ᠪᠠᠲᠤ ᠬᠠᠭᠠᠨ 1-14ᠡᠮᠨᠢᠭ ᠮᠣᠷᠢ ᠰᠤᠷᠭᠠᠭᠰᠠᠨ ᠨᠢ-Bat khaan Бат хаан-ᠷᠣᠮᠠᠨ
193ᠠᠷᠪᠠᠨ ᠳᠥᠷᠪᠡ ᠡᠮᠨᠢᠭ ᠮᠣᠷᠢ ᠰᠤᠷᠭᠠᠭᠰᠠᠨ ᠨᠢ
ᠭᠠᠪᠰᠢᠭᠠᠢ ᠱᠠᠯᠠᠮᠠᠭᠠᠢ ᠠ᠋ᠴᠠ ᠪᠠᠨ《ᠮᠤᠤᠷ》 ᠭᠡᠳᠡᠭ ᠬᠣᠴᠢ ᠲᠠᠢ ᠪᠣᠯᠤᠭᠰᠠᠨ ᠮᠦᠰᠥ᠋ᠺ ᠨᠠᠷᠢᠨ ᠪᠡᠯᠬᠡᠭᠦᠰᠦ ᠪᠡᠨ ᠣᠷᠢᠶᠠᠭᠰᠠᠨ ᠪᠦᠰᠡ ᠪᠡᠨ ᠴᠢᠩᠭᠠᠯᠠᠭᠠᠳ ᠪᠥᠭᠲᠦᠷᠭᠡᠲᠡᠢ ᠮᠣᠷᠢᠨ ᠳ᠋ᠤ᠌ ᠮᠣᠷᠳᠠᠵᠤ ᠭᠠᠷ ᠲᠠᠭᠠᠨ ᠤᠷᠲᠤ ᠨᠠᠷᠢᠨ ᠤᠷᠭᠠ ᠪᠠᠷᠢᠨ ᠬᠡᠭᠡᠷ ᠠᠵᠢᠷᠭᠠᠨ ᠤ᠋ ᠵᠦᠭ ᠳᠠᠪᠬᠢᠪᠠ᠃
ᠮᠦᠰᠦᠢ᠍ᠺ ᠤᠷᠢᠳ ᠲᠠᠭᠠᠨ ᠴᠢᠨᠠᠳᠤ ᠲᠠᠯᠠ ᠪᠠᠷ ᠨᠢ ᠣᠷᠢᠶᠠᠬᠤ ᠶ᠋ᠢᠨ ᠲᠤᠯᠠᠳᠠ ᠬᠣᠯᠠᠭᠤᠷ ᠲᠣᠭᠣᠷᠢᠬᠤ ᠳ᠋ᠤ᠌᠂ ᠬᠡᠭᠡᠷ ᠠᠵᠢᠷᠭᠠ ᠠᠶᠤᠯ ᠣᠢᠷᠠᠲᠤᠭᠰᠠᠨ( ᠢ᠋ ) ᠬᠠᠷᠠᠬᠠᠨ ᠰᠡᠵᠢᠭᠯᠡᠯ ᠦᠭᠡᠢ᠂ ᠳᠡᠷᠭᠡᠳᠡᠬᠢ ᠤᠨᠠᠭᠠ ᠲᠠᠢ ᠡᠷᠬᠡᠯᠡᠨ ᠪᠠᠢᠪᠠ᠃
ᠣᠢᠷᠠᠲᠤᠨ ᠢᠷᠡᠭᠴᠢ ᠠᠳᠤᠭᠤᠴᠢᠨ᠂ ᠭᠡᠨᠡᠳᠲᠡ ᠠᠵᠢᠭᠯᠠᠨ ᠦᠷᠭᠦᠭᠡᠬᠦ ᠳ᠋ᠦ᠍ ᠡᠬᠡᠰ ᠨᠢ ᠤᠨᠠᠭᠠ ᠪᠠᠨ ᠬᠠᠯᠬᠠᠯᠠᠨ ᠶᠠᠭᠠᠷᠠᠯ ᠦᠭᠡᠢ ᠬᠠᠵᠠᠭᠤ ᠲᠡᠰᠢ ᠵᠠᠢᠯᠠᠵᠤ ᠮᠣᠷᠢ ᠲᠠᠢ ᠬᠥᠮᠦᠨ ᠳ᠋ᠦ᠍ ᠵᠠᠮ ᠲᠠᠯᠪᠢᠭᠠᠳ ᠤᠨᠠᠭᠠ ᠨᠤᠭᠤᠳ ᠨᠢ ᠡᠬᠡ ᠪᠡᠨ ᠳᠠᠭᠠᠯᠳᠤᠨ ᠬᠣᠢᠨᠠ ᠠ᠋ᠴᠠ ᠨᠢ ᠳᠠᠪᠬᠢᠵᠠᠢ᠃
ᠬᠡᠭᠡᠷ ᠠᠵᠢᠷᠭᠠ ᠰᠣᠷᠲᠣᠯᠵᠠᠨ᠂ ᠣᠢᠷᠠᠲᠤᠭᠰᠠᠨ ᠳᠠᠢᠰᠤᠨ ᠢ᠋ ᠮᠡᠳᠡᠮᠡᠭᠴᠡ᠂ ᠬᠠᠷᠠ ᠬᠤᠷᠳᠤ ᠪᠠᠷ ᠢ᠋ᠶ᠋ᠠᠨ ᠬᠠᠵᠠᠭᠤ ᠲᠡᠰᠢ ᠤᠬᠤᠰᠬᠢᠨ ᠪᠤᠰᠤᠳ ᠠᠳᠤᠭᠤᠨ ᠤ᠋ ᠳᠣᠲᠣᠷᠠ ᠨᠢᠭᠤᠭᠳᠠᠬᠤ ᠶ᠋ᠢ ᠣᠷᠣᠯᠳᠣᠨᠠ᠃
ᠮᠦᠰᠦᠢ᠍ᠺ ᠲᠡᠭᠦᠨ ᠢ᠋ ᠭᠱᠠᠨ ᠵᠠᠭᠤᠷᠠ ᠴᠤ᠌ ᠠᠯᠳᠠᠯ ᠦᠭᠡᠢ ᠬᠠᠷᠠᠵᠤ ᠪᠠᠢᠭᠠᠳ ᠳᠤᠲᠠᠭᠠᠬᠤ ᠳ᠋ᠤᠨᠢ ᠲᠠᠷᠠᠬᠠᠢ ᠠᠳᠤᠭᠤᠨ ᠤ᠋ ᠳᠤᠮᠳᠠᠭᠤᠷ ᠵᠦᠰᠦᠨ ᠭᠠᠷᠴᠤ ᠬᠣᠢᠨᠠ ᠠ᠋ᠴᠠ ᠨᠢ ᠡᠯᠳᠡᠪᠡ᠃ ᠤᠷᠭᠠᠴᠢᠨ ᠬᠡᠳᠦᠨ ᠤᠳᠠᠭᠠ ᠲᠤᠩ ᠣᠢᠷᠠᠲᠤᠵᠤ ᠬᠤᠢᠪᠢ ᠪᠠᠨ ᠳᠠᠯᠠᠢᠭᠰᠠᠨ ᠪᠣᠯᠪᠠᠴᠤ ᠬᠠᠵᠢᠭ ᠠᠵᠢᠷᠭᠠ ᠰᠡᠭᠦᠯ ᠢ᠋ᠶ᠋ᠡᠨ ᠰᠢᠷᠪᠢᠨ ᠳᠡᠯ ᠢ᠋ᠶ᠋ᠡᠨ ᠪᠣᠰᠬᠠᠵᠤ ᠬᠠᠵᠠᠭᠤ ᠲᠡᠰᠢ ᠪᠡᠨ ᠲᠣᠯᠣᠭᠠᠢ ᠪᠠᠨ ᠬᠠᠶᠠᠯᠠᠨ ᠬᠠᠵᠠᠭᠤ ᠳᠠᠰᠢ ᠪᠤᠯᠲᠠᠷᠢᠭᠠᠳ ᠦᠷᠭᠦᠭᠰᠡᠨ ᠪᠤᠰᠤᠳ ᠰᠦᠷᠦᠭ ᠦ᠋ᠨ ᠳᠤᠮᠳᠠᠭᠤᠷ ᠰᠢᠷᠭᠤᠵᠤ ᠦᠵᠡᠭᠳᠡᠬᠦ ᠦᠭᠡᠢ ᠪᠣᠯᠵᠠᠢ᠃
ᠮᠦᠰᠦᠢ᠍ᠺ ᠴᠢᠷᠠᠢ ᠨᠢ ᠤᠯᠠᠢᠵᠤ ᠠᠯᠳᠠᠭᠳᠠᠭᠰᠠᠨ ᠳᠣᠭᠰᠢᠨ ᠠᠳᠤᠭᠤᠰᠤᠨ ᠠ᠋ᠴᠠ ᠥᠭᠡᠷᠡ ᠶᠠᠭᠤ ᠶ᠋ᠢ ᠴᠦ᠍ ᠰᠠᠨᠠᠬᠤ ᠦᠭᠡᠢ ᠪᠠᠢᠭᠰᠠᠨ ᠪᠥᠭᠡᠳ ᠡᠭᠦᠨ ᠢ᠋ ᠬᠡᠷᠬᠢᠪᠡᠴᠦ ᠠᠯᠳᠠᠯ ᠦᠭᠡᠢ ᠪᠠᠷᠢᠬᠤ ᠶᠣᠰᠣᠲᠠᠢ ᠪᠠᠢᠵᠠᠢ᠃
ᠡᠨᠡ ᠬᠢᠯᠪᠠᠷ ᠦᠭᠡᠢ ᠬᠡᠷᠡᠭ᠂ ᠬᠡᠭᠡᠷ ᠮᠣᠷᠢ ᠠᠳᠤᠭᠤᠴᠢᠨ ᠠ᠋ᠴᠠ ᠬᠡᠳᠦᠨ ᠤᠳᠠᠭᠠ ᠵᠠᠢᠯᠠᠨ ᠴᠢᠳᠠᠭᠠᠳ ᠲᠣᠯᠣᠭᠠᠢ ᠪᠠᠨ ᠡᠷᠭᠦᠵᠦ ᠴᠢᠬᠢ ᠪᠡᠨ ᠰᠣᠷᠲᠣᠢᠯᠭᠠ ᠰᠢᠷᠦᠭᠦᠨ ᠢ᠋ᠶ᠋ᠡᠷ ᠬᠥᠭᠡᠭᠡᠬᠦ ᠶ᠋ᠢ ᠰᠣᠴᠢᠨ ᠬᠠᠷᠠᠵᠤ ᠬᠡᠰᠡᠭ ᠠᠳᠤᠭᠤ ᠤᠷᠤᠭᠤ ᠫᠢᠵᠢᠭᠢᠨᠡᠲᠡᠯᠡ ᠳᠠᠪᠬᠢᠵᠤ ᠴᠡᠭᠡᠵᠢ ᠪᠡᠷ ᠢ᠋ᠶ᠋ᠡᠨ ᠲᠦᠷᠢᠨ ᠣᠷᠣᠴᠢᠬᠠᠪᠠ᠃ ᠮᠦᠰᠦᠢ᠍ᠺ ᠦ᠋ᠨ ᠤᠨᠤᠨ ᠪᠥᠭᠲᠥᠢᠨ ᠳᠠᠪᠬᠢᠵᠤ ᠪᠣᠢ ᠤᠷᠭᠠᠴᠢ ᠪᠥᠭᠲᠥᠷ ᠮᠣᠷᠢ᠂ ᠤᠨᠤᠭᠰᠠᠨ ᠬᠥᠮᠦᠨ ᠦ᠌ ᠪᠡᠨ ᠳᠠᠯᠳᠠ ᠰᠠᠨᠠᠭᠠ ᠶ᠋ᠢ ᠮᠡᠳᠡᠭᠰᠡᠨ ᠪᠣᠯᠤᠯᠲᠠᠢ᠃
ᠮᠥᠰᠥ᠋ᠺ ᠵᠢᠯᠣᠭᠣ ᠵᠠᠯᠠᠯ ᠦᠭᠡᠢ ᠬᠠᠷᠢᠨ ᠮᠣᠷᠢ ᠨᠢ ᠵᠠᠢᠯᠠᠨ ᠳᠤᠲᠠᠭᠠᠬᠤ ᠡᠮᠨᠢᠭ ᠠᠵᠢᠷᠭᠠ ᠶ᠋ᠢ ᠪᠤᠰᠤᠳ ᠣᠯᠠᠨ ᠵᠠᠭᠤᠨ ᠠᠳᠤᠭᠤᠨ ᠤ᠋ ᠳᠣᠲᠣᠷᠠ ᠠ᠋ᠴᠠ ᠡᠷᠢᠵᠦ ᠣᠯᠬᠤ ᠭᠡᠵᠦ ᠨᠡᠬᠡᠮᠵᠢᠯᠡᠪᠡ᠃ ᠵᠠᠯᠠᠭᠤ ᠵᠢᠬᠢᠲ ᠂ ᠬᠥᠭᠡᠭᠡᠭᠰᠡᠨ ᠢ᠋ᠶ᠋ᠡᠨ ᠰᠠᠶᠢ ᠭᠦᠢᠴᠡᠵᠦ ᠪᠤᠭᠤᠢᠯᠢ ᠶ᠋ᠢ ᠰᠢᠲᠠᠨ ᠤᠷᠭᠠ ᠶ᠋ᠢ ᠬᠠᠵᠠᠭᠤ ᠳᠠᠰᠢ ᠪᠣᠯᠭᠠᠵᠤ ᠪᠤᠭᠤᠢᠯᠢ ᠶ᠋ᠢᠨ ᠦᠵᠦᠭᠦᠷ ᠢ᠋ ᠡᠪᠦᠳᠦᠭ ᠢ᠋ᠶ᠋ᠡᠷ ᠳᠠᠷᠤᠵᠤ ᠴᠣᠪᠬᠣᠴᠢᠨ ᠪᠦᠬᠦᠢ ᠰᠠᠢᠬᠠᠨ ᠮᠣᠷᠢ ᠶ᠋ᠢ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠷᠢᠵᠤ ᠠᠪᠴᠠᠢ᠃ ᠠᠷᠳᠠᠭ ᠬᠦᠯᠦᠭ ᠦ᠋ᠨ ᠬᠦᠵᠦᠭᠦᠨ ᠳ᠋ᠦ᠍ ᠪᠤᠭᠤᠢᠯᠢ ᠣᠷᠣᠬᠤ ᠳ᠋ᠤ᠌ ᠠᠵᠢᠭᠯᠠᠨ ᠪᠠᠢᠭᠰᠠᠨ ᠠᠳᠤᠭᠤᠴᠢᠨ ᠰᠦᠷᠡᠬᠡᠢ ᠴᠢᠩᠭᠠ ᠬᠠᠰᠬᠢᠷᠤᠯᠳᠤᠪᠠ᠃
ᠰᠦᠷᠦᠭ ᠮᠢᠩᠭᠠᠨ ᠠᠳᠤᠭᠤ᠂ ᠬᠥᠮᠦᠨ ᠦ᠌ ᠳᠡᠢᠯᠦᠭᠰᠡᠨ ᠢ᠋ ᠭᠠᠢᠬᠠᠨ ᠭᠥᠯᠢᠷᠡᠵᠦ ᠴᠢᠬᠢ ᠪᠡᠨ ᠰᠣᠷᠲᠣᠢᠯᠭᠠᠨ ᠭᠠᠪᠰᠢᠭᠠᠢ ᠤᠷᠭᠠᠴᠢ ᠬᠢᠭᠡᠳ ᠴᠢᠪᠬᠠᠳᠠᠰᠤ ᠮᠡᠲᠦ ᠬᠥᠪᠴᠢᠯᠡᠭᠰᠡᠨ ᠬᠠᠷᠠ ᠳᠡᠭᠡᠰᠦᠨ ᠪᠤᠭᠤᠢᠯᠢ ᠳ᠋ᠤ᠌ ᠤᠷᠠᠬᠠᠯᠳᠤᠨ ᠴᠣᠪᠬᠣᠴᠢᠨ ᠪᠠᠢᠭᠠ ᠰᠠᠭᠰᠠᠯᠵᠠᠭᠰᠠᠨ ᠬᠠᠷᠠ ᠳᠡᠯ ᠲᠡᠢ ᠠᠵᠢᠷᠭᠠ ᠬᠣᠶᠠᠷ ᠤ᠋ᠨ ᠵᠦᠭ ᠰᠢᠷᠳᠡᠵᠡᠢ᠃
ᠬᠦᠵᠦᠭᠦᠨ ᠦ᠌ ᠰᠣᠴᠢᠮᠠᠭ ᠡᠪᠡᠳᠬᠦ ᠶ᠋ᠢ ᠤᠷᠢᠳᠤ ᠶᠡᠷᠦ ᠮᠡᠳᠡᠷᠡᠵᠦ ᠵᠣᠪᠠᠵᠤ ᠪᠠᠢᠭᠠ ᠦᠭᠡᠢ ᠡᠮᠨᠢᠭ ᠮᠣᠷᠢ ᠵᠥᠪᠬᠡᠨ ᠠᠩᠬᠠᠨ ᠤ᠋ ᠬ᠌ᠱᠠᠨ ᠳ᠋ᠤ᠌ ᠬᠥᠳᠡᠯᠦᠯ ᠦᠭᠡᠢ ᠵᠣᠭᠰᠣᠭᠰᠠᠨ ᠢ᠋ᠶ᠋ᠠᠨ ᠬᠥᠯ ᠢ᠋ ᠠᠯᠴᠠᠢᠯᠭᠠᠨ ᠬᠦᠵᠦᠭᠦᠦ ᠪᠡᠨ ᠪᠥᠬᠥᠢᠵᠦ ᠪᠤᠭᠤᠢᠯᠢ ᠶ᠋ᠢ ᠲᠠᠰᠤᠯᠬᠤ ᠪᠠᠷ ᠵᠢᠳᠬᠦᠵᠡᠢ᠃ ᠲᠡᠭᠡᠭᠡᠳ ᠭᠡᠨᠡᠳᠲᠡ ᠴᠣᠷᠣᠢᠨ ᠬᠠᠵᠠᠭᠤ ᠳᠠᠰᠢ ᠰᠢᠢ᠍ᠳᠮᠡᠭ ᠬᠠᠷᠠᠢᠵᠤ ᠠᠳᠤᠭᠤᠴᠢᠨ ᠤ᠋ ᠬᠠᠲᠠᠭᠤ ᠭᠠᠷ ᠠ᠋ᠴᠠ ᠪᠤᠭᠤᠢᠯᠢ ᠶ᠋ᠢ ᠰᠠᠯᠭᠠᠬᠤ ᠭᠡᠵᠦ ᠣᠷᠣᠯᠳᠣᠪᠠᠴᠤ ᠤᠷᠠᠬᠠᠯᠠᠭᠰᠠᠨ ᠭᠣᠭᠴᠣᠭᠠ ᠨᠢ ᠤᠯᠠᠮ ᠴᠢᠩᠭᠠᠷᠠᠵᠤ ᠬᠣᠭᠣᠯᠠᠢ ᠶ᠋ᠢ ᠪᠠᠴᠢᠮᠳᠠᠭᠤᠯᠬᠤ ᠳ᠋ᠤ᠌ ᠬᠡᠭᠡᠷ ᠠᠵᠢᠷᠭᠠ ᠴᠢᠬᠤᠯᠳᠠᠨ ᠴᠢᠷᠠᠯᠠᠵᠤ ᠰᠥᠬᠥᠷᠡᠨ ᠤᠨᠠᠭᠠᠳ ᠳᠠᠬᠢᠨ ᠬᠠᠷᠠᠢᠵᠤ ᠲᠣᠩᠭᠣᠴᠢᠨ᠂ ᠬᠣᠢᠲᠤ ᠬᠥᠯ ᠢ᠋ᠶ᠋ᠡᠨ ᠳᠡᠭᠡᠭᠰᠢ ᠡᠷᠭᠦᠨ ᠲᠠᠩᠭᠠᠢᠷᠠᠵᠤ ᠪᠠᠢᠪᠠ᠃
ᠮᠦᠰᠥ᠋ᠺ ᠦ᠋ᠨ ᠮᠣᠷᠢ ᠲᠡᠩᠬᠡᠭᠡ ᠲᠡᠢ᠂ ᠡᠢᠮᠦ ᠲᠡᠮᠡᠴᠡᠯᠳᠦᠭᠡᠨ ᠳ᠋ᠦ᠍ ᠲᠤᠷᠰᠢᠯᠭᠠ ᠲᠠᠢ᠂ᠨᠢᠭᠡ ᠠᠯᠬᠤᠮ ᠴᠤ᠌ ᠨᠢᠴᠤᠬᠤ ᠦᠭᠡᠢ ᠪᠠᠢᠵᠠᠢ᠃ ᠮᠥᠰᠥ᠋ᠺ ᠪᠠᠴᠢᠮᠳᠠᠭᠰᠠᠨ ᠳᠠᠢᠰᠤᠨ ᠤ᠋ ᠬᠥᠳᠡᠯᠦᠯ ᠪᠦᠷᠢ ᠶ᠋ᠢ ᠰᠡᠷᠭᠡᠢᠯᠡᠨ ᠪᠠᠢᠬᠤ ᠳ᠋ᠤ᠌ ᠬᠣᠶᠠᠷ ᠠᠳᠤᠭᠤᠴᠢᠨ ᠭᠦᠶᠦᠨ ᠢᠷᠡᠵᠦ ᠴᠢᠷᠠᠯᠠᠨ ᠴᠣᠪᠬᠣᠴᠢᠬᠤ ᠮᠣᠷᠢᠨ ᠤ᠋ ᠴᠢᠬᠢ ᠶ᠋ᠢ ᠰᠢᠭᠦᠷᠡᠨ ᠴᠢᠩᠭᠠ ᠠᠳᠬᠤᠵᠤ ᠮᠥᠨ ᠥᠭᠡᠷᠡ ᠬᠣᠶᠠᠷ ᠬᠥᠮᠦᠨ ᠬᠥᠯ ᠢ᠋ ᠰᠤᠷ ᠢ᠋ᠶ᠋ᠠᠷ ᠶᠠᠭᠠᠷᠠᠨ ᠬᠦᠯᠢᠪᠡ᠃ ᠡᠳᠡᠭᠡᠷ ᠦ᠋ᠨ ᠨᠢᠭᠡ ᠨᠢ ᠠᠵᠢᠷᠭᠠᠨ ᠤ᠋ ᠰᠢᠳᠦᠨ ᠦ᠌ ᠵᠠᠪᠰᠠᠷ ᠳᠡᠭᠡᠰᠦ ᠣᠷᠣᠭᠤᠯᠵᠤ ᠭᠡᠳᠡᠰᠦ ᠪᠡᠷ ᠨᠢ ᠲᠣᠭᠣᠷᠢᠭᠤᠯᠤᠨ ᠦᠵᠦᠭᠦᠷ ᠢ᠋ ᠨᠢᠷᠤᠭᠤᠨ ᠳᠡᠭᠡᠷᠡ ᠨᠢ ᠪᠡᠬᠢᠯᠡᠵᠡᠢ᠃ ᠲᠡᠷᠡ ᠵᠠᠭᠤᠷᠠ ᠠᠶᠤᠮᠰᠢᠭᠲᠤ ᠬᠦᠯᠦᠭ ᠦ᠋ᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠤᠯᠠᠭᠠᠨ ᠴᠠᠮᠴᠠ ᠲᠠᠢ᠂ ᠥᠮᠥᠳᠥ ᠪᠡᠨ ᠰᠢᠭᠤᠭᠰᠠᠨ᠂ ᠬᠥᠯ ᠨᠢᠴᠦᠭᠦᠨ ᠬᠥᠪᠡᠭᠦᠨ ᠰᠠᠭᠤᠵᠤ ᠵᠢᠯᠣᠭᠣ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠰᠢᠳᠦᠨ ᠦ᠌ ᠵᠠᠪᠰᠠᠷ ᠢ᠋ᠶ᠋ᠠᠷ ᠭᠠᠷᠭᠠᠭᠰᠠᠨ ᠳᠡᠭᠡᠰᠦᠨ ᠦ᠌ ᠦᠵᠦᠭᠦᠷ ᠡᠴᠡ ᠪᠠᠷᠢᠭᠠᠳ ᠵᠡᠭᠦᠨ ᠭᠠᠷ ᠢ᠋ᠶ᠋ᠠᠷ ᠥᠳᠬᠡᠨ ᠳᠡᠯ ᠡᠴᠡ ᠨᠢ ᠵᠢᠭᠤᠷᠠᠬᠤ ᠳ᠋ᠤ᠌ ᠠᠳᠤᠭᠤᠴᠢᠨ ᠮᠣᠷᠢᠨ ᠤ᠋ ᠬᠥᠯ ᠦ᠋ᠨ ᠬᠦᠯᠢᠶᠡᠰᠦ ᠶ᠋ᠢ ᠲᠠᠢᠯᠤᠨ ᠵᠢᠭᠤᠲᠠᠮᠠᠭᠴᠠ ᠳᠣᠷᠭᠠᠩ ᠮᠣᠷᠢ ᠶ᠋ᠢ ᠲᠠᠰᠢᠭᠤᠷᠳᠠᠨ ᠲᠠᠯᠠ ᠤᠷᠤᠭᠤ ᠳᠠᠪᠬᠢᠪᠠ᠃
ᠨᠠᠽᠠᠷ ᠺᠢᠶᠡᠷᠢᠽᠸᠺ ᠠᠮᠠ ᠪᠠᠨ ᠠᠩᠭᠠᠢᠵᠤ ᠭᠠᠷ ᠢ᠋ᠶ᠋ᠠᠨ ᠡᠷᠭᠦᠨ ᠪᠡᠶᠡᠰᠦᠨ ᠰᠠᠨᠳᠤᠷᠴᠤ᠄
— ᠪᠸᠷᠢᠺᠸᠯᠯᠢᠶᠠ(ᠰᠠᠢᠨ ᠡᠷᠡ) ᠡᠨᠡ ᠬᠦᠦ ᠶᠣᠰᠣᠲᠠᠢ ᠵᠢᠬᠢᠲ ᠪᠣᠯᠤᠨᠠ ᠭᠡᠵᠦ ᠬᠠᠰᠬᠢᠷᠤᠨ ᠪᠠᠢᠯᠠ᠃ ᠬᠥᠪᠡᠭᠦᠨ ᠬᠠᠷᠠᠢᠵᠤ ᠪᠠᠢᠭᠠ ᠮᠣᠷᠢᠨ ᠤ᠋ ᠨᠢᠷᠤᠭᠤᠨ ᠳᠡᠭᠡᠷᠡ ᠲᠣᠭᠲᠠᠪᠤᠷᠢᠲᠠᠢ ᠰᠠᠭᠤᠭᠠᠳ ᠲᠡᠳᠦᠢ ᠮᠠᠰᠢ ᠬᠣᠯᠠ ᠣᠳᠴᠤ᠂ ᠥᠴᠦᠬᠡᠨ ᠤᠯᠠᠭᠠᠨ ᠴᠢᠭ ᠦ᠋ᠨ ᠴᠢᠨᠡᠭᠡ ᠦᠵᠡᠭᠳᠡᠯᠡ᠃
ᠠᠳᠤᠭᠤᠴᠢᠨ᠂ ᠮᠣᠷᠢ ᠬᠦᠦ ᠬᠣᠶᠠᠷ ᠤ᠋ᠨ ᠲᠡᠮᠡᠴᠡᠯᠳᠦᠭᠡᠨ ᠢ᠋ ᠰᠣᠷᠭᠣᠭ ᠢ᠋ᠶ᠋ᠠᠷ ᠠᠵᠢᠭᠯᠠᠵᠤ ᠲᠤᠰᠠᠯᠠᠬᠤ ᠪᠠᠷ ᠳᠠᠪᠬᠢᠬᠤ ᠳ᠋ᠤ᠌ ᠪᠡᠯᠡᠬᠡᠨ ᠪᠠᠢᠵᠠᠭᠠᠪᠠ᠃ ᠮᠣᠷᠢ ᠲᠠᠯᠠ ᠳᠡᠭᠡᠭᠦᠷ ᠨᠠᠰᠢ ᠴᠠᠰᠢ ᠭᠡᠷᠦᠨ ᠬᠦᠦ ᠶ᠋ᠢ ᠠᠪᠴᠤ ᠬᠠᠶᠠᠬᠤ ᠶ᠋ᠢ ᠤᠷᠤᠯᠳᠤᠨ ᠬᠠᠵᠠᠭᠤ ᠳᠠᠰᠢ ᠴᠥᠬᠥᠷᠡᠯᠲᠡ ᠦᠭᠡᠢ ᠲᠣᠩᠭᠣᠴᠢᠨ ᠰᠠᠮᠤᠷᠤᠨ ᠢᠰᠬᠦᠯᠵᠦ ᠳᠣᠣᠷᠠ ᠪᠠᠨ ᠪᠤᠬᠠᠵᠤ ᠲᠣᠩᠭᠣᠷᠠᠨ ᠬᠣᠢᠲᠤ ᠬᠥᠯ ᠳᠡᠭᠡᠷᠡ ᠵᠣᠭᠰᠣᠨ ᠴᠣᠷᠣᠢᠵᠤ ᠲᠡᠰᠴᠦ ᠶᠠᠳᠠᠨ ᠳᠠᠬᠢᠨ ᠴᠠᠰᠢ ᠪᠠᠨ ᠳᠠᠪᠬᠢᠪᠠ᠃ ᠲᠣᠷᠭᠠᠩ ᠳᠡᠭᠡᠰᠦ᠂ ᠲᠠᠬᠢᠷᠠᠭᠰᠠᠨ ᠳᠡᠯ ᠬᠣᠶᠠᠷ ᠠ᠋ᠴᠠ ᠬᠠᠮᠤᠭ ᠬᠦᠴᠦ ᠪᠡᠷ ᠵᠢᠭᠤᠷᠠᠨ ᠠᠶᠤᠬᠤ ᠴᠥᠬᠥᠷᠡᠬᠦ ᠶ᠋ᠢ ᠮᠡᠳᠡᠬᠦ ᠦᠭᠡᠢ ᠬᠠᠶᠠ ᠲᠠᠰᠢᠭᠤᠷ ᠢ᠋ᠶ᠋ᠠᠷ ᠭᠤᠶᠠᠳᠠᠨ ᠬᠠᠶᠠ ᠡᠩᠬᠦᠷᠡᠢᠯᠡᠬᠦ ᠦᠭᠡ ᠪᠡᠷ ᠠᠷᠭᠠᠳᠠᠨ ᠪᠠᠢᠪᠠ᠃ ᠡᠮᠨᠢᠭ ᠠᠵᠢᠷᠭᠠ ᠰᠠᠶᠢ ᠠᠷᠠᠢᠬᠢᠵᠤ ᠪᠠᠬᠠᠨ ᠵᠦᠭᠰᠢᠷᠡᠵᠡᠢ᠃ ᠡᠭᠦᠨ ᠢ᠋ ᠠᠳᠤᠭᠤᠴᠢᠨ ᠮᠡᠳᠡᠵᠡᠭᠡᠪᠡ᠃
ᠠᠬᠠ ᠳ᠋ᠸᠮᠢᠷ ᠬᠠᠰᠬᠢᠷᠤᠨ᠄
— ᠳᠡᠭᠦᠦ ᠮᠣᠷᠢ ᠶ᠋ᠢ ᠲᠠᠢᠯᠪᠠ᠃ ᠣᠳᠣ ᠨᠣᠮᠣᠬᠠᠷᠠᠬᠤ ᠪᠣᠯᠤᠭᠰᠠᠨ᠂ ᠶᠠᠳᠠᠷᠠᠭᠠᠳ ᠥᠴᠦᠬᠡᠨ ᠴᠢᠳᠠᠯ ᠨᠢ ᠭᠦᠢᠴᠡᠬᠦ ᠦᠭᠡᠢ ᠪᠣᠯᠵᠠᠢ᠃ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠣᠴᠢᠰᠤᠭᠠᠢ᠃ ᠳ᠋ᠸᠮᠢᠷ᠂ ᠳᠣᠷᠭᠠᠩ ᠤ᠋ᠨ ᠵᠦᠭ ᠣᠴᠢᠬᠤ ᠳ᠋ᠤ᠌ ᠬᠡᠭᠡᠷ ᠮᠣᠷᠢ ᠡᠴᠡᠵᠦ ᠶᠠᠳᠠᠷᠠᠨ᠂ ᠪᠠᠷᠤᠭ ᠵᠦᠭᠰᠢᠷᠡᠭᠡᠳ ᠣᠢᠷᠠᠲᠤᠬᠤ ᠳ᠋ᠤ᠌ ᠭᠠᠢᠭᠤᠢ ᠪᠣᠯᠵᠠᠢ᠃ ᠭᠡᠲᠡᠯᠡ ᠥᠭᠡᠷᠡ ᠮᠣᠷᠢᠲᠠᠢ ᠬᠥᠮᠦᠨ ᠦ᠌ ᠢᠷᠡᠬᠦ ᠶ᠋ᠢ ᠦᠵᠡᠮᠡᠭᠴᠡ᠂ ᠳᠠᠬᠢᠨ ᠳᠣᠭᠰᠢᠷᠠᠵᠤ ᠪᠣᠰᠤᠩᠭᠤᠲᠠ ᠲᠣᠩᠭᠣᠴᠢᠪᠠ᠃ ᠲᠡᠭᠡᠪᠡᠴᠦ ᠬᠦᠴᠦ ᠪᠡᠨ ᠪᠠᠷᠠᠨ ᠢᠯᠡᠳᠲᠡ ᠡᠴᠡᠭᠰᠡᠨ ᠪᠠᠢᠳᠠᠯ ᠲᠠᠢ ᠬᠠᠲᠠᠷᠢᠨ ᠣᠳᠬᠤ ᠳ᠋ᠤ᠌ ᠶᠠᠪᠤᠳᠠᠯ ᠨᠢ ᠨᠡᠯᠢᠶᠡᠳ ᠲᠦᠪᠰᠢᠨ ᠪᠣᠯᠵᠠᠢ᠃ ᠠᠮᠠ ᠪᠠᠨ ᠮᠡᠳᠡᠬᠦ ᠪᠣᠯᠤᠭᠰᠠᠨ ᠨᠢ ᠮᠡᠳᠡᠭᠳᠡᠵᠦ ᠨᠠᠽᠠᠷ ᠪᠠ ᠠᠳᠤᠭᠤᠴᠢᠳ ᠤ᠋ᠨ ᠪᠠᠢᠭᠠ ᠭᠠᠵᠠᠷ ᠲᠤ᠌ ᠣᠢᠷᠠᠲᠤᠨ ᠲᠡᠭᠰᠢᠬᠡᠨ ᠲᠣᠭᠣᠷᠢᠪᠠ᠃
ᠡᠮᠨᠢᠭ ᠮᠣᠷᠢ ᠤᠨᠤᠭᠠᠰᠢᠷᠠᠵᠠᠢ᠃
ᠬᠦᠦ ᠳ᠋ᠦ᠍ ᠲᠤᠰᠠᠯᠠᠬᠤ ᠪᠠᠷ ᠳᠠᠪᠬᠢᠭᠰᠠᠨ ᠳ᠋ᠸᠮᠢᠷ ᠵᠡᠷᠭᠡᠴᠡᠵᠦ ᠣᠴᠢᠭᠠᠳ ᠬᠠᠮᠲᠤ ᠳᠠᠪᠬᠢᠬᠤ ᠳ᠋ᠤ᠌ ᠬᠦᠦ ᠵᠡᠭᠦᠨ ᠭᠠᠷ ᠢ᠋ᠶ᠋ᠠᠷ ᠮᠣᠷᠢᠨ ᠤ᠋ ᠰᠡᠷᠪᠡᠭᠡᠨ ᠳᠡᠭᠡᠷᠡ ᠲᠦᠰᠢᠵᠦ ᠡᠪᠦᠳᠦᠭ ( ᠢ᠋ᠶ᠋ᠡᠷ ) ᠢ᠋ᠶ᠋ᠡᠨ ᠪᠦᠭᠦᠷᠭᠡᠨ ( ᠳ᠋ᠦ᠍ ) ᠰᠠᠭᠤᠭᠰᠠᠨ ᠢ᠋ᠶ᠋ᠠᠨ ᠬᠤᠷᠳᠤᠨ ᠪᠣᠰᠴᠤ ᠵᠣᠭᠰᠣᠪᠠ᠃ ᠲᠡᠭᠡᠬᠦ ᠳ᠋ᠦ᠍ᠨᠢ ᠬᠠᠰᠢᠷ ᠠᠳᠤᠭᠤᠴᠢᠨ ᠥᠪᠡᠷ ᠦ᠋ᠨ ᠮᠣᠷᠢ ᠪᠠᠷ ᠤᠨᠤᠭᠠᠰᠢᠷᠠᠭᠰᠠᠨ ᠠᠵᠢᠷᠭᠠᠨ ᠳ᠋ᠤ᠌ ᠰᠢᠬᠠᠨ ᠣᠢᠷᠠᠲᠤᠵᠤ ᠬᠦᠦ ᠶ᠋ᠢ ᠪᠠᠷᠠᠭᠤᠨ ᠭᠠᠷ ᠢ᠋ᠶ᠋ᠠᠷ ᠲᠡᠪᠡᠷᠢᠨ ᠰᠢᠭᠦᠷᠴᠦ ᠠᠪᠤᠪᠠ᠃ ᠰᠤᠷᠭᠠᠭᠳᠠᠭᠰᠠᠨ ᠮᠣᠷᠢ ᠬᠠᠵᠠᠭᠤ ᠳ᠋ᠤᠨᠢ ᠬᠥᠲᠥᠯᠦᠭᠡᠰᠦᠲᠡᠢ ᠴᠣᠭᠭᠢᠪᠠ᠃ ᠭᠠᠩᠳᠠᠭᠰᠠᠨ ᠬᠠᠷᠠ ᠨᠢᠭᠤᠷ ᠲᠠᠢ ᠠᠳᠤᠭᠤᠴᠢᠨ ᠡᠮᠡᠭᠡᠯ ᠳᠡᠭᠡᠷᠡ ᠵᠣᠭᠰᠣᠭᠠ ᠬᠦᠦ ᠶ᠋ᠢ ᠲᠡᠪᠡᠷᠢᠨ ᠠᠪᠴᠤ ᠣᠪᠣᠬᠠᠢ ᠤᠷᠤᠭᠤ ᠢᠷᠡᠬᠦ ᠳ᠋ᠦ᠍ ᠲᠣᠰᠣᠨ ᠭᠦᠶᠦᠵᠦ ᠢᠷᠡᠭᠰᠡᠨ ᠠᠬᠠ ᠨᠠᠷ ᠨᠢ ᠶᠠᠳᠠᠷᠠᠵᠤ ᠠᠷᠠᠢᠬᠠᠨ ᠬᠥᠯ ᠳᠡᠭᠡᠷᠡ ᠪᠡᠨ ᠵᠣᠭᠰᠣᠨ ᠪᠠᠢᠭᠠ ᠬᠦᠦ ᠶ᠋ᠢ ᠪᠠᠭᠤᠯᠭᠠᠮᠠᠭᠴᠠ ᠬᠥᠮᠦᠨ ᠪᠦᠷ ᠲᠡᠪᠡᠷᠢᠨ ᠦᠨᠦᠰᠦᠯᠡ᠃
ᠠᠷᠠᠫᠱᠠ ᠬᠡᠭᠡᠷ ᠠᠵᠢᠷᠭᠠ ᠤᠷᠤᠭᠤ ᠣᠴᠢᠵᠤ ᠵᠢᠯᠣᠭᠣ ᠠ᠋ᠴᠠ ᠨᠢ ᠪᠠᠷᠢᠵᠤ ᠬᠦᠵᠦᠭᠦᠨ ᠳᠡᠭᠡᠷᠡ ᠨᠢ ᠳᠡᠯᠳᠡᠭᠡᠳ ᠥᠬᠥᠭᠡᠷᠳᠡᠭᠰᠡᠨ ᠨᠡᠷᠡ ᠪᠡᠷ ᠳᠠᠭᠤᠳᠠᠬᠤ ᠳ᠋ᠤ᠌ ᠮᠣᠷᠢ ᠨᠢ ᠬᠥᠯ ᠢ᠋ᠶ᠋ᠡᠨ ᠭᠠᠳᠠᠭᠰᠢ ᠭᠢᠰᠬᠢᠵᠦ ᠲᠣᠯᠣᠭᠠᠢ ᠪᠠᠨ ᠤᠨᠵᠢᠭᠤᠯᠤᠨ ᠴᠢᠬᠢ ᠪᠡᠨ ᠪᠠᠭᠤᠯᠭᠠᠵᠤ ᠠᠵᠢᠭ ᠦᠭᠡᠢ ᠵᠣᠭᠰᠣᠪᠠ᠃
ᠡᠪᠦᠭᠡᠨ ᠨᠠᠽᠠᠷ— ᠺᠢᠶᠡᠷᠢᠽᠸᠺ ᠨᠠᠷᠠ ᠣᠷᠣᠲᠠᠯᠠ ᠬᠥᠲᠥᠯᠵᠦ ᠠᠯᠬᠤᠭᠤᠯᠤᠨ᠄《ᠰᠥᠨᠢ ᠳᠤᠮᠳᠠ ᠪᠣᠯᠲᠠᠯᠠ ᠤᠰᠤ ᠪᠤᠤ ᠥᠭᠭᠦᠭᠲᠦᠨ! ᠲᠡᠷᠢᠭᠦᠨ ᠵᠡᠷᠭᠡ ᠶ᠋ᠢᠨ ᠴᠤᠤᠲᠠᠢ ᠮᠣᠷᠢ ᠪᠣᠯᠤᠨᠠ》ᠭᠡᠪᠡ᠃
ᠮᠣᠷᠢᠨ ᠤ᠋ ᠬᠠᠷᠠᠢᠬᠤ ᠶ᠋ᠢ ᠰᠢᠷᠲᠡᠨ ᠠᠵᠢᠭᠯᠠᠨ ᠵᠣᠭᠰᠣᠭᠰᠠᠨ ᠵᠠᠯᠠᠭᠤ ᠮᠣᠩᠭᠣᠯ᠂ ᠠᠳᠤᠭᠤᠴᠢᠨ ᠤ᠋ ᠵᠦᠭ ᠡᠷᠭᠢᠵᠦ ᠪᠤᠯᠢᠭᠠᠷᠢ ᠬᠡᠲᠡᠪᠴᠢᠨ ᠡᠴᠡ ᠪᠡᠨ ᠳ᠋ᠢᠨᠡᠷ(ᠵᠣᠭᠣᠰ) ᠭᠠᠷᠭᠠᠨ ᠬᠠᠢᠬᠤᠷᠤᠮᠵᠢ ᠦᠭᠡᠢ ᠲᠣᠭᠠᠯᠠᠵᠤ ᠠᠬᠠ ᠶ᠋ᠢᠨ ᠢ᠋ᠶ᠋ᠡᠨ(ᠬᠢᠨᠢ ) ᠠᠯᠠᠭᠠᠨ ᠳᠡᠭᠡᠷᠡ ᠲᠠᠯᠪᠢᠭᠠᠳ ᠴᠠᠭᠠᠨ ᠠᠵᠢᠷᠭᠠᠨ ᠳᠡᠭᠡᠷᠡ ᠮᠣᠷᠳᠠᠵᠤ ᠠᠮᠠ ᠶ᠋ᠢ ᠲᠠᠲᠠᠵᠤ᠄
— ᠵᠢᠬᠢᠲ ᠠᠳᠤᠭᠤᠴᠢᠨ ᠲᠠ ᠨᠠᠷ ᠲᠤ᠌ ᠪᠠᠶᠠᠷᠯᠠᠯᠠ! ᠲᠠ ᠬᠣᠶᠠᠷ ᠤᠳᠠᠬᠤ ᠦᠭᠡᠢ ᠮᠢᠨᠦ ᠰᠤᠷᠠᠭ ᠢ᠋ ᠰᠣᠨᠣᠰᠤᠨᠠ ᠭᠡᠪᠡ᠃
ᠲᠡᠷᠡ᠂ ᠬᠥᠳᠡᠯᠦᠨ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ ᠠᠯᠤᠰ ᠲᠤ᠌ ᠶᠠᠭᠤᠮᠠ ᠠᠵᠢᠵᠤ ᠵᠣᠭᠰᠣᠪᠠ᠃ ᠬᠥᠨᠳᠡᠢ ᠶ᠋ᠢ ᠲᠣᠭᠣᠷᠢᠭᠰᠠᠨ ᠲᠤᠯᠤᠭᠠᠳ ᠢ᠋ᠶ᠋ᠠᠷ ᠮᠣᠷᠢᠨ ᠴᠡᠷᠢᠭ ᠦ᠋ᠨ ᠨᠢᠭᠡᠨ ᠪᠠᠭ ᠴᠤᠪᠤᠷᠠᠨ ᠶᠠᠪᠤᠭᠠ ᠠᠵᠢ᠃ ᠪᠦᠳᠦᠭᠦᠨ ᠪᠣᠭᠣᠨᠢ ᠬᠦᠵᠦᠭᠦᠦ ᠲᠡᠢ ᠵᠢᠵᠢᠭ ᠮᠣᠷᠢᠳ ᠢ᠋ᠶ᠋ᠠᠷ ᠨᠢ ᠮᠣᠩᠭᠣᠯᠴᠤᠳ ᠭᠡᠵᠦ ᠲᠠᠨᠢᠪᠠ᠃ ᠣᠪᠣᠬᠠᠢ ᠪᠦᠬᠦᠢ ᠭᠠᠵᠠᠷ ᠢ᠋ ᠮᠣᠷᠢᠲᠠᠨ ᠳᠠᠷᠤᠢ ᠪᠦᠰᠡᠯᠡᠪᠡ᠃ ᠰᠢᠷᠦᠭᠦᠨ ᠳᠣᠭᠰᠢᠨ ᠴᠢᠷᠠᠢ ᠲᠠᠢ ᠵᠠᠯᠠᠭᠤ ᠬᠠᠭᠠᠨ ᠮᠣᠩᠭᠣᠯᠴᠤᠳ ᠢ᠋ ᠵᠠᠬᠢᠷᠤᠨ ᠶᠠᠪᠤᠵᠤ ᠬᠣᠢᠨᠠ ᠠ᠋ᠴᠠ ᠨᠢ ᠭᠤᠷᠪᠠᠨ ᠴᠡᠷᠢᠭ ᠰᠠᠯᠤᠯ ᠦᠭᠡᠢ ᠳᠠᠭᠠᠵᠠᠢ᠃ ᠳᠤᠮᠳᠠᠬᠢ ᠨᠢ ᠨᠠᠮᠢᠷᠠᠭᠰᠠᠨ ᠰᠢᠷᠠ ᠪᠦᠰᠡ ᠶ᠋ᠢ ᠬᠡᠢᠰᠬᠡᠨ ᠵᠢᠳᠠ ᠶ᠋ᠢ ᠪᠠᠷᠢᠵᠠᠢ᠃ ᠲᠣᠭᠰᠢᠨ ᠴᠢᠷᠠᠢ ᠲᠠᠢ ᠬᠠᠭᠠᠨ ᠠᠳᠤᠭᠤᠴᠢᠨ ᠤ᠋ ᠳᠡᠷᠭᠡᠳᠡ ᠢᠷᠡᠵᠦ ᠴᠠᠭᠠᠨ ᠠᠵᠢᠷᠭᠠ ᠤᠨᠤᠭᠰᠠᠨ ᠵᠠᠯᠠᠭᠤ ᠡᠷᠡ ᠶ᠋ᠢ ᠦᠵᠡᠮᠡᠭᠴᠡ ᠡᠮᠡᠭᠡᠯ ᠦ᠋ᠨ ᠢ᠋ᠶ᠋ᠡᠨ ᠪᠦᠭᠦᠷᠭᠡ ᠤᠷᠤᠭᠤ ᠪᠥᠬᠥᠢᠵᠦ᠂
— ᠪᠠᠲᠤ ᠬᠠᠭᠠᠨ ᠮᠡᠨᠳᠦ ᠤᠤ? ᠴᠢᠮᠠᠶ᠋ᠢ ᠠᠷᠠᠢᠬᠢᠵᠤ ᠣᠯᠤᠯᠠ᠃ ᠴᠢᠩᠭᠢᠰ ᠦ᠋ᠨ ᠠᠴᠢ ᠨᠠᠷ ᠲᠤ᠌ ᠦᠯᠦ ᠲᠡᠩᠴᠡᠬᠦ ᠬᠤᠪᠴᠠᠰᠤ ᠶ᠋ᠢ ᠶᠠᠭᠤᠨ ᠳ᠋ᠤ᠌ ᠡᠮᠦᠰᠦᠭᠰᠡᠨ ᠪᠣᠢ?
— ᠭᠦᠶᠦᠭ ᠬᠠᠭᠠᠨ ᠰᠢᠷᠠ ᠴᠢᠬᠢᠲᠡᠢ ᠨᠣᠬᠠᠳ ᠨᠠᠮᠠᠶ᠋ᠢ ᠮᠥᠷᠳᠡᠨ ᠬᠥᠭᠡᠭᠡᠬᠦ ᠳ᠋ᠦ᠍ ᠪᠢ ᠡᠨᠡ ᠶᠠᠳᠠᠭᠤᠴᠤᠳ ᠤ᠋ᠨ ᠣᠪᠣᠬᠠᠢ ᠳ᠋ᠤ᠌ ᠬᠣᠷᠭᠣᠳᠠᠨ ᠨᠢᠭᠤᠭᠳᠠᠪᠠ ᠭᠡᠪᠡ᠃
— ᠮᠢᠨᠦ ᠡᠷᠬᠢᠮ ᠡᠴᠢᠭᠡ ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ ᠤ᠋ᠨ ᠰᠡᠳᠬᠢᠯ ᠵᠣᠪᠠᠨᠢᠨᠠ᠃ ᠨᠡᠩ ᠳᠠᠷᠤᠢ ᠮᠢᠨᠦ ᠠᠰᠠᠷ ᠲᠤ᠌ ᠢᠷᠡᠬᠦ ᠠᠵᠢᠶᠠᠮᠤ ᠭᠡᠵᠦ ᠪᠠᠢᠨᠠ ᠭᠡᠬᠦ ᠳ᠋ᠦ᠍᠂
— ᠤᠷᠢᠶᠠᠩᠬᠤ ᠬᠠᠲᠤᠨ᠂ ᠪᠠᠭᠠᠲᠤᠷ ᠠ᠋(ᠦᠷᠶᠠᠩᠾ —ᠭᠠᠳᠠᠩ ᠪᠠᠭᠠᠲᠤᠷ ᠠ᠋ ) ᠂ ᠪᠢ ᠪᠡᠯᠡᠬᠡᠨ ᠭᠡᠵᠡᠢ᠃ ᠮᠣᠩᠭᠣᠯᠴᠤᠳ ᠵᠣᠭᠰᠣᠭᠰᠠᠨ ᠭᠠᠵᠠᠷ ᠠ᠋ᠴᠠ ᠪᠠᠨ ᠳᠡᠪᠬᠡᠯᠦᠨ᠂ ᠬᠥᠲᠥᠯ ᠦ᠋ᠨ ᠴᠢᠨᠠᠳᠤ ᠤᠷᠤᠭᠤ ᠲᠦᠷᠭᠡᠨᠡ ᠳᠠᠯᠳᠠ ᠣᠷᠣᠵᠠᠢ᠃ ᠠᠷᠠᠫᠱᠠ ᠬᠠᠢᠷᠠᠲᠤ ᠴᠠᠭᠠᠨ ᠠᠺᠴᠢᠶᠠᠨ ᠤ᠋ ᠪᠠᠨ ᠬᠣᠯᠠᠳᠬᠤ ᠶ᠋ᠢ ᠦᠵᠡᠨ ᠲᠡᠪᠡᠳᠡᠬᠦ ᠦᠭᠡᠢ ᠡᠷᠭᠢᠵᠦ ᠬᠠᠷᠠᠪᠠ᠃ ᠰᠢᠨᠡ ᠮᠣᠷᠢᠨ ᠤ᠋ ᠬᠠᠵᠠᠭᠤ ᠤᠷᠤᠭᠤ ᠤᠷᠤᠰᠤᠨ ᠪᠠᠢᠭᠠ ᠬᠥᠯᠥᠰᠥ ᠶ᠋ᠢ ᠡᠪᠡᠰᠦ ᠪᠡᠷ ᠠᠷᠴᠢᠭᠠᠳ ᠡᠩᠬᠦᠷᠡᠢᠯᠡᠨ ᠰᠢᠪᠡᠨᠡᠵᠦ᠄
— ᠪᠢᠲᠡᠭᠡᠢ ᠭᠤᠨᠢᠭᠲᠤᠨ᠃ ᠡᠷᠬᠡ ᠦᠭᠡᠢ ᠪᠣᠯᠤᠯᠠ ᠭᠡᠵᠦ ᠪᠤᠤ ᠭᠠᠰᠠᠯ᠂ ᠣᠳᠣ ᠴᠢ ᠮᠢᠨᠦ ᠬᠠᠨᠢ ᠪᠣᠯᠤᠯᠠ᠃ ᠪᠢ ᠰᠠᠶᠢ ᠪᠣᠯᠲᠠᠯᠠ ᠵᠣᠯ ᠦᠭᠡᠢ ᠶᠠᠪᠤᠭᠰᠠᠨ᠂ ᠬᠠᠷᠢᠨ ᠴᠢ ᠨᠠᠳᠠᠳᠤ ᠢᠲᠡᠭᠡᠯ ᠭᠣᠷᠢᠳᠠᠯᠭᠠ ᠶ᠋ᠢ ᠲᠥᠷᠥᠭᠦᠯᠵᠦ ᠪᠠᠢᠨᠠ᠃ ᠪᠢ ᠴᠢᠮᠠ ᠳ᠋ᠤ᠌ ᠢᠲ ᠠᠯᠮᠠᠽ(ᠠᠯᠮᠠᠰ) ᠭᠡᠳᠡᠭ ᠨᠡᠷᠡ ᠶ᠋ᠢ ᠥᠭᠭᠦᠶᠡ᠃ ᠴᠢ ᠨᠣᠬᠠᠢ ᠮᠡᠲᠦ ᠦᠨᠡᠨᠴᠢ(᠂) ᠠᠯᠮᠠᠽ(ᠠᠯᠮᠠᠰ ) ᠮᠡᠲᠦ ᠴᠤᠴᠠᠰᠢ ᠦᠭᠡᠢ ᠪᠥᠬᠡ ᠪᠠᠲᠤ ᠪᠣᠯᠲᠤᠭᠠᠢ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠯ᠂ ᠠᠷᠢᠭᠤᠨ᠂ ᠡᠷᠳᠡᠨᠢᠭᠣᠸᠠ ᠂ ᠠᠯᠲᠠᠨᠴᠢᠮᠡᠭ᠂ ᠵᠢᠩᠯᠢᠬᠤᠸᠠᠷ ᠪᠠᠶᠠᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ᠂ ᠠᠷᠢᠭᠤᠨ᠂ ᠪᠠᠶᠠᠨᠴᠡᠴᠡᠭ᠂ ᠪᠠᠯ