ᠬᠥᠯᠥᠭ ᠪᠠᠭᠠᠲᠤᠷ ᠪᠤᠭᠤᠷᠴᠢ - ᠪ᠂ ᠦᠯᠵᠡᠢᠰᠦ᠋ᠷᠦᠩ <ᠲᠡᠷᠢᠭᠦᠨ ᠪᠦᠯᠦᠭ - ᠠᠷᠪᠠ> Хүлэг баатар буурч - Б. Өлзийсүрэн <Тэргүүн бүлэг-10>
49ᠬᠣᠷᠸᠠ ᠲᠠᠢ ᠤᠴᠠᠷᠠᠨ ᠲᠠᠨᠢᠯᠴᠠᠵᠤ ᠪᠠᠶᠠᠷ ᠭᠤᠨᠢᠭ ᠠᠮᠰᠠᠭᠰᠠᠨ ᠲᠡᠷᠢᠭᠦᠨ ᠪᠦᠯᠦᠭ
ᠠᠷᠪᠠ
ᠠᠷᠪᠠ
ᠮᠢᠩᠭᠠᠨ ᠤ᠋ ᠮᠠᠩᠯᠠᠢ ᠶᠡᠬᠡ ᠴᠢᠩᠭᠢᠰ ᠬᠠᠭᠠᠨ᠂
ᠮᠠᠨ ᠤ᠋ ᠨᠤᠲᠤᠭ ᠢ᠋ᠶ᠋ᠠᠷ ᠶᠠᠪᠤᠭᠰᠠᠨ ᠮᠥᠷ ᠲᠣᠳᠣ
ᠨᠠᠷᠠᠨ ᠬᠠᠷᠠᠬᠠᠨ ᠮᠠᠨᠳᠤᠭᠠᠳᠤᠢ᠂ ᠨᠠᠷᠠᠨ ᠤ᠋ ᠰᠢᠷᠭᠠᠯ ᠲᠤᠶᠠᠭᠠ ᠭᠡᠢᠵᠦ᠂ ᠲᠡᠨᠢᠭᠦᠨ ᠬᠥᠨᠳᠡᠢ᠂ ᠲᠡᠷᠡ ᠡᠨᠡ ᠠᠭᠤᠯᠠᠰ ᠲᠠᠨᠢᠭᠳᠠᠨ ᠥᠩᠭᠡ ᠵᠢᠰᠦ ᠨᠢ ᠢᠯᠭᠠᠷᠠᠬᠤ ᠦᠭᠡᠢ ᠯᠤᠭᠠ ᠳᠤᠮᠳᠠ ᠪᠦᠷᠢᠳᠦ ᠶ᠋ᠢᠨ ᠵᠡᠭᠦᠬᠡᠨ ᠨᠥᠭᠡᠯᠭᠡ ᠶ᠋ᠢᠨ ᠲᠣᠯᠣᠭᠠᠢ ᠶ᠋ᠢᠨ ᠠᠷᠤ ᠳ᠋ᠤ᠌ ᠨᠤᠲᠤᠭᠯᠠᠨ ᠪᠦᠬᠦᠢ ᠳᠠᠯᠠ ᠨᠠᠬᠤ ᠶ᠋ᠢᠨ ᠬᠢ ᠬᠣᠯᠠ ᠶ᠋ᠢᠨ ᠵᠣᠴᠢᠨ ᠢ᠋ᠶ᠋ᠠᠨ ᠦᠳᠡᠨ ᠪᠣᠷᠪᠢᠨ ᠳ᠋ᠤ᠌ ᠬᠢᠭᠰᠡᠨ ᠠᠢᠷᠠᠭ᠂ ᠪᠣᠷᠣᠬᠠᠨ ᠤᠭᠤᠲᠠᠨ ᠳ᠋ᠤ᠌ ᠬᠢᠭᠰᠡᠨ ᠳᠠᠬᠤᠯᠠᠢ ᠬᠤᠷᠠᠭᠠᠨ ᠤ᠋ ᠤᠲᠤᠵᠤ ᠰᠢᠷᠠᠭᠰᠠᠨ ᠮᠢᠬᠠᠨ ᠬᠦᠨᠡᠰᠦ ᠪᠡᠨ ᠭᠠᠨᠵᠤᠭᠠᠯᠠᠭᠤᠯᠤᠨ᠂ ᠢᠷᠦᠭᠡᠯ ᠪᠡᠯᠭᠡ ᠲᠡᠢ ᠦᠭᠡ ᠬᠡᠯᠡᠵᠦ ᠨᠠᠬᠤ ᠡᠴᠢᠭᠡ ᠠᠯᠲᠠᠵᠢᠨ ᠡᠬᠡ ᠬᠣᠶᠠᠷ ᠮᠣᠷᠳᠠᠭᠤᠯᠪᠠ᠃ ᠨᠠᠬᠤ ᠡᠴᠢᠭᠡ᠄
— ᠬᠣᠶᠠᠷ ᠵᠠᠯᠠᠭᠤᠰ ᠡᠭᠦᠨ ᠡᠴᠡ ᠬᠣᠢᠰᠢ ᠰᠠᠢᠬᠠᠨ ᠨᠥᠬᠥᠷᠯᠡ! ᠪᠡᠶᠡ ᠪᠡᠶᠡ ᠪᠡᠨ ᠪᠢᠲᠡᠭᠡᠢ ᠣᠷᠭᠢ! ᠭᠡᠮᠡᠨ ᠵᠠᠬᠢᠪᠠ᠃
ᠪᠣᠭᠤᠷᠴᠢ ᠨᠥᠬᠥᠷ ᠢ᠋ᠶ᠋ᠡᠨ ᠭᠠᠷᠭᠠᠵᠤ ᠥᠭᠬᠦ᠂ ᠠᠳᠤᠭᠤ ᠪᠠᠨ ᠴᠤᠭᠯᠠᠭᠤᠯᠵᠤ ᠢᠷᠡᠬᠦ ᠠᠵᠢᠯ ᠢ᠋ᠶ᠋ᠠᠷ ᠬᠠᠮᠲᠤ ᠮᠣᠷᠳᠠᠨ ᠭᠣᠣᠯ ᠭᠠᠷᠤᠨ ᠴᠡᠴᠡ ᠶ᠋ᠢᠨ ᠠᠷᠤ ᠪᠠᠷ ᠳᠠᠪᠬᠢᠨ ᠵᠢᠷᠢᠢᠨ ᠲᠤᠷᠢᠨ ᠠᠯᠠᠭᠠ ᠪᠣᠯᠪᠠ᠃ ᠲᠡᠳᠡ ᠬᠠᠨᠠᠩ ᠤ᠋ᠨ ᠬᠠᠷᠠ ᠠᠭᠤᠯᠠᠰ ᠳᠤᠮᠳᠠᠭᠤᠷ ᠲᠠᠷᠬᠠᠭᠰᠠᠨ ᠠᠳᠤᠭᠤ ᠪᠠᠨ ᠬᠤᠷᠢᠶᠠᠵᠤ᠂ ᠨᠠᠢ᠍ᠮᠠᠨ ᠰᠢᠷᠭᠠ ᠶ᠋ᠢ ᠪᠠᠷᠠᠭᠤᠨ ᠬᠣᠢᠰᠢ ᠰᠠᠯᠭᠠᠵᠤ ᠬᠠᠨᠠᠩ ᠤ᠋ᠨ ᠥᠨᠳᠥᠷᠯᠢᠭ ᠲᠦ᠍ ᠭᠠᠷᠬᠤ ᠳ᠋ᠤ᠌ ᠨᠠᠷᠠᠨ ᠨᠡᠯᠢᠶᠡᠳ ᠳᠡᠭᠡᠭᠰᠢ ᠬᠥᠭᠡᠷᠴᠦ ᠠᠯᠤᠰ ᠤ᠋ᠨ ᠠᠯᠤᠰ ᠲᠤ᠌ ᠵᠡᠭᠦᠨ ᠬᠣᠢᠲᠤ᠂ ᠵᠡᠭᠦᠨ ᠵᠦᠭ ᠲᠦ᠍ ᠬᠠᠷᠠ ᠡᠭᠦᠯᠡᠰ ᠭᠠᠷᠴᠤ ᠪᠣᠷᠣᠭᠠ ᠴᠤ᠌ ᠣᠷᠣᠵᠤ ᠪᠣᠯᠵᠣᠰᠢ ᠦᠭᠡᠢ᠃ ᠭᠡᠬᠦ ᠳ᠋ᠡᠭᠡᠨ ᠲᠡᠮᠦᠵᠢᠨ ᠶᠠᠪᠤᠬᠤ ᠵᠦᠭ ᠡᠴᠡ ᠡᠰᠡᠬᠦ ᠲᠡᠰᠢ ᠲᠤᠯᠠ ᠪᠣᠷᠣᠭᠠ ᠣᠷᠣᠬᠤ ᠦᠭᠡᠢ ᠪᠣᠯᠪᠠᠤ ᠭᠡᠯᠴᠡᠨᠡ᠃
ᠥᠨᠳᠥᠷᠯᠢᠭ ᠳᠡᠭᠡᠷᠡ ᠡᠴᠡ ᠠᠷᠤᠯᠠᠳ ᠨᠤᠲᠤᠭ ᠢ᠋ ᠠᠯᠤᠰ ᠳᠠᠰᠢ ᠵᠢᠱᠶ᠋ᠴᠢᠯᠡᠨ ᠨᠡᠷᠡᠯᠡᠵᠦ ᠪᠣᠯᠬᠤ ᠪᠠᠷ ᠠᠵᠤᠭᠤ᠃ ᠪᠣᠭᠤᠷᠴᠢ᠄
— ᠮᠢᠨᠦ ᠨᠤᠲᠤᠭ ᠤ᠋ᠨ ᠭᠣᠣᠯ ᠲᠠᠬᠢᠯᠭᠠᠲᠤ ᠰᠢᠲᠦᠭᠡᠨ ᠠᠭᠤᠯᠠ ᠲᠡᠷᠡ ᠵᠡᠭᠦᠨ ᠬᠣᠢᠲᠤ ᠲᠤᠭᠤᠯᠭᠠ ᠠᠭᠤᠯᠠ᠃ ᠨᠠᠭᠠᠨᠠ ᠠ᠋ᠴᠠ ᠪᠠᠨ ᠵᠢᠵᠢᠭᠬᠡᠨ ᠶᠦᠮ ᠰᠢᠭ ᠬᠠᠷᠠᠭᠳᠠᠪᠠᠴᠤ ᠠᠷᠤ ᠠ᠋ᠴᠠ ᠪᠠᠨ ᠵᠢᠷᠦᠬᠡᠨ ᠬᠡᠯᠪᠡᠷᠢᠲᠡᠢ ᠮᠣᠳᠣ ᠲᠠᠢ ᠲᠣᠮᠣ ᠠᠭᠤᠯᠠ᠃ ᠡᠨᠡ ᠪᠠᠷᠠᠭᠤᠨ ᠬᠣᠢᠲᠤ ᠲᠦᠩᠬᠦᠭᠡᠷ ᠠᠭᠤᠯᠠ ᠪᠣᠯ ᠪᠠᠲᠤ ᠥᠯᠵᠡᠢᠲᠦ᠂ ᠭᠣᠣᠯ ᠤ᠋ᠨ ᠵᠡᠭᠦᠨ ᠠᠷᠵᠠᠭᠠᠷ ᠪᠠᠷᠵᠠᠭᠠᠷ ᠬᠠᠳᠠᠲᠤ ᠠᠭᠤᠯᠠ ᠪᠣᠯ ᠳᠡᠯᠭᠡᠷ ᠥᠯᠵᠡᠢᠲᠦ᠂ ᠡᠨᠡ ᠭᠤᠷᠪᠠ ᠶ᠋ᠢ ᠨᠡᠢᠲᠡ ᠪᠡᠷ ᠢ᠋ᠶ᠋ᠡᠨ ᠭᠣᠣᠯᠯᠠᠨ ᠳᠠᠬᠢᠳᠠᠭ᠃ ᠡᠨᠳᠡ ᠲᠡᠨᠳᠡ ᠨᠤᠲᠤᠭ ᠤᠰᠤᠨ ᠳ᠋ᠤ᠌ ᠳᠠᠬᠢᠳᠠᠭ ᠠᠭᠤᠯᠠ ᠣᠯᠠᠨ᠃ ᠵᠤᠨ ᠤ᠋ ᠠᠳᠠᠭ ᠰᠠᠷᠠ ᠳ᠋ᠤ᠌ ᠲᠠᠬᠢᠯᠭᠠ ᠬᠢᠳᠡᠭ᠃ ᠮᠠᠨᠠᠢᠬᠢ ᠪᠣᠯ ᠲᠤᠭᠤᠯᠭᠠ ᠠᠭᠤᠯᠠᠨ ᠳ᠋ᠤ᠌ ᠭᠠᠷᠳᠠᠭ᠃ ᠠᠭᠤᠯᠠ ᠠᠭᠤᠯᠠᠨ ᠳ᠋ᠠᠭᠠᠨ ᠥᠷᠯᠥᠭᠡ ᠨᠠᠷᠠ ᠪᠢᠲᠡᠭᠦᠦ ᠪᠡᠷ ᠭᠠᠷᠴᠤ᠂ ᠪᠥᠬᠡ ᠵᠠᠢᠷᠠᠩ ᠪᠥᠬᠡᠯᠡᠵᠦ᠂ ᠠᠭᠤᠯᠠᠨ ᠠ᠋ᠴᠠ ᠪᠠᠭᠤᠵᠤ᠂ ᠡᠨᠡ ᠭᠣᠣᠯ ᠤ᠋ᠨ ᠵᠡᠭᠦᠨ ᠬᠥᠨᠳᠡᠢ ᠳ᠋ᠦ᠍ ᠡᠷᠡ ᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠢ᠋ᠶ᠋ᠠᠨ ᠬᠢᠳᠡᠭ ᠭᠡᠵᠦ ᠨᠤᠲᠤᠭ ᠣᠷᠣᠨ ᠢ᠋ᠶ᠋ᠠᠨ ᠨᠠᠢᠵᠠ ᠨᠥᠬᠥᠷ ᠲᠡᠭᠡᠨ ᠲᠠᠨᠢᠯᠴᠠᠭᠤᠯᠪᠠ᠃
ᠳᠣᠲᠣᠨᠣ ᠰᠠᠢᠨ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ ᠶᠠᠷᠢᠶᠠ ᠶ᠋ᠢ ᠠᠩᠬᠠᠷᠤᠯᠲᠠᠢ ᠰᠣᠨᠣᠰᠴᠤ ᠰᠠᠭᠤᠭᠰᠠᠨ ᠲᠡᠮᠦᠵᠢᠨ᠄
— ᠠᠷᠤᠯᠠᠳ ᠭᠡᠵᠦ ᠲᠠᠨᠠᠢᠬᠢᠨ ᠤ᠋ ᠣᠪᠣᠭ ᠣᠮᠣᠭ ᠶᠠᠮᠠᠷ ᠤᠴᠢᠷᠲᠠᠢ ᠶᠤᠮ ᠪᠣᠢ? ᠴᠢ ᠮᠡᠳᠡᠬᠦ ᠤᠤ? ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌ ᠪᠣᠭᠤᠷᠴᠢ:
— ᠴᠠᠳᠵᠢᠨ ᠣᠷᠳᠠᠭᠠᠢ ᠭᠡᠵᠦ ᠡᠷᠲᠡ ᠴᠠᠭ ᠲᠤ᠌ ᠨᠢᠭᠡ ᠲᠣᠮᠣ ᠨᠣᠶᠠᠨ ᠪᠠᠢᠵᠤ᠂ ᠲᠡᠷᠡ ᠪᠡᠷ ᠣᠷᠨᠠᠷ᠂ ᠬᠣᠩᠬᠣᠳᠠᠨ᠂ ᠠᠷᠤᠯᠠᠳ᠂ ᠰᠥᠨᠢᠳ᠂ ᠬᠠᠪᠳᠠᠷᠭᠠᠰ᠂ ᠬᠠᠨᠢᠬᠢᠰ ᠬᠡᠮᠡᠬᠦ ᠵᠢᠷᠭᠤᠭᠠᠨ ᠬᠦᠦ ᠲᠡᠢ ᠪᠠᠢᠭᠰᠠᠨ ᠤ᠋ ᠠᠷᠤᠯᠠᠳ ᠤ᠋ᠨ ᠤᠳᠤᠮ ᠮᠠᠨᠠᠢᠬᠢ ᠶᠤᠮ ᠭᠡᠨᠡ ᠯᠡ ᠭᠡᠪᠡ᠃
— ᠠ᠂ ᠮᠥᠨ᠂ ᠲᠡᠭᠡᠪᠡᠯ ᠡᠷᠲᠡᠨ ᠦ᠌ ᠢᠵᠠᠭᠤᠷᠲᠠᠨ ᠤ᠋ ᠤᠳᠤᠮ ᠶᠤᠮ ᠪᠠᠢᠨᠠ᠃ ᠤᠭ ᠲᠠᠭᠠᠨ ᠪᠣᠳᠣᠨᠴᠠᠷ ᠪᠣᠭᠳᠠ ᠠ᠋ᠴᠠ ᠬᠥᠭᠡᠭᠡᠪᠡᠯ ᠲᠠᠪᠤᠳᠠᠬᠢ ᠦᠶᠡ ᠶ᠋ᠢᠨ ᠬᠠᠢᠳᠣ ᠬᠠᠨ ᠭᠡᠵᠦ ᠪᠠᠢᠭᠰᠠᠨ᠃ ᠲᠡᠷᠡ ᠨᠢ ᠪᠠᠢᠰᠢᠩᠬᠣᠷ ᠳᠣᠭᠰᠢᠨ᠂ ᠴᠢᠷᠬᠠᠢ ᠯᠢᠩᠬᠤᠠ᠂ ᠴᠠᠳᠵᠢᠨ ᠤᠷᠳᠠᠭᠠᠢ ᠭᠤᠷᠪᠠᠨ ᠬᠥᠪᠡᠭᠦᠨ ᠲᠡᠢ ᠪᠠᠢᠭᠰᠠᠨ ᠶᠤᠮ ᠭᠡᠨᠡ ᠯᠡ᠃ ᠮᠠᠨ ᠤ᠋ ᠪᠣᠷᠵᠢᠭᠢᠨ ᠪᠣᠯ ᠨᠠᠮᠠ ᠶ᠋ᠢ ᠬᠦᠷᠴᠦ ᠢᠷᠡᠲᠡᠯᠡ ᠪᠣᠲᠠᠨᠴᠠᠷ ᠠ᠋ᠴᠠ ᠠᠷᠪᠠᠨ ᠦᠶᠡ᠂ ᠬᠠᠢᠳᠣ ᠠ᠋ᠴᠠ ᠳᠣᠯᠣᠭᠠᠨ ᠦᠶᠡ ᠶᠦᠮ᠃ ᠲᠠᠨ ᠤ᠋ ᠣᠪᠣᠭ ᠪᠣᠷᠵᠢᠭᠢᠨ ᠠ᠋ᠴᠠ ᠰᠠᠯᠤᠭᠠᠳ ᠶᠠᠪᠤᠴᠢᠬᠠᠭᠰᠠᠨ ᠠ᠋ᠴᠠ ᠪᠢᠰᠢ᠂ ᠤᠭ ᠲᠠᠭᠠᠨ ᠪᠣᠯ ᠨᠢᠭᠡᠯᠡ ᠤᠳᠤᠮ ᠶᠤᠮ ᠪᠠᠢᠨᠠ᠃ ᠴᠢᠨᠦ ᠲᠦᠷᠦᠭᠦᠦ ᠬᠡᠯᠡᠳᠡᠭ ᠬᠣᠩᠬᠣᠳᠠᠨ ᠤ᠋ ᠬᠦᠦ ᠴᠢᠷᠬᠠ ᠭᠡᠵᠦ ᠨᠠᠰᠤᠲᠠᠢ ᠡᠪᠦᠭᠡᠨ ᠨᠠᠮᠠ ᠶ᠋ᠢ ᠪᠠᠭᠠ ᠪᠠᠢᠬᠤ ᠳ᠋ᠤ᠌ ᠮᠠᠨᠠᠢᠬᠢᠨ ᠳ᠋ᠤ᠌ ᠪᠠᠢᠭᠰᠠᠨ᠃ ᠲᠡᠭᠦᠨ ᠦ᠌ ᠬᠥᠪᠡᠭᠦᠨ ᠮᠡᠩᠯᠡᠭ ᠮᠠᠨ ᠤ᠋ ᠠᠪᠤ ᠶ᠋ᠢᠨ ᠰᠢᠳᠠᠷ ᠬᠥᠮᠦᠨ ᠪᠠᠢᠵᠤ᠂ ᠪᠢᠳᠡ《ᠮᠡᠩᠯᠡᠭ ᠠᠪᠤ》 ᠭᠡᠳᠡᠭ ᠶᠦᠮ᠃ ᠲᠡᠷᠡ ᠴᠢᠷᠬᠠ ᠡᠪᠦᠭᠡᠨ ᠲᠠᠢᠴᠢᠭᠤᠳ ᠮᠠᠨᠠᠢᠬᠢ ᠶ᠋ᠢ ᠬᠠᠶᠠᠵᠤ ᠨᠡᠭᠦᠬᠦ ᠳ᠋ᠦ᠍ ᠲᠡᠳᠡᠨ ᠢ᠋ ᠪᠤᠴᠠᠭᠠᠬᠤ ᠭᠡᠵᠦ ᠣᠴᠢᠭᠠᠳ ᠵᠢᠳᠠᠯᠠᠭᠤᠯᠵᠤ ᠨᠠᠰᠤ ᠪᠠᠷᠠᠭᠰᠠᠨ ᠢ᠋ ᠪᠢ ᠰᠠᠢᠨ ᠮᠡᠳᠡᠨᠡ᠃ ᠪᠢ ᠲᠠᠢᠴᠢᠭᠤᠳ ᠤ᠋ᠨ ᠲᠣᠯᠣᠭᠠᠢᠯᠠᠭᠴᠢ ᠠᠮᠪᠠᠭᠠᠢ ᠬᠠᠭᠠᠨ ᠤ᠋ ᠠᠴᠢ ᠲᠠᠷᠭᠤᠲᠠᠢ ᠬᠢᠷᠢᠯᠳᠣᠭ ᠲᠠᠢ ᠲᠣᠭᠠᠴᠠᠭᠠᠲᠠᠢ᠃ ᠲᠡᠷᠡ ᠴᠠᠭ ᠲᠤ᠌ ᠴᠢᠮᠠᠶ᠋ᠢ ᠳᠠᠭᠤᠳᠠᠨᠠ᠃ ᠴᠢ ᠪᠢᠳᠡ ᠬᠣᠶᠠᠷ ᠡᠨᠡ ᠥᠨᠳᠥᠷ ᠳᠠᠪᠠᠭᠠᠨ ᠳᠡᠭᠡᠷᠡ ᠶᠠᠷᠢᠭᠠᠳ ᠰᠠᠭᠤᠵᠤ ᠪᠠᠢᠵᠤ ᠪᠣᠯᠬᠤ ᠦᠭᠡᠢ᠃ ᠰᠠᠯᠤᠶᠠ ᠭᠡᠵᠦ ᠰᠠᠯᠤᠭᠠ ᠦᠭᠡᠢ ᠰᠠᠯᠠᠭᠠ ᠵᠠᠮ ᠤ᠋ᠨ ᠡᠷᠬᠡ ᠪᠡᠷ ᠰᠠᠯᠤᠶᠠ ᠭᠡᠵᠦ ᠲᠡᠮᠦᠵᠢᠨ ᠪᠣᠰᠴᠤ ᠪᠣᠭᠤᠷᠴᠢ ᠶ᠋ᠢ ᠲᠡᠪᠡᠷᠢᠭᠡᠳ᠄
— ᠨᠠᠬᠤ ᠠᠪᠤ《ᠬᠣᠶᠠᠷ ᠵᠠᠯᠠᠭᠤᠰ ᠨᠥᠬᠥᠷᠯᠡ᠂ ᠪᠡᠶᠡ ᠪᠡᠶᠡ ᠪᠡᠨ ᠪᠤᠤ ᠣᠷᠭᠢ》 ᠭᠡᠰᠡᠨ ᠶᠣᠰᠣᠭᠠᠷ ᠬᠣᠶᠠᠭᠤᠯᠠ ᠬᠣᠢᠰᠢᠳᠠ ᠪᠠᠲᠤ ᠪᠡᠬᠢ ᠶᠠᠪᠤᠶᠠ᠃ ᠪᠢ ᠴᠢᠮᠠᠶ᠋ᠢ ᠶ᠋ᠢ ᠳᠠᠭᠤᠳᠠᠨᠠ ᠭᠡᠳ ᠬᠣᠶᠠᠭᠤᠯᠠ ᠮᠣᠷᠢᠨ ᠳ᠋ᠠᠭᠠᠨ ᠮᠣᠷᠢᠲᠠᠨ ᠬᠣᠶᠠᠷ ᠳᠠᠰᠢ ᠶᠠᠪᠤᠬᠤ ᠳ᠋ᠤ᠌ ᠲᠡᠷᠡᠬᠡᠨ ᠳᠣᠣᠷᠠ ᠲᠣᠯᠣᠭᠠᠢ ᠨᠢ ᠱᠣᠪᠣᠯᠵᠠᠭᠠᠳ ᠪᠡᠶᠡ ᠪᠡᠶᠡ ᠪᠡᠨ ᠬᠠᠷᠠᠬᠤ ᠦᠭᠡᠢ ᠪᠣᠯᠪᠠ᠃ ᠡᠢᠮᠦ ᠨᠢᠭᠡ ᠤᠴᠠᠷᠠᠯ ᠣᠳᠣ ᠠ᠋ᠴᠠ 828 ᠵᠢᠯ ᠦ᠋ᠨ ᠲᠡᠷᠲᠡᠭᠡ ᠬᠡᠨᠲᠡᠢ ᠠᠢᠮᠠᠭ ᠤ᠋ᠨ ᠪᠠᠲᠤᠨᠣᠷᠪᠤ ᠰᠤᠮᠤ ᠶ᠋ᠢᠨ ᠨᠤᠲᠤᠭ ᠲᠤ᠌ ᠪᠣᠯᠵᠠᠢ᠃
ᠨᠠᠢ᠍ᠮᠠᠨ ᠰᠢᠷᠬᠠ ᠪᠠᠨ ᠨᠡᠬᠡᠨ ᠬᠥᠭᠡᠭᠡᠵᠦ ᠶᠠᠪᠤᠭᠠᠳ
ᠨᠠᠬᠤ ᠪᠠᠶᠠᠨ ᠤ᠋ ᠬᠦᠦ ᠴᠢᠮᠠᠳᠠᠢ ᠤᠴᠠᠷᠠᠭᠰᠠᠨ ᠮᠢᠨᠦ
ᠨᠠᠳᠠᠳᠤ ᠵᠠᠶᠠᠭᠠᠭᠰᠠᠨ ᠠᠩᠬᠠᠨ ᠤ᠋ ᠠᠨᠳᠠ ᠨᠥᠬᠥᠷ ᠪᠤᠶᠤ
ᠨᠠᠷᠮᠠᠢ ᠶᠡᠬᠡ ᠤᠯᠤᠰ ᠢ᠋ ᠵᠤᠬᠢᠶᠠᠯᠴᠠᠬᠠᠰᠠᠨ ᠪᠠᠭᠠᠲᠤᠷ ᠮᠢᠨᠦ
ᠨᠠᠷᠠᠨ ᠤᠷᠭᠤᠬᠤ ᠰᠠᠴᠠᠭᠤ ᠴᠢᠮᠠᠳᠠᠢ ᠤᠴᠠᠷᠠᠬᠤᠢ
ᠨᠠᠢ᠍ᠮᠠᠨ ᠰᠢᠷᠬᠠ ᠶ᠋ᠢᠨ ᠮᠢᠨᠢ ᠰᠤᠷᠠᠭ ᠢ᠋ ᠬᠡᠯᠡᠵᠦ
ᠬᠦᠬᠦᠷ ᠢ᠋ᠶ᠋ᠡᠨ ᠡᠪᠬᠡᠵᠦ ᠲᠠᠯᠪᠢᠭᠠᠳ ᠨᠠᠮᠠ ᠶ᠋ᠢ ᠳᠠᠭᠠᠬᠤᠢ
ᠨᠥᠬᠥᠷ ᠮᠢᠨᠢ ᠴᠢ ᠶᠠᠭᠤ ᠪᠣᠳᠣᠵᠤ ᠶᠠᠪᠤᠭᠰᠠᠨ ᠪᠣᠢ?
ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠤᠨ ᠤ᠋ ᠠᠩᠬᠠᠨ ᠤ᠋ ᠠᠨᠳᠠ ᠮᠢᠨᠦ
ᠠᠯᠳᠠᠷᠠᠢᠬᠠᠨ ᠵᠣᠯᠪᠠᠷᠢᠬᠠᠨ ᠶᠠᠪᠤᠵᠤ ᠪᠢᠯᠡ
ᠠᠩᠬᠠ ᠪᠤᠭᠤᠷᠴᠢ᠂ ᠵᠠᠯᠠᠮᠠ ᠬᠣᠶᠠᠷ ᠠ᠋ᠴᠠ ᠥᠭᠡᠷᠡ ᠬᠡᠨ ᠪᠠᠢᠯᠠ?
ᠠᠬᠤ ᠲᠥᠷᠥ ᠶ᠋ᠢ ᠪᠣᠰᠬᠠᠯᠴᠠᠭᠰᠠᠨ ᠲᠠ ᠬᠣᠶᠠᠷ ᠮᠢᠨᠦ
ᠨᠠᠢ᠍ᠮᠠᠨ ᠵᠠᠭᠤᠨ ᠵᠢᠯ ᠦ᠋ᠨ ᠲᠡᠷᠲᠡᠭᠡ
ᠨᠠᠷᠠᠨ ᠤᠷᠭᠤᠭᠰᠠᠨ ᠬᠦᠬᠦᠷ ᠦ᠋ᠨ ᠲᠠᠯᠠ ᠮᠢᠨᠦ
ᠨᠠᠬᠤ ᠪᠠᠶᠠᠨ ᠤ᠋ ᠨᠤᠲᠤᠭᠯᠠᠵᠤ ᠪᠠᠢᠭᠰᠠᠨ
ᠨᠠᠷᠠᠯᠠᠭ ᠬᠥᠨᠳᠡᠢ ᠬᠦᠬᠦᠷ ᠦ᠋ᠨ ᠲᠠᠯᠠ ᠮᠢᠨᠦ
ᠮᠢᠩᠭᠠᠨ ᠤ᠋ ᠮᠠᠩᠯᠠᠢ ᠶᠡᠬᠡ ᠴᠢᠩᠭᠢᠰ ᠬᠠᠭᠠᠨ
ᠮᠠᠨ ᠤ᠋ ᠨᠤᠲᠤᠭ ᠢ᠋ᠶ᠋ᠠᠷ ᠶᠠᠪᠤᠵᠤ ᠥᠩᠭᠡᠷᠡᠭᠰᠡᠨ ᠮᠥᠷ ᠪᠤᠶᠤ
ᠬᠦᠬᠦᠷ ᠢ᠋ᠶ᠋ᠡᠨ ᠡᠪᠬᠡᠵᠦ ᠲᠠᠯᠪᠢᠭᠰᠠᠨ ᠪᠣᠭᠤᠷᠴᠢ ᠶ᠋ᠢᠨ ᠨᠤᠲᠤᠭ
ᠬᠥᠳᠡᠭᠡ ᠶ᠋ᠢᠨ ᠰᠠᠢᠬᠠᠨ ᠲᠠᠩᠰᠤᠭᠬᠠᠨ ᠬᠡᠪ ᠢ᠋ᠶ᠋ᠡᠷ
ᠠᠢᠷᠠᠭ ᠢ᠋ᠶ᠋ᠠᠨ ᠰᠥᠩᠨᠡᠵᠦ ᠤᠤᠭᠤᠭᠠᠳ ᠮᠠᠨᠠᠢᠬᠢᠨ
ᠠᠵᠠᠢ ᠪᠤᠭᠤᠷᠤᠯ ᠲᠠ ᠨᠠᠷ ᠢ᠋ ᠳᠤᠷᠠᠰᠤᠨ ᠳᠠᠭᠤᠯᠠᠨᠠᠮ
ᠲᠡᠮᠦᠵᠢᠨ ᠪᠣᠭᠤᠷᠴᠢ ᠶ᠋ᠢᠨ ᠨᠥᠬᠥᠷᠯᠡᠭᠰᠡᠨ ᠡᠨᠡ ᠨᠤᠲᠤᠭ
ᠲᠡᠷᠲᠡᠭᠡ ᠬᠣᠢᠴᠢ ᠪᠢᠳᠡᠨ ᠦ᠌ ᠡᠵᠡᠩᠨᠡᠭᠰᠡᠨ ᠨᠤᠲᠤᠭ ᠠ᠋!