ᠮᠣᠩᠭᠣᠯ ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ ᠳᠡᠭᠡᠵᠢ – ᠳ᠂ ᠵᠠᠶᠠᠭᠠᠪᠠᠭᠠᠲᠤᠷ ᠡᠮᠬᠢᠳᠬᠡᠪᠡ < ᠰ ᠶᠢᠨ ᠠᠢᠮᠠᠭ–2>Монгол зүйр цэцэн үгийн гураван мянган дээж – Д᠂Заяабаатар эмхэтгэв <Сийн аймаг 2 >
– ᠰ (С) –
1401 ᠰᠠᠢᠨ ᠶᠠᠪᠤᠳᠠᠯ ᠢ᠋ ᠳᠠᠭᠠ
ᠰᠠᠭᠠᠷ ᠶᠠᠪᠤᠳᠠᠯ ᠢ᠋ ᠣᠷᠭᠢ
1402 ᠰᠠᠢᠨ ᠢ᠋ᠶ᠋ᠠᠨ ᠰᠣᠨᠣᠰᠤᠭᠠᠳ ᠰᠠᠭᠰᠠᠢᠵᠤ ᠪᠣᠯᠬᠤ ᠦᠭᠡᠢ
ᠮᠠᠭᠤ ᠪᠠᠨ ᠳᠤᠭᠤᠯᠤᠭᠠᠳ ᠮᠤᠷᠴᠢᠢᠵᠤ ᠪᠣᠯᠬᠤ ᠦᠭᠡᠢ
1403 ᠰᠠᠢᠨ ᠢ᠋ᠶ᠋ᠠᠷ ᠶᠠᠪᠤᠪᠠᠯ ᠮᠠᠨᠳᠤᠨᠠ
ᠰᠠᠮᠠᠭᠤᠨ ᠢ᠋ᠶ᠋ᠠᠷ ᠶᠠᠪᠤᠪᠠᠯ ᠰᠥᠨᠥᠨᠡ
1404 ᠰᠠᠢᠨ ᠠ᠋ᠴᠠ ᠪᠤᠤ ᠵᠢᠭᠤᠲᠠ
ᠮᠠᠭᠤ ᠳ᠋ᠤ᠌ ᠪᠤᠤ ᠣᠷᠣᠯᠴᠠ
1405 ᠰᠠᠢᠨ ᠠ᠋ᠴᠠ ᠪᠤᠤ ᠰᠠᠯ
ᠰᠠᠨᠠᠭᠰᠠᠨ ᠢ᠋ᠶ᠋ᠠᠷ ᠪᠤᠤ ᠬᠡᠯᠡ
1406 ᠰᠠᠢᠨ ᠠ᠋ᠴᠠ ᠮᠠᠭᠠᠳ ᠨᠢ ᠣᠯᠠᠨ
ᠮᠠᠭᠤ ᠠ᠋ᠴᠠ ᠬᠤᠳᠠᠯ ᠨᠢ ᠣᠯᠠᠨ
1407 ᠰᠠᠢᠨ ᠳ᠋ᠤ᠌ ᠨᠢᠭᠡ ᠮᠠᠭᠤ ᠪᠠᠢᠳᠠᠭ
ᠰᠠᠷᠠᠨ ᠳ᠋ᠤ᠌ ᠨᠢᠭᠡ ᠲᠣᠯᠪᠣ ᠪᠠᠢᠳᠠᠭ
1408 ᠰᠠᠢᠨ ᠳ᠋ᠤᠷ ᠰᠠᠭᠠᠷ ᠣᠯᠠᠨ
ᠰᠠᠢᠬᠠᠨ ᠳ᠋ᠤ᠌ ᠱᠣᠬᠣᠭᠣᠷᠬᠠᠭᠴᠢ ᠣᠯᠠᠨ
1409 ᠰᠠᠢᠨ ᠳ᠋ᠤᠷ ᠰᠠᠳᠠᠭᠠ
ᠰᠠᠢᠳ ᠲᠤ᠌ ᠠᠲᠠᠭᠠ
1410 ᠰᠠᠢᠨ ᠲᠠᠢ ᠪᠤᠤ ᠮᠡᠯᠵᠢᠭᠡᠷᠡᠢ
ᠮᠠᠭᠤ ᠲᠠᠢ ᠪᠤᠤ ᠪᠣᠯᠵᠣᠭᠠᠷᠠᠢ
1411 ᠰᠠᠢᠨ ᠢ᠋ ᠵᠢᠭᠠᠭᠠᠳ ᠦᠯᠦ ᠰᠤᠷᠪᠠᠴᠤ
ᠮᠠᠭᠤ ᠶ᠋ᠢ ᠵᠢᠭᠠᠯᠭᠠᠬᠤ ᠦᠭᠡᠢ ᠪᠡᠷ ᠰᠤᠷᠬᠤ
1412 ᠰᠠᠢᠨ ᠢ᠋ ᠬᠤᠷᠢᠶᠠᠭᠰᠠᠨ ᠭᠡᠷ ᠲᠦ᠍ ᠪᠠᠶᠠᠷ ᠶᠡᠬᠡ
ᠮᠠᠭᠤ ᠶ᠋ᠢ ᠬᠤᠷᠢᠶᠠᠭᠰᠠᠨ ᠭᠡᠷ ᠲᠦ᠍ ᠭᠡᠮᠰᠢᠯ ᠶᠡᠬᠡ
1413 ᠰᠠᠢᠨ ᠢ᠋ ᠰᠢᠬᠠᠪᠠᠯ ᠲᠣᠰᠣ ᠭᠠᠷᠤᠨᠠ
ᠮᠠᠭᠤ ᠶ᠋ᠢ ᠰᠢᠬᠠᠪᠠᠯ ᠤᠰᠤ ᠭᠠᠷᠤᠨᠠ
1414 ᠰᠠᠢᠲᠤᠷ ᠪᠠᠶᠠᠨ ᠪᠣᠯᠤᠶᠠ ᠭᠡᠪᠡᠯ
ᠰᠠᠢᠨ ᠢ᠋ ᠦᠷᠭᠦᠯᠵᠢ ᠲᠡᠳᠬᠦ
ᠰᠠᠷᠠᠭᠤᠯ ᠤᠬᠠᠭᠠᠨ ᠲᠠᠢ ᠪᠣᠯᠤᠶᠠ ᠭᠡᠪᠡᠯ
ᠮᠡᠷᠭᠡᠨ ᠢ᠋ ᠦᠷᠭᠦᠯᠵᠢ ᠳᠠᠭᠠ
1415 ᠰᠠᠢᠬᠠᠨ ᠠᠭᠠᠯᠢ ᠶᠡᠬᠡ ᠡᠷᠳᠡᠮ
ᠲᠥᠪ ᠰᠡᠳᠬᠢᠯ ᠪᠦᠷ ᠡᠷᠳᠡᠮ
1416 ᠰᠠᠢᠬᠠᠨ ᠠᠮᠲᠠᠲᠠᠢ ᠴᠠᠢ ᠶ᠋ᠢ
ᠤᠤᠭᠤᠭᠠᠳ ᠬᠠᠩᠬᠤ ᠦᠭᠡᠢ
ᠰᠠᠨᠠᠭᠠᠨ ᠳ᠋ᠤ᠌ ᠨᠡᠢᠴᠡᠭᠰᠡᠨ ᠦᠭᠡ ᠶ᠋ᠢ
ᠬᠡᠯᠡᠯᠴᠡᠭᠡᠳ ᠪᠠᠷᠠᠬᠤ ᠦᠭᠡᠢ
1417 ᠰᠠᠢᠬᠠᠨ ᠳᠠᠭᠤᠤ ᠨᠠᠭᠠᠳᠤᠮ ᠳᠡᠭᠡᠷᠡ
ᠰᠡᠴᠡᠨ ᠦᠭᠡ ᠴᠢᠭᠤᠯᠭᠠᠨ ᠳᠡᠭᠡᠷᠡ
1418 ᠰᠠᠢᠬᠠᠨ ᠳᠡᠪᠡᠯ ᠡᠮᠦᠰᠦᠭᠰᠡᠨ ᠬᠥᠮᠦᠨ
ᠰᠤᠷᠤᠭᠰᠠᠨ ᠡᠷᠳᠡᠮ ᠦᠭᠡᠢ ᠪᠣᠯ ᠬᠥᠷᠥᠭ
1419 ᠰᠠᠢᠬᠠᠨ ᠵᠠᠩᠳᠠᠨ ᠤ᠋ ᠨᠥᠬᠥᠷ ᠣᠯᠠᠨ
ᠰᠠᠮᠠᠭᠤᠨ ᠶᠠᠪᠤᠳᠠᠯᠲᠠᠨ ᠤ᠋ ᠭᠡᠮᠰᠢᠯ ᠣᠯᠠᠨ
1420 ᠰᠠᠢᠬᠠᠨ ᠰᠠᠨᠠᠭᠠ ᠠᠮᠤᠭᠤᠯᠠᠩ
ᠮᠠᠭᠤᠬᠠᠢ ᠰᠠᠨᠠᠭᠠ ᠵᠣᠪᠠᠯᠠᠩ
1421 ᠰᠠᠢᠬᠠᠨ ᠲᠥᠷᠥᠭᠰᠡᠨ ᠡᠴᠡ
ᠰᠠᠮᠪᠠᠭᠠᠲᠠᠢ ᠲᠥᠷᠥᠭᠰᠡᠨ ᠨᠢ ᠳᠡᠭᠡᠷᠡ
1422 ᠰᠠᠢᠬᠠᠨ ᠲᠥᠷᠥᠭᠰᠡᠨ ᠬᠥᠮᠦᠨ
ᠳᠠᠯᠢᠩᠪᠤᠤ ᠡᠮᠦᠰᠪᠡᠴᠦ ᠰᠠᠢᠬᠠᠨ
ᠮᠠᠭᠤᠬᠠᠢ ᠲᠥᠷᠥᠭᠰᠡᠨ ᠬᠥᠮᠦᠨ
ᠲᠣᠷᠭᠠ ᠡᠮᠦᠰᠪᠡᠴᠦ ᠮᠠᠭᠤᠬᠠᠢ
1423 ᠰᠠᠢᠬᠠᠨ ᠬᠡᠦᠬᠡᠨ ᠵᠢᠷᠭᠠᠯ ᠤ᠋ᠨ ᠴᠢᠮᠡᠭ
ᠤᠬᠠᠭᠠᠨ ᠲᠠᠢ ᠡᠬᠡ ᠭᠡᠷ ᠦ᠋ᠨ ᠴᠢᠮᠡᠭ
1424 ᠰᠠᠢᠬᠠᠨ ᠬᠡᠦᠬᠡᠨ ᠰᠠᠨᠸᠠᠷ ᠤ᠋ᠨ ᠳᠠᠢᠰᠤᠨ
ᠰᠠᠮᠠᠭᠤᠨ ᠨᠣᠶᠠᠨ ᠲᠥᠷᠥ ᠶ᠋ᠢᠨ ᠳᠠᠢᠰᠤᠨ
1425 ᠰᠠᠢᠬᠠᠨ ᠢ᠋ ᠡᠷᠢᠬᠦ ᠪᠡᠷ
ᠰᠠᠢᠨ ᠢ᠋ ᠡᠷᠢᠭᠰᠡᠨ ᠨᠢ ᠳᠡᠭᠡᠷᠡ
1426 ᠰᠠᠯᠠᠭᠠ ᠶᠡᠬᠡᠲᠡᠢ ᠮᠣᠳᠣᠨ ᠳ᠋ᠤ᠌ ᠰᠢᠪᠠᠭᠤ ᠣᠯᠠᠨ
ᠰᠠᠨᠠᠭᠠ ᠰᠠᠢᠲᠠᠢ ᠭᠡᠷ ᠲᠦ᠍ ᠵᠣᠴᠢᠨ ᠣᠯᠠᠨ
1427 ᠰᠠᠯᠠᠩ ᠬᠥᠮᠦᠨ ᠶᠠᠭᠤᠮᠠ ᠪᠠᠨ ᠭᠡᠭᠡᠨᠡ
ᠰᠠᠯᠭᠠ ᠬᠥᠮᠦᠨ ᠴᠠᠢ ᠪᠠᠨ ᠠᠰᠬᠠᠨᠠ
1428 ᠰᠠᠯᠠᠩ ᠬᠥᠮᠦᠨ ᠳ᠋ᠦ᠍ ᠰᠠᠪᠠ ᠬᠡᠷᠡᠭ ᠲᠡᠢ
ᠰᠠᠪᠠᠭᠠ ᠦᠭᠡᠢ ᠨᠣᠬᠠᠢ ᠳ᠋ᠤ᠌ ᠤᠶᠠᠭᠠ ᠬᠡᠷᠡᠭ ᠲᠡᠢ
1429 ᠰᠠᠯᠠᠩ ᠬᠡᠦᠬᠡᠨ ᠰᠠᠮ ᠢ᠋ᠶ᠋ᠠᠨ ᠭᠡᠭᠡᠳᠡᠭ
ᠰᠠᠭᠠᠷ ᠡᠷᠡ ᠰᠠᠭᠠᠳᠠᠭ ᠢ᠋ᠶ᠋ᠠᠨ ᠭᠡᠭᠡᠳᠡᠭ
1430 ᠰᠠᠯᠠᠩ ᠳ᠋ᠤ᠌ ᠰᠠᠮᠪᠠᠭᠠ ᠣᠯᠳᠠᠬᠤ ᠦᠭᠡᠢ
ᠰᠠᠭᠠᠷ ᠲᠤ ᠨᠡᠷᠡ ᠣᠯᠳᠠᠬᠤ ᠦᠭᠡᠢ
1431 ᠰᠠᠯᠬᠤ ᠭᠡᠳᠡᠭ ᠰᠠᠮᠠᠭᠤᠷᠠᠬᠤ ᠶ᠋ᠢᠨ ᠨᠡᠷᠡ
ᠰᠠᠢᠷᠬᠠᠬᠤ ᠭᠡᠳᠡᠭ ᠳᠣᠷᠣᠢᠲᠠᠬᠤ ᠶ᠋ᠢᠨ ᠨᠡᠷᠡ
1432 ᠰᠠᠯᠬᠢ ᠭᠠᠷᠪᠠᠯ ᠰᠢᠭᠤᠷᠭᠠ ᠪᠣᠯᠬᠤ
ᠰᠠᠮᠠᠭᠤᠨ ᠭᠠᠷᠪᠠᠯ ᠦᠢᠮᠡᠭᠡᠨ ᠪᠣᠯᠬᠤ
1433 ᠰᠠᠯᠬᠢ — ᠬᠦᠷᠵᠡ ᠦᠭᠡᠢ ᠪᠠᠢᠲᠠᠯᠠ
ᠬᠡᠷᠡᠮ ᠨᠤᠷᠠᠭᠠᠨᠠ
ᠰᠡᠳᠬᠢᠯ — ᠭᠣᠬᠠ ᠦᠭᠡᠢ ᠪᠠᠢᠲᠠᠯᠠ
ᠬᠥᠮᠦᠨ ᠢ᠋ ᠳᠡᠭᠡᠭᠡᠳᠡᠨᠡ
1434 ᠰᠠᠯᠬᠢ ᠦᠭᠡᠢ ᠪᠣᠯ ᠳᠠᠪᠠᠯᠭᠠ ᠬᠥᠳᠡᠯᠬᠦ ᠦᠭᠡᠢ
ᠰᠢᠯᠲᠠᠭ ᠦᠭᠡᠢ ᠪᠣᠯ ᠬᠡᠯᠡ ᠠᠮᠠ ᠭᠠᠷᠬᠤ ᠦᠭᠡᠢ
1435 ᠰᠠᠯᠬᠢᠨ ᠠ᠋ᠴᠠ
ᠰᠠᠨᠠᠭᠠ ᠬᠤᠷᠳᠤᠨ
1436 ᠰᠠᠯᠬᠢᠨ ᠤ᠋ ᠳᠠᠷᠠᠭᠠ ᠲᠤᠩᠭᠠᠯᠠᠭ
ᠰᠠᠮᠠᠭᠤᠷᠠᠯ ᠤ᠋ᠨ ᠡᠴᠦᠰ ᠲᠦᠪᠰᠢᠷᠡᠯ
1437 ᠰᠠᠯᠬᠢᠨ ᠤ᠋ ᠰᠡᠭᠦᠯ ᠪᠣᠷᠣᠭᠠ
ᠨᠠᠭᠠᠳᠤᠮ ᠤ᠋ᠨ ᠰᠡᠭᠦᠯ ᠬᠡᠷᠡᠭᠦᠯ
1438 ᠰᠠᠮᠠᠭᠤᠨ ᠵᠠᠯᠢᠬᠠᠢ ᠳᠡᠭᠳᠡᠬᠦ ᠦᠭᠡᠢ ᠪᠣᠯ
ᠰᠠᠢᠨ ᠡᠷᠡ ᠲᠣᠳᠣᠷᠠᠬᠤ ᠦᠭᠡᠢ
1439 ᠰᠠᠮᠠᠭᠤᠨ ᠬᠥᠮᠦᠨ ᠲᠡᠢ ᠪᠤᠤ ᠤᠴᠠᠷᠠ
ᠰᠠᠨᠠᠭᠰᠠᠨ ᠪᠦᠷᠢ ᠶ᠋ᠢ ᠪᠤᠤ ᠢᠳᠡᠭᠡ
1440 ᠰᠠᠮᠠᠭᠤᠨ ᠶᠠᠪᠤᠪᠠᠯ ᠥᠷᠢ ᠲᠡᠢ ᠪᠣᠯᠬᠤ
ᠱᠠᠯᠢᠭ ᠶᠠᠪᠤᠪᠠᠯ ᠡᠪᠡᠳᠴᠢᠲᠡᠢ ᠪᠣᠯᠬᠤ
1441 ᠰᠠᠩ ᠬᠥᠮᠥᠷᠭᠡ ᠪᠡᠨ ᠬᠤᠯᠠᠭᠠᠢᠴᠢ ᠠ᠋ᠴᠠ
ᠰᠠᠢᠬᠠᠨ ᠣᠢ ᠪᠠᠨ ᠲᠦᠢᠮᠡᠷ ᠡᠴᠡ
1442 ᠰᠠᠨᠠᠭᠠ ᠪᠠᠢᠪᠠᠴᠤ ᠴᠢᠳᠠᠯ ᠦᠭᠡᠢ
ᠪᠡᠶᠡ ᠪᠠᠢᠪᠠᠴᠤ ᠪᠢᠷᠠ ᠦᠭᠡᠢ
1443 ᠰᠠᠨᠠᠭᠠ ᠪᠠᠢᠪᠠᠴᠤ
ᠰᠠᠴᠢᠢ ᠬᠦᠷᠬᠦ ᠦᠭᠡᠢ
1444 ᠰᠠᠨᠠᠭᠠ ᠵᠠᠶᠠᠭᠠ ᠲᠡᠩᠴᠡᠳᠡᠭ ᠦᠭᠡᠢ
ᠰᠠᠬᠠᠯ ᠬᠥᠮᠥᠰᠬᠡ ᠨᠡᠢᠯᠡᠳᠡᠭ ᠦᠭᠡᠢ
1445 ᠰᠠᠨᠠᠭᠠ ᠵᠠᠶᠠᠭᠠ ᠬᠣᠶᠠᠷ
ᠨᠢᠭᠡ ᠵᠠᠮ ᠢ᠋ᠶ᠋ᠠᠷ ᠶᠠᠪᠤᠬᠤ ᠦᠭᠡᠢ
ᠰᠠᠬᠠᠯ ᠬᠥᠮᠥᠰᠬᠡ ᠬᠣᠶᠠᠷ
ᠨᠢᠭᠡ ᠳᠣᠣᠷᠠ ᠤᠷᠭᠤᠳᠠᠭ ᠦᠭᠡᠢ
1446 ᠰᠠᠨᠠᠭᠠ ᠵᠥᠪ ᠪᠣᠯ
ᠵᠠᠶᠠᠭᠠ ᠵᠥᠪ
1447 ᠰᠠᠨᠠᠭᠠ ᠮᠠᠭᠤᠲᠤ
ᠰᠢᠪᠡᠷ ᠳᠣᠲᠣᠷ ᠲᠠᠢ
1448 ᠰᠠᠨᠠᠭᠠ ᠮᠠᠭᠤᠲᠤ ᠲᠣᠲᠣᠷᠠ ᠠ᠋ᠴᠠ ᠪᠠᠨ
ᠰᠠᠪᠠ ᠮᠠᠭᠤᠲᠤ ᠢᠷᠣᠭᠠᠷ ᠠ᠋ᠴᠠ ᠪᠠᠨ
1449 ᠰᠠᠨᠠᠭᠠ ᠮᠠᠭᠤᠲᠤ ᠶᠠᠪᠤᠨ ᠬᠠᠳᠠᠨᠠ
ᠰᠠᠷᠢᠰᠤᠨ ᠪᠠᠭᠪᠠᠬᠠᠢ ᠨᠠᠷᠠᠨ ᠳ᠋ᠤ᠌ ᠬᠠᠳᠠᠨᠠ
1450 ᠰᠠᠨᠠᠭᠠ ᠮᠠᠭᠤᠲᠠᠢ ᠬᠥᠮᠦᠨ ᠦᠬᠦᠲᠡᠯᠡ ᠪᠡᠨ ᠵᠣᠪᠠᠨᠠ
ᠤᠨᠤᠭᠠ ᠮᠠᠭᠤᠲᠠᠢ ᠬᠥᠮᠦᠨ ᠬᠦᠷᠲᠡᠯᠡ ᠪᠡᠨ ᠵᠣᠪᠠᠨᠠ
1451 ᠰᠠᠨᠠᠭᠠ ᠮᠠᠭᠤᠲᠠᠢ ᠬᠥᠮᠦᠨ ᠡᠴᠡ
ᠰᠠᠳᠤᠨ ᠴᠦ᠍ ᠭᠡᠰᠡᠨ ᠬᠥᠨᠳᠡᠢᠷᠡᠳᠡᠭ
1452 ᠰᠠᠨᠠᠭᠠ ᠨᠢ ᠳᠡᠯᠡᠬᠡᠢ
ᠴᠢᠳᠠᠯ ᠨᠢ ᠮᠡᠯᠡᠬᠡᠢ
1453 ᠰᠠᠨᠠᠭᠠ ᠨᠢ ᠰᠠᠷᠢᠳᠠᠭ ᠲᠤ
ᠬᠥᠯ ᠨᠢ ᠬᠥᠨᠵᠢᠯᠡ ᠳ᠋ᠡᠭᠡᠨ
1454 ᠰᠠᠨᠠᠭᠠ ᠨᠢ ᠰᠣᠬᠣᠷ ᠪᠣᠯ
ᠨᠢᠳᠦ ᠨᠢ ᠰᠣᠬᠣᠷ
1455 ᠰᠠᠨᠠᠭᠠᠨ ᠠ᠋ᠴᠠ ᠬᠡᠷᠡᠭ ᠪᠦᠲᠦᠳᠡᠭ
ᠰᠠᠷᠬᠤᠳ ᠠ᠋ᠴᠠ ᠬᠡᠷᠡᠭ ᠭᠠᠷᠳᠠᠭ
1456 ᠰᠠᠨᠠᠭᠠᠨ ᠤ᠋ ᠮᠥᠰᠥ ᠶ᠋ᠢ
ᠰᠡᠳᠬᠢᠯ ᠦ᠋ᠨ ᠣᠴᠢ ᠬᠠᠢᠯᠤᠭᠤᠯᠤᠨᠠ
ᠰᠠᠨᠠᠭᠠᠨ ᠤ᠋ ᠡᠪᠡᠳᠴᠢᠨ ᠢ᠋
ᠰᠡᠳᠬᠢᠯ ᠦ᠋ᠨ ᠡᠮ ᠡᠳᠡᠭᠡᠷᠡᠭᠦᠯᠦᠨᠡ
1457 ᠰᠠᠨᠠᠭᠠᠨ ᠤ᠋ ᠮᠠᠭᠤ ᠪᠠᠷ ᠵᠠᠶᠠᠭᠠ ᠪᠠᠨ ᠪᠠᠷᠠᠨᠠ
ᠰᠠᠪᠠᠨ ᠤ᠋ ᠮᠠᠭᠤ ᠪᠠᠷ ᠢᠳᠡᠭᠡᠨ ᠢ᠋ᠶ᠋ᠡᠨ ᠪᠠᠷᠠᠨᠠ
1458 ᠰᠠᠨᠠᠭᠠᠲᠤ ᠬᠥᠮᠦᠨ ᠳ᠋ᠦ᠍ ᠰᠡᠵᠢᠭ ᠣᠯᠠᠨ
ᠰᠠᠢᠨ ᠮᠣᠷᠢᠨ ᠳ᠋ᠤ᠌ ᠭᠠᠵᠠᠷ ᠣᠢᠷᠠ
1459 ᠰᠠᠨᠠᠵᠤ ᠶᠠᠪᠤᠪᠠᠯ ᠪᠦᠲᠦᠳᠡᠭ
ᠰᠠᠵᠢᠯᠠᠵᠤ ᠶᠠᠪᠤᠪᠠᠯ ᠬᠦᠷᠳᠡᠭ
1460 ᠰᠠᠨᠠᠭᠰᠠᠨ ᠪᠦᠷᠢ ᠶ᠋ᠢ ᠪᠤᠤ ᠶᠠᠷᠢ
ᠰᠠᠯᠬᠤ ᠤᠴᠠᠷᠠᠬᠤ ᠳ᠋ᠤ᠌ ᠪᠤᠤ ᠭᠣᠮᠣᠳᠠ
1461 ᠰᠠᠨᠠᠭᠰᠠᠨ ᠰᠠᠨᠠᠭᠠ ᠬᠤᠳᠠᠯᠴᠢ
ᠰᠠᠬᠢᠭᠰᠠᠨ ᠪᠤᠷᠬᠠᠨ ᠦᠨᠡᠨᠴᠢ
1462 ᠰᠠᠨᠠᠭᠰᠠᠨ ᠰᠠᠨᠠᠭᠠ ᠴᠥᠭᠦᠷᠡᠵᠦ
ᠬᠠᠷᠠᠭᠰᠠᠨ ᠨᠢᠳᠦ ᠬᠥᠬᠡᠷᠡᠬᠦ
1463 ᠰᠠᠨᠠᠭᠰᠠᠨ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠨᠢᠭᠡ
ᠰᠠᠭᠠᠳᠠᠭ ᠨᠤᠮᠤ ᠶ᠋ᠢᠨ ᠬᠥᠪᠴᠢ ᠨᠢ ᠨᠢᠭᠡ
1464 ᠰᠠᠨᠠᠭᠰᠠᠨ ᠬᠡᠷᠡᠭ ᠢ᠋ᠶ᠋ᠡᠨ ᠪᠤᠤ ᠣᠷᠭᠢ
ᠰᠠᠷᠪᠠᠢᠭᠰᠠᠨ ᠭᠠᠷ ᠢ᠋ᠶ᠋ᠠᠨ ᠪᠤᠤ ᠲᠡᠳᠡ
1465 ᠰᠠᠨᠠᠭᠰᠠᠨ ᠢ᠋ᠶ᠋ᠠᠨ ᠬᠦᠰᠡᠬᠦ
ᠰᠠᠷᠪᠠᠢᠭᠰᠠᠨ ᠢ᠋ᠶ᠋ᠠᠨ ᠠᠪᠬᠤ
1466 ᠰᠠᠨᠠᠬᠤ ᠠ᠋ᠴᠠ ᠰᠠᠨᠠᠭᠠ ᠬᠤᠷᠳᠤᠨ
ᠬᠠᠷᠠᠬᠤ ᠠ᠋ᠴᠠ ᠨᠢᠳᠦ ᠬᠤᠷᠳᠤᠨ
1467 ᠰᠠᠨᠠᠰᠢ ᠦᠭᠡᠢ ᠰᠠᠨᠠᠭᠠ ᠰᠠᠭᠤᠪᠠᠰᠤ
ᠰᠠᠯᠤᠰᠢ ᠦᠭᠡᠢ ᠡᠪᠡᠳᠴᠢᠨ ᠣᠯᠬᠤ
1468 ᠰᠠᠨᠸᠠᠷ ᠦᠭᠡᠢ ᠯᠠᠮᠠ ᠰᠠᠮᠠᠭᠤᠨ
ᠰᠠᠬᠢᠯᠭᠠ ᠦᠭᠡᠢ ᠨᠣᠶᠠᠨ ᠵᠢᠷᠤᠮ ᠦᠭᠡᠢ
1469 ᠰᠠᠩ ᠤ᠋ᠨ ᠭᠡᠷ ᠦ᠋ᠨ ᠡᠭᠦᠳᠡᠨ ᠳ᠋ᠦ᠍
ᠰᠠᠢᠬᠠᠨ ᠳ᠋ᠧᠩᠯᠦ ᠬᠡᠷᠡᠭ ᠦᠭᠡᠢ
ᠰᠠᠢᠨ ᠢ᠋ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠨ ᠳ᠋ᠦ᠍
ᠰᠠᠢᠬᠠᠨ ᠰᠡᠳᠬᠢᠯ ᠬᠡᠷᠡᠭ ᠦᠭᠡᠢ
1470 ᠰᠠᠨᠳᠤᠷᠬᠤ ᠳ᠋ᠤ᠌ ᠰᠠᠭᠠᠳ ᠣᠯᠠᠨ
ᠶᠠᠭᠠᠷᠠᠤ ᠳ᠋ᠤ᠌ ᠶᠠᠷᠰᠢᠭ ᠣᠯᠠᠨ
1471 ᠰᠠᠨᠳᠤᠷᠬᠤ ᠳ᠋ᠤ᠌ ᠰᠠᠮᠪᠠᠭᠠ ᠣᠷᠣᠵᠤ
ᠠᠶᠤᠬᠤ ᠳ᠋ᠤ᠌ ᠠᠷᠭᠠ ᠡᠭᠦᠰᠦᠨᠡ
1472 ᠰᠠᠷᠠ ᠰᠠᠷᠠᠭᠤᠯ ᠪᠠᠢᠪᠠᠴᠤ
ᠡᠳᠦᠷ ᠲᠡᠢ ᠠᠳᠠᠯᠢ ᠦᠭᠡᠢ
ᠰᠠᠳᠤᠨ ᠠᠷᠪᠢᠨ ᠪᠣᠯᠪᠠᠴᠤ
ᠡᠬᠡ ᠲᠡᠢ ᠠᠳᠠᠯᠢ ᠦᠭᠡᠢ
1473 ᠰᠠᠷᠠ ᠬᠦᠷᠢᠶᠡᠯᠡᠪᠡᠯ
ᠴᠠᠰᠤ ᠪᠣᠷᠣᠭᠠ ᠣᠷᠣᠨᠠ
ᠨᠠᠷᠠ ᠬᠦᠷᠢᠶᠡᠯᠡᠪᠡᠯ
ᠰᠠᠯᠬᠢ ᠰᠢᠭᠤᠷᠭᠠ ᠭᠠᠷᠤᠨᠠ
1474 ᠰᠠᠷᠠ ᠦᠭᠡᠢ ᠰᠥᠨᠢ ᠬᠠᠷᠠᠩᠭᠤᠢ
ᠬᠠᠨᠢ ᠦᠭᠡᠢ ᠬᠥᠮᠦᠨ ᠲᠡᠨᠦᠮᠡᠬᠡᠢ
1475 ᠰᠠᠷᠯᠤᠭ ᠤ᠋ᠨ ᠲᠣᠯᠣᠭᠠᠢ ᠳ᠋ᠤ᠌
ᠬᠠᠵᠠᠭᠠᠷ ᠬᠡᠷᠡᠭ ᠦᠭᠡᠢ
ᠱᠠᠯᠢᠭ ᠬᠥᠮᠦᠨ ᠳ᠋ᠦ᠍
ᠡᠳ᠋ ᠬᠡᠷᠡᠭ ᠦᠭᠡᠢ
1476 ᠰᠠᠷᠯᠤᠭ ᠲᠤ᠌ ᠡᠮᠡᠭᠡᠯ ᠵᠣᠬᠢᠬᠤ ᠦᠭᠡᠢ
ᠰᠠᠪᠰᠠᠭ ᠲᠤ᠌ ᠠᠷᠢᠬᠢ ᠵᠣᠬᠢᠬᠤ ᠦᠭᠡᠢ
1477 ᠰᠠᠷᠮᠠᠭᠴᠢᠨ ᠬᠥᠮᠦᠨ ᠢ᠋ ᠦᠵᠡᠭᠡᠳ
ᠰᠡᠭᠦᠯ ᠦᠭᠡᠢ ᠭᠡᠵᠦ ᠳᠣᠭᠣᠭᠢᠯᠠᠬᠤ
1478 ᠰᠠᠷᠠᠨ ᠤ᠋ ᠭᠡᠷᠡᠯ ᠳ᠋ᠦ᠍
ᠴᠢᠨᠣᠠ ᠳᠤᠷᠠ ᠦᠭᠡᠢ
ᠰᠠᠢᠨ ᠨᠣᠬᠠᠢ ᠳ᠋ᠤ᠌
ᠬᠤᠯᠠᠭᠠᠢᠴᠢ ᠳᠤᠷᠠ ᠦᠭᠡᠢ
1479 ᠰᠠᠷᠠᠨ ᠤ᠋ ᠭᠡᠷᠡᠯ ᠢ᠋ ᠡᠭᠦᠯᠡ ᠬᠠᠯᠬᠠᠯᠠᠨᠠ
ᠰᠠᠷᠠᠭᠤᠯ ᠪᠣᠳᠣᠯ ᠢ᠋ ᠠᠭᠤᠷ ᠬᠠᠯᠬᠠᠯᠠᠨᠠ
1480 ᠰᠠᠷᠠᠭᠤᠯ ᠲᠠᠯᠠ ᠪᠠᠢᠪᠠᠴᠤ
ᠰᠢᠪᠡᠷ ᠢ᠋ ᠨᠢ ᠮᠡᠳᠡ
ᠰᠠᠢᠬᠠᠨ ᠢᠨᠠᠭ ᠪᠠᠢᠪᠠᠴᠤ
ᠰᠠᠨᠠᠭᠠ ᠶ᠋ᠢ ᠨᠢ ᠮᠡᠳᠡ
1481 ᠰᠠᠷᠬᠤᠳ ᠰᠠᠪᠠ ᠠ᠋ᠴᠠ ᠪᠠᠨ
ᠪᠤᠰᠤᠳ ᠢ᠋ ᠳᠡᠢᠯᠦᠨᠡ
ᠰᠠᠷᠠ ᠥᠪᠡᠷ ᠡᠴᠡ ᠪᠡᠨ
ᠪᠤᠰᠤᠳ ᠢ᠋ ᠬᠠᠷᠠᠨᠠ
1482 ᠰᠠᠬᠠᠯ ᠨᠢ ᠤᠷᠲᠤ
ᠰᠠᠨᠠᠭᠠ ᠨᠢ ᠪᠣᠭᠣᠨᠢ
1483 ᠰᠠᠬᠢᠯ ᠢ᠋ ᠬᠠᠶᠠᠭᠰᠠᠨ ᠯᠠᠮᠠ ᠱᠠᠰᠢᠨ ᠤ᠋ ᠪᠤᠭ
ᠰᠠᠳᠤᠷ ᠶᠠᠪᠤᠭᠰᠠᠨ ᠡᠮᠡ ᠭᠡᠷ ᠦ᠋ᠨ ᠪᠤᠭ
1484 ᠰᠠᠬᠢᠯᠭᠠ ᠦᠭᠡᠢᠳᠡᠵᠦ ᠰᠤᠷᠬᠤ ᠪᠠᠷ
ᠰᠠᠨᠳᠠᠯᠢ ᠬᠠᠲᠠᠵᠤ ᠰᠤᠷ
1485 ᠰᠡᠢᠮᠡᠬᠡᠢ ᠴᠦ᠍ ᠪᠣᠯᠤᠭᠰᠠᠨ ᠭᠡᠷ ᠮᠢᠨᠢ
ᠰᠡᠭᠰᠡᠭᠡᠷ ᠴᠦ᠍ ᠭᠡᠰᠡᠨ ᠡᠵᠢ ᠮᠢᠨᠢ
1486 ᠰᠣᠭᠲᠣᠭᠤ ᠬᠥᠮᠦᠨ ᠪᠠᠷᠳᠠᠮ ᠣᠮᠣᠭ ᠲᠠᠢ
ᠰᠣᠭᠲᠣᠭᠤ ᠪᠠᠨ ᠭᠠᠷᠬᠤᠯᠠᠷ ᠰᠤᠯᠠᠬᠠᠨ ᠳᠠᠭᠤ ᠲᠠᠢ
1487 ᠰᠣᠭᠲᠣᠭᠤ ᠬᠥᠮᠦᠨ ᠳ᠋ᠦ᠍
ᠠᠷᠢᠬᠢ ᠪᠤᠤ ᠦᠵᠡᠭᠦᠯ
ᠰᠣᠬᠣᠷ ᠦᠬᠡᠷ ᠲᠦ᠍
ᠬᠤᠳᠳᠤᠭ ᠪᠤᠤ ᠲᠠᠨᠢᠭᠤᠯ
1488 ᠰᠣᠭᠲᠣᠭᠤ ᠳ᠋ᠤ᠌ ᠨᠢᠭᠤᠷ ᠦᠭᠡᠢ
ᠰᠣᠬᠣᠷ ᠲᠤ᠌ ᠵᠠᠮ ᠦᠭᠡᠢ
1489 ᠰᠣᠶᠣᠯᠵᠢᠬᠤ ᠶ᠋ᠢᠨ ᠲᠤᠯᠠᠳᠠ ᠰᠤᠷᠤᠯᠴᠠᠬᠤ
ᠬᠥᠭᠵᠢᠬᠦ ᠶ᠋ᠢᠨ ᠲᠤᠯᠠᠳᠠ ᠬᠥᠳᠡᠯᠮᠦᠷᠢᠯᠡᠬᠦ
1490 ᠰᠣᠢᠯᠭᠠ ᠰᠠᠢᠲᠠᠢ ᠮᠣᠷᠢᠨ ᠤ᠋ ᠦᠰᠦ ᠨᠢ ᠥᠩᠭᠡ ᠲᠡᠢ
ᠰᠤᠷᠭᠠᠯ ᠰᠠᠢᠲᠠᠢ ᠬᠡᠦᠬᠡᠳ ᠦ᠋ᠨ ᠦᠭᠡ ᠨᠢ ᠠᠶᠠ ᠲᠠᠢ
1491 ᠰᠣᠢᠯᠭᠠ ᠦᠭᠡᠢ ᠮᠠᠯ ᠬᠠᠪᠤᠷ ᠲᠠᠭᠠᠨ ᠮᠠᠭᠤ
ᠰᠣᠷᠢᠯᠭᠠ ᠦᠭᠡᠢ ᠪᠥᠬᠡ ᠪᠠᠷᠢᠯᠳᠤᠭᠠᠨ ᠳ᠋ᠤ᠌ ᠮᠠᠭᠤ
1492 ᠰᠣᠯᠢᠯᠴᠠᠬᠤ ᠳ᠋ᠠᠭᠠᠨ ᠮᠡᠬᠡᠯᠡᠬᠦ ᠶ᠋ᠢ ᠣᠷᠣᠯᠳᠣᠬᠤ
ᠪᠠᠷᠢᠯᠳᠤᠬᠤ ᠳ᠋ᠠᠭᠠᠨ ᠬᠠᠶᠠᠬᠤ ᠶ᠋ᠢ ᠣᠷᠣᠯᠳᠣᠬᠤ
1493 ᠰᠣᠩᠭᠣᠮ (СОНГОМ) ᠪᠠᠶᠠᠨ— ᠰᠤᠷᠭᠠᠯ
ᠡᠷᠬᠢᠮ ᠪᠠᠶᠠᠨ— ᠡᠷᠳᠡᠮ
1494 ᠰᠣᠨᠣᠰᠬᠤ ᠴᠢᠬᠢ
ᠦᠵᠡᠬᠦ ᠨᠢᠳᠦ
1495 ᠰᠣᠨᠣᠰᠤᠭᠰᠠᠨ ᠠ᠋ᠴᠠ ᠦᠵᠡᠭᠰᠡᠨ ᠨᠢ ᠳᠡᠭᠡᠷᠡ
ᠰᠠᠭᠤᠭᠰᠠᠨ ᠠ᠋ᠴᠠ ᠶᠠᠪᠤᠭᠰᠠᠨ ᠨᠢ ᠳᠡᠭᠡᠷᠡ
1496 ᠰᠣᠬᠣᠷ ᠮᠣᠷᠢ ᠵᠠᠮ ᠳ᠋ᠠᠭᠠᠨ ᠪᠦᠳᠦᠷᠢᠬᠦ
ᠰᠣᠭᠲᠣᠭᠤ ᠬᠥᠮᠦᠨ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠪᠦᠳᠦᠷᠢᠬᠦ
1497 ᠰᠣᠬᠣᠷ ᠮᠤᠤᠷ ᠲᠤ᠌ ᠦᠬᠦᠭᠰᠡᠨ ᠬᠤᠯᠤᠭᠠᠨᠠ
ᠶᠠᠳᠠᠷᠠᠭᠰᠠᠨ ᠨᠣᠬᠠᠢ ᠳ᠋ᠤ᠌ ᠥᠭᠢᠷᠡᠭᠰᠡᠨ ᠶᠠᠰᠤ
1498 ᠰᠣᠬᠣᠷ ᠨᠣᠬᠠᠢ ᠤᠯᠢᠶᠠᠴᠢ
ᠰᠣᠭᠲᠣᠭᠤ ᠬᠥᠮᠦᠨ ᠳᠠᠭᠤᠯᠠᠭᠠᠴᠢ
1499 ᠰᠣᠬᠣᠷ ᠬᠥᠮᠦᠨ ᠬᠠᠷᠠᠬᠤ ᠶ᠋ᠢ ᠬᠦᠰᠡᠬᠦ
ᠳᠦᠯᠡᠢ ᠬᠥᠮᠦᠨ ᠲᠤᠭᠤᠯᠬᠤ ᠶ᠋ᠢ ᠬᠦᠰᠡᠬᠦ
1500 ᠰᠣᠬᠣᠷ ᠬᠥᠮᠦᠨ ᠳ᠋ᠦ᠍ ᠡᠳᠦᠷ ᠰᠥᠨᠢ ᠠᠳᠠᠯᠢ
ᠰᠣᠭᠲᠣᠭᠤ ᠬᠥᠮᠦᠨ ᠳ᠋ᠦ᠍ ᠤᠰᠤ ᠴᠠᠢ ᠠᠳᠠᠯᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ᠂ ᠪᠠᠳᠮᠠᠰᠡᠴᠡᠨ᠂ ᠪᠠᠯ
ᠬᠢᠨᠠᠭᠴᠢ᠄ ᠣᠳᠬᠤᠨᠴᠡᠴᠡᠭ᠂ ᠤᠢᠭᠤᠷᠵᠢᠨ ᠣᠳᠬᠣᠨ᠂ ᠪᠠᠯ
