ᠮᠣᠩᠭᠣᠯ ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ ᠳᠡᠭᠡᠵᠢ – ᠳ᠂ ᠵᠠᠶᠠᠭᠠᠪᠠᠭᠠᠲᠤᠷ ᠡᠮᠬᠢᠳᠬᠡᠪᠡ < ᠬ ᠶᠢᠨ ᠠᠢᠮᠠᠭ –1>Монгол зүйр цэцэн үгийн гураван мянган дээж – Д᠂Заяабаатар эмхэтгэв <Хийн аймаг 1>
2150ᠬ (Х) ᠶᠢᠨ ᠠᠢᠮᠠᠭ –1
2105 ᠬᠠ ᠬᠦᠷᠦᠭᠰᠡᠨ ᠭᠠᠵᠠᠷ ᠭᠤᠶᠠ ᠬᠦᠷᠦᠨᠡ
ᠬᠥᠯ ᠬᠦᠷᠦᠭᠰᠡᠨ ᠭᠠᠵᠠᠷ ᠭᠠᠷ ᠬᠦᠷᠦᠨᠡ
2106 ᠬᠠᠮᠢᠭᠠᠭᠤᠷ ᠶᠠᠪᠤᠬᠤ ᠶ᠋ᠢ ᠭᠠᠵᠠᠷᠴᠢ ᠮᠡᠳᠡᠨᠡ
ᠬᠠᠮᠢᠭᠠ ᠬᠦᠷᠬᠦ ᠶ᠋ᠢ ᠨᠣᠶᠠᠨ ᠮᠡᠳᠡᠨᠡ
2107 ᠬᠠᠭᠠᠳ ᠨᠣᠶᠠᠳ ᠬᠠᠷᠠᠳᠠᠪᠠᠯ
ᠬᠠᠷᠠᠴᠤ ᠢᠷᠭᠡᠳ ᠤᠷᠪᠠᠬᠤ
2108 ᠬᠠᠭᠠᠳ ᠢ᠋ ᠵᠣᠳᠣᠯᠳᠤᠬᠤ ᠳ᠋ᠤ᠌
ᠬᠠᠷᠠᠴᠤ ᠠᠷᠠᠳ ᠬᠣᠬᠢᠷᠠᠳᠠᠭ
2109 ᠬᠠᠭᠠᠨ ᠪᠣᠯᠤᠭᠰᠠᠨ ᠴᠤ᠌
ᠬᠠ ᠶ᠋ᠢᠨ ᠪᠤᠯᠴᠢᠷᠬᠠᠢ ᠪᠦᠦ ᠬᠠᠶᠠ
2110 ᠭᠤᠶᠤᠯᠭᠠᠴᠢᠨ ᠪᠣᠯᠤᠭᠰᠠᠨ ᠴᠤ᠌
ᠭᠤᠶᠠᠨ ᠤ᠋ ᠪᠤᠯᠴᠢᠷᠬᠠᠢ ᠪᠦᠦ ᠢᠳᠡ
2111 ᠬᠠᠭᠠᠨ ᠥᠪᠡᠷ ᠦ᠋ᠨ ᠣᠷᠣᠨ ᠳ᠋ᠤ᠌ ᠬᠦᠨᠳᠦᠯᠡᠭᠳᠡᠳᠡᠭ
ᠮᠡᠷᠭᠡᠳ ᠣᠷᠣᠨ ᠪᠦᠬᠦᠨ ᠳ᠋ᠦ᠍ ᠬᠦᠨᠳᠦᠯᠡᠭᠳᠡᠳᠡᠭ
2112 ᠬᠠᠭᠠᠨ ᠤᠯᠤᠰ ᠲᠠᠭᠠᠨ ᠡᠷᠭᠦᠭᠳᠡᠬᠦ
ᠡᠷᠳᠡᠮᠲᠡᠨ ᠬᠣᠲᠠᠯᠠ ᠳ᠋ᠤ᠌ ᠡᠷᠭᠦᠭᠳᠡᠬᠦ
2113 ᠬᠠᠭᠠᠨ ᠬᠢᠯᠢᠩᠯᠡᠪᠡᠰᠦ ᠲᠥᠷᠥ ᠪᠡᠨ ᠡᠪᠳᠡᠬᠦ
ᠵᠠᠭᠠᠨ ᠬᠢᠯᠢᠩᠯᠡᠪᠡᠰᠦ ᠬᠣᠲᠠ ᠶ᠋ᠢ ᠡᠪᠳᠡᠬᠦ
2114 ᠬᠠᠭᠠᠨ ᠬᠥᠮᠦᠨ ᠬᠠᠷᠠᠴᠤ ᠤᠷᠤᠭ ᠲᠠᠢ
ᠪᠣᠭᠣᠯ ᠬᠥᠮᠦᠨ ᠨᠣᠶᠠᠨ ᠤᠷᠤᠭ ᠲᠠᠢ
2115 ᠬᠠᠭᠠᠨ ᠬᠥᠮᠦᠨ ᠳ᠋ᠦ᠍ ᠬᠠᠨᠢ ᠦᠭᠡᠢ
ᠬᠠᠷᠠᠴᠤ ᠬᠥᠮᠦᠨ ᠳ᠋ᠦ᠍ ᠬᠠᠯᠠ ᠦᠭᠡᠢ
2116 ᠬᠠᠭᠠᠨ ᠠ᠋ᠴᠠ ᠬᠠᠭᠠᠯᠭᠠᠴᠢ ᠨᠢ
ᠳᠡᠭᠡᠳᠦ ᠡᠴᠡ ᠳᠡᠷᠭᠡᠳᠡᠬᠢ ᠨᠢ
2117 ᠬᠠᠭᠠᠨᠲᠤ ᠭᠠᠵᠠᠷ ᠲᠤ
ᠬᠠᠷᠠᠴᠤ ᠣᠯᠠᠨ
2118 ᠬᠠᠭᠠᠨ ᠤ᠋ ᠠᠯᠪᠠ ᠬᠠᠯᠠᠭᠠ ᠲᠠᠢ
ᠡᠵᠡᠨ ᠦ᠌ ᠠᠯᠪᠠ ᠡᠭᠡᠯᠵᠢ ᠲᠡᠢ
2119 ᠬᠠᠭᠠᠨ ᠢ᠋ ᠨᠢ ᠠᠷᠭᠠᠳᠠᠬᠤ ᠪᠠᠷ
ᠬᠠᠭᠠᠯᠭᠠᠴᠢ ᠶ᠋ᠢ ᠨᠢ ᠠᠷᠭᠠᠳᠠ
2120 ᠬᠠᠭᠠᠨ ᠤ᠋ ᠡᠮᠦᠨᠡ ᠡᠴᠡ
ᠭᠤᠢᠷᠠᠨᠴᠢ ᠵᠣᠪᠠᠨᠠ
2121 ᠬᠠᠭᠠᠨ ᠤ᠋ ᠰᠠᠢᠨ ᠳ᠋ᠤ᠌ ᠤᠯᠤᠰ ᠵᠢᠷᠭᠠᠨᠠ
ᠡᠴᠢᠭᠡ ᠶ᠋ᠢᠨ ᠰᠠᠢᠨ ᠳ᠋ᠤ᠌ ᠬᠥᠪᠡᠭᠦᠨ ᠵᠢᠷᠭᠠᠨᠠ
2122 ᠬᠠᠭᠠᠨ ᠤ᠋ ᠬᠦᠦ ᠵᠠᠭᠠᠨ ᠢ᠋ᠶ᠋ᠠᠨ ᠤᠨᠤᠵᠤ
ᠬᠠᠷᠠᠴᠤ ᠶ᠋ᠢᠨ ᠬᠦᠦ ᠲᠠᠶᠠᠭ ᠢ᠋ᠶ᠋ᠠᠨ ᠲᠤᠯᠬᠤ
2123 ᠬᠠᠭᠠᠨ ᠢ᠋ ᠬᠠᠷᠠᠴᠤ ᠰᠤᠷᠭᠠᠨᠠ
ᠪᠤᠷᠬᠠᠨ ᠢ᠋ ᠱᠤᠯᠤᠮ ᠰᠤᠷᠭᠠᠨᠠ
2124 ᠬᠠᠪᠤᠷ ᠪᠠᠢᠭᠰᠠᠨ ᠴᠤ᠌ ᠨᠠᠮᠤᠷ ᠠᠳᠠᠯᠢ ᠠᠭᠠᠰᠢᠯᠠᠬᠤ
ᠬᠠᠪᠤᠳᠠᠷ ᠪᠠᠢᠭᠰᠠᠨ ᠴᠤ᠌ ᠲᠠᠷᠭᠤᠨ ᠠᠳᠠᠯᠢ ᠣᠪᠯᠠᠬᠤ
2125 ᠬᠠᠪᠤᠷ ᠭᠠᠴᠢᠭ
ᠨᠠᠮᠤᠷ ᠥᠶᠥᠭ
2126 ᠬᠠᠪᠤᠷ ᠨᠠᠮᠤᠷ ᠬᠠᠪᠴᠢᠵᠤ ᠵᠤᠨ ᠦᠭᠡᠢ ᠪᠣᠯᠬᠤ
ᠥᠩᠭᠡ ᠮᠥᠩᠭᠥ ᠲᠠᠢᠯᠵᠤ ᠬᠠᠤᠯᠢ ᠦᠭᠡᠢ ᠪᠣᠯᠬᠤ
2127 ᠬᠠᠪᠤᠷ ᠨᠢᠭᠡ ᠡᠳᠦᠷ ᠡᠷᠲᠡ ᠲᠠᠷᠢᠪᠠᠯ
ᠨᠠᠮᠤᠷ ᠠᠷᠪᠠᠨ ᠡᠳᠦᠷ ᠡᠷᠲᠡ ᠬᠤᠷᠢᠶᠠᠨᠠ
2128 ᠬᠠᠪᠤᠷ ᠥᠩᠭᠡᠷᠡᠪᠡᠯ ᠵᠤᠨ ᠢᠷᠡᠨᠡ
ᠬᠠᠷᠠᠩᠭᠤᠢ ᠥᠩᠭᠡᠷᠡᠪᠡᠯ ᠭᠡᠭᠡ ᠢᠷᠡᠨᠡ
2129 ᠬᠠᠪᠤᠷ ᠲᠠᠷᠢᠬᠤ ᠦᠭᠡᠢ ᠪᠣᠯ
ᠨᠠᠮᠤᠷ ᠬᠤᠷᠢᠶᠠᠬᠤ ᠦᠭᠡᠢ
2130 ᠬᠠᠪᠤᠷ ᠲᠠᠷᠢᠭᠰᠠᠨ ᠢ᠋ᠶ᠋ᠠᠨ ᠨᠠᠮᠤᠷ ᠬᠤᠷᠢᠶᠠᠬᠤ
ᠬᠠᠳᠠᠭᠠᠯᠠᠵᠤ ᠨᠥᠭᠡᠴᠡᠯᠡᠭᠰᠡᠨ ᠢ᠋ᠶ᠋ᠡᠨ ᠬᠣᠵᠢᠮ ᠵᠠᠷᠤᠬᠤ
2131 ᠬᠠᠪᠤᠷ ᠤᠷᠤᠰᠬᠠᠭᠰᠠᠨ ᠬᠥᠯᠥᠰᠥ ᠲᠡᠢ ᠪᠣᠯ
ᠨᠠᠮᠤᠷ ᠲᠠᠷᠭᠤᠯᠠᠭᠰᠠᠨ ᠮᠢᠬᠠ ᠲᠠᠢ
2132 ᠬᠠᠪᠤᠷ ᠴᠠᠭ ᠤ᠋ᠨ ᠰᠢᠭᠤᠷᠭᠠ ᠬᠡᠴᠡᠭᠦᠦ
ᠬᠣᠢᠲᠤ ᠡᠬᠡ ᠶ᠋ᠢᠨ ᠨᠢᠳᠤᠷᠭᠠ ᠬᠡᠴᠡᠭᠦᠦ
2133 ᠬᠠᠪᠤᠷ ᠦᠭᠡᠢ ᠵᠤᠨ ᠦᠭᠡᠢ
ᠬᠠᠭᠠᠴᠠᠯ ᠦᠭᠡᠢ ᠮᠥᠩᠬᠡ ᠦᠭᠡᠢ
2134 ᠬᠠᠪᠤᠷ ᠤ᠋ᠨ ᠡᠳᠦᠷ ᠬᠠᠭᠠᠰ ᠲᠠᠢ ᠬᠤᠭᠤᠰ ᠲᠠᠢ
ᠬᠠᠲᠤᠨ ᠤ᠋ ᠴᠢᠷᠠᠢ ᠬᠠᠯᠠᠭᠤᠨ ᠲᠠᠢ ᠬᠦᠢᠲᠡᠨ ᠲᠡᠢ
2135 ᠬᠠᠪᠤᠷ ᠤ᠋ᠨ ᠰᠠᠯᠬᠢ ᠬᠠᠪᠢᠷᠭᠠ ᠨᠡᠪᠲᠡ
ᠡᠪᠦᠯ ᠦ᠋ᠨ ᠵᠢᠪᠠᠷ ᠡᠪᠦᠷ ᠨᠡᠪᠲᠡ
2136 ᠬᠠᠪᠤᠷ ᠤ᠋ᠨ ᠲᠩᠷᠢ ᠬᠠᠷᠠᠲᠠᠢ
ᠬᠠᠰᠢ ᠬᠡᠷᠡᠭ ᠬᠣᠣᠷᠲᠠᠢ
2137 ᠬᠠᠪᠤᠷ ᠤ᠋ᠨ ᠬᠠᠬᠢᠷ ᠲᠤ ᠮᠠᠯ ᠢ᠋ᠶ᠋ᠠᠨ
ᠬᠠᠷᠢ ᠭᠠᠵᠠᠷ ᠲᠤ ᠦᠭᠡ ᠪᠡᠨ
2138 ᠬᠠᠪᠤᠷ ᠤ᠋ᠨ ᠬᠦᠢᠲᠡᠨ ᠬᠠᠨᠢᠶᠠᠳᠤ ᠬᠦᠷᠭᠡᠬᠦ
ᠨᠠᠮᠤᠷ ᠤ᠋ᠨ ᠬᠦᠢᠲᠡᠨ ᠨᠠᠰᠤ ᠤᠷᠲᠤᠰᠬᠠᠬᠤ
2139 ᠬᠠᠪᠤᠷ ᠤ᠋ᠨ ᠴᠠᠰᠤ ᠶ᠋ᠢ
ᠬᠠᠷᠠ ᠨᠣᠬᠠᠢ ᠭᠦᠢᠴᠡᠬᠦ ᠦᠭᠡᠢ
2140 ᠬᠠᠭᠠᠷᠬᠠᠢ ᠬᠡᠩᠭᠡᠷᠭᠡ
ᠴᠣᠭᠣᠷᠬᠠᠢ ᠴᠠᠩ
2141 ᠬᠠᠭᠠᠷᠬᠠᠢ ᠪᠠᠨ ᠬᠠᠳᠬᠤᠭᠰᠠᠨ ᠨᠢ ᠤᠷᠠᠨ
ᠬᠣᠢᠲᠤᠬᠢ ᠪᠠᠨ ᠪᠣᠳᠣᠭᠰᠠᠨ ᠨᠢ ᠰᠡᠴᠡᠨ
2142 ᠬᠠᠭᠠᠴᠠᠰᠢ ᠦᠭᠡᠢ ᠬᠠᠨᠢ ᠨᠥᠬᠥᠷ ᠲᠦ᠍
ᠮᠠᠷᠲᠠᠭᠳᠠᠰᠢ ᠦᠭᠡᠢ ᠮᠠᠭᠤ ᠦᠭᠡ ᠪᠤᠤ ᠬᠡᠯᠡ
2143 ᠬᠠᠳᠠ ᠶᠡᠬᠡᠲᠡᠢ ᠠᠭᠤᠯᠠ ᠰᠦᠷᠲᠡᠢ
ᠬᠠᠮᠠᠭᠠᠯᠠᠯ ᠶᠡᠬᠡᠲᠦ ᠤᠯᠤᠰ ᠬᠦᠴᠦᠲᠡᠢ
2144 ᠬᠠᠳᠠ ᠰᠠᠢᠲᠤ ᠶ᠋ᠢᠨ ᠦᠨᠡᠭᠡ ᠪᠠᠷᠳᠠᠮ
ᠬᠠᠳᠠᠮ ᠰᠠᠢᠲᠤ ᠶ᠋ᠢᠨ ᠬᠦᠷᠭᠡᠨ ᠪᠠᠷᠳᠠᠮ
2145 ᠬᠠᠳᠠᠮ ᠡᠬᠡ ᠬᠠᠯᠠᠲᠠᠢ
ᠬᠣᠢᠲᠤ ᠡᠬᠡ ᠬᠣᠣᠷᠲᠠᠢ
2146 ᠬᠠᠳᠤᠯᠠᠩ ᠦᠭᠡᠢ ᠮᠠᠯᠴᠢᠳ
ᠡᠪᠦᠯ ᠳ᠋ᠡᠭᠡᠨ ᠵᠦᠳᠡᠷᠡᠨᠡ
ᠬᠠᠨᠢ ᠦᠭᠡᠢ ᠬᠥᠮᠦᠨ
ᠥᠲᠡᠯᠬᠦ ᠳ᠋ᠡᠭᠡᠨ ᠵᠦᠳᠡᠷᠡᠨᠡ
2147 ᠬᠠᠵᠠᠢᠭᠰᠠᠨ ᠳᠡᠭᠡᠷᠡ ᠨᠢ ᠲᠦᠯᠬᠢᠬᠦ
ᠤᠨᠠᠭᠰᠠᠨ ᠳᠡᠭᠡᠷᠡ ᠨᠢ ᠨᠢᠳᠤᠷᠭᠠᠳᠠᠬᠤ
2148 ᠬᠠᠵᠠᠢᠬᠤ ᠳ᠋ᠤᠨᠢ ᠲᠤᠯᠬᠤ
ᠬᠡᠯᠪᠡᠢᠬᠦ ᠳ᠋ᠦ᠍ᠨᠢ ᠲᠦᠰᠢᠬᠦ
2149 ᠬᠠᠵᠠᠭᠠᠷ ᠬᠦᠷᠭᠡᠨ ᠬᠠᠳᠠᠮᠰᠠᠭ
ᠬᠠᠯᠲᠠᠷ ᠨᠣᠬᠠᠢ ᠬᠣᠲᠠᠰᠠᠭ
2150 ᠬᠠᠢᠯᠬᠤ ᠳ᠋ᠤ᠌ ᠭᠠᠯ ᠬᠡᠷᠡᠭ ᠲᠡᠢ
ᠬᠠᠨᠢᠯᠠᠬᠤ ᠳ᠋ᠤ᠌ ᠰᠡᠳᠬᠢᠯ ᠬᠡᠷᠡᠭ ᠲᠡᠢ
2151 ᠬᠠᠢᠯᠭᠠᠨ ᠴᠠᠭ ᠤ᠋ᠨ ᠮᠠᠯ ᠢ᠋ ᠡᠳ᠋ᠯᠡᠪᠡᠯ
ᠬᠠᠪᠤᠷ ᠴᠠᠭ ᠤ᠋ᠨ ᠴᠠᠰᠤ ᠬᠠᠢᠯᠬᠤ ᠲᠠᠢ ᠠᠳᠠᠯᠢ
2152 ᠬᠠᠢᠷᠠ ᠪᠠᠢᠪᠠᠯ ᠬᠠᠯᠠᠮᠵᠢ ᠪᠠᠢᠳᠠᠭ
ᠬᠠᠯᠠᠮᠵᠢ ᠪᠠᠢᠪᠠᠯ ᠬᠠᠢᠷᠠ ᠪᠠᠢᠳᠠᠭ
2153 ᠬᠠᠢᠷᠠ ᠶᠡᠬᠡᠳᠡᠪᠡᠯ ᠬᠠᠷᠠ ᠶᠡᠬᠡᠳᠡᠨᠡ
ᠬᠦᠰᠡᠯ ᠶᠡᠬᠡᠲᠡᠪᠡᠯ ᠬᠢᠰᠠᠯ ᠶᠡᠬᠡᠲᠡᠨᠡ
2154 ᠬᠠᠢᠷᠠ ᠨᠢ ᠳᠣᠲᠣᠷᠠ ᠪᠠᠨ
ᠬᠠᠯᠠ ᠨᠢ ᠭᠠᠳᠠᠨᠠ ᠪᠠᠨ
2155 ᠬᠠᠢᠷ ᠴᠢᠯᠠᠭᠤ ᠬᠠᠭᠠᠷᠠᠪᠠᠯ
ᠬᠠᠳᠠ ᠪᠣᠯᠬᠤ ᠳ᠋ᠤ᠌ ᠪᠡᠷᠬᠡ
2156 ᠬᠠᠢᠷᠠ ᠠ᠋ᠴᠠ ᠬᠠᠷᠠᠮ
ᠬᠠᠷᠠᠮ ᠠ᠋ᠴᠠ ᠬᠣᠷᠣᠰᠤᠯ
2157 ᠬᠠᠭᠠᠷᠠᠮᠠ ᠬᠦᠢᠲᠡᠨ ᠳ᠋ᠦ᠍ ᠬᠠᠴᠠᠷ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠ
ᠬᠠᠯᠠᠭᠤᠨ ᠨᠠᠷᠠᠨ ᠳ᠋ᠤ᠌ ᠲᠣᠯᠣᠭᠠᠢ ᠪᠠᠨ ᠬᠠᠮᠠᠭᠠᠯᠠ
2158 ᠬᠠᠢᠷᠠᠨ ᠨᠡᠷᠡ ᠶ᠋ᠢ ᠠᠯᠳᠠᠪᠠᠯ
ᠡᠷᠭᠢᠭᠦᠯᠵᠦ ᠠᠪᠬᠤ ᠳ᠋ᠤ᠌ ᠪᠡᠷᠬᠡ
2159 ᠬᠠᠢᠷᠳᠠᠭ ᠮᠣᠷᠢᠨ ᠤ᠋ ᠬᠣᠢᠭᠤᠷ ᠪᠤᠤ ᠭᠠᠷ
ᠬᠠᠯᠠᠮᠵᠢ ᠦᠭᠡᠢ ᠨᠣᠶᠠᠨ ᠤ᠋ ᠡᠮᠦᠨᠡ ᠪᠤᠤ ᠵᠢᠳᠬᠦ
2160 ᠬᠠᠢᠷᠠᠯᠠᠬᠤ ᠳ᠋ᠤ᠌ ᠬᠠᠮᠠᠷ ᠰᠢᠭᠠᠬᠤ
ᠡᠪᠦᠷᠯᠡᠬᠦ ᠳ᠋ᠦ᠍ ᠦᠷᠦ ᠢᠰᠬᠦᠯᠬᠦ
2161 ᠬᠠᠢᠷᠠᠲᠠᠢ ᠪᠣᠯ ᠬᠠᠨᠢ ᠲᠠᠢ
ᠬᠠᠷᠠᠲᠠᠢ ᠪᠣᠯ ᠬᠣᠣᠷ ᠲᠠᠢ
2162 ᠬᠠᠢᠷᠠᠲᠠᠢ ᠪᠣᠯᠪᠠᠴᠤ
ᠬᠠᠢᠴᠢ ᠪᠠᠷ ᠪᠤᠤ ᠲᠣᠭᠯᠠᠭᠤᠯ
2163 ᠬᠠᠢᠷᠬᠠᠨ ᠠᠭᠤᠯᠠ ᠶ᠋ᠢ ᠴᠠᠰᠤ ᠳᠠᠷᠤᠳᠠᠭ
ᠬᠠᠢᠷᠠᠨ ᠪᠡᠶᠡ ᠶ᠋ᠢ ᠨᠠᠰᠤ ᠳᠠᠷᠤᠳᠠᠭ
2164 ᠬᠠᠢᠬᠤᠷᠬᠤ ᠦᠭᠡᠢ ᠬᠦᠨᠳᠦ ᠦᠭᠡ ᠬᠡᠯᠡᠭᠰᠡᠨ ᠡᠴᠡ
ᠬᠠᠯᠠᠭᠤᠨ ᠨᠣᠷᠮᠠ ᠳ᠋ᠤ᠌ ᠤᠰᠤ ᠠᠰᠬᠠᠭᠰᠠᠨ ᠠᠳᠠᠯᠢ
2165 ᠬᠠᠯᠠ ᠦᠵᠡᠪᠡᠯ ᠤᠬᠠᠭᠠᠷᠠᠨᠠ
ᠭᠠᠯ ᠦᠵᠡᠪᠡᠯ ᠤᠶᠠᠷᠠᠨᠠ
2166 ᠬᠠᠯᠠ ᠦᠵᠡᠵᠦ
ᠬᠠᠯᠠᠭᠤᠨ ᠴᠢᠯᠠᠭᠤ ᠳᠣᠯᠢᠶᠠᠬᠤ
( ᠬᠠᠯᠠ ᠦᠵᠡᠵᠦ ᠬᠠᠰᠢᠷ ᠰᠠᠭᠤᠬᠤ)
2167 ᠬᠠᠯᠠᠮᠵᠢ ᠮᠠᠭᠤᠲᠠᠢ ᠨᠥᠬᠥᠷ
ᠬᠠᠷᠠ ᠡᠷᠢᠶᠡᠨ ᠮᠣᠭᠠᠢ ᠲᠠᠢ ᠠᠳᠠᠯᠢ
2168 ᠬᠠᠯᠠᠮᠵᠢ ᠦᠭᠡᠢ ᠰᠠᠳᠤᠨ ᠠ᠋ᠴᠠ
ᠬᠠᠷᠠ ᠡᠯᠢᠭᠡ ᠶ᠋ᠢᠨ ᠬᠥᠮᠦᠨ ᠳᠡᠭᠡᠷᠡ
2169 ᠬᠠᠯᠠᠮᠵᠢᠲᠠᠢ ᠬᠥᠮᠦᠨ ᠳ᠋ᠦ᠍ ᠨᠥᠬᠥᠷ ᠣᠢᠷᠠ
ᠬᠠᠵᠢᠭ ᠬᠥᠮᠦᠨ ᠳ᠋ᠦ᠍ ᠨᠥᠬᠥᠷ ᠬᠣᠯᠠ
2170 ᠬᠣᠵᠢᠭᠢᠷ ᠨᠢ ᠬᠠᠯᠵᠠᠨ ᠢ᠋ᠶ᠋ᠠᠨ
ᠬᠥᠯ ᠦᠭᠡᠢ ᠨᠢ ᠬᠠᠵᠠᠭᠠᠷ ᠢ᠋ᠶ᠋ᠠᠨ
2171 ᠬᠠᠯᠠᠭᠤᠨ ᠵᠠᠭᠤᠷᠠ ᠪᠠᠨ ᠡᠪ ᠢ᠋ᠶ᠋ᠡᠨ ᠬᠢᠴᠢᠶᠡ
ᠬᠣᠲᠠ ᠵᠠᠭᠤᠷᠠ ᠪᠠᠨ ᠮᠠᠯ ᠢ᠋ᠶ᠋ᠠᠨ ᠬᠢᠴᠢᠶᠡ
2172 ᠬᠠᠯᠠᠭᠤᠨ ᠨᠠᠷᠠᠨ ᠳ᠋ᠤ᠌ ᠬᠠᠭᠠᠯᠲᠠ
ᠬᠦᠢᠲᠡᠨ ᠵᠢᠪᠠᠷ ᠲᠤ ᠬᠥᠨᠵᠢᠯᠡ ᠪᠣᠯᠬᠤ
2173 ᠬᠠᠮᠠᠷ ᠮᠠᠭᠤ ᠥᠪᠡᠷ ᠦ᠋ᠨ ᠬᠢ
ᠬᠠᠯᠠᠮᠵᠢ ᠮᠠᠭᠤ ᠬᠠᠨᠢ ᠶ᠋ᠢᠨ ᠬᠢ
2174 ᠬᠠᠮᠪᠤ ᠯᠠᠮᠠ ᠪᠠᠨ ᠳᠣᠭᠣᠭᠰᠢ ᠪᠠᠨ ᠲᠦᠯᠬᠢᠵᠦ
ᠬᠠᠷᠢ ᠶ᠋ᠢᠨ ᠳᠠᠩᠵᠢᠶᠠᠳ ᠢ ᠳᠡᠭᠡᠭᠰᠢ ᠨᠢ ᠵᠠᠯᠠᠬᠤ
2175 ᠬᠠᠮᠠᠷ ᠤ᠋ᠨ ᠨᠢᠰᠦ ᠴᠢᠷᠠᠢ ᠳᠠᠷᠤᠨᠠ
ᠪᠡᠶᠡ ᠶ᠋ᠢᠨ ᠪᠣᠬᠢᠷ ᠨᠡᠷᠡ ᠳᠠᠷᠤᠨᠠ
2176 ᠬᠠᠮᠠᠷ ᠤ᠋ᠨ ᠨᠢᠰᠦ ᠡᠵᠡᠨ ᠢ᠋ᠶ᠋ᠡᠨ ᠳᠠᠭᠠᠨᠠ
ᠬᠠᠷᠠᠯᠠᠭ ᠪᠤᠬᠠ ᠦᠨᠢᠶᠡ ᠪᠡᠨ ᠳᠠᠭᠠᠨᠠ
2177 ᠬᠠᠮᠲᠤᠷᠠᠵᠤ ᠬᠢᠪᠡᠯ ᠴᠢᠨᠠᠷᠲᠠᠢ
ᠬᠠᠨᠢᠯᠠᠵᠤ ᠶᠠᠪᠤᠪᠠᠯ ᠬᠥᠭᠵᠢᠯ ᠲᠡᠢ
2178 ᠬᠠᠮᠲᠤᠳᠬᠠᠭᠰᠠᠨ ᠤ᠋ ᠪᠤᠶᠠᠨ ᠶᠡᠬᠡ
ᠬᠠᠭᠠᠴᠠᠭᠤᠯᠤᠭᠰᠠᠨ ᠤ᠋ ᠬᠢᠯᠢᠨᠴᠡ ᠶᠡᠬᠡ
2179 ᠬᠠᠮᠠᠭᠤ ᠲᠠᠢ ᠮᠠᠯ ᠢᠵᠢᠯᠢ ᠪᠡᠨ ᠪᠠᠷᠠᠳᠠᠭ
ᠬᠠᠷᠠ ᠰᠠᠨᠠᠭᠠ ᠪᠡᠶᠡ ᠪᠡᠨ ᠪᠠᠷᠠᠳᠠᠭ
2180 ᠬᠠᠮᠠᠭᠤᠲᠠᠢ ᠬᠥᠮᠦᠨ
ᠬᠠᠳᠠ ᠬᠠᠷᠠᠭᠠᠳ ᠢᠨᠢᠶᠡᠬᠦ
2181 ᠬᠠᠮᠬᠤᠤᠯ ᠳᠡᠭᠡᠷᠡ ᠰᠠᠭᠤᠵᠤ
ᠬᠠᠯᠠᠭᠠᠢ ᠳᠡᠭᠡᠷᠡ ᠬᠡᠪᠲᠡᠬᠦ
2182 ᠬᠠᠨᠠ ᠪᠠᠷ ᠣᠷᠣᠭᠠᠳ ᠬᠠᠭᠠᠯᠭᠠ ᠪᠠᠷ ᠪᠠᠭᠲᠠᠬᠤ ᠦᠭᠡᠢ
ᠬᠠᠭᠠᠯᠭᠠ ᠪᠠᠷ ᠣᠷᠣᠭᠠᠳ ᠭᠡᠷ ᠲᠦ᠍ ᠪᠠᠭᠲᠠᠬᠤ ᠦᠭᠡᠢ
2183 ᠬᠠᠨᠠᠲᠤ ᠭᠡᠷ ᠬᠣᠯᠠᠳᠴᠤ
ᠬᠠᠳᠠᠨ ᠭᠡᠷ ᠣᠢᠷᠠᠳᠬᠤ
2184 ᠬᠠᠨᠢ ᠪᠠᠨ ᠪᠠᠷᠢᠵᠤ
ᠢᠵᠢᠯᠢ ᠪᠡᠨ ᠢᠳᠡᠬᠦ
2185 ᠬᠠᠨᠢ ᠠ᠋ᠴᠠ ᠪᠠᠨ ᠬᠠᠭᠠᠴᠠᠬᠤ ᠪᠠᠷ
ᠬᠠᠷᠠ ᠲᠣᠯᠣᠭᠠᠢ ᠠ᠋ᠴᠠ ᠪᠠᠨ ᠬᠠᠭᠠᠴᠠ
2186 ᠬᠠᠨᠢᠯᠠᠭᠠᠳ ᠨᠥᠬᠥᠷ ᠢ᠋ᠶ᠋ᠡᠨ ᠪᠦᠦ ᠮᠠᠭᠤᠯᠠ
ᠬᠠᠯᠲᠤᠷᠢᠭᠠᠳ ᠵᠠᠮ ᠢ᠋ᠶ᠋ᠠᠨ ᠪᠦᠦ ᠮᠠᠭᠤᠯᠠ
2187 ᠬᠠᠨᠢᠯᠠᠪᠠᠯ ᠥᠲᠡᠯᠲᠡᠯᠡ ᠪᠡᠨ
ᠬᠠᠢᠷᠠᠯᠠᠪᠠᠯ ᠥᠰᠬᠡᠲᠡᠯᠡ ᠪᠡᠨ
2188 ᠬᠠᠨᠢᠯᠠᠭᠰᠠᠨ ᠢ᠋ᠶ᠋ᠠᠨ ᠬᠠᠭᠤᠷᠪᠠᠯ
ᠬᠠᠷᠠ ᠪᠡᠶᠡ ᠪᠡᠨ ᠬᠠᠭᠤᠷᠤᠨᠠ
2189 ᠬᠠᠩᠭᠢᠷᠴᠠᠭ ᠡᠮᠡᠭᠡᠯ ᠮᠣᠷᠢ ᠪᠠᠨ ᠪᠠᠷᠠᠬᠤ
ᠬᠠᠷᠢᠶᠠᠯᠴᠢ ᠡᠬᠡᠨᠡᠷ ᠬᠠᠨᠢ ᠪᠠᠨ ᠵᠣᠪᠠᠭᠠᠬᠤ
2190 ᠬᠠᠨᠠ ᠶ᠋ᠢᠨ ᠢᠷᠣᠭᠠᠷ ᠲᠤ ᠲᠥᠷᠥᠵᠦ
ᠬᠠᠳᠠᠨ ᠤ᠋ ᠢᠷᠣᠭᠠᠷ ᠲᠤ᠌ ᠬᠡᠪᠲᠡᠳᠡᠭ
2191 ᠬᠠᠷᠠ ᠭᠡᠷ ᠲᠡᠭᠡᠨ ᠬᠠᠭᠠᠨ
ᠪᠣᠷᠣ ᠭᠡᠷ ᠲᠡᠭᠡᠨ ᠪᠣᠭᠳᠠ
2192 ᠬᠠᠷᠠ ᠨᠣᠬᠠᠢ ᠡᠭᠦᠳᠡᠨ ᠳ᠋ᠦ᠍ ᠪᠤᠭ
ᠬᠠᠷᠠᠮᠴᠢ ᠡᠬᠡᠨᠡᠷ ᠭᠡᠢᠴᠢᠨ ᠳ᠋ᠦ᠍ ᠪᠤᠭ
2193 ᠬᠠᠷᠠ ᠨᠣᠬᠠᠢ ᠬᠣᠲᠠ ᠶ᠋ᠢᠨ ᠶᠠᠩᠰᠢᠶᠠ
ᠬᠠᠷᠠᠮᠴᠢ ᠡᠷᠡ ᠭᠡᠷ ᠦ᠋ᠨ ᠶᠠᠩᠰᠢᠶᠠ
2194 ᠬᠠᠷᠠ ᠰᠠᠨᠠᠭᠠ ᠪᠡᠶᠡ ᠪᠡᠨ ᠣᠳᠤᠨᠠ
ᠬᠠᠰᠠᠭ ᠲᠡᠷᠭᠡ ᠪᠤᠬᠠ ᠪᠠᠨ ᠢᠳᠡᠨᠡ
2195 ᠬᠠᠷᠠ ᠰᠠᠨᠠᠭᠠ ᠬᠣᠣᠷ
ᠬᠠᠷᠠᠮᠴᠢ ᠰᠡᠳᠬᠢᠯ ᠲᠤᠱᠠ (ᠲᠤᠰᠢᠶᠠ)
2196 ᠬᠠᠷᠠ ᠦᠬᠡᠷ ᠡᠴᠡ ᠴᠠᠭᠠᠨ ᠲᠤᠭᠤᠯ ᠭᠠᠷᠬᠤ
ᠬᠤᠷᠴᠠ ᠬᠥᠮᠦᠨ ᠡᠴᠡ ᠡᠷᠳᠡᠮᠲᠦ ᠬᠦᠦ ᠲᠥᠷᠥᠬᠦ
2197 ᠬᠠᠷᠠ ᠬᠥᠮᠦᠨ ᠦ᠌ ᠲᠥᠯᠥᠭᠡ
ᠰᠢᠷᠠ ᠬᠥᠮᠦᠨ ᠵᠢᠳᠬᠦᠬᠦ
2198 ᠬᠠᠷᠠ ᠬᠡᠷᠢᠶᠡ ᠮᠢᠬᠠᠨ ᠳ᠋ᠤ᠌ ᠳᠤᠷᠠᠲᠠᠢ
ᠬᠠᠷᠭᠢᠰ ᠨᠣᠶᠠᠨ ᠵᠢᠩᠰᠡᠨ ᠳ᠋ᠦ᠍ ᠳᠤᠷᠠᠲᠠᠢ
2199 ᠬᠠᠷᠠ ᠬᠡᠷᠢᠶᠡ ᠤᠯᠠᠢ ᠳᠡᠭᠡᠷᠡ
ᠬᠠᠭᠠᠳ ᠨᠣᠶᠠᠳ ᠬᠠᠤᠯᠢ ᠳᠡᠭᠡᠷᠡ
2200 ᠬᠠᠷᠠ ᠬᠡᠷᠢᠶᠡ ᠴᠠᠭᠠᠨ ᠪᠣᠯᠬᠤ ᠦᠭᠡᠢ
ᠬᠠᠮᠤᠭ ᠠᠮᠢᠲᠠᠨ ᠪᠤᠷᠬᠠᠨ ᠪᠣᠯᠬᠤ ᠦᠭᠡᠢ
2201 ᠬᠠᠷᠠ ᠢᠮᠠᠭᠠᠨ ᠠ᠋ᠴᠠ ᠬᠠᠯᠲᠠᠷ ᠢᠰᠢᠭᠡ
ᠬᠠᠷᠢᠶᠠᠯᠴᠢ ᠡᠮᠡ ᠡᠴᠡ ᠬᠡᠷᠡᠭᠦᠯᠴᠢ ᠥᠬᠢᠨ
2202 ᠬᠠᠷᠢᠶᠠᠯ ᠬᠠᠷᠢᠭᠤ ᠦᠭᠡᠢ
ᠢᠷᠦᠭᠡᠯ ᠦᠷᠡ ᠲᠡᠢ
2203 ᠬᠠᠷᠢᠶᠠᠯᠴᠢ ᠡᠬᠡᠨᠡᠷ ᠡᠴᠡ
ᠬᠠᠪᠠ ᠨᠣᠬᠠᠢ ᠳᠡᠭᠡᠷᠡ᠃
2204 ᠬᠠᠷᠢᠶᠠᠯ ᠤ᠋ᠨ ᠦᠵᠦᠭᠦᠷ ᠲᠦ᠍ ᠴᠢᠰᠤ
ᠢᠷᠦᠭᠡᠯ ᠦ᠋ᠨ ᠦᠵᠦᠭᠦᠷ ᠲᠦ᠍ ᠲᠣᠰᠣ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠠᠷᠠᠨᠲᠤᠶᠠᠭᠠ᠂ ᠣᠶᠤᠨᠪᠠᠲᠤ᠂ ᠴᠡᠩᠬᠡᠯᠴᠡᠴᠡᠭ᠂ ᠪᠠᠳᠮᠠᠰᠡᠴᠡᠨ
ᠬᠢᠨᠠᠭᠴᠢ᠄ ᠣᠳᠬᠣᠨᠴᠡᠴᠡᠭ᠂ ᠳᠣᠷᠵᠢ᠂ ᠪᠣᠯᠣᠳ᠂ ᠲ ᠬᠦᠮᠦᠵᠢᠯᠲᠦ᠂ ᠤᠢᠭᠤᠷᠵᠢᠨ ᠣᠳᠬᠣᠨ᠂ ᠪᠠᠯ