ᠬᠥᠯᠥᠭ ᠪᠠᠭᠠᠲᠤᠷ ᠪᠤᠭᠤᠷᠴᠢ - ᠪ᠂ ᠦᠯᠵᠡᠢᠰᠦ᠋ᠷᠦᠩ <ᠳᠡᠳ᠋ ᠪᠦᠯᠦᠭ - ᠠᠷᠪᠠᠨ ᠳᠣᠯᠣᠭᠠ> Хүлэг баатар буурч - Б. Өлзийсүрэн <Дэд бүлэг-17>
67ᠥᠪᠡᠷ ᠦᠨ ᠵᠠᠮ ᠮᠥᠷ ᠢᠶᠡᠷ ᠲᠡᠮᠲᠡᠷᠢᠵᠦ ᠡᠷᠡ ᠬᠥᠮᠥᠨ ᠦ ᠡᠷᠴᠢ ᠬᠦᠴᠦ ᠶᠢ ᠣᠯᠵᠤ ᠬᠦᠷᠲᠡᠭᠰᠡᠨ ᠳᠡᠳ᠋ ᠪᠦᠯᠦᠭ
ᠠᠷᠪᠠᠨ ᠳᠣᠯᠣᠭᠠ
ᠠᠷᠪᠠᠨ ᠳᠣᠯᠣᠭᠠ
ᠲᠠᠨᠢᠯ ᠲᠠᠢ ᠪᠣᠯ ᠲᠠᠯᠠ ᠶ᠋ᠢᠨ ᠴᠢᠨᠡᠭᠡ
ᠲᠠᠨᠢᠯ ᠦᠭᠡᠢ ᠪᠣᠯ ᠠᠯᠠᠭᠠ ᠶ᠋ᠢᠨ ᠴᠢᠨᠡᠭᠡ
ᠮᠡᠷᠭᠡᠳ ᠦ᠋ᠨ ᠳᠣᠪᠲᠣᠯᠭᠠᠨ ᠠ᠋ᠴᠠ ᠬᠣᠢᠰᠢ ᠳᠣᠯᠣᠭᠠ ᠬᠣᠨᠣᠭ ᠥᠩᠭᠡᠷᠡᠭᠡᠳ ᠭᠤᠷᠪᠠᠳᠠᠬᠢ ᠳ᠋ᠠᠭᠠᠨ ᠣᠷᠣᠭᠠᠳ ᠶᠠᠪᠤᠵᠤ ᠪᠠᠢᠯᠠ᠃ ᠲᠡᠮᠦᠵᠢᠨ ᠦ᠌ ᠵᠠᠩ ᠠᠭᠠᠰᠢ ᠨᠢ ᠬᠤᠷᠴᠠᠰᠴᠤ《ᠲᠡᠳᠡᠨ ᠢ᠋ ᠪᠤᠲᠠ ᠴᠣᠬᠢᠨᠠ》 ᠭᠡᠵᠦ ᠰᠢᠳᠦ ᠵᠠᠭᠤᠨ ᠬᠡᠯᠡᠬᠦ ᠪᠥᠯᠥᠭᠡ᠃ ᠲᠡᠭᠡᠭᠡᠳ ᠲᠤᠤᠯᠠ ᠭᠣᠣᠯ ᠳ᠋ᠤ᠌ ᠣᠷᠣᠰᠢᠬᠤ ᠬᠡᠷᠡᠢᠳ ᠦ᠋ᠨ ᠬᠠᠨ ᠯᠤᠭᠠ ᠤᠴᠠᠷᠠᠬᠤ ᠪᠠᠷ ᠬᠠᠰᠠᠷ᠂ ᠪᠡᠯᠭᠦᠳᠡᠢ ᠬᠣᠶᠠᠷ ᠳᠡᠭᠦᠦ ᠪᠡᠨ ᠳᠠᠭᠠᠭᠤᠯᠤᠨ ᠶᠠᠪᠤᠭᠠᠳ ᠬᠣᠶᠠᠷ ᠬᠣᠨᠣᠪᠠ᠃ ᠪᠣᠭᠣᠷᠴᠢ ᠥᠷᠯᠥᠭᠡ ᠡᠷᠲᠡᠯᠡᠨ ᠪᠣᠰᠴᠤ ᠴᠢᠳᠥᠷᠯᠡᠵᠦ ᠲᠤᠱᠠᠵᠤ ᠲᠠᠯᠪᠢᠭᠰᠠᠨ ᠬᠡᠳᠦᠨ ᠭᠡᠭᠦᠦ ᠪᠡᠨ ᠠᠪᠴᠢᠷᠠᠵᠤ ᠤᠨᠠᠭᠠ ᠶ᠋ᠢ ᠨᠢ ᠤᠶᠠᠯᠠ᠃ ᠲᠡᠭᠦᠨ ᠢ᠋ ᠡᠨᠳᠡ ᠢᠷᠡᠭᠰᠡᠨ ᠦ᠌ ᠳᠠᠷᠠᠭᠠᠬᠠᠨ ᠳᠤᠮᠳᠠ ᠵᠡᠷᠭᠡ ᠨᠠᠰᠤᠨ ᠤ᠋ ᠨᠢᠭᠡ ᠳᠥᠯᠭᠡᠬᠡᠨ ᠵᠠᠩᠲᠠᠢ ᠡᠷᠡ ᠥᠭᠡᠯᠦᠨ ᠡᠬᠡ ᠳ᠋ᠦ᠍ ᠨᠢᠭᠡ ᠤᠨᠠᠭᠠ ᠲᠠᠢ ᠭᠡᠭᠦᠦ ᠠᠪᠴᠢᠷᠠᠵᠤ᠄
— ᠲᠠᠨᠠᠢᠬᠢ ᠶ᠋ᠢ ᠬᠡᠳᠦᠨ ᠭᠡᠭᠦᠦ ᠪᠠᠷᠢᠵᠤ ᠪᠠᠢᠨᠠ ᠭᠡᠵᠦ ᠰᠣᠨᠣᠰᠤᠭᠠᠳ ᠨᠡᠮᠡᠷᠢ ᠪᠣᠯᠭᠠᠵᠤ ᠠᠪᠴᠢᠷᠠᠯᠠ ᠭᠡᠰᠡᠨ ᠳ᠋ᠦ᠍ ᠥᠭᠡᠯᠦᠨ ᠡᠬᠡ ᠪᠠᠶᠠᠷᠯᠠᠵᠤ᠂ ᠲᠡᠷᠡ ᠬᠥᠮᠦᠨ ᠢ᠋ ᠵᠣᠴᠢᠯᠠᠵᠤ ᠬᠦᠨᠳᠦᠯᠡᠭᠡᠳ ᠶᠠᠪᠤᠭᠤᠯᠤᠭᠰᠠᠨ ᠪᠢᠯᠡ᠃ ᠢᠩᠭᠢᠭᠡᠳ ᠡᠳᠡᠨ ᠦ᠌ ᠳᠥᠷᠪᠡᠨ ᠭᠡᠭᠦᠦ ᠲᠡᠢ ᠪᠣᠯᠵᠠᠢ᠃ ᠡᠳᠡᠨ ᠦ᠌ ᠬᠠᠮᠤᠭ ᠡᠮᠡᠰ ᠨᠢ ᠬᠠᠷᠢ ᠳ᠋ᠤ᠌ ᠣᠯᠵᠠᠯᠠᠭᠳᠠᠭᠰᠠᠨ ᠪᠣᠯᠬᠣᠷ ᠠᠮᠠ ᠪᠦᠯᠢ ᠴᠣᠮᠰᠠᠵᠤ ᠥᠭᠡᠯᠦᠨ ᠡᠬᠡ᠂ ᠠᠯᠴᠢ ᠬᠦᠦ᠂ ᠲᠡᠮᠦᠯᠦᠨ ᠥᠬᠢᠨ ᠬᠣᠶᠠᠷ ᠲᠠᠢ ᠪᠠᠨ ᠦᠨᠢᠶᠡ ᠪᠡᠨ ᠰᠠᠭᠠᠭᠠᠳ᠂ ᠬᠣᠨᠢ ᠪᠠᠨ ᠪᠡᠯᠴᠢᠭᠡᠵᠦ᠂ ᠬᠤᠷᠠᠭᠠ ᠪᠠᠨ ᠡᠰᠡᠷᠭᠦ ᠲᠡᠰᠢ ᠨᠢ ᠲᠠᠯᠪᠢᠬᠤ ᠵᠡᠷᠭᠡ ᠥᠷᠯᠥᠭᠡᠨ ᠦ᠌ ᠠᠵᠢᠯ ᠢ᠋ᠶ᠋ᠠᠨ ᠠᠮᠵᠢᠭᠤᠯᠵᠤ ᠪᠠᠢᠭᠠ ᠬᠠᠷᠠᠭᠳᠠᠨᠠ᠃
ᠪᠣᠭᠣᠷᠴᠢ ᠭᠡᠷ ᠦ᠋ᠨ ᠬᠣᠢᠲᠤ ᠪᠢᠴᠢᠬᠠᠨ ᠳᠣᠪᠣᠴᠠᠭ ᠥᠭᠡᠳᠡ ᠶᠠᠪᠠᠭᠠᠨ ᠭᠠᠷᠴᠤ ᠠᠯᠤᠰ ᠢ᠋ ᠬᠠᠷᠠᠬᠤ ᠭᠡᠰᠡᠨ ᠪᠣᠯᠪᠠᠴᠤ ᠲᠡᠳᠦᠢ ᠯᠡ ᠬᠣᠯᠠ ᠶ᠋ᠢ ᠡᠰᠡ ᠬᠠᠷᠠᠵᠤ ᠴᠢᠳᠠᠬᠤ ᠠᠵᠢ᠃ ᠰᠠᠨᠠᠭᠠ ᠨᠢ ᠭᠤᠷᠪᠠᠨ ᠠᠬᠠ ᠳᠡᠭᠦᠦ ᠶ᠋ᠢᠨ ᠢᠷᠡᠵᠦ ᠬᠠᠷᠠᠭᠳᠠᠬᠤ ᠶᠠᠭᠤᠨ ᠮᠠᠭᠠᠳ ᠭᠡᠮᠡᠨ ᠪᠣᠳᠣᠭᠰᠠᠨ ᠪᠢᠵᠡ᠃ ᠲᠡᠭᠡᠲᠡᠯᠡ ᠵᠠᠯᠮᠠ ᠭᠡᠷ ᠡᠴᠡ ᠪᠡᠨ ᠭᠠᠷᠴᠤ ᠪᠣᠭᠣᠷᠴᠢ ᠶ᠋ᠢ ᠬᠠᠷᠠᠭᠠᠳ ᠠᠷᠤ ᠠ᠋ᠴᠠ ᠨᠢ ᠢᠷᠡᠪᠡ᠃ ᠲᠡᠷᠡ ᠬᠣᠶᠠᠷ ᠥᠷᠯᠥᠭᠡᠨ ᠦ᠌ ᠮᠡᠨᠳᠦ ᠮᠡᠳᠡᠯᠴᠡᠨ ᠪᠣᠭᠣᠷᠴᠢ᠄
— ᠮᠠᠨ ᠤ᠋ ᠭᠤᠷᠪᠠ ᠢᠷᠡᠵᠦ ᠮᠠᠭᠠᠳ ᠭᠡᠵᠦ ᠬᠠᠷᠠᠬᠤ ᠭᠡᠰᠡᠨ ᠴᠢᠨᠢ ᠡᠨᠡ ᠣᠯᠠᠨ ᠠᠭᠤᠯᠠᠰ ᠳᠠᠪᠠᠭᠠ ᠬᠠᠯᠬᠠᠯᠠᠭᠠᠳ ᠭᠡᠲᠡᠯᠡ ᠵᠠᠯᠮᠠ᠄
— ᠥᠨᠥᠳᠥᠷ ᠢᠷᠡᠬᠦ ᠦᠭᠡᠢ ᠪᠠᠢᠬᠠ!
— ᠲᠡᠢᠮᠦ ᠤᠳᠠᠬᠤ ᠶᠤᠮ ᠤᠤ?
— ᠤᠳᠠᠬᠤ ᠶᠠᠭᠤ ᠪᠠᠢᠬᠤ ᠪᠣᠢ ? ᠣᠴᠢᠬᠤ ᠢᠷᠡᠬᠦ ᠭᠠᠵᠠᠷ ᠵᠠᠢᠲᠠᠢ ᠬᠣᠯᠠ᠃ ᠲᠡᠭᠡᠭᠡᠳ ᠴᠦ᠍ ᠲᠡᠷᠡ ᠲᠣᠭᠣᠷᠢᠯ ᠬᠠᠨ ᠡᠨᠡ ᠲᠡᠷᠡ ᠬᠥᠮᠦᠰ ᠲᠡᠢ ᠪᠡᠨ ᠶᠠᠷᠢᠯᠴᠠᠭᠠᠳ ᠬᠠᠷᠢᠭᠤ ᠥᠭᠬᠦ᠃ ᠪᠤᠴᠠᠵᠤ ᠢᠷᠡᠬᠦ ᠳ᠋ᠡᠭᠡᠨ ᠮᠡᠩᠯᠢᠭ ᠠᠪᠠᠭᠠ ᠲᠠᠢᠴᠢᠭᠤᠳ ᠤ᠋ᠨ ᠵᠠᠬᠠ ᠬᠢᠵᠠᠭᠠᠷ ᠤ᠋ᠨ ᠲᠣᠳᠣᠢ ᠵᠡᠷᠭᠡ ᠥᠪᠡᠷ ᠦ᠋ᠨ ᠲᠠᠯᠠ ᠶ᠋ᠢᠨ ᠬᠥᠮᠦᠰ ᠲᠡᠢ ᠠᠭᠤᠯᠵᠠᠵᠤ ᠨᠠᠭᠠᠰᠢ ᠢᠷᠡᠬᠦᠶᠡ ᠡᠯᠳᠡᠪ ᠪᠣᠳᠣᠯ ᠪᠣᠢ ᠪᠠᠢᠬᠠ᠃ ᠪᠣᠭᠣᠷᠴᠢ ᠶᠡᠬᠡᠳᠡ ᠪᠣᠳᠣᠯᠭᠠᠰᠢᠷᠠᠨ᠄
— ᠮᠡᠩᠯᠢᠭ ᠠ᠋? ᠲᠡᠷᠡ ᠡᠳᠡᠨ ᠦ᠌ ᠶᠠᠭᠤ ᠶᠤᠮ ᠪᠣᠢ? ᠭᠡᠵᠦ ᠠᠰᠠᠭᠤᠪᠠᠯ᠄
— ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠤᠳᠤᠮ ᠤᠭᠰᠠᠭᠠ ᠨᠢᠭᠡ ᠶᠦᠮ ᠭᠡᠨᠡ ᠪᠢᠯᠡ᠃ ᠰᠡᠭᠦᠯ ᠳ᠋ᠡᠭᠡᠨ ᠮᠡᠩᠯᠢᠭ ᠡᠴᠢᠭᠡ ᠶᠢᠰᠦᠭᠡᠢ ᠪᠠᠭᠠᠲᠤᠷ ᠤ᠋ᠨ ᠦᠨᠡᠨᠴᠢ ᠠᠯᠪᠠᠲᠤ ᠬᠠᠷᠢᠶᠠᠲᠤ ᠨᠢ ᠪᠠᠢᠭᠰᠠᠨ ᠯᠠ ᠭᠡᠳᠡᠭ᠃ ᠪᠣᠭᠣᠷᠴᠢ᠄《 ᠬᠡ᠂ ᠬᠡ》 ᠭᠡᠵᠦ ᠢᠨᠢᠶᠡᠭᠡᠳ᠄
— ᠰᠣᠨᠢᠨ ᠯᠠ ᠶᠤᠮ ᠭᠡᠵᠦ ᠠᠮᠠᠨ ᠳ᠋ᠠᠭᠠᠨ ᠪᠤᠪᠠᠲᠤᠨᠠᠪᠠ᠃
— ᠶᠠᠭᠤ ᠨᠢ ᠰᠣᠨᠢᠨ ᠭᠡᠵᠦ?
— ᠲᠡᠮᠦᠵᠢᠨ ᠠᠨᠳᠠ ᠶᠠᠷᠢᠭᠰᠠᠨ ᠶᠤᠮ᠃ ᠬᠣᠩᠬᠣᠲᠠᠨ᠂ ᠠᠷᠤᠯᠠᠳ᠂ ᠴᠢᠷᠬᠠᠢ᠂ ᠮᠡᠩᠯᠢᠭ ᠭᠡᠵᠦ᠁ ᠪᠢ ᠡᠴᠢᠭᠡ ᠳ᠋ᠡᠭᠡᠨ ᠡᠨᠡ ᠲᠤᠬᠠᠢ ᠬᠡᠯᠡᠲᠡᠯᠡ ᠡᠴᠢᠭᠡ ᠮᠢᠨᠢ《ᠲᠡᠷᠡ ᠬᠣᠩᠬᠣᠲᠠᠨ ᠠᠷᠤᠯᠠᠳ ᠬᠣᠶᠠᠷ ᠴᠢᠨᠢ ᠨᠢᠭᠡ ᠡᠴᠢᠭᠡ ᠶ᠋ᠢᠨ ᠬᠦᠦ᠃ ᠲᠡᠷᠡ ᠠᠷᠤᠯᠠᠳ ᠠ᠋ᠴᠠ ᠪᠠᠨ ᠠᠪᠬᠤᠭᠤᠯᠤᠭᠳ ᠬᠠᠮᠤᠭ ᠤ᠋ᠨ ᠠᠬᠠ ᠨᠢ ᠣᠷᠨᠠᠷ᠂ ᠲᠡᠭᠡᠭᠡᠳ ᠲᠡᠳᠡ ᠴᠠᠭᠠᠰᠢ ᠰᠥᠨᠢᠳ᠂ ᠬᠠᠪᠲᠠᠷᠬᠠᠰ᠂ ᠬᠠᠨᠢᠭᠠᠰ ᠭᠡᠬᠦ ᠵᠡᠷᠭᠡ ᠣᠪᠣᠭ ᠪᠣᠯᠤᠭᠰᠠᠨ ᠭᠡᠵᠦ ᠬᠡᠯᠡᠭᠰᠡᠨ》᠃ ᠮᠠᠨ ᠤ᠋ ᠲᠡᠭᠦᠪᠡᠷ ᠡᠢᠮᠦ ᠨᠡᠷᠡᠲᠡᠢ ᠣᠪᠣᠭ ᠤ᠋ᠳ ᠪᠠᠢᠳᠠᠭ᠃ ᠮᠢᠨᠦ ᠡᠪᠦᠭᠡ ᠡᠴᠢᠭᠡ ᠠᠷᠤᠯᠠᠳ ᠤ᠋ᠨ ᠬᠦᠦ ᠰᠠᠷᠠᠭᠤᠯ ᠭᠡᠵᠦ ᠪᠠᠢᠭᠰᠠᠨ ᠶᠤᠮ ᠭᠡᠰᠡᠨ᠃ ᠲᠡᠳᠡ ᠣᠯᠠᠭᠤᠯᠠ᠃ ᠲᠡᠭᠡᠭᠡᠳ ᠠᠷᠤᠯᠠᠳ ᠤ᠋ᠨ ᠬᠢᠨ ᠮᠠᠨ ᠤ᠋ ᠨᠤᠲᠤᠭ ᠲᠤ᠌ ᠶᠡᠬᠡ ᠣᠯᠠᠨ ᠠ᠋᠃
— ᠲᠡᠭᠡᠪᠡᠯ ᠴᠢ ᠲᠡᠮᠦᠵᠢᠨ ᠲᠡᠢ ᠨᠢᠭᠡ ᠤᠳᠤᠮ ᠤᠭᠰᠠᠭᠠ ᠪᠣᠯᠬᠤ ᠨᠢ ᠤᠤ?
— ᠮᠡᠳᠡᠬᠦ ᠦᠭᠡᠢ᠂ ᠪᠢ ᠮᠡᠳᠡᠬᠦ ᠦᠭᠡᠢ᠃ ᠳᠤᠭᠤᠯᠤᠭᠰᠠᠨ᠂ ᠰᠣᠨᠣᠰᠤᠭᠰᠠᠨ ᠢ᠋ᠶ᠋ᠠᠨ ᠯᠠ ᠬᠡᠯᠡᠯᠡ ᠭᠡᠵᠦ ᠪᠣᠭᠣᠷᠴᠢ ᠨᠡᠯᠢᠶᠡᠳ ᠪᠣᠳᠣᠯᠭᠠᠰᠢᠷᠠᠨ ᠡᠷᠭᠢᠴᠡᠭᠦᠯᠵᠦ ᠰᠠᠭᠤᠭᠰᠠᠨ ᠢ᠋ᠶ᠋ᠠᠨ᠄
— ᠵᠠᠯᠮᠠ ᠠ᠋᠂ ᠴᠢ ᠡᠳᠡᠨ ᠦ᠌ ᠶᠠᠭᠤ ᠨᠢ ᠶᠦᠮ ᠪᠣᠢ? ᠪᠢ ᠴᠢᠮᠠ ᠶ᠋ᠢ ᠬᠤᠸᠠᠭᠴᠢᠨ ᠡᠮᠡᠭᠡᠨ ᠦ᠌ ᠬᠦᠦ ᠨᠢ ᠪᠣᠯᠪᠠ ᠤᠤ? ᠭᠡᠵᠦ ᠪᠣᠳᠣᠳᠠᠭ ᠪᠠᠢᠯᠠ᠃
— ᠪᠢᠰᠢ ᠠ᠋ ᠭᠡᠪᠡᠯ ᠵᠡᠯᠮᠡ ᠢᠨᠢᠶᠡᠯᠡ᠃ ᠪᠣᠭᠣᠷᠴᠢ᠄
— ᠵᠠ᠂ ᠲᠡᠭᠡᠭᠡᠳ? ᠭᠡᠪᠡᠯ ᠵᠡᠯᠮᠡ᠄
— ᠪᠢ ᠲᠡᠮᠦᠵᠢᠨ ᠦ᠌ ᠪᠣᠭᠣᠯ᠁ ᠭᠡᠪᠡ᠃
— ᠵᠠ᠂ ᠴᠢ ᠪᠢᠲᠡᠭᠡᠢ ᠨᠣᠬᠠᠢᠳᠠᠭᠠᠳ ᠪᠠᠢ᠃ ᠬᠡᠯᠡ ᠳᠡ ᠭᠡᠬᠦ ᠳ᠋ᠦ᠍ ᠵᠡᠯᠮᠡ᠄
— ᠦᠨᠡᠨ᠂ ᠦᠨᠡᠨ ᠯᠡ ᠶᠠᠭᠤᠮᠠ ᠬᠡᠯᠡᠵᠦ ᠪᠠᠢᠨᠠ᠃ ᠮᠢᠨᠦ ᠡᠴᠢᠭᠡ ᠡᠬᠡ ᠬᠠᠨ ᠬᠡᠨᠲᠡᠢ ᠠᠭᠤᠯᠠ ᠶ᠋ᠢᠨ ᠬᠠᠪᠴᠢᠯ ᠳ᠋ᠤ᠌ ᠪᠠᠢᠭᠠ᠃ ᠡᠴᠢᠭᠡ ᠮᠢᠨᠢ ᠤᠭ ᠠ᠋ᠴᠠ ᠳᠣᠣᠷᠠᠲᠤ ᠪᠣᠭᠣᠯ᠂ ᠠᠷᠠᠳ᠃ ᠶᠢᠰᠦᠭᠡᠢ ᠪᠠᠭᠠᠲᠤᠷ ᠤ᠋ᠨ ᠦᠨᠡᠨᠴᠢ ᠵᠠᠷᠤᠴᠠ᠂ ᠲᠡᠮᠦᠷ ᠦ᠋ᠨ ᠳᠠᠷᠬᠠᠨ᠂ ᠵᠠᠷ ᠵᠡᠪᠰᠡᠭ ᠬᠢᠵᠦ ᠥᠭᠳᠡᠭ ᠨᠢᠭᠡᠨ᠃ ᠲᠡᠮᠦᠵᠢᠨ ᠪᠢᠳᠡ ᠬᠣᠶᠠᠷ ᠨᠢᠭᠡᠨ ᠴᠠᠭ ᠦᠶᠡ ᠳ᠋ᠦ᠍ ᠡᠬᠡ ᠡᠴᠡ ᠵᠡᠷᠭᠡ ᠲᠥᠷᠥᠵᠡᠢ᠃ ᠡᠴᠢᠭᠡ ᠮᠢᠨᠢ ᠲᠡᠷᠡ ᠦᠶᠡ ᠳ᠋ᠦ᠍ ᠡᠵᠡᠨ ᠦ᠌ ᠪᠡᠨ ᠬᠦᠦ ᠳ᠋ᠦ᠍《ᠡᠮᠡᠭᠡᠯ ᠢ᠋ᠶ᠋ᠡᠨ ᠲᠣᠬᠣᠭᠤᠯ᠂ ᠡᠭᠦᠳᠡ ᠪᠡᠨ ᠰᠡᠬᠦᠭᠦᠯ!》 ᠭᠡᠵᠦ ᠨᠠᠮᠠ ᠶ᠋ᠢ ᠥᠭᠭᠦᠭᠰᠡᠨ ᠶᠦᠮ ᠪᠠᠢᠨᠠ᠃ ᠨᠢᠯᠬᠠ ᠬᠥᠬᠥᠭᠦᠯ ᠬᠡᠦᠬᠡᠳ ᠢ᠋ ᠭᠡᠷ ᠲᠡᠭᠡᠨ ᠥᠰᠬᠡᠵᠦ ᠪᠣᠢᠵᠢᠭᠤᠯᠬᠤ ᠬᠣᠭᠣᠷᠣᠨᠳᠣ ᠶᠡᠬᠡ ᠥᠭᠡᠷᠡᠴᠢᠯᠡᠯᠲᠡ ᠬᠤᠪᠢᠰᠤᠯᠲᠠ ᠪᠣᠯᠵᠤ ᠥᠩᠭᠡᠷᠡᠭᠰᠡᠨ᠃ ᠡᠴᠢᠭᠡ ᠮᠢᠨᠢ ᠬᠡᠯᠡᠭᠰᠡᠨ ᠦᠭᠡ᠂ ᠲᠠᠯᠪᠢᠭᠰᠠᠨ ᠲᠠᠩᠭᠠᠷᠢᠭ ᠢ᠋ᠶ᠋ᠠᠨ ᠪᠡᠶᠡᠯᠡᠭᠦᠯᠵᠦ ᠥᠩᠭᠡᠷᠡᠭᠰᠡᠨ ᠨᠠᠮᠤᠷ ᠲᠡᠮᠦᠵᠢᠨ ᠳ᠋ᠦ᠍ ᠨᠠᠮᠠ ᠶ᠋ᠢ ᠠᠪᠴᠢᠷᠠᠵᠤ ᠲᠤᠰᠢᠶᠠᠨ ᠥᠭᠭᠦᠭᠰᠡᠨ ᠶᠦᠮ᠃ ᠲᠡᠭᠡᠬᠦᠯᠡᠷ ᠪᠢ ᠲᠡᠮᠦᠵᠢᠨ ᠦ᠌ ᠶᠠᠭᠤ ᠨᠢ ᠶᠦᠮ ᠪᠣᠢ? ᠪᠣᠭᠣᠷᠴᠢ ᠬᠣᠶᠠᠷ ᠠᠯᠠᠭᠠ ᠪᠠᠷ ᠢ᠋ᠶ᠋ᠠᠨ ᠨᠢᠭᠤᠷ ᠢ᠋ᠶ᠋ᠠᠨ ᠳᠠᠷᠤᠨ ᠬᠡᠰᠡᠭ ᠵᠠᠭᠤᠷᠠ ᠪᠣᠳᠣᠯᠭᠠᠰᠢᠷᠠᠵᠤ ᠰᠠᠭᠤᠭᠰᠠᠨ ᠢ᠋ᠶ᠋ᠠᠨ ᠢᠨᠢᠶᠡᠪᠬᠢᠯᠡᠵᠦ᠄
— ᠲᠡᠭᠡᠪᠡᠯ ᠴᠢ ᠪᠢᠳᠡ ᠬᠣᠶᠠᠷ ᠠᠳᠠᠯᠢᠬᠠᠨ ᠶᠤᠮ ᠪᠠᠢᠨᠠ᠃ ᠴᠢᠮᠠ ᠶᠢ ᠡᠴᠢᠭᠡ ᠴᠢᠨᠢ ᠲᠤᠰᠢᠶᠠᠨ ᠥᠭᠴᠦ᠂ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠥᠪᠡᠷ ᠢ᠋ ᠪᠡᠨ ᠲᠤᠰᠢᠶᠠᠨ ᠥᠭᠴᠦ᠁ ᠬᠣᠶᠠᠭᠤᠯᠠ ᠪᠠᠨ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ᠂ ᠨᠡᠯᠢᠶᠡᠳ ᠪᠣᠳᠣᠯᠭᠠᠰᠢᠷᠠᠨ ᠰᠠᠭᠤᠲᠠᠯᠠ ᠵᠠᠯᠮᠠ᠄
— ᠡᠵᠡᠳ ᠥᠨᠥᠳᠥᠷ ᠢᠷᠡᠬᠦ ᠦᠭᠡᠢ᠃ ᠬᠠᠷᠢᠨ ᠴᠢ ᠪᠢᠳᠡ ᠬᠣᠶᠠᠷ ᠡᠵᠡᠨ ᠪᠣᠯᠵᠤ᠂ ᠨᠥᠬᠥᠳ ᠴᠡᠷᠢᠭ ᠦ᠋ᠳ ᠢᠷᠡᠨᠡ᠃ ᠪᠢᠳᠡ ᠬᠣᠶᠠᠷ ᠰᠤᠷᠭᠠᠭᠤᠯᠢ ᠶᠠᠪᠤᠭᠤᠯᠤᠨᠠ᠃ ᠲᠡᠳᠡ ᠪᠠᠢᠬᠤ ᠦᠭᠡᠢ ᠭᠡᠳ ᠳᠤᠲᠠᠬᠤ ᠶᠠᠭᠤᠮᠠ ᠦᠭᠡᠢ᠃ ᠪᠦᠬᠦ ᠶᠠᠭᠤᠮᠠ ᠪᠣᠯᠵᠤ ᠪᠠᠢᠭᠠ᠃ ᠬᠠᠷᠢᠨ ᠥᠨᠥᠳᠥᠷ ᠴᠢ ᠪᠢᠳᠡ ᠬᠣᠣᠰ ᠮᠣᠷᠢ ᠶᠠᠭᠠᠬᠢᠵᠤ ᠡᠳ᠋ᠯᠡᠬᠦ ᠰᠤᠷᠭᠠᠭᠤᠯᠢ ᠬᠢᠨᠡ᠃ ᠲᠡᠳᠡ ᠪᠦᠭᠦᠳᠡ ᠬᠣᠣᠰ ᠮᠣᠷᠢᠲᠠᠢ ᠢᠷᠡᠨᠡ ᠭᠡᠯᠡ᠃