ᠮᠣᠩᠭᠣᠯ ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ ᠳᠡᠭᠡᠵᠢ – ᠳ᠂ ᠵᠠᠶᠠᠭᠠᠪᠠᠭᠠᠲᠤᠷ ᠡᠮᠬᠢᠳᠬᠡᠪᠡ < ᠳ ᠶᠢᠨ ᠠᠢᠮᠠᠭ >Монгол зүйр цэцэн үгийн гураван мянган дээж – Д᠂Заяабаатар эмхэтгэв <Д ин аймаг>
716ᠳ (Д) ᠶᠢᠨ ᠠᠢᠮᠠᠭ
– ᠳ (д) –
450 ᠳᠠᠭᠠ ᠠ᠋ᠴᠠ ᠤᠨᠠᠵᠤ ᠦᠬᠦᠳᠡᠭ ᠦᠭᠡᠢ
ᠳᠠᠷᠪᠠᠭᠠᠷ ᠠ᠋ᠴᠠ ᠪᠣᠯᠵᠤ ᠦᠬᠦᠳᠡᠭ
451 ᠲᠠᠭᠠᠷᠠᠬᠤ ᠳ᠋ᠤ᠌ ᠭᠠᠯ ᠠᠪᠤᠷᠠᠯ
ᠠᠩᠭᠠᠬᠤ ᠳ᠋ᠤ᠌ ᠤᠰᠤ ᠠᠪᠤᠷᠠᠯ
452 ᠳᠠᠭᠠᠷᠢ ᠶ᠋ᠢᠨ ᠳᠡᠭᠡᠷᠡ ᠨᠢ
ᠳᠠᠪᠤᠰᠤ ᠬᠢᠬᠦ
453 ᠲᠠᠭᠠᠷᠠᠭᠰᠠᠨ ᠬᠥᠮᠦᠨ ᠬᠤᠪᠴᠠᠰᠤ ᠭᠣᠯᠣᠳᠠᠭ ᠦᠭᠡᠢ
ᠥᠯᠥᠰᠦᠭᠰᠡᠨ ᠬᠥᠮᠦᠨ ᠬᠣᠭᠣᠯᠠ ᠭᠣᠯᠣᠳᠠᠭ ᠦᠭᠡᠢ
454 ᠲᠠᠭᠠᠷᠠᠭᠰᠠᠨ ᠳ᠋ᠤ᠌ ᠳᠠᠬᠤ ᠬᠦᠷᠭᠡ
ᠳᠠᠰᠤᠭᠰᠠᠨ ᠳ᠋ᠤ᠌ ᠰᠡᠳᠬᠢᠯ ᠢ᠋ᠶ᠋ᠡᠨ ᠢᠯᠡᠴᠢᠯᠡ
455 ᠳᠠᠭᠠᠭᠠᠬᠤ ᠦᠭᠡᠢ ᠨᠣᠬᠠᠢ
ᠪᠤᠯᠤᠤ ᠬᠤᠷᠢᠶᠠᠬᠤ
456 ᠳᠠᠭᠠᠬᠢ ᠶ᠋ᠢᠨ ᠳᠣᠣᠷᠠ ᠠ᠋ᠴᠠ ᠮᠣᠷᠢ
ᠳᠠᠬᠤ ᠶ᠋ᠢᠨ ᠳᠣᠣᠷᠠ ᠠ᠋ᠴᠠ ᠡᠷᠡ
457 ᠳᠠᠪᠠᠷᠠᠭᠤ ᠬᠤᠯᠤᠭᠠᠨᠠ ᠵᠠᠩᠭᠤᠤ ᠳ᠋ᠤ᠌ ᠣᠷᠣᠵᠤ
ᠳᠠᠷᠪᠠᠭᠠᠷ ᠠᠮᠠ ᠬᠡᠷᠡᠭ ᠲᠦ᠍ ᠤᠨᠠᠬᠤ
458 ᠳᠠᠪᠤᠰᠤ ᠱᠣᠷᠪᠣᠭ ᠪᠣᠯᠪᠠᠴᠤ
ᠢᠳᠡᠭᠡᠨ ᠦ᠌ ᠠᠮᠲᠠ ᠳ᠋ᠤ᠌ ᠲᠤᠰᠠ ᠲᠠᠢ
ᠦᠨᠡᠨ ᠦᠭᠡ ᠬᠠᠲᠠᠭᠤ ᠪᠣᠯᠪᠠᠴᠤ
ᠬᠡᠳᠦ ᠶ᠋ᠢᠨ ᠶᠠᠪᠤᠳᠠᠯ ᠳ᠋ᠤ᠌ ᠲᠤᠰᠠ ᠲᠠᠢ
459 ᠳᠠᠪᠬᠢᠬᠤ ᠮᠣᠷᠢᠨ ᠤ᠋ ᠬᠤᠷᠳᠤᠨ ᠨᠢ
ᠳᠠᠯᠠᠢᠬᠤ ᠰᠡᠯᠡᠮᠡ ᠶ᠋ᠢᠨ ᠬᠤᠷᠴᠠ ᠨᠢ
460 ᠳ᠋ᠠᠵᠢᠨ ᠶᠡᠬᠡᠳᠡᠪᠡᠯ ᠦᠬᠦᠯ ᠢᠷᠡᠨᠡ
ᠳᠠᠪᠠᠯᠭᠠ ᠶᠡᠬᠡᠳᠡᠪᠡᠯ ᠰᠢᠭᠤᠷᠭᠠ ᠪᠣᠯᠤᠨᠠ
461 ᠲᠡᠢᠨ — ᠴᠢᠰᠤᠨ ᠮᠥᠷ ᠲᠡᠢ
ᠰᠠᠢᠨ — ᠰᠦᠨ ᠮᠥᠷ ᠲᠡᠢ
462 ᠳᠠᠢᠰᠤᠨ᠂ ᠠᠮᠠᠷᠠᠭ ᠠᠯᠢᠨ ᠳ᠋ᠤ᠌ ᠴᠦ᠍
ᠦᠭᠡᠨ ᠦ᠌ ᠴᠥᠭᠡᠨ᠂ ᠵᠠᠩ ᠤ᠋ᠨ ᠵᠥᠭᠡᠯᠡᠨ ᠨᠢ ᠳᠡᠭᠡᠷᠡ
463 ᠳᠠᠢᠰᠤᠨ ᠢᠷᠡᠬᠦ ᠳ᠋ᠦ᠍ ᠲᠡᠮᠡᠴᠡᠬᠦ ᠬᠡᠷᠡᠭ ᠲᠡᠢ
ᠳᠠᠯᠠᠢ ᠭᠠᠲᠤᠯᠬᠤ ᠳ᠋ᠤ᠌ ᠣᠩᠭᠣᠴᠠ ᠬᠡᠷᠡᠭ ᠲᠡᠢ
464 ᠳᠠᠢᠰᠤᠨ ᠢᠷᠡᠬᠦ ᠳ᠋ᠦ᠍
ᠳᠠᠷᠢ ᠪᠠᠨ ᠨᠤᠬᠤᠬᠤ
465 ᠳᠠᠢᠰᠤᠨ ᠤ᠋ ᠳᠡᠷᠭᠡᠳᠡ ᠠᠮᠠᠷᠠᠭ ᠢ᠋ᠶ᠋ᠠᠨ ᠪᠤᠤ ᠮᠠᠷᠲᠠ
ᠠᠮᠠᠷᠠᠭ ᠤ᠋ᠨ ᠳᠡᠷᠭᠡᠳᠡ ᠳᠠᠢᠰᠤᠨ ᠢ᠋ᠶ᠋ᠠᠨ ᠪᠤᠤ ᠨᠢᠭᠤ
466 ᠳᠠᠯᠤ᠂ ᠬᠠᠷᠪᠢᠩ ᠠᠮᠲᠠ ᠲᠠᠢ
ᠳᠣᠲᠣᠷ ᠮᠢᠬᠠ ᠲᠣᠮ ᠲᠠᠢ
467 ᠳᠠᠯᠠ ᠬᠦᠷᠲᠡᠯᠡ
ᠲᠠᠯᠤᠨ ᠤ᠋ ᠬᠠᠭᠤᠳᠠᠰᠤ ᠶ᠋ᠢ ᠭᠠᠭᠴᠠᠭᠠᠷ ᠢᠳᠡᠳᠡᠭ ᠦᠭᠡᠢ
468 ᠳᠠᠯᠠᠪᠴᠢ ᠦᠭᠡᠢ ᠰᠢᠪᠠᠭᠤ ᠨᠢᠰᠬᠦ ᠦᠭᠡᠢ
ᠡᠪ ᠦᠭᠡᠢ ᠬᠥᠮᠦᠨ ᠥᠭᠡᠳᠡᠯᠡᠬᠦ ᠦᠭᠡᠢ
469 ᠳᠠᠯᠠᠢ ᠳᠠᠪᠤᠰᠤ ᠪᠠᠷ ᠳᠤᠲᠠᠵᠤ
ᠳᠠᠭᠢᠨᠢ ᠡᠷᠡ ᠪᠡᠷ ᠳᠤᠲᠠᠬᠤ
470 ᠳᠠᠯᠠᠢ ᠤᠰᠤ ᠪᠠᠷ ᠬᠠᠨᠳᠠᠭ ᠦᠭᠡᠢ
ᠮᠡᠷᠭᠡᠳ ᠨᠣᠮ ᠢ᠋ᠶ᠋ᠠᠷ ᠬᠠᠨᠳᠠᠭ ᠦᠭᠡᠢ
471 ᠳᠠᠯᠠᠢ ᠶ᠋ᠢ ᠳᠠᠷᠤᠪᠠᠴᠤ ᠣᠷᠭᠢᠯᠤᠨᠠ
ᠪᠤᠯᠠᠭ ᠢ᠋ ᠪᠤᠯᠠᠪᠠᠴᠤ ᠣᠨᠳᠣᠷᠣᠨᠠ
472 ᠳᠠᠯᠠᠢ ᠳ᠋ᠤ᠌ ᠳᠤᠰᠤᠯ ᠨᠡᠮᠡᠷᠢ
ᠳᠠᠪᠤᠰᠤᠨ ᠳ᠋ᠤ᠌ ᠱᠡᠦ ᠨᠡᠮᠡᠷᠢ
473 ᠳᠠᠯᠠᠢ ᠳ᠋ᠤ᠌ ᠤᠰᠤᠴᠢ
ᠲᠡᠢᠨ ᠳ᠋ᠦ᠍ ᠪᠠᠭᠠᠲᠤᠷ
474 ᠳᠠᠯᠠᠢ ᠳ᠋ᠤ᠌ ᠬᠢᠵᠠᠭᠠᠷ ᠦᠭᠡᠢ
ᠡᠷᠳᠡᠮ ᠳ᠋ᠦ᠍ ᠣᠷᠣᠢ ᠦᠭᠡᠢ
475 ᠳᠠᠯᠠᠢ ᠶ᠋ᠢᠨ ᠤᠰᠤ ᠶ᠋ᠢ ᠬᠡᠮᠵᠢᠵᠦ ᠪᠣᠯᠬᠤ ᠦᠭᠡᠢ
ᠠᠯᠢᠪᠠ ᠬᠥᠮᠦᠨ ᠢ᠋ ᠪᠠᠰᠤᠮᠵᠢᠯᠠᠵᠤ ᠪᠣᠯᠬᠤ ᠦᠭᠡᠢ
476 ᠳᠠᠯᠠᠢᠯᠲᠠ ᠨᠢ ᠬᠦᠨᠳᠦ ᠴᠦ᠍
ᠪᠠᠭᠤᠯᠲᠠ ᠨᠢ ᠬᠥᠩᠭᠡᠨ
477 ᠳᠠᠯᠠᠢᠭᠰᠠᠨ ᠭᠠᠵᠠᠷ ᠳᠠᠯᠳᠠ ᠣᠷᠣᠵᠤ
ᠳᠠᠯᠠᠯᠤᠭᠰᠠᠨ ᠭᠠᠵᠠᠷ ᠢᠯᠡ ᠭᠠᠷᠬᠤ
478 ᠳᠠᠮ ᠤ᠋ᠨ ᠦᠭᠡ ᠳᠠᠯᠠᠨ ᠬᠤᠳᠠᠯ ᠲᠠᠢ
ᠵᠠᠮ ᠤ᠋ᠨ ᠦᠭᠡ ᠵᠠᠭᠤᠨ ᠬᠤᠳᠠᠯ ᠲᠠᠢ
479 ᠳᠠᠮ ᠤ᠋ᠨ ᠦᠭᠡ ᠳᠠᠮᠵᠢᠭ ᠲᠠᠢ
ᠳᠠᠮᠵᠢᠭᠰᠠᠨ ᠶᠠᠭᠤᠮᠠ ᠰᠡᠵᠢᠭ ᠲᠡᠢ
480 ᠳᠠᠩᠬᠤ ᠤᠷᠤᠭᠤ ᠲᠣᠯᠣᠭᠠᠢ ᠪᠠᠨ ᠪᠤᠤ ᠬᠢ
ᠲᠣᠭᠣᠭᠠ ᠤᠷᠤᠭᠤ ᠬᠣᠰᠢᠭᠤ ᠪᠠᠨ ᠪᠤᠤ ᠲᠥᠷᠥ
481 ᠳᠠᠷᠤᠪᠠᠴᠤ ᠳᠡᠯᠳᠡᠢᠨᠡ
ᠪᠤᠯᠠᠪᠠᠴᠤ ᠪᠤᠯᠲᠠᠢᠨᠠ
482 ᠳᠠᠷᠤᠭᠠ ᠪᠠᠨ ᠦᠵᠡᠬᠦ ᠪᠡᠷ ᠭᠥᠯᠢᠯᠵᠡᠵᠦ
ᠳᠠᠯᠳᠠ ᠪᠠᠢᠬᠤ ᠳ᠋ᠤᠨᠢ ᠮᠠᠭᠤᠯᠠᠬᠤ
483 ᠳᠡᠷᠡᠰᠦᠨ ᠦ᠌ ᠠᠮᠲᠠ ᠭᠠᠰᠢᠭᠤᠨ ᠪᠣᠯᠪᠠᠴᠤ
ᠨᠠᠢᠷ ᠬᠤᠷᠢᠮ ᠳ᠋ᠤ᠌ ᠴᠢᠮᠡᠭ ᠪᠣᠯᠬᠤ
484 ᠳᠠᠷᠠᠰᠤ ᠶ᠋ᠢ ᠰᠢᠮᠡᠵᠦ ᠤᠤᠭᠤᠪᠠᠯ ᠠᠮᠲᠠ ᠲᠠᠢ
ᠳᠠᠷᠬᠠᠨ ᠢ᠋ ᠣᠢᠭᠠ ᠦᠭᠡᠢ ᠬᠢᠪᠡᠯ ᠤᠷᠠ ᠲᠠᠢ
485 ᠳᠠᠷᠤᠯᠭᠠ ᠦᠭᠡᠢ ᠥᠰᠦᠭᠰᠡᠨ ᠬᠡᠦᠬᠡᠳ
ᠬᠠᠵᠠᠭᠠᠷ ᠦᠭᠡᠢ ᠮᠣᠷᠢ ᠠᠳᠠᠯᠢ
486 ᠳᠠᠷᠬᠠᠨ ᠬᠥᠮᠦᠨ
ᠪᠤᠷᠬᠠᠨ ᠤᠬᠠᠭᠠᠨ ᠲᠠᠢ
487 ᠳᠠᠰᠤᠭᠰᠠᠭᠠᠷ ᠳᠠᠰᠤᠭᠰᠠᠭᠠᠷ
ᠳᠠᠮᠠᠷᠤ ᠪᠠᠨ ᠰᠡᠭᠰᠦᠷᠬᠦ
488 ᠳᠠᠰᠤᠭᠰᠠᠨ ᠭᠠᠵᠠᠷ ᠤ᠋ᠨ
ᠳᠠᠪᠤᠤ ᠵᠥᠭᠡᠯᠡᠨ
489 ᠳᠠᠶᠢᠭ ( ᠲᠣᠯᠢ ᠪᠢᠴᠢᠭ) ᠦᠵᠡᠭᠡ ᠦᠭᠡᠢ ᠪᠢᠴᠢᠭᠡᠴᠢ
ᠮᠠᠶᠢᠭ ᠦᠵᠡᠭᠡ ᠦᠭᠡᠢ ᠵᠢᠷᠤᠭᠠᠴᠢ
490 ᠳᠣᠭᠣᠯᠠᠩ ᠮᠣᠷᠢᠨ ᠠ᠋ᠴᠠ ᠲᠣᠭᠣᠰᠣ ᠶᠡᠬᠡ ᠭᠠᠷᠤᠨᠠ
ᠳᠣᠣᠷᠠᠲᠤ ᠬᠥᠮᠦᠨ ᠡᠴᠡ ᠦᠭᠡ ᠶᠡᠬᠡ ᠭᠠᠷᠤᠨᠠ
491 ᠲᠣᠭᠰᠢᠨ ᠬᠤᠢ ᠳᠤᠮᠳᠠ ᠪᠠᠨ ᠬᠦᠴᠦ ᠥᠬᠡᠢ
ᠲᠣᠰᠣᠨ ᠳ᠋ᠧᠩ ᠳᠣᠣᠷᠠ ᠪᠠᠨ ᠭᠡᠷᠡᠯ ᠦᠭᠡᠢ
492 ᠳᠣᠯᠣᠭᠠ ᠳᠠᠬᠢᠨ ᠬᠡᠮᠵᠢᠵᠦ
ᠨᠢᠭᠡ ᠤᠳᠠᠭᠠ ᠤᠭᠲᠤᠯ
493 ᠳᠣᠯᠣᠭᠠᠨ ᠪᠤᠯᠴᠢᠷᠬᠠᠢ
ᠨᠠᠢ᠍ᠮᠠᠨ ᠨᠠᠢᠯᠵᠠᠭᠤᠷᠬᠠᠢ ᠪᠠᠨ ᠲᠣᠭᠠᠴᠢᠬᠤ
494 ᠳᠣᠯᠣᠭᠠᠨ ᠨᠡᠬᠡᠢ ᠪᠡᠷ
ᠲᠠᠪᠤᠨ ᠨᠢᠳᠤᠷᠭᠠ ᠡᠰᠬᠡᠬᠦ
495 ᠳᠣᠣᠷᠠ ᠪᠠᠨ ᠰᠠᠭᠤᠷᠢ ᠲᠠᠢ
ᠳᠣᠲᠣᠷᠠ ᠪᠠᠨ ᠪᠣᠳᠣᠯ ᠲᠠᠢ ᠶᠠᠪᠤ
496 ᠳᠣᠲᠣᠷᠠ ᠪᠠᠨ ᠨᠢᠩᠵᠢᠨ ᠰᠡᠳᠬᠢᠯ ᠦᠭᠡᠢ ᠶᠦᠮ ᠪᠣᠯ
ᠲᠣᠭᠠᠯᠠᠰᠢ ᠦᠭᠡᠢ ᠡᠷᠳᠡᠮ ᠲᠡᠢ ᠪᠣᠯᠪᠠᠴᠤ ᠲᠤᠰᠠ ᠦᠭᠡᠢ
497 ᠳᠣᠲᠣᠭᠤᠷ ᠲᠠᠮᠢᠷ ᠲᠠᠢ ᠲᠥᠷᠥᠯ ᠡᠴᠡ
ᠬᠠᠷᠠ ᠡᠯᠢᠭᠡ ᠶ᠋ᠢᠨ ᠬᠥᠮᠦᠨ ᠳᠡᠭᠡᠷᠡ
498 ᠳᠥᠷᠪᠡᠨ ᠴᠠᠭ ᠤ᠋ᠨ ᠳᠣᠲᠣᠷᠠ ᠠ᠋ᠴᠠ ᠵᠤᠨ ᠤ᠋ ᠴᠠᠭ ᠦᠯᠡᠮᠵᠢ
ᠠᠮᠠᠷᠠᠭ ᠰᠠᠳᠤᠨ ᠤ᠋ ᠳᠣᠲᠣᠷᠠ ᠠ᠋ᠴᠠ ᠠᠪᠤ ᠡᠵᠢ ᠦᠯᠡᠮᠵᠢ
499 ᠳᠦᠷᠦ ᠦᠭᠡᠢ ᠪᠤᠬᠠ ᠰᠢᠭ᠋
ᠳᠥᠩᠭᠡ ᠦᠭᠡᠢ ᠬᠤᠯᠠᠭᠠᠢᠴᠢ ᠰᠢᠭ᠋
500 ᠳᠥᠷᠥᠭᠡ ᠤᠷᠲᠤ ᠴᠦ᠍ ᠭᠠᠵᠠᠷ ᠲᠤ ᠬᠦᠷᠬᠦ ᠦᠭᠡᠢ
ᠳᠡᠭᠦᠦ ᠰᠠᠢᠨ ᠴᠦ᠍ ᠠᠬᠠ ᠳ᠋ᠤ᠌ ᠬᠦᠷᠬᠦ ᠦᠭᠡᠢ
501 ᠳᠥᠨᠡᠨ ᠱᠠᠷ ᠢ᠋ ᠬᠥᠲᠥᠯᠬᠦ ᠳ᠋ᠦ᠍ ᠬᠢᠯᠪᠠᠷ
ᠳᠡᠭᠦᠦ ᠬᠥᠮᠦᠨ ᠢ᠋ ᠵᠠᠷᠤᠬᠤ ᠳ᠋ᠤ᠌ ᠬᠢᠯᠪᠠᠷ
502 ᠳᠥᠷᠥᠭᠡ ᠦᠭᠡᠢ ᠡᠮᠡᠭᠡᠯ ᠪᠠᠢᠳᠠᠭ ᠦᠭᠡᠢ
ᠳᠦᠷᠢᠮ ᠦᠭᠡᠢ ᠪᠢᠴᠢᠭ ᠪᠠᠢᠳᠠᠭ ᠦᠭᠡᠢ
503 ᠳᠤᠷᠠ ᠪᠡᠶᠡ ᠪᠡᠨ ᠭᠣᠯᠣᠳᠠᠭ ᠦᠭᠡᠢ
ᠳᠤᠮᠳᠠ ᠴᠢᠮᠥᠭᠡ ᠰᠡᠭᠦᠵᠢ ᠪᠡᠨ ᠭᠣᠯᠣᠳᠠᠭ ᠦᠭᠡᠢ
504 ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠳᠣᠷᠭᠢᠵᠤ
ᠳᠤᠮᠳᠠ ᠴᠢᠮᠥᠭᠡ ᠪᠡᠷ ᠢ᠋ᠶ᠋ᠡᠨ ᠵᠢᠷᠭᠢᠬᠦ
505 ᠳᠤᠷᠠ ᠦᠭᠡᠢ ᠯᠠᠮᠠ ᠳ᠋ᠤ᠌
ᠳᠠᠷᠤᠵᠤ ᠪᠠᠢᠵᠤ ᠰᠠᠬᠢᠯ ᠬᠦᠷᠲᠡᠭᠡᠬᠦ
506 ᠳᠤᠰᠤᠯ ᠢ᠋ ᠬᠤᠷᠢᠶᠠᠪᠠᠯ ᠳᠠᠯᠠᠢ
ᠲᠤᠭᠤᠯᠤᠭᠰᠠᠨ ᠢ᠋ ᠬᠤᠷᠢᠶᠠᠪᠠᠯ ᠡᠷᠳᠡᠮ
507 ᠳᠤᠤᠭᠠᠷᠪᠠᠯ ᠳᠠᠭᠤ ᠨᠢᠭᠡ
ᠳᠤᠭᠲᠤᠷᠪᠠᠯ ᠬᠦᠴᠦ ᠨᠢᠭᠡ
508 ᠳᠠᠭᠤ ᠦᠭᠡᠢ ᠰᠠᠭᠤᠭᠰᠠᠨ ᠠ᠋ᠴᠠ ᠭᠡᠮ ᠭᠠᠷᠬᠤ ᠦᠭᠡᠢ
ᠲᠣᠭᠣᠷᠢᠭ ᠶᠠᠭᠤᠮᠠᠨ ᠠ᠋ᠴᠠ ᠦ ᠭᠠᠷᠬᠤ ᠦᠭᠡᠢ
509 ᠳᠠᠭᠤᠳᠠᠬᠤ ᠨᠡᠷᠡ ᠶ᠋ᠢ ᠠᠪᠤ ᠡᠵᠢ ᠥᠭᠳᠡᠭ
ᠳᠠᠭᠤᠷᠢᠰᠬᠤ ᠠᠯᠳᠠᠷ ᠢ᠋ ᠥᠪᠡᠷ ᠢ᠋ᠶ᠋ᠡᠨ ᠣᠯᠳᠠᠭ
510 ᠲᠤᠭᠤᠯᠤᠭᠰᠠᠨ ᠢ᠋ᠶ᠋ᠠᠨ ᠬᠡᠯᠡᠳᠡᠭ ᠦᠭᠡᠢ ᠡᠷᠳᠡᠮᠲᠡᠨ ᠡᠴᠡ
ᠳᠤᠤᠭᠠᠷᠴᠤ ᠶᠠᠪᠤᠳᠠᠭ ᠲᠡᠨᠡᠭ ᠳᠡᠭᠡᠷᠡ
511 ᠲᠤᠭᠤᠯᠤᠭᠰᠠᠨ ᠢ᠋ᠶ᠋ᠠᠨ ᠴᠢᠬᠢᠨ ᠳ᠋ᠦ᠍
ᠦᠵᠡᠭᠰᠡᠨ ᠢ᠋ᠶ᠋ᠡᠨ ᠨᠢᠳᠦᠨ ᠳ᠋ᠦ᠍
512 ᠳᠠᠭᠤ ᠲᠠᠢ ᠲᠩᠷᠢ ᠬᠤᠷᠠ ᠦᠭᠡᠢ
ᠴᠤᠤᠲᠠᠢ ᠬᠡᠦᠬᠡᠨ ᠬᠤᠷᠢᠮ ᠦᠭᠡᠢ
513 ᠳᠠᠭᠤᠤ ᠲᠠᠢ ᠬᠥᠮᠦᠨ ᠨᠠᠢᠷ ᠤ᠋ᠨ ᠴᠢᠮᠡᠭ
ᠨᠣᠮ ᠲᠠᠢ ᠯᠠᠮᠠ ᠬᠤᠷᠠᠯ ᠤ᠋ᠨ ᠴᠢᠮᠡᠭ
514 ᠳᠦᠷᠢᠮ ᠦᠭᠡᠢ ᠨᠣᠶᠠᠨ
ᠳᠦᠷᠰᠦ ᠦᠭᠡᠢ ᠴᠡᠷᠢᠭ ᠬᠣᠶᠠᠷ ᠠᠳᠠᠯᠢ
515 ᠳᠡᠪᠰᠡ ᠵᠢ ᠨᠢ ᠦᠵᠡᠵᠦ ᠮᠣᠷᠢ ᠶ᠋ᠢ ᠨᠢ ᠤᠶᠠᠬᠤ ᠮᠠᠭᠤᠬᠠᠢ
ᠳᠡᠪᠡᠯ ᠢ᠋ ᠨᠢ ᠦᠵᠡᠵᠦ ᠳᠡᠪᠢᠰᠬᠡᠷ ᠳᠡᠪᠢᠰᠬᠦ ᠮᠠᠭᠤᠬᠠᠢ
516 ᠳᠡᠯᠭᠡᠷᠡᠬᠦ ᠬᠠᠪᠤᠷ ᠤ᠋ᠨ ᠢᠷᠡᠬᠦ ᠨᠢ ᠡᠷᠲᠡ
ᠳᠡᠭᠵᠢᠷᠡᠬᠦ ᠠᠢᠯ ᠤ᠋ᠨ ᠪᠣᠰᠬᠤ ᠨᠢ ᠡᠷᠲᠡ
517 ᠳᠡᠯᠡᠬᠡᠢ ᠶ᠋ᠢᠨ ᠰᠢᠷᠣᠢ ᠶ᠋ᠢ ᠳᠡᠭᠡᠭᠰᠢ ᠬᠠᠶᠠᠪᠠᠴᠤ ᠳᠣᠭᠣᠭᠰᠢ ᠪᠠᠨ
ᠳ᠋ᠧᠩ ᠦ᠋ᠨ ᠭᠠᠯ ᠢ᠋ ᠳᠣᠭᠣᠭᠰᠢ ᠳᠠᠷᠤᠪᠠᠴᠤ ᠳᠡᠭᠡᠭᠰᠢ ᠪᠡᠨ
518 ᠳᠠᠮ ᠳᠠᠮ ᠳ᠋ᠡᠭᠡᠨ
ᠳᠡᠭᠡᠰᠦ ᠡᠷᠴᠢᠮ ᠳ᠋ᠡᠭᠡᠨ
519 ᠳᠡᠭᠡᠭᠦᠷ ᠰᠠᠨᠠᠭᠠ ᠬᠤᠯᠵᠢᠳᠠᠭ
ᠳᠡᠩᠳᠡᠭᠦᠦ ᠰᠡᠴᠡᠨ ᠭᠬᠢᠷᠲᠦᠳᠡᠭ
520 ᠳᠡᠭᠡᠳᠦᠰ ᠢ᠋ ᠪᠤᠤ ᠵᠤᠯᠭᠤᠢᠳᠠ
ᠳᠣᠣᠷᠠᠳᠤᠰ ᠢ᠋ ᠪᠤᠤ ᠳᠣᠷᠣᠮᠵᠢᠯᠠ
521 ᠳᠡᠭᠡᠳᠦᠰ ᠢ᠋ ᠳᠡᠭᠡᠭᠰᠢ ᠨᠢ ᠡᠷᠭᠦᠬᠦ ᠬᠡᠷᠡᠭ ᠲᠡᠢ
ᠳᠣᠣᠷᠠᠳᠤᠰ ᠢ᠋ ᠳᠣᠭᠣᠭᠰᠢ ᠨᠢ ᠳᠠᠷᠤᠬᠤ ᠬᠡᠷᠡᠭ ᠲᠡᠢ
522 ᠳᠡᠭᠡᠳᠦᠰ ᠨᠢ ᠰᠠᠭᠤᠳᠠᠯ ᠢ᠋ᠶ᠋ᠠᠨ ᠣᠯᠬᠤ ᠦᠭᠡᠢ ᠪᠣᠯ
ᠳᠣᠣᠷᠠᠳᠤᠰ ᠨᠢ ᠭᠦᠶᠦᠳᠡᠯ ᠢ᠋ᠶ᠋ᠡᠨ ᠣᠯᠬᠤ ᠦᠭᠡᠢ
523 ᠳᠡᠪᠡᠯ ᠳᠡᠭᠡᠷᠡ ᠲᠤᠰᠬᠤ ᠨᠢ ᠤᠰᠤ ᠪᠣᠯᠪᠠᠴᠤ
ᠳᠡᠯᠡᠬᠡᠢ ᠳᠡᠭᠡᠷᠡ ᠲᠤᠰᠬᠤ ᠨᠢ ᠳᠤᠰᠤ
524 ᠳᠡᠪᠡᠯ ᠦ᠋ᠨ ᠲᠠᠭᠠᠷᠠᠭᠰᠠᠨ ᠨᠢ
ᠦᠭᠡᠨ ᠦ᠌ ᠴᠥᠭᠡᠨ ᠨᠢ
525 ᠳᠡᠪᠡᠯ ᠬᠤᠪᠴᠠᠰᠤᠨ ᠤ᠋ ᠴᠡᠪᠡᠷ ᠨᠢ
ᠳᠠᠷᠠᠰᠤ ᠬᠤᠯᠤᠰᠤᠨ ᠤ᠋ ᠥᠨᠳᠥᠷ ᠨᠢ
526 ᠳᠡᠪᠡᠯ ᠳ᠋ᠦ᠍ ᠨᠢᠭᠡ ᠵᠠᠭᠠᠮᠠ ᠪᠠᠢᠳᠠᠭ
ᠭᠡᠷ ᠲᠦ᠍ ᠨᠢᠭᠡ ᠲᠡᠷᠢᠭᠦᠨ ᠪᠠᠢᠳᠠᠭ
527 ᠳᠡᠪᠡᠯ ᠢ᠋ ᠳᠠᠪᠬᠤᠷᠯᠠᠪᠠᠯ ᠲᠠᠭᠠᠷᠠᠬᠤ ᠦᠭᠡᠢ
ᠳᠡᠭᠡᠰᠦ ᠶ᠋ᠢ ᠭᠤᠷᠮᠤᠰᠤᠯᠠᠪᠠᠯ ᠲᠠᠰᠤᠷᠠᠬᠤ ᠦᠭᠡᠢ
528 ᠳᠡᠪᠡᠯ ᠦ᠋ᠨ ᠰᠢᠨᠡ ᠨᠢ
ᠬᠥᠮᠦᠨ ᠦ᠌ ᠬᠠᠭᠤᠴᠢᠨ ᠨᠢ
529 ᠳᠡᠪᠡᠯ ᠢ᠋ᠶ᠋ᠡᠨ ᠳᠠᠭᠠᠭᠠᠬᠤ ᠦᠭᠡᠢ ᠪᠢᠷᠠ ᠲᠠᠢ ᠮᠥᠷᠲᠡᠭᠡᠨ
ᠳᠡᠭᠡᠪᠦᠷ ᠲᠡᠭᠡᠨ ᠪᠠᠭᠲᠠᠬᠤ ᠦᠭᠡᠢ ᠠᠭᠤᠷ ᠲᠠᠢ
530 ᠳᠡᠭᠡᠷᠡ ᠶᠠᠪᠤᠪᠠᠯ ᠠᠲᠠᠭᠠᠷᠬᠠᠵᠤ
ᠳᠣᠣᠷᠠ ᠶᠠᠪᠤᠪᠠᠯ ᠳᠣᠷᠣᠮᠵᠢᠯᠠᠬᠤ
531 ᠳᠡᠭᠡᠷᠡᠮ ᠶᠠᠭᠤᠮᠠ ᠶ᠋ᠢ ᠬᠣᠭᠣᠰᠣᠯᠠᠨᠠ
ᠲᠦᠢᠮᠡᠷ ᠪᠡᠯᠴᠢᠭᠡᠷ ᠢ᠋ ᠰᠦᠢᠳᠬᠡᠨᠡ
532 ᠳᠡᠭᠡᠭᠰᠢ ᠪᠡᠨ ᠲᠩᠷᠢ ᠬᠣᠯᠠ
ᠳᠣᠭᠣᠭᠰᠢ ᠪᠠᠨ ᠭᠠᠵᠠᠷ ᠬᠠᠲᠠᠭᠤ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠳᠮᠠᠰᠡᠴᠡᠨ᠂ ᠣᠶᠤᠨᠪᠠᠲᠤ᠂ ᠴᠡᠩᠬᠡᠯᠴᠡᠴᠡᠭ᠂ ᠰᠠᠷᠠᠨᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠪᠣᠯᠣᠳ᠂ ᠪᠠᠯ᠂ ᠣᠳᠬᠣᠨᠴᠡᠴᠡᠭ᠂ ᠴᠡᠩᠬᠡᠯᠴᠡᠴᠡᠭ