ᠮᠣᠩᠭᠣᠯ ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ ᠳᠡᠭᠡᠵᠢ – ᠳ᠂ ᠵᠠᠶᠠᠭᠠᠪᠠᠭᠠᠲᠤᠷ ᠡᠮᠬᠢᠳᠬᠡᠪᠡ < ᠵ ᠶᠢᠨ ᠠᠢᠮᠠᠭ З-2>Монгол зүйр цэцэн үгийн гураван мянган дээж – Д᠂Заяабаатар эмхэтгэв <З ин аймаг 2>
563ᠵ (З) ᠶᠢᠨ ᠠᠢᠮᠠᠭ – 2
– ᠵ (З) –
ᠵᠢᠯᠣᠭᠣ ᠦᠭᠡᠢ ᠶᠠᠪᠤᠪᠠᠯ ᠬᠥᠮᠦᠨ ᠢ᠋ᠶ᠋ᠡᠨ ᠪᠠᠷᠠᠨᠠ
652 ᠵᠣᠷᠢᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠶᠠᠪᠤᠪᠠᠯ ᠵᠣᠪᠠᠳᠠᠭ
ᠵᠣᠵᠢᠭᠯᠠᠵᠤ ᠶᠠᠪᠤᠪᠠᠯ ᠭᠠᠭᠴᠠᠭᠠᠷᠳᠠᠳᠠᠭ
653 ᠵᠣᠷᠢᠭ ᠶᠡᠬᠡᠲᠦ
ᠵᠡᠪᠰᠡᠭ ᠶᠡᠬᠡᠲᠦ ᠶ᠋ᠢ ᠢᠯᠠᠬᠤ
654 ᠵᠣᠷᠢᠭ ᠦᠭᠡᠢ ᠬᠥᠮᠦᠨ ᠳ᠋ᠦ᠍ ᠵᠠᠮ ᠬᠣᠯᠠ
ᠰᠦᠰᠦᠭ ᠦᠭᠡᠢ ᠬᠥᠮᠦᠨ ᠳ᠋ᠦ᠍ ᠪᠤᠷᠬᠠᠨ ᠬᠣᠯᠠ
655 ᠵᠣᠷᠢᠭᠯᠠᠪᠠᠯ ᠪᠦᠲᠦᠨᠡ
ᠴᠥᠬᠥᠷᠡᠪᠡᠯ ᠭᠤᠲᠤᠨᠠ
656 ᠵᠣᠷᠢᠭ ᠢ᠋ᠶ᠋ᠠᠷ ᠢᠯᠠᠨᠠ
ᠰᠤᠷᠠᠭ ᠢ᠋ᠶ᠋ᠠᠷ ᠣᠯᠤᠨᠠ
657 ᠵᠣᠷᠢᠭ ᠲᠠᠢ ᠬᠥᠮᠦᠨ ᠨᠢᠭᠡ ᠦᠬᠦᠳᠡᠭ
ᠵᠣᠷᠢᠭ ᠦᠭᠡᠢ ᠬᠥᠮᠦᠨ ᠮᠢᠩᠭᠠ ᠦᠬᠦᠳᠡᠭ
658 ᠵᠣᠷᠢᠭ ᠲᠠᠢ ᠬᠥᠮᠦᠨ ᠴᠢᠳᠠᠯ ᠲᠠᠢ
ᠵᠣᠷᠢᠯᠭᠠ ᠲᠠᠢ ᠬᠥᠮᠦᠨ ᠵᠢᠳᠬᠦᠯ ᠲᠡᠢ
659 ᠵᠣᠷᠢᠭᠰᠠᠨ ᠡᠷᠡ ᠵᠠᠭᠤᠷᠠ ᠠ᠋ᠴᠠ ᠪᠤᠴᠠᠳᠠᠭ ᠦᠭᠡᠢ
ᠬᠠᠷᠪᠤᠭᠰᠠᠨ ᠰᠤᠮᠤ ᠬᠠᠳᠠᠨ ᠠ᠋ᠴᠠ ᠬᠠᠯᠲᠤᠷᠢᠳᠠᠭ ᠦᠭᠡᠢ
660 ᠵᠥᠪ ᠵᠥᠪ ᠲᠤ ᠰᠢᠳᠤᠷᠭᠤ ᠵᠥᠪ
ᠵᠥᠭᠡᠯᠡᠨ ᠵᠥᠭᠡᠯᠡᠨ ᠳ᠋ᠦ᠍ ᠡᠶᠡ ᠵᠥᠭᠡᠯᠡᠨ
661 ᠵᠥᠪ ᠣᠯᠠᠨ ᠲᠠᠯᠠ ᠲᠠᠢ
ᠪᠤᠷᠤᠭᠤ ᠨᠢᠭᠡ ᠲᠠᠯᠠ ᠲᠠᠢ
662 ᠵᠥᠪ ᠦᠭᠡ
ᠬᠤᠷᠴᠠ ᠬᠢᠲᠤᠭᠠ ᠠᠳᠠᠯᠢ
663 ᠵᠥᠪ ᠲᠤ ᠮᠢᠩᠭᠠᠨ ᠡᠵᠡᠨ
ᠪᠤᠷᠤᠭᠤ ᠳ᠋ᠤ᠌ ᠨᠢᠭᠡ ᠡᠵᠡᠨ
664 ᠵᠥᠪᠯᠡᠵᠦ ᠬᠡᠯᠡᠬᠦ ᠳ᠋ᠦ᠍ ᠠᠮᠠᠷᠬᠠᠨ
ᠵᠥᠪᠯᠡᠭᠰᠡᠨ ᠢ᠋ ᠬᠢᠬᠦ ᠳ᠋ᠦ᠍ ᠪᠡᠷᠬᠡ
665 ᠵᠥᠪ ᠲᠡᠢ ᠶᠠᠪᠤᠬᠤ ᠬᠥᠮᠦᠨ ᠢ᠋ ᠪᠦᠦ ᠳᠠᠷᠤᠯᠠ
ᠪᠤᠷᠤᠭᠤ ᠲᠠᠢ ᠶᠠᠪᠤᠬᠤ ᠬᠥᠮᠦᠨ ᠢ᠋ ᠪᠦᠦ ᠠᠰᠠᠷᠠ
666 ᠵᠥᠭᠡᠯᠡᠨ ᠦᠭᠡ ᠵᠥᠭᠡᠬᠡᠢ ᠰᠢᠭ
ᠬᠠᠲᠠᠭᠤ ᠦᠭᠡ ᠬᠠᠷᠠ ᠤᠰᠤ ᠰᠢᠭ᠋
667 ᠵᠤᠳ ᠪᠣᠯᠬᠤ
ᠵᠤᠨ ᠠ᠋ᠴᠠ ᠪᠠᠨ
668 ᠵᠤᠳ ᠪᠣᠯᠬᠤ ᠳ᠋ᠤ᠌ ᠨᠣᠬᠠᠢ ᠲᠠᠷᠭᠤᠯᠠᠵᠤ
ᠵᠣᠪᠠᠯᠠᠩ ᠪᠣᠯᠬᠤ ᠳ᠋ᠤ᠌ ᠮᠠᠢᠮᠠᠢᠴᠢᠨ ᠪᠠᠶᠠᠵᠢᠨᠠ
669 ᠵᠤᠳ ᠵᠠᠯᠭᠠᠬᠤ ᠳ᠋ᠤ᠌ ᠭᠠᠢ ᠲᠠᠢ
ᠵᠢᠰᠦᠷ ᠵᠢᠷᠤᠮᠲᠠᠨ ᠳ᠋ᠤ᠌ ᠭᠠᠢ ᠲᠠᠢ
670 ᠵᠤᠳ ᠨᠢᠭᠡ ᠵᠢᠯ ᠦ᠋ᠨ ᠬᠢ
ᠵᠤᠷᠠᠮᠠ ᠮᠢᠩᠭᠠᠨ ᠵᠢᠯ ᠦ᠋ᠨ ᠬᠢ
671 ᠵᠤᠳ ᠤ᠋ᠨ ᠮᠠᠯ ᠢ᠋ ᠤᠷᠤᠭᠤ ᠡᠷᠢ
ᠵᠤᠨ ᠤ᠋ ᠮᠠᠯ ᠢ᠋ ᠥᠭᠡᠳᠡ ᠡᠷᠢ
672 ᠵᠤᠳ ᠤ᠋ᠨ ᠲᠦᠷᠦᠭᠦᠦ ᠮᠠᠨᠠᠨ
ᠵᠢᠰᠤᠷ ᠤ᠋ᠨ ᠲᠦᠷᠦᠭᠦᠦ ᠬᠥᠭᠡᠷᠦᠬᠦᠢ
673 ᠵᠤᠨ ᠵᠤᠳ ᠲᠠᠢ ᠲᠡᠮᠡᠴᠡᠵᠦ
ᠵᠤᠯᠵᠠᠭᠠᠨ ᠨᠣᠭᠣᠭᠠ ᠬᠤᠷᠢᠶᠠᠬᠤ
674 ᠵᠤᠨ ᠨᠠᠮᠤᠷ ᠴᠤᠭᠯᠠᠭᠤᠯᠵᠤ
ᠡᠪᠦᠯ ᠬᠠᠪᠤᠷ ᠢᠳᠡᠳᠡᠭ
675 ᠵᠤᠨ ᠪᠢᠲᠡᠭᠡᠢ ᠰᠠᠭᠤ
ᠵᠤᠳ ᠲᠤ ᠪᠢᠲᠡᠭᠡᠢ ᠰᠠᠨᠳᠤᠷ
676 ᠵᠢᠰᠤᠷ ᠲᠤ ᠨᠢᠭᠤᠷ ᠦᠭᠡᠢ
ᠵᠤᠳ ᠲᠤ ᠢᠯᠴᠢ ᠦᠭᠡᠢ
677 ᠵᠢᠰᠤᠷᠴᠢ ᠬᠥᠮᠦᠨ ᠵᠥᠭᠡᠯᠡᠨ ᠦᠭᠡ ᠪᠡᠷ
ᠵᠣᠯᠪᠢᠩ ᠨᠣᠬᠠᠢ ᠰᠢᠷᠪᠠᠭᠠ ᠰᠡᠭᠦᠯ ᠢ᠋ᠶ᠋ᠡᠷ
678 ᠵᠢᠰᠤᠷᠴᠢ ᠬᠥᠮᠦᠨ ᠵᠤᠯᠤᠭ ᠢ᠋ᠶ᠋ᠠᠨ ᠪᠠᠷᠠᠨᠠ
ᠵᠠᠭᠤᠳᠠᠭ ᠨᠣᠬᠠᠢ ᠰᠢᠳᠦ ᠪᠡᠨ ᠪᠠᠷᠠᠨᠠ
679 ᠵᠢᠰᠤᠷᠴᠢ ᠬᠥᠮᠦᠨ ᠮᠠᠭᠤ ᠪᠣᠯᠪᠠᠴᠤ ᠪᠤᠰᠤᠳ ᠢ᠋ ᠴᠢᠳᠠᠨᠠ
ᠵᠠᠭᠤᠳᠠᠭ ᠨᠣᠬᠠᠢ ᠤᠶᠠᠭᠠ ᠲᠠᠢ ᠪᠣᠯᠪᠠᠴᠤ ᠬᠥᠮᠦᠨ ᠠᠶᠤᠯᠭᠠᠨᠠ
680 ᠵᠠᠭᠤᠨ ᠬᠥᠮᠦᠨ ᠦ᠌ ᠵᠢᠰᠦ ᠦᠵᠡᠬᠦ ᠪᠡᠷ
ᠨᠢᠭᠡ ᠬᠥᠮᠦᠨ ᠦ᠌ ᠨᠡᠷᠡ ᠶ᠋ᠢ ᠲᠣᠭᠲᠠᠭᠠ
681 ᠵᠠᠭᠤᠨ ᠦᠬᠡᠷ ᠲᠡᠢ ᠶᠠᠪᠤᠭᠰᠠᠨ ᠠ᠋ᠴᠠ
ᠵᠠᠭᠤᠨ ᠨᠥᠬᠥᠷ ᠲᠡᠢ ᠶᠠᠪᠤᠭᠰᠠᠨ ᠨᠢ ᠳᠡᠭᠡᠷᠡ
682 ᠵᠠᠭᠤᠨ ᠢᠮᠠᠭᠠᠨ ᠳ᠋ᠤ᠌
ᠵᠢᠷᠠᠨ ᠤᠬᠤᠨᠠ
683 ᠵᠦᠳᠡᠷᠡᠭᠰᠡᠨ ᠮᠣᠷᠢᠨ ᠳ᠋ᠤ᠌ ᠵᠢᠯᠣᠭᠣ ᠬᠦᠨᠳᠦ
ᠶᠠᠳᠠᠷᠠᠭᠰᠠᠨ ᠬᠥᠭᠰᠢᠨ ᠳ᠋ᠦ᠍ ᠠᠮᠢᠰᠬᠤᠯ ᠬᠦᠨᠳᠦ
684 ᠵᠦᠢ ᠦᠭᠡᠢ ᠣᠯᠵᠠ ᠠ᠋ᠴᠠ
ᠵᠦᠢᠲᠡᠢ ᠭᠠᠷᠤᠵᠠ
685 ᠵᠦᠢᠷ ᠦᠭᠡᠨ ᠳ᠋ᠦ᠍ ᠬᠤᠳᠠᠯ ᠦᠭᠡᠢ
ᠵᠦᠢ ᠶᠣᠰᠣᠨ ᠳ᠋ᠤ᠌ ᠪᠤᠷᠤᠭᠤ ᠦᠭᠡᠢ
686 ᠵᠦᠢᠷ ᠦᠭᠡᠢ ᠦᠭᠡ ᠪᠠᠢᠳᠠᠭ ᠦᠭᠡᠢ
ᠵᠦᠢᠳᠡᠯ ᠦᠭᠡᠢ ᠳᠡᠪᠡᠯ ᠪᠠᠢᠳᠠᠭ ᠦᠭᠡᠢ
687 ᠵᠢᠷᠦᠬᠡ ᠨᠢ ᠬᠠᠷᠠ ᠪᠣᠯ
ᠬᠡᠯᠡ ᠨᠢ ᠠᠯᠲᠠ ᠪᠠᠢᠪᠠᠴᠤ ᠲᠤᠰᠠ ᠦᠭᠡᠢ
688 ᠵᠢᠰᠦ ᠨᠢ ᠴᠠᠭᠠᠨ
ᠵᠢᠷᠦᠬᠡ ᠨᠢ ᠬᠠᠷᠠ
689 ᠵᠢᠰᠦ ᠶ᠋ᠢ ᠨᠢ ᠲᠠᠨᠢᠬᠤ ᠳ᠋ᠤ᠌ ᠬᠢᠯᠪᠠᠷ
ᠵᠢᠷᠦᠬᠡ ᠶ᠋ᠢ ᠨᠢ ᠲᠠᠨᠢᠬᠤ ᠳ᠋ᠤ᠌ ᠪᠡᠷᠬᠡ
690 ᠵᠢᠰᠦ ᠶ᠋ᠢ ᠨᠢ ᠦᠵᠡᠬᠦ ᠪᠡᠷ
ᠵᠢᠷᠦᠬᠡ ᠶ᠋ᠢ ᠨᠢ ᠦᠵᠡ
691 ᠵᠢᠰᠦ ᠪᠡᠨ ᠮᠡᠳᠡᠬᠦ ᠦᠭᠡᠢ ᠲᠣᠯᠢ ᠪᠠᠨ ᠮᠠᠭᠤᠯᠠᠬᠤ
ᠵᠢᠷᠦᠬᠡ ᠪᠡᠨ ᠮᠡᠳᠡᠬᠦ ᠦᠭᠡᠢ ᠬᠠᠨᠢ ᠪᠠᠨ ᠮᠠᠭᠤᠯᠠᠬᠤ
692 ᠵᠡᠭᠦᠦ ᠣᠷᠣᠬᠤ ᠵᠠᠪᠰᠠᠷ ᠦᠭᠡᠢ
ᠵᠥᠭᠡᠢ ᠬᠠᠳᠬᠤᠬᠤ ᠵᠠᠢ ᠦᠭᠡᠢ
693 ᠵᠡᠭᠦᠦ ᠪᠡᠷ ᠴᠢᠴᠢᠭᠰᠡᠨ ᠰᠢᠷᠬᠠ ᠬᠣᠣᠷ ᠲᠠᠢ
ᠵᠥᠭᠡᠯᠡᠨ ᠢ᠋ᠶ᠋ᠡᠷ ᠬᠡᠯᠡᠭᠰᠡᠨ ᠦᠭᠡ ᠨᠣᠴᠢᠲᠠᠢ
694 ᠵᠡᠭᠦᠳᠦᠨ ᠡᠴᠡ ᠪᠡᠨ ᠰᠣᠴᠢᠵᠤ ᠰᠡᠷᠡᠭᠰᠡᠨ
ᠬᠥᠮᠦᠨ ᠦ᠌ ᠵᠢᠷᠦᠬᠡ ᠠᠮᠤᠷ ᠦᠭᠡᠢ
ᠵᠦᠢᠯ ᠵᠦᠢᠯ ᠢ᠋ ᠪᠣᠳᠣᠭᠰᠠᠨ
ᠬᠥᠮᠦᠨ ᠦ᠌ ᠰᠡᠳᠬᠢᠯ ᠠᠮᠤᠷ ᠦᠭᠡᠢ
695 ᠵᠡᠭᠦᠳᠦ ᠪᠡᠨ ᠶᠠᠷᠢᠬᠤ ᠭᠡᠳ
ᠬᠤᠯᠠᠭᠠᠢ ᠪᠠᠨ ᠶᠠᠷᠢᠬᠤ
696 ᠵᠡᠭᠦᠨ ᠴᠢᠬᠢ ᠪᠡᠷ ᠣᠷᠣᠵᠤ
ᠪᠠᠷᠠᠭᠤᠨ ᠴᠢᠬᠢ ᠪᠡᠷ ᠨᠢ ᠭᠠᠷᠬᠤ
697 ᠵᠢᠮᠡᠯᠡᠬᠦ ᠦᠭᠡᠨ ᠦ᠌ ᠢᠯᠡ ᠨᠢ
ᠮᠠᠭᠲᠠᠬᠤ ᠦᠭᠡᠨ ᠦ᠌ ᠳᠠᠯᠳᠠ ᠨᠢ
698 ᠵᠢᠮᠠ ᠳ᠋ᠤ᠌ ᠬᠠᠲᠠᠬᠤ ᠪᠠᠷ
ᠵᠢᠪᠡ ᠳ᠋ᠦ᠍ ᠬᠠᠲᠠᠭᠰᠠᠨ ᠨᠢ ᠳᠡᠭᠡᠷᠡ
699 ᠵᠡᠰ ᠦ᠋ᠨ ᠰᠠᠢᠨ ᠨᠢ ᠵᠢᠪᠡᠷᠡᠳᠡᠭ ᠦᠭᠡᠢ
ᠵᠢᠭᠡ ᠨᠠᠭᠠᠴᠤ ᠬᠣᠶᠠᠷ ᠮᠠᠷᠲᠠᠯᠴᠠᠳᠠᠭ ᠦᠭᠡᠢ
700 ᠵᠢᠭᠡᠯᠡᠭᠡ ᠶᠡᠬᠡᠳᠡᠪᠡᠯ ᠥᠷᠢ ᠪᠣᠯᠤᠨᠠ
ᠵᠠᠯᠢ ᠬᠡᠲᠦᠷᠡᠪᠡᠯ ᠱᠤᠯᠤᠮ ᠪᠣᠯᠤᠨᠠ
701 ᠵᠢᠭᠡᠯᠡ ᠶ᠋ᠢᠨ ᠦᠭᠡ ᠪᠡᠷ ᠰᠡᠴᠡᠨ ᠪᠣᠯᠬᠤ ᠦᠭᠡᠢ
ᠵᠢᠰᠠ ᠶ᠋ᠢᠨ ᠮᠠᠯ ᠢ᠋ᠶ᠋ᠠᠷ ᠪᠠᠶᠠᠨ ᠪᠣᠯᠬᠤ ᠦᠭᠡᠢ
702 ᠵᠢᠭᠡᠯᠡᠭᠦᠯᠦᠭᠰᠡᠨ ᠶᠠᠭᠤᠮᠠ
ᠭᠡᠭᠡᠭᠰᠡᠨ ᠲᠡᠢ ᠠᠳᠠᠯᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠳᠮᠠᠰᠡᠴᠡᠨ᠂ ᠣᠶᠤᠨᠪᠠᠲᠤ᠂ ᠰᠠᠷᠠᠨᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠣᠳᠬᠣᠨᠴᠡᠴᠡᠭ᠂ ᠪᠠᠯ᠂ ᠴᠡᠩᠬᠡᠯᠴᠡᠴᠡᠭ᠂ ᠣᠳᠬᠣᠨ