ᠮᠣᠩᠭᠣᠯ ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ ᠳᠡᠭᠡᠵᠢ – ᠳ᠂ ᠵᠠᠶᠠᠭᠠᠪᠠᠭᠠᠲᠤᠷ ᠡᠮᠬᠢᠳᠬᠡᠪᠡ < ᠰ ᠶᠢᠨ ᠠᠢᠮᠠᠭ–1>Монгол зүйр цэцэн үгийн гураван мянган дээж – Д᠂Заяабаатар эмхэтгэв <Сийн аймаг 1 >
7561308 ᠰᠠᠭᠠᠳᠠᠭ ᠨᠤᠮᠤ ᠡᠷᠡ ᠶ᠋ᠢᠨ ᠴᠢᠮᠡᠭ
ᠰᠠᠨᠵᠢᠯᠭᠠ ᠰᠦᠢᠬᠡ ᠡᠮᠡ ᠶ᠋ᠢᠨ ᠴᠢᠮᠡᠭ
1309 ᠰᠠᠭᠠᠳᠠᠭ ᠲᠠᠢ ᠨᠤᠮᠤ
ᠰᠠᠯᠬᠢᠨ ᠠ᠋ᠴᠠ ᠭᠠᠵᠢᠳᠠᠭ
ᠰᠠᠢᠨ ᠬᠥᠮᠦᠨ ᠦ᠌ ᠦᠷᠡ
ᠰᠠᠨᠠᠭᠠᠨ ᠠ᠋ᠴᠠ ᠪᠠᠨ ᠭᠠᠵᠢᠳᠠᠭ ᠦᠭᠡᠢ
1310 ᠰᠠᠭᠠᠯᠢ ᠪᠠᠨ ᠪᠠᠵᠠᠭᠠᠬᠤ ᠪᠠᠷ
ᠰᠠᠪᠠ ᠪᠠᠨ ᠪᠠᠵᠠᠭᠠ
1311 ᠰᠠᠪᠠ ᠳᠦᠭᠦᠷᠡᠩ ᠢᠳᠡᠭᠡ ᠲᠡᠢ
ᠰᠠᠨᠠᠭᠠ ᠳᠦᠭᠦᠷᠡᠩ ᠵᠢᠷᠭᠠᠯ ᠲᠠᠢ
1312 ᠰᠠᠪᠠ ᠶᠢᠷᠲᠢᠨᠴᠦ ᠬᠢᠵᠠᠭᠠᠷ ᠦᠭᠡᠢ
ᠰᠠᠨᠠᠭᠠ ᠪᠣᠳᠣᠯ ᠦᠵᠦᠭᠦᠷ ᠦᠭᠡᠢ
1313 ᠰᠠᠪᠠ ᠨᠢ ᠲᠣᠮᠣ ᠪᠣᠯ
ᠰᠠᠭᠠᠯᠢ ᠨᠢ ᠠᠷᠪᠢᠨ
1314 ᠰᠠᠪᠠ ᠰᠠᠪᠠᠨ ᠠ᠋ᠴᠠ ᠪᠠᠨ ᠬᠣᠵᠢᠳᠠᠳᠠᠭ ᠦᠭᠡᠢ
ᠰᠠᠮᠪᠠᠢ ᠬᠠᠳᠠᠭ ᠠ᠋ᠴᠠ ᠪᠠᠨ ᠳᠤᠲᠠᠳᠠᠭ ᠦᠭᠡᠢ
1315 ᠰᠠᠪᠠ ᠬᠣᠭᠣᠰᠣᠨ ᠪᠤᠴᠠᠭᠠᠳᠠᠭ ᠦᠭᠡᠢ
ᠰᠠᠪᠰᠠᠭ ᠦᠭᠡ ᠬᠡᠯᠡᠳᠡᠭ ᠦᠭᠡᠢ
1316 ᠰᠠᠪᠠᠭᠠ ᠦᠭᠡᠢ ᠨᠣᠬᠠᠢ
ᠰᠠᠷᠠᠨ ᠳ᠋ᠤ᠌ ᠬᠤᠴᠠᠬᠤ
1317 ᠰᠠᠪᠠᠭᠠ ᠦᠭᠡᠢ ᠲᠣᠭᠯᠠᠭᠠᠮ ᠪᠤᠤ ᠲᠣᠭᠯᠠ
ᠰᠠᠨᠠᠮᠰᠠᠷ ᠦᠭᠡᠢ ᠦᠭᠡ ᠪᠤᠤ ᠬᠡᠯᠡ
1318 ᠰᠠᠪᠠᠭᠠ ᠦᠭᠡᠢ ᠬᠥᠮᠦᠨ ᠦ᠌
ᠰᠠᠨᠠᠭᠠ ᠲᠠᠷᠭᠤᠨ
1319 ᠰᠠᠪᠠᠭᠠ ᠦᠭᠡᠢ ᠶᠠᠭᠤᠮᠠᠨ ᠳ᠋ᠤ᠌ ᠰᠠᠪᠠᠴᠢᠵᠤ
ᠰᠡᠮᠡᠵᠡᠨ ᠦ᠌ ᠪᠡᠨ ᠲᠣᠰᠣ ᠶ᠋ᠢ ᠪᠠᠷᠠᠬᠤ
1320 ᠰᠠᠪᠠᠷ ᠰᠠᠢᠨ ᠴᠦ᠍
ᠠᠷᠤᠭ ᠮᠠᠭᠤ ᠪᠣᠯ ᠨᠡᠮᠡᠷᠢ ᠦᠭᠡᠢ
1321 ᠰᠠᠪᠠᠨ ᠤ᠋ ᠭᠬᠢᠷ ᠡᠴᠡ
ᠰᠠᠨᠠᠭᠠᠨ ᠤ᠋ ᠭᠬᠢᠷ ᠬᠡᠴᠡᠭᠦᠦ
1322 ᠰᠠᠪᠠᠨ ᠤ᠋ ᠴᠡᠪᠡᠷ ᠨᠢ ᠭᠠᠳᠠᠨᠠ ᠪᠠᠨ
ᠰᠠᠨᠠᠭᠠᠨ ᠤ᠋ ᠴᠡᠪᠡᠷ ᠨᠢ ᠳᠣᠲᠣᠷᠠ ᠪᠠᠨ
1323 ᠰᠠᠭᠯᠠᠭᠠᠷ ᠮᠣᠳᠣ ᠠᠭᠤᠯᠠ ᠶ᠋ᠢᠨ ᠴᠢᠮᠡᠭ
ᠰᠠᠢᠬᠠᠨ ᠬᠡᠦᠬᠡᠨ ᠭᠡᠷ ᠦ᠋ᠨ ᠴᠢᠮᠡᠭ
1324 ᠰᠠᠭᠰᠠᠭᠤᠷᠠᠵᠤ ᠪᠠᠢᠭᠠᠳ ᠣᠰᠣᠯᠳᠠᠬᠤ
ᠰᠠᠨᠳᠠᠢᠯᠠᠵᠤ ᠪᠠᠢᠭᠠᠳ ᠤᠨᠠᠬᠤ
1325 ᠰᠠᠳᠤᠨ ᠲᠠᠢ ᠬᠥᠮᠦᠨ
ᠰᠠᠯᠠᠭᠠ ᠲᠠᠢ ᠮᠣᠳᠣ
1326 ᠰᠠᠳᠤᠷ ᠰᠠᠮᠠᠭᠤᠨ ᠶᠠᠪᠤᠪᠠᠯ
ᠰᠠᠢᠨ ᠨᠡᠷᠡ ᠪᠡᠨ ᠠᠯᠳᠠᠨᠠ
1327 ᠰᠠᠳᠤᠷ ᠡᠮᠡ ᠭᠡᠷ ᠪᠤᠵᠠᠷᠯᠠᠨᠠ
ᠰᠢᠷᠪᠠᠭᠠ ᠥᠯᠥᠭᠴᠢᠨ ᠬᠣᠲᠠ ᠪᠤᠵᠠᠷᠯᠠᠨᠠ
1328 ᠰᠠᠢᠳ ᠦᠭᠡᠢ ᠳ᠋ᠦ᠍
ᠰᠠᠢᠨ ᠡᠪᠦᠭᠡᠨ ᠰᠠᠢᠳ
1329 ᠰᠠᠢᠵᠢᠷᠠᠨ ᠳᠡᠭᠡᠭᠰᠢᠯᠡᠬᠦ ᠶ᠋ᠢ ᠬᠦᠰᠡᠭᠴᠢᠳ
ᠵᠠᠯᠠᠭᠤ ᠠ᠋ᠴᠠ ᠪᠠᠨ ᠡᠷᠳᠡᠮ ᠰᠤᠷ
1330 ᠰᠠᠢᠨ ᠠᠬᠠ ᠳᠡᠭᠦᠦ
ᠮᠢᠩᠭᠠ ᠪᠠᠢᠭᠰᠠᠨ ᠴᠦ᠍ ᠠᠷᠪᠢᠳᠠᠬᠤ ᠦᠭᠡᠢ
ᠮᠠᠭᠤ ᠠᠬᠠ ᠳᠡᠭᠦᠦ
ᠨᠢᠭᠡ ᠪᠠᠢᠭᠰᠠᠨ ᠴᠦ᠍ ᠪᠠᠭᠠᠳᠠᠬᠤ ᠦᠭᠡᠢ
1331 ᠰᠠᠢᠨ ᠪᠣᠯᠵᠤ ᠭᠡᠪᠡᠯ ᠪᠢ ᠬᠢᠭᠰᠡᠨ ᠭᠡᠳ
ᠰᠠᠭᠠᠷ ᠪᠣᠯᠵᠤ ᠭᠡᠪᠡᠯ ᠲᠡᠷᠡ ᠬᠢᠭᠰᠡᠨ ᠭᠡᠬᠦ
1332 ᠰᠠᠢᠨ ᠪᠡᠷᠭᠡᠨ ᠡᠵᠢ ᠮᠡᠲᠦ
ᠰᠠᠢᠨ ᠪᠡᠷᠢ ᠬᠡᠦᠬᠡᠨ ᠮᠡᠲᠦ
1333 ᠰᠠᠢᠨ ᠭᠡᠳᠡᠭ ᠨᠢ ᠪᠡᠶᠡ ᠳ᠋ᠡᠭᠡᠨ
ᠰᠠᠢᠬᠠᠨ ᠭᠡᠳᠡᠭ ᠨᠢ ᠵᠢᠰᠦᠨ ᠳ᠋ᠡᠭᠡᠨ
1334 ᠰᠠᠢᠨ ᠭᠡᠷᠡᠴᠢ ᠤᠷᠤᠭᠤᠯ ᠳ᠋ᠠᠭᠠᠨ ᠲᠣᠰᠣ ᠲᠠᠢ
ᠮᠠᠭᠤ ᠭᠡᠷᠡᠴᠢ ᠪᠥᠭᠰᠡᠨ ᠳ᠋ᠡᠭᠡᠨ ᠲᠠᠰᠢᠭᠤᠷ ᠲᠠᠢ
1335 ᠰᠠᠢᠨ ᠳᠠᠷᠬᠠᠨ ᠭᠠᠷ ᠢ᠋ᠶ᠋ᠠᠨ ᠴᠣᠬᠢᠳᠠᠭ ᠦᠭᠡᠢ
ᠰᠠᠢᠨ ᠣᠶᠣᠳᠠᠯᠴᠢᠨ ᠤᠲᠠᠰᠤ ᠪᠠᠨ ᠵᠠᠩᠭᠢᠳᠳᠠᠭ ᠦᠭᠡᠢ
1336 ᠰᠠᠢᠨ ᠮᠣᠷᠢ ᠵᠠᠮ ᠤ᠋ᠨ ᠬᠠᠨᠢ
ᠰᠠᠢᠨ ᠡᠬᠡᠨᠡᠷ ᠨᠠᠰᠤᠨ ᠤ᠋ ᠬᠠᠨᠢ
1337 ᠰᠠᠢᠨ ᠮᠣᠷᠢ ᠰᠠᠯᠬᠢᠰᠠᠭ
ᠰᠠᠢᠨ ᠡᠷᠡ ᠨᠠᠢᠷᠰᠠᠭ
1338 ᠰᠠᠢᠨ ᠮᠣᠷᠢ ᠴᠢᠬᠢᠨ ᠳ᠋ᠡᠭᠡᠨ
ᠰᠠᠢᠨ ᠡᠷᠡ ᠨᠢᠳᠦᠨ ᠳ᠋ᠡᠭᠡᠨ
1339 ᠰᠠᠢᠨ ᠮᠣᠷᠢ ᠡᠮᠡᠭᠡᠯ ᠪᠢᠰᠢ
ᠰᠠᠢᠬᠠᠨ ᠴᠢᠷᠠᠢ ᠳᠡᠪᠡᠯ ᠪᠢᠰᠢ
1340 ᠰᠠᠢᠨ ᠮᠣᠷᠢ ᠡᠴᠡᠬᠦ ᠦᠭᠡᠢ
ᠰᠠᠢᠨ ᠬᠥᠮᠦᠨ ᠭᠤᠲᠤᠬᠤ ᠦᠭᠡᠢ
1341 ᠰᠠᠢᠨ ᠮᠣᠷᠢ ᠶ᠋ᠢ ᠭᠤᠷᠪᠠ ᠭᠤᠶᠠᠳᠠᠪᠠᠯ ᠰᠢᠷᠪᠠᠭᠠ ᠪᠣᠯᠬᠤ
ᠰᠠᠢᠨ ᠦᠭᠡ ᠶ᠋ᠢ ᠭᠤᠷᠪᠠ ᠬᠡᠯᠡᠪᠡᠯ ᠴᠠᠯᠴᠢᠶᠠ ᠪᠣᠯᠬᠤ
1342 ᠰᠠᠢᠨ ᠮᠣᠷᠢ ᠶ᠋ᠢ ᠲᠠᠰᠢᠭᠤᠷᠳᠠᠭᠰᠠᠭᠠᠷ ᠬᠠᠱᠠᠩ ᠪᠣᠯᠭᠠᠬᠤ
ᠰᠠᠢᠨ ᠬᠥᠮᠦᠨ ᠢ᠋ ᠵᠥᠭᠡᠭᠰᠡᠭᠡᠷ ᠮᠠᠭᠤ ᠪᠣᠯᠭᠠᠬᠤ
1343 ᠰᠠᠢᠨ ᠮᠣᠷᠢᠨ ᠳ᠋ᠤ᠌ ᠭᠠᠭᠴᠠ ᠡᠮᠡᠭᠡᠯ
ᠰᠠᠢᠨ ᠬᠡᠦᠬᠡᠨ ᠳ᠋ᠦ᠍ ᠨᠢᠭᠡ ᠡᠷᠡ
1344 ᠰᠠᠢᠨ ᠮᠣᠷᠢᠨ ᠳ᠋ᠤ᠌ ᠡᠵᠡᠨ ᠣᠯᠠᠨ
ᠰᠠᠢᠨ ᠬᠥᠮᠦᠨ ᠳ᠋ᠦ᠍ ᠨᠥᠬᠥᠷ ᠣᠯᠠᠨ
1345 ᠰᠠᠢᠨ ᠮᠠᠭᠤ ᠦᠭᠡ ᠶ᠋ᠢ ᠢᠯᠭᠠᠵᠤ ᠰᠤᠷ
ᠬᠠᠷᠠ ᠴᠠᠭᠠᠨ ᠬᠡᠷᠡᠭ ᠢ᠋ ᠰᠠᠯᠭᠠᠵᠤ ᠰᠤᠷ
1346 ᠰᠠᠢᠨ ᠮᠠᠭᠤ ᠬᠣᠶᠠᠷ ᠰᠡᠳᠬᠢᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠢᠯᠭᠠᠷᠠᠬᠤ
ᠲᠤᠰᠠ ᠬᠣᠣᠷ ᠬᠣᠶᠠᠷ ᠦᠢᠯᠡ ᠪᠡᠷ ᠢ᠋ᠶ᠋ᠡᠨ ᠢᠯᠭᠠᠷᠠᠬᠤ
1347 ᠰᠠᠢᠨ ᠮᠠᠭᠤ ᠢᠯᠭᠠᠪᠤᠷᠢ ᠲᠠᠢ
ᠰᠠᠢᠳ ᠲᠦᠰᠢᠮᠡᠳ ᠬᠡᠮᠵᠢᠶᠡ ᠲᠡᠢ
1348 ᠰᠠᠢᠨ ᠮᠠᠭᠤ ᠶ᠋ᠢᠨ ᠰᠠᠪᠠ ᠨᠢᠭᠡ
ᠰᠠᠭᠠᠳᠠᠭ ᠨᠤᠮᠤ ᠶ᠋ᠢᠨ ᠬᠦᠴᠦ ᠨᠢᠭᠡ
1349 ᠰᠠᠢᠨ ᠨᠣᠶᠠᠨ ᠭᠡᠭᠡᠨ ᠨᠠᠷᠠᠨ ᠮᠡᠲᠦ
ᠰᠠᠭᠠᠷ ᠨᠣᠶᠠᠨ ᠮᠤᠬᠤᠷ ᠬᠤᠴᠠ ᠮᠡᠲᠦ
1350 ᠰᠠᠢᠨ ᠨᠣᠬᠠᠢ ᠬᠣᠲᠠ ᠪᠠᠨ ᠰᠠᠬᠢᠨᠠ
ᠮᠠᠭᠤ ᠡᠮᠡ ᠡᠭᠦᠳᠡ ᠭᠡᠰᠦᠨᠡ
1351 ᠰᠠᠢᠨ ᠨᠥᠬᠥᠷ ᠴᠢᠯᠠᠭᠤᠨ ᠬᠡᠷᠡᠮ ᠡᠴᠡ ᠴᠦ᠍ ᠪᠠᠲᠤ
ᠰᠠᠢᠨ ᠮᠣᠷᠢ ᠬᠠᠷᠴᠠᠭᠠᠢ ᠰᠢᠪᠠᠭᠤᠨ ᠠ᠋ᠴᠠ ᠴᠦ᠍ ᠬᠤᠷᠳᠤᠨ
1352 ᠰᠠᠢᠨ ᠨᠢ ᠮᠠᠭᠤ ᠪᠠᠨ ᠳᠠᠷᠤᠯᠠᠨᠠ
ᠮᠤᠤᠷ ᠬᠤᠯᠤᠭᠠᠨᠠ ᠪᠠᠨ ᠳᠠᠷᠤᠯᠠᠨᠠ
1353 ᠰᠠᠢᠨ ᠨᠡᠷᠡ ᠶ᠋ᠢ ᠠᠯᠳᠠᠪᠠᠯ
ᠮᠠᠭᠤ ᠨᠡᠷᠡ ᠪᠠᠯᠠᠷᠠᠬᠤ ᠦᠭᠡᠢ
1354 ᠰᠠᠢᠨ ᠨᠡᠷᠡ ᠶ᠋ᠢ ᠬᠦᠰᠡᠪᠡᠴᠦ ᠣᠯᠬᠤ ᠳ᠋ᠤ᠌ ᠪᠡᠷᠬᠡ
ᠮᠠᠭᠤ ᠨᠡᠷᠡ ᠶ᠋ᠢ ᠬᠤᠰᠤᠪᠠᠴᠤ ᠠᠷᠢᠯᠭᠠᠬᠤ ᠳ᠋ᠤ᠌ ᠪᠡᠷᠬᠡ
1355 ᠰᠠᠢᠨ ᠰᠠᠨᠠᠭᠠ ᠥᠭᠡᠳᠡ ᠪᠡᠨ
ᠮᠠᠭᠤ ᠰᠠᠨᠠᠭᠠ ᠤᠷᠤᠭᠤ ᠪᠠᠨ
1356 ᠰᠠᠢᠨ ᠰᠠᠨᠠᠭᠠᠨ ᠤ᠋ ᠦᠷᠡ ᠶᠠᠪᠤᠨ ᠶᠠᠪᠤᠵᠤ ᠳᠡᠢᠯᠳᠡᠭ
ᠰᠠᠯᠬᠢᠨ ᠤ᠋ ᠦᠷᠡ ᠶᠠᠪᠤᠨ ᠶᠠᠪᠤᠵᠤ ᠳᠤᠯᠠᠭᠠᠷᠠᠳᠠᠭ
1357 ᠰᠠᠢᠨ ᠰᠠᠨᠠᠭᠠ ᠲᠠᠢ ᠪᠣᠯ ᠪᠤᠷᠬᠠᠨ ᠳᠠᠭᠠᠨᠠ
ᠮᠠᠭᠤ ᠰᠠᠨᠠᠭᠠ ᠲᠠᠢ ᠪᠣᠯ ᠴᠢᠳᠬᠥᠷ ᠳᠠᠭᠠᠨᠠ
1358 ᠰᠠᠢᠨ ᠰᠠᠨᠠᠭᠠᠲᠠᠨ ᠤ᠋ ᠦᠭᠡ ᠨᠢ ᠲᠣᠰᠣ
ᠮᠠᠭᠤ ᠰᠠᠨᠠᠭᠠᠲᠠᠨ ᠤ᠋ ᠦᠭᠡ ᠨᠢ ᠤᠰᠤ
1359 ᠰᠠᠢᠨ ᠰᠡᠳᠬᠢᠯ ᠲᠠᠯᠠ ᠲᠣᠭᠣᠷᠢᠵᠤ
ᠮᠠᠭᠤ ᠰᠡᠳᠬᠢᠯ ᠪᠡᠶᠡ ᠣᠷᠢᠶᠠᠨᠠ
1360 ᠰᠠᠢᠨ ᠲᠡᠮᠦᠷ ᠵᠢᠪᠡᠷᠡᠪᠡᠴᠦ ᠬᠡᠷᠡᠭ ᠲᠡᠢ
ᠰᠠᠢᠨ ᠬᠥᠮᠦᠨ ᠥᠲᠡᠯᠪᠡᠴᠦ ᠬᠦᠨᠳᠦ ᠲᠡᠢ
1361 ᠰᠠᠢᠨ ᠤᠬᠠᠭᠠᠨᠲᠤ ᠬᠥᠮᠦᠨ
ᠠᠰᠢᠳᠠ ᠥᠪᠡᠷ ᠦ᠋ᠨ ᠭᠡᠮ ᠢ᠋ ᠰᠢᠨᠵᠢᠯᠡᠨᠡ
ᠰᠠᠪᠠᠭᠠ ᠦᠭᠡᠢ ᠬᠥᠮᠦᠨ
ᠢᠮᠠᠭᠲᠠ ᠪᠤᠰᠤᠳ ᠤ᠋ᠨ ᠭᠡᠮ ᠢ᠋ ᠰᠢᠨᠵᠢᠯᠡᠨᠡ
1362 ᠰᠠᠢᠨ ᠦᠢᠯᠡᠰ ᠦ᠋ᠨ ᠨᠡᠷᠡ ᠶ᠋ᠢ
ᠰᠠᠳᠤᠷ ᠶᠠᠪᠤᠳᠠᠯ ᠪᠠᠯᠠᠯᠤᠨᠠ
1363 ᠰᠠᠢᠨ ᠬᠠᠪᠤᠷ ᠴᠠᠰᠤ ᠲᠠᠢ
ᠮᠠᠭᠤ ᠨᠠᠮᠤᠷ ᠪᠣᠷᠣᠭᠠ ᠲᠠᠢ
1364 ᠰᠠᠢᠨ ᠬᠥᠮᠦᠨ ᠠᠵᠢᠯ ᠬᠢᠭᠰᠡᠨ ᠢ᠋ᠶ᠋ᠡᠨ ᠰᠠᠢᠷᠬᠠᠬᠤ
ᠮᠠᠭᠤ ᠬᠥᠮᠦᠨ ᠭᠡᠳᠡᠰᠦ ᠴᠠᠳᠤᠭᠰᠠᠨ ᠢ᠋ᠶ᠋ᠠᠨ ᠰᠠᠢᠷᠬᠠᠬᠤ
1365 ᠰᠠᠢᠨ ᠬᠥᠮᠦᠨ ᠠᠵᠢᠯ ᠳ᠋ᠠᠭᠠᠨ
ᠮᠠᠭᠤ ᠬᠥᠮᠦᠨ ᠢᠳᠡᠬᠦ ᠳ᠋ᠡᠭᠡᠨ
1366 ᠰᠠᠢᠨ ᠬᠥᠮᠦᠨ ᠠᠵᠢᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ
ᠰᠠᠭᠰᠠᠭᠤ ᠬᠥᠮᠦᠨ ᠠᠮᠠ ᠪᠠᠷ ᠢ᠋ᠶ᠋ᠠᠨ
1367 ᠰᠠᠢᠨ ᠬᠥᠮᠦᠨ ᠪᠣᠯᠭᠠᠨ ᠳ᠋ᠤ᠌
ᠰᠠᠢᠨ ᠮᠠᠭᠤ ᠨᠡᠷᠡ ᠬᠣᠣᠰᠯᠠᠵᠤ ᠶᠠᠪᠤᠳᠠᠭ
1368 ᠰᠠᠢᠨ ᠬᠥᠮᠦᠨ ᠵᠥᠪᠰᠢᠶᠡᠭᠡᠴᠢ
ᠰᠠᠢᠨ ᠮᠣᠷᠢ ᠬᠠᠲᠠᠷᠢᠭᠠᠴᠢ
1369 ᠰᠠᠢᠨ ᠬᠥᠮᠦᠨ ᠮᠣᠷᠢ ᠪᠠᠨ ᠬᠠᠷᠠᠵᠤ
ᠰᠠᠢᠬᠠᠨ ᠲᠤᠭᠤᠯ ᠰᠡᠭᠦᠯ ᠢ᠋ᠶ᠋ᠡᠨ ᠬᠠᠷᠠᠬᠤ
1370 ᠰᠠᠢᠨ ᠬᠥᠮᠦᠨ ᠮᠠᠭᠤ ᠲᠠᠢ
ᠰᠠᠢᠨ ᠮᠣᠷᠢ ᠴᠤᠤ ᠲᠠᠢ
1371 ᠰᠠᠢᠨ ᠬᠥᠮᠦᠨ ᠨᠥᠬᠥᠷᠰᠡᠭ
ᠮᠠᠭᠤ ᠬᠥᠮᠦᠨ ᠠᠮᠢᠨᠴᠢ
1372 ᠰᠠᠢᠨ ᠬᠥᠮᠦᠨ ᠨᠤᠲᠤᠭ ᠲᠠᠭᠠᠨ ᠠᠭᠤᠯᠠ
ᠮᠠᠭᠤ ᠬᠥᠮᠦᠨ ᠨᠤᠲᠤᠭ ᠲᠠᠭᠠᠨ ᠣᠭᠣᠯᠢ
1373 ᠰᠠᠢᠨ ᠬᠥᠮᠦᠨ ᠨᠢᠭᠡ ᠦᠭᠡᠨ ᠳ᠋ᠦ᠍
ᠰᠠᠢᠨ ᠮᠣᠷᠢ ᠨᠢᠭᠡ ᠲᠠᠰᠢᠭᠤᠷ ᠲᠤ᠌
1374 ᠰᠠᠢᠨ ᠬᠥᠮᠦᠨ ᠨᠡᠷᠡ ᠪᠡᠨ ᠬᠠᠢᠷᠠᠯᠠᠨᠠ
ᠲᠣᠭᠣᠰ ᠰᠢᠪᠠᠭᠤ ᠰᠡᠭᠦᠯ ᠢ᠋ᠶ᠋ᠡᠨ ᠬᠠᠢᠷᠠᠯᠠᠨᠠ
1375 ᠰᠠᠢᠨ ᠬᠥᠮᠦᠨ ᠦᠭᠡ ᠪᠡᠷ
ᠰᠠᠢᠪᠤᠷ ᠮᠣᠷᠢ ᠵᠢᠷᠣᠭᠠ ᠪᠠᠷ
1376 ᠰᠠᠢᠨ ᠬᠥᠮᠦᠨ ᠡᠪᠳᠡᠷᠡᠬᠦ ᠨᠢ ᠪᠡᠷᠬᠡ
ᠰᠠᠭᠠᠷ ᠬᠥᠮᠦᠨ ᠬᠠᠨᠢᠯᠠᠬᠤ ᠨᠢ ᠪᠡᠷᠬᠡ
1377 ᠰᠠᠢᠨ ᠬᠥᠮᠦᠨ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ
ᠮᠠᠭᠤ ᠬᠥᠮᠦᠨ ᠢᠳᠡᠭᠰᠡᠨ ᠢ᠋ᠶ᠋ᠡᠨ
1378 ᠰᠠᠢᠨ ᠬᠥᠮᠦᠨ ᠳ᠋ᠦ᠍ ᠰᠠᠭᠠᠳ ᠣᠯᠠᠨ
ᠮᠠᠭᠤ ᠬᠥᠮᠦᠨ ᠳ᠋ᠦ᠍ ᠵᠤᠭᠠ ᠣᠯᠠᠨ
1379 ᠰᠠᠢᠨ ᠬᠥᠮᠦᠨ ᠳ᠋ᠦ᠍ ᠲᠠᠯᠠ ᠣᠯᠠᠨ
ᠰᠠᠭᠠᠷ ᠬᠥᠮᠦᠨ ᠳ᠋ᠦ᠍ ᠶᠠᠯᠠ ᠣᠯᠠᠨ
1380 ᠰᠠᠢᠨ ᠬᠥᠮᠦᠨ ᠦ᠌ ᠵᠠᠩ ᠬᠤᠪᠢᠷᠠᠳᠠᠭ ᠦᠭᠡᠢ
ᠰᠢᠵᠢᠷ ᠠᠯᠲᠠᠨ ᠤ᠋ ᠥᠩᠭᠡ ᠬᠤᠪᠢᠷᠠᠳᠠᠭ ᠦᠭᠡᠢ
1381 ᠰᠠᠢᠨ ᠬᠥᠮᠦᠨ ᠦ᠌ ᠨᠡᠷᠡ ᠰᠠᠨᠠᠭᠳᠠᠬᠤ
ᠰᠠᠭᠠᠷ ᠬᠥᠮᠦᠨ ᠦ᠌ ᠨᠡᠷᠡ ᠮᠠᠷᠲᠠᠭᠳᠠᠬᠤ
1382 ᠰᠠᠢᠨ ᠬᠥᠮᠦᠨ ᠦ᠌ ᠨᠡᠷᠡ ᠶ᠋ᠢ
ᠮᠠᠭᠤ ᠬᠥᠮᠦᠨ ᠭᠤᠲᠤᠭᠠᠳᠠᠭ
ᠰᠠᠢᠬᠠᠨ ᠰᠦᠮᠡ ᠶ᠋ᠢᠨ ᠣᠷᠣᠢ ᠶ᠋ᠢ
ᠱᠠᠭᠠᠵᠠᠭᠠᠢ ᠰᠢᠪᠠᠭᠤ ᠪᠤᠵᠠᠷᠯᠠᠳᠠᠭ
1383 ᠰᠠᠢᠨ ᠬᠥᠮᠦᠨ ᠦ᠌ ᠦᠭᠡ ᠰᠢᠷᠦᠭᠦᠨ ᠪᠣᠯᠪᠠᠴᠤ ᠲᠤᠰᠠ ᠲᠠᠢ
ᠮᠠᠭᠤ ᠬᠥᠮᠦᠨ ᠦ᠌ ᠦᠭᠡ ᠵᠥᠭᠡᠯᠡᠨ ᠪᠣᠯᠪᠠᠴᠤ ᠬᠣᠣᠷ ᠲᠠᠢ
1384 ᠰᠠᠢᠨ ᠬᠦᠦ ᠳ᠋ᠦ᠍ ᠪᠦᠦ ᠨᠦᠬᠡ
ᠮᠠᠭᠤ ᠬᠦᠦ ᠳ᠋ᠦ᠍ ᠪᠦᠦ ᠵᠥᠭᠡᠭᠡ
1385 ᠰᠠᠢᠨ ᠬᠡᠦᠬᠡᠨ ᠬᠠᠷᠢ ᠳ᠋ᠤ᠌ ᠭᠠᠷᠬᠤ ᠦᠭᠡᠢ
ᠰᠠᠢᠨ ᠮᠣᠷᠢ ᠨᠤᠲᠤᠭ ᠠᠯᠳᠠᠬᠤ ᠦᠭᠡᠢ
1386 ᠰᠠᠢᠨ ᠰᠢᠪᠠᠭᠤ ᠮᠣᠳᠣ ᠶ᠋ᠢ ᠰᠢᠯᠢᠨ ᠰᠠᠭᠤᠨᠠ
ᠰᠠᠢᠨ ᠬᠥᠮᠦᠨ ᠬᠥᠮᠦᠨ ᠢ᠋ ᠰᠣᠩᠭᠣᠵᠤ ᠤᠷᠤᠭᠯᠠᠨᠠ
1387 ᠰᠠᠢᠨ ᠡᠳ᠋ ᠰᠠᠢᠷᠬᠠᠯ ᠦᠭᠡᠢ
ᠮᠠᠭᠤ ᠡᠳ᠋ ᠮᠠᠭᠲᠠᠭᠠᠯ ᠦᠭᠡᠢ
1388 ᠰᠠᠢᠨ ᠡᠮ ᠠᠮᠲᠠ ᠨᠢ ᠭᠠᠰᠢᠭᠤᠨ ᠪᠣᠯᠪᠠᠴᠤ
ᠡᠪᠡᠳᠴᠢᠨ ᠳ᠋ᠦ᠍ ᠲᠤᠰᠠ ᠲᠠᠢ
ᠦᠨᠡᠨ ᠦᠭᠡ ᠴᠢᠬᠢᠨ ᠳ᠋ᠦ᠍ ᠠᠶᠠ ᠦᠭᠡᠢ ᠪᠣᠯᠪᠠᠴᠤ
ᠶᠠᠪᠤᠳᠠᠯ ᠳ᠋ᠤ᠌ ᠲᠤᠰᠠ ᠲᠠᠢ
1389 ᠰᠠᠢᠨ ᠡᠮᠡ ᠬᠠᠨᠢ
ᠮᠠᠭᠤ ᠡᠮᠡ ᠠᠳᠠ
1390 ᠰᠠᠢᠨ ᠡᠮᠡ ᠡᠷᠡ ᠳ᠋ᠡᠭᠡᠨ ᠵᠤᠯᠠ
ᠮᠠᠭᠤ ᠡᠮᠡ ᠡᠷᠡ ᠳ᠋ᠡᠭᠡᠨ ᠪᠤᠯᠤ
1391 ᠰᠠᠢᠨ ᠡᠷᠡ ᠵᠠᠮ ᠤ᠋ᠨ ᠤᠷᠲᠤ ᠳ᠋ᠤ᠌ ᠲᠡᠮᠡᠦᠯᠬᠦ
ᠮᠠᠭᠤ ᠡᠷᠡ ᠵᠠᠮ ᠤ᠋ᠨ ᠣᠢᠷᠠ ᠳ᠋ᠤ᠌ ᠰᠢᠨᠲᠠᠷᠠᠬᠤ
1392 ᠰᠠᠢᠨ ᠡᠷᠡ ᠰᠠᠷᠠ ᠶ᠋ᠢᠨ ᠬᠦᠯᠢᠶᠡᠴᠡ ᠲᠡᠢ
ᠮᠠᠭᠤ ᠡᠷᠡ ᠬᠣᠨᠣᠭ ᠤ᠋ᠨ ᠬᠦᠯᠢᠶᠡᠴᠡ ᠲᠡᠢ
1393 ᠰᠠᠢᠨ ᠡᠷᠡ ᠶ᠋ᠢ ᠵᠣᠪᠠᠯᠠᠩ ᠤᠬᠠᠭᠠᠨ ᠣᠷᠣᠭᠤᠯᠳᠠᠭ
ᠮᠠᠭᠤ ᠡᠷᠡ ᠶ᠋ᠢ ᠵᠣᠪᠠᠯᠠᠩ ᠤᠬᠠᠭᠠᠨ ᠠᠯᠳᠠᠭᠤᠯᠳᠠᠭ
1394 ᠰᠠᠢᠨ ᠡᠷᠡ ᠶ᠋ᠢᠨ ᠰᠠᠨᠠᠭᠠ ᠴᠠᠭᠠᠨ
ᠮᠠᠭᠤ ᠡᠷᠡ ᠶ᠋ᠢᠨ ᠰᠡᠳᠬᠢᠯ ᠬᠠᠷᠠ
1395 ᠰᠠᠢᠨ ᠡᠬᠡᠨᠡᠷ ᠠᠪᠤᠪᠠᠯ ᠰᠠᠷᠠ ᠶ᠋ᠢᠨ ᠭᠤᠷᠪᠠᠨ ᠪᠠᠶᠠᠷ
ᠮᠠᠭᠤ ᠡᠬᠡᠨᠡᠷ ᠠᠪᠤᠪᠠᠯ ᠡᠳᠦᠷ ᠦ᠋ᠨ ᠭᠤᠷᠪᠠᠨ ᠵᠣᠪᠠᠯᠠᠩ
1396 ᠰᠠᠢᠨ ᠶᠠᠭᠤᠮᠠᠨ ᠳ᠋ᠤ᠌ ᠰᠠᠭᠠᠳ ᠶᠡᠬᠡ
ᠰᠠᠮᠠᠭᠤᠨ ᠶᠠᠪᠤᠳᠠᠯ ᠳ᠋ᠤ᠌ ᠬᠣᠣᠷ ᠶᠡᠬᠡ
1397 ᠰᠠᠢᠨ ᠶᠠᠪᠤᠪᠠᠯ ᠦᠷᠡ ᠲᠡᠢ
ᠱᠠᠯᠢᠭ ᠶᠠᠪᠤᠪᠠᠯ ᠶᠠᠷᠠ ᠲᠠᠢ
1398 ᠰᠠᠢᠨ ᠶᠠᠪᠤᠳᠠᠯ ᠰᠠᠮᠠᠭᠤᠨ ᠳ᠋ᠤ᠌ ᠰᠠᠭᠠᠳ
ᠰᠠᠷᠠᠨ ᠤ᠋ ᠭᠡᠷᠡᠯ ᠴᠢᠨᠣᠠ ᠳ᠋ᠤ᠌ ᠰᠠᠭᠠᠳ
1399 ᠰᠠᠢᠨ ᠶᠠᠪᠤᠳᠠᠯᠲᠠᠨ ᠤ᠋ ᠪᠦᠲᠦᠭᠡᠯ ᠨᠢ ᠶᠡᠬᠡ
ᠰᠠᠭᠠᠷ ᠶᠠᠪᠤᠳᠠᠯᠲᠠᠨ ᠤ᠋ ᠬᠥᠨᠥᠭᠡᠯ ᠨᠢ ᠶᠡᠬᠡ
1400 ᠰᠠᠢᠨ ᠶᠠᠪᠤᠳᠠᠯᠲᠠᠨ ᠤ᠋ ᠬᠣᠢᠨᠠ ᠠ᠋ᠴᠠ ᠵᠢᠷᠭᠠᠯ ᠳᠠᠭᠠᠬᠤ
ᠮᠠᠭᠤ ᠶᠠᠪᠤᠳᠠᠯᠲᠠᠨ ᠤ᠋ ᠬᠣᠢᠨᠠ ᠠ᠋ᠴᠠ ᠵᠣᠪᠠᠯᠠᠩ ᠳᠠᠭᠠᠬᠤ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ᠂ ᠰᠠᠷᠠᠨᠲᠤᠶᠠᠭᠠ᠂
ᠬᠢᠨᠠᠭᠴᠢ᠄ ᠪᠣᠯᠣᠳ᠂ ᠣᠳᠬᠣᠨᠴᠡᠴᠡᠭ᠂ ᠪᠠᠯ