ᠪᠥᠷᠲᠡ- ᠵᠣᠪᠠᠯᠠᠩ ᠤ᠋ᠨ ᠦᠷᠡ-ᠴᠢᠩᠭᠢᠰ ᠬᠠᠭᠠᠨ ᠊ᠤ᠌ ᠨᠢᠭᠤᠴᠠ ᠲᠡᠦᠬᠡ02Бөртэ-Зовлонгийн үрZovlongiin ür
825ᠪᠥᠷᠲᠡ- ᠵᠣᠪᠠᠯᠠᠩ ᠤ᠋ᠨ ᠦᠷᠡ
ᠲᠡᠭᠡᠬᠦ ᠳ᠋ᠦ᠍ ᠶᠠᠭ ᠡᠢᠮᠦ ᠨᠠᠮᠤᠷ ᠤ᠋ᠨ ᠰᠠᠷᠠ ᠪᠠᠢᠭᠰᠠᠨ ᠰᠠᠨ᠃ ᠦᠬᠦᠵᠦ᠂ ᠦᠷᠡᠭᠳᠡᠭᠰᠡᠨ ᠮᠡᠲᠦ ᠬᠡᠯᠡ ᠰᠤᠷᠠᠭ ᠦᠭᠡᠢ ᠠᠯᠠᠭᠠ ᠪᠣᠯᠤᠭᠰᠠᠨ ᠲᠡᠮᠦᠵᠢᠨ ᠢ᠋ ᠭᠡᠨᠡᠳᠲᠡ ᠬᠦᠷᠦᠭᠡᠳ ᠢᠷᠡᠴᠢᠬᠡᠨᠡ ᠭᠡᠵᠦ ᠰᠠᠨᠠᠭᠠ ᠦᠭᠡᠢ ᠳ᠋ᠠᠢ ᠰᠡᠴᠡᠨ ᠦ᠌ ᠬᠢᠨ ᠬᠥᠯ ᠪᠣᠯᠤᠨ ᠰᠠᠨᠳᠤᠷᠴᠠᠭᠠᠵᠠᠢ᠃ ᠲᠡᠳᠡ ᠲᠡᠮᠦᠵᠢᠨ ᠢ᠋ ᠦᠬᠦᠭᠰᠡᠨ ᠭᠡᠵᠦ ᠢᠲᠡᠭᠡᠵᠡᠭᠡᠭᠰᠡᠨ ᠪᠠᠢᠯᠠ᠃ ᠭᠠᠭᠴᠠ ᠬᠦ᠌ ᠪᠥᠷᠲᠡ ᠥᠬᠢᠨ ᠦ᠌ ᠪᠡᠨ ᠰᠡᠳᠬᠢᠯ ᠢ᠋ ᠪᠣᠳᠣᠭᠠᠳ ᠲᠡᠮᠦᠵᠢᠨ ᠦ᠌ ᠲᠤᠬᠠᠢ ᠰᠡᠬᠦᠵᠦ ᠶᠠᠷᠢᠬᠤ ᠡᠴᠡ ᠵᠠᠯᠭᠢᠯᠠᠭᠰᠠᠭᠠᠷ ᠪᠠᠢᠵᠠᠢ᠃ ᠲᠡᠮᠦᠵᠢᠨ ᠳ᠋ᠦ᠍ ᠳᠤᠷᠠᠯᠠᠭᠰᠠᠨ ᠪᠥᠷᠲᠡ ᠶ᠋ᠢᠨ ᠰᠡᠳᠬᠢᠯ ᠢ᠋ ᠳ᠋ᠠᠢ ᠰᠡᠴᠡᠨ ᠮᠡᠳᠡᠳᠡᠭ ᠪᠢᠯᠡ᠃ ᠦᠭᠡ ᠳᠠᠭᠤ ᠴᠥᠭᠡᠨ ᠲᠡᠢ ᠴᠤ᠌ ᠴᠠᠭᠠᠨᠠ ᠪᠠᠨ ᠨᠢᠭᠡ ᠰᠢᠵᠠᠷᠠᠭᠠᠳ ᠬᠣᠷᠣᠨ ᠵᠠᠩ ᠲᠠᠢ ᠲᠡᠮᠦᠵᠢᠨ ᠢ᠋ ᠳ᠋ᠠᠢ ᠰᠡᠴᠡᠨ ᠦᠵᠡᠩᠭᠦᠲᠡ ᠲᠣᠭᠣᠵᠠᠢ᠃ ᠪᠠᠰᠠ ᠲᠡᠷᠡ ᠶᠢᠰᠦᠭᠡᠢ ᠶ᠋ᠢ ᠦᠨᠡᠨ ᠰᠡᠳᠬᠢᠯ ᠡᠴᠡ ᠬᠦᠨᠳᠦᠳᠬᠡᠨ ᠤᠭᠲᠤᠵᠤ᠂ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠨᠡᠷᠡᠲᠡᠢ ᠴᠤᠤᠲᠠᠢ ᠪᠠᠭᠠᠲᠤᠷ ᠡᠷᠡ ᠥᠪᠡᠷ ᠦ᠋ᠨ ᠦᠶᠡ ᠵᠠᠯᠭᠠᠮᠵᠢᠯᠠᠬᠤ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠳᠠᠭᠠᠭᠤᠯᠤᠨ ᠢᠷᠡᠭᠰᠡᠨ ᠨᠢ ᠴᠣᠬᠣᠮ ᠲᠩᠷᠢ ᠶ᠋ᠢᠨ ᠬᠡᠰᠢᠭ ᠭᠡᠵᠦ ᠳ᠋ᠠᠢ ᠰᠡᠴᠡᠨ ᠪᠣᠳᠣᠵᠠᠢ᠃ ᠲᠡᠭᠦᠨ ᠲᠡᠢ ᠤᠷᠤᠭ ᠪᠠᠷᠢᠯᠳᠤᠬᠤ ᠪᠣᠯᠤᠮᠵᠢ ᠶ᠋ᠢ ᠠᠯᠳᠠᠵᠤ ᠪᠣᠯᠬᠤ ᠦᠭᠡᠢ ᠪᠠᠢᠯᠠ᠃ ᠬᠠᠷᠢᠨ ᠶᠢᠰᠦᠭᠡᠢ ᠭᠡᠨᠡᠳᠲᠡ ᠦᠬᠦᠭᠰᠡᠨ ᠨᠢ ᠳ᠋ᠠᠢ ᠰᠡᠴᠡᠨ ᠢ᠋ ᠰᠣᠴᠢᠭᠠᠭᠰᠠᠨ ᠴᠤ᠌ ᠲᠡᠮᠦᠵᠢᠨ ᠳ᠋ᠦ᠍ ᠤᠯᠠᠮ ᠴᠤ᠌ ᠳᠣᠲᠣᠨᠣ ᠪᠠᠷ ᠬᠠᠨᠳᠤᠬᠤ ᠪᠣᠯᠭᠠᠵᠠᠢ᠃ ᠳ᠋ᠠᠢ ᠰᠡᠴᠡᠨ ᠬᠣᠯᠠ ᠶ᠋ᠢᠨ ᠬᠡᠷᠰᠡᠦ ᠤᠬᠠᠭᠠᠨ ᠲᠠᠢ ᠬᠥᠮᠦᠨ ᠪᠠᠢᠯᠠ᠃ ᠲᠡᠢᠮᠦ ᠴᠦ᠍ ᠤᠴᠢᠷ ᠡᠴᠡ ᠥᠨᠥᠴᠢᠨ ᠶᠠᠳᠠᠭᠤ ᠬᠣᠴᠣᠷᠤᠭᠰᠠᠨ ᠲᠡᠮᠦᠵᠢᠨ ᠳ᠋ᠦ᠍ ᠥᠬᠢᠨ ᠢ᠋ᠶ᠋ᠡᠨ ᠡᠷᠡᠭᠡᠯᠵᠡᠬᠦ ᠶᠠᠭᠤᠮᠠ ᠦᠭᠡᠢ ᠥᠭᠴᠡᠢ᠃ ᠠᠭᠤᠯᠵᠠᠯ ᠦᠭᠡᠢ ᠵᠢᠷᠭᠤᠭᠠᠨ ᠵᠢᠯ ᠥᠩᠭᠡᠷᠡᠭᠰᠡᠨ ᠴᠤ᠌ ᠪᠥᠷᠲᠡ ᠲᠡᠮᠦᠵᠢᠨ ᠢ᠋ ᠨᠢᠭᠡ ᠴᠤ᠌ ᠡᠳᠦᠷ ᠮᠠᠷᠲᠠᠭᠰᠠᠨ ᠦᠭᠡᠢ᠃ ᠬᠣᠶᠠᠷ ᠬᠥᠮᠥᠰᠬᠡ ᠶ᠋ᠢᠨ ᠢ᠋ᠶ᠋ᠡᠨ ᠬᠣᠭᠣᠷᠣᠨᠳᠣ ᠭᠦᠨᠵᠡᠭᠡᠢ ᠪᠣᠰᠤᠭᠠ ᠦᠷᠴᠢᠯᠡᠭᠡ ᠲᠡᠢ᠂ ᠨᠠᠰᠤᠨ ᠡᠴᠡ ᠪᠠᠨ ᠣᠪᠣᠷᠵᠢᠭᠤ ᠬᠠᠷᠠᠭᠳᠠᠬᠤ ᠵᠠᠯᠠᠭᠤ ᠶ᠋ᠢ ᠳ᠋ᠠᠢ ᠰᠡᠴᠡᠨ ᠦ᠌ ᠤᠶᠠᠭᠠᠨ ᠳᠡᠭᠡᠷᠡ ᠪᠠᠭᠤᠬᠤ ᠳ᠋ᠤ᠌ ᠬᠡᠨ ᠴᠤ᠌ ᠲᠡᠮᠦᠵᠢᠨ ᠭᠡᠵᠦ ᠲᠠᠨᠢᠭᠰᠠᠨ ᠦᠭᠡᠢ᠃ ᠠᠶᠠᠨᠰᠢᠵᠤ ᠬᠠᠷᠠᠰᠢᠭᠰᠠᠨ ᠮᠣᠷᠢᠲᠠᠢ ᠲᠡᠮᠦᠵᠢᠨ ᠪᠡᠯᠭᠦᠳᠡᠢ ᠬᠣᠶᠠᠷ ᠲᠤ᠌ ᠲᠡᠳᠡᠨ ᠦ᠌ ᠨᠣᠬᠠᠳ ᠴᠤ᠌ ᠲᠣᠭᠣᠵᠤ ᠳᠠᠪᠬᠢᠭᠰᠠᠨ ᠦᠭᠡᠢ᠃ ᠳ᠋ᠠᠢ ᠰᠡᠴᠡᠨ ᠦ᠌ ᠬᠦᠷᠢᠶᠡ ᠶ᠋ᠢ ᠣᠯᠬᠤ ᠭᠡᠵᠦ ᠪᠡᠲᠡᠷᠡᠭᠰᠡᠭᠡᠷ ᠲᠡᠳᠡ ᠮᠣᠷᠢ ᠪᠠᠨ ᠵᠣᠭᠰᠣᠭᠠᠬᠤ ᠰᠢᠬᠠᠵᠠᠢ᠃ ᠬᠠᠷᠢᠨ ᠲᠡᠷᠡ ᠡᠳᠦᠷ ᠪᠥᠷᠲᠡ ᠨᠢᠭᠡ ᠶᠡᠬᠡ ᠪᠠᠶᠠᠷᠯᠠᠬᠤ ᠶᠤᠮ ᠰᠢᠭ᠋ ᠰᠤᠪᠢᠩ ᠲᠠᠲᠠᠭᠰᠠᠭᠠᠷ ᠪᠠᠢᠭᠰᠠᠨ ᠳ᠋ᠤ᠌ ᠭᠠᠢᠬᠠᠭᠰᠠᠨ ᠴᠤ᠌ ᠠᠯᠲᠠᠨ ᠤᠯᠤᠰ ᠤ᠋ᠨ ᠬᠤᠳᠠᠯᠳᠤᠭᠠᠴᠢᠨ ᠢᠷᠡᠬᠦ ᠲᠡᠳᠦᠢ ᠶ᠋ᠢ ᠲᠠᠭᠠᠮᠠᠭᠯᠠᠭᠰᠠᠨ ᠪᠢᠯᠡ᠃ ᠭᠡᠲᠡᠯᠡ ᠴᠤᠳᠤᠨ ᠡᠬᠡ ᠶ᠋ᠢᠨ ᠢ᠋ᠶ᠋ᠡᠨ ᠭᠡᠷ ᠲᠦ᠍ ᠴᠠᠢ ᠣᠷᠣᠭᠤᠯᠵᠤ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ ᠭᠡᠨᠡᠳᠲᠡ ᠨᠢᠷᠤᠭᠤ ᠬᠦᠵᠦᠭᠦᠦ ᠨᠢ ᠵᠢᠷᠪᠢᠯᠵᠡᠨ ᠬᠠᠯᠠᠭᠤ ᠣᠷᠬᠢᠬᠤ ᠳ᠋ᠤ᠌ ᠲᠡᠰᠬᠡᠯ ᠦᠭᠡᠢ ᠡᠷᠭᠢᠨ ᠬᠠᠷᠠᠪᠠ᠃ ᠬᠣᠯᠠ ᠳ᠋ᠤ᠌ ᠤᠶᠠᠭᠠᠨ ᠤ᠋ ᠳᠡᠷᠭᠡᠳᠡ ᠨᠢᠭᠡ ᠬᠥᠮᠦᠨ ᠲᠡᠭᠦᠨ ᠢ᠋ ᠰᠢᠷᠲᠡᠨ ᠵᠣᠭᠰᠣᠵᠤ ᠪᠠᠢᠬᠤ ᠶ᠋ᠢ ᠦᠵᠡᠮᠡᠭᠴᠡ ᠵᠢᠷᠦᠬᠡ ᠨᠢ ᠲᠦᠷᠭᠡᠨ ᠲᠦᠷᠭᠡᠨ ᠴᠣᠬᠢᠯᠠᠵᠤ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ《ᠲᠡᠮᠦᠵᠢᠨ》 ᠭᠡᠵᠦ ᠰᠢᠪᠡᠨᠡᠵᠡᠢ᠃ ᠴᠠᠢ ᠶ᠋ᠢᠨ ᠮᠥᠩᠭᠥᠨ ᠭᠦᠴᠡ ᠭᠠᠷ ᠡᠴᠡ ᠮᠤᠯᠲᠤᠷᠠᠨ ᠭᠡᠷ ᠦ᠋ᠨ ᠡᠭᠦᠳᠡᠨ ᠦ᠌ ᠴᠢᠯᠠᠭᠤᠨ ᠱᠠᠯᠠᠨ ᠳᠡᠭᠡᠷᠡ ᠬᠠᠩᠭᠢᠨᠠᠨ ᠤᠨᠠᠬᠤ ᠶ᠋ᠢ ᠴᠤ᠌ ᠰᠣᠨᠣᠰᠤᠭᠰᠠᠨ ᠦᠭᠡᠢ᠃ ᠦᠯᠦ ᠲᠠᠨᠢᠬᠤ ᠲᠡᠷᠡ ᠵᠠᠯᠠᠭᠤ ᠥᠪᠡᠷ ᠢ᠋ ᠨᠢ ᠴᠢᠭᠯᠡᠨ ᠲᠦᠷᠭᠡᠨ ᠲᠦᠷᠭᠡᠨ ᠠᠯᠬᠤᠯᠠᠨ ᠢᠷᠡᠬᠦ ᠳ᠋ᠦ᠍ ᠬᠥᠳᠡᠯᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ ᠡᠨᠡ ᠪᠣᠯ ᠲᠡᠮᠦᠵᠢᠨ ᠪᠣᠯᠬᠤ ᠶ᠋ᠢ ᠲᠡᠭᠦᠨ ᠦ᠌ ᠬᠤᠷᠴᠠ ᠰᠢᠷᠠ ᠨᠢᠳᠦ ᠭᠡᠷᠡᠴᠢᠯᠡᠨᠡ᠃ ᠲᠡᠮᠦᠵᠢᠨ ᠢ᠋ ᠶᠠᠭᠠᠬᠢᠵᠤ ᠶᠡᠬᠡ ᠰᠠᠨᠠᠵᠤ ᠮᠥᠷᠥᠭᠡᠳᠴᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠪᠥᠷᠲᠡ ᠰᠠᠶᠢ ᠯᠠ ᠨᠢᠭᠡ ᠭᠦᠢᠴᠡᠳ ᠣᠢᠯᠠᠭᠠᠭᠰᠠᠨ ᠪᠢᠯᠡ᠃ ᠲᠡᠭᠡᠭᠡᠳ ᠣᠳᠣ ᠲᠡᠮᠦᠵᠢᠨ ᠡᠴᠡ ᠬᠡᠵᠢᠶᠡ ᠴᠦ᠍ ᠰᠠᠯᠬᠤ ᠦᠭᠡᠢ ᠭᠡᠵᠦ ᠪᠣᠳᠣᠵᠠᠢ᠃
ᠪᠥᠷᠲᠡ ᠪᠢ ᠴᠢᠮᠠᠶ᠋ᠢ ᠠᠪᠬᠤ ᠪᠠᠷ ᠢᠷᠡᠯᠡ ᠭᠡᠵᠦ ᠲᠡᠮᠦᠵᠢᠨ ᠰᠢᠭᠤᠳ ᠬᠡᠯᠡᠬᠦ ᠳ᠋ᠦ᠍ ᠣᠯᠠᠨ ᠵᠢᠯ ᠦ᠋ᠨ ᠡᠮᠦᠨᠡ ᠤᠬᠢᠯᠠᠵᠤ ᠰᠠᠯᠤᠭᠰᠠᠨ ᠬᠥᠪᠡᠭᠦᠨ ᠮᠥᠨ ᠴᠦ᠍ ᠶᠦ᠍ᠮ ᠰᠢᠭ᠂ ᠪᠢᠰᠢ ᠴᠦ᠍ ᠶᠤᠮ ᠰᠢᠭ ᠰᠠᠨᠠᠭᠳᠠᠭᠠᠳ ᠥᠪᠡᠷ ᠦ᠋ᠨ ᠮᠠᠲᠠᠯ ᠦᠭᠡᠢ ᠲᠣᠯᠣᠭᠠᠢ ᠳᠣᠬᠢᠪᠠ ᠃ ᠬᠦᠰᠡᠵᠦ ᠬᠦᠯᠢᠶᠡᠭᠰᠡᠨ ᠬᠠᠢᠷᠠᠲᠠᠢ ᠬᠥᠮᠦᠨ ᠲᠡᠢ ᠪᠡᠨ ᠤᠴᠠᠷᠠᠬᠤ ᠶ᠋ᠢᠨ ᠵᠢᠷᠭᠠᠯ ᠢ᠋ ᠪᠥᠷᠲᠡ ᠲᠡᠭᠡᠬᠦ ᠳ᠋ᠦ᠍ ᠠᠩᠬᠠ ᠠᠮᠰᠠᠭᠰᠠᠨ ᠶᠤᠮ᠃ ᠲᠡᠷᠡ ᠰᠥᠨᠢ ᠡᠷᠡ ᠬᠥᠮᠦᠨ ᠳ᠋ᠦ᠍ ᠡᠳ᠋ᠯᠡᠭᠦᠯᠵᠦ ᠂ ᠥᠬᠢᠨ ᠪᠡᠶᠡ ᠪᠡᠨ ᠣᠷᠬᠢᠬᠤ ᠳ᠋ᠠᠭᠠᠨ ᠲᠠᠴᠢᠶᠠᠳᠠᠨ ᠴᠡᠴᠡᠷᠡᠵᠦ ᠂ ᠤᠬᠠᠭᠠᠨ ᠠᠯᠳᠠᠭᠰᠠᠨ ᠨᠢ ᠳᠤᠷᠠ ᠬᠠᠨᠤᠭᠰᠠᠨ ᠬᠡᠷᠡᠭ ᠪᠣᠯᠬᠤ ᠶ᠋ᠢ ᠬᠣᠵᠢᠮ ᠲᠡᠮᠦᠵᠢᠨ ᠦ᠌ ᠭᠡᠷ ᠲᠦ᠍ ᠠᠪᠠᠯᠢ ᠡᠮᠡ ᠶ᠋ᠢᠨ ᠶᠣᠰᠣᠭᠠᠷ ᠢᠷᠡᠭᠰᠡᠨ ᠡᠴᠡ ᠬᠣᠢᠰᠢ ᠯᠠ ᠬᠣᠶᠠᠭᠤᠯᠠ ᠣᠢᠯᠠᠭᠠᠵᠠᠢ ᠃ ᠪᠥᠷᠲᠡ ᠢᠩᠭᠢᠵᠦ ᠳᠤᠷᠠ ᠲᠠᠯᠪᠢᠬᠤ ᠳ᠋ᠠᠭᠠᠨ ᠲᠦᠷ ᠵᠠᠭᠤᠷᠠ ᠤᠬᠠᠭᠠᠨ ᠠᠯᠳᠠᠳᠠᠭ ᠢ᠋ ᠮᠡᠳᠡᠬᠦ ᠦᠭᠡᠢ ᠲᠡᠮᠦᠵᠢᠨ ᠶᠡᠬᠡᠳᠡ ᠠᠶᠤᠨ ᠰᠠᠨᠳᠤᠷᠴᠤ ᠪᠥᠷᠲᠡ ᠶ᠋ᠢ ᠦᠬᠦᠪᠡ ᠭᠡᠵᠦ ᠰᠠᠨᠠᠭᠠᠳ ᠤᠴᠢᠷ ᠢ᠋ᠶ᠋ᠠᠨ ᠣᠯᠬᠤ ᠦᠭᠡᠢ ᠨᠢᠭᠤᠷ ᠨᠢᠳᠦ ᠤᠷᠤᠭᠤ ᠨᠢ ᠦᠯᠢᠶᠡᠵᠦ ᠂ ᠬᠠᠴᠠᠷ ᠢ᠋ ᠨᠢ ᠠᠯᠠᠭᠠᠳᠠᠭᠠᠳ ᠠᠷᠭᠠ ᠪᠠᠨ ᠪᠠᠷᠠᠬᠤ ᠳ᠋ᠠᠭᠠᠨ ᠬᠠᠵᠠᠭᠤ ᠭᠡᠷ ᠲᠦ᠍ ᠤᠨᠲᠠᠭᠰᠠᠨ ᠪᠡᠯᠭᠦᠳᠡᠢ ᠶ᠋ᠢ ᠳᠠᠭᠤᠳᠠᠬᠤ ᠪᠠᠷ ᠭᠠᠷᠬᠤ ᠭᠡᠲᠡᠯᠡ ᠠᠰᠢᠭᠦᠢ ᠪᠥᠷᠲᠡ ᠭᠡᠨᠡᠳᠲᠡ ᠤᠷᠲᠤ ᠠᠮᠢᠰᠬᠤᠭᠠ ᠠᠪᠤᠭᠠᠳ ᠨᠢᠳᠦ ᠪᠡᠨ ᠨᠡᠭᠡᠭᠡᠵᠡᠢ ᠃ ᠡᠨᠡ ᠬᠠᠴᠢᠷᠬᠠᠯᠲᠠᠢ ᠶᠠᠪᠤᠳᠠᠯ ᠤ᠋ᠨ ᠤᠴᠢᠷ ᠢ᠋ ᠣᠯᠵᠤ ᠮᠡᠳᠡᠭᠡᠳ ᠲᠡᠳᠡ ᠪᠡᠶᠡ ᠪᠡᠶᠡ ᠶ᠋ᠢ ᠱᠣᠣᠯᠠᠨ ᠢᠨᠢᠶᠡᠯᠳᠦᠭᠰᠡᠨ ᠪᠢᠯᠡ᠃ ᠬᠠᠷᠢᠨ ᠪᠥᠷᠲᠡ ᠶ᠋ᠢᠨ ᠡᠢᠮᠦ ᠲᠠᠴᠢᠶᠠᠩᠭᠤᠢ ᠠᠭᠠᠰᠢ ᠲᠡᠮᠦᠵᠢᠨ ᠳ᠋ᠦ᠍ ᠲᠤᠢᠯ ᠤ᠋ᠨ ᠶᠡᠬᠡ ᠲᠠᠭᠠᠯᠠᠭᠳᠠᠳᠠᠭ ᠪᠥᠭᠡᠳ ᠲᠡᠭᠦᠨ ᠢ᠋ ᠬᠦᠰᠡᠭᠰᠡᠨ ᠦᠶᠡ ᠳ᠋ᠡᠭᠡᠨ ᠴᠢᠬᠢ᠂ ᠬᠦᠵᠦᠭᠦᠦ ᠶ᠋ᠢ ᠨᠢ ᠬᠠᠯᠠᠭᠤᠨ ᠠᠮᠢᠰᠬᠤᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠰᠡᠷᠪᠡᠭᠡᠨᠡᠭᠦᠯᠦᠨ 《ᠬᠣᠶᠠᠭᠤᠯᠠ ᠪᠠᠨ ᠦᠬᠦᠵᠦ ᠲᠣᠭᠯᠠᠬᠤ ᠤᠤ》 ᠭᠡᠵᠦ ᠰᠢᠪᠡᠨᠡᠳᠡᠭ ᠪᠣᠯᠵᠠᠢ᠃ ᠳᠤᠷᠠ ᠬᠠᠨᠤᠭᠠᠳ ᠤᠬᠠᠭᠠᠨ ᠠᠯᠲᠠᠨ ᠤᠨᠠᠭᠰᠠᠨ ᠦᠵᠡᠰᠬᠦᠯᠡᠩᠲᠦ ᠵᠠᠯᠠᠭᠤ ᠡᠬᠡᠨᠡᠷ ᠢ᠋ᠶ᠋ᠡᠨ ᠰᠢᠷᠳᠡᠨ ᠰᠠᠭᠤᠬᠤ ᠰᠢᠭ᠋ ᠠᠵᠠ ᠵᠢᠷᠭᠠᠯ ᠲᠡᠮᠦᠵᠢᠨ ᠳ᠋ᠦ᠍ ᠪᠠᠢᠭᠰᠠᠨ ᠦᠭᠡᠢ᠃ ᠭᠡᠪᠡᠴᠦ ᠡᠳᠦᠷ ᠰᠥᠨᠢ ᠦᠭᠡᠢ 《ᠦᠬᠦᠵᠦ ᠲᠣᠭᠯᠠᠭᠰᠠᠨ》 ᠳᠡᠩᠳᠡᠭᠦᠦ ᠶᠡᠬᠡ ᠠᠵᠠ ᠵᠢᠷᠭᠠᠯ ᠨᠢ ᠬᠡᠮᠵᠢᠶᠡ ᠲᠡᠢ ᠪᠠᠢᠵᠠᠢ ᠃ ᠬᠡᠮᠵᠢᠶᠡ ᠲᠡᠢ ᠪᠡᠷ ᠪᠠᠷᠠᠬᠤ ᠦᠭᠡᠢ ᠠᠶᠤᠮᠰᠢᠭᠲᠤ ᠦᠷᠡ ᠳᠠᠭᠠᠪᠤᠷᠢ ᠲᠠᠢ ᠪᠠᠢᠭᠰᠠᠨ ᠢ᠋ ᠲᠡᠳᠡ ᠲᠠᠭᠠᠪᠤᠷᠢᠯᠠᠭᠰᠠᠨ ᠦᠭᠡᠢ ᠃ ᠣᠳᠣ ᠲᠡᠳᠡ ᠬᠡᠲᠦᠷᠬᠡᠢ ᠶᠡᠬᠡ ᠠᠵᠠ ᠵᠢᠷᠭᠠᠯ ᠤ᠋ᠨ ᠬᠢᠨᠢ ᠥᠷᠢ ᠲᠥᠯᠥᠭᠡᠰᠦ ᠶᠠᠭᠤ ᠪᠣᠯᠬᠤ ᠶ᠋ᠢ ᠦᠵᠡᠪᠡ ᠃ ᠮᠡᠷᠭᠢᠳ ᠦ᠋ᠨ ᠰᠦᠢᠷᠡᠭᠰᠡᠨ ᠬᠦᠷᠢᠶᠡᠨ ᠦ᠌ ᠵᠠᠬᠠ ᠳ᠋ᠤ᠌ ᠢᠩᠭᠢᠵᠦ ᠰᠠᠭᠤᠬᠤ ᠳ᠋ᠠᠭᠠᠨ ᠪᠥᠷᠲᠡ᠂ ᠥᠭᠡᠯᠦᠨ ᠢ᠋ ᠠᠩᠬᠠ ᠪᠤᠯᠢᠶᠠᠭᠰᠠᠨ ᠶᠢᠰᠦᠭᠡᠢ ᠶ᠋ᠢ᠂ ᠬᠠᠷᠢᠨ ᠲᠡᠮᠦᠵᠢᠨ ᠪᠥᠷᠲᠡ ᠶ᠋ᠢ ᠬᠥᠯ ᠬᠦᠨᠳᠦ ᠪᠣᠯᠭᠠᠭᠰᠠᠨ ᠴᠢᠯᠭᠡᠷ ᠪᠥᠬᠡ ᠶ᠋ᠢ ᠦᠵᠡᠨ ᠶᠠᠳᠠᠵᠤ ᠪᠠᠢᠯᠠ ᠃ ᠭᠡᠪᠡᠴᠦ ᠲᠡᠳᠡᠨ ᠳ᠋ᠦ᠍ ᠤᠴᠠᠷᠠᠭᠰᠠᠨ ᠵᠣᠪᠠᠯᠠᠩ ᠪᠣᠯ ᠬᠡᠨ ᠨᠢᠭᠡᠨ ᠦ᠌ ᠦᠰ ᠬᠣᠨᠵᠢᠩ ᠪᠢᠰᠢ ᠳᠡᠭᠡᠳᠦ ᠲᠡᠭᠷᠢ ᠶ᠋ᠢᠨ ᠵᠠᠷᠯᠢᠭ ᠢ᠋ ᠂ ᠲᠡᠳᠡᠨ ᠳ᠋ᠦ᠍ ᠢᠯᠡᠭᠡᠭᠰᠡᠨ ᠰᠣᠷᠢᠯᠲᠠ ᠪᠣᠯᠬᠤ ᠶ᠋ᠢ ᠲᠡᠮᠦᠵᠢᠨ ᠴᠦ᠍᠂ ᠪᠥᠷᠲᠡ ᠴᠤ᠌ ᠮᠡᠳᠡᠬᠦ ᠦᠭᠡᠢ ᠪᠠᠢᠯᠠ ᠃
ᠲᠡᠳᠡᠨ ᠦ᠌ ᠲᠡᠪᠡᠷᠢᠯᠳᠦᠬᠦ ᠶ᠋ᠢ ᠦᠵᠡᠭᠡᠳ ᠬᠠᠰᠠᠷ᠂ ᠪᠡᠯᠭᠦᠳᠡᠢ᠂ ᠵᠡᠯᠮᠡ ᠭᠤᠷᠪᠠ ᠪᠡᠶᠡ ᠪᠡᠶᠡ ᠶ᠋ᠢ ᠨᠢᠳᠤᠷᠤᠯᠴᠠᠨ ᠪᠠᠶᠠᠷᠯᠠᠵᠠᠢ ᠃ ᠲᠡᠮᠦᠵᠢᠨ ᠲᠠᠢᠪᠤᠰᠢᠷᠠᠭᠰᠠᠨ ᠨᠢ ᠲᠡᠳᠡᠨ ᠦ᠌ ᠬᠤᠪᠢ ᠳ᠋ᠤ᠌ ᠦᠨᠡᠬᠡᠷ ᠪᠠᠶᠠᠷ ᠪᠠᠢᠪᠠ ᠃ ᠬᠡᠷᠪᠡ ᠵᠥᠷᠢᠭᠦᠳ ᠮᠤᠭᠤᠢᠳ ᠲᠡᠮᠦᠵᠢᠨ ᠪᠥᠷᠲᠡ ᠶ᠋ᠢ ᠠᠯᠠᠨᠠ ᠭᠡᠪᠡᠯ ᠲᠡᠳᠡ ᠶᠠᠭᠠᠬᠢᠵᠤ ᠴᠤ᠌ ᠴᠢᠳᠠᠬᠤ ᠦᠭᠡᠢ ᠪᠠᠢᠪᠠ ᠃ ᠬᠠᠷᠢᠨ ᠲᠡᠮᠦᠵᠢᠨ ᠠᠯᠠᠬᠤ ᠪᠠᠷ ᠰᠢᠢᠳᠪᠡᠯ ᠬᠠᠰᠠᠷ ᠪᠥᠷᠲᠡ ᠶ᠋ᠢ ᠭᠤᠶᠤᠵᠤ ᠠᠪᠤᠶᠠ ᠭᠡᠵᠦ ᠳᠣᠲᠣᠷᠠ ᠪᠠᠨ ᠰᠢᠢᠳᠦᠭᠰᠡᠨ ᠪᠢᠯᠡ ᠃ ᠦᠵᠡᠰᠬᠦᠯᠡᠩᠲᠡᠢ᠂ᠤᠬᠠᠭᠠᠨ ᠲᠠᠢ ᠪᠥᠷᠲᠡ ᠳ᠋ᠦ᠍ ᠭᠠᠭᠴᠠ ᠬᠠᠰᠠᠷ ᠴᠤ᠌ ᠪᠢᠰᠢ ᠪᠦᠭᠦᠳᠡ ᠳᠣᠲᠣᠨᠣ ᠰᠠᠢᠨ ᠢ᠋ᠶ᠋ᠠᠷ ᠬᠠᠨᠳᠤᠬᠤ ᠪᠥᠯᠥᠭᠡ᠃
— ᠬᠠᠷᠢᠶᠠ ᠳᠠ ᠬᠣᠶᠠᠭᠤᠯᠠ ᠪᠠᠨ ᠭᠡᠵᠦ ᠲᠡᠮᠦᠵᠢᠨ ᠪᠥᠷᠲᠡ ᠶ᠋ᠢ ᠲᠡᠪᠡᠷᠢᠭᠰᠡᠨ ᠴᠢᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠰᠢᠪᠡᠨᠡᠪᠡ ᠃
— ᠬᠠᠮᠢᠭᠠᠰᠢ ᠪᠠᠨ ᠭᠡᠵᠦ ᠠᠰᠠᠭᠤᠬᠤ ᠳ᠋ᠠᠭᠠᠨ ᠪᠥᠷᠲᠡ ᠡᠷᠡᠭᠡᠯᠵᠡᠨ ᠢᠲᠡᠭᠡᠬᠦ ᠦᠭᠡᠢ ᠴᠦ᠍ ᠲᠡᠮᠦᠵᠢᠨ ᠡᠴᠡ ᠰᠠᠯᠵᠤ ᠬᠠᠭᠠᠴᠠᠨᠠ ᠭᠡᠬᠦ ᠡᠴᠡ ᠬᠡᠴᠢᠨᠡᠨ ᠶᠡᠬᠡ ᠬᠠᠷᠠᠮᠰᠠᠵᠤ ᠪᠣᠢ ᠪᠠᠨ ᠮᠡᠳᠡᠷᠡᠯᠡ᠃
— ᠪᠤᠷᠬᠠᠨ ᠬᠠᠯᠳᠤᠨ ᠠᠭᠤᠯᠠᠨ ᠳ᠋ᠠᠭᠠᠨ ᠣᠴᠢᠶᠠ᠃ ᠲᠡᠨᠳᠡ ᠭᠡᠷ ᠮᠢᠨᠢ ᠪᠣᠢ᠃ ᠡᠵᠢ ᠮᠢᠨᠢ ᠲᠡᠨᠳᠡ ᠬᠦᠯᠢᠶᠡᠵᠦ ᠪᠠᠢᠭᠠ᠃
— ᠲᠡᠮᠦᠵᠢᠨ᠃ ᠴᠢᠮᠠᠲᠤ ᠬᠡᠴᠡᠭᠦᠦ ᠪᠣᠯ ᠨᠠᠮᠠᠶ᠋ᠢ ᠡᠨᠳᠡ ᠣᠷᠬᠢᠵᠤ ᠣᠳ ᠭᠡᠵᠦ ᠪᠥᠷᠲᠡ ᠬᠡᠯᠡᠭᠰᠡᠨ ᠴᠦ᠍ ᠪᠠᠶᠠᠷᠯᠠᠭᠰᠠᠨ ᠳ᠋ᠠᠭᠠᠨ ᠴᠢᠮᠡᠭᠡ ᠦᠭᠡᠢ ᠤᠬᠢᠯᠠᠭᠰᠠᠭᠠᠷ ᠠᠵᠢ᠃ ᠴᠢᠯᠭᠡᠷ ᠪᠥᠬᠡ ᠳ᠋ᠦ᠍ ᠢᠷᠡᠭᠰᠡᠨ ᠳᠣᠣᠷᠠ ᠪᠠᠨ ᠬᠥᠯ ᠬᠦᠨᠳᠦ ᠪᠣᠯᠤᠭᠰᠠᠨ ᠢ᠋ᠶ᠋ᠠᠨ ᠮᠡᠳᠡᠮᠡᠭᠴᠡ ᠠᠮᠢ ᠪᠠᠨ ᠦᠷᠡᠬᠦ ᠪᠡᠷ ᠬᠡᠳᠦᠨᠲᠡ ᠣᠷᠣᠯᠳᠣᠭᠰᠠᠨ ᠴᠤ᠌ ᠵᠢᠷᠦᠬᠡᠯᠡᠵᠦ ᠴᠢᠳᠠᠭᠠ ᠦᠭᠡᠢ ᠪᠢᠯᠡ᠃ ᠲᠡᠮᠦᠵᠢᠨ ᠶᠠᠮᠠᠷ ᠪᠡᠷᠬᠡ ᠰᠢᠨᠠᠯᠤᠯ ᠳ᠋ᠤ᠌ ᠤᠨᠠᠭᠰᠠᠨ ᠢ᠋ ᠪᠥᠷᠲᠡ ᠭᠠᠰᠢᠭᠤᠳᠠᠨ ᠮᠡᠳᠡᠷᠡᠵᠦ ᠪᠠᠢᠯᠠ᠃ ᠪᠠᠰᠠ ᠲᠡᠭᠦᠨ ᠢ᠋ ᠶᠠᠮᠠᠷ ᠶᠡᠬᠡ ᠲᠡᠪᠴᠢᠶᠡᠷᠢ ᠭᠠᠷᠭᠠᠨ ᠪᠡᠶᠡ ᠪᠡᠨ ᠪᠠᠷᠢᠵᠤ ᠪᠠᠢᠭᠠ ᠶ᠋ᠢ ᠴᠦ᠍ ᠮᠡᠳᠡᠵᠦ ᠪᠠᠢᠪᠠ᠃ ᠲᠡᠳᠡᠨ ᠢ᠋ ᠡᠢᠮᠦ ᠭᠠᠰᠢᠭᠤᠨ ᠬᠤᠪᠢ ᠵᠣᠬᠢᠶᠠᠯ ᠬᠦᠯᠢᠶᠡᠵᠦ ᠪᠠᠢᠭᠰᠠᠨ ᠢ᠋ ᠤᠷᠢᠳᠴᠢᠯᠠᠨ ᠳᠠᠭᠠᠵᠤ ᠮᠡᠳᠡᠬᠦ ᠠᠷᠭᠠ ᠦᠭᠡᠢ ᠨᠢ ᠭᠠᠰᠠᠯᠠᠩᠲᠠᠢ᠃ ᠣᠳᠣ ᠲᠡᠳᠡᠨ ᠳ᠋ᠦ᠍ ᠭᠠᠭᠴᠠᠬᠠᠨ ᠲᠡᠪᠴᠢᠬᠦ ᠯᠡ ᠦᠯᠡᠳᠡᠵᠡᠢ᠃
— ᠪᠦᠦ ᠤᠬᠢᠯᠠ᠂ ᠪᠥᠷᠲᠡ᠃ ᠪᠢ ᠴᠢᠮᠠᠶ᠋ᠢ ᠶᠠᠭᠠᠬᠢᠵᠤ ᠣᠷᠬᠢᠨᠠ᠃ ᠪᠢ ᠴᠢᠮᠠᠶ᠋ᠢ ᠯᠠ ᠠᠪᠬᠤ ᠭᠡᠵᠦ ᠢᠷᠡᠭᠰᠡᠨ᠃ ᠶᠠᠭᠤᠮᠠ ᠪᠠᠨ ᠪᠡᠯᠡᠳ᠃ ᠮᠠᠷᠭᠠᠰᠢ ᠶᠠᠪᠤᠵᠠᠭᠠᠨᠠ ᠭᠡᠵᠦ ᠲᠡᠮᠦᠵᠢᠨ ᠬᠡᠯᠡᠬᠦ ᠳ᠋ᠡᠭᠡᠨ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠢᠩᠭᠢᠵᠦ ᠲᠠᠢᠪᠤᠰᠢᠷᠠᠭᠰᠠᠨ ᠳ᠋ᠤ᠌ ᠭᠠᠢᠬᠠᠵᠠᠢ᠃
ᠶᠠᠭᠤ ᠠᠪᠬᠤ ᠪᠢᠯᠡ? ᠵᠠᠮ ᠳ᠋ᠤ᠌ ᠲᠥᠷᠥᠪᠡᠯ ᠭᠡᠵᠦ ᠯᠡ ᠵᠢᠭᠠᠯ ᠵᠤᠭᠤᠯ ᠶᠠᠭᠤᠮᠠ ᠠᠪᠤᠶᠠ᠃ ᠲᠡᠭᠡᠭᠡᠳ ᠯᠡ ᠶᠠᠪᠤᠶᠠ᠃ ᠲᠡᠮᠦᠵᠢᠨ᠂ ᠴᠢ ᠨᠠᠮᠠᠶ᠋ᠢ ᠪᠦᠦ ᠵᠢᠮᠡᠯᠡ᠃ ᠡᠨᠡ ᠬᠡᠦᠬᠡᠳ ᠴᠢᠨᠦ ᠬᠡᠦᠬᠡᠳ ᠪᠣᠯᠤᠨᠠ᠃ ᠪᠢ ᠠᠮᠠᠯᠠᠵᠤ ᠪᠠᠢᠨᠠ᠃
— ᠲᠩᠷᠢ ᠶ᠋ᠢᠨ ᠲᠠᠭᠠᠯᠠᠯ ᠮᠡᠳᠡᠵᠦ ᠭᠡᠮᠡᠨ ᠲᠡᠮᠦᠵᠢᠨ ᠳᠤᠭᠤᠯᠭᠠᠪᠤᠷᠢ ᠲᠠᠢ ᠰᠢᠪᠡᠨᠡᠪᠡ᠃
ᠲᠡᠮᠦᠵᠢᠨ ᠪᠥᠷᠲᠡ ᠬᠣᠶᠠᠷ ᠡᠢᠨ ᠡᠪᠯᠡᠷᠡᠪᠡ᠃ ᠪᠥᠷᠲᠡ ᠥᠪᠡᠷ ᠦ᠋ᠨ ᠬᠣᠨᠣᠭᠰᠠᠨ ᠭᠡᠷ ᠤᠷᠤᠭᠤ ᠬᠥᠯ ᠨᠢ ᠬᠥᠩᠭᠡᠷᠡᠴᠢᠬᠡᠭᠰᠡᠨ ᠮᠡᠲᠦ ᠭᠦᠶᠦᠨ ᠣᠳᠤᠯᠠ᠃
ᠲᠡᠷᠡ ᠰᠥᠨᠢ ᠮᠡᠷᠭᠢᠳ ᠦ᠋ᠨ ᠡᠵᠡᠭᠦᠢ ᠭᠡᠷ ᠲᠦ᠍ ᠬᠣᠨᠣᠬᠤ ᠳ᠋ᠠᠭᠠᠨ ᠲᠡᠮᠦᠵᠢᠨ ᠶᠡᠬᠡ ᠶ᠋ᠢ ᠪᠣᠳᠣᠪᠠ᠃
ᠲᠠᠢᠪᠤᠰᠢᠷᠠᠵᠤ᠂ ᠶᠠᠳᠠᠷᠠᠭᠰᠠᠨ ᠪᠥᠷᠲᠡ ᠭᠠᠯ ᠤ᠋ᠨ ᠢᠯᠴᠢᠨ ᠳ᠋ᠦ᠍ ᠴᠣᠬᠢᠭᠳᠠᠨ ᠨᠠᠮ ᠤᠨᠲᠠᠵᠠᠢ᠃ ᠬᠠᠷᠢᠨ ᠲᠡᠮᠦᠵᠢᠨ ᠭᠠᠯ ᠤ᠋ᠨ ᠳᠥᠯᠥ ᠰᠢᠷᠲᠡᠨ ᠪᠣᠳᠣᠯ ᠳ᠋ᠤ᠌ ᠠᠪᠲᠠᠨᠠ᠃ ᠠᠮᠢᠳᠤᠷᠠᠯ ᠡᠳᠦᠷ ᠪᠦᠷᠢ ᠲᠡᠭᠦᠨ ᠳ᠋ᠦ᠍ ᠬᠠᠷᠢᠭᠤ ᠣᠯᠬᠤ ᠳ᠋ᠤ᠌ ᠪᠡᠷᠬᠡᠲᠡᠢ ᠬᠦᠨᠳᠦ ᠠᠰᠠᠭᠤᠯᠲᠠ ᠲᠤᠯᠭᠠᠬᠤ ᠠᠵᠢ᠃ ᠣᠳᠣ ᠶᠠᠭᠠᠬᠢᠬᠤ ᠶᠣᠰᠣᠲᠠᠢ ᠪᠣᠢ? ᠪᠦᠭᠦᠳᠡ ᠡᠴᠡ ᠲᠣᠳᠣ ᠣᠢᠯᠠᠭᠠᠮᠵᠢᠲᠠᠢ ᠪᠠᠢᠭᠠ ᠭᠠᠭᠴᠠ ᠶᠠᠭᠤᠮᠠ ᠪᠣᠯ ᠪᠥᠷᠲᠡ ᠶ᠋ᠢ ᠶᠠᠭᠠᠬᠢᠭᠰᠠᠨ ᠴᠤ᠌ ᠳᠠᠬᠢᠨ ᠠᠯᠳᠠᠵᠤ ᠪᠣᠯᠬᠤ ᠦᠭᠡᠢ ᠶᠠᠪᠤᠳᠠᠯ ᠭᠡᠳᠡᠭ ᠢ᠋ ᠲᠡᠷᠡ ᠳᠠᠬᠢᠨ ᠤᠬᠠᠭᠠᠷᠠᠪᠠ᠃ ᠪᠥᠷᠲᠡ ᠶ᠋ᠢ ᠠᠳᠠ ᠦᠵᠡᠬᠦ ᠶᠤᠮ ᠤᠤ᠂ ᠠᠯᠠᠬᠤ ᠨᠢ ᠣᠭᠲᠣ ᠤᠳᠬᠠ ᠦᠭᠡᠢ ᠬᠡᠷᠡᠭ ᠶᠤᠮ᠃ ᠪᠥᠷᠲᠡ ᠶ᠋ᠢ ᠪᠤᠴᠠᠭᠠᠨ ᠠᠪᠤᠭᠰᠠᠨ ᠨᠢ ᠡᠨᠡ ᠳᠣᠯᠣᠭᠠᠨ ᠡᠴᠡ ᠣᠯᠤᠭᠰᠠᠨ ᠲᠡᠭᠦᠨ ᠦ᠌ ᠬᠠᠮᠤᠭ ᠤ᠋ᠨ ᠲᠣᠮᠣ ᠣᠯᠵᠠ᠃ ᠲᠡᠢᠮᠦ ᠤᠴᠢᠷ ᠡᠴᠡ ᠲᠡᠭᠦᠨ ᠢ᠋ ᠪᠡᠨ ᠶᠠᠭᠠᠬᠢᠭᠰᠠᠨ ᠴᠤ᠌ ᠠᠯᠳᠠᠵᠤ ᠪᠣᠯᠬᠤ ᠦᠭᠡᠢ᠃ ᠬᠠᠷᠢᠨ ᠬᠥᠯ ᠬᠦᠨᠳᠦ ᠪᠣᠯᠤᠭᠰᠠᠨ ᠨᠢ ᠶᠠᠭᠠᠬᠢᠬᠤ ᠴᠤ᠌ ᠠᠷᠭᠠ ᠦᠭᠡᠢ ᠲᠡᠭᠦᠨ ᠢ᠋ ᠡᠷᠡᠭᠡᠯᠵᠡᠵᠦ ᠭᠠᠢᠬᠠᠬᠤ ᠳ᠋ᠤ᠌ ᠬᠦᠷᠭᠡᠨ ᠪᠣᠬᠢᠮᠳᠤᠭᠤᠯᠤᠨᠡ᠃ ᠭᠡᠪᠡᠴᠦ ᠲᠡᠮᠦᠵᠢᠨ ᠳ᠋ᠦ᠍ ᠡᠭᠦᠨ ᠲᠡᠢ ᠡᠪᠯᠡᠷᠡᠨ ᠵᠣᠬᠢᠴᠠᠬᠤ ᠡᠴᠡ ᠥᠭᠡᠷᠡ ᠵᠠᠮ ᠪᠠᠢᠭᠰᠠᠨ ᠦᠭᠡᠢ᠃ ᠮᠡᠷᠭᠢᠳ ᠡᠴᠡ ᠪᠥᠷᠲᠡ ᠶ᠋ᠢ ᠪᠤᠴᠠᠭᠠᠵᠤ ᠪᠤᠯᠢᠶᠠᠨ ᠠᠪᠤᠭᠰᠠᠨ ᠢ᠋ᠶ᠋ᠠᠷ ᠬᠡᠷᠡᠢᠳ ᠵᠠᠳᠠᠷᠠᠨ ᠭᠡᠰᠡᠨ ᠬᠣᠶᠠᠷ ᠬᠦᠴᠦᠷᠬᠡᠭ ᠬᠣᠯᠪᠣᠭᠠᠲᠠᠨ ᠲᠠᠢ ᠪᠠᠨ ᠪᠦᠭᠦᠳᠡ ᠳ᠋ᠦ᠍ ᠬᠠᠷᠠᠭᠤᠯᠤᠭᠰᠠᠨ ᠨᠢ ᠪᠣᠷᠵᠢᠭᠢᠨ ᠠᠢᠮᠠᠭ ᠡᠷᠭᠢᠨ ᠨᠢᠭᠡᠳᠦᠭᠰᠡᠨ ᠲᠡᠢ ᠠᠳᠠᠯᠢ ᠦᠢᠯᠡ ᠶᠠᠪᠤᠳᠠᠯ ᠪᠣᠯᠤᠨᠠ ᠭᠡᠳᠡᠭ ᠢ᠋ ᠲᠡᠮᠦᠵᠢᠨ ᠲᠠᠭᠠᠪᠤᠷᠢᠯᠠᠵᠤ ᠪᠠᠢᠭᠰᠠᠨ ᠲᠤᠯᠠ ᠪᠡᠶᠡ ᠪᠡᠨ ᠪᠠᠷᠢᠵᠤ᠂ ᠲᠠᠢᠪᠤᠰᠢᠷᠠᠬᠤ ᠶ᠋ᠢ ᠬᠦᠴᠦᠯᠡᠨ ᠬᠢᠴᠢᠶᠡᠵᠦ ᠪᠠᠢᠯᠠ᠃
ᠠᠮᠢᠳᠤᠷᠠᠯ ᠤ᠋ᠨ ᠢ᠋ᠶ᠋ᠠᠨ ᠲᠥᠯᠥᠭᠡ᠂ ᠢᠷᠡᠭᠡᠳᠦᠢ ᠶ᠋ᠢᠨ ᠢᠯᠠᠯᠲᠠ ᠶ᠋ᠢᠨ ᠲᠥᠯᠥᠭᠡ ᠡᠢᠮᠦ ᠦᠨᠡ ᠲᠥᠯᠥᠬᠦ ᠶᠣᠰᠣᠲᠠᠢ ᠪᠣᠯ ᠲᠥᠯᠥᠬᠦ ᠡᠴᠡ ᠥᠭᠡᠷᠡ ᠠᠷᠭᠠ ᠦᠭᠡᠢ ᠶ᠋ᠢ ᠤᠬᠠᠭᠠᠷᠠᠵᠤ ᠪᠠᠢᠪᠠ᠃
ᠰᠡᠳᠬᠢᠯ ᠨᠢ ᠣᠩᠭᠣᠢᠵᠤ ᠲᠠᠢᠪᠤᠰᠢᠷᠠᠭᠠᠳ ᠨᠠᠮ ᠤᠨᠲᠠᠭᠰᠠᠨ ᠪᠥᠷᠲᠡ ᠶ᠋ᠢ ᠲᠡᠮᠦᠵᠢᠨ ᠭᠠᠯ ᠤ᠋ᠨ ᠭᠡᠷᠡᠯ ᠳ᠋ᠦ᠍ ᠤᠳᠠᠭᠠᠨ ᠰᠢᠷᠲᠡᠨ ᠠᠵᠢᠭᠯᠠᠪᠠ᠃ ᠲᠡᠷᠡ ᠦᠨᠡᠬᠡᠷ ᠦᠵᠡᠰᠬᠦᠯᠡᠩᠲᠡᠢ ᠴᠦ᠍ ᠥᠰᠲᠦ ᠮᠡᠷᠭᠢᠳ ᠦ᠋ᠨ ᠴᠢᠯᠭᠡᠷ ᠪᠥᠬᠡ ᠭᠡᠭᠴᠢ ᠡᠷᠡ ᠲᠡᠭᠦᠨ ᠢ᠋ ᠨᠢ ᠡᠳ᠋ᠯᠡᠵᠦ ᠪᠠᠢᠭᠰᠠᠨ ᠭᠡᠵᠦ ᠰᠠᠨᠠᠭᠳᠠᠬᠤᠢ ᠳ᠋ᠤ᠌ ᠭᠣᠣᠯ ᠨᠢ ᠬᠠᠷᠠᠯᠠᠨ ᠰᠢᠳᠦ ᠪᠡᠨ ᠬᠡᠮᠬᠡᠷᠡᠲᠡᠯᠡ ᠵᠠᠭᠤᠵᠤ᠂ ᠰᠢᠷᠢᠳᠡᠭ ᠦ᠋ᠨ ᠳᠡᠭᠡᠷᠡ ᠰᠢᠷᠬᠠᠲᠤᠭᠰᠠᠨ ᠴᠢᠨᠣᠠ ᠰᠢᠭ᠋ ᠠᠷᠬᠢᠷᠠᠨ ᠥᠩᠬᠥᠷᠢᠪᠡ᠃ ᠲᠡᠭᠦᠨ ᠳ᠋ᠦ᠍ ᠪᠥᠷᠲᠡ ᠶ᠋ᠢ ᠬᠡᠮᠬᠡ ᠪᠠᠯᠪᠠᠨ ᠬᠥᠭᠡᠭᠡᠵᠦ ᠶᠠᠪᠤᠭᠤᠯᠬᠤ ᠬᠦᠰᠡᠯ ᠲᠡᠪᠴᠢᠰᠢ ᠦᠭᠡᠢ ᠶᠡᠬᠡ ᠪᠡᠷ ᠣᠷᠭᠢᠯᠪᠠᠴᠤ ᠪᠡᠶᠡ ᠪᠡᠨ ᠪᠠᠷᠢᠵᠤ ᠳᠣᠲᠣᠷᠠ ᠪᠠᠨ ᠭᠠᠰᠠᠯᠤᠨ ᠤᠬᠢᠯᠠᠵᠤ ᠪᠠᠢᠪᠠ᠃ ᠲᠡᠭᠦᠨ ᠦ᠌ ᠦᠰ ᠬᠣᠷᠣᠰᠤᠯ ᠳ᠋ᠤ᠌ ᠬᠢᠵᠠᠭᠠᠷ ᠪᠠᠢᠭᠰᠠᠨ ᠦᠭᠡᠢ᠃
ᠲᠩᠷᠢ ᠮᠢᠨᠢ᠂ ᠨᠠᠮᠠᠶ᠋ᠢ ᠶᠠᠭᠠᠬᠢᠭᠰᠠᠨ ᠭᠡᠵᠦ ᠢᠩᠭᠢᠵᠦ ᠬᠠᠲᠠᠭᠤ ᠪᠠᠷ ᠵᠠᠯᠬᠠᠭᠠᠨᠠ ᠪᠣᠢ? ᠶᠠᠭᠤᠨ ᠤ᠋ ᠤᠴᠢᠷ ᠥᠰᠲᠦ ᠮᠡᠷᠭᠢᠳ ᠦ᠋ᠨ ᠦᠷᠡ ᠶ᠋ᠢ ᠡᠪᠦᠷ ᠲᠦ᠍ ᠮᠢᠨᠢ ᠰᠢᠷᠭᠤᠭᠤᠯᠪᠠ? ᠲᠡᠭᠦᠨ ᠢ᠋ ᠨᠠᠳᠠ ᠡᠴᠡ ᠵᠠᠢᠯᠠᠭᠤᠯᠵᠤ ᠥᠭᠭᠦᠭᠡᠴᠢ! ᠪᠢ ᠣᠳᠣ ᠶᠠᠭᠠᠬᠢᠬᠤ ᠶᠣᠰᠣᠲᠠᠢ ᠪᠣᠢ? ᠬᠡᠯᠡᠭᠡᠴᠢ?
ᠲᠡᠮᠦᠵᠢᠨ ᠮᠡᠷᠭᠢᠳ ᠦ᠋ᠨ ᠬᠦᠷᠢᠶᠡᠨ ᠦ᠌ ᠵᠠᠬᠠ ᠳ᠋ᠤ᠌ ᠬᠠᠳᠠᠨ ᠳᠡᠭᠡᠷᠡ ᠭᠠᠷᠴᠤ ᠰᠥᠬᠥᠷᠡᠨ ᠰᠠᠭᠤᠭᠠᠳ ᠲᠩᠷᠢ ᠡᠴᠡ ᠡᠢᠨ ᠮᠥᠷᠭᠥᠨ ᠭᠤᠶᠤᠪᠠ᠃ ᠬᠠᠷᠠᠩᠭᠤᠢ ᠲᠩᠷᠢ ᠳᠦᠯᠡᠢ ᠶᠤᠮ ᠰᠢᠭ ᠲᠠᠭ ᠴᠢᠭ᠃ ᠰᠠᠢᠨ ᠮᠠᠭᠤ ᠶᠠᠮᠠᠷ ᠴᠤ᠌ ᠬᠠᠷᠢᠭᠤ ᠡᠰᠡ ᠰᠣᠨᠣᠰᠤᠭᠳᠠᠨᠠ᠃ ᠤᠬᠠᠭᠠᠨ ᠰᠠᠨᠠᠭᠠᠨ ᠳ᠋ᠤᠨᠢ ᠶᠠᠮᠠᠷ ᠨᠢᠭᠡᠨ ᠲᠣᠳᠣᠷᠬᠠᠢ ᠰᠢᠢᠳ ᠲᠥᠷᠥᠬᠦ ᠦᠭᠡᠢ ᠮᠤᠬᠤᠷᠳᠠᠨᠠ᠃ ᠲᠩᠷᠢ ᠳ᠋ᠦ᠍ ᠬᠠᠨᠳᠤᠨ ᠦᠭᠡ ᠪᠡᠨ ᠬᠡᠯᠡᠭᠰᠡᠨ ᠲᠣᠬᠢᠶᠠᠯ ᠪᠦᠷᠢ ᠳ᠋ᠦ᠍ ᠲᠡᠭᠦᠨ ᠦ᠌ ᠤᠬᠠᠭᠠᠨ ᠰᠠᠨᠠᠭᠠ ᠨᠢ ᠭᠡᠢᠵᠦ᠂ ᠵᠣᠷᠢᠭ ᠲᠡᠭᠦᠰ ᠪᠣᠯᠳᠠᠭ ᠪᠣᠯ ᠡᠨᠡ ᠤᠳᠠᠭᠠ ᠲᠡᠭᠡᠭᠰᠡᠨ ᠦᠭᠡᠢ ᠨᠢ ᠭᠠᠢᠬᠠᠯᠲᠠᠢ᠃ ᠯᠠᠪ ᠲᠡᠭᠦᠨ ᠦ᠌ ᠬᠡᠯᠡᠭᠰᠡᠨ ᠬᠦᠰᠡᠯ ᠢ᠋ ᠲᠩᠷᠢ ᠲᠠᠭᠠᠯᠠᠭᠰᠠᠨ ᠦᠭᠡᠢ ᠪᠣᠯᠤᠯᠲᠠᠢ᠃ ᠲᠩᠷᠢ ᠳ᠋ᠦ᠍ ᠲᠠᠭᠠᠯᠠᠭᠳᠠᠬᠤ ᠦᠭᠡᠢ ᠬᠦᠰᠡᠯ ᠪᠠᠰᠠ ᠪᠠᠢᠳᠠᠭ ᠢ᠋ ᠲᠡᠮᠦᠵᠢᠨ ᠤᠬᠠᠭᠠᠷᠠᠯᠠ᠃ ᠡᠢᠮᠦ ᠦᠶᠡ ᠳ᠋ᠦ᠍ ᠶᠠᠭᠠᠬᠢᠬᠤ ᠶᠣᠰᠣᠲᠠᠢ ᠪᠣᠢ? ᠦᠷ ᠴᠠᠢᠵᠤ ᠭᠡᠭᠡ ᠣᠷᠣᠬᠤ ᠡᠴᠡ ᠡᠮᠦᠨᠡ ᠲᠡᠮᠦᠵᠢᠨ ᠰᠢᠢᠳ ᠭᠠᠷᠭᠠᠬᠤ ᠶᠣᠰᠣᠲᠠᠢ᠃ ᠲᠩᠷᠢ ᠲᠡᠭᠦᠨ ᠳ᠋ᠦ᠍ ᠲᠤᠰᠠᠯᠠᠬᠤ ᠦᠭᠡᠢ ᠨᠢ ᠣᠢᠯᠠᠭᠠᠮᠵᠢᠲᠠᠢ ᠪᠣᠯᠤᠭᠰᠠᠨ ᠲᠤᠯᠠ ᠵᠥᠪᠬᠡᠨ ᠥᠪᠡᠷ ᠦ᠋ᠨ ᠵᠣᠷᠢᠭ᠂ ᠤᠬᠠᠭᠠᠨ ᠳ᠋ᠤ᠌ ᠨᠠᠢᠳᠠᠬᠤ ᠬᠡᠷᠡᠭᠲᠡᠢ ᠪᠣᠯᠵᠠᠢ᠃ ᠲᠡᠮᠦᠵᠢᠨ ᠲᠩᠷᠢ ᠶ᠋ᠢᠨ ᠦᠭᠡ ᠶ᠋ᠢ ᠬᠦᠯᠢᠶᠡᠨ ᠰᠠᠭᠤᠵᠤ᠂ ᠭᠣᠮᠣᠳᠠᠯᠲᠠᠢ ᠪᠠᠷ ᠪᠦᠰᠡ ᠪᠡᠨ ᠪᠦᠰᠡᠯᠡᠨ ᠪᠣᠰᠤᠯᠠ᠃ ᠣᠳᠣ ᠲᠡᠭᠦᠨ ᠳ᠋ᠦ᠍ ᠭᠠᠭᠴᠠᠬᠠᠨ ᠥᠪᠡᠷ ᠦ᠋ᠨ ᠰᠢᠢᠳᠪᠦᠷᠢ ᠳ᠋ᠦ᠍ ᠢᠲᠡᠭᠡᠬᠦ ᠯᠡ ᠦᠯᠡᠳᠡᠵᠡᠢ᠃ ᠲᠩᠷᠢ ᠨᠢᠭᠡᠨᠲᠡ ᠬᠠᠷᠢᠭᠤ ᠬᠡᠯᠡᠭᠡ ᠦᠭᠡᠢ ᠲᠤᠯᠠ ᠶᠠᠭᠠᠬᠢᠵᠤ ᠰᠢᠢᠳᠬᠦ ᠨᠢ ᠥᠪᠡᠷ ᠦ᠋ᠨ ᠮᠡᠳᠡᠬᠦ ᠬᠡᠷᠡᠭ ᠭᠡᠵᠦ ᠲᠡᠷᠡ ᠪᠣᠳᠣᠪᠠ᠃ ᠶᠢᠰᠦᠭᠡᠢ ᠡᠴᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠱᠠᠷᠢᠯ ᠤ᠋ᠨ ᠳᠡᠷᠭᠡᠳᠡ ᠰᠠᠭᠤᠬᠤ ᠳ᠋ᠠᠭᠠᠨ ᠯᠠ ᠲᠩᠷᠢ ᠶ᠋ᠢᠨ ᠦᠭᠡ ᠶ᠋ᠢ ᠰᠣᠨᠣᠰᠴᠤ᠂ ᠲᠡᠭᠦᠨ ᠲᠡᠢ ᠶᠠᠷᠢᠵᠤ ᠦᠵᠡᠬᠦ ᠰᠠᠨ ᠭᠡᠵᠦ ᠲᠡᠮᠦᠵᠢᠨ ᠠᠩᠬᠠ ᠲᠤᠢᠯ ᠦᠭᠡᠢ ᠶᠡᠬᠡ ᠭᠠᠰᠢᠭᠤᠳᠠᠨ ᠬᠦᠰᠡᠭᠰᠡᠨ ᠪᠢᠯᠡ᠃ ᠲᠡᠭᠦᠨ ᠡᠴᠡ ᠬᠣᠢᠰᠢ ᠰᠡᠳᠬᠢᠯ ᠦ᠋ᠨ ᠳᠣᠲᠣᠷᠠ ᠲᠣᠳᠣᠷᠬᠠᠢ ᠰᠢᠢᠳ ᠭᠠᠷᠭᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠤᠭᠰᠠᠨ ᠦᠶᠡ ᠳ᠋ᠡᠭᠡᠨ ᠢᠩᠭᠢᠵᠦ ᠲᠩᠷᠢ ᠲᠡᠢ ᠶᠠᠷᠢᠵᠤ ᠰᠤᠷᠴᠠᠢ᠃ ᠢᠩᠭᠢᠬᠦ ᠳ᠋ᠦ᠍ᠨᠢ ᠮᠡᠩᠯᠢᠭ ᠦ᠋ᠨ ᠳᠤᠮᠳᠠ ᠬᠥᠪᠡᠭᠦᠨ ᠬᠥᠭᠡᠴᠦ ᠤᠷᠤᠭᠤ ᠲᠠᠲᠠᠭᠰᠠᠨ ᠶᠤᠮ᠃ ᠬᠡᠨ᠂ ᠬᠠᠮᠢᠭᠠ ᠡᠴᠡ ᠲᠡᠭᠦᠨ ᠳ᠋ᠦ᠍ ᠢᠩᠭᠢᠵᠦ ᠲᠣᠪ ᠲᠣᠳᠣ ᠦᠭᠡ ᠬᠡᠯᠡᠵᠦ ᠤᠬᠠᠭᠠᠷᠠᠭᠤᠯᠳᠠᠭ ᠢ᠋ ᠮᠡᠳᠡᠬᠦ ᠦᠭᠡᠢ᠂ ᠪᠠᠰᠠ ᠦᠵᠡᠭᠡ ᠦᠭᠡᠢ ᠴᠦ᠍ ᠲᠩᠷᠢ ᠯᠡ ᠢᠩᠭᠢᠵᠦ ᠬᠡᠯᠡᠳᠡᠭ ᠭᠡᠳᠡᠭ ᠲᠦ᠍ ᠲᠡᠷᠡ ᠢᠲᠡᠭᠡᠳᠡᠭ᠂ ᠪᠠᠰᠠ ᠬᠥᠭᠡᠴᠦ ᠴᠦ᠍ ᠲᠡᠭᠡᠵᠦ ᠬᠡᠯᠡᠳᠡᠭ ᠪᠠᠢᠪᠠ᠃ ᠡᠨᠡ ᠨᠢ ᠲᠩᠷᠢ ᠶ᠋ᠢᠨ ᠦᠭᠡ ᠪᠢᠰᠢ ᠬᠠᠷᠢᠨ ᠥᠪᠡᠷ ᠦ᠋ᠨ ᠬᠢᠨᠢ ᠤᠬᠠᠭᠠᠷᠠᠯ ᠭᠡᠳᠡᠭ ᠢ᠋ ᠲᠡᠮᠦᠵᠢᠨ ᠮᠡᠳᠡᠭᠰᠡᠨ ᠦᠭᠡᠢ᠃ ᠪᠠᠰᠠ ᠡᠭᠦᠨ ᠢ᠋ ᠪᠡᠨ ᠨᠥᠬᠥᠳ ᠲᠡᠭᠡᠨ ᠴᠦ᠍ ᠬᠡᠯᠡᠳᠡᠭ ᠦᠭᠡᠢ ᠪᠠᠢᠯᠠ᠃ ᠬᠠᠷᠢᠨ ᠠᠩᠬᠠ ᠤᠳᠠᠭᠠ ᠲᠩᠷᠢ ᠲᠡᠭᠦᠨ ᠳ᠋ᠦ᠍ ᠶᠠᠮᠠᠷ ᠨᠢᠭᠡᠨ ᠬᠠᠷᠢᠭᠤ ᠬᠡᠯᠡᠵᠦ ᠵᠥᠪᠯᠡᠭᠰᠡᠨ ᠦᠭᠡᠢ ᠨᠢ ᠪᠥᠷᠲᠡ ᠶ᠋ᠢᠨ ᠪᠡᠶᠡ ᠳᠠᠪᠬᠤᠷ ᠪᠣᠯᠤᠭᠰᠠᠨ ᠳ᠋ᠤ᠌ ᠲᠡᠮᠦᠵᠢᠨ ᠦ᠌ ᠤᠬᠠᠭᠠᠨ ᠴᠣᠴᠢᠷᠳᠠᠨ ᠰᠠᠮᠠᠭᠤᠷᠠᠭᠰᠠᠨ ᠤ᠋ ᠬᠢ ᠪᠠᠢᠪᠠ᠃ ᠡᠨᠡ ᠤᠳᠠᠭᠠ ᠶᠠᠮᠠᠷ ᠴᠤ᠌ ᠦᠶᠡ ᠳ᠋ᠦ᠍ ᠭᠠᠭᠴᠠᠬᠠᠨ ᠥᠪᠡᠷ ᠲᠡᠭᠡᠨ ᠯᠡ ᠢᠲᠡᠭᠡᠬᠦ ᠬᠡᠷᠡᠭᠲᠡᠢ ᠭᠡᠳᠡᠭ ᠢ᠋ ᠠᠮᠢᠳᠤᠷᠠᠯ ᠲᠡᠭᠦᠨ ᠳ᠋ᠦ᠍ ᠤᠬᠠᠭᠠᠷᠠᠭᠤᠯᠵᠠᠢ᠃ᠪᠠᠰᠠ ᠮᠠᠭᠠᠳ ᠦᠭᠡᠢ ᠭᠠᠵᠠᠷ ᠣᠷᠣᠨ ᠨᠢ ᠥᠭᠡᠷᠡ ᠤᠴᠢᠷ ᠡᠨᠳᠡ ᠲᠩᠷᠢ ᠲᠡᠭᠦᠨ ᠦ᠌ ᠬᠦᠰᠡᠯ ᠢ᠋ ᠰᠣᠨᠣᠰᠤᠭᠠ ᠦᠭᠡᠢ ᠴᠤ᠌ ᠪᠠᠢᠵᠤ ᠮᠡᠳᠡᠨᠡ ᠭᠡᠵᠦ ᠲᠩᠷᠢ ᠶ᠋ᠢ ᠴᠠᠭᠠᠳᠬᠠᠨ ᠪᠣᠳᠣᠵᠠᠢ᠃ ᠲᠩᠷᠢ ᠡᠢᠨ ᠬᠦ᠌ ᠲᠠᠭ ᠳᠠᠭᠤ ᠦᠭᠡᠢ ᠪᠠᠢᠭᠰᠠᠨ ᠨᠢ ᠲᠡᠮᠦᠵᠢᠨ ᠦ᠌ ᠡᠷᠡᠭᠡᠯᠵᠡᠭᠡ ᠶ᠋ᠢ ᠲᠠᠢᠯᠵᠤ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠵᠥᠪ ᠭᠡᠮᠡᠨ ᠪᠣᠳᠣᠬᠤ ᠳ᠋ᠤ᠌ ᠬᠦᠷᠭᠡᠪᠡ᠃ ᠭᠡᠲᠡᠯᠡ ᠤᠭ ᠡᠴᠡ ᠳᠡᠮᠡᠢ ᠶᠠᠭᠤᠮᠠ ᠪᠣᠳᠣᠵᠤ ᠲᠡᠭᠦᠨ ᠢ᠋ ᠪᠡᠨ ᠠᠰᠠᠭᠤᠵᠤ ᠳᠡᠮᠵᠢᠯᠭᠡ ᠬᠦᠰᠡᠭᠰᠡᠨ ᠢ᠋ ᠨᠢ ᠲᠩᠷᠢ ᠳᠠᠭᠠᠯᠠᠭᠠ ᠦᠭᠡᠢ ᠶ᠋ᠢ ᠲᠡᠮᠦᠵᠢᠨ ᠮᠠᠲᠠᠯ ᠦᠭᠡᠢ ᠥᠩᠭᠡᠷᠡᠭᠰᠡᠨ ᠪᠢᠯᠡ᠃
ᠥᠷᠯᠥᠭᠡ ᠪᠣᠯᠵᠤ ᠨᠠᠷᠠ ᠲᠤᠰᠬᠤ ᠳ᠋ᠤ᠌ ᠲᠡᠮᠦᠵᠢᠨ ᠦ᠌ ᠰᠡᠳᠬᠢᠯ ᠰᠢᠭᠤᠳᠷᠠᠵᠤ ᠰᠢᠢᠳᠪᠦᠷᠢ ᠲᠡᠭᠦᠰ ᠪᠣᠯᠤᠭᠰᠠᠨ ᠪᠠᠢᠯᠠ᠃ ᠮᠡᠷᠭᠢᠳ ᠦ᠋ᠨ ᠶᠡᠬᠡᠩᠬᠢ ᠶ᠋ᠢ ᠰᠥᠨᠥᠭᠡᠭᠰᠡᠨ ᠲᠤᠭᠤᠷᠢᠯ ᠵᠠᠮᠤᠬᠠ ᠬᠣᠶᠠᠷ ᠣᠯᠵᠠᠨ ᠳ᠋ᠠᠭᠠᠨ ᠴᠠᠳᠴᠤ ᠬᠠᠨᠤᠭᠠᠳ ᠲᠡᠮᠦᠵᠢᠨ ᠢ᠋ ᠣᠷᠣ ᠲᠠᠰᠤ ᠮᠠᠷᠲᠠᠵᠠᠢ᠃ ᠲᠡᠳᠡ ᠲᠣᠭᠲᠠᠭᠠ ᠪᠡᠬᠢ ᠶ᠋ᠢᠨ ᠶᠡᠬᠡ ᠥᠷᠭᠥᠭᠡ ᠶ᠋ᠢ ᠡᠵᠡᠯᠡᠵᠦ ᠮᠡᠷᠭᠢᠳ ᠦ᠋ᠨ ᠪᠦᠰᠡᠭᠦᠢᠴᠦᠳ ᠢ᠋ᠶ᠋ᠡᠷ ᠵᠤᠭᠠ ᠪᠠᠨ ᠭᠠᠷᠭᠠᠵᠤ ᠨᠠᠢᠷᠯᠠᠭᠰᠠᠭᠠᠷ ᠠᠵᠢ᠃ ᠲᠡᠮᠦᠵᠢᠨ ᠦ᠌ ᠨᠥᠬᠥᠳ ᠪᠤᠭᠤᠷᠴᠢ᠂ ᠵᠡᠯᠮᠡ᠂ ᠪᠡᠯᠭᠦᠳᠡᠢ᠂ ᠬᠠᠰᠠᠷ ᠨᠠᠷ ᠲᠡᠭᠦᠨ ᠦ᠌ ᠶᠠᠭᠤ ᠬᠡᠯᠡᠬᠦ ᠶ᠋ᠢ ᠪᠡᠶᠡᠯᠡᠭᠦᠯᠬᠦ ᠳ᠋ᠦ᠍ ᠪᠡᠯᠡᠨ ᠬᠦᠯᠢᠶᠡᠵᠦ ᠪᠠᠢᠪᠠ᠃ ᠲᠡᠮᠦᠵᠢᠨ ᠦ᠌ ᠴᠢᠷᠠᠢ ᠶ᠋ᠢ ᠶᠠᠭᠠᠬᠢᠵᠤ ᠴᠤ᠌ ᠰᠢᠨᠵᠢᠭᠡᠳ ᠶᠠᠭᠤ ᠭᠡᠵᠦ ᠰᠢᠢᠳᠦᠭᠰᠡᠨ ᠢ᠋ ᠳᠠᠭᠠᠬᠤ ᠠᠷᠭᠠ ᠦᠭᠡᠢ᠃ ᠥᠷᠯᠥᠭᠡᠨ ᠦ᠌ ᠨᠠᠷᠠᠨ ᠳ᠋ᠤ᠌ ᠰᠢᠭᠦᠳᠡᠷᠢ ᠶ᠋ᠢᠨ ᠤᠰᠤ ᠰᠣᠯᠣᠩᠭᠠᠷᠠᠵᠤ᠂ ᠬᠢᠯᠭᠤ ᠮᠥᠷᠡᠨ ᠦ᠌ ᠡᠷᠭᠢ ᠪᠡᠷ ᠮᠠᠯ ᠪᠡᠯᠴᠢᠭᠡᠷᠯᠡᠵᠦ ᠡᠨᠳᠡ ᠥᠴᠥᠭᠡᠳᠦᠷ ᠲᠡᠢᠨ ᠳᠣᠯᠣᠭᠠᠨ ᠪᠣᠯᠤᠭᠠ ᠦᠭᠡᠢ ᠮᠡᠲᠦ ᠠᠮᠤᠭᠤᠯᠠᠩ ᠪᠠᠢᠯᠠ᠃ ᠨᠡᠭᠦᠳᠡᠯᠴᠢᠨ ᠠᠢᠮᠠᠭ ᠤ᠋ᠨ ᠠᠮᠢᠳᠤᠷᠠᠯ ᠳ᠋ᠤ᠌ ᠲᠡᠢᠨ ᠳᠣᠯᠣᠭᠠᠨ ᠭᠠᠷᠬᠤ ᠨᠢ ᠶᠠᠭ ᠡᠨᠡ ᠨᠠᠷᠠ ᠮᠠᠨᠳᠤᠬᠤ ᠰᠢᠭ᠋ ᠂ᠮᠠᠯ ᠪᠡᠯᠴᠢᠬᠦ ᠰᠢᠭ ᠵᠢᠷ ᠦ᠋ᠨ ᠶᠠᠪᠤᠳᠠᠯ ᠪᠢᠯᠡ᠃
— ᠮᠣᠷᠢᠳ ᠪᠡᠯᠡᠨ ᠤᠤ? ᠭᠡᠵᠦ ᠬᠢᠯᠭᠤ ᠮᠥᠷᠡᠨ ᠦ᠌ ᠵᠦᠭ ᠰᠢᠷᠳᠡᠨ ᠪᠣᠳᠣᠯ ᠪᠣᠯᠤᠨ ᠵᠣᠭᠰᠣᠭᠰᠠᠨ ᠲᠡᠮᠦᠵᠢᠨ ᠵᠠᠯᠮᠠ ᠶ᠋ᠢ ᠳᠡᠷᠭᠡᠳᠡ ᠪᠡᠨ ᠢᠷᠡᠬᠦ ᠳ᠋ᠦ᠍ ᠰᠢᠭᠤᠳ ᠠᠰᠠᠭᠤᠪᠠ᠃
— ᠰᠠᠢᠬᠠᠨ ᠠᠮᠠᠷᠠᠵᠤ᠂ ᠬᠠᠭᠰᠠᠷᠠᠭᠠᠳ ᠬᠠᠮᠢᠭᠠ ᠴᠤ᠌ ᠬᠦᠷᠬᠦ ᠳ᠋ᠦ᠍ ᠪᠡᠯᠡᠨ ᠪᠣᠯᠵᠠᠢ ᠭᠡᠵᠦ ᠵᠡᠯᠮᠡ ᠬᠡᠯᠡᠬᠦ ᠳ᠋ᠡᠭᠡᠨ ᠲᠡᠢᠨ ᠦ᠌ ᠣᠯᠵᠠᠨ ᠳ᠋ᠠᠭᠠᠨ ᠨᠡᠩ ᠢᠯᠠᠩᠭᠤᠶᠠ ᠮᠡᠷᠭᠢᠳ ᠦ᠋ᠨ ᠵᠢᠰᠦ ᠭᠤᠸᠠ ᠥᠬᠢᠨ ᠢ᠋ ᠲᠣᠭᠣᠷᠢᠯ ᠳ᠋ᠤ᠌ ᠠᠯᠳᠠᠭᠰᠠᠨ ᠳ᠋ᠠᠭᠠᠨ ᠣᠳᠣ ᠪᠣᠯᠲᠠᠯᠠ ᠬᠠᠷᠠᠮᠰᠠᠭᠰᠠᠭᠠᠷ ᠪᠠᠢᠭᠠ ᠨᠢ ᠢᠯᠡᠳᠲᠡ ᠮᠡᠳᠡᠭᠳᠡᠵᠦ ᠪᠠᠢᠪᠠ᠃ ᠵᠠᠯᠮᠠ ᠲᠡᠷᠡ ᠣᠯᠵᠠᠨ ᠤ᠋ ᠥᠬᠢᠨ ᠢ᠋ ᠥᠪᠡᠷ ᠲᠦ᠍ ᠪᠡᠨ ᠠᠪᠬᠤ ᠪᠠᠷ ᠪᠤᠭᠤᠷᠴᠢ ᠲᠠᠢ ᠲᠣᠬᠢᠷᠠᠭᠠᠳ ᠪᠠᠢᠭᠰᠠᠨ ᠲᠤᠯᠠ《 ᠳᠠᠩᠴᠤ ᠬᠥᠭᠡᠷᠦᠬᠦᠨ ᠥᠬᠢᠳ ᠪᠠᠢᠭᠰᠠᠨ ᠳᠠ》 ᠭᠡᠵᠦ ᠬᠠᠷᠠᠮᠰᠠᠨ ᠪᠣᠳᠣᠵᠠᠢ᠃ ᠣᠯᠵᠠᠨ ᠡᠴᠡ ᠲᠠᠲᠠᠭᠠᠯᠵᠠᠵᠤ ᠣᠯᠠᠨ ᠦᠭᠡ ᠬᠡᠯᠡᠭᠰᠡᠨ ᠲᠡᠮᠦᠵᠢᠨ ᠳ᠋ᠦ᠍ ᠬᠣᠷᠣᠰᠤᠭᠰᠠᠨ ᠲᠤᠭᠤᠷᠢᠯ ᠬᠥᠮᠦᠨ ᠮᠠᠯ ᠪᠦᠭᠦᠳᠡ ᠶ᠋ᠢ ᠬᠠᠮᠤᠵᠤ ᠣᠳᠤᠭᠰᠠᠨ ᠪᠢᠯᠡ᠃ ᠠᠮᠠ ᠶᠡᠬᠡᠲᠦ ᠠᠩᠭᠠᠢᠬᠤ ᠳ᠋ᠤ᠌ ᠪᠤᠶᠠᠨ ᠶᠡᠬᠡᠲᠦ ᠪᠤᠯᠢᠶᠠᠨᠠ ᠭᠡᠳᠡᠭ ᠪᠣᠯᠵᠠᠢ᠃
— ᠲᠡᠭᠡᠪᠡᠯ ᠮᠣᠷᠳᠠᠬᠤ ᠳ᠋ᠤ᠌ ᠪᠡᠯᠡᠳ! ᠭᠡᠵᠦ ᠲᠡᠮᠦᠵᠢᠨ ᠢ᠋ ᠬᠡᠯᠡᠬᠦ ᠳ᠋ᠦ᠍ ᠵᠠᠯᠮᠠ ᠬᠠᠷᠢᠭᠤ ᠬᠡᠯᠡᠭᠰᠡᠨ ᠦᠭᠡᠢ ᠬᠣᠯᠠ ᠦᠭᠡᠢ ᠠᠷᠭᠠᠮᠵᠢᠵᠤ ᠬᠣᠨᠣᠭᠰᠠᠨ ᠮᠣᠷᠢᠳ ᠤᠷᠤᠭᠤ ᠪᠠᠨ ᠭᠦᠶᠦᠯᠡ᠃ ᠵᠠᠯᠮᠠ ᠶ᠋ᠢᠨ ᠢᠩᠭᠢᠵᠦ ᠳᠠᠭᠤ ᠦᠭᠡᠢ ᠶᠠᠪᠤᠬᠤ ᠨᠢ ᠠᠭᠤᠷᠯᠠᠭᠰᠠᠨ ᠤ᠋ ᠬᠢ ᠶᠤᠮ᠃ ᠵᠠᠯᠮᠠ ᠶ᠋ᠢ ᠬᠠᠷᠠᠭᠰᠠᠨ ᠪᠡᠯᠭᠦᠳᠡᠢ ᠬᠠᠰᠠᠷ ᠬᠣᠶᠠᠷ ᠡᠮᠡᠭᠡᠯ ᠬᠠᠵᠠᠭᠠᠷ ᠢ᠋ᠶ᠋ᠠᠨ ᠠᠪᠴᠢᠷᠠᠬᠤ ᠪᠠᠷ ᠬᠣᠨᠣᠭᠰᠠᠨ ᠭᠡᠷ ᠦ᠋ᠨ ᠵᠦᠭ ᠶᠠᠪᠤᠪᠠ᠃ ᠲᠡᠮᠦᠵᠢᠨ ᠦ᠌ ᠳᠡᠷᠭᠡᠳᠡ ᠲᠠᠢᠪᠤᠩ ᠬᠡᠨᠡᠭ ᠦᠭᠡᠢ ᠪᠤᠭᠤᠷᠴᠢ ᠬᠦᠷᠴᠦ ᠢᠷᠡᠪᠡ᠃
— ᠪᠤᠭᠤᠷᠴᠢ᠂ᠴᠢ ᠪᠥᠷᠲᠡ ᠶ᠋ᠢ ᠠᠪᠴᠤ ᠪᠤᠴᠠ᠃ ᠬᠠᠰᠠᠷ ᠪᠢᠳᠡ ᠬᠡᠳᠦ ᠲᠣᠭᠣᠷᠢᠯ ᠵᠠᠮᠤᠬᠠ ᠬᠣᠶᠠᠷ ᠢ᠋ ᠡᠨᠳᠡ ᠡᠴᠡ ᠬᠥᠳᠡᠯᠲᠡᠯᠡ ᠴᠣᠭ ᠪᠠᠢᠬᠤ ᠬᠡᠷᠡᠭᠲᠡᠢ ᠪᠢᠵᠡ᠃
— ᠵᠠ᠂ ᠪᠢ ᠶᠠᠪᠤᠶᠠ ᠭᠡᠬᠦ ᠡᠴᠡ ᠥᠭᠡᠷᠡ ᠦᠭᠡ ᠪᠤᠭᠤᠷᠴᠢ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ᠃
— ᠪᠤᠭᠤᠷᠴᠢ᠂ᠴᠢ ᠴᠤ᠌ ᠭᠡᠰᠡᠨ ᠣᠯᠵᠠᠨ ᠳ᠋ᠠᠭᠠᠨ ᠬᠠᠷᠠᠮᠰᠠᠭᠰᠠᠭᠠᠷ ᠪᠠᠢᠨᠠ ᠤᠤ? ᠭᠡᠬᠦ ᠳ᠋ᠦ᠍᠂ ᠲᠡᠷᠡ ᠳᠠᠭᠤ ᠦᠭᠡᠢ ᠲᠣᠯᠣᠭᠠᠢ ᠰᠡᠭᠰᠦᠷᠪᠡ ᠃ ᠲᠡᠳᠡ ᠬᠡᠰᠡᠭ ᠵᠠᠭᠤᠷᠠ ᠴᠢᠮᠡᠭᠡ ᠦᠭᠡᠢ ᠵᠣᠭᠰᠣᠵᠠᠭᠠᠪᠠ ᠃
— ᠴᠢ ᠵᠠᠮᠤᠬᠠ ᠠᠨᠳᠠ ᠶ᠋ᠢᠨ ᠢ᠋ᠶ᠋ᠡᠨ ᠪᠡᠯᠡᠭ ᠡᠴᠡ ᠳᠡᠮᠡᠢ ᠲᠠᠲᠠᠭᠠᠯᠵᠠᠭᠰᠠᠨ ᠶᠤᠮ ᠭᠡᠵᠦ ᠪᠤᠭᠤᠷᠴᠢ ᠰᠢᠪᠡᠨᠡᠪᠡ ᠃ ᠪᠤᠭᠤᠷᠴᠢ ᠦᠨᠡᠨ ᠳ᠋ᠡᠭᠡᠨ ᠮᠠᠰᠢ ᠶᠡᠬᠡ ᠬᠠᠷᠠᠮᠰᠠᠵᠤ ᠪᠠᠢᠭᠰᠠᠨ ᠪᠢᠯᠡ ᠃
ᠲᠡᠮᠦᠵᠢᠨ ᠭᠡᠨᠡᠳᠲᠡ ᠪᠤᠭᠤᠷᠴᠢ ᠳ᠋ᠤ᠌ ᠣᠢᠷᠠᠲᠤᠨ ᠨᠢᠭᠤᠷ ᠲᠤᠨᠢ ᠲᠤᠯᠤᠨ ᠵᠣᠭᠰᠣᠵᠤ ᠨᠢᠳᠦ ᠤᠷᠤᠭᠤ ᠨᠢ ᠡᠭᠴᠡ ᠰᠢᠷᠲᠡᠪᠡ ᠃
— ᠶᠠᠭᠠᠬᠢᠪᠠ ᠴᠢ? ᠭᠡᠵᠦ ᠪᠤᠭᠤᠷᠴᠢ ᠲᠦᠭᠰᠢᠨ ᠰᠢᠪᠡᠨᠡᠭᠡᠳ ᠡᠷᠭᠢᠨ ᠲᠣᠭᠣᠷᠢᠨ ᠢ᠋ᠶ᠋ᠠᠨ ᠬᠠᠷᠠᠵᠤ ᠬᠣᠢᠰᠢ ᠠᠯᠬᠤᠮ ᠤᠬᠤᠷᠢᠪᠠ ᠃ ᠲᠡᠮᠦᠵᠢᠨ ᠦ᠌ ᠨᠢᠳᠦ ᠢᠩᠭᠢᠵᠦ ᠠᠶᠤᠮᠰᠢᠭᠲᠠᠢ ᠪᠠᠷ ᠭᠢᠯᠠᠯᠵᠠᠵᠤ ᠪᠠᠢᠬᠤ ᠶ᠋ᠢ ᠤᠷᠢᠳ ᠨᠢ ᠦᠵᠡᠭᠰᠡᠨ ᠦᠭᠡᠢ ᠲᠤᠯᠠ ᠰᠣᠴᠢᠵᠠᠢ ᠃ ᠲᠡᠮᠦᠵᠢᠨ ᠤᠷᠤᠭᠰᠢ ᠠᠯᠬᠤᠵᠤ ᠳᠠᠬᠢᠨ ᠨᠢᠭᠤᠷ ᠲᠤᠯᠤᠨ ᠵᠣᠭᠰᠣᠭᠠᠳ
— ᠪᠢ ᠴᠢᠮᠠ ᠳ᠋ᠤ᠌ ᠡᠷᠭᠦᠭᠰᠡᠨ ᠲᠠᠩᠭᠠᠷᠢᠭ ᠢ᠋ ᠴᠢᠨᠢ ᠰᠠᠨᠠᠭᠤᠯᠵᠤ ᠨᠢᠭᠡ ᠵᠠᠷᠯᠢᠭ ᠪᠠᠭᠤᠯᠭᠠᠶᠠ ᠭᠡᠵᠦ ᠰᠢᠪᠡᠨᠡᠬᠦ ᠳ᠋ᠦ᠍ᠨᠢ ᠪᠤᠭᠤᠷᠴᠢ ᠰᠠᠶᠢ ᠲᠠᠢᠪᠤᠰᠢᠷᠠᠨ ᠢᠨᠢᠶᠡᠮᠰᠦᠭᠯᠡᠪᠡ ᠃ ᠡᠨᠡ ᠤᠳᠠᠭᠠ ᠳ᠋ᠤ᠌ ᠲᠡᠷᠡ《 ᠵᠠᠷᠯᠢᠭ ᠪᠠᠭᠤᠯᠭᠠᠶᠠ 》ᠭᠡᠬᠦ ᠶ᠋ᠢ ᠰᠣᠨᠣᠰᠤᠭᠠᠳ ᠳᠣᠲᠣᠷᠠ ᠪᠠᠨ ᠢᠨᠢᠶᠡᠳᠦ ᠨᠢ ᠬᠦᠷᠦᠭᠰᠡᠨ ᠴᠦ᠍ ᠲᠡᠷᠡ ᠳᠣᠣᠷᠠ ᠪᠠᠨ ᠪᠡᠶᠡ ᠪᠡᠨ ᠪᠠᠷᠢᠨ ᠲᠥᠪ ᠴᠢᠷᠠᠢᠯᠠᠵᠤ᠂
— ᠪᠢ ᠰᠣᠨᠣᠰᠴᠤ ᠪᠠᠢᠨᠠ ᠃ ᠲᠡᠮᠦᠵᠢᠨ ᠭᠡᠵᠦ ᠬᠥᠮᠥᠰᠬᠡ ᠪᠡᠨ ᠵᠠᠩᠭᠢᠳᠪᠠ ᠃ ᠲᠡᠷᠡ ᠳᠣᠣᠷᠠ ᠪᠠᠨ ᠵᠠᠯᠭᠠᠨ᠂
— ᠪᠢ ᠴᠢᠨᠦ ᠵᠠᠷᠯᠢᠭ ᠢ᠋ ᠰᠣᠨᠣᠰᠤᠶᠠ ᠭᠡᠵᠦ ᠬᠡᠯᠡᠬᠦ ᠳ᠋ᠡᠭᠡᠨ ᠬᠠᠷᠢᠨ ᠴᠤ᠌ ᠪᠠᠬᠠᠳᠤᠬᠤ ᠰᠡᠳᠬᠢᠯ ᠳᠦᠭᠦᠷᠡᠩ ᠣᠷᠭᠢᠯᠬᠤ ᠶ᠋ᠢ ᠪᠤᠭᠤᠷᠴᠢ ᠮᠡᠳᠡᠷᠡᠯᠡ᠃ ᠢᠲᠡᠭᠡᠯᠲᠦ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ ᠵᠠᠷᠯᠢᠭ ᠢ᠋ ᠰᠣᠨᠣᠰᠴᠤ ᠪᠠᠰᠠ ᠪᠡᠶᠡᠯᠡᠭᠦᠯᠦᠨᠡ ᠭᠡᠳᠡᠭ ᠴᠣᠬᠣᠮ ᠶᠠᠮᠠᠷ ᠪᠠᠬᠠᠳᠤᠯᠲᠤ ᠬᠡᠷᠡᠭ ᠪᠣᠯᠬᠤ ᠶ᠋ᠢ ᠲᠡᠷᠡ ᠢᠩᠭᠢᠵᠦ ᠠᠩᠬᠠ ᠤᠳᠠᠭᠠ ᠮᠡᠳᠡᠷᠡᠵᠦ ᠲᠤᠢᠯ ᠦᠭᠡᠢ ᠪᠡᠶᠡᠰᠦᠨ ᠳᠣᠭᠳᠣᠯᠪᠠ ᠃ ᠮᠡᠷᠭᠢᠳ ᠢ᠋ ᠰᠥᠨᠥᠭᠡᠵᠦ ᠪᠥᠷᠲᠡ ᠶ᠋ᠢ ᠪᠤᠯᠢᠶᠠᠨ ᠠᠪᠤᠭᠰᠠᠨ ᠨᠢ ᠲᠡᠮᠦᠵᠢᠨ ᠢ᠋ ᠪᠢᠰᠢᠷᠡᠬᠦ ᠪᠤᠭᠤᠷᠴᠢ ᠶ᠋ᠢᠨ ᠰᠡᠳᠬᠢᠯ ᠢ᠋ ᠬᠦᠴᠦᠲᠡᠢ ᠪᠣᠯᠭᠠᠬᠤ ᠠᠵᠢ᠃ ᠲᠠᠬᠢᠷ ᠰᠡᠯᠡᠮᠡ ᠪᠡᠨ ᠪᠠᠲᠤ ᠠᠳᠬᠤᠭᠠᠳ ᠴᠢᠰᠤ ᠦᠰᠦᠴᠢᠭᠦᠯᠦᠨ ᠴᠠᠪᠴᠢᠯᠳᠤᠨ ᠲᠤᠯᠤᠯᠳᠤᠵᠤ ᠶᠠᠪᠤᠭᠰᠠᠨ ᠲᠡᠮᠦᠵᠢᠨ ᠢ᠋ ᠬᠠᠷᠠᠭᠠᠳ ᠪᠠᠬᠠᠷᠬᠠᠬᠤ ᠦᠭᠡᠢ ᠪᠠᠢᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ ᠪᠠᠢᠭᠰᠠᠨ ᠪᠢᠯᠡ ᠃
— ᠴᠢ ᠪᠥᠷᠲᠡ ᠶ᠋ᠢ ᠠᠪᠴᠤ ᠨᠤᠲᠤᠭ ᠤ᠋ᠨ ᠵᠦᠭ ᠮᠣᠷᠢᠨ ᠤ᠋ ᠠᠮᠠ ᠶ᠋ᠢ ᠲᠠᠲᠠᠯ ᠦᠭᠡᠢ ᠳᠠᠪᠬᠢ᠃
ᠲᠡᠮᠦᠵᠢᠨ ᠦ᠌ ᠡᠨᠡ ᠦᠭᠡᠨ ᠦ᠌ ᠴᠠᠭᠠᠳᠤ ᠤᠴᠢᠷ ᠢ᠋ ᠪᠤᠭᠤᠷᠴᠢ ᠬᠣᠷᠣᠮ ᠤ᠋ᠨ ᠳᠣᠲᠣᠷᠠ ᠣᠢᠯᠠᠭᠠᠵᠤ ᠲᠦᠭᠰᠢᠯᠡ ᠃ ᠭᠡᠪᠡᠴᠦ ᠲᠡᠮᠦᠵᠢᠨ ᠲᠡᠭᠦᠨ ᠳ᠋ᠦ᠍ ᠠᠮᠠ ᠨᠡᠭᠡᠭᠡᠨ ᠡᠰᠡᠷᠭᠦᠴᠡᠬᠦ ᠵᠠᠪ ᠦᠭᠭᠦᠭᠰᠡᠨ ᠦᠭᠡᠢ ᠃ ᠣᠳᠣ ᠲᠡᠷᠡ ᠬᠣᠶᠠᠷ ᠤ᠋ᠨ ᠬᠠᠮᠠᠷ ᠤ᠋ᠨ ᠦᠵᠦᠭᠦᠷ ᠪᠠᠷᠤᠭ ᠲᠤᠯᠵᠤ ᠪᠠᠢᠪᠠ ᠃ ᠭᠣᠣᠯ ᠤ᠋ᠨ ᠡᠷᠭᠢ ᠶ᠋ᠢᠨ ᠭᠠᠭᠴᠠ ᠮᠣᠳᠣᠨ ᠤ᠋ ᠳᠡᠭᠡᠷᠡ ᠰᠠᠭᠤᠭᠰᠠᠨ ᠬᠡᠷᠢᠶᠡ ᠤᠴᠢᠷ ᠵᠦᠭ ᠦᠭᠡᠢ ᠭᠤᠸᠬᠠᠯᠠᠵᠣ ᠡᠬᠢᠯᠡᠪᠡ ᠃ ᠲᠡᠷᠡ ᠬᠣᠶᠠᠷ ᠡᠭᠦᠨ ᠢ᠋ ᠠᠩᠵᠠᠭᠠᠷᠠᠵᠤ ᠰᠣᠨᠣᠰᠤᠭᠰᠠᠨ ᠦᠭᠡᠢ ᠃ ᠬᠠᠷᠢᠨ ᠣᠢᠷᠠ ᠶᠠᠪᠤᠭᠰᠠᠨ ᠪᠡᠯᠭᠦᠳᠡᠢ ᠴᠢᠯᠠᠭᠤ ᠰᠢᠲᠠᠵᠤ ᠲᠡᠷᠡ ᠮᠠᠭᠤ ᠢᠷᠣᠠ ᠶ᠋ᠢᠨ ᠬᠡᠷᠢᠶᠡ ᠶ᠋ᠢ ᠬᠥᠭᠡᠭᠡᠵᠦ ᠶᠠᠪᠤᠭᠤᠯᠵᠠᠢ ᠃
— ᠲᠡᠷᠡ ᠬᠡᠦᠬᠡᠳ ᠬᠥᠮᠦᠨ ᠪᠣᠯᠬᠤ ᠶᠣᠰᠣ ᠦᠭᠡᠢ ᠃ ᠪᠥᠷᠲᠡ ᠣᠷᠢᠯᠠᠵᠤ ᠤᠬᠢᠯᠠᠭᠰᠠᠨ ᠴᠤ᠌ ᠪᠤᠤ ᠵᠣᠭᠰᠣ ᠭᠡᠵᠦ ᠲᠡᠮᠦᠵᠢᠨ ᠡᠷᠡᠰ ᠱᠠᠭᠠᠷᠳᠠᠪᠠ ᠃
— ᠲᠥᠷᠥᠬᠦ ᠪᠣᠯᠪᠠᠯ ᠶᠠᠭᠠᠬᠢᠬᠤ ᠶᠤᠮ ᠪᠣᠢ?
— ᠴᠢ ᠬᠡᠦᠬᠡᠳ ᠢ᠋ ᠨᠢ ᠵᠠᠮ ᠤ᠋ᠨ ᠬᠠᠵᠠᠭᠤ ᠤᠷᠤᠭᠤ ᠰᠢᠳᠡᠵᠦ ᠣᠷᠭᠢ᠃
— ᠬᠡᠦᠬᠡᠳ ᠢ᠋ ᠠᠯᠠᠬᠤ ᠭᠡᠵᠦ ᠤᠤ? ᠪᠤᠭᠤᠷᠴᠢ ᠢᠲᠡᠭᠡᠯ ᠮᠠᠭᠤᠲᠠᠢ ᠡᠰᠡᠷᠭᠦᠴᠡᠪᠡ᠃
— ᠲᠡᠷᠡ ᠬᠡᠦᠬᠡᠳ ᠠᠮᠢᠳᠤ ᠦᠯᠡᠳᠡᠬᠦ ᠶᠣᠰᠣ ᠦᠭᠡᠢ ᠭᠡᠵᠦ ᠪᠢ ᠴᠢᠮᠠᠲᠤ ᠬᠡᠯᠡᠵᠦ ᠪᠠᠢᠨᠠ ᠪᠢᠰᠢ ᠤᠤ?
— ᠡᠴᠦᠰ ᠲᠤᠨᠢ ᠬᠡᠦᠬᠡᠳ ᠢ᠋ ᠨᠢ ᠠᠯᠠᠭᠰᠠᠨ ᠨᠠᠮᠠᠶ᠋ᠢ ᠪᠥᠷᠲᠡ ᠨᠢᠭᠡ ᠨᠢᠳᠦ ᠪᠡᠷ ᠦᠵᠡᠬᠦ ᠦᠭᠡᠢ ᠪᠢᠵᠡ᠃
— ᠴᠢ ᠲᠠᠩᠭᠠᠷᠢᠭ ᠢ᠋ᠶ᠋ᠠᠨ ᠰᠠᠨᠠ᠃ ᠪᠢ ᠴᠢᠮᠠ ᠡᠴᠡ ᠥᠭᠡᠷᠡ ᠬᠡᠨ ᠳ᠋ᠦ᠍ ᠬᠡᠯᠡᠨᠡ᠃ ᠴᠢᠮᠠ ᠡᠴᠡ ᠥᠭᠡᠷᠡ ᠬᠡᠨ ᠡᠭᠦᠨ ᠢ᠋ ᠬᠢᠨᠡ ᠭᠡᠵᠦ ᠲᠡᠮᠦᠵᠢᠨ ᠥᠪᠡᠷ ᠦ᠋ᠨ ᠡᠨᠡ ᠠᠶᠤᠯᠲᠤ ᠰᠠᠨᠠᠭᠠ ᠪᠠᠨ ᠲᠩᠷᠢ ᠡᠴᠡ ᠨᠢᠭᠤᠬᠤ ᠭᠡᠰᠡᠨ ᠮᠡᠲᠦ ᠰᠢᠪᠡᠨᠡᠪᠡ᠃ ᠲᠡᠢᠮᠦ ᠠ᠋᠃ ᠪᠤᠭᠤᠷᠴᠢ ᠲᠠᠩᠭᠠᠷᠢᠭ ᠢ᠋ᠶ᠋ᠠᠨ ᠶᠠᠭᠠᠬᠢᠵᠤ ᠮᠠᠷᠲᠠᠬᠤ ᠪᠢᠯᠡ᠃ ᠬᠠᠷᠢᠨ ᠠᠨᠳᠠ ᠶ᠋ᠢᠨ ᠲᠠᠩᠭᠠᠷᠢᠭ ᠲᠠᠯᠪᠢᠭᠰᠠᠨ ᠨᠢ ᠡᠴᠦᠰ ᠲᠡᠭᠡᠨ ᠡᠢᠮᠦ ᠬᠡᠷᠡᠭ ᠦᠢᠯᠡᠳᠬᠦ ᠳ᠋ᠦ᠍ ᠬᠦᠷᠭᠡᠨᠡ ᠭᠡᠵᠦ ᠲᠡᠷᠡ ᠳᠠᠩᠴᠤ ᠰᠠᠨᠠᠭᠰᠠᠨ ᠦᠭᠡᠢ᠃ ᠭᠡᠪᠡᠴᠦ ᠪᠣᠭᠤᠷᠴᠢ ᠬᠥᠭᠡᠷᠦᠬᠦᠢ ᠪᠥᠷᠲᠡ ᠶ᠋ᠢ ᠦᠷᠦ ᠡᠪᠡᠳᠦᠭᠰᠡᠨ ᠴᠤ᠌ ᠲᠡᠮᠦᠵᠢᠨ ᠢ᠋ ᠦᠵᠡᠨ ᠶᠠᠳᠠᠭᠰᠠᠨ ᠦᠭᠡᠢ᠃
ᠪᠥᠷᠲᠡ ᠶ᠋ᠢ ᠪᠤᠴᠠᠭᠠᠵᠤ ᠪᠤᠯᠢᠶᠠᠨ ᠠᠪᠤᠭᠰᠠᠨ ᠴᠤ᠌ ᠲᠡᠮᠦᠵᠢᠨ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠦᠷᠡ ᠶ᠋ᠢ ᠠᠯᠠᠬᠤ ᠪᠠᠷ ᠨᠢᠭᠡᠨᠲᠡ ᠰᠢᠢᠳᠦᠭᠰᠡᠨ ᠢ᠋ ᠪᠣᠭᠤᠷᠴᠢ ᠮᠡᠳᠡᠭᠰᠡᠨ ᠪᠣᠯᠪᠠᠴᠤ ᠶᠠᠭᠠᠬᠢᠬᠤ ᠴᠤ᠌ ᠠᠷᠭᠠ ᠦᠭᠡᠢ ᠲᠤᠯᠠ ᠳᠠᠭᠤ ᠦᠭᠡᠢ ᠲᠣᠯᠣᠭᠠᠢ ᠳᠣᠬᠢᠪᠠ᠃
ᠪᠠᠰᠠ ᠪᠥᠷᠲᠡ ᠶ᠋ᠢᠨ ᠬᠡᠪᠡᠯᠢ ᠳ᠋ᠦ᠍ ᠪᠠᠢᠭᠠ ᠲᠡᠷᠡ ᠬᠡᠦᠬᠡᠳ ᠢ᠋ ᠠᠯᠠᠬᠤ ᠨᠢ ᠭᠠᠷᠴᠠᠭᠠ ᠦᠭᠡᠢ ᠵᠥᠪ ᠭᠡᠵᠦ ᠪᠣᠳᠣᠵᠠᠢ᠃ ᠡᠨᠡ ᠦᠶᠡ ᠳ᠋ᠦ᠍《 ᠨᠠᠳᠠᠳᠤ ᠢᠷᠡᠭᠰᠡᠨ》 ᠭᠡᠵᠦ ᠪᠥᠷᠲᠡ ᠶ᠋ᠢᠨ ᠦᠭᠡ ᠲᠡᠮᠦᠵᠢᠨ ᠦ᠌ ᠴᠢᠬᠢᠨ ᠳ᠋ᠦ᠍ ᠴᠢᠬᠢᠷᠡ ᠪᠣᠯᠤᠨ ᠰᠡᠳᠬᠢᠯ ᠳᠣᠲᠣᠷᠠ ᠨᠢ ᠬᠠᠩᠭᠢᠨᠠᠬᠤ ᠪᠠᠨ ᠠᠯᠢ ᠬᠡᠳᠦᠢᠨ ᠪᠣᠯᠢᠭᠰᠠᠨ ᠪᠠᠢᠯᠠ᠃
— ᠵᠠ ᠪᠢ ᠲᠡᠷᠡ ᠬᠡᠦᠬᠡᠳ ᠢ᠋ ᠠᠮᠢᠳᠤ ᠲᠥᠷᠥᠪᠡᠯ ᠬᠠᠶᠠᠵᠤ ᠤᠷᠭᠢᠶᠠ᠃ ᠬᠠᠷᠢᠨ ᠪᠥᠷᠲᠡ ᠵᠠᠮ ᠳ᠋ᠠᠭᠠᠨ ᠲᠥᠷᠥᠬᠦ ᠦᠭᠡᠢ ᠪᠣᠯ ᠭᠡᠷ ᠲᠦ᠍ ᠣᠴᠢᠭᠰᠠᠨ ᠬᠣᠢᠨᠠ ᠪᠠᠨ ᠴᠢ ᠲᠡᠷᠡ ᠬᠡᠦᠬᠡᠳ ᠢ᠋ ᠥᠪᠡᠷ ᠢ᠋ᠶ᠋ᠡᠨ ᠠᠯᠠᠭᠠᠷᠠᠢ ᠭᠡᠵᠦ ᠪᠣᠭᠤᠷᠴᠢ ᠰᠢᠪᠡᠨᠡᠭᠡᠳ ᠮᠠᠭᠤᠬᠠᠨ ᠢᠨᠢᠶᠡᠪᠡ᠃ ᠪᠦᠬᠦ ᠵᠦᠢᠯ ᠲᠡᠮᠦᠵᠢᠨ ᠦ᠌ ᠰᠠᠨᠠᠭᠰᠠᠨ ᠢ᠋ᠶ᠋ᠠᠷ ᠪᠣᠯᠵᠤ ᠲᠠᠢᠪᠤᠰᠢᠷᠠᠵᠤ ᠰᠠᠳᠠᠭᠠᠷᠠᠭᠰᠠᠨ ᠪᠥᠷᠲᠡ ᠶᠠᠪᠤᠬᠤ ᠳ᠋ᠤ᠌ ᠪᠡᠯᠡᠨ ᠪᠣᠯᠵᠠᠢ᠃ ᠲᠡᠮᠦᠵᠢᠨ ᠦ᠌ ᠬᠡᠯᠡᠭᠰᠡᠨ ᠦᠭᠡ ᠪᠣᠯᠭᠠᠨ ᠳ᠋ᠤ᠌ ᠪᠥᠷᠲᠡ ᠢᠲᠡᠭᠡᠵᠦ᠂ ᠪᠠᠰᠠ ᠲᠡᠭᠦᠨ ᠢ᠋ ᠡᠷᠬᠡ ᠦᠭᠡᠢ ᠦᠷᠦ ᠡᠪᠡᠳᠴᠦ ᠪᠠᠢᠯᠠ᠃
ᠪᠥᠷᠲᠡ ᠠᠩᠬᠠ ᠲᠡᠮᠦᠵᠢᠨ ᠢ᠋ ᠦᠵᠡᠭᠡᠳ ᠦᠷᠦ ᠡᠪᠡᠳᠴᠦ᠂ ᠰᠡᠭᠦᠯ ᠳ᠋ᠦ᠍ᠨᠢ ᠬᠠᠢᠷᠠᠯᠠᠵᠤ᠂ ᠡᠴᠦᠰ ᠲᠤᠨᠢ ᠳᠤᠷᠠᠯᠠᠭᠰᠠᠨ ᠶᠤᠮ᠃ ᠠᠷᠪᠠᠨ ᠵᠢᠯ ᠦ᠋ᠨ ᠡᠮᠦᠨᠡ ᠶᠢᠰᠦᠨ ᠨᠠᠰᠤᠲᠠᠢ ᠲᠡᠮᠦᠵᠢᠨ ᠳ᠋ᠠᠢ ᠰᠡᠴᠡᠨ ᠦ᠌ ᠭᠡᠷ ᠦ᠋ᠨ ᠭᠠᠳᠠᠨᠠ ᠡᠴᠢᠭᠡ ᠳ᠋ᠡᠭᠡᠨ ᠣᠷᠬᠢᠭᠳᠠᠨ ᠬᠣᠴᠣᠷᠬᠤ ᠳ᠋ᠠᠭᠠᠨ ᠬᠥᠮᠦᠨ ᠡᠴᠡ ᠨᠢᠭᠤᠨ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠬᠤ ᠶ᠋ᠢ ᠦᠵᠡᠭᠡᠳ ᠠᠩᠬᠠ ᠪᠥᠷᠲᠡ ᠲᠡᠭᠦᠨ ᠢ᠋ ᠭᠣᠣᠯ ᠢ᠋ᠶ᠋ᠠᠨ ᠲᠠᠰᠤᠷᠠᠲᠠᠯᠠ ᠦᠷᠦ ᠡᠪᠡᠳᠦᠭᠰᠡᠨ ᠪᠢᠯᠡ᠃ ᠦᠭᠡ ᠳᠠᠭᠤ ᠴᠥᠭᠡᠨ ᠲᠡᠢ᠂ ᠠᠶᠤᠭᠰᠠᠨ ᠮᠡᠲᠦ ᠬᠠᠷᠠᠴᠠ ᠪᠠᠨ ᠨᠢᠭᠤᠵᠤ ᠶᠠᠪᠤᠳᠠᠭ ᠲᠡᠷᠡ ᠬᠥᠪᠡᠭᠦᠨ ᠡᠬᠢᠯᠡᠭᠡᠳ ᠪᠥᠷᠲᠡ ᠳ᠋ᠦ᠍ ᠣᠭᠲᠣᠬᠠᠨ ᠴᠤ᠌ ᠲᠠᠭᠠᠯᠠᠭᠳᠠᠭᠠ ᠦᠭᠡᠢ ᠶᠤᠮ᠃ ᠭᠡᠲᠡᠯᠡ ᠲᠡᠷᠡ ᠪᠠᠯᠴᠢᠷ ᠠᠭᠠᠳ ᠳᠣᠷᠣᠢ ᠪᠠᠭᠤᠷᠠᠢ ᠲᠥᠷᠬᠦ ᠲᠡᠢ ᠲᠡᠮᠦᠵᠢᠨ ᠦ᠌ ᠳᠣᠲᠣᠷᠠ ᠰᠡᠳᠬᠢᠯ ᠦ᠋ᠨ ᠭᠦᠨᠵᠡᠭᠡᠢ ᠰᠢᠨᠠᠯᠤᠯ ᠢ᠋ ᠣᠯᠵᠤ ᠬᠠᠷᠠᠭᠠᠳ ᠶᠡᠬᠡᠳᠡ ᠦᠷᠦ ᠡᠪᠡᠳᠦᠨ ᠣᠢᠯᠠᠭᠠᠵᠤ᠂ ᠲᠡᠭᠦᠨ ᠳ᠋ᠦ᠍ ᠨᠢᠭᠡ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ ᠲᠤᠰᠠ ᠳᠠᠮ ᠪᠣᠯᠵᠤ ᠶᠠᠪᠤᠬᠤ ᠪᠠᠨ ᠳᠣᠲᠣᠷᠠ ᠪᠠᠨ ᠰᠠᠮ ᠲᠠᠩᠭᠠᠷᠢᠭᠯᠠᠭᠰᠠᠨ ᠪᠢᠯᠡ᠃ ᠢᠩᠭᠢᠵᠦ ᠭᠠᠭᠴᠠᠭᠠᠷᠳᠠᠵᠤ᠂ ᠰᠢᠨᠠᠯᠤᠭᠰᠠᠨ ᠬᠥᠮᠦᠨ ᠢ᠋ ᠪᠥᠷᠲᠡ ᠤᠷᠢᠳ ᠡᠮᠦᠨᠡ ᠶᠡᠷᠦ ᠦᠵᠡᠭᠰᠡᠨ ᠦᠭᠡᠢ ᠨᠢ ᠲᠡᠮᠦᠵᠢᠨ ᠢ᠋ ᠬᠠᠢᠷᠠᠯᠠᠬᠤ ᠳ᠋ᠤ᠌ ᠬᠦᠷᠭᠡᠵᠡᠢ᠃ ᠲᠡᠮᠦᠵᠢᠨ ᠢ᠋ ᠬᠠᠷᠠᠬᠤ ᠳ᠋ᠤ᠌ ᠲᠡᠷᠡ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠶᠡᠬᠡ ᠵᠣᠪᠠᠯᠠᠩ ᠦᠵᠡᠬᠦ ᠶᠤᠮ ᠰᠢᠭ ᠰᠤᠪᠢᠩ ᠲᠠᠲᠠᠨᠠ᠃ ᠲᠡᠢᠮᠦ ᠪᠣᠯᠬᠣᠷ ᠪᠥᠷᠲᠡ᠂ ᠲᠡᠮᠦᠵᠢᠨ ᠳ᠋ᠦ᠍ ᠠᠯᠢ ᠪᠣᠯᠬᠣᠷ ᠲᠤᠰᠠᠯᠠᠬᠤ ᠶ᠋ᠢ ᠬᠢᠴᠢᠶᠡᠵᠦ ᠶᠠᠭ ᠯᠠ ᠡᠭᠡᠴᠢ ᠰᠢᠭ ᠨᠢ ᠥᠮᠥᠭᠡᠷᠡᠮᠡᠷ ᠰᠠᠨᠠᠭᠳᠠᠵᠠᠢ᠃ ᠣᠷᠬᠢᠨ ᠬᠣᠯᠠᠳᠴᠤ ᠪᠣᠢ ᠡᠴᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠠᠷᠤ ᠡᠴᠡ ᠲᠠᠭ ᠳᠠᠭᠤ ᠦᠭᠡᠢ ᠭᠦᠶᠦᠵᠦ ᠣᠳᠤᠭᠰᠠᠨ ᠲᠡᠮᠦᠵᠢᠨ ᠢ᠋ ᠬᠠᠷᠠᠭᠠᠳ ᠪᠥᠷᠲᠡ ᠶ᠋ᠢᠨ ᠰᠡᠳᠬᠢᠯ ᠤᠷᠠᠭᠳᠠᠨ ᠱᠠᠷᠬᠢᠷᠠᠭᠰᠠᠨ ᠪᠢᠯᠡ ᠃ ᠲᠡᠮᠦᠵᠢᠨ ᠡᠴᠢᠭᠡ ᠲᠡᠢ ᠪᠡᠨ ᠳᠠᠬᠢᠨ ᠠᠭᠤᠯᠵᠠᠬᠤ ᠦᠭᠡᠢ ᠮᠡᠲᠦ ᠪᠥᠷᠲᠡ ᠳ᠋ᠦ᠍ ᠰᠠᠨᠠᠭᠳᠠᠵᠠᠢ ᠃ᠡᠴᠢᠭᠡ ᠶ᠋ᠢ ᠪᠡᠨ ᠭᠦᠢᠴᠡᠬᠦ ᠭᠡᠵᠦ ᠶᠠᠭᠠᠷᠠᠬᠤ ᠳ᠋ᠠᠭᠠᠨ ᠭᠤᠲᠤᠯ ᠢ᠋ᠶ᠋ᠠᠨ ᠰᠤᠭᠤᠯᠵᠤ ᠬᠠᠶᠠᠭᠠᠳ ᠬᠥᠯ ᠨᠢᠴᠦᠭᠦᠨ ᠭᠦᠶᠦᠵᠦ ᠂ ᠰᠡᠭᠦᠯ ᠳ᠋ᠡᠭᠡᠨ ᠬᠥᠯ ᠨᠢ ᠰᠢᠯᠪᠤᠷᠠᠵᠤ ᠤᠷᠠᠭᠳᠠᠭᠠᠳ ᠮᠥᠷ ᠨᠢ ᠴᠠᠰᠤᠨ ᠳᠡᠭᠡᠷᠡ ᠤᠯᠠᠭᠠᠨ ᠵᠠᠮ ᠲᠠᠲᠠᠭᠤᠯᠤᠨ ᠳᠤᠷᠠᠢᠵᠤ ᠪᠠᠢᠬᠤ ᠶ᠋ᠢ ᠦᠵᠡᠭᠡᠳ ᠲᠡᠮᠦᠵᠢᠨ ᠦ᠌ ᠰᠡᠳᠬᠢᠯ ᠦ᠋ᠨ ᠳᠠᠯᠳᠠ ᠨᠢᠭᠤᠭᠳᠠᠨ ᠪᠠᠢᠭᠠ ᠵᠣᠷᠢᠭ ᠲᠡᠪᠴᠢᠶᠡᠷᠢ ᠶ᠋ᠢ ᠮᠡᠳᠡᠵᠡᠢ᠃ ᠡᠨᠡ ᠪᠠᠢᠳᠠᠯ ᠢ᠋ ᠦᠵᠡᠭᠰᠡᠨ ᠳ᠋ᠠᠢ ᠰᠡᠴᠡᠨ ᠶᠡᠬᠡᠳᠡ ᠪᠠᠬᠠᠳᠤᠨ 《ᠴᠢᠨᠣᠠ ᠰᠢᠭ᠋ ᠠᠮᠢᠲᠠᠨ ᠶᠤᠮ》ᠭᠡᠵᠦ ᠴᠢᠩᠭᠠ ᠬᠡᠯᠡᠭᠰᠡᠨ ᠨᠢ ᠪᠥᠷᠲᠡ ᠳ᠋ᠦ᠍ ᠬᠠᠮᠤᠭ ᠡᠴᠡ ᠰᠠᠢᠬᠠᠨ ᠰᠣᠨᠣᠰᠳᠠᠭᠰᠠᠨ ᠶᠤᠮ᠃ ᠪᠥᠷᠲᠡ ᠶ᠋ᠢᠨ ᠰᠣᠪᠢᠩ ᠦᠨᠡᠨ ᠪᠣᠯᠵᠤ ᠶᠢᠰᠦᠭᠡᠢ ᠲᠠᠲ᠋ᠠᠷ ᠲᠤ᠌ ᠬᠣᠣᠷᠯᠠᠭᠳᠠᠨ ᠦᠬᠦᠭᠰᠡᠨ ᠲᠤᠬᠠᠢ ᠠᠶᠤᠮᠰᠢᠭᠲᠤ ᠮᠡᠳᠡᠭᠡ ᠶ᠋ᠢ ᠵᠠᠷᠤᠴᠠ ᠮᠡᠩᠯᠢᠭ ᠬᠦᠷᠭᠡᠵᠦ ᠢᠷᠡᠵᠡᠢ ᠃ ᠡᠨᠡ ᠮᠥᠴᠡ ᠡᠴᠡ ᠬᠣᠢᠰᠢ ᠲᠡᠮᠦᠵᠢᠨ ᠢ᠋ ᠬᠡᠵᠢᠶᠡ ᠴᠦ᠍ ᠣᠷᠬᠢᠬᠤ ᠦᠭᠡᠢ ᠭᠡᠵᠦ ᠪᠥᠷᠲᠡ ᠬᠠᠲᠠᠭᠤ ᠰᠢᠢᠳᠪᠡ᠃ ᠪᠥᠷᠲᠡ ᠶ᠋ᠢᠨ ᠡᠨᠡ ᠰᠢᠢᠳᠪᠦᠷᠢ ᠬᠡᠳᠦᠢ ᠪᠡᠷ ᠲᠡᠭᠦᠨ ᠦ᠌ ᠰᠡᠳᠬᠢᠯ ᠦ᠋ᠨ ᠬᠦᠰᠡᠯ ᠪᠠᠢᠭᠰᠠᠨ ᠴᠤ᠌ ᠴᠣᠬᠣᠮ ᠳ᠋ᠠᠭᠠᠨ ᠲᠩᠷᠢ ᠶ᠋ᠢᠨ ᠵᠠᠷᠯᠢᠭ ᠪᠣᠯᠬᠤ ᠶ᠋ᠢ ᠲᠡᠳᠡᠨ ᠦ᠌ ᠬᠡᠨ ᠨᠢ ᠴᠦ᠍ ᠣᠢᠯᠠᠭᠠᠵᠤ ᠮᠡᠳᠡᠭᠡ ᠦᠭᠡᠢ ᠪᠠᠢᠪᠠ ᠃ ᠬᠠᠷᠢᠨ ᠶᠢᠰᠦᠭᠡᠢ ᠡᠴᠢᠭᠡ ᠶ᠋ᠢᠨ ᠬᠢᠨᠢ ᠣᠷᠣᠨ ᠳ᠋ᠤ᠌ ᠪᠢ ᠲᠡᠮᠦᠵᠢᠨ ᠳ᠋ᠦ᠍ ᠦᠯᠡᠳᠡᠵᠡᠢ ᠭᠡᠵᠦ ᠪᠥᠷᠲᠡ ᠪᠣᠳᠣᠨᠠ᠃ ᠲᠡᠢᠮᠦ ᠤᠴᠢᠷ ᠡᠴᠡ ᠪᠥᠷᠲᠡ ᠪᠣᠯ ᠲᠡᠮᠦᠵᠢᠨ ᠢ᠋ ᠣᠷᠬᠢᠵᠤ ᠂ ᠬᠠᠶᠠᠵᠤ ᠴᠢᠳᠠᠬᠤ ᠦᠭᠡᠢ ᠴᠣᠷ ᠤ᠋ᠨ ᠭᠠᠭᠴᠠ ᠦᠨᠡᠨᠴᠢ ᠨᠥᠬᠥᠷ ᠨᠢ ᠶᠦ᠍ᠮ ᠃ ᠥᠨᠥᠳᠥᠷ ᠲᠡᠳᠡᠨ ᠳ᠋ᠦ᠍ ᠤᠴᠠᠷᠠᠭᠰᠠᠨ ᠪᠦᠬᠦ ᠭᠠᠢ ᠵᠣᠪᠠᠯᠠᠩ ᠢ᠋ ᠡᠢᠮᠦ ᠯᠡ ᠰᠡᠳᠬᠢᠯ ᠦ᠋ᠨ ᠡᠭᠦᠳᠡᠨ ᠡᠴᠡ ᠪᠥᠷᠲᠡ ᠣᠢᠯᠠᠭᠠᠵᠤ ᠂ ᠲᠡᠮᠦᠵᠢᠨ ᠦ᠌ ᠦᠭᠡ᠂ ᠦᠢᠯᠡᠳᠦᠯ ᠪᠦᠷᠢ ᠶ᠋ᠢ ᠲᠡᠪᠴᠢᠵᠡᠢ ᠃ ᠤᠭ ᠨᠢ ᠭᠡᠨᠡᠳᠲᠡ ᠳᠣᠪᠲᠣᠯᠤᠨ ᠢᠷᠡᠭᠰᠡᠨ ᠮᠡᠷᠭᠢᠳ ᠦ᠋ᠨ ᠪᠠᠷᠠ ᠰᠤᠷᠠᠭ ᠢ᠋ᠶ᠋ᠠᠷ ᠥᠪᠡᠷ ᠢ᠋ ᠨᠢ ᠬᠠᠮᠠᠭᠠᠯᠠᠵᠤ ᠠᠪᠤᠯ ᠦᠭᠡᠢ ᠠᠮᠢ ᠪᠠᠨ ᠪᠣᠳᠣᠨ ᠵᠢᠭᠤᠲᠠᠵᠤ ᠣᠳᠤᠭᠰᠠᠨ ᠲᠡᠮᠦᠵᠢᠨ ᠳ᠋ᠦ᠍ ᠪᠥᠷᠲᠡ ᠲᠤᠢᠯ ᠤ᠋ᠨ ᠶᠡᠬᠡ ᠪᠡᠷ ᠭᠣᠮᠣᠳᠠᠵᠤ ᠪᠠᠢᠭᠰᠠᠨ ᠪᠢᠯᠡ ᠃ ᠮᠡᠷᠭᠢᠳ ᠢ᠋ ᠳᠣᠪᠲᠣᠯᠤᠨ ᠢᠷᠡᠬᠦ ᠳ᠋ᠦ᠍ ᠬᠥᠭᠰᠢᠨ ᠡᠮᠡᠭᠡᠨ ᠬᠤᠸᠠᠬᠴᠢᠨ ᠤ᠋ ᠬᠠᠮᠲᠤ ᠶᠠᠪᠠᠭᠠᠨ ᠨᠢᠴᠦᠭᠦᠨ ᠣᠷᠬᠢᠭᠠᠳ ᠥᠪᠡᠷ ᠦ᠋ᠨ ᠡᠬᠡ᠂ ᠳᠡᠭᠦᠦ ᠨᠠᠷ ᠢ᠋ ᠳᠠᠭᠠᠭᠤᠯᠤᠨ ᠵᠢᠭᠤᠲᠠᠭᠰᠠᠨ ᠲᠡᠮᠦᠵᠢᠨ ᠳ᠋ᠦ᠍ ᠶᠠᠭᠠᠬᠢᠵᠤ ᠭᠣᠮᠣᠳᠠᠬᠤ ᠦᠭᠡᠢ ᠪᠠᠢᠬᠤ ᠪᠣᠢ? ᠲᠡᠷᠡ ᠦᠶᠡ ᠳ᠋ᠦ᠍ ᠪᠥᠷᠲᠡ ᠶ᠋ᠢ ᠰᠤᠨᠳᠠᠯᠠᠭᠠᠳ ᠴᠤ᠌ ᠪᠣᠯᠪᠠ ᠶᠠᠪᠤᠭᠰᠠᠨ ᠪᠣᠯ ᠡᠢᠮᠦ ᠶᠠᠪᠤᠳᠠᠯ ᠪᠣᠯᠵᠤ ᠂ ᠡᠯᠢᠭᠡ ᠪᠡᠨ ᠡᠮᠲᠡᠯᠡᠭᠦ ᠦᠭᠡᠢ ᠪᠠᠢᠪᠠ ᠃ ᠮᠡᠷᠭᠢᠳ ᠦ᠋ᠳ ᠪᠥᠷᠲᠡ ᠶ᠋ᠢ ᠠᠪᠴᠢᠷᠠᠭᠠᠳ ᠥᠭᠡᠯᠦᠨ ᠦ᠌ ᠶᠣᠰᠣᠯᠠᠵᠤ ᠠᠪᠤᠭᠰᠠᠨ ᠡᠷᠡ ᠴᠢᠯᠡᠳᠦ ᠶ᠋ᠢᠨ ᠳᠡᠭᠦᠦ ᠴᠢᠯᠭᠡᠷ ᠪᠥᠬᠡ ᠳ᠋ᠦ᠍ ᠥᠭᠴᠡᠢ᠃ ᠪᠥᠷᠲᠡ ᠠᠩᠬᠠ ᠡᠮᠡ ᠪᠠᠷᠰ ᠮᠡᠲᠦ ᠳᠣᠭᠰᠢᠷᠠᠨ ᠥᠪᠡᠷ ᠢ᠋ ᠪᠡᠨ ᠬᠠᠮᠠᠭᠠᠯᠠᠭᠰᠠᠨ ᠬᠡᠳᠦᠢ ᠴᠦ᠍ ᠰᠡᠳᠬᠢᠯ ᠴᠢᠩᠭᠠ᠂ ᠵᠣᠷᠢᠭ ᠬᠠᠲᠠᠭᠤ ᠬᠡᠯᠲᠡ ᠦᠭᠡᠢ ᠶᠠᠪᠤᠭᠠᠨ ᠳ᠋ᠠᠭᠠᠨ ᠣᠨᠣᠭᠳᠠᠭᠰᠠᠨ ᠵᠠᠶᠠᠭᠠ ᠪᠠᠨ ᠳ᠋ᠠᠭᠠᠨ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠬᠦᠴᠦᠨ ᠳ᠋ᠦ᠍ ᠠᠪᠲᠠᠨ ᠡᠳ᠋ᠯᠡᠭᠳᠡᠬᠦ ᠪᠣᠯᠵᠠᠢ ᠃ ᠡᠢᠮᠦ ᠦᠵᠡᠰᠬᠦᠯᠡᠩᠲᠦ ᠡᠮᠡ ᠶ᠋ᠢ ᠦᠵᠡᠭᠡᠳ ᠳᠤᠷᠠ ᠲᠠᠴᠢᠶᠠᠯ ᠢ᠋ᠶ᠋ᠠᠨ ᠲᠡᠪᠴᠢᠨ ᠪᠠᠷᠢᠬᠤ ᠡᠷᠡ ᠬᠥᠮᠦᠨ ᠭᠡᠵᠦ ᠬᠠᠮᠢᠭᠠ ᠪᠠᠢᠬᠤ ᠪᠢᠯᠡ᠃ ᠲᠡᠷᠡ ᠪᠦᠦ ᠬᠡᠯᠡ ᠣᠪᠰᠣ ᠮᠡᠷᠭᠢᠳ ᠦ᠋ᠨ ᠲᠣᠯᠣᠭᠠᠢᠯᠠᠭᠴᠢ ᠳ᠋ᠠᠢᠷ ᠤᠰᠤᠨ ᠭᠡᠭᠴᠢ ᠪᠥᠷᠲᠡ ᠶ᠋ᠢ ᠦᠵᠡᠭᠡᠳ ᠲᠠᠴᠢᠶᠠᠳᠠᠵᠤ᠂ ᠵᠠᠭᠤᠨ ᠰᠢᠯᠢᠳᠡᠭ ᠠᠭᠲᠠ ᠪᠠᠷ ᠬᠤᠳᠠᠯᠳᠤᠨ ᠠᠪᠬᠤ ᠭᠡᠵᠦ ᠥᠪᠡᠷ ᠦ᠋ᠨ ᠨᠡᠷᠡ ᠰᠦᠷ ᠢ᠋ᠶ᠋ᠡᠷ ᠲᠦᠷᠢᠮᠡᠬᠡᠢᠯᠡᠨ ᠰᠢᠬᠠᠮᠳᠠᠭᠤᠯᠤᠭᠰᠠᠭᠠᠷ ᠪᠠᠢᠬᠤ ᠳ᠋ᠤᠨᠢ ᠥᠭᠭᠦᠭᠡ ᠦᠭᠡᠢ ᠳ᠋ᠦ᠍ ᠪᠥᠷᠲᠡ ᠳᠣᠲᠣᠷᠠ ᠪᠠᠨ ᠲᠠᠯᠠᠷᠬᠠᠵᠤ ᠴᠢᠯᠭᠡᠷ ᠪᠥᠬᠡ ᠶ᠋ᠢ ᠪᠠᠰᠠ ᠴᠤ᠌ ᠵᠢᠷᠤᠮ ᠲᠠᠢ ᠡᠷᠡ ᠭᠡᠵᠦ ᠶᠡᠬᠡᠳᠡ ᠲᠣᠭᠣᠵᠠᠢ ᠃ ᠶᠡᠷᠦ ᠨᠢ ᠡᠨᠡ ᠴᠢᠯᠭᠡᠷ ᠪᠥᠬᠡ ᠯᠡ ᠪᠥᠷᠲᠡ ᠳ᠋ᠦ᠍ ᠬᠠᠮᠤᠭ ᠤ᠋ᠨ ᠳᠣᠲᠣᠨᠣ ᠪᠠᠷ ᠬᠠᠨᠳᠤᠵᠤ᠂ ᠡᠩᠬᠦᠷᠡᠢᠯᠡᠨ ᠠᠰᠠᠷᠠᠵᠤ ᠪᠠᠢᠵᠠᠢ᠃ ᠦᠨᠡᠨ ᠳ᠋ᠡᠭᠡᠨ ᠪᠣᠯ ᠲᠡᠮᠦᠵᠢᠨ ᠦ᠌ ᠳᠡᠷᠭᠡᠳᠡ ᠴᠢᠯᠭᠡᠷ ᠪᠥᠬᠡ ᠴᠢᠷᠠᠢ ᠵᠢᠰᠦ ᠦᠵᠡᠰᠬᠦᠯᠡᠩᠲᠡᠢ᠂ ᠪᠡᠶᠡ ᠬᠠ ᠥᠨᠳᠥᠷ ᠰᠠᠢᠬᠠᠨ ᠡᠷᠡ ᠪᠢᠯᠡ᠃ ᠬᠠᠷᠢᠨ ᠴᠤ᠌ ᠬᠠᠭᠤᠴᠢᠨ ᠦᠰ ᠲᠡᠢ ᠳᠠᠢᠰᠤᠨ ᠳ᠋ᠠᠭᠠᠨ ᠪᠤᠯᠢᠶᠠᠭᠳᠠᠵᠤ ᠢᠷᠡᠭᠡᠳ ᠥᠲᠡᠯᠡ ᠮᠠᠭᠤ ᠡᠷᠡ ᠳ᠋ᠦ᠍ ᠡᠳ᠋ᠯᠡᠭᠳᠡᠭᠡ ᠦᠭᠡᠢ ᠳ᠋ᠡᠭᠡᠨ᠂ ᠥᠴᠢᠨᠡᠨ ᠡᠷᠡ ᠳᠠᠮᠵᠢᠨ ᠵᠠᠷᠤᠭᠳᠠᠭᠠ ᠦᠭᠡᠢ ᠳ᠋ᠡᠭᠡᠨ ᠲᠡᠷᠡ ᠪᠤᠤ ᠬᠡᠯᠡ ᠠᠯᠠᠭᠣᠯᠴᠢᠬᠠᠯ ᠦᠭᠡᠢ ᠠᠮᠢᠳᠤ ᠦᠯᠡᠳᠡᠭᠰᠡᠨ ᠳ᠋ᠡᠭᠡᠨ ᠪᠥᠷᠲᠡ ᠳᠣᠲᠣᠷᠠ ᠪᠠᠨ ᠪᠠᠶᠠᠷᠯᠠᠵᠤ ᠪᠠᠢᠪᠠ ᠃ ᠲᠡᠢᠮᠦ ᠤᠴᠢᠷ ᠡᠴᠡ ᠬᠡᠪᠡᠯᠢ ᠳ᠋ᠡᠭᠡᠨ ᠣᠯᠳᠠᠭᠰᠠᠨ ᠦᠷᠡ ᠪᠡᠨ ᠦᠵᠡᠨ ᠶᠠᠳᠠᠬᠤ ᠰᠡᠳᠬᠢᠯ ᠲᠡᠭᠦᠨ ᠳ᠋ᠦ᠍ ᠣᠭᠲᠣᠬᠠᠨ ᠴᠦ᠍ ᠳᠥᠷᠥᠭᠡ ᠦᠭᠡᠢ ᠠᠵᠢ᠃
ᠵᠠᠯᠮᠠ᠂ ᠪᠡᠯᠭᠦᠳᠡᠢ ᠬᠣᠶᠠᠷ ᠢ᠋ ᠮᠣᠷᠢᠳ ᠢ᠋ᠶ᠋ᠠᠨ ᠡᠮᠡᠭᠡᠯᠯᠡᠵᠦ ᠢᠷᠡᠲᠡᠯᠡ ᠲᠡᠳᠡ ᠳᠤᠤᠭᠠᠷᠴᠠᠭᠠᠭᠰᠠᠨ ᠦᠭᠡᠢ᠃ ᠰᠠᠯᠬᠤ ᠶ᠋ᠢᠨ ᠡᠮᠦᠨᠡ ᠲᠡᠮᠦᠵᠢᠨ ᠣᠯᠠᠨ ᠶᠠᠭᠤᠮᠠ ᠬᠡᠯᠡᠭᠰᠡᠨ ᠦᠭᠡᠢ᠂ ᠪᠥᠷᠲᠡ ᠴᠦ᠍ ᠠᠰᠠᠭᠤᠭᠰᠠᠨ ᠦᠭᠡᠢ᠃ ᠲᠡᠮᠦᠵᠢᠨ ᠦ᠌ ᠵᠠᠩ ᠢ᠋ ᠮᠡᠳᠡᠬᠦ ᠤᠴᠢᠷ ᠡᠴᠡ ᠡᠢᠮᠦ ᠦᠶᠡ ᠳ᠋ᠦ᠍ ᠳᠠᠭᠤ ᠦᠭᠡᠢ ᠪᠠᠢᠬᠤ ᠨᠢ ᠳᠡᠭᠡᠷᠡ ᠭᠡᠵᠦ ᠲᠡᠷᠡ ᠪᠣᠳᠣᠵᠠᠢ᠃ ᠣᠳᠣ ᠲᠡᠮᠦᠵᠢᠨ ᠲᠡᠭᠦᠨ ᠢ᠋᠂ ᠪᠠᠰᠠ ᠬᠡᠪᠡᠯᠢ ᠳ᠋ᠡᠬᠢ ᠦᠷᠡ ᠶ᠋ᠢ ᠨᠢ ᠥᠷᠥᠰᠢᠶᠡᠭᠰᠡᠨ ᠳ᠋ᠦ᠍ ᠪᠥᠷᠲᠡ ᠢᠲᠡᠭᠡᠵᠦ ᠪᠠᠢᠯᠠ᠃ ᠲᠡᠢᠮᠦ ᠤᠴᠢᠷ ᠡᠴᠡ ᠪᠥᠷᠲᠡ ᠲᠩᠷᠢ ᠳ᠋ᠦ᠍ ᠲᠠᠯᠠᠷᠬᠠᠨ ᠮᠥᠷᠭᠥᠭᠰᠡᠨ ᠪᠢᠯᠡ᠃ ᠮᠣᠷᠳᠠᠬᠤ ᠶ᠋ᠢᠨ ᠡᠮᠦᠨᠡ ᠪᠥᠷᠲᠡ ᠶ᠋ᠢ ᠡᠢᠨ ᠲᠩᠷᠢ ᠳ᠋ᠦ᠍ ᠤᠳᠠᠭᠠᠨ ᠮᠥᠷᠭᠥᠬᠦ ᠶ᠋ᠢ ᠲᠡᠮᠦᠵᠢᠨ ᠴᠢᠪ ᠴᠢᠮᠡᠭᠡ ᠦᠭᠡᠢ ᠬᠠᠷᠠᠵᠤ ᠵᠣᠭᠰᠣᠯᠠ᠃ ᠲᠡᠮᠦᠵᠢᠨ ᠦ᠌ ᠶᠠᠭᠤ ᠪᠣᠳᠣᠵᠤ ᠪᠠᠢᠭᠠ ᠶ᠋ᠢ ᠭᠠᠭᠴᠠ ᠪᠤᠭᠤᠷᠴᠢ ᠯᠠ ᠮᠡᠳᠡᠵᠦ ᠪᠠᠢᠪᠠ᠃ ᠤᠳᠠᠯ ᠦᠭᠡᠢ ᠪᠤᠭᠤᠷᠴᠢ᠂ ᠪᠥᠷᠲᠡ ᠬᠣᠶᠠᠷ ᠢ᠋ ᠳᠠᠪᠬᠢᠨ ᠶᠠᠪᠤᠭᠰᠠᠨ ᠬᠣᠢᠨᠠ ᠲᠤᠭᠤᠷᠢᠯ ᠤ᠋ᠨ ᠪᠠᠭ ᠴᠡᠷᠢᠭ ᠨᠢᠭᠡᠨ ᠬᠦᠯᠢᠶᠡ ᠲᠡᠢ ᠬᠥᠮᠦᠨ ᠢ᠋ ᠲᠡᠮᠦᠵᠢᠨ ᠳ᠋ᠦ᠍ ᠠᠪᠴᠢᠷᠠᠵᠤ ᠲᠤᠰᠢᠶᠠᠭᠰᠠᠨ ᠨᠢ ᠥᠨᠥᠬᠢ ᠴᠢᠯᠭᠡᠷ ᠪᠥᠬᠡ ᠪᠠᠢᠭᠰᠠᠨ ᠪᠢᠯᠡ᠃ ᠶᠣᠰᠣᠲᠠᠢ ᠪᠥᠬᠡ ᠨᠡᠷᠡ ᠳ᠋ᠡᠭᠡᠨ ᠲᠠᠭᠠᠷᠠᠭᠰᠠᠨ᠂ ᠲᠡᠮᠦᠵᠢᠨ ᠡᠴᠡ ᠳᠠᠷᠤᠢ ᠲᠣᠯᠣᠭᠠᠢ ᠥᠨᠳᠥᠷ ᠪᠣᠯᠢᠶᠠ ᠵᠠᠯᠠᠭᠤ ᠣᠭᠲᠣ ᠠᠶᠤᠭᠰᠠᠨ ᠰᠢᠨᠵᠢ ᠦᠭᠡᠢ᠂ ᠲᠠᠢᠪᠤᠩ ᠰᠠᠢᠬᠠᠨ ᠵᠣᠭᠰᠣᠬᠤ ᠨᠢ ᠪᠦᠭᠦᠳᠡ ᠶ᠋ᠢ ᠬᠠᠴᠢᠷᠬᠠᠭᠤᠯᠤᠨᠠ᠃ ᠲᠣᠭᠣᠷᠢᠯ ᠬᠠᠨ ᠪᠠᠰᠠ ᠲᠠᠪᠢᠨ ᠰᠢᠯᠢᠳᠡᠭ ᠠᠭᠲᠠ ᠥᠭᠴᠦ ᠢᠯᠡᠭᠡᠭᠰᠡᠨ ᠨᠢ ᠥᠪᠡᠷ ᠢ᠋ ᠪᠡᠨ ᠠᠷᠠᠢ ᠴᠤ᠌ ᠬᠤᠩᠰᠢ ᠦᠭᠡᠢ ᠵᠠᠩ ᠭᠠᠷᠭᠠᠵᠠᠢ ᠭᠡᠵᠦ ᠣᠢᠯᠠᠭᠠᠭᠰᠠᠨ ᠤ᠋ ᠬᠢ ᠪᠣᠯᠤᠯᠲᠠᠢ᠃
— ᠡᠨᠡ ᠥᠨᠥ ᠴᠢᠯᠭᠡᠷ ᠪᠥᠬᠡ ᠭᠡᠭᠴᠢ ᠭᠡᠵᠦ ᠲᠤᠭᠤᠷᠢᠯ ᠤ᠋ᠨ ᠬᠦᠦ ᠰᠡᠩᠭᠦᠮ ᠬᠡᠯᠡᠭᠡᠳ
— ᠬᠡᠷᠬᠢᠨ ᠰᠢᠢᠳᠬᠡᠬᠦ ᠪᠡᠨ ᠲᠡᠮᠦᠵᠢᠨ ᠴᠢᠮᠠᠶ᠋ᠢ ᠥᠪᠡᠷ ᠢ᠋ᠶ᠋ᠡᠨ ᠮᠡᠳᠡ ᠭᠡᠵᠦ ᠬᠠᠨ ᠡᠴᠢᠭᠡ ᠠᠢᠯᠠᠳᠪᠠ ᠭᠡᠮᠡᠨ ᠳᠠᠭᠠᠵᠢᠩᠲᠠᠢ ᠪᠠᠷ ᠳᠡᠰ ᠳᠡᠰ ᠬᠥᠬᠥᠷᠡᠭᠡᠳ ᠳᠠᠪᠬᠢᠨ ᠣᠳᠪᠠ᠃ ᠲᠤᠭᠤᠷᠢᠯ ᠬᠠᠨ ᠶᠠᠮᠠᠷᠬᠠᠨ ᠬᠦᠢᠲᠡᠨ ᠦᠭᠡ ᠪᠡᠷ ᠲᠡᠭᠦᠨ ᠦ᠌ ᠰᠡᠳᠬᠢᠯ ᠦ᠋ᠨ ᠰᠢᠷᠬᠠ ᠶ᠋ᠢ ᠬᠥᠨᠳᠡᠨ ᠣᠯᠵᠠ ᠶ᠋ᠢᠨ ᠲᠤᠬᠠᠢ ᠬᠡᠯᠡᠭᠰᠡᠨ ᠦᠭᠡ ᠶ᠋ᠢᠨ ᠬᠠᠷᠢᠭᠤ ᠠᠪᠴᠤ ᠪᠠᠢᠭᠠ ᠶ᠋ᠢ ᠲᠡᠮᠦᠵᠢᠨ ᠣᠢᠯᠠᠭᠠᠪᠠ᠃ ᠪᠥᠷᠲᠡ ᠬᠡᠨ ᠡᠴᠡ ᠦᠷᠡ ᠲᠡᠭᠡᠭᠡᠭᠰᠡᠨ ᠢ᠋ ᠪᠦᠭᠦᠳᠡ ᠮᠡᠳᠡᠵᠡᠢ᠃ ᠲᠡᠷᠡ ᠪᠦᠦ ᠬᠡᠯᠡ ᠲᠣᠭᠣᠷᠢᠯ ᠬᠠᠨ ᠲᠡᠷᠡ ᠬᠡᠷᠡᠭ ᠶᠠᠪᠤᠳᠠᠯ ᠢ᠋ᠶ᠋ᠠᠷ ᠳᠠᠩᠴᠤ ᠳᠣᠷᠣᠮᠵᠢᠯᠠᠨ ᠴᠢᠯᠭᠡᠷ ᠪᠥᠬᠡ ᠶ᠋ᠢ ᠢᠯᠡᠭᠡᠵᠦ᠂ ᠣᠳᠣ ᠶᠠᠭᠠᠬᠢᠵᠤ ᠳᠠᠪᠠᠯᠠᠨ ᠢᠨᠢᠶᠡᠵᠦ ᠰᠠᠭᠤᠭᠠ ᠨᠢ ᠬᠠᠷᠠᠭᠳᠠᠬᠤ ᠰᠢᠭ᠋ ᠪᠣᠯᠤᠨᠠ᠃ ᠲᠡᠮᠦᠵᠢᠨ ᠴᠢᠯᠭᠡᠷ ᠪᠥᠬᠡ ᠶ᠋ᠢ ᠤᠳᠠᠭᠠᠨ ᠰᠢᠷᠳᠡᠪᠡ᠃ ᠶᠢᠰᠦᠭᠡᠢ᠂ ᠥᠭᠡᠯᠦᠨ ᠬᠠᠲᠤᠨ ᠢ᠋ ᠮᠡᠷᠭᠢᠳ ᠦ᠋ᠨ ᠶᠡᠬᠡ ᠴᠢᠯᠡᠳᠦ ᠡᠴᠡ ᠪᠤᠯᠢᠶᠠᠨ ᠠᠪᠤᠭᠰᠠᠨ ᠤ᠋ ᠬᠠᠷᠢᠭᠤ ᠳ᠋ᠤ᠌ ᠪᠥᠷᠲᠡ ᠶ᠋ᠢ ᠮᠡᠷᠭᠢᠳ ᠦ᠋ᠳ ᠴᠢᠯᠡᠳᠦ ᠶ᠋ᠢᠨ ᠳᠡᠭᠦᠦ ᠴᠢᠯᠭᠡᠷ ᠪᠥᠬᠡ ᠳ᠋ᠦ᠍ ᠥᠭᠭᠦᠭᠰᠡᠨ ᠦ᠌ ᠤᠴᠢᠷ ᠣᠳᠣ ᠬᠣᠶᠠᠷ ᠵᠠᠯᠠᠭᠤ ᠡᠷᠡ ᠦᠬᠦᠯ ᠠᠮᠢᠳᠤᠷᠠᠯ ᠤ᠋ᠨ ᠵᠠᠭᠠᠭ ᠲᠤ᠌ ᠨᠢᠭᠤᠷ ᠲᠤᠯᠤᠨ ᠵᠣᠭᠰᠣᠵᠠᠢ᠃ ᠡᠴᠢᠭᠡ ᠡᠪᠦᠭᠡᠳ ᠦ᠋ᠨ ᠬᠢᠭᠰᠡᠨ ᠭᠡᠮ ᠨᠢᠭᠦᠯ ᠦᠷᠡ ᠬᠣᠢᠴᠢ ᠳ᠋ᠤᠨᠢ ᠭᠠᠢ ᠲᠦᠢᠳᠬᠡᠷ ᠤᠴᠠᠷᠠᠭᠤᠯᠳᠠᠭ ᠬᠠᠲᠠᠭᠤ ᠴᠠᠭ ᠤ᠋ᠨ ᠵᠢᠮᠡ ᠶ᠋ᠢ ᠶᠠᠭᠠᠬᠢᠯᠲᠠᠢ ᠪᠢᠯᠡ᠃ ᠦᠵᠡᠰᠬᠦᠯᠡᠩᠲᠦ ᠥᠭᠡᠯᠦᠨ ᠢ᠋ ᠪᠤᠯᠢᠶᠠᠨ ᠠᠪᠤᠭᠰᠠᠨ ᠢ᠋ᠶ᠋ᠠᠷ ᠬᠣᠵᠢᠮ ᠤ᠋ᠨ ᠶᠠᠮᠠᠷ ᠭᠠᠢ ᠵᠣᠪᠠᠯᠠᠩ ᠤ᠋ᠨ ᠦᠷᠡ ᠶ᠋ᠢ ᠲᠠᠷᠢᠭᠰᠠᠨ ᠢ᠋ᠶ᠋ᠠᠨ ᠶᠢᠰᠦᠭᠡᠢ ᠬᠡᠵᠢᠶᠡ ᠴᠦ᠍ ᠮᠡᠳᠡᠬᠦ ᠦᠭᠡᠢ ᠪᠡᠷ ᠲᠩᠷᠢ ᠳ᠋ᠦ᠍ ᠣᠳᠴᠠᠢ᠃ ᠲᠡᠮᠦᠵᠢᠨ ᠪᠣᠯᠤᠭᠠᠳ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠬᠣᠭᠣᠷᠣᠨᠳᠣ ᠡᠭᠦᠰᠦᠭᠰᠡᠨ ᠵᠥᠷᠢᠴᠡᠯ ᠲᠡᠮᠡᠴᠡᠯ ᠦ᠋ᠨ ᠪᠤᠷᠤᠭᠤᠲᠠᠨ ᠦᠭᠡᠢ ᠪᠣᠯᠵᠠᠢ᠃ ᠪᠠᠰᠠ ᠵᠥᠪ ᠪᠤᠷᠤᠭᠤ ᠶ᠋ᠢ ᠢᠯᠭᠠᠨ ᠰᠢᠭᠦᠵᠦ ᠬᠡᠯᠡᠬᠦ ᠤᠬᠠᠭᠠᠨᠲᠠᠨ ᠴᠤ᠌ ᠦᠭᠡᠢ ᠶᠤᠮ᠃ ᠬᠤᠪᠢ ᠲᠠᠪᠢᠯᠠᠩ ᠲᠡᠳᠡᠨ ᠢ᠋ ᠦᠬᠦᠯ ᠠᠮᠢᠳᠤᠷᠠᠯ ᠤ᠋ᠨ ᠣᠷᠴᠢᠯᠠᠩ ᠳ᠋ᠤ᠌ ᠬᠠᠯᠵᠠ ᠲᠤᠯᠭᠠᠭᠠᠳ ᠬᠡᠨ ᠨᠢᠭᠡ ᠶ᠋ᠢ ᠨᠢ ᠬᠥᠷᠥᠰᠥᠲᠦ ᠳ᠋ᠦ᠍ ᠠᠮᠢᠳᠤ ᠦᠯᠡᠳᠡᠬᠦ ᠶ᠋ᠢ ᠲᠤᠰᠢᠶᠠᠭᠰᠠᠨ ᠨᠢ ᠡᠨᠡ ᠪᠠᠢᠪᠠ᠃ ᠡᠨᠡ ᠤᠳᠠᠭᠠ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠬᠤᠪᠢ ᠳ᠋ᠤ᠌ ᠲᠡᠢᠮᠦ ᠴᠦ᠍ ᠪᠠᠶᠠᠷᠯᠠᠬᠤ ᠪᠠᠷ ᠶᠠᠪᠤᠳᠠᠯ ᠪᠣᠯᠬᠤ ᠦᠭᠡᠢ ᠨᠢ ᠨᠢᠭᠡᠨᠲᠡ ᠲᠣᠳᠣᠷᠬᠠᠢ ᠪᠠᠢᠯᠠ᠃ ᠴᠢᠯᠭᠡᠷ ᠪᠥᠬᠡ ᠠᠩᠬᠠ ᠪᠥᠷᠲᠡ ᠶ᠋ᠢ ᠲᠡᠭᠦᠨ ᠳ᠋ᠦ᠍ ᠥᠭᠬᠦ ᠳ᠋ᠦ᠍ ᠭᠤᠸᠠ ᠦᠵᠡᠮᠵᠢ ᠲᠡᠭᠦᠰ ᠪᠦᠰᠡᠭᠦᠢ ᠶ᠋ᠢ ᠬᠠᠷᠠᠭᠠᠳ ᠲᠠᠴᠢᠶᠠᠳᠠᠨ ᠰᠢᠨᠤᠵᠤ ᠳᠣᠲᠣᠷᠠ ᠪᠠᠨ ᠪᠣᠳᠣᠭᠰᠠᠨ ᠪᠦᠬᠦ ᠡᠷᠡᠭᠡᠯᠵᠡᠭᠡ᠂ ᠮᠠᠭᠤ ᠰᠤᠪᠢᠩ ᠢ᠋ᠶ᠋ᠠᠨ ᠮᠠᠷᠲᠠᠵᠤ ᠦᠢᠯᠡ ᠶ᠋ᠢᠨ ᠦᠷᠡ ᠪᠡᠨ ᠳᠠᠭᠤ ᠦᠭᠡᠢ ᠳᠠᠭᠠᠭᠰᠠᠨ ᠪᠢᠯᠡ᠃ ᠪᠥᠷᠲᠡ ᠶ᠋ᠢ ᠠᠪᠤᠭᠰᠠᠨ ᠢ᠋ᠶ᠋ᠠᠷ ᠲᠡᠭᠦᠨ ᠳ᠋ᠦ᠍ ᠰᠠᠢᠨ ᠶᠠᠭᠤᠮᠠ ᠣᠭᠲᠣ ᠪᠣᠯᠬᠤ ᠦᠭᠡᠢ ᠭᠡᠳᠡᠭ ᠢ᠋ ᠢᠷᠤᠯᠠᠭᠰᠠᠭᠠᠷ ᠪᠠᠢᠭᠰᠠᠨ ᠮᠥᠷᠲᠡᠭᠡᠨ ᠪᠥᠷᠲᠡ ᠶ᠋ᠢ ᠶᠠᠮᠠᠷ ᠴᠤ᠌ ᠪᠣᠯᠪᠠ ᠠᠯᠳᠠᠵᠤ ᠪᠣᠯᠬᠤ ᠦᠭᠡᠢ ᠭᠡᠵᠦ ᠰᠢᠢᠳᠦᠭᠰᠡᠨ ᠨᠢ ᠲᠡᠭᠦᠨ ᠦ᠌ ᠤᠬᠠᠭᠠᠨ ᠦᠭᠡᠢ ᠳᠤᠷᠠᠯᠠᠭᠰᠠᠨ ᠰᠡᠳᠬᠢᠯ ᠦ᠋ᠨ ᠬᠢ ᠪᠠᠢᠵᠠᠢ᠃
— ᠴᠢ ᠨᠠᠭᠠᠳᠤ ᠡᠮᠡ ᠡᠴᠡ ᠪᠡᠨ ᠪᠣᠯᠵᠤ ᠦᠷᠡ ᠤᠳᠤᠮ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠰᠦᠢᠷᠡᠬᠦ ᠶ᠋ᠢ ᠪᠢ ᠦᠵᠡᠨᠡ ᠭᠡᠵᠦ ᠠᠲᠠᠭᠠᠷᠬᠠᠵᠤ ᠬᠣᠷᠣᠰᠤᠭᠰᠠᠨ ᠳ᠋ᠠᠢᠷ ᠤᠰᠤᠨ ᠰᠣᠭᠲᠣᠭᠤᠷᠠᠨ ᠬᠠᠰᠬᠢᠷᠬᠤ ᠶ᠋ᠢ ᠴᠤ᠌ ᠶᠠᠭᠤᠮᠠᠨ ᠴᠢᠨᠡᠭᠡ ᠪᠣᠳᠣᠭᠰᠠᠨ ᠦᠭᠡᠢ᠃ ᠳ᠋ᠠᠢᠷ ᠤᠰᠤᠨ ᠤᠭ ᠡᠴᠡ ᠬᠠᠷᠠ ᠮᠠᠭᠤ ᠰᠠᠨᠠᠭᠠ ᠲᠠᠢ᠂ ᠬᠣᠷᠣᠨ ᠭᠠᠰᠢᠭᠤᠨ ᠦᠭᠡ ᠲᠡᠢ ᠶ᠋ᠢ ᠪᠦᠭᠦᠳᠡ ᠮᠡᠳᠡᠬᠦ ᠲᠤᠯᠠ ᠪᠥᠷᠲᠡ ᠶ᠋ᠢ ᠵᠠᠭᠤᠨ ᠠᠭᠲᠠ ᠪᠠᠷ ᠠᠷᠠᠯᠵᠢᠨ ᠠᠪᠬᠤ ᠭᠡᠬᠦ ᠳ᠋ᠦ᠍ᠨᠢ ᠲᠡᠭᠦᠨ ᠳ᠋ᠦ᠍ ᠥᠭᠭᠦᠭᠡ ᠦᠭᠡᠢ ᠳ᠋ᠦ᠍ ᠠᠭᠤᠷᠯᠠᠭᠰᠠᠨ ᠳ᠋ᠠᠭᠠᠨ ᠲᠡᠭᠡᠵᠦ ᠪᠠᠢᠨᠠ ᠭᠡᠵᠦ ᠪᠣᠳᠣᠭᠰᠠᠨ ᠠᠵᠢ᠃ ᠭᠡᠨᠡᠳᠲᠡ ᠰᠤᠷᠠᠭ ᠠᠵᠢᠭ ᠦᠭᠡᠢ ᠪᠣᠯᠵᠤ᠂ ᠶᠠᠳᠠᠵᠤ ᠶᠠᠰᠤ᠂ ᠬᠡᠭᠦᠷ ᠨᠢ ᠴᠤ᠌ ᠦᠵᠡᠭᠳᠡᠬᠦ ᠦᠭᠡᠢ ᠠᠯᠠᠭᠠ ᠪᠣᠯᠤᠭᠰᠠᠨ ᠶᠡᠬᠡ ᠴᠢᠯᠡᠳᠦ ᠠᠬᠠ ᠶ᠋ᠢᠨ ᠬᠢᠨᠢ ᠠᠮᠢᠨ ᠤ᠋ ᠲᠥᠯᠥᠭᠡᠰᠦ ᠪᠣᠯᠭᠠᠨ ᠪᠥᠷᠲᠡ ᠶ᠋ᠢ ᠴᠢᠯᠭᠡᠷ ᠪᠥᠬᠡ ᠳ᠋ᠦ᠍ ᠥᠭᠴᠡᠢ᠃ ᠭᠡᠲᠡᠯᠡ ᠳ᠋ᠠᠢᠷ ᠤᠰᠤᠨ ᠤ᠋ ᠮᠠᠭᠤ ᠦᠭᠡ ᠦᠨᠡᠨ ᠪᠣᠯᠪᠠ᠃ ᠪᠥᠷᠲᠡ ᠶ᠋ᠢ ᠪᠤᠯᠢᠶᠠᠨ ᠠᠪᠤᠭᠰᠠᠨ ᠨᠢ ᠭᠠᠭᠴᠠ ᠴᠢᠯᠭᠡᠷ ᠪᠥᠬᠡ ᠴᠤ᠌ ᠪᠢᠰᠢ ᠪᠦᠬᠦᠯᠢ ᠮᠡᠷᠭᠢᠳ ᠠᠢᠮᠠᠭ ᠤ᠋ᠨ ᠢᠷᠡᠭᠡᠳᠦᠢ ᠶ᠋ᠢᠨ ᠰᠦᠢᠷᠡᠯ ᠦ᠋ᠨ ᠡᠬᠢ ᠪᠣᠯᠬᠤ ᠶ᠋ᠢ ᠬᠡᠨ ᠴᠤ᠌ ᠲᠠᠭᠠᠪᠤᠷᠢᠯᠠᠭᠰᠠᠨ ᠦᠭᠡᠢ᠃ ᠴᠢᠯᠭᠡᠷ ᠪᠥᠬᠡ ᠦᠢᠯᠡ ᠶ᠋ᠢᠨ ᠦᠷᠡ ᠪᠡᠨ ᠳᠠᠭᠠᠨ ᠣᠳᠣ ᠲᠡᠮᠦᠵᠢᠨ ᠦ᠌ ᠡᠮᠦᠨᠡ ᠵᠣᠭᠰᠣᠵᠤ ᠪᠠᠢᠪᠠ᠃ ᠲᠤᠭᠤᠷᠢᠯ ᠬᠠᠨ ᠤ᠋ ᠴᠡᠷᠢᠭ ᠳᠣᠪᠲᠣᠯᠤᠨ ᠢᠷᠡᠬᠦ ᠰᠤᠷᠠᠭ ᠢ᠋ᠶ᠋ᠠᠷ ᠴᠢᠯᠭᠡᠷ ᠪᠥᠬᠡ ᠡᠮᠡᠰ ᠬᠡᠦᠬᠡᠳ ᠢ᠋ᠶ᠋ᠡᠨ ᠬᠠᠶᠠᠨ ᠵᠢᠭᠤᠲᠠᠭᠰᠠᠨ ᠴᠤ᠌ ᠭᠠᠢ ᠪᠣᠯᠵᠤ ᠵᠥᠪ ᠵᠦᠭᠡᠷ ᠪᠠᠢᠲᠠᠯᠠ ᠡᠮᠡᠭᠡᠯ ᠦ᠋ᠨ ᠣᠯᠣᠮ ᠲᠠᠰᠤᠷᠠᠵᠤ ᠪᠠᠷᠢᠭᠳᠠᠵᠠᠢ᠃
— ᠲᠡᠮᠦᠵᠢᠨ ᠠᠬᠠ ᠠ᠋᠂ ᠡᠭᠦᠨ ᠢ᠋ ᠲᠠᠰᠤ ᠴᠠᠪᠴᠢᠨ ᠬᠠᠶᠠᠶᠠ ᠭᠡᠵᠦ ᠪᠡᠯᠭᠦᠳᠡᠢ ᠬᠣᠷᠣᠰᠤᠨ ᠥᠭᠦᠯᠡᠭᠡᠳ ᠰᠡᠯᠡᠮᠡ ᠪᠡᠨ ᠰᠤᠭᠤᠯᠵᠤ ᠬᠡᠷᠪᠡ ᠲᠡᠮᠦᠵᠢᠨ ᠲᠣᠯᠣᠭᠠᠢ ᠳᠣᠬᠢᠪᠠᠯ ᠤᠬᠤᠰᠬᠢᠨ ᠣᠴᠢᠬᠤ ᠳ᠋ᠤ᠌ ᠪᠡᠯᠡᠨ ᠪᠠᠢᠯᠠ᠃
— ᠲᠡᠮᠦᠵᠢᠨ᠂ ᠪᠢ ᠴᠢᠨᠦ ᠲᠤᠬᠠᠢ ᠣᠯᠠᠨ ᠢ᠋ ᠰᠣᠨᠣᠰᠤᠭᠰᠠᠨ᠃ ᠪᠥᠷᠲᠡ ᠴᠤ᠌ ᠮᠠᠨ ᠤ᠋ ᠳ᠋ᠤ᠌ ᠪᠠᠢᠬᠤ ᠳ᠋ᠠᠭᠠᠨ ᠴᠢᠨᠦ ᠲᠤᠬᠠᠢ ᠡᠷᠡᠦ ᠠᠮᠠ ᠬᠠᠮᠬᠢᠯ ᠦᠭᠡᠢ ᠵᠥᠩᠳᠡᠭᠡᠨ ᠯᠡ ᠶᠠᠷᠢᠭᠰᠠᠨ᠃ ᠴᠢ ᠵᠣᠷᠢᠭᠲᠠᠢ ᠬᠥᠮᠦᠨ ᠪᠢᠵᠡ᠃ ᠭᠡᠪᠡᠴᠦ ᠴᠢ ᠨᠠᠮᠠᠶ᠋ᠢ ᠠᠯᠠᠪᠠᠯ ᠡᠬᠢᠯᠡᠭᠡᠳ ᠬᠦᠯᠢᠭ ᠢ᠋ ᠮᠢᠨᠢ ᠲᠠᠢᠯ᠃ ᠰᠡᠭᠦᠯ ᠳ᠋ᠦ᠍ᠨᠢ ᠴᠢᠮᠠᠶ᠋ᠢ ᠬᠦᠯᠢᠭ ᠲᠡᠢ ᠬᠥᠮᠦᠨ ᠢ᠋ ᠠᠯᠠᠪᠠ ᠭᠡᠵᠦ ᠪᠤᠤ ᠮᠠᠭᠤ ᠬᠡᠯᠡᠭ᠃ ᠲᠡᠮᠦᠵᠢᠨ ᠴᠢᠮᠠᠶ᠋ᠢ ᠡᠨᠡ ᠲᠤᠭᠤᠷᠢᠯ ᠰᠢᠭ᠋ ᠣᠯᠵᠠᠨ ᠳ᠋ᠤ᠌ ᠨᠢᠳᠦ ᠪᠡᠨ ᠤᠬᠤᠭᠠᠳ ᠥᠭᠴᠢᠬᠥ ᠬᠥᠮᠦᠨ ᠪᠢᠰᠢ ᠭᠡᠵᠦ ᠪᠣᠳᠣᠨᠠ ᠭᠡᠵᠦ ᠴᠢᠯᠭᠡᠷ ᠪᠥᠬᠡ ᠢᠨᠢᠶᠡᠮᠰᠦᠭᠯᠡᠨ ᠬᠡᠯᠡᠵᠡᠢ᠃ ᠲᠡᠷᠡ ᠦᠬᠦᠨᠡ ᠭᠡᠬᠦ ᠳ᠋ᠡᠭᠡᠨ ᠣᠭᠲᠣ ᠬᠠᠷᠠᠮᠰᠠᠭᠰᠠᠨ᠂ ᠠᠶᠤᠭᠰᠠᠨ ᠰᠢᠨᠵᠢ ᠦᠭᠡᠢ ᠪᠠᠢᠭᠠ ᠨᠢ ᠭᠠᠢᠬᠠᠯᠲᠠᠢ᠃ ᠴᠢᠯᠭᠡᠷ ᠪᠥᠬᠡ ᠦᠬᠦᠯ ᠨᠢ ᠭᠠᠷᠴᠠᠭᠠ ᠦᠭᠡᠢ ᠢᠷᠡᠭᠰᠡᠨ ᠢ᠋ ᠮᠡᠳᠡᠮᠡᠭᠴᠡ ᠲᠠᠢᠪᠤᠰᠢᠷᠠᠵᠠᠢ᠃ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠴᠢᠷᠠᠢ ᠶ᠋ᠢ ᠦᠵᠡᠵᠦ᠂ ᠤᠬᠠᠭᠠᠨᠲᠠᠢ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠲᠡᠮᠦᠵᠢᠨ ᠲᠡᠭᠦᠨ ᠢ᠋ ᠥᠴᠥᠭᠡᠳᠦᠷ ᠦ᠋ᠨ ᠬᠢ ᠰᠢᠭ ᠲᠡᠭᠡᠲᠡᠯᠡ ᠪᠡᠨ ᠦᠵᠡᠨ ᠶᠠᠳᠠᠬᠤ ᠦᠭᠡᠢ᠂ ᠪᠠᠰᠠ ᠠᠯᠠᠬᠤ ᠭᠡᠵᠦ ᠲᠡᠭᠡᠲᠡᠯᠡ ᠪᠡᠨ ᠰᠦᠷᠡᠬᠡᠢ ᠥᠰᠢᠷᠬᠡᠨ ᠬᠣᠨᠵᠢᠩᠨᠠᠬᠤ ᠦᠭᠡᠢ ᠪᠣᠯᠤᠭᠰᠠᠨ ᠳ᠋ᠠᠭᠠᠨ ᠶᠡᠬᠡᠳᠡ ᠭᠠᠢᠬᠠᠪᠠ᠃
— ᠬᠠᠷᠢᠨ ᠲᠡᠮᠦᠵᠢᠨ ᠪᠢ ᠴᠢᠮᠠ ᠡᠴᠡ ᠨᠢᠭᠡ ᠵᠦᠢᠯ ᠬᠦᠰᠡᠨᠡ᠃ ᠴᠢ ᠪᠥᠷᠲᠡ ᠶ᠋ᠢ ᠲᠥᠷᠥᠬᠦ ᠪᠡᠷ ᠬᠥᠪᠡᠭᠦᠨ ᠪᠠᠢᠪᠠᠯ ᠪᠤᠤ ᠠᠯᠠ᠃ ᠬᠡᠨ ᠳ᠋ᠦ᠍ ᠴᠤ᠌ ᠬᠠᠮᠢᠶᠠ ᠦᠭᠡᠢ ᠥᠭᠴᠦ ᠣᠷᠭᠢ᠃ ᠮᠠᠨ ᠤ᠋ ᠠᠢᠮᠠᠭ ᠤ᠋ᠨ ᠬᠡᠨ ᠴᠤ᠌ ᠪᠠᠢᠭᠰᠠᠨ ᠮᠢᠨᠦ ᠦᠷᠡ ᠶ᠋ᠢ ᠠᠪᠬᠤ ᠡᠴᠡ ᠲᠠᠲᠠᠭᠠᠯᠵᠠᠬᠤ ᠦᠭᠡᠢ ᠪᠢᠵᠡ᠃ ᠬᠥᠮᠦᠨ ᠪᠣᠯᠪᠠᠯ ᠬᠦᠰᠡᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠣᠯᠤᠭ᠃ ᠴᠢᠯᠭᠡᠷ ᠪᠥᠬᠡ ᠮᠢᠨᠦ ᠦᠷᠡ ᠭᠡᠳᠡᠭ ᠢ᠋ᠶ᠋ᠡᠨ ᠲᠡᠷᠡ ᠮᠠᠷᠲᠠᠪᠠᠯ ᠮᠠᠷᠲᠠᠭ᠃ ᠡᠷᠡ ᠬᠥᠮᠦᠨ ᠪᠣᠯᠵᠤ ᠲᠥᠷᠥᠭᠰᠡᠨ ᠶᠤᠮ ᠪᠣᠯ ᠠᠮᠢᠳᠤᠷᠠᠵᠤ ᠦᠵᠡᠭ᠃ ᠲᠡᠭᠦᠨ ᠦ᠌ ᠪᠤᠷᠤᠭᠤ ᠭᠡᠵᠦ ᠦᠭᠡᠢ ᠪᠢᠵᠡ ᠭᠡᠰᠡᠨ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠲᠡᠮᠦᠵᠢᠨ ᠭᠡᠨᠡᠳᠲᠡ ᠳᠦᠷᠡᠰᠬᠢᠵᠦ
— ᠡᠭᠦᠨ ᠦ᠌ ᠬᠦᠯᠢᠭ ᠢ᠋ ᠲᠠᠢᠯ᠃ ᠬᠠᠰᠠᠷ ᠴᠢ ᠰᠡᠯᠡᠮᠡ ᠪᠡᠨ ᠲᠡᠭᠦᠨ ᠳ᠋ᠦ᠍ ᠥᠭ! ᠭᠡᠵᠦ ᠬᠠᠰᠬᠢᠷᠴᠠᠢ᠃ ᠲᠡᠮᠦᠵᠢᠨ ᠦ᠌ ᠡᠨᠡ ᠰᠠᠨᠠᠮᠰᠠᠷ ᠦᠭᠡᠢ ᠰᠢᠢᠳᠪᠦᠷᠢ ᠳ᠋ᠦ᠍ ᠪᠦᠭᠦᠳᠡ ᠴᠣᠴᠢᠷᠳᠠᠨ ᠳᠠᠬᠢᠭᠠᠳ ᠯᠠ ᠭᠠᠢᠬᠠᠨ ᠭᠥᠯᠢᠷᠡᠵᠡᠭᠡᠪᠡ ᠃
— ᠡᠨᠡ ᠴᠢᠨᠢ ᠶᠣᠰᠣᠲᠠᠢ ᠭᠠᠢᠬᠠᠮᠠ ᠪᠠᠬᠠᠲᠠᠢ ᠬᠡᠷᠡᠭ ᠪᠠᠢᠨᠠ᠃ ᠴᠢ ᠤᠬᠠᠭᠠᠨᠲᠠᠢ᠂ ᠵᠣᠷᠢᠭᠲᠠᠢ ᠬᠥᠮᠦᠨ ᠭᠡᠰᠡᠨ ᠨᠢ ᠦᠨᠡᠨ ᠪᠣᠯᠤᠯᠲᠠᠢ᠃ ᠪᠥᠷᠲᠡ ᠴᠢᠮᠠᠶ᠋ᠢ ᠳᠡᠮᠡᠢ ᠨᠢᠭᠡ ᠮᠠᠭᠲᠠᠭᠠ ᠦᠭᠡᠢ ᠪᠠᠢᠵᠠᠢ ᠭᠡᠵᠦ ᠴᠢᠯᠭᠡᠷ ᠪᠥᠬᠡ ᠪᠦᠷ ᠦᠨᠡᠨ ᠰᠡᠳᠬᠢᠯ ᠡᠴᠡ ᠪᠡᠨ ᠬᠡᠯᠡᠪᠡ᠃ ᠵᠣᠷᠢᠮᠠᠭ᠂ ᠦᠨᠡᠨ ᠦᠭᠡ ᠲᠡᠢ ᠡᠨᠡ ᠵᠠᠯᠠᠭᠤ᠂ ᠲᠡᠮᠦᠵᠢᠨ ᠳ᠋ᠦ᠍ ᠲᠠᠭᠠᠯᠠᠭᠳᠠᠵᠤ ᠪᠠᠢᠪᠠ᠃ ᠭᠡᠪᠡᠴᠦ ᠡᠬᠡᠨᠡᠷ ᠢ᠋ ᠨᠢ ᠡᠳ᠋ᠯᠡᠵᠦ ᠪᠦᠷ ᠵᠢᠷᠮᠦᠰᠦᠯᠡᠭᠦᠯᠦᠭᠰᠡᠨ ᠲᠡᠭᠦᠨ ᠢ᠋ ᠥᠷᠥᠰᠢᠶᠡᠬᠦ ᠤᠴᠢᠷ ᠪᠠᠢᠭᠰᠠᠨ ᠦᠭᠡᠢ᠃ ᠬᠠᠷᠢᠨ ᠲᠡᠭᠦᠨ ᠲᠡᠢ ᠰᠡᠯᠡᠮᠡ ᠪᠡᠷ ᠲᠤᠯᠤᠯᠳᠤᠵᠤ ᠥᠪᠡᠷ ᠦ᠋ᠨ ᠭᠠᠷ ᠢ᠋ᠶ᠋ᠠᠷ ᠠᠯᠠᠬᠤ ᠶ᠋ᠢ ᠬᠦᠰᠡᠪᠡ᠃ ᠪᠠᠰᠠ ᠢᠩᠭᠢᠬᠦ ᠨᠢ ᠵᠥᠪ ᠪᠥᠭᠡᠳ ᠰᠢᠳᠤᠷᠭᠤ ᠶᠠᠪᠤᠳᠠᠯ ᠪᠣᠯᠤᠨᠠ ᠭᠡᠵᠦ ᠪᠣᠳᠣᠵᠠᠢ᠃
— ᠲᠡᠮᠦᠵᠢᠨ ᠠᠬᠠ᠃ ᠡᠨᠡ ᠮᠠᠭᠤ ᠮᠡᠷᠭᠢᠳ ᠲᠡᠢ ᠪᠢ ᠲᠤᠯᠤᠶᠠ᠃ ᠦᠭᠡᠢ ᠪᠣᠯ ᠵᠦᠭᠡᠷ ᠯᠡ ᠠᠯᠠᠵᠤ ᠣᠷᠬᠢᠭᠠᠴᠢ ᠭᠡᠵᠦ ᠬᠠᠰᠠᠷ ᠬᠠᠰᠬᠢᠷᠤᠭᠰᠠᠨ ᠨᠢ ᠲᠡᠮᠦᠵᠢᠨ ᠢ᠋ ᠪᠣᠯᠭᠣᠮᠵᠢᠯᠠᠭᠤᠯᠤᠭᠰᠠᠨ ᠬᠡᠷᠡᠭ ᠪᠠᠢᠪᠠ᠃
— ᠴᠢ ᠰᠡᠯᠡᠮᠡ ᠪᠡᠨ ᠥᠭ! ᠭᠡᠵᠦ ᠲᠡᠮᠦᠵᠢᠨ ᠬᠡᠯᠡᠭᠰᠡᠨ ᠡᠴᠡ ᠪᠡᠨ ᠪᠤᠴᠠᠬᠤ ᠦᠭᠡᠢ ᠳᠠᠬᠢᠨ ᠵᠥᠷᠢᠭᠦᠳᠯᠡᠨ ᠬᠠᠰᠬᠢᠷᠪᠠ᠃
— ᠬᠠᠰᠠᠷ!《ᠮᠠᠭᠤ ᠮᠡᠷᠭᠢᠳ》 ᠭᠡᠵᠦ ᠴᠢ ᠶᠠᠭᠤ ᠬᠡᠯᠡᠨᠡ᠃ ᠪᠢᠳᠡ ᠪᠦᠭᠦᠳᠡᠭᠡᠷ ᠠᠳᠠᠯᠢᠬᠠᠨ ᠲᠠᠯᠠ ᠬᠠᠩᠭᠠᠢ ᠨᠤᠲᠤᠭ ᠤ᠋ᠨ ᠮᠣᠩᠭᠣᠯ ᠠᠢᠮᠠᠭ ᠤ᠋ᠳ᠃ ᠴᠢ ᠡᠭᠦᠨ ᠡᠴᠡ ᠬᠣᠢᠰᠢ ᠪᠤᠰᠤᠳ ᠢ᠋ ᠪᠦᠦ ᠮᠠᠭᠤ ᠬᠡᠯᠡ᠃ ᠪᠢ ᠴᠢᠮᠠᠶ᠋ᠢ ᠶᠡᠷᠦ ᠳᠣᠷᠣᠮᠵᠢᠯᠠᠭᠰᠠᠨ ᠦᠭᠡᠢ ᠰᠢᠦ᠃ ᠮᠠᠭᠤ ᠡᠮᠡᠰ ᠰᠢᠭ ᠬᠡᠯᠡ ᠠᠮᠠ ᠪᠠᠨ ᠪᠢᠯᠡᠭᠦᠳᠡᠬᠦ ᠨᠢ ᠶᠠᠭᠠᠬᠢᠪᠠᠴᠤ ᠰᠠᠢᠨ ᠡᠷᠡ ᠶ᠋ᠢᠨ ᠰᠢᠨᠵᠢ ᠪᠢᠰᠢ ᠭᠡᠵᠦ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠬᠡᠯᠡᠬᠦ ᠳ᠋ᠦ᠍《ᠪᠠᠰᠠ ᠤᠬᠠᠭᠠᠨᠲᠠᠢ ᠰᠦᠷᠡᠬᠡᠢ ᠡᠷᠡ ᠶᠤᠮ》 ᠭᠡᠵᠦ ᠲᠡᠮᠦᠵᠢᠨ ᠲᠡᠷᠡᠬᠡᠨ ᠵᠠᠭᠤᠷᠠ ᠶᠡᠬᠡᠳᠡ ᠲᠣᠭᠣᠨ ᠪᠣᠳᠣᠯᠠ᠃ ᠬᠠᠰᠠᠷ ᠶᠠᠭᠠᠬᠢᠵᠤ ᠴᠤ᠌ ᠴᠢᠳᠠᠭᠰᠠᠨ ᠦᠭᠡᠢ ᠥᠪᠡᠷ ᠦ᠋ᠨ ᠰᠡᠯᠡᠮᠡ ᠶ᠋ᠢ ᠴᠢᠯᠭᠡᠷ ᠪᠥᠬᠡ ᠳ᠋ᠦ᠍ ᠥᠭᠭᠦᠭᠡᠳ ᠵᠠᠢ ᠲᠠᠯᠪᠢᠪᠠ᠃ ᠲᠡᠮᠦᠵᠢᠨ ᠦ᠌ ᠰᠢᠷᠠ ᠨᠢᠳᠦᠨ ᠳ᠋ᠦ᠍ ᠵᠠᠨᠤᠯ ᠬᠣᠷᠣᠰᠤᠯ ᠬᠤᠷᠠᠵᠤ᠂ ᠰᠡᠯᠡᠮᠡ ᠪᠡᠨ ᠣᠷᠣᠭᠰᠢ ᠰᠤᠩᠭᠠᠨ ᠠᠯᠭᠤᠷ ᠲᠣᠭᠣᠷᠢᠨᠠ᠃ ᠲᠡᠮᠦᠵᠢᠨ ᠬᠡᠳᠦᠢ ᠪᠡᠷ ᠰᠡᠯᠡᠮᠡ ᠪᠡᠷ ᠲᠤᠯᠤᠯᠳᠤᠬᠤ ᠰᠤᠷᠭᠠᠭᠤᠯᠢ ᠣᠢᠭᠠ ᠦᠭᠡᠢ ᠬᠢᠭᠰᠡᠭᠡᠷ ᠠᠪᠠᠴᠤ ᠬᠠᠰᠠᠷ ᠤ᠋ᠨ ᠡᠨᠳᠡ ᠦᠯᠦ ᠬᠦᠷᠬᠦ ᠲᠤᠯᠠ ᠪᠦᠭᠦᠳᠡ ᠲᠦᠭᠰᠢᠨ ᠵᠣᠪᠠᠵᠤ ᠪᠠᠢᠯᠠ᠃ ᠬᠠᠰᠠᠷ᠂ ᠪᠡᠯᠭᠦᠳᠡᠢ᠂ ᠵᠡᠯᠮᠡ ᠭᠤᠷᠪᠠ ᠬᠣᠷᠣᠮ ᠤ᠋ᠨ ᠳᠣᠲᠣᠷᠠ ᠬᠠᠷᠠᠴᠠ ᠰᠣᠯᠢᠯᠴᠠᠨ ᠮᠠᠭᠤ ᠶᠠᠭᠤᠮᠠ ᠪᠣᠯᠪᠠᠯ ᠬᠠᠵᠠᠭᠤ ᠡᠴᠡ ᠨᠢ ᠳᠠᠭᠠᠷᠢᠨ ᠣᠷᠣᠬᠤ ᠳ᠋ᠤ᠌ ᠪᠡᠯᠡᠨ ᠪᠣᠯᠵᠠᠢ᠃ ᠭᠡᠪᠡᠴᠦ ᠲᠡᠳᠡ ᠲᠡᠮᠦᠵᠢᠨ ᠦ᠌ ᠵᠥᠪᠰᠢᠶᠡᠷᠡᠭᠡ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠢᠩᠭᠢᠵᠦ ᠵᠢᠷᠦᠬᠡᠯᠡᠬᠦ ᠦᠭᠡᠢ ᠪᠢᠯᠡ᠃ ᠴᠢᠯᠭᠡᠷ ᠪᠥᠬᠡ ᠶ᠋ᠢ ᠰᠡᠯᠡᠮᠡ ᠪᠡᠷ ᠲᠤᠯᠤᠯᠳᠤᠬᠤ ᠳ᠋ᠠᠭᠠᠨ ᠰᠠᠢᠨ ᠪᠢᠰᠢ ᠪᠠᠢᠵᠤ ᠮᠡᠳᠡᠨᠡ ᠭᠡᠵᠦ ᠪᠣᠳᠣᠵᠤ ᠪᠠᠢᠪᠠ᠃ ᠰᠡᠯᠡᠮᠡ ᠠᠭᠠᠷ ᠲᠤ᠌ ᠬᠠᠪᠢᠷᠤᠯᠳᠤᠨ᠂ ᠬᠠᠩᠭᠢᠨᠠᠨ ᠳᠤᠤᠭᠠᠷᠤᠭᠠᠳ ᠣᠴᠢ ᠦᠰᠦᠷᠦᠨ᠂ ᠲᠡᠳᠡ ᠲᠤᠯᠤᠯᠳᠤᠵᠤ ᠡᠬᠢᠯᠡᠪᠡ᠃ ᠴᠢᠯᠭᠡᠷ ᠪᠥᠬᠡ ᠰᠡᠯᠡᠮᠡ ᠪᠡᠷ ᠲᠤᠯᠤᠯᠳᠤᠬᠤ ᠳ᠋ᠠᠭᠠᠨ ᠭᠠᠷᠮᠠᠭᠠᠢ᠂ ᠦᠨᠡᠬᠡᠷ ᠭᠠᠪᠰᠢᠭᠠᠢ ᠡᠷᠡ ᠠᠵᠢ᠃ ᠲᠡᠮᠦᠵᠢᠨ ᠢ᠋ ᠢᠯᠡᠳᠲᠡ ᠳᠡᠢᠯᠳᠡᠬᠦ ᠶᠠᠩᠵᠤ ᠲᠠᠢ ᠪᠣᠯᠬᠤ ᠳ᠋ᠤ᠌ ᠨᠥᠬᠥᠳ ᠨᠢ ᠰᠡᠯᠡᠮᠡ ᠪᠡᠨ ᠰᠢᠭᠦᠷᠦᠨ ᠣᠢᠷᠠᠲᠤᠯᠠ᠃ ᠭᠡᠪᠡᠴᠦ ᠲᠡᠮᠦᠵᠢᠨ ᠦ᠌ ᠠᠭᠤᠷᠰᠠᠵᠤ᠂ ᠤᠯᠠᠢᠷᠠᠭᠰᠠᠨ ᠴᠢᠷᠠᠢ ᠶ᠋ᠢ ᠬᠠᠷᠠᠭᠠᠳ ᠬᠠᠵᠠᠭᠤ ᠡᠴᠡ ᠨᠢ ᠣᠷᠣᠵᠤ ᠠᠷᠠᠢ ᠯᠠ ᠵᠢᠷᠦᠬᠡᠯᠡᠭᠰᠡᠨ ᠦᠭᠡᠢ᠃ ᠬᠡᠷᠪᠡ ᠬᠠᠵᠠᠭᠤ ᠡᠴᠡ ᠨᠢ ᠣᠷᠣᠪᠠᠯ ᠲᠡᠮᠦᠵᠢᠨ ᠴᠠᠪᠴᠢᠴᠢᠬᠠᠵᠤ ᠮᠡᠳᠡᠬᠦ ᠶᠠᠩᠵᠤ ᠲᠠᠢ᠃ ᠲᠡᠳᠡ ᠲᠤᠯᠤᠯᠳᠤᠭᠰᠠᠭᠠᠷ ᠲᠡᠮᠦᠵᠢᠨ ᠰᠡᠯᠡᠮᠡ ᠪᠡᠨ ᠠᠯᠳᠠᠵᠤ ᠤᠬᠤᠷᠢᠨ ᠵᠢᠭᠤᠲᠠᠬᠤ ᠲᠡᠷᠡ ᠠᠭᠱᠠᠨ ᠳ᠋ᠤ᠌ ᠬᠠᠰᠠᠷ᠂ ᠴᠢᠯᠭᠡᠷ ᠪᠥᠬᠡ ᠶ᠋ᠢ ᠴᠠᠪᠴᠢᠨ ᠤᠨᠠᠭᠠᠪᠠ᠃ ᠬᠠᠰᠠᠷ ᠢᠩᠭᠢᠵᠦ ᠱᠠᠯᠠᠮᠠᠭᠠᠢ ᠬᠥᠳᠡᠯᠦᠭᠡ ᠦᠭᠡᠢ ᠪᠣᠯ ᠲᠡᠮᠦᠵᠢᠨ ᠦ᠌ ᠬᠦᠵᠦᠭᠦᠨ ᠳ᠋ᠦ᠍ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠰᠡᠯᠡᠮᠡ ᠶ᠋ᠢᠨ ᠢᠷ ᠪᠠᠭᠤᠬᠤ ᠪᠠᠢᠯᠠ᠃ ᠤᠯᠠᠭᠠᠨ ᠴᠠᠭᠠᠨ ᠬᠣᠭᠣᠯᠠᠢ ᠪᠠᠨ ᠲᠠᠰᠤ ᠬᠡᠷᠴᠢᠭᠦᠯᠦᠭᠰᠡᠨ ᠴᠢᠯᠭᠡᠷ ᠪᠥᠬᠡ ᠳᠣᠣᠷᠠ ᠪᠠᠨ ᠦᠬᠦᠵᠡᠢ᠃ ᠲᠡᠮᠦᠵᠢᠨ ᠶᠠᠭᠤ ᠴᠤ᠌ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ ᠠᠮᠢᠰᠬᠤᠭᠠᠳᠠᠨ ᠰᠠᠭᠤᠨᠠ᠃ ᠵᠢᠷᠦᠬᠡ ᠨᠢ ᠬᠦᠴᠦ ᠰᠢᠪᠬᠠᠨ ᠲᠤᠯᠤᠯᠳᠤᠭᠰᠠᠨ ᠡᠴᠡ ᠪᠢᠰᠢ ᠠᠶᠤᠭᠰᠠᠨ ᠡᠴᠡ ᠪᠠᠨ ᠪᠣᠯᠵᠤ ᠲᠦᠭ ᠲᠦᠭ ᠴᠣᠬᠢᠯᠠᠨᠠ᠃ ᠦᠬᠦᠯ ᠳᠡᠷᠭᠡᠳᠡᠭᠦᠷ ᠨᠢ ᠭᠦᠶᠦᠵᠦ ᠥᠩᠭᠡᠷᠡᠬᠦ ᠶ᠋ᠢ ᠲᠡᠮᠦᠵᠢᠨ ᠬᠠᠷᠠᠬᠤ ᠰᠢᠭ᠋ ᠪᠣᠯᠪᠠ᠃ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠬᠡᠭᠦᠷ ᠡᠴᠡ ᠦᠬᠦᠯ ᠦ᠋ᠨ ᠦᠨᠦᠷ ᠬᠠᠩᠬᠤᠯᠤᠨᠠ᠃ ᠦᠬᠦᠯ ᠡᠢᠮᠦ ᠬᠤᠷᠴᠠ ᠰᠣᠳᠣᠨ ᠦᠨᠦᠷ ᠲᠡᠢ ᠪᠣᠯᠬᠤ ᠶ᠋ᠢ ᠲᠡᠷᠡ ᠠᠩᠬᠠ ᠡᠢᠨ ᠬᠦ᠌ ᠮᠡᠳᠡᠵᠡᠢ᠃ ᠪᠦᠷ ᠪᠥᠭᠡᠯᠵᠢᠰᠦ ᠴᠢᠳᠬᠤᠬᠤ ᠠᠵᠢ᠃
— ᠶᠡᠬᠡ ᠭᠠᠪᠰᠢᠭᠠᠢ ᠡᠷᠡ ᠶᠤᠮ ᠭᠡᠵᠦ ᠬᠠᠰᠠᠷ ᠬᠡᠯᠡᠭᠡᠳ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠲᠠᠰᠤ ᠠᠳᠬᠤᠭᠰᠠᠨ ᠭᠠᠷ ᠡᠴᠡ ᠰᠡᠯᠡᠮᠡ ᠪᠡᠨ ᠠᠷᠠᠢᠬᠠᠨ ᠰᠠᠯᠭᠠᠨ ᠠᠪᠤᠪᠠ᠃ ᠰᠠᠶᠢ ᠶ᠋ᠢᠨ ᠳᠣᠯᠣᠭᠠᠨ ᠪᠦᠭᠦᠳᠡ ᠳ᠋ᠤᠨᠢ ᠠᠢᠳᠠᠰ ᠲᠦᠷᠦᠭᠦᠯᠡᠭᠰᠡᠨ ᠴᠦ᠍ ᠪᠠᠰᠠ ᠲᠡᠮᠦᠵᠢᠨ ᠦ᠌ ᠪᠤᠷᠤᠭᠤ ᠭᠡᠵᠦ ᠬᠡᠯᠡᠵᠦ ᠵᠢᠷᠦᠬᠡᠯᠡᠭᠰᠡᠨ ᠦᠭᠡᠢ᠃ ᠭᠡᠪᠡᠴᠦ ᠬᠠᠰᠠᠷ ᠲᠡᠰᠦᠭᠰᠡᠨ ᠦᠭᠡᠢ᠂ ᠳᠠᠭᠤ ᠦᠭᠡᠢ ᠰᠠᠭᠤᠬᠤ ᠲᠡᠮᠦᠵᠢᠨ ᠢ᠋ ᠬᠠᠷᠠᠵᠤ᠂
— ᠵᠠᠯᠮᠠ᠂ ᠪᠡᠯᠭᠦᠳᠡᠢ ᠲᠠ ᠨᠠᠷ ᠰᠣᠨᠣᠰ᠃ ᠡᠭᠦᠨ ᠡᠴᠡ ᠬᠣᠢᠰᠢ ᠲᠡᠮᠦᠵᠢᠨ ᠠᠬᠠ ᠶ᠋ᠢ ᠭᠠᠷᠳᠠᠨ ᠲᠤᠯᠬᠤ ᠶ᠋ᠢ ᠪᠢ ᠬᠣᠷᠢᠭᠯᠠᠵᠤ ᠪᠠᠢᠨᠠ᠃ ᠪᠤᠭᠤᠷᠴᠢ ᠬᠡᠳᠦᠭᠦᠯᠡ ᠠᠬᠠ ᠶ᠋ᠢᠨ ᠡᠮᠦᠨᠡ ᠡᠴᠡ ᠲᠤᠯᠵᠤ ᠪᠠᠢᠶᠠ᠃ ᠮᠡᠳᠡᠪᠡ ᠤᠤ? ᠭᠡᠰᠡᠨ ᠳ᠋ᠦ᠍ ᠪᠦᠭᠦᠳᠡ ᠲᠣᠯᠣᠭᠠᠢ ᠳᠣᠬᠢᠨ ᠵᠥᠪᠰᠢᠶᠡᠷᠡᠪᠡ᠃ ᠲᠡᠮᠦᠵᠢᠨ ᠦᠭᠡ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ᠃ ᠨᠥᠬᠥᠳ ᠨᠢ ᠲᠡᠭᠦᠨ ᠦ᠌ ᠰᠡᠳᠬᠢᠯ ᠢ᠋ ᠡᠮᠵᠡᠭᠯᠡᠭᠦᠯᠬᠦ ᠦᠭᠡᠢ ᠭᠡᠰᠡᠨ ᠳ᠋ᠡᠭᠡᠨ ᠰᠠᠮ ᠬᠣᠯᠠᠳᠤᠨ ᠶᠠᠪᠤᠵᠠᠭᠠᠪᠠ᠃ ᠣᠳᠣ ᠲᠡᠮᠦᠵᠢᠨ᠂ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠬᠡᠭᠦᠷ ᠦ᠋ᠨ ᠳᠡᠷᠭᠡᠳᠡ ᠬᠣᠴᠣᠷᠪᠠ᠃
《ᠬᠥᠪᠡᠭᠦᠨ ᠲᠥᠷᠥᠪᠡᠯ ᠴᠢ ᠪᠤᠤ ᠠᠯᠠ》 ᠭᠡᠰᠡᠨ ᠦᠭᠡ ᠨᠢ ᠰᠠᠨᠠᠭᠳᠠᠨᠠ᠃ ᠲᠡᠮᠦᠵᠢᠨ ᠲᠡᠭᠦᠨ ᠦ᠌ ᠡᠨᠡ ᠦᠭᠡ ᠶ᠋ᠢ ᠡᠷᠬᠡᠪᠰᠢ ᠬᠦᠨᠳᠦᠳᠬᠡᠵᠦ ᠪᠠᠢᠯᠠ᠃《ᠭᠡᠪᠡᠴᠦ ᠪᠢᠳᠡ ᠨᠢᠭᠡᠨᠲᠡ ᠣᠷᠣᠢᠲᠠᠵᠤ ᠳᠠ》 ᠭᠡᠵᠦ ᠳᠣᠲᠣᠷᠠ ᠪᠠᠨ ᠰᠢᠪᠡᠨᠡᠪᠡ᠃ ᠦᠨᠡᠬᠡᠷ ᠴᠢᠯᠭᠡᠷ ᠪᠥᠬᠡ ᠭᠡᠭᠴᠢ ᠡᠨᠡ ᠦᠢᠯᠡ ᠶ᠋ᠢᠨ ᠦᠷᠡ ᠲᠡᠢ ᠮᠡᠷᠭᠢᠳ ᠵᠠᠯᠠᠭᠤ ᠪᠥᠷᠲᠡ ᠡᠴᠡ ᠬᠥᠪᠡᠭᠦᠨ ᠲᠦᠷᠦᠭᠡᠰᠡᠢ ᠭᠡᠵᠦ ᠴᠢᠩ ᠰᠡᠳᠬᠢᠯ ᠡᠴᠡ ᠬᠦᠰᠡᠵᠦ ᠪᠠᠢᠵᠠᠢ᠃ ᠭᠡᠪᠡᠴᠦ ᠲᠡᠷᠡ ᠥᠪᠡᠷ ᠦ᠋ᠨ ᠬᠦᠰᠡᠯ ᠢ᠋ ᠦᠵᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠦᠬᠦᠪᠡ᠃ ᠲᠩᠷᠢ ᠶ᠋ᠢᠨ ᠲᠠᠭᠠᠯᠠᠯ ᠳ᠋ᠤ᠌ ᠨᠡᠢᠴᠡᠭᠡ ᠦᠭᠡᠢ᠂ ᠲᠡᠮᠦᠵᠢᠨ ᠦ᠌ ᠬᠦᠰᠡᠯ ᠦ᠋ᠨ ᠬᠠᠷᠢᠭᠤ ᠡᠨᠡ ᠪᠠᠢᠵᠠᠢ᠃ ᠶᠠᠮᠠᠷ ᠴᠤ᠌ ᠪᠣᠯᠪᠠ ᠲᠡᠮᠦᠵᠢᠨ ᠪᠦᠬᠦᠨ ᠢ᠋ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠤᠬᠠᠭᠠᠨ ᠢ᠋ᠶ᠋ᠠᠷ ᠰᠢᠢᠳᠪᠡ᠃ ᠴᠢᠯᠭᠡᠷ ᠪᠥᠬᠡ ᠲᠡᠢ ᠬᠣᠶᠠᠭᠤᠯᠠᠬᠠᠨ ᠢ᠋ᠶ᠋ᠠᠨ ᠨᠢᠭᠤᠷ ᠲᠤᠯᠤᠭᠰᠠᠨ ᠪᠣᠯ ᠲᠡᠷᠡ ᠡᠳᠦᠷ ᠲᠦ᠍ ᠬᠡᠭᠦᠷ ᠪᠣᠯᠤᠨ ᠬᠡᠪᠲᠡᠬᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠰᠡᠳᠬᠢᠯ ᠳ᠋ᠡᠭᠡᠨ ᠵᠥᠪᠰᠢᠶᠡᠷᠡᠵᠦ ᠪᠠᠢᠯᠠ᠃ ᠥᠪᠡᠷ ᠡᠴᠡ ᠪᠡᠨ ᠬᠦᠴᠦ ᠢᠯᠡᠭᠦᠦ ᠳᠠᠢᠰᠤᠨ ᠲᠠᠢ ᠬᠠᠷᠠ ᠵᠣᠷᠢᠭ ᠢ᠋ᠶ᠋ᠠᠷ᠂ ᠨᠢᠭᠤᠷ ᠲᠤᠯᠤᠨ ᠬᠠᠯᠵᠠ ᠦᠵᠡᠯᠴᠡᠬᠦ ᠨᠢ ᠠᠮᠢᠨ ᠳ᠋ᠤ᠌ ᠬᠦᠷᠬᠦ ᠠᠶᠤᠯᠲᠠᠢ ᠶ᠋ᠢ ᠭᠣᠣᠯ ᠳ᠋ᠠᠭᠠᠨ ᠣᠷᠣᠲᠠᠯᠠ ᠣᠢᠯᠠᠭᠠᠵᠤ ᠪᠠᠰᠠ ᠭᠡᠮᠰᠢᠵᠦ ᠰᠠᠭᠤᠪᠠ᠃ ᠰᠠᠶᠢ ᠶ᠋ᠢᠨ ᠬᠣᠶᠠᠷ ᠬᠣᠨᠣᠭ ᠲᠤ᠌ ᠪᠣᠯᠵᠤ ᠥᠩᠭᠡᠷᠡᠭᠰᠡᠨ ᠶᠠᠪᠤᠳᠠᠯ ᠢ᠋ ᠣᠳᠣᠬᠠᠨ ᠳ᠋ᠠᠭᠠᠨ ᠲᠡᠮᠦᠵᠢᠨ ᠳ᠋ᠦᠩᠨᠡᠬᠦ ᠴᠡᠩᠨᠡᠬᠦ ᠴᠢᠳᠠᠯ ᠦᠭᠡᠢ ᠪᠠᠢᠯᠠ᠃ ᠭᠡᠪᠡᠴᠦ ᠥᠨᠥᠳᠥᠷ ᠴᠢᠯᠭᠡᠷ ᠪᠥᠬᠡ ᠲᠡᠳᠡᠨ ᠦ᠌ ᠬᠣᠭᠣᠷᠣᠨᠳᠣ ᠪᠣᠯᠤᠭᠰᠠᠨ ᠬᠡᠷᠡᠭ ᠢ᠋ ᠬᠡᠵᠢᠶᠡ ᠴᠦ᠍ ᠬᠡᠨ ᠳ᠋ᠦ᠍ ᠴᠦ᠍ ᠢᠯᠡᠴᠢᠯᠡᠨ ᠵᠠᠳᠠᠯᠬᠤ ᠥᠬᠡᠢ ᠪᠠᠢᠬᠤ ᠠᠮᠠ ᠲᠠᠩᠭᠠᠷᠢᠭ ᠢ᠋ ᠬᠠᠰᠠᠷ᠂ ᠪᠡᠯᠭᠦᠳᠡᠢ᠂ ᠵᠡᠯᠮᠡ ᠭᠤᠷᠪᠠ ᠡᠴᠡ ᠠᠪᠤᠭᠰᠠᠨ ᠤ᠋ ᠡᠴᠦᠰ ᠲᠦ᠍ ᠪᠠᠭᠠ ᠪᠣᠯᠪᠠᠴᠤ ᠲᠠᠢᠪᠤᠰᠢᠷᠠᠵᠤ ᠪᠣᠳᠣᠯ ᠰᠠᠨᠠᠭᠠ ᠪᠠᠨ ᠴᠡᠭᠴᠡᠯᠡᠬᠦ ᠶ᠋ᠢ ᠣᠷᠣᠯᠳᠣᠪᠠ᠃ ᠲᠡᠮᠦᠵᠢᠨ ᠥᠪᠡᠷ ᠦ᠋ᠨ ᠰᠤᠯᠠ ᠳᠣᠷᠣᠢ ᠪᠠᠢᠳᠠᠯ ᠢ᠋ ᠬᠥᠮᠦᠨ ᠳ᠋ᠦ᠍ ᠮᠡᠳᠡᠭᠳᠡᠬᠦ ᠶ᠋ᠢ ᠦᠯᠦ ᠬᠦᠰᠡᠵᠡᠢ᠃ ᠲᠡᠮᠦᠵᠢᠨ ᠬᠡᠳᠦᠢ ᠪᠡᠷ ᠴᠢᠯᠭᠡᠷ ᠪᠥᠬᠡ ᠳ᠋ᠦ᠍ ᠳᠡᠢᠯᠦᠭᠳᠡᠭᠰᠡᠨ ᠳ᠋ᠡᠭᠡᠨ ᠬᠣᠷᠣᠰᠤᠨ ᠰᠢᠨᠠᠯᠤᠭᠰᠠᠭᠠᠷ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠬᠠᠷᠢᠨ ᠨᠥᠬᠥᠳ ᠨᠢ ᠣᠯᠤᠭᠰᠠᠨ᠂ ᠦᠵᠡᠭᠰᠡᠨ ᠢᠯᠠᠯᠲᠠ ᠳ᠋ᠠᠭᠠᠨ ᠰᠡᠳᠬᠢᠯ ᠳᠦᠭᠦᠷᠡᠩ ᠪᠠᠶᠠᠷᠲᠠᠢ ᠪᠤᠯᠵᠠᠭᠠᠭᠰᠠᠨ ᠲᠤᠯᠠ ᠲᠡᠮᠦᠵᠢᠨ ᠦ᠌ ᠬᠡᠯᠡᠭᠰᠡᠨ ᠪᠣᠯᠭᠠᠨ ᠢ᠋ ᠦᠭᠡ ᠳᠠᠭᠤ ᠦᠭᠡᠢ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠵᠡᠢ᠃ ᠲᠡᠳᠡ ᠪᠦᠬᠦ ᠨᠢᠭᠤᠴᠠ ᠶ᠋ᠢ ᠡᠭᠦᠷᠢᠳᠡ ᠪᠠᠲᠤ ᠬᠠᠳᠠᠭᠠᠯᠠᠬᠤ ᠳ᠋ᠤ᠌ ᠪᠡᠯᠡᠨ ᠪᠠᠢᠪᠠ᠃ ᠡᠨᠡ ᠲᠠᠩᠭᠠᠷᠢᠭ ᠲᠡᠮᠦᠵᠢᠨ ᠦ᠌ ᠳᠠᠯᠳᠠ᠂ ᠨᠢᠭᠤᠴᠠ ᠲᠡᠦᠬᠡ ᠶ᠋ᠢᠨ ᠡᠬᠢᠯᠡᠯ ᠪᠣᠯᠪᠠ᠃
ᠬᠡᠷᠪᠡ ᠪᠥᠷᠲᠡ ᠪᠡᠶᠡ ᠳᠠᠪᠬᠤᠷ ᠪᠣᠯᠤᠭᠠ ᠦᠭᠡᠢ ᠰᠠᠨ ᠪᠣᠯ ᠭᠤᠨᠢᠵᠤ᠂ ᠰᠢᠨᠠᠯᠬᠤ ᠬᠡᠷᠡᠭ ᠦᠨᠡᠬᠡᠷ ᠦᠭᠡᠢ ᠪᠠᠢᠯᠠ᠃ ᠮᠡᠷᠭᠢᠳ ᠲᠡᠢ ᠬᠢᠭᠰᠡᠨ ᠲᠤᠯᠤᠯᠳᠤᠭᠠᠨ ᠳ᠋ᠤ᠌ ᠶᠠᠮᠠᠷ ᠴᠤ᠌ ᠪᠠᠢᠭᠰᠠᠨ ᠮᠣᠩᠭᠣᠯ ᠤ᠋ᠨ ᠲᠠᠯᠠ ᠨᠤᠲᠤᠭ ᠤ᠋ᠨ ᠬᠣᠶᠠᠷ ᠲᠣᠮᠣ ᠠᠢᠮᠠᠭ ᠬᠡᠷᠡᠢᠳ᠂ ᠵᠠᠳᠠᠷᠠᠨ ᠢ᠋ ᠥᠪᠡᠷ ᠦ᠋ᠨ ᠬᠣᠯᠪᠣᠭᠠᠲᠠᠨ ᠢ᠋ᠶ᠋ᠠᠨ ᠪᠣᠯᠭᠠᠵᠤ ᠴᠢᠳᠠᠪᠠ᠃ ᠪᠤᠯᠢᠶᠠᠭᠳᠠᠭᠰᠠᠨ ᠡᠬᠡᠨᠡᠷ ᠢ᠋ᠶ᠋ᠡᠨ ᠪᠤᠴᠠᠭᠠᠨ ᠠᠪᠴᠤ ᠨᠡᠷᠡ ᠪᠦᠲᠦᠨ ᠪᠣᠯᠪᠠ᠃ ᠲᠠᠷᠠᠵᠤ ᠪᠤᠲᠠᠷᠠᠭᠰᠠᠨ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠠᠯᠪᠠᠲᠤ ᠨᠤᠭᠤᠳ ᠨᠢ ᠲᠡᠭᠦᠨ ᠦ᠌ ᠬᠡᠨ ᠪᠣᠯᠬᠤ ᠶ᠋ᠢ ᠮᠡᠳᠡᠪᠡ᠃ ᠬᠠᠰᠠᠷ ᠳᠡᠭᠦᠦ ᠶ᠋ᠢᠨ ᠢ᠋ᠶ᠋ᠡᠨ ᠭᠠᠪᠰᠢᠭᠠᠢ ᠬᠥᠳᠡᠯᠦᠭᠰᠡᠨ ᠦ᠌ ᠬᠦᠴᠦᠨ ᠳ᠋ᠦ᠍ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠰᠡᠯᠡᠮᠡ ᠡᠴᠡ ᠠᠪᠤᠷᠠᠭᠳᠠᠨ ᠠᠮᠢᠳᠤ ᠦᠯᠡᠳᠡᠪᠡ᠃ ᠪᠠᠰᠠ ᠪᠥᠷᠲᠡ ᠶ᠋ᠢᠨ ᠬᠡᠦᠬᠡᠳ ᠢ᠋ ᠬᠡᠷᠬᠢᠬᠦ ᠪᠡᠨ ᠰᠢᠢᠳᠪᠡ᠃ ᠲᠡᠷᠡ ᠬᠡᠦᠬᠡᠳ ᠠᠮᠢᠳᠤ ᠦᠯᠡᠳᠡᠪᠡᠯ ᠡᠬᠡᠨᠡᠷ ᠢ᠋ᠶ᠋ᠡᠨ ᠪᠤᠰᠤᠳ ᠲᠤ᠌ ᠪᠤᠯᠢᠶᠠᠯᠭᠠᠭᠰᠠᠨ ᠭᠠᠰᠢᠭᠤᠨ ᠲᠡᠦᠬᠡ ᠶ᠋ᠢᠨ ᠭᠡᠷᠡᠴᠢ ᠪᠣᠯᠵᠤ᠂ ᠣᠯᠠᠨ ᠤ᠋ ᠨᠢᠳᠦᠨ ᠳᠡᠭᠡᠷᠡ ᠰᠠᠨᠠᠭᠤᠯᠤᠭᠰᠠᠭᠠᠷ ᠪᠠᠢᠬᠤ ᠲᠤᠯᠠ ᠲᠡᠭᠦᠨ ᠢ᠋ ᠠᠮᠢᠳᠤ ᠦᠯᠡᠳᠡᠭᠡᠬᠦ ᠰᠢᠯᠲᠠᠭ ᠣᠯᠳᠠᠬᠤ ᠦᠭᠡᠢ ᠪᠠᠢᠯᠠ᠃ ᠪᠥᠷᠲᠡ ᠳ᠋ᠦ᠍ ᠬᠡᠴᠡᠭᠦᠦ ᠪᠠᠢᠵᠤ ᠮᠡᠳᠡᠨᠡ᠃ ᠭᠡᠪᠡᠴᠦ ᠲᠡᠷᠡ ᠡᠭᠦᠨ ᠢ᠋ ᠲᠡᠰᠬᠦ ᠶᠣᠰᠣᠲᠠᠢ᠃ ᠲᠡᠮᠦᠵᠢᠨ ᠦ᠌ ᠨᠡᠷᠡ ᠲᠥᠷᠥ ᠶ᠋ᠢ ᠬᠠᠮᠠᠭᠠᠯᠠᠬᠤ ᠡᠭᠦᠳᠡᠨ ᠡᠴᠡ ᠪᠥᠷᠲᠡ ᠡᠬᠡ ᠬᠥᠮᠦᠨ ᠦ᠌ ᠬᠤᠪᠢ ᠳ᠋ᠤ᠌ ᠲᠡᠰᠬᠦ ᠶᠣᠰᠣᠲᠠᠢ ᠭᠡᠵᠦ ᠰᠢᠢᠳᠦᠭᠰᠡᠨ ᠪᠢᠯᠡ᠃ ᠮᠠᠭᠠᠳ ᠦᠭᠡᠢ ᠪᠥᠷᠲᠡ ᠲᠡᠷᠡ ᠬᠡᠦᠬᠡᠳ ᠢ᠋ᠶ᠋ᠡᠨ ᠦᠬᠦᠬᠦ ᠶ᠋ᠢ ᠬᠦᠰᠡᠵᠦ ᠪᠣᠢ ᠴᠤ᠌ ᠪᠠᠢᠵᠤ ᠮᠡᠳᠡᠨᠡ ᠭᠡᠵᠦ ᠲᠡᠮᠦᠵᠢᠨ ᠥᠪᠡᠷ ᠢ᠋ ᠪᠡᠨ ᠴᠠᠭᠠᠳᠬᠠᠬᠤ ᠡᠭᠦᠳᠡᠨ ᠡᠴᠡ ᠪᠣᠳᠣᠵᠤ ᠪᠠᠢᠪᠠ᠃ ᠭᠡᠪᠡᠴᠦ ᠶᠠᠭᠠᠬᠢᠵᠤ ᠡᠨᠳᠡᠭᠦᠷᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠬᠡᠳᠦ ᠬᠣᠨᠣᠭ ᠤ᠋ᠨ ᠳᠠᠷᠠᠭᠠ ᠮᠡᠳᠡᠭᠰᠡᠨ ᠪᠢᠯᠡ᠃
ᠮᠡᠷᠭᠢᠳ ᠦ᠋ᠨ ᠰᠦᠢᠷᠡᠭᠰᠡᠨ ᠬᠦᠷᠢᠶᠡ ᠶ᠋ᠢ ᠴᠥᠯᠮᠥᠵᠦ᠂ ᠡᠳ᠋ ᠠᠭᠤᠷᠠᠰᠤ ᠶ᠋ᠢ ᠠᠴᠢᠵᠤ᠂ ᠮᠠᠯ ᠰᠦᠷᠦᠭ ᠢ᠋ ᠲᠠᠭᠤᠵᠤ ᠣᠳᠤᠭᠰᠠᠨ ᠤ᠋ ᠳᠠᠷᠠᠭᠠ ᠲᠣᠭᠣᠷᠢᠯ ᠬᠠᠨ ᠴᠡᠷᠢᠭ ᠢ᠋ᠶ᠋ᠡᠨ ᠠᠪᠴᠤ ᠲᠤᠤᠯᠠ ᠭᠣᠣᠯ ᠤ᠋ᠨ ᠬᠥᠮᠦᠨ ᠴᠢᠯᠠᠭᠤᠨ ᠤ᠋ ᠬᠥᠨᠳᠡᠢ ᠳ᠋ᠡᠬᠢ ᠥᠪᠡᠷ ᠦ᠋ᠨ ᠬᠦᠷᠢᠶᠡ ᠤᠷᠤᠭᠤ ᠪᠤᠴᠠᠵᠠᠢ᠃ ᠣᠯᠵᠠ᠂ ᠢᠯᠠᠯᠲᠠ ᠳ᠋ᠠᠭᠠᠨ ᠪᠢᠯᠠᠭᠤᠷᠠᠭᠰᠠᠨ ᠲᠤᠭᠤᠷᠢᠯ ᠬᠠᠨ ᠤ᠋ ᠴᠡᠷᠢᠭ ᠦ᠋ᠨ ᠴᠤᠪᠤᠭᠠ ᠴᠠᠳᠬᠤᠯᠠᠩ ᠦᠬᠡᠷ ᠮᠣᠭᠠᠢ ᠰᠢᠭ᠋ ᠬᠥᠳᠡᠯᠵᠦ ᠶᠠᠳᠠᠨ᠂ ᠡᠪᠬᠡᠷᠦᠭᠰᠡᠭᠡᠷ ᠬᠣᠯᠠᠳᠤᠨ ᠣᠳᠬᠤ ᠶ᠋ᠢ ᠲᠡᠮᠦᠵᠢᠨ ᠬᠠᠷᠠᠵᠤ ᠵᠣᠭᠰᠣᠯᠠ᠃ ᠬᠠᠷᠢᠨ ᠵᠠᠮᠤᠬᠠ᠂ ᠲᠡᠮᠦᠵᠢᠨ ᠬᠣᠶᠠᠷ ᠪᠠᠭᠠ ᠳ᠋ᠠᠭᠠᠨ ᠲᠠᠯᠪᠢᠭᠰᠠᠨ ᠠᠨᠳᠠ ᠶ᠋ᠢᠨ ᠲᠠᠩᠭᠠᠷᠢᠭ ᠢ᠋ᠶ᠋ᠠᠨ ᠪᠠᠲᠤᠯᠠᠵᠤ᠂ ᠨᠢᠭᠡ ᠳᠣᠣᠷᠠ ᠠᠮᠢᠳᠤᠷᠠᠨ ᠰᠠᠭᠤᠬᠤ ᠪᠠᠷ ᠲᠣᠬᠢᠷᠠᠭᠠᠳ ᠤᠨᠤᠨ ᠭᠣᠣᠯ ᠤ᠋ᠨ ᠬᠣᠷᠬᠣᠨᠠᠭ ᠵᠠᠪᠤᠷ ᠤ᠋ᠨ ᠬᠥᠨᠳᠡᠢ ᠶ᠋ᠢ ᠴᠢᠭᠯᠡᠨ ᠶᠠᠪᠤᠪᠠ᠃ ᠡᠨᠡ ᠶᠠᠪᠤᠳᠠᠯ ᠢ᠋ ᠥᠭᠡᠯᠦᠨ ᠡᠬᠡ ᠳ᠋ᠡᠭᠡᠨ ᠮᠡᠳᠡᠭᠳᠡᠬᠦ ᠪᠡᠷ ᠵᠠᠯᠮᠠ᠂ ᠬᠠᠰᠠᠷ ᠬᠣᠶᠠᠷ ᠢ᠋ ᠶᠠᠭᠠᠷᠠᠪᠴᠢᠯᠠᠨ ᠢᠯᠡᠭᠡᠪᠡ᠃ ᠥᠭᠡᠯᠦᠨ ᠡᠬᠡ ᠤᠳᠠᠯ ᠦᠭᠡᠢ ᠬᠣᠷᠬᠣᠨᠠᠭ ᠵᠠᠪᠤᠷ ᠤ᠋ᠨ ᠬᠥᠨᠳᠡᠢ ᠳ᠋ᠦ᠍ ᠨᠡᠭᠦᠨ ᠣᠴᠢᠵᠠᠢ᠃ ᠲᠡᠮᠦᠵᠢᠨ᠂ ᠵᠠᠮᠤᠬᠠ ᠬᠣᠶᠠᠷ ᠵᠠᠮ ᠳ᠋ᠠᠭᠠᠨ ᠶᠠᠭᠠᠷᠠᠯ ᠦᠭᠡᠢ ᠠᠮᠠᠷᠠᠵᠤ ᠲᠤᠬᠠᠯᠠᠭᠰᠠᠭᠠᠷ ᠰᠠᠷᠠ ᠶ᠋ᠢᠨ ᠳᠠᠷᠠᠭᠠ ᠢᠷᠡᠬᠦ ᠳ᠋ᠦ᠍ ᠰᠢᠨᠡ ᠪᠠᠭᠤᠷᠢᠨ ᠳ᠋ᠠᠬᠢ ᠭᠡᠷ ᠦ᠋ᠨ ᠭᠠᠳᠠᠨᠠ ᠪᠥᠷᠲᠡ ᠥᠭᠡᠯᠦᠨ ᠡᠬᠡ ᠶ᠋ᠢᠨ ᠬᠠᠮᠲᠤ ᠤᠭᠲᠤᠪᠠ᠃ ᠥᠭᠡᠯᠦᠨ ᠡᠬᠡ ᠪᠥᠷᠲᠡ ᠶ᠋ᠢᠨ ᠲᠥᠷᠥᠭᠦᠯᠦᠭᠰᠡᠨ ᠰᠢᠨᠡ ᠬᠥᠮᠦᠨ ᠢ᠋ ᠲᠡᠪᠡᠷᠢᠭᠰᠡᠨ ᠪᠠᠢᠵᠠᠢ᠃ ᠲᠡᠮᠦᠵᠢᠨ ᠡᠭᠦᠨ ᠢ᠋ ᠬᠠᠷᠠᠭᠠᠳ ᠡᠬᠢᠯᠡᠭᠡᠳ ᠨᠢᠳᠦᠨ ᠳ᠋ᠡᠭᠡᠨ ᠢᠲᠡᠭᠡᠭᠰᠡᠨ ᠦᠭᠡᠢ᠃
ᠬᠡᠷᠡᠢᠳ ᠪᠣᠯᠤᠨ ᠵᠠᠳᠠᠷᠠᠨ ᠠᠢᠮᠠᠭ ᠨᠢᠭᠡᠳᠦᠨ ᠮᠡᠷᠭᠢᠳ ᠠᠢᠮᠠᠭ ᠢ᠋ ᠳᠣᠪᠲᠣᠯᠤᠨ ᠬᠠᠭᠠᠰ ᠬᠤᠪᠢ ᠶ᠋ᠢ ᠨᠢ ᠪᠤᠯᠢᠶᠠᠨ ᠠᠪᠤᠭᠰᠠᠨ ᠰᠤᠷᠠᠭ ᠲᠡᠷᠡ ᠳᠣᠣᠷᠠ ᠪᠠᠨ ᠯᠠ ᠮᠣᠩᠭᠣᠯ ᠠᠢᠮᠠᠭ ᠤ᠋ᠳ ᠤ᠋ᠨ ᠨᠤᠲᠤᠭᠯᠠᠬᠤ ᠠᠯᠲᠠᠢ ᠶ᠋ᠢᠨ ᠨᠢᠷᠤᠭᠤ ᠶ᠋ᠢᠨ ᠴᠢᠨᠠᠳᠤ ᠡᠴᠡ ᠠᠯᠲᠠᠨ ᠤᠯᠤᠰ ᠢ᠋ ᠬᠦᠷᠲᠡᠯᠡ ᠳᠠᠷᠤᠵᠤ ᠡᠭᠦᠨ ᠲᠡᠢ ᠴᠣᠭ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠵᠠᠯᠠᠭᠤ ᠲᠣᠯᠣᠭᠠᠢᠯᠠᠭᠴᠢ
ᠲᠡᠮᠦᠵᠢᠨ ᠦ᠌ ᠨᠡᠷᠡ ᠲᠦᠭᠡᠨ ᠪᠦᠭᠦᠳᠡ ᠶ᠋ᠢᠨ ᠴᠢᠬᠢ ᠶ᠋ᠢ ᠳᠡᠯᠳᠡᠢᠯᠭᠡᠵᠦ᠂ ᠰᠡᠳᠬᠢᠯ ᠢ᠋ ᠭᠡᠵᠢᠭᠡᠳᠡᠵᠡᠢ᠃ ᠨᠡᠩ ᠢᠯᠠᠩᠭᠤᠶᠠ ᠲᠡᠢᠨ ᠦ᠌ ᠣᠯᠵᠠᠨ ᠡᠴᠡ ᠲᠠᠲᠠᠭᠠᠯᠵᠠᠨ ᠬᠡᠷᠡᠢᠳ ᠠᠢᠮᠠᠭ ᠤ᠋ᠨ ᠲᠣᠭᠣᠷᠢᠯ ᠬᠠᠨ ᠲᠠᠢ ᠠᠶᠤᠮᠰᠢᠭ ᠦᠭᠡᠢ ᠵᠥᠷᠢᠴᠡᠯᠳᠦᠭᠰᠡᠨ ᠵᠠᠯᠠᠭᠤ ᠲᠡᠮᠦᠵᠢᠨ ᠦ᠌ ᠵᠣᠷᠢᠭ᠂ ᠬᠡᠢ ᠮᠣᠷᠢ ᠶ᠋ᠢᠨ ᠲᠤᠬᠠᠢ ᠳᠣᠮᠣᠭ ᠰᠢᠭ᠋ ᠶᠠᠷᠢᠶᠠ ᠠᠮᠠᠨ ᠡᠴᠡ ᠠᠮᠠ ᠳᠠᠮᠵᠢᠨ ᠡᠨᠡ ᠲᠤᠯᠤᠯᠳᠤᠭᠠᠨ ᠤ᠋ ᠲᠡᠦᠬᠡ ᠶ᠋ᠢᠨ ᠭᠣᠣᠯ ᠴᠢᠮᠡᠭ ᠪᠣᠯᠵᠤ ᠪᠠᠢᠯᠠ᠃ ᠲᠡᠮᠦᠵᠢᠨ ᠲᠠᠷᠠᠵᠤ ᠪᠤᠲᠠᠷᠠᠭᠰᠠᠨ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠬᠢᠨ ᠦ᠌ ᠲᠡᠳᠦᠢ ᠦᠭᠡᠢ ᠰᠦᠢᠷᠡᠵᠦ ᠣᠯᠵᠠᠯᠠᠭᠳᠠᠭᠰᠠᠨ ᠮᠡᠷᠭᠢᠳ ᠠᠢᠮᠠᠭ ᠤ᠋ᠨ ᠬᠢᠨ ᠦ᠌ ᠳᠤᠮᠳᠠ ᠴᠤ᠌ ᠴᠢᠩ ᠰᠢᠳᠤᠷᠭᠤ᠂ ᠳᠠᠢᠴᠢᠨ ᠡᠷᠡ ᠶ᠋ᠢᠨ ᠦᠯᠢᠭᠡᠷ ᠪᠣᠯᠤᠨ ᠶᠠᠷᠢᠭᠳᠠᠵᠠᠢ᠃
ᠲᠠᠯᠠ ᠶ᠋ᠢᠨ ᠨᠡᠭᠦᠳᠡᠯᠴᠢᠨ ᠠᠢᠮᠠᠭ ᠤ᠋ᠳ ᠬᠠᠮᠤᠭ ᠤ᠋ᠨ ᠡᠷᠡᠮᠡᠬᠡᠢ ᠵᠣᠷᠢᠭᠲᠠᠢ ᠨᠢᠭᠡᠨ ᠢ᠋ᠶ᠋ᠡᠨ ᠲᠣᠳᠣᠷᠠᠭᠤᠯᠤᠨ ᠲᠡᠭᠦᠨ ᠦ᠌ ᠢᠪᠡᠭᠡᠯ ᠬᠠᠮᠠᠭᠠᠯᠠᠯ ᠳᠣᠣᠷᠠ ᠨᠢᠭᠡᠳᠦᠨ ᠠᠮᠢᠳᠤᠷᠠᠬᠤ ᠪᠣᠯᠪᠠᠴᠤ ᠰᠣᠩᠭᠣᠭᠰᠠᠨ ᠲᠣᠯᠣᠭᠠᠢᠯᠠᠭᠴᠢ ᠨᠢ ᠬᠠᠷᠭᠢᠰ ᠬᠡᠷᠴᠡᠭᠡᠢ᠂ ᠰᠢᠨᠤᠬᠠᠢ ᠳᠠᠷᠤᠯᠠᠭᠴᠢ ᠪᠠᠢᠬᠤ ᠨᠢ ᠨᠢᠭᠡᠨᠲᠡ ᠡᠯᠪᠡᠭ ᠲᠤᠯᠠ ᠰᠣᠩᠭᠣᠭᠰᠠᠨ ᠤᠳᠤᠷᠢᠳᠤᠭᠴᠢ ᠡᠴᠡ ᠪᠠᠨ ᠰᠠᠯᠤᠨ ᠲᠤᠰᠠᠭᠠᠷᠯᠠᠬᠤ ᠬᠦᠰᠡᠯ ᠦᠷᠭᠦᠯᠵᠢ ᠪᠡᠯᠡᠨ ᠪᠠᠢᠬᠤ ᠪᠥᠯᠥᠭᠡ᠃ ᠠᠢᠮᠠᠭ᠂ ᠣᠪᠣᠭ ᠪᠦᠷᠢ ᠤᠬᠠᠭᠠᠨᠲᠠᠢ᠂ ᠬᠦᠴᠦᠲᠡᠢ᠂ ᠥᠭᠭᠢᠶᠡᠮᠦᠷ᠂ ᠡᠨᠡᠷᠢᠩᠭᠦᠢ ᠰᠢᠨᠡ ᠤᠳᠤᠷᠢᠳᠤᠭᠴᠢ ᠶ᠋ᠢᠨ ᠮᠥᠩᠬᠡ ᠶ᠋ᠢᠨ ᠡᠷᠢᠯ ᠳ᠋ᠦ᠍ ᠠᠮᠢᠳᠤᠷᠠᠨᠠ᠃ ᠪᠠᠰᠠ ᠥᠪᠡᠷ ᠢ᠋ ᠪᠡᠨ ᠵᠣᠷᠢᠭᠲᠠᠢ᠂ ᠡᠷᠡ ᠴᠢᠳᠠᠯᠲᠠᠢ ᠳ᠋ᠤ᠌ ᠲᠣᠭᠠᠴᠠᠬᠤ ᠪᠠᠭᠠᠲᠤᠷ ᠡᠷᠡ ᠪᠦᠬᠦᠨ ᠪᠢᠴᠢᠬᠠᠨ ᠴᠤ᠌ ᠭᠡᠯᠡ ᠤᠳᠤᠷᠢᠳᠤᠭᠴᠢ ᠶ᠋ᠢᠨ ᠪᠠᠢᠷᠢ ᠰᠠᠭᠤᠷᠢ ᠶ᠋ᠢ ᠡᠵᠡᠯᠡᠬᠦ ᠶ᠋ᠢᠨ ᠲᠥᠯᠥᠭᠡ ᠮᠦᠩᠬᠡᠲᠡ ᠥᠷᠢᠰᠦᠯᠳᠦᠵᠦ ᠪᠡᠶᠡ ᠪᠡᠶᠡ ᠶ᠋ᠢ ᠬᠥᠨᠥᠭᠡᠭᠰᠡᠭᠡᠷ ᠢᠷᠡᠭᠰᠡᠨ ᠠᠵᠢ᠃ ᠶᠢᠰᠦᠭᠡᠢ ᠪᠠᠭᠠᠲᠤᠷ ᠤ᠋ᠨ ᠦᠬᠦᠯ ᠡᠴᠡ ᠬᠣᠢᠰᠢ ᠥᠪᠡᠷ ᠦ᠋ᠨ ᠰᠠᠳᠤᠨ ᠲᠥᠷᠥᠯ ᠴᠦ᠍ ᠶᠤᠮ ᠤᠤ᠂ ᠬᠠᠮᠠᠭᠠᠯᠠᠵᠤ ᠴᠢᠳᠠᠨᠠ ᠭᠡᠵᠦ ᠨᠠᠢᠳᠠᠭᠰᠠᠨ ᠬᠡᠨ ᠨᠢᠭᠡᠨ ᠢ᠋ ᠳᠠᠭᠠᠨ ᠡᠨᠳᠡ ᠲᠡᠨᠳᠡ ᠲᠠᠷᠬᠠᠭᠰᠠᠨ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠬᠢᠨ᠂ ᠶᠠᠭᠤᠨ ᠤ᠋ ᠲᠦᠷᠦᠭᠦᠨ ᠶᠢᠰᠦᠭᠡᠢ ᠶ᠋ᠢᠨ ᠬᠠᠮᠢᠶᠠᠲᠠᠨ᠂ ᠬᠠᠭᠤᠴᠢᠨ ᠠᠯᠪᠠᠲᠤ ᠪᠣᠭᠣᠯ ᠤ᠋ᠳ ᠨᠢ ᠡᠷᠭᠢᠨ ᠢᠷᠡᠬᠦ ᠪᠣᠯᠤᠭᠰᠠᠨ ᠨᠢ ᠲᠡᠮᠦᠵᠢᠨ ᠦ᠌ ᠵᠣᠷᠢᠭᠯᠠᠨ ᠲᠥᠯᠥᠪᠯᠡᠭᠰᠡᠨ ᠢ᠋ᠶ᠋ᠡᠷ ᠬᠢᠭᠳᠡᠭᠰᠡᠨ ᠠᠩᠬᠠᠨ ᠤ᠋ ᠳᠣᠯᠣᠭᠠᠨ ᠤ᠋ ᠬᠠᠮᠤᠭ ᠤ᠋ᠨ ᠲᠣᠮᠣ ᠣᠯᠵᠠ ᠪᠠᠢᠪᠠ᠃ ᠡᠬᠡ ᠪᠣᠯᠤᠭᠠᠳ ᠳᠡᠭᠦᠦ ᠨᠠᠷ ᠨᠢ ᠲᠡᠮᠦᠵᠢᠨ ᠢ᠋ ᠪᠠᠬᠠᠳᠤᠨ ᠪᠢᠰᠢᠷᠡᠵᠦ ᠪᠠᠢᠯᠠ᠃ ᠲᠡᠮᠦᠵᠢᠨ ᠦ᠌ ᠭᠡᠷ ᠪᠦᠯᠢ ᠳᠠᠬᠢᠭᠠᠳ ᠯᠠ ᠠᠯᠪᠠᠲᠤ ᠬᠠᠷᠠᠴᠤ᠂ ᠠᠭᠲᠠ ᠮᠣᠷᠢ ᠲᠠᠢ ᠪᠣᠯᠵᠤ᠂ ᠠᠩᠬᠠ ᠤᠳᠠᠭᠠ ᠲᠡᠮᠦᠵᠢᠨ ᠥᠪᠡᠷ ᠦ᠋ᠨ ᠮᠠᠲᠠᠯ ᠳ᠋ᠤ᠌ ᠬᠠᠭᠠᠰ ᠲᠦᠮᠡᠨ ᠴᠡᠷᠢᠭ ᠳᠠᠢᠴᠢᠯᠠᠬᠤ ᠪᠣᠯᠤᠮᠵᠢ ᠪᠦᠷᠢᠳᠦᠯᠡ᠃ ᠲᠡᠮᠦᠵᠢᠨ ᠢ᠋ ᠶᠡᠷᠦ ᠡᠢᠮᠦ ᠬᠡᠷᠰᠡᠦ ᠤᠬᠠᠭᠠᠨ ᠭᠠᠷᠭᠠᠨᠠ ᠭᠡᠵᠦ ᠬᠡᠨ ᠴᠦ᠍ ᠰᠠᠨᠠᠭᠠ ᠦᠭᠡᠢ ᠪᠢᠯᠡ᠃ ᠣᠯᠠᠨ ᠪᠦᠭᠦᠳᠡᠭᠡᠷ ᠬᠢᠵᠠᠭᠠᠷ ᠦᠭᠡᠢ ᠶᠡᠬᠡ ᠪᠠᠶᠠᠷ ᠵᠢᠷᠭᠠᠯ ᠳ᠋ᠤ᠌ ᠠᠪᠲᠠᠵᠠᠢ᠃ ᠬᠠᠷᠢᠨ ᠡᠨᠡ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠳᠤᠮᠳᠠ ᠲᠡᠮᠦᠵᠢᠨ ᠦ᠌ ᠭᠡᠷ ᠲᠦ᠍ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠬᠥᠪᠡᠭᠦᠨ ᠥᠰᠴᠦ ᠲᠣᠷᠨᠢᠵᠤ ᠪᠠᠢᠯᠠ᠃ ᠪᠥᠷᠲᠡ ᠶ᠋ᠢᠨ ᠲᠥᠷᠥᠭᠦᠯᠦᠭᠰᠡᠨ ᠬᠡᠦᠬᠡᠳ ᠬᠥᠪᠡᠭᠦᠨ ᠪᠠᠢᠭᠰᠠᠨ ᠨᠢ ᠦᠬᠦᠵᠦ ᠦᠷᠡᠭᠳᠡᠭᠰᠡᠨ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠬᠦᠰᠡᠯ ᠢ᠋ ᠲᠩᠷᠢ ᠳᠠᠭᠠᠯᠠᠭᠰᠠᠨ ᠬᠡᠷᠡᠭ ᠪᠣᠯᠵᠠᠢ᠃ ᠪᠥᠷᠲᠡ ᠶ᠋ᠢᠨ ᠬᠡᠦᠬᠡᠳ ᠢ᠋ ᠠᠯᠠᠭᠰᠠᠨ ᠦᠭᠡᠢ ᠳ᠋ᠦ᠍ ᠪᠤᠭᠤᠷᠴᠢ ᠶ᠋ᠢ ᠲᠡᠮᠦᠵᠢᠨ ᠶᠡᠷᠦ ᠵᠢᠮᠡᠯᠡᠭᠰᠡᠨ ᠦᠭᠡᠢ᠃ ᠪᠦᠷ ᠶᠠᠭᠠᠬᠢᠭᠠᠳ ᠢᠩᠭᠢᠬᠦ ᠪᠣᠯᠤᠭᠰᠠᠨ ᠤ᠋ ᠤᠴᠢᠷ ᠢ᠋ ᠲᠡᠮᠦᠵᠢᠨ ᠬᠥᠮᠦᠨ ᠦ᠌ ᠤᠷᠮᠠᠨ ᠳ᠋ᠤ᠌ ᠰᠡᠬᠦᠵᠦ ᠠᠰᠠᠭᠤᠭᠰᠠᠨ ᠦᠭᠡᠢ ᠳ᠋ᠦ᠍ ᠪᠤᠭᠤᠷᠴᠢ ᠡᠬᠢᠯᠡᠭᠡᠳ ᠭᠠᠢᠬᠠᠨ ᠠᠯᠮᠠᠢᠷᠠᠵᠠᠢ᠃ ᠬᠡᠷᠪᠡ ᠠᠰᠠᠭᠤᠭᠰᠠᠨ ᠪᠣᠯ ᠪᠥᠷᠲᠡ ᠶ᠋ᠢᠨ ᠬᠡᠦᠬᠡᠳ ᠢ᠋ ᠠᠮᠢᠳᠤ ᠦᠯᠡᠳᠡᠭᠡᠭᠰᠡᠨ ᠢ᠋ᠶ᠋ᠡᠨ ᠥᠮᠥᠭᠯᠡᠬᠦ ᠰᠢᠯᠲᠠᠭ ᠪᠤᠭᠤᠷᠴᠢ ᠳ᠋ᠤ᠌ ᠪᠠᠢᠭᠠ ᠦᠭᠡᠢ ᠴᠦ᠍ ᠪᠠᠰᠠ ᠡᠨᠡ ᠬᠡᠦᠬᠡᠳ ᠢ᠋ ᠠᠮᠢᠳᠤ ᠦᠯᠡᠳᠡᠭᠡᠭᠰᠡᠨ ᠳ᠋ᠡᠭᠡᠨ ᠣᠭᠲᠣ ᠬᠠᠷᠠᠮᠰᠠᠬᠤ ᠦᠭᠡᠢ ᠪᠠᠢᠵᠠᠢ᠃ ᠲᠡᠷᠡ ᠪᠦᠦ ᠬᠡᠯᠡ ᠲᠡᠮᠦᠵᠢᠨ ᠠᠭᠤᠷᠰᠠᠨ ᠬᠢᠯᠢᠩᠨᠡᠵᠦ ᠡᠯᠳᠡᠪ ᠬᠡᠷᠡᠭᠦᠯ ᠡᠭᠦᠰᠬᠡᠪᠡᠯ ᠶᠠᠮᠠᠷ ᠪᠣᠯᠪᠠᠴᠤ ᠪᠥᠷᠲᠡ ᠶ᠋ᠢᠨ ᠬᠡᠦᠬᠡᠳ ᠢ᠋ ᠬᠠᠮᠠᠭᠠᠯᠠᠨᠠ ᠭᠡᠵᠦ ᠬᠠᠲᠠᠭᠤ ᠰᠢᠢᠳᠦᠭᠰᠡᠨ ᠪᠢᠯᠡ᠃ ᠢᠩᠭᠢᠬᠦ ᠨᠢ ᠬᠡᠳᠦᠢ ᠣᠰᠤᠯᠲᠠᠢ᠂ ᠪᠦᠷ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠠᠮᠢ ᠶ᠋ᠢ ᠠᠯᠳᠠᠬᠤ ᠳ᠋ᠤ᠌ ᠴᠤ᠌ ᠬᠦᠷᠴᠦ ᠮᠡᠳᠡᠬᠦ ᠪᠠᠢᠭᠰᠠᠨ ᠴᠤ᠌ ᠪᠤᠭᠤᠷᠴᠢ ᠥᠪᠡᠷ ᠦ᠋ᠨ ᠰᠢᠢᠳᠪᠦᠷᠢ ᠡᠴᠡ ᠤᠬᠤᠷᠢᠬᠤ ᠶ᠋ᠢ ᠬᠦᠰᠡᠭᠰᠡᠨ ᠦᠭᠡᠢ᠃ ᠭᠡᠲᠡᠯᠡ ᠲᠡᠮᠦᠵᠢᠨ ᠥᠪᠡᠷ ᠦ᠋ᠨ ᠨᠢᠭᠤᠴᠠ ᠵᠠᠷᠯᠢᠭ ᠢ᠋ ᠣᠷᠣ ᠲᠠᠰᠤ ᠮᠠᠷᠲᠠᠭᠰᠠᠨ ᠮᠡᠲᠦ ᠪᠠᠢᠭᠰᠠᠨ ᠨᠢ ᠪᠤᠭᠤᠷᠴᠢ ᠳ᠋ᠤ᠌ ᠠᠪᠤᠷᠠᠯ ᠪᠣᠯᠵᠠᠢ᠃ ᠲᠡᠮᠦᠵᠢᠨ ᠦ᠌ ᠡᠯᠡ ᠬᠠᠴᠢᠨ ᠠᠭᠠᠰᠢ ᠶ᠋ᠢᠨ ᠤᠴᠢᠷ ᠢ᠋ ᠪᠤᠭᠤᠷᠴᠢ ᠣᠯᠤᠭᠰᠠᠨ ᠦᠭᠡᠢ᠃
ᠬᠠᠷᠢᠨ ᠲᠡᠮᠦᠵᠢᠨ ᠲᠡᠷᠡ ᠬᠡᠦᠬᠡᠳ ᠦ᠋ᠨ ᠲᠤᠬᠠᠢ ᠬᠣᠷᠣᠮ ᠴᠤ᠌ ᠮᠠᠷᠲᠠᠭᠰᠠᠨ ᠦᠭᠡᠢ ᠠᠵᠢ ᠃ ᠲᠡᠭᠦᠨ ᠢ᠋ ᠢᠯᠠᠭᠴᠢ ᠪᠠᠭᠠᠲᠤᠷ ᠤ᠋ᠨ ᠶᠣᠰᠣᠭᠠᠷ ᠪᠠᠬᠠᠷᠬᠠᠯ ᠬᠦᠨᠳᠦᠳᠬᠡᠯ ᠳᠦᠭᠦᠷᠡᠩ ᠤᠭᠲᠤᠨ ᠠᠪᠤᠭᠰᠠᠨ ᠥᠭᠡᠯᠦᠨ ᠪᠣᠯᠤᠭᠠᠳ ᠪᠥᠷᠲᠡ ᠶ᠋ᠢ ᠬᠠᠷᠠᠮᠠᠭᠴᠠ ᠲᠡᠷᠡ ᠦᠶᠡ ᠳ᠋ᠡᠭᠡᠨ ᠲᠡᠮᠦᠵᠢᠨ ᠲᠤᠯᠭᠠᠮᠳᠠᠵᠤ ᠨᠡᠷᠡᠯᠬᠡᠭᠡᠳ ᠡᠨᠡ ᠲᠤᠬᠠᠢ ᠶᠠᠷᠢᠶᠠ ᠥᠳᠥᠭᠡᠵᠦ ᠲᠥᠪᠳᠡᠭᠰᠡᠨ ᠦᠭᠡᠢ ᠪᠢᠯᠡ᠃ ᠲᠡᠭᠡᠭᠡᠳ ᠴᠦ᠍ ᠪᠥᠷᠲᠡ ᠶ᠋ᠢᠨ ᠲᠥᠷᠥᠭᠦᠯᠦᠭᠰᠡᠨ ᠬᠡᠦᠬᠡᠳ ᠢ᠋ ᠥᠭᠡᠯᠦᠨ ᠡᠬᠡ ᠨᠢ ᠡᠩᠬᠦᠷᠡᠢ ᠳᠣᠲᠣᠨᠣ ᠪᠠᠷ ᠲᠡᠪᠡᠷᠢᠨ ᠵᠣᠭᠰᠣᠭᠰᠠᠨ ᠨᠢ ᠶᠠᠭᠠᠬᠢᠪᠠᠴᠤ ᠡᠨᠡ ᠬᠡᠦᠬᠡᠳ ᠢ᠋ ᠠᠯᠠᠵᠤ ᠪᠣᠯᠬᠤ ᠦᠭᠡᠢ ᠭᠡᠳᠡᠭ ᠢ᠋ ᠲᠡᠮᠦᠵᠢᠨ ᠳ᠋ᠦ᠍ ᠰᠢᠭᠤᠳ ᠣᠢᠯᠠᠭᠠᠭᠤᠯᠤᠭᠰᠠᠨ ᠂ ᠪᠠᠰᠠ ᠥᠭᠡᠯᠦᠨ ᠡᠬᠡ ᠶ᠋ᠢᠨ ᠵᠦᠭ ᠡᠴᠡ ᠲᠤᠯᠭᠠᠵᠤ ᠱᠠᠭᠠᠷᠳᠠᠭᠰᠠᠨ ᠬᠡᠷᠡᠭ ᠪᠠᠢᠪᠠ ᠃ ᠲᠡᠮᠦᠵᠢᠨ ᠡᠭᠦᠨ ᠢ᠋ ᠶᠠᠭᠠᠬᠢᠵᠤ ᠣᠢᠯᠠᠭᠠᠬᠤ ᠦᠭᠡᠢ ᠪᠠᠢᠬᠤ ᠪᠢᠯᠡ ᠃ ᠬᠡᠷᠪᠡ ᠲᠡᠭᠦᠨ ᠦ᠌ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠪᠤᠭᠤᠷᠴᠢ ᠡᠨᠡ ᠬᠡᠦᠬᠡᠳ ᠢ᠋ ᠵᠠᠮ ᠳ᠋ᠠᠭᠠᠨ ᠬᠥᠨᠥᠭᠡᠭᠰᠡᠨ ᠪᠣᠯ ᠣᠳᠣ ᠴᠣᠬᠣᠮ ᠶᠠᠭᠤ ᠪᠣᠯᠬᠤ ᠪᠠᠢᠭᠰᠠᠨ ᠢ᠋ ᠲᠡᠮᠦᠵᠢᠨ ᠲᠥᠰᠦᠭᠡᠯᠡᠨ ᠪᠣᠳᠣᠭᠠᠳ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠪᠣᠭᠤᠷᠴᠢ ᠳ᠋ᠤ᠌ ᠪᠠᠶᠠᠷᠯᠠᠵᠠᠢ ᠃ ᠬᠡᠷᠪᠡ ᠭᠠᠢ ᠪᠣᠯᠵᠤ ᠪᠥᠷᠲᠡ ᠶ᠋ᠢᠨ ᠬᠡᠦᠬᠡᠳ ᠢ᠋ ᠬᠥᠨᠥᠭᠡᠭᠰᠡᠨ ᠪᠣᠯ ᠲᠡᠮᠦᠵᠢᠨ ᠥᠭᠡᠯᠦᠨ ᠡᠬᠡ ᠶ᠋ᠢᠨ ᠢ᠋ᠶ᠋ᠡᠨ ᠳᠠᠢᠰᠤᠨ ᠪᠣᠯᠤᠨ ᠬᠤᠪᠢᠷᠠᠬᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠮᠡᠳᠡᠵᠦ ᠪᠠᠢᠪᠠ ᠃
ᠲᠡᠷᠡ ᠰᠥᠨᠢ ᠲᠡᠮᠦᠵᠢᠨ ᠪᠥᠷᠲᠡ ᠬᠣᠶᠠᠷ ᠦᠯᠡᠳᠡᠭᠡᠳ ᠪᠡᠶᠡ ᠪᠡᠶᠡ ᠳ᠋ᠡᠭᠡᠨ ᠬᠦᠷᠴᠦ ᠴᠢᠳᠠᠬᠤ ᠦᠭᠡᠢ ᠤᠳᠠᠭᠠᠨ ᠰᠠᠭᠤᠵᠠᠭᠠᠪᠠ ᠃ ᠬᠠᠭᠠᠴᠠᠭᠰᠠᠨ ᠡᠴᠡ ᠬᠣᠢᠰᠢ ᠵᠢᠯ ᠰᠢᠬᠠᠮ ᠥᠩᠭᠡᠷᠡᠵᠦ ᠲᠡᠳᠡᠨ ᠦ᠌ ᠬᠠᠮᠲᠤ ᠶ᠋ᠢᠨ ᠠᠮᠢᠳᠤᠷᠠᠯ ᠳᠠᠬᠢᠨ ᠡᠬᠢᠯᠡᠵᠦ ᠪᠠᠢᠯᠠ ᠃ ᠨᠢᠷᠠᠢᠯᠠᠵᠤ ᠂ ᠲᠡᠩᠬᠡᠭᠡᠷᠡᠵᠦ ᠠᠮᠵᠢᠭᠠ ᠦᠭᠡᠢ ᠬᠡᠳᠦᠢ ᠴᠦ᠍ ᠪᠥᠷᠲᠡ ᠶ᠋ᠢᠨ ᠲᠥᠷᠥᠯᠬᠢ ᠶ᠋ᠢᠨ ᠭᠤᠸᠠ ᠦᠵᠡᠰᠬᠦᠯᠡᠩ ᠤᠯᠠᠮ ᠲᠣᠳᠣᠷᠠᠭᠠᠳ ᠬᠤᠪᠴᠠᠰᠤ ᠪᠠᠷ ᠨᠡᠪᠲᠡ ᠭᠡᠷᠡᠯᠲᠦᠨ ᠪᠠᠢᠬᠤ ᠨᠢ ᠲᠡᠮᠦᠵᠢᠨ ᠦ᠌ ᠲᠡᠪᠴᠢᠶᠡᠷᠢ ᠶ᠋ᠢ ᠨᠢᠭᠡᠨᠲᠡ ᠪᠠᠷᠠᠭᠳᠠᠭᠤᠯᠵᠤ ᠳᠤᠷᠠ ᠲᠠᠴᠢᠶᠠᠯ ᠢ᠋ ᠨᠢ ᠠᠰᠠᠭᠠᠨ ᠪᠠᠳᠠᠷᠠᠭᠠᠭᠰᠠᠨ ᠲᠤᠯᠠ ᠲᠡᠷᠡ ᠬᠠᠢᠷᠠᠲᠠᠢ ᠪᠥᠷᠲᠡ ᠶ᠋ᠢ ᠪᠡᠨ ᠲᠡᠪᠡᠷᠢᠨ ᠠᠪᠴᠠᠢ ᠃ ᠵᠥᠪᠬᠡᠨ ᠲᠡᠮᠦᠵᠢᠨ ᠦ᠌ ᠢᠩᠭᠢᠬᠦ ᠶ᠋ᠢ ᠬᠠᠮᠤᠭ ᠪᠡᠶᠡ ᠰᠡᠳᠬᠢᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠲᠡᠰᠴᠦ ᠶᠠᠳᠠᠨ ᠬᠦᠯᠢᠶᠡᠵᠦ ᠪᠠᠢᠭᠰᠠᠨ ᠪᠥᠷᠲᠡ ᠶ᠋ᠢᠨ ᠳᠤᠷᠠ ᠬᠦᠰᠡᠯ ᠳ᠋ᠦ᠍ ᠬᠢᠵᠠᠭᠠᠷ ᠪᠠᠢᠭᠰᠠᠨ ᠦᠭᠡᠢ᠃ ᠲᠡᠳᠡ ᠬᠣᠶᠠᠭᠤᠯᠠ ᠶᠠᠭ ᠯᠠ ᠠᠩᠬᠠᠨ ᠤ᠋ ᠰᠥᠨᠢ ᠶ᠋ᠢᠨ ᠬᠢ ᠰᠢᠭ ᠭᠠᠯᠵᠠᠭᠤᠷᠠᠭᠰᠠᠨ ᠲᠠᠴᠢᠶᠠᠯ ᠳ᠋ᠤ᠌ ᠠᠪᠲᠠᠵᠤ ᠲᠦᠳᠡᠯ ᠦᠭᠡᠢ ᠪᠥᠷᠲᠡ ᠳᠤᠷᠠ ᠬᠦᠰᠡᠯ ᠨᠢ ᠬᠠᠩᠬᠤ ᠳ᠋ᠠᠭᠠᠨ ᠲᠥᠷᠥᠯᠬᠢ ᠵᠠᠩ ᠢ᠋ᠶ᠋ᠠᠷ ᠪᠠᠬᠠᠷᠳᠠᠨ ᠬᠠᠰᠬᠢᠷᠤᠭᠠᠳ ᠤᠬᠠᠭᠠᠨ ᠠᠯᠲᠠᠨ ᠤᠨᠠᠪᠠ᠃ ᠪᠦᠬᠦ ᠵᠦᠢᠯ ᠥᠭᠡᠷᠡᠴᠢᠯᠡᠭᠳᠡᠭᠡ ᠦᠭᠡᠢ ᠮᠡᠲᠦ ᠪᠣᠯᠤᠭᠠᠳ ᠲᠡᠮᠦᠵᠢᠨ ᠪᠥᠷᠲᠡ ᠶ᠋ᠢᠨ ᠨᠢᠴᠦᠭᠦᠨ ᠪᠡᠶᠡ ᠶ᠋ᠢ ᠰᠢᠷᠳᠡᠨ ᠰᠠᠭᠤᠵᠠᠢ ᠃ ᠪᠥᠷᠲᠡ ᠬᠠᠭᠤᠴᠢᠨ ᠡᠴᠡ ᠶᠡᠬᠡ ᠤᠳᠠᠵᠤ ᠰᠡᠷᠡᠬᠦ ᠰᠢᠭ ᠰᠠᠨᠠᠭᠳᠠᠪᠠ ᠃
— ᠪᠢ ᠤᠬᠠᠭᠠᠨ ᠠᠯᠳᠠᠭᠰᠠᠨ ᠤᠤ? ᠭᠡᠵᠦ ᠪᠥᠷᠲᠡ ᠢᠴᠢᠩᠭᠦᠷᠡᠨ ᠰᠢᠪᠡᠭᠡᠨᠡᠵᠦ ᠲᠡᠮᠦᠵᠢᠨ ᠦ᠌ ᠲᠣᠯᠣᠭᠠᠢ ᠲᠣᠬᠢᠬᠤ ᠶ᠋ᠢ ᠦᠵᠡᠮᠡᠭᠴᠡ ᠲᠡᠭᠦᠨ ᠳ᠋ᠦ᠍ ᠭᠡᠨᠡᠨ ᠢᠲᠡᠭᠡᠮᠡᠲᠡᠭᠡᠢ ᠪᠡᠷ ᠡᠷᠬᠡᠯᠡᠨ ᠨᠠᠭᠠᠯᠳᠤᠵᠤ ᠂
—ᠪᠢ ᠴᠢᠮᠠ ᠡᠴᠡ ᠬᠠᠭᠠᠴᠠᠭᠰᠠᠨ ᠡᠴᠡ ᠬᠣᠢᠰᠢ ᠶᠡᠷᠦ ᠢᠩᠭᠢᠵᠦ ᠤᠬᠠᠭᠠᠨ ᠠᠯᠳᠠᠭᠰᠠᠨ ᠦᠭᠡᠢ ᠭᠡᠵᠦ ᠢᠯᠳᠠᠮ ᠡᠩᠬᠦᠷᠡᠢ ᠪᠡᠷ ᠢᠨᠢᠶᠡᠮᠰᠦᠭᠯᠡᠵᠡᠢ ᠃ ᠭᠡᠲᠡᠯᠡ ᠲᠡᠭᠦᠨ ᠦ᠌ ᠡᠨᠡ ᠢᠯᠠᠨ ᠳᠠᠯᠠᠨ ᠦᠭᠡᠢ ᠦᠭᠡᠨ ᠳ᠋ᠦ᠍ ᠲᠡᠮᠦᠵᠢᠨ ᠦ᠌ ᠰᠠᠨᠠᠭᠠ ᠰᠡᠳᠬᠢᠯ ᠦ᠋ᠨ ᠳᠣᠲᠣᠷᠠ ᠤᠳᠠᠵᠤ ᠪᠠᠢᠭᠰᠠᠨ ᠭᠣᠮᠣᠳᠠᠯ ᠬᠣᠷᠣᠰᠤᠯ ᠤ᠋ᠨ ᠲᠦᠮᠡᠨ ᠮᠣᠭᠠᠢ ᠠᠲᠤᠷᠢᠯᠳᠤᠨ ᠰᠡᠷᠡᠵᠦ ᠵᠢᠷᠦᠬᠡ ᠶ᠋ᠢ ᠨᠢ ᠬᠣᠣᠷᠲᠤ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠬᠠᠳᠬᠤᠨ ᠡᠪᠡᠳᠬᠡᠭᠰᠡᠨ ᠳ᠋ᠦ᠍ ᠲᠡᠷᠡ ᠭᠡᠨᠡᠳᠲᠡ ᠪᠠᠴᠢᠭᠤᠷᠠᠨ ᠤᠬᠠᠭᠠᠨ ᠢ᠋ᠶ᠋ᠠᠨ ᠠᠯᠳᠠᠭᠠᠳ ᠪᠥᠷᠲᠡ ᠶ᠋ᠢᠨ ᠤᠷᠲᠤ ᠦᠰᠦ ᠶ᠋ᠢ ᠭᠠᠷ ᠲᠠᠭᠠᠨ ᠣᠷᠢᠶᠠᠨ ᠠᠳᠬᠤᠵᠤ ᠦᠰᠲᠡᠨ ᠳᠠᠢᠰᠤᠨ ᠢ᠋ᠶ᠋ᠠᠨ ᠵᠠᠨᠤᠨ ᠵᠠᠯᠬᠠᠭᠠᠬᠤ ᠮᠡᠲᠦ ᠲᠡᠭᠦᠨ ᠢ᠋ ᠨᠡᠪᠰᠢᠷᠡᠲᠡᠯᠡ ᠪᠠᠯᠪᠠᠵᠠᠢ᠃ ᠬᠠᠷᠢᠨ ᠭᠠᠢᠬᠠᠯᠲᠠᠢ ᠨᠢ ᠪᠥᠷᠲᠡ ᠶᠠᠭ ᠢᠩᠭᠢᠨᠡ ᠭᠡᠵᠦ ᠮᠡᠳᠡᠵᠦ ᠪᠠᠢᠭᠰᠠᠨ ᠮᠡᠲᠦ ᠡᠨᠡ ᠭᠡᠨᠡᠳᠲᠡ ᠶ᠋ᠢᠨ ᠵᠣᠳᠤᠭᠤᠷᠢ ᠶ᠋ᠢ ᠭᠠᠭᠴᠠ ᠴᠤ᠌ ᠤᠳᠠᠭᠠ ᠶᠣ ᠭᠡᠰᠡᠨ ᠦᠭᠡᠢ ᠲᠡᠰᠴᠦ ᠥᠩᠭᠡᠷᠡᠭᠡᠵᠡᠢ᠃ ᠰᠡᠳᠬᠢᠯ ᠦ᠋ᠨ ᠮᠤᠬᠤᠷ ᠲᠤ᠌ ᠬᠤᠷᠠᠮᠳᠤᠯᠠᠭᠳᠠᠭᠰᠠᠨ ᠥᠰᠢᠶᠡ ᠬᠣᠷᠣᠰᠤᠯ ᠂ᠰᠢᠨᠠᠯᠤᠯ ᠳ᠋ᠠᠭᠠᠨ ᠰᠢᠲᠠᠭᠰᠠᠨ ᠲᠡᠮᠦᠵᠢᠨ ᠪᠥᠷᠲᠡ ᠶ᠋ᠢ ᠠᠯᠠᠴᠢᠬᠠᠵᠤ ᠮᠡᠳᠡᠬᠦ ᠪᠠᠢᠪᠠ᠃ ᠭᠡᠲᠡᠯᠡ ᠬᠡᠦᠬᠡᠳ ᠭᠡᠨᠡᠳᠲᠡ ᠰᠣᠴᠢᠨ ᠰᠡᠷᠡᠭᠡᠳ ᠠᠶᠤᠵᠤ ᠲᠦᠭᠰᠢᠨ ᠤᠴᠢᠷ ᠦᠭᠡᠢ ᠪᠠᠷᠬᠢᠷᠠᠭᠰᠠᠨ ᠳ᠋ᠤ᠌ ᠲᠡᠮᠦᠵᠢᠨ ᠰᠠᠶᠢ ᠨᠢᠭᠡ ᠶᠠᠭᠤᠮᠠ ᠤᠬᠠᠭᠠᠨ ᠰᠡᠭᠡᠭᠡ ᠣᠷᠣᠵᠤ ᠪᠥᠷᠲᠡ ᠶ᠋ᠢ ᠣᠷᠬᠢᠵᠤ ᠬᠣᠯᠠᠳᠪᠠ᠃ ᠡᠬᠡ ᠶ᠋ᠢᠨ ᠢ᠋ᠶ᠋ᠡᠨ ᠬᠥᠬᠥ ᠶ᠋ᠢ ᠰᠢᠨᠤᠯᠲᠠᠢ ᠪᠠᠷ ᠬᠣᠪᠳᠣᠭᠯᠠᠨ ᠰᠣᠷᠣᠬᠤ ᠤᠯᠠᠭᠠᠨ ᠨᠢᠯᠵᠠᠷᠠᠢ ᠲᠡᠷᠡ ᠠᠮᠢᠲᠠᠨ ᠢ᠋ ᠲᠡᠮᠦᠵᠢᠨ ᠦᠨᠡᠨ ᠰᠡᠳᠬᠢᠯ ᠡᠴᠡ ᠪᠡᠨ ᠬᠣᠷᠣᠰᠤᠯᠲᠠᠢ ᠰᠢᠷᠲᠡᠵᠦ ᠰᠠᠭᠤᠭᠰᠠᠨ ᠢ᠋ᠶ᠋ᠠᠨ ᠥᠨᠥ ᠰᠥᠨᠢ ᠪᠥᠷᠲᠡ ᠲᠡᠷᠡ ᠬᠡᠦᠬᠡᠳ ᠡᠴᠡ ᠪᠡᠨ ᠶᠠᠭᠠᠬᠢᠪᠠᠴᠤ ᠬᠥᠨᠳᠡᠢᠷᠡᠬᠦ ᠦᠭᠡᠢ ᠶ᠋ᠢ ᠮᠡᠳᠡᠭᠡᠳ ᠳᠠᠷᠤᠢ ᠬᠤᠪᠴᠠᠰᠤᠯᠠᠨ ᠭᠠᠷᠴᠠᠢ᠃ ᠬᠦᠢᠲᠡᠨ ᠬᠠᠷᠠᠩᠭᠤᠢ ᠲᠩᠷᠢ ᠶ᠋ᠢᠨ ᠳᠣᠣᠷᠠ ᠭᠠᠭᠴᠠᠭᠠᠷ ᠵᠣᠭᠰᠣᠵᠤ ᠪᠠᠢᠬᠤ ᠳ᠋ᠠᠭᠠᠨ ᠡᠨᠡ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠬᠡᠦᠬᠡᠳ ᠲᠦ᠍ ᠪᠥᠷᠲᠡ ᠶ᠋ᠢ ᠪᠡᠨ ᠡᠭᠦᠷᠢᠳᠡ ᠠᠯᠳᠠᠭᠰᠠᠨ ᠮᠡᠲᠦ ᠬᠠᠷᠠᠭᠤᠰᠤᠯ ᠳ᠋ᠤ᠌ ᠡᠵᠡᠯᠡᠭᠳᠡᠭᠰᠡᠭᠡᠷ ᠪᠠᠢᠪᠠ᠃ ᠭᠡᠪᠡᠴᠦ ᠲᠡᠮᠦᠵᠢᠨ ᠳ᠋ᠦ᠍ ᠪᠥᠷᠲᠡ ᠶ᠋ᠢ ᠬᠥᠭᠡᠭᠡᠨ ᠶᠠᠪᠤᠭᠤᠯᠬᠤ ᠶᠤᠮ ᠤᠤ ᠲᠡᠭᠦᠨ ᠡᠴᠡ ᠬᠣᠯᠠᠳᠤᠨ ᠵᠠᠢᠯᠠᠬᠤ ᠭᠠᠵᠠᠷ ᠳᠠᠩᠴᠤ ᠪᠠᠢᠭᠰᠠᠨ ᠦᠭᠡᠢ᠃ ᠪᠥᠷᠲᠡ ᠶ᠋ᠢᠨ ᠡᠶᠡᠯᠳᠡᠭ ᠤᠷᠢᠨ ᠵᠠᠩ᠂ ᠡᠩᠬᠦᠷᠡᠢ ᠲᠠᠴᠢᠶᠠᠩᠭᠤᠢ ᠪᠡᠶᠡ ᠳ᠋ᠦ᠍ ᠲᠠᠲᠠᠭᠳᠠᠨ ᠭᠡᠷ ᠲᠡᠭᠡᠨ ᠪᠤᠴᠠᠨ ᠣᠷᠣᠵᠠᠢ᠃ ᠰᠥᠨᠢ ᠪᠦᠷᠢ ᠪᠥᠷᠲᠡ ᠲᠡᠢ ᠢᠨᠠᠭᠯᠠᠨ ᠴᠡᠩᠭᠡᠬᠦ ᠳ᠋ᠡᠭᠡᠨ ᠮᠡᠷᠭᠢᠳ ᠦ᠋ᠨ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠤᠳᠤᠮ ᠤ᠋ᠨ ᠪᠢᠴᠢᠬᠠᠨ ᠬᠥᠪᠡᠭᠦᠨ ᠦ᠌ ᠠᠮᠢᠰᠬᠤᠭᠠ᠂ ᠬᠠᠷᠠᠴᠠ ᠶ᠋ᠢ ᠮᠡᠳᠡᠷᠡᠵᠦ ᠪᠣᠬᠢᠮᠳᠤᠬᠤ ᠳ᠋ᠠᠭᠠᠨ ᠳᠤᠷᠠ ᠬᠠᠨᠵᠤ᠂ ᠬᠥᠯᠥᠰᠥ ᠬᠠᠲᠠᠭᠰᠠᠨ ᠬᠣᠢᠨᠠ ᠪᠠᠨ ᠴᠣᠬᠣᠮ ᠶᠠᠭᠤᠨ ᠡᠴᠡ ᠴᠣ ᠶᠤᠮ ᠥᠰᠢᠶᠡ ᠬᠣᠷᠣᠰᠤᠯ ᠢ᠋ᠶ᠋ᠠᠨ ᠲᠠᠢᠯᠬᠤ ᠭᠡᠰᠡᠨ ᠮᠡᠲᠦ ᠬᠥᠭᠡᠷᠦᠬᠦᠢ ᠪᠥᠷᠲᠡ ᠶ᠋ᠢ ᠬᠠᠢᠷᠠ ᠨᠠᠢᠷ ᠦᠭᠡᠢ ᠪᠠᠯᠪᠠᠵᠤ᠂ ᠬᠣᠶᠠᠷ ᠬᠥᠬᠥ ᠶ᠋ᠢ ᠨᠢ ᠬᠥᠬᠡ ᠨᠢᠴᠠ ᠪᠣᠯᠲᠠᠯᠠ ᠪᠠᠵᠠᠵᠤ ᠲᠠᠮᠤᠯᠠᠳᠠᠭ ᠪᠠᠢᠪᠠ᠃ ᠭᠡᠪᠡᠴᠦ ᠪᠥᠷᠲᠡ ᠬᠥᠮᠦᠨ ᠦ᠌ ᠤᠷᠮᠠᠨ ᠳ᠋ᠤ᠌ ᠶᠣ ᠴᠤ᠌ ᠭᠡᠵᠦ ᠳᠤᠤᠭᠠᠷᠬᠤ ᠦᠭᠡᠢ ᠰᠢᠳᠦ ᠵᠠᠭᠤᠨ ᠲᠡᠪᠴᠢᠳᠡᠭ ᠨᠢ ᠡᠴᠦᠰ ᠲᠡᠭᠡᠨ ᠲᠡᠮᠦᠵᠢᠨ ᠢ᠋ ᠲᠤᠢᠯᠳᠠᠵᠤ ᠶᠠᠳᠠᠷᠠᠬᠤ ᠳ᠋ᠤ᠌ ᠬᠦᠷᠭᠡᠵᠦ ᠲᠡᠷᠡ ᠪᠡᠷ ᠴᠥᠬᠥᠷᠡᠭᠰᠡᠨ ᠮᠡᠲᠦ ᠳᠡᠷᠡ ᠳ᠋ᠡᠭᠡᠨ ᠨᠢᠭᠤᠷ ᠢ᠋ᠶ᠋ᠠᠨ ᠰᠢᠭᠢᠳᠬᠡᠭᠡᠳ ᠭᠠᠰᠠᠯᠤᠨ ᠬᠡᠪᠲᠡᠬᠦ ᠳ᠋ᠦ᠍ ᠪᠥᠷᠲᠡ ᠲᠡᠭᠦᠨ ᠦ᠌ ᠨᠢᠴᠦᠭᠦᠨ ᠮᠥᠷᠦᠨ ᠳ᠋ᠦ᠍ ᠨᠢᠭᠤᠷ ᠢ᠋ᠶ᠋ᠠᠨ ᠨᠠᠭᠠᠭᠠᠳ ᠴᠢᠪ ᠴᠢᠮᠡᠭᠡ ᠦᠭᠡᠢ ᠮᠡᠭᠰᠢᠨ ᠤᠬᠢᠯᠠᠳᠠᠭ ᠪᠢᠯᠡ᠃ ᠲᠡᠮᠦᠵᠢᠨ ᠲᠡᠷᠡ ᠬᠥᠪᠡᠭᠦᠨ ᠢ᠋ ᠬᠥᠮᠦᠨ ᠭᠡᠵᠦ ᠲᠣᠭᠣᠵᠤ ᠬᠠᠷᠠᠬᠤ ᠡᠴᠡ ᠨᠢᠳᠦ ᠬᠣᠷᠣᠰᠳᠠᠭ᠂ ᠥᠪᠡᠷ ᠦ᠋ᠨ ᠣᠢᠷᠠ ᠬᠡᠪᠲᠡᠭᠦᠯᠬᠦ ᠡᠴᠡ ᠴᠤ᠌ ᠴᠡᠭᠡᠷᠯᠡᠨ ᠵᠢᠭᠰᠢᠳᠡᠭ ᠪᠠᠢᠪᠠ᠂ ᠲᠡᠢᠮᠦ ᠴᠦ᠍ ᠤᠴᠢᠷ ᠡᠴᠡ ᠬᠥᠪᠡᠭᠦᠨ ᠳ᠋ᠦ᠍ ᠨᠡᠷᠡ ᠥᠭᠭᠦᠭᠰᠡᠨ ᠦᠭᠡᠢ᠂ ᠥᠭᠭᠦᠨᠡ ᠭᠡᠵᠦ ᠪᠣᠳᠣᠭᠰᠠᠨ ᠴᠤ᠌ ᠦᠭᠡᠢ᠃ ᠪᠥᠷᠲᠡ ᠴᠤ᠌ ᠡᠨᠡ ᠲᠠᠯᠠ ᠪᠠᠷ ᠰᠡᠬᠦᠵᠦ ᠶᠠᠷᠢᠭᠰᠠᠨ ᠦᠭᠡᠢ᠃ ᠬᠠᠷᠢᠨ ᠥᠭᠡᠯᠦᠨ ᠡᠬᠡ ᠰᠢᠨᠡ ᠬᠥᠪᠡᠭᠦᠨ ᠳ᠋ᠡᠭᠡᠨ ᠨᠡᠷᠡ ᠥᠭᠬᠦ ᠶ᠋ᠢ ᠲᠤᠢᠯᠪᠤᠷᠢᠲᠠᠢ ᠬᠠᠲᠠᠭᠤ ᠱᠠᠭᠠᠷᠳᠠᠭᠰᠠᠭᠠᠷ ᠪᠠᠢᠭᠰᠠᠨ ᠳ᠋ᠤ᠌ ᠠᠷᠭᠠ ᠪᠠᠨ ᠪᠠᠷᠠᠬᠤ ᠳ᠋ᠠᠭᠠᠨ
— ᠲᠠ ᠥᠪᠡᠷ ᠢ᠋ᠶ᠋ᠡᠨ ᠮᠡᠳᠡ ᠭᠡᠵᠡᠢ᠃
—ᠲᠡᠭᠡᠪᠡᠯ ᠵᠥᠴᠢ ᠭᠡᠵᠦ ᠨᠡᠷᠡᠯᠡᠶᠡ ᠭᠡᠵᠦ ᠥᠭᠡᠯᠦᠨ ᠡᠬᠡ ᠬᠡᠯᠡᠪᠡ᠃ ᠡᠨᠡ ᠨᠢ ᠵᠣᠴᠢᠨ ᠭᠡᠰᠡᠨ ᠦᠭᠡ ᠪᠠᠢᠯᠠ᠃ ᠡᠨᠡ ᠨᠡᠷᠡ ᠲᠡᠮᠦᠵᠢᠨ ᠳ᠋ᠦ᠍ ᠲᠠᠭᠠᠯᠠᠭᠳᠠᠪᠠ᠃ ᠮᠡᠷᠭᠢᠳ ᠦ᠋ᠨ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠬᠥᠪᠡᠭᠦᠨ ᠲᠡᠳᠡᠨ ᠦ᠌ ᠭᠡᠷ ᠦ᠋ᠨ ᠵᠣᠴᠢᠨ ᠪᠣᠯᠤᠭ ᠭᠡᠵᠦ ᠪᠣᠳᠣᠭᠠᠳ ᠲᠠᠢᠪᠤᠰᠢᠷᠠᠵᠤ ᠪᠥᠷᠲᠡ ᠶ᠋ᠢᠨ ᠬᠥᠪᠡᠭᠦᠨ ᠳ᠋ᠦ᠍ ᠵᠥᠴᠢ ᠭᠡᠳᠡᠭ ᠨᠡᠷᠡ ᠥᠭᠪᠡ᠃ ᠵᠥᠴᠢ ᠨᠡᠷᠡ ᠶ᠋ᠢ ᠡᠢᠨ ᠬᠦ᠌ ᠥᠭᠭᠦᠭᠰᠡᠨ ᠨᠢ ᠰᠢᠨᠡ ᠬᠥᠪᠡᠭᠦᠨ ᠳ᠋ᠦ᠍ ᠲᠡᠮᠦᠵᠢᠨ ᠦ᠌ ᠭᠡᠷ ᠲᠦ᠍ ᠠᠮᠢᠳᠤᠷᠠᠬᠤ ᠡᠷᠬᠡ ᠣᠯᠭᠣᠭᠰᠠᠨ ᠬᠡᠷᠡᠭ ᠪᠣᠯᠪᠠ᠃ ᠬᠡᠳᠦᠢ ᠪᠡᠷ ᠵᠢᠵᠢᠭ ᠴᠤ᠌ ᠭᠡᠯᠡ ᠡᠨᠡ ᠶᠠᠪᠤᠳᠠᠯ ᠲᠡᠮᠦᠵᠢᠨ ᠦ᠌ ᠪᠥᠷᠲᠡ ᠳ᠋ᠦ᠍ ᠢᠯᠠᠭᠳᠠᠨ ᠪᠠᠭᠤᠵᠤ ᠦᠭᠭᠦᠭᠰᠡᠨ ᠦ᠌ ᠳᠣᠬᠢᠶᠠ᠂ ᠪᠥᠷᠲᠡ ᠶ᠋ᠢᠨ ᠬᠠᠲᠠᠭᠤᠵᠢᠯᠲᠠᠢ ᠡᠷᠡᠮᠡᠬᠡᠢ ᠵᠠᠩ ᠢ᠋ ᠲᠩᠷᠢ ᠢᠪᠡᠭᠡᠭᠰᠡᠨ ᠬᠡᠷᠡᠭ ᠶᠤᠮ᠃ᠭᠠᠳᠠᠨᠠ ᠡᠴᠡ ᠨᠢ ᠬᠠᠷᠠᠬᠤ ᠳ᠋ᠤ᠌ ᠠᠵᠠ ᠵᠢᠷᠭᠠᠯᠲᠠᠢ ᠮᠡᠲᠦ ᠪᠣᠯᠪᠠᠴᠤ ᠲᠡᠷᠡ ᠭᠤᠷᠪᠠ ᠲᠤᠢᠯ ᠤ᠋ᠨ ᠰᠢᠨᠠᠯᠤᠭᠠᠲᠤ ᠬᠠᠢᠷᠠ ᠶ᠋ᠢᠨ ᠳᠤᠮᠳᠠ ᠠᠮᠢᠳᠤᠷᠠᠵᠤ ᠪᠠᠢᠯᠠ᠃ ᠭᠡᠷ ᠦ᠋ᠨ ᠳᠣᠲᠣᠷᠠᠬᠢ ᠢᠯᠡ ᠳᠠᠯᠳᠠ ᠵᠣᠪᠠᠯᠠᠩ᠂ ᠰᠡᠳᠬᠢᠯ ᠦ᠋ᠨ ᠭᠦᠨ ᠳ᠋ᠡᠬᠢ ᠰᠢᠨᠠᠯᠤᠯ ᠬᠣᠷᠣᠰᠤᠯ ᠨᠢ ᠲᠡᠮᠦᠵᠢᠨ ᠢ᠋ ᠭᠡᠷ ᠲᠦ᠍ ᠲᠣᠭᠲᠠᠬᠤ ᠳ᠋ᠤ᠌ ᠪᠡᠷᠬᠡ ᠪᠣᠯᠭᠠᠬᠤ ᠳ᠋ᠤ᠌ ᠲᠡᠷᠡ ᠰᠠᠮ ᠬᠣᠯᠠ ᠣᠳᠴᠤ ᠡᠨᠡ ᠲᠡᠷᠡ ᠪᠦᠰᠡᠭᠦᠢ ᠶ᠋ᠢ ᠡᠳ᠋ᠯᠡᠨ ᠠᠭᠤᠷ ᠬᠣᠷᠣᠰᠤᠯ ᠢ᠋ᠶ᠋ᠠᠨ ᠲᠠᠢᠯᠳᠠᠭ ᠢ᠋ ᠪᠥᠷᠲᠡ ᠮᠡᠳᠡᠪᠡᠴᠦ ᠶᠠᠭᠤ ᠴᠤ᠌ ᠡᠰᠡ ᠳᠤᠤᠭᠠᠷᠤᠨᠠ᠃ᠪᠥᠷᠲᠡ ᠵᠥᠴᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠡᠮᠡ ᠠᠷᠰᠯᠠᠨ ᠮᠡᠲᠦ ᠥᠮᠥᠭᠯᠡᠨ ᠬᠠᠮᠠᠭᠠᠯᠠᠬᠤ ᠲᠤᠯᠠ ᠥᠭᠡᠯᠦᠨ ᠪᠣᠯᠤᠭᠠᠳ ᠶᠡᠷᠦ ᠨᠢ ᠬᠡᠨ ᠪᠣᠯᠪᠠᠴᠤ ᠵᠥᠴᠢ ᠳ᠋ᠦ᠍ ᠶᠡᠬᠡ ᠠᠩᠬᠠᠷᠤᠯᠲᠠᠢ ᠬᠠᠨᠳᠤᠳᠠᠭ ᠪᠠᠢᠪᠠ᠃ᠬᠡᠷᠪᠡ ᠪᠥᠷᠲᠡ ᠪᠣᠯᠤᠭᠠᠳ ᠪᠢᠴᠢᠬᠠᠨ ᠵᠥᠴᠢ ᠬᠥᠪᠡᠭᠦᠨ ᠢ᠋ ᠥᠭᠡᠯᠦᠨ ᠡᠬᠡ ᠬᠠᠢᠷᠠᠯᠠᠨ ᠲᠡᠮᠵᠢᠭᠡ ᠦᠭᠡᠢ ᠪᠣᠯ ᠠᠵᠠ ᠦᠭᠡᠢ ᠬᠥᠪᠡᠭᠦᠨ ᠦ᠌ ᠬᠤᠪᠢ ᠳ᠋ᠤ᠌ ᠵᠠᠶᠠᠭᠠ ᠶᠠᠭᠠᠬᠢᠵᠤ ᠡᠷᠭᠢᠬᠦ ᠶ᠋ᠢ ᠳᠠᠭᠠᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ ᠶᠤᠮ᠃ᠲᠡᠮᠦᠵᠢᠨ ᠦ᠌ ᠵᠠᠩ ᠠᠭᠠᠰᠢ ᠶ᠋ᠢ ᠮᠡᠳᠡᠬᠦ ᠥᠭᠡᠯᠦᠨ ᠡᠬᠡ ᠨᠢ ᠵᠥᠴᠢ ᠶ᠋ᠢ ᠬᠠᠮᠠᠭᠠᠯᠠᠬᠤ ᠪᠣᠯᠤᠭᠰᠠᠨ ᠨᠢ ᠲᠡᠮᠦᠵᠢᠨ ᠦ᠌ ᠠᠶᠤᠮᠰᠢᠭᠲᠤ ᠦᠢᠯᠡᠳᠦᠯ ᠡᠴᠡ ᠰᠡᠷᠭᠡᠢᠯᠡᠵᠦ ᠪᠤᠭᠤᠷᠴᠢ ᠶ᠋ᠢ ᠬᠦᠷᠲᠡᠯᠡ ᠬᠢᠵᠠᠭᠠᠷ ᠦᠭᠡᠢ ᠨᠢᠭᠦᠯ ᠡᠴᠡ ᠠᠪᠤᠷᠠᠭᠰᠠᠨ ᠪᠢᠯᠡ᠃ᠬᠡᠷᠪᠡ ᠲᠡᠮᠦᠵᠢᠨ ᠵᠥᠴᠢ ᠶ᠋ᠢ ᠬᠥᠨᠥᠭᠡᠭᠰᠡᠨ ᠪᠣᠯ ᠲᠡᠷᠡ ᠬᠡᠵᠢᠶᠡ ᠴᠦ᠍ ᠥᠭᠡᠳᠡᠯᠡᠨ ᠳᠡᠪᠵᠢᠬᠦ ᠦᠭᠡᠢ ᠪᠠᠢᠭᠰᠠᠨ ᠢ᠋ ᠬᠠᠷᠢᠨ ᠬᠡᠨ ᠴᠦ᠍ ᠮᠡᠳᠡᠬᠦ ᠦᠭᠡᠢ ᠪᠠᠢᠯᠠ᠃ᠵᠥᠴᠢ ᠬᠥᠪᠡᠭᠦᠨ ᠦ᠌ ᠲᠡᠮᠦᠵᠢᠨ ᠪᠥᠷᠲᠡ ᠬᠣᠶᠠᠷ ᠲᠤ᠌ ᠢᠷᠡᠭᠰᠡᠨ ᠤᠴᠢᠷ ᠢ᠋ ᠳᠠᠪ ᠲᠩᠷᠢ ᠪᠥᠬᠡ ᠰᠡᠭᠦᠯ ᠳ᠋ᠦ᠍ ᠬᠡᠯᠡᠵᠡᠢ᠃ᠵᠥᠴᠢ ᠶ᠋ᠢ ᠠᠮᠢᠳᠤ ᠦᠯᠡᠳᠡᠭᠡᠭᠰᠡᠨ ᠳ᠋ᠦ᠍ᠨᠢ ᠲᠩᠷᠢ ᠳ᠋ᠦ᠍ ᠪᠠᠰᠠ ᠪᠤᠭᠤᠷᠴᠢ ᠳ᠋ᠤ᠌ ᠲᠠᠯᠠᠷᠬᠠᠬᠤ ᠶᠣᠰᠣᠲᠠᠢ ᠭᠡᠵᠦ ᠳᠠᠪ ᠲᠩᠷᠢ ᠪᠥᠬᠡ ᠪᠠᠲᠤᠯᠠᠨ ᠬᠡᠯᠡᠭᠰᠡᠭᠡᠷ ᠪᠠᠢᠭᠰᠠᠨ ᠴᠤ᠌ ᠲᠡᠮᠦᠵᠢᠨ ᠥᠪᠡᠷ ᠦ᠋ᠨ ᠰᠡᠳᠬᠢᠯ ᠢ᠋ ᠲᠡᠷᠡ ᠪᠦᠷᠢ ᠲᠡᠪᠴᠢᠨ ᠪᠠᠷᠢᠵᠤ ᠳᠡᠢᠯᠬᠦ ᠦᠭᠡᠢ ᠪᠢᠴᠢᠬᠠᠨ ᠵᠥᠴᠢ ᠬᠥᠪᠡᠭᠦᠨ ᠡᠴᠡ ᠲᠠᠬᠤᠯᠲᠠᠢ ᠠᠮᠢᠲᠠᠨ ᠮᠡᠲᠦ ᠰᠡᠵᠢᠭᠯᠡᠭᠰᠡᠭᠡᠷ ᠪᠠᠢᠪᠠ᠃ᠥᠭᠡᠯᠦᠨ ᠡᠬᠡ ᠶ᠋ᠢᠨ ᠢᠯᠡᠷᠬᠡᠢ ᠳᠡᠮᠵᠢᠯᠭᠡ ᠶ᠋ᠢ ᠣᠯᠤᠭᠰᠠᠨ ᠪᠥᠷᠲᠡ ᠰᠡᠳᠬᠢᠯ ᠪᠠᠭᠠ ᠪᠣᠯᠪᠠᠴᠤ ᠲᠠᠢᠪᠤᠰᠢᠷᠠᠵᠠᠢ᠃ᠬᠡᠨ ᠴᠦ᠍ ᠵᠥᠴᠢ ᠶ᠋ᠢ ᠮᠡᠷᠭᠢᠳ ᠦ᠋ᠨ ᠬᠡᠦᠬᠡᠳ ᠭᠡᠵᠦ ᠬᠡᠯᠡᠳᠡᠭ ᠦᠭᠡᠢ ᠪᠥᠭᠡᠳ ᠬᠡᠷᠪᠡ ᠬᠡᠨ ᠨᠢᠭᠡ ᠲᠡᠭᠡᠵᠦ ᠬᠡᠯᠡᠨᠡ ᠭᠡᠪᠡᠯ ᠪᠥᠷᠲᠡ ᠥᠷᠥᠰᠢᠶᠡᠬᠦ ᠦᠭᠡᠢ ᠶ᠋ᠢ ᠪᠦᠭᠦᠳᠡ ᠮᠡᠳᠡᠬᠦ ᠪᠣᠯᠵᠠᠢ᠃
— ᠴᠢ ᠵᠥᠴᠢ ᠬᠥᠪᠡᠭᠦᠨ ᠢ᠋ ᠮᠢᠨᠢ ᠠᠳᠠ ᠦᠵᠡᠪᠡᠯ ᠡᠬᠢᠯᠡᠭᠡᠳ ᠨᠠᠮᠠᠶ᠋ᠢ ᠠᠯᠠᠴᠢᠬᠠᠭᠠᠷᠠᠢ᠃ᠪᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠠᠳᠠ ᠦᠵᠡᠬᠦ ᠡᠴᠡ ᠪᠤᠰᠤᠳ ᠢ᠋ ᠲᠡᠪᠴᠢᠨᠡ᠃ᠬᠠᠷᠢᠨ ᠬᠥᠪᠡᠭᠦᠨ ᠢ᠋ ᠮᠢᠨᠢ ᠠᠳᠠ ᠦᠵᠡᠪᠡᠯ ᠪᠢ ᠲᠡᠪᠴᠢᠬᠦ ᠦᠭᠡᠢ ᠰᠢᠦ ᠭᠡᠵᠦ ᠪᠥᠷᠲᠡ ᠡᠭᠡᠯᠵᠢᠲᠦ ᠴᠢᠮᠡᠭᠡ ᠦᠭᠡᠢ ᠲᠠᠮᠤᠯᠠᠯ ᠤ᠋ᠨ ᠳᠠᠷᠠᠭᠠ ᠬᠠᠲᠠᠭᠤ ᠬᠡᠯᠡᠭᠰᠡᠨ ᠨᠢ ᠪᠣᠢ᠃ᠪᠥᠷᠲᠡ ᠦᠨᠡᠬᠡᠷ ᠬᠡᠯᠡᠭᠰᠡᠨ ᠳ᠋ᠡᠭᠡᠨ ᠬᠦᠷᠴᠦ ᠮᠠᠷᠭᠠᠰᠢ ᠨᠢ ᠵᠥᠴᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠲᠡᠪᠡᠷᠢᠨ ᠣᠭᠲᠣ ᠶᠠᠭᠤ ᠴᠤ᠌ ᠪᠣᠯᠤᠭᠠ ᠦᠭᠡᠢ ᠶᠤᠮ ᠰᠢᠭ ᠢᠨᠢᠶᠡᠳᠦ ᠬᠥᠷ ᠳᠦᠭᠦᠷᠡᠩ ᠶᠠᠪᠤᠬᠤ ᠳ᠋ᠤᠨᠢ ᠲᠡᠮᠦᠵᠢᠨ ᠭᠠᠢᠬᠠᠨ ᠪᠢᠰᠢᠷᠡᠵᠦ ᠦᠰ ᠬᠣᠷᠣᠰᠤᠯ ᠨᠢ ᠳᠠᠷᠤᠭᠳᠠᠬᠤ ᠰᠢᠭ᠋ ᠪᠣᠯᠳᠠᠭ ᠪᠠᠢᠯᠠ᠃ᠲᠡᠮᠦᠵᠢᠨ ᠢ᠋ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠬᠠᠨ ᠢ᠋ᠶ᠋ᠠᠷ ᠡᠷᠭᠦᠮᠵᠢᠯᠡᠭᠰᠡᠨ ᠨᠢ ᠪᠠᠢᠳᠠᠯ ᠢ᠋ ᠥᠭᠡᠷᠡᠴᠢᠯᠡᠵᠦ ᠠᠪᠠᠭᠠᠢ ᠬᠡᠦᠬᠡᠳ ᠲᠣᠭᠣᠷᠢᠭᠰᠠᠨ ᠭᠠᠰᠢᠭᠤᠨ ᠪᠣᠳᠣᠯ ᠢ᠋ᠶ᠋ᠠᠨ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠬᠣᠢᠰᠢ ᠲᠠᠯᠪᠢᠬᠤ ᠳ᠋ᠤ᠌ ᠬᠦᠷᠭᠡᠵᠦ᠂ ᠥᠪᠡᠷ ᠦ᠋ᠨ ᠵᠠᠩ ᠠᠪᠤᠷᠢ᠂ ᠦᠭᠡ ᠦᠢᠯᠡᠳᠦᠯ ᠢ᠋ᠶ᠋ᠡᠨ ᠨᠢᠭᠲᠠ ᠬᠢᠨᠠᠨ ᠵᠠᠰᠠᠬᠤ ᠨᠢ ᠵᠠᠢᠯᠠᠰᠢ ᠦᠭᠡᠢ ᠪᠣᠯᠵᠠᠢ᠃ᠲᠡᠮᠦᠵᠢᠨ ᠥᠪᠡᠷ ᠦ᠋ᠨ ᠠᠢᠮᠠᠭ ᠤ᠋ᠨ ᠠᠯᠪᠠᠲᠤ ᠢᠷᠭᠡᠳ ᠢ᠋ ᠬᠣᠶᠠᠷ ᠬᠤᠪᠢᠶᠠᠨ ᠪᠠᠷᠠᠭᠤᠨ᠂ ᠵᠡᠭᠦᠨ ᠲᠦᠮᠡᠨ ᠪᠣᠯᠭᠠᠵᠤ᠂ ᠦᠨᠡᠨᠴᠢ ᠨᠥᠬᠥᠳ ᠪᠤᠭᠤᠷᠴᠢ ᠵᠡᠯᠮᠡ ᠬᠣᠶᠠᠷ ᠢ᠋ᠶ᠋ᠠᠷ ᠠᠬᠠᠯᠠᠭᠤᠯᠤᠨ ᠣᠯᠠᠨ ᠬᠡᠷᠬᠡᠮ ᠲᠤᠰᠢᠶᠠᠯᠲᠠᠨ ᠢ᠋ ᠲᠣᠮᠢᠯᠠᠵᠤ᠂ ᠪᠥᠷᠲᠡ ᠶ᠋ᠢᠨ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠭᠣᠶᠣᠮᠰᠣᠭ ᠥᠷᠭᠥᠭᠡ ᠪᠠᠷᠢᠭᠤᠯᠵᠤ᠂ ᠬᠥᠩᠭᠡᠨ ᠲᠡᠷᠭᠡ ᠴᠦ᠍ ᠬᠢᠯᠭᠡᠪᠡ᠃ᠪᠦᠬᠦ ᠬᠥᠮᠦᠰ ᠪᠥᠷᠲᠡ ᠶ᠋ᠢ ᠲᠡᠭᠦᠨ ᠦ᠌ ᠠᠳᠠᠯᠢ ᠬᠦᠨᠳᠦᠳᠬᠡᠳᠡᠭ ᠪᠣᠯᠤᠭᠰᠠᠨ ᠨᠢ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠮᠡᠳᠡᠷᠡᠭᠳᠡᠵᠦ ᠪᠠᠢᠪᠠ᠃ᠪᠥᠷᠲᠡ ᠪᠣᠯ ᠶᠠᠭ ᠯᠠ ᠲᠡᠮᠦᠵᠢᠨ ᠳ᠋ᠦ᠍ ᠲᠣᠬᠢᠷᠠᠭᠰᠠᠨ ᠤᠬᠠᠭᠠᠯᠢᠭ ᠠᠭᠠᠳ ᠡᠷᠡᠮᠡᠭ ᠵᠣᠷᠢᠮᠠᠭ ᠪᠦᠰᠡᠭᠦᠢ ᠪᠠᠢᠯᠠ᠃ᠲᠡᠳᠡ ᠡᠪᠯᠡᠷᠡᠵᠦ᠂ ᠶᠡᠬᠡ ᠠᠯᠪᠠ ᠶ᠋ᠢᠨ ᠳᠠᠷᠠᠭᠠ ᠰᠢᠨᠡ ᠦᠷᠭᠦᠭᠡᠨ ᠳ᠋ᠡᠭᠡᠨ ᠡᠷᠬᠡᠯᠡᠨ ᠢᠨᠠᠭᠯᠠᠬᠤ ᠪᠣᠯᠤᠭᠰᠠᠨ ᠢ᠋ᠶ᠋ᠠᠷ ᠵᠥᠴᠢ ᠶ᠋ᠢᠨ ᠬᠣᠢᠨᠠ ᠪᠥᠷᠲᠡ ᠡᠴᠡ ᠲᠡᠮᠦᠵᠢᠨ ᠦ᠌ ᠴᠢᠰᠤᠨ ᠤ᠋ ᠬᠥᠪᠡᠭᠦᠨ ᠴᠠᠭᠠᠲᠠᠢ ᠲᠥᠷᠥᠭᠰᠡᠨ ᠪᠥᠯᠥᠭᠡ᠃ᠴᠠᠭᠠᠲᠠᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠲᠥᠷᠥᠬᠦ ᠳ᠋ᠦ᠍ ᠲᠡᠮᠦᠵᠢᠨ ᠪᠥᠷᠲᠡ ᠶ᠋ᠢ ᠪᠡᠨ ᠳᠠᠬᠢᠨ ᠲᠡᠮᠦᠯᠦᠨ ᠵᠣᠪᠠᠭᠠᠬᠤ ᠦᠭᠡᠢ ᠭᠡᠵᠦ ᠢᠯᠡ ᠲᠣᠳᠣ ᠪᠠᠷ ᠲᠡᠭᠦᠨ ᠳ᠋ᠦ᠍ ᠠᠮᠠᠯᠠᠨ ᠲᠠᠩᠭᠠᠷᠢᠭᠯᠠᠭᠰᠠᠨ ᠪᠢᠯᠡ᠃ᠲᠡᠷᠡ ᠡᠨᠡ ᠦᠭᠡᠨ ᠳ᠋ᠡᠭᠡᠨ ᠦᠨᠡᠬᠡᠷ ᠬᠦᠷᠦᠭᠰᠡᠨ ᠶᠤᠮ᠃ᠲᠡᠮᠦᠵᠢᠨ ᠦ᠌ ᠭᠡᠷ ᠲᠦ᠍ ᠲᠡᠭᠦᠨ ᠢ᠋ ᠵᠠᠯᠭᠠᠮᠵᠢᠯᠠᠨ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠬᠠᠨ ᠪᠣᠯᠬᠤ ᠶᠣᠰᠣᠲᠠᠢ ᠬᠥᠪ
—ᠲᠡᠭᠡᠪᠡᠯ ᠵᠥᠴᠢ ᠭᠡᠵᠦ ᠨᠡᠷᠡᠯᠡᠶᠡ ᠭᠡᠵᠦ ᠥᠭᠡᠯᠦᠨ ᠡᠬᠡ ᠬᠡᠯᠡᠪᠡ᠃ ᠡᠨᠡ ᠨᠢ ᠵᠣᠴᠢᠨ ᠭᠡᠰᠡᠨ ᠦᠭᠡ ᠪᠠᠢᠯᠠ᠃ ᠡᠨᠡ ᠨᠡᠷᠡ ᠲᠡᠮᠦᠵᠢᠨ ᠳ᠋ᠦ᠍ ᠲᠠᠭᠠᠯᠠᠭᠳᠠᠪᠠ᠃ ᠮᠡᠷᠭᠢᠳ ᠦ᠋ᠨ ᠴᠢᠯᠭᠡᠷ ᠪᠥᠬᠡ ᠶ᠋ᠢᠨ ᠬᠥᠪᠡᠭᠦᠨ ᠲᠡᠳᠡᠨ ᠦ᠌ ᠭᠡᠷ ᠦ᠋ᠨ ᠵᠣᠴᠢᠨ ᠪᠣᠯᠤᠭ ᠭᠡᠵᠦ ᠪᠣᠳᠣᠭᠠᠳ ᠲᠠᠢᠪᠤᠰᠢᠷᠠᠵᠤ ᠪᠥᠷᠲᠡ ᠶ᠋ᠢᠨ ᠬᠥᠪᠡᠭᠦᠨ ᠳ᠋ᠦ᠍ ᠵᠥᠴᠢ ᠭᠡᠳᠡᠭ ᠨᠡᠷᠡ ᠥᠭᠪᠡ᠃ ᠵᠥᠴᠢ ᠨᠡᠷᠡ ᠶ᠋ᠢ ᠡᠢᠨ ᠬᠦ᠌ ᠥᠭᠭᠦᠭᠰᠡᠨ ᠨᠢ ᠰᠢᠨᠡ ᠬᠥᠪᠡᠭᠦᠨ ᠳ᠋ᠦ᠍ ᠲᠡᠮᠦᠵᠢᠨ ᠦ᠌ ᠭᠡᠷ ᠲᠦ᠍ ᠠᠮᠢᠳᠤᠷᠠᠬᠤ ᠡᠷᠬᠡ ᠣᠯᠭᠣᠭᠰᠠᠨ ᠬᠡᠷᠡᠭ ᠪᠣᠯᠪᠠ᠃ ᠬᠡᠳᠦᠢ ᠪᠡᠷ ᠵᠢᠵᠢᠭ ᠴᠤ᠌ ᠭᠡᠯᠡ ᠡᠨᠡ ᠶᠠᠪᠤᠳᠠᠯ ᠲᠡᠮᠦᠵᠢᠨ ᠦ᠌ ᠪᠥᠷᠲᠡ ᠳ᠋ᠦ᠍ ᠢᠯᠠᠭᠳᠠᠨ ᠪᠠᠭᠤᠵᠤ ᠦᠭᠭᠦᠭᠰᠡᠨ ᠦ᠌ ᠳᠣᠬᠢᠶᠠ᠂ ᠪᠥᠷᠲᠡ ᠶ᠋ᠢᠨ ᠬᠠᠲᠠᠭᠤᠵᠢᠯᠲᠠᠢ ᠡᠷᠡᠮᠡᠬᠡᠢ ᠵᠠᠩ ᠢ᠋ ᠲᠩᠷᠢ ᠢᠪᠡᠭᠡᠭᠰᠡᠨ ᠬᠡᠷᠡᠭ ᠶᠤᠮ᠃ᠭᠠᠳᠠᠨᠠ ᠡᠴᠡ ᠨᠢ ᠬᠠᠷᠠᠬᠤ ᠳ᠋ᠤ᠌ ᠠᠵᠠ ᠵᠢᠷᠭᠠᠯᠲᠠᠢ ᠮᠡᠲᠦ ᠪᠣᠯᠪᠠᠴᠤ ᠲᠡᠷᠡ ᠭᠤᠷᠪᠠ ᠲᠤᠢᠯ ᠤ᠋ᠨ ᠰᠢᠨᠠᠯᠤᠭᠠᠲᠤ ᠬᠠᠢᠷᠠ ᠶ᠋ᠢᠨ ᠳᠤᠮᠳᠠ ᠠᠮᠢᠳᠤᠷᠠᠵᠤ ᠪᠠᠢᠯᠠ᠃ ᠭᠡᠷ ᠦ᠋ᠨ ᠳᠣᠲᠣᠷᠠᠬᠢ ᠢᠯᠡ ᠳᠠᠯᠳᠠ ᠵᠣᠪᠠᠯᠠᠩ᠂ ᠰᠡᠳᠬᠢᠯ ᠦ᠋ᠨ ᠭᠦᠨ ᠳ᠋ᠡᠬᠢ ᠰᠢᠨᠠᠯᠤᠯ ᠬᠣᠷᠣᠰᠤᠯ ᠨᠢ ᠲᠡᠮᠦᠵᠢᠨ ᠢ᠋ ᠭᠡᠷ ᠲᠦ᠍ ᠲᠣᠭᠲᠠᠬᠤ ᠳ᠋ᠤ᠌ ᠪᠡᠷᠬᠡ ᠪᠣᠯᠭᠠᠬᠤ ᠳ᠋ᠤ᠌ ᠲᠡᠷᠡ ᠰᠠᠮ ᠬᠣᠯᠠ ᠣᠳᠴᠤ ᠡᠨᠡ ᠲᠡᠷᠡ ᠪᠦᠰᠡᠭᠦᠢ ᠶ᠋ᠢ ᠡᠳ᠋ᠯᠡᠨ ᠠᠭᠤᠷ ᠬᠣᠷᠣᠰᠤᠯ ᠢ᠋ᠶ᠋ᠠᠨ ᠲᠠᠢᠯᠳᠠᠭ ᠢ᠋ ᠪᠥᠷᠲᠡ ᠮᠡᠳᠡᠪᠡᠴᠦ ᠶᠠᠭᠤ ᠴᠤ᠌ ᠡᠰᠡ ᠳᠤᠤᠭᠠᠷᠤᠨᠠ᠃ᠪᠥᠷᠲᠡ ᠵᠥᠴᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠡᠮᠡ ᠠᠷᠰᠯᠠᠨ ᠮᠡᠲᠦ ᠥᠮᠥᠭᠯᠡᠨ ᠬᠠᠮᠠᠭᠠᠯᠠᠬᠤ ᠲᠤᠯᠠ ᠥᠭᠡᠯᠦᠨ ᠪᠣᠯᠤᠭᠠᠳ ᠶᠡᠷᠦ ᠨᠢ ᠬᠡᠨ ᠪᠣᠯᠪᠠᠴᠤ ᠵᠥᠴᠢ ᠳ᠋ᠦ᠍ ᠶᠡᠬᠡ ᠠᠩᠬᠠᠷᠤᠯᠲᠠᠢ ᠬᠠᠨᠳᠤᠳᠠᠭ ᠪᠠᠢᠪᠠ᠃ᠬᠡᠷᠪᠡ ᠪᠥᠷᠲᠡ ᠪᠣᠯᠤᠭᠠᠳ ᠪᠢᠴᠢᠬᠠᠨ ᠵᠥᠴᠢ ᠬᠥᠪᠡᠭᠦᠨ ᠢ᠋ ᠥᠭᠡᠯᠦᠨ ᠡᠬᠡ ᠬᠠᠢᠷᠠᠯᠠᠨ ᠲᠡᠮᠵᠢᠭᠡ ᠦᠭᠡᠢ ᠪᠣᠯ ᠠᠵᠠ ᠦᠭᠡᠢ ᠬᠥᠪᠡᠭᠦᠨ ᠦ᠌ ᠬᠤᠪᠢ ᠳ᠋ᠤ᠌ ᠵᠠᠶᠠᠭᠠ ᠶᠠᠭᠠᠬᠢᠵᠤ ᠡᠷᠭᠢᠬᠦ ᠶ᠋ᠢ ᠳᠠᠭᠠᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ ᠶᠤᠮ᠃ᠲᠡᠮᠦᠵᠢᠨ ᠦ᠌ ᠵᠠᠩ ᠠᠭᠠᠰᠢ ᠶ᠋ᠢ ᠮᠡᠳᠡᠬᠦ ᠥᠭᠡᠯᠦᠨ ᠡᠬᠡ ᠨᠢ ᠵᠥᠴᠢ ᠶ᠋ᠢ ᠬᠠᠮᠠᠭᠠᠯᠠᠬᠤ ᠪᠣᠯᠤᠭᠰᠠᠨ ᠨᠢ ᠲᠡᠮᠦᠵᠢᠨ ᠦ᠌ ᠠᠶᠤᠮᠰᠢᠭᠲᠤ ᠦᠢᠯᠡᠳᠦᠯ ᠡᠴᠡ ᠰᠡᠷᠭᠡᠢᠯᠡᠵᠦ ᠪᠤᠭᠤᠷᠴᠢ ᠶ᠋ᠢ ᠬᠦᠷᠲᠡᠯᠡ ᠬᠢᠵᠠᠭᠠᠷ ᠦᠭᠡᠢ ᠨᠢᠭᠦᠯ ᠡᠴᠡ ᠠᠪᠤᠷᠠᠭᠰᠠᠨ ᠪᠢᠯᠡ᠃ᠬᠡᠷᠪᠡ ᠲᠡᠮᠦᠵᠢᠨ ᠵᠥᠴᠢ ᠶ᠋ᠢ ᠬᠥᠨᠥᠭᠡᠭᠰᠡᠨ ᠪᠣᠯ ᠲᠡᠷᠡ ᠬᠡᠵᠢᠶᠡ ᠴᠦ᠍ ᠥᠭᠡᠳᠡᠯᠡᠨ ᠳᠡᠪᠵᠢᠬᠦ ᠦᠭᠡᠢ ᠪᠠᠢᠭᠰᠠᠨ ᠢ᠋ ᠬᠠᠷᠢᠨ ᠬᠡᠨ ᠴᠦ᠍ ᠮᠡᠳᠡᠬᠦ ᠦᠭᠡᠢ ᠪᠠᠢᠯᠠ᠃ᠵᠥᠴᠢ ᠬᠥᠪᠡᠭᠦᠨ ᠦ᠌ ᠲᠡᠮᠦᠵᠢᠨ ᠪᠥᠷᠲᠡ ᠬᠣᠶᠠᠷ ᠲᠤ᠌ ᠢᠷᠡᠭᠰᠡᠨ ᠤᠴᠢᠷ ᠢ᠋ ᠳᠠᠪ ᠲᠩᠷᠢ ᠪᠥᠬᠡ ᠰᠡᠭᠦᠯ ᠳ᠋ᠦ᠍ ᠬᠡᠯᠡᠵᠡᠢ᠃ᠵᠥᠴᠢ ᠶ᠋ᠢ ᠠᠮᠢᠳᠤ ᠦᠯᠡᠳᠡᠭᠡᠭᠰᠡᠨ ᠳ᠋ᠦ᠍ᠨᠢ ᠲᠩᠷᠢ ᠳ᠋ᠦ᠍ ᠪᠠᠰᠠ ᠪᠤᠭᠤᠷᠴᠢ ᠳ᠋ᠤ᠌ ᠲᠠᠯᠠᠷᠬᠠᠬᠤ ᠶᠣᠰᠣᠲᠠᠢ ᠭᠡᠵᠦ ᠳᠠᠪ ᠲᠩᠷᠢ ᠪᠥᠬᠡ ᠪᠠᠲᠤᠯᠠᠨ ᠬᠡᠯᠡᠭᠰᠡᠭᠡᠷ ᠪᠠᠢᠭᠰᠠᠨ ᠴᠤ᠌ ᠲᠡᠮᠦᠵᠢᠨ ᠥᠪᠡᠷ ᠦ᠋ᠨ ᠰᠡᠳᠬᠢᠯ ᠢ᠋ ᠲᠡᠷᠡ ᠪᠦᠷᠢ ᠲᠡᠪᠴᠢᠨ ᠪᠠᠷᠢᠵᠤ ᠳᠡᠢᠯᠬᠦ ᠦᠭᠡᠢ ᠪᠢᠴᠢᠬᠠᠨ ᠵᠥᠴᠢ ᠬᠥᠪᠡᠭᠦᠨ ᠡᠴᠡ ᠲᠠᠬᠤᠯᠲᠠᠢ ᠠᠮᠢᠲᠠᠨ ᠮᠡᠲᠦ ᠰᠡᠵᠢᠭᠯᠡᠭᠰᠡᠭᠡᠷ ᠪᠠᠢᠪᠠ᠃ᠥᠭᠡᠯᠦᠨ ᠡᠬᠡ ᠶ᠋ᠢᠨ ᠢᠯᠡᠷᠬᠡᠢ ᠳᠡᠮᠵᠢᠯᠭᠡ ᠶ᠋ᠢ ᠣᠯᠤᠭᠰᠠᠨ ᠪᠥᠷᠲᠡ ᠰᠡᠳᠬᠢᠯ ᠪᠠᠭᠠ ᠪᠣᠯᠪᠠᠴᠤ ᠲᠠᠢᠪᠤᠰᠢᠷᠠᠵᠠᠢ᠃ᠬᠡᠨ ᠴᠦ᠍ ᠵᠥᠴᠢ ᠶ᠋ᠢ ᠮᠡᠷᠭᠢᠳ ᠦ᠋ᠨ ᠬᠡᠦᠬᠡᠳ ᠭᠡᠵᠦ ᠬᠡᠯᠡᠳᠡᠭ ᠦᠭᠡᠢ ᠪᠥᠭᠡᠳ ᠬᠡᠷᠪᠡ ᠬᠡᠨ ᠨᠢᠭᠡ ᠲᠡᠭᠡᠵᠦ ᠬᠡᠯᠡᠨᠡ ᠭᠡᠪᠡᠯ ᠪᠥᠷᠲᠡ ᠥᠷᠥᠰᠢᠶᠡᠬᠦ ᠦᠭᠡᠢ ᠶ᠋ᠢ ᠪᠦᠭᠦᠳᠡ ᠮᠡᠳᠡᠬᠦ ᠪᠣᠯᠵᠠᠢ᠃
— ᠴᠢ ᠵᠥᠴᠢ ᠬᠥᠪᠡᠭᠦᠨ ᠢ᠋ ᠮᠢᠨᠢ ᠠᠳᠠ ᠦᠵᠡᠪᠡᠯ ᠡᠬᠢᠯᠡᠭᠡᠳ ᠨᠠᠮᠠᠶ᠋ᠢ ᠠᠯᠠᠴᠢᠬᠠᠭᠠᠷᠠᠢ᠃ᠪᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠠᠳᠠ ᠦᠵᠡᠬᠦ ᠡᠴᠡ ᠪᠤᠰᠤᠳ ᠢ᠋ ᠲᠡᠪᠴᠢᠨᠡ᠃ᠬᠠᠷᠢᠨ ᠬᠥᠪᠡᠭᠦᠨ ᠢ᠋ ᠮᠢᠨᠢ ᠠᠳᠠ ᠦᠵᠡᠪᠡᠯ ᠪᠢ ᠲᠡᠪᠴᠢᠬᠦ ᠦᠭᠡᠢ ᠰᠢᠦ ᠭᠡᠵᠦ ᠪᠥᠷᠲᠡ ᠡᠭᠡᠯᠵᠢᠲᠦ ᠴᠢᠮᠡᠭᠡ ᠦᠭᠡᠢ ᠲᠠᠮᠤᠯᠠᠯ ᠤ᠋ᠨ ᠳᠠᠷᠠᠭᠠ ᠬᠠᠲᠠᠭᠤ ᠬᠡᠯᠡᠭᠰᠡᠨ ᠨᠢ ᠪᠣᠢ᠃ᠪᠥᠷᠲᠡ ᠦᠨᠡᠬᠡᠷ ᠬᠡᠯᠡᠭᠰᠡᠨ ᠳ᠋ᠡᠭᠡᠨ ᠬᠦᠷᠴᠦ ᠮᠠᠷᠭᠠᠰᠢ ᠨᠢ ᠵᠥᠴᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠲᠡᠪᠡᠷᠢᠨ ᠣᠭᠲᠣ ᠶᠠᠭᠤ ᠴᠤ᠌ ᠪᠣᠯᠤᠭᠠ ᠦᠭᠡᠢ ᠶᠤᠮ ᠰᠢᠭ ᠢᠨᠢᠶᠡᠳᠦ ᠬᠥᠷ ᠳᠦᠭᠦᠷᠡᠩ ᠶᠠᠪᠤᠬᠤ ᠳ᠋ᠤᠨᠢ ᠲᠡᠮᠦᠵᠢᠨ ᠭᠠᠢᠬᠠᠨ ᠪᠢᠰᠢᠷᠡᠵᠦ ᠦᠰ ᠬᠣᠷᠣᠰᠤᠯ ᠨᠢ ᠳᠠᠷᠤᠭᠳᠠᠬᠤ ᠰᠢᠭ᠋ ᠪᠣᠯᠳᠠᠭ ᠪᠠᠢᠯᠠ᠃ᠲᠡᠮᠦᠵᠢᠨ ᠢ᠋ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠬᠠᠨ ᠢ᠋ᠶ᠋ᠠᠷ ᠡᠷᠭᠦᠮᠵᠢᠯᠡᠭᠰᠡᠨ ᠨᠢ ᠪᠠᠢᠳᠠᠯ ᠢ᠋ ᠥᠭᠡᠷᠡᠴᠢᠯᠡᠵᠦ ᠠᠪᠠᠭᠠᠢ ᠬᠡᠦᠬᠡᠳ ᠲᠣᠭᠣᠷᠢᠭᠰᠠᠨ ᠭᠠᠰᠢᠭᠤᠨ ᠪᠣᠳᠣᠯ ᠢ᠋ᠶ᠋ᠠᠨ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠬᠣᠢᠰᠢ ᠲᠠᠯᠪᠢᠬᠤ ᠳ᠋ᠤ᠌ ᠬᠦᠷᠭᠡᠵᠦ᠂ ᠥᠪᠡᠷ ᠦ᠋ᠨ ᠵᠠᠩ ᠠᠪᠤᠷᠢ᠂ ᠦᠭᠡ ᠦᠢᠯᠡᠳᠦᠯ ᠢ᠋ᠶ᠋ᠡᠨ ᠨᠢᠭᠲᠠ ᠬᠢᠨᠠᠨ ᠵᠠᠰᠠᠬᠤ ᠨᠢ ᠵᠠᠢᠯᠠᠰᠢ ᠦᠭᠡᠢ ᠪᠣᠯᠵᠠᠢ᠃ᠲᠡᠮᠦᠵᠢᠨ ᠥᠪᠡᠷ ᠦ᠋ᠨ ᠠᠢᠮᠠᠭ ᠤ᠋ᠨ ᠠᠯᠪᠠᠲᠤ ᠢᠷᠭᠡᠳ ᠢ᠋ ᠬᠣᠶᠠᠷ ᠬᠤᠪᠢᠶᠠᠨ ᠪᠠᠷᠠᠭᠤᠨ᠂ ᠵᠡᠭᠦᠨ ᠲᠦᠮᠡᠨ ᠪᠣᠯᠭᠠᠵᠤ᠂ ᠦᠨᠡᠨᠴᠢ ᠨᠥᠬᠥᠳ ᠪᠤᠭᠤᠷᠴᠢ ᠵᠡᠯᠮᠡ ᠬᠣᠶᠠᠷ ᠢ᠋ᠶ᠋ᠠᠷ ᠠᠬᠠᠯᠠᠭᠤᠯᠤᠨ ᠣᠯᠠᠨ ᠬᠡᠷᠬᠡᠮ ᠲᠤᠰᠢᠶᠠᠯᠲᠠᠨ ᠢ᠋ ᠲᠣᠮᠢᠯᠠᠵᠤ᠂ ᠪᠥᠷᠲᠡ ᠶ᠋ᠢᠨ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠭᠣᠶᠣᠮᠰᠣᠭ ᠥᠷᠭᠥᠭᠡ ᠪᠠᠷᠢᠭᠤᠯᠵᠤ᠂ ᠬᠥᠩᠭᠡᠨ ᠲᠡᠷᠭᠡ ᠴᠦ᠍ ᠬᠢᠯᠭᠡᠪᠡ᠃ᠪᠦᠬᠦ ᠬᠥᠮᠦᠰ ᠪᠥᠷᠲᠡ ᠶ᠋ᠢ ᠲᠡᠭᠦᠨ ᠦ᠌ ᠠᠳᠠᠯᠢ ᠬᠦᠨᠳᠦᠳᠬᠡᠳᠡᠭ ᠪᠣᠯᠤᠭᠰᠠᠨ ᠨᠢ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠮᠡᠳᠡᠷᠡᠭᠳᠡᠵᠦ ᠪᠠᠢᠪᠠ᠃ᠪᠥᠷᠲᠡ ᠪᠣᠯ ᠶᠠᠭ ᠯᠠ ᠲᠡᠮᠦᠵᠢᠨ ᠳ᠋ᠦ᠍ ᠲᠣᠬᠢᠷᠠᠭᠰᠠᠨ ᠤᠬᠠᠭᠠᠯᠢᠭ ᠠᠭᠠᠳ ᠡᠷᠡᠮᠡᠭ ᠵᠣᠷᠢᠮᠠᠭ ᠪᠦᠰᠡᠭᠦᠢ ᠪᠠᠢᠯᠠ᠃ᠲᠡᠳᠡ ᠡᠪᠯᠡᠷᠡᠵᠦ᠂ ᠶᠡᠬᠡ ᠠᠯᠪᠠ ᠶ᠋ᠢᠨ ᠳᠠᠷᠠᠭᠠ ᠰᠢᠨᠡ ᠦᠷᠭᠦᠭᠡᠨ ᠳ᠋ᠡᠭᠡᠨ ᠡᠷᠬᠡᠯᠡᠨ ᠢᠨᠠᠭᠯᠠᠬᠤ ᠪᠣᠯᠤᠭᠰᠠᠨ ᠢ᠋ᠶ᠋ᠠᠷ ᠵᠥᠴᠢ ᠶ᠋ᠢᠨ ᠬᠣᠢᠨᠠ ᠪᠥᠷᠲᠡ ᠡᠴᠡ ᠲᠡᠮᠦᠵᠢᠨ ᠦ᠌ ᠴᠢᠰᠤᠨ ᠤ᠋ ᠬᠥᠪᠡᠭᠦᠨ ᠴᠠᠭᠠᠲᠠᠢ ᠲᠥᠷᠥᠭᠰᠡᠨ ᠪᠥᠯᠥᠭᠡ᠃ᠴᠠᠭᠠᠲᠠᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠲᠥᠷᠥᠬᠦ ᠳ᠋ᠦ᠍ ᠲᠡᠮᠦᠵᠢᠨ ᠪᠥᠷᠲᠡ ᠶ᠋ᠢ ᠪᠡᠨ ᠳᠠᠬᠢᠨ ᠲᠡᠮᠦᠯᠦᠨ ᠵᠣᠪᠠᠭᠠᠬᠤ ᠦᠭᠡᠢ ᠭᠡᠵᠦ ᠢᠯᠡ ᠲᠣᠳᠣ ᠪᠠᠷ ᠲᠡᠭᠦᠨ ᠳ᠋ᠦ᠍ ᠠᠮᠠᠯᠠᠨ ᠲᠠᠩᠭᠠᠷᠢᠭᠯᠠᠭᠰᠠᠨ ᠪᠢᠯᠡ᠃ᠲᠡᠷᠡ ᠡᠨᠡ ᠦᠭᠡᠨ ᠳ᠋ᠡᠭᠡᠨ ᠦᠨᠡᠬᠡᠷ ᠬᠦᠷᠦᠭᠰᠡᠨ ᠶᠤᠮ᠃ᠲᠡᠮᠦᠵᠢᠨ ᠦ᠌ ᠭᠡᠷ ᠲᠦ᠍ ᠲᠡᠭᠦᠨ ᠢ᠋ ᠵᠠᠯᠭᠠᠮᠵᠢᠯᠠᠨ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠬᠠᠨ ᠪᠣᠯᠬᠤ ᠶᠣᠰᠣᠲᠠᠢ ᠬᠥᠪᠡᠭᠦᠨ ᠲᠥᠷᠥᠵᠡᠢ᠃ᠴᠠᠭᠠᠲᠠᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠲᠥᠷᠥᠭᠰᠡᠨ ᠳ᠋ᠦ᠍ ᠲᠡᠮᠦᠵᠢᠨ ᠲᠤᠢᠯ ᠢ᠋ᠶ᠋ᠠᠷ ᠪᠠᠶᠠᠷᠯᠠᠵᠤ ᠶᠡᠬᠡ ᠬᠤᠷᠢᠮ ᠬᠢᠪᠡ᠃ᠡᠨᠡ ᠨᠠᠢᠷ ᠲᠤ᠌ ᠲᠡᠮᠦᠵᠢᠨ ᠢ᠋ ᠠᠢᠮᠠᠭ ᠤ᠋ᠨ ᠬᠠᠨ ᠳ᠋ᠤ᠌ ᠡᠷᠭᠦᠮᠵᠢᠯᠡᠭᠰᠡᠨ ᠶᠡᠬᠡᠰ᠂ ᠢᠵᠠᠭᠤᠷᠲᠠᠨ ᠨᠤᠭᠤᠳ ᠪᠣᠯᠬᠤ ᠬᠠᠪᠤᠯ ᠬᠠᠨ ᠤ᠋ ᠦᠷᠡ ᠰᠠᠲᠤ᠂ ᠬᠣᠲᠠᠯᠠ ᠬᠠᠨ ᠤ᠋ ᠬᠥᠪᠡᠭᠦᠨ᠂ ᠶᠢᠰᠦᠭᠡᠢ ᠶ᠋ᠢᠨ ᠳᠡᠭᠦᠦ ᠭᠡᠳ ᠵᠠᠳᠠᠷᠠᠨ ᠲᠠᠷᠠᠵᠤ ᠶᠠᠪᠤᠭᠰᠠᠨ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠨᠡᠷᠡᠲᠡᠢ ᠬᠦᠨᠳᠦᠲᠡᠢ ᠪᠦᠬᠦᠨ᠂ ᠲᠡᠳᠡᠨ ᠦ᠌ ᠠᠯᠪᠠᠲᠤ ᠢᠷᠭᠡᠳ ᠪᠦᠭᠦᠳᠡ ᠴᠤᠭᠯᠠᠷᠠᠵᠤ᠂ᠵᠠᠮᠤᠬᠠ ᠶ᠋ᠢᠨ ᠣᠢᠷᠠ ᠲᠥᠷᠥᠯ ᠦ᠋ᠨ ᠬᠥᠮᠦᠨ ᠪᠣᠯᠬᠤ ᠬᠣᠷᠴᠢ ᠠᠩᠬᠠ ᠤᠳᠠᠭᠠ ᠣᠯᠠᠨ ᠤ᠋ ᠰᠣᠨᠣᠷ ᠲᠤ᠌ ᠲᠡᠮᠦᠵᠢᠨ ᠢ᠋《ᠴᠢᠩᠭᠢᠰ ᠬᠠᠭᠠᠨ》 ᠭᠡᠵᠦ ᠡᠷᠭᠦᠮᠵᠢᠯᠡᠶᠡ ᠭᠡᠵᠦ ᠳᠣᠭᠣᠯᠭᠠᠭᠰᠠᠨ ᠢ᠋ ᠣᠯᠠᠨ ᠪᠦᠭᠦᠳᠡᠭᠡᠷ ᠵᠥᠪᠰᠢᠶᠡᠷᠡᠭᠰᠡᠨ ᠪᠢᠯᠡ᠃ᠴᠢᠬᠢᠨ ᠳ᠋ᠦ᠍ ᠳᠠᠰᠤᠯ ᠪᠣᠯᠤᠭᠠ ᠦᠭᠡᠢ ᠳᠡᠩᠳᠡᠭᠦᠦ ᠰᠦᠷᠵᠢᠨ ᠡᠨᠡ ᠴᠣᠯᠠ ᠶᠡᠬᠡ ᠠᠰᠠᠷ ᠤ᠋ᠨ ᠬᠣᠢᠮᠣᠷ ᠠᠩᠬᠠ ᠤᠳᠠᠭᠠ ᠵᠥᠴᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠡᠪᠦᠷ ᠳᠡᠭᠡᠷᠡ ᠪᠡᠨ ᠲᠡᠪᠡᠷᠢᠨ ᠰᠠᠭᠤᠭᠰᠠᠨ ᠲᠡᠮᠦᠵᠢᠨ ᠳ᠋ᠦ᠍ ᠣᠭᠲᠣ ᠲᠠᠭᠠᠯᠠᠭᠳᠠᠭᠰᠠᠨ ᠦᠭᠡᠢ ᠴᠦ᠍ ᠣᠯᠠᠨ ᠤ᠋ ᠦᠭᠡ᠂ ᠰᠠᠨᠠᠯ ᠢ᠋ ᠳᠠᠭᠤ ᠦᠭᠡᠢ ᠰᠣᠨᠣᠰᠴᠤ ᠪᠠᠢᠯᠠ᠃《ᠴᠢᠩᠭᠢᠰ ᠬᠠᠭᠠᠨ》 ᠭᠡᠵᠦ ᠨᠡᠷᠡ ᠡᠷᠭᠦᠮᠵᠢᠯᠡᠭᠳᠡᠬᠦ ᠡᠴᠡ ᠢᠯᠡᠭᠦᠦ ᠴᠢᠬᠤᠯᠠ ᠵᠣᠷᠢᠯᠭᠠ ᠲᠡᠷᠡ ᠦᠶᠡ ᠳ᠋ᠦ᠍ ᠲᠡᠮᠦᠵᠢᠨ ᠳ᠋ᠦ᠍ ᠪᠠᠢᠪᠠ᠃ᠣᠯᠠᠨ ᠤ᠋ ᠡᠮᠦᠨᠡ ᠲᠡᠷᠡ ᠠᠩᠬᠠ ᠤᠳᠠᠭᠠ ᠵᠥᠴᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠡᠪᠦᠷ ᠳᠡᠭᠡᠷᠡ ᠪᠡᠨ ᠲᠡᠪᠡᠷᠢᠨ ᠰᠠᠭᠤᠭᠰᠠᠨ ᠢ᠋ᠶ᠋ᠠᠷ ᠪᠥᠷᠲᠡ ᠶ᠋ᠢᠨ ᠰᠡᠳᠬᠢᠯ ᠳ᠋ᠦ᠍ ᠪᠠᠢᠭᠰᠠᠨ ᠭᠣᠮᠣᠳᠠᠯ ᠤ᠋ᠨ ᠬᠠᠷᠠ ᠰᠡᠭᠦᠳᠡᠷ ᠢ᠋ ᠠᠷᠴᠢᠨ ᠬᠠᠶᠠᠬᠤ ᠶᠣᠰᠣᠲᠠᠢ ᠭᠡᠵᠦ ᠪᠣᠳᠣᠵᠤ ᠪᠠᠢᠪᠠ᠃ᠶᠠᠭᠤᠨ ᠤ᠋ ᠡᠮᠦᠨᠡ ᠥᠪᠡᠷ ᠦ᠋ᠨ ᠡᠷᠦᠬᠡ ᠪᠦᠯᠢ ᠶ᠋ᠢ ᠲᠦᠪᠰᠢᠳᠬᠡᠬᠦ ᠨᠢ ᠥᠨᠥᠳᠥᠷ ᠦ᠋ᠨ ᠭᠣᠣᠯ ᠵᠣᠷᠢᠯᠭᠠ ᠶᠤᠮ᠃ᠴᠠᠭᠠᠲᠠᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠬᠥᠬᠥᠭᠦᠯᠦᠨ ᠰᠠᠭᠤᠭᠰᠠᠨ ᠪᠥᠷᠲᠡ ᠰᠢᠭ ᠠᠵᠠ ᠵᠢᠷᠭᠠᠯᠲᠠᠢ ᠬᠥᠮᠦᠨ ᠡᠨᠡ ᠨᠠᠢᠷ ᠤ᠋ᠨ ᠳᠤᠮᠳᠠ ᠪᠠᠢᠬᠤ ᠦᠭᠡᠢ ᠪᠠᠢᠪᠠ᠃ᠤᠨᠤᠨ ᠭᠣᠣᠯ ᠤ᠋ᠨ ᠰᠢᠭᠤᠢ ᠶ᠋ᠢᠨ ᠳᠤᠮᠳᠠ ᠵᠠᠰᠠᠭᠰᠠᠨ ᠨᠠᠢᠷ ᠤ᠋ᠨ ᠵᠠᠳᠠᠭᠠᠢ ᠲᠠᠯᠠᠪᠠᠢ ᠢᠳᠡᠭᠡ ᠪᠤᠳᠠᠭᠠ ᠪᠠᠷ ᠳᠦᠭᠦᠷᠡᠩ᠂ ᠵᠠᠯᠠᠭᠤᠰ ᠥᠬᠢᠳ ᠪᠥᠵᠢᠭᠯᠡᠨ ᠳᠠᠭᠤᠯᠠᠵᠤ ᠶᠢᠰᠦᠭᠡᠢ ᠶ᠋ᠢᠨ ᠦᠬᠦᠯ ᠡᠴᠡ ᠬᠣᠢᠰᠢ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠬᠢᠨ ᠠᠩᠬᠠ ᠤᠳᠠᠭᠠ ᠪᠠᠨ ᠨᠢᠭᠡᠳᠦᠨ ᠰᠡᠳᠬᠢᠯ ᠲᠡᠨᠢᠭᠡᠷ ᠴᠡᠩᠭᠡᠬᠦ ᠪᠥᠯᠥᠭᠡ᠃ᠡᠵᠢ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠡᠢᠮᠦ ᠰᠡᠳᠬᠢᠯ ᠪᠠᠶᠠᠷᠲᠠᠢ᠂ ᠬᠠᠷᠠᠴᠠ ᠳᠡᠭᠡᠭᠦᠷ ᠪᠠᠢᠬᠤ ᠶ᠋ᠢ ᠲᠡᠮᠦᠵᠢᠨ ᠶᠡᠷᠦ ᠦᠵᠡᠭᠰᠡᠨ ᠦᠭᠡᠢ᠃ᠨᠠᠢᠷ ᠤ᠋ᠨ ᠳᠤᠮᠳᠠ ᠥᠭᠡᠯᠦᠨ ᠡᠬᠡ ᠶ᠋ᠢᠨ ᠢ᠋ᠶ᠋ᠡᠨ ᠨᠢᠳᠦᠨ ᠳ᠋ᠦ᠍ ᠭᠢᠯᠠᠯᠵᠠᠬᠤ ᠨᠢᠯᠪᠤᠰᠤ ᠶ᠋ᠢ ᠦᠵᠡᠭᠡᠳ《 ᠬᠠᠮᠤᠭ ᠡᠴᠡ ᠵᠣᠪᠠᠭᠰᠠᠨ ᠨᠢ ᠡᠬᠡ ᠮᠢᠨᠢ ᠶᠤᠮ ᠳᠡ》 ᠭᠡᠵᠦ ᠪᠣᠳᠣᠬᠤ ᠳ᠋ᠠᠭᠠᠨ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠤᠶᠠᠷᠠᠵᠤ ᠲᠡᠮᠦᠵᠢᠨ ᠦ᠌ ᠨᠢᠳᠦ ᠴᠢᠭᠢᠭᠲᠦᠵᠦ ᠰᠠᠭᠤᠵᠠᠢ᠃ᠳᠦᠷᠡᠯᠵᠡᠨ ᠠᠰᠠᠬᠤ ᠶᠡᠬᠡ ᠲᠦᠳᠡᠭ ᠭᠠᠯ ᠤ᠋ᠨ ᠤᠲᠤᠭᠠ ᠤᠨᠤᠨ ᠤ᠋ ᠡᠷᠭᠢ ᠳᠠᠭᠠᠤ ᠬᠥᠰᠢᠭᠡᠯᠡᠵᠦ᠂ ᠬᠤᠭᠤᠷ ᠤ᠋ᠨ ᠳᠠᠭᠤ ᠬᠦᠩᠭᠢᠨᠡᠨ ᠡᠭᠡᠰᠢᠭᠯᠡᠬᠦ ᠨᠢ ᠲᠩᠷᠢ ᠭᠠᠵᠠᠷ ᠢ᠋ ᠳᠦᠭᠦᠷᠭᠡᠨᠡ᠃ᠮᠣᠩᠭᠣᠯᠴᠤᠳ ᠤ᠋ᠨ ᠵᠢᠷᠭᠠᠯ ᠴᠡᠩᠭᠡᠯ ᠨᠢ ᠳᠠᠭᠤᠤ ᠪᠥᠵᠢᠭ᠂ ᠨᠠᠢᠷ ᠪᠢᠯᠡ᠃
ᠬᠠᠷᠢᠨ ᠡᠨᠡ ᠨᠠᠢᠷ ᠤ᠋ᠨ ᠬᠠᠮᠤᠭ ᠤ᠋ᠨ ᠬᠦᠨᠳᠦᠲᠡᠢ ᠵᠣᠴᠢᠨ ᠪᠠᠢᠬᠤ ᠶᠣᠰᠣᠲᠠᠢ ᠭᠡᠵᠦ ᠲᠡᠮᠦᠵᠢᠨ ᠦ᠌ ᠲᠣᠭᠠᠴᠠᠵᠤ ᠤᠷᠢᠭᠰᠠᠨ ᠬᠡᠷᠡᠢᠳ ᠠᠢᠮᠠᠭ ᠤ᠋ᠨ ᠲᠤᠭᠤᠷᠢᠯ ᠬᠠᠨ᠂ ᠵᠠᠳᠠᠷᠠᠨ ᠠᠢᠮᠠᠭ ᠤ᠋ᠨ ᠵᠠᠮᠤᠬᠠ ᠬᠣᠶᠠᠷ ᠢᠷᠡᠭᠰᠡᠨ ᠦᠭᠡᠢ ᠨᠢ ᠲᠡᠭᠦᠨ ᠢ᠋ ᠲᠦᠮᠡᠨ ᠪᠣᠳᠣᠯ᠂ ᠮᠢᠩᠭᠠᠨ ᠡᠷᠡᠭᠡᠯᠵᠡᠭᠡᠨ ᠳ᠋ᠦ᠍ ᠤᠨᠠᠭᠠᠪᠠ᠃ᠵᠢᠯ ᠬᠠᠭᠠᠰ ᠬᠠᠮᠲᠤ ᠠᠮᠢᠳᠤᠷᠠᠭᠠᠳ ᠰᠠᠯᠵᠤ ᠨᠡᠭᠦᠭᠰᠡᠨ ᠴᠦ᠍ ᠲᠡᠮᠦᠵᠢᠨ ᠵᠠᠮᠤᠬᠠ ᠶ᠋ᠢ ᠠᠨᠳᠠ ᠨᠥᠬᠥᠷ ᠢ᠋ᠶ᠋ᠡᠨ ᠭᠡᠵᠦ ᠦᠵᠡᠭᠰᠡᠭᠡᠷ ᠠᠵᠢ᠃ᠬᠠᠮᠤᠭ ᠤ᠋ᠨ ᠢᠯᠡ ᠲᠣᠳᠣ ᠵᠦᠢᠯ ᠨᠢ ᠲᠡᠮᠦᠵᠢᠨ ᠦ᠌ ᠰᠠᠨᠠᠭᠠᠨ ᠳ᠋ᠤ᠌ ᠦᠭᠡᠢ ᠣᠯᠤᠭᠰᠠᠨ ᠠᠮᠵᠢᠯᠲᠠ᠂ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠬᠠᠨ ᠳ᠋ᠤ᠌ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠵᠡᠷᠭᠡ ᠨᠢ ᠬᠠᠭᠤᠴᠢᠨ ᠬᠣᠯᠪᠣᠭᠠᠲᠠᠨ ᠨᠤᠭᠤᠳ ᠲᠤᠨᠢ ᠲᠠᠭᠠᠯᠠᠭᠳᠠᠭᠰᠠᠨ ᠦᠭᠡᠢ᠃ᠥᠭᠭᠢᠶᠡᠮᠦᠷ ᠰᠡᠳᠬᠢᠯ ᠲᠡᠢ ᠬᠠᠮᠰᠠᠭᠠᠲᠠᠨ ᠨᠢ ᠨᠢᠳᠦᠨ ᠦ᠌ ᠬᠢᠨᠢ ᠡᠮᠦᠨᠡ ᠥᠰᠲᠦ ᠳᠠᠢᠰᠤᠨ ᠪᠣᠯᠤᠨ ᠬᠤᠪᠢᠷᠠᠵᠤ ᠪᠠᠢᠭᠠ ᠶ᠋ᠢ ᠲᠡᠮᠦᠵᠢᠨ ᠮᠡᠳᠡᠷᠡᠵᠦ ᠪᠠᠢᠪᠠ᠃ᠥᠪᠡᠷ ᠢ᠋ ᠪᠡᠨ ᠬᠡᠨ ᠪᠠᠢᠭᠰᠠᠨ ᠢ᠋᠂ ᠣᠳᠣ ᠬᠡᠨ ᠪᠣᠯᠤᠭᠠᠳ ᠪᠠᠢᠭᠠ ᠶ᠋ᠢ᠂ ᠲᠡᠳᠡᠨ ᠦ᠌ ᠠᠳᠠᠯᠢ ᠡᠷᠬᠡ ᠳᠠᠷᠬᠠ ᠲᠠᠢ᠂ ᠴᠡᠷᠢᠭ ᠵᠡᠪᠰᠡᠭ ᠲᠡᠢ ᠪᠡᠶᠡ ᠪᠡᠨ ᠳᠠᠭᠠᠭᠠᠭᠰᠠᠨ ᠠᠢᠮᠠᠭ ᠤ᠋ᠨ ᠬᠠᠨ ᠪᠣᠯᠤᠭᠰᠠᠨ ᠢ᠋ᠶ᠋ᠠᠨ ᠦᠵᠡᠭᠦᠯᠦᠶᠡ ᠭᠡᠵᠦ ᠰᠠᠨᠠᠭᠰᠠᠨ ᠴᠤ᠌ ᠲᠡᠳᠡ ᠡᠭᠦᠨ ᠢ᠋ ᠲᠡᠭᠦᠨ ᠡᠴᠡ ᠤᠷᠢᠲᠠᠨ ᠠᠯᠢ ᠡᠷᠲᠡ ᠮᠡᠳᠡᠭᠰᠡᠨ᠂ ᠲᠡᠷᠡ ᠪᠤᠤ ᠬᠡᠯᠡ ᠣᠳᠣ ᠳᠠᠢᠰᠤᠨ ᠪᠢᠰᠢ ᠶᠤᠮ ᠠ᠋ ᠭᠡᠬᠦ ᠳ᠋ᠦ᠍ ᠥᠷᠢᠰᠦᠯᠳᠦᠭᠴᠢ ᠪᠡᠨ ᠭᠡᠵᠦ ᠦᠵᠡᠵᠦ ᠪᠠᠢᠭᠠ ᠨᠢ ᠢᠯᠡᠳᠲᠡ᠃ᠡᠨᠡ ᠶᠠᠪᠤᠳᠠᠯ ᠨᠢᠭᠡ ᠲᠠᠯᠠ ᠡᠴᠡ ᠪᠠᠬᠠᠲᠠᠢ ᠴᠤ᠌ ᠨᠥᠭᠦᠭᠡ ᠲᠠᠯᠠ ᠡᠴᠡ ᠬᠠᠵᠠᠭᠤ ᠬᠠᠪᠢᠷᠭᠠᠨ ᠳ᠋ᠠᠭᠠᠨ ᠳᠠᠢᠰᠤᠨ ᠲᠠᠢ ᠠᠮᠢᠳᠤᠷᠠᠬᠤ ᠭᠡᠳᠡᠭ ᠴᠢᠨᠣᠠ ᠶ᠋ᠢᠨ ᠰᠦᠷᠦᠭ ᠳᠤᠮᠳᠠ ᠭᠠᠷ ᠬᠣᠭᠣᠰᠣᠨ ᠵᠣᠭᠰᠣᠭᠠ ᠶᠤᠮ ᠰᠢᠭ᠋ ᠯᠡ ᠰᠠᠨᠠᠭᠳᠠᠨᠠ᠃ᠵᠠᠮᠤᠬᠠ ᠶ᠋ᠢᠨ ᠳᠡᠷᠭᠡᠳᠡ ᠪᠠᠢᠭᠰᠠᠨ ᠪᠣᠷᠵᠢᠭᠢᠨ᠂ ᠲᠡᠷᠡ ᠪᠤᠤ ᠬᠡᠯᠡ ᠲᠠᠢᠴᠢᠭᠤᠳ ᠂ ᠵᠦᠷᠬᠢᠨ ᠭᠡᠳ ᠬᠠᠭᠤᠴᠢᠨ ᠣᠪᠣᠭ ᠤ᠋ᠳ ᠪᠦᠭᠦᠳᠡ ᠰᠠᠯᠵᠤ ᠲᠡᠮᠦᠵᠢᠨ ᠳ᠋ᠦ᠍ ᠳᠠᠭᠠᠵᠤ ᠢᠷᠡᠭᠰᠡᠨ ᠨᠢ ᠵᠠᠮᠤᠬᠠ ᠶ᠋ᠢᠨ ᠡᠭᠳᠡᠭᠦᠴᠡᠯ ᠢ᠋ ᠶᠠᠭᠤ ᠶᠠᠭᠤᠨ ᠡᠴᠡ ᠢᠯᠡᠭᠦᠦ ᠲᠥᠷᠥᠭᠦᠯᠵᠦ ᠪᠠᠢᠯᠠ᠃ᠡᠳᠦᠷ ᠡᠴᠡ ᠡᠳᠦᠷ ᠲᠦ᠍ ᠥᠰᠴᠦ ᠪᠠᠢᠭᠰᠠᠨ ᠲᠡᠮᠦᠵᠢᠨ ᠦ᠌ ᠨᠡᠷᠡ ᠬᠦᠨᠳᠦ ᠣᠯᠠᠨ ᠬᠥᠮᠦᠨ ᠢ᠋ ᠲᠦᠭᠰᠢᠭᠦᠯᠵᠦ ᠪᠠᠢᠪᠠ᠃ᠢᠯᠡᠭᠦᠦ ᠨᠡᠢᠲᠡᠴᠢ᠂ ᠶᠠᠳᠠᠭᠤ ᠵᠦᠳᠡᠭᠦᠦ ᠶᠠᠪᠤᠭᠰᠠᠨ᠂ ᠨᠥᠬᠥᠳ ᠦ᠋ᠨ ᠢ᠋ᠶ᠋ᠡᠨ ᠭᠠᠪᠢᠶᠠ ᠵᠢᠳᠬᠦᠯ ᠢ᠋ ᠰᠢᠳᠤᠷᠭᠤ ᠪᠠᠷ ᠬᠠᠷᠠᠮ ᠦᠭᠡᠢ ᠦᠨᠡᠯᠡᠵᠦ ᠶᠠᠭᠤᠮᠠ ᠪᠦᠬᠦᠨ ᠳ᠋ᠦ᠍ ᠬᠡᠷᠰᠡᠦ ᠤᠬᠠᠭᠠᠨ ᠵᠠᠷᠤᠵᠤ ᠴᠢᠳᠠᠳᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠡᠮᠦᠵᠢᠨ ᠪᠤᠰᠤᠳ ᠡᠴᠡ ᠢᠯᠭᠠᠷᠠᠵᠤ ᠴᠢᠳᠠᠭᠰᠠᠨ ᠠᠭᠠᠳ ᠲᠡᠭᠦᠨ ᠦ᠌ ᠬᠢᠨᠢ ᠠᠮᠢᠳᠤ ᠪᠠᠲᠤᠯᠠᠭᠠ ᠪᠣᠯᠤᠭᠰᠠᠨ ᠵᠢᠷ ᠦ᠋ᠨ ᠠᠷᠠᠳ ᠤ᠋ᠨ ᠬᠥᠪᠡᠭᠦᠨ ᠪᠣᠭᠣᠷᠴᠢ᠂ ᠪᠣᠭᠣᠯ ᠵᠡᠯᠮᠡ ᠭᠡᠳ ᠣᠯᠠᠨ ᠨᠥᠬᠥᠳ ᠨᠢ ᠣᠳᠣ ᠬᠦᠨᠳᠦᠲᠡᠢ ᠨᠣᠶᠠᠳ ᠤ᠋ᠨ ᠵᠡᠷᠭᠡ ᠳ᠋ᠦ᠍ ᠵᠠᠯᠠᠭᠳᠠᠨ ᠲᠡᠮᠦᠵᠢᠨ ᠦ᠌ ᠰᠠᠨᠠᠵᠤ ᠰᠡᠳᠦᠭᠰᠡᠨ ᠪᠦᠬᠦᠨ ᠢ᠋ ᠤᠳᠤᠷᠢᠳᠤᠨ ᠬᠡᠷᠡᠭᠵᠢᠭᠦᠯᠵᠦ ᠮᠣᠩᠭᠣᠯ ᠤ᠋ᠨ ᠲᠠᠯᠠ ᠨᠤᠲᠤᠭ ᠲᠤ᠌ ᠪᠠᠢᠭᠠ ᠦᠭᠡᠢ ᠰᠣᠳᠣᠨ ᠰᠣᠨᠢᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠ ᠪᠦᠬᠦᠢ ᠠᠷᠪᠠᠲᠤ᠂ ᠵᠠᠭᠤᠲᠤ᠂ ᠮᠢᠩᠭᠠᠲᠤ ᠴᠡᠷᠢᠭ ᠢ᠋ ᠵᠠᠰᠠᠵᠤ᠂ ᠰᠠᠭᠤᠷᠢᠨ ᠣᠷᠳᠣᠨ ᠤ᠋ ᠠᠵᠢᠯ ᠢ᠋ ᠲᠢᠭᠯᠡᠨ ᠬᠥᠭᠵᠢᠭᠦᠯᠵᠦ ᠪᠠᠢᠭᠠ ᠨᠢ ᠪᠦᠭᠦᠳᠡ ᠶ᠋ᠢᠨ ᠨᠢᠳᠦᠨ ᠳ᠋ᠦ᠍ ᠢᠯᠡᠳᠲᠡ ᠪᠠᠢᠯᠠ᠃ᠲᠡᠮᠦᠵᠢᠨ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠬᠢᠨ ᠦ᠌ ᠬᠦᠰᠡᠵᠦ ᠪᠠᠢᠭᠰᠠᠨ ᠰᠢᠨᠡ ᠤᠳᠤᠷᠢᠳᠤᠭᠴᠢ ᠮᠥᠨ ᠨᠢ ᠭᠠᠷᠴᠠᠭᠠ ᠦᠭᠡᠢ ᠪᠠᠢᠪᠠ᠃ᠲᠡᠮᠦᠵᠢᠨ ᠦ᠌ ᠦᠵᠡᠵᠦ ᠥᠩᠭᠡᠷᠡᠭᠦᠯᠦᠭᠰᠡᠨ ᠥᠨᠥᠴᠢᠨ ᠶᠠᠳᠠᠭᠤ ᠠᠮᠢᠳᠤᠷᠠᠯ᠂ ᠭᠣᠣᠯᠴᠢ ᠰᠢᠳᠤᠷᠭᠤ ᠴᠢᠨᠠᠷ᠂ ᠡᠩ ᠦ᠋ᠨ ᠬᠡ ᠦᠭᠡᠢ ᠵᠠᠬᠠ ᠳ᠋ᠤ᠌ ᠣᠯᠠᠨ ᠢ᠋ᠶ᠋ᠠᠷ ᠲᠠᠲᠠᠭᠳᠠᠵᠤ ᠪᠠᠢᠯᠠ᠃
ᠵᠥᠴᠢ ᠬᠥᠪᠡᠭᠦᠨ ᠡᠴᠡ ᠡᠭᠦᠰᠦᠯᠲᠡᠢ ᠪᠥᠷᠲᠡ ᠲᠡᠮᠦᠵᠢᠨ ᠬᠣᠶᠠᠷ ᠤ᠋ᠨ ᠵᠥᠷᠢᠴᠡᠯ ᠠᠢᠮᠠᠭ ᠤᠯᠤᠰ ᠢ᠋ᠶ᠋ᠠᠨ ᠲᠥᠪᠬᠢᠨᠡᠭᠦᠯᠬᠦ ᠶᠡᠬᠡ ᠠᠵᠢᠯ ᠤ᠋ᠨ ᠳᠤᠮᠳᠠ ᠳᠠᠷᠤᠭᠳᠠᠨ ᠭᠡᠷ ᠦ᠋ᠨ ᠳᠣᠲᠣᠷᠠ ᠲᠠᠭᠠᠲᠠᠢ ᠠᠭᠤᠷ ᠠᠮᠢᠰᠬᠤᠯ ᠪᠦᠷᠢᠳᠴᠦ ᠵᠥᠴᠢ ᠶ᠋ᠢᠨ ᠮᠡᠷᠭᠢᠳ ᠭᠠᠷᠤᠯ ᠢ᠋ ᠪᠠᠷᠤᠭ ᠮᠠᠷᠲᠠᠭᠠᠳ ᠪᠠᠢᠲᠠᠯᠠ ᠨᠢᠭᠡ ᠨᠣᠴᠢᠲᠠᠢ ᠶᠠᠪᠤᠳᠠᠯ ᠪᠣᠯᠵᠠᠢ᠃ᠳᠡᠷᠭᠡᠳᠡ ᠨᠢ ᠳᠠᠭᠠᠵᠤ ᠪᠠᠢᠭᠰᠠᠨ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠬᠢᠨ ᠢ᠋ᠶ᠋ᠡᠷ ᠴᠦ᠍ ᠵᠣᠭᠰᠣᠬᠤ ᠦᠭᠡᠢ ᠬᠠᠮᠢᠶᠠᠲᠠᠨ ᠰᠠᠳᠤᠨ ᠨᠤᠭᠤᠳ ᠨᠢ ᠬᠦᠷᠲᠡᠯᠡ ᠰᠠᠯᠵᠤ ᠲᠡᠮᠦᠵᠢᠨ ᠳ᠋ᠦ᠍ ᠣᠴᠢᠵᠤ ᠨᠡᠢᠯᠡᠭᠰᠡᠨ ᠳ᠋ᠦ᠍ ᠵᠠᠮᠤᠬᠠ ᠶ᠋ᠢᠨ ᠬᠣᠷᠣᠰᠤᠯ᠂ ᠠᠲᠠᠭᠠᠷᠬᠠᠯ ᠲᠤᠢᠯ ᠳ᠋ᠠᠭᠠᠨ ᠬᠦᠷᠴᠡᠢ᠃ᠴᠣᠬᠣᠮ ᠡᠨᠡ ᠦᠶᠡ ᠳ᠋ᠦ᠍ ᠵᠠᠮᠤᠬᠠ ᠶ᠋ᠢᠨ ᠳᠡᠭᠦᠦ ᠲᠠᠢᠴᠢᠷ ᠢ᠋ ᠠᠳᠤᠭᠤ ᠳᠡᠭᠡᠷᠡᠮᠳᠡᠭᠰᠡᠨ ᠡᠴᠡ ᠪᠣᠯᠵᠤ ᠲᠡᠮᠦᠵᠢᠨ ᠦ᠌ ᠲᠠᠯᠠ ᠶ᠋ᠢᠨ ᠬᠥᠮᠦᠨ ᠬᠠᠷᠪᠤᠵᠤ ᠠᠯᠠᠭᠰᠠᠨ ᠬᠡᠷᠡᠭ ᠮᠠᠨᠳᠤᠪᠠ᠃ᠡᠢᠮᠦ ᠶᠠᠪᠤᠳᠠᠯ ᠪᠣᠯᠤᠭᠰᠠᠨ ᠨᠢ ᠠᠲᠠᠭᠠᠷᠬᠠᠨ ᠬᠣᠷᠣᠰᠴᠤ᠂ ᠳᠠᠢᠰᠤᠩᠨᠠᠨ ᠳᠣᠪᠲᠣᠯᠬᠤ ᠰᠢᠯᠲᠠᠭ ᠡᠷᠢᠯᠬᠢᠯᠡᠵᠦ ᠪᠠᠢᠭᠰᠠᠨ ᠵᠠᠮᠤᠬᠠ ᠳ᠋ᠤ᠌ ᠰᠠᠢᠬᠠᠨ ᠳᠡᠯᠢᠮ ᠪᠣᠯᠵᠠᠢ᠃ᠵᠠᠮᠤᠬᠠ ᠴᠠᠭ ᠠᠯᠳᠠᠯ ᠦᠭᠡᠢ ᠰᠢᠭᠤᠷᠬᠠᠢᠯᠠᠨ ᠬᠥᠳᠡᠯᠵᠦ ᠴᠡᠷᠢᠭ ᠢ᠋ᠶ᠋ᠡᠨ ᠵᠠᠰᠠᠨ ᠲᠡᠮᠦᠵᠢᠨ ᠦ᠌ ᠬᠦᠷᠢᠶᠡ ᠶ᠋ᠢ ᠳᠠᠭᠠᠷᠢᠪᠠ᠃ᠠᠢᠮᠠᠭ ᠳᠣᠲᠣᠷᠠᠬᠢ ᠬᠦᠴᠦ ᠪᠡᠨ ᠪᠡᠬᠢᠯᠡᠵᠦ ᠠᠮᠵᠢᠭᠠ ᠦᠭᠡᠢ ᠳᠥᠩᠭᠡᠵᠢ ᠨᠢᠭᠡᠳᠴᠦ ᠲᠣᠭᠲᠠᠭᠰᠠᠨ ᠲᠡᠮᠦᠵᠢᠨ ᠦ᠌ ᠴᠡᠷᠢᠭ ᠦ᠋ᠨ ᠬᠦᠴᠦ ᠰᠤᠯᠠ ᠪᠠᠢᠭᠠ ᠨᠢ ᠳᠣᠣᠷᠠ ᠪᠠᠨ ᠯᠠ ᠮᠡᠳᠡᠭᠳᠡᠵᠦ ᠪᠣᠷᠵᠢᠭᠢᠨ ᠠᠢᠮᠠᠭ ᠲᠤ᠌ ᠦᠬᠦᠯ ᠦ᠋ᠨ ᠠᠶᠤᠯ ᠲᠤᠯᠤᠭᠰᠠᠨ ᠪᠢᠯᠡ᠃ᠵᠠᠮᠤᠬᠠ ᠶ᠋ᠢᠨ ᠳᠠᠢᠳᠤᠵᠤ ᠰᠤᠷᠤᠭᠰᠠᠨ ᠴᠡᠷᠢᠭ ᠦ᠋ᠨ ᠥᠭᠡᠳᠡ ᠡᠴᠡ ᠲᠡᠮᠦᠵᠢᠨ ᠦ᠌ ᠴᠥᠭᠡᠨ ᠴᠡᠷᠢᠭ ᠡᠰᠡᠷᠭᠦᠴᠡᠯ ᠦᠵᠡᠭᠦᠯᠵᠦ ᠴᠢᠳᠠᠯ ᠦᠭᠡᠢ ᠬᠡᠳᠦᠬᠡᠨ ᠬᠣᠨᠣᠭ ᠤ᠋ᠨ ᠳᠣᠲᠣᠷᠠ ᠴᠣᠬᠢᠭᠳᠠᠨ ᠪᠤᠲᠠᠷᠠᠵᠠᠢ᠃ᠡᠨᠡ ᠳᠣᠯᠣᠭᠠᠨ ᠤ᠋ ᠦᠶᠡ ᠳ᠋ᠦ᠍ ᠲᠡᠮᠦᠵᠢᠨ ᠦᠯᠡᠳᠡᠭᠰᠡᠨ ᠴᠥᠭᠡᠨ ᠴᠡᠷᠢᠭ᠂ ᠦᠨᠡᠨᠴᠢ ᠨᠥᠬᠥᠳ ᠦ᠋ᠨ ᠬᠠᠮᠲᠤ ᠤᠨᠤᠨ ᠤ᠋ ᠳᠡᠭᠡᠳᠦ ᠪᠡᠶᠡ ᠶ᠋ᠢᠨ ᠵᠡᠭᠡᠷᠡᠨ ᠬᠠᠪᠴᠢᠯ ᠳ᠋ᠤ᠌ ᠰᠢᠬᠠᠭᠳᠠᠨ ᠣᠷᠣᠪᠠ᠃ᠵᠠᠮᠤᠬᠠ ᠶ᠋ᠢᠨ ᠴᠡᠷᠢᠭ ᠲᠡᠮᠦᠵᠢᠨ ᠢ᠋ ᠬᠠᠪᠴᠢᠯ ᠡᠴᠡ ᠭᠠᠷᠬᠤ ᠶ᠋ᠢ ᠬᠦᠯᠢᠶᠡᠨ ᠵᠡᠭᠡᠷᠡᠨ ᠬᠠᠪᠴᠢᠯ ᠤ᠋ᠨ ᠠᠮᠠ ᠶ᠋ᠢ ᠬᠠᠭᠠᠨ ᠲᠠᠢᠪᠤᠩ ᠬᠦᠯᠢᠶᠡᠨ ᠰᠠᠭᠤᠪᠠ᠃ᠤᠨᠤᠨ ᠮᠥᠷᠡᠨ ᠦ᠌ ᠵᠡᠭᠡᠷᠡᠨ ᠬᠠᠪᠴᠢᠯ ᠢᠩᠭᠢᠵᠦ ᠦᠬᠦᠯ ᠦ᠋ᠨ ᠤᠭᠤᠲᠠ᠂ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠰᠡᠭᠦᠯᠴᠢ ᠶ᠋ᠢᠨ ᠠᠪᠰᠠ ᠪᠣᠯᠤᠨ ᠬᠤᠪᠢᠷᠠᠪᠠ᠃
ᠡᠨᠡ ᠶᠠᠪᠤᠳᠠᠯ ᠲᠡᠮᠦᠵᠢᠨ ᠦ᠌ ᠬᠤᠪᠢ ᠳ᠋ᠤ᠌ ᠦᠬᠦᠯ᠂ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠬᠤᠪᠢ ᠳ᠋ᠤ᠌ ᠰᠦᠢᠷᠡᠯ ᠪᠣᠯᠵᠤ ᠪᠠᠢᠯᠠ᠃ᠵᠠᠮᠤᠬᠠ ᠶ᠋ᠢ ᠢᠩᠭᠢᠵᠦ ᠠᠨᠳᠠ ᠶ᠋ᠢᠨ ᠲᠠᠩᠭᠠᠷᠢᠭ ᠢ᠋ᠶ᠋ᠠᠨ ᠡᠪᠳᠡᠨ ᠳᠣᠪᠲᠣᠯᠤᠨᠠ ᠭᠡᠵᠦ ᠲᠡᠮᠦᠵᠢᠨ ᠰᠠᠨᠠᠭᠠ ᠦᠭᠡᠢ ᠪᠢᠯᠡ᠃ᠠᠳᠤᠭᠤ ᠬᠤᠯᠠᠭᠠᠢᠯᠠᠭᠰᠠᠨ ᠨᠢ ᠵᠠᠮᠤᠬᠠ ᠶ᠋ᠢᠨ ᠳᠡᠭᠦᠦ ᠲᠠᠢᠴᠢᠷ ᠤ᠋ᠨ ᠪᠤᠷᠤᠭᠤ ᠠᠲᠠᠯᠠ ᠡᠢᠮᠦ ᠬᠡᠷᠡᠭ ᠢ᠋ᠶ᠋ᠡᠷ ᠰᠢᠯᠲᠠᠭᠯᠠᠨ ᠳᠣᠪᠲᠣᠯᠤᠭᠰᠠᠨ ᠨᠢ ᠵᠠᠮᠤᠬᠠ ᠶ᠋ᠢᠨ ᠳᠠᠯᠳᠠ ᠬᠣᠣᠷᠲᠠᠢ ᠪᠣᠳᠣᠯ ᠢ᠋ ᠢᠯᠡᠴᠢᠯᠡᠵᠦ ᠲᠡᠮᠦᠵᠢᠨ ᠢ᠋ ᠳᠠᠷᠤᠨ ᠰᠥᠨᠥᠭᠡᠬᠦ ᠶ᠋ᠢ ᠬᠦᠰᠡᠵᠦ᠂ ᠰᠢᠯᠲᠠᠭ ᠬᠦᠯᠢᠶᠡᠵᠦ ᠪᠠᠢᠭᠰᠠᠨ ᠨᠢ ᠲᠣᠳᠣᠷᠬᠠᠢ ᠪᠣᠯᠪᠠ᠃《ᠵᠠᠮᠤᠬᠠ ᠳ᠋ᠤ᠌ ᠢᠲᠡᠭᠡᠵᠦ ᠪᠣᠯᠬᠤ ᠦᠭᠡᠢ᠂ ᠲᠤᠢᠯ ᠤ᠋ᠨ ᠣᠰᠤᠯᠲᠠᠢ ᠬᠥᠮᠦᠨ》 ᠭᠡᠵᠦ ᠪᠥᠷᠲᠡ ᠢᠨᠠᠭᠯᠠᠬᠤ ᠠᠮᠠᠷᠠᠭᠯᠠᠬᠤ ᠶ᠋ᠢᠨ ᠵᠠᠪᠰᠠᠷ ᠬᠡᠷᠡᠭ ᠪᠣᠯᠭᠠᠨ ᠰᠠᠨᠠᠭᠤᠯᠤᠭᠰᠠᠭᠠᠷ ᠪᠠᠢᠬᠤ ᠳ᠋ᠤ᠌ ᠲᠡᠭᠦᠨ ᠦ᠌ ᠡᠨᠡ ᠰᠡᠷᠡᠮᠵᠢᠯᠡᠭᠦᠯᠭᠡ ᠶ᠋ᠢ ᠡᠮᠡ ᠬᠥᠮᠦᠨ ᠦ᠌ ᠪᠣᠭᠣᠨᠢ ᠤᠬᠠᠭᠠᠨ᠂ ᠪᠣᠳᠣᠯᠭᠠ ᠦᠭᠡᠢ ᠦᠭᠡ ᠭᠡᠵᠦ ᠦᠯᠦ ᠲᠣᠭᠣᠮᠰᠠᠷᠯᠠᠵᠤ ᠪᠠᠢᠭᠰᠠᠨ ᠳ᠋ᠠᠭᠠᠨ ᠬᠠᠷᠠᠮᠰᠠᠪᠠᠴᠤ ᠣᠷᠣᠢᠲᠠᠭᠰᠠᠨ ᠪᠠᠢᠯᠠ᠃ᠦᠨᠡᠨ ᠳ᠋ᠡᠭᠡᠨ ᠲᠡᠮᠦᠵᠢᠨ ᠰᠡᠳᠬᠢᠯ ᠦ᠋ᠨ ᠭᠦᠨ ᠳ᠋ᠦ᠍ ᠵᠠᠮᠤᠬᠠ ᠳ᠋ᠤ᠌ ᠢᠲᠡᠭᠡᠵᠦ ᠪᠦᠷ ᠲᠡᠭᠦᠨ ᠡᠴᠡ ᠰᠠᠯᠤᠭᠰᠠᠨ ᠳ᠋ᠠᠭᠠᠨ ᠥᠪᠡᠷ ᠢ᠋ ᠪᠡᠨ ᠪᠤᠷᠤᠭᠤᠳᠬᠠᠨ ᠵᠢᠮᠡᠯᠡᠭᠰᠡᠭᠡᠷ ᠪᠠᠢᠵᠠᠢ᠃《ᠵᠠᠮᠤᠬᠠ ᠪᠣᠯ ᠬᠠᠨᠢ ᠪᠣᠯᠬᠤ ᠦᠭᠡᠢ ᠬᠥᠮᠦᠨ᠂ ᠶᠠᠪᠤᠭᠰᠠᠭᠠᠷ ᠭᠠᠢ ᠵᠣᠪᠠᠯᠠᠩ ᠤᠴᠠᠷᠠᠭᠤᠯᠬᠤ ᠨᠥᠬᠥᠷ》 ᠭᠡᠵᠦ ᠳᠠᠪ ᠲᠩᠷᠢ ᠶ᠋ᠢᠨ ᠬᠡᠯᠡᠭᠰᠡᠨ ᠳ᠋ᠦ᠍ ᠴᠦ᠍ ᠲᠡᠷᠡ ᠢᠳᠡᠭᠡ ᠦᠭᠡᠢ ᠶᠤᠮ᠃ᠵᠠᠮᠤᠬᠠ ᠶ᠋ᠢᠨ ᠡᠢᠨ ᠬᠦ᠌ ᠭᠡᠨᠡᠳᠲᠡ ᠳᠣᠪᠲᠣᠯᠤᠭᠰᠠᠨ ᠨᠢ ᠲᠡᠮᠦᠵᠢᠨ ᠳ᠋ᠦ᠍ ᠰᠡᠳᠬᠢᠯ ᠰᠠᠨᠠᠭᠠᠨ ᠤ᠋ ᠠᠶᠤᠮᠰᠢᠭᠲᠤ ᠴᠣᠬᠢᠯᠲᠠ ᠪᠣᠯᠪᠠ᠃ᠭᠠᠭᠴᠠ ᠦᠨᠡᠨᠴᠢ ᠬᠣᠯᠪᠣᠭᠠᠲᠠᠨ ᠢ᠋ᠶ᠋ᠠᠨ ᠭᠡᠵᠦ ᠢᠳᠡᠭᠡᠨ ᠠᠨᠳᠠ ᠨᠥᠬᠥᠷ ᠦ᠋ᠨ ᠠᠨᠳᠠᠭᠠᠢ ᠲᠠᠩᠭᠠᠷᠢᠭ ᠲᠠᠯᠪᠢᠭᠰᠠᠨ ᠵᠠᠮᠤᠬᠠ ᠠᠳᠤᠭᠤᠨ ᠤ᠋ ᠬᠤᠯᠠᠭᠠᠢ ᠶ᠋ᠢᠨ ᠥᠴᠦᠬᠡᠨ ᠬᠡᠷᠡᠭ ᠢ᠋ᠶ᠋ᠡᠷ ᠰᠢᠯᠲᠠᠭᠯᠠᠨ ᠳᠣᠪᠲᠣᠯᠤᠭᠰᠠᠨ ᠨᠢ ᠲᠡᠮᠦᠵᠢᠨ ᠦ᠌ ᠠᠨᠳᠠ ᠶ᠋ᠢᠨ ᠢᠲᠡᠭᠡᠯ᠂ ᠦᠨᠡᠨᠴᠢ ᠨᠥᠬᠥᠷᠯᠡᠯ ᠦ᠋ᠨ ᠲᠤᠬᠠᠢ ᠪᠣᠳᠣᠯ ᠰᠠᠨᠠᠭᠠ ᠶ᠋ᠢ ᠭᠦᠨᠵᠡᠭᠡᠢ ᠶᠡᠬᠡ ᠪᠡᠷ ᠬᠤᠪᠢᠷᠠᠭᠠᠵᠤ ᠬᠡᠨ ᠳ᠋ᠦ᠍ ᠴᠦ᠍ ᠪᠠᠲᠤ ᠬᠠᠲᠠᠭᠤ ᠪᠠᠷ ᠢᠳᠡᠭᠡᠨ ᠨᠠᠢᠳᠠᠵᠤ ᠪᠣᠯᠬᠤ ᠦᠭᠡᠢ ᠶ᠋ᠢ ᠤᠬᠠᠭᠠᠷᠠᠭᠤᠯᠵᠠᠢ᠃ᠠᠵᠠ ᠪᠣᠯᠬᠤ ᠳ᠋ᠤ᠌ ᠲᠡᠮᠦᠵᠢᠨ ᠭᠡᠷ ᠣᠷᠣᠨ᠂ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠳᠦᠷᠪᠡᠭᠦᠯᠦᠨ ᠵᠢᠭᠤᠳᠠᠭᠠᠯᠭᠠᠵᠦ ᠠᠮᠵᠢᠪᠠ᠃ᠳᠡᠭᠡᠭᠡ ᠦᠭᠡᠢ ᠪᠣᠯ ᠲᠡᠭᠦᠨ ᠦ᠌ ᠬᠥᠪᠡᠭᠦᠳ ᠵᠠᠮᠤᠬᠠ ᠶ᠋ᠢᠨ ᠣᠯᠵᠠ ᠪᠣᠯᠬᠤ ᠳ᠋ᠤ᠌ ᠣᠢᠷᠠᠬᠠᠨ ᠪᠠᠢᠭᠰᠠᠨ ᠪᠢᠯᠡ᠃ᠲᠡᠮᠦᠵᠢᠨ ᠦ᠌ ᠡᠢᠮᠦ ᠲᠦᠭᠰᠢᠭᠦᠷᠢᠲᠦ ᠮᠥᠴᠡ ᠶ᠋ᠢ ᠤᠷᠢᠳ ᠨᠢ ᠦᠵᠡᠭᠡ ᠦᠭᠡᠢ ᠶᠤᠮ᠃ᠭᠠᠪᠰᠢᠭᠠᠢ ᠵᠣᠷᠢᠭᠲᠠᠢ ᠪᠣᠭᠣᠯ ᠲᠡᠳᠦ ᠶ᠋ᠢᠨ ᠠᠴᠢ ᠪᠠᠷ ᠭᠡᠷ ᠪᠦᠯᠢ ᠪᠡᠨ ᠦᠬᠦᠯ ᠡᠴᠡ ᠵᠠᠢᠯᠠᠭᠤᠯᠵᠤ ᠴᠢᠳᠠᠭᠠᠳ ᠲᠡᠳᠦ ᠶ᠋ᠢ ᠲᠡᠭᠦᠨ ᠳ᠋ᠦ᠍ ᠢᠯᠡᠭᠡᠭᠰᠡᠨ ᠲᠩᠷᠢ ᠳ᠋ᠦ᠍ ᠲᠠᠯᠠᠷᠬᠠᠨ ᠮᠥᠷᠭᠥᠵᠡᠢ᠃
ᠵᠠᠮᠤᠬᠠ ᠳ᠋ᠤ᠌ ᠴᠣᠬᠢᠭᠳᠠᠨ ᠵᠢᠭᠤᠲᠠᠭᠰᠠᠨ ᠲᠡᠮᠦᠵᠢᠨ ᠦ᠌ ᠬᠢᠨ ᠰᠤᠷᠠᠭ ᠲᠠᠰᠤᠷᠠᠭᠠᠳ ᠤᠳᠠᠪᠠ᠃ᠤᠨᠤᠨ ᠮᠥᠷᠡᠨ ᠦ᠌ ᠳᠤᠮᠳᠠ ᠬᠢᠷᠢ ᠳ᠋ᠦ᠍ ᠠᠭᠤᠯᠠ ᠶ᠋ᠢᠨ ᠪᠠᠯᠠᠷ ᠣᠢ ᠳ᠋ᠤ᠌ ᠥᠭᠡᠯᠦᠨ ᠡᠬᠡ᠂ ᠪᠥᠷᠲᠡ ᠬᠣᠶᠠᠷ ᠬᠡᠳᠦᠨ ᠬᠡᠦᠬᠡᠳ ᠦ᠋ᠨ ᠢ᠋ᠶ᠋ᠡᠨ ᠬᠠᠮᠲᠤ ᠵᠥᠴᠢ ᠶ᠋ᠢᠨ ᠪᠣᠭᠣᠯ ᠲᠡᠳᠦ ᠶ᠋ᠢᠨ ᠬᠠᠮᠠᠭᠠᠯᠠᠯ ᠳᠣᠣᠷᠠ ᠣᠷᠣᠩᠨᠠᠨ ᠬᠣᠷᠭᠣᠳᠠᠵᠤ᠂《ᠲᠡᠮᠦᠵᠢᠨ ᠦᠬᠦᠪᠡ》 ᠭᠡᠵᠦ ᠬᠡᠵᠢᠶᠡ ᠰᠣᠨᠣᠰᠳᠠᠬᠤ ᠪᠣᠯ ᠭᠡᠵᠦ ᠲᠦᠭᠰᠢᠭᠰᠡᠭᠡᠷ ᠬᠣᠨᠣᠭ ᠡᠳᠦᠷ ᠢ᠋ ᠥᠩᠭᠡᠷᠡᠭᠦᠯᠵᠦ ᠪᠠᠢᠯᠠ᠃ᠡᠨᠡ ᠦᠶᠡ ᠳ᠋ᠦ᠍ ᠵᠥᠴᠢ ᠠᠷᠪᠠᠨ ᠬᠣᠶᠠᠷ ᠨᠠᠰᠤ ᠬᠦᠷᠴᠦ ᠬᠥᠪᠡᠭᠦᠳ ᠦ᠋ᠨ ᠪᠠᠭᠠ ᠲᠤᠯᠤᠢ ᠨᠠᠢ᠍ᠮᠠᠨ ᠨᠠᠰᠤᠲᠠᠢ᠂ ᠭᠤᠷᠪᠠᠨ ᠥᠬᠢᠨ ᠨᠢ ᠨᠢᠯᠬᠠ᠂ ᠪᠠᠭᠠ ᠨᠢ ᠪᠦᠷ ᠬᠥᠬᠥᠯ ᠪᠠᠢᠵᠠᠢ᠃ᠵᠥᠴᠢ᠂ ᠴᠠᠭᠠᠲᠠᠢ ᠬᠣᠶᠠᠷ ᠣᠢᠷᠠᠬᠠᠨ ᠵᠠᠭᠤᠷᠠ ᠰᠤᠮᠤ ᠬᠠᠷᠪᠤᠬᠤ ᠲᠠᠢ ᠪᠠᠨ ᠯᠠ ᠪᠣᠯᠵᠠᠢ᠃ᠡᠨᠡ ᠪᠠᠯᠠᠷ ᠣᠢ ᠶ᠋ᠢᠨ ᠭᠦᠨ ᠳ᠋ᠦ᠍ ᠲᠡᠳᠡᠨ ᠢ᠋ ᠬᠠᠮᠠᠭᠠᠯᠠᠨ ᠶᠠᠪᠤᠭᠠ ᠴᠥᠭᠡᠨ ᠴᠡᠷᠢᠭ ᠦ᠋ᠨ ᠲᠣᠯᠣᠭᠠᠢᠯᠠᠭᠴᠢ ᠵᠢᠭᠠᠰᠤᠨ ᠨᠢᠳᠦᠲᠦ ᠲᠡᠳᠦ ᠬᠡᠮᠡᠭᠴᠢ ᠡᠷᠡ ᠪᠣᠯ ᠲᠡᠮᠦᠵᠢᠨ ᠥᠪᠡᠷ ᠦ᠋ᠨ ᠠᠮᠢ ᠪᠡᠶᠡ ᠶ᠋ᠢ ᠬᠠᠮᠠᠭᠠᠯᠠᠭᠤᠯᠬᠤ ᠪᠠᠷ ᠠᠩᠬᠠ ᠰᠣᠩᠭᠣᠨ ᠠᠪᠤᠭᠰᠠᠨ ᠬᠠᠮᠤᠭ ᠤ᠋ᠨ ᠰᠢᠯᠢᠳᠡᠭ ᠠᠷᠪᠠᠨ ᠴᠡᠷᠢᠭ ᠦ᠋ᠨ ᠨᠢᠭᠡ ᠶᠤᠮ᠃ᠬᠡᠳᠦᠨ ᠵᠢᠯ ᠦ᠋ᠨ ᠡᠮᠦᠨᠡ ᠲᠡᠳᠦ ᠣᠰᠣᠯ ᠭᠠᠷᠭᠠᠬᠤ ᠳ᠋ᠤ᠌ ᠠᠰᠢᠭᠦᠢ ᠵᠥᠴᠢ ᠶ᠋ᠢᠨ ᠣᠢᠭᠠ ᠦᠭᠡᠢ ᠭᠤᠶᠤᠭᠰᠠᠨ ᠤ᠋ ᠠᠴᠢ ᠪᠠᠷ ᠲᠡᠮᠦᠵᠢᠨ ᠲᠡᠭᠦᠨ ᠢ᠋ ᠴᠠᠭᠠᠵᠠ ᠪᠠᠷ ᠠᠪᠬᠤ ᠶᠠᠯᠠ ᠡᠴᠡ ᠥᠷᠥᠰᠢᠶᠡᠵᠦ ᠨᠢᠭᠡ ᠨᠠᠰᠤ ᠪᠠᠷ ᠨᠢ ᠵᠥᠴᠢ ᠳ᠋ᠦ᠍ ᠪᠣᠭᠣᠯ ᠪᠣᠯᠭᠠᠨ ᠥᠭᠭᠦᠭᠰᠡᠨ ᠪᠥᠭᠡᠳ ᠣᠳᠣ ᠴᠤ᠌ ᠡᠵᠡᠨ ᠦ᠌ ᠪᠡᠨ ᠠᠮᠢ ᠶ᠋ᠢ ᠰᠠᠬᠢᠨ ᠰᠠᠭᠤᠭᠠ ᠨᠢ ᠡᠨᠡ ᠪᠢᠯᠡ᠃ᠬᠡᠵᠢᠶᠡ ᠴᠦ᠍ ᠦᠯᠦ ᠠᠨᠢᠪᠴᠢᠬᠤ᠂ ᠦᠯᠦ ᠤᠨᠲᠠᠭᠴᠢ ᠵᠢᠭᠠᠰᠤ ᠮᠡᠲᠦ ᠨᠢᠳᠦᠲᠡᠢ ᠡᠨᠡ ᠲᠡᠳᠦ ᠦᠨᠡᠬᠡᠷ ᠲᠤᠢᠯ ᠤ᠋ᠨ ᠡᠭᠡᠳᠡᠷᠡᠭᠡ ᠲᠡᠢ ᠬᠤᠪᠢ ᠵᠣᠬᠢᠶᠠᠯ ᠲᠠᠢ ᠨᠢᠭᠡᠨ ᠶᠤᠮ᠃ᠬᠠᠷᠢᠨ ᠲᠡᠭᠦᠨ ᠦ᠌ ᠴᠢᠩ ᠦᠨᠡᠨᠴᠢ ᠵᠢᠳᠬᠦᠯ ᠳ᠋ᠦ᠍ ᠵᠥᠴᠢ ᠪᠤᠤ ᠬᠡᠯᠡ ᠲᠡᠮᠦᠵᠢᠨ ᠴᠦ᠍ ᠡᠷᠡᠭᠡᠯᠵᠡᠭᠡ ᠦᠭᠡᠢ ᠢᠲᠡᠭᠡᠳᠡᠭ ᠪᠠᠢᠪᠠ᠃ᠲᠡᠢᠮᠦ ᠤᠴᠢᠷ ᠡᠴᠡ ᠲᠡᠮᠦᠵᠢᠨ ᠡᠬᠡ᠂ ᠡᠬᠡᠨᠡᠷ᠂ ᠬᠥᠪᠡᠭᠦᠳ ᠦ᠋ᠨ ᠢ᠋ᠶ᠋ᠡᠨ ᠠᠮᠢ ᠨᠠᠰᠤ ᠶ᠋ᠢ ᠭᠠᠭᠴᠠᠬᠠᠨ ᠲᠡᠳᠦ ᠳ᠋ᠦ᠍ ᠨᠠᠢᠳᠠᠨ ᠳᠠᠭᠠᠳᠬᠠᠭᠰᠠᠨ ᠨᠢ ᠡᠨᠡ ᠪᠠᠢᠯᠠ᠃ᠲᠡᠳᠦ ᠪᠣᠯ ᠵᠥᠴᠢ ᠶ᠋ᠢᠨ ᠡᠮᠦᠨᠡ ᠡᠴᠡ ᠦᠬᠦᠬᠦ ᠶᠣᠰᠣᠲᠠᠢ ᠪᠣᠭᠣᠯ ᠪᠢᠯᠡ᠃ᠲᠡᠷᠡ ᠵᠥᠴᠢ ᠡᠴᠡ ᠠᠯᠬᠤᠮ ᠴᠤ᠌ ᠦᠯᠦ ᠬᠣᠯᠠᠳᠠᠨᠠ᠃ᠲᠡᠳᠦ ᠶ᠋ᠢ ᠳᠡᠷᠭᠡᠳᠡ ᠪᠡᠨ ᠪᠠᠢᠬᠤ ᠳ᠋ᠤ᠌ ᠵᠥᠴᠢ ᠪᠠᠷᠳᠠᠮ ᠢᠲᠡᠭᠡᠯᠲᠡᠢ ᠪᠠᠢᠳᠠᠭ ᠪᠥᠯᠥᠭᠡ᠃
ᠵᠠᠮᠤᠬᠠ ᠶ᠋ᠢᠨ ᠴᠡᠷᠢᠭ ᠡᠴᠡ ᠳᠦᠷᠪᠡᠬᠦ ᠳ᠋ᠡᠭᠡᠨ ᠠᠪᠴᠤ ᠭᠠᠷᠤᠭᠰᠠᠨ ᠵᠢᠭᠠᠬᠠᠨ ᠬᠦᠨᠡᠰᠦ ᠨᠢ ᠪᠠᠷᠠᠭᠳᠠᠵᠤ ᠠᠰᠢᠭᠦᠢ ᠵᠥᠴᠢ ᠨᠢᠭᠡ ᠭᠥᠷᠥᠭᠡᠰᠦ ᠠᠩᠨᠠᠭᠠᠳ ᠪᠥᠭᠡᠮ ᠪᠠᠶᠠᠷ ᠪᠣᠯᠵᠤ ᠪᠠᠢᠲᠠᠯᠠ ᠲᠡᠷᠡ ᠦᠳᠡᠰᠢ ᠶᠠᠳᠠᠷᠠᠵᠤ ᠲᠤᠢᠯᠳᠠᠭᠰᠠᠨ ᠲᠡᠮᠦᠵᠢᠨ ᠵᠠᠯᠮᠠ ᠶ᠋ᠢᠨ ᠬᠠᠮᠲᠤ ᠦᠯᠭᠡᠨ ᠰᠠᠯᠭᠠᠨ ᠬᠦᠷᠴᠦ ᠢᠷᠡᠵᠡᠢ᠃ᠲᠡᠮᠦᠵᠢᠨ ᠦ᠌ ᠰᠢᠨᠠᠯᠵᠤ ᠵᠦᠳᠡᠷᠡᠭᠰᠡᠨ ᠴᠢᠷᠠᠢ ᠶ᠋ᠢ ᠦᠵᠡᠮᠡᠭᠴᠡ ᠠᠮᠢᠳᠤ ᠦᠯᠡᠳᠡᠭᠰᠡᠨ ᠨᠢ ᠶᠠᠭᠠᠬᠢᠮᠠᠢ ᠭᠡᠰᠡᠨ ᠪᠣᠳᠣᠯ ᠪᠦᠭᠦᠳᠡ ᠳ᠋ᠦ᠍ᠨᠢ ᠲᠥᠷᠥᠵᠦ ᠪᠠᠢᠪᠠ᠃ᠲᠡᠮᠦᠵᠢᠨ ᠦ᠌ ᠴᠢᠷᠠᠢ ᠡᠴᠡ ᠬᠠᠷᠠᠬᠤ ᠳ᠋ᠤ᠌ ᠪᠣᠷᠵᠢᠭᠢᠨ ᠠᠢᠮᠠᠭ ᠢ᠋ᠶ᠋ᠠᠨ ᠠᠯᠳᠠᠵᠤ᠂ ᠲᠡᠳᠡᠨ ᠦ᠌ ᠭᠤᠨᠢᠭᠲᠤ ᠥᠨᠥᠴᠢᠨ ᠠᠮᠢᠳᠤᠷᠠᠯ ᠳᠠᠬᠢᠨ ᠡᠬᠢᠯᠡᠵᠡᠢ ᠭᠡᠳᠡᠭ ᠢ᠋ ᠭᠠᠳᠠᠷᠯᠠᠭᠰᠠᠨ ᠥᠭᠡᠯᠦᠨ ᠰᠦᠭ ᠥᠭ ᠦᠭᠡᠢ ᠨᠢᠯᠪᠤᠰᠤ ᠤᠷᠤᠰᠬᠠᠨ ᠳᠡᠮᠡᠢ ᠯᠡ
— ᠳᠡᠭᠦᠦ ᠨᠠᠷ ᠴᠢᠨᠢ ᠶᠠᠭᠠᠬᠢᠪᠠ? ᠭᠡᠵᠦ ᠠᠰᠠᠭᠤᠬᠤᠢᠴᠠ ᠪᠣᠯᠵᠠᠢ᠃ᠲᠡᠮᠦᠵᠢᠨ ᠢᠩᠭᠢᠵᠦ ᠭᠠᠭᠴᠠᠭᠠᠷ ᠬᠣᠴᠣᠷᠤᠭᠰᠠᠨ ᠪᠠᠢᠬᠤ ᠳ᠋ᠤ᠌ ᠳᠡᠭᠦᠦ ᠨᠠᠷ ᠨᠢ ᠯᠠᠪ ᠦᠬᠦᠭᠡ ᠪᠢᠵᠡ ᠭᠡᠵᠦ ᠥᠭᠡᠯᠦᠨ ᠪᠣᠳᠣᠭᠰᠠᠨ ᠪᠢᠯᠡ᠃
— ᠳᠡᠭᠦᠦ ᠨᠠᠷ ᠮᠡᠨᠳᠦ ᠪᠠᠢᠭᠠ᠃ᠪᠢᠳᠡ ᠵᠠᠮᠤᠬᠠ ᠶ᠋ᠢᠨ ᠴᠡᠷᠢᠭ ᠲᠦ᠍ ᠬᠠᠪᠴᠢᠭᠳᠠᠨ ᠤᠨᠤᠨ ᠤ᠋ ᠳᠡᠭᠡᠳᠦ ᠪᠡᠶᠡ ᠶ᠋ᠢᠨ ᠵᠡᠭᠡᠷᠡᠨ ᠬᠠᠪᠴᠢᠯ ᠳ᠋ᠤ᠌ ᠰᠢᠷᠭᠤᠭᠠᠳ ᠪᠠᠢᠨᠠ᠃ᠪᠢ ᠨᠢᠭᠡ ᠬᠡᠷᠡᠭ ᠢ᠋ ᠪᠥᠷᠲᠡ ᠴᠢᠮᠠ ᠲᠠᠢ ᠵᠥᠪᠯᠡᠬᠦ ᠪᠡᠷ ᠢᠷᠡᠯᠡ ᠭᠡᠵᠦ ᠲᠡᠮᠦᠵᠢᠨ ᠠᠶᠠᠷᠬᠠᠨ ᠬᠡᠯᠡᠪᠡ᠃ᠥᠭᠡᠯᠦᠨ ᠡᠨᠡ ᠦᠭᠡ ᠶ᠋ᠢᠨ ᠳᠠᠷᠠᠭᠠ ᠪᠠᠭᠠ ᠪᠣᠯᠪᠠᠴᠤ ᠲᠠᠢᠪᠤᠰᠢᠷᠠᠵᠤ ᠵᠥᠴᠢ᠂ ᠴᠠᠭᠠᠲᠠᠢ ᠬᠥᠪᠡᠭᠦᠳ ᠢ᠋ ᠠᠪᠴᠤ ᠬᠣᠯᠠᠳᠪᠠ᠃
— ᠴᠢ ᠨᠥᠬᠥᠳ ᠢ᠋ᠶ᠋ᠡᠨ ᠣᠷᠬᠢᠵᠤ᠂ ᠮᠣᠷᠢ ᠪᠠᠨ ᠡᠴᠡᠭᠡᠵᠦ ᠶᠠᠭᠤᠨ ᠳ᠋ᠤ᠌ ᠢᠷᠡᠪᠡ? ᠦᠢᠮᠡᠷᠡᠵᠦ ᠲᠦᠭᠰᠢᠭᠰᠡᠨ ᠪᠢ ᠴᠢᠮᠠᠲᠤ ᠵᠥᠪᠯᠡᠬᠦ ᠬᠡᠷᠡᠭ ᠶᠠᠭᠤ ᠪᠢᠯᠡ? ᠭᠡᠵᠦ ᠪᠥᠷᠲᠡ ᠪᠣᠯᠭᠣᠮᠵᠢᠯᠠᠨ ᠬᠡᠯᠡᠬᠦ ᠳ᠋ᠡᠭᠡᠨ ᠰᠡᠳᠬᠢᠯ ᠦ᠋ᠨ ᠤᠭ ᠲᠤ᠌ ᠮᠠᠭᠤ ᠵᠦᠩ ᠰᠣᠪᠢᠩ ᠤᠷᠭᠤᠬᠤ ᠶ᠋ᠢ ᠮᠡᠳᠡᠷᠡᠯᠡ᠃ᠪᠥᠷᠲᠡ ᠶ᠋ᠢᠨ ᠵᠦᠩ ᠰᠣᠪᠢᠩ ᠲᠡᠭᠦᠨ ᠢ᠋ ᠬᠡᠵᠢᠶᠡ ᠴᠦ᠍ ᠬᠠᠭᠤᠷᠴᠤ ᠪᠠᠢᠭᠰᠠᠨ ᠦᠭᠡᠢ ᠨᠢ ᠲᠦᠭᠰᠢᠬᠦ᠂ ᠠᠶᠤᠬᠤ ᠶ᠋ᠢᠨ ᠦᠨᠳᠦᠰᠦ ᠪᠣᠯᠵᠠᠢ᠃ᠬᠦᠢᠲᠡᠨ ᠴᠠᠢ ᠵᠠᠪᠠᠵᠢ ᠪᠠᠷ ᠢ᠋ᠶ᠋ᠠᠨ ᠰᠠᠪᠢᠷᠠᠭᠤᠯᠤᠨ ᠵᠠᠯᠭᠢᠯᠠᠬᠤ ᠲᠡᠮᠦᠵᠢᠨ ᠢ᠋ ᠬᠠᠷᠠᠬᠤ ᠳ᠋ᠤ᠌ ᠰᠠᠢᠨ ᠶᠠᠭᠤᠮᠠ ᠪᠣᠳᠣᠭᠳᠠᠬᠤ ᠠᠷᠭᠠ ᠦᠭᠡᠢ ᠪᠠᠢᠪᠠ᠃ᠪᠥᠷᠲᠡ ᠶ᠋ᠢᠨ ᠳᠣᠣᠷᠠᠲᠤ ᠵᠣᠪᠬᠢ ᠬᠣᠶᠠᠭᠤᠯᠠ ᠪᠠᠨ ᠵᠡᠷᠭᠡ ᠲᠠᠲᠠᠵᠤ ᠡᠬᠢᠯᠡᠪᠡ᠃ᠲᠡᠮᠦᠵᠢᠨ ᠳᠤᠤᠭᠠᠷᠬᠤ ᠦᠭᠡᠢ ᠤᠳᠠᠬᠤ ᠨᠢ ᠪᠦᠷ ᠰᠡᠵᠢᠭᠯᠡᠯᠲᠡᠢ᠃
— ᠡᠢᠮᠦ ᠬᠡᠷᠡᠭ ᠢ᠋ ᠪᠢ ᠴᠢᠮᠠ ᠲᠠᠢ ᠵᠥᠪᠯᠡᠬᠦ ᠦᠭᠡᠢ ᠶᠠᠭᠠᠬᠢᠵᠤ ᠰᠢᠢᠳᠦᠨᠡ᠃ᠣᠳᠣ ᠪᠢ ᠡᠴᠡᠵᠦ ᠴᠤᠴᠠᠵᠤ ᠵᠣᠷᠢᠭ ᠮᠣᠬᠣᠭᠰᠠᠨ ᠴᠥᠭᠡᠬᠡᠨ ᠴᠡᠷᠢᠭ ᠲᠡᠢ ᠬᠣᠴᠣᠷᠪᠠ᠃ᠶᠠᠭᠠᠬᠢᠪᠠᠴᠤ ᠵᠠᠮᠤᠬᠠ ᠶ᠋ᠢ ᠳᠡᠢᠯᠬᠦ ᠦᠭᠡᠢ᠃ᠵᠠᠮᠤᠬᠠ ᠬᠠᠪᠴᠢᠯ ᠤ᠋ᠨ ᠠᠮᠠᠨ ᠳ᠋ᠤ᠌ ᠨᠠᠮᠠᠶ᠋ᠢ ᠥᠪᠡᠷ ᠢ᠋ᠶ᠋ᠡᠨ ᠭᠠᠷᠴᠤ ᠢᠷᠡᠬᠦ ᠶ᠋ᠢ ᠬᠦᠯᠢᠶᠡᠨ ᠪᠠᠷᠳᠠᠮ ᠰᠠᠭᠤᠵᠤ ᠪᠣᠢ᠃ᠪᠢ ᠨᠢᠭᠡ ᠠᠷᠭᠠ ᠰᠠᠲᠤᠯᠠ᠃ᠭᠡᠪᠡᠴᠦ ᠪᠢ ᠡᠭᠦᠨ ᠢ᠋ ᠴᠢᠨᠦ ᠵᠥᠪᠰᠢᠶᠡᠷᠡᠯ ᠦᠭᠡᠢ ᠪᠣᠯ ᠬᠢᠵᠦ ᠴᠢᠳᠠᠬᠤ ᠦᠭᠡᠢ᠃ᠡᠨᠡ ᠪᠣᠯ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠲᠥᠯᠥᠭᠡ ᠶᠤᠮ ᠰᠢᠦ ᠭᠡᠵᠦ ᠲᠡᠮᠦᠵᠢᠨ ᠵᠢᠭᠠᠬᠠᠨ ᠲᠠᠢᠪᠤᠰᠢᠷᠠᠨ ᠴᠠᠩᠭᠠᠭᠠ ᠪᠠᠨ ᠲᠠᠢᠯᠵᠤ ᠬᠥᠯᠥᠰᠥ ᠪᠡᠨ ᠠᠷᠴᠢᠨ ᠬᠡᠯᠡᠪᠡ᠃ᠲᠡᠷᠡ ᠦᠨᠡᠬᠡᠷ ᠵᠣᠷᠢᠭ ᠮᠣᠬᠣᠵᠤ ᠵᠢᠰᠦ ᠴᠢᠷᠠᠢ ᠠᠯᠳᠠᠵᠠᠢ᠃ᠲᠡᠮᠦᠵᠢᠨ ᠦ᠌ ᠡᠢᠮᠦ ᠤᠷᠤᠭᠤ ᠳᠣᠷᠣᠢ ᠪᠠᠢᠬᠤ ᠶ᠋ᠢ ᠪᠥᠷᠲᠡ ᠤᠷᠢᠳ ᠨᠢ ᠦᠵᠡᠭᠰᠡᠨ ᠦᠭᠡᠢ᠃ᠲᠡᠮᠦᠵᠢᠨ ᠦ᠌ ᠰᠡᠳᠦᠭᠰᠡᠨ ᠵᠦᠢᠯ ᠴᠢᠬᠤᠯᠠ ᠭᠡᠳᠡᠭ ᠲᠦ᠍ ᠪᠥᠷᠲᠡ ᠣᠭᠲᠣᠬᠠᠨ ᠴᠤ᠌ ᠡᠷᠡᠭᠡᠯᠵᠡᠭᠰᠡᠨ ᠦᠭᠡᠢ᠃ᠲᠡᠢᠮᠦ ᠦᠭᠡᠢ ᠪᠣᠯ ᠶᠠᠭᠤᠨ ᠳ᠋ᠤ᠌ ᠢᠩᠭᠢᠵᠦ ᠠᠮᠢ ᠪᠠᠨ ᠵᠣᠯᠢᠶᠠᠰᠤᠯᠠᠨ ᠢᠷᠡᠬᠦ ᠪᠢᠯᠡ᠃ᠶᠠᠭ ᠡᠨᠡ ᠮᠥᠴᠡ ᠳ᠋ᠦ᠍ ᠠᠩᠬᠠ ᠶᠢᠰᠦᠨ ᠨᠠᠰᠤᠲᠠᠢ ᠲᠡᠮᠦᠵᠢᠨ ᠢ᠋ ᠦᠷᠦ ᠡᠪᠡᠳᠦᠨ ᠬᠠᠷᠠᠵᠤ ᠪᠠᠢᠭᠰᠠᠨ ᠨᠢ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠰᠠᠨᠠᠭᠳᠠᠵᠠᠢ᠃ᠲᠡᠭᠡᠮᠡᠭᠴᠡ ᠤᠢᠮᠤᠷᠠᠭᠰᠠᠨ ᠣᠯᠠᠨ ᠪᠣᠳᠣᠯ ᠢ᠋ᠶ᠋ᠠᠨ ᠬᠦᠴᠦ ᠪᠡᠷ ᠬᠥᠭᠡᠭᠡᠨ ᠵᠠᠢᠯᠠᠭᠤᠯᠵᠤ ᠲᠡᠮᠦᠵᠢᠨ ᠳ᠋ᠦ᠍ ᠲᠤᠰᠠᠯᠠᠬᠤ ᠬᠦᠰᠡᠯ ᠨᠢ ᠣᠷᠭᠢᠯᠤᠭᠠᠳ
— ᠲᠡᠮᠦᠵᠢᠨ᠂ ᠴᠢ ᠬᠡᠯᠡᠭᠲᠦᠨ᠂ ᠪᠦᠦ ᠰᠠᠨᠠᠭᠠ ᠵᠣᠪᠠ! ᠭᠡᠪᠡᠴᠦ ᠮᠢᠨᠦ ᠴᠢᠳᠠᠬᠤ ᠶᠠᠭᠤᠮᠠ ᠶᠠᠭᠤ ᠪᠠᠢᠬᠤ ᠪᠢᠯᠡ? ᠭᠡᠵᠦ ᠪᠥᠷᠲᠡ ᠬᠡᠯᠡᠬᠦ ᠳ᠋ᠡᠭᠡᠨ ᠰᠡᠳᠬᠢᠯ ᠨᠢ ᠶᠠᠭᠠᠬᠢᠭᠠᠳ ᠴᠤ᠌ ᠶᠤᠮ ᠪᠣᠢ ᠲᠠᠢᠪᠤᠰᠢᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠲᠥᠭᠰᠢᠭᠥᠷᠢᠯᠡᠭᠰᠡᠭᠡᠷ ᠪᠠᠢᠪᠠ᠃ᠪᠥᠷᠲᠡ ᠶ᠋ᠢᠨ ᠵᠣᠷᠢᠮᠠᠭ ᠪᠠᠢᠳᠠᠯ ᠲᠡᠮᠦᠵᠢᠨ ᠦ᠌ ᠡᠷᠡᠭᠡᠯᠵᠡᠭᠰᠡᠨ ᠪᠣᠯᠭᠣᠮᠵᠢᠯᠠᠭᠰᠠᠨ ᠰᠡᠳᠬᠢᠯ ᠢ᠋ ᠠᠮᠠᠷᠠᠭᠠᠪᠠ᠃ᠬᠡᠷᠡᠭᠲᠡᠢ ᠦᠭᠡ ᠶ᠋ᠢ ᠶᠠᠭ ᠴᠠᠭ ᠲᠤᠨᠢ ᠣᠯᠵᠤ ᠬᠡᠯᠡᠵᠦ ᠴᠢᠳᠠᠳᠠᠭ ᠪᠥᠷᠲᠡ ᠶ᠋ᠢᠨ ᠡᠨᠡ ᠵᠠᠩ ᠢ᠋ ᠲᠡᠮᠦᠵᠢᠨ ᠮᠡᠳᠡᠵᠦ ᠬᠦᠨᠳᠦᠯᠡᠳᠡᠭ ᠪᠢᠯᠡ᠃
— ᠪᠥᠷᠲᠡ᠂ ᠪᠢ ᠡᠷᠲᠡᠨ ᠦ᠌ ᠲᠠᠯᠪᠢᠭᠰᠠᠨ ᠠᠨᠳᠠ ᠶ᠋ᠢᠨ ᠲᠠᠩᠭᠠᠷᠢᠭ ᠢ᠋ᠶ᠋ᠠᠨ ᠳᠠᠬᠢᠨ ᠨᠢᠭᠡ ᠰᠠᠨᠠᠭᠤᠯᠵᠤ ᠡᠭᠦᠨ ᠦ᠌ ᠪᠠᠲᠤᠯᠠᠭᠠ ᠪᠣᠯᠭᠠᠨ ᠬᠥᠪᠡᠭᠦᠳ ᠦ᠋ᠨ ᠢ᠋ᠶ᠋ᠡᠨ ᠠᠬᠠᠮᠠᠳ ᠢ᠋ ᠵᠠᠮᠤᠬᠠ ᠶ᠋ᠢᠨ ᠬᠦᠷᠢᠶᠡᠨ ᠳ᠋ᠦ᠍ ᠢᠯᠡᠭᠡᠶᠡ᠃ᠲᠡᠷᠡ ᠡᠭᠦᠨ ᠳ᠋ᠦ᠍ ᠢᠲᠡᠭᠡᠨᠡ᠃ᠵᠥᠴᠢ ᠶ᠋ᠢ ᠲᠡᠳᠡᠨ ᠦ᠌ ᠬᠦᠷᠢᠶᠡᠨ ᠳ᠋ᠦ᠍ ᠪᠠᠢᠬᠤ ᠳ᠋ᠤ᠌ ᠲᠡᠷᠡ ᠯᠠᠪ ᠨᠠᠮᠠᠶ᠋ᠢ ᠲᠠᠭᠠᠷᠢᠨᠠ ᠭᠡᠵᠦ ᠪᠣᠳᠣᠬᠤ ᠦᠭᠡᠢ᠃ᠬᠥᠪᠡᠭᠦᠳ ᠦ᠋ᠨ ᠢ᠋ᠶ᠋ᠡᠨ ᠠᠬᠠᠮᠠᠳ ᠢ᠋ ᠢᠯᠡᠭᠡᠬᠦ ᠨᠢ ᠠᠨᠳᠠ ᠶ᠋ᠢᠨ ᠲᠠᠩᠭᠠᠷᠢᠭ ᠢ᠋ ᠰᠠᠨᠠᠭᠤᠯᠬᠤ ᠡᠷᠲᠡᠨ ᠦ᠌ ᠶᠣᠰᠣ ᠶᠤᠮ᠃
ᠢᠩᠭᠢᠵᠦ ᠬᠡᠯᠡᠨᠡ ᠭᠡᠵᠦ ᠳᠠᠩᠴᠤ ᠰᠠᠨᠠᠭᠠ ᠦᠭᠡᠢ ᠲᠤᠯᠠ ᠪᠥᠷᠲᠡ ᠡᠬᠢᠯᠡᠭᠡᠳ ᠰᠣᠴᠢᠨ ᠠᠯᠮᠠᠢᠷᠠᠪᠠ᠃ᠲᠡᠮᠦᠵᠢᠨ ᠦ᠌ ᠭᠤᠶᠤᠭᠰᠠᠨ᠂ ᠱᠠᠭᠠᠷᠳᠠᠭᠰᠠᠨ ᠡᠯᠡ ᠦᠭᠡᠰ ᠢ᠋ ᠣᠢᠯᠠᠭᠠᠮᠠᠭᠴᠠ ᠪᠥᠷᠲᠡ ᠰᠡᠳᠬᠢᠯ᠂ ᠨᠢᠯᠪᠤᠰᠤ ᠬᠣᠶᠠᠷ ᠢ᠋ᠶ᠋ᠠᠨ ᠲᠡᠪᠴᠢᠨ ᠪᠠᠷᠢᠵᠤ ᠳᠡᠢᠯᠦᠭᠰᠡᠨ ᠦᠭᠡᠢ ᠡᠬᠡᠷ ᠲᠡᠳᠡᠨ ᠤᠬᠢᠯᠠᠯᠠ᠃ᠡᠮᠡ ᠬᠥᠮᠦᠨ ᠣᠬᠣᠷ ᠤᠬᠠᠭᠠᠨ ᠳ᠋ᠠᠭᠠᠨ ᠲᠡᠷᠡ ᠲᠠᠢᠯᠳᠠᠵᠠᠢ᠃
ᠴᠢ ᠵᠥᠴᠢ ᠬᠥᠪᠡᠭᠦᠨ ᠢ᠋ ᠮᠢᠨᠢ ᠶᠠᠭᠤᠨ ᠳ᠋ᠤ᠌ ᠠᠳᠠ ᠦᠵᠡᠨᠡ? ᠡᠨᠡ ᠴᠢᠨᠢ ᠦᠬᠦᠯ ᠤᠷᠤᠭᠤ ᠢᠯᠡᠭᠡᠬᠦ ᠲᠡᠢ ᠠᠳᠠᠯᠢ ᠪᠢᠰᠢ ᠤᠤ? ᠵᠠᠮᠤᠬᠠ ᠲᠠ ᠬᠣᠶᠠᠷ ᠤ᠋ᠨ ᠲᠠᠯᠪᠢᠭᠰᠠᠨ ᠲᠠᠩᠭᠠᠷᠢᠭ ᠲᠤ᠌ ᠵᠥᠴᠢ ᠬᠥᠪᠡᠭᠦᠨ ᠮᠢᠨᠢ ᠶᠠᠮᠠᠷ ᠬᠠᠮᠢᠶᠠ ᠲᠠᠢ ᠶᠤᠮ ᠪᠣᠢ? ᠵᠥᠴᠢ ᠶ᠋ᠢ ᠦᠵᠡᠪᠡ ᠭᠡᠳ ᠵᠠᠮᠤᠬᠠ ᠶ᠋ᠢᠨ ᠰᠡᠳᠬᠢᠯ ᠬᠤᠪᠢᠷᠠᠨᠠ ᠭᠡᠵᠦ ᠤᠤ? ᠴᠢ ᠶᠠᠭᠤᠨ ᠳ᠋ᠤ᠌ ᠢᠩᠭᠢᠵᠦ ᠨᠠᠮᠠᠶ᠋ᠢ ᠵᠣᠪᠠᠭᠠᠨᠠ ᠪᠣᠢ? ᠵᠥᠴᠢ ᠬᠥᠪᠡᠭᠦᠨ ᠢ᠋ ᠮᠢᠨᠢ ᠥᠪᠡᠷ ᠢ᠋ ᠪᠡᠨ ᠬᠠᠮᠠᠭᠠᠯᠠᠬᠤ ᠨᠠᠰᠤᠨ ᠳ᠋ᠤ᠌ ᠬᠦᠷᠭᠡᠭᠡᠴᠢ᠃ᠪᠢ ᠭᠤᠶᠤᠶᠠ᠃ᠪᠢ ᠵᠥᠴᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠶᠠᠪᠤᠭᠤᠯᠬᠤ ᠦᠭᠡᠢ᠃ᠶᠠᠪᠤᠭᠤᠯᠤᠶᠠ ᠭᠡᠪᠡᠯ ᠴᠢᠮᠠᠲᠤ ᠳᠡᠭᠦᠦ ᠨᠠᠷ᠂ ᠨᠥᠬᠥᠳ ᠴᠢᠨᠢ ᠪᠠᠢᠨᠠ᠃ᠴᠢ ᠶᠠᠭᠤᠨ ᠳ᠋ᠤ᠌ ᠮᠢᠨᠦ ᠥᠨᠥᠴᠢᠨ ᠪᠠᠯᠴᠢᠷ ᠬᠥᠪᠡᠭᠦᠨ ᠢ᠋ ᠣᠨᠴᠠᠯᠠᠪᠠ ᠭᠡᠵᠦ ᠪᠥᠷᠲᠡ ᠪᠣᠬᠢᠮᠳᠤᠨ ᠨᠢᠯᠪᠤᠰᠤ ᠲᠠᠢ ᠪᠠᠨ ᠬᠣᠯᠢᠨ ᠰᠢᠪᠡᠨᠡᠪᠡ᠃ᠬᠡᠳᠦᠢ ᠪᠡᠷ ᠪᠥᠷᠲᠡ ᠰᠡᠳᠬᠢᠯ ᠪᠠᠬᠠᠷᠳᠠᠵᠤ ᠤᠬᠠᠭᠠᠨ ᠣᠢᠮᠠᠷᠠᠬᠰᠠᠨ ᠴᠤ᠌ ᠬᠡᠷᠡᠭᠦᠯ ᠦ᠋ᠨ ᠮᠠᠭᠤ ᠦᠭᠡ ᠪᠡᠨ ᠣᠢᠷᠠᠮᠠᠭ ᠮᠣᠳᠣᠨ ᠤ᠋ ᠳᠣᠣᠷᠠ ᠰᠠᠭᠤᠬᠤ ᠬᠥᠪᠡᠭᠦᠳ ᠲᠡᠭᠡᠨ ᠰᠣᠨᠣᠰᠤᠭᠳᠠᠬᠤ ᠪᠠᠷ ᠬᠠᠰᠬᠢᠷᠤᠭᠰᠠᠨ ᠦᠭᠡᠢ ᠲᠡᠪᠴᠢᠵᠦ ᠴᠢᠳᠠᠵᠠᠢ᠃ᠭᠡᠪᠡᠴᠦ ᠵᠥᠴᠢ᠂ ᠴᠠᠭᠠᠲᠠᠢ᠂ ᠥᠭᠡᠳᠡᠢ᠂ ᠲᠤᠯᠤᠢ ᠳᠥᠷᠪᠡ ᠡᠬᠡ ᠡᠴᠢᠭᠡ ᠨᠢ ᠲᠡᠳᠡᠨ ᠦ᠌ ᠬᠤᠪᠢ ᠵᠠᠶᠠᠭᠠ ᠲᠠᠢ ᠬᠣᠯᠪᠣᠭᠠ ᠲᠠᠢ ᠨᠣᠴᠢᠲᠠᠢ ᠶᠠᠷᠢᠶᠠ ᠥᠷᠨᠢᠭᠦᠯᠦᠭᠰᠡᠨ ᠢ᠋ ᠮᠡᠳᠡᠷᠡᠵᠦ ᠴᠢᠮᠡᠭᠡ ᠭᠠᠷᠪᠠᠯ ᠬᠠᠮᠠᠷ ᠲᠡᠳᠡᠨ ᠤᠬᠤᠰᠬᠢᠨ ᠵᠢᠭᠤᠲᠠᠵᠤ ᠣᠳᠬᠤ ᠳ᠋ᠤ᠌ ᠪᠡᠯᠡᠨ ᠵᠡᠷᠯᠢᠭ ᠭᠠᠬᠠᠢ ᠶ᠋ᠢᠨ ᠳᠣᠷᠣᠢ ᠰᠢᠭ᠋ ᠥᠨᠳᠡᠯᠵᠡᠨ ᠂ ᠰᠡᠷᠪᠡᠯᠵᠡᠵᠦ ᠰᠠᠭᠤᠵᠠᠭᠠᠬᠤ ᠶ᠋ᠢ ᠲᠡᠮᠦᠵᠢᠨ ᠦᠵᠡᠭᠡᠳ ᠵᠢᠷᠦᠬᠡ ᠨᠢ ᠰᠢᠮᠰᠢᠷᠡᠨ ᠡᠨᠡ ᠬᠡᠳᠦᠨ ᠬᠥᠪᠡᠭᠦᠨ ᠲᠡᠭᠦᠨ ᠳ᠋ᠦ᠍ ᠶᠠᠮᠠᠷ ᠶᠡᠬᠡ ᠦᠨᠡ ᠲᠡᠢ ᠶ᠋ᠢ ᠳᠠᠬᠢᠨ ᠣᠢᠯᠠᠭᠠᠪᠠ᠃
— ᠪᠥᠷᠲᠡ ᠠ᠋ ᠲᠠᠢᠪᠤᠰᠢᠷᠠ᠃ᠬᠥᠪᠡᠭᠦᠳ ᠲᠡᠭᠡᠨ ᠨᠢᠯᠪᠤᠰᠤ ᠪᠠᠨ ᠪᠤᠤ ᠦᠵᠡᠭᠦᠯ᠃ᠡᠨᠡ ᠪᠣᠯ ᠭᠠᠭᠴᠠ ᠬᠦ᠌ ᠮᠠᠨ ᠤ᠋ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠲᠥᠯᠥᠭᠡ ᠶᠦ᠍ᠮ᠃ᠠᠮᠠᠨ ᠲᠠᠩᠭᠠᠷᠢᠭ ᠤ᠋ᠨ ᠪᠠᠲᠤᠯᠠᠭᠠ ᠪᠣᠯᠭᠠᠵᠤ ᠠᠬᠠᠮᠠᠳ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠢᠯᠡᠭᠡᠬᠦ ᠡᠴᠡ ᠥᠭᠡᠷᠡ ᠠᠷᠭᠠ ᠨᠠᠳᠠᠳᠤ ᠠᠯᠠᠭᠠ᠃ᠪᠢ ᠵᠥᠴᠢ ᠶ᠋ᠢ ᠠᠳᠠ ᠦᠵᠡᠭᠰᠡᠨ ᠵᠦᠢᠯ ᠦᠭᠡᠢ᠃ᠭᠠᠭᠴᠠ ᠬᠦ᠌ ᠵᠥᠴᠢ ᠪᠣᠯ ᠮᠢᠨᠦ ᠠᠬᠠᠮᠠᠳ ᠬᠥᠪᠡᠭᠦᠨ ᠤᠴᠢᠷ ᠢᠩᠭᠢᠵᠦ ᠬᠡᠯᠡᠵᠦ ᠪᠠᠢᠨᠠ᠃ᠣᠳᠣ ᠯᠠ ᠵᠠᠮᠤᠬᠠ ᠶ᠋ᠢᠨ ᠴᠡᠷᠢᠭ ᠡᠴᠡ ᠠᠮᠢᠳᠤ ᠮᠤᠯᠲᠤᠷᠠᠬᠤ ᠦᠭᠡᠢ ᠪᠣᠯ ᠪᠢ ᠴᠦ᠍᠂ ᠴᠢ ᠴᠦ᠍᠂ ᠮᠢᠨᠦ ᠬᠥᠪᠡᠭᠦᠳ ᠴᠦ᠍᠂ ᠪᠣᠷᠵᠢᠭᠢᠨ ᠠᠢᠮᠠᠭ ᠴᠤ᠌ ᠡᠭᠦᠷᠢᠳᠡ ᠦᠭᠡᠢ ᠪᠣᠯᠤᠨᠠ᠃ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠲᠥᠯᠥᠭᠡ ᠠᠮᠢ ᠪᠠᠨ ᠡᠷᠭᠦᠬᠦ ᠨᠢ ᠲᠡᠢᠮᠦ ᠴᠦ᠍ ᠮᠠᠭᠤ ᠶᠠᠭᠤᠮᠠ ᠪᠢᠰᠢ᠃ᠴᠢ ᠢᠩᠭᠢᠯᠡ ᠭᠡᠳ ᠪᠦᠦ ᠬᠠᠷᠠᠮᠰᠠ᠃ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠲᠥᠯᠥᠭᠡ ᠣᠯᠠᠨ ᠣᠯᠠᠨ ᠵᠥᠴᠢ ᠠᠮᠢ ᠪᠠᠨ ᠡᠷᠭᠦᠬᠦ ᠪᠢᠵᠡ᠃ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠲᠥᠯᠥᠭᠡ ᠠᠮᠢ ᠪᠠᠨ ᠡᠷᠭᠦᠪᠡᠯ ᠵᠥᠴᠢ ᠬᠠᠷᠢᠨ ᠴᠤ᠌ ᠵᠢᠩᠬᠢᠨᠢ ᠪᠣᠷᠵᠢᠭᠢᠨ ᠠᠢᠮᠠᠭ ᠤ᠋ᠨ ᠬᠥᠮᠦᠨ ᠪᠣᠯᠤᠨᠠ ᠭᠡᠵᠦ ᠲᠡᠮᠦᠵᠢᠨ ᠪᠥᠷᠲᠡ ᠶ᠋ᠢ ᠢᠳᠬᠠᠪᠠ᠃
— ᠲᠡᠭᠡᠪᠡᠯ ᠪᠢ ᠵᠥᠴᠢ ᠬᠥᠪᠡᠭᠦᠨ ᠲᠡᠢ ᠪᠡᠨ ᠬᠠᠮᠲᠤ ᠶᠠᠪᠤᠨᠠ᠃ᠵᠠᠮᠤᠬᠠ ᠨᠠᠮᠠᠶ᠋ᠢ ᠦᠵᠡᠭᠡᠳ ᠯᠠᠪ ᠲᠠᠢᠪᠤᠰᠢᠷᠠᠬᠤ ᠪᠢᠵᠡ᠃ᠪᠢ ᠵᠥᠴᠢ ᠬᠥᠪᠡᠭᠦᠨ ᠦ᠌ ᠪᠡᠨ ᠲᠥᠯᠥᠭᠡ ᠶᠠᠭᠤ ᠴᠤ᠌ ᠬᠢᠬᠦ ᠳ᠋ᠦ᠍ ᠪᠡᠯᠡᠨ ᠪᠠᠢᠨᠠ᠃ᠵᠥᠴᠢ ᠶ᠋ᠢ ᠮᠢᠨᠢ ᠠᠯᠠᠴᠢᠬᠠᠪᠠᠯ ᠶᠠᠭᠠᠬᠢᠨᠠ? ᠭᠡᠵᠦ ᠬᠡᠯᠡᠬᠦ ᠳ᠋ᠡᠭᠡᠨ ᠪᠥᠷᠲᠡ ᠨᠢᠯᠪᠤᠰᠤ ᠪᠠᠨ ᠲᠡᠪᠴᠢᠨ ᠪᠠᠷᠢᠵᠤ ᠳᠡᠢᠯᠬᠦ ᠦᠭᠡᠢ ᠪᠠᠢᠯᠠ᠃ᠲᠡᠮᠦᠵᠢᠨ ᠪᠥᠷᠲᠡ ᠶ᠋ᠢᠨ ᠡᠰᠡᠷᠭᠦᠴᠡᠯ᠂ ᠪᠣᠬᠢᠮᠲᠤᠯ ᠢ᠋ ᠰᠠᠢᠨ ᠣᠢᠯᠠᠭᠠᠵᠤ ᠪᠠᠢᠪᠠ᠃ᠵᠥᠴᠢ ᠬᠥᠪᠡᠭᠦᠨ ᠪᠥᠷᠲᠡ ᠳ᠋ᠦ᠍ ᠶᠠᠮᠠᠷ ᠦᠨᠡᠲᠡᠢ ᠶ᠋ᠢ ᠴᠦ᠍ ᠮᠡᠳᠡᠨᠡ᠃ᠲᠡᠮᠦᠵᠢᠨ ᠪᠥᠷᠲᠡ ᠶ᠋ᠢᠨ ᠰᠡᠳᠬᠢᠯ ᠦ᠋ᠨ ᠬᠥᠳᠡᠯᠦᠯ ᠢ᠋ ᠳᠠᠷᠤᠭᠳᠠᠲᠠᠯᠠ ᠳᠠᠬᠢᠨ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ ᠬᠡᠰᠡᠭ ᠴᠢᠮᠡᠭᠡ ᠦᠭᠡᠢ ᠰᠠᠭᠤᠪᠠ᠃ᠡᠭᠦᠨ ᠡᠴᠡ ᠰᠢᠯᠢᠳᠡᠭ ᠠᠷᠭᠠ ᠶ᠋ᠢ ᠲᠡᠷᠡ ᠣᠯᠤᠭᠰᠠᠨ ᠦᠭᠡᠢ᠃ᠲᠡᠮᠦᠵᠢᠨ ᠦ᠌ ᠬᠦᠨᠳᠦ ᠪᠠᠢᠳᠠᠯ ᠢ᠋ ᠣᠢᠯᠠᠭᠠᠭᠰᠠᠨ ᠵᠡᠯᠮᠡ ᠬᠡᠦᠬᠡᠳ ᠦ᠋ᠳ ᠢ᠋ ᠰᠠᠲᠠᠭᠠᠷᠠᠭᠤᠯᠬᠤ ᠭᠡᠵᠦ ᠥᠪᠡᠷ ᠦ᠋ᠨ ᠨᠤᠮᠤ ᠰᠤᠮᠤ ᠪᠠᠷ ᠫᠠᠢ ᠬᠠᠷᠪᠤᠭᠤᠯᠤᠨ ᠠᠷᠭᠠᠴᠠᠭᠠᠬᠤ ᠠᠵᠢ᠃
— ᠲᠡᠭᠡᠪᠡᠯ᠂ ᠪᠥᠷᠲᠡ ᠠ᠋᠂ ᠵᠥᠴᠢ᠂ ᠴᠠᠭᠠᠲᠠᠢ ᠬᠣᠶᠠᠷ ᠢ᠋ ᠴᠣᠭ ᠢᠯᠡᠭᠡᠶᠡ᠃ᠴᠢ ᠵᠥᠪᠰᠢᠶᠡᠷᠡᠬᠦ ᠤᠤ?ᠭᠡᠵᠦ ᠲᠡᠮᠦᠵᠢᠨ ᠪᠥᠷᠲᠡ ᠶ᠋ᠢ ᠤᠬᠢᠯᠠᠬᠤ ᠪᠠᠨ ᠪᠤᠯᠢᠮᠠᠭᠴᠠ ᠠᠶᠠᠷᠬᠠᠨ ᠬᠡᠯᠡᠪᠡ᠃ᠪᠥᠷᠲᠡ ᠡᠢᠮᠦ ᠦᠭᠡ ᠰᠣᠨᠣᠰᠤᠨᠠ ᠭᠡᠵᠦ ᠰᠠᠨᠠᠭᠰᠠᠨ ᠦᠭᠡᠢ᠃ᠲᠡᠮᠦᠵᠢᠨ ᠤᠶᠠᠷᠠᠵᠤ ᠣᠢᠯᠠᠭᠠᠭᠠᠳ ᠵᠥᠴᠢ ᠶ᠋ᠢ ᠶᠠᠪᠤᠭᠤᠯᠬᠤ ᠪᠠᠨ ᠪᠣᠯᠢᠨᠠ ᠭᠡᠵᠦ ᠢᠲᠡᠭᠡᠵᠦ ᠪᠠᠢᠭᠰᠠᠨ ᠪᠢᠯᠡ᠃ᠡᠨᠡ ᠪᠣᠯ ᠪᠥᠷᠲᠡ ᠶ᠋ᠢᠨ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠰᠣᠨᠣᠰᠤᠭᠰᠠᠨ ᠬᠠᠮᠤᠭ ᠤ᠋ᠨ ᠠᠶᠤᠮᠰᠢᠭᠲᠤ ᠦᠭᠡ ᠪᠠᠢᠪᠠ᠃ᠭᠡᠪᠡᠴᠦ ᠲᠡᠮᠦᠵᠢᠨ ᠴᠣᠬᠣᠮ ᠶᠠᠭᠤᠨ ᠤ᠋ ᠲᠥᠯᠥᠭᠡ ᠡᠢᠮᠦ ᠦᠭᠡ ᠬᠡᠯᠡᠵᠦ ᠪᠠᠢᠭᠠ ᠶ᠋ᠢ ᠣᠢᠯᠠᠭᠠᠬᠤ ᠶ᠋ᠢ ᠬᠦᠴᠦᠯᠡᠨ ᠤᠷᠤᠯᠳᠤᠵᠤ ᠪᠠᠢᠯᠠ᠃
— ᠬᠥᠪᠡᠭᠦᠳ ᠴᠢᠨᠢ ᠴᠢᠮᠠ ᠳ᠋ᠤ᠌ ᠬᠠᠢᠷᠠᠨ ᠪᠢᠰᠢ ᠤᠤ? ᠭᠡᠵᠦ ᠪᠥᠷᠲᠡ ᠥᠭᠡᠷᠡ ᠠᠷᠭᠠ ᠵᠠᠮ ᠬᠠᠢᠭᠠᠴᠢ ᠭᠡᠬᠦ ᠳ᠋ᠡᠭᠡᠨ ᠢᠲᠡᠭᠡᠯ ᠮᠠᠭᠤᠲᠠᠢ ᠴᠤ᠌ ᠡᠰᠡᠷᠭᠦᠴᠡᠬᠦ ᠶ᠋ᠢ ᠣᠷᠣᠯᠳᠣᠪᠠ᠃
— ᠲᠡᠢᠮᠦ ᠠ᠋ ᠨᠠᠳᠠᠳᠤ ᠬᠠᠢᠷᠠᠨ ᠪᠠᠢᠨᠠ᠃ᠠᠶᠤᠮᠰᠢᠭᠲᠠᠢ ᠴᠤ᠌ ᠪᠠᠢᠨᠠ᠃ᠰᠦᠨ ᠦ᠌ ᠦᠨᠦᠷ ᠠᠷᠢᠯᠤᠭᠠ ᠦᠭᠡᠢ ᠨᠢᠯᠬᠠ ᠬᠥᠪᠡᠭᠦᠳ ᠢ᠋ᠶ᠋ᠡᠨ ᠠᠯᠳᠠᠬᠤ ᠳ᠋ᠤ᠌ ᠨᠠᠳᠠᠳᠤ ᠳᠠᠩᠴᠤ ᠬᠠᠷᠠᠮᠰᠠᠮᠠᠷ ᠪᠠᠢᠨᠠ᠃ᠣᠯᠵᠤ ᠴᠤᠭᠯᠠᠭᠤᠯᠤᠭᠰᠠᠨ ᠴᠥᠭᠡᠨ ᠤᠯᠤᠰ ᠮᠢᠨᠢ ᠵᠠᠮᠤᠬᠠ ᠶ᠋ᠢᠨ ᠴᠡᠷᠢᠭ ᠡᠴᠡ ᠰᠦᠷᠳᠡᠨ ᠲᠠᠷᠠᠵᠤ ᠪᠠᠢᠨᠠ᠃ᠪᠢ ᠯᠡ ᠦᠬᠦᠪᠡᠯ ᠣᠳᠣ ᠪᠦᠭᠦᠳᠡ ᠰᠦᠢᠷᠡᠵᠦ ᠪᠣᠷᠵᠢᠭᠢᠨ ᠠᠢᠮᠠᠭ ᠮᠠᠨᠢ ᠡᠭᠦᠷᠢᠳᠡ ᠵᠠᠮᠤᠬᠠ ᠶ᠋ᠢᠨ ᠣᠯᠵᠠ ᠪᠣᠯᠤᠨᠠ᠃ᠣᠳᠣ ᠪᠢ ᠶᠠᠮᠠᠷ ᠴᠤ᠌ ᠦᠨᠡ ᠪᠡᠷ ᠬᠠᠮᠢᠶᠠ ᠦᠭᠡᠢ ᠵᠠᠮᠤᠬᠠ ᠶ᠋ᠢᠨ ᠰᠠᠪᠠᠷ ᠡᠴᠡ ᠮᠤᠯᠲᠤᠷᠠᠬᠤ ᠬᠡᠷᠡᠭᠲᠡᠢ ᠪᠠᠢᠨᠠ᠃ᠨᠠᠳᠠᠳᠤ ᠨᠢᠭᠡ ᠴᠦ᠍ ᠬᠣᠷᠣᠮ ᠪᠣᠯᠪᠠ᠂ ᠠᠮᠢ ᠰᠢᠭ᠋ ᠦᠨᠡᠲᠡᠢ ᠪᠣᠯᠤᠯᠠ ᠭᠡᠵᠦ ᠨᠢ ᠨᠣ ᠦᠭᠡᠢ ᠦᠨᠡᠨ ᠪᠣᠳᠣᠯ ᠢ᠋ᠶ᠋ᠠᠨ ᠬᠡᠯᠡᠪᠡ᠃
— ᠲᠡᠮᠦᠵᠢᠨ᠃ᠪᠢᠳᠡ ᠡᠨᠳᠡ ᠡᠷᠦᠬᠡ ᠪᠦᠯᠢ ᠪᠡᠷ ᠢ᠋ᠶ᠋ᠡᠨ ᠡᠷᠡᠭᠦᠯ ᠰᠠᠷᠠᠭᠤᠯ᠂ ᠡᠯᠢᠭᠡ ᠪᠦᠲᠦᠨ ᠪᠠᠢᠨᠠ᠃ᠨᠢᠭᠤᠭᠳᠠᠨ ᠰᠠᠭᠤᠪᠠᠯ ᠨᠢᠭᠡ ᠤᠴᠢᠷ ᠪᠢᠰᠢ ᠤᠤ?
— ᠴᠢ ᠳᠡᠮᠡᠢ ᠦᠭᠡ ᠪᠦᠦ ᠴᠠᠯᠴᠢ᠃
ᠪᠥᠷᠲᠡ ᠶ᠋ᠢᠨ ᠡᠨᠡ ᠲᠡᠨᠡᠭ ᠤᠬᠠᠭᠠᠨ ᠦᠭᠡᠢ᠂ ᠠᠷᠭᠠ ᠪᠠᠨ ᠪᠠᠷᠠᠭᠰᠠᠨ ᠡᠮᠡ ᠬᠥᠮᠦᠨ ᠦ᠌ ᠦᠭᠡ ᠵᠥᠭᠡᠯᠡᠨ ᠬᠦᠯᠢᠶᠡᠴᠡ ᠲᠡᠢ ᠪᠠᠢᠭᠰᠠᠨ ᠲᠡᠮᠦᠵᠢᠨ ᠦ᠌ ᠠᠭᠤᠷ ᠬᠢᠯᠢᠩ ᠢ᠋ ᠭᠡᠨᠡᠳᠲᠡ ᠪᠠᠳᠠᠷᠠᠭᠠᠵᠤ ᠲᠡᠷᠡ ᠲᠡᠪᠴᠢᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠪᠣᠰᠤᠨ ᠬᠠᠷᠠᠢᠪᠠ᠃
— ᠴᠢ ᠨᠠᠮᠠᠶ᠋ᠢ ᠨᠥᠬᠥᠳ ᠢ᠋ᠶ᠋ᠡᠨ ᠬᠠᠶᠠᠵᠤ ᠠᠮᠢ ᠪᠠᠨ ᠪᠣᠳᠣ ᠭᠡᠪᠡ ᠤᠤ? ᠪᠣᠷᠵᠢᠭᠢᠨ ᠠᠢᠮᠠᠭ ᠮᠢᠨᠢ ᠶᠠᠭᠠᠬᠢᠬᠤ ᠪᠣᠯᠵᠤ ᠪᠠᠢᠨᠠ? ᠴᠢ ᠶᠠᠭᠠᠬᠢᠵᠤ ᠢᠩᠭᠢᠵᠦ ᠬᠡᠯᠡᠵᠦ ᠴᠢᠳᠠᠨᠠ? ᠭᠡᠵᠦ ᠥᠨᠳᠥᠷ ᠳᠠᠭᠤ ᠪᠠᠷ ᠬᠠᠰᠬᠢᠷᠤᠭᠰᠠᠨ ᠴᠤ᠌ ᠣᠢᠷᠠᠲᠤᠨ ᠢᠷᠡᠵᠦ ᠶᠠᠪᠤᠭᠠ ᠥᠭᠡᠯᠦᠨ ᠡᠬᠡ ᠪᠡᠨ ᠦᠵᠡᠭᠡᠳ ᠬᠦᠨᠳᠦ ᠪᠡᠷ ᠠᠮᠢᠰᠬᠤᠭᠠᠳᠠᠨ ᠪᠡᠶᠡ ᠪᠡᠨ ᠪᠠᠷᠢᠯᠠ᠃ᠲᠡᠷᠡ ᠬᠤᠷᠳᠤᠨ ᠲᠠᠢᠪᠤᠰᠢᠷᠠᠪᠠ᠃ᠣᠳᠣ ᠪᠠᠢᠳᠠᠯ ᠢ᠋ ᠬᠤᠷᠴᠠᠳᠬᠠᠨ ᠪᠥᠷᠲᠡ ᠶ᠋ᠢᠨ ᠠᠭᠤᠷ ᠪᠣᠬᠢᠮᠳᠤᠯ ᠢ᠋ ᠳᠠᠬᠢᠨ ᠣᠪᠣᠯᠵᠠᠭᠤᠯᠬᠤ ᠦᠭᠡᠢ ᠪᠠᠢᠬᠤ ᠨᠢ ᠵᠥᠪ ᠭᠡᠵᠦ ᠪᠣᠳᠣᠵᠠᠢ᠃
— ᠪᠢ ᠶᠠᠭᠤ ᠴᠤ᠌ ᠪᠣᠯᠤᠭᠰᠠᠨ ᠬᠥᠪᠡᠭᠦᠳ ᠢ᠋ᠶ᠋ᠡᠨ ᠵᠠᠮᠤᠬᠠ ᠶ᠋ᠢᠨ ᠭᠠᠷ ᠲᠤ᠌ ᠵᠦᠭᠡᠷ ᠣᠷᠬᠢᠬᠤ ᠦᠭᠡᠢ᠃ᠲᠡᠢᠮᠦ ᠠ᠋᠃ᠵᠥᠴᠢ᠂ ᠴᠠᠭᠠᠲᠠᠢ ᠬᠥᠪᠡᠭᠦᠳ ᠮᠢᠨᠢ ᠦᠬᠦᠵᠦ ᠦᠷᠡᠭᠳᠡᠵᠦ ᠮᠡᠳᠡᠨᠡ᠃ᠭᠡᠪᠡᠴᠦ ᠨᠠᠳᠠᠳᠤ ᠳᠠᠬᠢᠭᠠᠳ ᠥᠭᠡᠳᠡᠢ ᠲᠤᠯᠤᠢ ᠬᠣᠶᠠᠷ ᠬᠥᠪᠡᠭᠦᠨ ᠮᠢᠨᠢ ᠦᠯᠡᠳᠡᠨᠡ᠃ᠪᠠᠰᠠ ᠪᠣᠷᠵᠢᠭᠢᠨ ᠠᠢᠮᠠᠭ ᠦᠯᠡᠳᠡᠨᠡ᠃ᠪᠣᠷᠵᠢᠭᠢᠨ ᠠᠢᠮᠠᠭ ᠨᠠᠳᠠᠳᠤ ᠬᠥᠪᠡᠭᠦᠳ ᠦ᠋ᠨ ᠮᠢᠨᠢ ᠠᠮᠢᠨ ᠡᠴᠡ ᠴᠤ᠌ ᠦᠨᠡᠲᠡᠢ ᠶᠤᠮ᠃
ᠡᠨᠡ ᠪᠣᠯ ᠳᠡᠩᠳᠡᠭᠦᠦ ᠬᠠᠲᠠᠭᠤ ᠴᠤ᠌ ᠦᠨᠡᠨ ᠦᠭᠡ ᠪᠠᠢᠪᠠ᠃ᠬᠡᠷᠪᠡ ᠪᠣᠷᠵᠢᠭᠢᠨ ᠠᠢᠮᠠᠭ ᠦᠭᠡᠢ ᠪᠣᠯ ᠲᠡᠮᠦᠵᠢᠨ ᠪᠥᠷᠲᠡ ᠬᠣᠶᠠᠷ ᠬᠡᠴᠢᠨᠡᠨ ᠴᠦ᠍ ᠬᠥᠪᠡᠭᠦᠳ ᠲᠡᠢ ᠪᠠᠢᠭᠠᠳ ᠶᠠᠭᠤᠨ ᠤ᠋ ᠭᠠᠪᠢᠶᠠ ᠪᠢᠯᠡ᠃ᠪᠥᠷᠲᠡ ᠤᠳᠠᠭᠠᠨ ᠪᠣᠳᠣᠯᠠ᠃ᠲᠡᠮᠦᠵᠢᠨ ᠴᠦ᠍ ᠲᠡᠪᠴᠢᠶᠡᠷᠢ ᠲᠡᠢ ᠬᠦᠯᠢᠶᠡᠪᠡ᠃ᠲᠡᠮᠦᠵᠢᠨ ᠥᠪᠡᠷ ᠦ᠋ᠨ ᠰᠢᠢᠳᠪᠦᠷᠢ ᠡᠴᠡ ᠬᠡᠷᠬᠢᠪᠡᠴᠦ ᠪᠤᠴᠠᠬᠤ ᠦᠭᠡᠢ ᠨᠢ ᠲᠣᠳᠣᠷᠬᠠᠢ ᠪᠠᠢᠯᠠ᠃ᠲᠡᠷᠡ ᠪᠥᠷᠲᠡ ᠶ᠋ᠢᠨ ᠬᠣᠶᠠᠷ ᠬᠥᠪᠡᠭᠦᠨ ᠢ᠋ ᠪᠤᠯᠢᠶᠠᠨ ᠠᠪᠴᠤ ᠦᠬᠦᠯ ᠳ᠋ᠦ᠍ ᠰᠢᠲᠠᠵᠤ ᠥᠭᠬᠦ ᠪᠡᠷ ᠨᠢᠭᠡᠨᠲᠡ ᠰᠢᠢᠳᠴᠡᠢ᠃
— ᠪᠢ ᠰᠥᠨᠢ ᠪᠤᠴᠠᠵᠤ ᠣᠴᠢᠬᠤ ᠶᠣᠰᠣᠲᠠᠢ ᠭᠡᠵᠦ ᠲᠡᠮᠦᠵᠢᠨ ᠤᠨᠲᠠᠷᠠᠭᠰᠠᠨ ᠭᠠᠯ ᠤ᠋ᠨ ᠦᠨᠡᠰᠦ ᠬᠤᠳᠬᠤᠬᠤ ᠵᠠᠭᠤᠷᠠ ᠬᠡᠯᠡᠭᠰᠡᠨ ᠨᠢ ᠶᠠᠭᠠᠷᠠᠵᠤ ᠪᠣᠢ ᠪᠠᠨ ᠢᠯᠡᠷᠬᠡᠢᠯᠡᠭᠰᠡᠨ ᠬᠡᠷᠡᠭ ᠪᠠᠢᠪᠠ᠃
— ᠬᠥᠪᠡᠭᠦᠳ ᠢ᠋ᠶ᠋ᠡᠨ ᠳᠠᠭᠤᠳᠠᠬᠤ ᠤᠤ? ᠭᠡᠵᠦ ᠪᠥᠷᠲᠡ ᠶ᠋ᠢ ᠬᠡᠯᠡᠬᠦ ᠳ᠋ᠦ᠍ ᠲᠡᠮᠦᠵᠢᠨ
— ᠪᠥᠷᠲᠡ ᠴᠢ ᠵᠥᠪᠰᠢᠶᠡᠷᠡᠵᠦ ᠪᠠᠢᠨᠠ ᠤᠤ? ᠭᠡᠵᠦ ᠪᠠᠶᠠᠷᠯᠠᠨ ᠳᠠᠭᠤ ᠠᠯᠳᠠᠪᠠ᠃
— ᠲᠡᠮᠦᠵᠢᠨ᠃ᠪᠢ ᠵᠥᠪᠰᠢᠶᠡᠷᠡᠵᠦ ᠪᠠᠢᠨᠠ᠃ᠪᠢᠳᠡᠨ ᠳ᠋ᠦ᠍ ᠪᠠᠰᠠ ᠥᠭᠡᠳᠡᠢ᠂ ᠲᠤᠯᠤᠢ ᠬᠣᠶᠠᠷ ᠬᠥᠪᠡᠭᠦᠨ ᠪᠠᠢᠭᠠ ᠶ᠋ᠢ ᠪᠢ ᠮᠠᠷᠲᠠᠵᠠᠢ᠃
ᠲᠡᠮᠦᠵᠢᠨ ᠪᠥᠷᠲᠡ ᠶ᠋ᠢ ᠬᠠᠢᠷᠠᠯᠠᠨ ᠲᠡᠪᠡᠷᠢᠪᠡ᠃ᠲᠡᠮᠦᠵᠢᠨ ᠡᠨᠳᠡ ᠡᠴᠢᠭᠡ ᠶ᠋ᠢᠨ ᠨᠠᠰᠤ ᠪᠠᠷᠠᠭᠰᠠᠨ ᠡᠴᠡ ᠬᠣᠢᠰᠢ ᠠᠩᠬᠠ ᠤᠳᠠᠭᠠ ᠤᠬᠢᠯᠠᠪᠠ᠃ᠴᠣᠬᠣᠮ ᠶᠠᠭᠠᠬᠢᠭᠠᠳ ᠤᠬᠢᠯᠠᠭᠰᠠᠨ ᠢ᠋ᠶ᠋ᠠᠨ ᠲᠡᠷᠡ ᠮᠡᠳᠡᠭᠰᠡᠨ ᠦᠭᠡᠢ᠃ᠶᠠᠭᠤᠲᠠᠢ ᠴᠤ᠌ ᠬᠠᠯᠠᠭᠤᠨ ᠨᠢᠯᠪᠤᠰᠤ ᠨᠢ ᠬᠠᠴᠠᠷ ᠳᠠᠭᠠᠨ ᠤᠷᠤᠰᠴᠤ ᠪᠠᠢᠪᠠ᠃ᠭᠡᠪᠡᠴᠦ ᠬᠠᠲᠠᠭᠤ ᠰᠡᠳᠬᠢᠯᠲᠦ ᠲᠡᠮᠦᠵᠢᠨ ᠥᠪᠡᠷ ᠦ᠋ᠨ ᠨᠢᠯᠪᠤᠰᠤ ᠡᠴᠡ ᠪᠠᠨ ᠣᠭᠲᠣᠬᠠᠨ ᠴᠤ᠌ ᠢᠴᠢᠭᠰᠡᠨ ᠦᠭᠡᠢ᠃ᠮᠠᠭᠠᠳ ᠦᠭᠡᠢ᠂ ᠬᠠᠢᠷᠠᠲᠠᠢ ᠬᠥᠪᠡᠭᠦᠳ ᠡᠴᠡ ᠪᠡᠨ ᠬᠠᠭᠠᠴᠠᠬᠤ ᠳ᠋ᠤ᠌ ᠪᠥᠷᠲᠡ ᠳ᠋ᠦ᠍ ᠬᠡᠴᠢᠨᠡᠨ ᠬᠦᠨᠳᠦ ᠪᠣᠯᠬᠤ ᠶ᠋ᠢ ᠣᠢᠯᠠᠭᠠᠭᠠᠳ ᠲᠡᠷᠡ ᠪᠢᠵᠡ᠃ᠡᠰᠡᠪᠡᠯ ᠭᠣᠣᠯ ᠡᠴᠡ ᠬᠠᠢᠷᠠᠲᠠᠢ ᠴᠠᠭᠠᠲᠠᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠶᠠᠪᠤᠭᠤᠯᠬᠤ ᠳ᠋ᠤ᠌ ᠲᠡᠮᠦᠵᠢᠨ ᠳ᠋ᠦ᠍ ᠦᠨᠡᠬᠡᠷ ᠠᠶᠤᠮᠰᠢᠭᠲᠠᠢ᠂ ᠬᠠᠷᠠᠭᠤᠰᠤᠮᠠᠷ ᠪᠠᠢᠭᠰᠠᠨ ᠴᠤ᠌ ᠶᠤᠮ ᠤᠤ᠂ ᠶᠡᠷᠦ ᠨᠢ ᠶᠠᠭᠠᠬᠢᠭᠠᠳ ᠨᠢᠯᠪᠤᠰᠤ ᠤᠷᠤᠰᠬᠠᠭᠰᠠᠨ ᠢ᠋ᠶ᠋ᠠᠨ ᠣᠢᠯᠠᠭᠠᠭᠰᠠᠨ ᠦᠭᠡᠢ᠃ᠬᠠᠷᠢᠨ ᠵᠥᠴᠢ ᠶ᠋ᠢ ᠢᠯᠡᠭᠡᠬᠦ ᠶ᠋ᠢᠨ ᠲᠤᠯᠠᠳᠠ ᠴᠠᠭᠠᠲᠠᠢ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠵᠣᠯᠢᠶᠠᠰᠤᠯᠠᠬᠤ ᠡᠴᠡ ᠥᠭᠡᠷᠡ ᠠᠷᠭᠠ ᠲᠡᠮᠦᠵᠢᠨ ᠳ᠋ᠦ᠍ ᠦᠯᠡᠳᠡᠭᠰᠡᠨ ᠦᠭᠡᠢ᠃ᠬᠡᠷᠡᠭ ᠶᠠᠪᠤᠳᠠᠯ ᠨᠢᠭᠡᠨᠲᠡ ᠰᠢᠢᠳᠦᠭᠳᠡᠭᠰᠡᠨ ᠲᠤᠯᠠ ᠪᠥᠷᠲᠡ ᠥᠭᠡᠯᠦᠨ ᠡᠬᠡ ᠶ᠋ᠢᠨ ᠬᠠᠮᠲᠤ ᠭᠥᠷᠦᠭᠡᠰᠦᠨ ᠦ᠌ ᠮᠢᠬᠠ ᠰᠢᠷᠠᠵᠤ ᠲᠡᠳᠡ ᠬᠠᠯᠠᠭᠤᠨ ᠠᠮᠠ ᠪᠦᠯᠢ ᠪᠡᠷ ᠢ᠋ᠶ᠋ᠡᠨ ᠬᠣᠭᠣᠯᠠᠯᠠᠪᠠ᠃ᠵᠡᠯᠮᠡ ᠨᠢᠭᠡᠨᠲᠡ ᠬᠡᠷᠡᠭ ᠦ᠋ᠨ ᠤᠴᠢᠷ ᠢ᠋ ᠮᠡᠳᠡᠵᠦ ᠪᠠᠢᠭᠰᠠᠨ ᠲᠤᠯᠠ ᠨᠢᠭᠡ ᠴᠦ᠍ ᠦᠭᠡ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ ᠬᠣᠯᠠ ᠦᠭᠡᠢ ᠮᠣᠳᠣᠨ ᠤ᠋ ᠢᠷᠣᠭᠠᠷ ᠲᠤ᠌ ᠰᠠᠭᠤᠭᠠᠳ ᠮᠢᠬᠠ ᠵᠤᠯᠭᠠᠭᠠᠵᠤ ᠪᠠᠢᠪᠠ᠃ᠵᠠᠯᠮᠠ ᠤᠭ ᠡᠴᠡ ᠶᠢᠰᠦᠭᠡᠢ ᠶ᠋ᠢᠨ ᠤᠨᠠᠭᠠᠨ ᠪᠣᠭᠣᠯ ᠲᠤᠯᠠ ᠬᠡᠵᠢᠶᠡ ᠴᠦ᠍ ᠢᠯᠡᠭᠦᠦ ᠳᠤᠲᠠᠭᠤ ᠦᠭᠡ ᠦᠯᠦ ᠬᠡᠯᠡᠳᠡᠭ ᠪᠢᠯᠡ᠃
— ᠬᠥᠪᠡᠭᠦᠳ ᠢ᠋ᠶ᠋ᠡᠨ ᠳᠠᠭᠤᠳᠠ! ᠭᠡᠵᠦ ᠲᠡᠮᠦᠵᠢᠨ ᠮᠢᠬᠠ ᠢᠳᠡᠵᠦ ᠴᠠᠳᠤᠭᠠᠳ ᠪᠤᠯᠠᠭ ᠤ᠋ᠨ ᠬᠦᠢᠲᠡᠨ ᠤᠰᠤ ᠵᠠᠯᠭᠢᠯᠠᠭᠰᠠᠨ ᠤ᠋ ᠳᠠᠷᠠᠭᠠ ᠬᠡᠯᠡᠪᠡ᠃ᠵᠥᠴᠢ ᠴᠠᠭᠠᠲᠠᠢ ᠬᠣᠶᠠᠷ ᠢ᠋ᠶ᠋ᠠᠨ ᠰᠡᠭᠦᠯᠴᠢ ᠶ᠋ᠢᠨ ᠤᠳᠠᠭᠠ ᠬᠠᠷᠠᠵᠤ ᠪᠠᠢᠵᠤ ᠮᠡᠳᠡᠬᠦ ᠴᠦ᠍ ᠪᠥᠷᠲᠡ ᠶᠡᠷᠦ ᠰᠢᠨᠠᠯᠵᠤ ᠬᠠᠷᠠᠮᠰᠠᠭᠰᠠᠨ ᠦᠭᠡᠢ᠃ᠲᠡᠭᠦᠨ ᠦ᠌ ᠰᠡᠳᠬᠢᠯ ᠲᠡᠮᠦᠵᠢᠨ ᠦ᠌ ᠬᠣᠯᠠ ᠶ᠋ᠢᠨ ᠬᠠᠲᠠᠭᠤ ᠴᠢᠩᠭᠠ ᠵᠣᠷᠢᠯᠭᠠ ᠶ᠋ᠢ ᠣᠢᠯᠠᠭᠠᠵᠤ ᠪᠠᠢᠯᠠ᠃ᠡᠢᠮᠦ ᠶᠠᠭᠤᠮᠠ ᠦᠵᠡᠬᠦ ᠭᠡᠵᠦ ᠲᠡᠷᠡ ᠲᠡᠮᠦᠵᠢᠨ ᠢ᠋ ᠳᠠᠭᠠᠭᠰᠠᠨ ᠪᠣᠯᠬᠣᠷ ᠬᠥᠪᠡᠭᠦᠳ ᠦ᠋ᠨ ᠢ᠋ᠶ᠋ᠡᠨ ᠦᠬᠦᠯ ᠳ᠋ᠦ᠍ ᠨᠢᠭᠡᠨᠲᠡ ᠬᠠᠷᠠᠮᠰᠠᠨ ᠭᠠᠰᠢᠭᠤᠳᠠᠬᠤ ᠦᠭᠡᠢ ᠪᠠᠢᠬᠤ ᠪᠠᠷ ᠡᠷᠡᠰ ᠰᠢᠢᠳᠴᠡᠢ᠃ ᠥᠨᠳᠥᠷ ᠭᠤᠸᠠᠯᠢᠭ ᠪᠡᠶᠡ ᠲᠡᠢ ᠵᠥᠴᠢ᠂ ᠪᠠᠬᠢᠮ(ᠪᠣᠭᠣᠨᠢ) ᠱᠠᠭᠠᠨᠲᠠᠭ ᠰᠢᠭ᠋ ᠴᠠᠭᠠᠲᠠᠢ ᠬᠣᠶᠠᠷ ᠨᠢᠳᠦ ᠪᠡᠨ ᠭᠢᠯᠠᠯᠵᠠᠭᠤᠯᠤᠨ ᠡᠴᠢᠭᠡ ᠡᠬᠡ ᠶ᠋ᠢᠨ ᠢ᠋ᠶ᠋ᠡᠨ ᠡᠮᠦᠨᠡ ᠵᠣᠭᠰᠣᠨᠠ᠃ᠲᠡᠮᠦᠵᠢᠨ ᠲᠡᠳᠡᠨ ᠢ᠋ ᠪᠡᠨ ᠬᠠᠷᠠᠮᠠᠭᠴᠠ ᠭᠡᠨᠡᠳᠲᠡ ᠨᠢᠯᠬᠠ ᠪᠠᠯᠴᠢᠷ ᠦᠷᠡᠰ ᠨᠢ ᠦᠷᠦ ᠡᠪᠡᠳᠦᠯᠲᠡᠢ᠂ ᠬᠠᠢᠷᠠᠯᠠᠯᠲᠠᠢ ᠰᠠᠨᠠᠭᠳᠠᠭᠠᠳ ᠳᠠᠰᠤᠯ ᠦᠭᠡᠢ ᠲᠡᠳᠡᠨ ᠢ᠋ ᠡᠯᠢᠭᠡᠨ ᠳ᠋ᠡᠭᠡᠨ ᠨᠠᠭᠠᠨ ᠲᠡᠪᠡᠷᠢᠭᠰᠡᠨ ᠪᠢᠯᠡ᠃ᠭᠡᠪᠡᠴᠦ ᠲᠡᠭᠦᠨ ᠳ᠋ᠦ᠍ ᠤᠬᠤᠷᠢᠬᠤ ᠪᠤᠴᠠᠬᠤ ᠵᠠᠮ ᠨᠢᠭᠡᠨᠲᠡ ᠦᠭᠡᠢ ᠪᠣᠯᠵᠠᠢ᠃ᠬᠥᠪᠡᠭᠦᠳ ᠢ᠋ᠶ᠋ᠡᠨ ᠡᠯᠢᠭᠡᠨ ᠳ᠋ᠡᠭᠡᠨ ᠲᠡᠪᠡᠷᠢᠭᠰᠡᠨ ᠲᠡᠮᠦᠵᠢᠨ ᠢ᠋ ᠬᠠᠷᠠᠭᠠᠳ ᠥᠭᠡᠯᠦᠨ᠂ ᠪᠥᠷᠲᠡ ᠬᠣᠶᠠᠷ ᠨᠢᠯᠪᠤᠰᠤ ᠪᠠᠨ ᠪᠠᠷᠢᠵᠤ ᠲᠡᠪᠴᠢᠭᠰᠡᠨ ᠦᠭᠡᠢ᠃ᠶᠠᠮᠠᠷ ᠭᠡᠭᠴᠢ ᠴᠠᠭ ᠦᠶᠡ ᠬᠤᠪᠢ ᠵᠣᠬᠢᠶᠠᠯ ᠢ᠋ᠶ᠋ᠠᠷ ᠤᠴᠠᠷᠠᠵᠤ ᠲᠥᠷᠥᠭᠰᠡᠨ ᠡᠴᠢᠭᠡ ᠬᠥᠪᠡᠭᠦᠳ ᠪᠣᠯᠬᠤ ᠶ᠋ᠢ ᠬᠡᠨ ᠶᠠᠭᠠᠬᠢᠨ ᠮᠡᠳᠡᠬᠦ ᠪᠢᠯᠡ᠃
— ᠴᠢᠨᠦ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠵᠥᠴᠢ ᠶ᠋ᠢ ᠭᠠᠭᠴᠠᠭᠠᠷ ᠢ᠋ ᠨᠢ ᠶᠠᠪᠤᠭᠤᠯᠤᠶᠠ ᠭᠡᠵᠦ ᠪᠥᠷᠲᠡ ᠶ᠋ᠢ ᠬᠡᠯᠡᠬᠦ ᠳ᠋ᠦ᠍ ᠲᠡᠮᠦᠵᠢᠨ ᠤᠳᠠᠭᠠᠨ ᠪᠣᠳᠣᠵᠤ ᠰᠠᠭᠤᠭᠠᠳ
— ᠦᠭᠡᠢ᠃ᠴᠢᠨᠦ ᠬᠡᠯᠡᠭᠰᠡᠨ ᠵᠥᠪ᠃ᠵᠥᠴᠢ ᠶ᠋ᠢ ᠭᠠᠭᠴᠠᠭᠠᠷ ᠶᠠᠪᠤᠭᠤᠯᠪᠠᠯ ᠵᠠᠮᠤᠬᠠ ᠮᠢᠨᠦ ᠦᠭᠡᠨ ᠳ᠋ᠦ᠍ ᠢᠲᠡᠭᠡᠬᠦ ᠦᠭᠡᠢ ᠪᠠᠢᠵᠤ ᠮᠡᠳᠡᠨᠡ᠃ᠵᠥᠴᠢ᠂ ᠴᠠᠭᠠᠲᠠᠢ ᠬᠣᠶᠠᠷ ᠢ᠋ᠶ᠋ᠠᠨ ᠬᠠᠮᠲᠤ ᠶᠠᠪᠤᠭᠤᠯᠤᠶᠠ ᠭᠡᠵᠡᠢ᠃ᠢᠩᠭᠢᠵᠦ ᠪᠥᠷᠲᠡ ᠬᠠᠢᠷᠠᠲᠠᠢ ᠬᠣᠶᠠᠷ ᠬᠥᠪᠡᠭᠦᠨ ᠢ᠋ᠶ᠋ᠡᠨ ᠦᠬᠦᠯ ᠳ᠋ᠦ᠍ ᠰᠢᠲᠠᠵᠤ ᠥᠭᠴᠡᠢ᠃ᠬᠥᠪᠡᠭᠦᠳ ᠨᠢ ᠡᠴᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠦᠭᠡ ᠶ᠋ᠢ ᠴᠡᠭᠡᠵᠢᠯᠡᠵᠦ ᠠᠪᠤᠭᠠᠳ ᠠᠩ ᠳ᠋ᠤ᠌ ᠶᠠᠪᠤᠵᠤ ᠪᠣᠢ ᠮᠡᠲᠦ ᠪᠥᠭᠡᠮ ᠪᠠᠶᠠᠷ ᠬᠥᠷ ᠳᠦᠭᠦᠷᠡᠩ ᠠᠮᠢᠲᠠᠳ ᠪᠣᠭᠣᠯ ᠲᠡᠳᠦ ᠶ᠋ᠢ ᠳᠠᠭᠠᠭᠤᠯᠤᠨ ᠮᠣᠷᠳᠠᠬᠤ ᠳ᠋ᠤ᠌ ᠪᠥᠷᠲᠡ ᠶ᠋ᠢᠨ ᠬᠥᠯ ᠦ᠋ᠨ ᠳᠣᠣᠷᠠᠬᠢ ᠭᠠᠵᠠᠷ ᠴᠥᠮᠥᠷᠡᠬᠦ ᠰᠢᠭ ᠪᠣᠯᠤᠭᠰᠠᠨ ᠴᠤ᠌ ᠬᠥᠪᠡᠭᠦᠳ ᠢ᠋ᠶ᠋ᠡᠨ ᠠᠶᠤᠯᠭᠠᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ ᠬᠦᠴᠦ ᠪᠡᠷ ᠢᠨᠢᠶᠡᠵᠦ ᠦᠳᠡᠭᠰᠡᠨ ᠪᠢᠯᠡ᠃ᠲᠡᠮᠦᠵᠢᠨ ᠴᠦ᠍ ᠤᠳᠠᠯ ᠦᠭᠡᠢ ᠶᠠᠪᠤᠪᠠ᠃ᠲᠡᠷᠡ ᠰᠥᠨᠢ ᠪᠥᠷᠲᠡ ᠣᠬᠢᠯᠠᠭᠠ ᠦᠭᠡᠢ ᠴᠦ᠍ ᠥᠪᠡᠷ ᠢ᠋ ᠪᠡᠨ ᠡᠨᠡ ᠶᠢᠷᠲᠢᠨᠴᠦ ᠶ᠋ᠢᠨ ᠬᠠᠮᠤᠭ ᠤ᠋ᠨ ᠲᠡᠨᠡᠭ ᠡᠮᠡ ᠭᠡᠵᠦ ᠬᠠᠷᠢᠶᠠᠵᠤ ᠬᠣᠨᠣᠵᠠᠢ᠃ᠵᠥᠴᠢ ᠶ᠋ᠢ ᠭᠠᠭᠴᠠᠭᠠᠷ ᠶᠠᠪᠤᠭᠤᠯᠤᠶᠠ ᠭᠡᠬᠦ ᠳ᠋ᠦ᠍ ᠵᠥᠪᠰᠢᠶᠡᠷᠡᠵᠦ ᠴᠢᠳᠠᠭᠠ ᠦᠭᠡᠢ ᠮᠥᠷᠲᠡᠭᠡᠨ ᠴᠠᠭᠠᠲᠠᠢ ᠶ᠋ᠢᠨ ᠬᠠᠮᠲᠤ ᠶᠠᠪᠤᠭᠤᠯᠤᠶᠠ ᠭᠡᠬᠦ ᠳ᠋ᠦ᠍ᠨᠢ ᠵᠥᠪᠰᠢᠶᠡᠷᠡᠵᠦ ᠪᠠᠢᠳᠠᠭ ᠲᠡᠨᠡᠭ ᠡᠮᠡ ᠨᠠᠳᠠ ᠡᠴᠡ ᠥᠭᠡᠷᠡ ᠦᠭᠡᠢ ᠪᠢᠵᠡ ᠭᠡᠵᠦ ᠥᠩᠭᠡᠷᠡᠭᠰᠡᠨ ᠬᠣᠢᠨᠠ ᠦᠷᠦ ᠪᠡᠨ ᠡᠪᠡᠳᠬᠡᠨ ᠰᠢᠨᠠᠯᠤᠭᠰᠠᠭᠠᠷ ᠪᠠᠢᠪᠠ᠃ᠭᠡᠪᠡᠴᠦ ᠬᠥᠪᠡᠭᠦᠳ ᠨᠢ ᠡᠴᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠡᠮᠦᠨᠡ ᠡᠴᠡ ᠦᠬᠦᠬᠦ ᠶᠣᠰᠣᠲᠠᠢ ᠪᠣᠯ ᠦᠬᠦᠬᠦ ᠡᠴᠡ ᠭᠡᠵᠦ ᠬᠠᠲᠠᠭᠤ ᠰᠡᠳᠬᠢᠯ ᠭᠠᠷᠭᠠᠵᠤ ᠪᠠᠢᠭᠰᠠᠨ ᠴᠤ᠌ ᠵᠦᠭᠡᠷ ᠬᠡᠪᠲᠡᠵᠦ ᠡᠰᠡ ᠴᠢᠳᠠᠭᠠᠳ ᠪᠣᠰᠴᠤ ᠲᠩᠷᠢ ᠳ᠋ᠦ᠍ ᠮᠥᠷᠭᠥᠵᠦ ᠬᠥᠪᠡᠭᠦᠳ ᠢ᠋ᠶ᠋ᠡᠨ ᠠᠪᠤᠷᠠᠨ ᠬᠠᠮᠠᠭᠠᠯᠠᠬᠤ ᠶ᠋ᠢ ᠭᠤᠶᠤᠵᠠᠢ᠃ᠪᠥᠷᠲᠡ ᠶ᠋ᠢᠨ ᠲᠩᠷᠢ ᠳ᠋ᠦ᠍ ᠮᠥᠷᠭᠥᠨ ᠭᠤᠶᠤᠭᠰᠠᠨ ᠨᠢ ᠲᠠᠯᠠᠭᠠᠷ ᠪᠣᠯᠤᠭᠰᠠᠨ ᠦᠭᠡᠢ ᠪᠢᠯᠡ᠃
ᠵᠡᠭᠡᠷᠡᠨ ᠬᠠᠪᠴᠢᠯ ᠤ᠋ᠨ ᠳᠣᠯᠣᠭᠠᠨ ᠶᠠᠭ ᠯᠠ ᠲᠡᠮᠦᠵᠢᠨ ᠦ᠌ ᠰᠠᠨᠠᠭᠰᠠᠨ ᠢ᠋ᠶ᠋ᠠᠷ ᠪᠣᠯᠪᠠ᠃ᠵᠥᠴᠢ ᠴᠠᠭᠠᠲᠠᠢ ᠬᠣᠶᠠᠷ ᠢ᠋ᠶ᠋ᠠᠷ ᠲᠡᠮᠦᠵᠢᠨ ᠦ᠌ ᠬᠡᠯᠡᠭᠦᠯᠦᠭᠰᠡᠨ ᠦᠭᠡ ᠶ᠋ᠢ ᠵᠠᠮᠤᠬᠠ ᠰᠣᠨᠣᠰᠤᠮᠠᠭᠴᠠ ᠬᠣᠶᠠᠷ ᠡᠳᠦᠷ ᠦ᠋ᠨ ᠳᠠᠷᠠᠭᠠ ᠴᠡᠷᠢᠭ ᠢ᠋ᠶ᠋ᠡᠨ ᠲᠡᠳᠡᠨ ᠣᠳᠪᠠ᠃ᠬᠠᠷᠢᠨ ᠲᠡᠮᠦᠵᠢᠨ ᠢ᠋ ᠭᠠᠢᠬᠠᠰᠢᠷᠠᠭᠤᠯᠵᠤ ᠪᠦᠷ ᠪᠢᠰᠢᠷᠡᠭᠦᠯᠦᠮᠡᠷ ᠶᠠᠪᠤᠳᠠᠯ ᠪᠣᠯᠤᠭᠰᠠᠨ ᠨᠢ ᠵᠥᠴᠢ ᠬᠥᠪᠡᠭᠦᠨ ᠨᠢ ᠵᠠᠮᠤᠬᠠ ᠶ᠋ᠢᠨ ᠬᠦᠷᠢᠶᠡᠨ ᠳ᠋ᠦ᠍ ᠣᠴᠢᠭᠠᠳ ᠬᠣᠶᠠᠷ ᠬᠣᠨᠣᠬᠤ ᠳ᠋ᠠᠭᠠᠨ ᠨᠢᠳᠦ ᠴᠠᠪᠴᠢᠯ ᠦᠭᠡᠢ ᠪᠠᠢᠵᠤ ᠴᠢᠳᠠᠭᠠᠳ ᠳᠡᠭᠦᠦ ᠪᠡᠨ ᠳᠠᠭᠠᠭᠤᠯᠤᠨ ᠤᠷᠭᠤᠵᠤ ᠢᠷᠡᠭᠰᠡᠨ ᠬᠡᠷᠡᠭ ᠶᠤᠮ᠃ᠡᠨᠡ ᠪᠣᠯ ᠬᠢᠷᠢ ᠪᠠᠷᠤᠭ ᠤ᠋ᠨ ᠣᠪᠵᠢᠨ ᠭᠠᠪᠰᠢᠭᠠᠢ ᠴᠡᠷᠢᠭ ᠴᠦ᠍ ᠴᠢᠳᠠᠨᠠ ᠭᠡᠬᠦ ᠳ᠋ᠦ᠍ ᠡᠷᠡᠭᠡᠯᠵᠡᠮᠡᠷ ᠶᠠᠪᠤᠳᠠᠯ ᠲᠤᠯᠠ ᠲᠡᠮᠦᠵᠢᠨ ᠵᠥᠴᠢ ᠶ᠋ᠢ ᠶᠡᠬᠡᠳᠡ ᠪᠠᠬᠠᠳᠤᠨ ᠲᠣᠭᠣᠵᠤ᠂ ᠡᠭᠦᠨ ᠡᠴᠡ ᠤᠯᠪᠠᠭᠠᠯᠠᠨ ᠵᠥᠴᠢ ᠶ᠋ᠢᠨ ᠨᠡᠷᠡ ᠣᠯᠠᠨ ᠤ᠋ ᠳᠤᠮᠳᠠ ᠰᠦᠷᠡᠬᠡᠢ ᠠᠯᠳᠠᠷᠰᠢᠪᠠ᠃ᠭᠡᠪᠡᠴᠦ ᠡᠨᠡ ᠨᠢ ᠪᠣᠭᠣᠯ ᠲᠡᠳᠦ ᠶ᠋ᠢᠨ ᠬᠦᠴᠦ ᠪᠠᠢᠭᠰᠠᠨ ᠢ᠋ ᠬᠡᠨ ᠴᠦ᠍ ᠲᠣᠭᠠᠴᠠᠭᠰᠠᠨ ᠦᠭᠡᠢ ᠪᠥᠭᠡᠳ ᠲᠡᠳᠦ ᠴᠦ᠍ ᠵᠥᠴᠢ ᠡᠵᠡᠨ ᠢ᠋ᠶ᠋ᠡᠨ ᠠᠪᠤᠷᠠᠭᠰᠠᠨ ᠢ᠋ᠶ᠋ᠠᠨ ᠥᠪᠡᠷ ᠦ᠋ᠨ ᠭᠠᠪᠢᠶᠠ ᠭᠡᠵᠦ ᠳᠤᠷᠠᠳᠬᠤ ᠡᠷᠬᠡ ᠦᠭᠡᠢ ᠪᠠᠢᠯᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠡᠷᠡᠯ᠂ ᠬᠡᠷᠡᠶ᠋ᠢᠳ ᠮᠥᠩᠬᠡᠨᠠᠰᠤᠨ᠂ ᠬᠡᠯᠡᠰᠣᠶᠤᠯ᠂ ( ᠪᠤᠤ ᠸᠸᠨ ᠬᠤᠸᠠ)᠂ ᠱᠠᠭᠰᠠᠯ᠂
ᠠᠯᠲᠠᠨᠴᠡᠴᠡᠭ᠂ ᠨᠠᠷᠠᠨᠲᠤᠶᠠᠭᠠ᠂ ᠰᠡᠴᠡᠨᠴᠢᠮᠡᠭ᠂ ᠵᠢᠩᠯᠢᠬᠤᠸᠠᠷ᠂ ᠡᠩᠬᠡᠪᠠᠲᠤ᠂ ᠠᠷᠢᠭᠤᠨ᠂
ᠮᠥᠩᠭᠥᠨ᠂ ᠴᠡᠴᠡᠭ᠂ ᠪᠠᠶᠠᠨᠰᠡᠷᠡᠩ᠂ ᠣᠶᠤᠨᠪᠢᠯᠢᠭ᠌᠂ ᠳᠡᠭᠦᠵᠠᠶᠠᠭᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ᠂ ᠰᠡᠬᠡᠭᠡᠷᠡᠯ᠂ ᠮᠣᠩᠭᠣᠯ ᠰᠦᠨᠡᠰᠦ᠂ ᠠᠷᠢᠭᠤᠨ ᠂ ᠭᠠᠷᠮᠠ᠂ ᠨᠠᠷᠠᠨ᠂
ᠰᠡᠴᠡᠨᠴᠢᠮᠡᠭ᠂ ᠲ·ᠬᠦᠮᠦᠵᠢᠯᠲᠦ᠂ ᠱᠠᠭᠰᠠᠯ᠂ ᠪᠠᠶᠠᠨᠴᠡᠴᠡᠭ᠂ ᠬᠡᠯᠡᠰᠣᠶᠤᠯ᠂ ᠬᠠᠢ ᠵᠢᠶᠦ᠋ᠨ