ᠮᠣᠩᠭᠣᠯ ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ ᠳᠡᠭᠡᠵᠢ – ᠳ᠂ ᠵᠠᠶᠠᠭᠠᠪᠠᠭᠠᠲᠤᠷ ᠡᠮᠬᠢᠳᠬᠡᠪᠡ < ᠦ 7 ᠶᠢᠨ ᠠᠢᠮᠠᠭ –2>Монгол зүйр цэцэн үгийн гураван мянган дээж – Д᠂Заяабаатар эмхэтгэв <Үгийн аймаг 2>
1784ᠦ 7 (Ү) ᠶᠢᠨ ᠠᠢᠮᠠᠭ
– ᠦ 7 (Ү) –
ᠭᠠᠯ ᠳ᠋ᠤ᠌ ᠴᠦ᠍ ᠰᠢᠲᠠᠳᠠᠭ ᠦᠭᠡᠢ
2032 ᠦᠨᠡᠨ ᠶᠠᠭᠤᠮᠠ ᠦᠨᠡᠨ ᠳ᠋ᠡᠭᠡᠨ ᠰᠠᠢᠬᠠᠨ
ᠦᠨᠡᠭᠡᠨ ᠮᠠᠯᠠᠭᠠᠢ ᠡᠪᠦᠯ ᠳ᠋ᠡᠭᠡᠨ ᠰᠠᠢᠬᠠᠨ
2033 ᠦᠨᠡᠨ ᠶᠠᠭᠤᠮᠠ ᠦᠨᠡᠲᠡᠢ
ᠪᠤᠷᠤᠭᠤ ᠶᠠᠭᠤᠮᠠ ᠪᠤᠯᠢᠬᠠᠢ ᠲᠠᠢ
2034 ᠦᠨᠡᠨ ᠦ᠌ ᠬᠡᠯᠡ ᠰᠢᠷᠦᠭᠦᠨ
ᠬᠤᠳᠠᠯ ᠤ᠋ᠨ ᠬᠡᠯᠡ ᠵᠥᠭᠡᠯᠡᠨ
2035 ᠦᠨᠡᠨ ᠢ᠋ ᠮᠥᠩᠭᠥ ᠳᠠᠷᠤᠵᠤ
ᠡᠪᠡᠰᠦ ᠶ᠋ᠢ ᠴᠠᠰᠤ ᠳᠠᠷᠤᠬᠤ
2036 ᠦᠨᠡᠨ ᠢ᠋ ᠣᠯᠤᠭᠴᠢ ᠬᠠᠤᠯᠢ
ᠦᠶᠡ ᠶ᠋ᠢ ᠣᠯᠤᠭᠴᠢ ᠬᠢᠲᠤᠭᠠ
2037 ᠦᠨᠡᠨ ᠢ᠋ ᠬᠡᠯᠡᠪᠡᠯ ᠦᠰᠦ ᠴᠠᠢᠬᠤ
ᠬᠤᠳᠠᠯ ᠢ᠋ ᠬᠡᠯᠡᠪᠡᠯ ᠬᠣᠰᠢᠭᠤ ᠴᠠᠢᠬᠤ
2038 ᠦᠨᠡᠨᠴᠢ ᠨᠥᠬᠥᠷ ᠮᠢᠩᠭᠠ ᠪᠣᠯᠪᠠᠴᠤ ᠢᠯᠡᠭᠦᠳᠡᠬᠦ ᠦᠭᠡᠢ
ᠥᠰᠢᠶᠡᠲᠡᠨ ᠭᠠᠭᠴᠠ ᠪᠣᠯᠪᠠᠴᠤ ᠴᠥᠭᠡᠳᠡᠬᠦ ᠦᠭᠡᠢ
2039 ᠦᠨᠡᠨᠴᠢ ᠰᠡᠳᠬᠢᠯ ᠳ᠋ᠦ᠍
ᠦᠬᠡᠷ ᠴᠢᠯᠠᠭᠤ ᠴᠦ᠍ ᠤᠶᠠᠷᠠᠳᠠᠭ
2040 ᠦᠨᠡᠨᠴᠢ ᠬᠥᠮᠦᠨ ᠡᠭᠦᠳᠡᠨ ᠳ᠋ᠦ᠍
ᠬᠤᠳᠠᠯᠴᠢ ᠬᠥᠮᠦᠨ ᠬᠣᠢᠮᠣᠷ ᠲᠤ
2041 ᠦᠨᠡᠨᠴᠢ ᠶᠠᠪᠤᠪᠠᠯ
ᠡᠭᠦᠷᠢᠳᠡ ᠬᠦᠨᠳᠦᠲᠡᠢ
2042 ᠦᠨᠡᠨ ᠢ᠋ᠶ᠋ᠡᠨ ᠬᠡᠯᠡᠵᠦ
ᠦᠵᠡᠭᠰᠡᠨ ᠢ᠋ᠶ᠋ᠡᠨ ᠲᠣᠭᠠᠴᠢᠬᠤ
2043 ᠦᠨᠡᠨ ᠢ᠋ᠶ᠋ᠡᠷ ᠶᠠᠪᠤᠭᠴᠢᠳ ᠢ᠋ ᠡᠷᠭᠦᠵᠦ ᠬᠥᠭᠵᠢᠭᠡᠬᠦ
ᠦᠨᠡᠨ ᠭᠡᠮᠲᠦ ᠬᠥᠮᠦᠨ ᠢ᠋ ᠭᠡᠰᠬᠡᠵᠦ ᠵᠠᠰᠠᠬᠤ
2044 ᠦᠨᠡᠨ ᠢ᠋ᠶ᠋ᠡᠷ ᠶᠠᠪᠤᠪᠠᠯ ᠦᠰᠦ ᠴᠠᠢᠵᠤ
ᠬᠤᠳᠠᠯ ᠢ᠋ᠶ᠋ᠠᠷ ᠶᠠᠪᠤᠪᠠᠯ ᠶᠠᠰᠤ ᠴᠠᠢᠨᠠ
2045 ᠦᠨᠡᠨ ᠢ᠋ᠶ᠋ᠡᠷ ᠶᠠᠪᠤᠪᠠᠯ
ᠦᠬᠡᠷ ᠲᠡᠷᠭᠡ ᠪᠡᠷ ᠲᠠᠤᠯᠠᠢ ᠭᠦᠢᠴᠡᠨᠡ
2046 ᠦᠨᠡᠲᠦ ᠡᠷᠳᠡᠨᠢ ᠭᠠᠵᠠᠷ ᠠ᠋ᠴᠠ
ᠥᠩᠭᠡᠲᠦ ᠣᠳᠣ ᠲᠩᠷᠢ ᠡᠴᠡ
2047 ᠦᠨᠢᠶᠡ ᠨᠢ ᠬᠠᠷᠠ ᠪᠣᠯᠪᠠᠴᠤ
ᠰᠦ ᠨᠢ ᠴᠠᠭᠠᠨ
2048 ᠦᠨᠢᠶᠡᠨ ᠦ᠌ ᠰᠢᠮᠡ ᠠᠷᠪᠢᠨ
ᠬᠣᠨᠢᠨ ᠤ᠋ ᠠᠰᠢᠭ ᠦᠯᠡᠮᠵᠢ
2049 ᠦᠷᠡ ᠡᠪᠦᠷ ᠲᠦ᠍ ᠠᠰᠠᠳᠠᠭ
ᠦᠭᠡ ᠵᠢᠷᠦᠬᠡᠨ ᠳ᠋ᠦ᠍ ᠠᠰᠠᠳᠠᠭ
2050 ᠦᠷᠡ ᠥᠰᠴᠦ ᠡᠷᠡ ᠪᠣᠯᠬᠤ
ᠦᠷᠢᠶᠡ ᠥᠰᠴᠦ ᠬᠦᠯᠦᠭ ᠪᠣᠯᠬᠤ
2051 ᠦᠷᠡ ᠬᠡᠦᠬᠡᠳ ᠡᠴᠡ ᠪᠡᠨ ᠬᠥᠨᠳᠡᠢᠷᠡᠪᠡᠯ
ᠥᠲᠡᠯᠬᠦ ᠦᠶᠡ ᠳ᠋ᠡᠭᠡᠨ ᠵᠣᠪᠠᠨᠠ
2052 ᠦᠷᠡ ᠦᠭᠡᠢ ᠪᠣᠯ ᠥᠰᠬᠦ ᠦᠭᠡᠢ
ᠦᠨᠳᠦᠰᠦ ᠦᠭᠡᠢ ᠪᠣᠯ ᠤᠷᠭᠤᠬᠤ ᠦᠭᠡᠢ
2053 ᠦᠷᠡ ᠦᠭᠡᠢ ᠬᠥᠮᠦᠨ ᠪᠠᠢᠳᠠᠭ ᠦᠭᠡᠢ
ᠦᠨᠳᠦᠰᠦ ᠦᠭᠡᠢ ᠴᠡᠴᠡᠭ ᠪᠠᠢᠳᠠᠭ ᠦᠭᠡᠢ
2054 ᠦᠷᠡ ᠦᠭᠡᠢ ᠬᠥᠮᠦᠨ ᠦ᠌ ᠨᠢᠳᠦ ᠨᠣᠢᠲᠠᠨ
ᠦᠷᠡ ᠲᠡᠢ ᠬᠥᠮᠦᠨ ᠦ᠌ ᠡᠪᠦᠷ ᠨᠣᠢᠲᠠᠨ
2055 ᠥᠷᠡᠵᠦ ᠰᠦᠢᠳᠬᠡᠬᠦ ᠳ᠋ᠦ᠍ ᠬᠢᠯᠪᠠᠷ
ᠦᠢᠯᠡᠳᠴᠦ ᠪᠦᠲᠦᠭᠡᠬᠦ ᠳ᠋ᠦ᠍ ᠪᠡᠷᠬᠡ
2056 ᠦᠷᠡ ᠶ᠋ᠢ ᠨᠢ ᠠᠪᠤᠭᠠᠳ
ᠡᠬᠡ ᠶ᠋ᠢ ᠨᠢ ᠭᠡᠭᠡᠬᠦ
2057 ᠦᠷᠡᠲᠦ ᠬᠥᠮᠦᠨ
ᠬᠥᠮᠦᠨ ᠦ᠌ ᠦᠷᠡ ᠶ᠋ᠢ ᠬᠠᠷᠢᠶᠠᠳᠠᠭ ᠦᠭᠡᠢ
2058 ᠦᠷᠡᠲᠦ ᠬᠥᠮᠦᠨ ᠦᠷᠡ ᠪᠡᠷ ᠢ᠋ᠶ᠋ᠡᠨ ᠵᠦᠢᠷᠯᠡ
ᠪᠡᠶᠡᠲᠦ ᠬᠥᠮᠦᠨ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠵᠦᠢᠷᠯᠡ
2059 ᠦᠷᠡ ᠲᠡᠢ ᠬᠥᠮᠦᠨ ᠵᠤᠯᠠ
ᠦᠷᠡ ᠦᠭᠡᠢ ᠬᠥᠮᠦᠨ ᠤᠯᠠ
2060 ᠦᠷᠡ ᠲᠡᠢ ᠬᠥᠮᠦᠨ ᠦᠳᠡᠵᠦ ᠠᠮᠠᠷᠠᠳᠠᠭ
ᠡᠪᠡᠳᠴᠢᠲᠡᠢ ᠬᠥᠮᠦᠨ ᠡᠳᠡᠭᠡᠵᠦ ᠠᠮᠠᠷᠠᠳᠠᠭ
2061 ᠦᠷᠡ ᠲᠡᠢ ᠬᠥᠮᠦᠨ ᠱᠤᠤᠭᠢᠳᠠᠭ
ᠦᠨᠳᠦᠰᠦ ᠲᠡᠢ ᠮᠣᠳᠣ ᠨᠠᠢᠭᠤᠳᠠᠭ
2062 ᠦᠷᠦᠬᠦ ᠦᠭᠡᠢ ᠪᠣᠯ ᠬᠤᠷᠴᠠ ᠪᠣᠯᠳᠠᠭ ᠦᠭᠡᠢ
ᠬᠡᠯᠡᠬᠦ ᠦᠭᠡᠢ ᠪᠣᠯ ᠰᠡᠴᠡᠨ ᠪᠣᠯᠳᠠᠭ ᠦᠭᠡᠢ
2063 ᠦᠷᠡ ᠪᠡᠨ ᠭᠡᠪᠡᠯ ᠰᠤᠷᠭᠠᠵᠤ ᠪᠠᠢ
ᠮᠣᠷᠢ ᠪᠠᠨ ᠭᠡᠪᠡᠯ ᠢᠳᠡᠭᠦᠯᠵᠦ ᠪᠠᠢ
2064 ᠦᠷᠢᠶᠡ ᠳᠠᠭᠠ ᠥᠰᠴᠦ ᠤᠨᠤᠭᠠ ᠵᠠᠯᠭᠠᠬᠤ
ᠦᠷᠡ ᠬᠡᠦᠬᠡᠳ ᠪᠣᠢᠵᠢᠵᠤ ᠡᠷᠦᠬᠡ ᠵᠠᠯᠭᠠᠮᠵᠢᠯᠠᠬᠤ
2065 ᠦᠷᠢᠶᠡ ᠳᠠᠭᠠ ᠨᠢ ᠲᠠᠨᠢᠭᠳᠠᠬᠤ ᠦᠭᠡᠢ
ᠥᠩᠭᠡ ᠵᠢᠰᠦ ᠨᠢ ᠢᠯᠭᠠᠭᠳᠠᠬᠤ ᠦᠭᠡᠢ
2066 ᠦᠷᠢᠶᠡ ᠮᠣᠷᠢ ᠢᠵᠢᠯᠢ ᠪᠡᠨ ᠣᠯᠬᠤ
ᠦᠷᠡ ᠬᠡᠦᠬᠡᠳ ᠬᠠᠨᠢ ᠪᠠᠨ ᠣᠯᠬᠤ
2067 ᠦᠷᠢᠶᠡ ᠮᠣᠷᠢᠨ ᠤ᠋ ᠪᠠᠨ ᠬᠤᠷᠳᠤᠨ ᠢ᠋ ᠦᠵᠡᠬᠦ
ᠦᠷᠡ ᠬᠡᠦᠬᠡᠳ ᠦ᠋ᠨ ᠢ᠋ᠶ᠋ᠡᠨ ᠰᠠᠢᠨ ᠢ᠋ ᠬᠠᠷᠠᠬᠤ
2068 ᠦᠷᠡ ᠪᠡᠨ ᠬᠥᠮᠦᠨ ᠪᠣᠯᠭᠠᠵᠤ
ᠦᠷᠢᠶᠡ ᠪᠡᠨ ᠮᠣᠷᠢ ᠪᠣᠯᠭᠠᠬᠤ
2069 ᠦᠷᠡ ᠪᠡᠷ ᠪᠠᠶᠠᠨ ᠡᠭᠦᠳᠡᠨ ᠳ᠋ᠦ᠍
ᠦᠬᠡᠷ ᠢ᠋ᠶ᠋ᠡᠷ ᠪᠠᠶᠠᠨ ᠬᠣᠢᠮᠣᠷ ᠲᠤ
2070 ᠦᠰᠦᠨ ᠦ᠌ ᠬᠠᠷᠠ ᠨᠢ
ᠰᠢᠳᠦᠨ ᠦ᠌ ᠴᠠᠭᠠᠨ ᠨᠢ
2071 ᠦᠰᠦᠲᠡᠢ ᠳᠡᠪᠡᠯ ᠬᠦᠢᠲᠡᠨ ᠳ᠋ᠦ᠍
ᠦᠨᠡᠨ ᠦᠭᠡ ᠲᠦᠮᠡᠨ ᠳ᠋ᠦ᠍
2072 ᠦᠰᠦᠨ ᠲᠡᠳᠦᠢ ᠡᠨᠳᠡᠭᠦᠷᠡᠯ ᠡᠴᠡ
ᠦᠬᠡᠷ ᠦ᠋ᠨ ᠴᠢᠨᠡᠭᠡ ᠬᠡᠷᠡᠭ ᠭᠠᠷᠤᠨᠠ
2073 ᠡᠭᠦᠳᠡ ᠮᠠᠨᠠᠬᠤ ᠬᠦᠦ ᠲᠡᠢ
ᠤᠷᠤᠭ ᠲᠡᠯᠡᠬᠦ ᠬᠡᠦᠬᠡᠨ ᠲᠡᠢ
2074 ᠡᠭᠦᠯᠡᠨ ᠡᠴᠡ ᠪᠣᠷᠣᠭᠠ
ᠡᠪᠡᠳᠴᠢᠨ ᠡᠴᠡ ᠦᠬᠦᠯ
2075 ᠡᠭᠦᠯᠡ ᠶᠡᠬᠡᠲᠦ ᠪᠣᠷᠣᠭᠠ ᠦᠭᠡᠢ
ᠡᠭᠦᠳᠡ ᠰᠠᠢᠲᠤ ᠬᠣᠪ ᠦᠭᠡᠢ
2076 ᠡᠭᠦᠯᠡ ᠮᠠᠨᠠᠨ ᠰᠠᠯᠬᠢ ᠳᠠᠭᠠᠭᠠᠬᠤ ᠦᠭᠡᠢ
ᠥᠷᠯᠥᠭᠡᠨ ᠦ᠌ ᠰᠢᠭᠦᠳᠡᠷᠢ ᠨᠠᠷᠠ ᠳᠠᠭᠠᠭᠠᠬᠤ ᠦᠭᠡᠢ
2077 ᠡᠭᠦᠯᠡ ᠨᠠᠷᠠ ᠶ᠋ᠢ ᠬᠠᠭᠠᠬᠤ
ᠦᠢᠯᠡ ᠶ᠋ᠢᠨ ᠦᠷᠡ ᠪᠤᠶᠠᠨ ᠢ᠋ ᠬᠠᠭᠠᠬᠤ
2078 ᠡᠭᠦᠯᠡ ᠬᠤᠷᠠᠪᠠᠯ ᠬᠤᠷᠠ
ᠬᠥᠮᠦᠨ ᠬᠤᠷᠠᠯᠳᠤᠪᠠᠯ ᠬᠦᠴᠦ
2079 ᠡᠭᠦᠯᠡ ᠦᠭᠡᠢ ᠡᠳᠦᠷ ᠴᠡᠯᠮᠡᠭ
ᠡᠪᠡᠳᠴᠢᠨ ᠦᠭᠡᠢ ᠪᠡᠶᠡ ᠰᠠᠷᠠᠭᠤᠯᠬᠠᠨ
2080 ᠡᠭᠦᠯᠡᠨ ᠡᠴᠡ ᠪᠣᠷᠣᠭᠠ
ᠦᠨᠡᠨ ᠡᠴᠡ ᠵᠥᠪ
2081 ᠡᠭᠦᠯᠡ ᠲᠡᠢ ᠵᠤᠨ ᠡᠪᠡᠰᠦᠨ ᠳ᠋ᠦ᠍ ᠰᠠᠢᠨ
ᠨᠠᠷᠠ ᠲᠠᠢ ᠡᠳᠦᠷ ᠨᠠᠮᠤᠷ ᠲᠠᠭᠠᠨ ᠰᠠᠢᠨ
2082 ᠦᠦᠷ(ᠦᠷ) ᠴᠡᠢᠪᠡᠯ ᠡᠳᠦᠷ ᠪᠣᠯᠬᠤ ᠶ᠋ᠢᠨ ᠲᠡᠮᠳᠡᠭ
ᠡᠪᠡᠰᠦ ᠴᠠᠢᠪᠠᠯ ᠨᠠᠮᠤᠷ ᠪᠣᠯᠬᠤ ᠶ᠋ᠢᠨ ᠲᠡᠮᠳᠡᠭ
2083 ᠦᠦᠷ(ᠦᠷ) ᠴᠠᠢᠭᠰᠠᠨ ᠬᠣᠢᠨᠠ
ᠥᠨᠳᠥᠷ ᠴᠠᠭᠠᠨ ᠮᠠᠨᠠᠭᠤᠬᠠᠢ ᠪᠣᠰᠬᠠᠬᠤ
2084 ᠦᠦᠷ (ᠦᠷ) ᠴᠠᠢᠭᠰᠠᠨ ᠬᠣᠢᠨᠠ
ᠠᠩ ᠪᠣᠳᠣᠭᠰᠠᠨ ᠤ᠋ ᠬᠡᠷᠡᠭ ᠦᠭᠡᠢ
ᠡᠭᠦᠳᠡᠨ ᠰᠢᠲᠦ ᠤᠨᠠᠭᠰᠠᠨ ᠤ᠋ ᠬᠣᠢᠨᠠ
ᠵᠠᠯᠠᠭᠤ ᠭᠡᠰᠡᠨ ᠦ᠌ ᠬᠡᠷᠡᠭ ᠦᠭᠡᠢ
2085 ᠡᠭᠦᠷᠬᠦ ᠬᠡᠷᠡᠭ ᠢ᠋
ᠦᠬᠦᠭᠰᠡᠨ ᠬᠥᠮᠦᠨ ᠳᠡᠭᠡᠷᠡ
2086 ᠡᠭᠦᠰᠬᠡᠯ ᠪᠠᠢᠪᠠᠯ
ᠲᠡᠭᠦᠰᠬᠡᠯ ᠪᠣᠢ
2087 ᠡᠭᠦᠰᠦᠭᠰᠡᠨ ᠰᠢᠷᠬᠠ ᠡᠳᠡᠭᠡᠷᠡᠳᠡᠭ
ᠦᠭᠡᠨ ᠦ᠌ ᠰᠢᠷᠬᠠ ᠡᠳᠡᠭᠡᠷᠡᠬᠦ ᠦᠭᠡᠢ
2088 ᠲᠤᠭᠤᠯ ᠡᠬᠡ ᠪᠡᠨ ᠳᠠᠭᠠᠳᠠᠭ
ᠦᠨᠡᠨ ᠦᠭᠡ ᠵᠦᠢ ᠪᠡᠨ ᠳᠠᠭᠠᠳᠠᠭ
2089 ᠦᠬᠡᠷ ᠦ᠋ᠨ ᠡᠪᠡᠷ ᠳᠡᠭᠡᠷᠡ ᠭᠠᠷᠤᠭᠰᠠᠨ ᠰᠢᠷᠭᠤᠯᠵᠢ
ᠠᠭᠤᠯᠠᠨ ᠳᠡᠭᠡᠷᠡ ᠭᠠᠷᠤᠯᠠ ᠭᠡᠵᠦ ᠪᠠᠶᠠᠷᠯᠠᠬᠤ
2090 ᠦᠬᠦᠭᠰᠡᠨ ᠪᠤᠤᠷᠠ ᠶ᠋ᠢᠨ ᠲᠣᠯᠣᠭᠠᠢ ᠠ᠋ᠴᠠ
ᠠᠮᠢᠳᠤ ᠠᠳᠠ ᠠᠶᠤᠨᠠ
2091 ᠦᠬᠦᠭᠰᠡᠨ ᠨᠢ ᠦᠢᠯᠡ ᠪᠡᠨ
ᠠᠮᠢᠳᠤ ᠨᠢ ᠠᠵᠢᠯ ᠢ᠋ᠶ᠋ᠠᠨ
2092 ᠦᠬᠦᠭᠰᠡᠨ ᠬᠣᠢᠨᠠ ᠨᠢ ᠡᠮ ᠠᠪᠴᠤ
ᠠᠷᠢᠯᠤᠭᠰᠠᠨ ᠬᠣᠢᠨᠠ ᠨᠢ ᠠᠷᠭᠠ ᠣᠯᠬᠤ
2093 ᠦᠬᠦᠭᠰᠡᠨ ᠬᠥᠮᠦᠨ ᠵᠢᠷᠭᠠᠯ ᠲᠠᠢ
ᠦᠯᠡᠳᠡᠭᠰᠡᠨ ᠬᠥᠮᠦᠨ ᠵᠣᠪᠠᠯᠠᠩ ᠲᠠᠢ
2094 ᠦᠬᠦᠭᠰᠡᠨ ᠬᠥᠮᠦᠨ ᠳ᠋ᠦ᠍ ᠨᠠᠷᠠ ᠬᠣᠯᠠ
ᠡᠴᠡᠭᠰᠡᠨ ᠮᠣᠷᠢᠨ ᠳ᠋ᠤ᠌ ᠭᠠᠵᠠᠷ ᠬᠣᠯᠠ
2095 ᠦᠬᠦᠭᠰᠡᠨ ᠢ᠋ ᠱᠣᠭᠯᠠᠳᠠᠭ ᠦᠭᠡᠢ
ᠦᠶᠡᠷᠬᠡᠭᠰᠡᠨ ᠢ᠋ ᠮᠠᠭᠤᠯᠠᠳᠠᠭ ᠦᠭᠡᠢ
2096 ᠦᠬᠡᠷ ᠢᠳᠡᠭᠰᠡᠨ ᠢ᠋ᠶ᠋ᠡᠨ ᠬᠡᠪᠢᠳᠡᠭ
ᠬᠥᠮᠦᠨ ᠰᠤᠷᠤᠭᠰᠠᠨ ᠢ᠋ᠶ᠋ᠠᠨ ᠳᠠᠪᠲᠠᠳᠠᠭ
2097 ᠦᠬᠡᠷ ᠬᠡᠯᠡᠨ ᠦ᠌ ᠪᠡᠨ ᠤᠭ ᠢ᠋ᠶ᠋ᠠᠷ
ᠡᠪᠡᠰᠦ ᠣᠷᠢᠶᠠᠳᠠᠭ
ᠬᠣᠪᠴᠢ ᠬᠡᠯᠡᠨ ᠦ᠌ ᠪᠡᠨ ᠤᠷᠲᠤ ᠪᠠᠷ
ᠲᠣᠯᠣᠭᠠᠢ ᠪᠠᠨ ᠣᠷᠢᠶᠠᠳᠠᠭ
2098 ᠦᠬᠦᠬᠦ ᠬᠥᠮᠦᠨ ᠰᠠᠢᠨ ᠡᠮᠴᠢ ᠡᠴᠡ ᠤᠢᠳᠬᠤ
ᠦᠭᠡᠢᠷᠡᠬᠦ ᠬᠥᠮᠦᠨ ᠰᠠᠢᠨ ᠨᠣᠬᠠᠢ ᠠ᠋ᠴᠠ ᠤᠢᠳᠬᠤ
2099 ᠦᠬᠦᠬᠦ ᠬᠥᠮᠦᠨ ᠳ᠋ᠦ᠍ ᠦᠭᠡ ᠪᠦᠦ ᠬᠡᠯᠡ
ᠤᠨᠲᠠᠬᠤ ᠬᠥᠮᠦᠨ ᠳ᠋ᠦ᠍ ᠤᠰᠤ ᠪᠦᠦ ᠥᠭ
2100 ᠦᠬᠦᠬᠦ ᠬᠥᠮᠦᠨ ᠦ᠌ ᠨᠢᠳᠦ ᠬᠤᠷᠴᠠ
ᠦᠭᠡᠢᠷᠡᠬᠦ ᠬᠥᠮᠦᠨ ᠦ᠌ ᠰᠢᠳᠦ ᠬᠤᠷᠴᠠ
2101 ᠦᠬᠦᠬᠦ ᠬᠥᠮᠦᠨ ᠦ᠌ ᠦᠭᠡ ᠶ᠋ᠢ ᠠᠪᠳᠠᠭ
ᠦᠬᠦᠭᠰᠡᠨ ᠮᠠᠯ ᠤ᠋ᠨ ᠬᠦᠵᠦᠭᠦᠪᠴᠢ ᠶ᠋ᠢ ᠠᠪᠳᠠᠭ ᠦᠭᠡᠢ
2102 ᠦᠬᠦᠬᠦ ᠡᠷᠪᠡᠬᠡᠢ
ᠳ᠋ᠧᠩ ᠦ᠋ᠨ ᠵᠦᠭ ᠲᠡᠮᠡᠦᠯᠳᠡᠭ
2103 ᠦᠬᠦᠬᠦ ᠳ᠋ᠦ᠍ ᠦᠭᠡ ᠬᠡᠷᠡᠭᠲᠡᠢ
ᠤᠨᠲᠠᠬᠤ ᠳ᠋ᠤ᠌ ᠤᠰᠤ ᠬᠡᠷᠡᠭᠲᠡᠢ
2104 ᠦᠬᠦᠬᠦ ᠡᠴᠡ ᠠᠶᠤᠬᠤ ᠦᠭᠡᠢ
ᠦᠭᠡᠢᠷᠡᠬᠦ ᠡᠴᠡ ᠠᠶᠤᠬᠤ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠳᠮᠠᠰᠡᠴᠡᠨ᠂ ᠣᠶᠤᠨᠪᠠᠲᠤ᠂ ᠰᠠᠷᠠᠨᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠳᠣᠷᠵᠢ᠂ ᠣᠳᠬᠣᠨᠴᠡᠴᠡᠭ᠂ ᠠᠯᠲᠠᠨᠱᠠ᠂ ᠤᠢᠭᠤᠷᠵᠢᠨ ᠤᠳᠬᠤᠨ᠂ ᠲ ᠬᠦᠮᠦᠵᠢᠯᠲᠦ᠂ ᠪᠠᠯ