ᠪᠠᠲᠤ ᠬᠠᠭᠠᠨ 1-11ᠮᠣᠷᠢᠨ ᠤ᠋ ᠮᠥᠷ ᠢ᠋ᠶ᠋ᠡᠷBat khaanБат хаан
294 ᠠᠷᠠᠫᠱᠨ ᠬᠠᠳ᠋ᠵᠢ ᠷᠠᠾᠢᠮ ᠢ᠋ ᠣᠯᠠᠨ ᠬᠥᠲᠥᠯ ᠬᠥᠪᠡᠭᠡ ᠪᠡᠷ ᠰᠦᠯᠵᠢᠭᠰᠡᠨ ᠳᠥᠩᠭᠡᠵᠢ ᠮᠡᠳᠡᠭᠳᠡᠬᠦᠢᠴᠡ ᠴᠤᠪᠤᠴᠠ ᠪᠠᠷ ᠣᠯᠠᠨ ᠤᠳᠠᠭᠠ ᠶᠠᠪᠤᠭᠰᠠᠨ ᠬᠥᠮᠦᠨ ᠮᠡᠲᠦ ᠪᠠᠲᠤᠲᠠᠢ ᠪᠠᠷ ᠴᠦᠯ ᠲᠠᠯᠠ ᠳ᠋ᠤ᠌ ᠳᠠᠭᠠᠭᠤᠯᠤᠨ ᠶᠠᠪᠤᠵᠠᠢ᠃ ᠠᠷᠠᠫᠱᠨ ᠵᠠᠷᠢᠮ ᠳ᠋ᠠᠭᠠᠨ ᠵᠣᠭᠰᠣᠵᠤ ᠮᠥᠷ ᠢ᠋ ᠠᠵᠢᠭᠯᠠᠨ ᠪᠣᠯᠳᠣᠭ ᠥᠭᠡᠳᠡ ᠭᠠᠷᠴᠤ ᠲᠠᠯᠠ ᠤᠷᠤᠭᠤ ᠬᠠᠷᠠᠬᠤ ᠳ᠋ᠤ᠌ ᠶᠠᠳᠠᠷᠠᠭᠰᠠᠨ ᠬᠠᠳ᠋ᠵᠢ ᠷᠠᠾᠢᠮ ᠡᠯᠡᠰᠦᠨ ᠳᠡᠭᠡᠷᠡ ᠬᠡᠪᠲᠡᠨ ᠰᠠᠨᠠᠭᠠ ᠠᠯᠲᠠᠨ ᠪᠠᠢᠪᠠ᠃ ᠲᠡᠭᠡᠭᠡᠳ ᠰᠡᠭᠦᠯ ᠳ᠋ᠦ᠍ᠨᠢ ᠬᠠᠳ᠋ᠵᠢ ᠷᠠᠾᠢ᠍ᠮ᠂
— ᠴᠢ ᠨᠠᠮᠠᠶ᠋ᠢ ᠬᠠᠮᠢᠭᠠᠰᠢ ᠠᠪᠠᠴᠢᠨᠠ? ᠴᠢᠨᠠᠭᠰᠢ ᠪᠠᠨ ᠤᠳᠠᠭᠠᠨ ᠶᠠᠪᠤᠬᠤ ᠤᠤ? ᠭᠡᠬᠦ ᠳ᠋ᠦ᠍
— ᠪᠢ ᠮᠣᠷᠢᠨ ᠤ᠋ ᠮᠥᠷ ᠢ᠋ᠶ᠋ᠡᠷ ᠶᠠᠪᠤᠨᠠ᠃ ᠪᠢᠳᠡ ᠬᠣᠷᠭᠣᠳᠠᠵᠤ ᠪᠣᠯᠬᠤ ᠭᠠᠵᠠᠷ ᠢ᠋ ᠪᠢ ᠮᠡᠳᠡᠨᠡ᠂ ᠬᠤᠷᠳᠤᠨ ᠶᠠᠪᠤᠰᠤᠭᠠᠢ ᠭᠡᠵᠡᠢ᠃
ᠴᠤᠪᠤᠴᠠ ᠨᠢ ᠬᠠᠢᠷ ᠴᠢᠯᠠᠭᠤ ᠪᠠᠷ ᠪᠦᠷᠬᠦᠭᠳᠡᠭᠰᠡᠨ ᠥᠨᠳᠥᠷᠯᠢᠭ ᠥᠭᠡᠳᠡ ᠴᠢᠭᠯᠡᠬᠦ ᠳ᠋ᠦ᠍᠂ ᠠᠷᠠᠫᠱᠠ ᠬᠠᠵᠠᠭᠤ ᠲᠡᠰᠢ ᠡᠷᠭᠢᠨ ᠵᠢᠯᠠᠭᠠ ᠳ᠋ᠤ᠌ ᠣᠷᠣᠵᠤ ᠬᠠᠲᠠᠭᠰᠠᠨ ᠭᠣᠷᠣᠬᠠ ᠶ᠋ᠢ ᠳᠠᠭᠠᠨ ᠤᠳᠠᠲᠠᠯᠠ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ ᠬᠥᠲᠥᠯ ᠥᠭᠡᠳᠡ ᠵᠢᠭᠠᠵᠤ᠄
— ᠲᠡᠷᠡ ᠥᠭᠡᠳᠡ ᠥᠭᠰᠥᠵᠦ ᠬᠠᠳᠠᠨ ᠤ᠋ ᠴᠠᠭᠠᠨᠠ ᠨᠢᠭᠤᠭᠳᠠᠶᠠ! ᠲᠡᠨᠳᠡ ᠡᠴᠡ ᠲᠠᠯᠠ ᠤᠷᠤᠭᠤ ᠬᠠᠷᠠᠵᠤ ᠪᠣᠯᠤᠨᠠ ᠭᠡᠪᠡ᠃
ᠵᠢᠯᠠᠭᠠ ᠶ᠋ᠢᠨ ᠭᠠᠩᠭᠠ ᠶ᠋ᠢ ᠳᠠᠭᠠᠵᠤ ᠶᠠᠪᠤᠭᠰᠠᠭᠠᠷ ᠬᠠᠳᠠ ᠲᠠᠢ ᠣᠷᠣᠢ ᠳ᠋ᠤᠨᠢ ᠬᠦᠷᠴᠦ ᠯᠣᠰᠢᠭᠤ ᠶ᠋ᠢᠨ ᠪᠤᠲᠠᠨ ᠤ᠋ ᠠᠷᠤ ᠳ᠋ᠤ᠌ ᠬᠡᠪᠲᠡᠬᠦ ᠳ᠋ᠦ᠍ ᠲᠡᠨᠳᠡ ᠡᠴᠡ ᠡᠷᠭᠢᠨ ᠲᠣᠭᠣᠷᠢᠨ ᠠᠭᠤᠳᠠᠮ ᠲᠠᠯᠠ ᠠᠯᠤᠰ ᠦᠵᠡᠭᠳᠡᠨᠡ᠃ ᠠᠷᠠᠫᠱᠠ ᠰᠢᠪᠡᠨᠡᠨ᠄
— ᠵᠠᠮ ᠤᠷᠤᠭᠤ ᠬᠠᠷᠠᠭᠲᠤᠨ! ᠯᠠᠪ ᠲᠡᠳᠡ ᠨᠠᠷ ᠪᠢᠵᠡ ᠠ᠋ ? ᠶᠠᠭᠤᠮᠠ ᠢᠷᠡᠵᠦ ᠶᠠᠪᠤᠨᠠ ᠭᠡᠪᠡ᠃
ᠲᠠᠯᠠ ᠳᠡᠭᠡᠷᠡ ᠤᠷᠲᠤ ᠳᠡᠪᠡᠯ ᠲᠡᠢ᠂ ᠵᠢᠵᠢᠭᠬᠡᠨ ᠴᠢᠭᠢᠷᠠᠭ ᠮᠣᠷᠢ ᠤᠨᠤᠭᠰᠠᠨ ᠳᠥᠷᠪᠡᠨ ᠮᠣᠩᠭᠣᠯ ᠬᠥᠮᠦᠨ ᠶᠠᠪᠤᠵᠤ ᠲᠦᠷᠦᠭᠦᠨ ᠦ᠌ ᠬᠥᠮᠦᠨ ᠡᠮᠡᠭᠡᠯ ᠳᠡᠭᠡᠷᠡ ᠡᠴᠡ ᠪᠥᠬᠥᠢᠨ ᠭᠠᠵᠠᠷ ᠤᠷᠤᠭᠤ ᠬᠠᠷᠠᠵᠤ ᠵᠣᠭᠰᠣᠪᠠ᠃ ᠲᠡᠷᠡ ᠬᠥᠮᠦᠨ ᠬᠠᠶᠠ ᠮᠣᠷᠢ ᠪᠠᠨ ᠭᠤᠶᠠᠳᠠᠬᠤ ᠪᠥᠭᠡᠳ ᠮᠣᠩᠭᠣᠯᠴᠤᠳ ᠬᠠᠷᠠ ᠬᠤᠷᠳᠤ ᠪᠠᠷ ᠢ᠋ᠶ᠋ᠠᠨ ᠣᠳᠤᠯᠠ᠃ ᠲᠡᠭᠡᠭᠡᠳ ᠲᠡᠳᠡ ᠤᠳᠠᠯ ᠦᠭᠡᠢ ᠬᠥᠲᠥᠯ ᠦ᠋ᠨ ᠴᠠᠭᠠᠨᠠ ᠳᠠᠯᠳᠠ ᠣᠷᠣᠵᠠᠢ᠃
— ᠲᠡᠳᠡ ᠮᠢᠨᠦ ᠠᠺᠴᠢᠶᠠᠨ ᠨᠡᠷᠡᠲᠦ ᠴᠠᠭᠠᠨ ᠮᠣᠷᠢᠨ ᠤ᠋ ᠮᠥᠷ ᠢ᠋ᠶ᠋ᠡᠷ ᠶᠠᠪᠤᠵᠤ ᠪᠠᠢᠨᠠ᠃ ᠲᠡᠳᠡ ᠲᠡᠭᠦᠨ ᠢ᠋ ᠭᠦᠢᠴᠡᠬᠦ ᠰᠠᠨᠠᠭᠠ ᠲᠠᠢ ᠠᠵᠢ᠃ ᠪᠢ ᠲᠡᠭᠡᠵᠦ ᠬᠦᠯᠢᠶᠡᠭᠰᠡᠨ ᠶᠤᠮ᠃ ᠲᠡᠳᠡ ᠪᠤᠴᠠᠵᠤ ᠢᠷᠡᠵᠦ ᠪᠣᠯᠵᠣᠰᠢ ᠦᠭᠡᠢ᠂ ᠪᠢᠳᠡ ᠮᠥᠷ ᠦᠯᠦ ᠭᠠᠷᠬᠤ ᠡᠨᠡᠬᠦ ᠱᠣᠪᠬᠣ ᠴᠢᠯᠠᠭᠤᠨ ᠳᠡᠭᠡᠭᠦᠷ ᠴᠠᠰᠢ ᠬᠣᠯᠠᠳᠠᠪᠠᠯ ᠵᠣᠬᠢᠨᠠ ᠭᠡᠪᠡ᠃ ᠶᠠᠪᠤᠳᠠᠯ ᠤ᠋ᠨ ᠬᠥᠮᠦᠰ ᠵᠢᠯᠠᠭᠠ ᠶ᠋ᠢ ᠭᠠᠲᠤᠯᠤᠨ ᠲᠡᠭᠰᠢ ᠭᠠᠵᠠᠷ ᠥᠭᠡᠳᠡ ᠥᠭᠰᠥᠬᠦ ᠳ᠋ᠦ᠍ ᠴᠤᠪᠤᠴᠠ ᠶ᠋ᠢ ᠨᠢᠭᠡᠨ ᠥᠷᠭᠡᠨ ᠵᠠᠮ ᠣᠭᠲᠣᠯᠵᠠᠢ᠃ ᠮᠠᠯᠴᠢᠨ ᠢᠰᠬᠡᠷᠦᠨ ᠬᠣᠨᠢ ᠢᠮᠠᠭᠠᠨ ᠤ᠋ ᠰᠦᠷᠦᠭ ᠲᠠᠭᠤᠵᠤ ᠪᠠᠢᠯᠠ᠃ ᠠᠷᠠᠫᠱᠠ᠄《ᠪᠢᠳᠡᠨ ᠦ᠌ ᠮᠥᠷ ᠡᠨᠳᠡ ᠠᠯᠠᠭᠠ ᠪᠣᠯᠤᠨᠠ᠃ ᠡᠨᠳᠡ ᠡᠴᠡ ᠶᠠᠮᠠᠷ ᠨᠢᠭᠡᠨ ᠠᠢᠯ ᠳ᠋ᠤ᠌ ᠬᠦᠷᠴᠦ ᠠᠮᠢᠰᠬᠤᠶᠠ》ᠭᠡᠪᠡ᠃ ᠨᠠᠷᠢᠨ ᠵᠠᠮ ᠬᠥᠲᠥᠯ ᠥᠭᠡᠳᠡ ᠬᠠᠨᠳᠤᠵᠤ ᠲᠡᠭᠦᠨ ᠦ᠌ ᠬᠢᠷᠠ ᠳᠡᠭᠡᠷᠡ ᠡᠴᠡ ᠰᠡᠷᠭᠡᠭ ᠨᠣᠭᠣᠭᠠᠨ ᠬᠥᠨᠳᠡᠢ ᠠᠯᠤᠰ ᠬᠣᠯᠠ ᠦᠵᠡᠭᠳᠡᠨ ᠲᠡᠨᠳᠡ ᠠᠳᠤᠭᠤᠨ ᠰᠦᠷᠦᠭ ᠪᠡᠯᠴᠢᠭᠡᠷ ᠲᠦ᠍ ᠠᠯᠭᠤᠷ ᠢ᠋ᠶ᠋ᠠᠷ ᠲᠠᠷᠬᠠᠵᠤ ᠰᠢᠨᠡ ᠨᠣᠭᠣᠭᠠ ᠶ᠋ᠢ ᠲᠠᠢᠪᠤᠩ ᠢᠳᠡᠵᠦ ᠪᠠᠢᠵᠠᠢ᠃ ᠮᠣᠷᠢ ᠤᠨᠤᠭᠰᠠᠨ ᠠᠳᠤᠭᠤᠴᠢᠨ᠂ ᠤᠷᠲᠤ ᠤᠷᠭᠠ ᠪᠠᠷᠢᠵᠤ ᠭᠡᠭᠦᠦ ᠤᠨᠠᠭᠠ ᠶ᠋ᠢ ᠮᠠᠨᠠᠳᠠᠭ ᠪᠢᠯᠡ᠃
ᠰᠢᠩᠭᠡᠬᠦ ᠨᠠᠷᠠᠨ ᠤ᠋ ᠵᠢᠰᠢᠭᠦᠦ ᠰᠠᠴᠤᠷᠠᠭ ᠲᠤᠰᠤᠭᠰᠠᠨ ᠪᠥᠭᠡᠳ ᠭᠣᠶᠣ ᠴᠠᠳᠬᠤᠯᠠᠩ ᠮᠣᠷᠢᠳ ᠲᠠᠢᠪᠤᠩ ᠵᠣᠷᠴᠢᠬᠤ ᠲᠡᠭᠰᠢ ᠲᠠᠯᠠᠪᠠᠢ ᠂ ᠬᠥᠨᠳᠡᠢ ᠡᠯᠡᠰᠦᠨ ᠮᠠᠩᠬᠠ ᠂ ᠪᠤᠭᠤᠷᠤᠯ ᠠᠭᠢ ᠶ᠋ᠢᠨ ᠬᠠᠲᠠᠭᠰᠠᠨ ᠡᠰᠢ ᠲᠡᠢ ᠬᠥᠲᠥᠯ ᠦ᠋ᠨ ᠳᠡᠭᠡᠷᠡ ᠦᠨᠡᠬᠡᠷ ᠰᠡᠳᠬᠢᠯ ᠪᠡᠶᠡᠰᠦᠨ᠂ ᠬᠠᠷᠠᠵᠤ ᠪᠠᠷᠠᠰᠢ ᠦᠭᠡᠢ ᠰᠠᠨᠠᠭᠳᠠᠨᠠ᠃ ᠬᠣᠯᠠ ᠪᠤᠰᠤ ᠥᠴᠦᠬᠡᠨ ᠨᠠᠭᠤᠷ ᠭᠢᠯᠠᠰᠬᠢᠨ ᠳᠡᠭᠡᠭᠦᠷ ᠨᠢ ᠵᠡᠷᠯᠢᠭ ᠨᠤᠭᠤᠰᠤ ᠨᠢᠰᠴᠦ ᠪᠠᠢᠨᠠ᠃ ᠰᠢᠩᠭᠡᠨ ᠤᠷᠭᠤᠭᠰᠠᠨ ᠵᠡᠭᠡᠰᠦᠨ ᠦ᠌ ᠴᠠᠭᠠᠨᠠ ᠠ᠋ᠴᠠ ᠡᠮᠡᠭᠡᠯ ᠲᠡᠢ ᠭᠠᠩᠭᠠᠨ (ᠭᠠᠩᠭᠠᠩ )ᠴᠠᠭᠠᠨ ᠮᠣᠷᠢ ᠭᠡᠨᠡᠳᠲᠡ ᠤᠬᠤᠰᠬᠢᠨ ᠭᠠᠷᠴᠤ ᠬᠠᠩᠭᠢᠨᠠᠲᠠᠯᠠ ᠢᠨᠴᠠᠭᠠᠨ ᠵᠡᠭᠡᠷᠡᠳᠡᠭᠴᠢ ᠭᠡᠭᠦᠦ ᠶ᠋ᠢᠨ ᠰᠦᠷᠦᠭ ᠦ᠋ᠳ ᠦ᠋ᠨ ᠳᠤᠮᠳᠠᠭᠤᠷ ᠳᠠᠪᠬᠢᠪᠠ᠃
— ᠡᠷᠬᠢᠮ ᠪᠠᠭᠰᠢ ᠮᠢᠨᠢ ᠦᠵᠡᠭᠲᠦᠨ! ᠮᠢᠨᠦ ᠠᠺᠴᠢᠶᠠᠨ ᠲᠡᠨᠳᠡ ᠶᠠᠪᠤᠨᠠ᠂ ᠬᠤᠯᠠᠭᠠᠢ ᠳ᠋ᠤ᠌ ᠠᠯᠳᠠᠭᠰᠠᠨ ᠬᠠᠨᠢ ᠮᠢᠨᠢ! ᠭᠡᠳ ᠠᠷᠠᠫᠱᠠ ᠪᠣᠭᠴᠣ ᠴᠤᠪᠠ ᠬᠣᠶᠠᠷ ᠢ᠋ᠶ᠋ᠠᠨ ᠡᠯᠡᠰᠦᠨ ᠳᠡᠭᠡᠷᠡ ᠬᠠᠶᠠᠭᠠᠳ ᠬᠥᠲᠥᠯ ᠤᠷᠤᠭᠤ ᠭᠦᠶᠦᠪᠡ᠃
— ᠨᠠᠮᠠᠶ᠋ᠢ ᠡᠨᠳᠡ ᠪᠡᠨ ᠬᠦᠯᠢᠶᠡᠭᠲᠦᠨ! ᠪᠢ ᠲᠡᠭᠦᠨ ᠢ᠋ ᠪᠠᠷᠢᠰᠤᠭᠠᠢ ᠭᠡᠵᠦ ᠬᠠᠰᠬᠢᠷᠤᠯᠠ᠃
ᠹᠠᠺᠢᠾ ᠭᠠᠵᠠᠷ ᠲᠤ᠌ ᠰᠠᠭᠤᠵᠤ ᠠᠵᠢᠭᠯᠠᠨ ᠪᠠᠢᠵᠠᠢ᠃
ᠴᠠᠭᠠᠨ ᠠᠵᠢᠷᠭᠠᠨ ᠤ᠋ ᠬᠣᠢᠨᠠ ᠠ᠋ᠴᠠ ᠠᠳᠤᠭᠤᠴᠢᠨ ᠳᠠᠪᠬᠢᠯᠳᠤᠪᠠ᠃ ᠠᠷᠠᠫᠱᠠ ᠨᠣᠭᠣᠭᠠᠨ ᠲᠠᠯᠠ ᠳ᠋ᠤ᠌ ᠭᠦᠶᠦᠨ ᠵᠡᠭᠡᠰᠦᠨ ᠳᠣᠲᠣᠷᠠ ᠳᠠᠯᠳᠠ ᠣᠷᠣᠭᠠᠳ ᠭᠣᠷᠣᠬᠠ ᠶ᠋ᠢ ᠭᠠᠲᠤᠯᠤᠨ ᠬᠣᠶᠠᠷ ᠠᠳᠤᠭᠤᠴᠢᠨ ᠨᠡᠬᠡᠨ ᠬᠥᠭᠡᠭᠡᠵᠦ ᠪᠠᠢᠭᠠ ᠴᠠᠭᠠᠨ ᠠᠵᠢᠷᠭᠠᠨ ᠤ᠋ ᠳᠠᠪᠬᠢᠬᠤ ᠥᠨᠳᠥᠷ ᠨᠣᠭᠣᠭᠠᠨ ᠤ᠋ ᠳᠤᠮᠳᠠ ᠰᠢᠷᠭᠤᠵᠠᠢ᠃ ᠠᠷᠤ ᠲᠠᠯᠠ ᠳ᠋ᠤ᠌ ᠬᠥᠮᠦᠨ ᠦ᠌ ᠠᠶᠠᠷᠬᠠᠨ ᠳᠠᠭᠤ ᠰᠣᠨᠣᠰᠳᠠᠬᠤ ᠳ᠋ᠤ᠌ ᠬᠠᠳ᠋ᠵᠢ ᠷᠠᠾᠢ᠍ᠮ ᠡᠷᠭᠢᠨ ᠬᠠᠷᠠᠪᠠᠯ ᠭᠤᠷᠪᠠᠨ ᠮᠣᠩᠭᠣᠯ ᠬᠥᠮᠦᠨ ᠮᠠᠢᠭ ᠬᠥᠯ ᠢ᠋ᠶ᠋ᠡᠷ ᠮᠠᠢᠵᠢᠭᠢᠨ(ᠮᠠᠢᠵᠢᠭᠢᠨᠠᠨ ) ᠨᠠᠰᠢ ᠬᠠᠷᠠᠢᠨ ᠨᠢᠭᠡ ᠨᠢ ᠡᠪᠬᠡᠭᠡᠰᠦᠲᠡᠢ ᠣᠯᠣᠰᠣ ᠵᠠᠳᠠᠯᠵᠤ ᠹᠠᠺᠢᠾ ᠲᠤ᠌ ᠰᠠᠮᠪᠠᠭᠠ ᠣᠯᠬᠤ ᠶ᠋ᠢᠨ ᠵᠠᠭᠤᠷᠠ ᠭᠦᠶᠦᠨ ᠳᠠᠭᠠᠷᠢᠮᠠᠭᠴᠠ ᠣᠯᠣᠰᠣ ᠪᠠᠷ ᠬᠦᠯᠢᠨ ᠳᠤᠭᠲᠤᠷᠤᠭᠠᠳ ᠪᠣᠰᠬᠠᠪᠠ᠃
ᠨᠢᠭᠡ ᠨᠢ᠄
— ᠤᠯᠠᠭᠠᠨ ᠲᠣᠪᠴᠢ ᠲᠠᠢ ᠬᠥᠬᠡ ᠳᠡᠪᠡᠯ ᠲᠡᠢ ᠪᠠᠢᠨᠠ᠃ ᠯᠠᠪ ᠥᠨᠥᠬᠢ ᠴᠢᠨᠢ ᠪᠠᠢᠬᠠ ᠭᠡᠬᠦ ᠳ᠋ᠦ᠍᠂
— ᠦᠭᠡᠢ ᠲᠡᠷᠡ ᠪᠢᠰᠢ᠂ ᠲᠡᠷᠡ ᠴᠢᠨᠢ ᠵᠠᠯᠠᠭᠤ ᠬᠥᠮᠦᠨ᠂ ᠨᠠᠭᠠᠳᠤᠬᠢ ᠴᠢᠨᠢ ᠴᠣᠯ ᠰᠠᠬᠠᠯ ᠰᠠᠮᠪᠠᠢ ᠲᠠᠢ ᠶᠤᠮ ᠪᠠᠢᠨᠠ ᠭᠡᠪᠡ᠃
— ᠨᠠᠳᠠᠳᠤ ᠶᠠᠮᠠᠷ ᠬᠠᠮᠢᠶᠠ ᠪᠠᠢᠬᠤ ᠪᠣᠢ? ᠤᠯᠠᠭᠠᠨ ᠲᠣᠪᠴᠢ ᠲᠠᠢ ᠬᠥᠬᠡ ᠳᠡᠪᠡᠯ ᠡᠮᠦᠰᠦᠭᠰᠡᠨ ᠬᠥᠮᠦᠨ ᠲᠣᠬᠢᠶᠠᠯᠳᠤᠪᠠᠯ ᠲᠡᠭᠦᠨ ᠢ᠋ ᠳᠠᠷᠤᠢ ᠠᠯᠠ ᠭᠡᠵᠦ ᠬᠠᠭᠠᠨ ᠬᠡᠯᠡᠭᠰᠡᠨ ᠶᠤᠮ᠃
— ᠬᠠᠭᠠᠨ ᠳ᠋ᠤ᠌ ᠠᠪᠠᠴᠢᠵᠤ ᠥᠭᠭᠦᠶᠡ᠂ ᠥᠪᠡᠷ ᠢ᠋ᠶ᠋ᠡᠨ ᠰᠢᠢᠳᠪᠦᠷᠢᠯᠡᠲᠦᠭᠡᠢ ᠭᠡᠬᠦ ᠳ᠋ᠦ᠍ ᠬᠠᠳ᠋ᠵᠢ ᠷᠡᠾᠢᠮ᠄
— ᠨᠠᠳᠠ ᠪᠠᠷ ᠶᠠᠭᠠᠬᠢᠬᠤ ᠭᠡᠰᠡᠨ ᠪᠣᠢ? ᠪᠢ ᠶᠠᠳᠠᠭᠤ ᠳ᠋ᠸᠷᠸᠢᠱ᠂ ᠨᠣᠮ ᠰᠤᠳᠤᠷ ᠪᠢᠴᠢᠨᠡ ᠭᠡᠵᠦ ᠬᠠᠰᠬᠢᠷᠬᠤ ᠳ᠋ᠤ᠌᠄
— ᠥᠭᠡᠷᠡ ᠬᠥᠮᠦᠨ ᠳ᠋ᠦ᠍ ᠬᠤᠳᠠᠯ ᠬᠡᠯᠡᠭᠲᠦᠨ! ᠴᠢ ᠪᠠᠳᠮᠠᠷᠠᠭᠠ ᠲᠣᠪᠴᠢ ᠶ᠋ᠢ ᠬᠠᠮᠢᠭᠠ ᠠ᠋ᠴᠠ ᠣᠯᠪᠠ ?ᠨᠢᠭᠡ ᠡᠢᠮᠦ ᠲᠣᠪᠴᠢ ᠪᠠᠷ ᠳᠡᠭᠡᠳᠦ ᠵᠡᠷᠭᠡ ᠶ᠋ᠢᠨ ᠭᠡᠭᠦᠦ ᠶ᠋ᠢᠨ ᠰᠦᠷᠦᠭ ᠬᠤᠳᠠᠯᠳᠤᠨ ᠠᠪᠤᠨᠠ ᠭᠡᠪᠡ᠃
— ᠳᠡᠪᠡᠯ᠂ ᠲᠣᠪᠴᠢ ᠴᠥᠮ ᠢ᠋ ᠠᠪᠤᠭᠲᠤᠨ! ᠮᠢᠨᠦ ᠶᠠᠭᠤᠮᠠ ᠪᠢᠰᠢ ᠭᠡᠬᠦ ᠳ᠋ᠦ᠍ ᠳᠥᠷᠪᠡᠳᠦᠭᠡᠷ ᠬᠥᠮᠦᠨ ᠣᠢᠷᠠᠲᠤᠨ ᠢᠷᠡᠵᠦ᠄
— ᠲᠠᠨᠠᠷ ᠶᠠᠭᠤᠨ ᠳ᠋ᠤ᠌ ᠤᠳᠠᠭᠠᠰᠢᠷᠠᠵᠤ ᠪᠠᠢᠨᠠ᠂ ᠬᠠᠭᠠᠨ ᠤ᠋ ᠠᠳᠤᠭᠤᠴᠢᠨ ᠨᠠᠷ ᠨᠡᠰᠢ ᠳᠠᠪᠬᠢᠯᠳᠤᠵᠤ ᠪᠠᠢᠨᠠ᠂ ᠲᠦᠷᠭᠡᠯᠡᠭᠲᠦᠨ! ᠲᠣᠯᠣᠭᠠᠢ ᠳᠡᠭᠡᠷᠡ ᠨᠢ ᠠᠯᠴᠢᠭᠤᠷ ᠳᠡᠯᠪᠢ᠂ ᠥᠰᠥᠭᠡᠢ ᠶ᠋ᠢ ᠨᠢ ᠰᠢᠯᠢ ᠤᠷᠤᠭᠤ ᠨᠢ ᠨᠤᠭᠤᠯᠤᠭᠲᠤᠨ! ᠭᠡᠪᠡ᠃
ᠬᠠᠳ᠋ᠵᠢ ᠷᠠᠾᠢᠮ ᠥᠭᠡᠷᠡ ᠶᠠᠭᠤ ᠶᠠᠷᠢᠭᠰᠠᠨ ᠢ᠋ ᠡᠰᠡ ᠰᠣᠨᠣᠰᠤᠯᠠ᠂ ᠬᠦᠴᠦᠲᠡᠢ ᠭᠠᠷ ᠢ᠋ᠶ᠋ᠠᠷ ᠰᠢᠭᠦᠷᠡᠨ ᠠᠪᠴᠤ ᠡᠷᠢᠶᠡᠨ ᠠᠯᠴᠢᠭᠤᠷ ᠢ᠋ᠶ᠋ᠠᠷ ᠨᠢᠭᠤᠷ ᠢ᠋ ᠪᠦᠲᠡᠭᠡᠬᠦ ᠳ᠋ᠦ᠍ ᠬᠤᠷᠴᠠ ᠨᠠᠷᠠ᠂ ᠨᠢᠳᠦᠨ ᠦ᠌ ᠬᠢᠨᠢ ᠡᠮᠦᠨᠡ ᠣᠯᠠᠨ ᠮᠢᠩᠭᠠᠨ ᠣᠴᠢ ᠪᠣᠯᠤᠨ ᠪᠤᠲᠠᠷᠠᠬᠤ ᠰᠢᠭ᠋ ᠪᠣᠯᠪᠠ᠃ ᠬᠥᠮᠦᠨ ᠦ᠌ ᠳᠠᠭᠤ ᠱᠤᠤᠭᠢᠶᠠᠨ᠂ ᠨᠣᠬᠠᠢ ᠬᠤᠴᠠᠬᠤ᠂ ᠪᠦᠬᠦ ᠪᠡᠶᠡ ᠨᠢ ᠰᠢᠨᠠᠯᠤᠭᠠ ᠲᠠᠢ ᠡᠪᠡᠳᠬᠦ ᠡᠴᠡ ᠹᠠᠺᠢᠾ ᠤᠬᠠᠭᠠᠨ ᠠᠯᠳᠠᠯᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠵᠢᠩᠯᠢᠬᠤᠸᠠᠷ᠂ ᠪᠠᠯ᠂ ᠠᠯᠲᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠠᠷᠢᠭᠤᠨ᠂ ᠠᠯᠲᠠᠨᠴᠢᠮᠡᠭ᠂ ᠪᠠᠯ