ᠪᠠᠲᠤ ᠬᠠᠭᠠᠨ 3-07ᠲᠠᠲ᠋ᠠᠷ ᠤ᠋ᠨ ᠡᠯᠴᠢᠨ ᠨᠠᠷ-ᠮᠣᠩᠭᠣᠯᠴᠤᠳ ᠣᠷᠣᠰ ᠲᠡᠰᠢ ᠬᠥᠳᠡᠯᠪᠡ-Bat khaan Бат хаан-ᠷᠣᠮᠠᠨ
98ᠳᠣᠯᠣᠭᠠ ᠲᠠᠲ᠋ᠠᠷ ᠤ᠋ᠨ ᠡᠯᠴᠢᠨ ᠨᠠᠷ
ᠬᠡᠳᠦᠨ ᠴᠡᠷᠢᠭ ᠦ᠋ᠳ ᠸᠠᠩ ᠤ᠋ᠨ ᠪᠠᠢᠰᠢᠩ ᠳ᠋ᠤ᠌ ᠶᠠᠭᠠᠷᠠᠨ ᠣᠷᠣᠵᠤ ᠣᠴᠢᠭᠠᠳ ᠲᠡᠨᠳᠡ ᠡᠴᠡ ᠪᠡᠨ ᠲᠠᠲ᠋ᠠᠷ ᠤ᠋ᠨ ᠡᠯᠴᠢᠨ ᠨᠠᠷ ᠤ᠋ᠨ ᠬᠠᠮᠲᠤ ᠡᠷᠭᠢᠵᠦ ᠢᠷᠡᠵᠡᠢ᠃ ᠲᠡᠳᠡ ᠨᠠᠷ ᠢ᠋ ᠸᠠᠩ ᠤ᠋ᠨ ᠪᠠᠢᠰᠢᠩ ᠤ᠋ᠨ ᠥᠨᠳᠥᠷ ᠱᠠᠲᠤ ᠥᠭᠡᠳᠡ ᠭᠠᠷᠭᠠᠵᠤ ᠥᠭᠴᠡᠢ᠃ ᠡᠯᠴᠢᠨ ᠨᠠᠷ ᠭᠤᠷᠪᠠᠭᠤᠯᠠ ᠠᠵᠢ᠃ ᠨᠢᠭᠡᠳᠦᠭᠡᠷ ᠨᠢ ᠦᠰᠦ ᠲᠡᠢ ᠮᠠᠯᠠᠭᠠᠢ ᠶ᠋ᠢ ᠴᠠᠭᠠᠨ ᠡᠳ᠋ ᠢ᠋ᠶ᠋ᠡᠷ ᠪᠡᠬᠢᠯᠡᠨ ᠪᠣᠭᠣᠵᠤ ᠡᠮᠦᠰᠦᠭᠰᠡᠨ᠂ ᠥᠰᠦᠭᠡᠢ ᠪᠡᠷ ᠨᠢ ᠬᠦᠷᠦᠭᠰᠡᠨ ᠤᠷᠲᠤ ᠰᠢᠷᠠ ᠦᠨᠡᠭᠡᠨ ᠳᠡᠪᠡᠯ ᠲᠡᠢ ᠡᠪᠦᠭᠡᠨ ᠪᠠᠢᠯᠠ᠃ ᠨᠥᠭᠦᠭᠡ ᠨᠢ ᠪᠡᠶᠡᠯᠢᠭ ᠵᠠᠯᠠᠭᠤ ᠴᠡᠷᠢᠭ ᠦ᠋ᠨ ᠬᠥᠮᠦᠨ᠂ ᠢᠰᠡᠭᠡᠢ ᠮᠠᠯᠠᠭᠠᠢ ᠰᠡᠬᠡᠬᠦ᠂ ᠬᠥᠬᠡ ᠳᠡᠪᠡᠯ ᠡᠮᠦᠰᠦᠭᠰᠡᠨ ᠪᠥᠭᠡᠳ ᠪᠥᠰᠡᠨ ᠳ᠋ᠡᠭᠡᠨ ᠲᠠᠬᠢᠷ ᠰᠡᠯᠡᠮᠡ ᠵᠡᠭᠦᠵᠡᠢ᠃ ᠡᠨᠡ ᠴᠡᠷᠢᠭ ᠲᠦ᠍ ᠡᠭᠡᠯ ᠪᠤᠰᠤ ᠪᠠᠢᠳᠠᠯ ᠦᠵᠡᠭᠳᠡᠬᠦ ᠠᠵᠢ᠃ ᠪᠣᠭᠣᠨᠢ ᠬᠦᠵᠦᠭᠦᠦ ᠲᠡᠢ᠂ᠪᠠᠭᠠᠲᠤᠷ ᠤ᠋ᠨ ᠮᠥᠷᠥ ᠲᠡᠢ᠂ ᠭᠡᠶᠦᠷᠬᠡᠭ ᠴᠢᠷᠠᠢ ᠲᠠᠢ ᠪᠥᠭᠡᠳ ᠰᠠᠬᠠᠯ ᠦᠭᠡᠢ ᠨᠣᠶᠠᠯᠠᠭᠤ ᠬᠠᠷᠠᠴᠠ ᠲᠠᠢ᠃ ᠡᠨᠡ ᠬᠥᠮᠦᠨ ᠣᠯᠠᠨ ᠳᠠᠰᠢ ᠲᠣᠭᠲᠠᠭᠤᠬᠠᠨ ᠪᠥᠭᠡᠳ ᠰᠠᠨᠠᠭᠠ ᠠᠮᠤᠷ᠂ ᠠᠮᠤᠷᠯᠢᠩᠭᠤᠢ ᠪᠠᠷ ᠬᠠᠷᠠᠬᠤ ᠨᠢ ᠶᠡᠷᠦ ᠡᠴᠡ ᠪᠡᠨ ᠶᠠᠯᠠᠯᠠᠬᠤ᠂ ᠥᠷᠥᠰᠢᠶᠡᠬᠦ᠂ ᠵᠠᠬᠢᠷᠬᠤ᠂ ᠲᠤᠰᠢᠶᠠᠬᠤ ᠳ᠋ᠤ᠌ ᠳᠠᠳᠤᠯᠭᠠ ᠲᠠᠢ ᠪᠣᠯᠤᠯᠲᠠᠢ᠃ ᠭᠤᠷᠪᠠᠳᠤᠭᠠᠷ ᠡᠯᠴᠢᠨ ᠦ᠌ ᠪᠠᠢᠳᠠᠯ ᠣᠯᠠᠨ ᠢ᠋ ᠶᠡᠬᠡᠳᠡ ᠭᠠᠢᠬᠠᠭᠤᠯᠤᠨᠠ᠃ ᠡᠨᠡ ᠨᠢ ᠨᠠᠰᠤᠲᠠᠢ ᠡᠮᠡᠭᠡᠨ ᠪᠥᠭᠡᠳ ᠨᠢᠭᠤᠷ ᠨᠢ ᠬᠠᠪᠠᠭᠠᠨᠠᠵᠤ ᠤᠬᠠᠭᠠᠨ ᠦᠭᠡᠢ ᠨᠢᠳᠦ ᠨᠢ ᠭᠦᠶᠦᠯᠬᠡᠨᠡᠨ ᠰᠢᠷᠲᠡᠬᠦ ᠶ᠋ᠢᠨ ᠳᠡᠭᠡᠷᠡ ᠮᠥᠷᠦᠨ ᠳᠡᠭᠡᠷᠡ ᠪᠡᠨ ᠪᠠᠭᠠᠪᠠᠭᠠᠢ ᠶ᠋ᠢᠨ ᠠᠷᠠᠰᠤ ᠨᠥᠮᠥᠷᠴᠦ ᠲᠣᠯᠣᠭᠠᠢ ᠳᠡᠭᠡᠷᠡ ᠪᠡᠨ ᠥᠨᠳᠥᠷ ᠮᠠᠯᠠᠭᠠᠢ ᠲᠠᠯᠪᠢᠵᠠᠢ᠃ ᠪᠥᠰᠡᠨ ᠳ᠋ᠡᠭᠡᠨ ᠪᠠᠭᠠᠪᠠᠭᠠᠢ ᠶ᠋ᠢᠨ ᠰᠠᠪᠠᠷ ᠪᠠ ᠰᠢᠳᠦ᠂ ᠲᠤᠩ ᠪᠦᠷᠢᠶᠡ᠂ ᠤᠷᠲᠤ ᠬᠢᠲᠤᠭᠠ᠂ ᠣᠳᠣᠨ ᠭᠠᠷᠠᠭ ᠵᠢᠷᠤᠭᠰᠠᠨ ᠲᠣᠮᠣ ᠲᠣᠭᠣᠷᠢᠭ ᠬᠡᠩᠭᠡᠷᠭᠡ ᠳᠡᠭᠦᠵᠢᠯᠡᠵᠡᠢ᠃ ᠲᠡᠷᠡ ᠨᠢ ᠲᠦᠷ ᠵᠠᠭᠤᠷᠠ ᠴᠤ᠌ ᠲᠣᠭᠲᠠᠪᠤᠷᠢᠲᠠᠢ ᠪᠠᠢᠵᠤ ᠴᠢᠳᠠᠬᠤ ᠦᠭᠡᠢ᠂ ᠡᠷᠭᠢᠨ ᠲᠣᠭᠣᠷᠢᠨ ᠤ᠋ ᠶᠠᠭᠤᠮᠠ ᠶ᠋ᠢ ᠡᠷᠢᠵᠦ ᠪᠠᠢᠭᠠ ᠶᠤᠮᠰᠢᠭ᠋ ᠴᠠᠭ ᠦᠷᠭᠦᠯᠵᠢ ᠠᠵᠢᠭᠯᠠᠨ ᠬᠠᠷᠠᠵᠤ ᠠᠮᠠᠨ ᠳ᠋ᠠᠭᠠᠨ ᠴᠢᠩᠭᠠ ᠪᠤᠰᠤ ᠳᠠᠭᠤ ᠪᠠᠷ ᠰᠦᠷᠡᠬᠡᠢ ᠠᠶᠤᠮᠰᠢᠭᠲᠠᠢ ᠦᠭᠡ ᠴᠠᠯᠴᠢᠯᠠ᠃ ᠡᠨᠡ ᠪᠣᠯ ᠶᠣᠰᠣᠲᠠᠢ ᠤᠪᠠᠳᠢᠰ ᠲᠠᠢ ᠴᠢᠳᠬᠥᠷ ᠡᠮᠡ ᠪᠢᠵᠡ ᠭᠡᠵᠦ ᠣᠯᠠᠨ ᠠ᠋ᠴᠠ ᠬᠡᠯᠡᠬᠦ ᠰᠣᠨᠣᠰᠳᠠᠪᠠ᠃
— ᠸᠠᠩ ᠲᠠ ᠪᠢᠳᠡᠨ ᠳ᠋ᠦ᠍ ᠬᠡᠯᠡᠵᠦ ᠦᠭᠭᠦᠨᠠᠤ? ᠡᠯᠴᠢᠳ ᠶᠠᠭᠤ ᠬᠦᠰᠡᠵᠦ ᠪᠠᠢᠭᠠ ᠶᠤᠮ ᠪᠣᠯ? ᠲᠡᠳᠡᠨᠡᠷ ᠪᠢᠳᠡᠨ ᠠ᠋ᠴᠠ ᠶᠠᠭᠤ ᠭᠣᠷᠢᠳᠠᠵᠤ ᠪᠠᠢᠭᠠ ᠶᠤᠮ ᠪᠣᠯ? ᠭᠡᠬᠦ ᠳ᠋ᠦ᠍ᠨᠢ ᠸᠠᠩ ᠳᠡᠷᠭᠡᠳᠡ ᠪᠡᠨ ᠣᠢᠷᠠ ᠪᠠᠢᠭᠠ ᠭᠠᠵᠠᠷ ᠤ᠋ᠨ ᠪᠠᠶᠠᠨ ᠡᠵᠡᠨ ᠳ᠋ᠦ᠍ ᠥᠭᠦᠯᠡᠭᠰᠡᠨ ᠨᠢ:
— ᠮᠠᠨ ᠤ᠋ ᠬᠣᠲᠠᠨ ᠳ᠋ᠤ᠌ ᠶᠠᠭᠤᠨ ᠳ᠋ᠤ᠌ ᠬᠦᠷᠴᠦ ᠢᠷᠡᠭᠰᠡᠨ ᠢ᠋ᠶ᠋ᠡᠨ ᠡᠳᠡᠨᠠᠷ ᠠᠷᠠᠳ ᠣᠯᠠᠨ ᠳ᠋ᠤ᠌ ᠬᠡᠯᠡᠭ ᠭᠡᠪᠡ᠃
ᠡᠯᠴᠢᠨ ᠨᠣᠶᠠᠳ ᠤ᠋ᠨ ᠳᠡᠷᠭᠡᠳᠡ ᠬᠡᠯᠡᠮᠦᠷᠴᠢ ᠬᠦᠷᠴᠦ ᠢᠷᠡᠯᠡ᠃
ᠯᠢᠬᠠᠷᠢ ᠺᠦᠳ᠋ᠷᠶᠠᠱ ᠲᠣᠬᠣᠢ ᠪᠠᠷ ᠶᠣᠪᠣᠷᠴᠤ᠂
— ᠡᠭᠦᠨ ᠢ᠋ ᠬᠠᠷᠠᠭᠠᠴᠢ! ᠬᠡᠯᠡᠮᠦᠷᠴᠢ ᠶ᠋ᠢ ᠲᠠᠨᠢᠵᠤ ᠪᠠᠢᠨᠠ ᠤᠤ? ᠲᠡᠷᠡ ᠮᠠᠨ ᠤ᠋ ᠫᠸᠷᠦᠨᠣᠸ—ᠪᠣᠷ ᠲᠤ᠌ ᠪᠣᠯᠭᠠᠷᠢ ᠶ᠋ᠢᠨ ᠬᠤᠳᠠᠯᠳᠤᠭᠠᠴᠢᠨ ᠪᠣᠯᠵᠤ ᠢᠷᠡᠭᠡᠳ ᠠᠯᠴᠢᠭᠤᠷ᠂ ᠵᠡᠭᠦᠦ᠂ ᠠᠩ ᠤ᠋ᠨ ᠦᠰᠦ ᠰᠣᠯᠢᠯᠴᠠᠵᠤ ᠪᠠᠢᠭᠰᠠᠨ ᠰᠢᠦ ᠳ᠋ᠠ᠃ ᠡᠨᠡ ᠴᠢᠨᠢ ᠡᠳᠡᠨ ᠦ᠌ ᠬᠥᠮᠦᠨ ᠪᠠᠢᠭᠰᠠᠨ ᠪᠠᠢᠨᠠ ᠰᠢᠦ! ᠵᠠᠮ ᠮᠥᠷ ᠢ᠋ᠶ᠋ᠡᠨ ᠰᠤᠳᠤᠯᠵᠤ ᠪᠠᠢᠭᠰᠠᠨ ᠪᠠᠢᠬᠤ ᠨᠢ ᠠ᠋᠂ ᠲᠡᠭᠦᠨ ᠢ᠋ ᠬᠡᠰᠡᠭᠯᠡᠨ ᠲᠠᠰᠤᠴᠢᠵᠤ ᠠᠯᠠᠬᠤ ᠶᠤᠮᠰᠠᠨ ᠭᠡᠪᠡ᠃ ᠬᠡᠯᠡᠮᠦᠷᠴᠢ ᠡᠯᠴᠢᠨ ᠨᠦ᠍ᠭᠦᠳ ᠲᠡᠢ ᠶᠠᠷᠢᠯᠴᠠᠭᠠᠳ ᠴᠢᠩᠭᠠ ᠪᠤᠰᠤ ᠳᠠᠭᠤᠨ ᠢ᠋ᠶ᠋ᠠᠷ ᠭᠠᠵᠠᠷ ᠤ᠋ᠨ ᠪᠠᠶᠠᠨ ᠡᠵᠡᠨ ᠳ᠋ᠦ᠍ ᠬᠠᠷᠢᠭᠤᠯᠲᠠ ᠶ᠋ᠢ ᠬᠡᠯᠡᠵᠦ ᠥᠭᠬᠦ ᠳ᠋ᠦ᠍ᠨᠢ ᠲᠡᠷᠡ ᠣᠯᠠᠨ ᠲᠡᠰᠢ ᠬᠠᠨᠳᠤᠵᠤ ᠴᠢᠩᠭᠠ ᠳᠠᠭᠤ ᠪᠠᠷ ᠲᠠᠢᠯᠪᠤᠷᠢᠯᠠᠬᠤ ᠨᠢ᠄
— ᠸᠠᠩ ᠬᠠᠭᠠᠳ ᠪᠣᠯᠤᠨ ᠰᠢᠳᠤᠷᠭᠤ ᠣᠯᠠᠨ ᠠᠷᠠᠳ ᠤ᠋ᠳ ᠠ᠋ᠴᠠ᠂ ᠮᠣᠩᠭᠣᠯ ᠤ᠋ᠨ ᠡᠯᠴᠢᠨ ᠨᠦ᠍ᠭᠦᠳ ᠶᠠᠭᠤ ᠱᠠᠭᠠᠷᠳᠠᠵᠤ ᠪᠠᠢᠭᠠ ᠶ᠋ᠢ ᠰᠣᠨᠣᠰᠴᠠᠭᠠ! ᠡᠳᠡᠨ ᠦ᠌ ᠪᠠᠲᠤ ᠪᠣᠯ ᠪᠦᠭᠦᠳᠡ ᠬᠠᠭᠠᠨ ᠸᠠᠩ ᠤ᠋ᠳ ᠤ᠋ᠨ ᠡᠵᠡᠨ ᠬᠠᠭᠠᠨ ᠶᠤᠮ ᠭᠡᠨᠡ᠃ ᠪᠦᠬᠦ ᠤᠯᠤᠰ ᠤ᠋ᠳ ᠢ᠋ ᠥᠪᠡᠷ ᠦ᠋ᠨ ᠭᠠᠷ ᠳᠣᠣᠷᠠ ᠵᠠᠬᠢᠷᠴᠤ ᠪᠠᠢᠭᠰᠠᠨ ᠴᠢᠩᠭᠢᠰ ᠦ᠋ᠨ ᠠᠴᠢ ᠪᠠᠲᠤ ᠬᠠᠭᠠᠨ ᠡᠨᠡ ᠡᠯᠴᠢ ᠶ᠋ᠢ ᠶᠠᠪᠤᠭᠤᠯᠵᠠᠢ᠃ ᠣᠳᠣ ᠡᠨᠡ ᠡᠯᠴᠢ ᠨᠦ᠍ᠭᠦᠳ ᠦ᠋ᠨ ᠥᠭᠦᠯᠡᠬᠦ ᠨᠢ᠄ ᠣᠷᠣᠰ ᠤ᠋ᠨ ᠠᠷᠠᠳ ᠲᠦᠮᠡᠨ ᠬᠠᠭᠠᠨ ᠪᠠᠲᠤ ᠳ᠋ᠤ᠌ ᠵᠠᠬᠢᠷᠤᠭᠳᠠᠬᠤ ᠶᠣᠰᠣᠲᠠᠢ ᠭᠡᠨᠡ ᠭᠡᠪᠡ᠃ ᠬᠡᠷᠪᠡ ᠡᠰᠡ ᠵᠠᠬᠢᠷᠤᠭᠳᠠᠵᠤ ᠲᠡᠭᠦᠨ ᠢ᠋ ᠡᠰᠡᠷᠭᠦᠴᠡᠪᠡᠯ ᠪᠠᠲᠤ ᠬᠠᠭᠠᠨ ᠴᠥᠮ ᠢ᠋ ᠮᠣᠷᠢᠨ ᠲᠤᠭᠤᠷᠠᠢ ᠪᠠᠷ ᠭᠢᠰᠬᠢᠯᠡᠵᠦ ᠫᠤᠯᠤᠸᠸᠼᠠ ᠶ᠋ᠢᠨ ᠬᠠᠭᠠᠳ ᠲᠠᠢ ᠠᠳᠠᠯᠢ ᠮᠠᠯᠴᠢᠨ ᠠᠳᠤᠭᠤᠴᠢᠨ ᠪᠣᠯᠭᠠᠨᠠ ᠭᠡᠨᠡ᠃
— ᠳᠡᠮᠡᠢ ᠭᠠᠢᠬᠠᠭᠤᠯᠵᠤ ᠪᠠᠢᠨᠠ᠃ ᠲᠡᠭᠦᠨ ᠳ᠋ᠦ᠍ ᠲᠡᠭᠡᠵᠦ ᠵᠠᠬᠢᠷᠤᠭᠳᠠᠬᠤ ᠦᠭᠡᠢ ᠭᠡᠵᠦ ᠸᠠᠩ ᠤ᠋ᠨ ᠳᠡᠷᠭᠡᠳᠡ ᠣᠢᠷᠠ ᠵᠣᠭᠰᠣᠵᠤ ᠪᠠᠢᠭᠰᠠᠨ ᠶᠸᠸᠫᠡᠲ ᠬᠠᠰᠬᠢᠷᠪᠠ᠃
— ᠶᠠᠭᠤᠨ ᠳ᠋ᠤ᠌ ᠲᠡᠭᠡᠵᠦ ᠭᠠᠢᠬᠠᠭᠤᠯᠤᠨᠠ ᠪᠣᠢ?
— ᠡᠳᠡᠨᠡᠷ ᠲᠦ᠍ ᠤᠬᠠᠭᠤᠯᠵᠤ ᠥᠭ᠂ ᠪᠢᠳᠡᠨ ᠢ᠋ ᠰᠦᠷᠳᠡᠭᠦᠯᠬᠦ ᠶ᠋ᠢ ᠣᠷᠤᠯᠳᠤᠯ ᠦᠭᠡᠢ᠂ ᠡᠳᠡᠨᠡᠷ ᠷᠶᠡᠽᠡᠨ ᠦ᠌ ᠭᠠᠵᠠᠷ ᠠ᠋ᠴᠠ ᠶᠠᠭᠤ ᠶ᠋ᠢ ᠬᠦᠰᠡᠭᠰᠡᠨ ᠢ᠋ᠶ᠋ᠡᠨ ᠲᠣᠳᠣᠷᠬᠠᠢ ᠪᠠᠷ ᠬᠡᠯᠡᠭ ᠭᠡᠵᠦ ᠸᠠᠩ ᠶᠦᠷᠢ ᠢᠩᠭ᠌ᠸᠡᠷᠸᠸᠢᠴ ᠬᠡᠯᠡᠪᠡ᠃
ᠲᠡᠭᠡᠬᠦ ᠳ᠋ᠦ᠍ ᠵᠠᠯᠠᠭᠤ ᠮᠣᠩᠭᠣᠯ ᠬᠥᠯ ᠢ᠋ᠶ᠋ᠡᠨ ᠳᠡᠪᠢᠰᠦᠨ ᠲᠠᠬᠢᠷ ᠰᠡᠯᠡᠮᠡ ᠶ᠋ᠢᠨ ᠶᠠᠰᠤᠨ ᠪᠠᠷᠢᠭᠤᠯ ᠠ᠋ᠴᠠ ᠪᠠᠷᠢᠵᠤ ᠦᠭᠡ ᠬᠡᠯᠡᠪᠡ᠃ ᠬᠥᠭᠰᠢᠨ ᠡᠯᠴᠢ ᠠᠯᠠᠭᠠ ᠪᠠᠨ ᠬᠠᠪᠰᠤᠷᠴᠤ ᠬᠥᠳᠡᠯᠦᠯ ᠦᠭᠡᠢ ᠵᠣᠭᠰᠣᠬᠤ ᠪᠥᠭᠡᠳ ᠬᠥᠭᠰᠢᠨ ᠡᠮᠡᠭᠲᠡᠢ ᠲᠡᠢ ᠪᠥᠵᠢᠭᠯᠡᠨ ᠳᠡᠪᠬᠡᠴᠡᠨ ᠪᠠᠢᠵᠤ ᠦᠯᠦ ᠮᠡᠳᠡᠭᠳᠡᠬᠦ ᠦᠭᠡᠰ ᠢ᠋ ᠴᠠᠯᠴᠢᠯᠠ᠃
ᠭᠠᠵᠠᠷ ᠤ᠋ᠨ ᠡᠵᠡᠨ ᠬᠡᠯᠡᠮᠦᠷᠴᠢ ᠶ᠋ᠢᠨ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠳᠠᠬᠢᠨ ᠬᠡᠯᠡᠭᠰᠡᠨ ᠨᠢ᠄
— ᠡᠨᠡᠬᠦ ᠢᠴᠢᠭᠦᠷᠢ ᠦᠭᠡᠢ ᠮᠣᠩᠭᠣᠯ ᠤ᠋ᠨ ᠡᠯᠴᠢ ᠨᠦ᠍ᠭᠦᠳ ᠵᠢᠭᠲᠡᠢ ᠵᠡᠷᠯᠢᠭ ᠦᠭᠡ ᠬᠡᠯᠡᠵᠦ ᠪᠠᠢᠨᠠ᠃ ᠸᠠᠩ ᠲᠠᠨ ᠠ᠋ᠴᠠ ᠬᠠᠮᠤᠭ ᠣᠯᠵᠠ ᠲᠣᠭᠲᠠᠪᠤᠷᠢ ᠶ᠋ᠢᠨ ᠠᠷᠪᠠᠨ ᠤ᠋ ᠨᠢᠭᠡ ᠶ᠋ᠢ ᠬᠤᠷᠢᠶᠠᠵᠤ ᠠᠪᠤᠨᠠ ᠭᠡᠵᠦ ᠪᠠᠢᠨᠠ᠃ ᠬᠥᠮᠦᠰ ᠡᠴᠡ ᠴᠦ᠍ ᠲᠡᠷᠡ᠂ ᠮᠣᠷᠢᠳ ᠠ᠋ᠴᠠ ᠴᠥ᠍ ᠲᠡᠷᠡ᠂ ᠴᠥᠮ ᠠᠷᠪᠠᠨ ᠤ᠋ ᠨᠢᠭᠡ ᠶ᠋ᠢ ᠠᠪᠬᠤ ᠭᠡᠨᠡ ᠭᠡᠬᠦ ᠳ᠋ᠦ᠍ᠨᠢ ᠣᠯᠠᠨ ᠤ᠋ ᠳᠣᠲᠣᠷᠠ ᠰᠢᠭᠤᠷᠭᠠ ᠪᠣᠯᠬᠤ ᠶ᠋ᠢᠨ ᠡᠮᠦᠨᠡᠬᠢ ᠲᠡᠢ ᠠᠳᠠᠯᠢ ᠨᠠᠮ ᠭᠦᠮ ᠪᠣᠯᠴᠢᠬᠠᠯᠠ᠃ ᠡᠨᠡ ᠦᠶᠡ ᠳ᠋ᠦ᠍᠄
— ᠪᠢᠳᠡᠨᠡᠷ ᠦᠭᠡᠢ ᠪᠣᠯᠤᠭᠰᠠᠨ ᠤ᠋ ᠬᠣᠢᠨᠠ᠂ ᠲᠡᠷᠡ ᠪᠦᠭᠦᠳᠡ ᠶ᠋ᠢ ᠠᠪᠤᠭᠲᠤᠨ! ᠭᠡᠵᠦ ᠸᠠᠩ ᠤ᠋ᠨ ᠬᠡᠯᠡᠬᠦ ᠦᠭᠡ ᠲᠣᠳᠣ ᠰᠣᠨᠣᠰᠲᠠᠯᠠ᠃ ᠣᠯᠠᠨ ᠤ᠋ ᠳᠣᠲᠣᠷᠠ ᠱᠤᠤᠭᠢᠶᠠᠨ ᠳᠡᠭᠳᠡᠵᠦ ᠲᠠᠴᠢᠭᠢᠨᠠᠲᠠᠯᠠ ᠢᠨᠢᠶᠡᠬᠦ ᠰᠣᠨᠣᠰᠲᠠᠯᠠ᠃
— ᠬᠦ᠋᠂ ᠬᠦ᠋᠂ ᠬᠦ᠋ ᠶᠠᠭᠤ ᠬᠦᠰᠡᠵᠦ ᠪᠠᠢᠭᠠ ᠶ᠋ᠢ ᠨᠢ ᠬᠠᠷᠠᠪᠠ ᠤᠤ? ᠪᠠᠷᠢᠭᠠᠳ ᠬᠠᠵᠠᠵᠤ ᠣᠷᠬᠢᠭᠲᠤᠨ! ᠸᠠᠩ ᠲᠠ ᠡᠳᠡ ᠨᠠᠷ ᠢ᠋ ᠵᠡᠷᠯᠢᠭ ᠲᠠᠯᠠ ᠤᠷᠤᠭᠤ ᠨᠢ ᠬᠥᠭᠡᠭᠡᠵᠦ ᠬᠣᠢᠨᠠ ᠠ᠋ᠴᠠ ᠨᠢ ᠨᠣᠬᠠᠢ ᠪᠠᠨ ᠲᠠᠯᠪᠢᠭᠲᠤᠨ! ᠭᠡᠵᠡᠭᠡᠪᠡ᠃
ᠲᠡᠷᠡ ᠡᠯᠴᠢ ᠨᠠᠷ ᠠᠶᠤᠮᠰᠢᠭᠲᠠᠢ ᠴᠢᠮᠡᠭᠡ ᠭᠠᠷᠭᠠᠵᠤ ᠪᠣᠢ᠂ ᠲᠠᠯᠠᠪᠠᠢ ᠳᠡᠭᠡᠷᠡᠬᠢ ᠣᠯᠠᠨ ᠬᠥᠮᠦᠰ ᠢ᠋ ᠠᠭᠤᠷ ᠲᠠᠢ ᠬᠠᠷᠠᠴᠠ ᠪᠠᠷ ᠠᠵᠢᠭᠯᠠᠨ ᠬᠠᠷᠠᠵᠤ ᠪᠠᠢᠯᠠ᠃ ᠸᠠᠩ ᠡᠷᠭᠢᠵᠦ ᠶᠸᠸᠫᠡᠲ ᠲᠦ᠍ ᠬᠡᠯᠡᠭᠰᠡᠨ ᠨᠢ᠄
— ᠴᠢ ᠮᠠᠨ ᠤ᠋ ᠬᠠᠰᠬᠢᠷᠤᠭᠠ ᠡᠳᠡ ᠨᠠᠷ ᠲᠠᠢ ᠶᠠᠷᠢᠵᠤ ᠴᠢᠳᠠᠨᠠ ᠰᠢᠦ ᠳ᠋ᠠ᠂ ᠡᠳᠡ ᠨᠠᠷ ᠢ᠋ ᠲᠠᠢᠪᠤᠰᠢᠷᠠᠭᠤᠯᠵᠤ ᠦᠵᠡ᠃ ᠲᠡᠭᠡᠬᠦ ᠦᠭᠡᠢ ᠪᠣᠯ ᠡᠯᠴᠢ ᠨᠠᠷ ᠢ᠋ ᠤᠷᠠᠵᠤ ᠲᠠᠰᠤᠳᠠᠬᠤ ᠨᠢ ᠪᠠᠢᠨᠠ ᠰᠢᠦ ᠭᠡᠪᠡ᠃
ᠶᠸᠧᠫᠡᠲ᠂ ᠸᠠᠩ ᠤ᠋ᠨ ᠪᠠᠢᠰᠢᠩ ᠤ᠋ᠨ ᠱᠠᠲᠤ ᠥᠭᠡᠳᠡ ᠭᠦᠶᠦᠨ ᠢᠷᠡᠵᠦ ᠰᠢᠬᠠᠴᠠᠯᠳᠤᠭᠰᠠᠨ ᠣᠯᠠᠨ ᠤ᠋ ᠵᠦᠭ ᠭᠠᠷ ᠡᠷᠭᠦᠨ ᠴᠢᠩᠭᠠ ᠲᠣᠳᠣ ᠳᠠᠭᠤ ᠪᠠᠷ ᠬᠠᠰᠬᠢᠷᠬᠤ ᠨᠢ ᠬᠠᠮᠤᠭ ᠤ᠋ᠨ ᠵᠠᠬᠠ ᠳ᠋ᠤ᠌ ᠠᠴᠢᠶᠠ ᠲᠠᠢ ᠡᠪᠡᠰᠦᠨ ᠳᠡᠭᠡᠷᠡ ᠰᠠᠭᠤᠵᠤ ᠪᠠᠢᠭᠠ ᠲᠠᠷᠢᠶᠠᠴᠢᠳ ᠲᠸ᠋ ᠬᠦᠷᠲᠡᠯᠡ ᠰᠣᠨᠣᠰᠳᠠᠵᠤ ᠪᠠᠢᠪᠠ᠃
— ᠰᠣᠨᠣᠰᠴᠠᠭᠠ! ᠷᠶᠡᠽᠡᠨ ᠦ᠌ ᠠᠷᠠᠳ ᠤ᠋ᠳ ᠠ᠋! ᠤᠷᠢᠳᠤ ᠶ᠋ᠢᠨ ᠷᠶᠡᠽᠡᠨ ᠪᠣᠯ ᠬᠥᠳᠡᠭᠡ ᠭᠠᠵᠠᠷ ᠭᠡᠭᠡᠭᠳᠡᠵᠦ ᠪᠠᠢᠭᠰᠠᠨ᠂ ᠣᠳᠣ ᠶ᠋ᠢᠨ ᠷᠶᠡᠽᠡᠨ ᠪᠣᠯ ᠨᠡᠢᠰᠯᠡᠯ ᠬᠣᠲᠠ ᠭᠡᠵᠦ ᠨᠡᠷᠡᠯᠡᠭᠳᠡᠨᠡ᠃ ᠡᠢᠮᠦ ᠬᠣᠲᠠ ᠳ᠋ᠤ᠌ ᠲᠠᠷᠢᠶᠠᠴᠢᠳ ᠤ᠋ᠨ ᠪᠦᠳᠦᠭᠦᠯᠢᠭ ᠵᠠᠩ ᠲᠣᠬᠢᠷᠠᠬᠤ ᠦᠭᠡᠢ᠂ ᠬᠠᠷᠢᠨ ᠤᠶᠠᠬᠠᠨ ᠡᠪᠯᠢᠭ ᠢᠨᠢᠶᠡᠮᠰᠦᠭᠯᠡᠭᠰᠡᠨ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠭᠠᠳᠠᠭᠠᠳᠤ ᠶ᠋ᠢᠨ ᠡᠯᠴᠢᠨ ᠢ᠋ ᠬᠠᠷᠢᠶᠠᠯ ᠢ᠋ᠶ᠋ᠠᠷ ᠤᠭᠲᠤᠵᠤ᠂ ᠨᠣᠬᠠᠢ ᠪᠠᠷ ᠦᠳᠡᠵᠦ ᠪᠣᠯᠬᠤ ᠦᠭᠡᠢ᠃ ᠲᠠᠨᠠᠷ ᠪᠣᠯ ᠴᠥᠮ ᠢ᠋ᠶ᠋ᠡᠷ ᠷᠶᠠᠽᠠᠨ ᠳ᠋ᠤ᠌ ᠬᠥᠮᠦᠵᠢᠭᠰᠡᠨ ᠴᠢᠳᠠᠮᠠᠭᠠᠢ ᠬᠥᠮᠦᠰ᠂ ᠨᠢᠭᠤᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠰᠢᠪᠠᠷ ᠲᠸ᠋ ᠪᠤᠤ ᠤᠨᠠᠭᠲᠤᠨ! ᠪᠦᠷᠭᠦᠳ ᠰᠢᠭ᠌ ᠭᠠᠷᠴᠤ ᠢᠷᠡᠭᠲᠦᠨ! ᠭᠡᠬᠦ ᠳ᠋ᠦ᠍ᠨᠢ᠂
— ᠬᠦ᠋᠂ ᠬᠦ᠋᠂ ᠬᠦ᠋ ᠮᠠᠨ ᠤ᠋ ᠶᠸᠧᠫᠠᠲ ᠤ᠋ᠨ ᠤᠷᠤᠰᠬᠠᠵᠤ ᠪᠠᠢᠭᠠ ᠨᠢ ᠭᠡᠵᠦ ᠱᠤᠤᠭᠢᠯᠳᠤᠪᠠ᠃
— ᠮᠣᠩᠭᠣᠯ ᠤ᠋ᠨ ᠡᠯᠴᠢ ᠨᠤᠭᠦᠳ ᠪᠢᠳᠡᠨ ᠡᠴᠡ ᠶᠡᠬᠡ ᠶᠠᠭᠤᠮᠠ ᠬᠦᠰᠡᠵᠦ ᠪᠠᠢᠨᠠ᠃ ᠫᠣᠯᠤᠸᠸᠼᠠ ᠨᠤᠭᠤᠳ ᠲᠠᠢ ᠮᠣᠷᠢᠨ ᠤ᠋ ᠬᠤᠳᠠᠯᠳᠤᠭᠠ ᠬᠢᠵᠦ ᠪᠠᠢᠬᠤ ᠳ᠋ᠤ᠌ ᠭᠤᠷᠪᠠᠨ ᠳᠠᠪᠬᠤᠷ ᠦᠨᠡ ᠬᠡᠯᠡᠳᠡᠭ ᠪᠠᠢᠭᠰᠠᠨ ᠦᠭᠡᠢ ᠪᠢᠯᠢᠤ? ᠲᠡᠭᠦᠨ ᠲᠡᠢ ᠠᠳᠠᠯᠢ ᠶᠠᠭᠤᠮᠠ ᠰᠢᠪ ᠳ᠋ᠠ᠃ ᠲᠠᠨᠠᠷ ᠲᠸ᠋ ᠪᠠᠶᠠᠷᠯᠠᠯᠠ᠃ ᠡᠷᠬᠢᠮ ᠵᠣᠴᠢᠳ ᠢ᠋ᠶ᠋ᠠᠨ ( ᠲᠤ᠌ ᠪᠠᠨ )᠄ᠪᠢᠳᠡ ᠪᠣᠯ ᠡᠵᠡᠳ ᠨᠢ ᠪᠢᠰᠢ᠂ ᠪᠢᠳᠡᠨᠡᠷ ᠬᠠᠷᠢᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠭᠡᠵᠦ ᠠᠶᠠᠲᠠᠢ ᠦᠭᠡ ᠬᠡᠯᠡᠭᠡᠳ ᠪᠢᠳᠡᠨ ᠦ᠌ ᠳᠡᠭᠡᠷᠡ ᠠᠭᠤᠤ ᠶᠡᠬᠡ ᠸᠠᠩ ᠸᠰᠧᠸᠤᠯᠤᠳᠤᠸᠢᠴ ᠡᠵᠡᠨ ᠨᠡᠢᠰᠯᠡᠯ ᠬᠣᠲᠠ ᠸᠯᠠᠳᠢᠮᠢᠷ— ᠰᠦᠽᠳᠠᠯᠢ ᠳ᠋ᠤ᠌ ᠰᠠᠭᠤᠵᠤ ᠪᠠᠢᠳᠠᠭ ᠶᠤᠮ ᠭᠡᠵᠦ ᠬᠡᠯᠡᠭᠡᠳ ᠪᠢᠳᠡ ᠮᠣᠩᠭᠣᠯ ᠤ᠋ᠨ ᠪᠠᠲᠤ ᠬᠠᠭᠠᠨ ᠤ᠋ ᠡᠯᠴᠢᠨ ᠨᠠᠷ ᠢ᠋ ᠶᠡᠬᠡ ᠸᠠᠩ ᠳ᠋ᠤ᠌ ᠣᠴᠢᠭᠤᠯᠬᠤ ᠬᠡᠷᠡᠭᠲᠡᠢ᠂ ᠭᠡᠬᠦ ᠳ᠋ᠡᠭᠡᠨ ᠡᠳᠡ ᠡᠯᠴᠢᠨ ᠨᠤᠭᠦᠳ ᠢ᠋ ᠶᠣᠰᠣ ᠬᠦᠨᠳᠦᠳᠬᠡᠯ ᠲᠡᠢ ᠪᠡᠷ ᠪᠠᠭᠠᠪᠠᠭᠠᠢ ᠶ᠋ᠢᠨ ᠠᠷᠠᠰᠤ ᠨᠥᠮᠥᠷᠥᠭᠦᠯᠵᠦ ᠬᠤᠩᠬᠠ ᠮᠣᠯᠴᠣᠭ ᠪᠣᠯᠤᠭᠰᠠᠨ ᠴᠢᠷᠭᠠᠨ ᠳᠡᠭᠡᠷᠡ ᠬᠡᠪᠢᠰ ᠳᠡᠪᠢᠰᠴᠦ ᠶᠠᠪᠤᠭᠤᠯᠬᠤ ᠬᠡᠷᠡᠭᠲᠡᠢ᠃ ᠲᠡᠭᠡᠭᠡᠳ ᠶᠡᠬᠡ ᠸᠠᠩ ᠭᠧᠦᠷᠬᠢ ᠸᠰᠧᠸᠤᠯᠤᠳᠤᠸᠢᠴ ᠡᠳᠡᠨ ᠳ᠋ᠦ᠍ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠦᠭᠡ ᠶ᠋ᠢ ᠬᠡᠯᠡᠵᠦ ᠲᠠᠷᠢᠶᠠᠴᠢᠨ ᠤ᠋ ᠠᠷᠪᠠᠨ ᠤ᠋ ᠨᠢᠭᠡ᠂ ᠮᠥᠨ ᠠᠷᠪᠠᠨ ᠤ᠋ ᠨᠢᠭᠡ ᠮᠣᠷᠢ ᠪᠠᠨ ᠲᠠᠲ᠋ᠠᠷ ᠤ᠋ᠳ ᠲᠤ᠌ ᠥᠭᠬᠦ ᠳ᠋ᠦ᠍ ᠡᠰᠡᠪᠡᠯ ᠲᠠᠲᠠᠭᠠᠯᠵᠠᠬᠤ ᠤᠤ᠂ ᠲᠡᠳᠡ ᠨᠠᠷ ᠰᠢᠢᠳᠦᠨᠡ ᠪᠢᠵᠡ? ᠭᠡᠬᠦ ᠳ᠋ᠦ᠍ᠨᠢ᠄
— ᠵᠥᠪ᠂ ᠶᠧᠸᠫᠡᠲ ᠵᠥᠪ ᠬᠡᠯᠡᠵᠦ ᠪᠠᠢᠨᠠ ᠭᠡᠪᠡ᠃
— ᠵᠣᠴᠢᠳ ᠢ᠋ ᠸᠯᠠᠳᠢᠮᠢᠷ ᠬᠣᠲᠠᠨ ᠳ᠋ᠤ᠌ ᠬᠦᠷᠭᠡᠶᠡ ᠭᠡᠵᠡᠭᠡᠪᠡ᠃
— ᠣᠳᠣ ᠸᠠᠩ ᠶᠥᠷᠢ ᠢᠩᠬ᠌ᠸᠨᠷᠸᠸᠢᠴ ᠡᠷᠬᠢᠮ ᠵᠣᠴᠢᠳ ᠢ᠋ ᠥᠪᠡᠷ ᠦ᠋ᠨ ᠪᠠᠢᠰᠢᠩ ᠳ᠋ᠤ᠌ ᠤᠷᠢᠵᠤ ᠲᠠᠯᠬᠠ᠂ ᠳᠠᠪᠤᠰᠤ᠂ ᠨᠠᠷᠢᠨ ᠪᠣᠣᠪᠣ ᠲᠡᠷᠢᠭᠦᠲᠡᠨ ᠢ᠋ ᠵᠣᠭᠣᠭᠯᠠᠬᠤ ᠶ᠋ᠢ ᠬᠦᠰᠡᠪᠡ ᠭᠡᠵᠦ ᠶᠸᠧᠫᠡᠲ ᠡᠯᠴᠢ ᠳ᠋ᠦ᠍ ᠬᠡᠯᠡᠪᠡ᠃ ᠡᠯᠴᠢ ᠨᠤᠭᠦᠳ ᠱᠠᠲᠤᠨ ᠳᠡᠭᠡᠷᠡ ᠡᠴᠡ ᠬᠣᠯᠠᠳᠠᠯᠠ᠃ ᠲᠠᠯᠠᠪᠠᠢ ᠳᠡᠭᠡᠷᠡ ᠪᠠᠢᠭᠠ ᠬᠥᠮᠦᠰ ᠤᠳᠠᠲᠠᠯᠠ ᠲᠠᠷᠬᠠᠭᠰᠠᠨ ᠦᠭᠡᠢ᠂ ᠰᠡᠳᠬᠢᠯ ᠬᠥᠳᠡᠯᠦᠨ ᠥᠭᠦᠯᠡᠯᠴᠡᠬᠦ ᠨᠢ᠄ ᠲᠥᠷᠥᠭᠰᠡᠨ ᠭᠠᠵᠠᠷ ᠤ᠋ᠨ ᠲᠥᠯᠥᠭᠡ ᠠᠮᠢ ᠪᠠᠨ ᠬᠠᠢᠷᠠᠯᠠᠬᠤ ᠦᠭᠡᠢ ᠲᠡᠮᠡᠴᠡᠨᠡ᠃ᠮᠠᠭᠤ ᠬᠤᠯᠠᠭᠠᠢᠴᠢᠳ ᠢ᠋ ᠷᠶᠡᠽᠡᠨ ᠦ᠌ ᠭᠠᠵᠠᠷ ᠣᠷᠣᠵᠤ ᠢᠷᠡᠵᠦ ᠠᠮᠵᠢᠭᠠ ᠦᠭᠡᠢ ᠪᠠᠢᠬᠤ ᠳ᠋ᠤᠨᠢ ᠬᠥᠭᠡᠭᠡᠬᠦ ᠬᠡᠷᠡᠭᠲᠡᠢ ᠭᠡᠯᠴᠡᠨᠡ᠃ ᠸᠠᠩ ᠲᠠᠲ᠋ᠠᠷ ᠤ᠋ᠨ ᠡᠯᠴᠢ ᠨᠠᠷ ᠢ᠋ ᠨᠡᠷᠡ ᠲᠡᠢ ᠲᠥᠷᠥ ᠲᠡᠢ ᠵᠣᠴᠢᠯᠠᠵᠠᠢ᠃ ᠵᠠᠷᠤᠴᠠ ᠨᠠᠷ ᠡᠯᠳᠡᠪ ᠠᠮᠲᠠᠲᠤ ᠢᠳᠡᠭᠡᠨ ᠨᠤᠭᠦᠳ ᠢ᠋ ᠲᠣᠭᠠ ᠦᠭᠡᠢ ᠣᠯᠠᠨ ᠢ᠋ᠶ᠋ᠠᠷ ᠠᠪᠴᠢᠷᠠᠵᠤ ᠪᠠᠢᠯᠠ᠃ ᠡᠯᠴᠢ ᠨᠤᠭᠦᠳ ᠦ᠋ᠨ ᠬᠠᠮᠲᠤ ᠪᠠᠷ ᠭᠠᠵᠠᠷ ᠤ᠋ᠨ ᠡᠵᠡᠳ ᠪᠣᠯᠤᠨ ᠪᠤᠰᠤᠳ ᠬᠠᠭᠤᠴᠢᠨ ᠴᠡᠷᠢᠭ ᠣᠷᠣᠢ ᠶ᠋ᠢᠨ ᠬᠣᠭᠣᠯᠠ ᠶ᠋ᠢ ᠢᠳᠡᠵᠡᠢ᠃ ᠡᠯᠴᠢ ᠨᠤᠭᠦᠳ ᠮᠠᠰᠢ ᠪᠠᠭᠠ ᠢᠳᠡᠯᠡ᠃ ᠢᠳᠡᠬᠦ ᠶ᠋ᠢᠨ ᠡᠮᠦᠨᠡ ᠬᠡᠰᠡᠭ ᠲᠠᠯᠬᠠ ᠪᠦᠬᠦᠨ ᠢ᠋ ᠦᠨᠦᠷᠯᠡᠨ ᠦᠵᠡᠬᠦ ᠶ᠋ᠢᠨ ᠳᠡᠭᠡᠷᠡ ᠵᠢᠮᠢᠰ ᠦ᠋ᠨ ᠠᠷᠢᠬᠢ᠂ ᠵᠥᠭᠡᠢ ᠶ᠋ᠢᠨ ᠪᠠᠯ ᠠ᠋ᠴᠠ ᠶᠡᠷᠦ ᠲᠤᠷᠰᠢᠵᠤ ᠦᠵᠡᠭᠰᠡᠨ ᠦᠭᠡᠢ ᠪᠢᠯᠡ᠃ ᠦᠳᠡᠰᠢ ᠶ᠋ᠢᠨ ᠬᠣᠭᠣᠯᠠᠨ ᠤ᠋ ᠳᠠᠷᠠᠭᠠ ᠰᠦᠯᠵᠢᠮᠡᠯ ᠪᠤᠷᠭᠠᠰᠤᠨ ᠬᠠᠰᠢᠯᠭᠠ ᠲᠠᠢ ᠦᠰᠦᠯᠢᠭ ᠠᠷᠠᠰᠤ ᠲᠠᠯᠪᠢᠵᠤ ᠲᠠᠲᠠᠭᠰᠠᠨ ᠴᠢᠷᠭᠠ ᠨᠤᠭᠤᠳ ᠢ᠋ ᠱᠠᠲᠤᠨ ᠤ᠋ ᠳᠡᠷᠭᠡᠳᠡ ᠪᠡᠯᠡᠬᠡᠨ ᠪᠠᠢᠯᠭᠠᠭᠰᠠᠨ ᠳ᠋ᠤ᠌ ᠡᠯᠴᠢ ᠨᠤᠭᠦᠳ ᠴᠢᠷᠭᠠ ᠪᠠᠷ ᠶᠠᠪᠤᠬᠤ ᠦᠭᠡᠢ ᠭᠡᠵᠦ ᠥᠪᠡᠷᠰᠡᠳ ᠦ᠋ᠨ ᠢ᠋ᠶ᠋ᠡᠨ ᠮᠣᠷᠢ ᠶ᠋ᠢ ᠤᠨᠤᠵᠤ ᠬᠥᠳᠡᠯᠪᠡ᠃ ᠮᠠᠭᠠᠳ ᠦᠭᠡᠢ ᠡᠯᠴᠢ ᠨᠤᠭᠦᠳ ᠵᠠᠮ ᠳ᠋ᠠᠭᠠᠨ ᠤᠨᠲᠠᠬᠤ ᠶ᠋ᠢ ᠬᠦᠰᠡᠵᠦ ᠪᠣᠯᠤᠨᠠ ᠭᠡᠵᠦ ᠸᠠᠩ ᠠ᠋ᠴᠠ ᠴᠢᠷᠭᠠ ᠶ᠋ᠢ ᠳᠠᠭᠠᠭᠤᠯᠤᠨ ᠬᠠᠮᠠᠭᠠᠯᠠᠯ ᠳ᠋ᠤ᠌ ᠲᠠᠪᠢᠨ ᠮᠣᠷᠢ ᠲᠠᠢ ᠴᠡᠷᠢᠭ ᠢ᠋ ᠥᠭᠴᠦ ᠥᠪᠡᠷ ᠢ᠋ᠶ᠋ᠡᠨ ᠡᠯᠴᠢᠨ ᠨᠠᠷ ᠢ᠋ ᠡᠭᠦᠳᠡ ᠬᠦᠷᠲᠡᠯᠡ ᠭᠠᠷᠭᠠᠵᠤ ᠥᠭᠭᠦᠭᠡᠳ ᠶᠸᠸᠫᠠᠲ ᠢ ᠳᠠᠭᠤᠳᠠᠵᠤ ᠬᠡᠯᠡᠭᠰᠡᠨ ᠨᠢ:
—ᠮᠢᠨᠦ ᠵᠢᠷᠦᠬᠡ᠂ ᠵᠡᠷᠯᠢᠭ ᠲᠠᠯᠠ ᠠ᠋ᠴᠠ ᠠᠶᠤᠮᠰᠢᠭᠲᠤ ᠡᠭᠦᠯᠡ ᠮᠠᠨ ᠤ᠋ ᠵᠦᠭ ᠢᠷᠡᠬᠦ ᠶ᠋ᠢ ᠮᠡᠳᠡᠨ ᠲᠦᠭᠰᠢᠵᠦ ᠪᠠᠢᠨᠠ᠃ ᠰᠡᠯᠡᠮᠡ ᠪᠠᠷᠢᠵᠤ ᠴᠢᠳᠠᠬᠤ ᠬᠥᠮᠦᠨ ᠪᠦᠬᠦᠨ ᠢ᠋ ᠬᠦᠴᠦᠨ ᠲᠤᠰᠠᠯᠠᠭᠤᠯᠬᠤ ᠪᠠᠷ ᠳᠠᠢᠴᠢᠯᠠᠬᠤ ᠬᠡᠷᠡᠭᠲᠡᠢ᠃ ᠮᠣᠩᠭᠣᠯ ᠤ᠋ᠨ ᠡᠯᠴᠢ ᠨᠤᠭᠦᠳ ᠦ᠋ᠨ ᠬᠠᠮᠲᠤᠪᠠᠷ ᠸᠯᠠᠳ᠋ᠢᠮᠢᠷ ᠲᠸ᠋ ᠳᠡᠭᠦᠦ ᠪᠡᠨ ᠶᠠᠪᠤᠭᠤᠯᠵᠤ ᠰᠦᠽᠳᠠᠯᠢ ᠶ᠋ᠢᠨ ᠪᠣᠯᠣᠳ ᠷᠤᠰᠲ᠋ᠤᠸ ᠤ᠋ᠨ ᠪᠸᠯᠤᠽᠸᠷᠸᠺ ᠤ᠋ᠨ ᠪᠦᠬᠦ ᠠᠷᠠᠳ ᠢᠷᠭᠡᠳ ᠢ᠋ ᠪᠣᠰᠬᠠᠵᠤ ᠶᠡᠬᠡ ᠨᠤᠸᠭᠤᠷᠤᠳ᠋ ᠢ᠋ᠶ᠋ᠠᠷ ᠲᠤᠰᠠᠯᠠᠭᠤᠯᠬᠤ ᠪᠠᠷ ᠤᠷᠢᠶᠠᠯᠠᠵᠤ ᠥᠭᠬᠦ ᠶ᠋ᠢ ᠶᠡᠬᠡ ᠸᠠᠩ ᠭᠸᠣᠷᠬᠢ ᠸᠰᠸᠸᠤᠯᠤᠳᠤᠸᠢ᠍ᠴ ᠠ᠋ᠴᠠ ᠭᠤᠶᠤᠯᠭᠠᠯᠠ᠃ ᠪᠢᠳᠡ ᠡᠨᠳᠡ᠂ ᠲᠡᠳᠡ ᠨᠠᠷ ᠲᠠᠢ ᠬᠡᠯᠡᠯᠴᠡᠭᠡ ᠬᠢᠵᠦ ᠪᠠᠢᠬᠤ ᠬᠣᠭᠣᠷᠣᠨᠳᠣ ᠲᠡᠳᠡ ᠲᠠᠲ᠋ᠠᠷ ᠤ᠋ᠳ ᠲᠠᠢ ᠪᠠᠢᠯᠳᠤᠬᠤ ᠪᠠᠷ ᠡᠨᠳᠡ ᠶᠠᠭᠠᠷᠠᠨ ᠬᠦᠷᠦᠯᠴᠡᠵᠦ ᠢᠷᠡᠬᠦ ᠬᠡᠷᠡᠭᠲᠡᠢ ᠪᠠᠢᠨᠠ᠃ ᠵᠡᠷᠯᠢᠭ ᠲᠠᠯᠠ ᠳᠠᠰᠢ ᠲᠠᠲ᠋ᠠᠷ ᠤ᠋ᠨ ᠬᠠᠭᠠᠨ ᠳ᠋ᠤ᠌ ᠥᠪᠡᠷ ᠦ᠋ᠨ ᠬᠦᠦ ᠫᠧᠲ᠋ᠷ ᠢ᠋ ᠪᠡᠯᠡᠭ ᠦ᠋ᠨ ᠬᠠᠮᠲᠤ ᠮᠥᠨ ᠤᠬᠠᠭᠠᠨᠲᠠᠢ ᠭᠠᠵᠠᠷ ᠤ᠋ᠨ ᠡᠵᠡᠳ ᠪᠠᠶᠠᠨ ᠢ᠋ ᠳᠠᠭᠠᠯᠳᠤᠭᠤᠯᠤᠨ ᠶᠠᠪᠤᠭᠤᠯᠵᠤ ᠪᠠᠲᠤ ᠬᠠᠭᠠᠨ ᠢ᠋ ᠠᠷᠭᠠᠳᠠᠭᠤᠯᠤᠶᠠ᠂ ᠶᠸᠧᠫᠡᠲ ᠴᠢ ᠶᠠᠪᠤᠵᠤ ᠴᠧᠷᠨᠢᠭᠤᠸ ᠲᠸ᠋ ᠣᠴᠢᠵᠤ ᠸᠠᠩ ᠮᠢᠬᠠᠢᠯ ᠢ᠋ ᠭᠤᠶᠤᠵᠤ ᠲᠡᠭᠦᠨ ᠦ᠌ ᠴᠡᠷᠢᠭ ᠢ᠋ ᠬᠦᠴᠦᠨ ᠲᠤᠰᠠᠯᠠᠭᠤᠯᠬᠤ ᠪᠠᠷ ᠨᠠᠰᠢ ᠶᠠᠪᠤᠭᠤᠯ᠂ ᠳᠠᠰᠢ ᠪᠠᠨ ᠥᠭᠡᠷᠡ ᠬᠥᠮᠦᠨ ᠶᠠᠪᠤᠭᠤᠯᠬᠤ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠢᠷᠡᠬᠦ ᠴᠥ᠍ ᠦᠭᠡᠢ᠂ ᠴᠡᠷᠢᠭ ᠴᠦ᠍ ᠠᠪᠴᠢᠷᠠᠬᠤ ᠦᠭᠡᠢ ᠪᠣᠯ ᠤᠤ ᠭᠡᠵᠦ ᠠᠶᠤᠨᠠ᠃ ᠶᠸᠧᠫᠡᠲ ᠴᠢᠮᠠᠶ᠋ᠢ ᠪᠢ ᠮᠡᠳᠡᠨᠡ ᠰᠢᠦ᠂ ᠥᠪᠡᠷ ᠦ᠋ᠨ ᠴᠢᠰᠤᠨ ᠪᠠᠷᠢᠯᠳᠤᠯᠭᠠ ᠲᠠᠢ ᠠᠬᠠ ᠳᠡᠭᠦᠦ ᠪᠣᠯᠬᠤ ᠷᠶᠡᠽᠡᠨ ᠦ᠌ ᠬᠥᠮᠦᠨ ᠳ᠋ᠦ᠍ ᠵᠣᠬᠢᠬᠤ ᠴᠠᠭ ᠲᠸ᠋ ᠢᠷᠡᠵᠦ ᠬᠦᠴᠦᠨ ᠲᠤᠰᠠᠯᠠ ᠭᠡᠵᠦ ᠬᠡᠯᠡ! ᠮᠢᠨᠦ ᠠᠳᠤᠭᠤᠨ ᠠ᠋ᠴᠠ ᠰᠣᠯᠢᠵᠤ ᠤᠨᠤᠬᠤ ᠮᠣᠷᠢ ᠬᠡᠴᠢᠨᠡᠨ ᠬᠡᠷᠡᠭ ᠲᠡᠢ ᠪᠣᠯ ᠠᠪᠤᠭᠲᠤᠨ! ᠲᠡᠭᠡᠭᠡᠳ ᠬᠤᠷᠳᠤᠨ ᠡᠷᠭᠢᠵᠦ ᠢᠷᠡᠭᠲᠦᠨ!
ᠶᠸᠧᠫᠡᠲ ᠲᠡᠷᠡ ᠰᠥᠨᠢ ᠳ᠋ᠡᠭᠡᠨ ᠴᠧᠷᠨᠢᠭᠤᠸ ᠳᠠᠰᠢ ᠳᠠᠪᠬᠢᠨ ᠣᠳᠤᠯᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠡᠷᠡᠯ᠂ ᠬᠡᠷᠡᠢᠳ· ᠮᠥᠩᠬᠡᠨᠠᠰᠤᠨ᠂ ᠠᠯᠲᠠᠨᠴᠢᠮᠡᠭ᠂ ᠪᠠᠶᠠᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠲ· ᠬᠦᠮᠦᠵᠢᠯᠲᠦ᠂ ᠠᠷᠢᠭᠤᠨ᠂ ᠪᠠᠶᠠᠨᠴᠡᠴᠡᠭ᠂ ᠠᠯᠲᠠᠨᠴᠢᠮᠡᠭ