ᠮᠣᠩᠭᠣᠯ ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ ᠳᠡᠭᠡᠵᠢ – ᠳ᠂ ᠵᠠᠶᠠᠭᠠᠪᠠᠭᠠᠲᠤᠷ ᠡᠮᠬᠢᠳᠬᠡᠪᠡ <ᠥ 6 ᠶᠢᠨ ᠠᠢᠮᠠᠭ >Монгол зүйр цэцэн үгийн гураван мянган дээж – Д᠂Заяабаатар эмхэтгэв <Өгийн аймаг >
7901181 ᠥᠪ ᠬᠥᠭᠡᠭᠡᠭᠰᠡᠨ ᠬᠥᠮᠦᠨ ᠰᠢᠨᠤᠬᠠᠢ
ᠥᠯ ᠬᠥᠭᠡᠭᠡᠭᠰᠡᠨ ᠬᠥᠮᠦᠨ ᠢᠳᠡᠮᠡᠬᠡᠢ
1182 ᠡᠪᠦᠭᠡᠳ ᠢᠷᠡᠪᠡᠯ ᠦᠭᠡ ᠨᠡᠮᠡᠨᠡ
ᠬᠡᠦᠬᠡᠳ ᠢᠷᠡᠪᠡᠯ ᠬᠦᠴᠦ ᠨᠡᠮᠡᠨᠡ
1183 ᠡᠪᠦᠭᠡᠨ ᠬᠥᠮᠦᠨ ᠳ᠋ᠦ᠍ ᠡᠷᠭᠦᠮᠵᠢ ᠬᠡᠷᠡᠭ ᠲᠡᠢ
ᠵᠠᠯᠠᠭᠤ ᠬᠥᠮᠦᠨ ᠳ᠋ᠦ᠍ ᠰᠤᠷᠭᠠᠮᠵᠢ ᠬᠡᠷᠡᠭ ᠲᠡᠢ
1184 ᠡᠪᠦᠭᠡᠨ ᠬᠥᠮᠦᠨ ᠦ᠌ ᠦᠭᠡ ᠬᠤᠷᠴᠠ
ᠦᠷᠢᠶᠡ ᠮᠣᠷᠢᠨ ᠤ᠋ ᠬᠥᠯ ᠬᠤᠷᠳᠤᠨ᠃
1185 ᠡᠪᠦᠭᠡᠨ ᠦ᠌ ᠰᠠᠢᠬᠠᠨ ᠠᠪᠤᠷᠢ ᠶ᠋ᠢ
ᠥᠭᠡᠳᠡ ᠦᠭᠡᠢ ᠡᠬᠡᠨᠡᠷ ᠭᠤᠲᠤᠭᠠᠬᠤ
1186 ᠥᠪ ᠦᠭᠡᠢ ᠬᠣᠭᠣᠰᠣᠨ
ᠥᠮᠥᠳᠥ ᠦᠭᠡᠢ ᠨᠢᠴᠦᠭᠦᠨ
1187 ᠡᠪᠡᠳᠬᠦ ᠳ᠋ᠦ᠍ ᠡᠮᠴᠢ
ᠥᠲᠡᠯᠬᠦ ᠳ᠋ᠦ᠍ ᠬᠠᠨᠢ
1188 ᠡᠪᠦᠯ ᠦ᠋ᠨ ᠬᠦᠢᠲᠡᠨ ᠬᠠᠪᠤᠷ ᠲᠠᠭᠠᠨ
ᠡᠪᠦᠭᠡᠳ ᠦ᠋ᠨ ᠭᠡᠷᠢᠶᠡᠰ ᠦᠷᠡ ᠳ᠋ᠡᠭᠡᠨ
1189 ᠡᠪᠦᠯ ᠥᠩ ᠲᠡᠢ ᠪᠣᠯ
ᠵᠤᠨ ᠵᠤᠰᠠᠯᠠᠩ ᠰᠠᠢᠲᠠᠢ
1190 ᠡᠪᠦᠯ ᠬᠠᠪᠤᠷ ᠬᠣᠶᠠᠷ ᠨᠡᠢᠯᠡᠪᠡᠯ ᠵᠤᠨ ᠦᠭᠡᠢ
ᠥᠩᠭᠡ ᠮᠥᠩᠭᠥ ᠬᠣᠶᠠᠷ ᠨᠡᠢᠯᠡᠪᠡᠯ ᠶᠣᠰᠣ ᠦᠭᠡᠢ
1191 ᠡᠪᠡᠰᠦ ᠵᠠᠳᠠᠯᠬᠤ ᠳ᠋ᠤ᠌ ᠦᠬᠡᠷ ᠪᠠᠶᠠᠷᠯᠠᠬᠤ
ᠦᠭᠦᠴᠡ ᠵᠠᠳᠠᠯᠬᠤ ᠳ᠋ᠤ᠌ ᠬᠡᠦᠬᠡᠳ ᠪᠠᠶᠠᠷᠯᠠᠬᠤ
1192 ᠡᠪᠡᠰᠦ ᠦᠭᠡᠢ ᠪᠣᠯ ᠮᠠᠯ ᠦᠭᠡᠢ
ᠮᠠᠯ ᠦᠭᠡᠢ ᠪᠣᠯ ᠬᠦᠨᠡᠰᠦ ᠦᠭᠡᠢ
1193 ᠡᠪᠡᠰᠦ ᠪᠡᠨ ᠵᠤᠨ ᠪᠠᠵᠠᠭᠠ
ᠲᠡᠷᠭᠡ ᠪᠡᠨ ᠡᠪᠦᠯ ᠪᠠᠵᠠᠭᠠ
1194 ᠡᠪᠡᠰᠦᠨ ᠳ᠋ᠦ᠍ ᠣᠷᠢᠶᠠᠪᠠᠴᠤ ᠦᠬᠡᠷ ᠢᠳᠡᠬᠦ ᠦᠭᠡᠢ
ᠥᠭᠡᠬᠦᠨ ᠳ᠋ᠦ᠍ ᠣᠷᠢᠶᠠᠪᠠᠴᠤ ᠨᠣᠬᠠᠢ ᠢᠳᠡᠬᠦ ᠦᠭᠡᠢ
1195 ᠡᠪᠡᠰᠦ ᠲᠡᠢ ᠭᠠᠵᠠᠷ ᠮᠠᠯ ᠲᠣᠭᠲᠠᠳᠠᠭ ᠦᠭᠡᠢ
ᠵᠢᠷᠭᠠᠯ ᠲᠠᠢ ᠭᠠᠵᠠᠷ ᠬᠥᠮᠦᠨ ᠲᠣᠭᠲᠠᠳᠠᠭ ᠦᠭᠡᠢ
1196 ᠥᠭᠪᠡᠯ ᠪᠤᠤ ᠦᠭᠡᠯᠡ( ᠶᠠᠩᠰᠢᠵᠤ ᠶᠠᠷᠢᠬᠤ)
ᠥᠭᠡᠯᠡᠪᠡᠯ ᠪᠤᠤ ᠥᠭ
1197 ᠥᠭᠯᠢᠭᠡ ᠥᠭᠳᠡᠭ ᠦᠭᠡᠢ ᠪᠠᠶᠠᠨ
ᠦᠭᠡᠢᠷᠡᠭᠰᠡᠨ ᠨᠢ ᠳᠡᠭᠡᠷᠡ
ᠦᠨᠡᠨ ᠢ᠋ ᠮᠡᠳᠡᠳᠡᠭ ᠦᠭᠡᠢ ᠨᠣᠶᠠᠨ
ᠦᠬᠦᠭᠰᠡᠨ ᠨᠢ ᠳᠡᠭᠡᠷᠡ
1198 ᠥᠭᠯᠢᠭᠡ ᠲᠡᠢ ᠬᠥᠮᠦᠨ
ᠦᠬᠦᠯ ᠡᠴᠡ ᠠᠪᠤᠷᠬᠠᠲᠠᠳᠠᠭ
1199 ᠥᠭᠯᠢᠭᠡᠴᠢ ᠬᠥᠮᠦᠨ
ᠥᠪᠡᠷᠲᠡᠭᠡᠨ ᠬᠣᠭᠣᠰᠣᠨ
1200 ᠥᠷᠯᠥᠭᠡ ᠬᠢᠭᠰᠡᠨ ᠢ᠋ᠶ᠋ᠡᠨ ᠦᠳᠡ ᠳ᠋ᠦ᠍ ᠮᠠᠷᠲᠠᠨ
ᠦᠳᠡ ᠳ᠋ᠦ᠍ ᠥᠭᠭᠦᠭᠰᠡᠨ ᠢ᠋ᠶ᠋ᠡᠨ ᠦᠳᠡᠰᠢ ᠮᠠᠷᠲᠠᠬᠤ
1201 ᠥᠷᠯᠥᠭᠡ ᠡᠷᠲᠡ ᠰᠣᠭᠲᠣᠪᠠᠯ
ᠨᠢᠭᠡ ᠡᠳᠦᠷ ᠦ᠋ᠨ ᠵᠣᠪᠠᠯᠠᠩ
ᠥᠭᠡᠳᠡ ᠦᠭᠡᠢ ᠡᠬᠡᠨᠡᠷ ᠠᠪᠤᠪᠠᠯ
ᠨᠢᠭᠡ ᠨᠠᠰᠤᠨ ᠤ᠋ ᠵᠣᠪᠠᠯᠠᠩ
1202 ᠥᠷᠯᠥᠭᠡᠨ ᠦ᠌ ᠳᠤᠯᠠᠭᠠᠨ ᠢ᠋ ᠳᠤᠯᠠᠭᠠᠨ ᠳ᠋ᠤ᠌ ᠪᠤᠤ ᠪᠣᠳᠣ
ᠥᠰᠬᠦ ᠶ᠋ᠢᠨ ᠵᠢᠷᠭᠠᠯ ᠢ᠋ ᠵᠢᠷᠭᠠᠯ ᠳ᠋ᠤ᠌ ᠪᠤᠤ ᠪᠣᠳᠣ
1203 ᠥᠭᠭᠦᠨᠡ ᠭᠡᠪᠡᠯ ᠥᠷᠥᠴᠡ ᠪᠡᠨ ᠲᠠᠲᠠᠭᠠᠳ
ᠠᠪᠤᠨᠠ ᠭᠡᠪᠡᠯ ᠠᠯᠠᠭᠠ ᠪᠠᠨ ᠲᠤᠰᠬᠤ
1204 ᠥᠭᠬᠦ ᠬᠥᠮᠦᠨ ᠰᠠᠭᠤᠮᠠᠲᠠᠭᠠᠢ
ᠠᠪᠬᠤ ᠬᠥᠮᠦᠨ ᠪᠣᠰᠣᠮᠠᠲᠠᠭᠠᠢ
1205 ᠥᠭᠬᠦ ᠬᠥᠮᠦᠨ ᠦᠨᠡᠭᠡᠨ ᠦ᠌ ᠰᠡᠭᠦᠯ ᠢ᠋ᠶ᠋ᠡᠷ ᠢᠯᠢᠳᠡᠭ
ᠠᠪᠬᠤ ᠬᠥᠮᠦᠨ ᠦᠬᠡᠷ ᠦ᠋ᠨ ᠬᠡᠯᠡ ᠪᠡᠷ ᠳᠣᠯᠢᠶᠠᠳᠠᠭ
1206 ᠥᠭᠭᠦᠭᠰᠡᠨ ᠶᠠᠭᠤᠮᠠᠨ ᠳ᠋ᠠᠭᠠᠨ
ᠭᠡᠮᠰᠢᠬᠦ ᠦᠭᠡᠢ ᠪᠣᠯ ᠥᠭᠯᠢᠭᠡᠴᠢ
ᠥᠭᠦᠯᠡᠭᠰᠡᠨ ᠶᠠᠭᠤᠮᠠᠨ ᠳ᠋ᠠᠭᠠᠨ
ᠭᠡᠮᠰᠢᠬᠦ ᠦᠭᠡᠢ ᠪᠣᠯ ᠵᠥᠪᠯᠡᠭᠴᠢ
1207 ᠡᠳᠦᠷ ᠠᠯᠳᠠᠭᠠᠳ ᠰᠥᠨᠢ
ᠦᠬᠡᠷ ᠠᠯᠳᠠᠭᠠᠳ ᠬᠣᠨᠢ
1208 ᠡᠳᠦᠷ ᠪᠦᠭᠦᠳᠡ ᠠᠳᠠᠯᠢ ᠦᠭᠡᠢ
ᠨᠥᠬᠥᠷ ᠪᠦᠭᠦᠳᠡ ᠲᠡᠭᠰᠢ ᠦᠭᠡᠢ
1209 ᠡᠳᠦᠷ ᠦ᠋ᠨ ᠪᠣᠳᠣᠯ
ᠰᠥᠨᠢ ᠶ᠋ᠢᠨ ᠵᠡᠭᠦᠳᠦ
1210 ᠡᠳᠦᠷ ᠦ᠋ᠨ ᠶᠠᠪᠤᠳᠠᠯ ᠢ᠋ᠶ᠋ᠠᠨ ᠰᠥᠨᠢ ᠳ᠋ᠡᠭᠡᠨ ᠪᠣᠳᠣ
ᠮᠠᠷᠭᠠᠰᠢ ᠶ᠋ᠢᠨ ᠶᠠᠪᠤᠳᠠᠯ ᠢ᠋ᠶ᠋ᠠᠨ ᠥᠨᠥᠳᠥᠷ ᠪᠣᠳᠣ
1211 ᠥᠯᠵᠡᠢ ᠦᠭᠡᠢ ᠠᠯᠲᠠᠨ ᠠ᠋ᠴᠠ
ᠥᠯᠵᠡᠢ ᠲᠡᠢ ᠵᠡᠰ ᠳᠡᠭᠡᠷᠡ
1212 ᠥᠯᠥᠩ ᠤᠷᠭᠤᠭᠰᠠᠨ ᠭᠠᠵᠠᠷ
ᠲᠠᠷᠢᠶᠠ ᠪᠤᠤ ᠳᠠᠷᠢ
ᠦᠭᠡᠨ ᠳ᠋ᠡᠭᠡᠨ ᠬᠦᠷᠬᠦ ᠦᠭᠡᠢ ᠬᠥᠮᠦᠨ ᠲᠡᠢ
ᠠᠷᠠᠯᠵᠢᠶᠠ ᠪᠤᠤ ᠬᠢ
1213 ᠥᠯᠥᠰᠦᠭᠡᠳ ᠢᠳᠡᠭᠰᠡᠨ ᠪᠤᠳᠠᠭᠠ ᠰᠢᠬᠢᠷ ᠠᠳᠠᠯᠢ
ᠥᠲᠡᠯᠬᠦ ᠳ᠋ᠦ᠍ ᠲᠥᠷᠥᠭᠰᠡᠨ ᠦᠷᠡ ᠵᠢᠷᠦᠬᠡ ᠠᠳᠠᠯᠢ
1214 ᠥᠯᠥᠰᠬᠦ ᠳ᠋ᠦ᠍ ᠢᠳᠡᠭᠡᠨ ᠦ᠌ ᠠᠮᠲᠠ ᠶ᠋ᠢ ᠮᠡᠳᠡᠬᠦ
ᠲᠠᠭᠠᠷᠠᠬᠤ ᠳ᠋ᠠᠭᠠᠨ ᠬᠤᠪᠴᠠᠰᠤᠨ ᠤ᠋ ᠳᠤᠯᠠᠭᠠᠨ ᠢ᠋ ᠮᠡᠳᠡᠬᠦ
1215 ᠥᠯᠥᠰᠬᠦ ᠳ᠋ᠡᠭᠡᠨ ᠬᠤᠯᠠᠭᠠᠢᠴᠢ ᠪᠣᠯᠬᠤ
ᠥᠰᠬᠦ ᠳ᠋ᠡᠭᠡᠨ ᠬᠡᠷᠡᠭᠦᠯᠴᠢ ᠪᠣᠯᠬᠤ
1216 ᠥᠯᠥᠰᠬᠦ ᠪᠡᠨ ᠮᠡᠳᠡᠪᠡᠯ ᠢᠳᠡᠬᠦ ᠪᠡᠨ ᠪᠡᠯᠡᠳᠭᠡ
ᠲᠠᠭᠠᠷᠠᠬᠤ ᠪᠠᠨ ᠮᠡᠳᠡᠪᠡᠯ ᠬᠤᠪᠴᠠᠰᠤ ᠪᠠᠨ ᠪᠡᠯᠡᠳᠭᠡ
1217 ᠥᠮᠥᠳᠥ ᠦᠭᠡᠢ ᠪᠠᠢᠲᠠᠯᠠ ᠪᠠᠨ
ᠡᠪᠦᠳᠦᠭ ᠴᠣᠭᠣᠷᠬᠠᠢ ᠶ᠋ᠢ ᠡᠯᠡᠭᠯᠡᠬᠦ
1218 ᠥᠮᠥᠭ ᠲᠡᠢ ᠬᠥᠮᠦᠨ ᠦ᠌ ᠦᠭᠡ ᠪᠠᠷᠳᠠᠮ
ᠲᠦᠰᠢᠭ ᠲᠡᠢ ᠬᠥᠮᠦᠨ ᠦ᠌ ᠣᠮᠣᠭ ᠶᠡᠬᠡ
1219 ᠥᠩᠭᠡ ᠮᠥᠩᠭᠥ ᠨᠡᠢᠯᠡᠪᠡᠯ
ᠦᠨᠡᠨ ᠬᠤᠳᠠᠯ ᠢᠯᠭᠠᠷᠠᠬᠤ ᠦᠭᠡᠢ
ᠥᠷᠯᠥᠭᠡ ᠦᠳᠡᠰᠢ ᠵᠢᠪᠠᠷᠯᠠᠪᠠᠯ
ᠡᠪᠦᠯ ᠬᠠᠪᠤᠷ ᠢᠯᠭᠠᠷᠠᠬᠤ ᠦᠭᠡᠢ
1220 ᠥᠩᠭᠡ ᠮᠥᠩᠭᠥ ᠳ᠋ᠦ᠍ ᠪᠤᠤ ᠰᠢᠨᠤᠬᠠᠢᠷᠠ
ᠡᠪᠦᠭᠡ ᠳᠡᠭᠡᠳᠦᠰ ᠢ᠋ᠶ᠋ᠡᠨ ᠪᠤᠤ ᠭᠣᠳᠣᠭᠠ
1221 ᠥᠩᠭᠡ ᠮᠥᠩᠭᠥᠨ ᠦ᠌ ᠰᠠᠢᠬᠠᠨ ᠠ᠋ᠴᠠ
ᠦᠷᠦ ᠵᠢᠷᠦᠬᠡᠨ ᠦ᠌ ᠰᠠᠢᠨ ᠨᠢ
1222 ᠥᠩᠭᠡ ᠬᠥᠭᠡᠭᠡᠭᠰᠡᠨ ᠬᠥᠮᠦᠨ ᠤᠷᠪᠠᠮᠠᠲᠠᠭᠠᠢ
ᠡᠪᠡᠰᠦ ᠬᠥᠭᠡᠭᠡᠭᠰᠡᠨ ᠮᠠᠯ ᠡᠴᠡᠮᠡᠬᠡᠢ
1223 ᠥᠩᠭᠡᠨ ᠳ᠋ᠦ᠍ ᠪᠤᠤ ᠬᠠᠭᠤᠷᠲᠠ
ᠥᠷᠢᠨ ᠳ᠋ᠦ᠍ ᠪᠤᠤ ᠪᠠᠷᠢᠭᠳᠠ
1224 ᠥᠩᠭᠡᠷᠡᠬᠦ ᠴᠠᠭ ᠲᠦᠷᠭᠡᠨ
ᠥᠰᠬᠦ ᠨᠠᠰᠤ ᠬᠤᠷᠳᠤᠨ
1225 ᠥᠩᠭᠡᠨ ᠳ᠋ᠦ᠍ ᠦᠬᠦᠵᠦ
ᠮᠥᠩᠭᠥᠨ ᠳ᠋ᠦ᠍ ᠮᠥᠬᠥᠳᠡᠭ
1226 ᠥᠩᠭᠡᠷᠡᠬᠦ ᠴᠠᠭ ᠡᠷᠭᠢᠯᠲᠡ ᠲᠡᠢ
ᠥᠰᠬᠦ ᠨᠠᠰᠤ ᠪᠤᠴᠠᠯᠲᠠ ᠦᠭᠡᠢ
1227 ᠥᠩᠭᠡᠷᠡᠭᠰᠡᠨ ᠪᠣᠷᠣᠭᠠᠨ ᠤ᠋ ᠬᠣᠢᠨᠠ ᠠ᠋ᠴᠠ
ᠴᠤᠪᠠ ᠪᠠᠨ ᠨᠥᠮᠥᠷᠬᠦ
1228 ᠥᠩᠭᠡᠷᠡᠭᠰᠡᠨ ᠰᠠᠢᠨ ᠢ᠋ ᠦᠯᠢᠭᠡᠷᠯᠡᠨ ᠳᠠᠭᠤᠷᠢᠶᠠ
ᠢᠷᠡᠭᠡᠳᠦᠢ ᠶ᠋ᠢᠨ ᠰᠠᠢᠨ ᠢ᠋ ᠤᠭᠲᠤᠭᠤᠯᠤᠨ ᠪᠣᠳᠣ
1229 ᠥᠩᠭᠡᠲᠦ ᠳᠥᠯᠥᠨ ᠦ᠌ ᠳᠦᠷᠰᠦ ᠬᠣᠭᠣᠰᠣᠨ
ᠦᠳᠡᠰᠢ ᠶ᠋ᠢᠨ ᠵᠡᠭᠦᠳᠦᠨ ᠦ᠌ ᠦᠢᠯᠡ ᠬᠣᠭᠣᠰᠣᠨ
1230 ᠥᠩᠭᠡ ᠲᠡᠢ ᠬᠥᠮᠦᠨ ᠦ᠌ ᠥᠩᠭᠡ ᠶ᠋ᠢ ᠬᠠᠷᠠᠵᠤ
ᠥᠭᠡᠬᠦ ᠲᠡᠢ ᠮᠢᠬᠠᠨ ᠤ᠋ ᠭᠠᠳᠠᠷ ᠢ᠋ ᠬᠠᠷᠠᠬᠤ
1231 ᠥᠩᠭᠡ ᠲᠡᠢ ᠡᠴᠡ ᠤᠬᠠᠭᠠᠨ ᠲᠠᠢ ᠨᠢ ᠳᠡᠭᠡᠷᠡ
ᠥᠯᠥᠨ ᠡᠴᠡ ᠴᠠᠳᠬᠤᠯᠠᠩ ᠨᠢ ᠳᠡᠭᠡᠷᠡ
1232 ᠥᠨᠳᠡᠭᠡᠨ ᠡᠴᠡ ᠦ ᠡᠷᠢᠵᠦ
ᠥᠭᠡᠬᠦᠨ ᠡᠴᠡ ᠰᠢᠷᠪᠥᠰᠥ ᠡᠷᠢᠬᠦ
1233 ᠥᠨᠳᠥᠷ ᠳᠡᠭᠡᠷᠡ ᠡᠴᠡ ᠦᠶᠡᠷ ᠪᠠᠭᠤᠪᠠᠯ
ᠦᠨᠳᠦᠰᠦ ᠡᠪᠡᠰᠦ ᠶ᠋ᠢ ᠢᠯᠭᠠᠬᠤ ᠦᠭᠡᠢ
ᠦᠢᠯᠡ ᠵᠣᠪᠠᠯᠠᠩ ᠬᠠᠶᠠᠭᠠᠨ ᠳ᠋ᠤ᠌ ᠢᠷᠡᠪᠡᠯ
ᠦᠳᠡᠯᠦᠭᠡ ᠵᠠᠯᠠᠭᠤ ᠶ᠋ᠢ ᠢᠯᠭᠠᠬᠤ ᠦᠭᠡᠢ
1234 ᠥᠨᠳᠥᠷ ᠨᠢ ᠦᠵᠡᠭᠡᠳ ᠢᠨᠢᠶᠡᠬᠦ ᠳ᠋ᠦ᠍
ᠨᠠᠮᠬᠠᠨ ᠨᠢ ᠳᠠᠭᠤᠷᠢᠶᠠᠵᠤ ᠪᠠᠶᠠᠷᠯᠠᠬᠤ
1235 ᠥᠨᠳᠥᠷ ᠲᠩᠷᠢ ᠡᠴᠢᠭᠡ
ᠥᠷᠭᠡᠨ ᠳᠠᠯᠠᠢ ᠡᠬᠡ
1236 ᠥᠨᠳᠥᠷ ᠠᠭᠤᠯᠠ
ᠦᠶᠡᠷ ᠡᠴᠡ ᠠᠶᠤᠬᠤ ᠦᠭᠡᠢ
1237 ᠥᠨᠳᠥᠷ ᠠᠭᠤᠯᠠ ᠣᠷᠣᠢ ᠳ᠋ᠠᠭᠠᠨ ᠴᠠᠰᠤ ᠲᠠᠢ
ᠥᠨᠥᠴᠢᠨ ᠬᠥᠮᠦᠨ ᠰᠡᠳᠬᠢᠯ ᠳ᠋ᠡᠭᠡᠨ ᠵᠣᠪᠠᠯᠠᠩ ᠲᠠᠢ
1238 ᠥᠨᠳᠥᠷ ᠠᠭᠤᠯᠠ ᠴᠢᠯᠠᠭᠤ ᠪᠠᠷ ᠢ᠋ᠶ᠋ᠠᠨ
ᠤᠷᠭᠤᠭᠠ ᠮᠣᠳᠣ ᠦᠨᠳᠦᠰᠦ ᠪᠡᠷ ᠢ᠋ᠶ᠋ᠡᠨ
1239 ᠥᠨᠳᠥᠷ ᠠᠭᠤᠯᠠ ᠶ᠋ᠢᠨ ᠨᠥᠮᠥᠷᠢ ᠰᠠᠢᠬᠠᠨ
ᠡᠪᠦᠭᠡᠨ ᠬᠥᠮᠦᠨ ᠦ᠌ ᠲᠦᠰᠢᠭ ᠰᠠᠢᠬᠠᠨ
1240 ᠥᠨᠳᠥᠷ ᠲᠦ᠍ ᠳᠤᠷᠠᠯᠠᠭᠠᠳ ᠯᠠ ᠪᠠᠢᠪᠠᠯ
ᠥᠭᠡᠳᠡᠯᠡᠬᠦ ᠵᠠᠮ ᠨᠢ ᠠᠬᠢᠬᠤ ᠦᠭᠡᠢ
1241 ᠥᠨᠳᠥᠷ ᠦ᠋ᠨ ᠡᠴᠦᠰ ᠲᠦ᠍ ᠨᠤᠷᠠᠬᠤ
ᠲᠥᠷᠥᠭᠰᠡᠨ ᠦ᠌ ᠡᠴᠦᠰ ᠲᠦ᠍ ᠦᠬᠦᠬᠦ
1242 ᠥᠨᠳᠥᠷ ᠡᠴᠡ ᠪᠠᠭᠤᠭᠰᠠᠨ ᠤᠰᠤ ᠬᠡᠴᠡᠭᠦᠦ
ᠦᠷᠪᠡᠯᠵᠡᠬᠦ ᠭᠠᠯ ᠤ᠋ᠨ ᠳᠥᠯᠥ ᠬᠡᠴᠡᠭᠦᠦ
1243 ᠥᠨᠥᠴᠢᠨ ᠭᠡᠵᠦ ᠪᠤᠤ ᠭᠤᠨᠢᠭᠯᠠ
ᠥᠨᠢᠷ ᠭᠡᠵᠦ ᠪᠤᠤ ᠰᠠᠭᠰᠠᠭᠤᠷᠠ
1244 ᠥᠨᠥᠴᠢᠨ ᠦ᠌ ᠭᠠᠰᠠᠯᠠᠩ ᠪᠤᠮᠠᠨ ᠪᠡᠷᠬᠡ
ᠡᠪᠡᠳᠴᠢᠨ ᠦ᠌ ᠵᠣᠪᠠᠯᠠᠩ ᠲᠦᠮᠡᠨ ᠪᠡᠷᠬᠡ
1245 ᠦ ᠡᠷᠢᠵᠦ
ᠬᠦ ᠲᠦᠷᠬᠢᠬᠦ
1246 ᠥᠭᠡᠳᠡᠯᠡᠬᠦ ᠠᠢᠯ ᠤ᠋ᠨ ᠦᠭᠡ ᠨᠢ ᠨᠢᠭᠡ
ᠥᠰᠬᠦ ᠮᠠᠯ ᠤ᠋ᠨ ᠵᠢᠰᠦ ᠨᠢ ᠨᠢᠭᠡ
1247 ᠥᠭᠡᠳᠡᠯᠡᠬᠦ ᠬᠥᠮᠦᠨ ᠡᠳᠦᠷ ᠢ᠋ᠶ᠋ᠡᠷ ᠪᠠᠶᠠᠵᠢᠬᠤ
ᠦᠭᠡᠢᠷᠡᠬᠦ ᠬᠥᠮᠦᠨ ᠰᠥᠨᠢ ᠪᠡᠷ ᠪᠠᠶᠠᠵᠢᠬᠤ
1248 ᠥᠭᠡᠳᠡᠯᠡᠬᠦ ᠴᠠᠭ ᠤ᠋ᠨ ᠨᠠᠢᠵᠠ
ᠦᠬᠡᠷ ᠦ᠋ᠨ ᠦᠰᠦᠨ ᠡᠴᠡ ᠣᠯᠠᠨ
ᠤᠷᠤᠭᠤᠳᠠᠬᠤ ᠴᠠᠭ ᠤ᠋ᠨ ᠨᠥᠬᠥᠷ
ᠡᠳᠦᠷ ᠦ᠋ᠨ ᠣᠳᠣ ᠠ᠋ᠴᠠ ᠴᠥᠭᠡᠨ
1249 ᠥᠭᠡᠳᠡᠯᠡᠬᠦ ᠳ᠋ᠦ᠍ ᠣᠮᠣᠭᠰᠢᠬᠤ ᠮᠠᠭᠤ
ᠤᠷᠤᠭᠤᠳᠠᠬᠤ ᠳ᠋ᠤ᠌ ᠭᠤᠲᠤᠷᠠᠬᠤ ᠮᠠᠭᠤ
1250 ᠥᠭᠡᠳᠡᠯᠡᠬᠦ ᠳ᠋ᠦ᠍ ᠰᠠᠨᠠᠬᠤ᠂ ᠰᠡᠷᠡᠬᠦ
ᠤᠷᠤᠭᠤᠳᠠᠬᠤ ᠳ᠋ᠤ᠌ ᠤᠨᠲᠠᠬᠤ᠂ ᠮᠠᠷᠲᠠᠬᠤ
1251 ᠥᠭᠡᠳᠡ ᠪᠡᠨ ᠬᠠᠶᠠᠭᠰᠠᠨ ᠴᠢᠯᠠᠭᠤ
ᠥᠪᠡᠷ ᠦ᠋ᠨ ᠲᠣᠯᠣᠭᠠᠢ ᠳᠡᠭᠡᠷᠡ
1252 ᠥᠭᠡᠳᠡ ᠲᠡᠢ ᠪᠣᠯ ᠤᠷᠤᠭᠤ ᠲᠠᠢ
ᠥᠭᠭᠦᠯᠭᠡ ᠲᠡᠢ ᠪᠣᠯ ᠠᠪᠤᠯᠭᠠ ᠲᠠᠢ
1253 ᠥᠪᠡᠷ ᠢ᠋ ᠪᠡᠨ ᠪᠠᠷᠰ ᠲᠤ ᠲᠣᠭᠠᠯᠠᠪᠠᠯ
ᠪᠤᠰᠤᠳ ᠢ᠋ ᠠᠷᠰᠯᠠᠨ ᠳ᠋ᠤ᠌ ᠲᠣᠭᠠᠯᠠ
1254 ᠥᠪᠡᠷ ᠢ᠋ ᠪᠡᠨ ᠵᠥᠪ ᠭᠡᠳᠡᠭ ᠰᠡᠴᠡᠨ ᠬᠥᠭᠡᠷᠦᠬᠦᠢ
ᠥᠷᠥᠭᠡᠯ ᠢ᠋ ᠪᠤᠷᠤᠭᠤ ᠭᠡᠳᠡᠭ ᠲᠡᠨᠡᠭ ᠬᠥᠭᠡᠷᠦᠬᠦᠢ
1255 ᠥᠪᠡᠷ ᠢ᠋ ᠪᠡᠨ ᠮᠠᠭᠲᠠᠭᠰᠠᠨ ᠬᠥᠮᠦᠨ ᠬᠤᠳᠠᠯᠴᠢ
ᠥᠷᠥᠭᠡᠯ ᠲᠡᠢ ᠪᠡᠨ ᠶᠠᠪᠤᠭᠰᠠᠨ ᠮᠣᠷᠢ ᠬᠣᠯᠠᠴᠢ
1256 ᠥᠪᠡᠷ ᠢ᠋ ᠪᠡᠨ ᠬᠡᠯᠡᠬᠦ ᠳ᠋ᠦ᠍
ᠥᠨᠳᠡᠭᠡ ᠪᠡᠨ ᠳᠠᠷᠤᠭᠰᠠᠨ ᠰᠢᠪᠠᠭᠤ ᠰᠢᠭ᠋
ᠬᠥᠮᠦᠨ ᠢ᠋ ᠬᠡᠯᠡᠬᠦ ᠳ᠋ᠦ᠍
ᠬᠦᠷᠡᠩ ᠡᠷᠢᠶᠡᠨ ᠪᠦᠷᠭᠦᠳ ᠰᠢᠭ
1257 ᠥᠪᠡᠷ ᠦ᠋ᠨ ᠠᠮᠠᠷᠠᠭ ᠲᠤ ᠬᠡᠯᠪᠡᠷᠢᠪᠡᠯ
ᠭᠡᠷ ᠪᠦᠯᠢ ᠡᠪᠳᠡᠷᠡᠬᠦ
ᠬᠤᠪᠢ ᠶ᠋ᠢᠨ ᠠᠰᠢᠭ ᠲᠤ ᠰᠢᠨᠤᠪᠠᠯ
ᠤᠯᠤᠰ ᠣᠯᠠᠨ ᠬᠣᠬᠢᠷᠠᠬᠤ
1258 ᠥᠪᠡᠷ ᠦ᠋ᠨ ᠪᠡᠶᠡ ᠪᠡᠷ ᠵᠦᠢᠷᠯᠡᠵᠦ
ᠪᠤᠰᠤᠳ ᠢ᠋ ᠪᠤᠤ ᠬᠣᠣᠷᠯᠠ
1259 ᠥᠪᠡᠷ ᠦ᠋ᠨ ᠪᠤᠷᠤᠭᠤ ᠶ᠋ᠢ ᠪᠤᠰᠤᠳ ᠠ᠋ᠴᠠ ᠠᠰᠠᠭᠤ
ᠨᠢᠭᠤᠷ ᠤ᠋ᠨ ᠪᠤᠷᠲᠠᠭ ᠢ᠋ ᠲᠣᠯᠢᠨ ᠳ᠋ᠤ᠌ ᠦᠵᠡ
1260 ᠥᠪᠡᠷ ᠦ᠋ᠨ ᠪᠤᠷᠤᠭᠤ ᠶ᠋ᠢ
ᠪᠤᠰᠤᠳ ᠲᠤ ᠨᠢᠯᠵᠠᠭᠠᠵᠤ
ᠪᠤᠰᠤᠳ ᠤ᠋ᠨ ᠭᠠᠪᠢᠶᠠ ᠶ᠋ᠢ
ᠪᠡᠶᠡ ᠳ᠋ᠡᠭᠡᠨ ᠬᠠᠯᠳᠠᠭᠠᠬᠤ
1261 ᠥᠪᠡᠷ ᠦ᠋ᠨ ᠢᠰᠢᠭᠡᠨ ᠦ᠌ ᠬᠦᠵᠦᠭᠦᠨ ᠡᠴᠡ
ᠬᠥᠮᠦᠨ ᠦ᠌ ᠢᠰᠢᠭᠡᠨ ᠦ᠌ ᠬᠦᠵᠦᠭᠦᠦ ᠪᠦᠳᠦᠭᠦᠨ
1262 ᠥᠪᠡᠷ ᠦ᠋ᠨ ᠮᠢᠬᠠ ᠶ᠋ᠢ
ᠬᠥᠮᠦᠨ ᠦ᠌ ᠲᠣᠭᠣᠭᠠᠨ ᠳ᠋ᠤ᠌ ᠴᠢᠨᠠᠳᠠᠭ ᠦᠭᠡᠢ
1263 ᠥᠪᠡᠷ ᠦ᠋ᠨ ᠲᠣᠯᠣᠭᠠᠢ ᠳᠡᠭᠡᠷᠡᠬᠢ ᠪᠤᠬᠠᠯ ᠢ᠋ ᠦᠵᠡᠬᠦ ᠦᠭᠡᠢ
ᠬᠥᠮᠦᠨ ᠦ᠌ ᠲᠣᠯᠣᠭᠠᠢ ᠳᠡᠭᠡᠷᠡᠬᠢ ᠥᠯᠥᠩ ᠢ᠋ ᠦᠵᠡᠬᠦ
1264 ᠥᠪᠡᠷ ᠦ᠋ᠨ ᠦᠷᠡ ᠳᠡᠯᠡᠬᠡᠢ
ᠬᠥᠮᠦᠨ ᠦ᠌ ᠦᠷᠡ ᠮᠡᠯᠡᠬᠡᠢ
1265 ᠥᠪᠡᠷ ᠦ᠋ᠨ ᠬᠣᠵᠢᠭᠢᠷ ᠢ᠋ᠶ᠋ᠠᠨ ᠮᠡᠳᠡᠬᠦ ᠦᠭᠡᠢ
ᠪᠤᠰᠤᠳ ᠤ᠋ᠨ ᠬᠠᠯᠵᠠᠨ ᠢ᠋ ᠡᠯᠡᠭᠯᠡᠬᠦ
1266 ᠥᠪᠡᠷ ᠦ᠋ᠨ ᠬᠡᠦᠬᠡᠨ ᠡᠮᠡᠭᠡᠨ ᠪᠣᠯᠵᠤ
ᠬᠥᠮᠦᠨ ᠦ᠌ ᠡᠬᠡᠨᠡᠷ ᠬᠡᠦᠬᠡᠨ ᠪᠣᠯᠵᠤ ᠦᠵᠡᠭᠳᠡᠬᠦ
1267 ᠥᠪᠡᠷ ᠦ᠋ᠨ ᠶᠠᠭᠤᠮᠠ ᠦᠨᠡ ᠦᠭᠡᠢ
ᠬᠥᠮᠦᠨ ᠦ᠌ ᠶᠠᠭᠤᠮᠠ ᠬᠦᠨᠳᠦ ᠦᠭᠡᠢ
1268 ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠬᠦᠷᠵᠡ ᠶ᠋ᠢ ᠬᠠᠢᠷᠠᠯᠠᠭᠠᠳ
ᠬᠥᠮᠦᠨ ᠦ᠌ ᠰᠢᠨᠠᠭᠠ ᠪᠠᠷ ᠰᠢᠪᠡᠷ ᠬᠤᠳᠬᠤᠬᠤ
1269 ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠡᠬᠡ ᠶ᠋ᠢ ᠬᠦᠨᠳᠦᠯᠡᠭᠰᠡᠨ ᠬᠥᠮᠦᠨ
ᠬᠥᠮᠦᠨ ᠦ᠌ ᠡᠬᠡ ᠶ᠋ᠢ ᠬᠠᠷᠢᠶᠠᠳᠠᠭ ᠦᠭᠡᠢ
1270 ᠥᠪᠡᠷ ᠢ᠋ᠶ᠋ᠡᠨ ᠣᠢᠴᠢᠭᠰᠠᠨ ᠬᠡᠦᠬᠡᠳ ᠤᠬᠢᠯᠠᠳᠠᠭ ᠦᠭᠡᠢ
ᠥᠪᠡᠷ ᠢ᠋ᠶ᠋ᠡᠨ ᠠᠯᠳᠠᠭᠰᠠᠨ ᠬᠥᠮᠦᠨ ᠭᠣᠮᠣᠳᠠᠳᠠᠭ ᠦᠭᠡᠢ
1271 ᠥᠪᠡᠷᠲᠡᠭᠡᠨ ᠪᠠᠢᠳᠠᠭ ᠦᠭᠡᠢ ᠶᠠᠭᠤᠮᠠᠨ ᠳ᠋ᠤ᠌
ᠬᠥᠮᠦᠨ ᠥᠯᠥᠨ ᠬᠣᠪᠳᠣᠭ
1272 ᠥᠪᠡᠷᠲᠡᠭᠡᠨ ᠵᠣᠪᠠᠯᠠᠩ ᠦᠭᠡᠢ ᠬᠥᠮᠦᠨ
ᠥᠷᠥᠭᠡᠯ ᠦ᠋ᠨ ᠵᠣᠪᠠᠯᠠᠩ ᠢ᠋ ᠣᠢᠯᠠᠭᠠᠬᠤ ᠦᠭᠡᠢ
1273 ᠥᠭᠡᠬᠦ ᠥᠭᠭᠦᠭᠰᠡᠨ ᠬᠥᠮᠦᠨ ᠲᠡᠢ
ᠥᠷᠯᠥᠭᠡ ᠪᠣᠰᠤᠭᠠᠳ ᠵᠠᠷᠭᠤᠯᠳᠤᠬᠤ
1274 ᠥᠭᠡᠬᠦᠨ ᠳᠣᠲᠣᠷᠠᠬᠢ ᠪᠥᠭᠡᠷᠡ
ᠥᠨᠳᠡᠭᠡᠨ ᠳᠣᠲᠣᠷᠠᠬᠢ ᠤᠭᠤᠷᠠᠭ
1275 ᠥᠭᠡᠬᠦᠨ ᠳ᠋ᠦ᠍ ᠪᠣᠭᠣᠭᠰᠠᠨ ᠪᠥᠭᠡᠷᠡ ᠰᠢᠭ
ᠦᠩᠬᠦᠯᠴᠡᠭ ᠲᠤ ᠪᠠᠢᠭᠠ ᠵᠢᠷᠦᠬᠡ ᠰᠢᠭ
1276 ᠥᠷᠢ ᠠᠷᠪᠢᠳᠠᠪᠠᠯ ᠦᠭᠡᠢᠷᠡᠬᠦ ᠶ᠋ᠢᠨ ᠲᠡᠮᠳᠡᠭ
ᠦᠰ ᠠᠷᠪᠢᠳᠠᠪᠠᠯ ᠦᠬᠦᠬᠦ ᠶ᠋ᠢᠨ ᠲᠡᠮᠳᠡᠭ
1277 ᠥᠷᠢ ᠪᠤᠤ ᠳᠡᠯᠪᠢ
ᠥᠭᠯᠢᠭᠡ ᠪᠤᠤ ᠳᠠᠰᠤᠯ
1278 ᠥᠷᠢ ᠶᠡᠬᠡᠲᠡᠪᠡᠯ ᠥᠭᠬᠦ ᠪᠡᠨ ᠮᠡᠳᠡᠬᠦ ᠦᠭᠡᠢ ᠪᠣᠯᠬᠤ
ᠦᠰ ᠶᠡᠬᠡᠳᠡᠪᠡᠯ ᠦᠬᠦᠬᠦ ᠪᠡᠨ ᠮᠡᠳᠡᠬᠦ ᠦᠭᠡᠢ ᠪᠣᠯᠬᠤ
1279 ᠡᠷᠭᠦᠪᠡᠴᠦ ᠥᠭᠡᠳᠡᠯᠡᠬᠦ ᠦᠭᠡᠢ
ᠲᠡᠳᠬᠦᠪᠡᠦ ᠳᠡᠭᠵᠢᠷᠡᠬᠦ ᠦᠭᠡᠢ
1280 ᠥᠷᠭᠡᠨ ᠭᠣᠣᠯ ᠳ᠋ᠤ᠌ ᠬᠥᠭᠥᠷᠭᠡ ᠬᠡᠷᠡᠭ ᠲᠡᠢ
ᠥᠰᠪᠥᠷᠢ ᠶ᠋ᠢᠨ ᠬᠡᠦᠬᠡᠳ ᠲᠦ᠍ ᠰᠤᠷᠭᠠᠯ ᠬᠡᠷᠡᠭ ᠲᠡᠢ
1281 ᠡᠷᠭᠦᠨ ᠵᠢᠭᠠᠭᠰᠠᠨ ᠨᠢ ᠡᠳᠦᠷ ᠦ᠋ᠨ ᠭᠠᠵᠠᠷ
ᠬᠤᠷᠤᠭᠤ ᠪᠠᠷ ᠢ᠋ᠶ᠋ᠠᠨ ᠵᠢᠭᠠᠭᠰᠠᠨ ᠨᠢ ᠬᠣᠨᠣᠭ ᠤ᠋ᠨ ᠭᠠᠵᠠᠷ
1282 ᠥᠷᠭᠡᠰᠦᠲᠡᠢ ᠪᠣᠯᠪᠠᠴᠤ ᠥᠪᠡᠷ ᠦ᠋ᠨ ᠨᠤᠲᠤᠭ
ᠥᠷᠥᠰᠢᠶᠡᠯ ᠦᠭᠡᠢ ᠪᠣᠯᠪᠠᠴᠤ ᠲᠥᠷᠥᠭᠰᠡᠨ ᠡᠬᠡ
1283 ᠥᠷᠥᠮᠡ ᠲᠣᠰᠣ ᠮᠠᠯ ᠠ᠋ᠴᠠ
ᠥᠩᠭᠡ ᠵᠢᠰᠦ ᠰᠡᠳᠬᠢᠯ ᠡᠴᠡ
1284 ᠥᠷᠥᠮᠡ ᠦᠭᠡᠢ ᠢᠳᠡᠭᠡᠨ ᠵᠤᠨ ᠤ᠋ ᠵᠣᠪᠠᠯᠠᠩ
ᠥᠭᠡᠬᠦ ᠦᠭᠡᠢ ᠮᠢᠬᠠ ᠡᠪᠦᠯ ᠦ᠋ᠨ ᠵᠣᠪᠠᠯᠠᠩ
1285 ᠥᠷᠢ ᠲᠡᠢ ᠬᠥᠮᠦᠨ ᠵᠡᠭᠡᠯᠢ ᠳᠡᠭᠡᠷᠡ
ᠥᠰᠢᠶᠡ ᠲᠡᠢ ᠬᠥᠮᠦᠨ ᠳᠠᠪᠠᠭᠠᠨ ᠳᠡᠭᠡᠷᠡ
1286 ᠥᠷᠢ ᠲᠡᠢ ᠬᠥᠮᠦᠨ ᠥᠭᠴᠦ ᠠᠮᠠᠷᠠᠨᠠ
ᠡᠪᠡᠳᠴᠢᠲᠡᠢ ᠬᠥᠮᠦᠨ ᠡᠳᠡᠭᠡᠵᠦ ᠠᠮᠠᠷᠠᠨᠠ
1287 ᠥᠷᠢ ᠲᠡᠢ ᠬᠥᠮᠦᠨ ᠥᠭᠡᠳᠡᠯᠡᠳᠡᠭ ᠦᠭᠡᠢ
ᠡᠪᠡᠳᠴᠢᠲᠡᠢ ᠬᠥᠮᠦᠨ ᠵᠢᠷᠭᠠᠳᠠᠭ ᠦᠭᠡᠢ
1288 ᠥᠷᠢ ᠲᠡᠢ ᠬᠥᠮᠦᠨ ᠥᠭᠡᠳᠡ ᠪᠡᠨ ᠭᠠᠷᠳᠠᠭ ᠦᠭᠡᠢ
ᠦᠷᠡ ᠲᠡᠢ ᠬᠥᠮᠦᠨ ᠦᠨᠡᠰᠦ ᠪᠡᠨ ᠳᠡᠷᠡᠯᠡᠳᠡᠭ ᠦᠭᠡᠢ
1289 ᠥᠷᠢ ᠲᠡᠢ ᠬᠥᠮᠦᠨ ᠦ᠌ ᠭᠠᠷ ᠢ᠋ ᠬᠠᠷᠠᠵᠤ
ᠥᠩᠭᠡ ᠲᠡᠢ ᠬᠥᠮᠦᠨ ᠦ᠌ ᠴᠢᠷᠠᠢ ᠶ᠋ᠢ ᠬᠠᠷᠠᠵᠤ ᠶᠠᠪᠤᠬᠤ
1290 ᠥᠷᠢ ᠲᠡᠢ ᠶᠠᠪᠤᠭᠰᠠᠨ ᠠ᠋ᠴᠠ
ᠥᠯᠥᠰᠴᠦ ᠶᠠᠪᠤᠭᠰᠠᠨ ᠨᠢ ᠳᠡᠭᠡᠷᠡ
1291 ᠡᠷᠦᠬᠡ ᠥᠨᠳᠡᠢᠵᠦ ᠥᠷᠭᠥᠭᠡ ᠪᠣᠰᠬᠤ
ᠦᠷᠡ ᠥᠰᠴᠦ ᠲᠤᠰᠠ ᠪᠣᠯᠬᠤ
1292 ᠥᠰᠪᠥᠷᠢ ᠬᠡᠦᠬᠡᠳ ᠲᠦ᠍ ᠦᠰ ᠪᠤᠤ ᠳᠡᠯᠪᠢ
ᠥᠲᠡᠯᠦᠭᠰᠡᠨ ᠬᠥᠮᠦᠨ ᠳ᠋ᠦ᠍ ᠥᠷᠢ ᠪᠤᠤ ᠳᠡᠯᠪᠢ
1293 ᠥᠰᠬᠦ ᠨᠠᠰᠤᠨ ᠳ᠋ᠠᠭᠠᠨ ᠴᠢᠷᠮᠠᠢᠬᠤ ᠦᠭᠡᠢ ᠪᠣᠯ
ᠦᠰᠦ ᠴᠠᠢᠭᠰᠠᠨ ᠤ᠋ ᠬᠣᠢᠨᠠ ᠭᠡᠮᠰᠢᠨᠡ
1294 ᠥᠰᠬᠦ ᠴᠠᠭ ᠲᠤ ᠲᠥᠷᠥᠭᠰᠡᠨ ᠨᠤᠲᠤᠭ ᠥᠯᠥᠭᠡᠢ
ᠥᠲᠡᠯᠬᠦ ᠴᠠᠭ ᠲᠤ ᠲᠥᠷᠥᠭᠰᠡᠨ ᠦᠷᠡ ᠲᠦᠰᠢᠭ
1295 ᠥᠰᠬᠦ ᠳ᠋ᠡᠭᠡᠨ ᠵᠣᠪᠠᠬᠤ ᠭᠠᠢ ᠦᠭᠡᠢ
ᠥᠲᠡᠯᠬᠦ ᠳ᠋ᠡᠭᠡᠨ ᠵᠣᠪᠠᠬᠤ ᠬᠡᠴᠡᠭᠦᠦ
1296 ᠥᠰᠬᠦ ᠶ᠋ᠢᠨ ᠵᠢᠷᠭᠠᠯ᠂ ᠵᠢᠷᠭᠠᠯ ᠪᠢᠰᠢ
ᠥᠲᠡᠯᠬᠦ ᠶ᠋ᠢᠨ ᠵᠣᠪᠠᠯᠠᠩ᠂ ᠵᠣᠪᠠᠯᠠᠩ ᠪᠢᠰᠢ
1297 ᠥᠰᠬᠦ ᠶ᠋ᠢᠨ ᠲᠡᠨᠡᠭ ᠡᠴᠡ
ᠥᠲᠡᠯᠬᠦ ᠶ᠋ᠢᠨ ᠲᠡᠨᠡᠭ ᠳᠡᠭᠡᠷᠡ
1298 ᠥᠰᠬᠦ ᠳ᠋ᠦ᠍ ᠠᠬᠠ ᠳᠡᠭᠦᠦ ᠣᠯᠠᠭᠤᠯᠠ ᠰᠠᠢᠬᠠᠨ
ᠥᠲᠡᠯᠬᠦ ᠳ᠋ᠦ᠍ ᠠᠬᠠ ᠳᠡᠭᠦᠦ ᠣᠯᠠᠭᠤᠯᠠ ᠮᠠᠭᠤᠬᠠᠢ
1299 ᠥᠰᠬᠦ ᠳ᠋ᠦ᠍ ᠰᠤᠷᠤᠭᠰᠠᠨ ᠵᠠᠩ
ᠥᠲᠡᠯᠬᠦ ᠳ᠋ᠦ᠍ ᠳᠠᠭᠠᠳᠠᠭ
1300 ᠥᠰᠬᠦ ᠪᠡᠨ ᠪᠣᠯᠢᠭᠰᠠᠨ ᠮᠠᠯ
ᠬᠣᠲᠠ ᠳᠣᠲᠣᠷᠠ ᠪᠠᠨ ᠮᠥᠷᠭᠥᠯᠳᠦᠬᠦ
ᠥᠭᠡᠳᠡᠯᠡᠬᠦ ᠪᠡᠨ ᠪᠣᠯᠢᠭᠰᠠᠨ ᠠᠢᠯ
ᠭᠡᠷ ᠳᠣᠲᠣᠷᠠ ᠪᠠᠨ ᠬᠡᠷᠡᠯᠳᠦᠬᠦ
1301 ᠥᠰᠲᠦ ᠰᠠᠨᠠᠭᠠ ᠪᠡᠶᠡ ᠶ᠋ᠢ ᠵᠣᠪᠠᠭᠠᠨᠠ
ᠥᠨᠳᠥᠷ ᠠᠭᠤᠯᠠ ᠮᠣᠷᠢ ᠶ᠋ᠢ ᠵᠣᠪᠠᠭᠠᠨᠠ
1302 ᠥᠲᠡᠯᠬᠦ ᠳ᠋ᠦ᠍ ᠦᠷᠡ ᠬᠡᠷᠡᠭ ᠲᠡᠢ
ᠥᠯᠥᠰᠬᠦ ᠳ᠋ᠦ᠍ ᠬᠣᠭᠣᠯᠠ ᠬᠡᠷᠡᠭ ᠲᠡᠢ
1303 ᠥᠲᠡᠯᠦᠭᠰᠡᠨ ᠬᠣᠢᠨᠠ ᠵᠠᠯᠠᠭᠤ ᠪᠠᠨ ᠰᠠᠢᠷᠬᠠᠬᠤ
ᠦᠭᠡᠢᠷᠡᠭᠰᠡᠨ ᠬᠣᠢᠨᠠ ᠪᠠᠶᠠᠨ ᠢ᠋ᠶ᠋ᠠᠨ ᠰᠠᠢᠷᠬᠠᠬᠤ
1304 ᠥᠲᠡᠯᠲᠡᠯᠡ ᠪᠡᠨ ᠵᠢᠷᠭᠠᠶᠠ ᠭᠡᠪᠡᠯ ᠦᠷᠡ ᠪᠡᠨ ᠰᠤᠷᠭᠠ
ᠦᠷᠭᠦᠯᠵᠢᠳᠡ ᠵᠣᠪᠠᠶᠠ ᠭᠡᠪᠡᠯ ᠥᠩᠭᠡᠨ ᠳ᠋ᠦ᠍ ᠤᠨᠠ
1305 ᠥᠴᠦᠬᠡᠨ ᠨᠢᠯᠬᠠ ᠳ᠋ᠤ᠌ ᠡᠬᠡ ᠶ᠋ᠢᠨ ᠰᠦ
ᠥᠰᠬᠦ ᠴᠠᠭ ᠲᠤ ᠡᠴᠢᠭᠡ ᠶ᠋ᠢᠨ ᠡᠯᠪᠡᠷᠢᠯ
1306 ᠥᠰᠢᠬᠦ ᠳᠠᠢᠰᠤᠨ ᠳ᠋ᠤ᠌ ᠴᠢᠰᠤ ᠪᠠᠨ ᠪᠤᠤ ᠦᠵᠡᠭᠦᠯ
ᠦᠰ ᠲᠡᠢ ᠬᠥᠮᠦᠨ ᠳ᠋ᠦ᠍ ᠮᠠᠭᠤ ᠪᠠᠨ ᠪᠤᠤ ᠦᠵᠡᠭᠦᠯ
1307 ᠥᠰᠢᠶᠡᠲᠡᠨ ᠤᠴᠠᠷᠠᠪᠠᠯ ᠥᠷᠭᠡᠰᠦ ᠰᠢᠭ
ᠠᠴᠢᠲᠠᠨ ᠲᠠᠭᠠᠷᠠᠪᠠᠯ ᠠᠯᠢᠮᠠ ᠰᠢᠭ᠋
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ
ᠬᠢᠨᠠᠭᠴᠢ᠄ ᠤᠢᠭᠤᠷᠵᠢᠨ ᠤᠳᠬᠤᠨ᠂ ᠣᠳᠬᠣᠨᠴᠡᠴᠡᠭ᠂ ᠪᠠᠯ