᠳᠠᠭᠠ ᠶ᠋ᠢᠨ ᠲᠣᠭᠠᠨ ᠳ᠋ᠤ᠌ ᠣᠷᠣᠭᠤᠯᠳᠠᠭ ᠪᠣᠯᠪᠠᠴᠤ ᠲᠡᠷᠡ ᠪᠡᠷ ᠲᠡᠳᠦᠢᠯᠡ ᠤᠤᠭᠤᠳᠠᠭ ᠴᠣ ᠦᠭᠡᠢ᠃ ᠤᠤᠭᠤᠵᠤ ᠵᠠᠩᠰᠢᠭᠠ ᠦᠭᠡᠢ᠃ ᠭᠤᠷᠪᠠ ᠬᠣᠨᠣᠭ ᠤ᠋ᠨ ᠲᠡᠷᠡ ᠨᠠᠢᠷ ᠲᠤ᠌ ᠴᠡᠷᠢᠭ ᠪᠦᠭᠦᠳᠡ ᠣᠷᠣᠭᠰᠠᠨ᠃ ᠲᠡᠳᠡᠨ ᠢ᠋ ᠵᠠᠭᠤᠲᠤ ᠵᠠᠭᠤᠲᠤ ᠪᠠᠷ ᠨᠢ ᠡᠭᠡᠯᠵᠢ ᠲᠣᠭᠲᠠᠭᠠᠵᠤ᠂ ᠲᠣᠳᠣᠷᠬᠠᠢ ᠬᠤᠭᠤᠴᠠᠭᠠ ᠲᠠᠢ ᠣᠷᠣᠭᠤᠯᠵᠠᠢ᠃ ᠨᠠᠢᠷ ᠳᠠᠭᠤᠰᠤᠮᠠᠭᠴᠠ ᠵᠥᠷᠢᠭᠦᠳ ᠸᠠᠩ ᠢᠵᠠᠭᠤᠷᠲᠠᠨ ᠳ᠋ᠤ᠌ ᠳᠤᠯᠠᠭᠠᠨ ᠱᠠᠭᠠᠷᠳᠠᠵᠤ ᠥᠨᠥᠬᠢ ᠭᠡᠷᠡ ᠪᠠᠲᠤᠯᠠᠭᠠ ᠪᠠᠨ ᠭᠠᠷᠭᠠᠭᠤᠯᠤᠭᠰᠠᠨ ᠪᠣᠯᠠᠢ᠃
ᠡᠳᠦᠭᠡ ᠲᠡᠳᠡ ᠭᠤᠷᠪᠠᠭᠤᠯᠠ ᠪᠠᠨ ᠪᠤᠴᠠᠬᠤ ᠶ᠋ᠢᠨ ᠪᠠᠶᠠᠷ ᠪᠢᠴᠢᠬᠠᠨ ᠨᠠᠢᠷ ᠬᠢᠵᠦ ᠵᠡᠪᠡ ᠰᠦᠪᠡᠭᠡᠳᠡᠢ ᠬᠣᠶᠠᠷ ᠰᠦᠷᠡᠬᠡᠢ ᠰᠣᠭᠲᠣᠭᠰᠠᠨ ᠠᠵᠤᠭᠤ᠃ 385 ᠲᠡᠷᠡ ᠬᠣᠶᠠᠷ ᠥᠩᠭᠡᠷᠡᠭᠰᠡᠨ ᠢ᠋ᠶ᠋ᠡᠨ ᠳᠤᠷᠠᠰᠤᠨ ᠶᠠᠷᠢᠯᠴᠠᠬᠤ ᠨᠢ ᠪᠣᠷᠬᠠᠢ ᠳ᠋ᠤ᠌ ᠶᠡᠬᠡ ᠰᠣᠨᠢᠨ ᠠᠵᠢ᠃ ᠢᠩᠭᠢᠵᠦ ᠪᠠᠢᠭᠰᠠᠨ ᠤᠳᠠᠭᠠ ᠦᠭᠡᠢ᠂ ᠦᠨᠡᠬᠡᠷ ᠰᠡᠳᠬᠢᠯ ᠨᠢ ᠬᠥᠳᠡᠯᠵᠡᠢ᠃ ᠬᠣᠶᠠᠭᠤᠯᠠ ᠪᠡᠶᠡ ᠪᠡᠨ ᠲᠦᠰᠢᠨ ᠨᠢᠭᠤᠵᠠᠭᠠᠵᠤ᠄
ᠥᠨᠢᠷ ᠰᠤᠭᠤᠨᠠᠭᠯᠠᠨ ᠴᠡᠩᠬᠡᠷᠳᠡᠭᠰᠡᠨ
ᠠᠭᠤᠯᠠ ᠤᠰᠤ ᠮᠢᠨᠢ ᠬᠠᠮᠢᠭᠠ ᠪᠢᠯᠡ?
ᠨᠢᠳᠦ ᠪᠡᠯᠴᠢᠭᠡᠵᠦ ᠰᠤᠩᠭᠠᠭᠰᠠᠨ
ᠨᠤᠲᠤᠭ ᠤ᠋ᠨ ᠵᠡᠷᠭᠡᠯᠭᠡᠨᠲᠦ ᠲᠠᠯᠠ ᠮᠢᠨᠦ
ᠬᠠᠮᠠᠷ ᠰᠡᠩᠭᠢᠨᠡᠮᠡ ᠦᠨᠦᠷᠲᠦᠭᠰᠡᠨ
ᠠᠷᠭᠠᠯ ᠤ᠋ᠨ ᠠᠩᠬᠢᠯᠤᠭᠤᠨ ᠤᠲᠤᠭᠠ ᠮᠢᠨᠦ
ᠠᠵᠠᠢ ᠪᠤᠭᠤᠷᠤᠯ ᠬᠥᠭᠰᠢᠳ ᠮᠢᠨᠦ
ᠠᠷᠤ ᠳ᠋ᠤ᠌ ᠮᠢᠨᠢ ᠦᠯᠡᠳᠡᠭᠰᠡᠨ ᠪᠢᠯᠢᠤ ᠵᠧ
ᠠᠮᠲᠠᠯᠠᠵᠤ ᠲᠡᠪᠡᠷᠢᠭᠰᠡᠨ ᠠᠮᠠᠷᠠᠭ ᠮᠢᠨᠦ
ᠨᠠᠮᠠ ᠶᠢ ᠪᠠᠨ ᠵᠡᠭᠦᠳᠦᠯᠡᠨ ᠵᠡᠭᠦᠷᠮᠡᠭᠯᠡᠨᠡ ᠤᠤ?
ᠠᠯᠳᠠᠷᠠᠢ ᠵᠢᠭᠠᠬᠠᠨ ᠦᠷᠡᠰ ᠮᠢᠨᠦ
ᠠᠪᠤ ᠶ᠋ᠢ ᠪᠡᠨ ᠰᠠᠨᠠᠨ ᠤᠬᠢᠯᠠᠳᠠᠭ ᠪᠣᠯᠪᠠᠤ?
ᠡᠢᠨᠬᠦ ᠲᠡᠷᠡ ᠬᠣᠶᠠᠷ ᠤ᠋ᠨ ᠠᠶᠠᠯᠭᠤᠯᠠᠬᠤᠢ ᠪᠣᠷᠬᠠᠢ ᠭᠤᠷᠪᠠᠳᠠᠬᠢ ᠪᠠᠳᠠᠭ ᠢ᠋ ᠳᠠᠭᠠᠨ ᠠᠶᠠᠯᠤᠭᠰᠠᠨ ᠪᠥᠯᠥᠭᠡ᠃