ᠮᠣᠩᠭᠣᠯ ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ ᠳᠡᠭᠡᠵᠢ – ᠳ᠂ ᠵᠠᠶᠠᠭᠠᠪᠠᠭᠠᠲᠤᠷ ᠡᠮᠬᠢᠳᠬᠡᠪᠡ < ᠰ ᠶᠢᠨ ᠠᠢᠮᠠᠭ–3>Монгол зүйр цэцэн үгийн гураван мянган дээж – Д᠂Заяабаатар эмхэтгэв <Сийн аймаг 3 >
1129ᠰ <С> ᠶᠢᠨ ᠠᠢᠮᠠᠭ
1501 ᠰᠣᠬᠣᠷ ᠶᠠᠪᠤᠬᠤ ᠪᠠᠷ
ᠰᠣᠯᠢᠷ ᠶᠠᠪᠤᠭᠰᠠᠨ ᠨᠢ ᠳᠡᠭᠡᠷᠡ
1502 ᠰᠣᠬᠣᠷ ᠲᠤ᠌ ᠵᠠᠮ ᠦᠭᠡᠢ
ᠰᠣᠭᠲᠣᠭᠤ ᠳ᠋ᠤ᠌ ᠣᠷᠣᠨ ᠦᠭᠡᠢ
1503 ᠰᠣᠬᠣᠷ ᠤ᠋ᠨ ᠭᠠᠵᠠᠷ ᠰᠣᠬᠣᠷ ᠪᠣᠯᠵᠤ
ᠳᠣᠭᠣᠯᠠᠩ ᠤ᠋ᠨ ᠭᠠᠵᠠᠷ ᠳᠣᠭᠣᠯᠠᠩ ᠪᠣᠯᠬᠤ
1504 ᠰᠥᠭᠥᠳᠴᠦ ᠵᠢᠷᠭᠠᠭᠰᠠᠨ ᠠ᠋ᠴᠠ
ᠰᠥᠷᠴᠦ ᠦᠬᠦᠭᠰᠡᠨ ᠨᠢ ᠳᠡᠭᠡᠷᠡ
1505 ᠰᠤᠳᠤᠯᠬᠤ ᠶᠠᠭᠤᠮᠠᠨ ᠳ᠋ᠤ᠌ ᠰᠠᠭᠤᠷᠢᠲᠠᠢᠬᠠᠨ
ᠰᠤᠷᠭᠠᠬᠤ ᠶᠠᠭᠤᠮᠠᠨ ᠳ᠋ᠤ᠌ ᠪᠠᠭᠤᠷᠢᠲᠠᠢᠬᠠᠨ
1506 ᠰᠤᠯᠠ ᠦᠭᠡ ᠰᠤᠷᠭᠠᠯ ᠳ᠋ᠤ᠌ ᠨᠡᠮᠡᠷᠢ ᠦᠭᠡᠢ
ᠰᠤᠪᠢᠳᠠᠭ ᠰᠡᠳᠬᠢᠯ ᠠᠮᠢᠳᠤᠷᠠᠯ ᠳ᠋ᠤ᠌ ᠲᠤᠰᠠ ᠦᠭᠡᠢ
1507 ᠰᠤᠯᠠ ᠴᠠᠭ ᠲᠠᠭᠠᠨ ᠰᠢᠮᠳᠠᠵᠤ ᠰᠤᠷᠤᠭᠰᠠᠨ ᠶᠠᠭᠤᠮᠠ
ᠶᠠᠭᠠᠷᠠᠬᠤ ᠴᠠᠭ ᠲᠤ᠌ ᠬᠡᠷᠡᠭ ᠪᠣᠯᠬᠤ
ᠢᠳᠡᠷ ᠦᠶᠡᠰ ᠲᠡᠭᠡᠨ ᠵᠢᠳᠬᠦᠵᠦ ᠣᠯᠤᠭᠰᠠᠨ ᠶᠠᠭᠤᠮᠠ
ᠥᠲᠡᠯᠬᠦ ᠴᠠᠭ ᠲᠤ᠌ ᠬᠡᠷᠡᠭ ᠪᠣᠯᠬᠤ
1508 ᠰᠤᠨᠵᠤ ᠤᠷᠲᠤ ᠪᠣᠯᠬᠤ
ᠰᠤᠷᠴᠤ ᠰᠡᠴᠡᠨ ᠪᠣᠯᠬᠤ
1509 ᠰᠤᠷᠤᠭᠠ ᠦᠭᠡᠢ ᠪᠠᠢᠵᠤ
ᠰᠤᠳᠠᠯ ᠪᠠᠷᠢᠬᠤ
1510 ᠰᠤᠷᠤᠭᠠᠳ ᠪᠠᠷᠠᠭᠳᠠᠰᠢ ᠦᠭᠡᠢ ᠡᠷᠳᠡᠮ ᠦ᠋ᠨ ᠳᠠᠯᠠᠢ
ᠰᠤᠳᠤᠯᠤᠭᠠᠳ ᠪᠠᠷᠠᠭᠳᠠᠰᠢ ᠦᠭᠡᠢ ᠪᠣᠳᠠᠰ ᠤ᠋ᠨ ᠳᠠᠯᠠᠢ
1511 ᠰᠤᠷᠠᠭ ᠲᠠᠯᠪᠢᠪᠠᠯ ᠡᠷᠢᠯ ᠣᠯᠳᠠᠳᠠᠭ
ᠰᠣᠯᠣᠩᠭᠠ ᠲᠠᠲᠠᠪᠠᠯ ᠪᠣᠷᠣᠭᠠ ᠠᠷᠢᠯᠳᠠᠭ
1512 ᠰᠤᠷᠬᠤ ᠳ᠋ᠤ᠌ ᠪᠦᠦ ᠵᠠᠯᠬᠠᠭᠤᠷᠠ
ᠰᠤᠷᠭᠠᠬᠤ ᠳ᠋ᠤ᠌ ᠪᠦᠦ ᠬᠠᠯᠠᠰᠢᠷᠠ
1513 ᠰᠤᠷᠬᠤ ᠶ᠋ᠢᠨ ᠰᠠᠢᠨ ᠰᠤᠷᠭᠠᠭᠤᠯᠢ ᠠ᠋ᠴᠠ
ᠰᠤᠷᠤᠭᠴᠢ ᠶ᠋ᠢᠨ ᠰᠠᠢᠨ ᠪᠠᠭᠰᠢ ᠠ᠋ᠴᠠ
1514 ᠰᠤᠷᠬᠤ ᠶ᠋ᠢᠨ ᠳᠠᠢᠰᠤᠨ ᠪᠠᠷᠳᠠᠮ
ᠶᠠᠪᠤᠬᠤ ᠶ᠋ᠢᠨ ᠳᠠᠢᠰᠤᠨ ᠵᠠᠯᠬᠠᠭᠤ
1515 ᠰᠤᠷᠭᠠᠯ— ᠤᠬᠠᠭᠠᠨ ᠤ᠋ ᠪᠤᠯᠠᠭ
ᠰᠤᠷᠭᠠᠯ ᠦᠭᠡᠢ— ᠤᠬᠠᠭᠠᠨ ᠤ᠋ ᠪᠠᠯᠠᠢ
1516 ᠰᠤᠷᠭᠠᠯ ᠲᠠᠢ ᠬᠥᠮᠦᠨ ᠰᠠᠷᠠᠭᠤᠯ ᠳᠣᠲᠣᠷᠠ
ᠰᠤᠷᠭᠠᠯ ᠦᠭᠡᠢ ᠬᠥᠮᠦᠨ ᠮᠠᠨᠠᠨ ᠳᠣᠲᠣᠷᠠ
1517 ᠰᠤᠷᠭᠠᠭᠤᠯᠢ ᠦᠭᠡᠢ ᠬᠥᠮᠦᠨ ᠰᠣᠬᠣᠷ
ᠰᠤᠮᠤ ᠦᠭᠡᠢ ᠠᠩᠴᠢᠨ ᠬᠣᠭᠣᠰᠣᠨ
1518 ᠰᠤᠷᠤᠭᠰᠠᠨ ᠪᠦᠬᠦᠨ ᠡᠷᠳᠡᠮ
ᠰᠤᠷᠤᠭᠠ ᠦᠭᠡᠢ ᠪᠦᠬᠦᠨ ᠭᠡᠮ
1519 ᠰᠤᠷᠤᠭᠰᠠᠨ ᠭᠡᠷᠡᠯ ᠲᠡᠢ
ᠰᠤᠷᠤᠭᠠ ᠦᠭᠡᠢ ᠭᠡᠮᠰᠢᠯ ᠲᠡᠢ
1520 ᠰᠤᠷᠤᠭᠰᠠᠨ ᠨᠢ ᠳᠠᠭᠠᠭᠤᠯᠬᠤ
ᠰᠤᠷᠤᠭᠠ ᠦᠭᠡᠢ ᠨᠢ ᠳᠠᠭᠠᠬᠤ
1521 ᠰᠤᠷᠤᠭᠰᠠᠨ ᠨᠢ ᠳᠠᠯᠠᠢ
ᠰᠤᠷᠤᠭᠠ ᠦᠭᠡᠢ ᠨᠢ ᠪᠠᠯᠠᠢ
1522 ᠰᠤᠷᠤᠭᠰᠠᠨ ᠬᠥᠮᠦᠨ ᠵᠠᠮ ᠢ᠋ᠶ᠋ᠠᠨ ᠣᠯᠬᠤ
ᠰᠤᠷᠤᠭᠠ ᠦᠭᠡᠢ ᠬᠥᠮᠦᠨ ᠵᠠᠮ ᠢ᠋ᠶ᠋ᠠᠨ ᠠᠯᠳᠠᠬᠤ
1523 ᠰᠤᠷᠤᠭᠰᠠᠨ ᠬᠥᠮᠦᠨ ᠳ᠋ᠦ᠍ ᠬᠢᠯᠪᠠᠷ
ᠰᠤᠷᠤᠭᠠ ᠦᠭᠡᠢ ᠬᠥᠮᠦᠨ ᠳ᠋ᠦ᠍ ᠪᠡᠷᠬᠡ
1524 ᠰᠤᠷᠤᠭᠰᠠᠨ ᠢ᠋ᠶ᠋ᠠᠨ ᠳᠠᠪᠲᠠᠵᠤ
ᠰᠤᠷᠭᠠᠯ ᠢ᠋ᠶ᠋ᠠᠨ ᠳᠠᠭᠠᠬᠤ
1525 ᠰᠤᠷᠤᠭᠰᠠᠨ ᠢ᠋ᠶ᠋ᠠᠨ ᠮᠠᠷᠲᠠᠵᠤ
ᠰᠤᠳᠤᠷ ᠢ᠋ᠶ᠋ᠠᠨ ᠭᠡᠭᠡᠬᠦ
1526 ᠰᠤᠷᠤᠭᠰᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠨᠥᠬᠥᠷ ᠲᠡᠭᠡᠨ ᠲᠤᠰᠠᠯᠠ
ᠰᠤᠷᠤᠭᠠ ᠦᠭᠡᠢ ᠪᠡᠨ ᠪᠤᠰᠤᠳ ᠠ᠋ᠴᠠ ᠰᠤᠷ
1527 ᠰᠤᠷᠲᠠᠯ ᠦᠭᠡᠢ ᠬᠡᠦᠬᠡᠳ
ᠰᠤᠷᠭᠠᠯ ᠦᠭᠡᠢ ᠲᠣᠲᠣᠷᠠᠢ
1528 ᠰᠤᠷᠴᠤ ᠣᠯᠤᠭᠰᠠᠨ ᠡᠷᠳᠡᠮ — ᠴᠢᠳᠠᠯ
ᠰᠣᠩᠭᠣᠵᠤ ᠠᠪᠤᠭᠰᠠᠨ ᠬᠠᠨᠢ — ᠨᠥᠬᠥᠷ
1529 ᠰᠠᠭᠤᠵᠤ ᠵᠢᠷᠭᠠᠬᠤ ᠪᠠᠷ
ᠶᠠᠪᠤᠵᠤ ᠵᠦᠳᠡᠷᠡ
1530 ᠰᠠᠭᠤᠭᠰᠠᠨ ᠬᠥᠮᠦᠨ ᠳ᠋ᠦ᠍ ᠣᠯᠵᠠ ᠥᠬᠡᠢ
ᠬᠡᠪᠲᠡᠭᠰᠡᠨ ᠬᠥᠮᠦᠨ ᠳ᠋ᠦ᠍ ᠬᠡᠰᠢᠭ ᠦᠭᠡᠢ
1531 ᠰᠠᠭᠤᠬᠤ ᠨᠢ ᠰᠢᠮᠠᠭᠤᠯ ᠰᠢᠭ᠋
ᠰᠢᠨᠤᠬᠤ ᠨᠢ ᠴᠢᠨᠣᠠ ᠰᠢᠭ᠋
1532 ᠰᠦᠮᠪᠦᠷ ᠠᠭᠤᠯᠠ ᠮᠡᠲᠦ ᠪᠠᠲᠤ
ᠰᠦᠨ ᠳᠠᠯᠠᠢ ᠮᠡᠲᠦ ᠭᠦᠨ
1533 ᠰᠦᠮᠡ ᠳ᠋ᠦ᠍ ᠦᠭᠡᠢ ᠯᠠᠮᠠ
ᠰᠦᠷᠦᠭ ᠲᠦ᠍ ᠦᠭᠡᠢ ᠪᠤᠬᠠ
1534 ᠰᠦᠷ ᠪᠠᠳᠠᠷᠠᠭᠤᠯᠤᠨ
ᠰᠦᠬᠡ ᠳᠠᠯᠠᠢᠬᠤ
1535 ᠰᠦᠷ ᠨᠢ ᠪᠠᠷᠰ ᠰᠢᠭ᠋
ᠰᠦᠨᠡᠰᠦ ᠨᠢ ᠲᠠᠤᠯᠠᠢ ᠰᠢᠭ᠋
1536 ᠰᠦᠷ ᠨᠢ ᠶᠡᠬᠡ
ᠰᠦᠯᠳᠡ ᠨᠢ ᠪᠠᠭᠠ
1537 ᠰᠦ ᠭᠣᠷᠢᠳᠠᠭᠰᠠᠨ ᠮᠤᠤᠷ ᠰᠢᠭ᠋
ᠰᠡᠭᠦᠯ ᠳᠣᠯᠢᠶᠠᠭᠰᠠᠨ ᠴᠢᠨᠣᠠ ᠰᠢᠭ᠋
1538 ᠰᠦ ᠬᠥᠭᠡᠷᠪᠡᠯ ᠭᠠᠯ ᠳᠡᠭᠡᠷᠡ
ᠰᠦᠬᠡ ᠰᠤᠭᠤᠷᠠᠪᠠᠯ ᠲᠣᠯᠣᠭᠠᠢ ᠳᠡᠭᠡᠷᠡ
1539 ᠰᠡᠭᠦᠳᠡᠷ ᠦ᠋ᠨ ᠪᠠᠷᠠ ᠨᠢ ᠶᠡᠬᠡ ᠪᠣᠯᠪᠠᠴᠤ
ᠪᠠᠷᠢᠵᠤ ᠪᠣᠯᠳᠠᠭ ᠦᠭᠡᠢ
ᠰᠦᠨ ᠦ᠌ ᠥᠩᠭᠡ ᠨᠢ ᠴᠠᠭᠠᠨ ᠪᠣᠯᠪᠠᠴᠤ
ᠪᠣᠳᠣᠵᠤ ᠪᠣᠯᠳᠠᠭ ᠦᠭᠡᠢ
1540 ᠰᠡᠭᠦᠳᠡᠷ ᠢ᠋ᠶ᠋ᠡᠨ ᠬᠠᠷᠠᠵᠤ ᠬᠤᠪᠴᠠᠰᠤ ᠪᠠᠨ ᠵᠠᠰᠠ
ᠨᠥᠬᠥᠷ ᠢ᠋ᠶ᠋ᠡᠨ ᠬᠠᠷᠠᠵᠤ ᠵᠠᠩ ᠢ᠋ᠶ᠋ᠠᠨ ᠵᠠᠰᠠ
1541 ᠰᠡᠭᠦᠳᠡᠷ ᠡᠴᠡ ᠪᠡᠨ ᠥᠭᠡᠷᠡ ᠨᠥᠬᠥᠷ ᠦᠭᠡᠢ
ᠰᠡᠭᠦᠯ ᠡᠴᠡ ᠪᠡᠨ ᠥᠭᠡᠷᠡ ᠲᠠᠰᠢᠭᠤᠷ ᠦᠭᠡᠢ
1542 ᠰᠡᠭᠦᠳᠡᠷ ᠲᠤᠨᠢ ᠰᠠᠭᠤᠪᠠᠯ
ᠮᠣᠳᠣ ᠶ᠋ᠢ ᠨᠢ ᠪᠦᠦ ᠮᠠᠷᠲᠠ
1543 ᠰᠡᠭᠦᠳᠡᠷ ᠲᠡᠢ ᠪᠡᠨ ᠣᠷᠣᠯᠳᠣᠪᠠᠯ ᠲᠦᠷᠦᠭᠦᠯᠡᠬᠦ ᠦᠭᠡᠢ
ᠰᠢᠭᠦᠮᠵᠢᠯᠡᠯ ᠢ ᠰᠥᠷᠪᠡᠯ ᠵᠠᠰᠠᠷᠠᠬᠤ ᠦᠭᠡᠢ
1544 ᠰᠡᠭᠦᠯ ᠨᠢ ᠲᠣᠯᠣᠭᠠᠢ ᠪᠠᠨ ᠳᠠᠭᠠᠬᠤ
ᠰᠡᠭᠦᠳᠡᠷ ᠨᠢ ᠪᠡᠶᠡ ᠪᠡᠨ ᠳᠠᠭᠠᠬᠤ
1545 ᠰᠡᠭᠦᠯ ᠦ᠋ᠨ ᠲᠡᠮᠡᠭᠡᠨ ᠦ᠌
ᠠᠴᠢᠶᠠ ᠬᠦᠨᠳᠦ
1546 ᠰᠡᠭᠦᠯ ᠲᠡᠢ ᠴᠢᠨᠣᠠ ᠡᠴᠡ
ᠰᠡᠭᠦᠯ ᠦᠭᠡᠢ ᠴᠢᠨᠣᠠ ᠪᠡᠷᠬᠡ
1547 ᠰᠦᠬᠡ ᠠᠪᠬᠤ ᠬᠥᠮᠦᠨ ᠣᠩᠭᠢ ᠶ᠋ᠢ ᠨᠢ ᠬᠠᠷᠠᠳᠠᠭ
ᠬᠦᠦ ᠠᠪᠬᠤ ᠬᠥᠮᠦᠨ ᠤᠳᠤᠮ ᠢ᠋ ᠨᠢ ᠬᠠᠷᠠᠳᠠᠭ
1548 ᠰᠦᠬᠡ ᠳᠠᠯᠠᠢᠲᠠᠯᠠ
ᠦᠬᠡᠷ ᠠᠮᠤᠷ
1549 ᠰᠡᠪ ᠦᠭᠡᠢ ᠰᠤᠪᠤᠳ— ᠡᠷᠳᠡᠨᠢ
ᠰᠡᠵᠢᠭ ᠦᠭᠡᠢ ᠨᠥᠬᠥᠷ— ᠡᠷᠬᠢᠮ
1550 ᠰᠡᠭ ᠳᠡᠭᠡᠷᠡ
ᠴᠤᠭᠯᠠᠷᠠᠭᠰᠠᠨ ᠨᠣᠬᠠᠢ
ᠪᠦᠲᠦᠲᠡᠯᠡ ᠪᠡᠨ ᠨᠢᠭᠤᠵᠤ ᠶᠠᠪᠤ
ᠰᠡᠵᠢᠭᠯᠡᠭᠰᠡᠨ ᠬᠡᠷᠡᠭ ᠢ᠋ᠶ᠋ᠡᠨ
ᠢᠯᠡᠷᠡᠲᠡᠯᠡ ᠪᠡᠨ ᠬᠠᠷᠠᠵᠤ ᠶᠠᠪᠤ
1552 ᠰᠡᠵᠢᠭ ᠢ᠋ᠶ᠋ᠡᠷ ᠡᠪᠡᠳᠴᠦ
ᠰᠦᠰᠦᠭ ᠢ᠋ᠶ᠋ᠡᠷ ᠡᠳᠡᠭᠡᠷᠡᠳᠡᠭ
1553 ᠰᠡᠵᠢᠭᠯᠡᠬᠦ ᠳ᠋ᠦ᠍ ᠴᠢᠳᠬᠥᠷ
ᠰᠦᠰᠦᠭᠯᠡᠬᠦ ᠳ᠋ᠦ᠍ ᠪᠤᠷᠬᠠᠨ
1554 ᠰᠡᠯᠡᠮᠡ ᠵᠢᠳᠠ ᠠᠳᠠᠭ ᠤ᠋ᠨ ᠵᠡᠪᠰᠡᠭ
ᠰᠡᠴᠡᠨ ᠤᠬᠠᠭᠠᠨ ᠳᠡᠭᠡᠳᠦ ᠶ᠋ᠢᠨ ᠵᠡᠪᠰᠡᠭ
1555 ᠰᠡᠯᠡᠮᠡ ᠪᠡᠷ ᠴᠠᠪᠴᠢᠪᠠᠯ ᠪᠡᠶᠡ ᠡᠪᠡᠳᠦᠨᠡ
ᠦᠭᠡ ᠪᠡᠷ ᠳᠠᠭᠠᠷᠢᠪᠠᠯ ᠰᠡᠳᠬᠢᠯ ᠡᠪᠡᠳᠦᠨᠡ
1556 ᠰᠠᠮ ᠰᠠᠭᠤᠵᠤ
ᠭᠡᠮ ᠬᠢᠬᠦ
1557 ᠰᠡᠷᠡᠵᠦ ᠶᠠᠪᠤᠪᠠᠯ ᠠᠮᠢᠨ ᠳ᠋ᠤ᠌ ᠲᠤᠰᠠ ᠲᠠᠢ
ᠰᠡᠷᠡᠮᠵᠢ ᠦᠭᠡᠢ ᠶᠠᠪᠤᠪᠠᠯ ᠠᠮᠢᠨ ᠳ᠋ᠤ᠌ ᠬᠣᠣᠷ ᠲᠠᠢ
1558 ᠰᠡᠷᠴᠢᠭᠢᠨᠡᠨ ᠢᠷᠡᠬᠦ ᠰᠠᠯᠬᠢ
ᠰᠡᠮᠡᠬᠡᠷ ᠢᠷᠡᠬᠦ ᠬᠤᠯᠠᠭᠠᠢᠴᠢ
1559 ᠰᠡᠳᠬᠢᠯ ᠭᠡᠮᠲᠡᠨ ᠦ᠌
ᠰᠠᠨᠠᠭᠠ ᠨᠢ ᠠᠮᠠᠷᠠᠳᠠᠭ ᠦᠭᠡᠢ
1560 ᠰᠡᠳᠬᠢᠯ ᠰᠡᠪ ᠦᠭᠡᠢ ᠪᠣᠯ
ᠲᠠᠪᠤᠨ ᠮᠠᠬᠠᠪᠣᠳ ᠡᠷᠡᠭᠦᠯ
1561 ᠰᠡᠳᠬᠢᠯ ᠳ᠋ᠦ᠍ᠨᠢ ᠠᠯᠠᠭ ᠲᠠᠢ ᠪᠣᠯ
ᠠᠵᠢᠯ ᠳ᠋ᠤᠨᠢ ᠠᠯᠠᠭ ᠲᠠᠢ
1562 ᠰᠡᠳᠬᠢᠯ ᠦ᠋ᠨ ᠵᠣᠪᠠᠯᠠᠩ ᠠ᠋ᠴᠠ
ᠪᠡᠶᠡ ᠶ᠋ᠢᠨ ᠵᠣᠪᠠᠯᠠᠩ
1563 ᠰᠡᠳᠬᠢᠯ ᠦ᠋ᠨ ᠡᠪᠡᠳᠴᠢᠨ ᠢ᠋ ᠦᠭᠡ ᠪᠡᠷ
ᠪᠡᠶᠡ ᠶ᠋ᠢᠨ ᠡᠪᠡᠳᠴᠢᠨ ᠢ᠋ ᠡᠮ ᠢ᠋ᠶ᠋ᠡᠷ
1564 ᠰᠡᠳᠬᠢᠯ ᠦ᠋ᠨ ᠰᠠᠢᠬᠠᠨ ᠨᠢ ᠠᠮᠢᠳᠤᠷᠠᠯ ᠤ᠋ᠨ ᠴᠢᠮᠡᠭ
ᠴᠢᠷᠠᠢ ᠶ᠋ᠢᠨ ᠰᠠᠢᠬᠠᠨ ᠨᠢ ᠨᠢᠳᠦᠨ ᠦ᠌ ᠭᠡᠮ
1565 ᠰᠡᠳᠬᠢᠯ ᠦ᠋ᠨ ᠬᠠᠷᠠᠩᠭᠤᠢ ᠠ᠋ᠴᠠ
ᠰᠥᠨᠢ ᠶ᠋ᠢᠨ ᠬᠠᠷᠠᠩᠭᠤᠢ ᠳᠡᠭᠡᠷᠡ
1566 ᠰᠡᠳᠬᠢᠯ ᠦ᠋ᠨ ᠭᠬᠢᠷ
ᠪᠡᠶᠡ ᠶ᠋ᠢᠨ ᠭᠬᠢᠷ ᠡᠴᠡ ᠪᠤᠵᠠᠷ
1567 ᠰᠡᠳᠬᠢᠯ ᠦ᠋ᠨ ᠴᠡᠭᠡᠷ
ᠰᠠᠨᠠᠭᠠᠨ ᠤ᠋ ᠰᠡᠪ
1568 ᠰᠡᠳᠬᠢᠬᠦ ᠳᠣᠳᠣᠮ ᠰᠡᠴᠡᠨ ᠪᠣᠯᠬᠤ
ᠰᠡᠷᠡᠮᠵᠢᠯᠡᠬᠦ ᠳᠣᠳᠣᠮ ᠮᠡᠷᠭᠡᠨ ᠪᠣᠯᠬᠤ
1569 ᠰᠡᠲᠡᠷᠬᠡᠢ ᠵᠡᠭᠦᠦ ᠳ᠋ᠦ᠍ ᠤᠲᠠᠰᠤ ᠲᠣᠭᠲᠠᠬᠤ ᠦᠭᠡᠢ
ᠱᠠᠯᠢᠭ ᠬᠥᠮᠦᠨ ᠳ᠋ᠦ᠍ ᠡᠳ᠋ ᠲᠣᠭᠲᠠᠬᠤ ᠦᠭᠡᠢ
1570 ᠰᠡᠭᠡᠷ ᠨᠢᠷᠤᠭᠤ ᠬᠣᠶᠠᠷ ᠰᠦᠪᠡᠭᠡ ᠪᠡᠷ ᠢ᠋ᠶ᠋ᠡᠨ ᠬᠣᠯᠪᠣᠭᠳᠠᠳᠠᠭ
ᠰᠡᠳᠬᠢᠯ ᠢᠨᠠᠭ ᠬᠣᠶᠠᠷ ᠬᠠᠢᠷᠠ ᠪᠠᠷ ᠢ᠋ᠶ᠋ᠠᠨ ᠬᠣᠯᠪᠣᠭᠳᠠᠳᠠᠭ
1571 ᠰᠡᠭᠡᠷ ᠦ᠋ᠨ ᠪᠥᠬᠡ ᠡᠴᠡ
ᠰᠡᠳᠬᠢᠯ ᠦ᠋ᠨ ᠪᠥᠬᠡ ᠨᠢ
1572 ᠰᠡᠭᠡᠷ ᠦ᠋ᠨ ᠮᠢᠬᠠᠨ ᠤ᠋ ᠱᠥᠯᠥ ᠰᠠᠢᠬᠠᠨ
ᠰᠡᠯᠭᠦᠵᠦ ᠪᠠᠭᠤᠭᠰᠠᠨ ᠨᠤᠲᠤᠭ ᠰᠠᠢᠬᠠᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ᠂ ᠠᠯᠲᠠᠨᠱᠠ᠂ ᠪᠠᠯ᠂
ᠬᠢᠨᠠᠭᠴᠢ᠄ ᠠᠯᠲᠠᠨᠱᠠ᠂ ᠤᠢᠭᠤᠷᠵᠢᠨ ᠣᠳᠬᠣᠨ᠂ ᠣᠳᠬᠣᠨᠴᠡᠴᠡᠭ᠂ ᠪᠠᠯ