ᠮᠣᠩᠭᠣᠯ ᠵᠦᠢᠷ ᠰᠡᠴᠡᠨ ᠦᠭᠡ ᠶᠢᠨ ᠭᠤᠷᠪᠠᠨ ᠮᠢᠩᠭᠠᠨ ᠳᠡᠭᠡᠵᠢ – ᠳ᠂ ᠵᠠᠶᠠᠭᠠᠪᠠᠭᠠᠲᠤᠷ ᠡᠮᠬᠢᠳᠬᠡᠪᠡ < ᠪ ᠶᠢᠨ ᠠᠢᠮᠠᠭ >Монгол зүйр цэцэн үгийн гураван мянган дээж – Д᠂Заяабаатар эмхэтгэв <Б ин аймаг >
761ᠪ ᠶᠢᠨ ᠠᠢᠮᠠᠭ
195 ᠪᠠᠭᠠᠷᠠᠩ ᠬᠥᠮᠦᠨ ᠳ᠋ᠦ᠍ ᠨᠣᠬᠠᠢ ᠠᠮᠠᠷᠠᠭ
ᠪᠢᠯᠳᠠᠤᠴᠢ ᠬᠥᠮᠦᠨ ᠳ᠋ᠦ᠍ ᠨᠣᠶᠠᠨ ᠠᠮᠠᠷᠠᠭ
196 ᠪᠠᠭᠠᠲᠤᠷ ᠪᠡᠶᠡ ᠲᠡᠢ
ᠪᠢᠯᠵᠤᠤᠬᠠᠢ ᠶ᠋ᠢᠨ ᠵᠢᠷᠦᠬᠡ ᠲᠡᠢ
197 ᠪᠠᠭᠠᠲᠤᠷ ᠬᠥᠮᠦᠨ ᠨᠢᠭᠡ ᠰᠤᠮᠤᠨ ᠳ᠋ᠤ᠌
ᠪᠠᠶᠠᠨ ᠬᠥᠮᠦᠨ ᠨᠢᠭᠡ ᠵᠤᠳ ᠲᠤ᠌
198 ᠪᠠᠭᠠᠲᠤᠷ ᠬᠥᠮᠦᠨ ᠨᠡᠷᠡ ᠪᠡᠷ ᠢ᠋ᠶ᠋ᠡᠨ
ᠪᠠᠶᠠᠨ ᠬᠥᠮᠦᠨ ᠡᠳ᠋ ᠢ᠋ᠶ᠋ᠡᠷ ᠢ᠋ᠶ᠋ᠡᠨ
199 ᠪᠠᠭᠠ— ᠶᠡᠬᠡ ᠶ᠋ᠢᠨ ᠡᠬᠡ
ᠪᠠᠭᠰᠢ— ᠱᠠᠪᠢ ᠶ᠋ᠢᠨ ᠡᠬᠡ
200 ᠪᠠᠭᠠ ᠭᠡᠵᠦ ᠪᠦᠦ ᠪᠠᠰᠤ
ᠶᠡᠬᠡ ᠭᠡᠵᠦ ᠪᠦᠦ ᠪᠡᠷᠲᠡ
201 ᠪᠠᠭᠠ ᠵᠠᠯᠬᠠᠭᠤ ᠠ᠋ᠴᠠ ᠶᠡᠬᠡ ᠵᠠᠯᠬᠠᠭᠤ
ᠪᠠᠭᠠ ᠬᠡᠷᠡᠭ ᠡᠴᠡ ᠶᠡᠬᠡ ᠪᠤᠷᠤᠭᠤ
202 ᠪᠠᠭᠠ ᠤᠤᠭᠤᠪᠠᠯ ᠪᠠᠯ
ᠪᠠᠯᠠᠢᠷᠠᠲᠠᠯᠠ ᠤᠤᠭᠤᠪᠠᠯ ᠮᠠᠯ
203 ᠪᠠᠭᠠ ᠬᠥᠮᠦᠨ
ᠪᠠᠯ ᠳ᠋ᠤ᠌ ᠬᠠᠭᠤᠷᠲᠠᠨᠠ
204 ᠪᠠᠭᠠ ᠬᠥᠮᠦᠨ ᠳ᠋ᠦ᠍ ᠰᠤᠷᠭᠠᠯ ᠪᠠᠢᠲᠤᠭᠠᠢ
ᠶᠡᠬᠡ ᠬᠥᠮᠦᠨ ᠳ᠋ᠦ᠍ ᠴᠦ᠍ ᠶᠣᠰᠣ ᠪᠠᠢᠳᠠᠭ
205 ᠪᠠᠭᠠ ᠴᠠᠰᠤᠨ ᠳ᠋ᠤ᠌ ᠭᠠᠵᠠᠷ ᠬᠥᠯᠳᠡᠵᠦ
ᠶᠡᠬᠡ ᠴᠠᠰᠤᠨ ᠳ᠋ᠤ᠌ ᠮᠥᠷᠡᠨ ᠪᠠᠷᠢᠯᠳᠤᠨᠠ
206 ᠪᠠᠭᠠ ᠴᠢᠯᠠᠭᠤ ᠪᠠᠷ ᠶᠡᠬᠡ ᠴᠢᠯᠠᠭᠤ ᠶ᠋ᠢ ᠲᠤᠷᠭᠢᠭᠤᠯᠵᠤ
ᠪᠠᠭᠠ ᠶᠠᠭᠤᠮᠠ ᠪᠠᠷ ᠶᠡᠬᠡ ᠶᠠᠭᠤᠮᠠ ᠬᠢᠬᠦ
207 ᠪᠠᠭᠠ ᠠ᠋ᠴᠠ ᠶᠡᠬᠡ ᠳ᠋ᠦ᠍ ᠬᠦᠷᠳᠡᠭ
ᠨᠠᠮ ᠠ᠋ᠴᠠ ᠥᠨᠳᠥᠷ ᠲᠦ᠍ ᠠᠬᠢᠳᠠᠭ
208 ᠪᠠᠭᠠ ᠳ᠋ᠠᠭᠠᠨ ᠲᠡᠪᠡᠨᠡ ᠬᠤᠯᠠᠭᠠᠢᠯᠠᠵᠤ ᠰᠤᠷᠪᠠᠯ
ᠬᠡᠳᠦ ᠳ᠋ᠡᠭᠡᠨ ᠲᠡᠮᠡᠭᠡ ᠬᠤᠯᠠᠭᠠᠢᠯᠠᠬᠤ ᠪᠣᠯᠤᠨᠠ
209 ᠪᠠᠭᠠᠬᠠᠨ ᠡᠷᠳᠡᠮᠲᠦ ᠮᠠᠭᠲᠠᠭᠠᠯ ᠳ᠋ᠤ᠌ ᠪᠠᠶᠠᠰᠬᠤ
ᠪᠠᠭᠰᠢ ᠯᠠᠮᠠ ᠰᠤᠳᠤᠷ ᠲᠤ᠌ ᠪᠠᠶᠠᠰᠬᠤ
210 ᠪᠠᠭᠰᠢ ᠨᠢ ᠮᠠᠭᠤ ᠪᠣᠯ
ᠱᠠᠪᠢ ᠨᠢ ᠮᠠᠭᠤ
211 ᠪᠠᠭᠰᠢ ᠪᠠᠨ ᠭᠣᠯᠣᠪᠠᠯ ᠡᠷᠳᠡᠮ ᠬᠣᠯᠠᠳᠠᠨᠠ
ᠪᠤᠳᠠᠭᠠ ᠪᠠᠨ ᠭᠣᠯᠣᠪᠠᠯ ᠭᠡᠳᠡᠰᠦ ᠥᠯᠥᠰᠦᠨᠡ
212 ᠪᠠᠭᠠ ᠶ᠋ᠢᠨ ᠤᠭᠤᠴᠠ
ᠶᠡᠬᠡ ᠶ᠋ᠢᠨ ᠴᠡᠭᠡᠵᠢ
213 ᠪᠠᠭᠠ ᠶ᠋ᠢᠨ ᠶᠠᠭᠤᠮᠠ ᠰᠣᠳᠣᠨ
ᠪᠠᠯᠴᠢᠷ ᠤ᠋ᠨ ᠶᠠᠭᠤᠮᠠ ᠭᠡᠨᠡᠨ
214 ᠪᠠᠳᠢᠷᠴᠢᠨ ᠶᠠᠪᠤᠭᠰᠨ ᠭᠠᠵᠠᠷ ᠪᠠᠯᠠᠭ ᠲᠠᠢ
ᠪᠠᠲᠠᠭᠠᠨᠠ ᠰᠠᠭᠤᠭᠰᠠᠨ ᠭᠠᠵᠠᠷ ᠥᠳᠥ ᠲᠡᠢ
215 ᠪᠠᠳᠮᠠ ᠴᠡᠴᠡᠭ ᠦ᠋ᠨ ᠨᠠᠬᠢᠶᠠ ᠵᠥᠭᠡᠯᠡᠨ
ᠪᠠᠭᠠ ᠬᠡᠦᠬᠡᠳ ᠦ᠋ᠨ ᠭᠠᠷ ᠵᠥᠭᠡᠯᠡᠨ
216 ᠪᠠᠳᠮᠠ ᠯᠢᠩᠬᠤᠠ ᠴᠡᠴᠡᠭ ᠴᠦ᠍
ᠪᠠᠯᠴᠢᠭ ᠰᠢᠪᠠᠷ ᠠ᠋ᠴᠠ ᠤᠷᠭᠤᠳᠠᠭ
217 ᠪᠠᠢᠨᠠ ᠭᠡᠵᠦ ᠪᠢᠲᠡᠭᠡᠢ ᠪᠡᠷᠲᠡ
ᠪᠠᠭᠠ ᠭᠡᠵᠦ ᠪᠢᠲᠡᠭᠡᠢ ᠴᠢᠮᠠᠯᠠ
218 ᠪᠠᠢᠬᠤ ᠬᠥᠮᠦᠨ ᠦ᠌ ᠥᠭᠬᠦ ᠶ᠋ᠢ ᠬᠦᠯᠢᠶᠡ
ᠦᠭᠡᠢ ᠬᠥᠮᠦᠨ ᠦ᠌ ᠣᠯᠬᠤ ᠶ᠋ᠢ ᠬᠦᠯᠢᠶᠡ
219 ᠪᠠᠢᠰᠢᠩ ᠳ᠋ᠤ᠌ ᠪᠠᠭᠠᠨᠠ ᠲᠦᠰᠢᠭ
ᠡᠷᠡ ᠳ᠋ᠦ᠍ ᠨᠥᠬᠥᠷ ᠲᠦᠰᠢᠭ
220 ᠪᠠᠨᠳᠢ ᠳ᠋ᠤ᠌ ᠡᠷᠳᠡᠮ ᠴᠢᠬᠤᠯᠠ
ᠪᠠᠭᠠᠬᠠᠨ ᠳ᠋ᠤ᠌ ᠬᠡᠮᠨᠡᠯ ᠴᠢᠬᠤᠯᠠ
221 ᠪᠠᠷᠠᠬᠤ ᠶᠠᠭᠤᠮᠠᠨ ᠳ᠋ᠤ᠌ ᠪᠠᠭᠰᠢ ᠦᠭᠡᠢ
ᠡᠪᠳᠡᠷᠡᠬᠦ ᠶᠠᠭᠤᠮᠠᠨ ᠳ᠋ᠤ᠌ ᠡᠵᠡᠨ ᠦᠭᠡᠢ
222 ᠪᠠᠷᠳᠠᠮ ᠠᠮᠠ
ᠱᠠᠯᠳᠠᠩ ᠭᠤᠶᠠ
223 ᠪᠠᠷᠳᠠᠮ ᠪᠠᠨᠳᠢ ᠳ᠋ᠤ᠌《ᠪᠠᠨᠽᠠᠷᠠᠭᠴᠢ》
ᠪᠠᠷᠳᠠᠮ ᠬᠡᠦᠬᠡᠨ ᠳ᠋ᠦ᠍ ᠳᠤᠷᠳᠤᠩ
224 ᠪᠠᠷᠳᠠᠮ ᠦᠭᠡ ᠪᠡᠷ ᠰᠡᠴᠡᠨ ᠪᠣᠯᠬᠤ ᠦᠭᠡᠢ
ᠪᠠᠯᠠᠮᠠᠳ ᠶᠠᠪᠤᠳᠠᠯ ᠢ᠋ᠶ᠋ᠠᠷ ᠪᠠᠭᠠᠲᠤᠷ ᠪᠣᠯᠬᠤ ᠦᠭᠡᠢ
225 ᠪᠠᠯᠴᠢᠷ ᠬᠥᠮᠦᠨ ᠡᠷᠬᠡᠨ ᠳ᠋ᠦ᠍ ᠪᠠᠶᠠᠷᠯᠠᠬᠤ
ᠪᠠᠭᠠᠬᠠᠨ ᠯᠠᠮᠠ ᠰᠠᠭᠤᠳᠠᠯ ᠳ᠋ᠤ᠌ ᠪᠠᠶᠠᠷᠯᠠᠬᠤ
226 ᠪᠠᠷᠠᠵᠤ ᠢᠳᠡᠭᠰᠡᠨ ᠪᠠᠶᠠᠨ ᠠ᠋ᠴᠠ
ᠮᠡᠷᠡᠵᠦ ᠢᠳᠡᠭᠰᠡᠨ ᠬᠣᠭᠣᠰᠣᠨ ᠳᠡᠭᠡᠷᠡ
227 ᠪᠠᠷᠢᠭᠠᠳ ᠮᠣᠷᠳᠠᠬᠤ ᠳᠡᠯ ᠦᠭᠡᠢ
ᠪᠠᠲᠠᠭᠠᠨᠠ ᠣᠷᠣᠬᠤ ᠰᠡᠭᠦᠯ ᠦᠭᠡᠢ
228 ᠪᠠᠷᠢᠯᠳᠤᠬᠤ ᠠ᠋ᠴᠠ ᠪᠠᠨ ᠲᠠᠬᠢᠯᠵᠠᠬᠤ
ᠬᠢᠬᠦ ᠡᠴᠡ ᠪᠡᠨ ᠬᠡᠬᠦᠯᠵᠡᠬᠦ
229 ᠪᠠᠷᠢᠮᠲᠠ ᠦᠭᠡᠢ ᠬᠡᠷᠡᠭ
ᠭᠡᠷᠡᠴᠢ ᠦᠭᠡᠢ ᠵᠠᠷᠭᠤ
230 ᠪᠠᠷᠯᠤᠭ ᠤ᠋ᠨ ᠭᠠᠷ
ᠪᠠᠶᠠᠨ ᠤ᠋ ᠮᠠᠲᠠᠯ ᠳ᠋ᠤ᠌
231 ᠪᠠᠷᠰ ᠬᠡᠳᠦᠢ ᠲᠣᠭᠰᠢᠨ ᠪᠣᠯᠪᠠᠴᠤ
ᠪᠠᠮᠪᠠᠷ ᠢ᠋ᠶ᠋ᠠᠨ ᠪᠠᠷᠢᠵᠤ ᠢᠳᠡᠬᠦ ᠦᠭᠡᠢ
232 ᠪᠠᠷᠰ ᠬᠡᠳᠦᠢ ᠥᠲᠡᠯᠪᠡᠴᠦ ᠡᠷᠢᠶᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ
ᠦᠬᠡᠷ ᠬᠡᠳᠦᠢ ᠥᠲᠡᠯᠪᠡᠴᠦ ᠡᠪᠡᠷ ᠲᠡᠢ ᠪᠡᠷ ᠢ᠋ᠶ᠋ᠡᠨ
233 ᠪᠠᠷᠰ ᠴᠠᠭ ᠲᠤ᠌ ᠪᠣᠰᠬᠤ ᠦᠭᠡᠢ ᠪᠣᠯ
ᠡᠳᠦᠷ ᠦ᠋ᠨ ᠶᠠᠪᠤᠳᠠᠯ ᠬᠣᠴᠣᠷᠤᠨᠠ
ᠪᠠᠭᠠ ᠨᠠᠰᠤᠨ ᠳ᠋ᠤ᠌ ᠪᠠᠨ ᠰᠤᠷᠬᠤ ᠦᠭᠡᠢ ᠪᠣᠯ
ᠨᠠᠰᠤᠨ ᠤ᠋ ᠶᠠᠪᠤᠳᠠᠯ ᠬᠣᠴᠣᠷᠤᠨᠠ
234 ᠪᠠᠷᠰ ᠲᠤ᠌ ᠠᠭᠤᠷᠯᠠᠭᠰᠠᠨ ᠠᠭᠤᠷ ᠢ᠋ᠶ᠋ᠠᠨ
ᠪᠠᠲᠠᠭᠠᠨᠠ ᠳ᠋ᠤ᠌ ᠭᠠᠷᠭᠠᠬᠤ
235 ᠪᠠᠷᠰ ᠤ᠋ᠨ ᠳᠦᠷᠢ ᠲᠡᠢ
ᠪᠢᠯᠵᠤᠤᠬᠠᠢ ᠶ᠋ᠢᠨ ᠵᠢᠷᠦᠬᠡ ᠲᠡᠢ
236 ᠪᠠᠲᠠᠭᠠᠨᠠ ᠳ᠋ᠤ᠌ ᠰᠡᠯᠡᠮᠡ ᠰᠤᠭᠤᠯᠵᠤ
ᠪᠥᠭᠡᠰᠦᠨ ᠳ᠋ᠦ᠍ ᠬᠢᠲᠤᠭᠠ ᠭᠠᠷᠭᠠᠬᠤ
237 ᠪᠠᠬᠠ ᠶ᠋ᠢᠨ ᠰᠠᠨᠠᠭᠠ ᠳᠠᠯᠠᠢ ᠳ᠋ᠤ᠌
ᠪᠠᠨᠳᠢ ᠶ᠋ᠢᠨ ᠰᠠᠨᠠᠭᠠ ᠰᠢᠷᠡᠭᠡᠨ ᠳ᠋ᠦ᠍
238 ᠪᠠᠰᠢᠷᠲᠤ ᠬᠥᠮᠦᠨ ᠲᠡᠢ ᠪᠦᠦ ᠨᠥᠬᠥᠷᠯᠡ
ᠪᠠᠶᠠᠨ ᠬᠥᠮᠦᠨ ᠳ᠋ᠦ᠍ ᠪᠦᠦ ᠵᠢᠰᠤᠷᠳᠠ
239 ᠪᠠᠶᠠᠳ ᠤ᠋ᠨ ᠵᠢᠷᠭᠠᠯ
ᠶᠠᠳᠠᠭᠤᠰ ᠤ᠋ᠨ ᠵᠣᠪᠠᠯᠠᠩ
240 ᠪᠠᠶᠠᠳ ᠤ᠋ᠨ ᠬᠡᠦᠬᠡᠳ ᠵᠣᠭᠣᠰᠤᠨ ᠳ᠋ᠠᠭᠠᠨ
ᠪᠠᠭᠠᠪᠠᠭᠠᠢ ᠶ᠋ᠢᠨ ᠵᠤᠯᠵᠠᠭᠠ ᠨᠦᠬᠡᠨ ᠳ᠋ᠡᠭᠡᠨ
241 ᠪᠠᠶᠠᠳ ᠤ᠋ᠨ ᠬᠡᠷᠡᠭᠦᠯ ᠦ᠋ᠨ ᠦᠷᠡ
ᠪᠠᠷᠯᠤᠭ ᠤ᠋ᠨ ᠪᠡᠶᠡ ᠶ᠋ᠢᠨ ᠴᠢᠰᠤ
242 ᠪᠠᠶᠠᠵᠢᠬᠤ ᠳ᠋ᠤ᠌ ᠠᠬᠠ ᠳᠡᠭᠦᠦ
ᠦᠭᠡᠢᠷᠡᠬᠦ ᠳ᠋ᠦ᠍ ᠥᠰᠲᠦ ᠳᠠᠢᠰᠤᠨ
243 ᠪᠠᠶᠠᠵᠢᠬᠤ ᠳ᠋ᠤ᠌ ᠭᠤᠷᠪᠠᠨ ᠵᠢᠯ
ᠪᠠᠷᠠᠬᠤ ᠳ᠋ᠤ᠌ ᠭᠤᠷᠪᠠᠨ ᠬᠣᠨᠣᠭ
244 ᠪᠠᠶᠠᠵᠢᠬᠤ ᠳ᠋ᠤ᠌ ᠡᠪᠦᠯ ᠵᠤᠨ ᠬᠣᠶᠠᠷ
ᠪᠠᠷᠠᠬᠤ ᠳ᠋ᠤ᠌ ᠡᠳᠦᠷ ᠰᠥᠨᠢ ᠬᠣᠶᠠᠷ
245 ᠪᠠᠶᠠᠨ ᠭᠡᠵᠦ ᠪᠤᠤ ᠰᠠᠭᠰᠠᠭᠤᠷᠠ
ᠪᠠᠭᠠᠲᠤᠷ ᠭᠡᠵᠦ ᠪᠤᠤ ᠪᠠᠷᠳᠠ
246 ᠪᠠᠶᠠᠨ ᠭᠡᠵᠦ ᠮᠥᠩᠬᠡ ᠪᠢᠰᠢ
ᠪᠠᠭᠠᠲᠤᠷ ᠭᠡᠵᠦ ᠦᠷᠭᠦᠯᠵᠢ ᠪᠢᠰᠢ
247 ᠪᠠᠶᠠᠨ ᠨᠢᠭᠡ ᠰᠢᠭᠤᠷᠭᠠᠨ ᠳ᠋ᠤ᠌
ᠪᠠᠭᠠᠲᠤᠷ ᠨᠢᠭᠡ ᠰᠤᠮᠤᠨ ᠳ᠋ᠤ᠌
248 ᠪᠠᠶᠠᠨ— ᠲᠩᠷᠢ ᠶ᠋ᠢᠨ ᠬᠢ
ᠪᠠᠷᠯᠤᠭ— ᠵᠠᠶᠠᠭᠠᠨ ᠤ᠋ ᠬᠢ
249 ᠪᠠᠶᠠᠨ ᠬᠥᠮᠦᠨ ᠪᠡᠴᠢ (ᠠᠷᠭᠠ) ᠲᠠᠢ
ᠬᠣᠭᠣᠰᠣᠨ ᠬᠥᠮᠦᠨ ᠬᠣᠴᠢ ᠲᠠᠢ
250 ᠪᠠᠶᠠᠨ ᠬᠥᠮᠦᠨ ᠣᠮᠣᠭ ᠲᠠᠢ
ᠪᠠᠭᠠᠲᠤᠷ ᠬᠥᠮᠦᠨ ᠵᠣᠷᠢᠭ ᠲᠠᠢ
251 ᠪᠠᠶᠠᠨ ᠬᠥᠮᠦᠨ ᠳ᠋ᠦ᠍ ᠤᠷᠤᠭ ᠣᠯᠠᠳᠠᠬᠤ
ᠪᠠᠭᠠᠲᠤᠷ ᠬᠥᠮᠦᠨ ᠳ᠋ᠦ᠍ ᠨᠥᠬᠥᠷ ᠣᠯᠠᠳᠠᠬᠤ
252 ᠪᠠᠶᠠᠨ ᠬᠥᠮᠦᠨ ᠦ᠌ ᠠᠮᠠ ᠶ᠋ᠢ ᠪᠤᠤ ᠬᠠᠷᠠ
ᠪᠤᠰᠤᠳ ᠤ᠋ᠨ ᠲᠤᠰᠠ ᠶ᠋ᠢ ᠪᠦᠦ ᠮᠠᠷᠲᠠ
253 ᠪᠠᠶᠠᠨ ᠬᠥᠮᠦᠨ ᠦ᠌ ᠪᠠᠬᠠ ᠶᠡᠬᠡ
ᠬᠣᠭᠣᠰᠣᠨ ᠬᠥᠮᠦᠨ ᠦ᠌ ᠵᠣᠪᠠᠯᠠᠩ ᠶᠡᠬᠡ
254 ᠪᠠᠶᠠᠨ ᠬᠥᠮᠦᠨ ᠦ᠌ ᠭᠠᠷ ᠠ᠋ᠴᠠ ᠶᠠᠭᠤᠮᠠ ᠠᠪᠬᠤ
ᠪᠠᠷᠰ ᠤ᠋ᠨ ᠠᠮᠠᠨ ᠠ᠋ᠴᠠ ᠮᠢᠬᠠ ᠠᠪᠬᠤ ᠠᠳᠠᠯᠢ
255 ᠪᠠᠶᠠᠨ ᠬᠥᠮᠦᠨ ᠦ᠌ ᠭᠡᠷ ᠲᠦ᠍ ᠪᠢᠯᠳᠠᠤᠴᠢ ᠣᠯᠠᠨ ᠴᠤᠭᠯᠠᠨᠠ
ᠪᠠᠭᠠᠷᠠᠩ ᠬᠥᠮᠦᠨ ᠦ᠌ ᠬᠣᠢᠨᠠ ᠠ᠋ᠴᠠ ᠨᠣᠬᠠᠢ ᠶᠡᠬᠡ ᠳᠠᠭᠠᠨᠠ
256 ᠪᠠᠶᠠᠨ ᠬᠥᠮᠦᠨ ᠦ᠌ ᠢᠷᠦᠭᠡᠯ
ᠪᠠᠷᠯᠤᠭ ᠤ᠋ᠨ ᠴᠢᠬᠢᠨ ᠳ᠋ᠦ᠍ ᠬᠠᠷᠢᠶᠠᠯ
257 ᠪᠠᠶᠠᠨ ᠬᠥᠮᠦᠨ ᠦ᠌ ᠬᠠᠷᠠᠮ ᠦᠭᠡᠢ ᠨᠢ ᠡᠷᠳᠡᠮ
ᠶᠠᠳᠠᠭᠤ ᠬᠥᠮᠦᠨ ᠦ᠌ ᠰᠢᠨᠤᠯ ᠦᠭᠡᠢ ᠨᠢ ᠡᠷᠳᠡᠮ
258 ᠪᠠᠶᠠᠨ ᠶᠠᠪᠤᠬᠤ ᠳ᠋ᠤ᠌ ᠪᠦᠭᠦᠳᠡᠭᠡᠷ ᠰᠠᠳᠤᠨ
ᠪᠠᠷᠠᠭᠳᠠᠭᠠᠳ ᠢᠷᠡᠬᠦ ᠳ᠋ᠦ᠍ ᠪᠦᠭᠦᠳᠡᠭᠡᠷ ᠳᠠᠢᠰᠤᠨ
259 ᠪᠠᠶᠠᠨ ᠳ᠋ᠤ᠌ ᠭᠡᠷ ᠥᠩᠭᠡ ᠲᠡᠢ
ᠤᠬᠠᠭᠠᠨᠲᠠᠨ ᠳ᠋ᠤ᠌ ᠡᠷᠳᠡᠮ ᠥᠩᠭᠡ ᠲᠡᠢ
260 ᠪᠠᠶᠠᠨ ᠢ᠋ ᠲᠤᠷᠠᠲᠠᠯᠠ
ᠶᠠᠳᠠᠭᠤ ᠨᠢ ᠦᠬᠦᠨᠡ
261 ᠪᠠᠶᠠᠷᠯᠠᠬᠤ ᠳ᠋ᠤ᠌ ᠵᠣᠪᠠᠯᠠᠩ ᠳᠠᠭᠠᠳᠠᠭ
ᠪᠠᠰᠤᠬᠤ ᠳ᠋ᠤ᠌ ᠪᠡᠷᠬᠡ ᠤᠴᠠᠷᠠᠳᠠᠭ
262 ᠪᠡᠶᠡ ᠥᠲᠡᠯᠪᠡᠴᠦ
ᠰᠠᠨᠠᠭᠠ ᠥᠲᠡᠯᠬᠦ ᠦᠭᠡᠢ
263 ᠪᠡᠶᠡ ᠶ᠋ᠢᠨ ᠠᠮᠤᠷ ᠢ᠋ ᠪᠤᠤ ᠬᠠᠷᠠ
ᠪᠤᠰᠤᠳ ᠲᠤ ᠲᠤᠰᠠᠯᠠᠬᠤ ᠶ᠋ᠢ ᠪᠤᠤ ᠮᠠᠷᠲᠠ
264 ᠪᠡᠶᠡ ᠪᠡᠨ ᠵᠠᠯᠠᠭᠤ ᠠ᠋ᠴᠠ ᠨᠢ
ᠬᠤᠪᠴᠠᠰᠤ ᠪᠠᠨ ᠰᠢᠨᠡ ᠡᠴᠡ ᠨᠢ
265 ᠪᠡᠶᠡ ᠶ᠋ᠢᠨ ᠪᠥᠬᠡ ᠪᠡᠷ ᠨᠢᠭᠡ ᠶ᠋ᠢ ᠳᠠᠪᠠᠨᠠ
ᠪᠢᠯᠢᠭ ᠦ᠋ᠨ ᠪᠥᠬᠡ ᠪᠡᠷ ᠣᠯᠠᠨ ᠢ᠋ ᠳᠠᠪᠠᠨᠠ
266 ᠪᠡᠶᠡ ᠪᠡᠨ ᠵᠠᠰᠠᠭᠠᠳ ᠭᠡᠷ ᠢ᠋ᠶ᠋ᠡᠨ ᠵᠠᠰᠠ
ᠭᠡᠷ ᠢ᠋ᠶ᠋ᠡᠨ ᠵᠠᠰᠠᠭᠠᠳ ᠲᠥᠷᠥ ᠪᠡᠨ ᠵᠠᠰᠠ
267 ᠪᠢᠯᠠᠭᠤ ᠪᠠᠷ ᠵᠠᠨᠴᠢᠬᠤ ᠳ᠋ᠤ᠌ ᠢᠨᠢᠶᠡᠬᠦ
ᠪᠤᠯᠠᠭᠠ ᠪᠠᠷ ᠢᠯᠢᠬᠦ ᠳ᠋ᠦ᠍ ᠤᠬᠢᠯᠠᠬᠤ
268 ᠪᠢᠯᠡᠭᠦᠨ ᠳ᠋ᠦ᠍ ᠣᠢᠷᠠᠳᠤᠭᠠ ᠦᠭᠡᠢ ᠬᠢᠲᠤᠭᠠᠨ ᠤ᠋ ᠢᠷ
ᠪᠡᠯᠴᠢᠭᠡᠷ ᠲᠦ᠍ ᠣᠢᠷᠠᠲᠤᠭᠠ ᠦᠭᠡᠢ ᠮᠠᠯ ᠤ᠋ᠨ ᠮᠢᠬᠠ
269 ᠪᠢᠴᠢᠭ ᠦᠭᠡᠢ ᠶ᠋ᠢᠨ ᠮᠡᠳᠡᠯᠭᠡ ᠬᠣᠮᠰᠠ
ᠪᠢᠯᠳᠠᠤᠴᠢ ᠬᠥᠮᠥᠨ ᠦ ᠬᠡᠷᠡᠭ ᠮᠤᠬᠤᠰ
270 ᠪᠣᠭᠳᠠ ᠪᠤᠷᠬᠠᠨ ᠪᠣᠯᠪᠠᠴᠤ ᠡᠬᠡ ᠡᠴᠡ ᠲᠥᠷᠥᠳᠡᠭ
ᠪᠤᠤᠷᠠ ᠪᠦᠳᠦᠭᠦᠨ ᠪᠣᠯᠪᠠᠴᠤ ᠢᠩᠭᠡᠨ ᠡᠴᠡ ᠲᠥᠷᠥᠳᠡᠭ
271 ᠪᠣᠳᠣᠯᠭᠠ ᠦᠭᠡᠢ ᠬᠥᠮᠦᠨ ᠦ᠌ ᠨᠣᠢᠷ ᠦᠯᠡᠮᠵᠢ
ᠪᠣᠯᠭᠣᠮᠵᠢ ᠦᠭᠡᠢ ᠬᠥᠮᠦᠨ ᠦ᠌ ᠠᠯᠳᠠᠰ ᠦᠯᠡᠮᠵᠢ
272 ᠪᠣᠳᠣᠭᠠᠳ ᠪᠣᠳᠣᠭᠠᠳ
ᠪᠤᠲᠠ ᠶ᠋ᠢᠨ ᠰᠢᠭᠢᠷᠡ ᠳᠥᠷᠪᠡ
273 ᠪᠣᠯᠭᠤᠭᠠᠭᠠᠳ ᠶᠠᠪᠤᠪᠠᠯ ᠣᠰᠣᠯ ᠦᠭᠡᠢ
ᠪᠣᠯᠭᠣᠭᠠᠳ ᠢᠳᠡᠪᠡᠯ ᠠᠶᠤᠯ ᠦᠭᠡᠢ
274 ᠪᠣᠯᠭᠣᠮᠵᠢ ᠦᠭᠡᠢ ᠡᠮᠴᠢ ᠡᠴᠡ
ᠪᠤᠴᠠᠯᠭᠠᠭᠰᠠᠨ ᠤᠰᠤ ᠳᠡᠭᠡᠷᠡ
275 ᠪᠣᠯᠭᠣᠮᠵᠢ ᠦᠭᠡᠢ ᠶᠠᠪᠤᠳᠠᠯ ᠠ᠋ᠴᠠ ᠭᠠᠢ ᠭᠠᠷᠤᠨᠠ
ᠪᠣᠯᠴᠢᠮ ᠦᠭᠡᠢ ᠶᠠᠷᠢᠶᠠᠨ ᠠ᠋ᠴᠠ ᠴᠤᠤ ᠲᠠᠷᠬᠠᠨᠠ
276 ᠪᠣᠯᠵᠣᠮᠣᠷ ᠰᠢᠪᠠᠭᠤ ᠪᠤᠲᠠ ᠪᠤᠷᠭᠠᠰᠤ ᠪᠠᠨ ᠮᠠᠷᠲᠠᠬᠤ ᠦᠭᠡᠢ
ᠪᠤᠭᠤ ᠭᠥᠷᠥᠭᠡᠰᠦ ᠪᠤᠯᠠᠭ ᠤᠰᠤ ᠪᠠᠨ ᠮᠠᠷᠲᠠᠬᠤ ᠦᠭᠡᠢ
277 ᠪᠣᠯᠤᠭᠠ ᠦᠭᠡᠢ ᠢᠳᠡᠭᠡ ᠶ᠋ᠢ ᠢᠳᠡᠬᠦ ᠭᠡᠵᠦ ᠪᠦᠦ ᠶᠠᠷᠢ
ᠪᠣᠯᠪᠠᠰᠤᠷᠠᠭᠠ ᠦᠭᠡᠢ ᠶᠠᠪᠤᠳᠠᠯ ᠢ᠋ ᠬᠢᠬᠦ ᠭᠡᠵᠦ ᠪᠦᠦ ᠶᠠᠷᠢ
278 ᠪᠣᠯᠤᠭᠠ ᠦᠭᠡᠢ ᠮᠢᠬᠠ ᠢᠳᠡᠪᠡᠯ ᠬᠣᠳᠣᠭᠣᠳᠣᠨ ᠳ᠋ᠤ᠌ ᠬᠡᠮ ᠲᠡᠢ
ᠪᠣᠯᠬᠤ ᠦᠭᠡᠢ ᠦᠭᠡ ᠬᠡᠯᠡᠪᠡᠯ ᠥᠪᠡᠷ ᠲᠦ᠍ ᠬᠡᠮ ᠲᠡᠢ
279 ᠪᠣᠯᠤᠭᠰᠠᠨ ᠢᠳᠡᠭᠡᠨ ᠡᠴᠡ ᠪᠦᠦ ᠵᠠᠢᠯᠠ
ᠪᠣᠯᠣᠰᠢ ᠦᠭᠡᠢ ᠬᠥᠮᠦᠨ ᠦ᠌ ᠦᠭᠡᠨ ᠳ᠋ᠦ᠍ ᠪᠦᠦ ᠣᠷᠣ
280 ᠪᠣᠭᠣᠯ ᠬᠥᠮᠦᠨ ᠳ᠋ᠦ᠍ ᠨᠣᠶᠠᠨ ᠣᠯᠠᠨ
ᠪᠣᠭᠲᠣᠰ ᠤ᠋ᠨ ᠮᠢᠬᠠᠨ ᠳ᠋ᠤ᠌ ᠰᠢᠷᠪᠥᠰᠥ ᠣᠯᠠᠨ
281 ᠪᠣᠣᠬᠠᠢ ᠶ᠋ᠢᠨ ᠲᠦᠷᠦᠭᠦᠨ ᠳ᠋ᠦ᠍ ᠬᠡᠷᠢᠶᠡ
ᠪᠣᠷᠣᠭᠠᠨ ᠤ᠋ ᠡᠮᠦᠨᠡ ᠰᠠᠯᠬᠢ
282 ᠪᠣᠷᠣ ᠭᠡᠷ ᠲᠡᠭᠡᠨ ᠪᠣᠭᠳᠠ
ᠬᠠᠷᠠ ᠭᠡᠷ ᠲᠡᠭᠡᠨ ᠬᠠᠭᠠᠨ
283 ᠪᠣᠷᠣᠭᠠ ᠣᠷᠣᠭᠰᠠᠨ ᠭᠠᠵᠠᠷ ᠴᠢᠭᠢᠭ ᠲᠡᠢ
ᠪᠣᠷᠳᠣᠭᠤᠷ ᠬᠢᠭᠰᠡᠨ ᠭᠠᠵᠠᠷ ᠰᠢᠮᠡ ᠲᠡᠢ
284 ᠪᠣᠷᠣᠭᠠ ᠲᠠᠢ ᠪᠣᠯᠪᠠᠴᠤ ᠪᠣᠯᠵᠣᠭᠠᠨ ᠳ᠋ᠠᠭᠠᠨ
ᠬᠤᠷᠠ ᠲᠠᠢ ᠪᠣᠯᠪᠠᠴᠤ ᠬᠤᠭᠤᠴᠠᠭᠠᠨ ᠳ᠋ᠠᠭᠠᠨ
285 ᠪᠣᠰᠤᠭᠠ ᠭᠡᠢᠴᠢᠨ ᠢ᠋ ᠵᠣᠴᠢᠯᠠᠬᠤ ᠳ᠋ᠤ᠌ ᠪᠡᠷᠬᠡ
ᠪᠣᠰᠬᠠᠳᠠᠭ ᠮᠣᠷᠢ ᠶ᠋ᠢ ᠤᠨᠤᠬᠤ ᠳ᠋ᠤ᠌ ᠪᠡᠷᠬᠡ
286 ᠪᠥᠬᠡ ᠦᠭᠡᠢ ᠭᠠᠵᠠᠷ ᠣᠩᠭᠣᠳ ᠭᠠᠯᠵᠠᠭᠤᠷᠠᠵᠤ
ᠪᠤᠬᠠ ᠦᠭᠡᠢ ᠭᠠᠵᠠᠷ ᠱᠠᠷ ᠭᠠᠯᠵᠠᠭᠤᠷᠠᠬᠤ
287 ᠪᠥᠭᠡᠷᠡ ᠪᠡᠨ ᠪᠥᠭᠰᠡᠨ ᠳ᠋ᠡᠭᠡᠨ
ᠴᠠᠷ ᠢ᠋ᠶ᠋ᠠᠨ ᠴᠡᠭᠡᠵᠢᠨ ᠳ᠋ᠡᠭᠡᠨ
288 ᠪᠥᠭᠡᠰᠦᠨ ᠳ᠋ᠦ᠍ ᠰᠦᠬᠡ
ᠪᠦᠯᠡᠭᠡᠨ ᠳ᠋ᠦ᠍ ᠵᠢᠳᠠ
289 ᠪᠥᠬᠡ ᠬᠥᠮᠦᠨ
ᠪᠦᠳᠦᠭᠦᠨ ᠡᠪᠡᠰᠦᠨ ᠳ᠋ᠦ᠍
290 ᠪᠥᠬᠡ ᠶ᠋ᠢᠨ ᠳᠡᠭᠡᠷᠡ ᠪᠥᠬᠡ
ᠡᠷᠡ ᠶ᠋ᠢᠨ ᠳᠡᠭᠡᠷᠡ ᠡᠷᠡ
291 ᠪᠣᠳᠣᠭᠠᠴᠢ ᠪᠣᠳᠣᠭᠠᠴᠢ ᠭᠡᠬᠦᠯᠡᠷ
ᠰᠠᠬᠠᠯ ᠢ᠋ᠶ᠋ᠠᠨ ᠪᠣᠳᠣᠬᠤ
292 ᠪᠣᠳᠣᠭ ᠤ᠋ᠨ ᠦᠵᠦᠭᠦᠷ ᠬᠦᠷᠦᠭᠡ ᠦᠭᠡᠢ ᠬᠠᠳᠠᠭ
ᠪᠤᠵᠠᠷ ᠤ᠋ᠨ ᠦᠵᠦᠭᠦᠷ ᠬᠦᠷᠦᠭᠡ ᠦᠭᠡᠢ ᠰᠦ
293 ᠪᠤᠵᠠᠷ ᠠᠷᠭᠠ ᠪᠠᠷ ᠣᠯᠤᠭᠰᠠᠨ
ᠪᠤᠯᠠᠭᠠ ᠨᠥᠮᠥᠷᠴᠦ ᠶᠠᠪᠤᠭᠰᠠᠨ ᠠ᠋ᠴᠠ
ᠠᠷᠢᠭᠤᠨ ᠬᠥᠯᠥᠰᠥ ᠪᠡᠷ ᠢ᠋ᠶ᠋ᠡᠨ ᠣᠯᠤᠭᠰᠠᠨ
ᠠᠳᠠᠰᠬᠠ ᠨᠥᠮᠥᠷᠴᠦ ᠶᠠᠪᠤᠭᠰᠠᠨ ᠨᠢ ᠳᠡᠭᠡᠷᠡ
294 ᠪᠤᠵᠠᠭᠠᠢ ᠳᠡᠭᠡᠷᠡᠩᠭᠦᠢ ᠪᠦᠦ ᠵᠠᠩᠨᠠ
ᠪᠤᠵᠠᠷ ᠬᠢᠯᠢᠨᠴᠡ ᠶ᠋ᠢ ᠪᠦᠦ ᠡᠭᠦᠰᠬᠡ
295 ᠪᠤᠯᠠᠭ ᠪᠤᠯᠠᠭ ᠤ᠋ᠨ ᠤᠰᠤ ᠣᠨᠳᠣᠣ
ᠭᠠᠵᠠᠷ ᠭᠠᠵᠠᠷ ᠤ᠋ᠨ ᠵᠠᠩᠰᠢᠯ ᠣᠨᠳᠣᠣ
296 ᠪᠤᠯᠭᠤᠷᠠᠭᠰᠠᠨ ᠴᠢᠯᠠᠭᠤ ᠪᠤᠴᠠᠭᠠᠳ
ᠪᠠᠢᠷᠢᠨ ᠳ᠋ᠠᠭᠠᠨ ᠪᠠᠭᠲᠠᠬᠤ ᠦᠭᠡᠢ
297 ᠪᠤᠯᠠᠭ ᠤ᠋ᠨ ᠤᠰᠤ ᠣᠷᠬᠢᠪᠠᠴᠤ ᠬᠦᠢᠲᠡᠨ
ᠪᠤᠷᠤᠭᠤ ᠰᠠᠨᠠᠭᠠ ᠢᠨᠢᠶᠡᠪᠡᠴᠦ ᠬᠤᠳᠠᠯ
298 ᠪᠤᠯᠠᠭ ᠤ᠋ᠨ ᠤᠰᠤ ᠶ᠋ᠢ ᠳᠠᠷᠤᠵᠤ ᠪᠣᠯᠬᠤ ᠦᠭᠡᠢ
ᠪᠤᠶᠠᠨ ᠲᠠᠢ ᠬᠥᠮᠦᠨ ᠢ᠋ ᠪᠤᠯᠠᠵᠤ ᠪᠣᠯᠬᠤ ᠦᠭᠡᠢ
299 ᠪᠤᠯᠠᠭ ᠤ᠋ᠨ ᠡᠬᠢ ᠨᠢ ᠲᠤᠩᠭᠠᠯᠠᠭ ᠪᠣᠯ
ᠠᠳᠠᠭ ᠨᠢ ᠮᠥᠨ ᠲᠤᠩᠭᠠᠯᠠᠭ
300 ᠪᠤᠯᠲᠤ ᠪᠠᠷ ᠢ᠋ᠶ᠋ᠠᠨ( ᠨᠡᠢᠲᠡ ᠪᠡᠷ ᠢ᠋ᠶ᠋ᠡᠨ) ᠴᠢᠷᠮᠠᠢᠪᠠᠯ
ᠪᠦᠲᠦᠬᠦ ᠦᠭᠡᠢ ᠶᠠᠪᠤᠳᠠᠯ ᠦᠭᠡᠢ
301 ᠪᠤᠮᠠᠨ ᠲᠠᠮᠠᠭᠠ ᠪᠠᠨ ᠳᠠᠷᠤᠭᠰᠠᠨ ᠪᠠᠶᠠᠨ ᠠ᠋ᠴᠠ
ᠪᠣᠳᠣᠯᠭᠠ ᠮᠡᠷᠭᠡᠨ ᠲᠡᠢ ᠭᠤᠢᠷᠠᠨᠴᠢᠨ ᠳᠡᠭᠡᠷᠡ
302 ᠪᠤᠮᠠᠨ ᠬᠡᠷᠡᠭ ᠦ᠋ᠨ ᠪᠣᠭᠣᠮᠲᠠ ᠨᠢ ᠨᠢᠭᠡ
ᠲᠦᠮᠡᠨ ᠬᠡᠷᠡᠭ ᠦ᠋ᠨ ᠲᠣᠪᠴᠢ ᠨᠢ ᠨᠢᠭᠡ
303 ᠪᠤᠷᠤᠭᠤ ᠵᠠᠮ ᠢ᠋ᠶ᠋ᠠᠷ ᠪᠤᠳᠠᠭᠠ ᠲᠡᠭᠡᠭᠡᠪᠡᠯ
ᠪᠤᠴᠠᠬᠤ ᠵᠠᠮ ᠳ᠋ᠠᠭᠠᠨ ᠰᠢᠷᠣᠢ ᠲᠡᠭᠡᠭᠡᠨᠡ
304 ᠪᠤᠷᠤᠭᠤ ᠨᠣᠮᠲᠠᠨ ᠠ᠋ᠴᠠ ᠤᠷᠰᠢᠭ ᠲᠠᠰᠤᠷᠠᠬᠤ ᠦᠭᠡᠢ
ᠪᠤᠵᠠᠷ ᠶᠠᠭᠤᠮᠠᠨ ᠠ᠋ᠴᠠ ᠢᠯᠠᠭᠠ ᠲᠠᠰᠤᠷᠠᠬᠤ ᠦᠭᠡᠢ
305 ᠪᠤᠷᠤᠭᠤ ᠥᠰᠬᠡᠭᠰᠡᠨ ᠬᠡᠦᠬᠡᠳ
ᠪᠤᠬᠠ ᠶ᠋ᠢᠨ ᠬᠦᠵᠦᠭᠦᠨ ᠡᠴᠡ ᠬᠠᠲᠠᠭᠤ
306 ᠪᠤᠷᠤᠭᠤ ᠰᠠᠨᠠᠭᠠ ᠲᠠᠢ ᠬᠥᠮᠦᠨ ᠦ᠌ ᠳᠣᠲᠣᠷᠠ
ᠪᠤᠯᠤ ᠬᠠᠷᠠ ᠴᠢᠯᠠᠭᠤ
ᠰᠠᠢᠬᠠᠨ ᠰᠠᠨᠠᠭᠠ ᠲᠠᠢ ᠬᠥᠮᠦᠨ ᠦ᠌ ᠳᠣᠲᠣᠷᠠ
ᠰᠠᠷᠠ ᠨᠠᠷᠠ
307 ᠪᠤᠷᠤᠭᠤ ᠬᠠᠷᠠᠭᠰᠠᠨ ᠨᠦᠬᠡᠨ ᠳ᠋ᠦ᠍
ᠨᠠᠷᠠᠨ ᠤ᠋ ᠭᠡᠷᠡᠯ ᠲᠣᠰᠳᠠᠭ ᠦᠭᠡᠢ
ᠪᠤᠷᠤᠭᠤ ᠰᠠᠨᠠᠭᠠ ᠲᠠᠢ ᠬᠥᠮᠦᠨ ᠳ᠋ᠦ᠍
ᠪᠤᠶᠠᠨ ᠤ᠋ ᠭᠡᠷᠡᠯ ᠲᠣᠰᠳᠠᠭ ᠦᠭᠡᠢ
308 ᠪᠤᠷᠤᠭᠤ ᠶᠠᠭᠤᠮᠠ ᠶ᠋ᠢ ᠪᠤᠤ ᠥᠮᠥᠭᠡᠷᠡ
ᠪᠤᠰᠤᠳ ᠤ᠋ᠨ ᠶᠠᠭᠤᠮᠠᠨ ᠳ᠋ᠤ᠌ ᠪᠤᠤ ᠰᠢᠨᠤ
309 ᠪᠤᠷᠤᠭᠤ ᠶᠠᠪᠤᠳᠠᠯ ᠢ᠋
ᠪᠤᠷᠬᠠᠨ ᠲᠩᠷᠢ ᠴᠦ᠍ ᠲᠠᠭᠠᠯᠠᠬᠤ ᠦᠭᠡᠢ
310 ᠪᠤᠷᠤᠭᠤ ᠳ᠋ᠤ᠌ ᠨᠢᠳᠦ ᠬᠤᠷᠴᠠ
ᠪᠣᠯᠤᠭᠰᠠᠨ ᠳ᠋ᠤ᠌ ᠰᠢᠳᠦ ᠬᠤᠷᠴᠠ
311 ᠪᠤᠷᠬᠠᠨ ᠦᠭᠡᠢ ᠭᠠᠵᠠᠷ ᠪᠤᠭ ᠣᠯᠠᠨ
ᠪᠤᠶᠠᠨ ᠲᠠᠢ ᠭᠠᠵᠠᠷ ᠨᠢᠭᠦᠯ ᠣᠯᠠᠨ
312 ᠪᠤᠷᠬᠠᠨ ᠦᠭᠡᠢ ᠭᠠᠵᠠᠷ ᠤ᠋ᠨ ᠪᠤᠭ ᠭᠠᠯᠵᠠᠭᠤᠷᠠᠬᠤ
ᠪᠤᠬᠠ ᠦᠭᠡᠢ ᠭᠠᠵᠠᠷ ᠤ᠋ᠨ ᠱᠠᠷ ᠭᠠᠯᠵᠠᠭᠤᠷᠠᠬᠤ
313 ᠪᠣᠭᠳᠠ ᠰᠢᠲᠦᠭᠡᠨ ᠢ᠋ᠶ᠋ᠡᠨ ᠢᠲᠡᠭᠡᠭᠰᠡᠭᠡᠷ ᠡᠪᠡᠳᠴᠢᠨ ᠳ᠋ᠦ᠍ ᠠᠪᠲᠠᠬᠤ
ᠪᠤᠬᠠ ᠮᠠᠯ ᠳ᠋ᠠᠭᠠᠨ ᠢᠲᠡᠭᠡᠭᠰᠡᠭᠡᠷ ᠦᠨᠢᠶᠡ ᠪᠡᠨ ᠬᠤᠰᠠᠷᠠᠭᠠᠬᠤ
314 ᠪᠤᠷᠲᠠᠭ ᠢ᠋ᠶ᠋ᠠᠨ ᠤᠬᠢᠶᠠᠪᠠᠯ ᠴᠡᠪᠡᠷ ᠪᠣᠯᠤᠨᠠ
ᠪᠤᠷᠤᠭᠤ ᠪᠠᠨ ᠬᠠᠯᠠᠪᠠᠯ ᠨᠥᠬᠥᠷ ᠪᠣᠯᠤᠨᠠ
315 ᠪᠤᠰᠤᠳ ᠢ᠋ ᠡᠯᠡᠭᠯᠡᠬᠦ ᠡᠴᠡ ᠤᠷᠢᠳ
ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠪᠡᠶᠡ ᠶ᠋ᠢ ᠰᠢᠨᠵᠢ
316 ᠪᠠᠭᠤᠷᠠᠢ ᠳᠠᠢᠰᠤᠨ ᠢ᠋ ᠪᠤᠤ ᠪᠠᠰᠤ
ᠪᠠᠯᠠᠮᠠᠳ ᠳᠠᠢᠰᠤᠨ ᠠ᠋ᠴᠠ ᠪᠤᠤ ᠠᠶᠤ
317 ᠪᠤᠭᠤᠷᠤᠯ ᠠ᠋ᠴᠠ ᠦᠭᠡ ᠲᠤᠭᠤᠯ
ᠪᠣᠯᠤᠭᠰᠠᠨ ᠢᠳᠡᠭᠡᠨ ᠡᠴᠡ ᠠᠮᠠ ᠬᠥᠷ
318 ᠪᠤᠬᠠ ᠥᠲᠡᠯᠪᠡᠴᠦ ᠪᠢᠷᠠᠭᠤᠨ ᠳ᠋ᠠᠭᠠᠨ ᠵᠥᠪ
ᠴᠢᠨᠣᠠ ᠥᠲᠡᠯᠪᠡᠴᠦ ᠢᠰᠢᠭᠡᠨ ᠳ᠋ᠡᠭᠡᠨ ᠵᠥᠪ
319 ᠪᠤᠬᠠ ᠥᠲᠡᠯᠪᠡᠯ ᠪᠢᠷᠠᠭᠤᠨ ᠤ᠋ ᠳᠣᠭᠣᠭᠢ
ᠬᠥᠮᠦᠨ ᠬᠥᠭᠰᠢᠷᠡᠪᠡᠯ ᠬᠡᠦᠬᠡᠳ ᠦ᠋ᠨ ᠳᠣᠭᠣᠭᠢ
320 ᠪᠤᠴᠠᠬᠤ ᠪᠡᠷᠢ ᠳ᠋ᠦ᠍
ᠦᠨᠢᠶᠡ ᠨᠡᠢᠯᠡᠬᠦ ᠬᠠᠮᠢᠶᠠ ᠦᠭᠡᠢ
321 ᠪᠤᠴᠠᠬᠤ ᠰᠢᠪᠠᠭᠤ ᠶ᠋ᠢ ᠭᠠᠷᠤᠨ ᠪᠦᠦ ᠬᠠᠷᠠ
ᠢᠷᠡᠬᠦ ᠰᠢᠪᠠᠭᠤ ᠶ᠋ᠢ ᠬᠠᠷᠠᠨ ᠪᠦᠦ ᠣᠷᠣ
322 ᠪᠤᠴᠠᠬᠤ ᠪᠠᠨ ᠪᠣᠳᠣᠭᠰᠠᠨ ᠡᠬᠡᠨᠡᠷ ᠦ᠋ᠨ ᠴᠢᠷᠠᠢ ᠬᠦᠢᠲᠡᠨ
ᠪᠤᠷᠭᠢᠯᠵᠤ ᠪᠤᠴᠠᠯᠤᠭᠰᠠᠨ ᠴᠠᠢ ᠶ᠋ᠢᠨ ᠠᠭᠤᠷ ᠨᠣᠢᠲᠠᠨ
323 ᠪᠣᠰᠢᠭᠣ ᠲᠠᠤᠯᠠᠢ
ᠪᠣᠷᠪᠢᠨ ᠳ᠋ᠠᠭᠠᠨ ᠪᠠᠭᠠᠰᠤ ᠲᠠᠢ
324 ᠪᠤᠶᠠᠨ ᠢ᠋ᠶ᠋ᠠᠨ ᠪᠠᠷᠠᠵᠤ
ᠪᠤᠵᠠᠷ ᠢ᠋ ᠬᠠᠢᠬᠤ
325 ᠪᠤᠶᠠᠨ ᠦᠭᠡᠢ ᠬᠥᠮᠦᠨ ᠳ᠋ᠦ᠍ ᠪᠤᠷᠬᠠᠨ ᠬᠣᠯᠠ
ᠰᠦᠰᠦᠭ ᠦᠭᠡᠢ ᠬᠥᠮᠦᠨ ᠳ᠋ᠦ᠍ ᠰᠦᠮᠡ ᠬᠣᠯᠠ
326 ᠪᠤᠶᠠᠨ ᠲᠠᠢ ᠰᠠᠨᠠᠭᠠᠨ ᠠ᠋ᠴᠠ ᠪᠦᠦ ᠬᠣᠯᠠᠳ
ᠪᠣᠳᠢ ᠰᠡᠳᠬᠢᠯ ᠢ᠋ ᠪᠦᠦ ᠮᠠᠷᠲᠠ
327 ᠪᠤᠶᠠᠨ ᠲᠠᠢ ᠬᠥᠮᠦᠨ ᠳ᠋ᠦ᠍ ᠪᠤᠷᠬᠠᠨ ᠪᠥᠬᠥᠢᠨᠡ
ᠪᠤᠶᠠᠨ ᠦᠭᠡᠢ ᠬᠥᠮᠦᠨ ᠢ᠋ ᠪᠤᠭ ᠬᠦᠯᠢᠶᠡᠨᠡ
328 ᠪᠦᠭᠦᠳᠡ ᠶ᠋ᠢᠨ ᠡᠬᠢ — ᠡᠬᠡ
ᠪᠦᠲᠦᠭᠡᠬᠦ ᠶ᠋ᠢᠨ ᠡᠬᠢ — ᠡᠪ
329 ᠪᠦᠭᠦᠳᠡᠭᠡᠷ ᠬᠡᠯᠡᠯᠴᠡᠪᠡᠯ ᠪᠤᠷᠤᠭᠤ ᠦᠭᠡᠢ
ᠪᠦᠯᠢᠶᠡᠨ ᠤᠰᠤ ᠪᠠᠷ ᠤᠬᠢᠶᠠᠪᠠᠯ ᠬᠬᠢᠷ ᠦᠭᠡᠢ
330 ᠪᠦᠳᠦᠷᠢᠭᠰᠡᠨ ᠮᠣᠷᠢᠨ ᠳ᠋ᠤ᠌ ᠳᠣᠪᠣ ᠣᠯᠠᠨ
ᠵᠦᠳᠡᠷᠡᠭᠰᠡᠨ ᠬᠥᠮᠦᠨ ᠳ᠋ᠦ᠍ ᠭᠠᠵᠠᠷ ᠬᠣᠯᠠ
331 ᠪᠦᠷᠬᠦᠭ ᠰᠥᠨᠢ ᠪᠡᠷ ᠲᠥᠭᠡᠷᠢᠵᠦ ᠮᠡᠳᠡᠨᠡ
ᠪᠦᠲᠦᠯ ᠦᠭᠡᠢ ᠶᠠᠪᠤᠪᠠᠯ ᠵᠦᠳᠡᠷᠡᠵᠦ ᠮᠡᠳᠡᠨᠡ
332 ᠪᠦᠰᠡᠭᠦᠢ ᠬᠥᠮᠦᠨ ᠳ᠋ᠦ᠍ ᠠᠷᠢᠬᠢ ᠵᠣᠬᠢᠬᠤ ᠦᠭᠡᠢ
ᠪᠦᠳᠦᠭᠦᠨ ᠭᠡᠭᠦᠦ ᠳ᠋ᠦ᠍ ᠡᠮᠡᠭᠡᠯ ᠵᠣᠬᠢᠬᠤ ᠦᠭᠡᠢ
333 ᠪᠦᠲᠦᠯ ᠦᠭᠡᠢ ᠯᠠᠮᠠ ᠶ᠋ᠢᠨ
ᠪᠦᠷᠢᠶᠡ ᠨᠢ ᠬᠠᠭᠠᠷᠬᠠᠢ
334 ᠪᠦᠲᠦᠭᠡᠶᠡ ᠭᠡᠪᠡᠯ ᠪᠡᠷᠬᠡ ᠡᠴᠡ ᠪᠦᠦ ᠠᠶᠤ
ᠬᠢᠶᠡ ᠭᠡᠪᠡᠯ ᠬᠡᠯᠡᠬᠦ ᠡᠴᠡ ᠪᠦᠦ ᠠᠶᠤ
335 ᠪᠦᠲᠦᠭᠡᠬᠦ ᠠᠵᠢᠯ ᠳ᠋ᠤ᠌
ᠪᠡᠶᠡ ᠪᠡᠨ ᠪᠦᠦ ᠨᠦᠬᠡ
336 ᠪᠡᠯᠡᠭ ᠦ᠋ᠨ ᠮᠣᠷᠢᠨ ᠤ᠋ ᠰᠢᠲᠦ ᠶ᠋ᠢ ᠦᠵᠡᠳᠡᠭ ᠦᠭᠡᠢ
ᠪᠡᠷᠭᠡᠨ ᠦ᠌ ᠣᠷᠣ ᠶ᠋ᠢ ᠰᠡᠬᠦᠵᠦ ᠬᠠᠷᠠᠳᠠᠭ ᠦᠭᠡᠢ
337 ᠪᠡᠯᠡᠳᠬᠡᠯ ᠰᠠᠢᠲᠠᠢ ᠪᠣᠯ ᠶᠠᠪᠤᠳᠠᠯ ᠪᠦᠲᠦᠨᠡ
ᠪᠢᠯᠡᠭᠦᠦ ᠰᠠᠢᠲᠠᠢ ᠪᠣᠯ ᠬᠢᠲᠤᠭᠠ ᠬᠤᠷᠴᠠᠳᠤᠨᠠ
338 ᠪᠡᠯᠴᠢᠭᠡᠷ ᠰᠠᠢᠲᠠᠢ ᠪᠣᠯ ᠮᠠᠯ ᠲᠠᠷᠭᠤᠨ
ᠪᠡᠬᠡ ᠰᠠᠢᠲᠠᠢ ᠪᠣᠯ ᠪᠢᠴᠢᠭ ᠲᠣᠳᠣᠷᠬᠠᠢ
339 ᠪᠡᠷᠢᠶᠡᠳ ᠦ᠋ᠨ ᠨᠢᠳᠦᠨ ᠳ᠋ᠦ᠍
ᠳᠠᠯᠠᠢ ᠬᠠᠷᠠᠮ
340 ᠪᠡᠷᠬᠡ ᠳ᠋ᠦ᠍ ᠪᠤᠤ ᠴᠢᠬᠤᠯᠳᠠ
ᠬᠢᠯᠪᠠᠷ ᠲᠤ᠌ ᠪᠤᠤ ᠲᠠᠰᠢᠭᠤᠷᠠ
341 ᠪᠢᠯᠳᠠᠤᠴᠢ ᠬᠥᠮᠦᠨ ᠳᠡᠢᠯᠦᠭᠰᠡᠨ ᠲᠠᠯᠠ ᠳ᠋ᠤᠨᠢ
ᠪᠢᠴᠢᠬᠠᠨ ᠬᠡᠦᠬᠡᠳ ᠢᠨᠢᠶᠡᠭᠰᠡᠨ ᠲᠠᠯᠠ ᠳ᠋ᠤᠨᠢ
342 ᠪᠢᠷᠠ ᠪᠠᠨ ᠮᠡᠳᠡᠵᠦ ᠶᠠᠪᠤ
ᠬᠢᠷᠢ ᠪᠡᠨ ᠮᠡᠳᠡᠵᠦ ᠬᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠣᠳᠬᠣᠨᠴᠡᠴᠡᠭ᠂ ᠪᠠᠳᠮᠠᠰᠡᠴᠡᠨ᠂ ᠰᠠᠷᠠᠨᠲᠤᠶᠠᠭᠠ᠂ ᠣᠶᠤᠨᠪᠠᠲᠤ
ᠬᠢᠨᠠᠭᠴᠢ᠄ ᠠᠯᠲᠠᠨᠱᠠ᠂ ᠴᠡᠩᠬᠡᠯᠴᠡᠴᠡᠭ᠂ ᠪᠠᠯ᠂ ᠣᠳᠬᠣᠨᠴᠡᠴᠡᠭ