ᠮᠣᠩᠭᠣᠯ ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ ᠳᠡᠭᠡᠵᠢ – ᠳ᠂ ᠵᠠᠶᠠᠭᠠᠪᠠᠭᠠᠲᠤᠷ ᠡᠮᠬᠢᠳᠬᠡᠪᠡ <ᠣ 4 ᠶᠢᠨ ᠠᠢᠮᠠᠭ >Монгол зүйр цэцэн үгийн гураван мянган дээж – Д᠂Заяабаатар эмхэтгэв <Oгийн аймаг >
660ᠣ 4 (O) ᠶᠢᠨ ᠠᠢᠮᠠᠭ
– ᠣ 4(О) –
ᠱᠠᠭᠠᠵᠠᠭᠠᠢ ᠬᠠᠮᠢᠭᠠ ᠠ᠋ᠴᠠ ᠰᠠᠭᠤᠬᠤ ᠪᠣᠢ
1090 ᠣᠪᠣᠯᠵᠠᠭᠤᠷ ᠬᠥᠮᠦᠨ ᠢ᠋ ᠵᠢᠭᠰᠢᠭᠴᠢ ᠣᠯᠠᠨ
ᠣᠮᠣᠷᠬᠠᠭ ᠬᠥᠮᠦᠨ ᠢ᠋ ᠬᠠᠷᠢᠶᠠᠭᠴᠢ ᠣᠯᠠᠨ
1091 ᠣᠭᠣᠲᠣᠨᠠ ᠰᠢᠭ᠋ ᠬᠡᠳᠡᠷ
ᠬᠡᠷᠢᠶᠡ ᠰᠢᠭ ᠬᠡᠷᠡᠭᠦᠯᠴᠢ
1092 ᠣᠭᠲᠠᠷᠭᠤᠢ ᠶ᠋ᠢᠨ ᠮᠥᠨᠳᠥᠷ ᠭᠡᠷ ᠲᠤ ᠰᠢᠷᠦᠭᠦᠨ
ᠥᠨᠥᠴᠢᠨ ᠬᠥᠮᠦᠨ ᠳ᠋ᠦ᠍ ᠨᠣᠶᠠᠨ ᠰᠢᠷᠦᠭᠦᠨ
1093 ᠣᠭᠲᠠᠷᠭᠤᠢ ᠶ᠋ᠢᠨ ᠨᠠᠷᠠ ᠰᠢᠩᠭᠡᠳᠡᠭ
ᠣᠷᠣᠢ ᠶ᠋ᠢᠨ ᠸᠴᠢᠷ ᠰᠢᠯᠵᠢᠳᠡᠭ
1094 ᠣᠭᠲᠠᠷᠭᠤᠢ ᠶ᠋ᠢᠨ ᠰᠠᠯᠬᠢ ᠣᠭᠣᠰᠣᠷ ᠦᠭᠡᠢ
ᠣᠷᠴᠢᠯᠠᠩ ᠤ᠋ᠨ ᠬᠥᠮᠦᠨ ᠮᠥᠩᠬᠡ ᠦᠭᠡᠢ
1095 ᠣᠭᠲᠠᠷᠭᠤᠢ ᠶ᠋ᠢᠨ ᠰᠣᠯᠣᠩᠭᠠ ᠶ᠋ᠢ ᠠᠳᠬᠤᠵᠤ ᠴᠢᠳᠠᠬᠤ ᠦᠭᠡᠢ
ᠣᠯᠠᠨ ᠤ᠋ ᠠᠮᠠ ᠶ᠋ᠢ ᠪᠢᠲᠡᠭᠦᠯᠡᠵᠦ ᠴᠢᠳᠠᠬᠤ ᠦᠭᠡᠢ
1096 ᠣᠳᠣ ᠭᠠᠷᠪᠠᠯ ᠣᠭᠲᠠᠷᠭᠤᠢ ᠶ᠋ᠢᠨ ᠴᠢᠮᠡᠭ
ᠣᠯᠠᠨ ᠮᠡᠷᠭᠡᠨ ᠴᠤᠭᠯᠠᠪᠠᠯ ᠣᠶᠤᠨ ᠤ᠋ ᠴᠢᠮᠡᠭ
1097 ᠣᠳᠣ ᠲᠩᠷᠢ ᠶ᠋ᠢᠨ ᠴᠢᠮᠡᠭ
ᠮᠣᠳᠣ ᠭᠠᠵᠠᠷ ᠤ᠋ᠨ ᠴᠢᠮᠡᠭ
1098 ᠣᠶᠣᠳᠠᠯ ᠣᠶᠣᠬᠤ ᠳ᠋ᠤ᠌ ᠵᠡᠭᠦᠦ ᠬᠡᠷᠡᠭ ᠲᠡᠢ
ᠣᠯᠠᠨ ᠢ᠋ ᠳᠠᠢᠴᠢᠯᠠᠬᠤ ᠳ᠋ᠤ᠌ ᠠᠷᠭᠠ ᠬᠡᠷᠡᠭ ᠲᠡᠢ
1099 ᠣᠶᠣᠳᠠᠯ ᠦᠭᠡᠢ ᠡᠮᠡ ᠤᠲᠠᠰᠤ ᠦᠷᠡᠬᠦ
ᠤᠩᠰᠢᠯᠭᠠ ᠦᠭᠡᠢ ᠯᠠᠮᠠ ᠣᠯᠪᠣᠭ ᠡᠯᠡᠭᠡᠬᠦ
1100 ᠣᠶᠣᠭᠰᠠᠭᠠᠷ ᠣᠶᠣᠭᠰᠠᠭᠠᠷ ᠤᠷᠠᠨ ᠪᠣᠯᠳᠠᠭ
ᠣᠷᠣᠯᠳᠣᠭᠰᠠᠭᠠᠷ ᠣᠷᠣᠯᠳᠣᠭᠰᠠᠭᠠᠷ ᠳᠠᠷᠬᠠᠨ ᠪᠣᠯᠳᠠᠭ
1101 ᠣᠢ ᠰᠢᠭᠢᠭᠦᠦ ᠳ᠋ᠦ᠍ ᠠᠭᠤᠯᠠ ᠰᠦᠷᠯᠢᠭ
ᠤᠰᠤ ᠭᠦᠨ ᠳ᠋ᠦ᠍ ᠨᠠᠭᠤᠷ ᠲᠤᠩᠭᠠᠯᠠᠭ
1102 ᠣᠢ ᠮᠣᠳᠣ ᠤᠷᠲᠤ ᠲᠠᠢ ᠪᠣᠭᠣᠨᠢ ᠲᠠᠢ
ᠣᠯᠠᠨ ᠬᠥᠮᠦᠨ ᠰᠠᠢᠨ ᠲᠠᠢ ᠮᠠᠭᠤ ᠲᠠᠢ
1103 ᠣᠢ ᠮᠣᠳᠣᠨ ᠤ᠋ ᠥᠨᠳᠥᠷ ᠨᠠᠮ ᠢ᠋
ᠠᠳᠠᠯᠢᠳᠬᠠᠬᠤ ᠠᠷᠭᠠ ᠦᠭᠡᠢ
ᠠᠷᠪᠠᠨ ᠬᠤᠷᠤᠭᠤᠨ ᠤ᠋ ᠤᠷᠲᠤ ᠪᠣᠭᠣᠨᠢ ᠶ᠋ᠢ
ᠲᠡᠭᠰᠢᠳᠬᠡᠬᠦ ᠠᠷᠭᠠ ᠦᠭᠡᠢ
1104 ᠣᠢ ᠦᠭᠡᠢ ᠭᠠᠵᠠᠷ ᠠᠷᠢᠶᠠᠲᠠᠨ ᠬᠣᠪᠣᠷ
ᠤᠰᠤ ᠦᠭᠡᠢ ᠭᠠᠵᠠᠷ ᠵᠢᠭᠠᠰᠤ ᠬᠣᠪᠣᠷ
1105 ᠣᠢ ᠦᠭᠡᠢ ᠬᠥᠮᠦᠨ ᠳ᠋ᠦ᠍
ᠬᠡᠯᠡᠭᠰᠡᠨ᠂ ᠪᠣᠯᠢᠭᠰᠠᠨ ᠬᠣᠶᠠᠷ ᠢᠵᠢᠯ
ᠢᠷᠣᠭᠠᠷ ᠦᠭᠡᠢ ᠰᠠᠪᠠᠨ ᠳ᠋ᠤ᠌
ᠬᠢᠭᠰᠡᠨ᠂ ᠪᠠᠢᠭᠰᠠᠨ ᠬᠣᠶᠠᠷ ᠢᠵᠢᠯ
1106 ᠣᠢ ᠳ᠋ᠤ᠌ ᠦᠭᠡ ᠪᠣᠢ ᠪᠣᠯᠪᠠᠴᠤ
ᠤᠨᠤᠵᠤ ᠬᠡᠯᠡᠬᠦ ᠳ᠋ᠦ᠍ ᠪᠡᠷᠬᠡ
1107 ᠣᠢᠷᠠ ᠶ᠋ᠢᠨ ᠵᠠᠯᠬᠠᠭᠤ ᠠ᠋ᠴᠠ
ᠬᠣᠯᠠ ᠶ᠋ᠢᠨ ᠵᠣᠪᠠᠯᠠᠩ
1108 ᠣᠯᠪᠣᠭ ᠳᠠᠷᠤᠵᠤ ᠭᠡᠷ ᠰᠠᠬᠢᠭᠰᠠᠨ ᠠ᠋ᠴᠠ
ᠣᠷᠴᠢᠯᠠᠩ ᠢ᠋ ᠬᠡᠰᠦᠵᠦ ᠣᠢᠮᠣᠰᠤ ᠡᠯᠡᠭᠡ
1109 ᠣᠯᠪᠣᠭ ᠢ᠋ᠶ᠋ᠠᠨ ᠴᠣᠭᠣᠷᠠᠲᠠᠯᠠ ᠰᠠᠭᠤᠭᠰᠠᠨ ᠮᠡᠷᠭᠡᠨ ᠡᠴᠡ
ᠣᠯᠠᠨ ᠢ᠋ ᠲᠣᠭᠣᠷᠢᠭᠰᠠᠨ ᠮᠤᠩᠬᠠᠭ ᠳᠡᠭᠡᠷᠡ
1110 ᠣᠯᠳᠠᠰᠢ ᠦᠭᠡᠢ ᠡᠷᠳᠡᠨᠢ
ᠣᠯᠠᠨ ᠤ᠋ ᠳᠣᠲᠣᠷᠠ ᠪᠣᠢ
1111 ᠣᠯᠵᠤ ᠠᠳᠬᠤᠭᠰᠠᠨ ᠨᠢ ᠴᠥᠭᠡᠨ
ᠣᠷᠬᠢᠵᠤ ᠭᠡᠭᠡᠭᠰᠡᠨ ᠨᠢ ᠣᠯᠠᠨ
1112 ᠣᠯᠵᠠ ᠣᠷᠣᠢᠲᠠᠬᠤ ᠦᠭᠡᠢ
ᠥᠷᠢ ᠬᠡᠨᠵᠡᠳᠡᠬᠦ ᠦᠭᠡᠢ
1113 ᠣᠯᠵᠠᠨ ᠤ᠋ ᠬᠢᠷᠢ ᠪᠡᠷ
ᠭᠠᠷᠤᠵᠠ ᠭᠠᠷᠳᠠᠭ
1114 ᠣᠯᠵᠠᠨ ᠤ᠋ ᠡᠭᠦᠳᠡ ᠶ᠋ᠢ ᠨᠡᠭᠡᠭᠡᠵᠦ
ᠭᠠᠷᠤᠵᠠᠨ ᠤ᠋ ᠬᠠᠭᠠᠯᠭᠠ ᠶ᠋ᠢ ᠬᠠᠭᠠᠬᠤ
1115 ᠣᠯᠵᠠᠨ ᠳ᠋ᠤ᠌ ᠳᠤᠷᠠᠯᠠᠭᠠᠳ
ᠭᠠᠷᠤᠵᠠ ᠭᠠᠷᠭᠠᠬᠤ
1116 ᠣᠯᠢᠭ ᠦᠭᠡᠢ ᠡᠷᠡ ᠡᠬᠡᠨᠡᠷ ᠲᠡᠭᠡᠨ ᠳᠡᠭᠡᠷᠡᠯᠬᠡᠭ
ᠥᠨᠳᠥᠷ ᠪᠤᠬᠠ ᠪᠢᠷᠠᠭᠤᠨ ᠳ᠋ᠠᠭᠠᠨ ᠳᠡᠭᠡᠷᠡᠯᠬᠡᠭ
1117 ᠣᠯᠣᠮ ᠢ᠋ ᠨᠢ ᠮᠡᠳᠡᠬᠦ ᠦᠭᠡᠢ ᠤᠰᠤᠨ ᠳ᠋ᠤ᠌ ᠪᠤᠤ ᠣᠷᠣ
ᠣᠷᠣᠴᠠ ᠶ᠋ᠢ ᠨᠢ ᠮᠡᠳᠡᠬᠦ ᠦᠭᠡᠢ ᠭᠡᠷ ᠲᠦ᠍ ᠪᠤᠤ ᠣᠷᠣ
1118 ᠣᠯᠠᠨ ᠢ᠋ᠶ᠋ᠠᠷ ᠵᠥᠪᠯᠡᠪᠡᠯ ᠣᠰᠣᠯ ᠦᠭᠡᠢ
ᠣᠯᠣᠮ ᠢ᠋ᠶ᠋ᠠᠷ ᠭᠠᠷᠪᠠᠯ ᠭᠡᠨᠡᠳᠡᠯ ᠦᠭᠡᠢ
1119 ᠣᠯᠠᠨ ᠢ᠋ᠶ᠋ᠠᠷ ᠰᠠᠭᠤᠪᠠᠯ ᠠᠮᠠ ᠪᠠᠨ ᠬᠢᠴᠢᠶᠡ
ᠤᠷᠢ ᠭᠠᠭᠴᠠᠭᠠᠷ ᠰᠠᠭᠤᠪᠠᠯ ᠪᠡᠶᠡ ᠪᠡᠨ ᠬᠢᠴᠢᠶᠡ
1120 ᠣᠯᠠᠨ ᠢ᠋ᠶ᠋ᠠᠷ ᠴᠢᠷᠮᠠᠢᠪᠠᠯ ᠪᠦᠲᠦᠳᠡᠭ
ᠤᠰᠤ ᠪᠠᠷ ᠤᠬᠢᠶᠠᠪᠠᠯ ᠠᠷᠢᠯᠳᠠᠭ
1121 ᠣᠯᠠᠨ ᠤ᠋ ᠠᠮᠠ ᠳᠠᠯᠠᠢ ᠶ᠋ᠢ ᠰᠢᠷᠭᠢᠭᠡᠬᠦ
ᠣᠯᠠᠨ ᠤ᠋ ᠬᠦᠴᠦ ᠠᠭᠤᠯᠠ ᠶ᠋ᠢ ᠨᠡᠭᠦᠯᠭᠡᠬᠦ
1122 ᠣᠯᠠᠨ ᠤ᠋ ᠠᠮᠠ ᠶ᠋ᠢ ᠣᠯᠣᠰᠣ ᠪᠠᠷ ᠪᠣᠭᠣᠬᠤ ᠦᠭᠡᠢ
ᠲᠦᠮᠡᠨ ᠦ᠌ ᠠᠮᠠ ᠶ᠋ᠢ ᠲᠡᠮᠦᠷ ᠢ᠋ᠶ᠋ᠡᠷ ᠪᠣᠭᠣᠬᠤ ᠦᠭᠡᠢ
1123 ᠣᠯᠠᠨ ᠤ᠋ ᠳᠣᠲᠣᠷᠠ ᠦᠭᠡ ᠪᠡᠨ ᠰᠢᠨᠵᠢ
ᠭᠠᠭᠴᠠᠭᠠᠷ ᠶᠠᠪᠤᠬᠤ ᠳ᠋ᠤ᠌ ᠰᠡᠳᠬᠢᠯ ᠢ᠋ᠶ᠋ᠡᠨ ᠰᠢᠨᠵᠢ
1124 ᠣᠯᠠᠨ ᠤ᠋ ᠶᠣᠰᠣ
ᠣᠷᠴᠢᠯᠠᠩ ᠤ᠋ᠨ ᠵᠦᠢ
1125 ᠣᠯᠠᠨ ᠤ᠋ ᠬᠦᠴᠦ ᠡᠪ ᠲᠡᠭᠡᠨ
ᠣᠯᠣᠰᠣᠨ ᠤ᠋ ᠬᠦᠴᠦ ᠡᠷᠴᠢ ᠳ᠋ᠡᠭᠡᠨ
1126 ᠣᠯᠠᠨ ᠢ᠋ ᠪᠤᠤ ᠠᠷᠠᠯᠵᠢ
ᠣᠭᠲᠣ ᠪᠤᠤ ᠬᠠᠷᠠᠮᠯᠠ
1127 ᠣᠯᠠᠨ ᠢ᠋ ᠲᠤᠭᠤᠯᠤᠭᠰᠠᠨ ᠬᠥᠮᠦᠨ ᠦ᠌ ᠪᠣᠳᠣᠯ ᠠᠭᠤᠵᠢᠮ
ᠬᠣᠯᠠ ᠶ᠋ᠢ ᠬᠠᠷᠠᠭᠰᠠᠨ ᠬᠥᠮᠦᠨ ᠦ᠌ ᠬᠠᠷᠠᠭᠠ ᠲᠤᠩᠭᠠᠯᠠᠭ
1128 ᠣᠯᠠᠨ ᠢ᠋ ᠲᠣᠭᠣᠷᠢᠵᠤ ᠣᠯᠣᠭᠠᠢ ᠪᠠᠨ ᠲᠡᠩᠰᠡᠵᠦ
ᠭᠦᠷᠦᠨ ᠢ᠋ ᠲᠣᠭᠣᠷᠢᠵᠤ ᠭᠦᠵᠡᠭᠡ ᠪᠡᠨ ᠳᠦᠭᠦᠷᠭᠡᠬᠦ
1129 ᠣᠯᠣᠩ ᠮᠠᠭᠤᠲᠠᠢ ᠡᠮᠡᠭᠡᠯ ᠢ᠋ ᠪᠤᠤ ᠳᠤᠬᠤ
ᠣᠯᠪᠢ ᠮᠠᠭᠤᠲᠠᠢ ᠬᠥᠮᠦᠨ ᠢ᠋ ᠪᠤᠤ ᠢᠳᠡᠭᠡ
1130 ᠣᠯᠠᠨ ᠠᠮᠢᠲᠠᠨ ᠳ᠋ᠤ᠌ ᠲᠤᠰᠠᠯᠠᠪᠠᠯ
ᠠᠯᠳᠠᠷ ᠨᠡᠷᠡ ᠳᠡᠯᠭᠡᠷᠡᠬᠦ
1131 ᠣᠯᠠᠨ ᠢᠷᠡᠪᠡᠯ ᠴᠠᠢ ᠦᠭᠡᠢ
ᠣᠷᠣᠢ ᠢᠷᠡᠪᠡᠯ ᠣᠷᠣ ᠦᠭᠡᠢ
1132 ᠣᠯᠠᠨ ᠰᠠᠨᠠᠭᠠᠲᠤ
ᠤᠷᠭᠤᠵᠤ ᠴᠢᠳᠠᠳᠠᠭ ᠦᠭᠡᠢ
1133 ᠣᠯᠠᠨ ᠤᠳᠠᠭᠠ ᠪᠣᠳᠣ
ᠭᠠᠭᠴᠠ ᠤᠳᠠᠭᠠ ᠬᠡᠯᠡ
1134 ᠣᠯᠠᠨ ᠦᠭᠡ
ᠤᠨᠤᠴᠢ ᠪᠠᠨ ᠬᠡᠭᠡᠳᠡᠭ
1135 ᠣᠯᠠᠨ ᠦᠭᠡ ᠤᠳᠬᠠ ᠪᠠᠭᠠ ᠲᠠᠢ
ᠴᠥᠭᠡᠨ ᠦᠭᠡ ᠦᠷᠡ ᠶᠡᠬᠡ ᠲᠡᠢ
1136 ᠣᠯᠠᠨ ᠦᠭᠡᠨ ᠡᠴᠡ ᠴᠥᠭᠡᠨ ᠨᠢ ᠰᠠᠢᠨ
ᠴᠥᠭᠡᠨ ᠦᠭᠡᠨ ᠡᠴᠡ ᠣᠨᠣᠪᠴᠢᠲᠠᠢ ᠨᠢ ᠰᠠᠢᠨ
1137 ᠣᠯᠠᠨ ᠬᠥᠮᠦᠨ ᠬᠦᠴᠦ ᠲᠡᠢ
ᠣᠢ ᠮᠣᠳᠣ ᠨᠥᠮᠥᠷᠢ ᠲᠡᠢ
1138 ᠣᠯᠠᠨ ᠦᠭᠡᠨ ᠳ᠋ᠦ᠍ ᠣᠯᠵᠠ ᠥᠬᠡᠢ
ᠴᠥᠭᠡᠨ ᠦᠭᠡᠨ ᠳ᠋ᠦ᠍ ᠭᠠᠷᠤᠵᠠ ᠦᠭᠡᠢ
1139 ᠣᠯᠠᠨ ᠬᠥᠮᠦᠨ ᠦ᠌ ᠳᠣᠲᠣᠷᠠ
ᠮᠡᠷᠭᠡᠨ ᠬᠥᠮᠦᠨ ᠪᠠᠢᠳᠠᠭ
ᠤᠷᠭᠤᠭᠠ ᠬᠠᠳᠠᠨ ᠤ᠋ ᠳᠣᠲᠣᠷᠠ
ᠠᠯᠲᠠ ᠡᠷᠳᠡᠨᠢᠰ ᠪᠠᠢᠳᠠᠭ
1140 ᠣᠯᠠᠨ ᠬᠡᠦᠬᠡᠳ ᠲᠡᠢ ᠭᠠᠵᠠᠷ
ᠬᠣᠪ ᠲᠠᠰᠤᠷᠠᠳᠠᠭ ᠦᠭᠡᠢ
ᠣᠯᠠᠨ ᠢᠮᠠᠭᠠ ᠲᠠᠢ ᠬᠣᠨᠢ
ᠪᠡᠯᠴᠢᠭᠡᠷ ᠲᠦ᠍ ᠲᠣᠭᠲᠠᠳᠠᠭ ᠦᠭᠡᠢ
1141 ᠣᠯᠠᠨ ᠬᠡᠯᠡᠪᠡᠯ ᠣᠯᠢᠭ
ᠴᠥᠭᠡᠨ ᠬᠡᠯᠡᠪᠡᠯ ᠪᠢᠯᠢᠭ
1142 ᠣᠯᠠᠨ ᠴᠡᠴᠡᠭ ᠳᠡᠯᠡᠬᠡᠢ ᠶ᠋ᠢᠨ ᠴᠢᠮᠡᠭ
ᠣᠯᠠᠨ ᠮᠡᠷᠭᠡᠳ ᠲᠥᠷᠥ ᠶ᠋ᠢᠨ ᠴᠢᠮᠡᠭ
1143 ᠣᠯᠠᠨ ᠳ᠋ᠤ᠌ ᠨᠢᠭᠦᠯ ᠪᠦᠦ ᠬᠢ
ᠣᠭᠲᠠᠷᠭᠤᠢ ᠳ᠋ᠤ᠌ ᠰᠢᠷᠣᠢ ᠪᠦᠦ ᠰᠠᠴᠤ
1144 ᠣᠯᠬᠤ ᠳ᠋ᠤ᠌ ᠪᠡᠷᠬᠡ
ᠠᠯᠳᠠᠬᠤ ᠳ᠋ᠤ᠌ ᠠᠮᠠᠷ
1145 ᠣᠯᠬᠤ ᠠ᠋ᠴᠠ ᠪᠠᠨ ᠤᠷᠢᠳ
ᠪᠠᠶᠠᠵᠢᠬᠤ ᠶ᠋ᠢ ᠪᠣᠳᠣᠵᠤ
ᠣᠭᠣᠴᠢᠬᠤ ᠠ᠋ᠴᠠ ᠪᠠᠨ ᠡᠮᠦᠨᠡ
ᠴᠠᠳᠬᠤ ᠶ᠋ᠢ ᠪᠣᠳᠣᠬᠤ
1146 ᠣᠯᠤᠭᠰᠠᠨ ᠢ᠋ᠶ᠋ᠠᠨ ᠢᠳᠡᠯ ᠦᠭᠡᠢ
ᠲᠤᠷᠠᠵᠤ ᠦᠬᠦᠬᠦ ᠲᠡᠨᠡᠭ
ᠣᠶᠣᠭᠰᠠᠨ ᠢ᠋ᠶ᠋ᠠᠨ ᠡᠮᠦᠰᠦᠯ ᠦᠭᠡᠢ
ᠣᠰᠤᠭᠤᠵᠤ ᠦᠬᠦᠬᠦ ᠲᠡᠨᠡᠭ
1147 ᠣᠮᠣᠷᠬᠠᠭ ᠪᠣᠯ ᠣᠯᠠᠨ ᠤ᠋ ᠳᠠᠢᠰᠤᠨ
ᠪᠠᠷᠳᠠᠮ ᠪᠣᠯ ᠪᠦᠬᠦᠨ ᠦ᠌ ᠳᠠᠢᠰᠤᠨ
1148 ᠣᠮᠣᠭ ᠶᠡᠬᠡᠳ᠋ᠡᠪᠡᠯ ᠣᠰᠣᠯᠳᠠᠨᠠ
ᠣᠪᠣᠷ ᠶᠡᠬᠡᠳ᠋ᠡᠪᠡᠯ ᠳᠣᠷᠣᠢᠲᠠᠨᠠ
1149 ᠣᠮᠣᠭ ᠬᠦᠴᠦ ᠪᠡᠨ ᠳᠠᠷᠤᠵᠤ
ᠣᠶᠤᠨ ᠪᠢᠯᠢᠭ ᠢ᠋ᠶ᠋ᠡᠨ ᠬᠢᠴᠢᠶᠡ
1150 ᠣᠮᠣᠭᠲᠠᠢ ᠰᠡᠳᠬᠢᠯ ᠬᠤᠷᠴᠠ ᠬᠡᠯᠡ
ᠪᠡᠶᠡ ᠶ᠋ᠢᠨ ᠬᠣᠬᠢᠷᠠᠯ
1151 ᠣᠮᠣᠭᠲᠠᠢ ᠬᠥᠮᠦᠨ ᠦ᠌ ᠴᠡᠭᠡᠵᠢᠨ ᠳ᠋ᠦ᠍
ᠪᠢᠯᠢᠭ ᠲᠣᠭᠲᠠᠬᠤ ᠨᠢ ᠪᠡᠷᠬᠡ
ᠣᠪᠣᠭᠣᠷ ᠳᠣᠪᠣᠭᠣᠷ ᠭᠠᠵᠠᠷ ᠲᠤ
ᠤᠰᠤ ᠲᠣᠭᠲᠠᠬᠤ ᠨᠢ ᠪᠡᠷᠬᠡ
1152 ᠤᠩᠬᠢᠷᠠᠭᠠ ᠬᠥᠮᠦᠨ ᠣᠯᠠᠨ ᠳ᠋ᠤ᠌ ᠬᠦᠨᠳᠦ ᠦᠭᠡᠢ
ᠣᠭᠳᠣᠭᠣᠷ ᠬᠣᠷᠮᠣᠢ ᠵᠢᠪᠠᠷ ᠲᠤ᠌ ᠨᠥᠮᠥᠷᠢ ᠦᠭᠡᠢ
1153 ᠣᠩᠭᠣᠴᠠ ᠦᠭᠡᠢ ᠪᠣᠯ ᠳᠠᠯᠠᠢ ᠶ᠋ᠢ ᠦᠯᠦ ᠭᠠᠲᠤᠯᠬᠤ
ᠣᠯᠠᠨ ᠦᠭᠡᠢ ᠪᠣᠯ ᠲᠥᠷᠥ ᠦᠯᠦ ᠲᠣᠭᠲᠠᠬᠤ
1154 ᠣᠨᠢᠰᠣ ᠨᠡᠭᠡᠭᠡᠬᠦ ᠳ᠋ᠦ᠍ ᠲᠦᠯᠬᠢᠭᠦᠷ
ᠣᠶᠣᠳᠠᠯ ᠣᠶᠣᠬᠤ ᠳ᠋ᠤ᠌ ᠵᠡᠭᠦᠦ
1155 ᠣᠨᠢᠰᠣ ᠨᠢ ᠣᠯᠳᠠᠪᠠᠯ ᠲᠠᠢᠯᠬᠤ ᠳ᠋ᠤ᠌ ᠠᠮᠠᠷᠬᠠᠨ
ᠣᠯᠣᠮ ᠨᠢ ᠣᠯᠳᠠᠪᠠᠯ ᠭᠠᠲᠤᠯᠬᠤ ᠳ᠋ᠤ᠌ ᠠᠮᠠᠷᠬᠠᠨ
1156 ᠣ ᠳ᠋ᠦ᠍ ᠣᠢᠷᠠᠳᠪᠠᠯ ᠴᠠᠭᠠᠨ
ᠬᠦ ᠳ᠋ᠦ᠍ ᠣᠢᠷᠠᠳᠪᠠᠯ ᠬᠠᠷᠠ
1157 ᠣᠭᠣᠯᠢ ᠪᠠᠷ ᠴᠠᠪᠴᠢᠪᠠᠯ ᠥ ᠦᠭᠡᠢ
ᠣᠯᠠᠨ ᠢ᠋ᠶ᠋ᠠᠷ ᠬᠡᠯᠡᠯᠴᠡᠪᠡᠯ ᠪᠤᠷᠤᠭᠤ ᠦᠭᠡᠢ
1158 ᠣᠭᠣᠴᠢᠬᠤ ᠤᠰᠤ ᠦᠭᠡᠢ
ᠣᠢᠷᠠᠳᠬᠤ ᠬᠠᠨᠢ ᠦᠭᠡᠢ
1159 ᠣᠷᠣ ᠭᠡᠬᠦ ᠳ᠋ᠦ᠍ ᠱᠠᠭᠠᠢᠬᠤ
ᠢᠳᠡ ᠭᠡᠬᠦ ᠳ᠋ᠦ᠍ ᠲᠠᠮᠰᠢᠶᠠᠯᠠᠬᠤ
1160 ᠣᠷᠬᠢᠬᠤ ᠶᠡᠬᠡᠳᠡᠪᠡᠯ ᠰᠢᠷᠭᠢᠬᠦ ᠨᠢ ᠶᠡᠬᠡ
ᠣᠷᠣᠬᠤ ᠶᠡᠬᠡᠳᠡᠪᠡᠯ ᠭᠠᠷᠬᠤ ᠨᠢ ᠶᠡᠬᠡ
1161 ᠣᠷᠣ ᠥᠬᠡᠢ ᠭᠠᠵᠠᠷ ᠣᠪᠣᠭᠠ ᠪᠤᠰᠬᠠᠵᠤ
ᠤᠰᠤ ᠦᠭᠡᠢ ᠭᠠᠵᠠᠷ ᠬᠥᠭᠥᠷᠭᠡ ᠲᠠᠯᠪᠢᠬᠤ
1162 ᠣᠷᠣᠢ ᠳᠡᠭᠡᠷᠡ ᠭᠠᠷᠤᠭᠰᠠᠨ ᠬᠥᠮᠦᠨ ᠣᠯᠠᠨ ᠢ᠋ ᠦᠵᠡᠳᠡᠭ
ᠣᠯᠠᠨ ᠢ᠋ ᠲᠣᠭᠣᠷᠢᠭᠰᠠᠨ ᠬᠥᠮᠦᠨ ᠡᠯᠳᠡᠪ ᠢ᠋ ᠰᠣᠨᠣᠰᠳᠠᠭ
1163 ᠣᠷᠣᠢᠳᠠᠪᠠᠯ ᠳᠣᠪᠣ ᠣᠯᠠᠨ
ᠳᠣᠷᠣᠢᠲᠠᠪᠠᠯ ᠨᠣᠶᠠᠨ ᠣᠯᠠᠨ
1164 ᠣᠷᠣᠢᠲᠠᠪᠠᠯ ᠡᠷᠲᠡᠯᠡᠬᠦ ᠳ᠋ᠦ᠍ ᠪᠡᠷᠬᠡ
ᠳᠣᠷᠣᠢᠲᠠᠪᠠᠯ ᠳᠡᠭᠵᠢᠷᠡᠬᠦ ᠳ᠋ᠦ᠍ ᠪᠡᠷᠬᠡ
1165 ᠣᠷᠣᠢᠲᠠᠭᠰᠠᠨ ᠬᠥᠮᠦᠨ ᠳ᠋ᠦ᠍ ᠣᠪᠣᠭᠠ ᠣᠯᠠᠨ
ᠳᠣᠷᠣᠢᠲᠠᠭᠰᠠᠨ ᠬᠥᠮᠦᠨ ᠳ᠋ᠦ᠍ ᠳᠠᠪᠠᠭᠠ ᠣᠯᠠᠨ
1166 ᠣᠷᠣᠨ ᠢ᠋ᠶ᠋ᠠᠨ ᠰᠠᠬᠢᠭᠰᠠᠨ ᠨᠣᠶᠠᠨ ᠠ᠋ᠴᠠ
ᠣᠯᠠᠨ ᠢ᠋ ᠲᠣᠭᠣᠷᠢᠭᠰᠠᠨ ᠪᠣᠭᠣᠯ ᠳᠡᠭᠡᠷᠡ
1167 ᠣᠷᠣᠯᠳᠣᠯᠭᠠ ᠰᠠᠢᠲᠤ ᠣᠷᠣᠢ ᠳ᠋ᠤᠨᠢ ᠭᠠᠷᠴᠤ
ᠣᠪᠣᠯᠵᠠᠭᠤᠷ ᠠᠭᠠᠰᠢᠲᠤ ᠢᠷᠣᠭᠠᠷ ᠲᠤᠨᠢ ᠬᠣᠴᠣᠷᠬᠤ
1168 ᠤᠷᠤᠯᠳᠤᠵᠤ ᠬᠢᠬᠦ ᠪᠡᠨ ᠤᠷᠢᠳ ᠢ᠋ᠶ᠋ᠠᠷ ᠪᠣᠳᠣ
ᠣᠯᠵᠠ ᠠᠰᠢᠭ ᠢ᠋ᠶ᠋ᠠᠨ ᠳᠠᠷᠠᠭᠠ ᠳ᠋ᠤᠨᠢ ᠪᠣᠳᠣ
1169 ᠣᠷᠣᠨ ᠴᠡᠪᠡᠷ ᠪᠣᠯ
ᠣᠶᠤᠨ ᠴᠡᠪᠡᠷ
1170 ᠣᠷᠣᠭᠠ ᠮᠣᠷᠢ ᠶ᠋ᠢ ᠤᠷᠭᠠ ᠪᠠᠷ
ᠠᠭᠤᠷ ᠲᠠᠢ ᠬᠥᠮᠦᠨ ᠢ᠋ ᠠᠷᠭᠠ ᠪᠠᠷ
1171 ᠣᠷᠣᠭᠠ ᠨᠢ ᠣᠷᠣᠭᠠ ᠪᠠᠷ ᠢ᠋ᠶ᠋ᠠᠨ
ᠵᠢᠷᠣᠭᠠ ᠨᠢ ᠵᠢᠷᠣᠭᠠ ᠪᠠᠷ ᠢ᠋ᠶ᠋ᠠᠨ
1172 ᠣᠷᠣᠬᠤ ᠣᠷᠣᠨ ᠦᠭᠡᠢ
ᠣᠭᠣᠴᠢᠬᠤ ᠠᠶᠠᠭᠠ ᠦᠭᠡᠢ
1173 ᠣᠷᠣᠬᠤ ᠡᠭᠦᠳᠡ ᠪᠡᠨ ᠣᠯᠤᠭᠠᠳ
ᠭᠠᠷᠬᠤ ᠡᠭᠦᠳᠡ ᠪᠡᠨ ᠪᠤᠤ ᠮᠠᠷᠲᠠ
1174 ᠣᠷᠣᠬᠤ ᠴᠠᠭ ᠤ᠋ᠨ ᠬᠤᠷᠠ ᠶ᠋ᠢ
ᠣᠭᠲᠠᠷᠭᠤᠢ ᠶ᠋ᠢᠨ ᠰᠠᠯᠬᠢ ᠡᠪᠳᠡᠳᠡᠭ
ᠤᠨᠤᠬᠤ ᠤᠬᠠᠭᠠᠨ ᠪᠢᠯᠢᠭ ᠢ᠋
ᠠᠭᠤᠷ ᠤ᠋ᠨ ᠮᠤᠩᠬᠠᠭ ᠡᠪᠳᠡᠳᠡᠭ
1175 ᠣᠷᠣᠬᠤ ᠦᠭᠡᠢ ᠭᠡᠰᠡᠨ ᠭᠡᠷ ᠲᠤ ᠭᠤᠷᠪᠠ ᠣᠷᠣᠵᠤ
ᠠᠭᠤᠯᠵᠠᠬᠤ ᠦᠭᠡᠢ ᠭᠡᠰᠡᠨ ᠬᠥᠮᠦᠨ ᠲᠡᠢ ᠭᠤᠷᠪᠠ ᠠᠭᠤᠯᠵᠠᠬᠤ
1176 ᠣᠷᠴᠢᠯᠠᠩ ᠨᠠᠷᠠ ᠪᠠᠷ ᠬᠡᠬᠡᠷᠡᠳᠡᠭ
ᠬᠥᠮᠦᠨ ᠡᠷᠳᠡᠮ ᠢ᠋ᠶ᠋ᠡᠷ ᠭᠡᠭᠡᠷᠡᠳᠡᠭ
1177 ᠣᠰᠣᠯ ᠦᠭᠡᠢ ᠬᠥᠮᠦᠨ ᠦᠭᠡᠢ
ᠣᠯᠣᠮ ᠦᠭᠡᠢ ᠭᠣᠣᠯ ᠦᠭᠡᠢ
1178 ᠣᠰᠣᠯ ᠢ᠋ ᠬᠢᠴᠢᠶᠡᠪᠡᠯ ᠰᠠᠢᠨ ᠪᠣᠯᠬᠤ
ᠣᠯᠠᠨ ᠢ᠋ ᠳᠠᠭᠠᠪᠠᠯ ᠥᠨᠢᠷ ᠪᠣᠯᠬᠤ
1179 ᠥᠬᠢᠨ ᠬᠥᠮᠦᠨ ᠠᠮᠠᠨ ᠤ᠋ ᠪᠠᠨ ᠮᠠᠭᠤ ᠳ᠋ᠤ᠌
ᠣᠷᠣᠭᠠ ᠵᠤᠰᠠᠭ ᠠᠭᠠᠰᠢᠨ ᠤ᠋ ᠪᠠᠨ ᠮᠠᠭᠤ ᠳ᠋ᠤ᠌
1180 ᠣᠴᠢᠲᠤ ᠭᠠᠯ ᠥᠭᠡᠳᠡ ᠪᠡᠨ
ᠤᠷᠤᠰᠬᠤ ᠤᠰᠤ ᠤᠷᠤᠭᠤ ᠪᠠᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ᠂ ᠰᠠᠷᠠᠨᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠣᠳᠬᠣᠨᠴᠡᠴᠡᠭ᠂ ᠪᠠᠯ