ᠮᠣᠩᠭᠣᠯ ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ ᠳᠡᠭᠡᠵᠢ – ᠳ᠂ ᠵᠠᠶᠠᠭᠠᠪᠠᠭᠠᠲᠤᠷ ᠡᠮᠬᠢᠳᠬᠡᠪᠡ < ᠭ᠌ ᠶᠢᠨ ᠠᠢᠮᠠᠭ >Монгол зүйр цэцэн үгийн гураван мянган дээж – Д᠂Заяабаатар эмхэтгэв <Г ин аймаг >
542ᠭ᠌ ᠶᠢᠨ ᠠᠢᠮᠠᠭ
– ᠭ᠌ ( Г ) –
343 ᠭᠠᠭᠠᠷᠠᠳᠠᠭ ᠬᠥᠮᠦᠨ ᠭᠠᠯᠵᠠᠭᠤ ᠨᠣᠬᠠᠢ ᠰᠢᠭ᠋
ᠠᠭᠤᠷᠯᠠᠳᠠᠭ ᠬᠥᠮᠦᠨ ᠠᠭᠤᠷ ᠲᠠᠢ ᠨᠣᠬᠠᠢ ᠰᠢᠭ᠋
344 ᠭᠠᠪᠢᠶᠠ ᠪᠠᠭᠠ ᠴᠦ᠍ ᠤᠷᠮᠠ ᠲᠠᠢ
ᠭᠠᠢ ᠥᠴᠦᠬᠡᠨ ᠴᠦ᠍ ᠭᠠᠰᠠᠯᠠᠩ ᠲᠠᠢ
345 ᠭᠠᠪᠢᠶᠠ ᠨᠡᠷᠡ ᠶ᠋ᠢ ᠣᠯᠤᠶᠠ ᠭᠡᠪᠡᠯ
ᠭᠠᠭᠴᠠ ᠰᠡᠳᠬᠢᠯ ᠢ᠋ᠶ᠋ᠡᠷ ᠴᠢᠷᠮᠠᠢ
346 ᠭᠠᠪᠢᠶᠠᠨ ᠳ᠋ᠠᠭᠠᠨ ᠡᠷᠳᠦᠵᠦ
ᠭᠠᠯᠠᠭᠤ ᠤᠨᠤᠬᠤ
347 ᠭᠠᠳᠠᠭᠠ ᠭᠠᠩᠳᠠᠵᠤ
ᠬᠥᠳᠡᠭᠡ ᠬᠥᠬᠡᠷᠡᠬᠦ
348 ᠭᠠᠳᠠᠭᠠ ᠭᠠᠷᠴᠤ ᠡᠷᠡ ᠪᠣᠯᠵᠤ
ᠭᠡᠷ ᠲᠦ᠍ ᠣᠷᠣᠵᠤ ᠡᠮᠡ ᠪᠣᠯᠬᠤ
349 ᠭᠠᠳᠠᠭᠠᠳᠤ ᠪᠠᠢᠳᠠᠯ ᠨᠢ ᠲᠣᠳᠢ ᠲᠣᠭᠣᠰ ᠰᠢᠭ᠋
ᠳᠣᠲᠣᠭᠠᠳᠤ ᠪᠠᠢᠳᠠᠯ ᠨᠢ ᠰᠢᠪᠠᠷ ᠱᠠᠯᠪᠠᠭ ᠰᠢᠭ᠋
350 ᠭᠠᠳᠠᠭᠰᠢ ᠭᠠᠷᠬᠤ ᠳ᠋ᠤ᠌ ᠵᠡᠪᠰᠡᠭ ᠬᠡᠷᠡᠭ ᠲᠡᠢ
ᠭᠠᠯ ᠤᠨᠲᠠᠷᠠᠭᠠᠬᠤ ᠳ᠋ᠤ᠌ ᠤᠰᠤ ᠬᠡᠷᠡᠭ ᠲᠡᠢ
351 ᠭᠠᠳᠠᠭᠰᠢ ᠶᠠᠪᠤᠬᠤ ᠬᠥᠮᠦᠨ ᠠᠮᠢ ᠪᠠᠨ ᠬᠢᠴᠢᠶᠡ
ᠭᠡᠷ ᠲᠦ᠍ ᠪᠠᠢᠬᠤ ᠬᠥᠮᠦᠨ ᠭᠠᠯ ᠢ᠋ᠶ᠋ᠠᠨ ᠬᠢᠴᠢᠶᠡ
352 ᠭᠠᠳᠠᠨᠠ ᠭᠠᠪᠢᠶᠠ ᠪᠦᠲᠦᠪᠡᠯ
ᠳᠣᠲᠣᠷᠠ ᠲᠤᠰᠠ ᠪᠦᠲᠦᠨᠡ
353 ᠭᠠᠳᠠᠨᠠ ᠪᠠᠨ ᠲᠦᠯᠡᠭᠡ ᠦᠭᠡᠢ
ᠭᠠᠩ ᠳ᠋ᠠᠭᠠᠨ ᠤᠰᠤ ᠦᠭᠡᠢ
354 ᠭᠠᠳᠠᠨᠠᠬᠢ ᠬᠤᠯᠠᠭᠠᠢᠴᠢ ᠶ᠋ᠢ ᠰᠡᠷᠭᠡᠢᠯᠡᠬᠦ ᠳ᠋ᠦ᠍ ᠬᠢᠯᠪᠠᠷ
ᠭᠡᠷ ᠲᠡᠬᠢ ᠬᠤᠯᠠᠭᠠᠢᠴᠢ ᠶ᠋ᠢ ᠪᠠᠷᠢᠬᠤ ᠳ᠋ᠤ᠌ ᠪᠡᠷᠬᠡ
355 ᠭᠠᠵᠠᠷ ᠳᠣᠣᠷᠠᠬᠢ ᠦᠨᠳᠦᠰᠦ ᠶ᠋ᠢ
ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠠᠰᠤᠯᠵᠤ ᠪᠣᠯᠳᠠᠭ ᠦᠭᠡᠢ
356 ᠭᠠᠵᠠᠷ ᠣᠢᠴᠢᠭᠰᠠᠨ ᠬᠥᠮᠦᠨ
ᠭᠠᠵᠠᠷ ᠢ᠋ᠶ᠋ᠠᠨ ᠲᠦᠰᠢᠵᠦ ᠪᠣᠰᠳᠠᠭ
357 ᠭᠠᠢ ᠭᠠᠵᠠᠷ ᠳᠣᠣᠷᠠ ᠠ᠋ᠴᠠ
ᠭᠠᠬᠠᠢ ᠮᠣᠳᠣᠨ ᠳᠣᠲᠣᠷᠠ ᠠ᠋ᠴᠠ
358 ᠭᠠᠢ ᠭᠠᠰᠠᠯᠠᠩ
ᠬᠡᠯᠡᠵᠦ ᠢᠷᠡᠳᠡᠭ ᠦᠭᠡᠢ
359 ᠭᠠᠢ ᠲᠠᠢ ᠠᠢᠯ ᠳ᠋ᠤ᠌ ᠯᠠᠮᠠ( ᠯᠠᠮᠠ) ᠣᠮᠣᠭ ᠲᠠᠢ
ᠭᠠᠮᠰᠢᠭ ᠲᠠᠢ ᠵᠢᠯ ᠨᠣᠬᠠᠢ ᠣᠮᠣᠭ ᠲᠠᠢ
360 ᠭᠠᠯ ᠢ᠋ᠶ᠋ᠠᠷ ᠪᠤᠤ ᠨᠠᠭᠠᠳ
ᠭᠠᠢ ᠭᠠᠮᠰᠢᠭ ᠪᠣᠯᠤᠨᠠ
361 ᠭᠠᠯ ᠠ᠋ᠴᠠ ᠵᠢᠭᠤᠲᠠᠵᠤ
ᠤᠰᠤᠨ ᠳ᠋ᠤ᠌ ᠤᠨᠠᠬᠤ
362 ᠭᠠᠯᠵᠠᠭᠤᠷᠠᠬᠤ ᠳ᠋ᠤ᠌
ᠭᠠᠭᠴᠠ ᠬᠤᠷᠤᠭᠤ ᠳᠤᠲᠠᠬᠤ
363 ᠭᠠᠯᠠᠭᠤ ᠳᠤᠤᠭᠠᠷᠪᠠᠯ ᠭᠠᠩ ᠪᠣᠯᠳᠠᠭ
ᠬᠡᠷᠢᠶᠡ ᠳᠤᠤᠭᠠᠷᠪᠠᠯ ᠪᠣᠣᠬᠠᠢ( ᠴᠢᠨᠣᠠ) ᠢᠷᠡᠳᠡᠭ
364 ᠭᠠᠯᠠᠭᠤ ᠶ᠋ᠢ ᠳᠠᠭᠤᠷᠢᠶᠠᠵᠤ
ᠬᠡᠷᠢᠶᠡ ᠬᠥᠯ ᠢ᠋ᠶ᠋ᠡᠨ ᠬᠥᠯᠳᠡᠭᠡᠬᠦ
365 ᠭᠠᠯᠠᠭᠤ ᠢᠷᠡᠪᠡᠯ ᠳᠠᠭᠤ ᠲᠠᠢ
ᠬᠥᠮᠦᠨ ᠲᠥᠷᠥᠪᠡᠯ ᠨᠡᠷᠡ ᠲᠡᠢ
366 ᠭᠠᠯᠠᠭᠤ ᠰᠠᠬᠢᠭᠰᠠᠨ ᠬᠡᠷᠢᠶᠡ ᠤᠰᠤᠨ ᠳ᠋ᠤ᠌ ᠤᠨᠠᠳᠠᠭ
ᠭᠠᠢ ᠲᠠᠷᠢᠭᠰᠠᠨ ᠬᠥᠮᠦᠨ ᠦᠢᠯᠡ ᠪᠡᠨ ᠡᠳ᠋ᠯᠡᠳᠡᠭ
367 ᠭᠠᠯ ᠲᠠᠢ ᠳ᠋ᠠᠭᠠᠨ ᠳᠤᠯᠠᠭᠠᠨ
ᠭᠠᠮ ᠲᠠᠢ ᠳ᠋ᠠᠭᠠᠨ ᠪᠠᠶᠠᠨ
368 ᠭᠠᠯ ᠤ᠋ᠨ ᠬᠡᠯᠬᠢᠶᠡ ᠲᠤᠯᠭᠠ
ᠭᠠᠳᠠᠰᠤᠨ ᠤ᠋ ᠬᠡᠯᠬᠢᠶᠡ ᠵᠡᠯᠡ
369 ᠭᠠᠩ ᠪᠣᠯᠬᠤ ᠳ᠋ᠤ᠌ ᠪᠤᠯᠠᠭ ᠤ᠋ᠨ ᠰᠠᠢᠨ ᠮᠡᠳᠡᠭᠳᠡᠬᠦ
ᠭᠠᠢ ᠪᠣᠯᠬᠤ ᠳ᠋ᠤ᠌ ᠨᠥᠬᠥᠷ ᠦ᠋ᠨ ᠰᠠᠢᠨ ᠲᠠᠨᠢᠭᠳᠠᠬᠤ
370 ᠭᠠᠩᠭᠠᠩ ᠬᠥᠮᠦᠨ ᠳ᠋ᠦ᠍ ᠭᠠᠷᠠᠬᠠ ᠨᠡᠮᠡᠷᠢ
ᠭᠠᠭᠴᠠᠭᠠᠷ ᠶᠠᠪᠤᠬᠤ ᠳ᠋ᠤ᠌ ᠳᠠᠭᠤᠤ ᠨᠡᠮᠡᠷᠢ
371 ᠭᠠᠩᠭᠠᠩ ᠬᠥᠮᠦᠨ ᠦ᠌ ᠦᠬᠦᠯ
ᠬᠠᠪᠤᠷ ᠨᠠᠮᠤᠷ
372 ᠭᠠᠩᠳᠠᠬᠤ ᠦᠶᠡ ᠳ᠋ᠦ᠍ ᠪᠣᠷᠣᠭᠠ ᠬᠦᠰᠡᠬᠦ
ᠭᠠᠴᠢᠭᠳᠠᠬᠤ ᠦᠶᠡ ᠳ᠋ᠦ᠍ ᠬᠠᠨᠢ ᠬᠦᠰᠡᠬᠦ
373 ᠭᠠᠭᠴᠠ ᠪᠥᠬᠡ ᠡᠴᠡ
ᠡᠶᠡ ᠪᠥᠬᠡ
374 ᠭᠠᠭᠴᠠ ᠭᠠᠵᠠᠷ ᠰᠠᠭᠤᠭᠰᠠᠨ ᠰᠡᠴᠡᠨ ᠡᠴᠡ
ᠭᠠᠵᠠᠷ ᠪᠦᠷᠢ ᠶᠠᠪᠤᠭᠰᠠᠨ ᠲᠡᠨᠡᠭ ᠳᠡᠭᠡᠷᠡ
375 ᠭᠠᠭᠴᠠ ᠭᠡᠷ ᠭᠠᠯ ᠢ᠋ᠶ᠋ᠠᠨ ᠬᠢᠴᠢᠶᠡ
ᠬᠣᠶᠠᠷ ᠭᠡᠷ ᠬᠣᠪ ᠢ᠋ᠶ᠋ᠠᠨ ᠬᠢᠴᠢᠶᠡ
376 ᠭᠠᠭᠴᠠ ᠳᠡᠪᠡᠯᠲᠦ ᠪᠠᠷᠢᠯᠳᠤᠭᠠᠴᠢ
ᠭᠠᠭᠴᠠ ᠮᠣᠷᠢᠲᠤ ᠤᠷᠤᠯᠳᠤᠭᠠᠴᠢ
377 ᠭᠠᠭᠴᠠ ᠲᠡᠮᠡᠭᠡ ᠲᠡᠢ ᠬᠥᠮᠦᠨ ᠳ᠋ᠦ᠍
ᠡᠷᠢᠯ ᠲᠠᠰᠤᠷᠠᠬᠤ ᠦᠭᠡᠢ
ᠬᠣᠶᠠᠷ ᠡᠬᠡᠨᠡᠷ ᠲᠡᠢ ᠬᠥᠮᠦᠨ ᠳ᠋ᠦ᠍
ᠬᠡᠷᠡᠭᠦᠯ ᠲᠠᠰᠤᠷᠠᠬᠤ ᠦᠭᠡᠢ
378 ᠭᠠᠭᠴᠠ ᠬᠥᠮᠦᠨ ᠠᠷᠭᠠ ᠮᠡᠬᠦᠰ
ᠬᠣᠶᠠᠷ ᠬᠥᠮᠦᠨ ᠠᠷᠭᠠ ᠲᠡᠭᠦᠰ
379 ᠭᠠᠭᠴᠠ ᠴᠤᠴᠠᠯᠢ ᠭᠠᠯ ᠪᠣᠯᠳᠠᠭ ᠦᠭᠡᠢ
ᠭᠠᠭᠴᠠ ᠬᠥᠮᠦᠨ ᠠᠢᠯ ᠪᠣᠯᠳᠠᠭ ᠦᠭᠡᠢ
380 ᠭᠠᠭᠴᠠ ᠴᠤᠴᠠᠯᠢ ᠭᠠᠯ ᠤ᠋ᠨ ᠡᠬᠢ
ᠭᠠᠭᠴᠠ ᠦᠨᠢᠶᠡ ᠮᠠᠯ ᠤ᠋ᠨ ᠡᠬᠢ
381 ᠭᠠᠭᠴᠠᠭᠠᠷ ᠰᠢᠢᠳᠪᠡᠯ ᠭᠠᠷᠤᠵᠠ ᠶᠡᠬᠡ
ᠣᠯᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠰᠢᠢᠳᠪᠡᠯ ᠣᠯᠵᠠ ᠶᠡᠬᠡ
382 ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠪᠠᠢᠬᠤ ᠳ᠋ᠤ᠌ ᠪᠡᠶᠡ ᠪᠡᠨ ᠰᠢᠨᠵᠢ
ᠣᠯᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠢᠬᠤ ᠳ᠋ᠤ᠌ ᠦᠭᠡ ᠪᠡᠨ ᠰᠢᠨᠵᠢ
383 ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠢᠳᠡᠭᠰᠡᠨ
ᠭᠠᠬᠠᠢ ᠲᠠᠷᠭᠤᠯᠠᠳᠠᠭ ᠦᠭᠡᠢ
ᠣᠯᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠢᠳᠡᠭᠰᠡᠨ
ᠣᠭᠣᠲᠣᠨᠠ ᠲᠤᠷᠠᠵᠤ ᠦᠬᠦᠳᠡᠭ ᠦᠭᠡᠢ
384 ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠶᠠᠪᠤᠬᠤ ᠳ᠋ᠤ᠌ ᠭᠠᠵᠠᠷ ᠬᠣᠯᠠ
ᠭᠠᠰᠠᠯᠠᠩ ᠳ᠋ᠤ᠌ ᠤᠴᠠᠷᠠᠬᠤ ᠳ᠋ᠤ᠌ ᠴᠠᠭ ᠬᠣᠯᠠ
385 ᠭᠠᠭᠴᠠ ᠠ᠋ᠴᠠ ᠭᠠᠵᠠᠷ ᠳᠦᠭᠦᠷᠴᠦ
ᠬᠣᠶᠠᠷ ᠠ᠋ᠴᠠ ᠬᠣᠲᠠ ᠳᠦᠭᠦᠷᠬᠦ
386 ᠭᠠᠷ ᠪᠠᠷᠢᠭᠠᠳ ᠪᠠᠭᠤᠤ ᠪᠠᠷᠢᠬᠤ
ᠭᠠᠨᠵᠤᠭᠠ ᠪᠠᠷᠢᠭᠠᠳ ᠴᠤᠯᠪᠤᠭᠤᠷ ᠪᠠᠷᠢᠬᠤ
387 ᠭᠠᠷ ᠭᠠᠵᠠᠷ
ᠬᠥᠯ ᠬᠥᠰᠡᠷ
388 ᠭᠠᠷ ᠵᠠᠳᠠᠭᠠᠢ ᠬᠥᠮᠦᠨ
ᠭᠠᠮᠨᠠᠵᠤ ᠴᠢᠳᠠᠬᠤ ᠦᠭᠡᠢ
389 ᠭᠠᠷ ᠨᠡᠢᠯᠡᠪᠡᠯ
ᠭᠠᠨᠵᠤᠭᠠ ᠨᠡᠢᠯᠡᠳᠡᠭ
390 ᠭᠠᠷ ᠬᠥᠳᠡᠯᠪᠡᠯ
ᠠᠮᠠ ᠬᠥᠳᠡᠯᠦᠨᠡ
391 ᠭᠠᠷ ᠢ᠋ᠶ᠋ᠠᠨ ᠪᠦᠯᠢᠶᠡᠰᠬᠡᠬᠦ ᠭᠡᠳ
ᠭᠠᠩ ᠢ᠋ᠶ᠋ᠠᠨ ᠡᠪᠳᠡᠵᠦ ᠲᠦᠯᠡᠬᠦ
392 ᠭᠠᠷ ᠢᠶᠠᠷ ᠠᠪᠤᠭᠠᠳ
ᠬᠥᠯ ᠢᠶᠠᠷ ᠥᠭᠬᠦ
393 ᠭᠠᠷᠬᠤ ᠨᠠᠷᠠ ᠤᠯᠠᠢᠪᠠᠯ
ᠭᠠᠩ ᠪᠣᠯᠬᠤ ᠶ᠋ᠢᠨ ᠲᠡᠮᠳᠡᠭ
ᠭᠠᠷᠤᠨ ᠣᠷᠣᠨ ᠭᠠᠰᠠᠯᠪᠠᠯ
ᠭᠠᠢ ᠢᠷᠡᠬᠦ ᠶ᠋ᠢᠨ ᠲᠡᠮᠳᠡᠭ
394 ᠭᠠᠷᠬᠤ ᠬᠦᠦ ᠪᠡᠷ
ᠭᠠᠯ ᠪᠢᠲᠡᠭᠡᠢ ᠲᠦᠯᠡᠭᠦᠯ
395 ᠭᠠᠷᠤᠵᠠ ᠦᠭᠡᠢ ᠪᠣᠯ ᠣᠯᠵᠠ ᠥᠬᠡᠢ
ᠭᠠᠯ ᠦᠭᠡᠢ ᠪᠣᠯ ᠬᠣᠭᠣᠯᠠ ᠦᠭᠡᠢ
396 ᠭᠠᠷᠤᠭᠰᠠᠨ ᠪᠡᠶᠡ ᠨᠢ ᠭᠠᠩ ᠰᠢᠭ᠋
ᠲᠥᠷᠥᠭᠰᠡᠨ ᠪᠡᠶᠡ ᠨᠢ ᠲᠡᠮᠦᠷ ᠰᠢᠭ᠋
397 ᠭᠠᠷ ᠲᠤ᠌ ᠣᠷᠣᠭᠰᠠᠨ ᠶᠠᠭᠤᠮᠠ ᠶ᠋ᠢ
ᠭᠠᠵᠠᠷ ᠪᠦᠦ ᠬᠠᠶᠠ
ᠠᠮᠠᠨ ᠳ᠋ᠤ᠌ ᠣᠷᠣᠭᠰᠠᠨ ᠶᠠᠭᠤᠮᠠ ᠶ᠋ᠢ
ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠪᠦᠦ ᠲᠦᠯᠬᠢ
398 ᠭᠠᠷ ᠢ᠋ ᠨᠢ ᠭᠠᠨᠵᠤᠭᠠᠨ ᠳ᠋ᠤ᠌ ᠬᠦᠷᠭᠡᠵᠦ
ᠬᠥᠯ ᠢ᠋ ᠨᠢ ᠳᠥᠷᠦᠭᠡᠨ ᠳ᠋ᠦ᠍ ᠬᠦᠷᠭᠡᠬᠦ
399 ᠭᠠᠷ ᠤ᠋ᠨ ᠬᠦᠴᠦᠲᠡᠨ ᠭᠠᠭᠴᠠ ᠶ᠋ᠢ ᠳᠡᠢᠯᠬᠦ
ᠡᠷᠳᠡᠮ ᠦ᠋ᠨ ᠬᠦᠴᠦᠲᠡᠨ ᠮᠢᠩᠭᠠ ᠶ᠋ᠢ ᠳᠡᠢᠯᠬᠦ
400 ᠭᠠᠬᠠᠢ ᠲᠩᠷᠢ ᠥᠭᠡᠳᠡ ᠬᠠᠷᠠᠳᠠᠭ ᠦᠭᠡᠢ
ᠬᠤᠯᠠᠭᠠᠢᠴᠢ ᠬᠥᠮᠦᠨ ᠨᠢᠭᠤᠷ ᠬᠠᠷᠠᠳᠠᠭ ᠦᠭᠡᠢ
401 ᠭᠠᠬᠠᠢ ᠶ᠋ᠢᠨ ᠬᠣᠩᠰᠢᠶᠠᠷ ᠭᠠᠵᠠᠷ ᠡᠪᠳᠡᠨᠡ
ᠬᠥᠮᠦᠨ ᠦ᠌ ᠬᠣᠩᠰᠢᠶᠠᠷ ᠬᠡᠷᠡᠭ ᠡᠪᠳᠡᠨᠡ
402 ᠭᠠᠬᠠᠢ ᠠ᠋ᠴᠠ ᠬᠠᠯᠢᠭᠤ ᠪᠤᠯᠠᠭᠠ ᠲᠥᠷᠥᠬᠦ ᠦᠭᠡᠢ
ᠲᠡᠨᠡᠭ ᠡᠴᠡ ᠰᠡᠴᠡᠨ ᠦᠭᠡ ᠭᠠᠷᠬᠤ ᠦᠭᠡᠢ
403 ᠭᠠᠰᠢᠭᠤᠨ ᠳ᠋ᠤ᠌ ᠠᠮᠲᠠ ᠣᠷᠣᠭᠤᠯᠬᠤ ᠳ᠋ᠤ᠌ ᠬᠡᠴᠡᠭᠦᠦ
ᠠᠮᠲᠠᠲᠠᠨ ᠳ᠋ᠤ᠌ ᠭᠠᠰᠢᠭᠤᠨ ᠣᠷᠣᠭᠤᠯᠬᠤ ᠳ᠋ᠤ᠌ ᠬᠢᠯᠪᠠᠷ
404 ᠭᠠᠰᠢᠭᠤᠨ ᠢ᠋ ᠢᠳᠡᠬᠦ ᠦᠭᠡᠢ ᠪᠣᠯ
ᠠᠮᠲᠠ ᠶ᠋ᠢ ᠮᠡᠳᠡᠬᠦ ᠦᠭᠡᠢ
ᠭᠠᠰᠠᠯᠠᠩ ᠢ᠋ ᠡᠳ᠋ᠯᠡᠬᠦ ᠦᠭᠡᠢ ᠪᠣᠯ
ᠵᠢᠷᠭᠠᠯ ᠢ᠋ ᠮᠡᠳᠡᠬᠦ ᠦᠭᠡᠢ
405 ᠭᠢᠨᠵᠢᠨ ᠡᠴᠡ ᠪᠡᠨ ᠮᠤᠯᠲᠤᠷᠠᠭᠰᠠᠨ ᠨᠣᠬᠠᠢ ᠬᠡᠴᠡᠭᠦᠦ
ᠭᠢᠨᠳᠠᠨ ᠠ᠋ᠴᠠ ᠤᠷᠭᠤᠭᠰᠠᠨ ᠬᠤᠯᠠᠭᠠᠢᠴᠢ ᠬᠡᠴᠡᠭᠦᠦ
406 ᠭᠢᠰᠬᠢᠬᠦ ᠡᠴᠡ ᠪᠡᠨ ᠡᠮᠦᠨᠡ ᠵᠠᠮ ᠢ᠋ᠶ᠋ᠠᠨ ᠬᠠᠷᠠ
ᠡᠰᠬᠡᠬᠦ ᠡᠴᠡ ᠪᠡᠨ ᠡᠮᠦᠨᠡ ᠡᠳ᠋ ᠢ᠋ᠶ᠋ᠡᠨ ᠦᠵᠡ
407 ᠭᠣᠶᠣ ᠬᠥᠮᠦᠨ ᠳᠠᠭᠠᠷᠠᠮᠠᠲᠠᠭᠠᠢ
ᠵᠢᠷᠣᠭᠠ ᠮᠣᠷᠢ ᠡᠴᠡᠮᠡᠲᠡᠭᠡᠢ
408 ᠭᠣᠣᠯ ᠮᠥᠷᠡᠨ ᠰᠢᠷᠦᠭᠦᠨ ᠪᠣᠯᠪᠠᠴᠤ
ᠡᠷᠭᠢ ᠪᠡᠨ ᠳᠠᠭᠠᠵᠤ ᠤᠷᠤᠰᠳᠠᠭ
ᠤᠯᠤᠰ ᠠᠮᠢᠲᠠᠨ ᠣᠯᠠᠨ ᠪᠣᠯᠪᠠᠴᠤ
ᠬᠠᠤᠯᠢ ᠪᠠᠨ ᠳᠠᠭᠠᠵᠤ ᠠᠮᠢᠳᠤᠷᠠᠳᠠᠭ
409 ᠭᠣᠯᠣᠭᠰᠠᠨ ᠶᠠᠭᠤᠮᠠ ᠭᠣᠣᠯ ᠳ᠋ᠤ᠌ ᠣᠷᠣᠵᠤ
ᠰᠢᠯᠢᠭᠰᠡᠨ ᠶᠠᠭᠤᠮᠠ ᠰᠢᠯᠢ ᠳᠠᠷᠤᠬᠤ
410 ᠭᠣᠮᠣᠳᠠᠯ ᠬᠤᠪᠢᠯᠪᠠᠯ ᠥᠰᠢᠶᠡ ᠪᠣᠯᠤᠨᠠ
ᠭᠣᠣᠯ ᠪᠢᠯᠬᠠᠪᠠᠯ ᠦᠶᠡᠷ ᠪᠣᠯᠤᠨᠠ
411 ᠭᠣᠷᠣᠬᠠ ᠨᠡᠢᠯᠡᠵᠦ ᠮᠥᠷᠡᠨ ᠪᠣᠯᠤᠨᠠ
ᠬᠥᠮᠦᠨ ᠨᠢᠭᠡᠳᠴᠦ ᠬᠦᠴᠦ ᠨᠡᠮᠡᠨᠡ
412 ᠭᠣᠬᠠ ᠦᠭᠡᠢ ᠪᠣᠯ ᠵᠢᠭᠠᠰᠤ ᠪᠤᠤ ᠪᠡᠷᠢ
ᠭᠥᠯᠢᠮ ᠦᠭᠡᠢ ᠪᠣᠯ ᠮᠣᠷᠢ ᠪᠤᠤ ᠣᠨᠣ
413 ᠭᠤᠢᠯᠭᠠᠴᠢᠨ ᠮᠥᠷᠲᠡᠭᠡᠨ ᠭᠣᠯᠣᠮᠲᠠ ᠲᠠᠢ
ᠬᠡᠯᠡᠭᠡᠢ ᠮᠥᠷᠲᠡᠭᠡᠨ ᠬᠡᠷᠡᠭᠦᠯᠴᠢ
414 ᠭᠤᠶᠤᠨᠠ ᠭᠡᠳᠡᠭ ᠭᠤᠲᠤᠮᠰᠢᠭ
ᠭᠤᠶᠤᠯᠭᠠᠨᠠ ᠭᠡᠳᠡᠭ ᠭᠠᠢᠬᠠᠮᠰᠢᠭ
415 ᠭᠤᠨᠠᠨ ᠨᠠᠰᠤ ᠬᠦᠷᠦᠭᠡ ᠦᠭᠡᠢ ᠬᠣᠨᠢ ᠪᠠᠷ
ᠲᠩᠷᠢ ᠳᠠᠬᠢᠳᠠᠭ ᠦᠭᠡᠢ
ᠭᠤᠴᠢᠨ ᠨᠠᠰᠤ ᠬᠦᠷᠦᠭᠡ ᠦᠭᠡᠢ ᠬᠦᠦ ᠪᠡᠷ
ᠲᠥᠷᠥ ᠪᠠᠷᠢᠭᠤᠯᠳᠠᠭ ᠦᠭᠡᠢ
416 ᠭᠤᠷᠪᠠ ᠬᠣᠨᠣᠭᠠᠳ ᠡᠬᠡᠨᠡᠷ ᠢ᠋ᠶ᠋ᠡᠨ ᠪᠤᠤ ᠮᠠᠭᠲᠠ
ᠭᠤᠷᠪᠠᠨ ᠵᠢᠯ ᠪᠣᠯᠤᠭᠠᠳ ᠮᠠᠭᠲᠠ
417 ᠭᠤᠷᠪᠠᠨ ᠦᠭᠡᠨ ᠦ᠌ ᠭᠣᠭᠴᠣᠭᠠ ᠮᠡᠳᠡᠬᠦ ᠦᠭᠡᠢ
ᠭᠤᠷᠪᠠᠯᠵᠢᠨ ᠨᠥᠬᠦᠭᠡᠰᠦᠨ ᠦ᠌ ᠵᠦᠢᠳᠡᠯ ᠮᠡᠳᠡᠬᠦ ᠦᠭᠡᠢ
418 ᠭᠤᠷᠭᠤᠤᠯ ᠭᠣᠶᠣ ᠪᠣᠯᠪᠠᠴᠤ ᠲᠣᠭᠣᠰ ᠢ᠋ ᠭᠦᠢᠴᠡᠬᠦ ᠦᠭᠡᠢ
ᠭᠤᠨᠠ ᠬᠦᠴᠦᠲᠡᠢ ᠪᠣᠯᠪᠠᠴᠤ ᠱᠠᠷ ᠢ᠋ ᠭᠦᠢᠴᠡᠬᠦ ᠦᠭᠡᠢ
419 ᠭᠤᠲᠤᠯ ᠳ᠋ᠠᠭᠠᠨ ᠬᠠᠪᠴᠢᠭᠳᠠᠭᠰᠠᠨ ᠬᠥᠯ
ᠡᠬᠡᠨᠡᠷ ᠲᠡᠭᠡᠨ ᠬᠠᠪᠴᠢᠭᠳᠠᠭᠰᠠᠨ ᠡᠷᠡ
420 ᠭᠤᠲᠤᠯ ᠢ᠋ᠶ᠋ᠠᠨ ᠦᠵᠡᠵᠦ ᠬᠥᠯ ᠢ᠋ᠶ᠋ᠡᠨ ᠵᠠᠰᠠᠬᠤ ᠪᠠᠷ
ᠬᠥᠯ ᠢ᠋ᠶ᠋ᠡᠨ ᠦᠵᠡᠵᠦ ᠭᠤᠲᠤᠯ ᠢ᠋ᠶ᠋ᠠᠨ ᠵᠠᠰᠠ
421 ᠭᠠᠤᠯᠢ ᠨᠢ ᠭᠠᠷᠴᠤ
ᠵᠡᠰ ᠨᠢ ᠴᠤᠬᠤᠢᠬᠤ
422 ᠭᠦᠵᠢᠷ ᠦᠭᠡ
ᠭᠦᠨᠵᠡᠭᠡᠢ ᠤᠰᠤᠨ ᠠ᠋ᠴᠠ ᠬᠡᠴᠡᠭᠦᠦ ᠠᠶᠤᠯ ᠲᠠᠢ
423 ᠭᠦᠵᠢᠷ ᠦᠭᠡᠢ ᠵᠠᠷᠭᠤ ᠪᠠᠢᠳᠠᠭ ᠦᠭᠡᠢ
ᠭᠦᠵᠡᠭᠡ ᠦᠭᠡᠢ ᠭᠡᠳᠡᠰᠦ ᠪᠠᠢᠳᠠᠭ ᠦᠭᠡᠢ
424 ᠭᠦᠨᠵᠡᠭᠡᠢ ᠤᠰᠤᠨ ᠳ᠋ᠤ᠌ ᠣᠯᠣᠮ ᠦᠭᠡᠢ
ᠭᠦᠵᠢᠷ ᠦᠭᠡ ᠦᠨᠡᠨ ᠦᠭᠡᠢ
425 ᠭᠦᠵᠡᠭᠡᠨ ᠳ᠋ᠦ᠍ ᠨᠠᠭᠠᠯᠳᠤᠭᠰᠠᠨ ᠳᠡᠯᠢᠭᠦᠦ ᠰᠢᠭ
ᠭᠥᠯᠢᠮ ᠳ᠋ᠦ᠍ ᠨᠠᠭᠠᠯᠳᠤᠭᠰᠠᠨ ᠬᠠᠪᠴᠢᠭᠤᠷᠭᠠ ᠰᠢᠭ᠋
426 ᠭᠦᠶᠦᠬᠦ ᠨᠣᠬᠠᠢ ᠳ᠋ᠤ᠌
ᠪᠠᠭᠠᠬᠤ ᠨᠣᠬᠠᠢ ᠰᠠᠭᠠᠳ
427 ᠭᠦᠢᠴᠡᠬᠦ ᠪᠡᠨ ᠮᠡᠳᠡᠵᠦ ᠳᠣᠪᠲᠣᠯ
ᠤᠨᠤᠬᠤ ᠪᠠᠨ ᠮᠡᠳᠡᠵᠦ ᠬᠠᠷᠪᠤ
428 ᠭᠦᠷᠦᠨ ᠢ᠋ ᠵᠠᠬᠢᠷᠬᠤ ᠡᠷᠳᠡᠮ ᠲᠡᠢ ᠴᠦ᠍
ᠭᠡᠷᠭᠡᠢ ᠪᠡᠨ ᠰᠤᠷᠭᠠᠬᠤ ᠴᠢᠳᠠᠯ ᠦᠭᠡᠢ
429 ᠭᠡᠭᠦᠦ ᠲᠣᠭᠰᠢᠨ ᠪᠣᠯᠪᠠᠴᠤ
ᠤᠨᠠᠭᠠ ᠪᠠᠨ ᠢᠰᠬᠦᠯᠳᠡᠭ ᠦᠭᠡᠢ
ᠬᠤᠨ ᠲᠣᠭᠰᠢᠨ ᠪᠣᠯᠪᠠᠴᠤ
ᠥᠨᠳᠡᠭᠡ ᠪᠡᠨ ᠬᠠᠭᠠᠯᠳᠠᠭ ᠦᠭᠡᠢ
430 ᠭᠡᠭᠦᠦ ᠶ᠋ᠢᠨ ᠠᠳᠤᠭᠤ ᠤᠨᠤᠵᠤ
ᠭᠦᠵᠡᠭᠡ ᠮᠢᠬᠠ ᠢᠳᠡᠭᠡ ᠦᠭᠡᠢ ᠨᠣᠶᠠᠨ
431 ᠭᠡᠭᠦᠦ ᠲᠡᠢ ᠠᠢᠯ ᠤ᠋ᠨ
ᠭᠦᠵᠡᠭᠡ ᠲᠡᠢ ᠬᠦᠦ
432 ᠭᠡᠳᠡᠰᠦ ᠬᠣᠭᠣᠰᠣᠨ
ᠮᠥᠷᠥ ᠨᠢᠴᠦᠭᠦᠨ
433 ᠭᠡᠳᠡᠰᠦ ᠨᠢ ᠴᠠᠳᠪᠠᠴᠤ
ᠰᠠᠨᠠᠭᠠ ᠨᠢ ᠴᠠᠳᠬᠤ ᠦᠭᠡᠢ
434 ᠭᠡᠭᠡᠨ ᠡᠳᠦᠷ ᠴᠡᠭᠡᠵᠢᠨ ᠳ᠋ᠡᠭᠡᠨ
ᠬᠠᠷᠠᠩᠭᠤᠢ ᠰᠥᠨᠢ ᠵᠡᠭᠦᠳᠦᠨ ᠳ᠋ᠡᠭᠡᠨ
435 ᠭᠡᠭᠡᠨ ᠤᠬᠠᠭᠠᠨᠲᠠᠨ ᠭᠡᠮ ᠢ᠋ᠶ᠋ᠡᠨ ᠮᠡᠳᠡᠳᠡᠭ
ᠰᠠᠷᠠᠭᠤᠯ ᠤᠬᠠᠭᠠᠨᠲᠠᠨ ᠰᠠᠭᠠᠷ ᠢ᠋ᠶ᠋ᠠᠨ ᠮᠡᠳᠡᠳᠡᠭ
436 ᠭᠡᠳᠡᠰᠦ ᠴᠠᠳᠪᠠᠯ ᠭᠡᠷ ᠢ᠋ᠶ᠋ᠡᠨ ᠮᠠᠷᠲᠠᠵᠤ
ᠭᠡᠷᠭᠡᠢ ᠠᠪᠤᠪᠠᠯ ᠡᠵᠢ ᠪᠡᠨ ᠮᠠᠷᠲᠠᠬᠤ
437 ᠭᠡᠮ ᠬᠢᠪᠡᠯ
ᠵᠢᠮᠠ ᠬᠦᠯᠢᠶᠡᠬᠦ
438 ᠭᠡᠮ ᠨᠢ ᠤᠷᠢᠳ ᠢᠶᠠᠷ
ᠭᠡᠮᠰᠢᠯ ᠨᠢ ᠬᠣᠢᠨᠠ ᠪᠠᠨ
439 ᠭᠡᠮ ᠬᠢᠪᠡᠯ ᠴᠠᠭᠠᠵᠠ ᠪᠡᠷᠬᠡ
ᠬᠢᠯᠢᠨᠴᠡ ᠬᠢᠪᠡᠯ ᠲᠠᠮᠤ ᠪᠡᠷᠬᠡ
440 ᠭᠡᠮᠲᠦ ᠬᠥᠮᠦᠨ ᠰᠡᠵᠢᠭᠴᠢ
ᠳᠠᠭᠠᠷᠢᠲᠤ ᠮᠣᠷᠢ ᠰᠢᠷᠪᠠᠭᠠᠴᠢ
441 ᠭᠡᠨᠡᠨ ᠦᠭᠡᠢ ᠶᠠᠪᠤᠶᠠ ᠭᠡᠪᠡᠯ
ᠭᠢᠰᠬᠢᠭᠰᠡᠨ ᠮᠥᠷ ᠢ᠋ᠶ᠋ᠡᠨ ᠬᠠᠷᠠ
ᠭᠡᠮ ᠦᠭᠡᠢ ᠶᠠᠪᠤᠶᠠ ᠭᠡᠪᠡᠯ
ᠵᠣᠭᠰᠣᠭᠰᠠᠨ ᠭᠠᠵᠠᠷ ᠢ᠋ᠶ᠋ᠠᠨ ᠰᠢᠨᠵᠢ
442 ᠭᠡᠨᠡᠳᠲᠡ ᠴᠠᠳᠬᠤ ᠭᠡᠳᠡᠰᠦᠨ ᠳ᠋ᠦ᠍ ᠴᠥᠪ ᠲᠡᠢ
ᠭᠡᠨᠡᠳᠲᠡ ᠪᠠᠶᠠᠵᠢᠬᠤ ᠨᠠᠰᠤᠨ ᠳ᠋ᠤ᠌ ᠴᠥᠪ ᠲᠡᠢ
443 ᠭᠡᠷ ᠳᠤᠯᠠᠭᠠᠨ
ᠭᠡᠳᠡᠰᠦ ᠴᠠᠳᠬᠤᠯᠠᠩ
444 ᠭᠡᠷᠭᠡᠢ ᠳ᠋ᠡᠭᠡᠨ ᠮᠡᠳᠡᠭᠦᠯᠦᠭᠰᠡᠨ ᠡᠷᠡ ᠶ᠋ᠢᠨ ᠭᠡᠷ
ᠲᠦᠢᠮᠡᠷ ᠲᠦ᠍ ᠰᠢᠲᠠᠭᠰᠠᠨ ᠲᠠᠢ ᠠᠳᠠᠯᠢ
445 ᠭᠡᠷ ᠦ᠋ᠨ ᠨᠣᠬᠠᠢ ᠭᠠᠯᠵᠠᠭᠤᠷᠠᠪᠠᠯ
ᠬᠡᠭᠡᠷᠡ ᠶ᠋ᠢᠨ ᠨᠣᠬᠠᠢ ᠠ᠋ᠴᠠ ᠬᠡᠴᠡᠭᠦᠦ
446 ᠭᠡᠷ ᠦ᠋ᠨ ᠬᠡᠯᠬᠢᠶᠡ ᠲᠣᠭᠣᠨᠣ
ᠭᠡᠳᠡᠰᠦᠨ ᠦ᠌ ᠬᠡᠯᠬᠢᠶᠡ ᠬᠣᠭᠣᠯᠠ
447 ᠭᠡᠷ ᠦ᠋ᠨ ᠴᠢᠮᠡᠭ ᠭᠡᠷᠭᠡᠢ
ᠭᠡᠳᠡᠰᠦᠨ ᠦ᠌ ᠴᠢᠮᠡᠭ ᠪᠤᠳᠠᠭᠠ
448 ᠭᠡᠷ ᠲᠡᠭᠡᠨ ᠡᠵᠡᠨ ᠰᠠᠭᠤᠬᠤ ᠦᠭᠡᠢ ᠬᠥᠮᠦᠨ
ᠭᠡᠢᠴᠢᠨ ᠪᠦᠦ ᠵᠠᠯᠠ
449 ᠭᠢᠯᠠᠭᠠᠷ ᠪᠦᠬᠦᠨ ᠠᠯᠲᠠ ᠪᠢᠰᠢ
ᠭᠡᠯᠦᠩ ᠪᠦᠬᠦᠨ ᠪᠠᠭᠰᠢ ᠪᠢᠰᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠶᠤᠨᠪᠠᠲᠤ᠂ ᠪᠠᠳᠮᠠᠰᠡᠴᠡᠨ᠂ ᠰᠠᠷᠠᠨᠲᠤᠶᠠᠭᠠ᠂ ᠣᠳᠬᠣᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠠᠯᠲᠠᠨᠱᠠ᠂ ᠪᠠᠯ᠂ ᠣᠳᠬᠣᠨᠴᠡᠴᠡᠭ᠂ ᠪᠣᠯᠣᠳ᠂ ᠴᠡᠩᠬᠡᠯᠴᠡᠴᠡᠭ