ᠮᠣᠩᠭᠣᠯ ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ ᠳᠡᠭᠡᠵᠢ – ᠳ᠂ ᠵᠠᠶᠠᠭᠠᠪᠠᠭᠠᠲᠤᠷ ᠡᠮᠬᠢᠳᠬᠡᠪᠡ < ᠵ ᠶᠢᠨ ᠠᠢᠮᠠᠭ З-1>Монгол зүйр цэцэн үгийн гураван мянган дээж – Д᠂Заяабаатар эмхэтгэв <З ин аймаг 1>
479ᠵ (З) ᠶᠢᠨ ᠠᠢᠮᠠᠭ -1
569 ᠵᠠ ᠭᠡᠪᠡᠯ ᠶᠣ ᠦᠭᠡᠢ
ᠬᠠᠲᠠᠭᠤ ᠡᠷᠡ ᠶ᠋ᠢᠨ ᠶᠣᠰᠣ
ᠵᠠᠢᠯᠠ ᠭᠡᠪᠡᠯ ᠪᠣᠰᠬᠤ ᠦᠭᠡᠢ
ᠬᠡᠳᠡᠷ ᠡᠷᠡ ᠶ᠋ᠢᠨ ᠶᠣᠰᠣ
570 ᠵᠠᠭᠠᠨ ᠬᠡᠴᠢᠨᠡᠨ(ᠭᠡᠴᠢᠨᠡᠬᠡᠨ) ᠲᠣᠮᠣ ᠴᠤ᠌
ᠵᠠᠮ ᠤ᠋ᠨ ᠠᠶᠠ ᠶ᠋ᠢ ᠳᠠᠭᠠᠨᠠ
ᠵᠠᠩᠵᠤᠨ ᠬᠡᠴᠢᠨᠡᠨ ᠮᠠᠲᠠᠯ ᠲᠠᠢ ᠴᠤ᠌
ᠬᠠᠤᠯᠢ ᠶᠣᠰᠣ ᠪᠠᠨ ᠳᠠᠭᠠᠨᠠ
571 ᠵᠠᠭᠠᠨ ᠤ᠋ ᠰᠡᠭᠦᠯ ᠪᠣᠯᠬᠤ ᠪᠠᠷ
ᠣᠭᠣᠲᠣᠨᠠ ᠶ᠋ᠢᠨ ᠲᠣᠯᠣᠭᠠᠢ ᠪᠣᠯ
572 ᠵᠢᠭᠠᠷ ᠦᠭᠡᠢ ᠪᠡᠬᠡ
ᠴᠠᠭᠠᠰᠤᠨ ᠳ᠋ᠤ᠌ ᠰᠢᠩᠭᠡᠬᠦ ᠦᠭᠡᠢ
ᠵᠠᠶᠠᠭᠠ ᠦᠭᠡᠢ ᠬᠥᠮᠦᠨ
ᠵᠠᠮ ᠳ᠋ᠤ᠌ ᠤᠴᠠᠷᠠᠬᠤ ᠦᠭᠡᠢ
573 ᠵᠠᠪᠠᠭᠠᠨ ᠬᠥᠮᠦᠨ ᠡᠪᠡᠳᠬᠦ ᠨᠢ ᠣᠯᠠᠨ
ᠵᠠᠯᠬᠠᠭᠤ ᠬᠥᠮᠦᠨ ᠦᠷᠭᠡᠯᠡᠬᠦ ᠨᠢ ᠣᠯᠠᠨ
574 ᠵᠠᠪᠢᠯᠠᠬᠤ ᠨᠢ ᠵᠠᠩᠵᠤᠨ
ᠵᠠᠯᠭᠢᠬᠤ ᠨᠢ ᠮᠠᠩᠭᠤᠰ
575 ᠵᠠᠪᠰᠠᠷ ᠤ᠋ᠨ ᠭᠡᠮ ᠡᠵᠡᠨ ᠡᠴᠡ
ᠵᠠᠮ ᠤ᠋ᠨ ᠬᠣᠯᠠ ᠤᠨᠤᠭᠠᠨ ᠠ᠋ᠴᠠ
576 ᠵᠠᠪᠬᠠᠢ ᠬᠥᠮᠦᠨ ᠬᠠᠨᠢ ᠦᠭᠡᠢ
ᠵᠠᠯᠬᠠᠭᠤ ᠬᠥᠮᠦᠨ ᠬᠣᠭᠣᠯᠠ ᠦᠭᠡᠢ
577 ᠵᠠᠭᠠᠯᠮᠠᠢ ᠶ᠋ᠢᠨ ᠰᠠᠢᠨ ᠨᠢᠭᠡ ᠱᠦᠭᠦᠷᠳᠡᠯ ᠲᠡᠢ
ᠵᠠᠯᠠᠭᠤ ᠶ᠋ᠢᠨ ᠰᠠᠢᠨ ᠨᠢᠭᠡ ᠦᠭᠡ ᠲᠡᠢ
578 ᠵᠢᠭᠠᠰᠤ ᠲᠠᠷᠢᠬᠢᠨ ᠠ᠋ᠴᠠ ᠪᠠᠨ ᠭᠤᠲᠤᠬᠤ
ᠵᠠᠯᠬᠠᠭᠤ ᠲᠠᠪᠠᠭ ᠠ᠋ᠴᠠ ᠪᠠᠨ ᠭᠤᠲᠤᠬᠤ
579 ᠵᠢᠭᠠᠰᠤ ᠤᠰᠤᠨ ᠤ᠋ ᠪᠠᠨ ᠬᠢᠷᠢ ᠪᠡᠷ ᠲᠤᠢᠯᠠᠳᠠᠭ
ᠬᠥᠮᠦᠨ ᠬᠦᠴᠦᠨ ᠦ᠌ ᠪᠡᠨ ᠬᠢᠷᠢ ᠪᠡᠷ ᠠᠮᠢᠳᠤᠷᠠᠳᠠᠭ
580 ᠵᠢᠭᠠᠰᠤᠨ ᠳ᠋ᠤ᠌ ᠭᠠᠵᠠᠷ ᠬᠡᠷᠡᠭ ᠦᠭᠡᠢ
ᠵᠠᠯᠠᠭᠤ ᠳ᠋ᠤ᠌ ᠵᠠᠯᠬᠠᠭᠤ ᠬᠡᠷᠡᠭ ᠦᠭᠡᠢ
581 ᠵᠠᠳᠠᠭᠠᠢ ᠬᠡᠦᠬᠡᠨ ᠦ᠌ ᠬᠤᠷᠢᠮ ᠵᠦᠳᠡᠷᠡᠭᠦᠦ
ᠵᠠᠷᠭᠤ ᠲᠠᠢ ᠬᠥᠮᠦᠨ ᠦ᠌ ᠴᠢᠷᠠᠢ ᠵᠦᠳᠡᠷᠡᠭᠦᠦ
582 ᠵᠠᠵᠢᠯᠤᠭᠠ ᠦᠭᠡᠢ ᠵᠠᠯᠭᠢᠬᠤ
ᠬᠣᠳᠣᠭᠣᠳᠣᠨ ᠳ᠋ᠤ᠌ ᠮᠠᠭᠤ
ᠪᠣᠳᠣᠭᠠ ᠦᠭᠡᠢ ᠬᠡᠯᠡᠬᠦ
ᠶᠠᠪᠤᠳᠠᠯ ᠳ᠋ᠤ᠌ ᠮᠠᠭᠤ
583 ᠵᠠᠢᠳᠠᠩ ᠤᠨᠤᠭᠠ ᠪᠥᠭᠰᠡᠨ ᠳ᠋ᠦ᠍ ᠮᠠᠭᠤ
ᠵᠠᠯᠢ ᠮᠡᠬᠡ ᠪᠡᠶᠡ ᠳ᠋ᠦ᠍ ᠮᠠᠭᠤ
584 ᠵᠠᠢᠳᠠᠩ ᠤᠨᠤᠪᠠᠯ ᠪᠥᠭᠰᠡ ᠬᠤᠯᠠᠭᠤᠨᠠ
ᠵᠠᠪᠬᠠᠢ ᠶᠠᠪᠤᠪᠠᠯ ᠰᠢᠪᠰᠢᠭ ᠲᠠᠷᠢᠨᠠ
585 ᠵᠠᠯᠪᠠᠷᠢᠭᠰᠠᠨ ᠦᠨᠡᠨᠴᠢ
ᠵᠠᠨᠤᠭᠰᠠᠨ ᠬᠤᠳᠠᠯᠴᠢ
586 ᠵᠠᠯᠭᠢᠵᠤ ᠢᠳᠡᠪᠡᠯ ᠬᠣᠣᠷ ᠪᠣᠯᠤᠨᠠ
ᠵᠠᠵᠢᠯᠵᠤ ᠢᠳᠡᠪᠡᠯ ᠬᠣᠭᠣᠯᠠ ᠪᠣᠯᠤᠨᠠ
587 ᠵᠠᠯᠢᠯᠠᠬᠤ ᠭᠡᠳ ᠵᠠᠮ ᠢ᠋ᠶ᠋ᠠᠨ ᠠᠯᠳᠠᠨᠠ
ᠵᠠᠩᠳᠤᠷᠬᠤ ᠭᠡᠳ ᠬᠦᠨᠳᠦ ᠪᠡᠨ ᠠᠯᠳᠠᠨᠠ
588 ᠵᠠᠯᠢᠬᠠᠢ ᠬᠥᠮᠦᠨ ᠳ᠋ᠦ᠍ ᠡᠷᠬᠡ ᠥᠭᠪᠡᠯ
ᠵᠢᠷᠠᠨ ᠦᠵᠦᠭᠦᠷᠲᠦ ᠵᠡᠭᠦᠦ ᠠᠳᠠᠯᠢ
589 ᠵᠠᠯᠢᠬᠠᠢ ᠬᠥᠮᠦᠨ ᠦ᠌ ᠨᠢᠯᠪᠤᠰᠤ
ᠵᠣᠪᠬᠢᠨ ᠳᠣᠲᠣᠷᠠ ᠪᠠᠨ
590 ᠵᠠᠯᠢᠬᠠᠢ ᠶᠠᠪᠤᠳᠠᠯᠲᠠᠨ ᠲᠠᠢ
ᠠᠷᠭᠠ ᠪᠤᠤ ᠵᠥᠪᠯᠡ
ᠵᠠᠩ ᠢ᠋ᠶ᠋ᠠᠨ ᠬᠤᠪᠢᠯᠭᠠᠭᠴᠢ ᠬᠥᠮᠦᠨ ᠲᠡᠢ
ᠤᠳᠠᠭᠠᠨ ᠪᠤᠤ ᠬᠠᠨᠢᠯᠠ
591 ᠵᠠᠯᠠᠭᠤ ᠨᠠᠰᠤ ᠬᠦᠰᠡᠭᠡᠳ ᠣᠯᠳᠠᠳᠠᠭ ᠦᠭᠡᠢ
ᠬᠥᠭᠰᠢᠨ ᠨᠠᠰᠤ ᠬᠤᠰᠤᠭᠠᠳ ᠠᠷᠢᠯᠳᠠᠭ ᠦᠭᠡᠢ
592 ᠵᠠᠯᠠᠭᠤ ᠨᠠᠰᠤᠨ ᠳ᠋ᠤ᠌ ᠵᠢᠰᠦ ᠴᠢᠮᠡᠭ
ᠥᠲᠡᠯᠬᠦ ᠨᠠᠰᠤᠨ ᠳ᠋ᠤ᠌ ᠡᠳ᠋ ᠴᠢᠮᠡᠭ
593 ᠵᠠᠯᠠᠭᠤ ᠨᠢ ᠬᠥᠭᠰᠢᠨ ᠢ᠋ᠶ᠋ᠡᠨ ᠪᠠᠰᠤᠨᠠ
ᠬᠥᠭᠰᠢᠨ ᠨᠢ ᠵᠠᠯᠠᠭᠤ ᠪᠠᠨ ᠭᠣᠯᠣᠨᠠ
594 ᠵᠠᠯᠠᠭᠤ ᠬᠥᠮᠦᠨ ᠠᠯᠳᠠᠳᠠᠭ
ᠽᠠᠨᠳᠠᠨ ᠮᠣᠳᠣ ᠮᠤᠷᠤᠢᠳᠠᠭ
595 ᠵᠠᠯᠠᠭᠤ ᠬᠥᠮᠦᠨ ᠪᠡᠶᠡ ᠶ᠋ᠢᠨ ᠥᠩᠭᠡ ᠪᠡᠷ
ᠬᠥᠭᠰᠢᠨ ᠬᠥᠮᠦᠨ ᠬᠤᠪᠴᠠᠰᠤᠨ ᠤ᠋ ᠥᠩᠭᠡ ᠪᠡᠷ
596 ᠵᠠᠯᠠᠭᠤ ᠬᠥᠮᠦᠨ ᠭᠡᠨᠡᠨ
ᠡᠪᠦᠭᠡᠨ ᠬᠥᠮᠦᠨ ᠬᠠᠰᠢᠷ
597 ᠵᠠᠯᠠᠭᠤ ᠬᠥᠮᠦᠨ ᠵᠠᠪ ᠦᠭᠡᠢ
ᠽᠠᠨᠳᠠᠨ ᠮᠣᠳᠣ ᠶᠠᠷᠠ ᠦᠭᠡᠢ
598 ᠵᠠᠯᠠᠭᠤ ᠬᠥᠮᠦᠨ ᠨᠡᠷᠡ ᠳ᠋ᠦ᠍ ᠳᠤᠷᠠ ᠲᠠᠢ
ᠬᠥᠭᠰᠢᠨ ᠬᠥᠮᠦᠨ ᠳᠡᠷᠡ ᠳ᠋ᠦ᠍ ᠳᠤᠷᠠ ᠲᠠᠢ
599 ᠵᠠᠯᠠᠭᠤ ᠬᠥᠮᠦᠨ ᠬᠤᠷᠤᠭᠤ ᠨᠡᠮᠡᠬᠦ ᠳ᠋ᠦ᠍
ᠬᠥᠭᠰᠢᠨ ᠬᠥᠮᠦᠨ ᠤᠬᠠᠭᠠᠨ ᠨᠡᠮᠡᠳᠡᠭ
600 ᠵᠠᠯᠠᠭᠤ ᠬᠥᠮᠦᠨ ᠶᠠᠪᠤᠨ ᠵᠢᠷᠭᠠᠳᠠᠭ
ᠬᠥᠭᠰᠢᠨ ᠬᠥᠮᠦᠨ ᠰᠠᠭᠤᠨ ᠵᠢᠷᠭᠠᠳᠠᠭ
601 ᠵᠠᠯᠠᠭᠤ ᠬᠥᠮᠦᠨ ᠳ᠋ᠦ᠍ ᠦᠰ ᠪᠦᠦ ᠳᠡᠯᠪᠢ
ᠵᠢᠵᠢᠭ ᠮᠠᠢᠮᠠᠢ ᠳ᠋ᠤ᠌ ᠥᠷᠢ ᠪᠦᠦ ᠳᠡᠯᠪᠢ
602 ᠵᠠᠯᠠᠭᠤ ᠬᠥᠮᠦᠨ ᠦ᠌ ᠵᠠᠮ ᠤ᠋ᠨ ᠬᠦᠵᠦᠭᠦᠦ ᠤᠷᠲᠤ
ᠵᠠᠯᠬᠠᠭᠤ ᠬᠥᠮᠦᠨ ᠦ᠌ ᠦᠭᠡ ᠶ᠋ᠢᠨ ᠬᠦᠵᠦᠭᠦᠦ ᠤᠷᠲᠤ
603 ᠵᠠᠯᠠᠭᠤ ᠬᠥᠮᠦᠨ ᠦ᠌ ᠵᠣᠷᠢᠭ ᠠ᠋ᠴᠠ
ᠴᠢᠨᠳᠠᠮᠤᠨᠢ ᠡᠷᠳᠡᠨᠢ ᠪᠦᠲᠦᠬᠦ
604 ᠵᠠᠯᠠᠭᠤ ᠴᠠᠭ ᠲᠤ᠌ ᠡᠴᠢᠭᠡ ᠡᠬᠡ ᠶ᠋ᠢᠨ ᠡᠷᠬᠡ ᠪᠡᠷ
ᠢᠳᠡᠷ ᠴᠠᠭ ᠲᠤ᠌ ᠡᠬᠡᠨᠡᠷ ᠦ᠋ᠨ ᠡᠷᠬᠡ ᠪᠡᠷ
ᠥᠲᠡᠯᠬᠦ ᠴᠠᠭ ᠲᠤ᠌ ᠦᠷᠡ ᠬᠡᠦᠬᠡᠳ ᠦ᠋ᠨ ᠡᠷᠬᠡ ᠪᠡᠷ
605 ᠵᠠᠯᠠᠭᠤ ᠶ᠋ᠢ ᠳᠦᠷᠢ ᠪᠡᠷ ᠨᠢ ᠲᠠᠨᠢᠬᠤ
ᠵᠠᠯᠬᠠᠭᠤ ᠶ᠋ᠢ ᠶᠠᠪᠤᠭᠰᠠᠨ ᠢ᠋ᠶ᠋ᠠᠷ ᠨᠢ ᠮᠡᠳᠡᠬᠦ
606 ᠵᠠᠯᠠᠭᠤ ᠳ᠋ᠠᠭᠠᠨ ᠵᠣᠪᠠᠪᠠᠯ
ᠥᠲᠡᠯᠬᠦ ᠳ᠋ᠡᠭᠡᠨ ᠵᠢᠷᠭᠠᠨᠠ
607 ᠵᠠᠯᠬᠠᠭᠤ ᠠᠶᠤᠮᠠᠬᠠᠢ ᠬᠣᠶᠠᠷ
ᠵᠣᠷᠢᠭ ᠠᠵᠢᠯ ᠬᠣᠶᠠᠷ ᠲᠤ᠌ ᠬᠣᠣᠷ ᠲᠠᠢ
608 ᠵᠠᠯᠬᠠᠭᠤ ᠬᠥᠮᠦᠨ ᠦᠭᠡ ᠣᠯᠠᠨ ᠲᠠᠢ
ᠵᠠᠯᠠᠭᠤ ᠬᠥᠮᠦᠨ ᠬᠦᠴᠦ ᠶᠡᠬᠡ ᠲᠡᠢ
609 ᠵᠠᠯᠬᠠᠭᠤ ᠬᠥᠮᠦᠨ ᠦ᠌ ᠲᠣᠯᠣᠭᠠᠢ ᠡᠪᠡᠳᠬᠦ ᠣᠯᠠᠨ
ᠵᠠᠯᠢᠬᠠᠢ ᠬᠥᠮᠦᠨ ᠦ᠌ ᠬᠤᠳᠠᠯ ᠬᠡᠯᠡᠬᠦ ᠣᠯᠠᠨ
610 ᠵᠠᠯᠬᠠᠭᠤ ᠠ᠋ᠴᠠ ᠵᠠᠶᠠᠭᠠ ᠵᠠᠢᠯᠠᠬᠤ
ᠵᠠᠯᠢᠲᠠᠨ ᠠ᠋ᠴᠠ ᠰᠢᠳᠤᠷᠭᠤ ᠬᠣᠯᠠᠳᠠᠬᠤ
611 ᠵᠠᠯᠬᠠᠭᠤ ᠶ᠋ᠢᠨ ᠭᠠᠳᠠᠨᠠ ᠲᠦᠯᠡᠭᠡ ᠦᠭᠡᠢ
ᠵᠠᠯᠭᠢᠳᠠᠭ ᠤ᠋ᠨ ᠭᠡᠷ ᠲᠦ᠍ ᠬᠣᠭᠣᠯᠠ ᠦᠭᠡᠢ
612 ᠵᠠᠯᠬᠠᠭᠤ ᠶ᠋ᠢᠨ ᠮᠠᠭᠤ ᠵᠠᠪᠠᠭ ᠲᠠᠭᠠᠨ ᠬᠦᠷᠳᠡᠭ ᠦᠭᠡᠢ
ᠵᠠᠶᠠᠭᠠᠨ ᠤ᠋ ᠮᠠᠭᠤ ᠤᠰᠤᠨ ᠳ᠋ᠤ᠌ ᠬᠦᠷᠳᠡᠭ ᠦᠭᠡᠢ
613 ᠵᠠᠯᠬᠠᠭᠤ ᠳ᠋ᠤ᠌ ᠥᠬᠢᠨ ᠢ᠋ᠶ᠋ᠡᠨ ᠪᠦᠦ ᠥᠭ
ᠰᠣᠭᠲᠣᠭᠤ ᠳ᠋ᠤ᠌ ᠮᠣᠷᠢ ᠪᠠᠨ ᠪᠦᠦ ᠥᠭ
614 ᠵᠠᠮ ᠡᠪᠳᠡᠳᠡᠭ ᠦᠶᠡᠷ
ᠵᠠᠩ ᠡᠪᠳᠡᠳᠡᠭ ᠠᠷᠢᠬᠢ
615 ᠵᠠᠮ ᠤ᠋ᠨ ᠤᠷᠲᠤ ᠶ᠋ᠢ ᠲᠡᠮᠡᠭᠡ ᠲᠤᠭᠤᠯᠤᠨᠠ
ᠵᠠᠷᠭᠤ ᠶ᠋ᠢᠨ ᠤᠴᠢᠷ ᠢ᠋ ᠲᠦᠰᠢᠮᠡᠯ ᠣᠯᠤᠨᠠ
616 ᠵᠠᠮ ᠤ᠋ᠨ ᠴᠢᠯᠠᠭᠤ ᠮᠣᠷᠢᠨ ᠳ᠋ᠤ᠌ ᠬᠠᠷᠰᠢ
ᠵᠠᠯᠬᠠᠭᠤ ᠬᠥᠮᠦᠨ ᠠᠵᠢᠯ ᠳ᠋ᠤ᠌ ᠬᠠᠷᠰᠢ
617 ᠵᠠᠩ ᠵᠠᠩ ᠢ᠋ᠶ᠋ᠠᠨ ᠮᠡᠳᠡᠯᠴᠡᠪᠡᠯ ᠬᠡᠯᠡᠯᠴᠡᠬᠦ ᠳ᠋ᠦ᠍ ᠠᠮᠠᠷ
ᠵᠠᠮ ᠵᠠᠮ ᠢ᠋ᠶ᠋ᠠᠨ ᠣᠯᠤᠯᠴᠠᠪᠠᠯ ᠶᠠᠪᠤᠬᠤ ᠳ᠋ᠤ᠌ ᠠᠮᠠᠷ
618 ᠵᠠᠩ ᠨᠢ ᠳᠡᠭᠡᠭᠦᠷ
ᠵᠠᠶᠠᠭᠠ ᠨᠢ ᠳᠣᠭᠤᠤᠷ
619 ᠵᠠᠩ ᠰᠠᠢᠲᠠᠢ ᠠᠢᠯ ᠳ᠋ᠤ᠌ ᠬᠥᠮᠦᠨ ᠣᠯᠠᠨ ᠴᠤᠭᠯᠠᠳᠠᠭ
ᠵᠠᠮᠠᠭ ᠰᠠᠢᠲᠠᠢ ᠨᠠᠭᠤᠷ ᠲᠤ᠌ ᠵᠢᠭᠠᠰᠤ ᠣᠯᠠᠨ ᠴᠤᠭᠯᠠᠳᠠᠭ
620 ᠵᠠᠩ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠶᠠᠪᠤᠪᠠᠯ ᠪᠡᠶᠡ ᠳ᠋ᠦ᠍ ᠠᠮᠠᠷ
ᠵᠠᠮ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠶᠠᠪᠤᠪᠠᠯ ᠮᠣᠷᠢᠨ ᠳ᠋ᠤ᠌ ᠠᠮᠠᠷ
621 ᠵᠠᠩ ᠢ᠋ ᠨᠢ ᠮᠡᠳᠡᠬᠦ ᠦᠭᠡᠢ
ᠮᠣᠷᠢᠨ ᠤ᠋ ᠠᠷᠤ ᠪᠠᠷ ᠪᠤᠤ ᠲᠤᠭᠤᠷᠢ
ᠵᠠᠬᠠ ᠶ᠋ᠢ ᠨᠢ ᠮᠡᠳᠡᠬᠦ ᠦᠭᠡᠢ
ᠣᠢ ᠶ᠋ᠢᠨ ᠳᠤᠮᠳᠠᠭᠤᠷ ᠪᠦᠦ ᠭᠠᠷ
622 ᠵᠠᠩᠭᠤᠤ ᠬᠡᠳᠦᠢ ᠪᠢᠴᠢᠬᠠᠨ ᠪᠣᠯᠪᠠᠴᠤ
ᠬᠥᠯ ᠢ᠋ ᠬᠠᠳᠬᠤᠬᠤ ᠱᠣᠷᠣ ᠲᠠᠢ
ᠵᠠᠯᠢᠬᠠᠢ ᠬᠡᠳᠦᠢ ᠴᠥᠭᠡᠨ ᠪᠣᠯᠪᠠᠴᠤ
ᠤᠯᠤᠰ ᠢ᠋ ᠮᠥᠬᠥᠭᠡᠬᠦ ᠮᠡᠬᠡ ᠲᠡᠢ
623 ᠽᠠᠨᠳᠠᠨ ᠮᠣᠳᠣ ᠴᠤ᠌ ᠤᠨᠠᠳᠠᠭ
ᠵᠠᠯᠠᠭᠤ ᠬᠥᠮᠦᠨ ᠴᠦ᠍ ᠥᠲᠡᠯᠳᠡᠭ
624 ᠵᠠᠩᠳᠤᠷᠴᠤ ᠪᠠᠢᠬᠤ ᠠᠭᠠᠰᠢ ᠲᠠᠢ
ᠵᠠᠪᠢᠯᠠᠵᠤ ᠰᠠᠭᠤᠬᠤ ᠰᠠᠨᠠᠭᠠ ᠲᠠᠢ
625 ᠵᠠᠷᠠᠭᠠᠨ ᠤ᠋ ᠥᠷᠭᠡᠰᠦ ᠭᠠᠳᠠᠨᠠ ᠪᠠᠨ
ᠵᠠᠯᠢᠬᠠᠢ ᠶ᠋ᠢᠨ ᠥᠷᠭᠡᠰᠦ ᠳᠣᠲᠣᠨᠠ ᠪᠠᠨ
626 ᠵᠠᠷᠠᠭᠠᠨ ᠤ᠋ ᠦᠰᠦ ᠥᠷᠭᠡᠰᠦ ᠲᠡᠢ
ᠵᠠᠯᠠᠭᠤ ᠬᠥᠮᠦᠨ ᠣᠮᠣᠭ ᠲᠠᠢ
627 ᠵᠠᠷᠤᠬᠤ ᠳᠡᠭᠦᠦ ᠲᠡᠢ
ᠵᠠᠬᠢᠷᠬᠤ ᠠᠬᠠ ᠲᠠᠢ
628 ᠵᠠᠷᠭᠤ ᠶ᠋ᠢ ᠰᠢᠭᠦᠬᠦ ᠳ᠋ᠦ᠍ ᠬᠡᠴᠡᠭᠦᠦ
ᠵᠠᠪᠬᠠᠷᠠᠯ ᠢ᠋ ᠵᠠᠰᠠᠬᠤ ᠳ᠋ᠤ᠌ ᠪᠡᠷᠬᠡ
629 ᠵᠠᠶᠠᠭᠠᠨ ᠳ᠋ᠠᠭᠠᠨ ᠨᠠᠢᠳᠠᠬᠤ ᠪᠠᠷ
ᠵᠣᠷᠢᠭ ᠲᠠᠭᠠᠨ ᠨᠡᠢᠲᠡ
630 ᠵᠠᠶᠠᠭᠠᠲᠤ ᠬᠥᠮᠦᠨ ᠵᠠᠷᠭᠤ ᠦᠭᠡᠢ
ᠢᠷᠦᠭᠡᠯᠲᠦ ᠬᠥᠮᠦᠨ ᠬᠡᠷᠡᠭᠦᠯ ᠦᠭᠡᠢ
631 ᠵᠣᠪᠠᠯᠭᠠ ᠪᠣᠯᠪᠠᠯ ᠬᠡᠷᠢᠶᠡ ᠪᠡᠶᠡᠰᠦᠨᠡ
ᠵᠣᠪᠠᠯᠠᠩ ᠪᠣᠯᠪᠠᠯ ᠮᠠᠢᠮᠠᠢᠴᠢᠳ ᠪᠡᠶᠡᠰᠦᠨᠡ
632 ᠵᠣᠪᠠᠯᠠᠩ ᠵᠣᠪᠠᠯᠠᠩ ᠤ᠋ᠨ ᠳᠤᠮᠳᠠ ᠠ᠋ᠴᠠ
ᠰᠠᠨᠠᠭᠠᠨ ᠤ᠋ ᠵᠣᠪᠠᠯᠠᠩ ᠬᠡᠴᠡᠭᠦᠦ
633 ᠵᠣᠪᠠᠯᠠᠩ ᠢᠷᠡᠪᠡᠯ ᠴᠢᠨᠦᠬᠢ
ᠵᠣᠭᠣᠰ ᠣᠯᠳᠠᠪᠠᠯ ᠮᠢᠨᠦᠬᠢ ᠭᠡᠬᠦ
634 ᠵᠣᠪᠠᠯᠠᠩ ᠮᠡᠳᠡᠬᠦ ᠦᠭᠡᠢ ᠭᠡᠭᠡᠨ ᠡᠴᠡ
ᠵᠣᠪᠠᠯᠠᠩ ᠮᠡᠳᠡᠬᠦ ᠴᠢᠳᠬᠥᠷ ᠳᠡᠭᠡᠷᠡ
635 ᠵᠣᠪᠠᠯᠠᠩ ᠢ᠋ ᠰᠥᠷᠭᠡ
ᠵᠢᠷᠭᠠᠯ ᠢ᠋ ᠳᠠᠭᠠ
636 ᠵᠣᠪᠠᠯᠠᠩ ᠤ᠋ᠨ ᠪᠠᠭᠠ ᠨᠢ
ᠵᠢᠷᠭᠠᠯ ᠤ᠋ᠨ ᠶᠡᠬᠡ ᠨᠢ
637 ᠵᠣᠪᠠᠯᠠᠩ ᠤ᠋ᠨ ᠳᠣᠲᠣᠷᠠ ᠵᠢᠷᠭᠠᠯ ᠪᠣᠢ
ᠵᠣᠭᠣᠰ ᠤ᠋ᠨ ᠳᠣᠲᠣᠷᠠ ᠵᠣᠪᠠᠯᠠᠩ ᠪᠣᠢ
638 ᠵᠣᠪᠠᠯᠠᠩ ᠳ᠋ᠤ᠌ ᠪᠤᠤ ᠭᠤᠨᠢ
ᠵᠢᠷᠭᠠᠯ ᠳ᠋ᠤ᠌ ᠪᠤᠤ ᠲᠠᠰᠢᠭᠤᠷᠠ
639 ᠵᠣᠪᠠᠯᠠᠩ ᠲᠠᠢ ᠦᠶᠡ ᠳ᠋ᠦ᠍ ᠨᠢᠯᠪᠤᠰᠤ
ᠭᠠᠩ ᠲᠠᠢ ᠴᠠᠭ ᠪᠣᠷᠣᠭᠠ
640 ᠵᠣᠪᠠᠬᠤ ᠦᠭᠡᠢ ᠪᠣᠯ
ᠵᠣᠭᠣᠰ ᠣᠯᠳᠠᠬᠤ ᠦᠭᠡᠢ
641 ᠵᠣᠪᠠᠬᠤ ᠠ᠋ᠴᠠ ᠠᠶᠤᠪᠠᠯ
ᠵᠣᠷᠢᠭᠰᠠᠨ ᠳ᠋ᠠᠭᠠᠨ ᠬᠦᠷᠬᠦ ᠦᠭᠡᠢ
642 ᠵᠣᠪᠠᠬᠤ ᠴᠠᠭ ᠲᠤ᠌
ᠨᠥᠬᠥᠷ ᠦ᠋ᠨ ᠴᠢᠨᠠᠷ ᠲᠠᠨᠢᠭᠳᠠᠨᠠ
643 ᠵᠣᠳᠣᠬᠤ ᠶ᠋ᠢᠨ ᠮᠠᠭᠤ ᠴᠢᠮᠬᠢᠬᠦ
ᠬᠡᠯᠡᠬᠦ ᠶ᠋ᠢᠨ ᠮᠠᠭᠤ ᠵᠥᠭᠡᠬᠦ
644 ᠵᠣᠵᠢᠭ ᠬᠥᠮᠦᠨ ᠵᠣᠪᠠᠯᠠᠩ ᠳ᠋ᠤ᠌ ᠤᠴᠠᠷᠠᠨᠠ
ᠵᠣᠵᠢᠭ ᠮᠠᠯ ᠴᠢᠨᠣᠠ ᠳ᠋ᠤ᠌ ᠪᠠᠷᠢᠭᠳᠠᠨᠠ
645 ᠵᠣᠯ— ᠵᠣᠪᠠᠭᠠᠵᠤ ᠢᠷᠡᠳᠡᠭ
ᠵᠣᠪᠠᠯ— ᠵᠣᠷᠢᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠢᠷᠡᠳᠡᠭ
646 ᠵᠣᠯ ᠢᠷᠡᠬᠦ ᠳ᠋ᠦ᠍ ᠪᠤᠤ ᠭᠡᠳᠡᠢ
ᠵᠣᠪᠠᠯ ᠢᠷᠡᠬᠦ ᠳ᠋ᠦ᠍ ᠪᠤᠤ ᠪᠦᠬᠦᠢ
647 ᠵᠤᠯᠭᠠᠯ ᠦᠭᠡᠢ ᠲᠠᠨᠢᠯ ᠲᠠᠢ ᠪᠣᠯᠬᠤ ᠦᠭᠡᠢ
ᠵᠣᠪᠠᠯ ᠦᠭᠡᠢ ᠡᠷᠳᠡᠮ ᠲᠡᠢ ᠪᠣᠯᠬᠤ ᠦᠭᠡᠢ
648 ᠵᠣᠯ ᠢ᠋ ᠪᠤᠤ ᠢᠳᠡᠭᠡ
ᠵᠣᠪᠠᠯ ᠠ᠋ᠴᠠ ᠪᠤᠤ ᠰᠢᠨᠲᠠᠷᠠ
649 ᠵᠣᠭᠣᠰ ᠦᠭᠡᠢ ᠪᠣᠯ ᠵᠣᠭᠰᠣᠭᠠ ᠶᠢᠷᠲᠢᠨᠴᠦ
ᠵᠣᠭᠣᠰ ᠲᠠᠢ ᠪᠣᠯ ᠵᠢᠷᠣᠭᠠ ᠶᠢᠷᠲᠢᠨᠴᠦ
650 ᠵᠣᠭᠣᠰ ᠤ᠋ᠨ ᠳᠡᠭᠡᠷᠡ ᠲᠤᠯᠤᠭᠰᠠᠨ ᠨᠥᠬᠥᠷᠯᠡᠯ ᠬᠡᠪᠡᠷᠡᠭ
ᠵᠣᠪᠠᠯᠠᠩ ᠳᠡᠭᠡᠷᠡ ᠲᠦᠰᠢᠭᠰᠡᠨ ᠵᠢᠷᠭᠠᠯ ᠪᠠᠲᠤ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠳᠮᠠᠰᠡᠴᠡᠨ᠂ ᠪᠠᠯ᠂ ᠰᠠᠷᠠᠨᠲᠤᠶᠠᠭᠠ᠂ ᠣᠶᠣᠨᠪᠠᠲᠤ
ᠬᠢᠨᠠᠭᠴᠢ᠄ ᠣᠳᠬᠣᠨᠴᠡᠴᠡᠭ᠂ ᠪᠠᠯ