ᠮᠣᠩᠭᠣᠯ ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ ᠳᠡᠭᠡᠵᠢ – ᠳ᠂ ᠵᠠᠶᠠᠭᠠᠪᠠᠭᠠᠲᠤᠷ ᠡᠮᠬᠢᠳᠬᠡᠪᠡ < ᠦ 7 ᠶᠢᠨ ᠠᠢᠮᠠᠭ –1>Монгол зүйр цэцэн үгийн гураван мянган дээж – Д᠂Заяабаатар эмхэтгэв <Үгийн аймаг 1>
887 – ᠦ᠊ (Ү) –
1937 ᠦᠭᠡ ᠠᠯᠳᠠᠭᠰᠠᠨ ᠠ᠋ᠴᠠ
ᠦᠬᠡᠷ ᠠᠯᠳᠠᠭᠰᠠᠨ ᠨᠢ ᠳᠡᠭᠡᠷᠡ
1938 ᠦᠭᠡ ᠪᠦᠷᠢ ᠤᠳᠬᠠ ᠲᠠᠢ
ᠤᠳᠬᠠ ᠪᠦᠷᠢ ᠤᠴᠢᠷ ᠲᠠᠢ
1939 ᠦᠭᠡ ᠳᠠᠪᠲᠠᠪᠠᠯ ᠣᠯᠢᠭ
ᠨᠣᠮ ᠳᠠᠪᠲᠠᠪᠠᠯ ᠪᠢᠯᠢᠭ
1940 ᠦᠭᠡ ᠳᠠᠭᠠᠪᠠᠯ ᠤᠬᠠᠭᠠᠨ ᠲᠠᠢ ᠪᠣᠯᠳᠠᠭ
ᠦᠯᠢᠭᠡᠷ ᠳᠠᠭᠠᠪᠠᠯ ᠰᠡᠴᠡᠨ ᠪᠣᠯᠳᠠᠭ
1941 ᠦᠭᠡ ᠢᠯᠡᠭᠦᠦ ᠲᠡᠢ ᠶ᠋ᠢᠨ
ᠡᠷᠡᠦ ᠬᠤᠭᠤᠷᠬᠠᠢ
1942 ᠦᠭᠡ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠨ ᠣᠯᠬᠤ ᠪᠠᠷ
ᠦᠢᠯᠡ ᠮᠡᠳᠡᠬᠦ ᠦᠭᠡᠢ ᠡᠮᠡ ᠣᠯᠤᠭᠰᠠᠨ ᠨᠢ ᠳᠡᠭᠡᠷᠡ
1943 ᠦᠭᠡ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠨ ᠳ᠋ᠦ᠍ ᠦᠭᠡ ᠪᠦᠦ ᠬᠡᠯᠡ
ᠦᠬᠡᠷ ᠦ᠋ᠨ ᠬᠠᠮᠠᠷ ᠲᠤ᠌ ᠽᠠᠨᠳᠠᠨ ᠪᠦᠦ ᠠᠰᠠᠭᠠ
1944 ᠦᠭᠡ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠨ ᠳ᠋ᠦ᠍ ᠬᠡᠯᠡᠭᠰᠡᠨ ᠦᠭᠡ
ᠦᠨᠡᠰᠦᠨ ᠳ᠋ᠦ᠍ ᠬᠠᠶᠠᠭᠰᠠᠨ ᠰᠤᠪᠤᠳ ᠠᠳᠠᠯᠢ
1945 ᠦᠭᠡ ᠨᠢ ᠵᠥᠭᠡᠯᠡᠨ
ᠦᠢᠯᠡ ᠨᠢ ᠬᠠᠲᠠᠭᠤ
1946 ᠦᠭᠡ ᠨᠢ ᠲᠦᠷᠭᠡᠨ
ᠦᠢᠯᠡ ᠨᠢ ᠤᠳᠠᠭᠠᠨ
1947 ᠦᠭᠡ ᠣᠯᠠᠳᠠᠵᠤ
ᠦᠬᠡᠷ ᠬᠣᠯᠠᠳᠠᠬᠤ
1948 ᠦᠭᠡ ᠣᠯᠠᠨ ᠳᠠᠪᠲᠠᠬᠤ ᠨᠣᠢᠷ ᠲᠤ ᠰᠠᠭᠠᠳ
ᠨᠣᠮ ᠣᠯᠠᠨ ᠳᠠᠪᠲᠠᠬᠤ ᠴᠡᠭᠡᠵᠢᠨ ᠳ᠋ᠦ᠍ ᠴᠢᠮᠡᠭ
1949 ᠦᠭᠡ ᠰᠥᠷᠪᠡᠯ ᠬᠡᠷᠡᠭᠦᠯ
ᠡᠭᠦᠯᠡ ᠬᠤᠷᠠᠪᠠᠯ ᠬᠤᠷᠠ
1450 ᠦᠭᠡ ᠤᠴᠢᠷ ᠲᠠᠢ
ᠡᠪᠡᠰᠦ ᠦᠨᠳᠦᠰᠦ ᠲᠡᠢ
1951 ᠦᠭᠡ ᠬᠡᠯᠡᠬᠦ ᠬᠠᠷᠢᠭᠤ ᠲᠠᠢ
ᠦᠨᠡᠨ ᠢ᠋ᠶ᠋ᠡᠨ ᠬᠡᠯᠡᠬᠦ ᠵᠣᠷᠢᠭᠲᠠᠢ
1952 ᠦᠭᠡ ᠬᠡᠯᠡᠬᠦ ᠳ᠋ᠡᠭᠡᠨ ᠦᠨᠡᠨ ᠢ᠋
ᠦᠯᠢᠭᠡᠷ ᠬᠡᠯᠡᠬᠦ ᠳ᠋ᠡᠭᠡᠨ ᠤᠳᠬᠠ ᠶ᠋ᠢ ᠨᠢ
1953 ᠦᠭᠡ ᠬᠡᠯᠡᠬᠦ ᠳ᠋ᠦ᠍ ᠦᠭᠡ ᠲᠤᠭᠤᠯᠬᠤ
ᠬᠣᠷᠣᠭᠠ ᠨᠡᠭᠡᠭᠡᠬᠦ ᠳ᠋ᠦ᠍ ᠮᠠᠯ ᠪᠡᠯᠴᠢᠬᠦ
1954 ᠦᠭᠡ ᠦᠭᠡᠢ ᠮᠥᠷᠲᠡᠭᠡᠨ ᠵᠠᠷᠭᠤᠰᠠᠭ
ᠥᠮᠥᠳᠥ ᠦᠭᠡᠢ ᠮᠥᠷᠲᠡᠭᠡᠨ ᠶᠡᠬᠡᠮᠰᠦᠭ
1955 ᠦᠭᠡ ᠶ᠋ᠢ ᠦᠭᠡ ᠠᠯᠠᠳᠠᠭ
ᠦᠨᠡᠭᠡ ᠶ᠋ᠢ ᠬᠥᠮᠦᠨ ᠠᠯᠠᠳᠠᠭ
1956 ᠦᠭᠡ ᠶ᠋ᠢ ᠦᠭᠡ ᠪᠣᠯᠭᠠᠵᠤ
ᠦᠭᠡᠢ ᠶ᠋ᠢ ᠪᠣᠢ ᠪᠣᠯᠭᠠᠬᠤ
1957 ᠦᠭᠡᠯᠡᠭᠡ ᠬᠥᠮᠦᠨ ᠦ᠌ ᠦᠭᠡ ᠦᠨᠡ ᠦᠭᠡᠢ
ᠦᠷᠭᠦᠳᠡᠭ ᠮᠣᠷᠢᠨ ᠤ᠋ ᠶᠠᠪᠤᠳᠠᠯ ᠡᠪ ᠦᠭᠡᠢ
1958 ᠦᠭᠡᠨ ᠦ᠌ ᠪᠣᠭᠣᠨᠢ ᠨᠢ
ᠲᠥᠷᠥ ᠶ᠋ᠢᠨ ᠰᠢᠳᠤᠷᠭᠤ ᠨᠢ
1959 ᠦᠭᠡᠨ ᠦ᠌ ᠳᠣᠲᠣᠷᠠ ᠠ᠋ᠴᠠ ᠦᠨᠡᠨ ᠢ᠋ ᠡᠷᠢ
ᠥᠩᠭᠡᠨ ᠦ᠌ ᠳᠣᠲᠣᠷᠠ ᠠ᠋ᠴᠠ ᠴᠢᠨᠠᠷ ᠢ᠋ ᠡᠷᠢ
1960 ᠦᠭᠡᠨ ᠦ᠌ ᠶᠥᠭᠡᠬᠦ ᠨᠢ
ᠵᠣᠳᠣᠬᠤ ᠶ᠋ᠢᠨ ᠴᠢᠮᠬᠢᠬᠦ ᠨᠢ
1961 ᠦᠭᠡᠨ ᠦ᠌ ᠢᠯᠡ ᠨᠢ
ᠦᠨᠡᠭᠡᠨ ᠦ᠌ ᠤᠯᠠᠭᠠᠨ ᠨᠢ
1962 ᠦᠭᠡᠨ ᠦ᠌ ᠶᠡᠬᠡ ᠦᠨᠡ ᠪᠡᠨ ᠪᠠᠷᠠᠨᠠ
ᠡᠪᠡᠳᠴᠢᠨ ᠦ᠌ ᠶᠡᠬᠡ ᠪᠡᠶᠡ ᠪᠡᠨ ᠪᠠᠷᠠᠨᠠ
1963 ᠦᠭᠡᠨ ᠡᠴᠡ ᠦᠭᠡ ᠠᠪᠳᠠᠭ
ᠤᠬᠠᠭᠠᠨ ᠠ᠋ᠴᠠ ᠤᠬᠠᠭᠠᠨ ᠰᠤᠷᠳᠠᠭ
1964 ᠦᠭᠡ ᠲᠡᠢ ᠪᠣᠯ ᠥᠴᠢ
ᠬᠣᠰᠢᠶᠠ ᠲᠠᠢ ᠪᠣᠯ ᠬᠣᠯᠪᠣ
1965 ᠦᠭᠡᠢ ᠭᠡᠵᠦ ᠦᠭᠡᠨ ᠦ᠌ ᠮᠤᠬᠤᠷ
ᠦᠬᠦᠨᠡ ᠭᠡᠵᠦ ᠠᠮᠢᠨ ᠤ᠋ ᠮᠤᠬᠤᠷ
1966 ᠦᠭᠡᠢᠷᠡᠭᠰᠡᠨ ᠬᠣᠢᠨᠠ ᠪᠠᠨ ᠪᠠᠶᠠᠨ ᠢ᠋ ᠪᠢᠲᠡᠭᠡᠢ ᠳᠤᠷᠠᠳ
ᠦᠬᠦᠭᠰᠡᠨ ᠬᠣᠢᠨᠠ ᠰᠠᠢᠨ ᠢ᠋ ᠪᠢᠲᠡᠭᠡᠢ ᠳᠤᠷᠠᠳ
1967 ᠦᠭᠡᠢᠷᠡᠲᠡᠯᠡ ᠥᠪ ᠬᠠᠷᠠᠮ
ᠦᠬᠦᠲᠡᠯᠡ ᠦᠷᠡ ᠬᠠᠷᠠᠮ
1968 ᠦᠭᠡᠢᠷᠡᠰᠢ ᠦᠭᠡᠢ ᠪᠠᠶᠠᠨ ᠭᠡᠵᠦ ᠦᠭᠡᠢ
ᠦᠬᠦᠰᠢ ᠦᠭᠡᠢ ᠮᠥᠩᠬᠡ ᠭᠡᠵᠦ ᠦᠭᠡᠢ
1969 ᠦᠭᠡᠨ ᠳ᠋ᠦ᠍ ᠠᠪᠢᠶᠠ ᠪᠠᠢᠳᠠᠭ
ᠦᠯᠢᠭᠡᠷ ᠲᠦ᠍ ᠠᠶᠠᠯᠭᠤ ᠪᠠᠢᠳᠠᠭ
1970 ᠦᠭᠡᠨ ᠳ᠋ᠦ᠍ ᠲᠠᠰᠢᠶᠠ ᠪᠣᠢ
ᠦᠬᠡᠷ ᠲᠤ ᠠᠯᠠᠭ ᠪᠣᠢ
1971 ᠦᠭᠡᠨ ᠳ᠋ᠦ᠍ ᠤᠨᠠᠬᠤ ᠪᠠᠷ
ᠨᠦᠬᠡᠨ ᠳ᠋ᠦ᠍ ᠤᠨᠠ
1972 ᠦᠭᠡᠨ ᠳ᠋ᠡᠭᠡᠨ ᠡᠵᠡᠨ ᠪᠣᠯᠬᠤ ᠦᠭᠡᠢ ᠪᠣᠯ
ᠦᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠪᠣᠭᠣᠯ ᠪᠣᠯᠳᠠᠭ
1973 ᠦᠭᠡ ᠪᠡᠷ ᠨᠢ ᠦᠨᠡᠮᠰᠢᠬᠦ ᠪᠡᠷ
ᠦᠢᠯᠡ ᠪᠡᠷ ᠨᠢ ᠦᠨᠡᠮᠰᠢ
1974 ᠦᠭᠡ ᠪᠡᠷ ᠴᠣᠬᠢᠬᠤ ᠪᠠᠷ
ᠰᠦᠬᠡ ᠪᠡᠷ ᠴᠣᠬᠢ
1975 ᠦᠳᠡ ᠪᠣᠯᠲᠠᠯᠠ ᠤᠨᠲᠠᠵᠤ
ᠦᠬᠡᠷ ᠦ᠋ᠨ ᠳᠠᠭᠤᠨ ᠢ᠋ᠶ᠋ᠠᠷ ᠰᠡᠷᠡᠬᠦ
1976 ᠦᠳᠡ ᠪᠣᠯᠲᠠᠯᠠ ᠤᠨᠲᠠᠭᠠᠳ
ᠦᠶᠡᠷ ᠪᠣᠯᠲᠠᠯᠠ ᠰᠢᠭᠡᠬᠦ
1977 ᠦᠳᠡᠰᠢ ᠶ᠋ᠢᠨ ᠠᠮᠤᠷ ᠢ᠋ ᠥᠷᠯᠥᠭᠡᠨ ᠡᠴᠡ ᠪᠡᠨ
ᠥᠲᠡᠯᠬᠦ ᠶ᠋ᠢᠨ ᠠᠮᠤᠷ ᠢ᠋ ᠵᠠᠯᠠᠭᠤ ᠠ᠋ᠴᠠ ᠪᠠᠨ
1978 ᠦᠳᠡ ᠡᠴᠡ ᠢᠯᠡᠭᠦᠦ ᠬᠠᠯᠠᠭᠤᠨ ᠦᠭᠡᠢ
ᠦᠬᠦᠯ ᠡᠴᠡ ᠢᠯᠡᠭᠦᠦ ᠠᠶᠤᠮᠰᠢᠭ ᠦᠭᠡᠢ
1979 ᠦᠶᠡᠷ ᠦ᠋ᠨ ᠤᠰᠤ ᠢᠷᠡᠪᠡᠯ
ᠡᠭᠦᠳᠡ ᠬᠣᠢᠮᠣᠷ ᠢᠯᠭᠠᠭᠠ ᠦᠭᠡᠢ
ᠦᠬᠦᠯ ᠦ᠋ᠨ ᠡᠵᠡᠳ ᠢᠷᠡᠪᠡᠯ
ᠬᠥᠭᠰᠢᠨ ᠵᠠᠯᠠᠭᠤ ᠢᠯᠭᠠᠭᠠ ᠦᠭᠡᠢ
1980 ᠦᠵᠡᠭᠳᠡᠭᠰᠡᠨ ᠶᠠᠭᠤᠮᠠ ᠬᠣᠯᠠ ᠪᠢᠰᠢ
ᠡᠷᠭᠦᠭᠰᠡᠨ ᠶᠠᠭᠤᠮᠠ ᠬᠦᠨᠳᠦ ᠪᠢᠰᠢ
1981 ᠦᠵᠡᠯ ᠪᠣᠳᠣᠯ ᠰᠠᠨᠠᠭᠠ ᠲᠠᠭᠠᠷᠠᠪᠠᠯ
ᠭᠠᠭᠴᠠ ᠬᠥᠮᠦᠨ ᠴᠦ᠍ ᠭᠡᠰᠡᠨ ᠨᠥᠬᠥᠷ
ᠦᠭᠡ ᠦᠭᠡ ᠪᠡᠨ ᠡᠰᠡ ᠳᠠᠭᠠᠪᠠᠯ
ᠦᠢ ᠣᠯᠠᠭᠤᠯᠠ ᠪᠠᠨ ᠴᠦ᠍ ᠳᠠᠢᠰᠤᠨ
1982 ᠦᠵᠡᠬᠦ ᠦᠭᠡᠢ ᠪᠣᠯ ᠲᠠᠨᠢᠬᠤ ᠦᠭᠡᠢ
ᠰᠣᠨᠣᠰᠬᠤ ᠦᠭᠡᠢ ᠪᠣᠯ ᠮᠡᠳᠡᠬᠦ ᠦᠭᠡᠢ
1983 ᠦᠵᠡᠬᠦ ᠡᠴᠡ ᠪᠡᠨ ᠡᠮᠦᠨᠡ ᠡᠪᠦᠷᠲᠦᠯᠡᠬᠦ ᠶ᠋ᠢ ᠪᠣᠳᠣᠵᠤ
ᠡᠮᠬᠦᠬᠦ ᠡᠴᠡ ᠡᠮᠦᠨᠡ ᠵᠠᠯᠭᠢᠬᠤ ᠶ᠋ᠢ ᠪᠣᠳᠣᠬᠤ
1984 ᠦᠢᠯᠡ ᠢᠷᠡᠬᠦᠯᠡᠷ ᠤᠬᠠᠭᠠᠨ ᠰᠤᠷᠳᠠᠭ
ᠭᠡᠮ ᠢᠷᠡᠬᠦᠯᠡᠷ ᠰᠦᠰᠦᠭ ᠲᠥᠷᠥᠳᠡᠭ
1985 ᠦᠢᠯᠡ ᠢᠷᠡᠬᠦ ᠳ᠋ᠦ᠍
ᠠᠭᠤᠯᠠ ᠨᠤᠷᠠᠬᠤ
1986 ᠦᠢᠯᠡ ᠨᠢ ᠢᠷᠡᠭᠰᠡᠨ ᠬᠤᠯᠤᠭᠠᠨᠠ
ᠮᠤᠤᠷ ᠤ᠋ᠨ ᠬᠠᠮᠠᠷ ᠮᠠᠭᠠᠵᠢᠬᠤ
1987 ᠦᠢᠯᠡ ᠨᠢ ᠡᠮᠦᠨᠡ ᠪᠡᠨ
ᠦᠷᠡ ᠨᠢ ᠬᠣᠢᠨᠠ ᠪᠠᠨ
1988 ᠦᠢᠯᠡ ᠦᠢᠯᠡ ᠪᠡᠨ ᠳᠠᠭᠠᠬᠤ
ᠦᠨᠢᠶᠡ ᠲᠤᠭᠤᠯ ᠢ᠋ᠶ᠋ᠠᠨ ᠳᠠᠭᠠᠬᠤ
1989 ᠦᠢᠯᠡ ᠦᠭᠡᠢ ᠬᠡᠦᠬᠡᠨ ᠳᠠᠭᠤᠯᠠᠮᠠᠲᠠᠭᠠᠢ
ᠰᠦ ᠦᠭᠡᠢ ᠦᠨᠢᠶᠡ ᠮᠥᠭᠡᠷᠡᠮᠡᠳᠡᠭᠡᠢ
1990 ᠦᠢᠯᠡᠲᠦ ᠬᠥᠮᠦᠨ ᠦ᠌ ᠦᠢᠯᠡ ᠪᠠᠷᠠᠭᠳᠠᠬᠤ ᠦᠭᠡᠢ
ᠦᠰᠦᠲᠦ ᠠᠳᠠᠰᠬᠠ ᠶ᠋ᠢᠨ ᠰᠢᠷᠣᠢ ᠪᠠᠷᠠᠭᠳᠠᠬᠤ ᠦᠭᠡᠢ
1991 ᠦᠢᠯᠡ ᠳ᠋ᠦ᠍ ᠤᠷᠠᠨ
ᠦᠭᠡᠨ ᠳ᠋ᠦ᠍ ᠰᠡᠴᠡᠨ
1992 ᠦᠢᠯᠡ ᠪᠡᠨ ᠦᠵᠡᠵᠦ
ᠲᠠᠮᠤ ᠪᠠᠨ ᠴᠠᠢᠬᠤ
1993 ᠦᠢᠯᠡ ᠪᠡᠷ ᠨᠡᠢᠯᠡᠳᠡᠭ
ᠦᠨᠳᠦᠰᠦ ᠪᠡᠷ ᠤᠷᠭᠤᠳᠠᠭ
1994 ᠦᠯᠦ ᠮᠡᠳᠡᠭᠴᠢ ᠬᠥᠮᠦᠨ ᠳ᠋ᠦ᠍
ᠰᠤᠷᠭᠠᠯ ᠬᠡᠷᠡᠭ ᠦᠭᠡᠢ
ᠦᠬᠡᠷ ᠬᠠᠷᠢᠭᠤᠯᠬᠤ ᠬᠥᠮᠦᠨ ᠳ᠋ᠦ᠍
ᠤᠨᠤᠭᠠ ᠬᠡᠷᠡᠭ ᠦᠭᠡᠢ
1995 ᠦᠯᠢᠭᠡᠷ ᠲᠡᠦᠬᠡ ᠶ᠋ᠢᠨ ᠶᠠᠭᠤᠮᠠ
ᠦᠨᠡᠨ ᠲᠡᠢ ᠬᠤᠳᠠᠯ ᠲᠠᠢ
1996 ᠦᠯᠢᠭᠡᠷ ᠰᠡᠴᠡᠨ ᠢ᠋ᠶ᠋ᠡᠨ ᠳᠠᠭᠠᠨᠠ
ᠦᠬᠡᠷ ᠲᠤᠭᠤᠯ ᠢ᠋ᠶ᠋ᠠᠨ ᠳᠠᠭᠠᠨᠠ
1997 ᠦᠯᠢᠭᠡᠷ ᠲᠦ᠍ ᠦᠨᠡᠨ ᠤᠴᠢᠷ ᠣᠯᠠᠨ
ᠬᠤᠳᠠᠯ ᠳ᠋ᠤ᠌ ᠬᠤᠯᠠᠭᠠᠢ ᠶ᠋ᠢᠨ ᠤᠳᠬᠠ ᠣᠯᠠᠨ
1998 ᠦᠯᠡᠳᠡᠬᠦ ᠬᠥᠮᠦᠨ ᠢ᠋ᠶ᠋ᠡᠷ ᠠᠴᠢᠶᠠ ᠪᠦᠦ ᠲᠠᠲᠠᠭᠤᠯ
ᠦᠷᠭᠦᠬᠦ ᠮᠣᠷᠢ ᠪᠠᠨ ᠭᠡᠷ ᠡᠴᠡ ᠪᠦᠦ ᠤᠶᠠ
1999 ᠦᠨᠳᠦᠰᠦ ᠰᠠᠢᠲᠤ ᠶ᠋ᠢᠨ ᠨᠠᠪᠴᠢ ᠴᠡᠴᠡᠭ ᠶᠡᠬᠡ
ᠦᠨᠡᠨ ᠰᠠᠢᠲᠤ ᠶ᠋ᠢᠨ ᠦᠭᠡ ᠶᠠᠷᠢᠶᠠ ᠴᠥᠭᠡᠨ
2000 ᠦᠨᠡᠰᠦ ᠶᠡᠬᠡᠳᠡᠪᠡᠯ ᠭᠠᠯ ᠤ᠋ᠨ ᠵᠤᠳ
ᠬᠡᠦᠬᠡᠨ ᠶᠡᠬᠡᠳᠡᠪᠡᠯ ᠭᠡᠷ ᠦ᠋ᠨ ᠵᠤᠳ
2001 ᠦᠨᠡᠰᠦ ᠶᠡᠬᠡᠲᠡᠪᠡᠯ ᠲᠤᠯᠭᠠᠨ ᠪᠤᠭ
ᠬᠡᠦᠬᠡᠨ ᠶᠡᠬᠡᠲᠡᠪᠡᠯ ᠭᠡᠷ ᠦ᠋ᠨ ᠪᠤᠭ
2002 ᠦᠨᠡᠰᠦ ᠪᠡᠨ ᠭᠠᠷᠭᠠᠭᠰᠠᠨ ᠲᠤᠯᠭᠠ ᠴᠡᠮᠴᠡᠭᠡᠷ
ᠦᠰᠦ ᠪᠡᠨ ᠰᠠᠮᠨᠠᠭᠰᠠᠨ ᠠᠪᠠᠭᠠᠢ ᠴᠡᠮᠴᠡᠭᠡᠷ
2003 ᠦᠨᠡ ᠭᠡᠵᠦ ᠬᠦᠴᠦᠲᠡᠢ
ᠦᠢᠯᠡ ᠭᠡᠵᠦ ᠬᠠᠯᠠ ᠲᠠᠢ
2004 ᠦᠨᠡ ᠶᠡᠬᠡᠲᠡᠢ ᠴᠢᠯᠠᠭᠤᠨ ᠠ᠋ᠴᠠ
ᠦᠨᠡᠨᠴᠢ ᠨᠥᠬᠥᠷ ᠦᠨᠡᠲᠡᠢ
2005 ᠦᠨᠡ ᠮᠡᠳᠡᠬᠦ ᠦᠭᠡᠢ ᠪᠠᠢᠵᠤ
ᠦᠨᠡᠭᠡᠨ ᠮᠠᠯᠠᠭᠠᠢ ᠡᠮᠦᠰᠬᠦ
2006 ᠦᠨᠡᠭᠡ ᠰᠡᠭᠦᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠬᠠᠭᠤᠷᠳᠠᠭ
ᠦᠢᠯᠡ ᠯᠠᠢ ᠳᠦᠭᠡᠷᠭᠡ ᠪᠡᠷ ᠢᠷᠡᠳᠡᠭ
2007 ᠦᠨᠡᠭᠡ ᠦᠰᠦᠨ ᠳ᠋ᠡᠭᠡᠨ ᠦᠬᠦᠨᠡ
ᠬᠥᠮᠦᠨ ᠦᠭᠡᠨ ᠳ᠋ᠡᠭᠡᠨ ᠦᠬᠦᠨᠡ
2008 ᠦᠨᠡᠭᠡ ᠦᠰᠦ ᠪᠡᠨ ᠤᠨᠠᠭᠠᠪᠠᠴᠤ
ᠴᠢᠬᠢ ᠪᠡᠨ ᠬᠡᠭᠡᠳᠡᠭ ᠦᠭᠡᠢ
ᠦᠨᠡᠨ ᠥᠩᠭᠡᠨ ᠳ᠋ᠡᠭᠡᠨ ᠬᠠᠲᠠᠭᠤ ᠴᠦ᠍
ᠴᠠᠨᠠ ᠪᠠᠨ ᠠᠯᠳᠠᠬᠤ ᠦᠭᠡᠢ
2009 ᠦᠨᠡᠭᠡᠨ ᠦᠭᠡ ᠪᠡᠷ ᠲᠥᠷᠥ ᠪᠠᠷᠢᠬᠤ
ᠦᠬᠡᠷ ᠲᠡᠷᠭᠡ ᠪᠡᠷ ᠦᠨᠡᠭᠡ ᠭᠦᠢᠴᠡᠬᠦ
2010 ᠦᠨᠡᠭᠡᠨ ᠬᠠᠷᠠᠩᠭᠤᠢ ᠥᠩᠭᠡᠷᠡᠪᠡᠯ
ᠦᠷ ᠴᠠᠢᠬᠤ ᠬᠣᠯᠠ ᠦᠭᠡᠢ
2011 ᠦᠨᠡᠭᠡᠨ ᠳ᠋ᠦ᠍ ᠳᠤᠷᠠᠯᠠᠵᠤ ᠮᠣᠷᠢ ᠪᠠᠨ
ᠴᠢᠮᠤᠭᠡᠨ ᠳ᠋ᠦ᠍ ᠳᠤᠷᠠᠯᠠᠵᠤ ᠬᠢᠲᠤᠭᠠ ᠪᠠᠨ
2912 ᠦᠨᠡᠨ ᠪᠠᠢᠭᠠᠳ ᠵᠥᠪ ᠢ᠋ᠶ᠋ᠡᠨ ᠣᠯᠬᠤ ᠦᠭᠡᠢ
ᠦᠭᠡ ᠪᠠᠢᠭᠠᠳ ᠬᠡᠯᠡᠬᠦ ᠭᠠᠵᠠᠷ ᠦᠭᠡᠢ
2013 ᠦᠨᠡᠨ ᠭᠡᠭᠴᠢ ᠲᠦᠮᠡᠨ ᠰᠠᠢᠨ ᠤ᠋ ᠦᠨᠳᠦᠰᠦ
ᠬᠤᠳᠠᠯ ᠭᠡᠭᠴᠢ ᠲᠦᠮᠡᠨ ᠮᠠᠭᠤ ᠶ᠋ᠢᠨ ᠲᠤᠢᠯ
2014 ᠦᠨᠡᠨ ᠮᠡᠷᠭᠡᠳ ᠮᠡᠳᠡᠵᠦ ᠬᠢᠨᠡ
ᠥᠴᠦᠬᠡᠨ ᠤᠬᠠᠭᠠᠨᠲᠠᠨ ᠳᠠᠭᠤᠷᠢᠶᠠᠵᠤ ᠬᠢᠨᠡ
2015 ᠦᠨᠡᠨ ᠰᠠᠢᠨ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠦᠯᠦ ᠠᠮᠠᠷᠠᠬᠤ
ᠤᠷᠠᠨ ᠰᠠᠢᠨ ᠡᠮᠡ ᠶ᠋ᠢᠨ ᠭᠠᠷ ᠦᠯᠦ ᠠᠮᠠᠷᠠᠬᠤ
2016 ᠦᠨᠡᠨ ᠰᠠᠨᠠᠭᠠᠨ ᠠ᠋ᠴᠠ ᠪᠤᠤ ᠬᠣᠯᠠᠳᠠ
ᠦᠨᠡᠨᠴᠢ ᠶᠠᠪᠤᠳᠠᠯ ᠢ᠋ ᠪᠤᠤ ᠮᠠᠷᠲᠠ
2017 ᠦᠨᠡᠨ ᠰᠡᠳᠬᠢᠯ ᠥᠯᠵᠡᠢ ᠶ᠋ᠢᠨ ᠡᠭᠦᠰᠦᠯ
ᠰᠠᠢᠨ ᠰᠠᠨᠠᠭᠠ ᠰᠡᠳᠬᠢᠯ ᠦ᠋ᠨ ᠡᠬᠡ
2018 ᠦᠨᠡᠨ ᠦᠭᠡ ᠠᠷᠰᠯᠠᠨ ᠠ᠋ᠴᠠ ᠬᠦᠴᠦᠲᠡᠢ
ᠦᠨᠡᠨᠴᠢ ᠦᠭᠡ ᠠᠯᠲᠠᠨ ᠠ᠋ᠴᠠ ᠦᠨᠡᠲᠡᠢ
2019 ᠦᠨᠡᠨ ᠦᠭᠡ ᠤᠷᠢᠳᠤ ᠪᠠᠨ ᠴᠣᠭᠲᠠᠢ
ᠬᠤᠳᠠᠯ ᠦᠭᠡ ᠬᠣᠢᠨᠠ ᠪᠠᠨ ᠴᠣᠭᠲᠠᠢ
2020 ᠦᠨᠡᠨ ᠦᠭᠡ ᠲᠤᠰᠠ ᠬᠦᠷᠭᠡᠨᠡ
ᠬᠤᠳᠠᠯ ᠦᠭᠡ ᠬᠣᠣᠷ ᠬᠦᠷᠭᠡᠨᠡ
2021 ᠦᠨᠡᠨ ᠦᠭᠡ ᠬᠠᠲᠠᠭᠤ ᠪᠣᠯᠪᠠᠴᠤ
ᠬᠡᠳᠦ ᠶ᠋ᠢᠨ ᠠᠮᠢᠳᠤᠷᠠᠯ ᠳ᠋ᠤ᠌ ᠲᠤᠰᠠᠲᠠᠢ
ᠳᠠᠪᠤᠰᠤ ᠱᠣᠷᠪᠣᠭ ᠪᠣᠯᠪᠠᠴᠤ
ᠢᠳᠡᠭᠡᠨ ᠦ᠌ ᠠᠮᠲᠠᠨ ᠳ᠋ᠤ᠌ ᠨᠠᠢᠷᠲᠠᠢ
2022 ᠦᠨᠡᠨ ᠦᠭᠡ ᠬᠡᠯᠡᠭᠰᠡᠨ ᠬᠥᠮᠦᠨ ᠳ᠋ᠦ᠍
ᠬᠥᠮᠦᠨ ᠥᠰᠢᠶᠡ ᠲᠡᠢ
ᠥᠨᠳᠥᠷ ᠮᠣᠳᠣ ᠪᠠᠷᠢᠭᠰᠠᠨ ᠬᠥᠮᠦᠨ ᠳ᠋ᠦ᠍
ᠨᠣᠬᠠᠢ ᠥᠰᠢᠶᠡ ᠲᠡᠢ
2023 ᠦᠨᠡᠨ ᠦᠭᠡ ᠴᠢᠬᠢᠨ ᠳ᠋ᠦ᠍ ᠬᠠᠲᠠᠭᠤ
ᠦᠬᠡᠷ ᠦ᠋ᠨ ᠰᠢᠯᠢ ᠰᠢᠳᠦᠨ ᠳ᠋ᠦ᠍ ᠬᠠᠲᠠᠭᠤ
2024 ᠦᠨᠡᠨ ᠦᠭᠡ ᠰᠢᠷᠠ ᠲᠣᠰᠣ
ᠬᠤᠳᠠᠯ ᠦᠭᠡ ᠬᠠᠷᠠ ᠤᠰᠤ
2025 ᠦᠨᠡᠨ ᠦᠭᠡᠨ ᠦ᠌
ᠦᠵᠦᠭᠦᠷ ᠰᠢᠷᠦᠭᠦᠨ
2026 ᠦᠨᠡᠨ ᠦᠭᠡᠲᠡᠨ ᠣᠮᠣᠭᠳᠠᠨ ᠳ᠋ᠤ᠌ ᠲᠣᠭᠠᠴᠠᠭᠳᠠᠵᠤ
ᠪᠠᠰᠢᠷ ᠦᠭᠡᠲᠡᠨ ᠰᠡᠴᠡᠨ ᠦ᠌ ᠰᠠᠭᠤᠳᠠᠯ ᠳ᠋ᠤ᠌ ᠰᠠᠭᠤᠬᠤ
2027 ᠦᠨᠡᠨ ᠦᠭᠡ ᠪᠡᠨ ᠨᠢᠭᠤᠵᠤ
ᠦᠨᠡᠭᠡᠨ ᠪᠠᠴᠢ ᠪᠠᠨ ᠭᠠᠷᠭᠠᠬᠤ
2028 ᠦᠨᠡᠨ ᠦᠭᠡ ᠪᠡᠷ ᠬᠡᠷᠡᠭ ᠢ᠋ᠶ᠋ᠡᠨ ᠪᠦᠲᠦᠭᠡ
ᠥᠷᠦᠪᠴᠢ ᠰᠡᠳᠬᠢᠯ ᠢ᠋ᠶ᠋ᠡᠷ ᠪᠤᠰᠤᠳ ᠢ᠋ ᠡᠨᠡᠷᠢ
2029 ᠦᠨᠡᠨ ᠬᠤᠳᠠᠯ ᠬᠣᠶᠠᠷ
ᠳᠥᠷᠪᠡᠨ ᠬᠤᠷᠤᠭᠤ ᠵᠠᠢᠲᠠᠢ
2030 ᠦᠨᠡᠨ ᠬᠤᠳᠠᠯ ᠬᠣᠶᠠᠷ
ᠦᠬᠡᠷ ᠴᠢᠨᠣᠠ ᠬᠣᠶᠠᠷ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠱᠠ᠂ ᠰᠠᠷᠠᠨᠲᠤᠶᠠᠭᠠ᠂ ᠴᠡᠩᠬᠡᠯᠴᠡᠴᠡᠭ᠂ ᠣᠶᠤᠨᠪᠠᠲᠤ
ᠬᠢᠨᠠᠭᠴᠢ᠄ ᠣᠳᠬᠣᠨᠴᠡᠴᠡᠭ᠂ ᠠᠯᠲᠠᠨᠱᠠ᠂ ᠪᠠᠯ