ᠴᠠᠭ ᠲᠥᠷᠥ ᠶᠢᠨ ᠦᠢᠮᠡᠭᠡᠨ – ᠳ᠋᠂ ᠨᠠᠮᠲᠠᠭ- ᠴᠠᠭ ᠲᠥᠷᠥ ᠶᠢᠨ ᠦᠢᠮᠡᠭᠡᠨ᠂ᠭᠤᠷᠪᠠᠳᠤᠭᠠᠷ ᠪᠦᠯᠦᠭ 〔ᠠᠷᠪᠠᠨ ᠬᠣᠶᠠᠷ〕 Цаг төрийн үймээн – Д ᠂ Намдаг - Цаг төрийн үймээн ᠂ гуравдугаар бүлэг -12
155ᠡᠪᠦᠭᠡᠨ ᠳᠠᠷᠬᠠᠨ ᠤ ᠬᠠᠭᠤᠴᠢ
- ᠣᠮ ᠪᠠᠽᠠᠷ ᠸᠠᠨᠢ ᠡ᠂ ᠡᠷᠲᠡ ᠤᠷᠢᠳᠤ ᠪᠢ ᠵᠠᠯᠠᠭᠤ ᠳ᠋ᠠᠭᠠᠨ ᠡᠷᠳᠡᠨᠢ ᠲᠤᠰᠠᠯᠠᠭᠴᠢ ᠶ᠋ᠢᠨ ᠭᠠᠯᠳᠠᠨ ᠲᠠᠢᠵᠢ ᠭᠡᠭᠴᠢ ᠲᠡᠢ ᠠᠷᠠᠯᠵᠢᠶᠠ ᠮᠠᠢᠮᠠᠢ ᠶ᠋ᠢᠨ ᠶᠠᠪᠤᠳᠠᠯ ᠳᠡᠭᠡᠷᠡ ᠡᠴᠡ ᠠᠮᠠ ᠮᠤᠷᠤᠢᠵᠤ ᠡᠬᠢᠯᠡᠪᠡ ᠰᠢᠦ᠃ ᠲᠡᠷᠡ ᠮᠠᠨᠢ ᠲᠤᠰᠠᠯᠠᠭᠴᠢ ᠶ᠋ᠢᠨ ᠬᠦᠦ ᠪᠣᠯᠬᠣᠷ ᠡᠷᠬᠡᠲᠡᠨ ᠳᠠᠷᠤᠭᠠᠲᠠᠨ ᠪᠠᠢᠯᠭᠦᠢ ᠶᠠᠭᠠᠬᠢᠬᠤᠪ᠃ ᠲᠡᠭᠦᠪᠡᠷ ᠢ᠋ᠶ᠋ᠡᠨ ᠰᠦᠷ ᠳᠠᠯᠠᠢᠯᠭᠠᠨ ᠰᠦᠷᠡᠬᠡᠢ ᠬᠤᠷᠳᠤᠨ ᠮᠣᠷᠢᠨ ᠳ᠋ᠤ᠌ ᠮᠢᠨᠢ ᠰᠢᠨᠤᠬᠠᠢᠷᠠᠨ ᠦᠨᠡ ᠬᠠᠢᠷᠠᠯᠠᠬᠤ ᠦᠭᠡᠢ ᠭᠡᠵᠦ ᠠᠪᠤᠭᠠᠳ ᠠᠳᠠᠭ ᠰᠡᠭᠦᠯ ᠳ᠋ᠦ᠍ᠨᠢ ᠯᠣᠢᠪᠠᠷᠳᠠᠬᠤ ᠭᠡᠵᠦ ᠵᠣᠯᠢᠭ ᠣᠷᠬᠢᠪᠠ᠃ ᠲᠡᠷᠡ ᠴᠠᠭ ᠲᠤ᠌ ᠨᠠᠰᠤ ᠵᠠᠯᠠᠭᠤ᠂ ᠴᠢᠰᠤ ᠰᠢᠩᠭᠡᠨ᠂ ᠬᠣᠢᠴᠢ ᠡᠳᠦᠷ ᠬᠣᠵᠢᠮ ᠤ᠋ᠨ ᠮᠠᠷᠭᠠᠰᠢ ᠶᠠᠭᠤ ᠪᠣᠯᠬᠤ ᠶ᠋ᠢ ᠪᠣᠳᠣᠳᠠᠭ ᠦᠭᠡᠢ ᠴᠦ᠍ ᠴᠠᠭ ᠪᠠᠢᠵᠤ ᠳᠠ᠃ ᠵᠣᠳᠣᠯᠳᠤᠨ ᠨᠦᠳᠦᠯᠳᠡᠬᠦ ᠳ᠋ᠦ᠍ ᠬᠦᠷᠦᠯᠡ᠃ ᠤᠭ ᠨᠢ ᠬᠠᠮᠤᠭ ᠬᠡᠷᠡᠭ ᠢ᠋ ᠠᠩᠬᠠ ᠲᠡᠷᠡ ᠥᠳᠥᠭᠡᠭᠰᠡᠨ ᠪᠣᠯᠪᠠᠴᠤ ᠨᠠᠳᠠ ᠵᠣᠳᠣᠭᠤᠯᠤᠭᠰᠠᠨ ᠳ᠋ᠠᠭᠠᠨ ᠬᠣᠷᠣᠰᠤᠨ ᠲᠠᠮᠠᠭᠠ ᠶ᠋ᠢᠨ ᠭᠠᠵᠠᠷ ᠮᠡᠳᠡᠭᠦᠯᠦᠨ᠂ ᠶᠠᠭᠠᠬᠢᠵᠤ ᠰᠣᠶᠳ ᠬᠢᠭᠰᠡᠨ ᠭᠡᠵᠦ ᠰᠠᠨᠠᠨᠠ ᠳᠠ!
- ᠵᠠ ᠲᠡᠭᠡᠭᠡᠳ?
- ᠪᠢ ᠭᠡᠳᠡᠭ ᠢᠵᠠᠭᠤᠷᠲᠠᠨ ᠤ᠋ ᠪᠡᠶᠡ ᠳ᠋ᠦ᠍ ᠬᠠᠯᠳᠠᠭᠰᠠᠨ ᠬᠡᠷᠡᠭ ᠲᠦ᠍ ᠬᠣᠯᠪᠣᠭᠳᠠᠨ ᠬᠣᠩᠭᠣ᠂ ᠬᠠᠴᠠᠷ ᠬᠣᠶᠠᠷ ᠢ᠋ᠶ᠋ᠠᠨ ᠣᠷᠣᠭᠤᠯᠤᠨ ᠠᠮᠢ ᠭᠣᠣᠯ ᠲᠠᠢ ᠯᠠ ᠭᠠᠷᠤᠯᠠ᠃ ᠭᠡᠪᠡᠴᠦ᠂ ᠥᠨᠥᠬᠢ ᠬᠡᠷᠡᠭ ᠲᠡᠭᠡᠭᠡᠳ ᠵᠣᠭᠰᠣᠭᠰᠠᠨ ᠦᠭᠡᠢ᠂ ᠨᠢᠭᠡ ᠮᠡᠳᠡᠬᠦ ᠳ᠋ᠦ᠍ ᠠᠪᠤ ᠶ᠋ᠢᠨ ᠦᠯᠡᠳᠡᠭᠡᠭᠰᠡᠨ ᠵᠢᠭᠠᠯ ᠭᠦᠷᠦᠩᠭᠡᠨ ᠳ᠋ᠦ᠍ ᠠᠯᠪᠠᠨ ᠲᠠᠲᠠᠪᠤᠷᠢ ᠬᠡᠳᠦᠨ ᠳᠠᠪᠬᠤᠷ ᠨᠡᠮᠡᠭᠳᠡᠵᠦ ᠦᠭᠡᠢᠷᠡᠨ ᠬᠣᠭᠣᠰᠣᠷᠠᠬᠤ ᠲᠡᠢᠰᠢ ᠬᠡᠯᠪᠡᠢᠪᠡ ᠰᠢᠦ᠃ ᠡᠨᠡ ᠴᠦ᠍ ᠪᠠᠰᠠ ᠮᠡᠳᠡᠭᠡᠵᠢ ᠶ᠋ᠢᠨ ᠬᠡᠷᠡᠭ᠃ ᠭᠠᠯᠳᠠᠨ ᠲᠠᠢᠵᠢ ᠶ᠋ᠢᠨ ᠬᠢᠬᠠᠭᠤᠷᠠᠯ ᠲᠠᠢ ᠬᠣᠯᠪᠣᠭᠠ ᠲᠠᠢ ᠬᠡᠷᠡᠭ᠃ ᠨᠠᠳᠠ ᠬᠠᠷᠢᠭᠤ ᠲᠡᠮᠡᠴᠡᠬᠦ ᠠᠷᠭᠠ ᠬᠠᠮᠢᠭᠠ ᠠ᠋ᠴᠠ ᠪᠠᠢᠬᠤᠪ ᠳᠠ᠃ ᠵᠦᠢᠯ ᠵᠦᠢᠯ ᠢ᠋ᠶ᠋ᠡᠷ ᠠᠷᠭᠠ ᠤᠬᠠᠭᠠᠨ ᠰᠦᠪᠡᠭᠴᠢᠯᠡᠭᠰᠡᠨ ᠤ ᠡᠴᠦᠰ ᠲᠦ᠍ ᠳᠡᠭᠡᠳᠦ ᠲᠩᠷᠢ ᠶ᠋ᠢᠨ ᠡᠵᠡᠳ᠂ ᠳᠣᠣᠷᠠᠲᠤ ᠭᠠᠵᠠᠷ ᠤ᠋ᠨ ᠯᠤᠤᠰ ᠰᠠᠪᠳᠠᠭ ᠤ᠋ᠳ ᠲᠠᠢ ᠨᠥᠬᠥᠷᠯᠡᠭᠴᠢ ᠪᠥᠬᠡ ᠪᠣᠯᠵᠤ ᠲᠣᠯᠣᠭᠠᠢ ᠳᠡᠭᠡᠷᠡ ᠨᠢ ᠠᠶᠤᠩᠭᠠ ᠪᠠᠭᠤᠯᠭᠠᠬᠤ ᠶᠤᠮ ᠤᠤ᠂ ᠡᠰᠡᠪᠡᠯ ᠬᠣᠭᠣᠯᠠᠢ ᠳ᠋ᠤᠨᠢ ᠬᠣᠯᠪᠣᠭᠣ ᠭᠦᠶᠦᠯᠭᠡᠨ ᠲᠠᠷᠴᠢᠯᠠᠭᠠᠬᠤ ᠶ᠋ᠢ ᠬᠠᠯᠬᠠᠯᠠᠨ ᠪᠣᠳᠣᠯᠠ᠃
- ᠤᠣᠬᠠᠶ ᠲᠠ ᠲᠡᠭᠡᠭᠡᠳ ᠪᠥᠬᠡ ᠪᠣᠯᠬᠤ ᠭᠡᠵᠦ ᠤᠷᠤᠯᠳᠤᠪᠠᠤ?
- ᠣᠷᠣᠯᠳᠣᠬᠤ ᠪᠠᠷ ᠪᠠᠷᠠᠬᠤ ᠤᠤ ᠳᠠ! ᠸᠴᠢᠷ ᠸᠠᠨᠢ ᠡ᠂ ᠨᠢᠭᠡ ᠰᠥᠨᠢ ᠬᠣᠶᠠᠷ ᠰᠠᠢᠨ ᠮᠣᠷᠢ ᠲᠠᠢ ᠭᠡᠷ ᠡᠴᠡ ᠭᠠᠷᠤᠨ᠂ ᠭᠠᠯᠳᠠᠨ ᠤ᠋ ᠭᠠᠳᠠᠭᠠ ᠢᠷᠡᠭᠡᠳ᠂ ᠲᠠᠷᠢᠬᠢᠳᠠᠬᠤ ᠶ᠋ᠢᠨ ᠴᠠᠭᠠᠭᠤᠷ ᠲᠠᠷᠢᠬᠢᠳᠠᠨ᠂ ᠲᠠᠷᠢᠬᠢ ᠳᠡᠭᠡᠷᠡ ᠴᠢᠨᠢ ᠠᠶᠤᠩᠭᠠ ᠪᠠᠭᠤᠯᠭᠠᠬᠤ ᠴᠠᠭ ᠪᠣᠢ ᠳᠠ ᠬᠦ ᠭᠡᠵᠦ ᠭᠡᠷ ᠢ᠋ ᠨᠢ ᠭᠤᠷᠪᠠ ᠲᠠᠰᠢᠭᠤᠷᠳᠠᠵᠤ ᠠᠪᠤᠭᠠᠳ ᠳᠠᠷᠬᠠᠨ ᠣᠷᠢᠶᠠᠩᠬᠠᠨ ᠤ᠋ ᠵᠦᠭ ᠳᠠᠯᠠᠢᠵᠤ ᠥᠭᠪᠡ ᠰᠢᠦ ᠪᠢ ᠴᠢᠨᠢ᠃
- ᠲᠠᠢᠰᠢ ᠶᠠᠪᠤᠬᠤ ᠶ᠋ᠢᠨ ᠤᠴᠢᠷ ᠶᠠᠭᠤ ᠪᠣᠢ?
- ᠠ᠋ ᠬᠦ᠂ ᠲᠡᠨᠳᠡ ᠴᠢᠨᠢ ᠬᠠᠷᠢᠶᠠᠯ ᠬᠢᠬᠦ ᠪᠡᠷ ᠪᠠᠢᠲᠤᠭᠠᠶ ᠭᠢᠯᠠᠢᠬᠤ ᠶ᠋ᠢᠨ ᠲᠡᠳᠦᠢ ᠪᠡᠷ ᠬᠥᠮᠦᠨ ᠦ᠌ ᠠᠭᠤᠰᠬᠢ ᠵᠢᠷᠦᠬᠡ ᠰᠤᠭᠤᠯᠬᠤ ᠬᠡᠴᠡᠭᠦᠦ ᠪᠥᠬᠡ ᠨᠠᠷ ᠲᠠᠢ ᠭᠡᠵᠦ ᠶᠠᠷᠢᠯᠴᠠᠳᠠᠭ ᠪᠠᠢᠭᠰᠠᠨ ᠶᠤᠮ᠃
- ᠲᠡᠭᠡᠭᠡᠳ ᠲᠡᠷᠡ ᠭᠠᠵᠠᠷ ᠬᠦᠷᠴᠦ ᠴᠢᠳᠠᠭᠰᠠᠨ ᠤᠤ?
- ᠴᠢᠳᠠᠬᠤ ᠪᠠᠷ ᠪᠠᠷᠠᠬᠤ ᠤᠤ ᠳᠠ᠃ ᠬᠠᠷᠢᠶᠠᠯᠴᠢᠳ ᠤ᠋ᠨ ᠳᠣᠲᠣᠷᠠ ᠠ᠋ᠴᠠ ᠬᠠᠮᠤᠭ ᠤ᠋ᠨ ᠠᠢᠬᠤᠪᠲᠤᠷ ᠭᠡᠵᠦ ᠴᠤᠤ ᠳ᠋ᠤ᠌ ᠭᠠᠷᠤᠭᠰᠠᠨ ᠲᠡᠮᠦᠷ ᠢᠳᠤᠭᠠᠨ ᠭᠡᠭᠴᠢ ᠳ᠋ᠦ᠍ ᠬᠣᠶᠠᠷ ᠮᠣᠷᠢ ᠪᠠᠨ ᠡᠷᠭᠦᠨ ᠱᠠᠪᠢ ᠪᠣᠯᠬᠤ ᠭᠡᠵᠦ ᠦᠵᠡᠵᠦ ᠡᠰᠡ ᠪᠣᠯᠤᠭᠰᠠᠨ ᠳ᠋ᠤ᠌ ᠲᠥᠷᠥᠭᠦᠯᠦᠭᠰᠡᠨ ᠭᠠᠭᠴᠠ ᠥᠬᠢᠨ ᠲᠡᠢ ᠨᠢ ᠡᠢᠮᠦ ᠲᠡᠢᠮᠦ ᠪᠣᠯᠤᠨ ᠬᠦᠷᠭᠡᠨ ᠣᠷᠣᠬᠤ ᠶ᠋ᠢᠨ ᠬᠦᠴᠦ ᠪᠡᠷ ᠰᠠᠶᠢ ᠱᠠᠪᠢ ᠨᠢ ᠪᠣᠯᠤᠯᠠ᠃ ᠡᠪᠦᠷ ᠲᠡᠭᠡᠨ ᠶᠠᠪᠤᠭᠰᠠᠨ ᠬᠣᠷᠢᠨ ᠲᠠᠪᠤᠨ ᠯᠠᠩ ᠮᠥᠩᠭᠥ ᠪᠡᠷ ᠰᠢᠷᠠ ᠰᠢᠪᠠᠭᠤ ᠶ᠋ᠢᠨ ᠥᠳᠥᠲᠦ ᠮᠠᠯᠠᠭᠠᠢ᠂ ᠠᠷᠤ ᠥᠪᠥᠷ ᠲᠦ᠍ ᠭᠢᠯᠠᠯᠵᠠᠬᠤ ᠲᠣᠯᠢ᠂ ᠵᠦᠭ ᠪᠦᠷᠢ ᠡᠴᠡ ᠤᠨᠵᠢᠭᠤᠯᠬᠤ ᠲᠠᠪᠤᠨ ᠥᠩᠭᠡ ᠶ᠋ᠢᠨ ᠬᠠᠳᠠᠭ᠂ ᠲᠡᠭᠦᠨ ᠡᠴᠡ ᠴᠢᠨᠠᠭᠰᠢᠯᠠᠪᠠᠯ ᠬᠢᠮᠡᠯ ᠮᠥᠷᠲᠡᠭᠡᠨ ᠠᠮᠢᠳᠤ ᠮᠡᠲᠦ ᠭᠡᠨᠡᠳᠲᠡ ᠮᠤᠰᠬᠢᠷᠠᠯᠳᠤᠨ ᠭᠠᠷᠬᠤ ᠮᠣᠭᠠᠢ᠂ ᠪᠠᠰᠠ ᠪᠤᠰᠤᠳ ᠬᠡᠷᠡᠭᠲᠡᠢ ᠪᠦᠬᠦᠨ ᠢ᠋ ᠭᠦᠢᠴᠡᠳᠬᠡᠨ ᠤᠩᠰᠢᠨ ᠳᠠᠭᠤᠳᠠᠳᠠᠭ ᠪᠦᠬᠦᠨ ᠢ᠋ ᠨᠢ ᠴᠦ᠍ ᠪᠠᠰᠠ ᠪᠦᠷᠢᠨ ᠳᠦᠭᠦᠷᠡᠩ ᠴᠡᠭᠡᠵᠢᠯᠡᠵᠦ ᠠᠪᠤᠭᠠᠳ ᠲᠠᠯᠠ ᠬᠡᠩᠭᠡᠷᠭᠡ ᠶ᠋ᠢ ᠲᠠᠪᠤᠨ ᠵᠢᠯ ᠪᠠᠯᠪᠠᠪᠠ ᠰᠢᠦ᠃
- ᠪᠤᠷᠬᠠᠨ ᠮᠢᠨᠢ ᠷᠢᠳᠢ ᠰᠢᠳᠢ ᠭᠡᠳᠡᠭ ᠴᠦ᠍ ᠬᠡᠮᠵᠢᠶᠡ ᠬᠢᠵᠠᠭᠠᠷ ᠦᠭᠡᠢ ᠪᠣᠯᠤᠭᠠ ᠪᠢᠵᠡ?
- ᠲᠡᠷᠡ ᠲᠤᠬᠠᠢ ᠪᠦᠦ ᠳᠤᠷᠠᠰ! ᠰᠦᠰᠦᠭ ᠶᠡᠬᠡᠳᠦᠭᠰᠡᠨ ᠶᠦᠮ ᠤᠤ᠂ ᠰᠡᠳᠬᠢᠯ ᠴᠢᠷᠮᠠᠢᠭᠰᠠᠨ ᠠ᠋ᠴᠠ ᠴᠦ᠍ ᠪᠣᠯᠪᠠ ᠤᠤ ᠦᠶᠡ ᠦᠶᠡ ᠤᠬᠠᠭᠠᠨ ᠠᠯᠳᠠᠬᠤ ᠡᠪᠡᠳᠴᠢᠨ ᠣᠯᠤᠭᠰᠠᠨ ᠠ᠋ᠴᠠ ᠥᠭᠡᠷᠡ ᠶᠠᠭᠤ ᠴᠦ᠍ ᠦᠭᠡᠢ ᠭᠡᠳ ᠴᠠᠭᠠᠰᠢ ᠥᠭᠦᠯᠡᠬᠦ ᠨᠢ᠂ ᠢᠳᠤᠭᠠᠨ ᠪᠥᠬᠡ ᠨᠠᠷ ᠤ᠋ᠨ ᠬᠠᠭᠤᠷᠮᠠᠭ ᠢ᠋ ᠮᠡᠳᠡᠭᠡᠳ ᠲᠡᠨᠳᠡ ᠡᠴᠡ ᠪᠡᠨ ᠵᠠᠢᠯᠠᠨ ᠣᠳᠤᠭᠰᠠᠨ ᠠᠵᠢ᠃ ᠭᠡᠪᠡᠴᠦ ᠪᠤᠷᠬᠠᠨ ᠤ᠋ ᠪᠠᠭᠰᠢ ᠪᠤᠳ᠋ᠳ᠋ᠾᠠ ᠪᠠ ᠪᠣᠭᠳᠠ ᠽᠤᠩᠺᠠᠸᠠ ᠶ᠋ᠢᠨ ᠠᠷᠢᠭᠤᠨ ᠨᠣᠮᠯᠠᠯ ᠤᠨ ᠭᠠᠳᠠᠭᠤᠷ ᠭᠠᠷᠤᠭᠰᠠᠨ ᠵᠤᠲᠠ ᠯᠦᠵᠠᠩ ᠤ᠋ᠨ ᠨᠣᠮ ᠳ᠋ᠤ᠌ ᠬᠥᠮᠦᠨ ᠦ᠌ ᠰᠦᠨᠡᠰᠦ ᠶ᠋ᠢ ᠭᠱᠠᠨ ᠵᠠᠭᠤᠷᠠ ᠶ᠋ᠢᠨ ᠳᠣᠲᠣᠷᠠ ᠡᠷᠯᠢᠭ ᠨᠣᠮᠣᠨ ᠬᠠᠭᠠᠨ ᠤ᠋ ᠳ᠋ᠤ᠌ ᠲᠣᠨᠢᠯᠭᠠᠬᠤ ᠶᠡᠬᠡ ᠴᠢᠳᠠᠯ ᠪᠣᠢ ᠭᠡᠵᠦ ᠬᠡᠯᠡᠨ ᠰᠠᠨᠸᠠᠷᠲᠠᠨ ᠨᠤᠭᠤᠳ ᠤ᠋ᠨ ᠵᠢᠭᠰᠢᠨ ᠵᠢᠪᠡᠭᠦᠴᠢᠳᠡᠭ ᠢ᠋ ᠪᠠᠲᠤᠳᠠ ᠢᠳᠡᠭᠡᠨ ᠲᠡᠭᠦᠨ ᠢ᠋ ᠪᠠᠶᠠᠰᠤᠭᠤᠯᠬᠤ ᠪᠠᠷ ᠰᠢᠢᠳᠦᠯᠠ᠃ ᠬᠠᠯᠬᠠ ᠶ᠋ᠢᠨ ᠲᠠᠮᠠᠭᠠᠲᠤ ᠳᠣᠯᠣᠭᠠᠨ ᠬᠤᠲᠤᠭᠲᠤ ᠶ᠋ᠢᠨ ᠨᠢᠭᠡ ᠪᠣᠯᠬᠤ ᠨᠠᠷᠠ ᠸᠠᠩᠴᠢᠨ ᠭᠡᠭᠡᠨ ᠦ᠌ ᠬᠡᠢᠳ ᠲᠦ᠍ ᠣᠴᠢᠨ ᠡᠭᠡᠯ ᠦᠭᠡᠢ ᠫᠦᠷᠪᠦ ᠭᠡᠳᠡᠭ ᠲᠦ᠍ ᠱᠠᠪᠢ ᠣᠷᠣᠨ ᠵᠤᠲᠠ ᠶ᠋ᠢᠨ ᠨᠣᠮ ᠢ᠋ ᠵᠢᠭᠠᠯᠭᠠᠵᠠᠢ᠃ ᠠᠶᠤᠬᠤ ᠡᠮᠢᠶᠡᠬᠦ ᠰᠡᠵᠢᠭᠯᠡᠬᠦ ᠴᠡᠭᠡᠷᠯᠡᠬᠦ ᠴᠥᠮ ᠢ᠋ ᠮᠠᠷᠲᠠᠨ ᠭᠤᠷᠪᠠᠨ ᠵᠠᠭᠤᠨ ᠪᠤᠯᠠᠭ᠂ ᠭᠤᠷᠪᠠᠨ ᠵᠠᠭᠤᠨ ᠬᠠᠳᠠᠨ ᠬᠣᠰᠢᠭᠤ᠂ ᠭᠤᠷᠪᠠᠨ ᠵᠠᠭᠤᠨ ᠬᠥᠮᠦᠨ ᠤ ᠬᠡᠭᠦᠷ ᠬᠡᠰᠦᠭᠦᠴᠢᠯᠡᠭᠰᠡᠨ ᠢ᠋ᠶ᠋ᠡᠨ ᠶᠠᠷᠢᠵᠠᠢ᠃
- ᠢᠩᠭᠢᠭᠰᠡᠨ ᠡᠴᠡ ᠬᠣᠢᠰᠢ ᠲᠠ ᠥᠰᠢᠶᠡᠲᠡᠨ ᠡᠴᠡ ᠪᠡᠨ ᠥᠰᠢᠶᠡ ᠪᠡᠨ ᠠᠪᠬᠤ ᠲᠠᠢ ᠪᠣᠯᠤᠭᠠ ᠪᠢᠵᠡ ᠳᠡ ?
- ᠳᠠᠩᠴᠤ ᠦᠭᠡᠢ ᠭᠡᠵᠦ ᠳᠠᠷᠬᠠᠨ ᠬᠠᠷᠢᠭᠤᠯᠤᠭᠠᠳ᠂ ᠴᠠᠭᠠᠰᠢ ᠶᠠᠷᠢᠭᠰᠠᠨ ᠨᠢ᠄ ᠢᠩᠭᠢᠵᠦ ᠶᠠᠪᠤᠬᠤ ᠬᠣᠭᠣᠷᠣᠨᠳᠣ ᠨᠢ ᠭᠠᠯᠳᠠᠨ ᠲᠠᠢᠵᠢ ᠬᠤᠰᠢᠭᠤ ᠵᠠᠬᠢᠷᠤᠭᠴᠢ ᠶ᠋ᠢᠨ ᠲᠤᠰᠢᠶᠠᠯ ᠳ᠋ᠤ᠌ ᠲᠠᠪᠰᠢᠭᠰᠠᠨ ᠪᠠᠢᠪᠠ᠃ ᠲᠡᠭᠦᠨ ᠢ ᠨᠢ ᠮᠠᠨ ᠤ᠋ ᠳᠠᠷᠬᠠᠨ ᠳᠠᠮ ᠲᠤᠭᠤᠯᠤᠨ ᠤᠯᠠᠮ ᠢ᠋ᠶ᠋ᠠᠷ ᠬᠣᠷᠣᠰᠤᠨ ᠨᠢᠭᠡ ᠦᠶᠡ ᠳᠡᠮᠡᠢ ᠬᠡᠰᠦᠭᠦᠴᠢᠯᠡᠨ ᠲᠡᠨᠦᠭᠰᠡᠨ ᠭᠡᠨᠡ᠃ ᠨᠢᠭᠡ ᠡᠳᠦᠷ ᠪᠣᠭᠳᠠ ᠶ᠋ᠢᠨ ᠬᠦᠷᠢᠶᠡᠨ ᠡᠴᠡ ᠢᠷᠡᠭᠰᠡᠨ ᠬᠥᠮᠦᠨ ᠬᠠᠷᠢ ᠣᠷᠣᠨ ᠤ᠋ ᠣᠷᠣᠰ ᠮᠠᠶᠢᠭ ᠦᠨ ᠬᠥᠮᠦᠨ ᠴᠢᠴᠧ ᠬᠡᠮᠡᠬᠦ ᠥᠪᠡᠷ ᠢ᠋ᠶ᠋ᠡᠨ ᠶᠠᠪᠤᠳᠠᠭ ᠲᠣᠮᠣ ᠲᠡᠷᠭᠡ ᠬᠥᠯᠦᠯᠡᠨ ᠬᠦᠷᠴᠢᠭᠢᠨᠡᠭᠦᠯᠦᠨ ᠳᠠᠪᠬᠢᠵᠤ ᠶᠠᠪᠤᠬᠤ ᠶ᠋ᠢ ᠦᠵᠡᠪᠡ ᠭᠡᠵᠦ ᠶᠠᠷᠢᠬᠤ ᠶ᠋ᠢ ᠰᠣᠨᠣᠰᠤᠭᠠᠳ ᠪᠢ ᠢᠩᠭᠢᠵᠦ ᠶᠠᠪᠤᠬᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠤᠷᠠᠨ ᠳᠠᠷᠬᠠᠨ ᠦ ᠠᠵᠢᠯ ᠬᠢᠪᠡᠯ ᠨᠢᠭᠡ ᠮᠡᠳᠡᠬᠦ ᠳ᠋ᠦ᠍ ᠲᠡᠢᠮᠦ ᠲᠡᠷᠭᠡ ᠬᠢᠬᠦ ᠲᠡᠢ ᠪᠣᠯᠬᠤ ᠪᠤᠰᠤ ᠤᠤ᠂ ᠬᠡᠷᠪᠡ ᠲᠡᠭᠡᠭᠡᠳ ᠲᠡᠷᠭᠡ ᠬᠢᠵᠦ ᠴᠢᠳᠠᠪᠠᠯ ᠥᠨᠥᠬᠢ ᠵᠠᠬᠢᠷᠤᠭᠴᠢ ᠶ᠋ᠢᠨ ᠳᠡᠷᠭᠡᠳᠡᠭᠦᠷ ᠬᠦᠷᠴᠢᠭᠢᠨᠡᠭᠦᠯᠦᠨ ᠳᠠᠪᠬᠢᠬᠤ ᠰᠢᠦ ᠳᠡ ᠭᠡᠵᠦ ᠪᠣᠳᠣᠪᠠ᠃ ᠲᠡᠭᠡᠭᠡᠳ ᠠᠯᠤᠬᠠ᠂ ᠳᠥᠰᠢ᠂ ᠬᠠᠰᠤᠭᠤᠷ ᠴᠤᠭᠣᠯᠳᠠᠭᠤᠷ ᠵᠡᠷᠭᠡ ᠶ᠋ᠢ ᠴᠤᠭᠯᠠᠷᠠᠭᠤᠯᠤᠨ ᠲᠣᠭᠣᠭᠠ᠂ ᠰᠢᠨᠠᠭᠠ ᠬᠠᠲᠠᠬᠤ ᠠ᠋ᠴᠠ ᠡᠬᠢᠯᠡᠵᠡᠢ᠃ ᠬᠣᠶᠠᠷᠬᠠᠨ ᠵᠢᠯ ᠦ᠋ᠨ ᠳᠣᠲᠣᠷᠠ ᠰᠦᠷᠡᠬᠡᠢ ᠳᠠᠷᠬᠠᠨ ᠭᠡᠵᠦ ᠠᠯᠳᠠᠷᠰᠢᠭᠰᠠᠨ ᠭᠡᠨᠡ᠂ ᠥᠪᠡᠷ ᠦ᠋ᠨ ᠬᠢᠨᠢ ᠪᠣᠳᠣᠯ ᠢ᠋ᠶ᠋ᠠᠷ ᠪᠣᠯ᠂ ᠥᠪᠡᠷ ᠢ᠋ᠶ᠋ᠡᠨ ᠶᠠᠪᠤᠳᠠᠭ ᠴᠢᠴᠧ ᠬᠢᠬᠦ ᠤᠬᠠᠭᠠᠨ ᠢ᠋ ᠣᠯᠤᠭᠠ ᠦᠭᠡᠢ ᠲᠤᠯᠠ ᠶᠠᠭᠠᠬᠢᠭᠠ ᠴᠦ᠍ ᠦᠭᠡᠢ ᠮᠡᠲᠦ ᠰᠠᠨᠠᠭᠳᠠᠨᠠ᠃ ᠣᠯᠬᠤ ᠳ᠋ᠤ᠌ ᠪᠠᠰᠠ ᠪᠡᠷᠬᠡ ᠲᠡᠢ ᠨᠢ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠢᠯᠡᠷᠡᠬᠦ ᠳ᠋ᠦ᠍᠂ ᠣᠷᠣᠰ ᠣᠯᠠᠨ ᠲᠠᠢ ᠡᠨᠡ ᠭᠠᠵᠠᠷ ᠢ᠋ ᠪᠠᠷᠠᠭᠠᠳᠠᠪᠠᠯ ᠵᠣᠬᠢᠨᠠ ᠭᠡᠵᠦ ᠪᠣᠳᠣᠭᠰᠠᠨ ᠭᠡᠨᠡ᠃ ᠡᠨᠳᠡ ᠢᠷᠡᠭᠡᠳ ᠣᠷᠣᠰ ᠤ᠋ᠳ ᠤ᠋ᠨ ᠪᠠᠶᠠᠨ ᠳ᠋ᠤᠨᠢ ᠵᠠᠷᠤᠭᠳᠠᠨ ᠶᠠᠳᠠᠭᠤᠰ ᠲᠠᠢ ᠨᠢ ᠨᠠᠢᠵᠢᠷᠬᠠᠨ ᠪᠠᠬᠠᠨ ᠴᠠᠭ ᠢ ᠠᠪᠴᠠᠢ᠃ ᠭᠡᠪᠡᠴᠦ ᠠᠷᠭᠠ ᠤᠬᠠᠭᠠᠨ᠂ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠠᠯᠢ ᠶ᠋ᠢ ᠨᠢ ᠴᠦ᠍ ᠣᠯᠤᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠣᠢᠷᠠ ᠵᠠᠭᠤᠷᠠ ᠶ᠋ᠢ ᠣᠢᠯᠠᠭᠠᠯᠴᠠᠬᠤ ᠬᠡᠯᠡ ᠲᠡᠢ ᠪᠣᠯᠤᠭᠰᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠰᠤᠷᠠᠭᠯᠠᠨ ᠰᠤᠳᠤᠯᠵᠤ ᠦᠵᠡᠬᠦ ᠳ᠋ᠦ᠍ ᠥᠨᠥᠬᠢ ᠵᠦᠢᠯ᠂ ᠨᠢᠭᠡ ᠬᠥᠮᠦᠨ ᠦ᠌ ᠭᠠᠷ ᠢ᠋ᠶ᠋ᠠᠷ ᠬᠡᠷᠬᠢᠪᠡᠴᠦ ᠪᠦᠲᠦᠬᠦ ᠤᠴᠢᠷ ᠦᠭᠡᠢ ᠪᠣᠯᠵᠤ ᠢᠷᠡᠬᠦ ᠳ᠋ᠦ᠍ ᠰᠢᠭᠤᠳ ᠣᠷᠬᠢᠨ ᠣᠷᠣᠨ ᠳ᠋ᠤᠨᠢ ᠵᠠᠷ ᠵᠡᠮᠰᠡᠭ ᠬᠢᠳᠡᠭ ᠪᠣᠯᠬᠤ ᠶ᠋ᠢ ᠰᠢᠢᠳᠦᠭᠰᠡᠨ ᠠᠵᠢ᠃ ᠭᠡᠲᠡᠯᠡ ᠡᠨᠡ ᠨᠢ ᠮᠥᠨ ᠪᠦᠲᠦᠭᠰᠡᠨ ᠦᠭᠡᠢ᠂ ᠭᠠᠭᠴᠠᠬᠠᠨ ᠠᠯᠤᠭᠠ ᠳᠥᠰᠢ ᠬᠣᠶᠠᠷ ᠢ᠋ ᠣᠯᠠᠨ ᠵᠢᠯ ᠬᠠᠷᠰᠢᠭᠤᠯᠤᠨ ᠪᠠᠯᠪᠠᠭᠰᠠᠨ ᠤ᠋ ᠠᠴᠢ ᠪᠠᠷ ᠡᠪᠳᠡᠷᠡᠭᠰᠡᠨ ᠢ᠋ ᠵᠠᠰᠠᠬᠤ᠂ ᠭᠣᠣᠯ ᠲᠡᠮᠦᠷ ᠡᠴᠡ ᠪᠤᠰᠤᠳ ᠢ᠋ ᠰᠢᠨᠡᠳᠬᠡᠨ ᠰᠡᠯᠪᠢᠬᠦ ᠮᠡᠷᠭᠡᠵᠢᠯ ᠲᠡᠢ ᠪᠣᠯᠤᠭᠰᠠᠨ ᠭᠡᠳᠡᠭ ᠢ᠋ᠶ᠋ᠡᠷ ᠳᠠᠷᠬᠠᠨ ᠤ᠋ ᠶᠠᠷᠢᠶᠠ ᠰᠢᠪᠲᠤᠷᠠᠪᠠ᠃
- ᠢᠩᠭᠢᠬᠦ ᠳ᠋ᠦ᠍ ᠲᠠ ᠥᠰᠢᠶᠡ ᠪᠡᠨ ᠠᠪᠴᠤ ᠴᠢᠳᠠᠭᠠ ᠦᠭᠡᠢ ᠶᠦᠮ ᠰᠢᠪ ᠳᠡ ᠭᠡᠵᠦ ᠳᠣᠷᠵᠢ ᠶ᠋ᠢᠨ ᠠᠰᠠᠭᠤᠬᠤ ᠳ᠋ᠤ᠌ :
- ᠲᠡᠢᠮᠦ ᠠ᠋᠂ ᠴᠢᠳᠠᠭᠠ ᠦᠭᠡᠢ᠃ ᠥᠰᠢᠶᠡ ᠬᠣᠷᠣᠰᠤᠯ ᠮᠠᠨᠢ ᠴᠦ᠍ ᠨᠠᠰᠤ ᠪᠡᠶᠡ ᠶ᠋ᠢᠨ ᠬᠠᠮᠲᠤ ᠡᠯᠡᠭᠳᠡᠨ ᠠᠷᠢᠯᠤᠭᠰᠠᠨ᠃ ᠭᠡᠪᠡᠴᠦ ᠬᠡᠷᠡᠭ ᠶᠠᠪᠤᠳᠠᠯ ᠳᠠᠭᠤᠰᠤᠭᠠ ᠦᠭᠡᠢ ᠳ᠋ᠡᠭ ᠠ᠋᠃ ᠪᠠᠭᠠᠲᠤᠷ᠂ ᠮᠢᠨᠦ ᠡᠨᠡ ᠶᠠᠪᠤᠳᠠᠯ ᠢ᠋ ᠰᠣᠨᠣᠰᠤᠭᠠᠳ ᠮᠠᠨ ᠤ᠋ ᠬᠡᠷᠡᠭ ᠪᠣᠯ ᠲᠠ ᠮᠡᠲᠦ ᠶ᠋ᠢᠨ ᠳᠠᠷᠤᠯᠠᠭᠳᠠᠭᠰᠠᠨ ᠣᠯᠠᠨ ᠤ᠋ ᠲᠥᠯᠥᠭᠡ ᠶᠦᠮ ᠭᠡᠵᠦ ᠪᠠᠢᠨᠠ ᠪᠢᠯᠡ᠃
ᠳᠠᠷᠬᠠᠨ ᠤ᠋ ᠶᠠᠷᠢᠶᠠᠨ ᠳ᠋ᠤ᠌ ᠲᠡᠳᠡ ᠰᠡᠳᠬᠢᠯ ᠰᠠᠭᠠᠲᠠᠨ ᠬᠡᠴᠢᠨᠡᠭᠡᠨ ᠬᠣᠯᠠ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ ᠡᠰᠡ ᠮᠡᠳᠡᠪᠡ᠃ ᠨᠠᠷᠠ ᠠᠯᠢ ᠬᠡᠳᠦᠢᠨ ᠵᠢᠷᠭᠠᠭᠰᠠᠨ ᠪᠠᠢᠯᠠ᠃ ᠣᠳᠣᠨ ᠮᠡᠴᠢᠳ ᠲᠩᠷᠢ ᠳᠦᠭᠦᠷᠡᠩ ᠬᠢᠯᠠᠯᠵᠡᠵᠦ᠂ ᠬᠠᠯᠢᠮᠠᠨ ᠴᠠᠭᠠᠨ ᠬᠠᠪᠢᠷᠭᠠᠨ ᠰᠠᠷᠠ ᠪᠠᠷᠠᠭᠤᠨᠠ ᠲᠣᠩᠭᠣᠢᠵᠤ ᠪᠠᠢᠬᠤ ᠳ᠋ᠤ᠌᠂ ᠲᠡᠳᠡ ᠨᠡᠯᠢᠶᠡᠳᠨ ᠣᠷᠣᠢ ᠪᠣᠯᠤᠭᠰᠠᠨ ᠢ᠋ ᠮᠡᠳᠡᠪᠡ᠃ ᠬᠣᠷᠢᠭᠠᠳ ᠠᠯᠬᠤᠮ ᠤ᠋ᠨ ᠲᠡᠷᠲᠡᠭᠡ ᠡᠴᠡ ᠨᠢᠭᠡ ᠬᠥᠮᠦᠨ᠄ ᠵᠣᠭᠰᠣ! ᠶᠠᠭᠤᠨ ᠬᠥᠮᠦᠨ ᠪᠣᠢ? ᠭᠡᠵᠦ ᠬᠠᠰᠬᠢᠷᠪᠠ᠃ ᠡᠨᠡ ᠨᠢ ᠠᠯᠲᠠᠨ ᠬᠡᠮᠡᠬᠦ ᠭᠠᠵᠠᠷ ᠴᠤᠭᠯᠠᠷᠠᠭᠰᠠᠨ ᠵᠢᠷᠤᠮᠲᠠᠨ ᠴᠡᠷᠢᠭ ᠦ᠋ᠨ ᠮᠠᠨᠠᠭᠠ ᠪᠠᠢᠪᠠ᠃
ᠳᠠᠷᠬᠠᠨ ᠬᠠᠷᠢᠭᠤ ᠳ᠋ᠤᠨᠢ:
- ᠸᠴᠢᠷ ᠲᠠᠨᠢ! ᠪᠠᠢᠵᠠ! ᠪᠢ ᠵᠠᠮᠴᠢ ᠪᠠᠢᠨᠠ᠂ ᠫᠤᠤ ᠵᠡᠮᠰᠡᠭ ᠲᠤᠰᠢᠶᠠᠨᠠ᠃
ᠮᠠᠨᠠᠭᠠᠨ ᠤ᠋ ᠬᠥᠮᠦᠨ ᠦ᠌ ᠳᠠᠭᠤ ᠵᠥᠭᠡᠯᠡᠷᠡᠨ:
- ᠵᠠ ᠳᠠᠷᠬᠠᠨ ᠭᠤᠸᠠᠢ ᠤᠤ᠃ ᠵᠠ᠂ ᠵᠠ ᠨᠠᠭᠠᠰᠢ ᠪᠠᠨ ᠭᠡᠵᠡᠢ᠃