ᠦᠷ ᠦᠨ ᠲᠤᠶᠠᠭᠠ III – ᠪ᠂ ᠷᠢᠨᠴᠢᠨ - ᠭᠤᠷᠪᠠᠳᠤᠭᠠᠷ ᠲᠡᠪᠲᠡᠷ <ᠪᠠᠢᠯᠳᠤᠵᠤ ᠣᠯᠣᠭᠰᠠᠨ ᠡᠬᠡ ᠣᠷᠣᠨ>- ᠬᠣᠷᠢᠨ ᠭᠤᠷᠪᠠ(2) Үүрийн туяа III – Б ᠂ Ренчин Гуравдугаар дэвтэр "Баялдаж олсон эх орон"-23~(2)
193ᠬᠣᠷᠢᠨ ᠭᠤᠷᠪᠠ
ᠲᠥᠷᠥ ᠳᠡᠭᠡᠨ ᠨᠡᠷᠡᠲᠡᠨ ᠨᠤᠭᠦᠳ᠂ ᠲᠦᠮᠡᠨ ᠳᠡᠭᠡᠨ ᠬᠠᠶ᠋ᠢᠷᠠᠲᠠᠨ ᠨᠤᠭᠤᠳ – 2
ᠨᠢᠭᠡᠨ ᠨᠠᠰᠤ ᠪᠠᠨ ᠮᠣᠷᠢᠨ ᠤ᠋ ᠨᠢᠷᠤᠭᠤᠨ ᠳᠡᠭᠡᠷᠡ ᠥᠩᠭᠡᠷᠡᠭᠦᠯᠦᠭᠰᠡᠨ ᠡᠪᠦᠭᠡᠨ ᠬᠥᠮᠦᠨ ᠦ᠌ ᠶᠠᠭᠠᠷᠠᠯ ᠦᠭᠡᠢ ᠠᠯᠬᠤᠭᠠ ᠪᠠᠷ ᠠᠯᠬᠤᠵᠤ᠂ ᠬᠠᠭᠤᠴᠢᠨ ᠯᠠᠮᠠ ᠶ᠋ᠢᠨ ᠭᠡᠭᠡᠨ ᠦ᠌ ᠵᠠᠷᠤᠴᠠ ᠰᠦᠷᠦᠭᠴᠢᠨ ᠦ᠌ ᠨᠢᠭᠡᠳᠦᠭᠰᠡᠨ ᠨᠥᠬᠥᠷᠯᠡᠯ ᠦ᠋ᠨ ᠳᠠᠷᠤᠭᠠ᠂ ᠪᠤᠭᠤᠷᠤᠯ ᠦᠰᠦᠲᠦ ᠴᠡᠮᠪᠡᠢ ᠶᠡᠨᠳᠡᠷ ᠳᠡᠭᠡᠷᠡ ᠭᠠᠷᠤᠭᠠᠳ᠂ ᠠᠭᠤᠳᠠᠮ ᠰᠠᠢᠬᠠᠨ ᠮᠣᠩᠭᠣᠯ ᠨᠤᠲᠤᠭ ᠤ᠋ᠨ ᠵᠦᠭ ᠵᠣᠪᠬᠢᠰ ᠪᠦᠬᠦᠨ ᠡᠴᠡ ᠭᠠᠷᠮᠠᠭᠠᠢ ᠠᠵᠢᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠰᠢᠯᠭᠠᠷᠠᠵᠤ᠂ ᠣᠯᠠᠨ ᠵᠢᠯ ᠦ᠋ᠨ ᠲᠤᠷᠰᠢᠯᠭᠠ ᠳᠠᠳᠤᠯᠭᠠ ᠪᠠᠨ ᠰᠡᠳᠬᠢᠯ ᠵᠣᠷᠢᠯᠭᠠ ᠨᠢᠭᠡᠲᠡᠢ ᠨᠥᠬᠥᠳ ᠲᠡᠢ ᠰᠣᠯᠢᠯᠴᠠᠬᠤ ᠭᠡᠵᠦ ᠢᠷᠡᠵᠡᠭᠡᠭᠰᠡᠨ ᠣᠯᠠᠨ ᠰᠠᠢᠨ ᠮᠠᠯᠴᠢᠨ᠂ ᠰᠢᠷᠭᠠᠭᠤ ᠬᠥᠳᠡᠯᠮᠦᠷᠢ ᠶ᠋ᠢᠨ ᠵᠢᠳᠬᠦᠯᠲᠡᠨ ᠲᠡᠳᠡᠨ ᠦ᠌ ᠴᠦᠯ ᠭᠠᠵᠠᠷ ᠤ᠋ᠨ ᠴᠢᠯᠠᠭᠤ ᠶ᠋ᠢ ᠭᠠᠩᠳᠠᠭᠠᠳᠠᠭ ᠬᠤᠷᠴᠠ ᠨᠠᠷᠠᠨ ᠰᠠᠯᠬᠢᠨ ᠳ᠋ᠤ᠌ ᠭᠠᠩᠳᠠᠭᠰᠠᠨ ᠬᠦᠷᠡᠩ ᠤᠯᠠᠭᠠᠨ ᠴᠢᠷᠠᠢ ᠶ᠋ᠢ ᠬᠡᠴᠡᠭᠦᠦ ᠨᠢᠮᠪᠠᠢ ᠨᠢᠳᠦ ᠪᠡᠷ ᠨᠢᠭᠲᠠᠯᠠᠨ ᠬᠠᠷᠠᠵᠤ᠂ ᠴᠣᠬᠣᠮ ᠬᠡᠯᠡᠬᠦ ᠦᠭᠡ ᠪᠡᠨ ᠡᠪᠲᠡᠢᠬᠡᠨ ᠢ᠋ᠶ᠋ᠡᠷ ᠡᠬᠢᠯᠡᠬᠦ ᠭᠡᠵᠦ ᠰᠠᠮᠪᠠᠭᠠᠴᠢᠯᠠᠨ ᠪᠣᠳᠣᠬᠤ ᠮᠡᠲᠦ ᠬᠣᠷᠣᠮᠬᠠᠨ ᠵᠠᠭᠤᠷᠠ ᠨᠢᠳᠦ ᠪᠡᠨ ᠠᠨᠢᠰᠬᠢᠭᠠᠳ᠂ ᠠᠭᠤᠳᠠᠮ ᠶᠡᠬᠡ ᠲᠠᠩᠬᠢᠮ ᠳ᠋ᠤ᠌ ᠡᠪᠦᠭᠡᠨ ᠦ᠌ ᠲᠡᠨᠢᠭᠦᠨ ᠲᠠᠯᠪᠢᠭᠤᠨ ᠢ᠋ᠶ᠋ᠠᠷ ᠥᠭᠦᠯᠡᠬᠦ ᠢᠷᠠᠭᠤ ᠲᠣᠳᠣᠬᠠᠨ ᠦᠭᠡ ᠰᠣᠨᠣᠰᠳᠠᠵᠤ᠂
— ᠴᠢᠬᠢ ᠪᠠᠶᠠᠷᠯᠠᠭᠤᠯᠬᠤ ᠰᠠᠢᠬᠠᠨ ᠶᠠᠭᠤᠮᠠ ᠴᠡᠭᠡᠵᠢ ᠳᠦᠭᠦᠷᠡᠩ ᠪᠠᠢᠬᠤ ᠳ᠋ᠤ᠌᠂ ᠲᠠ ᠨᠥᠬᠥᠳ ᠲᠡᠭᠡᠨ( ᠲᠤ ᠪᠡᠨ) ᠦᠭᠡ ᠬᠡᠯᠡᠬᠦ ᠨᠢ ᠤᠷᠮᠠ ᠲᠠᠢ ᠪᠠᠢᠨᠠ ᠳᠠ᠃ ᠰᠢᠷᠠ ᠹᠧᠣᠳᠠᠯ ᠯᠠᠮᠠ ᠶ᠋ᠢᠨ ᠭᠡᠭᠡᠨ ᠦ᠌《ᠮᠥᠩᠬᠡ ᠰᠦᠷᠦᠭ》 ᠭᠡᠳᠡᠭ ᠢ᠋ ᠨᠢᠭᠡ ᠨᠠᠰᠤ ᠪᠠᠷ ᠳᠠᠭᠠᠵᠤ ᠶᠠᠪᠤᠭᠰᠠᠨ ᠶᠠᠳᠠᠭᠤ ᠬᠣᠭᠣᠰᠣᠨ ᠵᠠᠷᠤᠴᠠ ᠪᠠᠢᠭᠰᠠᠨ ᠨᠥᠬᠥᠳ ᠮᠢᠨᠢ᠂ ᠡᠪᠦᠭᠡᠨ ᠪᠤᠭᠤᠷᠤᠯ ᠨᠠᠮᠠᠶ᠋ᠢ(ᠨᠠᠮᠠ ᠶ᠋ᠢ) ᠪᠡᠨ ᠡᠨᠡ ᠰᠠᠢᠬᠠᠨ ᠬᠤᠷᠠᠯ ᠳ᠋ᠤ᠌ ᠶᠠᠪᠤᠭᠤᠯᠵᠤ᠂ ᠡᠷᠬᠡ ᠴᠢᠯᠥᠭᠡ ᠲᠡᠢ ᠰᠠᠢᠬᠠᠨ ᠠᠵᠤ ᠲᠥᠷᠥᠬᠦ ᠲᠡᠢ᠂ ᠴᠡᠭᠡᠵᠢ ᠳᠦᠭᠦᠷᠡᠩ ᠪᠠᠶᠠᠷ ᠲᠠᠢ ᠮᠠᠩᠨᠠᠢ ᠲᠡᠨᠢᠭᠦᠨ ᠬᠥᠮᠦᠨ ᠪᠣᠯᠵᠤ ᠨᠢᠳᠦ ᠨᠡᠭᠡᠭᠡᠭᠳᠡᠨ᠂ ᠡᠪ ᠰᠠᠨᠠᠭᠠ ᠨᠢᠭᠡᠲᠡᠢ᠂ ᠡᠷᠬᠡ ᠵᠢᠷᠭᠠᠯ ᠲᠠᠢ ᠰᠠᠢᠬᠠᠨ ᠰᠠᠭᠤᠵᠤ ᠪᠠᠢᠭᠠ ᠪᠠᠨ ᠲᠠ ᠪᠦᠬᠦᠨ ᠳ᠋ᠦ᠍ ᠢᠷᠠᠭᠤ ᠲᠣᠮᠣᠷᠠᠭᠤᠨ ᠢ᠋ᠶ᠋ᠠᠷ ᠬᠡᠯᠡᠵᠦ ᠥᠭᠭᠦᠭᠡᠷᠡᠢ ᠭᠡᠵᠦ ᠵᠠᠬᠢᠵᠤ ᠶᠠᠪᠤᠭᠤᠯᠤᠭᠰᠠᠨ ᠪᠢᠯᠡ᠃
ᠨᠣᠣᠷᠬᠠᠢ ᠴᠣᠭᠣᠷᠬᠠᠢ ᠰᠢᠷᠠ ᠢᠰᠡᠭᠡᠢ ᠣᠪᠣᠬᠠᠢ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ)᠂ ᠤᠷᠠᠩᠬᠠᠢ ᠳᠡᠪᠡᠯ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ) ᠳᠤᠯᠠᠭᠠᠴᠠᠵᠤ ᠶᠠᠳᠠᠨ ᠴᠡᠴᠡᠷᠡᠨ ᠳᠠᠭᠵᠢᠵᠤ᠂ ᠥᠯᠥᠰᠬᠦ ᠲᠠᠭᠠᠷᠠᠬᠤ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ) ᠠᠴᠢ ᠦᠷᠡ ᠮᠢᠨᠢ ᠰᠥᠨᠢ ᠤᠬᠢᠯᠠᠳᠠᠭ ᠲᠡᠷᠡ ᠴᠠᠭ᠂ ᠣᠳᠣ ᠰᠠᠨᠠᠬᠤ ᠳ᠋ᠤ᠌ ᠵᠡᠭᠦᠳᠦ ᠰᠢᠭ ᠪᠣᠯᠵᠤ᠂ ᠭᠡᠭᠡᠨ ᠱᠠᠩ ᠤ᠋ᠨ ᠲᠤᠭᠤᠯᠯᠠᠭᠰᠠᠨ ᠦᠨᠢᠶᠡ ᠶ᠋ᠢᠨ ᠬᠠᠭ ᠨᠢ ᠥᠯᠥᠰᠴᠦ ᠶᠠᠳᠠᠷᠠᠭᠰᠠᠨ ᠪᠢᠳᠡᠨ ᠳ᠋ᠦ᠍ ᠥᠯᠲᠡᠢ ᠰᠢᠮᠡᠲᠡᠢ ᠬᠣᠭᠣᠯᠠ ᠰᠢᠭ᠋ ᠪᠠᠢᠭᠰᠠᠨ ᠢ᠋ ᠰᠠᠨᠠᠬᠤ ᠳ᠋ᠤ᠌᠂ ᠣᠳᠣ 37 ᠢᠲᠡᠭᠡᠮᠡᠷ ᠪᠢᠰᠢ ᠬᠠᠴᠢᠨ ᠰᠠᠨᠠᠭᠳᠠᠳᠠᠭ ᠪᠣᠯᠵᠠᠢ᠃ ᠡᠷᠦᠬᠡ ᠪᠡᠷ ᠮᠢᠨᠢ ᠣᠳᠣ ᠨᠠᠷᠠ ᠣᠷᠣᠵᠤ᠂ ᠡᠭᠦᠳᠡ ᠪᠡᠷ ᠮᠢᠨᠢ ᠥᠯᠵᠡᠢᠬᠤᠲᠤᠭ ᠣᠷᠣᠵᠠᠢ ᠭᠡᠵᠦ ᠭᠡᠭᠡᠨ ᠱᠠᠩ ᠤ᠋ᠨ ᠵᠠᠷᠤᠴᠠ ᠶᠠᠳᠠᠭᠤᠰ ᠠᠷᠲ᠋ᠸᠯ ᠪᠣᠯᠵᠤ ᠬᠦᠴᠦ ᠬᠥᠳᠡᠯᠮᠦᠷᠢ ᠪᠡᠨ ᠨᠢᠭᠡᠳᠬᠡᠭᠡᠳ᠂ ᠡᠯᠪᠡᠭ ᠰᠠᠢᠬᠠᠨ ᠢ᠋ᠶ᠋ᠠᠷ ᠠᠵᠤ ᠲᠥᠷᠥᠬᠦ ᠶ᠋ᠢᠨ ᠵᠠᠮ ᠳ᠋ᠤ᠌ ᠣᠷᠣᠭᠰᠠᠨ ᠢ᠋ᠶ᠋ᠠᠨ ᠵᠦᠢᠷ ᠰᠠᠢᠬᠠᠨ ᠦᠭᠡ ᠪᠡᠷ ᠶᠡᠬᠡᠯᠡ(ᠶᠡᠬᠡ ᠯᠡ) ᠠᠶᠠᠲᠠᠢᠬᠠᠨ ᠢ᠋ᠶ᠋ᠠᠷ ᠶᠠᠷᠢᠬᠤ ᠳ᠋ᠤᠨᠢ( ᠳ᠋ᠤ᠌ ᠨᠢ) ᠰᠢᠷᠴᠢᠨ ᠰᠣᠨᠢᠷᠬᠠᠨ ᠴᠢᠩᠨᠠᠵᠤ ᠰᠠᠭᠤᠯᠠ᠃
— ᠡᠨᠳᠡ ᠮᠢᠨᠦ ᠡᠮᠦᠨᠡ ᠦᠭᠡ ᠬᠡᠯᠡᠵᠦ ᠪᠠᠢᠭᠰᠠᠨ ᠨᠥᠬᠥᠳ᠂ ᠬᠦᠴᠦ ᠬᠥᠷᠥᠩᠭᠡ ᠨᠢᠭᠡᠳᠬᠡᠵᠦ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠳ᠋ᠤ᠌ ᠳᠣᠣᠷᠠ ᠳᠣᠣᠷᠠ ᠪᠠᠨ ᠬᠦᠴᠦ ᠪᠦᠯᠢ ᠦᠭᠡᠢᠳᠡᠵᠦ ᠪᠠᠢᠭᠰᠠᠨ ᠠ᠋ᠴᠠ ᠢᠯᠡᠭᠦᠦ ᠰᠠᠢᠬᠠᠨ ᠶᠤᠮ ᠪᠠᠢᠨᠠ ᠭᠡᠵᠦ ᠬᠡᠯᠡᠭᠰᠡᠨ ᠨᠢ ᠲᠦᠮᠡᠨ ᠦᠨᠡᠨ ᠬᠡᠷᠡᠭ᠃ ᠬᠠᠭᠤᠴᠢᠨ ᠤ᠋ ᠰᠡᠴᠡᠨ ᠦᠭᠡᠨ ᠳ᠋ᠦ᠍ ᠴᠣ᠂ ᠭᠠᠭᠴᠠ ᠬᠥᠮᠦᠨ ᠬᠥᠮᠦᠨ ᠪᠢᠰᠢ᠂ ᠭᠠᠭᠴᠠ ᠴᠤᠴᠠᠯᠢ ᠭᠠᠯ ᠪᠢᠰᠢ ᠭᠡᠳᠡᠭ ᠰᠠᠨ ᠰᠢᠦ ᠳᠡ᠃ ᠡᠪ ᠰᠠᠨᠠᠭᠠ᠂ ᠬᠦᠴᠦ ᠬᠥᠳᠡᠯᠮᠦᠷᠢ ᠨᠢᠭᠡᠲᠡᠢ ᠪᠡᠷ ᠬᠠᠮᠲᠤᠷᠠᠨ ᠠᠵᠢᠯᠯᠠᠭᠰᠠᠨ ᠤ᠋ ᠠᠰᠢᠭ ᠲᠤᠰᠠ ᠶ᠋ᠢ ᠮᠠᠨ ᠤ᠋ ᠠᠷᠲ᠋ᠸᠯ ᠨᠢᠭᠡᠳᠦᠯ ᠦ᠋ᠨ ᠦᠯᠢᠭᠡᠷ ᠵᠢᠱ᠌ᠢᠶᠡ ᠪᠡᠷ ᠴᠦ᠍ ᠪᠠᠰᠠ ᠮᠡᠳᠡᠵᠦ ᠪᠣᠯᠤᠨᠠ᠃ ᠮᠠᠨ ᠤ᠋ ᠨᠥᠬᠥᠳ ᠨᠠᠮᠠᠶ᠋ᠢ(ᠨᠠᠮᠠ ᠶ᠋ᠢ) ᠡᠨᠡ ᠬᠤᠷᠠᠯ ᠳ᠋ᠤ᠌ ᠶᠠᠪᠤᠭᠤᠯᠬᠤ ᠳ᠋ᠠᠭᠠᠨ (ᠳ᠋ᠤ᠌ ᠪᠠᠨ)᠂ ᠲᠡᠷᠡ ᠤᠴᠢᠷ ᠢ᠋ ᠰᠠᠢᠲᠤᠷ ᠨᠢᠭᠡ ᠳ᠋ᠦ᠍ ᠨᠢᠭᠡᠨ ᠦᠭᠡᠢ ᠬᠡᠯᠡᠵᠦ᠂ ᠬᠤᠷᠠᠯ ᠤ᠋ᠨ ᠣᠯᠠᠨ ᠲᠠ ᠪᠦᠬᠦᠨ ᠳ᠋ᠦ᠍ ᠲᠤᠷᠰᠢᠯᠭᠠ ᠪᠠᠨ ᠶᠠᠷᠢᠵᠤ ᠥᠭᠭᠦᠭᠡᠷᠡᠢ ᠭᠡᠵᠦ ᠨᠠᠳᠠᠳᠤ(ᠨᠠᠳᠠ ᠳ᠋ᠤ᠌) ᠶᠡᠬᠡᠯᠡ(ᠶᠡᠬᠡ ᠯᠡ) ᠵᠠᠬᠢᠭᠰᠠᠨ ᠪᠢᠯᠡ᠃ ᠡᠪᠦᠭᠡᠨ ᠪᠢ ᠨᠠᠰᠤᠨ ᠳ᠋ᠤ᠌ ᠳᠠᠷᠤᠭᠳᠠᠵᠤ ᠵᠥᠨᠥᠵᠦ ᠮᠤᠩᠭᠠᠨᠢᠭᠠᠳ ᠳᠤᠲᠠᠭᠤ ᠬᠠᠭᠠᠰ ᠬᠡᠯᠡᠭᠰᠡᠨ ᠪᠣᠯ᠂ ᠪᠢᠳᠡᠨ ᠦ᠌ ᠬᠠᠮᠲᠤ ᠤᠷᠢᠳᠤ ᠯᠠᠮᠠ ᠶ᠋ᠢᠨ ᠭᠡᠭᠡᠨ ᠦ᠌ ᠱᠠᠩ ᠤ᠋ᠨ ᠠᠵᠢᠯ ᠳ᠋ᠤ᠌ ᠤᠭᠤᠴᠠ ᠨᠢᠷᠤᠭᠤ ᠪᠠᠨ ᠴᠢᠯᠡᠲᠡᠯᠡ ᠠᠵᠢᠯ ᠭᠡᠵᠦ ᠶᠠᠪᠤᠭᠰᠠᠨ ᠡᠪᠦᠭᠡᠨ ᠨᠣᠭᠣᠭᠠᠴᠢᠨ ᠮᠠᠨᠢ ᠣᠳᠣ ᠡᠨᠡ ᠬᠤᠷᠠᠯ ᠳ᠋ᠤ᠌ ᠢᠷᠡᠭᠡᠳ ᠰᠠᠭᠤᠵᠤ ᠪᠠᠢᠭᠠ᠃ ᠮᠢᠨᠦ ᠳᠤᠲᠠᠭᠤ ᠬᠡᠯᠡᠭᠰᠡᠨ ᠢ᠋ ᠲᠡᠷᠡ ᠮᠠᠨᠢ ᠨᠥᠬᠥᠨ ᠭᠦᠢᠴᠡᠭᠡᠵᠦ ᠥᠭᠬᠦ ᠪᠢᠵᠡ᠃
ᠬᠥᠮᠦᠨ ᠠᠬᠠ ᠲᠠᠢ᠂ ᠳᠡᠪᠡᠯ ᠵᠠᠬᠠ ᠲᠠᠢ ᠭᠡᠵᠦ ᠬᠠᠭᠤᠴᠢᠨ ᠤ᠋ ᠦᠭᠡᠨ ᠳ᠋ᠦ᠍ ᠪᠠᠢᠳᠠᠭ᠃ ᠪᠢᠳᠡ ᠪᠦᠭᠦᠳᠡ ᠶ᠋ᠢᠨ ᠠᠬᠠ ᠪᠣᠯᠤᠭᠰᠠᠨ ᠵᠥᠪᠯᠡᠯᠲᠦ ᠶ᠋ᠢᠨ ᠠᠷᠠᠳ ᠲᠦᠮᠡᠨ᠂ ᠰᠢᠨᠡ ᠰᠠᠢᠬᠠᠨ ᠪᠠᠢᠳᠠᠯ ᠵᠣᠬᠢᠶᠠᠬᠤ ᠠᠷᠭᠠ ᠵᠠᠮ ᠢ᠋ ᠰᠢᠳᠤᠷᠭᠤ ᠬᠥᠳᠡᠯᠮᠦᠷᠢ ᠶ᠋ᠢᠨ ᠬᠥᠮᠦᠨ ᠳ᠋ᠦ᠍᠂ ᠠᠷᠠᠳ ᠪᠦᠬᠦᠨ ᠳ᠋ᠦ᠍ ᠵᠢᠭᠠᠵᠤ ᠥᠭᠭᠦᠭᠰᠡᠨ ᠢ᠋ᠶ᠋ᠡᠷ ᠵᠥᠪᠯᠡᠯᠲᠦ ᠶᠡᠬᠡ ᠤᠯᠤᠰ ᠤ᠋ᠨ ᠥᠨᠳᠥᠷ ᠵᠠᠶᠠᠭᠠ᠂ ᠥᠷᠭᠡᠨ ᠰᠤᠭᠤᠨ ᠳ᠋ᠤᠨᠢ( ᠳ᠋ᠤ᠌ ᠨᠢ) ᠲᠦᠰᠢᠭᠰᠡᠨ ᠮᠠᠯᠴᠢᠨ ᠪᠢᠳᠡ᠂ ᠡᠨᠡ ᠳᠡᠯᠡᠬᠡᠢ ᠶ᠋ᠢᠨ ᠤᠯᠤᠰ ᠣᠯᠠᠨ ᠤ᠋ ᠡᠩᠬᠡ ᠵᠢᠷᠭᠠᠯ ᠤ᠋ᠨ ᠳᠠᠢᠰᠤᠨ ᠹᠠᠱ᠌ᠢᠰᠲ ᠲᠠᠢ ᠰᠢᠳᠤᠷᠭᠤ ᠲᠡᠮᠡᠴᠡᠯ ᠬᠢᠵᠦ ᠪᠠᠢᠭᠠ ᠳ᠋ᠤᠨᠢ( ᠳ᠋ᠤ᠌ ᠨᠢ)ᠪᠣᠢ ᠪᠦᠬᠦ ᠬᠦᠴᠦ ᠪᠡᠨ ᠰᠢᠪᠬᠠᠨ ᠲᠤᠰᠠᠯᠠᠨᠠ᠃
ᠡᠷᠡ ᠬᠥᠮᠦᠨ ᠬᠡᠯᠡᠭᠰᠡᠨ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ)᠂ ᠴᠢᠨᠣᠠ ᠬᠠᠷᠠᠢᠭᠰᠠᠨ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ) ᠬᠦᠷᠳᠡᠭ ᠭᠡᠳᠡᠭ᠃ ᠪᠢᠳᠡᠨ ᠦ᠌ ᠮᠠᠯᠴᠢᠨ ᠨᠤᠭᠤᠳ ᠬᠡᠯᠡᠭᠰᠡᠨ ᠦᠭᠡᠨ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ) ᠬᠦᠷᠴᠦ᠂ ᠦᠨᠡᠨ ᠵᠥᠪ ᠬᠡᠷᠡᠭ ᠢᠯᠠᠵᠤ᠂ ᠨᠡᠢᠭᠡᠮ ᠤᠯᠤᠰ ᠣᠯᠠᠨ ᠤ᠋ ᠡᠩᠬᠡ ᠵᠢᠷᠭᠠᠯ ᠪᠠᠲᠤᠳᠬᠠᠬᠤ ᠶ᠋ᠢᠨ ᠲᠥᠯᠥᠭᠡ ᠮᠠᠨ ᠤ᠋ ᠠᠬᠠ ᠪᠣᠯᠤᠭᠰᠠᠨ ᠵᠥᠪᠯᠡᠯᠲᠦ ᠶ᠋ᠢᠨ ᠬᠥᠮᠦᠨ ᠠᠷᠠᠳ ᠤ᠋ᠨ ᠲᠡᠮᠡᠴᠡᠨ ᠵᠢᠳᠬᠦᠵᠦ ᠪᠠᠢᠭᠠ ᠵᠢᠱ᠌ᠢᠶᠡ ᠪᠡᠷ ᠵᠢᠳᠬᠦᠨ ᠲᠡᠮᠡᠴᠡᠨᠡ᠃
ᠡᠩ ᠦ᠋ᠨ ᠮᠠᠯᠴᠢᠨ ᠠᠷᠠᠳ ᠪᠢᠳᠡᠨ ᠢ᠋ ᠬᠠᠯᠠᠭᠤᠨ ᠰᠠᠨᠠᠭᠠ ᠲᠠᠯᠪᠢᠵᠤ᠂ ᠦᠷᠭᠦᠯᠵᠢ ᠠᠩᠬᠠᠷᠴᠤ ᠪᠠᠢᠳᠠᠭ ᠨᠠᠮ ᠵᠠᠰᠠᠭ᠂ ᠨᠥᠬᠥᠷ ᠴᠣᠢᠪᠠᠯᠰᠠᠩ ᠳ᠋ᠤ᠌ ᠦᠨᠡᠨ ᠰᠡᠳᠬᠢᠯ ᠦ᠋ᠨ ᠪᠠᠶᠠᠷ ᠲᠠᠯᠠᠷᠬᠠᠯ ᠢ᠋ ᠢᠯᠡᠷᠬᠡᠢᠯᠡᠶᠡ᠃ ᠵᠥᠪᠯᠡᠯᠲᠦ ᠶᠡᠬᠡ ᠤᠯᠤᠰ ᠢ᠋ ᠲᠥᠯᠥᠭᠡᠯᠡᠭᠰᠡᠨ ᠨᠥᠬᠥᠷ ᠢᠸᠠᠨᠤᠸ ᠡᠯᠴᠢᠨ ᠳ᠋ᠦ᠍ ᠮᠠᠨ ᠤ᠋ ᠠᠷᠲ᠋ᠧᠯ ᠦ᠋ᠨ ᠬᠢᠨ ᠡᠴᠡ ᠪᠠᠶᠠᠷ ᠪᠠᠬᠠᠳᠤᠯ ᠢ᠋ᠶ᠋ᠠᠨ ᠢᠯᠡᠷᠬᠡᠢᠯᠡᠵᠦ ᠮᠡᠬᠦᠢᠨ ᠶᠣᠰᠣᠯᠠᠶᠠ᠃
ᠮᠠᠯᠴᠢᠨ ᠨᠥᠬᠥᠳ ᠲᠠ ᠪᠦᠬᠦᠨ ᠢ᠋ᠶ᠋ᠡᠨ ᠡᠬᠡ ᠣᠷᠣᠨ᠂ ᠠᠯᠲᠠᠨ ᠳᠡᠯᠡᠬᠡᠢ ᠶ᠋ᠢᠨ ᠬᠥᠮᠦᠨ ᠠᠷᠠᠳ ᠤ᠋ᠨ ᠡᠩᠬᠡ ᠵᠢᠷᠭᠠᠯ ᠤ᠋ᠨ ᠲᠥᠯᠥᠭᠡ ᠵᠢᠳᠬᠦᠨ ᠬᠥᠳᠡᠯᠮᠦᠷᠢᠯᠡᠬᠦ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ) ᠤᠯᠠᠮ ᠰᠠᠢᠬᠠᠨ ᠭᠠᠷᠮᠠᠭᠠᠢ ᠠᠮᠵᠢᠯᠲᠠ ᠪᠠᠢᠭᠤᠯᠬᠤ ᠶ᠋ᠢ ᠢᠷᠥᠭᠡᠶᠡ ᠭᠡᠵᠦ ᠡᠪᠦᠭᠡᠨ ᠴᠡᠮᠪᠡᠢ ᠮᠡᠬᠦᠢᠨ ᠶᠣᠰᠣᠯᠠᠵᠤ ᠦᠭᠡ ᠪᠡᠨ ᠲᠡᠭᠦᠰᠬᠡᠵᠡᠢ᠃
ᠮᠣᠩᠭᠣᠯ ᠭᠠᠵᠠᠷ ᠨᠢᠭᠡ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ ᠰᠠᠭᠤᠵᠤ᠂ ᠯᠠᠮᠠ ᠶ᠋ᠢᠨ ᠭᠡᠭᠡᠨ ᠦ᠌ ᠲᠠᠷᠢᠶᠠᠨ ᠤ᠋ ᠭᠠᠵᠠᠷ ᠠᠵᠢᠯ ᠬᠢᠵᠦ ᠪᠠᠢᠭᠰᠠᠨ᠂ ᠤᠷᠢᠳᠤ ᠵᠠᠷᠤᠴᠠ ᠶᠠᠪᠤᠭᠰᠠᠨ᠂ ᠠᠷᠠᠳ ᠤ᠋ᠨ ᠨᠢᠭᠡᠳᠦᠯ ᠦ᠋ᠨ ᠭᠡᠰᠢᠭᠦᠨ᠂᠂ ᠡᠪᠦᠭᠡᠨ ᠳᠣᠲᠣᠷᠠ ᠠᠵᠢᠯᠴᠢᠨ᠂ ᠨᠢᠭᠡᠳᠦᠯ ᠦ᠋ᠨ ᠨᠣᠭᠣᠭᠠ ᠲᠠᠷᠢᠶᠠᠨ ᠤ᠋ ᠭᠠᠵᠠᠷ ᠵᠢᠯ ᠪᠦᠷᠢ ᠶᠡᠬᠡ ᠰᠠᠢᠬᠠᠨ ᠨᠣᠭᠣᠭᠠ ᠤᠷᠭᠤᠭᠤᠯᠵᠤ ᠪᠠᠢᠳᠠᠭ ᠢ᠋ᠶ᠋ᠠᠨ ᠶᠠᠷᠢᠭᠠᠳ᠂ ᠤᠯᠠᠮ ᠰᠠᠢᠨ ᠢ᠋ᠶ᠋ᠠᠷ ᠤᠷᠭᠤᠭᠤᠯᠬᠤ ᠶ᠋ᠢ ᠮᠡᠷᠡᠢᠨᠡ ᠭᠡᠵᠦ ᠬᠡᠯᠡᠬᠦ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ)᠂
— ᠮᠠᠷᠱᠠᠯ ᠴᠣᠢᠪᠠᠯᠰᠠᠩ᠂ ᠵᠥᠪᠯᠡᠯᠲᠦ ᠶ᠋ᠢᠨ ᠠᠷᠠᠳ ᠲᠦᠮᠡᠨ ᠢ᠋ ᠹᠠᠱ᠌ᠢᠰᠮ ᠲᠠᠢ ᠲᠡᠮᠡᠴᠡᠨ ᠪᠠᠢᠯᠳᠤᠵᠤ ᠪᠠᠢᠭᠠ ᠡᠨᠡ ᠦᠶᠡ ᠳ᠋ᠦ᠍ ᠬᠥᠮᠦᠨ ᠪᠦᠷᠢ ᠵᠦᠢᠯ ᠪᠦᠷᠢ ᠪᠡᠷ ᠵᠥᠪᠯᠡᠯᠲᠦ ᠤᠯᠤᠰ ᠤ᠋ᠨ ᠠᠷᠠᠳ ᠣᠯᠠᠨ ᠳ᠋ᠤ᠌ ᠲᠤᠰᠠᠯᠠᠬᠤ ᠭᠡᠵᠦ ᠤᠯᠠᠮ ᠰᠠᠢᠨ ᠢ᠋ᠶ᠋ᠠᠷ ᠠᠵᠢᠯᠯᠠᠬᠤ ᠬᠡᠷᠡᠭᠲᠡᠢ ᠭᠡᠵᠦ ᠰᠤᠷᠭᠠᠨ ᠬᠡᠯᠡᠭᠰᠡᠨ ᠢ᠋ ᠪᠢ ᠬᠢᠴᠢᠶᠡᠨ ᠭᠦᠢᠴᠡᠳᠬᠡᠵᠦ᠂ ᠠᠷᠪᠠᠨ ᠳᠠᠪᠬᠤᠷ ᠶᠡᠬᠡ ᠮᠡᠷᠡᠢᠨᠡ᠃ ᠪᠢ ᠳᠣᠲᠣᠷᠠ ᠬᠥᠮᠦᠨ᠂ ᠶᠡᠬᠡ ᠬᠣᠯᠪᠣᠭᠠᠲᠤ ᠤᠯᠤᠰ ᠬᠠᠷᠭᠢᠰ ᠹᠠᠱ᠌ᠢᠰᠮ ᠢ᠋ ᠢᠯᠠᠨ ᠳᠠᠷᠤᠪᠠᠯ᠂ ᠮᠠᠨ ᠤ᠋ ᠠᠷᠠᠳ ᠲᠦᠮᠡᠨ ᠴᠦ᠍ ᠭᠠᠳᠠᠭᠠᠳᠤ ᠶ᠋ᠢᠨ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠢ᠂ ᠳᠣᠲᠣᠭᠠᠳᠤ ᠶ᠋ᠢᠨ ᠭᠣᠮᠢᠨᠳᠠᠩ ᠤ᠋ᠨ ᠳᠠᠷᠤᠯᠠᠯ ᠠ᠋ᠴᠠ ᠠᠩᠭᠢᠵᠢᠷᠠᠨ ᠰᠠᠯᠬᠤ ᠪᠠᠢᠬᠤ ᠭᠡᠵᠦ ᠪᠢ ᠳᠣᠲᠣᠷᠠ ᠪᠠᠨ ᠭᠣᠷᠢᠳᠠᠨ ᠪᠣᠳᠣᠵᠤ ᠶᠠᠪᠤᠳᠠᠭ ᠶᠤᠮ ᠰᠢᠦ ᠭᠡᠵᠦ ᠲᠡᠷᠡ ᠡᠪᠦᠭᠡᠨ ᠳᠣᠲᠣᠷᠠ ᠠᠵᠢᠯᠴᠢᠨ ᠬᠡᠯᠡᠵᠦ ᠪᠢᠯᠡ᠃
ᠳᠠᠯᠠᠨ ᠭᠤᠷᠪᠠᠨ ᠨᠠᠰᠤᠲᠠᠢ᠂ ᠲᠣᠷᠭᠤᠳ ᠡᠪᠦᠭᠡᠨ ᠵᠠᠮᠰᠤ ᠶᠡᠨᠳᠡᠷ ᠳᠡᠭᠡᠷᠡ ᠭᠠᠷᠴᠤ ᠲᠠᠩᠬᠢᠮ ᠳᠦᠭᠦᠷᠡᠩ ᠰᠠᠭᠤᠭᠰᠠᠨ ᠣᠯᠠᠨ ᠬᠥᠮᠦᠨ ᠢ᠋ ᠬᠠᠷᠠᠭᠠᠳ ᠥᠭᠦᠯᠡᠷᠦᠨ᠂
— ᠨᠥᠬᠥᠳ ᠠ᠋! ᠡᠨᠡ ᠵᠢᠯ ᠪᠢ ᠳᠠᠯᠠᠨ ᠭᠤᠷᠪᠠ ᠲᠠᠢ᠃ ᠵᠣᠪᠠᠯᠠᠩ ᠪᠡᠷᠺᠧ(ᠪᠡᠷᠬᠡ) ᠶ᠋ᠢ ᠶᠡᠺᠧ(ᠶᠡᠬᠡ) ᠦᠵᠡᠭᠰᠡᠨ ᠪᠣᠯᠪᠠᠴᠤ᠂ ᠰᠠᠨᠳᠤᠷᠤᠨ ᠲᠡᠪᠡᠳᠡᠵᠦ ᠦᠵᠡᠭᠡᠳ ᠦᠭᠡᠢ ᠪᠢᠯᠡ᠃ ᠬᠠᠷᠢᠨ ᠡᠨᠡ ᠠᠯᠲᠠᠨ ᠶᠡᠨᠳᠡᠷ ᠳᠡᠭᠡᠷᠡ ᠭᠠᠷᠤᠭᠠᠳ᠂ ᠠᠷᠢᠭᠤᠨ ᠺᠥᠳᠡᠯᠮᠦᠷᠢ(ᠬᠥᠳᠡᠯᠮᠦᠷᠢ) ᠪᠡᠷ ᠢ᠋ᠶ᠋ᠡᠨ ᠲᠥᠷᠥ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ) ᠬᠦᠨᠳᠦᠲᠡᠢ ᠲᠦᠮᠡᠨ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ) ᠬᠠᠢᠷᠠᠲᠠᠢ ᠲᠠ ᠨᠥᠺᠥᠳ(ᠨᠥᠬᠥᠳ) ᠦ᠋ᠨ ᠪᠠᠢᠳᠠᠯ ᠢ᠋ ᠬᠠᠷᠠᠭᠠᠳ ᠰᠠᠨᠳᠤᠷᠤᠨ ᠲᠡᠪᠡᠳᠡᠵᠦ᠂ ᠰᠡᠳᠺᠢᠯ ᠪᠠᠶᠠᠷᠯᠠᠨ ᠬᠥᠳᠡᠯᠦᠭᠡᠳ ᠰᠦᠷᠳᠡᠵᠦ᠂ ᠦᠭᠡ ᠺᠧᠯᠡᠵᠦ(ᠬᠡᠯᠡᠵᠦ) ᠴᠢᠳᠠᠰᠢ ᠦᠭᠡᠢ ᠮᠡᠲᠦ ᠶᠠᠮᠠᠷ ᠰᠣᠨᠢᠨ ᠶᠤᠮ ᠪᠢᠯᠡ?
ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠠᠷᠪᠠᠨ ᠨᠢᠭᠡᠨ ᠣᠨ ᠳ᠋ᠤ᠌ ᠪᠢ ᠳᠣᠯᠣᠭᠠᠨ ᠠᠳᠤᠭᠤ ᠲᠠᠢ᠂ ᠲᠠᠪᠤᠨ ᠦᠨᠢᠶᠡ ᠲᠡᠢ᠂ ᠲᠠᠪᠤᠨ ᠢᠮᠠᠭᠠ ᠲᠠᠢ ᠡᠢᠮᠦ ᠬᠥᠮᠦᠨ ᠪᠠᠢᠯᠠᠪ᠃ ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯ ᠤ᠋ᠨ ᠠᠴᠢ ᠪᠠᠷ ᠹᠧᠣᠳᠠᠯ ᠤ᠋ᠨ ᠳᠠᠷᠤᠯᠠᠯ ᠠ᠋ᠴᠠ ᠮᠤᠯᠲᠤᠷᠠᠵᠤ ᠰᠠᠯᠤᠭᠠᠳ᠂ ᠣᠳᠣ ᠬᠣᠷᠢᠨ ᠵᠢᠯ ᠡᠷᠺᠡ(ᠡᠷᠬᠡ) ᠴᠢᠯᠥᠭᠡ ᠲᠡᠢ ᠺᠦᠳᠡᠯᠮᠦᠷᠢ ᠬᠢᠬᠦ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ)᠂ ᠮᠠᠯ ᠢ᠋ᠶ᠋ᠠᠨ ᠶᠢᠰᠦᠨ ᠵᠠᠭᠤ ᠺᠦᠷᠭᠡᠯᠡ(ᠬᠦᠷᠭᠡᠯᠡ)᠃ ᠵᠤᠨ ᠴᠠᠭ ᠥᠨᠳᠥᠷ ᠠᠭᠤᠯᠠ ᠶ᠋ᠢᠨ ᠪᠠᠯ ᠢ᠋ᠶ᠋ᠠᠷ ᠰᠡᠷᠢᠭᠦᠨ ᠭᠠᠵᠠᠷ ᠮᠠᠯ ᠢ᠋ᠶ᠋ᠠᠨ ᠮᠠᠯᠯᠠᠵᠤ᠂ ᠥᠷᠭᠡᠨ ᠲᠠᠯᠠ ᠳ᠋ᠤ᠌ ᠨᠠᠷᠠᠨ ᠳ᠋ᠤ᠌ ᠡᠪᠡᠰᠦ ᠭᠠᠩᠳᠠᠳᠠᠭ ᠦᠭᠡᠢ ᠭᠣᠣ ᠵᠢᠯᠠᠭᠠ ᠪᠠᠷ ᠮᠠᠯᠯᠠᠳᠠᠭ ᠪᠢᠯᠡ᠃ ᠡᠪᠦᠯ ᠦ᠋ᠨ ᠴᠠᠭ ᠲᠤ᠌ ᠡᠪᠡᠰᠦ ᠤᠰᠤ ᠲᠡᠭᠰᠢ᠂ ᠵᠢᠪᠠᠷ ᠰᠠᠯᠺᠢᠨ(ᠰᠠᠯᠬᠢᠨ) ᠠ᠋ᠴᠠ ᠨᠥᠮᠥᠷᠢ ᠳᠤᠯᠠᠭᠠᠨ ᠭᠠᠵᠠᠷ ᠡᠪᠦᠯᠵᠢᠳᠡᠭ ᠪᠢᠯᠡ᠃ ᠨᠠᠰᠤᠲᠠᠢ ᠺᠦᠮᠦᠨ(ᠬᠥᠮᠦᠨ) ᠡᠴᠡ ᠶᠠᠮᠠᠷ ᠮᠠᠯ᠂ ᠶᠠᠮᠠᠷ ᠡᠪᠡᠰᠦ ᠨᠣᠭᠣᠭᠠᠨ ᠳ᠋ᠤ᠌ ᠳᠤᠷᠠᠲᠠᠢ ᠪᠠᠢᠳᠠᠭ ᠢ᠋ ᠠᠰᠠᠭᠤᠨ ᠰᠤᠷᠠᠭᠯᠠᠵᠤ᠂ ᠥᠪᠡᠷ ᠢ᠋ᠶ᠋ᠡᠨ ᠪᠠᠰᠠ ᠠᠵᠢᠭᠯᠠᠵᠤ᠂ ᠵᠢᠯ ᠦ᠋ᠨ ᠳᠥᠷᠪᠡᠨ ᠤᠯᠠᠷᠢᠯ ᠳ᠋ᠤ᠌ ᠶᠠᠮᠠᠷ ᠡᠪᠡᠰᠦ ᠨᠤᠭᠠᠨ(ᠨᠣᠭᠣᠭᠠᠨ) ᠳ᠋ᠤ᠌ ᠳᠤᠷᠠᠲᠠᠢ ᠶ᠋ᠢ ᠦᠵᠡᠵᠦ ᠶᠠᠪᠤᠳᠠᠭ ᠪᠠᠢᠯᠠᠪ᠃
ᠲᠡᠭᠡ ᠲᠡᠭᠡᠭᠰᠡᠭᠡᠷ᠂ ᠮᠠᠯ ᠮᠢᠨᠢ ᠵᠢᠯ ᠪᠦᠷᠢ ᠺᠦᠴᠦ(ᠬᠦᠴᠦ) ᠲᠠᠷᠭᠤ᠂ ᠦᠷᠡ ᠦᠷᠡᠵᠢᠯ ᠰᠠᠢᠲᠠᠢ ᠥᠰᠴᠦ ᠢᠷᠡᠭᠰᠡᠨ ᠪᠢᠯᠡ᠃
ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯ ᠤ᠋ᠨ ᠦᠶᠡ ᠪᠡᠷ ᠠᠵᠠ ᠺᠢ(ᠬᠡᠢ) ᠮᠣᠷᠢ ᠮᠢᠨᠢ ᠳᠡᠯᠭᠡᠷᠡᠵᠦ᠂ ᠡᠭᠦᠳᠡ ᠪᠡᠷ ᠮᠢᠨᠢ ᠥᠯᠵᠡᠢᠬᠤᠲᠤᠭ ᠣᠷᠣᠵᠤ᠂ ᠪᠤᠷᠬᠠᠨ ᠤ᠋ ᠪᠠᠨ ᠳᠡᠷᠭᠡᠳᠡ ᠪᠢ ᠯᠧᠨᠢᠨ᠂ ᠰᠲ᠋ᠠᠯᠢᠨ᠂ ᠮᠠᠷᠱᠠᠯ ᠴᠣᠢᠪᠠᠯᠰᠠᠩ ᠤ᠋ᠨ ᠵᠢᠷᠤᠭ ᠢ᠋ ᠠᠷᠠᠳ ᠪᠢᠳᠡᠨ ᠳ᠋ᠦ᠍ ᠵᠢᠷᠭᠠᠯ ᠤ᠋ᠨ ᠵᠠᠮ ᠵᠢᠭᠠᠵᠤ ᠥᠭᠭᠦᠭᠰᠡᠨ ᠺᠦᠮᠦᠨ ᠭᠡᠵᠦ ᠲᠠᠺᠢᠨ(ᠳᠠᠬᠢᠨ) ᠲᠠᠯᠪᠢᠭᠰᠠᠨ ᠪᠢᠯᠡ᠃
ᠠᠷᠠᠳ ᠪᠢᠳᠡᠨ ᠳ᠋ᠦ᠍ ᠠᠴᠢ ᠲᠠᠢ ᠨᠥᠺᠥᠷ ᠬᠠᠨᠢ ᠪᠣᠯᠤᠭᠰᠠᠨ ᠬᠣᠯᠪᠣᠭᠠᠲᠤ ᠤᠯᠤᠰ ᠤ᠋ᠨ ᠠᠷᠠᠳ ᠲᠦᠮᠡᠨ ᠳ᠋ᠦ᠍ ᠳᠠᠢᠰᠤᠨ ᠢ᠋ᠶ᠋ᠠᠨ ᠳᠠᠷᠤᠵᠤ᠂ ᠳᠠᠷᠬᠠᠨ ᠴᠣᠯᠠ ᠪᠠᠨ ᠮᠠᠨᠳᠤᠭᠤᠯᠬᠤ ᠳ᠋ᠤᠨᠢ (ᠳ᠋ᠤ᠌ ᠨᠢ) ᠶᠠᠭᠠᠵᠤ(ᠶᠠᠭᠠᠬᠢᠵᠤ) ᠲᠤᠰᠠᠯᠠᠳᠠᠭ ᠪᠢᠯᠡ! ᠭᠡᠵᠦ ᠮᠠᠭᠤ ᠡᠪᠦᠭᠡᠨ ᠴᠢᠨᠢ ᠪᠣᠳᠣᠵᠤ᠂ ᠠᠷᠤ ᠲᠠᠯᠠ ᠳ᠋ᠤᠨᠢ( ᠳ᠋ᠤ᠌ ᠨᠢ) ᠪᠠᠢᠭᠠ ᠪᠢᠳᠡ ᠠᠷᠢᠭᠤᠨ ᠺᠦᠳᠡᠯᠮᠦᠷᠢ ᠪᠡᠷ ᠢ᠋ᠶ᠋ᠡᠨ ᠺᠢᠴᠢᠶᠡᠨ(ᠬᠢᠴᠢᠶᠡᠨ) ᠲᠤᠰᠠᠯᠠᠵᠤ᠂ ᠵᠥᠪᠯᠡᠯᠲᠦ ᠶ᠋ᠢᠨ ᠠᠷᠠᠳ ᠲᠦᠮᠡᠨ ᠢ᠋ ᠪᠤᠰᠢᠭᠤ ᠲᠦᠷᠭᠡᠨ᠂ ᠳᠠᠢᠰᠤᠨ ᠢ᠋ᠶ᠋ᠠᠨ ᠳᠠᠷᠤᠨ ᠢᠯᠠᠵᠤ᠂ ᠤᠯᠠᠭᠠᠨ ᠴᠡᠷᠢᠭ ᠨᠢ ᠳᠡᠯᠡᠺᠡᠢ(ᠳᠡᠯᠡᠬᠡᠢ) ᠶ᠋ᠢᠨ ᠣᠯᠠᠨ ᠤᠯᠤᠰ ᠤ᠋ᠨ ᠡᠩᠺᠡ(ᠡᠩᠬᠡ) ᠵᠢᠷᠭᠠᠯ ᠢ᠋ ᠪᠠᠲᠤᠳᠬᠠᠲᠤᠭᠠᠢ ᠭᠡᠵᠦ ᠤᠯᠠᠮ ᠮᠡᠷᠡᠢᠨ ᠪᠡᠺᠢ(ᠪᠡᠬᠢ) ᠪᠠᠢᠳᠠᠭ ᠴᠢᠳᠠᠯ ᠺᠦᠴᠦ ᠪᠡᠷ ᠢ᠋ᠶ᠋ᠡᠨ ᠵᠢᠳᠺᠦᠶᠡ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ᠃
ᠨᠠᠮᠠ ᠶ᠋ᠢ ᠡᠨᠡ ᠬᠤᠷᠠᠯ ᠳ᠋ᠤ᠌ ᠶᠠᠭᠠᠵᠤ(ᠶᠠᠭᠠᠬᠢᠵᠤ) ᠢᠷᠡᠭᠰᠡᠨ ᠢ᠋ ᠺᠡᠯᠡᠬᠦᠯᠡ(ᠬᠡᠯᠡᠬᠦᠯᠡ) ᠰᠤᠮᠤᠨ ᠤ᠋ ᠵᠠᠺᠢᠷᠭᠠᠨ ᠠ᠋ᠴᠠ ᠨᠠᠮᠠ ᠶ᠋ᠢ ᠪᠠᠭᠠᠲᠤᠷ ᠬᠣᠲᠠ ᠳ᠋ᠤ᠌ ᠪᠣᠯᠬᠤ ᠤᠯᠤᠰ ᠤ᠋ᠨ ᠰᠠᠢᠨ ᠮᠠᠯᠴᠢᠨ ᠤ᠋ ᠬᠤᠷᠠᠯ ᠳ᠋ᠤ᠌ ᠶᠠᠪᠤᠬᠤ ᠪᠠᠷ ᠪᠣᠯᠤᠯᠠ ᠭᠡᠵᠦ ᠺᠡᠯᠡ(ᠬᠡᠯᠡ) ᠺᠦᠷᠦᠭᠦᠯᠦᠭᠰᠡᠨ(ᠬᠦᠷᠦᠭᠦᠯᠦᠭᠰᠡᠨ) ᠪᠢᠯᠡ᠃ ᠪᠢ ᠤᠴᠢᠷ ᠢ᠋ ᠤᠬᠠᠭᠰᠠᠨ ᠦᠭᠡᠢ᠂ ᠭᠠᠵᠠᠷ ᠬᠣᠯᠠ ᠭᠡᠳ ᠭᠤᠴᠢᠨ ᠨᠠᠰᠤᠲᠠᠢ ᠶᠡᠺᠡ ᠺᠦᠦ(ᠶᠡᠬᠡ ᠬᠦᠦ) ᠪᠡᠨ ᠶᠠᠪᠤᠭᠤᠯᠬᠤ ᠭᠡᠺᠦᠯᠡ(ᠭᠡᠬᠦᠯᠡ)᠂ ᠰᠤᠮᠤ ᠶ᠋ᠢᠨ ᠵᠠᠺᠢᠷᠭᠠᠨ(ᠵᠠᠬᠢᠷᠭᠠᠨ) ᠠ᠋ᠴᠠ ᠪᠣᠯᠵᠤ ᠥᠭᠭᠦᠭᠰᠡᠨ ᠦᠭᠡᠢ ᠥᠪᠡᠷ ᠢ᠋ᠶ᠋ᠡᠨ ᠶᠠᠪᠤᠬᠤ ᠺᠡᠷᠡᠭᠲᠡᠢ(ᠬᠡᠷᠡᠭᠲᠡᠢ) ᠭᠡᠵᠦ ᠵᠠᠺᠢᠵᠤ(ᠵᠠᠬᠢᠵᠤ) ᠪᠢᠯᠡ᠃ ᠮᠠᠭᠤ ᠡᠪᠦᠭᠡᠨ ᠴᠢᠨᠢ᠂ ᠬᠣᠶᠠᠷ ᠬᠣᠨᠣᠭ ᠲᠤ᠌ ᠠᠷᠪᠠᠨ ᠨᠢᠭᠡᠨ ᠥᠷᠲᠡᠭᠡ ᠶᠠᠪᠤᠵᠤ᠂ ᠲᠡᠨᠳᠡᠴᠡ ᠮᠠᠰᠢᠨ ᠳ᠋ᠤ᠌ ᠰᠠᠭᠤᠵᠤ᠂ ᠨᠡᠢᠰᠯᠡᠯ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠺᠦᠷᠴᠦ(ᠬᠦᠷᠴᠦ) ᠢᠷᠡᠯᠡ᠃ ᠤᠷᠢᠳᠤ ᠮᠠᠰᠢᠨᠠ ᠪᠠᠷ ᠶᠠᠪᠤᠵᠤ ᠦᠵᠡᠭᠡᠳ ᠦᠭᠡᠢ᠂ ᠪᠧᠨ᠋ᠽᠢᠨ ᠦ᠌ ᠦᠨᠦᠷ ᠲᠦ᠍ ᠪᠠᠬᠠᠨ ᠲᠣᠯᠣᠭᠠᠢ ᠡᠪᠡᠳᠴᠦ᠂ ᠪᠠᠭᠠ ᠵᠡᠷᠭᠡ ᠪᠥᠭᠡᠯᠵᠢᠭᠰᠡᠭᠡᠷ ᠶᠠᠪᠤᠭᠰᠠᠨ ᠪᠣᠯᠪᠠᠴᠤ ᠡᠯᠳᠡᠪ ᠲᠦᠪᠡᠭ ᠰᠠᠭᠠᠳ ᠦᠭᠡᠢ ᠪᠡᠷ ᠺᠦᠷᠴᠦ ᠢᠷᠡᠭᠡᠳ᠂ ᠤᠳᠠ(ᠣᠳᠣ) ᠡᠨᠡ ᠵᠥᠪᠯᠡᠯᠭᠡᠨ ᠳᠡᠭᠡᠷᠡ ᠲᠠ ᠪᠦᠺᠦᠨ ᠦ᠌ ᠬᠠᠮᠲᠤ ᠪᠠᠶᠠᠷᠯᠠᠨ ᠰᠠᠭᠤᠵᠤ ᠪᠠᠢᠨᠠ᠃ ᠮᠠᠭᠤ ᠡᠪᠦᠭᠡᠨ ᠦ᠌ ᠴᠢᠨᠢ ᠵᠠᠮᠨᠠᠵᠤ ᠢᠷᠡᠭᠰᠡᠨ ᠪᠠᠢᠳᠠᠯ ᠡᠢᠮᠦ ᠪᠢᠯᠡ᠃
ᠮᠠᠯᠴᠢᠨ ᠠᠷᠠᠳ᠂ ᠮᠠᠨ ᠤ᠋ ᠨᠠᠮ ᠵᠠᠰᠠᠭ ᠤ᠋ᠨ ᠤᠳᠤᠷᠢᠳᠤᠭᠴᠢ ᠮᠠᠷᠱᠠᠯ ᠴᠣᠢᠪᠠᠯᠰᠠᠩ ᠨᠥᠺᠥᠳ(ᠨᠥᠬᠥᠳ) ᠰᠡᠯᠲᠡ ᠮᠠᠨᠳᠤᠲᠤᠭᠠᠢ!
ᠶᠡᠺᠧ(ᠶᠡᠬᠡ) ᠰᠲ᠋ᠠᠯᠢᠨ᠂ ᠢᠯᠠᠭᠤᠨ ᠮᠠᠨᠳᠤᠲᠤᠭᠠᠢ! ᠭᠡᠵᠦ ᠪᠢᠯᠡ᠃ ᠨᠠᠷᠠ ᠰᠠᠯᠬᠢᠨ ᠳ᠋ᠤ᠌ ᠭᠠᠩᠳᠠᠭᠰᠠᠨ ᠬᠦᠷᠡᠩ ᠪᠣᠷᠣ ᠴᠢᠷᠠᠢ ᠲᠠᠢ ᠠᠪᠠᠭᠠᠢ᠂ ᠡᠮᠦᠨᠡ ᠭᠣᠪᠢ ᠠᠢᠮᠠᠭ ᠤ᠋ᠨ ᠳᠡᠯᠭᠡᠷ ᠬᠠᠩᠭᠠᠢ ᠰᠤᠮᠤ ᠶ᠋ᠢᠨ ᠠᠯᠢᠮᠠ ᠭᠡᠳᠡᠭ ᠮᠠᠯᠴᠢᠨ ᠡᠮᠡᠭᠲᠡᠢ ᠶᠡᠨᠳᠡᠷ ᠳᠡᠭᠡᠷᠡ ᠭᠠᠷᠴᠤ ᠢᠷᠡᠭᠡᠳ᠂ ᠶᠠᠷᠢᠵᠤ ᠪᠠᠢᠭᠰᠠᠨ ᠦᠭᠡ ᠪᠡᠨ ᠦᠷᠭᠦᠯᠵᠢᠯᠡᠭᠦᠯᠵᠦ ᠪᠠᠢᠭᠰᠠᠨ ᠶᠤᠮ ᠰᠢᠭ᠋᠂ ᠲᠠᠪᠠᠲᠠᠢ ᠠᠶᠠᠲᠠᠢᠬᠠᠨ ᠢ᠋ᠶ᠋ᠠᠷ ᠦᠭᠡ ᠬᠡᠯᠡᠭᠰᠡᠨ ᠨᠢ᠄
— ᠬᠤᠪᠢᠰᠬᠠᠯ ᠤ᠋ᠨ ᠡᠮᠦᠨᠡ ᠮᠠᠨ ᠤ᠋ ᠨᠥᠬᠥᠷ ᠪᠢᠳᠡ ᠬᠣᠶᠠᠷ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ ᠠᠢᠯ ᠳ᠋ᠤ᠌ ᠵᠠᠷᠤᠭᠳᠠᠵᠤ ᠶᠠᠪᠤᠯᠠ᠃ ᠨᠥᠬᠥᠷ ᠮᠠᠨᠢ ᠠᠢᠯ ᠤ᠋ᠨ ᠠᠳᠤᠭᠤ ᠬᠠᠷᠢᠭᠤᠯᠵᠤ᠂ ᠪᠢ ᠬᠥᠮᠦᠨ ᠦ᠌ ᠬᠣᠨᠢ ᠬᠠᠷᠢᠭᠤᠯᠵᠤ᠂ ᠤᠩᠭᠠᠰᠤ ᠨᠣᠣᠰᠣ ᠰᠠᠪᠠᠳᠠᠭ ᠪᠠᠢᠯᠠ᠃ ᠡᠨᠡ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ᠂ ᠡᠨᠡ ᠨᠠᠰᠤᠨ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ) ᠬᠡᠴᠢᠨᠡᠭᠡᠨ ᠶᠡᠬᠡ ᠤᠩᠭᠠᠰᠤ ᠨᠣᠣᠰᠣ ᠰᠠᠪᠠᠭᠰᠠᠨ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ᠃ ᠲᠠ ᠨᠠᠷ? ᠭᠡᠵᠦ ᠠᠯᠢᠮᠠ ᠠᠵᠢᠯ ᠶᠡᠬᠡ ᠬᠢᠭᠰᠡᠨ ᠭᠠᠷ ᠢ᠋ᠶ᠋ᠠᠨ ᠶᠡᠨᠳᠡᠷ ᠳᠡᠭᠡᠷᠡ ᠡᠴᠡ ᠥᠭᠡᠳᠡ ᠨᠢ ᠰᠡᠷᠪᠡᠢᠨ ᠦᠵᠡᠭᠦᠯᠵᠦ᠂ ᠠᠭᠤᠯᠠ ᠶ᠋ᠢᠨ ᠴᠢᠨᠡᠭᠡᠨ ᠨᠣᠣᠰᠣ ᠡᠨᠡ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠰᠠᠪᠠᠭᠰᠠᠨ ᠰᠢᠦ᠃ ᠨᠠᠭᠠᠳᠤ ᠵᠠᠬᠠ ᠶ᠋ᠢ ᠨᠢ ᠬᠡᠯᠡᠪᠡᠯ᠂ ᠪᠢᠳᠡᠨ ᠦ᠌ ᠬᠤᠷᠠᠯᠳᠤᠵᠤ ᠪᠠᠢᠭᠠ ᠡᠨᠡ ᠶᠡᠬᠡ ᠪᠠᠢᠰᠢᠩ ᠤ᠋ᠨ ᠬᠢᠷᠢ ᠲᠡᠢ ᠤᠩᠭᠠᠰᠤ ᠨᠣᠣᠰᠣ ᠰᠠᠪᠠᠭᠰᠠᠨ ᠪᠠᠢᠬᠠ᠃ ᠴᠢᠩᠭᠢᠭᠡᠳ᠂ ᠬᠣᠷᠢᠨ ᠲᠠᠪᠤᠨ ᠣᠨ ᠤ᠋ ᠦᠶᠡ ᠳ᠋ᠦ᠍ ᠨᠥᠬᠥᠷ ᠪᠢᠳᠡ ᠬᠣᠶᠠᠷ ᠠᠵᠢᠯ ᠬᠢ ᠬᠢᠭᠰᠡᠭᠡᠷ ᠬᠣᠶᠠᠷ ᠲᠡᠮᠡᠭᠡ᠂ ᠭᠤᠷᠪᠠᠨ ᠠᠳᠤᠭᠤ᠂ ᠳᠥᠷᠪᠡᠨ ᠬᠣᠨᠢ ᠲᠠᠢ ᠪᠣᠯᠵᠤ ᠠᠪᠤᠭᠰᠠᠨ ᠪᠢᠯᠡ᠃ ᠲᠡᠭᠦᠨ ᠢ᠋ ᠪᠡᠨ ᠥᠰᠬᠡᠨ ᠮᠠᠯᠯᠠᠭᠰᠠᠭᠠᠷ᠂ ᠡᠨᠡ ᠵᠢᠯ ᠳ᠋ᠦ᠍ 297 ᠮᠠᠯ ᠲᠠᠢ ᠪᠣᠯᠤᠯᠠ᠃ ᠮᠠᠨ ᠤ᠋ ᠨᠤᠲᠤᠭ᠂ ᠲᠠᠴᠢᠷ ᠲᠠᠷᠠᠮᠠᠭ ᠡᠪᠡᠰᠦ ᠤᠷᠭᠤᠴᠠ ᠲᠠᠢ ᠪᠣᠯᠪᠠᠴᠤ ᠭᠠᠭᠴᠠ ᠭᠠᠭᠴᠠ ᠰᠢᠷᠬᠡᠭ ᠢ᠋ᠶ᠋ᠡᠷ ᠨᠢ ᠲᠡᠭᠦᠭᠰᠡᠭᠡᠷ᠂ ᠮᠠᠯ ᠬᠠᠷᠢᠭᠤᠯᠬᠤ ᠶ᠋ᠢᠨ ᠬᠠᠵᠠᠭᠤ ᠪᠠᠷ ᠥᠪᠡᠷ ᠢ᠋ᠶ᠋ᠡᠨ ᠪᠡᠯᠴᠢᠵᠦ ᠶᠠᠪᠤᠭᠠ ᠶᠤᠮ ᠰᠢᠭ᠋᠂ ᠵᠤᠨ ᠤ᠋ ᠲᠤᠷᠰᠢ ᠳ᠋ᠤ᠌17 ᠺᠢᠯᠣ᠌ ᠡᠪᠡᠰᠦ ᠲᠡᠭᠦᠵᠦ ᠠᠪᠤᠭᠰᠠᠨ ᠪᠢᠯᠡ᠃ ᠮᠠᠯ ᠮᠠᠨᠢ ᠥᠰᠴᠦ ᠪᠠᠢᠭᠠ ᠶᠤᠮ ᠰᠢᠦ ᠳᠡ᠃ ᠲᠡᠭᠡᠭᠡᠳ ᠬᠣᠶᠠᠷ ᠭᠠᠵᠠᠷ ᠨᠥᠬᠥᠷ ᠪᠢᠳᠡ ᠬᠣᠶᠠᠷ ᠴᠢᠯᠠᠭᠤ ᠪᠠᠷ ᠲᠤᠰ ᠪᠦᠷᠢ ᠬᠣᠶᠠᠷ ᠵᠠᠭᠤᠨ ᠮᠠᠯ ᠪᠠᠭᠲᠠᠬᠤ ᠴᠢᠯᠠᠭᠤᠨ ᠬᠣᠷᠢᠶᠠ ᠪᠠᠷᠢᠵᠤ᠂ ᠪᠠᠰᠠ ᠮᠠᠯ ᠤᠰᠤᠯᠠᠬᠤ ᠭᠡᠵᠦ ᠨᠢᠭᠡ ᠬᠤᠳᠳᠤᠭ ᠤᠬᠤᠵᠤ ᠭᠠᠷᠭᠠᠭᠰᠠᠨ ᠪᠢᠯᠡ᠃
ᠡᠨᠡ ᠵᠢᠯ᠂ ᠪᠢ ᠨᠤᠲᠤᠭ ᠤᠰᠤᠨ ᠤ᠋ ᠠᠢᠯ ᠠᠬᠠ ᠳᠡᠭᠦᠦ ᠳ᠋ᠦ᠍ ᠬᠣᠨᠢ ᠮᠠᠯ ᠬᠢᠷᠭᠠᠬᠤ ᠴᠠᠭ ᠢ᠋ᠶ᠋ᠠᠷ ᠲᠤᠰᠠᠯᠠᠯᠴᠠᠵᠤ᠂ ᠪᠦᠭᠦᠳᠡ200 ᠬᠣᠨᠢ᠂220 ᠢᠮᠠᠭᠠ᠂50 ᠲᠡᠮᠡᠭᠡ ᠬᠢᠷᠭᠠᠯᠠ᠃ ᠬᠢᠷᠭᠠᠭᠰᠠᠨ ᠤᠩᠭᠠᠰᠤ ᠨᠣᠣᠰᠣ ᠶ᠋ᠢ ᠨᠢ ᠴᠥᠮ ᠢ᠋ ᠬᠣᠷᠰᠢᠶᠠᠨ ᠳ᠋ᠤ᠌ ᠲᠤᠰᠢᠶᠠᠴᠢᠬᠠᠭᠰᠠᠨ᠃ ᠨᠥᠬᠥᠷ ᠪᠢᠳᠡ ᠬᠣᠶᠠᠷ ᠡᠨᠡ ᠵᠢᠯ ᠤᠯᠤᠰ ᠲᠠᠭᠠᠨ( ᠳ᠋ᠤ᠌ ᠪᠠᠨ)10 ᠬᠣᠨᠢ ᠨᠡᠢᠯᠡᠭᠦᠯᠵᠦ᠂ ᠪᠠᠰᠠ ᠹᠷᠣᠨᠲ ᠲᠤ᠌ ᠲᠤᠰᠠᠯᠠᠵᠤ᠂ ᠤᠩᠭᠠᠰᠤ ᠨᠣᠣᠰᠣ ᠰᠢᠷᠬᠡᠭ ᠦ᠋ᠨ ᠲᠡᠳᠦᠢ ᠶ᠋ᠢ ᠴᠦ᠍ ᠦᠷᠡᠭᠳᠡᠭᠦᠯᠬᠦ ᠦᠭᠡᠢ ᠶᠤᠮᠰᠠᠨ ᠭᠡᠵᠦ ᠵᠠᠭ ᠪᠤᠳᠤᠷᠭᠠᠨᠠ ᠳ᠋ᠤ᠌ ᠠᠰᠬᠠᠭᠰᠠᠨ ᠨᠣᠣᠰᠣ35 ᠺᠢᠯᠤ ᠲᠡᠭᠦᠵᠦ ᠲᠤᠰᠢᠶᠠᠭᠰᠠᠨ᠂ ᠡᠢᠮᠦᠷᠬᠦ ᠠᠵᠢᠯ ᠬᠢᠵᠦ᠂ ᠪᠢ ᠰᠠᠢᠨ ᠮᠠᠯᠴᠢᠨ ᠤ᠋ ᠲᠣᠭᠠᠨ ᠳ᠋ᠤ᠌ ᠣᠷᠣᠭᠠᠳ᠂ ᠡᠨᠡ ᠰᠠᠢᠬᠠᠨ ᠬᠤᠷᠠᠯ ᠳ᠋ᠤ᠌ ᠰᠠᠭᠤᠯᠴᠠᠬᠤ ᠡᠷᠬᠡ ᠣᠯᠤᠭᠠᠳ ᠢᠷᠡᠯᠡ ᠳᠠ᠃
ᠪᠢ᠂ ᠮᠠᠯ ᠢ᠋ᠶ᠋ᠠᠨ ᠬᠠᠯᠠᠭᠤᠨ ᠬᠦᠢᠲᠡᠨ ᠡᠳᠦᠷ ᠰᠥᠨᠢ ᠴᠦ᠍ ᠢᠯᠭᠠᠳᠠᠭ ᠦᠭᠡᠢ᠂ ᠦᠷᠭᠦᠯᠵᠢ ᠬᠣᠢᠨᠠ ᠠ᠋ᠴᠠ ᠨᠢ ᠶᠠᠪᠤᠵᠤ ᠪᠠᠢᠳᠠᠭ ᠶᠤᠮ ᠳᠠ᠃ ᠨᠢᠯᠬᠠ ᠲᠥᠯ ᠢ᠋ᠶ᠋ᠡᠨ ᠡᠳᠦᠷ ᠲᠦ᠍ ᠭᠤᠷᠪᠠᠨ ᠤᠳᠠᠭᠠ ᠬᠥᠬᠥᠭᠦᠯᠵᠦ ᠢᠳᠡᠭᠦᠯᠳᠡᠭ᠃ ᠮᠠᠨ ᠤ᠋ ᠮᠠᠯ᠂ ᠨᠠᠷᠠᠨ ᠢ᠋ᠶ᠋ᠠᠷ ᠬᠡᠵᠢᠶᠡᠳᠡ ᠪᠡᠯᠴᠢᠭᠡᠷ ᠲᠦ᠍ ᠪᠠᠢᠳᠠᠭ᠃ ᠲᠡᠭᠡᠭᠡᠳ᠂ ᠮᠠᠯ ᠢ᠋ᠶ᠋ᠠᠨ ᠠᠯᠢ ᠪᠣᠯᠬᠤ ᠪᠠᠷ ᠥᠰᠬᠡᠬᠦ ᠭᠡᠵᠦ ᠨᠥᠬᠥᠷ ᠪᠢᠳᠡ ᠬᠣᠶᠠᠷ ᠶᠡᠷᠦ ᠵᠤᠨ ᠴᠠᠭ ᠮᠢᠬᠠ ᠢᠳᠡᠳᠡᠭ ᠦᠭᠡᠢ᠂ ᠳᠠᠩ ᠴᠠᠭᠠᠨ ᠢᠳᠡᠭᠡ ᠪᠡᠷ ᠪᠠᠢᠳᠠᠭ᠃ ᠮᠢᠨᠦ ᠦᠵᠡᠬᠦ ᠳ᠋ᠦ᠍᠂ ᠴᠢᠨᠣᠠ ᠲᠠᠢ ᠤᠷᠤᠯᠳᠤᠵᠤ ᠪᠠᠢᠵᠤ ᠬᠣᠨᠢ ᠪᠠᠨ ᠢᠳᠡᠳᠡᠭ ᠮᠠᠯᠴᠢᠨ ᠤ᠋ ᠮᠠᠯ ᠨᠢ ᠥᠰᠳᠡᠭ ᠦᠭᠡᠢ ᠪᠣᠯᠤᠯᠲᠠᠢ᠃
ᠨᠥᠬᠥᠳ ᠠ᠋! ᠮᠠᠯ ᠢ᠋ᠶ᠋ᠠᠨ ᠥᠰᠬᠡᠵᠦ ᠣᠯᠠᠰᠢᠷᠠᠭᠤᠯᠬᠤ ᠭᠡᠪᠡᠯ᠂ ᠳᠤᠯᠠᠭᠠᠨ ᠬᠡᠪᠲᠡᠷᠢ ᠲᠡᠢ ᠪᠠᠢᠯᠭᠠᠬᠤ᠂ ᠬᠦᠢᠲᠡᠨ ᠰᠠᠯᠬᠢ ᠵᠢᠪᠠᠷ ᠠ᠋ᠴᠠ ᠬᠠᠮᠠᠭᠠᠯᠠᠬᠤ ᠬᠠᠰᠢᠶᠠ ᠰᠠᠷᠠᠪᠴᠢ ᠲᠠᠢ ᠪᠠᠢᠬᠤ ᠨᠢ ᠴᠢᠬᠤᠯᠠ ᠶᠤᠮ ᠪᠠᠢᠨᠠ᠃ ᠪᠠᠰᠠ᠂ ᠬᠤᠳᠳᠤᠭ ᠤᠰᠤ ᠴᠢᠬᠤᠯᠠ ᠶᠤᠮ ᠪᠠᠢᠨᠠ᠃ ᠮᠥᠨ ᠪᠡᠯᠴᠢᠭᠡᠷ ᠢ᠋ ᠣᠯᠵᠤ᠂ ᠰᠠᠢᠨ ᠢ᠋ᠶ᠋ᠠᠷ ᠲᠣᠬᠢᠷᠠᠭᠤᠯᠤᠨ ᠬᠡᠷᠡᠭᠯᠡᠬᠦ ᠨᠢ ᠲᠤᠩ ᠤᠴᠢᠷ ᠲᠠᠢ ᠶᠤᠮ ᠪᠠᠢᠨᠠ᠃ᠮᠠᠯ ᠤ᠋ᠨ ᠬᠦᠴᠦ ᠲᠠᠷᠭᠤ ᠰᠠᠢᠲᠠᠢ ᠨᠢᠭᠡ ᠨᠢ ᠬᠦᠴᠦ ᠮᠠᠭᠤ ᠲᠠᠢ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ) ᠶᠠᠭᠤᠮᠠ ᠦᠯᠡᠳᠡᠭᠡᠬᠦ ᠦᠭᠡᠢ᠂ ᠡᠪᠡᠰᠦᠨ ᠦ᠌ ᠰᠠᠢᠨ ᠢ᠋ ᠢᠳᠡᠵᠦ ᠣᠷᠬᠢᠭᠠᠳ᠂ ᠡᠬᠡ ᠮᠠᠯ᠂ ᠡᠴᠡᠩᠭᠢᠷ ᠮᠠᠭᠤ ᠨᠢᠭᠡ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ) ᠲᠠᠰᠤ ᠭᠢᠰᠬᠢᠭᠰᠡᠨ ᠡᠪᠡᠰᠦ ᠦᠯᠡᠳᠡᠭᠡᠳᠡᠭ ᠨᠢᠭᠡ ᠭᠡᠮ ᠪᠠᠢᠳᠠᠭ᠃ ᠲᠡᠭᠡᠭᠦᠯᠬᠦ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ ᠬᠠᠷᠢᠭᠤᠯᠵᠤ ᠶᠠᠪᠤᠬᠤ ᠨᠢ ᠬᠡᠷᠡᠭᠲᠡᠢ ᠶᠦᠮ ᠪᠠᠢᠨᠠ᠃ ᠵᠠ᠂ ᠮᠢᠨᠦ ᠬᠡᠯᠡᠬᠦ ᠭᠡᠰᠡᠨ ᠬᠡᠳᠦᠨ ᠦᠭᠡ ᠶ᠋ᠢᠨ ᠲᠣᠢᠮᠣ ᠡᠢᠮᠦ ᠪᠠᠢᠨᠠ ᠳᠠ ᠭᠡᠵᠦ ᠬᠡᠯᠡᠭᠡᠳ ᠮᠡᠬᠦᠢᠨ ᠶᠣᠰᠣᠯᠠᠭᠠᠳ ᠶᠡᠨᠳᠡᠷ ᠳᠡᠭᠡᠷᠡ ᠡᠴᠡ ᠪᠠᠭᠤᠵᠤ ᠰᠠᠭᠤᠳᠠᠯ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ) ᠣᠴᠢᠵᠤ ᠰᠠᠭᠤᠯᠠ᠃
ᠣᠷᠣᠢ᠂ ᠡᠪᠦᠭᠡᠨ ᠵᠠᠮᠰᠤ᠂ ᠰᠢᠷᠴᠢᠨ ᠳ᠋ᠦ᠍ ᠶᠡᠬᠡ ᠰᠣᠨᠢᠨ ᠰᠠᠢᠬᠠᠨ ᠶᠠᠭᠤᠮᠠ ᠪᠣᠯᠭᠠᠵᠤ ᠶᠠᠷᠢᠬᠤ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ)᠂ ᠵᠥᠪᠯᠡᠯᠲᠦ ᠶ᠋ᠢᠨ ᠡᠯᠴᠢᠨ ᠢ᠋ ᠮᠣᠩᠭᠣᠯ ᠲᠠᠢ ᠶᠤᠮ ᠪᠠᠢᠨᠠ ᠭᠡᠵᠦ ᠪᠠᠬᠠᠷᠬᠠᠨ ᠶᠠᠷᠢᠭᠰᠠᠨ ᠨᠢ᠄
— ᠲᠡᠷᠢᠭᠦᠯᠡᠭᠴᠢᠳ ᠦ᠋ᠨ ᠰᠢᠷᠡᠭᠡᠨ ᠳ᠋ᠦ᠍ ᠪᠢ ᠡᠯᠴᠢᠨ ᠦ᠌ ᠬᠠᠵᠠᠭᠤ ᠳ᠋ᠤᠨᠢ( ᠳ᠋ᠤ᠌ ᠨᠢ) ᠰᠠᠭᠤᠵᠤ ᠪᠠᠢᠯᠠ᠃ ᠲᠡᠭᠡᠲᠡᠯᠡ᠂ ᠲᠡᠷᠡ ᠡᠯᠴᠢᠨ ᠮᠣᠩᠭᠣᠯ ᠰᠣᠨᠢᠨ ᠠᠪᠤᠭᠠᠳ ᠦᠵᠡᠵᠦ ᠪᠠᠢᠬᠤ ᠶ᠋ᠢ ᠬᠠᠷᠠᠭᠠᠳ᠂ ᠪᠢ ᠰᠠᠨᠳᠠᠯᠢ ᠪᠠᠨ ᠣᠢᠷᠠᠲᠤᠭᠤᠯᠵᠤ᠂ ᠡᠯᠴᠢᠨ ᠨᠠᠳᠠ ᠳ᠋ᠤ᠌᠂ ᠵᠥᠪᠯᠡᠯᠲᠦ ᠶ᠋ᠢᠨ ᠮᠡᠳᠡᠭᠡᠯᠡᠬᠦ ᠲᠣᠪᠴᠢᠶᠠᠨ ᠤ᠋ ᠪᠠᠢᠯᠳᠤᠭᠠᠨ ᠤ᠋ ᠮᠡᠳᠡᠭᠡ ᠶ᠋ᠢ ᠠᠶᠠᠷᠬᠠᠨ ᠰᠢᠪᠡᠨᠡᠨ ᠤᠩᠰᠢᠵᠤ ᠥᠭᠭᠦᠭᠡᠳ᠂ ᠪᠢ ᠵᠥᠪ ᠤᠩᠰᠢᠵᠤ ᠪᠠᠢᠨᠠ ᠤᠤ? ᠭᠡᠵᠦ ᠠᠰᠠᠭᠤᠵᠠᠢ᠃ ᠮᠠᠭᠤ ᠡᠪᠦᠭᠡᠨ ᠪᠢ ᠴᠢᠨᠢ ᠪᠢᠴᠢᠭ ᠦᠰᠦᠭ ᠮᠡᠳᠡᠳᠡᠭ ᠦᠭᠡᠢ ᠪᠢᠯᠡ᠃ ᠲᠡᠭᠡᠭᠡᠳ ᠥᠴᠢᠨᠡᠨ(ᠡᠴᠢᠨᠡᠭᠡᠨ) ᠣᠯᠠᠨ ᠵᠢᠯ ᠠᠯᠲᠠᠨ ᠳᠡᠯᠡᠬᠡᠢ ᠶ᠋ᠢᠨ ᠲᠣᠭᠣᠰᠣ ᠬᠥᠳᠡᠯᠭᠡᠵᠦ ᠶᠠᠪᠤᠬᠤ ᠮᠥᠷᠲᠡᠭᠡᠨ᠂ ᠪᠢᠴᠢᠭ ᠦᠰᠦᠭ ᠰᠤᠷᠤᠭᠠ ᠦᠭᠡᠢ ᠡᠳᠦᠢ ᠺᠦᠷᠦᠭᠰᠡᠨ(ᠬᠦᠷᠦᠭᠰᠡᠨ) ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ) ᠢᠴᠢᠵᠦ ᠠᠪᠤᠯᠠ᠃ ᠵᠥᠪᠯᠡᠯᠲᠦ ᠤᠯᠤᠰ ᠤ᠋ᠨ ᠲᠡᠷᠡ ᠡᠯᠴᠢᠨ᠂ ᠮᠠᠨ ᠤ᠋ ᠮᠣᠩᠭᠣᠯ ᠪᠢᠴᠢᠭ ᠮᠡᠳᠡᠳᠡᠭ ᠲᠡᠢᠮᠦ ᠰᠦᠷᠡᠺᠡᠢ(ᠰᠦᠷᠡᠬᠡᠢ) ᠺᠦᠮᠦᠨ(ᠬᠥᠮᠦᠨ) ᠪᠠᠢᠨᠠ! ᠭᠡᠵᠦ ᠡᠪᠦᠭᠡᠨ ᠵᠠᠮᠰᠤ ᠶᠡᠬᠡᠯᠡ(ᠶᠡᠬᠡ ᠯᠡ) ᠪᠠᠬᠠᠷᠬᠠᠪᠠ᠃
ᠵᠥᠪᠯᠡᠯᠭᠡᠨ ᠦ᠌ ᠨᠢᠭᠡ ᠬᠤᠷᠠᠯ ᠳᠡᠭᠡᠷᠡ ᠰᠢᠷᠴᠢᠨ ᠪᠠᠰᠠ ᠦᠭᠡ ᠬᠡᠯᠡᠵᠦ᠂ ᠥᠨᠥᠴᠢᠨ ᠪᠠᠭᠠ ᠨᠠᠰᠤᠨ ᠠ᠋ᠴᠠ ᠪᠠᠨ ᠡᠳᠦᠭᠡ ᠬᠦᠷᠲᠡᠯᠡ ᠬᠡᠷᠬᠢᠨ ᠠᠮᠢᠳᠤᠷᠠᠭᠰᠠᠭᠠᠷ ᠢᠷᠡᠭᠰᠡᠨ ᠲᠡᠦᠬᠡ ᠪᠡᠨ ᠶᠠᠷᠢᠵᠤ᠂ ᠣᠯᠠᠨᠠ ᠡᠷᠭᠦᠭᠳᠡᠭᠰᠡᠨ ᠬᠠᠭᠠᠨ ᠤ᠋ ᠴᠡᠷᠢᠭ ᠲᠦ᠍ ᠠᠦ᠋ᠲ᠋ᠣᠨᠣᠮᠢᠲ ᠤ᠋ᠨ ᠦᠶᠡ ᠳ᠋ᠦ᠍ ᠬᠡᠷᠬᠢᠨ ᠶᠠᠪᠤᠭᠰᠠᠨ᠂ ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯ ᠤ᠋ᠨ ᠦᠶᠡᠰ᠂ ᠬᠡᠷᠬᠢᠨ ᠰᠢᠷᠴᠢᠨ ᠲᠡᠭᠦᠨ ᠦ᠌ ᠪᠡᠶᠡ ᠬᠢᠭᠡᠳ ᠦᠷᠡ ᠬᠡᠦᠬᠡᠳ ᠨᠢ ᠨᠡᠢᠭᠡᠮ ᠠᠷᠠᠳ ᠤ᠋ᠨ ᠬᠠᠮᠲᠤ ᠲᠡᠭᠰᠢ ᠰᠠᠢᠨ ᠢ᠋ᠶ᠋ᠠᠷ ᠠᠮᠢᠳᠤᠷᠠᠬᠤ ᠶᠣᠰᠣᠲᠠᠢ ᠰᠠᠢᠬᠠᠨ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠤ᠋ᠨ ᠵᠠᠮ ᠨᠡᠭᠡᠭᠡᠭᠳᠡᠭᠰᠡᠨ ᠢ᠋ ᠶᠠᠷᠢᠵᠤ᠂ ᠠᠷᠢᠭᠤᠨ ᠰᠢᠳᠤᠷᠭᠤ ᠬᠥᠳᠡᠯᠮᠦᠷᠢ ᠭᠡᠳᠡᠭ᠂ ᠬᠥᠮᠦᠨ ᠣᠯᠠᠨ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ) ᠬᠦᠨᠳᠦᠲᠡᠢ᠂ ᠲᠦᠮᠡᠨ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ) ᠨᠡᠷᠡᠲᠡᠢ᠂ ᠤᠯᠤᠰ ᠲᠠᠭᠠᠨ( ᠲᠤ ᠪᠠᠨ) ᠲᠡᠷᠢᠭᠦᠨ ᠪᠣᠯᠳᠠᠭ ᠢ᠋ ᠦᠵᠡᠭᠰᠡᠨ ᠳ᠋ᠡᠭᠡᠨ ( ᠳ᠋ᠦ᠍ ᠪᠡᠨ) ᠲᠡᠰᠬᠡᠯ ᠦᠭᠡᠢ ᠪᠠᠶᠠᠷᠯᠠᠨ ᠪᠠᠬᠠᠳᠤᠵᠤ ᠪᠠᠢᠭᠠ ᠪᠠᠨ ᠶᠠᠷᠢᠵᠠᠢ᠃
ᠬᠤᠷᠠᠯ ᠤ᠋ᠨ ᠵᠠᠪᠰᠠᠷ᠂ ᠴᠡᠷᠢᠭ ᠦ᠋ᠨ ᠳᠠᠷᠤᠭᠠ ᠬᠤᠪᠴᠠᠰᠤ ᠲᠠᠢ ᠨᠢᠭᠡᠨ ᠵᠠᠯᠠᠭᠤ ᠬᠥᠮᠦᠨ᠂ ᠰᠢᠷᠴᠢᠨ ᠦ᠌ ᠳᠡᠷᠭᠡᠳᠡ ᠬᠦᠷᠴᠦ ᠢᠷᠡᠭᠡᠳ ᠮᠠᠷᠱᠠᠯ᠂ ᠲᠠᠨ ᠲᠠᠢ ᠠᠭᠤᠯᠵᠠᠬᠤ ᠬᠦᠰᠡᠯ ᠲᠡᠢ ᠪᠠᠢᠨᠠ ᠭᠡᠵᠦ ᠬᠡᠯᠡᠵᠡᠢ᠃ ᠰᠢᠷᠴᠢᠨ ᠲᠡᠷᠡ ᠦᠭᠡ ᠰᠣᠨᠣᠰᠤᠭᠠᠳ ᠶᠡᠬᠡᠯᠡ( ᠶᠡᠬᠡ ᠯᠡ) ᠪᠠᠶᠠᠷᠯᠠᠵᠤ᠂ ᠲᠡᠷᠡ ᠵᠠᠯᠠᠭᠤ ᠬᠥᠮᠦᠨ ᠦ᠌ ᠬᠣᠢᠨᠠ ᠠ᠋ᠴᠠ ᠳᠠᠭᠠᠵᠤ ᠶᠠᠪᠤᠭᠰᠠᠭᠠᠷ᠂ ᠬᠤᠷᠠᠯ ᠤ᠋ᠨ ᠲᠡᠷᠢᠭᠦᠯᠡᠭᠴᠢᠳ ᠦ᠋ᠨ ᠲᠠᠰᠤᠯᠭᠠᠨ ᠳ᠋ᠤ᠌ ᠣᠷᠣᠪᠠᠯ᠂ ᠮᠠᠷᠱᠠᠯ ᠴᠣᠩᠬᠣᠨ ᠲᠤᠰᠢᠶᠠ ᠴᠠᠳᠠᠨᠪᠠᠯ ᠲᠠᠢ ᠶᠠᠭᠤᠮᠠ ᠶᠠᠷᠢᠵᠤ᠂ ᠲᠠᠮᠠᠬᠢ ᠲᠠᠲᠠᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ᠄
— ᠵᠠ᠂ ᠰᠢᠷᠴᠢᠨ ᠭᠤᠸᠠᠢ᠂ ᠪᠡᠶᠡ ᠰᠠᠢᠨ ᠤᠤ? ᠡᠢᠰᠢ ᠪᠡᠨ ᠰᠠᠭᠤ ᠭᠡᠵᠦ ᠲᠥᠭᠥᠷᠢᠭ ᠰᠢᠷᠡᠭᠡᠨ ᠦ᠌ ᠳᠡᠷᠭᠡᠳᠡ ᠪᠠᠢᠭᠰᠠᠨ ᠲᠦᠰᠢᠯᠭᠡᠲᠡᠢ ᠵᠥᠭᠡᠯᠡᠨ ᠰᠠᠨᠳᠠᠯᠢ ᠵᠢᠭᠠᠵᠤ ᠲᠠᠮᠠᠬᠢᠯᠠᠭᠠᠳ᠂ ᠮᠣᠩᠭᠣᠯ ᠵᠠᠩᠰᠢᠯ ᠢ᠋ᠶ᠋ᠠᠷ ᠠᠮᠤᠷ ᠮᠡᠨᠳᠦ ᠶ᠋ᠢ ᠠᠰᠠᠭᠤᠬᠤ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ)᠂ ᠮᠠᠯ ᠰᠦᠷᠦᠭ ᠦ᠋ᠨ ᠬᠦᠴᠦ ᠲᠠᠷᠭᠤ᠂ ᠡᠪᠦᠯᠵᠢᠶᠡ ᠪᠡᠯᠴᠢᠭᠡᠷ ᠦ᠋ᠨ ᠪᠠᠢᠳᠠᠯ ᠢ᠋ ᠯᠠᠪᠯᠠᠨ ᠠᠰᠠᠭᠤᠵᠤ ᠥᠭᠦᠯᠡᠷᠦᠨ᠂
— ᠪᠢ ᠲᠠᠨ ᠤ᠋ ᠬᠤᠷᠠᠯ ᠳᠡᠭᠡᠷᠡ ᠬᠡᠯᠡᠭᠰᠡᠨ ᠦᠭᠡ ᠶ᠋ᠢ ᠶᠡᠬᠡ ᠰᠣᠨᠢᠷᠬᠠᠯᠠ᠃ ᠲᠠ ᠤᠯᠢᠶᠠᠰᠤᠲᠠᠢ ᠬᠣᠪᠲᠣ ᠶ᠋ᠢᠨ ᠲᠡᠢᠨ ᠳ᠋ᠦ᠍ ᠶᠠᠪᠤᠵᠤ᠂ ᠬᠠᠳᠠᠨ ᠪᠠᠭᠠᠲᠤᠷ ᠤ᠋ᠨ ᠴᠡᠷᠢᠭ ᠲᠦ᠍ ᠶᠠᠪᠤᠯᠴᠠᠨ᠂ ᠬᠢᠲᠠᠳ ᠤ᠋ᠨ ᠴᠡᠷᠢᠭ ᠦ᠋ᠨ ᠡᠷᠬᠡᠲᠡᠨ ᠦ᠌ ᠬᠠᠯᠳᠠᠨ ᠳᠣᠪᠲᠣᠯᠬᠤ ᠳ᠋ᠤ᠌ ᠪᠠᠢᠯᠳᠤᠨ ᠨᠢᠴᠤᠭᠠᠵᠤ ᠶᠠᠪᠤᠭᠰᠠᠨ ᠶᠡᠬᠡᠯᠡ(ᠶᠡᠬᠡ ᠯᠡ)ᠰᠣᠨᠢᠨ ᠲᠡᠦᠬᠡ ᠲᠡᠢ ᠬᠥᠮᠦᠨ ᠶᠦᠮ ᠪᠠᠢᠨᠠ᠃ ᠲᠠᠨ ᠤ᠋ ᠲᠡᠦᠬᠡ ᠨᠠᠮᠲᠠᠷ ᠢ᠋ ᠪᠢ ᠨᠠᠷᠢᠨ ᠪᠢᠴᠢᠭ ᠦ᠋ᠨ ᠳᠠᠷᠤᠭᠠ ᠪᠠᠷ ᠪᠢᠴᠢᠭᠦᠯᠵᠦ ᠠᠪᠬᠤ ᠬᠦᠰᠡᠯ ᠲᠡᠢ ᠪᠠᠢᠨᠠ᠃ ᠲᠠ ᠶᠠᠪᠤᠭᠰᠠᠨ ᠶᠠᠪᠤᠳᠠᠯ ᠲᠡᠦᠬᠡ ᠪᠡᠨ ᠬᠡᠯᠡᠵᠦ ᠥᠭᠪᠡᠯ ᠶᠠᠮᠠᠷ ᠪᠣᠢ? ᠭᠡᠵᠦ ᠠᠰᠠᠭᠤᠪᠠᠯ᠂
— ᠵᠠ᠂ ᠪᠢ ᠬᠡᠳᠦᠨ ᠬᠣᠨᠣᠭ ᠪᠣᠳᠣᠵᠤ᠂ ᠮᠠᠷᠲᠠᠭᠰᠠᠨ ᠢ᠋ᠶ᠋ᠠᠨ ᠰᠡᠷᠭᠦᠭᠡᠨ ᠰᠡᠯᠪᠢᠵᠦ᠂ ᠮᠠᠨ ᠤ᠋ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠤ᠋ᠨ ᠲᠡᠮᠡᠴᠡᠯ ᠦ᠋ᠨ ᠲᠡᠦᠬᠡᠨ ᠳ᠋ᠦ᠍ ᠬᠡᠷᠡᠭ ᠪᠣᠯᠬᠤ ᠵᠦᠢᠯ ᠢ᠋ ᠰᠠᠨᠠᠵᠤ ᠦᠵᠡᠶᠡ᠃ ᠤᠷᠢᠳ ᠡᠵᠡᠷᠬᠡᠭ ᠦ᠋ᠨ ᠦᠶᠡ ᠳ᠋ᠦ᠍᠂ ᠴᠡᠷᠢᠭ ᠦ᠋ᠨ ᠠᠯᠪᠠ ᠬᠠᠭᠠᠬᠤ ᠳ᠋ᠤ᠌ ᠶᠡᠬᠡᠯᠡ(ᠶᠡᠬᠡ ᠯᠡ) ᠬᠡᠴᠡᠭᠦᠦ ᠪᠠᠢᠭᠰᠠᠨ ᠪᠢᠯᠡ᠃ ᠪᠢᠳᠡᠨ ᠦ᠌ ᠵᠡᠪᠰᠡᠭ ᠮᠠᠭᠤ᠂ ᠬᠣᠭᠣᠯᠠ ᠮᠠᠭᠤ᠂ ᠶᠠᠭᠤᠮᠠ ᠪᠦᠷᠢ ᠳ᠋ᠦ᠍ ᠭᠠᠴᠢᠭᠳᠠᠯ ᠲᠠᠢ ᠶ᠋ᠢ ᠬᠡᠯᠡᠭᠡᠳ ᠪᠠᠷᠠᠰᠢ ᠦᠭᠡᠢ᠃ ᠪᠢᠳᠡᠨ ᠦ᠌ ᠲᠡᠷᠡ ᠦᠶᠡ ᠳ᠋ᠦ᠍ ᠡᠵᠡᠷᠬᠡᠭ ᠵᠠᠰᠠᠭ ᠤ᠋ᠨ ᠴᠡᠷᠢᠭ ᠦ᠋ᠨ ᠠᠯᠪᠠ ᠬᠠᠭᠠᠬᠤ ᠳ᠋ᠤ᠌ ᠶᠠᠭᠤᠲᠠᠢ ᠬᠦᠨᠳᠦ ᠪᠡᠷᠬᠡ ᠪᠠᠢᠭᠰᠠᠨ᠂ ᠳᠠᠢᠰᠤᠨ ᠤ᠋ ᠥᠭᠡᠳᠡ ᠡᠴᠡ ᠡᠰᠡᠷᠭᠦᠴᠡᠬᠦ ᠵᠠᠷ ᠵᠡᠪᠰᠡᠭ ᠦᠭᠡᠢ ᠮᠠᠨ ᠤ᠋ ᠠᠷᠠᠳ ᠲᠦᠮᠡᠨ ᠢ᠋ ᠬᠠᠷᠢ ᠶ᠋ᠢᠨ ᠪᠣᠭᠣᠯᠴᠢᠯᠠᠨ ᠳᠠᠷᠤᠯᠠᠭᠴᠢᠳ ᠲᠤ᠌ ᠳᠠᠷᠤᠯᠠᠭᠤᠯᠵᠤ ᠪᠠᠢᠬᠤ ᠳ᠋ᠤ᠌ ᠶᠠᠭᠤᠲᠠᠢ ᠭᠠᠰᠢᠭᠤᠨ ᠪᠠᠢᠭᠰᠠᠨ ᠢ᠋ ᠣᠳᠣ ᠶ᠋ᠢᠨ ᠡᠷᠬᠡᠲᠡᠢ ᠵᠠᠰᠠᠭ ᠤ᠋ᠨ ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯᠲᠤ ᠴᠡᠷᠢᠭ ᠦ᠋ᠨ ᠵᠠᠯᠠᠭᠤᠴᠤᠳ ᠶᠡᠷᠦ ᠮᠡᠳᠡᠬᠦ ᠦᠭᠡᠢ ᠪᠠᠢᠬᠤ ᠠ᠋᠃
ᠮᠠᠷᠱᠠᠯ ᠭᠤᠸᠠᠢ᠂ ᠪᠢ ᠲᠠᠨ ᠠ᠋ᠴᠠ ᠨᠢᠭᠡ ᠭᠤᠶᠤᠬᠤ ᠬᠦᠰᠡᠯ ᠲᠡᠢ ᠪᠢᠯᠡ ᠭᠡᠬᠦ ᠳ᠋ᠦ᠍ᠨᠢ( ᠳ᠋ᠦ᠍ ᠨᠢ)᠂
— ᠵᠠ᠂ ᠰᠣᠨᠣᠰᠤᠶᠠ᠂ ᠮᠢᠨᠦ ᠬᠦᠴᠦ ᠬᠦᠷᠦᠮᠡᠷ ᠶᠠᠭᠤᠮᠠ ᠪᠣᠯᠪᠠᠯ᠂ ᠲᠠᠨ ᠤ᠋ ᠬᠦᠰᠡᠯ ᠢ᠋ ᠳᠤᠷᠠᠲᠠᠶᠠ ᠶᠣᠰᠣᠭᠠᠷ ᠪᠣᠯᠭᠠᠶᠠ ᠭᠡᠬᠦ ᠳ᠋ᠦ᠍ᠨᠢ( ᠳ᠋ᠦ᠍ ᠨᠢ) ᠰᠢᠷᠴᠢᠨ ᠥᠭᠦᠯᠡᠷᠦᠨ᠂
— ᠮᠢᠨᠦ ᠬᠣᠶᠠᠷ ᠬᠦᠦ ᠴᠡᠷᠢᠭ ᠲᠦ᠍ ᠪᠣᠢ᠃ ᠨᠢᠭᠡ ᠨᠢ ᠡᠮᠴᠢ᠂ ᠨᠢᠭᠡ ᠨᠢ ᠳᠠᠷᠤᠭᠠ᠂ ᠣᠳᠣ ᠮᠢᠨᠦ ᠪᠡᠶᠡ᠂ ᠴᠡᠷᠢᠭ ᠦ᠋ᠨ ᠢ᠋ᠶ᠋ᠡᠨ ᠪᠠᠢᠳᠠᠯ ᠢ᠋ ᠬᠠᠷᠠᠵᠤ ᠲᠠᠨᠢᠯᠴᠠᠭᠠᠳ᠂ ᠵᠠᠯᠠᠭᠤ ᠴᠡᠷᠢᠭ ᠲᠦ᠍᠂ ᠡᠵᠡᠷᠬᠡᠭ ᠦ᠋ᠨ ᠦᠶᠡ ᠳ᠋ᠦ᠍ ᠬᠠᠭᠤᠴᠢᠨ ᠴᠠᠭ ᠲᠤ᠌ ᠴᠡᠷᠢᠭ ᠦ᠋ᠨ ᠠᠯᠪᠠᠨ ᠬᠠᠭᠠᠬᠤ ᠳ᠋ᠤ᠌ ᠶᠠᠮᠠᠷ ᠰᠢᠦ ᠬᠦᠨᠳᠦ ᠪᠠᠢᠭᠰᠠᠨ ᠢ᠋ ᠶᠠᠷᠢᠵᠤ ᠥᠭᠬᠦ ᠬᠦᠰᠡᠯ ᠲᠡᠢ ᠶᠦᠮ ᠰᠠᠨ᠃ ᠮᠠᠨ ᠤ᠋ ᠵᠠᠯᠠᠭᠤᠴᠤᠳ᠂ ᠤᠯᠤᠰ ᠠ᠋ᠴᠠ ᠴᠡᠷᠢᠭ ᠦ᠋ᠨ ᠲᠥᠯᠥᠭᠡ ᠬᠠᠯᠠᠭᠤᠨ ᠰᠠᠨᠠᠭᠠ ᠲᠠᠯᠪᠢᠵᠤ ᠪᠠᠢᠬᠤ ᠳ᠋ᠤ᠌᠂ ᠬᠠᠷᠢᠭᠤ ᠳ᠋ᠤᠨᠢ ( ᠳ᠋ᠤ᠌ ᠨᠢ) ᠴᠡᠷᠢᠭ ᠦ᠋ᠨ ᠡᠷᠳᠡᠮ ᠳ᠋ᠦ᠍ ᠰᠤᠷᠬᠤ ᠪᠣᠯᠪᠠᠰᠤᠷᠠᠬᠤ ᠶ᠋ᠢ ᠪᠦᠬᠦᠢ ᠯᠡ ᠬᠦᠴᠦ ᠪᠡᠷ ᠮᠡᠷᠡᠢᠬᠦ ᠶ᠋ᠢᠨ ᠴᠢᠬᠤᠯᠠ ᠶ᠋ᠢ ᠰᠡᠩᠬᠡᠷᠡᠲᠡᠯᠡ ᠮᠡᠳᠡᠵᠦ ᠠᠪᠤᠪᠠᠯ ᠲᠠᠭᠠᠷᠠᠬᠤ ᠶᠤᠮ ᠭᠡᠵᠦ ᠪᠢ ᠪᠣᠳᠣᠵᠤ ᠶᠠᠪᠤᠳᠠᠭ ᠪᠢᠯᠡ ᠭᠡᠬᠦ ᠳ᠋ᠦ᠍ᠨᠢ( ᠳ᠋ᠦ᠍ ᠨᠢ)᠂ ᠴᠠᠳᠠᠨᠪᠠᠯ ᠢᠨᠢᠶᠡᠮᠰᠦᠭᠯᠡᠨ᠂
— ᠲᠠ ᠴᠢᠨᠢ ᠤᠬᠠᠭᠤᠯᠤᠭᠴᠢ ᠬᠥᠮᠦᠨ ᠶᠦᠮ ᠰᠢᠪ ᠳᠡ ᠭᠡᠵᠦ ᠪᠢᠯᠡ᠃
— ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤ ᠪᠣᠢ? ᠪᠢ ᠴᠢᠨᠢ ᠨᠤᠲᠤᠭ ᠲᠠᠭᠠᠨ( ᠲᠤ ᠪᠠᠨ) ᠠᠷᠪᠠᠨ ᠭᠡᠷ ᠦ᠋ᠨ ᠤᠬᠠᠭᠤᠯᠤᠭᠴᠢ ᠬᠥᠮᠦᠨ ᠶᠦᠮ ᠰᠢᠦ᠃ ᠲᠡᠭᠡᠭᠡᠳ᠂ ᠹᠧᠣᠳᠠᠯ ᠤ᠋ᠨ ᠬᠠᠷᠠᠩᠭᠤᠢ ᠵᠠᠰᠠᠭ ᠤ᠋ᠨ ᠦᠶᠡᠰ ᠪᠢᠳᠡᠨ ᠦ᠌ ᠴᠡᠷᠢᠭ ᠦ᠋ᠨ ᠠᠯᠪᠠ ᠬᠠᠭᠠᠬᠤ ᠳ᠋ᠤ᠌ ᠶᠠᠮᠠᠷ ᠭᠠᠰᠢᠭᠤᠨ ᠪᠠᠢᠭᠰᠠᠨ ᠢ᠋ ᠪᠢ ᠠᠷᠠᠳ ᠤ᠋ᠨ ᠴᠡᠷᠢᠭ ᠦ᠋ᠨ ᠪᠠᠭᠠᠴᠤᠳ ᠲᠤ᠌ ᠬᠡᠯᠡᠵᠦ ᠥᠭᠬᠦ ᠶᠦᠮ ᠰᠠᠨ ᠭᠡᠵᠦ ᠪᠣᠳᠣᠵᠤ ᠶᠠᠪᠤᠳᠠᠭ ᠶᠤᠮ ᠰᠠᠨ᠃ ᠪᠠᠭᠠᠴᠤᠳ᠂ ᠬᠤᠪᠢᠰᠬᠠᠯ ᠤ᠋ᠨ ᠠᠴᠢ ᠪᠠᠷ ᠣᠯᠤᠭᠰᠠᠨ ᠰᠠᠢᠬᠠᠨ ᠣᠯᠤᠯᠲᠠ ᠪᠠᠨ ᠡᠷᠬᠢᠮᠯᠡᠨ ᠬᠦᠨᠳᠦᠳᠬᠡᠵᠦ ᠰᠤᠷᠤᠭ ᠭᠡᠬᠦ ᠳ᠋ᠦ᠍ᠨᠢ( ᠳ᠋ᠦ᠍ ᠨᠢ) ᠮᠠᠷᠱᠠᠯ ᠢᠨᠢᠶᠡᠮᠰᠦᠭᠯᠡᠨ᠂
— ᠲᠠᠨ ᠤ᠋ ᠲᠡᠷᠡ ᠦᠭᠡ ᠲᠤᠩ ᠵᠥᠪ ᠦᠭᠡ᠂ ᠰᠢᠷᠴᠢᠨ ᠭᠤᠸᠠᠢ ᠮᠢᠨᠢ᠃ ᠮᠢᠨᠦ ᠪᠣᠳᠣᠬᠤ ᠳ᠋ᠤ᠌᠂ ᠤᠯᠤᠰ ᠤ᠋ᠨ ᠰᠠᠢᠨ ᠮᠠᠯᠴᠢᠨ ᠪᠥᠭᠡᠳ ᠬᠠᠭᠤᠴᠢᠨ ᠴᠡᠷᠢᠭ ᠲᠦ᠍ ᠶᠠᠪᠤᠭᠰᠠᠨ ᠰᠢᠷᠴᠢᠨ ᠭᠤᠸᠠᠢ ᠶ᠋ᠢ ᠮᠠᠨ ᠤ᠋ ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯᠲᠤ ᠴᠡᠷᠢᠭ ᠦ᠋ᠨ ᠵᠠᠯᠠᠭᠤᠴᠤᠳ ᠲᠠᠢ ᠠᠭᠤᠯᠵᠠᠭᠤᠯᠵᠤ ᠥᠭᠭᠦᠮᠡᠷ ᠶᠦᠮ ᠪᠠᠢᠨᠠ᠃ ᠲᠠ᠂ ᠠᠷᠮᠢ ᠶ᠋ᠢᠨ ᠺᠣᠮᠢᠰᠰᠠᠷ ᠤ᠋ᠨ ᠬᠤᠪᠢ ᠪᠠᠷ ᠲᠡᠭᠡᠭᠦᠯᠵᠦ ᠥᠭᠪᠡᠯ ᠶᠠᠭᠠᠬᠢᠨᠠ? ᠭᠡᠵᠦ ᠴᠠᠳᠠᠨᠪᠠᠯ ᠳ᠋ᠤ᠌ ᠬᠡᠯᠡᠬᠦ ᠳ᠋ᠦ᠍ᠨᠢ( ᠳ᠋ᠦ᠍ ᠨᠢ)᠂
— ᠳᠤᠷᠠᠲᠠᠶᠠ ᠭᠦᠢᠴᠡᠳᠬᠡᠶᠡ᠃ ᠪᠢ ᠵᠣᠬᠢᠬᠴᠢᠳ ᠲᠤ᠌ ᠬᠡᠯᠡᠵᠦ᠂ ᠰᠢᠷᠴᠢᠨ ᠭᠤᠸᠠᠢ ᠶ᠋ᠢ ᠳᠠᠭᠠᠭᠤᠯᠵᠤ᠂ ᠮᠠᠨ ᠤ᠋ ᠴᠡᠷᠢᠭ ᠦ᠋ᠨ ᠪᠠᠢᠳᠠᠯ ᠲᠠᠢ ᠲᠠᠨᠢᠯᠴᠠᠭᠤᠯᠬᠤ ᠡᠭᠦᠷᠭᠡ ᠥᠭᠭᠦᠶᠡ ᠭᠡᠬᠦ ᠳ᠋ᠦ᠍ᠨᠢ( ᠳ᠋ᠦ᠍ ᠨᠢ) ᠮᠠᠷᠱᠠᠯ᠂ ᠨᠠᠷᠢᠨ ᠪᠢᠴᠢᠭ ᠦ᠋ᠨ ᠢ᠋ᠶ᠋ᠡᠨ ᠳᠠᠷᠤᠭᠠ ᠳ᠋ᠤ᠌᠂
— ᠣᠳᠣ᠂ ᠲᠥᠯᠥᠭᠡᠯᠡᠭᠴᠢᠳ ᠦ᠋ᠨ ᠮᠠᠰᠢᠨ ᠶᠠᠪᠤᠵᠠᠭᠠᠴᠢᠬᠠᠵᠠᠢ᠃ ᠰᠢᠷᠴᠢᠨ ᠭᠤᠸᠠᠢ ᠶ᠋ᠢ ᠮᠢᠨᠦ ᠮᠠᠰᠢᠨ ᠢ᠋ᠶ᠋ᠠᠷ ᠬᠦᠷᠭᠡᠭᠡᠳ ᠥᠭᠭᠦᠨᠡ ᠤᠤ? ᠬᠡᠮᠡᠭᠡᠳ᠂ ᠰᠢᠷᠴᠢᠨ ᠭᠤᠸᠠᠢ᠂ ᠲᠡᠷᠡ ᠵᠢᠯ ᠲᠠ ᠪᠢᠳᠡ ᠬᠣᠶᠠᠷ ᠤ᠋ᠨ ᠨᠢᠭᠡ ᠠᠭᠤᠯᠵᠠᠭᠰᠠᠨ ᠢ᠋ ᠲᠠ ᠰᠠᠨᠠᠵᠤ ᠪᠠᠢᠨᠠ ᠤᠤ? ᠨᠣᠶᠠᠨ ᠤ᠋ ᠪᠠᠨ ᠥᠷᠢ ᠲᠥᠯᠥᠬᠦ ᠭᠡᠵᠦ ᠲᠠᠪᠤᠨ ᠢᠷᠭᠡ ᠲᠠᠭᠤᠵᠤ ᠶᠠᠪᠤᠬᠤ ᠳ᠋ᠤ᠌ ᠲᠠᠨᠢ ᠪᠢ ᠵᠠᠮ ᠳ᠋ᠤ᠌ ᠳᠠᠭᠠᠷᠢᠯᠳᠤᠭᠰᠠᠨ ᠰᠢᠦ ᠳᠡ᠃ ᠲᠠ ᠪᠢᠳᠡ ᠬᠣᠶᠠᠷ ᠤ᠋ᠨ ᠲᠡᠷᠡ ᠠᠭᠤᠯᠵᠠᠭᠰᠠᠨ ᠮᠠᠨᠢ ᠶᠡᠬᠡ ᠴᠢᠬᠤᠯᠠ ᠠᠭᠤᠯᠵᠠᠯᠲᠠ ᠪᠣᠯᠵᠤ᠂ ᠠᠢᠮᠠᠭ ᠬᠤᠰᠢᠭᠤᠨ ᠤ᠋ ᠡᠷᠬᠡ ᠪᠠᠷᠢᠭᠴᠢᠳ ᠤ᠋ᠨ ᠪᠤᠷᠤᠭᠤ ᠲᠠᠢ ᠵᠦᠢᠯ ᠢ᠋ ᠵᠠᠰᠠᠨ ᠵᠠᠯᠠᠷᠠᠭᠤᠯᠬᠤ ᠳ᠋ᠤ᠌ ᠶᠡᠬᠡ ᠬᠡᠷᠡᠭ ᠪᠣᠯᠵᠤ ᠪᠢᠯᠡ ᠭᠡᠬᠦ ᠳ᠋ᠦ᠍ᠨᠢ ( ᠳ᠋ᠦ᠍ ᠨᠢ)᠂
— ᠥᠴᠥᠭᠡᠳᠦᠷ ᠠᠭᠤᠯᠵᠠᠭᠰᠠᠨ ᠶᠤᠮ ᠰᠢᠭ᠋᠂ ᠮᠢᠨᠦ ᠴᠡᠭᠡᠵᠢᠨ ᠳ᠋ᠦ᠍ ᠲᠣᠪ ᠲᠣᠳᠣᠷᠬᠠᠢ ᠪᠠᠢᠨᠠ᠃ ᠲᠥᠷᠥ ᠶ᠋ᠢᠨ ᠠᠯᠲᠠᠨ ᠵᠢᠯᠣᠭᠣ ᠪᠠᠷᠢᠵᠤ᠂ ᠲᠦᠮᠡᠨ ᠬᠡᠷᠡᠭ ᠰᠢᠢᠳᠬᠡᠬᠦ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ)᠂ ᠥᠴᠦᠬᠡᠨ ᠡᠭᠡᠯ ᠮᠠᠯᠴᠢᠨ ᠨᠠᠳᠠ ᠲᠠᠢ ᠠᠭᠤᠯᠵᠠᠭᠰᠠᠨ ᠢ᠋ᠶ᠋ᠠᠨ ᠮᠠᠷᠲᠠᠳᠠᠭ ᠦᠭᠡᠢ ᠳ᠋ᠦ᠍ ᠲᠠᠨᠢ ᠪᠢ ᠲᠤᠩ ᠶᠡᠬᠡ ᠭᠠᠢᠬᠠᠵᠤ ᠪᠠᠢᠨᠠ ᠭᠡᠵᠦ ᠰᠢᠷᠴᠢᠨ ᠦ᠌ ᠬᠡᠯᠡᠬᠦ ᠳ᠋ᠦ᠍᠂ ᠮᠠᠷᠱᠠᠯ ᠢᠨᠢᠶᠡᠮᠰᠦᠭᠯᠡᠵᠦ᠂
— ᠡᠭᠡᠯ ᠮᠠᠯᠴᠢᠨ ᠭᠡᠳᠡᠭ᠂ ᠣᠳᠣ ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠬᠦᠨᠳᠦᠲᠡᠢ ᠰᠠᠢᠴᠤᠤᠯ ᠰᠢᠦ ᠳᠡ ᠭᠡᠵᠡᠢ᠃
ᠲᠥᠯᠥᠭᠡᠯᠡᠭᠴᠢᠳ ᠢ᠋ ᠭᠤᠸᠠᠩᠵᠠᠨ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ)ᠬᠦᠷᠴᠦ ᠠᠦ᠋ᠲ᠋ᠣᠪᠦ᠋ᠰ ᠡᠴᠡ ᠪᠠᠭᠤᠵᠤ ᠪᠠᠢᠬᠤ ᠳ᠋ᠤ᠌᠂ ᠰᠢᠷᠴᠢᠨ ᠳᠡᠭᠡᠷᠡ ᠡᠴᠡ ᠨᠢ ᠨᠢᠭᠡ ᠶᠡᠬᠡ ᠰᠠᠢᠬᠠᠨ ᠪᠢᠶᠥ᠋ᠺ ᠮᠠᠰᠢᠨ ᠢ᠋ᠶ᠋ᠠᠷ ᠪᠠᠶᠠᠷ ᠬᠥᠷ ᠪᠣᠯᠤᠨ ᠬᠦᠷᠴᠦ ᠢᠷᠡᠭᠡᠳ᠂ ᠡᠪᠦᠭᠡᠨ ᠵᠠᠮᠰᠤ᠂ ᠰᠢᠷᠴᠢᠨ ᠢ᠋ ᠮᠠᠷᠱᠠᠯ ᠤ᠋ᠨ ᠮᠠᠰᠢᠨ ᠢ᠋ᠶ᠋ᠠᠷ ᠢᠷᠡᠭᠰᠡᠨ ᠢ᠋ ᠠᠰᠠᠭᠤᠵᠤ ᠮᠡᠳᠡᠭᠡᠳ ᠢᠨᠢᠶᠡᠮᠰᠦᠭᠯᠡᠨ᠂
— ᠬᠠᠭᠤᠴᠢᠨ ᠤ᠋ ᠰᠡᠴᠡᠨ ᠦᠭᠡᠨ ᠳ᠋ᠦ᠍᠂ ᠠᠮᠢᠳᠤ ᠶᠠᠪᠤᠪᠠᠯ ᠠᠯᠲᠠᠨ ᠠᠶᠠᠭᠠ ᠪᠠᠷ ᠤᠮᠳᠠ ᠤᠤᠭᠤᠨᠠ ᠭᠡᠵᠦ ᠤᠴᠢᠷ ᠲᠠᠢ ᠦᠨᠡᠨ ᠦᠭᠡ ᠠᠵᠢ ᠭᠡᠵᠦ ᠬᠡᠯᠡᠵᠡᠢ᠃
ᠪᠦᠲᠦᠨ ᠰᠠᠢᠨ ᠡᠳᠦᠷ ᠦ᠋ᠨ ᠥᠷᠯᠥᠭᠡ ᠨᠢ ᠰᠢᠷᠴᠢᠨ ᠦ᠌ ᠪᠠᠢᠭᠰᠠᠨ ᠭᠡᠷ ᠲᠦ᠍᠂ ᠰᠠᠢᠨ ᠮᠠᠯᠴᠢᠨ ᠤ᠋ ᠪᠠᠢᠷᠢ ᠶ᠋ᠢᠨ ᠵᠢᠵᠢᠭᠦᠷ ᠳᠠᠭᠠᠭᠤᠯᠤᠭᠰᠠᠨ᠂ ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯᠲᠤ ᠴᠡᠷᠢᠭ ᠦ᠋ᠨ ᠬᠤᠷᠠᠩᠳᠠ ᠣᠷᠣᠵᠤ ᠢᠷᠡᠭᠡᠳ᠂ ᠵᠢᠵᠢᠭᠦᠷ ᠨᠢ ᠬᠤᠷᠠᠩᠳᠠ ᠳ᠋ᠤ᠌ ᠰᠢᠷᠴᠢᠨ ᠢ᠋ ᠵᠢᠭᠠᠨ᠂
— ᠰᠢᠷᠴᠢᠨ ᠭᠤᠸᠠᠢ ᠡᠨᠡ ᠪᠠᠢᠨᠠ ᠬᠡᠮᠡᠪᠡᠰᠦ᠂
— ᠬᠠᠷᠠᠩᠭᠤᠲᠠ ᠲᠠᠨᠢᠯᠠ! ᠭᠡᠵᠦ ᠥᠳᠬᠡᠨ ᠳᠠᠭᠤᠲᠤ ᠲᠡᠷᠡ ᠬᠤᠷᠠᠩᠳᠠ ᠬᠦᠩᠭᠢᠨᠡᠵᠦ᠂ ᠭᠠᠷ ᠢ᠋ᠶ᠋ᠠᠨ ᠮᠠᠯᠠᠭᠠᠢ ᠶ᠋ᠢᠨ ᠲᠤᠰᠢᠶᠠ ᠡᠷᠭᠦᠨ ᠶᠣᠰᠣᠯᠠᠭᠠᠳ᠂ ᠲᠠᠨ ᠤ᠋ ᠬᠦᠦ ᠲᠡᠮᠦᠷ ᠲᠠᠨ ᠲᠠᠢ ᠶᠠᠭᠠᠬᠢᠭᠰᠠᠨ ᠠᠳᠠᠯᠢᠬᠠᠨ ᠬᠥᠮᠦᠨ ᠪᠣᠢ? ᠪᠢ ᠲᠡᠮᠦᠷ ᠢ᠋ ᠲᠠᠨᠢᠳᠠᠭ ᠪᠣᠯᠤᠭᠠᠳ ᠲᠠᠨ ᠢ᠋ ᠬᠠᠷᠠᠩᠭᠤᠳ ᠲᠠᠨᠢᠯᠠ᠃ ᠰᠠᠶᠢ ᠪᠢ ᠬᠢᠵᠠᠭᠠᠷ ᠢ᠋ᠶ᠋ᠠᠷ ᠶᠠᠪᠤᠭᠠᠳ᠂ ᠲᠠᠨ ᠤ᠋ ᠬᠦᠦ ᠶ᠋ᠢᠨ ᠪᠠᠢᠳᠠᠭ ᠠᠩᠭᠢ ᠪᠠᠷ ᠡᠷᠭᠢᠭᠡᠳ ᠢᠷᠡᠭᠰᠡᠨ᠃ ᠲᠡᠮᠦᠷ ᠰᠠᠢᠨ ᠰᠠᠭᠤᠵᠤ ᠪᠠᠢᠨᠠ᠃
ᠮᠢᠨᠦ ᠬᠦᠷᠴᠦ ᠢᠷᠡᠭᠰᠡᠨ ᠤᠴᠢᠷ ᠢ᠋ ᠲᠠᠨ ᠳ᠋ᠤ᠌ ᠬᠡᠯᠡᠪᠡᠯ᠂ ᠳᠠᠷᠤᠭᠠ ᠨᠠᠷ ᠨᠠᠮᠠ ᠶ᠋ᠢ ᠲᠠᠨ ᠳᠡᠭᠡᠷᠡ ᠣᠴᠢᠵᠤ ᠬᠦᠨᠳᠦᠲᠦ ᠵᠣᠴᠢᠨ ᠲᠠᠨ ᠢ᠋ ᠡᠨᠡ ᠬᠣᠲᠠ ᠶ᠋ᠢᠨ ᠭᠠᠷᠨᠢᠽᠣᠨ ᠤ᠋ ᠁ ᠳ᠋ᠤᠭᠠᠷ ᠠᠩᠭᠢ ᠳ᠋ᠤ᠌ ᠤᠷᠢᠨ ᠠᠪᠠᠴᠢᠵᠤ᠂ ᠴᠡᠷᠢᠭ ᠦ᠋ᠨ ᠠᠵᠤ ᠪᠠᠢᠳᠠᠯ ᠲᠠᠢ ᠲᠠᠨᠢᠯᠴᠠᠭᠤᠯ ᠭᠡᠵᠦ ᠨᠠᠮᠠ ᠶ᠋ᠢ ᠶᠠᠪᠤᠭᠤᠯᠵᠠᠢ᠃ ᠪᠢ ᠲᠠᠨ ᠢ᠋ ᠤᠷᠢᠳᠤ᠂ ᠠᠥ᠋ᠲ᠋ᠤᠨᠤᠮᠢᠲ᠋ ᠤ᠋ᠨ ᠦᠶᠡ ᠳ᠋ᠦ᠍ ᠴᠡᠷᠢᠭ ᠲᠦ᠍ ᠪᠠᠢᠵᠤ᠂ ᠬᠢᠲᠠᠳ ᠤ᠋ᠨ ᠴᠡᠷᠢᠭ ᠦ᠋ᠨ ᠡᠷᠬᠡᠲᠡᠨ ᠦ᠌ ᠬᠠᠯᠳᠠᠨ ᠳᠣᠪᠲᠣᠯᠬᠤ ᠦᠶᠡᠰ ᠲᠡᠢᠨ ᠳ᠋ᠦ᠍ ᠶᠠᠪᠤᠭᠰᠠᠨ ᠶᠤᠮ ᠭᠡᠵᠦ ᠲᠤᠭᠤᠯᠤᠭᠰᠠᠨ ᠪᠢᠯᠡ᠃ ᠮᠢᠨᠦ ᠪᠣᠳᠣᠬᠤ ᠳ᠋ᠤ᠌᠂ ᠲᠠ ᠬᠡᠷᠪᠡ ᠡᠵᠡᠷᠬᠡᠭ ᠹᠧᠣᠳᠠᠯ ᠤ᠋ᠨ ᠦᠶᠡ ᠳ᠋ᠦ᠍ ᠴᠡᠷᠢᠭ ᠠᠷᠠᠳ ᠤ᠋ᠨ ᠪᠠᠢᠳᠠᠯ ᠶᠠᠮᠠᠷ ᠪᠠᠢᠭᠰᠠᠨ ᠢ᠋ ᠮᠠᠨ ᠤ᠋ ᠴᠡᠷᠢᠭ ᠲᠦ᠍ ᠬᠡᠯᠡᠵᠦ ᠥᠭᠪᠡᠯ ᠶᠡᠬᠡ ᠰᠣᠨᠢᠨ ᠪᠠᠢᠬᠤ ᠰᠠᠨ ᠬᠡᠮᠡᠪᠡ᠃
ᠰᠠᠢᠬᠠᠨ ᠶᠠᠷᠢᠶᠠ ᠲᠠᠢ ᠲᠡᠷᠡ ᠬᠤᠷᠠᠩᠳᠠ᠂ ᠰᠢᠷᠴᠢᠨ ᠦ᠌ ᠰᠡᠳᠬᠢᠯ ᠳ᠋ᠦ᠍ ᠶᠡᠬᠡᠯᠡ(ᠶᠡᠬᠡ ᠯᠡ) ᠲᠠᠭᠠᠲᠠᠢ ᠰᠠᠨᠠᠭᠳᠠᠵᠤ᠂ ᠡᠪᠦᠭᠡᠨ ᠮᠠᠯᠴᠢᠨ᠂ ᠲᠡᠷᠡ ᠬᠤᠷᠠᠩᠳᠠ ᠳ᠋ᠤ᠌ ᠤᠷᠢᠳᠠᠪᠡᠷ ᠴᠡᠷᠢᠭ ᠦ᠋ᠨ ᠪᠠᠢᠳᠠᠭ ᠪᠠᠢᠳᠠᠯ ᠢ᠋ ᠦᠵᠡᠭᠡᠳ᠂ ᠰᠡᠭᠦᠯ ᠳ᠋ᠦ᠍ᠨᠢ( ᠳ᠋ᠦ᠍ ᠨᠢ ) ᠴᠡᠷᠢᠭ ᠲᠡᠢ ᠠᠭᠤᠯᠵᠠᠨ ᠶᠠᠷᠢᠪᠠᠯ ᠶᠠᠮᠠᠷ ᠪᠣᠢ ᠭᠡᠵᠦ ᠰᠠᠨᠠᠯ ᠢᠶᠠᠨ ᠬᠡᠯᠡᠵᠡᠢ᠃ ᠲᠡᠭᠡᠭᠡᠳ᠂ ᠁ ᠳ᠋ᠦ᠍ᠭᠡᠷ ᠠᠩᠭᠢ ᠶ᠋ᠢᠨ ᠴᠡᠷᠢᠭ ᠦ᠋ᠨ ᠬᠤᠸᠠᠷᠠᠨ ᠳ᠋ᠤ᠌ ᠲᠥᠪ ᠡᠴᠡ ᠨᠢ ᠬᠠᠯᠠᠭᠠᠬᠤ ᠬᠣᠭᠣᠯᠠᠢ ᠲᠠᠢ ᠶᠡᠬᠡ ᠳᠤᠯᠠᠭᠠᠨ᠂ ᠰᠠᠷᠠᠭᠤᠯ ᠠᠭᠤᠳᠠᠮ ᠪᠠᠢᠰᠢᠩ ᠲᠠᠰᠤᠯᠭᠠ ᠪᠠᠷ ᠨᠢ ᠶᠠᠪᠤᠵᠤ᠂ ᠴᠡᠷᠢᠭ ᠦ᠋ᠨ ᠣᠷᠣ ᠳᠡᠪᠢᠰᠬᠡᠷ᠂ ᠣᠷᠣᠨ ᠤ᠋ ᠴᠠᠭᠠᠨ ᠳᠠᠪᠤᠤ᠂ ᠬᠥᠨᠵᠢᠯᠡ᠂ ᠳᠡᠪᠡᠯ ᠬᠤᠪᠴᠠᠰᠤᠨ ᠤ᠋ ᠡᠯᠭᠦᠭᠦᠷ᠂ ᠬᠣᠣᠷᠲᠤ ᠤᠲᠤᠭᠠᠨ ᠤ᠋ ᠪᠠᠭ ᠬᠠᠳᠠᠭᠠᠯᠠᠬᠤ ᠱᠦᠭᠦᠢ᠂ ᠫᠤᠤ ᠶ᠋ᠢᠨ ᠲᠠᠯᠪᠢᠭᠤᠷ ᠵᠡᠷᠭᠡ ᠶ᠋ᠢ ᠶᠡᠬᠡᠯᠡ(ᠶᠡᠬᠡ ᠯᠡ) ᠨᠢᠮᠪᠠᠢᠯᠠᠨ ᠦᠵᠡᠭᠡᠳ᠂ ᠲᠡᠷᠡ ᠰᠤᠮᠤᠨ ᠴᠡᠷᠢᠭ ᠦ᠋ᠨ ᠪᠠᠢᠷᠢᠨ ᠳ᠋ᠤ᠌ ᠪᠠᠢᠭᠰᠠᠨ᠂ ᠪᠤᠴᠠᠯᠭᠠᠭᠰᠠᠨ ᠤᠰᠤ ᠲᠠᠢ ᠰᠠᠪᠠ ᠶ᠋ᠢᠨ ᠴᠣᠣᠵᠢ ᠶ᠋ᠢ ᠬᠦᠷᠲᠡᠯᠡ ᠰᠣᠨᠢᠷᠬᠠᠨ ᠪᠠᠷᠢᠵᠤ ᠦᠵᠡᠯᠡ᠃
ᠲᠣᠭᠣᠭᠠᠨ ᠤ᠋ ᠭᠠᠵᠠᠷ ᠣᠷᠣᠬᠤ ᠳ᠋ᠤᠨᠢ( ᠳ᠋ᠤ᠌ ᠨᠢ)᠂ ᠬᠣᠭᠣᠯᠠ ᠲᠣᠭᠣᠭᠠᠨ ᠤ᠋ ᠭᠠᠵᠠᠷ ᠤ᠋ᠨ ᠵᠢᠵᠢᠭᠦᠷ᠂ ᠬᠦᠨᠳᠦᠲᠦ ᠵᠣᠴᠢᠳ ᠲᠤ᠌ ᠲᠡᠷᠡ ᠡᠳᠦᠷ ᠦ᠋ᠨ ᠴᠡᠷᠢᠭ ᠦ᠋ᠨ ᠬᠣᠭᠣᠯᠠ ᠳ᠋ᠤ᠌ ᠬᠡᠷᠡᠭᠯᠡᠬᠦ ᠵᠦᠢᠯ ᠢ᠋ ᠲᠣᠭᠣᠭᠠᠨ ᠳ᠋ᠤ᠌ ᠬᠢᠵᠦ ᠪᠠᠢᠭᠰᠠᠨ ᠢ᠋ ᠦᠵᠡᠭᠦᠯᠦᠨ᠂ ᠪᠠᠰᠠ 《ᠬᠢᠭᠰᠡᠨ ᠬᠣᠭᠣᠯᠠᠨ ᠤ᠋ ᠴᠢᠨᠠᠷ ᠢ᠋ ᠲᠡᠮᠳᠡᠭᠯᠡᠬᠦ ᠳᠡᠪᠲᠡᠷ》 ᠭᠡᠭᠴᠢ ᠶ᠋ᠢ ᠦᠵᠡᠭᠦᠯᠪᠡᠯ᠂ ᠰᠢᠷᠴᠢᠨ᠂ ᠲᠡᠷᠡ ᠵᠢᠵᠢᠭᠦᠷ ᠡᠴᠡ᠄
— ᠴᠡᠷᠢᠭ᠂ ᠡᠳᠦᠷ ᠪᠦᠷᠢ ᠡᠢᠮᠦ ᠰᠠᠢᠬᠠᠨ ᠬᠣᠭᠣᠯᠠ ᠢᠳᠡᠳᠡᠭ ᠤᠤ? ᠭᠡᠵᠦ ᠠᠰᠠᠭᠤᠵᠠᠢ᠃
— ᠡᠳᠦᠷ ᠪᠦᠷᠢ᠂ ᠴᠡᠷᠢᠭ ᠳᠣᠳᠣᠮ ᠴᠠᠭᠠᠨ ᠲᠠᠯᠬᠠ᠂ ᠲᠣᠰᠣ᠂ ᠮᠢᠬᠠ᠂ ᠶᠠᠩᠵᠤ ᠪᠦᠷᠢ ᠶ᠋ᠢᠨ ᠠᠮᠤ ᠪᠤᠳᠠᠭᠠ᠂ ᠨᠣᠭᠣᠭᠠ ᠵᠡᠷᠭᠡ ᠵᠦᠢᠯ ᠬᠡᠳᠦ ᠬᠡᠴᠢᠨᠡᠨ ᠭᠷᠠᠮ ᠬᠡᠷᠡᠭᠯᠡᠬᠦ ᠶ᠋ᠢ ᠲᠤᠰᠬᠠᠢ ᠲᠣᠳᠣᠷᠬᠠᠢᠯᠠᠭᠰᠠᠨ ᠵᠢᠭᠰᠠᠭᠠᠯᠲᠠ ᠪᠠᠢᠳᠠᠭ᠃ ᠲᠡᠷᠡ ᠶᠣᠰᠣᠭᠠᠷ ᠭᠦᠢᠴᠡᠳᠬᠡᠳᠡᠭ᠃ ᠡᠭᠦᠨ ᠳ᠋ᠦ᠍ ᠴᠡᠷᠢᠭ ᠦ᠋ᠨ ᠬᠣᠭᠣᠯᠠ ᠶ᠋ᠢ ᠡᠳᠦᠷ ᠡᠳᠦᠷ ᠶᠠᠩᠵᠤ ᠶᠠᠩᠵᠤ ᠪᠣᠯᠭᠠᠵᠤ᠂ ᠥᠨᠥᠳᠥᠷ ᠦ᠋ᠨ ᠬᠣᠭᠣᠯᠠ ᠶ᠋ᠢ ᠮᠠᠷᠭᠠᠰᠢ ᠨᠢ ᠳᠠᠬᠢᠳᠠᠭ ᠦᠭᠡᠢ᠂ ᠣᠯᠠᠨ ᠵᠦᠢᠯ ᠦ᠋ᠨ ᠬᠣᠭᠣᠯᠠ ᠢᠳᠡᠳᠡᠭ ᠶᠣᠰᠣᠲᠠᠢ ᠶᠤᠮᠠ ᠭᠡᠵᠦ ᠬᠡᠯᠡᠵᠡᠢ᠃
ᠲᠣᠭᠣᠭᠠᠨ ᠤ᠋ ᠭᠠᠵᠠᠷ ᠠ᠋ᠴᠠ ᠰᠢᠷᠴᠢᠨ᠂ ᠲᠡᠷᠡ ᠰᠤᠮᠤᠨ ᠴᠡᠷᠢᠭ ᠦ᠋ᠨ ᠠᠳᠤᠭᠤᠨ ᠤ᠋ ᠵᠥᠴᠢᠶᠡ ᠶ᠋ᠢ* ᠦᠵᠡᠬᠦ ᠭᠡᠵᠦ ᠣᠴᠢᠯᠠ᠃ ᠲᠡᠭᠡᠭᠡᠳ᠂ ᠮᠣᠷᠢ ᠲᠤᠰ ᠪᠦᠷᠢ ᠶ᠋ᠢᠨ ᠤᠶᠠᠬᠤ ᠵᠣᠭᠰᠣᠬᠤ ᠭᠠᠵᠠᠷ ᠲᠠᠢ᠂ ᠮᠣᠷᠢ ᠲᠤᠰ ᠪᠦᠷᠢ ᠶ᠋ᠢᠨ ᠲᠤᠰᠢᠶᠠ ᠲᠤᠰᠬᠠᠢ ᠬᠤᠢ ᠳ᠋ᠤ᠌ ᠬᠣᠣᠷᠲᠤ ᠤᠲᠤᠭᠠᠨ ᠤ᠋᠂ ᠮᠣᠷᠢᠨ ᠤ᠋ ᠪᠠᠭ ᠵᠡᠬᠡᠵᠦ ᠡᠯᠭᠦᠭᠰᠡᠨ ᠪᠠᠢᠳᠠᠭ ᠢ᠋ ᠦᠵᠡᠭᠡᠳ ᠡᠪᠦᠭᠡᠨ ᠮᠠᠯᠴᠢᠨ᠂ ᠬᠠᠮᠲᠤ ᠶᠠᠪᠤᠭᠰᠠᠨ ᠥᠨᠥᠬᠢ ᠬᠤᠷᠠᠩᠳᠠ ᠳ᠋ᠤ᠌᠂
— ᠡᠳᠦᠭᠡ ᠡᠨᠡ ᠰᠤᠮᠤᠨ ᠴᠡᠷᠢᠭ ᠦ᠋ᠨ ᠵᠥᠴᠢᠶᠡ ᠬᠦᠷᠲᠡᠯᠡ᠂ ᠨᠠᠮᠠ ᠶ᠋ᠢ ᠬᠤᠵᠢᠷᠪᠤᠯᠤᠩ ᠳ᠋ᠤ᠌ ᠴᠡᠷᠢᠭ ᠲᠦ᠍ ᠪᠠᠢᠬᠤ ᠦᠶᠡ ᠶ᠋ᠢᠨ ᠴᠡᠷᠢᠭ ᠦ᠋ᠨ ᠬᠤᠸᠠᠷᠠᠨ ᠠ᠋ᠴᠠ ᠢᠯᠡᠭᠦᠦ ᠲᠣᠬᠢᠲᠠᠢ ᠳᠤᠯᠠᠭᠠᠨ ᠠᠵᠢ ᠭᠡᠵᠦ ᠪᠠᠬᠠᠷᠬᠠᠨ ᠬᠡᠯᠡᠵᠡᠢ᠃
ᠲᠡᠨᠳᠡ ᠡᠴᠡ ᠰᠦᠬᠡᠪᠠᠭᠠᠲᠤᠷ ᠤ᠋ᠨ ᠲᠠᠰᠤᠯᠭᠠᠨ ᠳ᠋ᠤ᠌ ᠣᠷᠣᠬᠤ ᠳ᠋ᠤᠨᠢ( ᠳ᠋ᠤ᠌ ᠨᠢ)᠂ ᠰᠤᠮᠤᠨ ᠴᠡᠷᠢᠭ ᠦ᠋ᠨ ᠤᠯᠤᠰ ᠲᠥᠷᠥ ᠶ᠋ᠢᠨ ᠤᠳᠤᠷᠢᠳᠤᠭᠴᠢ᠂ ᠲᠡᠷᠡ ᠲᠠᠰᠤᠯᠭᠠᠨ ᠳ᠋ᠤ᠌ ᠴᠤᠭᠯᠠᠭᠰᠠᠨ ᠴᠡᠷᠢᠭ ᠲᠡᠭᠡᠨ( ᠲᠤ ᠪᠡᠨ)《ᠨᠣᠮᠣᠬᠠᠨ》 ᠭᠡᠵᠦ ᠺᠣᠮᠠᠨᠲᠠᠯᠠᠭᠠᠳ᠂ ᠬᠤᠷᠠᠩᠳᠠ ᠳ᠋ᠤ᠌ ᠵᠣᠬᠢᠬᠤ ᠷᠠᠫᠣᠷᠲ ᠢ᠋ᠶ᠋ᠠᠨ ᠥᠭᠴᠡᠢ᠃
ᠬᠤᠷᠠᠩᠳᠠ᠂ ᠲᠡᠷᠡ ᠰᠦᠬᠡᠪᠠᠭᠠᠲᠤᠷ ᠤ᠋ᠨ ᠲᠠᠰᠤᠯᠭᠠᠨ ᠳ᠋ᠤ᠌ ᠴᠤᠭᠯᠠᠭᠰᠠᠨ ᠴᠡᠷᠢᠭ ᠲᠦ᠍ ᠤᠴᠢᠷ ᠢ᠋ ᠲᠠᠢᠯᠪᠤᠷᠢᠯᠠᠵᠤ ᠬᠡᠯᠡᠬᠦ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ)᠂ ᠤᠯᠤᠰ ᠤ᠋ᠨ ᠰᠠᠢᠨ ᠮᠠᠯᠴᠢᠨ ᠤ᠋ ᠠᠩᠬᠠᠳᠤᠭᠠᠷ ᠵᠥᠪᠯᠡᠯᠭᠡᠨ ᠳ᠋ᠦ᠍ ᠰᠠᠭᠤᠯᠴᠠᠵᠤ ᠪᠠᠢᠭᠠ ᠪᠥᠭᠡᠳ ᠤᠷᠢᠳᠤ ᠠᠦ᠋ᠲ᠋ᠣᠨᠣᠮᠢᠲ ᠤ᠋ᠨ ᠦᠶᠡ ᠳ᠋ᠦ᠍ ᠴᠡᠷᠢᠭ ᠲᠦ᠍ ᠶᠠᠪᠤᠵᠤ ᠪᠠᠢᠭᠰᠠᠨ ᠨᠥᠬᠥᠷ ᠰᠢᠷᠴᠢᠨ ᠦ᠌ ᠪᠡᠶᠡ᠂ ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯᠲᠤ ᠴᠡᠷᠢᠭ ᠦ᠋ᠨ ᠪᠠᠢᠳᠠᠯ ᠲᠠᠢ ᠲᠠᠨᠢᠯᠴᠠᠬᠤ ᠪᠠᠷ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠤᠴᠢᠷ ᠢ᠋ ᠲᠣᠪᠴᠢᠬᠠᠨ ᠢ᠋ᠶ᠋ᠠᠷ ᠲᠠᠢᠯᠪᠤᠷᠢᠯᠠᠵᠤ ᠬᠡᠯᠡᠭᠡᠳ᠂
— ᠨᠥᠬᠥᠷ ᠴᠡᠷᠢᠭ ᠦ᠋ᠳ᠂ ᠲᠠᠨ ᠤ᠋ ᠠᠩᠭᠢ ᠳ᠋ᠤ᠌ ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠰᠠᠢᠨ ᠮᠠᠯᠴᠢᠨ᠂ ᠬᠦᠨᠳᠦᠲᠦ ᠵᠣᠴᠢᠨ ᠤ᠋ ᠪᠡᠶᠡ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠳ᠋ᠦ᠍ ᠠᠯᠠᠭᠠ ᠲᠡᠰᠢᠵᠦ ᠪᠦᠭᠦᠳᠡᠭᠡᠷ ᠪᠠᠶᠠᠷ ᠬᠦᠷᠭᠡᠶᠡ ᠭᠡᠵᠦ ᠬᠡᠯᠡᠭᠡᠳ ᠬᠤᠷᠠᠩᠳᠠ ᠶ᠋ᠢᠨ ᠲᠡᠷᠡ ᠰᠠᠨᠠᠯ ᠶᠣᠰᠣᠭᠠᠷ ᠣᠯᠠᠨ ᠴᠡᠷᠢᠭ ᠶᠡᠬᠡᠯᠡ(ᠶᠡᠬᠡ ᠯᠡ) ᠬᠥᠭᠵᠢᠯᠲᠡᠢ ᠪᠡᠷ ᠠᠯᠠᠭᠠ ᠲᠠᠰᠢᠵᠠᠭᠠᠵᠤ ᠶᠣᠰᠣᠯᠠᠵᠠᠢ᠃ ᠲᠡᠭᠡᠭᠡᠳ᠂ ᠠᠯᠠᠭᠠ ᠲᠠᠰᠢᠬᠤ ᠴᠢᠮᠡᠭᠡ ᠪᠠᠬᠠᠨ ᠨᠠᠮ ᠪᠣᠯᠣᠮᠠᠭᠴᠠ ᠬᠤᠷᠠᠩᠳᠠ᠂ ᠵᠣᠴᠢᠨ ᠤ᠋ ᠵᠦᠭ ᠬᠠᠨᠳᠤᠵᠤ ᠥᠭᠦᠯᠡᠷᠦᠨ᠂
— ᠮᠠᠨ ᠤ᠋ ᠴᠡᠷᠢᠭ ᠦ᠋ᠨ ᠰᠤᠮᠤᠨ ᠲᠤᠰ ᠪᠦᠷᠢ ᠳ᠋ᠦ᠍ ᠤᠯᠤᠰ ᠲᠥᠷᠥ᠂ ᠭᠡᠭᠡᠷᠡᠯ ᠦ᠋ᠨ ᠠᠵᠢᠯ ᠶᠠᠪᠤᠭᠤᠯᠬᠤ ᠵᠣᠷᠢᠯᠭᠠ ᠪᠠᠷ ᠲᠤᠰᠬᠠᠢ ᠪᠡᠯᠡᠳᠦᠭᠰᠡᠨ ᠲᠠᠰᠤᠯᠭᠠ ᠪᠠᠢᠳᠠᠭ᠃ ᠲᠡᠭᠦᠨ ᠢ᠋ ᠮᠣᠩᠭᠣᠯ ᠤ᠋ᠨ ᠠᠷᠠᠳ ᠣᠯᠠᠨ ᠤ᠋ ᠤᠳᠤᠷᠢᠳᠤᠭᠴᠢ᠂ ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠬᠤᠪᠢᠰᠬᠠᠯᠲᠤ ᠨᠠᠮ ᠢ᠋ ᠵᠣᠬᠢᠶᠠᠨ ᠪᠠᠢᠭᠤᠯᠤᠭᠴᠢ ᠰᠦᠬᠡᠪᠠᠭᠠᠲᠤᠷ ᠤ᠋ᠨ ᠨᠡᠷᠡ ᠪᠡᠷ ᠰᠦᠬᠡᠪᠠᠭᠠᠲᠤᠷ ᠤ᠋ᠨ ᠲᠠᠰᠤᠯᠭᠠ ᠭᠡᠳᠡᠭ ᠶᠦᠮ᠃ ᠰᠤᠮᠤᠨ ᠤ᠋ ᠤᠯᠤᠰ ᠲᠥᠷᠥ ᠶ᠋ᠢᠨ ᠤᠳᠤᠷᠢᠳᠤᠭᠴᠢ ᠨᠢ ᠰᠦᠬᠡᠪᠠᠭᠠᠲᠤᠷ ᠤ᠋ᠨ ᠲᠠᠰᠤᠯᠭᠠ ᠶ᠋ᠢ ᠡᠮᠬᠢ ᠲᠡᠢ ᠵᠢᠷᠤᠮ ᠲᠠᠢ ᠪᠠᠢᠯᠭᠠᠬᠤ ᠲᠠᠯᠠ ᠶ᠋ᠢᠨ ᠠᠵᠢᠯ ᠢ᠋ ᠬᠠᠷᠢᠭᠤᠴᠠᠨ ᠡᠷᠬᠢᠯᠡᠳᠡᠭ ᠶᠦᠮ ᠠ᠋᠃
ᠤᠯᠤᠰ ᠲᠥᠷᠥ ᠶ᠋ᠢᠨ ᠤᠳᠤᠷᠢᠳᠤᠭᠴᠢ ᠡᠨᠡ ᠨᠥᠬᠥᠷ ᠢ᠋ ᠦᠵᠡᠬᠦ ᠳ᠋ᠦ᠍᠂ ᠡᠷᠬᠢᠮ ᠵᠣᠴᠢᠨ ᠲᠠᠨ ᠳ᠋ᠤ᠌ ᠢᠯᠡᠳᠬᠡᠯ ᠦ᠋ᠨ ᠶᠡᠨᠳᠡᠷ ᠰᠢᠷᠡᠭᠡ ᠬᠡᠳᠦᠢᠨ ᠪᠠᠵᠠᠭᠠᠵᠤ ᠪᠡᠯᠡᠳᠦᠭᠡᠳ ᠪᠠᠢᠭᠠ ᠶᠤᠮ ᠰᠢᠭ᠋ ᠪᠠᠢᠨᠠ᠃ ᠡᠭᠦᠨ ᠳ᠋ᠦ᠍ ᠲᠠ᠂ ᠨᠠᠮᠠ ᠶ᠋ᠢ ᠪᠣᠳᠣᠬᠤ ᠳ᠋ᠤ᠌᠂ ᠴᠡᠷᠢᠭ ᠦ᠋ᠨ ᠨᠥᠬᠥᠳ ᠦ᠋ᠨ ᠡᠮᠦᠨᠡ ᠬᠡᠳᠦᠨ ᠦᠭᠡ ᠡᠨᠡ ᠢᠯᠡᠳᠬᠡᠯ ᠦ᠋ᠨ ᠶᠡᠨᠳᠡᠷ ᠰᠢᠷᠡᠭᠡᠨ ᠳᠡᠭᠡᠷᠡ ᠡᠴᠡ ᠬᠡᠯᠡᠵᠦ᠂ ᠡᠵᠡᠷᠬᠡᠭ ᠦ᠋ᠨ ᠦᠶᠡ ᠳ᠋ᠦ᠍ ᠴᠡᠷᠢᠭ ᠦ᠋ᠨ ᠪᠠᠢᠳᠠᠯ ᠶᠠᠮᠠᠷ ᠰᠢᠦ ᠪᠠᠢᠭᠰᠠᠨ ᠢ᠋ ᠬᠡᠯᠡᠵᠦ ᠥᠭᠪᠡᠯ᠂ ᠶᠡᠬᠡᠯᠡ(ᠶᠡᠬᠡ ᠯᠡ)ᠰᠣᠨᠢᠨ ᠰᠠᠢᠬᠠᠨ ᠪᠣᠯᠬᠤ ᠶᠤᠮᠰᠠᠨ᠃ ᠡᠷᠬᠢᠮ ᠵᠣᠴᠢᠨ ᠢ᠋ ᠭᠤᠶᠤᠶᠠ᠃ ᠮᠠᠨ ᠤ᠋ ᠴᠡᠷᠢᠭ ᠦ᠋ᠨ ᠨᠥᠬᠥᠳ ᠲᠦ᠍ ᠶᠠᠷᠢᠶᠠ ᠬᠢᠵᠦ ᠥᠭᠭᠦᠨᠡ ᠤᠤ? ᠭᠡᠬᠦ ᠳ᠋ᠦ᠍ᠨᠢ( ᠳ᠋ᠦ᠍ ᠨᠢ)᠂ ᠣᠯᠠᠨ ᠴᠡᠷᠢᠭ ᠨᠢᠵᠢᠭᠢᠨᠡᠲᠡᠯᠡ ᠠᠯᠠᠭᠠ ᠲᠠᠰᠢᠵᠠᠭᠠᠨ᠂ ᠰᠢᠷᠴᠢᠨ ᠢᠯᠡᠳᠬᠡᠯ ᠦ᠋ᠨ ᠶᠡᠨᠳᠡᠷ ᠳᠡᠭᠡᠷᠡ ᠭᠠᠷᠴᠤ᠂ ᠪᠡᠶᠡ ᠳ᠋ᠦ᠍ᠨᠢ( ᠳ᠋ᠦ᠍ ᠨᠢ) ᠵᠣᠬᠢᠭᠰᠠᠨ ᠰᠢᠪ ᠰᠢᠨᠡᠬᠡᠨ ᠱᠠᠪᠬᠢᠭᠰᠠᠨ ᠠᠶᠠᠲᠠᠢᠬᠠᠨ ᠬᠤᠪᠴᠠᠰᠤ ᠲᠠᠢ ᠰᠡᠷᠭᠦᠯᠡᠩ ᠴᠣᠪᠣᠭᠣ ᠴᠢᠷᠠᠢ ᠲᠠᠢ ᠵᠠᠯᠠᠭᠤ ᠴᠡᠷᠢᠭ ᠦ᠋ᠳ ᠦ᠋ᠨ ᠶᠡᠬᠡᠯᠡ(ᠶᠡᠬᠡ ᠯᠡ)ᠠᠩᠬᠠᠷᠤᠨ ᠬᠢᠴᠢᠶᠡᠩᠭᠦᠢᠯᠡᠵᠦ ᠰᠠᠭᠤᠭᠠ ᠪᠠᠢᠳᠠᠯ ᠢ᠋ ᠡᠷᠭᠢᠴᠡᠭᠦᠯᠦᠨ ᠬᠠᠷᠠᠭᠠᠳ ᠨᠠᠮ ᠳᠠᠭᠤ ᠪᠠᠷ ᠥᠭᠦᠯᠡᠷᠦᠨ᠂
— ᠥᠨᠥᠳᠥᠷ ᠪᠢ ᠴᠡᠷᠢᠭ ᠦ᠋ᠨ ᠪᠠᠭᠠᠴᠤᠳ ᠲᠠ ᠨᠠᠷ ᠤ᠋ᠨ ᠰᠠᠢᠨ ᠰᠠᠢᠬᠠᠨ ᠰᠠᠭᠤᠵᠤ ᠪᠠᠢᠭᠠ ᠶ᠋ᠢ ᠲᠠᠨᠢ ᠪᠠᠬᠠᠳᠤᠨ ᠦᠵᠡᠭᠡᠳ᠂ ᠲᠠ ᠨᠠᠷ ᠢ᠋ ᠶᠠᠮᠠᠷ ᠰᠠᠢᠬᠠᠨ ᠪᠠᠢᠳᠠᠯ ᠲᠠᠢ ᠶᠤᠮ ᠪᠣᠢ? ᠮᠠᠨ ᠤ᠋ ᠠᠷᠠᠳ ᠤ᠋ᠨ ᠭᠡᠭᠡᠨ ᠵᠠᠰᠠᠭ᠂ ᠴᠡᠷᠢᠭ ᠲᠠ ᠨᠠᠷ ᠤ᠋ᠨ ᠲᠥᠯᠥᠭᠡ ᠦᠷᠡ ᠬᠡᠦᠬᠡᠳ ᠢ᠋ᠶ᠋ᠡᠨ ᠠᠩᠬᠠᠷᠤᠭᠴᠢ ᠡᠬᠡ ᠠᠳᠠᠯᠢ᠂ ᠬᠠᠯᠠᠭᠤᠨ ᠰᠠᠨᠠᠭᠠ ᠲᠠᠯᠪᠢᠵᠤ ᠪᠠᠢᠳᠠᠭ ᠨᠢ ᠶᠠᠭᠤᠲᠠᠢ ᠰᠠᠢᠬᠠᠨ ᠶᠤᠮ ᠪᠣᠢ? ᠭᠡᠵᠦ ᠰᠡᠳᠬᠢᠯ ᠳᠦᠭᠦᠷᠡᠩ ᠪᠠᠶᠠᠷᠯᠠᠯᠠ᠃ ᠴᠡᠷᠢᠭ ᠦ᠋ᠨ ᠠᠵᠤ ᠪᠠᠢᠳᠠᠯ ᠡᠢᠮᠦ ᠰᠠᠢᠬᠠᠨ ᠪᠣᠯᠬᠤ ᠶᠤᠮ ᠭᠡᠵᠦ ᠪᠢ ᠤᠷᠢᠳ ᠶᠡᠷᠦ ᠵᠡᠭᠦᠳᠦᠨ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ) ᠴᠦ᠍ ᠵᠡᠭᠦᠳᠦᠯᠡᠭᠰᠡᠨ ᠦᠭᠡᠢ ᠪᠢᠯᠡ᠃ ᠤᠷᠢᠳ᠂ ᠡᠵᠡᠷᠬᠡᠭ ᠦ᠋ᠨ ᠦᠶᠡ ᠳ᠋ᠦ᠍ ᠪᠢᠳᠡᠨ ᠦ᠌ ᠴᠡᠷᠢᠭ ᠠᠷᠠᠳ᠂ ᠡᠬᠡ ᠣᠷᠣᠨ ᠤ᠋ ᠪᠠᠨ ᠲᠥᠯᠥᠭᠡ ᠭᠡᠵᠦ ᠳᠠᠢᠰᠤᠨ ᠲᠠᠢ ᠬᠠᠯᠠᠭᠤᠨ ᠠᠮᠢ᠂ ᠪᠦᠯᠢᠶᠡᠨ ᠴᠢᠰᠤ ᠪᠠᠨ ᠬᠠᠢᠷᠠᠯᠠᠯ ᠦᠭᠡᠢ ᠳᠠᠢᠳᠤᠵᠤ ᠪᠠᠢᠭᠰᠠᠨ ᠲᠡᠷᠡ ᠡᠬᠡ ᠣᠷᠣᠨ ᠮᠠᠨᠢ᠂ ᠴᠡᠷᠢᠭ ᠪᠢᠳᠡᠨ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ) ᠨᠦᠨᠵᠢᠭ ᠦᠭᠡᠢ ᠬᠠᠲᠠᠭᠤ ᠰᠡᠳᠬᠢᠯᠲᠦ ᠬᠣᠢᠲᠤ ᠡᠬᠡ ᠶ᠋ᠢᠨ ᠴᠢᠷᠠᠢ ᠴᠢᠷᠠᠢᠯᠠᠵᠤ᠂ ᠡᠵᠡᠷᠬᠡᠭ ᠦ᠋ᠨ ᠲᠡᠷᠡ ᠦᠶᠡ ᠳ᠋ᠦ᠍ ᠬᠠᠷᠠᠴᠤ ᠠᠷᠠᠳ ᠪᠢᠳᠡᠨ ᠳ᠋ᠦ᠍ ᠬᠦᠢᠲᠡᠨ ᠡᠯᠢᠭᠡ ᠲᠡᠢ᠂ ᠨᠣᠶᠠᠳ ᠤ᠋ᠨ ᠡᠬᠡ ᠣᠷᠣᠨ ᠪᠠᠢᠭᠰᠠᠨ ᠪᠠᠢᠵᠠᠢ᠃ ᠪᠢᠳᠡᠨ ᠦ᠌ ᠴᠡᠷᠢᠭ ᠦ᠋ᠳ ᠬᠤᠵᠢᠷᠪᠤᠯᠤᠩ ᠳ᠋ᠤ᠌ ᠮᠠᠨᠵᠤ ᠶ᠋ᠢᠨ ᠳᠠᠷᠤᠩᠭᠤᠢ ᠴᠡᠷᠢᠭ ᠦ᠋ᠨ ᠳᠤᠲᠠᠭᠤ ᠪᠠᠷᠢᠭᠰᠠᠨ ᠰᠢᠪᠡᠷ ᠬᠤᠸᠠᠷᠠᠨ ᠳ᠋ᠤ᠌ ᠰᠠᠭᠤᠵᠤ ᠪᠠᠢᠭᠰᠠᠨ ᠪᠠᠢᠯᠠ᠃ ᠲᠡᠷᠡ ᠬᠤᠸᠠᠷᠠᠨ ᠳ᠋ᠤ᠌ ᠴᠣᠩᠬᠣ ᠬᠠᠭᠠᠯᠭᠠ ᠦᠭᠡᠢ᠂ ᠣᠩᠭᠣᠷᠬᠠᠢ ᠵᠠᠳᠠᠭᠠᠢ᠂ ᠱᠠᠯᠠ ᠠᠲᠠᠷ ᠭᠡᠵᠦ ᠪᠠᠢᠳᠠᠭ ᠦᠭᠡᠢ᠃ ᠠᠲᠠᠷ ᠲᠠᠭᠠᠵᠠ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠳᠡᠭᠡᠷᠡ ᠡᠴᠡ ᠪᠡᠨ ᠤᠷᠠᠩᠬᠠᠢ ᠨᠠᠪᠲᠠᠰᠤ ᠴᠠᠭᠠᠰᠤ ᠤᠨᠵᠢᠢᠵᠤ ᠪᠠᠢᠳᠠᠭ ᠰᠠᠨ᠃
ᠡᠪᠦᠯ ᠦ᠋ᠨ ᠰᠢᠭᠤᠷᠭᠠᠨ ᠢ᠋ᠶ᠋ᠠᠷ ᠪᠢᠳᠡᠨ ᠦ᠌ ᠲᠡᠷᠡ ᠬᠤᠸᠠᠷᠠᠨ ᠳ᠋ᠤ᠌ ᠡᠭᠦᠳᠡ ᠬᠠᠭᠠᠯᠭᠠᠨ ᠤ᠋ ᠣᠩᠭᠣᠷᠬᠠᠢ ᠪᠠᠷ ᠴᠠᠰᠤᠨ ᠬᠤᠩᠭᠠᠷ ᠲᠣᠭᠲᠠᠵᠤ᠂ ᠡᠪᠦᠯ᠂ ᠪᠢᠳᠡᠨ ᠦ᠌ ᠬᠤᠪᠴᠠᠰᠤ ᠬᠤᠨᠠᠷ ᠲᠤ᠌ ᠪᠠᠢᠳᠠᠭ ᠪᠥᠭᠡᠰᠦ ᠬᠢᠭᠤᠷᠰᠤ ᠬᠦᠷᠲᠡᠯᠡ ᠲᠠᠰᠤ ᠬᠥᠯᠳᠡᠵᠦ ᠠᠯᠠᠭᠠ ᠪᠣᠯᠳᠠᠭ ᠰᠠᠨ᠃ ᠴᠠᠯᠢᠩ ᠭᠡᠪᠡᠯ᠂ ᠪᠢᠳᠡ ᠰᠠᠷᠠ ᠶ᠋ᠢᠨ3 ᠤᠯᠠᠭᠠᠨ ᠮᠥᠩᠭᠥ ᠶ᠋ᠢᠨ ᠴᠠᠯᠢᠩ ᠲᠠᠢ᠃ ᠬᠣᠭᠣᠯᠠ ᠭᠡᠪᠡᠯ᠂ ᠬᠥᠭᠴᠦᠷᠡᠭᠰᠡᠨ ᠬᠤᠷᠤᠳ᠂ ᠰᠠᠢᠨ ᠠᠢᠯ ᠤ᠋ᠨ ᠨᠣᠬᠠᠢ ᠰᠢᠩᠰᠢᠮ ᠦᠭᠡᠢ ᠢᠮᠠᠭᠠᠨ ᠤ᠋ ᠵᠣᠪᠠᠯᠭᠠ᠂ ᠡᠯᠵᠢᠭᠡᠨ ᠦ᠌ ᠮᠢᠬᠠ᠂《ᠶᠠᠰᠤᠨ ᠰᠢᠳᠦ ᠤᠨᠠᠭᠠ ᠲᠠᠢ᠂ ᠢᠮᠠᠭᠠᠨ ᠤ᠋ ᠮᠢᠬᠠᠨ ᠢᠳᠡᠰᠢ ᠲᠡᠢ》 ᠭᠡᠵᠦ ᠨᠡᠷᠡᠲᠡᠢ ᠪᠠᠢᠯᠠ᠃ ᠬᠤᠢᠬᠠᠯᠠᠭᠰᠠᠨ ᠬᠣᠨᠢᠨ ᠤ᠋ ᠰᠢᠭᠢᠷᠡ᠂ ᠪᠢᠳᠡᠨ ᠳ᠋ᠦ᠍ ᠣᠯᠳᠠᠰᠢ ᠦᠭᠡᠢ ᠰᠠᠢᠬᠠᠨ ᠬᠣᠭᠣᠯᠠ ᠪᠠᠢᠳᠠᠭ ᠰᠠᠨ᠃ ᠲᠡᠷᠡ ᠮᠥᠷᠲᠡᠭᠡᠨ᠂ ᠡᠳᠦᠷ ᠪᠦᠷᠢ ᠬᠥᠮᠦᠨ ᠪᠦᠷᠢ ᠳ᠋ᠦ᠍ ᠣᠯᠳᠠᠳᠠᠭ ᠦᠭᠡᠢ ᠰᠢᠭᠢᠷᠡ ᠪᠠᠢᠯᠠ᠃ ᠴᠢᠯᠥᠭᠡᠨ ᠦ᠌ ᠬᠠᠭᠤᠳᠠᠰᠤ ᠪᠠᠷ ᠬᠦᠷᠢᠶᠡ ᠣᠷᠣᠵᠤ᠂ ᠪᠠᠶᠠᠨ ᠠᠢᠯ ᠤ᠋ᠨ ᠢᠳᠡᠰᠢᠨ ᠦ᠌ ᠮᠢᠬᠠ ᠵᠠᠬᠠ ᠠ᠋ᠴᠠ ᠡᠭᠦᠷᠴᠦ᠂ ᠬᠦᠷᠢᠶᠡᠨ ᠦ᠌ ᠠᠢᠯ ᠤ᠋ᠨ ᠲᠦᠯᠡᠭᠡ ᠬᠠᠭᠠᠯᠵᠤ᠂ ᠬᠠᠰᠢᠶᠠ ᠴᠡᠪᠡᠷᠯᠡᠵᠦ᠂ ᠬᠣᠨᠢᠨ ᠤ᠋ ᠰᠢᠭᠢᠷᠡ ᠲᠣᠯᠣᠭᠠᠢ ᠣᠯᠵᠤ ᠢᠳᠡᠳᠡᠭ ᠪᠠᠢᠯᠠ᠃
ᠮᠠᠨ ᠤ᠋ ᠳᠠᠷᠤᠭᠠ ᠨᠠᠷ ᠤ᠋ᠨ ᠳᠣᠲᠣᠷᠠ ᠠ᠋ᠴᠠ ᠮᠣᠣᠷᠠᠩᠭᠡ ᠭᠡᠳᠡᠭ ᠨᠢᠭᠡ ᠵᠠᠩᠵᠤᠨ᠂ ᠪᠢ ᠲᠡᠭᠦᠨ ᠢ᠋ ᠰᠡᠭᠦᠯ ᠳ᠋ᠦ᠍ ᠪᠠᠰᠠ ᠶᠠᠷᠢᠵᠤ ᠥᠭᠭᠦᠨᠡ᠃ ᠲᠡᠷᠡ ᠬᠥᠮᠦᠨ ᠪᠢᠳᠡᠨ ᠦ᠌ ᠴᠡᠷᠢᠭ ᠦ᠋ᠨ ᠬᠣᠭᠣᠯᠠ ᠰᠠᠢᠵᠢᠷᠠᠭᠤᠯᠵᠤ ᠥᠭᠭᠦᠨᠡ ᠤᠤ? ᠭᠡᠵᠦ ᠭᠤᠶᠤᠬᠤ ᠳ᠋ᠤ᠌᠂ ᠮᠠᠭᠤ ᠨᠣᠬᠠᠢ ᠲᠠ ᠨᠠᠷ ᠢ᠋ ᠮᠢᠩᠭᠠᠨ ᠡᠳᠦᠷ ᠲᠡᠵᠢᠭᠡᠵᠦ᠂ ᠭᠠᠭᠴᠠ ᠡᠳᠦᠷ ᠦ᠋ᠨ ᠲᠡᠢᠨ ᠳ᠋ᠦ᠍ ᠬᠡᠷᠡᠭᠯᠡᠳᠡᠭ ᠶᠦᠮ ᠰᠢᠦ᠃ ᠲᠠ ᠨᠠᠷ ᠲᠤ᠌ ᠳᠤᠷᠠ ᠪᠠᠷ ᠴᠢᠨᠢ ᠢᠳᠡᠭᠦᠯᠬᠦ ᠬᠣᠭᠣᠯᠠ ᠠᠯᠠᠭᠠ ᠭᠡᠵᠦ ᠪᠠᠢᠳᠠᠭ ᠰᠠᠨ ᠪᠢᠯᠡ᠃
ᠪᠢᠳᠡ ᠴᠠᠭᠠᠨ ᠰᠠᠷᠠ ᠪᠠᠷ ᠴᠢᠯᠥᠭᠡᠨ ᠦ᠌ ᠪᠢᠴᠢᠭ ᠣᠯᠵᠤ ᠬᠦᠷᠢᠶᠡ ᠣᠷᠣᠭᠠᠳ᠂ ᠵᠢᠯ ᠦ᠋ᠨ ᠲᠤᠤᠱᠲᠠ ᠬᠠᠰᠢᠶᠠ ᠬᠣᠷᠢᠶᠠ ᠶ᠋ᠢ ᠨᠢ ᠴᠡᠪᠡᠷᠯᠡᠵᠦ᠂ ᠲᠦᠯᠡᠭᠡ ᠶ᠋ᠢ ᠨᠢ ᠬᠠᠭᠠᠯᠵᠤ ᠪᠠᠢᠭᠰᠠᠨ ᠠᠢᠯ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ) ᠣᠷᠣᠬᠤ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ)᠂ ᠵᠢᠯ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ)ᠨᠢᠭᠡ ᠤᠳᠠᠭᠠ ᠰᠢᠬᠢᠷ ᠪᠤᠷᠠᠮ ᠤ᠋ᠨ ᠠᠮᠲᠠ ᠠᠮᠰᠠᠵᠤ ᠦᠵᠡᠳᠡᠭ ᠪᠠᠢᠯᠠ᠃ ᠴᠠᠭᠠᠨ ᠲᠠᠯᠬᠠ ᠭᠡᠭᠴᠢ ᠶ᠋ᠢᠨ ᠴᠣᠬᠣᠮ ᠬᠦ᠌ ᠠᠮᠲᠠ ᠶ᠋ᠢ ᠪᠢ ᠬᠤᠪᠢᠰᠬᠠᠯ ᠠ᠋ᠴᠠ ᠬᠣᠢᠰᠢ ᠰᠠᠶᠢ ᠯᠠ ᠣᠯᠵᠤ ᠮᠡᠳᠡᠭᠰᠡᠨ ᠪᠢᠯᠡ᠃ ᠲᠡᠭᠡᠬᠦ ᠳ᠋ᠦ᠍᠂ ᠲᠠ ᠨᠠᠷ ᠢ᠋ ᠦᠵᠡᠬᠦ ᠳ᠋ᠦ᠍ ᠴᠠᠭᠠᠨ ᠲᠠᠯᠬᠠ ᠡᠳᠦᠷ ᠳᠣᠳᠣᠮ ᠢᠳᠡᠳᠡᠭ ᠢ᠋ᠶ᠋ᠡᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠲᠣᠰᠣ ᠲᠠᠢ᠂ ᠰᠢᠬᠢᠷ ᠲᠡᠢ ᠢᠳᠡᠳᠡᠭ ᠶᠦᠮ ᠰᠢᠪ ᠳᠡ᠃ ᠮᠥᠨ ᠴᠦ᠍ ᠰᠠᠢᠬᠠᠨ ᠪᠠᠢᠳᠠᠭ ᠶᠤᠮ ᠪᠠᠢᠨᠠ ᠳᠠ᠂ ᠲᠠ ᠨᠠᠷ᠃ ᠲᠠ ᠨᠠᠷ ᠤ᠋ᠨ ᠡᠴᠢᠭᠡ ᠡᠪᠦᠭᠡ ᠶ᠋ᠢᠨ ᠲᠡᠮᠡᠴᠡᠨ ᠣᠯᠵᠤ ᠠᠪᠤᠭᠰᠠᠨ ᠡᠬᠡ ᠣᠷᠣᠨ ᠲᠠᠨᠢ ᠲᠠ ᠪᠦᠭᠦᠳᠡ ᠶ᠋ᠢ ᠶᠡᠬᠡᠯᠡ(ᠶᠡᠬᠡ ᠯᠡ) ᠡᠩᠬᠦᠷᠡᠢᠯᠡᠵᠦ᠂ ᠡᠷᠬᠡ ᠵᠢᠷᠭᠠᠯ ᠢ᠋ᠶ᠋ᠠᠷ ᠲᠠᠨᠢ ᠪᠠᠢᠯᠭᠠᠳᠠᠭ ᠰᠠᠢᠬᠠᠨ ᠶᠤᠮ ᠪᠠᠢᠨᠠ ᠳᠠ᠃ ᠤᠷᠢᠳᠤ ᠶ᠋ᠢᠨ ᠰᠡᠴᠡᠨ ᠦᠭᠡᠨ ᠳ᠋ᠦ᠍᠂ ᠦᠨᠡᠨ ᠦᠭᠡ ᠬᠡᠯᠡᠭᠰᠡᠨ ᠬᠥᠮᠦᠨ ᠳ᠋ᠦ᠍ ᠨᠣᠶᠠᠨ ᠳᠤᠷᠠ ᠦᠭᠡᠢ᠂ ᠦᠬᠡᠷ ᠤᠨᠤᠭᠰᠠᠨ ᠬᠥᠮᠦᠨ ᠳ᠋ᠦ᠍ ᠨᠣᠬᠠᠢ ᠳᠤᠷᠠ ᠦᠭᠡᠢ ᠭᠡᠳᠡᠭ ᠰᠠᠨ᠃ ᠲᠠ ᠨᠠᠷ ᠨᠣᠶᠠᠨ ᠪᠢᠰᠢ ᠪᠣᠯᠬᠣᠷ᠂ ᠦᠨᠡᠨ ᠦᠭᠡ ᠬᠡᠯᠡᠪᠡᠯ ᠡᠪᠦᠭᠡᠨ ᠪᠤᠭᠤᠷᠤᠯ ᠨᠠᠳᠠᠳᠤ(ᠨᠠᠳᠠ ᠳ᠋ᠤ᠌) ᠠᠭᠤᠷᠯᠠᠬᠤ ᠦᠭᠡᠢ ᠪᠠᠢᠯ ᠦᠭᠡᠢ ᠳᠡ ᠭᠡᠵᠦ ᠬᠡᠯᠡᠭᠡᠳ ᠲᠦᠷ ᠦᠭᠡ ᠶ᠋ᠢ ᠵᠠᠪᠰᠠᠷᠯᠠᠰᠬᠢᠨ᠂ ᠰᠢᠳᠤᠷᠭᠤ ᠰᠢᠯᠤᠭᠤᠨ ᠰᠡᠳᠬᠢᠯᠲᠦ ᠡᠨᠡ ᠮᠠᠯᠴᠢᠨ ᠡᠪᠦᠭᠡᠨ ᠪᠢᠳᠡᠨ ᠳ᠋ᠦ᠍ ᠶᠠᠮᠠᠷ ᠬᠠᠲᠠᠭᠤ ᠦᠨᠡᠨ ᠦᠭᠡ ᠬᠡᠯᠡᠬᠦ ᠶᠦᠮ ᠪᠣᠯ? ᠭᠡᠵᠦ ᠰᠢᠷᠲᠡᠯᠬᠢᠯᠡᠨ ᠬᠠᠷᠠᠵᠤ ᠪᠠᠢᠭᠠ ᠵᠠᠯᠠᠭᠤ ᠴᠡᠷᠢᠭ ᠦ᠋ᠳ ᠢ᠋ ᠬᠠᠷᠠᠭᠠᠳ ᠥᠭᠦᠯᠡᠷᠦᠨ᠂
— ᠮᠠᠨ ᠤ᠋ ᠠᠷᠠᠳ ᠤ᠋ᠨ ᠰᠡᠴᠡᠨ ᠦᠭᠡᠨ ᠳ᠋ᠦ᠍ ᠲᠤᠩ ᠣᠨᠣᠪᠴᠢᠲᠠᠢ ᠮᠡᠷᠭᠡᠨ ᠦᠭᠡ ᠣᠯᠠᠨ ᠪᠣᠢ᠂ ᠲᠡᠭᠦᠨ ᠦ᠌ ᠨᠢᠭᠡ ᠶ᠋ᠢ ᠪᠢ ᠲᠠ ᠨᠠᠷ ᠲᠤ᠌ ᠰᠠᠨᠠᠭᠤᠯᠤᠨ ᠬᠡᠯᠡᠬᠦ ᠰᠠᠨᠠᠭᠠ ᠲᠠᠢ᠃ ᠲᠠ ᠨᠠᠷ ᠤᠷᠢᠳ ᠡᠮᠦᠨᠡ ᠭᠡᠷ ᠲᠡᠭᠡᠨ ᠪᠠᠢᠬᠤ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ) ᠰᠣᠨᠣᠰᠤᠭᠰᠠᠨ ᠴᠤ᠌ ᠪᠠᠢᠵᠤ ᠶᠠᠭᠤᠨ ᠮᠠᠭᠠᠳ᠃ ᠥᠯᠥᠰᠬᠦ ᠳ᠋ᠦ᠍ ᠥᠯ ᠪᠤᠭᠤ ᠶ᠋ᠢᠨ ᠡᠪᠡᠷ ᠠᠮᠲᠠᠲᠠᠢ᠂ ᠴᠠᠳᠬᠤ ᠳ᠋ᠤ᠌ ᠴᠠᠭᠠᠨ ᠬᠤᠷᠠᠭᠠ ᠶ᠋ᠢᠨ ᠰᠡᠭᠦᠯ ᠭᠠᠰᠢᠭᠤᠨ ᠭᠡᠳᠡᠭ ᠨᠢᠭᠡ ᠦᠭᠡ ᠪᠣᠢ᠃ ᠪᠢ ᠰᠠᠢ᠍ᠢ ᠲᠠ ᠨᠠᠷ ᠤ᠋ᠨ ᠬᠣᠭᠣᠯᠠ ᠬᠢᠳᠡᠭ᠂ ᠢᠳᠡᠳᠡᠭ ᠭᠠᠵᠠᠷ ᠢ᠋ᠶ᠋ᠠᠷ ᠣᠷᠣᠵᠤ ᠦᠵᠡᠯᠡ᠃ ᠴᠠᠭᠠᠨ ᠲᠠᠯᠬᠠ ᠶᠣᠣᠲᠠᠩ ᠢ᠋ᠶ᠋ᠠᠨ ᠪᠠᠷᠠᠵᠤ ᠶᠠᠳᠠᠭᠠᠳ᠂ ᠬᠠᠮᠢᠶᠠ ᠦᠭᠡᠢ ᠶᠡᠬᠡᠯᠡ(ᠶᠡᠬᠡ ᠯᠡ) ᠬᠠᠶᠠᠳᠠᠭ ᠤᠯᠤᠰ ᠪᠠᠢᠨᠠ ᠰᠢᠦ᠂ ᠲᠠ ᠨᠠᠷ ᠮᠢᠨᠢ᠃ ᠵᠠᠷᠢᠮ ᠵᠦᠰᠦᠮ ᠲᠠᠯᠬᠠ ᠶ᠋ᠢ ᠦᠵᠡᠬᠦ ᠳ᠋ᠦ᠍᠂ ᠭᠣᠣᠯ ᠠ᠋ᠴᠠ ᠨᠢ ᠣᠭᠣᠲᠣᠨᠠ ᠢᠳᠡᠭᠰᠡᠨ ᠶᠦᠮ ᠰᠢᠭ ᠤᠬᠤᠵᠤ ᠣᠷᠬᠢᠭᠠᠳ᠂ ᠬᠣᠷᠣᠬᠠᠢ ᠬᠦᠷᠦᠮᠡ ᠠᠮᠲᠠ ᠲᠠᠢ ᠰᠠᠢᠬᠠᠨ ᠰᠢᠷᠠᠭᠳᠠᠭᠰᠠᠨ ᠬᠠᠯᠢᠰᠤ ᠶ᠋ᠢ ᠬᠠᠶᠠᠵᠤ ᠣᠷᠬᠢᠭᠰᠠᠨ ᠬᠥᠮᠦᠨ ᠣᠯᠠᠨ ᠪᠠᠢᠳᠠᠭ ᠶᠤᠮ ᠪᠠᠢᠨᠠ᠃
ᠠᠰᠠᠭᠤᠭᠠᠳ ᠦᠵᠡᠪᠡᠯ᠂ ᠭᠠᠭᠴᠠ ᠡᠨᠡ ᠤᠳᠠᠭᠠ ᠴᠤ᠌ ᠪᠢᠰᠢ᠂ ᠶᠡᠷᠦ ᠡᠳᠦᠷ ᠪᠦᠷᠢ ᠡᠢᠮᠦᠷᠬᠦ ᠪᠠᠢᠳᠠᠭ ᠶᠤᠮ ᠪᠠᠢᠨᠠ ᠭᠡᠵᠦ ᠡᠪᠦᠭᠡᠨ ᠦ᠌ ᠬᠡᠯᠡᠬᠦ ᠳ᠋ᠦ᠍ ᠨᠢᠭᠡ ᠴᠡᠷᠢᠭ᠂
— ᠲᠡᠷᠡ ᠪᠣᠯᠪᠠᠯ ᠮᠠᠨ ᠤ᠋ ᠨᠣᠷᠮᠠ ᠰᠢᠦ ᠳᠡ᠃ ᠢᠳᠡᠭᠰᠡᠨ ᠴᠦ᠍᠂ ᠪᠠᠢᠭᠰᠠᠨ ᠴᠤ᠌ ᠬᠠᠮᠢᠶᠠ ᠶᠠᠭᠤ? ᠭᠡᠬᠦ ᠳ᠋ᠦ᠍᠂ ᠡᠪᠦᠭᠡᠨ ᠮᠠᠯᠴᠢᠨ᠂ ᠪᠤᠭᠤᠷᠤᠯ ᠬᠥᠮᠥᠰᠬᠡ ᠪᠡᠨ ᠠᠲᠤᠷᠢᠭᠤᠯᠤᠨ᠂
— ᠲᠠᠯᠬᠠ ᠪᠠᠨ ᠤᠭᠠᠳᠠᠰᠤᠨ ᠳ᠋ᠤ᠌ ᠬᠠᠶᠠᠬᠤ ᠲᠡᠢᠮᠦ ᠨᠣᠷᠮᠠ ᠪᠠᠢᠵᠤ ᠪᠣᠯᠬᠤ ᠦᠭᠡᠢ᠃ ᠤᠯᠤᠰ ᠠ᠋ᠴᠠ ᠲᠠ ᠪᠦᠬᠦᠨ ᠳ᠋ᠦ᠍ ᠴᠠᠭᠠᠨ ᠲᠠᠯᠬᠠ ᠥᠭᠬᠦ ᠳ᠋ᠡᠭᠡᠨ( ᠳ᠋ᠦ᠍ ᠪᠡᠨ)᠂ ᠴᠠᠳᠲᠠᠯᠠ ᠪᠠᠨ ᠢᠳᠡᠭᠡᠷᠡᠢ ᠭᠡᠵᠦ ᠥᠭᠭᠦᠭᠰᠡᠨ ᠡᠴᠡ ᠪᠢᠰᠢ᠂ ᠬᠠᠶᠠᠵᠤ ᠲᠣᠭᠯᠠᠭᠠᠷᠠᠢ ᠭᠡᠵᠦ ᠲᠣᠭᠲᠠᠭᠠᠭᠰᠠᠨ ᠨᠣᠷᠮᠠ ᠪᠢᠰᠢ ᠪᠠᠢᠬᠤ᠃ ᠮᠢᠨᠦ ᠰᠣᠨᠣᠰᠬᠤ ᠳ᠋ᠤ᠌ ᠠᠮᠧᠷᠢᠺᠠ ᠳ᠋ᠤ᠌ ᠬᠠᠷᠭᠢᠰ ᠬᠥᠷᠥᠩᠭᠡᠲᠡᠨ ᠨᠦ᠍ᠭᠦᠳ ᠲᠠᠯᠬᠠ ᠲᠠᠷᠢᠶᠠ ᠪᠠᠨ ᠰᠢᠲᠠᠭᠠᠬᠤ ᠶ᠋ᠢ ᠨᠢ ᠰᠢᠲᠠᠭᠠᠵᠤ᠂ ᠬᠠᠶᠠᠬᠤ ᠶ᠋ᠢ ᠨᠢ ᠳᠠᠯᠠᠢ ᠤᠷᠤᠭᠤ ᠬᠠᠶᠠᠵᠤ ᠳᠠᠮᠰᠢᠭᠯᠠᠳᠠᠭ ᠶᠤᠮ ᠭᠡᠨᠡ ᠪᠢᠯᠡ᠃ ᠲᠠ ᠨᠠᠷ ᠴᠠᠳᠬᠤ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ)᠂ ᠳᠠᠯᠠᠢ ᠦᠭᠡᠢ ᠪᠣᠯᠬᠤ ᠪᠠᠷ ᠢ᠋ᠶ᠋ᠠᠨ ᠤᠭᠠᠳᠠᠰᠤ ᠤᠷᠤᠭᠤ ᠪᠠᠨ ᠬᠠᠶᠠᠳᠠᠭ ᠪᠣᠯᠵᠤ ᠪᠠᠢᠭᠠ ᠶᠤᠮ ᠪᠢᠵᠡ ᠳᠡ᠂ ᠲᠠ ᠮᠢᠨᠢ᠃ ᠮᠠᠨ ᠤ᠋ ᠤᠯᠤᠰ ᠭᠤᠯᠢᠷ ᠪᠤᠳᠠᠭᠠ ᠶ᠋ᠢ ᠬᠣᠯᠪᠣᠭᠠᠲᠤ ᠤᠯᠤᠰ ᠠ᠋ᠴᠠ ᠠᠪᠴᠢᠷᠠᠳᠠᠭ ᠢ᠋ ᠮᠡᠳᠡᠳᠡᠭ ᠤᠤ ᠦᠭᠡᠢ ᠤᠤ? ᠵᠥᠪᠯᠡᠯᠲᠦ ᠶ᠋ᠢᠨ ᠬᠠᠮᠲᠤᠷᠠᠯᠴᠢᠨ ᠠᠷᠠᠳ᠂ ᠲᠠ ᠨᠠᠷ ᠤ᠋ᠨ ᠲᠡᠷᠡ ᠬᠠᠶᠠᠵᠤ ᠪᠠᠢᠳᠠᠭ ᠲᠠᠯᠬᠠᠨ ᠳ᠋ᠤ᠌ ᠣᠷᠣᠬᠤ ᠲᠠᠷᠢᠶᠠ ᠪᠤᠳᠠᠭᠠ ᠶ᠋ᠢ ᠤᠷᠭᠤᠭᠤᠯᠬᠤ᠂ ᠭᠤᠯᠢᠷ ᠪᠣᠯᠭᠠᠬᠤ ᠭᠡᠵᠦ ᠬᠡᠴᠢᠨᠡᠨ ᠶᠡᠬᠡ ᠬᠦᠴᠦ ᠬᠥᠯᠥᠰᠥ ᠪᠡᠨ ᠭᠠᠷᠭᠠᠳᠠᠭ ᠢ᠋ ᠲᠠ ᠨᠠᠷ ᠪᠣᠳᠣᠳᠠᠭ ᠤᠤ? ᠲᠠ ᠪᠦᠬᠦᠨ ᠦ᠌ ᠡᠴᠢᠭᠡ ᠡᠬᠡ ᠴᠢᠨᠢ᠂ ᠲᠠ ᠨᠠᠷ ᠤ᠋ᠨ ᠲᠡᠭᠡᠵᠦ ᠬᠠᠶᠠᠳᠠᠭ ᠲᠣᠭᠯᠠᠳᠠᠭ ᠲᠠᠯᠬᠠ ᠪᠠᠷᠢᠬᠤ ᠭᠤᠯᠢᠷ ᠢ᠋ ᠭᠠᠳᠠᠭᠠᠳᠤ ᠠ᠋ᠴᠠ ᠠᠪᠴᠢᠷᠠᠭᠤᠯᠬᠤ ᠳ᠋ᠤ᠌ ᠥᠭᠬᠦ ᠮᠠᠯ ᠤ᠋ᠨ ᠢ᠋ᠶ᠋ᠠᠨ ᠲᠥᠯ ᠢ᠋ ᠪᠣᠢᠵᠢᠭᠤᠯᠵᠤ ᠠᠪᠬᠤ ᠭᠡᠵᠦ ᠰᠥᠨᠢ ᠨᠣᠢᠷ ᠦᠭᠡᠢ ᠨᠣᠴᠣᠯᠳᠤᠵᠤ᠂ ᠴᠠᠰᠤ ᠰᠢᠭᠤᠷᠭᠠᠨ ᠢ᠋ᠶ᠋ᠠᠷ ᠬᠡᠴᠢᠨᠡᠨ ᠵᠦᠳᠡᠷᠡᠳᠡᠭ ᠢ᠋ ᠪᠣᠳᠣᠳᠠᠭ ᠦᠭᠡᠢ ᠤᠤ? ᠡᠳᠦᠷ ᠳᠣᠳᠣᠮ ᠲᠠ ᠨᠠᠷ ᠤ᠋ᠨ ᠬᠠᠶᠠᠵᠤ ᠴᠢᠯᠠᠭᠤᠳᠠᠳᠠᠭ ᠲᠡᠷᠡ ᠲᠠᠯᠬᠠ ᠶ᠋ᠢ ᠲᠠ ᠨᠠᠷ ᠤ᠋ᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠯᠪᠢᠬᠤ ᠶ᠋ᠢᠨ ᠲᠥᠯᠥᠭᠡ᠂ ᠣᠷᠣᠰ ᠮᠣᠩᠭᠣᠯ ᠬᠡᠴᠢᠨᠡᠭᠡᠨ ᠣᠯᠠᠨ ᠰᠢᠳᠤᠷᠭᠤ ᠵᠢᠳᠬᠦᠯᠳᠦ ᠬᠥᠮᠦᠨ ᠦ᠌ ᠬᠦᠴᠦ ᠬᠥᠳᠡᠯᠮᠦᠷᠢ ᠣᠷᠣᠵᠤ ᠪᠠᠢᠭᠠ ᠶ᠋ᠢ ᠬᠣᠷᠣᠮᠬᠠᠨ ᠵᠠᠭᠤᠷᠠ ᠴᠤ᠌ ᠭᠡᠰᠡᠨ ᠪᠣᠳᠣᠵᠤ ᠦᠵᠡᠪᠡ ᠤᠤ?
ᠲᠠ ᠨᠥᠬᠥᠳ ᠮᠢᠨᠢ᠂ ᠡᠪᠦᠭᠡᠨ ᠨᠠᠳᠠ ᠪᠠᠷ ᠬᠡᠯᠡᠭᠦᠯᠬᠦ ᠦᠭᠡᠢ ᠮᠡᠳᠡᠳᠡᠭ ᠪᠠᠢᠯ ᠦᠭᠡᠢ ᠶᠠᠭᠠᠬᠢᠬᠤᠪ᠃ ᠣᠳᠣ ᠲᠡᠢᠨ ᠪᠣᠯᠵᠤ ᠪᠠᠢᠭᠠ᠃ ᠲᠡᠷᠡ ᠶᠡᠬᠡ ᠲᠡᠢᠨ ᠳ᠋ᠦ᠍ ᠵᠥᠪᠯᠡᠯᠲᠦ ᠶ᠋ᠢᠨ ᠬᠥᠮᠦᠨ ᠠᠷᠠᠳ᠂ ᠲᠠ ᠪᠢᠳᠡᠨ ᠢ᠋ ᠮᠥᠨ ᠬᠠᠮᠠᠭᠠᠯᠠᠨ ᠪᠠᠢᠯᠳᠤᠵᠤ ᠪᠠᠢᠭᠠ ᠶ᠋ᠢ ᠮᠡᠳᠡᠵᠦ ᠪᠠᠢᠭᠠ ᠪᠠᠢᠯ ᠦᠭᠡᠢ ᠳᠡ᠂ ᠲᠠ ᠮᠢᠨᠢ᠃
ᠡᠪᠦᠭᠡᠨ ᠮᠢᠨᠦ ᠮᠤᠩᠬᠠᠭᠯᠠᠪᠠᠯ᠂ ᠪᠢᠳᠡ ᠵᠥᠪᠯᠡᠯᠲᠦ ᠶ᠋ᠢᠨ ᠠᠷᠠᠳ ᠲᠦᠮᠡᠨ ᠪᠣᠯᠣᠳ ᠲᠡᠭᠦᠨ ᠦ᠌ ᠤᠯᠠᠭᠠᠨ ᠠᠷᠮᠢ ᠳ᠋ᠤ᠌ ᠲᠤᠰᠠᠯᠠᠬᠤ ᠳ᠋ᠠᠭᠠᠨ( ᠳ᠋ᠤ᠌ ᠪᠠᠨ)᠂ ᠪᠢᠳᠡᠨ ᠦ᠌ ᠠᠯᠢ ᠪᠠᠢᠳᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠤᠰᠠᠯᠠᠳᠠᠭ ᠲᠡᠳᠦᠢᠬᠡᠨ ᠢ᠋ᠶ᠋ᠡᠷ ᠵᠣᠭᠰᠣᠬᠤ ᠦᠭᠡᠢ᠂ ᠪᠠᠰᠠ ᠬᠣᠯᠪᠣᠭᠠᠲᠤ ᠤᠯᠤᠰ ᠠ᠋ᠴᠠ ᠠᠪᠴᠢᠷᠠᠳᠠᠭ ᠶᠠᠭᠤᠮᠠ ᠪᠠᠨ ᠬᠦᠷᠲᠡᠯᠡ ᠠᠷᠪᠢᠯᠠᠨ ᠬᠡᠮᠨᠡᠵᠦ᠂ ᠠᠯᠢ ᠪᠣᠯᠬᠤ ᠪᠠᠭᠠ ᠪᠠᠷ ᠠᠪᠴᠢᠷᠠᠬᠤ ᠪᠣᠯᠤᠨᠠ᠂ ᠲᠡᠷᠡ ᠪᠠᠰᠠ ᠯᠠ ᠹᠷᠣᠨᠲ ᠲᠤ᠌ ᠪᠢᠳᠡᠨ ᠦ᠌ ᠲᠤᠰᠠ ᠦᠵᠡᠭᠦᠯᠵᠦ ᠪᠠᠢᠭᠠ ᠨᠢᠭᠡ ᠵᠦᠢᠯ ᠪᠣᠯᠤᠨᠠ ᠭᠡᠵᠦ ᠪᠢ ᠪᠣᠳᠣᠳᠠᠭ ᠳᠠ᠃ ᠲᠡᠭᠡᠬᠦ ᠳ᠋ᠦ᠍᠂ ᠲᠠ ᠨᠠᠷ ᠡᠳᠦᠷ ᠪᠦᠬᠦᠢ ᠴᠠᠭᠠᠨ ᠲᠠᠯᠬᠠ ᠪᠠᠷ ᠲᠣᠭᠯᠠᠭᠠᠮ ᠬᠢᠵᠦ᠂ ᠤᠭᠠᠳᠠᠰᠤ ᠲᠠᠢ ᠬᠠᠶᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠵᠠᠷᠢᠮ ᠨᠢᠭᠡ ᠴᠢᠨᠢ ᠪᠠᠰᠠ ᠮᠢᠨᠦ ᠨᠣᠷᠮᠠ᠂ ᠢᠳᠡᠭᠰᠡᠨ ᠴᠦ᠍ ᠮᠢᠨᠦ ᠳᠤᠷᠠ᠂ ᠢᠳᠡᠭᠡ ᠦᠭᠡᠢ ᠴᠦ᠍ ᠮᠢᠨᠦ ᠳᠤᠷᠠ ᠭᠡᠳᠡᠭ ᠪᠠᠢᠨᠠ᠃
ᠲᠠ ᠨᠠᠷ ᠲᠤ᠌ ᠲᠡᠭᠡᠵᠦ ᠡᠴᠢᠭᠡ ᠡᠪᠦᠭᠡᠳ ᠠᠬᠠ ᠳᠡᠭᠦᠦ ᠨᠠᠷ ᠤ᠋ᠨ ᠬᠦᠴᠦ ᠬᠥᠳᠡᠯᠮᠦᠷᠢ ᠪᠡᠷ ᠲᠣᠭᠯᠠᠭᠠᠮ ᠬᠢᠵᠦ ᠬᠠᠶᠠᠬᠤ ᠡᠷᠬᠡ ᠪᠠᠢᠬᠤ ᠦᠭᠡᠢ ᠪᠠᠢᠬᠤ ᠭᠡᠵᠦ ᠡᠪᠦᠭᠡᠨ ᠦ᠌ ᠬᠡᠯᠡᠬᠦ ᠳ᠋ᠦ᠍᠂ ᠴᠡᠷᠢᠭ ᠪᠦᠭᠦᠳᠡ᠂
— ᠵᠦᠢᠲᠡᠢ᠂ ᠵᠦᠢᠲᠡᠢ᠂ ᠰᠢᠷᠴᠢᠨ ᠭᠤᠸᠠᠢ ᠶ᠋ᠢᠨ ᠦᠭᠡ ᠵᠥᠪ ᠭᠡᠵᠡᠭᠡᠯᠡ᠃
— ᠵᠠ᠂ ᠲᠡᠭᠡᠪᠡᠯ᠂ ᠮᠢᠨᠦ ᠰᠠᠨᠠᠭᠠ ᠣᠳᠣ ᠲᠠ ᠪᠦᠭᠦᠳᠡ ᠶ᠋ᠢᠨ ᠰᠠᠨᠠᠭᠠ ᠲᠠᠢ ᠨᠡᠢᠯᠡᠯᠡ ᠭᠡᠵᠦ ᠡᠪᠦᠭᠡᠨ ᠦ᠌ ᠢᠨᠢᠶᠡᠮᠰᠦᠭᠯᠡᠬᠦ ᠳ᠋ᠦ᠍᠂ ᠪᠤᠭᠤᠷᠤᠯ ᠬᠥᠮᠥᠰᠬᠡ ᠶ᠋ᠢᠨ ᠳᠣᠣᠷᠠᠬᠢ ᠨᠢᠳᠦᠨ ᠦ᠌ ᠬᠢᠨᠢ ᠬᠠᠷᠠᠴᠠ ᠳᠤᠯᠠᠭᠠᠨ ᠪᠣᠯᠤᠯᠠ᠃ ᠲᠡᠭᠡᠭᠡᠳ᠂ ᠡᠪᠦᠭᠡᠨ ᠥᠭᠦᠯᠡᠷᠦᠨ᠂ ᠴᠠᠭᠠᠰᠤ ᠨᠢᠮᠭᠡᠨ ᠪᠣᠯᠪᠠᠴᠤ ᠴᠢᠴᠢᠬᠦ ᠡᠴᠡ ᠨᠠᠭᠠᠰᠢ᠂ ᠬᠥᠮᠦᠨ ᠰᠡᠴᠡᠨ ᠪᠣᠯᠪᠠᠴᠤ ᠬᠡᠯᠡᠬᠦ ᠡᠴᠡ ᠨᠠᠭᠠᠰᠢ ᠭᠡᠵᠦ ᠬᠠᠭᠤᠴᠢᠨ ᠤ᠋ ᠦᠭᠡᠨ ᠳ᠋ᠦ᠍ ᠪᠠᠢᠳᠠᠭ ᠪᠢᠯᠡ᠃ ᠬᠡᠦᠬᠡᠳ ᠲᠠ ᠨᠠᠷ ᠬᠥᠮᠦᠨ ᠦ᠌ ᠬᠦᠴᠦ ᠬᠥᠳᠡᠯᠮᠦᠷᠢ ᠶ᠋ᠢ ᠬᠦᠨᠳᠦᠳᠬᠡᠨ ᠦᠵᠡᠬᠦ ᠶᠣᠰᠣᠲᠠᠢ ᠭᠡᠳᠡᠭ ᠢ᠋ ᠰᠠᠨᠠᠭᠤᠯᠤᠨ ᠬᠡᠯᠡᠶᠡ᠃ ᠠᠷᠠᠳ ᠤ᠋ᠨ ᠴᠡᠷᠢᠭ ᠦ᠋ᠨ ᠬᠥᠮᠦᠨ ᠭᠡᠵᠦ ᠪᠡᠶᠡ ᠪᠡᠨ ᠪᠣᠳᠣᠵᠤ ᠶᠠᠪᠤᠬᠤ ᠬᠡᠷᠡᠭᠲᠡᠢ ᠪᠢᠰᠢ ᠤᠤ᠃ ᠵᠥᠪᠯᠡᠯᠲᠦ ᠶ᠋ᠢᠨ ᠬᠥᠮᠦᠨ ᠠᠷᠠᠳ ᠠ᠋ᠴᠠ ᠦᠯᠢᠭᠡᠷ ᠵᠢᠱ᠌ᠢᠶᠡ ᠠᠪᠴᠤ ᠶᠠᠪᠤᠬᠤ ᠬᠡᠷᠡᠭᠲᠡᠢ᠃ ᠲᠦᠮᠡᠨ ᠠᠷᠠᠳ ᠤ᠋ᠨ ᠡᠷᠬᠡ ᠵᠢᠷᠭᠠᠯ ᠢ᠋ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ ᠤᠯᠠᠭᠠᠨ ᠴᠡᠷᠢᠭ ᠡᠴᠡ ᠦᠯᠢᠭᠡᠷ ᠵᠢᠱ᠌ᠢᠶᠡ ᠠᠪᠬᠤ ᠶᠣᠰᠣᠲᠠᠢ᠂ ᠲᠠ ᠨᠠᠷ᠃ ᠤᠯᠤᠰ ᠠᠷᠠᠳ ᠤ᠋ᠨ ᠲᠠ ᠨᠠᠷ ᠲᠤ᠌ ᠥᠭᠭᠦᠭᠰᠡᠨ ᠬᠤᠷᠴᠠ ᠵᠡᠪᠰᠡᠭ ᠲᠦ᠍ ᠡᠵᠡᠨ ᠪᠣᠯᠵᠤ᠂ ᠡᠷᠡ ᠴᠡᠷᠢᠭ ᠦ᠋ᠨ ᠡᠷᠳᠡᠮ ᠳ᠋ᠦ᠍ ᠨᠡᠪᠲᠡᠷᠬᠡᠢ ᠪᠣᠯᠬᠤ ᠶ᠋ᠢ ᠰᠢᠮᠳᠠᠨ ᠬᠢᠴᠢᠶᠡᠭᠡᠷᠡᠢ ᠲᠠ ᠮᠢᠨᠢ᠃ ᠨᠠᠮᠠ ᠶ᠋ᠢ ᠴᠡᠷᠢᠭ ᠲᠦ᠍ ᠶᠠᠪᠤᠬᠤ ᠮᠢᠨᠦ ᠵᠠᠯᠠᠭᠤ ᠶ᠋ᠢᠨ ᠴᠠᠭ ᠲᠤ᠌ ᠪᠢᠳᠡᠨ ᠦ᠌ ᠴᠡᠷᠢᠭ ᠡᠷᠡᠰ᠂ ᠲᠠ ᠨᠠᠷ ᠤ᠋ᠨ ᠣᠳᠣ ᠶ᠋ᠢᠨ ᠵᠡᠪᠰᠡᠭ ᠰᠢᠭ ᠵᠡᠪᠰᠡᠭ ᠲᠡᠢ ᠪᠣᠯᠬᠤ ᠶ᠋ᠢ ᠵᠡᠭᠦᠳᠦᠯᠡᠵᠦ ᠴᠦ᠍ ᠦᠵᠡᠭᠡ ᠦᠭᠡᠢ ᠪᠠᠢᠭᠰᠠᠨ ᠪᠢᠯᠡ᠃ ᠪᠢᠳᠡᠨ ᠦ᠌ ᠴᠡᠷᠢᠭ᠂ ᠵᠡᠭᠦᠨ ᠡᠮᠦᠨᠡ ᠵᠦᠭ ᠲᠦ᠍ ᠬᠠᠷᠠ ᠴᠡᠷᠢᠭ ᠲᠡᠢ ᠪᠠᠢᠯᠳᠤᠬᠤ ᠳ᠋ᠠᠭᠠᠨ ( ᠳ᠋ᠤ᠌ ᠪᠠᠨ )᠂ ᠶᠡᠬᠡᠯᠡ( ᠶᠡᠬᠡ ᠯᠡ) ᠵᠡᠪᠰᠡᠭ ᠮᠠᠭᠤ ᠲᠠᠢ ᠪᠠᠢᠵᠤ ᠪᠢᠯᠡ᠃ ᠲᠠ ᠨᠠᠷ᠂ ᠬᠠᠷᠠ ᠴᠡᠷᠢᠭ ᠭᠡᠵᠦ ᠴᠣᠬᠣᠮ ᠶᠠᠭᠤ ᠬᠡᠯᠡᠳᠡᠭ ᠢ᠋ ᠰᠣᠨᠣᠰᠤᠭᠠ ᠦᠭᠡᠢ ᠪᠠᠢᠬᠤ᠃ ᠬᠢᠲᠠᠳ ᠤ᠋ᠨ ᠬᠠᠷᠭᠢᠰ ᠴᠡᠷᠢᠭ ᠦ᠋ᠨ ᠡᠷᠬᠡᠲᠡᠨ ᠦ᠌ ᠴᠡᠷᠢᠭ ᠢ᠋ ᠪᠢᠳᠡ ᠬᠠᠷᠠ ᠴᠡᠷᠢᠭ ᠭᠡᠳᠡᠭ ᠪᠠᠢᠯᠠ᠃ ᠲᠡᠷᠡ ᠴᠠᠭ ᠲᠤ᠌ ᠬᠠᠷᠠ ᠴᠡᠷᠢᠭ ᠲᠡᠢ ᠳᠠᠢᠳᠤᠵᠤ ᠶᠠᠪᠤᠬᠤ ᠳ᠋ᠤ᠌᠂ ᠪᠢᠳᠡᠨ ᠦ᠌ ᠵᠡᠪᠰᠡᠭ ᠬᠡᠷᠡᠭᠯᠡᠯ ᠪᠠᠭᠤᠷᠠᠢ᠂ ᠨᠢᠮᠭᠡᠨ᠂ ᠰᠤᠮᠤ ᠶᠡᠬᠡ ᠬᠣᠪᠣᠷ᠂ ᠵᠠᠷᠢᠮ ᠦᠶᠡ ᠳ᠋ᠦ᠍ ᠬᠥᠮᠦᠨ ᠦ᠌ ᠭᠤᠷᠪᠠ ᠳᠥᠷᠪᠡᠨ ᠰᠤᠮᠤ ᠲᠠᠢ ᠪᠣᠯᠬᠤ ᠦᠶᠡ ᠴᠦ᠍ ᠳᠠᠭᠠᠷᠢᠯᠳᠤᠵᠤ ᠪᠠᠢᠯᠠ᠃
ᠬᠡᠳᠦᠨ ᠰᠤᠮᠤ ᠪᠠᠨ ᠳᠤᠮᠳᠠ ᠪᠠᠨ ᠬᠤᠪᠢᠶᠠᠵᠤ ᠠᠪᠤᠭᠠᠳ᠂ ᠬᠣᠢᠰᠢ ᠪᠠᠨ ᠠᠷᠤ ᠨᠤᠲᠤᠭ ᠤ᠋ᠨ ᠵᠦᠭ ᠮᠥᠷᠭᠥᠭᠡᠳ᠂ ᠣᠷᠣᠭᠰᠢ ᠪᠠᠨ ᠳᠠᠢᠰᠤᠨ ᠤ᠋ ᠥᠭᠡᠳᠡ ᠡᠴᠡ ᠬᠡᠳᠦᠨ ᠰᠤᠮᠤ ᠪᠠᠨ ᠫᠤᠤᠳᠠᠨ ᠳᠠᠭᠠᠷᠢᠵᠤ ᠪᠠᠢᠳᠠᠭ ᠪᠠᠢᠯᠠ᠃ ᠮᠠᠨ ᠤ᠋ ᠪᠦᠬᠦ ᠬᠣᠷᠢᠶᠠᠨ ᠳ᠋ᠤ᠌ ᠭᠠᠭᠴᠠ ᠦᠬᠡᠷ ᠫᠤᠤ ᠪᠠᠢᠭᠰᠠᠨ ᠨᠢ ᠪᠠᠰᠠ ᠬᠠᠷᠠ ᠴᠡᠷᠢᠭ ᠡᠴᠡ ᠣᠯᠵᠠᠯᠠᠵᠤ ᠠᠪᠤᠭᠰᠠᠨ ᠣᠯᠵᠠᠨ ᠤ᠋ ᠫᠤᠤ ᠪᠠᠢᠵᠤ ᠪᠢᠯᠡ᠃
ᠪᠢᠳᠡᠨ ᠦ᠌ ᠡᠰᠡᠷᠭᠦᠴᠡᠯ ᠬᠠᠷᠠ ᠴᠡᠷᠢᠭ ᠬᠠᠷᠢᠨ ᠴᠤ᠌ ᠶᠣᠰᠣᠲᠠᠢ ᠰᠠᠢᠨ ᠵᠡᠪᠰᠡᠭ ᠲᠡᠢ ᠪᠠᠢᠳᠠᠭ ᠰᠠᠨ᠃ ᠰᠤᠮᠤ ᠬᠡᠷᠡᠭᠯᠡᠯ ᠢ᠋ᠶ᠋ᠡᠷ ᠪᠠᠰᠠ ᠡᠯᠪᠡᠭ᠃ ᠶᠡᠷᠦ ᠪᠢᠳᠡᠨ ᠲᠡᠢ ᠵᠦᠢᠷᠯᠡᠬᠦ ᠶ᠋ᠢᠨ ᠠᠷᠭᠠ ᠦᠭᠡᠢ ᠵᠡᠪᠰᠡᠭ ᠲᠡᠢ᠃ ᠲᠡᠢᠮᠦ ᠪᠣᠯᠪᠠᠴᠤ ᠪᠢᠳᠡ᠂ ᠠᠷᠠᠳ ᠣᠯᠠᠨ ᠮᠠᠨᠢ ᠡᠷᠬᠡ ᠴᠢᠯᠥᠭᠡ ᠪᠡᠨ ᠣᠯᠵᠤ ᠠᠪᠬᠤ ᠶᠣᠰᠣᠲᠠᠢ ᠶᠤᠮ ᠭᠡᠵᠦ ᠵᠣᠷᠢᠵᠤ᠂ ᠬᠠᠷᠢ ᠶ᠋ᠢᠨ ᠭᠠᠰᠢᠭᠤᠨ ᠳᠠᠷᠤᠯᠠᠯ ᠳ᠋ᠤ᠌ ᠳᠠᠬᠢᠨ ᠣᠷᠣᠬᠤ ᠦᠭᠡᠢ ᠶ᠋ᠢ ᠬᠥᠮᠦᠨ ᠪᠦᠬᠦᠨ ᠪᠣᠳᠣᠵᠤ ᠶᠠᠪᠤᠭᠰᠠᠨ ᠤᠴᠢᠷ ᠠ᠋ᠴᠠ ᠳᠠᠢᠰᠤᠨ ᠤ᠋ ᠴᠡᠷᠢᠭ ᠬᠡᠳᠦ ᠪᠣᠢ ᠭᠡᠵᠦ ᠲᠣᠭᠠ ᠶ᠋ᠢ ᠨᠢ ᠠᠰᠠᠭᠤᠬᠤ ᠦᠭᠡᠢ᠂ ᠳᠠᠢᠰᠤᠨ ᠬᠠᠮᠢᠭᠠ ᠪᠠᠢᠨᠠ? ᠳᠠᠭᠠᠷᠢᠨ ᠣᠷᠣᠵᠤ ᠳᠠᠷᠤᠨ ᠤᠰᠠᠳᠬᠠᠬᠤ ᠶᠤᠮ ᠰᠠᠨ ᠭᠡᠵᠦ ᠴᠢᠩ ᠵᠣᠷᠢᠭ ᠲᠠᠢ ᠶᠠᠪᠤᠭᠰᠠᠭᠠᠷ᠂ ᠲᠤᠯᠬᠤ ᠪᠦᠷᠢ ᠳᠠᠢᠰᠤᠨ ᠢ᠋ᠶ᠋ᠠᠨ ᠳᠠᠷᠤᠳᠠᠭ ᠪᠠᠢᠯᠠ᠃
ᠨᠢᠭᠡ ᠡᠳᠦᠷ ᠮᠠᠨ ᠤ᠋ ᠮᠠᠭᠰᠤᠷᠵᠠᠪ ᠬᠠᠳᠠᠨ ᠪᠠᠭᠠᠲᠤᠷ ᠵᠠᠩᠵᠤᠨ᠂ ᠬᠠᠷᠢᠶᠠᠲᠤ ᠴᠡᠷᠢᠭ ᠡᠴᠡᠭᠡᠨ( ᠡᠴᠡ ᠪᠡᠨ) ᠬᠣᠶᠠᠷ ᠵᠠᠭᠤᠭᠠᠳ ᠴᠡᠷᠢᠭ ᠲᠠᠰᠤᠯᠵᠤ᠂ ᠥᠨᠥᠬᠢ ᠣᠯᠵᠠᠨ ᠤ᠋ ᠭᠠᠭᠴᠠ ᠦᠬᠡᠷ ᠫᠤᠤ ᠶ᠋ᠢ ᠥᠭᠴᠦ᠂ ᠨᠢᠭᠡᠨ ᠪᠠᠭ ᠬᠦᠴᠦᠷᠬᠡᠭ ᠬᠠᠷᠠ ᠴᠡᠷᠢᠭ ᠲᠡᠢ ᠪᠠᠢᠯᠳᠤᠬᠤ ᠪᠠᠷ ᠴᠠᠬᠠᠷ ᠵᠠᠩᠵᠤᠨ ᠮᠣᠣᠷᠠᠩᠭᠠ ᠪᠠᠷ ᠳᠠᠷᠤᠭᠠ ᠲᠠᠯᠪᠢᠵᠤ᠂ ᠪᠢᠳᠡᠨ ᠢ᠋ ᠮᠣᠷᠳᠠᠭᠤᠯᠵᠤ ᠪᠢᠯᠡ᠃ ᠳᠠᠢᠰᠤᠨ ᠢ᠋ ᠰᠦᠷᠳᠡᠭᠦᠯᠵᠦ ᠳᠠᠷᠤᠬᠤ ᠭᠡᠵᠦ ᠪᠢᠳᠡᠨ ᠳ᠋ᠦ᠍ ᠭᠠᠭᠴᠠ ᠦᠬᠡᠷ ᠫᠤᠤ ᠪᠠᠨ ᠥᠭᠭᠦᠭᠰᠡᠨ ᠤᠴᠢᠷ ᠨᠢ᠂ ᠲᠡᠷᠡ ᠫᠤᠤ ᠮᠠᠨᠢ ᠪᠣᠭᠳᠠ ᠬᠠᠭᠠᠨ ᠤ᠋ ᠵᠠᠷᠯᠢᠭ ᠢ᠋ᠶ᠋ᠠᠷ《ᠵᠠᠩᠵᠤᠨ ᠫᠤᠤ》 ᠭᠡᠳᠡᠭ ᠴᠣᠯᠠ ᠱᠠᠩᠨᠠᠭᠰᠠᠨ ᠰᠦᠷᠡᠬᠡᠢ ᠫᠤᠤ ᠪᠠᠢᠵᠠᠢ᠃ ᠶᠠᠭᠠᠬᠢᠭᠠᠳ ᠵᠠᠩᠵᠤᠨ ᠫᠤᠤ ᠪᠣᠯᠤᠭᠰᠠᠨ ᠶᠤᠮ ᠪᠣᠢ? ᠭᠡᠪᠡᠯ᠂ ᠫᠤᠤᠴᠢ ᠴᠡᠷᠢᠭ ᠨᠢ᠂ ᠳᠠᠭᠠᠷᠢᠨ ᠣᠷᠣᠭᠰᠠᠨ ᠳᠠᠢᠰᠤᠨ ᠢ᠋ ᠦᠬᠡᠷ ᠫᠤᠤ ᠥᠭᠡᠳᠡ ᠡᠴᠡ ᠡᠭᠴᠡ ᠱᠠᠭᠠᠢᠵᠤ ᠫᠤᠤᠳᠠᠬᠤ ᠳ᠋ᠠᠭᠠᠨ ( ᠳ᠋ᠤ᠌ ᠪᠠᠨ)᠂ ᠶᠠᠭ ᠬᠠᠷᠠ ᠴᠡᠷᠢᠭ ᠦ᠋ᠨ ᠫᠤᠤ ᠶ᠋ᠢᠨ ᠠᠮᠠ ᠤᠷᠤᠭᠤ ᠤᠨᠤᠵᠤ ᠣᠷᠬᠢᠭᠰᠠᠨ ᠪᠢᠯᠡ᠃ ᠬᠠᠷᠠ ᠴᠡᠷᠢᠭ ᠦ᠋ᠨ ᠲᠡᠷᠡ ᠦᠬᠡᠷ ᠫᠤᠤ ᠨᠢ ᠮᠠᠨ ᠤ᠋ ᠭᠤᠨᠠᠨ ᠫᠤᠤ ᠶ᠋ᠢᠨ ᠰᠤᠮᠤᠨ ᠳ᠋ᠤ᠌ ᠬᠠᠬᠠᠭᠠᠳ ᠳᠡᠯᠪᠡ ᠦᠰᠦᠷᠴᠦ᠂ ᠮᠠᠨ ᠤ᠋ ᠥᠭᠡᠳᠡ ᠡᠴᠡ ᠵᠠᠳᠠᠷᠠᠳᠠᠭ ᠬᠣᠷᠭᠣᠯᠵᠢᠨ ᠰᠤᠮᠤ ᠪᠠᠷ ᠫᠤᠤᠳᠠᠵᠤ ᠴᠢᠳᠠᠯ ᠦᠭᠡᠢ᠂ ᠳᠡᠷᠭᠡᠳᠡ ᠪᠡᠨ ᠪᠠᠢᠭᠰᠠᠨ ᠭᠤᠴᠢᠭᠠᠳ ᠬᠠᠷᠠ ᠴᠡᠷᠢᠭ ᠢ᠋ ᠬᠢᠳᠤᠵᠤ ᠣᠷᠬᠢᠭᠰᠠᠨ ᠳ᠋ᠤ᠌᠂ ᠮᠠᠨ ᠤ᠋ ᠭᠤᠨᠠᠨ ᠫᠤᠤ ᠶ᠋ᠢ ᠪᠣᠭᠳᠠ ᠶ᠋ᠢᠨ ᠵᠠᠷᠯᠢᠭ ᠢ᠋ᠶ᠋ᠠᠷ《ᠵᠠᠩᠵᠤᠨ ᠫᠤᠤ》 ᠴᠣᠯᠠ ᠱᠠᠩᠨᠠᠵᠤ᠂ ᠥᠨᠥᠬᠢ ᠫᠤᠤᠴᠢ ᠶ᠋ᠢ ᠪᠠᠭᠠᠲᠤᠷ ᠴᠣᠯᠠ ᠪᠠᠷ ᠱᠠᠩᠨᠠᠵᠤ ᠪᠢᠯᠡ᠃ *
— — — —
* ᠵᠥᠴᠢᠶᠡ ᠭᠡᠵᠦ ᠮᠣᠷᠢᠨ ᠤ᠋ ᠪᠠᠢᠷᠢ ᠪᠠᠢᠰᠢᠩ ᠤ᠋ᠨ ᠮᠣᠩᠭᠣᠯ ᠨᠡᠷᠡ᠃ ᠣᠷᠣᠰ ᠬᠡᠯᠡᠨ ᠳ᠋ᠦ᠍ ᠵᠥᠴᠢᠶᠡ ᠶ᠋ᠢ ᠺᠣᠨᠢ ᠭᠡᠳᠡᠭ ᠠᠭᠲᠠ ᠭᠡᠰᠡᠨ ᠦᠭᠡᠨ ᠡᠴᠡ ᠡᠭᠦᠰᠬᠡᠵᠦ᠂ ᠺᠣᠨᠢᠤᠰᠢᠨᠢᠶᠠ ᠭᠡᠳᠡᠭ ᠢ᠋ ᠮᠣᠩᠭᠣᠯ ᠢ᠋ᠶ᠋ᠠᠷ ᠢᠩᠭᠢᠵᠦ ᠨᠡᠷᠡᠯᠡᠳᠡᠭ ᠶᠦᠮ᠃
* ᠠᠷᡁᠢ᠍ᠪ ᠲᠤ᠌ ᠡᠭᠦᠨ ᠦ᠌ ᠪᠠᠷᠢᠮᠲᠠ ᠪᠢᠴᠢᠭ ᠪᠣᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ᠂ ᠰᠠᠷᠠᠨᠲᠤᠶᠠᠭᠠ᠂ ᠪᠠᠳᠮᠠᠰᠡᠴᠡᠨ᠂ ᠪᠠᠯ᠂
ᠤᠢᠭᠤᠷᠵᠢᠨ·ᠣᠳᠬᠣᠨᠪᠠᠪᠠ᠂ ᠴᠣᠯᠮᠣᠨᠭᠡᠷᠡᠯ
ᠬᠢᠨᠠᠭᠴᠢ᠄ ᠣᠳᠬᠣᠨᠴᠡᠴᠡᠭ᠂ ᠪᠠᠯ
ᠤᠩᠰᠢᠭᠴᠢ᠄ ᠨᠠᠰᠤᠨ᠌ᠦ᠌ᠯᠵᠡᠢ