ᠮᠣᠩᠭᠣᠯ ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ ᠳᠡᠭᠡᠵᠢ – ᠳ᠂ ᠵᠠᠶᠠᠭᠠᠪᠠᠭᠠᠲᠤᠷ ᠡᠮᠬᠢᠳᠬᠡᠪᠡ <ᠲ ᠶᠢᠨ ᠠᠢᠮᠠᠭ–1>Монгол зүйр цэцэн үгийн гураван мянган дээж – Д᠂Заяабаатар эмхэтгэв <Tийн аймаг 1 >
9581573 ᠲᠠ— ᠠ᠋ᠴᠠ ᠥᠭᠡᠷᠡ ᠨᠡᠷᠡ ᠦᠭᠡᠢ
ᠭᠤᠸᠠᠢ— ᠠ᠋ᠴᠠ ᠥᠭᠡᠷᠡ ᠠᠯᠳᠠᠷ ᠦᠭᠡᠢ
1574 ᠳᠠᠭᠠᠪᠤᠷᠢ ᠬᠡᠯᠡᠭᠰᠡᠨ ᠬᠥᠮᠦᠨ
ᠲᠠᠢᠯᠵᠤ ᠮᠡᠳᠡᠬᠦ
1575 ᠲᠠᠭᠠᠮᠠᠯ ᠰᠡᠵᠢᠭ ᠶᠡᠬᠡᠳᠡᠪᠡᠯ
ᠲᠠᠨᠢᠯ ᠨᠥᠬᠥᠷ ᠡᠴᠡ ᠪᠡᠨ ᠬᠠᠭᠠᠴᠠᠨᠠ
1576 ᠲᠠᠭᠠᠷᠠᠭᠰᠠᠨ ᠲᠠᠭᠠᠷ ᠱᠤᠤᠳᠠᠢ
ᠳᠦᠭᠦᠷᠦᠭᠰᠡᠨ ᠭᠦᠵᠡᠭᠡ ᠣᠯᠣᠭᠠᠢ
1577 ᠲᠠᠭᠠᠷᠠᠭᠰᠠᠨ ᠡᠷᠡ ᠡᠮᠡ ᠬᠣᠶᠠᠷ
ᠲᠠᠪᠤᠨ ᠬᠠᠪᠲᠠᠰᠤᠨ ᠳᠡᠭᠡᠷᠡ ᠪᠠᠭᠲᠠᠳᠠᠭ
1578 ᠲᠠᠪᠤ ᠶᠢᠰᠦ ᠳᠠᠭᠤᠰᠬᠤ ᠳ᠋ᠤ᠌
ᠲᠠᠯᠪᠢᠭᠰᠠᠨ ᠪᠤᠳᠠᠭᠠ ᠬᠥᠯᠳᠡᠬᠦ ᠦᠭᠡᠢ
ᠳᠣᠯᠣᠭᠠᠨ ᠶᠢᠰᠦ ᠳᠠᠭᠤᠰᠬᠤ ᠳ᠋ᠤ᠌
ᠳᠣᠪᠣ ᠲᠣᠯᠣᠭᠠᠢ ᠴᠣᠬᠣᠷᠲᠤᠳᠠᠭ
1579 ᠲᠠᠪᠤᠨ ᠶᠢᠰᠦ ᠶ᠋ᠢᠨ ᠵᠢᠩ ᠬᠦᠢᠲᠡᠨ ᠳ᠋ᠦ᠍
ᠲᠠᠪᠲᠤᠷ ᠦᠭᠡᠢ ᠡᠮᠡ ᠴᠠᠮᠴᠠ ᠲᠠᠢ ᠭᠠᠷᠬᠤ
1580 ᠲᠠᠪᠤᠨ ᠵᠣᠭᠣᠰ ᠦᠭᠡᠢ ᠬᠥᠮᠦᠨ
ᠬᠣᠲᠠ ᠣᠷᠣᠬᠤ ᠬᠡᠷᠡᠭ ᠦᠭᠡᠢ
ᠲᠠᠪᠤᠨ ᠢᠷᠦᠭᠡᠯ ᠦᠭᠡᠢ ᠬᠥᠮᠦᠨ
ᠬᠤᠷᠠᠯ ᠳ᠋ᠤ᠌ ᠰᠠᠭᠤᠬᠤ ᠬᠡᠷᠡᠭ ᠦᠭᠡᠢ
1581 ᠲᠠᠪᠤᠨ ᠯᠠᠩ ᠤ᠋ᠨ ᠭᠡᠭᠦᠦ ᠡᠴᠡ
ᠲᠠᠪᠢᠨ ᠯᠠᠩ ᠤ᠋ᠨ ᠤᠨᠠᠭᠠ
1582 ᠲᠠᠪᠤᠨ ᠨᠣᠮ ᠭᠡᠬᠦᠯᠡᠷ ᠭᠡᠳᠡᠰᠬᠢᠳᠡᠭ
ᠲᠠᠪᠠᠭ ᠲᠠᠢ ᠮᠢᠬᠠ ᠭᠡᠬᠦᠯᠡᠷ ᠤᠬᠤᠰᠬᠢᠳᠠᠭ
1583 ᠲᠠᠪᠤᠨ ᠰᠠᠷᠠ ᠶ᠋ᠢᠨ ᠴᠠᠰᠤ ᠶ᠋ᠢ
ᠨᠣᠬᠠᠢ ᠬᠥᠭᠡᠭᠡᠭᠡᠳ ᠭᠦᠢᠴᠡᠬᠦ ᠦᠭᠡᠢ
ᠲᠠᠢᠯᠤᠭ ᠲᠡᠮᠡᠭᠡᠨ ᠦ᠌ ᠠᠯᠬᠤᠭᠠ ᠶ᠋ᠢ
ᠶᠠᠪᠠᠭᠠᠨ ᠬᠥᠭᠡᠭᠡᠭᠡᠳ ᠭᠦᠢᠴᠡᠬᠦ ᠦᠭᠡᠢ
1584 ᠲᠠᠪᠤᠨ ᠬᠤᠷᠤᠭᠤ ᠲᠡᠭᠰᠢ ᠦᠭᠡᠢ
ᠬᠥᠮᠦᠨ ᠦ᠌ ᠰᠡᠳᠬᠢᠯ ᠠᠳᠠᠯᠢ ᠦᠭᠡᠢ
1585 ᠲᠠᠪᠤᠨ ᠬᠦᠦ ᠲᠡᠢ ᠬᠥᠮᠦᠨ ᠲᠠᠯᠠ ᠳᠡᠭᠡᠷᠡ ᠬᠡᠪᠲᠡᠨᠡ
ᠲᠠᠪᠤᠨ ᠥᠬᠢᠨ ᠲᠡᠢ ᠬᠥᠮᠦᠨ ᠲᠠᠷᠭᠤᠨ ᠮᠢᠬᠠ ᠢᠳᠡᠨᠡ
1586 ᠲᠠᠪᠤᠨᠠᠩ( ᠬᠦᠷᠭᠡᠨ) ᠬᠦᠨᠳᠦᠲᠡᠢ ᠪᠠᠢᠳᠠᠭ ᠨᠢ
ᠠᠪᠠᠭᠠᠢ ᠶ᠋ᠢᠨ ᠬᠦᠴᠦ
ᠲᠠᠪᠠᠭ ᠬᠦᠨᠳᠦᠲᠡᠢ ᠪᠠᠢᠳᠠᠭ ᠨᠢ
ᠤᠭᠤᠴᠠᠨ ᠤ᠋ ᠬᠦᠴᠦ
1587 ᠲᠠᠯᠠ ᠥᠭᠴᠦ ᠬᠤᠳᠠᠯ ᠢᠨᠢᠶᠡᠭᠰᠡᠨ ᠡᠴᠡ
ᠲᠠᠨᠢᠬᠤ ᠦᠭᠡᠢ ᠬᠥᠮᠦᠨ ᠰᠢᠭ ᠳᠠᠭᠤ ᠦᠭᠡᠢ ᠶᠠᠪᠤ
1588 ᠲᠠᠯᠠ ᠠ᠋ᠴᠠ ᠴᠠᠭᠠᠰᠢ ᠵᠠᠮ ᠮᠡᠳᠡᠬᠦ ᠦᠭᠡᠢ
ᠲᠠᠪᠤ ᠠ᠋ᠴᠠ ᠴᠠᠭᠠᠰᠢ ᠲᠣᠭᠠ ᠮᠡᠳᠡᠬᠦ ᠦᠭᠡᠢ
1589 ᠲᠠᠯᠠ ᠳ᠋ᠤ᠌ ᠨᠠᠢᠳᠠᠵᠤ
ᠵᠢᠯ ᠢ᠋ᠶ᠋ᠡᠨ ᠠᠯᠳᠠᠬᠤ
1590 ᠲᠠᠯᠠ ᠲᠠᠢ( ᠲᠠᠨᠢᠯ) ᠬᠥᠮᠦᠨ ᠲᠠᠷᠭᠤᠨ
ᠦᠭᠡ ᠲᠡᠢ ᠬᠥᠮᠦᠨ ᠮᠡᠷᠭᠡᠨ
1591 ᠲᠠᠮᠠᠭᠠ ᠪᠠᠷᠢᠭᠰᠠᠨ ᠬᠠᠲᠤᠨ ᠠ᠋ᠴᠠ
ᠲᠠᠯᠠ ᠶ᠋ᠢ ᠲᠣᠭᠣᠷᠢᠭᠰᠠᠨ ᠴᠢᠪᠠᠭᠠᠨᠴᠠ ᠳᠡᠭᠡᠷᠡ
1592 ᠲᠠᠮᠲᠤᠭ ᠨᠢ ᠵᠠᠷᠤᠴᠠ ᠨᠠᠷ ᠲᠤ
ᠲᠠᠷᠭᠤ ᠨᠢ ᠡᠵᠡᠳ ᠲᠦ᠍
1593 ᠲᠠᠮᠠᠬᠢ ᠲᠠᠲᠠᠪᠠᠯ ᠲᠠᠩᠨᠠᠢ ᠶ᠋ᠢᠨ ᠵᠢᠷᠭᠠᠯ
ᠲᠠᠨᠢᠯ ᠲᠠᠢ ᠪᠠᠨ ᠠᠭᠤᠯᠵᠠᠪᠠᠯ ᠰᠡᠳᠬᠢᠯ ᠦ᠋ᠨ ᠵᠢᠷᠭᠠᠯ
1594 ᠲᠠᠩᠭᠠᠷᠢᠭ ᠡᠪᠳᠡᠷᠡᠪᠡᠯ
ᠲᠣᠩᠭᠣᠷᠠᠬᠤ ᠪᠣᠯᠤᠨᠠ
1595 ᠲᠠᠩᠭᠠᠷᠢᠭ ᠢ᠋ᠶ᠋ᠠᠨ ᠡᠪᠳᠡᠪᠡᠯ
ᠲᠠᠮᠤ ᠶ᠋ᠢᠨ ᠢᠷᠣᠭᠠᠷ ᠲᠤ
1596 ᠲᠠᠨᠢᠯ ᠲᠠᠢ ᠬᠥᠮᠦᠨ ᠲᠠᠯᠠ ᠶ᠋ᠢᠨ ᠴᠢᠨᠡᠭᠡ
ᠲᠠᠨᠢᠯ ᠦᠭᠡᠢ ᠬᠥᠮᠦᠨ ᠠᠯᠠᠭᠠ ᠶ᠋ᠢᠨ ᠴᠢᠨᠡᠭᠡ
1597 ᠲᠠᠨᠢᠬᠤ ᠦᠭᠡᠢ ᠭᠠᠵᠠᠷ ᠤ᠋ᠨ ᠠᠯᠲᠠ ᠠ᠋ᠴᠠ
ᠲᠠᠨᠢᠬᠤ ᠭᠠᠵᠠᠷ ᠤ᠋ᠨ ᠰᠢᠷᠣᠢ ᠳᠡᠭᠡᠷᠡ
1598 ᠲᠠᠨᠢᠬᠤ ᠦᠭᠡᠢ ᠮᠣᠷᠢᠨ ᠤ᠋ ᠠᠷᠤ ᠠ᠋ᠴᠠ ᠪᠢᠲᠡᠭᠡᠢ ᠣᠢᠷᠠᠲᠤ
ᠲᠠᠨᠢᠬᠤ ᠦᠭᠡᠢ ᠬᠥᠮᠦᠨ ᠳ᠋ᠦ᠍ ᠤᠬᠠᠭᠠᠨ ᠢ᠋ᠶ᠋ᠠᠨ ᠪᠢᠲᠡᠭᠡᠢ ᠮᠡᠳᠡᠭᠦᠯ
1599 ᠲᠠᠨᠢᠬᠤ ᠦᠭᠡᠢ ᠨᠣᠶᠠᠨ ᠪᠠᠷᠰ
ᠮᠡᠳᠡᠬᠦ ᠦᠭᠡᠢ ᠭᠠᠵᠠᠷ ᠨᠦᠬᠡ
1600 ᠲᠠᠩᠬᠠᠢ ᠶᠠᠪᠤᠳᠠᠯ ᠶᠡᠬᠡᠲᠡᠪᠡᠯ
ᠳᠠᠭᠠ ᠦᠭᠡᠢ ᠶᠠᠪᠤᠳᠠᠯ ᠲᠣᠬᠢᠶᠠᠯᠳᠤᠬᠤ
1601 ᠲᠠᠷᠪᠠᠭᠠ ᠠᠩᠨᠠᠬᠤ ᠳ᠋ᠤ᠌ ᠬᠠᠪᠬᠠ ᠲᠠᠢ
ᠲᠠᠷᠢᠶᠠ ᠲᠠᠷᠢᠬᠤ ᠳ᠋ᠤ᠌ ᠠᠨᠵᠢᠰᠤ ᠲᠠᠢ
1602 ᠲᠠᠷᠭᠤ
ᠲᠠᠪᠤ ᠬᠣᠨᠣᠭ ᠤ᠋ᠨ ᠬᠢ
1603 ᠲᠠᠷᠭᠤᠨ ᠮᠣᠷᠢ ᠰᠠᠢᠨ ᠳ᠋ᠤ᠌ ᠲᠣᠭᠠᠯᠠᠭᠳᠠᠬᠤ
ᠪᠠᠶᠠᠨ ᠬᠥᠮᠦᠨ ᠰᠡᠴᠡᠨ ᠳ᠋ᠦ᠍ ᠲᠣᠭᠠᠴᠠᠭᠳᠠᠬᠤ
1604 ᠲᠠᠷᠭᠤ ᠶ᠋ᠢ ᠨᠢ ᠬᠠᠷᠠᠬᠤ ᠪᠠᠷ
ᠲᠠᠷᠢᠬᠢ ᠶ᠋ᠢ ᠨᠢ ᠬᠠᠷᠠ
1605 ᠲᠠᠷᠢᠶᠠ ᠲᠠᠷᠢᠭᠰᠠᠨ ᠬᠥᠮᠦᠨ ᠡᠪᠦᠯ ᠳ᠋ᠡᠭᠡᠨ ᠴᠠᠳᠬᠤᠯᠠᠩ
ᠡᠷᠳᠡᠮ ᠰᠤᠷᠤᠭᠰᠠᠨ ᠬᠥᠮᠦᠨ ᠡᠴᠦᠰ ᠲᠡᠭᠡᠨ ᠠᠮᠤᠭᠤᠯᠠᠩ
1606 ᠳᠠᠷᠳᠠᠭ ᠲᠠᠭᠠᠨ ᠲᠤᠯᠵᠤ
ᠲᠠᠮᠲᠤᠭ ᠲᠠᠭᠠᠨ ᠬᠦᠷᠬᠦ
1607 ᠲᠠᠷᠢᠬᠢ ᠮᠠᠭᠤᠲᠤ
ᠲᠠᠪᠠᠭ ᠢ᠋ᠶ᠋ᠠᠨ ᠳᠣᠯᠢᠶᠠᠬᠤ
1608 ᠲᠠᠷᠴᠢᠭ ᠵᠠᠯᠠᠭᠤ ᠠ᠋ᠴᠠ
ᠲᠠᠷ ᠲᠠᠢ ᠬᠥᠭᠰᠢᠨ ᠳᠡᠭᠡᠷᠡ
1609 ᠲᠠᠷᠢᠭᠰᠠᠨ ᠠ᠋ᠴᠠ ᠤᠷᠭᠤᠨᠠ
ᠤᠷᠭᠤᠭᠰᠠᠨ ᠠ᠋ᠴᠠ ᠠᠪᠤᠨᠠ
1610 ᠲᠠᠰᠤᠳᠠᠬᠤ ᠳᠠᠭᠠᠨᠠ ᠦᠭᠡᠢ
ᠲᠠᠪᠠᠭᠯᠠᠬᠤ ᠲᠡᠮᠡᠭᠡ ᠦᠭᠡᠢ
1611 ᠲᠠᠬᠢᠶᠠ ᠳᠤᠤᠭᠠᠷᠪᠠᠯ ᠦᠷ ᠴᠠᠢᠬᠤ
ᠲᠠᠪᠢ ᠬᠦᠷᠪᠡᠯ ᠦᠰᠦ ᠴᠠᠢᠬᠤ
1612 ᠲᠠᠬᠢᠮ ᠳ᠋ᠠᠭᠠᠨ ᠬᠦᠷᠬᠦ ᠦᠭᠡᠢ ᠭᠠᠷ ᠢ᠋
ᠲᠩᠷᠢ ᠥᠭᠡᠳᠡ ᠰᠠᠷᠪᠠᠢᠬᠤ
1613 ᠲᠠᠬᠢᠷ ᠮᠣᠳᠣ ᠪᠠᠷ ᠶᠠᠭᠤᠮᠠ ᠬᠢᠬᠦ ᠳ᠋ᠦ᠍ ᠪᠡᠷᠬᠡ
ᠶᠠᠭᠢᠷ ᠬᠥᠮᠦᠨ ᠢ᠋ᠶ᠋ᠡᠷ ᠶᠠᠭᠤᠮᠠ ᠬᠢᠯᠭᠡᠬᠦ ᠳ᠋ᠦ᠍ ᠪᠡᠷᠬᠡ
1614 ᠲᠣᠭᠯᠠᠭᠠᠳ ᠲᠣᠭᠯᠠᠭᠠᠮ ᠢ᠋ᠶ᠋ᠠᠨ ᠳᠠᠭᠠᠭᠠᠬᠤ ᠦᠭᠡᠢ
ᠲᠣᠩᠭᠣᠢᠭᠠᠳ ᠪᠥᠭᠰᠡ ᠪᠡᠨ ᠳᠠᠭᠠᠭᠠᠬᠤ ᠦᠭᠡᠢ
1615 ᠲᠣᠭᠯᠠᠭᠠᠮ ᠶᠡᠬᠡᠳᠪᠡᠯ ᠲᠣᠯᠣᠭᠠᠢ ᠳ᠋ᠤ᠌ ᠬᠠᠷᠰᠢ
ᠳᠣᠲᠣᠭᠤᠷ ᠬᠣᠷᠮᠣᠢ ᠨᠣᠬᠠᠢ ᠳ᠋ᠤ᠌ ᠬᠠᠷᠰᠢ
1616 ᠲᠣᠭᠣᠭᠠᠨ ᠳ᠋ᠠᠭᠠᠨ ᠬᠢᠬᠦ ᠪᠤᠳᠠᠭᠠ ᠦᠭᠡᠢ
ᠲᠣᠭᠠᠯᠠᠵᠤ ᠠᠳᠤᠭᠤᠯᠠᠬᠤ ᠮᠠᠯ ᠦᠭᠡᠢ
1617 ᠲᠣᠭᠣᠰ ᠰᠢᠪᠠᠭᠤ ᠰᠡᠭᠦᠯ ᠢ᠋ᠶ᠋ᠡᠨ
ᠲᠥᠷᠥᠭᠰᠡᠨ ᠪᠡᠶᠡ ᠨᠡᠷᠡ ᠪᠡᠨ
1618 ᠲᠣᠭᠣᠷᠢᠭᠤ ᠪᠣᠳᠣᠯ ᠤ᠋ᠨ ᠲᠤᠰᠠ ᠪᠠᠭᠠ
ᠴᠢᠬᠡ ᠤᠬᠠᠭᠠᠨ ᠤ᠋ ᠴᠠᠨᠠ ᠶᠡᠬᠡ
1619 ᠲᠣᠯᠣᠭᠠᠢ ᠶᠡᠬᠡᠲᠦ ᠬᠣᠢᠮᠣᠷ ᠲᠤ
ᠬᠥᠯ ᠶᠡᠬᠡᠲᠦ ᠡᠭᠦᠳᠡᠨ ᠳ᠋ᠦ᠍
1620 ᠲᠣᠯᠣᠭᠠᠢ ᠬᠠᠭᠠᠷᠠᠪᠠᠴᠤ ᠮᠠᠯᠠᠭᠠᠢ ᠳᠣᠲᠣᠷᠠ ᠪᠠᠨ
ᠲᠣᠬᠣᠢ ᠬᠤᠭᠤᠷᠠᠪᠠᠴᠤ ᠬᠠᠨᠴᠤᠢ ᠳᠣᠲᠣᠷᠠ ᠪᠠᠨ
1621 ᠲᠣᠯᠣᠭᠠᠢ ᠶ᠋ᠢ ᠨᠢ ᠢᠯᠢᠵᠦ
ᠲᠠᠷᠢᠬᠢ ᠶ᠋ᠢ ᠨᠢ ᠰᠣᠷᠣᠬᠤ
1622 ᠲᠣᠯᠣᠭᠠᠢ ᠪᠠᠨ ᠲᠣᠭᠣᠷᠢᠭᠰᠠᠨ ᠪᠣᠳᠣᠯ ᠲᠠᠢ
ᠲᠣᠬᠣᠢ ᠪᠠᠨ ᠮᠠᠭᠠᠵᠢᠭᠰᠠᠨ ᠵᠠᠩ ᠲᠠᠢ
1623 ᠲᠣᠯᠣᠭᠠᠢ ᠳ᠋ᠠᠭᠠᠨ ᠮᠡᠳᠡᠯᠭᠡ ᠦᠭᠡᠢ ᠪᠣᠯ
ᠬᠣᠶᠠᠷ ᠬᠥᠯ ᠳ᠋ᠦ᠍ ᠠᠮᠠᠷ ᠦᠭᠡᠢ
1624 ᠲᠣᠯᠣᠭᠠᠢ ᠳ᠋ᠠᠭᠠᠨ ᠡᠮᠦᠰᠬᠦ ᠲᠣᠭᠣᠷᠴᠣᠭ ᠦᠭᠡᠢ
ᠬᠥᠯ ᠳ᠋ᠡᠭᠡᠨ ᠤᠭᠯᠠᠬᠤ ᠭᠤᠲᠤᠯ ᠦᠭᠡᠢ
1625 ᠲᠣᠯᠣᠭᠠᠢ ᠶ᠋ᠢᠨ ᠦᠰᠦ ᠪᠤᠭᠤᠷᠤᠯ ᠪᠣᠯᠵᠤ
ᠪᠤᠯᠴᠢᠩ ᠤ᠋ᠨ ᠮᠢᠬᠠ ᠰᠡᠷᠢᠰᠦ ᠪᠣᠯᠬᠤ
1626 ᠲᠣᠯᠣᠭᠠᠢ ᠶ᠋ᠢᠨ ᠦᠰᠦ ᠣᠯᠠᠨ ᠪᠣᠯᠪᠠᠴᠤ
ᠲᠣᠩᠭᠣᠷᠠᠭ ᠢ᠋ᠶ᠋ᠠᠷ ᠬᠤᠰᠤᠵᠤ ᠪᠣᠯᠬᠤ
1627 ᠲᠣᠯᠢ ᠰᠢᠭ᠋ ᠴᠢᠷᠠᠢ ᠠ᠋ᠴᠠ
ᠲᠤᠩᠭᠠᠯᠠᠭ ᠰᠡᠳᠬᠢᠯ ᠳᠡᠭᠡᠷᠡ
1628 ᠲᠣᠯᠢᠨ ᠤ᠋ ᠰᠠᠢᠨ ᠢ᠋ᠶ᠋ᠠᠷ ᠵᠢᠰᠦ ᠪᠡᠨ ᠦᠵᠡᠨᠡ
ᠲᠠᠨᠢᠯ ᠤ᠋ᠨ ᠰᠠᠢᠨ ᠢ᠋ᠶ᠋ᠠᠷ ᠲᠤᠰᠠ ᠶ᠋ᠢ ᠣᠯᠤᠨᠠ
1629 ᠲᠣᠭᠠ ᠮᠡᠳᠡᠬᠦ ᠦᠭᠡᠢ ᠪᠠᠢᠵᠤ
ᠲᠣᠷᠭᠠᠨ ᠳᠡᠪᠡᠯ ᠡᠮᠦᠰᠬᠦ
1630 ᠲᠣᠭᠠ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠨ ᠢ᠋ᠶ᠋ᠡᠷ
ᠳᠠᠩᠰᠠ ᠪᠤᠤ ᠪᠣᠳᠣᠭᠤᠯ
ᠲᠣᠮᠣᠭᠣ ᠮᠠᠭᠤ ᠲᠠᠢ ᠬᠥᠮᠦᠨ ᠢ᠋ᠶ᠋ᠡᠷ
ᠲᠥᠷᠥ ᠪᠤᠤ ᠪᠠᠷᠢᠭᠤᠯ
1631 ᠲᠣᠭᠠ ᠦᠭᠡᠢ ᠡᠳᠦᠷ
ᠬᠣᠨᠣᠭ ᠦᠭᠡᠢ ᠬᠤᠭᠤᠴᠠᠭᠠ ᠪᠠᠢᠳᠠᠭ ᠦᠭᠡᠢ
1632 ᠲᠣᠭᠠᠯᠠᠪᠠᠯ ᠨᠠᠰᠤ ᠰᠠᠴᠠᠭᠤ
ᠲᠥᠭᠡᠯᠡᠪᠡᠯ ᠪᠡᠶᠡ ᠰᠠᠴᠠᠭᠤ
1633 ᠲᠣᠭᠣᠨᠣ ᠬᠠᠵᠠᠢᠬᠤ ᠦᠭᠡᠢ ᠪᠣᠯ
ᠣᠨᠢ ᠮᠤᠷᠤᠢᠬᠤ ᠦᠭᠡᠢ
1634 ᠲᠣᠭᠣᠨᠣ ᠪᠠᠷ ᠢ᠋ᠶ᠋ᠠᠨ ᠲᠩᠷᠢ ᠬᠡᠮᠵᠢᠵᠦ
ᠲᠣᠭᠣᠭᠠ ᠪᠠᠷ ᠢ᠋ᠶ᠋ᠠᠨ ᠳᠠᠯᠠᠢ ᠶᠠᠨᠳᠠᠬᠤ
1635 ᠲᠣᠭᠣᠨᠣᠲᠤ ᠭᠡᠷ ᠲᠦ᠍ ᠲᠣᠯᠣᠭᠠᠢ ᠬᠣᠯᠪᠣᠵᠤ
ᠲᠣᠭᠣᠭᠠᠲᠠᠢ ᠱᠥᠯᠦᠨ ᠳ᠋ᠦ᠍ ᠬᠣᠰᠢᠭᠤ ᠬᠣᠯᠪᠣᠬᠤ
1636 ᠲᠣᠭᠣᠰᠣ ᠦᠭᠡᠢ ᠪᠠᠢᠯᠳᠤᠭᠠᠨ
ᠴᠢᠰᠤ ᠦᠭᠡᠢ ᠲᠡᠢᠨ ᠪᠠᠢᠳᠠᠭ ᠦᠭᠡᠢ
1637 ᠲᠣᠷᠭᠠ ᠡᠮᠦᠰᠪᠡᠴᠦ ᠰᠡᠭᠦᠳᠡᠷ ᠨᠢ ᠬᠠᠷᠠ
ᠲᠣᠰᠣ ᠢᠳᠡᠪᠡᠴᠦ ᠪᠠᠭᠠᠰᠤ ᠨᠢ ᠬᠠᠷᠠ
1638 ᠲᠣᠷᠭᠠ ᠡᠮᠦᠰᠦᠭᠰᠡᠨ ᠭᠡᠵᠦ ᠪᠦᠦ ᠪᠠᠶᠠᠷᠯᠠ
ᠲᠤᠭᠤᠯ ᠤᠨᠤᠭᠰᠠᠨ ᠭᠡᠵᠦ ᠪᠦᠦ ᠭᠣᠮᠣᠳᠠ
1639 ᠲᠣᠷᠭᠠᠨ ᠳᠡᠪᠡᠯ ᠲᠡᠢ ᠪᠣᠯᠪᠠᠴᠤ
ᠲᠣᠭᠠ ᠮᠡᠳᠡᠬᠦ ᠦᠭᠡᠢ ᠮᠤᠩᠬᠠᠭ
1640 ᠲᠣᠰᠣ ᠢᠳᠡᠵᠦ
ᠲᠣᠷᠭᠠ ᠡᠮᠦᠰᠴᠦ ᠶᠠᠪᠤᠬᠤ
1641 ᠲᠣᠰᠣ ᠢᠳᠡᠬᠦ ᠬᠡᠰᠢᠭ ᠦᠭᠡᠢ
ᠲᠣᠷᠭᠠ ᠡᠮᠦᠰᠬᠦ ᠪᠤᠶᠠᠨ ᠦᠭᠡᠢ
1642 ᠲᠣᠰᠣ ᠴᠣᠬᠢᠭᠰᠠᠨ ᠬᠥᠮᠦᠨ ᠭᠠᠷ ᠢ᠋ᠶ᠋ᠠᠨ ᠳᠣᠯᠢᠶᠠᠳᠠᠭ
ᠲᠣᠭᠣᠰᠣ ᠴᠣᠬᠢᠭᠰᠠᠨ ᠬᠥᠮᠦᠨ ᠭᠠᠷ ᠢ᠋ᠶ᠋ᠠᠨ ᠤᠬᠢᠶᠠᠳᠠᠭ
1643 ᠲᠣᠰᠣ ᠰᠢᠭ᠋ ᠰᠠᠨᠠᠭᠠ ᠶ᠋ᠢ ᠴᠠᠷᠴᠠᠭᠠᠵᠤ
ᠰᠦ ᠰᠢᠭ ᠰᠡᠳᠬᠢᠯ ᠢ᠋ ᠨᠢ ᠡᠭᠡᠳᠡᠭᠦᠯᠬᠦ
1644 ᠲᠣᠰᠣᠨ ᠳᠣᠲᠣᠷᠠ ᠤᠮᠪᠠᠵᠤ
ᠲᠣᠷᠭᠠᠨ ᠳᠡᠭᠡᠷᠡ ᠬᠥᠷᠪᠡᠬᠦ
1645 ᠲᠣᠰᠣ ᠪᠠᠨ ᠭᠦᠵᠡᠭᠡᠯᠡᠬᠦ ᠭᠡᠳ
ᠲᠤᠭᠤᠯ ᠢ᠋ᠶ᠋ᠠᠨ ᠭᠦᠵᠡᠭᠡᠯᠡᠬᠦ
1646 ᠲᠣᠰᠣᠨ ᠳᠡᠭᠡᠷᠡ ᠲᠣᠭᠯᠠᠵᠤ
ᠥᠭᠡᠬᠦᠨ ᠳᠡᠭᠡᠷᠡ ᠪᠥᠮᠪᠥᠷᠢᠬᠦ
1647 ᠲᠣᠬᠢᠷᠠᠭᠠ ᠦᠭᠡᠢ ᠬᠤᠪᠴᠠᠰᠤ ᠨᠢᠳᠦᠨ ᠦ᠌ ᠪᠣᠯᠠᠢ
ᠲᠣᠰᠤᠯᠠᠭᠠ ᠦᠭᠡᠢ ᠲᠡᠷᠭᠡ ᠴᠢᠬᠢᠨ ᠦ᠌ ᠪᠣᠯᠠᠢ
1648 ᠲᠣᠬᠣᠢ ᠵᠥᠷᠢᠭᠦᠯᠦᠨ ᠪᠠᠷᠢᠯᠴᠠᠵᠤ
ᠲᠣᠯᠣᠭᠠᠢ ᠨᠡᠢᠯᠡᠭᠦᠯᠦᠨ ᠨᠥᠬᠥᠷᠯᠡᠬᠦ
1649 ᠲᠣᠬᠣᠮ ᠦᠭᠡᠢ ᠡᠮᠡᠭᠡᠯ ᠢ᠋ ᠲᠣᠬᠣᠵᠤ ᠪᠣᠯᠬᠤ ᠦᠭᠡᠢ
ᠲᠣᠭᠲᠠᠪᠤᠷᠢ ᠦᠭᠡᠢ ᠬᠥᠮᠦᠨ ᠢ᠋ ᠢᠲᠡᠭᠡᠵᠦ ᠪᠣᠯᠬᠤ ᠦᠭᠡᠢ
1650 ᠲᠥᠪ᠂ ᠰᠢᠳᠤᠷᠭᠤ ᠮᠥᠩᠬᠡ
ᠲᠦᠷᠢᠮᠡᠬᠡᠢ᠂ ᠵᠢᠰᠤᠷ ᠬᠡᠪᠡᠷᠡᠭ
1651 ᠲᠥᠯᠥᠭᠡ ᠲᠥᠷᠥᠵᠦ ᠴᠢᠳᠠᠭᠠ ᠦᠭᠡᠢ ᠪᠠᠢᠵᠤ
ᠢᠰᠢᠭᠡᠨ ᠳ᠋ᠦ᠍ ᠡᠬᠡ ᠪᠣᠯᠬᠤ ᠰᠢᠭ᠋
1652 ᠲᠥᠯ ᠢ᠋ᠶ᠋ᠡᠷ ᠮᠠᠯ ᠥᠰᠦᠨᠡ
ᠦᠷᠡ ᠪᠡᠷ ᠪᠦᠯᠢ ᠨᠡᠮᠡᠨᠡ
1653 ᠲᠡᠮᠦᠷ ᠤᠰᠤᠨ ᠳ᠋ᠤ᠌ ᠳᠡᠪᠲᠦᠬᠦ ᠦᠭᠡᠢ
ᠲᠣᠰᠣ ᠤᠰᠤᠨ ᠳ᠋ᠤ᠌ ᠰᠢᠩᠭᠡᠬᠦ ᠦᠭᠡᠢ
1654 ᠲᠡᠮᠦᠷ ᠢ᠋ ᠵᠢᠪᠡ ᠢᠳᠡᠨᠡ
ᠪᠡᠶᠡ ᠶ᠋ᠢ ᠨᠠᠰᠤ ᠢᠳᠡᠨᠡ
1655 ᠲᠡᠮᠦᠷ ᠢ᠋ ᠬᠠᠯᠠᠭᠤᠨ ᠳ᠋ᠤᠨᠢ ᠳᠠᠪᠲᠠ
ᠲᠡᠦᠬᠡ ᠶ᠋ᠢ ᠰᠢᠨᠡ ᠳ᠋ᠦ᠍ᠨᠢ ᠪᠢᠴᠢ
1656 ᠲᠡᠮᠦᠷ ᠦ᠋ᠨ ᠰᠠᠢᠨ ᠢ᠋ ᠳᠠᠪᠲᠠᠵᠤ ᠮᠡᠳᠡᠨᠡ
ᠮᠣᠷᠢᠨ ᠤ᠋ ᠰᠠᠢᠨ ᠢ᠋ ᠤᠨᠤᠵᠤ ᠮᠡᠳᠡᠨᠡ
1657 ᠲᠡᠮᠦᠷ ᠦ᠋ᠨ ᠰᠠᠢᠨ ᠢ᠋ ᠳᠠᠷᠬᠠᠨ ᠮᠡᠳᠡᠬᠦ
ᠲᠥᠷᠥ ᠶ᠋ᠢᠨ ᠰᠠᠢᠨ ᠢ᠋ ᠡᠪᠦᠭᠡᠳ ᠮᠡᠳᠡᠬᠦ
1658 ᠲᠡᠮᠦᠷ ᠢ᠋ᠶ᠋ᠡᠨ ᠲᠠᠨᠢᠬᠤ ᠦᠭᠡᠢ ᠬᠠᠤᠷᠠᠢ
ᠲᠥᠷᠥᠯ ᠢ᠋ᠶ᠋ᠡᠨ ᠲᠠᠨᠢᠬᠤ ᠦᠭᠡᠢ ᠨᠣᠬᠠᠢ
1659 ᠲᠥᠭᠡ ᠶ᠋ᠢᠨ ᠳᠡᠭᠡᠷᠡ
ᠰᠥᠭᠥᠮ ᠨᠡᠮᠡᠬᠦ
1660 ᠲᠥᠷᠥ ᠮᠡᠳᠡᠬᠦ ᠦᠭᠡᠢ ᠨᠣᠶᠠᠨ ᠠ᠋ᠴᠠ
ᠲᠦᠪᠰᠢᠨ ᠶᠠᠪᠤᠭᠰᠠᠨ ᠠᠷᠠᠳ ᠳᠡᠭᠡᠷᠡ
1661 ᠲᠥᠷᠥ ᠲᠡᠮᠦᠷ ᠨᠢᠭᠤᠷ ᠲᠠᠢ
ᠲᠥᠷᠥᠭᠰᠡᠨ ᠪᠡᠶᠡ ᠮᠢᠬᠠᠨ ᠨᠢᠭᠤᠷ ᠲᠠᠢ
1662 ᠲᠥᠷᠥ ᠲᠦᠮᠡᠨ ᠨᠢᠳᠦᠲᠡᠢ
ᠲᠥᠷᠥᠭᠰᠡᠨ ᠪᠡᠶᠡ ᠬᠣᠶᠠᠷ ᠨᠢᠳᠦ ᠲᠡᠢ
1663 ᠲᠥᠷᠥ ᠴᠠᠭᠠᠵᠠᠨ ᠳ᠋ᠤ᠌ ᠪᠠᠷᠢᠭᠳᠠᠬᠤ
ᠲᠡᠮᠦᠷ ᠬᠠᠳᠠᠭᠠᠰᠤᠨ ᠳ᠋ᠤ᠌ ᠪᠠᠷᠢᠭᠳᠠᠬᠤ
1664 ᠲᠥᠷᠥ ᠳ᠋ᠦ᠍ ᠬᠠᠤᠯᠢ ᠪᠣᠢ
ᠲᠦᠮᠡᠨ ᠳ᠋ᠦ᠍ ᠶᠣᠰᠣ ᠪᠣᠢ
1665 ᠲᠥᠷᠥ ᠦᠭᠡᠢ ᠬᠠᠭᠠᠨ ᠪᠠᠢᠳᠠᠭ ᠦᠭᠡᠢ
ᠲᠡᠦᠬᠡ ᠦᠭᠡᠢ ᠤᠯᠤᠰ ᠪᠠᠢᠳᠠᠭ ᠦᠭᠡᠢ
1666 ᠲᠥᠷᠥ ᠶ᠋ᠢᠨ ᠨᠢᠷᠤᠭᠤ ᠲᠦᠪᠰᠢᠨ ᠪᠣᠯ
ᠲᠦᠮᠡᠨ ᠦ᠌ ᠨᠢᠷᠤᠭᠤ ᠠᠮᠤᠷ
1667 ᠲᠥᠷᠥ ᠶ᠋ᠢᠨ ᠨᠢᠭᠤᠴᠠ
ᠳᠡᠷᠡ ᠳᠡᠭᠡᠷᠡ ᠵᠠᠳᠠᠷᠠᠬᠤ
1668 ᠲᠥᠷᠥ ᠶ᠋ᠢᠨ ᠰᠠᠬᠢᠭᠤᠰᠤ ᠰᠠᠢᠨ ᠵᠢᠷᠤᠮᠲᠤ ᠰᠠᠢᠳ
ᠱᠠᠰᠢᠨ ᠤ᠋ ᠰᠠᠬᠢᠭᠤᠰᠤ ᠰᠠᠢᠨ ᠡᠷᠳᠡᠮᠲᠦ ᠯᠠᠮᠠ
1669 ᠲᠥᠷᠥ ᠶ᠋ᠢᠨ ᠲᠥᠯᠥᠭᠡ
ᠣᠭᠣᠲᠣᠨᠠ ᠪᠣᠭᠣᠵᠤ ᠦᠬᠦᠬᠦ
1670 ᠲᠥᠷᠥ ᠶ᠋ᠢᠨ ᠬᠡᠯᠬᠢᠶᠡ ᠬᠠᠤᠯᠢ
ᠲᠥᠷᠥᠯ ᠦ᠋ᠨ ᠬᠡᠯᠬᠢᠶᠡ ᠨᠠᠭᠠᠴᠤ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠳᠮᠠᠰᠡᠴᠡᠨ᠂ ᠣᠶᠤᠨᠪᠠᠲᠤ᠂ ᠰᠠᠷᠠᠨᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠤᠢᠭᠤᠷᠵᠢᠨ ᠣᠳᠬᠣᠨ᠂ ᠣᠳᠬᠣᠨᠴᠡᠴᠡᠭ᠂ ᠪᠣᠯᠣᠳ᠂ ᠪᠠᠯ